Dinamani - சென்னை - https://www.dinamani.com/all-editions/edition-chennai/chennai/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3079804 சென்னை சென்னை சாலை விபத்துகள்: சென்னையில்  கடந்தாண்டு 1297 பேர் சாவு;  6243 பேர் காயம் கே. வாசுதேவன் DIN Sunday, January 20, 2019 04:29 AM +0530 சென்னையில் கடந்த 2018-ஆம் ஆண்டு நடைபெற்ற சாலை விபத்துகளில் 1297 பேர் இறந்தனர், 6234 பேர் காயமடைந்தனர்.
நாட்டில் அதிக சாலை விபத்துகள் நடைபெறும் பெருநகரங்களில், சென்னை முதல் இரண்டு இடங்களுக்குள்ளே இருந்து வருகிறது. சென்னையில் அதிகரித்த சாலை விபத்துகளால், பாதுகாப்பான பயணம் மேற்கொள்வது சவாலான காரியமாக இருந்தது.
சென்னையில் கடந்த 2016-இல் 7466 விபத்துகளில், 1306 பேர் இறந்தனர், 5828 பேர் காயமடைந்தனர். 2017-இல் 7516 விபத்துகளில் 1312 பேர் இறந்தனர்,  5870 பேர் காயமடைந்துள்ளனர். கடந்த 2018-இல் 7794 சாலை விபத்துகளில் 1297 பேர் இறந்துள்ளனர், 6243 பேர் காயமடைந்துள்ளனர். இதில் கடந்த 2017ஆம் ஆண்டை விட 2018ஆம் ஆண்டு 15 இறப்புகள் குறைந்திருப்பது குறிப்பிடத்தக்கது.
ஓட்டுநர்களின் கவனக்குறைவினால் 79 சதவீதமும்,  வாகனத்தை அதிவேகமாக ஓட்டுவதினால் 47.9 சதவீதமும், அலட்சியம், முந்திச் செல்லுதல் போன்றவற்றால் 41 சதவீதமும், மது போதையின் காரணமாக 2.6 சதவீதமும் சாலை விபத்துகள் ஏற்படுவதாக புள்ளி விவரங்கள் தெரிவிக்கின்றன.
அதேவேளையில் இரு சக்கர வாகன விபத்துகளில் உயிரிழப்புகள் 75 சதவீதத்தில் இருந்து 90 சதவீதம் வரை தலைக்கவசம் அணியாததாலும், இத்தகைய விபத்துகளில் 20 வயதில் இருந்து 30 வயது வரையுள்ள இளைஞர்களே 72 சதவீதம் இறப்பதாகவும் தேசியக் குற்ற ஆவணக் காப்பகம் கூறுகிறது.
24 லட்சம் வழக்குகள்:   கடந்த இரு ஆண்டுகளாக சென்னை காவல்துறையின் போக்குவரத்துப் பிரிவு விதிமுறைகளை அமல்படுத்துவதில் தீவிரம் காட்டுகிறது. 
சாலை விபத்துகளில் மதுபோதையில் வாகனம் ஓட்டுவது,  தலைக்கவசம் இல்லாமல் மோட்டார் சைக்கிள் ஓட்டுவது, செல்லிடப்பேசியில் பேசியபடி வாகனம் ஓட்டுவது, சிக்னலை மதிக்காமல் செல்வது, அதிவேகமாக வாகனங்களை ஓட்டுவது, வாகனங்களில் அதிக சுமை ஏற்றுவது,  சரக்கு வாகனத்தில் பயணிகளை ஏற்றுவது, கார்களை சீட்பெல்ட் அணியாமல் ஓட்டுவது போன்ற காரணங்களால் உயிரிழப்புகள் அதிகளவில் ஏற்படுகின்றன.
இதன் விளைவாக இந்த 8 விதிமீறல்களில் ஈடுபடுவோர் மீது போலீஸார் அதிக கவனம் செலுத்தி,  வழக்குகளைப் பதிவு செய்து வருகின்றனர். இதில், தலைக்கவசம் அணியாமல் வாகனம் ஓட்டுபவர்கள் மீது மட்டும் தினமும் சுமார் 5 ஆயிரம் வழக்குகள் பதியப்படுகின்றன. இதன் விளைவாக கடந்தாண்டு போக்குவரத்து விதிமுறை மீறல் தொடர்பாக போலீஸார் சுமார் 24.47 லட்சம் வழக்குகளை பதிவு செய்துள்ளனர்.  
மாணவர்களிடம் விழிப்புணர்வுப் பிரசாரம்:  சென்னையில் சாலை விபத்துகளைக் குறைப்பதற்காக போக்குவரத்துப் பிரிவு, பல்வேறு விழிப்புணர்வு நடவடிக்கைகளை எடுத்து வருகிறது. சாலை விபத்துகளால் அதிகம் பாதிக்கப்படும் பள்ளி - கல்லூரி மாணவர்களிடம் காவல்துறையினர் விழிப்புணர்வுப் பிரசாரம் செய்கின்றனர்.
அதோடு மோட்டார் சைக்கிளில் செல்லும்போது தலைக்கவசம் கட்டாயம் அணிய வேண்டும் என்பதற்காக குறும்படங்கள், விழிப்புணர்வுப் படங்கள் ஆகியவற்றை போக்குவரத்துப் பிரிவு அவ்வபோது வெளியிட்டு வருகிறது. இதேபோல மக்கள் அதிகமாகக் கூடும் மார்க்கெட்டுகள்,பேருந்து நிலையங்கள், ரயில் நிலையங்கள், வணிக வளாகங்கள் ஆகிய இடங்களிலும் போலீஸார் சாலை விபத்து குறித்த விழிப்புணர்வு நிகழ்ச்சிகள் நடத்துகின்றனர்.
கடந்த இரு ஆண்டுகளாக தீவிரமாக அமல்படுத்தப்படும் போக்குவரத்து விதிமீறல் வழக்குகள், பொதுமக்களிடம் ஏற்படுத்தும் விழிப்புணர்வுப் பிரசாரம் காரணமாக சாலை விபத்துகளும், உயிரிழப்புகளும் குறையத் தொடங்கியிருப்பதாக சென்னை காவல்துறையின் போக்குவரத்து பிரிவு உயர் அதிகாரி தெரிவித்தார்.
போலீஸார் நம்பிக்கை: மேலும், இந்தாண்டு முன்னை காட்டிலும் போக்குவரத்து விதிமுறை மீறலில் ஈடுபடுகிறவர்கள் மீது அதிகளவில் வழக்குப் பதிய திட்டமிட்டுள்ளதாகவும், பொதுமக்களிடம் சாலை விபத்து குறித்து இன்னும் தீவிரமாக விழிப்புணர்வுப் பிரசாரம் மேற்கொள்ள திட்டமிட்டிருப்பதாகவும் அவர் கூறினார்.

இதன் மூலம் மேலும் சாலை விபத்துகளையும், அதனால் ஏற்படும் உயிரிழப்புகளையும் குறைக்க முடியும் என போலீஸார் நம்பிக்கையுடன் கூறுகின்றனர்.


விபத்துகளும்... இறப்புகளும்...

ண்டு                              2017               2018
சாலை விபத்துகள்    7516    7794  
உயிரிழப்பு    1347    1297
பலத்த காயம்    1500    2984
லேசான காயம்    4370    3259
வாகனம் சேதம்    334    284

போக்குவரத்து விதிமுறை மீறல்களும்...வழக்குகளும்...

பாக்குவரத்து விதிமுறைகள்    2017     2018
அதிவேகமாக வாகனம் ஓட்டுதல்    78132    54502
சிக்னலை மீறிச் செல்லுதல்     202010    387113 
செல்லிடப்பேசியில் பேசியப்படி
வாகனம் ஓட்டுதல்    18896    28665
மதுபோதையில் வாகனம் ஓட்டுதல்    27330     41024
வாகனங்களில் அதிக சுமை ஏற்றுதல்    4683    5125    
சரக்கு வாகனத்தில் பயணிகளை ஏற்றுதல்    606    2078  
தலைக்கவசம் அணியாமல்
இரு சக்கர வாகனம் ஓட்டுதல்    341332     461585
சீட்பெல்ட் அணியாமல் கார் ஓட்டுதல்     90834    116848
பிற போக்குவரத்து மீறல்கள்    1499870    1350389  
மொத்தம்    2263693    2447329

]]>
https://www.dinamani.com/all-editions/edition-chennai/chennai/2019/jan/20/சாலை-விபத்துகள்-சென்னையில்--கடந்தாண்டு-1297-பேர்-சாவு--6243-பேர்-காயம்-3079804.html
3079800 சென்னை சென்னை வண்ணாரப்பேட்டை- டி.எம்.எஸ். இடையே மெட்ரோ ரயில் வழித்தடத்தில் ஆணையர் ஆய்வு DIN DIN Sunday, January 20, 2019 04:21 AM +0530 வண்ணாரப்பேட்டை-டி.எம்.எஸ். இடையே மெட்ரோ ரயில் வழித்தடத்தில் பாதுகாப்பு ஆணையர் கே.ஏ.மனோகரன் சனிக்கிழமை ஆய்வைத் தொடங்கினார். வரும் திங்கள்கிழமை வரை ஆய்வு மேற்கொள்ளவுள்ளார்.
சென்னையில் போக்குவரத்து நெரிசலை குறைக்கும் வகையில், மெட்ரோ ரயில் சேவை கொண்டு வரப்பட்டது. முதல்கட்டமாக , கோயம்பேடு -ஆலந்தூர் இடையே மெட்ரோ ரயில் சேவை தொடங்கப்பட்டது.இதைத்தொடர்ந்து, சென்ட்ரல்-விமானநிலையம், பரங்கிமலை-விமானநிலையம், விமானநிலையம்-டி.எம்.எஸ். இடையே மெட்ரோ ரயில் சேவை விரிவாக்கம் செய்யப்பட்டு, மெட்ரோ ரயில்கள் இயக்கப்பட்டு வருகின்றன. 
இதற்கிடையில், டி.எம்.எஸ். - வண்ணாரப்பேட்டை இடையேயான மெட்ரோ ரயில் சேவைக்கான பணிகள் சமீபத்தில் நிறைவடைந்தது. இதையடுத்து, இந்த வழித்தடத்தில் ஆய்வு செய்வதற்காக மெட்ரோ ரயில் பாதுகாப்பு ஆணையருக்கு ஆவணங்கள் சமர்ப்பிக்கப்பட்டிருந்தன. அதன்பேரில், டி.எம்.எஸ்.- வண்ணாரப்பேட்டை இடையேயான சோதனை ஓட்டம் மற்றும் ஆய்வை மெட்ரோ ரயில் பாதுகாப்பு ஆணையர் கே.ஏ.மனோகரன் சனிக்கிழமை தொடங்கினார். இந்த சோதனை ஓட்டம் மற்றும் ஆய்வு வரும் திங்கள்கிழமை வரை நடைபெறுகிறது. வண்ணாரப்பேட்டை-சென்ட்ரல் வரையிலான வழித்தடத்தில் பாதுகாப்பு ஆணையர் சனிக்கிழமை ஆய்வு செய்தார். இதைத்தொடர்ந்து, சென்ட்ரல்-டி.எம்.எஸ் இடையே ஞாயிற்றுக்கிழமை ஆய்வு மேற்கொள்ளவுள்ளார். மூன்றாம் நாளில், ஓட்டுமொத்தமாக ஆய்வு செய்கிறார். மேலும்,  80 கி.மீ. வேகத்தில் ரயிலை இயக்கி சோதனை ஓட்டம் நடத்தவுள்ளார்.
இது குறித்து மெட்ரோ ரயில் பாதுகாப்பு ஆணையர் கே.ஏ.மனோகரன் நிருபர்களிடம் சனிக்கிழமை கூறியது: வண்ணாரப்பேட்டை- டி.எம்.எஸ். மெட்ரோ ரயில் வழித்தடத்தில்  தண்டவாள பணிகள், ரயில் சிக்னல் ஒருங்கிணைப்பு, பாதுகாப்பு வசதிகள், ரயில் நிலையங்களில் செய்யப்பட்டுள்ள வசதிகள் ஆகியவற்றை ஆய்வு செய்கிறோம். ரயிலை இயக்கிப் பார்த்து சோதனை நடத்த உள்ளோம்.  ஏதாவது திருத்தம் செய்ய வேண்டும் என்றால், மெட்ரோ ரயில் நிர்வாகத்திடம் தெரிவிப்போம். அதன்பிறகு, ஒப்புதலை மெட்ரோ ரயில் நிர்வாகத்திடமும், அரசிடமும் கொடுக்கப்படும் என்றார் அவர்.
மெட்ரோ ரயில் கட்டணத்தை குறைக்க வாய்ப்பு இல்லை என்று சென்னை மெட்ரோ ரயில் நிறுவன மேலாண் இயக்குநர் பங்கஜ்குமார் பன்சல் தெரிவித்தார். மேலும் அவர் கூறியது:     வண்ணாரப்பேட்டை-திருவொற்றியூர் விம்கோ நகர் வரை விரிவாக்கப் பணி 2020-ஆம் ஆண்டு ஜூன் மாதத்தில் முடிவடைந்து, ரயில் சேவை தொடங்கப்படும். மெட்ரோ ரயில் திட்டத்துக்காக ஜப்பான் நாட்டு நிறுவனத்துடன்   2017-ஆம் ஆண்டு மேற்கொள்ளப்பட்ட ஒப்பந்தத்தின் படி, 5 ஆண்டுகளுக்குள் இந்தத் திட்டப் பணிகள் முடிக்கப்பட வேண்டும். ஆனால், எங்கள் கணக்கெடுப்புபடி, இரண்டு ஆண்டுக்கு முன்னதாக இந்தப்பணிகளை முடிவடையும்
பெங்களூரில் முதல்கட்ட மெட்ரோ ரயில் பாதையும்,  இரண்டாம் கட்ட மெட்ரோ ரயில் பாதையும் இணைப்பதற்கு முன்னதாக 60 ஆயிரம் பேர் பயணம் செய்தனர். முதல், இரண்டாம் கட்ட மெட்ரோ  ரயில் திட்டப்பணி முடிந்து, பாதைகள்  இணைப்புக்கு பிறகு 3 லட்சம் பேர் பயணம் செய்கின்றனர். அதுபோல, சென்னை மெட்ரோ ரயில் பயணத்தில் முதல்கட்ட திட்டப்பணி, இரண்டாம்கட்ட திட்டப்பணி முடிந்து பாதை இணைப்புக்கு பிறகு பயணிகள் எண்ணிக்கை மேலும் உயரும் என்று எதிர்பார்க்கிறோம். 
மெட்ரோ ரயில் கட்டணத்தை குறைக்க வாய்ப்பு இல்லை. மெட்ரோ ரயிலில்  தொழில்நுட்பம் உள்பட சில பிரச்னைகள் இருப்பதாக தெரிவிக்கின்றனர். இவற்றுக்குத் தீர்வு காணப்படும் என்றார் அவர்.

]]>
https://www.dinamani.com/all-editions/edition-chennai/chennai/2019/jan/20/வண்ணாரப்பேட்டை--டிஎம்எஸ்-இடையே-மெட்ரோ-ரயில்-வழித்தடத்தில்-ஆணையர்-ஆய்வு-3079800.html
3079754 சென்னை சென்னை ஆயுஷ் மருந்தகம் மடுவங்கரைக்கு இடமாற்றம் DIN DIN Sunday, January 20, 2019 04:04 AM +0530 சென்னை மாநகராட்சி தெற்கு வட்டாரம் அடையாறு மண்டலம் கோட்டம் 182 திருவான்மியூர் நகர நல வாழ்வு மையத்தில் செயல்பட்டு வந்த ஆயுஷ் மருந்தகம் அடையாறு மண்டலம், கோட்டம்- 174 கிண்டி மடுவங்கரையில் உள்ள மாநகராட்சி நல வாழ்வு மையத்தின் முதல் மாடியில் வரும் 23-ஆம் தேதி புதன்கிழமை முதல் செயல்படவுள்ளது.
ஆயுஷ் மருந்தகம் கிண்டி மடுவங்கரை பகுதிக்கு இடம் மாற்றம் செய்யப்படுவதால் கிண்டி, மடுவங்கரை,  கன்னிகாபுரம்,  நேருநகர், நரசிங்கபுரம்,  மசூதி காலனி,  கக்கன் நகர்,  அம்பேத்கர் நகர், கிண்டி ஆதம்பாக்கம் சுற்றியுள்ள பகுதி வாழ் மக்களுக்கும் பயனுள்ளதாக இருக்கும் என சென்னை மாநகராட்சி ஆணையர் தா.கார்த்திகேயன் தெரிவித்துள்ளார்.

]]>
https://www.dinamani.com/all-editions/edition-chennai/chennai/2019/jan/20/ஆயுஷ்-மருந்தகம்-மடுவங்கரைக்கு-இடமாற்றம்-3079754.html
3079752 சென்னை சென்னை இதய பாதிப்புடன் பிறந்த பச்சிளம் குழந்தைக்கு "பேஸ் - மேக்கர்' கருவி: அரசு மருத்துவர்கள் சாதனை DIN DIN Sunday, January 20, 2019 04:04 AM +0530 சீரற்ற இதயத் துடிப்புடன் பிறந்த பச்சிளம் குழந்தைக்கு அறுவைச் சிகிச்சை மூலம் "பேஸ் - மேக்கர்'  கருவியை பொருத்தி அரசு மருத்துவர்கள் சாதனை படைத்துள்ளனர்.
எழும்பூர் குழந்தைகள் நல மருத்துவமனையில் இந்த அறுவைச் சிகிச்சை மேற்கொள்ளப்பட்டுள்ளது. பிறந்து 18 நாள்கள் மட்டுமே ஆன குழந்தைக்கு இத்தகைய சவால் நிறைந்த சிகிச்சை அளிக்கப்பட்டிருப்பது அரசு மருத்துவமனை வரலாற்றில் இதுவே முதன்முறை என்று மருத்துவர்கள் தெரிவித்துள்ளனர்.
தருமபுரி மாவட்டம் அரூரைச் சேர்ந்தவர் குப்புசாமி (30). விவசாயக் கூலியான இவருக்கு கஸ்தூரி (27) என்ற மனைவி உள்ளார். இத்தம்பதிக்கு கடந்த மாதம் 25-ஆம் தேதி தனியார் மருத்துவமனையொன்றில் ஆண் குழந்தை ஒன்று பிறந்தது. பொதுவாகவே, பச்சிளம் குழந்தையின் இதயம் நிமிடத்துக்கு 120 முறையாவது துடிக்க வேண்டும். ஆனால், அக்குழந்தையின் இதயத் துடிப்பு நிமிடத்துக்கு 50-ஆக மட்டுமே இருந்தது.
இதையடுத்து, உயர் சிகிச்சைக்காக எழும்பூர் அரசு மருத்துவமனையில் அக்குழந்தை சேர்க்கப்பட்டது. அதன் இதய செயல்பாடுகளை பரிசோதித்த மருத்துவர்கள் குழந்தைக்கு "பேஸ் - மேக்கர்' கருவியைப் பொருத்த முடிவு செய்தனர். அதன்படி, கடந்த 12-ஆம் தேதி குழந்தைகள் இதய அறுவைச் சிகிச்சை துறைத் தலைவர் டாக்டர் ஜி.கே.ஜெய்கரன், மயக்க மருந்தியல் நிபுணர் டாக்டர் ராகவன், பச்சிளம் குழந்தைகள் தீவிர சிகிச்சைப் பிரிவு தலைவர் டாக்டர் கமலரத்தினம் ஆகியோர் அடங்கிய மருத்துவர் குழுவினர் சுமார் 3 மணி நேரம் அறுவைச் சிகிச்சை மேற்கொண்டு 75 கிராம் எடை கொண்ட "பேஸ் - மேக்கர்' கருவியைப் பொருத்தினர்.
அதன் பின்னர் இதயத் துடிப்பு தொடர்ந்து கண்காணிக்கப்பட்டு வருவதாகவும், தற்போது குழந்தை நலமுடன் இருப்பதாகவும் மருத்துவர்கள் தெரிவித்துள்ளனர்.
பிறந்து ஓரிரு வாரங்களே ஆன குழந்தைக்கு இதுபோன்ற சிகிச்சைகள் மேற்கொள்வது மிகவும் சிக்கலான காரியமாகும். இருப்பினும், அதனை அரசு மருத்துவர்கள் சாத்தியமாக்கியுள்ளனர். 
இதுகுறித்து மருத்துவமனையின் இயக்குநர் டாக்டர் அரசர் சீராளர் கூறியதாவது: இதயத் துடிப்பு சீராக இல்லாமல் குழந்தை பிறப்பதற்கு மரபணு ரீதியான காரணங்கள் இருக்கலாம். அல்லது வேறு சில காரணங்களால் அத்தகைய குறைபாடு ஏற்படலாம். ஆனால், இந்தக் குழந்தையைப் பொருத்தவரை இயற்கையாகவே அதன் இதயத் துடிப்பு சீரற்ற நிலையில் இருந்தது. இதற்கு உரிய சிகிச்சையளிக்காவிட்டால், குழந்தையின் வளர்ச்சி தடைபடும், மூளை வளர்ச்சி சரிவர இருக்காது; ஒரு கட்டத்தில் மரணம் நேரிடக் கூட வாய்ப்புள்ளது. 50 ஆயிரத்தில் ஒரு குழந்தைக்கு மட்டுமே இத்தகைய பாதிப்பு ஏற்படுவதுண்டு. கூடுமான வரையிலும் மருந்துகள் மூலமாக அப்பிரச்னையை சரி செய்யலாம். அதிலும் முன்னேற்றம் இல்லாதபட்சத்தில்தான் "பேஸ் - மேக்கர்' கருவி பொருத்த வேண்டிய சூழல் ஏற்படும்.
இந்தக் குழந்தைக்கு அத்தகைய அவசியம் எழுந்ததால் அறுவைச் சிகிச்சை மூலம் வெற்றிகரமாக அக்கருவி பொருத்தப்பட்டது. இந்த வகையான சிகிச்சைக்கு தனியார் மருத்துவமனைகளில் ரூ.5 லட்சம் வரை செலவாகும். முதல்வரின் விரிவான காப்பீட்டுத் திட்டத்தின் கீழ் இங்கு இலவசமாக "பேஸ் - மேக்கர்' கருவி பொருத்தப்பட்டுள்ளது.
குழந்தையின் இதயத் துடிப்பு தற்போது இயல்பாக இருக்கிறது. அடுத்த சில நாள்களில் குழந்தையை வீட்டுக்கு அழைத்துச் செல்லலாம் என்றார் அவர்.
 

]]>
https://www.dinamani.com/all-editions/edition-chennai/chennai/2019/jan/20/இதய-பாதிப்புடன்-பிறந்த-பச்சிளம்-குழந்தைக்கு-பேஸ்---மேக்கர்-கருவி-அரசு-மருத்துவர்கள்-சாதனை-3079752.html
3079748 சென்னை சென்னை தொழில்நுட்ப பயன்பாட்டை அதிகரிக்க வேண்டும்: எம்.பி.க்களுக்கு ஆளுநர் அறிவுறுத்தல் DIN DIN Sunday, January 20, 2019 04:03 AM +0530 தொகுதியில் மக்களின் நலனுக்காக நவீன தொழில்நுட்பத்தை எம்.பி.க்கள் பயன்படுத்த வேண்டும் என்று தமிழக ஆளுநர் பன்வாரிலால் புரோஹித் கேட்டுக் கொண்டார்.
பிரைம் பாயிண்ட் பவுண்டேசன், பிரசன்ஸ் இணையதள மாத இதழ் மற்றும் சன்சத் ரத்னா விருது குழு ஆகியவற்றின் சார்பில், 16-ஆவது நாடாளுமன்ற உறுப்பினர்களுக்கான "நாடாளுமன்ற ரத்தினம் ' விருது வழங்கும் விழா சென்னை ஆளுநர் மாளிகையில் சனிக்கிழமை நடைபெற்றது. இதில், ஆளுநர் பன்வாரிலால் புரோஹித் சிறப்புவிருந்தினராக கலந்துகொண்டார். 
நாடாளுமன்ற நிலைக்குழு (நிதி) தலைவர் எம்.வீரப்ப மொய்லி,  மாநிலங்களவை உறுப்பினர்கள் ரஜனி பாட்டீல், ஆனந்த் பாஸ்கர் ரபோலு, எம்.பி.க்கள் பர்த்ருஹாரி மஹ்தப், என்.கே.பிரேம சந்திரன், அனுராக் சிங் தாகூர், சுப்ரியா சுலே, நிஷிகாந்த் துபே, ராஜீவ் சங்கர்ராவ் சாத்தவ், ஸ்ரீரங் அப்பா பர்னே, தனஞ்செய் பீம்ராவ் மகாதிக், ஹீனா விஜயகுமார் காவித் ஆகியோருக்கு  ஆளுநர்  பன்வாரிலால் புரோஹித் விருதுகளை வழங்கி பேசியது: 
மக்கள் கோரிக்கைகளை நிறைவேற்றுவதற்கு எம்.பி.க்கள் முக்கியத்துவம் அளிக்க வேண்டும். தொகுதிக்கு ஆடம்பர காரில் செல்ல வேண்டும் என்பது வேண்டியதில்லை.  நான் எம்.பி.யாக இருந்தபோது, சிறிய ரக மாருதி காரில் தொகுதிக்கு சென்று மக்களை சந்தித்தேன். எம்.பி.க்கள் எளிமையாக இருந்து மக்களுக்கு சேவையாற்ற வேண்டும். நாடாளுமன்றத்தை நல்ல முறையில் பயன்படுத்துவதற்கு எம்.பி.க்கள் முன்வர வேண்டும்.
அமெரிக்காவில் செனட் உறுப்பினர்கள் சொந்த பிரச்னைகளை பேசுவதில்லை. மாறாக அவர்கள் புதிய கொள்கைகளை உருவாக்குவதில் அக்கறை செலுத்துகிறார்கள்.  நமது நாட்டில் பல திட்டங்கள் இருக்கின்றன. அவற்றை பற்றி எல்லாம் மக்கள் அறிந்திருப்பது இல்லை. ஆனால், இடையில் இருப்பவர்கள் அதனை பயன்படுத்துகிறார்கள். இது ஒழிக்கப்படவேண்டும். இது நாடாளுமன்ற உறுப்பினர்களின் பொறுப்பு.
அரசியல் தலையீடு இன்றி நட்புறவு ஏற்படுத்திக் கொள்வதன் மூலம் பிரச்னைகளை எளிதாக தீர்க்க முடியும். நாடாளுமன்ற அரங்கில் விவாதிக்கும்போது பல நல்ல விஷயங்கள் நடைபெறும். 
திட்டத்தின் பலன்கள் மக்களை சென்றடைவதற்கு எம்.பி.க்கள் பாடுபடவேண்டும். தொகுதியில் மக்களின் நலனுக்காக நவீன தொழில்நுட்பங்களை நாடாளுமன்ற உறுப்பினர்கள்  பயன்படுத்தவேண்டும். 
இன்றைய காலத்தில் சமூக ஊடகங்கள்  முக்கிய பங்கு வகிக்கின்றன. நாட்டில் நகரமக்கள், இளைஞர்கள் மத்தியில் மிகப்பெரிய அளவில் அடைந்துள்ளது.  இதை மக்களின் நலனுக்காக எம்.பி.க்கள் பயன்படுத்த வேண்டும் என்றார் ஆளுநர் பன்வாரிலால் புரோஹித்.
நிகழ்ச்சியில், முன்னாள் தலைமை தேர்தல் ஆணையர் டி.எஸ். கிருஷ்ணமூர்த்தி பேசியது:ஜனநாயகம் தழைக்கவேண்டும் என்றால், தேவைக்கு ஏற்ப தேர்தல் சீர்திருத்தங்கள் செய்ய வேண்டியது அவசியமாகும். அரசியல் கட்சிகள் தங்களுடைய தேர்தல் அறிக்கையில், தேர்தல் சீர்திருத்தம் குறித்து வலியுறுத்தவேண்டும். 
மகா கூட்டணி,  தேர்தல் சீரமைப்புக்காக பயன்படுத்தப்பட வேண்டும். நாடாளுமன்ற ஜனநாயகத்தை பாதுகாக்க எம்.பி.க்கள் பாடுபட வேண்டும்.  2019 பொதுத் தேர்தலை ஜனநாயக முறையில் சிறப்பாக நடத்த ஒத்துழைக்கவேண்டும் என்றார் அவர்.
 பிரைம் பாயிண்ட் பவுண்டேசன் தலைவர் கே.ஸ்ரீனிவாசன், சன்சத் ரத்னா விருது குழு தலைவர் பவனேஷ் தியோரா உள்பட பலர் கலந்துகொண்டனர்.
 

]]>
https://www.dinamani.com/all-editions/edition-chennai/chennai/2019/jan/20/தொழில்நுட்ப-பயன்பாட்டை-அதிகரிக்க-வேண்டும்-எம்பிக்களுக்கு-ஆளுநர்-அறிவுறுத்தல்-3079748.html
3079737 சென்னை சென்னை கண்காட்சியில் இன்று DIN DIN Sunday, January 20, 2019 03:59 AM +0530
ஞாயிற்றுக்கிழமை (20.1.19) மாலை 6 மணிக்கு  புத்தகக் கண்காட்சியின் நிறைவு விழாவில்,   பதிப்புத்துறையில் 25 ஆண்டுகள் சேவை புரிந்தவர்களுக்கு விருதுகள் வழங்கி  நீதிபதி ஆர்.மகாதேவன் பேருரை ஆற்றுகிறார்.  பள்ளிக் கல்வித்துறை இயக்குநர் இராமேஸ்வர முருகன் சிறப்புரை ஆற்றுகிறார்.   பபாசி தலைவர் எஸ்.வயிரவன்  வரவேற்புரையும்,  துணைத் தலைவர் பெ.மயிலவேலன்  நன்றியுரையும் ஆற்றுகிறார்கள்.

]]>
https://www.dinamani.com/all-editions/edition-chennai/chennai/2019/jan/20/கண்காட்சியில்-இன்று-3079737.html
3079729 சென்னை சென்னை கவனியுங்கள்! DIN DIN Sunday, January 20, 2019 03:57 AM +0530
நெஞ்சுக்கு நேர்மை-  ஆர்.நடராஜ் ஐபிஎஸ் - 5 தொகுதிகள்;  தொகுதி 1 - பக். 248 ; ரூ.200 ; தொகுதி 2 -  பக்.232 ; ரூ.190 ; தொகுதி 3  -  பக். 232 ; ரூ.190 ; தொகுதி 4 -  பக்.248 ; ரூ.200 ; தொகுதி 5-  பக். 208 ; ரூ.170 ; உமாசந்திரன் பிரசுரம், சென்னை. 

சமுதாயச் சிக்கல்கள் எதுவாக இருந்தாலும் அவற்றை மேம்போக்காகச் சொல்லாமல், அந்தச் சிக்கல்களின் காரணங்களைக் கண்டறிந்து அதைத் தீர்க்கும் வழிமுறைகளை இந்நூலில் எழுதப்பட்டுள்ள கட்டுரைகள்  சொல்கின்றன. 

நூலாசிரியர் தான் சொல்லும் எந்தப் பொருளுக்கும் தேவையான புள்ளிவிவரங்களை நிறைய தொகுத்து வைத்துக் கொண்டுதான் இந்த நூலில் உள்ள கட்டுரைகளை எழுதியிருக்கிறார் என்பதை ஒவ்வொரு வாசகரும் உணரும் வகையில் பல கட்டுரைகள் ஆதாரப்பூர்வமான  தகவல் களஞ்சியங்களாக உள்ளன. 

மனித உரிமைகள், சாலை பாதுகாப்பு, கல்வி, இசை, காவல்துறை, மக்களாட்சி உள்ளிட்ட  பல்வேறு பொருள்களில் கட்டுரைகள் எழுதப்பட்டுள்ள இந்நூலில் மேலோங்கியிருப்பது  எளிமை, தெளிவு, உண்மை ஆகியவையே. 

சுவடுகள் (திரை விமர்சனத் தொகுப்பு) - வெங்கடேஷ் சக்ரவர்த்தி; பக்.344; ரூ.325; பிரக்ஞை, சென்னை-17.

தமிழ் சினிமா ஆய்வாளர்களில் வெங்கடேஷ் சக்ரவர்த்தியின் பங்களிப்பு தனித்துவம் வாய்ந்தது. சினிமாவின் மூலமாக  தமிழ் சமூகத்தின் ஆழ்மனதையும், அதில் கனன்று கொண்டிருக்கும் சாதிய, வர்க்க மற்றும் ஆண்  மைய  அதிகாரத்தையும்  ஆராயும் கட்டுரைகளின் தொகுப்பே இந்நூல். 

"டேவிட் லீனின் ரயான்ஸ் டாட்டரும் மண்வாசனை சினிமாவின் கமர்ஷியல் வடிவமும்'  என்ற கட்டுரை குறிப்பிடத்தக்கது.  90- களில் எழுச்சி பெற்ற வலதுசாரி தேசியவாதத்தைப் பிரதிபலிப்பதாக உள்ள திரைப்படங்களைப் பற்றியும் (எடுத்துக்காட்டு: மணிரத்னத்தின் திரைப்படங்கள்), தமிழ் சினிமாவில் சாதிய கதாநாயகர்களின் எழுச்சியை விவரிக்கும் கட்டுரைகளும், கதாநாயக பிம்ப வழிபாடு குறித்த கட்டுரைகளும், அரசியலுக்கும் சினிமாவுக்கும் உள்ள உறவு குறித்த கட்டுரைகளும் நூலாசிரியரின் சமூக அக்கறையையும்,  எதையும் அறிவுப்பூர்வமாக, விமர்சனக் கண்கொண்டு பார்க்கும்  பார்வையையும் பறைசாற்றுகின்றன. 

ஓவிய நுண்கலை - ஓவியக் கலை மாணவர்களுக்கான கையேடு - சீ.வி.வடிவேலு; பக்.128; ரூ.120; சந்தியா பதிப்பகம், சென்னை-83.

ஓவிய நுண்கலையின்  செயல் வடிவ அணுகுமுறைகளை விரிவாகவும் எளிய நடையிலும் தமிழில் அளித்திருப்பது சிறப்பு.  ஓவிய நுண்கலையை முழுமையாகக் கற்றிட விரும்புவோர்க்கும், அக்கலையைப் பயிலும் மாணவர்களுக்கும் இந்நூல் பெருமளவில்  உதவும் என்பதில் ஐயமில்லை. ஓவியம் பற்றிய நூல் என்பதால் நூல் முழுக்க ஓவியங்களை வைத்தே பல விஷயங்கள் விளக்கப்பட்டுள்ளன. 

மெக்கன்சி சுவடிகளில் தமிழகப் பழங்குடி மக்கள் - ம.இராசேந்திரன்; ரூ.180; அடையாளம், புத்தாநத்தம்.

பழங்குடி மக்கள் யார்?  அவர்களின் வரலாறு என்ன?  சமுதாய மாற்றத்தில் அவர்கள் மட்டும் தனித்துவிடப்பட்டது எப்படி? அவர்களை இணைத்துக் கொள்ளாமல் நாட்டின் வளர்ச்சி சாத்தியமாகுமா?  குறும்பர்கள் யார்? என்பன போன்ற கேள்விகளுக்கு விடை கூறும் நூல். காலின் மெக்கன்சியின் சுவடிகளில் உள்ள தகவல்களின் அடிப்படையில் பழங்குடி மக்களின் வாழ்க்கை, வரலாறு இந்நூலில் விளக்கப்பட்டுள்ளது.

]]>
https://www.dinamani.com/all-editions/edition-chennai/chennai/2019/jan/20/கவனியுங்கள்-3079729.html
3079721 சென்னை சென்னை தேடித் தேடி... DIN DIN Sunday, January 20, 2019 03:55 AM +0530 கந்தசாமி, தாம்பரம்:

குழந்தைகள் படம் வரைந்து பார்ப்பதற்கான புத்தகங்களை நிறைய வாங்கியிருக்கிறேன்.  சாகித்ய அகாதெமி வெளியிட்ட "நாட்டுப்புறக் கதைக் களஞ்சியம்' என்ற புத்தகத்தை வாங்கியிருக்கிறேன்.  நான் வாங்கிய இன்னொரு புத்தகம், "பிரபஞ்சனின் படைப்புலகம்' . நா.பார்த்தசாரதியின் நாவல்கள் எனக்கு ரொம்பப் பிடிக்கும். அவருடைய  "சத்தியவெள்ளம்', "பொன்விலங்கு' ஆகியவற்றை  வாங்கியிருக்கிறேன். நவீன எழுத்தாளர்களின் இலக்கியப் புத்தகங்களையும் வாங்கியிருக்கிறேன்.  இமயம் எழுதிய "பெத்தவன்' அவற்றில் ஒன்று. 

சமூகப் பிரச்னைகள், தமிழகத்தைப் பாதிக்கக் கூடிய பிரச்னைகள் தொடர்பான புத்தகங்களும் எனக்குப் பிடிக்கும். பெரியார் எழுதிய "பெண் ஏன் அடிமையானாள்?' என்ற புத்தகத்தை வாங்கியிருக்கிறேன். காவிரி நீர் பிரச்னை தொடர்பான புத்தகங்களையும் வாங்கியிருக்கிறேன். 
சென்ற ஆண்டை விட புத்தகக் கண்காட்சியில்  நெரிசல் குறைவு.  அதனால் புத்தகங்களைத் தேடிப் பார்த்து தேர்ந்தெடுப்பது எளிதாக உள்ளது.

எம்.ஜி.ராஜேந்திரன்,  பெரம்பூர்:

நான் பெரம்பூரில் உள்ள "கலிகி அரங்கநாதன் மான்ட்போர்டு மெட்ரிக். மேல்நிலைப் பள்ளி' நூலகத்தில்  நூலகராக இருக்கிறேன்.  ஏற்கெனவே எங்கள் நூலகத்தில் 45 ஆயிரத்துக்கும் மேற்பட்ட நூல்கள் உள்ளன. எங்கள் பள்ளியில் பயிலும் மாணவர்கள், பணிபுரியும் ஆசிரியர்களுக்காக நிறைய புத்தகங்களை இப்போது வாங்கியிருக்கிறோம். மாணவர்களுக்கு பெரியவர்களின் வாழ்க்கை வரலாறுகள் வழிகாட்டியாக அமையும் என்பதால்,   மகான் ஸ்ரீ நாராயணகுரு, ஷீரடிசாய்பாபா, அருணகிரி நாதர், பட்டினத்தடிகள், குமரகுருபரர் உள்ளிட்ட பல பெரியவர்களின் வாழ்க்கை வரலாற்று நூல்களை வாங்கியிருக்கிறோம். 
பழந்தமிழ் இலக்கிய நூல்களான சீவகசிந்தாமணி, தேம்பாவணி,  பதினெண் கீழ்க்கணக்கு நூல்கள்,  பாரதிதாசனின் குடும்ப விளக்கு ஆகிய நூல்களையும் வாங்கியிருக்கிறோம். 

பள்ளியில் பணிபுரியும் ஆசிரியர்களுக்காக  சரித்திர நாவல்களை வாங்கியிருக்கிறோம்.  ராஜபேரிகை, கடல் ராணி, ராஜமுத்திரை, யவனராணி, கடல்புறா ஆகியவற்றை வாங்கியிருக்கிறோம். 

அதேபோன்று, INVENTIONS THAT MADE HISTORY, THE THOUGHT FOR THE DAY, OUR NATIONAL SONG, BONSAI  உள்ளிட்ட  முப்பதுக்கும் அதிகமான ஆங்கில நூல்களை வாங்கியிருக்கிறோம். 

பள்ளியில் பயிலும் இளம் மாணவர்களின் விருப்பத்தை அவர்களிடம் பேசித் தெரிந்து கொண்டு, அதற்கேற்ற புத்தகங்களை அவர்களுக்குக் கொடுப்பேன். 
எங்கள் பள்ளியில் நடைபெறும் பல்வேறு போட்டிகள், ஆண்டு விழாவின்போது வெற்றி பெற்ற மாணவர்களுக்குப் பரிசளிக்கவும் புத்தகங்களை வாங்கியிருக்கிறோம். 

ஆங்கில கதைப் புத்தகங்கள், பொது அறிவுப் புத்தகங்கள் நிறைய வாங்கியிருக்கிறோம்'' என்றார். 

]]>
https://www.dinamani.com/all-editions/edition-chennai/chennai/2019/jan/20/தேடித்-தேடி-3079721.html
3079705 சென்னை சென்னை எனது பரிந்துரைகள்! DIN DIN Sunday, January 20, 2019 03:51 AM +0530 எழுத்தாளர் எஸ்.ராமகிருஷ்ணன்


சிறுகதைத் தொகுப்பு:
சொர்க்கத்தின் அருகிலிருந்து வந்தவன் - அமரந்த்தா  (சிறந்த லத்தீன் அமெரிக்க மொழிபெயர்ப்பு கதைகள்)

கவிதைத் தொகுப்பு:
அக்காளின் எலும்புகள் -வெய்யில்;  கொம்பு வெளியீடு  இந்த ஆண்டில் வெளியாகியுள்ள மிகச்சிறந்த கவிதைகளின் தொகுப்பு

நாவல்:
வாராணசி - பா. வெங்கடேசன் எழுதியுள்ள புதிய நாவல். புதிய கதைக்களத்தை கொண்டிருக்கும் சிறப்பான நாவல்

சுயசரிதை:
செல்லம்மாள் - நினைவுக்குறிப்புகள்; காலச்சுவடு பதிப்பகம்.   90 வயதுகளை கடந்த ஒரு பெண்ணின் வாழ்க்கை வரலாற்றுப் பதிவுகள்.

கட்டுரை:
"காவிரிக் கரையில் அப்போது' - தங்க. ஜெயராமன், க்ரியா பதிப்பகம். தஞ்சை மண்ணின் வாழ்வியலை, வரலாற்றைச் சொல்லும் கட்டுரை.

]]>
https://www.dinamani.com/all-editions/edition-chennai/chennai/2019/jan/20/எனது-பரிந்துரைகள்-3079705.html
3079699 சென்னை சென்னை வித்தியாசம்! DIN DIN Sunday, January 20, 2019 03:48 AM +0530 இந்த ஆண்டு புத்தகக் கண்காட்சியில் பல வித்தியாசமான அரங்குகள் இடம் பெற்றிருக்கின்றன.  அவற்றில்  ஒன்று சாதாரண மனிதர்களுக்கும் பயன்படக் கூடிய சட்டங்களை விளக்கும் எளிய தமிழ்ப் புத்தகங்களை  விற்பனை செய்யும் அரங்கு. 
ராஜாத்தி பதிப்பகம் என்ற  அந்த அரங்கில் அன்றாடம் நமக்குத் தேவையான சட்ட அறிவுப் புத்தகங்கள் பல  உள்ளன.
பாகப் பிரிவினை செய்யும்போது பயன்படும் சட்ட விவரங்களைச் சொல்லும் புத்தகங்கள் உள்ளன.
நிலம் அ-ழ  என்ற  புத்தகத்தில் பட்டா, பத்திரப் பதிவு, வில்லங்கச் சான்றிதழ், சிட்டா, அடங்கல், கிரையம், வரி, நில அளவை, நிலத்தின் மார்க்கெட் வேல்யூ, பட்டா எண், பவர் ஆஃப் அட்டர்னி, பவர் ஏஜெண்ட், போலி பத்திரத்தை அடையாளம் காண்பது எப்படி?  ஒரு வீட்டுமனை அரசு அங்கீகார வீட்டுமனைதானா? தாய்ப்பத்திரத்தில் என்ன அடங்கியிருக்கும்?  நிலத்தைக் குத்தகைக்கு விடும்போது  என்ன செய்ய வேண்டும்? என்று நிலம் தொடர்பான சாதாரண மனிதர்களின் சந்தேகங்களுக்கு விடையளிக்கப்பட்டுள்ளன.     
இதே போன்று பட்டா குறித்து ஒரு நூலே இருக்கிறது. தனிப் பட்டா, கூட்டுப் பட்டா உள்பட பலவிவரங்கள் அதில் சொல்லப்பட்டுள்ளன.
எது அங்கீகாரமற்ற வீட்டுமனை என்பதை விளக்கும் ஒரு புத்தகம், விவசாய நிலங்களை வீட்டு மனைகளாக மாற்றும் விவரங்களை எடுத்துச் சொல்கிறது.
வீடு, நிலம் போன்ற சொத்து தொடர்பான சட்டங்களைப் பற்றி மட்டுமல்ல, பெற்றோர், மூத்த குடிமக்களின் நலம் மற்றும் பராமரிப்புச் சட்டம் குறித்தும் கூட புத்தகங்கள் உள்ளன.  பெற்றோர்களைச் சரிவர கவனிக்காத பிள்ளைகள் மீது என்ன நடவடிக்கை எடுக்க முடியும் என்பதை அவை விளக்குகின்றன. 
அன்றாட வாழ்க்கையில் நாம் தெரிந்து கொள்ள வேண்டிய  பல சட்டங்களை எளிதாகப் புரிந்து கொள்ளும் வகையில்  இந்த நூல்கள் எழுதப்பட்டிருக்கின்றன.

