Dinamani - திருப்பூர் - https://www.dinamani.com/all-editions/edition-coimbatore/tiruppur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3116625 கோயம்புத்தூர் திருப்பூர் வெள்ளக்கோவில் பகுதி சிவன் கோயில்களில் பிரதோஷ வழிபாடு DIN DIN Tuesday, March 19, 2019 07:46 AM +0530 வெள்ளக்கோவில் பகுதி சிவன் கோயில்களில் திங்கள்கிழமை பிரதோஷ சிறப்பு பூஜைகள் நடைபெற்றன.
 வெள்ளக்கோவிலில்,  மூலனூர் சாலையில் உள்ள தெய்வநாயகி உடனமர் சோழீஸ்வர சுவாமி கோயில், மயில்ரங்கம் வைத்தீஸ்வரன் கோயில், உத்தமபாளையம், லக்கமநாயக்கன்பட்டி, கண்ணபுரம் ஈஸ்வரன் கோயில்களில் சிறப்பு பூஜைகள் நடத்தப்பட்டன.
இக்கோயில்களில் நந்தியம் பெருமானுக்கு பால், தயிர், இளநீர், பஞ்சாமிர்தம் ஆகியவற்றால் அபிஷேகம் செய்து, பட்டாடை உடுத்தி மலர்களால் அலங்காரம் செய்யப்பட்டு வழிபாடு நடைபெற்றது. சிறப்பு பூஜைகளில் திரளான பக்தர்கள் கலந்து கொண்டு சுவாமி தரிசனம் செய்தனர். இதற்கான ஏற்பாடுகளை அந்தந்தக் கோயில்களைச் சேர்ந்த பிரதோஷ வழிபாட்டுக் குழுவினர் செய்திருந்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/வெள்ளக்கோவில்-பகுதி-சிவன்-கோயில்களில்-பிரதோஷ-வழிபாடு-3116625.html
3116624 கோயம்புத்தூர் திருப்பூர் தொழில் பழகுநர் பயிற்சிக்கு மாத உதவித் தொகை ரூ. 7,709: பல்லடத்தில் நாளை நேர்காணல் துவக்கம் DIN DIN Tuesday, March 19, 2019 07:45 AM +0530 பல்லடத்தில் எலக்ட்ரீஷியன் தொழில் பழகுநர் பயிற்சிக்கான நேர்காணல் நடைபெறவுள்ளதாக மின்சார வாரிய அதிகாரி தெரிவித்துள்ளார்.
இது குறித்து மின் உற்பத்தி, பகிர்மானக் கழகத்தின் பல்லடம் மின் பகிர்மான வட்ட மேற்பார்வைப் பொறியாளர் கி.தமிழ்ச்சேகரன் திங்கள்கிழமை வெளியிட்ட செய்தி: 
திருப்பூர் மாவட்ட வேலைவாய்ப்பு அலுவலகத்தில் பதிவு செய்துள்ள திருப்பூர் மாவட்டத்தைச் சேர்ந்த ஐ.டி.ஐ. ஒயர்மேன், எலக்ட்ரீஷியன் படிப்பில் தேர்ச்சி பெற்றவர்களுக்கு மாதாந்திர உதவித் தொகையாக ரூ.7,709 வழங்கி ஒரு வருட தொழில் பழகுநர் பயிற்சி வழங்கப்படுகிறது. இதற்கான நேர்காணல் பல்லடத்தில், திருச்சி சாலையில் உள்ள ராம்ராஜ் காட்டன் ஷோரூம் மேல் மாடியில் உள்ள பல்லடம் மின் பகிர்மான வட்ட மேற்பார்வைப் பொறியாளர் அலுவலகத்தில் வரும் 20, 21 ஆகிய தேதிகளில் நடைபெற உள்ளது. நேர்காணல் காலை 9.30 மணிக்குத் தொடங்கும். இதில், தகுதியுடைய அனைவரும் பங்கேற்கலாம் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/mar/19/தொழில்-பழகுநர்-பயிற்சிக்கு-மாத-உதவித்-தொகை-ரூ-7709-பல்லடத்தில்-நாளை-நேர்காணல்-துவக்கம்-3116624.html
3116623 கோயம்புத்தூர் திருப்பூர் திமுக வேட்பாளருக்கு உடுமலையில் வரவேற்பு DIN DIN Tuesday, March 19, 2019 07:45 AM +0530 பொள்ளாச்சி மக்களவைத் தொகுதியில் போட்டியிடும் திமுக வேட்பாளருக்கு  உடுமலையில் திங்கள்கிழமை  வரவேற்பு அளிக்கப்பட்டது.
  பொள்ளாச்சி  மக்களவைத் தொகுதி திமுக வேட்பாளராக அறிவிக்கப்பட்டுள்ள கு.சண்முகசுந்தரம் திங்கள்கிழமை மாலை உடுமலைக்கு வந்தார். இவருக்கு மத்திய பேருந்து நிலையம் அருகே திமுக, அதன் கூட்டணிக் கட்சிகள் சார்பில்  பட்டாசு வெடித்து சிறப்பான வரவேற்பு அளிக்கப்பட்டது. திமுக, காங்கிரஸ், மதிமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட், கட்சி, விடுதலைச் சிறுத்தைகள் உள்ளிட்ட  கூட்டணி கட்சிகளைச் சேர்ந்த நிர்வாகிகள் வேட்பாளர்  கு.சண்முகசுந்தரத்துக்கு மாலை அணிவித்து வரவேற்றனர். இந்நிகழ்ச்சியில் ஆயிரத்துக்கும் மேற்பட்டோர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/திமுக-வேட்பாளருக்கு-உடுமலையில்-வரவேற்பு-3116623.html
3116620 கோயம்புத்தூர் திருப்பூர் வீடுகளில் திருடிய வழக்கில் 4 பேர் கைது; 40 பவுன் மீட்பு DIN DIN Tuesday, March 19, 2019 07:45 AM +0530 திருப்பூர் மாநகரின் பல்வேறு பகுதிகளில் வீட்டின் பூட்டை உடைத்து திருடிய 4 பேரை தெற்கு காவல் துறையினர் திங்கள்கிழமை கைது செய்தனர். இவர்களிடமிருந்து 40 பவுன் நகைகள் மீட்கப்பட்டன.
திருப்பூர் தெற்கு,  திருப்பூர் ஊரகம்,  திருமுருகன்பூண்டி, அனுப்பர்பாளையம் ஆகிய காவல் எல்லைகளுக்கு உள்பட்ட பகுதிகளில் வீடுகளின் பூட்டை உடைத்த மர்ம நபர்கள் நகைகளைத் திருடிச் சென்றனர். இது தொடர்பாக மாநகரக் காவல் ஆணையர் சஞ்சய்குமார் உத்தரவின்பேரில் துணை ஆணையர் உமா மேற்பார்வையில், திருப்பூர் தெற்கு காவல் ஆய்வாளர் ஏ.பிரகாசம்,  உதவி ஆய்வாளர் விஜயகுமார், காவலர்கள் ரமேஷ், சரவணகுமார் ஆகியோர் அடங்கிய தனிப்படை அமைக்கப்பட்டது.
தனிப்படையினர் நடத்திய விசாரணையில், திண்டுக்கல் மாவட்டம், வடமதுரை திடீர் நகரைச் சேர்ந்த எம்.வீரபாபு (எ) குட்டி (29), திருவாரூர் மாவட்டம், எண்கண் அஞ்சல், பட்டாகால் காலனியைச் சேர்ந்த ஜி.குருசக்தி (எ) குருவி (30),  திருப்பூர், பழவஞ்சிபாளையம் கே.எஸ்.நகரைச் சேர்ந்த எஸ்.வெங்கடேஷ் (30), கடலூரைச் சேர்ந்த முருகன் (எ) வண்டி முருகன் (30) ஆகிய நான்கு பேருக்குத் தொடர்பு உள்ளது தெரியவந்தது.
இதையடுத்து, நான்கு பேரையும் திங்கள்கிழமை கைது செய்த தனிப்படையினர் அவர்களிடமிருந்து 40 பவுன் நகைகளையும் பறிமுதல் செய்துள்ளனர். 

]]>
https://www.dinamani.com/all-editions/edition-coimbatore/tiruppur/2019/mar/19/வீடுகளில்-திருடிய-வழக்கில்-4-பேர்-கைது-40-பவுன்-மீட்பு-3116620.html
3116618 கோயம்புத்தூர் திருப்பூர் மக்களவைத் தேர்தல்: தமிழக, கேரள காவல் துறை அதிகாரிகள் கலந்தாய்வுக் கூட்டம் DIN DIN Tuesday, March 19, 2019 07:44 AM +0530 மக்களவைத் தேர்தலை ஒட்டி தமிழக, கேரள எல்லையில் பணியாற்றி வரும் இரு மாநில காவல் துறை அதிகாரிகள் ஆலோசனைக் கூட்டம் திங்கள்கிழமை நடைபெற்றது.
 பொள்ளாச்சி மக்களவைத் தொகுதிக்கு உள்பட்ட மடத்துக்குளம் சட்டப் பேரவைத் தொகுதியில் 15க்கும் மேற்பட்ட மலை கிராமங்கள் அமைந்துள்ளன. கேரள மாநிலம், இடுக்கி மக்களவைத் தொகுதியில் 20க்கும் மேற்பட்ட மலை கிராமங்கள் அமைந்துள்ளன. 
 இந்நிலையில், இந்த மலை கிராமங்களில் அவ்வப்போது மர்ம நபர்கள் நடமாட்டம் இருந்து வருகின்றன. கடந்த சில நாள்களுக்கு முன்னர் இரு மாநில எல்லையில் உள்ள மலை கிராமங்களில் 10க்கும் மேற்பட்ட மர்ம நபர்கள் வந்து சென்றுள்ளனர். இவர்கள் நகசல்களாக இருக்கலாம் எனக் கூறப்பட்டது. ஆனால், தேடுதல் வேட்டையில் யாரும் சிக்கவில்லை. 
   இந்நிலையில், மக்களவைத் தேர்தலையொட்டி மலை கிராமங்களில் தேர்தல் பிரசாரம் தொடங்க உள்ளது. இதைக் கருத்தில் கொண்டு எல்லைப் பகுதியில் உள்ள மலை கிராமங்களில் பாதுகாப்பை பலப்படுத்த இரு மாநில காவல் துறை அதிகாரிகளும் முடிவு செய்துள்ளனர். இதற்காக, சின்னார் வனப் பகுதியில் உள்ள ஆய்வாளர் மாளிகையில் காவல் துறை அதிகாரிகள் கலந்தாய்வுக் கூட்டம் திங்கள்கிழமை நடைபெற்றது.  இதற்கு, உடுமலை டிஎஸ்பி ஜெயச்சந்திரன் தலைமை வகித்தார். மூணாறு சரக டிஎஸ்பி சுனீத் பாபு முன்னிலை வகித்தார். இதில், எஸ்.பி. சிஐடி, எஸ்.பி. கம்யூனல், க்யூ பிரான்ஞ், சட்டம் , ஒழுங்கு உள்ளிட்ட பிரிவுகளில் பணியாற்றி வரும் இரு மாநில காவல் துறை ஆய்வாளர்கள்,  உதவி ஆய்வாளர்கள் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/மக்களவைத்-தேர்தல்-தமிழக-கேரள-காவல்-துறை-அதிகாரிகள்-கலந்தாய்வுக்-கூட்டம்-3116618.html
3116617 கோயம்புத்தூர் திருப்பூர் மண்டலத் தேர்தல் அலுவலர்களுக்குப் பயிற்சி DIN DIN Tuesday, March 19, 2019 07:44 AM +0530 உடுமலை சட்டப் பேரவைத் தொகுதிக்கு உள்பட்ட மண்டலத் தேர்தல் அலுவலர்களுக்கான பயிற்சி முகாம் உடுமலையில் திங்கள்கிழமை நடைபெற்றது. 
பொள்ளாச்சி மக்களவைத் தொகுதிக்கு உள்பட்ட உடுமலை சட்டப் பேரவைத் தொகுதியில் உள்ள 293 வாக்குச் சாவடிகள் 27 மண்டலங்களாகப் பிரிக்கப்பட்டுள்ளன. 27 மண்டலத் தேர்தல் அலுவலர்களுக்கான ஒரு நாள் பயிற்சி முகாம் கோட்டாட்சியர் அலுவலகத்தில் திங்கள்கிழமை நடைபெற்றது. இதற்கு, தேர்தல் அலுவலரும், கோட்டாட்சியருமான எஸ்.அசோகன் தலைமை வகித்தார். வட்டாட்சியர் தங்கவேலு முன்னிலை வகித்தார்.
முகாமில், தேர்தலில் மண்டல அலுவலர்களின் பணிகள் குறித்தும், வாக்குச் சாவடி மையங்களில் வாக்காளர்களுக்குத் தேவையான அடிப்படை வசதிகளைப் பார்வையிட்டு குறைகளை நிவர்த்தி செய்வது, பதற்றம் நிறைந்த வாக்குச் சாவடிகளில் செய்ய வேண்டிய முன்னேற்பாடுகள் குறித்தும் பயிற்சி அளிக்கப்பட்டது. தேர்தல் ஆணையத்தால் வழங்கப்பட்டுள்ள செல்லிடப்பேசி சிம்கார்டுகள் 27 மண்டலத் தேர்தல் அலுவலர்களுக்கும் வழங்கப்பட்டன. மின்னணு வாக்குப் பதிவு  இயந்திரங்களை இயக்குவது குறித்த பயிற்சியும் அளிக்கப்பட்டது.  கோட்டாட்சியரின் தனி உதவியாளர் சண்முகவடிவு, தனி வட்டாட்சியர் தயானந்தன், மண்டலத் துணை வட்டாட்சியர் பொன்ராஜ், வருவாய்த் துறை அலுவலர்கள் முகாமில் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/மண்டலத்-தேர்தல்-அலுவலர்களுக்குப்-பயிற்சி-3116617.html
3116619 கோயம்புத்தூர் திருப்பூர் மதிமுகவினர் மீது வழக்கு DIN DIN Tuesday, March 19, 2019 07:44 AM +0530 வெள்ளக்கோவிலில் சுவரொட்டிகள் ஒட்டியதாக மதிமுகவினர் மீது போலீஸார் திங்கள்கிழமை வழக்குப் பதிவு செய்துள்ளனர்.
 வாய்க்கால்மேட்டுப்புதூரிலுள்ள பொதுத் தண்ணீர்த் தொட்டியில் அனுமதியின்றி மதிமுக சார்பில் தேர்தல் பிரசார சுவரொட்டிகள் சின்னத்துடன் ஒட்டப்பட்டிருந்தன.  
இது தொடர்பாக மதிமுகவினர்  மீது வெள்ளக்கோவில் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/மதிமுகவினர்-மீது-வழக்கு-3116619.html
3116616 கோயம்புத்தூர் திருப்பூர் பிரசாரத்தைத் தொடங்கினார் எம்.எஸ்.எம். ஆனந்தன் DIN DIN Tuesday, March 19, 2019 07:43 AM +0530  திருப்பூர் மக்களவைத் தொகுதி  அதிமுக வேட்பாளரான முன்னாள் அமைச்சர் எம்.எஸ்.எம்.ஆனந்தன்  எம்.ஜி.ஆர். சிலைக்கு மாலை அணிவித்து திங்கள்கிழமை தனது தேர்தல் பிரசாரத்தைத் தொடங்கியுள்ளார்.
திருப்பூரில் நகராட்சிப் பூங்கா சாலையில் உள்ள எம்.ஜி.ஆர். சிலைக்கு எம்.எஸ்.எம்.ஆனந்தன் மாலை அணிவித்து தனது தேர்தல்  பிரசாரத்தைத்  தொடங்கினார். இதையடுத்து,  அதிமுக  மாநகர் மாவட்டத் தலைமை  அலுவலகத்தில் வேட்பாளர் அறிமுகக் கூட்டம் நடைபெற்றது.
இதில், கட்சி நிர்வாகிகளிடம் எம்.எஸ்.எம்.ஆனந்தன் பேசியதாவது:
திருப்பூர் தொகுதி எப்பொழுதும் அதிமுகவின் கோட்டையாகும். தமிழக அளவில் அதிக வாக்குகள் வித்தியாசத்தில் இங்கு வெற்றி பெறுவோம். தமிழகத்தில்  உள்ள  அனைத்துத் தொகுதிகளிலும் நமது கூட்டணி வெற்றி பெற அயராது பாடுபட வேண்டும். ஈரோடு மாவட்ட புறநகர் பகுதிகளில் உள்ள விவசாயிகளின் வளர்ச்சிக்காகவும் அயராது உழைப்பேன். நமது வெற்றிக்காக அனைவரும் ஒன்றிணைந்து  உழைக்க வேண்டும் என்றார்.
   திருப்பூர் வடக்கு சட்டப் பேரவை  உறுப்பினர் கே.என்.விஜயகுமார்,  பல்லடம்  சட்டப் பேரவை  உறுப்பினர் கரைப்புதூர்  நடராஜன், அவைத் தலைவர் பழனிசாமி, அதிமுக நிர்வாகிகள், கூட்டணிக் கட்சி நிர்வாகிகள் உள்ளிட்ட பலர்  கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/19/பிரசாரத்தைத்-தொடங்கினார்-எம்எஸ்எம்-ஆனந்தன்-3116616.html
3116615 கோயம்புத்தூர் திருப்பூர் சேவூரில் திமுக கூட்டணி  கட்சிகள் ஆலோசனை DIN DIN Tuesday, March 19, 2019 07:43 AM +0530 மக்களவைத் தேர்தலையையொட்டி  திமுக கூட்டணி கட்சிகள் ஆலோசனைக் கூட்டம் சேவூரில் நடைபெற்றது.
 ஆலோசனைக் கூட்டத்துக்கு திமுக வடக்கு ஒன்றியச் செயலாளார் வெங்கடாசலம் தலைமை வகித்தார். காங்கிரஸ் கட்சியைச் சேர்ந்த ஊராட்சி மன்ற முன்னாள் தலைவர் எம்.ரங்கசாமி முன்னிலை வகிந்தார். 
இதில், திமுக கூட்டணி வேட்பாளர் ஆ.ராசாவை அதிக வாக்குகள் வித்தியாசத்தில் வெற்றிபெறச் செய்வது,  அவிநாசி வடக்கு ஒன்றியத்திற்கு உள்பட்ட 14 ஊராட்சிகளிலும் தேர்தல் பணிகளை உடனடியாக துவங்குவது என முடிவு செய்யப்பட்டது.
மார்க்சிஸ்ட் கம்யூனிஸ்ட் கட்சியின் ஒன்றியச் செயலாளார் எஸ்.வெங்கடாசலம், ஒன்றியக் குழுப் பொறுப்பாளர் ஆர்.பழனிசாமி, கொமதேக ஒன்றியத் தலைவர் கே.நடராஜ், மதிமுக ஒன்றியச் செயலாளார் தம்பு (எ) கோவிந்தராஜ்,   இந்திய கம்யூனிஸ்ட் கட்சிப் பொறுப்பாளர்கள் கே.எம்.இசாக், சண்முகம் உள்பட கூட்டணிக் கட்சிகளின் நிர்வாகிகள் உள்ளிட்டோர் பங்கேற்றனர்.

]]>
https://www.dinamani.com/all-editions/edition-coimbatore/tiruppur/2019/mar/19/சேவூரில்-திமுக-கூட்டணி--கட்சிகள்-ஆலோசனை-3116615.html
3116614 கோயம்புத்தூர் திருப்பூர் பாம்பு கடித்து  விவசாயி சாவு DIN DIN Tuesday, March 19, 2019 07:43 AM +0530 வெள்ளக்கோவில் அருகே பாம்பு கடித்ததில் விவசாயி உயிரிழந்தார்.
மேட்டுப்பாளையம் கிராமம் இடையன்காட்டுவலசைச் சேர்ந்தவர் டி.ரவிச்சந்திரன் (54), விவசாயி. இவர் மார்ச் 13 ஆம் தேதி தோட்டத்துக்குச் சென்றபோது அவரை பாம்பு கடித்து விட்டது. கோவையில் உள்ள தனியார் மருத்துவமனையில் அனுமதிக்கப்பட்டிருந்த அவர் திங்கள்கிழமை உயிரிழந்தார்.
இது குறித்து வெள்ளக்கோவில் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/19/பாம்பு-கடித்து--விவசாயி-சாவு-3116614.html
3116613 கோயம்புத்தூர் திருப்பூர் சிறுமிக்கு பாலியல் தொல்லை: பிகார் இளைஞர் கைது DIN DIN Tuesday, March 19, 2019 07:42 AM +0530 திருப்பூரில் 17 வயது சிறுமிக்கு பாலியல் தொல்லை கொடுத்ததாக பிகார் மாநிலத்தைச் சேர்ந்த இளைஞர் போக்ஸோ சட்டத்தில் ஞாயிற்றுக்கிழமை கைது செய்யப்பட்டார்.
இது குறித்து திருப்பூர் வடக்கு மகளிர் காவல் துறையினர் கூறியதாவது: 
பிகார் மாநிலத்தைச் சேர்ந்தவர் முகமது அக்தர் (25). இவருக்கு திருமணம் ஆகி 2 குழந்தைகள் உள்ளனர். இவர் தனது குடும்பத்துடன் திருப்பூர் கோல்டன் நகரில் தங்கியுள்ளார். அங்கேரிப்பாளையத்தில் உள்ள பின்னலாடை நிறுவனத்தில் தொழிலாளியாக வேலை செய்து வந்தார். அப்போது, அதே நிறுவனத்தில் வேலை செய்து வந்த பிகார் மாநிலத்தைச் சேர்ந்த 17 வயது சிறுமியுடன் பழக்கம் ஏற்பட்டுள்ளது.
இந்த நிலையில், கடந்த ஒரு வாரத்துக்கு முன்பு வேலைக்குச் சென்ற சிறுமி வீடுதிரும்பவில்லை.
 சிறுமியின் பெற்றோர் அனுப்பர்பாளையம் காவல் நிலையத்தில் புகார் அளித்தனர். 
இந்தப் புகாரின் பேரில் காவல் துறையினர் நடத்திய விசாரணையில்,  சிறுமியை முகமது அக்தர் கேரளத்துக்குக் கடத்திச் சென்று பாலியல் தொல்லை கொடுத்ததாகவும், பின்னர் இரு நாள்களுக்கு முன்பு கோவையில் சிறுமியை விட்டுவிட்டுச் சென்றதும் தெரியவந்தது.
  இது தொடர்பான வழக்கு திருப்பூர் வடக்கு மகளிர் காவல் நிலையத்துக்கு மாற்றப்பட்டது. 
சிறுமிக்கு பாலியல் தொல்லை கொடுத்த முகமது அக்தரை போக்ஸோ சட்டத்தில் போலீஸார் கைது செய்துள்ளனர்.

]]>
https://www.dinamani.com/all-editions/edition-coimbatore/tiruppur/2019/mar/19/சிறுமிக்கு-பாலியல்-தொல்லை-பிகார்-இளைஞர்-கைது-3116613.html
3116612 கோயம்புத்தூர் திருப்பூர் மண்டபங்களில் கட்சிகள் விருந்து நடத்த அனுமதிக்கக் கூடாது DIN DIN Tuesday, March 19, 2019 07:42 AM +0530 திருமண மண்டபங்களில் அரசியல் கட்சியினர் வாக்காளர்களுக்கு விருந்து, பரிசுப் பொருள்கள் வழங்க மண்டப உரிமையாளர்கள் அனுமதி அளிக்கக் கூடாது என்று ஆட்சியர் கே.எஸ்.பழனிசாமி அறிவுறுத்தியுள்ளார். 
 மக்களவைத் தேர்தலை ஒட்டி திருப்பூர் மாவட்டத்தில் உள்ள திருமண மண்டபங்களின் உரிமையாளர்கள், அச்சக உரிமையாளர்கள் கடைப்பிடிக்க வேண்டிய தேர்தல் விதிமுறைகள் தொடர்பான ஆலோசனைக் கூட்டம் ஆட்சியர் அலுவலகத்தில் திங்கள்கிழமை நடைபெற்றது.
  இதற்குத் தலைமை வகித்து ஆட்சியர் கே.எஸ்.பழனிசாமி பேசியதாவது:
 திருப்பூர் மாவட்டத்தில் உள்ள திருமண மண்டபங்களில் தேர்தல் முடியும் வரை முன்பதிவு செய்யப்பட்ட விவரங்களை உதவித் தேர்தல் நடத்தும் அலுவலர், வட்டாட்சியர்கள், காவல் துறையினருக்கு எழுத்துப்பூர்வமாக திருமண  அழைப்பிதழ் நகல்களுடன் சமர்ப்பிக்க வேண்டும்.
   திருமண மண்டபங்களில் அரசியல் கட்சியினரால் வாக்காளர்களுக்கு விருந்து அளித்தல், பரிசுப் பொருள்கள் வழங்குதல் போன்ற நிகழ்ச்சிகளை நடத்த அனுமதி வழங்க கூடாது. இது போன்ற நிகழ்ச்சிகள் நடைபெறுவது தெரியவந்தால் உரிமையாளர்கள் மீதும், சம்பந்தப்பட்ட அரசியல் கட்சியினர் மீதும் கடுமையான நடவடிக்கை மேற்கொள்ளப்படும். அதேபோல், அன்னதானம் என்ற பெயரில் நிகழ்ச்சி நடத்துவதற்கும் அனுமதிக்கக் கூடாது. திருமண நிகழ்ச்சிகளின்போது அரசியல் கட்சித் தலைவர்கள், கட்சி சின்னங்கள், கட்சி கொடிகள் ஆகியவற்றுடன் கூடிய விளம்பர பேனர்கள், கொடிகள் ஆகியவற்றை வைப்பதற்கு அனுமதிக்கக் கூடாது. அவ்வாறு இருப்பது கண்டறியப்பட்டால் நடவடிக்கை மேற்கொள்ளப்படும்.
அச்சக உரிமையாளர்கள் கவனத்துக்கு... அச்சக உரிமையாளர்கள் தாங்கள் அச்சிடும் துண்டுப் பிரசுரங்கள், போஸ்டர்கள், விளம்பரங்கள், இதர பிரசுரங்களில் தங்களது அச்சகத்தின் பெயர், முகவரி, விளம்பரம் வெளியிடுவோரின் பெயர், முகவரி, வெளியிடப்படும் விளம்பரத்தின் பிரதிகளின் எண்ணிக்கை ஆகியவற்றை தவறாமல் அச்சிட வேண்டும். அச்சிடப்படும் துண்டுப் பிரசுரங்கள், விளம்பர போஸ்டர்கள் ஆகியவற்றின் பத்து நகல்களை வெளியிடுபவரின் உறுதிமொழியுடன் மாவட்டத் தேர்தல் அலுவலருக்கு அச்சிடப்பட்ட மூன்று நாள்களுக்குள் அனுப்பி வைக்க வேண்டும்.
  அச்சிடப்படும் துண்டுப் பிரசுரங்கள், விளம்பர போஸ்டர்கள் ஆகியவற்றின் ஒரு பிரதி, எண்ணிக்கை விவரங்களை தங்கள் அலுவலகத்தில் பராமரித்து வர வேண்டும். இது தொடர்பாக அரசியல் கட்சியினர், வேட்பாளர்களுக்கு அளிக்கப்பட்ட ரசீதுகளின் பிரதியையும் வைத்திருக்க வேண்டும். அச்சிடப்படும் துண்டுப் பிரசுரங்கள், விளம்பர போஸ்டர்களை வேட்பாளரின் அனுமதி பெற்ற பின்னரே அச்சிடப்பட வேண்டும். துண்டுப் பிரசுரங்கள், சுவரொட்டிகள் உள்ளிட்ட  விளம்பரங்களில் ஜாதி, மொழி, இன அடிப்படையில் விமர்ச்சிக்கும் வாசகங்கள் இருக்கக் கூடாது. தனி நபர்களை இழிவுபடுத்தக்கூடிய அல்லது விமர்சனம் செய்யக்கூடிய பிரசுரங்களை அச்சிடக் கூடாது. இந்த  நடைமுறைகளை மீறும் நபர்கள் மீது தேர்தல் நடத்தை விதிகளின் கீழ் நடவடிக்கை எடுக்கப்படும் என்றார். 
  மாவட்ட வருவாய் அலுவலர், மாவட்ட ஆட்சியரின் நேர்முக உதவியாளர், தேர்தல் தனி வட்டாட்சியர், அச்சகங்கள், திருமண மண்டபங்களின் உரிமையாளர்கள் பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/மண்டபங்களில்-கட்சிகள்-விருந்து-நடத்த-அனுமதிக்கக்-கூடாது-3116612.html
3116611 கோயம்புத்தூர் திருப்பூர் பொள்ளாச்சி பாலியல் வழக்கு: வழக்குரைஞர்கள் நீதிமன்றப் புறக்கணிப்பு DIN DIN Tuesday, March 19, 2019 07:41 AM +0530 பொள்ளாச்சி சம்பவத்தைக் கண்டித்து திருப்பூரில் வழக்குரைஞர்கள்  நீதிமன்றப் புறக்கணிப்பில் திங்கள்கிழமை ஈடுபட்டனர்.
  திருப்பூர் வழக்குரைஞர்கள் சங்கம்,  திருப்பூர் மாவட்ட நீதிமன்ற வழக்குரைஞர்கள் சங்கம், திருப்பூர் பார் அசோசியேஷன் ஆகியவற்றைச் சேர்ந்த நூற்றுக்கும் மேற்பட்ட வழக்குரைஞர்கள் திங்கள்கிழமை நீதிமன்றப் புறக்கணிப்பில் ஈடுபட்டனர். இதைத் தொடர்ந்து நீதிமன்ற நுழைவுவாயில் முன்பாக ஆர்ப்பாட்டத்தில் ஈடுபட்ட வழக்குரைஞர்கள் கூறியதாவது: 
 பொள்ளாச்சியில் இளம் பெண்களைப் பாலியல் வன்கொடுமை செய்த சம்பவம் கண்டிக்கத்தக்கது. இந்தச் சம்பவத்தில் தொடர்புடைய அனைவரையும் கைது செய்ய வேண்டும். மேலும், பத்திரிகையாளர் சந்திப்பில் பாதிக்கப்பட்ட பெண்ணின் பெயரை வெளியிட்ட கோவை மாவட்ட காவல் கண்காணிப்பாளர் பாண்டியராஜன் மீது நடவடிக்கை எடுக்க வேண்டும் என்றனர்.

