ஸ்பெக்ட்ரம் ஊழல்: அ.தி.மு.க.வினர் நூதன பிரசாரம் - Dinamani - Tamil Daily News

ஸ்பெக்ட்ரம் ஊழல்: அ.தி.மு.க.வினர் நூதன பிரசாரம்

First Published : 11 April 2011 04:42 AM IST

ஸ்ரீவைகுண்டம்,ஏப்.10: ஸ்பெக்ட்ரம் ஊழல் குறித்து திருச்செந்தூர் தொகுதியில் அ.தி.மு.க.வினர் நூதன முறையில் வாக்காளர்களிடையே பிரசாரத்தில் ஈடுபட்டு வருகின்றனர்.

 இத் தொகுதியில் தி.மு.க. வேட்பாளர் அனிதா ராதாகிருஷ்ணனை எதிர்த்து அ.தி.மு.க. சார்பில் பி.ஆர். மனோகரன் போட்டியிடுகிறார்.

 தேர்தலுக்கு இன்னும் 2 நாள்களே உள்ள நிலையில் தி.மு.க.வினர், தங்கள் ஆட்சியில் செய்த நலத் திட்டங்களை மக்களிடம் எடுத்துக் கூறி வாக்குசேகரித்து வருகின்றனர்.

 அ.தி.மு.க.வினர் மத்திய தொலைத்தொடர்புத் துறை அமைச்சராக ஆ. ராசா இருந்தபோது நடைபெற்ற 2ஜி ஸ்பெக்ட்ரம் ஊழலை உலக மகா ஊழல் என ரூபாய் நோட்டுபோல துண்டுப்பிரசுரமாக அச்சடித்து அதை வீடுவீடாக விநியோகித்து வருகின்றனர்.

 இதில், முதல் பக்கத்தில் தி.மு.க. பாங்க் ஆப் இந்தியா, ரூ. 1.76 லட்சம் கோடி என குறிக்கப்பட்டுள்ளது. கீழே ஒரு லட்சத்து எழுபத்தாறு ஆயிரம் கோடியை குறிக்கும் வகையில் எழுத்தால் எழுதப்பட்டுள்ளது.

 இடதுபுறம் கருணாநிதி, ஸ்டாலின், அழகிரி படங்களும், வலதுபுறத்தில் ராசா, கனிமொழி படங்களும் அச்சிடப்பட்டுள்ளன.

 பின்பக்கத்தில் தமிழக மக்களின் அவலநிலை குறித்தும், கருணாநிதியின் குடும்ப அரசியல் குறித்தும் கருத்துப்படம் வரையப்பட்டு, இந்த அவலநிலையை மாற்ற ஜெயலலிதாவின் ஆட்சி மலர திருச்செந்தூர் தொகுதி அதிமுக வேட்பாளருக்கு வாக்களிப்பீர் என அச்சிடப்பட்டுள்ளது.

A+ A A-

இந்த பகுதியில் மேலும்

(Press Ctrl+g or click this   to toggle between English and Tamil)
கருத்தை பதிவு செய்க
*
1000 ஏதாவதொன்று

வாசகரின் கருத்துகள் தணிக்கைக்கு உட்பட்டவை

குறிப்பு: வாசகர்கள் பதிவு செய்யும் கருத்துகள் ஆசிரியர் குழுவின் பார்வைக்குப் பிறகே வெளியிடப்படும். வாசகர்களின் கருத்துகள் தினமணியின் கருத்துகள் அல்ல. வாசகரின் கருத்துக்கான முழுப் பொறுப்பும் அவரையே சாரும். நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக்கொள்கிறோம். தனி நபர் தாக்குதலை, கட்டுரைகளுக்குப் பொருத்தமில்லாத கருத்துகளை வாசகர்கள் இங்கே இடவேண்டாம். வாசகர்களின் கருத்துச் சுதந்திரத்துக்கு வாய்ப்பளிக்கும் இந்தப் பகுதியைத் தவறாக பயன்படுத்த வேண்டாம் என்று கேட்டுக் கொள்கிறோம். நாகரீகமற்ற கருத்துகள் குறித்து எங்கள் கவனத்துக்கு கொண்டு வந்தால், உரிய நடவடிக்கை எடுக்கப்படும்.