கண்டது
• (பர்கூர் - குப்பம் சாலையில் ஒரு கிராமத்தின் பெயர்)
9 பனைமரம்
ராஜசிம்மன், கிருஷ்ணகிரி.
• (ராமநாதபுரம் மாவட்டம் தொண்டியில் உள்ள ஒரு தனியார் நூலகத்தின் பெயர்)
வளர்பிறை
கே.முத்துச்சாமி,
தொண்டி.
• (அறந்தாங்கி - புதுக்கோட்டை சாலையில் உள்ள ஓர் ஊரின் பெயர்)
அழியா நிலை
ப.விஸ்வநாதன், கீரமங்கலம்.
• (சென்னை கிழக்கு தாம்பரத்தில் ஓர் உணவகத்தில்)
வீட்டுச் சமையலுக்கு ஒரு நாள்
விடுமுறை கொடுங்கள்.
சுகந்தா ராம், சென்னை-59.
கேட்டது
• (திண்டுக்கல் பேருந்து நிலையத்தில் இளைஞர்களிருவர்)
"மச்சான் அவளுக்கு ரெண்டு மூணு முறை லவ்
ப்ரபோஸ் பண்ணிட்டேன். பதிலே இல்லை''
"சரி விடு... மறுபடியும் ஏன் ஃபாலோ பண்றே''
"அட... என்னையக் காதலிக்காட்டியும் பரவாயில்லை. வேற யாரையும் காதலிக்கலைன்னு தெரிஞ்சா... அது போதும்... மனசு நிம்மதியடையும்''
எஸ்.சடையப்பன், காளனம்பட்டி.
• (செங்கோட்டை அம்மன் சன்னதித் தெருவில் ஒரு வீட்டில்)
கணவன்: நான்தான் சொன்னேன்ல... அவன் கிட்ட பேச்சு கொடுக்காதே... எதைக் கேட்டாலும் "வள்..வள்..'ன்னு விழுவான்னு.
மனைவி: நீங்க மட்டும் என்ன ரொம்ப அன்பாத்தான் பேசுறீங்களா? உங்களை மாதிரிதானே உங்க பிள்ளை இருப்பான்.
ச.லெட்சுமி, செங்கோட்டை.
எஸ்எம்எஸ்
பேய் படத்தை பார்க்கும்போது கூட
வராத திகில்...
திடீர்ன்னு பாக்கெட்ல போன்
இல்லைன்னதும் வந்துருது.
ஜெ.சுவாமிநாதன்,
ஆனைக்காரன்சத்திரம்.
யோசிக்கிறாங்கப்பா!
நாலு பேர் நாலுவிதமாய்
நம்மைப் பற்றி பேசாவிடில்
நாம் வாழும் வாழ்க்கை
அர்த்தமற்றதாகிவிடும்.
ஜி.சுந்தரராஜன், திருத்தங்கல்.
அப்படீங்களா!
அழகுக்காக பச்சை குத்துவதைப் பார்த்திருக்கிறோம். இதயத்துடிப்பு, மூளையின் இயக்கம், நரம்பு- தசை செயல்பாடு ஆகியவற்றை அறிவதற்காக
Micro electronic tatoo என்ற பச்சை குத்தும் முறையைக் கண்டுபிடித்திருக்கிறார்கள் அமெரிக்காவின் கலிபோர்னியா பல்கலைக்கழகத்தைச் சேர்ந்த ஆராய்ச்சியாளர்கள்.
இந்த பச்சைக் குத்துவதற்கான மை-ரப்பர், பாலிமரின் மூலப் பொருள்களில் இருந்து தயாரிக்கப்படுகிறது. கிட்டத்தட்ட மனிதத் தோலில் உள்ளதைப் போன்ற பொருள்களைக் கொண்டது இந்த மூலப்பொருள்கள். பச்சை குத்தும்போது தோலில் கண்ணுக்குத் தெரியாத அளவுக்கு மிகச் சிறிய டிரான்சிஸ்டர்கள், மின் கடத்திகள் எல்லாம் பொருத்தப்படுகின்றன. சூரிய ஒளியால் மின் ஆற்றல் பெற்று செயல்படும் இது, இதயத் துடிப்பு, மூளையின் இயக்கம், நரம்பு - தசை ஆகியவற்றின் செயல்பாடுகளைப் பற்றிய தகவல்களை தூரத்தில் உள்ள கணினிக்கு அனுப்புகிறது. உடலில் சுரக்கும் என்சைம்கள் பற்றியும் இதன் மூலம் தெரிந்து கொள்ள முடியும்.
என்.ஜே., சென்னை-69.