தாய் தெய்வங்கள்

திருவுறைமார்பன் (ஸ்ரீவத்சம்) - உமாசகிதமூர்த்தி (தாய் தெய்வங்கள்)

சைவ, வைணவ வளர்ச்சியில் அவற்றின் தனிப்பெரும் நற்தெய்வங்களாக சிவனும் விஷ்ணுவும் இருந்தனர். இருப்பினும், இருவரது துணைவியரான அன்னை பார்வதியும், மகாலட்சுமியும் மிகவும் போற்றப்பட்டனர்.

08-12-2017

அம்பிகா இயக்கியும் காரைக்கால் அம்மையாரும் (சமணமும் சைவமும்) - தொடர்ச்சி

சமணப் பெண் தெய்வமான இயக்கி அம்மனும், சைவ அடியாரான காரைக்கால் அம்மையாரும், பெண் தெய்வங்களாகவும், நற்பண்பு மிக்கவர்களாகவும் தமிழகத்தில் போற்றப்பட்டுள்ளனர்

17-11-2017

அம்பிகா இயக்கியும் காரைக்கால் அம்மையாரும் (சமணமும் சைவமும்) - 1

திருவாலங்காட்டுக்கு ஈசனைத் தரிசிக்க ஞானசம்பந்தர் வரும்போது இப்பதிகத்தை தன் காலால் தொடுதல் பாவமென்று கருதி, ஊருக்கு வெளியேயே தங்கி நடராசரைப் புகழ்ந்து பாடல்கள் பல பாடினார்

03-11-2017

சமண சமய பெண் தெய்வங்கள் (தொடர்ச்சி) - 2

தமிழகத்தில் காணப்படும் இயக்கியம்மன்கள் காலத்தால் மிகவும் பழமையானவை என்பதை வலியுறுத்தும் வகையில், இங்குள்ள சிற்பங்களில் நமது பண்டைய மரபும், தொன்மைச் சிறப்பும் குன்றாமல் இருப்பதை காணமுடிகிறது.

13-10-2017

சமண சமய பெண் தெய்வங்கள் (தொடர்ச்சி)

தமிழகத்தில் கிடைத்த மிகவும் பழமையானதும், காலத்தால் முந்தையதுமானது, வேலூர் மாவட்டம், ஆர்க்காடு அருகே உள்ள திருப்பான்மலையில் காணப்படும் இயக்கியின் சிற்பமே ஆகும்.

22-09-2017

சமண சமய பெண் தெய்வங்கள் (இயக்கியம்மன் வழிபாடு)

இந்தியாவில் சமண – பௌத்த சமயங்களுக்கு முன்னரே பண்டைய கிராமங்களில் வழக்கத்தில் இருந்த பெண் தெய்வமே இந்த இசக்கியம்மன் என்பதே சரியான கூற்றாகும்.

08-09-2017

பௌத்த, சமண சமயத்தில் பெண் தெய்வங்கள் - 2 (இயக்கியர் வழிபாடு)

அன்னலட்சுமியாக பெண் தெய்வத்தைப் போற்றியுள்ளதும், பசித்தவர்களுக்குக் கருணையுடன் அன்னம் வழங்குபவை பெண் தெய்வங்கள் என்ற கருத்தையும் இப்பெண் தெய்வத்தின் வாயிலாக வெளிப்படுத்தியுள்ளனர்.

25-08-2017

பௌத்த, சமண சமயத்தில் பெண் தெய்வங்கள் - 1 (இயக்கியர் வழிபாடு)

கிராம மக்களால் வணங்கப்பெற்ற இயக்கி அம்மன், பிற்காலத்தில் பெரும் சமயங்களின் தெய்வமாக மாற்றம் பெற்று வளர்ச்சி அடைந்துள்ளது.

18-08-2017

உலக நாடுகளில் தாய் தெய்வங்கள்

நாகரிகங்கள் பரவலாகத் தோன்றி வளர்ச்சி அடைந்துள்ளன என்பதும், உருவங்களும், பெயர்களும் மாற்றம் பெற்றாலும், அவர்களது சிந்தனையும், செயல்களும், கருத்துகளும் ஒருமித்ததாகவே இருந்ததைக் காணமுடிகிறது.

28-07-2017

பெருங் கற்காலப் பண்பாட்டில் தாய் தெய்வங்கள்

தன் சக்திக்கு மீறிய செயலைச் செய்யும்போது, தன்னிடம் அபார சக்தி இருப்பதாக நம்பினான். அதன் அடிப்படையில் தோன்றியதே வேட்டுவக் கடவுள் என்று போற்றப்படும் வேலவன் ஆகும்.

07-07-2017

அகழாய்வுகள் காட்டும் சங்க காலச் சமயங்களும், தாய் தெய்வ வழிபாடுகளும்!

