Dinamani - திருப்பூர் - https://www.dinamani.com/all-editions/edition-coimbatore/tiruppur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3235561 கோயம்புத்தூர் திருப்பூர் பொது சுத்திகரிப்பு நிலையங்கள் மீதான 12% ஜிஎஸ்டி வரியைத் திரும்பப் பெற வேண்டும்: சாய ஆலை உரிமையாளர்கள் சங்கம் வலியுறுத்தல் DIN DIN Monday, September 16, 2019 04:29 AM +0530
பொது சுத்திகரிப்பு நிலையங்கள் மீதான  12 சதவீத ஜிஎஸ்டி வரியைத் திரும்பப் பெற வேண்டும் என்று சாய ஆலை உரிமையாளர்கள் சங்கம் வலியுறுத்தியுள்ளது. 
 திருப்பூர் சாய ஆலை உரிமையாளர்கள் சங்கத்தின் 28ஆவது பொதுக் குழுக் கூட்டம்  சனிக்கிழமை நடைபெற்றது. சாய ஆலை உரிமையாளர்கள் சங்கத்தின் தலைவர் எஸ்.நாகராஜன் தலைமை வகித்தார். இதில், நிறைவேற்றப்பட்ட தீர்மானங்கள் விவரம்:
  பொது சுத்திகரிப்பு நிலையங்கள் மீதான 12 சதவீத ஜிஎஸ்டி வரியை மத்திய அரசு திரும்பப் பெற வேண்டும். பொது சுத்திகரிப்பு நிலையங்களுக்கு யூனிட்டுக்கு ரூ. 2 என்ற சலுகை விலையில் மாநில அரசு மின்சாரம் வழங்க வேண்டும். 
மத்திய, மாநில அரசுகள் பொது சுத்திகரிப்பு நிலையங்களுக்கு வழங்கியுள்ள வட்டியில்லா கடனை மானியமாக மாற்றி அறிவிக்க வேண்டும்.  பூஜ்ய நிலை சுத்திகரிப்பு செய்யும் சாய ஆலைகளுக்கு மட்டுமே உள்நாட்டு, வெளிநாட்டு பின்னலாடை உற்பத்தியாளர்கள் ஆர்டர்களை கொடுக்க வேண்டும். சனி, ஞாயிற்றுக்கிழமைகளில் சாய ஆலைகள் செயல்பட மாசுக்கட்டுப்பாட்டு வாரியம் அனுமதி அளிக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
  முன்னதாக சாய ஆலை உரிமையாளர்கள் சங்கப் பொதுச் செயலாளர் எஸ்.முருகசாமி ஆண்டறிக்கை வாசித்தார்.  துணைத் தலைவர் சீனிவாசன், இணைச் செயலாளர் தட்சிணாமூர்த்தி, செயலாலர் கிரி உள்ளிட்ட பலர் கலந்து கொண்டனர். 

]]>
https://www.dinamani.com/all-editions/edition-coimbatore/tiruppur/2019/sep/16/பொது-சுத்திகரிப்பு-நிலையங்கள்-மீதான-12-ஜிஎஸ்டி-வரியைத்-திரும்பப்-பெற-வேண்டும்-சாய-ஆலை-உரிமையாளர்கள-3235561.html
3235559 கோயம்புத்தூர் திருப்பூர் கார் மீது வேன் மோதல்: குழந்தை உள்பட 4 பேர் காயம் DIN DIN Monday, September 16, 2019 04:29 AM +0530
அவிநாசி அருகே புதுப்பாளையம் பிரிவில் கார் மீது வேன் மோதி விபத்துக்குள்ளானதில் 3 வயதுக் குழந்தை உள்பட நான்கு பேர் ஞாயிற்றுக்கிழமை காயமடைந்தனர்.
அவிநாசி அருகே புதுப்பாளையம் பகுதியைச் சேர்ந்த நடராஜ், இவரது மகன் பரமேஷ், இவரது மகன் பூஜித் (3) ஆகியோர் அவிநாசியில் இருந்து புதுப்பாளையம் நோக்கி காரில் சென்றுகொண்டிருந்தனர். வழியில் புதுப்பாளையம் பிரிவு அருகே இந்த கார் மீது எதிரே வந்துகொண்டிருந்த வேன் மோதி விபத்து ஏற்பட்டது.
அச்சமயத்தில், அவ்வழியாக காரில் வந்துகொண்டிருந்த பல்லடம் சட்டப் பேரவை உறுப்பினர் நடராஜன்,  விபத்தில் காயமடைந்த 3 வயதுக் குழந்தையை மீட்டு தனது காரில் கொண்டுசென்று அவிநாசி அரசு மருத்துவமனையில் சேர்த்தார்.
விபத்தில் பலத்த காயமடைந்த நடராஜ், பரமேஷ்,  வேன் ஓட்டுநர் சிவராஜ் ஆகியோர் ஆம்புலன்ஸ் மூலம் அவிநாசி அரசு மருத்துவமனையில் அனுமதிக்கப்பட்டனர்.  இது குறித்து அவிநாசி போலீஸார் வழக்குப் பதிவு செய்து விசாரிக்கின்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/16/கார்-மீது-வேன்-மோதல்-குழந்தை-உள்பட-4-பேர்-காயம்-3235559.html
3235558 கோயம்புத்தூர் திருப்பூர் விவசாய நிலங்கள் வழியாக மின்சாரம் கொண்டுசெல்லும் திட்டத்தைக் கைவிட வேண்டும் DIN DIN Monday, September 16, 2019 04:29 AM +0530
விவசாய நிலங்கள் வழியாக மின்சாரம் கொண்டுசெல்லும் நடவடிக்கைகளைக் கைவிட்டுவிட்டு நெடுஞ்சாலைகள் வழியாக கேபிள் மூலமாக மின்சாரத்தை எடுத்துச் செல்ல வேண்டும் என்று சமூக ஆர்வலர் டிராபிக் ராமசாமி வலியுறுத்தியுள்ளார். 
 தாராபுரத்தை அடுத்துள்ள சிறுகிணறு கிராமத்தில்  உயர்மின் கோபுரத் திட்டத்தால் பாதிக்கப்படும் விவசாயிகளுக்கான சட்ட விழிப்புணர்வுக் கூட்டம் சனிக்கிழமை நடைபெற்றது. இதில் பங்கேற்ற சமூக ஆர்வலர் டிராபிக் ராமசாமி செய்தியாளர்களிடம் கூறியதாவது: 
தமிழகத்தில் உயர்மின்அழுத்தக் கோபுரத்தால் பாதிக்கப்படும் விவசாயிகள் பாதுகாப்பு இயக்கத்தின் கூட்டமைப்புக்கு எனது  முழுமையான ஆதரவைத் தெரிவித்துக் கொள்கிறேன். விவசாய நிலங்கள் வழியாக மின்சாரம் கொண்டுசெல்லும் திட்டத்தைக் கைவிட்டுவிட்டு நெடுஞ்சாலைகளில் கேபிள் மூலமாக மின்சாரத்தைக் கொண்டு செல்ல வேண்டும். விவசாயிகளையும், விவசாய நிலங்களையும் அழித்து ஒரு திட்டத்தை நிறைவேற்றும் வேலையில் மத்திய மோடி அரசு ஈடுபட்டு வருவது வன்மையாகக் கண்டிக்கத்தக்கதாகும். 
  பெல்லம்பட்டி கிராமப் பகுதியில் நில அளவீடு செய்ய பவர்கிரிட் நிறுவனத்தினர் சனிக்கிழமை வந்தனர். அப்போது விவசாயகள், பொதுமக்களுடன் இணைந்து இதைத் தடுத்து நிறுத்தினோம். திருப்பூர் மாவட்ட ஆட்சியரைத் தொடர்பு கொண்டு விளைநிலங்கள் வழியாக மின்கோபுரம் அமைக்க முன் அனுமதிக் கடிதத்தைக் கொடுத்துவிட்டுத்தான் வரவேண்டும் என்று உத்தரவு உள்ளது. இந்த உத்தரவைப் பின்பற்ற வேண்டும் என்றுகூறியபோது, அது குறித்துப் பரிசீலனை செய்வதாகத் தெரிவித்தார். எனது செல்லிடப்பேசி அழைப்புக்குப் பிறகு நில அளவீடு செய்யும் பணிகள் நிறுத்தப்பட்டன. இதைக் கூட்டமைப்புக்கு கிடைத்த முதல் வெற்றியாகக் கருதுகிறேன்.   விவசாயிகள் கூட்டியக்க நிர்வாகிகள் 5 பேர் கைது செய்யப்பட்டதை வன்மையாகக் கண்டிக்கிறேன். கைது செய்யப்பட்ட 5 பேரையும் எந்தவிதமான நிபந்தனையும் இன்றி விடுவிக்க மத்திய, மாநில அரசுகள் முன்வர வேண்டும். இல்லாவிட்டால் விவசாயிகளைத் திரட்டி கைது செய்த காவல் துறையினர் மீது வழக்குப் பதிவு செய்ய தயங்கமாட்டேன் என்றார்.
 

]]>
https://www.dinamani.com/all-editions/edition-coimbatore/tiruppur/2019/sep/16/விவசாய-நிலங்கள்-வழியாக-மின்சாரம்-கொண்டுசெல்லும்-திட்டத்தைக்-கைவிட-வேண்டும்-3235558.html
3235556 கோயம்புத்தூர் திருப்பூர் டிஎன்பிஎஸ்சி குரூப் 2ஏ தேர்வுக்கு இலவசப் பயிற்சி வகுப்புத் தொடக்கம் DIN DIN Monday, September 16, 2019 04:29 AM +0530
டிஎன்பிஎஸ்சி குரூப் 2ஏ தேர்வுக்கான இலவசப் பயிற்சி வகுப்பு உடுமலையில் ஞாயிற்றுக்கிழமை தொடங்கப்பட்டது. 
 உடுமலை உழவர் சந்தை எதிரில் உள்ள கிளை நூலகம் எண்-2 இல் போட்டித் தேர்வுகளுக்கான இலவசப் பயிற்சி வகுப்புகள் நடைபெற்று வருகின்றன. இந்த நிலையில் குரூப்-2 ஏ தேர்வுக்கான தமிழக அரசின் அறிவிப்பு வெளியிடப்பட உள்ள நிலையில் இதற்கான பயிற்சி வகுப்புகளும் நூலக வளாகத்தில் ஞாயிற்றுக்கிழமை தொடங்கப்பட்டுள்ளது. இதன் தொடக்க நிகழ்வுக்கு நூலக வாசகர் வட்டத் தலைவர் இ.இளமுருகு தலைமை வகித்தார். துணைத் தலைவர் வி.கே.சிவகுமார் முன்னிலை வகித்தார். நூலகர் வீ.கணேசன் வரவேற்றார்.
 இதில் பயிற்சி வகுப்பு ஆசிரியர் ஜெயப்பிரகாஷ் போட்டித் தேர்வை எதிர்கொள்ளும் விதம் குறித்து விளக்கினார். ஆசிரியர் ஜெய்கணேஷ் மாதிரி வினாத்தாளை வழங்கி பயிற்சி அளித்தார். உடுமலை, மடத்துக்குளம் வட்டத்தைச் சேர்ந்த 50க்கும் மேற்பட்டோர் கலந்துகொண்டனர். நூலகர்கள் மகேந்திரன், அருள்மொழி உள்ளிட்டோர் இதற்கான ஏற்பாடுகளை செய்திருந்தனர்.
 

]]>
https://www.dinamani.com/all-editions/edition-coimbatore/tiruppur/2019/sep/16/டிஎன்பிஎஸ்சி-குரூப்-2ஏ-தேர்வுக்கு-இலவசப்-பயிற்சி-வகுப்புத்-தொடக்கம்-3235556.html
3235554 கோயம்புத்தூர் திருப்பூர் வெள்ளக்கோவிலில் 19 டன் முருங்கைக்காய் வரத்து DIN DIN Monday, September 16, 2019 04:28 AM +0530 வெள்ளக்கோவிலில் ஞாயிற்றுக்கிழமை 19 டன் முருங்கைக்காய்கள் வரத்துக் காணப்பட்டது.
 வெள்ளக்கோவில், முத்தூர் சாலையில் செயல்பட்டு வரும் தனியார் கொள்முதல் மையத்தில் வாரந்தோறும் முருங்கைக்காய்கள் வாங்கப்படுகின்றன. விவசாயிகள் முருங்கைக்காய்களை இங்கு விற்பனைக்குக் கொண்டு வருகின்றனர். இந்த வாரம் 110 விவசாயிகள் மொத்தம் 19 டன் முருங்கைக்காய்களைக் கொண்டுவந்தனர். இதை வியாபாரிகள் கொள்முதல் செய்தனர். மர முருங்கைக்காய் கிலோ ரூ.10, செடி முருங்கைக்காய் கிலோ ரூ.19, கரும்பு முருங்கைக்காய் கிலோ ரூ. 20 என 
விற்கப்பட்டன.  
 

]]>
https://www.dinamani.com/all-editions/edition-coimbatore/tiruppur/2019/sep/16/வெள்ளக்கோவிலில்-19-டன்-முருங்கைக்காய்-வரத்து-3235554.html
3235552 கோயம்புத்தூர் திருப்பூர் விவசாய நிலங்கள் வழியாக மின்சாரம் கொண்டுசெல்லும் திட்டத்தைக் கைவிட வேண்டும்: டிராபிக் ராமசாமி வலியுறுத்தல்  DIN DIN Monday, September 16, 2019 04:27 AM +0530
விவசாய நிலங்கள் வழியாக மின்சாரம் கொண்டுசெல்லும் நடவடிக்கைகளைக் கைவிட்டுவிட்டு நெடுஞ்சாலைகள் வழியாக கேபிள் மூலமாக மின்சாரத்தை எடுத்துச் செல்ல வேண்டும் என்று சமூக ஆர்வலர் டிராபிக் ராமசாமி வலியுறுத்தியுள்ளார். 
  தாராபுரத்தை அடுத்துள்ள சிறுகிணறு கிராமத்தில்  உயர்மின் கோபுரத் திட்டத்தால் பாதிக்கப்படும் விவசாயிகளுக்கான சட்ட விழிப்புணர்வுக் கூட்டம் சனிக்கிழமை நடைபெற்றது. இதில் பங்கேற்ற சமூக ஆர்வலர் டிராபிக் ராமசாமி செய்தியாளர்களிடம் கூறியதாவது:
   தமிழகத்தில் உயர்மின்அழுத்தக் கோபுரத்தால் பாதிக்கப்படும் விவசாயிகள் பாதுகாப்பு இயக்கத்தின் கூட்டமைப்புக்கு எனது  முழுமையான ஆதரவைத் தெரிவித்துக் கொள்கிறேன். விவசாய நிலங்கள் வழியாக மின்சாரம் கொண்டுசெல்லும் திட்டத்தைக் கைவிட்டுவிட்டு நெடுஞ்சாலைகளில் கேபிள் மூலமாக மின்சாரத்தைக் கொண்டு செல்ல வேண்டும். விவசாயிகளையும், விவசாய நிலங்களையும் அழித்து ஒரு திட்டத்தை நிறைவேற்றும் வேலையில் மத்திய மோடி அரசு ஈடுபட்டு வருவது வன்மையாகக் கண்டிக்கத்தக்கதாகும். 
  பெல்லம்பட்டி கிராமப் பகுதியில் நில அளவீடு செய்ய பவர்கிரிட் நிறுவனத்தினர் சனிக்கிழமை வந்தனர். அப்போது விவசாயகள், பொதுமக்களுடன் இணைந்து இதைத் தடுத்து நிறுத்தினோம். திருப்பூர் மாவட்ட ஆட்சியரைத் தொடர்பு கொண்டு விளைநிலங்கள் வழியாக மின்கோபுரம் அமைக்க முன் அனுமதிக் கடிதத்தைக் கொடுத்துவிட்டுத்தான் வரவேண்டும் என்று உத்தரவு உள்ளது. இந்த உத்தரவைப் பின்பற்ற வேண்டும் என்றுகூறியபோது, அது குறித்துப் பரிசீலனை செய்வதாகத் தெரிவித்தார். எனது செல்லிடப்பேசி அழைப்புக்குப் பிறகு நில அளவீடு செய்யும் பணிகள் நிறுத்தப்பட்டன. இதைக் கூட்டமைப்புக்கு கிடைத்த முதல் வெற்றியாகக் கருதுகிறேன்.
   விவசாயிகள் கூட்டியக்க நிர்வாகிகள் 5 பேர் கைது செய்யப்பட்டதை வன்மையாகக் கண்டிக்கிறேன். கைது செய்யப்பட்ட 5 பேரையும் எந்தவிதமான நிபந்தனையும் இன்றி விடுவிக்க மத்திய, மாநில அரசுகள் முன்வர வேண்டும். இல்லாவிட்டால் விவசாயிகளைத் திரட்டி கைது செய்த காவல் துறையினர் மீது வழக்குப் பதிவு செய்ய தயங்கமாட்டேன் என்றார்.
 

]]>
https://www.dinamani.com/all-editions/edition-coimbatore/tiruppur/2019/sep/16/விவசாய-நிலங்கள்-வழியாக-மின்சாரம்-கொண்டுசெல்லும்-திட்டத்தைக்-கைவிட-வேண்டும்-டிராபிக்-ராமசாமி-வலியுறு-3235552.html
3235551 கோயம்புத்தூர் திருப்பூர் அவிநாசியில் மனைவி நல வேட்பு விழா DIN DIN Monday, September 16, 2019 04:27 AM +0530 அவிநாசி மனவளக்கலை மன்ற அறக்கட்டளை சார்பில் அன்னை லோகாம்பாளின்105ஆவது பிறந்த நாள் விழாவையொட்டி மனைவி நல வேட்பு விழா நடைபெற்றது.
 அவிநாசி பழனியப்பா மெட்ரிக் மேல்நிலைப் பள்ளியில் ஞாயிற்றுக்கிழமை நடைபெற்ற இந்நிகழ்வுக்கு அவிநாசி மனவளக்கலை மன்ற அறக்கட்டளைச் செயலாளர் எம்.கணேசன் தலைமை வகித்தார். தலைவர் பி.ராஜ்குமார் முன்னிலை வகித்தார். துணைத் தலைவர் எம்.தேவராஜ், வரவேற்றார். அறக்கட்டளை துணைத் தலைவர் (ஸ்மார்ட்) ஏ.சொக்கலிங்கம் தவ உரையாற்றினார்.
வேதலோக அன்பு நிலைய அறக்கட்டளைச் செயலாளர் முரளிதரன், புவனேஸ்வரி தம்பதி வாழ்த்து தவம் செய்வித்தனர். நிகழ்ச்சியில் பங்கேற்ற தம்பதியர் தங்களுக்குள் மாலை மாற்றி, மலர், கனிகளைப் பரிமாறிக்கொண்டனர். திருச்சி உலக சமுதாய சேவா சங்கப் பேராசிரியை அமுதா ராமாநுஜம் வேதாத்திரி சிறப்புரையாற்றினார்.  தலைமை ஆசிரியர்(ஓய்வு) வெங்கடாசலம் நன்றி கூறினார். இந்நிகழ்ச்சிகளை ஆசிரியை தங்கேஷ்வரி தொகுத்து வழங்கினார்.

]]>
https://www.dinamani.com/all-editions/edition-coimbatore/tiruppur/2019/sep/16/அவிநாசியில்-மனைவி-நல-வேட்பு-விழா-3235551.html
3235549 கோயம்புத்தூர் திருப்பூர் மாவட்டத்தில் அண்ணா பிறந்த நாள் கொண்டாட்டம் DIN DIN Monday, September 16, 2019 04:27 AM +0530
திருப்பூர் மாநகரில் முன்னாள் முதல்வர் அண்ணா பிறந்த நாளையொட்டி அவரது உருவப்படத்துக்கு அதிமுகவினர் மாலை அணிவித்து மரியாதை செலுத்தினர்.
திருப்பூர் மாநகர் மாவட்ட அதிமுக சார்பில் முன்னாள் முதல்வர் அண்ணா பிறந்த நாள் விழா ஞாயிற்றுக்கிழமை கொண்டாடப்பட்டது. மாநகராட்சி அலுவலகம் முன்பாக நடைபெற்ற இந்நிகழ்வுக்கு முன்னாள் அமைச்சரும், மாநகர் மாவட்ட அதிமுக செயலாளருமான எம்.எஸ்.எம்.ஆனந்தன் தலைமை வகித்து, அண்ண உருவப்படத்துக்கு மாலை அணிவித்து மலர்தூவி மரியாதை செலுத்தினர்.
சட்டப் பேரவை உறுப்பினர்கள் சு.குணசேகரன் (திருப்பூர் தெற்கு), கே.என்.விஜயகுமார் (திருப்பூர் வடக்கு), கரைப்புதூர் ஏ.நடராஜன் (பல்லடம்), அதிமுக நிர்வாகிகள் உள்ளிட்ட பலர் கலந்து கொண்டனர்.
தாராபுரத்தில்.... தாராபுரத்தில் அதிமுக, திமுக, அமமுக சார்பில் அண்ணா பிறந்த நாள் விழா கொண்டாடப்பட்டது. அதிமுக ஒன்றியச் செயலாளர் சின்னப்பன் (எ) பழனிசாமி தலைமையில் அதிமுகவினர் காமராஜபுரத்தில் இருந்து சின்னக் கடை வீதி, பெரிய கடை வீதி, பூக்கடை சந்திப்பு வழியாகச் சென்று அண்ணா உருவப்படத்துக்கு மாலை அணிவித்து மரியாதை செய்தனர். 
திமுக சார்பில் நகரச் செயலாளர் தனசேகரன் தலைமையில் அக்கட்சியினர்  காமராஜபுரத்திலிருந்து சுமார் 3 கி.மீ. தொலைவில் உள்ள பழைய நகராட்சி அலுவலகம் வரை பேரணியாகச் சென்று அண்ணா உருவச் சிலைக்கு மாலை அணிவித்து மரியாதை செய்தனர். இதேபோல்,  அமமுக, பெரியார் திராவிடர் கழகம் உள்ளிட்ட பல்வேறு கட்சிகள், அமைப்புகள் சார்பில் அண்ணா சிலைக்கு மாலை அணிவித்து மரியாதை செலுத்தப்பட்டது.
பெருமாநல்லூரில்...: திருப்பூர் ஒன்றிய அதிமுக சார்பில் பெருமாநல்லூர் நான்கு சாலை சந்திப்பில் அண்ணா பிறந்த நாள் விழா கொண்டாடப்பட்டது.  இதற்கு திருப்பூர் வடக்கு சட்டப் பேரவை உறுப்பினர் கே.என்.விஜயகுமார் தலைமை வகித்தார். அதிமுக மாநகர் மாவட்டச் செயலாளரும், முன்னாள் அமைச்சருமான எம்.எஸ்.எம்.ஆனந்தன் அண்ணா உருவப் படத்துக்கு மாலை அணிவித்து மரியாதை செலுத்தி, அனைவருக்கும் இனிப்பு வழங்கினார். இதில், மாநகராட்சி முன்னாள் மண்டலத் தலைவர்கள் ராதாகிருஷ்ணன்,  ஜான், பகுதி செயலாளர்கள் பட்டுலிங்கம், கருணாகரன் உள்ளிட்டோர் பங்கேற்றனர்.
சேவூரில்... அண்ணா பிறந்த நாளையொட்டி, அவிநாசி வடக்கு ஒன்றிய அதிமுக சார்பில் சேவூர் கைகாட்டி பகுதியில் அண்ணா உருவப் படத்துக்கு ஒன்றியச் செயலாளர் சேவூர் ஜி.வேலுச்சாமி உள்ளிட்ட நிர்வாகிகள் மாலை அணிவித்து மரியாதை செலுத்தினர். அவிநாசி வடக்கு ஒன்றியத்துக்கு உள்பட்ட பகுதிகளில் அண்ணா உருவப் படத்துக்கு அதிமுக சார்பில் மாலை அணிவித்து மரியாதை செலுத்தி, பொதுமக்களுக்கு இனிப்பு வழங்கப்பட்டது.
காங்கயத்தில்... முன்னாள் முதல்வர் அண்ணா பிறந்த நாளையொட்டி, காங்கயம் அருகே, மறவபாளையம் ஊராட்சியில் அவரது உருவப் படத்துக்கு திமுக ஒன்றியச் செயலாளர் என்.எஸ்.சிதம்பரம் தலைமையில் கட்சியினர் மாலை அணிவித்து மரியாதை செலுத்தினர்.  பின்னர் கட்சிக் கொடியேற்றிவைத்து, அப்பகுதி மக்களுக்கு நலத் திட்ட உதவிகளை வழங்கினர்.
இதில், ஒன்றிய துணைச் செயலர் ஈஸ்வரமூர்த்தி, மாவட்டப் பிரதிநிதி ஈஸ்வரமூர்த்தி, ஊராட்சி செயலாளர் ராஜேந்திரன், ஆலாம்பாடி ஊராட்சி முன்னாள் தலைவர் ரங்கசாமி, வார்டு நிர்வாகிகள், தொண்டர்கள் கலந்து கொண்டனர்.
வெள்ளக்கோவிலில்...  முன்னாள் முதல்வர் அண்ணா பிறந்த தினத்தையொட்டி, அம்மா மக்கள் முன்னேற்றக் கழகம் சார்பில் வெள்ளக்கோவில், அக்கரைப்பாளையத்தில் உள்ள அண்ணா சிலைக்கு ஞாயிற்றுக்கிழமை மாலை அணிவித்து மரியாதை செலுத்தப்பட்டது. இதில், மாவட்ட அம்மா பேரவைச் செயலாளர் கே.எஸ்.சண்முகராஜு, ஒன்றியச் செயலாளர் எம்.வி.சண்முகராஜ், நகரச் செயலாளர் கணேசன் உள்ளிட்டோர் கலந்துகொண்டனர்.
புதிய நீதிக் கட்சி சார்பில்... முன்னாள் முதல்வர் அண்ணா பிறந்த தினத்தை ஒட்டி புதிய நீதிக் கட்சி சார்பில் வெள்ளக்கோவில், அக்கரைப்பாளையத்திலுள்ள அண்ணா சிலைக்கு ஞாயிற்றுக்கிழமை மாலை அணிவித்து மரியாதை செலுத்தப்பட்டது. இதில், கட்சியின் மாநில அமைப்புச் செயலாளர் எஸ்.செளந்தரராஜன், ஈரோடு தெற்கு மாவட்டச் செயலாளர் கே.தங்கத்தம்பி உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/tiruppur/2019/sep/16/மாவட்டத்தில்-அண்ணா-பிறந்த-நாள்-கொண்டாட்டம்-3235549.html
3235548 கோயம்புத்தூர் திருப்பூர் விவசாயிகள் கூட்டு இயக்க நிர்வாகிகள் கைது: இந்திய விவசாயிகள் மகா சபை கண்டனம் DIN DIN Monday, September 16, 2019 04:26 AM +0530
திருப்பூர் மாவட்டம், குண்டடம் அருகே உயர்மின் கோபுரங்களை அமைக்க எதிர்ப்புத் தெரிவித்து போராட்டதில் ஈடுபட்ட விவசாயிகள் கூட்டு இயக்க நிர்வாகிகள் 5 பேர் கைது செய்யப்பட்டு சிறையில் அடைக்கப்பட்டுள்ளதற்கு இந்திய விவசாயிகள் மகா சபை கண்டனம் தெரிவித்துள்ளது. 
அகில இந்திய விவசாயிகள் மகா சபையின் மாநிலப் பொதுச் செயலாளர் அ.சந்திரமோகன் வெளியிட்டுள்ள அறிக்கையில் தெரிவித்துள்ளதாவது:
தாராபுரம் வட்டம், குண்டடம் பகுதியில் உயர்மின் கோபுரங்களை விவசாய நிலங்களில் அமைப்பதற்காக வந்த பவர் கிரீட் நிறுவனத்தினர், காவல் துறை அதிகாரிகளைக் கண்டித்தும் எதிர்த்தும் போராடத்தில் ஈடுபட்ட 19 பெண்கள் உள்ளிட்ட 59 பேரை குண்டடம் காவல் துறையினர் கைது செய்தனர். இந்த நிலையில், போராட்டத்தை முன்னின்று நடத்தியதாக வழக்குரைஞர் ஈசன், சண்முகம், முத்துவிஸ்வநாதன், பார்த்தசாரதி, தங்கமுத்து ஆகிய 5 பேரை வெள்ளிக்கிழமை நள்ளிரவில் கைது செய்த காவல் துறையினர் தாராபுரம் நீதிமன்றத்தில் ஆஜர்படுத்தி கோவை மத்திய சிறையில் அடைத்துள்ளனர். கார்ப்பரேட் நிறுவனங்களுக்கு ஆதரவாக செயல்படும் தமிழக அரசின் செயல் கண்டிக்கத்தக்கதாகும். ஆகவே, 5 பேரையும் உடனடியாக விடுதலை செய்ய வேண்டும். நெடுஞ்சாலை ஒரமாக கேபிள்கள் மூலமாக மின்சாரம் எடுத்துச் செல்ல வேண்டும் எனத் தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/sep/16/விவசாயிகள்-கூட்டு-இயக்க-நிர்வாகிகள்-கைது-இந்திய-விவசாயிகள்-மகா-சபை-கண்டனம்-3235548.html
3235546 கோயம்புத்தூர் திருப்பூர் கார் மீது வேன் மோதல்: குழந்தை உள்பட 4 பேர் காயம் DIN DIN Monday, September 16, 2019 04:26 AM +0530 அவிநாசி அருகே புதுப்பாளையம் பிரிவில் கார் மீது வேன் மோதி விபத்துக்குள்ளானதில் 3 வயதுக் குழந்தை உள்பட நான்கு பேர் ஞாயிற்றுக்கிழமை காயமடைந்தனர்.
அவிநாசி அருகே புதுப்பாளையம் பகுதியைச் சேர்ந்த நடராஜ், இவரது மகன் பரமேஷ், இவரது மகன் பூஜித் (3) ஆகியோர் அவிநாசியில் இருந்து புதுப்பாளையம் நோக்கி காரில் சென்றுகொண்டிருந்தனர். வழியில் புதுப்பாளையம் பிரிவு அருகே இந்த கார் மீது எதிரே வந்துகொண்டிருந்த வேன் மோதி விபத்து ஏற்பட்டது.
அச்சமயத்தில், அவ்வழியாக காரில் வந்துகொண்டிருந்த பல்லடம் சட்டப் பேரவை உறுப்பினர் நடராஜன்,  விபத்தில் காயமடைந்த 3 வயதுக் குழந்தையை மீட்டு தனது காரில் கொண்டுசென்று அவிநாசி அரசு மருத்துவமனையில் சேர்த்தார்.
விபத்தில் பலத்த காயமடைந்த நடராஜ், பரமேஷ்,  வேன் ஓட்டுநர் சிவராஜ் ஆகியோர் ஆம்புலன்ஸ் மூலம் அவிநாசி அரசு மருத்துவமனையில் அனுமதிக்கப்பட்டனர்.  இது குறித்து அவிநாசி போலீஸார் வழக்குப் பதிவு செய்து விசாரிக்கின்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/16/கார்-மீது-வேன்-மோதல்-குழந்தை-உள்பட-4-பேர்-காயம்-3235546.html
3235545 கோயம்புத்தூர் திருப்பூர் அரசு  கலைக் கல்லூரியின் புதிய முதல்வராக சி.வி.தீபா பொறுப்பேற்பு DIN DIN Monday, September 16, 2019 04:26 AM +0530
திருப்பூர்  சிக்கண்ணா  அரசு  கலைக் கல்லூரியின் புதிய முதல்வராக சி.வி.தீபா  ஞாயிற்றுக்கிழமை பொறுப்பேற்றுக்கொண்டார். 
  கோவில்பட்டியில் உள்ள  இரண்டாம் நிலை அரசு கலை, அறிவியல்  கல்லூரியில் முதல்வராகப் பணியாற்றி வந்த சி.வி.தீபா பதவி உயர்வு பெற்று  திருப்பூர் சிக்கண்ணா கல்லூரி  முதல்வராக நியமிக்கப்பட்டுள்ளார். இதையடுத்து,  முதல்நிலைக் கல்லூரியான திருப்பூர் சிக்கண்ணா அரசு கல்லூரியில் அவர் பொறுப்பேற்றுக்கொண்டார்.  அவருக்கு பேராசிரியர் புஷ்பலதா, விநாயகமூர்த்தி,  நாட்டு நலப்பணித் திட்ட ஒருங்கிணைப்பாளர் மோகன்குமார், அமிர்தராணி, நிதியாளர் வேலுசாமி  உள்ளிட்டோர் வாழ்த்துத் தெரிவித்தனர்.

