• Tag results for Tamilnadu

சென்னையில் பலத்த மழை

தமிழகத்தில் பல்வேறு மாவட்டங்களில் வறட்சி நிலவிய நிலையில் சென்னையில் நேற்று இரவு நுங்கம்பாக்கம், கோடம்பாக்கம், தியாகராய நகர், வடபழனி, விருகம்பாக்கம், அண்ணா நகர், வளசரவாக்கம், திருவல்லிக்கேணி, அடையாறு, திருவான்மியூர், கிண்டி, சேப்பாக்கம், அண்ணா நகர் என பல இடங்களில் பலத்த மழை பெய்ததால் மழை நீர் தேங்கியது.

published on : 10th July 2017

போரூர் மேம்பாலம் திறப்பு

கடந்த 7 ஆண்டுகளாக கட்டப்பட்டு வந்த போரூர் மேம்பாலப்பணிகள் நிறைவடைந்துள்ளதை அடுத்து பொதுமக்கள் பயன்பாட்டுக்கென தமிழக முதல்வர் பழனிசாமி திறந்து வைத்தார். அமைச்சர்கள், அரசு அதிகாரிகள் பங்கேற்ற நிகழ்ச்சியில் பச்சைக் கொடி அசைத்து போக்குவரத்தை தொடங்கி வைத்தார் முதல்வர் பழனிச்சாமி.

published on : 25th June 2017

விவசாயிகள் போராட்டம்

தமிழக விவசாயிகளின் கோரிக்கைகளை வலியுறுத்தி, கூட்டுறவு கடன்கள் அனைத்தையும் தள்ளுபடி செய்ய வேண்டும் எனவும், காவிரி மேலாண்மை வாரியத்தை அமைக்க வேண்டும் எனவும், கரும்புக்கான நிலுவைத் தொகையை வழங்க வேண்டும் என்பன உள்ளிட்ட கோரிக்கைகளை வலியுறுத்தி, தென்னிந்திய நதிகள் இணைப்பு விவசாயிகள் சங்கத் தலைவர் அய்யாக்கண்ணு தலைமையில், சேப்பாக்கம் விருந்தினர் மாளிகையில் போராட்டம் நடத்தினார்.

published on : 9th June 2017

விடுமுறை முடிந்து பள்ளிகள் திறப்பு

கோடை விடுமுறைக்கு பிறகு சென்னை, திருவள்ளூர், காஞ்சிபுரம் மாவட்டங்களில் இன்று அனைத்து பள்ளிகளும் திறக்கப்பட்டன. அரசுப் பள்ளிகளில் படிக்கும் மாணவ, மாணவியருக்கு 14 வகையான இலவசப் பொருட்கள் இன்றே வழங்கப்பட்டன.

published on : 7th June 2017

சென்னை சில்க்ஸ் கட்டிடம் இடிப்பு

தீ விபத்தால் உருக்குலைந்த சென்னை சில்க்ஸ் கட்டிடத்தை முழுவதும் இடித்து தரைமட்டமாக்க பொதுப்பணித்துறை கட்டுமானப்பிரிவு முதன்மை தலைமை பொறியாளர் ஜெயசிங் தலைமையில் 5 பேர் குழு அமைக்கப்பட்டு, ஜா கட்டர் என்ற நவீன இயந்திரம் மூலம் கட்டிடத்தை இடிக்கும் பணிகள் தொடங்கி நடைபெற்று வருகிறது.

published on : 4th June 2017

இடிக்கப்பட உள்ளது சென்னை சில்க்ஸ் கட்டடம்

சென்னையின் வர்த்தக மையமான தியாகராய நகரில் உள்ள ‘சென்னை சில்க்ஸ்’ ஏற்பட்ட தீயால், 7 மாடி கட்டிடமும்,  கோடிக்கணக்கான ஜவுளிகளும் எரிந்து மிகப்பெரிய சேதத்தை ஏற்படுத்திய நிலையில், தீ விபத்துக்குள்ளான கட்டிடம் இடிக்கப்படும் என பொதுப் பணித்துறை அதிகாரிகள் உறுதிப்படுத்தியுள்ளனர்.

published on : 1st June 2017

தொடங்கியது ஏற்காடு மலர்க் கண்காட்சி

சேலம் மாவட்டம், ஏற்காட்டில் 42-ஆவது கோடை விழா மற்றும் மலர்க் கண்காட்சியை தமிழக முதல்வர் எடப்பாடி கே.பழனிசாமி தொடக்கிவைத்தார். விழாவில், தமிழக முதல்வர் எடப்பாடி கே.பழனிசாமி, அமைச்சர்கள், அரசுத் துறை செயலர்கள் கலந்து கொண்டனர். மேலும் ஏராளமான சுற்றுலாப் பயணிகள் மலர்களால் அலங்கரிக்கப்பட்டிருந்த உருவ பொம்மைகளின் முன் நின்று புகைப்படங்கள் எடுத்துக் கொண்டனர்.

published on : 28th May 2017

துவங்கியது கத்திரி வெயில் தாக்கம்

தமிழகத்தில் அக்னி நட்சத்திரம் எனப்படும் கத்திரி வெயில் இன்று தொடங்கி வரும் 28ஆம் தேதி வரை தமிழகத்தில் வெயில் சுட்டெரிக்கும் என்று வானிலை மையம் தெரிவித்துள்ளது. இந்நிலையில் அக்னி நட்சத்திரம் தொடங்கி உள்ள நிலையில் வெயிலின் தாக்கம் மேலும் அதிகரிக்கும் என்று தெரிகிறது.

published on : 4th May 2017

தமிழக விவசாயிகள் நிர்வாணப் போராட்டம்

தமிழக விவசாயிகள் தேசிய வங்கிகளில் பெறப்பட்ட பயிர் கடன்களை தள்ளுபடி செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தில்லி ஜந்தர் மந்தரில் விவசாயிகள் போராடி வந்த நிலையில், தில்லி ராஜ்பாத் சாலையில் பழனிவேல், ராமலிங்கம், சரவணக்குமார் வாசுதேவன் ஆகியோர் திடீரென முழு நிர்வாணத்துடன் தரையிலும் கைகூப்பியபடி முன்னும் பின்னுமாக தரையில் உருளினர். இந்நிலையில் நிர்வாணப் போராட்டம் நடத்திய மூன்று விவசாயிகளை போலீஸார் சமாதானப்படுத்தி ஆடைகளை அணிய செய்த பிறகு கைது செய்தனர்.

published on : 11th April 2017

அண்ணா சாலையில் திடீர் பள்ளம்

ஜெமினி பாலம் அருகே மெட்ரோ ரெயில் பணிகள் நடந்து வரும் நிலையில் சாலையில் திடீரென பள்ளம் ஏற்பட்டது, இதில் மாநகர பேருந்து, காரும் பள்ளத்தில் சிக்கி விபத்துக்குள்ளானது. சம்பவயிடத்திற்கு வந்த மீட்பு குழுவினர் காரையும், பேருந்துந்தையும் கிரேன் மூலம் மீட்டனர். இந்நிலையில் பாதுகாப்புடன் மெட்ரோ ரயில் வழித்தடத்திற்கான சுரங்கப்பாதையை அமைக்க வேண்டும் என்ற கோரிக்கையும் எழுந்துள்ளது.

published on : 10th April 2017
  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை