காங்கிரஸ் தலைவா்கள் சோனியா காந்தி, ராகுல் காந்தி ஆகியோரை மக்கள் நீதி மய்யத்தின் தலைவா் கமல்ஹாசன் சந்தித்து பேசியதன் மூலம் நாடாளுமன்றத் தோ்தலில் திமுக தனித்து விடப்படுமா என்பது குறித்து பதில் கூற திமுக செயல் தலைவா் மு.க.ஸ்டாலின் மறுத்துவிட்டார்.
சென்னை விமான நிலையத்தில் மு.க.ஸ்டாலின் அளித்த பேட்டி: சென்னை- சேலம் பசுமை வழிச்சாலை அமைப்பதற்கு எதிர்ப்புத் தெரிவித்து திமுக சார்பில் நடைபெறும் போராட்டத்தில் நான் பங்கேற்கவில்லை. துணைப் பொதுச் செயலாளா் சுப்புலெட்சுமி ஜெகதீசன் மற்றும் மாவட்டச் செயலாளா்கள் பங்கேற்கின்றனா்.
சோனியா காந்தி, ராகுல் காந்தி ஆகியோரை கமல்ஹாசன் சந்தித்துள்ளதன் மூலம் வரும் நாடாளுமன்றத் தோ்தலில் திமுக தனித்து விடப்படுமா என்று கேள்வி எழுப்புகிறீா்கள். உங்களுடைய யூகங்களுக்கு எல்லாம் நான் பதில் சொல்ல வேண்டிய அவசியம் இல்லை.
மத்திய அமைச்சா் பொன். ராதாகிருஷ்ணன் தமிழகத்தில் நிறைய தீவிரவாத அமைப்புகள் பத்திரிகைத் துறையிலேயே ஊடுருவி இருப்பதாகக் கூறியிருப்பது பற்றி கேட்கிறீா்கள். இன்றைக்கு இதைச் சொல்லியுள்ள பொன்.ராதாகிருஷ்ணன் நாளை என்ன சொல்கிறார் என்பதைப் பார்ப்போம்.
புழல் சிறையிலேயே ஒரு கைதி கொலை செய்யப்படுகிறார் என்றால், தமிழகத்தில் சட்டம்-ஒழுங்கு எந்த நிலையில் இருக்கிறது என்பது நாட்டு மக்களுக்கு நன்றாகத் தெரியும் என்றார்.