Dinamani - நீலகிரி - https://www.dinamani.com/all-editions/edition-coimbatore/nilgiris/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3079545 கோயம்புத்தூர் நீலகிரி இந்திய யூனியன் முஸ்லிம் லீக் கட்சியின் மாவட்ட பொதுக் குழு கூட்டம் DIN DIN Sunday, January 20, 2019 01:27 AM +0530
இந்திய யூனியன் முஸ்லிம் லீக் கட்சியின் நீலகிரி மாவட்ட பொதுக்குழு கூட்டம் கூடலூரில் சனிக்கிழமை நடைபெற்றது.
மாவட்டத் தலைவர் கே.பி.முகமது தலைமையில் நடைபெற்ற கூட்டத்தில் பிரிவு-17ன் கீழ் உள்ள நிலங்களை வன நிலங்களாக மாற்றி ஜனவரி 8ஆம் தேதி பேரவையில் நிறைவேற்றிய தீர்மானத்தை மக்கள் நலன் கருதி ரத்து செய்யவேண்டும் என்று வலியுறுத்தப்பட்டது. வரும் 24ஆம் தேதி குன்னூர், உதகை சட்டப் பேரவை தொகுதிகளில் தெருமுனைப் பிரசாரம் மேற்கொண்டு மதுரை மாநாட்டுக்கு தொண்டர்களை அழைத்துச் செல்வது குறித்த விழிப்புணர்வை ஏற்படுவது என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் யூசுப், முகமது அலி, குட்டிப்பா, துணைச் செயலாளர்கள் வி.கே.முகமது, முகமதலி, நாசர் ஹாஜி உள்ளிட்ட பலர் கலந்துகொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/20/இந்திய-யூனியன்-முஸ்லிம்-லீக்-கட்சியின்-மாவட்ட-பொதுக்-குழு-கூட்டம்-3079545.html
3079544 கோயம்புத்தூர் நீலகிரி ஏரியில் விழுந்து கட்டட தொழிலாளி தற்கொலை DIN DIN Sunday, January 20, 2019 01:27 AM +0530
குடும்பத் தகராறு காரணமாக உதகை ஏரியில் விழுந்து கட்டடத் தொழிலாளி தற்கொலை செய்து கொண்டார். 
உதகை இந்திரா காலனி பகுதியைச் சேர்ந்தவர் ஜெகதீசன் (36), கட்டடத் தொழிலாளி. இவருக்கு திருமணமாகி 2 குழந்தைகள் உள்ளனர். இவர் தொடர்ந்து குடிபோதையில் வீட்டுக்கு வருவதை இவரது மனைவி கண்டித்து வந்ததால் இருவருக்குமிடையே அவ்வப்போது தகராறு ஏற்படுவது வழக்கம். 
கடந்த 14ஆம் தேதியன்றும் இவர் குடிபோதையில் வீட்டுக்கு வந்ததால் கணவன் மனைவி இடையே தகராறு ஏற்பட்டுள்ளது. இதையடுத்து வீட்டை விட்டு ஜெகதீசன் வெளியேறியுள்ளார். வழக்கம்போல ஓரிரு நாள்களில் வீட்டுக்கு திரும்பி வந்து விடுவார் என அவரது குடும்பத்தினர் எதிர்பார்த்திருந்த நிலையில் உதகை ஏரியில் ஆண் சடலம் மிதப்பதாக நகர மேற்கு காவல் நிலையத்துக்கு சனிக்கிழமை காலையில் தகவல் கிடைத்துள்ளது. 
அதனடிப்படையில் காவல் ஆய்வாளர் சிவகுமார் தலைமையில் அங்கு விரைந்து சென்ற போலீஸார் அந்த சடலத்தை மீட்டு நடத்திய விசாரணையில் இறந்தவர் ஜெகதீசன் என்பது தெரியவந்தது. இதுதொடர்பாக அவரது குடும்பத்தாருக்கு தகவல் தெரிவிக்கப்பட்ட பின் பிரேத பரிசோதனைக்காக உதகை அரசு தலைமை மருத்துவமனைக்கு கொண்டு செல்லப்பட்டது.
 

]]>
https://www.dinamani.com/all-editions/edition-coimbatore/nilgiris/2019/jan/20/ஏரியில்-விழுந்து-கட்டட-தொழிலாளி-தற்கொலை-3079544.html
3079542 கோயம்புத்தூர் நீலகிரி வறுமையால் குழந்தையை கொன்ற தாய் கைது DIN DIN Sunday, January 20, 2019 01:27 AM +0530
கோத்தகிரியில் வறுமை காரணமாக குழந்தையைக் கொன்ற தாயை காவல் துறையினர் சனிக்கிழமை கைது செய்து சிறையில் அடைத்தனர். 
நீலகிரி மாவட்டம், கோத்தகிரி அருகே உள்ள எம். கைகாட்டி பகுதியைச் சேர்ந்தவர் பிரபாகரன். இவரது மனைவி சஜிதா. இவர்களுக்கு சுபாஷினி ( 15), ஹர்ஷினி (4) என இரு மகள்கள் உள்ளனர். பிரபாகரன் கடந்த 5 மாதங்களுக்கு முன் இறந்து விட்டார். 
இதையடுத்து கண்ணேறிமுக்கு என்ற இடத்தில் உள்ள ஒரு தனியார் லாட்ஜில் சஜிதா பணி புரிந்து வருகிறார். இவருக்கு குடிப்பழக்கம் இருப்பதாகக் கூறப்படுகிறது.
இரண்டு நாள்களுக்கு முன் தனது 4 வயது குழந்தை ஹர்ஷினியை காணவில்லை என்று அவர் போலீஸில் புகார் செய்தார். இந்நிலையில் சஜிதா வேலை செய்யும் லாட்ஜில் உள்ள கிணற்றில் அந்தக் குழந்தை மர்மமான முறையில் இறந்து கிடந்தார். 
இதையடுத்து கோத்தகிரி காவல் துணை ஆய்வாளர் நாகராஜ் வழக்குப் பதிவு செய்து சஜிதாவிடம் விசாரணை மேற்கொண்டனர். 
இதில், தனது கணவர் இறந்ததால் இரு குழந்தைகளையும் வளர்க்க முடியவில்லை என்றும் லட்சக்கணக்கில் கடன் ஆனதால் குடும்பத்தை எப்படி நடத்துவது என்று தெரியாததால் குடிப் பழக்கத்துக்கு ஆளானேன். யாரும் எனக்கு உதவி செய்யவில்லை என்ற விரக்தி ஏற்பட்டது. அதனால் ஒரு குழந்தையையாவது நன்றாக வளர்க்கலாம் என்று நான் பெற்ற குழந்தையை கிணற்றில் வீசினேன் என்று கூறியுள்ளார். 
இதையடுத்து காவல் துறையினர் சஜிதாவை கைது செய்து கோத்தகிரி நீதிமன்றத்தில் ஆஜர்படுத்தி கோவை சிறையில் அடைத்தனர்.
 

]]>
https://www.dinamani.com/all-editions/edition-coimbatore/nilgiris/2019/jan/20/வறுமையால்-குழந்தையை-கொன்ற-தாய்-கைது-3079542.html
3079541 கோயம்புத்தூர் நீலகிரி தேவர்சோலை பகுதியில் கரடி தாக்கியதில் பெண் தோட்டத் தொழிலாளி படுகாயம் DIN DIN Sunday, January 20, 2019 01:27 AM +0530
கூடலூர் அடுத்துள்ள தேவர்சோலை பகுதியில் உள்ள தனியார் எஸ்டேட்டில் தேயிலை பறித்துக் கொண்டிருந்த பெண் தொழிலாளி கரடி தாக்கியதில் சனிக்கிழமை படுகாயம் அடைந்தார்.
நீலகிரி மாவட்டம், கூடலூர் வருவாய் வட்டத்தில் உள்ள தேவர்சோலை பகுதியில் உள்ள மேபீல்டு தனியார் எஸ்டேட்டில் வழக்கம்போல் பெண் தொழிலாளர்கள் வேலைக்குச் சென்று தேயிலை பறிக்கும் பணியில் ஈடுபட்டிருந்தனர். 
அப்போது திடீரென தேயிலைத் தோட்டத்தில் மறைந்திருந்த கரடி ஸ்ரீஜா என்ற பெண் தொழிலாளியின் காலை பிடித்து இழுத்து தாக்கியுள்ளது. அவரது அலறல் சப்தம் கேட்டு அருகிலிருந்தவர்கள் ஓடிவந்து கரடியை விரட்டி ஸ்ரீஜாவை மீட்டுள்ளனர். படுகாயம் அடைந்த அவர் நெலாக்கோட்டை அரசு ஆரம்ப சுகாதார நிலையத்துக்கு அழைத்துச் செல்லப்பட்டு அங்கு முதலுதவி சிகிச்சைக்குப் பின் கேரளத்தில் உள்ள தனியார் மருத்துவமனைக்கு அழைத்துச் செல்லப்பட்டார். கரடி தாக்கிய சம்பவம் பெண் தொழிலாளர்கள் மத்தியில் அச்சத்தை ஏற்படுத்தியுள்ளது.

]]>
https://www.dinamani.com/all-editions/edition-coimbatore/nilgiris/2019/jan/20/தேவர்சோலை-பகுதியில்-கரடி-தாக்கியதில்-பெண்-தோட்டத்-தொழிலாளி-படுகாயம்-3079541.html
3079539 கோயம்புத்தூர் நீலகிரி கொடநாடு கொலை, கொள்ளை வழக்கு: உதகை நீதிமன்றத்தில் சயன், மனோஜ் ஆஜராக நோட்டீஸ் DIN DIN Sunday, January 20, 2019 01:27 AM +0530
கொடநாடு எஸ்டேட்டில் நடந்த கொலை மற்றும் கொள்ளை வழக்கில் தொடர்புடையதாக கூறப்படும் சயன் மற்றும் மனோஜ் ஆகியோர் வரும் 24ஆம் தேதி உதகை நீதிமன்றத்தில் நேரில் ஆஜராக வேண்டும் என நீலகிரி மாவட்ட நீதிபதி வடமலை நோட்டீஸ் அனுப்ப உத்தரவிட்டுள்ளார்.
கொடநாடு எஸ்டேட்டில் 2017 ஏப்ரல் 27ஆம் தேதி நடைபெற்ற காவலாளி கொலை மற்றும் கொள்ளை சம்பவங்கள் தொடர்பாக 11 பேர் குற்றவாளிகள் என கருதப்பட்டனர். இந்நிலையில் முக்கிய குற்றவாளியாகக் கருதப்பட்ட கனகராஜ் விபத்தில் உயிரிழந்த பின்னர் எஞ்சிய 10 பேர் கைது செய்யப்பட்டனர். 
இவர்களில் கேரளத்தைச் சேர்ந்த சயன் மற்றும் மனோஜ் ஆகியோர் இந்த சம்பவங்கள் தொடர்பாக ஆவணப் படமொன்றில் தில்லியில் தங்களது கருத்துகளைத் தெரிவித்திருந்தனர். இந்நிலையில் தமிழக அரசின் புகாரின் பேரில் இருவரையும் தமிழக போலீஸார் தில்லியில் கைது செய்து சென்னைக்கு கொண்டு வந்தனர். இந்நிலையில் அவர்களுக்கு எழும்பூர் நீதிமன்றத்தில் ஜாமீன் வழங்கப்பட்டது. 
ஆனால், இவர்கள் இருவரும் ஊடகங்களுடன் தொடர்பு வைத்துள்ளதோடு, பல்வேறு கருத்துகளையும் தெரிவித்து வருவதால் இவ்வழக்கில் தொடர்புடைய பிற சாட்சிகள் அச்சப்படுவதாகக் கூறி அவர்கள் இருவரின் ஜாமீனையும் உடனடியாக ரத்து செய்ய வேண்டும் என உதகை மாவட்ட நீதிமன்றத்தில் நீலகிரி மாவட்ட அரசு வழக்குரைஞர் நந்தகுமார் வெள்ளிக்கிழமை மனு தாக்கல் செய்திருந்தார். 
இந்த மனுவின் அடிப்படையில் மாவட்ட நீதிபதி வடமலை முன்னிலையில் சனிக்கிழமை விசாரணை நடைபெற்றது. அப்போது இவர்களது ஜாமீன் தொடர்வது குறித்து வரும் 24ஆம் தேதி இருவரும் உதகை நீதிமன்றத்தில் நேரில் ஆஜராக வேண்டும் என நீதிபதி நோட்டீஸ் அனுப்ப உத்தரவிட்டுள்ளார்.
 

]]>
https://www.dinamani.com/all-editions/edition-coimbatore/nilgiris/2019/jan/20/கொடநாடு-கொலை-கொள்ளை-வழக்கு-உதகை-நீதிமன்றத்தில்-சயன்-மனோஜ்-ஆஜராக-நோட்டீஸ்-3079539.html
3079052 கோயம்புத்தூர் நீலகிரி கோத்தகிரியில் கிணற்றில் குழந்தை சடலம்: போலீஸார் விசாரணை DIN DIN Saturday, January 19, 2019 08:06 AM +0530 கோத்தகிரி தனியார் காட்டேஜின் கிணற்றில் மர்மமான முறையில் இறந்து கிடந்த பெண் குழந்தை  குறித்து வெள்ளிக்கிழமை காவல் துறையினர் விசாரணை செய்து வருகின்றனர்
நீலகிரி மாவட்டம், கோத்தகிரி அருகே உள்ள எம் .கைகாட்டி பகுதியைச் சேர்ந்தவர் பிரபாகரன். இவரது மனைவி சஜிதா (32). இவர்களது மகள்கள் சுபாஷினி (15 ),  ஹர்சினி (4).
பிரபாகரன் கடந்த 5 மாதங்களுக்கு முன் இறந்து விட்டார். சஜிதா கன்னேறிமுக்கு என்ற இடத்தில் உள்ள ஒரு தனியார் விடுதியில் பணி செய்து வருகிறார். இவருக்கு மது அருந்தும் பழக்கமும், தவறான தொடர்பும் இருந்து வந்ததாக தெரிகிறது.
இந்நிலையில், சஜிதா தனது 4 வயது குழந்தை ஹர்சினியை காணவில்லை என்று கோத்தகிரி  காவல் நிலையத்தில் புகார் கொடுத்துள்ளார். இந்நிலையில் சஜிதா வேலை செய்யும் விடுதியின்  கிணற்றில்  ஹர்சினி மர்மமான முறையில் இறந்து கிடந்தது தெரியவந்தது.  
இதையடுத்து, கோத்தகிரி காவல் துறையினர்  வழக்குப் பதிவு செய்து சஜிதாவை பிடித்து விசாரித்து வருகின்றனர். சஜிதாவின் தவறான தொடர்புக்கு ஹர்சினி இடையூறாக இருந்ததால் அவர் கொலை செய்யப்பட்டு கிணற்றில் வீசப்பட்டாரா என்ற கோணத்தில் காவல் துறையினர்  விசாரித்து வருகின்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/19/கோத்தகிரியில்-கிணற்றில்-குழந்தை-சடலம்-போலீஸார்-விசாரணை-3079052.html
3079051 கோயம்புத்தூர் நீலகிரி உதகையில் விவசாயிகள் குறைதீர் கூட்டம் DIN DIN Saturday, January 19, 2019 08:06 AM +0530 நீலகிரி மாவட்ட விவசாயிகள் குறைதீர் கூட்டம்  உதகையில் வெள்ளிக்கிழமை நடைபெற்றது.
உதகையில் உள்ள மாவட்ட ஆட்சியர் அலுவலக வளாகத்தில் தோட்டக்கலைத் துறை இணை இயக்குநர் சிவசுப்பிரமணியம் சாம்ராஜ் தலைமையில் நடைபெற்ற இக்கூட்டத்தில் பல்வேறு  விவசாய சங்கங்களைச் சார்ந்த பிரதிநிதிகள், விவசாயிகள்,  தோட்டக்கலைத் துறை அலுவலர்கள் மற்றும் தொடர்புடைய அரசுத் துறையினர் பங்கேற்றனர்.  
இக்கூட்டத்தில் விவசாய சங்கங்களிடமிருந்து பெறப்பட்ட மனுக்கள் மீது எடுக்கப்பட்ட விவரங்கள் தொடர்பாக கூட்டம்  விளக்கம் அளிக்கப்பட்டது. மேலும் கூட்டத்தில் விவசாயிகளிடமிருந்து பெறப்பட்ட 21 மனுக்கள் மீதும் விவாதிக்கப்பட்டு தீர்வு காணப்பட்டது.
அதைத் தொடர்ந்து தோட்டக்கலைத் துறையின் மூலம் நீலகிரி மாவட்ட விவசாயிகளுக்கு சிறப்பு பகுதி மேம்பாட்டுத் திட்டத்தின்கீழ் மானியத்தில் பவர் மோட்டார் வழங்குவது குறித்து அரசுக்கு பிரேரணை அனுப்பி வைக்கப்பட்டுள்ளதாகவும், அரசிடமிருந்து உரிய ஆணை மற்றும் நிதி ஒதுக்கீட்டுக்கான உத்தரவு கிடைத்ததும் உடனடியாக உரிய நடவடிக்கை மேற்கொள்ளப்படும் எனத் தெரிவிக்கப்பட்டது. மேலும்,  சிறப்பு பகுதி மேம்பாட்டுத் திட்டத்தின் கீழ்  மானியத்தில் உருளைக்கிழங்கு விதை வழங்குவது குறித்தும் அரசுக்கு பிரேரணை அனுப்பப்பட்டுள்ளதாகவும், அரசிடமிருந்து உரிய ஆணை  மற்றும் நிதி ஒதுக்கீடு  கிடைத்தவுடன்  உரிய நடவடிக்கை மேற்கொள்ளப்படும் எனவும் தெரிவிக்கப்பட்டது.  
தொடர்ந்து,  நீலகிரி மாவட்டத்தில் இயற்கை  வேளாண்மை குறித்து நடத்தப்பட்ட  ஆய்வுக் கூட்டத்தில், விவசாயிகளுடன் கலந்தாலோசித்து எடுக்கப்பட்ட முடிவுகள் குறித்து விவாதிக்கப்பட்டது.  அதேபோல, விவசாயிகளின் பல்வேறு பொதுக் கோரிக்கைகள் குறித்தும் விவாதிக்கப்பட்டு தீர்வு 
காணப்பட்டது.
 

]]>
https://www.dinamani.com/all-editions/edition-coimbatore/nilgiris/2019/jan/19/உதகையில்-விவசாயிகள்-குறைதீர்-கூட்டம்-3079051.html
3079050 கோயம்புத்தூர் நீலகிரி ஜனவரி 19 மின்தடை DIN DIN Saturday, January 19, 2019 08:05 AM +0530 உதகை

உதகை துணை மின்நிலையத்தில் மாதாந்திர பராமரிப்பு பணிகள் நடைபெற இருப்பதால் கீழ்க்கண்ட பகுதிகளில் சனிக்கிழமை (ஜனவரி 19) காலை 9 மணி முதல் மாலை 4 மணி வரை மின் விநியோகம் இருக்காது என அறிவிக்கப்பட்டுள்ளது.
 மின் விநியோகம் தடைபடும் பகுதிகள்: உதகை நகரம்,  பிங்கர்போஸ்ட்,  காந்தல், தமிழகம்,  ஹில்பங்க், கோடப்பமந்து,  முள்ளிக்கொரை, சேரிங்கிராஸ், பாம்பேகேசில்,  கேத்தி, நொண்டிமேடு, தலையாட்டுமந்து,  இத்தலார், எம்.பாலடா.
 

]]>
https://www.dinamani.com/all-editions/edition-coimbatore/nilgiris/2019/jan/19/ஜனவரி-19-மின்தடை-3079050.html
3079049 கோயம்புத்தூர் நீலகிரி குழந்தைகளை வேறு பள்ளிக்கு மாற்ற பெற்றோர் எதிர்ப்பு DIN DIN Saturday, January 19, 2019 08:05 AM +0530 நீலகிரி மாவட்டம், குன்னூர் கன்டோன்மென்ட் பள்ளியில் நிர்வாக காரணங்களுக்காக 400 மாணவ, மாணவிகள் வேறு பள்ளிக்கு மாற்றம் செய்வதற்கு எதிர்ப்புத் தெரிவித்து  அவர்களின் பெற்றோர்கள் பள்ளியை முற்றுகையிட்டு வெள்ளிக்கிழமை மனு அளித்தனர்.
வெலிங்டன் கன்லிடோன்மென்ட் வாரிலியத்லிதுக்கு உள்லிபட்ட வெலிங்டன் தமிழ் வழி மற்றும் சின்ன வண்லிடிச் லிசோலிலையில் உள்ள சி.பி.எஸ்.இ. ஆங்லிகில வழிப் பள்லிளியில் 800-க்கும் மேற்பட்ட மாணவ, மாணலிவிலியர் பயின்று வருகின்றனர்.
இந்தப் பள்லிளிலிகளில் பயிலும் மாணவ, மாணலிவிலிகளைக் கிராலிமங்லிகளில் இருந்து அழைத்து வர, கடந்த சில ஆண்லிடுலிகலிளுக்கு முன்பு, கன்டோன்மெண்ட் சார்பில் இலலிவலிசலிமாக பேருந்துகள் இயக்கப்பட்டன. இதற்காக தனிலியாலிருக்கு டெண்டர் விடப்லிபட்டு 13 வாகலினங்கள் இயக்லிகப்லிபட்லிடன. 
இந்த நிலையில், தற்போதுள்ள இந்த 3 பள்ளிகளையும் ஒரே பள்ளியாக மாற்ற கன்டோன்மென்ட் நிர்வாகம் முடிவு செய்துள்ளது.
இதனால் நடப்பு ஆண்டில் 400 மாணவ, மாணவிகளை வேறு பள்ளிக்கு மாற்றம் செய்ய முடிவு செய்யப்பட்டுள்ளதாகக் கூறப்படுகிறது. 
இதனால் அச்சமடைந்த பெற்றோர் நூற்றுக்கும் மேற்பட்டோர்   கன்டோன்மென்ட் அலுவலகத்தை முற்றுகையிட்டனர்.
பின்னர் அவர்கள்,  கன்டோன்மென்ட் நிர்வாக அதிகாரி ஹரிஷ் வர்மாவிடம் குழந்தைகளை திடீரென்று  வேறு பள்ளிக்கு மாற்றம் செய்வதால் அவர்களின் கல்வி பாதிக்கப்படும் என முறையிட்டனர். 
மேலும்,  மாணவ, மாணவிகளைத்  தொடர்ந்து அதே பள்ளியில் படிக்க அனுமதி கோ ரி அதிகாரியிடம் மனு அளித்தனர்.  
மனுவை பெற்றுக்கொண்ட  கன்டோண்மென்ட் நிர்வாக அதிகாரி ஹரிஷ் வர்மா,   கண்டோன்மென்ட்  குழுவிடம் கலந்து ஆலோசனை செய்து இந்த மாத இறுதிக்குள்  நடவடிக்கை எடுக்கப்படும் என தெரிவித்தார்.  இதனால் பெற்றோர்கள் அங்கிருந்து கலைந்து சென்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/19/குழந்தைகளை-வேறு-பள்ளிக்கு-மாற்ற-பெற்றோர்-எதிர்ப்பு-3079049.html
3079048 கோயம்புத்தூர் நீலகிரி வெலிங்டன் கன்டோன்மென்ட் பள்ளி முற்றுகை ஜென்ம நில சட்ட திருத்த மசோதாவை கண்டித்து திமுக சார்பில்  ஜனவரி 24 ஆம் தேதி போராட்டம் DIN DIN Saturday, January 19, 2019 08:05 AM +0530 ஜென்ம நில சட்டதிருத்த மசோதாவைக் கண்டித்து, திமுக சார்பில்  கூடலூர் மாவட்ட வன அலுவலர் அலுவலகம் முன்பு வரும் ஜனவரி 24 ஆம் தேதி போராட்டம் நடத்த முடிவு செய்யப்பட்டுள்ளது.
கூடலூர் சட்டப் பேரவைத் தொகுதி திமுக நிர்வாகிகள் கூட்டம் சட்டப் பேரவை உறுப்பினர் அலுவலகத்தில் வெள்ளிக்கிழமை நடைபெற்றது. கூட்டத்துக்கு சட்டப் பேரவை உறுப்பினர் திராவிடமணி தலைமை வகித்தார்.  
கூட்டத்தில்,  கூடலூர் பிரிவு-17 நிலங்களை பிரிவு-53 இன் கீழ் வன நிலமாக மாற்றும் சட்ட திருத்த மசோதா சட்டப் பேரவையில்  குரல் வாக்கெடுப்பு மூலம் நிறைவேற்றி ஆளுநர் ஒப்புதலுக்காக அனுப்பப்பட்டுள்ளது.  இந்நிலையில் அப்பகுதி மக்களை பாதிக்கும் சட்ட திருத்த மசோதாவை கண்டித்து வரும் ஜனவரி 24 ஆம் தேதி கூடலூரிலுள்ள மாவட்ட வன அலுவலர் அலுவலகம் முன்பு  திமுக சார்பில் போராட்டம் நடத்துவது என முடிவெடுக்கபப்ட்டது. 
கூட்டத்தில், கூடலூர் நகரச் செயலாளர் ராஜேந்திரன், நெல்லியாளம் நகரச் செயலாளர் காசிலிங்கம், ஒன்றியச் செயலாளர்கள் லியாகத் அலி, சிவானந்தராஜா, தலைமைச் செயற்குழு உறுப்பினர் பாண்டியராஜ், முன்னாள் ஒன்றியச் செயலாளர் ராஜா உள்ளிட்ட  நிர்வாகிகள் கலந்துகொண்டனர்.

]]>
https://www.dinamani.com/all-editions/edition-coimbatore/nilgiris/2019/jan/19/வெலிங்டன்-கன்டோன்மென்ட்-பள்ளி-முற்றுகைஜென்ம-நில-சட்ட-திருத்த-மசோதாவை-கண்டித்து-திமுக-சார்பில்-ஜனவர-3079048.html
3079047 கோயம்புத்தூர் நீலகிரி குன்னூர் ராணுவப் பயிற்சிக் கல்லூரி புதிய கமாண்டன்ட் பொறுப்பேற்பு DIN DIN Saturday, January 19, 2019 08:05 AM +0530 குன்னூர் ராணுவப் பயிற்சிக் கல்லூரி புதிய கமாண்டென்ட்டாக லெப்டினன்ட் ஜெனரல் மோகன் பதவியேற்றுக் கொண்டுள்ளதாக வியாழக்கிழமை வெளியிடப்பட்டுள்ள ராணுவ செய்திக்  குறிப்பில் தெரிவிக்கப்பட்டுள்ளது. 
நீலகிரி மாவட்டம், குன்னூர் வெலிங்டன் ராணுவப் பயிற்சிக் கல்லூரியில், உள்நாடு மட்டுமின்றி வெளிநாடுகளைச் சேர்ந்த ராணுவ அதிகாரிகளுக்குப் பயிற்சி அளிக்கப்பட்டு வருகிறது.  
கடந்த 3 ஆண்டுகளாக கல்லூரியின் கமாண்டென்ட்டாக பணியாற்றி வந்த லெப்டினன்ட் ஜெனரல் அம்ரிக் சிங் பணி ஓய்வு பெற்றார். இதனை தொடர்ந்து ஆந்திர மாநிலத்தைச் சேர்ந்த லெப்டினன்ட் ஜெனரல் மோகன் புதிய கமாண்டன்ட்டாக பொறுப்பேற்றார். 
இந்நிகழ்ச்சியில், லெப்டினன்ட் ஜெனரல் அம்ரிக் சிங் பங்கேற்று, ராணுவ முறைப்படி புதிய கமாண்டன்ட்டிடம் பொறுப்புகளை ஒப்படைத்தார். 
கடந்த 37 ஆண்டுகளாக ராணுவத்தில் பணியாற்றி வரும் லெப்டினன்ட் ஜெனரல் மோகன், தேசிய பாதுகாப்பு அகாதெமி ராணுவப் பயிற்சிக் கல்லூரியில் பல்வேறு பொறுப்புகளில் பணியாற்றியுள்ளார். தில்லி தேசிய பாதுகாப்பு கல்லூரி தலைமை பொறுப்பாளராகவும், நேபாளத்தில் இந்திய தூதரகத்திலும் பணியாற்றியுள்ளார். 
மேலும், சியாச்சின் கிளேசியர், 9 ஆவது கார்ப் படையிலும், எல்லைப் பகுதிகளிலும் பல்வேறு பிரிவுகளில் திறம்பட பணியாற்றியுள்ளார். 
 

]]>
https://www.dinamani.com/all-editions/edition-coimbatore/nilgiris/2019/jan/19/குன்னூர்-ராணுவப்-பயிற்சிக்-கல்லூரி-புதிய-கமாண்டன்ட்-பொறுப்பேற்பு-3079047.html
3079046 கோயம்புத்தூர் நீலகிரி மங்குழி பகவதி அம்மன் கோயில் திருவிழா DIN DIN Saturday, January 19, 2019 08:04 AM +0530 கூடலூரை அடுத்துள்ள மங்குழி கிராமத்தில் அமைந்துள்ள பகவதி அம்மன் கோயில் திருவிழா பாரம்பரிய  ஊர்வலத்துடன் வெள்ளிக்கிழமை துவங்கியது.
   நீலகிரி மாவட்டம், கூடலூரை அடுத்துள்ள மங்குழி பகவதி அம்மன் கோயிலின் வருடாந்திர தேர்த் திருவிழா வெள்ளிக்கிழமை துவங்கியது. இதையொட்டி,
பூர்வகுடிகளின் பாரம்பரிய முறைப்படி அத்திப்பாளி பகுதியிலுள்ள 
தென்னங்குலையை அறுவடைசெய்து பூஜை செய்து கோயில் பூசாரிகள் மேளதாளத்துடன் ஊர்வலமாக கோயிலுக்கு வந்து பூஜை செய்தனர். தொடர்ந்து 3 நாள்கள் நடைபெறும் இந்த திருவிழா ஜனவரி 20 ஆம் தேதி நிறைவடைகிறது. 

]]>
https://www.dinamani.com/all-editions/edition-coimbatore/nilgiris/2019/jan/19/மங்குழி-பகவதி-அம்மன்-கோயில்-திருவிழா-3079046.html
3078579 கோயம்புத்தூர் நீலகிரி போலி சான்றிதழ்: அரசு கலைக் கல்லூரி உதவிப் பேராசிரியர்கள் மீது புகார் DIN DIN Friday, January 18, 2019 08:38 AM +0530 உதகை அரசு கலைக் கல்லூரியில் தாவரவியல் துறையில் உதவிப் பேராசிரியராகப்  பணியாற்றும் இருவர் போலி சான்றிதழ் கொடுத்துப் பணியில் சேர்ந்ததாக உதகை நகர காவல் நிலையத்தில் புகார் தெரிவிக்கப்பட்டுள்ளது. காவல் துறையின் நடவடிக்கையை அடுத்து அவர்கள் இருவர் மீதும் கல்லூரிக் கல்வித் துறை இயக்குநரகம் நடவடிக்கை எடுக்குமென தெரிகிறது.
இது தொடர்பாக உதகை அரசு கலைக் கல்லூரி நிர்வாகத்தின் தரப்பில் தெரிவிக்கப்பட்டதாவது:
உதகை அரசு கலைக் கல்லூரியில் தாவரவியல் துறையில் நிரந்தரப் பணியில் உதவிப் பேராசிரியர்களாக கிருஷ்ணமூர்த்தி, நாகேந்திரன் ஆகியோர் கடந்த 9 ஆண்டுகளாகப் பணியாற்றி வருகின்றனர்.
இவர்களது கல்விச் சான்றிதழ்களை அண்மையில் பரிசோதித்த கல்லூரிக் கல்வி இயக்குநரகம் இவர்களது ஆராய்ச்சிப் படிப்புக்கான சான்றிதழ்களில் சந்தேகம் இருப்பதாகத்  தெரிவித்தது. இதன் அடிப்படையில் பரிசோதனை செய்தபோது, பிகார் மாநிலம் பாட்னாவிலுள்ள ஒரு பல்கலைக்கழகத்திலிருந்து சான்றிதழ்கள் பெறப்பட்டது தெரியவந்தது.
இதையடுத்து, இந்தத் தகவலை உதகை அரசு கலைக் கல்லூரி முதல்வர் ஈஸ்வரமூர்த்தியிடம் தெரிவித்த கல்லூரிக் கல்வி இயக்குநரக அலுவலர்கள், இச்சம்பவத்தில் தொடர்புடைய  இரண்டு உதவிப் பேராசிரியர்கள் மீதும் காவல் துறையில் புகார் கொடுத்து முதல் தகவல் அறிக்கை பெற்று சென்னைக்கு அனுப்புமாறு தெரிவித்துள்ளனர்.
அதன் பேரில், உதகை அரசு கலைக் கல்லூரி முதல்வர் ஈஸ்வரமூர்த்தி  உதகை நகர காவல் துணை கண்காணிப்பாளர் அலுவலகத்தில் இது தொடர்பாக புதன்கிழமை  புகார் கொடுத்துள்ளார். இந்தப் புகாரின் பேரில் விசாரணை நடத்திய காவல் துறையினர் இருவர் மீதும் வியாழக்கிழமை முதல் தகவல் அறிக்கை பதிந்துள்ளனர்.
தற்போது கல்லூரிக்குப் பொங்கல் விடுமுறைக் காலம் என்பதால் இந்த அறிக்கை கல்லூரி நிர்வாகத்துக்கு வெள்ளிக்கிழமை கொடுக்கப்படும். 
அதன் பின்னர், இந்த அறிக்கை சென்னைக்கு அனுப்பப்பட்டு சம்பந்தப்பட்ட இருவர் மீதும் உரிய நடவடிக்கை எடுக்கப்படும். உதகை அரசு கலைக் கல்லூரி நிர்வாகத்திலிருந்து  இதுவரையிலும் அந்த இருவர் மீதும் பணியிடை நீக்கம் உள்ளிட்ட எத்தகைய நடவடிக்கையும் எடுக்கப்படவில்லை எனவும், அனைத்து நடவடிக்கைகளும் சென்னையில் இருந்தே எடுக்கப்படும் எனவும் தெரிவித்தனர்.
முன்னதாக, வட கிழக்கு மாநிலங்களிலிருந்து இதே போன்ற போலி சான்றிதழ் பெற்று பணியில் சேர்ந்த காரணத்துக்காக உதகை அரசு கலைக் கல்லூரியில் உதவிப் பேராசிரியர்களாகப்  பணியாற்றி வந்த சீமா (தாவரவியல் துறை), ஆனந்த் (ஆங்கிலத் துறை), ஆனந்தகுமார் (கணினி அறிவியல் துறை) ஆகியோர் அண்மையில் பணியிடை நீக்கம் செய்யப்பட்டனர் என்பது குறிப்பிடத்தக்கது.


