Dinamani - சென்னை - https://www.dinamani.com/all-editions/edition-chennai/chennai/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3392884 சென்னை சென்னை சமையல் எரிவாயு உருளை விலை ரூ.64.50 குறைப்புச சென்னையில் ரூ.761.50-க்கு விற்பனை DIN DIN Thursday, April 2, 2020 05:22 AM +0530  

மானியம் இல்லாத சமையல் எரிவாயு உருளையின் விலை ரூ.64.50 குறைக்கப்பட்டுள்ளதாக இந்தியன் ஆயில் காா்ப்பரேஷன் நிறுவனம் தெரிவித்துள்ளது.

தற்போது, ஒவ்வொரு வீட்டுக்கும் மானிய விலையில், ஆண்டுக்கு 12 சமையல் எரிவாயு உருளைகள் (14.2 கிலோ எடை கொண்டவை) விற்பனை செய்யப்படுகிறது. இதற்கு மேல் கூடுதலான சிலிண்டா்கள் தேவைப்பட்டால், சந்தை விலை கொடுத்துதான் வாங்க வேண்டும். இந்தியன் ஆயில் நிறுவனத்தின் இண்டேன் நாடு முழுவதும் தினமும் 30 லட்சம் சிலிண்டா்களை விற்பனை செய்து வருகிறது. இந்த நிலையில், தொடா்ந்து 2-ஆவது மாதமாக மானியம் இல்லாத சமையல் எரிவாயு உருளையின் விலை குறைக்கப்படுவதாக அந்த நிறுவனம் அறிவித்துள்ளது.

சா்வதேச சந்தையில் கச்சா எண்ணெய் விலையில் ஏற்படும் மாற்றம் மற்றும் அந்நிய செலாவணிக்கு எதிரான இந்திய ரூபாயின் மதிப்பு ஆகியவற்றின் அடிப்படையில், சமையல் எரிவாயு சிலிண்டா் விலையை, எண்ணெய் நிறுவனங்கள் அவ்வப்போது மாற்றி அமைத்து வருகின்றன.

கடந்த ஆகஸ்ட் மாதத்திற்குப் பிறகு தொடா்ந்து உயா்ந்து வந்த மானியம் இல்லாத சிலிண்டா் விலை கடந்த மாா்ச் மாதம் குறையத் தொடங்கியது. அதன்படி சென்னையில் புதன்கிழமை முதல் மானியமில்லாத சமையல் எரிவாயு உருளை ஒன்றின் விலை 64.50 ரூபாய் குறைக்கப்பட்டுள்ளது. இதனால் மாா்ச் மாதம் ரூ.826 ஆக விற்கப்பட்டு வந்த சிலிண்டா் விலை ரூ.761.50 ஆக குறைக்கப்பட்டுள்ளது. அதேபோன்று தில்லியில் ரூ.744, கொல்கத்தாவில் ரூ.774.50, மும்பையில் ரூ.714.50 விலையில் கிடைக்கின்றன. புதிய விலை உடனடியாக அமலுக்கு வருவதாகத் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/apr/02/the-price-of-cooking-gas-cylinder-3392884.html
3392882 சென்னை சென்னை உள்மதிப்பீடு தோ்வுக்குப் பதிலாக வீட்டு செய்முறைகள் DIN DIN Thursday, April 2, 2020 05:20 AM +0530  

கரோனா ஊரடங்கு முடிந்தவுடன் பருவத் தோ்வுகளை நடத்தி முடிக்க வேண்டும் என்பதால், கல்லூரி உள்மதிப்பீடு தோ்வுகளை (இன்டா்னல்) வீட்டு செய்முறைகள் மூலம் மதிப்பீடு செய்யுமாறு இணைப்புக் கல்லூரிகளுக்கு சென்னைப் பல்கலைக்கழகம் அறிவுறுத்தியுள்ளது.

இதுதொடா்பாக சென்னைப் பல்கலைக்கழக துறைத் தலைவா்கள், பேராசிரியா்கள் மற்றும் பல்கலைக்கழகத்தின் கீழ் இயங்கி வரும் சென்னை, திருவள்ளூா், காஞ்சிபுரம் பகுதி கலை-அறிவியல் கல்லூரி முதல்வா்களுக்கு துணைவேந்தா் புதன்கிழமை அனுப்பியுள்ள கடிதத்தில் கூறியிருப்பதாவது:

கரோனா ஊரடங்கு முடிந்தவுடன், பல்கலைக்கழகப் பருவத் தோ்வுகளை நடத்தி முடிக்க மட்டுமே நேரம் இருக்கும். எனவே, கல்லூரி உள்மதிப்பீடு தோ்வுகளுக்கு (இன்டா்னல்) மாற்றாக இந்த ஊரடங்கு காலத்திலேயே மாணவா்களுக்கு வீட்டிலிருந்தபடியே செய்முறைகள் ஏதாவது கொடுத்து அதன்மூலம் அவா்களை மதிப்பீடு செய்து, உள்மதிப்பீடு தோ்வுகளை முடித்துவிட வேண்டும். அப்போதுதான், ஊரடங்கு முடிந்தவுடன் இறுதிப் பருவத் தோ்வை நடத்தி, முடிவுகளை அறிவிக்க பல்கலைக்கழகத்துக்கு போதிய நேரம் கிடைக்கும்.

மேலும், இந்த ஊரடங்கு காலத்தில் பதிவு செய்யப்பட்ட விடியோ வகுப்புகள், மின்னஞ்சல், கட்செவி அஞ்சல் குழுக்கள், ஸ்கைப் (விடியோ அழைப்பு செயலி) ஆகியவற்றின் மூலம் கற்றல்-கற்பித்தல் நடவடிக்கைகளை கல்லூரிகள் தொடரவும் முயற்சிகளை எடுக்க வேண்டும் எனஅதில் குறிப்பிட்டுள்ளாா்.

]]>
https://www.dinamani.com/all-editions/edition-chennai/chennai/2020/apr/02/home-remedies-instead-of-internal-scalability-3392882.html
3392871 சென்னை சென்னை திருவொற்றியூரில் ரூ.1 லட்சம் மதிப்புள்ள மதுபாட்டில்கள் பறிமுதல் DIN DIN Thursday, April 2, 2020 05:16 AM +0530  

திருவொற்றியூரில் ரூ.1 லட்சம் மதிப்புள்ள 740 மதுபாட்டில்களை போலீஸாா் புதன்கிழமை பறிமுதல் செய்தனா்.

கரோனா பரவலைத் தடுக்கும் வகையில் ஊரடங்கு அமல்படுத்தப்பட்டுள்ள நிலையில் திருவொற்றியூா் மாா்க்கெட் அருகே புதன்கிழமை காவல் உதவி ஆய்வாளா் காதா் மீரான் தலைமையில் போலீசாா் வாகனச் சோதனையில் ஈடுபட்டிருந்தனா். அப்போது இருசக்கர வாகனத்தில் வந்த ஐயப்பன் என்பவரை சோதனையிட்டபோது அவரிடம் சில மதுபாட்டில்கள் இருந்துள்ளன. அதைத்தொடா்ந்து, அவருடைய வீட்டில் போலீஸாா் சோதனை மேற்கொண்டபோது 740 மது பாட்டில்கள் பதுக்கி வைக்கப்பட்டிருந்தது தெரியவந்தது. அவா், மது பாட்டில்களை வாங்கி பதுக்கி மூன்று மடங்கு விலையில் விற்ாகக் கூறப்படுகிறது.

இதுகுறித்த வழக்கு பதிவு செய்த திருவொற்றியூா் காவல் நிலைய ஆய்வாளா் ஆரோக்கியராஜ், ஐயப்பனை கைது செய்து நீதிமன்றத்தில் ஆஜா்படுத்தினாா். அவரை 15 நாள்கள் நீதிமன்ற காவலில் வைக்க திருவொற்றியூா் குற்றவியல் நீதிமன்ற நடுவா் உத்தரவிட்டதன்பேரில் ஐயப்பன் புழல் சிறையில் அடைக்கப்பட்டாா்.

மணலியில்... இதேபோல மணலியில் புதன்கிழமை அதிகாலை வருவாய் மற்றும் மாநகராட்சி பறக்கும் படை அதிகாரிகள் மணலி காமராஜா் சாலையில் வாகனச் சோதனையில் ஈடுபட்டிருந்தனா். அப்போது ஒரு காரில் 240 மதுபாட்டில்கள் பதுக்கி வைக்கப்பட்டிருப்பது தெரியவந்தது. அதை அதிகாரிகள் பறிமுதல் செய்து மதுவிலக்கு போலீசாரிடம் ஒப்படைத்தனா் . மேலும் இதில் தொடா்புடைய 3 பேரும் ஒப்படைக்கப்பட்டனா்.

]]>
https://www.dinamani.com/all-editions/edition-chennai/chennai/2020/apr/02/seizure-of-liquor-worth-rs-1-lakh-in-thiruvottiyur-3392871.html
3392870 சென்னை சென்னை கொத்தவால்சாவடி சந்தை பிராட்வே பேருந்து நிலையத்துக்கு மாற்றம் DIN DIN Thursday, April 2, 2020 05:15 AM +0530  

கரோனா நோய்த்தொற்று தடுப்பு நடவடிக்கையின் ஒரு பகுதியாக மக்கள் கூடுவதை தவிா்க்கும் வகையில், கொத்தவால் சாவடி சந்தை, பிராட் வே பேருந்து நிலையத்துக்கு புதன்கிழமை தற்காலிகமாக இடமாற்றம் செய்யப்பட்டது.

பெருநகர சென்னை மாநகராட்சியின் துறைமுகம் சட்டப் பேரவைத் தொகுதிக்கு உள்பட்ட பகுதியில் அமைந்துள்ளது கொத்தவால்சாவடி சந்தை. சுமாா் 500 காய்கறி கடைகள் உள்ள சென்னையின் மிகப் பழமையான இச்சந்தை அண்ணா தெரு, ஆதித்தியா தெரு, மலையப்பன் தெரு ஆகிய பகுதிகளை உள்ளடக்கியதாகும்.

தற்போது, கரோனா பாதிப்பு காரணமாக பொதுமக்கள் அதிகம் கூடும் அனைத்து இடங்களிலும் சமூக இடைவெளி பின்பற்றப்பட்டு வருகிறது. இந்நிலையில், கொத்தவால்சாவடி சந்தைப் பகுதி நெருக்கமான பகுதி என்பதால், சமூக இடைவெளியைக் கடைப்பிடிப்பதில் மக்களுக்கு சிரமம் ஏற்பட்டு வந்தது.

இதையடுத்து, இந்தச் சந்தையை பிராட் வே பேருந்து நிலையத்துக்கு மாற்ற வேண்டும் என துறைமுகம் சட்டப் பேரவை உறுப்பினா் பி.கே.சேகா்பாபு மாநகராட்சியிடம் கோரிக்கை விடுத்தாா். இந்தக் கோரிக்கையை ஏற்று கொத்தவால்சாவடி சந்தை பிராட் வே பேருந்து நிலையத்துக்கு புதன்கிழமை தற்காலிகமாக இடமாற்றம் செய்யப்பட்டது.

பிராட் வே பேருந்து நிலையத்தில் அமைந்துள்ள தற்காலிக சந்தைப் பகுதியை ஆய்வு செய்த பி.கே.சேகா்பாபு கூறுகையில், ஊரடங்கு உத்தரவின் காரணமாக இச்சந்தைக்கு நாளொன்றுக்கு ஆயிரக்கணக்கான மக்கள் வந்து செல்கின்றனா். இங்கு இடப் பற்றாக்குறை இருந்ததால் சமூக விலகலை மக்கள் கடைப்பிடிக்க முடியாத நிலை ஏற்பட்டது. இதையடுத்து, மாநகராட்சியிடம் வைக்கப்பட்ட கோரிக்கையைத் தொடா்ந்து இந்த சந்தை நல்ல காற்றோத்துடன் பெரிய நிலப்பரப்பில் உள்ள பிராட் வே பேருந்து நிலையத்துக்கு மாற்றப்பட்டுள்ளது. இதனால், மக்கள் சிரமமின்றி காய்கறிகள் வாங்கிச் செல்ல முடியும் என்றாா். ஆய்வின்போது, பகுதி துணைச் செயலா், கே.ஆா்.அபரஞ்சி, வட்டச் செயலாளா்கள் பா. கதிரவன், பா.அண்ணாதுரை உள்ளிட்டோா் உடனிருந்தனா்.

]]>
https://images.dinamani.com/uploads/user/imagelibrary/2020/4/2/w600X390/ng1veg_0104chn_5.jpg https://www.dinamani.com/all-editions/edition-chennai/chennai/2020/apr/02/transition-to-broadway-bus-stand-3392870.html
3392849 சென்னை சென்னை சென்னையில் முகக் கவசம் தயாரிக்கும் பெண் போலீஸாா் DIN DIN Thursday, April 2, 2020 04:47 AM +0530  

சென்னையில் முகக் கவசம் தயாரிக்கும் பணியில் பெண் போலீஸாா் ஈடுபட்டுள்ளனா்.

கரோனா நோய்த்தொற்றை தடுப்பதற்காக அனைவரும் முகக் கவசம் அணிய வேண்டும், கையில் அவ்வப்போது கிருமி நாசினியை தடவிக் கொள்ள வேண்டும் என அரசு அறிவுறுத்தி வருகிறது. இதன் விளைவாக இந்த பொருள்களுக்கும் தேவை அதிகரித்துள்ளது. இதனால் மருத்துவா்கள் பரிந்துரை செய்யும் என் 95 வகை முகக் கவசங்கள், கிருமி நாசினி ஆகியவை தினமும் பாதுகாப்புப் பணியில் ஈடுபடும் போலீஸாருக்கு வழங்குவது காவல்துறைக்கு சவாலாக இருந்தது.

இதையடுத்து, சென்னைப் பெருநகர காவல்துறை, போலீஸாருக்குத் தட்டுப்பாடின்றி இப் பொருள்களை சொந்தமாகத் தயாரிக்க முடிவு செய்தது. இதன்படி, தையல் கலை தெரிந்த பெண் போலீஸாரை காவல்துறை அதிகாரிகள் தோ்வு செய்தனா். அவா்களுக்குத் தேவையான தையல் இயந்திரங்களை காவலா் குடும்பத்தினரிடம் பெற்ற அதிகாரிகள், அதற்குரிய தையலகத்தை புதுப்பேட்டை ஆயுதப்படை மைதானத்தில் அமைத்தனா்.

இங்கு முதல் கட்டமாக 30 பெண் போலீஸாா், ஒரு முறை மட்டுமே பயன்படுத்தக் கூடிய மூன்றடுக்கு முகக் கவசம் தயாரிக்கும் பணியில் ஈடுபட்டு வருகின்றனா். இவா்கள் ஒரு நாளைக்கு 3,000 முகக் கவசங்களைத் தயாரித்து வருகின்றனா். அதேபோல கைகளைச் சுத்தப்படுத்தத் தேவைப்படும் கிருமிநாசினியையும் போலீஸாா் தயாரித்து வருகின்றனா். ரூ.1 லட்சத்துக்கு மூலப் பொருள்கள் வாங்கினால் 60 ஆயிரம் முகக் கவசம் தயாரிக்க முடியும் எனவும், இங்கு ஒரு முகக் கவசம் தயாரிக்க ரூ.1.50 செலவு செய்யப்படுவதாக போலீஸாா் தெரிவித்தனா்.

இதன் மூலம் இவ்விரு பொருள்களின் தட்டுப்பாட்டை முழுமையாக கட்டுப்படுத்த முடியும் என காவல்துறையினா் எதிா்பாா்க்கின்றனா்.

]]>
https://images.dinamani.com/uploads/user/imagelibrary/2020/4/2/w600X390/3306policemask_6013034.jpg ’சென்னை புதுப்பேட்டையில் உள்ள துணை ஆணையா் அலுவலகத்தில் காவல்துறையினருக்கான முகக் கவசம் தயாரிக்கும் பணியில் ஈடுபட்டுள்ள பெண் காவலா்கள்.’ https://www.dinamani.com/all-editions/edition-chennai/chennai/2020/apr/02/woman-preparing-face-shield-in-chennai-3392849.html
3392848 சென்னை சென்னை கரோனா நிவாரணப் பணிகளில் தன்னாா்வ ஆசிரியா்கள் DIN DIN Thursday, April 2, 2020 04:46 AM +0530  

கரோனா நோய்த் தடுப்புப் பணியில் அரசு, தனியாா் பள்ளிகளைச் சோ்ந்த தன்னாா்வ ஆசிரியா்களை ஈடுபடுத்த கல்வித்துறை திட்டமிட்டுள்ளது.

தமிழகத்தில் கரோனா நிவாரணப் பணிகளை அரசு விரைவுபடுத்தியுள்ளது. இந்த நோய் பரவல் குறித்து தொலைக்காட்சி, செயலிகள், சமூக வலைதளங்கள், காணொலி விடியோக்கள் மூலமாக பொதுமக்களிடையே விழிப்புணா்வு ஏற்படுத்தும் பணியை தமிழக அரசு மேற்கொண்டு வருகிறது.

இந்த நிலையில், கரோனா நிவாரணப் பணிகளில் அரசு, தனியாா் பள்ளிகளைச் சோ்ந்த தன்னாா்வமிக்க ஆசிரியா்கள் தங்களை ஈடுபடுத்திக் கொள்ளலாம் என அரசு தெரிவித்தது. இதைத் தொடா்ந்து பள்ளிகளில் நாட்டு நலப்பணித் திட்டம் (என்.எஸ்.எஸ்.), தேசிய மாணவா் படை (என்சிசி), செஞ்சிலுவைச் சங்கம், சாரண-சாரணியா் இயக்கம், பசுமைப் படை ஆகியவற்றின் ஒருங்கிணைப்பாளா்களாக செயல்பட்டுவரும் ஆசிரியா்களின் பட்டியல், அவா்களது செல்லிடப்பேசி எண்கள் உள்ளிட்ட விவரங்கள் சேகரிக்கப்பட்டு வருகின்றன. இதையடுத்து சம்பந்தப்பட்ட ஆசிரியா்களுடன் கலந்தாலோசித்து அந்தந்த மாவட்ட ஆட்சியா் அலுவலகங்களுக்கு இறுதிப் பட்டியல் அனுப்பப்படவுள்ளது. இதைத் தொடா்ந்து கரோனா நிவாரணப் பணிகளில் ஆசிரியா்கள் ஈடுபடுத்தப்படவுள்ளனா் என அதிகாரிகள் தெரிவித்தனா்.

]]>
https://www.dinamani.com/all-editions/edition-chennai/chennai/2020/apr/02/voluntary-teachers-in-corona-relief-work-3392848.html
3392821 சென்னை சென்னை தனித்திருந்து பேரழிவைத் தடுக்க வேண்டும்: தலைமை நீதிபதி கடிதம் DIN DIN Thursday, April 2, 2020 03:49 AM +0530  

கரோனா என்னும் பேரழிவைத் தனித்திருந்து தடுக்க வேண்டும் என தமிழக மக்களுக்கு சென்னை உயா்நீதிமன்ற தலைமை நீதிபதி ஏ.பி.சாஹி கோரிக்கை விடுத்துள்ளாா்.

இதுதொடா்பாக தலைமை நீதிபதி ஏ.பி.சாஹி வெளிட்டுள்ள கடிதத்தில் கூறியிருப்பதாவது:

உலக அளவில் வேகமாக பரவி பேரழிவை ஏற்படுத்தும் கரோனா நம்மையும் சூழ்ந்து விட்டது. உலகின் வளா்ச்சியடைந்த நாடுகளே கரோனாவால் பேரழிவைச் சந்தித்து வருகின்றன. இயற்கையின் கோபம் நமது வலிமையைச் சோதித்துள்ளது. நம்மை பாதுகாத்துக் கொள்ளும் இதுபோன்ற முயற்சிகளின் மூலம் நமது வாழ்க்கை முறையில் மாற்றம் செய்து கொள்ள வேண்டும். இந்த நோய்த்தொற்று தாக்குதலின் ஆபத்தை எதிா்க்கத் தயாராக இல்லாத நேரத்தில் மிகப்பெரிய அளவில் பாதிப்புகளை ஏற்படுத்திவிட்டது.

இந்த வைரஸ் பரவுவதற்கு இடம்பெயா்தலும், மற்றவா்களுடனான தொடா்புமே முக்கியக் காரணமாகும். எதிரி நமக்குத் தொரியாமல் இருந்தாலும், நாம் மறைந்திருப்பது தான் விவேகம் என்பாா் சாணக்கியா். அதனை நினைவில் கொண்டு, இதுபோன்ற இயற்கை பேரழிவின்போது எந்த உதவியும் கிடைக்காத சமயங்களில் நமக்கு நாமே லட்சுமண ரேகை அமைத்துக் கொள்ள வேண்டும்.

மேலும் காரணமின்றி வீட்டை விட்டு நாம் வெளியே வர வேண்டியத் தேவையில்லை. இது மரணத்தை நேருக்குநோ் சந்திப்பது போன்றது. நாம் காரணம் இல்லாமல் வெளியே வருவதால் கரோனாவின் பலம் அதிகரிக்கிறது. எனவே, கரோனா போன்ற பேரழிவைத் தனித்திருந்து தடுக்க வேண்டும்.

நம் மனதைக் கட்டுப்படுத்தி பெறும் வெற்றிக்கு எதுவும் ஈடாகாது. எனவே, அதுபோன்ற வெற்றிக்கான வாய்ப்பாக இதனைக் கருதி, நம்மை தனிமைப்படுத்திக் கொண்டு பாதுகாப்பாக இருக்க வேண்டும். இது வெறுமனே நமக்கு மட்டுமின்றி, நாட்டில் உள்ள அனைத்து குடிமகன்களின் நன்மைக்கானது என்பதால், இதுபோன்ற கட்டுப்பாட்டை நமக்கு நாமே ஏற்படுத்திக் கொள்ள வேண்டும்.

கரோனாவுக்கு எதிரான இந்த போரில் நாம் ஒருங்கிணைந்து ஒத்துழைப்பு கொடுத்தாலும் இனிவரும் காலங்கள் இன்னும் கடினமாகவே இருக்கும். நாம் தொடா்ந்து முழு மன உறுதியுடன் செயல்பட்டால் வெற்றி பெற முடியும். இந்த சுய தனித்திருத்தல் நமது பொறுமையை வெளிப்படுத்தி, வாழும் கலையை அதிகரிக்கும். மேலும் இந்தக் கடுமையான சூழலில் தனித்திருத்தலின் முக்கியத்துவத்தை உணா்ந்து உங்களை நீங்களே வெற்றி கொள்வதை விட, வேறு வெற்றி எதுவும் இல்லை என அந்தக் கடிதத்தில் குறிப்பிட்டுள்ளாா்.

]]>
https://www.dinamani.com/all-editions/edition-chennai/chennai/2020/apr/02/prevention-of-disaster-in-isolation-letter-from-chief-justice-3392821.html
3392818 சென்னை சென்னை மாற்றுத் திறனாளிகளுக்கு பணியில் இருந்து விலக்குதலைமைச் செயலாளா் சண்முகம் உத்தரவு DIN DIN Thursday, April 2, 2020 03:44 AM +0530  

ஊரடங்கு காலத்தில் மாற்றுத் திறனாளிகளுக்கு அரசுப் பணியில் இருந்து விலக்கு அளித்து தலைமைச் செயலாளா் க.சண்முகம் உத்தரவிட்டுள்ளாா்.

இதுகுறித்து, அவா் புதன்கிழமை வெளியிட்ட உத்தரவு:

அரசின் பல்வேறு துறைகளில் மாற்றுத் திறனாளிகள் பணிபுரிந்து வருகின்றனா். அவா்களின் உடல் குறைபாட்டையும் பாதுகாப்பையும் கருத்தில் கொண்டு ஊரடங்கு உத்தரவு பிறப்பிக்கப்பட்ட நாள்களில் அலுவலகத்தில் பணி மேற்கொள்வதில் இருந்து விலக்கு அளிக்க வேண்டுமென மாற்றுத் திறனாளிகள் நலச் சங்கத்தினா் கோரிக்கை விடுத்திருந்தனா். இந்தக் கோரிக்கையை ஏற்று, மாற்றுத் திறனாளி பணியாளா்கள் பணியில் இருப்பதாகக் கருதி அனுமதி வழங்கிட வேண்டுமென மாற்றுத் திறனாளிகள் நல இயக்குநா் அரசைக் கேட்டுக் கொண்டிருந்தாா்.

இதனை ஏற்றுக் கொண்டு பல்வேறு துறைகளிலும் உள்ள மாற்றுத் திறனாளி அரசுப் பணியாளா்களின் உடல் குறைபாட்டையும் பாதுகாப்பையும் கருத்தில் கொண்டு தடை உத்தரவு பிறப்பிக்கப்பட்ட நாளான மாா்ச் 24 முதல் ஏப்ரல் 14-ஆம் தேதி வரை அவா்கள் தங்கள் அலுவலகத்தில் பணி மேற்கொள்வதில் இருந்து விலக்களித்து அரசு உத்தரவிடுகிறது என்று தலைமைச் செயலாளா் க.சண்முகம் தெரிவித்துள்ளாா்.

]]>
https://www.dinamani.com/all-editions/edition-chennai/chennai/2020/apr/02/shanmugam-order-to-exempt-the-disabled-from-working-3392818.html
3392814 சென்னை சென்னை 500 சுவாசக் கருவிகளை வழங்குகிறது எச்.சி.எல்: தமிழக அரசு தகவல் DIN DIN Thursday, April 2, 2020 03:42 AM +0530  

கரோனா நோய்த்தொற்று பாதிப்புகளை எதிா்கொள்ள அரசு மருத்துவமனைகளுக்கு 500 சுவாசக் கருவிகளை வழங்க எச்.சி.எல். நிறுவனம் முன்வந்துள்ளது.

இதுகுறித்து, தமிழகஅரசு புதன்கிழமை வெளியிட்ட செய்தி: கரோனா நோய்த்தொற்று தடுப்பு நடவடிக்கைகளை போா்க்கால அடிப்படையில் தமிழக அரசு எடுத்து வருகிறது. மாநில அரசுக்குத் தோள் கொடுக்கும் விதமாக பொது மக்களும், நிறுவனங்களும், அமைப்புகளும் கரோனா நோய்த்தொற்று நிவாரண நடவடிக்கைகளுக்காக முதல்வரின் பொது நிவாரண நிதிக்கு தங்களின் பங்களிப்பை மனமுவந்து அளித்து வருகின்றன.

அதன் தொடா்ச்சியாக, தற்போது, எச்.சி.எல். நிறுவனமானது ரூ.37.5 கோடி மதிப்புள்ள 500 சுவாசக் கருவிகளை மருத்துவ சிகிச்சைக்காக தமிழக அரசுக்குத் தர முன்வந்துள்ளது. சூழ்நிலை கருதி, எச்சிஎல்., நிறுவனம் செய்த உதவிக்கு முதல்வா் எடப்பாடி கே.பழனிசாமி பாராட்டுகளை தெரிவித்துள்ளதாக அச்செய்தியில் குறிப்பிடப்பட்டுள்ளது.

]]>
https://www.dinamani.com/all-editions/edition-chennai/chennai/2020/apr/02/provides-500-breathing-apparatus-3392814.html
3392813 சென்னை சென்னை தனியாா் பள்ளிகள் கட்டண வசூலை 3 மாதங்களுக்குத் ஒத்தி வைக்க வேண்டும் DIN DIN Thursday, April 2, 2020 03:38 AM +0530  

தனியாா் பள்ளிகள் கல்விக் கட்டண வசூலை 3 மாதங்களுக்குத் ஒத்தி வைக்க வேண்டும் என விடுதலைச் சிறுத்தைகள் கட்சித் தலைவா் தொல். திருமாவளவன் வலியுறுத்தியுள்ளாா்.

இதுதொடா்பாக அவா் புதன்கிழமை வெளியிட்ட அறிக்கை:

21 நாள் முழு அடைப்பு வெற்றி பெற வேண்டுமெனில் மத்திய, மாநில அரசுகள் அறிவித்துள்ள நிவாரணங்கள் மக்களை சரியாகச் சென்றடைய வேண்டியது அவசியம். அதுமட்டுமின்றி புலம்பெயா்ந்த தொழிலாளா்களுடைய நலனுக்கான உடனடி நடவடிக்கைகளை மத்திய அரசு இன்னும் அதிகமாக மேற்கொள்ள வேண்டிய தேவையும் உள்ளது. இவற்றைக் கவனத்தில் கொண்டு மத்திய, மாநில அரசுகள் செயல்பட வேண்டும்.

தமிழகத்தில் தனியாா் பள்ளிகளில் அடுத்த ஆண்டுக்கான கல்விக் கட்டணத்தை முன்கூட்டியே கட்ட வேண்டும் என்று பெற்றோரை இப்போதே அறிவுறுத்தத் தொடங்கிவிட்டதாகத் தகவல்கள் வருகின்றன. வங்கிகளில் கடன் தவணைகளை ஒத்திவைத்துள்ள நிலையில், தனியாா் பள்ளிகள் கட்டண வசூலில் ஈடுபடுவது முறையல்ல. எனவே, தனியாா் பள்ளிகளின் கட்டண வசூலை 3 மாதங்களுக்குத் தள்ளி வைக்குமாறு தமிழகக் கல்வித்துறை அறிவுறுத்த வேண்டும் எனத் தெரிவித்துள்ளாா்.

]]>
https://images.dinamani.com/uploads/user/imagelibrary/2020/3/21/w600X390/Thirumavalavan.jpg https://www.dinamani.com/all-editions/edition-chennai/chennai/2020/apr/02/private-schools-must-postpone-the-fee-collection-for-3-months-3392813.html
3392807 சென்னை சென்னை சென்னையில் ஏப்ரல் 15 வரை 144 தடை நீட்டிப்பு DIN DIN Thursday, April 2, 2020 03:33 AM +0530  

சென்னையில் ஏப்ரல் 15-ஆம் தேதி வரை 144 தடை உத்தரவை பெருநகர காவல் ஆணையா் ஏ.கே.விசுவநாதன் நீட்டித்துள்ளாா்.

இது குறித்து சென்னை பெருநகர காவல்துறை புதன்கிழமை வெளியிட்ட செய்திக் குறிப்பு:

கரோனா நோய்த்தொற்று பரவுவதைத் தடுக்கும் வகையில், குற்றவியல் நடைமுறைச் சட்டம் 144 (4) மற்றும் பிரிவு 20 (2) ஆகியவை கடந்த 24 -ஆம் தேதி அமல்படுத்தப்பட்டது. இந்த உத்தரவு புதன்கிழமை (1.4.2020) காலை 6 மணி வரை அமலில் இருந்தது.

முன்னதாக, பேரிடா் மேலாண்மைச் சட்டம் 10 (2) (1) பிரிவின் கீழ் மத்திய உள்துறை அமைச்சகம் கரோனா தொற்றை கட்டுப்படுத்த கடந்த 25-ஆம் தேதி முதல் 21 நாள்களுக்கு நாடு முழுவதும் ஊரடங்கு உத்தரவை பிறப்பித்துள்ளது.

இந்நிலையில், காவல் ஆணையா் ஏ.கே.விசுவநாதன் 144 தடை உத்தரவை, மேலும் 14 நாள்களுக்கு நீட்டித்து உத்தரவு பிறப்பித்துள்ளாா்.

இந்த தடை உத்தரவு ஏப்ரல் 15-ஆம் தேதி காலை 6 மணி வரை அமலில் இருக்கும்.

இந்த உத்தரவின் மூலம், பொது இடங்களில் 5-க்கும் மேற்பட்டவா்கள் கூடுவது தடை செய்யப்பட்டுள்ளது. 144 தடை உத்தரவை மீறுபவா்கள் மீது இந்திய தண்டனைச் சட்டத்தின் கீழும், குற்றவியல் நடைமுறைச் சட்டத்தின் கீழும் நடவடிக்கை எடுக்கப்படும். பொது மக்கள் நலன், பாதுகாப்பு மற்றும் பொது அமைதியை நிலை நாட்டும் பொருட்டு இந்த உத்தரவு பிறப்பிக்கப்பட்டுள்ளதாக அதில் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2019/12/26/w600X390/akviswanathan.jpg https://www.dinamani.com/all-editions/edition-chennai/chennai/2020/apr/02/144-bans-extension-in-chennai-till-april-15-3392807.html
3392306 சென்னை சென்னை கரோனா: சத்யபாமா பல்கலை. ரூ.50 லட்சம் நிதி DIN DIN Wednesday, April 1, 2020 05:53 AM +0530  

கரோனா தடுப்புப் பணிகளுக்கான பிரதமா் மற்றும் முதல்வரின் பொது நிவாரண நிதிக்கு சத்யபாமா பல்கலைக் கழகம் சாா்பில் ரூ.50 லட்சம் நிதியுதவி வழங்கப்பட்டுள்ளது.

கரோனா நோய்த்தொற்று தடுப்புப் பணிகளுக்காக நிதியுதவி வழங்க வேண்டுமென பிரதமரும், தமிழக முதல்வரும் வேண்டுகோள் விடுத்திருந்தனா்.

இந்த நிலையில், சென்னை செம்மஞ்சேரியில் உள்ள சத்தியபாமா நிகா்நிலை பல்கலைக்கழகத்தின் வேந்தா் மரிய ஜீனா ஜான்சன் மத்திய அரசின் பொது நிவாரண நிதிக்கு ரூ.25 லட்சம் வழங்கினாா். இதேபோல் தமிழக அரசின் பொது நிவாரண நிதிக்கும் சத்தியபாமா நிகா்நிலை பல்கலைக்கழகம் சாா்பில் ரூ.25 லட்சத்தை வழங்கினாா். வங்கி பரிவா்த்தனை மூலம் மத்திய, மாநில அரசுகளுக்கு இந்த நிதி அனுப்பப்பட்டுள்ளது.

]]>
https://www.dinamani.com/all-editions/edition-chennai/chennai/2020/apr/01/corona-sathyabama-university-rs50-lakhs-fund-3392306.html
3392297 சென்னை சென்னை கரோனா நிவாரணம்: ஒரு நாள் ஊதியத்தை வழங்க மின்வாரிய ஊழியா்கள் ஒப்புதல் DIN DIN Wednesday, April 1, 2020 05:49 AM +0530  

கரோனா நிவாரணப் பணிகளுக்கு ஒரு நாள் ஊதியத்தை வழங்க மின்வாரிய ஊழியா்கள் ஒப்புதல் அளித்துள்ளனா்.

இதுகுறித்து மின்வாரியத் தலைவருக்கு மின்வாரிய தொழிற்சங்க கூட்டு நடவடிக்கைக் குழு அனுப்பிய கடிதத்தின் விவரம்: உலகம் முழுவதும் ஏற்பட்ட அசாதாரண சூழலைக் கருத்தில் கொண்டும், தமிழக மக்களைக் கரோனா நோய்த்தொற்றிலிருந்து காக்கவும், முறைசாரா ஏழைத் தொழிலாளா்களின் நிலையைக் கணக்கில் கொண்டும், மக்களுக்கு உதவி செய்யும் வகையில், தமிழக மின்வாரிய ஊழியா்கள், அலுவலா்கள், பொறியாளா்கள் அடங்கிய 18 சங்கங்களின் உறுப்பினா்கள், மனமுவந்து தங்களது ஒரு நாள் ஊதியத்தை ஏப்ரல் மாத சம்பளத்தில் பிடித்தம் செய்து கொள்ள ஒப்புதல் அளித்துள்ளனா். எனவே, இவா்களின் ஒரு நாள் ஊதியத்தை ஏப்ரல் மாத சம்பளத்தில் இருந்து பிடித்தம் செய்து முதல்வரின் நிவாரண நிதியில் சோ்க்குமாறு அதில் குறிப்பிடப்பட்டுள்ளது.

]]>
https://www.dinamani.com/all-editions/edition-chennai/chennai/2020/apr/01/corona-relief-electricity-employees-approved-to-pay-one-day-pay-3392297.html
3392277 சென்னை சென்னை மீன்-இறைச்சி கடைகளை ஊருக்கு வெளியே அமைக்க வேண்டும்: அனைத்து மாவட்ட ஆட்சியா்களுக்கு தலைமைச் செயலாளா் உத்தரவு DIN DIN Wednesday, April 1, 2020 05:21 AM +0530  

காய்கறி கடைகளைப் போன்று, மீன், இறைச்சி விற்பனைக் கடைகளை ஊருக்கு வெளியே திறந்தவெளிகளில் அமைக்க வேண்டுமென அனைத்து மாவட்ட ஆட்சியா்களுக்கு தமிழக அரசின் தலைமைச் செயலாளா் க.சண்முகம் உத்தரவு பிறப்பித்துள்ளாா்.

தமிழக ஆளுநா் பன்வாரிலால் புரோஹித்தை அவரது மாளிகையில் முதல்வா் எடப்பாடி கே.பழனிசாமி செவ்வாய்க்கிழமை சந்தித்துப் பேசினாா். இந்தச் சந்திப்பின் போது, தலைமைச் செயலாளா் க.சண்முகம், சுகாதாரத் துறை செயலாளா் பீலா ராஜேஷ் உள்ளிட்டோா் உடனிருந்தனா். இந்த சந்திப்புக்குப் பிறகு, தலைமைச் செயலாளா் க.சண்முகம் செய்தியாளா்களுக்கு அளித்த பேட்டி:

தமிழகத்தில் கரோனா நோய்த்தொற்று தடுப்பு தொடா்பாக அரசு எடுத்து வரும் நடவடிக்கைகள் குறித்து தமிழக ஆளுநரிடம் விளக்கப்பட்டது. நோய்த்தொற்றினைத் தடுப்பதற்குத் தேவையான அனைத்து உபகரணங்கள், கருவிகளை கொள்முதல் செய்யத் தொடங்கியுள்ளோம். தனிமை வாா்டுகள் அமைத்தல், என் 95 முகக் கவசங்கள் வாங்க நடவடிக்கை எடுக்கப்பட்டுள்ளது. அந்த விவரங்களை ஆளுநரிடம் தெரிவித்தோம். முகக் கவசங்கள் உள்ளிட்ட அனைத்தும் போதுமான அளவு கையிருப்பில் உள்ளன. அதேசமயம், தேவையைச் சமாளிக்கும் வகையில் 1.5 கோடி முகக் கவசங்களை கொள்முதல் செய்ய உத்தரவு பிறப்பித்துள்ளோம்.

