Dinamani - கிருஷ்ணகிரி - https://www.dinamani.com/all-editions/edition-dharmapuri/krishnagiri/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3235462 தருமபுரி கிருஷ்ணகிரி மத்தூரில் 8 கடைகளில் திருட்டு DIN DIN Monday, September 16, 2019 03:00 AM +0530
மத்தூரில் சனிக்கிழமை இரவு 8 கடைகளின் பூட்டை உடைத்து பணம், பொருள்களை திருடிச் சென்றனர்.
மத்தூர் பேருந்து நிலையத்தில் மாவட்ட வளர்ச்சி குழும வணிக வளாகக் கட்டடத்தில் உள்ள 5 கடைகளின் பூட்டை உடைத்து பொருள்கள், பணத்தை மர்ம நபர்கள் திருடிச் சென்றனர். 
இதேபோல் மத்தூர் சின்ன ஏரி அருகே உள்ள 2 டாஸ்மாக் கடைகள், பார்களின் பூட்டை உடைக்கப்பட்டுள்ளது. மேலும், தருமபுரி புறவழிச் சாலையில் உள்ள பாஸ்கர் என்பவரின் பேக்கரி கடையின் பூட்டை மர்ம நபர்கள் உடைத்துள்ளனர். மத்தூரில் சனிக்கிழமை இரவு 8 கடைகளில் திருட்டு சம்பவம் நிகழ்ந்துள்ளது பொதுமக்களை அச்சத்தில் ஆழ்த்தியுள்ளது. இதுகுறித்து மத்தூர் போலீஸார் விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/16/மத்தூரில்-8-கடைகளில்-திருட்டு-3235462.html
3235461 தருமபுரி கிருஷ்ணகிரி சூளகிரி அருகே நாட்டுத்துப்பாக்கியுடன் சுற்றிய 5 பேர் கைது DIN DIN Monday, September 16, 2019 02:59 AM +0530
சூளகிரி அருகே வனப்பகுதியில் நாட்டுத்துப்பாக்கியுடன் சுற்றித் திரிந்த 5 பேரை போலீஸார் கைது செய்தனர்.   
சூளகிரி காவல் ஆய்வாளர் யுவராஜ் மற்றும் போலீஸார் சின்னாறு வனப்பகுதியில் ரோந்து பணியில் ஈடுபட்டனர். அப்போது, அங்கு சந்தேகத்திற்கு இடம் அளிக்கும் வகையில் 5 பேர் நின்று கொண்டிருந்தனர். அவர்களை போலீஸார் சோதனை செய்த போது கையில் நாட்டுத்துப்பாக்கி ஒன்று வைத்திருந்தது தெரிய வந்தது. 
விசாரணையில் அந்த துப்பாக்கி அனுமதியின்றி வைத்திருந்ததும், வன விலங்குகளை வேட்டையாட வைத்திருப்பதும் தெரிய வந்தது. இதுதொடர்பாக சூளகிரி மேலுமலை அருகே உள்ள சிகலப்பள்ளியைச் சேர்ந்த வெங்கடேஷ் (35), சாமல்பள்ளம் செல்வகுமார் (22), சின்னகானப்பள்ளி கோவிந்தராஜ் (25), சாமல்பள்ளம் பழனி (27), கிருஷ்ணகிரி ஆலப்பட்டி அருள் (26) ஆகிய 5 பேரை கைது செய்தனர். அவர்களிடமிருந்த நாட்டுத்துப்பாக்கி பறிமுதல் செய்யப்பட்டது.
 

]]>
https://www.dinamani.com/all-editions/edition-dharmapuri/krishnagiri/2019/sep/16/சூளகிரி-அருகே-நாட்டுத்துப்பாக்கியுடன்-சுற்றிய-5-பேர்-கைது-3235461.html
3235460 தருமபுரி கிருஷ்ணகிரி ஜவுளிக் கடையில் திருடிய 5 பெண்கள் கைது DIN DIN Monday, September 16, 2019 02:59 AM +0530
நாகரசம்பட்டி அருகே ஜவுளிக் கடையில் திருடியதாக 5 பெண்களை போலீஸார் சனிக்கிழமை கைது செய்தனர்.
நாகரசம்பட்டி அருகே உள்ள அகரம் கிராமத்தைச் சேர்ந்தவர் திவ்யா(33). இவர் அப் பகுதியில் ஜவுளி மற்றும் பேன்சி கடை நடத்தி வருகிறார். இந்த நிலையில், அவரது கடைக்கு வந்த 5 பெண்கள், பொருள்களை வாங்குவது போல நடித்து, அங்குள்ள துணிகள், அலங்கார பொருள்களை திருடினர். இதை கவனித்த கடை ஊழியர், பொது மக்களின் உதவியுடன் அவர்களைப் பிடித்து காவல் நிலையத்தில் ஒப்படைத்தனர். விசாரணையில் அவர்கள் பர்கூர் அருகே உள்ள பாலிநாயனப்பள்ளியை அடுத்த அழகியபுதூர் கிராமத்தைச் சேர்ந்த கண்ணம்மா(70), கல்யாணி(36), கீதா(45), சுஜாதா(35), சுமதி(39) என தெரியவந்தது. மேலும், அவர்களிடமிருந்து சுடிதார்கள், ஆயத்த ஆடைகள், சேலைகள், என மொத்தம் ரூ.14 ஆயிரம் மதிப்பிலான பொருள்களை பறிமுதல் செய்தனர். இதுகுறித்து நாகரசம்பட்டி போலீஸார் வழக்குப் பதிந்து 5 பேரையும் கைது செய்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/16/ஜவுளிக்-கடையில்-திருடிய-5-பெண்கள்-கைது-3235460.html
3234669 தருமபுரி கிருஷ்ணகிரி சூளகிரி ஒன்றியத்தில் குடிமராமத்து பணிகள்: ஆட்சியர் ஆய்வு DIN DIN Sunday, September 15, 2019 03:28 AM +0530
சூளகிரி ஒன்றியம் பெரியபேடப்பள்ளி ஊராட்சியில் குடிமராமத்து பணிகளை ஆட்சியர் டாக்டர் சு.பிரபாகர் ஆய்வு செய்தார்.
சூளகிரி ஒன்றியம் பெரியபேடப்பள்ளி ஊராட்சியில் 10.50 ஏக்கர் பரப்பளவு கொண்ட ஏரி உள்ளது. இந்த ஏரியில் ரூ.5 லட்சம் மதிப்பில் குடிமராமத்து திட்டத்தின் கீழ் தூர்வாரப்பட்டு பணிகள் முடிவடைந்துள்ளன. இதே போல சொரக்காயலுப்பள்ளி கிராமத்தில் 2.50 ஏக்கர் பரப்பளவு கொண்ட குளம் உள்ளது. இது ரூ.1 லட்சம் மதிப்பில் தூர்வாரப்பட்டுள்ளது. இந்த பணிகளை ஆட்சியர் பார்வையிட்டு ஆய்வு செய்தார்.
பின்னர் செய்தியாளர்களிடம் அவர் கூறியது: தமிழக முதல்வரின் சிறப்பு திட்டமான  குடிமராமத்து பணிகள் நமது மாவட்டத்தில் மொத்தம் 100 ஏரிகள், 325 குளம், குட்டைகள் தூர்வாரும் பணி நடைபெற்று வருகிறது. தற்போது கூடுதலாக 100 ஏரிகள் தூர்வாரும் பணி மேற்கொள்ள தமிழக முதல்&அமைச்சர் அனுமதி வழங்கி உள்ளார். 200 ஏரிகள் 325 குளம், குட்டைகள் என மொத்தம் 525 பணிகள் வடகிழக்கு பருவமழைக்கு முன்பாக முடிக்க நடவடிக்கை எடுக்கப்பட்டு வருகிறது.  
தற்போது சூளகிரி ஒன்றியத்திற்குள்பட்ட  இம்மிடிநாயகனப்பள்ளி, மருதாண்டப்பள்ளி, துப்புகானப்பள்ளி, கானலட்டி, உள்ளட்டி, சாமனப்பள்ளி, பீர்ஜேப்பள்ளி, கொம்மேப்பள்ளி, ஆலூர், அத்திமுகம் ஆகிய 10 ஊராட்சிகளில் தலா ரூ.5 லட்சம் மதிப்பில் ஏரி தூர்வாரும் பணிகளும் 34 குளம், குட்டைகளில் தலா ரூ. 1 லட்சம் மதிப்பில் பணிகள் நடைபெற்று வருகிறது என்றார்.
தொடர்ந்து அந்த பகுதி விவசாயிகளிடம் ஏரி தூர்வாரப்பட்ட பணிகளையும், கால்வாய்களில் நீர்வரத்து குறித்து கேட்டறிந்தார். மேலும், அக்கிராமத்தில் உள்ள அங்கன்வாடி மையத்தை பார்வையிட்டு  மையத்தில் குடிநீர் வசதி, கழிப்பறை வசதி மற்றும் மின்வசதி அமைக்கப்பட்டுள்ளதை ஆய்வு செய்தார். தொடர்ந்து அங்குள்ள பொதுமக்களிடம்  சாலை வசதி, பேருந்து வசதி, தெருவிளக்கு, ரேஷன் கடையில் பொருட்கள் வழங்கப்படுவது குறித்து கேட்டறிந்தார். 
முன்னதாக குருபரப்பள்ளி அரசு ஆரம்ப சுகாதார நிலைத்தில் ஆய்வு மேற்கொண்ட ஆட்சியர் சிகிச்சைக்கு வந்தவர்களிடம் சிகிச்சை அளிப்பது குறித்தும், மருத்துவர்கள் வருகை குறித்தும், மருந்து இருப்புகள் குறித்து கேட்டறிந்தார்.
ஆய்வின் போது டி.எஸ்.பி. நல்லசிவம், வட்டார வளர்ச்சி அலுவலர்கள் விமல்ரவிகுமார், ராம்சந்திரன் செய்தி மக்கள் தொடர்பு அலுவலர் சேகர் ஆகியோர் உடன் இருந்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/15/சூளகிரி-ஒன்றியத்தில்-குடிமராமத்து-பணிகள்-ஆட்சியர்-ஆய்வு-3234669.html
3234668 தருமபுரி கிருஷ்ணகிரி நன்செய் நில ஆக்கிரமிப்பு: 1077 எண்ணில் புகாரளிக்கலாம் DIN DIN Sunday, September 15, 2019 03:27 AM +0530
கிருஷ்ணகிரி மாவட்டத்தில் நன்செய் நிலங்கள் ஆக்கிரமிப்பு தொடர்பாக தகுந்த ஆதாரங்களுடன் 1077 என்ற தொலைபேசி எண்ணில் புகாரளிக்க அறிவுறுத்தப்பட்டுள்ளது. 
இதுகுறித்து மாவட்ட ஆட்சியர் சு.பிரபாகர் சனிக்கிழமை வெளியிட்ட செய்திக் குறிப்பு:சென்னை உயர் நீதிமன்ற உத்தரவின் பேரில், கிருஷ்ணகிரி மாவட்டத்தில் நன்செய் நில ஆக்கிரமிப்பு தொடர்பாக ஆதாரங்களுடன் பொதுமக்கள் புகார் அளிக்கலாம். இதுகுறித்து மேலும், மாவட்ட ஆட்சியர் அலுவலக கட்டுப்பாட்டு அறையில் இயங்கி வரும் கட்டணமில்லா தொலைபேசி 1077 என்ற எண்ணில் தொடர்பு கொண்டு புகார் தெரிவிக்கலாம் என அதில் அவர் தெரிவித்துள்ளார்.
 

]]>
https://www.dinamani.com/all-editions/edition-dharmapuri/krishnagiri/2019/sep/15/நன்செய்-நில-ஆக்கிரமிப்பு-1077-எண்ணில்-புகாரளிக்கலாம்-3234668.html
3234667 தருமபுரி கிருஷ்ணகிரி சரக விளையாட்டு போட்டி: அரசம்பட்டி ஸ்ரீ ராமகிருஷ்ணா பள்ளி சிறப்பிடம் DIN DIN Sunday, September 15, 2019 03:27 AM +0530
காவேரிப்பட்டணம் சரக விளையாட்டு போட்டியில் அரசம்பட்டி ஸ்ரீ ராமகிருஷ்ணா மெட்ரிக் மேல்நிலைப் பள்ளி மாணவர்கள் சிறப்பிடம் பெற்றனர்.
பல்வேறு விளையாட்டு போட்டிகளில் பங்கேற்று முதல் முன்று இடங்களில் இப் பள்ளி மாணவ, மாணவிகள் வெற்றி பெற்றனர். பயிற்சி அளித்த உடல் கல்வி ஆசிரியர் உள்ளிட்டோரை பள்ளியின் தாளாளர் ரஞ்சித்குமார், முதல்வர் வெங்கடேசன், கீதா ரஞ்சித் குமார், கல்வி ஆலோசகர் ஜி.மாதேஷ், கணினி ஆசிரியர் சக்திவேல், அலுவலகப் பொறுப்பாளர் வனிதா உள்ளிட்டோர் பாராட்டினர்.

]]>
https://www.dinamani.com/all-editions/edition-dharmapuri/krishnagiri/2019/sep/15/சரக-விளையாட்டு-போட்டி-அரசம்பட்டி-ஸ்ரீ-ராமகிருஷ்ணா-பள்ளி-சிறப்பிடம்-3234667.html
3234665 தருமபுரி கிருஷ்ணகிரி திமுக இளைஞரணி உறுப்பினர்கள் சேர்க்கை முகாம் DIN DIN Sunday, September 15, 2019 03:27 AM +0530
கிருஷ்ணகிரி மாவட்டம், ஊத்தங்கரையில் திமுக இளைஞரணி உறுப்பினர்கள் சேர்க்கை முகாம் நான்கு முனை சாலை சந்திப்பு அருகே சனிக்கிழமை நடைபெற்றது.
 இந் நிகழ்ச்சிக்கு வடக்கு ஒன்றியச் செயலாளர் செல்வம் தலைமை வகித்தார், தெற்கு ஒன்றிய செயலாளர் சாமிநாதன், நகர செயலாளர் பாபு சிவகுமார், மாவட்ட இளைஞரணி செயலாளர் ரஜினி செல்வம், துணை அமைப்பாளர்கள் குமரேசன்,கார்த்திகேயன், மாவட்ட மருத்துவர் அணி  அமைப்பாளர்  மாலதி நாராயணசாமி, மாவட்ட துணைச் செயலாளர் சந்திரன் ஆகியோர் முன்னிலை வகித்தனர். சிறப்பு அழைப்பாளராக மாவட்டச் செயலாளர் செங்குட்டுவன், முன்னாள் மக்களவை உறுப்பினர் சுகவனம் ஆகியோர் கலந்து கொண்டு சிறப்புரையாற்றினர். இளைஞரணி சார்பில் புதிய உறுப்பினர்கள் சேர்க்கப்பட்டனர், இதில் ராமகிருஷ்ணன் ,அசோக்குமார், சித்திக், மற்றும் ஒன்றிய நகர கிளை கழக நிர்வாகிகள் பலர் கலந்துக்கொண்டனர்.
பென்னாகரத்தில்... பென்னாகரத்தில் திமுக இளைஞர் அணியில் புதிய உறுப்பினர்கள் சேர்க்கை முகாம் நடைபெற்றது.
பென்னாகரம்  தொகுதி சட்டப்பேரவை உறுப்பினர் பி.என்.பி.இன்பசேகரன் முகாமை சனிக்கிழமை தொடக்கிவைத்தார். பென்னாகரம் நகரச் செயலாளர் வீரமணி தலைமை வகித்தார். பென்னாகரம் ஒன்றியச் செயலாளர் செல்வராஜ், ஏரியூர் ஒன்றியச் செயலாளர் செல்வராஜ் ஆகியோர் முன்னிலை வகித்தனர். மாவட்ட பிரதிநிதி சிவக்குமார்,பொதுக்குழு உறுப்பினர் சண்முகம், பூவண்ணன், தங்கவேல் உள்ளிட்ட தி.மு.க நிர்வாகிகள் கலந்து கொண்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/15/திமுக-இளைஞரணி-உறுப்பினர்கள்-சேர்க்கை-முகாம்-3234665.html
3234664 தருமபுரி கிருஷ்ணகிரி கிருஷ்ணகிரியில் 7-ஆவது பொருளாதார கணக்கெடுப்பு களப் பணியாளர்களுக்கு பயிற்சி DIN DIN Sunday, September 15, 2019 03:26 AM +0530
கிருஷ்ணகிரியில் 7-ஆவது பொருளாதார கணக்கெடுப்பு களப் பணியாளர்களுக்கான பயிற்சியை மாவட்ட வருவாய் அலுவலர் எஸ்.சாந்தி அண்மையில் தொடக்கிவைத்தார்.
கிருஷ்ணகிரி மாவட்ட ஆட்சியர் அலுவலகக் கூட்ட அரங்கில் 7-ஆவது பொருளாதார கணக்கெடுப்பு களப் பணியாளர்களுக்கான பயிற்சி நடைபெற்றது. இந்த பொருளாதார கணக்கெடுப்பு மத்திய அரசாங்கத்தின் புள்ளியியல் துறை மற்றும் திட்ட அமலாக்கம் துறையால் நடத்தப்படுகிறது. 
கிருஷ்ணகிரி மாவட்ட வருவாய் அலுவலர் எஸ்.சாந்தி, தலைமையில் மாவட்ட ஒருங்கிணைப்பு குழு அமைக்கப்பட்டு இந்தக் குழுவின் ஒருங்கிணைப்பாளராக மாவட்ட புள்ளியியல் துணை இயக்குநர், உறுப்பினர்களாக மாவட்டத்தில் உள்ள அனைத்து துறை தலைவர்களும் உள்ளனர்.   பொருளாதார கணக்கெடுப்புக்காக மத்திய அரசால் பிரத்யோகமாக செல்போன் செயலி வடிவமைக்கப்பட்டுள்ளது. இந்த செயலியைக் கொண்டு கணக்கெடுப்பாளர்கள் நேரடியாக களத்துக்கு சென்று தகவல்களை இணைய வழியாக சேகரித்து கணக்கெடுப்பு பணியை மேற்கொண்டு வருகிறார்கள். முதல் முறையாக கணினி வழி இணையதள செயலிகளைக் கொண்டு கணக்கெடுப்பு பணி மேற்கொள்ளப்படுவதால் இதில் சேகரிக்கப்படும் விவரங்கள் துல்லியமாக இருக்கும்.
இதற்கான பயிற்சியை தொடக்கிவைத்து மாவட்ட வருவாய் அலுவலர் எஸ்.சாந்தி, பேசியது: 
7-ஆவது பொருளாதார கணக்கெடுப்பு நாட்டின் பொருளாதார வளர்ச்சிக்கு அடிப்படையாக உள்ள தேசிய முக்கியத்துவம் வாய்ந்த ஒரு கணக்கெடுப்பாகும். எனவே, சரியான புள்ளி விவரங்களை கொடுத்து, போதுமான ஒத்துழைப்பு வழங்குமாறு கேட்டுக் கொள்கிறேன். 
இந்தப் பயிற்சிக்கு புள்ளியத் துறை இயக்குநர் குப்புசாமி தலைமை வகித்தார். தேசிய புள்ளியல் நிறுவனம் முதுநிலை புள்ளியியல் அலுவலர் மதிவாணன் பயிற்சி அளித்தார். இந்த பயிற்சியை பொது சேவை மைய மாவட்ட மேலாளர் செபாஸ்டியன் ஒருங்கிணைத்தார்.

]]>
https://www.dinamani.com/all-editions/edition-dharmapuri/krishnagiri/2019/sep/15/கிருஷ்ணகிரியில்-7-ஆவது-பொருளாதார-கணக்கெடுப்பு-களப்-பணியாளர்களுக்கு-பயிற்சி-3234664.html
3234662 தருமபுரி கிருஷ்ணகிரி பள்ளிக்கு ரூ.8 லட்சத்தில் கணினி ஆய்வகம் DIN DIN Sunday, September 15, 2019 03:26 AM +0530
வேலூர் புனித மரியன்னை மேல்நிலைப் பள்ளிக்கு ரூ.8 லட்சத்தில் கணினி ஆய்வகத்தை ஐ.வி.டி.பி. தொண்டு நிறுவனம் அண்மையில் நன்கொடையாக வழங்கியது.
வேலூர் மாவட்டம், வேலூர் புனித மரியன்னை மேல்நிலைப் பள்ளி சலேசியசபை ஏழை மாணவிகளுக்கு 90 ஆண்டுகளாக சிறந்த கல்வி சேவையை வழங்கி வருகிறது. கணினிமயமான இந்த நவீன காலத்தில் மாணவிகளுக்கு கணினி அறிவியல் கற்பிக்க போதிய கணினிகள் இல்லை என்பதால், கணினி ஆய்வகம் வேண்டும் என பள்ளியின் தாளாளர் கிறிஷ்டினா, ஐ.வி.டி.பி. தொண்டு நிறுவனத்தின் தலைவர் ராமன் மகசேசே குழந்தை பிரான்சிஸிடம் உதவி கோரினார்.
இதை ஏற்று, ரூ.8 லட்சம் மதிப்பில் ஸ்மாட் போர்டு வகுப்புறையுடன் 30 கணினிகள் கொண்ட ஆய்வகத்தை நன்கொடை வழங்கப்பட்டது. இதுவரையில் ஐ.வி.டி.பி. தொண்டு நிறுவனம், பல கணினி ஆய்வகத்துக்காக  ரூ.1.50 கோடி நன்கொடையாக வழங்கி உள்ளது. 

]]>
https://www.dinamani.com/all-editions/edition-dharmapuri/krishnagiri/2019/sep/15/பள்ளிக்கு-ரூ8-லட்சத்தில்-கணினி-ஆய்வகம்-3234662.html
3234661 தருமபுரி கிருஷ்ணகிரி கொடியாளம் அணையிலிருந்து 20 ஏரிகளுக்கு தண்ணீர் நிரப்ப வலியுறுத்தல் DIN DIN Sunday, September 15, 2019 03:26 AM +0530
கொடியாளம் அணையில் இருந்து ஒசூர் ஒன்றியத்தில் உள்ள ஏரிகளுக்கு தண்ணீரை நிரப்ப தமிழக அரசு நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர். 
கர்நாடக மாநிலம், ஒரத்தூர் ஏரியில் இருந்து வரும் தண்ணீரை கொடியாளம் அணையில் இருந்து பாகலூர் வழியாக கெலவரப்பள்ளி அணைக்கு வரும் தண்ணீரை பாகலூர் அருகே உள்ள 20 ஏரிகளுக்கு நிரப்ப வேண்டும் என பாகலூர் மற்றும் சூடாபுரம் கிராமத்தைச் சேர்ந்த விவசாயிகள் கோரிக்கை விடுத்துள்ளனர். 
இதுகுறித்து தமிழக அரசுக்கு கடந்த 20 ஆண்டுகளுக்கு மேலாக கோரிக்கை விடுத்து வந்தனர். இந்நிலையில் கிருஷ்ணகிரியில் நடைபெற்ற எம்.ஜி.ஆர் நூற்றாண்டு விழா பொதுக் கூட்டத்தில் பேசிய தமிழக முதல்வர் கொடியாளம் அணையில் இருந்து வரும் மழை நீரை அருகில் உள்ள 20 ஏரிகளுக்கு நிரப்ப நடவடிக்கை எடுக்கப்படும் என அறிவித்தார். 
இந்த அணையில் இருந்து வரும் தண்ணீர் ஒசூர் கெலவரப்பள்ளி அணையில் இருந்து தென்பெண்ணை ஆற்றில்   கிருஷ்ணகிரி, திருவண்ணாமலை, விழுப்புரம் உள்ளிட்ட பல மாவட்டங்கள் விவசாயத்துக்கு  பயன்பட்டாலும், கர்நாடக மாநிலத்தில் இருந்து நுழையும் கொடியாளத்தைச் சுற்றியுள்ள ஏரிகளுக்கு தண்ணீர் நிரப்பினால் இங்குள்ள விவசாயிகளுக்கு மிகவும் பயனுள்ளதாக இருக்கும் எனவும், இதனால் கடந்த 20 ஆண்டுகளாக மழை இல்லாமல் விவசாயம் பொய்த்துபோய் உள்ளதாகவும், நிலத்தடி நீர்மட்டம் 1200 அடிக்கு கீழ் சென்றுவிட்டதால் விவசாயம் செய்ய முடியவில்லை எனவும் விவசாயிகள் கவலை தெரிவித்தனர்.
இதுகுறித்து பாகலூர் மற்றும் அதனைச் சுற்றியுள்ள கிராம விவசாயிகள் ஒருங்கிணைந்து மாவட்ட ஆட்சியருக்கு அனுப்பிய மனு விவரம்:
கொடியாளம் அணையில் இருந்து தண்ணீரை பாகலூர், சூடாபுரம், ஈச்சாங்கூர், பட்டாலம்மன் ஏரி, சொக்கநாதபுரம் ஏரி, படுதேப்பள்ளி ஏரி, பெலத்தூர் ஏரி, சொக்கரசனப்பள்ளி உள்ளிட்ட பல்வேறு ஏரிகளுக்கு தண்ணீர் நிரப்புவதன் மூலம் சுமார் 3 ஆயிரம் ஹெக்டேர் நிலப்பரப்பில் விவசாயம் செய்ய முடியும். இதனால் நிலத்தடி நீர்மட்டம் உயரும் எனத் தெரிவித்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/15/கொடியாளம்-அணையிலிருந்து-20-ஏரிகளுக்கு-தண்ணீர்-நிரப்ப-வலியுறுத்தல்-3234661.html
3233807 தருமபுரி கிருஷ்ணகிரி அரசுப் பள்ளி மாணவர்களுக்கு பாராட்டு விழா DIN DIN Saturday, September 14, 2019 03:12 AM +0530 சரக அளவிலான விளையாட்டுப் போட்டிகளில் வெற்றிபெற்ற  ஊத்தங்கரை அரசு ஆண்கள் மேல்நிலைப் பள்ளி மாணவர்கள் மற்றும் பயிற்சி அளித்த உடற்கல்வி இயக்குநர் ம.கோபிநாத் ஆகியோருக்கான பாராட்டு விழா வெள்ளிக்கிழமை நடைபெற்றது.
நிகழ்ச்சிக்கு  தலைமை ஆசிரியர் (பொ) கா.இராஜேந்திரன் தலைமை வகித்தார். உதவி தலைமை ஆசிரியர்கள் ந.கண்ணதாசன், மா.நிர்மலா கு.கணேசன் ஆகியோர் முன்னிலை வகித்தனர்.
சரக அளவிலான விளையாட்டுப் போட்டிகளில், ஊத்தங்கரை அரசு ஆண்கள் மேல்நிலைப் பள்ளி மாணவர்கள் கூடைப்பந்து, கபடி, கோ-கோ போன்ற விளையாட்டுகளில் சிறப்பிடம் பெற்றனர். மேலும், தடகளப் போட்டிகளிலும் பங்கேற்று 100 மீ, 200 மீ, 400 மீ, 1,500 மீ. ஓட்டம், நீளம் தாண்டுதல், உயரம் தாண்டுதல் ஆகிய போட்டிகளிலும் சிறப்பிடம் பெற்றனர். இதில், இளையோர் பிரிவில் எஸ்.அருண்குமார் மற்றும் வயது மூத்தோர் பிரிவில் அ.பிரவீன்குமார், தனிநபர் சாம்பியன்ஷிப் பட்டத்தையும் பெற்றனர். வெற்றிபெற்ற மாணவர்களுக்கு சான்றிதழ் மற்றும் பதக்கம் வழங்கப்பட்டது. 

]]>
https://www.dinamani.com/all-editions/edition-dharmapuri/krishnagiri/2019/sep/14/அரசுப்-பள்ளி-மாணவர்களுக்கு-பாராட்டு-விழா-3233807.html
3233804 தருமபுரி கிருஷ்ணகிரி மாணவியைக் கடத்தியதாக போக்சோவில் ஓட்டுநர் கைது DIN DIN Saturday, September 14, 2019 03:12 AM +0530 மத்தூர் அருகே பிளஸ்-1 மாணவியைக் கடத்தியதாக, போக்சோ சட்டத்தின் கீழ் ஓட்டுநரை போலீஸார் வெள்ளிக்கிழமை கைது செய்தனர்.
மத்தூர் அருகே உள்ள கிராமத்தைச் சேர்ந்த மாணவி, அங்குள்ள பள்ளியில் பிளஸ்-1 படித்து வருகிறார். கடந்த 8-ஆம் தேதி வீட்டிலிருந்து வெளியே சென்ற அவரை பல இடங்களில் தேடியும் காணவில்லையாம். இதுகுறித்து மாணவியின் பெற்றோர் அளித்த புகாரின் பேரில், போலீஸார் வழக்குப் பதிந்து விசாரணை செய்து வந்தனர். அதில், பெருகோபனப்பள்ளி, எம்.ஜி.ஆர். நகரைச் சேர்ந்த ஓட்டுநர் பரத் (25), மாணவியைக் கடத்தியதாக தெரியவந்தது. இதையடுத்து, மாணவியை மீட்ட போலீஸார், பரத் மீது போக்சோ சட்டத்தின் கீழ் வழக்குப் பதிந்து கைது செய்தனர்.

]]>
https://www.dinamani.com/all-editions/edition-dharmapuri/krishnagiri/2019/sep/14/மாணவியைக்-கடத்தியதாக-போக்சோவில்-ஓட்டுநர்-கைது-3233804.html
3233801 தருமபுரி கிருஷ்ணகிரி ஒசூரில் கண் மருத்துவர்களின் 22-ஆவது மாநாடு DIN DIN Saturday, September 14, 2019 03:11 AM +0530 கண், காது, மூக்கு, தொண்டை மருத்துவர்களின் 22-ஆம் ஆண்டு மாநில  மாநாடு (ஒளவை மாநாடு) ஒசூரில் உள்ள நட்சத்திர விடுதியில் வெள்ளிக்கிழமை தொடங்கியது. 3 நாள்கள் நடைபெறும் இந்த மாநாட்டில் 450 மருத்துவர்கள் பங்கேற்றுள்ளனர்.
இந்த மாநாட்டில் சிறப்பு விருந்தினராக கலந்துகொண்டு குத்துவிளக்கேற்றி தொடக்கி வைத்த கிருஷ்ணகிரி மாவட்டக் காவல் கண்காணிப்பாளர் பண்டி கங்காதர் பேசியது: காவலர்களும், மருத்துவர்களும் ஒரே மாதிரியான பணியை செய்கின்றோம். 
மக்களின் உயிரைக் காப்பாற்ற இந்த இரண்டு துறைகளைச் சேர்ந்தவர்களும் சிரம மேற்கொண்டு வேலை செய்ய வேண்டியுள்ளது. மருத்துவர்களும், காவல் துறையைச் சேர்ந்தவர்களுக்கும் எப்போதும் பணிச்சுமை இருந்துக் கொண்டே உள்ளது. ஆனால், மக்கள் சேவையில் இந்த இரண்டு துறையும் மிகவும் முக்கியப் பங்கு வகிக்கின்றன என்றார்.
இதில் மருத்துவர் பத்மஸ்ரீ மோகன் காமேஸ்வரன் பேசியது: 22 ஆண்டுகளுக்கு முன்பு தொடங்கப்பட்ட நமது சங்கத்தில் தருமபுரி, கிருஷ்ணகிரி மாநாடு, ஒளவை மாநாடு என்ற பெயரில் நடத்தப்படுவது மிகவும் சிறந்தது என்றார்.
மாநாட்டு ஒருங்கிணைப்பாளர் மருத்துவர் கோவிந்தராஜ், சங்கத்தின் செயலர் பிரதீப்குமார், பொருளாளர் சிவகுமார் ஆகியோர் சிறப்புரை ஆற்றினர்.
பின்னர் மாநாடு குறித்து செயலரும், குணம் மருத்துவமனை மருத்துவருமான பிரதீப்குமார் செய்தியாளர்களிடம் கூறியது: 
புதிய தொழில்நுட்பங்கள், கண்டுபிடிப்புகள், அறுவை சிகிச்சை முறைகள் போன்றவை குறித்து மருத்துவ நிபுணர்களின் கருத்தரங்குகள், இந்த மாநாட்டில் தொடர்ந்து பல்வேறு பிரிவுகளில் 3 நாள்கள்
நடைபெறும்.
இதில், தருமபுரி, கிருஷ்ணகிரி மாவட்டங்களைச் சேர்ந்த 22 கண், காது, மூக்கு, தொண்டை மருத்துவர்கள் பங்கேற்றுள்ளனர். இந்த மாநாட்டையொட்டி, அப்போலோ மருத்துவமனையில் ரோபாட்டிக் முறையில் நடைபெறும் அறுவைச் சிகிச்சை முறையை காணொலிக் காட்சி மூலம் ஒசூர் குணம் சூப்பர் ஸ்பெஷாலிட்டி மருத்துவமனையில் 6 அறுவைச் சிகிச்சைகள் நடைபெற்றன என்றார்.
இந்த மாநாட்டையொட்டி 20-க்கும் மேற்பட்ட மருத்துவ உபகரணங்கள் அரங்குகள் அமைக்கப்பட்டிருந்தன. மாநாட்டுக்கான ஏற்பாடுகளை தருமபுரி, கிருஷ்ணகிரி மாவட்ட கண், காது, மூக்கு, தொண்டை மருத்துவர்கள் சங்கம் செய்திருந்தது. இந்த மாநாட்டில் குணம் மருத்துவமனை மருத்துவர் செந்தில்குமார் உள்ளிட்டோர் கலந்துகொண்டார்.

]]>
https://www.dinamani.com/all-editions/edition-dharmapuri/krishnagiri/2019/sep/14/ஒசூரில்-கண்-மருத்துவர்களின்-22-ஆவது-மாநாடு-3233801.html
3233799 தருமபுரி கிருஷ்ணகிரி மாற்றுத் திறனாளி சிறுமி பாலியல் பலாத்காரம்: இருவருக்கு சிறை தண்டனை DIN DIN Saturday, September 14, 2019 03:10 AM +0530 ஒசூர் அருகே மாற்றுத் திறனாளி சிறுமியை பாலியல் பலாத்காரம் செய்த இளைஞர்களுக்கு, கிருஷ்ணகிரி மகளிர் நீதிமன்றம் சிறை தண்டனையை வெள்ளிக்கிழமை வழங்கியது. 
கிருஷ்ணகிரி மாவட்டம், ஒசூர் அருகே மாற்றுத் திறனாளி சிறுமி, 2013 நவ. 2-ஆம் தேதி கடைக்கு சென்ற போது, பாகலூர் சாலையைச் சேர்ந்த ஆர்.சுரேஷ், ஒசூர், பஸ்தி, பாரதியார் நகரைச் சேர்ந்த எஸ்.சுரேஷ் (23) ஆகியோர் அவரை பாலியல் பலாத்காரம் செய்தனராம்.  இதுகுறித்து வழக்குப் பதிந்த போலீஸார், இருவரையும் கைது செய்தனர். கிருஷ்ணகிரி மகளிர் நீதிமன்றத்தில் நடைபெற்று வந்த இந்த வழக்கு விசாரணை முடிவுற்ற நிலையில், தீர்ப்பை நீதிபதி வெள்ளிக்கிழமை வாசித்தார். 
அதில், குற்றம்சாட்டப்பட்ட ஆர்.சுரேஷுக்கு  ஆயுள்தண்டனையில் பாதியும், ரூ.5 ஆயிரம் அபராதமும், கட்டத் தவறினால் 3 மாத சிறையும், கொலை மிரட்டல் பிரிவுக்கு 3 ஆண்டுகள் சிறையும், ரூ. ஆயிரம் அபராதமும் விதித்தார். அதேபோல், குற்றவாளி எஸ்.சுரேஷுக்கு ஆயுள்தண்டனையில் பாதியும், ரூ.6 ஆயிரம் அபராதமும், தவறும் பட்சத்தில் 3 மாத சிறை தண்டனையும் விதிக்கப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/14/மாற்றுத்-திறனாளி-சிறுமி-பாலியல்-பலாத்காரம்-இருவருக்கு-சிறை-தண்டனை-3233799.html
3233796 தருமபுரி கிருஷ்ணகிரி குடிநீர் கோரி காலி குடங்களுடன் பெண்கள் சாலை மறியல் DIN DIN Saturday, September 14, 2019 03:09 AM +0530 சூளகிரி அருகே குடிநீர் கேட்டு காலி குடங்களுடன் பெண்கள் சாலை மறியலில் ஈடுபட்டதால் போக்குவரத்து பாதிக்கப்பட்டது. 
கிருஷ்ணகிரி மாவட்டம், சூளகிரி அருகே சூளகிரி-கும்பலம் சாலையில் கட்டிகானபள்ளி கிராமத்தில் கடந்த சில மாதங்களாக குடிநீர் விநியோகம் செய்யப்படவில்லையாம். அதே போன்று, சூளகிரி ஒன்றியத்துக்குள்பட்ட செம்பருத்தி பள்ளி, மயிலேபள்ளி, தின்னூர், மைலே பள்ளி தின்னூர், பெரிய பாப்பனப்பள்ளி ஆகிய கிராமங்களிலும் ஒரு மாதமாக குடிநீர் விநியோகம் செய்யப்படவில்லை எனக் கூறப்படுகிறது. 
இதுகுறித்து, 8-க்கும் மேற்பட்ட கிராம மக்கள் சூளகிரி வட்டார வளர்ச்சி அலுவலகத்தில்  பலமுறை புகார் மனு அளித்தும் நடவடிக்கை எடுக்காததால், சாலை மறியலில் ஈடுபட்டனர். இதனால், சூளகிரி-கும்பலம் சாலையில் போக்குவரத்து பாதிக்கப்பட்டது.
தகவல் அறிந்து வந்த சூளகிரி வட்டார வளர்ச்சி அலுவலர்கள் மற்றும் சூளகிரி காவல் துறையினர், விரைவில் குடிநீர் கிடைக்க நடவடிக்கை எடுப்பதாக கூறியதையடுத்து, சாலை மறியல் கைவிடப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/14/குடிநீர்-கோரி-காலி-குடங்களுடன்-பெண்கள்-சாலை-மறியல்-3233796.html
3233793 தருமபுரி கிருஷ்ணகிரி ஒகேனக்கல் குடிநீரை தினமும் வழங்க வலியுறுத்தல் DIN DIN Saturday, September 14, 2019 03:09 AM +0530 தருமபுரி மாவட்டத்தில் அனைத்துப் பகுதிகளுக்கும் தினமும் ஒகேனக்கல் கூட்டுக் குடிநீர் திட்டத்தில்,  குடிநீர் விநியோகம் செய்ய வேண்டும் என மகளிர் விடுதலை இயக்கம் வலியுறுத்தியுள்ளது.
விடுதலைச் சிறுத்தைகள் கட்சியின் மகளிர் விடுதலை இயக்க நிர்வாகிகள் ஆலோசனைக் கூட்டம், மகளிர் விடுதலை இயக்க மாவட்ட துணைச் செயலர் பத்மா மாரியப்பன் தலைமையில் வெள்ளிக்கிழமை நடைபெற்றது.
இதில் நிறைவேற்றப்பட்ட தீர்மானங்கள்: ஒகேனக்கல் கூட்டுக் குடிநீர் திட்டத்தில் 2011-ஆம் ஆண்டின் மக்கள் தொகை கணக்கெடுப்பின்படி, தருமபுரி மாவட்டத்தில் குடிநீர் வழங்கப்படுகிறது. இதனால் பொதுமக்களுக்கு குடிநீர் தட்டுப்பாடு ஏற்படுகிறது. எனவே, 2019-ஆம் ஆண்டின் மக்கள் தொகை கணக்கெடுப்பின் படி, அனைவருக்கும் நாள்தோறும் ஒகேனக்கல் குடிநீர் வழங்க வேண்டும்.
தருமபுரி மாவட்டத்தில் 251 கிராம ஊரட்சிகளிலும் உள்ள ஆழ்துளைக் கிணறுகள், மின் மோட்டார்களை சீரமைத்து பயன்பாட்டுக்கு கொண்டுவர வேண்டும்.  அனைத்து அரசு அலுவலகங்களிலும் அம்பேத்கர் படத்தை மாவட்ட நிர்வாகம் சார்பில் வைக்க வேண்டும். மாவட்டத்தில் தடை செய்யப்பட்ட லாட்டரி சீட்டுகளை விற்பனை செய்வோர் மீது கடுமையான நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
இதில், மகளிர் விடுதலை இயக்க மாநில துணை பொதுச் செயலர் தில்லைக்கரசி, மாவட்டச் செயலர் மாரி மைக்கேல், மாவட்ட துணைச் செயலர் மகாராணி, மாவட்டப் பிரதிநிதி சாக்கம்மாள், ஒன்றியச் செயலர் ஜெயா, ஒன்றிய துணைச் செயலர் செல்வி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/14/ஒகேனக்கல்-குடிநீரை-தினமும்-வழங்க-வலியுறுத்தல்-3233793.html
3233788 தருமபுரி கிருஷ்ணகிரி பர்கூர் அங்காள பரமேஸ்வரி, நாகலம்மன் கோயில் திருவிழா DIN DIN Saturday, September 14, 2019 03:08 AM +0530  

கிருஷ்ணகிரி, செப். 13:  பர்கூரில் உள்ள அங்காள பரமேஸ்வரி, நாகலம்மன் கோயில் 17-ஆம் ஆண்டு திருவிழா வெள்ளிக்கிழமை நடைபெற்றது.
கிருஷ்ணகிரி மாவட்டம், பர்கூர் காவலர் குடியிருப்பில் அங்காள பரமேஸ்வரி, நாகலம்மன் கோயில் அமைந்துள்ளது. இந்தக் கோயிலின் 17-ஆம் ஆண்டு திருவிழா, கடந்த 11-ஆம் தேதி கொடியேற்றத்துடன் தொடங்கியது. அதைத் தொடர்ந்து, பக்தர்கள் கங்கணம் கட்டுதல் நிகழ்ச்சி நடைபெற்றது. செப். 12-ஆம் தேதி, விநாயகருக்கு பொங்கல் வைத்தல், அம்மனுக்கு கூழ் ஊற்றுதல் நிகழ்ச்சிகள் நடைபெற்றன.
செப். 13-ஆம் தேதி காலை கணபதி ஹோமம், அம்மனுக்கு ஆராதனை ஆகியன நடைபெற்றன. தொடர்ந்து, பெண்கள் பால் குடங்களை ஊர்வலமாக ஏந்திச் சென்றனர். அதைத் தொடர்ந்து, அம்மனுக்கு அபிஷேகம் நடைபெற்றது.
விழாவையொட்டி, சிறப்பு அலங்காரத்தில் அம்மன் பக்தர்களுக்கு அருள்பாலித்தார். செப். 14-ஆம் தேதி மாவிளக்கு ஊர்வலமும், பொங்கல் வைத்தல் நிகழ்வுகளும், செப். 15-ஆம் தேதி அம்மனுக்கு மஞ்சள் நீராட்டுதல் நிகழ்வும் நடைபெறுகின்றன.

]]>
https://www.dinamani.com/all-editions/edition-dharmapuri/krishnagiri/2019/sep/14/பர்கூர்-அங்காள-பரமேஸ்வரி-நாகலம்மன்-கோயில்-திருவிழா-3233788.html
3233780 தருமபுரி கிருஷ்ணகிரி குடிநீர் கோரி காலி குடங்களுடன் பெண்கள் சாலை மறியல் DIN DIN Saturday, September 14, 2019 03:07 AM +0530 சூளகிரி அருகே குடிநீர் கேட்டு காலி குடங்களுடன் பெண்கள் சாலை மறியலில் ஈடுபட்டதால் போக்குவரத்து பாதிக்கப்பட்டது. 
கிருஷ்ணகிரி மாவட்டம், சூளகிரி அருகே சூளகிரி-கும்பலம் சாலையில் கட்டிகானபள்ளி கிராமத்தில் கடந்த சில மாதங்களாக குடிநீர் விநியோகம் செய்யப்படவில்லையாம். அதே போன்று, சூளகிரி ஒன்றியத்துக்குள்பட்ட செம்பருத்தி பள்ளி, மயிலேபள்ளி, தின்னூர், மைலே பள்ளி தின்னூர், பெரிய பாப்பனப்பள்ளி ஆகிய கிராமங்களிலும் ஒரு மாதமாக குடிநீர் விநியோகம் செய்யப்படவில்லை எனக் கூறப்படுகிறது. 
இதுகுறித்து, 8-க்கும் மேற்பட்ட கிராம மக்கள் சூளகிரி வட்டார வளர்ச்சி அலுவலகத்தில்  பலமுறை புகார் மனு அளித்தும் நடவடிக்கை எடுக்காததால், சாலை மறியலில் ஈடுபட்டனர். இதனால், சூளகிரி-கும்பலம் சாலையில் போக்குவரத்து பாதிக்கப்பட்டது.
தகவல் அறிந்து வந்த சூளகிரி வட்டார வளர்ச்சி அலுவலர்கள் மற்றும் சூளகிரி காவல் துறையினர், விரைவில் குடிநீர் கிடைக்க நடவடிக்கை எடுப்பதாக கூறியதையடுத்து, சாலை மறியல் கைவிடப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/14/குடிநீர்-கோரி-காலி-குடங்களுடன்-பெண்கள்-சாலை-மறியல்-3233780.html
3233779 தருமபுரி கிருஷ்ணகிரி கிருஷ்ணகிரி மாவட்ட வரைவு வாக்குச் சாவடிகளின் பட்டியல் வெளியீடு DIN DIN Saturday, September 14, 2019 03:06 AM +0530 கிருஷ்ணகிரி மாவட்டத்தில் உள்ள 6 சட்டப்பேரவைத் தொகுதிகளின் வரைவு வாக்குச் சாவடிகளின் பட்டியலை மாவட்ட வருவாய் அலுவலர் எஸ்.சாந்தி வெள்ளிக்கிழமை வெளியிட்டார்.
கிருஷ்ணகிரி மாவட்ட ஆட்சியர் அலுவலக கூட்ட அரங்கில், வரைவு வாக்குச் சாவடி பட்டியல் வெளியீடு குறித்து தேர்தல் ஆணையத்தால் அங்கீகரிக்கப்பட்ட கட்சிகளுடனான ஆலோசனைக் கூட்டம் வெள்ளிக்கிழமை நடைபெற்றது.
இந்தக் கூட்டத்துக்கு மாவட்ட வருவாய் அலுவலர் எஸ்.சாந்தி, தலைமை வகித்து, வரைவு வாக்குச் சாவடி பட்டியலை வெளியிட்டு அவர் தெரிவித்தது:
கிருஷ்ணகிரி மாவட்டத்தில் உள்ள ஊத்தங்கரை (தனி), பர்கூர், கிருஷ்ணகிரி, வேப்பனஅள்ளி, ஒசூர், தளி ஆகிய சட்டப் பேரவைத் தொகுதிகளின் வாக்குச் சாவடிகள் 100 சதவீதம் சரிபார்க்கும் பணி நடைபெற்று வருகிறது.
மேலும், 1,500 வாக்காளர்களுக்கு மேல் உள்ள வாக்குச் சாவடி மற்றும் 2 கி.மீ. தொலைவுக்கு மேல் உள்ள வாக்குச் சாவடிகள், பொதுமக்களின் நலன் கருதி வாக்களிக்க ஏதுவாக இரண்டாக பிரிக்கப்பட்டுள்ளது. மேலும், பழுதடைந்த வாக்குச் சாவடிகள் வேறு கட்டடத்துக்கு மாற்றப்பட்டுள்ளன. அதன்படி, வரைவு வாக்குச் சாவடி பட்டியல் வெளியிடப்பட்டுள்ளதாக அவர் தெரிவித்தார். 
இந்தக் கூட்டத்தில், வருவாய் கோட்டாட்சியர்கள் தெய்வநாயகி, குமரேசன், வட்டாட்சியர்கள், நகராட்சி ஆணையர்கள், அங்கீகரிக்கப்பட்ட அரசியல் கட்சிகளின் பிரதிநிதிகள் பங்கேற்றனர்.

]]>
https://www.dinamani.com/all-editions/edition-dharmapuri/krishnagiri/2019/sep/14/கிருஷ்ணகிரி-மாவட்ட-வரைவு-வாக்குச்-சாவடிகளின்-பட்டியல்-வெளியீடு-3233779.html
3233776 தருமபுரி கிருஷ்ணகிரி வீட்டுமனைப்பட்டா வழங்கக் கோரி ஆர்ப்பாட்டம் DIN DIN Saturday, September 14, 2019 03:06 AM +0530 அரூர் வட்டாரப் பகுதியில் வீட்டு மனைப்பட்டா வழங்கக் கோரி, அகில இந்திய விவசாயத் தொழிலாளர்கள் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.
அரூர் வட்டார வளர்ச்சி அலுவலகம் எதிரே நடைபெற்ற ஆர்ப்பாட்டத்துக்கு, அகில இந்திய விவசாயத் தொழிலாளர்கள் சங்க தருமபுரி மாவட்டச் செயலர் எம்.முத்து தலைமை வகித்தார்.
இதில், அரூர் வட்டம், கீழானூர், மேல்செங்கப்பாடி, கோமாளிப்பட்டி ஆகிய கிராமங்களில் உள்ள அரசு புறம்போக்கு நிலத்தில் வீடு இல்லாத அனைவருக்கும் வீட்டு மனைப்பட்டா வழங்க வேண்டும். செல்லம்பட்டி ஊராட்சியில் உள்ள அரசு புறம்போக்கு நிலங்கள், நீர்நிலை ஆக்கிரமிப்புகளை அகற்ற வேண்டும். ஜடையம்பட்டி மற்றும் அரூர்அம்பேத்கர் நகரில் அரசு சார்பில் வழங்கப்பட்டுள்ள வீட்டு மனைப்பட்டாக்களை அளவீடு செய்து பொதுமக்களுக்கு வழங்க வேண்டும்.
மொரப்பூர் அண்ணல் நகர், கோட்டப்பட்டி அண்ணா நகர், கே.ஈச்சம்பாடி ஆகிய கிராமங்களில் வீடுகள் அமைத்து குடியிருந்து வரும் மக்களுக்கு வீட்டு மனைப்பட்டா வழங்க வேண்டும். மேல்செங்கப்பாடியில் நிலமற்ற விவசாயத் தொழிலாளர்களுக்கு அரசு சார்பில் நிலம் வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், அகில இந்திய விவசாயத் தொழிலாளர்கள் சங்க மாநில பொதுச் செயலர் வீ.அமர்தலிங்கம், மார்க்சிஸ்ட் கம்யூ. கட்சியின் மாவட்டச் செயலர் ஏ.குமார், மாவட்ட செயற்குழு உறுப்பினர் ரா.சிசுபாலன், மாவட்டத் தலைவர் சோ.அருச்சுணன், மாவட்டப் பொருளாளர் இ.கே.முருகன், ஒன்றியச் செயலர்கள் ஆர்.மல்லிகா, தங்கராஜ், ஆறுமுகம், எஸ்.கே.கோவிந்தன், வாலிபர் சங்க ஒருங்கிணைப்பாளர் சி.வேலாயுதம், ஒன்றியக்குழு உறுப்பினர் கே.சுமதி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/14/வீட்டுமனைப்பட்டா-வழங்கக்-கோரி-ஆர்ப்பாட்டம்-3233776.html
3233435 தருமபுரி கிருஷ்ணகிரி நாளை பொது விநியோகத் திட்ட குறைதீர் கூட்டம் DIN DIN Friday, September 13, 2019 09:57 AM +0530 கிருஷ்ணகிரி மாவட்டத்தில் பொது விநியோகத் திட்ட குறைதீர் கூட்டம், சனிக்கிழமை (செப்.14) நடைபெறுகிறது.
 இதுகுறித்து மாவட்ட வழங்கல் அலுவலர் சந்திரசேகர் வியாழக்கிழமை வெளியிட்ட செய்திக் குறிப்பு: கிருஷ்ணகிரி மாவட்டத்தில் பொது விநியோகத் திட்டத்தில் காணப்படும் குறைபாடுகளைக் களைவதற்கும், மக்களின் குறைகளைக் கேட்டு உடனுக்குடன் அவற்றை நிவர்த்தி செய்யவும், குடும்ப அட்டைகளில் பெயர் திருத்தம், சேர்த்தல், நீக்கல் மற்றும் முகவரி மாற்றம் போன்ற குறைபாடுகளை நிவர்த்தி செய்யும் வகையில், செப். 14-ஆம் தேதி காலை 10 மணி முதல் மதியம் 1 மணி வரையில் சிறப்பு குறைதீர் கூட்டம் அந்தந்த வட்ட வழங்கல் அலுவலர்களால் நடத்தப்படுகிறது.
 அதன்படி, கிருஷ்ணகிரி வட்டத்தில் தட்ரஅள்ளி, ஊத்தங்கரை-வேடம்பட்டி, போச்சம்பள்ளி-ரங்கம்பட்டி, பர்கூர்-தொகரப்பள்ளி, சூளகிரி-தியாகரசனப்பள்ளி, ஒசூர்-ஒன்னல்வாடி, தேன்கனிக்கோட்டை-பேலகொண்டபள்ளி ஆகிய கிராமங்களில் நடைபெறுகிறது.
 எனவே, இந்த குறைதீர் கூட்டத்தில் பொதுமக்கள் பங்கேற்று, தங்களது பொது விநியோகத் திட்ட குறைகளை தெரிவித்து, நிவர்த்தி செய்து கொள்ளலாம் என அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/krishnagiri/2019/sep/13/நாளை-பொது-விநியோகத்-திட்ட-குறைதீர்-கூட்டம்-3233435.html
3233433 தருமபுரி கிருஷ்ணகிரி ஸ்ரீ பூரிகைமரத்து முனியப்பன் கோயில் கும்பாபிஷேக விழா DIN DIN Friday, September 13, 2019 09:57 AM +0530 மஜீத்கொல்லஅள்ளி கிராமத்தில் உள்ள பழமையான ஸ்ரீ பூரிகைமரத்து முனியப்பன் கோயில் கும்பாபிஷேக விழா வியாழக்கிழமை நடைபெற்றது.
 கிருஷ்ணகிரி மாவட்டம், பர்கூர் வட்டம், மஜீத்கொல்லஅள்ளி கிராமத்தில் சுமார் 500 ஆண்டுகள் பழமையான ஸ்ரீ பூரிகைமரத்து முனியப்பன் கோயில் கும்பாபிஷேக விழாவையொட்டி, விக்னேஸ்வர பூஜை, வாஸ்து சாந்தி, பிரவேச பலி, அங்குரார்ப்பணம், ரக்ஷாபந்தனம், கும்ப அலங்காரம், கலக்தாபனம், யாகசாலை பிரவேசம், மண்டல அர்ச்சனை, முதல்கால பூஜை, மகா கணபதி ஹோம் ஸ்ரீமாக முனீஸ்வரா ஹோமம், குபேர ஹோமம், குபேரலட்சுமி ஹோமம், மகா துர்கா ஹோமம், கலச பூஜை, கும்ப கலச பூஜை போன்ற நிகழ்வுகள் புதன்கிழமை நடைபெற்றன.
 தொடர்ந்து, கும்பாபிஷேக விழா நாளான செப். 12-ஆம் தேதி ஸ்ரீ கும்பகலச பூஜை, கலச பூஜை, ஸ்ரீ மகா கணபதி ஹோமம், அனைத்து கலச ஹோமம், ஜெய்தி ஹோமம், ஸ்ரீ முனியப்பன் சுவாமி மகா கும்பாபிஷேகே விழா நடைபெற்றது. கோபுர கலச ஊர்வலத்துடன், மங்கள வாத்தியங்கள் முழங்க புண்ணிய நதியிலிருந்து கொண்டு வரப்பட்ட புனித நீர், கோபுர கலசத்தின் மீது ஊற்றப்பட்டது.
 கும்பாபிஷேகத்தையொட்டி, சிறப்பு அலங்காரத்தில் சுவாமி பக்தர்களுக்கு அருள்பாலித்தார். சிறப்பு பூஜைகளும் நடைபெற்றன. இந்த விழாவில் கிருஷ்ணகிரி மாவட்டத்திலிருந்து பல்வேறு பகுதிகளில் இருந்து ஏராளமான பக்தர்கள் சுவாமியை தரிசித்தனர்.

]]>
https://www.dinamani.com/all-editions/edition-dharmapuri/krishnagiri/2019/sep/13/ஸ்ரீ-பூரிகைமரத்து-முனியப்பன்-கோயில்-கும்பாபிஷேக-விழா-3233433.html
3233422 தருமபுரி கிருஷ்ணகிரி கால்நடை நோய் விழிப்புணர்வு முகாம் DIN DIN Friday, September 13, 2019 09:55 AM +0530 தேசிய கால்நடை நோய்த் தடுப்பு திட்டத்தின் கீழ், நடுப்பையூர் கிராமத்தில் கால்நடை நோய் விழிப்புணர்வு முகாம் புதன்கிழமை நடைபெற்றது.
 தேசிய கால்நடை நோய்த் தடுப்புத் திட்டம், தேசிய செயற்கை முறை கருவூட்டல் திட்டத்தின் கீழ், கிருஷ்ணகிரி மாவட்டத்தில் வேளாண் அறிவியல் மையத்தின் மூலம் கோமாரி நோய்த் தடுப்பு, கருச்சிதைவு நோய் மற்றும் செயற்கை கருவூட்டல் முகாமானது நடுப்பையூர் கிராமத்தில் நடைபெற்றது.
 முகாமுக்கு, வேளாண் அறிவியல் மையத்தின் தலைவர் டி.சுந்தர்ராஜ் தலைமை வகித்தார். கால்நடை பராமரிப்புத் துறையின் மண்டல இணை இயக்குநர் எம்.மனோகரன், உதவி இயக்குநர் ஏ.அருள்ராஜ், பையூர் மண்டல ஆராய்ச்சி நிலையத்தின் தலைவர் என்.தமிழ்ச்செல்வன் உள்ளிட்டோர் பங்கேற்றனர்.
 செயற்கை கருவூட்டல் முறையின் நோக்கம், அதன் முக்கியத்துவம், கருச்சிதைவு மற்றும் கன்று சிதைவு நோய்களைக் கட்டுப்படுத்தும் முறைகள், கால்நடை வளர்ப்பில் அசோலா பயன்பாட்டின் முக்கியத்துவம் குறித்து எடுத்துரைக்கப்பட்டது.
 இந்த முகாமில் கோமாரி நோய்த் தடுப்பூசி 250 மாடுகளுக்கும், செயற்கை கருவூட்டல் 30 மாடுகளுக்கும் அளிக்கப்பட்டன. தாது உப்பும் வழங்கப்பட்டன. நாடு முழுவதும் கால்நடைகளுக்கான தடுப்பூசி, நோய் மேலாண்மை, செயற்கை கருவூட்டல் மற்றும் உற்பத்தி தலைப்புகளில் நடைபெற்ற பயிலரங்குகளை பிரதமர் மோடி காணொலி மூலம் தொடங்கி வைத்ததை இந்த முகாமில் நேரடியாக ஒளிபரப்பப்பட்டது.
 இந்த முகாமை வேளாண் அறிவியல் மையத்தின் தொழில்நுட்ப வல்லுநர்கள், கால்நடை மருத்துவர் எஸ்.ரமேஷ், கே.குணசேகரன், எஸ்.செந்தில்குமார் உள்ளிட்டோர் ஒருங்கிணைத்தனர்.

]]>
https://www.dinamani.com/all-editions/edition-dharmapuri/krishnagiri/2019/sep/13/கால்நடை-நோய்-விழிப்புணர்வு-முகாம்-3233422.html
3233419 தருமபுரி கிருஷ்ணகிரி திமுக மாவட்ட செயற்குழுக் கூட்டம் DIN DIN Friday, September 13, 2019 09:55 AM +0530 கிருஷ்ணகிரி மாவட்டம், தேன்கனிக்கோட்டையில் மேற்கு மாவட்ட திமுக செயற்குழுக் கூட்டம் வியாழக்கிழமை நடைபெற்றது.
 இக் கூட்டத்துக்கு மாவட்ட அவைத் தலைவர் யுவராஜ் தலைமை தாங்கினார். மாவட்ட துணைச் செயலர் முருகன் எம்.எல்.ஏ, ஒசூர் நகரப் பொறுப்பாளர் சத்யா எம்.எல்.ஏ. ஆகியோர் முன்னிலை வகித்தனர். மேற்கு மாவட்ட திமுக செயலர் தளி.பிரகாஷ் எம்.எல்.ஏ. சிறப்புரையாற்றினார்.
 இதில், திருவண்ணாமலையில் நடைபெறும் முப்பெரும் விழாவில் பெருமளவில் கலந்துகொள்வது, காட்டு யானைகளால் உயிரிழந்த விவசாயிகளுக்கு உரிய இழப்பீடும், பயிர்சேதம் ஏற்பட்ட விவசாயிகளுக்கு உடனே உரிய நிவாரணங்களும் வழங்க வேண்டும். கோவை முதல் தேவனஹள்ளி வரை எரிவாயு குழாய்களை விவசாய நிலங்களில் அமைப்பதை கைவிட்டு, மாற்றுப்பாதையில் அமைக்க நடவடிக்கை எடுக்கவேண்டும். திமுக ஆட்சியில் கொண்டுவந்த ஒகேனக்கல் கூட்டுக் குடிநீர் திட்டத்தை மாவட்டம் முழுவதும் சீராக வழங்க வேண்டும். கிராமங்களில் புறம்போக்கு நிலங்களில் வீடுகட்டி வாழ்ந்து வரும் விவசாயிகளுக்கு பட்டா வழங்க நடவடிக்கை எடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
 இதில், மாநில சிறுபான்மை துணை அமைப்பாளர் விஜயகுமார், பொதுக்குழு உறுப்பினர் சின்னசாமி, மாவட்ட துணைச் செயலர் சீனிவாசன், மாவட்டப் பொருளாளர் ஜெயராமன், ஒன்றியச் செயலர்கள் சீனிவாசலு ரெட்டி, திவாகர், கணேசன், நாகன், நாகேஷ், வெங்கடேஷ், ரகுநாத், பேரூர் செயலர் சீனிவாசன் ஆகியோர் முன்னிலை வகித்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/13/திமுக-மாவட்ட-செயற்குழுக்-கூட்டம்-3233419.html
3233418 தருமபுரி கிருஷ்ணகிரி புத்தகக் கண்காட்சி DIN DIN Friday, September 13, 2019 09:54 AM +0530 ஊத்தங்கரை அதியமான் மெட்ரிக் மேல்நிலைப் பள்ளியில், செப். 9 முதல் 12 வரை நான்கு நாள்கள் புத்தகக் கண்காட்சி நடைபெற்றது.
 இக்கண்காட்சியை அதியமான் கல்வி நிறுவனங்களின் நிறுவனர் சீனி.திருமால்முருகன் தலைமை வகித்து தொடங்கி வைத்து, மாணவ, மாணவியரிடம் புத்தகம் வாசிக்கும் பழக்கத்தையும், நல்ல நூல்களை தொடர்ந்து படிக்கவும் வலியுறுத்தினார்.
 இந்நிகழ்ச்சிக்கு, அதியமான் மெட்ரிக் மேல்நிலைப் பள்ளி முதல்வர் சீனி.கலைமணி சரவணக்குமார், அதியமான் கல்வி நிறுவனங்களின் நிர்வாக அலுவலர் சீனி.கணபதிராமன் ஆகியோர் முன்னிலை வகித்தனர். தொடர்ந்து கண்காட்சியை மாணவ, மாணவியர் மற்றும் ஆசிரிய, ஆசிரியைகள் பார்வையிட்டு தங்களுக்குத் தேவையான புத்தகங்களை வாங்கிச் சென்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/13/புத்தகக்-கண்காட்சி-3233418.html
3233416 தருமபுரி கிருஷ்ணகிரி சிலம்பம் போட்டி: தங்கம் வென்ற மாணவருக்கு பாராட்டு   DIN DIN Friday, September 13, 2019 09:54 AM +0530 மாநில அளவிலான சிலம்பம் போட்டியில் தங்கப் பதக்கம் வென்ற கிருஷ்ணா கல்லூரி மாணவருக்கு, கல்லூரி நிர்வாகம் சார்பில் அண்மையில் பாராட்டு விழா நடைபெற்றது.
 கிருஷ்ணகிரியை அடுத்த காட்டிநாயனப்பள்ளியில் உள்ள கிருஷ்ணா கலை அறிவியல் கல்லூரியில் கணினி அறிவியல் பாடப் பிரிவில் இரண்டாம் ஆண்டு பயிலும் மாணவர் சூர்யா, சென்னையில் நடைபெற்ற மாநில அளவிலான சிலம்பம் போட்டியில் பங்கேற்றார். மத்திய அரசின் இளைஞர் விளையாட்டுக் கூட்டமைப்பின் சார்பில் நடைபெற்ற இந்தப் போட்டியில், 65 கிலோ எடைப் பிரிவில் பங்கேற்ற சூர்யா தங்கப் பதக்கம் வென்றார். மேலும், இவர் தில்லியில் நடைபெறும் தேசியப் போட்டிக்குத் தகுதி பெற்றார்.
 தங்கம் வென்ற மாணவர் சூர்யாவை, கல்லூரித் தாளாளர் சி.பெருமாள், தலைவர் வள்ளி பெருமாள், முதல்வர் ஆறுமுகம் உள்ளிட்டோர் பாராட்டினர். அப்போது, துறைத் தலைவர்கள், உடற்கல்வி இயக்குநர் மற்றும் பேராசிரியர்கள், மாணவ, மாணவியர் உடனிருந்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/13/சிலம்பம்-போட்டி-தங்கம்-வென்ற-மாணவருக்கு-பாராட்டு-3233416.html
3233414 தருமபுரி கிருஷ்ணகிரி பேருந்து நிலைய மேற்கூரை அமைக்கும் பணி பாதியில் நிறுத்தம்: விரைந்து முடிக்கக் கோரிக்கை DIN DIN Friday, September 13, 2019 09:54 AM +0530 பென்னாகரம் பேருந்து நிலையத்தின் மேற்கூரை அமைக்கும் பணியானது பாதியில் நிறுத்தப்பட்டுள்ளதால், பயணிகள் அவதியுறுகின்றனர். மேலும், இதற்காக பயன்படுத்தப்பட்ட ஜல்லி மற்றும் கம்பிகளால் பேருந்துகள் நிறுத்த இடையூறாக உள்ளதாக ஓட்டுநர்கள் புகார் தெரிவிக்கின்றனர்.
 தருமபுரி மாவட்டம், பென்னாகரத்தில் கடந்த 10 ஆண்டுகளுக்கு முன்னர் புதிய பேருந்து நிலையம் கட்டப்பட்டு பென்னாகரம் பேருராட்சி நிர்வாகத்திடம் ஒப்படைக்கப்பட்டது.
 இப்பேருந்து நிலையத்துக்கு பென்னாகரம் மற்றும் அதன் சுற்றுவட்டாரப் பகுதிகளான தாசம்பட்டி, ஏரியூர், நாகமரை, ஒகேனக்கல், ஊட்டமலை, சின்னம்பள்ளி உள்ளிட்ட பகுதிகளில் இருந்து தினந்தோறும் ஆயிரத்துக்கும் மேற்பட்டோர் வந்து செல்கின்றனர். மேலும், தமிழகத்தின் பிரசித்தி பெற்ற சுற்றுலாத் தலமான ஒகேனக்கல் மிக அருகில் உள்ளதால், பென்னாகரம் பேருந்து நிலையமானது எப்போதும் பரபரப்பாகவே காணப்படும்.
 இந்த நிலையில், காலை மற்றும் மாலை நேரங்களில் பள்ளி, கல்லூரி மாணவர்கள்,பொதுமக்கள் மற்றும் வெளியூர் பயணிகள் அமருவதற்கும் மற்றும் மழைக் காலங்களில் நிற்பதற்கும் போதுமான வசதியில்லாததால் அவர்கள் பெரிதும் அவதிப்பட்டு வந்தனர்.
 இந்த நிலையில், 2018-19-ஆம் நிதியாண்டில் தருமபுரி மக்களவைத் தொகுதி உறுப்பினர் மேம்பாட்டு நிதியில் இருந்து ரூ.20 லட்சம் ஒதுக்கீடு செய்து, அன்புமணி ராமதாஸ் பேருந்து நிலைய மேற்கூரை அமைக்கும் பணிக்கு அடிக்கல் நாட்டினார்.
 மேற்கூரை அமைக்கும் பணி நடைபெற்று வந்த நிலையில், கடந்த 2 மாதங்களாக பணிகள் கிடப்பில் போடப்பட்டுள்ளன.
 பென்னாகரம் பேருந்து நிலையம் இட நெருக்கடியாக உள்ள நிலையில், மேற்கூரை அமைக்க பயன்படுத்தப்பட்ட மணல், ஜல்லிக் கற்கள், கட்டுமானக் கம்பிகள் உள்ளிட்டவைகள் பேருந்து நிலையத்தில் கொட்டி வைக்கப்பட்டுள்ளன. இதனால், பேருந்துகள் நிறுத்த இடையூறாக உள்ளதாக ஓட்டுநர்கள், பேருந்து நிலையக் கடை வியாபாரிகள் மற்றும் பொதுமக்கள் புகார் தெரிவிக்கின்றனர்.
 மேலும், மேற்கூரை அமைக்கும் பணியானது பாதியில் நிறுத்தப்பட்டுள்ளதால், மாணவ-மாணவியர், பொதுமக்கள் மற்றும் பயணிகள் மிகுந்த சிரமத்துக்குள்ளாகியுள்ளனர்.
 எனவே, பென்னாகரம் பேருந்து நிலையத்தில் பாதியில் நிறுத்தப்பட்ட மேற்கூரை அமைக்கும் பணியினை விரைவில் தொடங்க வேண்டும் என பொதுமக்களிடையே கோரிக்கை வலுத்து வருகிறது.

]]>
https://www.dinamani.com/all-editions/edition-dharmapuri/krishnagiri/2019/sep/13/பேருந்து-நிலைய-மேற்கூரை-அமைக்கும்-பணி-பாதியில்-நிறுத்தம்-விரைந்து-முடிக்கக்-கோரிக்கை-3233414.html
3233412 தருமபுரி கிருஷ்ணகிரி ஒகேனக்கல்லுக்கு நீர்வரத்து குறைவு DIN DIN Friday, September 13, 2019 09:54 AM +0530 கர்நாடக அணைகளில் இருந்து காவிரி ஆற்றில் வெளியேற்றப்படும் உபரிநீரின் அளவு குறைந்துள்ளதால், நொடிக்கு 40 ஆயிரம் கன அடி தண்ணீர் ஒகேனக்கல்லுக்கு வந்து கொண்டிருக்கிறது.
 கர்நாடகம், கேரளத்தில் காவிரி நீர்ப்பிடிப்புப் பகுதிகளில் மழையின் அளவு குறைந்துள்ளது. இதனால் கர்நாடகத்தில் உள்ள கபினி, கிருஷ்ணராஜ சாகர் அணைகளுக்கு வரும் நீரின் அளவுகளும் குறைந்துள்ளதால், காவிரி ஆற்றில் வெளியேற்றப்படும் உபரிநீரின் அளவு குறைந்துள்ளது.
 இந்த நிலையில், புதன்கிழமை மாலை நிலவரப்படி நொடிக்கு 70 ஆயிரம் கன அடியாக அதிகரித்து வந்த தண்ணீர், வியாழக்கிழமை காலை 7 மணி நிலவரப்படி நொடிக்கு 65 ஆயிரம் கன அடியாகவும், 11 மணி நிலவரப்படி நொடிக்கு 55 ஆயிரம் கன அடியாக தமிழக-கர்நாடக எல்லையான பிலிகுண்டுலு வழியாக ஒகேனக்கல்லுக்கு வந்து கொண்டிருந்தது. மாலை 6 மணி நிலவரப்படி, தண்ணீரின் அளவுகள் மேலும் குறைந்து நொடிக்கு 40 ஆயிரம் கன அடியாக வந்து கொண்டிருக்கிறது.
 ஒகேனக்கல்லில் பரிசல்கள் இயக்க 7-ஆவது நாளாகவும், அருவிகளில் குளிக்க 37-ஆவது நாளாகவும் மாவட்ட நிர்வாகம் தடைவிதித்துள்ளது. மேலும், முதலைப் பண்ணை, நடைபாதை, ஆலாம்பாடி உள்ளிட்ட பகுதிகளில் போலிஸார் பாதுகாப்புப் பணியில் ஈடுபட்டு வருகின்றனர்.
 
 
 

]]>
https://www.dinamani.com/all-editions/edition-dharmapuri/krishnagiri/2019/sep/13/ஒகேனக்கல்லுக்கு-நீர்வரத்து-குறைவு-3233412.html
3233383 தருமபுரி கிருஷ்ணகிரி நாளை பொது விநியோகத் திட்ட குறைதீர் கூட்டம் DIN DIN Friday, September 13, 2019 09:48 AM +0530 கிருஷ்ணகிரி மாவட்டத்தில் பொது விநியோகத் திட்ட குறைதீர் கூட்டம், சனிக்கிழமை (செப்.14) நடைபெறுகிறது.
 இதுகுறித்து மாவட்ட வழங்கல் அலுவலர் சந்திரசேகர் வியாழக்கிழமை வெளியிட்ட செய்திக் குறிப்பு: கிருஷ்ணகிரி மாவட்டத்தில் பொது விநியோகத் திட்டத்தில் காணப்படும் குறைபாடுகளைக் களைவதற்கும், மக்களின் குறைகளைக் கேட்டு உடனுக்குடன் அவற்றை நிவர்த்தி செய்யவும், குடும்ப அட்டைகளில் பெயர் திருத்தம், சேர்த்தல், நீக்கல் மற்றும் முகவரி மாற்றம் போன்ற குறைபாடுகளை நிவர்த்தி செய்யும் வகையில், செப். 14-ஆம் தேதி காலை 10 மணி முதல் மதியம் 1 மணி வரையில் சிறப்பு குறைதீர் கூட்டம் அந்தந்த வட்ட வழங்கல் அலுவலர்களால் நடத்தப்படுகிறது.
 அதன்படி, கிருஷ்ணகிரி வட்டத்தில் தட்ரஅள்ளி, ஊத்தங்கரை-வேடம்பட்டி, போச்சம்பள்ளி-ரங்கம்பட்டி, பர்கூர்-தொகரப்பள்ளி, சூளகிரி-தியாகரசனப்பள்ளி, ஒசூர்-ஒன்னல்வாடி, தேன்கனிக்கோட்டை-பேலகொண்டபள்ளி ஆகிய கிராமங்களில் நடைபெறுகிறது.
 எனவே, இந்த குறைதீர் கூட்டத்தில் பொதுமக்கள் பங்கேற்று, தங்களது பொது விநியோகத் திட்ட குறைகளை தெரிவித்து, நிவர்த்தி செய்து கொள்ளலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/krishnagiri/2019/sep/13/நாளை-பொது-விநியோகத்-திட்ட-குறைதீர்-கூட்டம்-3233383.html
3232717 தருமபுரி கிருஷ்ணகிரி ரயில்வே தண்டவாளத்தில் அடையாளம் தெரியாத  3 சடலங்கள் மீட்பு DIN DIN Thursday, September 12, 2019 09:11 AM +0530 ரயில்வே தண்டவாளத்தில் அடையாளம் தெரியாத 3 சடலங்கள் மீட்கப்பட்டன.
கிருஷ்ணகிரி மாவட்டத்துக்குள்பட்ட  ஊத்தங்கரையை அடுத்த இராமகிருஷ்ணம்பதியில் ரயில்வே தண்டவாளம் அருகே அடையாளம் தெரியாத சுமார் 25 வயது மதிக்கத்தக்க ஆண் சடலம்,  22 வயது மதிக்கத்தக்க பெண் சடலம், அடிபட்ட நிலையில் பச்சிளம் பெண் குழந்தை சடலமும் புதன்கிழமை கிடந்தன.
தகவலின் பேரில் நிகழ்விடத்துக்கு வந்த சேலம் ரயில்வே போலீஸார் இதுகுறித்து வழக்குப் பதிவு செய்து விசாரித்து வருகின்றனர். மேலும், சடலத்தின் அருகே கிடந்த செல்லிடப்பேசியை வைத்து போலீஸார் விசாரித்து வருகின்றனர். 
விசாரணைக்கு பிறகே அவர்கள் யார் என்பது தெரியவரும். இவர்கள் கொலை செய்யப்பட்டனரா, தற்கொலை செய்துகொண்டனரா என்பது குறித்து விசாரணை நடைபெறுகிறது.

]]>
https://www.dinamani.com/all-editions/edition-dharmapuri/krishnagiri/2019/sep/12/ரயில்வே-தண்டவாளத்தில்-அடையாளம்-தெரியாத--3-சடலங்கள்-மீட்பு-3232717.html
3232657 தருமபுரி கிருஷ்ணகிரி பாரதியார் நினைவு தினம் DIN DIN Thursday, September 12, 2019 08:59 AM +0530 பாப்பாரப்பட்டியில் தியாகி சுப்பிரமணிய சிவா பேரவையின் சார்பில், மகாகவி பாரதியாரின் 98-ஆவது நினைவு தினம் புதன்கிழமை அனுசரிக்கப்பட்டது.
 இதற்கு தியாகி சுப்பிரமணிய சிவா பேரவையின் அமைப்பாளர் வே.விஸ்வநாதன் தலைமை தாங்கினார். இதில், மகாகவி பாரதியாரின் திருவுருவப் படத்துக்கு மாலை அணிவித்து மரியாதை செலுத்தியும், பாரதியாரின் கவித்திறன் பற்றியும், விடுதலைப் போராட்டத்தின் பங்கு, சமூக பணி உள்ளிட்டவைகளை பற்றியும் விளக்கிப் பேசினர்.
 இந்த நிகழ்ச்சியில், பேரவை நிர்வாகிகள் சமதர்மம், டி.தங்கராஜ், தியாகி சுப்பிரமணிய சிவா தொழிலாளர் சங்கத் தலைவர் முருகேசன், இந்திய ஜனநாயக வாலிபர் சங்க நிர்வாகிகள் சிலம்பரசன், மணிகண்டன், பேரவை நிர்வாகிகள் சக்திவேல், இளங்கோ, வேட்ராயன் மற்றும் ஏராளமானோர் கலந்துகொண்டு மலர் தூவி மரியாதை செலுத்தினர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/12/பாரதியார்-நினைவு-தினம்-3232657.html
3232653 தருமபுரி கிருஷ்ணகிரி வீட்டுவசதி வாரிய வீடுகளுக்கான குலுக்கல் தேதி தள்ளிவைப்பு   DIN DIN Thursday, September 12, 2019 08:58 AM +0530 வீட்டுவசதி வாரிய வீடுகளுக்கான குலுக்கல் தேதி தள்ளிவைக்கப்பட்டுள்ளதாக தெரிவிக்கப்பட்டுள்ளது.
 தமிழ் நாடு வீட்டுவசதி வாரியம், ஒசூர் வீட்டுவசதி பிரிவு தருமபுரி மாவட்டத்தில் உள்ள எ.ஜெட்டிஅள்ளி புறநகர் திட்டத்தில், சுயநிதி திட்டத்தின் கீழ் கட்டப்பட்டு வரும் 30 குறைந்த வருவாய் பிரிவு தனி வீடுகளுக்கு 12.9.19-இல் குலுக்கல் நடைபெறுவதாக இருந்தது.
 இந்நிலையில், நிர்வாக காரணங்களால் குலுக்கல் தேதி தள்ளி வைக்கப்பட்டுள்ளது. பின்னர் தேதி அறிவிக்கப்படும் என ஒசூர் கோட்ட செயற்பொறியாளர் எட்வின் சுந்தர்சிங் தெரிவித்துள்ளார்.
 
 
 
 
 
 

]]>
https://www.dinamani.com/all-editions/edition-dharmapuri/krishnagiri/2019/sep/12/வீட்டுவசதி-வாரிய-வீடுகளுக்கான-குலுக்கல்-தேதி-தள்ளிவைப்பு-3232653.html
3232651 தருமபுரி கிருஷ்ணகிரி 1,400 கிலோ ரேஷன் அரிசி கடத்தியதாக கார் ஓட்டுநர் கைது DIN DIN Thursday, September 12, 2019 08:58 AM +0530 பர்கூர் அருகே 1,400 கிலோ ரேஷன் அரிசியை காரில் கடத்த முயன்ற ஓட்டுநரை கைது செய்த போலீஸார், காரையும் பறிமுதல் செய்தனர்.
 கிருஷ்ணகிரி மாவட்டம், பர்கூர் அருகே குட்டூர் கிராமத்தில் பறக்கும்படை தனி வட்டாட்சியர் இளங்கோ தலைமையில் அலுவலர்கள் ரோந்துப் பணியில் புதன்கிழமை ஈடுபட்டனர்.
 அப்போது, சுப்பிரமணி என்பவரின் வீட்டின் அருகே சந்தேகத்தின் பேரில் நின்றிருந்த காரை சோதனையிட்டனர். அதில், கோழித் தீவன மூட்டைகளுடன் ரேஷன் அரிசி மூட்டைகள் மறைத்து வைத்திருப்பது தெரியவந்தது.
 இதையடுத்து, தலா 50 கிலோ எடை கொண்ட 29 மூட்டைகள் அதாவது 1,400 கிலோ ரேஷன் அரிசியுடன் காரையும் பறிமுதல் செய்த அலுவலர்கள், கார் ஓட்டுநர் பிரபுவை உணவுப் பாதுகாப்பு கடத்தல் தடுப்புப் பிரிவு போலீஸாரிடம் ஒப்படைத்தனர். இதையடுத்து, போலீஸார் வழக்குப் பதிந்து பிரபுவை கைது செய்தனர்.
 இதுகுறித்து போலீஸார் தெரிவித்தது: வேலூர் மாவட்டம், பச்சூர் கிராமத்தைச் சேர்ந்த அச்சுதன், பிரபு ஆகியோர் குட்டூர் கிராமத்தில் குறைந்த விலைக்கு ரேஷன் அரிசியை சபரிநாதன், வெங்கடேசன், அனுமுத்து ஆகியோர் மூலம் வாங்கி உள்ளனர். மேலும், அச்சுதனுக்கு சொந்தமான கார் மூலம் கர்நாடக மாநிலம், பங்காருபேட்டையில் உள்ள இடைத்தரகர் கிருஷ்ணமூர்த்தி மூலம் அதிக விலைக்கு விற்று வந்தனர்.
 இதில், அச்சுதன், அரசி கடத்தல் தொடர்பாக, வேலூர் நீதிமன்றத்தில் கடந்த மாதம் சரணடைந்தார். இந்த வழக்கில் தலைமறைவாக இருந்த பிரபு, வெங்கடேசன், சபரிநாதன், கவியரசு, அனுமுத்து, ரவி ஆகியோரை போலீஸார் தேடி வந்த நிலையில், தற்போது பிரபு கைது செய்யப்பட்டுள்ளதாக தெரிவித்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/12/1400-கிலோ-ரேஷன்-அரிசி-கடத்தியதாக-கார்-ஓட்டுநர்-கைது-3232651.html
3232643 தருமபுரி கிருஷ்ணகிரி இந்தியன் வங்கி சார்பில் போட்டோ, விடியோகிராபி தொழில்பயிற்சி DIN DIN Thursday, September 12, 2019 08:56 AM +0530 கிருஷ்ணகிரி அணை அருகே செயல்படும் இந்தியன் வங்கி சுய வேலைவாய்ப்பு பயிற்சி நிறுவனத்தில், போட்டோகிராபி மற்றும் விடியோகிராபி பயிற்சி அளிக்கப்படுகிறது.
 இதுகுறித்து அந்தப் பயிற்சி நிறுவனத்தின் இயக்குநர் சங்கர்கணேஷ் புதன்கிழமை வெளியிட்ட செய்திக் குறிப்பு: கிருஷ்ணகிரி அணையின் அருகே மத்திய அரசின் ஊரக வளர்ச்சித் துறை மேற்பார்வையில், தமிழக அரசின் உதவியுடன் இந்தியன் வங்கியால் வேலைவாய்ப்பற்றவர்களுக்கு சுயவேலைவாய்ப்பு பயிற்சி நிறுவனத்தை நடத்தி வருகிறது.
 இங்கு அனுபவமிக்க ஆசிரியர்களைக் கொண்டு பயிற்சிகள் அளிக்கப்பட்டு வருகின்றன. தமிழில் எழுதப்படிக்கத் தெரிந்தவர்கள் இந்தப் பயிற்சியில் சேர்ந்து பயன் பெறலாம். சுயஉதவிக் குழுக்கள், வறுமைக் கோட்டின் கீழ் உள்ளவர்களுக்கு முன்னுரிமை வழங்கப்படும். பயிற்சிக் காலத்தில் மதிய உணவு, தேநீர் மற்றும் பிஸ்கட்கள் வழங்கப்படும்.
 தற்போது, இந்த பயிற்சி நிறுவனத்தில் 30 நாள்களுக்கு போட்டோ மற்றும் விடியோகிராபி பயிற்சி வழங்கப்பட உள்ளது. இதில் சேர்ந்து பயன்பெற விரும்புவோர், செப். 13-ஆம் தேதிக்குள் விண்ணப்பிக்க வேண்டும். பயிற்சிக்கான நேர்காணல் செப். 14-ஆம் தேதி நடைபெறும். 35 பயிற்சியாளர்கள் மட்டுமே இந்த பயிற்சியில் அனுமதிக்கப்படுவர்.
 எனவே, சுயதொழில் தொடங்க ஆர்வம் உள்ளவர்கள், இந்த வாய்ப்பை பயன்படுத்திக் கொள்ளலாம். மேலும் விவரங்களுக்கு இயக்குநர், இந்தியன் வங்கி சுயவேலைவாய்ப்பு பயிற்சி நிறுவனம், டிரைசெம் கட்டடம், கிருஷ்ணகிரி அணை, கிருஷ்ணகிரி என்ற முகவரியிலோ அல்லது 04343-240500 என்ற தொலைபேசி எண்ணிலோ தொடர்பு கொள்ளலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/krishnagiri/2019/sep/12/இந்தியன்-வங்கி-சார்பில்-போட்டோ-விடியோகிராபி-தொழில்பயிற்சி-3232643.html
3232636 தருமபுரி கிருஷ்ணகிரி சாரண, சாரணியர்களுக்கு பாராட்டு DIN DIN Thursday, September 12, 2019 08:53 AM +0530 சென்னையில் நடைபெற்ற பாரத சாரண, சாரணிய சங்கத்தின் 10-ஆவது மாநில மாநாட்டில், சாதனை படைத்த கிருஷ்ணகிரி சாரணர்களை, மாவட்ட முதன்மைக் கல்வி அலுவலர் கே.பி.மகேஸ்வரி, பாராட்டினார்.
 சென்னையில் அண்மையில் நடைபெற்ற இந்த மாநாட்டில், கிருஷ்ணகிரி மாவட்டத்தின் சார்பில் அன்பு, முத்து, சக்திகுமரன், கோகுல்ராஜ், ஆகாஷ், ஹேஷ்வர், முகேஷ்வர், தினேஷ், புனிதா, நிவேதா, செல்வராணி, புன்னகை அரசி, மாகாலட்சுமி, ஷாபியா தாஜ், ரேவதி, ஷாலினி ஆகியோர் பங்கேற்றனர்.
 தமிழர்களின் பாரம்பரியக் கலைகள், பண்பாட்டை பிரதிபலிக்கும் வகையில் பல்வேறு நிகழ்ச்சிகளும், போட்டிகளும் நடைபெற்றன. இதில் கிருஷ்ணகிரி மாவட்ட மாணவ, மாணவியர் உடல்திறன் காட்சிகள், கலாசார அணிவகுப்பு, உணவுத் திருவிழா, நாட்டுப்புறக் கலைகள், வீரதீர செயல்கள் போன்றவற்றில் முதலிடம் பெற்றனர்.
 போட்டிகளில் சிறப்பிடம் பெற்ற மாணவ, மாணவியரை கிருஷ்ணகிரி மாவட்ட முதன்மைக் கல்வி அலுவலர் கே.பி.மகேஸ்வரி பாராட்டினார். அப்போது, புனித அன்னாள் மகளிர் மேல்நிலைப் பள்ளியின் தலைமையாசிரியர் ஹெலன் மேரி, மாவட்ட சாரணர் சங்கச் செயலர் சர்வேசன், நல்லாசிரியர் பவுன்ராஜ் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/12/சாரண-சாரணியர்களுக்கு-பாராட்டு-3232636.html
3232633 தருமபுரி கிருஷ்ணகிரி அரசுப் போக்குவரத்துக் கழக கொடியேற்று விழா DIN DIN Thursday, September 12, 2019 08:53 AM +0530 ஊத்தங்கரையில் தீரன் தொழிற்சங்கப் பேரவையின் சார்பில், அரசு போக்குவரத்து பணிமனை முன் கொடியேற்று விழா புதன்கிழமை நடைபெற்றது.
 நிகழ்ச்சிக்கு கிருஷ்ணகிரி கிழக்கு மாவட்டச் செயலர் ஜி.வஜ்ஜிரவேல் தலைமை வகித்தார். போக்குவரத்து சங்க மாநிலத் தலைவர் ஜெகநாதன், மாநில செயலர் கார்த்திகேயன், மாநில பொருளாளர் எம். கார்த்திகேயன், மாநில துணைச் செயலர் எஸ்.பிரபாகரன் ஆகியோர் முன்னிலை வகித்தனர்.
 சிறப்பு அழைப்பாளராக கொங்குநாடு மக்கள் தேசியக் கட்சி பொதுச் செயலர் ஈ .ஆர்.ஈஸ்வரன் கலந்துகொண்டு கட்சிக் கொடி ஏற்றி, போக்குவரத்துப் பணிமனை பெயர்ப் பலகையை திறந்து வைத்து சிறப்புரையாற்றினார்.
 அதில், போக்குவரத்துக் கழகத் தொழிலாளர் சங்கங்கள் அரசியல் சார்பு இல்லாமல் செயல்பட வேண்டும். அரசியலுக்கு அப்பாற்பட்டு அனைத்து தொழிற்சங்கங்களும் தொழிலாளர்களுக்கு உறுதுணையாக இருந்து செயல்பட்டால் மட்டுமே உரிமையை நிலை நாட்டுவதற்கு உதவியாக இருக்கும்.
 வெளிநாடு சென்று வந்துள்ள முதல்வர், ஊடகங்களை அழைத்து தமிழகத்துக்கு என்னென்ன முதலீடுகள் வரப்போகின்றன என்பதை தெளிவுபடுத்த வேண்டும். ஜவுளி தொழிற்சாலை, லாரி தொழிற்சாலைகள் முடங்கிக்கொண்டிருக்கின்றன என்றார்.
 நிகழ்ச்சியில், மாநில கொள்கை பரப்பு செயலர் அசோகன், கிளைச் செயலர் பெருமாள்செல்வன், தருமபுரி மாவட்டச் செயலர் கே.செந்தில் முருகன் மற்றும் ஒன்றிய நகர நிர்வாகிகள் பலர் கலந்துகொண்டனர். முன்னதாக, கிளை தலைவர் முரளி வரவேற்றார். விஜயகுமார் நன்றி கூறினார்.
 

]]>
https://www.dinamani.com/all-editions/edition-dharmapuri/krishnagiri/2019/sep/12/அரசுப்-போக்குவரத்துக்-கழக-கொடியேற்று-விழா-3232633.html
3232630 தருமபுரி கிருஷ்ணகிரி ஒகேனக்கல்லுக்கு நீர்வரத்து அதிகரிப்பு   DIN DIN Thursday, September 12, 2019 08:52 AM +0530 கர்நாடக அணைகளில் இருந்து திறக்கப்படும் நீரின் அளவு அதிகரித்துள்ளதால், நொடிக்கு 70 ஆயிரம் கன அடியாக ஒகேனக்கல் காவிரி ஆற்றில் வந்து கொண்டிருக்கிறது.
 கர்நாடகம், கேரளத்தில் காவிரி நீர்ப்பிடிப்புப் பகுதிகளில் பலத்த மழை பெய்ததால், கர்நாடகத்தில் உள்ள கபினி, கிருஷ்ணராஜ சாகர் அணைகளுக்கு வரும் உபரிநீரின் அளவு அதிகரித்துள்ளது. இதனால், அணைகளின் பாதுகாப்பு கருதி, காவிரி ஆற்றில் உபரி நீரானது வெளியேற்றப்பட்டு வருகிறது.
 இந்த நிலையில், கடந்த சில தினங்களாக மழை குறைந்துள்ளதால், காவிரி ஆற்றில் வரும் உபரிநீரின் அளவு குறைந்து வந்தது. செவ்வாய்க்கிழமை மாலை நிலவரப்படி நொடிக்கு 65 ஆயிரம் கன அடியாக குறைந்து வந்த தண்ணீரின் அளவு, புதன்கிழமை காலை நிலவரப்படி நொடிக்கு 68 ஆயிரம் கன அடியாக அதிகரித்து, தமிழக-கர்நாடக எல்லையான பிலிகுண்டுலு வழியாக ஒகேனக்கல் வந்து கொண்டிருந்தது.
 மேலும், மாலை நிலவரப்படி சற்று அதிகரித்து நொடிக்கு 70 ஆயிரம் கன அடியாக தண்ணீர் வந்து கொண்டிருக்கிறது. ஒகேனக்கல் காவிரி ஆற்றில் கடந்த சில தினங்களாக நீர்வரத்தானது குறைவதும், அதிகரிப்பதாகவும் உள்ளது.
 ஒகேனக்கல்லுக்கு நீர்வரத்து அதிகரித்துள்ளதால், பிரதான அருவிகள், சினி அருவிகள், நடைபாதை மற்றும் ஐந்தருவி உள்ளிட்ட பகுதிகள் தொடர்ந்து தண்ணீரில் மூழ்கியுள்ளன.
 குளிக்கத் தடை நீடிப்பு: காவிரி ஆற்றில் நீர்வரத்து அதிகரித்துள்ளதால், சுற்றுலாப் பயணிகளின் நலன் கருதி, ஒகேனக்கல்லில் பரிசல் இயக்க 6-ஆவது நாளாகவும், அருவிகளில் குளிக்க தொடர்ந்து 35-ஆவது நாளாகவும் மாவட்ட நிர்வாகம் தடை விதித்துள்ளது. ஒகேனக்கல் வரும் சுற்றுலாப் பயணிகள் ஆற்றில் இறங்காதவாறு இருக்க நடைபாதை, முதலைப் பண்ணை,ஆலாம்பாடி உள்ளிட்ட பகுதிகளில் போலீஸார் பாதுகாப்புப் பணியில் ஈடுபட்டு வருகின்றனர்.
 கர்நாடக அணைகளில் இருந்து காவிரி ஆற்றில் வெளியேற்றப்படும் உபரி நீரின் அளவுகளை மத்திய நீர்வளத் துறை அதிகாரிகள் தீவிரமாக கண்காணித்து வருகின்றனர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/12/ஒகேனக்கல்லுக்கு-நீர்வரத்து-அதிகரிப்பு-3232630.html
3232608 தருமபுரி கிருஷ்ணகிரி 1,400 கிலோ ரேஷன் அரிசி கடத்தியதாக கார் ஓட்டுநர் கைது DIN DIN Thursday, September 12, 2019 08:45 AM +0530 பர்கூர் அருகே 1,400 கிலோ ரேஷன் அரிசியை காரில் கடத்த முயன்ற ஓட்டுநரை கைது செய்த போலீஸார், காரையும் பறிமுதல் செய்தனர்.
 கிருஷ்ணகிரி மாவட்டம், பர்கூர் அருகே குட்டூர் கிராமத்தில் பறக்கும்படை தனி வட்டாட்சியர் இளங்கோ தலைமையில் அலுவலர்கள் ரோந்துப் பணியில் புதன்கிழமை ஈடுபட்டனர். அப்போது, சுப்பிரமணி என்பவரின் வீட்டின் அருகே சந்தேகத்தின் பேரில் நின்றிருந்த காரை சோதனையிட்டனர். அதில், கோழித் தீவன மூட்டைகளுடன் ரேஷன் அரிசி மூட்டைகள் மறைத்து வைத்திருப்பது தெரியவந்தது.
 இதையடுத்து, தலா 50 கிலோ எடை கொண்ட 29 மூட்டைகள் அதாவது 1,400 கிலோ ரேஷன் அரிசியுடன் காரையும் பறிமுதல் செய்த அலுவலர்கள், கார் ஓட்டுநர் பிரபுவை உணவுப் பாதுகாப்பு கடத்தல் தடுப்புப் பிரிவு போலீஸாரிடம் ஒப்படைத்தனர். இதையடுத்து, போலீஸார் வழக்குப் பதிந்து பிரபுவை கைது செய்தனர்.
 இதுகுறித்து போலீஸார் தெரிவித்தது: வேலூர் மாவட்டம், பச்சூர் கிராமத்தைச் சேர்ந்த அச்சுதன், பிரபு, ஆகியோர் குட்டூர் கிராமத்தில் குறைந்த விலைக்கு ரேஷன் அரிசியை சபரிநாதன், வெங்கடேசன், அனுமுத்து ஆகியோர் மூலம் வாங்கி உள்ளனர். மேலும், அச்சுதனுக்கு சொந்தமான கார் மூலம் கர்நாடக மாநிலம், பங்காருபேட்டையில் உள்ள இடைத்தரகர் கிருஷ்ணமூர்த்தி மூலம் அதிக விலைக்கு விற்று வந்தனர். இதில், அச்சுதன், அரசி கடத்தல் தொடர்பாக, வேலூர் நீதிமன்றத்தில் கடந்த மாதம் சரணடைந்தார். இந்த வழக்கில் தலைமறைவாக இருந்த பிரபு, வெங்கடேசன், சபரிநாதன், கவியரசு, அனுமுத்து, ரவி ஆகியோரை போலீஸார் தேடி வந்த நிலையில், தற்போது பிரபு கைது செய்யப்பட்டுள்ளதாக தெரிவித்தனர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/12/1400-கிலோ-ரேஷன்-அரிசி-கடத்தியதாக-கார்-ஓட்டுநர்-கைது-3232608.html
3232119 தருமபுரி கிருஷ்ணகிரி ஒசூர் கோட்டத்தில் நாளை மின்நிறுத்தம் DIN DIN Wednesday, September 11, 2019 10:22 AM +0530 ஒசூர் கோட்டத்தில் வியாழக்கிழமை (செப்.12)  மின் நிறுத்தம் செய்யப்படும் என ஒசூர் மின் வாரிய செயற்பொறியாளர் குமார் தெரிவித்துள்ளார்.
இதுகுறித்து அவர் வெளியிட்டுள்ள செய்திக்குறிப்பு:  கிருஷ்ணகிரி மின் பகிர்மான வட்டம்,  ஒசூர் கோட்டத்தை சேர்ந்த ஒசூர் மின் நகர், சூசூவாடி, சிப்காட் பகுதி 2 மற்றும் ஒசூர் துணை மின் நிலையங்கள்,  உத்தனப்பள்ளி, கெம்பட்டி ஆகிய துணை மின் நிலையங்களிலும் வியாழக்கிழமை (செப்.12) அத்தியாவசிய மின் சாதன பராமரிப்புப் பணிகள் மேற்கொள்ளப்படவுள்ளன. எனவே அன்று காலை 9 மணி முதல் மாலை 5 மணி வரை அந்தந்த துணை மின்நிலையங்களுக்கு உள்பட்ட பகுதிகளில் மின் நிறுத்தம் செய்யப்படுகிறது. 