]]>
https://www.dinamani.com/all-editions/edition-chennai/chennai/2019/jan/20/வித்தியாசம்-3079699.html
3079693 சென்னை சென்னை வாழ்வில் ஒவ்வொரு தருணத்திலும் நன்னெறி காட்டுவது புத்தகங்கள்! DIN DIN Sunday, January 20, 2019 03:47 AM +0530 ""புத்தகங்கள் நம் வாழ்க்கையின் ஒவ்வொரு தருணத்திலும்  நமக்கு நன்னெறி காட்டுபவை'' என்று  சட்டக்கல்லூரி மாணவி கோ.சு.சிம்ஹாஞ்சனா  கூறினார்.  
சென்னை புத்தகக் கண்காட்சியின் இலக்கிய நிகழ்ச்சியில் "படித்ததில் பிடித்தது' என்ற தலைப்பில் சனிக்கிழமை பேசும்போது அவர் இவ்வாறு கூறினார். அவர் மேலும் கூறியதாவது:
""நாம் எப்போதும் கடந்த காலத்தை எண்ணியே  கவலைப்பட்டுக் கொண்டிருக்கிறாம்.  அப்படி கவலைப்படுவது தவறு.  கவலைப் படுபவர்கள் மூடர்கள்  என்ற கருத்தமைந்த பாடலை பாரதி பாடினான்.  "சென்றதினி மீளாது மூடரே... நீர்  எப்போதும் சென்றதையே சிந்தை செய்து...கொன்றழிக்கும் கவலையெனும் குழியில் வீழ்ந்து குமையாதீர்' என்றான்.  பழையனவற்றை நினைக்காமல் இன்று புதிதாய்ப் பிறந்தோம் என்று எண்ணிக் கொண்டு வாழ வேண்டும் என்றான். 
அப்படி வாழ  ஒவ்வொருவரும் முதலில் தன்னைக் காதலிக்க வேண்டும்.  தன் வாழ்க்கையைக் காதலிக்க வேண்டும்.  தன்னைக் காதலிக்கும் ஒருவன்தான் தன்னைச் சுற்றியுள்ள பிறருடன் அன்புடன் நடந்து கொள்வான். 
வாழ்வில் பற்றுக் கொள்வதும்,  பற்றில்லாமல் துறவு மனப்பான்மை கொள்வதும் வேறு வேறல்ல. துறவு இல்லாவிட்டால்  பறப்பது சாத்தியமில்லை. விமான ஓடுதளத்தைத் துறந்த விமானம்தான் வானில் பறக்க முடியும். 
ஒருவர் எல்லாமே நான் என்று நினைப்பதிலும், எதிலும் நானில்லை என்று நினைப்பதற்கும் கூட ஓர் ஒற்றுமையிருக்கிறது. 
"வானில் பறக்கின்ற புள்ளெலாம் நான்...  மண்ணில் திரியும் விலங்கெலாம் நான்' என்று  தான் இல்லாத இடமேயில்லை என்று பாடிய  பாரதிதான், "நிற்பதுவே நடப்பதுவே பறப்பதுவே நீங்களெல்லாம் சொற்பனந்தானோ? பல தோற்ற மயக்கங்களோ?' என்று கேட்கிறான்.  எல்லாமே மாயை என்கிறான். இதில் முரண் எதுவுமில்லை.  எல்லா இடத்திலும் இருப்பவன், எங்கும் இல்லாமல் இருப்பது எப்போது சாத்தியம் ஆகும்?  சுயநலம் இல்லாவிட்டால் தனக்கென வாழாமல் பிறருக்கு வாழ்ந்து எல்லா இடத்திலும் இருக்க முடியும்  என்பதையே இது சுட்டிக்காட்டுகிறது. 
இவ்வாறு புத்தகங்கள் நமக்கு எப்படி வாழ வேண்டும் என்று நன்னெறிகளைக் காட்டுகிறது. 
புத்தகம் படிப்பவரை "புத்தகப்புழு' என்பார்கள். என்னைப் பொருத்தவரை புத்தகம் படிப்பவர்களை "புத்தகப் பறவை' என்றே சொல்ல ஆசைப்படுகிறேன். ஏனெனில் புத்தகம் படிப்பவர்கள் புழுப் போல மண்ணுக்குள் மறைந்து போகாமல், வானில் சிறகடித்துப் பறப்பார்கள் என்றார். 
அடுத்தபடியாக  "எழுச்சி கண்ட புரட்சி' என்ற தலைப்பில் பேசிய சின்ன அலமேலு,  ரஷியாவின் ஆயுதப் புரட்சி, இந்தியாவின் அகிம்சைப் புரட்சி ஆகியவற்றைப் பற்றி பேசினார். ரஷிய புரட்சித்தலைவர் லெனினுக்கும், மகாத்மா காந்திக்கும் உள்ள பல ஒற்றுமையான பழக்க, வழக்கங்களையும், பண்புகளையும் சுட்டிக்காட்டினார். 
"ஆடியும் அடியும்' என்ற தலைப்பில் ஜோதி சுந்தரேசன் பேசினார்.  பபாசி துணைத்தலைவர் ஏ.ஆர்.சிவராமன் வரவேற்றார்.  
செயற்குழு உறுப்பினர் இராம.மெய்யப்பன் நன்றிதெரிவித்தார். 

]]>
https://www.dinamani.com/all-editions/edition-chennai/chennai/2019/jan/20/வாழ்வில்-ஒவ்வொரு-தருணத்திலும்-நன்னெறி-காட்டுவது-புத்தகங்கள்-3079693.html
3079617 சென்னை சென்னை   ராஜீவ் காந்தி அரசு மருத்துவமனையில் 600 கிலோ பிளாஸ்டிக் குப்பைகள் அகற்றம் DIN DIN Sunday, January 20, 2019 03:25 AM +0530 ராஜீவ் காந்தி அரசு பொது மருத்துவமனையில் 600 கிலோ பிளாஸ்டிக் குப்பைகள் அகற்றப்பட்டுள்ளதாக மருத்துவமனையின் முதல்வர் டாக்டர் ஜெயந்தி தெரிவித்துள்ளார்.
மேலும், மருத்துவமனை வளாகத்துக்குள் பிளாஸ்டிக் பயன்பாட்டை முற்றிலும் தவிர்க்கும் வகையில், பல்வேறு ஏற்பாடுகள் செய்யப்பட்டுள்ளதாகவும் அவர் கூறியுள்ளார். குறிப்பாக, உணவுக் கூடங்களில் பாக்கு மட்டை தட்டுகள், வாழை இலை, தாமரை இலை உள்ளிட்டவை பயன்படுத்தப்படுவதாக அவர் குறிப்பிட்டார்.
இதுகுறித்து டாக்டர் ஜெயந்தி செய்தியாளர்களிடம் சனிக்கிழமை கூறியதாவது:
ராஜீவ் காந்தி அரசு பொது மருத்துவமனையில் உள்நோயாளிகளாக 3,200 பேர் சிகிச்சைப் பெற்று வருகின்றனர். புறநோயாளிகளாக தினமும் 12 ஆயிரம் பேர் சிகிச்சை பெறுகின்றனர். கடந்த ஜனவரி 1-ஆம் தேதி முதல் பிளாஸ்டிக் பொருள்களை பயன்படுத்த தமிழக அரசு தடை விதித்தது. ஆனால்,  மருத்துவமனையில் பிளாஸ்டிக் பயன்பாட்டை குறைக்கும் நோக்குடன் 2018-ஆம் ஆண்டு ஜூன் 5-ஆம் தேதியே டாக்டர்கள், செவிலியர்கள், ஊழியர்கள் மற்றும் மாணவர்கள் உறுதிமொழி எடுத்துக் கொண்டனர். 
அதன் தொடர்ச்சியாக உணவு தயாரிக்கும் இடத்தில் பிளாஸ்டிக் பயன்பாடு முற்றிலும் நீக்கப்பட்டிருக்கிறது. அங்கு பிளாஸ்டிக் பொருள்களுக்கு பதிலாக பாக்குமட்டை, வாழை இலை, தொன்னை, மரக்கரண்டிகள், எவர்சில்வர் தட்டுகள் மற்றும் குவளைகள் உபயோகப்படுத்தப்பட்டு வருகின்றன.
மருத்துவ கல்லூரியின் சுற்றுச்சூழல் குழுவினர் தினமும் ஒரு மணி நேரம் வீதம் 36 நாள்களில் தோராயமாக 600 கிலோ பிளாஸ்டிக் குப்பைகளை மருத்துவமனை வளாகத்தில் இருந்து அகற்றி உள்ளனர். உபயோகமற்ற பிளாஸ்டிக் பாட்டில்களில் செடிகள் வளர்க்கப்பட்டு வருகின்றன என்றார் அவர். பேட்டியின்போது மருத்துவமனையின் கண்காணிப்பாளர் டாக்டர் நாராயணசாமி, மருத்துவ நிலைய அதிகாரி டாக்டர் இளங்கோ ஆகியோர்  உடனிருந்தனர்.

]]>
https://www.dinamani.com/all-editions/edition-chennai/chennai/2019/jan/20/ராஜீவ்-காந்தி-அரசு-மருத்துவமனையில்-600-கிலோ-பிளாஸ்டிக்-குப்பைகள்-அகற்றம்-3079617.html
3079596 சென்னை சென்னை பள்ளி மாணவர்களுக்கு ஜன.22-இல் கலையருவி போட்டி DIN DIN Sunday, January 20, 2019 02:46 AM +0530 அரசு பள்ளிகளில் மாணவர்களுக்கு வரும் 22-ஆம் தேதி கலையருவி போட்டிகள் நடத்துமாறு பள்ளிக் கல்வித் துறை உத்தரவிட்டுள்ளது.
இந்திய கலை மற்றும் பண்பாட்டை மாணவர்கள் அறியும் வகையில், மத்திய மனித வள அமைச்சகம் சார்பில் "கலா உத்சவ்' நிகழ்ச்சி ஆண்டுதோறும் நடத்தப்படுகிறது.   இதில்  பள்ளி மாணவ - மாணவியர் பங்கேற்கலாம். 
அதேபோல், தமிழகத்திலும், இரண்டாம் ஆண்டாக, வரும் 22-ஆம் தேதி கலையருவி போட்டிகள் நடத்த, பள்ளி கல்வித் துறை உத்தரவிட்டுள்ளது. 
ஒன்று முதல், ஐந்தாம் வகுப்பு வரையிலான மாணவர்களுக்கு, ஓவியம் வரைதல், பேச்சு, கட்டுரை, வண்ணம் தீட்டுதல், மெல்லிசை, குழு நடனம் உட்பட, 21 வகையான போட்டிகள் நடத்தப்பட உள்ளன.ஆறு முதல் எட்டாம் வகுப்பு வரை, 25 வகையான போட்டிகள் நடத்தப்படுகின்றன. 
 ஜன. 22-இல் பள்ளி அளவிலான போட்டி; 24-இல் கல்வி மாவட்டபோட்டி; 28-இல் தேதி வருவாய் மாவட்ட போட்டிகளை நடத்த உத்தரவிடப்பட்டுள்ளது. 
இதில் தேர்வாகும்  மாணவர்கள், மாநில போட்டியில் பங்கேற்க வாய்ப்புள்ளதாக அறிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2019/jan/20/பள்ளி-மாணவர்களுக்கு-ஜன22-இல்-கலையருவி-போட்டி-3079596.html
3079595 சென்னை சென்னை புதிய ரீ-சார்ஜ் திட்டம்: பி.எஸ்.என்.எல். அறிமுகம் DIN DIN Sunday, January 20, 2019 02:45 AM +0530 ரூ.1,699-க்கு ரீ-சார்ஜ் செய்தால் தினமும் 4 ஜி.பி. டேட்டா மற்றும் அளவில்லா அழைப்புகள் மேற்கொள்ளும் புதிய திட்டத்தை பி.எஸ்.என்.எல். நிறுவனம் அறிவித்துள்ளது.
பி.எஸ்.என்.எல். நிறுவனம் தனது மொபைல் ப்ரீபெய்டு வாடிக்கையாளர்களுக்காக புதிய ரீ-சார்ஜ் திட்டத்தை அறிவித்துள்ளது. இதன்படி, ரூ.1,699-க்கு ரீ-சார்ஜ் செய்தால், ஓர் ஆண்டுக்கு தினமும் 4 ஜிபி டேட்டா வழங்கப்படும். அத்துடன், அனைத்து நெட்வொர்க்குகளுக்கும்  அளவில்லா அழைப்புகள் மேற்கொள்ளலாம். அத்துடன், தினமும் 100 எஸ்.எம்.எஸ்.களை இலவசமாக அனுப்பலாம். இலவச காலர் டியூன் வசதியும் வழங்கப்படும். இந்தத்திட்டம்  ஓர் ஆண்டு செல்லத்தக்கது என்று பி.எஸ்.என்.எல். தெரிவித்துள்ளது.

]]>
https://www.dinamani.com/all-editions/edition-chennai/chennai/2019/jan/20/புதிய-ரீ-சார்ஜ்-திட்டம்-பிஎஸ்என்எல்-அறிமுகம்-3079595.html
3079594 சென்னை சென்னை கூடூர் ரயில் நிலையத்தில் பராமரிப்புப் பணிகள்: ரயில் சேவையில் மாற்றம் DIN DIN Sunday, January 20, 2019 02:44 AM +0530 கூடூர் சந்திப்பு ரயில் நிலையத்தில் பராமரிப்புப் பணி நடைபெறுவதால் , வரும் 21-ஆம் தேதி முதல் 31-ஆம் தேதி வரை 11 நாள்கள் பயணிகள் ரயில் சேவையில்  மாற்றம் செய்யப்பட்டுள்ளது.
பித்ரகுண்டா-சென்னை சென்ட்ரலுக்கு இயக்கப்படும் பயணிகள் ரயில்(57240), சென்னை சென்ட்ரல்-கூடூருக்கு இயக்கப்படும் பயணிகள் ரயில்(57239) ஆகியவை வரும் 21-ஆம் தேதி முதல் 31-ஆம் தேதி வரை ரத்து செய்யப்படுகின்றன. இதுதவிர, சென்னை எழும்பூர்-கயா,  எர்ணாகுளம்- பாட்னா விரைவு ரயில்கள் உள்பட 11 விரைவு ரயில்கள் கூடூர் ரயில் நிலையத்தில் 2 நிமிடம் தற்காலிகமாக நின்று செல்ல ஏற்பாடு செய்யப்பட்டுள்ளது.  

]]>
https://www.dinamani.com/all-editions/edition-chennai/chennai/2019/jan/20/கூடூர்-ரயில்-நிலையத்தில்-பராமரிப்புப்-பணிகள்-ரயில்-சேவையில்-மாற்றம்-3079594.html
3079593 சென்னை சென்னை அண்ணா பல்கலை. புதிய தேர்வு விதிமுறை: ராமதாஸ் கண்டனம் DIN DIN Sunday, January 20, 2019 02:43 AM +0530 அண்ணா பல்கலைக்கழகத்தில் புதிய  தேர்வு விதிமுறைக்கு பாமக நிறுவனர் ராமதாஸ் கண்டனம் தெரிவித்துள்ளார்.
இது தொடர்பாக சனிக்கிழமை அவர் வெளியிட்ட அறிக்கை: அண்ணா பல்கலைக்கழகம் மற்றும் அதனுடன் இணைக்கப்பட்ட 500-க்கும் மேற்பட்ட பொறியியல் கல்லூரிகளில் 2017-18 ஆம் கல்வியாண்டு முதல் புதிய தேர்வு விதிகள் அறிமுகம் செய்யப்பட்டன. அதன்படி, முதல் பருவத் தேர்வில் ஏதேனும் ஒரு பாடத்தில் ஒரு மாணவர் தோல்வியடைந்தால், அந்த பாடத்திற்கான தேர்வை அவர் மூன்றாவது பருவத்தில் மட்டும் தான் எழுத முடியும். அதேபோல், எந்த பருவத் தேர்வில் ஒரு மாணவர் தோல்வியடைந்தாலும், அதற்கு அடுத்த பருவத்தில் அப்பாடத் தேர்வை அவரால் எழுத முடியாது. 
மாறாக ஓராண்டு கழித்து வரும் பருவத்தில் தான் அவர் தேர்வெழுத முடியும். இந்த விதிமுறை பொறியியல் கல்வி பயிலும் மாணவர்களின் உயர்கல்வியிலும், வேலைவாய்ப்புகளிலும் ஈடுசெய்ய முடியாத இழப்பை ஏற்படுத்தும். இது தவிர்க்கப்பட வேண்டியதாகும்.
அண்ணா பல்கலைக்கழகத்தில் 2017-18ஆம் கல்வியாண்டுக்கு முன்பு வரை நடைமுறையில் இருந்த விதிகளின்படி, ஒரு மாணவர் எத்தனைப் பாடங்களில் தோல்வியடைந்திருந்தாலும், அவர் அவற்றை எந்தப் பருவத்தில் வேண்டுமானாலும் எழுத முடியும். அதனால், பொறியியல் படிப்பின் முதல் 3 ஆண்டுகளில் பல பாடங்களில் தோல்வியடைந்த மாணவர்கள் கூட, அனைத்துப் பாடங்களுக்கான தேர்வுகளையும்  கடைசி ஆண்டின் இரு பருவங்களில் எழுதி தேர்ச்சி பெற்றுள்ளனர். 
இப்போதும் அனைத்து தமிழக பல்கலைக்கழகங்களிலும் இத்தகைய முறை தான் தொடர்கிறது. அண்ணா பல்கலைக்கழகத்தில் மட்டும் புதிய தேர்வு விதிகளைப் புகுத்தி மாணவர்களின் வாழ்க்கையில் விளையாடுவது நியாயமற்றதாகும். எனவே, புதிய தேர்வு விதிகளை அண்ணா பல்கலைக்கழகம் உடனடியாக திரும்பப் பெற வேண்டும் என்று அவர் கூறியுள்ளார்.
 

]]>
https://www.dinamani.com/all-editions/edition-chennai/chennai/2019/jan/20/அண்ணா-பல்கலை-புதிய-தேர்வு-விதிமுறை-ராமதாஸ்-கண்டனம்-3079593.html
3078875 சென்னை சென்னை சென்னை தூய்மையான நகரமா?: மாநகராட்சிக்கு நீதிமன்றம் கேள்வி DIN DIN Saturday, January 19, 2019 04:20 AM +0530
சென்னை தூய்மையான நகரம் என உறுதி அளிக்க முடியுமா என மாநகராட்சிக்கு சென்னை உயர் நீதிமன்றம் கேள்வி எழுப்பியுள்ளது. மேலும், தூர்வாரும் பணிகள் குறித்த விவரங்களை இரண்டு வார காலத்துக்குள் தாக்கல் செய்யவும் உத்தரவிட்டுள்ளது. 
சென்னை உயர்நீதிமன்றத்தில் வழக்குரைஞர் ஏ.பி.சூரியபிரகாசம் தாக்கல் செய்த மனுவில், சென்னை மாநகராட்சிக்கு உள்பட்ட பகுதிகளில் டெங்கு காய்ச்சல் அதிகரித்து வருகிறது. கொசுக்களைக் கட்டுப்படுத்தத் தேவையான முன்னெச்சரிக்கை நடவடிக்கைகளை மாநகராட்சி அதிகாரிகள் மேற்கொள்ளவில்லை. மேலும், மழைக்காலங்களில் கழிவுநீர் தேங்கக்கூடிய கால்வாய்களை சரிவர சுத்தம் செய்து பராமரிப்பதும் இல்லை. எனவே டெங்கு கொசுக்களை ஒழிக்க மாநகராட்சி அதிகாரிகள் துரிதமான நடவடிக்கைகளை மேற்கொள்ள உத்தரவிட வேண்டும் எனக் கோரியிருந்தார்.
இந்த வழக்கு நீதிபதிகள் வினீத் கோத்தாரி மற்றும் அனிதா சுமந்த் ஆகியோர் அடங்கிய அமர்வு முன் விசாரணைக்கு வந்தது. அப்போது மாநகராட்சி சார்பில், கூவம் உள்ளிட்ட நீர்நிலைகளில் தூர்வாரும் பணிகள் மேற்கொள்ளப்பட்டதாக தெரிவிக்கப்பட்டது. இதனையடுத்து வழக்கை விசாரித்த நீதிபதிகள், சென்னை மாநகராட்சி நிர்வாகக் குழு, தூர்வாரும் பணிகளை கண்காணிக்க குழு அமைத்துள்ளதா? இந்த பணிகளுக்காக பல கோடி ரூபாய் ஒதுக்கப்பட்டிருந்தாலும் அதனால் எந்த முன்னேற்றமும் இல்லையே? சென்னை மாநகரம் குப்பைகளே இல்லாத தூய்மையான நகரமாக மாறி விட்டது என சென்னை மாநகராட்சி நிர்வாகம் உறுதி அளிக்க முடியுமா என்பன உள்ளிட்ட பல்வேறு கேள்விகளை எழுப்பினர். மேலும் தூர்வாரும் பணிகள் தொடர்பான விவரங்களை இரண்டு வார காலத்துக்குள் விரிவான அறிக்கையாக தாக்கல் செய்ய உத்தரவிட்டு விசாரணையை ஒத்திவைத்தனர்.
 

]]>
https://www.dinamani.com/all-editions/edition-chennai/chennai/2019/jan/19/சென்னை-தூய்மையான-நகரமா-மாநகராட்சிக்கு-நீதிமன்றம்-கேள்வி-3078875.html
3078874 சென்னை சென்னை வண்ணாரப்பேட்டை-டி.எம்.எஸ். இடையே இன்று முதல் மெட்ரோ ரயில் சோதனை ஓட்டம் DIN DIN Saturday, January 19, 2019 04:19 AM +0530
வண்ணாரப்பேட்டை - தேனாம்பேட்டை (ஏஜி- டி.எம்.எஸ்.) இடையே மெட்ரோ ரயில் வழித்தடத்தில் வெள்ளிக்கிழமை தொடங்கி வரும் 21-ஆம் தேதி வரை ஆய்வு நடைபெற உள்ளது. இந்த ஆய்வின் போது, 80 கிலோமீட்டர் வேகத்தில் மெட்ரோ ரயிலை இயக்கி சோதனை ஓட்டம் நடத்தப்பட உள்ளது. 
வண்ணாரப்பேட்டை முதல் விமான நிலையம் வரை முதல் வழித்தடத்திலும், சென்ட்ரல் முதல் பரங்கி மலை வரை இரண்டாவது வழித்தடத்திலும் மெட்ரோ ரயில் திட்டப்பணிகள் நடைபெற்று வந்தன. இதில், இரண்டாவது வழித்தடப் பணிகள் நிறைவடைந்து மெட்ரோ ரயில்கள் இயக்கப்படுகின்றன. 
முதல் வழித் தடத்தில், தேனாம்பேட்டை (ஏ.ஜி.-டி.எம்.எஸ்) - வண்ணாரப்பேட்டை இடையே 10 கி.மீ. தொலைவுக்கு கட்டுமானப் பணிகள் மற்றும் சுரங்கப் பாதைப் பணிகள் அனைத்தும் நிறைவடைந்துள்ளன. இவற்றை மெட்ரோ ரயில்வே பொறியாளர்கள் ஆய்வு செய்து வந்தனர். மேலும், இங்கு மெட்ரோ ரயில்வே பாதுகாப்பு ஆணையரின் ஆய்வுக்காக தேவையான அனைத்து ஆவணங்களும் சமர்ப்பிக்கப்பட்டிருந்தன.
இந்நிலையில், வண்ணாரப் பேட்டை - ஏ.ஜி. - டி.எம்.எஸ். இடையே ஆய்வு மற்றும் மெட்ரோ ரயில் சோதனை ஓட்டம் பாதுகாப்பு ஆணையர் கே.ஏ.மனோகரன் தலைமையில் சனிக்கிழமை (ஜன.19) முதல் திங்கள்கிழமை (ஜன. 21) வரை மூன்று நாள்கள் நடைபெற உள்ளன. இதற்காக பாதுகாப்பு ஆணையர் தலைமையிலான குழுவினர் பெங்களூரில் இருந்து சனிக்கிழமை காலை சென்னைக்கு வரவுள்ளனர். வண்ணாரப் பேட்டையில் இருந்து சென்ட்ரல் வரை ரயில் பாதை மற்றும் நிலையங்களில் ஆய்வு நடத்தப்படுகிறது. ஞாயிற்றுக்கிழமை சென்ட்ரலில் இருந்து தேனாம்பேட்டை, டி.எம்.எஸ். வரை ரயில்பாதை மற்றும் நிலையங்கள் ஆய்வு செய்யப்பட உள்ளன. மாலையில், வண்ணாரப்பேட்டை - தேனாம்பேட்டை(ஏஜி - டி.எம்.எஸ்.) வரை 80 கிலோ மீட்டர் வேகத்தில் மெட்ரோ ரயிலை இயக்கி பாதுகாப்பு ஆணையர் கே.ஏ.மனோகரன் தலைமையிலான குழுவினர் சோதனை நடத்துகின்றனர். இதைத் தொடர்ந்து, நடைமேடையின் உள்புறம், வெளிப்புறத்தில் ஆய்வுகள் நடத்தப்பட உள்ளன. 
உள்புறத்தில் செய்யப்பட்டுள்ள பாதுகாப்பு ஏற்பாடுகள், வெளிப்புறத்தில் செய்யப்பட்டுள்ள வசதிகள் ஆகியன குறித்தும் ஆய்வு செய்யப்படுகிறது. இதேபோல, திங்கள்கிழமை அன்று மூன்றாவது நாள் ஆய்வு நடைபெறும். இதில், ஏதாவது குறைகள் இருந்தால், அது தொடர்பாக மெட்ரோ ரயில்வே நிர்வாகத்திடம் பாதுகாப்பு ஆணையர் தெரிவிப்பார். ஆணையரின் அறிவுறுத்தல்படி, தேவையான திருத்தங்கள் செய்யப்படவுள்ளன. 
இது குறித்து மெட்ரோ ரயில்வே நிர்வாக அதிகாரி ஒருவர் கூறியது: மெட்ரோ ரயில்வே பாதுகாப்பு ஆணையர் கே.ஏ.மனோகரன் தலைமையில் நடைபெறும் ஆய்வு மற்றும் சோதனை ஓட்டம் முடிந்தபிறகு, அவர் தெரிவிக்கும் குறைகள் சரி செய்யப்படும். அதன்பிறகு, இந்த மாத இறுதிக்குள் வண்ணாரப்பேட்டை- தேனாம்பேட்டை(ஏ.ஜி- டி.எம்.எஸ்) இடையே மெட்ரோ ரயில் போக்குவரத்து தொடங்கும் என்றார் அவர்.
 

]]>
https://www.dinamani.com/all-editions/edition-chennai/chennai/2019/jan/19/வண்ணாரப்பேட்டை-டிஎம்எஸ்-இடையே-இன்று-முதல்-மெட்ரோ-ரயில்-சோதனை-ஓட்டம்-3078874.html
3078873 சென்னை சென்னை குடியரசு தின விழா ஒத்திகை: மெரீனாவில் போக்குவரத்து மாற்றம் DIN DIN Saturday, January 19, 2019 04:19 AM +0530
குடியரசு தின விழா ஒத்திகையை முன்னிட்டு, சென்னை மெரீனா கடற்கரை சாலையில் இம் மாதம் 19 (சனிக்கிழமை), 22, 24 ஆகிய தேதிகளில் போக்குவரத்து மாற்றம் செய்யப்படுகிறது. அதேபோல குடியரசு தினமான 26-ஆம் தேதியும் போக்குவரத்து மாற்றம் செய்யப்படுகிறது.
இது குறித்து சென்னை பெருநகரக் காவல் துறை போக்குவரத்துப் பிரிவு வெளியிட்டுள்ள செய்திக் குறிப்பு:
தமிழக அரசு சார்பில் குடியரசு தின விழா கொண்டாட்டம் இம்மாதம் 26-ஆம் தேதி மெரீனா கடற்கரை காமராஜர் சாலையில் நடைபெறுகிறது. இதனை முன்னிட்டு சனிக்கிழமை (ஜன. 19) மற்றும் 22, 24-ஆம் தேதிகளில் காமராஜர் சாலையில் போக்குவரத்து மாற்றம் செய்யப்படுகிறது. அதேபோல விழா நடைபெறும் 26-ஆம் தேதியும் மெரீனா பகுதியில் போக்குவரத்து மாற்றம் செய்யப்படுகிறது.
இந்த நாள்களில் காமராஜர் சாலையில், கலங்கரை விளக்கம் முதல் போர் நினைவுச் சின்னம் வரை காலை 6 மணி முதல் காலை 10 மணி வரை வாகனங்கள் செல்ல அனுமதிக்கப்பட மாட்டாது.
 

]]>
https://www.dinamani.com/all-editions/edition-chennai/chennai/2019/jan/19/குடியரசு-தின-விழா-ஒத்திகை-மெரீனாவில்-போக்குவரத்து-மாற்றம்-3078873.html
3078872 சென்னை சென்னை முதியோர் காப்பக விவகாரம்: விளக்கம் அளிக்க நீதிமன்றம் உத்தரவு DIN DIN Saturday, January 19, 2019 04:19 AM +0530
தமிழகத்தில் விதிமுறைகளுக்குப் புறம்பாகச் செயல்பட்டு வரும் முதியோர் காப்பக விவகாரம் தொடர்பாக சமூகநலத்துறைச் செயலாளர் நேரில் ஆஜராக உயர் நீதிமன்றம் உத்தரவிட்டுள்ளது. 
கோவை மாவட்டம் குப்பனூரில் செயல்பட்டு வரும் முதியோர் இல்லம், எந்த விதமான விதிகளையும் பின்பற்றாமல் நடத்தப்படுவதாகக் கூறி, சென்னை உயர் நீதிமன்றத்தில் சிவராமன் என்பவர் வழக்குத் தொடர்ந்தார். 
இந்த வழக்கு நீதிபதிகள் வினீத் கோத்தாரி மற்றும் அனிதா சுமந்த் ஆகியோர் அடங்கிய அமர்வு முன் விசாரணைக்கு வந்தது. அப்போது அரசு தரப்பில், சம்பந்தப்பட்ட முதியோர் இல்லத்தை சமூகநலத்துறை அதிகாரிகள் ஆய்வு செய்து மூடிவிட்டதாகத் தெரிவிக்கப்பட்டது. 
இதனைத் தொடர்ந்து வழக்கை விசாரித்த நீதிபதிகள், மனுதாரர் தமிழகத்தில் 127 அரசு முதியோர் காப்பகங்கள், 116 தனியார் காப்பகங்கள் இருப்பதாகவும், இவற்றில் பெரும்பாலான காப்பகங்களில் அடிப்படை வசதிகள் எதுவும் இல்லை எனவும் மனுவில் குறிப்பிட்டுள்ளார். 
இந்த நிலையில் ஒரேயொரு காப்பகத்தை மூடி விடுவதால் பிரச்னைகள் தீர்ந்துவிடாது என கருத்து தெரிவித்த நீதிபதிகள், சமூகநலத்துறை சார்பில் முதியோர் காப்பகங்களுக்கு எவ்வளவு நிதி ஒதுக்கப்பட்டுள்ளது; ஒதுக்கப்பட்ட நிதியில் எவ்வளவு செலவிடப்பட்டுள்ளது; காப்பகங்களைக் கண்காணிக்க எத்தனை குழுக்கள் அமைக்கப்பட்டுள்ளன; இந்தக் குழுக்கள் எத்தனை முறை ஆய்வுப் பணிகளை மேற்கொண்டது; அடிப்படை வசதிகள் இல்லாத காப்பகங்கள் மீது என்ன நடவடிக்கை எடுக்கப்பட்டது என்பன உள்ளிட்ட விவரங்களை சமூகநலத்துறைச் செயலாளர் நேரில் ஆஜராகி தாக்கல் செய்ய உத்தரவிட்டு விசாரணையை வரும் பிப்ரவரி 5-ஆம் தேதிக்கு ஒத்திவைத்தனர்.
 

]]>
https://www.dinamani.com/all-editions/edition-chennai/chennai/2019/jan/19/முதியோர்-காப்பக-விவகாரம்-விளக்கம்-அளிக்க-நீதிமன்றம்-உத்தரவு-3078872.html
3078871 சென்னை சென்னை வள்ளலார் குருபூஜை: இறைச்சிக் கூடங்கள் 21-இல் செயல்படாது DIN DIN Saturday, January 19, 2019 04:18 AM +0530
வள்ளலார் நினைவு தினத்தை முன்னிட்டு வரும் திங்கள்கிழமை (ஜனவரி 21) இறைச்சிக் கூடங்கள் மற்றும் விற்பனையகங்களைத் திறக்கக் கூடாது என்று சென்னை பெருநகர மாநகராட்சி அறிவுறுத்தியுள்ளது.
இதற்கு வியாபாரிகள் முழு ஒத்துழைப்பு அளிக்க வேண்டும் என்றும் வலியுறுத்தியுள்ளது. இதுகுறித்து மாநகராட்சி ஆணையர் தா.கார்த்திகேயன் வெளியிட்ட செய்திக்குறிப்பு:
சென்னை மாநகராட்சி பொது சுகாதாரத் துறை கட்டுப்பாட்டின் கீழ் செயல்படும் அனைத்து இறைச்சிக் கூடங்களும் வள்ளலார் நினைவு தினத்தன்று செயல்படத் தடை விதிக்கப்பட்டுள்ளது. அதேபோன்று இறைச்சி விற்பனையகங்கள், பதப்படுத்தப்பட்ட இறைச்சிகளை விற்பனை செய்யும் கடைகள் ஆகியவையும் செயல்பட அனுமதியில்லை என்று தெரிவிக்கப்பட்டுள்ளது. 
மேலும் வணிகர்கள் அனைவரும் அதற்கு ஒத்துழைப்பு அளிக்குமாறும் கேட்டுக்கொள்ளப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/19/வள்ளலார்-குருபூஜை-இறைச்சிக்-கூடங்கள்-21-இல்-செயல்படாது-3078871.html
3078870 சென்னை சென்னை பேசும் மொழியைப் போலவே உடல் மொழியும் மிகவும் முக்கியம் DIN DIN Saturday, January 19, 2019 04:18 AM +0530
ஒரு கருத்தைச் சொல்லும்போது உடல் மொழியைப் பொருத்து அந்தக் கருத்து பிறரால் புரிந்து கொள்ளப்பட வாய்ப்புள்ளது. எனவே உடல் மொழியும் மிகவும் முக்கியம்  என்று வெ.இறையன்பு ஐ.ஏ.எஸ். கூறினார்.
சென்னை புத்தகக் கண்காட்சியில் நடைபெற்ற இலக்கிய நிகழ்ச்சியில் உடலாலும் பேசுவோம் என்ற தலைப்பில் அவர் மேலும் பேசியதாவது:
எல்லா உயிரினங்களில் இருந்தும் மனிதனைப் பிரித்துக் காட்டுவது அவனுடைய மொழி. மொழி என்பது பரிணாம வளர்ச்சி அடைந்துதான் மனிதனுக்கு வசப்பட்டிருக்கிறது. மனிதனின் முன்னோரான சிம்பன்சி குரங்கிலிருந்து மனிதன் 1.4 சதவீதம் தான் வேறுபடுகிறான். 
மிருகங்களிடமிருந்து மனிதன் வேறுபடுவது அவனுடைய உழைப்பினால்தான். பிற மிருகங்கள் இனவிருத்தி செய்கின்றன. உணவு உண்கின்றன. ஆனால் மனிதன்தான் உழைக்கிறான். 
ஆனால் மிருகங்களிடம் இருந்து மனிதன் வேறுபடும் 1.4 சதவீதத்திலும் மனிதன் வெறும் .1 சதவீதம்தான் பேசுகிற ஆற்றலுக்குப் பயன்படுத்துகிறான்.
எல்லா ஜீவராசிகளும் தகவல்களைப் பரிமாறிக் கொள்கின்றன. நாய் வெளியாள்களை காணும்போது குரைப்பதற்கும், தன்னை வளர்ப்பவரைக் காணும்போது குரைப்பதற்கும் பெரிய வேறுபாடுகள் இருக்கின்றன. மிருகங்களின் இந்த இயற்கையான தகவல் பரிமாற்றம் உலகம் முழுவதும் ஒரே மாதிரிதான் இருக்கிறது. ஆப்பிரிக்க சிங்கமும், இந்தியச் சிங்கமும் ஒரே மாதிரிதான் கர்ஜிக்கின்றன.
ஆனால் மனிதன் பேசும்முறையில் பல வேறுபாடுகள் இருக்கின்றன. கோவையில் பேசும் தமிழும் மதுரையில் பேசும் தமிழும், தமிழை உச்சரிக்கும் முறைகளும் மாறுபட்டு இருக்கின்றன. 
மொழியும் காலம் செல்லச் செல்ல மாறிக் கொண்டே இருக்கிறது. 2000 ஆண்டுகளுக்கு முன்பிருந்த தமிழ் இப்போது இல்லை. ஏன் 20 ஆண்டுகளுக்கு முன்பிருந்த தமிழும் கூட இப்போது இல்லை. 
மனிதன் தொடக்கத்தில் உணவுக்காக மட்டுமே தனது உணர்வுகளைப் பரிமாறிக் கொள்ள வேண்டிய தேவை இருந்தது. தனது எண்ணங்களைப் பரிமாறிக் கொள்ள மனிதன் மொழியைப் பயன்படுத்துகிறான். தற்காலத்தில் எண்ணங்களை மறைக்கவும் கூட மொழி பயன்படுகிறது. கலீல் ஜிப்ரான்,  பேசுகிற போது நாம் பயன்படுத்துகிற சொற்களில் பாதி சொற்களுக்குப் பொருளில்லை; ஆனால் அந்த பாதிச் சொற்கள் இல்லாவிட்டால் மீதி சொற்களைப் புரிந்து கொள்ள முடியாமல் போய்விடும் என்றார். 
நாம் ஒரு தகவலைப் பரிமாறிக் கொள்ளும்போது அதில் சொற்களின் பயன்பாடு வெறும் 7 சதவீதம் மட்டும்தான். தகவலைப் பரிமாறிக் கொள்ள உடல் மொழி 55 சதவீதம் பயன்படுகிறது. குரலின் ஏற்ற இறக்கம் தகவலைப் பரிமாறிக் கொள்வதில் 38 சதவீதம் பயன்படுகிறது. 
இந்தச் சொற்களற்ற மொழி, உலகெங்கும் எல்லா மனிதர் களுக்கும் ஒரே மாதிரிதான், ஒரு சில வேறுபாடுகளைத் தவிர. ஒவ்வொரு மனிதருக்கும் இந்த உடல்மொழியைப் பயன்படுத்தும் நடைமுறை சிறிது மாறுபடலாம். மொழி சொல்லாததை உடல் மொழி சொல்லிவிடும்.
உடல் மொழி என்று சொல்கிறபோது கண், காது, மூக்கு, கை, பாவனைகள் எல்லாம் அவற்றுடன் தொடர்புடையதாக இருக்கின்றன. 
சுற்றுப்புறச் சூழலைக் கூட தகவல் பரிமாற்றத்துக்காக நாம் பயன்படுத்துகிறோம். மேசையில் குவித்து வைக்கப்பட்டிருக்கும் பைல்கள் ஒருவரின் வேலைப்பளுவை நமக்கு உணர்த்தும். அலுவலகத்தில் தனியறை, பிறருக்கு உள்ளதை விட பெரிய மேசை நாற்காலிகள் எல்லாமே ஓர் அதிகாரியின் இருப்பிடத்தை நமக்குக் காட்டும். அவருடைய அதிகார எல்லையையும் நமக்குத் தெரிவிக்கும். 
வேட்டையாடிய மனிதன் நிலையாகத் தங்கியதும் தனது எல்லையை வரையறுத்துக் கொள்கிறான். 
நேருக்கு நேர் கண்களைப் பார்த்துப் பேசும்போது ஒருவரை நாம் புரிந்து கொள்வது வேறு. அதேசமயம் அந்த நபர் கண்களை நேருக்கு நேர் பார்க்காமல் வேறு எங்கோ பார்த்துக் கொண்டு பேசும்போது அது பலவித செய்திகளை நமக்கு உணர்த்துகிறது. ஒன்று அந்த நபர் பொய் சொல்ல வேண்டும். அல்லது உங்களுடன் பேசப் பிடிக்காமல் வேறு வழியின்றிப் பேச வேண்டும். 
பேசும்போது புருவங்களை நெரிப்பதில் உள்ள வேறுபாடுகள் பல்வேறு செய்திகளை உணர்த்தக் கூடும். நெற்றியைச் சுருக்கி, புருவங்களை நெரித்தால் பேசும் பேச்சு பிடிக்கவில்லை என்று பொருள். புருவங்கள் விரிந்து கூடவே கண்களும் விரிந்தால் ஆச்சரியம், மகிழ்ச்சி என்று பொருள்.
அதிகாரியின் முன் கைகட்டி நிற்பது பணிவை வெளிப்படுத்துகிறது. இடுப்பின் மீது கை வைத்து நெஞ்சை நிமிர்த்திக் கொண்டு நிற்பது மனதின் துணிச்சலைக் காட்டுகிறது. அதிகாரத் தன்மையைக் காட்டுகிறது.
சைகைகளும் கூட பல செய்திகளைப் பிறருக்கு உணர்த்துகின்றன. போக்குவரத்துக் காவலர் சைகையாலேயே நம்மிடம் பேசுவது வேறு விஷயம். 
நேர்காணலின்போது தங்களுடைய உடல்மொழி சரியில்லாத காரணத்தால் படிப்பில், அறிவில் திறமையான மாணவர்களுக்குக் கூட வேலை கிடைக்காமற் போகிறது. எனவே பேசும் மொழியைப் போலவே உடல் மொழியும் மிகவும் முக்கியம். எனவே உடலாலும் பேசக் கற்றுக் கொள்வோம் என்றார்.
கூட்டத்தில் பபாசியின் இணைச் செயலாளர் அ.குமரன், எம்.சிராஜுதீன் உட்பட பலர் கலந்து கொண்டனர்.
 

]]>
https://www.dinamani.com/all-editions/edition-chennai/chennai/2019/jan/19/பேசும்-மொழியைப்-போலவே-உடல்-மொழியும்-மிகவும்-முக்கியம்-3078870.html
3078869 சென்னை சென்னை புத்தகக் கண்காட்சியில் இன்று DIN DIN Saturday, January 19, 2019 04:18 AM +0530
சனிக்கிழமை (19.1.2019) மாலை 6 மணிக்கு புத்தகக் கண்காட்சியின் இலக்கிய நிகழ்ச்சியில் எழுச்சி கண்ட புரட்சி  என்ற தலைப்பில் சின்ன அலமேலு பேசுகிறார். ஆடியும் அடியும் என்ற தலைப்பில் ஜோதி சுந்தரேசனும், படித்ததில் பிடித்தது  என்ற தலைப்பில் கோ.சு.சிம்ஹாஞ்சனாவும் உரையாற்றுகிறார்கள். பபாசி துணைத் தலைவர் ஏ.ஆர்.சிவராமன் வரவேற்புரையும், செயற்குழு உறுப்பினர் இராம.மெய்யப்பன் நன்றியுரையும் ஆற்றுகிறார்கள்.

]]>
https://www.dinamani.com/all-editions/edition-chennai/chennai/2019/jan/19/புத்தகக்-கண்காட்சியில்-இன்று-3078869.html
3078868 சென்னை சென்னை கவனியுங்கள்! DIN DIN Saturday, January 19, 2019 04:17 AM +0530
உலக மக்களின் வரலாறு - கிரிஸ் ஹார்மன்; தமிழில்: 
நிழல்வண்ணன், மு.வசந்தகுமார்; பக்.1088; ரூ.600; விடியல் பதிப்பகம், கோயம்புத்தூர்-15.
கற்காலம் தொடங்கி தற்காலம் வரை உலக வரலாற்றை மிக விரிவாக இந்நூல் விளக்குகிறது. ஆதிமனிதனாக மிருகங்களை வேட்டையாடி குகைகளில் வசித்த மனித இனம், வேட்டையாடுவதை மட்டுமே உணவுக்காக நம்பியிருந்த காலத்தைக் கடந்ததும், வேளாண்மையில் ஈடுபட்டது, தனியுடைமை தோன்றியது, அரசுகள் உருவானது, மதங்கள் தோன்றின, நிலச் சொந்தக்காரர்களின் ஆதிக்கம் நலிவடைந்தது, தொழிற்புரட்சி, இவை ஏற்படுத்திய சமூக மாற்றங்கள், ஆதிக்கவெறி கொண்ட போர்கள் என பல மாறுதல்கள் உலக வரலாற்றில் நிகழ்ந்துள்ளன. உலகின் பல்வேறு நாடுகளில் இந்த மாற்றங்கள் எப்படி ஏற்பட்டன என்பதை இந்த நூல் விரிவாக விளக்குகிறது.


