Dinamani - ஈரோடு - https://www.dinamani.com/all-editions/edition-coimbatore/erode/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3079566 கோயம்புத்தூர் ஈரோடு சுமார் 50 ஆண்டுகளுக்குப் பிறகு முதன்முறையாக ஈரோட்டில் ஜல்லிக்கட்டு DIN DIN Sunday, January 20, 2019 01:32 AM +0530
ஈரோட்டில் கடந்த சுமார் 50 ஆண்டுகளுக்குப் பிறகு முதன்முறையாக ஜல்லிக்கட்டு கோலாகலமாக நடைபெற்றது.
தமிழர்களின் வீர விளையாட்டான ஜல்லிக்கட்டு தமிழகம் முழுவதும் பல்வேறு பகுதிகளில் நடத்தப்பட்டு வருகிறது. ஆனால், காங்கயம் காளைகளுக்குப் பெயர்பெற்ற கொங்கு மண்டலத்தில் கடந்த 50 ஆண்டுகளுக்கு முன் எருதுவிடும் நிகழ்ச்சி சில கிராமங்களில் நடத்தப்பட்டு வந்த நிலையில், பெரிய அளவில் ஜல்லிக்கட்டு போட்டிகள் நடத்தப்படவில்லை.
பல்வேறு மாவட்டங்களில் கோலாகலமாக நடத்தப்பட்டு வரும் ஜல்லிக்கட்டு நிகழ்வைப் போல கொங்கு மண்டலத்தில் நடைபெறவில்லை என்ற பெருங்குறை இப்பகுதி மக்கள் மனதில் இருந்து வந்தது. இந்நிலையில், அதைக் களையும் வகையில் நடப்பு ஆண்டில் ஈரோட்டில் முதன்முறையாக ஜல்லிக்கட்டு நடத்த அரசிடம் அனுமதி பெறப்பட்டது. 50 ஆண்டுகளுக்குப் பிறகு நடைபெற்ற இந்த ஜல்லிக்கட்டு அனைத்துத் தரப்பினரையும் உற்சாகத்தில் ஆழ்த்தியது.
ஈரோடு - பெருந்துறை சாலையில் உள்ள ஏ.இ.டி. பள்ளி மைதானத்தில் சனிக்கிழமை நடைபெற்ற ஜல்லிக்கட்டு நிகழ்ச்சிக்கு, மாவட்ட ஆட்சியர் சி.கதிரவன், மாவட்ட காவல் கண்காணிப்பாளர் சக்தி கணேசன், சட்டப் பேரவை உறுப்பினர்கள் கே.வி.இராமலிங்கம், கே.எஸ்.தென்னரசு, ராஜாகிருஷ்ணன், சிவசுப்பிரமணியன், க.ஈஸ்வரன், ஈரோடு எம்.பி. செல்வகுமார சின்னையன், திருப்பூர் எம்.பி. சத்யபாமா உள்ளிட்டோர் முன்னிலை வகித்தனர். பள்ளிக் கல்வித் துறை அமைச்சர் கே.ஏ.செங்கோட்டையன், சுற்றுச்சூழல் துறை அமைச்சர் கே.சி.கருப்பணன், கால்நடைத் துறை அமைச்சர் கே.ராதாகிருஷ்ணன் ஆகியோர் நிகழ்ச்சியைத் தொடங்கிவைத்தனர். 
சுமார் 300 காளைகள் பங்கேற்க அனுமதி கேட்டிருந்த நிலையில், 194 காளைகள் பதிவு செய்யப்பட்டன. அதில், உடல் தகுதியின்மை காரணமாக 2 காளைகள் அனுமதிக்கப்படவில்லை. அதேபோல, மாடு பிடிக்கப் பதிவு செய்த 124 வீரர்களில் 2 பேர் அனுமதிக்கப்படவில்லை. ஈரோடு, சேலம், புதுக்கோட்டை,பொன்னமராவதி, கண்டியாநத்தம், திருப்பூர், எடப்பாடி, திண்டுக்கல், சேலம், உடுமலை உள்ளிட்ட பல்வேறு பகுதிகளில் இருந்து கொண்டு வரப்பட்ட ஜல்லிக்கட்டு காளைகள் பங்கேற்றன. இதில், அனுமதிக்கப்பட்ட பல்வேறு மாவட்டங்களைச் சேர்ந்த மாடுபிடி வீரர்கள் 122 பேர் காளைகளைஅடக்க களத்தில் நின்றனர். காலை 8.30 முதல் பகல் 1 மணி வரை நடைபெற்ற ஜல்லிக்கட்டில், 11 காளைகளை அடக்கிய மதுரை மாவட்டம், கருப்பாயூரணியைச் சேர்ந்த கார்த்திக் (19) என்பவர் சிறந்த வீரராகவும், உடுமலைப்பேட்டையைச் சேர்ந்த காளை சிறந்த காளையாகவும் தேர்வு செய்யப்பட்டு, தங்க நாணயங்கள் பரிசளிக்கப்பட்டன.
மேலும், இதில் பங்கேற்ற பல காளைகளின் உரிமையாளர்களால் ரொக்கப் பரிசு ரூ. 1,000 முதல் ரூ. 10 ஆயிரம் வரை அறிவிக்கப்பட்டது. அத்துடன், அமைச்சர்கள் கே.ஏ. செங்கோட்டையன், கே.சி.கருப்பணன், ராதாகிருஷ்ணன் ஆகியோர் சார்பில் தங்க நாணயங்களும், விளம்பரதாரர்கள் சார்பில் செல்லிடப்பேசிகளும் வீரர்களுக்குப் பரிசாக அளிக்கப்பட்டன.
காளைகளை அடக்க முயன்ற புதுக்கோட்டையைச் சேர்ந்த சதீஷ் (23), குமார் (32), மதுரையைச் சேர்ந்த பாண்டியராஜன் (22), அழகுசொக்கன் (17), தனபால் (30), திருச்சியைச் சேர்ந்த முருகானந்தம் (25) ஆகிய 6 பேருக்கு காயம் ஏற்பட்டது. இதையடுத்து, ஜல்லிக்கட்டு தளத்தில் இருந்த மருத்துவக் குழுவினர் சிகிச்சை அளித்தனர். இதில், எலும்பு முறிவு ஏற்பட்ட மதுரையைச் சேர்ந்த தனபால் மேல் சிகிச்சைக்காக ஈரோடு அரசு மருத்துவமனைக்கு அனுப்பி வைக்கப்பட்டார்.
போக்குவரத்து நெரிசல்:
ஈரோட்டில் முதல்முறையாக நடைபெற்ற ஜல்லிக்கட்டை காண வந்த மக்கள் கூட்டத்தால் ஈரோடு - பெருந்துறை சாலையில் சுமார் 5 கி.மீ. தொலைவுக்கு வாகனங்கள் ஊர்ந்து சென்றன. ஈரோடு மாவட்டம் மட்டுமின்றி பல்வேறு பகுதிகளைச் சேர்ந்த மக்கள் கார், இருசக்கர வாகனங்களில் குடும்பத்துடன் வந்தனர். குறிப்பாக, இருசக்கர வாகனங்களின் எண்ணிக்கை 10 ஆயிரத்தையும் தாண்டியது.
வாகனங்களை நிறுத்த ஒதுக்கப்பட்ட இடங்கள் நிரம்பியதால், சாலையின் இரு பகுதியிலும் வாகனங்கள் நிறுத்தப்பட்டிருந்தன. இதன் காரணமாக, ஜல்லிக்கட்டு நடைபெற்ற ஏ.இ.டி. பள்ளியிலிருந்து ஈரோடு, பெருந்துறை செல்லும் சாலைகளில் சுமார் 5 கிலோ மீட்டர் தொலைவுக்கு வாகனங்கள் ஊர்ந்து சென்றன. காவல் துறையினர் ஆங்காங்கே ஏற்பட்ட போக்குவரத்து நெரிசலை சீரமைத்தனர்.
ஜல்லிக்கட்டு போட்டியைக் காண சுமார் 20 ஆயிரம் பேர் வரை வருவார்கள் என மாவட்ட நிர்வாகம் எதிர்பார்த்து, அதற்கான ஏற்பாடுகளைச் செய்திருந்தது. ஆனால், பார்வையாளர்களின் எண்ணிக்கை சுமார் 50 ஆயிரத்தையும் தாண்டியதால், காலை 8.30 மணியில் இருந்து பிற்பகல் 1.30 மணி வரை போக்குவரத்து நெரிசலுடன் காணப்பட்டது. 
ஜல்லிக்கட்டு நிகழ்ச்சியை, மத்திய கண்காணிப்புக் குழு உறுப்பினரும், விலங்குகள் நல வாரிய உறுப்பினருமான எஸ்.கே.மிட்டல், பிராணிகள் நல வாரியம், வருவாய்த் துறை, கால்நடைத் துறை, மருத்துவத் துறை அலுவலர்கள், காவல் துறையினர் கண்காணித்தனர்.

]]>
https://www.dinamani.com/all-editions/edition-coimbatore/erode/2019/jan/20/சுமார்-50-ஆண்டுகளுக்குப்-பிறகு-முதன்முறையாக-ஈரோட்டில்-ஜல்லிக்கட்டு-3079566.html
3079565 கோயம்புத்தூர் ஈரோடு வாழ்வியல் மேலாண்மைக்கானகருத்தரங்கம் தொடக்கம் DIN DIN Sunday, January 20, 2019 01:31 AM +0530
ஈரோடு எஸ்.கே.எம். ஆயுஷ் கல்வி, ஆராய்ச்சி மையம் சார்பில் வாழ்வியல் மேலாண்மைக்கான 2 நாள் தேசிய கருத்தரங்கம் சனிக்கிழமை தொடங்கியது.
ஈரோடு - பெருந்துறை சாலையில் உள்ள பரிமளம் மஹாலில் எஸ்.கே.எம்.மயிலானந்தம் தலைமையில் நடைபெற்ற கருத்தரங்கை, ஈரோடு மாவட்ட ஆட்சியர் சி.கதிரவன், கோவை ஆர்ய வைத்திய
பார்மஸி தலைவர் கிருஷ்ணகுமார், மருத்துவர்கள் பானுமதி, வனிதா முரளிகுமார், மருத்துவர் எல்.மகாதேவன், குமுதவல்லி ஸ்ரீ சிவகுமார் ஆகியோர் குத்துவிளக்கேற்றி தொடங்கி வைத்தனர்.
இந்த கருத்தரங்கில், ஆயுர்வேத மருத்துவர் எல்.மகாதேவனுக்கு 2018-2019 ஆம் ஆண்டுக்கான அருட்தந்தை வேதாத்ரி மகரிஷி விருதும், சிறந்த ஆயுர்வேத மருத்துவருக்கான விருதும், மருத்துவர் திருநாராயணனுக்கு சிறந்த சித்த மருத்துவருக்கான விருதும் வழங்கப்பட்டது.
மேலும், எஸ்.கே.எம். சித்தா ஆயுர்வேதா நிறுவனம் சார்பில், கழுத்து வலி, இடுப்பு வலி, சளி, இருமல், உடல் பொலிவு, சொரியாசிஸ் ஆகிய உபாதைகளுக்கு அறிமுகப்படுத்தியுள்ள புதிய மருந்துகள் காட்சிக்கு வைக்கப்பட்டிருந்தன. மேலும், இக்கருத்தரங்கில் தேசிய அளவில் தலைசிறந்த 16 மருத்துவர்களின் பயிற்சி உரையும், 1,000 க்கும் மேற்பட்ட சித்த ஆயுர்வேத மருத்துவர்கள், மருத்துவ மாணவர்களின் ஆய்வுப் பதிவுகளும் வாசிக்கப்பட்டன. இதையடுத்து, தேர்ந்தெடுக்கப்பட்ட சிறந்த ஆய்வுப் பதிவுகளுக்குப் பரிசுகள் வழங்கப்பட்டன.
 

]]>
https://www.dinamani.com/all-editions/edition-coimbatore/erode/2019/jan/20/வாழ்வியல்-மேலாண்மைக்கானகருத்தரங்கம்-தொடக்கம்-3079565.html
3079564 கோயம்புத்தூர் ஈரோடு ஆர்.ஏ.என்.எம். கல்லூரியில்பட்டமளிப்பு விழா DIN DIN Sunday, January 20, 2019 01:31 AM +0530
ஈரோடு, ரங்கம்பாளையம் டாக்டர் ஆர்.ஏ.என்.எம். கலை அறிவியல் கல்லூரியில் பட்டமளிப்பு விழா சனிக்கிழமை நடைபெற்றது.
விழாவுக்கு, தி முதலியார் கல்வி அறக்கட்டளைத் தலைவர் யு.என்.முருகேசன் தலைமை வகித்தார். செயலாளர், தாளாளர் கே.கே.பாலுசாமி முன்னிலை வகித்தார்.
பாரதியார் பல்கலைக்கழக பதிவாளர் (பொ) டாக்டர் பி.வனிதா சிறப்பு அழைப்பாளராகப் பங்கேற்று மாணவ, மாணவிகளுக்குப் பட்டமளித்து வாழ்த்தினார்.
இதில், அறக்கட்டளைப் பொருளாளர் விஜயகுமார், இணைச் செயலாளர் பி.அருண்குமார், துணைத் தலைவர்கள் மணி, ராஜமாணிக்கம், மாணிக்கம், ஈரோடு கலை அறிவியல் கல்லூரி முதல்வர் வெங்கடாசலம், அலுவலக கண்காணிப்பாளர் காயத்ரி, பேராசிரியர்கள், மாணவ, மாணவிகள் கலந்துகொண்டனர். கல்லூரி முதல்வர் பழனியப்பன் நன்றி கூறினார்.
 

]]>
https://www.dinamani.com/all-editions/edition-coimbatore/erode/2019/jan/20/ஆர்ஏஎன்எம்-கல்லூரியில்பட்டமளிப்பு-விழா-3079564.html
3079563 கோயம்புத்தூர் ஈரோடு வெல்டிங் பட்டறை உரிமையாளர்குத்திக் கொலை DIN DIN Sunday, January 20, 2019 01:31 AM +0530
அந்தியூர் அருகே இருசக்கர வாகனத்தில் சென்ற வெல்டிங் பட்டறை உரிமையாளர் கத்தியால் குத்திக் கொலை செய்யப்பட்டது குறித்து போலீஸார் விசாரித்து வருகின்றனர்.
பவானியை அடுத்த புன்னத்தைச் சேர்ந்தவர் கைலாசம் (45). அந்தியூர், தவிட்டுப்பாளையத்தில் வெல்டிங் பட்டறை வைத்து நடத்தி வருகிறார். இவரும், இவரது மனைவியும் சனிக்கிழமை மாலை இருசக்கர வாகனத்தில் வீடு திரும்பிக் கொண்டிருந்தனர். அந்தியூரை அடுத்த காட்டுபாளையம் அருகே சென்றபோது மற்றொரு இருசக்கர வாகனத்தில் தலைக்கவசம் அணிந்து வந்த மர்ம நபர் கைலாசத்தை வழிமறித்து வாக்குவாதத்தில் ஈடுபட்டுள்ளார்.
வாக்குவாதம் முற்றிய நிலையில் திடீரென கைலாசத்தின் கழுத்தில் கத்தியால் குத்தியதோடு, அவரது செல்லிடப்பேசியைப் பறித்துக் கொண்டு தப்பி ஓடினார். இதுகுறித்து, அந்தியூர் போலீஸாருக்கு தகவல் தெரிவிக்கப்பட்டது. சம்பவ இடத்துக்கு விரைந்த போலீஸார் சடலத்தைக் கைப்பற்றி பிரேதப் பரிசோதனைக்கு அனுப்பி வைத்தனர். இக்கொலைக்கான காரணம் குறித்தும் விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/erode/2019/jan/20/வெல்டிங்-பட்டறை-உரிமையாளர்குத்திக்-கொலை-3079563.html
3079562 கோயம்புத்தூர் ஈரோடு வரதட்சிணை கேட்டதாக மனைவி பொய் புகார்:காவல் நிலையத்தில் கணவர் மனு DIN DIN Sunday, January 20, 2019 01:31 AM +0530
வரதட்சிணை கேட்டு கொடுமைப்படுத்தியதாக மனைவி பொய் புகார் அளித்துள்ளதாக அவரது கணவர் காவல் நிலையத்தில் சனிக்கிழமை மனு அளித்துள்ளார்.
இதுகுறித்து, ஈரோடு கருங்கல்பாளையம் ராஜாஜிபுரம் பகுதியைச் சேர்ந்த வெங்கடேஷ், தனது உறவினர்களுடன் திரண்டு வந்து கூடுதல் காவல் கண்காணிப்பாளர் சந்தான பாண்டியனிடம் அளித்துள்ள மனு:
தனக்கும், கருங்கல்பாளையத்தைச் சேர்ந்த புவனேஸ்வரிக்கும் 2015 இல் திருமணம் நடைபெற்றது. எங்களது குடும்ப சொத்தைப் பிரித்து அவரது பெயருக்கு மாற்ற வேண்டும் என எனது மனைவி வற்புறுத்தி வந்தார். நான் அதை ஏற்காததால் கருத்து வேறுபாடு ஏற்பட்டு பிரிந்து வாழ்ந்து வந்தோம். இதைத் தொடர்ந்து, இரு வீட்டாரும் சமரசம் செய்து வைத்ததையடுத்து மீண்டும் சேர்ந்து வாழ்ந்தோம்.
இந்நிலையில், இரண்டாவது குழந்தை பிறந்த பின் எனது மனைவி அவருடைய தாய் வீட்டுக்குச் சென்றார். அங்கிருந்தபடி என்னை செல்லிடப்பேசியில் தொடர்பு கொண்டு, சொத்தைப் பிரித்து வாங்கி வரும்படி வற்புறுத்தி வந்தார். மேலும், சொத்தைப் பிரித்து வாங்கி வரவில்லை என்றால் வரதட்சிணை கேட்டு கொடுமைப்படுத்துவதாக காவல் துறையில் புகார் அளிக்கப் போவதாகவும் மிரட்டி வந்தார்.
இந்நிலையில், ஈரோடு மாவட்ட காவல் கண்காணிப்பாளரிடம் வரதட்சிணை கேட்டு கொடுமைப்படுத்துவதாக எனது மனைவி புவனேஸ்வரி பொய்யான புகாரை வெள்ளிக்கிழமை அளித்துள்ளார். எனவே, என் மனைவி மீதும், அவரது குடும்பத்தினர் மீதும் வழக்குப் பதிவு செய்து உரிய நடவடிக்கை எடுக்க வேண்டும் என அதில் குறிப்பிட்டுள்ளார்.
 

]]>
https://www.dinamani.com/all-editions/edition-coimbatore/erode/2019/jan/20/வரதட்சிணை-கேட்டதாக-மனைவி-பொய்-புகார்காவல்-நிலையத்தில்-கணவர்-மனு-3079562.html
3079561 கோயம்புத்தூர் ஈரோடு மண்டல கால்பந்துப் போட்டி:கொங்கு வேளாளர் பாலிடெக்னிக் சிறப்பிடம் DIN DIN Sunday, January 20, 2019 01:30 AM +0530
மண்டல கால்பந்துப் போட்டியில், பெருந்துறையை அடுத்த சீனாபுரம் கொங்கு வேளாளர் பாலிடெக்னிக் கல்லூரி மாணவர்கள் தங்கப் பதக்கம் பெற்றுள்ளனர். 
ஈரோடு மண்டல அளவிலான பாலிடெக்னிக் கல்லூரிகளுக்கு இடையேயான கால்பந்துப் போட்டிகள் பெருந்துறை நந்தா கல்லூரியில் அண்மையில் நடைபெற்றது. இதில், திருப்பூர், ஈரோடு, நாமக்கல் ஆகிய 3 மாவட்டங்களைச் சேர்ந்த 11 பாலிடெக்னிக் அணிகள் கலந்துகொண்டன. 
இப்போட்டியில், கொங்கு வேளாளர் பாலிடெக்னிக் கல்லூரி அணி முதல் சுற்றுப் போட்டியில், கொங்கு பாலிடெக்னிக் அணியையும், கால் இறுதிப் போட்டியில் கோபி வெங்கடேஸ்வரா பாலிடெக்னிக் அணியையும் வென்று, அரை இறுதிப் போட்டியில், ஈரோடு அல்-அமீன் பாலிடெக்னிக் அணியையும் வென்றது. இறுதிப் போட்டியில், தாராபுரம் மகாராணி பாலிடெக்னிக் அணியை வென்று தங்கப் பதக்கம் பெற்றது. 
இதன் மூலம் கோவை, தொட்டியம், கொங்குநாடு பாலிடெக்னிக் கல்லூரியில் நடைபெறும் மாநில அளவிலான கால்பந்துப் போட்டிக்குத் தகுதி பெற்றுள்ளது. 
வெற்றி பெற்ற மாணவர்கள், உடற்கல்வி இயக்குநர் ஓம்பிரகாசம் ஆகியோரை கல்லூரித் தாளாளர் முத்துசாமி, முதல்வர் விஸ்வநாதன், ஆசிரியர்கள் பாராட்டினர்.
 

]]>
https://www.dinamani.com/all-editions/edition-coimbatore/erode/2019/jan/20/மண்டல-கால்பந்துப்-போட்டிகொங்கு-வேளாளர்-பாலிடெக்னிக்-சிறப்பிடம்-3079561.html
3079560 கோயம்புத்தூர் ஈரோடு பெருந்துறை ஒன்றியத்தில் திமுக ஊராட்சி சபைக் கூட்டம் DIN DIN Sunday, January 20, 2019 01:30 AM +0530
திமுக சார்பில் ஊராட்சி சபைக் கூட்டங்கள், பெருந்துறை ஒன்றியத்துக்கு உள்பட்ட துடுப்பதி, சுள்ளிப்பாளையம், பட்டக்காரம்பாளையம், கராண்டிபாளையம், சீனாபுரம் ஆகிய ஊராட்சிகளில் சனிக்கிழமை நடைபெற்றது. 
கூட்டத்துக்கு, பெருந்துறை ஒன்றியச் செயலாளர் கே.பி.சாமி தலைமை வகித்தார். திமுக தலைமைக் கழகப் பிரதிநிதியாக திருப்பூர் மக்களவைப் பொறுப்பாளர் மு.பாண்டியராஜ் பங்கேற்று, பொதுமக்களின் கோரிக்கை மனுக்களை பெற்றுக் கொண்டார். 
இதில், ஊராட்சி செயலாளர்கள் டி.எஸ்.சுப்பிரமணியம், எம்.சக்திவேல், பி.இளங்கோ, பி.நவநீதன், கே.விஸ்வநாதன், பேரூர் செயலாளர்கள் எஸ்.திருமூர்த்தி, ஓ.சி.வி.ராஜேந்திரன் உள்ளிட்டோர் கலந்துகொண்டனர்.
மேலும், ஊராட்சி சபைக் கூட்டம் பெருந்துறை ஒன்றியத்துக்கு உள்பட்ட போலநாயக்கன்பாளையம் ஊராட்சியில் ஞாயிற்றுக்கிழமை (ஜனவரி 20) காலை 9 மணிக்கும், கல்லாகுளம் ஊராட்சியில் காலை 10 மணிக்கும், செல்லப்பம்பாளையம் ஊராட்சியில் காலை 11 மணிக்கும், குள்ளம்பாளையம் ஊராட்சியில் பிற்பகல் 3 மணிக்கும், மேட்டுபுதூர் ஊராட்சியில் மாலை 4 மணிக்கும், மூங்கில்பாளையம் ஊராட்சியில் மாலை 5 மணிக்கும் நடைபெறவுள்ளது.
 

]]>
https://www.dinamani.com/all-editions/edition-coimbatore/erode/2019/jan/20/பெருந்துறை-ஒன்றியத்தில்-திமுக-ஊராட்சி-சபைக்-கூட்டம்-3079560.html
3079558 கோயம்புத்தூர் ஈரோடு விலைவாசியைக் கட்டுப்படுத்தக் கோரி ஆர்ப்பாட்டம் DIN DIN Sunday, January 20, 2019 01:30 AM +0530
விலைவாசியைக் கட்டுப்படுத்த வலியுறுத்தி ஈரோட்டில் சிஐடியூ, தமிழ்நாடு விவசாயிகள் சங்கம், அகில இந்திய விவசாய தொழிலாளர்கள் சங்கம் சார்பில் ஆர்ப்பாட்டம் சனிக்கிழமை நடைபெற்றது.
விவசாயத் தொழிலாளர் சங்க மாவட்டத் தலைவர் விஜயராகவன் தலைமையில் நடைபெற்ற ஆர்ப்பாட்டத்தில், விலை உயர்வைக் கட்டுப்படுத்தி விலையைக் குறைக்க நடவடிக்கை எடுக்க வேண்டும். வேலைவாய்ப்பை உருவாக்க வேண்டும். வேளாண் பொருள்களுக்கு கட்டுப்படியாகும் விலையை நிர்ணயம் செய்து வழங்க நடவடிக்கை எடுக்க வேண்டும். விளை பொருள்களுக்கு எம்.எஸ்.சுவாமிநாதன் குழு பரிந்துரைப்படி விலை நிர்ணயம் செய்ய வேண்டும்.
விவசாயத் தொழிலாளர்களுக்கு மத்திய சட்டத்தை உருவாக்க வேண்டும். பொது விநியோகத் திட்டத்தை விரிவுபடுத்த வேண்டும். அத்தியாவசியப் பொருள்கள் மீதான ஆன்லைன் வர்த்தகத்தை தடை செய்ய வேண்டும். அனைவருக்கும் உணவுப் பாதுகாப்பை உறுதிப்படுத்தும் வகையில், பொது விநியோகத் திட்டத்தை மாற்றி அமைக்க வேண்டும் என்பன உள்ளிட்ட கோரிக்கைகளை வலியுறுத்தி போராட்டத்தில் பங்கேற்றோர் முழக்கமிட்டனர்.
 

]]>
https://www.dinamani.com/all-editions/edition-coimbatore/erode/2019/jan/20/விலைவாசியைக்-கட்டுப்படுத்தக்-கோரி-ஆர்ப்பாட்டம்-3079558.html
3079557 கோயம்புத்தூர் ஈரோடு வருமான வரியில் விலக்கு அளிக்கஓய்வூதியர் கூட்டமைப்பு வலியுறுத்தல் DIN DIN Sunday, January 20, 2019 01:30 AM +0530
வருமான வரியில் விலக்கு அளிக்க வேண்டும் என மத்திய, மாநில அரசு, ஆசிரியர், பொதுத் துறை ஓய்வூதியர் கூட்டமைப்பின் வழிகாட்டுக் குழு தொடக்க மாநாட்டில் வலியுறுத்தப்பட்டது.
ஈரோட்டில் வழிகாட்டுக் குழுத் தலைவர் என்.மணிபாரதி தலைமையில் வெள்ளிக்கிழமை நடைபெற்ற மாநாட்டில் நிறைவேற்றப்பட்ட தீர்மானங்கள்:
புதிய ஓய்வூதியத் திட்டத்தை ரத்து செய்துவிட்டு, பழைய ஓய்வூதியத் திட்டத்தை நடைமுறைப்படுத்த வேண்டும். குறைந்தபட்ச ஓய்வூதியமாக ரூ. 9 ஆயிரம் வழங்க வேண்டும். 70 வயது முதல் கூடுதல் ஓய்வூதியம் வழங்க வேண்டும். 21 மாத நிலுவைத் தொகையை வழங்க வேண்டும்.
மத்திய அரசு ஓய்வூதியர்களுக்கு மருத்துவப் படி ரூ. 1,000 வழங்குவதுபோல, தமிழக அரசு ஓய்வூதியர்களுக்கும் அளிக்க வேண்டும். மத்திய, மாநில அரசு, பொதுத் துறை நிறுவன ஓய்வூதியர்களுக்கான வருமான வரியில் இருந்து விலக்கு அளிக்க வேண்டும். 
அனைத்து ஓய்வூதியர்களுக்கும் 2018 ஜனவரி முதல் வழங்க வேண்டிய பொங்கல் போனஸ் தொகையை உடனடியாக வழங்க வேண்டும். பி.எஸ்.என்.எல். நிறுவனத்துக்கு 4ஜி அலைவரிசை சேவை வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
தீர்மானங்களை விளக்கி மாநிலத் தலைவர் ஸ்ரீதரன் பேசினார். இதில், பல்வேறு சங்க நிர்வாகிகள் பரமேஸ்வரன், கருணாநிதி, செல்வராசன், சவுந்தரபாண்டியன், நடராஜன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/20/வருமான-வரியில்-விலக்கு-அளிக்கஓய்வூதியர்-கூட்டமைப்பு-வலியுறுத்தல்-3079557.html
3079556 கோயம்புத்தூர் ஈரோடு டாஸ்மாக் கடையை முற்றுகையிட்ட மகளிர் கூட்டமைப்பினர் DIN DIN Sunday, January 20, 2019 01:30 AM +0530
கடம்பூர் மலைப் பகுதி பேருந்து நிலையத்தில் செயல்பட்டு வரும் டாஸ்மாக் கடையை மூட வேண்டும் என வலியுறுத்தி மகளிர் கூட்டமைப்பினர் போராட்டத்தில் சனிக்கிழமை ஈடுபட்டனர். 
சத்தியமங்கலம் புலிகள் காப்பகம், கடம்பூர் மலைப் பகுதியில் பேருந்து நிலையம் அருகே டாஸ்மாக் கடை செயல்பட்டு வருகிறது. பேருந்து நிலையத்தில் காத்திருக்கும் பயணிகளிடம் மது அருந்துவோர் தகராறில் ஈடுபடுவதாகவும், பள்ளி முடிந்து வீடு செல்ல காத்திருக்கும் மாணவிகள் மத்தியில் அருவருப்பாக நடந்து கொள்வதாகவும் புகார் கூறப்பட்டு வந்தது.
இந்த டாஸ்மாக் கடையால் மது போதைக்கு அடிமையாகி ஏராளமான இளைஞர்கள் உயிரிழந்துள்ளதால் கடையை அகற்ற வேண்டும் என கடம்பூர் அனைந்திந்திய ஜனநாயக மாதர் சங்கத்தினர் கடம்பூரில் அண்மையில் முற்றுகைப் போராட்டத்தில் ஈடுபட்டனர். இதையடுத்து, அங்கு வந்த வருவாய், டாஸ்மாக் அதிகாரிகள் ஜனவரி 18 ஆம் தேதி கடையை மூடுவதாக உறுதி அளித்தனர். ஆனால், டாஸ்மாக் கடையை தொடர்ந்து நடத்தி வந்ததைக் கண்டித்து அப்பகுதியைச் சேர்ந்த 100 பெண்கள் உள்பட 300 க்கும் மேற்பட்டோர் கடையை முற்றுகையிட்டுப் போராட்டத்தில் சனிக்கிழமை ஈடுபட்டனர்.
தகவலறிந்து வந்த பங்களாபுதூர் காவல் ஆய்வாளர் நெப்போலியன், போலீஸார் போராட்டத்தில் ஈடுபட்டவர்களிடம் பேச்சுவார்த்தை நடத்தினர். அதில், கடையை மூடுவதாகவும், இனி இப்பகுதியில் டாஸ்மாக் கடை திறக்கப்படமாட்டாது எனவும் உறுதி அளித்ததையடுத்து போராட்டம் கைவிடப்பட்டது.
 

]]>
https://www.dinamani.com/all-editions/edition-coimbatore/erode/2019/jan/20/டாஸ்மாக்-கடையை-முற்றுகையிட்ட-மகளிர்-கூட்டமைப்பினர்-3079556.html
3079555 கோயம்புத்தூர் ஈரோடு கூட்டுப் பண்ணையத் திட்டத்தில் இயந்திரங்கள்வாங்குவோர், விற்பனையாளர் ஆலோசனை DIN DIN Sunday, January 20, 2019 01:29 AM +0530
ஈரோட்டில் கூட்டுப் பண்ணையத் திட்டத்தில் இயந்திரங்கள் வாங்குவோர், விற்பனையாளர்கள் ஆலோசனைக் கூட்டம் வெள்ளிக்கிழமை நடைபெற்றது.
ஈரோடு வேளாண் இணை இயக்குநர் அலுவலக வளாகத்தில் நடைபெற்ற கூட்டத்துக்கு, வேளாண் இணை இயக்குநர் வி.குணசேகரன் தலைமை வகித்துப் பேசியதாவது: 
2018-19 ஆம் ஆண்டில் செயல்படுத்தப்படும் கூட்டுப் பண்ணையத் திட்டத்தில், வேளாண் துறை மூலம் 100 பேர் கொண்ட 34 உழவர் உற்பத்தியாளர்கள் குழுக்களும், தோட்டக் கலைத் துறை மூலம் பத்து உழவர் உற்பத்தியாளர்கள் குழுக்களும் தொடங்கப்பட்டுள்ளன. இக்குழுக்களுக்கு வேளாண் கருவிகள், இயந்திரங்கள் வாங்க ஒரு குழுவுக்கு தலா ஐந்து லட்சம் ரூபாய் வீதம் 2.20 கோடி ரூபாய் ஒதுக்கீடு செய்யப்பட்டுள்ளது என்றார். இதையொட்டி, வேளாண் கருவிகள், இயந்திரங்கள் வாங்க, வேளாண் பொறியியல் துறையால் அங்கீகரிக்கப்பட்ட நிறுவனங்கள் மூலம் டிராக்டர், டில்லர், ரோட்டோவேட்டர் உள்ளிட்ட பல்வேறு கருவிகள் பார்வைக்கு வைக்கப்பட்டிருந்தன. 84 உழவர் உற்பத்தியாளர்கள் குழு நிர்வாகிகள் நேரடியாக இயந்திரங்களைப் பார்வையிட்டு செயல்பாடுகளைக் கேட்டறிந்து தங்களது தேவைக்கான இயந்திரங்களை வாங்கினர். பல இயந்திரங்களின் விலை குறைப்பு செய்யப்பட்டது.
இதில், துணை இயக்குநர்கள் பிரேமலதா, தமிழ்செல்வி, முருகேசன், ஆட்சியரின் நேர்முக உதவியாளர் வாசுதேவன், 13 நிறுவனப் பிரதிநிதிகள் பங்கேற்றனர். உழவர் பயிற்சி நிலைய வேளாண் அலுவலர் வசந்தி நன்றி கூறினார்.
 