]]>
https://www.dinamani.com/all-editions/edition-coimbatore/tiruppur/2019/sep/16/அரசு--கலைக்-கல்லூரியின்-புதிய-முதல்வராக-சிவிதீபா-பொறுப்பேற்பு-3235545.html
3235543 கோயம்புத்தூர் திருப்பூர் சொந்தக் கிணற்றில் தண்ணீர் எடுக்க இடையூறு: தொழிலாளர்கள் புகார் DIN DIN Monday, September 16, 2019 04:26 AM +0530
வெள்ளக்கோவில் அருகே மேட்டுப்பாளையம் கிராமத்தில் சொந்தக் கிணற்றில் தண்ணீர் எடுக்க சமூக விரோதகள்  இடையூறு செய்வதாகப் புகார் தெரிவிக்கப்பட்டுள்ளது.
  இது தொடர்பாக தனியார் நூல் மில் தொழிலாளர்கள் சம்பந்தப்பட்ட அதிகாரிகளுக்கு அனுப்பியுள்ள புகார் மனுவில் கூறியிருப்பதாவது:
  வெள்ளக்கோவிலிலுள்ள தனியார் நூல் மில்லில் 400 பேர் குடும்பத்துடன் தங்கி வேலை செய்துவருகிறோம். எங்களுக்கு குடிநீர், இதரத் தேவைகளுக்கு அரசு அமைப்புகளால் வழங்கப்படும் தண்ணீர் போதுமானதாக இல்லை. எனவே, மேட்டுப்பாளையம் கிராமத்தில் உள்ள மில்லுக்குச் சொந்தமான கிணற்றில் இருந்து டேங்கர் லாரியில் தினமும் 4 லோடு தண்ணீர் எடுத்துவந்த மில் நிர்வாகம் எங்களுக்கு வழங்கி வருகிறது. சலவைப் பட்டறை, சாயப் பட்டறைகளுக்குத்தான் தண்ணீர் தேவைப்படும். நூல் மில்லை இயக்கத் தண்ணீர் தேவையில்லை.
   இந்நிலையில், சமூக விரோதிகள் சிலர் மில்லுக்கு வரும் தண்ணீர் லாரியைத் தடுத்து நிறுத்தி மிரட்டி, தண்ணீர் எடுக்க முடியாமல் இடையூறு ஏற்படுத்தி வருகின்றனர். எனவே எங்களுக்குத் தண்ணீர் தொடர்ந்து கிடைக்க அதிகாரிகள் நடவடிக்கை எடுக்க வேண்டும் எனத் தெரிவிக்கப்பட்டுள்ளது.
   இது குறித்து மில் உரிமையாளர் ஆர்.கிட்டுச்சாமியிடம் கேட்டபோது, எங்களுடைய கிணற்றிலிருந்து சொந்த மில்லில் வேலை செய்யும் தொழிலாளர்களுக்கு வழங்குவதற்காக மட்டும் தண்ணீர் எடுக்கப்படுகிறது. வேறு எந்த வகையிலும் விற்பனை செய்வதில்லை. இதுபோன்ற இடையூறுகள் வேதனையளிக்கிறது. தொழிலை நிறுத்த வேண்டிய சூழ்நிலை ஏற்பட்டுள்ளது 
என்றார். 

]]>
https://www.dinamani.com/all-editions/edition-coimbatore/tiruppur/2019/sep/16/சொந்தக்-கிணற்றில்-தண்ணீர்-எடுக்க-இடையூறு-தொழிலாளர்கள்-புகார்-3235543.html
3235542 கோயம்புத்தூர் திருப்பூர் செப்டம்பர் 17 மின் விநியோகம் தடைபடும் இடங்கள் DIN DIN Monday, September 16, 2019 04:25 AM +0530
 ஊதியூர், முத்தூர், ராசாத்தாவலசு
 காங்கயம் மின்வாரிய கோட்டத்துக்கு உள்பட்ட ஊதியூர், முத்தூர், ராசாத்தாவலசு ஆகிய துணை மின்நிலையங்களில் பராமரிப்புப் பணிகள் நடைபெற உள்ளதால் கீழ்க்கண்ட இடங்களில் செவ்வாய்க்கிழமை (செப்டம்பர்17) காலை 9 மணி முதல் மாலை 4 மணி வரை மின் விநியோகம் இருக்காது என மின்வாரிய காங்கயம் செயற்பொறியாளர் எம்.மருதாச்சலமூர்த்தி தெரிவித்துள்ளார்.
மின் விநியோகம் தடைபடும் இடங்கள்: வட்டமலை, ஊதியூர், பொத்தியபாளையம், வானவராயநல்லூர், புளியம்பட்டி, முதலிபாளையம், புதுப்பாளையம், குள்ளம்பாளையம், வடசின்னாரிபாளையம்.
முத்தூர் துணை மின்நிலையம்: முத்தூர், வள்ளியரச்சல், ஊடையம், சின்னமுத்தூர், செங்கோடம்பாளையம், ஆலம்பாளையம்.
ராசாத்தாவலசு துணை மின்நிலையம்: மேட்டுப்பாளையம், ராசாத்தாவலசு, வெள்ளகோவில், தாசவநாயக்கன்பட்டி, நாகமநாயக்கன்பட்டி, குருக்கத்தி, புதுப்பை, பாப்பினி, அஞ்சூர், கம்பளியம்பட்டி.
 

]]>
https://www.dinamani.com/all-editions/edition-coimbatore/tiruppur/2019/sep/16/செப்டம்பர்-17-மின்-விநியோகம்-தடைபடும்-இடங்கள்-3235542.html
3235499 கோயம்புத்தூர் திருப்பூர் பேனர் கலாசாரத்தை தமிழகத்தில் கொண்டுவந்தது திமுக தான்: பிரேமலதா விஜயகாந்த் குற்றச்சாட்டு DIN DIN Monday, September 16, 2019 03:14 AM +0530
தமிழகத்தில் பேனர் கலாசாரத்தை முதன் முதலில் கொண்டுவந்தது திமுகதான் என்று தேமுதிக பொருளாளர் பிரேமலதா விஜயகாந்த் குற்றம் சாட்டியுள்ளார். 
திருப்பூர் மாவட்ட தேமுதிக சார்பில் கட்சியின் நிறுவனத் தலைவர் விஜயகாந்த் பிறந்த நாள் விழா, கட்சியின்15 ஆம் ஆண்டு தொடக்க விழா, நலத் திட்ட உதவிகள் வழங்கும் விழா என முப்பெரும் விழா ஞாயிற்றுக்கிழமை நடைபெற்றது.  இந்த விழாவில் பங்கேற்று தேமுதிக பொருளாளர் பிரேமலதா விஜயகாந்த் பேசியதாவது:
ஜிஎஸ்டியால் நெசவும், பின்னலாடைத் துறையும் முடக்கப்பட்டிருக்கின்றன.  பிரதமர் மோடியை வெகுவிரைவில் சந்தித்து ஜிஎஸ்டியை மறுபரிசீலனை செய்யும்படி வலியுறுத்துவோம். இந்தியாவில் நீண்டகாலம் ஆட்சி செய்த காங்கிரஸ் ஊழலைத் தவிர வேறு எந்த சாதனையையும் செய்யவில்லை. காங்கிரஸில் 50 ஆண்டுகாலம் அரசியல் செய்து 8 முறை பட்ஜெட் போட்ட  ப.சிதம்பரம் இருப்பது திகார் சிறையில்.
கடந்த இரு நாள்களுக்கு முன்னர் திமுக தலைவர் மு.க.ஸ்டாலின் வெளியிட்டுள்ள அறிக்கையில் பேனர் வைக்கும் விழாவுக்குச் செல்லமாட்டேன் என்கிறார். பேனர் கலாசாரத்தை தமிழகத்தில் கொண்டுவந்தது திமுகதான் என்பதை உங்களால் மறுக்க முடியுமா?  ஈழப் படுகொலைக்குக்  காரணம் திமுகதான். தமிழகத்தில் விரைவில் நடைபெறும் உள்ளாட்சித் தேர்தலில் அதிகமான இடங்களில் வெற்றிபெற கடுமையாக உழைக்க வேண்டும்  என்றார். 
ஒரு நாள் ஒரு பொழுதாவது எனக்கு விடியும்: விஜயகாந்த்
இந்த விழாவில் தேமுதிக நிறுவனத் தலைவர் விஜயகாந்த் பேசுகையில்,  ஒரு நாள் ஒரு பொழுதாவது இந்த விஜயகாந்துக்கு விடியும். அப்போது உங்களை தங்கத் தட்டில் வைத்துத் தாலாட்டுவேன். அடுத்த முறை ஒரு மணி நேரம் பேசுகிறேன். இப்பொழுது அனைவரும் பத்திரமாக வீடுபோய் சேருங்கள் என்றார்.
தேமுதிக துணைப் பொதுச் செயலாளர் எல்.கே.சுதீஷ், விஜயபிரபாகரன்,தேமுதிக திருப்பூர் மாவட்டச் செயலாளர் முத்துவெங்கடேஸ்வரன் உள்ளிட்ட  நிர்வாகிகள், கட்சியினர் கலந்துகொண்டனர்.

]]>
https://www.dinamani.com/all-editions/edition-coimbatore/tiruppur/2019/sep/16/பேனர்-கலாசாரத்தை-தமிழகத்தில்-கொண்டுவந்தது-திமுக-தான்-பிரேமலதா-விஜயகாந்த்-குற்றச்சாட்டு-3235499.html
3235060 கோயம்புத்தூர் திருப்பூர் பிஏபி பாசனத் திட்டத்தில் உடனடியாக தண்ணீர் திறக்க விவசாயிகள் வலியுறுத்தல் DIN DIN Sunday, September 15, 2019 06:16 AM +0530 பிஏபி பாசனத் திட்டத்தில் உடனடியாக தண்ணீர் திறந்துவிட வேண்டும் என விவசாயிகள் கோரிக்கை விடுத்துள்ளனர்.
இதுகுறித்து வாவிபாளையம் விவசாயிகள் செய்தியாளர்களிடம் கூறியதாவது:
பிஏபி பாசனத் திட்டம் மூலம் பொள்ளாச்சி, உடுமலை, சூலூர், பல்லடம், காங்கயம் தாலுக்காக்களில் பல்லாயிரக்கணக்கான ஏக்கர் விவசாய பாசனமும், குடிநீர் தேவையும் பூர்த்தி செய்யப்பட்டு வருகிறது. இந்தத் திட்டத்தின்படி  இரண்டு ஆண்டுகளுக்கு ஒருமுறை 135 நாள்களுக்கு தண்ணீர்  திறப்பது  வழக்கம். பிறகு காலப்போக்கில் 135 நாள்கள் என்பது படிப்படியாக குறைந்துவிட்டது.
 ஆகஸ்ட் மாதத்தில் பாசனத்துக்கு தண்ணீர்  திறப்பது வழக்கம். இந்நிலையில் நடப்பு ஆண்டில் இன்னும் பாசனத்துக்கு தண்ணீர் திறக்கப்படவில்லை. ஏற்கெனவே மண்டலத்துக்கு ஒருமுறை என்றளவில் கால இடைவெளிவிட்டு பாசனத்துக்கு தண்ணீர் திறக்கப்படுகிறது.
அதையும் முறையாக திறக்காததால் கடந்த பல ஆண்டுகளாக விவசாயிகள் கடுமையாக பாதிக்கப்பட்டுள்ளனர். இந்நிலையில் கடந்த மாதம் பெய்த தென் மேற்கு பருவ மழையால் பிஏபி பாசனத் திட்ட அணைகளில் போதிய அளவு தண்ணீர் உள்ளது. பிஏபி பாசனத் திட்ட தண்ணீர் கிடைத்தால் மட்டுமே வறட்சியின் பிடியிலிருந்து மேற் குறிப்பிட்ட பாசனப் பகுதிகளை காப்பாற்ற முடியும். எனவே  விவசாயிகளின் நலன் கருதி பிஏபி பாசனத் திட்டத்தில் உடனடியாக தண்ணீர் திறந்துவிட தமிழக அரசு நடவடிக்கை எடுக்க வேண்டும் என்றனர்.

]]>
https://www.dinamani.com/all-editions/edition-coimbatore/tiruppur/2019/sep/15/பிஏபி-பாசனத்-திட்டத்தில்-உடனடியாக-தண்ணீர்-திறக்க-விவசாயிகள்-வலியுறுத்தல்-3235060.html
3235059 கோயம்புத்தூர் திருப்பூர் ஆனைமலையாறு - நல்லாறு திட்டத்தை விரைந்து நிறைவேற்ற வேண்டும்: உழவர் உழைப்பாளர் கட்சி வலியுறுத்தல் DIN DIN Sunday, September 15, 2019 06:16 AM +0530 கொங்கு மண்டல விவசாயிகளின் நலன் கருதிஆனைமலையாறு - நல்லாறு திட்டத்தை விரைந்து நிறைவேற்ற வேண்டும் என உழவர் உழைப்பாளர் கட்சி வலியுறுத்தியுள்ளது.
இதுகுறித்து அக்கட்சியின் திருப்பூர் மாவட்ட இளைஞரணி தலைவர் வாவிபாளையம் சோமசுந்தரம் சனிக்கிழமை வெளியிட்டுள்ள அறிக்கை:
ஆனைமலையாறு - நல்லாறு திட்டம்  காமராஜர் ஆட்சி காலத்தில் திட்டமிடப்பட்டு கடந்த 52 ஆண்டுகளாக கிடப்பில் உள்ளது. தமிழக,கேரள அரசுகள் செய்துகொண்ட ஒப்பந்தப்படி கேரளம் இடைமலையாறு அணை கட்டிய பிறகு ஒரு துணை ஒப்பந்தத்தை ஏற்படுத்திக்கொண்டு ஆனைமலை ஆறு அணைத் திட்டத்தை தமிழக அரசு நிறைவேற்றிக் கொள்ளலாம் என கூறப்பட்டுள்ளது. 
 இடமலையாறு அணையை கேரள அரசு 1970-இல் தொடங்கி 1985-இல் கட்டி முடித்ததாக அம்மாநில அரசின் இணையதளத்தில் தெரிவிக்கப்பட்டுள்ளது. இந்நிலையில் ஒவ்வோராண்டும் இரு மாநில அரசு அதிகாரிகள் இடையே நடைபெறும் பேச்சுவார்த்தையின்போது, மேற்கண்ட திட்டம் இன்னும் நிறைவேற்றப்படவில்லை என கேரள அரசு அதிகாரிகள் தவறான தகவல்களை தெரிவித்து வருகின்றனர்.
 ஆனைமலையாறு, நல்லாறு அணை திட்டத்தை செயல்படுத்தினால் சுமார் 13 டிஎம்சி கூடுதல் நீர் திருமூர்த்தி அணைக்கு கிடைக்கும். இதன் மூலம் 4.25 லட்சம் ஏக்கர் விளை நிலங்கள் பாசன வசதி பெறும் என நீர்வளத் துறை பொறியாளர்கள் தெரிவித்துள்ளனர். எனவே ஆனைமலையாறு - நல்லாறு திட்டத்தை உடனடியாக நிறைவேற்ற தமிழக அரசு நடவடிக்கை மேற்கொள்ள வேண்டும் என அதில் குறிப்பிடப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/15/ஆனைமலையாறு---நல்லாறு-திட்டத்தை-விரைந்து-நிறைவேற்ற-வேண்டும்-உழவர்-உழைப்பாளர்-கட்சி-வலியுறுத்தல்-3235059.html
3235058 கோயம்புத்தூர் திருப்பூர் வட்டமலைக்கரை ஓடை அணை கால்வாய்களில் கழிவுப் பொருள்கள் DIN DIN Sunday, September 15, 2019 06:15 AM +0530 வெள்ளக்கோவில் வட்டமலைக்கரை ஓடை அணை கால்வாய்களில் கழிவுப் பொருள்கள் கொட்டிக் கிடக்கின்றன.
 510 ஏக்கர் பரப்பளவு உள்ள இந்த அணையிலிருந்து 6,040 ஏக்கர் நிலங்கள் பாசன வசதி பெறுகின்றன. நீர்வரத்து இல்லாததால் அணையின் இடது, வலதுபுறக் கால்வாய் பல ஆண்டுகளாக வறண்டு கிடக்கிறது. இந்நிலையில் அணையின் கால்வாய்கள் குப்பை கொட்டும் இடங்களாக மாறி வருகிறது.
கட்டடக் கழிவுகள், நூல் மில் கழிவுகள், கழிவுப் பஞ்சுகள், இறைச்சிக் கழிவுகள், மீதமாகும் உணவுக் கழிவுகள் போன்றவை கால்வாய்களில் கொட்டிக் கிடக்கின்றன. இந்நிலையில் அணைக்குத் தண்ணீர் கொண்டுவரும் முயற்சி மேற்கொள்ளப்பட்டுள்ளது. எனவே கால்வாய்களையும், அணைப் பகுதிகளையும் தூய்மைப்படுத்த வேண்டும் என வட்டமலைக்கரை ஓடை அணை நீரினைப் பயன்படுத்துவோர் சங்கம் வேண்டுகோள் விடுத்துள்ளது.

]]>
https://www.dinamani.com/all-editions/edition-coimbatore/tiruppur/2019/sep/15/வட்டமலைக்கரை-ஓடை-அணை-கால்வாய்களில்-கழிவுப்-பொருள்கள்-3235058.html
3235057 கோயம்புத்தூர் திருப்பூர் முத்தூர் விற்பனைக் கூடத்தில் 6.69 டன் தேங்காய், கொப்பரை விற்பனை DIN DIN Sunday, September 15, 2019 06:15 AM +0530 திருப்பூர் மாவட்டம், வெள்ளக்கோவிலை அடுத்த முத்தூர் ஒழுங்குமுறை விற்பனைக் கூடத்தில் சனிக்கிழமை 6.69 டன் தேங்காய், கொப்பரை விற்பனை நடைபெற்றது. 
இந்த வாரம் 13,283 தேங்காய்கள் விற்பனைக்கு கொண்டுவரப்பட்டிருந்தன. இவற்றின் எடை 4,788 கிலோ. 43 விவசாயிகளும், 10 வியாபாரிகளும் ஏலத்தில் பங்கேற்றனர். கிலோ ரூ.22.10 
முதல் ரூ.26 வரை விலை போனது. சராசரி விலை கிலோ ரூ.25.70. 
இதன் மதிப்பு ரூ. 1 லட்சத்து 18 ஆயிரத்து 365.
 1,911 கிலோ கொப்பரை வரத்து இருந்தது. 66 விவசாயிகள், 8 வியாபாரிகள் ஏலத்தில் பங்கேற்றனர். கிலோ ரூ.52.50 முதல் ரூ. 95.35 வரை விற்பனையானது. சராசரி விலை கிலோ ரூ.82.60. இதன் விற்பனைத் தொகை ரூ. 1 லட்சத்து 55 ஆயிரத்து 928.
விற்பனைக் கூட மேற்பார்வையாளர் ஸ்ரீ ரங்கன் முன்னிலையில் ஒட்டுமொத்த விற்பனைத் தொகை ரூ. 2 லட்சத்து 74 ஆயிரத்து 293 அந்தந்த விவசாயிகளின் வங்கிக் கணக்குகளில் செலுத்தப்பட்டது. மொத்தம் 6.69 டன் தேங்காய், கொப்பரை விற்பனை 
நடைபெற்றது.

]]>
https://www.dinamani.com/all-editions/edition-coimbatore/tiruppur/2019/sep/15/முத்தூர்-விற்பனைக்-கூடத்தில்-669-டன்-தேங்காய்-கொப்பரை-விற்பனை-3235057.html
3235056 கோயம்புத்தூர் திருப்பூர் ஆள் கடத்தல் வழக்கில் தலைமறைவாக இருந்த இளைஞர் 10 மாதங்களுக்குப் பிறகு கைது DIN DIN Sunday, September 15, 2019 06:14 AM +0530 திருப்பூரில் ரூ. 1 கோடி கேட்டு  இருவரைக் கடத்திய வழக்கில் தலைமறைவாக இருந்த இளைஞரை 10 மாதங்களுக்குப் பிறகு காவல் துறையினர் சனிக்கிழமை கைது செய்தனர். 

கோவையைச் சேர்ந்த ராமமூர்த்தி, நந்தகோபால் ஆகிய இருவரையும் 4 பேர் கொண்ட கும்பல் கடந்த ஆண்டு நவம்பர் மாதம் கடத்தி, கணியாம்பூண்டியில் அடைத்து வைத்து ரூ.1 கோடி கேட்டு மிரட்டல் விடுத்தது. 
இச்சம்பவத்தில் தொடர்புடைய போலீஸ் கார்த்தி, ரகு, டென்னிஸ் ஜாக்சன் ஆகிய 3 பேரையும் அனுப்பர்பாளையம் காவல் துறையினர் கைது செய்தனர். இந்நிலையில் இந்த வழக்கில் தொடர்புடைய திண்டுக்கல் மாவட்டம், மேற்கு மரியநாதபுரம், புதுத்தெருவைச் சேர்ந்த ஜி.செல்வா (எ) செல்லபாண்டியை (29) காவல் துறையினர் தேடி வந்தனர்.
கடந்த 10 மாதங்களாகத் தலைமறைவாக இருந்த அவர், திருப்பூர் புதிய பேருந்து நிலையம் அருகே பதுங்கி உள்ளதாக காவல் துறையினருக்குத் தகவல் கிடைத்தது. அதன்பேரில் அனுப்பர்பாளையம் காவல் ஆய்வாளர் பி.என்.ராஜன், முதல்நிலைக் காவலர் பழனிகுமார் உள்ளிட்ட காவல் துறையினர் சம்பவ இடத்துக்குச் சென்று செல்லபாண்டியைக் கைது செய்து, நீதிமன்றத்தில் ஆஜர்படுத்தி சிறையில் அடைத்தனர்.
கைது செய்யப்பட்ட செல்லபாண்டி மீது ஆள் கடத்தல், கட்டப் பஞ்சாயத்து உள்ளிட்ட பல்வேறு வழக்குகள் நிலுவையில் உள்ளது குறிப்பிடத்தக்கது.

]]>
https://www.dinamani.com/all-editions/edition-coimbatore/tiruppur/2019/sep/15/ஆள்-கடத்தல்-வழக்கில்-தலைமறைவாக-இருந்த-இளைஞர்-10-மாதங்களுக்குப்-பிறகு-கைது-3235056.html
3235055 கோயம்புத்தூர் திருப்பூர் குடிமராமத்துப் பணிகளை ஆய்வு செய்த ஆட்சியர் DIN DIN Sunday, September 15, 2019 06:14 AM +0530 பல்லடம் பகுதியில் உள்ள குளம், குட்டைகளில் நடைபெற்று வரும் குடிமராமத்துப் பணிகளை மாவட்ட ஆட்சியர் கே.எஸ்.பழனிசாமி சனிக்கிழமை பார்வையிட்டு ஆய்வு செய்தார்.
திருப்பூர் மாவட்டத்தில் 134 குளம், குட்டைகளில் குடிமராமத்து பணி மேற்கொள்ள ரூ.15 கோடி நிதி ஒதுக்கீடு செய்யப்பட்டு பணிகள் நடைபெற்று வருகின்றன. 
இதன் மூலம் பல்லடம், திருப்பூர் தெற்கு, காங்கயம், தாராபுரம், உடுமலை, மடத்துக்குளம் ஆகிய வட்டங்களில் 1,33,663 ஹெக்டேர் நிலம் பாசனம் பெறும்.
இத்திட்டத்தின் கீழ் பல்லடம் விரிவாக்க கால்வாய் நாராணபுரம் 2, பூமலூர், 63 வேலம்பாளையம், மாரப்பகவுண்டம்பாளையம், வாவிபாளையம் ஆகிய இடங்களில் ரூ.30.20 லட்சம் மதிப்பில் குடிமராமத்துப் பணிகள் நடைபெற்று வருகின்றன.
இப்பணிகளை மாவட்ட ஆட்சியர் கே.எஸ்.பழனிசாமி சனிக்கிழமை பார்வையிட்டு ஆய்வு செய்தார்.
அப்போது ஆழியாறு வடிநில கோட்டம், பல்லடம் உப கோட்ட உதவி செயற்பொறியாளர் அப்புசாமி, உதவிப் பொறியாளர் சிங்காரவேலு, பல்லடம் வட்டாட்சியர் சாந்தி, பி.ஏ.பி. பாசன நீரினை பயன்படுத்துவோர் சங்க விவசாயிகள் உடனிருந்தனர்.

]]>
https://www.dinamani.com/all-editions/edition-coimbatore/tiruppur/2019/sep/15/குடிமராமத்துப்-பணிகளை-ஆய்வு-செய்த-ஆட்சியர்-3235055.html
3235054 கோயம்புத்தூர் திருப்பூர் திமுக இளைஞரணி உறுப்பினர் சேர்க்கை முகாம் DIN DIN Sunday, September 15, 2019 06:14 AM +0530 திருப்பூர் மாவட்டம், தாராபுரம் சட்டப்பேரவைத் தொகுதியில் திமுக இளைஞர் அணி உறுப்பினர் சேர்க்கை  முகாம் சனிக்கிழமை நடைபெற்றது.
தாராபுரம் அண்ணா சிலை அருகே நடைபெற்ற இம்முகாமை கட்சியின் தெற்கு மாவட்டச் செயலாளர் இல.பத்மநாபன் தொடங்கிவைத்து புதிய உறுப்பினர்களை வரவேற்றுப் பேசினார். இதில் நூற்றுக்கும் மேற்பட்ட இளைஞர்கள் சேர்ந்தனர்.
இம்முகாமில் தாராபுரம் நகரச் செயலாளர் தனசேகரன், திமுக நிர்வாகிகள், தொண்டர்கள் கலந்து கொண்டனர்.
உடுமலையில்: உடுமலை மத்திய பேருந்து நிலையம் எதிரே நடைபெற்ற முகாமுக்கு கட்சியின் நகரச் செயலாளர் எம்.மத்தீன் தலைமை வகித்தார். இதில் நூற்றுக்கும் மேற்பட்ட இளைஞர்கள் திமுகவில் இணைந்தனர். தெற்கு மாவட்டச் செயலாளர் இல.பத்மநாபன் சிறப்பு விருந்தினராக கலந்து கொண்டு படிவங்களை பெற்றுக் கொண்டார். மடத்துக்குளத்தில் நடைபெற்ற முகாமில் எம்எல்ஏ இரா.ஜெயராமகிருஷ்ணன் சிறப்பு விருந்தினராக கலந்து கொண்டார்.
பல்லடத்தில்:  பல்லடம் நகர இளைஞரணி சார்பில் புதிய உறுப்பினர் சேர்த்தல் முகாம் நகர பொறுப்பாளர் ராஜேந்திரகுமார் தலைமையில் தியாகி என்.ஜி ஆர். சாலை கடைவீதியில் நடைபெற்றது. முகாமை வடக்கு மாவட்ட இளைஞரணி அமைப்பாளர் தங்கராஜ் துவக்கி வைத்தார். நகர இளைஞரணி அமைப்பாளர் ராஜசேகரன் வரவேற்றார். இதில் முன்னாள் நகராட்சி தலைவர்கள் ராமமூர்த்தி, சேகர், வழக்குரைஞர் பாலமுருகன், குட்டி பழனிசாமி, ஜெகதீஷ், சண்முகம் உள்பட பலர் பங்கேற்றனர். 
கோடாங்கிபாளையம் ஊராட்சி, காரணம்பேட்டையில் நடைபெற்ற  முகாமுக்கு ஒன்றிய செயலாளர் கிருஷ்ணமூர்த்தி தலைமை வகித்தார். முகாமை மாவட்ட அவைத் தலைவர் திருமூர்த்தி துவக்கி வைத்தார். ஒன்றிய இளைஞரணி அமைப்பாளர் ராஜேஸ்வரன் வரவேற்றார். இதில் மாவட்ட பொறியாளர் அணி அமைப்பாளர் சிற்பி செல்வராஜ், ராஜகோபால், ரங்கசாமி உள்ளிட்டோர் பங்கேற்றனர்.

]]>
https://www.dinamani.com/all-editions/edition-coimbatore/tiruppur/2019/sep/15/திமுக-இளைஞரணி-உறுப்பினர்-சேர்க்கை-முகாம்-3235054.html
3235053 கோயம்புத்தூர் திருப்பூர் பள்ளி மாணவியை துன்புறுத்திய இளைஞர் கைது DIN DIN Sunday, September 15, 2019 06:13 AM +0530 அவிநாசி அருகே பள்ளி மாணவியை துன்புறுத்திய இளைஞரை போலீஸார் சனிக்கிழமை கைது செய்தனர்.
அவிநாசி, சேவூர் பகுதியைச் சேர்ந்த 10ஆம் வகுப்பு மாணவியை, ராயர்பாளையம் பகுதியைச் சேர்ந்த கோவிந்தசாமி (23) என்பவர், கையை பிடித்து இழுத்து துன்புறுத்தியதாகக் கூறப்படுகிறது. இதுகுறித்து மாணவியின் பெற்றோர், அவிநாசி அனைத்து மகளிர் காவல் நிலையத்தில் புகார் அளித்தனர். 
அதன்பேரில் போலீஸார் விசாரணை நடத்தி, கோவிந்தசாமி மீது போக்úஸா சட்டத்தின் கீழ் வழக்குப்பதிந்து அவரை கைது செய்தனர்.

]]>
https://www.dinamani.com/all-editions/edition-coimbatore/tiruppur/2019/sep/15/பள்ளி-மாணவியை-துன்புறுத்திய-இளைஞர்-கைது-3235053.html
3235052 கோயம்புத்தூர் திருப்பூர் மக்கள் நீதிமன்றத்தில் 1,445 வழக்குகளுக்குத் தீர்வு DIN DIN Sunday, September 15, 2019 06:12 AM +0530 திருப்பூர் மாவட்டத்தில் நடைபெற்ற மக்கள் நீதிமன்றம் (லோக் அதாலத்) மூலமாக 1,445 வழக்குகளுக்கு சனிக்கிழமை தீர்வு காணப்பட்டது.
திருப்பூர் மாவட்ட சட்டப்பணிகள் ஆணைக் குழு சார்பில் திருப்பூரில் உள்ள நீதிமன்றங்களில் மக்கள் நீதிமன்றம் நடைபெற்றது. மாவட்ட நீதிமன்ற வளாகத்தில் நடைபெற்ற மக்கள் நீதிமன்றத்தை மாவட்ட முதன்மை நீதிபதி எஸ்.அல்லி தொடங்கிவைத்தார். 
நீதிமன்றத்தில் நிலுவையில் உள்ள வழக்குகள், தொழிலாளர், மோட்டார் வாகன விபத்து இழப்பீடு, நில ஆர்ஜிதம், வங்கிக் கடன் உள்ளிட்டவை தொடர்பாக மாவட்டம்  முழுவதிலும் 6,054 வழக்குகள் மக்கள்  நீதிமன்ற விசாரணைக்கு எடுத்துக் கொள்ளப்பட்டன. இவற்றில் 1,445 வழக்குகளுக்கு சுமுகத் தீர்வு காணப்பட்டது. இதன் தீர்வுத் தொகை ரூ. 20 கோடியே 40 லட்சம் ஆகும்.

]]>
https://www.dinamani.com/all-editions/edition-coimbatore/tiruppur/2019/sep/15/மக்கள்-நீதிமன்றத்தில்-1445-வழக்குகளுக்குத்-தீர்வு-3235052.html
3235051 கோயம்புத்தூர் திருப்பூர் தற்காப்பு கலைப் போட்டியில் பதக்கம் வென்றவர்களுக்குப் பாராட்டு DIN DIN Sunday, September 15, 2019 06:12 AM +0530 சர்வதேச தற்காப்பு கலை போட்டிகளில் பதக்கம் வென்ற வீரர், வீராங்கனைகளுக்கு பாராட்டு நிகழ்ச்சி உடுமலையில் சனிக்கிழமை நடைபெற்றது.
ஐக்கிய நாடுகள் சபை, உலக தற்காப்பு கலைச் சங்கம் ஆகியன சார்பில் சர்வதேச தற்காப்பு கலைப்போட்டிகள் தென்கொரியாவில் நடைபெற்றன. இதில் 30-க்கும் மேற்பட்ட நாடுகளில் இருந்து வீரர், வீராங்கனைகள் கலந்து கொண்டனர். இந்தியாவிலிருந்து உலக சிலம்பம் சம்மேளன நிறுவனர் களரி செல்வராஜ் தலைமையிலான குழு பங்கேற்றது.
 இக்குழுவில் மடத்துக்குளம் உயிர் கலை சிலம்பம், களரி தற்காப்பு கலை பயிற்சி பள்ளி தலைவர் கோவிந்தராஜ் தலைமையில் கிரி பிரசாத், முத்து சாமி, வினோத்குமார், அஞ்சப்பன், அருண்குமார், திரிஷா, இயேசுதுரை, அழகிரி பிரதிபா, விஜிதா, ஆஷ்லீஹெச் ஆகியோர் பல்வேறு பிரிவுகளில் கலந்து கொண்டு தங்களது திறமைகளை வெளிப்படுத்தினர்.
 இவர்கள் ஒரு தங்கம், 3 வெள்ளி, 2 வெண்கலப் பதக்கங்களை வென்றனர். இந்நிலையில் பதக்கங்களை வென்று நாடு திரும்பிய இந்த குழுவினருக்கு பாராட்டு நிகழ்ச்சி உடுமலையில் சனிக்கிழமை நடைபெற்றது. இதில் வழக்குரைஞர் தம்பி பிரபாகரன், ஒருங்கிணைப்பாளர் சிவகணேசு, சந்தனக்குமார் உள்பட பலர் கலந்து கொண்டு பதக்கம் வென்ற வீரர், வீராங்கனைகளை பாராட்டினர்.