சிந்துவெளிக் கடவுளின் தலையில் அமைந்துள்ள கொம்புகள், பிற்காலத்தில் சிவனின் ஆயுதமான சிறப்புக்குரிய திரிசூலமாக மாறியது.

16-06-2017

கோயில்களில் தாய் தெய்வ உருவச்சிலைகள்!

நாட்டார் தெய்வங்கள்தான், ஒவ்வொரு குடும்பத்துக்கும், அதாவது ஒவ்வொரு குழுக்கூட்டத்துக்கும் வழிகாட்டியாகத் திகழும் குலதெய்வம் ஆகும்.

09-06-2017

தாய் தெய்வங்கள்

உலகம் தோன்றியது முதல் இன்றுவரை பெண் தெய்வங்கள் போற்றப்பட்டு வருதலும், அதற்கென தனித்தனியான புராணக் கதைகளும், கிராமியக் கதைகளும் கூறப்பட்டு வருவதையும் நாம் அன்றாட வாழ்வில் சந்தித்துக்கொண்டுதான் உள்ளோம். அத்தகைய பெண் தெய்வங்களை தாய் தெய்வங்கள் எனப் பெருமைப்படுத்தி அழைத்துள்ளனர் நம் முன்னோர். அத்தகைய தாய் தெய்வ வழிபாடு எவ்வாறு தோன்றியது? அவை தோன்றக் காரணமென்ன? அவ்வழிபாடு அனைவராலும் எவ்வாறெல்லாம் ஏற்றுக்கொள்ளப்பட்டது என்பதை நாம் அறிந்துகொள்ளும்விதமாக எழுதப்படுவதுதான் தாய் தெய்வங்கள் என்ற இந்த வரலாற்றுத் தொடர். 

பழைய கற்காலத்திலிருந்து ஆரம்பித்து புதிய கற்காலம், பெருங் கற்காலம், சங்க காலம், சமய இலக்கியங்கள் தோன்றிய காலத் தாய் தெய்வங்கள், பின்னர் கோயில்களில் பெண் தெய்வத்துக்கு வழங்கப்பட்ட இடம் ஆகியவற்றை தெளிவாக உரிய விளக்கம் மற்றும் படங்களுடன் அனைவரும் அறிந்துகொள்ளும் வகையில் இத்தொடர் அமையும். இந்திய நாகரிகங்களில் மிகவும் பழமையானது என ஹரப்பா, மொகஞ்சதாரோ நாகரிகங்களைக் குறிப்பர். அப்பழமை வாய்ந்த நாகரிகங்களில் காணப்பட்ட தாய் தெய்வ வழிபாடும், அங்கு கிடைத்த தாய் தெய்வங்களையும் அறிந்துகொள்வது அவசியமானதாகும். தொடர்ந்து, தமிழகத்தில் சோழப் பேரரசர்கள் வணங்கிய பெண் தெய்வம் எது? சோழப் பேரரசர்கள் தோற்றிவித்த கோயில்களில் காணப்படும் பெண் தெய்வங்கள் யாவர்? பின்னர் தமிழகத்தை ஆட்சிபுரிந்த விஜயநகர மன்னர்கள், மராட்டியர் போன்றோர் பெண் தெய்வங்களை எவ்வாறெல்லாம் போற்றினர் என்பதையும் இங்கு எடுத்துக்கூரப்படும். மேலும், பெண் தெய்வங்கள் என்னென்ன வடிவில் காட்சியளிக்கின்றனர், அவர்களுக்கு என்ன பெயர், அவர்கள் தங்களது கைகளில் வைத்திருப்பது என்ன? எத்தனை கைகள் கொண்டுள்ளாள் என்ற விவரங்களையும் இத்தொடரில் காணலாம்.

கோயிலுக்குச் செல்லும் வரலாற்று ஆர்வலர்கள் மற்றும் கோயிற்கலையைப் பற்றி அறிந்துகொள்ள ஆர்வம் உள்ளவர்கள் அனைவரும் இதனைப் படித்து இன்புறவேண்டியதாகும். நமது நாட்டுக் கோயில்கள் அனைத்திலும் சிற்பங்களைக் கொட்டிக் குவித்துள்ளனர். ஒவ்வொரு சிற்பமும் ஓராயிரம் கதைகளையும் கருத்துகளையும் நம் வாழ்க்கைக்கு உதவும் வகையில் வெளிப்படுத்தியிருப்பதை அறிந்துகொள்ளலாம். தமிழகத்தில் கொட்டிக்கிடக்கும் கோயில்களில் காணப்படும் பெண் தெய்வச் சிற்பங்கள் பற்றிய அனைத்தும் இத் தொடரில் வெளிவர உள்ளது. கோயிலின் நுழைவுவாயிலில் உள்ள கொடிப்பெண் முதல் உள்ளே கருவரையில் வீற்றிருக்கும் உமையம்மை பற்றியும், ஸ்ரீதேவி, பூதேவி பற்றியும், சக்திவடிவான அம்மனின் பிற உருவங்களின் தோற்றத்துக்கான காரணங்களையும், அவற்றின் வடிவமைதியையும் இங்கு தெரிந்துகொள்ளலாம். அம்மனுக்கென தனிக்கோயில்கள் அமைந்துள்ள சிறப்புபெற்ற இடங்களையும் இங்கு காணலாம். கன்னிமார்கள் எழுவர் யார், அவர்களின் தோற்றப்பொலிவும், அவர்களின் உண்மைநிலையும் இதில் தெளிவாக்கப்படுகிறது. கோயிலை நாம் வழிபடும் இடமாக மட்டும் கருதாமல், அங்கு வடிக்கப்பட்டுள்ள ஒவ்வொரு சிற்பங்களும் என்ன சொல்கின்றன என்பதை அறிந்துகொள்ளுதல் அவசியமாகும்.