]]>
https://www.dinamani.com/all-editions/edition-coimbatore/erode/2019/jan/20/கூட்டுப்-பண்ணையத்-திட்டத்தில்-இயந்திரங்கள்வாங்குவோர்-விற்பனையாளர்-ஆலோசனை-3079555.html
3079553 கோயம்புத்தூர் ஈரோடு ஈரோட்டில் தரம் உயர்த்தப்பட்ட அரசு கால்நடை மருத்துவமனை திறப்பு DIN DIN Sunday, January 20, 2019 01:29 AM +0530
ஈரோட்டில் இயங்கி வரும் அரசு கால்நடை மருத்துவமனை பன்முக மருத்துவமனையாகத் தரம் உயர்த்தப்பட்டதைத் தொடர்ந்து அம்மருத்துவமனை சனிக்கிழமை திறந்து வைக்கப்பட்டது.
ஈரோட்டில் கடந்த 1915 இல் அரசு கால்நடை மருத்துவமனை தொடங்கப்பட்டது. அதைத் தொடர்ந்து, 1981 இல் ஈரோடு கால்நடை மருத்துவமனை பெரு மருத்துவமனையாகத் தரம் உயர்த்தப்பட்டது. இங்கு தினந்தோறும் 100 முதல் 150 வரை கால்நடைகளை பொதுமக்கள் சிகிச்சைக்காக கொண்டு வருகின்றனர்.
இந்நிலையில், இந்த கால்நடை மருத்துவமனையைப் பன்முக மருத்துவமனையாகத் தரம் உயர்த்த வேண்டும் என கால்நடை வளர்ப்போர் சார்பில் அரசிடம் வலியுறுத்தப்பட்டு வந்தது. இதையடுத்து, கோரிக்கையை நிறைவேற்றும் வகையில் 2018 இல் பன்முக மருத்துவமனையாகத் தரம் உயர்த்தி அரசு அறிவித்தது. அதைத் தொடர்ந்து, பல்வேறு கட்டுமானப் பணிகள் நிறைவுபெற்ற நிலையில், சனிக்கிழமை நடைபெற்ற விழாவில், கால்நடைத் துறை அமைச்சர் உடுமலை ராதாகிருஷ்ணன், பள்ளிக் கல்வித் துறை அமைச்சர் கே.ஏ.செங்கோட்டையன், சுற்றுச்சூழல் துறை அமைச்சர் கே.சி.கருப்பணன் ஆகியோர் கலந்துகொண்டு, பன்முக மருத்துவமனையைத் திறந்து வைத்தனர்.
இதில், கால்நடைத் துறை இணை இயக்குநர் குழந்தைசாமி, துணை இயக்குநர் கோபால் சாமி, முன்னாள் கவுன்சிலர் காவிரி செல்வம், காவிரி முருகன் உள்ளிட்டோர் கலந்துகொண்டனர்.
இதுகுறித்து, கால்நடை பராமரிப்புத் துறை மருத்துவர்கள் கூறியதாவது:
பன்முக மருத்துவமனையாகத் தரம் உயர்த்தப்பட்டுள்ள ஈரோடு கால்நடை மருத்துவமனையில் 24 மணி நேரமும் சிகிச்சை அளிக்கப்படும். 4 மருத்துவர்கள், ஒரு முதுநிலை கால்நடை மேற்பார்வையாளர், ஒரு கால்நடை ஆய்வாளர், கால்நடை பராமரிப்பு உதவியாளர், இளநிலை உதவியாளர், தட்டச்சர், ஒரு ஆய்வக உதவியாளர், இரவுக் காவலர் ஆகியோர் பணி அமர்த்தப்பட்டுள்ளனர். ரூ. 54 லட்சத்து 5 ஆயிரம் மதிப்பில் ஆய்வக உபகரணங்களும், ஆண்டுதோறும் ரூ. 4 லட்சத்து 10 ஆயிரம் மதிப்பில் கூடுதல் மருந்துகளும் அரசு சார்பில் வழங்கப்பட உள்ளது.
மேலும், அனைத்து நவீன வசதிகள் கொண்ட அறுவை சிகிச்சை அரங்கம் ரூ. 9.25 லட்சத்தில் கட்டப்பட உள்ளதாகவும் குறிப்பிட்டனர்.
 

]]>
https://www.dinamani.com/all-editions/edition-coimbatore/erode/2019/jan/20/ஈரோட்டில்-தரம்-உயர்த்தப்பட்ட-அரசு-கால்நடை-மருத்துவமனை-திறப்பு-3079553.html
3079550 கோயம்புத்தூர் ஈரோடு வெல்டிங் பட்டறை உரிமையாளர் குத்திக் கொலை DIN DIN Sunday, January 20, 2019 01:28 AM +0530 அந்தியூர் அருகே இருசக்கர வாகனத்தில் சென்ற வெல்டிங் பட்டறை உரிமையாளர் கத்தியால் குத்திக் கொலை செய்யப்பட்டது குறித்து போலீஸார் விசாரித்து வருகின்றனர்.
பவானியை அடுத்த புன்னத்தைச் சேர்ந்தவர் கைலாசம் (45). அந்தியூர், தவிட்டுப்பாளையத்தில் வெல்டிங் பட்டறை வைத்து நடத்தி வருகிறார். இவரும், இவரது மனைவியும் சனிக்கிழமை மாலை இருசக்கர வாகனத்தில் வீடு திரும்பிக் கொண்டிருந்தனர். அந்தியூரை அடுத்த காட்டுபாளையம் அருகே சென்றபோது மற்றொரு இருசக்கர வாகனத்தில் தலைக்கவசம் அணிந்து வந்த மர்ம நபர் கைலாசத்தை வழிமறித்து வாக்குவாதத்தில் ஈடுபட்டுள்ளார்.
வாக்குவாதம் முற்றிய நிலையில் திடீரென கைலாசத்தின் கழுத்தில் கத்தியால் குத்தியதோடு, அவரது செல்லிடப்பேசியைப் பறித்துக் கொண்டு தப்பி ஓடினார். இதுகுறித்து, அந்தியூர் போலீஸாருக்கு தகவல் தெரிவிக்கப்பட்டது. சம்பவ இடத்துக்கு விரைந்த போலீஸார் சடலத்தைக் கைப்பற்றி பிரேதப் பரிசோதனைக்கு அனுப்பி வைத்தனர். இக்கொலைக்கான காரணம் குறித்தும் விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/erode/2019/jan/20/வெல்டிங்-பட்டறை-உரிமையாளர்-குத்திக்-கொலை-3079550.html
3079549 கோயம்புத்தூர் ஈரோடு வரதட்சிணை கேட்டதாக மனைவி பொய் புகார்:காவல் நிலையத்தில் கணவர் மனு DIN DIN Sunday, January 20, 2019 01:28 AM +0530 வரதட்சிணை கேட்டு கொடுமைப்படுத்தியதாக மனைவி பொய் புகார் அளித்துள்ளதாக அவரது கணவர் காவல் நிலையத்தில் சனிக்கிழமை மனு அளித்துள்ளார்.
இதுகுறித்து, ஈரோடு கருங்கல்பாளையம் ராஜாஜிபுரம் பகுதியைச் சேர்ந்த வெங்கடேஷ், தனது உறவினர்களுடன் திரண்டு வந்து கூடுதல் காவல் கண்காணிப்பாளர் சந்தான பாண்டியனிடம் அளித்துள்ள மனு:
தனக்கும், கருங்கல்பாளையத்தைச் சேர்ந்த புவனேஸ்வரிக்கும் 2015 இல் திருமணம் நடைபெற்றது. எங்களது குடும்ப சொத்தைப் பிரித்து அவரது பெயருக்கு மாற்ற வேண்டும் என எனது மனைவி வற்புறுத்தி வந்தார். நான் அதை ஏற்காததால் கருத்து வேறுபாடு ஏற்பட்டு பிரிந்து வாழ்ந்து வந்தோம். இதைத் தொடர்ந்து, இரு வீட்டாரும் சமரசம் செய்து வைத்ததையடுத்து மீண்டும் சேர்ந்து வாழ்ந்தோம்.
இந்நிலையில், இரண்டாவது குழந்தை பிறந்த பின் எனது மனைவி அவருடைய தாய் வீட்டுக்குச் சென்றார். அங்கிருந்தபடி என்னை செல்லிடப்பேசியில் தொடர்பு கொண்டு, சொத்தைப் பிரித்து வாங்கி வரும்படி வற்புறுத்தி வந்தார். மேலும், சொத்தைப் பிரித்து வாங்கி வரவில்லை என்றால் வரதட்சிணை கேட்டு கொடுமைப்படுத்துவதாக காவல் துறையில் புகார் அளிக்கப் போவதாகவும் மிரட்டி வந்தார்.
இந்நிலையில், ஈரோடு மாவட்ட காவல் கண்காணிப்பாளரிடம் வரதட்சிணை கேட்டு கொடுமைப்படுத்துவதாக எனது மனைவி புவனேஸ்வரி பொய்யான புகாரை வெள்ளிக்கிழமை அளித்துள்ளார். எனவே, என் மனைவி மீதும், அவரது குடும்பத்தினர் மீதும் வழக்குப் பதிவு செய்து உரிய நடவடிக்கை எடுக்க வேண்டும் என அதில் குறிப்பிட்டுள்ளார்.
 

]]>
https://www.dinamani.com/all-editions/edition-coimbatore/erode/2019/jan/20/வரதட்சிணை-கேட்டதாக-மனைவி-பொய்-புகார்காவல்-நிலையத்தில்-கணவர்-மனு-3079549.html
3079045 கோயம்புத்தூர் ஈரோடு அம்மா திட்ட முகாம்  DIN DIN Saturday, January 19, 2019 08:04 AM +0530 கெட்டிசமுத்திரம் கிராமத்தில்
அந்தியூரை அடுத்த கெட்டிசமுத்திரம் கிராமத்தில் வருவாய்த் துறை சார்பில் அம்மா திட்ட முகாம் வெள்ளிக்கிழமை நடைபெற்றது. 
கெட்டிசமுத்திரம் கிராம நிர்வாக அலுவலகத்தில் நடைபெற்ற இம்முகாமிற்கு, மண்டலத் துணை வட்டாட்சியர் ஆர்.சரவணன் தலைமை வகித்தார். வருவாய் ஆய்வாளர் வி.விஜயலட்சுமி, கிராம நிர்வாக அலுவலர் எம்.பானுரேகா ஆகியோர் முன்னிலை வகித்தனர். முகாமில், அரசின் வளர்ச்சித் திட்டங்கள் குறித்து பொதுமக்களுக்கு விளக்கிக் கூறப்பட்டது. 
முதியோர், விதவை உதவித் தொகை, வீட்டுமனைப் பட்டா, குடும்ப அட்டையில் பெயர் நீக்கம், சேர்த்தல், புதிய குடும்ப அட்டைகள் கோருதல், பட்டா மாறுதல் உள்பட மொத்தம் 25 மனுக்கள் பெறப்பட்டு துறை ரீதியான விசாரணைக்கு அனுப்பப்பட்டது. இதில், கெட்டிசமுத்திரம் சுற்று வட்டாரப் பகுதிகளைச் சேர்ந்த பொதுமக்கள் கலந்துகொண்டனர்.

பெருந்துறையில்.... 
பெருந்துறை, ஜன. 18: சென்னிமலை ஒன்றியம், தென்முக வெள்ளோடு ஊராட்சியில் அம்மா திட்ட முகாம் வெள்ளிக்கிழமை நடைபெற்றது.                
முகாமிற்கு, பெருந்துறை வட்டாட்சியர் துரைசாமி தலைமை வகித்தார். முகாமில், புதிய குடும்ப அட்டை, குடும்ப அட்டையில் பெயர் மாற்றம், முகவரி மாற்றம், முதியோர் உதவித் தொகை, இலவச வீட்டுமனைப் பட்டா, நலத்திட்ட  உதவிகள் உள்ளிட்டவை குறித்து பொதுமக்களிடம் இருந்து 16 மனுக்கள் பெறப்பட்டன.                
இதில், அரசு அலுவலர்கள், தன்னார்வ அமைப்பினர் கலந்துகொண்டனர். முகாமிற்கான ஏற்பாடுகளை பெருந்துறை வருவாய்த் துறையினர் செய்திருந்தனர்.

]]>
https://www.dinamani.com/all-editions/edition-coimbatore/erode/2019/jan/19/அம்மா-திட்ட-முகாம்-3079045.html
3079044 கோயம்புத்தூர் ஈரோடு செம்மண் எடுக்க கனிம வளத் துறை அனுமதி மறுப்பு: கேள்விக்குறியாகும் செங்கல் உற்பத்தித் தொழில் டி.சாம்ராஜ் DIN Saturday, January 19, 2019 08:03 AM +0530 செங்கல் உற்பத்திக்கு மூலப் பொருளான செம்மண் எடுக்க கனிமவளத் துறை உரிய அனுமதி வழங்காமல் காலம் தாழ்த்தி வருவதால் செங்கல் சூளைகள் மூடும் நிலைக்குத் தள்ளப்படுவதாக செங்கல் உற்பத்தியாளர்கள் கவலை தெரிவித்துள்ளனர்.
சத்தியமங்கலத்தை அடுத்த டி.ஜி.புதூர், கொடிவேரி, சதுமுகை, அங்கண்ணகவுண்டன்புதூர், ஒண்டியூர் ஆகிய பகுதிகளில் 300 க்கும் மேற்பட்ட செங்கல் சூளைகள் செயல்பட்டு வருகின்றன. இதில் ஆயிரக்கணக்கான தொழிலாளர்கள் செங்கல் உற்பத்திப் பணியில் ஈடுபட்டுள்ளனர்.  செங்கல் தயாரிப்புக்கு மூலப் பொருளான செம்மண்ணை 1 மீட்டர் ஆழத்துக்கு எடுத்துக் கொள்ள தமிழக அரசின் புவியியல், சுரங்கத் துறையின் சிறு கனிம அரசு விதிகளின்படி அனுமதி வழங்கியது. அதற்கான உரிமம் அளித்து ஆண்டுதோறும் புதுப்பித்து தரப்பட்டது.
அதன்படி, சூளை உரிமையாளர்கள் பட்டா நிலங்களில் செம்மண் எடுத்து செங்கல் உற்பத்தி செய்து வந்தனர். இந்நிலையில், கடந்த சில ஆண்டுகளாக செம்மண் எடுப்பதற்கு வழங்கப்பட்ட உரிமத்தை புதுப்பித்து தராமல் சுரங்கத் துறை காலம் தாழ்த்தியுள்ளது. கடந்த 2011 ஆம் ஆண்டுக்குப் பிறகு பட்டா நிலங்களில் செங்கல் எடுக்க முறையான அனுமதியை செங்கல் சூளை உற்பத்தியாளர்களுக்கு அரசு வழங்கவில்லை. அரசுக்கு பல முறை கோரிக்கை வைத்தும் பலனில்லை. தற்போது இருப்பு உள்ள செம்மண், சொந்த நிலங்களில் இருந்து செம்மண் எடுத்து செங்கல் உற்பத்தி செய்வதாகவும், தற்போது ஏற்பட்டுள்ள மணல் தட்டுப்பாடு காரணமாக செங்கலுக்கு உரிய விலை கிடைக்காமல் தவிப்பதாகவும் செங்கல் உற்பத்தியாளர்கள் தெரிவித்துள்ளனர்.
செங்கல் ஒன்று தற்போது ரூ. 7 க்கு விற்கப்படுகிறது. செங்கல் சூளை பாதிப்பால் நேரடியாகவும், மறைமுகமாகவும் ஒரு லட்சம் பேர் பாதிக்கப்பட்டுள்ளதாகவும் தெரிவித்தனர். அரசு இதில் கவனம் செலுத்தி செங்கல் தொழிலைப் பாதுகாத்து தொழிலாளர்களுக்கு தனி வாரியம் அமைத்துத் தர வேண்டும் என கோரிக்கை விடுத்துள்ளனர்.
தமிழக அரசு உரிய அனுமதி தாரமல் இழுத்தடிப்பதால் சட்டவிரோதமாக செம்மண் எடுக்கும் நிலைக்குத் தள்ளப்படுகின்றனர். மேலும், செம்மண் கிடைக்காத நிலை ஏற்படும்போது இதை நம்பி வாழும் ஆயிரக்கணக்கான தொழிலாளர்கள் பாதிக்கப்படுவதால் செம்மண் அள்ள அனுமதி அளிக்க வேண்டும் என டி.ஜி.புதூரைச் சேர்ந்த செங்கல் தொழிலாளர்கள் மல்லிகா, மணிமேகலா ஆகியோர் கோரிக்கை விடுத்துள்ளனர்.
இதுகுறித்து, ஈரோடு மாவட்ட கனிமம், சுரங்கத் துறை இணை இயக்குநர் சட்டசங்கர் கூறியதாவது:
கனிமம், சுரங்கத் துறை விதிகளின்படி சுற்றுச்சுழல் பாதிக்காதவாறு உரிய விண்ணப்பப் படிவத்துடன் ரூ. 1,500 கட்டண்ம் செலுத்தி முறையாக விண்ணப்பிக்கும் செங்கல் உற்பத்தியாளர்களுக்கு செங்கல் சூளைக்கு மண் எடுக்க அனுமதி அளிக்கப்பட்டு வருகிறது. சட்டவிரோதமாக மண் எடுக்கும் நபர்களை மட்டுமே கட்டுப்படுத்தி வருவதாகத் தெரிவித்தார்.

]]>
https://www.dinamani.com/all-editions/edition-coimbatore/erode/2019/jan/19/செம்மண்-எடுக்க-கனிம-வளத்-துறை-அனுமதி-மறுப்பு-கேள்விக்குறியாகும்-செங்கல்-உற்பத்தித்-தொழில்-3079044.html
3079043 கோயம்புத்தூர் ஈரோடு ஆயுள் காப்பீட்டுக் கழக முகவர்கள் ஆர்ப்பாட்டம் DIN DIN Saturday, January 19, 2019 08:03 AM +0530 ஈரோட்டில் பல்வேறு கோரிக்கைகளை வலியுறுத்தி ஆயுள் காப்பீட்டுக் கழக முகவர்கள் ஆர்ப்பாட்டத்தில் வெள்ளிக்கிழமை ஈடுபட்டனர்.  
ஈரோடு - பவானி சாலையில் உள்ள காப்பீட்டுக் கழக அலுவலகம் அருகில் சங்க மாவட்டத் தலைவர் ரவிசந்திரன் தலைமையில், செயலாளர் வடிவேல், பொருளாளர் கிருஷ்ணமூர்த்தி ஆகியோர் முன்னிலையில் நடைபெற்ற ஆர்ப்பாட்டத்தில், ஆயுள் காப்பீட்டுக் கழக பாலிசிதாரர்களுக்கான போனஸ் தொகையை அதிகரிக்க வேண்டும்.
ஆயுள் காப்பீடு பாலிசிக்கு ஜி.எஸ்.டி. வரியிலிருந்து விலக்கு அளிக்க வேண்டும். முகவர் நல நிதி ஒதுக்கீடு செய்ய வேண்டும். கடன், இதர பணப் பரிவர்த்தனைக்கான வட்டியைக் குறைக்க வேண்டும் என்பன உள்ளிட்டகோரிக்கைகளை வலியுறுத்தி முகவர்கள் முழக்கமிட்டனர். இதில், திரளான முகவர்கள் பங்கேற்றனர்.

]]>
https://www.dinamani.com/all-editions/edition-coimbatore/erode/2019/jan/19/ஆயுள்-காப்பீட்டுக்-கழக-முகவர்கள்-ஆர்ப்பாட்டம்-3079043.html
3079042 கோயம்புத்தூர் ஈரோடு பால் உற்பத்தியாளர்களுக்கு ரூ. 3.11 லட்சம் ஊக்கத் தொகை DIN DIN Saturday, January 19, 2019 08:03 AM +0530 பவானி அருகே உள்ள மயிலம்பாடி பால் உற்பத்தியாளர் கூட்டுறவு சங்க உறுப்பினர்கள் 147 பேருக்கு ரூ. 3.11 லட்சம் ஊக்கத் தொகை புதன்கிழமை வழங்கப்பட்டது. 
இந்நிகழ்ச்சிக்கு, சங்கத் தலைவர் பி.குப்புசாமி தலைமை வகித்தார். ஆவின் பொது மேலாளர் வே.லதா, பவானி வேளாண்மை உற்பத்தியாளர்கள் கூட்டுறவு சங்கத் தலைவர் என்.கிருஷ்ணராஜ் முன்னிலை வகித்தார். சங்கச் செயலாளர் ஆர்.மாதேஸ்வரன் வரவேற்றார். சுற்றுச்சூழல் துறை அமைச்சர் கே.சி.கருப்பணன், சங்க உறுப்பினர்கள் 147 பேருக்கு ஊக்கத் தொகை, பங்கு ஈவுத்தொகை சேர்த்து ரூ. 3.11 லட்சத்தை வழங்கினார்.
இதில், ஆவின் துணைப் பொது மேலாளர் கே.வெங்கடாசலம், குழுத் தலைவர் எஸ்.சண்முகம், மயிலம்பாடி சிற்றூராட்சி முன்னாள் தலைவர் ஏ.டி.சண்முகம், பவானி கைத்தறி நெசவாளர் கூட்டுறவு சங்கத் தலைவர் பெரியசாமி, பால் பரிசோதகர் எஸ்.வெங்கடேஸ் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/19/பால்-உற்பத்தியாளர்களுக்கு-ரூ-311-லட்சம்-ஊக்கத்-தொகை-3079042.html
3079041 கோயம்புத்தூர் ஈரோடு ஈரோட்டில் இன்று ஜல்லிக்கட்டு: அமைச்சர்கள் தொடங்கிவைக்கின்றனர் DIN DIN Saturday, January 19, 2019 08:02 AM +0530 ஈரோடு ஜல்லிக்கட்டு பேரவை சார்பில், ஈரோட்டில் சனிக்கிழமை (ஜனவரி 19) நடைபெறும் ஜல்லிக்கட்டு நிகழ்ச்சி பொதுமக்களிடையே பெரும் எதிர்பார்ப்பை ஏற்படுத்தியுள்ளது.
விழாவை, பள்ளிக் கல்வித் துறை அமைச்சர் கே.ஏ.செங்கோட்டையன், மின் துறை அமைச்சர் தங்கமணி, கால்நடைத் துறை அமைச்சர் உடுமலை ராதாகிருஷ்ணன், உள்ளாட்சித் துறை அமைச்சர் வேலுமணி, சுற்றுச்சூழல் துறை அமைச்சர் கே.சி.கருப்பணன், சமூக நலத் துறை அமைச்சர் சரோஜா ஆகியோர் தொடக்கிவைக்க உள்ளனர். 
பொங்கல் திருநாளையொட்டி, தமிழர்களின் வீர விளையாட்டான ஜல்லிக்கட்டு ஈரோடு மாவட்டத்தில் பவளத்தாம்பாளையம், ஏ.இ.டி. பள்ளி மைதானத்தில் சனிக்கிழமை (ஜனவரி 19) நடைபெறுகிறது.
ஜல்லிக்கட்டு சிறப்பான முறையில் நடைபெறுவதற்கு வருவாய்த் துறை, காவல் துறை, கால்நடை பராமரிப்புத் துறை, சுகாதாரத் துறை, பொதுப் பணித் துறை, தீயணைப்புத் துறை, ஜல்லிகட்டு ஒருங்கிணைப்பாளர்கள் ஆகியோர் அடங்கிய குழு அமைக்கப்பட்டுள்ளது.
இக்குழுவில் மாவட்ட ஆட்சியர், மாவட்ட காவல் கண்காணிப்பாளர், மாவட்ட வருவாய் அலுவலர், கால்நடை பராமரிப்புத் துறை மண்டல இணை இயக்குநர், பொதுப் பணித் துறை செயற்பொறியாளர் (கட்டடம் (ம) பராமரிப்புத் துறை) ஆகியோருடன் ஜல்லிக்கட்டு குழு சார்பில் தலைவர், செயலாளர், பொருளாளர் ஆகியோரும் இடம்பெற்றுள்ளனர். 
ஜல்லிக்கட்டு நிகழ்வைப் பார்வையிட வரும் பார்வையாளர்கள், காளைகள், வீரர்களின் எண்ணிக்கையைக் கருத்தில் கொண்டு ஜல்லிக்கட்டு விழாவுக்கு 5 துணை காவல் கண்காணிப்பாளர்கள் தலைமையில், 16 ஆய்வாளர்கள் உள்பட 600 காவலர்கள் பாதுகாப்புப் பணியில் ஈடுபடுத்தப்படவுள்ளனர். ஜல்லிக்கட்டில் பங்கேற்கும் அனைத்து காளைகளையும், மருத்துவப் பரிசோதனை செய்ய கால்நடை பராமரிப்புத் துறை சார்பில் தலைமை மருத்துவர்களைக் கொண்டு 4 குழுக்கள், ஒரு நடமாடும் மருத்துவக் குழுவும் அமைக்கப்பட்டுள்ளது.
ஜல்லிக்கட்டு விழாவில் பங்கேற்கும் மாடுபிடி வீரர்களுக்கு மருத்துவப் பரிசோதனை செய்யவும், போதுமான மருத்துவ சிகிச்சை அளிக்க பொது சுகாதாரம், நோய்த் தடுப்புத் துறையின் சார்பில் குழுவுக்கு ஒரு மருத்துவர், 4 செவிலியர்கள் அடங்கிய 10 குழுக்கள் ஈடுபடுத்தப்படவுள்ளனர். மேலும், தீயணைப்பு வாகனங்களும், தீயணைப்பு வீரர்களும் விளையாட்டு மைதானத்துக்கு அருகில் தயார் நிலையில் வைக்கப்பட்டுள்ளனர். 
50 துப்புரவுத் தொழிலாளர்களைக் கொண்ட 5 குழுக்கள் துப்புரவுப் பணிகளில் ஈடுபடுத்தப்பட்டுள்ளனர். 3 நடமாடும் கழிப்பறைகளும், 500 லிட்டர் கொள்ளளவு கொண்ட 10  தண்ணீர் தொட்டிகளும் ஏற்பாடு செய்யப்பட்டுள்ளன. ஜல்லிக்கட்டு நடைபெறும் இடங்களில் சி.சி.டி.வி. கேமரா மூலம் அனைத்து நடவடிக்கைகளும் பதிவு செய்யவும் ஏற்பாடு செய்யப்பட்டுள்ளது
இதுகுறித்து, பேரவை நிர்வாகிகள் கூறியதாவது:
உச்ச நீதிமன்ற வழிகாட்டுதல்படி, அனைத்து விதிகளையும் பின்பற்றி ஏற்பாடுகளை செய்துள்ளோம். ஈரோடு, திருப்பூர், மதுரை, மேலூர், தேனி உள்பட பல்வேறு பகுதிகளைச் சேர்ந்த 180 காளைகள் வந்துள்ளன. மாடுபிடி வீரர்கள் 200 பேர் பங்கேற்கின்றனர். காலை 8.30 மணிக்கு நிகழ்ச்சி தொடங்கி மாலை 4 மணிக்குள் நிறைவடையும் என  எதிர்பார்க்கிறோம். 
இந்த வளாகத்தில் 20 ஆயிரம் பேர் கூடும் வகையில் ஏற்பாடு செய்யப்பட்டுள்ளது என்றார்.
 

]]>
https://www.dinamani.com/all-editions/edition-coimbatore/erode/2019/jan/19/ஈரோட்டில்-இன்று-ஜல்லிக்கட்டு-அமைச்சர்கள்-தொடங்கிவைக்கின்றனர்-3079041.html
3079040 கோயம்புத்தூர் ஈரோடு சத்தியமங்கலம் புலிகள் காப்பகத்தில் வன விலங்குகள் கணக்கெடுக்கும் பணி தொடக்கம் DIN DIN Saturday, January 19, 2019 08:02 AM +0530 சத்தியமங்கலம் புலிகள் காப்பகத்தில் மழை பொழிவுக்குப் பின் வன விலங்குகள் கணக்கெடுப்புப் பணி வெள்ளிக்கிழமை தொடங்கியது. 
சத்தியமங்கலம் வனப் பகுதியில் ஒரு லட்சத்து 4 ஆயிரம் ஹெக்டேர் நிலப்பரப்பில் புலிகள் காப்பகம் அமைந்துள்ளது. சத்தியமங்கலம் புலிகள் காப்பகத்தில் 7 வனச் சரகங்கள் உள்ளன. மழைப் பொழிவுக்குப் பின் வனத்தில் வாழும் விலங்குகள், தாவரங்கள், மரங்கள், நீர்நிலைகள், வன உயிரினங்கள் நடமாட்டம் குறித்த கணக்கெடுப்புப் பணி வெள்ளிக்கிழமை துவங்கியது. இதற்கென சிறப்புப் பயிற்சி பெற்ற வன ஊழியர்கள் கணக்கெடுப்புப் பணியில் ஈடுபட்டனர். 
இந்த கணக்கெடுப்புக்கென பிரத்யேகமாக வடிவமைக்கப்பட்ட செல்லிடப்பேசி மென்பொருள் மூலம் கணக்கெடுப்பு நடத்தப்பட்டது. அதில், கணக்கெடுப்பு துவங்கப்பட்ட இடம், தூரம், அங்கு பார்த்தவற்றை பதிவு செய்வது என அந்ததந்த இடத்தில் நடந்த நிகழ்வுகளைப் பதிவு செய்தனர். மேலும், கணக்கெடுப்பில் பங்கேற்றவர்கள் குறித்து சுயபடம் எடுத்து பதிவு செய்தனர்.
தவிர வன ஊழியர்கள் ஜிபிஎஸ், ரேஞ்ச் ஃபைண்டர் போன்ற கருவிகளைப் பயன்படுத்தி கணக்கெடுப்பு மேற்கொண்டனர். சத்தியமங்கலம் வனச் சரகம் பண்ணாரி வனத்தில் வனச் சரக அலுவலர் பெர்னார்டு தலைமையில் வன ஊழியர்கள் மேற்கொண்ட கணக்கெடுப்பில் புலி, சிறுத்தையின் கால்தடம், எச்சம், கீறல்கள் பதிவு செய்யப்பட்டன. நேரடியாகப் பார்த்த காட்டெருமை, கேளையாடு சாணம், புதர் மறைவில் பதிவான சிறுத்தை தடயம் ஆகியவற்றையும் பதிவு செய்தனர்.
மேலும், ரேஞ்ச் ஃபைண்டர் மூலம் தொலைவில் உள்ள வன விலங்குகள் நடமாட்டத்தையும், நீர்நிலைகளையும் ஆய்வு செய்தனர். 5 கி.மீ. பரப்பளவுக்கு கண்ணில் தென்படும் வன விலங்குகள், தாவரங்கள், நீர்நிலைகள், மரங்கள் என அனைத்தையும் குறிப்பு எடுத்து அனுப்பினர். சத்தி புலிகள் காப்பகத்தில் உள்ள சத்தியமங்கலம், பவானிசாகர், தலமலை, டி.என்.பாளையம், ஆசனூர், தாளவாடி, கேர்மாளம் ஆகிய 7 வனச் சரகத்தில், 46 குழுக்களைச் சேர்ந்த 320 பேர் கணக்கெடுப்பில் ஈடுபட்டுள்ளனர். ஒவ்வொரு குழுவிலும் வனவர் தலைமையில் 5 பேர் இப்பணியில் ஈடுபட்டுள்ளனர்.

]]>
https://www.dinamani.com/all-editions/edition-coimbatore/erode/2019/jan/19/சத்தியமங்கலம்-புலிகள்-காப்பகத்தில்-வன-விலங்குகள்-கணக்கெடுக்கும்-பணி-தொடக்கம்-3079040.html
3079039 கோயம்புத்தூர் ஈரோடு நந்தா கோப்பைக்கான மாநில விளையாட்டுப் போட்டிகள் DIN DIN Saturday, January 19, 2019 08:02 AM +0530 நந்தா கல்வி நிறுவனங்களின் சார்பில் நடத்தப்பட்ட மாநில அளவிலான "நந்தா டிராபி- 2019'  விளையாட்டுப் போட்டிகளில் பல்வேறு பிரிவுகளில் வென்ற அணிகளுக்குப் பரிசுகள் அளிக்கப்பட்டன.
நந்தா தொழில்நுட்ப வளாகத்தின் விளையாட்டு மைதானத்தில் நடைபெற்ற இப்போட்டிகளை,  ஸ்ரீ நந்தா கல்வி அறக்கட்டளையின் தலைவர் வி.சண்முகன் தலைமை வகித்து தொடக்கிவைத்தார். இதில், மாணவர்களுக்கு கைப்பந்து, எறிபந்து, கபடி, கால்பந்து, கிரிக்கெட் போன்ற போட்டிகளும், மாணவிகளுக்கு கூடைப்பந்து, கோ-கோ, கைப்பந்து ஆகிய  போட்டிகளும் நடத்தப்பட்டன.
இதில், ஈரோடு, சேலம், நாமக்கல், கரூர், திருப்பூர், கோவை உள்ளிட்ட 10 மாவட்ட பள்ளிகளைச் சேர்ந்த சுமார் 1,500 க்கும் மேற்பட்ட மாணவ, மாணவிகள் பங்கேற்றனர். மாணவர்கள்  பிரிவில் கைப்பந்து போட்டியில், நம்பியூர் குமுதா மெட்ரிக். பள்ளியும், கபடி போட்டியில் கவுந்தப்பாடி அரசு ஆண்கள் மேல்நிலைப் பள்ளியும், எறிபந்து போட்டியில் புகலூர் வி.வி.என். பள்ளியும், கிரிக்கெட் போட்டியில் பெருந்துறை அரசுப் பள்ளியும், கால்பந்து போட்டியில் வடுகப்பட்டி ராஜேந்திரன் மெட்ரிக். மேல்நிலைப் பள்ளியும் வெற்றி பெற்று முதலிடம் பிடித்தனர்.
மாணவிகள் பிரிவில் கூடைப்பந்து போட்டியில் வடுகப்பட்டி ராஜேந்திரன் மெட்ரிக். மேல்நிலைப் பள்ளியும், எறிபந்து போட்டியில் சக்தி அரசு மேல்நிலைப் பள்ளியும், கோ-கோ போட்டியில் ரங்கம்பாளையம் கொங்கு கல்வி நிலையமும் வெற்றி பெற்று முதலிடம் பிடித்தனர்.
வெற்றி பெற்ற மாணவ, மாணவிகளுக்கு நந்தா கல்வி நிறுவனங்களின் முதன்மை நிர்வாக அதிகாரி டாக்டர் எஸ்.ஆறுமுகம் பரிசு வழங்கினார். நந்தா கல்வி அறக்கட்டளைச் செயலாளர் எஸ்.நந்தகுமார் பிரதீப், நந்தா கல்வி நிறுவனங்களின் செயலாளர் எஸ். திருமூர்த்தி, நந்தா பொறியியல் கல்லூரியின் முதல்வர் என்.ரெங்கராஜன் ஆகியோர் வாழ்த்தினர்.

]]>
https://www.dinamani.com/all-editions/edition-coimbatore/erode/2019/jan/19/நந்தா-கோப்பைக்கான-மாநில-விளையாட்டுப்-போட்டிகள்-3079039.html
3079038 கோயம்புத்தூர் ஈரோடு ஜாக்டோ - ஜியோ கூட்டமைப்பினர் ஆர்ப்பாட்டம் DIN DIN Saturday, January 19, 2019 08:02 AM +0530 பல்வேறு கோரிக்கைகளை வலியுறுத்தி ஜாக்டோ - ஜியோ கூட்டமைப்பினர் ஆர்ப்பாட்டத்தில் வெள்ளிக்கிழமை ஈடுபட்டனர்.
ஈரோடு மாவட்ட ஆட்சியர் அலுவலக வளாகத்தில் நடைபெற்ற இந்த ஆர்ப்பாட்டத்துக்கு, மாவட்ட ஒருங்கிணைப்பாளர் ஜே.பாஸ்கர்பாபு தலைமை வகித்தார்.
ஆர்ப்பாட்டத்தில், அங்கன்வாடி மையங்களில் தொடங்கவுள்ள எல்.கே.ஜி. வகுப்புகளுக்கு இடைநிலை ஆசிரியர்களை விதிகளுக்கு மாறாக பணி மாற்றம் செய்யக் கூடாது. மாநில அளவில் 3,500 துவக்க, நடுநிலைப் பள்ளிகளை, உயர்நிலை, மேல்நிலைப் பள்ளிகளுடன் இணைக்கும் திட்டத்தைக் கைவிட வேண்டும். மாநில அளவில் 3,500 சத்துணவு மையங்களை மூடும் திட்டத்தையும் கைவிட வேண்டும். சத்துணவு திட்டப் பணியைத் தொடர்ந்து செயல்படுத்த வேண்டும். அரசு ஊழியர்கள், ஆசிரியர்கள், சத்துணவு, அங்கன்வாடி பணியாளர்களுக்கு எதிராக மாநில அரசு செயல்படுவதைக் கைவிட வேண்டும். காலிப் பணிடங்களை நிரப்ப வேண்டும். ஊழியர்கள் ஓய்வுபெற்ற உடன் அப்பணியிடத்தை ரத்து செய்யும் போக்கைக் கைவிட வேண்டும் என்பன உள்ளிட்டகோரிக்கைகளை வலியுறுத்தி முழக்கமிட்டனர்.
இதில், நூற்றுக்கணக்கான ஜாக்டோ - ஜியோ கூட்டமைப்பினர் பங்கேற்றனர்.

]]>
https://www.dinamani.com/all-editions/edition-coimbatore/erode/2019/jan/19/ஜாக்டோ---ஜியோ-கூட்டமைப்பினர்-ஆர்ப்பாட்டம்-3079038.html
3079037 கோயம்புத்தூர் ஈரோடு பழங்குடியினருக்கான பள்ளியில் ஆசிரியர் பற்றாக்குறை: மாணவர்களின் கல்வி பாதிக்கும் நிலை ஆர்.மோகன்ராம் DIN Saturday, January 19, 2019 08:01 AM +0530 பழங்குடியினருக்கான மலைக்கிராமப் பள்ளிகளில் ஆசிரியர் பற்றாக்குறை நீடிப்பதன் காரணமாக மாணவர்களின் கல்வி பாதிக்கப்படும் நிலை ஏற்பட்டுள்ளது.
இந்தியாவில் எழுத்தறிவு 80 சதவீதம் உள்ள நிலையில், பழங்குடியினர் எழுத்தறிவு விகிதம் 54 சதவீதமாக உள்ளது. இந்த நிலையில் பழங்குடியினரின் எழுத்தறிவு விகிதத்தை அதிகரிக்கும் வகையில் அவர்களுக்காக நடத்தப்படும் பள்ளிகளின் நிலையை  கவனிக்க வேண்டியது அரசின் கடமை. கல்வி, அடிப்படை வசதி, தொழில் வளர்ச்சி என அனைத்திலும் மலைப் பகுதி புறக்கணிக்கப்படுவதாக  அப்பகுதி மக்கள் வேதனை தெரிவிக்கின்றனர்.
155 நடுநிலைப் பள்ளிகள் உயர்நிலைப் பள்ளிகளாக 2017 ஜூன் மாதம் தரம் உயர்த்தப்பட்டன. அதில், 150 பள்ளிகள் பள்ளி கல்வித் துறையின் கட்டுப்பாட்டிலும், 5 பள்ளிகள் பழங்குடியினர் நலத் துறையின்  கட்டுப்பாட்டிலும் உள்ளன.
பள்ளி கல்வித் துறை சார்ந்த 150 பள்ளிகளில் 9 மற்றும் 10 ஆம் வகுப்பில் மாணவர்கள் அதிகமாக சேர்ந்துள்ளதால், தேவையான ஆசிரியர்கள் நியமிக்கப்பட்டுள்ளனர். சேலம், திருவள்ளூர் மாவட்டத்தில் தலா 2 பள்ளி,  ஈரோடு மாவட்டத்தில் ஒரு பள்ளி என பழங்குடியினரின் தரம் உயர்த்தப்பட்ட 5  பள்ளிகளிலும் எந்த முன்னேற்றத்துக்கான நடவடிக்கைகள் எடுக்கப்படவில்லை எனக் கூறப்படுகிறது.
ஈரோடு மாவட்டம், அந்தியூர் தாலுகா, பர்கூர் மலைப் பகுதியில் போக்குவரத்து வசதியற்ற கொங்காடை மலைக் கிராமத்தில் ஒரு பள்ளி உள்ளது. அப்பகுதியில் ஊராளி எனும் பழங்குடியின மக்கள் அதிகம் வசிக்கின்றனர். அந்தியூரில் இருந்து 60 கிமீ தொலைவில் உள்ள இப்பகுதிக்கு சரக்கு வாகனம், மினி லாரிகளில்தான் மக்கள் பயணிக்கின்றனர்.
கொங்காடை பகுதியில் பெரியூர், சுண்டைப்போடு, அக்னிபாவி, செங்குளம், கோவில்நத்தம் என 10-க்கும் மேற்பட்ட மலைக் கிராமங்கள் உள்ள நிலையில், இப்பகுதியில், பழங்குடியினர் நலத் துறை மூலம், 1993 இல் துவக்கப் பள்ளி தொடங்கப்பட்டது. இதையடுத்து இப்பள்ளி 1998 இல் நடுநிலைப்  பள்ளியாகத் தரம் உயர்த்தப்பட்டது.
இப்பள்ளியைச்  சுற்றி, பள்ளி கல்வித் துறை மூலம் 4 தொடக்கப் பள்ளிகள், 3 குழந்தை தொழிலாளர் சிறப்பு பள்ளிகள் இயங்கி வருகின்றன. அருகில்  உயர்நிலைப் பள்ளி ஏதுமில்லாத காரணத்தால்  8 ஆம் வகுப்புடன் படிப்பை நிறுத்த வேண்டிய நிலையில் இப்பகுதி மாணவர்கள் உள்ளனர்.
இதையடுத்து,  சமவெளியில் உள்ள நிறுவனங்களில் வேலைக்காக மாணவர்கள் செல்கின்றனர். மாணவிகளுக்கு வேறு வழியின்றி திருமணம் செய்து வைக்கப்படுகிறது. மேலும், பள்ளி இடை நிற்றலும், குழந்தைத் தொழிலாளர் முறையும், குழந்தை திருமணமும் அதிகரிக்கிறது. இந்த அவல நிலைக்கு முற்றுப்புள்ளி வைக்கும் வகையில், உடனடியாக இப்பள்ளிகளுக்கு உடனடியாக அடிப்படை வசதிகளுடன், ஆசிரியர்களை நியமிக்க வேண்டும் என்பதே இப்பகுதி மக்களின் எதிர்பார்ப்பாக உள்ளது.
இதுகுறித்து, மலைவாழ் பள்ளிகளை அரசுடன் இணைந்து நடத்திவரும் சுடர் தொண்டு நிறுவன இயக்குநர் எஸ்.சி.நடராஜ் கூறியதாவது:
கடந்த 10 ஆண்டுகால தொடர் முயற்சியால் 2017 இல்  இப்பள்ளி உயர் நிலைப் பள்ளியாகத் தரம் உயர்த்தப்படும் என அரசு அறிவித்தது. இந்த அறிவிப்பால் 2018 ஜூனில் 9 ஆம் வகுப்பில் 50 மாணவர்கள் சேர்ந்தனர். அரையாண்டுத் தேர்வு முடிந்து  மூன்றாம் பருவ வகுப்பு துவங்கிய நிலையிலும், உயர்நிலைப் பள்ளிக்கான அரசாணை வழங்கப்படவில்லை. அதன் காரணமாக இன்று வரை தொடக்கப்பள்ளி, உயர்நிலைப் பள்ளி என பிரிக்கப்படவில்லை. உயர்நிலைப் பள்ளி பிரிவுக்கு ஆசிரியர் நியமிக்கப்படவில்லை. புதிய கூடுதல் கட்டடம், அடிப்படை வசதிகளுக்கும் வழிபிறக்கவில்லை. எஸ்.எஸ்.எல்.சி. பாடத்தை, ஒன்பதாம் வகுப்பிலேயே நடத்தும் தனியார் பள்ளிகள் நிறைந்த சூழ்நிலையில், இப்பள்ளிகளில் கற்பிக்க ஆசிரியர்கள் நியமிக்கப்படாதது மாணவர்கள் மத்தியில் வேதனையை ஏற்படுத்தியுள்ளது. இதைத் தவிர,  இங்குள்ள நடுநிலைப் பள்ளியில் 7 ஆசிரியர் பணியிடங்களில் 4 பேர் மட்டுமே பணியில் உள்ளனர். 3 இடங்கள் காலியாக உள்ளன. உயர்நிலைக்கு ஆசிரியர் இல்லாததால் தற்போதுள்ள ஆசிரியர்களே  உயர்நிலை வகுப்புகளையும் கவனிக்கும் அவலம் தொடர்கிறது. இதுபோன்ற அரசின் கவனிப்பற்ற நிலையால், எழுத்தறிவு சதவீதம் குறையும் சூழல் ஏற்பட்டுள்ளது. எனவே, கல்வித் துறை இப்பிரச்னையில் கூடுதல் கவனம் செலுத்தி விரைந்து நடவடிக்கை எடுக்க வேண்டும் என்றார்.
 

]]>
https://www.dinamani.com/all-editions/edition-coimbatore/erode/2019/jan/19/பழங்குடியினருக்கான-பள்ளியில்-ஆசிரியர்-பற்றாக்குறை-மாணவர்களின்-கல்வி-பாதிக்கும்-நிலை-3079037.html
3078559 கோயம்புத்தூர் ஈரோடு பெண்கள் மட்டுமே கொண்டாடி மகிழ்ந்த காணும் பொங்கல்...! DIN DIN Friday, January 18, 2019 08:31 AM +0530 பொங்கல் பண்டிகையின் முக்கிய நிகழ்வாகக் கருதப்படும் காணும் பொங்கல் விழா ஈரோட்டில் முழுக்க முழுக்க பெண்களால் உற்சாகத்துடன் வியாழக்கிழமை கொண்டாடப்பட்டது.
 ஈரோடு பேருந்து நிலையம் அருகேயுள்ள வஉசி பூங்காவில்  ஆண்டுதோறும் பெண்கள் மட்டுமே பங்கேற்கும் காணும் பொங்கல் விழா  உற்சாகத்துடன் கோலாகலமாகக் கொண்டாடப்படுகிறது. 
  இந்த ஆண்டு காணும் பொங்கலையொட்டி வியாழக்கிழமை காலை 10 மணி அளவில் இருந்தே பெண்களின் வருகையால் ஈரோடு வஉசி பூங்கா களைகட்டத் தொடங்கியது. பெண்கள் மட்டுமே பூங்காவுக்குள் செல்ல முடியும். மேலும், இவர்களுடன் 10 வயதுக்குள்பட்ட  சிறுவர்கள்  அனுமதிக்கப்படுகின்றனர். சிறுவர், சிறுமிகள் முதல் வயதான மூதாட்டிகள் வரையிலும் பங்கேற்று ஆட்டம், பாட்டம் கொண்டாட்டங்களில் பங்கேற்று தங்களது வயதையும் மறந்து  மகிழ்ச்சியுடன் சுற்றித் திரிந்தனர். இதில், ஈரோடு மாநகரைச் சார்ந்த  பெண்கள் மட்டுமின்றி பவானி, மொடக்குறிச்சி, எழுமாத்தூர், பெருந்துறை, நாமக்கல் மாவட்டம்,  பள்ளிபாளையம்,  குமாரபாளையம், திருச்செங்கோடு உள்ளிட்ட  பகுதிகளில் இருந்தும் வந்திருந்த  ஆயிரக்கணக்கான பெண்கள் இக்கொண்டாட்டத்தில் பங்கேற்றனர்.  
மதியம், இரவு வேளைகளுக்கான உணவு வகைகளை வீட்டில் தயாரித்து இங்கு கொண்டுவந்து உண்பதும் கொண்டாட்டத்தின் முக்கிய நிகழ்வாகும். மேலும், பல்வேறு  குழுக்களாகப் பிரிந்து கும்மி, கோலாட்டம் என  தங்களுக்குப் பிடித்த பாடல்களை ஆடலுடன் பாடி மகிழ்ந்தனர். மேலும்,  சில இளம் பெண்கள்  வாத்தியக் கருவிகளுடன் இசைத்து பாடியதைப் பார்க்க முடிந்தது. 
வயதானவர்கள் தங்களுக்குள் கதை பேச, நடுத்தர வயதினரும், சிறுமியரும் ஆசை தீர ஊஞ்சல் ஆடுவது உள்ளிட்ட விளையாட்டுகளில் திளைக்க, இளம் பெண்களோ அதிரவைக்கும் பாடல்களை ஒலிக்கவிட்டு நடனமாடியது போன்ற கொண்டாட்டங்களால் காணும் பொங்கல் விழா களைகட்டியது.
இதுகுறித்து, விழாவில் பங்கேற்ற  பெண்கள் கூறியதாவது:
ஆண்டு முழுவதும் வீட்டு வேலைகளை செய்தும், வெளியில் பணிக்கு சென்றும் சோர்ந்திருக்கும் எங்களுக்கு, இந்த காணும் பொங்கல்  விழா சோர்வைப் போக்கி கவலைகளையும் மறக்க உதவுகிறது. வயது வித்தியாசமின்றி, கூச்சத்தை மறந்து ஆடிப்பாடி மகிழ்கிறோம். 
இந்த நாளுக்காக ஆண்டு முழுவதும் காத்திருந்து இங்கு வருவதால்  உற்சாகத்துக்கு அளவே இல்லை. கிராமங்களில், "பூப்பறிக்க வர்றீங்களா' என்ற பெயரில் கிராமப் பெண்கள் ஒன்றுகூடி கும்மிப்பாட்டு, கோலாட்டம் ஆடி, சமைத்துக் கொண்டுவந்த தின்பண்டங்களைப் பகிர்ந்து உண்பது வழக்கம். அதேபோல், நகர்ப் பகுதியில் விழா எடுத்துக் கொண்டாட  பெண்களுக்காகவே இந்தப் பூங்காவை ஒதுக்கி இருப்பது வரவேற்புக்குரியது.  20 ஆண்டுகளுக்கும் மேலாக பெண்கள் மட்டும் பங்கேற்கும் காணும் பொங்கல்  கொண்டாடப்படுவது ஈரோட்டுக்குப் பெருமை சேர்ப்பதாக உள்ளது என்றனர்.


 

]]>
https://www.dinamani.com/all-editions/edition-coimbatore/erode/2019/jan/18/பெண்கள்-மட்டுமே-கொண்டாடி-மகிழ்ந்த-காணும்-பொங்கல்-3078559.html
3078558 கோயம்புத்தூர் ஈரோடு கடம்பூர் மல்லியம்மன் கோயில் விழா DIN DIN Friday, January 18, 2019 08:31 AM +0530 சத்தியமங்கலத்தை அடுத்த கடம்பூர் மல்லியம்மன் கோயில் விழாவில் ஆயிரக்கணக்கானோர் கலந்துகொண்டனர்.   
 காணும் பொங்கலையொட்டி கடம்பூர் செல்லும் வழியில் மலைஅடிவாரத்தில் அமைந்துள்ள மல்லியம்மன் திருக்கோயிலில் ஆண்டுதோறும் பூப்பறிக்கும் நிகழ்ச்சி நடைபெறுவது வழக்கம். 
இந்த ஆண்டு நடைபெற்ற விழாவுக்கு,  சத்தியமங்கலம், வடக்குபேட்டை, கடம்பூர்,அத்தியூர், கரளியம், காடகநல்லி, கானக்குந்தூர், குன்றி, மாக்கம்பாளையம், கோட்டமாளம்,திங்களூர், சுஜ்ஜில்கரை,  பவளக்குட்டை, மல்லியம்மன்துருவம், காடட்டி, இருட்டிபாளையம், அணைக்கரை, எக்கத்தூர் உள்ளிட்ட ஊர்களிலிருந்து பொதுமக்கள் குடும்பம்குடும்பமாக இரண்டு மற்றும் நான்கு சக்கர வாகனங்களிலும், கால்நடையாகவும் வந்து மல்லியம்மனை தரிசனம் செய்தனர்.  இந்நிகழ்ச்சியில் 1000-க்கும் மேற்பட்டோர் கலந்து கொண்டனர். 
 விழாவையொட்டி, கடம்பூர் போலீஸார், வனத் துறையினர் பாதுகாப்புப் பணியில் ஈடுபட்டனர்.
 பேருந்து வசதியில்லாததால் பெரும்பாலான பக்தர்கள் வாடகை வேனில் வந்தனர்.

]]>
https://www.dinamani.com/all-editions/edition-coimbatore/erode/2019/jan/18/கடம்பூர்-மல்லியம்மன்-கோயில்-விழா-3078558.html
3078557 கோயம்புத்தூர் ஈரோடு பயிர் காப்பீட்டுத் தொகையை உடனடியாக வழங்க வேண்டும்: விவசாயிகள் கோரிக்கை DIN DIN Friday, January 18, 2019 08:31 AM +0530 பயிர்க் காப்பீட்டு திட்டத்தின்கீழ்,  2017 ஆம் ஆண்டுக்கான மஞ்சள், நிலக்கடலை, மக்காளச்சோளம், எள் உள்ளிட்ட பயிர்களுக்கு இழப்பீட்டு தொகையை உடனடியாக வழங்க வேண்டும் என விவசாயிகள் கோரிக்கை விடுத்துள்ளனர். பயிர் காப்பீட்டு திட்டத்தின் கீழ் 2017 ஆம் ஆண்டு நெல், எள், நிலக்கடலை, மக்காச்சோளம், மஞ்சள் உள்ளிட்ட பயிர்கள் இழப்பீட்டுத் தொகைக்கு அரசு ஆய்வு செய்தது. இதனையடுத்து நெல்லுக்கு மட்டும் விவசாயிகளுக்கு இழப்பீட்டு தொகையை வழங்கி உள்ளது. 
இதுகுறித்து தமிழ்நாடு சிறு குறு விவசாயிகள் சங்கத்தின் மாநிலத் தலைவர் சுதந்திரராசு கூறியதாவது: 
பயிர்க் காப்பீட்டு திட்டத்தின் கீழ் அரசு 2017 ஆம் ஆண்டு புஞ்சை பயிர்களுக்கு வழங்க வேண்டிய இழப்பீட்டுத் தொகையில் நெல்லுக்கு மட்டுமே வழங்கி உள்ளது. ஆனால் எள், மக்காச்சோளம், நிலக்கடலை, மஞ்சள் உள்ளிட்ட பயிர்களுக்கு இதுவரை இழப்பீட்டு தொகையை வழங்காமல் உள்ளனர். மாவட்டத்திலேயே மொடக்குறிச்சி பகுதியில் தான் அதிக அளவிலான விவசாயிகள் பயிர் காப்பீடு செய்துள்ளனர்.  மாவட்ட ஆட்சியரின் முயற்சியால் நெல்லுக்கு மட்டும் இழப்பீட்டு தொகை வழங்கப்பட்டு வருகிறது. 
அதேபோல் மற்ற பயிர்களுக்கும் காப்பீட்டு நிறுவனத்திடம் இருந்து மாவட்ட ஆட்சியர்  மற்றும் அதிகாரிகள் முயற்சி செய்து விவசாயிகளுக்கு வழங்க வேண்டிய நிவாரணத்தை உடனடியாக பெற்றுத்தர நடவடிக்கை எடுக்க வேண்டும் என்றார்.
 

]]>
https://www.dinamani.com/all-editions/edition-coimbatore/erode/2019/jan/18/பயிர்-காப்பீட்டுத்-தொகையை-உடனடியாக-வழங்க-வேண்டும்-விவசாயிகள்-கோரிக்கை-3078557.html
3078556 கோயம்புத்தூர் ஈரோடு ஈரோட்டில் நாளை ஜல்லிக்கட்டு: ஏற்பாடுகள் தீவிரம் DIN DIN Friday, January 18, 2019 08:30 AM +0530 ஈரோட்டில் முதன்முறையாக வரும் ஜனவரி 19 ஆம் தேதி ஜல்லிக்கட்டு நிகழ்ச்சி நடத்த அனுமதி அளிக்கப்பட்டுள்ள நிலையில், அதற்கான ஏற்பாடுகளை நிகழ்ச்சி ஏற்பாட்டாளர்கள் தீவிரமாக மேற்கொண்டுள்ளனர்.
பொங்கலையொட்டி தமிழகத்தின் பல்வேறு பகுதிகளில் ஜல்லிக்கட்டு  நடைபெற்று வந்தாலும், காளைகளுக்குப் பெயர் போன  கொங்கு மண்டலத்தைச் சார்ந்த ஈரோட்டில்  ஜல்லிக்கட்டு நடைபெறவில்லை என்பது  இப்பகுதி மக்களின் நெடுநாள்  ஆதங்கமாக இருந்து வந்தது. இந்நிலையில், அதை நிறைவேற்றும் வகையில்  நடப்பாண்டில் ஈரோட்டில் முதன்முறையாக ஜல்லிக்கட்டு நடத்த அரசிடம் அனுமதி பெறப்பட்டது. 50 ஆண்டுகளுக்குப் பிறகு ஜல்லிக்கட்டு நடைபெறுவது அனைத்து தரப்பினரையும் உற்சாகத்தில் ஆழ்த்தியுள்ளது.
 ஈரோடு  பெருந்துறை சாலையிலுள்ள ஏஇடி பள்ளி மைதானத்தில் சனிக்கிழமை (ஜனவரி 19)காலை 8.30 மணிக்கு தொடங்கும் ஜல்லிக்கட்டு நிகழ்வை மாவட்டத்தைச் சார்ந்த  அமைச்சர்கள் தொடங்கி வைக்கவுள்ளனர். நீதிமன்ற வழிகாட்டுதல், அரசு விதிமுறைகளின்படி ஜல்லிக் கட்டுக்கான ஏற்பாடுகள் கடந்த ஒரு வாரமாக தீவிரமாக  நடைபெற்று வந்த நிலையில், தற்போது அனைத்துப் பணிகளும் தயார்நிலையில் உள்ளன.
சுமார் 400 காளைகள் பங்கேற்க அனுமதி கேட்டிருந்த நிலையில், 100 காளைகளுக்கு மட்டுமே மாவட்ட நிர்வாகம் அனுமதி அளித்துள்ளது. ஈரோடு, திருப்பூர் உள்ளிட்ட பல்வேறு பகுதிகளில் இருந்து ஜல்லிக்கட்டு காளைகள் இதில் பங்கேற்கவுள்ளன. அத்துடன் பல்வேறு பகுதிளைச் சேர்ந்த மாடுபிடி வீரர்கள் பங்கேற்கின்றனர். 
ஈரோடு மாவட்டத்தில் முதன்முறையாக ஜல்லிக்கட்டு நடத்தப்படுவதால் பல்லாயிரக்கணக்கில் பார்வையாளர்கள் வரக்கூடும்  என எதிர்பார்ப்பதாகவும்,  பாதுகாப்புப் பணிகளில் 600-க்கும் 
மேற்பட்ட போலீஸார் ஈடுபடுத்தப்படவுள்ளதாகவும் காவல் துறை தெரிவித்துள்ளது.  
 

]]>
https://www.dinamani.com/all-editions/edition-coimbatore/erode/2019/jan/18/ஈரோட்டில்-நாளை-ஜல்லிக்கட்டு-ஏற்பாடுகள்-தீவிரம்-3078556.html
3078555 கோயம்புத்தூர் ஈரோடு ஈரோடு கறவை மாட்டுச்சந்தை: ரூ.2.5 கோடிக்கு விற்பனை DIN DIN Friday, January 18, 2019 08:30 AM +0530 ஈரோட்டில் வியாழக்கிழமை கூடிய மாட்டுச் சந்தையில்   பசு, எருமை கறவை மாடுகள், வளர்ப்புக் கன்றுக் குட்டிகள் ரூ. 2.5 கோடிக்கு  விற்பனை ஆகியுள்ளநிலையில், வரத்துக் குறைவால் வெளி மாநில வியாபாரிகள் தேவையான எண்ணிக்கையில் மாடுகளை வாங்க முடியாமல் ஏமாற்றமடைந்தனர்.
ஈரோடு, கருங்கல்பாளையத்தில் காவிரிக் கரை சோதனைச் சாவடி  அருகே வாரந்தோறும் புதன் , வியாழன் ஆகிய இரு நாள்களில்  மாட்டுச் சந்தை நடைபெறுகிறது. அதில், புதன்கிழமை  வளர்ப்பு மாடுகளும், வியாழக்கிழமை  கறவைப் பசு மாடுகளும், எருமை மாடுகளும், வளர்ப்புக் கன்றுக்குட்டிகளும்  விற்பனை செய்யப்படுகின்றன. 
தென்னிந்தியாவின் மிகப்பெரிய இச்சந்தைக்கு , ஈரோடு மட்டுமின்றி நாமக்கல், சேலம், திருப்பூர், திண்டுக்கல், மதுரை, கோவை, கரூர் உள்ளிட்ட மாவட்டங்களில் இருந்து  விவசாயிகள், வியாபாரிகள் ஆயிரக்கணக்கானோர் வந்து செல்கின்றனர்.  இங்கு  கொண்டு வரப்படும் மாடுகள் தரமாக உள்ள காரணத்தால்  அவற்றை கொள்முதல் செய்ய கேரளம், கர்நாடகம், ஆந்திரம், தெலங்கானா, மகாராஷ்டிரம், கோவா ஆகிய மாநிலங்களில் இருந்தும் வியாபாரிகள்  வருகின்றனர். வாரந்தோறும் ஆயிரத்துக்கும் மேற்பட்ட மாடுகள் விற்பனை செய்யப்படுகின்றன. 
இந்நிலையில்,  கோமாரி நோயின் தாக்கம் காரணமாக கடந்த நவம்பர் 15 முதல் ஜனவரி 5 வரை 7 வாரங்களுக்கு ஈரோடு மாவட்டத்தில் உள்ள  அனைத்து மாட்டுச்சந்தைகளை நடத்த  மாவட்ட நிர்வாகம் தடை விதித்திருந்தது. இதையடுத்து, கோமாரி நோயின் தாக்கம் குறைந்துள்ளதால்,  பல்வேறு நிபந்தனைகளுடன் சந்தையை நடத்த ஜனவரி 10 ஆம் தேதி மாவட்ட  நிர்வாகம் அனுமதியளித்தது. அதைத் தொடர்ந்து மாட்டுப் பொங்கலுக்கு மறு நாள் வியாழக்கிழமை ஈரோடு கருங்கல் பாளையத்தில்  நடைபெற்ற  சந்தைக்கு  அனைத்து மாநில  வியாபாரிகளின் வருகை அதிக அளவில்   காணப்பட்டது.  ஆனால், விற்பனைக்கு  வந்த மாடுகளின் எண்ணிக்கை குறைந்துபோனதால் வியாபாரிகள் ஏமாற்றத்துடன் திரும்ப நேரிட்டது.
இதுகுறித்து, மாட்டுச்சந்தை   மேலாளர் ஆர்.முருகன் கூறியதாவது:
மாவட்ட நிர்வாகத்தின் அறிவுறுத்தலின்படி, கால்நடைத் துறை மருத்துவர் குழுவினர்  சந்தைக்குள் கொண்டு வரப்பட்ட கறவை மாடுகளை பரிசோதனை செய்த  பிறகே அனுமதித்தனர். மேலும்,  நோய் தடுப்புக்கான கிருமி நாசினிகள் தெளிக்கப்பட்டது.  இந்த வாரச் சந்தைக்கு, வெளி மாநில வியாபாரிகள் அதிக அளவில்  வந்திருந்தனர்.   சந்தையில் 250 பசுக்கள், 200 எருமைகள், 200 வளர்ப்புக் கன்றுகள் விற்பனைக்காக வந்திருந்தன.  இதில், பசு ரூ.16 ஆயிரம் முதல் ரூ.32 ஆயிரம் வரையிலும், எருமை மாடு ரூ.18 ஆயிரம் முதல் ரூ.36 ஆயிரம் வரையிலும், வளர்ப்பு கன்றுகள் ரூ. 2 ஆயிரம்  முதல் ரூ. 12 ஆயிரம் வரையிலும் விற்பனை ஆகியுள்ளது. மொத்தம் ரூ.2.50 கோடிக்கு  மாடுகள் விற்பனை செய்யப்பட்டுள்ளன என்றார்.

]]>
https://www.dinamani.com/all-editions/edition-coimbatore/erode/2019/jan/18/ஈரோடு-கறவை-மாட்டுச்சந்தை-ரூ25-கோடிக்கு-விற்பனை-3078555.html
3078554 கோயம்புத்தூர் ஈரோடு அந்தியூர் ஒழுங்குமுறை விற்பனைக்கூடத்தில் ஜனவரி 24 முதல் பருத்தி ஏலம் DIN DIN Friday, January 18, 2019 08:30 AM +0530 அந்தியூர் ஒழுங்குமுறை விற்பனைக் கூடத்தில் ஜனவரி 24 ஆம் தேதி முதல்  பருத்தி ஏலம் தொடங்குவதாக அறிவிக்கப்பட்டுள்ளது.
இதுகுறித்து அந்தியூர் ஒழுங்குமுறை விற்பனைக்கூட கண்காணிப்பாளர் பா.லெட்சுமணன் வெளியிட்ட தகவல்:
ஈரோடு மாவட்ட விற்பனைக் குழுவின் மூலம் இயங்கி வரும் அந்தியூர் ஒழுங்கு முறை விற்பனைக் கூடத்தில் வரும் 24.1.2019  முதல் புரட்டாசி பட்ட பருத்தி ஏல விற்பனை தொடங்கவுள்ளது. 
வியாழன்தோறும் பருத்தி ஏல விற்பனை, மறைமுக ஏலம் மூலம் நடத்தப்பட உள்ளது. இந்த ஏலத்தில் உள்ளூர், வெளியூர் மாவட்ட வியாபாரிகள், அறவை ஆலை, நூற்பாலை  உரிமையாளர்கள் பங்கேற்று பருத்தியை கொள்முதல் செய்யலாம்.
நன்கு முதிர்ந்து  மலர்ந்து வெடித்த பருத்தியை அதிகாலை நேரத்தில் பறித்து நிழலில் உலர்த்தி, தூசி, சருகுகளை நீக்கி ரகம் வாரியாக தனித்தனியாக பிரித்து விற்பனை கூடத்துக்கு விவசாயிகள் எடுத்து வரவேண்டும். விவசாயிகள், தங்களது விளைபொருள் தொகையை வங்கி மூலம் பெற்றுக் கொள்ளும் வகையில் வங்கிக் கணக்கு புத்தக நகல், ஆதார் அட்டை நகலை எடுத்து வர வேண்டும். 
இந்த ஏலம் மூலம் விளைபொருளுக்கு சரியான எடை, போட்டி விலை, பிடித்தமின்றி உடனடியாக பணம்  கிடைக்கும் என தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/erode/2019/jan/18/அந்தியூர்-ஒழுங்குமுறை-விற்பனைக்கூடத்தில்-ஜனவரி-24-முதல்-பருத்தி-ஏலம்-3078554.html
3078544 கோயம்புத்தூர் ஈரோடு கோபி அருகே ஆற்றில் மூழ்கி மூவர் சாவு DIN DIN Friday, January 18, 2019 08:25 AM +0530 கோபிசெட்டிபாளையம் அருகே உள்ள சிங்கிரிபாளையம் பகுதியில் பவானி ஆற்றில் மூழ்கி, திருப்பூர் மாவட்டத்தைச் சேர்ந்த 3 பேர் உயிரிழந்தனர்.
ஈரோடு மாவட்டம், கோபிசெட்டிபாளையத்தில் உள்ள உறவினர் வீட்டில் நடைபெற்ற விழாவுக்கு, திருப்பூர் மாவட்டத்திலிருந்து ஜெனிதா மேரி, தாஸ், லோகேஸ்வரன் ஆகியோர் உள்பட 10 பேர் குழுவாக புதன்கிழமை வந்துள்ளனர்.இவர்கள் விழா முடிந்து கோபிசெட்டிபாளையம் அருகே சிங்கிரிபாளையத்தில் உள்ள உறவினரின் தோட்டத்துக்குச் சென்றனர். தோட்டத்தின் அருகில் பவானி ஆற்றில் சென்று மீன் பிடிப்பதற்காகவும், குளிப்பதற்காகவும் ஆற்றில் இறங்கியுள்ளனர். அப்போது அங்கு மீன் பிடித்துக் கொண்டிருந்த தாஸ் ஆழமான பகுதிக்கு சென்றுவிடவே நீரில் மூழ்கி தத்தளித்துள்ளார். அவரைக் காப்பாற்ற சென்றபோது ஜெனிதா மேரியும் நீரில் மூழ்கியுள்ளார். இருவரையும் காப்பாற்ற லோகேஸ்வரனும் நீரில் குதித்துள்ளார். ஆனால், மூன்று பேருமே நீரில் மூழ்கி காணாமல் போயினர். இதனால் அதிர்ச்சி அடைந்த உறவினர்கள் உடனடியாக பங்களாபுதூர் போலீஸாருக்கும், கோபி தீயணைப்புத் துறையினருக்கும் தகவல் தெரிவித்தனர். நீண்ட நேரத்துக்குப் பின்னர் மூன்று சடலங்களும் உறவினர்களாலேயே  மீட்கப்பட்டன.
இந்தத் தகவல் அறிந்து, கோபி தீயணைப்புத் துறையினர், போலீஸார் சம்பவ இடத்துக்கு விரைந்து வந்து மூன்று சடலங்களையும் கோபிசெட்டிபாளையம் அரசு மருத்துவமனைக்கு பிரேத பரிசோதனைக்காக அனுப்பிவைத்து விசாரணை மேற்கொண்டனர்.
இவர்கள் மூவரும் மூழ்கிய இடத்தில் அந்தப் பகுதி மக்களே இறங்கத் தயக்கம் காட்டும் நிலையில், வழிகாட்டி இல்லாமல் ஆபத்தான பகுதியில் இறங்கியதுதான் இவர்களது உயிரிழப்புக்கு காரணம் என போலீஸார் தெரிவித்தனர்.

]]>
https://www.dinamani.com/all-editions/edition-coimbatore/erode/2019/jan/18/கோபி-அருகே-ஆற்றில்-மூழ்கி-மூவர்-சாவு-3078544.html
3078543 கோயம்புத்தூர் ஈரோடு அறச்சலூர் அருகே வாகனம் மோதி  பாதயாத்திரை சென்ற பக்தர்கள் காயம் DIN DIN Friday, January 18, 2019 08:24 AM +0530 மொடக்குறிச்சியை அடுத்த அறச்சலூர் அருகே பழனி பாதயாத்திரைக்கு சென்ற பக்தர்கள் மீது கார் மோதிய விபத்தில் 4 பேர் காயமடைந்தனர். 
தைப்பூசத் திருவிழாவையொட்டி பழனிமலை முருகன் கோயிலுக்கு ஆண்டுதோறும் பக்தர்கள் பாதயாத்திரை சென்று வருகின்றனர். இவர்கள் ஈரோடு, அறச்சலூர், காங்கயம், தாராபுரம் வழியாக செல்வது வழக்கம். 
இந்நிலையில், நாமக்கல் மாவட்டம், கருமனூர் கூத்தம்பாளையத்தைச் சேர்ந்த செல்வகணபதி (28), சதீஷ் (28), ரஞ்சித் (19),  வையப்பமலை மணலி பகுதியைச் சேர்ந்த அம்மணியம்மாள் ஆகியோர் பழனிக்கு பாதயாத்திரையாக  புதன்கிழமை இரவு சென்றுகொண்டிருந்தனர்.  அறச்சலூர் அருகே சென்றபோது, எதிரில் வந்த கார் மோதி நால்வரும் பலத்த காயமடைந்தனர்.  இதைத் தொடர்ந்து, காயமடைந்தவர்களை அவர்களுடன் வந்தவர்கள் மீட்டு ஈரோடு அரசு மருத்துவமனைக்கு  அனுப்பி வைத்தனர்.    விபத்தை ஏற்படுத்திய சேலம் மாவட்டத்தைச் சேர்ந்த கார் ஓட்டுநர் செந்தில் (24) மீது  அறச்சலூர் காவல் துறையினர் வழக்குப் பதிவு செய்து விசாரணை நடத்தி வருகின்றனர்.  
 

]]>
https://www.dinamani.com/all-editions/edition-coimbatore/erode/2019/jan/18/அறச்சலூர்-அருகே-வாகனம்-மோதி--பாதயாத்திரை-சென்ற-பக்தர்கள்-காயம்-3078543.html
3078542 கோயம்புத்தூர் ஈரோடு பொங்கல் விளையாட்டுப் போட்டிகள் DIN DIN Friday, January 18, 2019 08:24 AM +0530 மொடக்குறிச்சியை அடுத்த கோவில்பாளையத்தில் பொங்கல் விழாவையொட்டி நடைபெற்ற விளையாட்டு போட்டிகளில் வெற்றிபெற்றவர்களுக்கு பரிசுகள் வழங்கப்பட்டன. 
செங்கதிர் நண்பர்கள் விளையாட்டு மன்றத்தின் சார்பில் நடைபெற்ற இந்த விழாவில், கயிறுஇழுத்தல், ஓட்டப்பந்தயம், சைக்கிள்போட்டி, கோலப்போட்டி, இசைநாற்காலி, பேச்சுப்போட்டி, நடனம் உள்ளிட்ட போட்டிகள் நடத்தப்பட்டு வெற்றிபெற்றவர்களுக்கு பரிசுகள் வழங்கப்பட்டன. 
பரிசளிப்பு விழாவில் குலவிளக்கு ஊராட்சி மன்ற முன்னாள் தலைவர் என்.ஆர்.நடராஜ், குலவிளக்கு ஊராட்சி திமுக செயலாளர் முத்துக்குமார், கூட்டுறவு சங்க துணைத் தலைவர் முத்துசாமி உள்ளிட்டோர் கலந்துகொண்டு பரிசுகள் வழங்கி பாராட்டினர். 
 