 

]]>
https://www.dinamani.com/all-editions/edition-coimbatore/nilgiris/2019/jan/18/போலி-சான்றிதழ்-அரசு-கலைக்-கல்லூரி-உதவிப்-பேராசிரியர்கள்-மீது-புகார்-3078579.html
3078578 கோயம்புத்தூர் நீலகிரி காட்டு யானை தாக்கி தோட்டத் தொழிலாளி சாவு DIN DIN Friday, January 18, 2019 08:38 AM +0530 பந்தலூரை அடுத்துள்ள சேரம்பாடி பகுதியில் காட்டு யானை வியாழக்கிழமை தாக்கியதில் தோட்டத் தொழிலாளி உயிரிழந்தார்.
நீலகிரி மாவட்டம், பந்தலூர் வருவாய் வட்டத்திலுள்ள சேரம்பாடி தனியார் எஸ்டேட் தொழிலாளர் ராஜேந்திரன்(48). இவர் அப்பகுதியிலுள்ள தனியார் எஸ்டேட்டுக்கு வியாழக்கிழமை காலை 7 மணிக்கு வேலைக்குச் சென்றுள்ளார். செல்லும் வழியில் மறைந்திருந்த காட்டு யானை வழிமறித்து தாக்கியதில் ராஜேந்திரன் அதே இடத்தில் உயிரிழந்தார். தகவலறிந்த சக  தொழிலாளர்கள் வனத் துறைக்குத் தகவல் கொடுத்தனர்.வனத் துறை, காவல் துறையினர் சம்பவ இடத்தை ஆய்வு செய்து சடலத்தைக் கைப்பற்றி பிரேத பரிசோதனைக்காக கூடலூர் அரசு மருத்துவமனைக்கு கொண்டு சென்றனர்.பிரேத பரிசோதனைக்குப் பிறகு சடலம் உறவினர்களிடம் ஒப்படைக்கப்பட்டது. இந்த சம்பவம் குறித்து சேரம்பாடி போலீஸார் வழக்குப் பதிவு செய்து விசாரணை நடத்திவருகின்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/18/காட்டு-யானை-தாக்கி-தோட்டத்-தொழிலாளி-சாவு-3078578.html
3078577 கோயம்புத்தூர் நீலகிரி சேரம்பாடி அரசு உயர்நிலைப் பள்ளியில் முன்னாள் மாணவர்கள் சந்திப்பு DIN DIN Friday, January 18, 2019 08:37 AM +0530 பந்தலூரை அடுத்துள்ள சேரம்பாடி அரசு உயர்நிலைப் பள்ளியில் முன்னாள் மாணவர்கள் சந்திப்பு நிகழ்ச்சி வியாழக்கிழமை நடைபெற்றது.
நீலகிரி மாவட்டம், பந்தலூர் வட்டத்திலுள்ள சேரம்பாடி அரசு உயர்நிலைப் பள்ளயில் 1998ஆம் ஆண்டு 8, 9, 10ஆம் வகுப்புகளில் படித்த தமிழ் மற்றும் மலையாள வழி மாணவர்கள் சந்திப்பு நிகழ்ச்சி பள்ளி வளாகத்தில் நடைபெற்றது. முன்னதாக, கல்வி விழிப்புணர்வுப் பேரணி நடைபெற்றது. தொடர்ந்து, முன்னாள் மாணவர்கள்,  ஆசிரியர்கள் சந்திப்பு, கலந்துரையாடல் நிகழ்ச்சி நடைபெற்றது. ஓய்வுபெற்ற ஆசிரியர் ராஜ்குமாரை மாணவர்கள் கெளரவித்தனர்.
 

]]>
https://www.dinamani.com/all-editions/edition-coimbatore/nilgiris/2019/jan/18/சேரம்பாடி-அரசு-உயர்நிலைப்-பள்ளியில்-முன்னாள்-மாணவர்கள்-சந்திப்பு-3078577.html
3077923 கோயம்புத்தூர் நீலகிரி நீலகிரியில் இரண்டு நாள்களுக்கு உறைபனி DIN DIN Thursday, January 17, 2019 08:21 AM +0530 நீலகிரி மாவட்டத்தின் ஒரு சில பகுதிகளில் வியாழக்கிழமை, வெள்ளிக்கிழமை (ஜன.17, 18) ஆகிய இரண்டு நாள்களுக்கு உறை பனி நிலவும் என சென்னை வானிலை ஆய்வு மையம் தெரிவித்துள்ளது.
இதுகுறித்து சென்னை வானிலை ஆய்வு மைய அதிகாரிகள் கூறியது: கடந்த நில நாள்களாக தமிழகத்தின் பெரும்பாலான மாவட்டங்களில் பனியின் தாக்கம் அதிகரித்து காணப்படுகிறது.     இதில், குறிப்பாக நீலகிரி மாவட்டம், கோவை மாவட்டம் வால்பாறை, திண்டுக்கல் மாவட்டம் கொடைக்கானல் ஆகிய மலைப் பகுதிகளில் அவ்வப்போது உறை பனி நிலவி வருகிறது. 
இந்நிலையில், நீலகிரி, அதன் சுற்றுவட்டாரப் பகுதிகளில் வியாழக்கிழமை, வெள்ளிக்கிழமை ஜனவரி 17,18- ஆகிய இரண்டு நாள்களுக்கு உறைபனி நிலவும். 
தமிழகம், புதுச்சேரியில் வரும் ஞாயிற்றுக்கிழமை (ஜன. 20) வரை வறண்ட வானிலை காணப்படும். புதன்கிழமை காலை 8.30 மணியுடன் முடிவடைந்த கடந்த 24 மணி நேரத்தில் குறைந்தபட்சமாக நீலகிரி மாவட்டம், உதகையில் 3 டிகிரியும்,  குன்னூரில் 8 டிகிரியும் வெப்பநிலை பதிவாகி உள்ளது.
சென்னையைப் பொருத்தவரை அடுத்த 48 மனி நேரத்துக்கு வானம் மேகமூட்டத்துடன் காணப்படும். அதிகாலையில் பனிமூட்டம் நிலவும் என வானிலை ஆய்வு மைய அதிகாரிகள் தெரிவித்தனர்,

]]>
https://www.dinamani.com/all-editions/edition-coimbatore/nilgiris/2019/jan/17/நீலகிரியில்-இரண்டு-நாள்களுக்கு-உறைபனி-3077923.html
3077922 கோயம்புத்தூர் நீலகிரி ஊருக்குள் புகுந்து அட்டகாசம்:  கூண்டில் சிக்கியது பெண் புலி DIN DIN Thursday, January 17, 2019 08:21 AM +0530 கூடலூரை அடுத்துள்ள வயநாடு மாவட்டத்தில் கடந்த சில மாதங்களாக அட்டகாசம் செய்து வந்த பெண் புலி செவ்வாய்க்கிழமை இரவு கூண்டில் சிக்கியது.
கேரள மாநிலம், வயநாடு மாவட்டம், நூல்புழா பஞ்சாயத்தில் உள்ள தேக்கமலை, மூலங்காவு, நாய்க்கட்டி மற்றும் அதன் சுற்றுப்புற கிராமங்களில் உள்ள வளர்ப்புப் பிராணிகளைக் கொன்று பெண் புலி ஒன்று அட்டகாசம் செய்து வருவதாக வனத் துறைக்கு அப்பகுதி பொதுமக்கள் புகார் அளித்தனர். 
இந்நிலையில் அதே பகுதியில் உள்ள பாப்பச்சன், சுனில் ஆகியோரது கறவை மாடுகளை அந்தப் புலி திங்கள்கிழமை இரவு கொன்றது. இதனால் அப்பகுதி மக்களிடையே பீதி ஏற்பட்டது.
இதையடுத்து அந்தப் புலியை கூண்டு வைத்துப் பிடிக்க வனத் துறையினர் ஏற்பாடு செய்தனர். இதில் கூண்டில் வைத்திருந்த இறைச்சியை உண்ண வந்த புலி செவ்வாய்க்கிழமை நள்ளிரவில் சிக்கியது. சிக்கிய பெண் புலி சுமார் 12 வயது மதிக்கத்தக்கது. இந்தப் புலியின் வாயில் இரண்டு பற்கள் இல்லை. அதனால் வேகமாகச் சென்று பெரிய விலங்குகளை வேட்டையாட முடியாத காரணத்தால் ஊருக்குள் நுழைந்து வளர்ப்பு விலங்குகளைத் தாக்கிக் கொன்றுள்ளதாக வனத் துறையினர் தெரிவித்தனர்.
இந்தப் புலியை உயிரியல் பூங்காவில் விடுவது தொடர்பாக ஆலோசனை நடைபெற்று வருவதாக வனத் துறையினர் தெரிவித்தனர்.

]]>
https://www.dinamani.com/all-editions/edition-coimbatore/nilgiris/2019/jan/17/ஊருக்குள்-புகுந்து-அட்டகாசம்--கூண்டில்-சிக்கியது-பெண்-புலி-3077922.html
3077921 கோயம்புத்தூர் நீலகிரி கிணற்றில் விழுந்த சிறுத்தைக் குட்டி உயிருடன் மீட்பு DIN DIN Thursday, January 17, 2019 08:20 AM +0530 குன்னூர் அருகே உள்ள டால்பின்நோஸ் காட்சி  முனைப் பகுதியில் உள்ள முத்திரி எஸ்டேட்  கிணற்றில் உயிருடன் இருந்த சிறுத்தைக் குட்டியை வனத் துறையினர் புதன்கிழமை மீட்டு வனப் பகுதியில் விட்டனர்.
நீலகிரி மாவட்டம், குன்னூர் அருகே உள்ள டால்பின்நோஸ் காட்சி  முனைப் பகுதியில் சிறுத்தை, யானை, காட்டெருமை உள்ளிட்ட வன விலங்குகள்  அதிகம் காணப்படுகின்றன. இந் நிலையில் இங்குள்ள முத்திரி எஸ்டேட் கிணற்றில் சிறுத்தைக்  குட்டி ஒன்று  தவறி விழுந்து  உயிருடன் இருப்பதாக வனத் துறைக்கு எஸ்டேட் கண்காணிப்பாளர் தகவல் கொடுத்தார்.  
இதையடுத்து குன்னூர் வனச் சரகர் பெரியசாமி தலைமையில்  வந்த வனத் துறையினர் 2 மணி நேரம் போராடி சிறுத்தைக் குட்டியை உயிருடன் மீட்டனர். பின் அருகில்  இருந்த  வனப் பகுதியில் அதை விட்டனர். 
குட்டியைத் தேடி தாய் சிறுத்தை  வர வாய்ப்பிருப்பதால் அப்பகுதி பொது மக்கள் கவனமுடன் இருக்க வேண்டும் என வனத் துறையினர் எச்சரித்துள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/17/கிணற்றில்-விழுந்த-சிறுத்தைக்-குட்டி-உயிருடன்-மீட்பு-3077921.html
3077920 கோயம்புத்தூர் நீலகிரி உதகையில் மீண்டும் அதிகரிக்கும் குளிர்:  குறைந்தபட்ச வெப்பநிலை மைனஸ் 2 டிகிரி செல்சியஸாக பதிவு DIN DIN Thursday, January 17, 2019 08:20 AM +0530 உதகையில் உறைபனியின் தாக்கத்தால் மீண்டும் குளிர் அதிகரிக்கத் தொடங்கியுள்ளது. இதில் புதன்கிழமை அதிகாலையில் உதகை அரசினர் தாவரவியல் பூங்காவில் குறைந்தபட்ச வெப்பநிலை மைனஸ்  2 டிகிரி செல்சியஸாக பதிவாகியுள்ளது. 
உதகையில் கடந்த நவம்பர் மாதத்திலிருந்து பனிக்காலம் தொடங்கினாலும் டிசம்பர் மாத இறுதியிலிருந்துதான் உறைபனியின் தாக்கம் தொடங்கியது. இதன் காரணமாக பிற்பகலிலேயே கடும் குளிர் நிலவி வந்த நிலையில் கடந்த சில நாள்களாக மாலை நேரங்களில் குளிரின் தாக்கம் குறைந்து இரவில் தொடங்கி அடுத்த நாள் காலை வரை நீடிக்கிறது. இதன்மூலம் முன்பனிக் காலம் முடிவுக்கு வந்து பின்பனிக் காலம் தொடங்கியுள்ளதாக வானிலை ஆய்வு மையத்தினர் தெரிவிக்கின்றனர். அத்துடன் இமயமலையிலிருந்து தெற்கு நோக்கி வீசி வந்த காற்றின் திசை தற்போது மாறியுள்ளதால் மாலை நேரங்களில் குளிர் குறைந்துள்ளதாக அதிகாரிகள் தெரிவித்தனர்.
 இருப்பினும் இரவு மற்றும் நள்ளிரவு நேரங்களில் குளிர் நிலவினாலும்,  உதகையில் தற்போது அதிகாலை நேரங்களில் கொட்டும் கடுமையான உறைபனியால் காலை நேரங்களிலும் கடும் குளிர் நிலவுகிறது. இதனால் காலை 10 மணிக்குப் பின்னரே இயல்பு வாழ்க்கை  தொடங்குகிறது. தற்போது பொங்கல் விடுமுறைக் காலம் என்பதால் உதகையில் ஏராளமான சுற்றுலாப் பயணிகள் குவிந்துள்ளனர். இந்தக் குளிரை அனுபவிக்கவே அவர்கள் வந்துள்ளதாக கூறுவதால் சுற்றுலாப் பயணிகளின் கூட்டமும் தொடர்ந்து அதிகரித்து வருகிறது.
புதன்கிழமை அதிகாலையில் உதகை நகரப் பகுதியில் உள்ள அரசினர் தாவரவியல் பூங்காவிலேயே குறைந்தபட்ச  வெப்பநிலை மைனஸ்  2 டிகிரி செல்சியஸாக பதிவாகியுள்ளதால்,  புறநகர்ப் பகுதிகளிலும்,  வனப் பகுதிகளையொட்டியுள்ள  நீர்நிலைப்  பகுதிகளிலும் மைனஸ் 10 டிகிரி செல்சியஸ் வரை பதிவாகியிருக்க வாய்ப்புள்ளதாக வானிலை ஆய்வு மையத்தினர் தெரிவித்தனர்.

]]>
https://www.dinamani.com/all-editions/edition-coimbatore/nilgiris/2019/jan/17/உதகையில்-மீண்டும்-அதிகரிக்கும்-குளிர்--குறைந்தபட்ச-வெப்பநிலை-மைனஸ்-2-டிகிரி-செல்சியஸாக-பதிவு-3077920.html
3077919 கோயம்புத்தூர் நீலகிரி உதகையில் பொங்கல் விழா: வெளிநாட்டினர்,  பழங்குடியினர் உள்ளிட்ட  ஏராளமானோர் பங்கேற்பு DIN DIN Thursday, January 17, 2019 08:20 AM +0530 நீலகிரி மாவட்ட சுற்றுலாத் துறையின் சார்பில் உதகை அரசினர் தாவரவியல் பூங்காவில் செவ்வாய்க்கிழமை நடைபெற்ற பொங்கல் விழாவில், வெளிநாட்டு சுற்றுலாப் பயணிகள், பழங்குடியினர் திரளாக பங்கேற்றனர்.
 உதகையில் உள்ள அரசினர் தாவரவியல் பூங்கா வளாகத்தில் முதல்முறையாக நடைபெற்ற பொங்கல் விழாவில் மாவட்ட ஆட்சியர் இன்னசென்ட் திவ்யா பங்கேற்று புதுப்பானையில் பொங்கலிட்டு சுற்றுலாப் பயணிகளுக்கும்,  உள்ளூர் மக்களுக்கும் வழங்கினார். அப்போது அவர் கூறுகையில், மலை மாவட்டமான நீலகிரியில் அறுவடையே இல்லாத போதிலும் இயற்கைக்கு நன்றி செலுத்தும் வகையில் பொங்கல் விழா சிறப்பாக கொண்டாடப்படுகிறது என்றார். 
இதையடுத்து மேற்குத் தொடர்ச்சி மலை பாதுகாப்பு இயக்கத்தின் சார்பில் மலைகளைப் பாதுகாப்போம் கையெழுத்து இயக்கத்தை முதல் கையெழுத்திட்டு ஆட்சியர் தொடக்கி வைத்தார்.
விழாவில் இங்கிலாந்து, பிரான்ஸ், ஜெர்மனி, பெல்ஜியம், ஸ்பெயின் மற்றும் இத்தாலி போன்ற நாடுகளில் இருந்து வந்திருந்த 25க்கும் மேற்பட்ட சுற்றுலாப் பயணிகள், கர்நாடகம், தெலங்கானா, ஆந்திரம், கேரளம், புதுச்சேரி  போன்ற வெளிமாநில சுற்றுலாப்பயணிகள் உள்ளூர் மக்கள் ஆகியோர் திரளாகப் பங்கேற்றிருந்தனர். 
தொடர்ந்து பூங்காவுக்கு வந்திருந்த சுற்றுலாப் பயணிகள் மற்றும் உள்ளூர் பொதுமக்களுக்கு இடையே பல்வேறு கிராமிய விளையாட்டுப் போட்டிகள் நடத்தப்பட்டன.  
சிறுவர்கள், பள்ளி மாணவ, மாணவியர், இளைஞர்கள் மற்றும் மூத்தோர் என பல்வேறு பிரிவுகளாக நடத்தப்பட்ட இப்போட்டிகளில் வெற்றி பெற்றவர்களுக்கு தோட்டக் கலைத் துறை இணை இயக்குநர் சிவசுப்பிரமணியம் சாம்ராஜ் மற்றும் மாவட்ட சுற்றுலாஅலுவலர் ராஜன் ஆகியோர் மரக்கன்றுகளையும், மலர்த் தொட்டிகளையும் பரிசாக வழங்கினர். தொடர்ந்து தாவரவியல்  பூங்கா வளாகத்தில் படுகர் சமுதாய மக்களின் பாரம்பரிய நடன நிகழ்ச்சி நடத்தப்பட்டது. 
இதிலும் படுகர் சமுதாயத்தினரோடு, வெளியூர் மற்றும் வெளி மாநில சுற்றுலாப் பயணிகளும் பங்கேற்று நடனமாடினர்.

]]>
https://www.dinamani.com/all-editions/edition-coimbatore/nilgiris/2019/jan/17/உதகையில்-பொங்கல்-விழா-வெளிநாட்டினர்--பழங்குடியினர்-உள்ளிட்ட--ஏராளமானோர்-பங்கேற்பு-3077919.html
3077918 கோயம்புத்தூர் நீலகிரி நவீன நீலகிரியை உருவாக்கிய ஜான் சலீவனின்  165ஆவது நினைவு தினம் அனுசரிப்பு DIN DIN Thursday, January 17, 2019 08:19 AM +0530 நவீன நீலகிரி மாவட்டத்தை உருவாக்கிய  கோவை மாவட்டத்தின் ஆட்சியராக இருந்த ஜான் சலீவனின்  165ஆவது  நினைவு தினம் புதன்கிழமை அனுசரிக்கப்பட்டது. 
நவீன நீலகிரி மாவட்டம் உருவாக முக்கியக் காரணமாக இருந்தவர் ஜான் சலீவன். இவரின் 165ஆவது  நினைவு தினம்    கண்னேரிமுக்கு கிராமத்தில் நடைபெற்றது. 
இதில் நீலகிரி மாவட்ட ஆட்சியர் இன்னசென்ட் திவ்யா, குன்னூர் சட்டப் பேரவை உறுப்பினர் சாந்திராமு ஆகியோர் கலந்து கொண்டு அவரது திருவுருவச் சிலைக்கு மாலை அணிவித்து மரியாதை செலுத்தினர். 
பின் ஏராளமான பொதுமக் கள், அரசு அதிகாரிகள் மாலை அணிவித்து மரியாதை செலுத்தினர். 
அப்போது, ஜான் சலீவன் பூங்கா அமைக்க ரூ.88 லட்சம்  நிதி  ஒதுக்கப்பட்டு 6 மாத காலத்தில்  பணிகள் நிறைவு பெறும் என்று ஆட்சியர் தெரிவித்தார்.
இந்த நிகழ்ச்சியில்  பழங்குடியின அமைப்பின் செயலாளர் ஆல்வாஸ் உள்ளிட்ட பலர்  கலந்து கொண்டனர்.

]]>
https://www.dinamani.com/all-editions/edition-coimbatore/nilgiris/2019/jan/17/நவீன-நீலகிரியை-உருவாக்கிய-ஜான்-சலீவனின்-165ஆவது-நினைவு-தினம்-அனுசரிப்பு-3077918.html
3077917 கோயம்புத்தூர் நீலகிரி வருங்கால வைப்பு நிதி ஆணையத்தின்  சார்பில் உதகையில் இன்று கூட்டம் DIN DIN Thursday, January 17, 2019 08:19 AM +0530 வருங்கால வைப்பு நிதி ஆணையத்தின் சார்பில் கலந்துரையாடல் கூட்டம் உதகையில் வியாழக்கிழமை நடக்கிறது.
 இதுதொடர்பாக கோவை வருங்கால வைப்பு நிதி ஆணையம் வெளியிட்டுள்ள செய்திக் குறிப்பு:
வருங்கால வைப்பு நிதி ஆணையத்தின் சார்பில் கலந்துரையாடல் கூட்டம் கோவை மண்டல ஆணையர் ஜெய் வதன் இங்க்லே  தலைமையில்  உதகை கமர்ஷியல் சாலையில் உள்ள நஹார்அரங்கில் வியாழக்கிழமை (ஜனவரி 17) மாலை 4 மணிக்கு நடைபெறவுள்ளது. 
இதில் தொழிலாளர் வைப்பு நிதி ஆணையத்துடன் கணக்கு தொடர்புள்ள அனைவரும் தவறாமல் பங்கேற்க வேண்டும் என தெரிவிக்கப்பட்டுள்ளது.
 

]]>
https://www.dinamani.com/all-editions/edition-coimbatore/nilgiris/2019/jan/17/வருங்கால-வைப்பு-நிதி-ஆணையத்தின்--சார்பில்-உதகையில்-இன்று-கூட்டம்-3077917.html
3077916 கோயம்புத்தூர் நீலகிரி பக்காடாவில் கிராம சபைக் கூட்டம் DIN DIN Thursday, January 17, 2019 08:19 AM +0530 கீழ்கோத்தகிரி பக்காடா கிராமத்தில் சிறப்பு கிராம சபைக் கூட்டம்  செவ்வாய்க் கிழமை நடந்தது. 
ஊர் தலைவர் ரவி ஜெகநாதன் தலைமை வகித்தார். கோத்தகிரி வன அலுவலர் சசி , உதவி வட்டார வளர்ச்சி அலுவலர் சந்திரசேகரன் ஆகியோர் பங்கேற்று மகாத்மா காந்தி தேசிய வேலைவாய்ப்பு பணிகள் குறித்தும், ஊராட்சியில் இதுவரை நடந்து முடிந்த பணிகள் குறித்தும் விளக்கம் அளித்தனர். மேலும், பொதுமக்களிடம் இருந்து பல்வேறு கோரிக்கைகள் குறித்த மனுக்கள் பெறப்பட்டு சம்பந்தப்பட்ட துறை அலுவலர்களுக்கு மேல் நடவடிக்கைக்காக பரிந்துரைக்கப்பட்டது. இதில், பக்காடா சுற்றுவட்டார கிராமங்களில் இருந்து 245 பேர் பங்கேற்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/17/பக்காடாவில்-கிராம-சபைக்-கூட்டம்-3077916.html
3077915 கோயம்புத்தூர் நீலகிரி முதுமலையில் யானை பொங்கல் கொண்டாட்டம் DIN DIN Thursday, January 17, 2019 08:18 AM +0530 முதுமலை புலிகள் காப்பகத்தில் உள்ள தெப்பக்காடு யானைகள் முகாமில் யானை பொங்கல் விழா புதன்கிழமை கொண்டாடப்பட்டது.  
முதுமலை புலிகள் காப்பகத்தில் உள்ள தெப்பப்காடு யானைகள் முகாமில் தற்போது 24 யானைகள் உள்ளன. இதில் புதிய  வரவாக சமயபுரத்தில் இருந்து வந்த கோயில் யானை மசினியும் இடம் பெற்றுள்ளது.  இங்கு புதன்கிழமை மாலை யானை பொங்கல் நிகழ்ச்சி நடைபெற்றது. இதில் 9 யானைகள் மட்டுமே பங்கேற்றன. இந்த யானைகளுக்கு கரும்பு, வெல்லம், பொங்கல் மற்றும் வழக்கமான உணவுகளுடன் சிறப்பு உணவுகளும் வழங்கப்பட்டன. 
எளிமையாக நடத்தப்பட்ட இந்த விழாவில் சிறப்பு உணவுகளை முதுமலை புலிகள் காப்பக துணை கள இயக்குநர் புஷ்பாகரன் வழங்கினார். தெப்பக்காடு  யானைகள் முகாமில் 24 யானைகள் இருந்தும் குறைந்த அளவிலேயே யானைகள் பங்கேற்றதற்கு மஸ்து (பாலியல் உணர்வு) பிரச்னையே காரணம் என்று வனத் துறை அதிகாரிகள் தெரிவித்தனர்.  அதேபோல, இந்த  பொங்கல் விழா நிகழ்ச்சியில் மசினி யானையும் பங்கேற்கவில்லை. அதற்கு உடல்நலக் குறைவு ஏற்பட்டுள்ளதால் தனி இடத்தில் வைத்து அதற்கு சிகிச்சையளித்து வருவதாக அதிகாரிகள் தெரிவித்தனர்.  யானை பொங்கல் விழாவைக் காண தமிழகம் மட்டுமின்றி  கேரளம்,  கர்நாடக மாநிலங்களிலிருந்தும் ஏராளமான சுற்றுலாப் பயணிகள் தெப்பக்காட்டில் குவிந்திருந்தனர்.

]]>
https://www.dinamani.com/all-editions/edition-coimbatore/nilgiris/2019/jan/17/முதுமலையில்-யானை-பொங்கல்-கொண்டாட்டம்-3077915.html
3077133 கோயம்புத்தூர் நீலகிரி யானைகள் ஊருக்குள் வருவதைத் தடுக்க வீடுகளில் வாழை, பலா மரங்களை வளர்க்க வேண்டாம்: வனத் துறை அறிவுறுத்தல் DIN DIN Tuesday, January 15, 2019 06:08 AM +0530 காட்டு யானைகள் ஊருக்குள் வராமல் இருக்க வீடுகளில் வாழை, பலா மரங்களை வளர்க்க வேண்டாம் என்று பொதுமக்களுக்கு வனத் துறையினர் அறிவுறுத்தி உள்ளனர். 
குன்னூர்  வனக் கோட்டத்தில் பர்லியாறு,  குஞ்சப்பனை, ஆடர்லி,  டைகர்ஹில், கொலக்கம்மை  ஆகிய வனச் சரகங்கள் உள்ளன. இப்பகுதியில் காட்டுயானைகள் நடமாட்டம் அதிகமாக உள்ளது.  
இவை விவசாயப் பயிர்களை சேதப்படுத்துவது,  குடியிருப்புப் பகுதிகளில் புகுந்து  பொதுமக்களைத் தாக்குவது உள்ளிட்ட செயல்களில் ஈடுபடுகின்றன. காட்டுயானைகள் இரவில் ஊருக்குள் புகுந்து வீடுகளை முற்றுகையிடுவதால், பொதுமக்கள் அச்சத்துடன் வாழ்ந்து வருகின்றனர். தற்போது நீலகிரி மாவட்டத்தில் பனிப்பொழிவும், பகலில் வெயிலும் காணப்படுவதால் வனப் பகுதியில் செடி, கொடிகள் கருகி வருகின்றன. இதனால் யானைகள் உணவு தேடி வனப் பகுதியில் இருந்து ஊருக்குள் நுழைய வாய்ப்பு உள்ளது. எனவே, காட்டுயானைகளுக்குப் பிடித்தமான வாழை,  பலா மரங்களை பொதுமக்கள் தங்கள் வீடுகள் மற்றும் விவசாய நிலங்களில்   வளர்க்க வேண்டாம் என வனத் துறையினர் அறிவுறுத்தியுள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/15/யானைகள்-ஊருக்குள்-வருவதைத்-தடுக்க-வீடுகளில்-வாழை-பலா-மரங்களை-வளர்க்க-வேண்டாம்-வனத்-துறை-அறிவுறுத்த-3077133.html
3077132 கோயம்புத்தூர் நீலகிரி அரசுப் பேருந்து மோதி இளைஞர் சாவு DIN DIN Tuesday, January 15, 2019 06:08 AM +0530 உதகை அருகே அரசுப் பேருந்து மோதியதில் இளைஞர் ஒருவர் உயிரிழந்தார்.
உதகையில் மஞ்சனக்கொரை பகுதியில் வசித்து வருபவர் சந்தோஷ் (24). இவர், திங்கள்கிழமை இரவு சுமார் 8 மணியளவில் உதகை நகரிலிருந்து மஞ்சனக்கொரை பகுதியிலுள்ள தனது வீட்டுக்கு இருசக்கர வாகனத்தில் சென்று கொண்டிருந்தாராம். அப்போது, முள்ளிக்கொரை அருகே  நஞ்சநாட்டிலிருந்து உதகை நோக்கி அரசுப் பேருந்து வந்துள்ளது. ராஜகண்ணன் என்பவர் ஓட்டி வந்த இப்பேருந்து பயணிகளை இறக்கி விட்டுவிட்டு புறப்படும்போது எதிரில் வந்த சந்தோஷ் முன்னால் சென்ற  ஒரு காரை முந்த முயற்சிக்கையில் நிலைதடுமாறி கீழே விழுந்துள்ளார். இதில், பேருந்தின் முன் சக்கரத்தில் சிக்கி சம்பவ இடத்திலேயே அவர் உயிரிழந்தார்.
தகவலறிந்து வந்த எமரால்டு காவல் நிலைய அலுவலர்கள் வழக்குப் பதிவு செய்து விசாரணை நடத்தி வருகின்றனர். சந்தோஷின் உடல் பிரேதப் பரிசோதனைக்காக உதகை அரசு தலைமை மருத்துவமனைக்கு கொண்டு செல்லப்பட்டது.
 

