பணிவுக்குப் பணிவு காட்டும் தன்னையே திமுக எம்எல்ஏ புகழேந்தி விஞ்சிவிட்டார் என்று முதல்வர் ஓ.பன்னீர்செல்வம் கூறினார்.
சட்டப் பேரவையில் சட்டத் திருத்தத்தை முன்மொழிந்து புகழேந்தி பேசும்போது, கைகளைக் கட்டிக் கொண்டு பவ்வியமாகப் பேசினார். இதையடுத்து, தனது பதில் உரையில் ஓ.பன்னீர்செல்வம் பேசியதாவது:-
பாலப் பருவத்தில் பள்ளிக்கூடத்தில் இருப்பதுபோல புகழேந்தி அவையில் கையைக் கட்டிக் கொண்டு பேசினார். பணிவுக்குப் பணிவு காட்டும் என்னையே (ஓ.பன்னீர்செல்வம்) விஞ்சிவிட்டார் என்றார்.
புகழேந்தி செய்ததை கேலி செய்யாமல் நகைச்சுவையாகவே முதல்வர் குறிப்பிட்டது அவையில் எம்எல்ஏக்களிடையே சிரிப்பை ஏற்படுத்திவிட்டது.