புதுக்கோட்டை மாவட்டம், ஆலங்குடி அருகேயுள்ள நெடுவாசலில் ஹைட்ரோ கார்பன் திட்டத்தை ரத்து செய்ய வலியுறுத்தி சனிக்கிழமை அப்பகுதி பெண்கள் கையில் சூடம் ஏற்றி போராட்டத்தில் ஈடுபட்டனர்.
ஆலங்குடி அருகேயுள்ள நெடுவாசலில் ஹைட்ரோகார்பன் எடுக்கும் திட்டத்தை எதிர்த்து, கடந்த ஏப்.12}ஆம் தேதி அப்பகுதி மக்கள் மீண்டும் போராட்டத்தை தொடங்கினர். தொடர்ந்து, பல்வேறு போராட்டங்களில் மக்கள் ஈடுபட்டு வருகின்றனர்.நெடுவாசல் நாடியம்மன் கோயில் அருகே 123}ஆவது நாளாக சனிக்கிழமை நடைபெற்ற போராட்டத்தில் , திட்டத்தை ரத்து செய்யவும், மத்திய, மாநில அரசுகளை கண்டித்தும் முழக்கங்கள் எழுப்பினர்.
தொடர்ந்து, போராட்டத்தில் பங்கேற்ற பெண்கள் மண்டியிட்டவாறு, கையில் சூடம் ஏற்றி போராட்டத்தில் ஈடுபட்டனர்.