இலங்கையில் கடந்த 2009-இல் இறுதிப் போரின்போது கொல்லப்பட்ட ஆயிரக்கணக்கான தமிழர்களுக்கு அஞ்சலி செலுத்தும் நிகழ்வு, முல்லைத்தீவு மாவட்டத்திலுள்ள முள்ளிவாய்க்காலில் வெள்ளிக்கிழமை நடைபெற்றது.
விடுதலை புலிகள் இயக்கத்தின் தலைவர் பிரபாகரன், கடந்த 2009, மே 18-இல் இலங்கை ராணுவத்தினரால் கொல்லப்பட்டதையடுத்து, அங்கு 30 ஆண்டுகளுக்கும் மேலாக நீடித்து வந்த உள்நாட்டு போர் முடிவுக்கு வந்தது. இதில் உயிரிழந்த ஆயிரக்கணக்கான தமிழர்களுக்கு அஞ்சலி செலுத்தும் நிகழ்ச்சி, இறுதிக்கட்டப் போர் நடைபெற்ற முள்ளிவாய்க்காலில் நடைபெற்றது. இதில் 5,000-க்கும் மேற்பட்ட தமிழர்கள் பங்கேற்று விளக்குகள் ஏற்றி அஞ்சலி செலுத்தினர். யாழ்ப்பாண பல்கலைக்கழக மாணவர்கள் மோட்டார் சைக்கிள் பேரணி நடத்தினர். இந்த நிகழ்ச்சியில் வடக்கு மாகாண சி.வி.விக்னேஷ்வரன் பங்கேற்றார். தமிழ் அரசியல் கட்சியை சேர்ந்த வேறு முக்கிய தலைவர்கள் யாரும் பங்கேற்கவில்லை.