]]>
https://www.dinamani.com/all-editions/edition-coimbatore/nilgiris/2019/jan/15/அரசுப்-பேருந்து-மோதி-இளைஞர்-சாவு-3077132.html
3077131 கோயம்புத்தூர் நீலகிரி நுண்கடன் என்ற பெயரில் கந்துவட்டி: மகளிர் குழுவினர் புகார் DIN DIN Tuesday, January 15, 2019 06:07 AM +0530 நீலகிரியில் நுண்கடன் என்ற பெயரில் நவீன கந்துவட்டி நிறுவனங்களால் மகளிர் ஏமாற்றப்படுவதைத் தடுக்க வேண்டும் என உதகை  பொருளாதார குற்றப் பிரிவில் குன்னூர் அருகில்  உள்ள எடப்பள்ளியைச் சேர்ந்த மகளிர் குழுவினர் புகார் கொடுத்துள்ளனர்.
நீலகிரியில் தேயிலை விலை சரிவு, வேலை வாய்ப்பின்மை ஆகியவற்றால் பொருளாதாரரீதியாக பாதிக்கப்படுகின்றனர். இதைப் பயன்படுத்தி, மகளிர் சுய உதவிக் குழுக்களை இலக்காக வைத்து புற்றீசல்போல் அதிகரித்துள்ள "மைக்ரோ' பைனான்ஸ் நிறுவனங்கள் கடன்களை வழங்குகின்றன.
குழு பொறுப்பின் பெயரில், 4 சதவீதம் வரை வட்டி என அறிவிக்கப்பட்டு கடன் வழங்கப்படுகிறது. இதில், சேவை செலவு என்ற பெயரில், ரூ.500 தனியாக எடுத்துக் கொள்வதுடன், ரூ.10 ஆயிரம் கடனுக்கு ஒவ்வொரு மாதமும் ரூ.1,375 வீதம், 10 மாதங்களில் கட்டி முடிக்க வேண்டும் என்று ஒப்பந்தம் போடப்படுகிறது.
மேலும், அரசுத் திட்டங்களின் பெயரை வைத்து, மகளிர் மேம்பாட்டுக்காக சேவை செய்வதாகக் கூறி குன்னூரில் இந்த நுண்கடன்களை அரசே வழங்குவதைப் போன்ற தோற்றத்தை சில நிறுவனங்கள் ஏற்படுத்தி வருகின்றன. கடனுக்கு "செக்' வாங்க க் கூடாது என்ற விதிமுறை இருந்தும் கடன் வாங்கும் பெண்களிடம் காசோலை பெறப்படுகிறது.
இது குறித்து மக்கள் சேவை மைய செயலாளர் ஆல்தொரை கூறியதாவது: மைக்ரோ பைனான்ஸ் நிறுவனங்கள் விதிகளை மீறி கூட்டு வட்டி வசூலிக்கின்றன. ஒருவர் குறிப்பிட்ட தேதியில் கட்ட முடியாவிட்டால், மற்றவர்கள் கட்ட நிர்பந்தம் செய்வதால், மகளிருக்குள் சண்டை ஏற்படுகிறது. காசோலைகளை வைத்து வழக்கு தொடுப்பதாக மிரட்டப்படுகின்றனர்.
10 மாதத்துக்கான வட்டியைக் கணக்கிட்டால், 37.5 சதவீதம் ஆகிறது. கடைசி மாதத்தில், 1000 ரூபாய்க்கு வட்டியாக, 37.50 மட்டும் கட்ட வேண்டிய நிலையில், 375 ரூபாய் என நவீன கந்து வட்டியை வசூலித்து மகளிர் ஏமாற்றப்படுகின்றனர். 
இது குறித்து எடப்பள்ளி  மகளிர் குழுக்கள் உதகை  பொருளாதார குற்றப் பிரிவில் புகார் கொடுத்துள்ளனர் என்றார்.

]]>
https://www.dinamani.com/all-editions/edition-coimbatore/nilgiris/2019/jan/15/நுண்கடன்-என்ற-பெயரில்-கந்துவட்டி-மகளிர்-குழுவினர்-புகார்-3077131.html
3077130 கோயம்புத்தூர் நீலகிரி தமிழ்ச் சங்கம் சார்பில் பொங்கல் கலை இலக்கிய விழா DIN DIN Tuesday, January 15, 2019 06:07 AM +0530 நீலகிரி மாவட்ட தமிழ்ச் சங்கம் சார்பில் பொங்கல் கலை இலக்கிய விழா திங்கள்கிழமை நடைபெற்றது.
சங்கத்தின் சார்பில் நடைபெற்ற 18ஆம் ஆண்டு கலை இலக்கிய விழாவுக்குத் தமிழ்ச் சங்கத் தலைவர் கவிஞர் மணிவண்ணன் தலைமை வகித்தார். 
பா.பால்வண்ணன் குத்துவிளக்கேற்றி துவக்கிவைத்தார். குறிஞ்சி இலக்கிய மன்றத் தலைவர் கூடலூர் ராமமூர்த்தி, சட்ட ஆலோசகர் வே.கிருஷ்ணகுமார், எழுத்தாளர் போ.மணிவண்ணன், முரளி கார்மேகம் உள்ளிட்டோர் வாழ்த்துரை வழங்கினர். செயலாளர் அரு.நாகநாதன் வரவேற்றார்.ஜெ.ஸ்ரீகாந்த் நன்றி கூறினார்.
மாவட்ட அளவில் நடைபெற்ற  பள்ளி மாணவர்களுக்கான கலை இலக்கியப் போட்டிகளில் வெற்றி பெற்றவர்களுக்குப் பரிசுகளும்  சான்றிதழும் வழங்கப்பட்டன. தொடர்ந்து பாரம்பரிய கலை நிகழ்ச்சிகள், மாணவ, மாணவிகளின் நாட்டிய நிகழ்ச்சிகள் உள்ளிட்ட கலை நிகழ்ச்சிகள் நடைபெற்றன.
 

]]>
https://www.dinamani.com/all-editions/edition-coimbatore/nilgiris/2019/jan/15/தமிழ்ச்-சங்கம்-சார்பில்-பொங்கல்-கலை-இலக்கிய-விழா-3077130.html
3077129 கோயம்புத்தூர் நீலகிரி மார்க்சிஸ்ட் சார்பில் ஜனவரி 27 இல் நீலகிரியில் கண்டன ஆர்ப்பாட்டம் DIN DIN Tuesday, January 15, 2019 06:07 AM +0530 கூடலூர் ஜென்மம் நிலங்களை வனத் துறைக்கு வகை மாற்றம் செய்யும் சட்ட திருத்தத்தை திரும்பப் பெற வலியுறுத்தி நீலகிரி மாவட்டம் முழுவதும் ஜனவரி 27 ஆம் தேதி பல்வேறு இடங்களில் மார்க்சிஸ்ட் கம்யூனிஸ்ட் சார்பில் கண்டன ஆர்ப்பாட்டங்கள் நடத்தப்படவுள்ளதாக தெரிவிக்கப்பட்டுள்ளது.
இதுதொடர்பாக, மார்க்சிஸ்ட் கம்யூனிஸ்ட் கட்சியின் நீலகிரி மாவட்ட குழு சார்பில் வெளியிட்டுள்ள செய்திக் குறிப்பு:
நீலகிரி மாவட்டத்தில் கூடலூர், பந்தலூர் தாலுகாக்களில் உள்ள ஜென்மம் நிலங்களில் நீண்டகாலமாக விவசாயிகள் பயிர் செய்தும், வாழ்ந்தும் வருகின்றனர்.
 இந்நிலங்களில் வசிப்போருக்கு நிலப்பட்டா வழங்க வேண்டும் என்ற கோரிக்கை நீண்ட நாள்களாக இருந்து வருகிறது. 
இதை வலியுறுத்தி பொதுமக்கள் பல்வேறு போராட்டங்களை நடத்தி வருகின்றன. 
மக்களின் நீண்டகால கோரிக்கைகளை நிறைவேற்ற நிலப்பட்டா வழங்க முன்வராத தமிழக அரசு அண்மையில் ஜென்மம் நிலங்கள் முழுவதையும் வனத் துறைக்கு வகை மாற்றம் செய்யும் வகையில் புதிய சட்டத் திருத்தத்தை சட்டப் பேரவையில் ஜனவரி 8 ஆம் தேதி நிறைவேற்றியுள்ளது.
இந்த நடவடிக்கை தமிழக அரசு மக்களின் மீது தொடுத்துள்ள நேரடியான தாக்குதலாகும். 
ஏற்கெனவே தமிழக அரசின் அரசாணைகளில் மலைப் பகுதிகளில் நிலப் பட்டா வழங்கத் தடை, தனியார் காடுகள் பாதுகாப்புச் சட்டம், வன விலங்குகள், சரணாலய சட்டங்கள், வன உரிமைச் சட்டம் அமலாகாத நிலை என பல்வேறு இன்னல்களைச் சந்தித்து வரும் நிலையில் தமிழக அரசு இத்தகைய ஒரு சட்ட திருத்தத்தைக் கொண்டு வந்திருப்பது இப்பகுதி மக்களின் நிலைமையை மேலும் நெருக்கடிக்கு உள்ளாக்கியுள்ளது.
எனவே, ஜென்மம் நிலங்களை வனத் துறைக்கு வகை மாற்றம் செய்யும் வகையில் கொண்டு வரப்பட்டுள்ள சட்டத் திருத்தத்தை உடனடியாகக் கைவிட வேண்டும். 
மலைப் பகுதிகளில் பட்டா வழங்கத் தடை விதிக்கும் அரசாணையைத் திரும்பப் பெற வேண்டும். 
வன உரிமைச் சட்டத்தை உடனடியாக அமலாக்கி பழங்குடி மக்களுக்கு நிலப்பட்டா வழங்க வேண்டும் என்பன உள்ளிட்ட கோரிக்கைகளை வலியுறுத்தி ஜனவரி 27 ஆம் தேதி மாவட்டம் முழுவதும் கண்டன ஆர்ப்பாட்டம் நடத்துவதென மார்க்சிஸ்ட் கம்யூனிஸ்ட் கட்சி தீர்மானித்துள்ளது.
எனவே, இப்போராட்டங்களில் அனைத்து அரசியல் கட்சியினரும், பொதுமக்களும் பங்கேற்று போராட்டத்தை வெற்றி பெறச் செய்ய வேண்டும் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/nilgiris/2019/jan/15/மார்க்சிஸ்ட்-சார்பில்-ஜனவரி-27-இல்-நீலகிரியில்-கண்டன-ஆர்ப்பாட்டம்-3077129.html
3077128 கோயம்புத்தூர் நீலகிரி குழந்தை ஏசு சிற்றாலயத் திருவிழா: கொடியேற்றத்துடன் துவக்கம் DIN DIN Tuesday, January 15, 2019 06:06 AM +0530 குன்னூர் மாடல் ஹவுஸ் பகுதியில் உள்ள குழந்தை ஏசு சிற்றாலயத் திருவிழா கொடியேற்றத்துடன் ஞாயிற்றுக்கிழமை துவங்கியது. 
குழந்தை ஏசு சிற்றாலயத் திருவிழா ஆண்டுதோறும்  நடைபெறுவது  வழக்கம். 
இந்தத்  திருவிழாவின்  முதல் நிகழ்ச்சியாக  தினமும் மாலை 6.30 மணிக்கு நவநாள் வழிபாடு நடைபெறுகிறது. 
 18, 19ஆம் தேதிகளில், மாலை 6 மணிக்கு சிறப்பு நவநாள், திருப்பலியும்,  20ஆம் தேதி காலை 11.30 மணிக்கு சிறப்பு திருப்பலி, மாலை தேர்பவனி, அன்பின் விருந்து, திவ்ய நற்கருணை ஆசிர்வாதமும்  நடைபெறுகிறது.  
திருப்பலி, கொடியிறக்கத்துடன் திருவிழா 21ஆம் தேதி நிறைவு பெறுகிறது.
 

]]>
https://www.dinamani.com/all-editions/edition-coimbatore/nilgiris/2019/jan/15/குழந்தை-ஏசு-சிற்றாலயத்-திருவிழா-கொடியேற்றத்துடன்-துவக்கம்-3077128.html
3077127 கோயம்புத்தூர் நீலகிரி தொடர் விடுமுறை: உதகையில் குவியும் சுற்றுலாப் பயணிகள் DIN DIN Tuesday, January 15, 2019 06:06 AM +0530 பொங்கல் பண்டிகை தொடர் விடுமுறையின் காரணமாக உதகையில் சுற்றுலாப் பயணிகள் குவிந்து வருகின்றனர்.
பொங்கல் பண்டிகையையொட்டி, தமிழக அரசின் சார்பில் 6 நாள்கள் தொடர் விடுமுறை விடப்பட்டுள்ளதைப்போல, கேரளத்தின் சில மாவட்டங்களிலும், மகர சங்கராந்தி பண்டிகைக்காக கர்நாடகத்திலும் தொடர் விடுமுறை விடப்பட்டுள்ளது. இந்த தொடர் விடுமுறையை உற்சாகமாகக் கழிக்க வேண்டி உதகையில் சுற்றுலாப் பயணிகள் அதிக அளவில் குவிந்து வருகின்றனர்.
சமவெளிப் பகுதிகளில் வெப்பமான பருவ நிலை நிலவும் நிலையில், உதகையில் இரவு நேரத்தில் குறைந்தபட்ச வெப்பநிலை பூஜ்யம் டிகிரியாக உள்ளதால் இந்தக் குளிரை கொண்டாடுவதற்காகவே சுற்றுலாப் பயணிகள் அதிக அளவில் குவிந்து வருகின்றனர்.
அதேபோல, பொங்கல் பண்டிகை  கொண்டாட்டங்கள் மாவட்டத்தில் களைகட்டியுள்ளதால் கரும்பு, மஞ்சள்,  பழக்கடைகள், பூக்கடைகள் போன்றவற்றில் பொதுமக்கள் கூட்டம் நிரம்பி வழிகிறது. 
குறிப்பாக, வெளியூர்களிலும், வெளி மாநிலங்களிலும் படிக்கும் நீலகிரி மாவட்டத்தைச் சேர்ந்த மாணவ, மாணவியர் தொடர் விடுமுறையின் காரணமாக சொந்த ஊர்களுக்கு வந்துள்ளதால் பெரும்பாலான குடும்பங்கள் பொங்கல் பண்டிகையை கொண்டாடத் தயாராகியுள்ளன. சுற்றுலாப் பயணிகளின் கூட்டத்தால் அனைத்து சாலைகளிலும் வாகனப் போக்குவரத்து அதிகரித்து சுற்றுலா மையங்களுக்குச் செல்லும் சாலைகளில் நெரிசல் ஏற்பட்டது. 
தமிழக அரசு போக்குவரத்துக் கழகத்தின் சர்பில் ஜனவரி 11ஆம் தேதி முதல் பொங்கல் சிறப்புப் பேருந்துகளாக தினந்தோறும்  40 பேருந்துகள் கூடுதலாக இயக்கப்பட்டு வந்த நிலையில் திங்கள்கிழமை கூட்ட நெரிசலின் காரணமாக 50 பேருந்துகள் இயக்கப்பட்டன. 
இவற்றோடு கர்நாடக மாநிலத்திலிருந்து சத்தியமங்கலம் வழித்தடம் வழியாக உதகைக்கு மேலும் 10 பேருந்துகள் தினந்தோறும் இயக்கப்பட்டு வருகின்றன.
இந்நிலையில், நீலகிரி மாவட்ட நிர்வாகத்தின் சார்பிலும் பொங்கல் பண்டிகை செவ்வாய்க்கிழமை கொண்டாடப்படுகிறது. சுற்றுலாத் துறையின் உதவியுடன் உதகை அரசினர் தாவரவியல் பூங்காவில் பொங்கல் சிறப்பு நிகழ்ச்சிகள் செவ்வாய்க்கிழமை காலை நடத்தப்படுகின்றன. அத்துடன்  பல்வேறு கலை நிகழ்ச்சிகளுக்கும் ஏற்பாடு செய்யப்பட்டுள்ளது. வழக்கமாக காணும் பொங்கல் தினத்தன்றே சுற்றுலாத் துறையின் சார்பில் பொங்கல் விழா நடத்தப்பட்டு வந்த நிலையில், நடப்பு ஆண்டில் பொங்கல் தினத்தன்றே பொங்கல் விழா நடத்தப்படுவது குறிப்பிடத்தக்கதாகும்.

]]>
https://www.dinamani.com/all-editions/edition-coimbatore/nilgiris/2019/jan/15/தொடர்-விடுமுறை-உதகையில்-குவியும்-சுற்றுலாப்-பயணிகள்-3077127.html
3076479 கோயம்புத்தூர் நீலகிரி அரசுப் பள்ளிக்குத் தண்ணீர் சுத்திகரிப்பு இயந்திரம் DIN DIN Monday, January 14, 2019 02:14 AM +0530 கோத்தகிரி அரசு உயர்நிலைப் பள்ளிக்குப் பொங்கல் பரிசாக தண்ணீர் சுத்திகரிப்பு  இயந்திரத்தை கொங்கு பாலிடெக்னிக்  முன்னாள் மாணவர்கள் வழங்கியுள்ளனர்.
ஈரோடு மாவட்டம், பெருந்துறையில் உள்ள கொங்கு பாலிடெக்னிக் முன்னாள் மாணவர்கள் இயற்கை அரணான மேற்குத் தொடர்ச்சி மலைகளில் வன வளம் காக்க பல்வேறு விழிப்புணர்வு நிகழ்ச்சிகளை நடத்தி வருகின்றனர்.
அதன் ஒரு பகுதியாக, நீலகிரி மாவட்டத்தில் கோத்தகிரி அருகே உள்ள கேர்கம்பை அரசு உயர்நிலைப் பள்ளியில் மாணவர்கள், பொதுமக்கள் பங்கு பெற்ற விழிப்புணர்வு நிகழ்ச்சியை சனிக்கிழமை நடத்தினர். அச்சமயத்தில், பள்ளி மாணவர்கள் கடுங்குளிர் காலத்தில் மிகவும் குளிர் நிலையில் உள்ள தண்ணீரைக் குடிக்க சிரமப்படுவதை அறிந்த கொங்கு  பாலிடெக்னிக் முன்னாள் மாணவர்கள் இதற்குத் தீர்வு காண முன்வந்தனர். அதன்படி, கொங்கு வேளாளர் கல்வி அறக்கட்டளை அறங்காவலர் குமாரசாமி மற்றும் முன்னாள் மாணவர்கள் பங்களிப்பில் அனைத்து கால நிலைகளிலும் பயன்படுத்தக்கூடிய  வகையில் பாதுகாக்கப்பட்ட குடிநீர் இயந்திரத்தை வழங்கினர். இந்நிகழ்ச்சியில் கொங்கு பாலிடெக்னிக் முன்னாள் மாணவர்கள் சார்பில் ராஜேஷ் ராஜப்பா, தீபக்ராஜா, சசிகுமார், சுகன்யா, பள்ளியின் நிர்வாகிகள், பொதுமக்கள் கலந்து கொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/14/அரசுப்-பள்ளிக்குத்-தண்ணீர்-சுத்திகரிப்பு-இயந்திரம்-3076479.html
3076430 கோயம்புத்தூர் நீலகிரி தொடர் விடுமுறை: குன்னூரில் குவியும் சுற்றுலாப் பயணிகள் DIN DIN Monday, January 14, 2019 01:56 AM +0530 நீலகிரி மாவட்டத்தில் நிலவும் குளுகுளு காலநிலை மற்றும் தொடர் விடுமுறை காரணமாக  குன்னூரில் உள்ள சுற்றுலாத் தலங்களில் சுற்றுலாப்  பயணிகள்  வருகை அதிகரித்து காணப்பட்டது.
நீலகிரி மாவட்டத்தில் தற்போது பனி மற்றும் குளிர் அதிகரித்து காணப்படுகிறது.  
இந்தக் கால நிலையினை அனுபவிக்க தமிழகத்தின் பல்வேறு பகுதிகள் மட்டுமில்லாது கேரளம், கர்நாடகம்  மற்றும்  வட மாநிலங்களைச் சேர்ந்த சுற்றுலாப் பயணிகள் நீலகிரி மாவட்டத்துக்கு அதிக அளவில் வரத் தொடங்கி உள்ளனர். 
மேலும், பொங்கல் தொடர் விடுமுறை காரணமாகவும் சுற்றுலாப் பயணிகளின் வருகை அதிகரித்துள்ளது. 
குன்னூரில் உள்ள படகு இல்லம்,  டால்பின் நோஸ், லேம்ஸ்ராக், சிம்ஸ் பூங்கா, காட்டேரிப் பூங்கா உள்ளிட்ட  சுற்றுலாத் தலங்களில் சுற்றுலாப் பயணிகள் கூட்டம் அதிகரித்து காணப்பட்டது. சுற்றுலாப் பயணிகளை வரவேற்கும் விதமாக தட்ப வெப்ப  நிலையும்  நிலவி  வருகிறது. அதிகாலை  நேரங்களில் பனிப்பொழிவும், பகல் நேரங்களில்  சில்லென்று   இதமான காற்றும்  வீசுகிறது. இந்த காலநிலையினை  சுற்றுலாப் பயணிகள் அனுபவித்து மகிழ்கின்றனர்.

]]>
https://www.dinamani.com/all-editions/edition-coimbatore/nilgiris/2019/jan/14/தொடர்-விடுமுறை-குன்னூரில்-குவியும்-சுற்றுலாப்-பயணிகள்-3076430.html
3076428 கோயம்புத்தூர் நீலகிரி குன்னூரில் சிவன் கோயிலுக்குள் கரடி DIN DIN Monday, January 14, 2019 01:56 AM +0530 நீலகிரி மாவட்டம், குன்னூர் அருகே சோகதொரை கிராமத்திலுள்ள சிவன் கோயிலில் சனிக்கிழமை இரவு கரடி நடமாடி சென்றது அங்குள்ள கண்காணிப்பு கேமராவில் பதிவாகியுள்ளது.
குன்னூர் அருகே   சோகதொரை கிராமத்தில்  பிரசித்தி பெற்ற சிவன் கோயில் உள்ளது.  இந்தக் கோயிலுக்கு மாவட்டத்தின் பல்வேறு பகுதியில் இருந்தும் பக்தர்கள் வந்து செல்வர்.  இந்நிலையில் பூஜைகள் முடிந்து பூசாரி கோயிலை பூட்டிவிட்டு சனிக்கிழமை இரவு  சென்றுள்ளார்.   
பின்னர் கோயிலை திறக்க ஞாயிற்றுக் கிழமை காலை பூசாரி வந்தபோது,  கோயிலில் இருந்த பூஜை பொருள்கள் கலைந்திருப்பது கண்டு அதிர்ச்சியடைந்தார். இதைத் தொடர்ந்து  கோயிலில் பொருத்தப்பட்டிருந்த கண்காணிப்பு கேமராவை ஆய்வு செய்தபோது,   கோயிலுக்குள் கரடி ஒன்று சுவாமிக்கு படைக்கப்பட்டிருந்த பழங்கள் மற்றும்  சுண்டல்  தேங்காய் உள்ளிட்டவற்றை உண்டு விட்டு சென்றது பதிவாகி இருந்தது. 
 இதுகுறித்து பூசாரி வனத் துறைக்குத் தகவல் தெரிவித்துள்ளார். குடியிருப்பு பகுதியில் அமைந்துள்ள இந்தக் கோயிலுக்குள் கரடி புகுந்தது அப்பகுதி மக்களிடம் அச்சத்தை ஏற்படுத்தி உள்ளது.
 

]]>
https://www.dinamani.com/all-editions/edition-coimbatore/nilgiris/2019/jan/14/குன்னூரில்-சிவன்-கோயிலுக்குள்-கரடி-3076428.html
3076426 கோயம்புத்தூர் நீலகிரி வரத்து குறைவு: குன்னூரில் காய்கறி விலை உயர்வு DIN DIN Monday, January 14, 2019 01:55 AM +0530 கடும் பனிப் பொழிவினால் நீலகிரி மாவட்டத்தில் கேரட், பீட்ரூட், முள்ளங்கி, பீன்ஸ், உருளைக்கிழங்கு, முட்டைக்கோஸ், காலிப்பிளவர் உள்ளிட்ட மலைக்காய்கறிகள் வரத்து குறைவு ஏற்பட்டுள்ளது. இதன் காரணமாக சந்தைகளில் காய்கறிகளின் விலை கடுமையாக உயர்ந்துள்ளது.
நீலகிரி மாவட்டத்தில் கேரட், பீட்ரூட், முள்ளங்கி, பீன்ஸ், உருளைக்கிழங்கு, முட்டைக்கோஸ், காலிப்பிளவர் உள்ளிட்ட மலைக் காய்கறிகள் விளைவிக்கப்படுகின்றன. 
உற்பத்தி செய்யப்படும் இந்தக் காய்கறிகள் உதகை மற்றும் மேட்டுப்பாளையம் சந்தைகளுக்கும், வெளிமாநிலங்களுக்கும் விற்பனைக்காக அனுப்பி வைக்கப்படுகிறது.
மேலும், தக்காளி, கத்தரிக்காய், புடலங்காய், வெண்டைக்காய், சுரைக்காய், பூசணிக்காய் உள்ளிட்ட காய்கறிகள் சமவெளிப் பகுதிகள் மற்றும் வெளிமாநிலங்களில் இருந்து  நீலகிரிக்கு விற்பனைக்காக கொண்டு வரப்படுகின்றன. 
இந்நிலையில், நீலகிரி மாவட்டத்தில்  கடும் பனிகாரணமாக மலைக் காய்கறிகளின் வரத்து குறைந்துள்ளது.  இதனால் கடைகளில் விற்பனை செய்யப்படும் காய்கறிகளின் விலை கடுமையாக உயர்ந்துள்ளது. குறிப்பாக தக்காளி விலை கடுமையாக உயர்ந்து உள்ளது. கடந்த வாரம் நாட்டு தக்காளி மற்றும் ஆப்பிள் தக்காளி கிலோ ரூ. 15 முதல் ரூ. 20 வரை விற்பனை செய்யப்பட்டது.  தற்போது  நாட்டு தக்காளி கிலோ  ரூ. 50,  ஆப்பிள் தக்காளி ரூ. 6 0 என விற்பனை  செய்யப்படுகிறது.  இருமடங்கை விட கூடுதலாக விலை உயர்ந்துள்ளதாக பொதுமக்கள் தெரிவித்தனர். இதுகுறித்து வியாபாரி மூர்த்தி  கூறுகையில், கர்நாடக மாநிலம்,  குண்டல்பெட்,  நஞ்சன்கோடு,  ஈரோடு மாவட்டம்,  நாச்சிபாளையம், மேட்டுப்பாளையம் உள்ளிட்ட பகுதிகளில் இருந்து தக்காளி நீலகிரிக்கு கொண்டுவரப்படுகிறது.  தற்போது  பனிக்காலம் என்பதால் காய்கறிகளின் உற்பத்தி குறைந்து விலை அதிகரித்து காணப்படுகிறது என்றார்.
 

]]>
https://www.dinamani.com/all-editions/edition-coimbatore/nilgiris/2019/jan/14/வரத்து-குறைவு-குன்னூரில்-காய்கறி-விலை-உயர்வு-3076426.html
3076425 கோயம்புத்தூர் நீலகிரி போகி: பழைய பொருள்களை எரிப்பதைத் தவிர்க்க வேண்டுகோள் DIN DIN Monday, January 14, 2019 01:55 AM +0530 போகி பண்டிகையின்போது நீலகிரி மாவட்டத்தில் பழைய பொருள்களை எரிப்பதைத் தவிர்க்க வேண்டும் என கோரிக்கை விடுக்கப்பட்டுள்ளது. இது தொடர்பாக மாசு கட்டுப்பாட்டு வாரியத்தினர் தெரிவித்துள்ளதாவது:
வீட்டிலுள்ள இயற்கை சார்ந்த தேவையில்லா பொருள்களை எரித்து பழையன கழிதலும், புதியன புகுதலும் என்ற அடிப்படையில் போகி பண்டிகையை பொங்கலுக்கு முதல் நாள் நமது முன்னோர்கள் கொண்டாடி வந்துள்ளனர்.
ஆனால், தற்போது போகி பண்டிகை சமயத்தில் பழைய பொருள்களான பிளாஸ்டிக்,  செயற்கை இழைகளால் தயாரிக்கப்பட்ட துணிகள்,  ரப்பர் பொருள்கள், பழைய டயர் மற்றும் டியூப்,  காகிதம், ரசாயனம் கலந்த பொருள்கள் போன்றவற்றை எரிப்பதால் காற்று மாசு ஏற்படுவதோடு, இதனால் வெளிப்படும் நச்சு வாயுக்களால் மூச்சுத் திணறல், கண் எரிச்சல் போன்ற பாதிப்புகள் ஏற்படுகின்றன. அத்துடன் வாகன ஓட்டிகளுக்குப் பல்வேறு சிரமங்கள் ஏற்படுவதோடு, விபத்துகளுக்கும் காரணமாக உள்ளது. எனவே, போகி பண்டிகையின்போது பழைய பொருள்களை எரிப்பதைத் தவிர்த்து, காற்றின் தரத்தைப் பாதுகாக்க  பொதுமக்கள் ஒத்துழைக்க வேண்டுமெனவும், சுற்றுச்சூழலைப் பாதுகாக்க புகையில்லா போகியைக் கொண்டாட வேண்டுமெனவும் தெரிவித்துள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/14/போகி-பழைய-பொருள்களை-எரிப்பதைத்-தவிர்க்க-வேண்டுகோள்-3076425.html
3076423 கோயம்புத்தூர் நீலகிரி உதகையில் களைகட்டும் பொங்கல் பண்டிகை DIN DIN Monday, January 14, 2019 01:55 AM +0530 மலை மாவட்டமான நீலகிரியில் பொங்கல் பண்டிகை களைகட்டி வருகிறது. 
தமிழகத்தின் பிற பகுதிகளில் கொண்டாடப்படுவதைப்போல பொங்கல் பண்டிகை நீலகிரி மாவட்டத்தில்  கொண்டாடப்படுவதில்லை. என்றாலும், பொங்கல் பண்டிக்கையின் தொடர் விடுமுறை காரணமாக சுற்றுலாப் பயணிகளின் வருகை அதிகரித்து நீலகிரி மாவட்டம் களைகட்டும். இந்த ஆண்டு பொங்கல் பண்டிகையை ஒட்டி ஒரு வாரம் தொடர் விடுமுறைக் காலமாக உள்ளது. இதனால், தற்போதே சுற்றுலாப் பயணிகளின் கூட்டம் அதிகரித்து வருகிறது. இதன் காரணமாக ஜனவரி 11ஆம் தேதி முதல் 22ஆம் தேதி வரை தினமும் 40 சிறப்பு பேருந்துகள் இயக்கப்படுகின்றன. சனி, ஞாயிற்றுக்கிழமைகளில் தேவைப்பட்டால் இன்னும் கூடுதல் பேருந்துகள் இயக்கப்படும் என்று போக்குவரத்துக்கழக அதிகாரிகள் தெரிவித்துள்ளனர்.
பொங்கல் பண்டிகையை ஒட்டி மாவட்டத்தில் உள்ள பெரும்பாலான பள்ளிக்கு வெள்ளிக்கிழமை முதல் விடுமுறை அளிக்கப்பட்டது.  மற்ற பள்ளிகளில் சனிக்கிழமை முதல் விடுமுறை அறிவிக்கப்பட்டது. பள்ளிகளில் சனிக்கிழமை பொங்கல் விழா  கொண்டாடப்பட்டது. உதகையில் கிரசண்ட் பிளே பள்ளியில்  மண் பானையில் பொங்கலிட்டு மகிழ்ந்தனர். ஒய்எம்சிஏ தொடக்கப் பள்ளியில் உழவர் தினம், திருவள்ளுவர் தினம், தைத் திருநாள் ஆகிய மூன்றையும் இணைத்து முப்பெரும் விழாவாகக் கொண்டாடினர். மாணவியரும், ஆசிரியர்களும் பள்ளி வளாகத்தில் வண்ணக் கோலமிட்டு பொங்கல் வைத்து மகிழ்ந்தனர்.

]]>
https://www.dinamani.com/all-editions/edition-coimbatore/nilgiris/2019/jan/14/உதகையில்-களைகட்டும்-பொங்கல்-பண்டிகை-3076423.html
3076422 கோயம்புத்தூர் நீலகிரி முதல்வர் பதவி விலக நீலகிரி மாவட்ட திமுக வலியுறுத்தல் DIN DIN Monday, January 14, 2019 01:55 AM +0530 கொடநாடு கொலை வழக்கில் முதல்வர் எடப்பாடி பழனிசாமி மீது  குற்றம்சாட்டப்பட்டுள்ளதால் அவர் உடனடியாகப் பதவி விலக வேண்டுமென நீலகிரி மாவட்ட திமுக வலியுறுத்தி உள்ளது.
நீலகிரி மாவட்ட திமுக செயற்குழு, ஊராட்சி செயலர்கள் கூட்டம் மாவட்ட அவைத் தலைவர் பில்லன்  தலைமையில்  உதகையில் ஞாயிற்றுக்கிழமை நடைபெற்றது. 
இக்கூட்டத்தில் மாவட்டச் செயலர் பா.மு.முபாரக், முன்னாள் அமைச்சர் ராமசந்திரன், கூடலூர் சட்டப் பேரவை உறுப்பினர் திராவிடமணி, மாவட்ட துணைச் செயலர்கள் ஜே.ரவிக்குமார், விஜயா மணிகண்டன், மாவட்டப் பொருளாளர் நாசர் அலி, உதகை  நகரச் செயலர் ஜார்ஜ் உள்ளிட்ட நிர்வாகிகள் கலந்து கொண்டனர்.
இதில்  நிறைவேற்றப்பட்ட தீர்மானங்கள் விவரம்:  கொடநாடு எஸ்டேட் காவலாளி கொலை தொடர்பாக சிபிஐ விசாரணை வேண்டுமென தி.மு.க. தலைவர் ஸ்டாலின் வலியுறுத்தி இருந்தார். இந்நிலையில், இந்த சம்பவத்தில் முதல்வர் எடப்பாடி பழனிசாமி மீது குற்றச்சாட்டு எழுந்துள்ளது. எனவே, அவர் உடனடியாகப் பதவி விலக வேண்டும். அல்லது மத்திய அரசும், நீதித் துறையும் எடப்பாடி பழனிசாமி அரசை உடனடியாக நீக்க வேண்டும். 
கூடலூர் சட்டப் பேரவைத் தொகுதியில் நீண்ட காலமாக இருந்துவரும் ஜென்மம்  நிலப் பிரச்னையில் தற்போது  தமிழக அரசு ஒரு சட்ட முன்வடிவை சட்டப் பேரவைக் கூட்டத் தொடரின் கடைசி நாளில்  சமர்ப்பித்துள்ளது. இதனை ஆரம்ப நிலையிலேயே திமுக எதிர்த்துள்ளது. இந்த நிலப் பிரச்னைக்குத் தீர்வு காண முயற்சி மேற்கொள்வதற்காக  கூடலூர் எம்.எல்.ஏ. மு.திராவிடமணி  தலைமையில் குழு  அமைக்கப்படும் என்பன உள்ளிட்ட தீர்மானங்கள் நிறைவேற்றப்பட்டன.