]]>
https://www.dinamani.com/all-editions/edition-coimbatore/tiruppur/2019/sep/15/தற்காப்பு-கலைப்-போட்டியில்-பதக்கம்-வென்றவர்களுக்குப்-பாராட்டு-3235051.html
3235050 கோயம்புத்தூர் திருப்பூர் டிராபிக் ராமசாமி எதிர்ப்பால் உயர் மின் கோபுர பணிகள் நிறுத்தம் DIN DIN Sunday, September 15, 2019 06:11 AM +0530 திருப்பூர் அருகே உயர் மின் அழுத்தக் கோபுர நில அளவீட்டுப் பணிகளை சமூக ஆர்வலர் டிராபிக் ராமசாமி சனிக்கிழமை தடுத்து நிறுத்தினார்.
திருப்பூர் மாவட்டம், குண்டடம் அருகே உள்ள ஒட்டபாளையத்தில் விவசாயி சுந்தரம், பெல்லம்பட்டியில் விவசாயிகள் பச்சையப்பன், நாச்சிமுத்து உள்ளிட்டோரின் நிலங்களில் உயர் மின் கோபுரம் அமைப்பதற்காக பவர்கிரிட் நிறுவன அதிகாரிகள் நில அளவீடு செய்யும் பணியில் சனிக்கிழமை ஈடுபட்டனர். இதனிடையே அங்கு வந்த சமூக ஆர்வலர் டிராபிக் ராமசாமி, விவசாயிகளுக்கு ஆதரவாக போராட்டத்தில் ஈடுபட்டார். இதனால் அலுவலர்கள் நில அளவீட்டுப் பணிகளை நிறுத்தினர். இதைத்தொடர்ந்து தாராபுரம் துணை காவல் கண்காணிப்பாளர் ஜெயராம், டிராபிக் ராமசாமியுடன் பேச்சுவார்த்தை நடத்தினார். அப்போது, விவசாயிகளின் கோரிக்கையை உயர் அதிகாரிகளின் கவனத்துக்கு கொண்டு செல்வதாக தெரிவித்ததைத் தொடர்ந்து டிராபிக் ராமசாமி, விவசாயிகள் கலைந்து சென்றனர். 
பேனர்கள் அகற்றம்: திருப்பூரில் தேமுதிக முப்பெரும் விழாவை முன்னிட்டு பழைய பேருந்து நிலையம், தாராபுரம் சாலையில் அக்கட்சியினர் அதிக அளவில் பேனர்கள் வைத்திருந்தனர். இதனை கவனித்த டிராபிக் ராமசாமி, மாநகராட்சி அதிகாரிகள், காவல் துறையினரிடம் பேனரை அகற்றும்படி தெரிவித்தார். அதன்பேரில் அனுமதியில்லாமல் வைக்கப்பட்டிருந்த பேனர்களை மாநகராட்சி ஊழியர்கள் அகற்றினர். 
இதையடுத்து, மாவட்ட ஆட்சியர், மாநகராட்சி ஆணையரை சந்தித்து புகார் அளிக்கச் சென்றார். ஆனால் அவர்கள் அங்கு இல்லாததால் செல்லிடப்பேசியில் தொடர்பு கொண்டு பேனர் வைக்க அனுமதி அளிக்கக் கூடாது என டிராபிக் ராமசாமி வலியுறுத்தினார்.

]]>
https://www.dinamani.com/all-editions/edition-coimbatore/tiruppur/2019/sep/15/டிராபிக்-ராமசாமி-எதிர்ப்பால்-உயர்-மின்-கோபுர-பணிகள்-நிறுத்தம்-3235050.html
3235049 கோயம்புத்தூர் திருப்பூர் விவசாயிகள் கைது நடவடிக்கையைக் கண்டித்து செப்டம்பர் 20இல் கண்டனக் கூட்டம் DIN DIN Sunday, September 15, 2019 06:11 AM +0530 உயர் மின் கோபுரத் திட்டத்துக்கு எதிராக போராட்டம் நடத்திய திருப்பூர் மாவட்ட விவசாயிகளை கைது செய்ததை கண்டித்து குண்டடத்தில் வரும் 20ஆம் தேதி அன்று கண்டனக் கூட்டம் நடத்துவது என விவசாயிகள் கூட்டமைப்பினர் முடிவு செய்துள்ளனர்.

உயர் மின் கோபுர திட்டத்துக்கு எதிரான விவசாயிகள் கூட்டமைப்பின் திருப்பூர் மாவட்ட நிர்வாகிகள் கூட்டம், பல்லடம் மார்க்சிஸ்ட் கம்யூனிஸ்ட் கட்சி அலுவலகத்தில் சனிக்கிழமை நடைபெற்றது. கூட்டத்துக்கு தமிழ்நாடு விவசாயிகள் சங்க மாவட்டத் தலைவர் எஸ்.ஆர்.மதுசூதனன் தலைமை வகித்தார். இதில் உழவர் உழைப்பாளர் கட்சி இளைஞர் அணி தலைவர் சோமசுந்தரம், ஒருங்கிணைப்பாளர் வை.பழனிசாமி, தமிழ்நாடு விவசாயிகள் சங்க மாவட்டச் செயலாளர் ஆர்.குமார், குங்குமபாளையம் முத்துசாமி, வேங்கிபாளையம் துரை உள்ளிட்ட பலர் பங்கேற்றனர்.

இக்கூட்டத்தில் விவசாய நிலத்தில் அத்துமீறி நுழைந்த பவர்கிரிட், வருவாய்த் துறை, காவல் துறை அதிகாரிகளிடம் கேள்வி எழுப்பியதற்காக கூட்டமைப்பு ஒருங்கிணைப்பாளர் வழக்குரைஞர் ஈசன், தமிழக விவசாயிகள் பாதுகாப்பு சங்க மாநில தலைவர் சண்முகசுந்தரம், மாநில செயலாளர் விஸ்வநாதன், மாவட்ட ஒருங்கிணைப்பாளரும் வாவிபாளையம் ஊராட்சி முன்னாள் தலைவருமான பார்த்தசாரதி, விவசாயி தங்கமுத்து ஆகியோரை கைது செய்ததை கண்டிப்பது, தாராபுரம் வட்டம், வட சின்னேரிபாளையம், மேற்கு சடையாம்பாளையத்தில் 20 பெண்கள் உள்பட 67 விவசாயிகளை கைது செய்ததை கண்டிப்பது, மாவட்ட நிர்வாகம் காவல் துறையை பயன்படுத்தி உயர் மின் கோபுர திட்டத்தை நிறைவேற்ற முயற்சிப்பதை கண்டிப்பது, கைது செய்யப்பட்டவர்களை உடனடியாக விடுதலை செய்வதோடு, அவர்கள் மீதான வழக்குகளை ரத்து செய்ய வேண்டும், விவசாயிகள் மீதான கைது நடவடிக்கையை கண்டித்து வரும் 20ஆம் தேதி காலை 10 மணிக்கு குண்டடத்தில் மக்களவை உறுப்பினர்கள், அனைத்துக் கட்சித் தலைவர்கள், அனைத்து விவசாய சங்க தலைவர்கள் பங்கேற்கும் கண்டன கூட்டத்தை நடத்துவது என முடிவு செய்யப்பட்டது.

]]>
https://www.dinamani.com/all-editions/edition-coimbatore/tiruppur/2019/sep/15/விவசாயிகள்-கைது-நடவடிக்கையைக்-கண்டித்து-செப்டம்பர்-20இல்-கண்டனக்-கூட்டம்-3235049.html
3235048 கோயம்புத்தூர் திருப்பூர் அண்ணாமலையார் கோயில் கும்பாபிஷேகம் DIN DIN Sunday, September 15, 2019 06:10 AM +0530  

பல்லடம் அருகே உள்ள பணிக்கம்பட்டியில் உண்ணாமுலை அம்பிகா சமேத அண்ணாமலையார் கோயில் கும்பாபிஷேகம் வெள்ளிக்கிழமை நடைபெற்றது. விழாவையொட்டி விக்னேஷ்வர பூஜை, யாக வேள்வி, மகா அபிஷேகம், அலங்கார பூஜை, தீபாராதனை ஆகியன நடைபெற்றன.
 யாக வேள்வியை சிவாச்சாரியார் சதாசிவம் குருக்கள் நடத்தி வைத்தார். அதைத்தொடர்ந்து அன்னதானம் வழங்கப்பட்டது. இவ்விழாவில் இந்து மக்கள் கட்சித் தலைவர் அர்ஜூன் சம்பத், மாநில ஜோதிடரணி தலைவர் மந்தராசலம், மேற்கு மண்டல இணை செயலாளர் அர்ஜூன் கிருஷ்ணா, அபிராமி உள்பட ஏராளமான பக்தர்கள் பங்கேற்றனர்.

]]>
https://www.dinamani.com/all-editions/edition-coimbatore/tiruppur/2019/sep/15/அண்ணாமலையார்-கோயில்-கும்பாபிஷேகம்-3235048.html
3235047 கோயம்புத்தூர் திருப்பூர் விவசாயிகளை கைது செய்ததற்கு காங்கிரஸ் கண்டனம் DIN DIN Sunday, September 15, 2019 06:10 AM +0530 திருப்பூர் மாவட்டம், குண்டடம் அருகே உயர்மின் கோபுரம் அமைக்க நில அளவீட்டுப் பணிக்கு எதிர்ப்பு தெரிவித்த விவசாயிகள் கைது செய்யப்பட்டதற்கு காங்கிரஸ் கட்சி கண்டனம் தெரிவித்துள்ளது. 

இதுகுறித்து தமிழ்நாடு காங்கிரஸ் கமிட்டியின் விவசாய பிரிவு மாநில செயலாளர் ஆர்.வி.ராஜ்குமார் சனிக்கிழமை வெளியிட்டுள்ள அறிக்கை: 

குண்டடம் அருகே மேற்கு சடையாம்பாளையத்தில் உயர்மின்கோபுரம் அமைக்க நிலத்தை அளவீடு செய்ய விவசாயிகளின் அனுமதியின்றி பவர்கிரிட் நிறுவன அதிகாரிகள், காவல் துறையினர் துணையுடன் அத்துமீறி நுழைந்தனர். அப்போது அங்கிருந்த விவசாயிகள் மாவட்ட ஆட்சியரிடம் அனுமதி பெற்று உள்ளே வரவேண்டும் என்றும் நிலத்தில் நுழையக்கூடாது என்றும் கூறி, அமைதியான முறையில் போராட்டம் நடத்தினர்.

 இதையடுத்து போராட்டத்தில் ஈடுபட்ட 19 பெண்கள்  உள்பட 59 பேரை காவல் துறையினர் வலுக்கட்டாயமாகக் கைது செய்து குண்டடத்தில் உள்ள திருமண மண்டபத்தில் அடைத்து வைத்தனர். 

இப்போராட்டத்தை முன்னின்று நடத்திய கூட்டியக்க ஒருங்கிணைப்பாளர்கள் சண்முகசுந்தரம், முத்து விஸ்வநாதன், வழக்குரைஞர் ஈசன், பார்த்தசாரதி, தங்கமுத்து ஆகிய 5 பேரையும் பேச்சுவார்த்தைக்கு அழைத்துச் சென்று பொய் வழக்குத் தொடுத்து கோவை மத்திய சிறையில் அடைத்துள்ளனர். தங்களது விளை நிலங்ளைக் காக்க போராடும் விவசாயிகள் மீது தமிழக அரசு அடக்குமுறையைப் பிரயோகிப்பது ஏற்புடையது அல்ல. 
உயர் மின் கோபுரம் அமைக்கப்படுவதால் தங்களது வாழ்வாதாரத்தை இழக்கும் விவசாயிகளை தமிழக அரசு முறையாக அழைத்து பேச்சுவார்த்தை நடத்தி உரிய இழப்பீடு வழங்க வேண்டும். மேலும் புதைவடம் மூலம் இத்திட்டத்தை நிறைவேற்ற நடவடிக்கை எடுக்க வேண்டும். கைது செய்யப்பட்ட 5 பேரையும் நிபந்தனையின்றி விடுவிக்க வேண்டும் என அதில் குறிப்பிடப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/15/விவசாயிகளை-கைது-செய்ததற்கு-காங்கிரஸ்-கண்டனம்-3235047.html
3235046 கோயம்புத்தூர் திருப்பூர் குறுமைய அளவிலான விளையாட்டுப் போட்டி: ஜெயந்தி மெட்ரிக். பள்ளி முதலிடம் DIN DIN Sunday, September 15, 2019 06:09 AM +0530  

பல்லடம் வட்டார குறு மைய அளவிலான விளையாட்டு போட்டியில் அருள்புரம் ஜெயந்தி மெட்ரிக். மேல்நிலைப்பள்ளி மாணவர்கள் ஒட்டுமொத்த சாம்பியன் பட்டம் வென்றனர்.

அருள்புரம் ஜெயந்தி கல்வி நிறுவனங்கள் விளையாட்டு மைதானத்தில் அண்மையில் இப்போட்டிகள் நடைபெற்றன. உயரம் தாண்டுதல் போட்டியில் மாணவர் சிவா முதலிடமும், தடை ஓட்டப் பந்தயத்தில் இரண்டாமிடம் பெற்றார். நீளம் தாண்டுதல், 100 மீட்டர் ஒட்டப் பந்தயம், 200 மீட்டர் ஓட்டப் பந்தயத்தில் இப்பள்ளி மாணவர் ஸ்ரீராம் முதலிடம் பெற்றார். கபடி, கால்பந்து போட்டியில் முதலிடம் பெற்று மாவட்ட அளவிலான போட்டிக்கு ஜெயந்தி மெட்ரிக். மேல்நிலைப் பள்ளி தகுதி பெற்றது. 

மேலும் ஒட்டுமொத்த சாம்பியன் பட்டத்தை இப்பள்ளி மாணவர்கள் கைப்பற்றினர். போட்டிகளில் வெற்றிபெற்ற மாணவ, மாணவிகளை பள்ளித் தாளாளர் கே.கிருஷ்ணன், இயக்குநர் விஜயராஜன், பள்ளி முதல்வர் திருஞானசம்பந்தம், விளையாட்டு ஆசிரியர்கள் காளிதாஸ், ஆனந்தன் ஆகியோர் பாராட்டினர்.

]]>
https://www.dinamani.com/all-editions/edition-coimbatore/tiruppur/2019/sep/15/குறுமைய-அளவிலான-விளையாட்டுப்-போட்டி-ஜெயந்தி-மெட்ரிக்-பள்ளி-முதலிடம்-3235046.html
3235045 கோயம்புத்தூர் திருப்பூர் சாலையோர பிளக்ஸ் பேனர்கள் அகற்றம் DIN DIN Sunday, September 15, 2019 06:09 AM +0530 உடுமலை நகரில் பல்வேறு அரசியல் கட்சிகளால் வைக்கப்பட்டிருந்த சுமார் 50-க்கும் மேற்பட்ட பிளக்ஸ் பேனர்களை நகராட்சி அதிகாரிகள் சனிக்கிழமை அகற்றி நடவடிக்கை மேற்கொண்டனர்.
சென்னையில் சாலையையொட்டி வைக்கப்பட்டிருந்த பிளக்ஸ் பேனர் விழுந்ததில் இருசக்கர வாகனத்தில் சென்ற இளம்பெண் சுபஸ்ரீ தடுமாறி விழுந்தார். அவர் மீது பின்னால் வந்த லாரி மோதியதில் அப்பெண் உயிரிழந்தார். இச்சம்பவம் தமிழகம் முழுவதும் அதிர்ச்சியை ஏற்படுத்தி உள்ளது. இதுதொடர்பான வழக்கில் உயர் நீதிமன்றம் அரசுக்கு கடும் கண்டனம் தெரிவித்துள்ளது. அதிமுக, திமுக, பாமக உள்ளிட்ட அரசியல் கட்சித் தலைவர்களும் பேனர் வைப்பதை தவிர்க்கும் படி தொண்டர்களுக்கு அறிவுறுத்தியுள்ளனர். மேலும் தமிழகம் முழுவதும் அனுமதியின்றி வைக்கப்பட்டுள்ள பிளக்ஸ் பேனர்களை அகற்ற அதிகாரிகள் நடவடிக்கை மேற்கொண்டுள்ளனர்.
 உடுமலை நகரில் மத்திய பேருந்து நிலையம், பழைய பேருந்து நிலையம், கல்பனா சாலை, கச்சேரி வீதி, காந்தி சவுக், தளி சாலை உள்ளிட்ட முக்கிய பகுதிகளில் வைக்கப்பட்டிருந்த சுமார் 50-க்கும் மேற்பட்ட பிளக்ஸ் பேனர்களை நகராட்சி அதிகாரிகள் உத்தரவின்பேரில் ஊழியர்கள் சனிக்கிழமை அகற்றினர்.
  அவிநாசியில்: அவிநாசி, சேவூர், திருமுருகன்பூண்டி, பெருமாநல்லூர், குன்னத்தூர் உள்ளிட்ட பகுதிகளில் அனுமதியின்றி சாலையோரங்களில் வைக்கப்பட்டிருந்த பேனர்களை காவல் துறை, ஊராட்சி, பேரூராட்சி நிர்வாகத்தினர் இணைந்து சனிக்கிழமை அகற்றினர். 
 சில பகுதிகளில் அந்தந்த நிறுவனத்தினரே பேனர்களை எடுத்துச் சென்றனர். வருங்காலத்தில் அனுமதியின்றி பேனர்கள் வைத்தால் அபராதம் விதிக்கப்படுவதோடு, கடும் நடவடிக்கை எடுக்கப்படும் என அலுவலர்கள் எச்சரிக்கை விடுத்துள்ளனர்.

]]>
https://www.dinamani.com/all-editions/edition-coimbatore/tiruppur/2019/sep/15/சாலையோர-பிளக்ஸ்-பேனர்கள்-அகற்றம்-3235045.html
3235044 கோயம்புத்தூர் திருப்பூர் ஊத்துக்குளி, செங்கப்பள்ளியில் செப்டம்பர் 17இல் மின் தடை DIN DIN Sunday, September 15, 2019 06:08 AM +0530 ஊத்துக்குளி, செங்கப்பள்ளி துணை மின் நிலையங்களில் மாதாந்திர பராமரிப்புப் பணிகள் மேற்கொள்ளப்பட உள்ளதால் வரும் செவ்வாய்க்கிழமை (செப்டம்பர் 17) காலை 9 மணி முதல் மாலை 5 மணி வரையில் கீழ்க்கண்ட பகுதிகளில் மின் விநியோகம் தடை செய்யப்பட உள்ளதாக செயற்பொறியாளர் கே.டீ.சந்திரசேகரன் தெரிவித்துள்ளார். 
ஊத்துக்குளி துணை மின் நிலையம்: ஊத்துக்குளி டவுன், ஊத்துக்குளி ஆர்.எஸ். வி.ஜி.புதூர், ரெட்டிபாளையம், தாலிகட்டிபாளையம், பாப்பம்பாளையம், பி.வி.ஆர்.பாளையம், சிறுக்களஞ்சி, வரப்பாளையம், பாப்பம்பாளையம், வெங்களப்பாளையம், அணைப்பாளையம், வாய்பாடி, மொரட்டுப்பாளையம், கவுண்டம்பாளையம், கொடியம்பாளையம், சேடர்பாளையம், எஸ்.பி.என்.பாளையம், வெள்ளியம்பாளையம், கத்தாங்கன்னி, கோவிந்தம்பாளையம், ஆர்.கே.பாளையம், நடுத்தோட்டம், அருகம்பாளையம்.
செங்கப்பள்ளி துணை மின் நிலையம்: செங்கப்பள்ளி, விருமாண்டம்பாளையம், காடபாளையம், பள்ளபாளையம், நல்லாக்கவுண்டன்பாளையம், பழனிகவுண்டம்பாளையம், அம்மாபாளையம், காளிபாளையம் புதூர், வட்டாளபதி, செரங்காடு.

]]>
https://www.dinamani.com/all-editions/edition-coimbatore/tiruppur/2019/sep/15/ஊத்துக்குளி-செங்கப்பள்ளியில்-செப்டம்பர்-17இல்-மின்-தடை-3235044.html
3235043 கோயம்புத்தூர் திருப்பூர் காய்கறி ஓவியம் மூலம் ஊட்டச்சத்து விழிப்புணர்வு DIN DIN Sunday, September 15, 2019 06:08 AM +0530 பல்லடம் அருகே உள்ள சாமிகவுண்டன்பாளையத்தில் காய்கறிகள், பூக்கள், தானியங்களைக் கொண்டு ஓவியம் வரைந்து ஊட்டச்சத்து விழிப்புணர்வு ஏற்படுத்தப்பட்டது.
 சாமிகவுண்டன்பாளையத்தில் உள்ள அங்கன்வாடியில் தேசிய ஊட்டச்சத்து  மாதம் குறித்த விழிப்புணர்வு நிகழ்ச்சி சனிக்கிழமை நடைபெற்றது. பல்லடம் வட்டார அங்கன்வாடி பணியாளர்கள் இணைந்து காய்கறிகள், பூக்கள், பழங்கள், முட்டை, தானியங்களால் ஓவியம் வரைந்தனர்.
 இதனை அப்பகுதி மக்கள் கண்டு ரசித்தனர். மேலும் ஊட்டச்சத்து குறைபாடு, அவற்றால் ஏற்படும் நோய்கள், ஊட்டச்சத்து கொண்ட உணவு, சிறுதானிய உணவு, சுகாதாரமாக இருப்பது குறித்து பொதுமக்களுக்கு விளக்கி கூறப்பட்டது.

]]>
https://www.dinamani.com/all-editions/edition-coimbatore/tiruppur/2019/sep/15/காய்கறி-ஓவியம்-மூலம்-ஊட்டச்சத்து-விழிப்புணர்வு-3235043.html
3235042 கோயம்புத்தூர் திருப்பூர் வாக்காளர் பதிவினை சரிபார்த்துக் கொள்ள மாவட்ட ஆட்சியர் அறிவுறுத்தல் DIN DIN Sunday, September 15, 2019 06:07 AM +0530 திருப்பூர் மாவட்டத்தில் உள்ள வாக்காளர் சேவை மையங்களைப் பயன்படுத்தி வாக்காளர் பட்டியலில் உள்ள தங்களது பெயர் விவரங்களை வாக்காளர்கள் சரிபார்த்துக் கொள்ளலாம் என மாவட்ட ஆட்சியர் கே.எஸ்.பழனிசாமி தெரிவித்துள்ளார்.
 இதுகுறித்து சனிக்கிழமை அவர் வெளியிட்டுள்ள செய்திக்குறிப்பு: 
 இந்திய தேர்தல் ஆணையத்தின் உத்தரவுப்படி வாக்காளர்கள் தங்களது பெயர் விவரங்களை வாக்காளர்  பட்டியலில் தாங்களாகவே சரிபார்த்து கொள்வதற்கு வாக்காளர் சரிபார்க்கும் திட்டம் கடந்த 1 ஆம் தேதி முதல் செயல்படுத்தப்பட்டுள்ளது. இதன் ஒரு பகுதியாக அனைத்து பகுதிகளிலும், அரசு அலுவலகங்களிலும் விழிப்புணர்வு பிரசாரங்கள் மேற்கொள்ளப்பட்டு வருகிறது.
 திருப்பூர் மாவட்டத்தில் உள்ள அனைத்து வாக்காளர்களும் வாக்காளர் சரிபார்ப்பு திட்டத்தின் கீழ் தங்களது பெயர்களை  இணையதளம் மூலமாகவும்  செல்லிடப்பேசி செயலி மூலமாகவோ அல்லது வாக்காளர் சேவை மையங்கள் மூலமாகவோ சரிபார்த்துக் கொள்ளலாம்.
 திருப்பூர் மாவட்ட ஆட்சியர் அலுவலகத்துக்கு வரும் பொதுமக்கள் அங்குள்ள வாக்காளர் சேவை மையத்தினைப் பயன்படுத்தி தங்களது  பெயர் விவரங்களை சரிபார்த்துக் கொள்ளலாம்.
 அதேபோல திருப்பூர் மாவட்டத்தில் உள்ள சார் ஆட்சியர் அலுவலகம், கோட்டாட்சியர் அலுவலகங்கள், திருப்பூர் மாநகராட்சி அலுவலகம், வட்டாட்சியர் அலுவலகங்கள், மாநகராட்சி மண்டல அலுவலகங்கள், நகராட்சி அலுவலகங்கள் ஆகியவற்றிலும் வாக்காளர் சேவை மையங்கள் செயல்பட்டு வருகிறது.  
  பொதுமக்கள் வாக்காளர் பதிவினை சரிபார்க்க தங்களது வாக்காளர் அடையாள அட்டையினை தவறாமல் எடுத்து வர வேண்டும். வாக்காளர் பெயரினை உறுதிபடுத்துவதற்காக ஓட்டுநர் உரிமம், ஆதார் அட்டை, குடும்ப அட்டை, வங்கிக் கணக்கு புத்தகம், பான் அட்டை ஆகியவற்றில் ஏதேனும் ஒன்றை கொண்டுவர வேண்டும். திருப்பூர் மாவட்ட பொதுமக்கள் இந்த வாய்ப்பினைப் பயன்படுத்திக் கொள்ளலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/15/வாக்காளர்-பதிவினை-சரிபார்த்துக்-கொள்ள-மாவட்ட-ஆட்சியர்-அறிவுறுத்தல்-3235042.html
3235019 கோயம்புத்தூர் திருப்பூர் ஆள் கடத்தல் வழக்கில் தலைமறைவாக இருந்த இளைஞர் 10 மாதங்களுக்குப் பிறகு கைது DIN DIN Sunday, September 15, 2019 05:53 AM +0530 திருப்பூரில் ரூ. 1 கோடி கேட்டு  இருவரைக் கடத்திய வழக்கில் தலைமறைவாக இருந்த இளைஞரை 10 மாதங்களுக்குப் பிறகு காவல் துறையினர் சனிக்கிழமை கைது செய்தனர். 
கோவையைச் சேர்ந்த ராமமூர்த்தி, நந்தகோபால் ஆகிய இருவரையும் 4 பேர் கொண்ட கும்பல் கடந்த ஆண்டு நவம்பர் மாதம் கடத்தி, கணியாம்பூண்டியில் அடைத்து வைத்து ரூ.1 கோடி கேட்டு மிரட்டல் விடுத்தது. 
இச்சம்பவத்தில் தொடர்புடைய போலீஸ் கார்த்தி, ரகு, டென்னிஸ் ஜாக்சன் ஆகிய 3 பேரையும் அனுப்பர்பாளையம் காவல் துறையினர் கைது செய்தனர். இந்நிலையில் இந்த வழக்கில் தொடர்புடைய திண்டுக்கல் மாவட்டம், மேற்கு மரியநாதபுரம், புதுத்தெருவைச் சேர்ந்த ஜி.செல்வா (எ) செல்லபாண்டியை (29) காவல் துறையினர் தேடி வந்தனர்.
கடந்த 10 மாதங்களாகத் தலைமறைவாக இருந்த அவர், திருப்பூர் புதிய பேருந்து நிலையம் அருகே பதுங்கி உள்ளதாக காவல் துறையினருக்குத் தகவல் கிடைத்தது. அதன்பேரில் அனுப்பர்பாளையம் காவல் ஆய்வாளர் பி.என்.ராஜன், முதல்நிலைக் காவலர் பழனிகுமார் உள்ளிட்ட காவல் துறையினர் சம்பவ இடத்துக்குச் சென்று செல்லபாண்டியைக் கைது செய்து, நீதிமன்றத்தில் ஆஜர்படுத்தி சிறையில் அடைத்தனர்.
கைது செய்யப்பட்ட செல்லபாண்டி மீது ஆள் கடத்தல், கட்டப் பஞ்சாயத்து உள்ளிட்ட பல்வேறு வழக்குகள் நிலுவையில் உள்ளது குறிப்பிடத்தக்கது.

]]>
https://www.dinamani.com/all-editions/edition-coimbatore/tiruppur/2019/sep/15/ஆள்-கடத்தல்-வழக்கில்-தலைமறைவாக-இருந்த-இளைஞர்-10-மாதங்களுக்குப்-பிறகு-கைது-3235019.html
3234768 கோயம்புத்தூர் திருப்பூர் உயர் மின் கோபுர நில அளவீட்டுப் பணிக்கு எதிர்ப்பு: 16 விவசாயிகள் கைது DIN DIN Sunday, September 15, 2019 03:51 AM +0530
திருப்பூர் மாவட்டம், குண்டடம் அருகே உயர் மின் கோபுர நில அளவீட்டுப் பணிக்கு எதிர்ப்புத் தெரிவித்த 16 விவசாயிகள் சனிக்கிழமை கைது செய்யப்பட்டனர். 
 குண்டடம், தாராபுரம் பகுதிகளில் உயர்மின் அழுத்தக் கோபுரம் அமைப்பதற்காக பவர்கிரிட் நிறுவன அதிகாரிகள் நிலத்தை அளவீடு செய்யும் பணிகளில் ஈடுபட்டு வருகின்றனர். இப்பணிக்கு எதிர்ப்புத் தெரிவித்து விவசாயிகள் போராட்டத்தில் ஈடுபட்டு வருகின்றனர். இந்நிலையில் குண்டடத்தை அடுத்த மேற்குசடையாம்பாளையத்தில் கடந்த வெள்ளிக்கிழமை நிலத்தை அளவீடு செய்யும் பணிக்காக அதிகாரிகள் வந்தபோது இரு இடங்களில் விவசாயிகள் போராட்டத்தில் ஈடுபட்டனர். இதையடுத்து 12 பெண்கள் உள்பட 59 பேரை காவல் துறையினர் கைது செய்தனர். 
 இந்நிலையில் பவர் கிரிட் நிறுவன அதிகாரிகள் நிலத்தை அளவீடு செய்வதற்காக காவல் துறையினரின் உதவியுடன் மேற்குசடையாம்பாளையத்தில் உள்ள விவசாய நிலங்களுக்கு சனிக்கிழமை சென்றனர். அப்போது விவசாயிகள் ஆனந்தன், ஆனந்தகுமார், பச்சையப்பன், திருமலைசாமி உள்ளிட்ட 16 பேர் எதிர்ப்பு தெரிவித்து போராட்டத்தில் ஈடுபட்டனர். இதனால் அவர்கள் அனைவரையும் கைது செய்து குண்டடத்தில் உள்ள திருமண மண்டபத்தில் அடைத்து வைத்தனர். 
 பேச்சுவார்த்தைக்கு அழைக்கப்பட்ட 5 பேர் கைது: இதனிடையே கடந்த வெள்ளிக்கிழமை போராட்டத்தை முன்னின்று நடத்தியதாக உயர்மின்கோபுரம் எதிர்ப்பு கூட்டியக்க ஒருங்கிணைப்பாளர்கள் சண்முகசுந்தரம், முத்து விஸ்வநாதன், வழக்குரைஞர் ஈசன், பார்த்தசாரதி, தங்கமுத்து ஆகிய 5 பேரையும் அன்று இரவு பேச்சுவார்த்தைக்கு எனக் கூறி, தாராபுரத்துக்கு காவல் துறையினர் அழைத்துச் சென்றனர். இதையடுத்து 5 பேர் மீதும் அரசு அதிகாரிகளைப் பணி செய்யவிடாமல் தடுத்தது, தகாத வார்த்தைகளில் திட்டுதல் உள்ளிட்ட பிரிவுகளில் வழக்குப் பதிந்து கைது செய்தனர். பின்னர் அவர்களை தாராபுரம் குற்றவியல் நீதிபதி முன்பாக ஆஜர்படுத்தினர். அவர்களை வரும் 26 ஆம் தேதி வரையில் நீதிமன்றக்  காவலில் வைக்க நீதிபதி உத்தரவிட்டார். அதைத்  தொடர்ந்து 5 பேரும் கோவை மத்திய சிறையில்அடைக்கப்பட்டனர்.
மார்க்சிஸ்ட் கண்டனம்
மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் வெளியிட்டுள்ள செய்திக்குறிப்பு:
திருப்பூர் மாவட்டம் சின்னாரிபாளையம் கிராமத்தில் எந்த முன்னறிவிப்புமின்றி, முன்நுழைவு அனுமதியின்றி பவர்கிரிட் நிறுவனம், வருவாய்த் துறை, காவல்துறை இணைந்து விவசாயிகளின்  நிலங்களுக்குள் நுழைந்துள்ளனர். அதனை எதிர்த்த விவசாயிகள் ஆண்கள், பெண்கள் உள்பட 66 பேர் கைது செய்யப்பட்டு விடுதலை செய்யப்பட்டுள்ளனர்.  அதே சமயம், உயர்மின் கோபுர எதிர்ப்பு விவசாயிகள் கூட்டமைப்பைச் சேர்ந்த முன்னணி நிர்வாகிகளைப் பேச்சுவார்த்தை நடத்த வருமாறு குண்டடம் காவல் நிலையத்துக்கு அழைத்துச் சென்றுள்ளனர். அங்கு விவசாயிகள் கூட்டமைப்பைச் சேர்ந்த ஈசன், சண்முக சுந்தரம், முத்து விசுவநாதன், பார்த்தசாரதி, தங்கமுத்து ஆகிய ஐந்து பேர் மீதும் பொய் வழக்குப் போட்டு கோவை மத்திய சிறையில் அடைத்துள்ளனர்.நில உரிமைக்காகப் போராடும் விவசாயிகள் மீது தமிழக அரசு கடும் அடக்குமுறையைக் கட்டவிழ்த்து விட்டுள்ளது வன்மையாகக் கண்டிக்கத்தக்கது. காலாவதியாகிப் போன 1885-ஆம் ஆண்டு தந்திச் சட்டத்தைப் பயன்படுத்தி உயர்மின் கோபுரங்கள் அமைப்பதையும் அதற்காக அத்துமீறி நில அளவை செய்வதையும் எவ்வித நிபந்தனையுமின்றி உடனடியாக நிறுத்த வேண்டும். விவசாய சங்கத் தலைவர்கள் மீது போடப்பட்டுள்ள பொய் வழக்கைத் திரும்பப் பெறுவதோடு, அவர்களை உடனடியாக விடுதலை செய்ய வேண்டும் என்று கேட்டுக் கொண்டுள்ளார்.

]]>
https://www.dinamani.com/all-editions/edition-coimbatore/tiruppur/2019/sep/15/உயர்-மின்-கோபுர-நில-அளவீட்டுப்-பணிக்கு-எதிர்ப்பு-16-விவசாயிகள்-கைது-3234768.html
3234511 கோயம்புத்தூர் திருப்பூர் திருப்பூரில் இன்று தேமுதிக முப்பெரும் விழா DIN DIN Sunday, September 15, 2019 12:55 AM +0530
திருப்பூரில் தேமுதிக சார்பில் ஞாயிற்றுக்கிழமை நடைபெறும் முப்பெரும் விழாவில் அக்கட்சியின் தலைவர் விஜயகாந்த் பங்கேற்று நல உதவிகளை வழங்குகிறார். 
 திருப்பூர் மாவட்ட தேமுதிக சார்பில் கட்சியின் நிறுவனத் தலைவர் விஜயகாந்த் பிறந்த நாள் விழா, கட்சியின் 15-ஆம் ஆண்டு தொடக்க விழா, நலத் திட்ட உதவிகள் வழங்கல் ஆகிய முப்பெரும் விழா காங்கயம் சாலையில் உள்ள வேலன் ஹோட்டல் மைதானத்தில் ஞாயிற்றுக்கிழமை மாலை 5 மணி அளவில் நடைபெறுகிறது. இதில் தேமுதிக தலைவர் விஜயகாந்த், பொருளாளர் பிரேமலதா விஜயகாந்த் மற்றும் கட்சியின் முன்னணி நிர்வாகிகள் பங்கேற்கின்றனர். முன்னதாக சனிக்கிழமை திருப்பூர் வந்த விஜயகாந்துக்கு அக்கட்சி தொண்டர்கள் சார்பில் உற்சாக வரவேற்பு அளிக்கப்பட்டது.
 