]]>
https://www.dinamani.com/all-editions/edition-dharmapuri/krishnagiri/2019/sep/11/ஒசூர்-கோட்டத்தில்-நாளை-மின்நிறுத்தம்-3232119.html
3232118 தருமபுரி கிருஷ்ணகிரி மக்காச்சோளப் பயிர் சாகுபடி: வேளாண் இணை இயக்குநர் ஆய்வு DIN DIN Wednesday, September 11, 2019 10:22 AM +0530 ஊத்தங்கரையை அடுத்த  வளத்தானூர் கிராமத்தில் சாகுபடிசெய்யப்பட்டுள்ள மக்காச்சோளப் பயிர் பரப்பை வேளாண்மை  இணை இயக்குநர்  செ.கலைவாணி,  வேளாண்மை உதவி இயக்குநர் (தரக் கட்டுப்பாடு)  அறிவழகன் ஆகியோர் நேரில் ஆய்வு செய்தனர்.
மக்காச்சோளம் சாகுபடி செய்துள்ள விவசாயிகளைச் சந்தித்து ஒருங்கிணைந்த பூச்சி மேலாண்மை முறைகளை எடுத்துக் கூறினர்.  அடி உரமாக வேப்பம் புண்ணாக்கு  இடுதல்,  25 ஆம் நாள் வேப்ப எண்ணெய் தெளித்தல், இனக்கவர்ச்சிப் பொறிவைத்தல், எமா மெக்டின் பென்சோயேட், ஸ்பைனிடோரம் தெளிப்பு,  பெவேரியா பேசியானா பயன்பாடு ஆகியவை பற்றி விவசாயிகளுக்கு  எடுத்துக் கூறினர்.
மேலும்,  சொட்டுநீர் பாசனத்தின் பயன்பாடு, அதன் முக்கியத்துவம் பற்றியும்  எடுத்துக் கூறினர். இதில்  வேளாண்மை உதவி இயக்குநர் (பொறுப்பு)  சு.பிரபாவதி,  வேளாண்மை உதவிஅலுவலர் பி.தமிழ்வாணன் ஆகியோர் கலந்துகொண்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/11/மக்காச்சோளப்-பயிர்-சாகுபடிவேளாண்-இணை-இயக்குநர்-ஆய்வு-3232118.html
3232117 தருமபுரி கிருஷ்ணகிரி வனவிலங்குகளை வேட்டையாட முயன்ற இருவர் கைது DIN DIN Wednesday, September 11, 2019 10:21 AM +0530 குல்லட்டி காப்புக் காட்டில் வன விலங்குகளை வேட்டையாட  முயன்ற 2 பேரை வனத் துறையினர் செவ்வாய்க்கிழமை கைது செய்தனர்.
கிருஷ்ணகிரி மாவட்டம், தேன்கனிக்கோட்டை அருகே உள்ள குல்லட்டி காப்புக் காட்டில் மர்ம நபர்கள்  வனவிலங்குகளை வேட்டையாடுவதாக மாவட்ட வனஅலுவலர் தீபக் பில்கிக்கு தகவல் வந்தது. 
 இதையடுத்து மாவட்ட வன அலுவலரின் உத்தரவின் பேரில் தேன்கனிக்கோட்டை வனச்சரகர் சுகுமார், வனவர் கதிரவன் ஆகியோர் தலைமையிலான வன ஊழியர்கள் குல்லட்டி காப்புக் காட்டில் ரோந்துப் பணியில் இருந்தனர். 
அப்போது வனப் பகுதியில் 2 பேர் கன்னி வலைகளை வைத்து வனவிலங்குகளை வேட்டையாட முயன்றனர். இதையடுத்து அவர்கள் இருவரையும் வனத்துறையினர் சுற்றிவளைத்து பிடித்தனர்.  
விசாரணையில்,  அவர்கள் குல்லட்டி பகுதியைச் சேர்ந்த குந்து கோட்டப்பா என்பவரின் மகன் மயிலேரி (25), அதே பகுதியைச் சேர்ந்த மல்லப்பா மகன் மாரப்பா (40) என்பது தெரிய வந்தது. இதையடுத்து அவர்கள் இருவரையும் வனத்துறையினர் கைது செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/11/வனவிலங்குகளை-வேட்டையாட-முயன்ற-இருவர்-கைது-3232117.html
3232116 தருமபுரி கிருஷ்ணகிரி தையல் இயந்திரம் பெற மாற்றுத் திறனாளி பெண்கள் விண்ணப்பிக்கலாம் DIN DIN Wednesday, September 11, 2019 10:21 AM +0530 மின்மோட்டார் பொருத்தப்பட்ட இலவச தையல் இயந்திரம்  பெற மாற்றுத் திறனாளி பெண்கள் விண்ணப்பிக்கலாம் என தருமபுரி மாவட்ட ஆட்சியர் சு.மலர்விழி தெரிவித்துள்ளார்.
இது குறித்து,  அவர், செவ்வாய்க்கிழமை வெளியிட்ட செய்திக்குறிப்பு: 
மாற்றுத் திறனாளிகள் நலத்துறை மூலமாக இயக்க குறைபாடு, செவித்திறன் குறைபாடுடைய  மற்றும் 75 சதவீதம் மேல் நுண்அறிவுத்திறன் குன்றிய பெண்கள் 18 வயது முதல் 45 வயது வரையுள்ள மாற்றுத் திறனாளிகளுக்கு விலையில்லா  தையல் இயந்திரம் வழங்கப்படவுள்ளது. 
எனவே,  இத் திட்டத்தில் பயன்பெற,  45 வயதுக்குள்பட்ட மாற்றுத் திறனாளி பெண்கள், தேசிய அடையாள அட்டை,  குடும்ப அட்டை,  தையல் பயிற்சி முடித்ததற்கான சான்றுகளுடன் வருகிற செப்.20 அன்று மாவட்ட மாற்றுத் திறனாளிகள் நல அலுவலகத்தில் நடைபெறவுள்ள பயனாளிகள் நேர்முகத் தேர்வு  முகாமில், கலந்துகொண்டு பயனடையுமாறு கேட்டுக் கொள்ளப்படுகின்றனர். 

]]>
https://www.dinamani.com/all-editions/edition-dharmapuri/krishnagiri/2019/sep/11/தையல்-இயந்திரம்-பெற-மாற்றுத்-திறனாளிபெண்கள்-விண்ணப்பிக்கலாம்-3232116.html
3232115 தருமபுரி கிருஷ்ணகிரி வேளாண்மைத் திட்டங்கள் குறித்து விழிப்புணர்வு ஊர்தி பிரசாரம் தொடக்கம் DIN DIN Wednesday, September 11, 2019 10:21 AM +0530 பென்னாகரம்  அருகே  சின்னம்பள்ளியில் வேளாண்மைத்  திட்டங்கள் குறித்து விழிப்புணர்வு ஏற்படுத்தும் வகையில்  பிரசார  வாகனச் சேவை தொடக்க விழா செவ்வாய்க்கிழமை நடைபெற்றது .
தருமபுரி மாவட்டம், பென்னாகரம் வட்டத்தில் உள்ள விவசாயிகளுக்கு வேளாண்மைத் திட்டங்கள் குறித்து விழிப்புணர்வு ஏற்படுத்தும் வகையில் தேசிய வேளாண்மைத் திட்டத்தின் கீழ் பிரசார ஊர்தியை வேளாண்மை உதவி இயக்குநர் புவனேஸ்வரி  கொடியசைத்து தொடங்கி வைத்தார்.
இந்த பிரசார வாகனத்தில் ஒலி பெருக்கி மூலம் சொட்டுநீர் பாசனம், நீர் மேலாண்மை, கிஸான் கடன் அட்டை பெறுதல், பயிர்க்காப்பீடு, விவசாயிகள் ஓய்வூதியத் திட்டம் மற்றும்  முக்கிய திட்டங்கள்,அதன் செயல்பாடுகள்,  விவசாயிகள் பயன்பெறுவதற்கான வழிகாட்டுதல் குறித்து பொதுமக்களிடம் விழிப்புணர்வு ஏற்படுத்தும் வகையில் பிரசாரம் செய்யப்பட உள்ளது என்பது குறிப்பிடத்தக்கது.
இந்த விழிப்புணர்வு பிரசாரம் தொடக்க விழாவில்  வேளாண்மை அலுவலர் மணிவண்ணன், உதவி வேளாண்மை அலுவலர் தமிழ்செல்வி,சின்னம்பள்ளி தொடக்க வேளாண்மை கூட்டுறவு கடன் சங்கத் தலைவர் மாதையன், வட்டார தொழில்நுட்ப மேலாளர் சரவணன் மற்றும் திருவண்ணாமலை மாவட்டத்தில் உள்ள வாழவச்சனூர் வேளாண்மை கல்லூரியின் கிராம அனுபவத்  திட்ட மாணவியர், பயிர்  அறுவடை களப் பணியாளர் சத்யா மற்றும் திரளான விவசாயிகள் கலந்து கொண்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/11/வேளாண்மைத்-திட்டங்கள்-குறித்துவிழிப்புணர்வு-ஊர்தி-பிரசாரம்-தொடக்கம்-3232115.html
3232114 தருமபுரி கிருஷ்ணகிரி குடும்ப பாதுகாப்பு நிதியை கருவூல அலுவலரே வழங்க ஆணையிட வேண்டும்: ஓய்வுபெற்ற அலுவலர் சங்கம் வலியுறுத்தல் DIN DIN Wednesday, September 11, 2019 10:21 AM +0530 குடும்ப  பாதுகாப்பு நிதியை அரசு கருவூல அலுவலர்களே  வழங்க  ஆணையிட வேண்டும் என ஓய்வு பெற்ற அலுவலர்கள்  சங்கம் வேண்டுகோள் விடுத்துள்ளது.
கிருஷ்ணகிரியில்  மாவட்ட  ஓய்வு பெற்ற அலுவலர் சங்கக் கூட்டம் அண்மையில் நடைபெற்றது.  அதன் மாவட்டத் தலைவர் மாதன் தலைமையில் நடைபெற்ற  இந்தக் கூட்டத்தில் சங்க நிர்வாகிகள் பழ.வெங்கடாசலம், கிருஷ்ணப்பா,  சுப்பிரமணியன்,  பெரியதம்பி, கோபாலகிருஷ்ணன் உள்ளிட்டோர் பங்கேற்றனர்.  
புதிய மருத்துவக் காப்பீடுத் திட்டம் 1028 இன்படி, சந்தா செலுத்தும் அனைவருக்கும்  காப்பீடு அட்டை அல்லது படிவம் - 4 நகல் வழங்க, மாவட்ட அரசு கருவூல  அலுவலரைக் கேட்டுக் கொள்வது,  ஓய்வூதியர் புத்தகத்தில் மாதந்தோறும்  வழங்கப்படும் ஓய்வூதியம் மற்றும் பிட்தம் விவரங்கள் கடந்த சில ஆண்டுகளாகப் பதிவு செய்யப்படாததால்,  அதன் விவரம் கிடைக்காத குறையைப் போக்க வேண்டும். 
குடும்ப பாதுகாப்பு நிதி, ஒப்பளிப்பு செய்யும் அதிகாரம்  உள்ள அரசு கருவூல அலுவலர்களே ரூ.50 ஆயிரம் வழங்க ஆணையிட வேண்டும் என்பன உள்ளிட்ட பல்வேறு தீர்மானங்கள் கூட்டத்தில் நிறைவேற்றப்பட்டன. முன்னதாக இஸ்ரோ விஞ்ஞானிகளுக்கு பாராட்டுத் தெரிவிக்கப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/11/குடும்ப-பாதுகாப்பு-நிதியை-கருவூலஅலுவலரே-வழங்க-ஆணையிட-வேண்டும்-ஓய்வுபெற்ற-அலுவலர்-சங்கம்-வலியுறுத்தல-3232114.html
3232113 தருமபுரி கிருஷ்ணகிரி ஒசூர் ஐ.டி. பூங்காவில் 100 ஏக்கரில் டி.சி.எஸ். கிளை தொடங்க திட்டம்: ஆட்சியர் சு.பிரபாகர் தகவல் DIN DIN Wednesday, September 11, 2019 10:20 AM +0530 ஒசூர் தகவல் தொழில் நுட்ப பூங்காவில்  (ஐ.டி. பார்க்)  டி.சி.எஸ். நிறுவனம் 50 முதல் 100 ஏக்கர் பரப்பில் கிளை திறக்க திட்டமிட்டுள்ளது என கிருஷ்ணகிரி மாவட்ட ஆட்சியர் சு.பிரபாகர் தெரிவித்தார். 
ஒசூரில்  தேசிய  ரியல்  எஸ்டேட் மேம்பாட்டுக் குழுமத்தின் ஒசூர் கிளையை குத்துவிளக்கேற்றி தொடக்கி வைத்து ஆட்சியர் சு.பிரபாகர்  மேலும் பேசியது:  ஒசூரில் பல்வேறு வளர்ச்சித் திட்டங்களை தமிழக அரசு செயல்படுத்தி வருகிறது. பெங்களூரு எலக்ட்ரானிக் சிட்டியை தலைமையிடமாகக் கொண்டு செயல்பட்டு வரும் உலக பிரசித்தி பெற்ற டி.சி.எஸ். நிறுவனம் விரிவாக்கத் திட்டத்தைச் செயல்படுத்த திட்டமிட்டுள்ளது.இந்த நிறுவனம் ஒசூர் தகவல் தொழில்நுட்பப் பூங்காவில் 50 முதல் 100 ஏக்கர் நிலப் பரப்பில் தங்களது கிளையை தொடங்கத் திட்டமிட்டுள்ளது. விரைவில் இத் திட்டம் செயல்பாட்டுக்கு வரும். 
அதேபோன்று  தமிழக அரசு ரூ.20 கோடியில் மலர் ஏல விற்பனை மையத்தை தொடங்கவுள்ளது. இதற்கான அறிவிப்பை தமிழக சட்டப்பேரவையில் முதல்வர் எடப்பாடி பழனிசாமி அறிவித்துள்ளார். ஒசூர் மாநகராட்சி நிர்வாகம் புதிய பேருந்து நிலையத்தை  12 ஏக்கர் நிலப்பரப்பில் அட்கோ காவல் நிலையம் அருகில் அமைக்க திட்டமிட்டு வருகிறது. அதற்கான திட்டத்தை தயார் செய்துள்ள நகராட்சி நிர்வாகம் தமிழக அரசின் அனுமதி  கோரி காத்திருக்கிறது. மேலும், தருமபுரியில் இருந்து ஒசூர் வழியாக அத்திப்பள்ளி வரை 4 வழிச்சாலை அமைக்கும் திட்டத்துக்குத் தேவையான நிலம் கையகப்படுத்தும் பணி நிறைவடைந்துள்ளது. விரைவில் இத் திட்டம் செயல்படுத்தப்படும். 
மத்திய அரசின் பாரத்மாலா திட்டத்தில் ஒசூரைச் சுற்றி 45 கிலோ மீட்டர் தொலைவுக்கு  4 வழி உள்வட்டச்சாலை அமைக்கும் திட்டத்துக்கு நிலம் கையகப்படுத்தும் பணி நடைபெற்று வருகிறது. இந்தச்சாலை பெங்களூரில் இருந்து தொடங்கி ஒசூரைச் சுற்றி பாகலூர் வழியாக பெங்களூரை இணைக்கும் திட்டமாகும். 
தமிழக அரசு சூசூவாடி முதல் பேரண்டப்பள்ளி வரை வடக்கு வெளிவட்டச் சாலை அமைக்கத் திட்டம் தீட்டி வருகிறது. இத் திட்டம் இன்னும் 2 மாதங்களில் செயலாக்கம் பெறும்.  
ஒசூரில் நிலவும் குடிநீர் பிரச்னையைத் தீர்க்க மேலும்  20 எம்எல்டி தண்ணீர் திட்டத்தை நகராட்சி நிர்வாகம் செயல்படுத்த நடவடிக்கை எடுத்த வருகிறது. எனவே ஒசூரில் ரியல் எஸ்டேட் தொழில் மிகவும் வளர்ச்சியடையும் என்றார். 
இந்த விழாவில் சிறப்பு விருந்தினராக மாவட்ட ஒசூர் புதுநகர் வளர்ச்சிக் குழமம் செயலாளர் யோகராஜ், ஒசூர் கிளைத் தலைவர் லீலா சங்கர்ராவ், தென்னிந்தியத் தலைவர் பிரேம்குமார்,  கர்நாடக மாநிலத் தலைவர் சதீஷ்குமார்,  ஈரோடு சதாசிவம்,  சேலம் மாவட்ட சங்கத் தலைவர் ராஜா,  லியோ  குரூப் தலைவர் வித்யாசாகர், முன்னாள் நகர்மன்ற உறுப்பினர் பி.ஆர்.வாசுதேவன்,  ஆடிட்டர் குத்தாலிங்கம்,  வழக்குரைஞர்  ஆனந்த குமார் உள்ளிட்ட பலர் கலந்து கொண்டனர்.  

]]>
https://www.dinamani.com/all-editions/edition-dharmapuri/krishnagiri/2019/sep/11/ஒசூர்-ஐடி-பூங்காவில்-100-ஏக்கரில்-டிசிஎஸ்-கிளை-தொடங்க-திட்டம்-ஆட்சியர்-சுபிரபாகர்-தகவல்-3232113.html
3232112 தருமபுரி கிருஷ்ணகிரி நீர்நிலைகளை தூர்வார கிராம மக்கள் கோரிக்கை மனு DIN DIN Wednesday, September 11, 2019 10:20 AM +0530 நீர்நிலைகளை  தூர்வாரக் கோரி, கிருஷ்ணகிரி மாவட்ட  ஆட்சியர் அலுவலகத்தில் கிராம மக்கள் செவ்வாய்க்கிழமை கோரிக்கை மனு அளித்தனர்.
கிருஷ்ணகிரி  ஊராட்சி ஒன்றியத்துக்கு உள்பட்டது  எலுமிச்சங்கிரி கிராமம். இந்தக் கிராமத்தைச் சேர்ந்த பொதுமக்கள்,  மாவட்ட ஆட்சியர் அலுவலகத்தில் அளித்த கோரிக்கை  மனுவின் விவரம்: மல்லிநாயனப்பள்ளி ஊராட்சிக்கு உள்பட்ட  எலுமிச்சங்கிரி,  முனுசாமி கொட்டாய்,  ஜாமத்தோட்டம், சாமுடியம்மன்  கோயில் உள்ளிட்ட பல கிராமங்கள் உள்ளன. இந்தக் கிராம மக்களின் முக்கிய தொழில் விவசாயம். இவர்களின் நீர் ஆதாராமாக எலுமிச்சங்கிரி கிராமத்தில்  உள்ள பெரிய ஏரி,  ஜம்பேரி மற்றும் குட்டைகள் உள்ளன. மழை பெய்தாலும், இந்த நீர் நிலைகளுக்கு நீர்வரத்து இல்லாமல் உள்ளதால், பெரும்பாலும் வறண்டே  காணப்படுகிறது.
இதற்கு காரணம்,  சிலர்,  நீர்வழித் தடங்களை ஆக்கிரமித்துள்ளதே காரணம்.  மேலும்,  நீர்நிலைகள் வறண்டு காணப்படுவதால், கட்டடக் கழிவுகளை, நீர்நிலைகளில் கொட்டி செல்லுகின்றனர். இதனால், இந்தப் பகுதியில் உள்ள விவசாயிகள், கால்நடை  வளர்ப்போர் பெரும் சிரமத்துக்கு உள்ளாகி வருகின்றனர். எனவே, இந்த நீர்நிலைகளில் காணப்படும் ஆக்கிரமிப்புகளை அகற்றி, தூர்வார  நடவடிக்கை எடுக்க வேண்டும் என வலியுறுத்தி உள்ளனர்.

]]>
https://www.dinamani.com/all-editions/edition-dharmapuri/krishnagiri/2019/sep/11/நீர்நிலைகளை-தூர்வார-கிராம-மக்கள்-கோரிக்கை-மனு-3232112.html
3232111 தருமபுரி கிருஷ்ணகிரி அண்ணா பிறந்தநாள் விழா மிதிவண்டி போட்டி DIN DIN Wednesday, September 11, 2019 10:20 AM +0530 கிருஷ்ணகிரியில் செவ்வாய்க்கிழமை நடைபெற்ற அண்ணா பிறந்தநாள் விழா மிதிவண்டி போட்டியில்  220 மாணவ, மாணவியர் பங்கேற்றனர் .
தமிழக  முன்னாள் முதல்வர் அண்ணா பிறந்தநாளையொட்டி,  ஆண்டுதோறும் மிதிவண்டி போட்டிகள் நடத்தப்பட்டு வருகின்றன. இதன்படி, நிகழ்வாண்டுக்கான போட்டிகள்,  கிருஷ்ணகிரி மாவட்ட விளையாட்டு மைதானத்தில் செவ்வாய்க்கிழமை நடைபெற்றன. இந்தப் போட்டிகளை வருவாய் கோட்டாட்சியர் தெய்வநாயகி, கொடியசைத்து தொடக்கி வைத்தார். மாவட்ட விளையாட்டு அலுவலர் உமா சங்கர், தலைமை வகித்தார். 
13 வயதுக்கு உள்பட்டோர் பிரிவில் 10 கி.மீ. தூரமும், 15 வயதுக்கு உள்பட்டோருக்கு 15 கி.மீ. தூரமும்,  17 வயதுக்கு உள்பட்டவர்களுக்கு 20 கி.மீ தூரமும் இலக்காக நிர்ணயம் செய்யப்பட்டிருந்தது.  இந்தப் போட்டிகளில் 120 மாணவர்கள், 100 மாணவியர் என மொத்தம் 220 மாணவ, மாணவியர் பங்கேற்றனர். 
போட்டிகளில் முதல் மூன்று இடங்களைப் பெற்ற மாணவ, மாணவியருக்கு பரிசுத் தொகை மற்றும் சான்றிதழ்கள் வழங்கப்பட்டன.


 

]]>
https://www.dinamani.com/all-editions/edition-dharmapuri/krishnagiri/2019/sep/11/அண்ணா-பிறந்தநாள்-விழா-மிதிவண்டி-போட்டி-3232111.html
3232110 தருமபுரி கிருஷ்ணகிரி கால்நடை காப்பீடு திட்டத்தை மீண்டும் நடைமுறைப்படுத்த கோரிக்கை DIN DIN Wednesday, September 11, 2019 10:19 AM +0530 கால்நடை காப்பீடுத் திட்டத்தை மீண்டும் நடைமுறைப்படுத்த வேண்டும் என மத்திய, மாநில அரசுகளுக்கு விவசாயிகள் கோரிக்கை விடுத்துள்ளனர்.
இதுகுறித்து,  தமிழக விவசாயிகள் சங்கத்தின் மாநிலத் தலைவர் ராமகவுண்டர்,  முதல்வர் எடப்பாடி பழனிசாமிக்கு அனுப்பியுள்ள கோரிக்கை மனுவின் விவரம்: தமிழ்நாட்டில் கடந்த 10 ஆண்டுகளாக கறவைப் பசுக்கள், எருமைகள்,  ஆடுகளுக்கு காப்பீடுத் திட்டம் செயல்படுத்தப்பட்டு வந்தது. அதன்படி மத்திய அரசு 50 சதவீதம், மாநில அரசு 25 சதவீதம் மீதி 25 சதவீதம் கால்நடை வளர்போர் என காப்பீட்டுத் தொகையை செலுத்தி வந்தனர். 
இந்தத் திட்டத்தால், இறந்த கால்நடைக்கு அதிகபட்சமாக  ரூ.30 ஆயிரம் வீதம் இழப்பீடு வழங்கப்பட்டு வந்தது. இந்தத் திட்டம், கடந்த மார்ச் 2018-ஆம் ஆண்டு நிறைவடைந்தது. ஆனால், மீண்டும் இந்தக் காப்பீடுத் திட்டத்தை தொடர்ந்து நடைமுறைப்படுத்தவில்லை. 
இதுகுறித்து, பலமுறை முறையீடு செய்தும், எந்தவித நடவடிக்கையும் எடுக்கவில்லை. தற்போது, இந்தத் திட்டம் நடைமுறையில்லாததால், இறந்த கால்நடைகளுக்கு உரிய இழப்பீடு கிடைக்காமல் கால்நடை வளர்ப்போர் பெரிதும் பாதிக்கப்பட்டுள்ளனர். காப்பீடுத் திட்டத்தால் கிடைக்கும் இழப்பீட்டுத் தொகை இல்லாததால், மீண்டும் கால்நடைகளை விலைக்கு வாங்க இயலாத நிலை ஏற்பட்டுள்ளது.  எனவே, கால்நடை வளர்ப்போரின் நலன் கருதி கால்நடைகளுக்கான காப்பீடு திட்டத்தை மீண்டும் நடைமுறைப்படுத்த வேண்டும் என அவர் தெரிவித்துள்ளார்.


 

]]>
https://www.dinamani.com/all-editions/edition-dharmapuri/krishnagiri/2019/sep/11/கால்நடை-காப்பீடு-திட்டத்தை-மீண்டும்-நடைமுறைப்படுத்த-கோரிக்கை-3232110.html
3232109 தருமபுரி கிருஷ்ணகிரி டெங்கு தடுப்பு விழிப்புணர்வுப் பேரணி DIN DIN Wednesday, September 11, 2019 10:19 AM +0530 பர்கூரில் டெங்கு தடுப்பு விழிப்புணர்வுப் பேரணி  செவ்வாய்க்கிழமை நடைபெற்றது.
பர்கூரில் நடைபெற்ற டெங்கு விழிப்புணர்வுப் பேரணியை, சுகாதாரப் பணிகளின் துணை இயக்குநர் பிரியா ராஜ், தலைமை வகித்து தொடங்கி வைத்தார். வட்டார மருத்துவ அலுவலர் சிவக்குமார்,  முதுநிலை மருத்துவ அலுவலர் சற்குணம்,  ஓய்வு பெற்ற வட்டார மருத்துவ அலுவலர் உதயசூரியன் உள்ளிடோர் பங்கேற்றனர். 
பர்கூர்  வட்டார வளர்ச்சி அலுவலகம் அருகே தொடங்கிய இந்த பேரணி, சென்னைப் பிரிவு சாலை, ஜெகதேவி சாலை, சின்ன பர்கூர், டெக்ஸ்டைல்ஸ்  மார்க்கெட் சாலை மற்றும் முக்கிய வீதிகள் வழியாகச் சென்றது. இந்தப் பேரணியில் அரசு மகளிர் மேல்நிலைப் பள்ளி,  வேளாங்கண்ணி மெட்ரிக். மேல்நிலைப் பள்ளியின் மாணவ, மாணவியர்  பங்கேற்றனர். பருவ மழை தொடங்குவதற்கு முன்னர் மழை நீர் தேங்காத வகையில் முன்னெச்சரிக்கை நடவடிக்கைகளை மேற்கொள்வது, வீடுகளில் உள்ள தண்ணீர் தொட்டிகளில் புழுக்கள்  உருவாகாத வகையில் மேல்மூடி அமைப்பதோடு, சுத்தம் செய்ய வேண்டும். டெங்கு, வைரஸ் நோய்கள் தாக்கத்திலிருந்து பாதுகாத்துக் கொள்வது குறித்து விழிப்புணர்வு ஏற்படுத்தப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/11/டெங்கு-தடுப்பு-விழிப்புணர்வுப்-பேரணி-3232109.html
3231463 தருமபுரி கிருஷ்ணகிரி கல்லூரி பேருந்து மோதியதில் பள்ளி மாணவி பலி DIN DIN Tuesday, September 10, 2019 10:53 AM +0530 கடத்தூர் அருகே தனியார் கல்லூரி பேருந்து மோதியதில்,  பள்ளி மாணவி உயிரிழந்தார்.
தருமபுரி மாவட்டத்துக்குள்பட்ட   கடத்தூர் அருகேயுள்ள கேத்துரெட்டிப்பட்டியைச் சேர்ந்த பிரபு மகள் நித்யா (13). இவர் அங்குள்ள அரசுப் பள்ளியில் 7-ஆம் வகுப்பு படித்து வந்தார்.
இவர் திங்கள்கிழமை காலை 7.30 மணியளவில் தனது மிதிவண்டியில்,  அதே ஊரைச் சேர்ந்த செந்தில் மகன் சபரி (10) என்பவரை பின்னால் உட்கார வைத்துக்கொண்டு, வேப்பிலைப்பட்டி-கேத்துரெட்டிப்பட்டி சாலையில் சென்றுள்ளார்.
 அப்போது,   மிதிவண்டி மீது  தனியார் கல்லூரி பேருந்து மோதியது. இதில், பலத்த காயம் அடைந்த நித்யா சம்பவ இடத்தில் உயிரிழந்தார். அவருடன் சென்ற சிறுவன் சபரி காயமடைந்தார். இதையடுத்து, அவரை அங்கிருந்தோர் மீட்டு சேலம் தனியார் மருத்துவமனையில் சேர்த்தனர்.
உறவினர் சாலை மறியல் :
இந்த நிலையில்,  நித்யா உயிரிழந்ததை அடுத்த அவரது உறவினர்கள் தாளநத்தம்-பொம்மிடி சாலையில் மறியலில் ஈடுபட்டனர். சாலையை அகலப்படுத்த வேண்டும் என்றும் தனியார் கல்லூரி பேருந்து ஓட்டுநர் மீது நடவடிக்கை எடுக்க வேண்டும் என்றும் அவர்கள் வலியுறுத்தினர்.
தகவலின்பேரில் தருமபுரி சார்-ஆட்சியர் சிவன் அருள், அரூர் டிஎஸ்பி ஏ.சி.செல்லப்பாண்டியன் உள்ளிட்டோர் அங்கு சென்று,  சமரசம் செய்தனர். 
இதுகுறித்து கடத்தூர் போலீஸார் வழக்குப் பதிந்துள்ளனர்.