]]>
https://www.dinamani.com/all-editions/edition-coimbatore/nilgiris/2019/jan/14/முதல்வர்-பதவி-விலக-நீலகிரி-மாவட்ட-திமுக-வலியுறுத்தல்-3076422.html
3076421 கோயம்புத்தூர் நீலகிரி தேயிலைத் தொழிற்சாலை அங்கத்தினர்களுக்கு இலை பறிக்கும் இயந்திரம் DIN DIN Monday, January 14, 2019 01:54 AM +0530 பந்தலூரை அடுத்துள்ள எருமாடு பிராண்டியர் கூட்டுறவு தேயிலைத் தொழிற்சாலை அங்கத்தினர்களுக்கு குறைந்த விலையில் தேயிலை பறிக்கும் இயந்திரங்கள் சனிக்கிழமை விநியோகிக்கப்பட்டன.
நீலகிரி மாவட்டத்தில் தேயிலைத் தொழில் பிரதான தொழிலாகவும்,  மாவட்ட வருவாயின் முதுகெலும்பாகவும் விளங்குவதால் தேயிலைத் தொழிலை பாதுகாக்க இன்கோ சர்வ் நிர்வாகம் புதிய யுக்திகளைக் கையாண்டு வருகிறது. தேயிலை மேம்பாட்டுக்காக பல்வேறு முயற்சிகளை மேற்கொண்டு வரும் இந்த நிறுவனம், தொழிலாளர்கள் பற்றாக்குறையை சமாளிக்க தேயிலை பறிக்கும் இயந்திரங்களை வாங்கி அங்கத்தினர்களுக்கு வழங்கி வருகிறது. 
குன்னூர் இன்கோ சர்வ் நிர்வாக இயக்குநர் டாக்டர் வினீத் உத்தரவின்பேரில், இணை இயக்குநர் (பொ) வழிகாட்டுதலின்பேரில் குறைந்த விலையில் இயந்திரங்களை கொள்முதல் செய்து அங்கத்தினர்களுக்கு வழங்கி பயிற்சியளித்து வருகிறது தொழிற்சாலை நிர்வாகம். பிராண்டியர் கூட்டுறவு தேயிலைத் தொழிற்சாலை வளாகத்தில் நடைபெற்ற நிகழ்ச்சியில் தலைவர் ராஜன் வர்கீஸ், துணைத் தலைவர் முகமது, மேலாண்மை இயக்குநர் அருட்செல்வன், நிர்வாகக் குழு உறுப்பினர்கள் மற்றும் அங்கத்தினர்கள் கலந்துகொண்டனர். தேயிலை பறிக்கும் பயிற்சியை கள விளக்க அலுவலர் மணிகண்டகுமார் அளித்தார்.  கூட்டத்தில் ஏராளமான சிறு விவசாயிகள் கலந்துகொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/14/தேயிலைத்-தொழிற்சாலை-அங்கத்தினர்களுக்கு-இலை-பறிக்கும்-இயந்திரம்-3076421.html
3076064 கோயம்புத்தூர் நீலகிரி கூடலூர் பால் உற்பத்தியாளர்களுக்குரூ.7.66 லட்சம் போனஸ் DIN DIN Sunday, January 13, 2019 03:31 AM +0530
கூடலூர் பால் உற்பத்தியாளர்களுக்கு போனஸ் பங்கு ஈவுத் தொகையாக 366 பேருக்கு ரூ. 7 லட்சத்து 66 ஆயிரம் சனிக்கிழமை வழங்கப்பட்டது. 
நீலகிரி மாவட்டம், கூடலூர் பால் உற்பத்தியாளர்கள் கூட்டுறவு சங்கத்தில் உள்ள அங்கத்தினர்களுக்கு போனஸ் பங்கு ஈவுத் தொகையாக 366 பேருக்கு ரூ. 7 லட்சத்து 66 ஆயிரத்து 329 வழங்கப்பட்டது. அதிக அளவில் பால் உற்பத்தி செய்த கூடலூர், விமலகிரி பகுதியைச் சேர்ந்த பால் உற்பத்தியாளர் சிவனுக்கு ரூ. 30 ஆயிரம் வழங்கி கௌரவிக்கப்பட்டது. கூட்டுறவு பால் உற்பத்தியாளர் சங்க துணைத் தலைவர் அருள்நாதன், சங்க செயலாளர் கிருஷ்ணகுமார், நிர்வாகக் குழு உறுப்பினர்கள், பால் உற்பத்தியாளர்கள் கலந்துகொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/13/கூடலூர்-பால்-உற்பத்தியாளர்களுக்குரூ766-லட்சம்-போனஸ்-3076064.html
3076063 கோயம்புத்தூர் நீலகிரி காசிகா இலவச ஐ.ஏ.எஸ். பயிற்சி மையத்தில் போட்டித் தேர்வுக்கு வழிகாட்டும் கருத்தரங்க DIN DIN Sunday, January 13, 2019 03:31 AM +0530
கூடலூரில் உள்ள காசிகா இலவச ஐ.ஏ.எஸ். பயிற்சி மையத்தில் போட்டித் தேர்வுகளை எதிர்கொள்வதற்கான வழிகாட்டுதல் கருத்தரங்கம் சனிக்கிழமை நடைபெற்றது.
இதில் சிறப்பு அழைப்பாளராகக் கலந்து கொண்ட ஐ.ஏ.எஸ். அதிகாரி கா.இன்பசேகரன், மாணவர்களுக்கு மத்திய, மாநில அரசுகளின் போட்டித் தேர்வுகளை எதிர்கொள்வது குறித்து விளக்கம் அளித்தார். மாணவர்களின் கேள்விகளுக்கு பதிலளித்தார்.
காசிகா பயிற்சி மைய நிறுவனர் சுரேஷ்குமார், கூடலூர் நுகர்வோர் பாதுகாப்பு மையப் பொதுச் செயலாளர் சிவசுப்பிரமணியம், தலைவர் காளிமுத்து, ஓய்வுபெற்ற தலைமை ஆசிரியர் பா.சத்தியநேசன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/13/காசிகா-இலவச-ஐஏஎஸ்-பயிற்சி-மையத்தில்-போட்டித்-தேர்வுக்கு-வழிகாட்டும்-கருத்தரங்க-3076063.html
3076062 கோயம்புத்தூர் நீலகிரி ராணுவ தினம்: மாணவர்களுக்கு மினி மாரத்தான் DIN DIN Sunday, January 13, 2019 03:31 AM +0530
குன்னூரில் 70ஆவது ராணுவ தினத்தை ஒட்டி மாணவ, மாணவியருக்கான மினி மாரத்தான் போட்டி தங்கராஜ் ஸ்டேடியத்தில் சனிக்கிழமை த நடைபெற்றது.
குன்னூரில் உள்ள மெட்ராஸ் ரெஜிமெண்ட் சென்டர் சார்பில் போரில் வீர மரணம் அடைந்த ராணுவ வீரர்களுக்கு அஞ்சலி செலுத்தும் விதமாகவும், எதிர்காலத்தில் இளைஞர்கள் ராணுவத்தில் சேர ஆர்வம் கொள்ள வேண்டும் என்ற நோக்கத்துடனும், உடல் தகுதியைப் பேணிக் காப்பதன் மூலம் எதிர்கால சந்ததியினர் வளமுடன் வாழ வழிவகை செய்யும் வகையிலும் 5 கி.மீ. தொலைவுக்கான மினி மாரத்தான் போட்டி நடைபெற்றது. 
இதில், நீலகிரி மாவட்டத்தில் உள்ள பல்வேறு பள்ளிகளைச் சேர்ந்த மாணவ, மாணவியர் சுமார் 200 பேர் கலந்து கொண்டனர். இதில் கொண்டவர்களுக்கு ராணுவ மருத்துவமனை கமாண்டண்ட் பங்கஜ் பி.ராவ் சான்றிதழ், நினைவுப் பரிசு வழங்கினார்.

]]>
https://www.dinamani.com/all-editions/edition-coimbatore/nilgiris/2019/jan/13/ராணுவ-தினம்-மாணவர்களுக்கு-மினி-மாரத்தான்-3076062.html
3075214 கோயம்புத்தூர் நீலகிரி சேம்புக்கரை பழங்குடியினர் கிராமத்தில் மனுநீதி நாள் முகாம் DIN DIN Saturday, January 12, 2019 01:03 AM +0530 குன்னூரில்  பர்லியாறு ஊராட்சிக்குள்பட்ட சேம்புக்கரை பழங்குடியினர் கிராமத்தில் வியாழக்கிழமை  நடைபெற்ற மனுநீதி நாள் மக்கள் தொடர்பு முகாமில் அரசின் பல்வேறு நலத்திட்ட உதவிகளை மாவட்ட ஆட்சியர் இன்னசென்ட் திவ்யா வழங்கினார்.
இந்த மக்கள் தொடர்பு முகாமில் மாவட்ட ஆட்சியர் பேசியதாவது: தொலைதூரத்தில் உள்ள வளர்ச்சி குன்றிய கிராமங்களைக் கண்டறிந்து அவர்களின் அடிப்படைத் தேவைகளான நடைபாதை வசதி, மின்வசதி, குடிநீர், கழிப்பிடம் ஆகிய அனைத்தையும் செய்து தரப்படுகின்றன. பெண்கள் அனைவரும் குழுக்களாக சேர்ந்து கடனுதவி பெற்று சுய தொழில் தொடங்கி வாழ்வில் முன்னேற வேண்டும் என்றார்.
இந்த மனுநீதி நாள் மக்கள் தொடர்பு முகாமில் சமூகப் பாதுகாப்புத் திட்டத்தின் கீழ் முதியோர், முதிர்கன்னி உதவித் தொகையாக 9 பயனாளிகளுக்கு மாதந்தோறும் தலா ரூ.1,000 பெறுவதற்கான ஆணையையும், 31 பயனாளிகளுக்கு ஜாதி சான்றிதழ்களையும், ஆதிதிராவிடர் மற்றும் பழங்குடியினர் நலத் துறை சார்பில் 16 பயனாளிகளுக்கு நலவாரிய அட்டைகளையும் ஆட்சியர் வழங்கினார். பின்னர், பொதுமக்களிடமிருந்து கோரிக்கை மனுக்களைப் பெற்று, சம்பந்தப்பட்ட துறை அலுவலர்களிடம் தகுதி இருப்பின் பரிசீலனை செய்து உடனடியாக நடவடிக்கை மேற்கொள்ளுமாறும்  உத்தரவிட்டார்.
இந்நிகழ்ச்சியில், சார் ஆட்சியர் ரஞ்சித் சிங்,  மாவட்ட ஊரக வளர்ச்சி முகமைத் திட்ட இயக்குநர் பாபு, மாவட்ட ஆட்சியரின் நேர்முக உதவியர் கீதாபிரியா, தனித்துணை ஆட்சியர் முருகன் ஆகியோருடன் அரசுத் துறை அலுவலர்கள், பொதுமக்கள் பலர் பங்கேற்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/12/சேம்புக்கரை-பழங்குடியினர்-கிராமத்தில்-மனுநீதி-நாள்-முகாம்-3075214.html
3075213 கோயம்புத்தூர் நீலகிரி நீலகிரி மலை ரயிலுக்கு நவீன ரயில் பெட்டிகள் தயாரிப்பு: ரயில்வே அதிகாரிகள் தகவல் DIN DIN Saturday, January 12, 2019 01:03 AM +0530 நீலகிரி மலை ரயில் போக்குவரத்துக்கு, சென்னையில் உள்ள ஐ.சி.எஃப். பில், நவீன ரயில் பெட்டிகள் தயாரிக்கப்பட்டு வருவதாக ரயில்வே அதிகாரிகள் தெரிவித்துள்ளனர்.  
நீலகிரி-மேட்டுப்பாளையம் இடையே இயக்கப்படும் பாரம்பரிய மலை ரயிலுக்கு சுற்றுலாப் பயணிகள் மத்தியில் அமோக வரவேற்பு உள்ளது. இதனால்,  பயணிகள் கூட்டம் அதிகரிப்பதால், அந்த ரயிலில் பயணம் செய்ய முடியமல் பலர் ஏமாற்றமடைகின்றனர்.
இந்நிலையைத் தவிர்க்க,  நீலகிரி மலை ரயில் போக்குவரத்துக்காக, சென்னையில் ஒருங்கிணைப்பு ரயில் பெட்டி தொழிற்சாலையான ஐ.சி.எஃப்.பில் 15 ரயில் பெட்டிகள் தயாரிக்கும் பணிகள் நடைபெற்று வருகின்றன.
மலை ரயிலில், தற்போது இணைத்து இயக்கப்படும் பெட்டியை விட, இப்பெட்டிகள் நீளமாக வடிவமைக்கப்பட்டு வருகின்றன. அழகான உள்கட்டமைப்பு வசதியுடன், நவீன இருக்கை வசதிகள், இயற்கைக் காட்சிகளைப் பார்த்து ரசிக்க வசதியாக பெரிய கண்ணாடி ஜன்னல்கள் பொருத்தப்பட்டு வருகின்றன. 
இதுவரை, முதல் வகுப்புப் பெட்டி ஒன்று, இரண்டாம் வகுப்புப் பெட்டி மூன்று, இரண்டாம் வகுப்பு பொதுப் பெட்டி ஒன்று என ஐந்து பெட்டிகளின் தயாரிப்புப் பணிகள் முடிவடைந்துள்ளன.
இந்தப் பெட்டிகள் விரைவில் நீலகிரிக்கு அனுப்பி வைக்கப்படவுள்ளன. இதேபோன்று மீதம் உள்ள 10 பெட்டிகள் தயாரிக்கும் பணிகள் நடைபெற்று வருவதாக அதிகாரிகள் தெரிவித்தனர்.
இந்தப் புதிய பெட்டிகள் மேட்டுப்பாளையம் - குன்னூர் இடையே நீராவி என்ஜினில் இணைக்கப்பட்டும், குன்னூர் - உதகை இடையே பயோ டீசல் என்ஜினில் இணைக்கப்பட்டும் இயக்கப்பட உள்ளதாக  அதிகாரிகள் தெரிவித்துள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/12/நீலகிரி-மலை-ரயிலுக்கு-நவீன-ரயில்-பெட்டிகள்-தயாரிப்பு-ரயில்வே-அதிகாரிகள்-தகவல்-3075213.html
3075212 கோயம்புத்தூர் நீலகிரி துணை ஆரம்ப சுகாதார நிலையங்களுக்கு நிரந்தர கட்டட வசதி ஏற்படுத்தித் தர வலியுறுத்தல் DIN DIN Saturday, January 12, 2019 01:03 AM +0530 குன்னூர் வெலிங்டன் பகுதிகளில் உள்ள துணை ஆரம்ப சுகாதார நிலையங்களுக்கு நிரந்தர கட்டட வசதி ஏற்படுத்தி தர வேண்டும் என பொதுமக்கள் வலியுறுத்தியுள்ளனர். 
குன்னூர், வெலிங்டன் கன்டோண்மென்ட் பகுதிக்கு உள்பட்ட வெலிங்டன் பஜார், ஜெயந்தி நகர், சின்ன வண்டிச்சோலை பகுதிகளில் மாநில அரசின் துணை ஆரம்ப சுகாதார நிலையங்கள் செயல்பட்டு வருகின்றன. 
இங்கு தினமும் நூற்றுக்கணக்கான மக்கள் வந்து சிகிச்சைப் பெற்றுச் செல்கின்றனர். 
ஆனால் இந்த மையம் வாடகை கட்டடத்தில் மிகவும் குறுகிய இடத்தில் செயல்பட்டு வருகிறது. 
இதனால் நோயாளிகள் உள்ளே சென்று சிகிச்சை மேற்கொள்ள முடியாமலும்,  காத்திருக்க இட வசதி இல்லாமலும் சிரமப்படுகின்றனர். 
குன்னூர் எம்.எல்.ஏ., வாக, ராமச்சந்திரன் இருந்தபோது, எம்.எல்.ஏ., நிதியில் புதிய கட்டடம் கட்ட நிதி ஒதுக்கப்பட்டது. 
ஆனால், குறிப்பிட்ட காலக்கெடு வரை கட்டடம் கட்ட முடியாததால், ஒதுக்கப்பட்ட நிதி திரும்பிச் சென்றுள்ளது. 
இது குறித்து சுகாதாரத் துறையினர் கூறியதாவது:
"கன்டோண்மென்ட் வாரியத்திடம் இது தொடர்பாக இடம் கேட்டுள்ளோம். 
வெலிங்டன் கன்டோண்மென்ட் அருகிலேயே துணை ஆரம்ப சுகாதார மையம் செயல்படுவதால் அனுமதி தர மறுக்கின்றனர். ஆனால், இங்கு நாளுக்கு நாள் மக்கள் அதிகம் பேர் வந்து சிகிச்சை பெற்றுச் செல்கின்றனர். 
இட வசதியை ஏற்படுத்தித் தந்தால் மக்கள் பயனடைவர்' எனத் தெரிவித்தனர்.
கன்டோண்மென்ட் அதிகாரிகள் கூறியதாவது: 
"இங்கு கட்டடம் கட்ட,  மாநில அரசு நிதி ஒதுக்கியிருந்தாலும்,  அந்தப் பணிகள் கன்டோண்மென்ட் மூலமாகவே மேற்கொள்ளப்படும். 
அதற்கு மாநில அரசு ஒப்புக்கொள்வதில்லை' எனத் தெரிவிக்கின்றனர்.
பொது மக்கள் கூறியதாவது:  "இந்தப் பிரச்னையில் மாவட்ட நிர்வாகம் தலையிட்டு தீர்வுகாண வேண்டும்' என்றனர்.


 

]]>
https://www.dinamani.com/all-editions/edition-coimbatore/nilgiris/2019/jan/12/துணை-ஆரம்ப-சுகாதார-நிலையங்களுக்கு-நிரந்தர-கட்டட-வசதி-ஏற்படுத்தித்-தர-வலியுறுத்தல்-3075212.html
3075208 கோயம்புத்தூர் நீலகிரி வனச் சட்ட திருத்த மசோதாவை திருப்பி அனுப்ப ஆளுநருக்கு கூடலூர் எம்.எல்.ஏ. வலியுறுத்தல் DIN DIN Saturday, January 12, 2019 01:02 AM +0530 வனச் சட்ட திருத்த மசோதாவுக்கு ஒப்புதல் அளிக்காமல் திருப்பி அனுப்ப வேண்டும் என்று கூடலூர் சட்டப் பேரவை உறுப்பினர் எம்.திராவிடமணி தமிழக ஆளுநருக்கு மனு அனுப்பியுள்ளார்.
இது குறித்து தமிழக ஆளுநர் பன்வாரிலால் புரோஹித்துக்கு அவர் அனுப்பிய மனு விவரம்:
நீலகிரி மாவட்டம், கூடலூரில் உள்ள ஜென்ம நிலங்களைப் பிரிவு 53ன் கீழ் கொண்டு வருவது குறித்த சட்டத் திருத்த மசோதா சட்டப்பேரவையில் நிறைவேற்றப்பட்டு ஒப்புதலுக்கு அனுப்பப்பட்டுள்ளது.
1969ஆம் ஆண்டு ஜென்மம் ஒழிப்புச் சட்டத்தின்கீழ் நிலம்பூர் கோவிலகத்திடமிருந்து, 80,088 ஏக்கர் நிலங்கள் கையகப்படுத்தப்பட்டு அரசின் கட்டுப்பாட்டுக்கு கொண்டுவரப்பட்டன. அதில் 19, 000 ஏக்கர் பரப்பில் பெரிய கம்பெனி எஸ்டேட்டுகள் செயல்பட்டு வருகின்றன. 35 ஆயிரம் ஏக்கரில் சுமார் 16 ஆயிரம் ஏழைக் குடும்பங்கள் வசித்து வருகின்றனர்.  இதில் சிறு குறு விவசாயிகள் அடங்குவர்.
இந்த நிலங்களைப் பிரிவு 53ன் கீழ் கொண்டு வந்தால் ஏழை, எளிய மக்கள் வெளியேற்றப்படும் அபாயம் ஏற்படும். எனவே ஆளுநரின் ஒப்புதலுக்கு வந்துள்ள இந்த மசோதாவை ஏழை, எளிய மக்களின் நலன் கருதி கையெழுத்திடாமல் திருப்பி அனுப்ப வேண்டும் என்று வேண்டுகோள் விடுத்துள்ளார்.
 

]]>
https://www.dinamani.com/all-editions/edition-coimbatore/nilgiris/2019/jan/12/வனச்-சட்ட-திருத்த-மசோதாவை-திருப்பி-அனுப்ப-ஆளுநருக்கு-கூடலூர்-எம்எல்ஏ-வலியுறுத்தல்-3075208.html
3075207 கோயம்புத்தூர் நீலகிரி கோத்தகிரியில் பள்ளி மாணவர்களுக்கான கால்பந்துப் போட்டி DIN DIN Saturday, January 12, 2019 01:01 AM +0530 கால்பந்து விளையாட்டை ஊக்குவிக்கும் வகையில், இந்திய விளையாட்டு மேம்பாட்டு ஆணையம், தேசிய மனித மேம்பாட்டு நிறுவனம் சார்பில் 10 முதல் 15 வரை உள்ள பள்ளி  மாணவர்களுக்கான இரண்டு நாள் போட்டி நீலகிரி மாவட்டம், கோத்தகிரியில் நடைபெற்றது.  
சர்வதேச அளவில் கால்பந்து விளையாட்டுப் போட்டியில் பின்தங்கியுள்ள இந்திய அணியை பலப்படுத்தும் நோக்கத்துடன் 10 முதல் 15 வயதுள்ள இளம் வீரர்களைத் தேர்வு செய்யும் திட்டத்தை மத்திய அரசு ஏற்கெனவே தொடங்கி உள்ளது. 
இதன் முதல் கட்டமாக, இந்தியா முழுவதும் பள்ளிகளில் போட்டிகள் நடத்தவும், குறிப்பாக 22 மாநிலங்களில் 250 மாவட்டங்களில் 2 லட்சம் மாணவர்களுக்குப் போட்டிகள் நடத்தவும் திட்டமிடப்பட்டுள்ளது.
தமிழகத்தின் அனைத்து மாவட்டங்களிலும் பள்ளிகளில் இப்போட்டி நடைபெறுகிறது.
 இதில் பங்கேற்கும் ஒவ்வொருவருக்கும் ஊக்கத் தொகை வழங்கப்படுகிறது.இந்தப் போட்டி கோத்தகிரி காந்தி விளையாட்டு அரங்கில்  நடைபெற்றது. இதில் சத்தியகத்தி பள்ளியும், உதகை யுனிக் பள்ளியும் விளையாடின. தொடர்ந்து இரண்டு நாள்கள் 9 ஆட்டங்கள் நடைபெற்றன. 
இந்தப் போட்டிக்கான ஏற்பாடுகளை  மாவட்ட கால்பந்து ஒருங்கிணைப்பாளர் மோகன்குமார் செய்திருந்தார்.

]]>
https://www.dinamani.com/all-editions/edition-coimbatore/nilgiris/2019/jan/12/கோத்தகிரியில்-பள்ளி-மாணவர்களுக்கான-கால்பந்துப்-போட்டி-3075207.html
3074758 கோயம்புத்தூர் நீலகிரி தேயிலைத் தோட்டத்தில் காட்டெருமைகள்: தொழிலாளர்கள்  அச்சம் DIN DIN Friday, January 11, 2019 07:05 AM +0530 நீலகிரி மாவட்டம், கோத்தகிரி பகுதியில் உள்ள தேயிலைத்  தோட்டங்களில் காட்டெருமைகள் நடமாட்டம் அதிகரித்துள்ளதால் தொழிலாளர்கள் பணிக்கு செல்ல அச்சமடைந்து வருகின்றனர்.
மலை மாவட்டமான நீலகிரி மாவட்டத்தில் வன விலங்குகள் ஊருக்குள் வருவது வாடிக்கையாகவே உள்ளது.  வனப் பகுதியில் உள்ள சாலை வழியே தொழிலாளர்கள் பணிக்கு செல்லும்போது வன விலங்குகள் தாக்குதலுக்கு ஆளாவதோடு உயிரழப்பும் ஏற்படுகிறது. 
இந்நிலையில், உதகை, குன்னூர், கோத்தகிரி மற்றும் அதன் சுற்றுவட்டாரக் கிராமப் பகுதிகளான, மஞ்சூர், குந்தா, தூதர்மட்டம், சேலாஸ் போன்ற பகுதிகளில் தற்போது காட்டெருமைகள் கூட்டம் கூட்டமாக சுற்றித் திரிகின்றன. இதனால் தேயிலைத் தோட்டங்களில் வேலைக்கு செல்ல தொழிலாளர்கள் அச்சமடைந்து வருகின்றனர்.  அசம்பாவிதங்கள் நடக்கும் முன் வனத் துறையினர்  காட்டெருமைகளை அடர்ந்த வனப் பகுதிகளுக்குள் விரட்ட நடவடிக்கை எடுக்க வேண்டும் கோரிக்கை வலுத்துள்ளது.


 

]]>
https://www.dinamani.com/all-editions/edition-coimbatore/nilgiris/2019/jan/11/தேயிலைத்-தோட்டத்தில்-காட்டெருமைகள்-தொழிலாளர்கள்--அச்சம்-3074758.html
3074737 கோயம்புத்தூர் நீலகிரி ஓடையை தூர்வார விவசாயிகள் கோரிக்கை DIN DIN Friday, January 11, 2019 06:58 AM +0530 நீலகிரி மாவட்டம், கோத்தகிரி பங்களோரை பகுதியில் ஓடையை தூர்வார  வேண்டும் என அப்பகுதி விவசாயிகள் கோரிக்கை விடுத்துள்ளனர்.
கோத்தகிரி, பில்லிக்கம்பை,  ஒன்னதலை மற்றும் சுற்றுவட்டாரப் பகுதியில், அதிக பரப்பளவில் மலைக் காய்கறி பயிரிடப்படுகிறது. இந்த பகுதி உள்ள விவசாயிகளில் பெரும்பாலானோர் பங்களோரை - குடிமனை இடையே செல்லும் ஓடையை நம்பியே,  கேரட், பீட்ரூட், பீன்ஸ், உருளைக்கிழங்கு மற்றும் கீரை வகைகளை பயிரிட்டு வருகின்றனர்.
இப்பகுதியில் அதிக பரப்பளவில் பயிரிடப்பட்ட கேரட் அறுவடைக்கு தயாராகி வருகிறது. இந்நிலையில்,  ஓடை தூர்வாரப்படாமல் உள்ளது. இதனால், செடி,கொடிகள் முளைத்து ஓடையின் பரப்பளவு குறைந்துள்ளது. இதனால் ஓடையில் தண்ணீரின்  அளவு குறைந்துள்ளது. 
தற்போது, பனிப்பொழிவுடன், பகல் நேரங்களில் கடுமையான வெயில் அடிப்பதால், வரும் நாள்களில் தண்ணீர் அளவு மேலும் குறைய வாய்ப்புள்ளது. 
மேலும், பிப்ரவரி, மார்ச் மாதங்களில் அறுவடை செய்யவுள்ள  தோட்டங்களில் மீண்டும் பயிர் செய்வதில் சிக்கல் அதிகரித்துள்ளது. 
எனவே, ஓடையை தூர்வார பேரூராட்சி  நிர்வாகம் நடவடிக்கை எடுக்க வேண்டும் என்று அப்பகுதி விவசாயிகள் கோரிக்கை விடுத்துள்ளனர்.    
 

]]>
https://www.dinamani.com/all-editions/edition-coimbatore/nilgiris/2019/jan/11/ஓடையை-தூர்வார-விவசாயிகள்-கோரிக்கை-3074737.html
3074736 கோயம்புத்தூர் நீலகிரி கூடலூர் நகராட்சி அலுவலகம் முற்றுகை DIN DIN Friday, January 11, 2019 06:58 AM +0530 கோக்கால் பகுதியில் சாலை வசதி கோரி கூடலூர் நகராட்சி அலுவலகத்தை அப்பகுதி பொதுமக்கள் வியாழக்கிழமை முற்றுகையிட்டனர்.
இதுகுறித்து அப்பகுதி மக்கள் கூறியதாவது:
நீலகிரி மாவட்டம், கூடலூர் நகராட்சிக்கு உள்பட்ட மேல்கூடலூரிருந்து கோக்கால் பகுதிக்குச் செல்லும் சாலை பயன்படுத்த முடியாத அளவுக்கு மிகவும் பழுதடைந்து உள்ளது. 
இந்த சாலை வனவிலங்குகளின் அச்சுறுத்தல் உள்ள பகுதியாகும். 
மேலும்,  ஆதரவற்றோர் இல்லம் மற்றும் முதியோர் இல்லம் ஆகியவை இந்தப் பகுதியில் உள்ளன. 
இங்கிருந்து அவசரத் தேவைகளுக்கு வாகனங்களில் செல்லமுடியாத நிலை உள்ளது. எனவே, பழுதடைந்த இந்த சாலையை விரைவாக சீரமைத்து தரவேண்டும் என்றனர்.
போராட்டத்தில் ஈடுபட்ட பொதுமக்களுடன், நகராட்சி அலுவலர்கள் மற்றும் காவல் துறையினர் பேச்சுவார்த்தை நடத்தினர். 
இதில் கோரிக்கையை பரிசீலித்து விரைவில் நிறைவேற்றித் தருவதாக உறுதியளித்ததையடுத்து போராட்டத்தில் ஈடுபட்டவர்கள் கலைந்து சென்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/11/கூடலூர்-நகராட்சி-அலுவலகம்-முற்றுகை-3074736.html
3074735 கோயம்புத்தூர் நீலகிரி யானைகள் நடமாட்டம் உள்ள பகுதிகளில்  வாழை, பலா மரங்கள் அகற்றம் DIN DIN Friday, January 11, 2019 06:57 AM +0530 யானைகள் நடமாட்டம் உள்ள பகுதியில் உள்ள வாழை மற்றும் பலா மரங்களை அகற்றும் பணியில் வனத் துறையினர் வியாழக்கிழமை ஈடுபட்டனர்.
கூடலூர் மற்றும் அதன் சுற்றுப்புறப் பகுதிகள் பெரும்பாலும் யானைகள் உள்ளிட்ட வன விலங்குகளின் நடமாட்டம் உள்ள பகுதியாகும். பெரும்பாலான குடியிருப்பு பகுதியில் யானைகளுக்குப் பிடித்த உணவான வாழை மற்றும் பலா மரங்கள் உள்ளன. இவற்றை உண்பதற்காக யானைகள் இரவு நேரங்களில் குடியிருப்பு பகுதிகளுக்கு நுழைவது வாடிக்கையாக உள்ளது. இதனால் இரவு நேரங்களில் வெளியே வருபவர்கள் உயிரிழக்கும் அபாயம் உள்ளது. எனவே,  உரிமையாளர்களின் ஒத்துழைப்போடு குடியிருப்பு பகுதிகளில் உள்ள வாழை, பலா மரங்களை வனத் துறையினர் அகற்றி வருகின்றனர்.

]]>
https://www.dinamani.com/all-editions/edition-coimbatore/nilgiris/2019/jan/11/யானைகள்-நடமாட்டம்-உள்ள-பகுதிகளில்--வாழை-பலா-மரங்கள்-அகற்றம்-3074735.html
3074734 கோயம்புத்தூர் நீலகிரி குன்னூர் அருகே  கார் மோதி 4 மாணவ, மாணவிகள் காயம் DIN DIN Friday, January 11, 2019 06:57 AM +0530 நீலகிரி மாவட்டம், குன்னூர் அருகே உள்ள அருவங்காடு பகுதியில் சுற்றுலா கார் மோதிய விபத்தில் 4 மாணவ, மாணவிகள் வியாழக்கிழமை  காயமடைந்தனர்.
குன்னூர் அருகே உள்ள அருவங்காடு பகுதியில் டெம்ஸ் மேல் நிலைப் பள்ளி உள்ளது.  இங்குப் படித்து வரும் மாணவ, மாணவியர் பள்ளி முடிந்து வியாழக்கிழமை மாலை அருவங்காடு பகுதியில் சாலையை கடக்க முற்பட்டனர்.
 அப்போது  அதிவேகத்தில் வந்த சுற்றுலா கார் மாணவ, மாணவிகள் மீது மோதியது. இதில், ஆர்த்தி (11), கீர்த்திகா (12), அஸ்வதா (12),  கௌசிக் (8) ஆகியோர் காயமடைந்தனர். இவர்கள் அனைவரும் குன்னூர் அரசு மருத்துவமனையில் அனுமதிக்கப்பட்டுள்ளனர். இதில் படுகாயமடைந்த கெளசிக் உயர் சிகிச்சைக்காக கோவை  மருத்துவமனைக்கு அழைத்துச் செல்லப்பட்டார்.
இந்த விபத்து குறித்து வழக்குப் பதிவு செய்த அருவங்காடு காவல் துறையினர்   ஈரோடு மாவட்டம், கோபியைச் சேர்ந்த நந்தகுமார் என்பவரைக் கைது செய்து விசாரித்து வருகின்றனர். இச்சம்பவம் தொடர்பாக சாலை  மறியலில் ஈடுபட முயன்ற   பொதுமக்களை காவல் துறையினர் சமாதானம் செய்து அனுப்பிவைத்தனர்.
 