கடல் பார்த்த வீட்டில் கடைசிநாள் - மனுஷ்யபுத்திரன்; பக்.312; ரூ.310 ; உயிர்மை பதிப்பகம், சென்னை-1.
மனுஷ்யபுத்திரனின் இப்புதிய கவிதை நூல் நம் காலத்தின் மனித மனங்களின் ரகசியங்களை ஊடுருவிச் செல்கிறது. மனித உறவுகளுக்குள் நீக்கமற நிறைந்திருக்கும் சிக்கல்களை நுட்பமாகப் பேசுகிறது. நவீன வாழ்க்கை முறையின் குழப்பங்கள், தனிமையுணர்ச்சி, அன்பின் பரிதவிப்புகள் என விரியும் இக்கவிதைகள் இந்த நூற்றாண்டு மனிதனைப் பற்றிய ஒரு நுட்பமான சித்திரத்தை வழங்குகிறது. மேலும் நுட்பமான காட்சிப் படிமங்களாலும் எளிமையான கவித்துவ மொழியாலும் இக்கவிதைகள் வாசகர்களுடன் ஆழமாக உரையாடுகின்றன.


மூன்று நதிகள்- சுப்ரபாரதி மணியன்- ரூ.180; 
எழுத்து பிரசுரம், சென்னை-40.
வாழ்க்கையையும் இலக்கியத்தையும் ஒரு சேர கவனிக்கிற காரணத்தாலேயே சுப்ரபாரதி மணியனின் எழுத்துகள் காலத்தின் கட்டாயமாக வெளிப்பட்டிருக்கின்றன. இதில் அவருக்கு இணை யாருமில்லை. பிரச்னைகளைப் பற்றி பேசுவதற்காக எழுதப்பட்டவை அல்ல இந்த படைப்புகள். வாழ்க்கையை விவரிக்கும்போது கதை மாந்தர்கள் எதிர்கொள்ளும் பிரச்னைகள் வெளிப்படுகின்றன. அவை இன்றைய காலத்தின் தொழில்நகரம் சார்ந்த பெரும் பிரச்னைகளாகப் பரிமாணம் பெற்றுவிடுகின்றன. நகரம் சார்ந்த விளிம்பு நிலை உழைக்கும் மக்களைப் பற்றி இவ்வளவு விரிவாக எழுதப்பட்ட நூல் வேறு எதுவும் இல்லை.


IMPROVE YOUR ENGLISH - - தமிழ் விளக்கத்துடன்; 
எஸ்.டி.சோமசுந்தரம்; பக்.528; ரூ.300; 
கந்தவேல் பப்ளிஷர்ஸ், செங்கல்பட்டு.
சிலர் ஆங்கிலத்தில் அடுத்தவர் பேசுவதை எளிதில் புரிந்து கொள்வர். ஆனால் பதிலுக்கு ஆங்கிலத்தில் பேசத் தயங்குவர். இதற்குக் காரணம் நாம் தவறாகப் பேசிவிடுவோமோ என்ற அச்ச உணர்வுதான். நாம் பேசப் போகும் ஆங்கில வாக்கியம் சரியானதுதான் என்று சந்தேகமில்லாமல் உறுதி செய்து கொண்டால், நம்மால் நிச்சயமாக ஆங்கிலத்தில் உரையாட முடியும். இதற்கு இந்தப் புத்தகத்தில் எளிய தமிழில் விளக்கப்பட்டுள்ள விதிகளைக் கற்று, அதன் மூலம் ஆங்கிலத்தில் எண்ணற்ற வாக்கியங்களை அமைக்கலாம். அப்படி அமைக்கப்பட்ட வாக்கியங்களைப் பிறருடன் கலந்து பேசும் பயிற்சியை செய்தால் நிச்சயம் ஆங்கிலத்தில் சரளமாகப் பேச முடியும் என்ற நம்பிக்கையூட்டுகிறது இந்நூல்.

]]>
https://www.dinamani.com/all-editions/edition-chennai/chennai/2019/jan/19/கவனியுங்கள்-3078868.html
3078867 சென்னை சென்னை இது புதுசு! DIN DIN Saturday, January 19, 2019 04:15 AM +0530
நவீன வேளாண்மை:
 பணப்பயிர் - தொகுதி -1; ரூ.140; தொகுதி -2; ரூ.150.
 சுருள்பாசி வளர்ப்பு; ரூ.150.
 இயற்கை வேளாண்மை- கோ.நம்மாழ்வார்; ரூ.90
 பூமி நம்ம சாமி; ரூ.150.


உமா பதிப்பகம்: 
 அருணகிரிநாதர் அருளிய திருப்புகழ் மூலமும் உரையும்- உரையாசிரியர்: வ.சு.செங்கல்வராய பிள்ளை- ஐந்து தொகுதிகள்; ரூ.1500.
 திருவிளையாடற் புராணம் (மூலமும் உரையும்)- மூன்று தொகுதிகள்- உரையாசிரியர்: பழ. முத்தப்பன்; ரூ.1200.
 பன்னிரு திருமுறை (மூலம்); ரூ.1200.
 சுப்பிரமணிய பராக்கிரமம் - நா.கதிரைவேற் பிள்ளை; ரூ.250.


விருட்சம்:
 எதையாவது சொல்லட்டுமா? - அழகிய சிங்கர்; பக்.108; ரூ.90.
 அலகில் அலகு - வேணுவேட்ராயன்; பக்.83; ரூ.60.
 அப்பாவின் நாற்காலி -வளவ.துரையன்; பக்.156; ரூ.120.
 சென்ற நூற்றாண்டின் சிறுகதைகள் - தொகுப்பாசிரியர்: அரவிந்த் சுவாமிநாதன்; பக்.116; ரூ.90.


யுனிவர்ஸல் பப்ளிஷர்ஸ்:
 வாழ்க்கையில் வெற்றி- அப்துற் -றஹீம்; ரூ.90.
 முஸ்லிம் பெண்களுக்கு - எம்.ஆர்.எம்.முஹம்மது முஸ்தபா; ரூ.75.
 எதிர் காற்று (கவிதைத் தொகுதி) - தி.மு.அப்துல் காதர்; ரூ.100.
 மென்மையான வாள் - நாகூர் ரூமி; ரூ.180.

]]>
https://www.dinamani.com/all-editions/edition-chennai/chennai/2019/jan/19/இது-புதுசு-3078867.html
3078866 சென்னை சென்னை தேடித் தேடி... DIN DIN Saturday, January 19, 2019 04:14 AM +0530

சந்திரசேகர், செவ்வாப்பேட்டை:
 எங்கள் வீட்டில் 13 பேர் இருக்கிறோம். ஒவ்வொருவருக்கும் ஒவ்வொருவிதமான ரசனை. எல்லாருக்கும் நான் புத்தகங்கள் வாங்கியிருக்கிறேன். கோபிநாத் எழுதிய ப்ளீஸ் இந்தப் புத்தகத்தை வாங்காதீங்க என்ற புத்தகத்தை வாங்கியிருக்கிறேன். சேட்டன் பகத் , இ.எல்.ஜேம்ஸ் எழுதிய  ஆங்கில நூல்களை வாங்கியிருக்கிறேன்.
இப்போது செல்போனை எல்லாரும் பயன்படுத்துகிறார்கள். எனவே அதைப் பற்றி மேலும் தெரிந்து கொள்ள ஆண்ட்ராய்டு அற்புதங்கள் என்ற புத்தகத்தை வாங்கினேன். 
குழந்தைகளுக்காக அப்பாஜி - பீர்பால் கதைகள், பஞ்சதந்திரக் கதைகள் வாங்கினேன். என்னுடைய அம்மாவுக்கு வரலாற்று நாவல்கள் ரொம்பப் பிடிக்கும். அதனால் கல்கியின் பார்த்திபன் கனவு, சோலைமலை இளவரசி, மகுடபதி, கள்வனின் காதலி  ஆகிய புத்தகங்களை வாங்கினேன். 
எனக்கு சுஜாதா எழுதிய மீண்டும் ஜீனோ, என் இனிய இயந்திரா ஆகிய இரண்டு புத்தகங்களையும், என் மனைவிக்கு ஆடைகள்- தவறும் திருத்தமும் என்ற தையற்கலை புத்தகத்தையும் வாங்கினேன். 
இந்த காலத்தில் டிவியும் செல்போனும் அதிக நேரத்தை விழுங்கிக் கொள்கின்றன. எனவே படிக்கும் பழக்கம் குறைந்துவிட்டது என்பார்கள். டி.வி.யையும் செல்போனையும் நாம் தடுக்க முடியாது. எதையும் தடை செய்வதால் அது இல்லாமல் போகப் போவதில்லை. எனவே தடுப்பதற்குப் பதிலாக, திசை திருப்பி விட வேண்டும். புத்தகங்களை வாங்கிக் கொடுத்து அதன் மீது கவனம் செல்லும் சூழ்நிலையை உருவாக்க வேண்டும் என்றார்.


வேலன், நங்கநல்லூர், சென்னை:
வெ.இறையன்பு எழுதிய நிறைய நூல்களை வாங்கியிருக்கிறேன். ஏழாவது அறிவு அவற்றில் ஒன்று. சேமிப்பு, அச்சம் தவிர், நம்பிக்கை அவருடைய பிற நூல்கள்.
சோம.வள்ளியப்பன் எழுதிய தன்னம்பிக்கை நூல்களையும் வாங்கியிருக்கிறேன். தடையேதுமில்லை, ரசவாதம் -எதிலும் பெரும் வெற்றி, வீட்டுக்கணக்கு, தொட்டதெல்லாம் பொன்னாகும் ஆகிய அவருடைய புத்தகங்களை வாங்கியிருக்கிறேன்.
ஏ.எஸ்.சந்துரு எழுதிய உலகையே உலுக்கிய வெற்றியின் ரகசியம் நான் வாங்கிய இன்னொரு தன்னம்பிக்கை நூல்.
பாலுமணிவண்ணனின் திரையும் திரைக்கதையும், ஜெ.ஜெயசிம்மன் தொகுத்த ஜெயகாந்தனின் சிறுகதையும் திரைக்கதையும் , கேபிள் சங்கர் எழுதிய சினிமா வியாபாரம்  ஆகிய திரைப்படத்துறை தொடர்பான புத்தகங்களையும் வாங்கியிருக்கிறேன். 
திரைப்படத்துறையில் நுழைந்து சாதிக்க வேண்டும் என்ற லட்சியத்துடன் இருக்கிறேன். அதேவேளையில் ஒரு தொழிலதிபராக - 500 பேருக்கும் அதிகமானவர்களுக்கு வேலைவாய்ப்பு கொடுக்கும் அளவுக்கு உயர வேண்டும் என்ற எண்ணமும் உள்ளது. தன்னம்பிக்கை நூல்கள் எனது தன்னம்பிக்கையைத் தூண்டிவிடுகின்றன. சோர்வை விரட்டிவிடுகின்றன. அதனால்தான் நிறைய தன்னம்பிக்கை, சுயமுன்னேற்ற நூல்களை வாங்கியிருக்கிறேன் என்றார்.
 

]]>
https://www.dinamani.com/all-editions/edition-chennai/chennai/2019/jan/19/தேடித்-தேடி-3078866.html
3078865 சென்னை சென்னை எனக்குப் பிடித்த புத்தகம்! எழுத்தாளர் சுப்ரபாரதிமணியன் DIN DIN Saturday, January 19, 2019 04:13 AM +0530
எனக்குப் பிடித்த புத்தகங்கள் என்று சொன்னால் முதலில் ரஷிய மொழி பெயர்ப்பு நாவல்களைச் சொல்லலாம். மாக்ஸி கார்க்கியின் தாய் நாவல் இளம் வயதிலேயே என்னை மிகவும் கவர்ந்தது. 
நிக்கலாய் ஓஸ்த்திரோவ்ஸ்க்கிய் எழுதிய வீரம் விளைந்தது நாவல் என்னைக் கவர்ந்த இன்னொரு நாவல். இந்த இரண்டு நாவல்களுமே, மனிதனின் போராட்ட குணத்தை உயர்த்திப் பிடிப்பவை. போராடும் மனநிலையை ஏற்படுத்துபவை.
முத்துநாகு எழுதிய சூளுந்தீ என்ற நாவல் எனக்குப் பிடித்தது. கன்னிவாடி பகுதியில் வாழும் நாவிதர் சமூக மக்களின் வாழ்க்கையைச் சித்திரிக்கிறது. 
அவர்களின் மருத்துவ அறிவு, எளிய மூலிகை வைத்தியம் செய்யும் திறன் எல்லாம் அந்த நாவலைப் படிக்கும்போது நமக்குத் தெரிய வருகிறது. எனக்கு அவ்வளவாகப் பரிச்சயம் இல்லாத வாழ்க்கையை இந்த நாவல் மூலம் தெரிந்து கொள்ள முடிந்தது. 
சி.ஆர்.ரவீந்திரனின் ஈரம் கசிந்த நிலம் எனக்குப் பிடித்த இன்னொரு நாவல். நிலத்தை குத்தகைக்கு விட்டவர்கள், குத்தகைக்கு எடுத்தவர்களுக்கிடையிலான பிரச்னைகள், முரண்பாடுகள், உறவு நிலைகள் எல்லாவற்றையும் அற்புதமாகச் சொல்லும் இந்த நாவல், நான் அறிந்திடாத ஒரு புதிய வெளியை எனக்கு அறிமுகப்படுத்துகிறது. 
தீபச்செல்வனின் நடுகல் ஈழத்தில் போரின்போதும், போருக்குப் பின்னாலும் வதைபடும் ஈழத் தமிழர்களின் வாழ்க்கையைச் சொல்கிறது. ஈழப் போர் குறித்த சிந்தனையை இந்நூல் தட்டி எழுப்பியதால், இது எனக்குப் பிடித்த நாவல்.
ஒட்டக மனிதர்கள்- அமீரகச் சிறுகதைகள் மத்திய கிழக்கு நாடுகளில் வாழும் எழுத்தாளர்களால் எழுதப்பட்ட சிறுகதைகளின் தொகுப்பு. அது எனக்குப் பிடித்த நூல்களில் ஒன்று. இந்த தொகுப்பு அந்நாடுகளில் வாழும் மக்களின் வாழ்க்கை அனுபவங்களை நமக்குப் பகர்கின்றது. 
ராசி அழகப்பன் எழுதிய பள்ளி மாணவர்களுக்கு 5 நிமிட மேடை நாடகங்கள் என்ற நாடக நூல், மாணவர்களின் ஆக்கப்பூர்வமான திறன்களை வளர்க்க உதவும் என்பதால் அது எனக்குப் பிடிக்கும் என்றார்.
 

]]>
https://www.dinamani.com/all-editions/edition-chennai/chennai/2019/jan/19/எனக்குப்-பிடித்த-புத்தகம்-எழுத்தாளர்-சுப்ரபாரதிமணியன்-3078865.html
3078864 சென்னை சென்னை பெருங்களத்தூரில் ஐஸ்கிரீம் கடைமீது பெட்ரோல் குண்டு வீச்சு DIN DIN Saturday, January 19, 2019 04:12 AM +0530
சென்னை தாம்பரத்தை அடுத்த பெருங்களத்தூரில் ஐஸ்கிரீம் கடையில் பெட்ரோல் குண்டு வீசிய நபரை போலீஸார் தேடி வருகின்றனர். 
தாம்பரம் அடுத்த புதுபெருங்களத்தூர், குண்டுமேடு பகுதியை சேர்ந்தவர் ஐசக். பெருங்களத்தூர் பேரூராட்சி 10 வது வார்டு முன்னாள் திமுக கவுன்சிலர். இவரது உறவினர் ஜெபசிங் என்பவர் அந்தப் பகுதியில் ஐஸ்கிரீம் கடை நடத்தி வருகின்றார்.
வெள்ளிக்கிழமை மதியம் கடைக்கு வந்த மர்மநபர், கடை ஊழியர்களை மிரட்டி வெளியே அனுப்பிவிட்டு பெட்ரோல் குண்டை கடைக்குள் தூக்கி எறிந்து விட்டு தப்பியோடிவிட்டார். இதில் கடையின் முன்பகுதி எரிந்து சாம்பலானது. அக்கம்பக்கத்தினர் தீயை அணைத்தனர். 
தகவல் அறிந்து சம்பவ இடத்திற்கு வந்த காவல் ஆய்வாளர் பொன்ராஜ் விசாரணை செய்து, அப்பகுதியில் உள்ள கண்காணிப்பு கேமரா பதிவுகளைக் கைப்பற்றி சோதனை செய்ததில் பெட்ரோல் குண்டை வீசியவர் ஜெபசுந்தர் என்றும், இவர் அதே பகுதியில் கள்ளச்சந்தையில் மதுபாட்டில்கள் மற்றும் கஞ்சா விற்பவர் என்றும் தெரியவந்தது. பீர்க்கன்கரணை போலீஸார் வழக்குப் பதிவு செய்து தலைமறைவான ஜெபசுந்தரை தேடி வருகின்றனர்.
 

]]>
https://www.dinamani.com/all-editions/edition-chennai/chennai/2019/jan/19/பெருங்களத்தூரில்-ஐஸ்கிரீம்-கடைமீது-பெட்ரோல்-குண்டு-வீச்சு-3078864.html
3078863 சென்னை சென்னை கார் மோதி பெண் சாவு: பள்ளி மாணவர் கைது DIN DIN Saturday, January 19, 2019 04:11 AM +0530
சென்னை ராயபுரத்தில் பள்ளி மாணவர் ஓட்டிய கார் மோதி பெண் இறந்தது குறித்து போலீஸார் விசாரணை நடத்தி பள்ளி மாணவரை கைது செய்தனர். 
ராயபுரம் வெங்கடேசன் தெரு பகுதியைச் சேர்ந்தவர் நிர்மலா (55). இவர் கடந்த 16ம் தேதி மார்க்கெட்டுக்கு சென்றார். அப்போது ஒரு கார், நிர்மலா மீது மோதியது.இதில் காயமடைந்த அவரை ஸ்டான்லி அரசு மருத்துவமனையில் சேர்த்தனர். அங்கு நிர்மலா, வெள்ளிக்கிழமை இறந்தார்.
இது குறித்து காசிமேடு போலீஸார் நடத்திய விசாரணையில், காரை ஓட்டியது ஒரு தனியார் பள்ளியில் 12-ஆம் வகுப்பு படித்து வரும் மாணவர் என்பதும் அவர் தனது பெற்றோருக்கு தெரியாமல் வீட்டின் முன் நிறுத்தப்பட்டிருந்த காரை எடுத்துக் கொண்டு நண்பர்களுடன் அங்கு வந்திருப்பதும் தெரியவந்தது. இதையடுத்து போலீஸார், அந்த சிறுவனை கைது செய்தனர்.

]]>
https://www.dinamani.com/all-editions/edition-chennai/chennai/2019/jan/19/கார்-மோதி-பெண்-சாவு-பள்ளி-மாணவர்-கைது-3078863.html
3078831 சென்னை சென்னை காலமானார் ஆர்.செல்வி DIN DIN Saturday, January 19, 2019 02:44 AM +0530
சென்னை அயப்பாக்கத்தைச் சேர்ந்த ஆர்.செல்வி (50) உடல் நலக்குறைவு காரணமாக வியாழக்கிழமை இரவு காலமானார். 
அவரது இறுதிச் சடங்கு சொந்த ஊரான காஞ்சிபுரம் மாவட்டம், உத்திரமேரூர் அருகில் உள்ள மேநல்லூர் கிராமத்தில் வெள்ளிக்கிழமை நடைபெற்றது.  மறைந்த செல்விக்கு தினமணி நாளிதழ் சென்னை பதிப்பில் அச்சகப் பிரிவில் பணிபுரியும் ஆர்.லோகநாதன் உள்பட  இரு மகன்கள்,  ஒரு மகள் ஆகியோர் உள்ளனர்.  தொடர்புக்கு:  97912 09469.

]]>
https://www.dinamani.com/all-editions/edition-chennai/chennai/2019/jan/19/காலமானார்-ஆர்செல்வி-3078831.html
3078344 சென்னை சென்னை காணும் பொங்கல்: வண்டலூர் பூங்காவில் குவிந்த மக்கள் DIN DIN Friday, January 18, 2019 04:19 AM +0530
காணும் பொங்கலை ஒட்டி, வண்டலூர் பூங்காவுக்கு வியாழக்கிழமை ஒரே நாளில் 43 ஆயிரம் பேர் வந்தனர். தமிழக அரசின் நெகிழி தடையைத் தொடர்ந்து, அதற்கு மாற்றாக காகிதப் பைகள் பூங்கா நிர்வாகத்தால் தரப்பட்டன.
தமிழகத்தில் காணும் பொங்கல் விழா வழக்கமான உற்சாகத்துடன் வியாழக்கிழமை கொண்டாடப்பட்டது. காணும் பொங்கலை ஒட்டி, வண்டலூர் உயிரியல் பூங்காவுக்கு காலையில் இருந்தே பார்வையாளர்கள் அதிகளவு வருகை தந்தனர். பார்வையாளர்களின் வருகையை ஒட்டி, பூங்கா நிர்வாகத்தால் பல்வேறு ஏற்பாடுகள் செய்யப்பட்டன.
ஒரு வாரத்தில்...: காணும் பொங்கலை சிறப்பாகக் கொண்டாட வண்டலூரில் உள்ள அறிஞர் அண்ணா உயிரியல் பூங்காவுக்கு கடந்த ஒரு வாரத்தில் மட்டும் 1.20 லட்சத்துக்கும் அதிகமானோர் வந்ததாக, பூங்கா இயக்குநரகம் தெரிவித்துள்ளது.
மேலும், காணும் பொங்கலான வியாழக்கிழமை மட்டும் 43 ஆயிரத்து 431 பேருக்கு அதிகமானோர் வந்தனர். அதில், பெரியவர்கள் 27 ஆயிரத்து 151 பேரும், சிறியவர்கள் 7 ஆயிரத்து 30 பேரும், ஐந்து வயதுக்கு உட்பட்டோர் 9 ஆயிரத்து 250 பேரும் பங்கேற்றதாக பூங்கா நிர்வாகம் கூறியுள்ளது.
குழந்தைகளுக்கு அடையாளம்: வண்டலூர் உயிரியல் பூங்காவுக்கு வந்த 9 ஆயிரத்துக்கும் அதிகமான ஐந்து வயதுக்கு உட்பட்ட குழந்தைகளுக்கு அடையாளமாக கைப் பட்டை பொருத்தப்பட்டது. 
தமிழக அரசின் நெகிழி பயன்பாட்டு தடை வண்டலூர் உயிரியல் பூங்காவிலும் செய்யப்பட்டுள்ளது. தடையை அறியாமல் நெகிழி பைகளைக் கொண்டு வந்த பார்வையாளர்களிடம் நெகிழிக்குப் பதிலாக காகிதப் பைகள் அளிக்கப்பட்டன.
ஆயிரக்கணக்கான பார்வையாளர்கள் வந்ததால், அவர்களின் பாதுகாப்பு கருதி வெளி மாவட்டங்களில் இருந்து சுமார் 50-க்கும் மேற்பட்ட வனத்துறை சீருடை பணியாளர்கள் பாதுகாப்புப் பணியில் ஈடுபடுத்தப்பட்டிருந்தனர். 
மேலும், 200 தேசிய மாணவர் படை மற்றும் தேசிய நாட்டு நலப்பணித் திட்ட மாணவர்களும் பாதுகாப்புப் பணியில் ஒத்துழைப்பு அளித்தனர். 
பார்வையாளர்களின் வசதிக்காக சுத்திகரிக்கப்பட்ட குடிநீர் மற்றும் கூடுதல் கழிப்பறை வசதிகள் ஏற்படுத்தப்பட்டன என்று பூங்கா நிர்வாகம் தெரிவித்துள்ளது.

 

]]>
https://www.dinamani.com/all-editions/edition-chennai/chennai/2019/jan/18/காணும்-பொங்கல்-வண்டலூர்-பூங்காவில்-குவிந்த-மக்கள்-3078344.html
3078343 சென்னை சென்னை காணும் பொங்கலால் களைகட்டியது மெரீனா! உற்சாக வெள்ளத்தில் லட்சக்கணக்கான மக்கள் DIN DIN Friday, January 18, 2019 04:18 AM +0530
காணும் பொங்கலையொட்டி, சென்னை மெரீனா கடற்கரை, சுற்றுலாத் தலங்களில் மக்கள் கூட்டம் வியாழக்கிழமை அலைமோதியது.
போகி பண்டிகையில் தொடங்கி பொங்கல், மாட்டுப் பொங்கல், காணும் பொங்கல் என 4 நாள்கள் பண்டிகை கொண்டாடப்படுகிறது. காணும் பொங்கல் தினத்தில், பொதுமக்கள் தங்களது குடும்பத்தினரோடும், உறவினர்களோடும் சுற்றுலாத் தலங்களுக்கு சென்று மகிழ்ச்சியுடன் கொண்டாடுவர். அதன்படி, நிகழாண்டில் காணும் பொங்கல் விழா வியாழக்கிழமை சிறப்பாக கொண்டாடப்பட்டது. 
திருவிழாக் கோலம் பூண்ட கடற்கரை: சென்னை மெரீனா கடற்கரையில் மக்கள் கூட்டம் அதிகமாகக் காணப்பட்டது. திருவள்ளூர், காஞ்சிபுரம் உள்ளிட்ட மாவட்டங்களில் இருந்து காலை முதலே வேன்கள், கார்கள் உள்ளிட்ட வாகனங்களில் ஏராளமானோர் கடற்கரைக்கு வரத் தொடங்கினர். பிற்பகல் 3 மணியளவில் கடற்கரையில் மணல் பரப்பே தெரியாத அளவுக்கு மனித தலைகளாகவே காட்சி அளித்தது. குழந்தைகளை மகிழ்விப்பதற்காக சிறிய ராட்டினங்களும் அமைக்கப்பட்டிருந்தன. குழந்தைகளுடன் மக்கள் விளையாடி மகிழ்ந்தனர். 
பெரும்பாலானோர் விளையாட்டு உபகரணங்களை தங்களது வீடுகளில் இருந்தே எடுத்து வந்திருந்தனர். பெண்கள் கபடியும், கண்ணாமூச்சி ஆட்டமும் ஆடி மகிழ்ந்தனர். இதனால் கடற்கரையே திருவிழாக்கோலம் பூண்டிருந்தது. வீடுகளில் தயாரித்து கொண்டுவந்த உணவு வகைகளை பெரும்பாலானோர் எடுத்து வந்திருந்தனர். அதனை மணல் பரப்பில் அமர்ந்தபடியே அனைவரும் உண்டு மகிழ்ந்தனர். சுண்டல், வறுத்த மீன் உள்பட உணவுப் பொருள்களின் விற்பனையும் அதிகரித்திருந்தது. திருட்டுச் சம்பவங்களைத் தடுக்கும் வகையில் அண்ணா சதுக்கம் முதல் கலங்கரை விளக்கம் வரையில் அமைக்கப்பட்டிருந்த கண்காணிப்பு கோபுரங்களில் இருந்தபடியே போலீஸார் தொலைநோக்கி மூலம் கண்காணித்தனர்.
எச்சரிக்கை விடுத்த போலீஸார்: கடலில் குளிப்பதைத் தடுக்கும் வகையில் கடற்கரை பகுதி முழுவதும் சவுக்கு கட்டைகளால் தடுப்புகள் அமைக்கப்பட்டிருந்தன. இதனை தாண்டிச் செல்லக் கூடாது என்று போலீஸார் எச்சரிக்கை செய்து கொண்டே இருந்தனர். குதிரைப்படை வீரர்களும் கண்காணிக்கவும் செய்தனர். இவற்றையெல்லாம் பொருட்படுத்தாமல் கடலில் குளித்த இளைஞர்களை போலீஸார் பிடித்து, எச்சரித்து அனுப்பினர். 
இதேபோல், எலியட்ஸ் கடற்கரை, கிழக்கு கடற்கரை சாலையில் உள்ள பொழுது போக்கு பூங்காக்கள் ஆகியவற்றிலும் கூட்டம் அதிகமாகவே காணப்பட்டது.


 

]]>
https://www.dinamani.com/all-editions/edition-chennai/chennai/2019/jan/18/காணும்-பொங்கலால்-களைகட்டியது-மெரீனா-உற்சாக-வெள்ளத்தில்-லட்சக்கணக்கான-மக்கள்-3078343.html
3078342 சென்னை சென்னை மாற்றுத் திறனாளிகளுக்கு இன்று குறைதீர் கூட்டம் DIN DIN Friday, January 18, 2019 04:18 AM +0530
மாற்றுத் திறனாளிகளுக்கான சிறப்பு குறைதீர் கூட்டம் வெள்ளிக்கிழமை நடைபெறுகிறது. இதுகுறித்து, சென்னை மாவட்ட ஆட்சியர் அ.சண்முகசுந்தரம் வியாழக்கிழமை வெளியிட்ட செய்தி:
மத்திய சென்னை வருவாய்க் கோட்டம் சார்பில், மாற்றுத் திறனாளிகளுக்கான சிறப்பு குறைதீர் கூட்டம் அண்ணாநகர் மேற்கு விரிவாக்கம் திருமங்கலத்தில் உள்ள வருவாய் கோட்டாட்சியர் அலுவலகத்தில் வெள்ளிக்கிழமை நடைபெறும். காலை 10 மணிக்குத் தொடங்கும் இந்தக் கூட்டத்தில், மாற்றுத் திறனாளிகள் தங்களது குறைகளை மனுவாக அளிக்கலாம் என்று ஆட்சியர் சண்முகசுந்தரம் தெரிவித்துள்ளார்.
 

]]>
https://www.dinamani.com/all-editions/edition-chennai/chennai/2019/jan/18/மாற்றுத்-திறனாளிகளுக்கு-இன்று-குறைதீர்-கூட்டம்-3078342.html
3078341 சென்னை சென்னை கடலோரக் காவல் படையின் விநாடி - வினா DIN DIN Friday, January 18, 2019 04:17 AM +0530
42-வது இந்திய கடலோரக் காவல் படை தினத்தையொட்டி கடலோரக் காவல்படை கிழக்குப் பிராந்தியம் சார்பில் விநாடி - வினா போட்டி வியாழக்கிழமை சென்னையில் நடைபெற்றது. 
சென்னைத் துறைமுகத்தில் நிறுத்தி வைக்கப்பட்டிருந்த கடலோரக் காவல் படை சாகர் ரோந்து கப்பலில் நடைபெற்ற இந்நிகழ்ச்சியில் மாணவர்களை ஊக்குவிக்கும் வகையிலும், அவர்களது திறனை சோதிக்கும் வகையிலும், கடலோரக் காவல் படையைப் பற்றி அறிமுகப் படுத்தும் விதமாகவும் கேள்விகள் கேட்கப்பட்டன. 
இந்நிகழ்ச்சியில், திருவான்மியூர் கலாஷேத்ரா நிறுவனர் ரேவதி ராமச்சந்திரன் தலைமை வகித்தார். ஒன்பது முதல் பன்னிரண்டாம் வகுப்பு வரை பயிலும் மாணவ மாணவிகள் பங்கேற்று பரிசுகளை பெற்றனர். இதில் ஆவடி கேந்திரிய வித்யாலயா முதல் பரிசையும், ஸ்ரீசங்கரா மேல்நிலைப்பள்ளி இரண்டாம் பரிசையும், பாலவித்யா மந்திர் மூன்றாம் பரிசையும் வென்றன. வெற்றி பெற்றவர்களுக்கு கிழக்கு பிராந்திய ஐ. ஜி. எஸ். பரமேஷ் பரிசுகளை வழங்கினார்.


 

]]>
https://www.dinamani.com/all-editions/edition-chennai/chennai/2019/jan/18/கடலோரக்-காவல்-படையின்-விநாடி---வினா-3078341.html
3078340 சென்னை சென்னை குழந்தைகளிடம் வாசிப்பு பழக்கத்தை ஏற்படுத்த வேண்டும்! DIN DIN Friday, January 18, 2019 04:17 AM +0530
குழந்தைகளுக்கு வாசிப்புப் பழக்கத்தை ஏற்படுத்த வேண்டும். அது ஒன்றுதான் வருங்காலத்தை மேன்மைப்படுத்தும் என்று திரைப்பட இயக்குநர் கரு.பழனியப்பன் கூறினார். 
சென்னை புத்தகக் கண்காட்சியின் இலக்கிய நிகழ்ச்சியில் அவர் மேலும் பேசியதாவது:
வாசிப்புப் பழக்கத்தை எப்படி ஏற்படுத்துவது? என்பது ஒரு நல்ல கேள்வி. அதுவும் வீட்டில் உள்ள பிள்ளைகளுக்கு வாசிப்புப் பழக்கத்தை எப்படி ஏற்படுத்துவது? பெற்றோர் புத்தகங்களை வாங்கி பிள்ளைகளின் கைக்கு எட்டும் தொலைவில் வைக்க வேண்டும். அப்போதுதான் ஒருநாள் இல்லாவிட்டால், இன்னொருநாள் அவர்கள் அந்த புத்தகத்தை எடுத்துப் பார்ப்பார்கள். அவர்களுக்கு அப்போதுதான் படிக்கும் பழக்கம் வரும். 
எப்போது பார்த்தாலும் டிவி பார்க்கிறார்கள். புத்தகத்தை எப்படி படிப்பார்கள்? என்று நாம் கேட்கலாம். நாம் டிவி பார்ப்பதை நிறுத்துகிறோமா? நாம் டிவி பார்ப்பதை நிறுத்தாமல் வீட்டில் உள்ள பிள்ளைகள் டி.வி. பார்ப்பதைத் தடுக்க முடியாது. நாம் புத்தகம் படித்தால்தான், பிள்ளைகள் அதைப் பார்த்து படிக்கத் தொடங்குவார்கள். பெற்றோர், வீட்டில் அண்ணன், அக்கா புத்தகம் படிப்பதைப் பார்க்கும் சிறு குழந்தைகள் தாமாகவே புத்தகம் படிக்கத் தொடங்குவார்கள். 
முதலில் குழந்தைகளுக்கு எந்த மாதிரியான புத்தகங்களை வாங்கிக் கொடுப்பது?
சிறுவயதில் என் தந்தையிடம் பத்து ரூபாய் வாங்கிக் கொண்டு புத்தகக் கடைக்குச் சென்று தமிழ்வாணன் புத்தகத்தை வாங்கினேன். அதை என் தந்தையிடம் காட்டினேன். அவரும் சிரித்துக் கொண்டே அந்தப் புத்தகத்தில் எனது பெயரையும், புத்தகம் வாங்கிய தேதியையும் எழுதச் சொன்னார். எழுதி வைத்தேன். தமிழ்வாணனில் இருந்து தொடங்கி அதற்குப் பிறகு தி.ஜானகிராமன்வரை படிக்கத் தொடங்கினேன். ஜெயகாந்தன் படிக்கத் தொடங்கினேன். எனது வாசிப்பின் தரம் உயர்ந்து கொண்டே போனது. ஆனால் தொடக்கம் தமிழ்வாணன்தான். குழந்தைகளுக்குப் பிடித்த புத்தகங்களை வாங்கிக் கொடுத்து அவர்களுக்கு வாசிக்கும் பழக்கத்தை முதலில் தொடங்கி வையுங்கள்.
புத்தகம் வாங்கும் பழக்கத்தை பள்ளியும், கல்லூரிகளும் ஏற்படுத்துவதில்லை. நான் மதுரை அமெரிக்கன் கல்லூரியில் படிக்கும்போது வால்ட்விட்மனைப் பாடம் நடத்திய எனது பேராசிரியர் சொல்லித்தான் தமிழில் நீலமணி என்ற கவிஞர் இருப்பது எனக்குத் தெரியும். அவருடைய கவிதை நூலை வாங்கி படித்தேன். அதில் ஒரு கவிதை: உழைத்தால் உயரலாம்; சரி... யார் உழைத்தால் யார் உயரலாம்? இது என்னைச் சிந்திக்க வைத்தது. ஆசிரியர் சொல்லித்தான் அந்தப் புத்தகத்தை வாங்கினேன். ஆனால் இப்போது ஆசிரியர்கள் அப்படிச் சொல்லித் தருவதில்லை. 
அதனால்தான் புத்தகக் கண்காட்சிகளை நடத்தி வாசிப்புப் பழக்கத்தை ஏற்படுத்த வேண்டியிருக்கிறது. படிக்கும் ஆர்வத்தைத் தூண்டிவிட வேண்டியிருக்கிறது.
கல்யாணத்துக்குப் போகும்போது, பிறந்தநாள் விழாவுக்குப் போகும்போது ஒரு பூங்கொத்து வாங்கிக் கொடுப்பீர்கள். அல்லது கப் அண்ட் சாஸர் வாங்கிக் கொடுப்பீர்கள். அல்லது ஒரு கடிகாரம் வாங்கிக் கொடுப்பீர்கள். அந்தக் கடிகாரம் ஏற்கெனவே உங்களுக்கு யாராவது பரிசு அளித்ததாக இருக்கும். இந்தப் பரிசுகளுடன் சேர்த்து ஒரு புத்தகத்தையும் பரிசளியுங்கள். 
அவர் படிப்பாரா? படிக்க மாட்டாரா? என்றெல்லாம் யோசிக்காதீர்கள். அந்தப் புத்தகம் அவருடைய வீட்டில் இருக்கும். அந்தப் புத்தகம் தனது வாசகனைத் தேர்ந்தெடுக்கும். யாரோ ஒருவர் அதை எடுத்துப் படிப்பார். 
1963 வெளியிடப்பட்ட திருக்குறள் உரை புத்தகம் - என் தந்தை வாங்கியது. எங்கேயோ வீட்டுக்குள் முடங்கிக் கிடந்த அந்த புத்தகத்தை எடுத்துப் படித்தேன். 50 ஆண்டுகளுக்கும் மேலாக மூச்சுவிடாமல் இருந்த புத்தகம் எனக்காகக் காத்திருந்து மூச்சுவிட்டது. புத்தகங்கள் பிறரின் வாழ்க்கையை, அனுபவங்களை நமக்குத் தெரியப்படுத்துபவை. அதற்காகவே அவற்றை வாசிக்க வேண்டும். 
ஜான் சுந்தரின் நகலிசைக் கலைஞன் என்ற புத்தகத்தைப் படித்தேன். அது மேடைக் கச்சேரிக் கலைஞர்களின் வாழ்க்கையைச் சொல்கிறது. அவர்களுடைய குடும்ப வாழ்க்கை, கஷ்டங்கள், கச்சேரி கிடைக்காவிட்டால் அவர்கள் என்ன செய்வார்கள்? என்று விரிவாகப் பேசும் புத்தகம். அவற்றையும் மீறி அவர்கள் கலைஞர்களாக இருப்பார்கள். நகலிசைக் கலைஞர்களின் வாழ்க்கையை அந்தப் புத்தகத்தின் மூலம் நான் தெரிந்து கொண்டேன். எனவே அவசியம் புத்தகம் படிக்க வேண்டும். அப்போதுதான் மனம் விசாலப்படும் என்றார். 
விழாவில் புத்தகங்களும் சமுதாயமும் என்ற தலைப்பில் அ.ப.தேவேந்திர பூபதியும், ஈடு இல்லா இருவர்கள் என்ற தலைப்பில் விஜய் பிரபாகரனும் பேசினர். நிகழ்ச்சியில் பபாசி நிர்வாகிகள் எஸ்.சுரேஷ் குமார், வயிரவன், ஆர்.மாசிலாமணி உள்ளிட்டோர் கலந்து கொண்டனர். 

]]>
https://www.dinamani.com/all-editions/edition-chennai/chennai/2019/jan/18/குழந்தைகளிடம்-வாசிப்பு-பழக்கத்தை-ஏற்படுத்த-வேண்டும்-3078340.html
3078339 சென்னை சென்னை புத்தகக் கண்காட்சியில் இன்று DIN DIN Friday, January 18, 2019 04:16 AM +0530
வெள்ளிக்கிழமை (18.1.2019) மாலை 6.00 மணிக்கு புத்தகக் கண்காட்சியின் இலக்கிய நிகழ்ச்சியில் உடலாலும் பேசுவோம்  என்ற தலைப்பில் வெ.இறையன்பு இ.ஆ.ப., பேசுகிறார். பபாசி இணைச் செயலாளர் அ.குமரன் வரவேற்புரையும், செயற்குழு உறுப்பினர் எம்.சிராஜுதீன் நன்றியுரையும் ஆற்றுகிறார்கள்.

]]>
https://www.dinamani.com/all-editions/edition-chennai/chennai/2019/jan/18/புத்தகக்-கண்காட்சியில்-இன்று-3078339.html
3078338 சென்னை சென்னை எனக்குப் பிடித்த புத்தகம்! எழுத்தாளர் சுகுமாரன் DIN DIN Friday, January 18, 2019 04:16 AM +0530

ஒரு கவிஞன் என்ற முறையில் எனக்கு மிகவும் பிடித்தது பாரதியின் கவிதைகள்தாம். 
எனது சிறுவயதிலேயே வெகுஜன ரசனையைத் தாண்டி, இலக்கியம் சார்ந்த ரசனையுடன் எனது வாசிப்பு பழக்கத்தை மாற்றியது புதுமைப்பித்தனின் கதைகள்தாம். புதுமைப்பித்தன் படைப்புகளை எனக்கு அறிமுகம் செய்து வைத்தது தொ.மு.சி.ரகுநாதன் எழுதிய புதுமைப்பித்தன் வரலாறு என்ற புத்தகம்தான். புதுமைப்பித்தன் கதைகள் எனக்கு வேறு ஓர் உலகத்தை காட்டின. அதற்குப் பிறகு ஜெயகாந்தனின் கதைகளைப் படிக்கத் தொடங்கினேன். ஆனால் சிறிது நாள்களிலேயே ஜெயகாந்தனை என்னால் தொடர முடியவில்லை. ஜெயகாந்தன் நிறைய அறிவுரை சொல்வதாக எனக்குப் பட்டது. அறிவுரைதான் யாருக்கும் பிடிக்காதே? அவற்றைத் தாங்கிக் கொள்ளும் திராணி எனக்கு இல்லை. அதனால் எனது வாசிப்பு ஜெயகாந்தனைத் தாண்டி அடுத்த கட்டத்துக்கு நகர்ந்தது.
அடுத்து எனக்குப் பிடித்தமான நூல்கள் என்று தி.ஜானகிராமனின் நாவல்களைத்தான் சொல்ல வேண்டும். அவருடைய மோகமுள், அம்மா வந்தாள், மரப்பசு என எல்லா நாவல்களும் என்னைக் கவர்ந்தவை. அவருடைய கதாபாத்திரங்களின் வீழ்ச்சியும், உயிர்ப்பும் என்றென்றும் நினைக்கத் தக்கவை. 
சுந்தர ராமசாமியின் ஒரு புளிய மரத்தின்கதை, ஜே.ஜே: சில குறிப்புகள் ஆகியவற்றை படிக்கும்போது பைத்தியம் பிடித்த மாதிரியான மனநிலையை அந்த சிறுவயதில் அவை ஏற்படுத்தின. 
அசோகமித்திரனின் நாவல்கள் எனக்கு மிகவும் பிடித்தவை. நான் ஒரு நல்ல எழுத்தாளன் என்று என்னைப் பற்றி சொல்லிக் கொள்வதை விட நான் ஒரு நல்ல வாசகன் என்று சொல்லிக் கொள்வதிலேயே பெருமைப்படுகிறேன் என்றார்.
 

]]>
https://www.dinamani.com/all-editions/edition-chennai/chennai/2019/jan/18/எனக்குப்-பிடித்த-புத்தகம்-எழுத்தாளர்-சுகுமாரன்-3078338.html
3078337 சென்னை சென்னை தேடித் தேடி... DIN DIN Friday, January 18, 2019 04:15 AM +0530
மகேஸ்வரன், முகப்பேர் மேற்கு, சென்னை:
இந்த முறை எனக்கு மட்டுமல்ல, என் வீட்டிலுள்ள எல்லாருக்கும் புத்தகங்கள் வாங்கினேன். சுஜாதாவின் ஏன்? எதற்கு? எப்படி? என்ற புத்தகம் தெரியாத பல விஷயங்களை சுவையாகச் சொல்லும் நூல் என்பதால் அதை வாங்கினேன். என்.பைரவன், சாருகேசி எழுதிய இனி இது சேரி இல்லை என்ற புத்தகத்தையும் , தமிழகத்தில் சாதி உருவாக்கமும் சமூக மாற்றமும்  என்ற புத்தகத்தையும் எனக்காக வாங்கினேன். சென்னை வாழ்க்கையைச் சொல்லும் எம்டன் செல்வரத்தினம் எழுதிய சென்னையர் கதைகள் புத்தகத்தையும், தி.ஜானகிராமனின் எல்லாச் சிறுகதைகளும் அடங்கிய தொகுப்பையும், அவருடைய அம்மா வந்தாள் நாவலையும் வாங்கினேன். அம்மாவுக்காக சுகி சிவம் எழுதிய மனசே, நீ ஒரு மந்திரச்சாவி என்ற புத்தகத்தையும், எப்போதும் சந்தோஷம் என்ற புத்தகத்தையும் வாங்கினேன். 
ஆ.சிவசுப்பிரமணியனின் பிராமண போஜனமும், சட்டிச் சோறும், கண்ணதாசனின் அர்த்தமுள்ள இந்துமதம் அனைத்துத் தொகுதிகளையும் வாங்கியிருக்கிறேன். குழந்தைகளுக்காக நிறைய சிறுவர் நூல்கள், ஆங்கிலப் புத்தகங்களை வாங்கியிருக்கிறேன் என்றார்.


ஆறுமுக நயினார், பெரம்பூர்:
நிறைய இடதுசாரி நூல்கள், தமிழர் வரலாறு தொடர்பான நூல்கள், இலக்கிய நூல்கள் வாங்கியிருக்கிறேன். க.ப.அறவாணனின் தமிழர் சமூகம் தொ.பரமசிவனின் அறியப்படாத தமிழகம், தெய்வங்களும் சமூக மரபுகளும் உள்பட பல நூல்களை வாங்கியிருக்கிறேன். 
மூலதனம் கற்போம், மார்க்சியம் என்றால் என்ன? உள்பட நிறைய இடதுசாரி சிந்தனை நூல்களையும் வாங்கியிருக்கிறேன். 
எஸ்.ராமகிருஷ்ணனின் எனது இந்தியா, கலிலியோ மண்டியிடவில்லை, எலியின் பாஸ்வேர்டு ஆகிய புத்தகங்களை வாங்கியிருக்கிறேன். 
தொ.பரமசிவன் அறிவியல்பூர்வமான சிந்தனைகளின் அடிப்படையில் தமிழக வரலாற்றை ஆய்வு செய்பவர் என்பதால் அவருடைய நூல்கள் எனக்குப் பிடிக்கும். க.ப.அறவாணனின் நூல்களில் தமிழர் வரலாறு தொடர்பான செய்திகள் நிரம்பிக் கிடக்கும். ஆழமான சிந்தனைகளின் அடிப்படையில் எஸ்.ராமகிருஷ்ணனின் எழுத்துகள் இருக்கின்றன. அதனால் அவர்கள் எழுதிய நூல்களை வாங்கியிருக்கிறேன் என்றார்.
 

]]>
https://www.dinamani.com/all-editions/edition-chennai/chennai/2019/jan/18/தேடித்-தேடி-3078337.html
3078336 சென்னை சென்னை தொட்டால் ஒலிக்கும் கருவி! DIN DIN Friday, January 18, 2019 04:15 AM +0530
இப்போது பெரியவர்கள் தங்களுக்காகப் புத்தகங்களை வாங்க வருகிறார்களோ இல்லையோ அவர்கள் வீட்டுக் குழந்தைகளுக்குப் புத்தகங்களை வாங்க வருகிறார்கள். வாசிப்புப் பழக்கத்தை ஏற்படுத்த வேண்டும் என்ற நோக்கத்தில் வருகிறார்கள். குழந்தைகளின் அறிவு வளர்ச்சிக்கு என நிறைய முயற்சிகள் மேற்கொள்கின்றனர். அவற்றை இந்த ஆண்டு புத்தகக் கண்காட்சியின் அரங்குகள் சிலவற்றில் காண முடிந்தது. க்ரோலியர் (எதஞகஐஉத) என்ற நிறுவனம் அமைத்துள்ள அரங்கு அவற்றில் ஒன்று. இந்த அரங்கில் குழந்தைகளின் அறிவு வளர்ச்சிக்காக பலவிதமான புத்தகங்கள், உபகரணங்கள் கிடைக்கின்றன. 
ஒரு புத்தகத்தில் உள்ள ஒரு படத்தின் மீதோ, அவற்றில் உள்ள சொற்களின் மீதோ ஒரு பேனா வடிவிலான கருவியின் கூர் முனையை வைத்தால், அந்தக் கருவியில் இருந்து அந்தப் படத்தில் உள்ள விலங்கு, பொருள் ஆகியவற்றின் பெயர் ஒலிக்கிறது. சொற்களின் மீது வைத்தால் சொற்கள் ஒலிக்கின்றன. தனித்தனிச் சொற்கள் மட்டுமல்ல, வாக்கியம் முழுவதும் ஒலிக்கிறது. வழக்கமாக குழந்தைகளின் விரலைப் பிடித்து ஒவ்வொரு எழுத்தாய்த் தொட்டு பெரியவர்கள் சொல்லிக் கொடுப்பதைப் போல அந்த உபகரணம் செயல்படுகிறது. எலக்ட்ரானிக் தொழில்நுட்பத்தின் அடிப்படையில் குழந்தைகளுக்கான புத்தகங்கள், புத்தகங்களில் உள்ளவற்றை உச்சரிக்கும் கருவி ஆகியவை உருவாக்கப்பட்டுள்ளன.
இது தவிர, குழந்தைகளின் திறமையை விளையாட்டின் மூலம் வளர்க்க உதவும் விளையாட்டுப் பொருள்களும் உள்ளன. இது குறித்து அந்த நிறுவனத்தைச் சேர்ந்த தாமோதரன் நம்மிடம் கூறியதாவது:
குழந்தைகளை டிவியின் கார்ட்டூன் சேனல்கள், குழந்தைகளுக்கான சேனல்களில் இருந்து விடுவிப்பது இன்றைய பிரச்னையாக உள்ளது. அதற்காகத்தான் இம்மாதிரியான கருவிகளை உருவாக்கியிருக்கிறோம். 6 மாத குழந்தைகள் முதல் 10 வயதுக் குழந்தைகள் வரை, அவர்களின் வயதுக்குப் பொருத்தமான அறிவூட்டும் கருவிகளை வடிவமைத்திருக்கிறோம். எனவே பெற்றோர் தமது குழந்தைக்கு எது தேவையானதோ அதை வாங்கிப் பயன்படுத்தலாம். குழந்தைகள் திறமையுடன் வளர, பள்ளியில் ஆசிரியரின் முயற்சிகள் மட்டுமே போதுமானவை அல்ல; வீட்டில் பெற்றோரும் குழந்தைகளின் திறமைகளை வளர்க்க உதவ வேண்டும். அதற்கு உதவுபவையே இந்த கருவிகள் என்றார். 

]]>
https://www.dinamani.com/all-editions/edition-chennai/chennai/2019/jan/18/தொட்டால்-ஒலிக்கும்-கருவி-3078336.html
3078335 சென்னை சென்னை இது புதுசு! DIN DIN Friday, January 18, 2019 04:15 AM +0530
வனிதா பதிப்பகம்:
 திருமூலர் அருளிய திருமந்திரம் (மூலமும் தெளிவுரையும்) - மூன்று பாகங்கள் - கோ.பெரியண்ணன்; ரூ.1,230.
 ரமணியின் சிறுகதைகள் - ரஞ்ஜனி; ரூ.270.
 முருங்கையின் 300 பயன்கள்- தனபாலன்; ரூ.140.
 தமிழகத்தின் முதல் பெண் பதிப்பாளர் அம்சவேணி பெரியண்ணன்(வாழ்க்கைக் குறிப்பு) - திருவை பாபு; ரூ.140


நெஸ்லிங் புக் பப்ளிஷிங்:
 ராசிபுரத்தில் நான்கு கில்லாடிகள்; ரூ.90.
 பாரதி என்னும் கம்பளிப் புழு; ரூ.70.
 நிலாக்குளம்; ரூ.70.
 அலிபாபாவும் நாற்பது திருடர்களும்; ரூ.70.
 வெண்ணெய் திருடன்; ரூ.70 


பொன்னுலகம் புத்தக நிலையம்: 
 2016 டிசம்பர் 5 - இன் சந்தேகங்கள்- திருப்பூர் குணா; ரூ.60
 ஸ்டாலின் பற்றி குருச்சேவின் பொய்கள்- குரோவர் ஃபர்; தமிழில்: செ.நடேசன்; ரூ.500.
 செம்புலம் (நாவல்)- இரா.முருகவேள்; ரூ.250.
 ஆர்டருக்காக காத்திருப்பவர்கள் (சிறுகதைத் தொகுப்பு)- மதிகண்ணன்; ரூ.125.
கவிதா பப்ளிகேஷன்:
 தியானம் -ஓஷோ; ரூ.250.
 கண்ணுறங்காக் காவல்- ஒரு முடிவின் ஆரம்பம்- 
ப.சிதம்பரம்; ரூ.300.
 சில பாதைகள்...சில பயணங்கள் - பாரதி பாஸ்கர்; ரூ.90.
 திரைவானில் மின்னிய நட்சத்திரங்கள் - ஆர்.சி.சம்பத்; ரூ.100
 

]]>
https://www.dinamani.com/all-editions/edition-chennai/chennai/2019/jan/18/இது-புதுசு-3078335.html
3078334 சென்னை சென்னை கவனியுங்கள்! DIN DIN Friday, January 18, 2019 04:14 AM +0530
மகிழ்ச்சி -ஓஷோ; தமிழில்: எஸ். ரெங்கராஜன்; பக்.248; ரூ.210; கவிதா பப்ளிகேஷன், சென்னை-17.
மகிழ்ச்சிக்கும் வெற்றிக்கும் எந்த சம்பந்தமும் இல்லை. மகிழ்ச்சிக்கும் குறிக்கோளுக்கும் எந்த சம்பந்தமும் இல்லை. மகிழ்ச்சிக்கு பணத்தோடோ, சக்தியோடோ, கெளரவத்தோடோ, எந்த சம்பந்தமும் இல்லை. மகிழ்ச்சி என்பது ஒரு மனிதனின் விழிப்புணர்வோடு தொடர்புடையது. அவனுடைய தனிப்பட்ட குணநலன்களோடு தொடர்புடையது அல்ல. அந்த விழிப்புணர்வை எப்படிப் பெறுவது என்பதை ஓஷோவுக்கேயுரிய எளிமையான நடைமுறை சார்ந்த உதாரணங்களுடன் இந்நூல் விளக்கியிருக்கிறது. 


அடோப் ஃபோட்டோஷாப் சி.சி- கிராபிக்ஸ் 
பா.கண்ணன்; ரூ.210; கண்ணதாசன் பதிப்பகம், சென்னை-17.
மல்டி மீடியாத் துறைக்கான முன்னோடி சாஃப்ட்வேர். பழைமையான புகைப்படங்களை மெருகேற்றிக் கொள்வதற்கும், கறுப்பு வெள்ளை புகைப்படங்களை கலர் படங்களாக்கிக் கொள்வதற்கும் பயன்படும் சாஃப்ட்வேர். மல்டி கலர் பிரிண்டிங், ஃபிளெக்ஸ் பிரிண்டிங், வெப் பக்கங்களை உருவாக்குதல், வெப் டெம்ப்ளேட்களை உருவாக்குதல், அனிமேஷன் காட்சிகளுக்குத் தேவையான பேக் டிராப்களை உருவாக்குதல் போன்ற பல வேலைகளுக்குப் பயன்படும் சாஃப்ட் வேர், இந்த அடோப் ஃபோட்டோஷாப் சி.சி. இந்த மென்பொருளைப் பயன்படுத்துவதற்குத் தேவையான எல்லா விஷயங்களையும் கற்றுத் தரும் சிறந்த தொழில்நுட்ப நூல். 


சமூக விஞ்ஞான பார்வையில் பழந்தமிழகம்- 
பா.பிரபு, சொ.சுரேஷ்; பக்.160; ரூ.150; வனிதா பதிப்பகம், சென்னை-17.
கோட்பாடுகளைக் கற்பதும், அவற்றைப் பின்பற்றி ஆய்வதும் அருகிவரும் தமிழ்ச் சூழலில் கோட்பாடுகளின் அடிப்படையில் இந்நூல் எழுதப்பட்டுள்ளது. பண்டைத் தமிழகச் சமூகப் பிரிவுகள், பாகுபாடுகள், வாழ்க்கை முறை, திருமணம், பெண்டிர்நிலை, கலையும் கலைஞர்களும், இயற்கை விருப்பு, வானியல் மரபறிவு, மனயியல் நுட்பங்கள்... போன்ற பண்பாட்டுக் கூறுகள் பலவும் இந்த நூலில் ஆய்வு செய்யப்பட்டு பதிவாகியுள்ளன. இந்நூலில் அடங்கியுள்ள கட்டுரைகள் வரலாற்றை மறுவாசிப்புச் செய்கின்றன. நூலாசிரியர்கள் தாங்கள் வகுத்துக் கொண்ட எல்லை, வரித்துக் கொண்ட நெறிகளின் வழியே பண்டைய தமிழ் இலக்கிய நூல்களை அணுகியிருப்பது சிறப்பு.


நினைக்கப்படும் (சிறுகதைகள்) - வி.வி.பி.ராமாராவ்; தமிழில்: எஸ்.ஆர்.தேவிகா; பக். 300; ரூ.230; அநாமிகா ஆல்ஃபபெட்ஸ் வெளியீடு; விற்பனை உரிமை: புதுப்புனல், சென்னை-5.
இந்த சிறுகதைத் தொகுப்பில் இடம்பெற்றுள்ள கதைகள் தெலுங்கு மண்ணுக்கேயுரிய தன்மைகளையும், உலகளாவிய மானுடத்தன்மைகளையும் ஒருங்கே பெற்று நிறைவான வாசிப்பு அனுபவத்தைத் தருகின்றன. நூலாசிரியர் அரை நூற்றாண்டுக்கும் மேலாக தெலுங்கிலும், ஆங்கிலத்திலும் எழுதி வருபவர். அவருடைய சிந்தனை மற்றும் எழுத்தின் முதிர்ச்சி ஒவ்வொரு சிறுகதையிலும் தெரிகிறது. வாசகரை புதிய உலகுக்கு அழைத்துச் செல்லும் சிறுகதைத் தொகுப்பு

]]>
https://www.dinamani.com/all-editions/edition-chennai/chennai/2019/jan/18/கவனியுங்கள்-3078334.html
3078317 சென்னை சென்னை முன்னாள் மாமன்ற உறுப்பினர் வின்சென்ட் அமல்ராஜ் காலமானார் DIN DIN Friday, January 18, 2019 02:50 AM +0530
சென்னை மாநகராட்சி 6-வது வட்ட மாமன்ற முன்னாள் உறுப்பினர் வின்சென்ட் அமல்ராஜ் (44) மாரடைப்பால் வியாழக்கிழமை திருவொற்றியூரில் காலமானார்.
திருவொற்றியூர் சத்தியமூர்த்தி நகரில் வசித்து வந்த வின்சென்ட் அமல்ராஜ், திருவொற்றியூர் நகர் மன்ற உறுப்பினராகவும், திருவொற்றியூர் நகரம் சென்னை மாநகராட்சியுடன் இணைக்கப்பட்ட பிறகு 
6-ஆவது வட்ட மாமன்ற உறுப்பினராகவும் பதவி வகித்துள்ளார். அதிமுக-வைச் சேர்ந்த வின்சென்ட் அமல்ராஜ் வட்ட அவைத் தலைவராகவும் இருந்து வந்தார். மறைந்த அவருக்கு ஜான்சி என்ற மனைவியும், ஒரு மகன், இரண்டு மகள்கள் உள்ளனர். 
இவரது இறுதி அஞ்சலி மற்றும் நல்லடக்க நிகழ்ச்சி வெள்ளிக்கிழமை பிற்பகல் 3 மணிக்கு எர்ணாவூர் மயானத்தில் நடைபெறுகிறது. தொடர்புக்கு: 99404-02936, 99405-66899.
 

]]>
https://www.dinamani.com/all-editions/edition-chennai/chennai/2019/jan/18/முன்னாள்-மாமன்ற-உறுப்பினர்-வின்சென்ட்-அமல்ராஜ்-காலமானார்-3078317.html
3077700 சென்னை சென்னை காணும் பொங்கல்: சென்னையில் இன்று 480 சிறப்பு பேருந்துகள் DIN DIN Thursday, January 17, 2019 03:58 AM +0530
காணும் பொங்கலை முன்னிட்டு பொதுமக்களின் வசதிக்காக சென்னையின் முக்கிய இடங்களுக்கு 480 சிறப்புப் பேருந்துகளை மாநகரப் போக்குவரத்துக்கழகம் இயக்க உள்ளது. இதுதொடர்பாக மாநகரப் போக்குவரத்துக்கழகம் புதன்கிழமை வெளியிட்ட செய்திக்குறிப்பு:
காணும் பொங்கலை முன்னிட்டு பொதுமக்கள் முக்கிய சுற்றுலா தலங்களுக்குச் செல்வது வழக்கம். அவர்களின் வசதிக்காக சென்னையின் அனைத்துப் பகுதிகளிலும் இருந்து, அண்ணாசதுக்கம், வண்டலூர் உயிரியல் பூங்கா, விஜிபி, கோவளம், மாமல்லபுரம், கிஷ்கிந்தா, குயின்ஸ்லேண்ட், பெசன்ட்நகர், பிராட்வே, எம்.ஜி.எம்., முட்டுக்காடு படகு குழாம், கிண்டி சிறுவர் பூங்கா, தீவுத் திடல் சுற்றுலாப் பொருள்காட்சி ஆகிய இடங்களுக்கு 480 சிறப்புப் பேருந்துகள் இயக்கப்பட உள்ளன.
 

]]>
https://www.dinamani.com/all-editions/edition-chennai/chennai/2019/jan/17/காணும்-பொங்கல்-சென்னையில்-இன்று-480-சிறப்பு-பேருந்துகள்-3077700.html
3077699 சென்னை சென்னை அண்ணலின் அடிச்சுவட்டில் நிறைவு விழா DIN DIN Thursday, January 17, 2019 03:58 AM +0530
அண்ணலின் அடிச்சுவட்டில் காந்திய பயணத்தின் நிறைவு விழா தி.நகர் தக்கர் பாபா அரங்கில் வியாழக்கிழமை (இன்று) காலை நடைபெற இருக்கிறது. 
தினமணி நாளிதழும் மதுரை காந்தி அருங்காட்சியகமும் மாணவ - மாணவியருக்காக இணைந்து அண்ணல் காந்தியடிகளின் 150-ஆவது பிறந்த ஆண்டையொட்டி கட்டுரைப் போட்டி நடத்தியது. போட்டிக்கு வந்த 2,000-க்கும் அதிகமான கட்டுரைகளில் 50 கட்டுரைகள் தேர்ந்தெடுக்கப்பட்டன.
கட்டுரை போட்டியில் வெற்றி பெற்ற 50 மாணவ - மாணவியரும் கடந்த ஜனவரி 11-ஆம் தேதி மதுரை காந்தி அருங்காட்சியத்தில் குவிந்தனர். அங்கிருந்து தமிழகத்தில் காந்தியடிகள் விஜயம் செய்த இடங்களுக்கு, வெற்றி பெற்ற மாணவர்கள் அழைத்துச் செல்லப்பட்டனர். அண்ணலின் அடிச்சுவட்டில் என்கிற அந்தப் பயணம் இன்று சென்னையில் நிறைவு பெறுகிறது.
தமிழகத்தில் அண்ணல் காந்தியடிகள் விஜயம் செய்த இடங்களை தரிசித்த மாணவர்கள், காலை 9 மணிக்கு ஆளுநர் மாளிகையில் ஆளுநருடன் கலந்துரையாடுகிறார்கள். ஆளுநர் மாளிகையிலிருந்து கிண்டி காந்தி மண்டபத்தில் அஞ்சலி செலுத்திவிட்டு அண்ணலின் அடிச்சுவட்டில் பயணக்குழுவினர் தி.நகர் வெங்கட்நாராயணா சாலையிலுள்ள தக்கர்பாபா அரங்கில் குழுமுகிறார்கள். காலை 11 மணி முதல் கருத்தரங்கு நடைபெறவுள்ளது. 
தினமணி நாளிதழ் சார்பில் வெற்றி பெற்ற மாணவ, மாணவியருக்கு சிறப்பு செய்யப்படுவதுடன் வாழ்த்து மடலும் நினைவுப் பரிசும் வழங்கப்படுகிறது. கட்டுரைப் போட்டியில் கலந்து கொண்ட அனைவருக்கும் சான்றிதழ் வழங்கப்படுகிறது.
தினமணி ஆசிரியர் கி. வைத்தியநாதனின் தலைமையில் நடைபெற இருக்கும் கருத்தரங்கில் லட்சுமிகாந்தன் ஐஏஎஸ் (ஓய்வு), முனைவர் அ. பிச்சை, வழக்குரைஞர் டி.எஸ்.ஆர். வேங்கடரமணா உள்ளிட்டோர் கலந்து கொண்டு உரையாற்றுகிறார்கள். இந்த நிகழ்ச்சியில் காந்திய அன்பர்கள், பொதுமக்கள் அனைவரும் கலந்துகொள்ளலாம்.
 

]]>
https://www.dinamani.com/all-editions/edition-chennai/chennai/2019/jan/17/அண்ணலின்-அடிச்சுவட்டில்-நிறைவு-விழா-3077699.html
3077698 சென்னை சென்னை ரயில் நிலையங்களில் கூடுதல் போலீஸ் பாதுகாப்பு DIN DIN Thursday, January 17, 2019 03:55 AM +0530
காணும் பொங்கலையொட்டி, சென்னை சென்ட்ரல், எழும்பூர், புறநகர் ரயில் நிலையங்களில் கூடுதல் போலீஸார் பாதுகாப்புப் பணியில் ஈடுபடுத்தப்பட்டுள்ளனர்.
காணும் பொங்கலையொட்டி, மெரீனா உள்ளிட்ட சுற்றுலாத் தலங்களில் அதிக மக்கள் வந்து செல்வார்கள் என எதிர்பார்க்கப்படுவதால், சென்னை சென்ட்ரல், எழும்பூர், புறநகர் ரயில் நிலையங்களில் கூடுதல் போலீஸார் பாதுகாப்புப் பணியில் ஈடுபடுத்தப்பட்டுள்ளனர்.
இதுகுறித்து ரயில்வே காவல் துறை அதிகாரி ஒருவர் கூறுகையில், சென்னை சென்ட்ரல், எழும்பூர், புறநகர் ரயில் நிலையங்களில் கூடுதல் பாதுகாப்புக்கு ஏற்பாடு செய்யப்பட்டுள்ளது. கூடுதலாக ரயில்வே போலீஸார் 150 பேரும், ரயில்வே பாதுகாப்புப் படையினர் 100 பேரும் பாதுகாப்புப் பணியில் ஈடுபடுவார்கள் என்றார்.
 

]]>
https://www.dinamani.com/all-editions/edition-chennai/chennai/2019/jan/17/ரயில்-நிலையங்களில்-கூடுதல்-போலீஸ்-பாதுகாப்பு-3077698.html
3077697 சென்னை சென்னை தமிழர்கள் தமிழை இழந்துவிடக் கூடாது! DIN DIN Thursday, January 17, 2019 03:55 AM +0530
 உலகத் தமிழர்கள் தங்கள் தாய்மொழியான தமிழை இழந்துவிடக் கூடாது என்று திரைப்பட இயக்குநர் தங்கர்பச்சான் கேட்டுக் கொண்டார்.
சென்னை புத்தகக் கண்காட்சியில் புதன்கிழமை நடந்த இலக்கிய நிகழ்ச்சியில் அவர் மேலும் பேசியதாவது:
தாய்மொழி ஒருவருக்கு கண் போன்றது. தாய்மொழியை ஒருவர் இழந்துவிட்டால் கண்களை அவர் இழந்துவிட்டதைப் போல என்பதால்தான் நான் இந்த கண்களை இழக்கும் தமிழர்கள் என்ற தலைப்பை தேர்ந்தெடுத்தேன்.
தமிழ்நாட்டில் எங்கும் தமிழ் இல்லை. சிறிது சிறிதாக இல்லாமல் போய்க் கொண்டிருக்கிறது. பல தமிழர்களின் வீடுகளில் தமிழில் பேசுவதில்லை. குழந்தைகளைத் தமிழ் வழிக் கல்வியில் நாம் படிக்க வைப்பதில்லை. தமிழ் படிக்கத் தெரியாத குழந்தைகள் அதிகம் இருக்கிறார்கள். தெருவில் இறங்கிச் சென்றால் நீங்கள் உணவகத்தைப் பார்க்க முடியாது. ரெஸ்டாரண்டைத்தான் பார்க்க முடியும். மருந்துக் கடைகளைப் பார்க்க முடியாது. மெடிக்கல் ஸ்டோரைத்தான் பார்க்க முடியும். இப்படி தமிழ்நாட்டின் எந்த மூலையில் இருக்கும் கடையானாலும் அதன் பெயரைத் தமிழில் பார்க்க முடியாது. ஆனால் பெயர்ப் பலகையில் தமிழ் இருக்க வேண்டும் என்று சட்டம் இருக்கிறது. அதை யாரும் கண்டிப்பாக நடைமுறைப்படுத்த வேண்டும் என்று நினைப்பதில்லை. 
ஒரு நிமிடம் பிற மொழிக் கலப்பில்லாமல் நம்மால் பேச முடியாது. 
வீட்டில் குழந்தைகளைத் தமிழில் பேசும்படி நாம் வற்புறுத்துவதில்லை. ஆங்கிலத்தில் பேசினால் பெருமை என்று நினைக்கிறோம். சில பள்ளிகளில் தமிழில் பேசினால் தண்டனைகூட உண்டு. 
வேலைக்குப் போவதற்காகவே குழந்தைகளைப் படிக்க வைக்கிறோம். குழந்தைகளை அறிவாளியாக்க நாம் பள்ளிக்கு அனுப்புவதில்லை. இதனால் பள்ளிகளில் தமிழுக்கு மரியாதை இல்லை. 
வங்கிகளுக்குச் சென்றால் அங்குள்ள பல படிவங்களில் தமிழ் இல்லை. இந்தியோ, ஆங்கிலமோதான் உள்ளது. இந்நிலையில் தமிழ்மட்டும் தெரிந்த ஒருவர் வங்கியில் பணம் எடுக்கவோ, போடவோ உள்ள படிவங்களை அடுத்தவர் உதவியுடன்தான் நிரப்ப வேண்டும். 
ஊடகங்களில் தமிழ் கொலை செய்யப்படுகிறது. ஹாட் மச்சி, ஹாய் மச்சி, என்ன லுக் விடுற? என்பன போன்ற உரையாடல்கள் சர்வசாதாரணம். விமானத்தில் ஏறி சேலத்துக்குச் சென்றாலும், விமானத்தில் உள்ள பணிப்பெண் உங்களிடம் ஆங்கிலத்தில்தான் பேசுவார். தமிழில் பேச மாட்டார்.
ஆனால் தமிழர்கள் இவற்றைப் பற்றியெல்லாம் கவலைப்படுவதில்லை. ஆனால் தமிழ்நாடு தவிர பிற மாநிலங்களில் இந்த நிலை இல்லை. கர்நாடக மாநிலத்தில் பெயர் பலகைகள் கன்னடத்தில் இருக்கின்றன. ஐரோப்பிய நாடுகளில் கூட ஜெர்மன், பிரான்சு ஆகிய நாடுகளில் அந்த நாட்டு மொழிகளில்தான் கடைகளின் பெயர்களைப் பார்க்க முடிகிறது. எனவே தமிழர்களாகிய நாம் தாய்மொழியான நமது கண்களை இழந்து வருகிறோம். 
பிறந்த நாள் முதலாய் நமது தாய் நமக்கு சொல்லிக் கொடுத்த மொழி தமிழ். தமிழ் மூலமாகத்தான் நாம் உலகைப் புரிந்து கொள்கிறோம். அதன் மூலமாகத் தான் நாம் முன்னேற முடியும். முன்னேற வேண்டும். நம் முன்னோர்களின் அறிவை இளம்தலைமுறையினருக்குக் கடத்திச் செல்ல தமிழே சிறந்த வாகனம் என்பதை நாம் உணர வேண்டும் என்றார். 
கூட்டத்தில் கவிஞர் ஜானிசிவம் பேசியதாவது: கடவுள் என்றால் கட + உள் என்று புரிந்து கொள்ள வேண்டும். கடவுள் எல்லாப் பொருள்களிலும் புகுந்து வியாபித்து உள்ளார் என்று நாம் புரிந்து கொள்ள வேண்டும். கடவுள் என்ற சொல்லை கடந்து உள்ளே போவது என்றும் நாம் புரிந்து கொள்ளலாம். உள்ளத்தைக் கடப்பது கடவுள். நாத்திகம், ஆத்திகம் ஆகிய இரண்டையும் கடந்தது ஆன்மிகம். 
எல்லா உயிர்களும் ஒரே பொருளில் செய்யப்பட்டிருப்பது என்று நம்புவது ஆன்மிகம். அதனால் எல்லா உயிர்களிடத்திலும் அன்பாக இருக்க வேண்டும் என்று ஆன்மிகம் சொல்கிறது.
எங்கும் வியாபித்து இருப்பதே கடவுள். நாத்திகவாதியோ, ஆத்திகவாதியோ இருவருமே இந்த வியாபித்து இருக்கும் பொருளை ஒப்புக் கொள்வார்கள். காற்றுதான் எங்கும் வியாபித்திருப்பது. காற்றில் மூழ்கி நாம் உயிர் வாழ்கிறோம். நமது உடலுக்குள் காற்று போய் வெளியே வந்து கொண்டிருக்கிறது. காற்றுதான் எல்லா உயிரினங்களும் தவிர்க்க முடியாத உணவு. எனவே காற்றைக் கடவுள் என்று சொல்லலாம். காற்று உடலுக்குள் சென்று கெட்டதை நீக்கி விடுகிறது. சுவாசிப்பின் மூலம் அதையே நாம் செய்கிறோம். வாசிப்பும் அதேபோல்தான். நல்ல புத்தகங்களை நீங்கள் வாசித்தீர்கள் என்றால் உங்கள் மனதில் உள்ள கெட்ட எண்ணங்கள் வெளியேறிவிடும். நல்ல எண்ணங்கள் உள்ளத்திற்குள் புகுந்துவிடும். எனவே ஒருவகையில் பார்த்தால் வாசிப்பும் சுவாசிப்பும் ஒன்றே என்றார்.
மனித வாழ்க்கையில் அதிசயம் என்ற தலைப்பில் ஜே.ஞானகுரு பேசினார். பபாசி பொருளாளர் டி.எஸ்.ஸ்ரீநிவாசன் வரவேற்புரை ஆற்றினார். பி.பார்த்தசாரதி நன்றியுரையாற்றினார்.


 

]]>
https://www.dinamani.com/all-editions/edition-chennai/chennai/2019/jan/17/தமிழர்கள்-தமிழை-இழந்துவிடக்-கூடாது-3077697.html
3077696 சென்னை சென்னை புத்தகக் கண்காட்சியில் இன்று DIN DIN Thursday, January 17, 2019 03:54 AM +0530
வியாழக்கிழமை (ஜன. 17) மாலை 6.00 மணிக்கு நடைபெறும் புத்தகக் கண்காட்சியின் இலக்கிய நிகழ்ச்சியில் தலைப்பைத் தேடி என்ற தலைப்பில் திரைப்பட இயக்குநர் கரு.பழனியப்பன் பேசுகிறார். புத்தகங்களும் சமுதாயமும் என்ற தலைப்பில் சென்னை வடக்கு கோட்டம், மாநில வரிகள், இணை ஆணையர் அ.ப.தேவேந்திர பூபதி பேசுகிறார். ஈடு இல்லா இருவர்கள் என்ற தலைப்பில் விஜய் பிரபாகரன் பேசுகிறார். பபாசி இணைச் செயலாளர் எஸ்.சுரேஷ்குமார் வரவேற்புரையும், செயற்குழு உறுப்பினர் ஆர்.மாசிலாமணி நன்றியுரையும் ஆற்றுகிறார்கள்.
 

]]>
https://www.dinamani.com/all-editions/edition-chennai/chennai/2019/jan/17/புத்தகக்-கண்காட்சியில்-இன்று-3077696.html
3077695 சென்னை சென்னை தேடித் தேடி... DIN DIN Thursday, January 17, 2019 03:53 AM +0530

மணிபாரதி:
வீட்டில் உள்ள குழந்தைகளுக்குத் தேவையான புத்தகங்களை நிறைய வாங்கியிருக்கிறேன். ஆங்கிலத்தில் உள்ள ஆக்டிவிட்டி புத்தகங்கள், 
டதஞயஉதஆந புத்தகங்கள், இந்தி - இங்கிலீஷ் - தமிழ் அகராதி, இந்திய வரைபடம், உலக வரைபடம் ஆகியவற்றை வாங்கியிருக்கிறேன். 
கவிஞர் கண்ணதாசன் எழுதிய வனவாசம், அர்த்தமுள்ள இந்துமதம் புத்தகத்தின் அனைத்துத் தொகுதிகளையும் வாங்கியிருக்கிறேன். 
டேல் கார்னகியின் கவலையை விட்டொழித்து மகிழ்ச்சியாக வாழ்வது எப்படி?, நண்பர்களை எளிதாகப் பெறுவதும், மக்களிடம் செல்வாக்குடன் விளங்குவதும் எப்படி? ஆகிய புத்தகங்களையும் வாங்கினேன்.
ரியோ ஒகாவா எழுதிய நான் நன்றாகவே இருக்கிறேன் என்ற உணர்வு என்ற புத்தகத்தையும் வாங்கியிருக்கிறேன் என்றார்.

கார்த்திக் பாலாஜி: 
 இலக்கிய நூல்கள் நிறைய வாங்கியிருக்கிறேன். எழுத்தாளர் சதத் ஹசன் மண்ட்டோவின் எழுத்துகளின் தொகுப்பு நூலான மண்ட்டோ படைப்புகள் என்ற நூலை வாங்கியிருக்கிறேன். இந்திய - பாகிஸ்தான் பிரிவினையின்போது நடந்த இனக் கலவரம் பற்றிச் சித்திரிக்கும் படைப்புகளை மண்ட்டோ படைத்திருக்கிறார். 
ஜெயமோகனின் அறம், சாகித்ய அகாதெமி வெளியிட்ட சமகால இந்தியச் சிறுகதைகள், ரவீந்திரநாத் தாகூரின் வினோதினி, சா.கந்தசாமியின் சிறுகதைகள், கந்தர்வனின் சிறுகதைகள் எல்லாம் வாங்கியிருக்கிறேன். தமிழகப் பண்பாடு, வரலாறு, ஆட்சிமுறை பற்றியெல்லாம் தெளிவான புத்தகங்களை எழுதும் தொ.பரமசிவனின் நூல்களையும் வாங்கியிருக்கிறேன். 
சுப.உதயகுமார் நேர்காணல்கள் புத்தகம், வங்க
மொழிச் சிறுகதைகள், பஞ்சதந்திரக் கதைகள் என இலக்கியம், வரலாறு சார்ந்த புத்தகங்களையே அதிகம் வாங்கியிருக்கிறேன். தேடி வந்த புத்தகங்கள் எல்லாம் கிடைத்ததில் மகிழ்ச்சி என்றார்.
 

]]>
https://www.dinamani.com/all-editions/edition-chennai/chennai/2019/jan/17/தேடித்-தேடி-3077695.html
3077694 சென்னை சென்னை இது புதுசு! DIN DIN Thursday, January 17, 2019 03:53 AM +0530

யாவரும் பப்ளிஷர்ஸ்
 வளரொளி - சுனில் கிருஷ்ணன்; ரூ.190.
 கவனிக்க மறந்த சொல் (கவிதைகள்) - ரேவா; ரூ.100.
 நித்தியத்தின் சாலையில் மூன்று இடைநிறுத்தங்கள் (நாவல்)- உமா பார்வதி; ரூ.120.
 ஆச்சரியம் காத்திருக்கிறது - வா.மு.கோமு; ரூ.200.
புதுப்புனல்
 மாற்றங்கள் (மலையாளச் சிறுகதைகள்) - கே.தொன்னக்கள்; 
தமிழில்: சிதம்பரம் இரவிச்சந்திரன்; பக்.128; ரூ.150.
 கடைசிச் சிற்பம் (மலையாளச் சிறுகதைகள்) - அஷ்டமூர்த்தி; 
தமிழில்: சிதம்பரம் இரவிச்சந்திரன்; பக்.130; ரூ.150.
 மார்க் ட்வெய்ன் சிறுகதைகள் - தமிழில்: கோ.பிரேம்குமார்; பக்.74; ரூ.95.
 ஒரேயொரு இறைச்சித்துண்டு (நீண்ட சிறுகதை) - ஜாக் லண்டன்; தமிழில்: லதா ராமகிருஷ்ணன்; பக்.84; ரூ.100.
நாளந்தா பதிப்பகம்
 வாங்க பிஸினஸ் செய்யலாம்; ரூ.55
 ஆண்ட்ராய்டு அற்புதங்கள்; ரூ.55
 மந்திரம் அல்ல, மார்க்கெட்டிங்; ரூ.60
 இல்லமும் இன்டீரியரும்; ரூ.96
கீதம் பப்ளிகேஷன்
 ஜெயகாந்தன் பேட்டிகள்; ரூ.150
 பேசும் பொம்மைகள்; ரூ.40
 சிகரம்; ரூ90
 வள்ளுவம் வழங்கிய வாழ்வியல் நெறி; ரூ.90

]]>
https://www.dinamani.com/all-editions/edition-chennai/chennai/2019/jan/17/இது-புதுசு-3077694.html
3077693 சென்னை சென்னை எனக்குப் பிடித்த புத்தகங்கள்: மனநல மருத்துவர் ருத்ரன் DIN DIN Thursday, January 17, 2019 03:53 AM +0530
எனக்குப் பிடித்த புத்தகங்களைச் சொல்வதென்றால் மகாகவி பாரதியாரின் கவிதைகளைத்தான் முதலில் சொல்ல வேண்டும். கவிதையைப் புதிய மொழியில் வெளிப்படுத்தியவன் அவன். பழந்தமிழ் நூல்களில் கம்பராமாயணம் மிகவும் பிடிக்கும். லா.ச.ராமாமிர்தத்தின் நாவல்கள், சிறுகதைகள் பிடிக்கும். அவருடைய உரைநடையைப் படிக்கும்போது உரைநடையா, கவிதையா என்று அடிக்கடி சந்தேகம் ஏற்படும். அந்த அளவுக்கு கவித்துவம் உள்ள மொழிநடை. 
சுகுமாரன் எழுதிய பெருவலி, முகலாய அரச குடும்பப் பெண்களின் நிலையை - பெரும் வலியைச் சொல்லும் நாவல் . அது எனக்குப் பிடிக்கும். 
இந்திய அளவிலான இலக்கியப் பரிசுகள் எதுவும் தரப்படாத வண்ணநிலவனின் எல்லாப் புத்தகங்களும் எனக்குப் பிடிக்கும். அவருடைய கடல்புரத்தில், எஸ்தர் , கம்பா நதி, ரெயினீஸ் ஐயர் தெரு உள்பட அனைத்து நூல்களும் என்னைக் கவர்ந்தவை. 
காஃப்கா எழுதிய தி ட்ரயல், தி கேஸில் ,  எ ஹங்கர் ஆர்ட்டிஸ்ட் இன்னும் பல புத்தகங்கள் எனக்குப் பிடித்தவை. 
ஆங்கில மொழி மீது எனக்குக் காதல் ஏற்பட காரணமாக இருந்தவை ஷேக்ஸ்பியர் எழுதிய நூல்கள். 
ராகுல சாங்கிருத்தியாயனின் வால்காவிலிருந்து கங்கை வரை,  ஊர்சுற்றிப் புராணம் மற்றும் அவருடைய தத்துவ விளக்க நூல்கள் எல்லாம் எனக்குப் பிடித்தவை. பிரபஞ்சன் எழுதிய முட்டை நாடகம். சமீபத்தில் வெளிவந்த புத்தகங்களில் எனக்குப் பிடித்தது, 
ஜெ.தீபலட்சுமியின் இப்போதும் வசந்தி பேக்கரியில் பெண்கள் காணப்படுவதில்லை என்ற புத்தகம்தான் என்றார்.
 

]]>
https://www.dinamani.com/all-editions/edition-chennai/chennai/2019/jan/17/எனக்குப்-பிடித்த-புத்தகங்கள்-மனநல-மருத்துவர்-ருத்ரன்-3077693.html
3077692 சென்னை சென்னை கவனியுங்கள்! DIN DIN Thursday, January 17, 2019 03:52 AM +0530

மனசில் பட்டதை - ஆண்டாள் பிரியதர்ஷினி; பக்.184; ரூ.180; 
தாமரை பிரதர்ஸ் மீடியா பிரைவேட் லிமிடெட், மதுரை-3.
கடவுளை கடவுளாகப் பார்ப்பது ஒரு வகை. கடவுளை மனிதனாகப் பார்ப்பது இன்னொரு வகை. கடவுளைத் தந்தையாக/ தாயாக , தோழனாக/ தோழியாக பார்ப்பது என்ன வகை? எந்த வகையிலும் சேராத பந்த வகை.
நூலாசிரியர் தான் பயணித்த கோயில்கள், சந்தித்த தெய்வங்கள், அவர்களோடு நிகழ்ந்த இதயப் பரிமாற்றங்கள் என தனது அனுபவங்களை இந்நூலில் தொகுத்துத் தந்துள்ளார். 
எவ்வளவு பக்கத்தில் கடவுளைப் பார்க்க முடியும்... எவ்வளவு பக்குவத்தில் அவரை உணர முடியும் என்று ஏங்குபவர்களுக்கு இந்த நூல் ஒரு வரப்பிரசாதம்.

கிருஷ்ணா...கிருஷ்ணா - ப்ரியன் ஸ்ரீனிவாசன்; பக்.136; ரூ.125; கங்கை புத்தக நிலையம், சென்னை-17.
கிருஷ்ணா நதியின் நீளமான கரைகளில் உள்ள பகவானின் úக்ஷத்திரங்கள் அனந்தம். குறிப்பாக ஸ்ரீ சைலம், அமராவதி, விஜயவாடா, மங்களகிரி. ஸ்ரீசைலத்தில் கிருஷ்ணாவைப் பாதாள கங்கை என்று சொல்கிறார்கள். 
நாள் முழுக்க மக்கள் தங்கள் பாவங்களைப் போக்கிக் கொள்ள கங்கையில் மூழ்கி எழுவதால், புனித கங்கை இரவில் கருங்காகமாக மாறி விடுகிறாளாம். தன் மீது படிந்த பாவத்தைப் போக்க, கங்கையானவள் காக்கை உருவில் தினசரி கிருஷ்ணா நதிக்குப் பறந்து வந்து புனிதநீராடி, மறுநாள் காலை வெள்ளை அன்னமாக, தூய்மையாகச் செல்கிறாளாம். புராணத்தில் சொல்லப்படும் ஒரு சம்பவம் இது. நதிகளின் தாய் என்று ஸ்கந்த புராணம் கிருஷ்ணா நதியைச் சொல்கிறது. இந்த நூல் நதியின் வரலாற்றைச் சொல்வதோடு அதன் கரையில் அமர்ந்திருக்கும் கனகதுர்க்கா கோயிலைப் பற்றியும் சொல்லியிருக்கிறது. ஆன்மிகத் தேடல் உள்ளவர்களுக்கு கிடைத்த அரிய பொக்கிஷம் இந்நூல்.

அனைத்து நோய்களுக்கும் செலவு இல்லாத எளிய 
மருத்துவ முறைகள்- ஜெ.ஜெயலட்சுமி; ரூ.1000; 
அல்லயன்ஸ் கம்பெனி, சென்னை-4
ஹோமியோபதி, அக்குபிரஷர், அக்குபங்சர், முத்திரை, யோகா ஆகிய எளிய மருத்துவ முறைகளைப் பற்றி நூல் அறிமுகம் செய்கிறது. சுவாச மண்டலம், ஜீரண மண்டலம், சிறுநீரக மண்டலம், எலும்பு மண்டலம், நரம்பு மண்டலம், இரத்த ஓட்ட மண்டலம், தசை மண்டலம் உள்ளிட்ட உடலின் அனைத்து உடல் உறுப்புகளைப் பற்றியும் அவற்றில் வரும் நோய்கள் பற்றியும் இந்நூல் விளக்குகிறது. 
சர்க்கரை நோய், புற்றுநோய் உள்பட பல நோய்களுக்கு ஹோமியோபதி, அக்குபிரஷர், அக்குபங்சர், முத்திரை, யோகா ஆகியவற்றின் மூலம் எளிய மருத்துவ முறைகளைப் பற்றி விளக்குகிறது. 
நோய்கள் வராமல் நம்மை காத்துக் கொள்ள செய்ய வேண்டிய உடற்பயிற்சிகள், உண்ண வேண்டிய உணவுகள் பற்றியும் கூறுகிறது. சிறந்த ஆரோக்கிய கையேடு.

திருக்குறள் நாமக்கல் கவிஞர் உரை - உரையாசிரியர்: 
நாமக்கல் ராமலிங்கம் பிள்ளை; பக்.704; ரூ.150; வ.உ.சி.
நூலகம், சென்னை-4.
திருக்குறளுக்கு இதுவரை ஏராளமான உரைகள் வெளிவந்துள்ளன. ஒவ்வொரு உரையும் ஒவ்வொரு வகையில் தனிச்சிறப்பு வாய்ந்தவை. 
நாமக்கல் கவிஞர் ராமலிங்கம் பிள்ளை எழுதிய இந்த உரையின் சிறப்பு, ஒவ்வொரு குறளுக்கும் உள்ள தொடர்பை விளக்குவதாகும். வள்ளுவர் வாய்மொழியை நன்றாகப் புரிந்துகொண்டு அவர் இன்றைய மொழிநடையில் எல்லாருக்கும் விளங்கும் வகையில் எளிமையாக இந்த உரையை வழங்கியிருக்கிறார். 
கருத்து விளக்கத்திற்காக இவர் சேர்த்துக் கொண்ட சொற்களையும், தொடர்களையும் ஆங்காங்கே அடைப்புக்குறியில் தந்திருக்கிறார். திருக்குறளின் கருத்தை விளங்கிக் கொள்ள இந்த அணுகுமுறை மிக உதவியாக இருக்கும் என்பது உறுதி.
 