]]>
https://www.dinamani.com/all-editions/edition-coimbatore/tiruppur/2019/sep/15/திருப்பூரில்-இன்று-தேமுதிக-முப்பெரும்-விழா-3234511.html
3234120 கோயம்புத்தூர் திருப்பூர் இன்று சாய ஆலை உரிமையாளர்கள் சங்க பொதுக்குழுக் கூட்டம் DIN DIN Saturday, September 14, 2019 07:21 AM +0530 திருப்பூர் சாய ஆலை உரிமையாளர்கள் சங்கத்தின் 28 ஆம் ஆண்டு பொதுக்குழுக் கூட்டம் சனிக்கிழமை (செப்.14) நடைபெறுகிறது. 
இதுதொடர்பாக திருப்பூர் சாய ஆலை உரிமையாளர்கள் சங்க செயலாளர் எஸ்.முருகசாமி வெளியிட்டுள்ள செய்திக்குறிப்பு: 
திருப்பூர் சாய ஆலை உரிமையாளர்கள் சங்கத்தின் 28ஆம் ஆண்டு பொதுக்குழுக் கூட்டம் சனிக்கிழமை மாலை 5 மணி அளவில் காங்கயம் சாலையில் உள்ள வேலன் ஹோட்டலில் நடைபெறுகிறது. இதில் சாய ஆலை சங்க உறுப்பினர்கள் கலந்துகொள்ள வேண்டும் என அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/sep/14/இன்று-சாய-ஆலை-உரிமையாளர்கள்-சங்க-பொதுக்குழுக்-கூட்டம்-3234120.html
3234119 கோயம்புத்தூர் திருப்பூர் கல்லூரியில் வணிக நிர்வாகவியல் மன்றம் துவக்கம் DIN DIN Saturday, September 14, 2019 07:21 AM +0530 உடுமலை வித்யாசாகர் கலை அறிவியல் கல்லூரியில் வணிக நிர்வாகவியல் துறை மன்ற துவக்க விழா வெள்ளிக்கிழமை நடைபெற்றது.
கல்லூரி செயலர் பத்மாவதி சத்யநாதன் தலைமை வகித்தார். கல்லூரி முதல்வர் ப.மருதபாண்டியன் முன்னிலை வகித்தார். மாணவி ம.துர்கா வரவேற்றார்.
பொள்ளாச்சி அக்ரோ கிரீன் கயிறு உற்பத்தி பொருள் நிறுவனத்தின் தலைமை நிர்வாக அதிகாரி பி.விஜயகுமார் சிறப்பு விருந்தினராக கலந்து கொண்டு, வாழ்க்கையில் நேர்மறையான சிந்தனைகளை வளர்த்துக் கொண்டால் வெற்றி நிச்சயம் என மாணவர்களுக்கு ஊக்கம் அளித்து பேசினார்.
 மாணவி ஐ.காயத்திரி, பேராசிரியர் எம்.கணேசன் ஆகியோர் நன்றி கூறினர்.

]]>
https://www.dinamani.com/all-editions/edition-coimbatore/tiruppur/2019/sep/14/கல்லூரியில்-வணிக-நிர்வாகவியல்-மன்றம்-துவக்கம்-3234119.html
3234118 கோயம்புத்தூர் திருப்பூர் மூலனூர் விற்பனை கூடத்துக்கு 4,688 பருத்தி மூட்டைகள் வரத்து DIN DIN Saturday, September 14, 2019 07:20 AM +0530 திருப்பூர் மாவட்டம், வெள்ளக்கோவிலை அடுத்த மூலனூர் ஒழுங்கு முறை விற்பனைக் கூடத்துக்கு வெள்ளிக்கிழமை 4,688 பருத்தி மூட்டைகள் வரத்து இருந்தது.
 இங்கு வாரந்தோறும் பருத்தி விற்பனை நடைபெற்று வருகிறது. இந்த வார ஏலத்துக்கு திருச்சி, கரூர், திருப்பூர், திண்டுக்கல் மாவட்டங்களைச் சேர்ந்த 374 விவசாயிகள் தங்களுடைய பருத்திகளை விற்பனை செய்யக் கொண்டு வந்திருந்தனர்.
 திருப்பூர், தாராபுரம், உடுமலைப்பேட்டை, அவிநாசி, திண்டுக்கல், ஈரோடு, திருச்செங்கோடு உள்ளிட்ட இடங்களிலிருந்து 12 வணிகர்கள் பருத்தி வாங்குவதற்காக வந்திருந்தனர். விற்பனைக் கூடக் கண்காணிப்பாளர் தர்மராஜ் முன்னிலையில் ஏலம் நடைபெற்றது.
 குவிண்டால் ரூ. 5,250 முதல் ரூ. 6,790 வரை விற்பனையானது. சராசரி விலை ரூ. 5,900. இவற்றின் விற்பனைத் தொகை 92 லட்சத்து 59 ஆயிரத்து 489 ரூபாயாகும்.
 கடந்த வாரத்தை விட குவிண்டாலுக்கு ரூ.40 விலை குறைந்துள்ளது. இந்த தகவலை திருப்பூர் விற்பனைக் குழு முதன்மைச் செயலாளர் பாலசந்திரன் தெரிவித்தார்.

]]>
https://www.dinamani.com/all-editions/edition-coimbatore/tiruppur/2019/sep/14/மூலனூர்-விற்பனை-கூடத்துக்கு-4688-பருத்தி-மூட்டைகள்-வரத்து-3234118.html
3234117 கோயம்புத்தூர் திருப்பூர் விவசாய மின் இணைப்பில் மீட்டர் பொருத்தும் பணி ரத்து: மின்வாரியத்தினர் உறுதி DIN DIN Saturday, September 14, 2019 07:20 AM +0530 விவசாயிகள் தொடர்ந்து எதிர்ப்புத் தெரிவித்ததை அடுத்து இலவச மின் இணைப்பில் மின் மீட்டர் பொருத்தும் பணி மேற்கொள்ளப்போவதில்லை என மின்வாரியத்தினர் உறுதி அளித்துள்ளனர்.
 அவிநாசி மின்வாரியத்துக்கு உள்பட்ட  பகுதிகளில் ஏராளமான விவசாயிகள் அரசின் இலவச மின்சாரத்தை பயன்படுத்தி வருகின்றனர். இந்நிலையில் கடந்த சில நாள்களாக சேவூர், அவிநாசி பகுதிகளில் உள்ள விவசாயிகள் தோட்டத்தில் இலவச மின்சார இணைப்பில் மின் மீட்டர் பொருத்துவதற்காக மின்வாரிய ஊழியர்கள் சென்று வந்தனர். அதற்கு அப்பகுதி விவசாயிகள் எதிர்ப்பு தெரிவித்ததையடுத்து, மின்மீட்டர் பொருத்தாமல் மின் வாரியத்தினர் திரும்பிச் சென்றனர்.
 மின்வாரிய அலுவலர்கள், மின்மீட்டர்  பொருத்த முயற்சிப்பதை அறிந்த தமிழ்நாடு விவசாயிகள் சங்கத்தினர், விவசாயிகள் சங்க ஒருங்கிணைப்புக் குழுவினர் இதற்கு எதிர்ப்பு தெரிவித்து, அவிநாசி - மங்கலம் சாலை மின்வாரிய அலுவலகத்தை இரு முறை முற்றுகையிட்டு மனு அளித்தனர்.
 இந்நிலையில் அவிநாசி மின்வாரிய செயற்பொறியாளர் வ.பாலன், தமிழ்நாடு விவசாயிகள் சங்கத்தினருக்கு அனுப்பியுள்ள கடிதத்தில் கூறியுள்ளதாவது:
விவசாயிகளுக்கான இலவச மின் இணைப்பில் மின் மீட்டர் பொருத்தும் பணி மேற்கொள்ளப்போவதில்லை. அனைத்துப் பிரிவு பொறியாளர்களுக்கும் இது குறித்து தகவல் தெரிவிக்கப்பட்டுள்ளதாக அதில் குறிப்பிடப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/sep/14/விவசாய-மின்-இணைப்பில்-மீட்டர்-பொருத்தும்-பணி-ரத்து-மின்வாரியத்தினர்-உறுதி-3234117.html
3234116 கோயம்புத்தூர் திருப்பூர் நடமாடும் சிகிச்சை பிரிவு ஊர்தி உதவியாளர் பணிக்கு செப்டம்பர் 30-க்குள் விண்ணப்பிக்கலாம் DIN DIN Saturday, September 14, 2019 07:19 AM +0530 திருப்பூர் மாவட்டத்தில் மாற்றுத் திறனாளிகள் நலத் துறையின் கீழ் நடமாடும் சிகிச்சைப் பிரிவு ஊர்தி உதவியாளர் பணிக்கு வரும் 30ஆம் தேதிக்குள் விண்ணப்பிக்கலாம். 
இதுதொடர்பாக  திருப்பூர் மாவட்ட ஆட்சியர் கே.எஸ்.பழனிசாமி வெள்ளிக்கிழமை வெளியிட்டுள்ள செய்திக்குறிப்பு: 
 திருப்பூர் மாவட்டத்தில் மாற்றுத் திறனாளிகள் நலத் துறையின் மூலம் கிராமங்களுக்கு சென்று அங்கு உள்ள மனவளர்ச்சி குன்றிய, முடக்கு வாதத்தால் பாதிக்கப்பட்ட மாற்றுத் திறனாளிகளுக்கு தசைபயிற்சி, உதவி உபகரணங்கள் வழங்குதல், திட்டங்கள் குறித்து விழிப்புணர்வு ஏற்படுத்துதல் போன்றவற்றை செயல்படுத்த நடமாடும் சிகிச்சை பிரிவு ஊர்திக்கு உதவியாளர் நியமிக்க தொகுப்பூதிய அடிப்படையில் பணி நியமனம் செய்ய விண்ணப்பங்கள் வரவேற்கப்படுகின்றன. 
 மேலும் மனுதாரர் இன சுழற்சி முறையில் பொதுப்போட்டி முன்னுரிமை பெற்றவராகவும், 18 முதல் 35 வயதுக்கு உள்பட்டவராகவும், 8 ஆம் வகுப்பு தோல்வியடைந்தவராகவும் இருக்க வேண்டும். 
 எனவே, மேற்கண்ட தகுதியுடைய நபர்கள் வரும் 30 ஆம் தேதிக்குள் மாவட்ட ஆட்சியர் அலுவலகத்தில் உள்ள மாற்றுத் திறனாளிகள் நல அலுவலகத்துக்கு நேரிலோ அல்லது தபால் மூலமாகவோ விண்ணப்பிக்கலாம் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/14/நடமாடும்-சிகிச்சை-பிரிவு-ஊர்தி-உதவியாளர்-பணிக்கு-செப்டம்பர்-30-க்குள்-விண்ணப்பிக்கலாம்-3234116.html
3234115 கோயம்புத்தூர் திருப்பூர் ஜாக்டோ - ஜியோ கூட்டமைப்பினர் ஆர்ப்பாட்டம் DIN DIN Saturday, September 14, 2019 07:18 AM +0530 பல்லடத்தில் ஜாக்டோ - ஜியோ கூட்டமைப்பினர் பல்வேறு கோரிக்கைகளை வலியுறுத்தி வட்டாட்சியர் அலுவலகம் முன்பு வெள்ளிக்கிழமை ஆர்ப்பாட்டத்தில் ஈடுபட்டனர்.
 முன்னதாக பல்லடம், அண்ணா சிலை அருகிலிருந்து ஊர்வலமாக புறப்பட்டு, வட்டாட்சியர் அலுவலகத்தை அடைந்தனர். அங்கு நடைபெற்ற ஆர்ப்பாட்டத்துக்கு தமிழக ஆசிரியர் கூட்டணியின் மாவட்டத் தலைவர் செல்வம் தலைமை வகித்தார். பட்டதாரி ஆசிரியர் கூட்டணி பொங்கலூர் வட்டார செயலாளர் வெற்றிவேல், பொங்கலூர் ஆரம்ப பள்ளி ஆசிரியர் கூட்டணி செயலாளர் ரமேஷ், தமிழ்நாடு அரசு ஊழியர் சங்க பல்லடம் தலைவர் கண்ணன் ஆகியோர் முன்னிலை வகித்தனர். 
 இதில் தொடக்கக் கல்வியை அழிக்கும் வகையில் உள்ள அரசாணை 145-ஐ உடனடியாக திரும்பப் பெற வேண்டும். புதிய ஓய்வூதியத் திட்டத்தை ரத்து செய்து, மீண்டும் பழைய ஓய்வூதியத் திட்டத்தை நடைமுறைப்படுத்த வேண்டும். ஆசிரியர்கள், அரசு ஊழியர்கள் மீது 17-பி ஒழுங்கு நடவடிக்கைகள், குற்ற வழக்குகள், பணி மாறுதல்களை ரத்து செய்திட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனர்.
 ஆர்ப்பாட்டத்தில் தமிழக ஆசிரியர் கூட்டணியின் மாநில துணைத் தலைவர் கனகராஜ், மாவட்ட ஒருங்கிணைப்பாளர் ராஜேந்திரன் உள்பட பலர் பேசினர். இதில் 150 பெண்கள் உள்பட 300-க்கும் மேற்பட்டோர் பங்கேற்றனர். பல்லடம் வட்ட கிளை தலைவர் நடராஜன் நன்றி கூறினார். 
 உடுமலையில்: உடுமலையில் ஜாக்டோ - ஜியோ கூட்டமைப்பினர் பேருந்து நிலையத்திலிருந்து பொள்ளாச்சி சாலை, தளி சாலை, கச்சேரி சாலை வழியாக ஊர்வலமாக சென்று வட்டாட்சியர் அலுவலகத்தை அடைந்தனர். பின்னர் கோரிக்கைகளை வலியுறுத்தி முழக்கமிட்டனர். இதில் ஆசிரியர்கள், அரசு ஊழியர்கள் திரளாக கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/sep/14/ஜாக்டோ---ஜியோ-கூட்டமைப்பினர்-ஆர்ப்பாட்டம்-3234115.html
3234114 கோயம்புத்தூர் திருப்பூர் மாவட்டத்தில் 8 சட்டப்பேரவை தொகுதிகளுக்கான வரைவு வாக்குச் சாவடிகள் பட்டியல் வெளியீடு DIN DIN Saturday, September 14, 2019 07:18 AM +0530 திருப்பூர் மாவட்டத்தில் உள்ள 8 சட்டப்பேரவைத் தொகுதிகளுக்கான வரைவு வாக்குச் சாவடிகள் பட்டியலை மாவட்ட ஆட்சியர் கே.எஸ்.பழனிசாமி வெள்ளிக்கிழமை வெளியிட்டார். 
 மாவட்டத்தில் உள்ள 8 சட்டப்பேரவைத் தொகுதிகளுக்கு உள்பட்ட வரைவு வாக்குச் சாவடி பட்டியலை அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் ஆட்சியர் கே.எஸ்.பழனிசாமி வெளியிட்டுப் பேசியதாவது:
 வரும் 2020 ஆம் ஆண்டு ஜனவரி 1 ஆம் தேதியை தகுதி நாளாகக் கொண்டு வாக்காளர் பட்டியல் சிறப்பு சுருக்க முறைத் திருத்தம் மேற்கொள்ளப்பட உள்ளது. இதுதொடர்பாக வாக்குச் சாவடிகளை தணிக்கை செய்தல், பகுப்பாய்வு செய்தல் மற்றும் பிரிவுகளை ஏற்படுத்துதல், 1,500 வாக்காளர்களுக்கு அதிகமாக உள்ள வாக்குச் சாவடிகளைப் பிரிப்பது ஆகிய பணிகளை மேற்கொள்ள இந்திய தேர்தல் ஆணையம் கால அட்டவணை வெளியிட்டுள்ளது. 
 திருப்பூர் மாவட்டத்தில் உள்ள திருப்பூர் வடக்கு, திருப்பூர் தெற்கு, அவிநாசி, பல்லடம், காங்கயம், தாராபுரம், உடுமலைப்பேட்டை, மடத்துக்குளம் ஆகிய 8 சட்டப்பேரவைத் தொகுதிகளிலும் உள்ள வாக்குச் சாவடிகள் வாக்காளர் பதிவு அலுவலர்கள், உதவி வாக்காளர் பதிவு அலுவலர்கள் ஆகியோரால் தணிக்கை செய்யப்பட்டு, வாக்குச் சாவடிகளை பிரிப்பதற்கு நடவடிக்கை மேற்கொள்ளப்பட்டுள்ளது. இதன் அடிப்படையில் பிரிக்க உத்தேசிக்கப்பட்டுள்ள வாக்குச் சாவடிகளை உள்ளடக்கிய வரைவு வாக்குச் சாவடிகள் பட்டியல் வெளியிடப்பட்டது. 
இதன் நகல் அங்கீகரிக்கப்பட்ட அரசியல்  கட்சி பிரதிநிதிகளுக்கும் வழங்கப்பட்டது. வெளியிடப்பட்டுள்ள வரைவு வாக்குச்சாவடிகள்  பட்டியல் தொடர்பாக கோரிக்கைகள், ஆட்சேபனைகள் ஏதாவது இருந்தால் வரும் செப்டம்பர் 19 ஆம் தேதிக்குள் மாவட்ட ஆட்சியர் அல்லது சம்மந்தப்பட்ட சட்டப்பேரவைத் தொகுதி சார் ஆட்சியர், கோட்டாட்சியர் அல்லது வட்டாட்சியர்களிடம் எழுத்துப்பூர்வமாக புகார் அளிக்கலாம். 
 இந்தக் கோரிக்கைகள், ஆட்சேபனைகள் தொடர்பாக வரும் செப்டம்பர் 20, 21 ஆம் தேதிகளில் சட்டப்பேரவைத் தொகுதி அளவில் வாக்காளர் பதிவு அலுவலர்களால் அங்கீகரிக்கப்பட்ட அரசியல் கட்சியினருக்கு கூட்டங்கள் நடத்தப்பட்டு கருத்துகள் கேட்கப்படும். இதன் அடிப்படையில் மாவட்ட அளவில் அங்கீகரிக்கப்பட்ட அரசியல் கட்சியினருக்கு மீண்டும் கூட்டம் நடத்தப்பட்டு முடிவு செய்யப்படும்.
 மேலும் செப்டம்பர் 30 ஆம் தேதி வரை நடைமுறைபடுத்தப்படும் வாக்காளர் சரிபார்ப்புத் திட்டத்தினை அனைத்து அரசியல் கட்சியினரும் பயன்படுத்தி வாக்காளர் பட்டியல் பெயர் விவரங்களை சரிபார்த்து ஒத்துழைப்பு அளிக்க வேண்டும் என தெரிவிக்கப்பட்டுள்ளது. 
 இக் கூட்டத்தில் மாவட்ட ஆட்சியரின் நேர்முக உதவியாளர் (பொது)  சாகுல்ஹமீது, கோட்டாட்சியர் செண்பகவள்ளி, தேர்தல் பிரிவு வட்டாட்சியர் ச.முருகதாஸ், அங்கீகரிக்கப்பட்ட அரசியல் கட்சி பிரதிநிதிகள் உள்பட பலர் உடனிருந்தனர்.
 

]]>
https://www.dinamani.com/all-editions/edition-coimbatore/tiruppur/2019/sep/14/மாவட்டத்தில்-8-சட்டப்பேரவை-தொகுதிகளுக்கான-வரைவு-வாக்குச்-சாவடிகள்-பட்டியல்-வெளியீடு-3234114.html
3234113 கோயம்புத்தூர் திருப்பூர் பொதுத் தேர்வுகளில் அதிக மதிப்பெண் பெற்ற மாணவர்களுக்குப் பரிசு DIN DIN Saturday, September 14, 2019 07:17 AM +0530 உடுமலையில் அரசு பொதுத் தேர்வுகளில் அதிக மதிப்பெண்கள் பெற்ற மாணவ, மாணவிகளுக்கு வெள்ளிக்கிழமை நடைபெற்றது.
சென்னை ஸ்ரீரங்கம் அறக்கட்டளை, உடுமலை புதிய சிறகுகள் அறக்கட்டளை ஆகியன இணைந்து நடத்திய இந்த விழாவுக்கு பாரதியார் நினைவு நூற்றாண்டு அரசு பெண்கள் மேல் நிலைப் பள்ளி தலைமை ஆசிரியர் விஜயலட்சுமி தலைமை வகித்தார். 
 முன்னாள் வட்டாட்சியர் குலோத்துங்கன் முன்னிலை வகித்தார். இதில் கடந்த கல்வி ஆண்டில் 10 மற்றும் 12 ஆம் வகுப்பில் பொதுத் தேர்வு எழுதி அதிக மதிப்பெண்கள் பெற்ற ஏழை, எளிய மாணவ, மாணவிகளுக்கு ரொக்கப் பரிசு, சான்றிதழ்கள் வழங்கப்பட்டன. புதிய சிறகுகள் அறக்கட்டளை நிறுவனர் கு.ரவிகுமார் நன்றி கூறினார்.

]]>
https://www.dinamani.com/all-editions/edition-coimbatore/tiruppur/2019/sep/14/பொதுத்-தேர்வுகளில்-அதிக-மதிப்பெண்-பெற்ற-மாணவர்களுக்குப்-பரிசு-3234113.html
3234112 கோயம்புத்தூர் திருப்பூர் குளத்தை சீரமைக்க கோரி  மத்திய அமைச்சரிடம் மனு DIN DIN Saturday, September 14, 2019 07:16 AM +0530 காங்கயம் நகரில் கடந்த 50 ஆண்டுகளாக பராமரிப்பின்றி உள்ள பொதுக் குளத்தை சீரமைக்க வலியுறுத்தி மத்திய ஜல்சக்தி துறை அமைச்சரிடம் காங்கயம் தன்னார்வலர்கள் மனு அளித்தனர்.
 காங்கயம் நகரில் "பதுமன்குளம்' என அழைக்கப்படும் அகிலாண்டபுரம் குளம் கழிவுநீர் கலந்து மாசடைந்தது. அருகில் உள்ள விவசாய நிலங்களும், குடிநீரும் கெட்டுப்போனது. இந்தக் குளத்தை தூர் வாரி, சீரமைக்க வேண்டும் என பல ஆண்டுகளாக பொதுமக்களும், விவசாயிகளும் கோரிக்கை விடுத்து வருகின்றனர். ஆனால் இதுவரை எந்த நடவடிக்கையும் எடுக்கப்படவில்லை.
  இந்நிலையில் காங்கயத்தில் செயல்பட்டு வரும் காங்கயம் "வேர்கள்' என்ற தன்னார்வ அமைப்பினர் புது தில்லியில் மத்தி ஜல்சக்தி துறை அமைச்சர் கஜேந்திர சிங் ஷெகாவத்தை கடந்த வியாழக்கிழமை சந்தித்து, அகிலாண்டபுரம் குளத்தைத் தூர்வார வலியுறுத்தி மனு அளித்தனர். மேலும் தமிழகத்தில் உள்ள கோயில் குளங்களை பாரம்பரிய முறைப்படி சீரமைக்க வேண்டும் என கோரிக்கை விடுத்துள்ளனர்.
 இந்த சந்திப்பின்போது, காங்கயம் "வேர்கள்' அமைப்பின் நிர்வாகி வே.சங்கரகோபால், ராம்கோபால்ரத்னம், கார்த்திக், அண்ணா பல்கலைக்கழகப் போராசிரியர் சக்திநாதன், திருச்சி உய்யகொண்டான் நதி மீட்பு இயக்க ஒருங்கிணைப்பாளர் நரசிம்மராவ் ஆகியோர் உடனிருந்தனர்.

]]>
https://www.dinamani.com/all-editions/edition-coimbatore/tiruppur/2019/sep/14/குளத்தை-சீரமைக்க-கோரி--மத்திய-அமைச்சரிடம்-மனு-3234112.html
3234111 கோயம்புத்தூர் திருப்பூர் மடத்துப்பாளையம் - செம்மாண்டம்பாளையம் சாலைப் பணிகளை விரைவில் துவங்க முடிவு DIN DIN Saturday, September 14, 2019 07:16 AM +0530 அவிநாசி அருகே  மடத்துப்பாளையம்-செம்மாண்டம்பாளையம் சாலைப் பணிகளை விரைவில் துவங்குவது என வெள்ளிக்கிழமை நடைபெற்ற ஆலோசனைக் கூட்டத்தில் முடிவு செய்யப்பட்டது.
 அவிநாசி ஒன்றியத்துக்கு உள்பட்ட செம்மாண்டம்பாளையம், கருக்கம்பாளையம், கருமாபாளையம் உள்ளிட்ட கிராம மக்கள் பயன்பெறும் வகையில் மடத்துப்பாளையம், மாகாளியம்மன் கோயிலில் இருந்து செம்மாண்டம்பாளையத்துக்கு செல்லும் சாலையின் வளைவுப் பகுதியை நேராக மாற்றி அமைக்க வேண்டும் என பொதுமக்கள் கடந்த பல ஆண்டுகளாக கோரிக்கை விடுத்து வந்தனர்.
 இதையடுத்து சாலையை சீரமைப்பதற்காக ஒருங்கிணைந்த சாலை உள் கட்டமைப்புத் திட்டத்தின் கீழ் ரூ. 73 லட்சம் நிதியை மாநில நெடுஞ்சாலைத் துறை கடந்த ஆண்டு ஒதுக்கீடு செய்தது. அதைத் தொடர்ந்து நில அளவீடு முடிவடைந்து, பணிக்கான ஒப்பந்தமும் விடப்பட்டது. 
 பணிகள் துவங்க இருந்த நிலையில் தற்போது திட்டமிட்டுள்ளபடி சாலை அமைத்தால், மழைநீர் தடைபட்டு, அங்குள்ள மயானத்துக்குள் புகுந்து விடும் என ஒரு தரப்பினர் எதிர்ப்பு தெரிவித்தனர். இதனால் சாலைப் பணிகள் நிறுத்தப்பட்டன.
 இந்நிலையில் இருதரப்பு மக்களிடையை அமைதி பேச்சுவார்த்தை அவிநாசி வட்டாட்சியர் அலுவலகத்தில் வெள்ளிக்கிழமை நடைபெற்றது. இதில் ஏற்கெனவே பயன்பாட்டில் உள்ள சாலையையே விரிவாக்குவது, வளைவுப் பகுதிகளில் வேகத்தடை அமைப்பது, செப்டம்பர் 18ஆம் தேதி பொதுமக்களை நேரடியாக சந்தித்த பிறகு உடனடியாக பணிகளை துவங்குவது என முடிவு செயப்பட்டது.

]]>
https://www.dinamani.com/all-editions/edition-coimbatore/tiruppur/2019/sep/14/மடத்துப்பாளையம்---செம்மாண்டம்பாளையம்-சாலைப்-பணிகளை-விரைவில்-துவங்க-முடிவு-3234111.html
3234110 கோயம்புத்தூர் திருப்பூர் ஆதீஸ்வரர் சுவாமி கோயில் கும்பாபிஷேகம் DIN DIN Saturday, September 14, 2019 07:16 AM +0530 பல்லடம் அருகே உள்ள கரைப்புதூர் அன்னபூரணி அம்மன் உடனமர் ஆதீஸ்வரர் சுவாமி கோயில் கும்பாபிஷேக விழா வெள்ளிக்கிழமை நடைபெற்றது. 
 சுமார் 200 ஆண்டுகள் பழைமைவாய்ந்த இக்கோயிலில் திருப்பணிகள் நிறைவுபெற்று கும்பாபிஷேக விழா நடைபெற்றது. யாக வேள்வி, அலங்கார பூஜை, மகா தீபாராதனை நடைபெற்றது. விழாவில் ஏரளானமான பக்தர்கள் பங்கேற்று சுவாமி தரிசனம் செய்தனர்.
பக்தர்கள் அனைவருக்கும் அன்னதானம் வழங்கப்பட்டது. கூனம்பட்டி ஆதீனம் நடராஜ சுவாமிகள் அருளுரையாற்றினார். யாக வேள்விகளை கிரிவாச சிவம் தலைமையிலான குழுவினர் நடத்தினர். விழா ஏற்பாடுகளை கோயில் கமிட்டியினர், பொதுமக்கள் செய்திருந்தனர்.

]]>
https://www.dinamani.com/all-editions/edition-coimbatore/tiruppur/2019/sep/14/ஆதீஸ்வரர்-சுவாமி-கோயில்-கும்பாபிஷேகம்-3234110.html
3234109 கோயம்புத்தூர் திருப்பூர் இருசக்கர வாகனம் மீது வேன் மோதியதில் இளைஞர் பலி DIN DIN Saturday, September 14, 2019 07:16 AM +0530 அவிநாசி அருகே இருசக்கர வாகனம் மீது வேன் மோதிய விபத்தில் இளைஞர் வெள்ளிக்கிழமை உயிரிழந்தார். 
சோமனூர் அருகே உள்ள சாமளாபுரம், இச்சிப்பட்டியைச் சேர்ந்தவர் ராமசாமி மகன் கனகராஜ் (39). விசைத்தறி உரிமையாளர். இவரது விசைத்தறி கூடத்தில் பணியாற்றியவர் ஜெகநாதன் மகன் கெளரிசங்கர் (29).
 இவர்கள் இருவரும் இருசக்கர வாகனத்தில் அவிநாசி நோக்கி கடந்த 8ஆம் தேதி வந்து கொண்டிருந்தனர். தெக்கலூர் அருகே வந்தபோது பின்னால் வந்த வேன் இருசக்கர வாகனத்தின் மீது மோதியது. இதில் பலத்த காயமடைந்த கனகராஜ், கௌரிசங்கர் ஆகிய இருவரும் கோவை அரசு மருத்துவமனையில் அனுமதிக்கப்பட்டனர். இந்நிலையில் சிகிச்சை பலனின்றி கௌரி சங்கர் வெள்ளிக்கிழமை உயிரிழந்தார். இதுகுறித்து அவிநாசி போலீஸார் வழக்குப்பதிந்து விசாரிக்கின்றனர்.

]]>
https://www.dinamani.com/all-editions/edition-coimbatore/tiruppur/2019/sep/14/இருசக்கர-வாகனம்-மீது-வேன்-மோதியதில்-இளைஞர்-பலி-3234109.html
3234108 கோயம்புத்தூர் திருப்பூர் மருத்துவமனை முன் போராட்டம்:  இந்திய மருத்துவ சங்கம் கண்டனம் DIN DIN Saturday, September 14, 2019 07:15 AM +0530 திருப்பூரில் தனியார் மருத்துவமனை முன் போராட்டம் நடத்தியதற்கு இந்திய மருத்துவ சங்கம் கண்டனம் தெரிவித்துள்ளது.
 இதுகுறித்து அந்த சங்கத்தின் திருப்பூர் கிளைத் தலைவர் மருத்துவர் செந்தில்குமரன், செயலாளர் மருத்துவர் என். ராஜ்குமார் ஆகியோர் செய்தியாளர்களிடம்  வெள்ளிக்கிழமை கூறியதாவது:
 திருப்பூர் பகுதியில் உள்ள தனியார் மருத்துவமனைகள், தனியார் மருத்துவர்கள் மூலமாக தரமான முறையில் சிகிச்சை அளித்து வருகிறோம். கோவை, சேலம், ஈரோடு நகரங்களைக் காட்டிலும் திருப்பூரில் குறைந்த கட்டணத்தில் பொதுமக்களுக்கு சிகிச்சை அளித்து வருகிறோம்.
 திருப்பூரில் உள்ள ஆன்மிக அமைப்புகள், தொண்டு நிறுவனங்கள் சார்பில் ரத்த தான முகாம், கண் சிகிச்சை முகாம்களையும் இந்திய மருத்துவர் சங்கம் இணைந்து நடத்தி வருகிறது. எந்த ஒரு மருத்துவரும் நோயாளியின் உயிரைக் காக்கதான் போராடுவார்கள். நல்ல எண்ணத்தின் அடிப்படையில் செய்யப்படும் சிகிச்சையில் நோயாளிகள் மரணிக்கும்போது சிகிச்சை அளித்த மருத்துவரும் துயரமடைவது வழக்கம். இந்த சமயங்களில் சில நபர்கள் மக்களுக்கும், மருத்துவர்களுக்கும் உள்ள நல்லுறவை சீர்குலைக்கும் வகையில் தேவையற்ற போராட்டங்களை நடத்தி மக்கள் மத்தியில் குழப்பத்தை ஏற்படுத்தி வருகின்றனர். சிகிச்சையில் தவறு இருப்பதாகக் கருதினால் மாவட்ட ஆட்சியர், மருத்துவ இணை இயக்குநர், மருத்துவ கவுன்சில் அல்லது காவல் துறையினரை அணுகி புகார் அளிக்கலாம். 
 இதை விடுத்து மருத்துவமனை முன்பாக ஆர்ப்பாட்டம், போராட்டம் நடத்தி பொதுமக்களை குழப்புவதையோ, மருத்துவர்களை மிரட்டுவதோ கண்டிக்கத்தக்கது என்றார்.

