திமுக தலைவர், பொருளாளர் தேர்தல் தொடர்பாக முடிவெடுக்க ஆக.28ல் திமுக பொதுக்குழு கூட்டம் நடைபெறும் என்று அக்கட்சியின் பொதுச் செயலாளர் க.அன்பழகன் அறிக்கை வெளியிட்டுள்ளார்.
இதுதொடர்பாக அந்த அறிக்கையில் தெரிவிக்கப்பட்டுள்ளதாவது:
திமுக செயல் தலைவர் மு.க.ஸ்டாலின் தலைமையில் சென்னை அண்ணா அறிவாலயத்தில் ஆகஸ்டு 28-ஆம் தேதி பொதுக்குழுக் கூட்டம் நடைபெறுகிறது. இதில் தேர்ந்தெடுக்கப்பட்ட அனைத்து பொதுக்குழு உறுப்பினர்களும் தவறாமல் கலந்துகொள்ள வேண்டும்.
இந்த பொதுக்கூட்டத்தில் தணிக்கைக் குழு அறிக்கை தொடர்பாக ஆலோசிக்கப்படும். மேலும் திமுக தலைவர், பொருளாளர் தேர்தல் தொடர்பாக முடிவெடுக்கப்படும் என்று குறிப்பிடப்பட்டுள்ளது.