தினமணி இணையதளத்தில், தொல்லியல்மணியில் புதையுண்ட தமிழகம் என்ற வெற்றிகரமான தொடரை எழுதிய தொல்பொருள் ஆய்வாளர் ச. செல்வராஜ் அடுத்து எழுதும் தொடர்தான் இந்த தாய் தெய்வங்கள் குறித்த தொடர்.

ச. செல்வராஜ்.

ச. செல்வராஜ்.

ச.செல்வராஜ், தொல்லியல் துறையில், மண்டல உதவி இயக்குநராக (ப.நி.) பணிபுரிந்து ஓய்வுபெற்றவர். சேலம் மாவட்டம், ஓமலூர் வட்டத்தில் அமைந்துள்ள கே.ஆர்.தோப்பூர் என்ற கிராமத்தை பூர்வீகமாகக் கொண்டவர். 1953-ல் பிறந்த இவர், இளங்கலை பட்டமும், சென்னைப் பல்கலைக் கழகத்தில் ‘பண்டைய வரலாறும் தொல்லியலும்’ என்ற பாடப்பிரிவில் முதுகலைப் பட்டமும் பெற்றவர். 1979 முதல், தமிழ்நாடு அரசுத் தொல்பொருள் ஆய்வுத் துறையில் மாவட்டத் தொல்லியல் அலுவலராகப் பணியில் சேர்ந்து, 2011-ல் பணிஓய்வு பெற்றார். 32 ஆண்டுகள் தொல்லியல், கல்வெட்டு, அகழாய்வு, கட்டடக் கலை, சிற்பக் கலை ஆகியவற்றில் திறம்படப் பணியாற்றியவர். இவரது குறிப்பிடத்தக்க சிறப்புப் பணி, அகழாய்வுதான்.

இவர் காஞ்சிபுரம், கரூர், கங்கை கொண்டசோழபுரம், பூம்புகார், படைவீடு, கண்ணனூர் (சமயபுரம்), அழகன்குளம், செம்பியன்கண்டியூர், தலைச்செங்காடு, மாங்குளம், மாங்குடி, பரிக்குளம், மோதூர் போன்ற பல நில அகழாய்வுகளில் பணியாற்றியுள்ளார். ஆழ்கடல் அகழாய்வில் அகழாய்வாளராகவும், மூழ்குநராகவும் பணிபுரிந்து, பல அரிய சங்ககால வாழ்விடப் பகுதிகளை வெளிக் கொணர்ந்துள்ளார். வானகிரிப் பகுதியில் மூழ்கிய கப்பல் ஒன்றை, மூழ்கிக் கண்டுபிடித்து, அவற்றில் இருந்த தொல்பொருட்களைச் சேகரித்துள்ளார்.

தமிழிலும் ஆங்கிலத்திலும் 50-க்கும் மேற்பட்ட கட்டுரைகளை எழுதியுள்ளார். தருமபுரி அகழ்வைப்பகம், தருமபுரி மாவட்டத் தொல்லியல் கையேடு, மராட்டியர் அகழ்வைப்பகம் போன்ற மாவட்ட வரலாற்று நூல்களும், கோயில்களைப் பற்றிய ‘தகடூர் நாட்டுக் கோயில்கள் தொகுதி – 1’, ‘தகடூர் நாட்டில் சமணமும் பௌத்தமும்’ என்ற நூல்களும், ‘மனோரா கையேடு’ என்ற நூலையும் எழுதியுள்ளார். வரலாறு, தொல்லியல் இவற்றில் மிகுந்த ஈடுபாட்டோடு தொடர்ந்து பணியாற்றி வருகிறார்.

தொல்லியல்மணியில் 'புதையுண்ட தமிழகம்' என்ற வெற்றிகரமான தொடரை எழுதியவர். தொடர்புக்கு – selvaraj.sabapathi@gmail.com.

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை