சென்னை: உடல்நலக் குறைவால் மருத்துவமனையில் சிகிச்சை பெற்று வரும் திமுக தலைவர் கருணாநிதியை, நடிகர் ரஜினிகாந்த் செவ்வாய் இரவு சந்திக்க உள்ளதாக தகவல் வெளியாகியுள்ளது.
கடந்த ஓராண்டாக உடல்நலக் குறைவால் அவதிப்பட்டுவரும் திமுக தலைவர் கருணாநிதி, தற்பொழுது சென்னை ஆழ்வார்பேட்டையில் உள்ள காவேரி மருத்துவமனையில் அனுமதிக்கப்பட்டு சிகிச்சை பெற்று வருகிறார்.
கருணாநிதியை சந்திக்க, புது தில்லியில் இருந்து பயணிகள் விமானம் மூலம் செவ்வாய் மாலை சென்னை வந்த காங்கிரஸ் ராகுல் காந்தி, விமான நிலையத்தில் இருந்து நேராக காவேரி மருத்துவமனைக்குச் சென்று அவரைச் சந்தித்தார்.
அத்துடன் திமுக தலைவர் கருணாநிதியை காங்கிரஸ் தலைவர் ராகுல் காந்தி செவ்வாயன்று சந்தித்த புகைப்படம் வெளியிடப்பட்டு, திமுக தொண்டர்களை உற்சாகப்படுத்தியது.
இந்நிலையில் திமுக தலைவர் கருணாநிதியை, நடிகர் ரஜினிகாந்த் செவ்வாய் இரவு சந்திக்க உள்ளதாக தகவல் வெளியாகியுள்ளது.
செவ்வாய் இரவு 08.45 மணிக்கு காவேரி மருத்துவமனைக்குச் சென்று, கருணாநிதியின் நேராக சந்திக்கிறார் என்று தகவல்கள் வெளியாகியுள்ளது.