]]>
https://www.dinamani.com/all-editions/edition-coimbatore/tiruppur/2019/mar/19/பொள்ளாச்சி-பாலியல்-வழக்கு-வழக்குரைஞர்கள்-நீதிமன்றப்-புறக்கணிப்பு-3116611.html
3116610 கோயம்புத்தூர் திருப்பூர் 25 ஆண்டுகளாக வீட்டுமனைப் பட்டா இல்லை: பல்லடத்தில் அறிவொளி நகர் மக்கள் தேர்தலைப் புறக்கணிக்க முடிவு DIN DIN Tuesday, March 19, 2019 07:41 AM +0530 பல்லடம் அருகேயுள்ள அறிவொளி நகரில் வசிக்கும் மக்கள், தங்களுக்கு வீட்டுமனைப் பட்டா வழங்காததால் மக்களவைத் தேர்தலைப் புறக்கணிக்கப்போவதாகத் தெரிவித்துள்ளார்.
  பல்லடம் ஒன்றியம், ஆறுமுத்தாம்பாளையம் ஊராட்சி அறிவொளி நகரில் 6 ஆயிரத்திற்கும் மேற்பட்ட மக்கள் 
வசித்து வருகின்றனர். இவர்களுக்கு கடந்த 25ஆண்டுகளாக வீட்டுமனைப்பட்டா வழங்கப்படவில்லை. இதற்காக உண்ணாவிரதம், மறியல், ஆர்ப்பாட்டம், கடையடைப்பு உள்ளிட்ட பல்வேறு போராட்டங்களை நடத்தியுள்ளனர்.
அரசு அதிகாரிகள், மக்கள் பிரதிநிதிகளைச் சந்தித்து மனு கொடுத்துள்ளனர். ஆனாலும், வீட்டுமனைப்பட்டா வழங்கப்படவில்லை. 
 இந்நிலையில், கோவை மக்களவைத் தொகுதி தேர்தலில் யாருக்கும் வாக்களிப்பதில்லை என்றும், தேர்தலைப் புறக்கணிப்பதாகவும் அறிவொளி நகர் மக்கள் தெரிவித்துள்ளனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/25-ஆண்டுகளாக-வீட்டுமனைப்-பட்டா-இல்லை-பல்லடத்தில்-அறிவொளி-நகர்-மக்கள்-தேர்தலைப்-புறக்கணிக்க-முடிவு-3116610.html
3116609 கோயம்புத்தூர் திருப்பூர் பொள்ளாச்சி பாலியல் வழக்கு: தொடர்புள்ளவர்களுக்கு  ஆதரவாக வழக்குரைஞர்கள் ஆஜராகக் கூடாது DIN DIN Tuesday, March 19, 2019 07:40 AM +0530 பொள்ளாச்சியில் பெண்களிடம் பாலியல் வன்கொடுமையில் ஈடுபட்ட நபர்களுக்கு ஆதரவாக வழக்குரைஞர்கள் யாரும் ஆஜராகக் கூடாது என்று இந்திய யூனியன் முஸ்லிம் லீக் வலியுறுத்தியுள்ளது.   இது குறித்து இந்திய யூனியன் முஸ்லிம் லீக் மாநில துணைத் தலைவர் பி.எஸ்.ஹம்ஸா திங்கள்கிழமை வெளியிட்டுள்ள செய்திக் குறிப்பு:
 பொள்ளாச்சியில் பெண்களிடம் பாலியல் வன்கொடுமையில் ஈடுபட்ட அனைத்து நபர்களின் மீதும் கடுமையான நடவடிக்கை எடுக்க வேண்டும். பாலியல் குற்றச் சம்பவங்களில் ஈடுபட்டவர்களை அரசியல் அதிகாரத்தில் உள்ளவர்களும், காவல் துறை அதிகாரிகளும் சட்டத்தின் பிடியில் இருந்து காப்பாற்ற முயற்சிக்கும் செயல் கண்டனத்துக்குரியது. பாலியல் குற்றச் செயல்களில் ஈடுபட்ட நபர்களுக்கு ஆதரவாக நீதிமன்றத்தில் வழக்குரைஞர்கள் யாரும் ஆஜராகக் கூடாது. 
 பாலியல் வன்கொடுமை வழக்கில் குற்றவாளிகளுக்கு ஆதரவாக செயல்பட்ட அரசியல்வாதிகள், காவல் துறை அதிகாரிகளுக்கும்  வழங்கும் தண்டனை பாடமாக அமைய வேண்டும் என்று தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/mar/19/பொள்ளாச்சி-பாலியல்-வழக்கு-தொடர்புள்ளவர்களுக்கு--ஆதரவாக-வழக்குரைஞர்கள்-ஆஜராகக்-கூடாது-3116609.html
3116608 கோயம்புத்தூர் திருப்பூர் கறிக்கோழி கொள்முதல் விலை உயர்வு DIN DIN Tuesday, March 19, 2019 07:40 AM +0530 பல்லடம் பிராய்லர் கறிக்கோழி ஒருங்கிணைப்புக் குழு தினந்தோறும் பண்ணைக் கொள்முதல் விலையை நிர்ணயம் செய்கிறது. ஞாயிற்றுக்கிழமை பண்ணைக் கொள்முதல் விலை கிலோ ரூ. 68 ஆக இருந்தது. கோழி இறைச்சி நுகர்வு அதிகரிப்பால் திங்கள்கிழமை பண்ணைக் கொள்முதல் விலை கிலோ ரூ.70 ஆக நிர்ணயம் செய்யப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/mar/19/கறிக்கோழி-கொள்முதல்-விலை-உயர்வு-3116608.html
3116607 கோயம்புத்தூர் திருப்பூர் எலக்ட்ரீஷியன் குத்திக் கொலை DIN DIN Tuesday, March 19, 2019 07:40 AM +0530 திருப்பூரில் எலக்ட்ரீஷியன் குத்திக் கொலை செய்யப்பட்டது தொடர்பாக காவல் துறையினர் விசாரணை நடத்தி வருகின்றனர். 
  திருப்பூர் வசந்தம் நகரில் வசித்து வந்தவர் கே.ரஜினி (40),  எலக்ட்ரீஷியனாக வேலை செய்து வந்தார். இவருக்கும் அருகில் வசிக்கும் ஒருவருக்கும் முன்பகை இருந்ததாகக் கூறப்படுகிறது. இந்த நிலையில், வீட்டில் இருந்த ரஜினியை அவர் திங்கள்கிழமை இரவு கத்தியால்  குத்திவிட்டு தப்பிச் சென்றுள்ளார். இது குறித்து அப்பகுதியைச் சேர்ந்தவர்கள் கொடுத்த தகவலின்படி சம்பவ இடத்துக்குச் சென்ற திருப்பூர் வடக்கு காவல் துறையினர் ரஜினியை மீட்டு அரசு மருத்துவமனைக்குக் கொண்டு சென்றனர். அங்கு அவரைப் பரிசோதனை செய்த மருத்துவர்கள் அவர் ஏற்கெனவே இறந்து விட்டதாகத் தெரிவித்தனர்.
   இது குறித்து திருப்பூர் வடக்கு காவல் துறையினர் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/19/எலக்ட்ரீஷியன்-குத்திக்-கொலை-3116607.html
3116606 கோயம்புத்தூர் திருப்பூர் கூலித் தொழிலாளி கொலை வழக்கில் மேலும் இருவர் கைது DIN DIN Tuesday, March 19, 2019 07:39 AM +0530 திருப்பூரில் கூலித் தொழிலாளியைக் கத்தியால் குத்திக் கொலை செய்த வழக்கில் மேலும் 2 பேர் கைது செய்யப்பட்டனர்.
  திருப்பூர், பல்லடம் சாலையில் உள்ள காட்டன் மார்க்கெட் அருகே மார்ச் 14 ஆம் தேதி சாலையோரத்தில் தூங்கிக்கொண்டிருந்த 55 வயது மதிக்கத்தக்க கூலித் தொழிலாளி மர்ம நபர்களால் கொலை செய்யப்பட்டுக் கிடந்தார்.
  இது தொடர்பாக திருப்பூர் தெற்கு காவல் துறையினர் வழக்குப் பதிவு செய்து விசாரணை நடத்தினர். சம்பவ இடத்தில் பொருத்தப்பட்டிருக்கும் சிசிடிவி கேமராவில் பதிவான காட்சிகளை வைத்து 5 பேர் கொண்ட கும்பல் இந்தக் கொலையை செய்தது தெரியவந்தது. 
  இது தொடர்பாக, வீரபாண்டி நாச்சிபாளையத்தைச் சேர்ந்த பாஸ்கர் (23), பெரியதோட்டத்தைச் சேர்ந்த இம்ரான்கான் (24), பெரிச்சிபாளையத்தைச் சேர்ந்த அரவிந்தன் (21) ஆகிய 3 பேரையும் காவல் துறையினர் ஏற்கெனவே கைது செய்திருந்தனர்.  இந்நிலையில், இந்தக் கொலைச் சம்பவத்தில் தொடர்புடைய பெரியதோட்டத்தைச் சேர்ந்த சிராஜுதீன் (24), பழைய பேருந்து நிலையம் பகுதியைச் சேர்ந்த முகேஷ் (27) ஆகிய 2 பேரை போலீஸார் ஞாயிற்றுக்கிழமை கைது செய்தனர். கொலையான கூலித் தொழிலாளி  யார், எந்த ஊரைச் சேர்ந்தவர் என்பது குறித்து போலீஸார் தொடர்ந்து 
விசாரிக்கின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/19/கூலித்-தொழிலாளி-கொலை-வழக்கில்-மேலும்-இருவர்-கைது-3116606.html
3115964 கோயம்புத்தூர் திருப்பூர் பொள்ளாச்சியில் மீண்டும் போட்டியிடும் அதிமுக எம்.பி. DIN DIN Monday, March 18, 2019 07:15 AM +0530 பொள்ளாச்சி மக்களவைத் தொகுதி அதிமுக வேட்பாளராக தற்போதைய எம்.பி. சி.மகேந்திரன் (46) மீண்டும் அறிவிக்கப்பட்டுள்ளார். 
 உடுமலையை அடுத்துள்ள குடிமங்கலம் ஒன்றியத்துக்கு உள்பட்ட மூங்கில்தொழுவு கிராமத்தைச் சேர்ந்தவர் த.சின்னச்சாமி கவுண்டர் மகன் சி.மகேந்திரன்.  விவசாயக்  குடும்பத்தைச் சேர்ந்த இவர் எம்.ஏ. பொருளாதார பட்டதாரி ஆவார். 1991 ஆம் ஆண்டு முதல் அதிமுகவில் உறுப்பினராக இருந்து வருகிறார். குடிமங்கலம் கூட்டுறவுத் தொடக்க 
வேளாண்மை மற்றும் நிலவள வங்கியின் தலைவராகவும்,  மூங்கில்தொழுவு ஊராட்சி
 மன்றத் தலைவராக நான்கு முறையும் பதவி வகித்துள்ளார். அதிமுகவில் திருப்பூர் புறநகர் மாவட்ட எம்ஜிஆர் மன்ற இணைச் செயலாளராக இருந்துள்ளார். 
  பொள்ளாச்சி மக்களவைத் தொகுதியில் அதிமுக சார்பில் 2014ஆம் ஆண்டு போட்டியிட்டு வெற்றி பெற்று கடந்த 5 ஆண்டுகளாக மக்களவை உறுப்பினராகச் சிறப்பாக செயல்பட்டுள்ளார். இவருக்கு மனைவி  அருள்செல்வி, மகள் விதுபிரதிக்க்ஷா உள்ளனர்.

]]>
https://www.dinamani.com/all-editions/edition-coimbatore/tiruppur/2019/mar/18/பொள்ளாச்சியில்-மீண்டும்-போட்டியிடும்-அதிமுக-எம்பி-3115964.html
3115963 கோயம்புத்தூர் திருப்பூர் திருப்பூரில் அதிமுக சார்பில் போட்டியிடும் முன்னாள் அமைச்சர் எம்.எஸ்.எம். ஆனந்தன் DIN DIN Monday, March 18, 2019 07:15 AM +0530 திருப்பூர் மக்களவை தொகுதி அதிமுக வேட்பாளராக  முன்னாள் அமைச்சர் எம்.எஸ்.எம்.ஆனந்தன் (57) அறிவிக்கப்பட்டுள்ளார்.
  அதிமுகவில் 1980 ஆம் ஆண்டு கிளைச் செயலாளராக பணியாற்றி வந்த இவர் பனியன் சங்கச் செயலாளர், மாவட்ட அம்மா பேரவை இணைச் செயலாளர் ஆகிய பொறுப்புகள் வகித்தார்.  2001ஆம் ஆண்டு  முதல் திருப்பூர் நகரச் செயலாளராக இருந்தார். பிறகு  2011 ஆம் ஆண்டு முதல் திருப்பூர் மாநகர் மாவட்டச் செயலாளராக இருந்து வருகிறார்.
2011 சட்டப் பேரவைத் தேர்தலில் தமிழகத்திலேயே அதிக வாக்கு வித்தியாசத்தில் வெற்றி பெற்றவர். ஜெயலலிதா அமைச்சரவையில் இந்து சமய அறநிலையத் துறை அமைச்சராகவும்,  வனத் துறை அமைச்சராகவும் பதவி வகித்துள்ளார்.
 

]]>
https://www.dinamani.com/all-editions/edition-coimbatore/tiruppur/2019/mar/18/திருப்பூரில்-அதிமுக-சார்பில்-போட்டியிடும்-முன்னாள்-அமைச்சர்-எம்எஸ்எம்-ஆனந்தன்-3115963.html
3115962 கோயம்புத்தூர் திருப்பூர் பொள்ளாச்சியில் 2ஆவது முறையாக களம் காணும் திமுக வேட்பாளர் DIN DIN Monday, March 18, 2019 07:14 AM +0530 பொள்ளாச்சி மக்களவைத் தொகுதி திமுக வேட்பாளராக கு.சண்முகசுந்தரம் (49) அறிவிக்கப்பட்டுள்ளார்.
திருப்பூர் மாவட்டம்,  மடத்துக்குளம் வட்டம், பெருமாள்புதூர் கிராமத்தைச் சேர்ந்தவர் எம்.கே.குப்புச்சாமி கவுண்டர் மகன் கு.சண்முகசுந்தரம் (49). பொறியியல் பட்டதாரியான இவர் விவசாயக் குடும்பத்தைச் சேர்ந்தவர். 
திருப்பூரில் பின்னலாடை ஏற்றுமதி தொழிற்சாலையையும், தனது சொந்த ஊரில் செங்கல் தொழிற்சாலையையும் நடத்தி வருகிறார்.
தளபதி தொழில்நுட்பப் பயிற்சி மையம் என்ற பெயரில் உடுமலை, பொள்ளாச்சி, கிணத்துக்கடவு ஆகிய ஊர்களில் மாணவ, மாணவிகளுக்காக இலவசப் போட்டித் தேர்வு பயிற்சி மையங்களை நடத்தி வருகிறார். இவர் 2009ஆம் ஆண்டு பொள்ளாச்சி மக்களவைத் தொகுதியில்  போட்டியிட்டு  குறைந்த வாக்குகள் எண்ணிக்கையில் வெற்றி வாய்ப்பை இழந்தவர்.
தற்போது திமுகவில் பொறியாளர் அணி மாநில துணைச் செயலாளராக பணியாற்றி வருகிறார்.  இவருக்கு மனைவி வனிதா, மகள் நிஹாரிகா உள்ளனர்.

]]>
https://www.dinamani.com/all-editions/edition-coimbatore/tiruppur/2019/mar/18/பொள்ளாச்சியில்-2ஆவது-முறையாக-களம்-காணும்-திமுக-வேட்பாளர்-3115962.html
3115961 கோயம்புத்தூர் திருப்பூர் திருப்பூரில் அமமுக சார்பில் போட்டியிடும் எம்ஜிஆர் காலத்து விசுவாசி DIN DIN Monday, March 18, 2019 07:14 AM +0530 அம்மா மக்கள் முன்னேற்ற கழகத்தின் சார்பில் திருப்பூர் மக்களவைத் தொகுதி வேட்பாளராக ஈரோடு புறநகர் மாவட்டச் செயலாளர் எஸ்.ஆர்.செல்வம் (65) அறிவிக்கப்பட்டுள்ளார்.
அம்மா மக்கள் முன்னேற்றக் கழகத்தின் சார்பில் மக்களவைத் தொகுதி, சட்டப் பேரவைத் தொகுதி இடைத் தேர்தலுக்கான வேட்பாளர்களின் முதல்கட்ட பட்டியலை அக்கட்சியின் துணைப் பொதுச் செயலாளர் டி.டி.வி.தினகரன் வெளியிட்டுள்ளார்.
இதில், திருப்பூர் மக்களவைத் தொகுதியில் போட்டியிட ஈரோடு புறநகர் மாவட்டச்  செயலாளர் எஸ்.ஆர்.செல்வம் அறிவிக்கப்பட்டுள்ளார். ஈரோடு மாவட்டம், சத்தியமங்கலம் அருகே உள்ள சாணார்பதி கிராமத்தைச் சேர்ந்தவர்.
விவசாய குடும்பத்தில் பிறந்த இவர் 9ஆம் வகுப்பு வரையில் படித்துள்ளார். 1972 ஆம் ஆண்டு அதிமுகவில் உறுப்பினராகச் சேர்ந்தவர். இவர் ஈரோடு மாவட்ட ஊராட்சித் தலைவர், ஈரோடு மாவட்ட அறநிலையத் துறை துணைத் தலைவர் உள்ளிட்ட பல்வேறு பதவிகளை வகித்துள்ளார். 
தற்போது அமமுக ஈரோடு புறநகர் மாவட்டச் செயலாளராக உள்ளார். 
இவருக்கு மனைவி எஸ்.சாந்தாமணி, மகன் பூர்ணசந்திரன், மகள் சஞ்சிதா உள்ளனர்.

]]>
https://www.dinamani.com/all-editions/edition-coimbatore/tiruppur/2019/mar/18/திருப்பூரில்-அமமுக-சார்பில்-போட்டியிடும்எம்ஜிஆர்-காலத்து-விசுவாசி-3115961.html
3115960 கோயம்புத்தூர் திருப்பூர் வறட்சியின் பிடியில் அமராவதி அணை: குடிநீர்ப் பிரச்னை தலையெடுக்கும் அபாயம் DIN DIN Monday, March 18, 2019 07:14 AM +0530 அமராவதி அணையில் தற்போது  நீர்மட்டம் அதலபாதாளத்திற்குச் சென்றுவிட்டதால் நூற்றுக்கணக்கான கிராமங்களில் குடிநீர்ப் பிரச்னை தலையெடுக்கும் அபாயம் ஏற்பட்டுள்ளது.
   99 அடி கொள்ளளவு கொண்ட அமராவதி அணையில் தற்போது நீர்மட்டம் 8 அடி அளவுக்கே உள்ளது. அமராவதி அணை மூலமாக திருப்பூர், கரூர் ஆகிய 2 மாவட்டங்களில் உள்ள சுமார் 55 ஆயிரம் ஏக்கர் பழைய, புதிய ஆயக்கட்டு நிலங்கள் பாசன வசதி பெற்று வருகின்றன. மேலும், நூற்றுக்கணக்கான கிராமங்களுக்கு குடிநீர் ஆதாரமாகவும் விளங்குகிறது.
  இந்த ஆண்டு ஜனவரி மாதம் தொடர்ந்து பாசன பகுதிகளுக்குத் தண்ணீர் சென்று கொண்டிருந்த நிலையில் படிப்படியாக அணையின் நீர்மட்டம் சரியத் தொடங்கியது. சின்னாறு,தேனாறு, பாம்பாறு போன்ற அணையின் நீர்ப்பிடிப்புப் பகுதிகளில் மழை இல்லாததால் அணைக்கு நீர் வரத்து முற்றிலும் நின்றுபோனது.
  இந்த ஆண்டு வழக்கத்தைவிட மார்ச் முதல் வாரத்திலேயே கோடையின் தாக்கம் தொடங்கி விட்டது. இதனால் அணை வறண்டு கிடக்கிறது. பாசனப் பகுதிகளுக்கு மார்ச் 31 வரை தண்ணீர் விநியோகிக்க வேண்டிய நிலையில், அணையின் நீர் மட்டம் அதல பாதாளத்திற்குச் சென்று விட்டது.  ஞாயிற்றுக்கிழமை  நிலவரப்படி 
சில்ட் எனப்படும் 15 அடியைக் கழித்து விட்டால் அணையின் நீர்மட்டம் 8 அடியாக உள்ளது. அணையின் உள் நிலப் பகுதி வெடித்து வறட்சியின் கோரத்தைக் காட்டிக் கொண்டுள்ளது.  அணையின் நிலை குறித்து விசாயிகள் கவலை தெரிவித்துள்ளனர். கோடை காலத்தைத் தாக்குப் பிடிக்க முடியுமா என கரூர் வரையில் உள்ள நூற்றுக்கணக்கான  கிராம மக்கள் கவலை அடைந்துள்ளனர்.
  இது குறித்து பொதுப் பணித் துறையினர் ஞாயிற்றுக்கிழமை கூறியது:
  அணையில் தற்போது சில்ட் எனப்படும் 15 அடி தண்ணீரை கழித்து விட்டு பார்த்தால் அணையில் 8 அடி அளவுக்குத்தான் தண்ணீர் இருப்பு உள்ளது. இதை வைத்துக் கொண்டு கோடைக் காலத்தை சமாளிக்க முடியாது. நீர்ப் பிடிப்புப் பகுதியில் மழை பெய்தால்தான்குடிநீர்ப் பிரச்னையைச் சமாளிக்க முடியும் என்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/18/வறட்சியின்-பிடியில்-அமராவதி-அணை-குடிநீர்ப்-பிரச்னை-தலையெடுக்கும்-அபாயம்-3115960.html
3115959 கோயம்புத்தூர் திருப்பூர் தொழிலாளர்களுக்கு கூலி வழங்காத தொழிற்சாலையில் உதவி ஆட்சியர் விசாரணை DIN DIN Monday, March 18, 2019 07:13 AM +0530 காங்கயம் அருகே வட மாநிலத் தொழிலாளர்களுக்கு குறைந்தபட்சக் கூலி வழங்காத நார் தொழிற்சாலையில்  தாராபுரம் உதவி ஆட்சியர் ஞாயிற்றுக்கிழமை விசாரணை நடத்தினார்.
  காங்கயம் அருகே பரஞ்சேர்வழி ஊராட்சியில் தனியாருக்குச் சொந்தமான தேங்காய் நார் தொழிற்சாலை இயங்கி வருகிறது. இங்கு வட மாநிலங்களைச் சேர்ந்த 30க்கும் மேற்பட்ட தொழிலாளர்கள் பணிபுரிந்து வருகின்றனர். இங்கு வேலை பார்க்கும் ஊழியர்களுக்கு குறைந்தபட்சக் கூலி வழங்காமல் இருப்பது குறித்தும், கூடுதல் நேரம் வேலை வாங்குவதாகவும் தாராபுரம் உதவி ஆட்சியருக்கு புகார் சென்றுள்ளது.  
  இதையடுத்து, உதவி ஆட்சியர் பவன்குமார், தாராபுரம் தொழிலாளர் ஆய்வகத் துறை அலுவலர் பேச்சிமுத்து உள்ளிட்ட அதிகாரிகள் சம்பந்தப்பட்ட நார்  தொழிற்சாலையில் ஞாயிற்றுக்கிழமை ஆய்வு மேற்கொண்டனர். ஆய்வின்போது, தொழிலாளர்களுக்குத் தேவையான அடிப்படை வசதிகள் சரிவர செய்து தராமல் இருப்பது, அதிக நேரம் பணியாளர்களை வேலையில் ஈடுபடுத்துவது உள்ளிட்ட பிரச்னைகள் இருப்பது தெரியவந்துள்ளது. அங்கு வேலை செய்து வந்த  பிகார் மாநிலத்தைச் சேர்ந்த 4 தொழிலாளர்கள் மீட்கப்பட்டு, காங்கயத்தில் தாங்கவைக்கப்பட்டுள்ளனர். அவர்களிடம், நார் தொழிற்சாலையில் ஊழியர்கள் கொத்தடிமையாக நடத்தப்படுகிறார்களா என்பது குறித்து அதிகாரிகள் விசாரணை நடத்தி வருகின்றனர்.
  காங்கயம் பகுதியில் உள்ள அரிசி ஆலைகள்,  தேங்காய் உலர் களங்கள், தேங்காய் எண்ணெய் ஆலைகள், பனியன் நிறுவனங்கள் உள்ளிட்ட நிறுவனங்களில் வட மாநிலத் தொழிலாளர்கள் 20 ஆயிரத்துக்கும் மேற்பட்டவர்கள் பணிபுரிந்து வருகின்றனர். 
 அனைத்து நிறுவனங்களிலும் தொழிலாளர்கள் நிலை குறித்து  விசாரணை நடத்தவேண்டும் என சமூக ஆர்வலர்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-coimbatore/tiruppur/2019/mar/18/தொழிலாளர்களுக்கு-கூலி-வழங்காத-தொழிற்சாலையில்-உதவி-ஆட்சியர்-விசாரணை-3115959.html
3115958 கோயம்புத்தூர் திருப்பூர் மதச்சார்பற்ற முற்போக்குக் கூட்டணி மகத்தான வெற்றி பெறும்: இந்திய கம்யூனிஸ்ட் வேட்பாளர் கே.சுப்பராயன்    DIN DIN Monday, March 18, 2019 07:13 AM +0530 வரும் மக்களவைத் தேர்தலில் தமிழகத்தில் மதச் சார்பற்ற முற்போக்கு கூட்டணி மகத்தான வெற்றி பெறும் என்று திருப்பூர் மக்களவைத் தொகுதி இந்திய கம்யூனிஸ்ட் கட்சி வேட்பாளர் கே.சுப்பராயன் நம்பிக்கை தெரிவித்துள்ளார். 
 திமுக தலைமையிலான மதச் சார்பற்ற முற்போக்கு கூட்டணி சார்பில் திருப்பூர் மக்களவைத் தொகுதியில் இந்திய கம்யூனிஸ்ட் கட்சி வேட்பாளராக கே.சுப்பராயன் போட்டியிடுகிறார். இந்த நிலையில், திருப்பூர் வடக்கு மாவட்ட தி.மு.க. தலைமை அலுவலகத்தில் நடைபெற்ற வேட்பாளர் அறிமுகக் கூட்டத்துக்கு வடக்கு மாவட்ட செயலாளர் க. செல்வராஜ் தலைமை வகித்தார்.  இதில், வேட்பாளர் கே.சுப்பராயன் அறிமுகப்படுத்தப்பட்டார்.
 இதையடுத்து, அவர் செய்தியாளர்களிடம் பேசியதாவது: 
  தமிழக அரசியல் வரலாற்றில் ஊழல் நிறைந்த, முறைகேட்டில் மூழ்கிப்போன ஆட்சி இதற்கு முன் அமைந்ததே இல்லை. நெரிசார்ந்த அரசியல் என்பது பாழ்பட்டு விட்டது. இதற்குக் காரணமாக இருக்கூடிய பாஜக, அதிமுக ஆகிய இரு கட்சிகளையும் முறியடிக்க வேண்டும்.  திருப்பூர் சிறு, குறுந் தொழில்கள் சிறுகச்சிறுக செத்துக்கொண்டு வருகின்றன. கருணாநிதி காலத்தில் வழங்கப்பட்ட சலுகைகள் இன்றைக்கு பறிக்கப்பட்டுள்ளன. நெருக்கடிகள் அற்ற சூழல் திருப்பூர் உள்பட  தமிழகம் முழுவதும் நிலவியது.    தற்போது நெருக்கடியில் தொழில்கள் தத்தளிக்கின்றன.  கடந்த பொது தேர்தலின்போது மோடி வந்தால் சொர்க்கமே கிடைக்கும் என்ற பிரசாரத்தை முன் வைத்தனர். ஆனால், தமிழகம் சுடுகாடாக மாறியுள்ளது. 30 சதவீதத் தொழில்கள் முடங்கிவிட்டன. தொழிலாளர்கள் பலர் வெளியேறி விட்டனர். கிராமப்புற விவசாயம் செத்து விட்டது. 
  ஊழல், முறைகேடுகள் நிறைந்த அதிமுக ஆட்சி விரைவில் வீட்டுக்கு அனுப்பப்படும். அதற்கான  தீர்ப்பு பொது மக்கள் கையில் உள்ளது.  தமிழகத்தில் மதச் சார்பற்ற முற்போக்குக் கூட்டணி மகத்தான வெற்றி பெறும் என்றார்.    மாநகரச் செயலாளர் நாகராஜ், இந்திய கம்யூனிஸ்ட் கட்சி மாவட்ட செயலாளர் ரவி, கூட்டணிக் கட்சி நிர்வாகிகள் பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/18/மதச்சார்பற்ற-முற்போக்குக்-கூட்டணி-மகத்தான-வெற்றி-பெறும்-இந்திய-கம்யூனிஸ்ட்-வேட்பாளர்-கேசுப்பராயன்-3115958.html
3115957 கோயம்புத்தூர் திருப்பூர் தேர்தல் புகார் தொடர்பான செயலியைக் கையாளப் பயிற்சி DIN DIN Monday, March 18, 2019 07:12 AM +0530 மக்களவைத் தேர்தலை ஒட்டி திருப்பூர் மாவட்டத்தில் தேர்தல் புகார் தொடர்பான செல்லிடப்பேசி செயலியைக் கையாளுவது குறித்து தேர்தல் அலுவலர்களுக்கு சனிக்கிழமை பயிற்சி அளிக்கப்பட்டது.
 திருப்பூர் மாவட்ட ஆட்சியர் அலுவலகத்தில் தேர்தல் தொடர்பான புகார்களை அளிக்கும் வகையில் இரண்டு செல்லிடப்பேசி செயலி வடிவமைக்கப்பட்டுள்ளன. செயலியைக் கையாளுவது தொடர்பாக தேர்தல் அலுவலர்களுக்குப் பயிற்சி அளிக்கப்பட்டது. இந்தப் பயிற்சியைத் தொடங்கிவைத்து ஆட்சியர் கே.எஸ்.பழனிசாமி பேசியதாவது:
மக்களவைத் தேர்தலுக்காக இந்திய தேர்தல் ஆணையம் தேர்தல் நடத்தை விதிமுறை மீறல் குறித்து விடியோ, புகைப்பட ஆதாரத்துடன் 
சி-விஜில் என்ற செல்லிடப்பேசி செயலியை வடிவமைத்துள்ளது. இதில் பொது மக்கள் ஆதாரத்துடன் எளிதாகப் புகார்களைத் தெரிவிக்கலாம். 
சி-விஜில் என்ற செல்லிடப்பேசி ஆப்-இல் புகார் செய்யப்படும் விவரங்கள் மாவட்ட தேர்தல் அலுவலருக்கு வரப்பெற்றவுடன் சம்பந்தப்பட்ட பறக்கும் படை அல்லது நிலைக் கண்காணிப்புக் குழுவுக்கு அனுப்பப்பட்டு உடனடியாக நடவடிக்கை எடுக்கப்படும். புகார் தெரிவித்தவருக்கு, எடுக்கபட்ட நடவடிக்கை குறித்த தகவல்களும் தெரிவிக்கப்படும் என்றார். 
மாவட்ட காவல் கண்காணிப்பாளர் கயல்விழி, மாவட்ட வருவாய் அலுவலர் சுகுமார், தாராபுரம் சார் ஆட்சியர் பவன்குமார், மாநகர காவல் துணை ஆணையர் உமா, மாநகராட்சி ஆணையர் சிவகுமார், மாவட்ட ஆட்சியரின் நேர்முக உதவியாளர் (பொது) கீதா பிரியா, தேர்தல் வட்டாட்சியர் முருகதாஸ் உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/18/தேர்தல்-புகார்-தொடர்பான-செயலியைக்-கையாளப்-பயிற்சி-3115957.html
3115956 கோயம்புத்தூர் திருப்பூர் ஈரோடு தொகுதியில் அமமுக சார்பில் போட்டியிடும் காங்கயம் நகரச் செயலாளர் DIN DIN Monday, March 18, 2019 07:12 AM +0530 ஈரோடு மக்களவைத் தொகுதி அமமுக வேட்பாளராக  காங்கயத்தைச் சேர்ந்த செந்தில்குமார் அறிவிக்கப்பட்டுள்ளார்.
ஈரோடு மக்களவைத் தொகுதியில் போட்டியிடும் அம்மா மக்கள் முன்னேற்றக் கழக வேட்பாளரான காங்கயத்தைச் சேர்ந்த செந்தில்குமார் (41)  பி.எஸ்சி. படித்துள்ளார். கொங்கு வேளாளக் கவுண்டர் சமுதாயத்தைச் சேர்ந்த இவர் விவசாயக் குடும்பத்தைச் சேர்ந்தவர். காங்கயம் நகர அமமுக செயலாளராக உள்ளார்.  இவருக்கு மனைவி அனிதா, மகன்கள் அதீரன், ஆதித்யன் உள்ளனர்.
செந்தில்குமாரின் தந்தை சின்னச்சாமி நீண்ட காலமாக அதிமுகவில் இருந்தவர். எம்ஜிஆர் மறைவுக்குப் பிறகு ஜானகி அணியில் இரட்டைப்  புறா சின்னத்தில் காங்கயம் சட்டப் பேரவைத் தொகுதியில் போட்டியிட்டவர். ஜெ. மறைவுக்குப் பிறகு சின்னச்சாமி அமமுகவில் இணைந்து பணியாற்றி வருகிறார்.