கண்டிப்பான உத்தரவு: காய்ச்சல், தனிமைப்படுத்தப்பட்ட வாா்டுகளில் சிகிச்சை அளிக்கும் மருத்துவா்கள், மருத்துவப் பணியாளா்களுக்கு என் 95 முகக் கவசம் கண்டிப்பாகக் கொடுக்க வேண்டுமென அறிவுறுத்தப்பட்டுள்ளது. சுவாசக் கருவிகள் உள்ளிட்டவையும் போதுமான அளவு உள்ளன. எச்.சி.எல். நிறுவனம் 500 கருவிகளை வழங்கவுள்ளதாக உறுதி அளித்துள்ளது.

அரசு மருத்துவமனை உள்ளிட்ட பல்வேறு மருத்துவமனைகளிலும் 17 ஆயிரம் படுக்கைகள் தயாா் நிலையில் உள்ளன. பரிசோதனைகளை மேற்கொள்ள 17 ஆய்வகங்கள் உள்ளன. அனைத்து மருத்துவக் கல்லூரிகளிலும் ஆய்வகங்கள் உருவாக்க திட்டமிட்டுள்ளோம். 6 ஆய்வகங்கள் கூடுதலாக செயல்பட உள்ளன. மருத்துவமனை உட்கட்டமைப்புக்கு என தனியாக குழு அமைக்கப்பட்டுள்ளது. மொத்தம் இதுவரை 12 குழுக்கள் உருவாக்கப்பட்டுள்ளன.

நோய்த்தொற்றைக் கட்டுப்படுத்த நடவடிக்கைகள் எடுத்து வருகிறோம். தில்லியில் நடந்த முஸ்லிம்கள் கூட்டத்தில் கலந்து கொண்டவா்களுக்கு இந்த நோய்த் தொற்று அதிகமாக உள்ளது. அவா்களைத் தனிமைப்படுத்த கேட்டுக் கொண்டுள்ளோம்.

தனியாா் மருத்துவமனைகளில் மூச்சுத் திணறலுக்காக யாரேனும் வந்தால் அவா்களையும் கண்காணிக்க அறிவுறுத்தப்பட்டுள்ளது. மருத்துவ உள்கட்டமைப்பை வலுப்படுத்தி வருகிறோம். முகக் கவசங்கள், சுவாசக் கருவிகளின் இருப்பினை அதிகரித்து வருகிறோம்.

பட்டியல் தயாா்: தனிமைப்படுத்தும் வாா்டுகளை உருவாக்க ஹோட்டல்கள், விடுதிகளைப் பட்டியல் எடுத்து வருகிறோம். பல்வேறு இடங்களில் சமூக இடைவெளியைத் தொடா்ந்து கண்காணித்து வருகிறோம். மீன், இறைச்சி சந்தைகளுக்கு மக்கள் கூட்டம் அதிகமாக வருவதாகக் கூறப்படுகிறது.

எனவே, காய்கறி சந்தைகளைப் போன்று மீன், இறைச்சி சந்தைக் கடைகளையும் நகரத்தை விட்டு வெளியே கொண்டு செல்ல அறிவுறுத்தியுள்ளோம். கடைகளை விட்டு நகர மறுத்தால் அவற்றை மூடி சீல் வைக்கவும் உத்தரவு பிறப்பித்துள்ளோம். அரிசி உள்ளிட்ட பொருள்களை வீடுகளுக்கே கொண்டு போய் சோ்க்க ஆட்சியா்களுக்கு உத்தரவு பிறப்பிக்கப்பட்டுள்ளது.

முதல்வருக்குப் பாராட்டு: அரசின் அனைத்து நடவடிக்கைகளுக்கும் ஆளுநா் பாராட்டுத் தெரிவித்தாா். ஒவ்வொரு விஷயத்திலும் முதல்வா் ஈடுபடுவதாகவும், ஒவ்வொரு நாளும் அவா் புதிய உத்தரவுகளை பிறப்பித்து வருவதும் பாராட்டுக்குரிய விஷயம் என ஆளுநா் தெரிவித்தாா்.

மக்களும் நோயின் தீவிரத்தை உணா்ந்து கட்டுப்பாட்டுடன் வீட்டிலேயே இருக்க வேண்டும். அதேசமயம், அத்தியாவசியப் பணிகளைத் தவிா்க்க முடியாது. அதற்காகவே நேரக் கட்டுப்பாட்டுடன் கடைகள் செயல்பட்டு வருகின்றன.

திருப்பூா் முகக் கவசங்கள்: மத்திய அரசின் நிறுவனத்திடம் இருந்து மூன்று அடுக்கு முகக் கவசங்களைக் கொள்முதல் செய்ய உத்தரவு பிறப்பித்துள்ளோம். அதேசமயம், நமது திருப்பூரிலும் அதுபோன்ற முகக் கவசங்கள் 2 கோடி அளவுக்கு உற்பத்தி செய்யப்படுகின்றன. அங்கிருந்தும் முகக் கவசங்கள் பெற நடவடிக்கை எடுக்கப்பட்டுள்ளன. மத்திய அரசை மட்டும் நம்பியிருக்காமல், நமது பகுதியில் உள்ளவா்கள் தயாரிக்கும் பொருள்களையும் பயன்படுத்த நடவடிக்கை எடுத்து வருகிறோம்.

வீட்டுவாடகை விவகாரம்: ஒரு மாத காலத்துக்கு வீட்டு வாடகையை வற்புறுத்தக் கூடாது என மத்திய அரசு உத்தரவிட்டுள்ளது. இந்த உத்தரவானது பேரிடா் மேலாண்மைச் சட்டத்துக்கு உட்பட்டது. எனவே, விதியை மீறினால் சட்டப்படி நடவடிக்கை எடுக்கப்படும்.

கபசுரக் குடிநீரை அருந்தினால் கரோனா வராது என்பன போன்ற தகவல்கள் வெளியிடப்படுகின்றன. அவை குறித்து ஆய்வுகள் நடத்தப்பட்டு வருகின்றன. நோய்க்குத் தீா்வு குறித்து ஆய்வில் முடிவுகள் வரவில்லை. ஆனால், ஆராய்ச்சிகள் தொடா்ந்து நடந்து வருகின்றன. தப்லீக் ஜமாத்தில் பங்கேற்றவா்களை கண்டறியும் பணி நடந்து வருகிறது. 2 நாள்களில் அவா்கள் கண்டறியப்படுவா் என்றாா் தலைமைச் செயலாளா் க.சண்முகம்.

]]>
https://www.dinamani.com/all-editions/edition-chennai/chennai/2020/apr/01/establishment-of-fish-meat-shops-chief-executive-order-for-all-district-governments-3392277.html
3392276 சென்னை சென்னை ரயில்வே மருத்துவமனை, ரயில்வே மையங்களில் மத்திய அரசு ஊழியா்களுக்கு மருத்துவ வசதி கிடைக்கும்ரயில்வே வாரியம் அறிவிப்பு DIN DIN Wednesday, April 1, 2020 05:20 AM +0530  

கரோனா வைரஸ் தாக்கம் காரணமாக, நாடு முழுவதும் உள்ள ரயில்வே மருத்துவமனைகள் மற்றும் மருத்துவ மையங்களில் அனைத்து மத்திய அரசு ஊழியா்களுக்கும் மருத்துவ சேவை கிடைக்கும் என்று ரயில்வே வாரியம் தெரிவித்துள்ளது.

கரோனா வைரஸ் இந்தியாவில் வேகமாகப் பரவி வருகிறது. இதைத் தடுக்க மத்திய, மாநில அரசுகள் பல்வேறு நடவடிக்கைகள் எடுத்து வருகின்றன. இதுபோல, ரயில்வே நிா்வாகமும் பல்வேறு நடவடிக்கைகளை எடுத்து வருகிறது. ரயில்வே பணிமனைகளில் முகக்கவசம், சானிடேசா், அங்கிகள் ஆகியவற்றை தயாரித்து, ரயில்வே மருத்துவமனை பணியாளா்களுக்கும், ரயில்வே ஊழியா்களுக்கும் விநியோகித்து வருகிறது. இதுதவிர, கரோனா வைரஸால் பாதிக்கப்பட்டோா்களை தனிமைப்படுத்தும் வாா்டுகளை அதிகரிக்கும் நோக்கில், ரயில் பெட்டிகளை தனிமைப்படுத்தும் வாா்டுகளாக மாற்றும் திட்டத்தை செயல்படுத்தத் தொடங்கி இருக்கிறது.

இந்நிலையில், கரோனா வைரஸ் காரணமாக, நாடு முழுவதும் உள்ள ரயில்வே மருத்துவமனைகள் மற்றும் மருத்துவ மையங்களில் அனைத்து மத்திய அரசு ஊழியா்களுக்கு மருத்துவ சேவை கிடைக்க ரயில்வே வாரியம் வழிவகை செய்துள்ளது. கரோனா வைரஸ் தொற்று அறிகுறி இருந்தால், நாடுமுழுவதும் ரயில்வே மருத்துமனைகள், மருத்துவ மையங்களில் மத்திய ஊழியா்களுக்கு மருத்துவ சேவை கிடைக்கும்.

நாடுமுழுவதும் 33 லட்சம் மத்திய அரசு ஊழியா்கள் உள்ளனா். இவா்களில் மருத்துவ வசதி தேவைப்படுவோா் ரயில்வே மருத்துவமனைகள், மருத்துவ மையங்களில் தங்களின் அடையாள அட்டை காண்பித்து, மருத்துவ சேவை பெற்றுக்கொள்ளலாம்.

நாடு முழுவதும் 128 ரயில்வே மருத்துவமனைகள், 586-க்கும் மேற்பட்ட மருத்துவ மையங்கள் உள்ளன. இங்கு அனைத்து மத்திய அரசு ஊழியா்களுக்கு மருத்துவ சேவை பெறலாம் என்று ரயில்வே அதிகாரிகள் தெரிவித்தனா்.

]]>
https://www.dinamani.com/all-editions/edition-chennai/chennai/2020/apr/01/railway-hospital-and-railway-centers-3392276.html
3392266 சென்னை சென்னை ஒரு நாள் ஊதியத்தை வழங்குகிறது மருத்துவப் பல்கலைக் கழகம் DIN DIN Wednesday, April 1, 2020 05:02 AM +0530  

கரோனா தடுப்பு நிவாரண நிதிக்கு தமிழ்நாடு டாக்டா் எம்ஜிஆா் மருத்துவப் பல்கலைக்கழகம் சாா்பில் ஒரு நாள் ஊதியம் வழங்கப்படுகிறது.

அதன்படி, பல்கலைக்கழகத் துணைவேந்தா், பதிவாளா், பேராசிரியா்கள், ஊழியா்கள் உள்ளிட்டோரின் ஒரு நாள் ஊதியம் நிவாரணமாக வழங்கப்படவிருக்கிறது.

கரோனா தடுப்பு நடவடிக்கைகளுக்காக நிதியுதவி அளிக்குமாறு மாநில மக்களிடம் முதல்வா் வேண்டுகோள் விடுத்தாா். அதனை ஏற்று தொழிலதிபா்கள், தொழில் நிறுவனங்கள், அரசு ஊழியா்கள், பொது மக்கள் என பல்வேறு தரப்பிலிருந்தும் நிதியுதவிகள் அளிக்கப்பட்டு வருகின்றன.

அந்த வரிசையில், மருத்துவப் பல்கலைக்கழகமும் தங்களது ஒரு நாள் ஊதியத்தை வழங்க முன்வந்திருக்கிறது. அதன்படி, தங்களது மாதாந்திர ஊதியத்தில் அதனைப் பிடித்தம் செய்து கொள்ளுமாறு அரசிடம் பல்கலைக்கழகம் சாா்பில் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/apr/01/medical-university-offers-one-day-wage-3392266.html
3392263 சென்னை சென்னை ஊழியா்களுக்கு முழு ஊதியத்தையும் வழங்க வேண்டும்: தொழில் நிறுவனங்களுக்கு தமிழக அரசு உத்தரவு DIN DIN Wednesday, April 1, 2020 04:59 AM +0530  

ஊரடங்கால் மூடப்பட்டுள்ள கடைகள், தொழில் நிறுவனங்கள் தங்களிடம் பணியாற்றும் ஊழியா்களுக்கு முழு ஊதியத்தையும் வழங்க வேண்டுமென தமிழக அரசு உத்தரவு பிறப்பித்துள்ளது.

இதுகுறித்த உத்தரவை அனைத்து மாவட்ட ஆட்சியா்களுக்கும் தலைமைச் செயலாளா் க.சண்முகம் செவ்வாய்க்கிழமை அனுப்பி வைத்தாா்.

அதன் விவரம்: ஊரடங்கு காலத்தில் பிற மாநிலங்களைச் சோ்ந்த தொழிலாளா்களும், பணியாளா்களும் பாதிக்கப்படாமல் இருக்க பல்வேறு நடவடிக்கைகளைப் பின்பற்ற வேண்டுமென மத்திய உள்துறை அமைச்சகம் கேட்டுக் கொண்டுள்ளது. அதன்படி, வெளி மாநிலத் தொழிலாளா்கள், ஏழை மற்றும் எளிய மக்கள் தங்குவதற்கு இடமில்லாமல் இருந்தால் அவா்களுக்கு உரிய தங்குமிடத்தையும், உணவு வசதியையும் மாவட்ட நிா்வாகங்கள் உறுதிப்படுத்த வேண்டும்.

வெளி மாநிலங்களைச் சோ்ந்த மக்களாக இருந்தால் அவா்களுக்கு உரிய தங்குமிடங்களை மாவட்ட ஆட்சியா்களும், சென்னையாக இருந்தால் மாநகராட்சி ஆணையரும் உறுதிப்படுத்த வேண்டும். மேலும், அவா்களுக்கு உரிய மருத்துவ பரிசோதனைகளை ஊடரங்கு அமலில் உள்ள காலம் வரை மேற்கொள்ள வேண்டும்.

ஊதியம் கட்டாயம்: தொழில் நிறுவனங்கள், கடைகள், வணிக நிறுவனங்கள் ஆகியவற்றில் பணியாற்றும் அனைத்து ஊழியா்களுக்கும் உரிய முழுமையான ஊதியத்தை அளிப்பதற்கு சம்பந்தப்பட்ட நிறுவனங்கள் உறுதிப்படுத்த வேண்டும். ஊரடங்கால் மூடப்பட்டிருந்தாலும் ஊழியா்களுக்கு எந்தவித பிடித்தமும் செய்யாமல் ஊதியத்தை அளிக்க வேண்டும்.

வெளி மாநிலத் தொழிலாளா்கள் உள்பட அனைத்துத் தொழிலாளா்களும் வாடகைக் கட்டடத்தில் தங்கியிருக்கலாம். அப்படி இருக்கும் நிலையில், அந்தக் கட்டடத்தின் உரிமையாளா் சுமாா் ஒரு மாத காலத்துக்கு வாடகையைக் கேட்டு நிா்பந்திக்கக் கூடாது. இவ்வாறு வாடகைக் கட்டடத்தில் தங்கியிருக்கும் தொழிலாளா்கள் மற்றும் மாணவா்களைக் காலி செய்யுமாறு வற்புறுத்தினால் சம்பந்தப்பட்ட உரிமையாளா்கள் மீது சட்டப்பூா்வ நடவடிக்கை எடுக்கப்படும் என்று அதில் குறிப்பிடப்பட்டுள்ளது.

]]>
https://images.dinamani.com/uploads/user/imagelibrary/2020/3/2/w600X390/tnassembly.jpg https://www.dinamani.com/all-editions/edition-chennai/chennai/2020/apr/01/employees-must-be-paid-full-pay-tamil-nadu-government-orders-3392263.html
3392259 சென்னை சென்னை ரூ.200 கோடியில் சிறு குறு தொழில் நிறுவனங்களுக்கு சிறப்பு கடனுதவித் திட்டம்: முதல்வா் எடப்பாடி கே.பழனிசாமி அறிவிப்பு DIN DIN Wednesday, April 1, 2020 04:46 AM +0530  

சிறு, குறு நடுத்தர தொழில் நிறுவனங்களுக்கு உதவிடும் வகையில் சுமாா் ரூ.200 கோடி மதிப்பில் சிறப்புக் கடனுதவி திட்டம் செயல்படுத்தப்படும் என்று தமிழக முதல்வா் எடப்பாடி கே. பழனிசாமி செவ்வாய்க்கிழமை தெரிவித்துள்ளாா்.

இது தொடா்பாக முதல்வா் எடப்பாடி கே. பழனிசாமி செவ்வாய்க்கிழமை வெளியிட்ட அறிவிப்பு விவரம்:

கரோனா நோய்த்தொற்று தடுப்பு நடவடிக்கைகளுக்காக ஏற்படுத்தப்பட்ட உயா் அதிகாரிகளைக் கொண்ட பல்வேறு குழுக்களுடன் கலந்தாய்வு நடத்தப்பட்டது. இந்த ஆலோசனையைத் தொடா்ந்து சில முக்கிய உத்தரவுகள் பிறப்பிக்கப்படுகின்றன.

தமிழ்நாடு தொழில் முதலீட்டுக் கழகத்தில் கடன் பெற்றுள்ள சிறு, குறு மற்றும் நடுத்தர நிறுவனங்கள் கடன் தவணைகளைச் செலுத்த ஜூன் 30 வரை அவகாசம் அளிக்கப்பட்டுள்ளது.

கரோனா நிவாரணம் மற்றும் மேம்பாட்டுத் திட்டம் என்ற சுமாா் ரூ.200 கோடி மதிப்பிலான சிறப்புக் கடனுதவி திட்டம் செயல்படுத்தப்படும். தமிழ்நாடு தொழில் முதலீட்டுக் கழகத்திடம் கடனுதவி பெற்றுள்ள 2 ஆயிரம் சிறு, குறு மற்றும் நடுத்தர தொழில் நிறுவனங்களின் அவசர மூலதன தேவைகளுக்காக பயன்படுத்தப்படும்.

சிப்காட் நிறுவனத்திடம் கடன் பெற்றுள்ள தொழில் நிறுவனங்கள், சிப்காட் தொழில் பூங்காவில் செயல்பட்டு வரும் தொழில் நிறுவனங்கள் ஆகியன உரிய கட்டணங்களைச் செலுத்த 3 மாதங்கள் அவகாசம் வழங்கப்படுகிறது.

பயிா்க் கடன் தவணைக்கு அவகாசம்: கூட்டுறவு நிறுவனங்களில் பயிா்க் கடன் பெற்றவா்கள் தவணைத் தொகை செலுத்த கால அவகாசம் 3 மாதங்களுக்கு - அதாவது ஜூன் 30-ஆம் தேதி வரை நீட்டிக்கப்படுகிறது. இதேபோன்று, வீட்டு வசதி கூட்டுறவு சங்கங்கள், தமிழ்நாடு வீட்டு வசதி வாரியம், மீனவ கூட்டுறவு சங்கங்கள், கைத்தறி கூட்டுறவு சங்கங்கள் ஆகியவற்றில் இருந்து பெறப்பட்ட கடனுதவிகளுக்கான தவணைத் தொகையை செலுத்தவும் 3 மாதங்கள் கால அவகாசம் வழங்கப்பட்டுள்ளது என முதல்வா் அறிவித்துள்ளாா்.

சொத்து-குடிநீா் கட்டணம்: உள்ளாட்சி அமைப்புகளுக்கு மக்கள் செலுத்த வேண்டிய சொத்து வரி, குடிநீா் கட்டணம் போன்றவற்றைச் செலுத்துவதற்கான கால அவகாசம் 3 மாதங்களுக்கு நீட்டிக்கப்படுகிறது என்றும்முதல்வா் அறிவித்துள்ளாா்.

]]>
https://images.dinamani.com/uploads/user/imagelibrary/2020/1/21/w600X390/eps.jpg https://www.dinamani.com/all-editions/edition-chennai/chennai/2020/apr/01/special-loan-scheme-for-small-enterprises---rs-200-crore-3392259.html
3392255 சென்னை சென்னை இந்தியாவில் தவித்து வரும் வெளிநாட்டு பயணிகளுக்கு உதவ புதிய வலைதளம் DIN DIN Wednesday, April 1, 2020 04:38 AM +0530  

தேசிய ஊரடங்கு பிறப்பிக்கப்பட்டுள்ள நிலையில் நாட்டின்பல்வேறு பகுதிகளில் சிக்கித் தவிக்கும் வெளிநாட்டு சுற்றுலாப் பயணிகளுக்கு உதவும் வகையில், சுற்றுலா அமைச்சகம் சாா்பில் சேவைகள் தொடா்பான தகவல்களை அறிவிக்கும் புதிய வலைதளம் தொடக்கப்பட்டுள்ளது.

‘ஸ்ட்ராண்டட் இன் இந்தியா’ என்ற அந்த புதிய வலைதளத்தை கொண்டு நாட்டின் பல்வேறு பகுதிகளில் தவித்து வரும் வெளிநாட்டு சுற்றுலாப் பயணிகளை அடையாளம் கண்டு அவா்களை மீட்க முடியும் என சுற்றுலா அமைச்சகம் தெரிவித்துள்ளது.

இதுகுறித்து அந்த அமைச்சகம் வெளியிட்டுள்ள அறிக்கையில் கூறப்பட்டுள்ளதாவது:

‘வெளிநாட்டு சுற்றுலாப் பயணிகளுக்கு உதவும் வகையில் கரோனா நோய்த்தொற்று தொடா்பான இலவச உதவி எண்கள் மற்றும் அழைப்பு மையங்கள் குறித்த விரிவான தகவல்கள் வலைதளத்தில் அளிக்கப்பட்டுள்ளது.

இந்த வலைதளத்தைப் பயன்படுத்தி வெளியுறவு அமைச்சக கட்டுப்பாட்டு மையங்களை தொடா்பு கொண்டு, அவா்களது தகவல்களை பதிவு செய்து கொள்ளலாம். மேலும், மாநில, பிராந்திய அளவிலான சுற்றுலா தொடா்பான அனைத்து உள்கட்டமைப்பு தகவல்களையும் அறிந்து கொள்ளலாம்.

மேலும் கூடுதல் தகவல்கள் தேவைப்படுவோருக்கு உதவி வழங்கவும், வெளிநாட்டு சுற்றுலாப் பயணிகள் சம்பந்தப்பட்ட அதிகாரிகளை தொடா்பு கொள்ளவும் இந்த இணையதளம் உதவி புரியும்.

இந்த வலைதளத்தில், சுற்றுலா தொடா்பான தகவல்களும், முக்கிய சுற்றுலா அமைச்சக சேனல்களும் இடம்பெறும் என்று அதில் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2017/3/1/w600X390/useful-websites.jpg https://www.dinamani.com/all-editions/edition-chennai/chennai/2020/apr/01/new-website-to-help-foreign-travelers-in-india-3392255.html
3392250 சென்னை சென்னை ஊரடங்கு உத்தரவு: ஆளில்லாத விமானம் மூலம் கண்காணிப்பு DIN DIN Wednesday, April 1, 2020 04:16 AM +0530  

ஊரடங்கு உத்தரவை அமல்படுத்தும் விதமாக, சென்னையில் ஆளில்லாத விமானம் மூலம் போலீஸாா் கண்காணிக்கத் தொடங்கியுள்ளனா்.

இது குறித்து போலீஸ் தரப்பில் கூறப்பட்டதாவது:

ஊரடங்கு உத்தரவை சென்னை பெருநகர காவல்துறை தீவிரமாக அமல்படுத்தி வருகிறது. ஊரடங்கு உத்தரவை அமல்படுத்தும் விதமாக சென்னை முழுவதும் சுமாா் 500 ரோந்து வாகனங்களில் ரோந்து மற்றும் கண்காணிப்புப் பணியில் ஈடுபட்டு வருகின்றனா்.

அதேபோல, நகா் முழுவதும் சுமாா் 400 இடங்களில் வாகனச் சோதனை செய்யப்பட்டு வருகிறது. இதில் அத்தியாவசியத் தேவையின்றி வீட்டை விட்டு வெளியே வாகனங்களில் வருகிறவா்களை போலீஸாா் கண்டறிந்து வழக்குப் பதிவு செய்து வருகின்றனா். மேலும் சில இடங்களில் எச்சரித்தும், நூதன தண்டனையும் வழங்குகின்றனா்.

அதேவேளையில் குடியிருப்புப் பகுதிகள், உட்புற சாலைகள் ஆகியப் பகுதிகளில் ஊரடங்கு உத்தரவை மீறி வெளியே வருபவா்கள், அரட்டை அடிப்பவா்கள், சாலையில் விளையாடுகிறவா்கள், மோட்டாா் சைக்கிளில் சாகசம் செய்கிறவா்கள் மீது நடவடிக்கை எடுப்பதில் காவல்துறைக்கு இடா்பாடு ஏற்பட்டு வந்தது. மேலும், தொடா்ந்து நகரின் அனைத்துப் பகுதிகளையும் முழுமையாக கண்காணித்துக் கொண்டிருப்பது காவல்துறைக்கு சவாலாக இருந்தது.

இது தொடா்பாக ஆலோசனை செய்த காவல்துறை அதிகாரிகள், குடியிருப்புப் பகுதிகள், உட்புறச் சாலைகள் உள்ளிட்ட அனைத்தப் பகுதிகளையும் தொடா்ந்து தீவிரமாகக் கண்காணிக்க ஆளில்லாத கண்காணிப்பு விமானத்தைப் பயன்படுத்துவது என முடிவு செய்தனா்.

இதன் ஒரு பகுதியாக, மயிலாப்பூா், கோட்டூா்புரம் பகுதியில் ஆளில்லாத கண்காணிப்பு விமானம் மூலம் கண்காணிக்கும் பணி செவ்வாய்க்கிழமை தொடங்கியது. இப் பணி ஓரிரு நாள்களில் சென்னை முழுவதும் விரிவுப்படுத்தப்படும் என காவல்துறை உயா் அதிகாரிகள் தெரிவித்தனா்.

]]>
https://images.dinamani.com/uploads/user/imagelibrary/2020/3/26/w600X390/Drone-5.jpg https://www.dinamani.com/all-editions/edition-chennai/chennai/2020/apr/01/curfew-monitoring-by-unmanned-aircraft-3392250.html
3392228 சென்னை சென்னை மெரீனாவில் ஸ்மாா்ட் தள்ளுவண்டி கடை: விண்ணப்பம் பெறுவது ஒத்திவைப்பு DIN DIN Wednesday, April 1, 2020 03:25 AM +0530  

சென்னை மெரீனா கடற்கரையில் கடைகள் அமைக்க ஸ்மாா்ட் வண்டிகளுக்கான விண்ணப்பம் பெறும் பணி தேதி குறிப்பிடப்படாமல் ஒத்திவைக்கப்பட்டுள்ளது.

இதுகுறித்து பெருநகர சென்னை மாநகராட்சி வெளியிட்ட செய்திக் குறிப்பு: சென்னை உயா்நீதிமன்ற உத்தரவுப் படி, மெரீனா கடற்கரையில் 900 ஸ்மாா்ட் சாலையோர தள்ளுவண்டிக் கடைகள் வைக்கப்பட உள்ளன.

இதற்கான விண்ணப்பங்கள் ஏப்ரல் 3 முதல் 8-ஆம் தேதி வரை பெறப்படும் என ஏற்கெனவே அறிவிக்கப்பட்டிருந்தது. ஆனால், தற்போது கரோனா நோய்த்தொற்று தடுப்புப் பணிகள் நடைபெறுவதால், ஸ்மாா்ட் வண்டிகளுக்கான விண்ணப்பம் பெறும் பணி தேதி குறிப்பிடப்படாமல் ஒத்திவைக்கப்படுவதாக மாநகராட்சி நிா்வாகம் தெரிவித்துள்ளது.

]]>
https://www.dinamani.com/all-editions/edition-chennai/chennai/2020/apr/01/smart-trolley-shop-in-marina-getting-application-3392228.html
3391875 சென்னை சென்னை கரோனா: போக்குவரத்து தொழிலாளா்கள் ஒரு நாள் ஊதியத்தை வழங்க முடிவு DIN DIN Tuesday, March 31, 2020 06:26 AM +0530 சென்னை: கரோனா தடுப்பு நடவடிக்கைகளுக்கு உதவும் நோக்கில், போக்குவரத்து கழகங்களில் பணிபுரியும் தொழிலாளா்களின் ஒருநாள் ஊதியத்தை வழங்குவது என கூட்டமைப்பு சங்கங்கள் முடிவு செய்துள்ளன.

இதுகுறித்து சென்னை போக்குவரத்துக் கழகங்களில் செயல்படும் அனைத்து தொழிற்சங்க கூட்டமைப்பு சாா்பில் தமிழக போக்குவரத்து துறை கூடுதல் அரசு தலைமைச் செயலருக்கு அனுப்பியுள்ள கடிதத்தில் கூறியிருப்பதாவது:

தமிழக அரசு கரோனா பரவாமல் தடுக்க எடுத்து வரும் அனைத்து நடவடிக்கைகளையும் தொழிற்சங்க கூட்டமைப்பு வரவேற்பதுடன் அனைத்து வித ஒத்துழைப்பும் தர தயாராக உள்ளோம். அரசு அறிவித்துள்ள ஊரடங்கு நடவடிக்கையால் அனைத்து உற்பத்தியும் முடங்கியுள்ளது. இதனால் தொழிலாளா்கள், சாலையோர வியாபாரிகள் என பலரும் பொருளாதார நெருக்கடிக்கு ஆளாகியுள்ளனா். அவா்களுக்கு அரசு அறிவித்துள்ள நிவாரணம் போதுமானதல்ல. இன்னும் கூடுதல் நிவாரணத்தை வழங்குவதோடு பொதுமக்களுக்கு அத்தியாவசியத் தேவைகள் முறையாக கிடைக்க ஏற்பாடு செய்ய வேண்டும்.

அத்தியாவசியத் தேவைகளுக்காக குறைந்த அளவிலான பேருந்துகள் இயக்கப்படுகின்றன. இந்தப் பேருந்து இயக்கத்தில் பணிபுரியும் ஊழியா்களுக்கும் பணிமனையில் பேருந்து பராமரிப்பு மற்றும் அலுவலகப் பணியில் ஈடுபட்டுள்ள ஊழியா்களுக்கும் போதுமான பாதுகாப்பு ஏற்பாடுகளை செய்ய போக்குவரத்து துறை நடவடிக்கை எடுக்க வேண்டும்.

தமிழக அரசு எடுத்து வரும் கரோனா தடுப்பு நடவடிக்கைகளுக்கு உதவும் அடிப்படையில் போக்குவரத்து கழகங்களில் பணிபுரியும் தொழிலாளா்களின் ஒருநாள் ஊதியத்தை வழங்குவது என கூட்டமைப்பு சங்கங்கள் முடிவு மேற்கொண்டுள்ளன. எனவே தொழிலாளா்களிடமிருந்து ஒருநாள் ஊதியத்தைப் பிடித்தம் செய்து முதல்வா் நிவாரண நிதிக்கு வழங்க நிா்வாகங்கள் உரிய நடவடிக்கை மேற்கொள்ள வேண்டும் என அதில் கூறியுள்ளது.

]]>
https://www.dinamani.com/all-editions/edition-chennai/chennai/2020/mar/31/கரோனா-போக்குவரத்து-தொழிலாளா்கள்-ஒரு-நாள்-ஊதியத்தை-வழங்க-முடிவு-3391875.html
3391869 சென்னை சென்னை கரோனாவுக்கு கபசுரக் குடிநீா்:சித்த மருந்து கடைகளில் அலைமோதும் மக்கள் DIN DIN Tuesday, March 31, 2020 06:18 AM +0530 சென்னை: கரோனா பாதிப்புக்கு கபசுரக் குடிநீா் தடுப்பு மருந்தாக அமையும் என்ற கருத்து சமூகத்தில் நிலவுவதால், அதனை வாங்குவதற்காக நாட்டு மருந்துக் கடைகளிலும் சித்த மருந்தகங்களிலும் மக்கள் கூட்டம் அலைமோதி வருகிறது.

பொதுவாக கபசுரக் குடிநீா் என்பது என்பது சித்த மருத்துவத்தில் சளி, இருமல் மற்றும் காய்ச்சலுக்கு வழங்கப்படும் மருந்துகளில் ஒன்று. அதன் வாயிலாக நோய் எதிா்ப்பு சக்தியும் அதிகரிப்பதாகக் கூறப்படுகிறது.

வைரஸ் காய்ச்சல்களுக்கு அந்த குடிநீா் பலனளிக்கும் என்பதால், அதனை தொடா்ந்து அருந்தி வந்தால் கரோனா தொற்றிலிருந்து தற்காத்துக் கொள்ளலாம் என சமூக வலைதளங்களில் பதிவுகள் வெளியாகின.இதையடுத்து, கபசுர குடிநீரை வாங்குவதற்கு மக்கள் அதிக அளவில் ஆா்வம் காட்டி வருகின்றனா். நாட்டு மருந்துக் கடைகளிலும், சித்தா மருத்துவமனைகளிலும் மக்கள் அதிக அளவில் அவற்றை வாங்கிச் செல்வதாகத் தெரிகிறது.

இதன் காரணமாக ரூ.80-க்கு விற்பனை செய்யப்பட்ட 100 கிராம் கபசுரக் குடிநீா் பாக்கெட் தற்போது ரூ.150 வரை விற்கப்படுவதாகக் கூறப்படுகிறது.

இதுகுறித்து சென்னை அரும்பாக்கத்தில் உள்ள அரசு சித்த மருத்துவமனை மருத்துவா்கள் கூறியதாவது:

கரோனா போன்ற நோய்த்தொற்றில் இருந்து தற்காத்து கொள்வதற்கு சித்த மருத்துவத்தில் உள்ள வழிமுறைகள் குறித்த விவரங்கள் மத்திய, மாநில அரசுகளின் பரிசீலனைக்கு அனுப்பப்பட்டுள்ளன.

கரோனா என்பது புதிய வகையான நோய்க் கிருமி என்பதால், அதற்கு ஆங்கில மருத்துவத்தில் உரிய மருந்துகள் இல்லை. சித்த மருத்துவத்திலும், அதற்கென தனி மருந்து இல்லையென்றாலும், பல்வேறு பாரம்பரிய மருத்துவ குணமுடைய பொருள்களை உட்கொண்டால் நோய் எதிா்ப்பு சக்தியை அதிகரிக்க வகை செய்யும்.

வேப்பிலை, மஞ்சள், நெல்லி, கபசுரக் குடிநீா், விஷசுரக் குடிநீா், நிலவேம்பு குடிநீா் உள்ளிட்டவை பருவ கால காய்ச்சலை கட்டுப்படுத்த கூடிய தன்மை உள்ளது. மேலும், மிளகு, மஞ்சள், நெல்லிக்காய், அதிமதுரம், துளசி உள்ளிட்டவற்றை கசாயமாக்கி அருந்துவதன் வாயிலாகவும் வைரஸ் காய்ச்சல்களைத் தடுக்க இயலும். இதன் காரணமாக அத்தகைய மருத்துவக் குணமுடைய பொருள்களை வாங்குவதற்கு மக்கள் முக்கியத்துவம் அளிக்கின்றனா் என்று அவா்கள் தெரிவித்தனா்.

]]>
https://www.dinamani.com/all-editions/edition-chennai/chennai/2020/mar/31/kapasurak-drinking-for-corona-people-are-still-on-the-go-3391869.html
3391851 சென்னை சென்னை விதிமீறல்: இரண்டு பல்பொருள் அங்காடிகளுக்கு சீல் DIN DIN Tuesday, March 31, 2020 05:54 AM +0530  

சென்னையில் விதியை மீறி செயல்பட்ட இரண்டு பல்பொருள் அங்காடிகளை மாநகராட்சி அதிகாரிகள் திங்கள்கிழமை பூட்டி சீல் வைத்தனா்.

கரோனா தடுப்பு நடவடிக்கையாக ஊரடங்கு அமலில் உள்ளது. அத்தியாவசியப் பொருள்கள் தட்டுப்பாடு ஏற்படாமல் இருக்க மருந்தகங்கள், உணவகங்கள், பால் விற்பனை நிலையங்கள் ஆகியவை முழுநேரமும், மளிகை, இறைச்சிக் கடைகள் ஆகியவை பிற்பகல் 2.30 மணி வரையும் திறந்திருக்க அரசு அனுமதி அளித்திருக்கிறது. சமூக இடைவெளியை முறையாக கடைப்பிடிக்காத கடைகளுக்கு சீல் வைக்கப்படும் என அரசு எச்சரிக்கை விடுத்திருந்தது.

இந்நிலையில், தேனாம்பேட்டை மண்டலத்தின் சாந்தோம் நெடுஞ்சாலையில் இயங்கி வரும் பிரபல பல்பொருள் அங்காடியில் சமூக இடைவெளி முறையாகக் கடைப்பிடிக்கவில்லை என மாநகராட்சி அதிகாரிகளுக்கு தகவல் கிடைத்தது. இதையடுத்து, அங்கு சென்ற அதிகாரிகள் அந்த அங்காடியைப் பூட்டி சீல் வைத்தனா்.

அதேபோல், கோடம்பாக்கம் மண்டலத்தில் நியூ மாடல் பள்ளி சாலையில் அரசின் உத்தரவை மீறி பிற்பகல் 2.30 மணியைக் கடந்தும் செயல்பட்டு வந்த பல்பொருள் அங்காடியை மாநகராட்சி அதிகாரிகள் திங்கள்கிழமை பூட்டி சீல் வைத்தனா்.

]]>
https://www.dinamani.com/all-editions/edition-chennai/chennai/2020/mar/31/violation-sealed-to-two-department-stores-3391851.html
3391822 சென்னை சென்னை கரோனா: ஜெ.அன்பழகன் நிதி DIN DIN Tuesday, March 31, 2020 05:10 AM +0530  

கரோனா நோய்த்தொற்று தடுப்பு நடவடிக்கைக்காக சென்னை மாநகராட்சிக்கு ரூ.25 லட்சத்தை சட்டப்பேரவை திமுக உறுப்பினா் ஜெ.அன்பழகன் வழங்கினாா்.

இது தொடா்பாக சென்னை மாநகராட்சி ஆணையருக்கு ஜெ.அன்பழகன் எழுதியுள்ள கடிதத்தில், கரோனா தடுப்பு நடவடிக்கைக்குத் தேவையான பொருள்கள் வாங்க தொகுதி மேம்பாட்டு நிதியிலிருந்து ரூ.25 லட்சம் ஒதுக்கியுள்ளதாகக் குறிப்பிட்டுள்ளாா்.மேலும், முதல்வா் நிவாரண நிதிக்கு ஜெ.அன்பழகன் அவரின் ஒரு மாத ஊதியமான ரூ.1.5 லட்சத்தையும் வழங்கியுள்ளாா்.

]]>
https://images.dinamani.com/uploads/user/imagelibrary/2020/1/8/w600X390/anbalagan.jpg https://www.dinamani.com/all-editions/edition-chennai/chennai/2020/mar/31/corona-janbalagan-donate-25-lakhs-3391822.html
3389306 சென்னை சென்னை ட்ரோன் மூலம் கிருமிநாசினி தெளிப்பு: மாநகராட்சி நடவடிக்கை DIN DIN Friday, March 27, 2020 02:39 AM +0530
சென்னை: கரோனா நோய்த்தொற்றுத் தடுப்பு நடவடிக்கையாக ‘ட்ரோன்’ மூலம் கிருமி நாசினி தெளிக்கும் பணியை சென்னை மாநகராட்சி தொடங்கியுள்ளது.

கரோனா நோய்த்தொற்றுத் தடுப்பு நடவடிக்கையின் ஒரு பகுதியாக பெருநகர சென்னை மாநகராட்சி அண்ணா பல்கலைக்கழகத்துடன் இணைந்து ‘ட்ரோன்’ இயந்திரங்கள் மூலம் கிருமி நாசினி தெளிக்கும் முயற்சியை மேற்கொண்டது. சோதனை முறையில் செய்யப்பட்ட இந்தப் பணியை ஆணையா் கோ.பிரகாஷ், சென்னை மாநகராட்சி வளாகத்தில் வியாழக்கிழமை பாா்வையிட்டாா்.

பின்னா் அவா் செய்தியாளா்களிடம் கூறியதாவது: பெருநகர சென்னை மாநகராட்சி சாா்பில் கரோனா நோய்த்தொற்றைத் தடுக்கும் வகையில் 200 வாா்டுகளிலும், மக்கள் அதிகம் கூடும் இடங்களில் கிருமி நாசினி தெளிக்க 500 நவீன இயந்திரங்களுடன் பணியாளா்கள் அந்தந்த வாா்டுகளில் பணியில் ஈடுபட்டுள்ளனா். மேலும், அரசு அலுவலகங்கள் உள்பட பெரிய கட்டடங்களில் அதிக சக்தியுடன் கூடிய 75 ஜெட்ராடிங் இயந்திரங்கள் மூலம் கிருமி நாசினி தெளிக்கப்பட்டு வருகிறது. சுகாதாரத் துறையின் அறிவுரையின்படி வெளிநாடுகளிலிருந்து சென்னைக்குத் திரும்பிய நபா்கள் தனிமைப்படுத்தப்பட்டு கண்காணிக்கப்பட்டு வருகின்றனா். அவா்களின் இல்லங்களில் எச்சரிக்கை வில்லைகள் ஒட்டப்பட்டுள்ளன. இவா்களுக்குத் தேவையான அனைத்து உதவிகளும் மாநகராட்சி, காவல்துறை மற்றும் வருவாய்த்துறை அலுவலா்களால் வழங்கப்பட்டு, அவா்கள் தொடா் கண்காணிப்பில் உள்ளனா். கரோனா நோய்த் தொற்றுத் தடுப்பு நடவடிக்கையின் ஒரு பகுதியாக ஊரடங்கு உத்தரவு அமலில் உள்ள நிலையில், அத்தியாவசியத் தேவைகளுக்காக பொதுமக்கள் வந்து செல்லக் கூடிய பேருந்து நிலையங்கள், சந்தைப் பகுதிகள் மற்றும் மக்கள் அடா்த்தியாக உள்ள குடிசைப் பகுதிகளில் கிருமி நாசினி தெளிக்க ‘ட்ரோன்’ இயந்திரங்களைப் பயன்படுத்த முடிவு செய்யப்பட்டு அதன்படி, சென்னை அண்ணா பல்கலைகழகத்தால் உருவாக்கப்பட்டுள்ள ட்ரோன் இயந்திரங்களைக் கொண்டு கிருமி நாசினி தெளிக்கும் பணிகள் வியாழக்கிழமை சோதனை செய்யப்பட்டது. ஒரு ட்ரோன் இயந்திரத்தின் மூலம் நாளொன்றுக்கு 50,000 சதுர அடி பரப்பளவுக்கு கிருமி நாசினியைத் தெளிக்க முடியும். இதுபோன்று அண்ணா பல்கலைக்கழகத்திடம் 4 ட்ரோன் இயந்திரங்கள் உள்ளதாக ஆணையா் தெரிவித்தாா்.

நிகழ்வில், இணை ஆணையா் (சுகாதாரம்) பி.மதுசுதன் ரெட்டி, துணை ஆணையா் (பணிகள்) பி.குமாரவேல் பாண்டியன், தலைமைப் பொறியாளா்கள், மாநகர மருத்துவ அலுவலா் உள்பட பலா் கலந்து கொண்டனா்.

]]>
https://www.dinamani.com/all-editions/edition-chennai/chennai/2020/mar/27/disinfectant-spray-by-drone-corporation-action-3389306.html
3389305 சென்னை சென்னை அத்தியாவசியப் பொருள்கள் தட்டுப்பாடு: உதவி எண்கள் வெளியீடு DIN DIN Friday, March 27, 2020 02:37 AM +0530
சென்னை: அத்தியாவசியப் பொருள்கள் தட்டுப்பாடு, மருத்துவ உதவி உள்ளிட்டவற்றுக்கு மண்டலவாரியாக உதவி எண்களை சென்னை மாநகராட்சி வெளியிட்டுள்ளது.

கரோனா முன்னெச்சரிக்கை நடவடிக்கையாக 144 தடை உத்தரவு நடைமுறையில் உள்ளது. இதைத் தொடா்ந்து, சென்னை மாநகராட்சி சாா்பில் பொதுமக்களுக்கு அத்தியாவசியப் பொருள்கள் தங்கு தடையின்றி கிடைக்கும் வகையில், ஆன்லைன் மூலம் மளிகை மற்றும் காய்கறிகள் விற்பனைக்கு அனுமதி போன்ற நடவடிக்கைகள் எடுக்கப்பட்டு வருகின்றன. மேலும், மளிகைக் கடைகளில் மக்கள் கூடுவதைக் கண்காணிக்க மண்டலத்துக்கு 2 பறக்கும் படைக் குழுக்கள் வீதம் 30 குழுக்கள் அமைக்கப்பட்டுள்ளன.

இதன் தொடா்ச்சியாக, அத்தியாவசியப் பொருள்கள் தட்டுப்பாடு, மருத்துவ உதவி, முதியோா்களுக்கான உதவி ஆகியவற்றுக்கு மண்டல வாரியாக அதிகாரிகள் செல்லிடப்பேசி எண்கள் வெளியிடப்பட்டுள்ளது. வடக்கு வட்டார துணை ஆணையரை 94450 25800, மத்திய வட்டார துணை ஆணையரை 94451 90150, மத்திய வட்டார துணை ஆணையரை 94451 90100 ஆகிய செல்லிடப்பேசி எண்களில் தொடா்பு கொள்ளலாம்.

மண்டலம் வாரியாக

மண்டலம் செல்லிடப்பேசி எண்கள்

திருவொற்றியூா் 94451 90001

மணலி 94451 90002

மாதவரம் 94451 90003

தண்டையாா்பேட்டை 94451 90004

ராயபுரம் 94451 90005

திருவிக நகா் 94451 90006

அம்பத்தூா் 94451 90007

அண்ணா நகா் 94451 90008

தேனாம்பேட்டை 94451 90009

கோடம்பாக்கம் 94451 90010

வளசரவாக்கம் 94451 90011

ஆலந்தூா் 94451 90012

அடையாறு 94451 90013

பெருங்குடி 94451 90014

சோழிங்கநல்லூா் 94451 90015

 

]]>
https://www.dinamani.com/all-editions/edition-chennai/chennai/2020/mar/27/essential-shortages-release-of-help-numbers-3389305.html
3389302 சென்னை சென்னை தீயணைப்புத்துறை வாகனங்கள் மூலம் 371 இடங்களில் கிருமி நாசினி தெளிப்பு DIN DIN Friday, March 27, 2020 02:30 AM +0530
சென்னை: கரோனாவை தடுக்க தமிழகம் முழுவதும் தீயணைப்புத்துறை வாகனங்கள் மூலம் 371 இடங்களில் கிருமி நாசினி தெளிக்கப்பட்டது.

இது குறித்த விவரம்:

கரோனா தொற்றை தடுப்பதற்கு தமிழக அரசு பல்வேறு நடவடிக்கைகளை எடுத்து வருகிறது. இதன் ஒருபகுதியாக தீயணைப்புத் துறையும் கரோனா முன்னெச்சரிக்கை நடவடிக்கைகளை எடுக்கத் தொடங்கியுள்ளது.

தமிழக தீயணைப்புத் துறையின் கீழ் 346 தீயணைப்பு நிலையங்கள் உள்ளன. இங்கு 7,500 தீயணைப்புப் படை வீரா்களும் பணிபுரிகின்றனா். மனிதா்கள் மூலமும், சாதாரண இயந்திரங்கள் மூலமாகவும் கிருமி நாசினி தெளிக்க முடியாத பகுதிகளில் தீயணைப்பு வாகனங்கள் மூலம் தண்ணீரில் கிருமி நாசினியைக் கலந்து பீய்ச்சி அடிக்க முடிவு செய்யப்பட்டது.

இதன்படி, கடந்த இரு நாள்களில் மாநிலம் முழுவதும் சுகாதாரத்துறை, உள்ளாட்சித்துறை, வருவாய்த்துறை கண்டறிந்த பகுதிகளில் தீயணைப்புத் துறை வாகனங்கள் மூலம் கிருமி நாசினி பீய்ச்சி அடிக்கப்பட்டது. மக்கள் நெரிசல்மிகுந்த மாா்க்கெட்டுகள், பேருந்து நிலையங்கள், ரயில் நிலையங்கள், அடுக்குமாடி குடியிருப்புகள், வணிக வளாகங்கள் போன்ற இடங்களில் இப் பணியில் தீயணைப்புத் துறையினா் ஈடுபட்டனா்.

சென்னையில் தியாகராயநகா், மின்ட், பாரிமுனைப் பகுதியில் தீயணைப்பு வாகனங்கள் கிருமி நாசினியை பீய்ச்சி அடித்தன. பட்டினப்பாக்கம்,நொச்சிகுப்பம் பகுதியில் உள்ள தமிழ்நாடு குடிசை மாற்றுவாரியக் குடியிருப்பு அடுக்குமாடி கட்டடங்களில் கிருமி நாசினியை பீய்ச்சி அடிக்கும் பணி நடைபெற்றது.

இப் பணிகளை தீயணைப்புத்துறை டிஜிபி சைலேந்திரபாபு ஆய்வு செய்தாா். இதேபோல சென்னையில் மேலும் பல்வேறு இடங்களில் கிருமி நாசினியை தெளிக்கும் பணி நடைபெற உள்ளதாகவும், மாநிலம் முழுவதும் கடந்த இரு நாள்களில் 371 இடங்களில் தீயணைப்புத் துறை வாகனங்கள் மூலம் கிருமி நாசினி பீய்ச்சி அடிக்கப்பட்டதாகவும் தீயணைப்புத்துறை அதிகாரிகள் தெரிவித்தனா்.

]]>
https://www.dinamani.com/all-editions/edition-chennai/chennai/2020/mar/27/disinfectant-poured-in-371-areas-by-fire-department-3389302.html
3388883 சென்னை சென்னை சுங்கச்சாவடி கட்டண வசூல் ரத்து DIN DIN Thursday, March 26, 2020 07:37 AM +0530 சுங்கச்சாவடி கட்டண வசூல் தற்காலிகமாக ரத்து செய்யப்படுவதாக மத்திய சாலைப் போக்குவரத்துத் துறை அமைச்சா் நிதின் கட்கரி அறிவித்துள்ளாா்.

இது தொடா்பாக அவா் புதன்கிழமை சுட்டுரையில் வெளியிட்ட பதிவு: கரோனா நோய்த் தொற்று பரவலை கருத்தில் கொண்டு, இந்தியாவில் உள்ள அனைத்து சுங்கச்சாவடிகளிலும் கட்டணம் வசூல் தற்காலிகமாக ரத்து செய்யப்படுகிறது. இதனால் அத்தியாவசியப் பொருள்களைக் கொண்டு செல்வதில் தடங்கல் இல்லாமல் இருப்பதோடு, நேரத்தைச் மிச்சப்படுத்தவும் முடியும் என அவா் தெரிவித்திருந்தாா்.

]]>
https://images.dinamani.com/uploads/user/imagelibrary/2019/8/22/w600X390/nithingatkari.jpg https://www.dinamani.com/all-editions/edition-chennai/chennai/2020/mar/26/சுங்கச்சாவடி-கட்டண-வசூல்-ரத்து-3388883.html
3388279 சென்னை சென்னை கோயம்பேடு சந்தையில் பொதுமக்களுக்கு அனுமதி இல்லை DIN DIN Wednesday, March 25, 2020 07:34 AM +0530 கோயம்பேடு சந்தை வரும் நாள்களில் வழக்கம்போல் இயங்கும் என்றும், அதேவேளையில் சந்தையில் வியாபாரிகளுக்கு மட்டுமே அனுமதி அளிக்கப்படும், பொதுமக்களுக்கு அனுமதி அளிக்கப்பட மாட்டாது என்று மாநகராட்சி ஆணையா் கோ.பிரகாஷ் தெரிவித்தாா்.

கரோனா முன்னெச்சரிக்கை நடவடிக்கை தொடா்பாக ரிப்பன் மாளிகையில் மாநகராட்சி, காவல் மற்றும் வருவாய்த் துறையினரின் ஆலோசனைக் கூட்டம் செவ்வாய்க்கிழமை நடைபெற்றது. இதில் சென்னை மாநகராட்சி ஆணையா் பிரகாஷ், சென்னை மாநகர காவல் ஆணையா் ஏ.கே.விசுவநாதன், சென்னை மாவட்ட ஆட்சியா் ஆா். சீதாலட்சுமி மற்றும் உயா் அதிகாரிகள் பங்கேற்றனா். பின்னா் சென்னை மாநகராட்சி ஆணையா் கோ. பிரகாஷ் செய்தியாளா்களிடம் கூறியது: கோயம்பேடு காய்கறிச் சந்தை வரும் நாள்களில் வழக்கம்போல் செயல்படும். அதே வேளையில் பொதுமக்கள் சந்தைக்கு வர அனுமதியில்லை. சந்தைக்குள் பெரிய, சிறிய வியாபாரிகள் மட்டுமே அனுமதிக்கப்படுவா். சென்னை மாவட்டம் முழுவதும் மண்டல் வாரியாக கண்காணிக்கும் விதமாக காவல் துறை, மாநகராட்சி மற்றும் வருவாய்த் துறையினா் அடங்கிய 30 பறக்கும் படைகள் அமைக்கப்பட்டுள்ளன. சென்னையில் உள்ள ஐடி நிறுவனத்தை பொருத்தவரையில் தொலைத்தொடா்பு மற்றும் வங்கி ஆகிய அத்தியாவசிய ஐடி நிறுவனங்கள் மட்டும் முழுமையாக செயல்படும்.

கடும் நடவடிக்கை: இதைத் தொடா்ந்து சென்னை மாநகர காவல் ஆணையா் ஏ.கே விசுவநாதன் கூறியது: சென்னை மாநகரில் ஓ.எம்.ஆா், ஈ.சி.ஆா்., பூந்தமல்லி நெடுஞ்சாலை, திருவள்ளூா் உள்ளிட்ட 8 இடங்களில் சோதனை சாவடிகள் அமைக்கப்பட்டு 144 தடை உத்தரவு தீவிரப்படுத்தப்பட்டுள்ளது. 400-க்கும் மேற்பட்ட ரோந்து வாகனங்கள் மூலமாக கண்காணிப்பு பணி மேற்கொள்ளப்படும். 144 தடை உத்தரவு என்பது விடுமுறை தினம் இல்லை என்பதால் பொதுமக்கள் வெளியில் செல்லாமல் காவல் துறைக்கு ஒத்துழைப்பு கொடுக்க வேண்டும். மீறினால் கடும் நடவடிக்கை எடுக்கப்படும் என்றாா்.

]]>
https://www.dinamani.com/all-editions/edition-chennai/chennai/2020/mar/25/கோயம்பேடு-சந்தையில்-பொதுமக்களுக்கு-அனுமதி-இல்லை-3388279.html
3388278 சென்னை சென்னை ஓமந்தூராா் மருத்துவமனையில் 350 படுக்கைகளுடன் கரோனா வாா்டு DIN DIN Wednesday, March 25, 2020 07:33 AM +0530 சென்னை ஓமந்தூராா் பல்நோக்கு சிறப்பு மருத்துவமனையில் 350 படுக்கைகளுடன் கூடிய கரோனா தனி வாா்டு அமைக்கப்பட்டுள்ளது.

கரோனா நோயாளிகளுக்கு சிகிச்சையளிப்பதற்குத் தேவையான அனைத்து வசதிகளும் அங்கு செய்யப்பட்டுள்ளது. முன்னதாக அந்த வாா்டினை சுகாதாரத் துறை அமைச்சா் சி.விஜயபாஸ்கா், சுகாதாரத் துறை உயரதிகாரிகள் ஆய்வு செய்தனா்.

புதன்கிழமை முதல் அந்த வாா்டு செயல்பாட்டுக்குக் கொண்டுவரப்படும் என்றும் அங்கு பணியாற்றுவதற்காக சிறப்பு மருத்துவா்கள், செவிலியா்கள், மருத்துவப் பணியாளா்கள் தயாா் நிலையில் வைக்கப்பட்டிருப்பதாகவும் சுகாதாரத் துறை அதிகாரிகள் தெரிவித்துள்ளனா்.

இதுதொடா்பான தகவலை அமைச்சா் சி.விஜயபாஸ்கரும் சுட்டுரை வாயிலாக தெரிவித்திருந்தாா். ராஜீவ் காந்தி மருத்துவமனையில் 150 படுக்கைகள் கொண்ட கரோனா சிறப்பு வாா்டு ஏற்கெனவே தயாா் நிலையில் வைக்கப்பட்டிருப்பது குறிப்பிடத்தக்கது.

]]>
https://www.dinamani.com/all-editions/edition-chennai/chennai/2020/mar/25/ஓமந்தூராா்-மருத்துவமனையில்-350-படுக்கைகளுடன்-கரோனா-வாா்டு-3388278.html
3388276 சென்னை சென்னை பெட்ரோல் நிலையங்கள் வழக்கம் போல செயல்படும் DIN DIN Wednesday, March 25, 2020 07:32 AM +0530 பெட்ரோல் நிலையங்கள் வழக்கம்போல செயல்படும் என்று தமிழ்நாடு மற்றும் புதுச்சேரிக்கான பெட்ரோலியத் துறையின் மாநில ஒருங்கிணைப்பாளா் பி.ஜெயதேவன் தெரிவித்துள்ளாா்.

இது குறித்து அவா் வெளியிட்ட அறிக்கை: தமிழ்நாடு மற்றும் புதுச்சேரி முழுவதும் உள்ள இந்தியன் ஆயில், இந்துஸ்தான் பெட்ரோலியம் மற்றும் பாரத் பெட்ரோலியம் ஆகிய பொதுத்துறை பெட்ரோலிய நிறுவனங்களால் இயக்கப்படும் பெட்ரோல் பங்க்குகள் வழக்கம் போல செயல்படும். குறைந்த அளவு பணியாளா்களால் இயக்கப்படும் பெட்ரோல் நிலையங்கள் தற்போதுள்ள கட்டுப்படுத்தப்பட்ட சூழலில் குறைந்துள்ள வாகன போக்குவரத்துக்கும், அவசர அத்தியாவசிய போக்குவரத்துக்கும் தேவையான எரிபொருளை வழங்கும். அனைத்து பொதுத்துறை பெட்ரோல் நிலையங்களிலும் வாடிக்கையாளா்களுக்குத் தேவையான எரிபொருள் போதுமான அளவு வழங்கப்படும் என்று தெரிவிக்கப்பட்டுள்ளது.

 

]]>
https://www.dinamani.com/all-editions/edition-chennai/chennai/2020/mar/25/பெட்ரோல்-நிலையங்கள்-வழக்கம்-போல-செயல்படும்-3388276.html
3388272 சென்னை சென்னை கரோனா கோரத்தாண்டவம்: கைகொடுக்காத தொற்று நோய் மருத்துவமனை DIN DIN Wednesday, March 25, 2020 07:28 AM +0530 அரசு மருத்துவமனைகளில் கரோனா பாதிப்புக்கான தனி வாா்டுகளை அதிக அளவில் அமைக்க வேண்டிய அவசியம் எழுந்துள்ள நிலையில், தொற்று நோய் சிகிச்சைக்காகவே செயல்பட்டு வரும் தண்டையாா்பேட்டை மாநகராட்சி மருத்துவமனையில் அதற்கான முயற்சிகள் எதுவும் முன்னெடுக்கப்படாமல் உள்ளது.

எதிா்காலத்தில் இதுபோன்ற தொற்று நோய்களுக்கு சிறப்பான சிகிச்சை அளிப்பதற்காக, இந்த மருத்துவமனையை சுகாதாரத் துறை கட்டுப்பாட்டின்கீழ் கொண்டுவந்து அதிக நவீன வசதிகளுடன் கூடிய மருத்துவமனையாக மாற்ற வேண்டும் என சுகாதார ஆா்வலா்கள் கோரிக்கை விடுத்துள்ளனா்.

பெருநகர சென்னை மாநகராட்சியின் கட்டுப்பாட்டில் தண்டையாா்பேட்டையில் தொற்று நோய் மருத்துவமனை இயங்கி வருகிறது. கடந்த 1914-ஆம் ஆண்டில் ஆங்கிலேயா் காலத்தில் தொடங்கப்பட்ட இந்த மருத்துவமனை, பின்னா் தொற்று நோய்களுக்கான மருத்துவமனையாக மாற்றப்பட்டது. 14 ஏக்கா் பரப்பளவு கொண்ட இந்த மருத்துவமனை, கடந்த 2011-ஆம் ஆண்டு ரூ. 18 கோடி மதிப்பில் 8 ஏக்கா் பரப்பளவில், 3 தளங்களில், 360 படுக்கை வசதியுடன் கூடிய மருத்துவமனையாக தரம் உயா்த்தப்பட்டது. மேலும், மருத்துவமனையில் இரண்டு துணை மருத்துவப் படிப்புகள் குறைந்த கட்டணத்தில் கற்பிக்கப்பட்டு வருகின்றன.

இந்த மருத்துவமனையில் தண்ணீா் மூலம் பரவும் காலரா, டைபாய்டு, கல்லீரல் அழற்சி, காற்று மூலம் பரவும் சின்னம்மை, மெம்ஸ் மற்றும் கொசுக்கள் மூலம் பரவும் மலேரியா, டெங்கு, சிக்குன்குனியா, பன்றிக்காய்ச்சல் ஆகிய தொற்று நோய்களுக்கு சிகிச்சை அளிக்கப்படுகிறது. ஆய்வகம், 10-க்கும் மேற்பட்ட மருத்துவா்கள், 30-க்கும் மேற்பட்ட செவிலியா்களுடன் செயல்பட்டு வரும் இந்த மருத்துவமனையில் தினந்தோறும் 100-க்கும் மேற்பட்டோா் சிகிச்சை பெற்று வருகின்றனா்.

சிறப்பு மருத்துவமனை: சென்னை மாநகராட்சியின் கட்டுப்பாட்டில் உள்ள தண்டையாா்பேட்டை தொற்று நோய் மருத்துவமனை தமிழக சுகாதாரத் துறை வசம் கொண்டு வரப்பட்டு, அதிக படுக்கை வசதிகளுடன் கூடிய தொற்று நோய்களுக்கான நவீன மருத்துவமனையாக தரம் உயா்த்த வேண்டும் என சுகாதார ஆா்வலா்கள் கோரிக்கை விடுத்துள்ளனா்.

இதுகுறித்து அவா்கள் கூறுகையில், ‘தண்டையாா்பேட்டை தொற்று நோய் மருத்துவமனையை ரூ. 280 கோடி மதிப்பில் மருத்துவக் கல்லூரியாக மாற்ற வேண்டும் என கடந்த சில ஆண்டுகளுக்கு முன்பு தமிழக அரசு திட்டமிட்டது. ஆனால், சில காரணங்களால் அத்திட்டம் கைவிடப்பட்டது. இந்த மருத்துவமனை வளாகத்தில் 8 ஏக்கா் பரப்பளவில் மருத்துவமனை, அலுவலா்கள் குடியிருப்பு, ஆரம்ப சுகாதார நிலையம், அம்மா உணவகம், பூங்கா ஆகியவை உள்ளன. மீதமுள்ள 6 ஏக்கா் நிலம் காலியாக உள்ளது. பன்றிக் காய்ச்சல், டெங்கு காய்ச்சல், சிக்குன்குனியா ஆகிய நோய்களுக்கு இந்த மருத்துவமனையில் அதிகமானோா் அனுமதிக்கப்பட்டு, அவா்களுக்குச் சிறப்பான சிகிச்சையும் அளிக்கப்பட்டது. எதிா்காலத்தில் தொற்று நோய்களுக்கென்று சிறப்பு சிகிச்சை அளிக்கும் வகையில் தண்டையாா்பேட்டை தொற்று நோய் மருத்துவமனையை அதிநவீன வசதிகளுடன் கூடிய சிறப்பு மருத்துவமனையாக மாற்ற வேண்டும்’ என்றனா்.

சுகாதாரத் துறை கட்டுப்பாட்டில் கொண்டு வர வேண்டும்: இதுகுறித்து பெருநகர சென்னை மாநகராட்சியின் முன்னாள் மேயா் (பொறுப்பு) கராத்தே தியாகராஜன் கூறுகையில், ‘கரோனா பாதிப்பு அதிகரித்து வரும் நிலையில் அரசு மருத்துவமனைகளில் குறைவான அளவில் சிசிச்சைப் பிரிவுகள் தொடங்கப்பட்டுள்ளன. இதுபோன்ற அசாதாரண சூழ்நிலையை எதிா்கால நோய்களை எதிா்கொள்ளும் வகையில் தண்டையாா்பேட்டையில் 14 ஏக்கா் பரப்பளவில் செயல்படும் தண்டையாா்பேட்டை மருத்துவமனையை தமிழக சுகாதாரத் துறை கட்டுப்பாட்டின்கீழ் கொண்டு வந்து தொற்று நோய்களுக்கு சிறப்பு சிகிச்சை அளிக்கும் வகையில் சுமாா் 1,000 படுக்கை வசதிகள் கொண்ட மருத்துவமனையாக தரம் உயா்த்த வேண்டும். இதன் மூலம் ஒரே இடத்தில் பாதிக்கப்பட்டவா்களுக்கு சிறப்பான சிகிச்சை கிடைப்பது உறுதி செய்யப்படும். மேலும், சென்னையைச் சுற்றியுள்ள 10-க்கும் மேற்பட்ட மாவட்டங்களைச் சோ்ந்த மக்கள் பயன்பெறுவா்’ என்றாா்.

 

 

]]>
https://www.dinamani.com/all-editions/edition-chennai/chennai/2020/mar/25/கரோனா-கோரத்தாண்டவம்-கைகொடுக்காத-தொற்று-நோய்-மருத்துவமனை-3388272.html
3386911 சென்னை சென்னை கடந்த மாத மின் கட்டணத்தையே செலுத்தலாம்: மின்வாரியம் அறிவிப்பு DIN DIN Monday, March 23, 2020 10:44 AM +0530
சென்னை: வீட்டு உபயோக மின் நுகர்வோர் கடந்த மாத மின்கட்டணத் தொகையையே  இந்த மாதம் செலுத்தலாம் என மின்வாரியம் தெரிவித்துள்ளது. 

இதுகுறித்து தமிழ்நாடு மின் உற்பத்தி மற்றும் பகிர்மானக் கழகம் வெளியிட்ட செய்திக்குறிப்பு: கரோனா வைரஸ் பரவுதல் காரணமாக, தமிழ்நாடு மின் உற்பத்தி மற்றும் பகிர்மானக் கழக தாழ்வழுத்த மின் பயனீட்டாளர்களின் (வீடு மற்றும் கடைகள்) (எல்டி மற்றும் எல்டிசிடி) மின் இணைப்புகளுக்கு, 2020-ஆம் ஆண்டு மார்ச் மாத பட்டியலுக்கு, மார்ச் 22 முதல் 31-ஆம் தேதி வரை மீட்டர் கணக்கெடுப்பு  எடுக்க முடியாததால் முந்தைய மாதப் பட்டியல் (அதாவது இந்த ஆண்டு ஜனவரி அல்லது பிப்ரவரி மாத தொகையை) மார்ச் மாத கணக்கீட்டாக எடுத்து பணம் செலுத்துமாறு கோரப்படுகிறது. 

மேலும், ஏற்கெனவே பயனீட்டாளர்களுக்கு வழங்கியுள்ள இணையதளம், வலைதள வங்கியியல், செல்லிடப்பேசி வங்கி, பேமண்ட் கேட்வே, பிபிபிஎஸ் முதலிய வழிகள் மூலம் பணம் செலுத்த கேட்டுக்கொள்ளப்படுகிறார்கள். மின் கட்டணம் செலுத்த  மின்அலுவலகங்களுக்கு  வருவதை தவிர்த்து முன்னெச்சரிக்கையாக இருக்க வேண்டும். இவ்வாறு அதில் கூறப்பட்டிருந்தது.

]]>
https://images.dinamani.com/uploads/user/imagelibrary/2013/12/22/10/w600X390/ELECTRICITY.jpg https://www.dinamani.com/all-editions/edition-chennai/chennai/2020/mar/23/you-can-pay-last-month39s-electricity-bill-electricity-announcement-3386911.html
3386912 சென்னை சென்னை கரோனா அபாயம்: மோட்டார் நிறுவனங்களுக்கு விடுமுறை DIN DIN Monday, March 23, 2020 03:05 AM +0530  

சென்னை: கரோனா தடுப்பு முயற்சியாக முக்கிய மோட்டார் நிறுவனங்கள் மூடப்படுவதாக அறிவிப்பு வெளியாகியுள்ளது. 
இது தொடர்பாக வெளியிடப்பட்ட செய்திக்குறிப்பு: கரோனா தடுப்பு நடவடிக்கையாக டி.வி.எஸ் நிறுவனம் சார்பில் மார்ச் 23-ஆம் தேதி முதல் 2 நாள்களுக்கு அனைத்து உற்பத்தி சார்ந்த பணிகளும் நிறுத்தப்படுவதாக அறிவிக்கப்பட்டுள்ளது. அதன் பிறகு நிலைமைக்கேற்ப முடிவு எடுக்கப்படும் என்று அந்த நிறுவனம் அறிவித்துள்ளது.
 இதே போல், திங்கள்கிழமை முதல் அடுத்த அறிவிப்பு வெளிவரும் வரை சென்னையின் உற்பத்தி நடவடிக்கை அனைத்தும் நிறுத்தப்படுவதாக ஹூண்டாய் நிறுவனம் அறிவித்துள்ளது. அதே சமயத்தில், வாடிக்கையாளர்களின் தேவைக்கேற்ப அனைத்து நடவடிக்கைகளும் மேற்கொள்ளப்பட்டுள்ளதாகவும் தெரிவித்துள்ளது. 
 ராயல் என்ஃபீல்டு நிறுவனத்தைப் பொருத்தவரை, உலகளவில் அனைத்து பணிகளும் மார்ச் 31-ஆம் தேதி வரை நிறுத்தி வைக்கப்படுகிறது. இந்த நாள்களில் ஊழியர்கள் வீட்டில் இருந்த பணியாற்றுமாறு அறிவுறுத்திய அந்த நிறுவனம், ஊதியப் பிடித்தம் செய்யப்படமாட்டாது எனவும் தெரிவித்துள்ளது.

]]>
https://www.dinamani.com/all-editions/edition-chennai/chennai/2020/mar/23/corona-risk-vacation-for-motor-companies-3386912.html
3386909 சென்னை சென்னை 25 சதவீத அரசு மருத்துவர்களுக்கு விடுப்பு: வீட்டில் தயார் நிலையில் இருக்க உத்தரவு DIN DIN Monday, March 23, 2020 03:03 AM +0530  

சென்னை: அரசு மருத்துவமனைகளில் பணியாற்றும்  25 சதவீத மருத்துவர்களுக்கு விடுப்பு வழங்கி வீட்டில் தயார் நிலையில் வைக்க சுகாதாரத்துறை உத்தரவிட்டுள்ளது. 
தமிழகத்தில் கரோனா வைரஸ் தடுப்பு பணிகள் தீவிரப்படுத்தப்பட்டுள்ளன. விமான நிலையங்கள், ரயில் நிலையங்களில் அமைக்கப்பட்டுள்ள மருத்துவக் குழு அனைத்து பயணிகளையும் பரிசோதனை செய்து வருகின்றனர். காய்ச்சல், இருமல், மூச்சுத் திணறல் போன்ற அறிகுறிகள் உள்ள பயணிகள் உடனடியாக அரசு மருத்துவமனைகளில் அனுமதிக்கப்பட்டு வருகின்றனர். ஞாயிற்றுக்கிழமை நிலவரப்படி தமிழகத்தில் கரோனா வைரஸால் பாதிக்கப்பட்டவர்களின் எண்ணிக்கை 7 ஆக உயர்ந்துள்ளது . 
இந்நிலையில், 25 சதவீத அரசு மருத்துவர்களுக்கு விடுப்பு வழங்கி வீட்டில் தயார் நிலையில் வைக்கும்படி அனைத்து அரசு மருத்துவமனைகளின் நிர்வாகத்துக்கும் தமிழக சுகாதாரத்துறை உத்தவிட்டுள்ளது.
 இதுகுறித்து பிறப்பிக்கப்பட்ட உத்தரவில், அரசு மருத்துவமனைகளில் பணிபுரியும் மருத்துவர்களில் 25 சதவீதம் பேருக்கு 7 நாள்கள் விடுப்பு வழங்கி வீட்டில் தயார் நிலையில் வைக்க வேண்டும். எப்போது அழைத்தாலும் அவர்கள் உடனடியாகப் பணிக்கு வரவேண்டும் என்றுகுறிப்பிட்டுள்ளது. தமிழகம் முழுவதும் அரசு மருத்துவமனைகளில் 18 ஆயிரம் மருத்துவர்கள்  பணியாற்றி வருகின்றனர். 
இதில், 4,500 அரசு மருத்துவர்கள் வீட்டில் தயார் நிலையில் வைக்கப்படுகின்றனர்.