]]>
https://www.dinamani.com/all-editions/edition-coimbatore/erode/2019/jan/18/பொங்கல்-விளையாட்டுப்-போட்டிகள்-3078542.html
3078541 கோயம்புத்தூர் ஈரோடு எஸ்கேஎம் சித்த ஆயுர்வேத நிறுவனம் சார்பில் வாழ்வியல் மேலாண்மை கருத்தரங்கு: நாளை தொடக்கம் DIN DIN Friday, January 18, 2019 08:24 AM +0530 ஈரோடு எஸ்கேஎம் ஆயுஷ் கல்வி  மற்றும் ஆராய்ச்சி மையம் சார்பில் வாழ்வியல் மேலாண்மைக்கான தேசிய கருத்தரங்கம் ஜனவரி 19,  20  ஆகிய தேதிகளில்  ஈரோட்டில் நடைபெறவுள்ளது.
இதுகுறித்து அந்நிறுவனம் வெளியிட்டுள்ள தகவல்:  ஈரோடு, பெருந்துறை சாலையிலுள்ள பரிமளம் மஹாலில் ஜனவரி 19 ஆம் தேதி தொடங்கும்  இந்நிகழ்ச்சிக்கு, எஸ்கேஎம். மயிலானந்தம் தலைமை வகிக்கிறார்.  மாவட்ட ஆட்சியர் சி. கதிரவன் முன்னிலை வகிக்கிறார். 
கோவை ஆரிய வைத்தியசாலை (ஏவிபி) மேலாண்மை இயக்குநர் கிருஷ்ணகுமார் கெளரவ விருந்தினராகப் பங்கேற்கிறார். இக்கருத்தரங்கில்,  ஆயுர்வேத மருத்துவர் எல்.மகாதேவன், சித்த மருத்துவர் நாராயணன் ஆகியோருக்கு விருது வழங்கப்படுகிறது. இதைத்தொடர்ந்து,  சித்த, ஆயுர் வேத மருத்துவர்கள், மாணவர்கள் உள்பட ஆயிரத்துக்கும் மேற்பட்டோரின் ஆய்வு பதிவுகளும், சிறந்த பதிவுகளுக்குப் பரிசும் அளிக்கப்படவுள்ளது.
ஜனவரி 20 ஆம் தேதி ஆயுர்வேத மருத்துவர் மகாதேவன் "அன்றாட வாழ்வில்ஆயுர் வேதம்' என்ற தலைப்பிலும், இதையடுத்து பல்வேறு தலைப்புகளில் தலை சிறந்த மருத்துவர்களும் உரையாற்றவுள்ளனர். தொடர்ந்து எஸ்கேஎம். ஹெர்போதயா கேர் சார்பில் நடைபெறும் சிறப்பு நிகழ்வில், நிர்வாக இயக்குநர் சிவகுமார், இணை இயக்குநர் குமுதவல்லி சிவகுமார், சென்னை சித்த மருத்துவ ஆராய்ச்சி நிலைய பேராசிரியர் வி. பானுமதி, பேராசிரியர் கனகவல்லி உள்ளிட்டோர் பங்கேற்கவுள்ளதாக தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/erode/2019/jan/18/எஸ்கேஎம்-சித்த-ஆயுர்வேத-நிறுவனம்-சார்பில்-வாழ்வியல்-மேலாண்மை-கருத்தரங்கு-நாளை-தொடக்கம்-3078541.html
3078540 கோயம்புத்தூர் ஈரோடு பவானிசாகர் அணைப் பூங்காவில் பொங்கல் கொண்டாட்டம் DIN DIN Friday, January 18, 2019 08:23 AM +0530 பவானிசாகர் அணைப் பூங்காவில் பொங்கல் விழா  கொண்டாடப்பட்டது. கடந்த 3 நாள்களில் ரூ. ஒரு லட்சத்து 93 ஆயிரத்து 403 வசூலாகி உள்ளது. 
ஈரோடு மாவட்டத்தின் முக்கிய பொழுதுபோக்கு தலமாக பவானிசாகர் அணைப் பூங்கா உள்ளது. காணும் பொங்கலையொட்டி,  ஈரோடு, கோவை, நீலகிரி மாவட்டத்தின் பல்வேறு இடங்களில் இருந்து சுற்றுலாப் பயணிகள் மற்றும் கிராம மக்கள் பூங்காவுக்கு வந்தனர். அணைப் பூங்காவில் குழந்தைகள் சிறுவர் ரயில், படகுசவாரி உள்ளிட்ட பொழுது போக்கு அம்சத்தில் சென்று மகிழ்ந்தனர்.  பொங்கலையொட்டி, கடந்த 3 நாள்களில் அணைப் பூங்கா நுழைவுக் கட்டணம் மற்றும் பார்க்கிங் கட்டணமாக மொத்தம் ரூ.1 லட்சத்து 93 ஆயிரத்து 403 வசூலானதாக அணை செயற்பொறியாளர் சுப்பையா தெரிவித்தார்.

]]>
https://www.dinamani.com/all-editions/edition-coimbatore/erode/2019/jan/18/பவானிசாகர்-அணைப்-பூங்காவில்-பொங்கல்-கொண்டாட்டம்-3078540.html
3078539 கோயம்புத்தூர் ஈரோடு கடம்பூர் மல்லியம்மன் கோயில் விழா DIN DIN Friday, January 18, 2019 08:23 AM +0530 சத்தியமங்கலத்தை அடுத்த கடம்பூர் மல்லியம்மன் கோயில் விழாவில் ஆயிரக்கணக்கானோர் கலந்துகொண்டனர்.   
 காணும் பொங்கலையொட்டி கடம்பூர் செல்லும் வழியில் மலைஅடிவாரத்தில் அமைந்துள்ள மல்லியம்மன் திருக்கோயிலில் ஆண்டுதோறும் பூப்பறிக்கும் நிகழ்ச்சி நடைபெறுவது வழக்கம். இந்த ஆண்டு நடைபெற்ற விழாவுக்கு,  சத்தியமங்கலம், வடக்குபேட்டை, கடம்பூர்,அத்தியூர், கரளியம், காடகநல்லி, கானக்குந்தூர், குன்றி, மாக்கம்பாளையம், கோட்டமாளம்,திங்களூர், சுஜ்ஜில்கரை,  பவளக்குட்டை, மல்லியம்மன்துருவம், காடட்டி, இருட்டிபாளையம், அணைக்கரை, எக்கத்தூர் உள்ளிட்ட ஊர்களிலிருந்து பொதுமக்கள் குடும்பம்குடும்பமாக இரண்டு மற்றும் நான்கு சக்கர வாகனங்களிலும், கால்நடையாகவும் வந்து மல்லியம்மனை தரிசனம் செய்தனர்.  இந்நிகழ்ச்சியில் 1000-க்கும் மேற்பட்டோர் கலந்து கொண்டனர். 
 விழாவையொட்டி, கடம்பூர் போலீஸார், வனத் துறையினர் பாதுகாப்புப் பணியில் ஈடுபட்டனர்.
 பேருந்து வசதியில்லாததால் பெரும்பாலான பக்தர்கள் வாடகை வேனில் வந்தனர்.
 

]]>
https://www.dinamani.com/all-editions/edition-coimbatore/erode/2019/jan/18/கடம்பூர்-மல்லியம்மன்-கோயில்-விழா-3078539.html
3078538 கோயம்புத்தூர் ஈரோடு எம்ஜிஆர் பிறந்த நாள் விழா: அதிமுகவினர் மரியாதை DIN DIN Friday, January 18, 2019 08:23 AM +0530 மொடக்குறிச்சி ஒன்றியத்தில்...
மொடக்குறிச்சி ஒன்றியத்தில் மறைந்த முன்னாள் முதல்வர் எம்.ஜி.ஆர். 102 ஆவது பிறந்தநாளையொட்டி பல்வேறு இடங்களில் அவரது உருவப் படத்துக்கு மாலை அணிவித்து மரியாதை செலுத்தப்பட்டது. 
மொடக்குறிச்சி ஒன்றியம், அவல்பூந்துறையில் நடைபெற்ற விழாவுக்கு, மொடக்குறிச்சி  எம்.எல்.ஏ வி.பி.சிவசுப்பிரமணி தலைமை தாங்கி கட்சிக் கொடியேற்றி வைத்து, எம்.ஜி.ஆர். உருவப் படத்துக்கு மாலை அணிவித்து மரியாதை செலுத்தினார். மொடக்குறிச்சி ஒன்றிய அதிமுக செயலாளர் ஆர்.பி.கதிர்வேல் முன்னிலை வகித்தார். தொடர்ந்து அனைவருக்கும் இனிப்பு வழங்கப்பட்டது. இந்நிகழ்ச்சியில் திரளான கட்சி நிர்வாகிகள் கலந்து கொண்டனர்.


கொடுமுடி வட்டாரத்தில்...
முன்னாள் முதல்வர் எம்.ஜி.ஆர். பிறந்தநாளையொட்டி சிவகிரியில் அவரது உருவப் படத்துக்கு அதிமுகவினர் மாலை அணிவித்து மரியாதை செலுத்தினர்.
  பேரூராட்சி அதிமுக செயலாளர் ராமலிங்கம் தலைமையில் அதிமுகவினர் எம்ஜிஆர் உருவப் படத்திற்கு  மாலை அணிவித்து மரியாதை செலுத்தினர். எம்ஜிஆர் மன்ற மாவட்ட துணைச் செயலாளர் சர்வேஸ்வரன், மகளிர் அணியை சேர்ந்த பலரும் எம்ஜிஆர் உருவப் படத்துக்கு மலர்தூவி பொதுமக்களுக்கு இனிப்பு வழங்கினர்.
  கொடுமுடி அருகே உள்ள நகப்பாளையம் அருந்ததியர் காலனியில் ஊர்பொதுமக்கள் சார்பில் எம்ஜிஆர் உருவப் படத்துக்கு மாலை அணிவித்து மரியாதை செலுத்தப்பட்டது.  
கொடுமுடி, ஒத்தகடை, தாமரைப்பாளையம், சாலைபுதூர் ஆகிய பகுதிகளிலும் அதிமுகவினர் எம்ஜிஆரின் உருவப் படத்துக்கு மாலை அணிவித்து மரியாதை செலுத்தினர்.


ஈரோட்டில்...
மறைந்த முன்னாள் முதல்வர் எம்ஜிஆரின்102 ஆவது பிறந்தநாளையொட்டி ஈரோட்டில் உள்ள அவரது சிலைக்கு அதிமுகவினர் மாலை அணிவித்து வியாழக்கிழமை மரியாதை செய்தனர்.
ஈரோடு பன்னீர் செல்வம் பூங்காவில்  உள்ள  எம்ஜிஆர் சிலைக்கு ஈரோடு அதிமுக மாநகர  மாவட்டச் செயலரும், சட்டப் பேரவை உறுப்பினருமான  கே.வி. ராமலிங்கம் தலைமையில் ,  சட்டப் பேரவை உறுப்பினர் கே.எஸ். தென்னரசு, முன்னாள் மேயர் மல்லிகா பரமேஸ்வரன், முன்னாள் துணைமேயர் கே.சி. பழனிசாமி, மாநகராட்சி முன்னாள் மண்டலத் தலைவர் பெரியார் நகர் மனோகரன், பகுதி செயலர்கள்  சூரம்பட்டி ஜெகதீஷ், கேசவமூர்த்தி, ஜெயராஜ், கோவிந்தராஜ், முருகுசேகர் உள்ளிட்டோர் கலந்து கொண்டு மாலை அணிவித்து மரியாதை செய்தனர். 
அம்மா மக்கள் முன்னேற்றக்கழகம்: அம்மா மக்கள் முன்னேற்ற கழக மாநில செயற்குழு உறுப்பினர் ராஜசேகர் தலைமையில் நிர்வாகிகள் சீனிவாசன், பாலமுருகன் உள்ளிட்டோர் எம்ஜிஆர் சிலைக்கு மாலை அணிவித்து மரியாதை செய்தனர்.
தமிழக மக்கள் முன்னேற்றக்கழகம்: இக்கட்சியின் மாவட்டத் தலைவர் செல்வராஜ் தலைமையில் நிர்வாகிகள் மயில்துரையன், குணசேகரன், ராமு, துரைசாமி உள்ளிட்டோர் எம்ஜிஆர் சிலைக்கு மாலை அணிவித்து மரியாதை செய்தனர்.


கோபியில்...
கோபி சட்டப் பேரவை உறுப்பினர் கே.ஏ.செங்கோட்டையன் அலுவலகத்தில் எம்ஜிஆர்102 ஆவது  பிறந்தநாள் விழா வியாழக்கிழமை கொண்டாடப்பட்டது.
விழாவில்,  எம்ஜிஆர் உருவப் படத்துக்கு மாலை அணிவித்து, மலர் தூவி கட்சியினர் மரியாதை செய்தனர். பின்னர்,  பொதுமக்களுக்கு சர்க்கரைப் பொங்கல் வழங்கப்பட்டது.
நிகழ்ச்சியில் அதிமுக நிர்வாகிகள், தொண்டர்கள் , மகளிர் அணியினர் உள்பட பலர் கலந்து கொண்டனர். பின்னர் நகரின் மையப் பகுதியில் அமைந்துள்ள எம்ஜிஆரின் சிலைக்கு மாலை அணிவித்து மரியாதை செலுத்தப்பட்டது. பல்வேறு கோயில்களில் சிறப்பு வழிபாடுகள், அன்னதானம் நடைபெற்றன.

பெருந்துறையில்...
பெருந்துறையில் எம்ஜிஆர் பிறந்த நாள் விழா வியாழக்கிழமை கொண்டாடப்பட்டது.
பெருந்துறை, குன்னத்தூர் நான்கு சாலை சந்திப்பில், மலர்களால் அலங்கரித்து வைக்கப்பட்டிருந்த எம்.ஜி.ஆர். உருவப் படத்துக்கு பெருந்துறை சட்டப் பேரவை உறுப்பினர் தோப்பு என்.டி.வெங்கடாச்சலம் தலைமையில், அதிமுகவினர் மலர் தூவி மரியாதை செலுத்தினர். பின்னர், பொதுமக்களுக்கு இனிப்பு வழங்கினர். 
இதில், பெருந்துறை சட்டப் பேரவை முன்னாள் உறுப்பினர் கே.எஸ்.பழனிசாமி, பெருந்துறை ஒன்றியச் செயலாளர் விஜயன், ஒன்றியக் குழு முன்னாள் தலைவர் எஸ்.பெரியசாமி, கூட்டுறவு விற்பனைச் சங்கத் துணைத் தலைவர் டி.டி.ஜெகதீஷ், நகரச் செயலாளர் வி.பி.கல்யாணசுந்தரம், ஆவின் பால் இயக்குநர் கே.எம்.பழனிசாமி உள்பட பலர் கலந்து கொண்டனர். 


திங்களூரில்...
மறைந்த முன்னாள் முதல்வர் எம்.ஜி.ஆர். பிறந்தநாளையொட்டி, பெருந்துறை ஒன்றியம், திங்களூர் நான்கு சாலை சந்திப்பில்  அவரது உருவப் படத்துக்கு அதிமுகவினர் மாலை அணிவித்து மரியாதை செலுத்தினர்
ஈரோடு புறநகர் மாவட்ட எம்.ஜி.ஆர்.இளைஞரணி சார்பில், நடைபெற்ற இந்நிகழ்ச்சியில், பெருந்துறை சட்டப் பேரவை முன்னாள் உறுப்பினர் சி.பொன்னுதுரை, மாவட்ட எம்.ஜி.ஆர். மன்றத் தலைவர் ஏ.கே.சாமிநாதன், மாவட்ட எம்.ஜி.ஆர்.இளைஞரணி இணைச் செயலாளர் எஸ்.ஜெயகுமார், முன்னாள் தொகுதி செயலாளர் எஸ்.கந்தசாமி, க.செ.பாளையம் பேரூர் செயலாளர் கைலாங்கிரி குப்புசாமி,  ஊத்துக்குளி பேரூராட்சி முன்னாள் தலைவர் கே.கே.பழனிசாமி, பெருந்துறை ஒன்றியக்குழு முன்னாள் கவுன்சிலர் பழனி உள்பட பலர் கலந்துக் கொண்டனர். நிகழ்ச்சியில் பொதுமக்களுக்கு இனிப்புகள் வழங்கப்பட்டன. 
 

]]>
https://www.dinamani.com/all-editions/edition-coimbatore/erode/2019/jan/18/எம்ஜிஆர்-பிறந்த-நாள்-விழா-அதிமுகவினர்-மரியாதை-3078538.html
3078537 கோயம்புத்தூர் ஈரோடு ஜனவரி 19 மின்தடை - ஈரோடு DIN DIN Friday, January 18, 2019 08:22 AM +0530 ஈரோடு  துணை மின் நிலையத்தில் மாதாந்திர பராமரிப்பு பணிகள் நடைபெற இருப்பதால் கீழ்க்கண்ட பகுதிகளில் சனிக்கிழமை (ஜனவரி 19) காலை 9  மணி முதல் மாலை 5 மணி வரை மின்விநியோகம் இருக்காது என அறிவிக்கப்பட்டுள்ளது.
மின்விநியோகம் தடைபடும் பகுதிகள்:  ஈரோடு நகர், சூரம்பட்டிவலசு, வீரப்பன்சத்திரம், இடையன்காட்டுவலசு, முனிசிபல் காலனி, டீச்சர்ஸ் காலனி, பெருந்துறை ரோடு, சம்பத் நகர், வெட்டுகாட்டுவலசு, மாணிக்கம்பாளையம், ஆண்டிகாடு, பாண்டியன் நகர், சக்தி நகர், வக்கீல் தோட்டம், பெரியசேமூர், ராம் நகர், பழையபாளையம், பெரியவலசு, கருங்கல்பாளையம், நாராயணவலசு, குமலன்குட்டை, டவர் லைன் காலனி,  திருமால் நகர், அசோகபுரம், வைராபாளையம்,  மூலப்பட்டறை, பெரியார் நகர், சத்தி ரோடு,  கே.என்.கே. ரோடு, நேதாஜி ரோடு, காந்திஜி ரோடு,  ஈவிஎன் ரோடு மற்றும் மேட்டூர் சாலை.
 

]]>
https://www.dinamani.com/all-editions/edition-coimbatore/erode/2019/jan/18/ஜனவரி-19-மின்தடை---ஈரோடு-3078537.html
3078536 கோயம்புத்தூர் ஈரோடு ஜனவரி 18 மின்தடை DIN DIN Friday, January 18, 2019 08:22 AM +0530 ஈரோடு தெற்கு
 ஈரோட்டில் நடைபெறும் மேம்பாலக் கட்டுமானப் பணிகளுக்காக கீழ்க்கண்ட பகுதிகளில் வெள்ளிக்கிழமை (ஜனவரி 18)  மதியம் 12 மணி முதல் மாலை 5 மணி வரை மின் நிறுத்தம் செய்யப்படுவதாக தெரிவிக்கப்பட்டுள்ளது.     
 மின்தடை ஏற்படும் பகுதிகள்:  பெருந்துறை ரோடு (பகுதி), மேட்டூர் ரோடு, பேருந்து நிலையம், சம்பத் நகர், நசியனூர் ரோடு, சின்னமுத்து வீதி, முனிசிபல் காலனி, கருங்கல் பாளையம், வ.உ.சி. பூங்கா, மூலப்பட்டறை, கே.என்.கே. ரோடு, காவேரி ரோடு, குளியான் தோப்பு, வாட்டர் ஆபிஸ் ரோடு, மந்திரம் கோயில்.

]]>
https://www.dinamani.com/all-editions/edition-coimbatore/erode/2019/jan/18/ஜனவரி-18-மின்தடை-3078536.html
3078535 கோயம்புத்தூர் ஈரோடு மாதேஸ்வரன் கோயிலில் மாட்டுப் பொங்கல் திருவிழா DIN DIN Friday, January 18, 2019 08:21 AM +0530 கோபிசெட்டிபாளையம் அருகேயுள்ள நவகிணறு மாதேஸ்வரன் கோயிலில் விவசாயிகள் மற்றும் பொதுமக்கள் கால்நடை உருவ வழிபாடு செய்து மாட்டுப் பொங்கலை கொண்டாடினர்.
ஈரோடு மாவட்டம்,  கோபிசெட்டிபாளையம் அருகேயுள்ள கொண்டையம் பாளையத்தில் ஆண்டுதோறும் மாட்டுப் பொங்கலன்று பசு, எருது உள்ளிட்ட கால்நடைகளின் உருவங்கள், யானை, மான் உள்ளிட்ட பல்வேறு வன விலங்குகளின் உருவங்களை களிமண்ணால் செய்து அடர்ந்த வனப் பகுதியில் அமைந்திருக்கும் மாதேஸ்வரன் கோயிலுக்கு ஊர்வலமாக எடுத்துச் சென்று இந்த உருவங்களை வைத்து பொங்கல் வைத்து, சிறப்பு  பூஜைகள் செய்து விவசாயிகள் மற்றும் பொதுமக்கள் வழிபாடு செய்வதை வழக்கமாக கொண்டுள்ளனர்.
 இந்நிலையில் இந்த ஆண்டு மாட்டுப் பொங்கலையொட்டி,  100- க்கும் மேற்பட்ட கால்நடைகள், வன விலங்குகளின் உருவங்களை கடந்த 15 நாள்களுக்கு முன்பிருந்து களிமண்ணால் செய்ய ஆரம்பித்து  அந்த உருவங்களை தலையில் சுமந்து விவசாயிகள் மற்றும் ஊர்ப் பொதுமக்கள் அனைவரும் கொண்டையம்பாளையத்தில் இருந்து 10 கிலோ மீட்டர் தொலைவில் உள்ள அடர்ந்த வனப் பகுதியில் அமைந்துள்ள நவக்கிணறு மாதேஸ்வரன் கோயிலுக்கு எடுத்துச் சென்றனர்.  அங்கு மண்பானையில் பொங்கல் வைத்து மாதேஸ்வர சுவாமிக்கு படையலிட்டு,  களிமண்ணால் ஆன உருவங்களுக்கு சிறப்பு பூஜைகள் செய்து வழிபாடு செய்தனர்.
 இதுகுறித்து பொதுமக்கள் கூறியதாவது:
இந்த பூஜை செய்வதினால் கால்நடைகள் , வீட்டு விலங்குகள் நோய் மற்றும் உடல்கோளாறுகள் ஏற்படாமல் காக்கப்படும். குழந்தை பாக்கியம் இல்லாதவர்களுக்கு குழந்தை பாக்கியம் உண்டாகும்.  ஆண்டு தோறும் நல்ல முறையில் மழை  பெய்து விவசாயம் செழிக்கும் என்றனர்.
கோயிலுக்கு செல்லும் வழியில் யானைகள், சிறுத்தை உள்ளிட்ட வன விலங்குகளின் நடமாட்டம் இருப்பதாகவும்,  பொதுமக்களின் நலன் கருதி கோயில் வளாகத்தை விட்டு வனப் பகுதிக்குள் செல்ல அனுமதி மறுக்கப்பட்டு கண்காணிப்பு பணியில் ஈடுபட்டுள்ளதாகவும் வனத் துறையினர் தெரிவித்தனர்.

]]>
https://www.dinamani.com/all-editions/edition-coimbatore/erode/2019/jan/18/மாதேஸ்வரன்-கோயிலில்-மாட்டுப்-பொங்கல்-திருவிழா-3078535.html
3077938 கோயம்புத்தூர் ஈரோடு ஈரோடு பகுதியில் மயானத்தை சுருக்கும் முயற்சிக்கு எதிர்ப்பு DIN DIN Thursday, January 17, 2019 08:27 AM +0530 ஈரோடு மாநகராட்சிப் பகுதியில் உள்ள மயானத்தின் பரப்பளவை சுருக்கும் நடவடிக்கைக்கு எதிர்ப்புத் தெரிவித்து பொதுமக்கள் காத்திருப்புப் போராட்டத்தில் புதன்கிழமை ஈடுபட்டனர்.  
ஈரோடு மாநகராட்சி, இரண்டாவது மண்டலம், பெரியசேமூர் கூளையன்காடு பகுதியில் 2  ஏக்கர் பரப்பளவில் பொது மயானம்  உள்ளது. அந்த மயானத்தின் ஒரு பகுதியில் திடக்கழிவு  மேலாண்மை திட்டப் பணிக்காக கிடங்கு அமைக்கும் பணிகள் மாநகராட்சி நிர்வாகத்தால் மேற்கொள்ளப்பட்டு வருகின்றன. இதற்கு எதிர்ப்புத் தெரிவித்து அப்பகுதி பொதுமக்கள் திரண்டு சென்று  பணி நடைபெறும்  இடத்தை புதன்கிழமை முற்றுகையிட்டனர்.
இதுகுறித்து பொதுமக்கள் கூறியதாவது: எவ்வித முன்னறிவிப்புமின்றி மயானத்தின் பரப்பளவைக் குறைக்கும் வகையில் மாநகராட்சி நிர்வாகம் இப்பணியை மேற்கொண்டுள்ளது. கல்லாங்காடு, அம்மன் நகர், இலந்தை காடு, பெரியசேமூர், எல்.ஆர்.வி. காலனி, சிவசக்தி நகர் ஆகிய பகுதி மக்களுக்காக இந்த மயானம்  மட்டுமே பயன்பட்டு வருகிறது. இந்நிலையில், தற்போது மேற்கொள்ளப்படும் திட்டத்தால்  மயானம் காணாமல் போய்விடும் நிலை ஏற்படும்.  எனவே மாநகராட்சி நிர்வாகம் உடனடியாக  இப்பணிகளைக் கைவிட வேண்டும் என்றனர்.
சுமார் 1  மணி நேரம் வரை இப்பகுதியில் திரண்டு கோரிக்கை முழக்கமிட்ட பொதுமக்கள், அதிகாரிகள் எவரும் வராததால் வரும் வெள்ளிக்கிழமை மாநகராட்சி இரண்டாம் மண்டல அலுவலகத்தில் மனு அளிப்பதென  முடிவு செய்து கலைந்து சென்றனர்.
 

]]>
https://www.dinamani.com/all-editions/edition-coimbatore/erode/2019/jan/17/ஈரோடு-பகுதியில்-மயானத்தை-சுருக்கும்-முயற்சிக்கு-எதிர்ப்பு-3077938.html
3077937 கோயம்புத்தூர் ஈரோடு காஞ்சிக்கோவிலில் கோபூஜை விழா DIN DIN Thursday, January 17, 2019 08:26 AM +0530 பெருந்துறை ஒன்றியம், காஞ்சிக்கோவில், ஸ்ரீ அன்னபூரணி உடனமர் ஸ்ரீநீலகண்டேஸ்வரர் சுவாமி திருக்கோயிலில், கோபூஜை விழா புதன்கிழமை  நடைபெற்றது. 
விழாவையொட்டி,  காலை 9 மணிக்கு விநாயகர் வழிபாடு, கலச பூஜை, நலம் தரும் நந்தி யாக பூஜை நடைபெற்றன. தொடர்ந்து,  27 நாட்டு மாடுகள் வைத்து, 27 நட்சத்திரங்களுக்கான அருள்தரும் கோமாதா பூஜை நடைபெற்றது. 

]]>
https://www.dinamani.com/all-editions/edition-coimbatore/erode/2019/jan/17/காஞ்சிக்கோவிலில்-கோபூஜை-விழா-3077937.html
3077936 கோயம்புத்தூர் ஈரோடு இருசக்கர வாகனம் மோதி முதியவர் சாவு DIN DIN Thursday, January 17, 2019 08:26 AM +0530 பெருந்துறை அருகே, இருசக்கர வாகனம் மோதிய விபத்தில் முதியவர் உயிரிழந்தார். 
பெருந்துறையை அடுத்த, சங்கு நகரைச் சேர்ந்தவர் நாகராஜன் (63). இவர், பெருந்துறையை அடுத்த சீனாபுரம் அருகே சைக்கிளில் திங்கள்கிழமை சென்று கொண்டிருந்தார். அப்போது, அந்த வழியாக வந்த இருசக்கர வாகனம், சைக்கிள் மீது மோதியது. இதில் பலத்த காயடைந்த நாகராஜன்,  சேலம் அரசு மருத்துவமனையில் சேர்க்கப்பட்டார். அங்கு அவர் புதன்கிழமை உயிரிழந்தார். பெருந்துறை போலீஸார் வழக்குப் பதிவு செய்து விசாரிக்கின்றனர்.

]]>
https://www.dinamani.com/all-editions/edition-coimbatore/erode/2019/jan/17/இருசக்கர-வாகனம்-மோதி-முதியவர்-சாவு-3077936.html
3077935 கோயம்புத்தூர் ஈரோடு ஐந்து வகை நிலம் சார்ந்த பொங்கல் கலை விழா DIN DIN Thursday, January 17, 2019 08:26 AM +0530 ஈரோட்டில் பொங்கல் திருநாளையொட்டி  5 வகை நிலம் சார்ந்த கலைவிழா செவ்வாய்க்கிழமை நடைபெற்றது.
 ஈரோடு கருங்கல்பாளையம் வண்டியூரன் கோயில் வீதியில் உள்ள கலைத்தாய் அறக்கட்டளை அமைப்பு சார்பில் நடைபெற்ற பொங்கல் விழாவில்  பாரம்பரிய கலை மற்றும் விளையாட்டு நிகழ்ச்சிகள் நடைபெற்றன.
விழாவின் தொடக்கமாக, உயிர் வாழ உணவளிக்கும் இயற்கைக்கு நன்றி செலுத்தும் விதமாக, சர்க்கரை பச்சரிசி, பொங்கல் வைத்து சூரியனுக்கு படைத்து வழிபாடு செய்யப்பட்டது.
அதை தொடர்ந்து,  தப்பாட்டாம், கரகாட்டம், ஒயிலாட்டம், சிலம்பாட்டம், வழுக்கு மரம் ஏறுதல்,  சட்டி உடைத்தல், சாக்கு பை ஓட்டம், உள்ளிட்ட பல்வேறு வகையான போட்டிகள் நடைபெற்றன.  விழாவில் சிறியவர்கள் முதல் முதியவர்கள் வரை திரளானோர் கலந்து கொண்டனர்.  நிகழ்ச்சியில் மூத்த இரு கலைஞர்களுக்கு பாராட்டுப் பரிசு வழங்கப்பட்டது.
விழா குறித்து கலைதாய் அறக்கட்டளையின் தலைவர் மாதேஸ்வரன் கூறியதாவது: 
நம் முன்னோர் நிலப்பரப்பை ஐந்து வகையாக பிரித்து ஒவ்வொரு நிலப் பரப்புக்கும் ஒரு கலையை உருவாக்கி விட்டுச் சென்றுள்ளனர்.
அதில், குறிஞ்சி நிலத்தை தகவலை பறிமாறிக் கொள்ளும், தப்பாட்டம்.  மேய்ச்சல் தொழில் அதிகம் உள்ள முல்லை நிலத்தில்  சட்டைக் குச்சியாட்டம். வயல்களை சார்ந்துள்ள நிலத்தில் அறுவடை ஒயிலாட்டம். கடல் சார்ந்த நெய்தல் நிலத்தில் படகு செலுத்த பயன்படுத்தும் பெரிய கம்பாட்டம். உரக்கப் பேசினால் உடலில் நீர்சத்து குறைந்து விடும் பாலை நிலத்தில் கோலடித்து தகவல்களை சொல்லும் கோலாட்டம் ஆகியவற்றை ஏற்படுத்தி வைத்துள்ளனர்.
அது மட்டுமில்லாமல் விதைநெல்லை பாதுகாக்க கரகாட்டமும், வீரத்தை வெளிப்படுத்தும் சிலம்பாட்டமும் இந்த ஐந்து வகை நிலத்திற்கும் பொதுவானது. இதை இளைய தலைமுறையின் மறந்து விடக்கூடாது என்பதற்காக ஆண்டு தோறும் பொங்கல் திருவிழாவில், மண் சார்ந்த கலை நிகழ்ச்சி நடத்தப்பட்டு வருகிறது என்றார்.

]]>
https://www.dinamani.com/all-editions/edition-coimbatore/erode/2019/jan/17/ஐந்து-வகை-நிலம்-சார்ந்த-பொங்கல்-கலை-விழா-3077935.html
3077934 கோயம்புத்தூர் ஈரோடு பாஜக சார்பில்  திருவள்ளுவர் சிலைக்கு மரியாதை DIN DIN Thursday, January 17, 2019 08:25 AM +0530 திருவள்ளுவர் பிறந்த தினத்தையொட்டி, அவரது சிலைக்கு ஈரோடு தெற்கு மாவட்ட பாரதிய ஜனதா கட்சி சார்பில் மாலை அணிவித்து புதன்கிழமை மரியாதை செலுத்தப்பட்டது.
ஈரோடு, சூரம்பட்டி நான்கு ரோடு அருகில் உள்ள அரசினர் விருந்தினர் மாளிகையில்  மாவட்ட ஆசிரியர் பிரிவின் தலைவர்  சுந்தரநாரயணன் தலைமையில்  நடைபெற்ற விழாவில், மாவட்டத் தலைவர் சிவசுப்பிரமணியன் பங்கேற்று திருவள்ளுவர் சிலைக்கு  மாலை அணிவித்து மரியாதை செய்தார். 
இதில்,  கோட்ட பொறுப்பாளர் வே. வைரவேல், மாநிலப் பிரசார பிரிவு பொறுப்பாளர் ஈரோடு சரவணன்,  மாநில வழக்குரைஞர் பிரிவு பொறுப்பாளர் என்.பி. பழனிசாமி, முன்னாள் மாவட்டத்  தலைவர் பொன். ராஜேஷ்குமார், மாவட்ட பொதுச் செயலாளர் குரு.குணசேகரன், மகேஸ்வரன் , மாவட்ட செயலாளர் கிருஷ்ணகுமார், சூரம்பட்டி மண்டல் தலைவர் சின்னதுரை உள்ளிட்டோர்கலந்து கொண்டனர்.
 

]]>
https://www.dinamani.com/all-editions/edition-coimbatore/erode/2019/jan/17/பாஜக-சார்பில்--திருவள்ளுவர்-சிலைக்கு-மரியாதை-3077934.html
3077933 கோயம்புத்தூர் ஈரோடு சுள்ளிப்பாளையம் அரசுப் பள்ளியில் ஸ்மார்ட் கிளாஸ் வகுப்பறை திறப்பு DIN DIN Thursday, January 17, 2019 08:25 AM +0530 பெருந்துறை ஒன்றியம்,  சுள்ளிப்பாளையம் அரசு தொடக்கப் பள்ளியில்  கற்றலில் புதுமை (ஸ்மார்ட் கிளாஸ்) வகுப்பறை திறப்பு விழா செவ்வாய்கிழமை நடைபெற்றது.
பள்ளியின் முன்னாள் மாணவர்கள் கூட்டமைப்பு பங்களிப்புடன் அமைக்கப்பட்ட இந்த வகுப்பறை திறப்பு விழாவுக்கு, பெருந்துறை வட்டாரக் கல்வி அலுவலர் த.வனிதாராணி தலைமை வகித்தார்.  பெற்றோர்- ஆசிரியர் கழகத் தலைவர் மோகன் முன்னிலை வகித்தார். தலைமையாசிரியர் ப.சத்தியரேகா வரவேற்றார். 
விழாவில், சிறப்பு அழைப்பாளராக பெருந்துறை சட்டப் பேரவை உறுப்பினர் தோப்பு என்.டி.வெங்கடாச்சலம்  பங்கேற்று ஸ்மார்ட் கிளாஸ் வகுப்பறையைத் திறந்து வைத்து பேசினார். 
இதில், பெருந்துறை கூட்டுறவு விற்பனைச் சங்கத் தலைவர் விஜயன், துணைத் தலைவர் டி.டி.ஜெகதீஸ்,  வி.பி.சண்முகம் உள்பட பலர் கலந்து கொண்டனர். பள்ளியின் முன்னாள் மாணவ, மாணவிகள் கூட்டமைப்பு ஒருங்கிணைப்பாளர் சு.சி.விஜயன் நன்றி கூறினார். 

]]>
https://www.dinamani.com/all-editions/edition-coimbatore/erode/2019/jan/17/சுள்ளிப்பாளையம்-அரசுப்-பள்ளியில்-ஸ்மார்ட்-கிளாஸ்-வகுப்பறை-திறப்பு-3077933.html
3077932 கோயம்புத்தூர் ஈரோடு பிஎஸ்என்எல் சார்பில் நாளை சிறப்பு மேளா DIN DIN Thursday, January 17, 2019 08:25 AM +0530 ஈரோடு பி.எஸ்.என்.எல். தொலை தொடர்பு மாவட்டத்தில் வெள்ளிக்கிழமை  (ஜனவரி 18)  நடத்தப்படும் மெகா மேளாவில் புதிய சிம்களை நேசம் கோல்டு பிளானில், ரூ.59 -க்கு பெற்றுக் கொள்ளலாம். 
மேலும், எம்.என்.பி., கனெக்ஷன்கள், மினிட் - செகன்ட், நேசம் கோல்டு , பிற பிளான்களில் இருந்தும் மாறிக் கொள்ளலாம் என ஈரோடு தொலைத்தொடர்பு மாவட்ட பிஎஸ்என்எல் நிறுவன அலுவலகம் தகவல் தெரிவித்துள்ளது.

]]>
https://www.dinamani.com/all-editions/edition-coimbatore/erode/2019/jan/17/பிஎஸ்என்எல்-சார்பில்-நாளை-சிறப்பு-மேளா-3077932.html
3077931 கோயம்புத்தூர் ஈரோடு பவானி நகராட்சியில் மலிவு விலை குடிநீர் விற்பனை தொடக்கம்: 20 லிட்டர் ரூ.7-க்கு விநியோகம் DIN DIN Thursday, January 17, 2019 08:25 AM +0530 பவானி நகராட்சியில் சுத்திகரிக்கப்பட்ட மலிவுவிலை குடிநீர் விற்பனை மையம் திறப்பு விழா புதன்கிழமை நடைபெற்றது. இங்கு, தானியங்கி இயந்திரங்கள் மூலம் 24 மணி நேரமும் குடிநீர் விநியோகம் செய்யப்படுகிறது. 
பவானி நகராட்சி மற்றும் தனியார் பங்களிப்புடன் ரூ.13 லட்சம் மதிப்பில் 2 ஆவது வார்டு காமராஜர் நகர் குடிநீர் மேல்தேக்கத் தொட்டி வளாகத்தில் இம்மையம் கட்டப்பட்டுள்ளது. இங்கு ஒரு மணி நேரத்துக்கு ஆயிரம் லிட்டர் தண்ணீர் சுத்திகரிக்கும் வகையில் இயந்திரங்கள் பொருத்தப்பட்டு, தானியங்கி இயந்திரங்கள் மூலம் விநியோகம் செய்ய நடவடிக்கை எடுக்கப்பட்டுள்ளது. 
இக்குடிநீர் விற்பனை மையம் திறப்பு விழா நிகழ்ச்சிக்கு நகராட்சி ஆணையர் க.கதிர்வேல் தலைமை தலைமை வகித்தார். திருப்பூர் மக்களவைத் தொகுதி உறுப்பினர் வி.சத்யபாமா, கூட்டுறவு சங்கத் தலைவர்கள் என்.கிருஷ்ணராஜ், ஏ.சி.முத்துசாமி, பி.பி.மோகன் ஆகியோர் முன்னிலை வகித்தனர். சுற்றுச்சூழல் துறை அமைச்சர் கே.சி.கருப்பணன் குடிநீர் விற்பனையைத் தொடக்கிவைத்தார். 
நிகழ்ச்சியில் அவர் பேசுகையில்,  முதல்கட்டமாக காமராஜர் நகரில் மலிவுவிலை குடிநீர் விற்பனை தொடங்கப்பட்டுள்ளது.  இங்கு 20 லிட்டர் தண்ணீர் ரூ.7-க்கு விநியோகம் செய்யப்படுகிறது. அடுத்தகட்டமாக 10 வார்டுகளுக்கும்,  அதைத் தொடர்ந்து 17 வார்டுகளும் என 27 வார்டுகளிலும் தலா ரூ. 13 லட்சம் மதிப்பில் தனியார் பங்களிப்புடன் குடிநீர் மையங்கள் அமைக்கப்பட உள்ளன.  இதன்மூலம் பொதுமக்களுக்கு மிகக்குறைந்த விலையில் சுத்திகரிக்கப்பட்ட குடிநீர் வழங்கப்படுவது உறுதி செய்யப்படும் என்றார். 
பவானி ஒன்றியக் குழு முன்னாள் தலைவர் எஸ்.எம்.தங்கவேலு, கூட்டுறவு சங்கத் தலைவர்கள் எஸ்.எஸ்.சித்தையன், கே.கே.விஸ்வநாதன் உள்ளிட்ட பலர் கலந்து கொண்டனர். 

]]>
https://www.dinamani.com/all-editions/edition-coimbatore/erode/2019/jan/17/பவானி-நகராட்சியில்-மலிவு-விலை-குடிநீர்-விற்பனை-தொடக்கம்-20-லிட்டர்-ரூ7-க்கு-விநியோகம்-3077931.html
3077930 கோயம்புத்தூர் ஈரோடு பவானியில் புனித மரியன்னை ஆலயம் அர்ச்சிப்பு பெருவிழா DIN DIN Thursday, January 17, 2019 08:24 AM +0530 பவானி, அண்ணா நகரில் புதிதாகக் கட்டப்பட்ட புனித மரியன்னை ஆலயத்தின் அர்ச்சிப்பு பெருவிழா புதன்கிழமை நடைபெற்றது. 
1966 ஆம் ஆண்டு இங்கு கட்டப்பட்ட ஆலயத்தைப் புதுப்பிக்க ஆலய நிர்வாகிகள் முடிவு செய்து, கட்டுமானப் பணியில் ஈடுபட்டு வந்தனர். 
ஆலயத்தின் கட்டுமானப் பணிகள் முடிவடைந்ததைத் தொடர்ந்து,  ஆலயத்தின் அர்ச்சிப்பு வழிபாடுகள் புதன்கிழமை நடைபெற்றது. ஆலயத்தின் ஆயர் பாஸ்கல் ஜெகன்ராஜ் வரவேற்றார். 
உதகை மறைமாவட்ட ஆயர் ஏ.அமல்ராஜ் தலைமையில் கும்ப ஆரத்தி, புதிய ஆலயத்தின் வழிபாட்டுக்கு பயன்படும் புதிய பொருள்களைப் புனிதம் செய்தல், கொடிமரம் புனிதம் செய்து கொடியேற்றுதல், ஆலயத்தை ஒப்புக்கொடுத்து, கதவு திறக்கும் நிகழ்ச்சிகள் நடத்தப்பட்டன. தொடர்ந்து, உலக அமைதி வேண்டி புறாக்கள் பறக்கவிடப்பட்டன. 
 மறைமாவட்ட ஆயர்கள் தன்ராஜ் (கோவை), இருதயசெல்வம் (சேலம்), ஆரோக்கிய பாஸ்கர் (தஞ்சை), வட்டார ஆயர்கள் மரிய ஜோசப் (சத்தி),  அந்தோணிராஜ் (தாளவாடி), ஞானதாஸ் (குன்னூர்) ஆகியோர் வழிபாடுகளை நடத்தினர்.
ஆலய பீடம் அர்ச்சிப்பு, திருப்பண்டம் பதித்தல், திருத்தைலம் பூசுதல், தூபமிடுதல், காணிக்கை மற்றும்  நற்கருணை பேழையை பதப்படுத்துதல், திருச்சிலுவை,   திருவுருவங்கள் புனிதம் செய்தல்,   சிலுவைப்பாதை நிலை புனிதம் செய்தல் உள்ளிட்ட வழிபாடுகளும் செய்யப்பட்டன.  உதகை மறை மாவட்டப் பொருளாளர் செல்வநாதன், பங்கு பேரவை துணைத் தலைவர் டி.ரவி, பவானி காவல் துணைக் கண்காணிப்பாளர் டி.சார்லஸ், கிரேஸ் கல்வி நிறுவனங்களின் தலைவர் பி.மதலைமுத்து, செயலர் எம்.வின்சென்ட் அமல்ராஜ், கிரேஸ் மேல்நிலைப் பள்ளி தலைமை ஆசிரியை எம்.சசி கிளாரா உள்பட ஏராளமானோர் பங்கேற்றனர்.

]]>
https://www.dinamani.com/all-editions/edition-coimbatore/erode/2019/jan/17/பவானியில்-புனித-மரியன்னை-ஆலயம்-அர்ச்சிப்பு-பெருவிழா-3077930.html
3077929 கோயம்புத்தூர் ஈரோடு ஜனவரி 18 மின் தடை DIN DIN Thursday, January 17, 2019 08:24 AM +0530 திங்களூர்
ஈரோடு மாவட்டம், பெருந்துறை கோட்டம்,  திங்களூர் துணைமின் நிலையத்தில் மாதாந்திரப் பராமரிப்புப் பணி நடைபெற இருப்பதால் கீழ்க்கண்ட பகுதிகளில் வரும் வெள்ளிக்கிழமை (ஜனவரி 18)  காலை 9  மணி முதல் மாலை 5  மணி வரை மின் விநியோகம் இருக்காது என அறிவிக்கப்பட்டுள்ளது.
மின்விநியோகம் தடைபடும் பகுதிகள்: 
திங்களூர், கிரே நகர், கல்லாகுளம், வெட்டையன்கிணறு,  பாப்பம்பாளையம், மந்திரிபாளையம்,  நல்லாம்பட்டி, சுப்பையன்பாளையம்,  தாண்டாகவுண்டண்பாளையம், சுங்ககாரன்பாளையம்,  சீனாபுரம் மேற்கு பகுதி,  செல்லப்பம்பாளையம், வீராச்சிபாளையம்,  மேட்டுர், வீராணம்பாளையம், கராண்டிபாளையம், தலையம்பாளையம், பொன்முடி, ஆயிக்கவுண்டன்பாளையம், குள்ளம்பாளையம், நெட்டசெல்லாபாளையம்,  கீழோல் பாளையம், பட்டகாரன்பாளையம், நெசவாளர் காலனி,  மடத்துப்பாளையம், நடுவலசு, கோமையன்வலசு,  தாசம்புதூர்,  வேலாங்காடு, மானூர்காடு,  மம்முட்டி தோப்பு.
 

]]>
https://www.dinamani.com/all-editions/edition-coimbatore/erode/2019/jan/17/ஜனவரி-18-மின்-தடை-3077929.html
3077928 கோயம்புத்தூர் ஈரோடு உடலில் கத்திபோட்டு அம்மன் அழைப்பு DIN DIN Thursday, January 17, 2019 08:24 AM +0530 சத்தியமங்கலத்தை அடுத்த டி.ஜி.புதூர் ஸ்ரீ  ராமலிங்க சௌடேஸ்வரி அம்மன் கோயிலில் புதன்கிழமை நடைபெற்ற  மாட்டுப் பொங்கல் விழாவில் உடலில் கத்திபோட்டபடி அம்மன் அழைத்து வரும் நிகழ்ச்சியில் நூற்றுக்கணக்கான இளைஞர்கள் கலந்து கொண்டனர்.   
நெசவுத் தொழில் செய்து வந்த பக்தர் ஒருவரை அசூரர் தொந்தரவு செய்தபோது அசூரரை அழித்து நெசவாளியை ஸ்ரீ  ராமலிங்க சௌடேஸ்வரி அம்மன் காப்பாற்றியதாகவும், அதனால்  அம்மனுக்கு நேர்த்திக் கடனாக ரத்தத்தை காணிக்கையாக்கி ஊர்வலமாக அழைத்து வருவதாகவும் ஐதீகம்.
இதன்படி  டி.ஜி.புதூர் சௌடேஸ்வரி அம்மன்  ஆலயத்தில் இருந்து புதன்கிழமை புறப்பட்ட   இளைஞர்கள் அலங்காரக் கத்தியுடன் உடலில் கத்திபோட்டபடி அம்மனை ஊர்வலமாக அழைத்து வந்தனர். முன்னதாக கோயில் முன் ஆயிரம் தேங்காய் உடைத்து விழாவை துவக்கி வைத்தனர். சிறுவர் முதல் பெரியோர் வரை உடலில் கத்திபோட்டு ரத்தம்சொட்டியபடி ஊர்வலத்தில் ஆட்டம் பாட்டத்துடன் வந்தனர். 
அதனைத் தொடர்ந்து சாலையில் படுத்துக் கொண்ட பக்தர்கள் வயிற்றில் வாழைக்காய் வைத்து வெட்டும் நிகழ்ச்சியும் அசூரனை வதம் செய்யும் நிகழ்ச்சியும் நடைபெற்றன. இந்நிகழ்ச்சியில் டி.ஜி.புதூர் வட்டாரத்தில் உள்ள ஆயிரக்கணக்கானனோர் பங்கேற்றனர்.                                                                       

ஈரோட்டில்...
ஈரோடு செளடேஸ்வரி அம்மன் கோயில் பொங்கல் திருவிழாவையொட்டி பக்தர்கள் கைகளில் கத்தி ஏந்தி  ஆடி ஊர்வலமாகச் சென்று செவ்வாய்க்கிழமை  நேர்த்திக் கடனை நிறைவேற்றினர்.
ஈரோடு, தில்லை நகரில் உள்ள ராமலிங்க செளடேஸ்வரி அம்மன் கோயில் பொங்கல் திருவிழாவையொட்டி , அம்மன் அழைத்தல் நிகழ்ச்சியில் சுவாமி சொரூபம் ஊர்வலமாக கொண்டு வரப்பட்டது. 
ஈரோடு, காரைவாய்க்காலில் தொடங்கிய ஊர்வலத்தில் திரளான பெண்கள் தீர்த்தம் எடுத்து வந்தனர். ஊர்வலத்துக்கு முன்பு அந்தக் கோயிலுக்குப் பாத்தியப்பட்ட பக்தர்கள் கத்தி போட்டு ஆடியபடி வந்தனர்.  காரை வாய்க்கால், சின்னமாரியம்மன் கோயில், பன்னீர்செல்வம் பூங்கா,  தெப்பகுளம் வீதி வழியாக வந்த ஊர்வலம் கோயிலில் நிறைவடைந்தது.
இதையடுத்து, சிறப்பு பூஜையும், அன்னதானமும்,  இரவு ராகுதீபம் ஏற்றும் நிகழ்ச்சியும், மாவிளக்கு ஊர்வலமும் நடைபெற்றன.


 

]]>
https://www.dinamani.com/all-editions/edition-coimbatore/erode/2019/jan/17/உடலில்-கத்திபோட்டு-அம்மன்-அழைப்பு-3077928.html
3077927 கோயம்புத்தூர் ஈரோடு பவானி ஐயப்பன் கோயிலில் மகரஜோதி உற்சவ ஊர்வலம் DIN DIN Thursday, January 17, 2019 08:23 AM +0530 பவானி தேவபுரத்தில் உள்ள ஐயப்பன் கோயிலில் மகரஜோதி உற்சவ ஊர்வலம் திங்கள்கிழமை இரவு நடைபெற்றது. 
தை மாதப் பிறப்பை முன்னிட்டு இக்கோயிலில் ஸ்ரீதர்மசாஸ்தா மற்றும் ஐயப்பனுக்கு சிறப்பு யாகம் மற்றும் அபிஷேக, ஆராதனை வழிபாடுகள் நடைபெற்றன. 
கோயில் தலைமை குருசாமி ஜெயராமன் தலைமையில் மூலவர்களுக்கு மகாதீப தூப ஆராதனை செய்யப்பட்டது. இதையடுத்து, கேரள செண்டை மேளத்துடன் நகரின் முக்கிய வீதிகளில் திருவீதி உலா நடைபெற்றது. 
அலங்கரிக்கப்பட்ட வாகனத்தில் ஸ்ரீதர்மசாஸ்தா, ஐயப்பன் ஊர்வலம் பாரம்பரிய முறைப்படி தொடங்கியது.   பல்வேறு தெய்வ உருவத்தில் வேடமணிந்தவர்களின் தையங்களி நடனமும், மேள தாளங்களும் முன் செல்ல மேட்டூர் சாலை, அந்தியூர் பிரிவு, தேர் வீதி, காவேரி வீதி, சங்கமேஸ்வரர் கோயில் வழியாகச் சென்ற ஊர்வலம் மீண்டும் கோயிலைச் சென்றடைந்தது. 
சுற்றுச்சூழல் துறை அமைச்சர் கே.சி.கருப்பணன், அதிமுக நகரச் செயலர் என்.கிருஷ்ணராஜ், தொழிலதிபர் அக்னி எஸ்.ராஜா, திமுக தலைமை நிலைய பேச்சாளர் கண்ணன் மற்றும் ஏராளமான பக்தர்கள் திருவீதி உலாவில் கலந்து கொண்டனர்.

]]>
https://www.dinamani.com/all-editions/edition-coimbatore/erode/2019/jan/17/பவானி-ஐயப்பன்-கோயிலில்-மகரஜோதி-உற்சவ-ஊர்வலம்-3077927.html
3077926 கோயம்புத்தூர் ஈரோடு காணும் பொங்கல்: ஈரோடு வஉசி பூங்காவில் பாதுகாப்பு ஏற்பாடுகள் தீவிரம் DIN DIN Thursday, January 17, 2019 08:23 AM +0530 முழுமையாக பெண்களால் மட்டுமே ஈரோடு வஉசி பூங்காவில் வியாழக்கிழமை நடத்தப்படும் காணும் பொங்கல் விழாவுக்காக பாதுகாப்பு ஏற்பாடுகளை காவல் துறையினர் மேற்கொண்டுள்ளனர்.
ஆண்டுதோறும் பொங்கல் பண்டிகையைத் தொடர்ந்து, மாட்டுப் பொங்கலுக்கு மறு நாளில் காணும் பொங்கல் விழா  ஈரோடு வஉசி பூங்காவில் பிரமாண்டமாக கொண்டாடப்படும்.  அந்நாளில் , பெண்கள் மட்டுமே இந்தப் பூங்காவுக்குள் அனுமதிக்கப்படுவர். ஆண்களுக்கு அனுமதி இல்லை. இப்பூங்காவில் ஆயிரக்கணக்கான பெண்கள், இளம் பெண்கள், சிறுமியர் கூடுவது வழக்கம். இங்கு கூடும் பெண்கள் மேள, தாள இசை முழக்கத்தினூடே  ஆடிப்பாடி மகிழ்வார்கள்.  தாங்கள் கொண்டு வரும் உணவை ஒருவருக்கொருவர் பரிமாறி உண்பது விழாவின் சிறப்பம்சம். 
இந்நிலையில்,  வியாழக்கிழமை ஈரோடு வஉசி பூங்காவில் நடைபெறும் காணும் பொங்கல் விழாவில் அசம்பாவிதங்களைத் தடுக்கும் வகையிலும், அன்னியர்கள் உள்ளே நுழைவதைத் தடுக்கவும், பெண்கள், குழந்தைகளின் பாதுகாப்பைக் கருத்தில் கொண்டும் புதன்கிழமை பிற்பகலில் இருந்து  பூங்கா வளாகம் காவல் துறையினரின் கட்டுப்பாட்டுக்குள் கொண்டுவரப்பட்டது.
 

]]>
https://www.dinamani.com/all-editions/edition-coimbatore/erode/2019/jan/17/காணும்-பொங்கல்-ஈரோடு-வஉசி-பூங்காவில்-பாதுகாப்பு-ஏற்பாடுகள்-தீவிரம்-3077926.html
3077925 கோயம்புத்தூர் ஈரோடு பொங்கல் விழா DIN DIN Thursday, January 17, 2019 08:23 AM +0530 காங்கிரஸ் கட்சி சார்பில்...
ஈரோட்டில் காங்கிரஸ் கட்சி சார்பில் 2 இடங்களில் சமத்துவ பொங்கல் விழா செவ்வாய்க்கிழமை கொண்டாடப்பட்டது.
ஈரோடு மூலப்பட்டறையில் உள்ள மாநகர் மாவட்ட காங்கிரஸ் கட்சி அலுவலகத்தில் மாநகர் மாவட்டத் தலைவர் ஈ.பி. ரவி தலைமையில் நடைபெற்ற சமத்துவ பொங்கல் விழாவில்,  மகிளா காங்கிரஸ் நிர்வாகிகள் புவனேஸ்வரி, கோமதி, கவிதா, பாரீஸ் அம்மாள் ஆகியோர் கலந்து கொண்டு  பொங்கல் வைத்தனர்.
மண்டலத் தலைவர்கள் அயூப்அலி, ஜாபர் சாதிக், முன்னாள் மாவட்டத் தலைவர் ராஜேந்திரன், மாவட்ட விவசாயப் பிரிவு நிர்வாகிகள் பெரியசாமி, மாதேஸ்வரன், கண்னையன், சிறுபான்மை பிரிவு நிர்வாகிகள் கே.என். பாட்ஷா, முகமதுஅர்சத், சாகுல்அமீது உள்ளிட்டோர் கலந்து கொண்டனர். இதையொட்டி தொண்டர்களுக்கும், பொதுமக்களுக்கும் பொங்கல் விநியோகிக்கப்பட்டது.
ஈரோடு தெற்கு மாவட்ட காங்கிரஸ் கட்சி சார்பில் கட்சி அலுவலகத்தில் தெற்கு மாவட்டத் தலைவர் மக்கள் ராஜன் தலைமையில் முன்னாள் சட்டப் பேரவை உறுப்பினர் பழனிசாமி, கொடுமுடி வட்டாரத் தலைவர் கோபாலகிருஷ்ணன், மாவட்டப் பொருளாளர் ரவி ஆகியோர் முன்னிலையில் நடைபெற்ற சமத்துவ பொங்கல் விழாவில், மகிளா காங்கிரஸ் மாவட்டத் தலைவர் கலா, மாவட்ட நிர்வாகிகள், வட்டார நிர்வாகிகள் கலந்து கொண்டு பொங்கல்  வைத்தனர். 
இந்நிகழ்ச்சியில்,  கிறிஸ்தவ தலைமை போதகர் சூசை,  சலீம்  ஆகியோர் சிறப்பு விருந்தினர்களாகப் பங்கேற்றனர். இதில், மாவட்ட பொதுச் செயலாளர் சீதாபதி,  மாவட்ட சிறுபான்மை தலைவர் வினோத்குமார், செயலாளர் கிருஷ்ணன், முருகேசன், துரைராஜ், வாசுதேவன், இளைஞர் காங்கிரஸ் மாவட்ட துணை தலைவர் விஜய் உள்ளிட்டோர்  கலந்து கொண்டனர். இதையொட்டி அனைவருக்கும் மரக்கன்றுகள் வழங்கப்பட்டன.

நல்லூரில்...
சத்தியமங்கலத்தை அடுத்த நல்லூர் பண்ணாடிபுதூரில் நடைபெற்ற பொங்கல் விழாவில் இளைஞர்களுக்கான வழுக்கும் மரம் ஏறுதல் போட்டி நடைபெற்றது.
பண்ணாடிப்புதூர் பாரத் கிங்ஸ் நண்பர்கள் மற்றும் கிராம மக்கள் சார்பில் மாட்டுப் பொங்கல் விழா நடைபெற்றது. இதையொட்டி  நடைபெற்ற வழுக்கு மரம் ஏறுதல் போட்டியில் ஏராளமான இளைஞர்கள்  பங்கேற்றனர். 
இதனைத் தொடர்ந்து, குழந்தைகள் மற்றும் சிறுவர்களுக்கு விளையாட்டுப் போட்டி, கோலப் போட்டி, லக்கி கார்னர், சட்டி உடைத்தல் போன்ற போட்டிகள் நடைபெற்றன.  இதில் வெற்றிபெற்றவர்களுக்கு பரிசுகள் வழங்கப்பட்டன.

சென்னிமலையில்...
திருவள்ளுவர் தினத்தையொட்டி,  சென்னிமலை பேருந்து நிலையம் அருகே உள்ள அவரது சிலைக்கு பல்வேறு அமைப்பினரும், அரசியல் கட்சியினரும் மாலை அணிவித்து புதன்கிழமை மரியாதை செலுத்தினர்.
திமுக சார்பில், மாநில இளைஞரணி செயலாளர் மு.பெ.சாமிநாதன், திருப்பூர் மாவட்டச் செயலாளர் பத்மநாபன், முன்னாள் எம்.எல்.ஏ. ராஜ்குமார் மன்றாடியார், சென்னிமலை ஒன்றியச் செயலாளர் எஸ்.ஆர்.எஸ்.செல்வம் உள்ளிட்டோர் மாலை அணிவித்தனர். தமிழ் மாநில காங்கிரஸ் சார்பில்,  சட்டப் பேரவை முன்னாள் உறுப்பினர் விடியல் சேகர், நகரத் தலைவர் குமரேசன், கந்தசாமி, ஐயப்பன் உள்ளிட்டோர் மாலை அணிவித்தனர். 
திருக்குறள் பேரவை சார்பில், தமிழாசிரியர்கள் மாலை அணிவித்தனர். அரிமா சங்கம் சார்பில், நந்துமூர்த்தி உள்ளிட்டோர் மாலை அணிவித்தனர்.

சென்னிமலையில் தமாகா சார்பில்...
சென்னிமலை நகர தமிழ் மாநில காங்கிரஸ் சார்பில், கிழக்குப் புது வீதி, அம்மாபாளையம் ஆகிய பகுதிகளில் பொங்கல் விழா விளையாட்டுப் போட்டிகள் புதன்கிழமை நடைபெற்றன. 
விழாவுக்கு,  கட்சியின் நகரத் தலைவர் குமரேசன் தலைமை வகித்தார். துணைத் தலைவர் சுரேஷ் வரவேற்றார். விழாவில், சிறப்பு அழைப்பாளராக சட்டப் பேரவை  முன்னாள் உறுப்பினர் விடியல் சேகர் பங்கேற்று, விளையாட்டுப் போட்டிகளில் வெற்றிபெற்றவர்களுக்குப் பரிசுகள் வழங்கி பேசினார். 
இதில், மாநில இளைஞரணி செயலாளர் கந்தசாமி, மாவட்டச் செயலாளர்கள் கதிரேசன், ஐயப்பன், மாவட்ட இளைஞரணித் தலைவர் ஜெகதீஷ்குமார் உள்பட பலர் கலந்து  கொண்டனர். நகரப் பொருளாளர் முத்துகணேஷ் நன்றி கூறினார்.
 

]]>
https://www.dinamani.com/all-editions/edition-coimbatore/erode/2019/jan/17/பொங்கல்-விழா-3077925.html
3077924 கோயம்புத்தூர் ஈரோடு சத்தியமங்கலம் நடுமலை மாதேஸ்வரன் கோயிலில் மாட்டுப் பொங்கல் விழா DIN DIN Thursday, January 17, 2019 08:22 AM +0530 ஆண்டுதோறும் மாட்டுப்பொங்கல் பண்டிகை நாளன்று மட்டுமே திறக்கப்படும் சத்தியமங்கலம் நடுமலை மாதேஸ்வரன் கோயில் விழாவில் ஆடு, மாடு உள்ளிட்ட கால்நடைகள் வளம்பெற சிறப்பு பூஜைகள் நடைபெற்றன. 
சத்தியமங்கலம் மற்றும் அதன் சுற்றுப்புற கிராமங்களில் விவசாயமே பிரதான தொழிலாக உள்ளது.  ஆண்டு முழுவதும் உழைக்கும் மாடுகளை தெய்வமாக கருதி வழிபடும் மாட்டுப் பொங்கல் இந்த கிராமங்களில் உற்சாகமாக கொண்டாடப்பட்டது.  
விவசாயிகள் தொழுவத்தில் கட்டியிருந்த மாடுகளை குளிப்பாட்டி, அவற்றின்  கொம்புகளுக்கு வண்ணம் தீட்டிகழுத்தில் மணிகள், பாசிகள் சேர்க்கப்பட்ட அலங்கார கயிறுகள் கட்டி அழகுபடுத்தினர். 
ஆண்டுகொருமுறை திறக்கப்படும் சத்தியமங்கலம், புளியம்கோம்பையில் உள்ள நடுமலை மாதேஸ்வரன் கோயிலில் நந்தீஸ்வரன், நந்தி சிலைகளுக்கு அலங்காரம் செய்யப்பட்டு புதன்கிழமை அபிஷேக ஆராதனைகள் நடைபெற்றன.  
கால்நடைகள் நோயின்றி நீண்ட நாள் வாழவும், விவசாயம் செழிக்கவும் இக்கோயிலில் பொங்கல் வைத்து மண் உருவ பொம்மைகளை காணிக்கையாக செலுத்தி வழிபடுவது வழக்கம். அதன்படி விவசாயிகள் மாடுகள், காவல் நாய் போன்ற மண் உருவ பொம்மைகளை நேர்த்திக் கடனாக செலுத்தி வழிபட்டனர். மேலும், கோயிலில் வழங்கப்படும் தீர்த்தத்தை கொண்டு வந்து கால்நடைகள் மீது தெளித்து வணங்கினர். 
ஆண்டுக்கொருமுறை மாட்டுப் பொங்கல் நாளில் மட்டுமே இக்கோயிலில் வழிபாடுகள் நடைபெறும் என்பதால்  ஏராளமான விவசாயிகள் இதில் கலந்துகொண்டனர். விழாவையொட்டி விவசாயிகளுக்கு அன்னதானம் வழங்கப்பட்டது.

]]>
https://www.dinamani.com/all-editions/edition-coimbatore/erode/2019/jan/17/சத்தியமங்கலம்-நடுமலை-மாதேஸ்வரன்-கோயிலில்-மாட்டுப்-பொங்கல்-விழா-3077924.html
3076404 கோயம்புத்தூர் ஈரோடு அந்தியூரில் பொங்கல் கொண்டாட்டம்: நடிகை தேவயானி, இயக்குநர் ராஜகுமாரன் பங்கேற்பு DIN DIN Wednesday, January 16, 2019 11:16 AM +0530 அந்தியூர் தவிட்டுப்பாளையம் அரிமா சங்கம் சார்பில் ஞாயிற்றுக்கிழமை நடைபெற்ற பொங்கல் விழாவில் திரைப்படத் துறையைச் சேர்ந்த தம்பதிகளான நடிகை தேவயானி,  இயக்குநர் ராஜகுமாரன் ஆகியோர் பங்கேற்றனர். 
அந்தியூரைச் சேர்ந்தவர் திரைப்பட இயக்குநர் ராஜகுமாரன். இவரது மனைவி நடிகை தேவயானி.  சென்னையில் வசித்து வரும் இவர்கள் பொங்கல் பண்டிகைக்காக குடும்பத்துடன் சொந்த ஊரான அந்தியூருக்கு வந்துள்ளனர். 
இந்நிலையில், அந்தியூர் தவிட்டுப்பாளையம் அரிமா சங்கம் சார்பில் பொங்கல் விழா சங்கத் தலைவர் வி.குருராஜ் தலைமையில் ஞாயிற்றுக்கிழமை நடைபெற்றது. இவ்விழாவில் சிறப்பு விருந்தினர்களாக பங்கேற்ற தேவயானியும், ராஜகுமாரனும் பொங்கல் வைத்து, அனைவருக்கும் வழங்கியதோடு, பொங்கல் பண்டிகை, தமிழர்களின் பாரம்பரியம், சிறப்புகள் குறித்து விளக்கிப் பேசினர். 
இவ்விழாவில், முன்னாள் மண்டலத் தலைவர் ராமகிருஷ்ணன், சங்கச் செயலர் ஜி.வெங்கடேசன், முன்னாள் தலைவர் வெங்கடாசலம் மற்றும் நிர்வாகிகள் கலந்து கொண்டனர். 

]]>
https://www.dinamani.com/all-editions/edition-coimbatore/erode/2019/jan/14/அந்தியூரில்-பொங்கல்-கொண்டாட்டம்-நடிகை-தேவயானி-இயக்குநர்-ராஜகுமாரன்-பங்கேற்பு-3076404.html
3077070 கோயம்புத்தூர் ஈரோடு பாரதிதாசன் கலை, அறிவியல் கல்லூரியில் பொங்கல் விழா  DIN DIN Tuesday, January 15, 2019 05:39 AM +0530 சித்தோடு அருகே உள்ள எல்லீஸ்பேட்டை பாரதிதாசன் கலை, அறிவியல் கல்லூரியில் பொங்கல் விழா திங்கள்கிழமை நடைபெற்றது. 

இவ்விழாவுக்கு, கல்லூரித் தலைவர் என்.கே.கே.பெரியசாமி தலைமை வகித்தார். பொருளாளர் வி.ஆர்.முருகன், இணைச் செயலாளர்கள் ச.வசந்தி சத்யன், ரா.பரிமளாராஜா, முதல்வர் எம்.ராமமூர்த்தி, துணை முதல்வர் இரா.சண்முகன் ஆகியோர் முன்னிலை வகித்தனர். விழாவில், ஒவ்வொரு துறை சார்ந்தும் மாணவர்களால் தனித்தனியே பொங்கல் வைக்கப்பட்டு அனைவருக்கும் வழங்கப்பட்டது. தொடர்ந்து, மாட்டு வண்டி நடனம், கும்மியாட்டம், சலங்கையாட்டம், உரியடித்தல், கயிறு இழுத்தல், கோலமிடுதல், உணவு உண்ணுதல், மலர் தொடுத்தல் ஆகிய போட்டிகள் மாணவ, மாணவியருக்கு நடத்தப்பட்டன.
போட்டிகளில் வென்ற மாணவ, மாணவியருக்குப் பரிசுகள் வழங்கப்பட்டன. இதில், துறைத் தலைவர்கள், பேராசிரியர்கள், அனைத்துத் துறை அலுவலர்கள் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/15/பாரதிதாசன்-கலை-அறிவியல்-கல்லூரியில்-பொங்கல்-விழா-3077070.html
3077069 கோயம்புத்தூர் ஈரோடு பெருந்துறை மருத்துவக் கல்லூரியில் கேலி வதைத் தடுப்பு விழிப்புணர்வு DIN DIN Tuesday, January 15, 2019 05:37 AM +0530 பெருந்துறை மருத்துவக் கல்லூரியில் கேலி வதைத் தடுப்பு விழிப்புணர்வுக் கூட்டம் நடைபெற்றது.
கூட்டத்துக்கு, பெருந்துறை மருத்துவக் கல்லூரி முதல்வர் மருத்துவர் எம்.ராஜேந்திரன் தலைமை வகித்தார். துணை முதல்வர் மருத்துவர் ஏ.சந்திரபோஸ் வரவேற்றார். சிறப்பு அழைப்பாளராக காவல் துணைக் கண்காணிப்பாளர் எஸ்.ராஜாகுமார் பங்கேற்றுப் பேசுகையில், கேலி வதை செய்யப்படும் மாணவர்களின் மனநிலை பாதிப்பதுடன், அவர்களது கல்வியும் பாதித்து எதிர்காலமே கேள்விக்குறியாகிறது. அவர்களை நம்பி உள்ள அவர்களது பெற்றோரும், குடும்பமும் மிகுந்த பாதிப்புக்குள்ளாகிறார்கள் என்றார். 
தொடர்ந்து, கல்லூரி முதல்வர் எம்.ராஜேந்திரன் பேசியதாவது:
கல்லூரியில் கேலி வதை நடைபெறா வண்ணம் மாணவ, மாணவிகளிடம் ஒருங்கிணைப்புக் கூட்டம் நடத்தப்படுகிறது. மூத்த பேராசிரியர்களைக் கொண்டு குழு அமைத்து, கண்காணிக்கப்பட்டு வருகிறது. மேலும், அவ்வாறு எந்த ஒரு மாணவரேனும் கேலி வதையில் ஈடுபட்டால் அவர்கள் மீது சட்டப்படி நடவடிக்கை மேற்கொள்வதுடன், இந்திய மருத்துவக் குழுமத்தின் அறிவுரைப்படி, விடுதியைவிட்டு வெளியேற்றுதல், பாட வகுப்புகளில் கலந்துகொள்ள அனுமதி மறுப்பு, காவல் துறையில் புகார் செய்தல் போன்ற உயர் நடவடிக்கை மேற்கொள்ளப்படும் என்றார். இதில், கல்லூரி மருத்துவமனை துணைக் கண்காணிப்பாளர் மருத்துவர் எஸ். செந்தில்குமார், மருத்துவ கண்காணிப்பாளர் மருத்துவர் ஆர்.சண்முகசுந்தரம், உறைவிட மருத்துவ அலுவலர் மருத்துவர் வி.மோகன்குமார் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/15/பெருந்துறை-மருத்துவக்-கல்லூரியில்-கேலி-வதைத்-தடுப்பு-விழிப்புணர்வு-3077069.html
3077068 கோயம்புத்தூர் ஈரோடு அதிமுக நிர்வாகிகளுக்குப் பொங்கல் பரிசு DIN DIN Tuesday, January 15, 2019 05:37 AM +0530 மொடக்குறிச்சி ஒன்றியத்துக்கு உள்பட்ட குலவிளக்கு, பழமங்கலம், எழுமாத்தூர், முகாசிஅனுமன்பள்ளி, அட்டவணை அனுமன்பள்ளி உள்ளிட் 14 ஊராட்சிகளைச் சேர்ந்த பூத் கமிட்டி நிர்வாகிகளுக்குப் பொங்கல் பரிசுத் தொகுப்பு வழங்கும் நிகழ்ச்சி திங்கள்கிழமை நடைபெற்றது.
   மொடக்குறிச்சி எம்.எல்.ஏ. வி.பி.சிவசுப்பிரமணி, நிர்வாகிகளுக்குப் பரிசுத் தொகுப்புகளை வழங்கினார். இதில், மொடக்குறிச்சி அதிமுக ஒன்றியச் செயலாளர் ஆர்.பி.கதிர்வேல், ஒன்றியக் குழு முன்னாள் துணைத் தலைவர் கணபதி, ஆவின் இயக்குநர் அசோக், கூட்டுறவு சங்கத் தலைவர் தட்சிணாமூர்த்தி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/15/அதிமுக-நிர்வாகிகளுக்குப்-பொங்கல்-பரிசு-3077068.html
3077067 கோயம்புத்தூர் ஈரோடு குடிநீரில் கழிவுநீர் கலப்பு: பொதுமக்கள் புகார் DIN DIN Tuesday, January 15, 2019 05:36 AM +0530 குடிநீரில் கழிவுநீர் கலப்பதாக  மொடக்குறிச்சி ஊராட்சி ஒன்றிய அலுவலகத்தில் பொதுமக்கள் புகார் தெரிவித்துள்ளனர்.
மொடக்குறிச்சி ஊராட்சி ஒன்றியத்துக்கு உள்பட்ட அட்டவணை அனுமன்பள்ளி ஊராட்சி, கரும்புளியாம்பாளையம் பகுதி மக்கள் பயன்படுத்தி வரும் குடிநீர் கிணறு அருகில் சுகாதார வளாகம் அமைந்துள்ளது. தற்போது சுகாதார வளாகத்தின் கழிவுநீர்த் தொட்டி நிரம்பியதால், 
வாய்க்கால் வழியாகச் செல்லும் கழிவுநீர் குடிநீர் கிணற்றில் இறங்குகிறது. இதனால், 
அப்பகுதி மக்கள் குடிநீரைப் பயன்படுத்த முடியாத நிலை ஏற்பட்டுள்ளது. 
இதுகுறித்து ஊராட்சி நிர்வாகத்திடமும், ஒன்றிய  நிர்வாகத்திடமும் பலமுறை புகார் அளித்தும் இதுவரை நடவடிக்கை எடுக்கப்படவில்லை.
இந்நிலையில், மாநில உரிமை இழப்போர் பாதுகாப்பு அமைப்பின் கூட்டமைப்புத் தலைவர் விஜயானந்த் தலைமையில், பொதுமக்கள் மொடக்குறிச்சி வட்டார வளர்ச்சி அலுவலர் சசிகலாவை சந்தித்து மனு அளித்தனர்.

