பேல்பூரி

கண்டது
• (சென்னை தாம்பரத்தில் ஒரு முடித்திருத்தகம் முன்பு உள்ள போர்டில் ) 
முடி இருப்பவர்கள், முடி வளர்ந்தவர்கள்
எங்கள் எஜமானர்கள்.
டி.ஜெய்சிங், நஞ்சுண்டாபுரம்.

• (சென்னை தி.நகரில் சிசிடிவி கேமராக்கள் விற்கும் கடை ஒன்றில்)
மேலே இருக்கிறவர் எல்லாத்தையும் 
பார்த்துக்கிட்டுதான் இருக்கிறார்.
இரா.சிவானந்தம், கோவில்பட்டி. 

• (காயல்பட்டினத்தில் உள்ள ஒரு வீட்டின் பெயர்)
கொம்புடையார்
"குலசை' நஜ்முத்தீன், காயல்பட்டினம்.

• (திருவண்ணாமலை மாவட்டம் தானிப்பாடியில் உள்ள ஒரு பள்ளியில் கண்ட வாசகம்)
ENTER - ENRICH - EXCEL
டி.யாழினி, 
திருவண்ணாமலை.

கேட்டது
• (வேலூர் கோட்டைப் பூங்காவில் இரு நடுத்தர வயதுள்ள ஆண்கள்)
"என் மனைவி எனக்குத் தெய்வம் மாதிரி''
"பரவாயில்லையே... நீங்க கொடுத்து வச்சவர் சார்''
"நீங்க வேற... தெய்வம் போல, அடிக்கடி ஏதாவது புதுசு, புதுசா பிரச்னைகளை உண்டு பண்ணி என்னைச் சோதிப்பதே அவள்தான்!''
வெ.ராம்குமார், சின்ன அல்லாபுரம், வேலூர்.

• (சென்னை கடற்கரை - செங்கல்பட்டு மின்சார ரயிலில் இரு மாணவர்கள்)
"மச்சான் வழி நெடுக என்கிட்டே "புராஜக்ட்' பத்தி நீ 
பேசிக்கிட்டே வந்தே. காதிலே ஹெட் செட் இருந்ததால சரியாக் கேட்கலை''
"நான் எங்கே பேசினேன்? வாயிலே சூயிங்கம் போட்டு அதையில்ல மென்னுகிட்டு வந்தேன்''
நெ.இராமன், சென்னை-74.

எஸ்எம்எஸ்
அப்பாவுக்குப் பிடிச்ச மாதிரி
முடிவெட்டுறதும்
முடிவெடுக்குறதும்
ரொம்ப கஷ்டம்.
அ.ப.ஜெயபால், 
கொள்ளிடம்.

யோசிக்கிறாங்கப்பா!
இரண்டாயிரம் ரூபாய் கையில் இருந்தால்
எதை வாங்கலாம் என்று தோன்றும்...
அதே நோட்டு கிழிந்திருந்தால்
இதை எவன் வாங்குவான் என்று தோன்றும்.
எல்.மோகனசுந்தரி, 
புதுப்பேட்டை, கிருஷ்ணகிரி.

அப்படீங்களா!
எல்லாரும் மேக் அப் போட்டுக் கொள்கிறார்கள். டிவி விளம்பரத்தைப் பார்த்து இந்த அழகு சாதனப் பொருளை நாம் பயன்படுத்தினால் நன்றாக இருக்கும் என்று முடிவெடுக்கிறார்கள். டிவி, சினிமாவில் வரும் தங்களுக்குப் பிடித்த நடிகர், நடிகைகளின் தோற்றத்தைப் போலவே தாங்களும் காட்சியளிக்க விரும்புகிறார்கள். ஆனால் இதற்கு மாறாக, ஒவ்வொருவரின் நிறம், உடல், முக அமைப்பு ஆகியவற்றுக்கு ஏற்ப பொருத்தமான மேக் அப் போட்டால்தான் அழகாகக் காட்சியளிக்க முடியும்.
வடகொரியாவில் எந்தவிதமான மேக் அப் ஒருவருக்குப் பொருத்தமாக இருக்கும் என்பதைச் சொல்லும் ஆஞஙஏவஅசஎஎஐ 1.0 (நடதஐசஎ நஇஉசப) என்ற மொபைல் பியூட்டி ஆப் இப்போது அறிமுகப்படுத்தப்பட்டுள்ளது. 
இந்த மொபைல் ஆப் மூலம் நீங்கள் விரும்புகிற மேக் அப்பில் நீங்கள் எப்படிக் காட்சி அளிப்பீர்கள் என்பதை ஒரு நொடியில் தெரிந்து கொள்ளலாம். பலவிதமான மேக் அப் யுக்திகளை நீங்கள் சோதனை செய்து பார்த்து, உங்களுக்குப் பொருத்தமான மேக் அப் எது என்று கண்டுபிடிக்கலாம். இது வடகொரியப் பெண்களிடையே நல்ல வரவேற்பைப் பெற்றுள்ளது. 
என்.ஜே., சென்னை-69.