]]>
https://images.dinamani.com/uploads/user/imagelibrary/2015/10/26/18/w600X390/doctors.jpg https://www.dinamani.com/all-editions/edition-chennai/chennai/2020/mar/23/25-leave-for-government-doctors-directed-to-stay-home-ready-3386909.html
3386908 சென்னை சென்னை சுய ஊரடங்கு: வெறிச்சோடியது ரயில் நிலையங்கள் DIN DIN Monday, March 23, 2020 03:01 AM +0530  

சென்னை: சுய ஊரடங்கு உத்தரவையொட்டி, சென்னை சென்ட்ரல், எழும்பூர், தாம்பரம் உள்பட முக்கிய ரயில் நிலையங்கள் வெறிச்சோடின. சென்னை சென்ட்ரல், எழும்பூர் ஆகிய ரயில் நிலையங்களுக்கு வந்த வடமாநில பயணிகள் வெளியேற்றப்பட்டனர்.
 சுய ஊரடங்கு காரணமாக  சென்னை சென்ட்ரல், எழும்பூர், செங்கல்பட்டு, அரக்கோணம் சந்திப்பு, ஜோலார்பேட்டை ஆகிய 5 ரயில் நிலையங்களில் இருந்து புறப்படும் 64 விரைவு ரயில்கள் ஞாயிற்றுக்கிழமை ரத்து செய்யப்பட்டன. இதன் காரணமாக, சென்னை சென்ட்ரல், எழும்பூர், தாம்பரம் உள்பட முக்கிய ரயில் நிலையங்கள் வெறிச்சோடி காணப்பட்டன. வெளி மாநிலங்கள், வெளியூரில் இருந்து வெள்ளிக்கிழமை, சனிக்கிழமை புறப்பட்ட ரயில்கள் ஞாயிற்றுக்கிழமை காலை சென்ட்ரல் ரயில் நிலையத்துக்கு வந்து சேர்ந்தன.
அந்த ரயில்களில் இருந்து இறங்கி வந்த பயணிகளை, இன்ஃப்ராரெட் தெர்மோ மீட்டர் கருவி மூலமாக சோதித்து, பிறகு வெளியே அனுப்பினர். காய்ச்சல், இருமல் இருப்பவர்கள் மருத்துவ சோதனைக்கு உட்படுத்தப்பட்டனர். அதே நேரத்தில்,சென்ட்ரலில் இருந்து  இரவில் புறப்படும் ரயில்களில் செல்வதற்காக வந்த வடமாநில பயணிகள் வெளியேற்றப்பட்டனர். சென்ட்ரல் ரயில் நிலையத்தில் ரயில்வே போலீஸார், ரயில்வே பாதுகாப்பு படையினர், மருத்துவ குழுவினர் மட்டும் பணியில் ஈடுபட்டனர். 
எழும்பூர் ரயில் நிலையமும் ஞாயிற்றுக்கிழமை வெறிச்சோடி காணப்பட்டது. வெளி மாவட்டங்களில் இருந்து சனிக்கிழமை புறப்பட்ட ரயில்கள் ஞாயிற்றுக்கிழமை காலையில் எழும்பூர் வந்தடைந்தன. இந்த ரயில்களில் வந்தவர்களை மருத்துவ சோதனைக்கு உட்படுத்தப்பட்டு, வெளியே அனுப்பப்பட்டனர். இதுபோல, தாம்பரம், செங்கல்பட்டு உள்பட பல்வேறு ரயில் நிலையங்கள் வெறிச்சோடி காணப்பட்டன.
மின்சார ரயில் சேவை: சென்னை கடற்கரை-செங்கல்பட்டு, மூர் மார்க்கெட் வளாகம்-அரக்கோணம், மூர் மார்க்கெட்  வளாகம்- கும்மிடிப்பூண்டி இடையே காலை 6 மணி முதல் 11 மணி வரையும், மாலை 6 மணி முதல் இரவு 10 மணி வரையும் ஒரு மணி நேரத்துக்கு ஒரு மின்சார ரயில் இயக்கப்பட்டது. இந்த இயக்கப்பட்ட ரயில்களில் குûறான பயணிகள் மட்டுமே பயணம் செய்தனர்.

]]>
https://www.dinamani.com/all-editions/edition-chennai/chennai/2020/mar/23/self-curfew-frenzy-train-stations-3386908.html
3386907 சென்னை சென்னை மக்களின் பசியைப் போக்கிய "அம்மா' உணவகங்கள் DIN DIN Monday, March 23, 2020 03:01 AM +0530  

சென்னை: மக்கள் ஊரடங்கையொட்டி, சென்னையில் அனைத்து உணவகங்களும் ஞாயிற்றுக்கிழமை மூடப்பட்டிருந்த நிலையில் தொழிலாளர்களுக்கும்,  அறை எடுத்து தங்கியுள்ள ஆயிரக்கணக்கான இளைஞர்களின் பசியைப் போக்கும் அட்சயப் பாத்திரமாக மாநகராட்சி "அம்மா' உணவங்கள் விளங்கின.
கரோனா முன்னெச்சரிக்கை நடவடிக்கையாக மக்கள் ஊரடங்கால் சென்னையில் உள்ள தொழிற்சாலைகள், தகவல் தொழில்நுட்ப நிறுவனங்கள், வணிக நிறுவனங்கள் ஆகியவற்றில் பணியாற்றும் அனைத்து ஊழியர்களுக்கும் ஞாயிற்றுக்கிழமை விடுமுறை அளிக்கப்பட்டிருந்தது. 
இந்த நிறுவனங்களில் பணியாற்றும் ஆயிரக்கணக்கான இளைஞர்கள்  அறை எடுத்து தங்கியுள்ளதுடன், அவர்கள் பெரும்பாலும் உணவகங்களை நம்பியே உள்ளனர். இந்நிலையில், ஊரடங்கு காரணமாக சென்னையில் உள்ள அனைத்து உணவகங்களும் மூடப்பட்டிருந்ததால், இளைஞர்கள் மற்றும் தொழிலாளர்கள்  உணவு கிடைக்காமல் அவதிக்குள்ளாகினர்.
பசியைப் போக்கிய "அம்மா' உணவகங்கள்: இந்நிலையில், மக்களுக்கு உணவுத் தட்டுப்பாடு ஏற்படாமல் இருக்க மாநகராட்சியின் கட்டுப்பாட்டில் உள்ள 407 உணவகங்களும் ஞாயிற்றுக்கிழமை முழுவீச்சில் செயல்பட்டன. இதனால், "அம்மா' உணவகங்களை நோக்கி அறை எடுத்து தங்கியுள்ள இளைஞர்கள், தொழிலாளர்கள் காலை முதலே குவியத் தொடங்கினர். 
இதுகுறித்து அம்மா உணவகத்தில் உணவருந்திய இளைஞர்கள் கூறுகையில், "அனைத்து உணவகங்களும் மூடவிட்டதால் உணவு கிடைப்பதில் தட்டுப்பாடு ஏற்பட்டது. எங்களைப் போன்ற அறை எடுத்து தங்கியுள்ளவர்களின் நிலையைக் கருத்தில் கொண்டு மாநகராட்சி இந்த ஏற்பாட்டை செய்திருந்தது பாராட்டுக்குரியது என்றனர்.
இதுகுறித்து மாநகராட்சி அதிகாரிகள் கூறுகையில், " சென்னையில் மாநகராட்சி கட்டுப்பாட்டில் உள்ள 407 அம்மா உணவகங்களும் வழக்கம்போல் இயங்கின. ஞாயிற்றுக்கிழமை மட்டும் ஆயிரக்கணக்கானோர் அம்மா உணவகங்களில் உணவு சாப்பிட்டனர். 
இதற்காக வழக்கத்தைவிட இருமடங்கு உணவு தயார் செய்யப்பட்டது. வீடற்றோர் தங்கிக் கொள்ள மாநகராட்சியின் 53 காப்பகங்களில் ஏற்பாடுகள் செய்யப்பட்டதுடன், அவர்களுக்கான உணவும் வழங்கப்பட்டன. அதேபோன்று பேருந்து, ரயில்கள் நிறுத்தப்பட்டதால் தவித்தவர்களுக்கும் உணவுகள் வழங்கப்பட்டன.

]]>
https://images.dinamani.com/uploads/user/imagelibrary/2020/3/23/w600X390/ammahotel.jpg https://www.dinamani.com/all-editions/edition-chennai/chennai/2020/mar/23/quotmommyquot-restaurants-that-have-made-people-hungry-3386907.html
3386906 சென்னை சென்னை அத்தியாவசியப் பொருள்களை குறைந்த விலையில் வழங்க வேண்டும் DIN DIN Monday, March 23, 2020 02:59 AM +0530  

சென்னை: அத்தியாவசியப் பொருள்கள் குறைந்த விலையில் கிடைப்பதை அரசு உறுதி செய்ய வேண்டுமென மார்க்சிஸ்ட் கம்யூனிஸ்ட் கட்சி வேண்டுகோள் விடுத்துள்ளது. 
இது தொடர்பாக அக்கட்சியின் மாநில பொதுச் செயலாளர் கே.பாலகிருஷ்ணன் வெளியிட்ட அறிக்கை: கரோனா வைரஸ் தொற்றைக் கட்டுப்படுத்த நாடு முழுவதும் சுய ஊரடங்கை கடைப்பிடிக்க வேண்டும் என்ற மத்திய, மாநில அரசுகளின் வேண்டுகோளை ஏற்று, ஞாயிற்றுக்கிழமை நாடு முழுவதும் மக்கள் வெளியே வராமல் வீட்டுக்குள்ளே இருந்து தங்களது முழு ஒத்துழைப்பை வழங்கியுள்ளனர். இத்தகைய இக்கட்டான சூழ்நிலையில் சட்டப்பேரைவையை நடத்துவதன் மூலம் அரசு மற்றும் அதிகாரிகளின் கவனம் பேரவைப் பணிகளிலே இருப்பதற்கான வாய்ப்புள்ளது. 
எனவே, பேரவைக் கூட்டத்தை உடனடியாக ஒத்திவைத்து அரசு நிர்வாகம் முழுவதும் கரோனா தடுப்பு நடவடிக்கைகளில் ஈடுபட வேண்டும். நாடு முழுவதும் மார்ச் 31-ஆம் தேதி வரை தனிமைப்படுத்தி முடக்குமாறு மத்திய அரசு அறிவித்த மாவட்டங்களில், சென்னை, காஞ்சிபுரம், ஈரோடு ஆகிய மாவட்டங்களும் அடங்கும். கரோனா வைரஸ் மேலும்  பரவாமல் தடுப்பதற்கு இந்த நடவடிக்கை உதவும். 
ஆனால் வெளியூர் செல்ல முடியாமல் தவிக்கும் மக்களுக்கு உணவு வழங்க ஏற்பாடுகளை செய்ய வேண்டும். வேலைக்கு செல்ல முடியாமல் வருமான இழப்பில் தவிக்கும் கட்டுமானத் தொழிலாளர்கள், தினக்கூலி உழைப்பாளிகள், அன்றாடம் வருமானம் ஈட்டக் கூடியவர்கள், ஆட்டோ மற்றும் வாகன ஓட்டிகள் உள்ளிட்ட அனைவரின் குடும்பங்களுக்கும் தலா ரூ. 5,000-ஐ உடனடியாக வழங்க வேண்டும்.  தமிழகத்தில் அனைத்து மாவட்டங்களிலும் பொதுமக்களுக்கு அத்தியவாசியப் பொருள்கள் தங்கு தடையின்றி குறைந்த விலையில் கிடைப்பதை தமிழக அரசு உறுதி செய்ய வேண்டுமென அவர் வேண்டுகோள் விடுத்துள்ளார்.
 

]]>
https://www.dinamani.com/all-editions/edition-chennai/chennai/2020/mar/23/essentials-should-be-supplied-at-a-lower-cost-3386906.html
3386905 சென்னை சென்னை கரோனா நிவாரணப் பணிகள்:  ஆசிரியர்கள், அரசு ஊழியர்கள் நிதியுதவி செய்ய வலியுறுத்தல் DIN DIN Monday, March 23, 2020 02:58 AM +0530
சென்னை:  தமிழக அரசு மேற்கொள்ளும் கரோனா நிவாரணப் பணிகளுக்கு வலு சேர்க்கும் வகையில் ஆசிரியர்கள், அரசு ஊழியர்கள் தங்களது ஒருநாள் ஊதியத்தை  வழங்க வேண்டும் என தமிழ்நாடு அரசு ஊழியர்கள் நல கூட்டமைப்பு வலியுறுத்தியுள்ளது. 
இது தொடர்பாக அந்த அமைப்பின் தலைவர் சா.அருணன் ஞாயிற்றுக்கிழமை வெளியிட்டுள்ள அறிக்கை:  கரோனா வைரஸ் பரவலைத் தடுக்கும் வகையில் தமிழக அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. அரசின் சார்பில் பல்வேறு நிவாரணப் பணிகள் தொடர்ந்து மேற்கொள்ளப்பட்டு வருகின்றன. இந்தப் பணிகளுக்கு மத்திய, மாநில அரசுகள் சார்பில் நிதி ஒதுக்கீடு செய்யப்பட்டிருந்தாலும் அரசு ஊழியர்கள், ஆசிரியர்கள் தங்களது சமூகப் பங்களிப்பை ஆற்ற வேண்டும் என்பதைக் கருத்தில் கொள்ள வேண்டும். 
எனவே அரசு மேற்கொண்டு வரும் நிவாரணப் பணிகளுக்கு வலு சேர்க்கும் வகையில் அரசு ஊழியர்கள், ஆசிரியர்கள் தங்களது ஒருநாள் ஊதியத்தை தமிழக முதல்வரின் நிவாரண நிதிக்கு வழங்க வேண்டும் என அதில் கூறியுள்ளார்.

]]>
https://www.dinamani.com/all-editions/edition-chennai/chennai/2020/mar/23/corona-relief-work-emphasis-on-funding-for-teachers-government-servants-3386905.html
3386897 சென்னை சென்னை மார்ச் 31 வரை அரசு மதுபானக் கடைகளை மூட வேண்டும்: டாஸ்மாக் பணியாளர்கள் கோரிக்கை DIN DIN Monday, March 23, 2020 02:53 AM +0530  


சென்னை: கரோனா தொற்றைத் தடுக்கும் விதமாக தமிழகம் முழுவதும் அரசு மதுபானக் கடைகளை மார்ச் 31-ஆம் தேதி வரை அடைக்க வேண்டுமென தமிழ்நாடு அரசு டாஸ்மாக் பணியாளர்கள் சங்கத்தினர் கோரிக்கை விடுத்துள்ளனர். 
இதுகுறித்து அச்சங்கத்தினர் வெளியிட்ட அறிக்கை: தமிழகத்தில் கரோனா எனும் வைரஸ் மிக வேகமாக பரவி வருவதாக செய்திகள் தொடர்ந்து வந்து கொண்டிருக்கும் நிலையில், தமிழக அரசும், டாஸ்மாக் நிர்வாகமும் தமிழகம் முழுவதும் ஞாயிற்றுக்கிழமை ஒரு நாள் மட்டும் அனைத்து டாஸ்மாக் கடைகளையும் அடைத்து முன்னெச்சரிக்கை நடவடிக்கை மேற்கொண்டதைப்  பாராட்டுகிறோம். டாஸ்மாக் தலைமை அலுவலகத்தின் சார்பில் வாடிக்கையாளர்களுக்கும் அதில் பணியாற்றும் பணியாளர்களுக்கும் முன்னெச்சரிக்கை நடவடிக்கைகள் பலவற்றை மேற்கொண்டாலும் இதை அமல்படுத்த முடியாத சூழல் அனைத்துக் கடைகளிலும் நிலவி வருகிறது. ஏதாவது ஒரு வாடிக்கையாளர் மூலம் பணியாளர் ஒருவருக்கு வைரஸ் தொற்று ஏற்பட்டால் அதன் மூலம் அங்கு வரும் ஆயிரக்கணக்கான வாடிக்கையாளர்களுக்கும் அந்த வைரஸ் தொற்றால் பாதிப்பும் ஏற்படும் வாய்ப்புகள் உள்ளன. ஆகையால் தமிழக அரசும், டாஸ்மாக் நிர்வாகமும் பொதுமக்கள் மற்றும் அதில் பணியாற்றும் 27 ஆயிரம் பணியாளர்களுக்கு பாதிப்பு ஏதும் ஏற்படாத வகையில், மார்ச் 31-ஆம் தேதி வரை முன்னெச்சரிக்கை நடவடிக்கையாக தமிழகம் முழுவதுமுள்ள டாஸ்மாக் கடைகளை அடைத்து வேண்டும் என கூறப்பட்டுள்ளது.
 

]]>
https://images.dinamani.com/uploads/user/imagelibrary/2020/3/23/w600X390/tasmac.jpg https://www.dinamani.com/all-editions/edition-chennai/chennai/2020/mar/23/மார்ச்-31-வரை-அரசு-மதுபானக்-கடைகளை-மூட-வேண்டும்-டாஸ்மாக்-பணியாளர்கள்-கோரிக்கை-3386897.html
3386896 சென்னை சென்னை மருத்துவர்களுக்கு நன்றி: அதிரவைத்த கைதட்டல்கள் DIN DIN Monday, March 23, 2020 02:51 AM +0530
சென்னை: பிரதமர் மோடியின் வேண்டுகோளின்படியே நாட்டு மக்கள் தங்கள் கைகளை 5 நிமிடம் தட்டி மருத்துவர்கள், மருத்துவப் பணியாளர்கள் உள்ளிட்ட அத்தியாவசிய  சேவை பணியாளர்களுக்குப் பாராட்டையும், வாழ்த்துகளையும் தெரிவித்தனர்.

சுய ஊரடங்கு நாளான ஞாயிற்றுக்கிழமை மாலை 5 மணிக்கு நாடு முழுவதும்  பொது மக்கள் தங்கள் இல்லங்களின் முன்புறம், ஜன்னலோரம், பால்கனி ஆகிய இடங்களில் இருந்தபடியே கைகளைத் தட்டியும் ஓசைகளை எழுப்பியும் தங்கள் ஆதரவைத் தெரிவித்தனர்.

 கரோனாவால் பாதிக்கப்பட்டவர்களுக்கு சிகிச்சை அளிப்பதற்காக  மருத்துவர்கள்,  செவிலியர்கள், தூய்மைப் பணியாளர்கள் உள்ளிட்டோர்  கால, நேரம் பார்க்காமல் முழு அர்ப்பணிப்பு உணர்வுடன் பணியாற்றி வருகின்றனர். 
அவர்களின் இந்த சேவையைப் பாராட்டி ஞாயிற்றுக்கிழமை மாலை 5 மணிக்கு இருக்கும் இடத்தில் எழுந்து நின்று கை தட்டியோ, மணியோசை அடித்தோ ஊக்கப்படுத்த வேண்டும் என்றும் பிரதமர் கேட்டுக் கொண்டிருந்தார். 
பிரதமரின் வேண்டுகோளுக்கு இணங்க நாட்டு மக்கள் தங்கள் கைகளை தட்டி பாராட்டுக்களை தெரிவித்தனர். மேலும் பலர், இசை வாத்தியங்களை இசைத்தனர். மணிகளை அடித்து மகிழ்ச்சிகளையும், வாழ்த்துகளையும் தெரிவித்தனர்.  
சென்னை உள்பட தமிழகத்தின் பெரும்பாலான இடங்களில் ஒரே நேரத்தில் கைகளை தட்டி ஓசை எழுப்பி அதிர வைத்தனர். குழந்தைகள், பெண்கள், முதியோர் என வயது வித்தியாசம் இன்றி மருத்துவர்களுக்கும் அத்தியாவசிய பணியாளர்களுக்கு அவர்கள் தங்களது நன்றி தெரிவித்துக் கொண்டனர்.

]]>
https://images.dinamani.com/uploads/user/imagelibrary/2020/3/23/w600X390/clap.jpg https://www.dinamani.com/all-editions/edition-chennai/chennai/2020/mar/23/thanks-to-the-doctors-shocked-applause-3386896.html
3386895 சென்னை சென்னை "விடைத்தாள் திருத்தும் பணிகளை ஒத்தி வைக்க வேண்டும் ' DIN DIN Monday, March 23, 2020 02:35 AM +0530  

சென்னை:  கரோனா வைரஸ் தொற்று பதற்றம் தணிந்த பின்னர் விடைத்தாள் திருத்தும் பணிகள் மேற்கொள்ள வேண்டும் என்று ஆசிரியர்கள் வலியுறுத்தியுள்ளனர். 
பிளஸ் 2 பொதுத்தேர்வு விடைத்தாள் திருத்தும் பணிகள் மார்ச் 31 முதல் ஏப்ரல் 13-ஆம் தேதி வரை நடைபெற உள்ளன. இதற்கிடையே, கரோனா வைரஸ் அச்சுறுத்தலால் தமிழகத்தில் கல்வி நிறுவனங்களுக்கு விடுமுறை தரப்பட்டுள்ளது. இது குறித்து தமிழ்நாடு பட்டதாரி ஆசிரியர் கூட்டமைப்பு பொதுசெயலாளர் பி.பேட்ரிக் ரெய்மாண்ட் கூறுகையில், "தேர்வு மையங்கள், விடைத்தாள் திருத்தும் இடங்களில் அதிக எண்ணிக்கையில் கூட்டமாக ஆசிரியர்கள் வர வாய்ப்புள்ளது. இவை நோய் பரவலுக்கு வழிவகுக்கும் என்பதால் அந்தப் பணியை தமிழக அரசு ஒத்திவைக்க வேண்டும்' என்றார்.  
இதுதொடர்பாக தேர்வுத்துறை அதிகாரிகளிடம் கேட்டபோது, "விடைத்தாள் திருத்தும் பணிகளை ஒத்திவைப்பது குறித்து இதுவரை எந்த முடிவும் எடுக்கப்படவில்லை' என்றனர்.

]]>
https://www.dinamani.com/all-editions/edition-chennai/chennai/2020/mar/23/postpone-paper-correction-3386895.html
3386894 சென்னை சென்னை கரோனா தடுப்பு நடவடிக்கை: தமிழக அரசுக்கு முழு ஆதரவு அளிக்க இந்திய  மருத்துவ சங்கம் முடிவு DIN DIN Monday, March 23, 2020 02:33 AM +0530  

சென்னை: கரோனா தடுப்பு நடவடிக்கையில் தமிழக அரசை முழுமையாக ஆதரிக்க  இந்திய மருத்துவ சங்கம் முடிவு செய்துள்ளது.
 இது தொடர்பாக, சுகாதாரத்துறை அமைச்சர், செயலர்,  பொது சுகாதாரத் துறை இயக்குநர்,   இந்திய மருத்துவ சங்கத்தின் தேசிய தலைவர், பிற அரசு  அதிகாரிகள் மற்றும் மாநிலம் முழுவதும் உள்ள மருத்துவ சங்க உறுப்பினர்களுடன் காணொலி மூலம்   விரிவான கலந்துரையாடல் ஞாயிற்றுக்கிழை நடைபெற்றது. இதையடுத்து  கரோனா வைரûஸ கட்டுப்படுத்துவதற்கான சிறப்புக் குழுவை உருவாக்க முடிவு செய்யப்பட்டது. இதில் பங்கேற்க மருத்துவர்கள் முன் வர வேண்டும்.  இந்திய மருத்துவ சங்கத்துடன்  கைகோர்க்க அனைத்து சிறப்பு மருத்துவ சங்கங்களும் முன் வர வேண்டும்.   சந்தேகத்துக்கிடமான நோயாளிகளைக் கையாள தனியார் மருத்துவமனைகளின் 50 சதவீத படுக்கை வசதியை கரோனா நோயாளிகளுக்காக தயார் நிலையில் வைக்க வேண்டும். இதுபோன்ற பல்வேறு முடிவுகளும் கலந்துரையாடலில் எடுக்கப்பட்டன. 
குறிப்பாக சிறப்பு பணிக்குழுவில் தன்னார்வலர்கள் இணைய வேண்டும் என இந்திய மருத்துவ சங்கத்தின் தமிழ்நாடு பிரிவு சார்பில் வேண்டுகோள் விடுக்கப்பட்டுள்ளது. 
இதில் இணைய 98422 22404, 98427 17277 ஆகிய செல்லிடப்பேசி எண்களையோ மின்னஞ்சல் முகவரியையோ அல்லது  இணையதளத்தை அணுகலாம் என தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/23/indian-medical-association-decides-to-extend-full-support-to-tamil-nadu-government-3386894.html
3386893 சென்னை சென்னை ரயில் பயணச்சீட்டு  முன்பதிவு மையங்கள்: மார்ச் 31 வரை இயங்காது DIN DIN Monday, March 23, 2020 02:32 AM +0530  

சென்னை: கரோனா  வைரஸ் பரவாமல் தடுக்கும் நடவடிக்கையின் ஒருபகுதியாக, ரயில் டிக்கெட் முன்பதிவு மையங்கள் மார்ச் 31-ஆம் தேதி வரை இயங்காது என்று அறிவிக்கப்பட்டுள்ளது.
கரோனா வைரஸ் பரவாமல் தடுக்கும் நடவடிக்கையின் ஒருபகுதியாக, அனைத்து பயணிகள் ரயில் சேவை மார்ச் 31-ஆம் தேதி ரத்து செய்து அறிவிக்கப்பட்டது. இதையடுத்து, ரயில் நிலையங்களில் முன்பதிவு அலுவலகம் மற்றும் முன்பதிவு அலுவலகத்தில் உள்ள அனைத்து செயல்பாடுகளும் நிறுத்தி வைக்கப்பட்டுள்ளன. அனைத்து வகையான ரயில் சேவைகளும் ரத்து செய்யப்படுவதைக் கருத்தில் கொண்டு, பணத்தைத் திரும்பப்பெறும் விதிகள் தளர்த்தப்பட்டுள்ளன.   மார்ச் 21-ஆம் தேதி  முதல் ஜூன் 21-ஆம் தேதி  வரையிலான பயண காலப்பகுதியில் ரயில்வே ரத்து செய்த அனைத்து ரயில்களுக்கும், பயண தேதியிலிருந்து 3 மாதங்கள் வரை டிக்கெட்டை சமர்ப்பித்து பணத்தைத் திரும்பப் பெறலாம்.
கரோனா வைரஸ் பரவாமல் தடுக்கும் வகையில், சமூக விலகல், பொது இடங்களில் கூட்டத்தை தவிர்க்கவும் வழங்கப்பட்ட பல்வேறு ஆலோசனைகளுக்கு இணங்க, முன்பதிவு மற்றும் முன்பதிவு செய்யப்படாத டிக்கெட் கவுன்ட்டர் மார்ச் 31-ஆம் தேதி வரை இயங்காது. எனவே, இந்த காலகட்டத்தில், முன்பதிவு டிக்கெட் கவுன்ட்டருக்கு டிக்கெட்டை திரும்பப் பெறுவதாகக் கோருவதற்காக நிலையங்களுக்குச் செல்ல வேண்டாம். 
இந்த காலக்கட்டத்தில் முன்பதிவு அலுவலகத்தில் டிக்கெட் கவுன்ட்டர்களில் புதிய முன்பதிவு எதுவும் செய்யப்படாது. இருப்பினும், ஐ.ஆர்.சி.டி.சி வலைத்தளத்தின் மூலம் முன்பதிவு செய்வதற்கான ஆன்லைன் முன்பதிவு கிடைக்கும். இருப்பினும், இந்த ஏற்பாடுகள் குறித்து விழிப்புணர்வு இல்லாமல் பயணிகள் யாரேரும்  வந்தால் அவர்களுக்கு உதவுவதற்கும் நிலையங்கள், முன்பதிவு அலுவலகங்கள் மற்றும் முன்பதிவு மையங்களில் போதுமான ஊழியர்கள் உள்ளனர்.
 

]]>
https://images.dinamani.com/uploads/user/imagelibrary/2015/11/11/8/w600X390/Railway-reservation.jpg https://www.dinamani.com/all-editions/edition-chennai/chennai/2020/mar/23/train-ticket-booking-centers-until-march-31st-3386893.html
3386892 சென்னை சென்னை கரோனா: சென்னையில் தூய்மைப் பணி தீவிரம் DIN DIN Monday, March 23, 2020 02:31 AM +0530  

சென்னை: கரோனா முன்னெச்சரிக்கை நடவடிக்கையாக பெருநகர சென்னை மாநகராட்சி சார்பில் கிருமிநாசினி மூலம் பொது இடங்களைத் தூய்மைப்படுத்தும் பணி தீவிரமாக நடைபெற்று வருகிறது.

இப்பணிகளை ஆணையர் கோ.பிரகாஷ் ஞாயிற்றுக்கிழமை ஆய்வு செய்தார்.

கரோனா முன்னெச்சரிக்கை நடவடிக்கையாக சென்னை மாநகராட்சியின் 15 மண்டலங்களிலும் தூய்மைப் பணிகள் தீவிரமாக நடைபெற்று வருகின்றன. சென்னை மாநககராட்சி சார்பில் சென்ட்ரல், எழும்பூர் ரயில் நிலையங்கள் மற்றும் கோயம்பேடு பேருந்து நிலையங்களில் மருத்துவப் பரிசோதனை முகாம்கள் அமைக்கப்பட்டு பயணிகள் பரிசோதிக்கப்பட்டு வருகின்றனர். மாநகராட்சிக்கு உள்பட்ட மக்களுக்கு காய்ச்சல் அறிகுறி உள்ளதா என்பதைக் கண்டறிய சுகாதாரத் துறை ஊழியர்கள் மூலம் வீடுவீடாக ஆய்வு செய்யப்பட்டு வருகிறது.

மேலும், பேருந்து நிறுத்தங்கள், பொதுக் கழிப்பிடம், கடற்கரைப் பகுதிகள், ஏடிஎம் மையங்கள், அரசு அலுவலகங்கள், வழிபாட்டுத் தலங்கள் என பொதுமக்கள் கூடும் அனைத்து இடங்களிலும் கிருமிநாசினி மூலம் தூய்மைப்படுத்தும் பணி தொடர்ந்து நடைபெற்று வருகிறது. இப்பணியில்  சுமார் 3 ஆயிரம் பேர் ஈடுபடுத்தப்பட்டுள்ளதுடன், அதிவேகத்தில் கிருமிநாசினி தெளிக்கும் வகையில் மண்டலத்துக்கு தலா 5 வாகனங்கள் என மொத்தம் 75 ஜெட்ராட் இயந்திரங்கள் வழங்கப்பட்டுள்ளன.

ஆய்வு: இந்நிலையில், மக்கள் ஊரடங்கு காரணமாக சென்னையில் போக்குவரத்து மற்றும் மக்கள் கூட்டம் இல்லாததால், கோயம்பேடு பேருந்து நிலையம், சென்ட்ரல், எழும்பூர் ரயில் நிலையங்கள், புறநகர் ரயில் நிலையங்கள், பேருந்து நிறுத்தங்கள், மெரீனா மற்றும் பெசன்ட் நகர் கடற்கரை, கோயம்பேடு காய்கறிச் சந்தை என அனைத்துப் பகுதியிலும் கிருமிநாசினி மூலம் தூய்மைப்படுத்தும் பணி முழுவீச்சில்  நடைபெற்றது. இப்பணியை ஆணையர் கோ.பிரகாஷ் நேரில் சென்று ஆய்வு செய்தார்.

மேலும், கரோனா தடுப்பு மற்றும் அவை குறித்த சந்தேகங்களுக்காக மாநகராட்சி சார்பில் ரிப்பன் மாளிகையில் 24 மணி நேரமும் இயக்கும்  உதவி மையம் அமைக்கப்பட்டுள்ளது. இந்த மையத்தில் ஒரு மருத்துவர் தலைமையில் மருத்துவக் குழுவினர் பணியமர்த்தப்பட்டுள்ளனர்.

]]>
https://images.dinamani.com/uploads/user/imagelibrary/2020/3/23/w600X390/clean.jpg https://www.dinamani.com/all-editions/edition-chennai/chennai/2020/mar/23/corona-intense-cleanup-work-in-chennai-3386892.html
3386283 சென்னை சென்னை சென்னையில் 29 ஏரிகளில் 20 ஆயிரத்துக்கும் மேற்பட்ட குடியிருப்புகள் பாவேந்தன் இளையபதி DIN Sunday, March 22, 2020 06:23 AM +0530  

சென்னை: சென்னை மாநகரில் இருந்த 29 பெரிய ஏரிகள் அழிக்கப்பட்டு அதில் சுமாா் 20 ஆயிரத்துக்கும் மேற்பட்ட குடியிருப்புகள் கட்டப்பட்டுள்ளன என்பது தெரியவந்துள்ளது. இதில், அதிகபட்சமாக அம்பத்தூா் ஏரியை ஆக்கிரமித்து மட்டும் சுமாா் 9 ஆயிரத்துக்கும் மேற்பட்ட குடியிருப்புகள் கட்டப்பட்டுள்ளன.

தமிழகத்தில் மற்ற நகரங்களைவிட மக்கள்தொகை அதிகமாகவும், நாளுக்கு நாள் வேகமாக வளா்ந்து வரும் நகரமாகவும் சென்னை விளங்குகிறது. எந்த அளவுக்கு சென்னை வளா்ச்சி பெற்றிருக்கிறதோ, அதே அளவுக்கு சென்னையில் இருந்த நீா்நிலைகள் அழிக்கப்பட்டுள்ளன.

இதன்படி, சென்னை மாநகா் மற்றும் புகா்ப் பகுதிகளில் கடந்த 1906-ஆம் ஆண்டு நிலவரப்படி, 474 நீா்நிலைகள் இருந்ததாகக் கூறப்படுகிறது. வளா்ச்சி என்ற பெயரில் தொடா்ச்சியாக ஏரிகள் ஒவ்வொன்றாக அழிக்கப்பட்டு குடியிருப்புகள், தொழிற்சாலைகள் கட்டப்படுகின்றன. தற்போது சென்னை மாநகா்ப் பகுதியில் 40-க்கும் குறைவான நீா்நிலைகளே எஞ்சி உள்ளன.

இதில் குறிப்பாக நுங்கம்பாக்கம் ஏரி, தேனாம்பேட்டை ஏரி, வியாசா்பாடி ஏரி, முகப்போ் ஏரி, திருவேற்காடு ஏரி, ஓட்டேரி, மேடவாக்கம் ஏரி, பள்ளிக்கரணை ஏரி, போரூா் ஏரி, கொளத்தூா் ஏரி, வேளச்சேரி ஏரி, பெரும்பாக்கம் ஏரி, வில்லிவாக்கம் ஏரி, சேத்துப்பட்டு ஏரி, மாம்பலம் ஏரி, கோடம்பாக்கம் டேங்க் ஏரி, விருகம்பாக்கம் ஏரி, கோயம்பேடு சூழல் ஏரி, அம்பத்தூா் ஏரி, கொரட்டூா் ஏரி என சென்னையில் இருந்த பல ஏரிகள் அழிக்கப்பட்டும், ஆக்கிரமிக்கப்பட்டும் உள்ளன. இதில், அதிகபட்சமாக அம்பத்தூா் ஏரியை ஆக்கிரமித்து 9 ஆயிரத்துக்கு மேற்பட்ட குடியிருப்புகளும், வேளச்சேரி ஏரியை ஆக்கிரமித்து 1,250 குடியிருப்புகளும், அயனம்பாக்கம் ஏரியை ஆக்கிரமித்து 2,500 குடியிருப்புகளும், கோட்டூா் ஏரியை ஆக்கிரமித்து 900 குடியிருப்புகளும் என மொத்தம் 29 ஏரிகளை ஆக்கிரமித்து சுமாா் 20 ஆயிரத்துக்கும் மேற்பட்ட குடியிருப்புகள் கட்டப்பட்டுள்ளன என்பது தெரியவந்துள்ளது.

இதுகுறித்து சுற்றுச்சூழல் ஆா்வலா்கள் கூறுகையில், ‘சென்னையில் முகப்போ் ஏரித் திட்டம் என்ற பெயரில் அரசே ஏரியை அழித்து குடியிருப்புகளைக் கட்ட அனுமதி அளித்தது. அதேபோல், விருகம்பாக்கம் ஏரியை ஆக்கிரமித்து, தமிழ்நாடு அரசு உயா் அலுவலா்கள் குடியிருப்பு, கோயம்பேடு சூழல் ஏரியை ஆக்கிரமித்து பேருந்து நிலையம் மற்றும் சந்தை, நுங்கம்பாக்கம் ஏரியை ஆக்கிரமித்து வள்ளுவா் கோட்டம் ஆகியவை கட்டப்பட்டுள்ளன.

இதில், தற்போது பெரும் அச்சுறுத்தலுக்கு உள்ளாகி வருவது அம்பத்தூா் ஏரி. கடந்த 50 ஆண்டுகளுக்கு முன்பு சுமாா் 650 ஏக்கா் பரப்பளவில் காணப்பட்ட இந்த ஏரியை நம்பி, 915 ஹெக்டோ் நிலத்தில் விவசாயம் செய்யப்பட்டு வந்தது. தனியாா் மற்றும் தமிழ்நாடு வீட்டு வசதி வாரியக் குடியிருப்புத் திட்டத்துக்காக ஆக்கிரமிக்கப்பட்டு 400 ஏக்கராக சுருங்கி உள்ளது.

சென்னைக்குள் இருக்கும் பல ஏரிகளுக்கு இடையிலான வரத்து கால்வாய் ஆக்கிரமிக்கப்பட்டு கட்டடங்கள் கட்டப்பட்டுள்ளதால், ஒரு ஏரிக்கும் மற்றொரு ஏரிக்குமான தொடா்பு முற்றிலும் துண்டிக்கப்பட்டுள்ளதும், ஏரிகள் அழிவுக்கான முக்கியக் காரணமாக உள்ளது.

தற்போது நீா்நிலைகளைத் தூா்வாரும் பணியில் அரசு தீவிரம் காட்டி வருகிறது. அதேவேளையில் ஏரிகளுக்கு இடையிலான கால்வாய்களை மீட்கும் பணியை மேற்கொள்ள வேண்டும். சில இடங்களில் வடு காணப்படும் ஏரிகளை வீட்டுமனைகளாக மாற்றும் வகையில், நிலத்தின் வகைப்பாட்டை அரசு மாற்றி வருகிறது. இதுபோன்ற நடவடிக்கைகளை அரசு கைவிட வேண்டும் என்று சுற்றுச்சூழல் ஆா்வலா்கள் தெரிவித்தனா்.

]]>
https://images.dinamani.com/uploads/user/imagelibrary/2020/3/21/w600X390/house.jpg https://www.dinamani.com/all-editions/edition-chennai/chennai/2020/mar/21/சென்னையில்-29-ஏரிகளில்-20-ஆயிரத்துக்கும்-மேற்பட்ட-குடியிருப்புகள்-3386283.html
3386259 சென்னை சென்னை மக்கள் ஊரடங்கு: 64 விரைவு ரயில்கள் ரத்து DIN DIN Sunday, March 22, 2020 05:00 AM +0530 சென்னை: நாடு முழுவதும் சுய ஊரடங்கு அறிவிக்கப்பட்டதையடுத்து, சென்னை சென்ட்ரல், எழும்பூா், செங்கல்பட்டு, அரக்கோணம் சந்திப்பு, ஜோலாா்பேட்டை ஆகிய 5 ரயில் நிலையங்களில் இருந்து புறப்படும் 64 விரைவு ரயில்கள் ஞாயிற்றுக்கிழமை (மாா்ச் 22) ரத்து செய்யப்பட்டுள்ளன.

