மத்திய பாஜக அரசுக்கு எதிராக அரசியல் கட்சிகளை ஒருங்கிணைக்கும் முயற்சியில் ஈடுபட்டு வரும் மேற்கு வங்க முதல்வர் மம்தா பானர்ஜிக்கு திமுக செயல் தலைவர் மு.க.ஸ்டாலின் ஆதரவு தெரிவித்துள்ளார்.
பாஜக, காங்கிரஸýக்கு எதிராக அகில இந்திய அளவில் எதிர்க்கட்சியினரை ஓரணியில் திரட்டும் முயற்சியில் மம்தா பானர்ஜி ஈடுபட்டுள்ளார்.
இதற்காக மாநிலங்களில் உள்ள அரசியல் கட்சித் தலைவர்களை நேரில் சந்தித்தும், தொலைபேசி வாயிலாகவும் அவர் ஆதரவு திரட்டி வருகிறார். அண்மையில் மு.க.ஸ்டாலினிடம் தொலைபேசி வாயிலாக ஆதரவு கேட்டிருந்தார்.
இதுதொடர்பாக மு.க.ஸ்டாலின், தமது சுட்டுரைப் பக்கத்தில் புதன்கிழமை வெளியிட்டுள்ள பதிவில், "மாநில கட்சிகளின் ஒற்றுமைக்காகவும், வலிமையான கூட்டாட்சிக்கும் திமுக எப்போதும் துணை நிற்கும்.
எதேச்சதிகாரத்துடன், ஜனநாயகத்துக்கு விரோதமாகச் செயல்பட்டு வரும் மத்திய பாஜக ஆட்சிக்கு எதிராக பல்வேறு அரசியல் கட்சிகளை ஒருங்கிணைக்கும் முயற்சியில் ஈடுபட்டு வரும் மேற்கு வங்க முதல்வர் மம்தா பானர்ஜிக்கு என்னுடைய ஆதரவு உண்டு' என்று அவர் கூறியுள்ளார்.