]]>
https://www.dinamani.com/all-editions/edition-coimbatore/erode/2019/jan/15/குடிநீரில்-கழிவுநீர்-கலப்பு-பொதுமக்கள்-புகார்-3077067.html
3077066 கோயம்புத்தூர் ஈரோடு பொங்கல் பண்டிகை: கால்நடைகளின் கொம்புகளுக்கு வர்ணம் பூசக் கூடாது DIN DIN Tuesday, January 15, 2019 05:36 AM +0530 பொங்கல் பண்டிகை கொண்டாடும்போது கால்நடைகளின் கொம்புகளுக்கு செயற்கை வர்ணம் பூசுவதைத் தவிர்க்க வேண்டும் என கவுந்தப்பாடி ஜெயம் பிராணி நல அறக்கட்டளை வேண்டுகோள் விடுத்துள்ளது. 
சித்தோட்டை அடுத்த செம்பூத்தாம்பாளையம் கிராமத்தில் கால்நடைகளுக்கான பாரம்பரிய சிகிச்சை முகாம் ஞாயிற்றுக்கிழமை நடைபெற்றது. முகாமிற்கு, அறக்கட்டளை நிர்வாகத் தலைவர் கே.வி.கோவிந்தராஜ் தலைமை வகித்தார். ஆவின் முன்னாள் நிர்வாக இயக்குநர் எம்.லோகநாதன் கால்நடைகளுக்கு நோய் எதிர்ப்பு சக்தியை வழங்கும் மூலிகை மசால் உருண்டைகளை வழங்கினார். அறக்கட்டளை இயக்குநர் ஜி.ஜெயலட்சுமி வரவேற்றார். புல்லர்ட்டான் இந்தியா கிரெடிட் நிறுவன மேலாளர் ஆர்.நரேஷ்குமார், உதவி மேலாளர் எஸ்.விஸ்வநாதன் ஆகியோர் முன்னிலை வகித்தனர்.
இம்முகாமில், 142 கால்நடைகளுக்கு மூலிகை மசால் உருண்டைகளும், 202 ஆடுகளுக்கு மூலிகை குடற்புழு ஊக்க மருந்துகளும் இலவசமாக வழங்கப்பட்டன. கால்நடைகளுக்கு மூலிகை மருந்து உருண்டைகள் கொடுப்பதன் காரணமாக உடலில் நோய் எதிர்ப்பு சக்தி உருவாகி தொற்றுநோய்கள் தாக்காது என முகாமில் தெரிவிக்கப்பட்டது. 
தொடர்ந்து, நிர்வாகத் தலைவர் கே.வி.கோவிந்தராஜ் பேசியதாவது:
பொங்கல் பண்டிகையில் குப்பை போன்றவற்றோடு டயர், பிளாஸ்டிக் பொருள்கள், குடம் போன்றவற்றை எரிக்க வேண்டாம். அப்படி எரிக்கும்போது காற்றில் நஞ்சு கலந்து மூச்சுவிடக்கூட முடியாத நிலை உருவாவதுடன் பூமியும் வெப்பமாகிறது. மாட்டுப் பொங்கலின்போது கால்நடைகளின் கொம்புகளை கூரிய ஆயுதம் கொண்டு சீவிவிட்டு பெயிண்டுகளைப் பயன்படுத்தி வர்ணம் பூசக் கூடாது. இவ்வாறு கொம்புகளுக்கு பெயிண்ட் பூசுவதால் சூரிய சக்தியை கிரகிக்கும் தன்மையை மாடு இழந்து விடுகிறது என்றார்.
 

]]>
https://www.dinamani.com/all-editions/edition-coimbatore/erode/2019/jan/15/பொங்கல்-பண்டிகை-கால்நடைகளின்-கொம்புகளுக்கு-வர்ணம்-பூசக்-கூடாது-3077066.html
3077065 கோயம்புத்தூர் ஈரோடு மின் வாரிய ஊழியரின் குடும்பத்துக்கு ரூ. 10 லட்சம் நிதியுதவி DIN DIN Tuesday, January 15, 2019 05:36 AM +0530 கஜா புயலால் சேதமடைந்த மின் கம்பங்களை சரிசெய்யும் பணியில் ஈடுபட்டபோது உயிரிழந்தவரின் குடும்பத்துக்கு, ரூ. 10 லட்சத்துக்கான காசோலையை அமைச்சர் தங்கமணி திங்கள்கிழமை வழங்கினார்.
கொடுமுடி அருகே உள்ள கொளத்துப்பாளையம் ஊராட்சி, காளிபாளையம் ஜே.ஜே. நகரைச் சேர்ந்தவர் முத்துகுமார் (21). இவர், மின் வாரிய ஒப்பந்தத் தொழிலாளியாகப் பணியாற்றி வந்தார்.
கஜா புயல் பாதிப்பின்போது, திருவாரூர் மாவட்டம், திருத்துறைபூண்டி பகுதியில் புயலால் சேதமடைந்த மின் கம்பங்களை சரிசெய்யும் பணியில் முத்துகுமார் ஈடுபட்டிருந்தபோது எதிர்பாராத விதமாக மின்சாரம் தாக்கியதில் உயிரிழந்தார்.
இதையடுத்து, மொடக்குறிச்சி எம்.எல்.ஏ. சிவசுப்பிரமணியம் முத்துகுமாரின் குடும்பத்தினரைச் சந்தித்து முதல்கட்ட நிவாரண நிதியாக ரூ. 2 லட்சம் வழங்கினார். அதைத் தொடர்ந்து, மின்சாரத் துறை அமைச்சர் தங்கமணி, சுற்றுச்சூழல் துறை அமைச்சர் கே.சி.கருப்பணன் ஆகியோர் முத்துகுமாரின் வீட்டுக்கு திங்கள்கிழமை நேரில் சென்று, அவரது பெற்றோர் சின்னசாமி, லலிதாவை சந்தித்து ஆறுதல் கூறி, முதல்வர் நிவாரண நிதியில் இருந்து ரூ. 10 லட்சத்துக்கான காசோலையை வழங்கினர். 
மேலும், அவரது குடும்பத்தில் ஒருவருக்கு அரசு வேலை பெற்றுத் தருவதாகவும் உறுதி அளித்தனர்.
இதில், ஆட்சியர் கதிரவன், சட்டப் பேரவை உறுப்பினர்கள் கே.வி.இராமலிங்கம், சிவசுப்பிரமணியம், தென்னரசு, கொடுமுடி அதிமுக ஒன்றியச் செயலாளர் புதூர் கலைமணி உள்ளிட்டோர் உடனிருந்தனர்.

]]>
https://www.dinamani.com/all-editions/edition-coimbatore/erode/2019/jan/15/மின்-வாரிய-ஊழியரின்-குடும்பத்துக்கு-ரூ-10-லட்சம்-நிதியுதவி-3077065.html
3077064 கோயம்புத்தூர் ஈரோடு மைலம்பாடி சிற்றூராட்சியில் பொங்கல் பரிசுத் தொகுப்பு விநியோகம் DIN DIN Tuesday, January 15, 2019 05:35 AM +0530 பவானியை அடுத்த மைலம்பாடி சிற்றூராட்சிப் பகுதியில் பொதுமக்களுக்கு பொங்கல் பரிசுத் தொகுப்பு, இலவச வேட்டி, சேலைகள் வழங்கும் நிகழ்ச்சி திங்கள்கிழமை நடைபெற்றது.
இந்நிகழ்ச்சிக்கு, பவானி வேளாண்மை உற்பத்தியாளர்கள் கூட்டுறவு விற்பனைச் சங்கத் தலைவர் என்.கிருஷ்ணராஜ் தலைமை வகித்தார். மைலம்பாடி பால் உற்பத்தியாளர்கள் கூட்டுறவு சங்கத் தலைவர் பி.குப்புசாமி, பவானி ஒன்றியக் குழு முன்னாள் தலைவர் எஸ்.எம்.தங்கவேலு ஆகியோர் முன்னிலை வகித்தனர். பவானி வட்டாட்சியர் விஜயகுமார் வரவேற்றார்.
சுற்றுச்சூழல் துறை அமைச்சர் கே.சி.கருப்பணன், மைலம்பாடி சுற்று வட்டாரப் பகுதிகளைச் சேர்ந்த 870 குடும்பத்தினருக்கு பொங்கல் பரிசுத் தொகுப்பு, இலவச வேட்டி, சேலைகளை வழங்கினார்.
இதில், பவானி வருவாய் ஆய்வாளர் மணிமேகலை, விற்பனையாளர் வி.குணசேகரன், ஒன்றியக் குழு முன்னாள் உறுப்பினர் முருகன் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/15/மைலம்பாடி-சிற்றூராட்சியில்-பொங்கல்-பரிசுத்-தொகுப்பு-விநியோகம்-3077064.html
3077063 கோயம்புத்தூர் ஈரோடு ரூ. 2 கோடி மதிப்பில் சாலை பணி தொடக்கம் DIN DIN Tuesday, January 15, 2019 05:35 AM +0530 இயக்கம், பராமரிப்பு நிரப்புத் திட்டத்தின்கீழ், கோபிசெட்டிபாளையம் அருகே உள்ள காசிபாளையம் பேரூராட்சிக்கு உள்பட்ட காந்தி நகர், பள்ளத்துதோட்டம்  ஆகிய பகுதிகளில் ரூ. 2 கோடி மதிப்பில் தார் சாலை அமைக்கும் பணி திங்கள்கிழமை தொடங்கியது.
இப்பணியை, பள்ளிக் கல்வித் துறை அமைச்சர் கே.ஏ.செங்கோட்டையன் பூமிபூஜை செய்து தொடக்கிவைத்தார். தொடர்ந்து, தார் சாலை அமைக்கும் பகுதியை ஆய்வு மேற்கொண்டு சாக்கடை, வேகத் தடைகள் ஏற்படுத்துவது குறித்து அதிகாரிகளுடன் ஆலோசனை மேற்கொண்டார். விழாவில், அரசு அதிகாரிகள், அதிமுக நிர்வாகிகள் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/15/ரூ-2-கோடி-மதிப்பில்-சாலை-பணி-தொடக்கம்-3077063.html
3077062 கோயம்புத்தூர் ஈரோடு பவானியில் திருமுறைக் கழகத்தின் 78 ஆம் ஆண்டு நிறைவு விழா DIN DIN Tuesday, January 15, 2019 05:34 AM +0530 பவானி திருமுறைக் கழகத்தின் 78 ஆம் ஆண்டு நிறைவு விழா சங்கமேஸ்வரர் கோயில் வளாகத்தில் ஞாயிற்றுக்கிழமை நடைபெற்றது. 
விழாவையொட்டி, ஜனவரி 7 ஆம் தேதி முதல் நாள்தோறும் ஆன்மிகச் சொற்பொழிவுகள், திருமுறை இசை அரங்கம், சாக்ஸபோன் இசை நிகழ்ச்சி, பட்டிமன்றம் ஆகியன நடைபெற்றன.
நிறைவு நாள் விழாவுக்கு, எஸ்.எஸ்.எம். லட்சுமியம்மாள் கல்வி நிறுவனங்களின் தலைவர் கே.எஸ்.இளவரசன் தலைமை வகித்தார். செயற்குழு உறுப்பினர் பி.என்.வடிவேல் வரவேற்றார். பவானி ஜெயசூர்யா நிறுவனத் தலைவர் டி.நவநீதகிருஷ்ணன், தொழிலதிபர் சிவசக்தி கே.சண்முகசுந்தரம், சித்த மருத்துவர் பி.சரவணன், பவானி விவேகானந்தா யோகா அறக்கட்டளைச் செயலாளர் பி.கிருஷ்ணராஜ் ஆகியோர் முன்னிலை வகித்தனர். 
தொடர்ந்து, சென்னை, வேளச்சேரி சிவானந்தா கலாலயம் குழுவினரின் பரதநாட்டிய நிகழ்ச்சி நடைபெற்றது. நிகழ்ச்சிக்கான ஏற்பாடுகளை திருமுறைக் கழகத் தலைவர் வி.என்.சி.குமார், செயலாளர் கே.தனசேகரன், பொருளாளர் ஜெ.ஜி.செந்தில்குமார், நிர்வாகிகள் செய்திருந்தனர்.

]]>
https://www.dinamani.com/all-editions/edition-coimbatore/erode/2019/jan/15/பவானியில்-திருமுறைக்-கழகத்தின்-78-ஆம்-ஆண்டு-நிறைவு-விழா-3077062.html
3077061 கோயம்புத்தூர் ஈரோடு காவலர்கள் குழந்தைகளுடன் எஸ்.பி. கலந்துரையாடல் DIN DIN Tuesday, January 15, 2019 05:33 AM +0530 ஈரோடு மாவட்ட காவல் துறை சார்பில், பெருந்துறை காவல் உள்கோட்டத்துக்கு உள்பட்ட 9 காவல் நிலையங்களில் பணிபுரியும் காவலர்கள் குழந்தைகளுடன், மாவட்ட காவல் கண்காணிப்பாளரின் கலந்துரையாடல் நிகழ்ச்சி திங்கள்கிழமை நடைபெற்றது.
பெருந்துறை காவல் துணைக் கண்காணிப்பாளர் அலுவலக வளாகத்தில் நடைபெற்ற இந்நிகழ்ச்சியில், ஈரோடு மாவட்ட காவல் கண்காணிப்பாளர் சக்தி கணேசன் பங்கேற்று காவலர்கள் குழந்தைகளுடன் கலந்துரையாடல் நடத்தினர்.
மேலும், குழந்தைகளுக்கு ஊக்கம் அளிக்கும் விதமாகப் பேசினார். 
குழந்தைகள் தங்கள் அறிவியல் படைப்புகளை பார்வைக்கு வைத்தும், அதைப் பற்றி விளக்கியும் பேசினர். தொடர்ந்து, குழந்தைகளுக்கு நோட் புக், பேனா, பென்சில்கள் நினைவுப் பரிசாக வழங்கப்பட்டன. 
இதில், மாவட்ட குற்றப் பிரிவு துணைக் கண்காணிப்பாளர் திவ்யா, பெருந்துறை காவல் துணைக் கண்காணிப்பாளர் ராஜாகுமார், ஆய்வாளர்கள், உதவி ஆய்வாளர்கள், காவலர்கள் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/15/காவலர்கள்-குழந்தைகளுடன்-எஸ்பி-கலந்துரையாடல்-3077061.html
3077060 கோயம்புத்தூர் ஈரோடு சென்னிமலை முருகன் கோயிலில் ரூ. 20.42 லட்சம் உண்டியல் காணிக்கை DIN DIN Tuesday, January 15, 2019 05:33 AM +0530 சென்னிமலை முருகன் கோயிலில் உண்டியல்கள் திறந்து எண்ணும் பணி நடைபெற்றது. இதில், ரூ. 20,42,954 ரொக்கமும், 106 கிராம் தங்கமும், 1.535 கிராம் வெள்ளியும் பக்தர்கள் காணிக்கையாகச் செலுத்தியிருந்தனர். 
சென்னிமலையில் உள்ள பிரசித்தி பெற்ற சுப்பிரமணியசாமி கோயிலில் ஒவ்வொரு ஆண்டும் தைப்பூசத் தேர்த் திருவிழா 12 நாள்கள் சிறப்பாக நடைபெறுவது வழக்கம். அதன்படி, இந்த ஆண்டு தைப்பூசத் தேர்த்திருவிழா ஞாயிற்றுக்கிழமை (ஜனவரி 13) கொடியேற்றத்துடன் தொடங்கியது. தேர்த் திருவிழாவின் முக்கிய நிகழ்ச்சியான தேர் வடம் பிடிக்கும் நிகழ்ச்சி ஜனவரி 21 ஆம் தேதி (திங்கள்கிழமை) நடைபெறுகிறது. திருவிழாவுக்கு முன்பு கோயிலில் உண்டியல்கள் திறந்து எண்ணுவது வழக்கம். அதன்படி, கோயிலின் உண்டியல்கள் திறந்து எண்ணும் பணி அண்மையில் நடைபெற்றது. 8 நிரந்தர உண்டியல்களில் ரூ. 19,84,404 ரொக்கமும், 106 கிராம் தங்கமும், 1.535 கிராம் வெள்ளியும், திருப்பணி உண்டியலில் ரூ. 58,550 என மொத்தம் ரூ. 20,42,954 ஐ பக்தர்கள் காணிக்கையாகச் செலுத்தியிருந்தனர்.
உண்டியல்கள் எண்ணும் பணியில், ஈரோடு மாவட்ட மத்திய கூட்டுறவு வங்கிப் பணியாளர்கள், சென்னிமலை எம்.பி.நாச்சிமுத்து எம்.ஜெகநாதன் பொறியியல் கல்லூரி மாணவர்கள் ஈடுபட்டனர்.

]]>
https://www.dinamani.com/all-editions/edition-coimbatore/erode/2019/jan/15/சென்னிமலை-முருகன்-கோயிலில்-ரூ-2042-லட்சம்-உண்டியல்-காணிக்கை-3077060.html
3077059 கோயம்புத்தூர் ஈரோடு கார் மோதி இளைஞர் சாவு DIN DIN Tuesday, January 15, 2019 05:33 AM +0530 பெருந்துறை அருகே இருசக்கர வாகனம் மீது கார் மோதியதில், இருவர் காயமடைந்தனர். 
விருத்தாசலம் மாவட்டம், சாத்தப்பாடியைச் சேர்ந்த சக்திவேல் மகன்கள் ஜெனின் (24), கெளதம் (20). இவர்கள் இருவரும் திருப்பூர் மாவட்டம், அவிநாசி தெக்கலூரில் உள்ள பனியன் நிறுவனத்தில் வேலை பார்த்து வந்தனர்.
இருவரும் வேலை முடிந்து வீட்டுக்கு இருசக்கர வாகனத்தில் ஞாயிற்றுக்கிழமை மாலை சென்றனர். பெருந்துறை, ஓலப்பாளையம் பிரிவு அருகே சென்றபோது, பின்னால் வந்த கார் மோதியதில், ஜெனின், கெளதம் ஆகிய இருவரும் பலத்த காயமடைந்தனர். இதையடுத்து, ஈரோடு அரசு மருத்துவமனையில் சேர்க்கப்பட்டனர். அங்கு, கெளதம் உயிரிழந்தார். 
இதுகுறித்து, பெருந்துறை போலீஸார் வழக்குப் பதிவு செய்து விசாரித்து வருகின்றனர்.

]]>
https://www.dinamani.com/all-editions/edition-coimbatore/erode/2019/jan/15/கார்-மோதி-இளைஞர்-சாவு-3077059.html
3077058 கோயம்புத்தூர் ஈரோடு சென்னிமலை முருகன் கோயிலில் மார்கழி மாத பூஜை நிறைவு விழா DIN DIN Tuesday, January 15, 2019 05:32 AM +0530 சென்னிமலை முருகன் கோயிலில் மார்கழி மாத நிறைவு பூஜை திங்கள்கிழமை நடைபெற்றது.
சென்னிமலையில் உள்ள முருகன் கோயிலில் மார்கழி மாத விழா குழுவினர் சார்பில், மார்கழி 1ஆம் தேதி சிறப்பு வழிபாடு தொடங்கியது. அன்று முதல் தினமும் காலையில் 5.30 மணிக்கு கோமாதா பூஜையுடன் நிகழ்ச்சிகள் தொடங்கி, பல்வேறு சிறப்பு பூஜைகள் நடைபெற்று வந்தன. 
மார்கழி மாதத்தின் நிறைவு விழா சிறப்பு பூஜை திங்கள்கிழமை நடைபெற்றது. இதையொட்டி, அதிகாலை 5.30 மணி முதல் கோமாதா பூஜை நடைபெற்றது. அப்போது பசுவுக்கு தீபாராதனை பூஜை செய்யப்பட்டது. அதைத் தொடர்ந்து, விநாயகர் வழிபாடு, கலச பூஜை, 108 சங்கு பூஜை ஆகியவை நடைபெற்றன.
மேலும், மேட்டுப்பாளையம் வன பத்திரகாளியம்மன் கோயிலில் இருந்து பக்தர்கள் எடுத்து வந்த தீர்த்தக்குடங்களுடன் சுவாமி புறப்பாடு நிகழ்ச்சி நடைபெற்றது. பின்னர், மூலவர், உற்சவருக்கு சிறப்பு பூஜைகள் நடைபெற்றன. 
இதில், திரளான பக்தர்கள் கலந்துகொண்டு சுவாமி தரிசனம் செய்தனர். மார்கழி மாத விழாக் குழுவினர் சார்பில் பக்தர்களுக்கு அன்னதானம் வழங்கப்பட்டது.

]]>
https://www.dinamani.com/all-editions/edition-coimbatore/erode/2019/jan/15/சென்னிமலை-முருகன்-கோயிலில்-மார்கழி-மாத-பூஜை-நிறைவு-விழா-3077058.html
3077057 கோயம்புத்தூர் ஈரோடு அவல்பூந்துறை விற்பனைக் கூடத்தில் ரூ. 54 லட்சத்துக்கு கொப்பரை ஏலம் DIN DIN Tuesday, January 15, 2019 05:32 AM +0530 மொடக்குறிச்சி ஒன்றியத்துக்கு உள்பட்ட அவல்பூந்துறை ஒழுங்குமுறை விற்பனைக் கூடத்தில் ரூ. 54 லட்சத்துக்கு  கொப்பரை ஏலம் நடைபெற்றது. 
மொடக்குறிச்சி சுற்று வட்டாரப் பகுதிகளைச் சேர்ந்த விவசாயிகள் 1,096 மூட்டைகளில் 55 ஆயிரத்து 821 கிலோ எடையுள்ள கொப்பரையை விற்பனைக்குக் கொண்டு வந்திருந்தனர். 
இதில், முதல் தர கொப்பரை அதிகபட்சமாக கிலோ ரூ. 122.35 க்கும், குறைந்தபட்சமாக ரூ. 120.05 க்கும், இரண்டாம் தர கொப்பரை அதிகபட்சமாக கிலோ ரூ. 120.85 க்கும், குறைந்தபட்சமாக ரூ. 60.95 க்கும் என மொத்தம் ரூ. 54 லட்சத்துக்கு ஏலம் நடைபெற்றது.
இதேபோல, 5,161 கிலோ எடையுள்ள 15,140 தேங்காய்களை விவசாயிகள் விற்பனைக்குக் கொண்டு வந்திருந்தனர். இதில், அதிக விலையாக டன் ரூ. 42 ஆயிரத்து 390 க்கும், குறைந்த விலையாக டன் ரூ. 25 ஆயிரத்து 690 க்கும் என ரூ. 1 லட்சத்து 69 ஆயிரத்துக்கு ஏலம் நடைபெற்றது. தேங்காய் ஒன்றுக்கு ரூ. 8.42 முதல் ரூ. 16.95 வரை ஏலம் நடைபெற்றது என விற்பனைக்கூட கண்காணிப்பாளர் இரா.சதீஷ்குமார் தெரிவித்தார்.

]]>
https://www.dinamani.com/all-editions/edition-coimbatore/erode/2019/jan/15/அவல்பூந்துறை-விற்பனைக்-கூடத்தில்-ரூ-54-லட்சத்துக்கு-கொப்பரை-ஏலம்-3077057.html
3076420 கோயம்புத்தூர் ஈரோடு பாத்திரக் கடையில் ரூ. 1.87 லட்சம் கொள்ளை: இருவர் கைது DIN DIN Monday, January 14, 2019 01:54 AM +0530 பாத்திரம் வாங்குவதுபோல நடித்து பாத்திரக் கடையில் ரூ. 1.87 லட்சத்தைக் கொள்ளையடித்துச் சென்ற இருவரைத் தனிப்படையினர் கைது செய்தனர்.
புன்செய் புளியம்பட்டி அருகே உள்ள பொன்னம்பாளையத்தைச் சேர்ந்த பொன்னுசாமி புன்செய் புளியம்பட்டி-பவானிசாகர் சாலையில் சுப்பிரமணியர் கோயில் அருகே பாத்திரக் கடை நடத்தி வருகிறார். சில நாள்களுக்கு முன்பு இவரது கடைக்கு இருவர் வந்து ஒரே மாதிரியாக 6 சில்வர் பாத்திரம் வேண்டும் என்று கேட்டுள்ளனர். ஒரே மாதிரியான பாத்திரம் கேட்டதால் உள்ளே உள்ளது எடுத்து வருகிறேன் என கூறிய பொன்னுசாமி கடையின் உள் பகுதிக்குச் சென்றுள்ளார்.
சிறிது நேரம் கழித்து வந்து பார்த்தபோது இருவரும் மாயமாகினர். அப்போது ரூ.1.87 லட்சம் ரொக்கத்துடன் வைக்கப்பட்டு இருந்த பணப்பை காணாமல் போனது கண்டு அதிர்ச்சி அடைந்தார். இது குறித்து புன்செய் புளியம்பட்டி போலீஸாருக்கு தகவல் கொடுத்தார். கொள்ளையர்களில் ஒருவரது முகம் இன்னொரு கடையில் உள்ள கண்காணிப்பு கேமராவில் பதிவாகி இருந்தது. இதை வைத்து தனிப்படை போலீஸார் விசாரணை செய்து வந்தனர்.  இந்நிலையில், தனிப்படை போலீஸார் எஸ்.ஐ. மாணிக்கவாசகம் தலைமையில் கோவை சாலையில் உள்ள டாணாபுதூரில் வாகன சோதணை நடத்தினர். அப்போது சந்தேகப்படும்படியாக இரண்டு சக்கர வாகனத்தில் வந்த இரண்டு நபர்களை நிறுத்தி விசாரணை செய்தனர். அவர்கள் முன்னுக்குப்பின் முரணாக பதில் கூறியதால் சந்தேகம் அடைந்த போலீஸார் தீவிர விசாரணை செய்ததில் இருவருக்கும் பு.புளியம்பட்டி பாத்திரக் கடையில் பணம் கொள்ளையடித்த சம்பவத்தில் தொடர்பு இருப்பது தெரிய வந்தது.
இதனை அடுத்து கோவை மாவட்டம், தொண்டாமுத்தூரைச் சேர்ந்த பழனிசாமி மகன் சங்கரநாராயணன் (26), அதே பகுதியைச் சேர்ந்த செல்வராஜ் மகன் ராம்குமார் (26) ஆகிய இருவரையும் தனிப்படை போலீஸார் கைது செய்தனர்.

]]>
https://www.dinamani.com/all-editions/edition-coimbatore/erode/2019/jan/14/பாத்திரக்-கடையில்-ரூ-187-லட்சம்-கொள்ளை-இருவர்-கைது-3076420.html
3076419 கோயம்புத்தூர் ஈரோடு 103 வயது மூதாட்டிக்குப் பிறந்த நாள் கொண்டாடிய உறவுகள் DIN DIN Monday, January 14, 2019 01:54 AM +0530 ஈரோடு மாவட்டம், கோபி அருகேயுள்ள நஞ்சை புளியம்பட்டியைச் சேர்ந்த 103 வயதான மூதாட்டியின் பிறந்த நாளை அவரது உறவினர்கள் ஞாயிற்றுக்கிழமை கொண்டாடி மகிழ்ந்தனர்.
நஞ்சை புளியம்பட்டியில் வசிப்பவர் முன்னாள் ராணுவ வீரர் வெங்கடசாமியின் மனைவி ராமாக்காள். இவருக்கு தற்போது 103 வயது நடைபெறுகிறது. இவரது கணவர் கடந்த 23 ஆண்டுகளுக்கு முன்பு உயிரிழந்தார். ராமாக்காளுக்கு 3 மகன்கள் உள்ளனர்.  முதல் மகன் சுப்பிரமணியம் (80).  தையல் தொழில் செய்து வந்த இவர்  தற்போது வீட்டில் ஓய்வு பெற்று வருகிறார். ராமாக்காள் இவருடன்தான் வசித்து வருகிறார்.  இரண்டாவது மகன் கோபால்  (75) தாளவாடியில் விவசாயம் செய்து வருகிறார். 3 ஆவது மகன் துளசிராமன் (67) .  இவர் நீதிமன்றத்தில் பணியாற்றி  ஓய்வு பெற்றுள்ளார். இந்த மூவருக்கும் 6 மகள்கள், 2 மகன்கள் உள்ளனர். இவர்களுக்கும் திருமணமாகி குழந்தைகள் உள்ளனர். 
இந்தக் குடும்பத்தினர் தற்போது வேலை காரணமாக பெங்களூரு, சென்னை, கோவை, மேட்டுப்பாளையம், ராணிப்பேட்டை உள்ளிட்ட பல்வேறு இடங்களில் வசித்து வருகின்றனர். 
இந்நிலையில் ராமக்காளின் 103 ஆவது பிறந்த நாளை சிறப்பாக கொண்டாடுவது என அவரது உறவுகள் முடிவு செய்தனர். இதையொட்டி வெவ்வேறு ஊர்களில் வசித்துவந்த மகன்கள், மருமகள்கள், பேரன்,பேத்திகள், கொள்ளு பேரன்கள் உள்பட உறவினர்கள் 50-க்கும் மேற்பட்டோர்  ராமாக்காள் வசிக்கும் கோபி அருகே உள்ள நஞ்சை புளியம்பட்டிக்கு வந்தனர். அங்கு அவர்கள் அனைவரும் ஒன்றிணைந்து கேக் வெட்டி மூதாட்டியின் பிறந்த நாளைக் கொண்டாடி மகிழ்ந்தனர்.
விழா குறித்து ராணிப்பேட்டையில் பாரத  ஸ்டேட் வங்கியில் உதவி மேலாளராக பணியாற்றிவரும்  ராமாக்காளின் பேத்தி பூரணி கூறியதாவது:  
 பாட்டிக்கு  சர்க்கரை நோய், ரத்த அழுத்தம், கண்பார்வை கோளாறு எதுவுமில்லை. பாட்டியின் 100 ஆவது பிறந்தநாளை அனைவரும் சேர்ந்து கொண்டாடுவதற்கு முயற்சி எடுத்தோம்.  நாங்கள் அனைவரும் பல ஊர்களில் இருந்ததால் ஒன்று சேர முடியவில்லை. கடந்த 3 ஆண்டுகளாக முயற்சி செய்து தற்போது அனைவரும் ஒன்று சேர்ந்து பாட்டியின் பிறந்த நாளை சிறப்பாக கொண்டாடி உள்ளோம் என்றார்.

]]>
https://www.dinamani.com/all-editions/edition-coimbatore/erode/2019/jan/14/103-வயது-மூதாட்டிக்குப்-பிறந்த-நாள்-கொண்டாடிய-உறவுகள்-3076419.html
3076417 கோயம்புத்தூர் ஈரோடு ரூ. 2.45 கோடிக்கு கொப்பரை ஏலம் DIN DIN Monday, January 14, 2019 01:53 AM +0530 பெருந்துறை வேளாண்மை உற்பத்தியாளர்கள் கூட்டுறவு விற்பனைச் சங்கத்தில் ரூ. 2.45 கோடிக்கு கொப்பரை ஏலம் ஞாயிற்றுகிழமை நடைபெற்றது.                   
இந்த வார ஏலத்துக்கு, பெருந்துறை  சுற்றுவட்டாரப் பகுதி விவசாயிகள் 4, 758 மூட்டைகளில் 2, 25,000 கிலோ கொப்பரையை விற்பனைக்குக் கொண்டு வந்திருந்தனர். 
இதில், முதல் தரக் கொப்பரை குறைந்தபட்சமாக கிலோ ரூ.115. 50-க்கும், அதிகபட்சமாக ரூ.122. 65- க்கும் விற்பனையானது. இரண்டாம் தரக்  கொப்பரை குறைந்தபட்சமாக கிலோ ரூ.40. 95 க்கும், அதிகபட்சமாக ரூ.118.50 க்கும்  விற்பனையானது. மொத்தம், ரூ. 2 கோடியே, 45 லட்சத்துக்கு வர்த்தகம் நடைபெற்றது.
 