]]>
https://www.dinamani.com/all-editions/edition-coimbatore/tiruppur/2019/mar/18/ஈரோடு-தொகுதியில்-அமமுக-சார்பில்-போட்டியிடும்-காங்கயம்-நகரச்-செயலாளர்-3115956.html
3115955 கோயம்புத்தூர் திருப்பூர் நீலகிரியில் அதிமுக சார்பில் போட்டியிடும் முன்னாள் எம்.பி. DIN DIN Monday, March 18, 2019 07:12 AM +0530 நீலகிரி தொகுதி அதிமுக வேட்பாளராக முன்னாள் மக்களவை உறுப்பினர் சேவூர் எம்.தியாகராஜன் அறிவிக்கப்பட்டுள்ளார்.
நீலகிரி தொகுதியில் அதிமுக சார்பில் போட்டியிடும் வேட்பாளர் எம். தியாகராஜன்(59) திருப்பூர் சிக்கண்ணா அரசு கலைக் கல்லூரியில் முதுகலைப் பட்டம் பெற்றவர். ரியல் எஸ்டேட் தொழில் செய்து வருகிறார். இவரது தந்தை மாரன் கூலித் தொழிலாளி. தாயார் பட்டாள். இவர் சேவூர் அருகே முதலிபாளையம் ஆதி திராவிடர் காலனி பகுதியைச் சேர்ந்தவர். இவரது மனைவி உமாமகேஷ்வரி (48). இவர்களுக்கு மகன்கள் யுவராஜ் (23), மதன்ராஜ் (21),  ஜெயராஜ்(17) உள்ளனர்.
 தியாகராஜன் 1978 ஆம் ஆண்டு முதல் அதிமுகவில் அடிப்படை உறுப்பினராக உள்ளார். 1990இல் அதிமுக கிளைச் செயலாளர், 1993 முதல் 1998 வரை அவிநாசி ஒன்றிய ஜெயலிலா பேரவை  ஒன்றிய துணைச் செயலாளர்,  1998 முதல் 2008 வரை ஒருங்கிணைந்த புறநகர் மாவட்டச் துணைச் செயலாளர் ஆகிய பதவிகளை வகித்துள்ளார். 2011 முதல் திருப்பூர் மாநகர் மாவட்டப் பொருளாளராக இருந்து வருகிறார்.
 1996 ஆம் ஆண்டு அவிநாசி சட்டப் பேரவைத் தொகுதியில் அதிமுக சார்பில் போட்டியிட்டு தோல்வியடைந்தார். 1998 ஆம் ஆண்டு பொள்ளாச்சி மக்களவைத்  தொகுதியில் போட்டியிட்டு வெற்றி பெற்றார்.
 

]]>
https://www.dinamani.com/all-editions/edition-coimbatore/tiruppur/2019/mar/18/நீலகிரியில்-அதிமுக-சார்பில்-போட்டியிடும்-முன்னாள்-எம்பி-3115955.html
3115954 கோயம்புத்தூர் திருப்பூர் அதிமுக கூட்டணி மக்கள் விரும்பும் கூட்டணியாக உள்ளது DIN DIN Monday, March 18, 2019 07:11 AM +0530 அதிமுக தலைமையிலான கூட்டணி அனைத்துத் தரப்பு மக்களும் விரும்புகின்ற கூட்டணியாக உருவாகியிருக்கிறது என்று தமாகா தலைவர் ஜி.கே.வாசன் கூறினார்.
குன்னத்தூரில் கட்சி பிரமுகர் இல்லத் திருமணத்தில் பங்கேற்ற தமாகா தலைவர் ஜி.கே.வாசன் செய்தியாளர்களிடம் ஞாயிற்றுக்கிழமை கூறியதாவது:
அதிமுக தலைமையிலான கூட்டணி அனைத்துத் தரப்பு மக்களும் விரும்புகிற கூட்டணியாக உருவாகியிருக்கிறது. நாங்கள் கேட்ட தொகுதியை அதிமுக கொடுத்திருக்கிறது. தஞ்சை தொகுதி தமாகா வேட்பாளரை சென்னையில் நாளை அதிகாரபூர்வமாக அறிவிப்பேன். அந்த 6 சட்டப் பேரவைக்கு உள்பட்டவர்களுக்கு முன்னுரிமை கொடுக்கப்படும். தமாகா தனிச் சின்னத்தில் போட்டியிடும். தஞ்சையில்  தமாகா வெற்றி உறுதி செய்யப்பட்டதாக உள்ளது. 
அவிநாசி-அத்திக்கடவுத் திட்டத்துக்கு முதல்வர் அடிக்கல் நாட்டியிருப்பது மக்களிடம் பெரிய வரவேற்பை பெற்றுள்ளது. இத்திட்டத்தில், விடுபட்ட குளம் குட்டைகளைச் சேர்க்க வேண்டும் என்றார்.
மாவட்டச் செயலாளர் சிறுமுகை ரவிகுமார், பொறுப்பாளர்கள் ஓ.கே.சண்முகம், கௌதமன் உள்ளிட்டோர் பங்கேற்றனர்.

]]>
https://www.dinamani.com/all-editions/edition-coimbatore/tiruppur/2019/mar/18/அதிமுக-கூட்டணி-மக்கள்-விரும்பும்-கூட்டணியாக-உள்ளது-3115954.html
3115953 கோயம்புத்தூர் திருப்பூர் வெள்ளக்கோவிலில் முருங்கைக்காய் கிலோ ரூ. 4 DIN DIN Monday, March 18, 2019 07:11 AM +0530 வெள்ளக்கோவிலில் ஞாயிற்றுக்கிழமை முருங்கைக்காய் கிலோ நான்கு ரூபாய்க்கு விற்பனையானது.
வெள்ளக்கோவிலில் வாரந்தோறும் செயல்படும் தனியார் கொள்முதல் நிலையத்துக்கு இந்த வாரம் 50 டன் முருங்கைக்காய் வரத்துக் காணப்பட்டது. கடந்த வாரத்தை விட 10 டன் அதிகமாகும். வரத்து தொடர்ந்து அதிகரித்து வருவதால் விலையும் குறைந்து வருகிறது.
விவசாயிகளிடம் இருந்து கிலோ ரூ. 4 வீதம் முருங்கைக்காய்கள் கொள்முதல் செய்யப்பட்டன. கடந்த வாரம் ரூ.8க்கும் கொள்முதல் செய்யப்பட்ட நிவலையில் தற்போது கொள்முதல் விலை குறைந்துவிட்டதால் விவசாயிகள் கவலை தெரிவித்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/18/வெள்ளக்கோவிலில்-முருங்கைக்காய்-கிலோ-ரூ-4-3115953.html
3115952 கோயம்புத்தூர் திருப்பூர் தேர்தல் பிரசாரப் பொதுக்கூட்டம் நடத்த இணையதளம் வழியாக விண்ணப்பிக்கலாம் DIN DIN Monday, March 18, 2019 07:11 AM +0530 மக்களவைத் தேர்தலை ஒட்டி தேர்தல் பொதுக்கூட்டம், ஊர்வலம் நடத்த அனுமதி கேட்டு வேட்பாளர்கள் இணையதளம் வழியாக விண்ணப்பிக்கலாம்.
இது குறித்து திருப்பூர் மாவட்ட ஆட்சியர் கே.எஸ்.பழனிசாமி ஞாயிற்றுக்கிழமை வெளியிட்டுள்ள செய்திக் குறிப்பு: 
மக்களவைத் தேர்தலை ஒட்டி போட்டியிடும் வேட்பாளர்கள், அரசியல் கட்சியினர் தேர்தல் பொதுக்கூட்டம், ஊர்வலம், தேர்தல் பணிமனை,  வாகனப் பிரசாரம்,  ஒலி, ஒளி அமைப்பு ஆகியவற்றிற்கு இணையதளம் வழியாக விண்ணப்பம் செய்து அனுமதி பெற்றுக்கொள்ளலாம். இதற்கு ஏதுவாக தேர்தல் ஆணையத்தால் சுவிதா (நமயஐபஏஅ) என்ற கணினி அறிமுகப்படுத்தப்பட்டுள்ளது. 
இதில், உரிய அனுமதி கோரி விண்ணப்பிப்பவர்கள் தங்களுடைய இருப்பிடங்களிலிருந்தபடியே அனுமதி கோரும் நேரத்துக்க்கு 48 மணி நேரத்திற்கு முன்பாக இணையதளம் வாயிலாக விண்ணப்பிக்கலாம். விண்ணப்பம் பெறப்பட்டவுடன் தொடர்புடைய உதவித் தேர்தல் அலுவலரால் கோரிக்கை விவரம் தொடர்புடைய துறைகளுக்கு அனுப்பப்பட்டு துறைகளின் பரிந்துரைகளின் அடிப்படையில் முதலில் விண்ணப்பம் செய்பவர்களுக்கு முன்னுரிமை என்ற அடிப்படையில்  24 மணி நேரத்தில் அனுமதி வழங்கப்படும் வகையில் இந்த மென்பொருளில் வழிவகை செய்யப்பட்டுள்ளது. 
அனுமதி அளிக்கப்பட்ட விவரம் குறித்து விண்ணப்பதாரரின் செல்லிடப்பேசிக்கு குறுஞ்செய்தி மூலம் தகவல் வரப்பெறும். தகவல் வரப்பெற்றதும் விண்ணப்பதாரர் எங்கிருந்துவேண்டுமானாலும் அனுமதி ஆணையினை பதிவிறக்கம் செய்து நகல் எடுத்துக்கொள்ளலாம். இந்த வாய்ப்பினை அரசியல் கட்சியினர், வேட்பாளர்கள் பயன்படுத்திக் கொள்ளலாம் எனத் தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/mar/18/தேர்தல்-பிரசாரப்-பொதுக்கூட்டம்-நடத்தஇணையதளம்-வழியாக-விண்ணப்பிக்கலாம்-3115952.html
3115951 கோயம்புத்தூர் திருப்பூர் பிளாஸ்டிக் ஒழிப்பு விழிப்புணர்வு பிரசாரம் DIN DIN Monday, March 18, 2019 07:10 AM +0530 பெருமாநல்லூரில் தடை செய்யப்பட்ட பிளாஸ்டிக் பைகளை பயன்படுத்திய கடைகளுக்கு ஞாயிற்றுக்கிழமை அபராதம் விதிக்கப்பட்டது. 
கிராமிய மக்கள் இயக்கம், இளந்துளிர் அமைப்பு ஆகியவை சார்பில் பெருமாநல்லூர் பகுதிகளில் பிளாஸ்டிக் ஒழிப்பு விழிப்புணர்வுப் பிரசாரம் நடைபெற்றது.
 பூக் கடைகள், மொத்த வியாபாரக் கடைகள், உணவகங்கள் ஆகியவற்றில் தடை செய்யப்பட்ட பிளாஸ்டிக் கவர்கள் பயன்பாட்டில்  இருப்பது கண்டறியப்பட்டன.  இக்கடைகளுக்கு ஊராட்சி நிர்வாகம் சார்பில் அபராதம் விதிக்கப்பட்டது. 
 இதைத் தொடர்ந்து பெருமாநல்லூர், ஈட்டிவீரம்பாளையம் உள்ளிட்ட பகுதிகளில் விழிப்புணர்வு துண்டுப்பிரசுரம் விநியோகிக்கப்பட்டது.

]]>
https://www.dinamani.com/all-editions/edition-coimbatore/tiruppur/2019/mar/18/பிளாஸ்டிக்-ஒழிப்புவிழிப்புணர்வு-பிரசாரம்-3115951.html
3115950 கோயம்புத்தூர் திருப்பூர் ரூ. 27 லட்சத்துக்கு காங்கேயம் இன மாடுகள் விற்பனை DIN DIN Monday, March 18, 2019 07:10 AM +0530 நத்தக்காடையூர் அருகே உள்ள பழையகோட்டையில் ஞாயிற்றுக்கிழமை நடைபெற்ற மாட்டுச் சந்தையில் காங்கேயம் இன மாடுகள் ரூ. 27 லட்சத்துக்கு விற்பனையாகின.
பழையகோட்டையில் காங்கேயம் இன மாடுகளுக்கான சந்தை ஞாயிற்றுக்கிழமை தோறும் நடைபெற்று வருகிறது. 
இந்த சந்தையில் காங்கயம் இன மாடுகள் மட்டுமே விற்பனைக்கு அனுமதிக்கப்படுகின்றன. இந்நிலையில், ஞாயிற்றுக்கிழமை நடைபெற்ற சந்தையில் மாடுகள், காளைகள், இளங்கன்றுகள் என 110 மாடுகள் விற்பனைக்குக் கொண்டு வரப்பட்டிருந்தன. இதில் 62 மாடுகள் மொத்தம் ரூ. 27 லட்சத்துக்கு விற்பனையாகின. இதில்,  அதிகபட்சமாக ரூ. 86 ஆயிரத்துக்கு காங்கயம் இன மயிலைப் பசு கன்றுக் குட்டியுடன் விற்பனையானது.

]]>
https://www.dinamani.com/all-editions/edition-coimbatore/tiruppur/2019/mar/18/ரூ-27-லட்சத்துக்கு-காங்கேயம்-இன-மாடுகள்-விற்பனை-3115950.html
3115333 கோயம்புத்தூர் திருப்பூர் சின்ன வெங்காயம் விலை கடும் வீழ்ச்சி: கிலோ ரூ.15க்கு கொள்முதல்: விவசாயிகளுக்கு பாதிப்பு DIN DIN Sunday, March 17, 2019 03:00 AM +0530
சின்ன வெங்காயத்தின் விலை கடும் சரிவைச் சந்தித்துள்ளதால் விவசாயிகள் பாதிப்புக்கு உள்ளாகியுள்ளதோடு, செலவு செய்த பணத்தை எடுக்க முடியுமா என கவலை அடைந்துள்ளனர்.
காங்கயம், தாராபுரம், குண்டடம், உடுமலை, பெரியபட்டி, பல்லடம், குடிமங்கலம் உள்ளிட்ட பகுதிகளில் ஆயிரக்கணக்கான ஏக்கர் பரப்பளவில் சின்ன வெங்காயத்தை விவசாயிகள் சாகுபடி செய்துள்ளனர். இங்கு விளைவிக்கப்படும் சின்ன வெங்காயம் திருச்சி, கோவை, மதுரை, திண்டுக்கல், சென்னை உள்ளிட்ட பகுதிகளுக்கும், இலங்கை, சிங்கப்பூர், மலேசியா ஆகிய வெளிநாடுகளுக்கும் விற்பனைக்கு அனுப்பப்படுகின்றன.
கடந்த கார்த்திகையில் நடவு செய்யப்பட்ட வெங்காயம் தற்போது அறுவடை செய்யப்பட்டு வருகின்றது. உழவு, உரம், பாத்தி கட்டுதல், விதை, நடவுக் கூலி, அறுவடைக் கூலி என ஏக்கருக்கு ரூ.50 ஆயிரம் வரை விவசாயிகள் செலவு செய்துள்ளனர். நன்றாக விளைந்தால் ஏக்கருக்கு 8 முதல் 10 டன் வரை மகசூல் கிடைக்கும். ஆனால் சீதோஷ்ண நிலை, தண்ணீர்ப் பற்றாக்குறை போன்ற காரணங்களால் இந்தப் பகுதிகளில் 5 முதல் 7 டன் வரையே மகசூல் கிடைப்பதாக விவசாயிகள் கூறுகின்றனர்.
வெங்காயம் தரமானதாக இருந்தால் தற்போது கிலோ ரூ.15 வரை கொள்முதல் செய்யப்படுகிறது. இரண்டாம், மூன்றாம் தர வெங்காயம் கிலோ ரூ.7 முதல் ரூ.10 வரை கொள்முதல் செய்யப்படுகிறது. இதனால் குறைவான மகசூல் பெற்ற விவசாயிகள் கடும் இழப்பை சந்தித்து வருவதாகக் கூறுகின்றனர்.
இது குறித்து சந்திராபுரம் பகுதியைச் சேர்ந்த விவசாயி தர்மராஜ் கூறியதாவது:
சின்ன வெங்காயம் பயிரிடுவதற்கு ஏக்கர் ஒன்றுக்கு ரூ.50 ஆயிரம் முதல் ரூ.60 ஆயிரம் வரை செலவு செய்கிறோம். ஆனால் மகசூல் சரியாகக் கிடைக்காததால் நடப்பு பருவத்தில் ஏக்கருக்கு ரூ.30 ஆயிரம் வரை நஷ்டத்தை சந்தித்து வருகிறோம். இந்நிலை தொடருமானால்,  பெரும் நஷ்டம் ஏற்படும். வரும் காலங்களில் வெங்காயத்துக்கும் குறைந்தபட்ச விலையை அரசு நிர்ணயம் செய்யவேண்டும். அப்போதுதான் வெங்காய விவசாயிகளுக்கு விலை வீழ்ச்சி ஏற்படும் காலங்களில் பயனுள்ளதாக இருக்கும் என்றார்.
இதுகுறித்து வெங்காய வியாபாரிகள் தரப்பில் கூறியதாவது:
நடப்பு பருவத்தில் தமிழகத்தில் அதிக அளவில் வெங்காய சாகுபடி இல்லை என்ற போதிலும் ஏற்கெனவே வியாபாரிகள், விவசாயிகள் பல்லாயிரக்கணக்கான டன் வெங்காயத்தை இருப்பு வைத்துள்ளனர்.  அவை இனிமேலும் சேமித்து வைத்தால் தாங்காது என்ற சூழலில் விற்பனை செய்துவருகின்றனர். 
இதுதவிர தற்போது கர்நாடக மாநிலம், மைசூரிலிருந்து வெங்காயம் வந்துகொண்டிருப்பதால் விலை சரிந்து விட்டது. அடுத்த மாதம் வரை விலை கூட வாய்ப்பில்லை. மைசூர் வரத்து நின்றால் மட்டுமே விலை உயர வாய்ப்புள்ளது என்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/சின்ன-வெங்காயம்-விலை-கடும்-வீழ்ச்சி-கிலோ-ரூ15க்கு-கொள்முதல்-விவசாயிகளுக்கு-பாதிப்பு-3115333.html
3115332 கோயம்புத்தூர் திருப்பூர் அவிநாசியில் சாலை விபத்தில் பனியன் தொழிலாளி சாவு DIN DIN Sunday, March 17, 2019 03:00 AM +0530
அவிநாசி அருகே பழங்கரையில் நிகழ்ந்த சாலை விபத்தில் பனியன் தொழிலாளி சனிக்கிழமை உயிரிழந்தார்.
பெருமாநல்லூர் அருகே ஈட்டிவீராம்பாளையம் கருக்கன்காட்டுப்புதூர் பகுதியைச் சேர்ந்தவர் சுப்பிரமணியம் மகன் கோபால்(30). பனியன் தொழிலாளி.
இவர் அவிநாசியில் இருந்து ஈட்டிவீராம்பாளையம் நோக்கி இருசக்கர வாகனத்தில் கடந்த வியாழக்கிழமை சென்று கொண்டிருந்தார். அவிநாசி ஈரோடு சாலை பழங்கரை அருகே சென்றபோது, கட்டுப்பாட்டை இழந்த இருசக்கர வாகனம் சாலையோரம் நின்று கொண்டிருந்த லாரி மீது மோதி விபத்துக்குள்ளானது.
இதில் பலத்த காயமடைந்த கோபால் கோவை அரசு மருத்துவமனையில் சிகிச்சை பெற்று வந்தார். இதற்கிடையில் சிகிச்சை பலனின்றி சனிக்கிழமை உயிரிழந்தார். இது குறித்து அவிநாசி போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/17/அவிநாசியில்-சாலை-விபத்தில்-பனியன்-தொழிலாளி-சாவு-3115332.html
3115331 கோயம்புத்தூர் திருப்பூர் பார் ஊழியர்களுக்கு அரிவாள் வெட்டு DIN DIN Sunday, March 17, 2019 03:00 AM +0530
திருப்பூரில் மது பானம் தர மறுத்ததால் பார் ஊழியர்கள் இருவரை மூன்று பேர் கொண்ட கும்பல் வெள்ளிக்கிழமை அரிவாளால் வெட்டிவிட்டு தப்பிச் சென்றது.
திருப்பூரில் இருந்து வஞ்சிபாளையம் செல்லும் சாலையில் வஞ்சிபாளையம் அருகே டாஸ்மாக் மதுக் கடை உள்ளது. இந்த மதுக் கடை பாரில் கண்ணதாசன், நல்லேந்திரன் ஆகிய இருவரும் ஊழியர்களாக வேலைபார்த்து வருகின்றனர். இந்த நிலையில், வெள்ளிக்கிழமை இரவு 11.30 மணி அளவில் காரில் மூன்று பேர் இவர்களது பாருக்கு வந்துள்ளனர். 
பின்னர், காரில் இருந்து இறங்கிய மூவரும் கண்ணதாசன் மற்றும் நல்லேந்திரனிடம் மது கேட்டு தகராறு செய்துள்ளனர். கடை நேரம் முடிந்து விட்டது என கூறியதால் ஆத்திரம் அடைந்த அவர்கள், பார் ஊழியர்கள் இருவரை சரமாரியாக அரிவாளால் வெட்டி விட்டு தப்பிச் சென்றதாக கூறப்படுகிறது.
இதில் காயமடைந்த இருவரையும் அருகிலிருந்தவர்கள் மீட்டு திருப்பூர் மருத்துவமனையில் சேர்த்தனர். இது குறித்து அனுப்பர்பாளையம் காவல் துறையினர் விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/17/பார்-ஊழியர்களுக்கு-அரிவாள்-வெட்டு-3115331.html
3115329 கோயம்புத்தூர் திருப்பூர் இளைஞர் சடலம் மீட்பு DIN DIN Sunday, March 17, 2019 02:59 AM +0530
திருப்பூர் கொங்கு பிரதான சாலை பகுதியில் 25 வயது மதிக்கத்தக்க ஆண் சடலத்தைக் காவல் துறையினர் சனிக்கிழமை மீட்டனர்.
திருப்பூர் கொங்கு பிரதான சாலை பகுதியில் 25 வயது மதிக்கத்தக்க இளைஞரின் சடலம் கிடப்பதை அவ்வழியே சனிக்கிழமை அதிகாலை சென்றவர்கள் பார்த்துள்ளனர். இதுகுறித்து திருப்பூர் வடக்கு காவல் துறையினருக்குத் தகவல் கொடுத்தனர். இதன்படி அங்கு வந்த காவல் துறையினர் அந்த சடலத்தை மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். அவரது யார், எந்த ஊரைச் சேர்ந்தவர், இறப்புக்கான காரணம் குறித்து வடக்கு காவல் துறையினர் விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/இளைஞர்-சடலம்-மீட்பு-3115329.html
3115328 கோயம்புத்தூர் திருப்பூர் மின் நுகர்வோர் கவனத்துக்கு... DIN DIN Sunday, March 17, 2019 02:59 AM +0530
பல்லடம் மின் வாரிய செயற்பொறியாளர் ஆர்.கோபால் சனிக்கிழமை விடுத்துள்ள அறிக்கையில் கூறியிருப்பதாவது:
பல்லடம் கோட்டம் நாரணாபுரம் மின் பிரிவு அலுவலகத்துக்கு உள்பட்ட மின் இணைப்புகள் மார்ச் மாதத்தில் தவிர்க்க முடியாத நிர்வாக காரணங்களினால் மின் கணக்கீடு செய்ய இயலவில்லை. எனவே மேற்படி பிரிவு அலுவலகத்துக்கு  உள்பட்ட சேடபாளையம், வேலம்பாளையம், வலையபாளையம் பகிர்மானத்தைச் சேர்ந்த மின் நுகர்வோர்கள் கடந்த ஜனவரி மாத மின் கட்டணத்தையே இம்மாதமும் செலுத்துமாறு கேட்டுக்கொள்ளப்படுகின்றனர்.  மின் கட்டணம் அதிகமாக செலுத்தும்பட்சத்தில், மே மாத மின் கட்டணத்தில் சரி செய்யப்படும் என்று அதில் தெரிவித்துள்ளார்.
 

]]>
https://www.dinamani.com/all-editions/edition-coimbatore/tiruppur/2019/mar/17/மின்-நுகர்வோர்-கவனத்துக்கு-3115328.html
3115327 கோயம்புத்தூர் திருப்பூர் அரசு உண்டு உறைவிடப் பள்ளி ஆண்டு விழா DIN DIN Sunday, March 17, 2019 02:59 AM +0530
திருப்பூர் மாவட்டம், குண்டடம் அருகே உள்ள அரசு உண்டு உறைவிடப் பள்ளியின் 12 -ஆம் ஆண்டு விழா வெள்ளிக்கிழமை நடைபெற்றது.
குண்டடத்தை அடுத்துள்ள தேர்ப்பாதை தொண்டாமுத்தூரில் அரசு உண்டு உறைவிடப் பள்ளி செயல்பட்டு வருகிறது.  இந்தப் பள்ளியின் 12-ஆம் ஆண்டு விழா வெள்ளிக்கிழமை நடைபெற்றது. விழாவுக்கு திருப்பூர் மாவட்ட முதன்மைக் கல்வி அலுவலர் சாந்தி தலைமை வகித்தார். ஹேண்ட் இன் ஹேண்ட் நிறுவனத்தின் முதன்மை மேலாளர் மோகனவேல், ஒருங்கிணைந்த பள்ளிக் கல்வி உதவித் திட்ட அலுவலர் கணேஸ்வரி ஆகியோர் முன்னிலை வகித்தனர். பள்ளியின் நிர்வாகத் திட்ட அலுவலர் தூயவன் வரவேற்றார். தலைமையாசிரியர் கலைவாணி ஆண்டறிக்கை வாசித்தார். விழாவில் தாராபுரம் துணை ஆட்சியர் பவன்குமார் கலந்துகொண்டு, பல்வேறு போட்டிகளில் வெற்றி பெற்ற மாணவிகளுக்குப் பரிசுகளை வழங்கிப் பாராட்டினார். 
விழா இறுதியில் மாணவியரின் கலை நிகழ்ச்சிகள் நடைபெற்றன.  நிறைவில் பள்ளி ஆசிரியை கலாமணி நன்றி கூறினார்.
 