]]>
https://www.dinamani.com/all-editions/edition-chennai/chennai/2019/jan/17/கவனியுங்கள்-3077692.html
3077691 சென்னை சென்னை குடியரசு தின அணிவகுப்பு: தமிழக, தில்லி வாகனங்களில் காந்தி குறித்த தகவல்!  DIN DIN Thursday, January 17, 2019 03:52 AM +0530
வரும் ஜனவரி 26-ஆம் தேதி தில்லியில் நடைபெற உள்ள குடியரசு தின அணிவகுப்பில் தமிழகம், தில்லி அரசுகள் சார்பில் பங்கேற்கும் அலங்கார வாகன ஊர்திகளில் மகாத்மா காந்தி தொடர்புடைய காட்சிகள் இடம் பெற உள்ளதாக தகவல்கள் தெரிவிக்கின்றன.
எனினும், அலங்கார வாகனங்கள் குறித்த விவரங்களை சம்பந்தப்பட்ட அதிகாரிகள் வரும் ஜனவரி 22-ஆம் தேதிக்குப் பிறகு முறைப்படி அறிவிக்கவுள்ளனர்.
மகாத்மா காந்தியின் 150-ஆவது பிறந்த ஆண்டு கொண்டாட்டங்கள் நாடு முழுவதும் நடைபெற்று வருகின்றன. இந்நிலையில், வரும் ஜனவரி 26-ஆம் தேதி குடியரசு தின விழா கொண்டாடப்பட உள்ளது. தில்லி ராஜபாதையில் நடைபெற உள்ள இவ்விழாவில் நாட்டின் பல்வேறு மாநிலங்களின் அலங்கார வாகனங்கள் அணிவகுப்பில் பங்கேற்பது மரபாக இருந்து வருகிறது. அதன்படி, இந்த ஆண்டும் தில்லி ராஜபாதையில் நடைபெற உள்ள அலங்கார அணிவகுப்பில் பல்வேறு மாநிலங்கள் பங்கேற்கின்றன. இதில், தமிழ்நாடு, தில்லி சார்பில் பங்கேற்கும் வாகனங்களில் மகாத்மா காந்தி குறித்த தகவல்கள் இடம்பெற உள்ளன. 
தமிழ்நாட்டுக்கும் மகாத்மா காந்திக்கும் நெருங்கிய தொடர்புகள் உள்ளன. அவர் பலமுறை தமிழ்நாடு வந்து சென்றுள்ளார். மேலும், மதுரையில் அவர் தங்கியிருந்த போது அரை ஆடைக்கு மாறினார். 
இது போன்று பல்வேறு முக்கிய நிகழ்வுகள் தமிழகத்தில் காந்தியின் வருகையின் போது நிகழ்ந்துள்ளன. அதை வெளிப்படுத்தும் தகவல்கள் தமிழகத்தின் சார்பில் பங்கேற்கும் அலங்கார வாகனத்தில்இடம் பெற உள்ளதாக தகவலறிந்த வட்டாரங்கள் தெரிவித்தன. தமிழ்நாடு சார்பிலான அலங்கார வாகனப் பணி தமிழகத்தின் செய்தி- மக்கள் தொடர்புத் துறை உயர் அதிகாரி சங்கர் மேற்பார்வையில் நடைபெற்று வருவதாக அந்த வட்டாரங்கள் தெரிவித்தன.
தில்லி சார்பில்...: தில்லி சார்பில் பங்கேற்கும் வாகனத்திலும் மகாத்மா காந்திக்கும் தில்லிக்கும் உள்ள தொடர்புகளை வெளிப்படுத்தும் காட்சிப் பதிவுகள் இடம் பெற உள்ளதாகக் கூறப்படுகிறது. இது குறித்து தகவலறிந்த வட்டாரங்கள் கூறுகையில், மகாத்மா காந்தி தில்லியில் 720 நாள்கள் தங்கியிருந்தார். தனது கடைசிக் காலத்தில் 144 நாள்கள் தில்லியில் உள்ள பிர்லா ஹவுசில் அவர் தங்கியிருந்தார். 1919 முதல் 1948 வரையிலும் பல்வேறு தருணங்களில் அவர் தில்லிக்கு வந்துள்ளார். 
1921-ஆம் ஆண்டு டிப்பியா கல்லூரியைத் தொடங்கிவைத்துள்ளார். வால்மீகி பஸ்தி குடியிருப்புவாசிகளுக்கான பணிகளையும் மேற்கொண்டார். அவற்றை நினைவுகூரும் வகையில் அலங்கார வாகனத்தில் காட்சிகள் இடம் பெறவுள்ளன என்றன.


 

]]>
https://www.dinamani.com/all-editions/edition-chennai/chennai/2019/jan/17/குடியரசு-தின-அணிவகுப்பு-தமிழக-தில்லி-வாகனங்களில்-காந்தி-குறித்த-தகவல்-3077691.html
3077690 சென்னை சென்னை இரண்டு நாள்களுக்கு உறைபனி DIN DIN Thursday, January 17, 2019 03:50 AM +0530
நீலகிரி மாவட்டத்தின் ஒரு சில பகுதிகளில் வியாழக்கிழமை, வெள்ளிக்கிழமை (ஜன.17, 18) ஆகிய இரண்டு நாள்களுக்கு உறை பனி நிலவும் என சென்னை வானிலை ஆய்வு மையம் தெரிவித்துள்ளது.
இதுகுறித்து சென்னை வானிலை ஆய்வு மைய அதிகாரிகள் கூறியது: கடந்த நில நாள்களாக தமிழகத்தின் பெரும்பாலான மாவட்டங்களில் பனியின் தாக்கம் அதிகரித்து காணப்படுகிறது. இதில், குறிப்பாக நீலகிரி மாவட்டம், கோவை மாவட்டம் வால்பாறை, திண்டுக்கல் மாவட்டம் கொடைக்கானல் ஆகிய மலைப் பகுதிகளில் அவ்வப்போது உறை பனி நிலவி வருகிறது. 
இந்நிலையில், நீலகிரி, அதன் சுற்றுவட்டாரப் பகுதிகளில் வியாழக்கிழமை, வெள்ளிக்கிழமை ஜனவரி 17,18- ஆகிய இரண்டு நாள்களுக்கு உறைபனி நிலவும். 
தமிழகம், புதுச்சேரியில் வரும் ஞாயிற்றுக்கிழமை (ஜன. 20) வரை வறண்ட வானிலை காணப்படும். புதன்கிழமை காலை 8.30 மணியுடன் முடிவடைந்த கடந்த 24 மணி நேரத்தில் குறைந்தபட்சமாக நீலகிரி மாவட்டம், உதகையில் 3 டிகிரியும், குன்னூரில் 8 டிகிரியும் வெப்பநிலை பதிவாகி உள்ளது.
சென்னையைப் பொருத்தவரை அடுத்த 48 மனி நேரத்துக்கு வானம் மேகமூட்டத்துடன் காணப்படும். அதிகாலையில் பனிமூட்டம் நிலவும் என வானிலை ஆய்வு மைய அதிகாரிகள் தெரிவித்தனர்.

]]>
https://www.dinamani.com/all-editions/edition-chennai/chennai/2019/jan/17/இரண்டு-நாள்களுக்கு-உறைபனி-3077690.html
3077689 சென்னை சென்னை இன்று காணும் பொங்கல்: கடற்கரைச் சாலையில் போக்குவரத்து மாற்றம் DIN DIN Thursday, January 17, 2019 03:50 AM +0530 காணும்பொங்கலை முன்னிட்டு சென்னை மெரீனா கடற்கரைக்கு வருவோர் அல்லது கடற்கரைச் சாலை வழியாக அடையாறு நோக்கி அல்லது பாரிமுனை நோக்கி செல்வோர் கவனத்துக்காக போக்குவரத்து மாற்றம் குறித்து போலீஸார் தெரிவித்துள்ளனர். 
இது குறித்து பெருநகர சென்னை காவல் ஆணையர் அலுவலகம் புதன்கிழமை வெளியிட்ட செய்தி: காணும் பொங்கல் கொண்டாட்டத்தை முன்னிட்டு சென்னையில் அனைத்து சாலைகளிலும் குறிப்பாக காமராஜர் சாலையில் அதிகளவில் மக்கள் கூடுவார்கள் என எதிர்பார்க்கப்படுகிறது. இது தொடர்பாக சூழ்நிலைக்குத் தகுந்தவாறு சில போக்குவரத்து மாற்றங்கள் செய்யப்பட்டுள்ளன.
காமராஜர் சாலையில் பொதுமக்கள் முழுவதுமாக நிரம்பும் வரை எந்தவித போக்குவரத்து மாற்றமும் செய்யப்படாது. உழைப்பாளர் சிலை மற்றும் கண்ணகி சிலை அருகில் மக்கள் கூட்டம் மிக அதிகமாக கூடும்போது வடக்கிலிருந்து வரும் வாகனங்கள் போர் நினைவுச் சின்னத்தில் திருப்பப்பட்டு, கொடிமர இல்லம் சாலை, அண்ணா சாலை, ஜி.பி. சாலை, மணிக்கூண்டு, டாக்டர் ராதாகிருஷ்ணன் சாலை வழியாகச் சென்று தங்களது இலக்கினைஅடையலாம். 
அடையாறிலிருந்து வரும் வாகனங்கள் கண்ணகி சிலையில் திருப்பப்பட்டு பாரதி சாலை, பெல்ஸ் சாலை, வாலாஜா சாலை வழியாகச் சென்று தங்களது இலக்கினை அடையலாம். 
மேலும், பாரதி சாலையானது, கண்ணகி சிலையிலிருந்து ஒரு வழிப்பாதையாகவும், வாலாஜா சாலை மற்றும் பெல்ஸ் சாலை சந்திப்பில், பெல்ஸ் சாலையில் வாகனங்கள் நுழையாத வகையில் வாகனங்கள் திருப்பப்படும் (பெல்ஸ் சாலை ஒரு வழிப்பாதையாக மாற்றப்படும்). எனவே வாகன ஓட்டுநர்கள் அனைவரும் ஒத்துழைப்பு தருமாறு கேட்டுக் கொள்ளப்படுகிறது என அதில் 
கூறப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/17/இன்று-காணும்-பொங்கல்-கடற்கரைச்-சாலையில்-போக்குவரத்து-மாற்றம்-3077689.html
3077688 சென்னை சென்னை ஆவடியில் தாய், 3 வயது மகள் கொலை: ஜோதிடர் கைது DIN DIN Thursday, January 17, 2019 03:50 AM +0530
சென்னை அருகே உள்ள ஆவடியில் தாய் மற்றும் அவரது மூன்று வயது மகள் கொடூரமாக கொலை செய்யப்பட்டது குறித்து போலீஸார் விசாரித்து வருகின்றனர். 
ஆவடி நரிக்குறவர் காலனியில் வசித்து வருபவர் அருண்பாண்டியன். ஊசி மணி, பாசி மணி மற்றும் பொம்மை பொருள்களை ஊர் ஊராகச் சென்று வியாபாரம் செய்து வருகிறார். இவரது மனைவி ரோஜா ( 22). இவர்களது 3 வயது மகள் சுஜாதா.
கடந்த 2 நாள்களுக்கு முன்பு அருண்பாண்டியன் வியாபாரம் சம்பந்தமாக வெளியூர் சென்று விட்டார். வீட்டில் ரோஜாவும், அவரது மகள் சுஜாதாவும் இருந்தனர். இந்த நிலையில் புதன்கிழமை காலை அவர்களது வீட்டில் இருந்து யாரும் வெளியே வரவில்லை. இதனால் சந்தேகம் அடைந்த அருகில் வசிப்பவர்கள் அவர்களது வீட்டுக்கு சென்று பார்த்தனர்.
அப்போது வீட்டில் உள்ள அறையில் ரோஜாவும், சுஜாதாவும் தலையில் கல்லைப் போட்டு கொடூரமாக கொலை செய்யப்பட்டு கிடந்தனர். இதனை பார்த்து அதிர்ச்சி அடைந்த அவர்கள் ஆவடி காவல் நிலையத்துக்கு தகவல் தெரிவித்தனர். 
அதன்பேரில் சம்பவ இடத்துக்கு விரைந்து வந்த போலீஸார் கொலை செய்யப்பட்டுக் கிடந்த 2 பேரின் உடல்களையும் மீட்டு பிரேத பரிசோதனைக்காக கீழ்பாக்கம் அரசு மருத்துவமனைக்கு அனுப்பி வைத்தனர். மேலும் இது குறித்து ரோஜாவின் கணவர் அருண்பாண்டியனுக்கும் தகவல் தெரிவித்தனர்.
இதைத் தொடர்ந்து போலீஸார் மோப்ப நாய் ஜான்சி உதவியுடன் அந்தப் பகுதியில் தீவிர சோதனை நடத்தினர். பின்னர் அருண்பாண்டியன் வீட்டுக்குஅருகில் இருந்தவர்களிடம் இது குறித்து விசாரணை மேற்கொண்டனர். 
அப்போது அந்தப் பகுதியில் தனது உறவினர் வீட்டில் தங்கியிருந்த வேலூர் மாவட்டம், காட்பாடியைச் சேர்ந்த ஜோதிடர் வீரகுமார் (21) அருண்பாண்டியனின் வீடு இருந்த பகுதியில் அடிக்கடி சுற்றித் திரிந்ததாக அவர்கள் தெரிவித்தனர். இதையடுத்து வீரகுமாரை பிடித்த போலீஸார் அவரிடம் இது குறித்து விசாரணை நடத்தினர். 
அதில், வீரகுமார் செவ்வாய்க்கிழமை இரவு அருண்பாண்டியனின் வீட்டுக்குள் புகுந்து ரோஜாவை வன்கொடுமை செய்ததும், அப்போது சப்தம் போட்ட ரோஜா, அவரது மகள் சுஜாதா ஆகியோரை வீரகுமார் கல்லால் தாக்கி கொலை செய்திருப்பதும் தெரியவந்தது. 
இதையடுத்து வீரகுமாரை கைது செய்த போலீஸார் அவரை சிறையில் அடைத்தனர். தாய்-3 வயது மகள் கொலை செய்யப்பட்ட சம்பவம் ஆவடி பகுதியில் பெரும் பரபரப்பை ஏற்படுத்தியுள்ளது. 
 

]]>
https://www.dinamani.com/all-editions/edition-chennai/chennai/2019/jan/17/ஆவடியில்-தாய்-3-வயது-மகள்-கொலை-ஜோதிடர்-கைது-3077688.html
3077051 சென்னை சென்னை காணும் பொங்கல்: சென்னையில் பாதுகாப்புப் பணியில் 15 ஆயிரம் போலீஸார்: மெரீனாவில் ஆளில்லாத விமானம் மூலம் கண்காணிப்பு DIN DIN Tuesday, January 15, 2019 04:23 AM +0530
காணும் பொங்கலை முன்னிட்டு, ஜனவரி 17-ஆம் தேதி (வியாழக்கிழமை) சென்னையில் பாதுகாப்புப் பணியில் சுமார் 15 ஆயிரம் போலீஸார் ஈடுபடுகின்றனர்.
பொங்கல் பண்டிகையின் முக்கிய நிகழ்ச்சிகளுள் ஒன்றான காணும் பொங்கல் வியாழக்கிழமை (ஜன.17) கொண்டாடப்படுகிறது. இதையொட்டி பொதுமக்கள் கடற்கரை, பூங்கா போன்ற பொழுதுபோக்கு இடங்களுக்குச் செல்வது வழக்கம். இதற்காக சென்னையில் பொழுதுபோக்கு இடங்களில் மட்டும் ஆயுதப்படை போலீஸார், தமிழ்நாடு சிறப்பு காவல் படையினர் என சுமார் 15 ஆயிரம் போலீஸார் பாதுகாப்புப் பணியில் ஈடுபடுத்தப்படுகின்றனர்.
மெரீனா கடற்கரையில் சுமார் 5 லட்சம் மக்கள் வரை அன்று கூடுவர் என காவல்துறையினரால் எதிர்பார்க்கப்படுகிறது. இதையொட்டி, மெரீனா கடற்கரையில் பலத்த பாதுகாப்பு ஏற்பாடுகள் செய்யப்பட்டு வருகின்றன. அங்கு பொதுமக்கள் கடலில் குளிக்க காவல்துறையினர் தடை விதித்துள்ளனர். கடலுக்குள் யாரும் செல்லாமல் இருப்பதற்கு கட்டைகள் மூலம் தடுப்பு அமைக்கப்படுகிறது.
மேலும் கடலோரப் பகுதியை கண்காணிப்பதற்காக குதிரைப் படை வீரர்கள் ரோந்துப் பணியில் ஈடுபடுகின்றனர். மக்களை உஷார்படுத்தும் வகையில் ஒலிபெருக்கியில் அறிவிப்பு செய்ய ஏற்பாடு செய்யப்பட்டுள்ளது. திருட்டை தடுப்பதற்காக குற்றப்பிரிவு போலீஸார் மாறுவேடத்தில் ரோந்தில் ஈடுபட உள்ளனர். மேலும் கடற்கரையில் 16 இடங்களில் கண்காணிப்புக் கோபுரங்கள் அமைக்கப்படுகின்றன.
போக்குவரத்தை ஒழுங்குப்படுத்த காமராஜர் சாலையில் மட்டும் 500 போலீஸார் ஈடுபடுத்தப்படுகின்றனர். மெரீனா கடற்கரையில் பாதுகாப்பு ஏற்பாடுகள் இணை ஆணையர் பி.பாலகிருஷ்ணன் மற்றும் 3 துணை ஆணையர்கள் தலைமையில் செய்யப்பட்டுள்ளன. மெரீனாவில் கூட்டம் கட்டுக்கடங்காமல் இருக்கும் என்பதால் காமராஜர் சாலையில் போக்குவரத்து மாற்றம் செய்யப்படுகிறது.
நீச்சல் வீரர்கள்: கடல் அலையில் சிக்குவோரை மீட்பதற்காக 100 நீச்சல் வீரர்கள் படகுகளுடன் தயார் நிலையில் நிறுத்தப்படுகின்றனர். மேலும் கூட்ட நெரிசலில் குழந்தைகள் காணாமல் போவதை தடுக்க உழைப்பாளர் சிலை, காந்தி சிலை ஆகிய இரு இடங்களில் அமைக்கப்பட்டிருக்கும் காவல் உதவி மையங்களில் கடற்கரைக்கு பெற்றோருடன் வரும் குழந்தைகளுக்கு ஒரு அடையாள அட்டையில் குழந்தையின் பெயர், பெற்றோர் பெயர்,செல்லிடப்பேசி ஆகியவற்றை எழுதி, அவர்களது கையில் போலீஸார் மாட்டி விடுவதற்கு திட்டமிட்டுள்ளனர்.
தற்காலிக கட்டுப்பாட்டு அறை: பெண்களுக்கு பாலியல் தொந்தரவு கொடுப்பவர்களையும், கேலி-கிண்டல் செய்கிறவர்களையும் கண்டறிவதற்காக பெண் காவலர்கள் மாறுவேடத்தில் ரோந்து செல்கின்றனர். மெரீனா கடற்கரையில் போலீஸார் தகவல்களை உடனுக்குடன் பரிமாறி கொள்வதற்கும், ஒருங்கிணைந்து செயல்படுவதற்கும் இரு தற்காலிக கட்டுப்பாட்டு அறைகள் திறக்கப்படுகின்றன. அவசர உதவிக்காக மருத்துவக் குழுவினரும் மெரீனா கடற்கரையில் தயார் நிலையில் வைக்கப்படுகின்றனர். 
பொதுமக்கள் கூட்டத்தை பயன்படுத்தி திருட்டு, பெண்களுக்கு பாலியல் தொந்தரவு போன்ற குற்றச் செயல்கள் நடைபெறாமல் இருக்க ஆளில்லாத விமானம் மூலம் கண்காணிக்க போலீஸார் திட்டமிட்டுள்ளனர்.
கண்காணிப்பு கேமரா: இதேபோல ராட்சத பலூனில் கண்காணிப்பு கேமராவை பொருத்தி, அதன் மூலமும் கூட்டத்தை கண்காணிக்க போலீஸார் திட்டமிட்டுள்ளதாகத் தெரிகிறது. மேலும் கூட்டத்தில் காணாமல் போகிறவர்களை கண்டுபிடித்து மீட்பதற்காக மெரீனாவில் தற்காலிகமாக 4 புறக்காவல் நிலையங்கள் திறக்கப்படுகின்றன.
மேலும் கடற்கரை முழுவதும் கண்காணிப்பு கேமரா பொருத்தப்படுகின்றன. இந்த கண்காணிப்பு கேமராவில் பதிவாகும் காட்சிகளை நேரலையாக எல்.இ.டி. திரைகளில் தற்காலிக கட்டுப்பாட்டு அறையில் பணியில் இருக்கும் காவலர்கள் கண்காணிப்பாளர்கள்.
எலியட்ஸ் கடற்கரை: இதேபோல காணும் பொங்கலன்று எலியட்ஸ் கடற்கரையிலும் ஆயிரக்கணக்கில் பொதுமக்கள் திரள்வார்கள் என எதிர்பார்க்கப்படுகிறது. இதனால் அங்கும் பலத்த பாதுகாப்பு ஏற்பாடுகள் செய்யப்பட்டு வருகிறது. அடையாறு துணை ஆணையர் தலைமையில் அங்கு பாதுகாப்பு ஏற்பாடுகள் செய்யப்பட்டு வருகின்றன. காணும் பொங்கலன்று திருட்டு, வழிப்பறி ஆகியவற்றை தடுப்பதற்காக போலீஸார் தீவிர ரோந்து பணியில் ஈடுபடுகின்றனர்.
மேலும் பாதுகாப்பு பணிக்காக அங்கு இரு தாற்காலிக புறக்காவல் நிலையங்கள் திறக்கப்படுகின்றன. அவசர உதவிக்காக ஆம்புலன்ஸþடன் மருத்துவர் குழுவினர் தயார் நிலையில் வைக்கப்பட்டுகின்றனர். கடலில் அலையில் சிக்குவோரை மீட்பதற்காக 25 மீனவர்கள் தயார் நிலையில் வைக்க முடிவு செய்யப்பட்டுள்ளது.
இதேபோல கிண்டி சிறுவர் பூங்கா, கிழக்கு கடற்கரை, தனியார் பொழுதுபோக்கு பூங்காக்கள், வணிக வளாகங்கள் ஆகிய இடங்களில் பலத்த போலீஸ் பாதுகாப்பு செய்யப்பட உள்ளது.

]]>
https://www.dinamani.com/all-editions/edition-chennai/chennai/2019/jan/15/காணும்-பொங்கல்-சென்னையில்-பாதுகாப்புப்-பணியில்-15-ஆயிரம்-போலீஸார்-மெரீனாவில்-ஆளில்லாத-விமானம்-மூலம-3077051.html
3077050 சென்னை சென்னை உள் நோயாளிகளுடன் இருப்பவர்களுக்கும் இலவச உணவு DIN DIN Tuesday, January 15, 2019 04:22 AM +0530
மாநிலத்திலேயே முதன் முறையாக உள் நோயாளிகளுக்கு மட்டுமன்றி அவர்களுடன் இருப்பவர்களுக்கும் இலவசமாக உணவு வழங்கும் சேவை ஓமந்தூரார் அரசு பல்நோக்கு மருத்துவமனையில் தொடங்கப்பட்டுள்ளது. அவர்களுடன் மருத்துவமனையின் கீழ்நிலை ஊழியர்கள், துணை மருத்துவக் கல்வி மாணவர்கள், செவிலியர்கள் என நாளொன்றுக்கு குறைந்தது 500 பேருக்கு மதிய உணவு அங்கு வழங்கப்பட்டு வருகிறது.
ஷீரடி சத்ய சாய் அறக்கட்டளையின் நிதியுதவியுடன் இத்திட்டம் முன்னெடுக்கப்பட்டுள்ளதாகத் தெரிவிக்கப்பட்டுள்ளது. இதன் வாயிலாக, மருத்துவமனைக்கு வரும் ஏழை மக்களும், அங்கு பணியாற்றும் பொருளாதாரத்தில் பின்தங்கிய ஊழியர்களும் பயனடைவதாக ஏற்பாட்டாளர்கள் தெரிவித்துள்ளனர்.
உணவு தயாரிப்பதற்கென ஓமந்தூரார் அரசு மருத்துவமனையில் ரூ.10 லட்சம் மதிப்பீட்டில் சமையற்கூடம் கட்டப்பட்டுள்ளது. தற்போது வெளியிலிருந்து உணவு தருவிக்கப்படுவதாகவும், சமையற்கூடப் பணிகள் முழுமையாக நிறைவடைந்த பிறகு அங்கேயே உணவு தயாரிக்கப்படும் என்றும் மருத்துவமனை வட்டாரங்கள் கூறியுள்ளன.
சமையற்கூட கட்டுமானப் பணிகளை பொதுப் பணித் துறை மேற்கொண்டதாகவும், அதற்கான பராமரிப்பு மற்றும் மின் செலவினங்களை மருத்துவமனை ஏற்றுக் கொள்ள உள்ளதாகவும் தெரிவிக்கப்பட்டுள்ளது.
இதுகுறித்து ஓமந்தூரார் மருத்துவமனையின் தொடர்பு அதிகாரி டாக்டர் ஆனந்தகுமார் கூறியதாவது:
மருத்துவமனைக்கு வரும் எவரும் பசியால் வாடக் கூடாது என்ற நோக்கத்துக்காக இத்திட்டம் செயல்படுத்தப்பட்டுள்ளது. தினமும் ஒரு கலவை சாதம், தையல் இலையில் பரிமாறப்படுகிறது. வரும் நாள்களில் கூட்டு அல்லது பொரியலுடன் சாதம் வழங்க திட்டமிடப்பட்டுள்ளது.
கடந்த 2-ஆம் தேதி முதல் இத்திட்டம் அமல்படுத்தப்பட்டுள்ளது. அதற்கான செலவை சத்ய சாய் அறக்கட்டளை ஏற்றுக் கொள்கிறது. விசேஷ தினங்களின்போதும், தங்களது பிறந்த நாள், திருமண நாள் ஆகிய நாள்களின் போதும் மருத்துவர்களும், தன்னார்வலர்களும் அச்செலவை தாமாக முன்வந்து ஏற்றுக் கொள்கிறார்கள்.
உரியவர்களுக்கும், வறியவர்களுக்கும் உணவிட வேண்டும் என்பதாலும், அதை வீணடிக்கக் கூடாது என்பதாலும் தற்போது நாள்தோறும் 500 பேருக்கு டோக்கன் வழங்கப்பட்டு உணவளிக்கப்பட்டு வருகிறது என்றார் அவர்.


 

]]>
https://www.dinamani.com/all-editions/edition-chennai/chennai/2019/jan/15/உள்-நோயாளிகளுடன்-இருப்பவர்களுக்கும்-இலவச-உணவு-3077050.html
3077049 சென்னை சென்னை இரண்டு வாரத்தில் தடை செய்யப்பட்ட 80 டன் பிளாஸ்டிக் பொருள்கள் சேகரிப்பு DIN DIN Tuesday, January 15, 2019 04:19 AM +0530
பெருநகர சென்னை மாநகராட்சிக்கு உள்பட்ட 15 மண்டலங்களில் இருந்து இரண்டு வாரத்தில் 80 டன் தடை செய்யப்பட்ட பிளாஸ்டிக் பொருள்கள் சேகரிக்கப்பட்டுள்ளன.
பிளாஸ்டிக் பைகள், கப்புகள் உள்ளிட்ட 14 வகையான பிளாஸ்டிக் பொருள்களைக் கடந்த செவ்வாய்க்கிழமை முதல் (ஜன.1) பயன்படுத்துதல், விற்பனை, உற்பத்திக்கு தமிழக அரசு தடை விதித்துள்ளது. 
மேலும், தடை செய்யப்பட்ட பிளாஸ்டிக் பொருள்கள் விற்பனை, பயன்படுத்துவதைத் தடுக்கும் வகையில் மாநகராட்சி அதிகாரிகள் தீவிர கண்காணிப்புப் பணியில் ஈடுபட்டு வருகின்றனர்.
இதன் ஒரு பகுதியாக வீடு, கடைகளில் உள்ள தடை செய்யப்பட்ட பிளாஸ்டிக் பொருள்களைச் சேகரிக்கும் வகையில் 15 மண்டலங்களில் உள்ள வார்டு அலுவலகங்கள், பொதுமக்கள் கூடும் இடங்கள் ஆகியவற்றில் மாநகராட்சி சார்பில் கடந்த டிச. 31 முதல் சேகரிப்புத் தொட்டிகள் வைக்கப்பட்டுள்ளன.
80 டன் சேகரிப்பு: இதில், முதல் நாளான திங்கள்கிழமை (டிச. 31) 2 டன், செவ்வாய்க்கிழமை (ஜன. 1 ) 2.50 டன், புதன்கிழமை (ஜன. 2) 8.50 டன், வியாழக்கிழமை (ஜன. 3) 10 டன் என திங்கள்கிழமையுடனான (ஜன.14) இரண்டு வாரத்தில் மட்டும் 80 டன் தடை செய்யப்பட்ட பிளாஸ்டிக் பொருள்கள் பொதுமக்களிடமிருந்து பெறப்பட்டுள்ளன. 
தடை செய்யப்பட்ட பிளாஸ்டிக் பொருள்களை வைத்திருப்போர் அவற்றை மாநகராட்சி வார்டு அலுவலகங்களில் வழங்க வேண்டும் என மாநகராட்சி அதிகாரிகள் அறிவுறுத்தி உள்ளனர்.
 

]]>
https://www.dinamani.com/all-editions/edition-chennai/chennai/2019/jan/15/இரண்டு-வாரத்தில்-தடை-செய்யப்பட்ட-80-டன்-பிளாஸ்டிக்-பொருள்கள்-சேகரிப்பு-3077049.html
3077048 சென்னை சென்னை 2-ஆம் கட்ட மெட்ரோ ரயில் திட்டப் பாதை: பல்வேறு இடங்களில் மண் ஆய்வு தீவிரம் DIN DIN Tuesday, January 15, 2019 04:19 AM +0530
இரண்டாம் கட்ட மெட்ரோ ரயில் திட்டப் பாதைக்காக பல்வேறு இடங்களில் மண் ஆய்வு தீவிரமாக நடைபெற்று வருகிறது. மாதவரம்-சோழிங்கநல்லூர், கோயம்பேடு-கலங்கரை விளக்கம், மாதவரம்-சிறுசேரி சிப்காட் மெட்ரோ ரயில் பாதைக்காக மண் ஆய்வு இரண்டு மாதம் வரை நடைபெறும் என்று மெட்ரோ ரயில் நிர்வாக அதிகாரிகள் தெரிவித்தனர். 
சென்னை மாநகரில் போக்குவரத்து நெரிசலை குறைக்கவும், விரைவு பயணத்துக்காகவும் மெட்ரோ ரயில் திட்டம் உருவாக்கப்பட்டது. கோயம்பேடு-ஆலந்தூர், சின்னமலை-விமான நிலையம் வரை உயர்மட்ட பாதையிலும் திருமங்கலம்-சென்ட்ரல், சைதாப்பேட்டை-டி.எம்.எஸ். வரை சுரங்கப் பாதையிலும் மெட்ரோ ரயில் சேவை நடைபெறுகிறது. தினமும் 45,000 முதல் 55,000 பேர் வரை பயணம் செய்து வருகின்றனர். 
பயணிகள், பொதுமக்கள் மத்தியில் மெட்ரோ ரயில் திட்டத்துக்கு நல்ல வரவேற்பு கிடைத்துள்ளது. இதையடுத்து, சென்னை மாநகரம் முழுவதும் மெட்ரோ ரயில் திட்டம் விரிவுபடுத்தப்படுகிறது. இரண்டாவது கட்டமாக ஜப்பான் நாட்டு நிதியுதவியுடன் மாதவரம்-சிறுசேரி வரை ரூ.80,000 கோடி செலவில் 107 கி.மீ. தூரத்துக்கு மெட்ரோ ரயில் திட்டப் பணிகள் தொடங்கப்பட்டு உள்ளன. இதில், மாதவரம்-சிறுசேரி, மாதவரம்-சோழிங்கநல்லூர், கோயம்பேடு-கலங்கரை விளக்கம் வரை மெட்ரோ ரயில் பாதை அமைக்க திட்டமிடப்பட்டுள்ளது. 
முதல்கட்டமாக, இந்தப்பாதைகளில் மண் பரிசோதனை வெவ்வேறு குழுக்களால் தொடங்கி நடைபெற்று வருகிறது. குறிப்பாக, மாதவரம்-சிறுசேரி சிப்காட் மெட்ரோ ரயில் பாதை அமைப்பதற்காக, மாதவரம், அயனாவரம், சேத்துப்பட்டு, நுங்கம்பாக்கம், ஆயிரம்விளக்கு, அடையாறு, இந்திரா நகர் வழியாக சிறுசேரி சிப்காட் வரை இந்தப் பாதை அமைக்கப்படவுள்ளது. இந்தப்பாதைக்கான மண் ஆய்வு 10 குழுக்களால் தொடர்ந்து நடத்தப்படுகிறது. இப்போது, நுங்கம்பாக்கம், ராயப்பேட்டை, ஆயிரம்விளக்கு, ஒயிட்ஸ் சாலை பகுதிகளில் மண் ஆய்வு நடைபெற்று வருகிறது.
இது குறித்து மெட்ரோ ரயில் நிர்வாக அதிகாரிகள் கூறியது: மாதவரம் - சோழிங்கநல்லூர், கோயம்பேடு - கலங்கரை விளக்கம், கலங்கரைவிளக்கம் - பூந்தமல்லி, மாதவரம் - சிறுசேரி சிப்காட் ஆகிய பாதைகளுக்காக பல்வேறு இடங்களில் மண் ஆய்வு நடைபெறுகிறது. இந்த ஆய்வு இரண்டு மாதம் நடைபெறும். ஒவ்வொரு 50 மீட்டர் இடைவெளியில் இந்த ஆய்வு நடைபெறும். மண்ணின் தரம், இந்த மண் பயன்பாட்டுக்கு உகந்ததா, மெட்ரோ ரயில் நிலையங்கள் அமைக்க ஏற்ற இடமா என்று ஆய்வு செய்யப்படும் என்றனர் அவர்கள்.
 

]]>
https://www.dinamani.com/all-editions/edition-chennai/chennai/2019/jan/15/2-ஆம்-கட்ட-மெட்ரோ-ரயில்-திட்டப்-பாதை-பல்வேறு-இடங்களில்-மண்-ஆய்வு-தீவிரம்-3077048.html
3077047 சென்னை சென்னை ஜன.18-இல் உலக நன்மைக்காக  ஸ்ரீ லலிதா சஹஸ்ரநாம பாராயணம் DIN DIN Tuesday, January 15, 2019 04:19 AM +0530
உலக நன்மைக்காக ஸ்ரீ லலிதா சஹஸ்ரநாம பாராயணம் சென்னை குரோம்பேட்டையில் வெள்ளிக்கிழமை நடைபெறவுள்ளது.
108 சக்தி பீட ஆலய மஹா கும்பாபிஷேகம் வரும் பிப்ரவரி 10- ஆம் தேதி நடைபெறவுள்ளது. இதனை முன்னிட்டும் உலக நன்மைக்காகவும் குருதேவர் காமாட்சி ஸ்வாமிகள் வழிகாட்டுதல்களுடன் அகண்ட ஸ்ரீ லலிதா சஹஸ்ரநாம பாராயணம் வரும் ஜன. 18-ஆம் தேதி வெள்ளிக்கிழமை காலை 10 மணி முதல் நண்பகல் 12 மணி வரை ஸ்ரீ ராம் கணேஷ் மஹால் பிளாட் எண் 41,42, ராகவன் நகர், ஆர்.பி. சாலை எதிர்புறம், குரோம்பேட்டை, சென்னை என்ற முகவரியில் நடைபெறவுள்ளது. 
இந்த நிகழ்ச்சியில் அருள்வாக்கு சித்தர் 108 சக்தி பீடாதிபதி காமாட்சி சுவாமிகள் கலந்து கொண்டு அருளுரை வழங்குகிறார். 108 சக்தி பீடத்தின் உற்சவ அம்பாள் ஸ்ரீ ஸ்வர்ண காமாட்சி தாயார், ஸ்ரீ காஞ்சி மஹா பெரியவா , ஸ்ரீ லஷ்மி நரசிம்மர் ஆகிய தெய்வங்களின் பஞ்ச லோக விக்ரகம் இந்த பூஜையில் இடம் பெறவுள்ளது. ஸ்ரீ காஞ்சி மஹா பெரியவா பாதுகை இந்த நிகழ்ச்சியில் வைக்கப்பட்டு சிறப்புப் பூஜை மேற்கொள்ளப்பட உள்ளது.
இதில் பக்தர்கள், பொதுமக்கள் திரளாக கலந்து கொண்டு அம்பிகையின் அருளை பெறலாம். மேலும் ஸ்ரீ லலிதா சஹஸ்ரநாம பாராயணத்திலும் கலந்து கொண்டு பாராயணம் செய்யலாம் என நிகழ்ச்சி ஒருங்கிணைப்பாளர்கள் பத்மா சீனிவாசன், சீனிவாசன் அழைப்பு விடுத்துள்ளனர். இதுகுறித்து மேலும் தகவல் பெற 93810 41018, 76670 01144, 98400 58158 ஆகிய செல்லிடப்பேசி எண்களைத் தொடர்பு கொள்ளலாம்.
 

]]>
https://www.dinamani.com/all-editions/edition-chennai/chennai/2019/jan/15/ஜன18-இல்-உலக-நன்மைக்காக--ஸ்ரீ-லலிதா-சஹஸ்ரநாம-பாராயணம்-3077047.html
3077046 சென்னை சென்னை அன்றே தீர்வு சொன்னவை தமிழ் இலக்கியங்கள்! DIN DIN Tuesday, January 15, 2019 04:19 AM +0530
இன்றைய பிரச்னைகளுக்கெல்லாம் அன்றே தீர்வு சொன்னவை நம்முடைய தமிழ் இலக்கியங்கள் என்று திருநெல்வேலி அகில இந்திய வானொலியின் நிகழ்ச்சி இயக்குநர் சுந்தர ஆவுடையப்பன் கூறினார். 
சென்னைப் புத்தகக் கண்காட்சியில் நடந்த இலக்கிய நிகழ்ச்சியில் என்றும் புதியது என்ற தலைப்பில் அவர் பேசியது:
அமெரிக்காவில் ஒரு புத்தகம் பரபரப்பாக விற்றுக் கொண்டிருக்கிறது. ஜான் டி.ஸ்நைடர் எழுதிய ஏஐஎஏரஅவந பஞ கஉஅதசஐசஎ என்ற புத்தகமே அது. அது என்ன சொல்கிறது? ஏன் ஒன்றை கற்றுக் கொள்ள வேண்டும்? எப்படி கற்றுக் கொள்ள வேண்டும்? எதற்காக கற்றுக் கொள்ள வேண்டும் என்பன போன்ற விஷயங்களை மிகவும் எளிய முறையில் அந்நூல் விளக்குகிறது. இதை நம்நாட்டைச் சேர்ந்த பலரும் கூட வாங்கிப் படிக்கிறார்கள். இந்த நூல் கூறும் கருத்தை 2000 ஆண்டுகளுக்கு முன்பே நமது திருவள்ளுவர் சொல்லிவிட்டார். 
கற்க... எதையும் கற்றுக் கொள். கற்றுக் கொள்ள வேண்டியதை கசடறக் கற்றுக் கொள். எதற்காகக் கற்றுக் கொள்ள வேண்டும் என்றால் கற்றுக் கொண்ட விஷயங்களில் ஏற்புடையதைத் தேர்ந்து எடுத்து அதன்படி நிற்க வேண்டும் என்று திருவள்ளுவர் அன்றே சொல்லிவிட்டார். 
சமூகநீதிக்கான அக்கறை இப்போது உள்ளது. உயர்வு, தாழ்வு எதுவுமில்லாமல் எல்லாரும் சமமாக வேண்டும் என்ற விருப்பமே இந்தச் சமூகநீதிக்கான அடிப்படை. இப்போது பொருளாதார ரீதியாகவும் இட ஒதுக்கீடு வந்துவிட்டது. இந்தப் பிரச்னையைப் பற்றி புறநானூற்றில் உள்ள ஒரு பாடல் பேசுகிறது. அந்தப் பாடல், உற்றுழி உதவியும் உறுபொருள் கொடுத்தும் பிற்றைநிலை முனியாது கற்றல் நன்றே என்று தொடங்கும் பாடல். 
தமக்குக் கல்வி கற்பிக்கும் ஆசிரியருக்குத் தேவைப்படும்போது உதவி செய்ய வேண்டும். அவருக்குப் பொருள் கொடுத்து அவரிடம் பணிவோடு, வெறுப்பின்றி கல்வி கற்க வேண்டும். ஒரே தாயின் வயிற்றில் பிறந்த பிள்ளைகளுள், நன்றாகக் கல்வி கற்ற பிள்ளையின் மீது தாய்க்கு அன்பு அதிகமாகும். கீழ்க்குலத்தில் உள்ள ஒருவன் கல்வி கற்றவனாக இருந்தால், மேற்குலத்தில் உள்ள ஒருவன் அவனிடம் கல்வி கற்கச் செல்லும் நிலை ஏற்படும் என அந்த காலத்திலேயே இடஒதுக்கீடு பற்றி பேசியது இந்தப் பாடல்.
இன்று வாழ்க்கையில் முன்னேற பலரும் பலவிதங்களில் முயல்கின்றனர். ஆனால் எல்லாரும் வெற்றி பெறுவதில்லை. என்ன முயற்சி செய்தாலும் அவர்கள் முன்னேற முடிவதில்லை. இதற்குக் காரணம் விதி. இதை திருவள்ளுவர், ஊழிற் பெருவலி யாவுள மற்றொன்று சூழினுந் தான்முந் துறும் என்ற குறளில் சொன்னார். ஆனால் அவரே  ஊழையும் உப்பக்கம் காண்பர் உலைவின்றித் தாழாது உஞற்றுபவர் என்றார். முயற்சி செய்தால் விதியையும் வெல்லலாம் என்றார். இவை போல இன்று நாம் எதிர்கொள்ளும் பல பிரச்னைகளுக்கான தீர்வுகளை அன்றே சொல்லியவை - வழிகாட்டியவை நமது தமிழ் இலக்கியங்கள் என்றார். 
விழாவில் ஓதுவது ஒழியேல் என்ற தலைப்பில் செல்லம்மாள் மகளிர் கல்லூரியின் தமிழ்த்துறைத் தலைவர் விமலா அண்ணாதுரை பேசினார். அவர் பேசியதாவது:
ஓதுவது ஒழியேல் - அதாவது படிப்பதை விட்டுவிடாதே என்று ஒளவையார் சொன்னதை நாம் இப்படித்தான் புரிந்து கொள்ள வேண்டும். ஒன்றைப் படித்து அதன் பொருளை உணர்ந்து நடைமுறையுடன் செயல்படுத்துவதையே ஒளவையார் ஓதுதல் என்றார். 
புத்தகங்களை எதற்காக நாம் படிக்க வேண்டும்? இன்று நாம் புதிதாகப் பிறக்க வேண்டும் என்றால் புத்தகங்களைப் படிக்க வேண்டும். நாம் படிக்கும் ஒவ்வொரு புதுவிஷயமும் நம்மை புதுமனிதனாக்குகிறது. அதனால் நாம் புதிதாகப் பிறக்கிறோம். 
புத்தகம் மனதில் மகிழ்ச்சியை ஏற்படுத்தும். திருவள்ளுவர் இடுக்கண் வருங்கால் நகுக என்றார். துன்பம் வரும் போது எப்படிச் சிரிக்க முடியும்? என்ற கேள்வி எழும். துன்பத்தில் நாம் மூழ்கிவிட்டால் நம்மால் சிரிக்க முடியாது. 
நமக்கு வந்த துன்பத்தைப் பிறருக்கு வந்த துன்பமாகக் கருதி, அதாவது துன்பத்தில் இருந்து விலகி நின்று பார்த்தால், அதற்கான தீர்வு கிடைக்கும். இடுக்கண் வரும்போது துன்பத்தை விலகி நின்று பார்த்தால், நம்மால் சிரிக்க முடியும் என்கிறார் வள்ளுவர். 
ஆல்பர்ட் ஸ்வைட்சர் என்ற அறிஞர், அமைதிக்காக நோபல் பரிசு பெற்றவர். அவர் நமது தமிழைப் பற்றிச் சொன்னதைக் கூற விரும்புகிறேன். தமிழில் இருப்பதை போல சமூகச் சிந்தனைகள் உலகின் வேறு எந்த மொழியிலும் இல்லை என்றார் அவர். 
எதையும் நாம் நேர்மறையாகச் சிந்திக்க வேண்டும். இதையே எனைத்தானும் நல்லவை கேட்க என்று வள்ளுவர் சொன்னார்.
இப்போது கேட்கக் கூடிய காலம் போய்விட்டது. இது பார்க்கக் கூடிய காலம். செல்போன், தொலைக்காட்சியைப் பார்க்கிறோம். பிறருடன் பேச முடிவதில்லை. பிறர் சொல்வதைக் கேட்க முடிவதில்லை. புத்தகங்கள், நண்பர்கள் பேசுவதைப் போல நம்மிடம் பேசுகின்றன. 
நம் குற்றங்களை நாமே தெரிந்து கொள்வதற்குப் புத்தகங்கள் உதவுகின்றன. புத்தகங்களைப் படிப்பதன் மூலம் நமது வாழ்க்கைக்குத் தேவையான எல்லாவிதமான செய்திகளையும் உள்வாங்க முடியும். எனவே படிப்பதை விட்டு விடாதீர்கள். அதைத்தான் ஓதுவது ஒழியேல் என ஒளவையார் கூறியுள்ளார் என்றார். 
விழாவில் கவிஞர் ஜெயங்கொண்டான் திருக்குறளும் தேனருவியும் என்ற தலைப்பில் பேசினார். பபாசி நிர்வாகிகள் வயிரவன், பெ.மயிலவேலன், நிரந்தரப் புத்தகக் கண்காட்சி உறுப்பினர் பி.எம்.சிவகுமார் உள்ளிட்டோர் கலந்து கொண்டனர்.