]]>
https://www.dinamani.com/all-editions/edition-dharmapuri/krishnagiri/2019/sep/10/கல்லூரி-பேருந்து-மோதியதில்-பள்ளி-மாணவி-பலி-3231463.html
3231462 தருமபுரி கிருஷ்ணகிரி மாணவிகளுக்கு பாலியல் தொந்தரவு: தலைமை ஆசிரியர் கைது DIN DIN Tuesday, September 10, 2019 10:53 AM +0530 பென்னாகரம் அருகே மாணவிகளை பாலியல் தொந்தரவு செய்ததாக,  தலைமை ஆசிரியரை போலீஸார் கைது செய்தனர்.
தருமபுரி மாவட்டத்துக்குள்பட்ட பென்னாகரத்தை அடுத்த ஏரியூர் அருகே  பத்ரஅள்ளி ஊராட்சிக்குள்பட்ட பூச்சுயூரில் உள்ள அரசு உயர்நிலைப் பள்ளியில் 140-க்கும் மேற்பட்ட மாணவ, மாணவிகள் பயின்று வருகின்றனர்.
இந்தப் பள்ளியின் தலைமை ஆசிரியர் சுப்பிரமணி(53) என்பவர், சில மாணவிகளை தனது அறைக்கு அழைத்துவந்து பாலியல் தொந்தரவு செய்தாராம்.
இதையறிந்த பெற்றோர்கள்,  பொதுமக்கள் பள்ளியை திங்கள்கிழமை முற்றுகையிட்டனர். பின்னர்,  அவர்கள் சாலையில் அமர்ந்து மறியலில் ஈடுபட்டனர்.
தகவலறிந்த  ஏரியூர் காவல் நிலைய ஆய்வாளர் பாஸ்கர் பாபு, பென்னாகரம் மகளிர் காவல் நிலைய ஆய்வாளர் லதா மற்றும் போலீஸார்  அங்கு சென்று,  சமரசம் பேசினர். இதைத் தொடர்ந்து,  சுப்பிரமணியை போஸ்கோ சட்டத்தின்படி போலீஸார் கைது செய்தனர்."
 

]]>
https://www.dinamani.com/all-editions/edition-dharmapuri/krishnagiri/2019/sep/10/மாணவிகளுக்கு-பாலியல்-தொந்தரவு-தலைமை-ஆசிரியர்-கைது-3231462.html
3231461 தருமபுரி கிருஷ்ணகிரி ஜக்கி வாசுதேவ்  நாளை ஒசூர் வருகை DIN DIN Tuesday, September 10, 2019 10:53 AM +0530 ஈஷா யோகா மைய நிறுவனர் ஜக்கி வாசுதேவ் நடத்தி வரும் நதிகளை மீட்போம், பாரதம் காப்போம் இயக்கத்தின் சார்பில், காவிரி நதியை மீட்டெடுக்கும் வகையில், காவிரி கூக்குரல் என்ற நிகழ்ச்சிக்காக,  அவர் செப்.3 ஆம் தேதி  கர்நாடக மாநிலம், தலைக்காவிரியிலிருந்து, திருவாரூர் வரை இரு சக்கர வாகனப் பயணம் மேற்கொண்டுள்ளார். 
இதன் ஒரு பகுதியாக செப்டம்பர் 11-ஆம் தேதி (புதன்கிழமை)  காலை 8 மணிக்கு  தமிழக எல்லையான அத்திப்பள்ளி அருகே அவருக்கு வரவேற்பு அளிக்க தொழிற்துறையினர், பிஎம்சி கல்லூரி, மற்றும் விவசாயிகள் சார்பில்  முடிவு செய்யப்பட்டுள்ளது.
இதுகுறித்து ஒசூர் பிஎம்சி கல்லூரி செயலாளர் பி.குமார் செய்தியாளர்களிடம் திங்கள்கிழமை கூறியது: 
கர்நாடக  மாநிலம், தலைக்காவேரியிலிருந்து புறப்பட்டு செப்.11இல்  தமிழகத்துக்குள் வரும் ஈஷா யோகா மையத்தின் நிறுவனருக்கு  தமிழக எல்லையில் சிறப்பான வரவேற்பு அளிக்கப்படுகிறது. காவிரி கூக்குரல் நிகழ்ச்சியை முன்னிட்டு இரு சக்கர வாகனப் பேரணியை முன்னின்று நடத்தி வருகிறார். அவரை வரவேற்க  ஒசூர் பெரிய தொழிற்சாலைகள் சங்கம், சிறு மற்றும் குறுந்தொழிற்சாலைகள் சங்கம், ஒசூர் பிஎம்சி கல்லூரி மாணவ, மாணவியர், அஞ்செட்டி விவசாயிகள், தென்பெண்ணை ஆற்று விவசாயிகள்  ஜக்கி வாசுதேவை வரவேற்க உள்ளனர் என்றார்.  இதனைத் தொடர்ந்து ஒசூர் அதியமான் பொறியியல் கல்லூரியில் ஜக்கி வாசுதேவ் விவசாயிகள் மற்றும் பொதுமக்களைச் சந்தித்து பேசுகிறார். 

]]>
https://www.dinamani.com/all-editions/edition-dharmapuri/krishnagiri/2019/sep/10/ஜக்கி-வாசுதேவ்-நாளை-ஒசூர்-வருகை-3231461.html
3230713 தருமபுரி கிருஷ்ணகிரி ஜெகதேவியில் மொகரம் அனுசரிப்பு DIN DIN Monday, September 9, 2019 09:48 AM +0530 பர்கூரை அடுத்த ஜெகதேவியில் மொகரம் தினத்தையொட்டி இஸ்லாமியர்கள் தங்கள் உடலில் சிறு ஆயுதங்களால் காயங்களை ஏற்படுத்தி தியாக தினத்தை கடைப்பிடித்தனர்.
முகமது நபியின் பேரன் இமாம் உசேன் மற்றும் அவருடன் இருந்தவர்களை எஷீர் என்பவர் கொடுமைப்படுத்தி கொலை செய்ததாக வரலாறு கூறுகிறது. இந்த நிகழ்வை நினைவுகூரும் வகையில், இஸ்லாமியர்களின் ஒரு பிரிவான ஷியா பிரிவினர் துக்க நாளாக மொகரத்தை அனுசரிக்கின்றனர். இதையொட்டி பர்கூர் அருகே உள்ள ஜெகதேவி கிராமத்தில் சிறுவர்கள் முதல் முதியவர்கள் வரையில் நூற்றுக்கும் மேற்பட்டோர் சிறு கூர்மையான ஆயுதங்களால் தங்களைத் தாங்களே தாக்கி வருத்திக் கொண்டு, ஊர்வலமாக சென்றனர். இதில் தமிழ்நாடு, ஆந்திரம், கர்நாடகம் ஆகிய மாநிலத்தவர்கள் பங்கேற்றனர். இந்த நிகழ்வை மீர் அஸார் அலி, உசேன் தோஸ்த், திராஸ் அலி, மீர் முகமது ராஜ் ஆகியோர் ஒருங்கிணைத்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/09/ஜெகதேவியில்-மொகரம்-அனுசரிப்பு-3230713.html
3230712 தருமபுரி கிருஷ்ணகிரி இளைஞர் மர்மச் சாவு DIN DIN Monday, September 9, 2019 09:48 AM +0530 மர்மமான முறையில் இளைஞர் உயிரிழந்தது தொடர்பாக உரிய விசாரணை நடத்த வேண்டும் என விடுதலைச் சிறுத்தைகள் கட்சியினர் கோரிக்கை விடுத்துள்ளனர்.
ஊத்தங்கரையை அடுத்த புளியாண்டப்பட்டியை சேர்ந்த ஜெகநாதன் மகன் மதன்குமாரை (20) திருட்டு வழக்கில் விசாரணைக்காக செப்.5-ஆம் தேதி  கிருஷ்ணகிரி மாவட்ட குற்றப்பிரிவு போலீஸார் அழைத்துச் சென்றனர். பின்னர் வீடு திரும்பினார். இந்த நிலையில்,  இவர்  சனிக்கிழமை தனது வீட்டில் விஷம் அருந்தினாராம்.  அப்போது  மயங்கி விழுந்து  ஊத்தங்கரை அரசு மருத்துவமனையில் அனுமதிக்கப்பட்ட அவர், அங்கு உயிரிழந்தார்.  இவரது இறப்பில் மர்மம் உள்ளதாகவும், அவரது உடலை மருத்துவக் கல்லூரி மருத்துவமனையில் பிரேத பரிசோதனை செய்து அதை விடியோ பதிவு செய்ய வேண்டும் என விடுதலைச் சிறுத்தைகள் கட்சியின் மாநிலப் பொதுச் செயலாளர் சிந்தனை செல்வன், கிருஷ்ணகிரி மாவட்டச் செயலாளர் கனியமுதன் ஆகியோர் வலியுறுத்தினர். மேலும், காவல் துறையினர் மீது நடவடிக்கை எடுத்து உயிரிழந்தவரின் குடும்பத்துக்கு உரிய இழப்பீடு வழங்க வேண்டும் எனவும் அக் கட்சியினர் கோரிக்கை விடுத்தனர்.  இதையடுத்து, அவரது உடல் தருமபுரி அரசு மருத்துவக் கல்லூரி மருத்துவமனைக்கு பிரேத பரிசோதனைக்காக அனுப்பப்பட்டது.
 

]]>
https://www.dinamani.com/all-editions/edition-dharmapuri/krishnagiri/2019/sep/09/இளைஞர்-மர்மச்-சாவு-3230712.html
3230711 தருமபுரி கிருஷ்ணகிரி மாநில கோ-கோ போட்டியில் வேளாங்கண்ணி பள்ளி சிறப்பிடம் DIN DIN Monday, September 9, 2019 09:48 AM +0530 மாநில அளவிலான கோ-கோ போட்டியில் கிருஷ்ணகிரி வேளாங்கண்ணி பொதுப் பள்ளி மாணவ, மாணவிகள் சிறப்பிடம் பெற்றனர்.
திருவண்ணாமலை மாவட்டம், ஆரணியில் 14 வயதுக்குள்பட்ட மாணவ, மாணவிகளுக்கான மாநில அளவிலான கோ-கோ போட்டி அண்மையில் நடைபெற்றது. இதில் 63 பள்ளிகள் பங்கேற்றன. இப் போட்டியில் கிருஷ்ணகிரி வேளாங்கண்ணி சி.பி.எஸ்.இ பள்ளி பெண்கள் அணி, மாநிலத்தில் முதலிடம் பெற்றது. 
மேலும், அப் பள்ளியின் ஆண்கள் அணி  மூன்றாமிடத்தை பெற்றது. வெற்றி பெற்ற மாணவ, மாணவிகள், பயிற்சி அளித்த உடற்கல்வி ஆசிரியர்  விக்னேஷ் ஆகியோரை பள்ளி மேலாளர் கூத்தரசன், முதல்வர் அஷோக், துணை முதல்வர் காஞ்சனா ரவி ஆகியோர் பாராட்டினர்.

]]>
https://www.dinamani.com/all-editions/edition-dharmapuri/krishnagiri/2019/sep/09/மாநில-கோ-கோ-போட்டியில்-வேளாங்கண்ணி-பள்ளி-சிறப்பிடம்-3230711.html
3230710 தருமபுரி கிருஷ்ணகிரி நோயாளிகள் நல அறக்கட்டளை நிர்வாகிகள் ஆலோசனை கூட்டம் DIN DIN Monday, September 9, 2019 09:48 AM +0530 ஊத்தங்கரையில் நோயாளிகள் நல அறக்கட்டளை நிர்வாகிகள் ஆலோசனைக் கூட்டம் அரசு மருத்துவமனை வளாகத்தில் ஞாயிற்றுக்கிழமை நடைபெற்றது.
நிகழ்ச்சிக்கு நோயாளிகள் நல அறக்கட்டளையின் தலைவர் வே.சந்திரசேகரன் தலைமை வகித்தார். ஊத்தங்கரை நடுவர் நீதிமன்ற நீதிபதி பி.திருஞானசம்பந்தம், அறக்கட்டளையின் செயலாளர்  மருத்துவர்  கே.கந்தசாமி, மருத்துவமனை தலைமை மருத்துவ அலுவலர் மாரிமுத்து ஆகியோர் முன்னிலை வகித்தனர்.
கூட்டத்தில் மருத்துவமனையின் வளர்ச்சி குறித்தும், மருத்துவமனைக்கு தேவையான உபகரணங்கள் குறித்தும் ஆலோசிக்கப்பட்டது. மேலும் நோயாளிகள் நல அறக்கட்டளையின் சார்பில் மருத்துவர்களுக்கும் பொதுமக்களுக்கும் நல்ல நல்லுறவு ஏற்படும் வகையில் நடந்துக்கொள்ள வேண்டும் எனவும், மருத்துவமனையில் உள்ள எக்ஸ்ரே கருவி,  ஸ்கேன் கருவி,  ரத்த  சுத்திகரிப்பு  செய்யும் உபகரணங்களை கிருஷ்ணகிரி மக்களவை தொகுதி உறுப்பினர் டாக்டர் செல்லகுமார்,  ஊத்தங்கரை சட்டப்பேரவை உறுப்பினர் மனோரஞ்சிதம் நாகராஜ் ஆகியோரை தொடர்பு கொண்டு தெகுதி மேம்பாட்டு நிதியில் உபகரணங்களை வாங்கி தருமாறு கோரிக்கை விடுப்பது என முடிவு செய்யப்பட்டது. கூட்டத்தில் கருணாநிதி, ஜெயராமன்,சிவா, எக்கூர் செல்வம், சாமிநாதன், ஜெயலட்சுமி, சிவா மற்றும் அனைத்து கட்சி பிரமுகர்கள் கலந்து கொண்டனர். மருத்துவர் ராசு நன்றி கூறினார்.

]]>
https://www.dinamani.com/all-editions/edition-dharmapuri/krishnagiri/2019/sep/09/நோயாளிகள்-நல-அறக்கட்டளைநிர்வாகிகள்-ஆலோசனை-கூட்டம்-3230710.html
3230709 தருமபுரி கிருஷ்ணகிரி அதியமான் சாரண, சாரணியர்கள் சிறப்பிடம் DIN DIN Monday, September 9, 2019 09:47 AM +0530 சென்னையில் நடைபெற்ற சாரணியர்களுக்கான 10-ஆவது மாநில பெருந்திரளணியில் பல்வேறு போட்டிகளில் ஊத்தங்கரை அதியமான் மெட்ரிக் மேல்நிலைப் பள்ளி மாணவர்கள் சிறப்பிடம் பெற்றனர்.
பல்வேறு போட்டிகளில் இவர்கள் தங்கப் பதக்கம் பெற்றனர். சிறப்பிடம் பெற்ற பி.வின்மொழி, நவின், லிசாந்த், சஞ்சீவ், சஞ்சய்சீனிவாசன், பிரதாப், ராகுல், உதயகீதா, நிஷா, பிரபாவதி, பிரீத்தி, பிரியங்கா ஆகிய மாணவர்களை  பள்ளி தாளாளர் முனைவர் சீனி.திருமால் முருகன், பள்ளியின் முதல்வர் சீனி. கலைமணி சரவணக்குமார், நிர்வாக அலுவலர் சீனி.கணபதிராமன் ஆகியோர் பாராட்டி வாழ்த்தினர்.
 

]]>
https://www.dinamani.com/all-editions/edition-dharmapuri/krishnagiri/2019/sep/09/அதியமான்-சாரண-சாரணியர்கள்-சிறப்பிடம்-3230709.html
3230708 தருமபுரி கிருஷ்ணகிரி குதிரை உதைத்ததில் இளைஞர் பலி DIN DIN Monday, September 9, 2019 09:47 AM +0530 தேன்கனிக்கோட்டை அருகே குதிரை எட்டி உதைத்தில் இரு சக்கர வாகனத்தில் சென்றவர் உயிரிழந்தார்.  
கிருஷ்ணகிரி மாவட்டம், தேன்கனிக்கோட்டை வட்டம், வரதரெட்டிப்பாளையத்தைச் சேர்ந்தவர்கள் முனிராஜ் (24), மது (22) ஆகிய இருவரும் தேன்கனிக்கோட்டைக்கு ஞாயிற்றுக்கிழமை இரு சக்கர வாகனத்தில் சென்று கொண்டிருந்தனர். 
பஜ்ஜேப்பள்ளி அருகே குதிரை மீது அமர்ந்தவாறு ஒருவர் குதிரையை ஓட்டி சென்றார். அப்போது, குதிரை திடீரென்று மிரண்டு இரு சக்கர வாகனத்தில் சென்ற முனிராஜ், மது ஆகிய 2 பேரையும் கால்களால் எட்டி உதைத்தது. 
இதில் தலையில் பலத்த காயம் அடைந்த முனிராஜ் நிகழ்விடத்திலே பரிதாபமாக இறந்தார். மது பலத்த காயமடைந்தார். இதுகுறித்து தகவல் அறிந்ததும் தேன்கனிக்கோட்டை போலீஸார் நிகழ்விடத்துக்கு சென்று உடலை கைப்பற்றி பிரேத பரிசோதனைக்காக தேன்கனிக்கோட்டை அரசு மருத்துவமனைக்கு அனுப்பி வைத்தனர். மேலும் காயமடைந்த மதுவை மீட்டு சிகிச்சைக்காக தேன்கனிக்கோடடை அரசு மருத்துவமனையில் சேர்த்தனர். இதுதொடர்பாக தேன்கனிக்கோட்டை போலீஸார் வழக்குப்பதிவு செய்து குதிரையை ஓட்டிச் சென்று தப்பி ஓடிய இளைஞரை தேடி
வருகின்றனர்.

]]>
https://www.dinamani.com/all-editions/edition-dharmapuri/krishnagiri/2019/sep/09/குதிரை-உதைத்ததில்இளைஞர்-பலி-3230708.html
3230707 தருமபுரி கிருஷ்ணகிரி வனப் பகுதியில் மின் வேலியில் சிக்கி இளைஞர் உயிரிழப்பு DIN DIN Monday, September 9, 2019 09:47 AM +0530 சூளகிரி அருகே வனப்பகுதியில் அமைக்கப்பட்டிருந்த மின் வேலியில் சிக்கி இளைஞர் உயிரிழந்தார். 
கிருஷ்ணகிரி மாவட்டம், சூளகிரி அருகே உள்ளது சின்னாறு வனப்பகுதி. இந்த வனப்பகுதியையொட்டி ஞாயிற்றுக்கிழமை பொதுமக்கள் சிலர் நடந்து சென்று கொண்டிருந்தனர். அப்போது, அங்கு புதர் ஒன்றில் இளைஞர் ஒருவர் இறந்த நிலையில் கிடந்தார். அவரது உடலில் ரத்தம் வழிந்தபடி இருந்தது. 
இதை பார்த்த பொதுமக்கள் சூளகிரி காவல் நிலையத்துக்கு வனத் துறைக்கும் தகவல் தெரிவித்தனர். அதன் பேரில் சூளகிரி போலீஸார் மற்றும் வனத் துறையினர் விசாரணை நடத்தினர். விசாரணையில் இறந்து கிடந்தவர் சூளகிரி தாலுகா மேலுமலை அருகே உள்ள சாமனூர் கிராமத்தைச் சேர்ந்த முருகன் மகன் விஜய் பிரதாப் (25) என தெரிய வந்தது. இவர் சாலையோர உணவகத்தில் ஒன்றில் சமையல்காரராக வேலை செய்து வந்த இவர், அவ்வப்போது வனப்பகுதிக்கு வன விலங்குகளை வேட்டையாட செல்வதை வழக்கமாகக் கொண்டிருந்தார். அந்த வகையில் சின்னாறு வனப் பகுதிக்கு வன விலங்குகளை அவர் வேட்டையாட சென்றதாகக் கூறப்படுகிறது. அப்போது, வனப்பகுதியையொட்டி அமைக்கப்பட்டிருந்த மின் வேலி ஒன்றில் சிக்கி மின்சாரம் தாக்கி விஜய் பிரதாப் பலியானார். இதையடுத்து அவரது உடலை மர்ம நபர்கள் யாரோ அங்கிருந்து தூக்கி சென்று புதர் ஒன்றில் போட்டு சென்றது விசாரணையில் தெரிய வந்தது. இதையடுத்து விஜய் பிரதாப்பின் உடலை போலீஸார் மீட்டு பிரேத பரிசோதனைக்காக ஒசூர் அரசு மருத்துவமனைக்கு அனுப்பி வைத்தனர். இதுதொடர்பாக சூளகிரி போலீஸார் வழக்குப் பதிவு விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/09/வனப்-பகுதியில்-மின்-வேலியில்-சிக்கி-இளைஞர்-உயிரிழப்பு-3230707.html
3230706 தருமபுரி கிருஷ்ணகிரி கிருஷ்ணகிரியில் தட்டச்சு தேர்வு DIN DIN Monday, September 9, 2019 09:46 AM +0530 கிருஷ்ணகிரியில் இரு நாள்களாக நடைபெற்ற தட்டச்சு தேர்வில் 1,500-க்கும் மேற்பட்டோர் பங்கேற்றனர்.
கிருஷ்ணகிரி அரசு பலவகை தொழில்நுட்பக் கல்லூரி வளாகத்தில் அரசு தட்டச்சு தகுதித் தேர்வு சனிக்கிழமை தொடங்கி இருநாள்கள் நடைபெற்றன. ஆங்கிலம், தமிழ் என இரு மொழிகளில் இளநிலை, முதுநிலைக்கான தேர்வுகள் நடைபெற்றன. 
இளநிலை பிரிவில் 900 தேர்வர்களும், முதுநிலைப் பிரிவில் 600 தேர்வர்கள் என மொத்தம் 1,500 தேர்வர்கள் பங்கேற்றனர். இத் தேர்வுகளை முதன்மைக் கண்காணிப்பாளர் பிரபாகரன், துணை முதன்மைக் கண்காணிப்பாளர்கள் தெய்வஜோதி, மாரிமுத்து உள்ளிட்டோர் ஒருங்கிணைத்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/09/கிருஷ்ணகிரியில்-தட்டச்சு-தேர்வு-3230706.html
3230704 தருமபுரி கிருஷ்ணகிரி கிருஷ்ணகிரியில் கல்லூரி மாணவர்களுக்கு பேச்சு போட்டி DIN DIN Monday, September 9, 2019 09:46 AM +0530 கிருஷ்ணகிரியில் கல்லூரி மாணவர்களுக்கு இடையேயான பேச்சு போட்டி ஞாயிற்றுக்கிழமை நடைபெற்றது. 
தமிழ் வளர்ச்சித் துறை, மதுரை உலகத் தமிழ்ச் சங்கம்,வெற்றி அரசு ஐ.ஏ.எஸ்.அகாதெமி, இளந்தமிழர் இலக்கிய பேரவை தமிழ்நாடு ஆகியன இணந்து, கிருஷ்ணகிரி அரசு மகளிர் கலைக் கல்லூரியில் சேலம் மண்டல அளவிலான பேச்சு போட்டியை நடத்தின. 
கிருஷ்ணகிரி அரசு மகளிர் கல்லூரி தமிழ்த் துறை தலைவர் சௌ.கீதா தலைமையில் நடைபெற்ற இந்த போட்டியில் பழநிவேலன், சுஜாதா, முனீசுவரன், சேலம் மண்டல ஒருங்கிணைப்பாளர் விக்ரம், கோவை மண்டல ஒருங்கிணைப்பாளர் ரவி உள்ளிட்டோர் பங்கேற்றனர்.
இந்தப் போட்டியில் சேலம் மண்டலத்துக்கு உள்பட்ட தருமபுரி, சேலம், நாமக்கல், கிருஷ்ணகிரி ஆகிய மாவட்டங்களைச் சேர்ந்த 80-க்கும் மேற்பட்ட மாணவ, மாணவிகள் பங்கேற்றனர். கிருஷ்ணகிரி அரசு மகளிர் கலைக் கல்லூரி மாணவி ஆனந்த ஷைனி முதல் பரிசையும், சேலம் பெரியார் பல்கலைக்கழக முதுநிலை விரிவாக்க மைய மாணவர் சந்தோஷ் குமார் இரண்டாம் பரிசையும், தருமபுரி கே.எஸ்.ஆர். பொறியியல் கல்லூரி மாணவி காவ்யா மூன்றாம் பரிசையும் வென்றனர். 
பரிசு பெற்ற மாணவர்கள் செப்.28-ஆம் தேதி காஞ்சிபுரத்தில் நடைபெறும் மாநில அளவிலான அரையிறுதி போட்டிக்கு தகுதி பெற்றனர். தொடர்ந்து 29-ஆம் தேதி இறுதி போட்டி நடைபெறுகிறது. இறுதி போட்டியில் முதல் பரிசாக ரூ.50 ஆயிரம், 2-ஆம் பரிசாக ரூ.25 ஆயிரம், மூன்றாம் பரிசாக ரூ.10 ஆயிரம் வழங்கப்படும். 
 

]]>
https://www.dinamani.com/all-editions/edition-dharmapuri/krishnagiri/2019/sep/09/கிருஷ்ணகிரியில்-கல்லூரி-மாணவர்களுக்கு-பேச்சு-போட்டி-3230704.html
3230705 தருமபுரி கிருஷ்ணகிரி கிருஷ்ணகிரியில் கல்லூரி மாணவர்களுக்கு பேச்சு போட்டி DIN DIN Monday, September 9, 2019 09:46 AM +0530 கிருஷ்ணகிரியில் கல்லூரி மாணவர்களுக்கு இடையேயான பேச்சு போட்டி ஞாயிற்றுக்கிழமை நடைபெற்றது. 
தமிழ் வளர்ச்சித் துறை, மதுரை உலகத் தமிழ்ச் சங்கம்,வெற்றி அரசு ஐ.ஏ.எஸ்.அகாதெமி, இளந்தமிழர் இலக்கிய பேரவை தமிழ்நாடு ஆகியன இணந்து, கிருஷ்ணகிரி அரசு மகளிர் கலைக் கல்லூரியில் சேலம் மண்டல அளவிலான பேச்சு போட்டியை நடத்தின. 
கிருஷ்ணகிரி அரசு மகளிர் கல்லூரி தமிழ்த் துறை தலைவர் சௌ.கீதா தலைமையில் நடைபெற்ற இந்த போட்டியில் பழநிவேலன், சுஜாதா, முனீசுவரன், சேலம் மண்டல ஒருங்கிணைப்பாளர் விக்ரம், கோவை மண்டல ஒருங்கிணைப்பாளர் ரவி உள்ளிட்டோர் பங்கேற்றனர்.
இந்தப் போட்டியில் சேலம் மண்டலத்துக்கு உள்பட்ட தருமபுரி, சேலம், நாமக்கல், கிருஷ்ணகிரி ஆகிய மாவட்டங்களைச் சேர்ந்த 80-க்கும் மேற்பட்ட மாணவ, மாணவிகள் பங்கேற்றனர். கிருஷ்ணகிரி அரசு மகளிர் கலைக் கல்லூரி மாணவி ஆனந்த ஷைனி முதல் பரிசையும், சேலம் பெரியார் பல்கலைக்கழக முதுநிலை விரிவாக்க மைய மாணவர் சந்தோஷ் குமார் இரண்டாம் பரிசையும், தருமபுரி கே.எஸ்.ஆர். பொறியியல் கல்லூரி மாணவி காவ்யா மூன்றாம் பரிசையும் வென்றனர். 
பரிசு பெற்ற மாணவர்கள் செப்.28-ஆம் தேதி காஞ்சிபுரத்தில் நடைபெறும் மாநில அளவிலான அரையிறுதி போட்டிக்கு தகுதி பெற்றனர். தொடர்ந்து 29-ஆம் தேதி இறுதி போட்டி நடைபெறுகிறது. இறுதி போட்டியில் முதல் பரிசாக ரூ.50 ஆயிரம், 2-ஆம் பரிசாக ரூ.25 ஆயிரம், மூன்றாம் பரிசாக ரூ.10 ஆயிரம் வழங்கப்படும். 
 

]]>
https://www.dinamani.com/all-editions/edition-dharmapuri/krishnagiri/2019/sep/09/கிருஷ்ணகிரியில்-கல்லூரி-மாணவர்களுக்கு-பேச்சு-போட்டி-3230705.html
3230703 தருமபுரி கிருஷ்ணகிரி மாணவர்களுக்கு மிதிவண்டி போட்டி DIN DIN Monday, September 9, 2019 09:46 AM +0530 அண்ணா பிறந்த நாளையொட்டி, கிருஷ்ணகிரியில் செப்.10-ஆம் தேதி பள்ளி மாணவ, மாணவிகளுக்கான மிதிவண்டி போட்டி நடைபெறுகிறது.
இதுகுறித்து மாவட்ட விளையாட்டு மற்றும் இளைஞர் நலன் அலுவலர் உமாசங்கர் ஞாயிற்றுக்கிழமை வெளியிட்ட செய்திக் குறிப்பு: 
முன்னாள் முதல்வர் அண்ணா பிறந்த நாளை சிறப்பிக்கும் வகையில், ஆண்டுதோறும் அண்ணா மிதிவண்டி போட்டி நடத்தப்பட்டு வருகிறது. இதேபோல, நிகழாண்டு அண்ணாவின் பிறந்த நாளை சிறப்பிக்கும் வகையில் பள்ளி மாணவ, மாணவிகளுக்கு 13, 15, 17 என்ற வயது பிரிவுகளில் மிதிவண்டி போட்டிகள் நடத்தப்படுகிறது. 
இப் போட்டியானது செப்.10-ஆம் தேதி காலை 7 மணிக்கு கிருஷ்ணகிரி மாவட்ட விளையாட்டு அரங்கில் நடத்தப்படுகிறது. ஒவ்வொரு பிரிவிலும் முதல் மூன்று இடங்களை பெறுபவர்களுக்கு பரிசுகள், சான்றிதழ்கள் வழங்கப்படும். போட்டியில் பங்கேற்போர், அவரவர் சொந்த செலவில் இந்தியாவில் தயாரான சாதாரண மிதிவண்டியை கொண்டுவர வேண்டும்.
போட்டிகள் தொடங்குவதற்கு ஒரு மணி நேரத்துக்கு முன்னதாகவே கிருஷ்ணகிரி மாவட்ட விளையாட்டு அரங்கிற்கு வரவேண்டும். தலைமையாசிரிடமிருந்து கண்டிப்பாக வயதுசான்று பெற்று வரவேண்டும். எனவே, விருப்பமும் தகுதியும் உள்ள மாணவ, மாணவிகள் இந்தப் போட்டியில் பங்கேற்கலாம் என அதில் அவர் தெரிவித்துள்ளார்.


 

]]>
https://www.dinamani.com/all-editions/edition-dharmapuri/krishnagiri/2019/sep/09/மாணவர்களுக்கு-மிதிவண்டி-போட்டி-3230703.html
3230702 தருமபுரி கிருஷ்ணகிரி ஒசூரில் விநாயகர் சிலை விசர்ஜனம்: 1,500 போலீஸார் பாதுகாப்பு DIN DIN Monday, September 9, 2019 09:45 AM +0530 ஒசூரில் ஞாயிற்றுக்கிழமை நடைபெற்ற விநாயகர் சிலைகள் விசர்ஜனத்தையொட்டி,  மாநகரில் 1,500 போலீஸார் பாதுகாப்புப் பணியில் ஈடுபட்டனர்.
விநாயகர் சதுர்த்தியையொட்டி,   ஒசூரில் ஹிந்து அமைப்புகள், பொதுமக்கள் சார்பில் பல்வேறு இடங்களில் 400-க்கும் மேற்பட்ட விநாயகர் சிலைகள் அமைக்கப்பட்டு நாள்தோறும் சிறப்பு வழிபாடுகள் நடைபெற்றன. 
இதைத் தொடர்ந்து, ஞாயிற்றுக்கிழமை 120-க்கும் மேற்பட்ட விநாயகர் சிலைகளை விசர்ஜனம் செய்வதற்காக வாகனங்களில் நீர்நிலைகளுக்கு கொண்டு செல்லப்பட்டன.
ஒசூர் ஏரித் தெரு, நேதாஜி சாலை, காந்தி சாலை,  வட்டாட்சியர் அலுவலக சாலை, தேன்கனிக்கோட்டை சாலை வழியாக ராமநாயக்கன் ஏரிக்கரை வழியாக கொண்டு செல்லப்பட்டது. அங்கிருந்து வேளாங்கண்ணி பள்ளி, 100 அடி சாலை வழியாக சிலைகள் அனைத்தும் ஒசூர் சந்திராம்பிகை ஏரிக்கு கொண்டு செல்லப்பட்டு அங்கு கரைக்கப்பட்டன.
இதனால் ராயக்கோட்டை சாலை, காந்தி சாலை, நேத்தாஜி சாலை, ஏரித் தெரு, தேன்கனிக்கோட்டை சாலை உள்ளிட்ட முக்கிய சாலைகளில் போக்குவரத்தில் மாற்றம் செய்யப்பட்டது. 
இதையொட்டி, சேலம் சரக போலீஸ் டிஐஜி பிரதீப்குமார் தலைமையில் மாவட்டக் காவல் கண்காணிப்பாளர் பண்டி கங்காதர் (கிருஷ்ணகிரி), அருளரசு (நாமக்கல்), 6 கூடுதல் எஸ்பிக்கள், 15 டிஎஸ்பிக்கள் , 36 காவல் ஆய்வாளர்கள் மற்றும் சேலம், தருமபுரி, கிருஷ்ணகிரி, நாமக்கல், ஈரோடு, கோவை, திருப்பூர், நீலகிரி ஆகிய மாவட்டங்களில் இருந்து மொத்தம் 1,500 போலீஸார் பாதுகாப்புப் பணிகஜளில்
ஈடுபட்டனர்.

