திமுக கூட்டணிக்கு நடிகர் கார்த்திக் கட்சி ஆதரவு - Dinamani - Tamil Daily News

திமுக கூட்டணிக்கு நடிகர் கார்த்திக் கட்சி ஆதரவு

First Published : 01 April 2011 12:08 AM IST

சென்னை, மார்ச் 31: திமுக கூட்டணிக்கு 213 தொகுதிகளில் ஆதரவு அளிப்பதாக அகில இந்திய நாடாளுமன்ற மக்கள் கட்சியின் தலைவரும், நடிகருமான கார்த்திக் தெரிவித்தார்.

இதுகுறித்து, செய்தியாளர்களிடம் அவர் வியாழக்கிழமை கூறியதாவது:

சட்டப் பேரவைத் தேர்தலில் எங்களது கட்சி 19 இடங்களில் போட்டியிடுகிறது. இதில் 9 இடங்களில் டார்ச் விளக்கு சின்னத்திலும், முரசு, மேசை விளக்கு, கூடை, தொப்பி உள்ளிட்ட சுயேச்சை சின்னங்களிலும் எங்களது வேட்பாளர்கள் போட்டியிடுகின்றனர். நாங்குனேரி உள்ளிட்ட 2 தொகுதிகளில் சுயேச்சை வேட்பாளர்களுக்கு நாங்கள் ஆதரவு தெரிவித்துள்ளோம். இதர 213 தொகுதிகளில் திமுக கூட்டணி வேட்பாளர்களுக்கு நாங்கள் ஆதரவு அளிப்பது என்று முடிவு செய்யப்பட்டுள்ளது.

சிறந்த தலைமை, திறமையான நிர்வாகம், மக்களுக்கு அளித்த வாக்குறுதிகளை நிறைவேற்றியது உள்ளிட்ட காரணங்களால் திமுகவுக்கு நாங்கள் ஆதரவு தெரிவித்துள்ளோம்.

போடி, கம்பம், உசிலம்பட்டி ஆகிய தொகுதிகளில் போட்டியிடும் எங்களது வேட்பாளர்கள் அதிமுகவினரால் கடத்தப்பட்டதாகத் தெரியவந்துள்ளது.

இதில் கம்பம், உசிலம்பட்டி ஆகிய தொகுதிகளுக்கான வேட்பாளர்கள் மீண்டும் தப்பி வந்து எங்கள் கட்சி சார்பாக போட்டியிடுகின்றனர் என்றார் நடிகர் கார்த்திக்.

A+ A A-

இந்த பகுதியில் மேலும்

குறிப்பு: வாசகர்கள் இந்த கமெண்ட் பாக்ஸ் மூலம் பதிவு செய்யும் கருத்துகள், அவரவரின் பேஸ்புக், கூகுள், டிவிட்டர், லிங்க்ட்இன் ஆகியவற்றில் ஏதேனும் ஒரு கணக்கு மூலம் நுழைந்து அவரவர் அடையாளத்துடன் தாமாகவே பதிவு செய்யும் வகையில் வடிவமைக்கப்பட்டுள்ளது. எந்த வித அடையாளக் கணக்குகளும் இன்றி, விருந்தினராக நுழைந்து வாசகர் பதிவு செய்யும் கருத்துகள், ஆசிரியர் குழுவின் பார்வைக்குப் பிறகே வெளியாகும். வாசகர்களின் கருத்துகள் தினமணியின் கருத்துகள் அல்ல. வாசகரின் கருத்துக்கு அவரே முழுப் பொறுப்பு. இருப்பினும், நாகரீகமற்ற, தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், கருத்து பதிவு செய்தவர் மீது நடவடிக்கை எடுக்க தினமணிக்கு உரிமை உண்டு. அத்தகைய கருத்துகள் உடனடியாக நீக்கப்படும். எனவே நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக் கொள்கிறோம். தனி நபர் தாக்குதலை, கட்டுரைகளுக்குப் பொருத்தமில்லாத கருத்துகளை வாசகர்கள் இங்கே இடவேண்டாம். வாசகர்களின் கருத்துச் சுதந்திரத்துக்கு வாய்ப்பளிக்கும் இந்தப் பகுதியைத் தவறாக பயன்படுத்த வேண்டாம்.