]]>
https://www.dinamani.com/all-editions/edition-coimbatore/tiruppur/2019/mar/17/அரசு-உண்டு-உறைவிடப்-பள்ளி-ஆண்டு-விழா-3115327.html
3115326 கோயம்புத்தூர் திருப்பூர் வன்கொடுமையால் பாதிக்கப்பட்டோருக்கான சட்ட தலையீட்டு முகாம் DIN DIN Sunday, March 17, 2019 02:59 AM +0530
வன்கொடுமையால் பாதிக்கப்பட்டோருக்கான சட்ட தலையீட்டு முகாம் அவிநாசியில் சனிக்கிழமை நடைபெற்றது.
இளைஞர்களுக்கான சமூக விழிப்புணர்வு மையம் சார்பில் நடைபெற்ற இம்முகாமுக்கு வழக்குரைஞர் பாண்டியன் தலைமை வகித்தார். பொறுப்பாளர் பா.பா.மோகன் முன்னிலை வகித்தார். விழிப்புணர்வு அமைப்பு மாநில ஒருங்கிணைப்பாளர் பழனிசாமி வரவேற்றார். தீண்டாமை முன்னணி பொறுப்பாளர் நந்தகோபால் பேசினார். இதில் திருப்பூர், கோவை, ஈரோடு மாவட்டங்களில் வன்கொடுமை தடுப்புச் சட்டத்தின்கீழ் பதிவு செய்யப்பட்டு இரண்டு ஆண்டுகளாக நீதிமன்றத்தில் நிலுவையில் உள்ள 50 வழக்குகளை உடனடியாக விசாரித்து, பாதிக்கப்பட்டோருக்கு  நீதி கிடைக்க வேண்டும் என்பன உள்ளிட்ட கோரிக்கைகள் குறித்து ஆலோசிக்கப்பட்டன. இதில் பல்வேறு அமைப்புகளைச் சேர்ந்த பொறுப்பாளர்கள் பங்கேற்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/வன்கொடுமையால்-பாதிக்கப்பட்டோருக்கான-சட்ட-தலையீட்டு-முகாம்-3115326.html
3115325 கோயம்புத்தூர் திருப்பூர் அனைவரும் வாக்களிக்கக்கோரி அரசுக் கல்லூரி மாணவர்களின் கலைநிகழ்ச்சி DIN DIN Sunday, March 17, 2019 02:59 AM +0530
மக்களவைத் தேர்தலில் அனைவரும் வாக்களிக்கக்கோரி திருப்பூர் சிக்கண்ணா அரசுக் கல்லூரி மாணவர்கள் சார்பில் சனிக்கிழமை விழிப்புணர்வு கலைநிகழ்ச்சி நடைபெற்றது. 
திருப்பூர் சிக்கண்ணா அரசுக் கலைக் கல்லூரி நாட்டுநலப் பணித் திட்டம் அலகு 2 மற்றும் திருப்பூர் வடக்கு வட்டாட்சியர் அலுவலகம் ஆகியன சார்பில் திருப்பூர் புதிய பேருந்து நிலையம், புஷ்பா ரவுண்டானா ஆகிய இடங்களில் விழிப்புணர்வு கலை நிகழ்ச்சிகள் நடைபெற்றன.
நிகழ்ச்சியில், வடக்கு வட்டாட்சியர் ஜெயகுமார் தலைமை வகித்தார். நாட்டு நலப் பணித் திட்ட ஒருங்கிணைப்பாளர் மோகன்குமார் வரவேற்றார். திருப்பூர் வருவாய்க் கோட்டாட்சியர் மற்றும் தேர்தல் நடத்தும் உதவி அலுவலர் செண்பகவல்லி ஆகியோர் சிறப்பு விருந்தினர்களாகப் பங்கேற்றுப் பேசினர். இதில், மக்களவைத் தேர்தலில் அனைவரும் வாக்களிக்க முன்வர வேண்டும் என்றும் வாக்களிப்பதன் அவசியம் குறித்து வலியுறுத்தப்பட்டது.
இதையடுத்து, கல்லூரி மாணவர்கள் சார்பில் வாக்களிக்கும் அவசியத்தை வலியுறுத்தி நடன நாடகத்தை நடத்தினர். 
இதைத்தொடர்ந்து 100 சதவீதம் வாக்களிக்க வேண்டும் என்ற ஸ்டிக்கர்கள் வாகனங்களில் ஒட்டப்பட்டதுடன், பொதுமக்களுக்கு துண்டுப் பிரசுரங்களும் வழங்கப்பட்டன. 
அதேபோல் 13ஆவது வார்டு மாஸ்கோ நகரில் ஒன்றாவது மண்டலப் பொறுப்பு உதவி ஆணையர் வாசுகுமார் தலைமையில், சுகாதார அலுவலர் முருகன் முன்னிலையில் கலைநிகழ்ச்சிகளும் நடைபெற்றன. இதில், சுகாதார ஆய்வாளர் சையத் அபுதாகீர் மற்றும் பொதுமக்கள் கலந்துகொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/அனைவரும்-வாக்களிக்கக்கோரி-அரசுக்-கல்லூரி-மாணவர்களின்-கலைநிகழ்ச்சி-3115325.html
3115323 கோயம்புத்தூர் திருப்பூர் சித்த மருத்துவப் பாதுகாப்பு இயக்க ஆலோசனைக் கூட்டம் DIN DIN Sunday, March 17, 2019 02:58 AM +0530
தமிழ்ப் பாரம்பரிய சித்த மருத்துவப் பாதுகாப்பு இயக்கத்தின் ஆலோசனைக் கூட்டம் காங்கயத்தில் நடைபெற்றது.
கூட்டத்துக்கு இயக்கத்தின் தலைவர் மு.தணிகாசலம் தலைமை வகித்தார். மாநில துணைத் தலைவர் கே.மணியன், கொள்கை பரப்புச் செயலர் கி.ஆறுமுகம் ஆகியோர் முன்னிலை வகித்தனர்.
இதில், இலங்கையில் இருந்து வந்த தமிழ்ப் பாரம்பரிய சித்த மருத்துவப் பாதுகாப்பு இயக்கத்தின் இலங்கை அமைப்பாளர் மருத்துவர் மு.செல்லையாவுக்கு வரவேற்பு அளிக்கப்பட்டது. மேலும், அடுத்த மாதம் காஞ்சிபுரத்தில் உலகளாவிய பாரம்பரிய மருத்துவர்கள் கலந்துகொள்ளும் வகையில் அகில உலக பாரம்பரிய மாநாட்டை சிறப்பாக நடத்துவது குறித்து ஆலோசிக்கப்பட்டது.
இதில் சங்கத்தின் இலங்கை பொறுப்பாளர்கள் மு.கந்தையா, சுப்ரமணியன், சிவகுமார், மாநில மக்கள் தொடர்பாளர் எம்.ஜெ.ஜாகீர் உசேன் மற்றும் ஆர்.பர்கத்துன்னிசா, மு.த.சங்கர், பி.முருகானந்தம் உள்ளிட்ட சித்த மருத்துவர்கள் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/சித்த-மருத்துவப்-பாதுகாப்பு-இயக்க-ஆலோசனைக்-கூட்டம்-3115323.html
3115322 கோயம்புத்தூர் திருப்பூர் கருவலூர் மாரியம்மன் கோயில் தேர்த் திருவிழா கொடியேற்றத்துடன் தொடக்கம் DIN DIN Sunday, March 17, 2019 02:58 AM +0530
அவிநாசி அருகே உள்ள கருவலூர் மாரியம்மன் கோயில் தேர்த் திருவிழா கொடியேற்றத்துடன் சனிக்கிழமை தொடங்கியது.
திருப்பூர் மாவட்டத்தில் பிரசித்தி பெற்ற கருவலூரில் உள்ள மாரியம்மன் கோயிலில் ஆண்டுதோறும் தேர்த் திருவிழா கோலாகலமாக நடைபெற்று வருகிறது. இந்த ஆண்டு சனிக்கிழமை காலை 10.30 மணிக்கு அம்மனுக்கு சிறப்பு அபிஷேகம், அலங்காரம், மகா தீபாராதனைகள் நடைபெற்றன. இதைத் தொடர்ந்து பகல் 12 மணிக்கு  சிம்ம வாகனத்தில் அம்மன் எழுந்தருளி சுவாமி திருவீதி உலா நடைபெற்று, அனைவருக்கும் அன்னதானம் வழங்கப்பட்டது.
இதையடுத்து, 17ஆம் தேதி பூதவாகன காட்சி, 18ஆம் தேதி ரிஷப வாகனத்தில் அம்மன் திருவீதி உலா வருதல், 19ஆம் தேதி புஷ்ப விமானம், மலர்ப் பல்லக்கு, இரவு 9 மணிக்கு அம்மன் 
அழைப்பு, 10 மணிக்கு அம்மன் திருக்கல்யாண உற்சவம், 11 மணிக்கு யானை வாகனக் காட்சி ஆகியன நடைபெறுகின்றன. 20ஆம் தேதி அதிகாலை 6 மணிக்கு மாரியம்மன் திருத்தேருக்கு எழுந்தருளல், மாலை 3 மணிக்கு திருத்தேர் வடம் பிடித்து இழுத்தல், தேரோட்டம் நடைபெறுகிறது.
 21ஆம் தேதி மதியம் 2 மணிக்கு மீண்டும் திருத்தேர் வடம் பிடித்தல், தேரோட்டம், 22ஆம் தேதி மீண்டும் தேரோட்டம் நிலை வந்து சேருதல் ஆகியவை நடைபெறவுள்ளன. 23ஆம் தேதி தெப்போற்சவம், காமதேனு வாகனம், பரிவேட்டை, குதிரை வாகனக் காட்சி ஆகியவை நடைபெறுகின்றன. 24ஆம் தேதி அம்மன் தரிசனம், மஞ்சள் நீர் விழா நடைபெறுகிறது. 27ஆம் தேதி மறு பூஜையுடன் விழா நிறைவுபெறுகிறது.
விழாவுக்கான ஏற்பாடுகளை கோயில் செயல் அலுவலர் மணிகண்டன் மற்றும் அறங்காவலர்கள் செய்து வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/கருவலூர்-மாரியம்மன்-கோயில்-தேர்த்-திருவிழா-கொடியேற்றத்துடன்-தொடக்கம்-3115322.html
3115321 கோயம்புத்தூர் திருப்பூர் காங்கயம் வாக்குச் சாவடி மையங்களில் ஆட்சியர் ஆய்வு DIN DIN Sunday, March 17, 2019 02:58 AM +0530
திருப்பூர் மாவட்டம், காங்கயம் சட்டப் பேரவைத் தொகுதியில் அமைக்கப்பட்டுள்ள வாக்குச் சாவடி மையங்களை மாவட்ட ஆட்சியர் கே.எஸ்.பழனிசாமி சனிக்கிழமை நேரில் ஆய்வு செய்தார். 
திருப்பூர் மாவட்டத்தில் திருப்பூர் வடக்கு, திருப்பூர் தெற்கு, பல்லடம், அவிநாசி, காங்கயம், தாராபுரம், உடுமலைப்பேட்டை, மடத்துக்குளம் ஆகிய 8 சட்டப் பேரவைத் தொகுதிகளில் உள்ள 2,482 வாக்குச்சாவடிகளை உள்ளடக்கிய 1,028 வாக்குச் சாவடி மையங்களில் மக்களவைத் தேர்தல் வாக்குப் பதிவு நடைபெற உள்ளது. 
இந்த நிலையில், திருப்பூர் மாவட்டத்தில் உள்ள அனைத்து வாக்குச் சாவடிகளும் உதவி தேர்தல் நடத்தும் அலுவலர்கள் மற்றும் உரிய அலுவலர்களால் தணிக்கை செய்யப்பட்டு வருகிறது. இதன் ஒருபகுதியாக காங்கயம் சட்டப் பேரவைத் தொகுதிக்கு உள்பட்ட படியூர் ஊராட்சி ஒன்றிய நடுநிலைப் பள்ளி, சிவன்மலை ஊராட்சி ஒன்றிய நடுநிலைப் பள்ளி, களிமேடு ஊராட்சி ஒன்றிய துவக்கப் பள்ளி, காங்கயம் ஊராட்சி ஒன்றிய நடுநிலைப் பள்ளிகளில் அமைக்கப்பட்டுள்ள வாக்குச் சாவடி மையங்களில் ஆட்சியர் கே.எஸ்.பழனிசாமி ஆய்வு மேற்கொண்டார்.
இதில், வாக்குச் சாவடி மையங்களில் வாக்காளர்களுக்குத்  தேவையான குடிநீர், கழிப்பிட வசதி, மின் வசதி உள்ளிட்ட அடிப்படை வசதிகளை விரைவாக ஏற்படுத்தும்படி அதிகாரிகளுக்கு உத்தரவிட்டார்.
இந்த ஆய்வின்போது,  காங்கயம் வட்டாட்சியர் விவேகானந்தன், காங்கயம்  நகராட்சி ஆணையாளர், அரசு அலுவலர்கள் உள்பட பலர் உடனிருந்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/காங்கயம்-வாக்குச்-சாவடி-மையங்களில்-ஆட்சியர்-ஆய்வு-3115321.html
3115320 கோயம்புத்தூர் திருப்பூர் பொள்ளாச்சி பாலியல் வன்கொடுமை விவகாரத்தில் தொடர்புள்ள அனைவரையும் தூக்கிலிட வேண்டும் DIN DIN Sunday, March 17, 2019 02:58 AM +0530
பொள்ளாச்சியில் இளம் பெண்களை பாலியல் வன்கொடுமை செய்த விவகாரத்தில் தொடர்புடைய அனைவரையும் தூக்கிலிட வேண்டும் என்று இந்து முன்னணி மாநிலத் தலைவர் காடேஸ்வரா சி.சுப்பிரமணியம் வலியுறுத்தினார்.
இதுகுறித்து திருப்பூரில் செய்தியாளர்களிடம் அவர் சனிக்கிழமை கூறியதாவது: 
பொள்ளாச்சியில் இளம் பெண்களை ஏமாற்றி சிலர் பாலியல் வன்கொடுமை செய்துள்ளனர். இந்த விவகாரத்தில் தொடர்புடைய  அனைவரையும் தூக்கிலிட வேண்டும். இந்த விவகாரத்தில் காவல் துறை விசாரணை மேற்கொண்டு கடும் நடவடிக்கை எடுக்க வேண்டும். தற்போதைய தகவலின்படி பல்வேறு கட்சிகளின் பொறுப்புகள் மற்றும் உறுப்பினராகவும் உள்ளவர்கள் இதில் சம்பந்தப்பட்டுள்ளதாகக் கூறப்படுகிறது. குறிப்பாக பாதிக்கப்பட்டவர்களை வெளியில் கொண்டுவரக்கூடாது. தவறு செய்தவர்களை வெளியில் கொண்டுவரவேண்டும். இந்தச் சம்பவத்தைக் கண்டித்து தமிழகம் முழுவதும் மாவட்டத் தலைநகரங்களில் மார்ச் 20 ஆம் தேதி மாபெரும் ஆர்ப்பட்டம் நடைபெற உள்ளது. 
 தொலைக்காட்சி நாடகங்களில் இது போன்ற சம்பவங்கள், கலாசாரச் சீரழிவுகளை காண்பிக்கின்றனர். கோயில்களில் வரும் வருமானங்களை பள்ளி, கல்லூரிகளில் மாணவர்களுக்கு நீதிக் கதைகள், நீதிபோதனைகள் கற்றுத்தர பயன்படுத்தவேண்டும் என்றார்.
இந்த சந்திப்பின்போது மாநிலச் செயலாளர் கிஷோர்குமார், மாநில நிர்வாகக் குழு உறுப்பினர் செந்தில்குமார் ஆகியோர் உடனிருந்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/பொள்ளாச்சி-பாலியல்-வன்கொடுமை-விவகாரத்தில்-தொடர்புள்ள-அனைவரையும்-தூக்கிலிட-வேண்டும்-3115320.html
3115319 கோயம்புத்தூர் திருப்பூர் திருப்பூரில் மத்திய தொழிலகப் பாதுகாப்பு  படையினர் கொடி அணிவகுப்பு DIN DIN Sunday, March 17, 2019 02:58 AM +0530
திருப்பூரில் மத்திய தொழிலகப் பாதுகாப்புப் படையினர் சனிக்கிழமை  கொடி அணிவகுப்பு நடத்தினர்.
தமிழகத்தில் மக்களவைத் தேர்தல் வரும் ஏப்ரல் 18 ஆம் தேதி நடைபெற உள்ளது. இதில், திருப்பூர் மாவட்டத்தில் 398 வாக்குச்சாவடிகள் பதற்றமானவை எனக் கண்டறியப்பட்டுள்ளன. இதில், மாநகர் பகுதிகளில் 160 வாக்குச்சாவடிகளும், புறநகர் பகுதிகளில் 238 வாக்குச்சாவடிகள் பதற்றமானவை என்று தெரிவிக்கப்பட்டுள்ளது. இந்த வாக்குச் சாவடி மையங்களில் பாதுகாப்புப் பணிக்காக மத்திய தொழிலகப் பாதுகாப்புப் படையினர்  83 பேர்  வெள்ளிக்கிழமை திருப்பூர் வந்தனர். 
இதையடுத்து, மத்திய தொழிலகப் பாதுகாப்புப் படையினர் 68 பேர், ஆயுதப்படைக் காவலர்கள் 50 பேர், உள்ளூர் மற்றும் போக்குவரத்துக் காவலர்கள் 53 பேர் என மொத்தம் 171 பேர் இந்தக் கொடி அணிவகுப்பில் பங்கேற்றனர். 
கொடி அணிவகுப்பானது டவுன்ஹாலில் தொடங்கி பழைய பேருந்து நிலையம் அருகே உள்ள கல்யாணி பெட்ரோல் பங்க் அருகே நிறைவடைந்தது.

]]>
https://www.dinamani.com/all-editions/edition-coimbatore/tiruppur/2019/mar/17/திருப்பூரில்-மத்திய-தொழிலகப்-பாதுகாப்பு--படையினர்-கொடி-அணிவகுப்பு-3115319.html
3115318 கோயம்புத்தூர் திருப்பூர் ஓட்டுநர் மீது தாக்குதல்: தொழிலதிபர் மீது வழக்குப் பதிவு DIN DIN Sunday, March 17, 2019 02:57 AM +0530 வெள்ளக்கோவிலில் ஓட்டுநரைத் தாக்கியதாக டெக்ஸ்டைல்ஸ் அதிபர் மீது போலீஸார் கொலை மிரட்டல் வழக்குப் பதிவு செய்தனர்.
திருப்பூர் மாவட்டம், வெள்ளக்கோவில் துரைராமசாமி நகரைச் சேர்ந்தவர் செந்தில் (38). இவர் நூல் வர்த்தக டெக்ஸ்டைல்ஸ் தொழில் நடத்தி வருகிறார். இவருடைய நிறுவனத்தில் முத்தூர் மலையாத்தாபாளையம் திருவள்ளுவர் வீதியைச் சேர்ந்த சரவணன் (29) என்பவர் ஜீப் டிரைவராக வேலை செய்துவந்தார். டெக்ஸ்டைல்ஸ் அதிபர் செந்தில், டிரைவர் சரவணனைக் குழி பறிக்கவும், செடிக்குத் தண்ணீர் விடும்படி
யும் கூறியுள்ளார். இதைச் செய்ய  அவர் மறுத்து விட்டார். இதனால் கோபம் கொண்ட செந்தில், டிரைவரை பிவிசி பைப்பால் அடித்து உதைத்து, ஜாதியைச் சொல்லித் திட்டி கொலை மிரட்டல் விடுத்தாராம்.
இது குறித்தப் புகாரின்பேரில், வெள்ளக்கோவில் காவல் நிலைய உதவி ஆய்வாளர் விஜயபாஸ்கர் விசாரணை நடத்தி, செந்தில் மீது கொலை மிரட்டல் வழக்குப் பதிவு செய்தனர். இதையடுத்து செந்தில் தலைமறைவானார். அவரை போலீஸார் தேடி வருகின்றனர்.
இந்நிலையில், அதே நிறுவனத்தில் பணிபுரியும் துரைராமசாமி நகரைச் சேர்ந்த அனில்குமார் மனைவி பிரியங்கா (27) என்பவர், டிரைவர் சரவணன் மீது போலீஸில் புகார் கொடுத்துள்ளார். அதில் சரவணன் தன்னிடம் கெட்ட நோக்கத்தில் பழக முயன்று தொந்தரவு கொடுத்து வந்ததாகவும், செல்லிடப்பேசியில் படம் எடுத்து மிரட்டுவதாகவும் காவல் நிலையத்தில் புகார் கொடுத்துள்ளார்.
இது குறித்து வெள்ளக்கோவில் காவல் நிலைய ஆய்வாளர் மு.ஜெயபாலன்,  டிரைவர் சரவணன் மீது வழக்குப் பதிவு செய்து விசாரணை நடத்தி வருகிறார்.
 

]]>
https://www.dinamani.com/all-editions/edition-coimbatore/tiruppur/2019/mar/17/ஓட்டுநர்-மீது-தாக்குதல்-தொழிலதிபர்-மீது-வழக்குப்-பதிவு-3115318.html
3115317 கோயம்புத்தூர் திருப்பூர் அவிநாசியில் அனைத்துக் கட்சி ஆலோசனைக் கூட்டம் DIN DIN Sunday, March 17, 2019 02:57 AM +0530
தேர்தல் நடைமுறைகள் குறித்து அனைத்துக் கட்சி ஆலோசனைக் கூட்டம் அவிநாசி வட்டாட்சியர் அலுவலகத்தில் சனிக்கிழமை நடைபெற்றது.
தேர்தல் உதவி அலுவலர் சக்திவேல், வட்டாட்சியர் வாணி லட்சுமி ஜெகதாம்பாள், தேர்தல் துணை வட்டாட்சியர் கோவிந்தசாமி ஆகியோர் முன்னிலை வகித்தனர். 
கூட்டத்தில், கொடிக் கம்பங்களில் உள்ள கொடிகளை அகற்ற வேண்டும். சுவர் விளம்பரங்கள், பதாகைகளை உடனடியாக அப்புறப்படுத்த வேண்டும்.  வாக்குச்சாவடிகள் உள்ள பகுதியில் இருந்து 100 மீட்டருக்குள் எவ்வித கட்சிச் சின்னங்கள், கட்சி தொடர்பான விளம்பரங்கள் இருக்கக்கூடாது. கட்சி வேட்பாளர்களின் தேர்தல் சாவடிகள் 100 மீட்டர் தொலைவுக்கு அப்பால் அமைக்க வேண்டும். பொதுக்கூட்டம்  நடத்த அனுமதி பெறுவது, தேர்தல் புகார்கள் சம்பந்தமாக 1,950 என்ற எண்ணுக்குப் புகார் தெரிவிப்பது என்பன உள்ளிட்ட நடைமுறைகள் குறித்து  எடுத்துரைக்கப்பட்டன.
தேர்தல் நடைபெறும் ஏப்ரல் 18 ஆம் தேதி அவிநாசி கோயில் தேரோட்டம் நடைபெற உள்ளதால், வாக்களிக்கும் நேரம் அதிகப்படுத்தப்படுமா என கேள்வி எழுப்பப்பட்டது. 
இது குறித்து மாவட்ட நிர்வாகத்திடம் தெரியப்படுத்தி உரிய நடவடிக்கை எடுக்கப்படும் எனத் தெரிவிக்கப்பட்டது.
கூட்டத்தில் அதிமுக ஒன்றியச் செயலாளர்கள் சேவூர் ஜி.வேலுசாமி, மு.சுப்பிரமணியம், நகரச் செயலாளர் ராமசாமி,  மார்க்சிஸ்ட் கம்யூனிஸ்ட் ஒன்றியச் செயலாளர் 
எஸ்.வெங்கடாசலம், ஒன்றியக் குழு உறுப்பினர் ஆர்.பழனிசாமி,  திமுக  ஒன்றியச் செயலாளார் பழனிசாமி, மாவட்டப் பிரதிநிதி அவிநாசியப்பன், காங்கிரஸ் பொறுப்பாளர் சாய்கண்ணன், இந்திய கம்யூனிஸ்ட்  ஒன்றியச் செயலாளர் கே.எம்.இசாக், பாஜக பொறுப்பாளர் சண்முகம், தினேஷ் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/அவிநாசியில்-அனைத்துக்-கட்சி-ஆலோசனைக்-கூட்டம்-3115317.html
3115316 கோயம்புத்தூர் திருப்பூர் வியத்நாமில் தொழில் தொடங்க திருப்பூர் ஏற்றுமதியாளர்களுக்கு அழைப்பு DIN DIN Sunday, March 17, 2019 02:57 AM +0530
வியத்நாம் நாட்டில் தொழில் துவங்க திருப்பூர் பின்னலாடை ஏற்றுமதியாளர்களுக்கு அந்த நாட்டு தொழில்துறை அதிகாரிகள் அழைப்பு விடுத்துள்ளனர்.
உலகின் பின்னலாடை உற்பத்தியில் முன்னணியில் உள்ள வியத்நாம் ஆண்டுக்கு ரூ. 2 லட்சத்து 25 ஆயிரம் கோடிக்கு ஆடை உற்பத்தி செய்து, ஐரோப்பிய யூனியன், அமெரிக்கா உள்ளிட்ட பல்வேறு நாடுகளுக்கு ஏற்றுமதி செய்கின்றது.  தற்போது சுற்றுச்சூழல் மாசுபடுவதைக் குறைக்கும் விதமாக வியத்நாம் பல்வேறு நடவடிக்கைகளை மேற்கொண்டு வருகிறது. துணிகளுக்கு சாயமிடும்போது வெளியேறும் கழிவுநீரை முழுமையாக சுத்திகரித்து வெளியேற்றும் முறையை அறிந்துகொள்ள, திருப்பூரில் இயங்கும் பொது சுத்திகரிப்பு நிலையங்களின் தொழில்நுட்பங்களைப் பார்வையிட வியத்நாம் நாட்டின் அரசுத் துறை செயலாளர்கள் அடங்கிய 16 பேர் கொண்ட குழுவினர் திருப்பூருக்கு சனிக்கிழமை வந்தனர். இக்குழுவினர் சாய ஆலைகள், பொது சுத்திகரிப்பு நிலையங்களைப் பார்வையிட்டு தொழில்நுட்ப வல்லுநர்களிடம் ஆலோசனை பெற்றனர்.
இதைத் தொடர்ந்து, திருப்பூர் ஏற்றுமதியாளர்கள் சங்கத்தில் நடைபெற்ற ஆலோசனைக் கூட்டத்தில் பங்கேற்றனர். கூட்டத்துக்கு ஏற்றுமதியாளர்கள் சங்கத் தலைவர் ராஜா எம். சண்முகம் தலைமை வகித்தார். பொதுச்செயலாளர் விஜயகுமார், ஆம்ஸ்ராங் பழனிச்சாமி ஆகியோர் முன்னிலை வகித்தனர். வர்த்தக ஆலோசகர் ஜெயகுமார் வரவேற்றார்.
இதில், பங்கேற்ற வியத்நாம் தொழில் துறையினர் கூறியதாவது: 
திருப்பூர் சாய ஆலைகள், பொது சுத்திகரிப்பு நிலையங்களைப் பார்வையிட்டோம். இதில் சாயக்கழிவு நீரை பூஜ்ய விகித சுத்திகரிப்பு தொழில்நுட்பத்தை அறிந்தோம். இந்த தொழில்நுட்பத்தை வியத்நாம் நாட்டில் அறிமுகப்படுத்த உள்ளோம். வியத்நாம் நாட்டில் தொழில் தொடங்கும் நபர்களுக்கு 4 ஆண்டுகளுக்கு வரிகள் எதுவும் இல்லை. அடுத்த 9 ஆண்டுகளுக்கு 10 சதவீதம் வரி மட்டுமே வசூலிக்கப்படும். ஒரு யூனிட் மின்சாரம் ரூ.4.50க்கு வழங்கப்படும். தொழில் துவங்க கடன் வசதி, இடம் ஆகியவை வழங்கப்படும். ஆர்வம் உள்ள திருப்பூர் பின்னலாடை ஏற்றுமதியாளர்கள் எங்களைத் தொடர்பு கொண்டால் அரசுத் துறை சார்பில் அனைத்து வசதிகளும் செய்து கொடுக்கப்படும் என்றனர். இதில், திருப்பூர் ஏற்றுமதியாளர்கள் சங்க நிர்வாகிகள் உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/17/வியத்நாமில்-தொழில்-தொடங்க-திருப்பூர்-ஏற்றுமதியாளர்களுக்கு-அழைப்பு-3115316.html
3115314 கோயம்புத்தூர் திருப்பூர் செல்லம்மாள் காலனி மாநகராட்சிப் பள்ளியில் ஐம்பெரும் விழா DIN DIN Sunday, March 17, 2019 02:57 AM +0530
திருப்பூர் செல்லம்மாள் காலனியில் உள்ள மாநகராட்சி தொடக்கப் பள்ளியில் ஐம்பெரும் விழா வெள்ளிக்கிழமை நடைபெற்றது.
திருப்பூர் செல்லம்மாள் காலனியில் உள்ள மாநகராட்சி தொடக்கப் பள்ளியின் 9ஆம் ஆண்டு விழா, விளையாட்டு விழா, இலக்கியப் போட்டிகளில் வென்ற மாணவர்களுக்குப் பரிசளிப்பு விழா, கணினிப் பயிற்சி பெற்றோருக்கு சான்றிதழ் வழங்கும் விழா, பள்ளி நூலகத்திற்குப் புத்தகங்கள் வழங்கும் விழா என ஐம்பெரும் விழா வெள்ளிக்கிழமை நடைபெற்றது. விழாவுக்கு பெற்றோர் ஆசிரியர் கழகத் தலைவர் பொன்.பழனிசாமி தலைமை வகித்தார். பள்ளி மேலாண்மைக் குழுத் தலைவர் சுதா, கிராமக் கல்விக் குழுத் தலைவர் இரா.சின்னசாமி ஆகியோர் முன்னிலை வகித்தனர். பள்ளித் தலைமை ஆசிரியர் வே.நாகராஜ் கணேஷ் குமார் வரவேற்றார்.  2018-19-ஆம் கல்வியாண்டில் ஒல்வொரு வகுப்பிலும் சிறந்த மாணவர்களுக்கான விருதை வட்டாரக் கல்வி அலுவலர் சு.விஸ்வநாதன் வழங்கினார்.
சிறப்பு விருந்தினர்களாகப் பங்கேற்ற திருப்பூர் மாவட்டக்  கல்வி அலுவலர் இரா.சித்ரா, விளையாட்டுப் போட்டிகளில் வெற்றி பெற்ற மாணவர்களுக்கும், பல்லடம் மாவட்டக்  கல்வி அலுவலர் கு.பெ.கனகமணி கராத்தே போட்டியில் வெற்றி பெற்ற மாணவர்களுக்கு கராத்தே பெல்ட் மற்றும் சான்றிதழ்களையும் வழங்கினர்.  
இதைத் தொடர்ந்து,  மாணவர்களின் கலை நிகழ்ச்சி, யோகா பயிற்சி நடைபெற்றது .
இவ்விழாவில் ப்ரோநிட்ஸ் நிறுவனத்தின் இயக்குநர் சிறுமுகை ரவிகுமார், முன்னாள் நகர்மன்ற உறுப்பினர் இரா.நடராஜ் உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/17/செல்லம்மாள்-காலனி-மாநகராட்சிப்-பள்ளியில்-ஐம்பெரும்-விழா-3115314.html
3114607 கோயம்புத்தூர் திருப்பூர் மார்ச் 16 மின்தடை - சிவன்மலை, ஆலாம்பாடி DIN DIN Saturday, March 16, 2019 07:19 AM +0530 சிவன்மலை, ஆலாம்படி துணை மின்நிலையத்துக்கு உள்பட்ட உயர் மின்னழுத்த, மின் பாதையில் நடைபெற உள்ள மேம்பாட்டுப் பணிகள் காரணமாக கீழ்கண்ட பகுதிகளில் சனிக்கிழமை காலை 10:30 மணிமுதல் மாலை 3 மணிவரை மின் விநியோகம் இருக்காது என மின்வாரிய காங்கயம் கோட்ட செயற்பொறியாளர் மருதாசலம் தெரிவித்துள்ளார்.
 மின்சார விநியோகம் தடைபடும் இடங்கள்: சிவன்மலை, அரசம்பாளையம், படியூர், சாவடிப்பாளையம், தம்மரெட்டிபாளையம், நல்லிபாளையம், கீரனூர், காரக்காட்டுபுதூர், வேலாயுதம்பாளையம், நால்ரோடு, மறவபாளையம், சாவடி, பூமாண்டன்வலசு, நத்தக்காட்டுவலசு, பரஞ்சேர்வழி.
 