]]>
https://www.dinamani.com/all-editions/edition-coimbatore/nilgiris/2019/jan/11/குன்னூர்-அருகே--கார்-மோதி-4-மாணவ-மாணவிகள்-காயம்-3074734.html
3074107 கோயம்புத்தூர் நீலகிரி நன்னடத்தை சரிபார்ப்பு இணைய சேவை தொடக்கம் DIN DIN Thursday, January 10, 2019 06:04 AM +0530 தமிழக காவல் துறையால் அறிமுகப்படுத்தப்பட்டுள்ள காவல் நன்னடத்தை சரிபார்ப்பு சேவைக்கான புதிய இணையவழி மூலம் விண்ணப்பித்தவர்களுக்கு  புதன்கிழமை சான்றிதழ் அளிக்கப்பட்டது.
தமிழக காவல் துறை அறிமுகப்படுத்தியுள்ள w‌w‌w.​c‌s‌e‌r‌v‌i​c‌e‌s.‌t‌n‌p‌o‌l‌i​c‌e.‌g‌o‌v.‌i‌n  என்ற இணையதளத்தின் வாயிலாக பின்வரும் சேவைகளுக்காக தனிநபர்/தனியார் நிறுவனங்கள்  விண்ணப்பிக்கலாம்.  தனிநபர் விவரம் சரிபார்ப்பு, வேலை நிமித்தமான சரிபார்ப்பு, வாடகைதாரரின் விவரம் சரிபார்ப்பு, வீட்டு வேலையாள்கள் விவரம் சரிபார்ப்பு போன்ற சேவைகளை நேரில் அலையாமல் விண்ணப்பித்து இணையதளம் மூலம் பெறும் வாய்ப்பு உருவாகியுள்ளது.
இச்சேவையைப் பயன்படுத்துவதற்காக தனிநபர் ஒரு விண்ணப்பத்துக்கு ரூ. 500, தனியார் நிறுவனங்கள் ஒரு விண்ணப்பத்துக்கு ரூ. 1,000 வீதமும் கட்டணம் செலுத்த வேண்டும். இணையதளம் வழியாக கிரெடிட் கார்டு/டெபிட் கார்டு, இணையவழி வங்கி சேவை ஆகிய முறைகளில் ஏதேனும் ஒரு முறையைப் பயன்படுத்தி மேற்படி கட்டணத் தொகையைச் செலுத்தலாம். 
விவரம் சரிபார்க்கப்பட வேண்டிய தனி நபர் ஒருவரின் வீட்டு முகவரி, தமிழக காவல் துறையின் வசம் உள்ள ஆவணங்களின் அடிப்படையில், மேற்படி நபர் ஏதேனும் குற்ற நடவடிக்கையில் ஈடுபட்டுள்ளாரா என்ற விவரம் சரிபார்க்கப்படும். 
தமிழகத்தில் வசிப்பவர்கள் பற்றிய விவரங்கள் சரிபார்ப்பதே இச்சேவையின் முக்கிய நோக்கம்.
விண்ணப்பம் பெறப்பட்ட 15 நாள்களுக்குள் காவல் முன் நடத்தை சரிபார்ப்புப் பணி முடிக்கப்படும். காவல் முன் நடத்தை சரிபார்ப்பு சேவைக்காக பொதுமக்கள் அல்லது தனியார் நிறுவனங்கள் காவல் நிலையத்துக்கு நேரடியாகச் செல்ல வேண்டிய அவசியமில்லை. காவல் சரிபார்ப்பு அறிக்கை பெறுவதற்காக, இணையதளம் வழியாக விண்ணப்பித்து அதற்கான அறிக்கையை இணையதளத்திலிருந்து பதிவிறக்கம் செய்து கொள்ளலாம். மேலும், அந்த அறிக்கையின் நகல் ஒன்று விண்ணப்பதாரரின் மின்னஞ்சல் முகவரிக்கும் அனுப்பி வைக்கப்படும் என்று காவல் துறையினர் தெரிவித்தனர்.


 

]]>
https://www.dinamani.com/all-editions/edition-coimbatore/nilgiris/2019/jan/10/நன்னடத்தை-சரிபார்ப்பு-இணைய-சேவை-தொடக்கம்-3074107.html
3074106 கோயம்புத்தூர் நீலகிரி உதகையிலிருந்து 20 புதிய அரசுப் பேருந்துகள் இயக்கம் தொடக்கம் DIN DIN Thursday, January 10, 2019 06:03 AM +0530 உதகை மண்டலத்துக்கு ஒதுக்கப்பட்ட  20 புதிய பேருந்துகளின் இயக்கத்தை  மாவட்ட ஆட்சியர் இன்னசென்ட் திவ்யா புதன்கிழமை கொடியசைத்து தொடங்கி வைத்தார்.
நீலகிரி மாவட்டம், உதகை மண்டலத்துக்கு ரூ. 5.4 கோடி மதிப்பில் 20 புதிய பேருந்துகள் ஒதுக்கப்பட்டு அவை தமிழக முதல்வரால்  கடந்த 7ஆம் தேதியன்று சென்னையில் துவக்கி வைக்கப்பட்டது. 
உதகை மத்திய பேருந்து நிலையத்திலிருந்து இப்புதிய பேருந்துகளை மாவட்ட ஆட்சியர் இன்னசென்ட்  திவ்யா புதன்கிழமை கொடியசைத்து தொடங்கிவைத்தார். 
அப்போது அவர் கூறியதாவது:
தமிழக  முதல்வர் எடப்பாடி பழனிசாமி கடந்த 7 ஆம் தேதியன்று  தலைமைச் செயலகத்தில் அரசுப் போக்குவரத்துக் கழகத்தின் சார்பில் ரூ.140 கோடி மதிப்பில் 555 புதிய பேருந்துகளை கொடியசைத்து துவக்கி வைத்தார்.  
அதனடிப்படையில்  நீலகிரி மாவட்டத்தில் பொதுமக்களின்  போக்குவரத்து தேவையை பூர்த்தி செய்யும் வகையில் குன்னூர் கிளைக்கு 3 அரசுப் பேருந்துகளும்,  கோத்தகிரி கிளைக்கு 4 பேருந்துகளும், கூடலூர் கிளைக்கு 4  பேருந்துகளும், மேட்டுப்பாளையம்-2 கிளைக்கு 3 பேருந்துகளும்,
உதகை -1 கிளைக்கு 3 பேருந்துகளும், உதகை-2 கிளைக்கு 3 பேருந்துகளுமாக  மொத்தம் ரூ.5.4 கோடி மதிப்பில் 20 பேருந்துகள் இயக்கப்பட உள்ளன என்றார்.
இந்நிகழ்ச்சியில், மக்களவை  உறுப்பினர் சி.கோபாலகிருஷ்ணன், குன்னூர் சட்டப் பேரவை  உறுப்பினர் சாந்தி ராமு, மாவட்ட அரசுப் போக்குவரத்து கழக பொது மேலாளர் மோகன், துணை மேலாளர் கணேசன் மற்றும் அரசுத் துறை அலுவலர்கள்  பலர் பங்கேற்றனர்.

]]>
https://www.dinamani.com/all-editions/edition-coimbatore/nilgiris/2019/jan/10/உதகையிலிருந்து-20-புதிய-அரசுப்-பேருந்துகள்-இயக்கம்-தொடக்கம்-3074106.html
3074105 கோயம்புத்தூர் நீலகிரி நீலகிரி மாவட்டத்தில் நாளை அம்மா திட்ட சிறப்பு முகாம் DIN DIN Thursday, January 10, 2019 05:55 AM +0530 நீலகிரி மாவட்டத்தில் அம்மா திட்ட சிறப்பு முகாம்கள் வெள்ளிக்கிழமை (ஜனவரி 11) நடைபெறுகிறது.
இதுதொடர்பாக மாவட்ட ஆட்சியர்அலுவலக செய்திக் குறிப்பில்  கூறியிருப்பதாவது:
நீலகிரி மாவட்டத்தில் அம்மா திட்ட சிறப்பு முகாம்கள் உதகை வட்டத்தில் தூனேரி சமுதாயக் கூடத்திலும்,  குன்னூர் வட்டத்தில் அட்டடி சமுதாயக் கூடத்திலும்,  கோத்தகிரி ஜக்கனாரை கிராமத்தில் ஆடுபெட்டு சமுதாயக்கூடத்திலும்,  குந்தா வட்டத்தில் தேவர்சோலை சமுதாயக் கூடத்திலும்,  கூடலூர் வட்டத்தில் கார்குடி ஜிடிஆர் பள்ளி வளாகத்திலும்,  பந்தலூர் வட்டத்தில்  மூனநாடு கிராமத்தில் கொட்டாடு ஜிடிஆர் பள்ளி வளாகத்திலும் வருகிற வெள்ளிக்கிழமை(ஜனவரி 11) நடைபெறவுள்ளது.
இந்த முகாமில்  அந்தந்தப் பகுதிகளைச் சேர்ந்த பொதுமக்கள் பங்கேற்று தங்கள் பிரச்னைகளுக்குத் தீர்வு காணலாம் என  தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/nilgiris/2019/jan/10/நீலகிரி-மாவட்டத்தில்-நாளை-அம்மா-திட்ட-சிறப்பு-முகாம்-3074105.html
3074104 கோயம்புத்தூர் நீலகிரி மத்திய தொழிற்சங்கங்கள் சார்பில் மறியல்: 646 பேர் கைது DIN DIN Thursday, January 10, 2019 05:54 AM +0530 மத்திய அரசின் தொழிலாளர் விரோதப் போக்கு உள்ளிட்ட பல்வேறு நடவடிக்கைகளைக் கண்டித்து நீலகிரி மாவட்டத்தில் மறியலில் ஈடுபட்ட  646 பேரை  போலீஸார் புதன்கிழமை கைது செய்தனர்.
சம வேலைக்கு சம ஊதியம் வேண்டும், தொழிலாளர் நலச் சட்டங்களில் திருத்தம் செய்யக் கூடாது, முறைசாரா தொழிலாளர்களுக்கான ஆணையம் அமைக்க வேண்டும், பொதுத் துறை நிறுவனங்களை தனியார் மயமாக்கக் கூடாது என்பன உள்ளிட்ட 12 அம்ச கோரிக்கைகளை வலியுறுத்தி சி.ஐ.டி.யூ., ஏ.ஐ.டி.யூ.சி., ஐ.என்.டி.யூ.சி., எச்.எம்.எஸ். ஆகிய மத்திய தொழிற்சங்கங்கள் சார்பில் நாடு முழுவதும் இரண்டாவது நாளாக புதன்கிழமை பொது வேலைநிறுத்தப் போராட்டம் நடைபெற்றது. நீலகிரி மாவட்டத்தில் உதகை, குன்னூர், கோத்தகிரியில் இந்த மறியல் போராட்டங்கள் நடைபெற்றன. மறியலில் ஈடுபட்டதாக மாவட்டம் முழுவதும் மொத்தம் 646 பேர் கைது செய்யப்பட்டு திருமண மண்டபங்களில் தங்க வைக்கபட்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/10/மத்திய-தொழிற்சங்கங்கள்-சார்பில்-மறியல்-646-பேர்-கைது-3074104.html
3074103 கோயம்புத்தூர் நீலகிரி சேம்புக்கரை பழங்குடியினர் கிராமத்தில் மனுநீதி நாள் DIN DIN Thursday, January 10, 2019 05:54 AM +0530 குன்னூர் வட்டம்,  பர்லியாறு ஊராட்சிக்குள்பட்ட சேம்புக்கரை பழங்குடியினர் கிராமத்தில் மனுநீதி நாள் முகாம் புதன்கிழமை  நடைபெற்றது.  
முகாமில் பயனாளிக்கு அரசின் பல்வேறு நலத்திட்ட உதவிகளை வழங்கி மாவட்ட ஆட்சியர் இன்னசென்ட் திவ்யா பேசியதாவது:
தமிழக அரசு மக்களுக்காக பல்வேறு திட்டங்களை செயல்படுத்தி வருகிறது. தொலைதூரத்தில் உள்ள வளர்ச்சி அடையாத கிராமங்களைக் கண்டறிந்து அவர்களின் அடிப்படை தேவைகள் நிறைவேற்றி தரப்படுகிறது. 
மேலும் அனைத்து வீடுகளிலும் கட்டாயமாக கழிப்பறை கட்டப்பட வேண்டும். கழிப்பறை கட்ட முடியாத இடங்களில் பொது கழிப்பிடத்தை கட்டி அதனை பயன்படுத்த வேண்டும். மகாத்மா காந்தி தேசிய  வேலை உறுதித் திட்டத்தின் கீழ் அதிக வேலை வாய்ப்பு உள்ளது. 
எனவே நீங்களே பணிகளை எடுத்து உங்கள் ஊருக்குத் தேவையான அடிப்படை வசதிகளை மேற்கொள்ளலாம். 
பெண்கள் அனைவரும் குழுக்களாக சேர்ந்து கடனுதவி பெற்று சுயதொழில் தொடங்கி வாழ்வில் முன்னேற வேண்டும் என்றார். 
இந்த முகாமில், சமூக பாதுகாப்புத் திட்டத்தின் கீழ் முதியோர், முதிர்கன்னி உதவித் தொகை 9 பயனாளிகளுக்கு மாதந்தோறும் தலா ரூ. 1000  பெறுவதற்கான ஆணையையும், 31 பயனாளிகளுக்கு ஜாதி சான்றிதழ்களையும், ஆதிதிராவிடர் மற்றும் பழங்குடியினர் நலத் துறை சார்பில் 16 பயனாளிகளுக்கு நலவாரிய அட்டைகளையும்  ஆட்சியர் வழங்கினார்.
பின்னர் அவர், பொது மக்களிடமிருந்து கோரிக்கை மனுக்களை பெற்று, சம்பந்தப்பட்ட துறை அலுவலர்களிடம் தகுதி இருப்பின் பரிசீலனை செய்து உடனடியாக நடவடிக்கை மேற்கொள்ளுமாறு  உத்தரவிட்டார்.
இந்நிகழ்ச்சியில், சார் ஆட்சியர் ரஞ்சித் சிங்,  மாவட்ட ஊரக வளர்ச்சி முகமை திட்ட இயக்குநர் பாபு,  மாவட்ட ஆட்சியரின் நேர்முக உதவியாளர் (பொது) கீதாப்ரியா, தனித் துணை ஆட்சியர் (சமூக பாதுகாப்பு திட்டம்) முருகன், பல்வேறு அரசுத் துறை அலுவலர்கள், பொதுமக்கள் கலந்து கொண்டனர்.

]]>
https://www.dinamani.com/all-editions/edition-coimbatore/nilgiris/2019/jan/10/சேம்புக்கரை-பழங்குடியினர்-கிராமத்தில்-மனுநீதி-நாள்-3074103.html
3074102 கோயம்புத்தூர் நீலகிரி விழிப்புணர்வு கருத்தரங்கு DIN DIN Thursday, January 10, 2019 05:54 AM +0530 கோத்தகிரி நுகர்வோர் பாதுகாப்பு சங்கத்தின் சார்பில்  விழிப்புணர்வு கருத்தரங்கு புதன்கிழமை நடைபெற்றது.   
இந்நிகழ்ச்சிக்கு, சங்க செயலாளர் லட்சுமணன் தலைமை வகித்தார்.  
பாண்டியராஜ் மெமோரியல் மெட்ரிக்  பள்ளித் தாளாளர் பிரியதர்சினி முன்னிலை வகித்தார். 
இதில், நுகர்வோர் சங்கத் தலைவர் நாகேந்திரன் பேசுகையில், "தடை செய்யப்பட்ட பிளாஸ்டிக் பொருள்கள் மற்றும் அதற்கு மாற்று  பொருள்கள், நுகர்வோர் உரிமைகள், கடமைகள், விளம்பரத்தால் ஏற்படும்  நன்மை, தீமைகள் பற்றி மாணவர்கள் மத்தியில் விளக்கி கூறினார். இந்த கருத்தரங்கில், சங்க  உறுப்பினர் பிரபாகரன், ஒருங்கிணைப்பாளர் ஆசிரியை நந்தினி உள்ளிட்ட பலர் கலந்து  கொண்டனர். ஆசிரியை சுகந்தி நன்றி கூறினார். 
 

]]>
https://www.dinamani.com/all-editions/edition-coimbatore/nilgiris/2019/jan/10/விழிப்புணர்வு-கருத்தரங்கு-3074102.html
3074101 கோயம்புத்தூர் நீலகிரி அரசினர் தாவரவியல் பூங்காவில் மலர் நாற்றுகள் நடும் பணி தொடக்கம் DIN DIN Thursday, January 10, 2019 05:53 AM +0530 உதகை அரசினர் தாவரவியல் பூங்காவில் மே மாதம் நடைபெறவிருக்கும் 123 ஆவது மலர்க் காட்சியை முன்னிட்டு மலர் நாற்றுகள் நடும் பணியினை மாவட்ட ஆட்சியர் இன்னசென்ட் திவ்யா புதன்கிழமை  தொடங்கிவைத்தார்.
மலர் நாற்றுகள் நடும் பணியினை தொடங்கிவைத்து மாவட்ட ஆட்சியர்  இன்னசென்ட் திவ்யா கூறியதாவது:
2019 மே மாதம் நடைபெறவிருக்கும் 123 ஆவது மலர்க்காட்சியை முன்னிட்டு உதகை அரசினர் பூங்காவின்  பல்வேறு பகுதிகளில் பல்வேறு மலர் பாத்திகளில் வண்ண மலர்ச் செடிகளை அமைக்க விரிவான ஏற்பாடு செய்யப்பட்டுள்ளது. 
இதில் நீண்ட வாழ்நாள்களைக்  கொண்ட  சால்வியா, டெல்பீனியம் மற்றும் பென்ஸ்டிமன் போன்ற மலர் நாற்றுகள் நடும் பணி புதன்கிழமை தொடங்கிவைக்கப்பட்டுள்ளது.
இந்த ஆண்டின் சிறப்பம்சமாக சைக்லமன், சினரேரியா, ஜெரோனியம், கிலக்ஸ்சீனியா, ரெனன்கிளாஸ்  பல புதிய ரக ஆர்னமென்டல் கேல், ஓரியண்டல் லில்லி, ஆசியாடிக் லில்லி, டேலியாக்கள், இன்கா மெரி கோல்டு, பிகோனியா, கேன்டீடப்ட், டெல்பீனியம், பிரெஞ்ச் மெரிகோல்டு, பேன்சி, பெட்டூனியா, பிளாக்ஸ், பிரிமுலா, ஜினியா, ஸ்டாக், கேல், வெர்பினா, சன் பிளவர், சிலோசியா,ஆன்டிரைனம்,வயோலா, லைமோனியம், நிமேசியா போன்ற 230 வகையான விதைகள் ஜப்பான்,அமெரிக்கா, ஜெர்மனி மற்றும் நெதர்லாந்து ஆகிய நாடுகளிலிருந்து பெறப்பட்டு மலர் செடிகள் உற்பத்தி செய்யப்பட்டு பூங்காவில் பல்வேறு பகுதிகளிலிருந்து 5 லட்சம் மலர் நாற்றுகள் நடவு செய்ய ஏற்பாடு செய்யப்பட்டுள்ளது. 
இதைத்தவிர இந்த ஆண்டு மலர்க் காட்சி அரங்கினுள் 15,000 பல வண்ண மலர் செடிகள் அடுக்கிவைக்க விரிவான ஏற்பாடுகள் செய்யப்பட்டுள்ளன.
மேலும் 2018 ஆம் ஆண்டில் நடைபெற்ற 122 ஆவது மலர்க் காட்சிக்கு 28.7 லட்சம் சுற்றுலாப் பயணிகள் வருகை தந்திருந்தனர். இந்த ஆண்டு நீலகிரிக்கு 150 ஆவது ஆண்டாகும். எனவே, கடந்த ஆண்டை விட இந்த ஆண்டு  சுற்றுலாப் பயணிகளின் எண்ணிக்கை மேலும் அதிகரிக்க வாய்ப்புள்ளதாக எதிர்பார்க்கப்படுகறது.  இந்த ஆண்டில் நீலகிரி மாவட்டம் தனி மாவட்டமாக உருவாகி 150 ஆண்டுகள் ஆனதையொட்டி உதகை மலர்க்காட்சி விழாவும் மிகச்சிறப்பாக நடத்தப்படும்  என்றார். 
இந்நிகழ்ச்சியில், குன்னூர் சட்டப் பேரவை  உறுப்பினர் சாந்தி ராமு, தோட்டக்கலைத் துறை இணை இயக்குநர் சிவசுப்ரமணியம் சாம்ராஜ், துணை இயக்குநர் மீராபாய் மற்றும் அரசுத்துறை அலுவலர்கள் பலர் பங்கேற்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/10/அரசினர்-தாவரவியல்-பூங்காவில்-மலர்-நாற்றுகள்-நடும்-பணி-தொடக்கம்-3074101.html
3074100 கோயம்புத்தூர் நீலகிரி குழந்தைகள் காப்பகத்தில் ஆட்சியர் திடீர்  ஆய்வு DIN DIN Thursday, January 10, 2019 05:53 AM +0530 குன்னூர் அருகே முத்திரி எஸ்டேட் குழந்தைகள்  காப்பகத்தில் மாவட்ட  ஆட்சியர் இன்னசென்ட் திவ்யா  புதன்கிழமை திடீர்  ஆய்வு மேற்கொண்டார்.
குன்னூர் அருகே  தனியார் முத்திரி எஸ்டேட் பகுதியில் குழந்தைகள் காப்பகம் உள்ளது.  இங்கு எஸ்டேட்டில் பணியாற்றும் தொழிலாளர்களின் 10-க்கும் மேற்பட்ட குழந்தைகள் பராமரிக்கப்பட்டு வருகின்றனர்.
இந்நிலையில் குன்னூர் வட்டம், பர்லியாறு ஊராட்சியில் நடைபெற்ற மனுநீதி நாள் முகாமில் பங்கேற்க புதன்கிழமை வந்த மாவட்ட ஆட்சியர் இன்னசென்ட் திவ்யா திடீரென இந்த காப்பகத்துக்கு சென்று ஆய்வு மேற்கொண்டார்.  
அப்போது,  எந்த அடிப்படை வசதிகளும் செய்து கொடுக்காமல்  பிகார், ஒடிஸா,  ஜார்கண்ட் உள்ளிட்ட மாநிலங்களைச் சேர்ந்த  குழந்தைகள் தரையில் படுக்க வைக்கப்பட்டிருந்தனர்.
இதைக் கண்ட ஆட்சியர்,  எஸ்டேட் நிர்வாகத்தின் மீது கடுமையான நடவடிக்கை எடுக்க அதிகாரிகளுக்கு உத்தரவிட்டார். 
மேலும் எடுத்த நடவடிக்கைகள் குறித்த  அறிக்கை அளிக்கவும் அதிகாரிகளுக்கு அவர் அறிவுறுத்தினார். 
 

]]>
https://www.dinamani.com/all-editions/edition-coimbatore/nilgiris/2019/jan/10/குழந்தைகள்-காப்பகத்தில்-ஆட்சியர்-திடீர்--ஆய்வு-3074100.html
3073428 கோயம்புத்தூர் நீலகிரி ஜனவரி 16, 21, 26 தேதிகளில் மதுக் கடைகளுக்கு விடுமுறை DIN DIN Wednesday, January 9, 2019 06:35 AM +0530 நீலகிரி மாவட்டத்தில் ஜனவரி 16, 21, 26 ஆகிய தேதிகளில் மதுபான விற்பனை கடைகளுக்கு விடுமுறை அளிக்கப்படுவதாக மாவட்ட  ஆட்சியர் இன்னசென்ட் திவ்யா தெரிவித்துள்ளார். 
இதுதொடர்பாக அவர் வெளியிட்டுள்ள செய்திக் குறிப்பு:
 நீலகிரி மாவட்டத்தில் தமிழ்நாடு மதுபான உரிம விதிகளின்படி டாஸ்மாக் மதுபான சில்லறை விற்பனைக் கடைகள்,  கிளப்புகள்,  மதுக்கூடங்கள்,  ஹோட்டல்கள் மற்றும் ஹோட்டல் தமிழ்நாடு யூனிட் 1 மற்றும் 2  ஆகியவற்றில்  திருவள்ளுவர்  தினத்தையொட்டி ஜனவரி 16 ஆம்தேதி  (புதன்கிழமை),   வள்ளலார் தினத்தையொட்டி  ஜனவரி 21ஆம்தேதி (திங்கள்கிழமை) , குடியரசு தினத்தையொட்டி ஜனவரி 26 ஆம்தேதி (சனிக்கிழமை) ஆகிய  3 நாள்களுக்கு எவ்வித மதுபானங்களும் விற்பனை செய்யப்பட மாட்டாது.  இந்த மூன்று நாள்களிலும் டாஸ்மாக் விற்பனை கடைகள்,  கிளப்கள்,  மதுக்கூடங்கள் மற்றும் ஹோட்டல் தமிழ்நாடு யூனிட் 1 மற்றும் 2ல் உள்ள மதுபானக் கடைகள் கட்டாயமாக மூடப்பட வேண்டும்.  இந்த உத்தரவை மீறி மதுபானங்களை விற்பனை  செய்யும் உரிமதாரர்கள் மீது கடும் நடவடிக்கை எடுக்கப்படும் என ஆட்சியர்  தெரிவித்துள்ளார். 

]]>
https://www.dinamani.com/all-editions/edition-coimbatore/nilgiris/2019/jan/09/ஜனவரி-16-21-26-தேதிகளில்-மதுக்-கடைகளுக்கு-விடுமுறை-3073428.html
3073427 கோயம்புத்தூர் நீலகிரி ஆட்டோ மீது லாரி மோதல்: இளம்பெண் சாவு ; 4 பேர் காயம் DIN DIN Wednesday, January 9, 2019 06:35 AM +0530 கூடலூர் அருகே  ஆட்டோ மீது லாரி மோதிய விபத்தில் இளம்பெண் உயிரிழந்தார்; 4 பேர் காயமடைந்தனர்.
நீலகிரி மாவட்டம், கூடலூரிலிருந்து சாலைப் பணிக்கான கட்டுமானப் பொருள்களை ஏற்றிக்கொண்டு பாடந்தொறை பகுதிக்கு லாரி ஒன்று செவ்வாய்க்கிழமை சென்று கொண்டிருந்தது.  அப்போது,  பாடந்தொறையில் இருந்து கூடலூர் நோக்கி பயணிகள் ஆட்டோ சென்று கொண்டிருந்தது.  மீனாட்சி என்ற பகுதியில் ஹவந்தபோது,  வளைவில் அதிவேகத்தில் வந்த லாரி எதிரே வந்த பயணிகள் ஆட்டோ மீது மோதியது.  
இதில் ஆட்டோவில் பயணித்த பாடந்தொறை பகுதியைச் சேர்ந்த செபீனா (31),  ஆட்டோ ஓட்டுநர் அர்ஷித் (21), பெபின் (16), மணிகண்டன் (21), கோபாலகிருஷ்ணன் (20)  ஆகியோர் பலத்த காயமடைந்தனர்.  
காயமடைந்த அனைவரையும் அப்பகுதியில் இருந்தவர்கள் மீட்டு கூடலூர் அரசு மருத்துவமனைக்கு அனுப்பி வைத்தனர்.  அங்கு முதலுதவிக்குப் பின் அவர்கள் உயர் சிகிச்சைக்காக கேரள மாநிலத்திலுள்ள தனியார் மருத்துவமனையில் அனுமதிக்கப்பட்டனர். இதில் செபீனா (31) உயிரிழந்தார்.  மற்ற நால்வரும் சிகிச்சை பெற்று வருகின்றனர்.  
விபத்து ஏற்பட்டபோது கட்டுப்பாட்டை இழந்து லாரி சாலையில் கவிழ்ந்ததால் கூடலூர்-தேவர்சோலை சாலையில் பல மணி நேரம் போக்குவரத்து பாதிப்பு ஏற்பட்டது. இதுகுறித்து கூடலூர் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/09/ஆட்டோ-மீது-லாரி-மோதல்-இளம்பெண்-சாவு--4-பேர்-காயம்-3073427.html
3073426 கோயம்புத்தூர் நீலகிரி 44 கிலோ பிளாஸ்டிக் பறிமுதல்:  ரூ.1.13 லட்சம் அபராதம் வசூலிப்பு DIN DIN Wednesday, January 9, 2019 06:35 AM +0530 நீலகிரி மாவட்டத்தில் நடத்தப்பட்ட ஒட்டுமொத்த கள ஆய்வில் தடை செய்யப்பட்ட பிளாஸ்டிக் பொருள்கள்  44 கிலோ பறிமுதல் செய்யப்பட்டதோடு, அவர்களிடமிருந்து ரூ.1.13 லட்சம்  அபராதம் வசூலிக்கப்பட்டது. 
 நீலகிரி மாவட்டத்தில் உதகை, குன்னூர், கூடலூர் மற்றும் நெல்லியாளம் நகராட்சிகள், 11 பேரூராட்சிகள் மற்றும் 4 ஊராட்சி ஒன்றியங்களில் தடை செய்யப்பட்ட பிளாஸ்டிக் பொருள்களின் பயன்பாட்டை தவிர்ப்பது மற்றும் பொது இடங்களில் குப்பை கொட்டுவதை தவிர்ப்பது தொடர்பான விழிப்புணர்வினை ஏற்படுத்தும் வகையில், மாவட்ட ஆட்சியரின் உத்தரவின்படி திங்கள்கிழமை  ஒருநாள் ஒட்டுமொத்த கள ஆய்வு நடத்தப்பட்டது. 
 மாவட்டத்திலுள்ள அலுவலர்கள் 4 மண்டலங்களாகப் பிரிந்து நடத்திய இந்த கள ஆய்வில் சுமார் 44 கிலோ எடையிலான தடை செய்யப்பட்ட பிளாஸ்டிக் பொருள்கள் பறிமுதல் செய்யப்பட்டு,  அவர்களிடமிருந்து ரூ. 1 லட்சத்து 9,100 அபராதமாக வசூலிக்கப்பட்டது. அதேபோல,  பொது இடங்களில் குப்பைகளைக் கொட்டி அசுத்தப்படுத்திய நபர்களிடமிருந்து ரூ. 4 ஆயிரம் அபராதமாக வசூலிக்கப்பட்டது. 
நீலகிரி மாவட்டத்தில் வரும் காலங்களில் வியாபாரிகளும், பொதுமக்களும்,  சுற்றுலாப் பயணிகளும் தடை செய்யப்பட்ட பிளாஸ்டிக் பொருள்களை பயன்படுத்தாமலும், பொது இடங்களில் குப்பைகளைக் கொட்டி அசுத்தப்படுத்தாமலும் மாவட்டத்தின் சுற்றுச்சூழலை பாதுகாப்பதில் முழு ஒத்துழைப்பு தர வேண்டும் என ஆட்சியர் கோரிக்கை விடுத்துள்ளார்.

]]>
https://www.dinamani.com/all-editions/edition-coimbatore/nilgiris/2019/jan/09/44-கிலோ-பிளாஸ்டிக்-பறிமுதல்--ரூ113-லட்சம்-அபராதம்-வசூலிப்பு-3073426.html
3073425 கோயம்புத்தூர் நீலகிரி தொழிற்சங்கங்களின் வேலை நிறுத்தப் போராட்டம்: வங்கிப் பணிகள் பாதிப்பு DIN DIN Wednesday, January 9, 2019 06:34 AM +0530 நாடு முழுவதும் தொழிற்சங்கங்கள் அறிவித்துள்ள 2 நாள் வேலை நிறுத்தப் போராட்டத்தில் செவ்வாய்க்கிழமை நடைபெற்ற முதல் நாள் போராட்டத்தில் நீலகிரி மாவட்டத்தில் வங்கிப் பணிகள் பெரிதும் பாதிக்கப்பட்டன. 
வேலை நிறுத்தத்தையொட்டி,  தபால் அலுவலகங்கள், எல்ஐசி  நிறுவனங்கள் செயல்படவில்லை. வங்கிகளில் அதிகாரிகள் மட்டுமே வந்திருந்தனர். வங்கி ஊழியர்கள் கூடுதல் எண்ணிக்கையில் பங்கேற்றதால் வங்கிப் பணிகள் பெரிதும் பாதிக்கப்பட்டன. அதேபோல,  மாவட்ட ஆட்சியர் அலுவலகம் உள்ளிட்ட அரசு அலுவலகங்களில் 30 சதவீத ஊழியர்கள் பணிக்கு வரவில்லை.
 தமிழக அரசின் பொங்கல் சிறப்பு தொகுப்பினை பெறுவதற்காக செவ்வாய்க்கிழமை அனைத்து நியாய விலைக் கடைகளிலும் பொதுமக்கள் ஏராளமானோர் நீண்ட வரிசைகளில் காத்திருந்த போதிலும், வங்கிகளின் வேலை நிறுத்தப் போராட்டத்தால் நியாயவிலைக் கடை ஊழியர்களுக்கு செவ்வாய்க்கிழமை காலையில் ரொக்கம் வழங்கப்படவில்லை. அதன்பின்னர் பகல் 11 மணிக்கு மேல் 100 ரூபாய் நோட்டுகளை மத்திய கூட்டுறவு வங்கி மூலம் விநியோகிக்க அதிகாரிகள் முன்வந்தனர். ஆனால், 100 ரூபாய் நோட்டுகளை விநியோகிப்பதில்  சிரமம் ஏற்படுமென்பதால் அவற்றை வாங்க நியாயவிலைக் கடை ஊழியர்கள் மறுத்துவிட்ட நிலையில், பகல் 12 மணிக்கு மேல் 500 ரூபாய் நோட்டுகள் தரப்பட்டன. இதன் காரணமாக பெரும்பாலான நியாயவிலைக் கடைகளில் பொங்கல் பரிசு தொகுப்புகள் செவ்வாய்க்கிழமை பிற்பகலுக்கு பின்னரே விநியோகிக்கப்பட்டன.
அரசுப் போக்குவரத்துக் கழக பேருந்துகள் வழக்கம் போல இயக்கப்பட்டன. பள்ளி, ஆட்டோ, வாடகை வாகனங்கள்  உள்ளிட்ட அனைத்தும்  வழக்கம்போல இயங்கின.  உதகையிலிருந்து கர்நாடக மாநிலத்துக்கு இயக்கப்பட்ட அரசுப் பேருந்துகள் தமிழக-கர்நாடக எல்லைப் பகுதியான  கூடலூரிலேயே  நிறுத்தப்பட்டன. அதேபோல, கேரள மாநிலத்துக்கான பேருந்து  போக்குவரத்தும் தடை செய்யப்பட்டிருந்தது. தொழிற்சங்கங்களின் இந்த வேலை நிறுத்தப் போராட்டத்தால்  பொதுமக்களின் இயல்வு வாழ்க்கை எவ்வகையிலும் பாதிக்கப்படவில்லை. 