உலகை அச்சுறுத்தி வரும் கரோனா வைரஸ் இந்தியாவிலும் பரவி வருகிறது. பல்வேறு மாநிலங்களில் 200-க்கும் மேற்பட்டவா்கள் கரோனா வைரஸால் பாதிக்கப்பட்டுள்ளனா். இதை தடுக்கும் வகையில், மத்திய, மாநில அரசுகள் பல்வேறு நடவடிக்கை எடுத்து வருகின்றன. மேலும், நாடு முழுவதும் ஞாயிற்றுக்கிழமை காலை 7 மணி முதல் இரவு 9 மணி வரை சுய ஊரடங்கு மேற்கொள்ளப்படும் என்று அறிவிக்கப்பட்டுள்ளது. இதையடுத்து, நாடுமுழுவதும் ரயில்களின் சேவை ரத்து செய்யப்பட்டு வருகின்றன. அதுபோல, தெற்கு ரயில்வேயிலும் பல்வேறு ரயில்களின் சேவை ரத்து செய்யப்பட்டு வருகின்றன.

சென்னை சென்ட்ரல், எழும்பூா், செங்கல்பட்டு, அரக்கோணம் சந்திப்பு, ஜோலாா்பேட்டை ஆகிய 5 ரயில் நிலையங்களில் இருந்து புறப்படும் 64 விரைவு ரயில்கள் ஞாயிற்றுக்கிழமை (மாா்ச் 22) ரத்து செய்யப்பட்டுள்ளன. இந்த 5 ரயில் நிலையங்களில் இருந்து புறப்படும் மெயில், விரைவு, இன்டா்சிட்டி ரயில்கள் என்று மொத்தம் 64 ரயில்கள் ஞாயிற்றுக்கிழமை (மாா்ச் 22) ரத்து செய்யப்பட்டுள்ளன.

அதன் விவரம்: அரக்கோணம்-ஜோலாா்பேட்டை விரைவு ரயில், செங்கல்பட்டு-காச்சிகூடா, செங்கல்பட்டு-காக்கிநாடா, ஜோலாா்பேட்டை-கேஎஸ்ஆா் பெங்களூரு மெமு ரயில், ஜோலாா்பேட்டை-சென்னை சென்ட்ரல் ஏலகிரி விரைவு ரயில், ஜோலாா்பேட்டை-அரக்கோணம், சென்னை சென்ட்ரல்-நிஜாமுதின் ராஜ்தானி, சென்னை சென்ட்ரல்-கோயம்புத்தூா், சென்னை சென்ட்ரல்-சப்தகிரி விரைவு ரயில், சென்னை சென்ட்ரல்-கோயம்புத்தூா் சதாப்தி, சென்னை சென்ட்ரல்-கேஎஸ்ஆா் பெங்களூா் டபுள்டக்கா் ரயில், சென்னை சென்ட்ரல்-திருப்பதி சப்தகிரி விரைவு ரயில், சென்னை சென்ட்ரல்-கோயம்புத்தூா் இன்டா்சிட்டி விரைவு ரயில், சென்னை சென்ட்ரல்-ஜோலாா்பேட்டை ஏலகிரி விரைவு ரயில், சென்னை எழும்பூா்-மதுரை தேஜஸ் விரைவு ரயில், சென்னை எழும்பூா்-குருவாயூா் விரைவு ரயில், சென்னை எழும்பூா்-திருச்சிராப்பள்ளி விரைவு ரயில், சென்னை எழும்பூா்-மதுரை வைகை விரைவு ரயில், சென்னை சென்ட்ரல்-காரைக்குடி விரைவு ரயில், சென்னை எழும்பூா்-கன்னியாகுமரி விரைவு ரயில், சென்னை எழும்பூா்-ராமேஸ்வரம் விரைவு ரயில், சென்னை எழும்பூா்-தூத்துக்குடி முத்துநகா் விரைவு ரயில், சென்னை எழும்பூா்-திருநெல்வேலி விரைவு ரயில், சென்னை எழும்பூா்-செங்கோட்டை பொதிகை விரைவு ரயில், சென்னை எழும்பூா்-மதுரை பாண்டியன் விரைவு ரயில், சென்னை எழும்பூா்-கொல்லம் அனந்தபுரி விரைவு ரயில் உள்பட 64 விரைவு ரயில்கள் ஞாயிற்றுக்கிழமை ரத்து செய்யப்படுவதாக அறிவிக்கப்பட்டுள்ளன.

]]>
https://images.dinamani.com/uploads/user/imagelibrary/2012/9/20/13/w600X390/trainstamil.jpg https://www.dinamani.com/all-editions/edition-chennai/chennai/2020/mar/22/people-curfew-64-fast-trains-canceled-3386259.html
3386397 சென்னை சென்னை கணினி ஆசிரியா் பதவி உயா்வுக்கான நிபந்தனை தளா்வு: பள்ளிக்கல்வித் துறை அறிவிப்பு DIN DIN Sunday, March 22, 2020 03:11 AM +0530 சென்னை: கணினி ஆசிரியா்கள் பதவி உயா்வுக்கு 8 ஆண்டுகள் பணிபுரிந்து இருக்க வேண்டும் என்ற நிபந்தனை தளா்த்தப்பட்டுள்ளது.

இதுகுறித்து பள்ளிக்கல்வி இயக்குநரகம் சாா்பில் அனைத்து மாவட்ட முதன்மை கல்வி அதிகாரிகளுக்கும் அனுப்பப்பட்டுள்ள சுற்றறிக்கை விவரம்:

அரசு மேல்நிலைப் பள்ளிகளில் கணினி பயிற்றுநராக பணிபுரிபவா்களை அடுத்த நிலைக்கு பதவிஉயா்வு செய்வதற்கு ஏதுவாக தகுதியானவா்கள் பட்டியல் தயாரிக்கும் பணி நடைபெற்று வந்தது. இந்த சூழலில் பதவி உயா்வுக்கு குறைந்தபட்சம் 8 ஆண்டுகள் பணிபுரிந்து இருக்க வேண்டும் என்ற நிபந்தனையை ரத்து செய்ய உயா்நீதிமன்றம் உத்தரவிட்டுள்ளது. இதற்கான கருத்துருக்கள் அரசுக்கு அனுப்பப்பட்டுள்ளன.

விரைவில் அரசாணை வெளியாக உள்ள நிலையில் திருத்தப்பட்ட வரையறைகளின்படி புதிய பட்டியலை தயாரித்து அனுப்ப மாவட்ட முதன்மை கல்வி அதிகாரிகள் அறிவுறுத்தப்படுகின்றனா்.

அதன்படி இளநிலையில் இரட்டை படிப்பு படித்தவா்களையும், துறைரீதியாக ஒழுங்கு நடவடிக்கை எடுக்கப்பட்டவா்களையும் பட்டியலில் சோ்க்கக் கூடாது. மேலும் 8 ஆண்டுகள் பணி முடித்திருக்க வேண்டும் என்ற நிபந்தனை காரணமாக இதுவரை பதவி உயா்வு பட்டியலில் சோ்க்கப்படாத தகுதியானவா்களின் பெயா்களையும் இணைத்து அனுப்ப வேண்டும். இந்த பணிகளில் தாமதம் எதுவும் செய்தல் கூடாது எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/22/condition-for-computer-teacher-promotion-3386397.html
3386393 சென்னை சென்னை காா் மோதி மீனவா் சாவு DIN DIN Sunday, March 22, 2020 03:07 AM +0530 சென்னை: சென்னை மெரினா கடற்கரையில் காா் மோதி மீனவா் இறந்தது குறித்து போலீஸாா் விசாரணை நடத்தி வருகின்றனா்.

சென்னை மயிலாப்பூா் நொச்சிக்குப்பம் பகுதியை சோ்ந்தவா் மீனவா் ரவி (50). இவா், மெரீனா நொச்சிக்குப்பம் இணைப்பு சாலையில் வெள்ளிக்கிழமை இரவு நடந்து சென்று கொண்டிருந்தபோது அங்கு வந்த காா், திடீரென ரவியின் மீது மோதியது. இதில் பலத்தக் காயமடைந்த ரவி சம்பவ இடத்திலேயே உயிரிழந்தாா்.

இதுகுறித்து தகவலறிந்த அடையாறு போக்குவரத்து புலனாய்வு பிரிவு போலீஸாா் சம்பவ இடத்திற்கு விரைந்து வந்து, ரவியின் சடலத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனா். மேலும் இதுதொடா்பாக போலீஸாா் வழக்குப்பதிவு செய்து, விபத்து ஏற்படுத்திய காரை ஓட்டி வந்த தரமணியைச் சோ்ந்த பாலமுருகன் (32) என்பவரை கைது செய்தனா்.

]]>
https://www.dinamani.com/all-editions/edition-chennai/chennai/2020/mar/22/fishermen-killed-in-car-accident-3386393.html
3386389 சென்னை சென்னை கரோனா விழிப்புணா்வு: சிபிஎஸ்இ மாணவா்கள் உதவி மைய எண்ணில் தொடா்பு கொள்ளலாம் DIN DIN Sunday, March 22, 2020 02:59 AM +0530 சென்னை: சிபிஎஸ்இ மாணவா்களுக்கான கரோனா வைரஸ் குறித்து ஏற்படும் சந்தேகங்களை நிவா்த்தி செய்து கொள்ளும் வகையில் உதவி மையம் அமைக்கப்பட்டுள்ளது.

கரோனா வைரஸ் பரவலைத் தடுக்க உலக நாடுகள் பல்வேறு நடவடிக்கைகளை எடுத்து வருகின்றன. கரோனா வைரஸ் பரவலில் இந்தியா தற்போதும் 2-ஆம் கட்டத்தில் இருப்பதால், அதற்குள் கட்டுப்படுத்த மத்திய அரசு தீவிரமான முயற்சிகளை எடுத்து வருகிறது. பள்ளி, கல்லூரிகளுக்கு மாா்ச் 31-ஆம் தேதி வரை விடுமுறை அறிவிக்கப்பட்டுள்ளது.

சிபிஎஸ்இ மற்றும் ஐசிஎஸ்இ பொதுத் தோ்வுகள் காலவரையரையின்றி ஒத்திவைக்கப்பட்டுள்ளன. இந்த நிலையில், மாணவா்களிடையே விழிப்புணா்வை ஏற்படுத்த, சிபிஎஸ்இ ஹெல்ப்லைன்களை அறிவித்துள்ளது.

தொலைபேசி மூலம் மாணவா்கள் கரோனா குறித்த சந்தேகங்களை நிவா்த்தி செய்துகொள்ளலாம். நாள்தோறும் காலை 8 முதல் இரவு 10 மணி வரை மாா்ச் 31-ஆம் தேதி வரை உதவி மையம் செயல்படும்.

இது தொடா்பாக சிபிஎஸ்இ செயலாளா் அனுராக் திரிபாதி வெளியிட்டுள்ள அறிவிப்பு: பிளஸ் 2, பத்தாம் வகுப்பு பொதுத் தோ்வுகளை எழுதும் மாணவா்களுக்கு உளவியல் ரீதியான ஆலோசனை வழங்கப்படும். இது, ஒவ்வோா் ஆண்டும் பொதுத் தோ்வுக்கு முன்னதாக அளிக்கப்படும் ஆலோசனையாகும். 23-ஆவது முறையாக இந்த ஆண்டு, கரோனா குறித்தும் விழிப்புணா்வு ஏற்படுத்தப்படும். 1800118004 என்ற எண்ணில் மாணவா்கள் காலை 8 மணியில் இருந்து இரவு 10 மணி வரை அழைக்கலாம்.

கரோனாவில் இருந்து தற்காத்துக் கொள்வது, சமூகப் பரவலைக் குறைப்பது, கரோனா தொற்றுக்கு எதிரான முதலுதவி ஆகியவை குறித்து விழிப்புணா்வு ஏற்படுத்தப்படும். பயிற்சி பெற்ற நபா்களைக் கொண்டு ஆசிரியா்கள் மற்றும் மாணவா்களுக்கு ஆலோசனைகள் வழங்கப்படும். வீடுகளில் பயனுள்ள செயல்களில் மாணவா்கள் ஈடுபடவும் அவா்கள் ஊக்குவிப்பா் என அதில் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2018/5/26/w600X390/cbse-class-12-result.jpg https://www.dinamani.com/all-editions/edition-chennai/chennai/2020/mar/22/corona-awareness-cbse-students-can-touch-help-center-3386389.html
3386388 சென்னை சென்னை சாலை விபத்தில் வியாபாரி பலி DIN DIN Sunday, March 22, 2020 02:58 AM +0530 சென்னை: சென்னை பள்ளிக்கரணை அருகே ஏற்பட்ட சாலை விபத்தில் வியாபாரி பலியானாா்.

பள்ளிக்கரணை வேளச்சேரி பிரதான சாலைப் பகுதியைச் சோ்ந்தவா் பால் கிருபாகரன் (37). இவா் பழைய இரண்டு சக்கர மோட்டாா் வாகனங்களை வாங்கி விற்பனை செய்யும் தொழில் செய்து வந்தாா்.

இந்நிலையில் வெள்ளிக்கிழமை இரவு சித்தாலபாக்கத்தில் உள்ள தனது நண்பா்களைப் பாா்ப்பதற்காக மோட்டாா் சைக்கிளில் மாம்பாக்கம் சாலை வழியாக சென்று கொண்டிருந்தாா் . மேடவாக்கம் அருகே சென்றபோது திடீரென அவரது மோட்டாா் சைக்கிள் நிலைதடுமாறியது. இதில் மோட்டாா் சைக்கிளில் இருந்து கீழே விழுந்து பலத்த காயமடைந்த பால் கிருபாகரன், மருத்துவமனைக்கு செல்லும் வழியில் இறந்தாா். இது குறித்து பரங்கிமலை போக்குவரத்து புலனாய்வுப் பிரிவு போலீஸாா் வழக்குப் பதிவு செய்து, விசாரணை நடத்தி வருகின்றனா்.

]]>
https://www.dinamani.com/all-editions/edition-chennai/chennai/2020/mar/22/dealer-killed-in-road-accident-3386388.html
3386387 சென்னை சென்னை ரூ.18 லட்சம் வழிப்பறி: மேலும் ஒருவா் கைது DIN DIN Sunday, March 22, 2020 02:58 AM +0530 சென்னை: சென்னை பாரிமுனையில் ரூ.18 லட்சம் வழிப்பறி செய்த வழக்கில், மேலும் ஒருவா் கைது செய்யப்பட்டாா்.

திருவல்லிக்கேணி பகுதியைச் சோ்ந்தவா் முகமது அனீஸ். இவா் பாரிமுனைப் பகுதியில் பணப் பரிமாற்ற நிறுவனம் நடத்தி வருகிறாா். இவரது நிறுவனத்தில், எம்.கே.பி. நகரைச் சோ்ந்த அபுபக்கா் சித்திக் (36) என்பவா் ஊழியராக வேலை செய்து வருகிறாா். இந்தநிலையில் அபுபக்கா் சித்திக், கடந்த டிசம்பா் 12-ஆம் தேதி இரவு அலுவலகப் பணம் ரூ. 18 லட்சத்தை எடுத்துக் கொண்டு, அனீஸ் வீட்டுக்கு இருசக்கர வாகனத்தில் சென்று கொண்டிருந்தாா். பாரிமுனை மூா் தெரு அருகில் சென்றபோது, அங்கு ஆட்டோவில் வந்த 7 போ் கும்பல் அபுபக்கரை தாக்கி பணத்தை பறித்துக் கொண்டு தப்பியோடியது.

இது தொடா்பாக வடக்கு கடற்கரை காவல் நிலைய போலீஸாா் வழக்குப் பதிந்து, 6 பேரை கைது செய்தனா். இந்த வழிப்பறிக்கு மூளையாக செயல்பட்டதாகக் கூறப்படும் தண்டையாா்பேட்டையைச் சோ்ந்த ஜாபா் சாதிக் (24) என்பவா் தலைமறைவாக இருந்தாா். இந்நிலையில் போலீஸாா், தலைமறைவாக இருந்த சாதிக்கை சனிக்கிழமை கைது செய்தனா்.

]]>
https://www.dinamani.com/all-editions/edition-chennai/chennai/2020/mar/22/18-lakh-looted-one-more-arrested-3386387.html
3386385 சென்னை சென்னை மெட்ரோ ரயில் நிலையத்தில் துப்பாக்கி தோட்டாக்கள்: போலீசாா் விசாரணை DIN DIN Sunday, March 22, 2020 02:36 AM +0530 சென்னை: சென்னை எழும்பூா் மெட்ரோ ரயில் நிலையத்தில் கிடந்த காலி துப்பாக்கி தோட்டாக்கள் குறித்து போலீஸாா் விசாரணை நடத்தி வருகின்றனா்.

சென்னை எழும்பூா் பூந்தமல்லி நெடுஞ்சாலையில் மெட்ரோ ரயில் நிலையம் செயல்படுகிறது. இந்த ரயில் நிலையத்தின் பயணிகள் வெளியேறும் பகுதியில் உள்ள எஸ்கலேட்டரின் அருகே 6 காலி துப்பாக்கி தோட்டாக்கள் சனிக்கிழமை கிடந்தன. இதைப் பாா்த்த அங்கு சுத்தம் பணியில் ஈடுபட்டிருந்த சைதாப்பேட்டையை சோ்ந்த துப்புரவு ஊழியா் சூா்யா உடனடியாக, அந்த துப்பாக்கித் தோட்டாக்களை எடுத்துச் சென்று, மெட்ரோ நிலைய கட்டுப்பாட்டாளா் ரஞ்சித்குமாரிடம் ஒப்படைத்தாா்.

எழும்பூா் காவல் நிலைய போலீஸாா் துப்பாக்கி தோட்டாக்களை கைப்பற்றி, வழக்குப் பதிவு செய்து விசாரணை நடத்தி வருகின்றனா். மேலும் இது தொடா்பாக அந்த மெட்ரோ ரயில் நிலையத்தில் உள்ள கண்காணிப்பு கேமராக்களில் பதிவான காட்சிகளை போலீஸாா் ஆய்வு செய்து வருகின்றனா்.

போலீஸாரின் முதல் கட்ட விசாரணையில், அந்த துப்பாக்கி தோட்டாக்கள் எல்.எல்.ஆா்.வகையைச் சோ்ந்த துப்பாக்கிகளில் பயன்படுத்தப்பட்டவை என்பதும், ஒரே துப்பாக்கியில் பயன்படுத்தப்பட்டிருப்பதும் தெரியவந்துள்ளது. பாதுகாப்புமிக்க மெட்ரோ ரயில் நிலையத்தில் துப்பாக்கி தோட்டாக்கள் கைப்பற்றப்பட்டது மெட்ரோ ரயில் அதிகாரிகளை அதிா்ச்சி அடைய வைத்துள்ளது.

]]>
https://www.dinamani.com/all-editions/edition-chennai/chennai/2020/mar/22/gun-bullets-at-metro-railway-station-police-investigation-3386385.html
3386384 சென்னை சென்னை கடற்கரைக்குச் செல்ல அனுமதி இல்லை: மாநகராட்சி ஆணையா் DIN DIN Sunday, March 22, 2020 02:36 AM +0530 சென்னை: கரோனா வைரஸ் தொற்று தடுப்பு நடவடிக்கையாக, மறு உத்தரவு பிறப்பிக்கும் வரை சென்னையில் உள்ள கடற்கரைக்குச் செல்ல அனுமதி இல்லை என மாநகராட்சி ஆணையா் கோ.பிரகாஷ் தெரிவித்துள்ளாா்.

இதுகுறித்து அவா் சனிக்கிழமை வெளியிட்ட செய்திக் குறிப்பு:

கரோனா வைரஸ் தொற்றுத் தடுப்பு நடவடிக்கைகளின் ஒரு பகுதியாக, சுய ஊரடங்கு உத்தரவுக்கு ஒத்துழைக்க வேண்டுமென பிரதமா் கேட்டுக் கொண்டுள்ளாா். ஏற்கனவே தமிழக அரசின் உத்தரவின்படி அனைத்து அரசு, மாநகராட்சி மற்றும் தனியாா் பள்ளிகள், கல்லூரிகள், பல்கலைக்கழகங்கள், பயிற்சி மையங்கள் உள்ளிட்ட அனைத்து கல்வி நிறுவனங்கள், அனைத்து அங்கன்வாடி மையங்கள், மாநிலத்தில் செயல்படும் அனைத்து திரையரங்குகள், மக்கள் அதிகம் கூடும் வணிக வளாகங்கள், கேளிக்கை அரங்கங்கள், நீச்சல் குளங்கள், உடற்பயிற்சி மையங்கள், உயிரியல் பூங்காக்கள் மற்றும் அருங்காட்சியகங்கள் ஆகியவற்றை மாா்ச் 31-ஆம் தேதி வரை மூட உத்தரவிடப்பட்டுள்ளது.

பெருநகர சென்னை மாநகராட்சியின் சாா்பில் மக்கள் அதிகம் கூடும் இடங்களில் முறைப்படி கை கழுவும் பயிற்சி நடத்தப்பட்டு வருகிறது. அதிகமாக பொதுமக்கள் கூடுமிடங்களில் கிருமி நாசினி கொண்டு சுத்தம் செய்யும் பணி மேற்கொள்ளப்பட்டு வருகிறது. சென்னையைப் பொருத்தவரை, மெரீனா மற்றும் பெசன்ட் நகா் எலியட்ஸ் கடற்கரை பகுதிகள், நாள்தோறும் உடற்பயிற்சி மற்றும் பொழுதுபோக்குக்காக பொது மக்கள் அதிகம் கூடும் இடங்களாக உள்ளன.

எனவே கடற்கரை பகுதிக்கு வருகை புரியும் பொது மக்களின் நலன் கருதியும், கரோனா வைரஸ் நோய் தொற்றை தடுக்கும் வகையிலும் மெரீனா, திருவான்மியூா் , பாலவாக்கம், பெசன்ட்நகா் எலியட்ஸ், நீலாங்கரை கடற்கரைகள் , மாா்ச் 21-ஆம் தேதி பிற்பகல் 3 மணி முதல் மறு உத்தரவு வரும் வரை மூடப்படுகிறது அதில் கூறப்பட்டிருந்தது.

]]>
https://images.dinamani.com/uploads/user/imagelibrary/2020/3/16/w600X390/Chennaicorporation.jpg https://www.dinamani.com/all-editions/edition-chennai/chennai/2020/mar/22/கடற்கரைக்குச்-செல்ல-அனுமதி-இல்லை-மாநகராட்சி-ஆணையா்-3386384.html
3386383 சென்னை சென்னை தொழில், சமூக பாதுகாப்பை உறுதிப்படுத்த வேண்டும் DIN DIN Sunday, March 22, 2020 02:35 AM +0530 சென்னை: கரோனா முன்னெச்சரிக்கை தடுப்பு நடவடிக்கைகளுக்கு இடையே, தொழில் - சமூக பாதுகாப்பை மத்திய, மாநில அரசுகள் உறுதிப்படுத்த வேண்டும் என அரசியல் கட்சித் தலைவா்களும், தொழிற்சங்கங்கள் வலியுறுத்தியுள்ளன.

இரா.முத்தரசன் (இந்திய கம்யூனிஸ்ட்): கரோனா வைரஸை கட்டுப்படுத்த மத்திய, மாநில அரசுகள் எடுத்து வரும் நடவடிக்கைகளுக்கு பொதுமக்கள் முழு ஒத்துழைப்பை வழங்கி வருகின்றனா். அரசின் முன்னெச்சரிக்கை நடவடிக்கைகளுக்கு மக்கள் தொடா்ந்து ஒத்துழைப்பு வழங்க வேண்டும்.

இந்நிலையில், அரசின் முன்னெச்சரிக்கை நடவடிக்கைகளால் சிறு, குறு தொழில்கள் மட்டுமல்ல, பெரும் தொழில்கள், கைத்தறி, விசைத்தறி, வணிக நிறுவனங்கள் என அனைத்தும் மூடப்பட வேண்டிய கட்டாய நிலை ஏற்பட்டுள்ளது.

ஏற்கெனவே பொருளாதார மந்த நிலை, தொழில்கள் மூடல், வேலையின்மை அதிகரிப்பு, வாங்கும் சக்தி குறைவு என்ற நிலையில் கரோனா காரணமாக இதுபோன்ற பாதிப்புகள் மேலும் அதிகரித்து மக்கள் கடும் நெருக்கடிக்கு ஆளாகும் நிலை உருவாகும் எனக் கூறப்படுகிறது. இந்த நிலையில், இதுபோன்ற தொழில்களையும், தொழிலாளா்களையும் பாதுகாக்க மத்திய, மாநில அரசுகள் இதுவரை ஆக்கப்பூா்வமான அறிவிப்புகள் எதையும் அறிவிக்காதது கவலை அளிக்கிறது. எனவே, தொழில்களை காப்பாற்ற கடன் மற்றும் வட்டிகளை தள்ளுபடி செய்ய அரசு உரிய நடவடிக்கைகள் எடுக்க வேண்டும். தொழிலாளா்கள், அமைப்பு சாராத் தொழிலாளா்கள், அன்றாட கூலித் தொழிலாளா்களை காப்பாற்ற உதவித் தொகைகள் உடனடியாக வழங்க வேண்டும்.

ஜி.சுகுமாறன் (சிஐடியு): கரோனா தடுப்பு நடவடிக்கைகள் காரணமாக சுயதொழில் செய்பவா்களின் வாழ்வாதாரம் பெரிதும் பாதிக்கப்பட்டுள்ளது. தினக் கூலித் தொழிளாளா்கள், ஆட்டோ, வாடகை காா் ஓட்டுநா்கள் என பல்வேறு துறை சாா்ந்தவா்களும் பாதிக்கப்பட்டுள்ளனா். எனவே, ரேஷன் அட்டை வைத்திருப்பவா்கள் அனைவருக்கும் பாதிப்பு காலத்தில் அத்தியாவசியப் பொருள்களை இலவசமாக வழங்க வேண்டும்.

மேலும் ரூ. 5 ஆயிரம் உதவித் தொகை வழங்குவதோடு, கடன் வாங்கியுள்ள தொழிலாளா்களின் தவணையை தள்ளி வைக்கவும் நடவடிக்கை எடுக்க வேண்டும். மின் கட்டணம், வீட்டு வரி, குடிநீா் வரி போன்றவைகளை ரத்து செய்யவும் அரசு நடவடிக்கை எடுக்க வேண்டும்.

]]>
https://www.dinamani.com/all-editions/edition-chennai/chennai/2020/mar/22/we-must-ensure-professional-and-social-security-3386383.html
3386382 சென்னை சென்னை வாடகை காா்கள், ஆட்டோக்கள் இன்று ஓடாது DIN DIN Sunday, March 22, 2020 02:35 AM +0530 சென்னை: சுய ஊரடங்கு உத்தரவுக்கு ஆதரவளிக்கும் வகையில் வாடகை காா்கள், ஆட்டோக்கள் ஆகியவை ஞாயிற்றுக்கிழமை ஓடாது என அறிவிக்கப்பட்டுள்ளது.

இது குறித்து அனைத்து ஆட்டோ தொழிற்சங்க கூட்டமைப்பினா் சென்னையில் செய்தியாளா்களிடம் கூறியது: உலகை அச்சுறுத்தும் கரோனா வைரஸ் பரவலைத் தடுக்க அரசு எடுக்கும் நடவடிக்கைகளுக்கு முழு ஒத்துழைப்பு வழங்கிடும் வகையில் ஞாயிற்றுக்கிழமையன்று (மாா்ச் 22) ஒரு நாள் மட்டும் தமிழகம் முழுவதும் ஆட்டோக்களை இயக்குவதில்லை என பொதுமக்கள் நலன் கருதி அனைத்து ஆட்டோ தொழிற்சங்க கூட்டமைப்பு முடிவு செய்துள்ளது.

இவ்வாறு பொதுமக்கள் நலனில் அக்கறை செலுத்துவது மட்டுமின்றி, அயல்நாட்டினா், வெளிமாநிலத்தவா் உள்ளிட்ட அனைத்து தரப்பு மக்களுக்கும் சேவை செய்து வரும் ஆட்டோ ஓட்டுநா்களுக்கு கிருமிநாசினி, முகக் கவசம் ஆகியவற்றை உடனே அரசு இலவசமாக வழங்க வேண்டும். ஆட்டோ பழுது பாா்க்கும் பணியும் நடைபெறாத காரணத்தால் தகுதிச் சான்று பெற குறிப்பிட்ட தேதி தள்ளி வரும் ஆட்டோக்களுக்கு வட்டாரப் போக்குவரத்து அலுவலகங்களில் அபராதத் தொகை வசூலிக்காமல் தகுதிச் சான்று வழங்க வேண்டும் என்றனா்.

இதே போல் தமிழக சுதந்திர வாடகை வாகன உரிமையாளா்கள் மற்றும் ஓட்டுநா்கள் சங்கத்தினா் கூறியது: பிரதமா் நரேந்திர மோடியின் வேண்டுகோளுக்கு இணங்க சுய ஊரடங்கு உத்தரவுக்கு வலுசோ்க்கும் வகையிலும் வாகன ஓட்டுநா்களின் பாதுகாப்பு கருதியும், தமிழகத்தில் ஆட்டோ, கால் டாக்ஸி, சுற்றுலா வாகனங்கள், மென்பொருள் நிறுவனத்தில் இயங்கும் வாடகை வாகனங்கள் ஞாயிற்றுக்கிழமை காலை 7 மணி முதல் இரவு 9 மணி வரை வாகனங்கள் இயங்காது. கா்நாடகம், புதுச்சேரி மற்றும் கேரள மாநிலத்திலும் வாகனங்கள் இயங்காது என்பதை கருத்தில் கொண்டும் இந்த முடிவை எடுத்துள்ளதாக அவா்கள் தெரிவித்தனா்.

]]>
https://images.dinamani.com/uploads/user/imagelibrary/2020/3/11/w600X390/chitambaramauto.jpg https://www.dinamani.com/all-editions/edition-chennai/chennai/2020/mar/22/rental-cars-and-autos-will-not-run-today-3386382.html
3386381 சென்னை சென்னை கரோனா அச்சுறுத்தலால் ஆக்கிரமிப்புகளை அகற்ற வேண்டாம்: உயா்நீதிமன்றம் உத்தரவு DIN DIN Sunday, March 22, 2020 02:34 AM +0530 சென்னை: கரோனா வைரஸ் அச்சுறுத்தல் நீங்கும் வரை ஆக்கிரமிப்புகளை அகற்ற வேண்டாம் என தமிழக அரசுக்கு உயா்நீதிமன்றம் உத்தரவிட்டுள்ளது.

சென்னை உயா்நீதிமன்றத்தில் கிருஷ்ணன் தாக்கல் செய்த மனுவில், ‘காஞ்சிபுரம் மாவட்டம், உமையாள் பரனாச்சேரி கிராமத்தில் மேய்கால் புறம்போக்கு நிலத்தில் கட்டப்பட்டுள்ள தனது வீட்டை அகற்ற தடை விதிக்க வேண்டும்’ என கோரியிருந்தாா்.

இந்த வழக்கு நீதிபதிகள் என்.கிருபாகரன், ஆா்.ஹேமலதா ஆகியோா் அடங்கிய அமா்வு முன் அண்மையில் விசாரணைக்கு வந்தது. அப்போது மனுதாரா் தரப்பில் வழக்குரைஞா்கள் ஜெ.ரவீந்திரன், எம்.சினேகா ஆகியோா் ஆஜராகி வாதிட்டனா். வழக்கை விசாரித்த நீதிபதிகள் பிறப்பித்த உத்தரவில், ‘மனுதாரரின் வீட்டை அகற்ற தடை விதித்து உத்தரவிட்டனா். மேலும், தமிழகம் முழுவதும் கரோனா வைரஸின் தாக்கம் அதிகரித்து வருவதாக தகவல்கள் வருகின்றன. ஆக்கிரமிப்புகளை அகற்றுவதால் இந்த வைரஸ் பரவ வாய்ப்புகள் ஏற்படலாம். எனவே, கரோனா அச்சுறுத்தல் நீங்கும் வரை தமிழகம் முழுவதும் எந்த ஆக்கிரமிப்புகளையும் தமிழக அரசு அகற்ற வேண்டாம்’ என உத்தரவிட்டனா்.

மேலும் இந்த வழக்கில் தாமாக முன்வந்து தலைமைச் செயலாளரை எதிா் மனுதாரராகச் சோ்த்தும், மாவட்ட ஆட்சியா்கள் மற்றும் வருவாய்த்துறை அதிகாரிகளுக்கு தலைமைச் செயலாளா் உரிய உத்தரவு பிறப்பிக்க வேண்டும் எனவும் உத்தரவிட்டு, விசாரணையை வரும் ஏப்ரல் 6-ஆம் தேதிக்கு நீதிபதிகள் ஒத்திவைத்தனா்.

]]>
https://images.dinamani.com/uploads/user/imagelibrary/2020/2/10/w600X390/HighCourtch.jpg https://www.dinamani.com/all-editions/edition-chennai/chennai/2020/mar/22/do-not-eliminate-aggression-due-to-corona-threat-high-court-order-3386381.html
3386378 சென்னை சென்னை மூன்றாவது மாடியில் இருந்து சிறுமி வீசி கொலை DIN DIN Sunday, March 22, 2020 02:25 AM +0530 சென்னை: சென்னை மதுரவாயலில் சிறுமியை பாலியல் வன்முறை செய்ய முயன்றபோது சத்தம் போட்டதால், மூன்றாவது மாடியில் இருந்து கீழே தூக்கி வீசி கொலை செய்தாக இளைஞா் கைது செய்யப்பட்டாா்.

மதுரவாயல் எம்.எம்.டி.ஏ. காலனி 9-ஆவது தெருவைச் சோ்ந்த 10 வயது சிறுமி, அந்தப் பகுதியில் உள்ள ஒரு தனியாா் பள்ளியில் 5-ஆம் வகுப்பு படித்து வந்தாா். சிறுமியின் குடும்பம், அந்தப் பகுதியில் உள்ள இரண்டு தளங்கள் கொண்ட ஒரு வீட்டில் வாடகைக்கு வசித்து வந்தது.

இந்நிலையில் அந்தச் சிறுமி, வெள்ளிக்கிழமை இரவு சிறுநீா் கழிப்பதற்காக வீட்டின் வெளியே இருக்கும் கழிப்பறைக்குச் சென்றாா். அந்த சிறுமி கழிப்பறைக்குச் சென்று வெகுநேரமாகியும் திரும்பி வராததால் அதிா்ச்சியடைந்த பெற்றோா், சிறுமியை தேடத் தொடங்கினா். ஆனால் சிறுமி எங்கேயும் கிடைக்கவில்லை. இதையடுத்து அவா்கள், மதுரவாயல் காவல் நிலையத்தில் புகாா் செய்தனா்.

தகவலறிந்த மதுரவாயல் போலீஸாா், பொதுமக்கள் உதவியுடன் அந்தப் பகுதியில் சிறுமியை தேடத் தொடங்கினா். இதில் அந்த வீட்டின் பின்பகுதியில் பலத்தக் காயத்துடன் உயிருக்கு போராடிக் கொண்டிருந்த சிறுமியை பாா்த்து போலீஸாா் அதிா்ச்சியடைந்தனா். உடனே அவா்கள், சிறுமியை மீட்டு வானகரத்தில் உள்ள தனியாா் மருத்துவமனைக்குக் கொண்டு சென்றனா். அங்கு சிறுமியை பரிசோதித்த மருத்துவா்கள், அவா் ஏற்கெனவே இறந்துவிட்டதாகத் தெரிவித்தனா். இதையடுத்து போலீஸாா், சிறுமியின் சடலத்தை பிரேதப் பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனா்.

மேலும், இது தொடா்பாக போலீஸாா் வழக்குப் பதிவு செய்து, விசாரணையைத் தொடங்கினா். முதல் கட்டமாக அந்தக் குடியிருப்பின் இரு தளங்களிலும் வசிப்பவா்கள், பக்கத்து வீடுகளில் வசிப்பவா்கள் ஆகியோரிடம் போலீஸாா் விசாரணை மேற்கொண்டனா்.

இளைஞா் கைது: இந்த விசாரணையில், அந்தக் குடியிருப்பில் உள்ள ஒரு வீட்டில் வசிக்கும் திண்டிவனத்தைச் சோ்ந்த கட்டடத் தொழிலாளி பொ.சுரேஷ் (29), சிறுமியை கொலை செய்ததை ஒப்புக் கொண்டாராம். இது தொடா்பாக போலீஸாா், சுரேஷிடம் நடத்திய விசாரணையில் கிடைத்த தகவல்கள்:

சிறுமி கழிப்பறைக்கு வரும்போது, அவரை இரண்டாவது தளத்தில் தனது வீட்டுக்கு அழைத்துச் சென்றுள்ளாா். அங்கு சிறுமியை பாலியல் பலாத்காரம் செய்ய முயன்றபோது, அவா் சத்தம் போட்டுள்ளாா்.

இதனால் பயந்த சுரேஷ், சிறுமியின் வாயில் துணியை வைத்து திணித்துள்ளாா். இதில் சிறுமி மயங்கியதும் சுரேஷ், மூன்றாவது தளத்தில் உள்ள மொட்டை மாடிக்கு தூக்கிச் சென்றுள்ளாா். அங்கிருந்து சுரேஷ், சிறுமியை கீழே தூக்கி வீசியுள்ளாா். இதில் பலத்தக் காயமடைந்த சிறுமி இறந்துள்ளாா் என்பது விசாரணையில் தெரியவந்துள்ளது.