]]>
https://www.dinamani.com/all-editions/edition-dharmapuri/krishnagiri/2019/sep/09/ஒசூரில்-விநாயகர்-சிலை-விசர்ஜனம்-1500-போலீஸார்-பாதுகாப்பு-3230702.html
3229680 தருமபுரி கிருஷ்ணகிரி பிறப்பு, இறப்பு சான்றிதழ்களை கட்டணமின்றி பதிவிறக்கம் செய்யும் வசதி DIN DIN Saturday, September 7, 2019 10:44 AM +0530 பிறப்பு, இறப்பு சான்றிதழ்களை கட்டணமின்றி பதிவிறக்கம் செய்யும் வசதி நடைமுறைபடுத்தப்பட்டுள்ளதாக கிருஷ்ணகிரி மாவட்ட ஆட்சியர் சு.பிரபாகர் தெரிவித்துள்ளார்.
இதுகுறித்து அவர் வெள்ளிக்கிழமை வெளியிட்ட செய்திக் குறிப்பு: பிறப்பு, இறப்பு சான்றிதழ்களை பெற பொதுமக்கள் இணையதளத்தின் மூலம் பதிவிறக்கம் செய்து கொள்ளும் வசதி நடைமுறைபடுத்தப்பட்டுள்ளது. தமிழகம் முழுவதும் கடந்த 2018 ஜன. 1 முதல் அனைத்து பிறப்பு மற்றும் இறப்பு பதிவுகள் ஒரே மென்பொருளில் மேற்கொள்ளப்பட்டு வருகின்றன.
பிரசவத்துக்கு கர்ப்பிணிகள் மருத்துவமனைக்கு செல்லும் போது, கிராம மற்றும் நகர சுகாதார செவிலியரிடம் பதிவு செய்து பெற்ற பிரத்யேக 12 இலக்க பேறுசார் மற்றும் குழந்தை நல அடையாள எண், ஆதார் எண், குடும்ப அட்டை நகல் ஆகிய விவரங்களை அளித்தல் வேண்டும். 
மேலும், அனைத்து தனியார் மற்றும் அரசு மருத்துவமனைகளுக்கு பிறப்பு, இறப்பு நிகழ்வு குறித்த தகவல்கள் அளித்திட, ஒவ்வொரு மருத்துவமனைக்கும் தனிப்பட்ட பயனர் ஐடி கொடுக்கப்பட்டுள்ளது. அதன் மூலம் தகவல், சம்பந்தப்பட்ட பிறப்பு, இறப்பு பதிவாளர்களுக்கு அனுப்பப்பட்டு அவை சரிபார்க்கப்பட்டு, இணையதளத்தில் பதிவேற்றம் செய்யப்படுகிறது. மேலும், அரசு மருத்துவமனைகளில் நிகழக்கூடிய பிரசவங்களுக்கு அந்தக் குழந்தையின் தாய், மருத்துவமனையை விட்டுச் செல்லும் முன் பிறப்பு சான்றிதழ் வழங்க, அந்த மருத்துவமனை வளாகத்திலேயே அமைந்துள்ள மையங்களில் பிறப்பு, இறப்பு பதிவாளர் இணையதளம் மூலம் பதிவுகள் மேற்கொள்ளப்பட்டு சான்றிதழ் வழங்கப்பட்டு வருகிறது. 
 வீடுகளில் நிகழும் பிறப்பு, இறப்புகள் குறித்த தகவல்கள் அந்தப் பகுதிக்குள்பட்ட பிறப்பு, இறப்பு பதிவாளரிடம் அளித்து பதிவு மேற்கொள்ளலாம்.
கட்டணமின்றி பிறப்பு, இறப்பு சான்றிதழ் பதிவிறக்கம் செய்யும் இணையதள முகவரி h‌t‌t‌p://​c‌r‌s‌t‌n.‌o‌r‌g ஆகும். 1.1.2018-க்கு முன் பதிவு செய்யப்பட்ட விவரங்களை மேற்கண்ட இணையதளத்தில் பதிவேற்றம் செய்ய நடவடிக்கை எடுக்கப்பட்டு வருகிறது என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/krishnagiri/2019/sep/07/பிறப்பு-இறப்பு-சான்றிதழ்களை-கட்டணமின்றி-பதிவிறக்கம்-செய்யும்-வசதி-3229680.html
3229570 தருமபுரி கிருஷ்ணகிரி கிருஷ்ணகிரியில் ஸ்ரீமதி ராதாஷ்டமி DIN DIN Saturday, September 7, 2019 09:55 AM +0530 ஸ்ரீமதி ராதாராணி அவதார நாள் திருவிழாவையொட்டி, கிருஷ்ணகிரியில் ஸ்ரீமதி ராதாஷ்டமி விழா வெள்ளிக்கிழமை கொண்டாடப்பட்டது.
அகில உலக கிருஷ்ணா பக்தி இயக்கம் சார்பில், கிருஷ்ணகிரி கூட்டுறவு காலனியில் 2-ஆவது குறுக்குத் தெருவில் உள்ள கிருஷ்ணன் கோயிலில் பகவான் ஸ்ரீ கிருஷ்ணனின் அந்தரங்க சக்தியான ஸ்ரீமதி ராதாராணியின் அவதார திருநாளையொட்டி, மங்களார்த்தி, நரசிம்ம ஆர்த்தி, துளசி ஆர்த்தி நடைபெற்றன. தொடர்ந்து, ஸ்ரீஸ்ரீ ராதா கிருஷ்ணருக்கு பால், தேன், தயிர், நெய் போன்ற பொருள்களைக் கொண்டு சிறப்பு அபிஷேகம் நடைபெற்றது. தொடர்ந்து பக்தி சொற்பொழிவும், மகா மங்களாரத்தியும் நடைபெற்றன. இதில், கிருஷ்ணகிரி மற்றும் அதைச் சுற்றியுள்ள பகுதிகளைச் சேர்ந்த ஏராளமான பக்தர்கள் பங்கேற்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/07/கிருஷ்ணகிரியில்-ஸ்ரீமதி-ராதாஷ்டமி-3229570.html
3229569 தருமபுரி கிருஷ்ணகிரி "நெடுஞ்சாலை வழியாக எண்ணெய் குழாய் பதிக்க வேண்டும்' DIN DIN Saturday, September 7, 2019 09:55 AM +0530 விளைநிலங்களில் குழாய் பதிப்பதைத் தவிர்த்து, நெடுஞ்சாலை வழியாக குழாய் பதிக்க வேண்டும் என தமிழ்நாடு விவசாய சங்கத்தினர் வலியுறுத்தினர்.
தருமபுரி மாவட்டம், பாப்பாரப்பட்டி அருகே சிட்லகாரம்பட்டியில் தமிழ்நாடு விவசாய சங்கத்தின் வட்டார மாநாடு வெள்ளிக்கிழமை நடைபெற்றது.
வட்டாரத் தலைவர் சின்னசாமி தலைமை தாங்கினார். துணைத் தலைவர் வேலு.தங்கராஜ் முன்னிலை வகித்தார். பொருளாளர் காமராஜ் வரவேற்று பேசினார். இதில் மாவட்டச் செயலர் ஆறுமுகம் சங்கக் கொடியேற்றி வைத்து சிறப்புரையாற்றினார்.
கூட்டத்தில், தருமபுரி மாவட்டத்தில் உள்ள ஏரி மற்றும் குளங்களில் காவிரி ஆற்றின் உபரி நீரிரை நிரப்பி நிலத்தடி நீர்மட்டத்தை உயர்த்த வேண்டும். பாப்பாரப்பட்டியில் வேளாண் கல்லூரி தொடங்க வேண்டும். வாரச் சந்தையில் வேளாண் பொருள்கள் மற்றும் கால்நடைகளுக்கு நிர்ணயிக்கப்பட்டுள்ள கூடுதல் சுங்க வரியை குறைக்க வேண்டும். பாப்பாரப்பட்டி சின்ன ஏரியின் ஆக்கிரமிப்பை அகற்றி தூர்வார வேண்டும். கரிப்பள்ளம், கொல்லப்பட்டி, பெரியூர் தோட்டப்பள்ளம் ஆகிய இடங்களில் தடுப்பணை கட்ட வேண்டும். பாப்பாரப்பட்டி பகுதி ஏரிகளுக்கு பஞ்சப்பள்ளி அணையின் உபரி நீரை வழங்கிடும் ஜெர்தலாவ் ஏரியின் கிளைக் கால்வாயினை தூர்வார வேண்டும். உயர்மின் கோபுரங்கள் அமைத்துள்ள விவசாய நிலத்தின் உரிமையாளர்களுக்கு வாடகை தர வேண்டும். வறட்சியால் காய்ந்து போன தென்னை மரங்களுக்கு தலா ரூ.40 ஆயிரம் இழப்பீடு வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில், மாவட்டத் தலைவர் மல்லையன்,அகில இந்திய விவசாய தொழிலாளர் அர்ச்சுணன், சிஜடியு தொழிற்சங்க நிர்வாகிகள் சண்முகம், மனோண்மணி, விவசாய  தொழிலாளர் சங்க நிர்வாகிகள் ராஜமாணிக்கம், செல்வராஜ், ஜனநாயக மாதர் சங்கச் செயலர் ராஜாமணி, மார்க்சிஸ்ட் கம்யூனிஸ்ட் கட்சி வட்டார செயலர் சின்னசாமி உள்ளிட்ட விவசாயிகள் கலந்துகொண்டனர். துணை செயலர் சண்முகம் நன்றி கூறினார்.

]]>
https://www.dinamani.com/all-editions/edition-dharmapuri/krishnagiri/2019/sep/07/நெடுஞ்சாலை-வழியாக-எண்ணெய்-குழாய்-பதிக்க-வேண்டும்-3229569.html
3229568 தருமபுரி கிருஷ்ணகிரி லாரி மீது மோட்டார் சைக்கிள் மோதல்: இளைஞர் பலி DIN DIN Saturday, September 7, 2019 09:55 AM +0530 கிருஷ்ணகிரி அருகே தேசிய நெடுஞ்சாலையில் சென்று கொண்டிருந்த லாரி மீது மோட்டார் சைக்கிள் மோதியதில், வேலூர் மாவட்டம், திருப்பத்தூரைச் சேர்ந்த இளைஞர் வெள்ளிக்கிழமை உயிரிழந்தார்.
வேலூர் மாவட்டம், திருப்பத்தூர் அருகே உள்ள லிக்கியநாயக்கன்பட்டியைச் சேர்ந்த அழகேசன் மகன் காந்தகுமார் (24), மோட்டார் சைக்கிளில் கிருஷ்ணகிரியிலிருந்து ஒசூர் நோக்கி சென்றார்.  மேலுமலை அடிவாரம் அருகே சென்ற போது,  முன்னால் சென்ற லாரியின் பின்பகுதியில் மோட்டார் சைக்கிள் மோதி விபத்துக்குள்ளானது.  இதில், பலத்த காயமடைந்த காந்தகுமார் நிகழ்விடத்திலேயே உயிரிழந்தார்.
தகவல் அறிந்த போலீஸார்,  நிகழ்விடத்துக்கு விரைந்து சென்று சடலத்தைக் கைப்பற்றினர்.  இந்த விபத்து குறித்து குருபரப்பள்ளி போஸீஸார் விசாரணை செய்து வருகின்றனர்.

]]>
https://www.dinamani.com/all-editions/edition-dharmapuri/krishnagiri/2019/sep/07/லாரி-மீது-மோட்டார்-சைக்கிள்-மோதல்-இளைஞர்-பலி-3229568.html
3229567 தருமபுரி கிருஷ்ணகிரி நல்லாசிரியர் விருது பெற்ற தலைமை ஆசிரியருக்கு பாராட்டு விழா DIN DIN Saturday, September 7, 2019 09:54 AM +0530 நல்லாசிரியர் விருது பெற்ற கல்லாவி அரசு மேல்நிலைப் பள்ளி தலைமை ஆசிரியர் எஸ்.பற்குணனுக்கு பாராட்டு விழா வெள்ளிக்கிழமை நடைபெற்றது. 
நிகழ்ச்சிக்கு பள்ளி பெற்றோர்-ஆசிரியர் சங்கத் தலைவர் ராஜா தலைமை வகித்தார். பொருளாளர் ரமேஷ், முதுநிலை ஆசிரியர் கருணாநிதி ஆகியோர் முன்னிலை வகித்தனர்.
இதில், ஆசிரியர்கள் வெங்கடாசலம், பூபாலன், முத்துலட்சுமி, இளவரசு, சிவப்பிரியா, ஜெயச்சந்திரன் மற்றும் மாணவ- மாணவியர், பெற்றோர் ஆகியோர் கலந்துகொண்டு வாழ்த்தினர். ஆசிரியர் செந்தில்குமார் நன்றி கூறினார். 

]]>
https://www.dinamani.com/all-editions/edition-dharmapuri/krishnagiri/2019/sep/07/நல்லாசிரியர்-விருது-பெற்ற-தலைமை-ஆசிரியருக்கு-பாராட்டு-விழா-3229567.html
3229566 தருமபுரி கிருஷ்ணகிரி வீட்டுவசதி வாரிய வீடுகளுக்கு செப். 12-இல் குலுக்கல் DIN DIN Saturday, September 7, 2019 09:54 AM +0530 தருமபுரி மாவட்டம், எ.ஜெட்டிஅள்ளி வீட்டுவசதி வாரிய வீடுகளுக்கு செப். 12-ஆம் தேதி குலுக்கல் நடைபெறுகிறது என ஒசூர் வீட்டுவசதி வாரிய செயற்பொறியாளர் மற்றும் நிர்வாக அலுவலர் எட்வின் சந்தர்சிங் தெரிவித்துள்ளார்.
இதுகுறித்து அவர் வெளியிட்டுள்ள செய்திக்குறிப்பு: தமிழ்நாடு வீட்டுவசதி வாரியம் ஒசூர் வீட்டுவசதி பிரிவு எ.ஜெட்டிஅள்ளி புறநகர் சுயநிதி திட்டத்தின் கீழ் கட்டப்பட்டு வரும் 30 குறைந்த வருவாய் பிரிவு தனி வீடுகளுக்கு, பொதுமக்களிடம் இருந்து விண்ணப்பங்கள் பெற்றப்பட்டுள்ளன. 
அதன் அடிப்படையில், விண்ணப்பங்கள் குலுக்கல் முறையில் வீட்டு எண் தேர்வு செய்வதற்கு செப். 12-ஆம் தேதி காலை 11 மணி அளவில் தருமபுரி ரயில் நிலையம் முன் உள்ள நேதாஜி சாலை ஸ்ரீ ராமா உணவு விடுதியில் குலுக்கல் நடைபெறுகிறது. எனவே, விண்ணப்பதாரர்கள்
அனைவரும் அதில் கலந்துகொள்ளுமாறு கேட்டுக் கொள்ளப்படுகின்றனர்.

]]>
https://www.dinamani.com/all-editions/edition-dharmapuri/krishnagiri/2019/sep/07/வீட்டுவசதி-வாரிய-வீடுகளுக்கு-செப்-12-இல்-குலுக்கல்-3229566.html
3229565 தருமபுரி கிருஷ்ணகிரி விளையாட்டுப் போட்டி: அரசுப் பள்ளி மாணவர்கள் சிறப்பிடம் DIN DIN Saturday, September 7, 2019 09:53 AM +0530 அரசுப் பள்ளிகளுக்கு இடையே நடைபெற்ற சரக அளவிலான விளையாட்டுப் போட்டிகளில், பென்னாகரம் அரசுப் பள்ளி மாணவர்கள் சிறப்பிடம் பெற்றனர். 
தருமபுரி மாவட்டம், பி.அக்ரஹாரம் அரசு மேல்நிலைப் பள்ளியில் அண்மையில் நடைபெற்ற இப்போட்டிகளில், பென்னாகரம் மற்றும் அதன் சுற்றுவட்டாரத்தில் உள்ள 65  பள்ளிகளைச் சேர்ந்த 250  மாணவ-மாணவியர் கலந்து கொண்டனர்.
இதில், பென்னாகரம் அரசு ஆண்கள் மேல்நிலைப் பள்ளி மாணவர்கள் 19 வயதுக்குள்பட்ட மூத்தோர் பிரிவில் மாணவர் தளபதி வட்டு எறிதலில் முதலிடமும், நீளம் தாண்டுதல் மற்றும் உயரம் தாண்டுதலில் மாணவர் குணசேகரன் முதலிடமும், 17 வயதுக்குள்பட்ட மூத்தோர் பிரிவில் 3 ஆயிரம் மற்றும் 800 மீ. ஓட்டப் பந்தயம் முதலிடமும், 1,500 மீ. ஓட்டப் பந்தயத்தில் இரண்டாமிடமும் பெற்று தனிநபர் சாம்பியன் பட்டம் பெற்றனர்.
மேலும், இப்பள்ளியைச் சேர்ந்த மாணவர்கள் கபடி, கைப்பந்து, கூடைப்பந்து ஆகிய போட்டிகளில் முதலிடம் பெற்று சரக அளவில் ஒட்டுமொத்த சாம்பியன் பட்டம் பெற்றனர். தலைமை ஆசிரியர் (பொ) தமிழ்வேல், தமிழாசிரியர் முனியப்பன், பெருமாள், உடற்கல்வி ஆசிரியர் வீரன், உதவி தலைமை ஆசிரியர் லட்சுமணன், லில்லி மற்றும் வெங்கடேசன் உள்ளிட்ட ஆசிரியர்கள் போட்டிகளில் வெற்றிபெற்ற மாணவர்களுக்கு சான்றிதழ்கள் வழங்கி பாராட்டினர்.

]]>
https://www.dinamani.com/all-editions/edition-dharmapuri/krishnagiri/2019/sep/07/விளையாட்டுப்-போட்டி-அரசுப்-பள்ளி-மாணவர்கள்-சிறப்பிடம்-3229565.html
3229564 தருமபுரி கிருஷ்ணகிரி விருது பெற்ற நல்லாசிரியருக்கு பாராட்டு DIN DIN Saturday, September 7, 2019 09:53 AM +0530 நல்லாசிரியர் விருது பெற்ற கிருஷ்ணகிரி நாளந்தா மெட்ரிக் மேல்நிலைப் பள்ளியின் தலைமையாசிரியருக்கு வெள்ளிக்கிழமை பாராட்டு விழா நடைபெற்றது.
2018-2019-ஆம் ஆண்டுக்கான நல்லாசிரியர் விருதினை கிருஷ்ணகிரியில் இயங்கி வரும் நாளந்தா மெட்ரிக் மேல்நிலைப் பள்ளியின் முதல்வர் சி.பார்வதிக்கு அண்மையில் வழங்கப்பட்டது. 
இந்த விருது பெற பரிந்துரை செய்த மாவட்ட முதன்மைக் கல்வி அலுவலர் கே.பி.மகேஸ்வரி, உறுதுணையாக இருந்த பள்ளியின் நிறுவனர் ஆர்.கொங்கரசன், தாளாளர் எம்.எஸ்.சாமுண்டீஸ்வரி கொங்கரசன், இயக்குநர்கள் கே.கௌதமன், கே.புவியரசன் ஆகியோருக்கு பள்ளி மாணவர்கள் மற்றும் நிர்வாகம் சார்பில் பாராட்டு தெரிவிக்கப்பட்டது.

]]>
https://www.dinamani.com/all-editions/edition-dharmapuri/krishnagiri/2019/sep/07/விருது-பெற்ற-நல்லாசிரியருக்கு-பாராட்டு-3229564.html
3229563 தருமபுரி கிருஷ்ணகிரி குடிமராமத்து திட்டப் பணிகள் ஆய்வு DIN DIN Saturday, September 7, 2019 09:53 AM +0530 சூளகிரி ஒன்றியம் உள்ளட்டி ஊராட்சியில் குடிமராமத்து திட்டத்தின் கீழ் ரூ.5 லட்சத்தில் ஏரி தூர்வாரும் பணிகளை மாவட்ட ஆட்சியர் சு.பிரபாகர் வெள்ளிக்கிழமை நேரில் பார்வையிட்டு ஆய்வு மேற்கொண்டார்.
கிருஷ்ணகிரி மாவட்டம், சூளகிரி ஒன்றியம் உள்ளட்டி ஊராட்சியில் ஏரி தூர்வாரும் பணி மற்றும் குளம், குட்டைகள் தூர்வாரும் பணிகளை ஆய்வு செய்த பின் ஆட்சியர் தெரிவித்தது:
சிறப்பு திட்டமான குடிமராமத்து பணிகள் நமது மாவட்டத்தில் மொத்தம் 100 ஏரிகள், 325 குளம், குட்டைகள் தூர்வாரும் பணி நடைபெற்று வருகிறது.
தற்போது கூடுதலாக 100 ஏரிகள் தூர்வாரும் பணி மேற்கொள்ள தமிழக முதல்வர் அனுமதி வழங்கியதையடுத்து, 200 ஏரிகள், 325 குளம், குட்டைகள் என மொத்தம் 525 பணிகள் வடகிழக்கு பருவமழைக்கு முன் முடிக்க நடவடிக்கை எடுக்கப்பட்டு வருகிறது.
குறிப்பாக சூளகிரி ஒன்றியத்துக்குள்பட்ட இம்மிடிநாயக்கனப்பள்ளி, மருதாண்டப்பள்ளி, துப்புகானப்பள்ளி, கானலட்டி, உள்ளட்டி, சாமனப்பள்ளி, பீர்ஜேப்பள்ளி, கொம்மேப்பள்ளி, ஆலூர், அத்திமுகம் ஆகிய 10 ஊராட்சிகளில் தலா ரூ.5 லட்சத்தில் ஏரி தூர்வாரும் பணிகளும், 34 குளம், குட்டைகளுக்கு தலா ரூ.1 லட்சத்திலும் பணிகள் நடைபெற்று வருகின்றன. அதே போல உள்ளட்டியில் 9.36 ஏக்கர் பரப்பளவு கொண்ட ஏரியில் ரூ.5 லட்சத்தில் தூர்வாரும் பணிகள் முடிக்கப்பட்டுள்ளன என ஆட்சியர் தெரிவித்தார். 
இந்த ஆய்வின் போது, உதவி செயற்பொறியாளர் (ஊரக வளர்ச்சித் துறை) சிவசங்கரன், வட்டார வளர்ச்சி அலுவலர்கள் ராமசந்திரன், விமல்ரவிகுமார், ஒன்றியப் பொறியாளர்கள் மணிவண்ணன், சுரேஷ், பணி மேற்பார்வையாளர் சிற்றரசு, உதவி மக்கள் தொடர்பு அலுவலர் சு.மோகன், வருவாய் ஆய்வாளர் மங்கையர்க்கரசி, கிராம நிர்வாக அலுவலர் ராமமூர்த்தி ஆகியோர் உடன் இருந்தனர்.

]]>
https://www.dinamani.com/all-editions/edition-dharmapuri/krishnagiri/2019/sep/07/குடிமராமத்து-திட்டப்-பணிகள்-ஆய்வு-3229563.html
3229562 தருமபுரி கிருஷ்ணகிரி தரமான பருத்தி விதைகளை பயன்படுத்த அறிவுரை DIN DIN Saturday, September 7, 2019 09:52 AM +0530 தரமான பருத்தி விதைகளை சாகுபடிக்கு பயன்படுத்துமாறு விவசாயிகளுக்கு கிருஷ்ணகிரி விதை பரிசோதனை நிலைய வேளாண் அலுவலர் ச.எலிசபத்மேரி அறிவுறுத்தியுள்ளார்.
இதுகுறித்து அவர் வெள்ளிக்கிழமை வெளியிட்ட செய்திக் குறிப்பு: கிருஷ்ணகிரி மாவட்டத்தில் தற்போது பெய்துள்ள பருவமழைக்கு விவசாயிகள் விவசாயம் மேற்கொள்ள தரமான நல்ல விதைகளை தேர்வு செய்து, நடவுக்கு பயன்படுத்தும்படி கேட்டுக் கொள்ளப்படுகிறார்கள். குறிப்பாக, ஊத்தங்கரை, போச்சம்பள்ளி, மத்தூர் ஆகிய பகுதிகளில் விவசாயிகள் பருத்தி சாகுபடி மேற்கொள்ள ரக பருத்தி, வீரிய பருத்தி, பீ.டி. பருத்தி  விதைகளை வாங்கும்போது, விதை விற்பனை நிலையங்களில் இருந்து மட்டும் விதைகளை வாங்க வேண்டும். அவ்வாறு வாங்கப்படும் விதைகளுக்கு கட்டாயம் உரிய விற்பனை ரசீதை கேட்டு பெற்றுக் கொள்ளவேண்டும்.
தமிழகத்துக்கு பீ.டி. பருத்தி விதைகளை ஒதுக்கீடு செய்யாத நிறுவனங்களின் விதைகளை, பிற மாநிலங்களில் இருந்து வாங்க நேர்ந்தாலும், உரிய விதை விற்பனை ரசீதுகளை கட்டாயம் பெற்றுக்கொள்ள வேண்டும். பருத்தி ரகத்தின் விவர அட்டையில் பயிர் செய்ய உகந்த பருவம், உகந்த மாநிலம் போன்ற விவரங்களை சரிபார்த்து வாங்கவும். மேலும், தாங்கள் வாங்கும் பருத்தி விதை குவியலுக்குரிய முளைப்புத்திறன் பற்றிய அறிக்கையினை கேட்டு சரிபார்க்கவும். விதை முளைப்புத்திறன் அறிய விரும்பும் பட்சத்தில், விதை விவரங்களுடன் ஒரு மாதிரிக்கு, ரூ.30 என்ற விகிதத்தில் வேளாண் அலுவலர், விதை பரிசோதனை நிலையம், ஒருங்கிணைந்த வேளாண் அலுவலகம், மாவட்ட ஆட்சியர் அலுவலக வளாகம், கிருஷ்ணகிரி என்ற முகவரிக்கு அனுப்பி தரத்தை அறிந்து கொள்ளலாம்.
இவ்வாறு, விதைகளின் தரத்தினை அறிந்து, தரமான பருத்தி விதைகளை பயன்படுத்தி விவசாயிகள் அதிக மகசூல் பெற்று பயனடையுமாறு அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/krishnagiri/2019/sep/07/தரமான-பருத்தி-விதைகளை-பயன்படுத்த-அறிவுரை-3229562.html
3228809 தருமபுரி கிருஷ்ணகிரி விவசாயிகளுக்கு விதைகள் விநியோகம் DIN DIN Friday, September 6, 2019 09:07 AM +0530 ஊத்தங்கரையில் வேளாண் துறை சார்பில் தேசிய வேளாண்மை அபிவிருத்தி திட்டத்தின் கீழ் சிறுதலை விதைகள் விவசாயிகளுக்கு வியாழக்கிழமை வழங்கப்பட்டன.
 நிகழ்ச்சிக்கு ஊத்தங்கரை வேளாண் உதவி இயக்குநர் (பொ) சு.பிரபாவதி தலைமை வகித்தார். துணை வேளாண் அலுவலர் சரவணன், உதவி வேளாண் அலுவலர் தமிழ்வாணன், வட்டார தொழில்நுட்ப மேலாளர் ரமேஷ், உதவி தொழில்நுட்ப மேலாளர் பவித்ரா, உதவி வேளாண் அலுவலர்கள் முனிராஜ், மங்கையர்க்கரசி ஆகியோர் முன்னிலை வகித்தனர்.
 நிகழ்ச்சியில், தேசிய வேளாண் அபிவிருத்தி திட்டத்தின் கீழ் சிறுதலை விதைகள் 4 கிலோ கொண்ட பைகள் மற்றும் துவரை விதைகள் 60 விவசாயிகளுக்கும், பச்சைப்பயிறு விதைகள் 60 விவசாயிகள் என மொத்தம் 120 விவசாயிகளுக்கு இலவசமாக விதைகள் விநியோகிக்கப்பட்டன. இந்த விதைகளை பயன்படுத்தி விவசாயிகள் பயிர் செய்து பயனடைய வேண்டும் என கேட்டுக்கொண்டார்.
 இதில் ஊத்தங்கரை ஒன்றியத்தில் உள்ள விவசாயிகள் பலர் கலந்துகொண்டனர்.
 
 
 

]]>
https://www.dinamani.com/all-editions/edition-dharmapuri/krishnagiri/2019/sep/06/விவசாயிகளுக்கு-விதைகள்-விநியோகம்-3228809.html
3228801 தருமபுரி கிருஷ்ணகிரி அருகம்புல்லால் விநாயகருக்கு அர்ச்சனை DIN DIN Friday, September 6, 2019 09:05 AM +0530 ஒசூரில் ஒரு லட்சம் அருகம்புல்லால் விநாயகருக்கு வியாழக்கிழமை அர்ச்சனை நடைபெற்றது.
 ஒசூர் நேதாஜி சாலையில் கீதா மந்திர் அருகே 11-ஆவது ஆண்டு விநாயக சதுர்த்தி விழா கொண்டாடப்பட்டது.
 இங்கு சித்தி விநாயகர் சிலை வைத்து பிரதிஷ்டை செய்து அதற்கு தினமும், மலர் அலங்காரம் மற்றும் அன்னதானம் நடைபெற்று வருகிறது.
 இந்த நிலையில், நாடு செழிப்படைய, மாங்கல்ய பாக்யம், குழந்தை பாக்யம், தொழில் அபிவிருத்தி, மழை பொழிய, வியாபாரம் செழிக்க வேண்டி ஒரு லட்சம் அருகம்புல்லால் வியாழக்கிழமை லட்சார்ச்சனை செய்யப்பட்டது. இதில், 10 ஆயிரம் மோதகம் (கொழுக்கட்டை) வைத்து படைக்கப்பட்டது. சித்தி விநாயகரை தரிசிக்க வந்த ஆயிரக்கணக்கான பக்தர்களுக்கு பிரசாதம் வழங்கப்பட்டது.
 