 

]]>
https://www.dinamani.com/all-editions/edition-chennai/chennai/2019/jan/15/அன்றே-தீர்வு-சொன்னவை-தமிழ்-இலக்கியங்கள்-3077046.html
3077045 சென்னை சென்னை என்னைக் கவர்ந்த புத்தகங்கள்! DIN DIN Tuesday, January 15, 2019 04:18 AM +0530
எழுத்தாளர், மொழி பெயர்ப்பாளர் கே.வி.ஷைலஜா:
எனக்குப் பிடித்த புத்தகங்களில் முதன்மையானது ராகுல சாங்கிருத்தியாயன் எழுதிய வால்காவிலிருந்து கங்கை வரை . என் சமயம் சார்ந்த, சமூகம் சார்ந்த பல சிந்தனைகளை மாற்றியது, உருவாக்கியது அந்த நூலே. ஜெயகாந்தனின் ஒரு வீடு ஒரு உலகம் ஒரு மனிதன் நாவல் என்னை உலுக்கிய நாவல். அதில் வரும் ஹென்றி மாதிரி வாழ வேண்டும் என்று ஒரு சமயம் ஆசை வரும். இன்னொரு சமயம் அதில் வரும் துரைக்கண்ணு போல வாழ ஆசை வரும். 
எஸ்.ராமகிருஷ்ணனின் யாமம், ஜெயமோகனின் காடு எனக்குப் பிடித்த புத்தகங்கள். யாமம் நாவலைப் படிக்கும் முன்பு இரவுகள் என்னைப் பயமுறுத்தும். மனதில் கலவரம் தோன்றும். அதைப் படித்தபிறகு, இரவு ஓர் அற்புத விஷயம் என்பதை உணர முடிந்தது. 
நான் காடுகளுக்குள் சென்றதில்லை. கான்கிரீட் காடுகளில் வளர்ந்தவள். ஜெயமோகனின் காடு எனக்கு காடுகளுக்குள் சென்ற அனுபவத்தைக் கொடுத்தது. கல்பற்றா நாராயணனின் கவித்துவமான நாவல் யித்ரமாத்ரம் அது எனக்கு மிகவும் பிடிக்கும். அதில் வரும் கதாநாயகி புலம்பி அழுவாள். அதே சமயம் அவள் மிகவும் உயர்வாகச் சித்திரிக்கப்பட்டிருப்பாள். 
மலையாளத்தில் மனோஜ் குரூர் எழுதி கே.எம்.ஜெயஸ்ரீ தமிழில் மொழிபெயர்த்த நூல் நிலம் பூத்து மலர்ந்த நாள். சங்க காலப் பாரிமன்னனின் கதையைச் சொல்லும் நூல். சங்க இலக்கிய காலத்தை கவிதைத் தன்மையுடன் சித்திரிக்கும் நூல் என்பதால் எனக்கு மிகவும் பிடித்தமான நூல் அது. 
தமிழ்நதியின் பார்த்தீனியம் மிகவும் வலியைத் தந்த நாவல் என்றார்.

]]>
https://www.dinamani.com/all-editions/edition-chennai/chennai/2019/jan/15/என்னைக்-கவர்ந்த-புத்தகங்கள்-3077045.html
3077044 சென்னை சென்னை தேடித் தேடி... DIN DIN Tuesday, January 15, 2019 04:17 AM +0530

சாய் விக்னேஷ், நங்கநல்லூர், சென்னை:
நிறைய ஆங்கிலப் புத்தகங்களை வாங்குவதற்காகவே வந்தேன். அதுவும் மிகவும் திட்டமிட்டு வந்தேன். ஓரளவு நான் நினைத்த புத்தகங்களை வாங்க முடிந்தது. டான் ப்ரவுன் எழுதிய டெஸ்டினி அவற்றில் ஒன்று. சேத்தன் பகத்தின் தி கேர்ல் இன்த ரூம் 105 என்ற புத்தகம் பரபரப்பாகப் பேசப்பட்ட புத்தகம். அதை வாங்கியிருக்கிறேன். அமிஷ்பட்டேல் எழுதிய சீதா நான் வாங்கிய இன்னொரு புத்தகம். சிட்னி ஷெல்ட்டனின் ஆடியோ புக், ராபின் கூக் எழுதிய புத்தகங்கள் என நிறைய வாங்கியிருக்கிறேன். சென்ற ஆண்டை விட இந்த ஆண்டு புத்தகக் கண்காட்சி நிறைய இடவசதியுடன் உள்ளது. புத்தகங்களை எளிதாக தேடுவதற்கு வசதியாக உரிய முறையில் அடுக்கி வைத்திருக்கிறார்கள் என்றார்.


பூபதி, செங்கல்பட்டு:
 நான் இந்த ஆண்டு ஒரு சில அரசியல் சார்ந்த புத்தகங்களைத் தவிர, முழுக்க முழுக்க இலக்கியம் சார்ந்த புத்தகங்களையே வாங்கியிருக்கிறேன். ஜான் பெர்க்கின்ஸ் எழுதிய ஒரு பொருளாதார அடியாளின் ஒப்புதல் வாக்குமூலம் என்ற புத்தகத்தை வாங்கியிருக்கிறேன். பகத்சிங் எழுதிய  நான் ஏன் நாத்திகனானேன்? என்ற புத்தகம் என்னைக் கவர்ந்த புத்தகம். அதை வாங்கியிருக்கிறேன். ஸ்வாதி சதுர்வேதி எழுதிய நான் ஒரு ட்ரால் (பிஜேபி டிஜிட்டல் ராணுவத்தின் ரகசிய உலகத்திற்குள்ளே) என்ற புத்தகத்தை வாங்கியிருக்கிறேன். பாலோ கொயலோ எழுதிய ரசவாதி என்ற புத்தகம், எல்.பிராங்போம் எழுதிய மரகதநாட்டு மந்திரவாதி என்ற குழந்தைகள் நூலையும் வாங்கியிருக்கிறேன். சிறுவயதில் விரும்பிப் படித்த முத்து காமிக்ஸ் புத்தகங்களையும் நிறைய வாங்கியிருக்கிறேன். அது எனது சிறுவயது நினைவுகளைத் தூண்டிவிடுகிறது. பெருமாள்முருகன் எழுதிய கூளமாதாரி, கபிரியேல் கார்சியா மார்க்கேஸ் எழுதிய நோபல் பரிசு பெற்ற நாவல் தனிமையின் நூறு ஆண்டுகள் ஆகியவற்றை வாங்கியிருக்கிறேன்.
எனது இலக்கிய ஆர்வத்துக்கு ஏற்ற பல புத்தகங்கள் இந்த புத்தகக் கண்காட்சியில் கிடைத்தது மகிழ்ச்சிக்குரிய விஷயம் என்றார்.
 

]]>
https://www.dinamani.com/all-editions/edition-chennai/chennai/2019/jan/15/தேடித்-தேடி-3077044.html
3077043 சென்னை சென்னை புத்தகக் கண்காட்சியில் இன்று  DIN DIN Tuesday, January 15, 2019 04:16 AM +0530

இன்று 
செவ்வாய்க்கிழமை (15.1.19) மாலை 6.00 மணிக்கு புத்தகக் கண்காட்சியின் இலக்கிய நிகழ்ச்சியில் சொல்லில் உயர்வு தமிழ்ச் சொல்லே  என்ற தலைப்பில் மேனாள் கல்வி அமைச்சர் வைகைச் செல்வன் பேசுகிறார். பத்திரிகையாளர் சமஸ் மாற்றம் ஆவோம் என்ற தலைப்பில் உரையாற்றுகிறார். பபாசி துணைத் தலைவர் ஏ.ஆர்.சிவராமன் வரவேற்புரையும், செயற்குழு உறுப்பினர் சு.சுப்பிரமணியன் நன்றியுரையும் ஆற்றுகிறார்கள்.

நாளை 
புதன்கிழமை (16.1.19) மாலை 6.00 மணிக்கு புத்தகக் கண்காட்சியின் இலக்கிய நிகழ்ச்சியில் திரைப்பட இயக்குநர் தங்கர்பச்சான்  கண்களை இழக்கும் தமிழர்கள்  என்ற தலைப்பிலும், மனித வாழ்க்கையில் அதிசயம் என்ற தலைப்பில் ஜே.ஞானகுருவும் பேசுகின்றனர். ஜாநிசிவம் வாசிப்பும் சுவாசிப்பும் என்ற தலைப்பில் உரையாற்றுகிறார். பபாசி பொருளாளர் டி.எஸ்.ஸ்ரீநிவாசன் வரவேற்புரையும், நிரந்தரப் புத்தகக் கண்காட்சி உறுப்பினர் பி.பார்த்தசாரதி நன்றியுரையும் ஆற்றுகிறார்கள்.

]]>
https://www.dinamani.com/all-editions/edition-chennai/chennai/2019/jan/15/புத்தகக்-கண்காட்சியில்-இன்று-3077043.html
3077042 சென்னை சென்னை கவனியுங்கள்! DIN DIN Tuesday, January 15, 2019 04:16 AM +0530

இரண்டு தந்தையர் (நாடகங்கள்)- சுந்தர் சருக்கை;
தமிழில்: சீனிவாச ராமாநுஜம்; ரூ.200; 
பரிசல் புத்தக நிலையம், சென்னை-5.
ஐன்ஸ்டைன், இராமானுஜன், காந்தி ஆகிய மூவரும் முறையே அறிவியலில், கணிதத்தில், சத்தியவேட்கையில் பரிசோதனை செய்து பார்த்தவர்கள். அறிவியல், கணிதம், வரலாறு, தத்துவம், இலக்கியம் போன்ற வெவ்வேறு அறிவுத்துறைகள் ஒன்று சேரும் அதிசயம் வெகு அரிதாகத்தான் நிகழும். அது இப்போது இந்த நாடகங்களில் நிகழ்ந்திருக்கிறது. இதுபோன்ற நூல்கள் வரும்போதுதான் தமிழின் ஆழ அகலங்கள் விரிவடையும். அதைத் தன் மொழிபெயர்ப்பின் மூலம் சீனிவாச ராமாநுஜம் செய்திருக்கிறார். ஆங்கிலத்தில் எழுதப்பட்டிருந்தாலும், தமிழில்தான் இந்த நாடகங்கள் முதன்முதலில் பிரசுரமாகின்றன. புதிய திசையை நோக்கி பார்வையைத் திருப்பும் படைப்பு.

குரு - சிஷ்யன் அறிவுரைக் கதைகள் - மு.அப்பாஸ் மந்திரி; ரூ.145; 
விஜயா பதிப்பகம், சென்னை-5.
ஆசிரியர் - மாணாக்கர் உறவுமுறை புனிதத்துவத்துடன் இருக்க வேண்டும் என்பதை வலியுறுத்தி இந்த நூல் எழுதப்பட்டிருக்கிறது. 100 கதைகளில் குரு- சிஷ்யர்களிடையிலான மரியாதையையும், அன்பையும், கடமை உணர்வுகளையும், செயல்பாடுகளையும் மிக ஆழமாகவே பதிவு செய்கிறது. இன்றைய இளைஞர்களின் மனதில் நஞ்சை விதைக்காமல், நல்லதை விதைத்து அவர்களை நல்வழிப்படுத்தலாம் என்ற எண்ணத்தில் இந்நூல் எழுதப்பட்டிருக்கிறது. இந்நூலைப் படிக்கும் ஒவ்வொரு ஆசிரியரும் அவர் தன்னைத் திருத்திக் கொள்ள வேண்டிய விஷயங்கள் இருந்தால் நிச்சயம் திருத்திக் கொள்வார். அதே போன்று நூலை வாசிக்கும் மாணவர் ஒவ்வொருவரும் தம்முடைய குறைகளைக் களைந்து கொள்வார்கள்.


கலைந்த கனவுகள் - இரா.விச்சலன்; ரூ.180; 
பாவை பப்ளிகேஷன்ஸ், சென்னை-14.
கிராமங்களில் விவசாயம் நலிவுற்றுப் போனதால் நகரங்களில் உள்ள பஞ்சாலைகளில் கொத்தடிமைகளாகப் பெண்கள் பணிபுரிய நேர்கிறது. 
அங்கே பெண்கள் குறைந்த கூலிக்கு வேலை செய்யும் நிலை ஒருபுறம் இருக்க, பெண் என்பதால் பல தொல்லைகளை அனுபவிக்க நேர்கிறது. 
பண்பாட்டு நாசமும் நிகழ்கிறது. நூற்பாலைகளில் வேலை செய்யும் இளம் பெண்கள் சிலரின் வாழ்க்கை நாசமாவதோடு, அவர்கள் மனநலமும் பாதிக்கப்படுகிறது. பலவிதமான உடல் நோய்களுக்கும் உள்ளாகிறார்கள். 
நூற்பாலைகளில் வேலை செய்யும் பெண்களின் அவலநிலையை மிகவும் துல்லியமாகப் பதிவு செய்திருக்கிறது இந்நாவல்.

செம்பரம்பாக்கம் ஏரி வரலாறும் சென்னைக் குடிநீருக்கான தீர்வும் - கி.நடராசன்; ரூ.60; 
பூவுலகின் நண்பர்கள், சென்னை-26.
சென்னைப் பெருநகரத்துக்கு குடிநீர் தருபவை ஏரிகளே. சென்னைக்கு சுமார் 30 கி.மீ. தொலைவில் உள்ள செம்பரம்பாக்கம் ஏரியின் வரலாறு, அதன் இன்றைய நிலை பற்றி விரிவாக இந்நூல் எடுத்துரைக்கிறது. 
2015 டிசம்பர் மாதம் பெய்த தொடர் மழையால் செம்பரம்பாக்கம் ஏரி நிரம்பியதால் அதன் நீர்ப்பிடிப்பு பகுதிகளில் நீர் மட்டம் உயர்ந்தது. செம்பரம்பாக்கம் ஏரி திறந்துவிடப்பட்டது. சென்னையின் பல பகுதிகளில் இதனால் வெள்ளம் சூழ்ந்தது. செம்பரம்பாக்கம் ஏரி எல்லாராலும் அப்போது பேசப்பட்டது. இந்நூல் சென்னைப் பெருநகர, காஞ்சிபுரம், திருவள்ளூர் மாவட்டங்களின் குடிநீர்த் தேவைக்கான மாற்றுத் தீர்வுகளையும் முன் வைக்கிறது. ஏரிகளைப் பாதுகாப்பதன் தேவையையும், அதற்கான வழிகளையும் சுட்டிக்காட்டுகிறது.
 

]]>
https://www.dinamani.com/all-editions/edition-chennai/chennai/2019/jan/15/கவனியுங்கள்-3077042.html
3077041 சென்னை சென்னை இது புதுசு! DIN DIN Tuesday, January 15, 2019 04:15 AM +0530  

பன்மை வெளி:
 தமிழர் நீர் மேலாண்மை; ரூ.100.
 சூழலியல்: அரசியல் - பொருளியல்- கி.வெங்கட்ராமன்; ரூ.130.
 பிம்ஸ்டெக் - சாகர் மாலா: பேரழிவில் தமிழர் தாயகங்கள்- க.அருணபாரதி; ரூ.200.
 தமிழர் இசை - நாடகம் - திரைப்படம்; ரூ.150.
அடையாளம்:
 அன்பு என்னும் கலை - எரிக் ஃ பிராம்; தமிழில்: ராஜ் கெளதமன்; ரூ.150.
 பண்பாட்டு உரையாடல் - பக்தவத்சல பாரதி; ரூ.160.
 பெரியார்: தலித்துகள், முஸ்லிம்கள், தமிழ்த்தேசியர்கள் - அ.மார்க்ஸ்; ரூ.160.
மணிமேகலைப் பிரசுரம்:
 தமிழ்வாணனின் மர்ம நாவல்கள் - பாகம்-2 
(நாவல் தொகுப்பு); ரூ.350
 பயன்தரும் பாரம்பரிய வைத்தியம் - இரா.பால்ராஜ்; ரூ.130.
 லேனா தமிழ்வாணனின் 250 ஒரு பக்கக் கட்டுரைகள் 
(வாழ்வியல் கட்டுரைகள்) -லேனா தமிழ்வாணன்; ரூ.300.
 தமிழர்களைக் காக்கும் சமயநூல்கள் - உமா கல்யாணி; ரூ.100
 வள்ளுவமும் விஞ்ஞானமும் - சங்கர சுப்ரமணியன்; ரூ.90.
குமரன் பதிப்பகம்:
 ஐ.ஏ.எஸ். வெற்றி உங்கள் கையில்- நெல்லை கவிநேசன்; ரூ.100
 விழி திறந்தது வழி பிறந்தது - தா.பாண்டியன்; ரூ.60.
 வன ரஞ்சனி - பழநிபாரதி; ரூ.80.
 இலக்கியத்தில் மனித உரிமைகள் - நா.முத்திருளாண்டி; ரூ.60.
 

]]>
https://www.dinamani.com/all-editions/edition-chennai/chennai/2019/jan/15/இது-புதுசு-3077041.html
3077040 சென்னை சென்னை சாலை பாதுகாப்பு காட்சிக் கூடம் திறப்பு DIN DIN Tuesday, January 15, 2019 04:14 AM +0530
சென்னை வேப்பேரியில் உள்ள பெருநகர காவல் ஆணையரகத்தில் சாலை பாதுகாப்பு காட்சிக் கூடம் திங்கள்கிழமை திறக்கப்பட்டது.
குழந்தைகளுக்கான சாலை பாதுகாப்புக் காட்சிக் கூடம் வேப்பேரியில் உள்ள பெருநகர காவல் ஆணையரகத்தில் உள்ள ஏழாவது தளத்தில் அமைக்கப்பட்டுள்ளது. இந்தக் காட்சிக் கூடத்தின் திறப்பு விழா திங்கள்கிழமை நடைபெற்றது. விழாவுக்கு போக்குவரத்துப் பிரிவு கூடுதல் ஆணையர் ஏ.அருண் தலைமை வகித்தார். சிறப்பு விருந்தினராக பங்கேற்ற காவல் ஆணையர் ஏ.கே.விசுவநாதன் தலைமை வகித்து, அந்தக் கூடத்தை திறந்து வைத்தார்.இந்தக் காட்சிக் கூடத்தில் போக்குவரத்து சிக்னல் குறியீடுகள் அவை பற்றிய விளக்கங்கள், சாலை பாதுகாப்பு உபகரணங்கள், சாலை பாதுகாப்பு குறித்த பதாகைகள், ஒரு நடமாடும் ரோபோ ஆகியவை இடம் பெற்றுள்ளன. ஒரு தனியார் நிறுவனத்தில் பயிலும் மாணவர்கள் மூலம் உருவாக்கப்பட்டுள்ள இந்த ரோபோ, குழந்தைகளை கவரும் வகையில் வடிவமைக்கப்பட்டுள்ளது. இந்த ரோபோ காட்சிக் கூடத்துக்கு வரும் மாணவர்களிடம், சாலை போக்குவரத்து விதிமுறைகளைக் கூறி விழிப்புணர்வு ஏற்படுத்தும் வகையில் உருவாக்கப்பட்டுள்ளது.
இந் நிகழ்ச்சியில் கூடுதல் ஆணையர் மகேஷ்குமார் அகர்வால், இணை ஆணையர்கள் பி.பாலகிருஷ்ணன், ஏ.ஜி.பாபு, சுதாகர்,நஜ்முல் ஹோடா,துணை ஆணையர் ஆர்.திருநாவுக்கரசு உள்ளிட்ட பலர் பங்கேற்றனர்.

 

]]>
https://www.dinamani.com/all-editions/edition-chennai/chennai/2019/jan/15/சாலை-பாதுகாப்பு-காட்சிக்-கூடம்-திறப்பு-3077040.html
3077039 சென்னை சென்னை பொங்கல்: 5.38 லட்சம் பேர் வெளியூர் பயணம் DIN DIN Tuesday, January 15, 2019 04:13 AM +0530 பொங்கல் பண்டிகையை முன்னிட்டு பயணிகளின் வசதிக்காக கடந்த மூன்று நாள்களில் 10,402 பேருந்துகள் இயக்கப்பட்டுள்ளன. இவற்றில் 5.38 லட்சம் பேர் பயணித்துள்ளனர். இதன் மூலம் ரூ. 8.54 கோடி டிக்கெட் கட்டணம் வசூலாகியுள்ளது.
இதுகுறித்து போக்குவரத்துக்கழக அதிகாரிகள் கூறியதாவது:
பொங்கல் பண்டிகையை முன்னிட்டு சொந்த ஊர்களுக்குச் செல்பவர்களின் வசதிக்காக சிறப்புப் பேருந்துகளை தமிழக அரசு இயக்கி வருகிறது. ஜனவரி 11 முதல் 14 வரை 14,263 பேருந்துகள் சென்னையிலிருந்து இயக்கப்படும் என அறிவிக்கப்பட்டது. அதன்படி ஜனவரி 13 -ஆம் தேதி வரை மூன்று நாள்களில் 10,402 பேருந்துகள் இயக்கப்பட்டுள்ளன. 
இவற்றில் 5 லட்சத்து 38 ஆயிரத்து 428 பேர் பயணித்துள்ளனர். இதன் மூலம் ரூ. 8 கோடியே 54 லட்சம் டிக்கெட் கட்டணம் வசூலாகியுள்ளது.
இதுபோல, பண்டிகை முடிந்து ஊர் திரும்ப வசதியாக ஜனவரி 17 முதல் 20-ஆம் தேதி வரை தமிழகத்தின் பல்வேறு பகுதிகளில் இருந்து கூடுதல் சிறப்புப் பேருந்துகள் இயக்கப்பட உள்ளன என்றனர்.

]]>
https://www.dinamani.com/all-editions/edition-chennai/chennai/2019/jan/15/பொங்கல்-538-லட்சம்-பேர்-வெளியூர்-பயணம்-3077039.html
3076540 சென்னை சென்னை கவனியுங்கள்! DIN DIN Monday, January 14, 2019 02:34 AM +0530 உலகத்தமிழ்க் களஞ்சியம் (மூன்று தொகுதிகள்) - பதிப்பாசிரியர்: இ.ஜே.சுந்தர்; ரூ.2700; உமா பதிப்பகம், கோலாலம்பூர்; விற்பனை உரிமை: ரிதம் நூல் பகிர்வாளர்.

தமிழ், தமிழர், தமிழ்நாடு தொடர்பான 16 ஆயிரத்துக்கும் மேற்பட்ட செய்திகள், 2 ஆயிரத்துக்கும் மேற்பட்ட பக்கங்களில் பதிவாகியுள்ளன. உலக நாடுகள் பலவற்றில் வாழும் தமிழர்கள் பற்றியும், அவர்கள் நடத்தி வருகிற தமிழர் அமைப்புகள், தமிழ்க் கல்வி நிலையங்கள், ஆலயங்கள் பற்றியும் பல செய்திகள் இந்நூலில் உள்ளன.
 தமிழகத்தில் உள்ள ஊர்கள், ஆறுகள், இதழ்கள், தாவர, விலங்கு மற்றும் பறவை வகைகள், 2016 பிப்ரவரி மாதம் வரை வெளிவந்த தமிழ்த் திரைப்படங்களைப் பற்றிய தகவல்கள் இந்நூலில் இடம்பெற்றுள்ளன. தமிழ்நாட்டில் மறந்துபோன விளையாட்டுகள், ஆடை அணிகலன்கள், சமயங்கள், இலக்கியங்கள், ஓவியங்கள் என அனைத்துச் செய்திகளும் அகரவரிசைப்படி இடம் பெற்றுள்ளன.
 " தமிழில் வல்லமை பெற்ற அறிஞர்களுக்கும், ஆசிரியர்களுக்கும் ஓர் எடுநூலாக (ரெஃபரன்ஸ்) இந்நூல் உறுதியாகத் திகழும். ஏற்பான இடங்களில் தெளிவான ஒளிப்படங்கள், அழகான ஓவியங்கள், வரைபடங்கள் இடம் பெற்றுள்ளன'' என்று தமிழறிஞர் க.ப.அறவாணன் இந்நூல் பற்றி குறிப்பிட்டுள்ளார்.
 மனைமாட்சி (நாவல்) - எம்.கோபாலகிருஷ்ணன்; ரூ.580; தமிழினி, சென்னை-51.

 மனித உறவுகள் விடை காண முடியாத சிக்கல்களைக் கொண்டவை. குறிப்பாக ஆண் - பெண் உறவு என்பது புதிரானது. விளங்கிக் கொள்ள விநோதங்களை உள்ளடக்கியது. குடும்ப உறவின் அனைத்துக் காரணிகளையும் தீர்மானிக்கும் சக்தியாக பெண்ணே விளங்குகிறாள். ஆக்கமும் அழிவும் அவள் வழியாகவே நிகழ்கின்றன. உலக வாழ்விற்கு நதியும் நீரும் தவிர்க்க முடியாத ஆற்றலாக விளங்குவதைப் போல, குடும்ப உறவின் உயிர்சக்தியாக பெண்ணே திகழ்கிறாள் என்பதை வலுலான, சிக்கலான பெண் கதாபாத்திரங்களின் வழியாக இந்த நாவல் உரத்துப் பேசுகிறது.
 சித்தா மற்றும் ஆயுர்வேதா மருந்தியல் குறிப்பேடு - முகம்மது இப்ராகிம்; ரூ.250; சைவ சித்தாந்த நூற்பதிப்புக் கழகம், சென்னை-18.

அலோபதி மருத்துவத்தின் வருகையால் செல்வாக்கிழந்து போய்விடுமோ என்று கருதப்பட்ட சித்த மருத்துவம், ஆயுர்வேத மருத்துவம் இன்று மக்களின் மனதில் இடம் பிடித்து, நிலைபெற்று வருகிறது.
 இந்த மருத்துவம் செய்யும் மருத்துவர்கள், குறிப்பிட்ட நோய்களுடன் தங்களுடைய மருத்துவமனைக்கு வரும் நோயாளிகளுக்கு எந்தவித தயக்கமும் இன்றி உடனே மருந்துகளை எழுதித் தர உதவும் வகையில் இந்நூல் உருவாக்கப்பட்டுள்ளது.
 நோயின் பெயர், அதற்குரிய மருந்தின் பெயர், அதன் அளவு ஆகியவற்றை இந்நூல் குறிப்பிடுகிறது. குறிப்பிட்ட ஒரு மருந்தில் சேர்க்கப்பட்டுள்ள மூலப்பொருள்களைப் பற்றியும் குறிப்பிடுகிறது. சித்த , ஆயுர்வேத மருத்துவ மாணவர்களுக்கும், மருத்துவர்களுக்கும் பயன்படும் நூல்.
 நலம் தரும் பரிகாரத் தலங்கள்- என்.எஸ்.நாராயணசாமி; ரூ.200; பினாக்கிள் புக்ஸ், சென்னை-58

இன்றைய காலத்தில் மனிதர்கள் எல்லாருமே தங்களது வாழ்வின் பல கட்டங்களில் ஏதேனும் ஒரு பிரச்னையை எதிர்கொள்கின்றனர். ஜாதகரீதியாக என்ன செய்தால் தங்களுடைய பிரச்னைகள் தீரும், அதற்கு என்னென்ன பரிகாரங்களைச் செய்ய வேண்டும் என்று தெரிந்து கொள்ள எல்லாரும் நினைக்கின்றனர்.
 அவர்களுக்கு உதவும் வகையில் தமிழ்நாட்டில் உல்ள பரிகாரத் தலங்கள் பற்றியும், அக்கோயில்களின் அமைவிடம், அதன் சிறப்புகள் பற்றியும் முழுமையான தகவல்களை இந்நூல் தருகிறது.
 
 கண்காட்சியில் இன்று

 இன்று ( 14.1.19) மாலை 6.00 மணிக்கு புத்தகக் கண்காட்சியின் இலக்கிய நிகழ்ச்சியில் "என்றும் புதியது ' என்ற தலைப்பில் திருநெல்வேலி அகில இந்திய வானொலி நிகழ்ச்சி இயக்குநர் சுந்தர ஆவுடையப்பன் பேசுகிறார். செல்லம்மாள் மகளிர் கல்லூரி தமிழ்த்துறைத் தலைவர் விமலா அண்ணாதுரை "ஓதுவது ஒழியேல்' என்ற தலைப்பிலும், கவிஞர் செயம் கொண்டான் "திருக்குறளும் தேனருவியும் ' என்ற தலைப்பிலும் உரையாற்றுகிறார்கள். பபாசி இணை துணைத்தலைவர் பெ.மயிலவேலன் வரவேற்புரையும், நிரந்தரப் புத்தகக் கண்காட்சி உறுப்பினர் பி.எம்.சிவகுமார் நன்றியுரையும் ஆற்றுகிறார்கள்.
 
 

]]>
https://www.dinamani.com/all-editions/edition-chennai/chennai/2019/jan/14/கவனியுங்கள்-3076540.html
3076531 சென்னை சென்னை என்னைக் கவர்ந்த புத்தகங்கள்! DIN DIN Monday, January 14, 2019 02:30 AM +0530 திரைப்பட இயக்குநர் அம்ஷன்குமார்:
 "இருபதாம் நூற்றாண்டின் பேரிலக்கிய தமிழ்ப் படைப்பாளி பாரதி. அவரது முழு கவித்திறனும் காணக் கிடைக்கும் "கண்ணன் பாட்டு', "பாஞ்சாலி சபதம்' ஆகியவை எனக்கு மிகவும் பிடிக்கும். அவரது கவிதைகளைப்போல எளிமையும் ஆழமும் நிறைந்த அவரது கட்டுரைகளும் மிகவும் பிடிக்கும்.
 புதுமைப்பித்தனின் கதைகள் எனக்குப் பிடிக்கும். அவநம்பிக்கையை வெளிப்படுத்தும் கதைகள் என்று அறியப்பட்டாலும் அவற்றின் மூலம் நாம் பெறுகிற வாழ்க்கைக் கண்ணோட்டம் மிகவும் விசாலமானது.
 உ.வே.சாமிநாதையரின் "என் சரித்திரம்' எனக்குப் பிடித்த நூல். பழந்தமிழ் நூல்கள் பலவற்றையும் அவர் தேடிக் கொணர்ந்ததால்தான் தமிழ் செம்மொழி அந்தஸ்து பெற்றது. பழந்தமிழ் நூல்களைத் திரட்ட அவர் கொண்ட ஒடிசிய பயணத்தை அவரே இந்நூலில் சிறப்புற விவரித்துள்ளார்.
 ஜெயகாந்தனின் புனைவிலக்கியத்தின் உயிர்நாடி அவரது கதாபாத்திரங்கள். அவர் அளவிற்கு தனித்துவமான கதாபாத்திரங்களை உருவாக்கிய தமிழ் எழுத்தாளர் என்று வேறு ஒருவரைக் குறிப்பிட முடியாது. அவருடைய "சிலநேரங்களில் சில மனிதர்கள்' எனக்குப் பிடித்த நாவல்களில் ஒன்று. அந்த நாவலில் வரும் கங்கா கதாபாத்திரத்தை அவர் மிகுந்த உளவியல் யதார்த்தத்துடன் படைத்துள்ளார்.
 எனக்குப் பிடித்த நாவல், அசோகமித்திரனின் "பதினெட்டாவது அட்சக்கோடு' . அது நிஜாம் காலத்து ஹைதராபாத் இந்தியாவுடன் இணைந்தபோது நடந்த கலவரமான காலகட்டத்தை தமிழர்களது வாழ்வுடன் இணைத்து புனையப்பட்ட மிகவும் வித்தியாசமான நாவல்.
 ஜாதி ஒழிப்பிற்காக பொதுவெளியில் போராடிய மாபெரும் கலகக்காரரான பெரியாரின் ஆவேசத்தை வே.ஆனைமுத்து தொகுத்த "பெரியார் ஈ.வெ.ரா சிந்தனைகள்' நூலில் காண முடியும். அந்த நூல் எனக்கு மிகவும் பிடிக்கும்.
 கடந்த இருபது ஆண்டுகளில் தமிழ்ச் சிந்தனையில் ஒரு மடைமாற்றத்தை பண்டித அயோத்திதாசரின் சிந்தனைகள் உருவாக்கியுள்ளன. அவர் எழுதிய நூல்களின் தொகுப்பு முழுப்பதிப்பாக "அயோத்திதாசர் சிந்தனைகள்' என்ற பெயரில் உருவாக்கியுள்ளது. அது எனக்குப் பிடித்த நூல்களில் ஒன்று. தமிழறிஞர் எஸ்.வையாபுரிப்பிள்ளையின் "தமிழ்ச் சுடர் மணிகள்', மயிலை சீனி.வேங்கடசாமியின் "சமணமும் தமிழும்' ஆகிய நூல்கள் எனக்கு மிகவும் பிடித்தவை.
 மகாத்மா காந்தியின் வாழ்க்கை வரலாற்று படம் எடுக்க வேண்டி உலகம் முழுவதும் ஒரு லட்சம் மைல்கள் சுற்றுப்பயணம் செய்த ஏ.கே.செட்டியாரின் தன் வரலாறான "அண்ணல் அடிச்சுவட்டில்' என்ற நூல் எனக்குப் பிடிக்கும். இந்நூல் வாயிலாக ஆவணப்பட முன்னோடியாக மட்டுமல்ல, அதன் தனிப்பெரும் சாதனையாளராகவும் ஏ.கே. செட்டியார் நம்மை பிரமிக்க வைக்கிறார்'' என்றார்.
 
 

]]>
https://www.dinamani.com/all-editions/edition-chennai/chennai/2019/jan/14/என்னைக்-கவர்ந்த-புத்தகங்கள்-3076531.html
3076529 சென்னை சென்னை தேடித் தேடி... DIN DIN Monday, January 14, 2019 02:29 AM +0530 சீதாராமன், அம்பத்தூர், சென்னை:

"தன்னம்பிக்கை நூல்கள், பொது அறிவு நூல்களை அதிகம் வாங்கியிருக்கிறோம். "முயன்றால் முன்னேறலாம்' என்ற நூலை வாங்கியிருக்கிறோம். 
ராஜாஜி எழுதிய "ராமாயணம்' புத்தகத்தை வாங்கியிருக்கிறோம். குழந்தைகள் படிப்பதற்காக தலைவர்களின் வாழ்க்கை வரலாற்று நூல்கள் நிறைய இந்தப் புத்தகக் கண்காட்சியில் கிடைக்கின்றன. அவற்றையும் வாங்கியிருக்கிறோம். 
எங்களுடைய மகள் குழந்தையாக இருந்தபோது, குழந்தைகளுக்கான சிடிகளை வாங்கிக் கொடுத்தோம். இப்போது வளர்ந்துவிட்டதால் ஆங்கில இலக்கணம், தமிழ் அடிப்படை இலக்கணம் கற்றுத் தரும் புத்தகங்களை வாங்கியிருக்கிறோம். இன்னும் சொல்லப் போனால் 100 ESSAYS OF CURRENT AFFAIRS என்ற ஆங்கிலப் புத்தகத்தை வாங்கியிருக்கிறோம். வரலாறு, புவியியல் தொடர்பான புத்தகங்களையும் வாங்கியிருக்கிறோம்'' என்றார். 
ராமசுப்பு, ஊட்டி:

"எனக்கு நவீன தமிழ் இலக்கியங்களை வாசிப்பதில் ஆர்வம் உண்டு. எழுத்தாளர் சி.மோகனின் நிறைய புத்தகங்களை இந்த ஆண்டு வாங்கியிருக்கிறேன். ஜியோங் ரோங் எழுதிய Wolf Totem என்ற சீன நாவலை "ஓநாய் குலச்சின்னம்' எனும் பெயரில் சி.மோகன் தமிழில் மொழிபெயர்த்திருக்கிறார். அதையும், அவர் எழுதிய "எனக்கு வீடு நண்பர்களுக்கு அறை' என்ற கவிதை நூலையும் வாங்கியிருக்கிறேன்.
ஜார்ஜ் ஆர்வெல் எழுதிய "1984' என்ற ஆங்கில நாவல், அவர் எழுதிய இன்னோர் ஆங்கில நாவலான ANIMAL FARM ஆகிய இரண்டையும் வாங்கியிருக்கிறேன். 
பக்தவத்சல பாரதி எழுதிய "தமிழகத்தில் நாடோடிகள் (சங்ககாலம் முதல் சமகாலம் வரை)', வண்ணநிலவனின் "கடல்புரத்தில்', "எஸ்தர்', "அவள் அப்படித்தான்' திரைக்கதை நூல் ஆகியவற்றை வாங்கியிருக்கிறேன்.
நான் கடந்த 25 ஆண்டுகளாக புத்தகக் கண்காட்சிக்கு வந்திருக்கிறேன். ஆழமான அறிவார்ந்த புத்தகங்களை விட மிகக் குறைந்த விலையில் விற்கப்படும் மேம்போக்கான புத்தகங்களையே நிறையப் பேர் வாங்குவதைப் பார்க்க முடிகிறது'' என்றார்.

]]>
https://www.dinamani.com/all-editions/edition-chennai/chennai/2019/jan/14/தேடித்-தேடி-3076529.html
3076521 சென்னை சென்னை இது புதுசு! DIN DIN Monday, January 14, 2019 02:26 AM +0530 பினாக்கிள் புக்ஸ்: 
* ஆச்சரியமூட்டும் அறிவியல்- ஹாலாஸ்யன்; ரூ.135.
* நலம் நலமறிய ஆவல் - நாகூர் ரூமி; ரூ.420.
* அம்மா - தொகுப்பாசிரியர்: கி.வைத்தியநாதன்; ரூ.120.
* பலன் தரும் பரிகாரத் தலங்கள் 54- என்.எஸ்,நாராயணசாமி; ரூ.200
ரஹ்மத் பதிப்பகம்: 
* முஸ்தபா; ரூ.180
* நாயகம் ஒரு காவியம்; ரூ.250.
* இடுகுறிப் பெயரில்லை இஸ்லாம்; ரூ.100.
* நம் நாயகம்; ரூ.300
நாதன் பதிப்பகம்: 
* கூட்ஸ் வண்டியின் கடைசிப் பெட்டி (சிறுகதைகள்) 
-அஜயன் பாலா; ரூ.150.
* தமிழிசை வரலாறு - 
நா.மம்மது; ரூ.120.
* நீலநாயின் கண்கள் (மொழிபெயர்ப்பு சிறுகதைகள்) - அசதா; ரூ.120.
ப்ரெய்ன் பேங்க்:
* மேடையும் மேஜையும் - நல்லி குப்புசாமி செட்டியார்; ரூ.150.
* நிர்வாகவியல் வரலாறு - ஆர்.நடராஜன்; ரூ.60.
* மனிதருள் மாணிக்கம் - பொன்.பரமகுரு; ரூ.15
* காலம் தோறும் பாரதி 
(தொகுதி1); ரூ.90; 
தொகுதி 2);ரூ.100.
 

]]>
https://www.dinamani.com/all-editions/edition-chennai/chennai/2019/jan/14/இது-புதுசு-3076521.html
3076517 சென்னை சென்னை கனவு காண வேண்டும்! சென்னை, DIN Monday, January 14, 2019 02:24 AM +0530 "எந்தவொரு லட்சியத்திலும் வெற்றி பெற கனவு காண வேண்டும்'' என்று அப்துல்கலாமின் அறிவியல் ஆலோசகராக இருந்த பொன்ராஜ் கூறினார்.
சென்னை புத்தகக் கண்காட்சியில் ஞாயிற்றுக்கிழமை நடந்த இலக்கிய நிகழ்ச்சியில் "வளர்ந்த இந்தியாவைப் படைப்போம்' என்ற தலைப்பில் அவர் பேசியது: 
"அப்துல் கலாம் 5-ஆம் வகுப்பு படித்துக் கொண்டிருக்கும்போது சிவசுப்பிரமணிய அய்யர் என்று ஓர் ஆசிரியர் இருந்தார். அவர் தனது மாணவர்களுக்குப் பறவை எப்படிப் பறக்கிறது? என்று பாடம் நடத்தினார். மாணவர்களை கடற்கரைக்கு அழைத்துச் சென்று பறவைகள் பறப்பதைக் காட்டி பாடம் நடத்தினார். எல்லா மாணவர்களும் பறவை எப்படி பறக்கிறது என்பதற்குப் பதில் சொன்ன போது, அப்துல்கலாமுக்குப் பதில் தெரியவில்லை. ஆனால் அப்போது அவருக்குள் ஒரு லட்சியம் உருவானது. பறவையைப் போல பறக்க வேண்டும்; எதிர்காலத்தில் பைலட்டாக வேண்டும் என்று விரும்பினார். பி.எஸ்ஸி இயற்பியல் படித்துவிட்டு அதன் பிறகு ஏரோஸ்பேஸ் இன்ஜினியரிங் படித்தார். ஆனால் அவரால் பைலட் ஆக முடியவில்லை. அதனால் மனம் சோர்ந்து போயிருந்த அவருக்கு, பெங்களூருவில் Aeronautical Development Establishment - இல் வேலை கிடைத்தது. அங்கே தரையில் இருந்து இரண்டடி உயரத்தில் பறக்கக் கூடிய இயந்திரத்தைக் கண்டுபிடிக்கச் சொன்னார்கள். அப்துல்கலாமுக்கு அதைப் பற்றி எதுவும் தெரியாது. எனினும் அது தொடர்பான நிறைய புத்தகங்களைப் படித்துக் கற்றுக் கொண்டு இயந்திரத்தை உருவாக்கினார். பைலட்டாக வானில் பறப்பதற்கு கனவு கண்ட அப்துல்கலாம், பறக்கும் இயந்திரத்தைக் கண்டுபிடித்தார். அதன் பிறகு அவர் விண்ணில் பறக்கக் கூடிய ராக்கெட்டுகள், ஏவுகணைகள் பலவற்றை உருவாக்கினார். 
இந்தியாவின் பாதுகாப்பை பலப்படுத்துவதற்காக பொக்ரானில் நடந்த அணுகுண்டு சோதனையில் அப்துல்கலாமின் பங்கு இருந்தது. பல சாதனைகளைச் செய்த அப்துல்கலாம் "வளர்ந்த இந்தியா 2020' என்ற திட்டத்தை 1998-இல் அறிவித்தார். அப்துல்கலாம் ஒரு லட்சியத்தை உருவாக்கிக் கொண்டு அதற்காக கனவு கண்டு அதை அடைய கடுமையாக முயற்சி செய்ததுதான் அவரின் இந்த சாதனைகளுக்கெல்லாம் அடிப்படையாக இருந்தது. எனவே எந்தொரு லட்சியத்திலும் வெற்றி பெற கனவு காண்பது அவசியம்'' என்றார். 
விழாவில் "திருக்குறளோடு நாம்' என்ற தலைப்பில் காவல்துறை உயர் அதிகாரி திருநாவுக்கரசு பேசியது:
""ஒவ்வொரு மனிதனும் நித்தமும் புரட்டிப் பார்க்க வேண்டிய நூல் திருக்குறள். ஒருவர் விவசாயியாக இருக்கலாம், வணிகராக இருக்கலாம், அரசுப் பணியில் இருக்கலாம், யாராக இருந்தாலும் அவர் தனது வாழ்க்கையில் பொருத்திப் பார்க்கக் கூடியதாக இருப்பது திருக்குறளே. திருக்குறள் எல்லாருக்கும் வழிகாட்டும். 
1810-இல் சென்னை மாகாணத்தின் கலெக்டராக இருந்தவர் எல்லீஸ். அப்போது மழை பெய்யாமல் சென்னையில் கடும் தண்ணீர்ப் பஞ்சம் ஏற்பட்டது. நீர் வளத்தைப் பெருக்க அவர் நிறைய கிணறுகளை வெட்டினார். அப்படிச் செய்ததற்கு வழிகாட்டியாக அவருக்கு ஒரு திருக்குறள் இருந்தது. "இருபுனலும் வாய்ந்த மலையும் வருபுனலும் வல்லரணும் நாட்டிற்கு உறுப்பு' என்ற திருக்குறளே அது. இதை எல்லீúஸ கூறியிருக்கிறார். அவர் தமிழ்மீது கொண்ட பற்றினால் தனது பெயரை எல்லீசன் என்று மாற்றிக் கொண்டார். 
1952-இல் அமைதிக்கான நோபல் பரிசைப் பெற்ற ஆல்பர்ட் சுவைட்சருக்கும் திருக்குறள் வழிகாட்டியிருக்கிறது. 
தஞ்சையை ஆண்ட சரபோஜி மன்னர் கொல்கத்தாவிற்குச் சென்றபோது திருக்குறள் பற்றிய அறிமுகம் அவருக்குக் கிடைத்திருக்கிறது. அதன் பிறகு, தமிழகத்தின் பலபகுதிகளில் உள்ள ஓலைச்சுவடிகளைக் கொண்டு வரச் செய்து சரசுவதி மகால் நூலகத்தில் வைத்திருக்கிறார். சீவகசிந்தாமணி உட்பட 29 ஆயிரம் ஓலைச்சுவடிகளைப் பாதுகாத்தவர் அவர். ரஷ்ய எழுத்தாளர் லியோ டால்ஸ்டாய் காந்திக்கு எழுதிய கடிதத்தில் திருக்குறளை படிக்கும்படி காந்தியைக் கேட்டுக் கொண்டார். 
தனிமனிதன் ஒருவனுக்கு வாழ்க்கைக்கு வழிகாட்டும் பல செய்திகளைத் திருக்குறள் சொல்லியிருக்கிறது. எந்தப் பொருளிலும் அளவுக்கு அதிகமாக பற்று வைக்காதே. அதுவே துன்பத்துக்குக் காரணம் என்பதை குறள் சொல்கிறது. திருக்குறள் இவ்வாறு நம் வாழ்க்கையோடு ஒன்றியிருக்கிறது'' என்றார். 
விழாவில் "கனவு மெய்ப்பட வேண்டும்' என்ற தலைப்பில் திருச்செந்தூரான் பேசினார். பபாசி நிர்வாகிகள் வயிரவன், பெ.மயிலவேலன், சு.சுப்பிரமணியன், எம்.ஏ.ரங்கராஜன் உள்ளிட்ட பலர் கலந்து கொண்டனர்.