]]>
https://www.dinamani.com/all-editions/edition-coimbatore/tiruppur/2019/mar/16/மார்ச்-16-மின்தடை---சிவன்மலை-ஆலாம்பாடி-3114607.html
3114606 கோயம்புத்தூர் திருப்பூர் தாராபுரத்தில்  குடிசைகளுக்கு தீ வைப்பு DIN DIN Saturday, March 16, 2019 07:18 AM +0530 தாராபுரத்தில் 3 குடிசைகளுக்கு தீ வைத்த மர்ம நபர்கள் காவல் துறையினர் தேடி வருகின்றனர்.
திருப்பூர் மாவட்டம், தாராபுரத்தில் இருந்து உடுமலை செல்லும் வழியில் ஜீவா காலனி உள்ளது. இந்தக் காலனியில் 95 குடும்பங்களைச் சேர்ந்த கூலித் தொழிலாளர்கள் கடந்த 20 ஆண்டுகளாக குடிசை போட்டு வசித்து வருகின்றனர். 
 இந்நிலையில், அந்த நிலம் தனக்கு சொந்தமானது என்று தனிநபர் ஒருவர் 10 ஆண்டுகளுக்கு முன்பு நீதிமன்றத்தில் வழக்கு தொடர்ந்திருந்தார். இதன்பிறகு இந்தப் பிரச்னை ஆதி திராவிடர் நலத் துறைக்குச்  சென்றது. 
இதையடுத்து, இடத்தை காலி செய்யக் கோரி சில நாள்களுக்கு முன்பு அரசு அதிகாரிகள் குடியிருப்புவாசிகளிடம் நோட்டீஸ் விநியோகித்திருந்தனர். 
 இந்நிலையில், அருகே உள்ள ஜவஹர் காலனியில் வியாழக்கிழமை இரவு நடைபெற்ற கோயில் விழாவுக்கு ஜீவா காலனியில் இருந்து ஏராளமானோர் சென்றிருந்தனர். பின்னர் வெள்ளிக்கிழமை காலை 4 மணி அளவில் வீடு திரும்பியபோது 3 குடிசைகள் தீப்பற்றி எரிந்தன. 
 இதுகுறித்து தகவலறிந்து சம்பவ இடத்துக்கு வந்த தாராபுரம் தீயணைப்புத் துறையினர் தீயை அணைக்கும் பணியில் ஈடுபட்டனர். ஆனாலும், 3 குடிசைகள் முற்றிலும் தீயில் எரிந்தன. இதுகுறித்து தாராபுரம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/16/தாராபுரத்தில்--குடிசைகளுக்கு-தீ-வைப்பு-3114606.html
3114605 கோயம்புத்தூர் திருப்பூர் விவசாய முதியோருக்கு ஓய்வூதியம் வழங்க வேண்டும்: உழவர் உழைப்பாளர் கட்சி வலியுறுத்தல் DIN DIN Saturday, March 16, 2019 07:18 AM +0530 விவசாய முதியோருக்கு ஓய்வூதியம் வழங்க உழவர் உழைப்பாளர் கட்சி வலியுறுத்தியுள்ளது.
 திருப்பூர் மாவட்டம், பல்லடத்தில் உழவர் உழைப்பாளர் கட்சியின் மாநில செயற்குழுக் கூட்டம் வெள்ளிக்கிழமை நடைபெற்றது. மாநிலத் தலைவர் கே.செல்லமுத்து தலைமை வகித்தார். மாநிலப் பொருளாளர் பாலசுப்பிரமணியம், மாநிலச் செயலாளர் ஈஸ்வரன் ஆகியோர் முன்னிலை வகித்தனர். மாவட்ட இளைஞரணித் தலைவர் வாவிபாளையம் சோமசுந்தரம் வரவேற்றார்.
இக் கூட்டத்தில் நிறைவேற்றப்பட்ட தீர்மான விவரம்:
கடந்த காங்கிரஸ் கட்சி ஆட்சியில் கடனை திரும்ப செலுத்த முடியாமல் விவசாயிகள் அதிக அளவில் தற்கொலை செய்து கொண்டனர். ஆனால், தாங்கள் ஆட்சிக்கு வந்தால் விவசாய கடன்களை முழுமையாக ரத்து செய்வோம். விளைப் பொருள்களுக்கு எம்.எஸ்.சுவாமிநாதன் கமிட்டி பரிந்துரைப்படி நியாயமான விலை நிர்ணயம் செய்வோம் என்று அளித்த வாக்குறுதியை அளித்த பிரதமர் மோடி தலைமையிலான பாஜக அரசு நிறைவேற்றவில்லை.
பயிர் காப்பீட்டுத் திட்டத்தால் விவசாயிகள் பயனடையவில்லை. இத்திட்டத்தின் மூலம் இரண்டு தனியார் காப்பீட்டு நிறுவனம் மட்டும் ரூ.11ஆயிரம் கோடி அளவுக்கு பலனடைந்துள்ளனர். விவசாயிகளுக்கு முழுமையான கடன் தள்ளுபடி மற்றும் முழுமையான பயிர் காப்பீடு வழங்க வேண்டும் என்பதை காங்கிரஸ், திமுக கூட்டணி தேர்தல் அறிக்கையில் வெளியிட வேண்டும்.  விவசாய முதியோர்களுக்கு ஓய்வூதியம் வழங்க வேண்டும். திமுக, காங்கிரஸ் கூட்டணிக்கு ஆதரவு தெரிவிப்பதோடு அக்கூட்டணி வெற்றிக்கு மாநிலம் முழுவதும் தேர்தல் பிரசாரம் செய்வது உள்ளிட்ட தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-coimbatore/tiruppur/2019/mar/16/விவசாய-முதியோருக்கு-ஓய்வூதியம்-வழங்க-வேண்டும்-உழவர்-உழைப்பாளர்-கட்சி-வலியுறுத்தல்-3114605.html
3114604 கோயம்புத்தூர் திருப்பூர் பொள்ளாச்சி விவகாரம்: மாணவர்கள் போராட்டம்: உடுமலையில் கல்லூரிகளுக்கு விடுமுறை DIN DIN Saturday, March 16, 2019 07:18 AM +0530 மாணவர்களின் போராட்டம் தொடர்பாக உடுமலை அரசு கலைக் கல்லூரி மற்றும் ஜிவிஜி விசாலாட்சி மகளிர் கல்லூரிகளுக்கு வெள்ளிக்கிழமை விடுமுறை அளிக்கப்பட்டது.
பொள்ளாச்சியில் நடைபெற்ற பாலியல் வன்கொடுமை சம்பவங்களை கண்டித்து உடுமலையில் ஜிவிஜி விசாலாட்சி மகளிர் கல்லூரி மாணவிகள் சுமார் 3 ஆயிரம் வியாழக்கிழமை சாலை மறியலில் ஈடுபட்டனர்.
 இதனால் தேசிய நெடுஞ்சாலையில் சுமார் 4 மணி நேரம் போக்குவரத்து பாதிக்கப்பட்டது. இதேபோல உடுமலை அரசு கலைக் கல்லூரி மாணவ, மாணவிகள் பங்கேற்ற ஆர்ப்பாட்டமும் வியாழக்கிழமை நடைபெற்றது.
இந்தப் போராட்டங்களை கட்டுப்படுத்த முடியாமல் போலீஸார் திணறினர். இதனைக் கருத்தில் கொண்டு  ஜிவிஜி விசாலாட்சி மகளிர் கல்லூரி மற்றும் அரசு கலைக் கல்லூரிகளுக்கு போலீஸாரின் அறிவுறுத்தலின்பேரில் வியாழக்கிழமை விடுமுறை அளிக்கப்பட்டது.

]]>
https://www.dinamani.com/all-editions/edition-coimbatore/tiruppur/2019/mar/16/பொள்ளாச்சி-விவகாரம்-மாணவர்கள்-போராட்டம்-உடுமலையில்-கல்லூரிகளுக்கு-விடுமுறை-3114604.html
3114603 கோயம்புத்தூர் திருப்பூர் உடுமலையில் அனைத்துக் கட்சியினர் ஆர்ப்பாட்டம் DIN DIN Saturday, March 16, 2019 07:17 AM +0530 பொள்ளாச்சியில் பெண்களுக்கு எதிராக நடைபெற்ற பாலியல் வன்கொடுமை சம்பவங்களை கண்டித்து உடுமலையில் அனைத்துக் கட்சி சார்பில் வெள்ளிக்கிழமை ஆர்ப்பாட்டம் நடைபெற்றது.
 உடுமலை மத்திய பேருந்து நிலையம் அருகே நடைபெற்ற ஆர்ப்பாட்டத்துக்கு திமுக மாவட்டச் செயலாளர் இல.பத்மநாபன் தலைமை வகித்தார். அப்போது, அதிமுக அரசைக் கண்டித்து முழக்கங்கள் எழுப்பப்பட்டன.  ஆர்ப்பாட்டத்தில் எம்.மத்தீன் (திமுக), உடுமலை ஜெயான் (காங்கிரஸ்), எஸ்.ஆர்.மதுசூதனன் (மார்க்சிஸ்ட்  கம்யூனிஸ்ட் கட்சி), ஆர்.டி.மாரியப்பன் (மதிமுக), வி.சௌந்தரராஜன் (இந்திய கம்யூனிஸ்ட் கட்சி), தம்பி பிரபாகரன் (திராவிடர் கழகம்), பெரியார்தாசன் (ஆதித் தமிழர் பேரவை), விடுதலைச் சிறுத்தைகள் மற்றும்  பொது நல அமைப்புகளைச் சேர்ந்த நிர்வாகிகள் என சுமார் 500 க்கும் மேற்பட்டோர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/16/உடுமலையில்-அனைத்துக்-கட்சியினர்-ஆர்ப்பாட்டம்-3114603.html
3114602 கோயம்புத்தூர் திருப்பூர் ஸ்ரீ வில்லிபுத்தூர் கோயில் விவகாரம்: இந்து முன்னணி கண்டனம் DIN DIN Saturday, March 16, 2019 07:17 AM +0530 ஸ்ரீ வில்லிபுத்தூர் கோயிலில் தேர்தல் அதிகாரிகளின் செயல்பாட்டுக்கு இந்து முன்னணி கண்டனம் தெரிவித்துள்ளது.
இதுகுறித்து இந்து முன்னணி மாநிலத் தலைவர் காடேஸ்வரா சுப்பிரமணியம், வெள்ளிக்கிழமை வெளியிட்டுள்ள செய்திக் குறிப்பு:
ஸ்ரீ வில்லிபுத்தூர் கோயிலில் தேர்தல் சின்னம் வரையப்பட்டு இருப்பதாக கூறி கோயிலின் அடிப்படை விதிகளை மீறி, வழிபாட்டு உரிமையைப் பறிக்கும் வகையில் தேர்தல் அதிகாரிகள் செயல்பட்டுள்ளனர். இந்தச் செயலை இந்து முன்னணி வன்மையாகக் கண்டிக்கிறது. தேர்தலுக்காக ஒதுக்கப்பட்டுள்ள சின்னங்கள் பல அன்றாட வாழ்க்கையில் உபயோகப்படுத்தப்படுகிறது. 
இந்நிலையில், கோயில்களில் பெண் தெய்வங்கள் வீற்றிருப்பது தாமரைப் பூ மீது தான். ஆகவே, தமரைப்பூ என்பது கோயில்களில் சிற்ப வடிவிலோ அல்லது கோல வடிவிலோ காணலாம். எனவே அதனை தேர்தல் சின்னம் எனக் கூறி கோயிலுக்குள் சென்று அங்கு போடப்பட்டிருந்த கோலத்தை தேர்தல் அதிகாரிகள் அழிக்கச் சொல்வது வழிபாட்டு உரிமைகளை தடுக்கும் செயல் ஆகும். 
தேர்தல் நல்ல முறையில் நடக்க வேண்டும் என்றும் நடுநிலையாக இருக்க வேண்டும் என்பதில் மாற்றுக் கருத்து கிடையாது. ஆனால்,  இதுபோன்ற முறையற்ற நடவடிக்கைகளை தேர்தல் அதிகாரிகள் செய்யாமல் இருக்க வேண்டும் என்று தெரிவிக்கப்பட்டுள்ளது. 
 

]]>
https://www.dinamani.com/all-editions/edition-coimbatore/tiruppur/2019/mar/16/ஸ்ரீ-வில்லிபுத்தூர்-கோயில்-விவகாரம்-இந்து-முன்னணி-கண்டனம்-3114602.html
3114601 கோயம்புத்தூர் திருப்பூர் ஆட்சியர் அலுவலகத்தில் ஊடகச் சான்று மையம் திறப்பு DIN DIN Saturday, March 16, 2019 07:16 AM +0530 மக்களவைத் தேர்தலை ஒட்டி திருப்பூர் மாவட்ட ஆட்சியர் அலுவலகத்தில் ஊடகச் சான்று மற்றும் கண்காணிப்புக்குழு மையத்தை ஆட்சியர் கே.எஸ்.பழனிசாமி வெள்ளிக்கிழமை திறந்து வைத்தார். 
 திருப்பூர் மாவட்டத்தில் வேட்பாளர்களின் விளம்பரங்கள் மற்றும் அரசியல் கட்சிகளின் செயல்பாடுகளைக் கண்காணிக்க ஆட்சியர் அலுவலகத்தில் ஊடகச் சான்று மற்றும் கண்காணிப்புக்குழு மையத்தை ஆட்சியர் கே.எஸ்.பழனிசாமி தொடங்கிவைத்தார். இந்த மையம் 24 மணி நேரமும் செல்படும் என்றும், இதனைக் கண்காணிக்க சிறப்பு அலுலர்களும் நியமிக்கப்பட்டுள்ளனர்.  
 இக்குழுவினர் உள்ளுர் தொலைகாட்சிகளில் வேட்பாளர்கள் தரப்பில் வெளியிடப்படும் விளம்பரங்களை பதிவு செய்து ஆட்சியரின் ஒப்புதலுடன் தேர்தல் செலவினப் பார்வையாளர்களிடம் சமர்ப்பிக்க உள்ளனர்.
தேர்தல் குறித்த விவரங்களை பத்திரிகையாளர்கள், தொலைக்காட்சி செய்தியாளர்கள் தெரிந்து கொள்ளும் வகையில் செய்தி மக்கள் தொடர்பு அலுவலகம் சார்பில் அமைக்கப்பட்டுள்ள தேர்தல் ஊடக மையம் (மீடியா சென்டர்) ஆட்சியர் தொடங்கிவைத்து பார்வையிட்டார். 
 விழாவில், மாவட்ட வருவாய் அலுவலர் ஆர்.சுகுமார், மாவட்ட ஆட்சியரின் நேர்முக உதவியாளர் (பொது) கீதா பிரியா, மாவட்ட செய்தி மக்கள் தொடர்பு அலுவலர் பா. ஜான் ஜெகத் பிரைட்,  மாவட்ட ஆட்சியரின் நேர்முக உதவியாளர் (கணக்கு) ஜெயபாலன், உதவி திட்ட அலுவலர் (கணக்கு) ராதா, தேர்தல் வட்டாட்சியர் ச.முருகதாஸ் மற்றும் அரசு அலுவலர்கள் உள்பட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/16/ஆட்சியர்-அலுவலகத்தில்-ஊடகச்-சான்று-மையம்-திறப்பு-3114601.html
3114600 கோயம்புத்தூர் திருப்பூர் தேர்தல் பணியில் ஈடுபட்டுள்ள மண்டல அலுவலர்களுக்குப் பயிற்சி DIN DIN Saturday, March 16, 2019 07:16 AM +0530 திருப்பூர் மாவட்டத்தில் தேர்தல் பணியில் ஈடுபட்டுள்ள மண்டல அலுவலர்களுக்கான பயிற்சி வகுப்பை ஆட்சியர் கே.எஸ்.பழனிசாமி வெள்ளிக்கிழமை தொடங்கிவைத்தார். 
மக்களவைத் தேர்தலை ஒட்டி திருப்பூர் மாவட்டத்தில் உள்ள 8 சட்டப்பேரவைத் தொகுதிகளில் மண்டலங்கள் உருவாக்கப்பட்டு மண்டல அலுவலர்கள் மற்றும் உதவி மண்டல அலுவர்கள் நியமிக்கப்பட்டுள்ளனர். இதன்படி  தாராபுரம் (தனி) -28,  காங்கயம்-28 , அவிநாசி(தனி) -29, திருப்பூர் வடக்கு-28 ,  திருப்பூர் தெற்கு-21 ,  பல்லடம்-36 , உடுமலை- 27 ,மடத்துக்குளம் 26 என மொத்தம் 223 மண்டலங்கள் உருவாக்கப்பட்டுள்ளன.
 இதில் உள்ள மண்டல அலுவலர்கள் மற்றும் உதவி மண்ட அலுவலர்களுக்கு தேர்தல் தொடர்பான பயிற்சி வகுப்பை திருப்பூர் மாவட்ட ஆட்சியர் அலுவலகத்தில் ஆட்சியர் கே.எஸ்.பழனிசாமி தொடங்கிவைத்துப் பேசியதாவது: 
ஒவ்வொரு வாக்குச் சாவடியையும்  தணிக்கை செய்து, வாக்குச்சாவடி அமைந்துள்ள இடத்தின் நிலை, வாக்குச்சாவடிக் கட்டடம், தளவாடங்கள், அடிப்படை வசதிகள் (குடிநீர் வசதி, சாய்வுதள வசதி, மின் வசதி, கழிப்பறை வசதி, தொலைபேசி வசதி) மற்றும் பாதுகாப்பு தொடர்பான வசதிகள் குறித்து ஆய்வு செய்ய வேண்டும். 
 அதே வேளையில், பிரச்னைக்குரிய மற்றும் சட்டம்-ஒழுங்கு பிரச்னைகள் ஏற்படக் கூடிய வாக்குச்சாவடிகள் இருந்தால் அது குறித்து ஆய்வு செய்திருக்க வேண்டும். அலுவலர்களுக்கு உரிய பயிற்சி  அளிக்கத்தக்க வகையில், வாக்குச் சாவடிகளில் மேற்கொள்ள வேண்டிய பணிகள் குறித்து முழுமையான விவரங்களை தெரிந்து வைத்திருக்க வேண்டும்.
 மின்னணு வாக்குப்பதிவு இயந்திரங்கள் பச்சை நிற முத்திரைத் தாள்கள் உலோக முத்திரை, அழியா மைக்குப்பிகள், வாக்காளர் பட்டியல்கள் தேவையான அளவு உபரி படிவங்கள், கவர்கள், பொருள்கள் ஆகியவற்றை கைவசம் வைத்துக்கொள்ள வேண்டும். 
வாக்குச்சாவடி அமைந்துள்ள பகுதிகளில் தேர்தல் நடத்தை விதிகள் முழுமையாக கடைப்பிடிக்கப்படுகிறதா என்பது குறித்து கள ஆய்வு செய்து உறுதி செய்ய வேண்டும். மின்னணு வாக்குப்பதிவு இயந்திரத்தினை இயக்குவதற்கு வாக்குச்சாவடி அலுவலர்கள் அனைவரும் தெரிந்துள்ளனரா என்பதை உறுதிப்படுத்த வேண்டும் என்றார். 
 இதையடுத்து, மின்னணு வாக்குப்பதிவு இயந்திரங்களைக் கையாள்வது தொடர்பான பயிற்சியும் அளிக்கப்பட்டது. 
இந்தப் பயிற்சியின் போது, மாவட்ட வருவாய் அலுவலர் ஆர்.சுகுமார், மாவட்ட ஆட்சியரின் நேர்முக உதவியாளர் (பொது) கீதா பிரியா, தமிழ்நாடு நுகர்பொருள் வாணிப கழக மண்டல மேலாளர் இந்திரா, தேர்தல் வட்டாட்சியர் ச.முருகதாஸ் மற்றும் அரசு அலுவலர்கள் உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/16/தேர்தல்-பணியில்-ஈடுபட்டுள்ள-மண்டல-அலுவலர்களுக்குப்-பயிற்சி-3114600.html
3114599 கோயம்புத்தூர் திருப்பூர் வெள்ளக்கோவிலில் செயல்படாத நகராட்சி ஆடுவதைக் கூடம் DIN DIN Saturday, March 16, 2019 07:16 AM +0530 வெள்ளக்கோவிலில் உள்ள நகராட்சி ஆடுவதைக் கூடம் செயல்படாமல் உள்ளது.
முத்தூர் சாலை வாரச்சந்தைக்கு பின்புறம் கடந்த நான்கு ஆண்டுகளுக்கு முன்பு ஆடுவதைக் கூடம் கட்டப்பட்டது. நகராட்சிப் பகுதியில் உள்ள ஆட்டு இறைச்சிக் கடைக்காரர்கள் ஆடுகளை இங்கு கொண்டு வந்து வதை செய்து, பின்னர் முத்திரையிட்டு சுகாதாரமான முறையில் இறைச்சி விற்பனை செய்ய வேண்டும்.
ஆனால் கடைக்காரர்கள் தங்களது கடைகள், வீடுகளிலேயே ஆடுகளை அறுத்து இறைச்சி விற்பனை செய்து வருகின்றனர். ஆடுவதைக் கூடம் ஏலம் எடுத்தவர், கூடத்தில் ஆடுகள் வதை செய்யப்பட்டதாகக் கணக்கு காட்டி, கடைக்காரர்களிடம் வசூல் செய்து வருவதாகத் தெரிகிறது. இதனை சுகாதார ஆய்வாளரும் கண்டு கொள்வதில்லை எனப் பொதுமக்கள் குற்றம்சாட்டுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/mar/16/வெள்ளக்கோவிலில்-செயல்படாத-நகராட்சி-ஆடுவதைக்-கூடம்-3114599.html
3114598 கோயம்புத்தூர் திருப்பூர் காங்கயத்தில் மேற்கூரையைப் பிரித்து இரண்டு கடைகளில் திருட்டு DIN DIN Saturday, March 16, 2019 07:16 AM +0530 காங்கயம் அருகே இரண்டு கடைகளின் மேற்கூரையை பிரித்து கடையில் இருந்த பணம், செல்லிடப்பேசியை திருடிச் சென்ற மர்மநபர்களை போலீஸார் தேடி வருகின்றனர்.
காங்கயம் - சென்னிமலை சாலையில் உள்ள நால்ரோடு பிரிவில் கேரளத்தைச் சேர்ந்த பஷீர் என்பவர் பேக்கரி நடத்தி வருகிறார். இந்நிலையில், வியாழக்கிழமை இரவு வழக்கம்போல கடையை பூட்டி விட்டுச் சென்றுள்ளார்.
பின்னர் வெள்ளிக்கிழமை காலை கடையை திறந்து உள்ளே சென்று பார்த்தபோது, மேஜை டிராயர் உடைக்கப்பட்டு, அதிலிருந்து ரூ.20 ஆயிரம் ரொக்கம் திருடப்பட்டது தெரியவந்தது. இதில் திருடர்கள் கடையின் மேற்கூரையை பிரித்து உள்ளே இறங்கியது தெரியவந்தது. மேலும், பேக்கரி அருகே உள்ள செல்லிடப்பேசி கடையின் மேற்கூரையைப் பிரித்து உள்ளே சென்ற மர்மநப்ரகள் அங்கிருந்த ரூ.50 ஆயிரம் மதிப்புள்ள 5 செல்லிட்பேசிகளை திருடிச் சென்றுள்ளனர். இது குறித்து காங்கயம் போலீஸார் வழக்குப் பதிவு செய்து விசாரணை நடத்தி வருகின்றனர். மேலும் அப்பகுதியில் பொருத்தப்பட்டுள்ள கண்காணிப்பு கேமராக்களில் பதிவான காட்சிகளை சேகரித்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/16/காங்கயத்தில்-மேற்கூரையைப்-பிரித்து-இரண்டு-கடைகளில்-திருட்டு-3114598.html
3114597 கோயம்புத்தூர் திருப்பூர் ரூ.26.48 லட்சத்துக்கு  சூரியகாந்தி விதை விற்பனை DIN DIN Saturday, March 16, 2019 07:15 AM +0530 வெள்ளக்கோவில் ஒழுங்கு முறை விற்பனைக் கூடத்தில் ரூ.26.48 லட்சத்துக்கு சூரியகாந்தி விதை வியாழக்கிழமை விற்பனை செய்யப்பட்டது.
 இந்த வார ஏலத்துக்கு திண்டுக்கல், பள்ளபட்டி, பழனி, ஒட்டன்சத்திரம், வேடசந்தூர், அறவக்குறிச்சி பகுதிகளைச் சேர்ந்த 80 விவசாயிகள் தங்களுடைய 1,534 மூட்டைகள் சூரியகாந்தி விதைகளைக் கொண்டு வந்திருந்தனர். மொத்தம் 75,475 கிலோ வரத்து இருந்தது.
 காங்கயம், முத்தூர், ஈரோடு, கோபி, கஸ்பாபேட்டை, பூனாச்சி, காரமடையைச் சேர்ந்த 10 வணிகர்கள் இவற்றை வாங்க வந்திருந்தனர். விற்பனைக் கூட கண்காணிப்பாளர் ரா.மாரியப்பன் முன்னிலையில் நடந்த ஏலத்தில் தரமான சூரியகாந்தி விதை அதிகபட்சமாக ஒரு கிலோ ரூ.36.97 க்கும், இரண்டாம் தரம் ஒரு கிலோ ரூ.30.19 க்கும் விலை போனது.
 சராசரி விலை கிலோ ரூ.35.69. ஒட்டு மொத்த விற்பனைத் தொகை ரூ.26 லட்சத்து 48 ஆயிரத்து 83, அந்தந்த விவசாயிகளின் வங்கிக் கணக்குகளில் செலுத்தப்பட்டது.

]]>
https://www.dinamani.com/all-editions/edition-coimbatore/tiruppur/2019/mar/16/ரூ2648-லட்சத்துக்கு--சூரியகாந்தி-விதை-விற்பனை-3114597.html
3114596 கோயம்புத்தூர் திருப்பூர் திருப்பூரில் கத்திக் குத்து காயங்களுடன் ஆண் சடலம் மீட்பு DIN DIN Saturday, March 16, 2019 07:15 AM +0530 திருப்பூர் பழைய பேருந்து நிலையம் அருகே கத்திக் குத்து காயங்களுடன் அடையாளம் தெரியாத ஆண் சடலத்தை காவல் துறையினர் வெள்ளிக்கிழமை மீட்டனர். 
 திருப்பூர் பழைய பேருந்து நிலையம் அருகே உள்ள காட்டன் மார்க்கெட் பகுதியில் ஆண் ஒருவர் கத்திக்குத்து காயங்களுடன் சடலமாகக் கிடப்பதாக தெற்கு காவல் துறையினருக்கு தகவல் கிடைத்தது. இந்தத் தகவலின்படி சம்பவ இடத்துக்குச் சென்ற காவல் துறையினர் சடலத்தை மீட்டு பிரேதப் பரிசோதனைக்காக அரசு மருத்துவமனைக்கு அனுப்பிவைத்தனர். விசாரணையில், மர்மமான முறையில் உயிரிழந்த நபருக்கு 55 வயது இருக்கலாம் என்றும், மார்பு பகுதியில் சில இடங்களில் கத்திக்குத்து காயங்கள் இருந்ததும் தெரியவந்தன.
 சடலமாகக் கிடந்தவர் யார், எந்த ஊர் என்பது குறித்து தெரியவில்லை. மேலும் சடலத்தின் அருகே தூங்கிக் கொண்டிருந்த இருவரை பிடித்து பேலீஸார் விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/16/திருப்பூரில்-கத்திக்-குத்து-காயங்களுடன்-ஆண்-சடலம்-மீட்பு-3114596.html
3114595 கோயம்புத்தூர் திருப்பூர் மூலனூர் விற்பனைக் கூடத்தில் ரூ.1.43 கோடிக்கு பருத்தி விற்பனை DIN DIN Saturday, March 16, 2019 07:15 AM +0530 வெள்ளக்கோவிலை அடுத்த மூலனூர் ஒழுங்கு முறை விற்பனைக் கூடத்தில் ரூ.1.43 கோடிக்கு வெள்ளிக்கிழமை பருத்தி விற்பனை நடைபெற்றது. 
 இந்த வார ஏலத்துக்கு தாராபுரம், திண்டுக்கல், திருச்சி, மணப்பாறை, கரூர், அறவக்குறிச்சி, உடுமலைப்பேட்டை, மூலனூர் உள்ளிட்ட பகுதிகளில் இருந்து 685 விவசாயிகள் தங்களுடைய பருத்திகளை விற்பனை செய்ய கொண்டு வந்திருந்தனர்.
 உடுமலைப்பேட்டை, திருப்பூர், பொள்ளாச்சி, காரமடை, திண்டுக்கல், அன்னூர், தாராபுரம், சேவூர், கொங்கனாபுரம், மகுடஞ்சாவடி, சாமநாயக்கன்பாளையம், பழனி, அவிநாசி உள்ளிட்ட இடங்களில் இருந்து 21 வணிகர்கள் பருத்தி வாங்குவதற்காக வந்திருந்தனர். விற்பனைக் கூடக் கண்காணிப்பாளர் தர்மராஜ் முன்னிலையில் ஏலம் நடைபெற்றது.
மொத்தம் 8,206 மூட்டைகள் வரத்து இருந்தது. குவிண்டால் ரூ.4,900 முதல் ரூ.5,990 வரை விற்பனையானது. சராசரி விலை ரூ.5,600 ஆகும். இவற்றின் விற்பனைத் தொகை ரூ. ஒரு கோடியே 43 லட்சம் அந்தந்த விவசாயிகளின் வங்கிக் கணக்குகளில் செலுத்தப்பட்டது.
 நன்கு உலர வைத்த தரமான பருத்தியைக் கொண்டு வந்து கூடுதல் விலைக்கு விற்றுப் பயன்பெறுமாறு திருப்பூர் விற்பனைக் குழு முதுநிலை செயலாளர் பாலசந்திரன் கேட்டுக் கொண்டுள்ளார்.

