சென்னை: தமிழகத்தில் நடைபெற உள்ள உள்ளாட்சித் தேர்தலில் போட்டியிடும் 12 மாநகராட்சி வார்டுகளுக்கான அதிமுக வேட்பாளர்களின் பட்டியல் இன்று வெளியிடப்பட்டுள்ளது.
இந்த பட்டியலில் தற்போது மாநகராட்சி மேயராக இருக்கும் 3 பேருக்கு மட்டுமே மீண்டும் போட்டியிட வாய்ப்பு வழங்கப்பட்டுள்ளது.
திருச்சி மாநகராட்சி மேயராக இருக்கும் ஜெயா 41வது வார்டிலும், சேலம் மாநகராட்சி மேயர் சவுண்டப்பன் 56வது வார்டிலும், தஞ்சாவூர் மாநகராட்சியின் மேயர் சாவிரித்ரி கோபல் 23வது வார்டிலும் போட்டியிடுவார்கள் என்று அறிவிக்கப்பட்டுள்ளது.
சென்னை மாநகராட்சி மேயர் சைதை துரைசாமி உட்பட 6 மாநகராட்சி மேயர்களுக்கும் உள்ளாட்சித் தேர்தலில் போட்டியிட வாய்ப்பு மறுக்கப்பட்டுள்ளது அதிமுக வட்டாரத்தில் பெரும் பரபரப்பை ஏற்படுத்தியுள்ளது.