]]>
https://www.dinamani.com/all-editions/edition-coimbatore/tiruppur/2019/sep/14/மருத்துவமனை-முன்-போராட்டம்--இந்திய-மருத்துவ-சங்கம்-கண்டனம்-3234108.html
3234107 கோயம்புத்தூர் திருப்பூர் திருப்பூர் அருகே உயர்மின் கோபுர  நில அளவீட்டுப் பணிக்கு எதிர்ப்பு: 19 பெண்கள் உள்பட 59 பேர் கைது DIN DIN Saturday, September 14, 2019 07:15 AM +0530 திருப்பூர் மாவட்டம், குண்டடம் அருகே இரு இடங்களில் உயர்மின் கோபுரம் அமைக்கும் பணிக்கு நிலத்தை அளவீடு செய்ய எதிர்ப்புத் தெரிவித்த 19 பெண்கள் உள்பட 59 பேர் வெள்ளிக்கிழமை கைது செய்யப்பட்டனர்.
 குண்டடம், தாராபுரம் பகுதிகளில் விவசாய நிலங்களில் உயர் மின்கோபுரம் அமைக்க விவசாயிகள் எதிர்ப்புத் தெரிவித்து வருகின்றனர். இப்பணிக்கு நிலத்தை அளவீடு செய்ய பவர்கிரிட் நிறுவன அதிகாரிகள் வரும்போது விவசாயிகள் எதிர்ப்புத் தெரிவித்து பல்வேறு போராட்டங்களில் ஈடுபட்டு வருகின்றனர்.
 இந்நிலையில் குண்டடத்தை அடுத்துள்ள வேலாயுதம்பாளையத்தில் சுப்பிரமணியம் என்பவரது நிலத்தை உயர்மின் கோபுரம் அமைக்கும் பணிக்காக அளவீடு செய்வதற்கு காவல் துறை பாதுகாப்புடன் பவர்கிரிட் நிறுவன அதிகாரிகள் வெள்ளிக்கிழமை வந்தனர். அப்போது அங்கு அதிகாரிகளை கட்சி சார்பற்ற விவசாயிகள் சங்கத்தின் ஒருங்கிணைப்பாளர் சிவகுமார் தலைமையிலான விவசாயிகள் தடுத்து நிறுத்தி போராட்டத்தில் ஈடுபட்டனர். 
இதையடுத்து ஏடிஎஸ்பி ஜெயசந்திரன் தலைமையிலான காவல் துறையினர் போராட்டத்தில் ஈடுபட்ட 17 பெண்கள் உள்பட 37 பேரைக் கைது செய்து குண்டடத்தில் உள்ள திருமண மண்டபத்தில் தங்கவைத்தனர். அதேபோல மேற்கு சடையாம்பாளையத்தில் கோமதி என்பவரது நிலத்தை அளவீடு செய்ய வந்த அதிகாரிகளைத் தடுக்க முயன்ற 2 பெண்கள் உள்பட 22 பேரைக் காவல் துறையினர் கைது செய்தனர். இதன் காரணமாக அப்பகுதிகளில் பரபரப்பு ஏற்பட்டது.

]]>
https://www.dinamani.com/all-editions/edition-coimbatore/tiruppur/2019/sep/14/திருப்பூர்-அருகே-உயர்மின்-கோபுர--நில-அளவீட்டுப்-பணிக்கு-எதிர்ப்பு-19-பெண்கள்-உள்பட-59-பேர்-கைது-3234107.html
3234106 கோயம்புத்தூர் திருப்பூர் பொதுமக்களின் போராட்டத்தால் மதுக்கடை மூடல் DIN DIN Saturday, September 14, 2019 07:14 AM +0530 திருப்பூர் மாவட்டம், சாமளாபுரம் அருகே புதிதாகத் திறக்கப்பட்ட மதுக்கடை பொதுமக்களின் எதிர்ப்பைத் தொடர்ந்து தற்காலிகமாக மூடப்பட்டது. 
சாமளாபுரத்தை அடுத்த பெருமாம்பாளையத்தில் டாஸ்மாக் நிர்வாகம் சார்பில் கடந்த வியாழக்கிழமை மதுக்கடை திறக்கப்பட்டது. இந்த மதுக்கடைக்கு அருகில் குடியிருப்புகள், வழிபாட்டுத் தலம் உள்ளதால் அப்பகுதி பொதுமக்கள் எதிர்ப்புத் தெரிவித்தனர். இதைத்தொடர்ந்து அப்பகுதியைச் சேர்ந்த 50-க்கும் மேற்பட்ட பெண்கள் கடை முன்பாக உள்ள சாலையில் வியாழக்கிழமை மாலை 5 மணி அளவில் போராட்டத்தில் ஈடுபட்டனர். 
இதையடுத்து மங்கலம் காவல் துறையினர் சம்பவ இடத்துக்குச் சென்று பேச்சுவார்த்தை நடத்தினர். அப்போது, கடையை மூடினால் மட்டுமே கலைந்து செல்வோம் என அவர்கள் தெரிவித்தனர். அதைத் தொடர்ந்து டாஸ்மாக் மண்டல மேலாளர் உள்ளிட்ட அதிகாரிகள் பொதுமக்களின் கோரிக்கைகளைக் கேட்டறிந்தனர். 
இதுகுறித்து டாஸ்மாக் அதிகாரிகள் கூறுகையில், பெருமாம்பாளையத்தில் மதுக்கடை திறந்ததற்கு பொதுமக்கள் எதிர்ப்புத் தெரிவித்தனர். இதைத்தொடர்ந்து அந்த மதுக்கடையைத் தற்காலிகமாக மூடியுள்ளோம். பொதுமக்களின் கோரிக்கை குறித்து பரிசீலிக்கப்படும். அதுவரையில் தற்காலிகமாகவே இந்த மதுக்கடை மூடப்பட்டுள்ளது என்றனர்.

]]>
https://www.dinamani.com/all-editions/edition-coimbatore/tiruppur/2019/sep/14/பொதுமக்களின்-போராட்டத்தால்-மதுக்கடை-மூடல்-3234106.html
3234105 கோயம்புத்தூர் திருப்பூர் பல்லடம் அருகே சிற்றுந்து கவிழ்ந்த விபத்தில் 11 பயணிகள் காயம் DIN DIN Saturday, September 14, 2019 07:14 AM +0530 பல்லடம் அருகே நல்லாகவுண்டம்பாளையம்புதூரில் தனியார் சிற்றுந்து கவிழ்ந்த விபத்தில் வெள்ளிக்கிழமை 11 பேர் காயமடைந்தனர்.
 திருப்பூர் மாவட்டம், பல்லடம் அருகே உள்ள வலையபாளையத்தில் இருந்து பல்லடம் நோக்கி தனியார் சிற்றுந்து வெள்ளிக்கிழமை வந்தது. இப்பேருந்தை வலையபாளையத்தைச் சேர்ந்த ஓட்டுநர் அருண் (28) ஓட்டி வந்தார். இதில் 30 பயணிகள் பயணம் செய்தனர்.
 இந்த சிற்றுந்து நல்லாகவுண்டம்பாளையம்புதூர் பகுதியில் வந்தபோது எதிரே மற்றொரு சிற்றுந்து வந்தது. அதற்கு வழி விடுவதற்காக பேருந்து ஓட்டுநர் அருண் சிற்றுந்தை இடது பக்கம் திருப்பினார். அப்போது சிற்றுந்து திடீரென ஓட்டுநரின் கட்டுப்பாட்டை இழந்து அருகில் சுமார் 5 அடி ஆழமுள்ள பள்ளத்தில் கவிழ்ந்தது.
 இந்த விபத்தில் 11 பயணிகள் பலத்த காயமடைந்தனர். அவர்களை அங்கிருந்தவர்கள் மீட்டு, பல்லடம் அரசு மருத்துவமனையில் சேர்த்தனர். காயமடைந்தவர்களில் நல்லூர்பாளையத்தைச் சேர்ந்த பழனிசாமி (50), சுமதி (27), முத்துலட்சுமி (25), அருக்காணி (35), சரஸ்வதி (34) ஆகிய 5 பேர் உள் நோயாளிகளாக அனுமதிக்கப்பட்டு உள்ளனர். மற்றவர்கள் சிகிச்சை முடிந்து வீடு திரும்பினர். இந்த விபத்து குறித்து பல்லடம் போலீஸார் வழக்குப் பதிவு செய்து விசாரணை மேற்கொண்டுள்ளனர்.


 

]]>
https://www.dinamani.com/all-editions/edition-coimbatore/tiruppur/2019/sep/14/பல்லடம்-அருகே-சிற்றுந்து-கவிழ்ந்த-விபத்தில்-11-பயணிகள்-காயம்-3234105.html
3234104 கோயம்புத்தூர் திருப்பூர் சாலை விபத்தில் பாஜக நிர்வாகி சாவு DIN DIN Saturday, September 14, 2019 07:14 AM +0530 திருப்பூர் மாவட்டம், குண்டடம் அருகே பாலத்தில் நின்றுகொண்டிருந்த லாரி மீது இரு சக்கர வாகனம் மோதிய விபத்தில் பாஜக நிர்வாகி வியாழக்கிழமை உயிரிழந்தார். 
 குண்டடம் அருகே உள்ள சேடபாளையத்தில் வசித்து வந்தவர் பி.சதீஷ்குமார்(28). இவர் குண்டடம் நகர பாஜக இளைஞரணி செயலாளராக பொறுப்பு வகித்து வந்தார். இந்நிலையில் சதீஷ்குமார் தனது நண்பர் மணீஷ்குமாருடன் (25) இரு சக்கர வாகனத்தில் குண்டடம்-ஊதியூர் சாலையில் கடந்த வியாழக்கிழமை சென்று கொண்டிருந்தார்.
 நவக்கொம்பு பிரிவு அருகே சென்றபோது எதிர்பாராதவிதமாக பாலத்தின் மேல் நின்றுகொண்டிருந்த லாரியின் மீது பலமாக மோதியது. இந்த விபத்தில் மணீஷ்குமார் லேசான காயமடைந்தனர்.
 பலத்த காயமடைந்த சதீஷ்குமாரை அருகிலிருந்தவர்கள் மீட்டு, திருப்பூர் அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சைக்கு பிறகு மேல் சிகிச்சைக்காக கோவை அரசு மருத்துவக் கல்லூரி மருத்துவமனையில் சேர்க்கப்பட்டார். அங்கு சிகிச்சை பலனின்றி சதீஷ்குமார் உயிரிழந்தார். இந்த விபத்து குறித்து குண்டடம் காவல் துறையினர் வழக்குப் பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/14/சாலை-விபத்தில்-பாஜக-நிர்வாகி-சாவு-3234104.html
3233269 கோயம்புத்தூர் திருப்பூர் மொண்டிபாளையம் பெருமாள் கோயிலில்  புரட்டாசி திருவிழா நாளை துவக்கம் DIN DIN Friday, September 13, 2019 08:18 AM +0530 திருப்பூர் மாவட்டத்தில் பிரசித்தி பெற்ற மொண்டிபாளையம் வெங்கடேசப் பெருமாள் கோயிலில் புரட்டாசி திருவிழா சனிக்கிழமை (செப்டம்பர் 14) முதல் அக்டோபர் 19 ஆம் தேதி வரை நடைபெறவுள்ளது. 
திருப்பூர், கோவை மாவட்டங்களில் பிரசித்தி பெற்றதும்,  மேலதிருப்பதி என போற்றப்படுவதுமாக மொண்டிபாளையம்  ஸ்ரீதேவி, பூதேவி சமேத வெங்கடேசப்பெருமாள்  திருக்கோயில் உள்ளது. திருப்பதி வெங்கடேசப் பெருமாளுக்கு செலுத்த வேண்டிய நேர்த்திக்கடனை  இக்கோயிலில் செலுத்தலாம் என்ற ஐதீகம் தொன்றுதொட்டு நிலவி வருகிறது. இத்தகைய சிறப்பு பெற்ற இக்கோயிலில் ஆண்டுதோறும் புரட்டாசி திருவிழா கோலாகலமாக நடைபெறுவது வழக்கம். இந்த ஆண்டு  செப்டம்பர் 14 ஆம் தேதி துவங்கி ஒவ்வொரு சனிக்கிழமையும் அதிகாலை 5 மணிக்கு  சுவாமிக்கு திருமஞ்சன அபிஷேகம், சிறப்பு அலங்கார தீபாரதனைகளும்,  பக்தர்களுக்கு அன்னதானமும் வழங்கப்படவுள்ளது. இதைத்தொடர்ந்து  இரவு 7  மணிக்கு, கருட வாகனத்தில் சுவாமி திருவீதி உலா நிகழ்ச்சியும் நடைபெறவுள்ளது. விழாவையொட்டி, கோவை, திருப்பூர்,  அவிநாசி, புளியம்பட்டி, நம்பியூர் உள்ளிட்ட பகுதிகளிலிருந்து சிறப்பு பேருந்துகள் இயக்கப்படுகிறது.  விழாவுக்கான  ஏற்பாடுகளை, செயல் அலுவலர், பரம்பரை அறங்காவலர்கள் குழுவினர் செய்து வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/13/மொண்டிபாளையம்-பெருமாள்-கோயிலில்--புரட்டாசி-திருவிழா-நாளை-துவக்கம்-3233269.html
3233268 கோயம்புத்தூர் திருப்பூர் சிலம்ப போட்டியில் சிறப்பிடம்: மாணவருக்குப் பாராட்டு DIN DIN Friday, September 13, 2019 08:18 AM +0530 சிலம்பம் போட்டியில் சிறப்பிடம் பெற்ற உடுமலையை அடுத்துள்ள பாலப்பம்பட்டி ருத்ரவேணி முத்துசாமி பாலிடெக்னிக் கல்லூரி மாணவருக்குப் பாராட்டு நிகழ்ச்சி வியாழக்கிழமை நடை பெற்றது.
உலக சாம்பியன்ஷிப்-2019 என்ற தலைப்பில் சிலம்பம் போட்டி சேலத்தில் நடைபெற்றது. இப்போட்டியில் 19 வயதுக்கு உள்பட்டோர் பிரிவில் இக்கல்லூரி முதலாமாண்டு மாணவர் ஆர்.தினேஷ் பங்கேற்று 2 ஆம் இடம் பெற்றார்.
இதைத் தொடர்ந்து, போட்டிகளை நடத்திய சவோலின் குங்ஃபூ மார்சியல் ஆர்ட்ஸ் அகாதெமியின் சார்பில் பரிசுக் கோப்பை, சான்றிதழ் வழங்கப்பட்டது. இந்நிலையில் கல்லூரி வளாகத்தில் மாணவர் ஆர்.தினேஷுக்கு பாராட்டு நிகழ்ச்சி வியாழக்கிழமை நடைபெற்றது. கல்லூரி இயக்குநர் சுமதி கிருஷ்ணபிரசாத் மாணவரைப் பாராட்டி ரூ. 5 ஆயிரம் ரொக்கப் பரிசு வழங்கினார்.  கல்லூரி ஆலோசகர் ஜெ.மஞ்சுளா, முதல்வர் எம்.கண்ணன், பேராசிரியர்கள் ஆகியோர் மாணவர் தினேஷை வாழ்த்தினர்.

]]>
https://www.dinamani.com/all-editions/edition-coimbatore/tiruppur/2019/sep/13/சிலம்ப-போட்டியில்-சிறப்பிடம்-மாணவருக்குப்-பாராட்டு-3233268.html
3233267 கோயம்புத்தூர் திருப்பூர் சாலையோரம் மரங்கள் வெட்டிக் கடத்தல்: நடவடிக்கை எடுக்க முதல்வர்  தனிப் பிரிவுக்கு கோரிக்கை DIN DIN Friday, September 13, 2019 08:16 AM +0530 அவிநாசி அருகே பேரநாயக்கன்புதூரில் சாலையோரம் இருந்த 4 மரங்களை வெட்டி எடுத்து சென்றவர்கள் மீது நடவடிக்கை எடுக்க வேண்டும் என முதல்வர் தனிப்பிரிவுக்கு சமூக ஆர்வலர்கள் கோரிக்கை விடுத்துள்ளனர். 
அவிநாசி ஒன்றியம், மங்கரசுவலையபாளையம் ஊராட்சிக்கு உள்பட்ட பேரநாயக்கன்புதூர் புதுக்காலனி பகுதியில் சமூக ஆர்வலர்கள் 8 ஆண்டுகளாக பல்வேறு வகையான மரங்களை நட்டு வளர்த்து வந்தனர். இந்நிலையில் அங்கிருந்த 2 வேப்பமரங்கள்,  பூவரச மரம், வாகை மரம் என 4  மரங்களை மர்ம நபர்கள் புதன்கிழமை இரவு வெட்டி எடுத்துச் சென்றுள்ளனர்.  இதைப் பார்த்த சமூக ஆர்வலர்கள், பொதுமக்கள் அதிர்ச்சிக்குள்ளாகினர். மரங்களை வெட்டி எடுத்துச் சென்ற சமூக விரோதிகள் மீது உரிய நடவடிக்கை எடுக்க வேண்டும் எனக் கோரி, முதல்வர் தனிப்பிரிவுக்கு சமூக ஆர்வலர் செல்வராஜ் வியாழக்கிழமை மனு அனுப்பியுள்ளார். 
இது குறித்து வருவாய்த்துறையினரிடம் கேட்ட போது, உடனடியாக விசாரணை மேற்கொண்டு நடவடிக்கை எடுக்கப்படும் எனத் தெரிவித்தனர்.

]]>
https://www.dinamani.com/all-editions/edition-coimbatore/tiruppur/2019/sep/13/சாலையோரம்-மரங்கள்-வெட்டிக்-கடத்தல்-நடவடிக்கை-எடுக்க-முதல்வர்--தனிப்-பிரிவுக்கு-கோரிக்கை-3233267.html
3233266 கோயம்புத்தூர் திருப்பூர் தனியார் நிறுவன ஊழியர் கொலை: 2 இளைஞர்களுக்கு ஆயுள் தண்டனை DIN DIN Friday, September 13, 2019 08:15 AM +0530 திருப்பூரில் தனியார் நிறுவன ஊழியரைக் கொலை செய்த வழக்கில் 2 இளைஞர்களுக்கு ஆயுள் தண்டனை விதித்து திருப்பூர் நீதிமன்றம் வியாழக்கிழமை உத்தரவிட்டுள்ளது. 
திருப்பூர், கொங்கு பிரதான சாலை பகுதியில் வசித்து வந்தவர் எஸ்.ராமசந்திரன் (24). இவர் கோவையில் உள்ள தனியார் நிறுவனத்தில் ஊழியராகப் பணியாற்றி வந்தார். இவர் கொங்கு பிரதான சாலை முதலாவது ரயில்வே கேட் அருகே 2005 மே 9 ஆம் தேதி நடந்து சென்று கொண்டிருந்தார். அப்போது அந்த வழியாக இருசக்கர வாகனத்தில் வந்த இருவர் ராமசந்திரனைக் கத்தியால் குத்தி, அவரிடமிருந்த ரூ.5 ஆயிரம் பணத்தைப் பறித்து விட்டு தப்பிச் சென்றனர்.
 இதில் பலத்த காயமடைந்த ராமசந்திரன் சம்பவ இடத்திலேயே உயிரிழந்தார். இதுகுறித்து திருப்பூர் வடக்கு காவல் துறையினர் வழக்குப் பதிவு செய்து விசாரணை நடத்தினர். 
 விசாரணையில், ஈரோடு மாவட்டம், வீரப்பன் சத்திரத்தைச் சேர்ந்த டி.சரவணன் (21), பழனி, ஆயக்குடியைச் சேர்ந்த கார்த்திக் (20) ஆகியோர் ராமசந்திரனைக் கொலை செய்தது தெரியவந்தது. இந்த இருவரும் திருப்பூரில் உள்ள சாய ஆலையில் தொழிலாளிகளாக வேலை செய்து வந்ததும் தெரியவந்தது. இதையடுத்து, இருவரையும் கைது செய்த காவல் துறையினர் நீதிமன்றத்தில் ஆஜர்படுத்தி சிறையில் அடைத்தனர். 
திருப்பூர் முதன்மை மாவட்ட அமர்வு நீதிமன்றத்தில் நடைபெற்று வந்த இந்த வழக்கில் நீதிபதி எஸ்.அல்லி வியாழக்கிழமை தீர்ப்பு வழங்கினார். 
இதில், கொலை வழக்கில் டி.சரவணன், கார்த்திக் ஆகியோருக்கு ஆயுள் தண்டனையும், வழிப்பறிக்கு 7 ஆண்டுகள் சிறை தண்டனையும் விதித்து நீதிபதி உத்தரவிட்டார்.  இந்த வழக்கில் அரசுத் தரப்பில் வழக்குரைஞர் கே.என்.சுப்பிரமணியம் ஆஜரானார். 
 

]]>
https://www.dinamani.com/all-editions/edition-coimbatore/tiruppur/2019/sep/13/தனியார்-நிறுவன-ஊழியர்-கொலை-2-இளைஞர்களுக்கு-ஆயுள்-தண்டனை-3233266.html
3233265 கோயம்புத்தூர் திருப்பூர் இலவச இணைப்பில் மீட்டர் பொருத்த எதிர்ப்பு: மின்வாரிய அலுவலகத்தை முற்றுகையிட்ட விவசாயிகள் DIN DIN Friday, September 13, 2019 08:15 AM +0530 இலவச மின் இணைப்பில் மின்மீட்டர் பொருத்த  எதிர்ப்புத் தெரிவித்து, விவசாயிகள் அவிநாசி- மங்கலம் சாலையில் உள்ள மின்வாரிய அலுவலகத்தை வியாழக்கிழமை முற்றுகையிட்டு மனு அளித்தனர்.
அவிநாசி மின்வாரியத்திற்கு உள்பட்ட  பகுதிகளின் ஏராளமான விவசாயிகள் இலவச மின்சாரம் பயன்படுத்தி வருகின்றனர். கடந்த சில நாள்களாக சேவூர், அவிநாசி பகுதிகளில் உள்ள விவசாயிகள் தோட்டத்தில் இலவச மின்சார இணைப்பில் மீட்டர் பொருத்துவதற்காக மின்வாரிய ஊழியர்கள் சென்று வருகின்றனர். அதற்கு அப்பகுதி விவசாயிகள் எதிர்ப்பு தெரிவித்ததையடுத்து, மீட்டர் பொருத்தாமல் மின்வாரியத்தினர் திரும்பிச் சென்று விடுகின்றனர். இதுகுறித்து விவசாயிகள் கடந்த ஆகஸ்ட் 21ஆம் தேதி அவிநாசி மின்வாரிய அலுவலகத்தில் மனு அளித்துள்ளனர். மேலும் வடுகபாளையத்தில் மின்மீட்டர்  பொருத்த மின்வாரியத்தினர் கடந்த செவ்வாய்க்கிழமை வந்துள்ளனர்.
இதனால் ஆத்திரமடைந்த தமிழ்நாடு விவசாயிகள் சங்கத்தினர், விவசாயிகள் சங்க ஒருங்கிணைப்பு குழுவினர் உள்ளிட்டோர் அவிநாசி மின்வாரிய அலுவலகத்தை வியாழக்கிழமை முற்றுகையிட்டு செயற்பொறியாளரிடம் மனு அளித்தனர். 
இதுகுறித்து செயற்பொறியாளர் பாலன் கூறியதாவது:
வடுகபாளையத்தில் மின்மீட்டர் பொருத்த வந்தது எனக்குத் தெரியாது. எனவே, மின்மீட்டர் பொருத்த வந்த மின்வாரிய அலுவலர்கள் மீது உரிய நடவடிக்கை எடுக்கப்படும். விவசாயிகள் மனு அளித்ததைத் தொடர்ந்து மின்மீட்டர் பொருத்தும் பணி  கைவிடப்படும் என தெரிவித்தார்.  இதையடுத்து அனைவரும் கலைந்து சென்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/13/இலவச-இணைப்பில்-மீட்டர்-பொருத்த-எதிர்ப்பு-மின்வாரிய-அலுவலகத்தை-முற்றுகையிட்ட-விவசாயிகள்-3233265.html
3233264 கோயம்புத்தூர் திருப்பூர் யார்னெக்ஸ் ஜவுளிக் கண்காட்சியை ஏற்றுமதியாளர்கள் பயன்படுத்திக் கொள்ள வேண்டும்: ஏஇபிசி துணைத்தலைவர் ஆ.சக்திவேல் பேட்டி DIN DIN Friday, September 13, 2019 08:15 AM +0530 திருப்பூரில் யார்னெக்ஸ், டெக்ஸ் இந்தியா சார்பில் வியாழக்கிழமை தொடங்கிய ஜவுளிக் கண்காட்சியை ஏற்றுமதியாளர்களும், உள்நாட்டு வர்த்தகர்களும் பயன்படுத்திக் கொள்ள வேண்டும் என்று ஆயத்த ஆடை ஏற்றுமதி மேம்பாட்டுக் கழகத்தின்(ஏஇபிசி) துணைத்தலைவர் ஆ.சக்திவேல் தெரிவித்துள்ளார்.
திருப்பூர் ஐகேஎஃப் வளாகத்தில் யார்னெக்ஸ் சார்பில் 3 நாள் சர்வதேச ஜவுளிக் கண்காட்சியை ஆ.சக்திவேல் தொடங்கிவைத்தார். 
பின்னர் அவர் செய்தியாளர்களிடம் கூறியதாவது:
இந்தக் கண்காட்சியில் மிக நவீன முறையில் தயாரிக்கப்பட்ட துணிகள் அதிகம் இடம் பெற்றுள்ளன. இதை ஏற்றுமதியாளர்களும், உள்நாட்டு வர்த்தகர்களும் பயன்படுத்தி ஏற்றுமதியை அதிகரிக்க வேண்டும். இதன்மூலமாக துணிகளின் மதிப்பை அதிகரிக்க முடியும். அமெரிக்கா, துபை ஆகிய நாடுகளில் முதலீட்டாளர்கள் கூட்டத்தை ஏற்பாடு செய்யுமாறு தமிழக அரசு சார்பில் தெரிவிக்கப்பட்டிருந்தது. இதனடிப்படையில், நியூயார்க், சான்பிரான்சிஸ்கோ, துபை  ஆகிய இடங்களில் முதலீட்டாளர் கூட்டத்தை ஏற்பாடு செய்தோம். 
இந்தக்கூட்டத்தில் அமெரிக்காவில்  ரூ.5 ஆயிரம் கோடியும், துபையில், ரூ.3,750 கோடிக்கும் ஒப்பந்தங்கள் கையெழுத்தாகியுள்ளன. இதன்  மூலமாக 40 ஆயிரம் தொழிலாளர்களுக்கு வேலைவாய்ப்பு கிடைக்கும். தமிழக முதல்வரின் வெளிநாட்டு சுற்றுப்பயணத்துக்கு நல்ல வரவேற்பு  இருந்தது என்றார். 
இதில், நிட்மா சங்கத் தலைவர் அகில் ரத்தினசாமி பேசியதாவது:
பின்னலாடை ஏற்றுமதியாளர்களும், உள்நாட்டு உற்பத்தியாளர்களும் இந்த அரங்குகளைப் பார்வையிட்டு தங்களது உற்பத்தியை அதிகரித்துக் கொள்ளலாம்.திருப்பூரின் வளர்ச்சி அளவுக்கு போக்குவரத்து நெரிசலும் அதிகரித்துள்ளது. கோவை சென்ட்ரல் ரயில் நிலையத்தில் இருந்து விமான நிலையத்துக்கு மெட்ரோ ரயில் திட்டம் தொடங்கப்பட உள்ளது. இந்தத் திட்டத்தை விமான நிலையத்தில் இருந்து திருப்பூர் வரைக்கும் நீட்டிக்க வேண்டும். இதன் மூலமாக வெளிநாடுகளில் இருந்து வரும் வியாபாரிகள் எளிதில் திருப்பூர் வந்தடையலாம் என்றார்.
கண்காட்சியைப் பார்வையிட்ட திருப்பூர் ஏற்றுமதியாளர்கள் சங்கத்தின் பொதுச் செயலாளர் டி.ஆர்.விஜயகுமார் கூறியதாவது: மறுசூழற்சி செய்யப்பட்ட பொருள்களில் இருந்து தயாரிக்கப்படும் பொருள்களுக்கு சந்தையில் மவுசு அதிகரித்துள்ளது. குறிப்பாக பிளாஸ்டிக் பொருள்களை மறுசூழற்சி செய்து ஆடைகளாகத் தயாரிக்கும்போது சுற்றுச்சூழல் மாசுபடுவதைத் தடுக்க உதவுகிறது. விலை குறைந்த இந்தப் பொருள்களை வாங்கும்போது இந்திய அரசின் தூய்மை இந்தியா திட்டத்துக்கும் பக்கபலமாக அமையும் என்றார்.
இதன் தொடக்க விழாவில் கண்காட்சி ஒருங்கிணைப்பாளர் கிருஷ்ணமூர்த்தி உள்ளிட்ட பலர் கலந்து கொண்டனர். 


சேவூரில் இறைச்சி கழிவுகளை கொட்டுவதை தடுக்கக் கோரிக்கை
அவிநாசி, செப். 12: சுகாதாரக்கேடு ஏற்படுத்தும் வகையில் சேவூர் கைகாட்டி அருகே இறைச்சிக் கழிவுகளை கொட்டுவதைத் தடுக்க வேண்டும் என பொதுமக்கள் கோரிக்கை விடுத்துள்ளனர்.
அவிநாசி ஒன்றியம், சேவூர் அருகே முறியாண்டம்பாளையம் ஊராட்சிக்கு உள்பட்ட கைகாட்டி மூலக்குரும்பபாளையம் சாலையில், 50-க்கும் மேற்பட்ட குடும்பத்தினர் வசித்து வருகின்றனர். இச்சாலை சேவூரில் இருந்து மூலக்குரும்பபாளையம் செல்லும் பிரதான சாலையாக உள்ளது. இந்நிலையில், அப்பகுதியில் கடந்த சில மாதங்களாக, சாலையோரம் இரவு நேரத்தில் அடையாளம் தெரியாத நபர்கள், இறைச்சிக் கழிவுகளை கொட்டிச் செல்கின்றனர். இதனால் அப்பகுதியில் துர்நாற்றம் வீசி வருவதோடு சுகாதாரக்கேடு ஏற்பட்டு வருகிறது.  எனவே, இறைச்சிக் கழிவுகளைக் கொட்டுபவர்கள் மீது ஊராட்சி நிர்வாகம் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-coimbatore/tiruppur/2019/sep/13/யார்னெக்ஸ்-ஜவுளிக்-கண்காட்சியை-ஏற்றுமதியாளர்கள்-பயன்படுத்திக்-கொள்ள-வேண்டும்-ஏஇபிசி-துணைத்தலைவர்-ஆ-3233264.html
3233263 கோயம்புத்தூர் திருப்பூர் சாமளாபுரம் அருகே மதுக்கடையை மூடக்கோரி பொதுமக்கள் போராட்டம் DIN DIN Friday, September 13, 2019 08:14 AM +0530 திருப்பூர் மாவட்டம், சாமளாபுரம் அருகே புதிதாக திறக்கப்பட்ட அரசு மதுபானக் கடையை மூடக்கோரி அப்பகுதி மக்கள் வியாழக்கிழமை போராட்டத்தில் ஈடுபட்டனர். 
திருப்பூர் மாவட்டம் சாமளாபுரம் அருகே உள்ளது பெருமாமபாளையம் கிராமம். இந்தக் கிராமத்தில் 100-க்கும் மேற்பட்ட குடும்பத்தினர் வசித்து வருகின்றனர். இப்பகுதியில் பொதுமக்களின் எதிர்ப்பையும் மீறி அரசு மதுபானக் கடை வியாழக்கிழமை 
திறக்கப்பட்டது. 
இதை அறிந்த அப்பகுதி பெண்கள் உள்பட 50-க்கும் மேற்பட்டோர் மாலை 6 மணி அளவில் மதுக்கடை  முன்பு சாலையில் அமர்ந்து போராட்டத்தில் ஈடுபட்டனர்.  தகவலறிந்த மங்கலம் போலீஸார், டாஸ்மாக் அதிகாரிகள் போராட்டத்தில்  ஈடுபட்டவர்களுடன் பேச்சுவார்த்தை  நடத்தினர். எனினும், மதுக்கடையை  மூடினால் மட்டுமே போராட்டத்தைக் கைவிடுவதாக பொதுமக்கள் தெரிவித்தனர். இதையடுத்து, உயர் அதிகாரிகளிடம் தெரிவித்து கோரிக்கைகளை பரிசீலிப்பதாக அதிகாரிகள் தெரிவித்தனர். இதையடுத்து,பொதுமக்கள் அனைவரும்  கலைந்து சென்றனர்.  மதுக்கடை மூடாவிடில் வெள்ளிக்கிழமை போராட்டத்தில்  ஈடுபட உள்ளதாகவும் பொதுமக்கள் தெரிவித்துள்ளது பரபரப்பை  ஏற்படுத்தியுள்ளது.

]]>
https://www.dinamani.com/all-editions/edition-coimbatore/tiruppur/2019/sep/13/சாமளாபுரம்-அருகே-மதுக்கடையை-மூடக்கோரி-பொதுமக்கள்-போராட்டம்-3233263.html
3233262 கோயம்புத்தூர் திருப்பூர் அனைத்துலக சகோதரத்துவ நாள் விழா   DIN DIN Friday, September 13, 2019 08:14 AM +0530 பல்லடம் அருகேயுள்ள அவிநாசிபாளையம் ஏ.ஜி.கலை, அறிவியல் கல்லூரியில் அனைத்துலக சகோதரத்துவ நாள் விழா வியாழக்கிழமை நடைபெற்றது. 
சுவாமி விவேகானந்தர் சிகாகோ நகரில் செப்டம்பர் 11ஆம் தேதி நிகழ்த்திய சொற்பொழிவை நினைவு கூறும் வகையில் ஆண்டுதோறும் அனைத்துலக சகோதரத்துவ நாள் விழாவாக கொண்டாடப்பட்டு வருகிறது.  ஏ.ஜி.கல்லூரியில் நடைபெற்ற விழாவுக்கு, கல்லூரித் தாளாளர் தனராஜசேகர் தலைமை வகித்தார். கல்லூரி முதல்வர் மாரிமுத்து வரவேற்றார். விழாவில், "விவேகானந்தரும் அனைத்துலக சகோதரத்துவமும்' என்ற தலைப்பில் பெங்களூரூ எஸ்-வியாசா பல்கலைக்கழக இணைவேந்தர் சுப்பிரமணியம் பேசினார். இதில் டி.ஏ.டி. பள்ளித் தாளாளர் செல்வராஜ், காங்கயம் ஆக்ஸ்போர்ட் பள்ளி முதல்வர் சந்தோஷ்,  கிட்ஸ் பள்ளி ஆசிரியர் கதிரவன், மாணவ, மாணவிகள் பங்கேற்றனர்.