]]>
https://www.dinamani.com/all-editions/edition-coimbatore/tiruppur/2019/mar/16/மூலனூர்-விற்பனைக்-கூடத்தில்-ரூ143-கோடிக்கு-பருத்தி-விற்பனை-3114595.html
3114594 கோயம்புத்தூர் திருப்பூர் திருமண மண்டப உரிமையாளர்கள் ஆலோசனைக் கூட்டம் DIN DIN Saturday, March 16, 2019 07:15 AM +0530 மக்களவைத் தேர்தல் தொடர்பாக வெள்ளக்கோவில் காவல் நிலையத்தில் திருமண மண்டப உரிமையாளர்கள் ஆலோசனைக் கூட்டம் வெள்ளிக்கிழமை நடைபெற்றது.
மக்களவைத் தேர்தல் தேதி அறிவிக்கப்பட்டு தேர்தல் நடத்தை விதிமுறைகள் அமலில் உள்ளன. திருமண மண்டப உரிமையாளர்கள் கடைப்பிடிக்க வேண்டிய தேர்தல் சமய விதிமுறைகள் குறித்த ஆலோசனைக் கூட்டம் காவல் துறை சார்பில் நடத்தப்பட்டது.
 அப்போது, திருமண மண்டபங்களில் தேர்தல் தொடர்பான கூட்டங்கள் நடத்த சம்பந்தப்பட்ட தேர்தல் அலுவலரிடம் முன் அனுமதி பெற்றிருக்க வேண்டும். அவ்வாறு இல்லாவிட்டால் வாடகைக்கு விடக் கூடாது.
 மண்டபங்கள், மண்டப காலியிடங்களில் அரசியல் கட்சிகளின் கொடிகள், பேனர்கள், சுவரொட்டிகள், சின்னங்கள் வைக்கக் கூடாது. அனுமதி பெற்று நடைபெறும் நிகழ்ச்சிகளில் பணம், உணவு, பரிசுப் பொருள்கள் போன்றவை கொடுப்பது தெரியவந்தால் உடனே தகவல் தெரிவிக்க வேண்டும்.
 உரிய முறையில் பதிவேடுகள் பராமரிக்க வேண்டும். விதிமீறல்கள் நடந்தால் மண்டப உரிமையாளர்கள் மீது சட்டப்படி நடவடிக்கை எடுக்கப்படும் எனத் தெரிவிக்கப்பட்டது. இக் கூட்டத்தில் வெள்ளக்கோவில் காவல் நிலைய ஆய்வாளர் மு.ஜெயபாலன் உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/16/திருமண-மண்டப-உரிமையாளர்கள்-ஆலோசனைக்-கூட்டம்-3114594.html
3114593 கோயம்புத்தூர் திருப்பூர் அச்சக உரிமையாளர்களுக்கு கட்டுப்பாடு: வருவாய்த் துறை அறிவிப்பு DIN DIN Saturday, March 16, 2019 07:14 AM +0530 மக்களவைத் தேர்தலை ஒட்டி தனி நபர்களை கடுமையாக விமர்சனம் செய்து துண்டறிக்கை, போஸ்டர்கள் அச்சடித்து வெளியிடக் கூடாது என அச்சக உரிமையாளர்களுக்கு கட்டுப்பாடு விதிக்கப்பட்டுள்ளது.
 மக்களவைத் தேர்தலை ஒட்டி அச்சக உரிமையாளர்கள் மற்றும் திருமண மண்டப  உரிமையாளர்கள், வாடகை வாகன உரிமையாளர்கள் ஆகியோருக்கு பல்வேறு கட்டுப்பாடுகள் விதிக்கப்பட்டுள்ளன. 
இது குறித்து வருவாய்த் துறை அதிகாரிகள் கூறியது:
தனி நபர் மற்றும் அரசு ஆதரவு, எதிர்ப்பு ஆகியவை குறித்து கடுமையான விமர்சனங்களை துண்டறிக்கை, போஸ்டர், பிளக்ஸ் போர்டுகளிலோ அச்சக உரிமையாளர்கள் அச்சிட்டு வெளியிடக் கூடாது.
 தேர்தல் தொடர்பாக அச்சிடப்படும் கருத்துக்கள் குறித்து தொடர்புடைய நபர்களிடம் எழுத்துப் பூர்வமாகவும், அவரது தொலைபேசி எண்ணுடன் பெற்றுக் கொள்ள வேண் டும்.
 வெளியிடப்படும் துண்டறிக்கைகள், போஸ்டர்கள் இவைகளில் அச்சகத்தின் பெயர்களை கீழே குறிப்பிட வேண்டும். அதேபோல திருமண மண்டபங்களை பதிவு செய்யும் அரசியல் கட்சி பிரமுகர்கள் விபரங்களை வருவாய்த் துறையினரிடம் தெரிவிக்க வேண்டும்.
 மேலும் அரசியல் கட்சிகள் சார்பில் உணவு வகைகளை சமைக்கும்போது அது குறித்தும் தகவல் தெரிவிக்க வேண்டும். அரசியல் கட்சி நிர்வாகிகள் ஆட்டோ, மினி ஆட்டோ ஆகியவற்றை உபயோகப்படுத்தும்போது அந்த வாகன ங்களின் தோற்றத்தை மாற்றக் கூடாது. அப்படி மாற்றினால் வட்டாரப் போக்குவரத்து அலுவலகத்தில் அனுமதி வாங்க வேண்டும்.
 

]]>
https://www.dinamani.com/all-editions/edition-coimbatore/tiruppur/2019/mar/16/அச்சக-உரிமையாளர்களுக்கு-கட்டுப்பாடு-வருவாய்த்-துறை-அறிவிப்பு-3114593.html
3114592 கோயம்புத்தூர் திருப்பூர் குமரன் கல்லூரியில் தேசிய நுகர்வோர் பாதுகாப்பு தின விழா DIN DIN Saturday, March 16, 2019 07:14 AM +0530 திருப்பூர் குமரன் மகளிர் கல்லூரியில் தேசிய நுகர்வோர் பாதுகாப்பு தின விழா வெள்ளிக்கிழமை நடைபெற்றது.
 திருப்பூர் குமரன் மகளிர் கல்லூரியின் முதுகலை வணிகவியல் மற்றும் ஆராய்ச்சி துறை சார்பில், தேசிய நுகர்வோர் பாதுகாப்பு தின விழா கல்லூரியில் வளாகத்தில் நடைபெற்றது. இதில் மாவட்ட நுகர்வோர் குறைதீர் மன்றத் தலைவர் சிவானந்தஜோதி பேசியதாவது:
 நுகர்வோர்கள் கவர்ச்சிகரமான விளம்பரங்களைப் பார்த்து ஏமாறக் கூடாது. நுகர்வோர் பாதுகாப்பு சட்டம் அமல்படுத்தியபின், கடைக்காரர்கள் செய்யும் தவறுகளை தட்டிக் கேட்க வாய்ப்பு ஏற்பட்டுள்ளது.
 மாநில, மாவட்ட அளவில் குறைகளைக் கேட்க நுகர்வோர் மன்றங்கள் செயல்படுகின்றன. சேவையில் குறைபாடு இருந்தால், உடனடியாக புகார் செய்ய முடியும். காசு கொடுத்து பொருள் வாங்கும்போது, எடை, ஐ.எஸ்.ஐ., முத்திரை, காலாவதி காலம், வரியினங்கள் மற்றும் அவற்றின் தரம் போன்றவற்றில் நுகர்வோர் கவனமாக இருக்க வேண்டும். பொருள் வாங்கும்போது, ரசீது வாங்க வேண்டும் என்றார்.   இந்நிகழ்ச்சியில், கல்லூரி முதல்வர் ரேச்சல் நான்சி பிலிப், நடராஜன், சிந்து சுப்பிரமணியம், வணிகவியல் துணைத் தலைவர் வசந்தி, பேராசிரியை ராதாமணி உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/mar/16/குமரன்-கல்லூரியில்-தேசிய-நுகர்வோர்-பாதுகாப்பு-தின-விழா-3114592.html
3114591 கோயம்புத்தூர் திருப்பூர் அனுமதி பெறாமல் சுவரொட்டி: நாம் தமிழர் கட்சியினர் மீது வழக்கு DIN DIN Saturday, March 16, 2019 07:14 AM +0530 வெள்ளக்கோவிலில் அனுமதி பெறாமல் சுவரொட்டிகள் ஒட்டியதாக நாம் தமிழர் கட்சியினர் மீது போலீஸார் வழக்குப் பதிவு செய்துள்ளனர்.
 முத்தூர் சாலையில் உள்ள மாந்தபுரம் பகுதியில் திருமுருகப் பெருவிழாவுக்கு வருகை தருபவர்களை வரவேற்கும் வகையில் நாம் தமிழர் கட்சியினர்  சுவரொட்டிகளை ஒட்டியிருந்தனர். இவ்வாறு மக்களின் பார்வைக்குத் தெரியும் படி எவ்வித அனுமதியும் பெறாமல் பல இடங்களில் ஒட்டப்பட்டு இருந்தன. இது குறித்து வெள்ளக்கோவில் காவல் நிலைய உதவி ஆய்வாளர் முரளிதரன், நாம் தமிழர் கட்சியினர் மீது வழக்குப் பதிவு செய்து விசாரணை நடத்தி வருகிறார். இதே போல ஆண்டிபாளையம் கடை வீதியில் மு.க.அழகிரிக்குப் பிறந்த நாள் வாழ்த்து தெரிவித்து விளம்பர பேனர் வைக்கப்பட்டது குறித்து போலீஸார் விசாரணை செய்து வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/16/அனுமதி-பெறாமல்-சுவரொட்டி-நாம்-தமிழர்-கட்சியினர்-மீது-வழக்கு-3114591.html
3114590 கோயம்புத்தூர் திருப்பூர் அறிவியல் திறனறிதல் போட்டி: காங்கயம் ஸ்ரீராஜராஜேஸ்வரி பள்ளி சிறப்பிடம் DIN DIN Saturday, March 16, 2019 07:13 AM +0530 தமிழ்நாடு அறிவியல் இயக்கம் சார்பில் மாவட்ட அளவிலான துளிர் அறிவியல் திறனறிதல் விநாடி வினா போட்டியில் காங்கயம் ஸ்ரீராஜராஜேஸ்வரி மெட்ரிக் மேல்நிலைப்பள்ளி மாணவர்கள் சிறப்பிடம் பெற்றுள்ளனர்.
 திருப்பூரில் நடைபெற்ற இப்போட்டியில் சுமார் 45 பள்ளிகளைச் சேர்ந்த மாணவ, மாணவிகள் கலந்து கொண்டனர். இதில், ஸ்ரீ ராஜராஜேஸ்வரி மெட்ரிக் பள்ளி மாணவன் த.சிவசக்தி மாவட்ட அளவில் மூன்றாவது இடத்தையும், மாணவி பா.ஹாசினி பள்ளி அளவில் முதலிடத்தையும் பெற்றுள்ளனர். வெற்றி பெற்ற மாணவர்கள் மற்றும் பயிற்சி அளித்த ஆசிரியர்கள் வி.பிரேமா, டி.சாந்தி ஆகியோருக்கு பள்ளித் தாளாளர் கே.வைத்தீஸ்வரன், பள்ளி முதல்வர் மு.ப.பழனிவேலு மற்றும் ஆசிரியர்கள் பாராட்டினர்.
 

]]>
https://www.dinamani.com/all-editions/edition-coimbatore/tiruppur/2019/mar/16/அறிவியல்-திறனறிதல்-போட்டி-காங்கயம்-ஸ்ரீராஜராஜேஸ்வரி-பள்ளி-சிறப்பிடம்-3114590.html
3114159 கோயம்புத்தூர் திருப்பூர் வெள்ளக்கோவிலில் இலவச சுய வேலைவாய்ப்புப் பயிற்சி DIN DIN Friday, March 15, 2019 08:40 AM +0530 வெள்ளக்கோவிலில் மத்திய கிராமப்புற அமைச்சக வழிகாட்டுதல்படி இலவச சுய வேலைவாய்ப்புப் பயிற்சி வகுப்பு வியாழக்கிழமை துவங்கப்பட்டது.
வெள்ளக்கோவில் மகிழம் பொதுநல அறக்கட்டளை,  சர் பிட்டி தியாகராயர் தொழிலாளர் நலச் சங்கம் ஆகியவற்றுடன் இணைந்து கனரா வங்கி இந்தப் பயிற்சி முகாமை நடத்துகிறது. 10 நாள்கள் நடைபெறும் இந்த பயிற்சி வகுப்புத் 
துவக்க விழாவுக்கு மகிழம் அறக்கட்டளைப் பொதுச் செயலாளர் கே.ஜி.நட்ராஜ் தலைமை வகித்தார். கனரா வங்கி மாவட்டப் பயிற்சி நிலைய அலுவலர் கோகுலகிருஷ்ணன் கையேடுகளை வழங்கிப் பயிற்சியைத் துவக்கி வைத்தார். 
இதில், இளைஞர்கள், பெண்கள், விவசாயிகள், சுய உதவிக் குழுக்களைச் சேர்ந்தவர்களுக்குப் பயிற்சி அளிக்கப்படுகிறது. பயிற்சி முடிவில் மத்திய அரசின் சான்றிதழ் வழங்கப்பட்டு, அவர்கள் சுய தொழில் செய்யவும், வேலைவாய்ப்புப் பெறவும் வழிகாட்டுதல் தரப்படுகிறது. வெள்ளக்கோவிலில் துவங்கப்பட்டுள்ள இந்தப் பயிற்சி வகுப்பில் முதல்கட்டமாக 35 பெண்கள் சேர்ந்துள்ளனர். இவர்களுக்கு குளியல் சோப், சலவை சோப், சோப் ஆயில், பினாயில், மெழுகுவர்த்தி, ஊதுபத்தி தயாரிப்பு குறித்து கற்றுத் தரப்படுகிறது. மேலும், விவரங்களுக்கு மாவட்ட கனரா வங்கியை அணுகுமாறு தெரிவிக்கப்பட்டுள்ளது.இதில், பயிற்சி ஆசிரியை ஜோதி உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/mar/15/வெள்ளக்கோவிலில்-இலவச-சுய-வேலைவாய்ப்புப்-பயிற்சி-3114159.html
3114158 கோயம்புத்தூர் திருப்பூர் 10ஆம் வகுப்புப் பொதுத்தேர்வு: மாவட்டத்தில் 29,758 பேர் எழுதினர் DIN DIN Friday, March 15, 2019 08:40 AM +0530 பத்தாம் வகுப்புப் பொதுத் தேர்வை திருப்பூர் மாவட்டத்தில் 29,758 பேர் எழுதினர்.
இத்தேர்வுக்காக, திருப்பூர் மாவட்டத்தில் 92 மையங்கள் அமைக்கப்பட்டுள்ளன. 348 பள்ளிகளைச் சேர்ந்த 30,286 பேர் விண்ணப்பித்திருந்தனர். இதில், வியாழக்கிழமை நடைபெற்ற தேர்வில் 29,251 பேர் எழுதினர். 1035 பேர் எழுதவில்லை. தனித் தேர்வர்கள் 553 பேரில் 507 பேர் எழுதினர். 46 பேர் தேர்வு எழுதவில்லை.
அனுப்பர்பாளையம் அரசு மேல்நிலைப் பள்ளியில் நடைபெற்ற 10ஆம் வகுப்பு பொதுத் தேர்வு மையத்தை மாவட்ட ஆட்சியர் கே.எஸ்.பழனிசாமி ஆய்வு செய்தார். தேர்வு மையங்களில்  மாணவ, மாணவிகளைக் கண்காணிக்க 200 பேர் கொண்ட பறக்கும் படைகள் அமைக்கப்பட்டுள்ளன.
 

]]>
https://www.dinamani.com/all-editions/edition-coimbatore/tiruppur/2019/mar/15/10ஆம்-வகுப்புப்-பொதுத்தேர்வு-மாவட்டத்தில்-29758-பேர்-எழுதினர்-3114158.html
3114157 கோயம்புத்தூர் திருப்பூர் நூற்பாலையில் தீ விபத்து DIN DIN Friday, March 15, 2019 08:39 AM +0530 குடிமங்கலம் அருகே உள்ள பொட்டிநாயக்கனூர் கிராமத்தில் செயல்பட்டு வரும் தனியார் நூற்பாலையில் வியாழக்கிழமை தீ விபத்து ஏற்பட்டது.
குடிமங்கலம் அருகே உள்ள பொட்டிநாயக்கனூர் கிராமத்தில் தனியார் நூற்பாலை உள்ளது. நூற்பாலைக்கு வெளியே வைக்கப்பட்டிருந்த பஞ்சு மூட்டைகளில் வியாழக்கிழமை திடீரென தீப்பிடித்துக் கொண்டது.  இது குறித்து தகவல் கிடைத்ததும் உடுமலை தீயணைப்புப் படையினர் விரைந்து சென்று சுமார் ஒரு மணி நேரம் போராடித் தீயை அணைத்தனர். மின் கசிவு காரணமாக தீ விபத்து நேரிட்டிருக்காலம் எனவும், சேத மதிப்பு குறித்து கணக்கிடப்பட்டு வருவதாகவும் தீயணைப்பு படையினர் தெரிவித்தனர்.
இது குறித்து குடிமங்கலம் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/15/நூற்பாலையில்-தீ-விபத்து-3114157.html
3114156 கோயம்புத்தூர் திருப்பூர் பள்ளி மாணவன் மாயம் DIN DIN Friday, March 15, 2019 08:39 AM +0530 அவிநாசியில் காணாமல்போன அரசுப் பள்ளி மாணவன் குறித்து விசாரித்து வருகின்றனர்.
 அவிநாசி, குமரன் நகர் பகுதியைச் சேர்ந்தவர் சக்திவேல் (47). இவரது மனைவி வெண்ணிலா(35). இவர்களது மகன் 
ஸ்ரீதர்(12). இவர் அவிநாசி அரசு ஆண்கள் மேல்நிலைப் பள்ளியில் 7ஆம் வகுப்புப் படித்து வருகிறார். ஸ்ரீதர் அடிக்கடி பள்ளிக்குச் செல்லாமல் வீட்டில் இருந்துள்ளார்.இதனால், அவரை பெற்றோர் கண்டித்தனராம். இந்நிலையில்,  ஸ்ரீதர் புதன்கிழமை பள்ளிக்குச் செல்வதாகக் கூறிச் சென்றார். பின்னர் அவர் வீடு திரும்பவில்லை.
   இது குறித்து அவிநாசி போலீஸார் வழக்குப் பதிவு செய்து மாணவனைத் தேடி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/15/பள்ளி-மாணவன்-மாயம்-3114156.html
3114155 கோயம்புத்தூர் திருப்பூர் உயர் மின் கோபுரங்கள் அமைக்க எதிர்ப்பு தெரிவித்து விவசாயிகள் ஆர்ப்பாட்டம் DIN DIN Friday, March 15, 2019 08:39 AM +0530 விளைநிலங்களின் வழியாக உயர் மின் கோபுரங்கள் அமைக்கும் திட்டத்தைக் கண்டித்து  விவசாய சங்கங்களின் கூட்டமைப்பினர் திருப்பூரில் வியாழக்கிழமை ஆர்ப்பாட்டத்தில் ஈடுபட்டனர்.
  திருப்பூர் ரயில் நிலையம் அருகே உள்ள குமரன் நினைவிடம் முன்பு நடைபெற்ற இந்த ஆர்பாட்டத்துக்குத் தமிழக விவசாயிகள் பாதுகாப்பு சங்க மாநிலத் துணைத் தலைவர் சண்முகம் தலைமை வகித்தார்.  தமிழ்நாடு விவசாயிகள் சங்க மாநிலத் தலைவர் வி.சுப்பிரமணியம், கட்சி சார்பற்ற தமிழக விவசாயிகள் சங்க மாநிலப் பொருளாளர் தங்கராஜ்,  தமிழக கட்சி சார்பற்ற விவசாயிகள் சங்க மாநிலத் தலைவர் காளிமுத்து, தமிழ்நாடு  விவசாயிகள் சங்க மாவட்டச் செயலாளார் எஸ்.சின்னுசாமி, தமிழக விவசாயிகள் பாதுகாப்பு சங்க மாநிலச் செயலாளர் முத்து விஸ்வநாதன்,  தற்சார்பு விவசாய சங்கத்தின் பொன்னையன், தமிழ்நாடு விவசாயிகள் சங்க மாநிலத் துணை தலைவர்  எஸ்.ஆர்.மதுசூதனன் ஆகியோர் 
சிறப்புரையாற்றினர்.
   இதில், கோவை மக்களவைத் தொகுதி முன்னாள் உறுப்பினர் பி.ஆர். நடராஜன் விவசாயிகளின் கோரிக்கைகளை வலியுறுத்திப் பேசினார்.
 

]]>
https://www.dinamani.com/all-editions/edition-coimbatore/tiruppur/2019/mar/15/உயர்-மின்-கோபுரங்கள்-அமைக்க-எதிர்ப்பு-தெரிவித்து-விவசாயிகள்-ஆர்ப்பாட்டம்-3114155.html
3114154 கோயம்புத்தூர் திருப்பூர் பள்ளி மாணவியை திருமணம் செய்த பனியன் தொழிலாளி கைது DIN DIN Friday, March 15, 2019 08:38 AM +0530 திருப்பூரில் 10ஆம் வகுப்பு மாணவியைத் திருமணம் செய்த பனியன் தொழிலாளி புதன்கிழமை கைது செய்யப்பட்டார்.
  திருப்பூர், கல்லூரி சாலையில் குடும்பத்துடன் தங்கி பனியன் தொழிலாளியாகப் பணியாற்றி வருபவர் தினேஷ் (22), திருமணம் ஆனவர்.  இந்நிலையில், இவரும், அதே பகுதியைச் சேர்ந்த 10ஆம் வகுப்புப் படிக்கும் மாணவியும் கடந்த ஓராண்டாகக் காதலித்து வந்தனராம். இந்நிலையில், அவர்கள் இருவரும் கடந்த வாரம் திருமணம் செய்துகொண்டனர்.
இதைப் பற்றி தினேஷின் மனைவிக்கோ, மாணவியின் தாயாருக்கோ தகவல் தெரியவில்லை. இந்த மாணவி வழக்கம்போல பள்ளிக்குச் சென்று வந்துள்ளார்.
   இந்நிலையில், மாணவியின் புத்தகப் பையை அவரது தாயார் திறந்து பார்த்தபோது தாலி, மெட்டி ஆகியவை இருந்துள்ளன. இது குறித்து அவர் தனது மகளிடம் கேட்டபோது,  தனது திருமணம் குறித்து அந்த   மாணவி தெரிவித்துள்ளார்.
 இது குறித்து திருப்பூர் வடக்கு அனைத்து மகளிர் காவல் நிலையத்தில் மாணவியின் தாயார் புகார் அளித்தார். போலீஸார் விசாரணை நடத்தி, குழந்தைகள் பாலியல் குற்றப் பாதுகாப்புச் சட்டப் பிரிவின் கீழ் வழக்குப் பதிவு செய்து தினேஷை கைது செய்தனர்.

]]>
https://www.dinamani.com/all-editions/edition-coimbatore/tiruppur/2019/mar/15/பள்ளி-மாணவியை-திருமணம்-செய்த-பனியன்-தொழிலாளி-கைது-3114154.html
3114153 கோயம்புத்தூர் திருப்பூர் வீட்டின் பூட்டை உடைத்து  நகை திருட்டு DIN DIN Friday, March 15, 2019 08:38 AM +0530 அவிநாசி அருகே பழங்கரையில் வீட்டின் பூட்டை உடைத்து எட்டரைப் பவுன் நகை,  பணத்தை  மர்ம நபர்கள் திருடிச் சென்றனர்.
  பழங்கரை பேருந்து நிறுத்தம் அருகே வசித்து வருபவர் ஈஸ்வரன்(60), கூலித் தொழிலாளி. இவர், புதன்கிழமை மாலை தனது வீட்டைப் பூட்டிவிட்டு வெளியே சென்றுள்ளார். இந்நிலையில், அவர் வீட்டின் பூட்டு உடைத்து, பீரோவில் வைத்திருந்த எட்டரைப் பவுன் நகை, பணத்தை மர்ம நபர்கள் திருடிச் சென்றுள்ளனர்.
 இது குறித்து ஈஸ்வரன் அளித்த புகாரின்பேரில் அவிநாசி போலீஸார் வழக்குப் பதிவு செய்து  விசாரிக்கின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/15/வீட்டின்-பூட்டை-உடைத்து--நகை-திருட்டு-3114153.html
3114152 கோயம்புத்தூர் திருப்பூர் காங்கிரஸ், மார்க்சிஸ்ட் கம்யூனிஸ்ட் கட்சியினர் மீது வழக்கு DIN DIN Friday, March 15, 2019 08:38 AM +0530 வெள்ளக்கோவிலில் அனுமதி பெறாமல் சுவரொட்டிகள் ஒட்டியதாக காங்கிரஸ், மார்க்சிஸ்ட் கம்யூனிஸ்ட் கட்சியினர் மீது போலீஸார் வழக்குப் பதிவு செய்துள்ளனர்.
இளைஞர் காங்கிரஸ் சார்பில் வீரக்குமார சுவாமி கோயில் தேர் திருவிழாவுக்கு வருகை தருபவர்களை வரவேற்று நகரின் பல்வேறு பகுதிகளில் சுவரொட்டிகள் ஒட்டப்பட்டிருந்தன. இதற்கு சம்பந்தப்பட்ட நகராட்சி, காவல்துறை அதிகாரிகளிடம் அனுமதி பெறவில்லை.
இதேபோல, மார்க்சிஸ்ட் கம்யூனிஸ்ட் கட்சியினரும் அனுமதியின்றி மக்கள் கோரிக்கை மாநாடு என்கிற சுவரொட்டிகளை ஒட்டியிருந்தனர். இந்த இரு கட்சியினர் மீதும் வெள்ளக்கோவில் காவல் உதவி ஆய்வாளர் பாலமுருகன் வழக்குப் பதிவு செய்து விசாரணை நடத்தி வருகிறார்.

]]>
https://www.dinamani.com/all-editions/edition-coimbatore/tiruppur/2019/mar/15/காங்கிரஸ்-மார்க்சிஸ்ட்-கம்யூனிஸ்ட்-கட்சியினர்-மீது-வழக்கு-3114152.html
3114151 கோயம்புத்தூர் திருப்பூர் கோவை செழியன் நினைவு நாள் அனுசரிப்பு DIN DIN Friday, March 15, 2019 08:37 AM +0530 கொங்கு வேளாளக் கவுண்டர்கள் பேரவையின் நிறுவனத் தலைவர் கோவை செழியனின்  19ஆவது நினைவு நாள் வியாழக்கிழமை அனுசரிக்கப்பட்டது.
  காங்கயம் அருகே குங்காருபாளையத்தில் உள்ள கோவை செழியன் நினைவிடத்தில் அவரது உருவப் படத்துக்கு கொங்குநாடு மக்கள் தேசியக் கட்சியின் பொதுச் செயலாளர் ஈ.ஆர்.ஈஸ்வரன் மாலை அணிவித்து மரியாதை செலுத்தினார்.
   பின்னர் நடைபெற்ற கூட்டத்தில் அவர் பேசியதாவது:
   மக்களவைத் தேர்தலில், தமிழகத்தின் பிரதானக் கட்சியான திமுகவுடன் கூட்டணி அமைத்து ஒரு தொகுதியில் போட்டியிடும் வாய்ப்பை நாம் பெற்றிருக்கிறோம். இந்தத் தேர்தலில் நாம் வெற்றி பெற்று, கொங்கு மண்டலத்தின் குரலை ஒலிக்கச் செய்ய வேண்டும்.
  தேர்தல் நேரத்தில் கொங்கு நாட்டை மிகப் பெரிய சோகம் சூழ்ந்து கொண்டிருக்கிறது. பொள்ளாச்சியில் கல்லூரிப் பெண்களுக்கு மிகப் பெரிய அளவில் கொடுமை நடந்திருக்கிறது.  இந்தக் குற்றத்தில் ஈடுபட்டவர்கள், விடியோ எடுத்து எப்படி பணம் பறிக்கும் செயல்களில் ஈடுபட்டார்களோ அதேபோல, அதே விடியோக்களை வைத்துக் கொண்டு பாதிக்கப்பட்ட பெண்களின் குடும்பத்தாரை மிரட்டி காவல் துறையினர் பணம் பறிப்பதாகக் கேள்விப்படுகிறோம்.
   கொங்கு மண்டலப் பெண்களுக்கு இத்தகைய கொடுமைகள் நடந்து விடக் கூடாது என்றுதான் கடந்த 10 வருடங்களில் 500-க்கும் மேற்பட்ட பண்பாடு, கலாசார விழிப்புணர்வுக் கூட்டங்களை நடத்தியிருக்கிறோம்.  பொள்ளாச்சி பாலியல் வன்கொடுமை சம்பவம் குறித்து வானதி சீனிவாசனும், தமிழிசை சௌந்தரராஜனும் மௌனம் காக்கின்றனர் என்றார்.
  கொங்குநாடு மக்கள் தேசியக் கட்சியின் திருப்பூர் புறநகர் மாவட்டச் செயலர் கங்கா சக்திவேல், குண்டடம் வடக்கு ஒன்றியச் செயலர் செல்வகுமார், பேரவையின் தலைவர் திருச்சி தேவராஜன், பொருளாளர் அம்மையப்பன் உள்பட 300க்கும் மேற்பட்டோர் கலந்து கொண்டனர்.
 பிற அமைப்புகளின் சார்பில்... காங்கயம் சட்டப் பேரவை உறுப்பினர் உ.தனியரசு, கொங்கு மக்கள் முன்னணி அமைப்பின் மாநில ஒருங்கிணைப்பாளர் ஆறுமுகம், மாவீரன் தீரன் சின்னமலைக்கவுண்டர் பேரவையின் மாவட்டச் செயலர் அரவிந்தன், நமது கொங்கு முன்னேற்றக் கழகத்தின் மாநிலப் பொதுச் செயலர் காங்கயம் எம்.தங்கவேல் உள்ளிட்டோர் தங்கள் ஆதரவாளர்களுடன் வந்து கோவை செழியனின் உருவப் படத்துக்கு மாலை அணிவித்து மரியாதையை செலுத்தினர்.
 அமமுக கட்சியின் சார்பில் தலைமை நிலையச் செயலர் பழனியப்பன், சேலஞ்சர் துரை, திருப்பூர் புறநகர் மாவட்டச் செயலாளர் சண்முகவேல், மாநகர் மாவட்டச் செயலாளர் சிவசாமி ஆகியோர் கலந்து கொண்டு மலர் அஞ்சலி செலுத்தினர்.
 

