* பொதுவாக சராசரியான எடையுள்ள ஒரு பெண், கர்ப்பத்தின் போது அதிக பட்சமாக 11-16 கிலோ வரை எடை கூடுகிறார். கூடுதல் எடை கொண்ட கர்ப்பிணிகள், மேலும் எடை கூடுவதை 6-10 கிலோவுக்குள் பராமரிக்க வேண்டும்.
* எடை குறைவாக உள்ள பெண்கள் அதேசமயம் 12-18 கிலோ வரை எடை கூடும்படி பார்த்துக் கொள்ள வேண்டும்.
* கர்ப்பமாகியிருக்கும்போது, போதுமான அளவு எடை அதிகரிக்கவில்லையென்றால், அது பிறக்கும் குழந்தையின் எடை குறைப்பில் முடியும்; இது நல்லதல்ல.
* கர்ப்பமாவதற்கு முன் இருந்த எடையை, குழந்தை பெற்ற தாய்மார்கள் திரும்பப் பெற குறைந்தது 6 மாதம் முதல் 1 வருடம் வரை ஆகும். இது அவரவர் உடல்வாகுவை பொறுத்தது.
குழந்தை பிறந்த பின் தாய்மார்களின் எடை குறைய கீழ்க்கண்டவை உதவும்:
* பால் கொடுப்பதின் மூலம் தினமும் 500 கலோரியை இழக்கலாம். நிறைய தண்ணீர் குடியுங்கள்.
* தினமும் குறைந்தது 40 நிமிடங்களாவது நடைப்பயிற்சி செய்யுங்கள்.
* ஊட்டச் சத்துமிக்க உணவுகளை தேர்ந்தெடுத்து சாப்பிடுங்கள்.
- ராஜிராதா