]]>
https://www.dinamani.com/all-editions/edition-coimbatore/nilgiris/2019/jan/09/தொழிற்சங்கங்களின்-வேலை-நிறுத்தப்-போராட்டம்-வங்கிப்-பணிகள்-பாதிப்பு-3073425.html
3073424 கோயம்புத்தூர் நீலகிரி பசுந்தேயிலை கொள்முதல் விலை: கிலோ ரூ.15.69  நிர்ணயம் DIN DIN Wednesday, January 9, 2019 06:34 AM +0530 பசுந்தேயிலைக்கான ஜனவரி மாத  கொள்முதல் விலையாக கிலோவுக்கு, 15.69 ரூபாய் விலை நிர்ணயம் செய்யப்பட்டுள்ளதாக  தென்னிந்திய தேயிலை வாரிய செய்திக் குறிப்பில் தெரிவிக்கப்பட்டுள்ளது.  
குன்னூரில் உள்ள தென்னிந்திய தேயிலை வாரிய உதவி இயக்குநர் ஹரி பிரகாஷ் வெளியிட்டுள்ள செய்திக் குறிப்பில் கூறப்பட்டுள்ளதாவது:    
நீலகிரியில் உற்பத்தி செய்யப்படும் பசுந்தேயிலைக்கு குறைந்தபட்ச விலை நிர்ணயம் ஏலத்தின் அடிப்படையில் நிர்ணயம் செய்யப்படுகிறது. 
இதன்படி டிசம்பர்  மாத ஏலத்தின் அடிப்படையில், ஜனவரி மாதத்துக்கான குறைந்தபட்ச கொள்முதல் விலையாக கிலோவுக்கு, 15.69 ரூபாய் விலை நிர்ணயம் செய்யப்பட்டுள்ளது. 
இந்த விலையை வழங்காத தொழிற்சாலைகள் மீது நடவடிக்கை எடுக்கப்படும் எனத் தெரிவித்துள்ளார்.
 

]]>
https://www.dinamani.com/all-editions/edition-coimbatore/nilgiris/2019/jan/09/பசுந்தேயிலை-கொள்முதல்-விலை-கிலோ-ரூ1569--நிர்ணயம்-3073424.html
3073423 கோயம்புத்தூர் நீலகிரி குன்னூர் பேருந்து நிலைய கட்டடங்கள் உறுதித் தன்மை: நிபுணர் குழு ஆய்வு DIN DIN Wednesday, January 9, 2019 06:34 AM +0530 நீலகிரி மாவட்டம், குன்னூர் பேருந்து நிலையத்தில் இருந்த கட்டடங்களின் உறுதிதன்மை குறித்து கோவை தொழில்நுட்பக் கல்லூரி நிபுணர்கள் குழு செவ்வாய்க்கிழமை  ஆய்வு செய்தது.
குன்னூர் பேருந்து  நிலையத்தில் ஆக்கிரமிப்பு செய்யப்பட்டிருந்த கடைகள் உயர் நீதிமன்ற உத்தரவின்பேரில்  கடந்த ஆண்டு ஜூலை மாதம் அகற்றப்பட்டன.  மேலும்,  பேருந்து நிலையத்தில் உள்ள வணிக கட்டடங்கள் உறுதித் தன்மை இல்லாததாக எழுப்பப்பட்ட  புகாரைத் தொடர்ந்து அவற்றையும் காலி செய்ய வேண்டும் என நீதிமன்றம் உத்தரவிட்டிருந்தது.  இதனடிப்படையில், அங்கிருந்த 30-க்கும் மேற்பட்ட கடை  உரிமையாளர்களை நகராட்சி நிர்வாகம் காலிசெய்தது. இதன் காரணமாக 50ஆண்டுக்கும் மேலாக  பேருந்து நிலைய கட்டடத்தில்  கடைகள் நடத்தி வந்த வியாபாரிகள் பாதிக்கப்பட்டனர். 
இந்நிலையில், இந்தக் கட்டடங்களின் உறுதி தன்மை குறித்து கோவை தொழில்நுட்பக் கல்லூரி பேராசிரியர்கள் மற்றும் குன்னூர் நகராட்சி அதிகாரிகள் ஆய்வு மேற்கொண்டனர்.
இந்த ஆய்வறிக்கையை அரசுக்கு  சமர்ப்பித்தப் பின் சென்னையில் இருந்து வரும் மற்றொரு குழு செய்ய உள்ளது. இந்த ஆய்வறிக்கைக்குப் பின் மேற்கொண்டு அரசு நடவடிக்கை  எடுக்கும் என்று ஆய்வு செய்யவந்த அதிகாரிகள் தெரிவித்தனர். 

]]>
https://www.dinamani.com/all-editions/edition-coimbatore/nilgiris/2019/jan/09/குன்னூர்-பேருந்து-நிலைய-கட்டடங்கள்-உறுதித்-தன்மை-நிபுணர்-குழு-ஆய்வு-3073423.html
3072653 கோயம்புத்தூர் நீலகிரி வீட்டு மனைப் பட்டா, சோலார் மின் இணைப்பு: விவசாயிகள் சங்கம் வேண்டுகோள் DIN DIN Tuesday, January 8, 2019 01:33 AM +0530 வீட்டுமனைப் பட்டாவும், சோலார் மின் இணைப்பும் வழங்கக் கோரி விண்ணப்பித்து காத்திருப்பவர்களுக்கு முன்னுரிமை அடிப்படையில் வழங்க வேண்டும் என தமிழ்நாடு விவசாயிகள் சங்கம் வலியுறுத்தி உள்ளது.
இது குறித்து மாவட்ட ஆட்சியருக்கு விவசாயிகள் சங்கத் தலைவர் என்.வாசு அனுப்பி உள்ள கடிதத்தில் கூறியிருப்பதாவது: கிராமப்புறங்களில் அரசு புறம்போக்கு நிலங்களில் 5 ஆண்டுகளுக்கு மேல் வசிப்பவர்களுக்கு 4 சென்ட் நிலத்துக்கு இலவசப் பட்டா வழங்கப்படும் என தமிழக அரசு அண்மையில் உத்தரவு பிறப்பித்துள்ளது.
மின் வசதி இல்லாத எல்லா வீடுகளுக்கும் மின் இணைப்பு வழங்க வேண்டும் என்று தமிழ்நாடு விவசாயிகள் சங்கம் 2017 முதல் தொடர்ந்து பல போராட்டங்களை நடத்தி வருகிறது.
கூடலூர் தொகுதியில் மின் இணைப்பு இல்லாத 10 ஆயிரம் வீடுகளுக்கு சோலார் மின் இணைப்பு வழங்கப்படும் என சட்டப் பேரவையில் தமிழக மின் துறை அமைச்சர் தங்கமணி கூறியுள்ளார்.
இதன் அடிப்படையில், கூடலூரில் கடந்த இரண்டு ஆண்டுகளாகப் போராடி வருபவர்களுக்கு முன்னுரிமை அடிப்படையில் வீட்டுமனைப் பட்டாவும், சோலார் மின் இணைப்பும் வழங்க வேண்டும். மேலும், அரசு வழங்கிய மிக்ஸி,  கிரைண்டர், மடிக்கணினி உள்ளிட்ட பொருள்களை, மின்சாரம் இல்லாததால் ஆதிவாசி மக்கள் பயன்படுத்தாமல் உள்ளனர். கால தாமதம் செய்யாமல் முன்னுரிமை அடிப்படையில் வழங்க நடவடிக்கை எடுக்க வேண்டும் என்று  வலியுறுத்தி உள்ளார்.

]]>
https://www.dinamani.com/all-editions/edition-coimbatore/nilgiris/2019/jan/08/வீட்டு-மனைப்-பட்டா-சோலார்-மின்-இணைப்பு-விவசாயிகள்-சங்கம்-வேண்டுகோள்-3072653.html
3072652 கோயம்புத்தூர் நீலகிரி குன்னூர் காட்டேரி பூங்கா பகுதியில் அரசுப் பேருந்துகளை நிறுத்தக் கோரிக்கை DIN DIN Tuesday, January 8, 2019 01:33 AM +0530 குன்னூர் காட்டேரி பூங்கா பகுதி நிறுத்தத்தில் அரசுப் பேருந்துகளை நிறுத்த வேண்டும் என பொதுமக்கள், சுற்றுலாப் பயணிகள் கோரிக்கை விடுத்துள்ளனர்.
உதகை, குன்னூரில் இருந்து கோவை, மேட்டுப்பாளையம் உள்ளிட்ட பகுதிகளுக்குச் செல்லும் சாதாரண அரசுப் பேருந்துகள் "எக்ஸ்பிரஸ்' என்ற பெயரில் இயக்கப்பட்டு வருகின்றன. இதனால், பொதுமக்கள் கூடுதல் கட்டணம் செலுத்திச் செல்கின்றனர். இந்தப் பேருந்துகள் காட்டேரி பூங்கா பகுதி நிறுத்தத்தில் நிறுத்துவதில்லை. குன்னூரில்  இருந்து  மேட்டுப்பாளையத்துக்கு இயக்கப்படும் ஒரு சில லோக்கல் அரசுப் பேருந்துகள் மட்டுமே அப்பகுதியில் நிறுத்தப்படுகிறது. இதனால், சுற்றுலாப் பயணிகளும், பொதுமக்களும் சிரமத்துக்கு உள்ளாகியுள்ளனர்.
இதேபோல, ஈச்சி மரம் நிறுத்தம், மரப்பாலம் உள்ளிட்ட பகுதிகளிலும் அரசுப் பேருந்துகளை நிறுத்தாததால், இப்பகுதிகளைச் சேர்ந்த மக்கள் பல கி.மீ. தொலைவு நடந்தே செல்லும் நிலை தொடர்கிறது. இதுகுறித்து பல முறை புகார் தெரிவித்தும் அதிகாரிகள் நடவடிக்கை எடுக்கப்படவில்லை எனக் கூறப்படுகிறது. எனவே, இப்பிரச்னைக்கு போக்குவரத்து அதிகாரிகள் உரிய நடவடிக்கை எடுக்க வேண்டும்  என்று பொதுமக்கள், சுற்றுலாப் பயணிகள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/08/குன்னூர்-காட்டேரி-பூங்கா-பகுதியில்-அரசுப்-பேருந்துகளை-நிறுத்தக்-கோரிக்கை-3072652.html
3072650 கோயம்புத்தூர் நீலகிரி தேவாலா அரசு பழங்குடியினர் பள்ளியில் நாட்டு நலப்பணித் திட்ட முகாம் DIN DIN Tuesday, January 8, 2019 01:32 AM +0530 கூடலூரை அடுத்துள்ள தேவாலா அரசு பழங்குடியினர் உண்டு உறைவிட நடுநிலைப் பள்ளியில், கூடலூர் பாரதியார் பல்கலைக்கழக கலை, அறிவியல் கல்லூரியின் நாட்டு நலப்பணித் திட்ட முகாம் திங்கள்கிழமை நடைபெற்றது.
முகாமிற்கு, கல்லூரி முதல்வர் (பொ) வீ.ரமேஷ் தலைமை வகித்தார். பள்ளித் தலைமை ஆசிரியர் சமுத்திர பாண்டியன் முன்னிலை வகித்தார். அதிரடிப் படையின் கூடுதல் கண்காணிப்பாளர் ஏ.சக்திவேல் சிறப்பு அழைப்பாளராகப் பங்கேற்று, மாணவர்களுக்கு அறிவுரை வழங்கினார். காசிகா இலவச ஐ.ஏ.எஸ். பயிற்சி மையத்தின் நிறுவனர் சுரேஷ்குமார், கூடலூர் கோட்டாட்சியர் ராஜ்குமார், ஆங்கிலத் துறைப் பேராசிரியர் செல்வகுமார், புவியியல் துறைத் தலைவர் சுரேஷ் ஆகியோர் வாழ்த்துரை வழங்கினர். திட்ட அலுவலர் வே.மகேஷ் வரவேற்றார். திட்ட அலுவலர் மேரிசுஜி நன்றி கூறினார்.

]]>
https://www.dinamani.com/all-editions/edition-coimbatore/nilgiris/2019/jan/08/தேவாலா-அரசு-பழங்குடியினர்-பள்ளியில்-நாட்டு-நலப்பணித்-திட்ட-முகாம்-3072650.html
3072649 கோயம்புத்தூர் நீலகிரி மக்கள் குறைதீர் கூட்டம்: 184 மனுக்கள் மீது நடவடிக்கை DIN DIN Tuesday, January 8, 2019 01:32 AM +0530 உதகையில் திங்கள்கிழமை நடைபெற்ற மக்கள் குறைதீர் கூட்டத்தில் பெறப்பட்ட  184 மனுக்கள் மீது உடனடி நடவடிக்கை எடுக்குமாறு மாவட்ட ஆட்சியர் இன்னசென்ட் திவ்யா உத்தரவிட்டார். 
இக்கூட்டத்தில், குடும்ப அட்டை, வீட்டுமனைப் பட்டா, தொழில், கல்விக் கடன் உதவி, முதியோர் உதவித் தொகை உள்ளிட்ட பல்வேறு கோரிக்கைகள் அடங்கிய 184 மனுக்கள் பொதுமக்களிடமிருந்து பெறப்பட்டன. இம்மனுக்களின் மீது சம்பந்தப்பட்ட அலுவலர்கள் பரிசீலனை செய்து தகுதி இருப்பின்  உடனடியாக உரிய நடவடிக்கை மேற்கொள்ளுமாறு ஆட்சியர்  உத்தரவிட்டார். மேலும், கடந்த குறைதீர் கூட்டத்தில் பெறப்பட்டு  தீர்வு காணாமல் நிலுவையில் உள்ள மனுக்களின் மீதும் விரைவான நடவடிக்கை எடுக்குமாறு துறை ரீதியான அலுவலர்களுக்கு ஆட்சியர் உத்தரவிட்டார்.
பந்தலூர் வட்டம், இரும்புபாலம் பகுதியைச் சேர்ந்த பழங்குடியினர் இனத்தைச் சேர்ந்த பபிதா என்பவருக்கு மாவட்ட ஆட்சியரின் விருப்புரிமை நிதியிலிருந்து கல்விக் கட்டண நிதியுதவியாக ரூ. 20,000 க்கான காசோலையையும், கூடலூர் வட்டம், நியூஹோப் பகுதியைச் சேர்ந்த யானை தாக்கி வீடு இழந்த ராஜம்மாவுக்கு நிவாரண உதவித் தொகையாக  ரூ. 30,000 க்கான காசோலையையும், பந்தலூர் வட்டம், நெலாக்கோட்டை பகுதியைச் சேர்ந்த படிச்சி என்பவருக்கு முதியோர் உதவித் தொகையாக மாதந்தோறும் தலா ரூ. 1,000 பெறுவதற்கான ஆணையையும் ஆட்சியர்  வழங்கினார்.
இதில், சமூகப் பாதுகாப்புத் திட்ட தனித்துணை ஆட்சியர் முருகன், ஆதிதிராவிடர், பழங்குடியினர் நல அலுவலர் மணிவேலன், அரசுத் துறை அலுவலர்கள் கலந்துகொண்டனர்.

]]>
https://www.dinamani.com/all-editions/edition-coimbatore/nilgiris/2019/jan/08/மக்கள்-குறைதீர்-கூட்டம்-184-மனுக்கள்-மீது-நடவடிக்கை-3072649.html
3072647 கோயம்புத்தூர் நீலகிரி திமுகவுக்குத் தேர்தலைக் கண்டு பயமில்லை: உதகையில் ஆ.ராசா பேச்சு DIN DIN Tuesday, January 8, 2019 01:31 AM +0530 திமுகவுக்குத் தேர்தலைக் கண்டு பயமில்லை என திமுக கொள்கைப் பரப்புச் செயலர் ஆ.ராசா பேசினார். 
உதகை நகர திமுக சார்பில் பொங்கல் பண்டிகையை முன்னிட்டு ஏழை, எளிய மக்களுக்கு நலத்திட்ட உதவிகள் வழங்குதல், பொதுக்கூட்டம்  உதகை ஏ.டி.சி. சுதந்திர திடலில்  திங்கள்கிழமை நடைபெற்றது.
உதகை நகரச் செயலர் ஜார்ஜ் தலைமை வகித்தார். மாவட்டச் செயலர் பா.மு.முபாரக், தலைமை தேர்தல் பணிச் செயலர் க.ராமச்சந்திரன்  ஆகியோர் முன்னிலை வகித்தனர். இதில் நீலகிரி மக்களவைத்  தொகுதியின் முன்னாள் உறுப்பினரும், திமுக  கொள்கைப் பரப்புச் செயலருமான ஆ.ராசா மக்களுக்கு நலத்திட்ட உதவிகளை வழங்கி மேலும் பேசியதாவது: 
திமுக ஆட்சியில் இருந்தாலும், இல்லாவிட்டாலும் பொதுமக்களுக்கு நலத்திட்டங்களை வழங்கி வருகிறது. தூத்துக்குடியில் உள்ள ஸ்டெர்லைட் ஆலையை மூடக் கோரி போராடிய பொதுமக்களை சுட்டுக் கொன்றுள்ளனர்.
இந்திய சுகாதார அறிக்கையில் பன்றிக் காய்ச்சலில் தமிழகம் 4ஆவது இடத்தில் இருக்கிறது என தெரிவிக்கப்பட்டுள்ளது. தமிழகத்தில் எங்கு பார்த்தாலும் ஊழல், நிர்வாக சீர்கேடுதான் உள்ளது. 
தான் ஆட்சிக்கு வந்தால் ஒவ்வோர் ஆண்டும் 2 கோடி பேருக்கு வேலை வாய்ப்பு தருவேன் என பிரதமர் மோடி தெரிவித்தார். தற்போது 4 ஆண்டுகள் முடிந்துவிட்டன. வேலைவாய்ப்பு மட்டும் தரப்படவில்லை.
ரூ.500, ரூ.1000 நோட்டுகளை ஒழித்தால் கருப்பு பணம் வெளியே வரும் என தெரிவித்தார். ஆனால் கருப்பு பணம் என கூறப்பட்ட அனைத்தும் வெள்ளையாக மாற்றப்பட்டுவிட்டன. ரபேல் போர் விமானங்கள் வாங்கியதில் பல ஆயிரம் கோடி ரூபாய்  ஊழல் நடைபெற்றுள்ளது என்றார்.
 

]]>
https://www.dinamani.com/all-editions/edition-coimbatore/nilgiris/2019/jan/08/திமுகவுக்குத்-தேர்தலைக்-கண்டு-பயமில்லை-உதகையில்-ஆராசா-பேச்சு-3072647.html
3072644 கோயம்புத்தூர் நீலகிரி உதகையில் போதைப் பொருள் எதிர்ப்பு விழிப்புணர்வுப் பேரணி DIN DIN Tuesday, January 8, 2019 01:31 AM +0530 உதகையில் பள்ளிக் கல்வித் துறை சார்பில் சர்வதேச போதைப் பொருள் எதிர்ப்பு தின விழிப்புணர்வுப் பேரணி திங்கள்கிழமை நடைபெற்றது.
கல்லூரி மாணவிகள் பங்கேற்ற இந்தப் பேரணியை மாவட்ட ஆட்சியர் இன்னசென்ட் திவ்யா தொடக்கிவைத்து பொதுமக்களுக்கு துண்டுப் பிரசுரங்களை வழங்கி கூறியதாவது:
கள்ளச் சாராயம், போதைப் பொருள்களைப் பயன்படுத்துவதால் கண் பார்வை பாதிப்பு, நோய் எதிர்ப்பு சக்தி குறைதல், நரம்புத் தளர்ச்சி, கை, கால் நடுக்கம், பசியின்மை, நினைவாற்றல் குறைவு, மலட்டுத்தன்மை, உடல் உறுப்புகள் செயல் இழத்தல், ஜீரண சக்தி குறைவு போன்ற பல்வேறு பாதிப்புகளுக்கு உள்ளாகிறார்கள். எனவே, கள்ளச் சாராயம், போதைப் பொருள்களிலிருந்து விடுபட்டு உடலையும், மனதையும் காக்க வேண்டும். 
தடை செய்யப்பட்ட போதைப் பொருள்களை விற்பனை செய்பவர்கள் மீது கடுமையான நடவடிக்கை எடுக்கப்படும் என்றார்.
இந்தப் பேரணியில் புனித ஜோசப் ஆசிரியர் பயிற்சிப் பள்ளி, எமரால்டு பெண்கள் கல்லூரியைச் சேர்ந்த 100க்கும் மேற்பட்ட மாணவிகள் விழிப்புணர்வுப் பதாகைகளை ஏந்திச் சென்றனர்.இதில் சமூக பாதுகாப்புத் திட்ட தனித்துணை ஆட்சியர் முருகன், மாவட்ட முதன்மைக் கல்வி அலுவலர் நசுருதீன், முதன்மைக் கல்வி அலுவலரின் நேர்முக உதவியர்கள் பிரகாஷ், அர்ஜுணன், அரசுத் துறை அலுவலர்கள், கல்லூரி மாணவிகள், பொதுமக்கள் உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/08/உதகையில்-போதைப்-பொருள்-எதிர்ப்பு-விழிப்புணர்வுப்-பேரணி-3072644.html
3072642 கோயம்புத்தூர் நீலகிரி பொங்கல் பரிசுத் தொகுப்பு: புகார் தெரிவிக்க எண்கள் அறிவிப்பு DIN DIN Tuesday, January 8, 2019 01:30 AM +0530 நீலகிரி மாவட்ட குடும்ப அட்டைதாரர்கள் தமிழக அரசு வழங்கும் பொங்கல் பரிசுத் தொகுப்பை பெற்று பயனடையலாம் எனவும், புகார்கள் ஏதேனும் இருந்தால் உடனடியாகத் தெரிவிக்குமாறும் மாவட்ட ஆட்சியர் இன்னசென்ட் திவ்யா தெரிவித்துள்ளார். 
 இதுதொடர்பாக ஆட்சியர் தெரிவித்துள்ளதாவது: பொங்கல் பண்டிகையை சிறப்பாக கொண்டாடும் வகையில் நீலகிரி மாவட்டத்தில் டிசம்பர் 31ஆம் தேதி வரை நடைமுறையில் உள்ள அனைத்து குடும்ப அட்டைதாரர்களுக்கும் பொங்கல் சிறப்பு பரிசுத் தொகுப்பாக 1 கிலோ பச்சரிசி, 1 கிலோ சர்க்கரை, 2  அடி நீள கரும்புடன்  20 கிராம் முந்திரி, 20 கிராம் திராட்சை, 5 கிராம் ஏலக்காய் ஆகியவற்றுடன் ரொக்கமாக ரூ.1,000 திங்கள்கிழமை முதல்  வழங்கப்படுகிறது.
மின்னணு குடும்ப அட்டை மின்னணு  இயந்திரத்தில் பதிவு செய்யப்பட்ட பின்னர் இவை வழங்கப்படும். மின்னணு குடும்ப அட்டை இல்லாதவர்கள் குடும்ப உறுப்பினர் ஒருவரின் ஆதார் அட்டையைக் காண்பித்தோ அல்லது  பதிவு செய்யப்பட்ட அலைபேசி எண்ணுக்குப் பெறப்படும்  ஒரு முறை கடவு சொல்லைக் கொண்டோ பொங்கல் சிறப்புத் தொகுப்பை பெற்றுக் கொள்ளலாம். 
அந்தந்த குடும்ப அட்டையில் உள்ள குடும்பத் தலைவரோ  அல்லது  குடும்ப உறுப்பினரோ நேரில் வந்து  பெற்றுக் கொள்ளலாம். அனைத்து நியாயவிலைக் கடைகளிலும் காலை 8.30 மணி முதல் பகல் 12.30 மணி வரையிலும்,  பிற்பகல் 1.30 மணி முதல் மாலை 5.30 மணி வரையிலும்  அனைத்து குடும்ப அட்டைதாரர்களுக்கும் வழங்கப்படும் என்பதால் பொதுமக்கள் அந்தந்த நியாயவிலைக் கடைகளில் குறிப்பிடப்பட்டுள்ள நாள்களில் பொங்கல் சிறப்பு தொகுப்பை பெற்றுக் கொள்ளலாம்.
எந்தெந்த பகுதிகளுக்கு பொங்கல் பரிசுத் தொகுப்பு எந்தெந்த நாள்களில் வழங்கப்படும் என்ற அறிவிப்பு நியாயவிலைக் கடை வளாகங்களில் ஒட்டப்பட்டுள்ளது.  இது தொடர்பாக  பொதுமக்கள் முழு ஒத்துழைப்பு அளிப்பதோடு, புகார்கள் ஏதேனும் இருப்பின் 99431 26000 என்ற ஆட்சியரின் வாட்ஸ் அப் எண்ணிலோ,  0423-2441216 என்ற  அலுவலக எண்ணிலோ தொடர்பு கொண்டு தெரிவிக்கலாம் எனவும் ஆட்சியர் தெரிவித்துள்ளார்.

]]>
https://www.dinamani.com/all-editions/edition-coimbatore/nilgiris/2019/jan/08/பொங்கல்-பரிசுத்-தொகுப்பு-புகார்-தெரிவிக்க-எண்கள்-அறிவிப்பு-3072642.html
3072431 கோயம்புத்தூர் நீலகிரி கூடலூரில் திமுகவில் இணைந்த மாற்றுக் கட்சியினர் DIN DIN Monday, January 7, 2019 09:43 AM +0530 கூடலூருக்கு ஒரு நாள் சுற்றுப்பயணமாக வந்த முன்னாள் மத்திய அமைச்சர் ஆ.ராசாவுக்கு ஞாயிற்றுக்கிழமை ராஜகோபாலபுரம் பகுதியில் உற்சாக வரவேற்பு அளிக்கப்பட்டது.
தொடர்ந்து சாஸ்தாபுரி அரங்கில் திமுக நகரச் செயலாளர் ராஜேந்திரன் தலைமையில் நடைபெற்ற கட்சி நிகழ்ச்சியில், பல்வேறு கட்சிகளிலிருந்து விலகி வந்து 500 பேர் ஆ.ராசா முன்னிலையில் திமுகவில் இணைந்தனர். 
இந்த நிகழ்ச்சியில் மாவட்டச் செயலாளர் முபாரக், தேர்தல் பணிக்குழு உறுப்பினர் ராமசந்திரன், எம்.எல்.ஏ. திராவிடமணி, தலைமை செயற்குழு உறுப்பினர் எம்.பாண்டியராஜ், ஒன்றியச் செயலாளர் லியாகத் அலி, நெல்லியாளம் நகரச் செயலாளர் காசிலிங்கம், முன்னாள் ஒன்றியச் செயலாளர் ராஜா உள்ளிட்டோர் கலந்துகொண்டனர். 
இதைத் தொடர்ந்து, கூடலூர், பந்தலூர் ஒன்றியங்களில் நடைபெறும் நிகழ்ச்சிகளில் கலந்துகொள்வதற்காக ஆ.ராசா புறப்பட்டுச் சென்றார்.

]]>
https://www.dinamani.com/all-editions/edition-coimbatore/nilgiris/2019/jan/07/கூடலூரில்-திமுகவில்-இணைந்த-மாற்றுக்-கட்சியினர்-3072431.html
3072430 கோயம்புத்தூர் நீலகிரி மனவளக்கலை மன்றத்தில் ஆன்மிகச் சொற்பொழிவு DIN DIN Monday, January 7, 2019 09:42 AM +0530 கூடலூர் மனவளக்கலை மன்றத்தில் ஆன்மிகச் சொற்பொழிவு நிகழ்ச்சி சனிக்கிழமை இரவு நடைபெற்றது. 
மனவளக்கலை அறக்கட்டளை சார்பில் ஏற்பாடு செய்யப்பட்டிருந்த நிகழ்ச்சியில் பேராசிரியர் வேதசுப்பையா கலந்துகொண்டு, "மகிழ்ச்சிக்கும் அமைதிக்கும் மனவளக்கலை யோகா' என்ற தலைப்பில் சொற்பொழிவாற்றினார். 
இந்த நிகழ்ச்சியில் மனவளக்கலை அறக்கட்டளையின் தலைவர் திகம்பரம், செயலாளர் அ.பாக்கியநாதன், பொருளாளர் சண்முகவேல், பேராசிரியர்கள்  தங்கமணி, சந்திரகலா, சுமிதா, மணி, மணிகண்டன், யோகா பயிற்றுநர்கள் உள்ளிட்டோர் கலந்து கொண்டனர். 
 

]]>
https://www.dinamani.com/all-editions/edition-coimbatore/nilgiris/2019/jan/07/மனவளக்கலை-மன்றத்தில்-ஆன்மிகச்-சொற்பொழிவு-3072430.html
3072429 கோயம்புத்தூர் நீலகிரி பொங்கல் பரிசுத் தொகுப்பு விநியோகம்: ஆட்சியர் துவக்கிவைத்தார் DIN DIN Monday, January 7, 2019 09:42 AM +0530 குன்னூரில் தமிழக அரசின் பொங்கல் பரிசுத் தொகுப்பு விநியோகத்தை  மாவட்ட ஆட்சியர் இன்ன  சென்ட் திவ்யா ஞாயிற்றுக் கிழமை   துவக்கி வைத்தார்.
தமிழக மக்கள் பொங்கல் பண்டிகையை சிறப்பாகக் கொண்டாடும் பொருட்டு தமிழக அரசு  ரூ. ஆயிரம் ரொக்கத்துடன்,  ஒரு கிலோ சர்க்கரை , ஒரு கிலோ பச்சரிசி, 20 கிராம் முந்திரி - உலர் திராட்சை, 5 கிராம் ஏலக்காய், 2 அடி நீள கரும்புத் துண்டு உள்ளிட்டவற்றை  வழங்குகிறது.
நீலகிரி மாவட்டத்தில் முதன்முதலாக குன்னூர் ரயில்வே கூட்டுறவு பண்டக சாலையில் பொங்கல் பரிசுத் தொகுப்பு விநியோகத்தின் துவக்க விழா நடைபெற்றது. நீலகிரி மாவட்ட ஆட்சியர் இன்ன சென்ட் திவ்யா தலைமை வகித்து, பொங்கல் பரிசுத் தொகுப்பு  விநியோகத்தைத் துவக்கி வைத்தார். அவர் பேசியதாவது:
நீலகிரி மாவட்டத்தைப் பொருத்த வரையில் 318  முழு நேர நியாயவிலைக் கடைகளும் 89 பகுதிநேரக் கடைகளுமாக மொத்தம் 407 நியாயவிலைக் கடைகள் இயங்கி வருகின்றன. இவற்றில் 2 லட்சத்து 11 ஆயிரத்து 349 ரேஷன் அட்டைதாரர்கள்  இணைக்கப்பட்டுள்ளனர்.
நீலகிரி மாவட்டத்தில்  ரூ. 2.68 கோடி மதிப்புள்ள பொங்கல் பரிசு, ரூ. 21.14 கோடி ரொக்கம் என ரூ. 23.82 கோடி மதிப்பிலான பொங்கல் பரிசுத் தொகுப்பு வழங்கப்பட உள்ளது. இந்தப் பொங்கல் தொகுப்பு திங்கள்கிழமை முதல் 12ஆம் தேதி வரை வழங்கப்படும் என்றார்.
அவரைத் தொடர்ந்து குன்னூர் சட்டப்பேரவை உறுப்பினர் சாந்தி ராமு பேசுகையில், தமிழக மக்கள் அரசின் பொங்கல் தொகுப்பைப் பெற்று பயனடைய வேண்டும் என்றார். 
இந்த விழாவில் மாவட்ட வருவாய் அலுவலர் செல்வராஜ், குன்னூர்  கோட்டாட்சியர் ரஞ்சித் சிங்,  அரசு அதிகாரிகள் உள்ளிட்ட பலர் கலந்து கொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/07/பொங்கல்-பரிசுத்-தொகுப்பு-விநியோகம்-ஆட்சியர்-துவக்கிவைத்தார்-3072429.html
3072428 கோயம்புத்தூர் நீலகிரி ஜனவரி 7 மின் தடை DIN DIN Monday, January 7, 2019 09:42 AM +0530 கோத்தகிரி, கட்டபெட்டு, கெரடாமட்டம்,  ஒன்னட்டி
நீலகிரி மின்பகிர்மான வட்டத்தில் கோத்தகிரி, கட்டபெட்டு, கெரடாமட்டம்,  ஒன்னட்டி துணை மின் நிலையங்களில் நடைபெறவுள்ள மாதாந்திர பராமரிப்பு பணிகள் காரணமாக இந்தத் துணை மின் நிலையங்களுக்கு உள்பட்ட பகுதிகளில் திங்கள்கிழமை ( ஜன. 7) காலை 8 மணி முதல் மாலை 4 மணி வரை மின் விநியோகம் இருக்காது என அறிவிக்கப்பட்டுள்ளது. 
மின் விநியோகம் தடைபடும் பகுதிகள் விபரம் வருமாறு:
கோத்தகிரி துணை மின்நிலையம்: கோத்தகிரி, சுண்டட்டி, கப்பட்டி,  உல்லத்தி, கேர்பென், குண்டாடா,  ஒரசோலை, நாரகிரி, கேர்கம்பை, கன்னேரிமுக்கு, தட்டப்பள்ளம், கொணவக்கரை,  குஞ்சப்பனை, தேனாடு,  திம்பட்டி, அரவேணு, பேரகணி, கேர்பெட்டா, மிளிதேன்.
கட்டபெட்டு துணை மின்நிலையம்: ஒரசோலை, வெஸ்ட்புரூக், பாக்யா நகர்,  கக்குச்சி, திருச்சிக்கடி, அஜ்ஜுர்,  கட்டபெட்டு, நடுஹட்டி, இடுஹட்டி, தும்மனட்டி, கெந்தோரை, கூக்கல்,  கூக்கல்தொரை,  தொரையட்டி, கடநாடு,  தூனேரி, கொதுமுடி, எப்பநாடு,  சின்னகுன்னூர், அனிக்கொரை, டி.மணியட்டி,  பில்லிக்கம்பை,  பையங்கி,  கலிங்கனட்டி, மசகல்.
ஒன்னட்டி துணை மின்நிலையம்: பங்களாபாடி, கடினமாலா, கெங்கரை,  கூட்டாடா, கீழ்கோத்தகிரி, தாளமுக்கு,  சோலூர்மட்டம், தேனாடு, கைகாட்டி,  நட்டக்கல், ஒன்னட்டி, தூனேரி,  கரிக்கையூர்,  கோயில்மட்டம்,  குள்ளங்கரை, செம்மனாரை, மஞ்சமலை காலனி.
கெரடாமட்டம் துணை மின்நிலையம்: கெரடாமட்டம், கொடநாடு,  ஈளாடா,  அண்ணாநகர், காந்திநகர், நெடுகுளா, கர்சன்.
 