]]>
https://www.dinamani.com/all-editions/edition-coimbatore/tiruppur/2019/sep/13/அனைத்துலக-சகோதரத்துவ-நாள்-விழா-3233262.html
3233261 கோயம்புத்தூர் திருப்பூர் திருப்பூரில் செயல்பட்டு வரும் சூதாட்ட விடுதிகளை மூட வேண்டும்: இந்து முன்னணி வலியுறுத்தல் DIN DIN Friday, September 13, 2019 08:14 AM +0530 திருப்பூரில் செயல்பட்டு வரும் சூதாட்ட விடுதிகளை மூட காவல் துறையினர் நடவடிக்கை எடுக்க வேண்டும் என்று இந்து முன்னணி வலியுறுத்தியுள்ளது.
இந்து முன்னணி மாநிலத் தலைவர் காடேஸ்வரா சி.சுப்பிரமணியம் திருப்பூரில் வியாழக்கிழமை செய்தியாளர்களிடம் கூறியதாவது:                  
தமிழகம் முழுவதிலும் நடைபெற்ற விநாயகர் சதுர்த்தி விழாவில் பொதுமக்கள் சார்பில் சுமார் 2  லட்சம் விநாயகர் சிலைகள் வைக்கப்பட்டன. தமிழக அரசு விநாயகர் சதுர்த்திக்கு தொடர்ந்து அச்சுறுத்தலைக் கொடுத்துக் கொண்டிருந்தது. இந்த ஆண்டு ஒரு மாதம் முன்பாகவே டிஜிபி உள்ளிட்ட அதிகாரிகளை சந்தித்ததன் அடிப்படையில் விநாயகர் சதுர்த்தி விழா நல்ல முறையில் நடைபெற்றது. எனினும் சில இடங்களில் சில அதிகாரிகள் பிரச்னைகள் செய்தபோதிலும் இந்து முன்னணி சார்பில் சிறப்பாக நடத்தப்பட்டது. குறிப்பாக திருப்பூரில் பிரம்மாண்டமான முறையில் விழா நடைபெற்றதை லட்சத்துக்கும் மேற்பட்ட பெண்கள், குழந்தைகள் பார்வையிட்டுப் பாராட்டினார்கள். திருப்பூரில் தொழிலையும், தொழிலாளர்களையும் பாதுகாப்பதில் இந்து முன்னணி முன்னிலையில் உள்ளது. திருப்பூரில் இயங்கிவரும் சூதாட்ட விடுதிகளை மூட காவல் துறையினர் நடவடிக்கை எடுக்கவேண்டும் என்றார். 
இந்த சந்திப்பின்போது இந்து முன்னணி மாநிலச் செயலாளர்கள் ஜெ.எஸ்.கிஷோர்குமார், தாமு ஜி.வெங்கடேஸ்வரன், மாநில நிர்வாகக்குழு உறுப்பினர்கள் வி.எஸ்.செந்தில்குமார், சேவுகன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-coimbatore/tiruppur/2019/sep/13/திருப்பூரில்-செயல்பட்டு-வரும்-சூதாட்ட-விடுதிகளை-மூட-வேண்டும்-இந்து-முன்னணி-வலியுறுத்தல்-3233261.html
3233260 கோயம்புத்தூர் திருப்பூர் அரசு வேலை வாங்கித் தருவதாக மோசடி செய்தவர் கைது DIN DIN Friday, September 13, 2019 08:13 AM +0530 அரசு வேலை வாங்கித் தருவதாகக் கூறி,  அவிநாசியில் பனியன் நிறுவன தொழிலாளியிடம் மோசடி செய்தவரை போலீஸார் வியாழக்கிழமை கைது செய்தனர்.
சேலம், சிவநாதபுரம், முத்துநாயக்கர் காலனியைச் சேர்ந்தவர் முருகன் மகன் நீலமேகம் (31). இவர்,  மத்திய அரசின் அங்கீகாரம் பெற்றதாக கூறப்படும், "பீப்பிள் ஃபிரண்ட் ஆஃப் இந்தியா', "பாரத் சேவக் சமாஜ்'  ஆகிய அமைப்புகளின் தென்னிந்திய துணைத் தலைவர் பொறுப்பில் உள்ளார். 
இந்நிலையில் இவர்,  தனது நண்பர் செந்தில்குமாருடன் திங்கள்கிழமை இரவு காரில் அவிநாசி அருகே தெக்கலூர் வந்து தேநீர் அருந்தியுள்ளார். 
அப்போது அங்கு வந்த 4 பேர் கொண்ட கும்பல்,  நீலமேகத்தை மட்டும் அவரது காரில் வைத்து கடத்திச் சென்றுள்ளது. 
இதையடுத்து நண்பர் செந்தில்குமார் அளித்த புகாரின்பேரில், நீலமேகத்தின் செல்லிடப்பேசி எண்ணை வைத்து அவிநாசி போலீஸார் விசாரணை மேற்கொண்டதில்,  அவரது கார், ஈரோடு நோக்கிச் சென்று கொண்டிருப்பது தெரியவந்தது. இதையறிந்த கடத்தல் கும்பல்  விஜயமங்கலம் அருகே சென்றவுடன்,  நீலமேகம் அணிந்திருந்த தங்கச் சங்கலி, பணம் ஆகியவற்றைப் பறித்துக் கொண்டு அவரையும், அவரது காரையும் விட்டுத் தப்பிச் சென்றது. இதைத்தொடர்ந்து நடத்தப்பட்ட விசாரணையில், கடத்தப்பட்ட நீலமேகம், மத்திய அரசின் அங்கீகாரம் பெற்ற தொண்டு நிறுவன நிர்வாகி எனக் கூறி போலியாக, மத்திய அரசு வேலை வாங்கித் தருவதாக கூறி, பல லட்சம் ரூபாய் மோசடி செய்திருப்பது தெரியவந்தது. 
இதில் அவிநாசி அருகே பனியன் நிறுவனத்தில் பணியாற்றும் கிருபாகரன் (23) என்பவரிடம், தான் மத்திய அரசுப் பணியாளர் எனவும், மத்திய அரசு வேலை வாங்கித் தருவதாகவும், அதற்காக ரூ.1 லட்சம் பெறுவதற்காக வந்தபோது நீலமேகம் கடத்தப்பட்டது தெரியவந்தது. 
மத்திய அரசு வேலை வாங்கித் தருவதாக மோசடி செய்தற்காக அவிநாசி போலீஸார் வழக்குப் பதிவு செய்து நீலமேகத்தைக் கைது செய்தனர்.
 

]]>
https://www.dinamani.com/all-editions/edition-coimbatore/tiruppur/2019/sep/13/அரசு-வேலை-வாங்கித்-தருவதாக-மோசடி-செய்தவர்-கைது-3233260.html
3233259 கோயம்புத்தூர் திருப்பூர் பிஎஸ்என்எல் ஓய்வூதியர் சங்கத்தினர் ஆர்ப்பாட்டம் DIN DIN Friday, September 13, 2019 08:13 AM +0530 பல்வேறு கோரிக்கைகளை வலியுறுத்தி, திருப்பூரில் பிஎஸ்என்எல் தொலைத் தொடர்பு ஓய்வூதியர் சங்கத்தினர் வியாழக்கிழமை ஆர்ப்பாட்டத்தில் ஈடுபட்டனர். 
திருப்பூர், ராயபுரத்தில் உள்ள பிஎஸ்என்எல் பிரதான தொலைபேசி நிலையம் முன்பு நடைபெற்ற இந்த ஆர்ப்பாட்டத்துக்கு,  சங்கத்தின் மாநில உதவித் தலைவர் பா.சௌந்தரபாண்டியன் தலைமை வகித்தார். 
இதில், 2017 ஜனவரி 1 ஆம் தேதி முதல் கணக்கிட்டு ஓய்வூதியத் தொகையை உயர்த்தி வழங்க வேண்டும். மருத்துவ செலவுத் தொகையை தாமதமின்றி உடனடியான வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தினர். இதில், பிஎஸ்என்எஸ் ஊழியர் சங்க மாநில உதவி செயலாளர் எஸ்.சுப்பிரமணியன் உள்ளிட்ட 50-க்கும் மேற்பட்டோர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/sep/13/பிஎஸ்என்எல்-ஓய்வூதியர்-சங்கத்தினர்-ஆர்ப்பாட்டம்-3233259.html
3233258 கோயம்புத்தூர் திருப்பூர் ஓய்வூதிய திட்ட விழிப்புணர்வு முகாம் DIN DIN Friday, September 13, 2019 08:13 AM +0530 மடத்துக்குளம் வட்டம், காரத்தொழுவு கிராமத்தில் பிரதம மந்திரி ஓய்வூதிய திட்ட விழிப்புணர்வு முகாம் வியாழக்கிழமை நடைபெற்றது.
வேளாண் அலுவலர் இந்திரா பிரியதர்ஷினி முன்னிலை வகித்தார். வேளாண்மை உதவி இயக்குநர் ஆர்.ராஜேஸ்வரி தலைமை வகித்துப் பேசியதாவது: 
விவசாயிகள் ஓய்வூதிய திட்டத்தில் ஏராளமான பலன்கள் உள்ளன. இந்தத் திட்டத்தில் 18 வயது முதல் 40 வயது வரை உள்ள சிறு, குறு விவசாயிகள் சேரலாம். விவசாயிகள் தங்கள் வயதுக்கு ஏற்ப மாதந்தோறும் ரூ.55 முதல் ரூ.200 வரை செலுத்தலாம். 61 வயது முதல் மாதம்தோறும் விவசாயிகளுக்கு ஓய்வூதியமாக ரூ.3 ஆயிரம் கிடைக்கும் என்றார்.
இதைத் தொடர்ந்து விவசாயிகள் ஓய்வூதியத் திட்டத்தில் தங்கள் பெயர்களைப் பதிவு செய்து கொண்டனர். கிராம தங்கல் பயிற்சி திட்டத்தில் பொள்ளாச்சி மனக்கடவு வாணவராயர் வேளாண்மை கல்லூரி மாணவிகள் பங்கேற்று விவசாயிகளுக்கு ஓய்வூதிய திட்டத்தின் பலன்கள் குறித்து விளக்கம் அளித்தனர்.

]]>
https://www.dinamani.com/all-editions/edition-coimbatore/tiruppur/2019/sep/13/ஓய்வூதிய-திட்ட-விழிப்புணர்வு-முகாம்-3233258.html
3232814 கோயம்புத்தூர் திருப்பூர் நாளைய மின்தடை: ஆலாம்பாடி DIN DIN Thursday, September 12, 2019 10:03 AM +0530 காங்கயம்
ஆலாம்பாடி, காங்கயம் துணை மின் நிலையங்களுக்கு உள்பட்ட உயர் மின்னழுத்த பாதையில் மேம்பாட்டுப் பணிகள் நடைபெற இருப்பதால், கீழ்க்கண்ட பகுதிகளில் வெள்ளிக்கிழமை (செப்டம்பர் 13) காலை 9 மணி முதல் மாலை 4 மணி வரை மின் விநியோகம் இருக்காது என மின்வாரிய காங்கயம் கோட்ட செயற்பொறியாளர் எம்.மருதாச்சலமூர்த்தி தெரிவித்துள்ளார்.
மின் தடை செய்யப்படும் பகுதிகள்: 
அய்யாசாமி காலனி, ராஜீவ் நகர், மூர்த்திரெட்டிபாளையம், பெரியார் நகர், போக்குவரத்து நகர், வேலாயுதம்பாளையம், நால்ரோடு, மறவபாளையம், சாவடி, பூமாண்டன்வலசு, நத்தக்காட்டுவலசு, பரஞ்சேர்வழி, ஆலாம்படி, கல்லேரி, நெய்க்காரன் பாளையம்.
 

]]>
https://www.dinamani.com/all-editions/edition-coimbatore/tiruppur/2019/sep/12/நாளைய-மின்தடை-ஆலாம்பாடி-3232814.html
3232815 கோயம்புத்தூர் திருப்பூர் திருப்பூரில் சாரல் மழை DIN DIN Thursday, September 12, 2019 10:02 AM +0530 திருப்பூர் மாநகரின் பல்வேறு பகுதிகளில் புதன்கிழமை சாரல்  மழை பெய்ததால் பொதுமக்களின் இயல்பு வாழ்க்கை  பாதிக்கப்பட்டது. 
திருப்பூர் மாநகரில் கடந்த சில நாள்களாக வெயில் நிலவி வந்தது. இந்த நிலையில், புதன்கிழமை பிற்பகல் முதலே வானம் சற்று மேகமூட்டத்துடன் காணப்பட்டு  வந்தது. இதையடுத்து, மாலை 5.30 மணி அளவில் பழைய பேருந்து நிலையம், பல்லடம்  சாலை,  புஷ்பா ரவுண்டானா, ரயில் நிலையம், காங்கயம் சாலை, தாராபுரம் சாலை உள்ளிட்ட நகரின் பல்வேறு பகுதிகளில் சாரல் மழை பெய்தது. இந்த மழையானது  சுமார் 1 மணி நேரத்துக்கும் மேல் நீடித்தது. இதனால் சாலையில் குளம் போல் ஆங்காங்கு மழை நீர் தேங்கியதுடன், பொதுமக்களின் இயல்பு வாழ்க்கையும் பாதிக்கப்பட்டது. நகரின் ஒரு சில பகுதிகளில் மின் தடையும், போக்குவரத்து நெரிசலும் ஏற்பட்டது.

]]>
https://www.dinamani.com/all-editions/edition-coimbatore/tiruppur/2019/sep/12/திருப்பூரில்-சாரல்-மழை-3232815.html
3232813 கோயம்புத்தூர் திருப்பூர் திருப்பூரில் 14 இல் மக்கள் நீதிமன்றம் DIN DIN Thursday, September 12, 2019 10:02 AM +0530 திருப்பூர் மாவட்டத்தில் உள்ள நீதிமன்றங்களில் வரும் சனிக்கிழமை (செப்டம்பர் 14) மக்கள் நீதிமன்றம் நடைபெற உள்ளது. 
இதுதொடர்பாக திருப்பூர் மாவட்ட முதன்மை நீதிபதி எஸ்.அல்லி வெளியிட்டுள்ள செய்திக் குறிப்பு: 
நாடு முழுவதிலும் உள்ள நீதிமன்றங்களில் வரும் சனிக்கிழமை தேசிய மக்கள் நீதிமன்றம் (லோக் அதாலத்) நடைபெற உள்ளது. இதன்படி திருப்பூர் மாவட்டத்தில் உள்ள அனைத்து நீதிமன்றங்களிலும் மக்கள் நீதிமன்றம் நடைபெறுகிறது. திருப்பூர் மாவட்டத்தில் தற்போது 41,990 வழக்குகள் நிலுவையில் உள்ள நிலையில் மக்கள் நீதிமன்றத்தில் 5,239 வழக்குகள் விசாரிக்கப்பட உள்ளன. இதுதவிர நீதிமன்றங்களில் தாக்கல் செய்யப்படாத 2,050 வழக்குகளும் விசாரணைக்கு எடுத்துக் கொள்ளப்பட உள்ளது. 
இந்த நீதிமன்றத்தில் நிலுவையில் உள்ள அசல் வழக்குகள், தொழிலாளர், மோட்டார் வாகன விபத்து இழப்பீடு, நில ஆர்ஜிதம், வங்கி கடன் பிரச்னைகள் ஆகியவை எடுத்து கொள்ளப்பட்டு சுமூகத் தீர்வு காணப்பட உள்ளது. குடும்ப வழக்குகளில் விவகரத்து தவிர மற்ற வழக்குகளும் எடுத்துக் கொள்ளப்பட உள்ளது. 
பொதுமக்கள் தங்களது வழக்குகளை இந்த மக்கள் நீதிமன்றத்தில் தீர்வுகாண முன்வந்தால் விசாரணைக்கு எடுத்துக் கொள்ளப்படும். 
அதே வேளையில் மக்கள் நீதிமன்றத்தில் தீர்வு காணப்படும் வழக்குகளுக்கு முன்னர் செலுத்தப்பட்ட நீதிமன்றத் தொகை முழுவதுமாக திருப்பி வழங்கப்படும். ஆகவே, பொதுமக்கள் இந்த வாய்ப்பை பயன்படுத்திக் கொள்ளலாம் எனத் தெரிவிக்கப்பட்டுள்ளது. 
 

]]>
https://www.dinamani.com/all-editions/edition-coimbatore/tiruppur/2019/sep/12/திருப்பூரில்-14-இல்-மக்கள்-நீதிமன்றம்-3232813.html
3232812 கோயம்புத்தூர் திருப்பூர் பின்னலாடை நிறுவனத்தில் 8,500 கிலோ துணி திருட்டு: ஆட்டோ ஓட்டுநர் உள்பட 2 பேர் கைது DIN DIN Thursday, September 12, 2019 10:02 AM +0530 திருப்பூரில் பின்னலாடை நிறுவனத்தில் 8,500 கிலோ துணிகளைத் திருடியதாக ஆட்டோ ஓட்டுநர் உள்பட 2 பேரை காவல் துறையினர் கைது செய்தனர். இந்த வழக்கில் தொடர்புடைய மேற்பார்வையாளரையும் காவல் துறையினர் தேடி வருகின்றனர். 
இதுகுறித்து 15 வேலம்பாளையம் காவல் துறையினர் கூறியதாவது: 
திருப்பூர், அணைப்பாளையம் பகுதியில் காம்பேக்டிங் நிறுவனம் செயல்பட்டு வருகிறது. இந்த நிறுவனத்தில் ஸ்ரீவில்லிபுத்தூரை அடுத்த ஆத்திகுளத்தைச் சேர்ந்த உதயசந்திரன் (36) மேற்பார்வையாளராக வேலை செய்து வந்தார். இந்த நிறுவனத்தில் கல்லாம்பாளையத்தைச் சேர்ந்த மோகன் (28) என்பவர் ஆட்டோ ஓட்டுநராகவும், முருகன் (33) என்பவர் மிஷின் ஆபரேட்டராகவும் பணியாற்றி வந்தனர்.
இந்த நிலையில், கடந்த இரு நாள்களுக்கு முன்னர் முருகன் ஆட்டோவில் துணிகளை ஏற்றிக்கொண்டு வெளியே செல்ல முயன்றார். 
அப்போது பணியில் இருந்த காவலாளி ஆட்டோவைத் தடுத்து நிறுத்தி சோதனை செய்தபோது கேட் பாஸில் இருந்ததை விட துணியின் அளவு அதிகமாக இருந்தது தெரியவந்தது. 
இதுகுறித்து நிறுவன மேலாளர் ராஜ்குமாருக்கு காவலாளி தகவல் கொடுத்துள்ளார். இதையடுத்து அங்கு வந்த ராஜ்குமார் விசாரணை நடத்தியபோது துணிகளை திருடிச் செல்ல முயன்றது தெரியவந்தது. 
இதுதொடர்பாக ராஜ்குமார் கொடுத்த புகாரின்பேரில் அனுப்பர்பாளையம் காவல் துறையினர் விசாரணை நடத்தினர். 
இதில், மேற்பார்வையாளர் உதயசந்திரன், மோகன், முருகன் ஆகிய மூவரும் சேர்ந்து கடந்த ஒருமாதமாக சிறிது சிறிதாக 8,500 கிலோ துணிகளைத் திருடியது தெரியவந்தது. இதையடுத்து,  ஆட்டோ ஓட்டுநர் மோகன், ஆபரேட்டர் முருகன் ஆகியோரை காவல் துறையினர் கைது செய்தனர். இந்த வழக்கில் தொடர்புடைய உதயசந்திரனையும் தேடி வருகின்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/12/பின்னலாடை-நிறுவனத்தில்-8500-கிலோ-துணி-திருட்டு-ஆட்டோ-ஓட்டுநர்-உள்பட-2-பேர்-கைது-3232812.html
3232811 கோயம்புத்தூர் திருப்பூர் பாசனத்துக்காக அமராவதி அணையில் தண்ணீர் திறந்துவிடக் கோரிக்கை DIN DIN Thursday, September 12, 2019 10:01 AM +0530 உடுமலை அருகே உள்ள அமராவதி அணையின் நீர்மட்டம் 84 அடியை எட்டியுள்ள நிலையில் பாசனத்துக்காக அணையில் இருந்து தண்ணீர் திறந்து விட வேண்டும் என பழைய, புதிய ஆயக்கட்டு விவசாயிகள் கோரிக்கை விடுத்துள்ளனர்.
உடுமலையை அடுத்துள்ள அமராவதி அணையின் மூலம் திருப்பூர், கரூர் மாவட்டங்களில்  சுமார் 55 ஆயிரம் ஏக்கர் பாசன நிலங்கள் பயன் பெற்று வருகின்றன. மேலும் இந்த அணை  நூற்றுக்கணக்கான கரையோர கிராமங்களுக்கு குடிநீர் ஆதாரமாகவும் விளங்கி வருகின்றது.  
இந்த ஆண்டு தென் மேற்கு பருவ மழை தீவிரம் அடைந்ததை தொடர்ந்து கேரள மாநிலம், மூணாறு, மறையூர், காந்தலூர், கோவில்கடவு பகுதிகளில் கடந்த மாதம் பலத்த மழை பெய்தது. இதனால் அணைக்கு நீர் வரத்து 10 ஆயிரம் கன அடிக்கு மேல் இருந்தது. இதை தொடர்ந்து அணையின் நீர்மட்டம் மளமளவென உயர்ந்து 83 அடியை எட்டியது. இதனால் அணை முழுக் கொள்ளளவை எட்டிவிடும் என எதிர்பார்க்கப்பட்டது. 
இதைத் தொடர்ந்து புதிய ஆயக்கட்டு பாசனப் பகுதிகளில் உள்ள நிலைப் பயிர்களைக் காப்பாற்ற 15 நாள்களுக்கு உயிர்த் தண்ணீர் திறந்துவிடப்பட்டது. 
மேலும் அமராவதி ஆற்றிலும் தினமும் 2 ஆயிரம் கன அடி வீதம் தொடர்ந்து 8 நாள்களுக்கு தண்ணீர் திறந்து விடப்பட்டது. இதனால் விவசாயிகள், பொதுமக்கள் மகிழ்ச்சி அடைந்தனர். இதைத் தொடர்ந்து அணையின் நீர்மட்டம் படிப்படியாக சரிந்தது. இந்நிலையில் கடந்த சில நாள்களாக பாம்பாறு, சின்னாறு, தேனாறு ஆகிய நீர்ப்பிடிப்பு பகுதிகளில் நல்ல மழை பெய்து வருகிறது. இதனால் அணையின் நீர்மட்டம் படிப்படியாக உயர்ந்து 84 அடியை தாண்டும் நிலை ஏற்பட்டுள்ளது. இந்நிலையில்  அணையில் இருந்து தண்ணீர் திறந்து விட வேண்டும் என பழைய, புதிய ஆயக்கட்டு பாசன விவசாயிகள் கோரிக்கை விடுத்துள்ளனர். இதுகுறித்து விவசாயிகள் கூறியதாவது:
அமராவதி பாசனப் பகுதிகளில் மக்காச்சோளம் நடுவதற்கு ஏதுவாக உள்ளது. மேலும், நெல் நடவுகளைத் துவங்கவும் தயாராக இருக்கிறோம். இந்நிலையில் அணையின் நீர்மட்டம் 85 அடியாக உயர்ந்துள்ளதால் புதிய, பழைய ஆயக்கட்டு பாசனத்துக்கு உடனடியாக தண்ணீர் திறந்து விட்டால் மகிழ்ச்சி அடைவோம் என்றனர்.
இதுகுறித்து பொதுப் பணித் துறையினர் கூறியதாவது:
அணையின் நீர்மட்டம் உயர்ந்து வருகிறது. தற்போது நீர்மட்டம் 84 அடியை எட்டியுள்ளது. இந்நிலையில் அணையில் தண்ணீர் திறந்து விட விவசாயிகள் கோரிக்கை வைத்துள்ளனர். இதுகுறித்து அரசுக்கு பரிந்துரை செய்யப்பட்டுள்ளது. அநேகமாக செப்டம்பர் 15 ஆம் தேதிக்கு மேல்  தண்ணீர் திறந்து விடவாய்ப்பு உள்ளது என்றனர்.
அணை நிலவரம்
90 அடி உயரமுள்ள அணையில் புதன்கிழமை காலை 8 மணி நிலவரப்படி நீர்மட்டம் 82.98 அடியாக இருந்தது. அணைக்கு 629 கன அடி நீர்வரத்தாக உள்ளது. 4047 மில்லியன் கன அடி கொண்ட அணையில் 3426.58 கன அடி நீர் இருப்பாக உள்ளது. அணையில் இருந்து நீர் வெளியேற்றம் இல்லை.
 

]]>
https://www.dinamani.com/all-editions/edition-coimbatore/tiruppur/2019/sep/12/பாசனத்துக்காக-அமராவதி-அணையில்-தண்ணீர்-திறந்துவிடக்-கோரிக்கை-3232811.html
3232810 கோயம்புத்தூர் திருப்பூர் வாக்காளர் சரிபார்ப்புத் திட்டம்: அரசியல் கட்சியினருடன் ஆட்சியர் ஆலோசனை DIN DIN Thursday, September 12, 2019 10:01 AM +0530 வாக்காளர் பட்டியலில் உள்ள விவரங்களை தாங்களாகவே சரிபார்த்துக்கொள்வதற்கு செயல்படுத்தப்பட்டு வரும் திட்டம்  தொடர்பாக அங்கீகரிக்கப்பட்ட அரசியல் கட்சி பிரதிநிதிகளுடனான ஆலோசனைக்கூட்டம் மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது.
கூட்டத்துக்கு தலைமை வகித்து ஆட்சியர் கே.எஸ்.பழனிசாமி பேசியதாவது: 
இந்திய தேர்தல் ஆணையத்தின் உத்தரவின்படி,  2020 ஜனவரி 1 ஆம் தேதியை தகுதி நாளாக கொண்டு வாக்காளர் பட்டியல் சிறப்பு சுருக்கமுறை திருத்தம் தொடர்பான பணிகள் மேற்கொள்ளப்படவுள்ளது.
இந்த வாக்காளர் பட்டியலை தவறு இல்லாத வகையில் செம்மைபடுத்த செப்டம்பர் 1 ஆம் தேதி முதல் வாக்காளர் சரிபார்ப்புத் திட்டம் நடைமுறைப்படுத்தப்பட்டுள்ளது. இந்தப் பணி செப்டம்பர் 30 ஆம் தேதி வரை நடைபெறும். 
இதில், வாக்காளர்கள் தங்களது பெயர் விவரங்கள், குடும்ப உறுப்பினர்களின் விவரங்களையும் கீழ்க்கண்ட இணையதளங்கள் மூலமாக சரிபார்த்துக் கொள்ளலாம்.  
 தேசிய வாக்காளர் சேவை திட்ட இணையதளம்,  இ- பொது சேவை மையங்கள், இ மொபைல் செயலி, வாக்காளர் சேவை மையங்கள், மாவட்ட தொடர்பு மைய கட்டணமில்லா தொலைபேசி எண் 1950, மூத்த குடிமக்கள் மற்றும் மாற்றுத்திறனாளிகள் மட்டும் பூர்த்திசெய்யப்பட்ட படிவங்களை வாக்குச்சாவடி நிலை அலுவலர்களிடம் அளித்தும் சரிபார்த்துக்கொள்ளலாம். 
மேலும், வாக்காளர் சரிபார்ப்பு திட்டம் நடைமுறைப்படுத்தப்படும் காலத்தில் பொதுமக்கள் தாமாக முன்வந்து கீழ்காணும் ஆவணங்களில் ஏதேனும் ஒன்றை அளித்தும், இணையதளம் அல்லது செல்லிடப்பேசி செயலியில் வாக்காளர் அடையாள அட்டை எண்ணை உள்ளீடு செய்து  பதிவேற்றம் செய்தும் தங்களது பெயர் விவரங்கள் வாக்காளர் பட்டியலில் இடம்பெற்றிருப்பதை உறுதி செய்து கொள்ளலாம். 
கடவுச் சீட்டு, ஓட்டுநர் உரிமம், ஆதார் அட்டை, குடும்ப அட்டை, அரசு அடையாள அட்டை, வங்கி, அஞ்சல் அலுவலக கணக்கு புத்தகம், உழவர் அடையாள அட்டை, பிறப்புச்சான்றிதழ், பிறந்த நாள் குறிப்பிட்டுள்ள மதிப்பெண் சான்றிதழ்கள், பான் அட்டை, மின்சாரம், எரிவாயு, தொலைபேசி  கட்டண  ரசீதுகள்  உள்ளிட்ட ஆவணங்களில் ஏதேனும் ஒன்றை வாக்காளர் சரிபார்ப்பு காலத்தில் வீடு, வீடாக வரும் வாக்குச்சாவடி அலுவர்களிடம் அளித்து சரிபார்த்துக் கொள்ளலாம். 
 திருப்பூர் மாவட்ட ஆட்சியர் அலுவலகம், வாக்காளர் பதிவு அலுவலகங்களான வருவாய் கோட்டாட்சியர் அலுவலகம், சார் ஆட்சியர் அலுவலகம், திருப்பூர் மாநகராட்சி அலுவலகம், மற்றும் உதவி வாக்காளர் பதிவு அலுவலகங்களான வட்டாட்சியர் அலுவலகங்கள், மாநகராட்சி மண்டல அலுவலகங்கள் மற்றும் நகராட்சி அலுவலகங்கள் ஆகியவற்றில் வாக்காளர் சேவை மையங்கள் செயல்பட்டு வருகின்றன. எனவே, பொதுமக்கள் மேற்கண்ட வசதிகளை பயன்படுத்திக்கொண்டு தங்களது பெயர் மற்றும் குடும்ப உறுப்பினர்களின் பெயர்கள் வாக்காளர் பட்டியலில் இடம்பெற்றிருப்பதை தாங்களாகவே உறுதி செய்து கொள்ளலாம்.
வாக்காளர் சரிப்பார்ப்பு பணிகள் முடிவடைந்தவுடன் வரைவு வாக்காளர் பட்டியல் வரும் அக்டோபர் 15 ஆம் தேதி வெளியிடப்பட உள்ளது. இதைத்தொடர்ந்து, நவம்பர் 30 ஆம் தேதி வரையில் வாக்காளர் பட்டியலில் பெயர் சேர்த்தல், நீக்கல் மற்றும் திருத்தம் செய்வதற்கான மனுக்களை அளிக்கலாம். 
மேலும், வரும் நவம்பர் 2, 3, 9,10 ஆம் தேதிகளில்  அனைத்து வாக்குச்சாவடி மையங்களிலும் பெயர் சேர்த்தல், நீக்கல் மற்றும் திருத்தம் செய்வதற்கான மனுக்களை பெறுவதற்கான சிறப்பு முகாம்கள் நடைபெற உள்ளது. ஆகவே, இந்த முகாம்களை பொதுமக்கள் பயன்படுத்திக் கொள்ளலாம் என்றார். 
இந்தக்கூட்டத்தில், மாவட்ட வருவாய் அலுவலர் ஆர்.சுகுமார், திருப்பூர் மாநகராட்சி ஆணையர் க.சிவகுமார், திருப்பூர் கோட்டாட்சியர் செண்பகவல்லி, மாவட்ட ஆட்சியரின் நேர்முக உதவியாளர் (பொது)  சாகுல்ஹமீது, தேர்தல் வட்டாட்சியர் ச.முருகதாஸ், அரசு அலுவலர்கள் மற்றும் அங்கீகரிக்கப்பட்ட அரசியல் கட்சி பிரதிநிதிகள் உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/sep/12/வாக்காளர்-சரிபார்ப்புத்-திட்டம்-அரசியல்-கட்சியினருடன்-ஆட்சியர்-ஆலோசனை-3232810.html
3232809 கோயம்புத்தூர் திருப்பூர் போலி ஆவணம் தயாரித்து சொத்து அபகரிப்பு: 2 வழக்குரைஞர்கள் கைது DIN DIN Thursday, September 12, 2019 10:00 AM +0530 திருப்பூரில் நீதிமன்ற உத்தரவு போலி ஆவணம் தயாரித்து சொத்துகளை அபகரிக்க முயன்ற 2 வழக்குரைஞர்களை சிபிசிஐடி போலீஸார் புதன்கிழமை கைது செய்தனர். 
இதுகுறித்து போலீஸார் கூறியதாவது:
திருப்பூர் மாவட்டம், தாராபுரத்தைச் சேர்ந்த மதியழகன் மாவட்ட குற்றப் பிரிவில் புகார் ஒன்றை அளித்துள்ளார். இதில், தனது தந்தை பெயரில் திருப்பூரின் பல்வேறு பகுதிகளில் உள்ள சொத்துகளை கர்நாடக சிவில் நீதிமன்ற உத்தரவுபோல் போலி ஆவணங்களைத் தயாரித்து சிலர் அபகரித்து உள்ளதாகத் தெரிவித்திருந்தனர். இதன்பேரில் மாவட்ட குற்றப் பிரிவு போலீஸார் விசாரணை நடத்திவந்தனர்.
இந்த நிலையில், இந்த வழக்கு சிபிசிஐடி போலீஸார் வசம் 2015 ஆம் ஆண்டு ஒப்படைக்கப்பட்டது. இந்த வழக்கு தொடர்பாக சிபிசிஐடி போலீஸார் விசாரணை நடத்தி வந்தனர். 
இந்த வழக்கில் தொடர்புடையதாக  தாராபுரத்தைச் சேர்ந்த மூத்த வழக்குரைஞர் ராமசாமி (78), அவரது உதவி வழக்குரைஞர் ஜனார்த்தனன் ஆகியோரை காவல் துறையினர் புதன்கிழமை கைது செய்தனர். இதனிடையே, ராமசாமிக்கு திடீரென நெஞ்சுவலி ஏற்பட்டதால் அரசு மருத்துவமனைக்கு கொண்டு செல்லப்பட்டதாக போலீஸார் தெரிவித்தனர்.