 

]]>
https://www.dinamani.com/all-editions/edition-chennai/chennai/2019/jan/14/கனவு-காண-வேண்டும்-3076517.html
3076511 சென்னை சென்னை மெட்ரோ ரயில் நிலைய ஷேர் ஆட்டோ, கார் சேவை: பயன்படுத்துவோர் எண்ணிக்கை உயர்வு  சென்னை, DIN Monday, January 14, 2019 02:22 AM +0530 சென்னை மெட்ரோ ரயில் நிலையங்களில் இணைப்பு ஷேர் ஆட்டோ, கார் சேவையை டிசம்பர் மாதத்தில் 36,868 பேர் பயன்படுத்தியுள்ளனர்.
 மெட்ரோ ரயில் சேவையை பயன்படுத்தும் பயணிகளுக்கான போக்குவரத்து இணைப்பை மேலும் எளிமையாக்கும் வகையில், ஷேர் ஆட்டோ, கார்களை பயன்படுத்த ஷேர் டிரிப் முறை ஆகஸ்ட் 11-ஆம் தேதி அறிமுகப்படுத்தப்பட்டது.
 கிண்டி, திருமங்கலம், ஆலந்தூர், சின்னமலை, ஈக்காட்டுதாங்கல், கோயம்பேடு, பரங்கிமலை, அசோக்நகர் ஆகிய 8 மெட்ரோ ரயில் நிலையங்களில் இருந்து ஷேர் ஆட்டோ சேவையும், ஏஜி-டிஎம்எஸ், அண்ணாநகர் கிழக்கு, கோயம்பேடு, ஆலந்தூர், வடபழனி ஆகிய 5 மெட்ரோ ரயில் நிலையங்களில் இருந்து கார் சேவையும் வழங்கப்படுகிறது.
 மெட்ரோ ரயில் நிலையங்களில் இருந்து 3 கி.மீ. சுற்றளவில் உள்ள இடங்களுக்கு ஷேர் ஆட்டோக்கள், கார்கள் இயக்கப்படுகின்றன. இந்நிலையில், ஷேர் ஆட்டோ மற்றும் கார் சேவையை கடந்த ஆண்டு டிசம்பர் மாதத்தில் மொத்தம் 36,868 பேர் பயன்படுத்தியுள்ளனர். டிசம்பர் மாதத்தில், கார் சேவையை 5,062 பேரும், ஷேர் ஆட்டோ சேவையை 31,806 பேரும் பயன்படுத்தினர். கார் மற்றும் ஆட்டோ சேவையை கடந்த ஆண்டு நவம்பர் மாதத்தில் 33,866 பேர் பயன்படுத்தினர்.
 இது குறித்து மெட்ரோ ரயில் நிர்வாக அதிகாரி ஒருவர் கூறியது: ஷேர் ஆட்டோ, கார் சேவையை பயன்படுத்துவோர் எண்ணிக்கை மெதுவாக உயர்கிறது. இந்த சேவையை ஊக்கப்படுத்தும் விதமாக பல்வேறு நடவடிக்கைகளி எடுக்கப்படுகின்றன என்றார் அவர்.
 ஷேர்ஆட்டோ, கார் சேவையை பயணிகள் பயன்படுத்துவதை ஊக்கப்படுத்தும் விதமாக, கார் சேவைக்கான கட்டணம் ரூ.15 இல் இருந்து ரூ.10 ஆகவும், ஷேர் ஆட்டோ கட்டணம் ரூ.10 இல் இருந்து ரூ.5 ஆகவும் குறைத்து மெட்ரோ ரயில்வே நிர்வாகம் நவம்பரில் அறிவித்தது குறிப்பிடத்தக்கது.
 

]]>
https://www.dinamani.com/all-editions/edition-chennai/chennai/2019/jan/14/மெட்ரோ-ரயில்-நிலைய-ஷேர்-ஆட்டோ-கார்-சேவை-பயன்படுத்துவோர்-எண்ணிக்கை-உயர்வு-3076511.html
3076508 சென்னை சென்னை தமிழக அரசின் ஒளவையார் விருதுக்கு ஜன.28-க்குள் விண்ணப்பிக்கலாம்  சென்னை, DIN Monday, January 14, 2019 02:22 AM +0530 தமிழக அரசின் ஒளவையார் விருதுக்கு ஜனவரி 28-ஆம் தேதிக்குள் விண்ணப்பிக்கலாம் என சென்னை மாவட்ட ஆட்சியர் அ.சண்முகசுந்தரம் தெரிவித்துள்ளார்.
 இதுகுறித்து ஆட்சியர் அ.சண்முகசுந்தரம் வெளியிட்ட செய்திக் குறிப்பு:
 பெண்கள் முன்னேற்றத்துக்கு சிறந்த சேவை புரிந்தவருக்கு உலக மகளிர் தினவிழாவில் ஒளவையார் விருது வழங்கப்படுகிறது. அதன்படி, இந்த ஆண்டுக்கான ஒளவையார் விருதுக்கு விண்ணப்பங்கள் வரவேற்கப்படுகின்றன.
 தகுதிகள்: விண்ணப்பதாரர் தமிழ்நாட்டைப் பிறப்பிடமாக கொண்டவராகவும், 18 வயதுக்கு மேற்பட்டவராகவும் இருக்க வேண்டும். சமூகநலன் சார்ந்த நடவடிக்கைகள், பெண்களுக்குப் பெருமை சேர்க்கும் வகையிலான நடவடிக்கைகள், மொழி, இனம், பண்பாடு, கலை, அறிவியல், நிர்வாகம் போன்ற துறையில் மக்களுக்குத் தொண்டாற்றுபவராக இருத்தல் வேண்டும். தமிழ், ஆங்கிலத்தில் விண்ணப்பத்தாரரின் கருத்துரு இருக்க வேண்டும். தகுதி உடையவர்கள் தங்களுடைய இரண்டு பாஸ்போர்ட் அளவு புகைப்படத்துடன் ஜனவரி 28-ஆம் தேதிக்குள் "மாவட்ட சமூகநலஅலுவலகம், மாவட்ட ஆட்சியர் அலுவலக வளாகம், சிங்காரவேலனார் மாளிகை 8-ஆவது தளம், சென்னை-1' என்ற முகவரிக்கு அனுப்ப வேண்டும். மேலும் விவரங்களுக்கு 044 25264568 என்ற தொலைபேசி எண்ணில் தொடர்பு கொள்ளலாம் என தெரிவிக்கப்பட்டுள்ளது.
 
 

]]>
https://www.dinamani.com/all-editions/edition-chennai/chennai/2019/jan/14/தமிழக-அரசின்-ஒளவையார்-விருதுக்கு-ஜன28-க்குள்-விண்ணப்பிக்கலாம்-3076508.html
3076505 சென்னை சென்னை காவலர் காலிப் பணியிடங்கள்: விண்ணப்ப தேதி நீட்டிப்பு  சென்னை, DIN Monday, January 14, 2019 02:21 AM +0530 காவலர் காலிப் பணியிடங்களுக்கு விண்ணப்பிக்கும் கடைசி தேதி நீட்டிக்கப்பட்டுள்ளது.
 இதுதொடர்பாக வேலைவாய்ப்பு மற்றும் பயிற்சிதுறை சார்பில் வெளியிடப்பட்டுள்ள செய்திகுறிப்பில் கூறியிருப்பதாவது:
 சென்னையில் உள்ள வேலைவாய்ப்பு மற்றும் பயிற்சித்துறை ஆணையரகம் மற்றும் வேலைவாய்ப்பு அலுவலகங்களில் காலியாக உள்ள காவலர் பணியிடங்களுக்கு விண்ணப்பிக்க கடைசி நாள் 14.1.19 என்று அறிவிக்கப்பட்டிருந்தது. தற்போது அன்றைய தினம் பொது விடுமுறையாக அரசால் அறிவிக்கப்பட்டுள்ளதால், விண்ணப்பிக்க வேண்டிய கடைசி நாள் 18.1.19 வரை நீட்டிக்கப்பட்டுள்ளதாக தெரிவிக்கப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/14/காவலர்-காலிப்-பணியிடங்கள்-விண்ணப்ப-தேதி-நீட்டிப்பு-3076505.html
3076503 சென்னை சென்னை ஜன.16-இல் இறைச்சி விற்பனைக்குத் தடை  சென்னை, DIN Monday, January 14, 2019 02:21 AM +0530 திருவள்ளுவர் தினத்தையொட்டி, பெருநகர சென்னை மாநகராட்சிப் பகுதியில் புதன்கிழமை (ஜன. 16) இறைச்சி விற்பனைக்குத் தடை விதிக்கப்பட்டுள்ளது.
 இதுகுறித்து சென்னை மாநகராட்சி ஆணையர் தா.கார்த்திகேயன் ஞாயிற்றுக்கிழமை வெளியிட்ட செய்திக் குறிப்பு: திருவள்ளுவர் தினத்தையொட்டி, சென்னை மாநகராட்சிக்கு உள்பட்ட பகுதியில் உள்ள இறைச்சிக் கடைகள் அனைத்தும் புதன்கிழமை (ஜன. 16) மூடப்பட்டிருக்க வேண்டும். மேலும், பல்பொருள் அங்காடிகள் மற்றும் வணிக வளாகங்களில் பதப்படுத்திய இறைச்சியை விற்பனை செய்யவும் தடை விதிக்கப்பட்டுள்ளது. இதை மீறி இறைச்சி விற்பனையில் ஈடுபடுவோர் மீது சட்டப்படி கடும் நடவடிக்கை எடுக்கப்படும் என்று தெரிவிக்கப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/14/ஜன16-இல்-இறைச்சி-விற்பனைக்குத்-தடை-3076503.html
3076501 சென்னை சென்னை ஆம்னி பேருந்துகளில் கூடுதல் கட்டணம்: அபராதமாக ரூ.18 லட்சம் வசூல் DIN DIN Monday, January 14, 2019 02:21 AM +0530 பொங்கல் பண்டிகையை முன்னிட்டு சொந்த ஊர்களுக்குச் செல்லும் பயணிகளிடம் கூடுதல் கட்டணம் வசூலித்த 11 ஆம்னி பேருந்துகளை, போக்குவரத்துத் துறை அதிகாரிகள் சிறைபிடித்துள்ளனர். இதுபோல விதிமுறைகளை மீறிய ஆம்னி பேருந்து நிறுவனங்களிடமிருந்து இதுவரை ரூ. 18 லட்சம் அபராதத் தொகையாக வசூலிக்கப்பட்டுள்ளது என போக்குவரத்துத் துறை அமைச்சர் எம்.ஆர்.விஜயபாஸ்கர் கூறினார்.
 பொங்கல் பண்டிகையை முன்னிட்டு பயணிகளின் வசதிக்காக கூடுதல் சிறப்புப் பேருந்துகளை, சென்னையில் 5 இடங்களில் இருந்து ஜனவரி 11 ஆம் தேதி முதல் தமிழக அரசு இயக்குகிறது.
 அரசுப் பேருந்துகளில் சொந்த ஊர்களுக்குச் செல்ல இதுவரை 1,61,685 பயணிகள் முன்பதிவு செய்துள்ளனர். சென்னையிலிருந்து 65,115 பயணிகளும், பிற ஊர்களிலிருந்து 96,570 பயணிகளும் முன்பதிவு செய்துள்ளனர். மேலும், 2 இலட்சத்து 75 ஆயிரத்து 889 பயணிகள் மொத்தமாக பயணம் செய்துள்ளனர். முன்பதிவு மூலம் ரூ. 7 கோடியே 75 இலட்சம் ரூபாய் வருவாய் கிடைத்திருப்பதாக போக்குவரத்துக்கழக அதிகாரிகள் தெரிவித்தனர்.
 இந்த நிலையில், சென்னையிலிருந்து இயக்கப்படும் பேருந்துகள் சரிவர இயக்கப்படுகின்றனவா? பணிகள் நெரிசலைப் பயன்படுத்தி தனியார் ஆம்னி பேருந்துகளில் கூடுதல் கட்டணம் வசூலிக்கப்படுகிறதா? என்பன குறித்து போக்குவரத்துத் துறை அதிகாரிகள் தீவிர ஆய்வு மேற்கொண்டு வருகின்றனர். இதுபோல, போக்குவரத்துத் துறை அமைச்சர் எம்.ஆர்.விஜயபாஸ்கரும் நள்ளிரவு வரை நேரில் ஆய்வு செய்து வருகிறார். அதுபோல, சென்னை கோயம்பேடு புறநகர் பேருந்து நிலையத்தில் சனிக்கிழமை நள்ளிரவும் அவர் ஆய்வு மேற்கொண்டார்.
 அப்போது அவர் அளித்த பேட்டி:
 சென்னையிலிருந்து 6 லட்சம் பயணிகள் இந்த பண்டிகை காலங்களில் பயணம் செய்திட ஏதுவாக அனைத்துவகையான முன்னேற்பாடுகளும் செய்யப்பட்டுள்ளன. மேலும், ஆம்னி பேருந்துகளில் கூடுதல் கட்டணம் வசூல் தொடர்பாக இதுவரை 861 பேருந்துகளில் சோதனை செய்யப்பட்டுள்ளன. இதில் அபராதக் கட்டணமாக ரூ. 18 லட்சம் வசூலிக்கப்பட்டுள்ளது. மேலும் வரியை முறையாகச் செலுத்தாத பேருந்து நிறுவனங்களிடமிருந்து ரூ. 3.15 லட்சம் வரி வசூல் செய்யப்பட்டுள்ளது.
 11 பேருந்துகள் சிறைபிடிப்பு: மேலும், பயணிகளிடம் கூடுதல் கட்டணம் வசூலித்த 11 பேருந்துகள் சிறைபிடிக்கப்பட்டுள்ளன. கூடுதல் கட்டண வசூல் போன்ற புகார்களை 1800-425-6151 என்ற கட்டணமில்லா தொலைபேசி மூலம் பயணிகள் புகார் தெரிவிக்கலாம்.
 கட்டுப்பாட்டு அறை: போக்குவரத்து நெரிசலை உடனுக்குடன் சரிசெய்யும் வகையில் கோயம்பேடு பேருந்து நிலையத்தில் 24 மணி நேரமும் செயல்படும் கட்டுப்பாட்டு அறை அமைக்கப்பட்டுள்ளது.
 புறநகர் பகுதிகளில் குறிப்பாக பெருங்களத்தூர், கூடுவாஞ்சேரி, பூவிருந்தவல்லி ஆகிய பகுதிகளில் ஏற்படுகின்ற போக்குவரத்து நெரிசலை குறைக்கின்ற வகையில் போக்குவரத்துத் துறையை சார்ந்த அலுவலர்களும், காவல்துறையினரும் 24 மணி நேரமும் தொடர்ந்து பணியில் ஈடுபட்டுள்ளனர் என்றார் அவர்.
 

]]>
https://www.dinamani.com/all-editions/edition-chennai/chennai/2019/jan/14/ஆம்னி-பேருந்துகளில்-கூடுதல்-கட்டணம்-அபராதமாக-ரூ18-லட்சம்-வசூல்-3076501.html
3076024 சென்னை சென்னை இது புதுசு! DIN DIN Sunday, January 13, 2019 02:40 AM +0530 பேசாமொழி பதிப்பகம்:
*  லென்ஸ் - புகைப்படம் எடுக்கும் கலை - எரிக் கிம்; தமிழில்: தீஷா; ரூ.180.
*  திரைக்கதை A-Z - மரியோ ஓ மொரேனோ& அந்தோனி கிரிகேர்; தமிழில்: தீஷா ரூ.100
*  திரைக்கதை எழுதும் கலை - கார்ல் இக்லியாஸ், ஸாண்டர் பென்னட்; தமிழில்: தீஷா; ரூ.250.
*  எனக்குத் தாய் நாடு என்பதே இல்லை- யமுனா ராஜேந்திரன்; ரூ.400.

WE CAN BOOKS:
*  C.B.I:ஊழலுக்கு எதிரான முதல் அமைப்பு- குகன்; ரூ.120.
*  பசி - நட்ஹாம்சன்; ரூ.,155.
*  டிஜிட்டல் மாஃபியா - வினோத்குமார் ஆறுமுகம்; ரூ.120.
*  ரசவாதி - பாலோ கொயலோ; ரூ.225.

வம்சி புக்ஸ்:
*  பங்குக்கறியும் பின்னிரவுகளும் (புனைவில்லா எழுத்து) - பவா செல்லதுரை; ரூ.130.
*  கதை கேட்கும் சுவர்கள் (வாழ்வியல் நாவல்) - மலையாள மூலம்: ஷாபு கிளிதட்டில்; தமிழில்: கே.வி.ஷைலஜா; ரூ.350.
*  ஆழங்களினூடு (ஆகச்சிறந்த சினிமா விமர்சனக் கட்டுரைகள்) - எம்.ரிஷான் ஷெரீப்; ரூ.350.
*  நாடோடிக் கதைகள் 
(பயணம்) -அதியமான் கார்த்திக்; ரூ.200.
கண்ணதாசன் பதிப்பகம்: 
*  இந்துமத அகராதி - மார்கரெட் மற்றும் ஜேம்ஸ் ஸ்டட்லி; ரூ.600.
*  நிலைத்து நிற்கும் வாழ்க்கைத் தத்துவங்கள் (பாகம் -2) - ஓஷோ; ரூ.300.
*  உலக இலக்கியம் - வெ.சுப்பிரணிய பாரதி; ரூ.280.
*  நகரும் விரல் - அகதா கிறிஸ்டி; ரூ.190.

கண்காட்சியில் இன்று
இன்று ( 13.1.19) மாலை 6.00 மணிக்கு புத்தகக் கண்காட்சியின் இலக்கிய நிகழ்ச்சியில் " திருக்குறளோடு நாம்' என்ற தலைப்பில் திருநாவுக்கரசு ஐ.பி.எஸ். பேசுகிறார். பொன்ராஜ் "வளர்ந்த இந்தியாவைப் படைப்போம்' என்ற தலைப்பிலும், திருச்செந்தூரான் "கனவு மெய்ப்பட வேண்டும் ' என்ற தலைப்பிலும் உரையாற்றுகிறார்கள். பபாசி செயற்குழு உறுப்பினர் சு.சுப்பிரமணியன் வரவேற்புரை ஆற்றுகிறார். நன்றியுரை ஆற்றுபவர்: எம்.ஏ.ரங்கராஜன்.

]]>
https://www.dinamani.com/all-editions/edition-chennai/chennai/2019/jan/13/இது-புதுசு-3076024.html
3076023 சென்னை சென்னை கவனியுங்கள்! DIN DIN Sunday, January 13, 2019 02:37 AM +0530 லஷ்மி சரவணகுமார் கதைகள் 2007 -2017 - லஷ்மி சரவணகுமார்; பக்.584; ரூ.700; கிழக்கு பதிப்பகம், சென்னை-14.

எழுத்தாளர் லஷ்மி சரவணகுமார் 2017 வரை எழுதிய சிறுகதைகளின் தொகுப்பு. உண்மையான அனுபவத்தின் வாயிலாகத் தான் கண்ட வாழ்க்கையை, உலகத்தை, மனிதர்களை நம் கண்முன் நிறுத்துகிறார் லஷ்மி சரவணகுமார். இத்தொகுப்பில் இருக்கும் எல்லாக் கதைகளுமே, அவை முடியும் இடத்திலிருந்து பெரியதொரு விவாதத்தை நமக்குள் நிகழ்த்தத் தொடங்குகின்றன. இருள்வெளிகளும் அவற்றின் இடையே தெரியும் வெளிச்சப்புள்ளிகளும் கூடிய கதாபாத்திரங்களின் பயணத்தில் நாமும் கலந்திருக்கிறோம்.

ரயில்நிலையங்களின் தோழமை - பயணக்கட்டுரைகள் - எஸ்.ராமகிருஷ்ணன்; பக்.100; ரூ.125; தேசாந்திரி பதிப்பகம், சென்னை-93.

நூலாசிரியரின் பயண அனுபவங்களின் தொகுப்பு நூலாக மலர்ந்திருக்கிறது. பயணத்தின் ஊடே மனிதன் உலகை அறிந்து கொள்வது மட்டுமின்றி தன்னையும் அறிந்து கொள்கிறான். பயணியின் கண்கள் உலகின் உன்னதங்களை மட்டுமில்லை, இருட்டிற்குள் வாழும் மனிதர்களையும் அடையாளம் காட்டவே செய்கின்றன. உலகத்தை அறிந்து கொள்வதற்கான தேடுதலே இந்தப் பயணத்திற்கான தூண்டுதல். நூலாசிரியரின் பயண அனுபவங்கள் இந்த நூலின் வழியாக வாசகர்களிடம் பயணிக்கின்றன.

ஆவணப்பட இயக்கம் - அம்ஷன் குமார்; ரூ.200; சொல் ஏர் பதிப்பகம், சென்னை-41.

டிஜிட்டல் உபகரணங்களின் வரவுக்குப் பின் யார் வேண்டுமானாலும் படங்களை எடுக்கலாம் என்ற நிலை உருவாகியுள்ளது. ஆனால் ஆவணப்படத்தை தொழிற்பயன்பாட்டிற்காகவோ, கலை வெளிப்பாட்டிற்காகவோ தனிப்பட்ட தேவைக்காகவோ உருவாக்க அதன் அடிப்படைகளை அறிந்து கொள்வது மிக அவசியம்.
 ஆவணப் படத்துக்கு வர்ணனை எழுதுதல், நேர்காணல் செய்தல், படப்பிடிப்பு நடத்துதல், ஒலிப்பதிவு, படத்தொகுப்பு ஆகியன செய்தல், பட்ஜெட் தயாரித்தல், நிதியுதவி பெறுதல் போன்ற அனைத்திற்குமான வழிமுறைகள் இந்நூலில் தரப்பட்டுள்ளன.
 
 

]]>
https://www.dinamani.com/all-editions/edition-chennai/chennai/2019/jan/13/கவனியுங்கள்-3076023.html
3076022 சென்னை சென்னை எனக்கு பிடித்த புத்தகங்கள் DIN DIN Sunday, January 13, 2019 02:34 AM +0530 எழுத்தாளர் பா.ராகவன்: 
"எதையெல்லாம் திரும்பத் திரும்ப எடுத்துப் படிக்கிறேனோ, அவையெல்லாமே எனக்குப் பிடித்த புத்தகங்கள்தாம். ஆனால் ஒவ்வொரு புத்தகத்தையும் மீள் வாசிப்புக்கு உட்படுத்துவது வேறு வேறு காரணங்களுக்காக இருக்கும். உதாரணமாக, அசோகமித்திரனின் 'ஒற்றன்' நான் ஒவ்வொரு முறை நாவலை எழுத அமரும்போதும் எடுத்துச் சில பக்கங்கள் படிப்பேன். ஏன் என்று கேட்டால் எனக்கு பதில் சொல்லத் தெரியாது. ஆனால் "ஒற்றனை'ப் படிக்காமல் நான் இதுவரை ஒன்றுமே எழுதியதில்லை. சுந்தர ராமசாமியின் "ஜேஜே சில குறிப்புகள்' ஒரு விதத்தில் என் வாழ்வை வடிவமைத்த நாவல் என்று சொல்லலாம். நான் யாராக என்றுமே ஆக முடியாதோ, அவனாக ஜேஜே இருந்த காரணத்தினாலேயே அந்நாவல் எனக்கு மிகவும் நெருக்கமானது. ஜானகிராமனின் 'அம்மா வந்தாள்' வெறும் நாவல் அல்ல. 
அது ஒரு சிம்பொனி. விவரிக்கவே முடியாத, வாசித்து மட்டுமே அனுபவிக்க வேண்டிய உயர்தர சங்கீதம். ஆங்கிலத்தில் ஹெமிங்வேயின் Old man and the sea, மார்க்வஸின் One hundred years of solitude இரண்டும் திரும்பத் திரும்ப வாசிப்பவை. ஆல்பெர் காம்யுவின் "அந்நியன்' மொழிபெயர்ப்பில் என்னை மிகவும் கவர்ந்தது. புனைவல்லாத எழுத்தில் இப்படி மீண்டும் மீண்டும் வாசிக்க வைப்பது அ. முத்துலிங்கத்தின் அங்கே இப்ப என்ன நேரம்?'' என்றார்.

]]>
https://www.dinamani.com/all-editions/edition-chennai/chennai/2019/jan/13/எனக்கு-பிடித்த-புத்தகங்கள்-3076022.html
3076021 சென்னை சென்னை தேடித் தேடி... DIN DIN Sunday, January 13, 2019 02:31 AM +0530 ஸ்ரீநீலாஞ்சனி, பள்ளி ஆசிரியை, சோளிங்கர்:

"எங்கள் பள்ளியில் எல்கேஜி முதல் 5-ஆம் வகுப்பு வரை குழந்தைகள் படிக்கிறார்கள். அவர்களுக்குக் கல்வி கற்றுக் கொடுப்பதற்குத் தடையாக இப்போது நிறைய குறுக்கீடுகள் வந்துவிட்டன. முதலில் எல்லாம் குழந்தைகள் டி.வி. யில் குழந்தைகளுக்கான சேனல்களை, கார்ட்டூன் சேனல்கள மட்டும் பார்த்துக் கொண்டிருந்தார்கள். ஆனால் இப்போது ஒவ்வொரு வீட்டிலும் உள்ள குழந்தைகள் செல்போனில் மயங்கிக் கிடக்கிறார்கள். 
டி.வி.யில் வருவதை விட இப்போது செல்போனில் குழந்தைகளுக்கு நிறையவே கிடைக்கின்றன. அவர்களின் விரல்நுனியில் கார்ட்டூன் விடியோக்கள் உட்பட எல்லாம் கிடைக்கின்றன. தங்களை மறந்து அதில் பொழுதைப் போக்குகிறார்கள். குழந்தைகள் தங்களைத் தொந்தரவு செய்யாமல் எதிலாவது மூழ்கிக் கிடப்பது பரவாயில்லை என்று பெற்றோரும் நினைக்கிறார்கள். எனவே குழந்தைகளுக்குப் பாடப்புத்தகங்களைத் தவிர படிப்பதற்கு எதுவுமில்லாமல் போய்விட்டது. வாசிக்கும் பழக்கத்தை அவர்களுக்கு ஏற்படுத்துவதற்காக எங்கள் பள்ளியில் அவர்களுக்குப் புத்தகங்களைப் பரிசளிக்கிறோம். 
பரிசளிப்பதற்காகக் குழந்தைகளுக்குப் பிடிக்கும் நீதிநெறிக் கதைகளை வாங்கியிருக்கிறோம். படிப்பு தொடர்புடைய மின்னட்டைகளையும் வாங்கியிருக்கிறோம். இப்போது அகராதியின் தன்மையே மாறிவிட்டது. துறைசார்ந்த அகராதிகள் நிறைய வந்துவிட்டன. STUDENTS DICTIONARY OF CHEMISTRY, STUDENTS DICTIONARY OF PHYSICS என பல்வேறு பாட சம்பந்தமான அகராதிகளை வாங்கியிருக்கிறோம். 
பல அறிவியல் கண்டுபிடிப்புகளைக் கண்டுபிடித்தவர்களின் வரலாறு பற்றிய புத்தகங்கள் வாங்கியிருக்கிறோம். கிட்டதட்ட ரூ.1 லட்சம் மதிப்பிலான புத்தகங்களை வாங்கியிருக்கிறோம்.
எங்கள் பள்ளியில் வாரம் ஒருமுறை மாணவர்களுக்கு ஏதாவது ஒரு போட்டியை நடத்துவோம். பேச்சுப் போட்டி, கட்டுரைப் போட்டி, பாட்டுப்போட்டி, திருக்குறள் போட்டி, கலரிங் போட்டி, க்விஸ் என நாங்கள் நடத்தும் போட்டிகளில் பங்கேற்கும் மாணவர்களுக்கு இப்போது நாங்கள் வாங்கிச் செல்லும் புத்தகங்களைப் பரிசாக அளிக்க இருக்கிறோம்'' என்றார். 
சிவாஜி, ஆரணி:

"நான் இந்த புத்தகக் கண்காட்சிக்கு சித்தர்கள் தொடர்பான புத்தங்கள், ஆன்மிகப் புத்தகங்கள் வாங்குவதற்காக வந்தேன். 
சித்தர்கள் வரலாறு, திருமந்திரம், நாமதீப நிகண்டு, சூடாமணி நிகண்டு, ஆதிசங்கரரின் 'ஆத்மபோதம்', "தினசரி வாழ்வில் சொல்ல வேண்டிய மந்திரங்கள்', "ஞான தீப நிகண்டு', "போகர் ஏழாயிரம்', "அகத்தியர் குணவாகடம் உரை', "சித்தர் திருமந்திரம் ஆராய்ச்சி' இப்படி நிறைய புத்தகங்களை வாங்கியிருக்கிறேன். இன்னும் வாங்க வேண்டியிருக்கிறது. இன்னும் இரண்டு நாள்கள் புத்தகக் கண்காட்சிக்கு வருவேன். 
இந்த ஆண்டு புத்தகக் கண்காட்சியில் ஆன்மிகப் புத்தகங்கள் குறைவாக உள்ளன. குழந்தைகள் புத்தகங்கள் அதிகம் உள்ளன. குழந்தைகளைப் படிக்கச் சொல்லிவிட்டு பெற்றோர் படிக்கும் பழக்கத்தைக் கைவிட்டதையே இது காட்டுகிறது. 
சென்ற ஆண்டை விட இந்த ஆண்டு கண்காட்சியில் உணவுப் பொருள்களை விற்பதற்குச் சிறப்பான ஏற்பாடுகளைச் செய்திருக்கிறார்கள். புத்தகம் வாங்க வந்தவர்களில் பலர் உணவு விற்கும் இடங்களில் தான் அதிகமாக இருக்கின்றனர். அடுத்துவரும் ஆண்டுகளிலாவது ஆன்மிகப் புத்தகங்களை அதிகம் கொண்டு வந்தால் நல்லது'' என்றார்.

]]>
https://www.dinamani.com/all-editions/edition-chennai/chennai/2019/jan/13/தேடித்-தேடி-3076021.html
3076020 சென்னை சென்னை கவிதை மொழி தமிழ்!  சென்னை DIN Sunday, January 13, 2019 02:28 AM +0530 " தமிழைப் பக்தி மொழி என்று சொன்னார் தனிநாயக அடிகள். என்னைப் பொருத்த அளவில் தமிழ் கவிதை மொழி'' என்றார் கவிஞர் முத்துலிங்கம்.
 சென்னை புத்தகக் கண்காட்சியில் நடந்த இலக்கிய நிகழ்ச்சியில் "திரைப்பாடல் இலக்கியம்' என்ற தலைப்பில் அவர் பேசியது:
 "உணவின் சத்துகள் ரத்தத்தில் கலக்கும். புத்தகத்தின் கருத்துகள் சித்தத்தில் கலக்கும். உலகில் கவிதை மொழி என்று இரண்டு மொழிகளைச் சொல்வார்கள். ஒன்று கிரேக்க மொழி. மற்றது நமது தமிழ்மொழி.
 கவிதைக்குரிய மொழி தமிழ் என்று ஏன் சொல்கிறேன் என்றால் ஒரு குழந்தை பிறந்ததுமே முதலில் அது கேட்பது தாயின் தாலாட்டுப் பாடல்களைத்தான். அந்தத் தாலாட்டுப் பாடல்களை கேட்டால் உலக மகாகவிஞர்களின் கவிதைகளில் காணப்படும் கவிதைத்தன்மையை காணலாம்.
 திரைப்பாடல் என்றால் இழிவு படுத்திப் பேசியவர்கள் உண்டு. "மெட்டுக்குப் பாட்டு எழுதுவதுதானே? என்று சொன்னவர்கள் உண்டு.
 இலக்கண நெறிப்படி எழுதப்படும் மரபுக் கவிதைகளை எழுதுவதில் என்ன சிரமம் இருக்கிறதோ... எவ்வளவு உழைப்பு இருக்கிறதோ... அதை விட அதிகமான சிரமம் மெட்டுக்குப் பாட்டு எழுதுவதிலும் உண்டு. எனவே அதைத் தாழ்வாகக் கருத வேண்டியதில்லை.
 கண்ணதாசன் பழந்தமிழ் இலக்கியங்களுக்கு நிகரான கவிதைத் தன்மையுடன் பல திரையிசைப் பாடல்களை எழுதியிருப்பது எல்லாருக்கும் தெரியும். ஆனால் அவருக்கு முன்பு கம்பதாசன் என்ற திரைப்படப் பாடலாசிரியர் கவித்துவத்தின் உச்சத்தைத் தொடும் பல திரைப்படப் பாடல்களைப் பாடியுள்ளார். எடுத்துக்காட்டாக, வாழ்க்கையின் நிலையாமையைக் குறித்து பழந்தமிழ் இலக்கியங்கள் பேசுகின்றன. கம்பதாசன் அதைத் தனது திரைப்படப் பாடலில் "மின்னல் போல் வாழ்க்கை' என்று குறிப்பிட்டிருப்பார்.
 இலக்கியங்களில் உள்ள பல சிறப்பான தன்மைகளைத் தனது திரைப்படப் பாடல்களுக்குள் கொண்டு வந்தவர் கம்பதாசன்.
 கம்பதாசனின் பாடல்கள் மட்டுமல்ல, அனைத்துக் கவிஞர்களின் திரைப்படப் பாடல்களிலும் இலக்கியங்களில் உள்ள பல சிறப்பானதன்மைகள் இருக்கின்றன'' என்றார். பேராசிரியர் நெல்லை கவிநேசன் "நம்பிக்கை நம் கையில்' என்ற தலைப்பிலும் டாக்டர் துளசி குமார், "வாழ்க்கைக்குத் தேவை மருத்துவம்' என்ற தலைப்பிலும் பேசினர். பபாசி செயற்குழு உறுப்பினர் இராம.மெய்யப்பன் வரவேற்புரையும், சு.பிரபாகரன் நன்றியுரையும் நிகழ்த்தினர்.
 

]]>
https://www.dinamani.com/all-editions/edition-chennai/chennai/2019/jan/13/கவிதை-மொழி-தமிழ்-3076020.html
3076019 சென்னை சென்னை தி சென்னை சில்க்ஸ் கட்டடத்துக்கு தடை இல்லை DIN DIN Sunday, January 13, 2019 02:26 AM +0530 "தி சென்னை சில்க்ஸ்' கட்டடம் கட்டுவதற்கு எதிராக தொடரப்பட்ட வழக்கை, சென்னை உயர்நீதிமன்றம் தள்ளுபடி செய்ததது.
 சென்னை தியாகராய நகரில், "தி சென்னை சில்க்ஸ்' நிறுவனம், புதிய கட்டடம் கட்டுவது தொடர்பாக சி.எம்.டி.ஏ.விடம் விண்ணப்பித்தது.
 ஆய்விற்கு பின், 2018- ஜூனில் சி.எம்.டி.ஏ, திட்ட அனுமதி வழங்கியது. இதையடுத்து கட்டடம் கட்டும் பணியை "தி சென்னை சில்க்ஸ்' நிறுவனம் துவக்கியது. இந்த திட்ட அனுமதியை எதிர்த்து கண்ணன் பாலசந்திரன் என்பவர் வழக்கு தொடர்ந்தார். வழக்கை விசாரித்த நீதிபதி கிருபாகரன், இந்த வழக்கில் முகாந்திரம் இல்லை எனக் கூறி வழக்கை தள்ளுபடி செய்தார். இதை எதிர்த்து உச்சநீதிமன்றத்திலும் வழக்கு தொடரப்பட்டது, கடந்த வெள்ளிக்கிழமை தலைமை நீதிபதி ரஞ்சன் கோகோய், சஞ்சய் கிஷன் கௌல் அமர்வு விசாரித்து மேல்முறையீட்டு மனுவையும் தள்ளுபடி செய்ததது.
 
 
 

]]>
https://www.dinamani.com/all-editions/edition-chennai/chennai/2019/jan/13/தி-சென்னை-சில்க்ஸ்-கட்டடத்துக்கு-தடை-இல்லை-3076019.html
3076018 சென்னை சென்னை "நம்ம சென்னை' செயலியில் சொத்து வரி செலுத்தும் வசதி அறிமுகம் DIN DIN Sunday, January 13, 2019 02:26 AM +0530 பெருநகர சென்னை மாநகராட்சியின் "நம்ம சென்னை' செயலியில் சொத்து வரி செலுத்தும் வசதி அறிமுகப்படுத்தப்பட்டுள்ளது.
 சென்னை மாநகராட்சிப் பகுதியில் குப்பை அகற்றுதல், தெருவிளக்கு, சாலை வசதி உள்ளிட்டவை குறித்து பொதுமக்கள் தங்கள் குறைகளைத் தெரிவிக்கும் வகையிலும், பிறப்பு, இறப்புச் சான்றிதழ்கள், தொழில் வரி, வர்த்தக உரிமம் ஆகியவை செலுத்தும் வகையில் கடந்த 2018-ஆம் ஆண்டு மே மாதம் "நம்ம சென்னை' செயலி அறிமுகப்படுத்தப்பட்டது.
 ஆன்ட்ராய்டு செல்லிடப்பேசியில் பயன்படுத்தும் வகையில் வடிவமைக்கப்பட்டுள்ள இந்த "நம்ம சென்னை' செயலியை இதுநாள் வரை 48,212 பேர் பதிவிறக்கம் செய்துள்ளனர்.
 இதன் மூலம் பொதுமக்களிடம் இருந்து 18,735 புகார்கள் பெறப்பட்டு 18,528 புகார்கள் மீது நடவடிக்கை எடுக்கப்பட்டுள்ளது.
 சொத்து வரி வசதி அறிமுகம்: இந்நிலையில், "நம்ம சென்னை' செயலியில் கூடுதல் சேவையாக சொத்து வரி செலுத்தும் வசதி தற்போது அறிமுகப்படுத்தப்பட்டுள்ளது.
 நெட் பேங்கிங், டெபிட் மற்றும் கிரெடிட் அட்டைகள், ஆர்டிஜிஎஸ், என்இஎஃப்டி, யுபிஐ ஆகியவற்றின் மூலம் சொத்து வரியைச் செலுத்தலாம் என மாநகராட்சி ஆணையர் தா.கார்த்திகேயன் தெரிவித்துள்ளார்.
 

]]>
https://www.dinamani.com/all-editions/edition-chennai/chennai/2019/jan/13/நம்ம-சென்னை-செயலியில்-சொத்து-வரி-செலுத்தும்-வசதி-அறிமுகம்-3076018.html
3076017 சென்னை சென்னை அமெரிக்காவில் வரும் ஜூலை மாதம் 10-ஆவது உலகத் தமிழ் ஆராய்ச்சி மாநாடு DIN DIN Sunday, January 13, 2019 02:26 AM +0530 பத்தாவது உலகத் தமிழ் ஆராய்ச்சி மாநாடு அமெரிக்காவில் உள்ள சிகாகோ நகரில் வரும் ஜூலை மாதம் 4-ஆம் தேதி தொடங்கி 7-ஆம் தேதி வரை நான்கு நாள்கள் நடைபெற உள்ளது.
 மலேசியத் தலைநகர் கோலாலம்பூரில் 5 ஆண்டுகளுக்கு முன்பு உலகத் தமிழ் மாநாடு நடைபெற்றது. அதன்பிறகு இப்போது நடைபெற உள்ளது குறிப்பிடத்தக்கது.
 தமிழ் ஆராய்ச்சிக்கான சர்வதேச சங்கம் இந்த மாநாட்டுக்கு ஏற்பாடு செய்துள்ளது. முதன்முறையாக அமெரிக்காவில் நடைபெற உள்ள உலகத் தமிழ் ஆராய்ச்சி மாநாட்டை, தமிழக முதல்வர் எடப்பாடி கே. பழனிசாமி தொடங்கி வைக்கிறார். இந்தத் தகவலை மாநாட்டு ஏற்பாட்டாளர்களில் ஒருவரான கால்டுவெல் சென்னையில் சனிக்கிழமை தெரிவித்தார். தமிழ்மொழி, தமிழின் தொன்மை, தமிழ் இலக்கியம், தமிழர் கலாசாரம் உள்ளிட்டவை குறித்து இந்த மாநாட்டில் விவாதிக்கப்படும். தமிழறிஞர்கள் உள்பட சுமார் 6 ஆயிரம் பேர் இந்த மாநாட்டில் பங்கேற்பார்கள் என்று எதிர்பார்க்கப்படுகிறது.
 மாநாட்டையொட்டி தமிழறிஞர் ஜி.யு.போப்பின் 200-வது பிறந்த நாளை முன்னிட்டு கீழடி பற்றிய சிறப்பு விவாதமும் நடைபெற உள்ளது. இதற்கான ஏற்பாடுகளை வடஅமெரிக்க தமிழ்ச்சங்க கூட்டமைப்பு செய்துள்ளது.