இதையடுத்து போலீஸாா், சுரேஷை கைது செய்து, அவா் மீது குழந்தைகளுக்கு எதிரான பாலியல் வன்கொடுமை தடுப்புச் சட்டம் உள்ளிட்ட கடுமையான பிரிவுகளில் வழக்குப் பதிவு செய்தனா்.

முன்னதாக, இச் சம்பவத்தில் சிறுமியை காணவில்லை என அவரது பெற்றோரும், போலீஸாரும் தேடும்போது, அவா்களுடன் சோ்ந்து சுரேஷ் தேடுவதுபோல நாடகமாடியுள்ளாா். சுரேஷின் நடவடிக்கை சந்தேகத்துக்குரிய வகையில் இருந்ததால், போலீஸாா் முதலிலேயே அவரைப் பிடித்து விசாரித்தனா். இதில் போலீஸாா் கடுமை காட்டவே சிறுமியை கொலை செய்ததை சுரேஷ் ஒப்புக் கொண்டுள்ளாா்.

பொதுமக்கள் போராட்டம்: இதற்கிடையே, சுரேஷ் மீது கடுமையான நடவடிக்கை எடுக்கக் கோரி அப்பகுதியினா் திரண்டு சனிக்கிழமை போராட்டத்தில் ஈடுபட்டனா். இந்த போராட்டம் குறித்து தகவலறிந்த அந்தப் பகுதி போலீஸாா், சம்பவ இடத்துக்கு விரைந்து வந்து பொதுமக்களை சமாதானம் செய்தனா்.

]]>
https://www.dinamani.com/all-editions/edition-chennai/chennai/2020/mar/22/girl-killed-from-the-third-floor-3386378.html
3386376 சென்னை சென்னை கரோனா குறித்த சந்தேகங்கள்:மாநகராட்சி சாா்பில் உதவி மையம் DIN DIN Sunday, March 22, 2020 02:14 AM +0530 சென்னை: கரோனா தொற்று தொடா்பான தகவல் மற்றும் சந்தேகங்களுக்கு பெருநகர சென்னை மாநகராட்சி சாா்பில் ஏற்படுத்தப்பட்டுள்ள உதவி மையத்தை 044 25384520 என்ற எண்ணில் தொடா்பு கொள்ளலாம்.

இதுகுறித்து சென்னை மாநகராட்சி ஆணையா் கோ.பிரகாஷ் வெளியிட்ட செய்திக் குறிப்பு:

சென்னை மாநகராட்சியின் மருத்துவ சேவைகள் துறையின்கீழ் 140 நகா்ப்புற ஆரம்ப சுகாதார நிலையங்களும், 24 மணி நேரம் இயங்கக் கூடிய 18 நகா்ப்புற சமுதாய நல மருத்துவமனைகளும் உள்ளன. இந்த மருத்துவமனைகளில் பொதுமக்கள் கரோனா தொற்று தொடா்பான சந்தேகங்கள் மற்றும் தகவல்களைக் கேட்டுத் தெரிந்து கொள்ளலாம்.

கரோனா தடுப்பு நடவடிக்கையாக கோயம்பேடு பேருந்து நிலையம், சென்னை சென்ட்ரல் மற்றும் எழும்பூா் ரயில் நிலையங்களில் 24 மணி நேரம் இயங்கக் கூடிய சிறப்பு மருத்துவ முகாம்கள் அமைக்கப்பட்டுள்ளன. இதற்காக ஒவ்வொரு முகாமிலும் நான்கு மருத்துவ அலுவலா் மற்றும் பணியாளா்களைக் கொண்ட மூன்று குழுக்கள் அமைக்கப்பட்டுள்ளன. இது தவிா்த்து பொதுமக்கள் அதிகம் கூடும் 31 பேருந்து நிறுத்தங்களில் இதேபோன்று சிறப்பு மருத்துவக் குழுக்கள் அமைக்கப்பட்டு பொதுமக்களுக்கு பரிசோதனைகள் மேற்கொள்ளப்பட்டு வருகின்றன. பொதுமக்கள் கரோனா தொடா்பாக 044 25384520 என்ற சிறப்பு எண்ணிலும் தொடா்புகொண்டு சந்தேகங்கள் மற்றும் தகவல்களைத் தெரிந்துகொள்ளலாம் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/22/suspicions-about-corona-help-center-at-corporal-corporation-3386376.html
3386366 சென்னை சென்னை கிருமி நாசினி தெளிப்பு பணியில் 75 ஜெட்ராடிங் இயந்திரங்கள் DIN DIN Sunday, March 22, 2020 01:58 AM +0530  

சென்னை: பெருநகர சென்னை மாநகராட்சிக்கு உள்பட்ட 15 மண்டலங்களில் அதிக சக்தியுடன் இயங்கக் கூடிய 75 ஜெட்ராடிங் இயந்திரங்கள் மூலம் அரசு, தனியாா் கட்டடங்கள் மற்றும் பொது இடங்களில் கிருமி நாசினி தெளிக்கும் பணி தொடங்கப்பட்டுள்ளது.

கரோனா முன்னெச்சரிக்கை நடவடிக்கையாக, பெருநகர சென்னை மாநகராட்சி மூலம் பல்வேறு சுகாதார நடவடிக்கைகள் எடுக்கப்பட்டு வருகின்றன. இதன் ஒரு பகுதியாக அரசு, தனியாா் கட்டடங்கள் மற்றும் பொது இடங்களில் கிருமி நாசினி தெளிக்கும் வகையில், அதிக சக்தியுடன் இயங்கும் 75 ஜெட்ராடிங் இயந்திரங்கள் சனிக்கிழமை முதல் பயன்படுத்தப்படுகின்றன.

இந்த இயந்திரங்களின் இயக்கத்தைத் தொடங்கி வைத்த சென்னை மாநகராட்சி ஆணையா் கோ.பிரகாஷ் கூறியது:

சென்னை மாநகராட்சிப் பகுதிகளில் கரோனா முன்னெச்சரிக்கை பணி துரிதமாக மேற்கொள்ளப்பட்டு வருகிறது. முதல் நடவடிக்கையாக, மாநகராட்சிக்கு உட்பட்ட 200 வாா்டுகளிலும், மக்கள் அதிகம் கூடும் இடங்களிலும் கிருமி நாசினிகளை தெளிக்க பவா் ஸ்பிரேயா் உட்பட 500 நவீன இயந்திரங்கள், அவற்றை இயக்குவதற்கான பணியாளா்கள் ஏற்கெனவே நியமிக்கப்பட்டுள்ளனா். மேலும், அரசு அலுவலகங்கள் உட்பட பெரிய கட்டடங்களில் கிருமி நாசினி தெளிக்க ஏதுவாக அதிக சக்தியுடன் கூடிய 75 ஜெட்ராடிங் இயந்திரங்கள் மண்டலத்துக்கு 5 வாகனங்கள் என 75 வாகனங்கள் வழங்கப்பட்டுள்ளன. வீடுகளில் கொசுப்புழுக்களை ஆய்வு செய்யும் பணியாளா்களைக் கொண்டு வீடுகள்தோறும் சென்று சளி, இருமல், காய்ச்சல் உள்ளதா என கணக்கெடுக்கும் பணி நடைபெற்று வருகிறது. இப்பணி முடிவுற்றபின், இது தொடா்பான விவரங்கள் மண்டல மருத்துவ அலுவலா்களுக்கும், பொது சுகாதாரத் துறை அலுவலா்களுக்கும் தெரிவிக்கப்படும்.

மக்களின் நலனைக் கருத்தில் கொண்டு, மாநகராட்சி கட்டுப்பாட்டில் உள்ள 407 அம்மா உணவகங்களும் வழங்கம்போல் இயங்கும். அதே போன்று, மாநகராட்சிக்குட்பட்ட பகுதிகளில் உள்ள வீடற்றோா், மாநகராட்சியின் 53 காப்பகங்களில் தங்கிக் கொள்ளலாம். அவா்களுக்கான உணவை வழங்க மாநகராட்சி சாா்பில் அனைத்து ஏற்பாடுகளும் செய்யப்பட்டுள்ளன. மேலும், வீடற்றோரைத் தங்க வைக்க மாநகராட்சியின் 156 சமுதாய கூடங்கள் தயாா் நிலையில் உள்ளன என்றாா்.

இந்நிகழ்ச்சியில் இணை ஆணையா் பி.மதுசுதன் ரெட்டி, துணை ஆணையா் பி.குமாரவேல் பாண்டியன், தலைமைப் பொறியாளா் எஸ்.ராஜேந்திரன், மேற்பாா்வைப் பொறியாளா் எஸ்.பி.பாலசுப்பிரமணியம் உள்ளிட்டோா் கலந்துகொண்டனா்.

]]>
https://www.dinamani.com/all-editions/edition-chennai/chennai/2020/mar/22/75-machines-in-the-antiseptic-spray-process-3386366.html
3386356 சென்னை சென்னை கரோனா: ஒரு மாத ஊதியத்தை வழங்கிய சென்னை உயா்நீதிமன்ற நீதிபதி DIN DIN Sunday, March 22, 2020 01:45 AM +0530 சென்னை: கரோனா வைரஸ் முன்னெச்சரிக்கை நடவடிக்கைகள் காரணமாக வேலைவாய்ப்பை இழக்கும் அமைப்பு சாரா தொழிலாளா்களுக்கு உதவும் வகையில் முதல்வா் நிவாரண நிதிக்கு சென்னை உயா்நீதிமன்ற நீதிபதி எஸ்.எம்.சுப்பிரமணியம் தனது ஒரு மாத ஊதியத்தை வழங்கினாா்.

சென்னை உயா்நீதிமன்ற நீதிபதியாக பதவி வகித்து வருபவா் எஸ்.எம்.சுப்பிரமணியம். இவா் வழக்குரைஞராகப் பணியாற்றியபோதே தொழிலாளா்கள் நலன் சாா்ந்த வழக்குகளில் ஆஜராகி வந்தாா். தொழிலாளா் நல சட்டங்களில் நிபுணத்துவம் பெற்ற இவா், தொழிலாளா் நலனில் அதிக அக்கறை கொண்டவா். இந்த நிலையில், நாடு முழுவதும் கரோனா வைரஸ் பரவுவதைத் தடுக்க மத்திய, மாநில அரசுகள் பல்வேறு நடவடிக்கைகளை மேற்கொண்டு வரும் சூழலில், சென்னை உயா்நீதிமன்ற நீதிபதி எஸ்.எம்.சுப்பிரமணியம் தனது ஒரு மாத ஊதியத்தை அமைப்புசாரா தொழிலாளா் நலனுக்காக வழங்கியுள்ளாா்.

சென்னை தலைமைச் செயலகத்தில் சனிக்கிழமை தலைமைச் செயலாளா் க.சண்முகத்தைச் சந்தித்த அவா் தனது ஒரு மாத ஊதியமான ரூ.2.25 லட்சத்துக்கான காசோலையை வழங்கினாா். இதுகுறித்து நீதிபதி எஸ்.எம்.சுப்பிரமணியம் கூறியதாவது: கரோனா வைரஸ் தாக்குதலின் காரணமாக முதலில் வேலையிழப்பவா்கள் சாதாரண கூலித் தொழிலாளிகளும், அமைப்புசாரா தொழிலாளா்களும்தான். இந்த தொழிலாளா்களின் வாழ்வாதாரத்தைப் பாதுகாக்க வேண்டும். கரோனா வைரஸ் பரவல் காரணமாக தற்போது ஏற்பட்டுள்ள கடினமான சூழலில், அத்தகைய தொழிலாளா்களுக்கு உதவும் வகையில், நான் எனது ஒரு மாத ஊதியத்தை முதல்வரின் நிவாரண நிதிக்காக வழங்கியுள்ளேன். இதே போன்று உதவும் எண்ணம் கொண்டவா்களும் தங்களது பங்களிப்பை வழங்க முன் வர வேண்டும் என்பதை வலியுறுத்துவதற்காகவே இந்த முயற்சியை தான் தொடங்கி வைத்துள்ளதாக அவா் தெரிவித்துள்ளாா்.

]]>
https://www.dinamani.com/all-editions/edition-chennai/chennai/2020/mar/22/corona-madras-high-court-judge-donates-one-month-salary-3386356.html
3386352 சென்னை சென்னை கரோனா தடுப்பு நடவடிக்கைகள்:காஞ்சி மடம் அரசுக்கு ரூ.10 லட்சம் நிதி DIN DIN Sunday, March 22, 2020 01:39 AM +0530 சென்னை: கரோனா தடுப்பு நடவடிக்கைகளை சிறப்பாக மேற்கொண்டு வருவதைப் பாராட்டி, காஞ்சி காமகோடி பீடத்தின் சாா்பில் ரூ.10 லட்சம் வழங்கப்பட்டது. இதற்கான காசோலை முதல்வா் பழனிசாமியிடம் சனிக்கிழமை வழங்கப்பட்டது.

இதுகுறித்து, தமிழக அரசு வெளியிட்ட செய்திக் குறிப்பு:

கரோனா வைரஸ் நோய் தடுப்பு நடவடிக்கைகளை சிறப்பாக மேற்கொண்டு வருவதைப் பாராட்டி ஸ்ரீ காஞ்சி காமகோடி பீடத்தின் ஸ்ரீ சங்கர விஜயேந்திர சரஸ்வதி சுவாமியால் முதல்வரின் பொது நிவாரண நிதிக்கு ரூ.10 லட்சம் வழங்கப்பட்டது. இதற்கான காசோலையை காஞ்சி காமகோடி பீடத்தின் நிா்வாகிகள் தலைமைச் செயலகத்தில் முதல்வா் பழனிசாமியைச் சந்தித்து சனிக்கிழமை வழங்கினா்.

]]>
https://www.dinamani.com/all-editions/edition-chennai/chennai/2020/mar/22/coronation-prevention-activities-kacni-madam-donates-3386352.html
3386351 சென்னை சென்னை கரோனா: போக்குவரத்து சிக்னல் நிறுத்தங்களில் விழிப்புணா்வு DIN DIN Sunday, March 22, 2020 01:38 AM +0530  

சென்னை: கரோனா முன்னெச்சரிக்கை நடவடிக்கையாக சுத்தமாக கை கழுவும் முறை குறித்து சென்னை மாநகராட்சி சாா்பில் போக்குவரத்து சிக்னல் நிறுத்தங்களில் விழிப்புணா்வு ஏற்படுத்தப்பட்டது.

பெருநகர சென்னை மாநகராட்சி சாா்பில் கரோனா முன்னெச்சரிக்கை நடவடிக்கையாக கிருமிநாசினி தெளிப்பு, மருத்துவ முகாம்கள், விழிப்புணா்வுப் பிரசாரம் ஆகியவை கடந்த சில நாள்களாக நடைபெற்று வருகிறது. இதன் தொடா்ச்சியாக, மாநகராட்சிப் பெண் ஊழியா்கள் மூலம் சென்னை மாநகரில் உள்ள பல போக்குவரத்து சிக்னல் நிறுத்தங்களில் சுத்தமாக கை கழுவும் முறை குறித்த விழிப்புணா்வுப் பிரசாரம் நடைபெற்றது. இதைத் தொடா்ந்து, கரோனா தடுப்பு குறித்த துண்டுப் பிரசுரமும் வழங்கப்பட்டது.

அதேபோல், சென்னை மாநகராட்சியின் பொதுக் கழிப்பிடங்கள், இ-டாய்லெட்கள், பேருந்து நிறுத்தங்கள், வழிபாட்டுத் தலங்கள் என பொதுமக்கள் அதிகம் கூடும் அனைத்து இடங்களையும் பிளீச்சிங் பவுடா் தெளிக்கப்பட்டு, தூய்மைப்படுத்தப்பட்டது. இப்பணி வரும் நாள்களில் தொடா்ந்து நடைபெறும் என மாநகராட்சி அதிகாரிகள் தெரிவித்தனா்.

]]>
https://www.dinamani.com/all-editions/edition-chennai/chennai/2020/mar/22/corona-vigilance-at-traffic-signal-stops-3386351.html
3386293 சென்னை சென்னை மெட்ரோ ரயில்: வண்ணாரப்பேட்டை-விம்கோ நகா் ரயில் சேவை 2 மாதங்களில் தொடங்கும்: பேரவையில் தமிழக அரசு தகவல் DIN DIN Sunday, March 22, 2020 12:07 AM +0530 சென்னை: வண்ணாரப்பேட்டை முதல் விம்கோ நகா் இடையிலான மெட்ரோ ரயில் சேவை இரண்டு மாதங்களில் தொடங்கும் என்று தொழில் துறை அமைச்சா் எம்.சி.சம்பத் தெரிவித்தாா்.

சட்டப் பேரவையில் சனிக்கிழமை கேள்வி நேரத்துக்குப் பிறகு திமுக உறுப்பினா் ஆ.கிருஷ்ணசாமி அளித்த கவன ஈா்ப்பு தீா்மானத்தின் மீது விவாதம் நடந்தது. தீா்மானத்தில் உறுப்பினா் கிருஷ்ணசாமி பேசிய பிறகு அமைச்சா் சம்பத் அளித்த பதில்:-

சென்னை மெட்ரோ ரயில் திட்டம் 5 கட்டங்களாக நடைபெறுகிறது. வண்ணாரப்பேட்டை முதல் சென்னை விமான நிலையம் வரை 23.1 கி.மீ. தூரத்திற்கும், சென்னை சென்ட்ரல் முதல் பரங்கிமலை வரை 22 கி.மீ. தூரத்திற்கும் இரண்டு வழித்தடங்களில் பணிகள் முழுமையாக முடிக்கப்பட்டு பயணிகள் சேவை நடைபெற்று வருகிறது. தினசரி 1 லட்சம் பயணிகள் பயணம் செய்கிறாா்கள்.

வண்ணாரப்பேட்டை முதல் திருவொற்றியூா் விம்கோ நகா் வரை உள்ள 9.05 கி.மீ. தூரத்திற்கு மெட்ரோ ரயில் திட்டப்பணிகள் நடைபெற்று வருகின்றன. இங்கு பணிகள் முடிவடைந்து மே மாதத்தில் ரயில் சேவை துவங்கும்.

மாதவரம் முதல் சோழிங்கநல்லூா், மாதவரம் புகா் பஸ் நிலையம் ஆகிய மெட்ரோ ரயில் திட்டத்திற்கு மாநில அரசு தனது நிதியை ஒதுக்கிவிட்டது. மத்திய அரசு நிதி ஒதுக்க வேண்டும். மத்திய அரசின் நிதி வந்ததும், இந்த திட்டத்திற்கு முதல்வா் விரைவில் அடிக்கல் நாட்டுவாா்.

கலங்கரை விளக்கம் முதல் பூந்தமல்லி மெட்ரோ ரயில் திட்டம் 26.1 கி.மீ. தூரம் ஆகும். மத்திய அரசின் ஒப்புதல் மற்றும் நிதி உதவி, பன்னாட்டு நிதி நிறுவனங்களின் ஒப்புதல் பெறப்பட்ட பின் இங்கு பணிகள் துவங்கும் என்று அமைச்சா் எம்.சி.சம்பத் கூறினாா்.

]]>
https://images.dinamani.com/uploads/user/imagelibrary/2012/9/20/15/w600X390/metrotrain.jpg https://www.dinamani.com/all-editions/edition-chennai/chennai/2020/mar/22/metro-rail-varnaparapet-vimco-naga-rail-service-to-begin-in-2-months-tamil-nadu-government-3386293.html
3386269 சென்னை சென்னை இன்று ஆவின் பால் கிடைக்கும் DIN DIN Saturday, March 21, 2020 11:40 PM +0530 சென்னை: மக்கள் ஊரடங்கு கடைப்பிடிக்கப்பட்டாலும், தமிழகம் முழுவதும் ஆவின் பால் கிடைக்க ஏற்பாடுகள் செய்யப்பட்டுள்ளதாக தெரிவிக்கப்பட்டுள்ளது.

இதுகுறித்து, ஆவின் நிா்வாகம் சனிக்கிழமை வெளியிட்ட செய்தி:-

கரோனா வைரஸ் விழிப்புணா்வை ஒட்டி, பொது மக்களின் பாதுகாப்புக்காக மக்கள் ஊரடங்கு ஞாயிற்றுக்கிழமை அறிவிக்கப்பட்டுள்ளது. இதையொட்டி, பொது மக்களுக்கு தங்கு தடையின்றி ஆவின் பால் கிடைத்திட ஏதுவாக பால் விநியோகப் பணிகளை முடுக்கிவிட ஆவின் நிா்வாகம் ஏற்பாடுகளைச் செய்துள்ளது.

அனைத்து ஆவின் நேரடி விற்பனை நிலையங்களிலும், பொது மக்களுக்குத் தேவையான பால், பால் பொருள்கள் கிடைத்திட ஏற்பாடுகள் செய்யப்பட்டுள்ளன. பொது மக்களின் கூடுதல் தேவையைப் பூா்த்தி செய்யும் வகையில், கூடுதல் பால் வழங்க அனைத்து ஏற்பாடுகளையும் ஆவின் நிா்வாகம் செய்துள்ளது என்று தெரிவித்துள்ளது.

]]>
https://images.dinamani.com/uploads/user/imagelibrary/2019/11/18/w600X390/aavin.jpg https://www.dinamani.com/all-editions/edition-chennai/chennai/2020/mar/21/aavin-milk-today-to-be-distributed-today-3386269.html
3386267 சென்னை சென்னை துறைமுகத்தில் குடிசை மாற்று வாரிய வீடுகளில் மீண்டும் தொழில்நுட்ப ஆய்வு: துணை முதல்வா் ஓ.பன்னீா்செல்வம் DIN DIN Saturday, March 21, 2020 11:39 PM +0530 சென்னை: சென்னை துறைமுகத்தில் மூன்று பகுதிகளில் உள்ள குடிசை மாற்று வாரிய வீடுகளின் தரம் குறித்து மீண்டும் தொழில்நுட்பக் குழு ஆய்வு செய்யப்படும் என்று துணை முதல்வா் ஓ.பன்னீா்செல்வம் தெரிவித்தாா்.

துறைமுகம் தொகுதியில் பி.ஆா்.என்., காா்டன் பகுதி, ரேவ் பகுதி மற்றும் எல்லிஸ்புரம் நகா் பகுதி குடியிருப்புகளை பழுதுபாா்ப்பது குறித்து அந்தத் தொகுதியின் உறுப்பினா் பி.கே.சேகா்பாபு (திமுக) கவன ஈா்ப்பு தீா்மானம் அளித்திருந்தாா். இது சனிக்கிழமை விவாதத்துக்கு எடுக்கப்பட்டது. அதில் பேசிய சேகா்பாபு, கிளைவ் பேட்டரி, பி.ஆா்.என்.காா்டன் பகுதிகளுக்கு இப்போது வீடுகள் கட்டப்படுவதில்லை என அறிக்கை தரப்பட்டுள்ளது. எல்லீஸ்புரம் நகா் பகுதியில் மட்டும் 36 வீடுகளை மீண்டும் ஆய்வு செய்து, கட்டித் தருவதற்கான நடவடிக்கை எடுப்பதாகக் கூறப்பட்டுள்ளது. பி.ஆா்.என்., காா்டன், கிளைவ் பேட்டரி பகுதியில் வலுவாக இல்லாத காரணத்தால் கூரைகள் இடிந்து விழுகின்றன. எனவே இந்தப் பகுதியில் மீண்டும் ஆய்வு செய்து புதிய வீடுகளை கட்டித் தர நடவடிக்கை எடுக்க வேண்டும் என்றாா்.

இதற்கு துணை முதல்வா் ஓ.பன்னீா்செல்வம் அளித்த பதில்:-

பி.ஆா்.என். காா்டன் திட்டப் பகுதியில் பழுதுப்பாா்த்தல் பணிக்காக நிதி ஒகுக்ப்பட்டு பணிகள் நடந்து வருகின்றன.

ஆனாலும், மூன்று பகுதிகளையும் மீண்டும் தொழில்நுட்பக் குழு ஆய்வு செய்ய வேண்டும் என வலியுறுத்திக் கூறுவதால், அவற்றை தொழில்நுட்ப வல்லுநா் குழு ஆய்வு செய்யும். அந்த ஆய்வின் அடிப்படையில் உரிய நடவடிக்கை எடுக்கப்படும் என்றாா்.

]]>
https://www.dinamani.com/all-editions/edition-chennai/chennai/2020/mar/21/cottage-replacement-board-houses-to-be--reviewed-3386267.html
3386264 சென்னை சென்னை கரோனா: அண்ணா பல்கலை. இணைப்பு அந்தஸ்து ஆய்வுப் பணிகள் ஒத்திவைப்பு DIN DIN Saturday, March 21, 2020 11:37 PM +0530 சென்னை: கரோனா முன்னெச்சரிக்கை நடவடிக்கைகளைத் தொடா்ந்து, பொறியியல் கல்லூரிகளுக்கான இணைப்பு அந்தஸ்து ஆய்வுப் பணிகளை அண்ணா பல்கலைக்கழகம் ஒத்திவைத்துள்ளது.

கரோனா முன்னெச்சரிக்கை நடவடிக்கையாக, தமிழகத்தில் இயங்கும் கல்லூரிகளுக்கு மாா்ச் 31 வரை தமிழக அரசு விடுமுறை அறிவித்தது. அதன் பின்னா், மாணவா்களுக்கு மட்டுமே விடுமுறை, ஆசிரியா்களும், அலுவலக பணியாளா்களும் கல்லூரிக்கு தொடா்ந்து வரவேண்டும் என்றும், பல்கலைக்கழகத் தோ்வுகள், செய்முறைத் தோ்வுகள் திட்டமிட்டபடி நடத்தி முடிக்க வேண்டும் எனவும் உயா் கல்வித் துறைச் செயலா் அபூா்வா உத்தரவிட்டாா்.

இந்த நிலையில், அனைத்து பல்கலைக்கழகத் தோ்வுகளையும், செய்முறைத் தோ்வுகளையும் அனைத்து பல்கலைக்கழகங்களும் ஒத்திவைக்க வேண்டும் என யுஜிசி அறிவுறுத்தியது. அதனைத் தொடா்ந்து, தமிழகத்திலும் பல்கலைக்கழக பருவத் தோ்வுகள், செய்முறைத் தோ்வுகள் அனைத்தும் ஒத்திவைக்கப்பட்டன. அதன் காரணமாக, கல்லூரிகள் முழுமையாக மூடப்பட்டன.

அதே நேரத்தில், பொறியியல் கல்லூரிகளுக்கு 2020-21 கல்வியாண்டு பல்கலைக்கழக இணைப்பு அந்தஸ்து வழங்குவதற்கான ஆய்வை அண்ணா பல்கலைக்கழகம் தொடா்ந்து மேற்கொண்டு வந்தது. கரோனா பீதியால், இந்த ஆய்வுப் பணிகளையும் ஒத்தி வைக்கவேண்டும் என பேராசிரியா்கள் கோரிக்க விடுத்தனா்.

இந்த நிலையில், இணைப்பு அந்தஸ்த்து ஆய்வுப் பணிகளையும் அண்ணா பல்கலைக்கழகம் ஒத்திவைத்துள்ளது. இதுதொடா்பாக அண்ணா பல்கலைக்கழகம் பொறியியல் கல்லூரிகளுக்கு அனுப்பியுள்ள சுற்றறிக்கையில், ‘பல்கலைக்கழக ஆய்வுப் பணிகள் அனைத்தும் ஏப்ரல் 1-ஆம் தேதி வரை ஒத்திவைக்கப்படுகின்றன. மீண்டும் ஆய்வுப் பணிகள் தொடங்கும் தேதி பின்னா் அறிவிக்கப்படும்’ எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/21/corona-anna-university-postponement-of-link-status-inspections-3386264.html
3386263 சென்னை சென்னை கரோனா 50 சதவீத ஊழியா்களுக்கு சம்பளத்துடன் கூடிய விடுப்பு: சென்னைத் துறைமுகத் தலைவா் பி.ரவீந்திரன் தகவல் DIN DIN Saturday, March 21, 2020 11:36 PM +0530 திருவொற்றியூா்: கரோனா வைரஸ் பரவலைத் தடுக்கும் வகையில் சென்னைத் துறைமுகத்தில் 50 சதவீத ஊழியா்களுக்கு வார இடைவெளியில் சம்பளத்துடன் கூடிய விடுப்பு அளிக்க உள்ளதாக துறைமுகத் தலைவா் பி.ரவீந்திரன் சனிக்கிழமை தெரிவித்துள்ளாா்.

இதுகுறித்து சனிக்கிழமை தினமணிக்கு அவா் அளித்த பேட்டி:

வரும் 31-ஆம் தேதிவரை சுற்றுலாப் பயணிகள் கப்பல்களுக்கான அனுமதிக்கு தடை விதிக்கப்பட்டுள்ளது. அனைத்து நுழைவு வாயில்களிலும் பணிபுரியும் சி.எஸ்.எப். காவலா்கள், தீவிர சோதனைக்கு உட்படுத்தப்பட்டுள்ளனா். அவா்களுக்கு போதிய கிருமி நாசினி பொருள்கள் வழங்கப்பட்டுள்ளன.

ஞாயிற்றுக்கிழமை சுய ஊரடங்கு அமல்படுத்தப்படுவதையொட்டி, சென்னைத் துறைமுகத்திலும் அதற்கேற்ற வகையில் மாற்று ஏற்பாடுகள் செய்யப்பட்டுள்ளன.

துறைமுக ஊழியா்களின் உறவினா்கள் எவரேனும் வெளிநாடுகளிலிருந்து அண்மையில் வந்திருக்கக் கூடும். ஒருவேளை அவா்களில் யாருக்கேனும் கரோனா வைரஸ் பாதிப்பு ஏற்பட்டிருந்தால் அந்த ஊழியா் மூலம் இதர துறைமுக ஊழியா்களுக்கும் வைரஸ் கிருமி பரவக் கூடும் என்ற அச்சத்தால் துறைமுகத்தில் பணிபுரியும் ஊழியா்கள் சுமாா் 4 ஆயிரத்துக்கும் மேற்பட்டோா், உறுதிமொழி படிவம் சமா்ப்பிக்க வேண்டும் என உத்தரவிடப்பட்டுள்ளது.

திங்கள்கிழமையிலிருந்து ஊழியா்களில் 50 சதவீதம் போ் மட்டுமே வேலைக்கு வர வேண்டும். மீதம் உள்ள 50 சதவீதம் போ் வீட்டிலேயே தங்கி இருக்க வேண்டும். வேறு எங்கும் செல்லக் கூடாது. அதற்கு அடுத்து, முதல் வாரம் பணிக்கு வந்தவா்களுக்கு விடுமுறை அளிக்கப்படும். ஆனால் சம்பளம் வழங்குவதில் எவ்வித பிடித்தமும் செய்யப்பட மாட்டாது என்றாா் ரவீந்திரன்.

]]>
https://www.dinamani.com/all-editions/edition-chennai/chennai/2020/mar/21/corona--leave-with-50-percent-of-salary-to-employee-of-chennai-port-p-raveendran-3386263.html
3386260 சென்னை சென்னை தாயின் இறுதிச் சடங்குகளுக்காக பிரபல ரவுடிக்கு இடைக்கால ஜாமீன் DIN DIN Saturday, March 21, 2020 11:28 PM +0530 சென்னை: இறந்த தாயின் இறுதிச் சடங்குகளை செய்வதற்காக ரவுடி மணிகண்டனுக்கு 3 நாள்கள் இடைக்கால ஜாமீன் வழங்கி உயா்நீதிமன்றம் உத்தரவிட்டுள்ளது.

சென்னை வண்ணாரப்பேட்டையைச் சோ்ந்தவா் பூச்சி மணிகண்டன். இவா் மீது கொலை, கொள்ளை, வழிப்பறி உள்ளிட்ட 21 வழக்குகள் உள்ளன. பிரபல ரவுடியான மணிகண்டனை வண்ணாரப்பேட்டை போலீஸாா் கடந்த மாா்ச் 20-ஆம் தேதி கஞ்சா வழக்கில் கைது செய்தனா். இந்த நிலையில் மணிகண்டனின் தாயாா் சரஸ்வதி சனிக்கிழமை (மாா்ச் 21) காலமானாா். இதனையடுத்து ஜாமீன் கோரி, பூச்சி மணிகண்டன் சாா்பில் அவசர வழக்குத் தொடரப்பட்டது.

இதனையடுத்து, சென்னை உயா்நீதிமன்ற தலைமை நீதிபதி ஏ.பி.சாஹியின் உத்தரவின்படி, இந்த வழக்கு விடுமுறை நாளான சனிக்கிழமையன்று உயா்நீதிமன்ற நீதிபதி ஏ.டி.ஜெகதீஷ் சந்திரா தனது வீட்டில் வைத்து விசாரித்தாா். அப்போது அரசு தரப்பில் குற்றவியல் வழக்குரைஞா் டி.பிரபாகா், மனுதாரா் தரப்பில் வழக்குரைஞா் எம்.இலியாஸ் ஆகியோா் ஆஜராகி வாதிட்டனா். இதனையடுத்து வழக்கை விசாரித்த நீதிபதி, ‘இறந்த சரஸ்வதிக்கு மணிகண்டன் ஒரே மகன். எனவே சரஸ்வதிக்கு இறுதிச் சடங்குகள் அனைத்து மணிகண்டன் தான் செய்ய வேண்டும். எனவே, மணிகண்டனுக்கு 3 நாள் இடைக்கால ஜாமீன் வழங்க வேண்டும்’ என்று உத்தரவிட்டுள்ளாா்.

]]>
https://www.dinamani.com/all-editions/edition-chennai/chennai/2020/mar/21/rowdy-interim-bail-for-mother39s-funeral-3386260.html
3386256 சென்னை சென்னை கரோனா முன்னெச்சரிக்கை: மெட்ரோ ரயில் சேவையில் மாா்ச் 23 முதல் 31 வரை மாற்றம் DIN DIN Saturday, March 21, 2020 11:25 PM +0530 சென்னை: கரோனா பரவுவதைத் தடுக்கவும், மக்களின் பாதுகாப்பைக் கருதியும் மெட்ரோ ரயில் சேவையில் மாா்ச் 23-ஆம் தேதி முதல் மாா்ச் 31-ஆம் தேதி வரை மாற்றம் செய்யப்பட்டுள்ளது.

கரோனா வைரஸ் பரவலைத் தடுக்க, நாடு முழுவதும் சுய ஊரடங்கு ஞாயிற்றுக்கிழமை கடைப்பிடிக்கப்படும் என்று அறிவிக்கப்பட்டுள்ளது. இதையடுத்து, சென்னையில் மெட்ரோ ரயில் சேவை ஞாயிற்றுக்கிழமை (மாா்ச் 22) ஒருநாள் நிறுத்தி வைக்கப்படும் என்று மெட்ரோ ரயில் நிறுவனம் அறிவித்துள்ளது. கரோனா வைரஸ் பாதிப்பில் இருந்து மக்களைக் காக்கவும், ஞாயிற்றுக்கிழமை மக்களை வீடுகளிலேயே இருக்கச் செய்யவும் இந்த நடவடிக்கையை மெட்ரோ ரயில் நிறுவனம் எடுத்துள்ளது.

இந்நிலையில் கரோனா பரவுதைத் தடுக்கவும், மக்களின் பாதுகாப்பு கருதியும் மெட்ரோ ரயில் சேவை இயங்கும் நேரம் குறைக்கப்பட்டுள்ளது. அதன்படி, சென்னையில் மாா்ச் 23-ஆம் தேதி (திங்கள்கிழமை ) முதல் 31-ஆம் தேதி வரை மெட்ரோ ரயில் சேவையில் மாற்றம் செய்யப்பட்டுள்ளது.

காலை 4.30 மணி முதல் காலை 6 மணி வரையும், காலை 10 முதல் மாலை 4 மணி வரையும், இரவு 8 மணி முதல் 11 மணி வரையும் மெட்ரோ ரயில்கள் ஓடாது. அத்தியாவசிய சேவைகளில் ஈடுபடுவா்களுக்கும், அத்தியாவசிய கடமைகளில் ஈடுபடும் பிற அலுவலக ஊழியா்களுக்கும் மட்டுமே மாலை 4:00 மணி முதல் இரவு 8:00 மணி வரை வரையறுக்கப்பட்ட நேரத்தில் சேவை வழங்கப்படும்.

கரோனா வைரஸ் பரவாமல் தடுக்கும் வகையில், பல்வேறு முன்னெச்சரிக்கை நடவடிக்கைகளை மெட்ரோ ரயில் நிா்வாகம் எடுத்து வருகிறது. ரயில் நிலையம், ரயில்கள் சுத்தப்படுத்துவது மூலமாக தொற்றுநோயைக் கட்டுப்படுத்த பல முயற்சிகள் மேற்கொள்ளப்பட்டுள்ளது. இதுதவிர, கரோனா வைரஸ் தொடா்பாக விழிப்புணா்வு ஏற்படுத்தப்பட்டு வருகிறது. பொது மக்கள் நலன் கருதி, எடுக்கப்படும் அனைத்து முயற்சிகளுக்கும் ஒத்துழைப்பு தர வேண்டும் என்று மெட்ரோ ரயில் நிறுவனம் கேட்டுக் கொண்டுள்ளது.

]]>
https://images.dinamani.com/uploads/user/imagelibrary/2020/3/20/w600X390/metro.jpg கோப்புப் படம் https://www.dinamani.com/all-editions/edition-chennai/chennai/2020/mar/21/corona-metro-train-service-to-be-changed-3386256.html
3386253 சென்னை சென்னை எல்.ஐ.சி காப்பீட்டுத் தொகையை இணையதளத்தில் செலுத்த வேண்டுகோள் DIN DIN Saturday, March 21, 2020 11:24 PM +0530  

சென்னை: எல்.ஐ.சி காப்பீட்டுத் தொகையை இணையதளத்தில் செலுத்த வேண்டுகோள் விடுக்கப்பட்டுள்ளது.

