சென்னை: மத்திய பிரதேசம், ராஜஸ்தான் மாநில முதல்வர்கள் பதவியேற்பு விழாவில் திமுக தலைவர் மு.க.ஸ்டாலின் பங்கேற்க உள்ளதாக தகவல் வெளியாகி உள்ளது.
மத்திய பிரதேசம், ராஜஸ்தான் மாநிலங்களில் காங்கிரஸ் வெற்றிபெற்று ஆட்சியைப் பிடித்தது.
மத்திய பிரதேசத்தின் முதல்வராக காங்கிரஸ் மூத்த தலைவரும், முன்னாள் மத்திய அமைச்சருமான கமல்நாத்தும், ராஜஸ்தான் முதல்வராக அசோக் கெலாட்டும் பதவியேற்க உள்ளனர்.
இந்த பதவியேற்பு விழாவில் பாஜகவுக்கு எதிராக செயல்பட்டு வரும் தேசிய தலைவர் சரத்பவார், சரத்யாதவ், மாயாவதி உள்ளிட்டோர் பங்கேற்க உள்ளதாக தகவல் வெளியானது. இந்நிலையில், தமிழக எதிர்க்கட்சி தலைவரும், திமுக தலைவருமான மு.க.ஸ்டாலினும் பங்கேற்க உள்ளதாக தகவல் வெளியாகி உள்ளது.