சென்னை: தமிழக ஆளுநர் வித்யாசாகர் ராவை இன்று மதியம் மீண்டும் சந்தித்த எடப்பாடி பழனிசாமி, தன்னுடன் பதவியேற்கும் அமைச்சரவை பட்டியலை அளித்துள்ளார்.
தமிழக முதல்வராக மிக விரைவில் பதவியேற்குமாறு பழனிசாமிக்கு, ஆளுநர் வித்யாசாகர் ராவ் இன்று காலை அழைப்பு விடுத்தார்.
இதையடுத்து, இன்று மதியம் மீண்டும் ஆளுநர் மாளிகைக்குச் சென்ற பழனிசாமி, ஆளுநரை சந்தித்து தன்னுடன் பதவியேற்கும் புதிய அமைச்சரவை பட்டியலை வழங்கியுள்ளார்.
பழைய அமைச்சரவையே தொடர உள்ளதாகவும், பெரும்பாலான அமைச்சர்களின் பட்டியலில் மாற்றம் இருக்காது என்றும் தகவல்கள் தெரிவிக்கின்றன.
முதல்வராக எடப்பாடி பழனிசாமியுடன் புதிய அமைச்சரவை இன்று மாலை 4 மணிக்கு ஆளுநர் மாளிகையில் பதவியேற்கிறது.