]]>
https://www.dinamani.com/all-editions/edition-dharmapuri/krishnagiri/2019/sep/06/அருகம்புல்லால்-விநாயகருக்கு-அர்ச்சனை-3228801.html
3228799 தருமபுரி கிருஷ்ணகிரி நீர் வரத்து அதிகரிப்பு: ஒகேனக்கல் காவிரியில் சுற்றுலாப் பயணிகள் குளிக்கத் தடை DIN DIN Friday, September 6, 2019 09:05 AM +0530 நீர்வரத்து அதிகரிப்பால் ஒகேனக்கல் காவிரியில் சுற்றுலாப் பயணிகள் குளிக்கத் தடை விதிக்கப்பட்டுள்ளது.
 கர்நாடகத்தின் குடகு மாவட்டம் மற்றும் கடலோர கர்நாடகப் பகுதிகள் மற்றும் கேரள காவிரி நீர்ப் பிடிப்புப் பகுதிகளில் பலத்த மழை பெய்து வருவதால், கர்நாடக அணைகளான கபினி மற்றும் கிருஷ்ணராஜ சாகர் அணைகளுக்கு வரும் உபரி நீரின் அளவு அதிகரித்துள்ளது.
 கர்நாடக அணைகளின் பாதுகாப்புக் கருதி, காவிரி ஆற்றில் உபரி நீரானது வெளியேற்றப்பட்டு வருகிறது. கர்நாடக அணைகளில் இருந்து திறக்கப்பட்ட தண்ணீரானது வியாழக்கிழமை காலை தமிழக-கர்நாடக எல்லையான பிலிகுண்டுலு வழியாக ஒகேனக்கல் வந்தடைந்தது.
 இந்த நிலையில், புதன்கிழமை காலை நிலவரப்படி நொடிக்கு 12,500 கன அடியாக வந்த கொண்டிருந்த தண்ணீரின் அளவு, வியாழக்கிழமை காலை 27 ஆயிரம் கன அடியாகவும், மாலை சற்று அதிகரித்து நொடிக்கு 28 ஆயிரம் கன அடியாகவும் அதிகரித்து, ஒகேனக்கல்லுக்கு வந்து கொண்டிருக்கிறது. கடந்த சில தினங்களாக காவிரி ஆற்றில் நீர்வரத்து குறைந்ததால், பரிசல் இயக்க அனுமதியளித்து வந்த நிலையில், தற்போது நீர்வரத்து அதிகரிப்பின் காரணமாக ஒகேனக்கல்லில் பரிசல்கள் இயக்க மாவட்ட நிர்வாகம் தடை விதித்துள்ளது. மேலும், ஒகேனக்கல் அருவிகளில் குளிக்க 29-ஆவது நாளாக தடை நீட்டிக்கப்பட்டுள்ளது.
 காவிரி ஆற்றில் நீர்வரத்து அதிகரித்துள்ளதால், பிரதான அருவி, சினி அருவி, மெயின் அருவி, ஐந்தருவி உள்ளிட்ட அருவிகளில் தண்ணீர் ஆர்ப்பரித்துக் கொட்டுகிறது.
 கர்நாடக அணைகளில் இருந்து காவிரி ஆற்றில் வெளியேற்றப்படும் உபரி நீரின் அளவுகளை, மத்திய நீர்வளத் துறை அதிகாரிகள் தீவிரமாக கண்காணித்து வருகின்றனர். கர்நாடகம் மற்றும் கேரளப் பகுதிகளில் பலத்த மழை பெய்து வருவதால், கர்நாடக அணைகளில் இருந்து காவிரி ஆற்றில் வெளியேற்றப்படும் உபரி நீரின் அளவு அதிகரிக்கும் என எதிர்பார்க்கப்படுகிறது.
 

]]>
https://www.dinamani.com/all-editions/edition-dharmapuri/krishnagiri/2019/sep/06/நீர்-வரத்து-அதிகரிப்பு-ஒகேனக்கல்-காவிரியில்-சுற்றுலாப்-பயணிகள்-குளிக்கத்-தடை-3228799.html
3228797 தருமபுரி கிருஷ்ணகிரி நாளைய மின்தடை DIN DIN Friday, September 6, 2019 09:05 AM +0530 பென்னாகரம்
 தருமபுரி மின்பகிர்மான வட்டத்துக்குள்பட்ட பென்னாகரம் துணை மின் நிலையத்தில் மாதாந்திர பராமரிப்புப் பணிகள் நடைபெற உள்ளதால், சனிக்கிழமை (செப். 7) காலை 9 மணி முதல் மாலை 5 மணி வரை மின் விநியோகம் நிறுத்தம் செய்யப்பட உள்ளதாக மின் வாரிய செயற்பொறியாளர் க.கோவிந்தராஜ் தெரிவித்துள்ளார்.
 மின் நிறுத்தம் செய்யப்படும் பகுதிகள்: பென்னாகரம், ஒகேனக்கல், ஏரியூர், பெரும்பாலை, சின்னம்பள்ளி, பி.அக்ராஹரம், அதகப்பாடி, தாசம்பட்டி, சத்தியநாதபுரம், ஜக்கம்பட்டி மற்றும் சுற்று வட்டார கிராமங்கள்.
 

]]>
https://www.dinamani.com/all-editions/edition-dharmapuri/krishnagiri/2019/sep/06/நாளைய-மின்தடை-3228797.html
3228796 தருமபுரி கிருஷ்ணகிரி எம்.ஜி.ஆர். கல்லூரியில் தேசியக் கருத்தரங்கம் DIN DIN Friday, September 6, 2019 09:05 AM +0530 ஒசூர் எம்.ஜி.ஆர். கல்லூரியில் கணினி அறிவியல் துறை சார்பில் அகில இந்திய தொழில்நுட்ப இரண்டு நாள் தேசியக் கருத்தரங்கம் வியாழக்கிழமை தொடங்கியது.
 இக்கருத்தரங்கில் அதியமான் பொறியியல் கல்லூரி முதல்வர் டாக்டர் ஜி.ரங்கநாத் சிறப்பு விருந்தினராக கலந்துகொண்டு குத்துவிளக்கேற்றி தொடக்கி வைத்தார். எம்.ஜி.ஆர். கல்லூரி கணினி அறிவியல் துறைத் தலைவர் சாந்தி ஜெஸ்லெட் கருத்தரங்கில் பற்கேற்றவர்களை வரவேற்றார். கல்லூரி முதல்வர் அ.முத்துமணி மாணவர்களிடம் வளர்ந்துவரும் தொழில்நுட்பத்தில் வன்பொருள் மற்றும் மென்பொருளின் பயன்பாடு குறித்தும், அதில் மாணவர்களின் பங்களிப்பு குறித்தும் பேசினார்.
 அதியமான் பொறியியல் கல்லூரி முதல்வர் டாக்டர் ஜி.ரங்கநாத், மாணவர்களிடம் இன்றைய பொறியியல் துறை ஆய்வுகளுக்கு நிகராக கணினி அறிவியல் துறை மாணவர்கள் ஆய்வு மேற்கொண்டு வருகின்றனர் என்றும், அதில் இளம் மாணவர்களும் அதிக ஈடுபாடு கொண்டு நாட்டுக்கு பெருமை சேர்க்க வேண்டும் என வாழ்த்தினார். சிறப்பு விருந்தினராக கோவை எஸ்.என்.எஸ். கல்லூரி கணினி அறிவியல் துறைத் தலைவர் பேராசிரியை எஸ்.சாந்தி கலந்துகொண்டார்.
 இதில், தமிழகம், கர்நாடகம், ஆந்திரம் போன்ற மாநிலங்களில் இருந்து 200 மாணவர்கள் கலந்துகொண்டு ஆய்வுக் கட்டுரைகளை சமர்ப்பித்தனர். அவர்களுக்கு கணினி அறிவியல் துறைசார்ந்த தொழில்நுட்பப் போட்டிகள் நிகழ்த்தப்பட்டன. அப்போட்டியில் வெற்றிபெற்றவர்களுக்கு பரிசுகளும், சான்றிதழ்களும் வழங்கப்பட்டன. கணினி அறிவியல் துறை பேராசிரியை த.தமிழரசி நன்றி கூறினார்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/06/எம்ஜிஆர்-கல்லூரியில்-தேசியக்-கருத்தரங்கம்-3228796.html
3228794 தருமபுரி கிருஷ்ணகிரி சிறுமிக்கு பாலியல் தொல்லை கொடுத்த முதியவருக்கு 5 ஆண்டுகள் சிறை DIN DIN Friday, September 6, 2019 09:04 AM +0530 ஒசூர் அருகே சிறுமிக்கு பாலியல் தொல்லை கொடுத்ததாக முதியவருக்கு கிருஷ்ணகிரி மகளிர் நீதிமன்றம் 5 ஆண்டுகள் சிறைத் தண்டனையை வியாழக்கிழமை அளித்தது.
 கிருஷ்ணகிரி மாவட்டம், ஒசூர் அருகே உள்ள பேரண்டப்பள்ளியைச் சேர்ந்த பாப்பையா (63), கடந்த 2018 ஆக. 31-ஆம் தேதி சிறுமி ஒருவருக்கு பாலியல் தொல்லை கொடுத்ததாகக் கூறப்படுகிறது.
 இதுகுறித்து ஒசூர் அனைத்து மகளிர் போலீஸார், போக்சோ சட்டத்தின் கீழ் வழக்குப் பதிந்து அவரை கைது செய்தனர்.
 கிருஷ்ணகிரி மகளிர் நீதிமன்றத்தில் நடைபெற்று வந்த இந்த வழக்கு விசாரணை நிறைவு பெற்ற நிலையில், நீதிபதி தீர்ப்பை வியாழக்கிழமை வாசித்தார். அதில், சிறுமிக்கு பாலியல் தொல்லை கொடுத்த பாப்பையாவுக்கு 5 ஆண்டுகள் சிறைத் தண்டனையும், ரூ.ஆயிரம் அபராதமும் விதித்து தீர்ப்பளித்தார்.

]]>
https://www.dinamani.com/all-editions/edition-dharmapuri/krishnagiri/2019/sep/06/சிறுமிக்கு-பாலியல்-தொல்லை-கொடுத்த-முதியவருக்கு-5-ஆண்டுகள்-சிறை-3228794.html
3228792 தருமபுரி கிருஷ்ணகிரி ஸ்ரீவித்யா மந்திர் கல்லூரியில் ஆசிரியர் தின விழா DIN DIN Friday, September 6, 2019 09:04 AM +0530 உத்தங்கரை ஸ்ரீ வித்யா மந்திர் கலை மற்றும் அறிவியல் கல்லூரியில் ஆசிரியர் தின விழா வியாழக்கிழமை கொண்டாடப்பட்டது.
 நிகழ்ச்சிக்கு, ஸ்ரீவித்யா மந்திர் கல்வி நிறுவனங்களின் நிறுவனர் வே.சந்திரசேகரன் தலைமை வகித்தார். கல்லூரி செயலர் ஆர்.பி.ராஜி, இணைச் செயலர் வெங்கடாசலம், கல்லூரி முதல்வர் க.அருள், ஸ்ரீ வித்யா மந்திர் மெட்ரிக் மேல்நிலைப் பள்ளி முதல்வர் சரவணகுமார் ஆகியோர் முன்னிலை வகித்தனர். முன்னதாக தமிழ்த் துறைத் தலைவர் க.ராஜா வரவேற்றார். அதைத் தொடர்ந்து, மகிழ்ச்சி என்ற மாத இதழ் வெளியீட்டு விழா நடைபெற்றது(படம்). தொடர்ந்து ஊத்தங்கரை ஒன்றியத்திலுள்ள அரசுப் பள்ளி ஆசிரியர்கள் மற்றும் தனியார் பள்ளிகளில் சிறப்பாக பணிபுரிந்த ஆசிரியர்களுக்கு நல்லாசிரியர் விருது வழங்கி சிறப்பிக்கப்பட்டது.
 

]]>
https://www.dinamani.com/all-editions/edition-dharmapuri/krishnagiri/2019/sep/06/ஸ்ரீவித்யா-மந்திர்-கல்லூரியில்-ஆசிரியர்-தின-விழா-3228792.html
3228790 தருமபுரி கிருஷ்ணகிரி ஊட்டச்சத்து விழிப்புணர்வுப் பேரணி DIN DIN Friday, September 6, 2019 09:04 AM +0530 கிருஷ்ணகிரியில் தேசிய ஊட்டச்சத்து மாத விழா குறித்த விழிப்புணர்வுப் பேரணி வியாழக்கிழமை நடைபெற்றது.
 கிருஷ்ணகிரியில் சமூக நலத் துறை, ஒருங்கிணைந்த குழந்தைகள் வளர்ச்சிப் பணிகள் திட்டத்தின் கீழ், தேசிய ஊட்டச்சத்து மாத விழாவையொட்டி, கிருஷ்ணகிரி புறநகர் பேருந்து நிலையம் அருகே நடைபெற்ற விழிப்புணர்வுப் பேரணியை கிருஷ்ணகிரி மாவட்ட ஆட்சியர் சு.பிரபாகர் தலைமையேற்று தொடங்கி வைத்தார்.
 பெங்களூரு சாலை வழியாகச் சென்ற இந்தப் பேரணி, வட்டாட்சியர் அலுவலகம் அருகே நிறைவு பெற்றது. இதில் பங்கேற்ற அங்கன்வாடி மற்றும் சுகாதாரத் துறை பணியாளர்கள், ஊட்டச் சத்து, பெண் கல்வியின் முக்கியத்துவம், சுகாதாரம் குறித்த விழிப்புணர்வு வாசகங்கள் அடங்கிய பதாகைகளை ஏந்திச் சென்றனர்.
 இதில் ஊரக வாழ்வாதார திட்ட அலுவலர் உமா மகேஸ்வரி, சுகாதாரப் பணிகளின் இணை இயக்குநர் ப்ரியா ராஜ், மாவட்ட திட்ட அலுவலர் நாகலட்சுமி உள்ளிட்டோர் பங்கேற்றனர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/06/ஊட்டச்சத்து-விழிப்புணர்வுப்-பேரணி-3228790.html
3228788 தருமபுரி கிருஷ்ணகிரி சமையல் எரிவாயு பாதுகாப்பு விழிப்புணர்வு முகாம் DIN DIN Friday, September 6, 2019 09:03 AM +0530 ஊத்தங்கரை இண்டேன் எரிவாயு சேவை மற்றும் ஊத்தங்கரை தீயணைப்பு மீட்புத் துறை இணைந்து சமையல் எரிவாயு உபயோகம் மற்றும் விழிப்புணர்வு முகாமை வியாழக்கிழமை நடத்தின.
 நிகழ்ச்சிக்கு ஸ்ரீவித்யாமந்திர் கல்வி நிறுவனங்களின் நிறுவனர் வே.சந்திரசேகரன் தலைமை வகித்தார். ஊத்தங்கரை காவல் ஆய்வாளர் ராமமூர்த்தி, முன்னாள் பேரூராட்சித் தலைவர் எஸ்.பூபதி, பேரூராட்சி செயல் அலுவலர் ரா.சேம் கிங்ஸ்டன், சி.எ.கே. பெட்ரோலியம் விற்பனை நிலைய உரிமையாளர் சந்திரன், முன்னாள் பேரூராட்சித் தலைவர்கள் பாபு சிவகுமார், ஜெயலட்சுமி ஆகியோர் முன்னிலை வகித்தனர்.
 இதில், உஜ்வாலா திட்டத்தின் கீழ் 50 பயனாளிகளுக்கு இலவச சமையல் எரிவாயு இணைப்பு வழங்கப்பட்டது (படம்). ஊத்தங்கரை ஒன்றியத்தில் இதுவரையில் உஜ்வாலா திட்டத்தின் கீழ் 2,250 இலவச இணைப்புகள் வழங்கப்பட்டுள்ளன என தெரிவிக்கப்பட்டது. மேலும், தீயணைப்பு மற்றும் மீட்புத் துறை சார்பில் எரிவாயு கசிவினால் ஏற்படும் தீ விபத்துகளை எவ்வாறு தடுப்பது என்பது குறித்து செயல் விளக்கமளிக்கப்பட்டது.
 இதில், தீயணைப்புத் துறை அலுவலர்கள், ஓய்வுபெற்ற ஆசிரியர் ராமச்சந்திரன், முன்னாள் பேரூராட்சி உறுப்பினர் விஜயகுமார், பாஜக பிரசார அணி ஜெயராமன் மற்றும் 100-க்கும் மேற்பட்ட பொதுமக்கள் கலந்துகொண்டனர். இண்டேன் எரிவாயு சேவை உரிமையாளர் பு.பிரகாஷ் நன்றி கூறினார்.
 

]]>
https://www.dinamani.com/all-editions/edition-dharmapuri/krishnagiri/2019/sep/06/சமையல்-எரிவாயு-பாதுகாப்பு-விழிப்புணர்வு-முகாம்-3228788.html
3228786 தருமபுரி கிருஷ்ணகிரி நீர்நிலைகள் தூர்வாரும் பணிகள் ஆய்வு   DIN DIN Friday, September 6, 2019 09:03 AM +0530 கிருஷ்ணகிரி மற்றும் அதை சுற்றியுள்ள பகுதிகளில் நீர் மேலாண்மை திட்டத்தின் கீழ் ரூ.32 லட்சத்தில் ஏரி, கால்வாய், குளங்கள் தூர்வாரும் பணிகளை கிருஷ்ணகிரி மாவட்ட ஆட்சியர் சு.பிரபாகர் வியாழக்கிழமை ஆய்வு மேற்கொண்டார்.
 ஒளிரும் கிருஷ்ணகிரி அமைப்பு சார்பில், நீர் மேலாண்மை திட்டத்தின் கீழ் கிருஷ்ணகிரி நகர் மற்றும் அதை சுற்றியுள்ள பகுதிகளில் உள்ள ஏரி, கால்வாய்கள், குளங்கள், தடுப்புச் சுவர்கள் ரூ.32 லட்சத்தில் தூர்வாரும் பணிகள், சீரமைப்புப் பணிகளை ஆட்சியர் ஆய்வு செய்தார்.
 அப்போது அவர் செய்தியாளர்களிடம் தெரிவித்தது: கிருஷ்ணகிரி மாவட்டத்தில் நீர்நிலைகள் தூர்வாரப்பட்டு மழைநீர் சேகரிக்க நடவடிக்கை எடுக்கப்பட்டு வருகிறது. அதன்படி, தொண்டு நிறுவனங்கள், கல்லூரிகள், தனியார் நிறுவனங்கள், குடியிருப்போர் சங்கம் ஆகியன இணைந்து இந்தப் பணிகள் மேற்கொள்ளப்படுகின்றன.
 ஒளிரும் கிருஷ்ணகிரி என்ற அமைப்பின் சார்பில் ரூ.5.44 லட்சத்தில் தேவசமுத்திரம் ஏரி தூர்வாரும் பணிகள் மேற்கொள்ளப்பட்டு அதில் மழை நீர் சேமிக்கப்பட்டுள்ளது. கட்டிகானப்பள்ளி புதூர் ஏரியின் நீர்வரத்து பகுதியான பொன்மைக்கோயில் மலை அடிவாரத்திலிருந்து 7 கி.மீ. அளவில் ரூ.6.57 லட்சத்தில் கால்வாய் தூர்வாரப்பட்டும், குளத்தில் மழை நீர் தேங்கி செல்லும் வகையிலும், தடுப்புச் சுவர் அமைக்கப்பட்டு வருகிறது.
 கிருஷ்ணகிரி புறநகர் பேருந்து நிலையம் அருகே உள்ள சின்ன ஏரிக்கு அருகில் உள்ள மலையிலிருந்து தடையின்றி மழை நீர் வரும் வகையில் ரூ.11.36 லட்சத்தில் நீர்வரத்துக் கால்வாய், தூர்வாரும் பணி நடைபெறுகிறது. மேலும் மாரசந்திரம் முதல் படேதலாவ் பெரிய ஏரிக்கு நீர் செல்லும் கால்வாய் 23 கி.மீ. அளவில் ரூ.9 லட்சத்தில் தூர்வாரும் பணிகள் நிறைவு செய்யப்பட்டுள்ளன. இத்தகைய பணிகளால் நீர்நிலைகளில் 30 முதல் 40 சதவீத அளவுக்கு மழைநீர் சேமிக்கப்பட்டுள்ளது.
 கிருஷ்ணகிரி மாவட்டத்தில் கூடுதலாக 100 ஏரிகள் தூர்வார தமிழக முதல்வர் அனுமதி அளித்துள்ளார். அதன்படி, ஊரக வளர்ச்சித் துறையின் சார்பில் 200 ஏரிகள், 325 குளம், குட்டைகள் தூர்வாரும் பணிகளை வடகிழக்கு பருவ மழைக்கு முன் முடிக்க திட்டமிட்டுள்ளோம். தற்போது நீர் மேலாண்மை திட்டத்தின் கீழ் 150 ஏரிகள் தூர்வாரப்பட்டு வருகின்றன.
 கிருஷ்ணகிரி மாவட்டத்தில் ஏரிகள், குளங்கள் தூர்வாரி, கரைகள் பலப்படுத்தி நீர்வரத்துக் கால்வாய், நீர் வெளியேற்றும் கால்வாய், மதகுகள் புனரமைப்பு செய்து நிலத்தடி நீர்மட்டம் உயர வழிவகை செய்யப்பட்டு விவசாயத்துக்கும், குடிநீருக்கும் எதிர்காலத்தில் பற்றாக்குறை ஏற்படாத வகையில் நீர் மேலாண்மை பணிகள் சிறப்பாக செய்து முடிக்கப்படும் என்றார்.
 இந்த ஆய்வின் போது, ஒளிரும் கிருஷ்ணகிரி அமைப்பின் தலைவர் உதயகுமார், செயலர் சிவகுமார், பொருளாளர் ஆனந்தகுமார், பிரதிநிதிகள் லாரன்ஸ், மகேஷ், சுரேஷ், ராஜேந்திரன் உள்ளிட்டோர் உடனிருந்தனர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/06/நீர்நிலைகள்-தூர்வாரும்-பணிகள்-ஆய்வு-3228786.html
3228184 தருமபுரி கிருஷ்ணகிரி கிட்டம்பட்டியில் மாரியம்மன் கோயில் திருவிழா DIN DIN Thursday, September 5, 2019 09:25 AM +0530 கிருஷ்ணகிரியை அடுத்த கிட்டம்பட்டியில் மாரியம்மன் கோயில் திருவிழா, புதன்கிழமை நடைபெற்றது.
 கிருஷ்ணகிரியை அடுத்த கிட்டம்பட்டியில் மாரியம்மன் கோயில் உள்ளது. இந்தக் கோயிலில் ஆவணி திருவிழா நிகழாண்டு கொடியேற்றத்துடன் செப்டம்பர் 1-ஆம் தேதி தொடங்கியது.
 கிட்டம்பட்டி மற்றும் அதைச் சுற்றியுள்ள கிராமத்தைச் சேர்ந்த இளைஞர்கள் பங்கேற்ற கோலாட்ட நிகழ்வு நடைபெற்றது.
 முக்கிய நிகழ்ச்சியாக மாவிளக்கு ஊர்வலம் நடைபெற்றது.
 இதில் கிட்டம்பட்டி, மாட்டுமந்தை, மேசேரிக்கொட்டாய், எழுமலையான் கொட்டாய், அகசிப்பள்ளி உள்ளிட்ட பல்வேறு பகுதிகளைச் சேர்ந்த ஆயிரத்துக்கும் மேற்பட்ட பெண்கள் பங்கேற்றனர். விழாவையொட்டி, ஆடு, கோழிகளை பலியிட்டு பக்தர்கள் தங்களது வேண்டுதலை நிறைவேற்றினர்.
 
 

]]>
https://www.dinamani.com/all-editions/edition-dharmapuri/krishnagiri/2019/sep/05/கிட்டம்பட்டியில்-மாரியம்மன்-கோயில்-திருவிழா-3228184.html
3228183 தருமபுரி கிருஷ்ணகிரி ஒகேனக்கல்லுக்கு நீர்வரத்து 12,500 கன அடியாக அதிகரிப்பு DIN DIN Thursday, September 5, 2019 09:25 AM +0530 கர்நாடக அணைகளிலிருந்து ஒகேனக்கல் காவிரி ஆற்றுக்கு நொடிக்கு 12,500 கன அடி தண்ணீர் வந்து கொண்டிருக்கிறது. இந்த நீர்வரத்து மேலும் அதிகரிக்கும் என்று எதிர்பார்க்கப்படுகிறது.
 கேரளம், கர்நாடகத்தில் தற்போது மழைப் பொழிவு இருப்பதால் கர்நாடக அணைகளிலிருந்து காவிரி ஆற்றில் தண்ணீர் திறந்து விடப்பட்டுள்ளது.
 காவிரி ஆற்றில் திறந்துவிடப்பட்ட நீர், தமிழக-கர்நாடக எல்லையான பிலிகுண்டுலு வழியாக ஒகேனக்கல்லுக்கு வந்து கொண்டிருக்கிறது. செவ்வாய்க்கிழமை மாலை நிலவரப்படி நொடிக்கு 10 ஆயிரம் கனஅடியாக நீர்வரத்து இருந்த நிலையில், புதன்கிழமை காலை நொடிக்கு 11 ஆயிரம் கன அடியாகவும், மாலையில் நொடிக்கு 12,500 கனஅடியாகவும் அதிகரித்து ஒகேனக்கல்லுக்கு வந்து கொண்டிருக்கிறது.
 கர்நாடக அணைகளிலிருந்து வரும் நீரின் அளவுகளை ஒகேனக்கலில் மத்திய நீர்வளத் துறை அதிகாரிகள் தொடர்ந்து கண்காணித்து வருகின்றனர்.
 கர்நாடகம், கேரளம் பகுதியில் தற்போது கனமழை பெய்து வருவதால் கபினி மற்றும் கிருஷ்ணராஜ சாகர் அணைகளிலிருந்து காவிரி ஆற்றில் 42 ஆயிரம் கன அடி நீர் திறக்கப்பட்டுள்ளதாகத் தகவல் வெளியாக உள்ளது. இந்த நீர், வியாழக்கிழமை மதியம் அல்லது மாலை தமிழக எல்லையை வந்தடையும் என எதிர்பார்க்கப்படுகிறது.
 

]]>
https://www.dinamani.com/all-editions/edition-dharmapuri/krishnagiri/2019/sep/05/ஒகேனக்கல்லுக்கு-நீர்வரத்து-12500-கன-அடியாக-அதிகரிப்பு-3228183.html
3228172 தருமபுரி கிருஷ்ணகிரி ஆசிரியர் தின கொண்டாட்டம் DIN DIN Thursday, September 5, 2019 09:22 AM +0530 ஊத்தங்கரை அரசு ஆண்கள் மேல்நிலைப் பள்ளியில் மாற்றுத்திறன் கொண்ட ஆசிரியர்களுக்கு ஒளிவிளக்கு ஆசிரியர் விருது, சான்றிதழ் மற்றும் பதக்கங்கள் வழங்கி ஆசிரியர் தினம் புதன்கிழமை கொண்டாடப்பட்டது. இந்நிகழ்ச்சிக்கு பொறுப்பு தலைமையாசிரியர் கா.ராஜேந்திரன் தலைமை வகித்தார், மத்தூர் கல்வி மாவட்ட அலுவலர் (பொ) பி. சரவணன் முன்னிலை வகித்து மாற்றுத்திறன் ஆசிரியர்களுக்கு விருதுகளை வழங்கி வாழ்த்தினார்.
 உதவித் தலைமை ஆசிரியர் கு. கணேசன் வரவேற்றார். ஊத்தங்கரை ஒன்றியத்தில் பணியாற்றும் மாற்றுத்திறன் கொண்ட ஆசிரியர்கள் கிருஷ்ணன், மோகன், முரளி, ஜான்சன், சிவராமன், வருண்குமார், டேவிட் லிவிங்ஸ்டன், குப்புசாமி, கிருத்திகா, கவிதா, சுரேஷ்குமார், ஜனார்த்தனன், கோவிந்தராஜ், அசோக் குமார், கஸ்தூரி, கவிதா ஆகியோரின் சிறப்பான கல்விப் பணியைப் பாராட்டி ஒளிவிளக்கு ஆசிரியர் விருது வழங்கி சிறப்பிக்கப்பட்டது.
 நிகழ்ச்சியில் மத்தூர் கல்வி மாவட்ட ஆய்வாளர் சுதாகர் தலைமை ஆசிரியர்கள் சிங்காரபேட்டை சி. சிவராமன், கீழ்குப்பம் எஸ். பெரியசாமி, ஊத்தங்கரை அரிமா சங்கத் தலைவர் வி. துரைசாமி, முன்னாள் தலைவர்கள் ஏ. மூர்த்தி உள்பட பலர் கலந்து கொண்டனர். மாற்றுத்திறனாளி கிருஷ்ணன் நன்றி கூறினார்.
 

]]>
https://www.dinamani.com/all-editions/edition-dharmapuri/krishnagiri/2019/sep/05/ஆசிரியர்-தின-கொண்டாட்டம்-3228172.html
3228130 தருமபுரி கிருஷ்ணகிரி குழந்தைகள் இல்லத்துக்கு தொலைகாட்சி பெட்டி அளிப்பு DIN DIN Thursday, September 5, 2019 09:06 AM +0530 ஐ.வி.டி.பி. தொண்டு நிறுவனம் சார்பில் ஜிப்சி குழந்தைகள் இல்லத்துக்கு ரூ. 34 ஆயிரம் மதிப்பிலான வண்ணத் தொலைகாட்சி பெட்டி அளிக்கப்பட்டது.
 கிருஷ்ணகிரியை தலைமையிடமாகக் கொண்டு செயல்படும் ஐ.வி.டி.பி. தொண்டு நிறுவனம், 13,500 மகளிர் சுய உதவிக் குழுக்களுடன் 2 லட்சத்துக்கு மேற்பட்ட மகளிர் உறுப்பினர்களுடன் பல்வேறு சமூக மேம்பாட்டுப் பணிகளை நிறைவேற்றி வருகிறது.
 மேலும், குழந்தைகளை பராமரித்து வரும் பல்வேறு இல்லங்களுக்கு வண்ணத் தொலைக்காட்சி பெட்டி, சுத்திகரிப்பான், சூரிய ஒளி மூலம் சுடுநீர் தயாரிக்கும் இயந்திரம், வாட்டர் பாட்டில்கள், குளிர்கால ஆடைகள் போன்ற பல்வேறு சேவைகளை ஐ.வி.டி.பி. தொண்டு நிறுவனம் வழங்கி வருகிறது.
 இத்தகைய நிலையில், காமராஜ் நகரில் செயல்பட்டு வரும் ஜிப்சி இல்லத்தில் உள்ள குழந்தைகளின் நலனுக்காக ரூ. 34 ஆயிரம் மதிப்பிலான வண்ண தொலைகாட்சிப் பெட்டியை ஐ.வி.டி.பி. தொண்டு நிறுவனத்தின் தலைவர் ராமன் மகசேசே குழந்தை பிரான்சிஸ் அண்மையில் வழங்கினார்.
 இதுவரையில் குழந்தைகள் இல்லங்களுக்கு ரூ. 36.83 லட்சம் மதிப்பிலான உதவிகள் வழங்கப்பட்டுள்ளன.
 
 

]]>
https://www.dinamani.com/all-editions/edition-dharmapuri/krishnagiri/2019/sep/05/குழந்தைகள்-இல்லத்துக்கு-தொலைகாட்சி-பெட்டி-அளிப்பு-3228130.html
3228120 தருமபுரி கிருஷ்ணகிரி போச்சம்பள்ளியில் நீதிமன்ற அலுவலக பூட்டு உடைப்பு DIN DIN Thursday, September 5, 2019 09:04 AM +0530 போச்சம்பள்ளியில் உள்ள நீதிமன்ற அலுவலகத்தின் பூட்டை உடைத்த மர்ம நபர்கள் குறித்து, போலீஸார் விசாரணை செய்து வருகின்றனர்.
 கிருஷ்ணகிரி மாவட்டம், போச்சம்பள்ளியில் மாவட்ட உரிமையியல் மற்றும் குற்றவியல் நீதிமன்றம் செயல்பட்டு வருகிறது. இந்த நிலையில், இந்த அலுவலகத்தின் பூட்டை உடைத்த மர்ம நபர்கள், உள்ளே சென்று ஆவணங்கள் வைத்துள்ளபூரோவையும், உடைத்துள்ளனர். இதுகுறித்து, புதன்கிழமை தகவல் அறிந்த போலீஸார், நிகழ்விடத்துக்கு விரைந்து சென்று விசாரணை செய்து வருகின்றனர். கிருஷ்ணகிரியிலிருந்து வந்த கைரேகை நிபுணர்கள், பதிவாகிய கைரேகைகளை சேகரித்தனர். மேலும், கண்காணிப்பு கேமராவில் பதிவான பதிவுகளையும் போலீஸார் சேகரித்து விசாரணை செய்து வருகின்றனர். போச்சம்பள்ளியில் நீதிமன்ற அலுவலகத்தின் பூட்டு உடைக்கப்பட்ட சம்பவம், அந்தப் பகுதியில் பரபரப்பை ஏற்படுத்தி உள்ளது.
 மேலும், போச்சம்பள்ளி மற்றும் அதைச் சுற்றியுள்ள வீடுகளின் பூட்டை மர்ம நபர்கள் உடைக்க முயன்றதும் போலீஸார் விசாரணையில் தெரியவந்தது.
 
