அதிமுக எம்எல்ஏக்கள் சென்னையிலேயே தங்கியிருக்க வேண்டும்: கொறடா உத்தரவு

சென்னை: அதிமுக எம்எல்ஏக்கள் சென்னையிலேயே தங்கியிருக்க வேண்டும் என்று கொறடா மூலம் உத்தரவு பிறப்பிக்கப்பட்டுள்ளது.
அதிமுக பொதுச் செயலர் வி.கே.சசிகலா தமிழகத்தின் 21வது முதல்வராக நாளை அல்லது வியாழக்கிழமை (பிப்.9) பொறுப்பேற்க உள்ள நிலையில், ஆளுநர் வித்யாசாகர் ராவ் தில்லியில் இருக்கிறார். முதல்வராக சசிகலா பொறுப்பேற்பதில் சில நடைமுறைகள் இருக்கின்றன.
ஆளுநர் தமிழகத்தில் இல்லாத சூழ்நிலையில் அந்த நடைமுறைகளைத் தொடங்க முடியாது. எனவே, அவர் திங்கள் அல்லது செவ்வாய்க்கிழமைகளில் சென்னை திரும்புவார் என்று எதிர்பார்க்கப்படுகிறது. இந்தச் சூழ்நிலையில், அதிமுக எம்எல்ஏக்கள் தங்களது சொந்த ஊர்களுக்கோ, தொகுதிகளுக்கோ உடனடியாகச் செல்ல வேண்டாம் என அரசு கொறடா ராஜேந்திரன் உத்தரவு பிறப்பித்துள்ளதாக அதிமுக வட்டாரங்கள் தெரிவித்துள்ளன.