தொழில் நிறுவனங்களில் உருவாகும் பிரச்னைகளுக்கு தீர்வு காணும் வேலை வாய்ப்பு பெற இன்டஸ்ட்ரியல் அன்ட் ஆர்கனைசேஷனல் சைக்காலஜி படிப்பு படிக்கலாம்.
தொழில் நிறுவனங்களில் நிர்வாகத்தில் பல்வேறு அதிகாரிகள் பணியாற்றுவார்கள். அதே போல தொழிற்சாலையில் பல தொழிலாளர்கள் பணிபுரிவார்கள். அத்தகைய சூழ்நிலையில் ஒவ்வொருவரும் ஒரு மனநிலையில் இருப்பார்கள். தொழில் நிறுவனத்தில் அனைவரும் ஒத்த கருத்துடன் பணிபுரிந்தால் மட்டுமே அத்தொழில் நிறுவனம் சிறப்பாக செயல்பட முடியும். ஒத்த கருத்து இருந்தாலும், இல்லாவிட்டாலும், பல்வேறு பிரச்னைகள் எழலாம். அந்த பிரச்னைகளுக்கு தீர்வு கண்டு, அனைவரும் அந்த தொழில் நிறுவனத்தில் நல்ல முறையில் பணிபுரியக் கூடிய சூழ்நிலையை உருவாக்க வேண்டியது அவசியமாகும்.
அத்தகைய செயலைச் செய்யக் கூடியவர் இன்டஸ்ட்ரியல் சைக்காலஜிஸ்ட் ஆவார். இவர் அனைத்து மட்டத்திலும் உள்ள அலுவலர்கள், பணியாளர்கள் அனைவருடனும் தொடர்பு கொண்டு பிரச்னைகளை ஆராய்ந்து அதற்கு தீர்வு கண்டு நல்ல சூழ்நிலையில் அனைவரும் பணி செய்யக்கூடிய நிலையை உருவாக்குவார்.
இப்பணியானது மற்ற பணிகளைக் காட்டிலும் சற்று வித்தியாசமானது. அனைவருடைய மனநிலையை அறிந்து செயல்பட வேண்டும். மேலும் இப்பணியானது மிகவும் சவாலானது. பல்வேறு பிரச்னைகள் தீர்வு காண ஆராய்தல், திட்டமிடல், பயிற்சியளித்தல், ஆலோசனை வழங்குதல், பணியாளர்களின் பணியை மதிப்பீடு செய்தல் உள்பட பல்வேறு பணிகளைச் செய்யக்கூடியவராக இருக்க வேண்டும். இதற்கு இன்டஸ்ட்ரியல் சைக்காலஜி படித்திருக்க வேண்டும். இந்தப் படிப்பைப் படித்தால் தொழில் நிறுவனங்களில் வேலை வாய்ப்புப் பெறலாம்.
இதில் இளங்கலை பட்டம், முதுகலை பட்டம், ஆராய்ச்சி பட்டப் படிப்புகளும் நடத்தப்படுகின்றன.
இன்டஸ்ட்ரியல் சைக்காலஜி படிப்பு நடத்தும் கல்வி நிறுவனங்கள் :
Amity Institute of Psychology and Allied Sciences, Noida - http://www.amity.edu/aips/
Lady Shri Ram College for Women, New Delhi - lsr.edu.in/
Christ University, Bangalore - https://christuniversity.in/
Presidency College, Chennai - www.presidencychennai.com/
Banaras Hindu University, Varanasi - www.bhu.ac.in/
Dayanand Anglo Vedic College, Chandigarh - https://davchd.ac.in/
Bharathiar University - Coimbatore - http://www.b-u.ac.in/
- எம்.அருண்குமார்