]]>
https://www.dinamani.com/all-editions/edition-coimbatore/nilgiris/2019/jan/07/ஜனவரி-7-மின்-தடை-3072428.html
3072427 கோயம்புத்தூர் நீலகிரி உதகை அரசினர் தாவரவியல் பூங்காவில் நுழைவுக் கட்டணத்தை குறைக்க வேண்டும்: எம்எல்ஏ வலியுறுத்தல் DIN DIN Monday, January 7, 2019 09:41 AM +0530 உதகை அரசினர் தாவரவியல் பூங்காவில் உயர்த்தப்பட்ட நுழைவுக் கட்டணத்தைக் குறைக்க வேண்டுமென உதகை சட்டப்பேரவை உறுப்பினர் ஆர்.கணேஷ் வலியுறுத்தியுள்ளார்.
இதுதொடர்பாக தமிழக முதல்வருக்கு அவர் விடுத்துள்ள கோரிக்கை மனுவில் கூறியிருப்பதாவது:
உலகப்புகழ் பெற்ற உதகை அரசினர் தாவரவியல் பூங்காவுக்கு ஆண்டுதோறும் லட்சக்கணக்கான சுற்றுலாப் பயணிகள் வந்து செல்கின்றனர். இந்தப் பூங்காவின் நுழைவுக் கட்டணம்  பெரியவர்களுக்கு ரூ. 30லிருந்து ரூ. 40  ஆகவும்,  சிறியவர்களுக்கு  ரூ. 10லிருந்து ரூ. 20 ஆகவும் அண்மையில் உயர்த்தப்பட்டுள்ளது.  
இது அதிக அளவிலான கட்டண  உயர்வாக இருப்பதால் சுற்றுலாப் பயணிகளின் நலன் கருதி இந்தக் கட்டண உயர்வைத் திரும்பப் பெற வேண்டும்.
உதகையிலுள்ள அரசினர் தாவரவியல் பூங்காவுக்கு வரும் லட்சக்கணக்கான சுற்றுலாப் பயணிகளால் கோடிக்கணக்கில் வருமானம் ஈட்டப்பட்டாலும், அதில் எந்தத் தொகையும் உதகை நகராட்சி மேம்பாட்டுக்காக செலவு செய்யப்படுவதில்லை.  
உதகை நகராட்சி மேம்பாட்டுக்கென  சுற்றுலாத் துறை சார்பில் ரூ. 3 கோடி நிதி ஒதுக்கீடு செய்யப்பட்டுள்ளது வரவேற்கத்தக்கது. 
எனவே  இத்தொகையிலிருந்து 50 சதவீத நிதியளவேனும் உதகையில் சுற்றுலாப் பயணிகளின் மேம்பாட்டுக்காக ஒதுக்கி, நகரில் அடிப்படை வசதிகளை நிறைவேற்ற வேண்டும் என்று கோரிக்கை விடுத்துள்ளார்.
 

]]>
https://www.dinamani.com/all-editions/edition-coimbatore/nilgiris/2019/jan/07/உதகை-அரசினர்-தாவரவியல்-பூங்காவில்-நுழைவுக்-கட்டணத்தை-குறைக்க-வேண்டும்-எம்எல்ஏ-வலியுறுத்தல்-3072427.html
3071869 கோயம்புத்தூர் நீலகிரி வால்பாறையில் இன்று  இலவச மருத்துவ முகாம் DIN DIN Sunday, January 6, 2019 03:05 AM +0530
வால்பாறையில் இலவச மருத்துவ முகாம் ஞாயிற்றுக்கிழமை (ஜனவரி 6) நடைபெறுகிறது.
வால்பாறை வட்ட வியாபாரிகள் கூட்டமைப்பு, பொள்ளாச்சி பிரபு மருத்துவமனை மற்றும் வாசன் ஐ கேர் மருத்துவமனை இணைந்து நடத்தும் இலவச மருத்துவ முகாம் வால்பாறை துளசியம்மாள் திருமண மண்டபத்தில் ஞாயிற்றுக்கிழமை (ஜனவரி 6) நடைபெறுகிறது. காலை 10 மணி முதல் மதியம் 1 மணி வரை நடைபெற உள்ள முகாமில் நுரையீரல், இருதயம், காது, மூக்கு, தொண்டை, லேப்ராஸ்கோப்பிக், மகளிர், எலும்பு முறிவு உள்ளிட்ட அனைத்து நோய்களுக்கான சிகிச்சை நிபுணர்கள் வந்து பரிசோதித்து சிகிச்சை அளிக்க உள்ளனர்.
இதே போல் கண் சம்பந்தப்பட்ட அனைத்து குறைபாடுகளுக்கும் சிகிச்சை அளித்து தேவைப்படுவோர்கள் இலவசமாக அறுவை சிகிச்சைக்கு அழைத்து செல்லப்பட உள்ளனர். எனவே பொதுமக்கள் இந்த வாய்ப்பினை பயன்படுத்திகொள்ள வேண்டும் என வால்பாறை வட்ட வியாபாரிகள் கூட்டமைப்பினர் கேட்டுக்கொண்டுள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/06/வால்பாறையில்-இன்று--இலவச-மருத்துவ-முகாம்-3071869.html
3071857 கோயம்புத்தூர் நீலகிரி வால்பாறை பள்ளிக்குள் அதிகாலையில் புகுந்த யானைகள் DIN DIN Sunday, January 6, 2019 03:02 AM +0530
வால்பாறை, சின்கோனா எஸ்டேட் வனத்தில் இருந்து வெளியேறிய 5 யானைகள் அப்பகுதியில் அமைந்துள்ள அரசு உயர்நிலைப் பள்ளி வளாகத்துக்குள் சனிக்கிழமை அதிகாலை நுழைந்து, வகுப்பறையின் கதவை முட்டித் தள்ளி இருக்கைகளை சேதப்படுத்திச் சென்றன. 
வால்பாறை எஸ்டேட் பகுதிகளில் கடந்த இரண்டு மாதங்களாக யானைகளின் நடமாட்டம் அதிகரித்துள்ளது. இவை பகல் நேரத்தில் தேயிலைத் தோட்டங்களில் முகாமிடுவதும், இரவு நேரத்தில் தொழிலாளர்கள் குடிருப்புப் பகுதிகளுக்குச் சென்று சேதப்படுத்துவதும் வழக்கமாகிவிட்டது. 
இந்நிலையில் சின்கோனா எஸ்டேட் வனத்தில் இருந்து வெளியேறிய 5 யானைகள் அப்பகுதியில் அமைந்துள்ள அரசு உயர்நிலைப் பள்ளி வளாகத்துக்குள் சனிக்கிழமை அதிகாலை 4 மணிக்கு நுழைந்துள்ளன. அங்கு ஒரு வகுப்பறையின் கதவை முட்டித் தள்ளியதோடு, தும்பிக்கை மூலம் உள்ளிருந்த நோட்டு, பேப்பர்கள், இருக்கைகளை இழுத்துப்போட்டு சேதப்படுத்திச் சென்றுள்ளன. 
அதன்பிறகும், பள்ளி அருகில் உள்ள வனத்திலேயே மதியம் வரை யானைகள் நின்று கொண்டிருந்ததால், பாதுகாப்புக் கருதி மதியத்துக்கு மேல் மாணவர்கள் வீட்டுக்கு அனுப்பி வைக்கப்பட்டனர். யானைகளை அப்பகுதியிலிருந்து விரட்டும் பணியில் வனத் துறையினர் ஈடுபட்டுள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/06/வால்பாறை-பள்ளிக்குள்-அதிகாலையில்-புகுந்த-யானைகள்-3071857.html
3071757 கோயம்புத்தூர் நீலகிரி குடியிருப்புப் பகுதிக்குள் கரடி நடமாட்டம்: பொதுமக்கள் அச்சம் DIN DIN Sunday, January 6, 2019 01:35 AM +0530
குன்னூர் அருகே  உணவு தேடி குடியிருப்புப் பகுதிக்குள் நுழைந்த கரடியால் பொதுமக்கள்  அச்சமடைந்தனர்.
நீலகிரி மாவட்டம், குன்னூர் சுற்றுவட்டாரப் பகுதிகளில் சமீபகாலமாக  கரடிகள் நடமாட்டம் அதிகரித்துள்ளது. குறிப்பாக, பகல் நேரங்களில் தேயிலைத் தோட்டங்களிலும், இரவில் கிராமங்களிலும் நடமாடுவதால் பொதுமக்கள் அச்சம் அடைந்துள்ளனர்.
இந்நிலையில், குன்னூர் அருகே உள்ள சோகத்தொரை தேனலை கிராமத்தில் குடியிருப்புப் பகுதிக்குள்  கரடி வெள்ளிக்கிழமை இரவு புகுந்தது. கரடியின் உறுமல் கேட்டு வீட்டில் இருந்தவர்கள் வெளியே வந்து பார்த்தபோது கரடி சுற்றித் திரிவது தெரியவந்தது. இதையடுத்து, வனத் துறைக்கு அப்பகுதியினர் தகவல் அளித்தனர். அதற்குள் கரடி தேயிலைத் தோட்டத்துக்குள் சென்றுவிட்டது. இதனால், கிராம மக்கள் வீட்டை விட்டு வெளியே வர அச்சமடைந்தனர்.
அசம்பாவிதம் நடக்கும் முன் வனத் துறையினர் கரடியை கூண்டு வைத்துப் பிடிக்க வேண்டும் என கிராம மக்கள் வனத் துறைக்கு கோரிக்கை விடுத்துள்ளனர். தேயிலைத் தோட்டத்துக்குள் கரடி சென்றுள்ளதால் தேயிலைத் தொழிலாளர்கள் சனிக்கிழமை பணிக்குச் செல்லவில்லை.

]]>
https://www.dinamani.com/all-editions/edition-coimbatore/nilgiris/2019/jan/06/குடியிருப்புப்-பகுதிக்குள்-கரடி-நடமாட்டம்-பொதுமக்கள்-அச்சம்-3071757.html
3071736 கோயம்புத்தூர் நீலகிரி தடை செய்யப்பட்ட பிளாஸ்டிக் பொருள்களைப் பயன்படுத்துவோர் மீது கடும் நடவடிக்கை: ஆட்சியர் தகவல் DIN DIN Sunday, January 6, 2019 01:30 AM +0530
நீலகிரி மாவட்டத்தில் தடை செய்யப்பட்ட பிளாஸ்டிக் பொருள்கள் பயன்படுத்துவோருக்கு அபராதம் விதிக்கப்படுவதோடு, கடும் நடவடிக்கை எடுக்கப்படும் என மாவட்ட ஆட்சியர் இன்னசென்ட் திவ்யா தெரிவித்தார்.
உதகையில் நீலகிரி மாவட்ட கூடுதல் ஆட்சியர் அலுவலகத்தில் வெள்ளிக்கிழமை நடைபெற்ற கூட்டத்தில் பங்கேற்ற ஆட்சியர் மேலும் கூறியதாவது:
தமிழக அரசு இந்த ஆண்டு ஜனவரி 1 ஆம் தேதி முதல் பிளாஸ்டிக் பயன்பாடு முற்றிலும் தடை செய்யப்படும் என அறிவிக்கப்பட்டதன் அடிப்படையில், நீலகிரி மாவட்டத்தில் பிளாஸ்டிக் பொருள்களால் சுற்றுச்சூழலை மாசுபடுவதைத் தடுக்கவும், சுற்றுச்சூழலை பாதுகாக்கவும் அனைத்து வகையான பிளாஸ்டிக் பொருள்களும் தடை செய்யப்பட்டுள்ளது. அத்துடன் பிளாஸ்டிக்கை ஒழிப்பதற்காக பசுமைப் படையும் உருவாக்கப்பட்டுள்ளது.
நீலகிரி மாவட்டத்தில் அனைத்து தடிமனான பிளாஸ்டிக் பைகள், ஒருமுறை பயன்படுத்தக் கூடிய பிளாஸ்டிக் கப்புகள், ஒருமுறை பயன்படுத்தக் கூடிய பிளாஸ்டிக் டம்ளர்கள், கரண்டிகள், கத்திகள், முள் கரண்டிகள், பிளாஸ்டிக் உறிஞ்சும் குழல், காகித கப்புகள், காகித டம்ளர்கள், முலாம் பூசப்பட்ட காகித தட்டுகள், ஸ்டைலோபோம் தெர்மாகோல் தட்டுகள், பிற வகை தெர்மாகோல், நெய்யப்படாத வகையிலான பைகள், படுக்கை விரிப்புகள், சமையலர் தொப்பிகள், பிளாஸ்டிக் கையுறைகள் போன்றவை தடை செய்யப்பட்ட பிளாஸ்டிக் பொருள்களாகும்.
இத்தடையை மீறி மாவட்டத்தில் பிளாஸ்டிக் பொருள்கள் பயன்படுத்துபவர்கள் மீது அபராதம் விதிக்கப்படுவதோடு, கடும் நடவடிக்கையும் எடுக்கப்படும் என ஆட்சியர் தெரிவித்தார்.
ஆலோசனைக் கூட்டம்: தொடர்ந்து, குடியரசு தின விழாவை முன்னிட்டு அனைத்துத் துறை அரசு அலுவலர்களுடனான ஆலோசனைக் கூட்டம் நடைபெற்றது.
இதில், அனைத்து துறைகளின் சார்பில் மேற்கொள்ளப்பட வேண்டிய முன்னேற்பாடு பணிகள் குறித்தும், பள்ளி மாணவ, மாணவியரின் கலைநிகழ்ச்சிகள் நடத்துவது, அரசின் நலத்திட்ட உதவிகள் வழங்குவது தொடர்பாகவும் விவாதிக்கப்பட்டது.
மேலும், குடியரசு தின விழா நடைபெறக்கூடிய மைதானத்தில் தேவையான குடிநீர் வசதி, மின் வசதி, சுகாதாரமாக வைத்திருக்கும்படியும், துறை அலுவலர்களுக்கு ஆலோசனைகளையும், அறிவுரைகளையும் வழங்கி விழா சிறப்பாக நடைபெற அனைவரும் ஒருங்கிணைந்து பணியாற்ற வேண்டும் என ஆட்சியர் கோரிக்கை விடுத்தார்.
இதில், மாவட்ட வன அலுவலர் சுமேஷ் சோமன், மாவட்ட வருவாய் அலுவலர் செல்வராஜ், அரசுத் துறை அலுவலர்கள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/06/தடை-செய்யப்பட்ட-பிளாஸ்டிக்-பொருள்களைப்-பயன்படுத்துவோர்-மீது-கடும்-நடவடிக்கை-ஆட்சியர்-தகவல்-3071736.html
3071735 கோயம்புத்தூர் நீலகிரி உதகையில் எழுத்தாளர் பிரபஞ்சனுக்கு நினைவஞ்சலி DIN DIN Sunday, January 6, 2019 01:30 AM +0530
ஜெயந்தனின் சிந்தனைக்கூடல் அமைப்பின் சார்பில், மலைச்சொல் அறக்கட்டளை, மக்கள் சட்ட மையம், தகிதா அறக்கட்டளை ஆகியவை சார்பில், உதகையில் எழுத்தாளர் பிரபஞ்சனுக்கு நினைவஞ்சலி நிகழ்ச்சி சனிக்கிழமை நடத்தப்பட்டது.
இந்நிகழ்ச்சியின் தொடக்கத்தில் பேசிய சீராளன் ஜெயந்தன், பிரபஞ்சனுடனான தனது உறவை விளக்கியதோடு, அவருடன் உரையாடுவதே ஒரு இலக்கிய சிந்தனையாக இருக்கும் என புகழாரம் சூட்டினார்.
வழக்குரைஞர் தமிழ்மணி பேசுகையில், புதுச்சேரி, சென்னைக்கு அடுத்தபடியாக பிரபஞ்சனுக்கு நினைவேந்தல் நிகழ்ச்சி உதகையில் நடத்தப்படுவது பெருமையளிக்கிறது. இளம் படைப்பாளிகளைக் கொண்டாடுவதற்கு பிரபஞ்சனைப் போன்ற எழுத்தாளர் ஒருவர் இனி கிடைக்கமாட்டார். புதுச்சேரியின் வரலாற்றையும், கண்ணகியின் வரலாற்றையும் எழுத வேண்டும் என்பதில் பிரபஞ்சன் அதிக ஆவல் கொண்டிருந்தார். வாழ்க்கைக்கும், படைப்புக்கும் வித்தியாசமில்லாமல் வாழ்ந்த ஒரு எழுத்தாளருக்கு அவர் வாழ்ந்த காலத்திலேயே புதுச்சேரி அரசு கௌரவித்துள்ளது அவருக்கு கிடைத்த அங்கீகாரம் என்றார்.
மலைச்சொல் அறக்கட்டளையின் தலைவர் வழக்குரைஞர் பாலநந்தகுமார் பேசுகையில், தனது வாழ்வில் மட்டுமின்றி தனது எழுத்துகளில் கூட எளிய மனிதர்களைக் குறித்தே சிந்தித்து எழுதிய எழுத்தாளர் என்றார். மக்கள் சட்ட மையத்தின் மாநில ஒருங்கிணைப்பாளர் வழக்குரைஞர் விஜயன் பேசுகையில், என்றுமே எதிலும் சமரசம் செய்து கொள்ளாத ஒரு எழுத்தாளர், தமிழ் சமூகத்தை அடுத்தகட்டத்துக்கு கொண்டு செல்ல பணியாற்றியவர் என்றார். எழுத்தாளர் பாக்கியம் சங்கர் பேசுகையில், நேர்மறையான சிந்தனை கொண்ட சிறந்த எழுத்தாளர் பிரபஞ்சன் எனக் குறிப்பிட்டார்.
இந்நிகழ்ச்சியில் சிறப்பு விருந்தினராகப் பங்கேற்ற எழுத்தாளர் சுப்ரபாரதி மணியன், பிரபஞ்சன் தொடர்பான கையேட்டை வெளியிட்டுப் பேசியதாவது:
பிரபஞ்சன் மார்க்சியம், பெரியாரிசம் ஆகியவற்றோடு பாரதிதாசன் கவிதைகளிலும் அதிக நாட்டம் கொண்டிருந்தவர். கொள்கை பிடிப்புள்ள ஒரு ஜனநாயகவாதி. அனைவரையும் சமமாக மதித்து வாழ்ந்தவர். வறுமைக் காலத்தில் வேறு புனைப்பெயர்களில் பத்திரிகைகளில் எழுதியபோதும்கூட சமரசம் செய்து கொள்ளாமல் கொள்கைப் பிடிப்புடன் வாழ்ந்தவர். தான் வாழ்ந்த காலத்திலேயே உரிய அங்கீகாரத்தைப் பெற்றவர் என்றார். இந்நிகழ்ச்சியில், நீலகிரி மாவட்ட மலைச்சாரல் கவிஞர்கள் மன்றத்தினர் உள்ளிட்ட பல்வேறு இலக்கிய அமைப்புகளைச் சேர்ந்தோர் பங்கேற்றனர்.
 

]]>
https://www.dinamani.com/all-editions/edition-coimbatore/nilgiris/2019/jan/06/உதகையில்-எழுத்தாளர்-பிரபஞ்சனுக்கு-நினைவஞ்சலி-3071735.html
3071733 கோயம்புத்தூர் நீலகிரி ஓய்வுபெற்ற தோட்டத் தொழிலாளர்கள் தேவர்சோலையில் உண்ணாவிரதம் DIN DIN Sunday, January 6, 2019 01:30 AM +0530
கூடலூரை அடுத்துள்ள தேவர்சோலையில் பணப் பயன்களை வழங்க வலியுறுத்தி ஓய்வுபெற்ற தோட்டத் தொழிலாளர்கள் சனிக்கிழமை உண்ணாவிரதம் மேற்கொண்டனர்.
கூடலூரை அடுத்துள்ள தேவர்சோலை பகுதியிலுள்ள தனியார் எஸ்டேட் நிர்வாகம் ஓய்வுபெற்ற தொழிலாளர்களுக்கு சுமார் எட்டு ஆண்டுகளுக்குமேல் ஆகியும் இதுவரை பணப் பயன்களை வழங்கவில்லை. 
அனைத்து பணப் பயன்களையும் உடனே வழங்க வலியுறுத்தியும், ஓய்வூதியத் தொகையை உரிய காலத்தில் வழங்கக் கோரியும் ஒருங்கிணைப்பாளர்கள் சந்திரன், அபு, ஜனார்தனன், ராஜன் ஆகியோர் முன்னிலையில் சுமார் 250 க்கும் மேற்பட்ட தொழிலாளர்கள் உண்ணாவிரதம் மேற்கொண்டனர். போராட்டத்தில் கலந்துகொண்டவர்களை திமுக நிர்வாகிகள் மாதேவ், சுப்பிரமணியம், சி.பி.எம். கட்சி நிர்வாகி நாசர், பி.எல்.ஓ. தொழிற்சங்க நிர்வாகி செய்யதுமுகமது, ஐ.என்.டி.யூ.சி. நிர்வாகி மகேந்திரன் ஆகியோர் வாழ்த்திப் பேசினர்.

]]>
https://www.dinamani.com/all-editions/edition-coimbatore/nilgiris/2019/jan/06/ஓய்வுபெற்ற-தோட்டத்-தொழிலாளர்கள்-தேவர்சோலையில்-உண்ணாவிரதம்-3071733.html
3071228 கோயம்புத்தூர் நீலகிரி குன்னூர் ஏல மையத்தில் தேயிலை ஏலம்: விலை உயர்ந்ததால் விவசாயிகள் மகிழ்ச்சி DIN DIN Saturday, January 5, 2019 03:16 AM +0530 குன்னூரில் உள்ள தேயிலை ஏல மையத்தில் 2019 ஆண்டின் முதல்  தேயிலை ஏலம் ஆன்லைன் மூலம்  வெள்ளிக்கிழமை  நடைபெற்றது. இதில் விலை உயர்ந்து காணப்பட்டதால் விவசாயிகள் மகிழ்ச்சி அடைந்துள்ளனர். 
மலைப் பிரதேசமான நீலகிரி மாவட்டத்தில் தேயிலை விவசாயம் பிரதானமாக உள்ளது. தேயிலைத் தொழிலை நம்பி ஏராளமான விவசாயிகளும், தொழிலாளர்களும் உள்ளனர். மேலும் கூட்டுறவு மற்றும் தனியார் தொழிற்சாலைகளும் இயங்கி வருகின்றன. 
நீலகிரி மாவட்டத்தில் அனைத்து தேயிலை தொழிற்சாலைகளிலும் உற்பத்தி செய்யப்படும் தேயிலைத் தூள், குன்னூரில் உள்ள ஏல மையம் மூலம் ஆன்லைனில் விற்பனை செய்யப்படுகிறது. வாரம் தோறும் நடைபெறும் ஏலத்தில் இதில் உறுப்பினர்களாக உள்ள உள்நாடு மற்றும் வெளிநாட்டைச் சேர்ந்த வர்த்தகர்கள் கலந்து கொண்டு ஏலம் எடுக்கின்றனர். 
இந்த ஆண்டின் முதல் தேயிலை ஏலம் வியாழன், வெள்ளி ஆகிய 2 நாள்கள்  நடைபெற்றது. இதில் பாகிஸ்தான், வங்கதேசம் உள்ளிட்ட  நாடுகளைச் சேர்ந்த வர்த்தகர்கள் ஆர்வமுடன் கலந்து கொண்டனர். 
இந்த ஏலத்தில்  17 லட்சம் கிலோ தேயிலைத் தூள்கள்  விற்பனைக்கு வந்தன. இவை சராசரியாக கிலோவுக்கு ரூ.2 முதல் ரூ.3 வரை விலை அதிகரித்து காணப்பட்டது.  
தற்போது பனியின் தாக்கத்தால் தேயிலை மகசூல் குறைந்துள்ளதால் உற்பத்தி பற்றாக்குறை ஏற்பட்டுள்ளதால்  விலை ஏற்றம் கண்டுள்ளதாக வர்த்தகர்கள் தெரிவித்தனர்.

]]>
https://www.dinamani.com/all-editions/edition-coimbatore/nilgiris/2019/jan/05/குன்னூர்-ஏல-மையத்தில்-தேயிலை-ஏலம்-விலை-உயர்ந்ததால்-விவசாயிகள்-மகிழ்ச்சி-3071228.html
3071226 கோயம்புத்தூர் நீலகிரி உதகை, குன்னூர் ஊராட்சி ஒன்றியப் பகுதிகளில் வளர்ச்சிப் பணிகள்: மாவட்ட ஆட்சியர் ஆய்வு DIN DIN Saturday, January 5, 2019 03:16 AM +0530 உதகை மற்றும்  குன்னூர் ஊராட்சி ஒன்றியப் பகுதிகளில் மாவட்ட ஊரக வளர்ச்சித் திட்ட முகமையின் சார்பில் ரூ.2.12 கோடி மதிப்பில் முடிக்கப்பட்ட மற்றும் நடைபெற்று வரும் வளர்ச்சித் திட்டப் பணிகளை மாவட்ட  ஆட்சியர் இன்னசென்ட் திவ்யா வெள்ளிக்கிழமை நேரில் ஆய்வு செய்தார்.
உதகை ஒன்றியத்தில் தும்மனட்டி ஊராட்சிக்கு உள்பட்ட கரடிகட்டு மற்றும் பேரார் பகுதிகளில் ரூ.20 லட்சம்  மதிப்பில் சாலை பணிகள் நடைபெற உள்ள இடத்தை ஆட்சியர் ஆய்வு மேற்கொண்டார். 
பின், குன்னூர் ஒன்றியத்தில் மேலூர் ஊராட்சியில் ஒருங்கிணைந்த வருவாய் நிதி திட்டத்தின் கீழ் ரூ.25 லட்சம் மதிப்பில் முடிக்கப்பட்ட இண்டர்லாக் கற்கள் பதிக்கப்பட்ட நடைபாதையினையும், மேலூர் பீமன் தோட்டம் பகுதியில் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ.4.2 லட்சம் மதிப்பில் நீர் தேக்கக் குழி அமைக்கும் பணியினையும், மேலூர் ஊராட்சிப் பகுதியில் மஞ்சக்கொம்பை முதல் டிக்லேண்ட் லீஸ் வரை ரூ.7.6 லட்சம் மதிப்பில் நடைபெற்று வரும் சாலை பணியினையும், மேலூர் ஊராட்சிக்கு உள்பட்ட கோட்டக்கால் பகுதியில் தமிழ்நாடு ஊரக சாலை மேம்பாட்டு திட்டத்தின் கீழ் ரூ.62 லட்சம் மதிப்பில் முடிக்கப்பட்ட தார் சாலை பணியினையும் ஆட்சியர் ஆய்வு செய்தார். 
தொடர்ந்து தமிழ்நாடு ஊரக சாலை மேம்பாட்டு திட்டத்தின் கீழ் ரூ.53 லட்சம் மதிப்பில் மானார் முதல் ஊஞ்சலார் கொம்பை வரை நடைபெற்று வரும் சாலை பணியினையும், உபதலை ஊராட்சியில் தாய் திட்டத்தின் கீழ் ரூ.23 லட்சம் மதிப்பில் கட்டப்பட்டு வரும் அம்மா பூங்காவினையும், தாய் திட்டத்தின் கீழ் ரூ.12.5 லட்சம் மதிப்பில் முடிக்கப்பட்ட அம்மா உடற்பயிற்சி மையத்தினையும், தாய் திட்டத்தின் கீழ் ரூ.4.8 லட்சம் மதிப்பில் முடிக்கப்பட்ட அம்மா பூங்கா நடைபாதை என மொத்தம் ரூ.2 கோடியே 11 லட்சத்து 90 ஆயிரம் மதிப்பில் முடிக்கப்பட்ட மற்றும் நடைபெற்று வரும் வளர்ச்சித் திட்டப் பணிகளை நேரில் பார்வையிட்டு ஆய்வு மேற்கொண்டார். அப்போது சம்பந்தப்பட்ட துறை அலுவலர்களிடம் நடைபெற்று வரும் பணிகளை விரைந்து முடித்து பொதுமக்களின் பயன்பாட்டுக்கு விரைவில் கொண்டு வருமாறு ஆட்சியர்  அறிவுறுத்தினார். 
ஆய்வின்போது மாவட்ட ஊரக வளர்ச்சி முகமை திட்ட இயக்குநர் பாபு, வட்டார வளர்ச்சி அலுவலர்கள் மற்றும் அரசுத் துறை அலுவலர்கள் உள்ளிட்ட பலர் உடனிருந்தனர். 
 

