தமிழகம் மற்றும் புதுச்சேரியில் கோடை வெயில் காரணமாக பள்ளிகள் திறக்கும் தேதி ஜூன் 7ஆம் தேதிக்கு தள்ளி வைக்கப்பட்டுள்ளது.
இது குறித்து சென்னையை அடுத்த அம்பத்தூரில் செய்தியாளர்களிடம் பேசிய பள்ளிக்கல்வித் துறை அமைச்சர் செங்கோட்டையன், கோடை வெயில் காரணமாக பள்ளிகள் திறக்கும் தேதி ஜூன் 7ஆம் தேதிக்கு ஒத்திவைக்கப்பட்டுள்ளது.
பள்ளிகள் திறக்கப்படும் அன்றே மாணவர்களுக்கு பாடப் புத்தகங்கள் வழங்கப்படும். தொடர்ந்து ஒரே வாரத்தில் இலவச பஸ் பாஸ் தரவும் ஏற்பாடு செய்யப்பட்டுள்ளது என்றார்.
முன்னதாக ஜூன் 1ஆம் தேதி பள்ளிகள் திறக்கப்படும் என்று அறிவிக்கப்பட்டிருந்த நிலையில் கடும் வெயில் காரணமாக மேலும் ஒரு வாரத்துக்கு தள்ளி வைக்கப்பட்டிருப்பது குறிப்பிடத்தக்கது.
இதையடுத்து, புதுச்சேரியிலும் பள்ளிகள் திறப்பு ஜூன் 7ம் தேதிக்கு ஒத்திவைக்கப்பட்டுள்ளது.