]]>
https://www.dinamani.com/all-editions/edition-coimbatore/erode/2019/jan/14/ரூ-245-கோடிக்கு-கொப்பரை-ஏலம்-3076417.html
3076415 கோயம்புத்தூர் ஈரோடு கடம்பூரில் சமத்துவப் பொங்கல் DIN DIN Monday, January 14, 2019 01:53 AM +0530 சத்தியமங்கலத்தை அடுத்த கடம்பூர் மலைப் பகுதியில் ஹிந்து, முஸ்லிம், கிறிஸ்தவர்கள் பங்கேற்ற சமத்துவப் பொங்கல் கொண்டாடப்பட்டது.
சத்தியமங்கலத்தை அடுத்த கடம்பூர் மலைப் பகுதியில் விவசாயம் முக்கியத் தொழிலாக உள்ளது. பழங்குடியின மக்கள் அதிகம் வசிக்கும் இப்பகுதியில் பாரம்பரிய பண்பாடுகள் மற்றும் இயற்கை சார்ந்த வழிபாடுகள் நடந்து வருகின்றன.  அனைத்து மதத்தினரும் வசிக்கும் மலைப் பகுதியில் மக்களிடையே ஒற்றுமையை ஏற்படுத்தும் வகையில் கடம்பூர் பேருந்து நிலையத்தில் சமூக நல்லிணக்கப் பொங்கல் விழா கொண்டாடப்பட்டது. 
இந்திய கம்யூனிஸ்ட் கட்சி செயலாளர் கடம்பூர் கே.ராமசாமி, மார்க்சிஸ்ட் கம்யூனிஸ்ட் கட்சி  வட்டார கமிட்டி தலைவர் துரை ஆகியோர் முன்னிலை வகித்தனர். இதில் பொதுமக்கள் சார்பில் பொங்கல் வைத்து பயணிகளுக்கு இனிப்பு வழங்கப்பட்டது.  இதில் கேர்மாளம் மல்லிகார்ஜூன கோயில் பிரிதிநிதி, சத்தியமங்கலம் பெரிய பள்ளிவாசல் ஜமாத் பிரதிநிதி மற்றும் மாக்கம்பாளையம் கிறிஸ்துவ பாதிரியார், காவல் ஆய்வாளர், வனத் துறை வருவாய்த் துறை அலவலர்கள், பள்ளி ஆசிரியர்கள் கலந்துகொண்டனர். இதனைத் தொடர்ந்து பழங்குடியின மாணவிகள் பொங்கல் வாழ்த்துப் பாடினர். சமூக ஒற்றுமையை பறைசாற்றும் விதமாக அனைவரும் மதநல்லிணக்க  உறுதிமொழி ஏற்றுக்கொண்டனர்.
 

]]>
https://www.dinamani.com/all-editions/edition-coimbatore/erode/2019/jan/14/கடம்பூரில்-சமத்துவப்-பொங்கல்-3076415.html
3076414 கோயம்புத்தூர் ஈரோடு பாரியூர் கொண்டத்துக் காளியம்மன் முத்து மலர் பல்லக்கு ஊர்வலம் DIN DIN Monday, January 14, 2019 01:53 AM +0530 கோபிசெட்டிபாளையம் பாரியூர் கொண்டத்துக் காளியம்மன் கோயில் திருவிழாவையொட்டி முத்து மலர் பல்லக்கு ஊர்வலம் சனிக்கிழமை இரவு நடைபெற்றது.
  விழாவையொட்டி, 30 அடி மலர் பல்லக்கில் அலங்கரிக்கப்பட்ட அம்மன் உற்சவர் சிலையை பாரியூர் கோயிலிலிருந்து கோபியில் உள்ள பெருமாள் கோயிலுக்கு சனிக்கிழமை இரவு  ஊர்வலமாக எடுத்து வந்தனர்.  கோபி மற்றும் அதன் சுற்றுவட்டாரப் பகுதிகளில் இருந்து வந்திருந்த ஆயிரக்கணக்கான பக்தர்கள் சனிக்கிழமை இரவு முழுவதும் காத்திருந்து அம்மனை தரிசித்தனர். 
 பல்லக்கு ஊர்வலத்தையொட்டி  300-க்கும் மேற்பட்ட காவலர்கள் பாதுகாப்பு பணியில் ஈடுபடுத்தப்பட்டிருந்தனர். தமிழகஅரசுப் போக்குவரத்துக் கழகத்தின் சார்பில் அனைத்து கிராமங்களிலிருந்தும்  பாரியூர் கோயிலுக்கு சனிக்கிழமை இரவு முழுவதும் சிறப்பு பேருந்துகள் இயக்கப்பட்டன.

]]>
https://www.dinamani.com/all-editions/edition-coimbatore/erode/2019/jan/14/பாரியூர்-கொண்டத்துக்-காளியம்மன்-முத்து-மலர்-பல்லக்கு-ஊர்வலம்-3076414.html
3076412 கோயம்புத்தூர் ஈரோடு சென்னிமலை கோயிலுக்கு தனியார் வாகனங்கள் செல்லத் தடை DIN DIN Monday, January 14, 2019 01:52 AM +0530 சென்னிமலை முருகன் கோயில் தைப்பூச தேர்த்திருவிழாவை முன்னிட்டு , மலைப் பாதை வழியாக ஜனவரி 21, 22 ஆகிய தேதிகளில் தனியார் வாகனங்கள் செல்ல தடை விதிக்கப்பட்டுள்ளது.
சென்னிமலை முருகன் கோயில் தைப்பூச தேர்த் திருவிழா தொடர்பான ஆலோசனைக் கூட்டம், சென்னிமலை ஊராட்சி ஒன்றிய அலுவலகத்தில் சனிக்கிழமை நடைபெற்றது. கூட்டத்துக்கு, ஈரோடு வருவாய் கோட்டாட்சியர் முருகேசன் தலைமை வகித்தார். பெருந்துறை வட்டாட்சியர் துரைசாமி முன்னிலை வகித்தார். 
இதில், சென்னிமலை பேரூராட்சி செயல் அலுவலர் கிருஷ்ணன், சுப்பிரமணிய சுவாமி கோயில் செயல் அலுவலர் அருள்குமார், சென்னிமலை ஊராட்சி ஒன்றிய வட்டார வளர்ச்சி அலுவலர்  ராஜேந்திரன் உள்ளிட்ட அதிகாரிகள் கலந்து கொண்டனர்.   கூட்டத்தில்,தேரோட்டம் நடக்கும் ஜனவரி  21, 22 ஆகிய தேதிகளில் கோயிலுக்கு அதிக அளவில் பக்தர்கள் வருவார்கள். இவர்கள் வரும் வாகனங்களை  மலை மீது நிறுத்தும் வசதி இல்லை. எனவே, மலைப்பாதை வழியாக இருசக்கர வாகனங்களை மட்டுமே அனுமதிப்பது என்றும்,  பக்தர்களின் வசதிக்கு, தேவஸ்தான பேருந்துகளை, கூடுதலாக இயக்குவது எனவும் முடிவு செய்யப்பட்டது.

]]>
https://www.dinamani.com/all-editions/edition-coimbatore/erode/2019/jan/14/சென்னிமலை-கோயிலுக்கு-தனியார்-வாகனங்கள்-செல்லத்-தடை-3076412.html
3076411 கோயம்புத்தூர் ஈரோடு சென்னிமலை முருகன் கோயில் தைப்பூச தேர்த் திருவிழா: கொடியேற்றத்துடன் துவக்கம் DIN DIN Monday, January 14, 2019 01:52 AM +0530 சென்னிமலை முருகன் கோயில் தைப்பூச தேர்த் திருவிழா ஞாயிற்றுக்கிழமை கொடியேற்றத்துடன் துவங்கியது. 
சென்னிமலை முருகன் கோயிலில் தைப்பூச தேர்த் திருவிழா ஆண்டுதோறும் 12 நாள்கள் சிறப்பாக நடைபெறுவது வழக்கம்.  இந்த ஆண்டு தைப்பூச தேர்த் திருவிழாவை  முன்னிட்டு பக்தர்கள் பவானி கூடுதுறைக்கு சனிக்கிழமை இரவு சென்று தீர்த்தம் எடுத்து வந்தனர். பின்னர், தீர்த்தக்குடங்களுடன் ஞாயிற்றுக்கிழமை காலை 7.30 மணியளவில் சென்னிமலை கைலாசநாதர் கோயிலில் இருந்து உற்சவமூர்த்திகளை படிக்கட்டுகள் வழியாக மலைக்கோயிலுக்கு அழைத்துச் சென்றனர். அங்கு, சுவாமிக்கு காப்பு கட்டும் நிகழ்ச்சியைத் தொடர்ந்து, மூலவர் மற்றும் உற்சவருக்கு சிறப்பு அபிஷேகங்கள் செய்யப்பட்டன.  
இதைத் தொடர்ந்து, கொடியேற்றம் நடைபெற்றது. கோயிலின் தலைமை குருக்கள் ராமநாத சுவாமி தலைமையில்,  கோயில் முன்புள்ள 37 அடி உயர கொடிக் கம்பத்தில் சேவல் கொடியும், மார்க்கண்டேசுவரருக்கு நந்திக் கொடியும் ஏற்றப்பட்டன. 
இதில், திரளான பக்தர்கள் கலந்து கொண்டு சுவாமி தரிசனம் செய்தனர். 
விழாவுக்கான ஏற்பாடுகளை கட்டளைதாரர்களான இசை வேளாளர் சமூகத்தினர் செய்திருந்தனர். 
விழாவையொட்டி,  இந்து கவரா இளைய தலைமுறை மன்றம் மற்றும் வளையல்கார செட்டியார் தைப்பூச மண்டல கட்டளை சார்பில் சென்னிமலை முருகனுக்கு அபிஷேகம், அலங்கார ஆராதனை நடைபெற்றன.  தொடர்ந்து, சென்னிமலை, வாசவி மஹால் மண்டபத்திலுள்ள கணபதி, முருகன் சுவாமிகளுக்கு பூஜைகள் நடைபெற்றன. பின்னர் அன்னதானம் நடைபெற்றது. 
திங்கள்கிழமை இரவு 8 மணிக்கு பல்லக்கு சேவை நிகழ்ச்சியும், செவ்வாய்கிழமை இரவு 8 மணிக்கு மயில் வாகனக் காட்சியும் நடைபெறுகிறது.
 

]]>
https://www.dinamani.com/all-editions/edition-coimbatore/erode/2019/jan/14/சென்னிமலை-முருகன்-கோயில்-தைப்பூச-தேர்த்-திருவிழா-கொடியேற்றத்துடன்-துவக்கம்-3076411.html
3076409 கோயம்புத்தூர் ஈரோடு ஈஞ்சம்பள்ளி பால் உற்பத்தியாளர்களுக்கு ஊக்கத் தொகை DIN DIN Monday, January 14, 2019 01:52 AM +0530 மொடக்குறிச்சியை அடுத்த  ஈஞ்சம்பள்ளியில் உள்ள பால் உற்பத்தியாளர் கூட்டுறவு சங்கத்தில் 287 உறுப்பினர்களுக்கு ஊக்கத்தொகையாக ரூ. 6 லட்சத்து 7 ஆயிரத்து 500-க்கு வழங்கப்பட்டன. 
நிகழ்ச்சிக்கு ஈஞ்சம்பள்ளி பால் உற்பத்தியாளர் கூட்டுறவு சங்கத் தலைவர் பி.கே.பி.அருண் தலைமை வகித்தார். சிறப்பு அழைப்பாளராக மொடக்குறிச்சி எம்.எல்.ஏ. வி.பி. சிவசுப்ரமணி கலந்து கொண்டு, சங்க உறுப்பினர்கள் 287 பேருக்கு ரூ. 6 லட்சத்து 7 ஆயிரத்து 500 காசோலைகளை வழங்கிப் பேசினார்.
    இந்நிகழ்ச்சியில், மொடக்குறிச்சி ஒன்றிய அதிமுக செயலாளர் கதிர்வேல், மொடக்குறிச்சி ஒன்றியக் குழு முன்னாள் துணைத் தலைவர் கணபதி, ஆவின் இயக்குநர் அசோக், கூட்டுறவு சங்கத் தலைவர் தட்சிணாமூர்த்தி உள்பட கலர் கலந்து கொண்டனர்.

நெரிஞ்சிப்பேட்டையில்...
அம்மாபேட்டை அருகேயுள்ள நெரிஞ்சிப்பேட்டை பால் உற்பத்தியாளர் கூட்டுறவு சங்க உறுப்பினர்களுக்கு ஊக்கத்தொகை வழங்கும் நிகழ்ச்சி  சனிக்கிழமை நடைபெற்றது. 
 இந்நிகழ்ச்சிக்கு,  சங்கத் தலைவரும், மாநிலங்களவை முன்னாள் உறுப்பினருமான என்.ஆர்.கோவிந்தராஜர் தலைமை வகித்தார். சங்கச் செயலர் கிருஷ்ணன் வரவேற்றார். இந்நிகழ்ச்சியில், பால் உற்பத்தியாளர்கள் 246 பேருக்கு லிட்டர் ஒன்றுக்கு ரூ.1 வீதம் ஊக்கத்தொகையாக ரூ. 2 லட்சத்து 94 ஆயிரத்து 730 வழங்கப்பட்டது. 

]]>
https://www.dinamani.com/all-editions/edition-coimbatore/erode/2019/jan/14/ஈஞ்சம்பள்ளி-பால்-உற்பத்தியாளர்களுக்கு-ஊக்கத்-தொகை-3076409.html
3076407 கோயம்புத்தூர் ஈரோடு கொங்கு கலை, அறிவியல் கல்லூரியில் கையுந்துப் பந்து போட்டிகள் DIN DIN Monday, January 14, 2019 01:51 AM +0530 ஈரோடு அருகே நஞ்சனாபுரத்தில் உள்ள கொங்கு கலை, அறிவியல் கல்லூரியில் பொங்கல் பண்டிகையை முன்னிட்டு கையுந்துப் பந்துப் போட்டிகள் சனிக்கிழமை நடைபெற்றன. 
இக்கல்லூரியில் செயல்பட்டு வரும் இளைஞர்களுக்கான விளையாட்டு மையம் எனும் அமைப்பு சார்பில் நடைபெற்ற இந்த நிகழ்ச்சிக்கு, கல்லூரித் தாளாளர் தாளாளர் ஏ.கே.இளங்கோ தலைமை வகித்தார். இப்போட்டிகளில், ஈரோடு, திருப்பூர், கரூர், கோவை, திண்டுக்கல், சேலம், மதுரை, சிவகங்கை, புதுச்சேரி, நாமக்கல் உள்பட பல்வேறு மாவட்டங்களைச் சேர்ந்த 60- க்கும் மேற்பட்ட அணிகள் பங்கேற்றன. போட்டிகளில் முதல் நான்கு இடங்களைப் பெற்ற அணிகளுக்கு, முறையே ரூ.7000, ரூ.5000, ரூ.3000, ரூ.2000 ரொக்கப் பரிசுகளும், போட்டியில் பங்கேற்ற அனைத்து வீரர்களுக்கும் டி-சர்ட்கள் வழங்கப்பட்டன. கொங்கு வேளாளர் தொழில் நுட்பக் கல்லூரி அறக்கட்டளைப் பாரம்பரிய பாதுகாவலர் பி.சச்சிதானந்தன், முதல்வர் என்.ராமன் ஆகியோர் பரிசுகளை வழங்கினர். 
போட்டிக்கான ஏற்பாடுகளை கல்லூரியின் உடல்கல்வித் துறை இயக்குநர் ஏ.சங்கர், உதவி இயக்குநர் மாரி ஆகியோர் செய்திருந்தனர். 
 

]]>
https://www.dinamani.com/all-editions/edition-coimbatore/erode/2019/jan/14/கொங்கு-கலை-அறிவியல்-கல்லூரியில்-கையுந்துப்-பந்து-போட்டிகள்-3076407.html
3076406 கோயம்புத்தூர் ஈரோடு பொங்கல் பரிசுடன் மண் பானை வழங்கக் கோரிக்கை DIN DIN Monday, January 14, 2019 01:51 AM +0530 தமிழக அரசு வழங்கும் பொங்கல் பரிசுடன் வரும் காலங்களில் மண் பானை வழங்க அரசு நடவடிக்கை எடுக்க வேண்டும் என மண்பாண்டத் தொழிலாளர்கள் கோரிக்கை விடுத்துள்ளனர்.
இதுகுறித்து, தமிழ்நாடு மண்பாண்டத் தொழிலாளர்கள் முன்னேற்றச் சங்கப் பொருளாளர் கனகராஜ் கூறியதாவது:
தமிழ்நாடு மண்பாண்டத் தொழிலாளர்களுக்கு இலவச களிமண் எடுக்க அரசு ஆணை வழங்குவதுடன் மண்பாண்டம் செய்ய மின்சார சக்கரம், இலவச மின்சாரம் வழங்க வேண்டும். தற்போது அரசு மழைக்கால நிவாரண உதவித் தொகையாக ரூ. 5,000 வழங்கி வருகிறது. இதனை உயர்த்தி வழங்க வேண்டும்.
தமிழகத்தில் மண்பாண்ட நல வாரியத்தில் பதிவு செய்துள்ள அனைத்து மண்பாண்டத் தொழிலாளர்களுக்கும் உதவித் தொகை வழங்க வேண்டும். தற்போது தமிழ்நாடு முழுவதும் 12 ஆயிரத்து 500 நபர்களுக்கு மட்டுமே உதவித் தொகை வழங்கப்படுகிறது. மண்பாண்ட சூளை வைக்கும் இடத்தை அவர்களுக்கே பட்டா வழங்க ஆவன செய்ய வேண்டும். மாவட்டம்தோறும் மண்பாண்டத் தொழில் கூடம் அமைக்க வேண்டும. இதன் மூலம் இளைஞர்களுக்கு வேலைவாய்ப்பு கிடைக்கும் பாரம்பரிய மண்பாண்டத் தொழிலைப் பாதுகாக்க முடியும். 
தை பொங்கல் பண்டிகைக்கு பொதுமக்களுக்கு பாரம்பரிய முறையில் பொங்கல் வைக்கும் விதத்தில் அரசு கொடுக்கும் பொங்கல் பரிசுடன், பொங்கல் பானைகளை பொதுமக்களுக்கு வழங்க அரசு நடவடிக்கை
 எடுக்க வேண்டும். அப்படி செய்யும் பட்சத்தில் பொதுமக்களிடம் விழிப்புணர்வை ஏற்படுத்துவதுடன், மண்பாண்டத் தொழிலாளர்களுக்கும் வேலைவாய்ப்பு அதிகரிக்கும் என்றார்.

]]>
https://www.dinamani.com/all-editions/edition-coimbatore/erode/2019/jan/14/பொங்கல்-பரிசுடன்-மண்-பானை-வழங்கக்-கோரிக்கை-3076406.html
3076403 கோயம்புத்தூர் ஈரோடு அந்தியூர் அருகே குடிநீர் கோரி  பொதுமக்கள் சாலை மறியல் DIN DIN Monday, January 14, 2019 01:50 AM +0530 அந்தியூர் அருகே சீரான குடிநீர் வழங்கக் கோரி பொதுமக்கள் சாலை மறியல் போராட்டத்தில் ஞாயிற்றுக்கிழமை ஈடுபட்டனர். 
அந்தியூர் அருகே உள்ள கெம்மிம்பட்டி கிராமத்தில் கடந்த 2 மாதங்களாக முறையாக குடிநீர் வழங்கப்படவில்லை எனக் கூறப்படுகிறது. இதுகுறித்து அப்பகுதி மக்கள் பலமுறை அதிகாரிகளிடம் தெரிவித்தும் எவ்வித நடவடிக்கையும் எடுக்கவில்லை எனக் கூறப்படுகிறது. இதனால், ஆவேசமடைந்த பொதுமக்கள் காலிக் குடங்களுடன் அந்தியூர் - மேட்டூர் சாலையில் மறியல் போராட்டத்தில் ஞாயிற்றுக்கிழமை ஈடுபட்டனர்.  இதனால் அப்பகுதியில் போக்குவரத்து பாதிக்கப்பட்டது. தகவலறிந்து சம்பவ இடத்துக்கு விரைந்த அந்தியூர் போலீஸார் மற்றும் அதிகாரிகள் பொதுமக்களிடம் பேச்சுவார்த்தை நடத்தினர். இதில், குடிநீர் பிரச்னையைத் தீர்க்க உடனடியாக நடவடிக்கை எடுப்பதாக உறுதி அளித்ததன் பேரில் பொதுமக்கள் போராட்டத்தைக் கைவிட்டனர். 

]]>
https://www.dinamani.com/all-editions/edition-coimbatore/erode/2019/jan/14/அந்தியூர்-அருகே-குடிநீர்-கோரி--பொதுமக்கள்-சாலை-மறியல்-3076403.html
3076401 கோயம்புத்தூர் ஈரோடு ஈஞ்சம்பள்ளி பால் உற்பத்தியாளர்களுக்கு ஊக்கத் தொகை DIN DIN Monday, January 14, 2019 01:50 AM +0530 மொடக்குறிச்சியை அடுத்த  ஈஞ்சம்பள்ளியில் உள்ள பால் உற்பத்தியாளர் கூட்டுறவு சங்கத்தில் 287 உறுப்பினர்களுக்கு ஊக்கத்தொகையாக ரூ. 6 லட்சத்து 7 ஆயிரத்து 500-க்கு வழங்கப்பட்டன. 
நிகழ்ச்சிக்கு ஈஞ்சம்பள்ளி பால் உற்பத்தியாளர் கூட்டுறவு சங்கத் தலைவர் பி.கே.பி.அருண் தலைமை வகித்தார். சிறப்பு அழைப்பாளராக மொடக்குறிச்சி எம்.எல்.ஏ. வி.பி. சிவசுப்ரமணி கலந்து கொண்டு, சங்க உறுப்பினர்கள் 287 பேருக்கு ரூ. 6 லட்சத்து 7 ஆயிரத்து 500 காசோலைகளை வழங்கிப் பேசினார்.
    இந்நிகழ்ச்சியில், மொடக்குறிச்சி ஒன்றிய அதிமுக செயலாளர் கதிர்வேல், மொடக்குறிச்சி ஒன்றியக் குழு முன்னாள் துணைத் தலைவர் கணபதி, ஆவின் இயக்குநர் அசோக், கூட்டுறவு சங்கத் தலைவர் தட்சிணாமூர்த்தி உள்பட கலர் கலந்து கொண்டனர்.
 

]]>
https://www.dinamani.com/all-editions/edition-coimbatore/erode/2019/jan/14/ஈஞ்சம்பள்ளி-பால்-உற்பத்தியாளர்களுக்கு-ஊக்கத்-தொகை-3076401.html
3076400 கோயம்புத்தூர் ஈரோடு பர்கூர் குழந்தைத் தொழிலாளர் பள்ளியில் வனப் பொங்கல் DIN DIN Monday, January 14, 2019 01:50 AM +0530 பர்கூர் குழந்தைத் தொழிலாளர் சிறப்புப் பள்ளியில் வனப் பொங்கல் விழா சனிக்கிழமை கொண்டாடப்பட்டது. 
ஈரோடு மாவட்ட மலைக் கிராமங்களில் 7 குழந்தைத் தொழிலாளர் சிறப்புப் பள்ளிகள் நடைபெற்று வருகின்றன. மத்திய அரசின் தொழிலாளர் நல அமைச்சகத்தின் கீழ், மாவட்ட நிர்வாகத்தின் துணையோடு சத்தியமங்கலம் சுடர் தொண்டு நிறுவனமானது கடம்பூர் மலைப் பகுதியில் குன்றி, டி.என்.பாளையம் பகுதியில் விளாங்கோம்பை, பர்கூர் மலைப் பகுதியில் கொங்காடை ஆகிய பகுதிகளில் இப்பள்ளிகளை நிர்வகித்து வருகிறது. 
கொங்காடை அருகேயுள்ள அக்னிபாவி கிராமத்தில் உள்ள குழந்தைத் தொழிலாளர் சிறப்புப் பள்ளியில் வனப் பொங்கல் விழா நடைபெற்றது. இவ்விழாவில், கோலப் போட்டி, சமையல் போட்டி, உரி அடித்தல், வழுக்கு மரம் ஏறுதல், அம்பு எய்துதல் உள்ளிட்ட பல போட்டிகள் நடைபெற்றன. பள்ளிக் குழந்தைகளும், கிராம பொதுமக்களும் இப்போட்டிகளில் ஆர்வத்தோடு பங்கேற்றனர். போட்டிகளில் வெற்றி பெற்றோருக்குப் பரிசுகள் வழங்கப்பட்டன. முன்னதாக பொங்கல் வைத்து அனைவருக்கும் வழங்கப்பட்டது. 
தொண்டு நிறுவன இயக்குநர் எஸ்.சி.நடராஜ், பழங்குடி மக்கள் சங்கத் தலைவர் பி.வி.பாலதண்டாயுதம், வழக்குரைஞர் கிருஷ்ணகுமார் ஆகியோர் பங்கேற்று பரிசுகளை வழங்கினர். இதற்கான ஏற்பாடுகளை சிறப்புப் பள்ளி ஆசிரியர்கள் க.நித்தியானந்தம், பிரின்ஸ் ராஜா, ஹரிபிரசாத் ஆகியோர் செய்திருந்தனர்.
 

]]>
https://www.dinamani.com/all-editions/edition-coimbatore/erode/2019/jan/14/பர்கூர்-குழந்தைத்-தொழிலாளர்-பள்ளியில்-வனப்-பொங்கல்-3076400.html
3076398 கோயம்புத்தூர் ஈரோடு வெள்ளோட்டம்பரப்பு  அரசு மேல்நிலைப் பள்ளி பொன்விழா DIN DIN Monday, January 14, 2019 01:50 AM +0530 கொடுமுடி அருகே உள்ள  வெள்ளோட்டம் பரப்பு அரசு மேல்நிலைப் பள்ளியின் பொன் விழா சனிக்கிழமை நடைபெற்றது. 
   விழாவுக்கு, ஈரோடு மாவட்ட ஆட்சியர் கதிரவன் தலைமை வகித்தார். சிறப்பு விருந்தினராக பங்கேற்ற பள்ளி கல்வித் துறை அமைச்சர் கே.ஏ.செங்கோட்டையன் விழாவைத் தொடங்கி வைத்து பேசினார்.  சுற்றுச்சூழல் துறை அமைச்சர் கே.சி.கருப்பணன் கணினி அறையை திறந்துவைத்தார். ஈரோடு மக்களவை உறுப்பினர் செல்வகுமார சின்னையன் பள்ளியின் பொன்விழா மலரை வெளியிட  சிவசுப்ரமணியம் எம்.எல்.ஏ.  பெற்றுக்கொண்டார். முன்னாள் அமைச்சர் ராமசாமி, மாணவர்களுக்குப் பரிசுகளை வழங்கினார்.  
    இதனை தொடர்ந்து  மாலை 3 மணியளவில் பள்ளியின் முன்னாள் மாணவர் சங்க விழா நடைபெற்றது. இதற்கு முன்னாள் மாணவரும், பவானி தொகுதி முன்னாள் எம்.எல்.ஏ.வுமான ராமநாதன் தலைமை வகித்தார். இந்திய உணவுக் கழக உறுப்பினர் செந்தில்குமார் முன்னிலை வகித்தார். 
முன்னாள் மத்திய அமைச்சர் சுப்புலட்சுமி ஜெகதீசன், முன்னாள் எம்.பி. கணேசமூர்த்தி, முன்னாள் எம்.எல்.ஏ. பழனிசாமி  ஆகியோர் வாழ்த்துரை வழங்கினர்.
 இவ்விழாவில், மாவட்ட கல்வி அலுவலர் முத்துக்கிருஷ்ணன், பள்ளி தலைமை ஆசிரியர், பெற்றோர்- ஆசிரியர் கழகத் தலைவர் பெரியசாமி, கொடுமுடி ஒன்றிய அதிமுக செயலாளர் புதூர் கலைமணி, பள்ளி 
மாணவ மாணவிகள், முன்னாள் மாணவ மாணவர்கள் கலந்துகொண்டனர்.

]]>
https://www.dinamani.com/all-editions/edition-coimbatore/erode/2019/jan/14/வெள்ளோட்டம்பரப்பு--அரசு-மேல்நிலைப்-பள்ளி-பொன்விழா-3076398.html
3076393 கோயம்புத்தூர் ஈரோடு நம்பியூரில் இலவச வேட்டி, சேலை விநியோகம் DIN DIN Monday, January 14, 2019 01:48 AM +0530 பொங்கல் பண்டிகையை முன்னிட்டு நம்பியூர் அருகே கோசணம் ஊராட்சியில் உள்ள தொடக்க வேளாண்மை கூட்டுறவு சங்கத்தில் பயனாளிகளுக்கு இலவச வேட்டி, சேலை வழங்கும் விழா ஞாயிற்றுக்கிழமை நடைபெற்றது. 
 இந்நிகழ்ச்சிக்கு,  நம்பியூர்  ஒன்றிய அதிமுக செயலாளர் தம்பி சுப்பிரமணியம் தலைமை வகித்தார். சிறப்பு அழைப்பாளராக பள்ளிக் கல்வித் துறை அமைச்சர் கே.ஏ.செங்கோட்டையன் கலந்து 
கொண்டு பயனாளிகளுக்கு  இலவச வேட்டி, சேலைகளை வழங்கி பேசினார். விழாவில்,  கோசணம் ஊராட்சி செயலாளர் செல்வம்,  கூட்டுறவு வங்கித் தலைவர் பொன்னுசாமி, உபதலைவர் மணி, சேரன்சரவணன், 
கருப்பண கவுண்டர், கங்காதரன் பிரபு, செல்வம் உள்பட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/erode/2019/jan/14/நம்பியூரில்-இலவச-வேட்டி-சேலை-விநியோகம்-3076393.html
3076057 கோயம்புத்தூர் ஈரோடு பாரியூர் கொண்டத்துக் காளியம்மன் கோயில் தேர்த் திருவிழா DIN DIN Sunday, January 13, 2019 03:29 AM +0530
கோபிசெட்டிபாளையத்தில் பிரசித்தி பெற்ற பாரியூர் கொண்டத்துக் காளியம்மன் கோயில் குண்டம், தேர்த் திருவிழா வெள்ளிக்கிழமை நடைபெற்றது.
விழாவில், பள்ளிக் கல்வித் துறை அமைச்சர் கே.ஏ.செங்கோட்டையன், சுற்றுச்சூழல் துறை அமைச்சர் கே.சி.கருப்பணன், திருப்பூர் மக்களவை உறுப்பினர் சத்யபாமா ஆகியோர் தேரை வடம்பிடித்து இழுத்து தொடக்கிவைத்தனர். ஆயிரக்கணக்கான பக்தர்கள் தேரை வடம்பிடித்து இழுத்து நேர்த்திக்கடன் செலுத்தினர். இதில், அதிமுக ஒன்றியச் செயலாளர் நம்பியூர் தம்பி சுப்பிரமணியம், ஆவின் பால் தலைவர் கே.கே.காளியப்பன், கோபி முன்னாள் நகர்மன்றத் தலைவர் கே.கே.கந்தவேல் முருகன், தொழிலதிபர்கள் ஆட்டோ பார்ட்ஸ் துரை, பாரதி வித்யாலயா பள்ளி நிறுவனர் வேலுமணி, குருகுலம் பள்ளி முதல்வர் கே.ஆர்.ரங்கராஜ் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/13/பாரியூர்-கொண்டத்துக்-காளியம்மன்-கோயில்-தேர்த்-திருவிழா-3076057.html
3076056 கோயம்புத்தூர் ஈரோடு வள்ளிபுரம் பெருமாள் கோயிலில்சிறப்பு பூஜை DIN DIN Sunday, January 13, 2019 03:29 AM +0530
சிவகிரி, வள்ளிபுரம் கிராமம், கோயில் புதூரில் உள்ள வரதராஜப் பெருமாளுக்கு சிறப்பு பூஜைகள் சனிக்கிழமை நடைபெற்றன.
இக்கோயிலில் ஆண்டுதோறும் மார்கழி மாத இறுதி சனிக்கிழமை அன்று சிறப்பு வழிபாடுகள் நடைபெறும். அதேபோல, இந்த ஆண்டும் மார்கழி சனிக்கிழமையையொட்டி கலியுக வரதராஜப் பெருமாள், அனுமன், கருடாழ்வார்க்கு அலங்காரங்கள் செய்யப்பட்டு சிறப்பு அபிஷேகமும், ஆராதனை பூஜைகளும் நடைபெற்றன.
இப்பூஜையில் ஏராளமான பக்தர்கள் கலந்துகொணடு சுவாமியை வழிபட்டனர். பக்தர்கள் அனைவருக்கும் பிரசாதம் வழங்கப்பட்டது.

]]>
https://www.dinamani.com/all-editions/edition-coimbatore/erode/2019/jan/13/வள்ளிபுரம்-பெருமாள்-கோயிலில்சிறப்பு-பூஜை-3076056.html
3076055 கோயம்புத்தூர் ஈரோடு ஆதர்ஷ் மகளிர் கல்லூரியில் பொங்கல் விழா DIN DIN Sunday, January 13, 2019 03:29 AM +0530
அந்தியூர் ஆதர்ஷ் வித்யாலயா மகளிர் கலை, அறிவியல் கல்லூரியில் பொங்கல் விழா சனிக்கிழமை கொண்டாடப்பட்டது. 
விழாவுக்கு, ஐடியல், ஆதர்ஷ் வித்யாலயா கல்வி நிறுவனங்களின் நிறுவனர் கே.சிவலிங்கம் தலைமை வகித்தார். ஆதர்ஷ் கல்வி நிறுவனங்களின் செயலாளர் எஸ்.செல்வமணி முன்னிலை வகித்தார். 
கல்லூரி முதல்வர் வி.பிரபாகரன், பொங்கல் பண்டிகையின் முக்கியத்துவம், தமிழர்களின் பாரம்பரியம், கலை, கலாசாரம் குறித்து விளக்கிப் பேசினார். 
தொடர்ந்து, துறை வாரியாக மாணவியர் பொங்கல் வைத்து சூரியனை வழிபட்டனர். பாரம்பரிய நடனங்கள், உரி அடித்தல், கும்மி அடித்தல், நாட்டுப்புறப் பாடல்களைப் பாடுதல் என உற்சாகமாகக் கொண்டாடப்பட்டது. இதையடுத்து, அனைவருக்கும் சர்க்கரைப் பொங்கல் வழங்கப்பட்டது.
 

]]>
https://www.dinamani.com/all-editions/edition-coimbatore/erode/2019/jan/13/ஆதர்ஷ்-மகளிர்-கல்லூரியில்-பொங்கல்-விழா-3076055.html
3076054 கோயம்புத்தூர் ஈரோடு ஈஷா பள்ளியில் விளையாட்டு விழா DIN DIN Sunday, January 13, 2019 03:29 AM +0530
ஈரோடு ஈஷா வித்யா மெட்ரிக். மேல்நிலைப் பள்ளியில் 12 ஆவது ஆண்டு விளையாட்டு விழா வெள்ளிக்கிழமை நடைபெற்றது.
ஈஷா அறக்கட்டளை சார்பில் பொருளாதாரத்தில் பின்தங்கிய கிராமப்புற மாணவர்களுக்கு தரமான கல்வி அளிப்பதற்காக கோவை, ஈரோடு, தருமபுரி, கரூர், சேலம் உள்ளிட்ட 9 மாவட்டங்களில் ஈஷா வித்யா பள்ளிகள் செயல்பட்டு வருகின்றன. இந்தப் பள்ளிகளில் கல்வி பயிலும் மாணவர்களில் 60 சதவீதத்துக்கு மேற்பட்டோர் இலவச கல்வி பெறுகின்றனர்.
ஈரோடு மாவட்டத்தில் வெள்ளோட்டில் இயங்கி வரும் ஈஷா வித்யா மெட்ரிக். மேல்நிலைப் பள்ளியில் நடைபெற்ற விளையாட்டு விழாவையொட்டி, ஓட்டப் பந்தயம், உயரம் தாண்டுதல், நீளம் தாண்டுதல் உள்ளிட்ட தனிநபர் போட்டிகளும், வாலிபால், எறிபந்து ஆகிய போட்டிகளும் நடத்தப்பட்டன.
இதில், எல்.கே.ஜி. முதல் 9 ஆம் வகுப்பு வரை பயிலும் மாணவ, மாணவிகள் பங்கேற்றனர். சேரர், சோழர், பாண்டியர், பல்லவர் என மொத்தம் 4 குழுக்களாகப் பிரித்து போட்டிகள் நடத்தப்பட்டன. இதில், பாண்டியர் அணி முதலிடமும், சோழர் அணி 2 ஆம் இடமும் பிடித்தன. இதுதவிர, மாணவ, மாணவிகளின் நடன நிகழ்ச்சிகள், கராத்தே போட்டியும் நடைபெற்றன.
இதில், மொடக்குறிச்சி தீயணைப்பு நிலைய அலுவலர் கோமதி, அவல்பூந்துறை அரசு மேல்நிலைப் பள்ளியின் தலைமை ஆசிரியர் பிரப் ஆகியோர் சிறப்பு விருந்தினர்களாகப் பங்கேற்று மாணவ, மாணவிகளுக்குப் பரிசுகள் வழங்கி வாழ்த்தினர்.
 