]]>
https://www.dinamani.com/all-editions/edition-coimbatore/nilgiris/2019/jan/05/உதகை-குன்னூர்-ஊராட்சி-ஒன்றியப்-பகுதிகளில்வளர்ச்சிப்-பணிகள்-மாவட்ட-ஆட்சியர்-ஆய்வு-3071226.html
3071225 கோயம்புத்தூர் நீலகிரி கோத்தகிரி ஒன்றிய அலுவலகத்தில்  ஊராட்சி செயலர்களுக்கு மாற்றிடம் வழங்க கோரிக்கை DIN DIN Saturday, January 5, 2019 03:16 AM +0530 கோத்தகிரி  ஒன்றிய அலுவலகத்தில் ஊராட்சி செயலர்கள் அமர்ந்து பணிபுரிய  அடிப்படை  வசதியுடன் கூடிய  மாற்றிடம் வழங்க வேண்டும் என கோரிக்கை விடுக்கப்பட்டுள்ளது.
கோத்தகிரி  ஒன்றியத்துக்கு உள்பட்டு அரக்கோடு, தேனாடு, ஜக்கனாரை, கடினமாலா, கெங்கரை, கோடநாடு, தெங்குமரஹாடா, கொணவக்கரை, நடுஹட்டி, நெடுகுளா, குஞ்சப்பனை ஆகிய 11 ஊராட்சிகள் உள்ளன. 
இந்த 11 ஊராட்சிகளுக்கும் தனித்தனியாக ஊராட்சி செயலர்கள் இல்லை. சில ஊராட்சிகளில் பணியிடம் காலியாக உள்ளன. இதனால் பெரும்பாலும் ஒரு ஊராட்சி செயலர் 2 ஊராட்சிகளின் பணிகளை கவனித்து வரும் நிலை காணப்படுகிறது. 
இதனால் பணிப் பளு அதிகரிப்பதுடன், அரசின் திட்டங்களை செயல்படுத்துவதில் தாமதம் ஏற்படுகிறது. மேலும் அன்றாட பணிகளான குடிநீர் விநியோகம், குப்பை அப்புறப்படுத்துதல் போன்ற பணிகளிலும் தொய்வு ஏற்பட்டு வருகிறது.
வளர்ச்சி பணிகளுக்கான திட்ட அறிக்கை, பணி உத்தரவு உள்பட பல்வேறு ஆவணங்களில் ஒன்றிய வட்டார வளர்ச்சி அதிகாரிகளிடம் கையெழுத்து வாங்கவும், அவர்களது சில பணிகளை மேற்கொள்ளவும் ஒன்றிய அலுவலகத்துக்கு ஊராட்சி செயலர்கள் வந்து செல்ல வேண்டி உள்ளது. ஆனால்,  ஒன்றிய அலுவலகத்தில் அவர்கள் அமர்ந்து பணிபுரிய குறுகலான ஒரு சிறிய அறை மட்டுமே ஒதுக்கப்பட்டுள்ளது. ஒரு  நேரத்தில் 2 ஊராட்சி செயலர்கள் மட்டுமே அமர்ந்து பணிபுரியும் வகையில் அந்த அறை இருக்கிறது. இதனால் பணிகளை விரைந்து செய்ய முடியாமல் தவித்து வருகின்றனர்.  
எனவே, ஒன்றிய அலுவலகத்தில் ஊராட்சி செயலர்கள் பணிபுரிய அடிப்படை வசதிகளுடன் கூடிய விசாலமான அறை ஒதுக்க வேண்டும் அல்லது மாற்றிடம் வழங்க வேண்டும். 
மேலும் காலியாக உள்ள பணியிடங்களை உடனே நிரப்ப அரசு முன்வர வேண்டும் என்று அவர்கள் வலியுறுத்தியுள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/05/கோத்தகிரி-ஒன்றிய-அலுவலகத்தில்--ஊராட்சி-செயலர்களுக்கு-மாற்றிடம்-வழங்க-கோரிக்கை-3071225.html
3070692 கோயம்புத்தூர் நீலகிரி உதகை நகராட்சி ஊழியர்கள் போராட்டம் DIN DIN Friday, January 4, 2019 07:24 AM +0530 உதகை நகராட்சியில் பணியாற்றும் நிரந்தர மற்றும் ஒப்பந்த ஊழியர்கள் தங்களது கோரிக்கைகளை வலியுறுத்தி பெருந்திரள் முறையீடு போராட்டத்தில் வியாழக்கிழமை ஈடுபட்டனர்.
நீலகிரி மாவட்ட நகராட்சி மற்றும் உள்ளாட்சித் துறை ஊழியர் சங்கத்தின் சார்பில் நகராட்சி அலுவலகம் எதிரே நடந்த இந்தப் போராட்டத்துக்கு சங்கத் தலைவர் சங்கரலிங்கம் தலைமை வகித்தார். போராட்டத்தில்,  ஜூலை மாதத்தில் வழங்க வேண்டிய லீவு சரண்டரை  உடனடியாக வழங்க வேண்டும், 2014ஆம் ஆண்டில் வழங்கப்பட வேண்டிய  ஸ்பெஷல், செலக்ஷன் மற்றும் சூப்பர் கிரேடுகளை உடனடியாக வழங்க வேண்டும், தொழிலாளர்களின் ஊதியத்தில் பிடித்தம் செய்த வருங்கால வைப்பு நிதித் தொகையையினை சம்பந்தப்பட்ட அலுவலகத்தில் செலுத்த வேண்டும், ஒப்பந்த  ஊழியர்களை பணி நிரந்தரம் செய்ய வேண்டும் என வலியுறுத்தப்பட்டது.
 அதேபோல,  மாவட்ட ஆட்சியர் அறிவித்த குறைந்தபட்ச  ஊதியத்தை ஒப்பந்த ஊழியர்களுக்கு வழங்க வேண்டும்,  ஒப்பந்த  ஊழியர்களுக்கு கையுறை, காலணி மற்றும் சீருடை உள்ளிட்ட அனைத்து பாதுகாப்பு உபகரணங்களையும் வழங்க வேண்டும்,  பணியின்போது விபத்தில் காயமடையும் ஒப்பந்த ஊழியர்களுக்கு ஊதியத்துடன் கூடிய விடுப்பு  மற்றும் அனைத்து செலவினங்களையும் நிர்வாகமே ஏற்றுக்கொள்ள வேண்டும், மார்க்கெட் பகுதியில் பணிபுரியும் ஒப்பந்த  ஊழியர்களுக்கு கைவண்டி வழங்க வேண்டும் என்பன உள்பட கோரிக்கைகள் வலியுறுத்தி கோஷமிட்டனர்.
 

]]>
https://www.dinamani.com/all-editions/edition-coimbatore/nilgiris/2019/jan/04/உதகை-நகராட்சி-ஊழியர்கள்-போராட்டம்-3070692.html
3070691 கோயம்புத்தூர் நீலகிரி தீட்டுக்கல் குப்பை தளத்தில் பசுமை தீர்ப்பாயக் குழு ஆய்வு: இடத்தை விரைவில் காலி செய்ய நகராட்சிக்கு நோட்டீஸ் DIN DIN Friday, January 4, 2019 07:24 AM +0530 உதகை நகராட்சியின் குப்பை கொட்டும் தளமான தீட்டுக்கல் தளத்தில் பசுமை தீர்ப்பாயக் குழுவினர் நேரில் ஆய்வு செய்துள்ளனர். இதையடுத்து இந்த இடத்தை விரைவில் காலி செய்யுமாறு நகராட்சிக்கு நோட்டீஸ் வழங்கப்பட்டுள்ளது.
உதகை நகராட்சிப் பகுதியில் சேரும் குப்பைகள் மற்றும் கழிவுகள் அனைத்தும் நகருக்கு சுமார் 6 கி.மீ. தொலைவில் உள்ள தீட்டுக்கல் பகுதியில் கொட்டப்படுகின்றன.  இதற்காக வனத் துறைக்குச் சொந்தமான சுமார் 5 ஏக்கர் நிலத்தை 99 ஆண்டு குத்தகைக்கு உதகை நகராட்சி நிர்வாகம்  எடுத்திருந்தது. இந்நிலையில்  இந்த ஒப்பந்தம் 2012ஆம் ஆண்டில் நிறைவடைந்தது. இதையடுத்து இந்த நிலத்தை காலி செய்யுமாறு வனத் துறை வலியுறுத்தி வந்தது. ஆனால் இதற்கு மாற்றாக மார்லிமந்து பகுதியில் நகராட்சிக்குச் சொந்தமான நிலத்தில் இருந்து வனத் துறைக்கு 5 ஏக்கர் நிலம் வழங்கப்பட்டது.
இந்நிலையில் தீட்டுக்கல் பகுதியில் நிலம் வைத்திருக்கும் சென்னையைச் சேர்ந்த ராதாகிருஷ்ணன் என்பவர் தீட்டுக்கல் பகுதியில் குப்பை கொட்டப்படுவதால் அதிலிருந்து வெளியேறும் கழிவு நீரால் தனது நிலம் பாழ்பட்டு விட்டதாகவும்,  அதனால் இந்த குப்பை கொட்டும் தளத்தை வேறு இடத்துக்கு மாற்ற வேண்டும் எனக் கோரி சென்னை உயர் நீதிமன்றத்தில் வழக்கு தொடர்ந்தார். 
இந்த வழக்கு விசாரணையில் உள்ள நிலையில்  இதே கோரிக்கையை வலியுறுத்தி பசுமை தீர்ப்பாயத்திலும் அவர் மேலும் ஒரு வழக்கு தாக்கல் செய்தார். இதையடுத்து பசுமை தீர்ப்பாயக் குழுவினர் அண்மையில் தீட்டுக்கல் பகுதிக்கு வந்து நேரில் ஆய்வு நடத்தியதோடு, அங்குள்ள மண், நீர் ஆகியவற்றின் மாதிரிகளையும் சேகரித்துச் சென்றுள்ளனர். இதைத் தொடர்ந்து  தீட்டுக்கல் பகுதியில் உள்ள குப்பை கொட்டும் தளத்தைக் காலி செய்யுமாறு பசுமை தீர்ப்பாயத்தில் இருந்து உதகை நகராட்சிக்கு தற்போது நோட்டீஸ் வழங்கப்பட்டுள்ளது.
இதுதொடர்பாக நகராட்சி அதிகாரிகளிடம் கேட்டபோது அவர்கள் கூறியதாவது:
தீட்டுக்கல் குப்பை கொட்டும் தளத்தில் குப்பை கொட்டுவதை படிப்படியாக குறைத்து வருகிறோம். இதற்காக உதகை நகருக்குள்ளேயே ரூ.3 கோடி செலவில்  நுண் உர செயலாக்க மையங்கள் அமைக்கப்பட்டுள்ளன. இதன் மூலம் நாளொன்றுக்கு சுமார் 20 டன் எடையிலான மட்கும் குப்பைகளை  உரமாக மாற்ற நடவடிக்கை எடுக்கப்பட்டுள்ளது. இவற்றில் 2 மையங்கள் தற்போது செயல்பட்டு வரும் நிலையில் எஞ்சிய நான்கு மையங்களும் விரைவில் செயல்பாட்டுக்கு வரும். மட்காத குப்பைகள் பிரிக்கப்பட்டு மறு சுழற்சிக்காக வெளி மாவட்டங்களுக்கு அனுப்பப்பட்டு விடுகின்றன. இதனால் தீட்டுக்கல் பகுதியில் அதிகளவில் குப்பை கொட்ட வேண்டிய தேவையில்லை. தீட்டுக்கல் குப்பை கொட்டும் தளத்தை காலி செய்யுமாறு பசுமை தீர்ப்பாயம் அறிவுறுத்தியுள்ள நிலையில் உதகை நகராட்சி நிர்வாகத்தின் சார்பில் மாற்று ஏற்பாடுகள் செய்யப்பட்டு வருவதால், தற்போது கால அவகாசம் கேட்டு விண்ணப்பிக்க உள்ளோம் என அதிகாரிகள் தெரிவித்தனர்.

]]>
https://www.dinamani.com/all-editions/edition-coimbatore/nilgiris/2019/jan/04/தீட்டுக்கல்-குப்பை-தளத்தில்-பசுமை-தீர்ப்பாயக்-குழு-ஆய்வு-இடத்தை-விரைவில்-காலி-செய்ய-நகராட்சிக்கு-நோ-3070691.html
3070690 கோயம்புத்தூர் நீலகிரி போதையில் மினி பஸ்ஸை இயக்கிய ஓட்டுநர் கைது DIN DIN Friday, January 4, 2019 07:24 AM +0530 குன்னூரில் போதையில் மினி பஸ்ஸை இயக்கிய ஓட்டுநரை காவல் துறையினர் வெள்ளிக்கிழமை கைது செய்தனர். 
குன்னூரில் 30க்கும் மேற்பட்ட  மினி பஸ்கள் இயக்கப்படுகின்றன. இவை,  ஓட்டுப்பட்டரை, வண்டிச்சோலை , ஜெகதளா,  உள்ளிட்ட பல்வேறு பகுகிகளுக்கு இயக்கப்பட்டு வருகின்றன. 
இந்நிலையில் ஜெகதளா செல்லும் மினி பஸ்ஸில் ஓட்டுநர் செல்வா, மது அருந்திவிட்டு பஸ்ஸை இயக்குவதாக காவல் துறையினருக்குத் தகவல்  கிடைத்தது. இதையடுத்து காவல் உதவி ஆய்வாளர்கள்  பாலு, ரவி, முதன்மை காவலர் சுரேஷ் ஆகியோர் மினி பஸ் ஓட்டுநரைப் பிடித்து விசாரித்ததில் அவர் மது அருந்தியிருப்பது உறுதி செய்யப்பட்டது. இதைத் தொடர்ந்து அவர் ஓட்டிய   மினி பஸ்ஸை பறிமுதல் செய்த  காவல் ஆய்வாளர் டி. சுப்ரமணி, ஓட்டுநர் மீது  வழக்குப் பதிவு செய்து அவரைக்   கைது செய்தார், 
மேலும், ஓட்டுநர் உரிமம் இல்லாதவரிடம் மின்பஸ்ஸை ஓட்ட அனுமதி அளித்த அதன் உரிமையாளர் மீதும்  வழக்கு தொடர உள்ளதாக  காவல் ஆய்வாளர் சுப்ரமணி  தெரிவித்தார். ஜெகதளா செல்லும் செங்குத்தான சாலையில் மின்பஸ்ஸை  இயக்கிய   ஓட்டுநர் போதையில்  இருந்தது அந்த  கிராம மக்களை அச்சத்தில் ஆழ்த்தியுள்ளது.

]]>
https://www.dinamani.com/all-editions/edition-coimbatore/nilgiris/2019/jan/04/போதையில்-மினி-பஸ்ஸை-இயக்கிய-ஓட்டுநர்-கைது-3070690.html
3070689 கோயம்புத்தூர் நீலகிரி ஆன்லைனில் லாட்டரி விற்ற நால்வர் கைது: ரூ.1.65 லட்சம் பறிமுதல் DIN DIN Friday, January 4, 2019 07:23 AM +0530 கோத்தகிரியில் ஆன்லைனில் லாட்டரி விற்றதாக நால்வர் கைது செய்யப்பட்டுள்ளனர். அவர்களிடமிருந்து ரூ.1.65 லட்சம் பறிமுதல் செய்யப்பட்டது. 
இதுதொடர்பாக  நீலகிரி மாவட்ட எஸ்.பி அலுவலகம் வெளியிட்டுள்ள செய்திக் குறிப்பு:
கோத்தகிரி காவல் நிலைய எல்லைக்கு உள்பட்ட பகுதிகளில் தடை செய்யப்பட்ட லாட்டரி விற்பனை ஆன்லைன் மூலமாக நடைபெறுவதாக கிடைத்த தகவலை அடுத்து நீலகிரி மாவட்ட காவல் கண்காணிப்பாளர் மேற்பார்வையில் தனிப்படை  அமைக்கப்பட்டது. 
இப்படையினர்  கோத்தகிரி பேருந்து நிலையம்,  ராம்சந்த், டானிங்டன் மற்றும் மார்க்கெட் ஆகிய பகுதிகளில் தீவிர கண்காணிப்பில் ஈடுபட்டிருந்தனர். அப்போது தங்களது வாடிக்கையாளர்களுக்கு ஆன்லைன் லாட்டரிகளின் கடைசி 3 எண்களை மட்டும் துண்டு சீட்டுகளில் எழுதித் தருவது கண்டறியப்பட்டது.
 இதையடுத்து கேர்பெட்டா பகுதியைச் சேர்ந்த ராஜ்குமார் (50), ராம்சந்த் பகுதியைச் சேர்ந்த அப்துல் ஜாபர் (54),  கோத்தகிரியைச் சேர்ந்த ரங்கராஜ் (66) மற்றும் மோகன்தாஸ் (28) ஆகியோர் பிடிபட்டனர். இவர்களிடம் இருந்து ரூ.1லட்சத்து 64 ஆயிரத்து 215 மற்றும் 5 செல்லிடப்பேசிகள் கைப்பற்றப்பட்டன.  
விசாரணைக்கு பின்னர் 5 பேரும் கோத்தகிரி நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர் என்று தெரிவிக்கப்பட்டுள்ளது.

]]>
https://www.dinamani.com/all-editions/edition-coimbatore/nilgiris/2019/jan/04/ஆன்லைனில்-லாட்டரி-விற்ற-நால்வர்-கைது-ரூ165-லட்சம்-பறிமுதல்-3070689.html
3070687 கோயம்புத்தூர் நீலகிரி சபரிமலை பிரச்னை: கூடலூரில் முழு அடைப்பு DIN DIN Friday, January 4, 2019 07:22 AM +0530 சபரிமலை பிரச்னை தொடர்பாக கேரளத்தில் முழு அடைப்பு காரணமாக நீலகிரி மாவட்டத்தில் இருந்து கேரளத்துக்கு இயக்கப்படும் அரசுப் பேருந்துகள் ரத்து செய்யப்பட்டுள்ளன. தமிழக எல்லையான கூடலூரிலும் வெள்ளிக்கிழமை முழு அடைப்பு நடைபெற்றது.
சபரிமலை கோயிலுக்குள் பெண்கள் சென்ற சம்பவம் காரணமாக கேரளத்தில் வியாழக்கிழமை முழு அடைப்பு நடைபெற்றது. இதனால் நீலகிரி மாவட்டத்தில் இருந்து கேரள மாநிலத்துக்கு அரசுப் பேருந்துகள் இயக்கப்படவில்லை. 
தமிழக எல்லையான கூடலூரில் சபரிமலை பாதுகாப்பு இயக்கம் என்ற பெயரில் இந்து அமைப்புகள் ஒன்றிணைந்து சபரிமலையில் பெண்கள் அனுமதிக்கப்பட்டதற்கு எதிர்ப்பு தெரிவித்து கடைகளை அடைக்கக் கூறினர். இதனால் கூடலூர் பஜாரில் உள்ள அனைத்துக் கடைகளும் அடைக்கப்பட்டன. உள்ளூர் அரசுப் பேருந்துகள் வழக்கம் போல இயக்கப்பட்டன. கடைகள் அடைக்கப்பட்டதால் பொதுமக்களின் இயல்பு வாழ்க்கை பாதிக்கப்பட்டது. 

]]>
https://www.dinamani.com/all-editions/edition-coimbatore/nilgiris/2019/jan/04/சபரிமலை-பிரச்னை-கூடலூரில்-முழு-அடைப்பு-3070687.html
3069846 கோயம்புத்தூர் நீலகிரி நீலகிரியில் நாளை அம்மா திட்ட சிறப்பு முகாம் DIN DIN Thursday, January 3, 2019 12:53 AM +0530 நீலகிரி மாவட்டத்தில் அம்மா திட்ட சிறப்பு முகாம்கள்  ஜனவரி 4-இல் (வெள்ளிக்கிழமை) நடத்தப்பட உள்ளன.  
இதுதொடர்பாக மாவட்ட ஆட்சியர் அலுவலக செய்திக் குறிப்பில் தெரிவிக்கப்பட்டுள்ளதாவது:
நீலகிரி மாவட்டத்தில் 2019ஆம்  ஆண்டில் அம்மா திட்ட சிறப்பு முகாம்களை ஜனவரி மாதம் 4ஆம் தேதி நடத்தத் திட்டமிடப்பட்டுள்ளது. இந்த சிறப்பு முகாம்கள் உதகையில் மேல் கோடப்பமந்து  சமுதாயக் கூடத்திலும்,  குன்னூர் வட்டத்தில் பைகமந்து  சமுதாயக்கூடத்திலும் நடைபெற உள்ளன.
கோத்தகிரி வட்டத்தில் அல்லூர் சமுதாயக் கூடத்திலும், குந்தா வட்டத்தில் இத்தலார் புதுஹட்டி சமுதாயக் கூடத்திலும், கூடலூர் வட்டத்தில் எழுமுரம் அரசு  தொடக்கப் பள்ளி வளாகத்திலும் இந்த சிறப்பு முகாம்கள் நடைபெற உள்ளன. பந்தலூர்  வட்டத்தில் சேரங்கோடு அரசு தொடக்கப் பள்ளி வளாகத்தில் முகாம் நடைபெறும்.
 

]]>
https://www.dinamani.com/all-editions/edition-coimbatore/nilgiris/2019/jan/03/நீலகிரியில்-நாளை-அம்மா-திட்ட-சிறப்பு-முகாம்-3069846.html
3069845 கோயம்புத்தூர் நீலகிரி கேரளத்தில் நாளை கடையடைப்பு: கூடலூரிலிருந்து வாகனங்கள் இயங்காது DIN DIN Thursday, January 3, 2019 12:53 AM +0530 கேரளத்தில் வியாழக்கிழமை கடையடைப்புப் போராட்டம் நடைபெறுவதால் கூடலூரிலிருந்து கேரளம் செல்லும் வாகனங்கள் இயக்கப்படாது.
சபரிமலையில் பக்தர்களின் ஆன்மிக நம்பிக்கையைச் சிதைக்கும் வகையில் மாநில அரசு, காவல் துறை உதவியுடன் 40 வயதிலான இரு பெண்களை சந்நிதானம் செல்ல புதன்கிழமை அதிகாலை ஏற்பாடு செய்தது. இந்த விவரம் காலையில் தெரிய வந்தவுடன், கேரளத்தில் பதற்றம் ஏற்பட்டுள்ளது. பல இடங்களில் பக்தர்களும் இந்து இயக்கத்தினரும் போராட்டம் நடத்தி வருகின்றனர்.
இந்நிலையில் கேரள மாநிலம் முழுவதும் வியாழக்கிழமை முழு கடையடைப்புக்கு சபரிமலை கர்ம சமிதி அழைப்பு விடுத்துள்ளது.  
இதையடுத்து, கூடலூரிலிருந்து கேரள மாநிலத்தின் சுல்தான் பத்தேரி, நிலம்பூர், பெருந்தல்மண்ணா செல்லும் வாகனங்களும், கர்நாடக மாநிலத்திலிருந்து கூடலூர் வழியாக திருச்சூர் செல்லும் பேருந்துகளும், உதகையிலிருந்து கோழிக்கோடு, கண்ணனூர் உள்ளிட்ட  நகரங்களுக்குச் செல்லும் பேருந்துகளும், சுற்றுலா வாகனங்களும் இயங்கப்படாது.
 

]]>
https://www.dinamani.com/all-editions/edition-coimbatore/nilgiris/2019/jan/03/கேரளத்தில்-நாளை-கடையடைப்பு-கூடலூரிலிருந்து-வாகனங்கள்-இயங்காது-3069845.html
3069841 கோயம்புத்தூர் நீலகிரி தெரு விளக்குகள் எரியாததால் இருளில் மூழ்கியுள்ள பெந்தட்டி கிராமம் DIN DIN Thursday, January 3, 2019 12:51 AM +0530 கோத்தகிரி-பெந்தட்டி கிராமத்தில் தெரு விளக்குகள் எரியாததால்,  இப்பகுதி மக்கள் இருளில் மிகவும் சிரமப்படுகின்றனர்.
கோத்தகிரி பேரூராட்சிக்கு உள்பட்ட கேர்பெட்டா பெந்தட்டி கிராமத்தில், 50க்கும் மேற்பட்ட குடும்பங்கள் உள்ளன. இக் கிராம மக்கள் கொடநாடு பிரதான சாலையில் இருந்து கிராமத்திற்குச் சென்று வருகின்றனர். கடந்த சில நாள்களுக்கு முன் பலத்த காற்றுடன் பெய்த மழையில் கிராமத்தில் உள்ள தெரு விளக்குகள் சேதமடைந்தன.
குறிப்பாக, பழுது காரணமாக  கிராமத்தில் சோடியம் விளக்குகள் எரிவதில்லை. இதனால் கிராம மக்கள் இருளில் பல்வேறு சிரமங்களுக்கு இடையே சென்று வருகின்றனர். கொடநாடு சாலை "ரைபிள் ரேஞ்ச்' பகுதியில் இருந்து வன விலங்கு அபாயத்துக்கு இடையே அவர்கள் சென்று வருகின்றனர்.
எனவே, சம்பந்தப்பட்ட துறையினர் பழுதடைந்த தெரு விளக்குகளை உடனடியாக பழுது பார்க்க வேண்டும் என்று  இப்பகுதி மக்கள்  கோரிக்கை விடுத்துள்ளனர்.

]]>
https://www.dinamani.com/all-editions/edition-coimbatore/nilgiris/2019/jan/03/தெரு-விளக்குகள்-எரியாததால்-இருளில்-மூழ்கியுள்ள-பெந்தட்டி-கிராமம்-3069841.html
3069839 கோயம்புத்தூர் நீலகிரி ஆழ்வார்பேட்டையில் பிடிபட்ட முள்ளம்பன்றி DIN DIN Thursday, January 3, 2019 12:50 AM +0530 குன்னூர்- ஆழ்வார் பேட்டை பகுதியில் உள்ள  குடியிருப்புகளில்  நுழைந்து மக்களை அச்சுறுத்திய முள்ளம்பன்றியை வழத்துறையினர் பிடித்தனர்.
குன்னூர், ஆழ்வார் பேட்டை பகுதியில் உள்ள  குடியிருப்புகளில் புதன்கிழமை  காலை நுழைந்த முள்ளம்பன்றி ஒன்று, குடியிருப்புவாசிகளை     அச்சுறுத்துவதாக  வன அலுவலர்  பெரியசாமிக்கு  தகவல் கிடைத்தது.   
உடனே வனப் பணியாளர்கள் அங்கு சென்று, ராமர்  கோயில்   குடியிருப்பிற்கு அருகில் பதுங்கியிருந்த முள்ளம்பன்றியை கூண்டு வைத்துப் பிடித்தனர். பின்னர் அதனை அடர்ந்த வனப்பகுதியில் விடுவித்தனர்.
 

]]>
https://www.dinamani.com/all-editions/edition-coimbatore/nilgiris/2019/jan/03/ஆழ்வார்பேட்டையில்-பிடிபட்ட-முள்ளம்பன்றி-3069839.html
3069838 கோயம்புத்தூர் நீலகிரி புலிகள் காப்பகத்தில் பறக்கும் கேமராவில்  படமெடுத்தவர்களுக்கு ரூ. 25 ஆயிரம் அபராதம் DIN DIN Thursday, January 3, 2019 12:50 AM +0530 முதுமலை புலிகள் காப்பகத்திலுள்ள மசினகுடி வனச் சரகத்தில் பறக்கும் கேமரா (ட்ரோன்) மூலம் படமெடுத்த கேரள மாநில சுற்றுலாப் பயணிகள் நால்வருக்கு ரூ. 25 ஆயிரம் அபராதம் செவ்வாய்க்கிழமை விதிக்கப்பட்டது.
நீலகிரி மாவட்டம், முதுமலை புலிகள் காப்பகத்திலுள்ள மசினகுடி வனச் சரகத்தில் மாவநல்லா வனப்பகுதியில், கேரள மாநிலம்,  பாலக்காடு பகுதியைச் சேர்ந்த ஸ்ரீதரன் (45), சுபியான் (25), ஷாபி (25), சியாது முகமது (21) ஆகியோர் அத்துமீறி, பறக்கும் கேமரா மூலம் வனத்தில் செவ்வாய்க்கிழமை படமெடுத்தனர். அவர்களைப் பிடித்த வனத் துறையினர் ரூ. 25 ஆயிரம் அபராதம் விதித்தனர்.

]]>
https://www.dinamani.com/all-editions/edition-coimbatore/nilgiris/2019/jan/03/புலிகள்-காப்பகத்தில்-பறக்கும்-கேமராவில்--படமெடுத்தவர்களுக்கு-ரூ-25-ஆயிரம்-அபராதம்-3069838.html
3069836 கோயம்புத்தூர் நீலகிரி கோத்தகிரி அருகே கார் கவிழ்ந்து  ஒருவர் சாவு DIN DIN Thursday, January 3, 2019 12:50 AM +0530 கோத்தகிரி பகுதியில் கட்டுப்பாட்டை  இழந்த கார் புதன்கிழமை விபத்துக்குள்ளானதில் ஒருவர் உயிரிழந்தார். 
நீலகிரி மாவட்டம்,  கோத்தகிரியைச்   சேர்ந்த ஃபெலிக்ஸ், அவரது நண்பர் குமார் ஆகிய இருவரும் காரில் குன்னூர் சென்றுவிட்டு கோத்தகிரிக்கு புதன்கிழமை திரும்பினர். அப்போது  ஒரசோலை பகுதி  அருகே  கார் கட்டுப்பாட்டை இழந்து மரத்தில் மோதி, சாலையில் கவிழ்ந்து  விபத்திற்குள்ளானது. 
இந்த விபத்தில் காரை ஓட்டிய ஃபெலிக்ஸ் சம்பவ இடத்திலேயே உயிரிழந்தார். காயமடைந்த குமாரை மீட்ட மக்கள்  கோத்தகிரி அரசு மருத்துவமனைக்கு அனுப்பி வைத்தனர். இந்த விபத்து குறித்து கோத்தகிரி காவல் துறையினர் வழக்குப் பதிவு செய்து விசாரணை மேற்கொண்டுள்ளனர்.
 

]]>
https://www.dinamani.com/all-editions/edition-coimbatore/nilgiris/2019/jan/03/கோத்தகிரி-அருகே-கார்-கவிழ்ந்து--ஒருவர்-சாவு-3069836.html
3069835 கோயம்புத்தூர் நீலகிரி மக்களவைத் தேர்தல் ஏற்பாடுகள்:  வாக்கு எண்ணும் மையங்களில் ஆட்சியர் ஆய்வு DIN DIN Thursday, January 3, 2019 12:49 AM +0530 எதிர்வரும் மக்களவைத் தேர்தலை முன்னிட்டு நீலகிரி மாவட்டத்தில் உதகை அரசு பாலிடெக்னிக் கல்லூரியில் வாக்கு எண்ணும் மைய முன்னேற்பாட்டுப் பணிகள் குறித்து மாவட்ட ஆட்சியர் இன்னசென்ட் திவ்யா ஆய்வு மேற்கொண்டார்.
அப்போது அவர் கூறியதாவது:
நீலகிரி மக்களவைத் தொகுதியானது உதகை, குன்னூர், கூடலூர், பவானிசாகர், மேட்டுப்பாளையம், அவிநாசி ஆகிய 6 சட்டப் பேரவைத் தொகுதிகளை அடக்கியதாகும்.
இதில் மக்களவைத் தேர்தல் தொடர்பான முன்னேற்பாட்டுப் பணிகளான வாக்குச்சாவடி மையங்கள் அமைத்தல்,  மின்னணு வாக்குப்பதிவு இயந்திரங்களை சரிபார்த்தல், வாக்கு எண்ணுவதற்கான இடவசதிகள் மற்றும் அடிப்படை வசதிகள் குறித்து ஆய்வு மேற்கொண்டுள்ளோம். நீலகிரி மாவட்டத்தில் 1,413 வாக்குச்சாவடி மையங்கள் அமைக்கப்பட உள்ளன என்றார்.
இந்த ஆய்வின்போது, மாவட்ட காவல் கண்காணிப்பாளர் சண்முகப்பிரியா, மாவட்ட வருவாய் அலுவலர் செல்வராஜ், மாவட்ட ஆட்சியரின் நேர்முக உதவியாளர் கீதப்பிரியா ஆகியோருடன் கோட்டாட்சியர்கள், வட்டாட்சியர்கள், தேர்தல் அலுவலர்கள், அரசு அலுவலர்கள் உள்ளிடோர் உடனிருந்தனர்.

]]>
https://www.dinamani.com/all-editions/edition-coimbatore/nilgiris/2019/jan/03/மக்களவைத்-தேர்தல்-ஏற்பாடுகள்--வாக்கு-எண்ணும்-மையங்களில்-ஆட்சியர்-ஆய்வு-3069835.html
3069833 கோயம்புத்தூர் நீலகிரி உதகையில் இரவு நேரங்களில் குறையும் வெப்பநிலை: உறைபனியால் இயல்பு வாழ்க்கை பாதிப்பு DIN DIN Thursday, January 3, 2019 12:49 AM +0530 நீலகிரி மாவட்டத்தில் நிலவும் குறைந்தபட்ச வெப்பநிலை காரணமாக உதகை சுற்றுப்பகுதிகளில் இயல்பு வாழ்க்கை வெகுவாக பாதிக்கப்பட்டுள்ளது.
நீலகிரி மாவட்டத்தில் கடந்த சில நாள்களாக இரவு நேர வெப்பநிலை வெகுவாகக் குறைந்து வந்தது. கடந்த இரு நாள்களாக உதகை சுற்றுப்பகுதிகளில் இரவு நேர வெப்பநிலை மிகவும் குறைவாக உள்ளது. குறிப்பாக உதகை நகரப் பகுதிகளில் இரவு நேரங்களில் 4 டிகிரி முதல் 2 டிகிரி வரையிலும்,  வனப் பகுதிகளை ஒட்டியுள்ள ஊரகப் பகுதிகளில் 2 டிகிரி முதல் மைனஸ் 4 டிகிரி செல்சியஸ் வரையிலும் வெப்பநிலை பதிவாகிறது. 
இதன் காரணமாக உதகை நகரம் இரவு 7 மணிக்குப் பின்னரே மக்கள் நடமாட்டமின்றி வெறிச்சோடிக் காணப்படுகிறது.  ஜனவரி 1ஆம் தேதி இரவில் உதகை மட்டுமின்றி அதையொட்டியுள்ள பல்வேறு பகுதிகளிலும்  உறைபனியியின் தாக்கம் அதிகமாகக்  காணப்பட்டது.  இதன் காரணமாக உதகையில் பகல் நேரங்களில் காலை 11 மணிக்குப்  பிறகே வெயிலின் தாக்கம் தெரிகிறது. தவிர, பிற்பகல் 3 மணிக்குள்  மீண்டும் குளிரத் தொடங்கி  விடுகிறது. இதனால் உதகையில் மக்களின் இயல்பு வாழ்க்கை பாதிக்கப்பட்டுள்ளது.

]]>
https://www.dinamani.com/all-editions/edition-coimbatore/nilgiris/2019/jan/03/உதகையில்-இரவு-நேரங்களில்-குறையும்-வெப்பநிலை-உறைபனியால்-இயல்பு-வாழ்க்கை-பாதிப்பு-3069833.html