• கமல்ஹாசனின் கவிதைகள் நூறை எட்டியுள்ளதாம். கால் முறிவு ஏற்பட்டதும் அவர் செய்த பணி இந்தக் கவிதைத் தொகுப்பு முயற்சி என்கிறார்கள். "மய்யம்' சார்பில் கவிதைத் தொகுப்பு வெளியிடப்படுகிறதாம்.
• பகத் பாசில், துல்கர் சல்மான் இருவரும் ஆண்டிற்கு ஒரு படம் தமிழில் நடிக்கப் போகிறார்களாம். மலையாளத்தில் இரு படங்களின் சம்பாத்தியத்தை தமிழில் ஒரே படத்தில் பெறுவதுதான் இதன் நோக்கம்.
• தமிழில் வெற்றி பெற்ற "விக்ரம் வேதா' படம் தெலுங்கில் ரீமேக் ஆகிறது. மாதவன் - விஜய் சேதுபதி பாத்திரங்களில் வெங்கடேஷ்-ராணா நடிக்க உள்ளனர்.
• "டிராபிக் ராமசாமி' வேடத்தில் நடிப்பதற்காக அவரின் பேச்சு, அணுகுமுறை - பாவனைகளை உள்வாங்கிக் கொள்ள - அவரை இரண்டுமுறை சந்தித்திருக்கிறார் இயக்குநர் எஸ்.ஏ.சந்திரசேகர்.
• நடிகை கே.ஆர்.விஜயாவின் மகள் ஹேமலதா பிரபல நிறுவனங்களின் விளம்பரத்துக்கு உதவும் டிஜிட்டல் நிறுவனத்தை பெங்களூருவில் நடத்தி வருகிறார். இவரின் மிகப் பெரிய பொழுதுபோக்கு வன விலங்குகளைப் படம் எடுப்பது.
-மலர்