]]>
https://www.dinamani.com/all-editions/edition-coimbatore/tiruppur/2019/sep/12/போலி-ஆவணம்-தயாரித்து-சொத்து-அபகரிப்பு-2-வழக்குரைஞர்கள்-கைது-3232809.html
3232808 கோயம்புத்தூர் திருப்பூர் காங்கயம் அரசுக் கல்லூரியில் நாளை இறுதிக்கட்ட கலந்தாய்வு DIN DIN Thursday, September 12, 2019 10:00 AM +0530 காங்கயம் அரசு கலை, அறிவியல் கல்லூரியில் மாணவர் சேர்க்கைக்கான  இறுதிக்கட்ட கலந்தாய்வு வெள்ளிக்கிழமை (செப்டம்பர் 13) நடைபெறவுள்ளது.
காங்கயம் அரசு கலை, அறிவியல் கல்லூரியில் 2019-2020 ஆம் கல்வியாண்டில் முதுகலை பாடப் பிரிவில் சேர்ந்து பயில்வதற்கான விண்ணப்பங்கள் விநியோகிக்கப்பட்டு, பூர்த்தி செய்த விண்ணப்பங்களும் பெறப்பட்டுள்ளன. இதில் எம்.ஏ. தமிழ், ஆங்கிலம், எம்.காம்., எம்.எஸ்சி. கணிதம், எம்.எஸ்சி. கணிப்பொறி அறிவியல் ஆகிய பாடப் பிரிவுகளுக்கு இறுதிக் கட்ட கலந்தாய்வு வெள்ளிக்கிழமை (செப்டம்பர் 13) காலை 10 மணி முதல் மாலை 4 மணி வரை நடைபெறுகிறது. 
இந்தக் கலந்தாய்வில் கலந்து கொள்ளும் மாணவ, மாணவியர் உரிய சான்றிதழ்கள் மற்றும் அவற்றின் இரண்டு நகல்களோடு, பெற்றோருடன் கலந்து கொள்ள வேண்டும் என கல்லூரி முதல்வர் தேவராஜ் தெரிவித்துள்ளார்.

]]>
https://www.dinamani.com/all-editions/edition-coimbatore/tiruppur/2019/sep/12/காங்கயம்-அரசுக்-கல்லூரியில்-நாளை-இறுதிக்கட்ட-கலந்தாய்வு-3232808.html
3232807 கோயம்புத்தூர் திருப்பூர் சணல் பை தயாரிக்க இலவச பயிற்சி: விண்ணப்பிக்க அழைப்பு DIN DIN Thursday, September 12, 2019 10:00 AM +0530 திருப்பூரில் கனரா வங்கி சார்பில் சணல் பை தயாரிப்புக்கான இலவச பயிற்சியில் சேர அழைப்பு விடுக்கப்பட்டுள்ளது. 
இதுதொடர்பாக கனரா வங்கி கிராமப்புற சுய வேலை வாய்ப்பு பயிற்சி மைய இயக்குநர் தர்மலிங்கம் வெளியிட்டுள்ள செய்திக்குறிப்பு: 
திருப்பூர், அனுப்பர்பாளையத்தில் செயல்பட்டு வரும் கனரா வங்கி வேலை வாய்ப்பு பயிற்சி மையத்தில் சணல் பை தயாரிக்க 13 நாள்கள் பயிற்சி அளிக்கப்பட உள்ளது. 
இந்தப் பயிற்சியில் பங்கேற்க 18 முதல் 45 வயதுக்கு உள்பட்ட எழுதப்படிக்கத் தெரிந்த ஆண், பெண் இருபாலரும் விண்ணப்பிக்கலாம். பயிற்சி நாள்களில் இலவச உணவும் வழங்கப்பட உள்ளது. 
இதுதொடர்பான கூடுதல் விவரங்களுக்கு 99525-18441, 86105-33436 என்ற செல்லிடப்பேசி எண்களில் தொடர்பு கொள்ளலாம் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/12/சணல்-பை-தயாரிக்க-இலவச-பயிற்சி-விண்ணப்பிக்க-அழைப்பு-3232807.html
3232806 கோயம்புத்தூர் திருப்பூர் பின்னலாடை நிறுவன உரிமையாளர் வீட்டில் 5 பவுன், ரூ.75 ஆயிரம் திருட்டு DIN DIN Thursday, September 12, 2019 10:00 AM +0530 திருப்பூரில் பின்னலாடை நிறுவன உரிமையாளர் வீட்டின் பூட்டை உடைத்து 5 பவுன் நகை, ரூ.75 ஆயிரம் ரொக்கம் ஆகியவற்றை மர்ம நபர்கள் திருடிச் சென்றனர். 
திருப்பூர், ராக்கியாபாளையம், நத்தகாட்டுத் தோட்டம் பகுதியில் வசித்து வருபவர் பி.நல்லசாமி (37). இவர் அதே பகுதியில் உள்ள சேரன் நகரில் பின்னலாடை நிறுவனம் நடத்தி வருகிறார். 
இந்த நிலையில், நல்லசாமி குடும்பத்துடன் கடந்த 6 ஆம் தேதி வெளியூர் சென்றுள்ளார். பின்னர் செவ்வாய்க்கிழமை மாலை 6 மணி அளவில் வீடு திரும்பியுள்ளார். அப்போது வீட்டின் பின்பக்க கதவு உடைக்கப்பட்டிருந்தது. 
உள்ளே சென்று பார்த்தபோது, பீரோவில் இருந்த 5 பவுன் நகை, ரூ.75 ஆயிரம் ரொக்கம் ஆகியவற்றை மர்ம நபர்கள் திருடிச் சென்றது தெரியவந்தது. இதுதொடர்பாக நல்லசாமி கொடுத்த புகாரின்பேரில் திருப்பூர் ஊரக காவல் துறையினர் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/sep/12/பின்னலாடை-நிறுவன-உரிமையாளர்-வீட்டில்-5-பவுன்-ரூ75-ஆயிரம்-திருட்டு-3232806.html
3232805 கோயம்புத்தூர் திருப்பூர் கார் மோதியதில்  முதியவர் சாவு DIN DIN Thursday, September 12, 2019 09:59 AM +0530 வெள்ளக்கோவில் அருகே கார் மோதியதில் முதியவர் புதன்கிழமை இரவு உயிரிழந்தார்.
வெள்ளக்கோவில் - செம்மாண்டம்பாளையம் சாலையிலுள்ள பெரியசாமி நகர் அருகே புதன்கிழமை இரவு 9.30 மணியளவில் நடந்து சென்று கொண்டிருந்த முதியவர் மீது அவ்வழியே வந்த கார் மோதியது. 
இதில் முதியவர் உடல் நசுங்கி சம்பவ இடத்திலேயே உயிரிழந்தார். இறந்தவர் குறித்த விவரம் உடனடியாகத் தெரியவில்லை. வயது சுமார் 70 இருக்கலாம். 
காங்கயம் அரசு மருத்துவமனைக்கு பிரேதப் பரிசோதனைக்காக முதியவருடைய சடலம் கொண்டு செல்லப்பட்டது. 
இதுகுறித்து வெள்ளக்கோவில் போலீஸார் விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/sep/12/கார்-மோதியதில்-முதியவர்-சாவு-3232805.html
3232804 கோயம்புத்தூர் திருப்பூர் தீயணைப்பு வீரர்களுக்கு கமாண்டோ பயிற்சி DIN DIN Thursday, September 12, 2019 09:59 AM +0530 உடுமலை அருகே உள்ள திருமூர்த்திமலையில் தீயணைப்புத் துறை வீரர்களுக்கு செவ்வாய்க்கிழமை கமாண்டோ பயிற்சி அளிக்கப்பட்டது.
திருப்பூர் மாவட்ட அலுவலர் கிருஷ்ணமூர்த்தி தலைமையில் திருப்பூர் வடக்கு நிலைய அலுவலர் பாஸ்கரன் முன்னிலையில் 22 வீரர்களுக்கு இப்பயிற்சி அளிக்கப்பட்டது. இதில் உடுமலையை அடுத்துள்ள திருமூர்த்தி அணையில் படகு இயக்குதல் பயிற்சிகளும், அங்குள்ள மேற்குத் தொடர்ச்சி மலைப் பகுதியில் மலையேற்றப் பயிற்சிகளும் அளிக்கப்பட்டது.
மேலும் வெள்ளம், நிலச்சரிவு போன்ற இயற்கை பேரிடரிலிருந்து பொதுமக்களை எவ்வாறு மீட்பது என்பது குறித்தும், மீட்புப் பணிகளின்போது வீரர்களுக்கு காயம் ஏற்பட்டால் அதை எவ்வாறு சமாளிப்பது என்பது குறித்தும் பயிற்சியாளர் மைக்கேல் பயிற்சி அளித்தார்.
 

]]>
https://www.dinamani.com/all-editions/edition-coimbatore/tiruppur/2019/sep/12/தீயணைப்பு-வீரர்களுக்கு-கமாண்டோ-பயிற்சி-3232804.html
3232803 கோயம்புத்தூர் திருப்பூர் வெள்ளக்கோவிலில் ரூ.9.10 லட்சத்துக்கு கொப்பரை ஏலம் DIN DIN Thursday, September 12, 2019 09:59 AM +0530 வெள்ளக்கோவில் ஒழுங்குமுறை விற்பனைக் கூடத்தில் ரூ.9.10 லட்சத்துக்கு கொப்பரை விற்பனை புதன்கிழமை நடைபெற்றது.
இந்த வார ஏலத்துக்கு திருச்சி, கரூர், புதுப்பை, திண்டுக்கல், ஒட்டன்சத்திரம் உள்ளிட்ட பகுதிகளில் இருந்து 30 விவசாயிகள் 235 மூட்டைகளில் 12,034 கிலோ கொப்பரைகளை விற்பனைக்குக் கொண்டு வந்திருந்தனர். 
வெள்ளக்கோவில், காங்கயம், முத்தூரிலிருந்து 7 வணிகர்கள் இவற்றை கொள்முதல் செய்ய வந்திருந்தனர். 
 விற்பனைக் கூடக் கண்காணிப்பாளர் ரா.மாரியப்பன் முன்னிலையில் நடந்த ஏலத்தில், கிலோ ரூ.47.60 முதல் ரூ.94.35 வரை விற்பனையானது. சராசரி விலை கிலோ ரூ.83.85. மொத்தம் ரூ.9 லட்சத்து 10,820-க்கு  விற்பனை நடைபெற்றது. விற்பனைத் தொகை  அந்தந்த விவசாயிகளின் வங்கிக் கணக்குகளில் செலுத்தப்பட்டது.

]]>
https://www.dinamani.com/all-editions/edition-coimbatore/tiruppur/2019/sep/12/வெள்ளக்கோவிலில்-ரூ910-லட்சத்துக்கு-கொப்பரை-ஏலம்-3232803.html
3231776 கோயம்புத்தூர் திருப்பூர் வீரக்குமார சுவாமி கோயில் கும்பாபிஷேக 9ஆம் ஆண்டு விழா DIN DIN Wednesday, September 11, 2019 11:16 AM +0530 வெள்ளக்கோவில் வீரக்குமார சுவாமி கோயில் கும்பாபிஷேக 9 ஆம் ஆண்டு விழா செவ்வாய்க்கிழமை நடைபெற்றது.
 விழாவையொட்டி, காலை 8 மணியளவில் செல்லாண்டியம்மனுக்கு தீர்த்த அபிஷேகம், ஹோம பூஜை நடைபெற்றது. பகல் 12 மணியளவில் வீரக்குமார சுவாமிக்கு யாக பூஜை, 108 சங்கு, சந்தன அபிஷேகம், மகா தீபாராதனை, அன்னதானம் நடைபெற்றது. பின்னர் இரவு 7 மணிக்கு மேல் பக்தர்கள் புடைசூழ சுவாமி திருவீதி உலா நடத்தி, பிரசாதம் வழங்கப்பட்டது.  பல்லடம், பனிக்கம்பட்டி கலைக்குழுவினரின் வள்ளி கும்மியாட்டம் நடைபெற்றது. கோயில் செயல் அலுவலர் ரத்தினாம்பாள், கோயிலைச் சேர்ந்த உள்ளூர் ஆந்தை, தனஞ்செய, மாட குலத்தவர்கள் உள்பட 11 குலத்தவர்கள் விழா ஏற்பாடுகளைச் செய்திருந்தனர்.

]]>
https://images.dinamani.com/uploads/user/imagelibrary/2018/8/29/w600X390/kumbabishegam.jpg https://www.dinamani.com/all-editions/edition-coimbatore/tiruppur/2019/sep/11/வீரக்குமார-சுவாமி-கோயில்-கும்பாபிஷேக-9ஆம்-ஆண்டு-விழா-3231776.html
3231787 கோயம்புத்தூர் திருப்பூர் இலவச மதுபானம் கேட்டு பாட்டிலால் கீறிக்கொண்ட இளைஞரால் பரபரப்பு DIN DIN Wednesday, September 11, 2019 06:59 AM +0530 பல்லடத்தில் இலவசமாக மதுபானம் தர வலியுறுத்தி பாட்டிலால் உடலில் கீறிக்கொண்ட இளைஞரை போலீஸார் மீட்டு அரசு மருத்துவமனையில் செவ்வாய்க்கிழமை சேர்த்தனர்.
 பல்லடம், செட்டிபாளையம் சாலையில் டாஸ்மாக் கடை உள்ளது. இங்கு மேற்கு பல்லடத்தைச் சேர்ந்த மூர்த்தி (35), தன்னிடம் பணம் இல்லாததால் இலவசமாக மதுபானம் தருமாறு கேட்டுள்ளார். ஆனால் டாஸ்மாக் கடை ஊழியர்கள் மதுபானம் தர மறுத்ததால் ஆத்திரமடைந்த அவர் அங்கிருந்த காலி மதுபாட்டிலை உடைத்து தனது உடலில் கீறிக்கொண்டு, மதுபானம் தராவிட்டால் தற்கொலை செய்துகொள்வேன் என மிரட்டல் விடுத்தார்.
 அங்கு வந்த பல்லடம் போலீஸார் மூர்த்தியை சமாதானப்படுத்தி, அரசு மருத்துமனையில் அவரை சேர்த்தனர். 
 

]]>
https://www.dinamani.com/all-editions/edition-coimbatore/tiruppur/2019/sep/11/இலவச-மதுபானம்-கேட்டு-பாட்டிலால்-கீறிக்கொண்ட-இளைஞரால்-பரபரப்பு-3231787.html
3231786 கோயம்புத்தூர் திருப்பூர் கடைகளில் திருடிய இருவர் கைது DIN DIN Wednesday, September 11, 2019 06:59 AM +0530 உடுமலை பகுதியில் 10-க்கும் மேற்பட்ட கடைகளின் பூட்டை உடைத்து திருடிய இருவரை போலீஸார் திங்கள்கிழமை கைது செய்தனர்.
 திருப்பூர் மாவட்டம், உடுமலை வட்டம், குடிமங்கலம் நான்கு சாலை அருகே அமைந்துள்ள வணிக வளாகத்தில் எலக்ட்ரானிக்ஸ் கடையின் பூட்டை உடைத்து, ரொக்கம், பல லட்சம் ரூபாய் மதிப்புள்ள லேப்டாப், செல்லிடப்பேசி உள்ளிட்ட பல்வேறு பொருள்களை மர்ம நபர்கள் கடந்த மாதம் திருடிச் சென்றனர். இச்சம்பவம் குறித்து போலீஸார் வழக்குப்பதிந்து விசாரணை நடத்தி வந்தனர்.
 இந்நிலையில் உடுமலை நகரில் பொள்ளாச்சி சாலையில் 5 கடைகளின் பூட்டை உடைத்து பொ ருள்கள், ரொக்கம் ஆகியவற்றை மர்ம நபர்கள் திருடிச் சென்றது, பழனி சாலையில் உள்ள தனியார் கடை, வணிக வளாகத்தில் துணிக்கடையில் திருட்டு சம்பவம் ஆகியவை தொடர்பாக போலீஸார் தனிப்படை அமைத்து குற்றவாளிகளைத் தேடி வந்தனர்.
 இந்நிலையில் இந்த வழக்குகளில் புதுக்கோட்டை மாவட்டம், ஆவுடையார்கோவில் வட்டம், பொன்பதி கிராமத்தைச் சேர்ந்த லட்சுமணன் (40), அவரது நண்பரான அதே பகுதியைச் சேர்ந்த கருப்புசாமி (30) ஆகிய இருவரையும் போலீஸார் கைது செய்தனர்.
 

]]>
https://www.dinamani.com/all-editions/edition-coimbatore/tiruppur/2019/sep/11/கடைகளில்-திருடிய-இருவர்-கைது-3231786.html
3231785 கோயம்புத்தூர் திருப்பூர் ஓவியப் போட்டி: காங்கயம் அரசு கல்லூரி மாணவிகள் முதலிடம் DIN DIN Wednesday, September 11, 2019 06:58 AM +0530 முகத்தில் ஓவியம் வரையும் போட்டியில் காங்கயம் அரசு கலை அறிவியல் கல்லூரி மாணவிகள் முதலிடம் பெற்றனர்.
  ஈரோடு வேளாளர் மகளிர் கலைக் கல்லூரியில் கணிதத் துறை விழா நடைபெற்றது. இதில் மண்டல அளவில் கல்லூரி மாணவர்களுக்கு இடையேயான பல்வேறு திறனறிவுப் போட்டிகள் நடைபெற்றன. 50-க்கும் மேற்பட்ட கல்லூரிகளில் இருந்து 400 மாணவ, மாணவிகள் பங்கேற்றனர். இதில் முகத்தில் ஓவியம் வரையும் போட்டியில் காங்கயம் அரசு கலை மற்றும் அறிவியல் கல்லூரியில், கணிதத் துறை இறுதியாண்டு படிக்கும் மாணவிகள் ரம்யா பாரதி, ஜீவிதா ஆகியோர் முதல் பரிசு பெற்றனர். இம்மாணவிகளுக்கு கல்லூரியின் முதல்வர் தேவராஜ், கணிதத் துறைத் தலைவர் சீனிவாசன் உள்ளிட்ட பேராசிரியர்கள், மாணவ, மாணவிகள் பாராட்டுத் தெரிவித்தனர்.
 

]]>
https://www.dinamani.com/all-editions/edition-coimbatore/tiruppur/2019/sep/11/ஓவியப்-போட்டி-காங்கயம்-அரசு-கல்லூரி-மாணவிகள்-முதலிடம்-3231785.html
3231784 கோயம்புத்தூர் திருப்பூர் விவசாய மின் இணைப்பில் மீட்டர் பொருத்த வந்த அலுவலர்களுக்கு எதிர்ப்பு DIN DIN Wednesday, September 11, 2019 06:58 AM +0530 அவிநாசி அருகே காட்டுவளவு கிராமத்தில் விவசாயி ஒருவரின் தோட்டத்தில் இலவச மின் இணைப்பில் மின் மீட்டர் பொருத்த வந்த மின்வாரிய அலுவலர்களை விவசாயிகள் விரட்டியடித்தனர்.
அவிநாசி ஒன்றியம், வடுகபாளையம் ஊராட்சிக்கு உள்பட்ட பகுதியில் 150-க்கும் மேற்பட்ட விவசாயிகள் வசித்து வருகின்றனர். இப்பகுதியில் நிலக்கடலை, கரும்பு, மக்காச்சோளம், வாழை, பருத்தி உள்ளிட்டவை பயிரிடப்படுகின்றன. இப்பகுதி விவசாய நிலங்களுக்கு அரசு சார்பில் இலவச மின்சாரம் வழங்கப்பட்டு வருகிறது.
 இந்நிலையில் காட்டுவளவு கிராமத்தைச் சேர்ந்த சின்னசாமி என்பவருக்கு சொந்தமான கோயில் தோட்டத்தில் உள்ள இலவச மின் இணைப்பில் மின் மீட்டர் பொருத்துவதற்காக மின்வாரிய அலுவலர்கள் செவ்வாய்க்கிழமை வந்தனர். இதனை அறிந்த விவசாயி சின்னசாமி அருகில் உள்ள விவசாயிகளுக்கு தகவல் அளித்தார்.
 இதையடுத்து அங்கு திரண்ட 60-க்கும் மேற்பட்ட விவசாயிகள்  மின் மீட்டர் பொருத்த வந்த அலுவலர்களை முற்றுகையிட்டு வாக்குவாதத்தில் ஈடுபட்டனர். இதனால் அலுவலர்கள் மின் மீட்டர் பொருத்தாமல் அங்கிருந்து சென்றனர்.
 இதுகுறித்து  தமிழ்நாடு விவசாய சங்க ஒன்றிய நிர்வாகி குமாரசாமி கூறியதாவது:
 15 நாள்களுக்கு முன் போத்தம்பாளையத்தில் இலவச மின் இணைப்பில் மின் மீட்டர் பொருத்த அதிகாரிகள் வந்தனர். அப்போதே தடுத்து நிறுத்தி அவிநாசி மின்வாரிய அலுவலர்களிடம் இலவச மின் இணைப்பில் மின் மீட்டர் பொருத்தக் கூடாது என கோரிக்கை மனு அளித்தோம். அவர்களும் இனி மின் மீட்டர் பொருத்தமாட்டோம் என உறுதியளித்தனர்.
 ஆனால் தற்போது வடுகபாளையம் ஊராட்சியில் மின் மீட்டர் பொருத்த முயன்றுள்ளனர். மீண்டும் மின் மீட்டர் பொருத்த முற்பட்டால் ஒட்டுமொத்த விவசாய சங்கங்கள் கூட்டமைப்பினரும் இணைந்து போராட்டத்தில் ஈடுபடுவோம் என்றனர்.

]]>
https://www.dinamani.com/all-editions/edition-coimbatore/tiruppur/2019/sep/11/விவசாய-மின்-இணைப்பில்-மீட்டர்-பொருத்த-வந்த-அலுவலர்களுக்கு-எதிர்ப்பு-3231784.html
3231783 கோயம்புத்தூர் திருப்பூர் அவிநாசியில் முதல்வர் பழனிசாமிக்கு உற்சாக வரவேற்பு DIN DIN Wednesday, September 11, 2019 06:58 AM +0530 வெளிநாடு சுற்றுப்பயணம் முடித்து கோவையிலிருந்து சேலம் சென்ற தமிழக முதல்வர் எடப்பாடி கே.பழனிசாமிக்கு திருப்பூர் மாவட்ட அதிமுக சார்பில் அவிநாசியில் செவ்வாய்க்கிழமை இரவு உற்சாக வரவேற்பு அளிக்கப்பட்டது.
இந்நிகழ்ச்சிக்கு அதிமுக மாவட்டசெயலாளரும், முன்னாள் அமைச்சருமான எம்.எஸ்.எம்.ஆனந்தன் தலைமை வகித்தார். சட்டப்பேரவை உறுப்பினர்கள் சு.குணசேகரன் (திருப்பூர் தெற்கு), கே.என். விஜயகுமார் (திருப்பூர் வடக்கு), கரைப்புதூர் ஏ.நடராஜன் (பல்லடம்), உ.தனியரசு(காங்கயம்), அவிநாசி ஒன்றிய செயலாளர்கள் சேவூர் ஜி.வேலுசாமி(வடக்கு),  மு.சுப்பிரமணியம்(தெற்கு) உள்ளிட்டோர் பங்கேற்றனர்.
 ஆட்சியர் வரவேற்பு: முதல்வர் எடப்பாடி கே.பழனிசாமி, வரவேற்பு மேடைக்கு வரும் முன் மாவட்ட ஆட்சியர் கே.எஸ்.பழனிசாமி பூங்கொத்து அளித்து வரவேற்றார். அப்போது மாவட்ட காவல் கண்காணிப்பாளர் திஷா மித்தல், மாவட்ட வருவாய் அலுவலர் ஆர்.சுகுமார், மாநகர காவல் ஆணையர் இ.எஸ்.உமா உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-coimbatore/tiruppur/2019/sep/11/அவிநாசியில்-முதல்வர்-பழனிசாமிக்குஉற்சாக-வரவேற்பு-3231783.html
3231782 கோயம்புத்தூர் திருப்பூர் பல்கலைக்கழக தேர்வு: தங்கப் பதக்கம்  வென்ற மகாராணி கல்லூரி மாணவி DIN DIN Wednesday, September 11, 2019 06:58 AM +0530 பாரதியார் பல்கலைகத் தேர்வில் தாராபுரம் மகாராணி கலை, அறிவியல் கல்லூரி மாணவி ஆர்.காயத்ரி முதலிடத்தைப் பிடித்து தங்கப் பதக்கம் வென்றார். 
 மேலும் 5 மாணவிகள் தரவரிசைப் பட்டியலில் இடம் பிடித்து சாதனை படைத்தனர். 
 தாராபுரத்தில் உள்ள மகாராணி கலை, அறிவியல் கல்லூரியில் 2016-2019 ஆம் கல்வி ஆண்டுகளில் பயின்ற மாணவிகள் பாரதியார் பல்கலைக்கழக அளவிலான தேர்வில் தரவரிசைப் பட்டியலில் இடம் பிடித்தனர்.   மாணவி ஆர்.காயத்ரி (எம்.ஏ.ஆங்கிலம்) முதலிடத்தைப் பிடித்து தங்கப்பதக்கம் பெற்றார். 
மாணவிகள் எஸ்.ஹரிப்பிரியா (பி.எஸ்.சி.சி.டி.எஃப்) மூன்றாவது இடத்தையும், எஃப்.சந்தியாசெல்வரசி (பி.ஏ.ஆங்கிலம்), எம்.சஜிதா இசத் (பிசிஏ) ஆகியோர் நான்காவது இடத்தையும், எஸ்.நிசா (பிபிஏ), ஆர்.பிரியாங்கா(பி.எஸ்.சி.கணிதம் சிஏ) ஆகியோர் ஐந்தாவது இடத்தையும் பிடித்தனர்.
 தங்கப்பதக்கம், தரவரிசைப் பட்டியலில் இடம் பிடித்த மாணவிகளை கல்லூரி நிர்வாகத்தினர் பாராட்டினர்.

]]>
https://www.dinamani.com/all-editions/edition-coimbatore/tiruppur/2019/sep/11/பல்கலைக்கழக-தேர்வு-தங்கப்-பதக்கம்-வென்ற-மகாராணி-கல்லூரி-மாணவி-3231782.html
3231781 கோயம்புத்தூர் திருப்பூர் மடிக்கணினி வழங்கக் கோரி பள்ளியை  முற்றுகையிட்ட முன்னாள் மாணவிகள் DIN DIN Wednesday, September 11, 2019 06:57 AM +0530 திருப்பூரில் இலவச மடிக்கணினி கேட்டு அரசு பள்ளியை முன்னாள் மாணவிகள், அவர்களது பெற்றோர் செவ்வாய்க்கிழமை முற்றுகையிட்டனர். 
திருப்பூர், பெரியகடைவீதியில் பழனியம்மாள் பெண்கள் மேல்நிலைப்பள்ளி செயல்பட்டு வருகிறது. இந்தப் பள்ளியில் சுமார் 2 ஆயிரத்துக்கும் மேற்பட்ட மாணவிகள் படித்து வருகின்றனர். இந்நிலையில் 2018-19 ஆம் கல்வியாண்டில் பிளஸ் 2 முடித்த மாணவிகளுக்கு அரசின் இலவச மடிக்கணினி வழங்கப்படவில்லையாம். 
இந்நிலையில் அப்பள்ளியில் படித்த முன்னாள் மாணவிகள் 20-க்கும் மேற்பட்டோர் தங்களது பெற்றோருடன் பள்ளியை முற்றுகையிட்டனர். அப்போது பள்ளி நிர்வாகம் சார்பில் மாணவிகளுடன் பேச்சுவார்த்தை நடத்தப்பட்டது. அப்போது மடிக்கணினி வழங்க நடவடிக்கை எடுப்பதாக உறுதி அளிக்கப்பட்டது. இதையடுத்து முற்றுகையில் ஈடுபட்ட மாணவிகள் கலைந்து சென்றனர். இதனால் அப்பகுதியில் சிறிது நேரம் பரபரப்பு ஏற்பட்டது.

]]>
https://www.dinamani.com/all-editions/edition-coimbatore/tiruppur/2019/sep/11/மடிக்கணினி-வழங்கக்-கோரி-பள்ளியை-முற்றுகையிட்ட-முன்னாள்-மாணவிகள்-3231781.html
3231780 கோயம்புத்தூர் திருப்பூர் குறுமைய அளவிலான தடகளப் போட்டி: சீனிவாசா மெட்ரிக். பள்ளி சாம்பியன் DIN DIN Wednesday, September 11, 2019 06:57 AM +0530 உடுமலை குறுமைய அளவிலான தடகளப் போட்டிகளில் உடுமலை சீனிவாசா வித்யாலயா மெட்ரிக். மேல்நிலைப் பள்ளி மாணவ, மாணவிகள் சாம்பியன் பட்டம் வென்றனர்.
2019-20ஆம் கல்வியாண்டுக்கான உடுமலை குறுமைய அளவிலான தடகளப் போட்டிகள் அரசு கலைக் கல்லூரி மைதானத்தில் நடைபெற்றது. இதில் உடுமலை சீனிவாசா வித்யாலயா மெட்ரிக். மேல்நிலைப் பள்ளி மாணவர்கள் 137 புள்ளிகள் பெற்றும், மாணவியர் 152 புள்ளிகள் பெற்றும் ஒட்டுமொத்த சாம்பியன் பட்டம் வென்றனர். தனிநபர் போட்டிகளிலும் இப்பள்ளி மாணவ, மாணவிகள் சாம்பியன் பட்டம் வென்றனர்.  கடந்த 11 ஆண்டுகளாக சீனிவாசா பள்ளி குறுமைய அளவிலான தடகளப் போட்டிகளில் தொடர்ந்து சாம்பியன் பட்டம் வென்று வருவது குறிப்பிடத்தக்கது.
இந்நிலையில் பள்ளி வளாகத்தில் செவ்வாய்க்கிழமை நடைபெற்ற பாராட்டு நிகழ்ச்சியில் பள்ளித் தாளாளர் விக்னேஷ் ஆர்.ரங்கநாதன், முதல்வர் ஜாஸ்மின் ஜேக்கப், மேலாளர் டி.ஜவஹர், உடற்பயிற்சி ஆசிரியர்கள், பள்ளிக் குழு உறுப்பினர்கள், ஆசிரியர்கள் சிறப்பிடம் பெற்ற மாணவ, மாணவிகளை பாராட்டினர்.

]]>
https://www.dinamani.com/all-editions/edition-coimbatore/tiruppur/2019/sep/11/குறுமைய-அளவிலான-தடகளப்-போட்டி-சீனிவாசா-மெட்ரிக்-பள்ளி-சாம்பியன்-3231780.html
3231779 கோயம்புத்தூர் திருப்பூர் வழக்குரைஞர்கள் நீதிமன்ற பணி புறக்கணிப்பு DIN DIN Wednesday, September 11, 2019 06:56 AM +0530 சென்னை உயர்நீதிமன்ற தலைமை நீதிபதியின் பணியிட மாற்றத்தைக் கண்டித்து திருப்பூரில் வழக்குரைஞர்கள் செவ்வாய்க்கிழமை நீதிமன்ற புறக்கணிப்பில் ஈடுபட்டனர்.
சென்னை உயர்நீதிமன்றத்தின் தலைமை நீதிபதியாக பதவி வகித்தவர் வி.கே. தஹிலராமாணீ. இவர் மேகாலய மாநில உயர்நீதிமன்ற தலைமை நீதிபதியாக பணியிடமாற்றம் செய்யப்பட்டார். இந்நிலையில் இதற்கு எதிர்ப்பு தெரிவித்து அவர் பதவியிலிருந்து விலகியுள்ளார்.
இதைக் கண்டித்து தமிழகம் முழுவதிலும் வழக்குரைஞர்கள் நீதிமன்ற பணி புறக்கணிப்பில் ஈடுபடப் போவதாக அறிவித்தனர். அதன்படி திருப்பூர் மாவட்டத்தில் உள்ள நீதிமன்றங்களில் 500-க்கும் மேற்பட்ட வழக்குரைஞர்கள் செவ்வாய்க்கிழமை பணி புறக்கணிப்பு போராட்டத்தில் ஈடுபட்டனர்.