]]>
https://www.dinamani.com/all-editions/edition-coimbatore/tiruppur/2019/mar/15/கோவை-செழியன்-நினைவு-நாள்-அனுசரிப்பு-3114151.html
3114150 கோயம்புத்தூர் திருப்பூர் பொள்ளாச்சி பாலியல் வன்கொடுமை விவகாரம்: ஜிவிஜி கல்லூரி மாணவிகள் சாலை மறியல் DIN DIN Friday, March 15, 2019 08:37 AM +0530 பொள்ளாச்சி பாலியல் வன்கொடுமை சம்பவங்களைக் கண்டித்து உடுமலை ஜிவிஜி விசாலாட்சி மகளிர் கல்லூரி மாணவிகள் 3 ஆயிரம் பேர் வியாழக்கிழமை சாலை மறியல் போராட்டத்தில் ஈடுபட்டனர்.
  உடுமலை ஜிவிஜி விசாலாட்சி மகளிர் கல்லூரியில் படிக்கும் சுமார் 3 ஆயிரத்துக்கும் மேற்பட்ட மாணவிகள் வியாழக்கிழமை காலை 8.30 மணி அளவில் வகுப்புகளைப் புறக்கணித்து, கல்லூரி வளாகத்தில் அமர்ந்து தர்னாவில் ஈடுபட்டனர்.
பொள்ளாச்சியில், பெண்களை ஆபாச விடியோ எடுத்த குற்றவாளிகள் அனைவரையும் உடனடியாகக் கைது செய்ய வேண்டும் என்று கோஷமிட்டனர்.
  இதையடுத்து, மாணவிகள் கல்லூரிக்கு வெளியே வந்து உடுமலை-பழனி தேசிய நெடுஞ்சாலையில் அமர்ந்து சாலை மறியலில் ஈடுபட்டனர். இதனால், போக்குவரத்து நெரிசல் ஏற்பட்டது. அப்பகுதியில் ஏராளமான போலீஸார்  பாதுகாப்புப் பணியில் ஈடுபடுத்தப்பட்டனர். டிஎஸ்பி ஜெயச்சந்திரன்,  கல்லூரி முதல்வர்,  பேராசிரியர்கள் மாணவிகளிடம் சமரசம் பேசினார். ஆனாலும், போராட்டம் தொடர்ந்து நடைபெற்றது. இதனால், மாணவிகள் கலைந்து செல்லும் வகையில் கல்லூரி நிர்வாகம் விடுமுறையை அறிவித்தது. 
   இதையடுத்து, மாணவிகள் அனைவரும் திடீரென அங்கிருந்து கிளம்பி சுமார் 1.5 கிலோ மீட்டர் தொலைவில் உள்ள மத்திய பேருந்து நிலையத்திற்குப் பேரணியாகச் சென்றனர். மாணவிகளின் பேரணியைக் கட்டுப்படுத்த போலீஸார் முயற்சித்தனர். ஆனாலும்,மத்திய பேருந்து நிலையத்திற்கு வந்து மாணவிகள், தேசிய நெடுஞ் சாலையில் அமர்ந்து முழக்கங்களை எழுப்பினர்.
  மாவட்ட ஆட்சியர் கே. எஸ்.பழனிசாமி நேரடியாகப் பேச்சு வார்த்தைக்கு வந்தால்தான் போராட்டத்தை விலக்கிக் கொள்வோம்  என மாணவிகள் தெரிவித்தனர்.
 இந்நிலையில், மாவட்ட ஆட்சியர் கல்லூரிக்கு வெள்ளிக்கிழமை நேரில் வந்து கோரிக்கைகள் குறித்து கேட்டறிவார் என காவல் துறை சார்பில் தெரிவிக்கப்பட்டது. இதையடுத்து மாணவிகள் போராட்டத்தை விலக்கிக் கொண்டனர்.  இந்தப் போராட்டத்தால் உடுமலை-பழனி  தேசிய நெடுஞ்சாலையில் சுமார் 4 மணி நேரம் போக்குவரத்து பாதிக்கப்பட்டது. 
அரசு கலைக் கல்லூரி மாணவ, மாணவியர் போராட்டம்: உடுமலை அரசு கலைக் கல்லூரி மாணவ, மாணவிகளும் வகுப்புக்களைப் புறக்கணித்து, கல்லூரி வளாகத்திற்கு வெளியே அமர்ந்து போராட்டத்தில் ஈடுபட்டனர். பொள்ளாச்சி பாலியல் வன்கொடுமை வழக்கில் சம்பந்தப்பட்ட அனைத்துக் குற்றவாளிகளையும் கைது செய்ய வேண்டும் என கோஷம் எழுப்பினர். சுமார் ஒரு மணி நேரம் இப்போராட்டம் நடைபெற்றது.
சிக்கண்ணா அரசுக் கல்லூரி 
மாணவர்கள் போராட்டம்: பொள்ளாச்சி பாலியல் வன்கொடுமை விவகாரத்தில் சம்பந்தப்பட்டவர்கள் அனைவரையும் கைது செய்ய வலியுறுத்தி  திருப்பூர் சிக்கண்ணா அரசுக் கல்லூரி மாணவ, மாணவியர் வகுப்புகளைப் புறக்கணித்து வியாழக்கிழமை உள்ளிருப்புப் போராட்டத்தில் ஈடுபட்டனர். 

]]>
https://www.dinamani.com/all-editions/edition-coimbatore/tiruppur/2019/mar/15/பொள்ளாச்சி-பாலியல்-வன்கொடுமை-விவகாரம்-ஜிவிஜி-கல்லூரி-மாணவிகள்-சாலை-மறியல்-3114150.html
3114149 கோயம்புத்தூர் திருப்பூர் தேர்தல் பணிகள்: ஆட்சியர் கள ஆய்வு DIN DIN Friday, March 15, 2019 08:36 AM +0530 மக்களவைத் தேர்தலுக்கான ஏற்பாடுகள் தொடர்பாக உடுமலை சட்டப் பேரவைத் தொகுதியில் மாவட்ட ஆட்சியர் வியாழக்கிழமை கள ஆய்வு மேற்கொண்டார்.
 உடுமலையில் சட்டப் பேரவைத் தொகுதிக்கு உள்பட்ட பகுதிகளில் அமைந்துள்ள பல்வேறு வாக்குச் சாவடிகளுக்குச் சென்ற மாவட்ட தேர்தல் அலுவலரும், ஆட்சிய ருமான கே.எஸ்.பழனிசாமி கள ஆய்வு  மேற்கொண்டார். அப்போது, வாக்குச் சாவடிகளில் உள்ள குறைகளைக் சுட்டிக்காட்டி அவற்றை நிவர்த்தி செய்ய ஆட்சியர் உத்தரவிட்டார். மேலும், வாக்குச் சாவடி தலைமை அலுவலர், அலுவலர்கள் நியமனம் தொடர்பாக அதிகாரிகளுடன் ஆலோசனைகள் மேற்கொண்டார்.
  உடுமலை தொகுதிக்கு உள்பட்ட குடிமங்கலம், கோட்டமங்கலம், பெரியபட்டி ஆகிய கிராமங்களில் அமைக்கப்பட்டுள்ள வாக்குச் சாவடிகளுக்கு நேரில் சென்ற ஆட்சியர் வாக்காளர்களுக்குத் தேவையான குடிநீர், கழிப்பிடம், மின்சார வசதிகள் அமைக்கப்பட்டுள்ளதா எனக் கேட்டறிந்தார். உடுமலை வட்டாட்சியர் தங்கவேலு, தேர்தல் அலுவலர்கள், வருவாய்த் துறை அதிகாரிகள் உள்ளிட்டோர் உடனிருந்தனர்.
பறக்கும் படைகள் அமைப்பு: மக்களவைத் தேர்தலை ஒட்டி உடுமலை, மடத்துக்குளம் ஆகிய சட்டப் பேரவைத் தொகுதிகளில் பறக்கும் படைகள் அமைக்கப்பட்டுள்ளன.
  மக்களவைத் தேர்தலுக்காக அரசியல் கட்சிகள் வாக்காளர்களுக்குப் பரிசுப் பொருள்களோ, பணமோ கொடுப்பதைத் தடுக்க தீவிரக் கண்காணிப்புப் பணிகள் மேற்கொள்ளப்பட உள்ளன. இதற்காக, பொள்ளாச்சி மக்களவைத் தொகுதிக்கு உள்பட்ட உடுமலை,  மடத்துக்குளம் சட்டப் பேரவைத் தொகுதிகளில் தலா 3 பறக்கும் படைகள் அமைக்கப்பட்டுள்ளன. ஒவ்வொரு குழுவிலும் காவல் ஆய்வாளர், இரண்டு காவலர்கள், ஒரு விடியோ கிராபர் செயல்படுவார்கள். இவர்கள் அந்தந்த வட்டாட்சியர் அலுவலகத்தைத் தலைமையிடமாக கொண்டு தேர்தல் வரை பணியாற்றுவார்கள் எனத் தெரிவிக்கப்பட்டுள்ளது.


    
 

]]>
https://www.dinamani.com/all-editions/edition-coimbatore/tiruppur/2019/mar/15/தேர்தல்-பணிகள்-ஆட்சியர்-கள-ஆய்வு-3114149.html
3114148 கோயம்புத்தூர் திருப்பூர் நீதி வேண்டி கோயிலில் வழிபாடு DIN DIN Friday, March 15, 2019 08:36 AM +0530 பொள்ளாச்சியில் பெண்களுக்கு எதிராக நடைபெற்ற பாலியல் வன்கொடுமை வழக்கில் நீதி வேண்டி ஆனைமலை மாசாணியம்மன் கோயிலில் மிளகாய் அரைத்து பல்லடம் பகுதி சமூக ஆர்வலர்கள் வழிபட்டனர்.
 இது குறித்து சமூக ஆர்வலர்கள் கூட்டமைப்பு மாநில ஒருங்கிணைப்பாளர் அண்ணாதுரை கூறியது:
 பொள்ளாச்சியில் பெண்கள், மாணவியரை சீரழித்த கொடூரக்காரர்களுக்கு உரிய தண்டனை கிடைக்க வேண்டும், இந்த விவகாரத்தில் உரிய நீதி கிடைக்க வேண்டும் எனக் கோரி பல்லடம் பகுதி சமூக ஆர்வலர்கள் கூட்டமைப்பினர் பொள்ளாச்சி அருகே உள்ள ஆனைமலை மாசாணியம்மன் கோயிலில் மிளகாய் அரைத்து வழிபாடு நடத்தினோம் என்றார்.
 

]]>
https://www.dinamani.com/all-editions/edition-coimbatore/tiruppur/2019/mar/15/நீதி-வேண்டி-கோயிலில்-வழிபாடு-3114148.html
3114147 கோயம்புத்தூர் திருப்பூர் பல்லடத்தில் மாவட்ட உரிமையியல் நீதிமன்றம் தற்காலிகமாக இடமாற்றம் DIN DIN Friday, March 15, 2019 08:35 AM +0530 பல்லடத்தில் உள்ள மாவட்ட உரிமையியல் நீதிமன்றம் தற்காலிமாக இடமாற்றம் செய்யப்பட்டுள்ளது.
 பல்லடத்தில், மங்கலம் சாலையில் மாவட்ட குற்றவியல் மற்றும் உரிமையியல் நீதிமன்றம் செயல்பட்டு வருகிறது. இடப்பற்றாக்குறையால் நீதிமன்றத்தை விரிவுபடுத்த வேண்டிய நிலை ஏற்பட்டுள்ளது.
  இந்நிலையில், பல்லடத்தில் ரூ. 5.50 கோடி மதிப்பில் ஒருங்கிணைந்த நீதிமன்றம் கட்டடம் கட்டுவதற்குக் கடந்த மாதம் 22ஆம் தேதி பூமி பூஜை நடைபெற்றது. இதற்கான பணிகளை மாவட்ட நீதிபதி அல்லி துவக்கிவைத்தார். இதில், முதல் கட்டப் பணியாக குற்றவியல் நீதிமன்றக் கட்டடம் புதுப்பிக்கப்பட்டு வருகிறது. மேலும், அந்த வளாகத்தில் உள்ள மாவட்ட உரிமையியல் நீதிமன்றக் கட்டடம் இடிக்கப்பட உள்ளதால் அங்கு இயங்கி வந்த மாவட்ட உரிமையியல் நீதிமன்றம் பல்லடம் சார்பு நீதிமன்ற கட்டடத்திற்கு தற்காலிகமாக இடமாற்றம் செய்யப்பட்டுள்ளதாக வழக்குரைஞர்கள் தெரிவித்தனர்.

]]>
https://www.dinamani.com/all-editions/edition-coimbatore/tiruppur/2019/mar/15/பல்லடத்தில்-மாவட்ட-உரிமையியல்-நீதிமன்றம்-தற்காலிகமாக-இடமாற்றம்-3114147.html
3113359 கோயம்புத்தூர் திருப்பூர் உரிய ஆவணமின்றி கொண்டு சென்ற ரூ.3 லட்சம் பறிமுதல் DIN DIN Thursday, March 14, 2019 07:10 AM +0530 காங்கயத்தில் தேர்தல் பறக்கும் படையினர் நடத்திய வாகன சோதனையில் உரிய ஆவணம் இன்றி கொண்டு சென்றதாக ரூ.3 லட்சம் பணம் புதன்கிழமை பறிமுதல் செய்யப்பட்டது.
காங்கயம் அருகே பழையகோட்டை சாலையில் புள்ளியில் அலுவலர் சுரேஷ் தலைமையில் தேர்தல் பறக்கும் படையினர் புதன்கிழமை காலை 11 மணியளவில் வாகன சோதனையில் ஈடுபட்டிருந்தனர். அப்போது அந்த வழியே வந்த மைசூரைச் சேர்ந்த கவிதா (42) என்பவரின் காரை சோதனையிட்டனர்.
அப்போது காரினுள் உரிய ஆவணங்கள் இல்லாமல் வைக்கப்பட்டிருந்த இருந்த ரூ.3 லட்சம் கைப்பற்றப்பட்டது. இவர் மைசூரில் இருந்து பொள்ளாட்சியில் உள்ள உறவினர் வீட்டு திருமண நிகழ்ச்சிக்குச் சென்று விட்டு, ஈரோடு நகரில் நகை வாங்குவதற்காகச் சென்றதாக தெரிவித்தார். இதுகுறித்த காங்கயம் வட்டாட்சியருக்கு தகவல் தெரிவிக்கப்பட்டது. பின்னர், பறக்கும் படையினர் பறிமுதல் செய்த ரூ.3 லட்சத்தை காங்கயம் வட்டாட்சியர் விவேகானந்தன் வசம் ஒப்படைத்தனர். இந்தப் பணம் அரசு சார் கருவூலத்தில் சேர்க்கப்பட்டது.

]]>
https://www.dinamani.com/all-editions/edition-coimbatore/tiruppur/2019/mar/14/உரிய-ஆவணமின்றி-கொண்டு-சென்ற-ரூ3-லட்சம்-பறிமுதல்-3113359.html
3113358 கோயம்புத்தூர் திருப்பூர் பீன்ஸ் விலை வீழ்ச்சி: மலைவாழ் மக்கள் கவலை DIN DIN Thursday, March 14, 2019 07:09 AM +0530 பீன்ஸ் விலை வீழ்ச்சி அடைந்து வருவதால் உடுமலை அருகே மேற்கு தொடர்ச்சி மலைப் பகுதியில் வாழ்ந்து வரும் மலைவாழ் மக்கள் கவலை அடைந்துள்ளனர்.
உடுமலை அருகே தமிழக - கேரள எல்லையில் உள்ள அமராவதி வனச் சரகத்துக்கு உள்பட்ட தளிஞ்சி, தளிஞ்சி வயல் மற்றும் மஞ்சம்பட்டி ஆகிய மூன்று மலை கிராமங்களில் விவசாயத்தை பிரதான தொழிலாகக் கொண்டு சுமார் 200 குடும்பங்கள் வாழ்ந்து வருகின்றன.
 இந்நிலையில் 90 நாள்களில் விளையக்கூடிய பீன்ஸ் பயிரை கடந்த ஆண்டு நவம்பர் இறுதியில் மலைவாழ் மக்கள் பயிரிட்டிருந்தனர். குத்து பீன்ஸ் மற்றும் கொடி பீன்ஸ் என இரண்டு வகை யான பீன்சுகளை பயிரிட்டிருந்த நிலையில் பிப்ரவரி இறுதியில் பீன்ஸ் அறுவடைக்கு வந்தது. 
இங்கு அறுவடையாகும் பீன்ஸ் மதுரை, ஒட்டன்சத்திரம், திண்டுக்கல் உள்ளிட்ட சந்தைகளுக்கு விற்பனைக்காக கொண்டு செல்லப்படுகின்றன. தொடக்கத்தில் ஒரு கிலோவுக்கு ரூ. 90 முதல் ரூ. 100 வரை விலை கிடைத்து வந்ததால் மலைவாழ் மக்கள் மகிழ்ச்சி அடைந்திருந்தனர். 
இந்நிலையில் கடந்த சில நாள்களாக பீன்ஸ் விலையில் சரிவு ஏற்பட்டுள்ளது. தற்போது ஒரு கிலோ ரூ. 50 முதல் ரூ. 70 வரை மட்டுமே விலை போவதால் மலைவாழ் மக்கள் கவலை அடைந்துள்ளனர்.
இதனால் சில விவசாயிகள் பீன்ஸை சந்தைக்குக் கொண்டு செல்லாமல் பீன்ஸில் உள்ள முத்துக்களை மட்டும் தனியாக பிரித்தெடுத்து அதை காய வைத்து விற்பனை செய்து வருகின்றனர். அந்த வகையில் காய வைத்த ஒரு கிலோ பீன்ஸ் ரூ. 80 வரை விற்பனையாகிறது. ஆனாலும் இதில் நடைமுறை சிக்கல்கள் உள்ளதாலும், காலதாமதம் ஏற்படுவதாலும் மலைவாழ் மக்களுக்கு உடனடியாக பணம் கிடைப்பதில் சிக்கல் ஏற்பட்டு வருகிறது.
இது குறித்து தளிஞ்சி, மஞ்சம்பட்டி மலைவாழ் மக்கள் கூறியதாவது:
பீன்ஸ் பயிரை மலைப் பகுதியில் இருந்து சுமார் 5 கிலோ மீட்டர் தொலைவில் உள்ள சின்னாறு வனப் பகுதிக்கு சுய உதவிக்குழு கொடுத்த டிராக்டர் மூலம் கொண்டு வருகிறோம். 
பின்னர் அங்கிருந்து வாடகைக்கு வேன் எடுத்து மதுரை, ஒட்டன்சத்திரம், திண்டுக்கல் ஆகிய பகுதிகளுக்கு கொண்டு சென்று அங்குள்ள சந்தைகளில் விற்பனை செய்து வருகிறோம். இதனால் போக்குவரத்து செலவு அதிகம் ஆகிறது. 
ஒரு ஏக்கருக்கு ரூ.10 ஆயிரம் வரை செலவு செய்தோம். இந்நிலையில் பீன்ஸ் ஒரு கிலோ ரூ. 60க்குத்தான் விற்பனை யாகிறது. இது எங்களுக்கு கட்டுப்படியாகவில்லை. நஷ்டம்தான் ஆகிறது. பீன்சில் உள்ள முத்துக்களைப் பிரித்து எடுத்து காய வைத்து விற்பனை செய்வதில் ஏராளமான நடைமுறை சிக்கல்கள் உள்ளன. 
மேலும் எங்களுக்கு பணம் கிடைப்பதில் காலதாமதம் ஆகிறது. ஆகையால் தமிழக அரசு உரிய நிவாரணம் அளிக்க வேண்டும் என்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/14/பீன்ஸ்-விலை-வீழ்ச்சி-மலைவாழ்-மக்கள்-கவலை-3113358.html
3113294 கோயம்புத்தூர் திருப்பூர் நாட்டுக்கோழி வளர்க்க இன்று இலவச பயிற்சி DIN DIN Thursday, March 14, 2019 03:40 AM +0530 திருப்பூர் கால்நடை மருத்துவமனையில் நாட்டுக்கோழி வளர்ப்பு குறித்த இலவச பயிற்சி வியாழக்கிழமை அளிக்கப்பட உள்ளது. 
இதுகுறித்து, கால்நடை பல்கலை பேராசிரியர் மதிவாணன் புதன்கிழமை வெளியிட்டுள்ள அறிக்கை: 
கால்நடை மருத்துவ பல்கலை பயிற்சி மற்றும் ஆராய்ச்சி மையம் சார்பில் திருப்பூரில் வியாழக்கிழமை (மார்ச் 14)நாட்டுக்கோழி வளர்ப்பு குறித்த இலவச பயிற்சி அளிக்கப்பட உள்ளது. திருப்பூர் பழைய பேருந்து நிலையம் எதிரில் உள்ள கால்நடை மருத்துவமனை வளாகத்தில் காலை 10.30 மணி முதல் மாலை 4 மணி வரை நடைபெறும் இப்பயிற்சியில் திருப்பூர் மற்றும் சுற்றுப்புற மாவட்ட விவசாயிகள் பங்கேற்கலாம். 
மேலும்,  நாட்டுக்கோழி வளர்ப்பில் உள்ள விஞ்ஞான முறைகள், வர்த்தக வாய்ப்புகள் குறித்த ஆலோசனைகளும் வழங்கப்படும். பயிற்சிக்கு வருபவர்கள் தங்களது ஆதார் எண்ணுடன் வர வேண்டும். இதுதொடர்பான கூடுதல் விவரங்களுக்கு 0421-2248524 என்ற தொலைபேசி எண்ணில் தொடர்பு கொள்ளலாம் என்று தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/mar/14/நாட்டுக்கோழி-வளர்க்க-இன்று-இலவச-பயிற்சி-3113294.html
3113293 கோயம்புத்தூர் திருப்பூர் சிறையில் சட்ட விழிப்புணர்வு முகாம் DIN DIN Thursday, March 14, 2019 03:40 AM +0530 திருப்பூர் மாவட்ட சட்டப் பணிகள் ஆணைக் குழு சார்பில் சட்ட விழிப்புணர்வு முகாம் மாவட்ட சிறையில் புதன்கிழமை நடைபெற்றது.
திருப்பூர் மாவட்ட சட்டப்பணிகள் ஆணைக்குழு சார்பில் நடைபெற்ற இந்த சட்ட விழிப்புணர்வு முகாமில் சிறை கண்காணிப்பாளர் குணசேகர் வரவேற்றார். 
இதில், மாவட்ட சட்டப் பணிகள் ஆணைக் குழு வழக்குரைஞர் மணிகண்டன், சிறைவாசிகளுக்கு மாவட்ட சட்டப் பணிகள் ஆணைக் குழு எவ்வாறு இலவச சட்ட உதவி அளித்து வருகிறது என்பது குறித்துப் பேசினார். 
இந்த முகாமுக்கு தலைமை வகித்த குற்றவியல் நீதித் துறை நடுவர் (ஜே.எம்.3)  உதயசூர்யா பேசியதாவது: 
மனிதர்கள் ஒவ்வொருவரும் சிக்கனத்துடன் வாழ்க்கையை அமைத்து கொண்டாலே பேராசை ஒழியும். பொறமையும், அபகரிக்கும் எண்ணமும் ஒழியும். இந்த தீய எண்ணங்கள் ஒழிந்தாலே திருட்டு, கொலை போன்ற குற்றச்சம்பவங்கள் தடுக்கப்படும். ஓவ்வொருவரும் தங்கள் குடும்பம், பிள்ளைகளை நினைத்துக் கொண்டாலே சிறைக்கு மீண்டும் வரும் எண்ணம் வராது.  
நீதித் துறையும், சிறைத் துறையும் உங்களுக்கு அனைத்து விதமான  இலவச சட்ட உதவியும் வழங்க எந்நேரமும் தயாராக உள்ளது என்றார். 
இந்த நிகழ்ச்சியில், சிறை அதிகாரிகள், வழக்குரைஞர்ள் மற்றும் சிறைவாசிகள் பங்கேற்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/14/சிறையில்-சட்ட-விழிப்புணர்வு-முகாம்-3113293.html
3113292 கோயம்புத்தூர் திருப்பூர் இலவச தொழிற்பயிற்சியில் சேர கனரா வங்கி அழைப்பு DIN DIN Thursday, March 14, 2019 03:39 AM +0530 திருப்பூர் மாவட்டத்தில் கனரா வங்கி சார்பில் இலவச தொழிற்பயிற்சியில் சேர புதிய தொழில் முனைவோர்களுக்கு அழைப்பு விடுக்கப்பட்டுள்ளது.
இதுகுறித்து கனரா வங்கி பயிற்சி மைய இயக்குநர் தர்மலிங்கம் புதன்கிழமை வெளியிட்டுள்ள செய்திக்குறிப்பு:
அனுப்பர்பாளையம் கிளை கனரா வங்கி சார்பில் ஊரக சுய வேலை வாய்ப்பு ஏற்படுத்தும் வகையில் புதிய தொழில் முனைவோருக்கு இலவச தொழிற் பயிற்சி அளித்து சான்றிதழ்கள் வழங்கப்படுகின்றன. 
இளம் தொழில் முனைவோருக்கு சுய வேலை வாய்ப்பு ஏற்படுத்தும் மத்திய அரசின் திட்டத்தின் கீழ் பல்வேறு பிரிவுகளில் தொழிற் பயிற்சி அளிக்கப்படுகிறது. 
மேலும், மார்ச் 15ஆம் தேதி முதல் சிசிடிவி கேமரா பழுது பார்த்தல்,  சணல் பொருள் தயாரித்தல் ஆகிய பயிற்சி வகுப்புகளும் தொடங்கப்பட உள்ளன.
இந்த பயிற்சி வகுப்பில்  18 முதல் 45 வயதுக்கு உட்பட்ட ஆண்,  பெண் இருபாலரும் சேரலாம். பயிற்சியின் போது தேநீர் மற்றும் உணவு ஆகியவை இலவசமாக வழங்கப்படும். 
இதில் சேர விரும்பும் நபர்கள் அனுப்பர்பாளையம்புதூரில் உள்ள கனரா வங்கி மேல் தளத்தில் செயல்பட்டு வரும்   ஊரக சுய வேலை வாய்ப்பு பயிற்சி மையத்தை தொடர்பு கொள்ளலாம். இதுதொடர்பான கூடுதல் விவரங்களுக்கு 0421-225 6626 என்ற எண்ணில் தொடர்பு கொள்ளலாம் என்று தெரிவித்துள்ளார்.

]]>
https://www.dinamani.com/all-editions/edition-coimbatore/tiruppur/2019/mar/14/இலவச-தொழிற்பயிற்சியில்-சேர-கனரா-வங்கி-அழைப்பு-3113292.html
3113291 கோயம்புத்தூர் திருப்பூர் அவிநாசியில் பருத்தி ஏலம் DIN DIN Thursday, March 14, 2019 03:39 AM +0530 அவிநாசியில் நடைபெற்ற பருத்தி ஏலத்தில் ரூ. 70 லட்சத்துக்கு பருத்தி ஏலம் புதன்கிழமை நடைபெற்றது.
அவிநாசி வேளாண்மை உற்பத்தியாளர்கள் கூட்டுறவு விற்பனைச் சங்கத்தில் வாரந்தோறும் புதன்கிழமை பருத்தி ஏல வர்த்தகம் நடைபெற்று வருகிறது. இந்த வாரம் நடைபெற்ற பருத்தி ஏலத்தில் 4500 மூட்டைகள் வந்திருந்தன. இதில், ஆர்.சி.எச். ரகப் பருத்தி குவிண்டால் ஒன்றுக்கு ரூ.4900 முதல் ரூ.5560வரையிலும், டி.சி.எச். ரகப் பருத்தி குவிண்டால் ஒன்றுக்கு ரூ. 5600 முதல் ரூ. 6400 வரையிலும், மட்ட ரகப் பருத்தி குவிண்டால் ஒன்றுக்கு ரூ. 2500 முதல் ரூ.3500 வரையிலும் ஏலம் போனது. 
காலை முதல் இரவு வரை நடைபெற்ற பருத்தி ஏலத்தில் மொத்தம் ரூ. 70 லட்சத்துக்கு வர்த்தகம் நடைபெற்றது.

]]>
https://www.dinamani.com/all-editions/edition-coimbatore/tiruppur/2019/mar/14/அவிநாசியில்-பருத்தி-ஏலம்-3113291.html
3113290 கோயம்புத்தூர் திருப்பூர் கொள்முதல் விலையை உயர்த்த பால் உற்பத்தியாளர்கள் கோரிக்கை DIN DIN Thursday, March 14, 2019 03:38 AM +0530 தமிழகம் முழுவதும் கால்நடை தீவனங்கள் பற்றாக்குறை, கலப்பின தீவனங்கள் விலை உயர்வு காரணங்களால் பால் கொள்முதல் விலையை தமிழக அரசு உயர்த்தி வழங்க வேண்டும் என்று பால் உற்பத்தியாளர்கள் கோரிக்கை விடுத்துள்ளனர்.
இதுகுறித்து திருப்பூர் மாவட்ட பால் உற்பத்தியாளர்கள் கூறியதாவது:
தமிழகத்தில் கடந்த சில ஆண்டுகளாக பருவ மழை பொய்த்துப் போனதால் ஆறுகளில் தொடர் நீரோட்டம் தடைபட்டுள்ளது. குளம், குட்டை வறண்டு நிலத்தடி நீர் மட்டம் வெகுவாகக் குறைந்துள்ளது. கேரளம், கர்நாடகம் ஆகிய மாநிலங்களில் பல்வேறு இடங்களில் தடுப்பணை கட்டப்பட்டுள்ளது. இதனால் தமிழக அணைகளுக்கு வரும் தண்ணீரின் அளவும் குறைந்துள்ளது. 
இதனால், நெல், கரும்பு,  தானிய வகைகள், பயிறு வகைகள் உற்பத்தி குறைந்துள்ளன. மேலும், கால்நடைக்கு தேவையான தீவனங்கள் பற்றாக்குறையால் விலை கொடுத்து வாங்க வேண்டிய நிலை உள்ளது. தமிழகத்தில் விவசாயத்துக்கு அடுத்ததாக கால்நடை வளர்ப்பு மற்றும் பால் உற்பத்தி தொழிலும் பிரதானமாக உள்ளது. 
இந்தத் தொழிலை நம்பி தமிழகம் முழுவதிலும் ஆயிரக்கணக்கான பால் உற்பத்தியாளர்கள் உள்ளனர். இவர்கள் பெரும்பாலும் பால் உற்பத்தியை கூட்டுறவு சங்கங்கள் மூலம் விற்பனை செய்கின்றனர்.
தமிழகத்தில் பால் கொள்முதல் நிலையங்கள் மூலமாக பசும்பால் லிட்டர்  ரூ. 25 விலை நிர்ணயம் செய்யப்பட்டுள்ளது. மேலும் அதன் தரத்துக்கு ஏற்ப ரூ. 25 முதல் ரூ. 28 வரையில்  கொள்முதல் செய்யப்படுகிறது. 
அதேபோல் எருமை பாலுக்கு ரூ. 35  விலை நிர்ணயம் செய்யப்பட்டு லிட்டர் ரூ. 30 முதல் ரூ. 35 ரூபாய் வரையில்  கொள்முதல் செய்யப்படுகிறது.  
கடந்த, 2014ஆம் ஆண்டுக்கு பின் பால் கொள்முதல் விலை உயர்த்தப்படாமல் உள்ளது.  ஆகவே, பால் கொள்முதல் விலையை பசும்பாலுக்கு ரூ. 40, எருமைப்பாலுக்கு ரூ.50 என தமிழக அரசு உயர்த்தி வழங்க வேண்டும். இல்லாவிட்டால் வரும் மக்களவைத் தேர்தல் முடிந்தவுடன் அனைத்து பால் உற்பத்தியாளர்களையும் ஒருங்கிணைத்து மாபெரும் போராட்டம் நடத்தவும் திட்டமிட்டுள்ளோம் என்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/14/கொள்முதல்-விலையை-உயர்த்த-பால்-உற்பத்தியாளர்கள்-கோரிக்கை-3113290.html
3113289 கோயம்புத்தூர் திருப்பூர் தாராபுரம் வாக்குச்சாவடி மையத்தில் ஆட்சியர் ஆய்வு DIN DIN Thursday, March 14, 2019 03:37 AM +0530 தாராபுரம் சட்டப்பேரவைத் தொகுதிக்கு உள்பட்ட வாக்குச்சாவடி மையங்ளை மாவட்ட ஆட்சியர் கே.எஸ்.பழனிசாமி புதன்கிழமை ஆய்வு செய்தார்.
திருப்பூர் மாவட்டம், தாராபுரம் சட்டப்பேரவைத் தொகுதிக்கு உள்பட்ட சூரியநல்லூர் ஊராட்சி ஒன்றிய நடுநிலைப் பள்ளி, நங்சியம்பாளையம் அரசு உயர்நிலைப் பள்ளி, தாராபுரம் என்.சி.பி நகரவை ஆண்கள் மேல்நிலைப் பள்ளி மற்றும் தாராபுரம் அரசு ஆண்கள் மேல்நிலைப் பள்ளி ஆகியவற்றில் அமைக்கப்பட்டுள்ள வாக்குச்சாவடி மையங்களை மாவட்ட ஆட்சியரும், மாவட்ட தேர்தல் அலுவலருமான கே.எஸ்.பழனிசாமி நேரில் பார்வையிட்டு ஆய்வு செய்தார். அப்போது அவர் பேசியதாவது:
 திருப்பூர் மாவட்டத்தில் உள்ள திருப்பூர் வடக்கு, திருப்பூர் தெற்கு, பல்லடம், அவிநாசி, காங்கயம், தாராபுரம், உடுமலைப்பேட்டை மற்றும் மடத்துக்குளம் ஆகிய 8 சட்டப்பேரவை தொகுதிகளில் உள்ள 2, 482 வாக்குச் சாவடிகளை உள்ளடக்கிய 1,028 வாக்குச் சாவடி மையங்களில் ஏப்ரல் 18 ஆம் தேதி வாக்குப்பதிவு நடைபெறுகிறது. 
திருப்பூர் மாவட்டத்தில் உள்ள அனைத்து வாக்குச் சாவடிகளும் உதவி தேர்தல் நடத்தும் அலுவலர்கள் மற்றும் உரிய அலுவலர்களால் தணிக்கை செய்யப்பட்டு, வாக்குச் சாவடி மையங்களில் வாக்காளர்களுக்கு தேவையான குடிநீர், கழிப்பிட வசதி, மின்வசதி உள்ளிட்ட அடிப்படை வசதிகளை ஏற்படுத்திக் கொடுக்க அறிவுறுத்தப்பட்டுள்ளது. 
மேலும், வாக்குச்சாவடி மையங்களில் மாற்றுத்திறனாளி வாக்காளர்களின் வசதிக்காக சாய்வு தளப் பாதை அமைப்பது குறித்தும் ஆய்வு மேற்கொள்ளப்பட்டு வருகிறது. 
மேலும், ஒரு வாரகாலத்துக்குள் இப்பணிகளை முடிக்கவும் அலுவலர்களுக்கு அறிவுறுத்தப்பட்டுள்ளது என்றார்.   
இந்த ஆய்வின்போது,  தாராபுரம் வட்டாட்சியர் தட்சிணாமூர்த்தி, தாராபுரம் நகராட்சி ஆணையாளர் லட்சுமணன் உள்ளிட்ட அரசு அலுவலர்கள்  பலர் உடனிருந்தனர்.