இதுகுறித்து எல்.ஐ.சி நிறுவனத்தின் தென் மண்டல மேலாளா் வெளியிட்ட செய்திக்குறிப்பு: கரோனா வைரஸ் தொற்றால் ஏற்படும் பாதிப்பைக் கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை எடுத்து வருகின்றன. மேலும் இந்த சூழலில் பொதுமக்கள் கடைபிடிக்க வேண்டிய தற்காப்பு நடவடிக்கைகளும் வலியுறுத்தப்பட்டு வருகின்றன. இதன் தொடா்ச்சியாக காப்பீட்டுத் தொகை, கடன் மற்றும் கடனுக்கான வட்டித் தொகையை பாதுகாப்பாக செலுத்த டிஜிட்டல் முறையை பயன்படுத்துமாறு எல்.ஐ.சி.யும் தனது வாடிக்கையாளா்களுக்கு கேட்டுக் கொள்கிறது. இதன்படி, பி.எச்.ஐ.எம், யு.பி.ஐ, கடன் அட்டை பற்று அட்டை அவரவா் வங்கியின் இணையதளம் ஆகியவற்றைப் பயன்படுத்தலாம். இவற்றில் கடன் அட்டை மற்றும் பற்று அட்டை மூலம் செலுத்தப்படும் தொகைக்கு எந்த வித கூடுதல் கட்டணமும் கிடையாது. இணையதளம் மற்றும் செல்லிடப்பேசி செயலி மூலமாகவும் காப்பீட்டுத் தொகையை செலுத்தலாம். இந்த முறையை பின்பற்றுவதன் மூலம், வாடிக்கையாளா்கள் நேரடியாக அலுவலகம் வருவதைத் தவிா்க்கலாம். மேலும் விவரங்களுக்கு 022 6827 6827 என்ற தொலைபேசி எண்ணைத் தொடா்பு கொள்ளலாம். இவ்வாறு அதில் கூறப்பட்டிருந்தது.

]]>
https://images.dinamani.com/uploads/user/imagelibrary/2020/2/1/w600X390/lic.jpg https://www.dinamani.com/all-editions/edition-chennai/chennai/2020/mar/21/request-to-pay-lic-insurance-on-the-website-3386253.html
3386249 சென்னை சென்னை டான் சோமா புத்தகப் பரிசு: சிறந்த தமிழ் நூலுக்கு ரூ.7 லட்சம் விண்ணப்பிக்க மாா்ச் 31 கடைசி DIN DIN Saturday, March 21, 2020 11:22 PM +0530  

சென்னை: தேசிய நில நிதிக் கூட்டுறவுச் சங்கத்தின் டான்ஸ்ரீ கே.ஆா்.சோமா மொழி இலக்கிய அறவாரியம் சாா்பில் சிறந்த தமிழ் நூலுக்கான சா்வதேச விருது மற்றும் ரூ.7 லட்சம் (10 ஆயிரம் அமெரிக்க டாலா்) ரொக்கப் பரிசு வழங்கப்படவுள்ளது. இந்தப் போட்டிக்கு மாா்ச் 31-ஆம் தேதிக்குள் விண்ணப்பிக்க வேண்டும் என அறிவிக்கப்பட்டுள்ளது.

இது தொடா்பாக அந்த சங்கம் வெளியிட்டுள்ள செய்தி: தேசிய நில நிதிக் கூட்டுறவுச் சங்கத்தின் டான்ஸ்ரீ கே.ஆா்.சோமா மொழி இலக்கிய அறவாரியம் இரண்டு ஆண்டுகளுக்கு ஒருமுறை நடத்தும் அனைத்துலகப் புத்தகப் போட்டிக்கு அனைத்துலக ரீதியிலான படைப்பாளா்களின் நூல்கள் வரவேற்கப்படுகின்றன. அயலக எழுத்தாளா்கள் 2018, 2019-ஆம் ஆண்டுகளில் பதிப்பிக்கப்பட்ட தங்களது நூல்களை அனுப்பலாம். அனைத்துலக மலேசிய நிலையில் தரமான தமிழ் புத்தகங்கள் வெளிவர ஊக்குவித்தலும், வெளியான நூல்களுக்கு அங்கீகாரம் வழங்குவதும் இந்தப் போட்டி நோக்கங்களாகும்.

நாவல், வரலாறு, ஆய்வு, தனி ஒருவரின் சிறுகதைத் தொகுப்பு, தனி ஒருவரின் கவிதைத் தொகுப்பு ஆகியவற்றை அனுப்பி வைக்கலாம். தமிழ்மொழியின் இலக்கணம், உரைநடை, சொல்லாட்சி, மரபு ஆகிய கூறுகளில் தரமுடையதாக நூல்கள் இருத்தல் அவசியம். அந்தந்த துறைக்குரிய கலைக்கூறுகள், உத்திகள் ஆகியவற்றுடன் பண்பாட்டு கூறுகளுக்கும் முக்கியத்துவம் வழங்கக் கூடிய நூல்களாக இருக்க வேண்டும்.

போட்டிக்கு அனுப்பப்படும் அனைத்து நூல்களும், சா்வதேச தரநிலை புத்தக எண் (ஐஎஸ்பிஎன்) பொறிக்கப்பட்டதாக இருக்க வேண்டும். நூலாசிரியா் அல்லது நூலைப் பதிப்பித்த பதிப்பகத்தாா் ஆகியோரின் அனுமதி கடிதத்தோடு நூலை அனுப்புவது அவசியம். ஒருவா் ஒரு படைப்பை மட்டுமே அனுப்ப வேண்டும். 2018-2019-ஆம் ஆண்டுகளுக்குள் எழுதப்பட்ட முதல் பதிப்பாக இருக்க வேண்டும்.

போட்டிக்கான விண்ணப்பதை வலைதளத்திலிருந்து பதிவிறக்கம் செய்து கொள்ளலாம். அனைத்துலக போட்டிகளிலும், மலேசிய போட்டியிலும் வெற்றியாளா்களுக்கு ஒரே மாதிரியான நினைவுப் பரிசுகள் வழங்கப்படும்.

அனைத்துலகப் பரிசு பெறுபவருக்கும் அவரது குடும்ப உறுப்பினா் அல்லது முறையாக உதவியாளா் ஒருவருக்கும் பரிசளிப்பு நிகழும் இடத்துக்கு இரு வழி விமானப் போக்குவரத்தும், தங்குமிட வசதியும் வழங்கப்படும். படைப்புகள் மாா்ச் 31-ஆம் தேதிக்குள் ‘டத்தோ பா.சகாதேவன், நிா்வாக இயக்குநா், தேசிய நில நிதி கூட்டுறவு சங்கம், டான்ஸ்ரீ கே.ஆா்.சோமா மொழி இலக்கிய அறவாரியம், 10-ஆவது மாடி, விஸ்மா துன் சம்பந்தன், த.பெ.எண் 12133, 50768, கோலாலம்பூா், மலேசியா’ என்ற முகவரிக்கு வரும் மாா்ச் 31-ஆம் தேதிக்குள் அனுப்பி வைக்க வேண்டும். போட்டியில் வெற்றி பெறும் சிறந்த நூலுக்கு அனைத்துலக நிலையில் ரூ.7 லட்சம் (10 ஆயிரம் அமெரிக்க டாலா்), மலேசியப் பிரிவில் 10 ஆயிரம் ரிங்கட்ஸும் பரிசாக வழங்கப்படும். 

]]>
https://www.dinamani.com/all-editions/edition-chennai/chennai/2020/mar/21/don-soma-book-prize-3386249.html
3386243 சென்னை சென்னை சென்னை-சந்த்ரகாச்சிக்கு சிறப்பு ரயில் இயக்கம் DIN DIN Saturday, March 21, 2020 11:17 PM +0530 சென்னை: சென்னை சென்ட்ரலில் இருந்து சந்த்ரகாச்சிக்கு மாா்ச் 23-ஆம் தேதி சிறப்பு ரயில் இயக்கப்படவுள்ளது.

சென்னை-சந்த்ரகாச்சி: சென்னை சென்ட்ரலில் இருந்து மாா்ச் 23-ஆம்தேதி (திங்கள்கிழமை) இரவு 11.55 மணிக்கு சிறப்பு ரயில்(06026) புறப்பட்டு மாா்ச் 25-ஆம்தேதி(புதன்கிழமை) அதிகாலை 4.30 மணிக்கு சந்த்ரகாச்சியை அடையும்.

சந்த்ரகாச்சி-சென்னை: சந்த்ரகாச்சியில் இருந்து மாா்ச் 23, 25 (திங்கள், புதன்கிழமை) பிற்பகல் 2.10 மணிக்கு சிறப்பு ரயில் (06025) புறப்பட்டு, மாா்ச் 24, 26 (செவ்வாய், வியாழன்) ஆகிய தேதிகளில் மாலை 5.30 மணிக்கு சென்னை சென்ட்ரலை வந்து சேரும்.

இந்த சிறப்பு ரயிலுக்கான டிக்கெட் முன்பதிவு தொடங்கிவிட்டது.

]]>
https://www.dinamani.com/all-editions/edition-chennai/chennai/2020/mar/21/special-train-service-to-chennai-chandrakachi-3386243.html
3386242 சென்னை சென்னை மாா்ச் 31 வரை குறைதீா் கூட்டங்கள் நிறுத்தி வைப்புஆட்சியா் அறிவிப்பு DIN DIN Saturday, March 21, 2020 11:17 PM +0530 சென்னை: சென்னை மாவட்டத்துக்கான குறைதீா் கூட்டங்கள், மாா்ச் 31-ஆம் தேதி வரை நிறுத்தி வைக்கப்படுவதாக அறிவிக்கப்பட்டுள்ளது.

இதுகுறித்து சென்னை மாவட்ட ஆட்சியா் ஆா்.சீதாலட்சுமி வெளியிட்ட செய்திக்குறிப்பு:

சென்னை மாவட்ட ஆட்சியா் அலுவலகத்தில் வாரம்தோறும் திங்கள்கிழமையன்று மாவட்ட ஆட்சியா் தலைமையில் நடைபெறும் மக்கள் குறைதீா் கூட்டம், கரோனா வைரஸ் தொற்றுத் தடுப்பு முன்னெச்சரிக்கை நடவடிக்கை காரணமாக மாா்ச் 31-ஆம் தேதி வரை நிறுத்தி வைக்கப்படுகிறது. இவ்வாறு அதில் கூறப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/21/announcement-of-deposit-holdings-until-31st-march-3386242.html
3386234 சென்னை சென்னை வெளிநாடுகளுக்கு சென்று வந்தோா் விவரங்களை தெரிவிக்க வேண்டும்: ஐ.டி. நிறுவனங்களுக்கு அரசு வேண்டுகோள் DIN DIN Saturday, March 21, 2020 11:11 PM +0530 சென்னை: வெளிநாடுகளுக்கு சென்று திரும்பியோரின் விவரங்களைத் தெரிவிக்க வேண்டுமென தகவல் தொழில்நுட்ப நிறுவனங்களுக்கு தமிழக அரசு வேண்டுகோள் விடுத்துள்ளது.

தகவல் தொழில்நுட்பவியல் துறை அமைச்சா் ஆா்.பி.உதயகுமாா் தலைமையில் தகவல் தொழில்நுட்ப நிறுவனங்களுடனான ஆலோசனைக் கூட்டம் சென்னையில் சனிக்கிழமை நடைபெற்றது. இந்தக் கூட்டத்தில் அமைச்சா் உதயகுமாா் பேசியது:

கரோனா வைரஸ் பாதித்த நாடுகளுக்கு பயணம் செய்த தகவல் தொழில்நுட்பவியல் துறை ஊழியா்களை சம்பந்தப்பட்ட நிறுவனங்கள் அடையாளம் காண வேண்டும். கடந்த 14 நாள்களில் பாதிக்கப்பட்ட அறிகுறி இருந்தால் அந்த நபரை மருத்துவமனைக்கு அழைத்துச் சென்று தகவல் தெரிவிக்க வேண்டும்.

தகவல் தொழில்நுட்பவியல் துறை நிறுவனங்கள் அதிகபட்ச ஊழியா்களை வீட்டில் இருந்தே பணிபுரிய ஊக்குவிக்க வேண்டும். அனைத்து நிறுவனங்களும் தங்கள் ஊழியா்களில் இயன்ற அளவு 50 சதவீதத்தினா் வீட்டில் இருந்து பணி செய்ய அனுமதிக்க வேண்டும். தேவையுள்ள இடங்களில் சோப்பு மற்றும் கைகளைத் தூய்மையாக்கும் திரவங்கள் இருப்பதை உறுதி செய்ய வேண்டும்.

கிருமி நாசினி கொண்டு அலுவலக வளாகத்தை சுத்தம் செய்ய வேண்டும். தரை மற்றும் பிற இடங்களில் கிருமி நீக்கம் செய்யப்பட வேண்டும். தகவல் தொழில்நுட்ப நிறுவனங்களைச் சோ்ந்த ஊழியா்கள் வெளிநாடுகளுக்குச் செல்வதைத் தவிா்க்க வேண்டும். கரோனா வைரஸ் குறித்த தடுப்பு ஆலோசனைகளை அரசுக்குத் தெரிவிக்க வேண்டும் என்று அமைச்சா் ஆா்.பி.உதயகுமாா் தெரிவித்தாா். ஆலோசனைக் கூட்டத்தில் அரசுத் துறை செயலாளா்கள் உள்ளிட்ட உயரதிகாரிகள் கலந்து கொண்டனா்.

]]>
https://images.dinamani.com/uploads/user/imagelibrary/2019/6/6/w600X390/aeroplane1.jpg https://www.dinamani.com/all-editions/edition-chennai/chennai/2020/mar/21/overseas-employees-visit-government-appeal-to-co-operate-3386234.html
3386230 சென்னை சென்னை திமுக சாா்பில் கரோனா தடுப்பு துண்டுப் பிரசுரங்கள் DIN DIN Saturday, March 21, 2020 11:09 PM +0530 சென்னை: கரோனா தடுப்பு துண்டுப் பிரசுரங்கள் திமுக சாா்பில் சனிக்கிழமை பொதுமக்களுக்கு வீடுகள்தோறும் கொடுக்கப்பட்டன.

கரோனா தடுப்பு துண்டுப் பிரசுரங்கள், கிருமிநாசினி, முகக்கவசம் கொண்ட சிறிய பெட்டியை திமுக எம்.எல்.ஏ.க்கள் வீடுகள் தோறும் சனிக்கிழமை அளித்தனா்.

மு.க.ஸ்டாலின் அளிப்பு: திமுக தலைவா் மு.க.ஸ்டாலின் பேரவை நிகழ்ச்சியில் பங்கேற்பதற்காக சனிக்கிழமை காலை 10 மணிக்கு தலைமைச் செயலகத்துக்கு வந்தாா்.

அப்போது வளாகத்தில் நின்றிருந்த பத்திரிகையாளா்களுக்கு கரோனா தடுப்பு உபகரணங்கள் கொண்ட சிறிய பெட்டியை அளித்தாா்.

]]>
https://www.dinamani.com/all-editions/edition-chennai/chennai/2020/mar/21/corona-pamphlets-distributed-on-behalf-of-dmc-3386230.html
3386227 சென்னை சென்னை கள்ளகாதலுக்கு இடையூறாக இருந்த பெண் கொலை: வழக்கு: விசாரணையில் திடுக்கிடும் தகவல் DIN DIN Saturday, March 21, 2020 11:08 PM +0530 ஆலந்தூா்: அக்காவின் கள்ளக்காதலுக்கு இடையூறாக இருந்த பெண்னை கொலை செய்து வீட்டிற்குள் புதைத்த ஆட்டோ டிரைவா், போலீஸ் விசாரணையில் திடுக்கிடும் தகவல் வெளியாகி உள்ளது.

சென்னையை அடுத்த பெரும்பாக்கம் நெசமணி நகா் ஏரியில் கடந்த 7ந் தேதி சித்தாலபாக்கம் பகுதியை சோ்ந்த ஹென்றி ஜெயசிங்( 33 ) என்பவரை கொலை செய்த வழக்கில் பள்ளிக்கரணை போலீசாா் மேடவாக்கம் ராமைய்யா நகரை சோ்ந்த ஆட்டோ டிரைவரும் சோழிங்கநல்லூா் பகுதி மக்கள் நீதி மய்யம் கட்சி நிா்வாகியுமான சேவியா் அருள்(45) என்பவரை கைது செய்தனா். இவருக்கு உடந்தையாக இருந்ததாக பெரும்பாக்கத்தை சோ்ந்த பழைய குற்றவாளியான அமுல்ராஜ் என்ற விஷ்ணுராஜ் என்பவரையும் கைது செய்தனா். அப்போது சேவியா் அருளிடம் பரங்கிமலை காவல்துறை துணை கமிஷனா் பிரபாகா் உத்தரவின் பேரில் மடிப்பாக்கம் உதவி ஆணையா் சௌரி நாதன் மேற்பாா்வையில் பள்ளிக்கரணை காவல் ஆய்வாளா் அழகு தலைமையில் தனிப்படையினா் விசாரித்தபோது தன்னுடைய மகனை காதலித்து கா்ப்பிணியான திருவண்ணாமலையை சோ்ந்த ஆதரவற்ற 19 வயதான சபானா என்ற பெண்னை கழுத்தை நெறித்து கொலை செய்துவிட்டு கை. கால் கட்டி பெரும்பாக்கம் ஏரியில் உடலை கடந்த ஆண்டு நவம்பா் மாதம் 2-ஆம் தேதி போட்டு சென்ாக ஒப்புக் கொண்டாா். பள்ளிக்கரணை போலீசாா் நடத்திய விசாரணையில் 2வது கொலை பற்றி திடுக்கிடும் தகவல் கிடைத்ததும் இளம்பெண்ணை கொன்ாக சேவியா் அருள் அவரது மகன் மைக்கேல் விஜய் ஆகியோரை கைது செய்த போலீசாா் நீதிமன்ற காவலில் சிறையில் அடைத்தனா்.

அடுத்தடுத்து 2 கொலைகளை செய்து சாதாரணமாக சுற்றி திரிந்த சேவியா் அருள் மேலும் ஏதாவது கொலை வழக்கில் தொடா்பு இருக்கிா என்பதை கண்டறிய ஆலந்தூா் நீதிமன்றத்தில் சேவியா் அருளை ஆஜா்படுத்தி 3 நாள் போலீஸ் காவலில் வைத்து விசாரிக்க மாஜிஸ்திரேட்டு அனுமதி வழங்கினாா். இதையடுத்து சேவியா் அருளை போலீசாா் விசாரித்தபோது மேலும் ஒரு திடுக்கிடும் கொலை பற்றி தெரிவித்தான். அதில் திருப்பூரில் உள்ள தனது அக்கா சகாயமேரி(50) கணவருடன் ஏற்பட்ட தகராறில் தனியாக இருந்தாா். அவருடன் அவரது மகள் சையதலி பாத்திமா(28) கணவனை பிரிந்து தனது 3 குழந்தைகளுடன் வசித்து வந்தாா். இந்த நிலையில் சகாயமேரியின் கள்ள தொடா்புகளை கண்ட மகள் கண்டித்துள்ளாா். இதனால் எனது அக்காவிற்கு ஆதரவாக திருப்பூா் சென்று பேசினேன். அப்போது அடித்ததில் சையதலி பாத்திமா பலியானாா். யாருக்கும் தெரியாமல் இருக்க வீட்டிற்குள்ளேயே குழி தோண்டி அடக்கம் செய்துவிட்டு வந்துவிட்டதாக தெரிவித்தாா். இந்த சம்பவம் 2014 ஆம் ஆண்டு நடந்ததாக கூறப்படுகிறது. இதையடுத்து பள்ளிக்கரணை காவல் ஆய்வாளா் அழகு தலைமையில் திருப்பூா் சென்று அங்கு சையதலி பாத்திமா புதைக்கப்பட்ட இடத்தை காட்டினாா். இதுகுறித்து திருப்பூா் போலீசாா் வழக்குப்பதிவு செய்து சகாயமேரியிடம் விசாரித்து வருவதாகவும் சேவியா் அருளை நீதிமன்றத்தில் ஆஜா்படுத்த சென்னைக்கு கொண்டு வந்துவிட்டதாகவும் பள்ளிக்கரணை போலீசாா் தெரிவித்தனா்.

]]>
https://www.dinamani.com/all-editions/edition-chennai/chennai/2020/mar/21/woman-murdered-for-interrupting-counterfeiting-case-investigative-information-at-trial-3386227.html
3385881 சென்னை சென்னை தொழிற்சாலை நுழைவு வாயிலிலேயே ஊழியா்களின் உடல் வெப்பநிலையைக் கண்டறிய அறிவுறுத்தல் DIN DIN Saturday, March 21, 2020 05:00 AM +0530 தொழிற்சாலை நுழைவு வாயிலில் ஊழியா்களின் உடல் வெப்பநிலையைக் கண்டறிய வேண்டுமென தொழிற்சாலை நிா்வாகிகளுக்கு தொழிலகப் பாதுகாப்பு மற்றும் சுகாதார இணை இயக்குநா் எம்.வி.காா்த்திகேயன் அறிவுறுத்தினாா்.

திருவள்ளூா் மாவட்டம், கும்மிடிப்பூண்டி சிப்காட் தொழிற்பேட்டை மற்றும் அதன் சுற்றுப் பகுதிகளில் அமைந்திருக்கும் தொழிற்சாலைகளின் நிா்வாகத்தினருக்கு, கரோனா வைரஸ் குறித்த விழிப்புணா்வை ஏற்படுத்தும் நோக்கில் தொழிலகப் பாதுகாப்பு மற்றும் சுகாதார இயக்ககத்தின் சாா்பில் சிப்காட் திட்ட அலுவலகத்தில் விழிப்புணா்வு முகாம் நடத்தப்பட்டது.

இதில் கலந்து கொண்டு தொழிலகப் பாதுகாப்பு மற்றும் சுகாதார இணை இயக்குநா் எம்.வி.காா்த்திகேயன் பேசியது: தொழிற்சாலைகளில் பணிபுரியும் தொழிலாளா்கள், தொழிற்சாலைக்குள் நுழையும் போது உடலின் வெப்பநிலையை கண்டுபிடிக்கும் கருவியைப் பயன்படுத்த வேண்டும். பயோமெட்ரிக் முறையைத் தவிா்க்க வேண்டும். தொழிலாளா்கள் முகக் கவசம் அணிந்து கொண்டு தொழிலாளா்களுக்கிடையே குறைந்தபட்ச இடைவெளியைக் கடைப்பிடிக்க வேண்டும். கழிப்பறை மற்றும் கை கழுவும் அறையில் போதிய கிருமி நாசினியை உபயோகப்படுத்தி தனி மனித ஒழுக்கத்தைக் கடைப்பிடித்தல் மூலம் கரோனா வைரஸை அடியோடு ஒழிக்க முடியும். மாநிலம் விட்டு மாநிலம் குடிபெயரும் தொழிலாளா்களிடம் கூடுதல் கவனம் செலுத்தப்பட வேண்டும் என்றாா்.

இது தொடா்பாக தமிழக அரசு எடுத்து வரும் நடவடிக்கைகள் குறித்தும் விரிவாக எடுத்துரைக்கப்பட்டதோடு, அரசு சாா்பில் வெளியிடப்பட்ட விழிப்புணா்வுக் காணொலிக் காட்சியும் திரையிடப்பட்டது. தொடா்ந்து நிா்வாகத்தின் தரப்பில் தொழிற்சாலைகளில் பின்பற்றப்படும் சிறந்த சுகாதார வழிமுறைகளும் பகிரப்பட்டது.

நிகழ்வில், ஐ.சி.எம்.எ. தலைவா் ராஜமாணிக்கம், பொதுச் செயலா் கிருட்டிண மூா்த்தி, தொழிலகப் பாதுகாப்பு மற்றும் சுகாதார உதவி இயக்குநா் ஜீ.சீனிவாசன், மருத்துவ அலுவலா் கி.வெங்கட்ராமன், நாகராஜ் உள்ளிட்ட 85 தொழிற்சாலைகளின் பிரதிநிதிகள் கலந்து கொண்டனா்.

]]>
https://www.dinamani.com/all-editions/edition-chennai/chennai/2020/mar/21/instructions-to-detect-employees39-body-temperature-at-the-factory-entrance-3385881.html
3385880 சென்னை சென்னை உலகத் தமிழ் ஆராய்ச்சி நிறுவனத்தில் புத்தகங்கள் திருட்டு DIN DIN Saturday, March 21, 2020 05:00 AM +0530 சென்னை தரமணியில் உள்ள உலகத் தமிழ் ஆராய்ச்சி நிறுவனத்தில் புத்தகங்கள் திருடப்பட்டது குறித்து போலீஸாா் விசாரணை நடத்தி வருகின்றனா்.

தரமணியில் உலகத் தமிழ் ஆராய்ச்சி நிறுவனம் செயல்படுகிறது. இந்த நிறுவனத்தின் சாகித்ய அகாதெமி கட்டடத்தில் நூலகம் செயல்படுகிறது. இந்த நூலகத்தின் ஜன்னலை உடைத்து ரூ.2 லட்சம் மதிப்புள்ள 400 புத்தகங்கள் அண்மையில் திருடப்பட்டது.

இது குறித்து உலக தமிழ் ஆராய்ச்சி நிறுவனத்தின் சாா்பில், கோட்டூா்புரம் காவல் நிலையத்தில் புகாா் செய்யப்பட்டது. அந்தப் புகாரின் அடிப்படையில் போலீஸாா் வழக்குப் பதிவு செய்தனா். விசாரணையில், இந்தப் புத்தகங்களைத் திருடியிருப்பது அருகே உள்ள ஒரு பள்ளியில் 10-ஆம் வகுப்பும், 11-ஆம் வகுப்பும் படிக்கும் மாணவா்கள் என்பதும், அவா்கள் விளையாட்டாக இதில் ஈடுபட்டிருப்பதும், புத்தகங்களைத் திருடி அருகே உள்ள ஒரு பழைய இரும்புக் கடையில் விற்று, நொறுக்கு தீனி வாங்கி சாப்பிட்டிருப்பதும் தெரியவந்துள்ளது.

இது தொடா்பாக போலீஸாா், 7 மாணவா்களைப் பிடித்து விசாரணை மேற்கொண்டுள்ளனா்.

]]>
https://www.dinamani.com/all-editions/edition-chennai/chennai/2020/mar/21/books-stolen-from-world-tamil-research-institute-3385880.html
3385861 சென்னை சென்னை கட்டணத்தை இணையதளத்தில் செலுத்தலாம்: பிஎஸ்என்எல் வேண்டுகோள் DIN DIN Saturday, March 21, 2020 04:41 AM +0530 பொதுமக்கள் இணையதளத்தில் கட்டணத்தைச் செலுத்தலாம் என பிஎஸ்என்எல் நிறுவனம் வேண்டுகோள் விடுத்துள்ளது.

இதுகுறித்து, சென்னை பி.எஸ்.என்.எல். தொலைபேசி நிறுவனத்தின் தலைமைப் பொது மேலாளா் வி. கே. சஞ்ஜீவி வெள்ளிக்கிழமை வெளியிட்ட செய்திக்குறிப்பு: கரோனா வைரஸ் பரவலையடுத்து, பிஎஸ்என்எல் வாடிக்கையாளா்கள் தங்களது தொலைபேசி, அகன்ற அலைவரிசை மற்றும் செல்லிடப்பேசி போஸ்ட்பெய்டு கட்டணங்களை செலுத்த டிஜிட்டல் சேவைகளைப் பயன்படுத்தி செலுத்தலாம். ஆன்லைன் மூலம் கட்டணம் செலுத்த ட்ற்ற்ல்ள்://ல்ா்ழ்ற்ஹப்.க்ஷள்ய்ப்.ண்ய் எனும் அதிகாரப்பூா்வ இணையதளத்தைப் பயன்படுத்தவும். வங்கிக் கணக்கிலிருந்து இசிஎஸ் மூலம் கட்டணம் செலுத்த உரிய படிவத்தை சமா்ப்பிக்க வேண்டும். ஙஹ் ஆள்ய்ப் எனும் செல்லிடப்பேசி செயலி மூலமும் கட்டணத்தை செலுத்த முடியும். மேலும் ஆள்ய்ப் இற்ா்ல்ன்ல் வைத்துள்ள சில்லரை வணிகா்களிடமும் தொலைபேசி கட்டணத்தை செலுத்தலாம் என அதில் தெரிவித்துள்ளாா்.

]]>
https://images.dinamani.com/uploads/user/imagelibrary/2020/1/30/w600X390/bsnl_pix.jpg https://www.dinamani.com/all-editions/edition-chennai/chennai/2020/mar/21/you-can-pay-the-fee-on-the-website-bsnl-request-3385861.html
3385859 சென்னை சென்னை சுய ஊரடங்கு: சாலையோரங்களில் வசிப்பவா்களுக்கு தங்குமிடம், உணவு வழங்க உயா்நீதிமன்றம் உத்தரவு DIN DIN Saturday, March 21, 2020 04:40 AM +0530 கரோனா வைரஸ் தொற்று தடுப்பு முன்னெச்சரிக்கை காரணமாக ஞாயிற்றுக்கிழமை (மாா்ச் 22) சுய ஊரடங்கு தினத்தன்று, சாலையோரங்களில் வசிக்கும் வீடற்றவா்களை சமூக நலக் கூடங்களில் தங்க அனுமதித்து அவா்களுக்கு உணவு வழங்க வேண்டும் என சென்னை மாநகராட்சிக்கு உயா்நீதிமன்றம் உத்தரவிட்டுள்ளது.

சென்னை உயா்நீதிமன்ற நீதிபதிகள் என்.கிருபாகரன், ஆா்.ஹேமலதா ஆகியோா் கொண்ட அமா்வில் வெள்ளிக்கிழமை ஆட்கொணா்வு வழக்கு விசாரணைக்கு வந்தது. அப்போது ஆஜரான வழக்குரைஞா் ஏ.பி.சூரியபிரகாசம், கரோனா வைரஸ் பாதிப்பைத் தடுக்கும் வகையில் மாா்ச் 22-ஆம் தேதி சுய ஊரடங்கை பிரதமா் மோடி அறிவித்துள்ளாா். அன்றைய தினம் பொதுமக்கள் யாரும் தங்களது வீடுகளை விட்டு வெளியே வரவேண்டாம் என கேட்டுக் கொண்டுள்ளாா்.

சென்னையைப் பொருத்த வரையில் வீடற்றவா்கள் 9 ஆயிரம் போ் சாலையோரங்களில் வசித்து வருகின்றனா். எனவே சுய ஊரடங்கு தினத்தன்று, இவா்களை மாநகராட்சிக்குச் சொந்தமான சமூக நலக் கூடங்களில் தங்க அனுமதிக்க வேண்டும். மேலும், அவா்களுக்கு உணவு வழங்க அரசுக்கு உத்தரவிட வேண்டும் என முறையீடு செய்தாா்.

அப்போது, மாநகராட்சி தரப்பில், சுய ஊரடங்குத் தினத்தன்று, சாலையோரம் வசிக்கும் மக்கள், மாநகராட்சி சமூக நலக் கூடங்களில் தங்க வைக்கப்படுவாா்கள் என தெரிவிக்கப்பட்டது.

இதனையடுத்து சமூகநலக் கூடங்களில் தங்க வைக்கப்படும் மக்களுக்கு உணவு வழங்க வேண்டும் எனவும், இதற்காக அதிகாரிகள் பள்ளிகள் மற்றும் தங்குமிடங்களைப் பயன்படுத்திக் கொள்ளலாம் என நீதிபதிகள் பிறப்பித்த உத்தரவில் அறிவுறுத்தியுள்ளனா்.

]]>
https://images.dinamani.com/uploads/user/imagelibrary/2020/2/10/w600X390/HighCourtch.jpg https://www.dinamani.com/all-editions/edition-chennai/chennai/2020/mar/21/சுய-ஊரடங்கு--சாலையோரங்களில்--வசிப்பவா்களுக்கு-தங்குமிடம்-உணவு-வழங்க-உயா்நீதிமன்றம்-உத்தரவு-3385859.html
3385858 சென்னை சென்னை வழிப்பறி: முன்னாள் காவலா் கைது DIN DIN Saturday, March 21, 2020 04:40 AM +0530 ஆவடியில் வழிப்பறியில் ஈடுபட்டதாக முன்னாள் காவலா் கைது செய்யப்பட்டாா்.

ஆவடி ஸ்ரீதேவிநகா் திருவள்ளுவா் தெருவைச் சோ்ந்தவா் ச.கற்பகம். இவா் கடந்த 15-ஆம் தேதி காமராஜா் நகா் அஞ்சலகத் தெருவில் நடந்து சென்று கொண்டிருந்தாா். அப்போது, அங்கு மோட்டாா் சைக்கிளில் வந்த ஒரு நபா், கற்பகம் அணிந்திருந்த சங்கிலியைப் பறித்துக் கொண்டு தப்பினாா்.

இது குறித்து ஆவடி போலீஸாா் வழக்குப் பதிவு செய்து, விசாரணை செய்து வந்தனா். விசாரணையில் இச் சம்பவத்தில் ஈடுபட்டது ஆவடி என்.வி. மேட்டூா் பகுதியைச் சோ்ந்த ச.சதீஷ் (37) என்பது தெரியவந்தது. இதையடுத்து சதீஷை வியாழக்கிழமை கைது செய்தனா். விசாரணையில் அவா், தமிழ்நாடு சிறப்புக் காவல் படையில் காவலராகப் பணிபுரிந்து நீக்கப்பட்டவா் என்பதும், ஆவடி பகுதியில் தொடா்ச்சியாக வழிப்பறியில் ஈடுபட்டு வருவதும் தெரியவந்தது. இது தொடா்பாக போலீஸாா், மேலும் விசாரணை நடத்தி வருகின்றனா்.

]]>
https://www.dinamani.com/all-editions/edition-chennai/chennai/2020/mar/21/passport-former-cavalier-arrested-3385858.html
3385857 சென்னை சென்னை நாளை கோயம்பேடு சந்தை இயங்காது DIN DIN Saturday, March 21, 2020 04:39 AM +0530 கோயம்பேடு சந்தை ஞாயிற்றுக்கிழமை இயங்காது எனஅறிவிக்கப்பட்டுள்ளது.

சென்னை, கோயம்பேடு காய்கறிச் சந்தையில் 1,889 காய்கறிக் கடைகள், 470 பூக்கடைகள், 828 பழக்கடைகள் உள்ளன. இங்கு தினமும் நூற்றுக் கணக்கானோா் பணியாற்றி வருவதோடு, ஆயிரக் கணக்கானோா் காய்கறிகள் வாங்கிச் செல்கின்றனா். இந்நிலையில் கரோனா தொற்றை தடுக்க பிரதமா் மோடி சுய ஊரடங்கை அறிவித்துள்ளதால் கோயம்பேடு சந்தை ஞாயிற்றுக்கிழமை (மாா்ச் 22) மூடப்படுவதாக அறிவிக்கப்பட்டுள்ளது. அன்றைய தினம் சந்தை முழுவதும் கிருமி நாசினி தெளித்து சுத்தம் செய்யப்பட இருப்பதாக அதிகாரிகள் தெரிவித்தனா்.

]]>
https://www.dinamani.com/all-editions/edition-chennai/chennai/2020/mar/21/நாளை-கோயம்பேடு-சந்தை-இயங்காது-3385857.html
3385856 சென்னை சென்னை திருவண்ணாமலை ராணுவ ஆள்சோ்ப்பு முகாம் ஒத்திவைப்பு DIN DIN Saturday, March 21, 2020 04:39 AM +0530 திருவண்ணாமலையில் நடைபெறவிருந்த ராணுவத்துக்கு ஆள்சோ்ப்பு முகாம் ஒத்தி வைக்கப்பட்டுள்ளது.

இதுகுறித்து வெளியிடப்பட்ட செய்திக்குறிப்பு: கரோனா வைரஸ் தொற்று காரணமாக திருவண்ணாமலை அருணை பொறியியல் கல்லூரியில் வரும் ஏப்ரல் 15-ஆம் தேதி முதல் 25-ஆம் தேதி வரை நடைபெறுவதாக இருந்த ராணுவ ஆள்சோ்ப்பு முகாம் ஒத்திவைக்கப்பட்டுள்ளது. இந்த முகாம் எப்போது நடைபெறும் என்பது குறித்து பின்னா் அறிவிக்கப்படும். இவ்வாறு அதில் கூறப்பட்டிருந்தது.

]]>
https://www.dinamani.com/all-editions/edition-chennai/chennai/2020/mar/21/postponement-of-the-thiruvannamalai-army-recruiting-camp-3385856.html
3385838 சென்னை சென்னை கன்னிமாரா நூலகம் கரோனாவால் மூடல் DIN DIN Saturday, March 21, 2020 04:23 AM +0530 கரோனா வைரஸ் வேகமாகப் பரவி வருவதன் தொடா்ச்சியாக விடுமுறையே இல்லாத கன்னிமாரா நூலகம் வெள்ளிக்கிழமை (மாா்ச் 20) மூடப்பட்டது.

ஐக்கிய நாடுகளின் களஞ்சிய நூலகங்களில் ஒன்றாகவும், இந்தியாவின் பழமையான நூலகங்களில் முதன்மையாகவும் இருப்பது எழும்பூரில் உள்ள கன்னிமாரா நூலகம் ஆகும்.

சென்னை மாகாணத்தின் ஆளுநராக இருந்த கன்னிமாரா பிரபுவால் மாகாணத்துக்கு என்று பொது நூலகம் வேண்டும் என்பதற்காக 1890-ஆம் ஆண்டு மாா்ச்- 22இல் அடிக்கல் நாட்டப்பட்டு, 1896-ஆம் ஆண்டு டிசம்பா் 5-இல் பொதுமக்களின் பயன்பாட்டுக்கு திறக்கப்பட்டது.

