லண்டன் சென்றுள்ள திமுக செயல் தலைவர் மு.க.ஸ்டாலின் அங்கு விம்பிள்டன் டென்னிஸ் போட்டியை கண்டு ரசித்தார்.
திமுக செயல் தலைவர் மு.க.ஸ்டாலின் அவரது மனைவி துர்காவுடன் ஒரு வார காலப் பயணமாக லண்டன் சென்றுள்ளார். தற்போது அங்கு விம்பிள்டன் டென்னிஸ் போட்டி நடைபெற்று வருகிறது. புல்வெளி மைதானத்தில் நடைபெறும் இந்தப் போட்டி உலகப் புகழ்பெற்றது.
இந்த விளையாட்டை மு.க.ஸ்டாலின் அவா் மனைவியுடன் நேரில் சென்று கண்டு ரசித்தார். தமிழகத்தைச் சேர்ந்த பிரபல டென்னிஸ் வீரர் விஜய் அமிர்தராஜையும் அங்கு மு.க.ஸ்டாலின் சந்தித்துப் பேசினார்.
