சிரி... சிரி... சிரி... சிரி... 

"அது எப்படி மன்னா ஆயுத ஊழல் தங்கள் ஆட்சியில் நடந்திருக்கவே வாய்ப்பில்லை என்கிறீர்கள்?'' 
சிரி... சிரி... சிரி... சிரி... 

• "எதுக்கு உங்க பையனுக்கு ரோடு மேப் வாங்கித் தர்றீங்க?''
"அவன் தப்பான வழில போயிட கூடாதே... அதான்''
வி.பார்த்தசாரதி, சென்னை-5.

• "எந்த அடியும் படாம எப்படி கட்சி விட்டு கட்சி தாவுறீங்க?''
"அரசியலுக்கு வர்றதுக்கு முன்னாடி நான் சர்க்கஸ் கம்பெனியில் இருந்தேன்''
கி.திலகர், ஈரோடு.

• "என் மனைவி இப்போல்லாம் என் மானத்தைக் காப்பாத்திடுறா''
"எப்படி?''
"நேரா திட்டாமல் வாட்ஸ் அப்ல திட்டி அனுப்பிடுவா''
பி.பாலாஜி கணேஷ், கோவிலாம்பூண்டி.

• "அது எப்படி மன்னா ஆயுத ஊழல் தங்கள் ஆட்சியில் நடந்திருக்கவே வாய்ப்பில்லை என்கிறீர்கள்?''
"போர் தளவாட பொருள்களை இதுவரை வாங்கியதே இல்லையே''
சி.கார்த்திகேயன், சாத்தூர்.

• "எங்க மேனேஜர் டேபிள்ல இருக்கிற கம்ப்யூட்டர் மவுஸ் ரொம்ப பெரிசா இருக்கு''
"நல்லா பாரு... ஒருவேளை பெருச்சாளியா இருக்கும்''
வி.பார்த்தசாரதி, சென்னை-5.

• "வினாத்தாள் அவுட் ஆகியும் உன்னால பாஸ் பண்ண முடியலையே... ஏன்?''
"வினாத்தாள் தானே அவுட் ஆச்சு... விடை அவுட் ஆகலையே''
கி.திலகர், ஈரோடு.

• "கல்யாணத்துக்கு முன்னாடி இளவரசிங்கிற பெண்ணை காதலிச்சதை என்கிட்ட ஏன் மறைச்சீங்க?''
"உன் கிட்டத்தான் சொன்னேனே?''
"எப்ப?''
"நீ இளவரசி மாதிரி இருக்கேன்னு சொல்லல?''
கே.பிரசன்னா, கும்பகோணம்.

• "ஏன்டா லேட்டு?''
"நான் வர்றதுக்குள்ளே நீங்கதான் சார் பெல் அடிச்சிடுறீங்க?''
எஸ்.வேல் அரவிந்த், திண்டுக்கல்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com