]]>
https://www.dinamani.com/all-editions/edition-coimbatore/erode/2019/jan/13/ஈஷா-பள்ளியில்-விளையாட்டு-விழா-3076054.html
3076053 கோயம்புத்தூர் ஈரோடு ஈரோட்டில் பல்வேறு கல்வி நிலையங்களில் பொங்கல் விழா DIN DIN Sunday, January 13, 2019 03:28 AM +0530
ஈரோட்டில் உள்ள பல்வேறு கல்வி நிறுவனங்களில் பொங்கல் விழா கோலாகலமாகக் கொண்டாடப்பட்டது.
கொங்கு கலை அறிவியல் கல்லூரியில், தமிழ்த் துறை சார்பில், பல்வேறு துறை சார்ந்த மாணவர்களிடையே பொங்கல் வைக்கும் போட்டி நடைபெற்றது. மாணவ, மாணவிகள் பாரம்பரிய உடையணிந்து, இயற்கைப் பொருள்களை மட்டுமே பயன்படுத்தி பொங்கல் வைத்தனர். பிறகு, மாணவர்களின் கிராமிய கலைநிகழ்ச்சிகள் நடைபெற்றன. இதில், கல்லூரித் தாளாளர் இளங்கோ, முதல்வர் ராமன் உள்ளிட்டோர் பங்கேற்றனர்.
ஈரோடு, திண்டலில் உள்ள வேளாளர் மகளிர் கலை, அறிவியல் கல்லூரி வளாகத்தில் நடைபெற்ற விழாவுக்கு, வேளாளர் கல்வி நிறுவனங்களின் தாளாளர் எஸ்.டி.சந்திரசேகர் தலைமை வகித்தார். மாவட்ட காவல் கண்காணிப்பாளர் சக்தி கணேசன் சிறப்பு அழைப்பாளராக கலந்துகொண்டார். மாணவிகள் விநாயகர் கோயில் முன்பு பொங்கல் வைத்தனர்.
இதில், கல்லூரி இணைச் செயலாளர் செ.நல்லசாமி, கொங்குநாடு மக்கள் தேசிய கட்சி பொருளாளர் கே.கே.சி.பாலு, முதல்வர் என்.மரகதம், பேராசிரியர்கள், மாணவிகள் கலந்துகொண்டனர்.
சித்தோடு ஸ்ரீ அம்மன் கலை அறிவியல் கல்லூரியில் நடைபெற்ற விழாவை, தாளாளர் டி.ஜெயலட்சுமி தொடக்கிவைத்தார். திரைப்பட நடிகர் பில்லி முரளி மாணவ, மாணவிகளுடன் கலந்துரையாடினார். தொடர்ந்து, கல்லூரி முதல்வர் ராஜேஸ் தலைமையில் பேராசிரியர்கள் வழிநடத்த 28 துறைகள் சார்பில் தனித்தனியாக பொங்கல் வைக்கப்பட்டது. மாணவ, மாணவிகள் அனைவரும் பாரம்பரிய உடையான வேட்டி, சேலை அணிந்திருந்தனர். 
பெருந்துறை கொங்கு பொறியியல் கல்லூரியில் நடைபெற்ற விழாவை, கல்லூரித் தாளாளர் ஏ.வெங்கடாசலம், முதல்வர் குப்புசுவாமி ஆகியோர் பொங்கல் விழாவைத் தொடக்கி வைத்தனர். ஒவ்வொரு துறையைச் சேர்ந்த மாணவ, மாணவிகளும் பொங்கல் வைத்து வழிபட்டனர். மாணவ, மாணவிகள், பேராசிரியர்களுக்கு என தனித்தனியாக பல்வேறு போட்டிகள் நடத்தப்பட்டன. ஓவியம், கட்டுரைப் போட்டிகளும் நடத்தப்பட்டு வெற்றி பெற்றவர்களுக்குப் பரிசுகள் வழங்கப்பட்டன. 
ஈரோடு, திண்டல் வேளாளர் பொறியியல் கல்லூரியில் நடைபெற்ற விழாவில், கல்லூரி முதல்வர் ஜெயராமன் தலைமையில், மாணவ, மாணவிகள் பொங்கல் வைத்தனர். கரும்பு, தோரணங்களால் கல்லூரி வளாகம் அலங்கரிக்கப்பட்டிருந்தது. கல்லூரியின் புல முதல்வர்கள், பேராசிரியர்கள், அனைத்துத் துறை மாணவ, மாணவிகள் உள்பட அனைவருக்கும் சர்க்கரை பொங்கல் வழங்கப்பட்டது.

]]>
https://www.dinamani.com/all-editions/edition-coimbatore/erode/2019/jan/13/ஈரோட்டில்-பல்வேறு-கல்வி-நிலையங்களில்-பொங்கல்-விழா-3076053.html
3076052 கோயம்புத்தூர் ஈரோடு சுற்றுச்சூழலுக்கு பாதிப்பின்றி போகி கொண்டாட வேண்டும்: அமைச்சர் கே.சி.கருப்பணன் DIN DIN Sunday, January 13, 2019 03:28 AM +0530
பொங்கல் பண்டிகைக்கு முன்பாகக் கொண்டாடப்படும் போகி பண்டிகையின்போது, பழைய பொருள்கள், டயர்கள், சுற்றுச்சூழலுக்கு கேடு ஏற்படுத்தும் பொருள்களை தீயிட்டு எரிக்காமல் பொதுமக்கள் கொண்டாட வேண்டும் என சுற்றுச்சூழல் துறை அமைச்சர் கே.சி.கருப்பணன் கூறியுள்ளார். 
பவானியில் நடைபெற்ற நிகழ்ச்சியில் சனிக்கிழமை பங்கேற்ற அமைச்சர் கே.சி.கருப்பணன் செய்தியாளர்களிடம் கூறியதாவது:
பொங்கல் பண்டிகையை தமிழக மக்கள் உற்சாகமாகக் கொண்டாடும் வகையில் பொங்கல் பொருள்களுடன் பரிசுத் தொகை ரூ. 1,000 வழங்கப்படுகிறது. பொங்கல் பண்டிகைக்கு முன்வரும் போகி பண்டிகை பழையன கழிதலும், புதியன புகுதலும் எனும் அடிப்படையில் கொண்டாடப்படுகிறது. இந்நாளில், பொதுமக்கள் வீடுகளில் பயன்படுத்த முடியாத பழைய பொருள்கள், டயர்கள் உள்ளிட்ட பொருள்களை தெருக்களில் போட்டு தீயிட்டு எரிப்பதைத் தவிர்க்க வேண்டும். இதனால், காற்று மாசடைவதோடு, சுற்றுச்சூழலும் பாதிக்கப்படுகிறது. கிராமப் பகுதிகளைக் காட்டிலும், சென்னை போன்ற நகரப் பகுதிகளில் அதிக அளவில் பொருள்கள் எரிக்கப்படுகின்றன. 
இதைத் தடுக்கும் வகையிலும், பொதுமக்கள் மத்தியில் போகியை சுற்றுச்சூழலுக்கு பாதிப்பு இல்லாமல் கொண்டாடவும், விழிப்புணர்வு ஏற்படுத்த நடமாடும் வாகனங்கள் மூலம் தொடர்ந்து விளம்பரங்கள் செய்யப்பட்டு வருகிறது. மேலும், மாசுக் கட்டுப்பாட்டு வாரியம், காவல் துறை இணைந்து தெருக்களில் பழைய பொருள்களைக் குவித்து வைத்து எரிப்பதைத் தடுக்கும் வகையில் விழிப்புணர்வு, முன்னெச்சரிக்கை நடவடிக்கைகளில் ஈடுபட்டு வருகின்றனர் என்றார்.
 

]]>
https://www.dinamani.com/all-editions/edition-coimbatore/erode/2019/jan/13/சுற்றுச்சூழலுக்கு-பாதிப்பின்றி-போகி-கொண்டாட-வேண்டும்-அமைச்சர்-கேசிகருப்பணன்-3076052.html
3076051 கோயம்புத்தூர் ஈரோடு பவானியில் பொங்கல் பரிசுத் தொகுப்பு விநியோகம் DIN DIN Sunday, January 13, 2019 03:28 AM +0530
பவானி நகரில் ஏழை, எளிய மக்களுக்கு பொங்கல் பண்டிகையை முன்னிட்டு அதிமுக சார்பில் பொங்கல் பரிசுத் தொகுப்பு வழங்கும் நிகழ்ச்சி சனிக்கிழமை நடைபெற்றது. 
பவானி, தேவபுரம், காமராஜர் நகர் பகுதியில் நடைபெற்ற இந்நிகழ்ச்சிக்கு, நகரச் செயலாளர் என்.கிருஷ்ணராஜ் தலைமை வகித்தார். கூட்டுறவு சங்கத் தலைவர்கள் ஏ.சி.முத்துசாமி, பி.பி.மோகன், எஸ்.எஸ்.சித்தையன், கே.கே.விஸ்வநாதன் ஆகியோர் முன்னிலை வகித்தனர். சுற்றுச்சூழல் துறை அமைச்சர் கே.சி.கருப்பணன், பொதுமக்களுக்கு பொங்கல் பரிசுத் தொகுப்பை வழங்கினார். 
இதில், பவானி நகர்மன்ற முன்னாள் துணைத் தலைவர் ஏ.ராஜேந்திரன், அதிமுக நிர்வாகிகள் பெரியசாமி, சீனிவாசன், தனசேகரன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/13/பவானியில்-பொங்கல்-பரிசுத்-தொகுப்பு-விநியோகம்-3076051.html
3076050 கோயம்புத்தூர் ஈரோடு கள்ளுக்கு அனுமதி அளிக்கக் கோரிக்கை DIN DIN Sunday, January 13, 2019 03:28 AM +0530
நீரா பானத்துக்கு அனுமதி அளித்ததைப்போல கள் இறக்கவும் அனுமதி அளித்து காவல் துறையினரின் நடவடிக்கையிலிருந்து பாதுகாக்க வேண்டும் என கட்சி சார்பற்ற தமிழக விவசாயிகள் சங்கம் வலியுறுத்தியுள்ளது.
இதுகுறித்து, மாவட்ட காவல் கண்காணிப்பாளர் அலுவலகத்தில் அச்சங்கத்தின் மாநிலத் தலைவர் என்.ஏ.பொன்னுசாமி சனிக்கிழமை அளித்துள்ள மனு:
கட்சி சார்பற்ற விவசாயிகள் சங்கம் 2009 ஜனவரி 21 ஆம் தேதி கள்ளுக்கடைக்கான தடையை நீக்கக் கோரி முதல்வரிடம் மனு அளித்தபோது, நீரா பானம் இறக்குவதற்கு அனுமதி அளித்தார். திமுக ஆட்சியில் கள்ளுக்கான சிவசுப்பிரமணியன் கமிஷனை அமைத்தார். இதைத் தொடர்ந்து, ஜெயலலிதா கடந்த 2011 இல் தேர்தல் பிரசாரம் செய்தபோது பொள்ளாச்சியில் நடைபெற்ற கூட்டத்தில், நாங்கள் ஆட்சிக்கு வந்தால் கள் இறக்க அனுமதி வழங்கப்படும் என வாக்குறுதி அளித்தார்.
நீராவும், கள்ளும் தென்னை மரத்தில் ஒரே தன்மையில்தான் இறக்கப்படுகிறது. அதில், நீரா என்பது இனிப்பாகவும், ஒரு குறிப்பிட்ட நேரத்துக்குப் பிறகு புளிப்பாக மாறி கள்ளின் தன்மையை அடைகிறது. இதில், விவசாயிகள் எந்த மாற்றத்தையும் செய்யவில்லை. ஆனால், இயற்கையாக மாறும் செயலுக்கு காவல் துறையினர் எங்கள் மீது நடவடிக்கை எடுக்கின்றனர். தமிழக அரசு நீராவுக்கு அனுமதி வழங்கிவிட்டு கள்ளுக்கு அனுமதி வழங்காமல் இருக்கின்றனர். ஆனால், கேரளத்தில் கள்ளுக்கு அனுமதி உள்ளதால்தான், நீராவுக்கு அனுமதி அளித்திருக்கிறார்கள். அதேபோல, தமிழக விவசாயிகளுக்கும் அனுமதி வழங்க வேண்டும் என்பதே எங்களின் நீண்டநாள் கோரிக்கை. தற்போது நீரா இறக்கிக் கொண்டிருக்கும் எங்கள் மீது நடவடிக்கை எடுப்பதை காவல் துறை நிறுத்த வேண்டும் என அதில் குறிப்பிட்டுள்ளார்.
 

]]>
https://www.dinamani.com/all-editions/edition-coimbatore/erode/2019/jan/13/கள்ளுக்கு-அனுமதி-அளிக்கக்-கோரிக்கை-3076050.html
3076049 கோயம்புத்தூர் ஈரோடு மக்கள் நலத் திட்டங்களை துரிதமாக நிறைவேற்ற அரசு அலுவலர்கள் ஒத்துழைக்க வேண்டும்: அமைச்சர் கே.ஏ.செங்கோட்டையன் DIN DIN Sunday, January 13, 2019 03:27 AM +0530
மக்கள் நலத் திட்டங்கள் அனைத்தையும் துரிதமாக நிறைவேற்ற அரசு அலுவலர்கள் முழுமையாக ஒத்துழைக்க வேண்டும் என்று பள்ளிக் கல்வித் துறை அமைச்சர் கே.ஏ.செங்கோட்டையன் கூறினார்.
வணிக வரி, பதிவுத் துறை முதன்மைச் செயலர், கண்காணிப்பு அலுவலர் கா.பாலசந்திரன் தலைமையில், ஆட்சியர் சி.கதிரவன் முன்னிலையில், அனைத்துத் துறைகளின் சார்பில் மேற்கொள்ளப்பட்டு வரும் வளர்ச்சித் திட்டப் பணிகள் குறித்த ஆய்வுக் கூட்டம் ஈரோடு மாவட்ட ஆட்சியர் அலுவலகத்தில் சனிக்கிழமை நடைபெற்றது.
இதில், அமைச்சர் கே.ஏ.செங்கோட்டையன் பங்கேற்றுப் பேசியதாவது:
ஈரோடு மாவட்டத்தில் வேளாண்மைத் துறையில் 2018-2019 ஆம் ஆண்டில் நெல் வகையானது 28,116 ஹெக்டேர் பரப்பளவிலும், சிறுதானிய வகைகள் 18,586 ஹெக்டேரிலும், பயறு வகைகள் 5,386 ஹெக்டேரிலும் என 52,103 ஹெக்டேரில் சாகுபடி செய்யப்பட்டு வருகிறது. எண்ணை வித்துக்கள் 18,198 ஹெக்டேரிலும், பருத்தி 649 ஹெக்டேரிலும், கரும்பு 9,980 ஹெக்டேரிலும், தோட்டக் கலைத் துறை மூலம் பழங்கள், காய்கறிகள், நறுமணப் பொருள்கள், மூலிகைச் செடிகள், மலர்கள் ஆகியவை 31,806 ஹெக்டேரிலும் சாகுபடி செய்யப்பட்டுள்ளது. மேலும், தேவையான அளவில் விதைகள், உரங்கள் ஆகியவை இருப்பில் உள்ளன. 
வருவாய்த் துறையின் மூலம் புறம்போக்கு நிலங்கள் கண்டறியப்பட்டு, வீடுகள் இல்லாதவர்களுக்கு அடுக்குமாடி குடியிருப்பு கட்டித் தர நடவடிக்கை மேற்கொள்ளப்படும். சுகாதாரத் துறையின் மூலம் முதல்வரின் விரிவான மருத்துவக் காப்பீட்டு திட்டத்தின்கீழ் பொதுமக்கள் அதிக அளவில் பயனடைந்து வருகின்றனர். 
சமூக நலத் துறையில் இணையதளத்தில் விண்ணப்பிக்கும்போது முழுமையாக நிறைவடைந்த பின்னரே ஒப்புகைச்சீட்டு வழங்கப்படும். எனவே, ஈரோடு மாவட்டத்தில் தொடங்கப்பட்ட அனைத்து மக்கள் நல திட்டங்களையும் விரைந்து செயல்படுத்தி, ஈரோடு மாவட்டத்தை வளர்ச்சிமிகு மாவட்டமாக மாற்ற அனைத்துத் துறை அலுவலர்களும் ஒருங்கிணைந்து பணியாற்ற வேண்டும் என்றார்.
தொடர்ந்து, சுற்றுச்சூழல் துறை அமைச்சர் கே.சி.கருப்பணன் பேசியதாவது: 
கால்நடை பராமரிப்புத் துறை மூலம் கால்நடைகளுக்கு கோமாரி நோயை கட்டுப்பாட்டுக்குள் வைக்க உரிய நடவடிக்கை மேற்கொள்ளப்பட்டுள்ளது. கால்நடைகளுக்கு சிகிச்சை அளித்திட நடமாடும் வாகனம் வழங்கப்படவுள்ளது. தமிழ்நாட்டில் கால்நடைகளுக்குத் தேவையான தடுப்பு ஊசிகளை தமிழ்நாட்டிலேயே தயாரிக்க நடவடிக்கை எடுக்கப்படும். தாளவாடி பகுதியில் கால்நடை ஆய்வகம் விரைவில் துவங்க நடவடிக்கை மேற்கொள்ளப்பட்டு வருகிறது. ஈரோடு மாவட்டத்தை பிளாஸ்டிக் இல்லா மாவட்டமாக மாற்ற அனைத்து அலுவலர்களும் ஒருங்கிணைந்து பணியாற்ற வேண்டும் என்றார்.
இதில், ஈரோடு மக்களவை உறுப்பினர் எஸ்.செல்வகுமார சின்னையன், சட்டப் பேரவை உறுப்பினர்கள் கே.எஸ்.தென்னரசு, கே.ஆர்.ராஜாகிருஷ்ணன், சு.ஈஸ்வரன், மாவட்ட காவல் கண்காணிப்பாளர் எஸ்.சக்தி கணேசன் , ஆவின் தலைவர் கே.கே.காளியப்பன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/erode/2019/jan/13/மக்கள்-நலத்-திட்டங்களை-துரிதமாக-நிறைவேற்ற-அரசு-அலுவலர்கள்-ஒத்துழைக்க-வேண்டும்-அமைச்சர்-கேஏசெங்கோட-3076049.html
3076048 கோயம்புத்தூர் ஈரோடு மிரட்டல்களைக் கண்டித்து கிராம நிர்வாக அலுவலர்கள் தர்னா DIN DIN Sunday, January 13, 2019 03:27 AM +0530
பொதுமக்கள் முன்னிலையில் மிரட்டிய நபர் மீது நடவடிக்கை எடுக்க வலியுறுத்தி, கிராம நிர்வாக அலுவலர்கள் தர்னாவில் ஈடுபட்டுள்ளனர்.
ஈரோடு, கங்காபுரம் கிராம நிர்வாக அலுவலராகப் பணியாற்றி வருபவர் மஞ்சமாதா (30). இவர், கங்காபுரம் நியாயவிலைக் கடையில் இலவச வேட்டி, சேலையை இறக்கும் பணியில் ஜனவரி 2 ஆம் தேதி ஈடுபட்டபோது, இவருக்கும் அந்தக் கடையின் விற்பனையாளர் கவிதாவுக்கும் வாக்குவாதம் ஏற்பட்டது.
இதைத் தொடர்ந்து, ஜனவரி 8 இல் கங்காபுரம் நியாயவிலைக் கடையில் பொங்கல் தொகுப்பு வழங்கும் நிகழ்ச்சியில் கலந்துகொண்டபோது, அங்கே இருந்த சித்தோடு தொடக்க வேளாண்மை கூட்டுறவு சங்கச் செயலாளர் ஈஸ்வரமூர்த்தி, பொதுமக்கள், கட்சிப் பிரமுகர்கள் முன்னிலையில் விற்பனையாளருடன் ஏற்பட்ட வாக்குவாதத்தைக் குறிப்பிட்டு முதல்வரிடம் புகார் தெரிவிப்பதாக கவிதா மிரட்டினாராம்.
இதையடுத்து, கிராம நிர்வாக அலுவலர் மஞ்சமாதா, ஈரோடு வட்டாட்சியரிடம் தான் மிரட்டப்பட்ட சம்பவம் குறித்து எழுத்து மூலம் புகார் அளித்தார். ஆனால், இதுவரை நடவடிக்கை எடுக்கவில்லை. 
இதையடுத்து, ஈரோடு தாலுகா அலுவக வளாகத்தில் கிராம நிர்வாக அலுவலர்கள் சங்க மாவட்ட தலைவர் ராஜகோபால் தலைமையில், 40 க்கும் மேற்பட்டோர் தர்னா போராட்டத்தில் வெள்ளிக்கிழமை இரவு ஈடுபட்டனர். மேலும், உரிய நடவடிக்கை எடுக்காததால் போராட்டம் சனிக்கிழமையும் தொடர்வதாக கிராம நிர்வாக அலுவலர்கள் தெரிவித்தனர்.
 

]]>
https://www.dinamani.com/all-editions/edition-coimbatore/erode/2019/jan/13/மிரட்டல்களைக்-கண்டித்து-கிராம-நிர்வாக-அலுவலர்கள்-தர்னா-3076048.html
3076047 கோயம்புத்தூர் ஈரோடு இருசக்கர வாகனம் மோதி மூதாட்டி சாவு DIN DIN Sunday, January 13, 2019 03:27 AM +0530
பெருந்துறை அருகே இருசக்கர வாகனம் மோதியதில் பலத்த காயமடைந்த மூதாட்டி உயிரிழந்தார். 
பெருந்துறை - ஈரோடு சாலை, பசுமை நகரைச் சேர்ந்த நவமணி மனைவி பழனியம்மாள் (60). இவர், பெருந்துறை - ஈரோடு சாலையில், கந்தாம்பாளையம் பிரிவு அருகே வியாழக்கிழமை மாலை சாலையைக் கடந்தபோது, அவ்வழியாக வந்த இருசக்கர வாகனம் மோதியதில், பலத்த காயமடைந்தார். பின்னர், பெருந்துறையில் உள்ள தனியார் மருத்துவமனையில் சிகிச்சை பெற்று வந்தார். அங்கு, வெள்ளிக்கிழமை மாலை உயிரிழந்தார். 
இதுகுறித்து, பெருந்துறை போலீஸார் வழக்குப் பதிவு செய்து விசாரித்து வருகின்றனர்.
 

]]>
https://www.dinamani.com/all-editions/edition-coimbatore/erode/2019/jan/13/இருசக்கர-வாகனம்-மோதி-மூதாட்டி-சாவு-3076047.html
3076046 கோயம்புத்தூர் ஈரோடு பெருந்துறை அருகேதீ விபத்தில்  பெண் சாவு DIN DIN Sunday, January 13, 2019 03:27 AM +0530
பெருந்துறை அருகே நேரிட்ட தீ விபத்தில் பலத்த காயமடைந்த பெண் உயிரிழந்தார். 
பெருந்துறையை அடுத்த பட்டகாரன்பாளையம், மாரியம்மன் கோவில் வீதியைச் சேர்ந்த குப்புசாமி மனைவி சரஸ்வதி (50). இவர், திருமணமாகி 2 மாதத்தில் தனது கணவரைப் பிரிந்து வந்து தனது அக்கா கோவிந்தம்மாளுடன் வசித்து வந்தார்.
இந்நிலையில், அவர் வீட்டில் குளிப்பதற்காக ஜனவரி 5 ஆம் தேதி தண்ணீர் காயவைத்துள்ளார். அப்போது, அவரது சேலையில் தீப்பிடித்துக் கொண்டது. 
இதில், பலத்த காயமடைந்த சரஸ்வதி ஈரோடு அரசு மருத்துவமனையில் சேர்க்கப்பட்டார். அங்கு, சரஸ்வதி வெள்ளிக்கிழமை இரவு உயிரிழந்தார்.
இதுகுறித்து, பெருந்துறை போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/erode/2019/jan/13/பெருந்துறை-அருகேதீ-விபத்தில்--பெண்-சாவு-3076046.html
3076045 கோயம்புத்தூர் ஈரோடு பொதுத் தேர்வில் சிறப்பிடம் பெற்ற மாணவர்களுக்குப் பரிசளிப்பு DIN DIN Sunday, January 13, 2019 03:27 AM +0530
ஈரோடு மாவட்ட பத்திரிகையாளர்கள் நலச் சங்கம் சார்பில், அரசு பொதுத் தேர்வில் அதிக மதிப்பெண் பெற்றவர்களுக்குப் பரிசளிப்பு, மூத்த பத்திரிகையாளர்களுக்குப் பாராட்டு, குடும்பப் பொங்கல் ஆகிய முப்பெரும் விழா சனிக்கிழமை நடைபெற்றன.
ஈரோடு இந்திய மருத்துவச் சங்க அரங்கில் நடைபெற்ற விழாவை, ஈரோடு மக்கள் சிந்தனைப் பேரவைத் தலைவர் த.ஸ்டாலின் குணசேகரன் குத்துவிளக்கேற்றி தொடக்கிவைத்தார். தமிழக வணிக வரி, பதிவுத் துறை முதன்மைச் செயலாளரும், மாவட்ட கண்காணிப்பு அலுவலருமான கா.பாலசந்திரன் சிறப்பு விருந்தினராகப் பங்கேற்று உரையாற்றினார்.
விழாவில், ஈரோடு கிழக்கு சட்டப் பேரவை உறுப்பினர் கே.எஸ்.தென்னரசு, பெருந்துறை சட்டப் பேரவை உறுப்பினர் தோப்பு என்.டி.வெங்கடாச்சலம், மாருதி மெடிக்கல் சென்டர் மருத்துவமனை நிர்வாக இயக்குநர் டாக்டர் சதாசிவம், கோவை மெடிக்கல் சென்டர் மருத்துவமனை டாக்டர் எம்.வி.மோகன், பவானி அரசு மருத்துவர் கண்ணுசாமி, மாநகராட்சி ஆணையர் மு.சீனிஅஜ்மல்கான், மஞ்சள் வணிகர்கள் சங்க நிர்வாகி ராஜமாணிக்கம் உள்ளிட்டோர் பங்கேற்று வாழ்த்தினர்.
இதையொட்டி, அரசு பொதுத் தேர்வுகளில் அதிக மதிப்பெண்கள் பெற்ற பத்திரிகையாளர்களின் குழந்தைகள் 17 பேருக்கு ரூ. 1.50 லட்சத்தில் ரொக்கப் பரிசுகளும், மூத்த பத்திரிகையாளர்கள் 2 பேருக்கு நினைவுப் பரிசுகளும் அளிக்கப்பட்டன. இதில், சங்க உறுப்பினர்கள் 110 பேர் கலந்துகொண்டனர். நிகழ்ச்சிக்கான ஏற்பாடுகளை, சங்க நிர்வாகிகள், செயற்குழு உறுப்பினர்கள், விழாக் குழுவினர் செய்திருந்தனர்.
 

]]>
https://www.dinamani.com/all-editions/edition-coimbatore/erode/2019/jan/13/பொதுத்-தேர்வில்-சிறப்பிடம்-பெற்ற-மாணவர்களுக்குப்-பரிசளிப்பு-3076045.html
3076044 கோயம்புத்தூர் ஈரோடு கடும் பனிப் பொழிவு: வரத்து குறைந்ததால் மல்லிகைப் பூ விலை கிலோ ரூ. 3,500-ஐ எட்டியது DIN DIN Sunday, January 13, 2019 03:26 AM +0530
கடும் பனிப் பொழிவு காரணமாக மல்லிகைப் பூ வரத்து குறைந்ததால், மல்லிகைப் பூ விலை கிலோ ரூ. 3500 ஐ சனிக்கிழமை தாண்டியது.
ஈரோடு மாவட்டம், சத்தியமங்கலத்தை அடுத்துள்ள சிக்கரசம்பாளையம், புதுகுய்யனூர், வடவள்ளி, பவானிசாகர், தாண்டாம்பாளையம், கெஞ்சனூர் உள்ளிட்ட 100 க்கும் மேற்பட்ட கிராமங்களில் 50 ஆயிரம் ஏக்கர் நிலப்பரப்பில் 3 ஆயிரத்துக்கும் மேற்பட்ட விவசாயிகள் மல்லி, முல்லைப் பூக்கள் உள்பட பூ விவசாய சாகுபடி செய்து வருகின்றனர். கோடைக்காலத்தில் பூக்கள் வரத்து தினந்தோறும் மொத்தமாக 15 டன்னாக உயரும். அதாவது ஏக்கர் ஒன்றுக்கு சராசரியாக 60 கிலோ வரை பூக்கள் கிடைக்கும்.
தற்போது, கடும் பனிப் பொழிவால் மல்லிகைப் பூக்கள் சிறுத்தும், போதிய மழைப் பொழிவு இல்லாததாலும், பனிப்பொழிவு காரணமாகவும் உற்பத்தி பாதிக்கப்பட்டுள்ளது. மல்லிகை உற்பத்தி ஏக்கர் ஒன்றுக்கு 60 கிலோவில் இருந்து 5 கிலோவாக சரிந்துவிட்டது. கடந்த சில நாள்களாக கடும் குளிர், பனிப் பொழிவால் ஏக்கருக்கு ஒரு கிலோ வரத்து கிடைப்பது அரிதாகிவிட்டது.
சில நாள்களாகப் பூக்கள் வரத்து இல்லாத நிலையில் கிலோ ரூ. 1,500 க்கு விற்பனையான மல்லிகைப் பூக்களின் விலை ரூ. 3 ஆயிரத்து 500 ஆக உயர்ந்துள்ளது. சனிக்கிழமை மல்லிகைப் பூ ஒரு கிலோ ரூ. 3,500 க்கும், முல்லை ரூ. 1,140 க்கும், காக்கடா பூ ரூ. 1,150 க்கும், ஜாதிமுல்லை ரூ. 1,000 க்கும், கனகாம்பரம் ரூ. 520 க்கும், சம்பங்கி ரூ. 100 க்கும் விற்பனையானது. பொங்கல் பண்டிகை நெருங்குவதால், கடந்த ஆண்டைவிட இந்த ஆண்டு கூடுதல் விலை கிடைத்ததுள்ளதாக விவசாயிகள் தெரிவித்தனர்.

]]>
https://www.dinamani.com/all-editions/edition-coimbatore/erode/2019/jan/13/கடும்-பனிப்-பொழிவு-வரத்து-குறைந்ததால்-மல்லிகைப்-பூ-விலை-கிலோ-ரூ-3500-ஐ-எட்டியது-3076044.html
3076043 கோயம்புத்தூர் ஈரோடு ஈரோடு பூம்புகார் நிலையத்தில் கைவினைப் பொருள்கள் விற்பனைக் கண்காட்சி DIN DIN Sunday, January 13, 2019 03:26 AM +0530
ஈரோடு, மேட்டூர் சாலையில் உள்ள பூம்புகார் விற்பனை நிலையத்தில் சனிக்கிழமை முதல் ஜனவரி 25 ஆம் தேதி வரை அனைத்து கைவினைப் பொருள்கள் கண்காட்சி விற்பனை தொடங்கியுள்ளது.
தமிழ்நாடு கைத்திறத் தொழில்கள் வளர்ச்சிக் கழகம், கைவினைஞர்களின் பொருள்களுக்கு சந்தை வாய்ப்பை உருவாக்கும் நோக்கில் பலவகை கண்காட்சிகளை நடத்தி வருகிறது. அதன் தொடர்ச்சியாக, ஈரோடு பூம்புகார் விற்பனை நிலையத்தில் ஜனவரி 11 முதல் 25 ஆம் தேதி வரை அனைத்து கைவினைப் பொருள்கள் கண்காட்சி, விற்பனை தொடங்கப்பட்டுள்ளது. 
இதுகுறித்து, மாவட்ட மேலாளர் ஜி.சரவணன் கூறியதாவது:
இக்கண்காட்சியில், ஐம்பொன் சிற்பங்கள், பித்தளை விளக்குகள், தஞ்சை ஓவியங்கள், சந்தன மரப் பொருள்கள், ரோஸ் மரச்சிற்பங்கள், ஜெய்பூர் நவரத்தினக் கற்கள், முத்து நகைகள், ராசிக்கற்கள், ஐம்பொன் வளையல்கள், கொலுசுகள், அமெரிக்கன் டைமண்ட் நகைகள், பவள மாலைகள், குந்தன் கல் மாலைகள், மொரதாபாத் கலைப் பொருள்கள், ஜெய்ப்பூர் வண்ண ஓவியங்கள், ஆயில் பெயிண்டிங், தோல் பொருள்கள், வலம்புரி சங்குப் பொருள்கள், அகர்பத்திகள், வாசனை திரவியங்கள், ரோஸ் மரத்தில் பதிக்கப்பட்ட சுவர் அலங்கார பேனல்கள், சகரன்பூர் மரத்தில் செய்யப்பட்ட மசாஜ் பொருள்கள், அலாய் மெட்டல், வெள்ளை உலோகத்தால் செய்யப்பட்ட கைவினைப் பொருள்கள், காகிதக் கூழால் செய்யப்பட்ட பொம்மைகள், மாக்கல் விநாயகர், சந்தனக் கட்டைகள் விற்பனைக்கு வைக்கப்பட்டுள்ளன.
குறைந்தபட்சம் ரூ. 50 முதல் ரூ. 1 லட்சம் வரையிலான கைவினைப் பொருள்கள் வைக்கப்பட்டுள்ளன. கடன் அட்டைகளுக்கு எவ்வித சேவைக் கட்டணமும் இல்லாமல் ஏற்றுக் கொள்ளப்படும். அனைத்து கலைப் பொருள்களுக்கும் 10% சிறப்புத் தள்ளுபடி அளிக்கப்படுகிறது என்றார்.
 

]]>
https://www.dinamani.com/all-editions/edition-coimbatore/erode/2019/jan/13/ஈரோடு-பூம்புகார்-நிலையத்தில்-கைவினைப்-பொருள்கள்-விற்பனைக்-கண்காட்சி-3076043.html
3076042 கோயம்புத்தூர் ஈரோடு சத்தியமங்கலத்தில்கார் திருட்டு:போலீஸார் விசாரணை DIN DIN Sunday, January 13, 2019 03:26 AM +0530
சத்தியமங்கலத்தில் காரை திருடிய மர்ம நபர்களை, சிசிடிவி காட்சிப் பதிவை வைத்து போலீஸார் தேடி வருகின்றனர்.
சத்தியமங்கலம், ஜல்லிக்குழி வீதியைச் சேர்ந்தவர் செந்தில்நாதன். இவர், தனது காரை ஜனவரி 6 ஆம் தேதி இரவு வீட்டின் முன்பு நிறுத்திவிட்டுச் சென்றுள்ளார். சிறிது நேரத்தில் கார் புறப்படும் சப்தம் கேட்டு செந்தில்நாதனின் தாயார் வீட்டுக்கு வெளியே வந்து பார்த்தபோது, காரை காணவில்லை. 
இதுகுறித்து, செந்தில்நாதன் சத்தியமங்கலம் காவல் நிலையத்தில் புகார் அளித்தார். இதையடுத்து, சத்தியமங்கலம் போலீஸார் எதிரே உள்ள கேஸ் நிறுவனத்தின் சிசிடிவி கேமராவில் பதிவான காட்சிகளை ஆய்வு செய்தனர். அப்போது, வீட்டின் முன்பு நிறுத்தப்பட்ட காரை நோட்டமிட்டபடி சென்ற இருவர் காரின் பின்னால் நின்று கொண்டனர். மற்றொரு நபர் டார்ச் லைட்டுடன் நடந்து சென்று காரில் அமர்ந்து கொள்கிறார். சிறிது நேரத்தில் காரை திருடிச் செல்வது பதிவாகியுள்ளது. இப்பகுதியில் சுமார் 2 மணி நேரமாக நோட்டமிட்டபடி நடந்து செல்வதும் பதிவாகியுள்ளது. மேலும், பகல் நேரத்தில் பதிவான காட்சிகளைக் கொண்டும் போலீஸார் விசாரித்து வருகின்றனர்.
 

]]>
https://www.dinamani.com/all-editions/edition-coimbatore/erode/2019/jan/13/சத்தியமங்கலத்தில்கார்-திருட்டுபோலீஸார்-விசாரணை-3076042.html