]]>
https://www.dinamani.com/all-editions/edition-coimbatore/tiruppur/2019/sep/11/வழக்குரைஞர்கள்-நீதிமன்ற-பணி-புறக்கணிப்பு-3231779.html
3231778 கோயம்புத்தூர் திருப்பூர் பாலீஷ் போடுவதாகக் கூறி பெண்ணிடம் 2.5 பவுன் அபகரிப்பு DIN DIN Wednesday, September 11, 2019 06:56 AM +0530 திருப்பூர், போயம்பாளையம் பகுதியில் பாலீஷ் போட்டுத் தருவதாகக் கூறி பெண்ணிடம் 2.5 பவுன் நகையை மர்ம நபர்கள் செவ்வாய்க்கிழமை அபகரித்துச் சென்றனர். 
போயம்பாளையம், சக்தி நகர், 2ஆவது வீதியில் வசித்து வருபவர் பழனிகுமார் (35). இவரது மனைவி முத்துமுனீஸ்வரி (32). இவர் செவ்வாய்க்கிழமை பிற்பகல் வீட்டில் இருந்தபோது அங்கு வந்த இருவர் தங்க நகையை பாலீஷ் போட்டுத்தருவதாகக் கூறியுள்ளனர்.
இதை நம்பி முத்துமுனீஸ்வரி தன்னிடமிருந்த 2.5 பவுன் நகையைக் கொடுத்துள்ளார். அந்த நகைகளை வாங்கிய இருவரும் ரசாயனம் கலந்த தண்ணீரில் நனைத்துக் கொடுத்து விட்டுச் சென்றுள்ளனர். பின்னர் சிறிது நேரம் கழித்துப் பார்த்தபோது அந்த நகைகள் போலியானது என்பது தெரியவந்தது.
இதுகுறித்த புகாரின்பேரில் அனுப்பர்பாளையம் காவல் துறையினர் விசாரணை நடத்தி வருகின்றனர். 
அரிசி கடையில் திருட்டு: போயம்பாளையம், சக்தி நகரில் வசித்து வருபவர் சுரேஷ்குமார் (42). இவர் அதே பகுதியில் அரிசி, ஜெராக்ஸ் கடை நடத்தி வருகிறார். இந்நிலையில் சுரேஷ்குமார் வழக்கம்போல திங்கள்கிழமை இரவு கடையைப் பூட்டி விட்டுச் சென்றார்.
செவ்வாய்க்கிழமை காலை வந்து பார்த்தபோது கடையின் மேற்கூரை பிரிக்கப்பட்டிருந்தது. மேலும் கடையில் பெட்டியில் வைத்திருந்த ரூ. 2 ஆயிரம் ரொக்கம் திருடுபோனது தெரியவந்தது. கடையில் பொருத்தப்பட்டிருந்த சிசிடிவி கேமரா பதிவுகளை ஆய்வு செய்தபோது மர்ம நபர் ஒருவர் கடைக்குள் இறங்கி பணத்தை திருடிச் சென்றது தெரியவந்தது. இதுகுறித்தும் அனுப்பர்பாளையம் காவல் துறையினர் விசாரித்து வருகின்றனர்.

]]>
https://www.dinamani.com/all-editions/edition-coimbatore/tiruppur/2019/sep/11/பாலீஷ்-போடுவதாகக்-கூறி-பெண்ணிடம்-25-பவுன்-அபகரிப்பு-3231778.html
3231777 கோயம்புத்தூர் திருப்பூர் வேலையில்லாத சிறுபான்மையினர் இலவச திறன் வளர்ப்பு பயிற்சிக்கு விண்ணப்பிக்கலாம் DIN DIN Wednesday, September 11, 2019 06:56 AM +0530 திருப்பூர் மாவட்டத்தில் வேலையில்லாத சிறுபான்மையினர் இலவச திறன் வளர்ப்பு பயிற்சியில் சேர விண்ணப்பிக்கலாம். 
இதுதொடர்பாக திருப்பூர் மாவட்ட ஆட்சியர் கே.எஸ்.பழனிசாமி செவ்வாய்க்கிழமை வெளியிட்டுள்ள செய்திக்குறிப்பு: 
தேசிய சிறுபான்மையினர் வளர்ச்சி மற்றும் நிதிக் கழகத்தின் நிதி உதவியுடன் (K​a‌u‌s‌h​a‌l S‌e K‌u‌s‌h​a‌l​a‌ta Sc‌h‌e‌m‌e) திட்டத்தின் கீழ் டாம்கோ மூலம் படித்து வேலையில்லாத சிறுபான்மையின வகுப்பைச் சேர்ந்த இளைஞர்களுக்கு காஞ்சிபுரம் மாவட்டம், வாலாஜாபாத்தில் செயல்படும் மத்திய காலணி பயிற்சி நிலையத்தில் இலவச பயிற்சியும், அதன் பிறகு வேலைவாய்ப்பு ஏற்பாடுகளும் செய்து கொடுக்கப்படுகிறது. 
இத்திட்டத்தின் கீழ் "ஸ்டிச்சர் கூட்ஸ்' மற்றும் "கார்மெண்ட்ஸ்', "பிரி அசெம்பிளி ஆபரேட்டர்' ஆகிய பயிற்சிகள் 46 நாள்களுக்கு அளிக்கப்பட உள்ளது. இதில் ஒவ்வொரு பயிற்சிக்கும் தலா 20 நபர்கள் வீதம் மொத்தம் 40 நபர்களுக்கு பயிற்சி வழங்கப்பட உள்ளது. 
இத்திட்டத்தின் கீழ் மதவழி சிறுபான்மையினர் வகுப்பைச் சேர்ந்த இஸ்லாமியர்கள், கிறிஸ்தவர்கள், புத்த மதத்தினர், சீக்கியர்கள், பார்சியர்கள் மற்றும் ஜெயின் பிரிவைச் சார்ந்தவர்கள் விண்ணப்பிக்கலாம். பயிற்சியாளரின் குடும்ப ஆண்டு வருமானம் ரூ.5 லட்சத்துக்கு மிகாமலும், 18 முதல் 55 வயதுக்கு உட்பட்டவராக இருத்தல் வேண்டும். இப்பயிற்சியின் போது ஒரு பயனாளிக்கு ரூ.1,534 பயிற்சி உதவித்தொகையாக அளிக்கப்படும். உண்டு உறைவிடக் கட்டணம் ஏதும் வழங்கப்படாது. 
இதற்கான நேர்காணல், காஞ்சிபுரம் மாவட்டம், வாலாஜாபாத்தில் உள்ள மத்திய காலணி பயிற்சி நிலையத்தில் செப்டம்பர் 20 ஆம் தேதி நடைபெறுகிறது. இத்திட்டத்தின் கீழ் பயிற்சி பெற விரும்புவோர் அசல் சாதி சான்றிதழ், வருமானச் சான்றிதழ், ஆதார் அட்டை, கல்விச் சான்றிதழ் ஆகிய சான்றிதழ்களுடன் நேர்காணலில் கலந்துக் கொள்ளலாம். 
மேலும் விவரங்களுக்கு திருப்பூர் மாவட்ட ஆட்சியர் அலுவலகத்தில் இயங்கும் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்திலும், மத்திய காலணி பயிற்சி நிலையத்தில் மனோகரனை 8939813412 என்ற செல்லிடப்பேசி எண்ணிலும், தமிழ்நாடு சிறுபான்மையினர் பொருளாதார மேம்பாட்டுக் கழகத்தை 044-28514846 என்ற எண்ணிலும் தொடர்புகொள்ளலாம்.
எனவே, திருப்பூர் மாவட்டத்தில் உள்ள சிறுபான்மையினர் இத்திட்டத்தினைப் பயன்படுத்திக் கொள்ளலாம் என அதில் குறிப்பிடப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/11/வேலையில்லாத-சிறுபான்மையினர்இலவச-திறன்-வளர்ப்பு-பயிற்சிக்கு-விண்ணப்பிக்கலாம்-3231777.html
3231775 கோயம்புத்தூர் திருப்பூர் யார்னெக்ஸ், டெக்ஸ் இந்தியா சார்பில் நாளை முதல் ஜவுளி தொழில் துறை கண்காட்சி DIN DIN Wednesday, September 11, 2019 06:55 AM +0530 திருப்பூரில் யார்னெக்ஸ், டெக்ஸ் இந்தியா ஆகியன சார்பில் ஜவுளி தொழில் துறை கண்காட்சி வியாழக்கிழமை (செப். 12) தொடங்கி 3 நாள்கள் நடைபெறுகிறது.
திருப்பூர் ஐகேஎஃப் வளாகத்தில் நடைபெறும் இக்கண்காட்சியில் 139-க்கும் மேற்பட்ட வெளிநாட்டு, உள்நாட்டு நிறுவனத்தினர் தங்களது தயாரிப்புகளை காட்சிப்படுத்த உள்ளனர். பைபர்களில் இயற்கை ரகத்தில் பருத்தி, கம்பளி, பட்டு, பிளாக்ஸ், செயற்கை ரகத்தில் ரீனெனரேட் மற்றும் சிந்தடிக், யார்ன்களில் இயற்கையானவை மற்றும் பிளெண்டுகள், பருத்தி, கம்பளி, பட்டு, லினன், எலஸ்டிக், பேன்சி மற்றும் சிறப்பு வகைகளும் இடம் பெறுகிறது. துணி ரகங்களில் நிட்டட், எம்பிராய்டரி, கிரே, இம்போர்ட், டெனீம், பாட்டம் வெயிட், பிரிண்டேடு, சில்க், வெல்வெட் மற்றும் விசைத்தறிகளில் தயாரிக்கப்பட்ட ஆடைகளும் இடம் பெறுகின்றன.
இந்த இரு கண்காட்சிகளிலும் மும்பை, தில்லி, சூரத், நெய்டா, லூதியானா, சண்டீகர், ஆமதாபாத், கொல்கத்தா, புணே, கொச்சி, கோவை, திண்டுக்கல், ஈரோடு, மதுரை, சேலம், திருப்பூர், பெங்களூரு மற்றும் அமெரிக்கா உள்ளிட்ட இடங்களில் இருந்து பல்வேறு நிறுவனங்கள் பங்கேற்கின்றன. மேலும் சர்வதேச பையிங் ஹவுஸ்கள், ஏஜெண்டுகள், விசைத்தறியாளர்கள், நிட்டர்கள், ஆடை தயாரிப்பாளர்கள், ஏற்றுமதியாளர்கள், சில்லறை விற்பனையாளர்கள், விநியோகஸ்தர்கள் உள்ளிட்ட பல்வேறு தரப்பினரும் பங்கேற்கின்றனர்.
இந்தக் கண்காட்சியில் வர்த்தகர்கள் மட்டுமே பங்கேற்கலாம். தயாரிப்பாளர்கள், விற்பனையாளர்கள், சேவையளிப்போர் ஆகியோர் சந்தித்து கலந்துரையாடி வர்த்தக பரிவர்த்தனைகள் மேற்கொள்ள இக்கண்காட்சி உதவும். இதுதொடர்பான கூடுதல் விவரங்களை கீழ்க்கண்ட இணையதளங்களில் தெரிந்து கொள்ளலாம். ‌w‌w‌w.‌y​a‌r‌n‌e‌x.‌i‌n, w‌w‌w.‌t‌e‌x‌i‌n‌d‌i​a‌f​a‌i‌r.​c‌o‌m, ‌w‌w‌w.‌t‌e‌x‌t‌i‌l‌e‌f​a‌i‌r‌s‌i‌n‌d‌i​a.​c‌o‌m.

]]>
https://www.dinamani.com/all-editions/edition-coimbatore/tiruppur/2019/sep/11/யார்னெக்ஸ்-டெக்ஸ்-இந்தியா-சார்பில்நாளை-முதல்-ஜவுளி-தொழில்-துறை-கண்காட்சி-3231775.html
3231774 கோயம்புத்தூர் திருப்பூர் மண்டல அளவிலான ஹாக்கி அணிக்கு உடுமலை அரசுப் பள்ளி மாணவர்கள் தேர்வு DIN DIN Wednesday, September 11, 2019 06:54 AM +0530 கோவை மண்டல அளவிலான ஹாக்கி அணிக்கு தேர்வு செய்யப்பட்ட உடுமலை அரசு மேல்நிலைப் பள்ளி மாணவர்களுக்கு பாராட்டு நிகழ்ச்சி பள்ளி வளாகத்தில் செவ்வாய்க்கிழமை நடைபெற்றது.
கோவை மண்டல அளவிலான ஹாக்கி அணிக்கான வீரர்கள் தேர்வு ஈரோடு மாவட்டம், புளியம்பட்டியில் நடைபெற்றது. ஜூனியர், சீனியர், சூப்பர் சீனியர் என மூன்று பிரிவுகளாக அணிகள் தேர்வு நடைபெற்றது. கோவை, ஈரோடு, நீலகிரி, திருப்பூர் மாவட்டங்களைச் சேர்ந்த நூற்றுக்கணக்கான பள்ளி மாணவர்கள் கலந்து கொண்டனர். இதில் உடுமலை வட்டம், பெதப்பம்பட்டியைச் சேர்ந்த அரசு மேல்நிலைப் பள்ளி மாணவர் எஸ்.குணசேகரன் (ஜூனியர் பிரிவு), சி.தினேஷ் (சீனியர் பிரிவு), எம்.சுபாஷ் (சூப்பர் சீனியர் பிரிவு) ஆகியோர் மண்டல அளவிலான ஹாக்கி அணிக்கு தேர்வு செய்யப்பட்டனர். இந்நிலையில் தேர்வு செய்யப்பட்ட மாணவர்களுக்கு பாராட்டு நிகழ்ச்சி செவ்வாய்க்கிழமை நடைபெற்றது. இதில் தலைமை ஆசிரியர் அப்துல்காதர், உடற்கல்வி இயக்குநர் ஞா.செந்தில் குமாரவேல், ஆசிரியர்கள், பெற்றோர் - ஆசிரியர் கழகத்தினர் மாணவர்களை வாழ்த்தினர்.
 

]]>
https://www.dinamani.com/all-editions/edition-coimbatore/tiruppur/2019/sep/11/மண்டல-அளவிலான-ஹாக்கி-அணிக்கு-உடுமலை-அரசுப்-பள்ளி-மாணவர்கள்-தேர்வு-3231774.html
3231773 கோயம்புத்தூர் திருப்பூர் திருப்பூர் தெற்கு மாவட்ட  திமுக இளைஞரணி நிர்வாகிகள் கூட்டம் DIN DIN Wednesday, September 11, 2019 06:54 AM +0530 திருப்பூர் தெற்கு மாவட்ட திமுக இளைஞரணி நிர்வாகிகள் ஆலோசனைக் கூட்டம் திங்கள்கிழமை நடைபெற்றது.
திருப்பூர் கலைஞர் அறிவாலயத்தில் நடைபெற்ற இக்கூட்டத்துக்கு மாவட்டச் செயலாளர் இல.பத்மநாபன் தலைமை வகித்தார்.  இதில், சட்டப்பேரவை உறுப்பினரும், மாநில இளைஞரணி துணைத் தலைவருமான அன்பில் மகேஷ் பொய்யாமொழி சிறப்புரையாற்றினார். இக்கூட்டத்தில் நிறைவேற்றப்பட்ட தீர்மானங்கள்:
மக்களவைத் தேர்தலில் மதச்சார்பற்ற கூட்டணி வேட்பாளர்களின் வெற்றிக்காக பாடுபட்ட அனைவருக்கும் நன்றி தெரிவிப்பது. வரும் செப்டம்பர் 14 முதல் நவம்பர் 14 ஆம் தேதிக்குள் இரு மாதங்களில் திருப்பூர் தெற்கு மாவட்டத்துக்கு 4 சட்டப்பேரவைத் தொகுதிகளில் தலா 40 ஆயிரம் இளைஞர்களை சேர்ப்பது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
இக்கூட்டத்தில் தெற்கு மாவட்ட இளைஞரணி அமைப்பாளர் மு.ஜெயகுமார், துணை அமைப்பாளர் வழக்குரைஞர் எஸ்.செந்தில்குமார், சட்டப்பேரவை உறுப்பினர்கள் கோவி.செழியன், இரா.ஜெயராமகிருஷ்ணன், இளைஞரணி அமைப்பாளர்கள், துணை அமைப்பாளர்கள், நிர்வாகிகள் உள்பட பலர் கலந்து கொண்டனர்.

]]>
https://www.dinamani.com/all-editions/edition-coimbatore/tiruppur/2019/sep/11/திருப்பூர்-தெற்கு-மாவட்ட-திமுக-இளைஞரணி-நிர்வாகிகள்-கூட்டம்-3231773.html
3231772 கோயம்புத்தூர் திருப்பூர் செப்டம்பர் 13 இல் தனியார் வேலைவாய்ப்பு முகாம் DIN DIN Wednesday, September 11, 2019 06:53 AM +0530 திருப்பூர் மாவட்ட வேலைவாய்ப்பு அலுவலகத்தில் வரும் வெள்ளிக்கிழமை (செப்டம்பர் 13) தனியார் துறை வேலைவாய்ப்பு முகாம் நடைபெறுகிறது.
இதுதொடர்பாக திருப்பூர் மாவட்ட ஆட்சியர் கே.எஸ்.பழனிசாமி செவ்வாய்க்கிழமை வெளியிட்டுள்ள செய்திக்குறிப்பு: 
திருப்பூர் மாவட்ட ஆட்சியர் அலுவலகத்தில் உள்ள வேலைவாய்ப்பு மற்றும் தொழில்நெறி வழிகாட்டும் மையத்தில் தனியார் துறை வேலைவாய்ப்பு முகாம் வரும் வெள்ளிக்கிழமை நடைபெறுகிறது. இதில் தனியார் துறையில் வேலையளிக்கும் நபர்கள் பங்கேற்று பயனாளிகளைத் தேர்வு செய்ய உள்ளனர்.  எனவே, வேலை தேடும் நபர்கள் தங்கள் வேலைவாய்ப்பு அலுவலக பதிவு அட்டை மற்றும் சுயதகவல் படிவத்துடன் கலந்து கொள்ளலாம். வேலையளிப்போரும் தங்களுக்கு தேவையான காலியிடங்களை நிரப்பிட தங்கள் வருகையை வேலைவாய்ப்பு மற்றும் தொழில்நெறி வழிகாட்டும் மையத்தில் முன்பதிவு செய்து கொள்ளலாம். இம்முகாமில் எழுதப் படிக்கத் தெரிந்தவர்கள் முதல் முதுநிலை பட்டதாரிகள் வரை ஐ.டி.ஐ. டிப்ளமோ படித்தவர்கள், தையல் பயிற்சி பெற்றவர்கள் கலந்து கொள்ளலாம்.
தங்களது பதிவில் குறையிருந்தால் சரிசெய்து கொள்வதுடன், கூடுதல் கல்வியையும் பதிவு செய்துகொள்ளலாம். தகுதியிருந்தால் வேலைவாய்ப்பற்றோர் உதவித் தொகை பெற விண்ணப்பிக்கலாம் என அதில் குறிப்பிடப்பட்டுள்ளது.

]]>
https://www.dinamani.com/all-editions/edition-coimbatore/tiruppur/2019/sep/11/செப்டம்பர்-13-இல்-தனியார்-வேலைவாய்ப்பு-முகாம்-3231772.html
3231771 கோயம்புத்தூர் திருப்பூர் சாலை விபத்தில் தொழிலாளி பலி DIN DIN Wednesday, September 11, 2019 06:53 AM +0530 வெள்ளக்கோவிலை அடுத்த புதுப்பை அருகே நிகழ்ந்த சாலை விபத்தில் தொழிலாளி உயிரிழந்தார்.
திருப்பூர் மாவட்டம், மூலனூர் அருகே உள்ள எரிசனம்பாளையத்தைச் சேர்ந்தவர் சுப்பிரமணி (40). விவசாயியான இவர் வெள்ளக்கோவில் வாரச்சந்தைக்கு கடந்த ஞாயிற்றுக்கிழமை வந்து விட்டு இருசக்கர வாகனத்தில் வீட்டுக்கு சென்று கொண்டிருந்தார். புதுப்பை தங்கமேடு அருகே சென்றபோது எதிரே மற்றொரு இருசக்கர வாகனத்தில் வந்த புதுப்பை, சரவணகவுண்டன்வலசு, அண்ணா நகரைச் சேர்ந்த கூலி தொழிலாளி கருப்பன் (45), சுப்பிரமணியின் வாகனத்தின் மீது மோதினார்.
இதில் இருவரும் பலத்த காயமடைந்து, காங்கயம் அரசு மருத்துவமனையில் சேர்க்கப்பட்டனர். பின்னர் கருப்பன், மேல் சிகிச்சைக்காக கோவை அரசு தலைமை மருத்துவமனையில் சேர்க்கப்பட்டார். அங்கு சிகிச்சை பலனின்றி செவ்வாய்க்கிழமை அவர் உயிரிழந்தார். சுப்பிரமணி ஈரோட்டில் உள்ள தனியார் மருத்துவமனையில் தொடர்ந்து சிகிச்சை பெற்று வருகிறார். இது குறித்து வெள்ளக்கோவில் போலீஸார் வழக்குப்பதிந்து விசாரணை நடத்தி வருகின்றனர்.

]]>
https://www.dinamani.com/all-editions/edition-coimbatore/tiruppur/2019/sep/11/சாலை-விபத்தில்-தொழிலாளி-பலி-3231771.html
3231770 கோயம்புத்தூர் திருப்பூர் செப்டம்பர் 14 இல் பொது விநியோகத் திட்ட  சிறப்பு குறைதீர் முகாம் DIN DIN Wednesday, September 11, 2019 06:53 AM +0530 திருப்பூர் மாவட்டத்தில் பொது விநியோகத் திட்ட சிறப்பு குறைதீர் முகாம் வரும் சனிக்கிழமை (செப்.14) நடைபெற உள்ளது.
இதுதொடர்பாக திருப்பூர் மாவட்ட நிர்வாகம் செவ்வாய்க்கிழமை வெளியிட்டுள்ள செய்திக்குறிப்பு: 
திருப்பூர் மாவட்டத்தில் உள்ள அனைத்து வட்டங்களிலும் கீழ்க்கண்ட கிராமங்களில் வரும் சனிக்கிழமை காலை 10 மணி முதல் பிற்பகல் 1 மணி வரையில் பொது விநியோகத் திட்ட சிறப்பு முகாம் நடைபெற உள்ளது.  இதில், குடிமைப்பொருள் தனி வட்டாட்சியர்கள், வட்ட வழங்கல் அலுவலர்கள், தனி வருவாய் ஆய்வாளர்கள் கலந்து கொண்டு முகாமில் பெறப்படும்  மனுக்களுக்கு தீர்வுகாண உள்ளனர்.
முகாம் நடைபெறும் இடங்கள்: அவிநாசி வட்டத்தில் வேட்டுபாளையத்தில் அ.குறும்பபாளையம் தொடக்க வேளாண்மை கூட்டுறவு கடன் சங்கம், திருப்பூர் வடக்கு வட்டத்தில், வேலம்பாளையம் தொடக்க வேளாண்மை கூட்டுறவு கடன் சங்கம், திருப்பூர் தெற்கு வட்டத்தில் அவினாசிபாளையம், வேலம்பட்டி தொடக்க வேளாண்மை கூட்டுறவு கடன் சங்கம், ஊத்துக்குளி வட்டத்தில் ஊத்துக்குளி தொடக்க வேளாண்மை கூட்டுறவு கடன் சங்கம்,  பல்லடம் வட்டத்தில் சுக்கம்பாளையம், தமிழ்நாடு மாநில ஊரக வாழ்வாதார இயக்கம் இ-சேவை மையம் ஆகிய இடங்களில் நடைபெறுகிறது. 
அதேபோல  உடுமலை வட்டத்தில் செல்லப்பம்பாளையம் தொடக்க வேளாண்மை கூட்டுறவு கடன் சங்கம், மடத்துக்குளம் வட்டத்தில் கொமரலிங்கம்தொடக்க வேளாண்மை கூட்டுறவு கடன் சங்கம், தாராபுரம் வட்டத்தில் சின்னியகவுண்டம்பாளையம் தொடக்க வேளாண்மை கூட்டுறவு கடன் சங்கம், காங்கயம் வட்டத்தில் கீரனூர் மரவபாளையம், தொடக்க வேளாண்மை கூட்டுறவு கடன் சங்கம் ஆகிய இடங்களில் முகாம்கள் நடைபெற உள்ளது. 
இம்முகாமில், பொதுமக்களுக்கு புதிய மின்னணு குடும்ப அட்டைகளுக்கான மனுக்களை வழங்கவும், மின்னணு குடும்ப அட்டையில் பெயர் சேர்த்தல், நீக்கம், பெயர் திருத்தம் போன்ற கோரிக்கைகளை  நிவர்த்தி செய்து கொள்ளலாம்.

]]>
https://www.dinamani.com/all-editions/edition-coimbatore/tiruppur/2019/sep/11/செப்டம்பர்-14-இல்-பொது-விநியோகத்-திட்ட-சிறப்பு-குறைதீர்-முகாம்-3231770.html
3231500 கோயம்புத்தூர் திருப்பூர் தாராபுரத்தில் செப்.12 இல் மின் நுகர்வோர் குறைதீர் கூட்டம் DIN DIN Tuesday, September 10, 2019 11:20 AM +0530 தாராபுரத்தில் மாதாந்திர மின் நுகர்வோர் குறைதீர்கூட்டம் வரும் வியாழக்கிழமை (செப். 12) நடைபெற உள்ளது. இதுதொடர்பாக மின்வாரிய செயற்பொறியாளர் செ.மகேஸ்வரன் வெளியிட்டுள்ள செய்திக்குறிப்பு:
 தமிழ்நாடு மின் உற்பத்தி பகிர்மானக் கழகம், பல்லடம் மின் பகிர்மான வட்டம், தாராபுரம் கோட்டத்தில் மாதாந்திர மின் நுகர்வோர் குறைதீர் கூட்டம் வரும் வியாழக்கிழமை காலை 11 மணி அளவில் நடைபெறுகிறது. 
தாராபுரம் செயற்பொறியாளர் அலுவலகத்தில் நடைபெறும் இக்கூட்டத்தில் மின் நுகர்வோர் பங்கேற்று தங்களது குறைகளை தெரிவிக்கலாம் என அதில் குறிப்பிடப்பட்டுள்ளது.
 

]]>
https://www.dinamani.com/all-editions/edition-coimbatore/tiruppur/2019/sep/10/தாராபுரத்தில்-செப்12-இல்-மின்-நுகர்வோர்-குறைதீர்-கூட்டம்-3231500.html
3231499 கோயம்புத்தூர் திருப்பூர் நூலகத்தில் திறனறிப் போட்டி DIN DIN Tuesday, September 10, 2019 11:19 AM +0530 உடுமலை இரண்டாம் கிளை நூலகத்தில் திறனறிப் போட்டி ஞாயிற்றுக்கிழமை நடைபெற்றது.
அண்ணா பிறந்த நாள் விழா, ஆசிரியர் தின விழா, உலக எழுத்தறிவு தின விழா ஆகிய விழாக்களை ஒட்டி பள்ளி, கல்லூரி மாணவ, மாணவிகளுக்கு பல்வேறு திறனறிப் போட்டிகள் நடத்தப்பட்டது. நூலக வாசகர் வட்ட தலைவர் இ.இளமுருகு தலைமை வகித்தார். துணைத் தலைவர் வி.கே.சிவகுமார் முன்னிலை வகித்தார். இதில் ஓவியம், கட்டுரை, கதை போட்டிகள் நடத்தப்பட்டன. உடுமலை வட்டாட்சியர் கி.தயானந்தன் போட்டிகளை துவக்கி வைத்தார். இதில் பல்வேறு பள்ளி, கல்லூரிகளைச் சேர்ந்த மாணவ, மாணவிகள் 150-க்கும் மேற்பட்டோர் கலந்து கொண்டனர்.
 சிறப்பிடம் பெறுபவர்களுக்கு செப்டம்பர் 15ஆம் தேதி அண்ணா பிறந்தநாளில் பரிசு, சான்றிதழ்கள் வழங்கப்பட உள்ளது. நூலகர்கள் வீ.கணேசன், மகேந்திரன், அருள்மொழி ஆகியோர் இதற்கான ஏற்பாடுகளை செய்திருந்தனர்.

]]>
https://www.dinamani.com/all-editions/edition-coimbatore/tiruppur/2019/sep/10/நூலகத்தில்-திறனறிப்-போட்டி-3231499.html
3231498 கோயம்புத்தூர் திருப்பூர் நிஃப்ட்-டீ கல்லூரியில் ஓணம் கொண்டாட்டம் DIN DIN Tuesday, September 10, 2019 11:19 AM +0530 திருப்பூர் நிஃப்ட்-டீ கல்லூரியில் ஓணம் பண்டிகை திங்கள்கிழமை கொண்டாடப்பட்டது. 
 திருப்பூர், முதலிபாளையத்தில் உள்ள நிஃப்ட்-டீ பின்னலாடை வடிமைப்புக் கல்லூரியில் ஒவ்வொரு ஆண்டும் கேரள மக்களின் பாரம்பரிய பண்டிகையான ஓணம் கொண்டாடப்படுவது வழக்கம். இதன்படி அக்கல்லூரி மாணவ, மாணவியர் கேரள பாரம்பரிய உடையணிந்து வந்தனர். 
மேலும் கல்லூரி வளாகத்தில் அத்தப்பூ கோலமிட்டு ஓணம் பண்டிகையை வரவேற்றனர். பின்னர் திருவாதிரை களி, நடனம், பாட்டு உள்ளிட்ட கலை நிகழ்ச்சிகள் நடைபெற்றன. இவ்விழாவில் பங்கேற்ற மாணவ, மாணவிகள் அப்பம், பாயாசம், நேந்திரம் வறுவல் போன்றவற்றை அனைவரும் உண்டு மகிழ்ந்தனர். 
 இவ்விழாவில் கல்லூரி முதல்வர் கே.பி.பாலகிருஷ்ணன், துணைப் பேராசிரியர் ஸ்ரீரேகா உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/tiruppur/2019/sep/10/நிஃப்ட்-டீ-கல்லூரியில்-ஓணம்-கொண்டாட்டம்-3231498.html
3231497 கோயம்புத்தூர் திருப்பூர் இளைஞர் உயிரிழந்த விவகாரம்: தனியார் மருத்துவமனையை முற்றுகையிட்ட உறவினர்கள் DIN DIN Tuesday, September 10, 2019 11:19 AM +0530 திருப்பூரில் இருந்து மேல் சிகிச்சைக்கு கோவைக்கு கொண்டு சென்றபோது இளைஞர் உயிரிழந்த விவகாரத்தில் தனியார் மருத்துவமனையை உறவினர்கள் முற்றுகையிட்டு திங்கள்கிழமை போராட்டத்தில் ஈடுபட்டனர்.
 கோவை மாவட்டம், கருமத்தம்பட்டியை அடுத்த அனந்தபுரத்தைச் சேர்ந்தவர் துரைசாமி. இவரது மூத்த மகன் நவீன்குமார் (22). விசைத்தறி தொழிலாளியான இவர் சோமனூர் அருகே நடந்த விபத்தில் கடந்த ஆகஸ்ட் 8 ஆம் தேதி காயமடைந்தார். இதையடுத்து அருகிலிருந்தவர்கள் அவரை மீட்டு திருப்பூரில் உள்ள தனியார் மருத்துவமனையில் சேர்த்தனர். அங்கு ஒரு மாதமாக நவீன்குமார் சிகிச்சையில் இருந்தார். இந்நிலையில் போதிய நிதி வசதி இல்லாததால் கோவை அரசு மருத்துவமனைக்கு கொண்டு செல்வதாக நவீன்குமாரின் பெற்றோர் மருத்துவமனையில் தெரிவித்தனர்.
  இதையடுத்து கோவை அரசு மருத்துவமனைக்கு கடந்த சனிக்கிழமை இரவு கொண்டு செல்லும் வழியில் நவீன்குமார் உயிரிழந்தார். இந்நிலையில் தனது மகனுக்கு சரியான சிகிச்சைஅளிக்கவில்லை என நவீன்குமாரின் தந்தை துரைசாமி, 15 வேலம்பாளையம் காவல் நிலையத்தில் புகார் அளித்தார். 
 இதனிடையே மருத்துவமனை நிர்வாகம் சார்பிலும் 15 வேலம்பாளையம் காவல் நிலையத்தில் புகார் அளித்தனர். இதில், சம்பந்தமில்லாத நபர்கள் வந்து மருத்துவர்களை மிரட்டுவதாகத் தெரிவித்துள்ளனர். இந்த இரு புகார்களின் மீதும் காவல் துறையினர் விசாரணை நடத்தி வருகின்றனர். 
சடலத்தை வாங்க மறுத்து உறவினர்கள் போராட்டம்: இதனிடையே தனியார் மருத்துவமனை மீது உரிய நடவடிக்கை எடுக்கக்கோரி நவீன்குமாரின் உறவினர்கள் கோவை அரசு மருத்துவமனையில் சடலத்தை வாங்க மறுத்து திங்கள்கிழமை போராட்டத்தில் ஈடுபட்டனர். இதையடுத்து, மறியலில் ஈடுபட்டவர்களுடன் ரேஸ்கோர்ஸ்  காவல் துறையினர், கோவை அரசு மருத்துவமனை நிர்வாகத்தினர் பேச்சுவார்த்தை நடத்தினர். அதைத் தொடர்ந்து நவீன்குமாரின் சடலத்தை  உறவினர்கள் பெற்றுச் சென்றனர்.
தனியார் மருத்துவமனை முற்றுகை: இந்நிலையில் நவீன்குமாரின் சடலத்துடன் திருப்பூரில் உள்ள மருத்துவமனையை அவரது உறவினர்கள் முற்றுகையிட்டனர். தகவலறிந்து வந்த 15 வேலம்பாளையம் காவல் துறையினர் அங்கு வந்து பேச்சுவார்த்தை நடத்தினர். அப்போது இரண்டு நாள்களுக்குள் இவ்விவகாரம் குறித்து அரசுக்கு தெரியப்படுத்தி நடவடிக்கை எடுப்பதாக உறுதி அளித்தனர். அதைத் தொடர்ந்து போராட்டத்தை கைவிட்டு கலைந்து சென்றனர்.

]]>
https://www.dinamani.com/all-editions/edition-coimbatore/tiruppur/2019/sep/10/இளைஞர்-உயிரிழந்த-விவகாரம்-தனியார்-மருத்துவமனையை-முற்றுகையிட்ட-உறவினர்கள்-3231497.html