சென்னை: தமிழக அரசின் அடுத்த எதிர்காலம் எப்படி இருக்கும் என்பது குறித்து எம்.ஜி.ஆர். கழக தலைவர் ஆர்.எம். வீரப்பன் கணித்துள்ளார்.
சென்னையில் இன்று செய்தியாளர்களை சந்தித்த ஆர்.எம். வீரப்பனிடம் தமிழக அரசியல் குறித்து சில கேள்விகள் கேட்கப்பட்டன.
அதற்கு பதிலளித்த அவர், உட்கட்சி பூசலால் மற்ற கட்சிகளில் இல்லாத அளவுக்கு அதிமுகவுக்கு மிகுந்த அவமானம் ஏற்பட்டுள்ளது. சட்ட விதிமுறைப்படியே கட்சியின் பொதுச் செயலரை தேர்வு செய்ய வேண்டும்.
தமிழகத்தில் தற்போதைய சூழலில் நடிகர்கள் யாரும் அரசியலுக்கு வர முடியாது. பாஜக தலைமையிலான மத்திய அரசின் முயற்சிகள் எந்த காலத்திலும் பலிக்காது என்று ஆர்.எம். வீரப்பன் கூறியுள்ளார்.
அதோடு, தமிழகத்தின் அடுத்த முதல்வர் திமுக செயல் தலைவர் மு.க. ஸ்டாலின் தான் என்றும் கேள்வி ஒன்றுக்கு பதிலளித்தார்.