]]>
https://www.dinamani.com/all-editions/edition-coimbatore/tiruppur/2019/mar/14/தாராபுரம்-வாக்குச்சாவடி-மையத்தில்-ஆட்சியர்-ஆய்வு-3113289.html
3113288 கோயம்புத்தூர் திருப்பூர் அரசுப் பேருந்து மீது கல்வீச்சு: கல்லூரி மாணவர் கைது DIN DIN Thursday, March 14, 2019 03:37 AM +0530 திருப்பூரில் அரசு பேருந்து மீது கல்வீசி தாக்குதல் நடத்திய கல்லூரி மாணவரை ஊரக காவல் துறையினர் புதன்கிழமை கைது செய்தனர். 
திருப்பூரில் இருந்து திருச்சி நோக்கி 40 பயணிகளுடன் அரசுப் பேருந்து ஒன்று புதன்கிழமை அதிகாலை 1 மணி அளவில் சென்று கொண்டிருந்தது. இந்தப் பேருந்து காங்கயம் சாலையில் உள்ள பள்ளக்காட்டுப்புதூர் அருகே சென்றபோது பேருந்து மீது மர்ம நபர் ஒருவர் கல்வீசித் தாக்கியுள்ளார். 
இதில், பேருந்தை ஓட்டிச் சென்ற கரூர், குளித்தலை, தரகம்பட்டியைச் சேர்ந்த எஸ்.வெள்ளைச்சாமி, பேருந்தில் பயணம் செய்த தஞ்சாவூர், பேராவூரணியைச் சேர்ந்த ஆர்.குமாரசாமி (51), கே.ஜான்சிராணி (38) ஆகியோர் காயமடைந்தனர். அப்போது அருகில் இருந்த சக பயணிகள் மூவரையும் மீட்டு அதே பகுதியில் உள்ள தனியார் மருந்துவமனையில் சேர்த்தனர். இதுதொடர்பாக திருப்பூர் ஊரக காவல் துறையினர் விசாரணை நடத்தினர்.
 இதில், பேருந்தின் கண்ணாடியை உடைத்த ராக்கியாபாளையத்தைச் சேர்ந்த 20 வயது கல்லூரி மாணவரைக் கைது செய்தனர். பின்னர் அவர் கல்லூரி மாணவர் என்பதால் அவரை எச்சரித்து காவல் நிலைய பிணையில் விடுவித்தனர்.

]]>
https://www.dinamani.com/all-editions/edition-coimbatore/tiruppur/2019/mar/14/அரசுப்-பேருந்து-மீது-கல்வீச்சு-கல்லூரி-மாணவர்-கைது-3113288.html
3113287 கோயம்புத்தூர் திருப்பூர் ரூ. 20.37 லட்சத்துக்கு கொப்பரை ஏலம் DIN DIN Thursday, March 14, 2019 03:37 AM +0530 வெள்ளக்கோவில் ஒழுங்கு முறை விற்பனைக் கூடத்தில் ரூ. 20.37 லட்சத்துக்கு கொப்பரை ஏலம் புதன்கிழமை நடைபெற்றது.
இங்கு வாரந்தோறும் கொப்பரை ஏலம் புதன்கிழமை நடைபெற்று வருகிறது. இந்த வார ஏலத்துக்கு திண்டுக்கல், பழனி, அரவக்குறிச்சி, கரூர், பேராவூரணி உள்ளிட்ட பகுதிகளில் இருந்து 60 விவசாயிகள் தங்களுடைய கொப்பரைகளை விற்பனைக்குக் கொண்டு வந்திருந்தனர்.
மொத்தம் 549 மூட்டை வரத்து இருந்தது. இவற்றின் எடை 26,935 கிலோ. கரூர், வெள்ளக்கோவில், காங்கயம், முத்தூர் பகுதிகளில் இருந்து 7 வியாபாரிகள் இவற்றை வாங்குவதற்காக வந்திருந்தனர்.
இங்கு ஒரு கிலோ ரூ.50 முதல் ரூ.102.40 வரை ஏலம் போனது. விற்பனைக் கூடக் கண்காணிப்பாளர் ரா.மாரியப்பன் முன்னிலையில் ஒட்டு மொத்த விற்பனைத் தொகை ரூ.20 லட்சத்து 37 ஆயிரத்து 182 விவசாயிகள் வங்கிக் கணக்குகளில் செலுத்தப்பட்டது.
 

]]>
https://www.dinamani.com/all-editions/edition-coimbatore/tiruppur/2019/mar/14/ரூ-2037-லட்சத்துக்கு-கொப்பரை-ஏலம்-3113287.html
3113286 கோயம்புத்தூர் திருப்பூர் பந்தயக் கார் உருவாக்கும் போட்டி: பில்டர்ஸ் கல்லூரி மாணவர்கள் சிறப்பிடம் DIN DIN Thursday, March 14, 2019 03:36 AM +0530 மின்சாரத்தால் இயங்கக்கூடிய பந்தயக் கார் (ஈ-கார்ட்) உருவாக்கும் போட்டியில் பில்டர்ஸ் பொறியியல் கல்லூரி மாணவர்கள் உருவாக்கிய கார் மாநில அளவில் முதலிடமும், தேசிய அளவில் இரண்டாம் இடமும் பெற்றுள்ளது.
கோவையில், பாரத் ஃபார்முலா கார்டிங் என்ற நிறுவனம் சார்பில் தேசிய அளவிலான மின்சாரத்தால் இயங்கக் கூடிய பந்தயக் கார் தயாரிப்பு போட்டி நடைபெற்றது. இதில், பல்வேறு மாநிலங்களில் இருந்து பொறியியல் கல்லூரி மாணவர்கள் தயாரித்த பந்தயக் கார்கள் இடம்பெற்றன.
இதில், காங்கயத்தை அடுத்த நத்தக்காடையூரில் உள்ள பொறியியல் கல்லூரியில் இயந்திரவியல், மின்னியல், மின்னணுவியல் மற்றும் தொடர்பியல் ஆகிய மூன்று துறையின் மாணவர்கள் இணைந்து உருவாக்கிய மின்சார பந்தயக் கார் தமிழ்நாடு அளவில் முதல் இடமும், தேசிய அளவில் இரண்டாம் இடமும் பெற்று, ரூ.25 ஆயிரம் பரிசையும் தட்டிச் சென்றது. 
இந்தப் படைப்புக்கு உறுதுணையாக இருந்த பேராசிரியர்களுக்கும், வெற்றி பெற்ற மாணவ, மாணவியருக்கும் கல்லூரி தலைவர் வி.சத்தியமூர்த்தி, கல்லூரி தாளாளர் மற்றும் செயலருமான  பி.பாலசிவகுமார், கல்லூரி பொருளாளர் ஆர்.ஈஸ்வரமூர்த்தி, கல்லூரி முதல்வர் எஸ்.கோபாலகிருஷ்ணன் ஆகியோர் பாராட்டுத் தெரிவித்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/14/பந்தயக்-கார்-உருவாக்கும்-போட்டி-பில்டர்ஸ்-கல்லூரி-மாணவர்கள்-சிறப்பிடம்-3113286.html
3113285 கோயம்புத்தூர் திருப்பூர் திருப்பூரில் தனியார் மருத்துவமனையை முற்றுகையிட்ட பொதுமக்கள் DIN DIN Thursday, March 14, 2019 03:36 AM +0530 விபத்தில் காயமடைந்து சிகிச்சை பெற்று வந்தவர் இறந்ததால் திருப்பூரில் உள்ள தனியார் மருத்துவமனையை உறவினர்கள் புதன்கிழமை முற்றுகையிட்டனர். 
திருச்சி மாவட்டம், மணப்பாறை பகுதியைச் சேர்ந்தவர் முருகேஷ் (46). இவர் காங்கயத்தில் உள்ள ஆயில் உற்பத்தி செய்யும் நிறுவனத்தில் வேலை பார்த்து வந்தார். அதே நிறுவனத்தில் வேலை பார்த்து வரும் நண்பரான சம்பத் (32) என்பவருடன் காங்கயம் - தாராபுரம் சாலையில் இரு சக்கர வாகனத்தில் செவ்வாய்க்கிழமை சென்று கொண்டிருந்தார். அப்போது அந்த வழியாக வந்த சரக்கு வேன் மோதியதில் இருவரும் படுகாயமடைந்தனர்.
அருகிலிருந்தவர்கள் இருவரையும் மீட்டு காங்கயம் அரசு மருத்துவமனையில் சேர்த்தனர். பின் மேல்சிகிச்சைக்காக திருப்பூர் அரசு மருத்துவமனைக்கு கொண்டு செல்லப்பட்டு அதன் பிறகு அவிநாசி சாலையில் உள்ள தனியார் மருத்துவமனையில் சேர்க்கப்பட்டனர். அங்கு முருகேஷ் செவ்வாய்க்கிழமை நள்ளிரவு உயிரிழந்தார். சம்பத் அதே மருத்துவமனையில் சிகிச்சை பெற்று வருகிறார்.
இதனிடையே,  முருகேஷின் உறவினர்கள் 100-க்கும் மேற்பட்டோர் புதன்கிழமை மருத்துவமனையை முற்றுகையிட்டனர். சம்பவ இடத்துக்கு வந்த 15 வேலம்பாளையம் காவல் துறையினர், உறவினர்கள்  மற்றும் மருத்துவமனை நிர்வாகிகளுடன் பேச்சுவார்த்தை நடத்தினர். இதைத்தொடர்ந்து, முருகேஷின் சடலம் உறவினர்களிடம் ஒப்படைக்கப்பட்டது.

]]>
https://www.dinamani.com/all-editions/edition-coimbatore/tiruppur/2019/mar/14/திருப்பூரில்-தனியார்-மருத்துவமனையை-முற்றுகையிட்ட-பொதுமக்கள்-3113285.html
3113284 கோயம்புத்தூர் திருப்பூர் அஞ்சலகங்களில் சிறு சேமிப்புக் கணக்கு தொடங்க சிறப்பு மேளா: மார்ச் 18 முதல் 20ஆம் தேதி வரை நடைபெறுகிறது DIN DIN Thursday, March 14, 2019 03:36 AM +0530 திருப்பூரில்  அஞ்சலகங்களில் சிறு சேமிப்புக் கணக்கு, கிராமிய அஞ்சல் ஆயுள் காப்பீடு திட்டம் தொடங்க மார்ச் 18 முதல் 20 ஆம் தேதி வரையில் சிறப்பு மேளா நடைபெற உள்ளது. 
இதுகுறித்து திருப்பூர் அஞ்சல் கோட்ட கண்காணிப்பாளர் கோபிநாதன் வெளியிட்டுள்ள செய்திக்குறிப்பு:
திருப்பூர் கோட்டத்தில் இந்த நிதி ஆண்டுக்கான சிறுசேமிப்பு திட்டங்கள் மற்றும் கிராமிய அஞ்சல் ஆயுள் காப்பீடு திட்டங்கள் தொடங்கவும், கொடுக்கப்பட்ட இலக்கினை அடையவும் அஞ்சல் துறை சார்பில் மார்ச்  18முதல் 20ஆம் தேதி வரை மிக பெரிய அளவில் மேளா நடைபெற உள்ளது.  
இந்த அரிய வாய்ப்பினை பொதுமக்கள் பயன்படுத்தி வீட்டில் உள்ள அனைவருக்கும் சிறு சேமிப்பு கணக்குகள் மற்றும் தகுதி உள்ள அனைவருக்கும் கிராமிய அஞ்சல் ஆயுள் காப்பீடு திட்டங்கள் தொடங்கி பயன்பெறலாம்.  
நிதி ஆண்டுக்கான கடைசி மாதம் என்பதால் உடனடியாக மார்ச் 31ஆம் தேதிக்குள் சிறுசேமிப்பு கணக்குகள் மற்றும் கிராமிய அஞ்சல் ஆயுள் காப்பீடு திட்டங்களைத் தொடங்கிப் பயனடையலாம். 
சிறுசேமிப்பு திட்டங்கள் மற்றும் கிராமிய அஞ்சல் ஆயுள் காப்பீடு திட்டங்களில் இணையதளம் மூலம் பணம் செலுத்தும் வசதி உள்ளது. 
பள்ளிகள் மற்றும் தொழில் நிறுவனங்களில் பணியாற்றும் அனைவரும் பயன்பெற அவரவர் இடங்களுக்கே சென்று திட்டத்தை பற்றி விரிவாக எடுத்துரைக்கவும் ஏற்பாடு செய்யப்பட்டுள்ளது என்றார்.

]]>
https://www.dinamani.com/all-editions/edition-coimbatore/tiruppur/2019/mar/14/அஞ்சலகங்களில்-சிறு-சேமிப்புக்-கணக்கு-தொடங்க-சிறப்பு-மேளா-மார்ச்-18-முதல்-20ஆம்-தேதி-வரை-நடைபெறுகிறத-3113284.html
3113283 கோயம்புத்தூர் திருப்பூர் கல்லூரி மாணவர்கள் போராட்டம் DIN DIN Thursday, March 14, 2019 03:36 AM +0530 உடுமலை அரசு கலைக் கல்லூரி மாணவ, மாணவியர் பொள்ளாச்சி நடைபெற்ற ஆபாச விடியோ சம்பவங்களைக் கண்டித்து புதன்கிழமை போராட்டம் நடத்தினர்.
உடுமலை அரசு கலைக் கல்லூரியில் சுமார் 3 ஆயிரத்துக்கும் மேற்பட்ட மாணவ, மாணவியர் படித்து வருகின்றனர். இந்நிலையில் புதன்கிழமை காலை 8.30 மணிக்கு கல்லூரியில் வகுப்புக்கள் தொடங்கியவுடன் மாணவ, மாணவியர் அனைவரும் வகுப்புக்களைப் புறக்கணித்துவிட்டு வெளியே வந்தனர். பின்னர் கல்லூரி வளாகத்தில் அமர்ந்து ஆர்ப்பாட்டத்தில் ஈடுபட்டனர். 
இதில் பொள்ளாச்சியில்  பெண்களை தவறாக ஆபாச விடியோ எடுத்த குற்றவாளிகள் அனைவரையும் கைது செய்ய வேண்டும். இந்த  வழக்கை போலீஸார் நேர்மையாக விசாரிக்க வேண்டும் என்ற கோரிக்கைகளை முன் வைத்து முழக்கங்களை எழுப்பினர்.  சுமார் 1 மணி நேரம் நடந்த போராட்டத்துக்குப் பின் அனைவரும் கலைந்து சென்றனர்.

]]>
https://www.dinamani.com/all-editions/edition-coimbatore/tiruppur/2019/mar/14/கல்லூரி-மாணவர்கள்-போராட்டம்-3113283.html
3112900 கோயம்புத்தூர் திருப்பூர் திருப்பூரில் வாக்குச் சாவடி மையங்களில் ஆட்சியர் ஆய்வு DIN DIN Wednesday, March 13, 2019 09:21 AM +0530 மக்களவைத் தேர்தலை ஒட்டி திருப்பூர் வடக்கு, திருப்பூர் தெற்கு சட்டப் பேரவைத் தொகுதிகளுக்கு உள்பட்ட வாக்குச் சாவடி மையங்களில் மாவட்ட ஆட்சியர் கே.எஸ்.பழனிசாமி செவ்வாய்க்கிழமை ஆய்வு மேற்கொண்டார். 
  தமிழகத்தில் மக்களவைத் தேர்தல் வரும் ஏப்ரல் 18 ஆம் தேதி நடைபெறுகிறது. இதையொட்டி, திருப்பூர் வடக்கு, திருப்பூர் தெற்கு சட்டப் பேரவைத் தொகுதிகளில் உள்ள வாக்குச் சாவடி மையங்களை மாவட்ட ஆட்சியரும், மாவட்டத் தேர்தல் அலுவலருமான கே.எஸ்.பழனிசாமி செவ்வாய்க்கிழமை பார்வையிட்டு ஆய்வு செய்தார்.
  அப்போது அவர் கூறியதாவது:
 திருப்பூர் மாவட்டத்தில் திருப்பூர் வடக்கு, திருப்பூர் தெற்கு, பல்லடம், அவிநாசி, காங்கயம், தாராபுரம், உடுமலைப்பேட்டை, மடத்துக்குளம் ஆகிய 8 சட்டப் பேரவைத் தொகுதிகளில் மொத்தம் 2,482 வாக்குச் சாவடிகளை உள்ளடக்கிய 1, 028 வாக்குச் சாவடி மையங்களில் வரும் ஏப்ரல் 18 ஆம் தேதி வாக்குப் பதிவு நடைபெறவுள்ளது.  மாவட்டத்தில் உள்ள அனைத்து வாக்குச் சாவடிகளும் உரிய அலுவலர்களால் தணிக்கை செய்யப்பட்டு, வாக்குச் சாவடிகளில் மாற்றுத் திறனாளி வாக்காளர்களின் வசதிக்காக சாய்வுதளப் பாதை,  வாக்காளர்களுக்குத் தேவையான அடிப்படை வசதிகளான குடிநீர் வசதி, கழிப்பிட வசதி, மின்வசதி உள்ளிட்டவை இருப்பது உறுதி செய்யப்பட்டு வருகிறது. 
  திருப்பூர் வடக்கு  சட்டப் பேரவைத் தொகுதிக்கு உள்பட்ட குமார் நகர் (வ.உ.சி.நகர்)  மாநகராட்சி ஆரம்பப் பள்ளி, தேவாங்கபுரம் மாநகராட்சி நடுநிலைப் பள்ளி, திருப்பூர் தெற்கு சட்டப் பேரவைத் தொகுதிக்கு உள்பட்ட கருவம்பாளையம் மாநகராட்சி உயர்நிலைப் பள்ளி, பாரப்பாளையம் மாநகராட்சி நடுநிலைப் பள்ளி ஆகிய வாக்குச் சாவடி மையங்களில் ஆய்வு நடத்தப்பட்டது. வாக்குச்சாவடி மையங்களில் வாக்காளர்களுக்குத் தேவையான அனைத்து அடிப்படைத் தேவைகளையும் நிறைவேற்ற நடவடிக்கை மேற்கொள்ள வேண்டும் என்று அலுவலர்களுக்கு அறிவுறுத்தப்பட்டுள்ளது என்றார்.
  வட்டாட்சியர்கள் தமிழ்ச்செல்வன் (திருப்பூர் வடக்கு), மகேஷ்வரன் (திருப்பூர் தெற்கு), அரசு அலுவலர்கள் உடனிருந்தனர். 

]]>
https://www.dinamani.com/all-editions/edition-coimbatore/tiruppur/2019/mar/13/திருப்பூரில்-வாக்குச்-சாவடி-மையங்களில்-ஆட்சியர்-ஆய்வு-3112900.html
3112898 கோயம்புத்தூர் திருப்பூர் காவல் நிலைய வளாகத்தில் பெண் தீக்குளிக்க முயற்சி DIN DIN Wednesday, March 13, 2019 09:21 AM +0530 திருப்பூர் வடக்கு காவல் நிலைய வளாகத்தில்  குடும்பப் பிரச்னை காரணமாக பெண் ஒருவர் செவ்வாய்க்கிழமை தீக்குளிக்க முயற்சித்துள்ளார்.
 இது குறித்து காவல் துறையினர் கூறியதாவது:
  திருப்பூர், கள்ளம்பாளையம் சாலை இந்திரா நகரைச் சேர்ந்தவர் கிரிஜா (55). இவர், செவ்வாய்க்கிழமை காலை திருப்பூர் வடக்கு காவல் நிலையத்துக்கு வந்துள்ளார். அப்போது, தான் கொண்டுவந்த மண்ணெண்ணெய்யை தன் உடல் மீது ஊற்றி தீ வைக்க முயற்சித்துள்ளார். அங்கிருந்த காவல் துறையினர் கிரிஜாவைத் தடுத்து நிறுத்தி காவல் நிலையத்துக்கு அழைத்துச் சென்று விசாரணனை நடத்தினர். 
   இது குறித்து கிரிஜா காவல் துறையினரிடம் கூறியதாவது:
   எனது கணவர் மாரிமுத்துவும், நானும் பிரிந்து விட்டோம். இந்த நிலையில், எனது கணவரும், இரு மகள்களும் எனக்கு கொலை மிரட்டல் விடுத்து வருகின்றனர். 
இது தொடர்பாக ஏற்கெனவே திருப்பூர் வடக்கு அனைத்து மகளிர் காவல் நிலையத்தில் புகார் அளித்துள்ளேன். ஆனால், காவல் துறையினர் உரிய நடவடிக்கை எடுக்கவில்லை. இந்த நிலையில், திங்கள்கிழமையும் எனக்கு கொலை மிரட்டல் விடுத்தனர். இதனால் மனஉளைச்சலுக்கு ஆளாகி தற்கொலைக்கு முயற்சித்தேன் என்றார்.
   கிரிஜாவின் புகார் குறித்து உரிய நடவடிக்கை எடுக்கப்படும் என்றும், இதுபோன்ற செயல்களில் ஈடுபட்டக் கூடாது எனவும் அவருக்கு காவல் துறையினர் அறிவுரை வழங்கி அனுப்பிவைத்தனர்.
 

]]>
https://www.dinamani.com/all-editions/edition-coimbatore/tiruppur/2019/mar/13/காவல்-நிலைய-வளாகத்தில்-பெண்-தீக்குளிக்க-முயற்சி-3112898.html
3112897 கோயம்புத்தூர் திருப்பூர் வயதான தந்தையை மிரட்டிய மகன் மீது வழக்கு DIN DIN Wednesday, March 13, 2019 09:21 AM +0530 வெள்ளக்கோவில் அருகே வயதான தந்தையை மிரட்டிய மகன் மீது போலீஸார் செவ்வாய்க்கிழமை  வழக்குப் பதிவு செய்து விசாரணை நடத்தி வருகின்றனர்.
 வெள்ளக்கோவில்,  சிவநாதபுரத்தைச் சேர்ந்தவர் ராமசாமி (78). இவருக்குச் சொந்தமாக வீடு உள்ளது. வீட்டின் பத்திரத்தை இவருடைய மகன் குணசேகரன் எடுத்துச் சென்று விட்டார். பத்திரத்தைத் திருப்பித் தருமாறும், வீட்டை குணசேகரனின் அம்மா தாயம்மாள் பெயருக்கு எழுதி வைப்பதாகவும் ராமசாமி கூறியுள்ளார். இதனால் ஆத்திரமடைந்த குணசேகரன் தனது தந்தையைக் காலால் எட்டி உதைத்து, பத்திரத்தைக் கேட்டால் தொலைத்து விடுவேன் என மிரட்டியுள்ளார்.
  இது குறித்த புகாரின் பேரில் வெள்ளக்கோவில் போலீஸார் குணசேகரன் மீது வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/mar/13/வயதான-தந்தையை-மிரட்டிய-மகன்-மீது-வழக்கு-3112897.html
3112896 கோயம்புத்தூர் திருப்பூர் அவிநாசி நகைக் கடையில்  திருட முயன்ற இருவர் கைது DIN DIN Wednesday, March 13, 2019 09:20 AM +0530 அவிநாசி நகைக் கடையில் நகைகளை திருட முயன்ற இருவர் கைது செய்யப்பட்டனர்.
 அவிநாசியில், சேவூர் சாலையில் உள்ள நகைக் கடைக்கு இரு நபர்கள் நகை வாங்குவதற்காக செவ்வாய்க்கிழமை வந்தனர். அப்போது, அவர்கள் இருவரும் கடையில் இருந்து 2 பவுன் நகையைத் திருட முயற்சித்துள்ளனர். நகைக் கடை நிர்வாகத்தினர் இருவரையும் பிடித்து அவிநாசி காவல் நிலையத்தில் ஒப்படைத்தனர்.  விசாரணையில்,  அவர்கள் மேட்டுப்பாளையம், டேங்கிமேடு பகுதியைச் சேர்ந்த முஸ்தபா ( 21),  அபுதாலிப் ( 22) என்பது தெரியவந்தது. 
 இது குறித்து அவிநாசி போலீஸார் வழக்குப் பதிவு செய்து இருவரையும் கைது செய்தனர்.

]]>
https://www.dinamani.com/all-editions/edition-coimbatore/tiruppur/2019/mar/13/அவிநாசி-நகைக்-கடையில்--திருட-முயன்ற-இருவர்-கைது-3112896.html
3112895 கோயம்புத்தூர் திருப்பூர் திருப்பூரில் பின்னலாடை சேமிப்புக் கிடங்கில் தீ விபத்து DIN DIN Wednesday, March 13, 2019 09:20 AM +0530 திருப்பூர் பழைய பேருந்து நிலையம் அருகே உள்ள பின்னலாடை நிறுவனத்தின்  மூலப்பொருள்கள் சேமித்து வைக்கும் கிடங்கில் செவ்வாய்க்கிழமை இரவு தீ விபத்து ஏற்பட்டது. இதில், பல லட்சம் மதிப்பிலான பொருள்கள் எரிந்து சேதமாகின.
  திருப்பூர் பழைய பேருந்து நிலையம் அருகே உள்ள புளியமரத்தோட்டம் முதல் வீதியில் பின்னலாடை நிறுவனம் செயல்பட்டு வருகிறது. இதன் அருகில் பின்னலாடைகளுக்குத் தேவையான பாலிபேக், காட்டன் பாக்ஸ், எலாஸ்டிக் ஆகியவற்றை சேமித்து வைக்கும் கிடங்கும் உள்ளது. இந்தக் கிடங்கில் 200க்கும் மேற்பட்ட ஊழியர்கள் வேலை செய்து வருகின்றனர்.
  இந்த நிலையில், செவ்வாய்க்கிழமை இரவு 8.20 மணி அளவில் கிடங்கில் இருந்து புகை வெளியேறியுள்ளது. 
சிறிது நேரத்தில் தீ கொழுந்துவிட்டு எரியத் தொடங்கியது. இது குறித்த தகவலின்பேரில் திருப்பூர் தெற்கு தீயணைப்புத் துறையினர் சம்பவ இடத்துக்குச் சென்று தீயைக் கட்டுப்படுத்தும் பணியில் ஈடுபட்டனர். இதையடுத்து அப்பகுதியில் மின்சார இணைப்புத்  துண்டிக்கப்பட்டது. கூடுதலாக திருப்பூர் வடக்கு தீயணைப்பு நிலையத்தில் இருந்து மூன்று தண்ணீர் லாரிகள் வரவழைக்கப்பட்டு தீயை அணைக்கும் பணியில்  மேற்கொள்ளப்பட்டது. காவல் துறை சார்பிலும் 10க்கும் மேற்பட்ட லாரிகளில் தண்ணீர் கொண்டுவரப்பட்டது. இரண்டரை மணி  நேரம் போராடி  தீயை அணைத்தனர். 
  இது குறித்து தீயணைப்புத் துறையினர் கூறியதாவது:
  மின் கசிவு காரணமாக தீ விபத்து ஏற்பட்டிருக்கலாம். பல லட்சம் ரூபாய் மதிப்பிலான பொருள்கள் சேதமடைந்துள்ளன. எனினும், முழுமையாக விசாரணை நடத்தினால் மட்டுமே தீ விபத்துக்கான காரணம் தெரியவரும் என்றனர்.
  இது குறித்து  திருப்பூர்  மத்தியப் பிரிவு காவல்  துறையினரும் விசாரிக்கின்றனர்.
 

]]>
https://www.dinamani.com/all-editions/edition-coimbatore/tiruppur/2019/mar/13/திருப்பூரில்-பின்னலாடை-சேமிப்புக்-கிடங்கில்-தீ-விபத்து-3112895.html