]]>
https://www.dinamani.com/all-editions/edition-chennai/chennai/2019/jan/13/அமெரிக்காவில்-வரும்-ஜூலை-மாதம்-10-ஆவது-உலகத்-தமிழ்-ஆராய்ச்சி-மாநாடு-3076017.html
3075328 சென்னை சென்னை தமிழில்தான் சொற்கள் அதிகம்! DIN DIN Saturday, January 12, 2019 04:15 AM +0530
உலகின் எந்த மொழியையும்விட தமிழில்தான் அதிக சொற்கள் இருக்கின்றன என்று எழுத்தாளர் நாஞ்சில்நாடன் கூறினார். சென்னை புத்தகக் கண்காட்சி அரங்கில் நடந்த இலக்கிய நிகழ்ச்சியில் பங்கு கொண்டு புத்தகங்கள் சுமையல்ல என்ற தலைப்பில் அவர் பேசும்போது இவ்வாறு குறிப்பிட்டார். 
மேலும் அவர் கூறியதாவது:
 தமிழில்தான் அதிக சொற்கள் உள்ளன. கம்பன் கிட்டத்தட்ட ஒரு லட்சம் சொற்களை தனது கம்ப ராமாயணத்தில் பயன்படுத்தியுள்ளார். உலகப் புகழ்பெற்ற ஆங்கிலக் கவிஞர் ஷேக்ஸ்பியர் வெறும் 25 ஆயிரம் சொற்களைத்தான் பயன்படுத்தியிருக்கிறார். ஜான் மில்டனும் கூட 35 ஆயிரம் சொற்களுக்கு மேல் பயன்படுத்தவில்லை. தமிழில்தான் 1 லட்சத்து 24 ஆயிரம் சொற்களுக்கும் மேல் இருக்கின்றன. 
இப்போது தமிழர்கள் பலர் புத்தகம் படிப்பதில்லை. கேட்டால் நேரமில்லை என்பார்கள். 
வெளிவரக் கூடிய புதிய திரைப் படத்தின் காலைக் காட்சியைப் பார்ப்பதற்காக காலை 6.00 மணிக்கே தியேட்டர் வாசலில் காத்துக் கிடக்கும் ஒரே இனம் தமிழ் இனம்தான். அதற்கெல்லாம் நேரத்தை ஒதுக்க முடிகிறது. புத்தகம் படிக்க நேரம் ஒதுக்க முடிவதில்லை. பெரியவர்கள் புத்தகங்களைப் படிக்கிறீர்களோ இல்லையோ, குழந்தைகளுக்குப் புத்தகம் வாங்கிக் கொடுங்கள். புத்தக வாசிப்பை அவர்களுக்குப் பழக்கமாக்குங்கள். தமிழில்தான் எவ்வளவு சொற்கள்? அவற்றை குழந்தைகளுக்குப் பழக்கப்படுத்துங்கள். 
யானை என்ற ஒரு சொல்லுக்கு தமிழில் 50-க்கும் மேற்பட்ட சொற்கள் இருக்கின்றன. யானை, வேழம், களிறு, மாதங்கம், கைம்மா, ஆம்பல் என்று இப்படி சொல்லிக் கொண்டே போகலாம். ஒவ்வொரு சொல்லுக்கும் நுட்பமான வேறுபாடுகள் இருக்கின்றன. எந்த இடத்தில் யானையைப் பயன்படுத்துவது, எந்த இடத்தில் களிறுவைப் பயன்படுத்துவது என்பதை தமிழர்களாகிய நாம் தெரிந்து வைத்திருக்க வேண்டும். 
அறுபது ஆண்டுகளுக்கு முன்பு மனப்பாடம் செய்த செய்யுள் இன்றைக்கும் எனக்கு நினைவில் இருக்கிறது. ஆனால் இன்றைய குழந்தைகளின் மனப்பாடத் திறன் குறைந்துவிட்டது. எனவே குழந்தைகளுக்கு வாசிப்புப் பழக்கத்தை ஏற்படுத்துவது தமிழை வாழ வைப்பதாகும். 
குழந்தைகளுக்குப் புத்தகங்களை வாங்கிக் கொடுங்கள். திருமணம் போன்ற விழாக்களில் தாம்பூலப் பையில் புத்தகத்தைப் போட்டுக் கொடுங்கள். அதற்காக திருக்குறள் புத்தகம் ஒன்றையே போடாமல், சிறந்த தமிழ் இலக்கிய புத்தகங்களைப் போட்டுக் கொடுங்கள்.
தமிழில் ஒரு நூலை வெளியிடும்போது முதலில் எல்லாம் ஆயிரம் பிரதிகள் அச்சடித்துக் கொண்டிருந்தார்கள். இப்போது வெறும் 100 அல்லது 200 பிரதிகளை அச்சடிக்கிறார்கள். இது எந்த அளவுக்கு நாம் தமிழைப் பாதுகாப்பதில் ஆர்வம் இல்லாமல் இருக்கிறோம் என்பதையே காட்டுகிறது. மலையாளத்தில் முதற்பதிப்பு 30 ஆயிரம் பிரதிகள் அச்சடிக்கிறார்கள். உண்மையில் நாம் எங்கே இருக்கிறோம் என்பதையே இது காட்டுகிறது. 
மொழியைப் பண்பாட்டை மதிக்கும் எழுத்தாளர்களை நாம் மதிக்க வேண்டும். புத்தகத்தை மதித்தால்தான் மக்கள் எழுத்தாளர்களை மதிப்பார்கள் என்றார். 
நிகழ்ச்சியில் கலந்து கொண்ட அகில இந்திய வானொலி நிலைய முன்னாள் இயக்குநர் ஜெ.கமலநாதன், மக்களுக்குப் புரியாத முறையில் மிகக் கடினமாக எழுதப்பட்டுக் கொண்டிருந்த தமிழ்க் கவிதையை எல்லா மக்களும் எளிதில் புரிந்து கொள்ளும்படி மாற்றியமைத்தது பாரதிதான்; பாரதி கவிதை ஒரு சரித்திரத் திருப்புமுனை என்றார். அவர் மேலும் கூறுகையில், அக்கினிக் குஞ்சொன்று கண்டேன் என்று தொடங்கும் பாரதியின் கவிதை உலகத்திலேயே மிகச்சிறந்த கவிதை. அந்தக் கவிதையின் இறுதியில் வரும் வரிகள் அந்தக் கவிதையை நாடகமாக்குகின்றன. 
1947-இல் சுதந்திரம் அடைவதற்கு 30 ஆண்டுகளுக்கும் முன்னரே, ஆடுவோமே பள்ளுப் பாடுவோமே... ஆனந்த சுதந்திரம் அடைந்துவிட்டோம் என்று பாடிய தீர்க்கதரிசி பாரதி. மன்னும் இமயமலை எங்கள் மலையே என்று இந்த நாட்டையே சொந்தம் கொண்டாடிய பெரும் செல்வந்தன் பாரதி என்றார். 
இந்த நிகழ்ச்சியில் வாங்க சிரிப்போடு சிந்திக்கலாம் என்ற தலைப்பில் மணிகண்டன் உரையாற்றினார். பபாசி செயற்குழு உறுப்பினர் எம்.சிராஜுதீன், வி.புருஷோத்தமன் ஆகியோர் பங்கேற்றனர். 


 

]]>
https://www.dinamani.com/all-editions/edition-chennai/chennai/2019/jan/12/தமிழில்தான்-சொற்கள்-அதிகம்-3075328.html
3075327 சென்னை சென்னை கவனியுங்கள்! DIN DIN Saturday, January 12, 2019 04:15 AM +0530
உ.வே.சாமிநாதையர் கடிதக் கருவூலம் (தொகுதி-1) - பதிப்பாசிரியர்: ஆ.இரா.வேங்கடாசலபதி; ரூ.600; டாக்டர் உ.வே.சாமிநாதையர் நூல்நிலையம், சென்னை-90.
உ.வே.சாமிநாதையர் தன்னுடன் தொடர்பு கொண்டிருந்தவர்கள் அனுப்பிய கடிதங்களை கவனமாகத் தொகுத்து வைத்திருக்கிறார். இக்கடிதங்களில் அமைந்துள்ள கருத்துகள் பலவும் அவர் காலத்தில் நிகழ்ந்த பல்வேறு வரலாற்றுக் குறிப்புகளைக் கொண்டு விளங்குகின்றன. ஜி.யு.போப், ஜூலியன் வின்சோன், வித்துவான் தியாகராச செட்டியார், சோடசாவதானம் சுப்பராயச் செட்டியார், சந்திரசேகர கவிராஜ பண்டிதர், சி.வை.தாமோதரம்பிள்ளை, வ.உ.சிதம்பரம் பிள்ளை, வ.வே.சு.ஐயர், மறைமலையடிகள் முதலான பல அறிஞர்கள் உ.வே.சா.வுக்கு எழுதிய 3 ஆயிரத்துக்கும் மேற்பட்ட அக் கடிதங்கள், அவற்றின் உள்ளடக்கம், கடிதம் எழுதியவர்களின் தகுதி, கால வரலாறு ஆகியவற்றின் அடிப்படையில் தொகுத்துக் கொடுக்கப்பட்டுள்ளன. அரிய ஆவணம்.


சில்வியா பிளாத் மணிக்குடுவை - 
தமிழில்: ஜி.விஜயபத்மா; ரூ.300; 
நாதன் பதிப்பகம், சென்னை-93.
அமெரிக்காவின் மசாசூùஸட்டில் 1932-இல் பிறந்த பெண் கவிஞர் சில்வியா பிளாத் எழுதிய நூலின் தமிழாக்கம். பலவிதமான துன்பங்களும், சோகங்களும் அவரைத் தாக்க பலமுறை தற்கொலைக்கு முயன்றார் சில்வியா பிளாத். அந்த அனுபவங்களையும் இந்நூலில் பகிர்ந்து கொண்டுள்ளார். மணமுறிவு, உடல் நலக்குறைவு ஆகியவை அவரின் துன்பத்தை அதிகப்படுத்த அவர் தனது முப்பதாவது வயதில் தற்கொலை செய்து கொண்டார். சில்வியா பிளாத்தின் மன உணர்வுகள், அமெரிக்கக் குடும்பங்களில் பெண்களின் நிலை குறித்து இந்நூலில் துல்லியமாகச் சித்திரிக்கப்பட்டுள்ளன.


திரை இசைக் களஞ்சியம் (ஐந்து பாகங்களின் தொகுப்பு) - வாமனன்; ரூ.1000; மணிவாசகர் பதிப்பகம், சென்னை-108.
மக்கள் இசையான திரை இசையின் வரலாற்றை, 140-க்கும் மேற்பட்ட திரை இசைக் கலைஞர்களை, காலவரிசைப்படி இந்நூல் வெளிக்கொண்டு வந்திருக்கிறது. கலைஞர்களின் வாழ்வையும், சாதனைகளையும் நினைவில் கொள்ள வேண்டும் என்ற நோக்கத்துடன் இந்நூல் எழுதப்பட்டிருக்கிறது. தமிழ்த்திரை இசையின் வாயிலாக மக்கள் அடைந்த இன்பத்தை, அது தொடர்பான வரலாற்றைப் படிப்பதின் வாயிலாகப் பெறுவார்கள் என்ற நம்பிக்கையில் இந்நூல் படைக்கப்பட்டிருக்கிறது.


மார்க்சியம் இன்றும் என்றும் - தொகுப்பும் விளக்கமும் (மூன்று நூல்கள்)- தமிழில்: கே.சுப்பிரமணியன்; ரூ.500; விடியல் பதிப்பகம், கோயம்புத்தூர்-15.
மூன்று தொகுதிகளாக வெளியிடப்பட்டிருக்கும் இந்நூலின் முதல் தொகுதி கம்யூனிஸ்ட் அறிக்கை குறித்து பல் கஸ்பர் எழுதிய நூலின் தமிழாக்கமாகும். இரண்டாவது தொகுதி டேவிட் ஸ்மித்தின் காரல் மார்க்ஸின் மூலதனம் சித்திர வடிவில் வெளியிடப்பட்டுள்ளது. மூன்றாவது தொகுதி பரிதி எழுதிய மாந்தர் கையில் பூவுலகு என்ற நூலாகும்.
மார்க்சியத்தின் அடிப்படை விஷயங்களைப் புரிந்து கொள்ள எளியமுறையில் எழுதப்பட்டுள்ள இந்நூல்கள், இளம் தலைமுறையினரை ஈர்க்கும் வகையில் கொண்டு 
வரப்பட்டிருக்கின்றன.
 

]]>
https://www.dinamani.com/all-editions/edition-chennai/chennai/2019/jan/12/கவனியுங்கள்-3075327.html
3075326 சென்னை சென்னை எனக்கு பிடித்த புத்தகங்கள் ஓவியர் மருது DIN DIN Saturday, January 12, 2019 04:13 AM +0530
எனக்கு எப்போதும் புதுமைப்பித்தனைப் பிடிக்கும். பிறந்த நாளுக்கோ அல்லது வேறு எந்த விழாவிலும் பிறருக்குப் பரிசாக நான் வாங்கித் தருவது புதுமைப்பித்தனின் புத்தகங்களையே. 
ஆங்கில நூல்களில் டெஸ்மாண்ட் மோரிஸ் எழுதிய மேன் வாட்சிங், பாடி வாட்சிங், டாக் வாட்சிங், கேட் வாட்சிங், ஹார்ஸ் வாட்சிங், பேபி வாட்சிங் என தொடர்ச்சியாக எழுதிய புத்தகங்கள் எனக்குப் பிடிக்கும். 
பிரான்ஸ் நாட்டின் ஓவியர் மோபியஸ் என்று அழைக்கப்படும் ஜீன் கிராட் வரைந்து வெளியிட்ட காமிக்ஸ் புத்தகங்கள் எனக்கு மிகவும் பிடிக்கும். அவை வெறும் காமிக்ஸ் என்ற அளவில் நின்றுவிடாமல், சொல்லும் விஷயங்கள் அதிகம். அதனால் அவற்றை எல்லாரும் பார்க்க வேண்டும்; படிக்க வேண்டும்.
எம்.சாலமன் பெர்னாட்ஷா எழுதிய இந்திய இஸ்லாமிய கலை வரலாறு என்ற புத்தகம் எனக்குப் பிடிக்கும். ஏற்கெனவே இது தொடர்பான புத்தகங்களை நான் படித்திருந்தாலும், மேலும் விரிவாகத் தெரிந்து கொள்ள இந்த புத்தகத்தை வாங்கினேன். 
தொ.பரமசிவன் எழுதிய அழகர் கோயில், அறியப்படாத தமிழகம், பண்பாட்டு அசைவுகள் முதலிய புத்தகங்கள் வரலாற்றை நவீன கண்கொண்டு நோக்குபவை. அதனால் எனக்கு அவற்றைப் பிடிக்கும். 
எஸ்.வி.ராஜதுரை எழுதிய மார்க்ஸின் கோட்டும் அடகுக் கடைகளும், தீவுச் சிறையில் விடுதலை இலக்கியம் ஆகிய இரண்டு புத்தகங்களும் புதிதாக வந்தவை. ஆழ்ந்த சிந்தனையாளரான அவரின் எல்லாப் புத்தகங்களும் எனக்குப் பிடிக்கும். வரலாறு, அரசியல், கலை, இலக்கியம் தவிர, என் துறை சார்ந்த புத்தகங்களைப் படிப்பதில் எனக்கு ஆர்வம் அதிகம் என்றார்.
 

]]>
https://www.dinamani.com/all-editions/edition-chennai/chennai/2019/jan/12/எனக்கு-பிடித்த-புத்தகங்கள்-ஓவியர்-மருது-3075326.html
3075325 சென்னை சென்னை புத்தகக் கண்காட்சியில் இன்று DIN DIN Saturday, January 12, 2019 04:13 AM +0530
சனிக்கிழமை (12.1.2019) மாலை 6 மணிக்கு புத்தகக் கண்காட்சியின் இலக்கிய நிகழ்ச்சியில் திரைப்பாடல் இலக்கியம்  என்ற தலைப்பில் கவிஞர் முத்துலிங்கம் பேசுகிறார். நம்பிக்கை நம் கையில் என்ற தலைப்பில் நெல்லை கவிநேசனும், வாழ்க்கைக்குத் தேவை மருத்துவம் என்ற தலைப்பில் டாக்டர் துளசி குமாரும் உரையாற்றுகிறார்கள். பபாசி செயற்குழு உறுப்பினர் இராம. மெய்யப்பன் வரவேற்புரையும், நிரந்தர புத்தகக் காட்சி உறுப்பினர் சு.பிரபாகரன் நன்றியுரையும் ஆற்றுகிறார்கள்.
 

]]>
https://www.dinamani.com/all-editions/edition-chennai/chennai/2019/jan/12/புத்தகக்-கண்காட்சியில்-இன்று-3075325.html
3075324 சென்னை சென்னை தேடித் தேடி... DIN DIN Saturday, January 12, 2019 04:12 AM +0530

விஜயகுமார், துரைப்பாக்கம், 
சென்னை:
இந்த ஆண்டு நான் வாங்கிய புத்தகங்களில் ஆன்மிகப் புத்தகங்கள் அதிகம். சுந்தரர் தேவாரம், சுவாமி சுகபோதானந்தா எழுதிய மனசே ரிலாக்ஸ் ப்ளீஸ், கிருபானந்த வாரியாரின் ஆடியோ சிடிகளை வாங்கியிருக்கிறேன். 
எனக்கு பாரதியாரின் எழுத்துகள், பாரதியைப் பற்றிய எழுத்துகள் மிகவும் பிடிக்கும். எண்ணுவது உயர்வு (பாரதியின் புதிய ஆத்திச்சூடி விளக்கவுரை), பாரதியார் கவிதைகள் ஆகியவற்றை வாங்கியிருக்கிறேன்.
தமிழகத்தின் தலைசிறந்த கவிஞராக அறியப்பட்ட கண்ணதாசன் நல்ல சிந்தனையாளரும் கூட. ஏற்கெனவே சென்ற ஆண்டு அவர் எழுதிய நிறையப் புத்தகங்களை வாங்கினேன். இந்த ஆண்டு அவருடைய மனவாசம், நான் பார்த்த அரசியல், பகவத் கீதை ஆகிய புத்தகங்களை வாங்கியிருக்கிறேன். 
குழந்தைகளுக்காக திருக்குறள் விளக்கவுரை என்ற புத்தகத்தை வாங்கியிருக்கிறேன். சேத்தன் பகத் எழுதிய பட்ங் எண்ழ்ப் ண்ய் தர்ர்ம் 105 தங்ஸ்ர்ப்ன்ற்ண்ர்ய் 2020: கர்ஸ்ங், இர்ழ்ழ்ன்ல்ற்ண்ர்ய், அம்க்ஷண்ற்ண்ர்ய் ஆகிய இரண்டு புத்தகங்களை வாங்கினேன். 
திருக்குறள் பரிமேலழகர் உரை, திருவாசகம் இவையெல்லாம் வாங்க வேண்டும் என்று நினைத்தேன். நேரம் இல்லாததால் வாங்க முடியவில்லை.
இன்று புத்தகக் கண்காட்சியின் இரண்டு வரிசைகளில் உள்ள புத்தக அரங்குகளை மட்டுமே பார்க்க முடிந்தது. எல்லா அரங்குகளையும் பார்க்க இன்னும் இரண்டு நாள்கள் வரவேண்டும். அப்போதுதான் முழுமையாகப் பார்க்க முடியும் என்றார்.
அகிலா, போரூர்,சென்னை:
 நான் தொடர்ந்து எட்டு ஆண்டுகளாக புத்தகக் கண்காட்சிக்கு வருகிறேன். இந்த ஆண்டு நான் படிப்பு சம்பந்தப்பட்ட புத்தகங்களை அதிகம் வாங்கியிருக்கிறேன். டின்பிஎஸ்சி தேர்வு எழுதுவதற்குத் தேவைப்படும் பல விஷயங்களைத் தெரிந்து கொள்வதற்காக தமிழ்நாடு பாடநூல் வாரியம் வெளியிட்டுள்ள பல புத்தகங்களை வாங்கியிருக்கிறேன். டின்பிஎஸ்சி தேர்வு தொடர்பான சில ஆடியோ சி.டி. புத்தகங்களையும் வாங்கியிருக்கிறேன். 
என் மாமியாருக்காக எழுத்தாளர் லக்ஷ்மி எழுதிய நாவல்களை வாங்கியிருக்கிறேன்.
எஸ்.ராமகிருஷ்ணனின் மறைக்கப்பட்ட உண்மைகள், இந்திய வரலாறு, கல்கியின் பொன்னியின் செல்வன், அலை ஓசை ஆடியோ புத்தகங்கள் வாங்கியிருக்
கிறேன். 
ஆடியோ புத்தகங்களை வீட்டு வேலைகளைச் செய்து கொண்டே கேட்க முடியும். இன்னும் சொல்லப் போனால் போட்டித் தேர்வுகளை எழுதுபவர்களுக்குப் பயன்படும் வகையில் நிறைய ஆடியோ புத்தகங்கள் இந்த ஆண்டு புத்தகக் கண்காட்சியில் கிடைக்கின்றன என்றார்.
 

]]>
https://www.dinamani.com/all-editions/edition-chennai/chennai/2019/jan/12/தேடித்-தேடி-3075324.html
3075323 சென்னை சென்னை இது புதுசு! DIN DIN Saturday, January 12, 2019 04:12 AM +0530
சகுந்தலை நிலையம்:
 பன்னிரு திருமுறை (மூலப் பாடல்கள் மட்டும்); பக்.1328; ரூ.1200.
 திருவிளையாடற்புராணம் (மூன்று புத்தகங்கள்) - உரையாசிரியர்: பழ.முத்தப்பன்; பக். 1900; ரூ.1200.
 அருணகிரிநாதர் அருளிய முருகன் பாடல்கள்; பக்.1000; ரூ.500.
ஸ்ரீ ராமகிருஷ்ண மடம்: 
 விவேகானந்தரின் வீரமொழிகள் திரட்டு; ரூ.350
 எளிய தியான பயிற்சிகள்; ரூ.120.
 பாகவதக் கதைகள்; ரூ.100
எதிர் வெளியீடு:
 அன்புள்ள ஏவாளுக்கு - ஆலிஸ் வாக்கர்; தமிழில்: ஷஹிதா; ரூ.350.
 துண்டிக்கப்பட்ட தலையின் கதை - உலகச் சிறுகதைகள்; தொகுப்பும், மொழியாக்கமும்: கார்த்திகைப் பாண்டியன்; ரூ.180.
 ஆரிஜின் - டான் பிரவுன்; ரூ.599
உயிர்மை பதிப்பகம்: 
 96 தனிப்பெருங்காதல் - சி.சரவணகார்த்திகேயன்; ரூ.200.
 மி-டூ சில விமர்சனங்கள் - ஆர்.அபிலாஷ்; ரூ.90.
 மனச்சோர்வு கற்பிதங்களும் உண்மைகளும் - சிவபாலன் இளங்கோவன்; ரூ.70. 
கீழைக்காற்று:
 இலுமினாட்டி - வரலாறும் அரசியலும்-பக்.32; ரூ.40; சென்னை-107.
பாசறை படைப்புகள்:
 புதிய பாசறை (இதழ்களின் தொகுப்பு) - பாரதி 
விஜயன்; பக். 400;ரூ.250.
 

]]>
https://www.dinamani.com/all-editions/edition-chennai/chennai/2019/jan/12/இது-புதுசு-3075323.html
3075322 சென்னை சென்னை காவல்துறை சார்பில் பொங்கல் விழா: டி.ஜி.பி. பங்கேற்பு DIN DIN Saturday, January 12, 2019 04:11 AM +0530 தமிழக காவல்துறையின் சார்பில் சென்னையில் நடைபெற்ற பொங்கல் விழாவில் டிஜிபி தே.க.ராஜேந்திரன் பங்கேற்றார்.
இது குறித்த விவரம்: தமிழக காவல்துறையின் சார்பில் ஆவடி வைஷ்ணவி நகரில் உள்ள தமிழ்நாடு சிறப்புக் காவல் படை வளாகத்தில் பொங்கல் விழா வெள்ளிக்கிழமை நடைபெற்றது. இதற்கு சட்டம் மற்றும் ஒழுங்கு டிஜிபி தே.க.ராஜேந்திரன் தலைமை வகித்து, விழாவை தொடங்கி வைத்தார். 
இந் நிகழ்ச்சியில் ராஜேந்திரன் தனது மனைவி ரோகிணி மற்றும் குடும்பத்தினருடன் பங்கேற்றார்.
விழாவில், காவல்துறை அதிகாரிகள் பொங்கலிட்டனர். பின்னர், தமிழர் கலாசாரத்தை பறைசாற்றும் வகையில் நாட்டுபுற கலை நிகழ்ச்சிகள் நடைபெற்றன.
இந்நிகழ்ச்சியில் சட்டம் மற்றும் ஒழுங்கு ஏடிஜிபி விஜயகுமார், சென்னை பெருநகர காவல்துறை ஆணையர் ஏ.கே.விசுவநாதன், ஏடிஜிபிக்கள் அசுதோஷ் சுக்லா, முகமது ஷகில் அக்தர், அம்ரேஷ் பூஜாரி, அபய்குமார்சிங், ஆபாஷ்குமார் உள்ளிட்ட பல உயர் அதிகாரிகள் பங்கேற்றனர். நிகழ்ச்சியில் காவல்துறை அதிகாரிகள் ஒருவருக்கொருவர் பொங்கல் வாழ்த்துகளைப் பரிமாறிக் கொண்டனர்.
 

]]>
https://www.dinamani.com/all-editions/edition-chennai/chennai/2019/jan/12/காவல்துறை-சார்பில்-பொங்கல்-விழா-டிஜிபி-பங்கேற்பு-3075322.html
3075321 சென்னை சென்னை சென்னையில் 15 இடங்களில் இன்று குடிநீர் வாரிய குறைதீர் கூட்டம் DIN DIN Saturday, January 12, 2019 04:11 AM +0530
சென்னை குடிநீர் வாரியம் சார்பில் 15 இடங்களில் அமைந்துள்ள பகுதி அலுவலகங்களில் குறைதீர் கூட்டம் இன்று நடைபெறுகிறது.
இது தொடர்பாக சென்னை குடிநீர் வாரியம் வெள்ளிக்கிழமை வெளியிட்ட செய்திக்குறிப்பு: 
சென்னை குடிநீர் வாரியம் சார்பில், மாதந்தோறும் 2-ஆவது சனிக்கிழமைகளில் குறைதீர் கூட்டம் நடத்தப்பட்டு வருகிறது. இந்த மாதத்துக்கான குறைதீர் கூட்டம் 15 இடங்களில் அமைந்துள்ள பகுதி அலுவலகங்களில் சனிக்கிழமை காலை 10 முதல் பிற்பகல் 1 மணி வரை நடை பெறும். இதில் பொதுமக்கள் பங்கேற்று, குடிநீர் மற்றும் கழிவுநீர் தொடர்பான பிரச்னைகள், நிலுவையில் உள்ள குடிநீர் மற்றும் கழிவுநீர் இணைப்புகள் தொடர்பாக புகார் தெரிவிக்கலாம். சந்தேகங்களையும் கேட்கலாம்.
கடந்த டிசம்பர் மாதம் நடைபெற்ற குறைதீர் கூட்டத்தில் குடிநீர், கழிவுநீர் தொடர்பாக 34 மனுக்கள் பெறப்பட்டன. இதில் 17 மனுக்கள் மீது நடவடிக்கை எடுக்கப்பட்டு பணிகள் முடிக்கப்பட்டுள்ளன. மீதமுள்ள 17 மனுக்கள் மீது நடவடிக்கை எடுக்கப்பட்டு வருவதாக அதில் கூறப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/12/சென்னையில்-15-இடங்களில்-இன்று-குடிநீர்-வாரிய-குறைதீர்-கூட்டம்-3075321.html
3075320 சென்னை சென்னை கொரட்டூர் ஏரியில் ஆக்கிரமிப்பு செய்தால் குண்டர் சட்டம் பாயும்: ஆட்சியர் எச்சரிக்கை DIN DIN Saturday, January 12, 2019 04:11 AM +0530
சென்னை கொரட்டூர் ஏரியில் ஆக்கிரமிப்பு செய்பவர்கள் மீது குண்டர் சட்டம் பாயும் என மாவட்ட ஆட்சியர் எச்சரிக்கை விடுத்துள்ளார். 
இது தொடர்பாக சென்னை மாவட்ட ஆட்சியர் அ.சண்முகசுந்தரம் வெள்ளிக்கிழமை வெளியிட்ட செய்திக்குறிப்பு: 
சென்னை அம்பத்தூர் வட்டத்தில் உள்ள கொரட்டூர் ஏரியில் இருந்த ஆக்கிரமிப்புகள் கடந்த ஆண்டு அக்டோபர் 12, 13, 17-ஆகிய தேதிகளில் வருவாய்த் துறையினரால் அகற்றப்பட்டன. அந்த நபர்கள் மீது நடவடிக்கை எடுக்க காவல் துறையினரிடம் புகார் அளிக்கப்பட்டுள்ளது. 
இந்த நிலையில் கொரட்டூர் ஏரியில் புதிய ஆக்கிரமிப்புகள் ஏற்பட்டுள்ளதாக அளிக்கப்பட்ட புகார்களின் அடிப்படையில் அவை கடந்த ஜனவரி10-ஆம் தேதி அகற்றப்பட்டன. கொரட்டூர் ஏரியை ஆக்கிரமிப்பு செய்வது சட்டத்துக்கு புறம்பான செயலாகும். நீர்நிலையை ஆக்கிரமிப்பு செய்யும் நபர்கள் மீது இனி வரும் காலங்களில் குண்டர் தடுப்புச் சட்டம் மற்றும் நில அபகரிப்பு சட்டத்தின் கீழ் நடவடிக்கை எடுக்கப்படும் என மாவட்ட நிர்வாகத்தின் சார்பில் எச்சரிக்கை விடப்படுகிறது என அதில் குறிப்பிடப்பட்டுள்ளது.
 

]]>
https://www.dinamani.com/all-editions/edition-chennai/chennai/2019/jan/12/கொரட்டூர்-ஏரியில்-ஆக்கிரமிப்பு-செய்தால்-குண்டர்-சட்டம்-பாயும்-ஆட்சியர்-எச்சரிக்கை-3075320.html
3075319 சென்னை சென்னை பொங்கல் விடுமுறை: ரயில் நிலையங்களில் அலைமோதிய பயணிகள் கூட்டம் DIN DIN Saturday, January 12, 2019 04:10 AM +0530
பொங்கல் பண்டிகையை கொண்டாடுவதற்காக, வெள்ளிக்கிழமை முதலே சென்னையில் இருந்து சொந்த ஊர்களுக்கு ரயில்களில் மக்கள் புறப்பட்டு செல்லத் தொடங்கிவிட்டனர். இதனால், எழும்பூர், சென்ட்ரல், தாம்பரம் ஆகிய ரயில் நிலையங்களில் பயணிகள் கூட்டம் அலைமோதியது.
பொங்கல் பண்டிகை ஜனவரி 15-ஆம் தேதி கொண்டாடப்படுகிறது. இதைமுன்னிட்டு, சனிக்கிழமை (ஜன.12) முதல் வரும் வியாழக்கிழமை (ஜன.17) வரை 6 நாள்கள் அரசு, அலுவலகங்கள், பள்ளி, கல்லூரிகளுக்கு அரசு விடுமுறை அறிவிக்கப்பட்டுள்ளது. இந்நிலையில், பொங்கல் பண்டிகையை கொண்டாடுவதற்காக சென்னையில் இருந்து வெள்ளிக்கிழமை முதல் சொந்த ஊருக்கு மக்கள் புறப்பட்டு செல்லத் தொடங்கினர். இதனால், ரயில் நிலையங்களில் கூட்டம் அலைமோதியது. தமிழகத்தின் மத்திய, தென் மாவட்டங்களுக்கு இயக்கப்படும் பெரும்பாலான ரயில்கள் எழும்பூர் ரயில் நிலையத்தில் இருந்தும், மேற்கு மாவட்டங்களுக்கு செல்லும் பெரும்பாலான ரயில்கள் சென்ட்ரல் ரயில் நிலையத்தில் இருந்தும் புறப்படுகின்றன. இந்த இரண்டு ரயில் நிலையங்களில் வெள்ளிக்கிழமை மாலை முதலே மக்கள் கூட்டம் அதிகரிக்கத்தொடங்கியது. 
எழும்பூரில் இருந்து புறப்படும் பாண்டியன், நெல்லை, பொதிகை, கன்னியாகுமரி, அனந்தபுரி, முத்துநகர், மலைக்கோட்டை உள்பட பல்வேறு விரைவு ரயில்களில் முன்பதிவு பெட்டிகளில் பயணிகள் கூட்டம் முழுமையாக நிரம்பி இருந்தது. இதேபோல, சென்ட்ரலில் இருந்து புறப்பட்ட ரயில்களிலும் கூட்டம் நிரம்பி வழிந்தது. தாம்பரம் ரயில்நிலையத்திலும் மக்கள் கூட்டம் வழக்கத்தைவிட அதிகமாக இருந்தது. விரைவு ரயில்களில் முன்பதிவுசெய்யாத பயணிகள், பொதுப்பெட்டியில் நெரிசலுடன்பயணம் செய்தனர்.


 

]]>
https://www.dinamani.com/all-editions/edition-chennai/chennai/2019/jan/12/பொங்கல்-விடுமுறை-ரயில்-நிலையங்களில்-அலைமோதிய-பயணிகள்-கூட்டம்-3075319.html
3075318 சென்னை சென்னை ரூ.5 லட்சம் லஞ்சம் கேட்டு மிரட்டிய சம்பவம்: காவல் உதவி ஆணையர் மீது வழக்கு DIN DIN Saturday, January 12, 2019 04:10 AM +0530
சென்னையில் ரூ.5 லட்சம் லஞ்சம் கேட்டு மிரட்டிய சம்பவம் தொடர்பாக காவல் உதவி ஆணையர் மீது ஊழல் தடுப்புச் சட்டத்தின் கீழ் லஞ்ச ஒழிப்புத்துறை அதிகாரிகள் வழக்குப் பதிவு செய்தனர். சென்னை பெருநகர காவல்துறையின் தேனாம்பேட்டை உதவி ஆணையராக கடந்த 2017ஆம் ஆண்டு ஜூலையில் இருந்து 2018 மே மாதம் வரை சி.எஸ்.முத்தழகு என்பவர் இருந்தார். இந்நிலையில் கடந்த மே மாதம் தேனாம்பேட்டையில் ஒரு நட்சத்திர ஹோட்டலில் தங்கியிருந்த ரௌடி ராக்கெட் ராஜா உள்பட 5 பேரை போலீஸார் கைது செய்தனர்.
இவ் வழக்கின் அடிப்படையில், சில நாள்களுக்கு பின்னர் ராக்கெட் ராஜா குண்டர் தடுப்புச் சட்டத்தின் கீழ் சிறையில் அடைக்கப்பட்டார். இதற்கிடையே இந்த வழக்கில் தொடர்புடைய பிரகாஷ் என்பவர், தன் மீது போலீஸார் நடவடிக்கை எடுக்காமலிருக்க உதவி ஆணையர் முத்தழகுவை தொடர்புகொண்டு பேசினார்.
இதற்கு முத்தழகு ரூ.5 லட்சம் லஞ்சம் கேட்டதாகக் கூறப்படுகிறது. இது தொடர்பாக முத்தழகும்,பிரகாஷும் செல்லிடப்பேசியில் பேசும் 3 உரையாடல்கள் சமூக ஊடகங்களிலும், ஊடகங்களிலும் வெளியானது தமிழக காவல்துறையையே அதிர்ச்சிக்குள்ளாக்கியது. அந்த உரையாடலில் முத்தழகு, தனக்கு ரூ.5 லட்சம் ஒரு நாள் டீ அருந்தும் பணம் என மிரட்டும் வகையில் பேசியிருந்தது பொதுமக்களிடம் பரபரப்பாகப் பேசப்பட்டது. இச் சம்பவத்தினால் முத்தழகு, கன்னியாகுமரி மாவட்டத்துக்கு பணியிட மாற்றம் செய்யப்பட்டார். பின்னர் அவர், ஆவடி தமிழ்நாடு சிறப்புக் காவல் படைக்கு மாற்றம் செய்யப்பட்டார். முத்தழகு மீது நடவடிக்கை எடுக்க காவல்துறை, உள்துறையிடம் அனுமதி கேட்டிருந்தது.
இதற்கு உள்துறை கடந்த வாரம் அனுமதி வழங்கியது. இதன் அடிப்படையில் முத்தழகு மீது லஞ்ச ஒழிப்புப் பிரிவு அதிகாரிகள், ஊழல் தடுப்புச் சட்டத்தின்கீழ் வெள்ளிக்கிழமை வழக்குப் பதிவு செய்தனர்.

]]>
https://www.dinamani.com/all-editions/edition-chennai/chennai/2019/jan/12/ரூ5-லட்சம்-லஞ்சம்-கேட்டு-மிரட்டிய-சம்பவம்-காவல்-உதவி-ஆணையர்-மீது-வழக்கு-3075318.html
3075317 சென்னை சென்னை பொங்கல்: மாநகரப் பேருந்துகள் 24 மணி நேரமும் இயக்கப்படும் DIN DIN Saturday, January 12, 2019 04:09 AM +0530 பொங்கல் பண்டிகையை முன்னிட்டு சென்னையிலிருந்து வெளியூர்களுக்குச் செல்லும் பயணிகளின் வசதிக்காக, புறநகர் பேருந்துநிலையங்களை எளிதில் சென்றடைந்திடும் வகையில் பல்வேறு பகுதிகளில் இருந்து 250 மாநகரப் பேருந்துகள் 24 மணி நேரமும் இயக்கப்படுகின்றன.
பொங்கல் பண்டிகைக்காக சென்னையிலிருந்து வெளியூர்களுக்கு வெள்ளிக்கிழமை முதல் திங்கள்கிழமை வரை நான்கு நாள்களுக்கு மொத்தமாக 14,263 பேருந்துகள் இயக்கப்பட உள்ளன.
போக்குவரத்து நெரிசலைக் குறைக்கும் வகையில், அந்த ஊர்களுக்கு ஏற்ற வகையில் இந்தப் பேருந்துகள் அனைத்தும் சென்னை கோயம்பேடு, மாதவரம் புதிய பேருந்துநிலையம், தாம்பரம் ரயில்நிலையப் பேருந்து நிறுத்தம், தாம்பரம் புதிய பேருந்து நிலையம், பூந்தமல்லி பேருந்து நிலையம், கே.கே.நகர் பேருந்துநிலையம் ஆகிய இடங்களில் இருந்து இயக்கப்பட உள்ளன. 
24 மணி நேர மாநகரப்பேருந்து வசதி: இந்த நிலையில், பொங்கல் பண்டிகைக்கு வெளியூர் செல்லும் பயணிகள் எளிதாக இந்த புறநகர் பேருந்து நிலையங்களை சென்றடைய வசதியாக வழக்கமாக இயக்கப்படும் மாநகரப் பேருந்துகளுடன், 250 பேருந்துகள் 24 மணி நேரம் இயக்கப்பட்டு வருகின்றன என மாநகரப் போக்குவரத்துக்கழக செய்திக்குறிப்பில் தெரிவிக்கப்பட்டுள்ளது.

]]>
https://www.dinamani.com/all-editions/edition-chennai/chennai/2019/jan/12/பொங்கல்-மாநகரப்-பேருந்துகள்-24-மணி-நேரமும்-இயக்கப்படும்-3075317.html
3074568 சென்னை சென்னை ரூ.73 கோடியில் நகர் நிர்வாக அலுவலக வளாகக் கட்டடம்: முதல்வர் திறந்து வைத்தார் DIN DIN Friday, January 11, 2019 04:36 AM +0530
சென்னை சாந்தோம் நெடுஞ்சாலை எம்.ஆர்.சி. நகரில் கட்டப்பட்ட நகர் நிர்வாக அலுவலக வளாகக் கட்டடத்தை முதல்வர் பழனிசாமி வியாழக்கிழமை திறந்து வைத்தார். நகராட்சி நிர்வாக ஆணையரகம், பேரூராட்சிகள் இயக்ககம் ஆகியன இந்தக் கட்டடங்களில் செயல்பட உள்ளன.
தமிழகம் முழுவதும் சென்னையைத் தவிர்த்து 11 மாநகராட்சிகள், 124 நகராட்சிகளில் செயல்படுத்தப்பட்டு வரும் திட்டப் பணிகளுக்கு ஒருங்கிணைப்பு அலுவலகமாக நகராட்சி நிர்வாக ஆணையரகம் செயல்பட்டு வருகிறது. இதேபோன்று, பேரூராட்சி திட்டப் பணிகளை பேரூராட்சிகள் இயக்ககம் இயக்கி வருகிறது.
சென்னை சேப்பாக்கம் எழிலகத்தில் நகராட்சி நிர்வாக அலுவலகமும், குறளகம் வளாகத்தில் பேரூராட்சிகள் இயக்ககமும் செயல்பட்டு வந்தன. இந்த அலுவலகங்களில் ஆய்வுக் கூட்டங்களை நடத்துவதற்குப் போதிய கூட்டரங்குகள் உள்ளிட்ட வசதிகள் இல்லாமல் இருந்து வந்தன. இந்தச் சூழ்நிலையில், நகராட்சி நிர்வாகம், பேரூராட்சிகள் இயக்ககம் ஆகியவற்றுக்கு அனைத்து வசதிகளுடன் கூடிய புதிய கட்டடம் சென்னை சாந்தோம் நெடுஞ்சாலை எம்.ஆர்.சி. நகரில் கட்டப்பட்டது. ரூ.73 கோடி செலவில் கட்டப்பட்ட இந்தப் புதிய கட்டடத்தை முதல்வர் எடப்பாடி கே.பழனிசாமி வியாழக்கிழமை திறந்து வைத்தார்.
இந்தக் கட்டடம் 11 ஆயிரம் சதுரமீட்டர் பரப்பில் தரை மற்றும் 11 தளங்களுடன் இயங்கி வருகிறது. இந்தப் புதிய கட்டடத்தின் ஒவ்வொரு தளமும் சராசரியாக ஆயிரம் சதுர மீட்டர் பரப்பு கொண்டது. இந்தக் கட்டடத்தின் தரைதளத்தில் இருக்கை வசதியுடன் கூடிய உணவகம், முதல் தளத்தில் கருத்தரங்கக் கூடம், ஆறாம் தளத்தில் ஆய்வு கூட்ட அரங்கு, காணொலி கூட்ட அரங்கு, பயிற்சி அரங்குகள் அமைக்கப்பட்டுள்ளன.
ஏழாம், எட்டாம் தளங்களில் பேரூராட்சிகள் இயக்கக அலுவலகமும், ஒன்பது, பத்து மற்றும் 11-ஆம் தளங்களில் நகராட்சி நிர்வாக அலுவலகமும் செயல்படும். இந்த நிகழ்ச்சியில், துணை முதல்வர் ஓ.பன்னீர்செல்வம், அமைச்சர் எஸ்.பி.வேலுமணி உள்ளிட்ட பல்வேறு அமைச்சர்கள், எம்.எல்.ஏ.,க்கள், எம்.பி.,க்கள் தலைமைச் செயலாளர் கிரிஜா வைத்தியநாதன். நகராட்சி நிர்வாகம் மற்றும் குடிநீர் வழங்கல் துறை முதன்மைச் செயலாளர் ஹர்மந்தர் சிங், நகராட்சி நிர்வாக ஆணையாளர் பிரகாஷ் உள்ளிட்ட பலரும் கலந்து கொண்டனர்.


 

]]>
https://www.dinamani.com/all-editions/edition-chennai/chennai/2019/jan/11/ரூ73-கோடியில்-நகர்-நிர்வாக-அலுவலக-வளாகக்-கட்டடம்-முதல்வர்-திறந்து-வைத்தார்-3074568.html
3074567 சென்னை சென்னை வன்முறையைத் தவிர்க்க மத நல்லிணக்க உரையாடல் தேவை: அமைச்சர் பாண்டியராஜன் வலியுறுத்தல் DIN DIN Friday, January 11, 2019 04:35 AM +0530
வன்முறையைத் தவிர்க்க மத நல்லிணக்க உரையாடல் இன்றைய தேவையாக உள்ளது என்று தமிழ் வளர்ச்சித் துறை அமைச்சர் க.பாண்டியராஜன் தெரிவித்தார். 
டெவலப்பர்ஸ் இந்தியா அமைப்பு சார்பில், குருநானக்தேவின் 550-ஆவது ஆண்டு விழா சென்னையில் உள்ள ரஷ்ய கலாசார மையத்தில் வியாழக்கிழமை நடைபெற்றது. இதில், சிறப்பு விருந்தினராக தமிழ் வளர்ச்சித் துறை அமைச்சர் கே.பாண்டியராஜன் கலந்துகொண்டார்.
நிகழ்ச்சியில், கர்நாடக இசை கலைஞர் அருணா சாய்ராமுக்கு துடிப்பான இந்தியர் விருதை அமைச்சர் க.பாண்டியராஜன் வழங்கினார். பின்னர் அவர் பேசியது: 
தமிழகத்தில் 6-ஆம் நூற்றாண்டில் 100-க்கு 40 சமணர்களும், 100-க்கு 40 பௌத்தர்களும் இருந்தனர். அதன்பிறகு, மிகப்பெரிய வன்முறை நடந்துள்ளது. இப்போது, அவர்களின் எண்ணிக்கை மிக குறைவாக உள்ளது. அந்த காலக்கட்டத்தில், மதத்தின் பெயரால் வன்முறை நடந்துள்ளது. 
இன்றைய சூழலில் போர், வன்முறையை தவிர்க்க மத நல்லிணக்கம் முக்கியமாக இருக்கிறது. வெவ்வேறு வகையான தீவிரவாதம் தலைதூக்கி நிற்கும் காலகட்டத்தில், மத நல்லிணக்க உரையாடல் மிகவும் கடினமானதாக இருக்கிறது. மத நல்லிணக்க உரையாடலில், எல்லாரும் ஒன்றாக கூடுவது, கருத்துகளைப் பரிமாறுவது போன்றவை முக்கிய தேவையாக இருக்கிறது. 
எல்லா மதங்களில் உள்ள வேற்றுமைகளைவிட நமக்குள் இருக்கும் ஒற்றுமைகளை தெரிந்து கொள்ளவேண்டும். நமது அடையாளங்களை தெரிந்துகொள்ள வேண்டும். ஆழமாக புரிதல் வர வேண்டும். மத நல்லிணக்க உரையாடல் முயற்சியை வளர்க்க வேண்டும் என்றார் அவர்.


 

]]>
https://www.dinamani.com/all-editions/edition-chennai/chennai/2019/jan/11/வன்முறையைத்-தவிர்க்க-மத-நல்லிணக்க-உரையாடல்-தேவை-அமைச்சர்-பாண்டியராஜன்-வலியுறுத்தல்-3074567.html