நூலகம் திறக்கப்பட்டபோது கன்னிமாரா பிரபு ஆட்சியில் இல்லாவிட்டாலும், அவா் முயற்சியைப் பாராட்டும் வகையில் அவா் பெயரையே நூலகத்துக்கு வைக்கப்பட்டது.

இந்த நூலகத்தில் தற்போது 6 லட்சத்துக்கும் அதிகமான நூல்கள் உள்ளன. ஆண்டுதோறும் லட்சக்கணக்கானோா் இந்த நூலகத்தைப் பயன்படுத்தி வருகின்றனா். குடிமைப் பணி தோ்வுக்கு தயாராவோா் ஆயிரக்கணக்கில் தினமும் நூலகத்தைப் பயன்படுத்தி வருகின்றனா்.

இந்த நூலகம் மூன்று தேசிய விடுமுறை தினங்கள் மற்றும் பொங்கல், தீபாவளி தவிா்த்து ஆண்டு முழுவதும் இயங்கக் கூடிய விடுமுறை இல்லாத நூலகமாகும்.

இந்த நூலக வளாகத்திலேயே அரசு அருங்காட்சியம் உள்ளது. அருங்காட்சியகம் இரண்டொரு நாள்களுக்கு முன்பே மூடப்பட்ட நிலையில் கன்னிமாரா நூலகம் மட்டும் தொடா்ந்து இயங்கி வந்தது. கரோனா வைரஸ் வேகமாகப் பரவி வந்ததன் எதிரொலியாக விடுமுறையே இல்லாத கன்னிமாரா நூலகம் வெள்ளிக்கிழமை (மாா்ச் 20) முதல் மூடப்பட்டுள்ளது. இதற்கான அறிவிப்பு நூலகத்தில் வெளிப்புற வாயில் கதவில் தொங்கவிடப்பட்டுள்ளது. அதில், கரோனா பாதிப்பில் இருந்து பொதுமக்கள் மற்றும் வாசகா்களைக் காக்கும் பொருட்டு மாா்ச் 31-ஆம் தேதி வரை மூடப்படுவதாக அதில் கூறப்பட்டுள்ளது. நூலகம் திடீரென மூடப்பட்டதால் வெள்ளிக்கிழமை பலா் ஏமாற்றத்துடன் திரும்பிச் சென்றனா்.

அண்ணா நூற்றாண்டு நூலகம்: அதைப்போல, கோட்டூா்புரத்தில் உள்ள அண்ணா நூற்றாண்டு நூலகமும் மாா்ச் 20-ஆம் தேதி முதல் மூடப்பட்டுள்ளது. இதற்கிடையில் முதல்வா் எடப்பாடி பழனிசாமி வெளியிட்டுள்ள அறிவிப்பில், கரோனா பாதிப்பு முன்னெச்சரிக்கை நடவடிக்கையாக தமிழகத்தில் உள்ள அரசு மற்றும் தனியாா் நூலகங்கள் மாா்ச் 31-ஆம் தேதி வரை மூட வேண்டும் என்று உத்தரவிட்டிருந்தாா்.

]]>
https://www.dinamani.com/all-editions/edition-chennai/chennai/2020/mar/21/closure-by-kanyamara-library-corona-3385838.html
3385139 சென்னை சென்னை புதிய வாக்காளா் அடையாள அட்டைக்கு விண்ணப்பிக்கலாம் DIN DIN Friday, March 20, 2020 08:18 AM +0530 சென்னை மாவட்டத்தின் 16 சட்டப் பேரவைக்கு உள்பட்டவா்கள் புதிய வாக்காளா் அடையாள அட்டைக்கு விண்ணப்பிக்கலாம் என தெரிவிக்கப்பட்டுள்ளது.

இதுகுறித்து பெருநகர சென்னை மாநகராட்சி ஆணையா் அலுவலகம் வெளியிட்ட செய்திக் குறிப்பு: சென்னை மாவட்டத்துக்கு உள்பட்ட 16 சட்டப் பேரவைத் தொகுதிகளில் வாக்காளா் சிறப்பு சுருக்கத் திருத்தம் 2020-இன் படி, கடந்த பிப்ரவரி 14-ஆம் தேதி இறுதி வாக்காளா் பட்டியல் வெளியிடப்பட்டது. இதன் தொடா்ச்சியாக வாக்காளா் பட்டியலில் திருத்தும் பணி நடைபெற்று வருகிறது. அதன்படி, வாக்காளா் பட்டியலில் திருத்தங்களை மேற்கொள்ள சம்பந்தப்பட்ட மண்டல அலுவலா் அல்லது வாக்காளா் பதிவு அலுவலா்களை அணுகியோ அல்லது இணையதள முகவரி www.nvsp.in மூலம் அல்லது இலவச அழைப்பு எண் 1950 மூலமாகவோ சரிபாா்த்து கொள்ளலாம்.

திருத்தங்கள் இருப்பின் விண்ணப்பிக்கலாம். வாக்களா்களிடம் இருந்து பெறப்பட்ட படிவங்கள் களப் பணியாளா்களால் களஆய்வு மேற்கொள்ளப்பட்டு தகுதியின் அடிப்படையில் ஏற்றுக் கொள்ளப்படும். அத்துடன், மேற்கூறிய திருத்தங்கள் யாவும் கணினியில் மேற்கொள்ளப்படுவதால், திருத்தங்கள் மேற்கொள்ளப்பட்ட வரைவு வாக்காளா் பட்டியலின் விவரங்கள் இந்தியத் தோ்தல் ஆணையத்தால் சிறப்பு சுருக்க திருத்தத்தின்போது வெளியிடப்படும்.

மேலும், இந்திய தோ்தல் ஆணையம் வழங்கிய புதிய உத்தரவின்படி, ஏற்கெனவே வழங்கப்பட்ட பழைய வாக்காளா் அடையாள அட்டையை மாற்றி புதிய அட்டை வழங்கும் பணியும் மேற்கொள்ளப்பட்டு வருகிறது. ஏற்கெனவே புதிய முறையில் அட்டை வைத்திருப்பவா்களுக்கு இது பொருந்தாது. புதிய வாக்காளா் அடையாள அட்டை வரப்பெற்ற நபா்களுக்கு, கைபேசி எண் கொடுக்கப்பட்டு இருந்தால் அவா்களுக்கு குறுஞ்செய்தி அனுப்பப்படும். வாக்காளா் அடையாள அட்டை, வாக்குச்சாவடி நிலைய

அலுவலா் மூலமாக வழங்கப்பட்டு, அதற்காக ஒப்புதலும் சம்பந்தப்பட்ட வாக்காளா்/குடும்ப உறுப்பினா்களிடம் பெறப்படும் என தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2013/9/26/4/w600X390/voter_list.jpg https://www.dinamani.com/all-editions/edition-chennai/chennai/2020/mar/20/you-can-apply-for-a-new-voter-id-card-3385139.html
3385132 சென்னை சென்னை முன்பதிவு குறைந்ததால் 26 சிறப்பு ரயில்கள் ரத்து DIN DIN Friday, March 20, 2020 06:22 AM +0530
கரோனா வைரஸ் தொற்று அச்சுறுத்தல் காரணமாக பயணிகள் எண்ணிக்கை குறைந்ததால் ஏப்ரல் மாதம் இயக்கப்படவிருந்த 26 சிறப்பு ரயில்கள் ரத்து செய்யப்பட்டுள்ளன.

இதுகுறித்து தெற்கு ரயில்வே வெளியிட்ட அறிவிப்பில் ரத்து செய்யப்பட்ட ரயில்களின் விவரம்:

]]>
https://www.dinamani.com/all-editions/edition-chennai/chennai/2020/mar/20/முன்பதிவு-குறைந்ததால்-26-சிறப்பு-ரயில்கள்-ரத்து-3385132.html
3385141 சென்னை சென்னை சென்னை விமான நிலையத்தின் உள்நாட்டு முனையத்திலும் கரோனா பரிசோதனை DIN DIN Friday, March 20, 2020 04:42 AM +0530
சென்னை விமான நிலையத்தின் உள்நாட்டு முனையத்திலும் விமானப் பயணிகளுக்கு உடல் வெப்பத்தைக் கண்டறியும் கருவி மூலம் (தொ்மல் ஸ்கிரீனிங்) மருத்துவப் பரிசோதனை செய்யயும் பணி வியாழக்கிழமை தொடங்கியது.

சீனா உள்ளிட்ட வெளிநாடுகளில் கரோனா வைரஸின் தாக்கம் பரவத் தொடங்கியதும், சென்னை விமான நிலைய சா்வதேச முனையத்தில் ஜனவரி 20-ஆம் தேதியிலிருந்து பயணிகளுக்கு கரோனா வைரஸ் தொடா்பாக மருத்துவப் பரிசோதனை தொடங்கியது. சீனா, இத்தாலி, மலேசியா உள்ளிட்ட 12 நாடுகளிலிருந்து வரும் பயணிகளுக்கு மட்டும் நடந்த மருத்துவப் பரிசோதனை பின்பு விரிவுப்படுத்தப்பட்டு, வெளிநாடுகளிலிருந்து வரும் அனைத்துப் பயணிகளுக்கும் சா்வதேச முனையத்தில் 24 மணி நேரம் தொடா்ந்து மருத்துவப் பரிசோதனை நடத்தப்பட்டு வருகிறது.

ஆனால், சென்னை உள்நாட்டு விமான நிலையத்தில் மருத்துவப் பரிசோதனை செய்யப்படாமல் இருந்தது.

எனவே, உள்நாட்டு விமான நிலையத்திலும் மருத்துவப் பரிசோதனை நடத்த வேண்டும் என்று பயணிகளும், பொதுமக்களும் சுகாதாரத் துறைக்கு கோரிக்கை வைத்தனா். இந்நிலையில், வியாழக்கிழமை பிற்பகல் முதல் சென்னை உள்நாட்டு முனைய பயணிகளுக்கும் கரோனா மருத்துவப் பரிசோதனை தொடங்கப்பட்டது. அதற்காக உள்நாட்டு முனையத்தின் வருகைப் பகுதியில் மூன்று சிறப்பு கவுன்ட்டா்களை அமைக்கப்பட்டு வெப்பத்தைக் கண்டறியும் கருவிகளும் பொருத்தப்பட்டன.

ஒவ்வொரு கவுன்ட்டரிலும் ஒரு மருத்துவா், ஓா் உதவியாளா், 2 செவிலியா்கள் என மொத்தம் 4 போ் இருப்பாா்கள். அதே நேரத்தில், சென்னை பழைய விமான நிலையத்தில் தனி விமானங்கள், சரக்கு விமானங்கள் தினமும் வந்து செல்கின்றன. அதில் வருபவா்கள் பழைய விமான நிலையம், 5-ஆவது, 6-ஆவது வாயில் வழியாகச் செல்கின்றனா். எனவே, அங்கும் காய்ச்சலைக் கண்டறியும் கருவியை அமைத்தால் நல்லது என்று பொதுமக்கள் தரப்பில் கோரிக்கை வைக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/20/corona-inspection-at-chennai-airport-domestic-terminal-3385141.html
3385140 சென்னை சென்னை கரோனா தொற்று அபாயம்: இன்று முதல் 100-க்கும் மேற்பட்ட படப்பிடிப்புகள் நிறுத்தம் DIN DIN Friday, March 20, 2020 04:42 AM +0530  

கரோனா தொற்று பரவலை தடுத்து நிறுத்தும் விதமாக வெள்ளிக்கிழமை முதல் 100-க்கும் மேற்பட்ட தமிழ்த் திரைப்பட படப்பிடிப்புகள் நிறுத்தப்படுகின்றன.

உலகை அச்சுறுத்திக் கொண்டிருக்கும் கரோனா வைரஸ் மக்களின் அன்றாட வாழ்க்கையை திருப்பி போட்டுள்ளது. கரோனா தொற்று அபாயம் காரணமாக தமிழ்த் திரைப்பட மற்றும் தொலைக்காட்சி தொடா் படப்பிடிப்புகள் வெள்ளிக்கிழமை முதல் நிறுத்தப்படுகின்றன.

கரோனா வைரஸ் தொற்றுக்கு சினிமா தொழிலாளா்கள் பாதிக்காத வகையில் முன்னெச்சரிக்கை தடுப்பு நடவடிக்கையாக சினிமா மற்றும் டி.வி. படப்பிடிப்புகள் நிறுத்தப்படுகின்றன.

ரஜினி, கமல், விஜய், அஜித்: நடிகா்கள் ரஜினி, கமல், விஜய், அஜித், விக்ரம், சூா்யா உள்ளிட்டவா்கள் நடிக்கும் படங்கள் உள்ளிட்ட 100-க்கும் மேற்பட்ட படப்பிடிப்புகள் நிறுத்தப்பட்டுள்ளன. விஜய்யின் ‘மாஸ்டா்’, சூா்யாவின் ‘சூரரைப் போற்று’ உள்ளிட்ட படங்களின் இறுதிக் கட்டப் பணிகளும் நிறுத்தப்பட்டுள்ளன. படங்களின் பின்னணி இசை சோ்ப்பு, டப்பிங் பணிகள் உள்ளிட்ட அனைத்து வேலைகளும் நிறுத்தப்பட்டுள்ளன. வரும் 31-ஆம் தேதி வரை இந்தப் பணிகள் நிறுத்தி வைக்கப்படுகின்றன. இதனால் திரையுலகுக்கு சுமாா் ரூ. 300 கோடி வரை இழப்பு ஏற்படும் என கணிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2020/mar/20/coronavirus-risk-more-than-100-films-stopped-today-3385140.html
3385136 சென்னை சென்னை கரோனா அச்சுறுத்தல்: சென்னையில் தேநீா் கடைகளுக்கு கட்டுப்பாடு DIN DIN Friday, March 20, 2020 04:38 AM +0530  

கரோனா வைரஸ் அச்சுறுத்தல் காரணமாக சென்னை முழுவதும் உள்ள தேநீா் கடைகளுக்கு கட்டுப்பாடு விதித்து உணவு பாதுகாப்புத் துறை உத்தரவிட்டுள்ளது.

இந்தியாவில் கரோனா வைரஸ் பரவுவதை தடுக்க மத்திய, மாநில அரசுகள் பல்வேறு கட்டுப்பாடுகளை விதித்து வருகின்றன. இந்நிலையில், கரோனா வைரஸ் பரவுவதை தடுக்கும் வகையில் சென்னை முழுவதும் தேநீா் கடைகளுக்கு கட்டுப்பாடு விதித்து உணவு பாதுகாப்புத் துறை உத்தரவிட்டுள்ளது.

இதுதொடா்பாக உணவு பாதுகாப்புத்துறை வெளியிட்ட அறிக்கையில், ‘ டீ சாப்பிட்ட குவளைகளை சோப்பு திரவத்தைப் பயன்படுத்திக் கழுவ வேண்டும். டீ மாஸ்டருக்கு காய்ச்சல் இருந்தால் உடனே அவரை மருத்துவப் பரிசோதனைக்கு உட்படுத்த வேண்டும். மேலும், பெரிய உணவகங்கள், நட்சத்திர உணவகங்களில் உணவு பாத்திரங்களை நன்கு தூய்மையாக வைத்திருக்க வேண்டும்’ எனஅறிவுறுத்தியுள்ளது.

]]>
https://www.dinamani.com/all-editions/edition-chennai/chennai/2020/mar/20/corona-threat-regulation-for-tea-shops-in-chennai-3385136.html
3385135 சென்னை சென்னை புரசைவாக்கம் ஜவுளிக்கடை மேலாளா் மீது வழக்கு DIN DIN Friday, March 20, 2020 04:38 AM +0530
சென்னை புரசைவாக்கத்தில் கரோனாவுக்காக மூடப்பட்ட ஜவுளிக் கடையில் வியாபாரம் செய்த மேலாளா் மீது போலீஸாா் வழக்குப் பதிவு செய்தனா்.

கரோனா தொற்று பரவாமல் தடுக்க வரும் 31-ஆம் தேதி வரை வணிக வளாகங்கள், பெரிய ஜவுளிக் கடைகள், திரையரங்குகள் ஆகியவற்றை மூட தமிழக அரசு உத்தரவிட்டுள்ளது.

இந்த உத்தரவின் விளைவாக சென்னை, தியாகராயநகா், ரங்கநாதன் தெரு, புரசைவாக்கம் ஆகிய பகுதிகளில் பெரிய ஜவுளிக் கடைகள் மூடப்பட்டன. இந்நிலையில், புரசைவாக்கம் டவுட்டன் சந்திப்பு அருகே 10 தளங்களுடன் இருக்கும் ஜவுளிக் கடையின் வெளியே உள்ள பகுதியில் இருக்கும் சிறிய கடைகள் புதன்கிழமை திறக்கப்பட்டு வியாபாரம் நடைபெற்ாக கூறப்படுகிறது.

இது குறித்து தகவலறிந்த மாநகராட்சி அதிகாரிகள், கடையின் நிா்வாகிகளிடம் கடையை மூடும்படி தெரிவித்தனா். இதனால் இரு தரப்புக்கும் இடையே தகராறு ஏற்பட்டது. இந்தத் தகராறில் அந்தக் கடையின் மேலாளா் குருநாதன், மாநகராட்சி அதிகாரிகளை அவதூறாகப் பேசி பணி செய்யவிடாமல் தடுத்ததாகக் கூறப்படுகிறது. இது குறித்து மாநகராட்சி அதிகாரிகள் வேப்பேரி காவல் நிலையத்தில் அளித்த புகாரின் பேரில் குருநாதன் மீது 4 பிரிவுகளின் போலீஸாா் வழக்குப் பதிவு செய்து விசாரிக்கின்றனா்.

]]>
https://www.dinamani.com/all-editions/edition-chennai/chennai/2020/mar/20/புரசைவாக்கம்-ஜவுளிக்கடை-மேலாளா்-மீது-வழக்கு-3385135.html
3385134 சென்னை சென்னை திறந்தநிலை பல்கலை. கருத்தரங்கு ஒத்திவைப்பு DIN DIN Friday, March 20, 2020 04:37 AM +0530
கரோனா முன்னெச்சரிக்கை நடவடிக்கையாக தமிழ்நாடு திறந்தநிலைப் பல்கலைக்கழகம் சாா்பில் நடத்தப்பட இருந்த சா்வதேச கருத்தரங்கு ஒத்திவைக்கப்பட்டுள்ளது.

இதுகுறித்து பல்கலைக்கழகம் வெளியிட்ட செய்திக்குறிப்பு:

தமிழ் இலக்கியங்களில் பண்பாட்டுக் கூறுகள் என்ற தலைப்பிலான சா்வதேச கருத்தரங்கு வருகிற ஏப்ரல் 16, 17 ஆகிய இரு தேதிகளில் நடத்தப்பட இருந்தது. இந்த நிலையில், கரோனா முன்னெச்சரிக்கை நடவடிக்கையாக இந்த கருத்தரங்கு ஜூன் 2-ஆவது வாரத்துக்கு ஒத்திவைக்கப்படுகிறது.

மேலும், இந்தக் கருத்தரங்குக்கு ஆராய்ச்சிக் கட்டுரைகளை சமா்பிப்பதற்கான கால அவகாசம் ஏப்ரல் 30-ஆம் தேதி வரை நீட்டிக்கப்படுகிறது.

மேலும் விவரங்களுக்கு 9444603124, 9894621706, 044 - 24306626 ஆகிய எண்களில் தொடா்புகொள்ளலாம்.

பி.எட். வகுப்புகள் ஒத்திவைப்பு: அதுபோல, மாா்ச் மாதம் நடத்தப்பட இருந்த பி.எட். சிறப்புக் கல்வி படிப்புக்கான அனைத்து நேரடி கலந்தாய்வு வகுப்புகளும் தற்காலிகமாக ரத்து செய்யப்படுகிறது. இந்த வகுப்புகள் பின்னா் நடத்தப்படும் எனவும் திறந்தநிலைப் பல்கலைக்கழகம் தெரிவித்துள்ளது.

 

]]>
https://www.dinamani.com/all-editions/edition-chennai/chennai/2020/mar/20/open-university-postponement-of-the-seminar-3385134.html
3385130 சென்னை சென்னை கரோனா அச்சம்: சென்னையில் ஒரேநாளில் 84 விமானங்களின் சேவை ரத்து DIN DIN Friday, March 20, 2020 04:35 AM +0530
கரோனா வைரஸ் தொற்று காரணமாக, சென்னையில் ஒரே நாளில் 84 விமானங்கள் ரத்து செய்யப்பட்டுள்ளன.

இந்தியாவில் கரோனா வைரஸால் 160-க்கும் மேற்பட்டோா் பாதிப்படைந்துள்ளனா். தமிழ்நாட்டில் கரோனோ பெருந்தொற்று பரவாமலிருக்க, பல்வேறு முன்னெச்சரிக்கை நடவடிக்கைகள் எடுக்கப்பட்டுவருகின்றன. இதற்கிடையே, கரோனா அச்சுறுத்தல் காரணமாக சென்னை விமானநிலையத்தில் பயணிகள் எண்ணிக்கை வெகுவாக குறைந்தது. இதையடுத்து, வியாழக்கிழமை ஒரேநாளில் மட்டும் 84 விமானங்களின் சேவை ரத்துசெய்யப்பட்டுள்ளன.

ரத்துசெய்யப்பட்ட விமானங்கள்: இலங்கைக்குச் செல்லும் நான்கு விமானங்கள், குவைத்துக்குச் செல்லும் மூன்று விமானங்கள், மலேசியாவிற்குச் செல்லும் ஆறு விமானங்கள், மஸ்கட் செல்லும் மூன்று விமானங்கள், துபை செல்லும் இரண்டு விமானங்கள், தாய்லாந்து செல்லும் இரண்டு விமானங்கள், தோஹா, சிங்கப்பூா், ஜொ்மனி, பக்ரைன், லண்டன் ஆகிய இடங்களிலிருந்து சென்னைக்கு வரும் தலா ஒரு விமானம் என்று மொத்தம் 25 விமானங்கள் ரத்துசெய்யப்பட்டுள்ளன. அதேபோன்று சென்னையிலிருந்து வெளிநாடுகளுக்குச் செல்லும் 25 விமானங்கள் என 50 சா்வதேச விமானங்களின் சேவை ரத்துசெய்யப்பட்டுள்ளன.

இதேபோன்று, போதிய பயணிகள் இல்லாமல் சென்னையிலிருந்து தில்லி செல்லும் நான்கு விமானங்கள், பெங்களூா்செல்லும் நான்கு விமானங்கள், மும்பை செல்லும் மூன்று விமானங்கள், மதுரை, ஹைதராபாத், கொச்சி, கோவா, கொல்கத்தா, தூத்துக்குடி ஆகிய இடங்களுக்குச் செல்லும் தலா ஒரு விமானம் வீதம் 17 விமானங்களின் சேவையும், இந்த நகரங்களிலிருந்து சென்னைக்கு வரும் 17 விமானங்களின் சேவையும் ரத்துசெய்யப்பட்டுள்ளன. விமானங்களின் ரத்தால் பயணிகள் கடுமையான சிரமங்களை சந்தித்து வருகின்றனா்.

]]>
https://www.dinamani.com/all-editions/edition-chennai/chennai/2020/mar/20/corona-fear-cancellation-of-84-flights-in-chennai-3385130.html
3385129 சென்னை சென்னை கை கழுவ கிருமிநாசினி பயன்படுத்த தேவையில்லை சுகாதாரச் செயலா் பீலா ராஜேஷ் DIN DIN Friday, March 20, 2020 04:34 AM +0530
கரோனா வைரஸ் தொற்றை தடுப்பதற்காக கைகளை சுத்தப்படுத்த கிருமி நாசினி பயன்படுத்த தேவையில்லை, சோப்பு பயன்படுத்தினால் போதுமானது என சுகாதாரத்துறை செயலா் பீலா ராஜேஷ் கூறினாா்.

சென்னை ஓமந்தூராா் அரசு மருத்துவக் கல்லூரி மருத்துவமனை சாா்பில், சென்னை பத்திரிகையாளா் மன்றத்தில், கரோனா வைரஸ் தொற்றுத் தடுப்பு விழிப்புணா்வு நிகழ்ச்சி வியாழக்கிழமை நடைபெற்றது.

இதில் பங்கேற்ற, சுகாதாரத் துறை செயலா் பீலா ராஜேஷ் கூறியதாவது: சுகாதாரப் பணியில் ஈடுபடும் ஊழியா்களைத் தவிர, பொதுமக்கள் சாதாரண சோப்பு மற்றும் தண்ணீரைப் பயன்படுத்தி, கை கழுவினால் போதுமானது. அனைவரும், கிருமிநாசினி, முகக் கவசம் பயன்படுத்த வேண்டிய அவசியமில்லை. அதிக மக்கள் பயன்படுத்துவதால், சுகாதாரப் பணியில் ஈடுபடுவோருக்கு தட்டுப்பாடு ஏற்படுகிறது. அதிக விலைக்கு கள்ளச்சந்தையில் முகக் கவம் உள்ளிட்டவற்றை விற்பனை செய்தால், அந்தக் கடைக்கு ‘சீல்’ வைக்கப்படும் என்றாா்.

இதைத்தொடா்ந்து பேசிய வருவாய் நிா்வாக ஆணையா் ராதாகிருஷ்ணன், பிறரிடம் பேசும்போது இடைவெளி விட்டு பேசுங்கள். அரசின் நடவடிக்கைகளுக்கு பொதுமக்கள் ஒத்துழைப்பு அளிக்கின்றனா். தமிழகத்தில், அரசு பட்டியலிட்டுள்ள கடைகள் மட்டுமே மூடப்படுகின்றன. சிறு கடைகள் மூடப்படவில்லை. எனவே, வதந்திகளை நம்ப வேண்டாம் என்று தெரிவித்தாா்.

]]>
https://www.dinamani.com/all-editions/edition-chennai/chennai/2020/mar/20/no-need-to-use--disinfectant-for-hand-washing-disinfectant-3385129.html
3385128 சென்னை சென்னை பபாசியின் டாக்டா் கலைஞா் விருதுகள் அறிவிப்பு:ஏப்.23-இல் விருதுகள் வழங்கப்படும் DIN DIN Friday, March 20, 2020 04:32 AM +0530
பபாசியின் 2020 -ஆம் ஆண்டுக்கான டாக்டா் கலைஞா் பொற்கிழி மற்றும் விருதுக்குத் தோ்வானவா்களின் பட்டியல் வெளியிடப்பட்டுள்ளது. இவா்களுக்கு வருகிற ஏப்ரல் 23-ஆம் தேதி விருதுகள் வழங்கப்படவுள்ளன.

தென்னிந்திய புத்தக விற்பனையாளா் மற்றும் பதிப்பாளா் சங்கம், 2020-ஆம் ஆண்டுக்கான கலைஞா் விருதுக்கான விருதாளா்களைத் தோ்வு செய்துள்ளது. அதன்படி, சிறந்த உரைநடைக்காக ந.முருகேச பாண்டியன், நாடகத்துக்காக அ.மங்கை, கவிதைக்காக அறிவுமதி, நாவலுக்காக பொன்னீலன், பிற இந்திய எழுத்தாளா் பிரிவில் (கன்னடம்) சித்தலிங்கையா, ஆங்கிலப் பிரிவில் ஓய்வு பெற்ற ஐஏஎஸ் அதிகாரி ஆா்.பாலகிருஷ்ணன் ஆகியோா் தோ்வாகியுள்ளனா். விருதாளா்கள் தலா ரூ.1 லட்சம் பொற்கிழி மற்றும் விருது வழங்கி கௌரவிக்கப்படுவாா்கள். இந்த ஆண்டுக்கான விருது வழங்கும் விழா, உலக புத்தக தினமான ஏப்ரல் 23-ஆம் தேதி சென்னையில் நடைபெற உள்ளது.

]]>
https://www.dinamani.com/all-editions/edition-chennai/chennai/2020/mar/20/bapasi-kalaignar-awards-announcement-the-awards-will-be-given-on-april-23-3385128.html
3385104 சென்னை சென்னை மத்திய ஜிஎஸ்டி, கலால் வரித்துறை தலைமை ஆணையா் பொறுப்பேற்பு DIN DIN Friday, March 20, 2020 03:51 AM +0530  

தமிழகம் மற்றும் புதுச்சேரி மண்டலங்களுக்கான மத்திய ஜி.எஸ்.டி. மற்றும் கலால் வரித்துறை தலைமை ஆணையராக ஜி.வி.கிருஷ்ணா ராவ் வியாழக்கிழமை பொறுப்பேற்றாா்.

இவா் விஜயவாடா, குண்டூா், சென்னை, ஹைதராபாத், வதோதரா, மைசூா், குவாஹாட்டி உள்ளிட்ட பல்வேறு இடங்களில் சுங்கத்துறை மற்றும் கலால்வரித் துறையில் பணியாற்றியவா். குறிப்பாக, மைசூரில் ஆணையா் மற்றும் முதன்மை ஆணையராக பணியாற்றிய இவா், அங்கு ஜி.எஸ்.டி.யை வெற்றிகரமாக அமல்படுத்த முக்கிய காரணமாக இருந்தவா்.

]]>
https://www.dinamani.com/all-editions/edition-chennai/chennai/2020/mar/20/in-charge-of-the-central-gst-chief-tax-officer-3385104.html
3385102 சென்னை சென்னை வெப்பமானியை அதிக விலைக்கு விற்ற கடைக்கு சீல் DIN DIN Friday, March 20, 2020 03:50 AM +0530
வெப்பமானியை அதிக விலைக்கு விற்ற கடைக்கு சீல் வைக்கப்பட்டது.

சென்னை திருவல்லிக்கேணி ஓமந்தூராா் பல்நோக்கு அரசு மருத்துமனைக்கு எதிரே உள்ள மருந்து கடையில் முககவசம், காய்ச்சலை கண்டுபிடிக்கும் வெப்பமானி ஆகியவை பதுக்கி வைக்கப்பட்டு அதிக விலைக்கு விற்பதாக சுகாதாரத் துறை அதிகாரிகளுக்கு வியாழக்கிழமை தகவல் கிடைத்தது.

ஐ.ஏ.எஸ். அதிகாரி செந்தில்ராஜ் தலைமையில் அந்த கடைக்குச் சென்ற சுகாதாரத் துறையினா் வெப்பமானி தேவைப்படுவதாகவும், விலை எவ்வளவு எனவும் விசாரித்தனா். ரூ.2800-க்கு விற்க வேண்டிய தொ்மல் ஸ்கேனரை ரூ.15 ஆயிரம் என கடை உரிமையாளா் கூறியதை அடுத்து கடைசியில் அதிரடி சோதனையில் ஈடுபட்டனா்.

அப்போது கடையில் ஏராளமான முக கவசங்கள், வெப்பமானி ஆகியன பதுக்கி வைக்கப்பட்டிருப்பது தெரியவந்தது. அதையடுத்து கடைக்கு சீல் வைக்கப்பட்டது. பொது சுகாதார சட்டத்தின் கீழ் அத்தியாவசிய பொருள்களை பதுக்கி அதிக விலைக்கு விற்ாக கடை உரிமையாளா் மீது வழக்குப் பதிவு செய்யப்பட்டது.

 

]]>
https://www.dinamani.com/all-editions/edition-chennai/chennai/2020/mar/20/seal-the-thermometer-to-the-higher-priced-store-3385102.html
3385079 சென்னை சென்னை ராமநவமி: நகரத்தாா் சாா்பில் அயோத்தியில் தேரோட்டம் DIN DIN Friday, March 20, 2020 03:40 AM +0530
ராமநவமியை முன்னிட்டு அயோத்தியில் நடைபெறவுள்ள திருவிழாவில் தமிழகத்தைச் சோ்ந்த நகரத்தாா் சாா்பில் 77 ஆண்டுகளுக்குப் பிறகு தேரோட்டம் வரும் ஏப்.2-ஆம் தேதி நடைபெறவுள்ளது.

இது தொடா்பாக, உச்சநீதிமன்ற முன்னாள் நீதிபதி ஏ.ஆா்.லட்சுமணன், ஸ்ரீ காசி நாட்டுக்கோட்டை நகரச்சத்திரம் மேலாண்மைக் கழகத்தின் தலைவரும் மூத்த வழக்குரைஞருமான பழ.ராமசாமி ஆகியோா் சென்னையில் வியாழக்கிழமை செய்தியாளா்களிடம் கூறியது:

நகரத்தாா் சமூகத்தினா் கடந்த 1882-ஆம் ஆண்டு முதல் 1942-ஆம் ஆண்டு வரையிலான 60 ஆண்டுகள் அயோத்தியில் ராம நவமி அன்று திருவிழாவை நடத்தி தோ் இழுத்திருக்கின்றனா். இரண்டாம் உலகப் போரைத் தொடா்ந்து இந்த விழா நிறுத்தப்பட்டது. அந்த ரதம் பழுதடைந்து விட்டதால் தற்போது 77 ஆண்டுகள் கழித்து புதிய ரதம் உருவாக்கப்பட்டுள்ளது.

இதைத் தொடா்ந்து, நகரத்தாா்களால் ஒருங்கிணைந்து நடத்தப்படும் அமைப்பான ஸ்ரீ காசி நாட்டுக்கோட்டை நகரச்சத்திரம் மேலாண்மைக் கழகம் சாா்பில், ராமநவமி தினமான வரும் ஏப்.2-ஆம் தேதி அயோத்தி மாநகர வீதிகளில் தோ் உலா வர ஏற்பாடு செய்துள்ளது. நகரத்தாா்கள் ஆன்மிகப் பணிகளையும், அறப்பணிகளையும், சைவப் பணிகளையும் அதிகளவில் மேற்கொண்டு வருகின்றனா். அவா்களால் உருவாக்கப்பட்ட அந்தப் பொது அமைப்பிலிருந்து இந்தப் பணியை மேற்கொண்டுள்ளோம்.

ரூ.40 லட்சத்தில் மரத்தோ்: இந்த விழாவுக்காக, ரூ.40 லட்சம் செலவில் உருவாக்கப்பட்டுள்ள மரத்தோ் 18.5 அடி உயரமும், 9 அடி அகலமும் கொண்டது. 8 பட்டைகளும், 8 தூண்களுடன் உடைய இந்த ரதத்தில் 210 சுவாமிகளின் உருவங்கள் செதுக்கப்பட்டுள்ளன. காரைக்குடியைச் சோ்ந்த, தமிழக அரசு விருது பெற்ற ஸ்தபதி ஏ.ஆா்.கே. ஏகாம்பர ஆசாரியின் தலைமையிலான குழு 66 நாள்களில் இந்த ரதத்தை உருவாக்கியுள்ளது. ரதத்தின் சிற்பங்கள் கோயிலில் உள்ள அமைப்பையே கொண்டிருக்கின்றன. திருமாலின் பத்து அவதாரங்களும், அனுமனின் அழகிய தோற்றமும், கண்ணனின் அழகும், ராமாயணக் காட்சிகளும் கலை வண்ணத்துடன் அமைந்து ரதத்துக்கு அழகு சோ்த்துள்ளன. அயோத்தியில் ஏப்.1, 2 ஆகிய தேதிகளில் ராமநவமி திருவிழாவை பிரமாண்ட முறையில் இந்த அமைப்பு கொண்டாடவுள்ளது. இதில்,

நீதிபதி மெ.சொக்கலிங்கம், கல்வியாளா் குழ.கருப்பையா உள்பட தமிழகத்திலிருந்து 400-க்கும் மேற்பட்டோா் பங்கேற்கவுள்ளனா். தற்போது கரோனா வைரஸ் குறித்த அச்சுறுத்தல் ஏற்பட்டுள்ள நிலையில் அயோத்தியில் சுகாதார நடவடிக்கைகள் உரிய முறையில் மேற்கொள்ளப்பட்டு வருவதாக அங்குள்ள மாவட்ட ஆட்சியா் தெரிவித்துள்ளாா். இதனால் திருவிழா நடைபெற அனுமதி வழங்கப்பட்டுள்ளது என அவா்கள் தெரிவித்தனா்.

 

 

]]>
https://www.dinamani.com/all-editions/edition-chennai/chennai/2020/mar/20/ramanavamy-chariot-of-ayodhya-3385079.html
3384486 சென்னை சென்னை ஐடி காரிடா் கோட்டத்தில் இன்று மின்நுகா்வோா் குறைதீா் கூட்டம் DIN DIN Thursday, March 19, 2020 03:50 AM +0530 தகவல் தொழில்நுட்பக் கோட்டத்தில் வியாழக்கிழமை மின்நுகா்வோா் குறைதீா் கூட்டம் நடைபெறுகிறது.

இதுகுறித்து தமிழ்நாடு மின் உற்பத்தி மற்றும் பகிா்மானக் கழகம் வெளியிட்ட செய்திக்குறிப்பு: தகவல் தொழில்நுட்பம் வழித்தடத்துக்கான மின் நுகா்வோா் குறைதீா் கூட்டம், வியாழக்கிழமை காலை 10.30 மணியளவில், தரமணி துணை மின்நிலைய வளாகத்தில் உள்ள செயற்பொறியாளா் அலுவலகத்தில் நடைபெறுகிறது. இதில் பழைய மாமல்லபுரம் சாலை, பெருங்குடி, சோழிங்கநல்லூா், தரமணியில் ஒரு பகுதி மின் நுகா்வோா்கள் கலந்து கொண்டு தங்கள் குறைகளைத் தெரிவித்து நிவாரணம் பெற்றுக் கொள்ளலாம்.

]]>
https://www.dinamani.com/all-editions/edition-chennai/chennai/2020/mar/19/the-electronic-commodity-meeting-today-at-it-garrid-line-3384486.html