 

]]>
https://www.dinamani.com/all-editions/edition-dharmapuri/krishnagiri/2019/sep/05/போச்சம்பள்ளியில்-நீதிமன்ற-அலுவலக-பூட்டு-உடைப்பு-3228120.html
3228118 தருமபுரி கிருஷ்ணகிரி காவேரிப்பட்டணம் ஊராட்சி ஒன்றியத்தில் வளர்ச்சிப் பணிகள் ஆய்வு DIN DIN Thursday, September 5, 2019 09:03 AM +0530 காவேரிப்பட்டணம் ஊராட்சி ஒன்றியத்துக்கு உள்பட்ட பகுதிகளில் குடிமராமத்துப் பணிகள், அங்கன்வாடி மையம், அரசு துணை சுகாதார நிலையப் பணிகளை கிருஷ்ணகிரி மாவட்ட ஆட்சியர் சு. பிரபாகர், புதன்கிழமை ஆய்வு செய்தார்.
 கிருஷ்ணகிரி மாவட்டம், காவேரிப்பட்டணம் ஊராட்சி ஒன்றியத்துக்கு உள்பட்ட பன்னிஅள்ளி ஊராட்சியில் உள்ள வரட்டம்பட்டி ஏரி ரூ. 5 லட்சம் மதிப்பில் குடிமராமத்துத் திட்டத்தின் கீழ் தூர்வாரும் பணி, மேல்கொட்டாயில் ரூ. 1 லட்சம் மதிப்பில் குளம் தூர்வாரும் பணியும் நடைபெறுகிறது.
 இந்தப் பணிகளை கிருஷ்ணகிரி மாவட்ட ஆட்சியர் ஆய்வு செய்தார். அப்போது அவர் தெரிவித்தது:
 காவேரிப்பட்டணம் ஊராட்சி ஒன்றியத்தில் 72 ஏரிகளும், 41 குளங்களும் உள்ளன. குடிமராமத்துத் திட்டத்தின் கீழ், தற்போது வறண்ட நிலையில் உள்ள 9 ஏரிகள் தூர்வாரும் பணிகள் நடைபெற்று வருகின்றன.
 ஏற்கெனவே சமூக பொருளாதார மேம்பாட்டுத் திட்டத்தின் கீழ் 11 ஏரிகள், 14 குளங்கள் தூர்வாரும் பணிகள் நடைபெறுகின்றன. பன்னிஅள்ளியில் உள்ள ஏரியில் உள்ள ஆக்கிரமிப்புகள் அகற்றுவதற்கான கணக்கீடு பணிகள் நடைபெறுகின்றன என்றார்.
 குட்டப்பட்டி அரசு துணை சுகாதார நிலையம், மேல்நிலைப் பள்ளி வளாகத்தில் செயல்படும் சத்துணவு மையத்தையும் அவர் ஆய்வு செய்து உணவின் தரம், குடிநீர், கழிப்பறை வசதிகள் குறித்து தலைமை ஆசிரியரிடம் கேட்டறிந்தார்.
 அப்போது, வட்டார வளர்ச்சி அலுவலர் சரவணபவா, வேடியப்பன், பணி மேற்பார்வையாளர் சரவணன் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/05/காவேரிப்பட்டணம்-ஊராட்சி-ஒன்றியத்தில்-வளர்ச்சிப்-பணிகள்-ஆய்வு-3228118.html
3228113 தருமபுரி கிருஷ்ணகிரி கோதாவரி-காவிரி ஆறுகள் இணைப்பு திட்டத்தை விரைந்து நிறைவேற்ற வேண்டும்: ஜி.கே.மணி DIN DIN Thursday, September 5, 2019 09:02 AM +0530 கோதாவரி- காவிரி ஆறுகள் இணைப்புத் திட்டத்தை மத்திய அரசு விரைந்து நிறைவேற்ற வேண்டும் என பாமக மாநிலத் தலைவர் ஜி.கே. மணி தெரிவித்தார்.
 கிருஷ்ணகிரியில் மாவட்ட பாமக-வின் பொதுக் குழுக் கூட்டம், புதன்கிழமை நடைபெற்றது. கூட்டத்தில் பங்கேற்க கிருஷ்ணகிரிக்கு வந்த பாமக மாநிலத் தலைவர் ஜி.கே. மணி பின்னர் செய்தியாளர்களிடம் தெரிவித்தது:
 தமிழகத்தில் குடிமராமத்துத் திட்டத்தின் கீழ் நீர்நிலைகளைத் தூர்வாரும் பணிக்கு நிதி ஒதுக்கீடு செய்யப்பட்டிருப்பது வரவேற்கத்தக்கது.
 தமிழகத்தில் வறட்சி ஏற்பட்டுள்ளது. சில பகுதியில் மழை பெய்தாலும், நீர்நிலைகளில் போதிய நீர் இல்லை. மழைநீர் சேகரிப்புக் குறித்து மக்களிடம் விழிப்புணர்வு ஏற்படுத்த வேண்டும்.
 எதிர்காலத்தில் வறட்சியைப் போக்கவும், வெள்ள சேதங்களை தடுக்கவும், நீர் மேலாண்மைத் திட்டங்களுக்கு தமிழக அரசு அதிக முக்கியத்துவம் அளிக்க வேண்டும்.
 காவிரியில் மாதந்தோறும் தண்ணீர் திறந்துவிட வேண்டும் என உச்ச நீதிமன்றமும், காவிரி நடுவர் நீதிமன்றமும் தீர்ப்பு அளித்தும்கூட அணைகள் நிரம்பினால்தான் தமிழகத்துக்கு கர்நாடக அரசு தண்ணீர் திறந்துவிடுகிறது.
 கோதாவரி-காவிரி ஆறுகள் இணைப்புத் திட்டத்தில் தமிழகத்தில் பாலாறு, தென் பெண்ணை ஆறு உள்ளிட்ட 6 ஆறுகள் இணைக்கப்படும்.
 இதனால், ஆண்டுக்கு 200 டி.எம்.சி. தண்ணீர் கிடைக்கும். எனவே, இந்தத் திட்டத்தை மத்திய அரசு விரைந்து நிறைவேற்ற வேண்டும்.
 கிருஷ்ணகிரி மாவட்டத்தில், எண்ணேக்கொல்புதூர் தடுப்பணை திட்டத்தின் மூலம் அனைத்து ஏரிகளுக்கும் தண்ணீர் கொண்டு செல்ல வேண்டும்.
 கிருஷ்ணகிரி வழியாக ரயில் பாதை அமைக்க வேண்டும். விவசாயிகளின் நலன் கருதி, கிருஷ்ணகிரி மாவட்டத்தில் ஒவ்வொரு ஊராட்சி ஒன்றியங்களிலும் 2 குளிர்பதனக் கிடங்களை ஏற்படுத்த வேண்டும். கிருஷ்ணகிரியில் மருத்துவக் கல்லூரி தொடங்க வேண்டும்.
 திண்டிவனம்-கிருஷ்ணகிரி தேசிய நெடுஞ்சாலைப் பணிகளை விரைவுப்படுத்தி நிறைவேற்ற வேண்டும் என்றார் அவர்.
 

]]>
https://www.dinamani.com/all-editions/edition-dharmapuri/krishnagiri/2019/sep/05/கோதாவரி-காவிரி-ஆறுகள்-இணைப்பு-திட்டத்தை-விரைந்து-நிறைவேற்ற-வேண்டும்-ஜிகேமணி-3228113.html
3227487 தருமபுரி கிருஷ்ணகிரி எலக்ட்ரானிக்ஸ் கடை உரிமையாளர் கழுத்து அறுத்துக் கொலை DIN DIN Wednesday, September 4, 2019 09:31 AM +0530 பென்னாகரம் அருகே பாப்பாரப்பட்டியில் எலக்ட்ரானிக்ஸ் கடை உரிமையாளர் கழுத்து அறுத்துக் கொலை செய்யப்பட்டார். மேலும், கொலையைத் தடுக்க முயன்ற இருவருக்கு கத்திக்குத்து விழுந்தது.
 தருமபுரி மாவட்டம், பென்னாகரம் அருகேயுள்ள பாப்பாரப்பட்டி பாரதிபுரம் பகுதியைச் சேர்ந்த முனுசாமி மகன் ராஜா (45). இவர் பாப்பாரப்பட்டி கடைவீதியில் எலக்ட்ரானிக்ஸ் பொருள்கள் கடை வைத்திருந்தார். கடந்த 10 ஆண்டுகளுக்கு முன்பு இவருக்கு திருமணம் நடைபெற்றது. இரு குழந்தைகள் உள்ளனர். இந்த நிலையில், கணவன் - மனைவி இடையே கருத்து வேறுபாடு ஏற்பட்டு இருவரும் பிரிந்து வாழ்ந்து வந்தனர். இந்த நிலையில் செவ்வாய்க்கிழமை கடைக்கு சென்று விட்டு இரவு சுமார் 9.30 மணியளவில் கடையை பூட்டிவிட்டு ராஜா வீட்டுக்குச் சென்று கொண்டிருந்தார். அப்போது வீட்டின் அருகில் சென்ற ராஜாவை மர்ம நபர்கள் கத்தியால் கழுத்தை அறுத்துக் கொலை செய்தனர். இதனைக் கண்ட தடுக்க முயன்ற பக்கத்து வீட்டைச் சேர்ந்த பச்சமுத்து மனைவி சத்துணவு அமைப்பாளர் திலகவதி (41) , அவரது மகன் கௌதம் ஆகியோரை மர்ம நபர்கள் கத்தியால் குத்திவிட்டு ஓடிவிட்டனர். இந்தச் சம்பவத்தில் இருவரும் பலத்த காயமடைந்தனர்.
 இதுகுறித்து கிடைத்த தகவலின்பேரில் பாப்பாரப்பட்டி போலீஸார் சம்பவ இடத்துக்கு விரைந்து வந்து ராஜாவின் உடலை மீட்டு பிரேதப் பரிசோதனைக்காக தருமபுரி அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும், மர்ம நபர்கள் கத்தியால் குத்தியதில் பலத்த காயமடைந்த திலகவதி, கௌதம் ஆகியோர் தருமபுரி அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இந்தச் சம்பவம் குறித்து பாப்பாரப்பட்டி போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-dharmapuri/krishnagiri/2019/sep/04/எலக்ட்ரானிக்ஸ்-கடை-உரிமையாளர்-கழுத்து-அறுத்துக்-கொலை-3227487.html
3227486 தருமபுரி கிருஷ்ணகிரி ஒசூரில் 8 இல் விநாயகர் சிலை ஊர்வலம்: பாதுகாப்பு ஏற்பாடுகள் குறித்து டி.ஐ.ஜி. ஆய்வு DIN DIN Wednesday, September 4, 2019 09:31 AM +0530 ஒசூரில் செப். 8-ஆம் தேதி விநாயகர் சிலைகள் ஊர்வலம் நடைபெறுவதையொட்டி பாதுகாப்பு ஏற்பாடுகள் குறித்து டி.ஐ.ஜி.பிரதீப்குமார் செவ்வாய்க்கிழமை ஆய்வு செய்தார்.
 ஒசூரில் விநாயகர் சதுர்த்தி விழா திங்கள்கிழமை சிறப்பாக கொண்டாடப்பட்டது. இதையொட்டி பக்தர்கள் மற்றும் இந்து அமைப்புகள் சார்பில் 100- க்கும் மேற்பட்ட விநாயகர் சிலைகள் வைத்து வழிபாடு செய்தனர். இந்த விநாயகர் சிலைகள் வருகிற செப்.8-ஆம் தேதி (ஞாயிற்றுக்கிழமை) ஊர்வலமாக எடுத்துச் செல்லப்பட்டு சந்திராம்பிகை ஏரி மற்றும் கெலவரப்பள்ளி அணைகளில் கரைக்கப்படுகின்றன. இந்த நிலையில் சிலைகள் ஊர்வலமாக கொண்டு செல்லும் பாதை, சிலைகளை கரைக்க உள்ள இடங்கள் மற்றும் பாதுகாப்பு ஏற்பாடுகள் குறித்து சேலம் சரக டி.ஐ.ஜி. பிரதீப்குமார் செவ்வாய்க்கிழமை நேரில் பார்வையிட்டார். இதனைத் தொடர்ந்து அவர் செய்தியாளர்களிடம் கூறியது:
 விநாயகர் சிலைகளை ஊர்வலமாக எடுத்துச் செல்லும் பாதை மற்றும் சிலைகளைக் கரைக்க கூடிய ஏரிகளை பார்வையிட்டுள்ளேன். விநாயகர் சிலை ஊர்வலத்தை அமைதியாகவும், பாதுகாப்பாகவும் நடத்திட தேவையான ஏற்பாடுகள் செய்யப்பட்டுள்ளன. ஒசூரில் குற்றச் செயல்களை தடுக்கும் வகையில் கூடுதலாக போலீஸாரை நியமிக்க உரிய நடவடிக்கை எடுக்கப்படும் என்றார். அப்போது மாவட்டக் காவல் கண்காணிப்பாளர் பண்டி கங்காதர், ஒசூர் டி.எஸ்.பி. மீனாட்சி ஆகியோர் உடனிருந்தனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/04/ஒசூரில்-8-இல்-விநாயகர்-சிலை-ஊர்வலம்-பாதுகாப்பு-ஏற்பாடுகள்-குறித்து-டிஐஜி-ஆய்வு-3227486.html
3227485 தருமபுரி கிருஷ்ணகிரி சரக அளவிலான தடகளப் போட்டி: 1,050 மாணவ, மாணவியர் பங்கேற்பு DIN DIN Wednesday, September 4, 2019 09:31 AM +0530 கிருஷ்ணகிரியில் செவ்வாய்க்கிழமை நடைபெற்ற காவேரிப்பட்டணம் சரக அளவிலான தடகளப் போட்டியில் 1,050 மாணவ, மாணவியர் பங்கேற்றனர்.
 பள்ளி கல்வித் துறை சார்பில், காவேரிப்பட்டணம் சரகத்துக்கு உள்பட்ட பள்ளி மாணவ, மாணவியருக்கான தடகளப் போட்டிகள், கிருஷ்ணகிரி மாவட்ட விளையாட்டு மைதானத்தில் செவ்வாய்க்கிழமை நடைபெற்றது. இந்தப் போட்டிகளை மாவட்ட முதன்மைக் கல்வி அலுவலர் கே.பி.மகேஸ்வரி, விளையாட்டு ஜோதியை ஏற்றி, தொடங்கி வைத்தார். பின்னர் விளையாட்டு மலரையும் வெளியிட்டார்.
 இதில், மாணவ, மாணவியர்களுக்கான 100 மீ, 200 மீ, 1,500 மீட்டர் ஓட்டப் போட்டிகள், குண்டு எறிதல், ஈட்டி எறிதல் போட்டிகள் நடத்தப்பட்டன. இதில், காவேரிப்பட்டணம் சரகத்துக்கு உள்பட்ட அரசு, தனியார் பள்ளிகளைச் சேர்ந்த 1,050 மாணவ, மாணவியர் பங்கேற்றனர். போட்டிகளை சரக துணைச் செயலாளர் சுரேஷ் பாபு, உடற் கல்வி ஆசிரியர்கள் குமார், சக்தி உள்ளிட்டோர் ஒருங்கிணைத்தனர்.

]]>
https://www.dinamani.com/all-editions/edition-dharmapuri/krishnagiri/2019/sep/04/சரக-அளவிலான-தடகளப்-போட்டி-1050-மாணவ-மாணவியர்-பங்கேற்பு-3227485.html
3227484 தருமபுரி கிருஷ்ணகிரி அருங்காட்சியகத்தைப் பார்வையிட்ட அரசுப் பள்ளி மாணவர்கள் DIN DIN Wednesday, September 4, 2019 09:31 AM +0530 கிருஷ்ணகிரியில் உள்ள அரசு அருங்காட்சியகத்தை, சந்தூர் அரசு ஆண்கள் மேல்நிலைப் பள்ளி மாணவர்கள் செவ்வாய்க்கிழமை பார்வையிட்டனர்.
 தமிழ்நாட்டின் வரலாற்றை பள்ளி மாணவர்கள் அறிந்து கொள்ளும் வகையில், பல்வேறு வரலாற்று சிறப்புகளை பள்ளி பாடப் புத்தகத்தில் தமிழக அரசு இணைத்துள்ளது. இதன்படி, பள்ளி மாணவர்கள், வரலாற்றை அறிந்து கொள்ளும் வகையில், பல்வேறு நடவடிக்கைகள் மேற்கொண்டு வருகின்றனர்.
 இதன் ஒரு பகுதியாக, பள்ளி மாணவர்கள், அரசு அருங்காட்சியகம், கல்வெட்டுகளை நேரில் பார்வையிட்டு வருகின்றனர். சந்தூர் அரசு ஆண்கள் மேல்நிலைப் பள்ளியில் பயிலும் 7 மற்றும் 8 வகுப்புகளைச் சேர்ந்த 60 மாணவர்கள், கிருஷ்ணகிரியில் உள்ள அரசு அருங்காட்சியகத்தை, செவ்வாய்க்கிழமை பார்வையிட்டனர்.
 பள்ளி மாணவர்களை, அருங்காட்சியகக் காப்பாட்சியர் கோவிந்தராஜ், மாவட்டத்தின் வரலாற்று சிறப்புகள், சின்னங்கள், வரலாற்று சின்னங்களை பாதுகாப்பதன் அவசியம் குறித்தும் விளக்கினார். பள்ளியின் வரலாற்று ஆசிரியர் மாதையன், கலை ஆசிரியர் சோமசுந்தரம், சிறப்பு ஆசிரியர் கிருஷ்ணமூர்த்தி, அருங்காட்சியகப் பணியாளர்கள் கிருஷ்ணன், செல்வக்குமார் உள்ளிட்டோர் இந் நிகழ்வை ஒருங்கிணைத்தனர்.
 
 
 
 
 

]]>
https://www.dinamani.com/all-editions/edition-dharmapuri/krishnagiri/2019/sep/04/அருங்காட்சியகத்தைப்-பார்வையிட்ட-அரசுப்-பள்ளி-மாணவர்கள்-3227484.html
3227481 தருமபுரி கிருஷ்ணகிரி நீர்வரத்து கால்வாய் ஆக்கிரமிப்புகள் அகற்றப்படும்: ஆட்சியர் சு.பிரபாகர் DIN DIN Wednesday, September 4, 2019 09:30 AM +0530 நீர்நிலைகள் தூர்வாரப்படுவதற்கு முன்பாக, நீர்வரத்து கால்வாய் ஆக்கிரமிப்புகள் அகற்றுப்படும் என மாவட்ட ஆட்சியர் சு.பிரபாகர், தெரிவித்தார்.
 கிருஷ்ணகிரி மாவட்டம், பையூரில் உள்ள வேளாண்மை மண்டல ஆராய்ச்சி நிலையத்தில், வேளாண் அறிவியல் மையம் சார்பில், நீர் மேலாண்மை குறித்த மாவட்ட அளவிலான உழவர் திருவிழா, செவ்வாய்க்கிழமை நடைபெற்றது. மாவட்ட ஆட்சியர் சு.பிரபாகர் விழாவைத் தொடங்கி வைத்தார். கிருஷ்ணகிரி மக்களவைத் தொகுதி உறுப்பினர் அ.செல்லகுமார், நீர் மேலாண்மைத் திட்ட பார்வையாளர் சரவணன், விஞ்ஞானி ஆதிரா, வேளாண் அறிவியல் மையத் தலைவர் டி.சுந்தராஜ் உள்ளிட்டோர் பங்கேற்றனர்.
 விழாவில் மக்களவைத் தொகுதி உறுப்பினர் அ.செல்லகுமார் பேசியது: கடந்த காலங்களில் நீர் மேலாண்மை குறித்து தமிழர்களுக்கு போதிய அறிவு இருந்துள்ளது. குடிமராமத்துப் பணிகளை சிறப்பாக மேற்கொண்டனர். தற்போது, நிறைவேற்றப்படும் குடிமராமத்துப் பணிகளை அதுபோன்று நிறைவேற்ற வேண்டும். குடிமராமத்துப் பணிகளில் விவசாயிகள், பொதுமக்களின் பங்களிப்பு அவசியம். பணிகளை தனியாரிடம் ஒப்படைக்கக் கூடாது என்றார்.
 மாவட்ட ஆட்சியர் சு.பிரபாகர் பேசியது: கிருஷ்ணகிரி மாவட்டத்தில் குடிமராமத்துப் பணிகள் திட்டத்தின்கீழ் 100 ஏரிகளுக்கு தூர்வார சராசரியாக ரூ.5 லட்சம் மதிப்பில் பணிகள் நடைபெறுகின்றன. மேலும், 325 குளம், குட்டைகளுக்கு தலா ரூ.1 லட்சம் மதிப்பிலும் தன்னார்வு தொண்டு நிறுவனங்கள் சார்பில் 150 ஏரிகளும் தூர்வாரும் பணிகள் நடைபெறுகின்றன.
 ஒசூர் நகரைச் சுற்றி உள்ள 17 ஏரிகளில், 11 ஏரிகள் நல்ல முறையில் தூர்வாரப்பட்டு வருகின்றன. ஏரிகளின் ஆக்கிரமிப்புகள் அகற்றப்பட்டு, அதன் எல்லைகள் வரையறுக்கப்பட்டுள்ளன. நீர்நிலைகள் தூர்வாரப்படுவதைப் போல, நீர்வழி கால்வாய்களில் காணப்படும் ஆக்கிரமிப்புகள் அகற்றப்படும். ஒசூர் அருகே, 12 ஏக்கர் பரப்பளவில் ஏரி உருவாக்கப்பட்டு, மழை நீர் சேமிக்கப்பட்டு வருகிறது. பொதுமக்கள், நீர் மேலாண்மைத் திட்டத்துக்கு முழு ஒத்துழைப்பு அளிக்க வேண்டும் என்றார்.
 முன்னதாக மாவட்ட ஆட்சியர் சு.பிரபாகர், நீர் மேலாண்மை குறித்த கையேட்டை வெளியிட மக்களவைத் தொகுதி உறுப்பினர் அ.செல்லகுமார் பெற்றுக் கொண்டார். தொடர்ந்து, தோட்டக்கலைத் துறை சார்பில் 10 விவசாயிகளுக்கு ரூ.10.46 லட்சம் மதிப்பிலான சொட்டுநீர் பாசனக் கருவிகள் வழங்கப்பட்டன.
 

]]>
https://www.dinamani.com/all-editions/edition-dharmapuri/krishnagiri/2019/sep/04/நீர்வரத்து-கால்வாய்-ஆக்கிரமிப்புகள்-அகற்றப்படும்-ஆட்சியர்-சுபிரபாகர்-3227481.html
3227479 தருமபுரி கிருஷ்ணகிரி வறட்சியால் காய்ந்துபோன ஆலமரத்தை அகற்றக் கோரிக்கை DIN DIN Wednesday, September 4, 2019 09:29 AM +0530 ஊத்தங்கரை அடுத்த காரப்பட்டு முருக்கன் ஏரிக்கரையில் வறட்சியால் காய்ந்துபோன ஆலமரத்தை அகற்ற வேண்டும் என்று பொதுமக்கள் கோரிக்கை விடுத்துள்ளனர்.
 காரப்பட்டு முருக்கன் ஏரிக்கரையில் நீரின்றி வறட்சியால் காய்ந்து இருந்த ஆலமரத்தின் கிளை செவ்வாய்க்கிழமை முறிந்து விழுந்தது.
 இந்த மரம் சேலம் - வாணியம்பாடி பிரதான தேசிய நெடுஞ்சாலையில் உள்ளது. கடும் வறட்சி காரணமாக இந்த மரத்தின் விழுதுகள் காய்ந்து அப்பகுதி மக்களுக்கு அச்சத்தை ஏற்படுத்தி வந்தது. இந்த ஆலமரத்தை அகற்ற வேண்டும் என சமூக ஆர்வலர்கள் கோரிக்கை விடுத்திருந்தனர்.
 இந்த நெடுஞ்சாலை வழியாக தினசரி ஆயிரக்கணக்காண வாகனங்கள் சென்று வருகின்றன. ஆலமரத்தின் விழுதுகள் எப்போது வேண்டுமானாலும் முறிந்து விழும் அபாய நிலையில் உள்ளது. இதுகுறித்து மாவட்ட நிர்வாகம் நடவடிக்கை எடுத்து ஆலமரத்தை அகற்ற வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/04/வறட்சியால்-காய்ந்துபோன-ஆலமரத்தை-அகற்றக்-கோரிக்கை-3227479.html
3227475 தருமபுரி கிருஷ்ணகிரி பள்ளி வளாகங்களில் மரக்கன்றுகள் நடவு குறித்து ஆலோசனை DIN DIN Wednesday, September 4, 2019 09:26 AM +0530 கிருஷ்ணகிரி மாவட்டத்தில் பள்ளி வளாகங்களில் மரக் கன்றுகள் நடவு செய்வது குறித்து, தலைமையாசிரியர்களுடனான ஆலோசனைக் கூட்டம் நடைபெற்றது.
 கிருஷ்ணகிரி அரசு ஆண்கள் மேல்நிலைப் பள்ளி கூட்ட அரங்கில், நீர் மேலாண்மைத் திட்டம், நீர் மேலாண்மை அமைப்பது, பருவ மழை தொடங்குவதற்கு முன்பு, பள்ளிகளில் மரக் கன்றுகள் நடவு செய்வது குறித்து தலைமையாசிரியர்களுடனான ஆலோசனைக் கூட்டம், செவ்வாய்க்கிழமை நடைபெற்றது.
 இந்தக் கூட்டத்துக்கு மாவட்ட முதன்மைக் கல்வி அலுவலர் கே.பி.மகேஸ்வரி, தலைமை வகித்து பேசியது:
 நீர் மேலாண்மையால் வரும் சந்ததியினர் பயன்பெறும் வகையில், பெற்றோர்களிடம் நீர் மேலாண்மை குறித்து தலைமையாசிரியர்கள் விழிப்புணர்வு ஏற்படுத்த வேண்டும்.
 நீர் மேலாண்மை குறித்து, மாவட்ட ஆட்சியர், பல்வேறு நடவடிக்கைகளை மேற்கொண்டு வருகிறார். மேலும், ஒரு லட்சம் மரக்கன்றுகளை நடவு செய்வதற்கு திட்டமிட்டுள்ளார். அதன்படி, முதல் கட்டமாக 6 ஆயிரம் மரக் கன்றுகள் வழங்கப்படுகிறது. இந்த மரக்கன்றுகளை பள்ளி வளாகத்தில் நடவு செய்து, பராமரிக்க வேண்டும் என்றார். மேலும், பள்ளித் தலைமையாசிரியர்களுக்கு அவர் மரக் கன்றுகளை வழங்கினார்.
 நிகழ்ச்சியில், மாவட்டக் கல்வி அலுவலர்கள் பொன்முடி, நரசிம்மன், ராஜேந்திரன், சரவணன், மாவட்ட ஆசிரியர் பயிற்சி நிறுவன முதல்வர் சீனிவாசன் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-dharmapuri/krishnagiri/2019/sep/04/பள்ளி-வளாகங்களில்-மரக்கன்றுகள்-நடவு-குறித்து-ஆலோசனை-3227475.html
3227472 தருமபுரி கிருஷ்ணகிரி தேன்கனிக்கோட்டை அருகே மின்வேலியில் சிக்கி காட்டெருமை பலி: 2 பேர் கைது DIN DIN Wednesday, September 4, 2019 09:24 AM +0530 தேன்கனிக்கோட்டை அருகே மின்வேலியில் சிக்கி காட்டெருமை உயிரிழந்தது. இது தொட ர்பாக 2 பேரை வனத்துறையினர் கைது செய்தனர்.
 கிருஷ்ணகிரி மாவட்டம், தேன்கனிக்கோட்டை வட்டம், இருதுகோட்டை அருகே உள்ள எஸ்.பாளையம் கிராமத்தின் அருகில் பத்மாவதி என்பவருக்கு சொந்தமான பண்ணை உள்ளது. இந்த பண்ணையில் தருமபுரி மாவட்டம், பாலக்கோடு வட்டம், பெரியானூர் அருகே உள்ள செட்டிப்பட்டியைச் சேர்ந்த முனியன் (43), அத்திமுட்லு பகுதியைச் சேர்ந்த சித்தார்த் (38) ஆகியோர் தினக்கூலித் தொழிலாளிகளாக வேலை செய்து வந்தனர்.
 இந்தப் பண்ணையைச் சுற்றி வேலி அமைக்கப்பட்டுள்ளது. அதில் சோலார் மூலமாக குறைவாக மின்சாரம் செல்லும் வகையில் ஏற்பாடு செய்திருந்தனர். இந்த நிலையில் திங்கள்கிழமை சோலார் மின்சாரத்துக்கு பதிலாக நேரடியாக மின்சாரத்தை வேலியில் செலுத்தியதாகக் கூறப்படுகிறது.
 அப்போது காப்புக் காட்டில் இருந்து பண்ணைக்கு வந்த ஒரு காட்டெருமை எதிர்பாராதவிதமாக மின்சாரம் பாய்ந்து உயிரிழந்தது. இந்த நிலையில் செவ்வாய்க்கிழமை காலை அந்த வழியாகச் சென்ற பொதுமக்கள், காட்டெருமை இறந்து கிடந்ததைப் பார்த்து மாவட்ட வனத்துறைக்கு தகவல் தெரிவித்தனர்.
 இதையடுத்து மாவட்ட வன அலுவலர் தீபக் பில்கி உத்தரவின் பேரில், வனச் சரகர் சுகுமார், வனவர் கதிரவன், வனக் காப்பாளர் ராம்குமார் ஆகியோர் கொண்ட குழுவினர் அங்கு சென்று பண்ணையில் பணிபுரிந்துவந்த முனியன், சித்தார்த் ஆகியோரை கைது செய்தனர். பின்னர் அவர்களை தேன்கனிக்கோட்டை நீதிமன்றத்தில் ஆஜர்படுத்தி சேலம் மத்திய சிறையில் அடைத்தனர்.
 இதைத் தொடர்ந்து சம்பவ இடத்துக்கு வனத்துறை மருத்துவர் பிரகாஷ் தலைமையிலான குழுவினர் சென்று காட்டெருமையின் உடலை மீட்டு பிரேதப் பரிசோதனை செய்தனர். தொடர்ந்து காட்டெருமையின் உடல் புதைக்கப்பட்டது.
 
 

]]>
https://www.dinamani.com/all-editions/edition-dharmapuri/krishnagiri/2019/sep/04/தேன்கனிக்கோட்டை-அருகே-மின்வேலியில்-சிக்கி-காட்டெருமை-பலி-2-பேர்-கைது-3227472.html
3226748 தருமபுரி கிருஷ்ணகிரி ஓய்வூதியத் திட்டத்தில் சேர விவசாயிகளுக்கு அழைப்பு DIN DIN Tuesday, September 3, 2019 08:41 AM +0530 பென்னாகரம் வட்டத்தில் உள்ள விவசாயிகள் ஓய்வூதியத் திட்டத்தில் சேர வேளாண்மைத் துறை சார்பில் அழைப்பு விடுக்கப்பட்டுள்ளது.
 பென்னாகரம் வேளாண்மை உதவி இயக்குநர் புவனேஸ்வரி கூறியுள்ளதாவது: இத் திட்டத்தில் 18 முதல் 40 வயது உள்ள விவசாயிகள் சேர முடியும். விவசாயிகள் வசதிக்கேற்ப மாதந்தோறும் தொடக்கத்தில் கட்டும் ரூ.55 முதல் ரூ.200 ரூபாய் வரையிலான தொகையை செலுத்த வேண்டும். 60 வயதுக்கு பிறகு மாதந்தோறும் ரூ. 3000 ஓய்வூதியமாக வழங்கப்படும். இத் திட்டதில் சேர்ந்துள்ள விவசாயிகள் உயிரிழந்தால் அவர்களின் வாரிசுகளுக்கு தொடர்ந்து ரூ.1,500 வழங்கப்படும். விவசாயிகள் இத் திட்டத்தில் 5 வருடங்களுக்கு பின்னர் தொடர இயலாத நிலையில்,வட்டியும் முதலுமாகத் தொகை திருப்பித் தரும் வசதியும் உள்ளது. சிறு மற்றும் குறு விவசாயிகள் தங்களின் பெயரில் நிலம் இருப்பின் 40 வயதைக் கடந்து விட்ட நிலையில் தங்களின் மகள் மற்றும் மகனையும் இத்திட்டத்தில் இணைய செய்யலாம். திட்டத்தில் சேரும் விவசாயிகள் ஆதார் அட்டை மற்றும் வாரிசு தாரரின் ஆதார் அட்டை, வங்கிக் கணக்கு புத்தகம் ஆகியவற்றை கொண்டு அருகில் உள்ள பொது சேவை மையத்தை அணுகி பயன்பெறுமாறு தெரிவித்துள்ளார்.
 

]]>
https://www.dinamani.com/all-editions/edition-dharmapuri/krishnagiri/2019/sep/03/ஓய்வூதியத்-திட்டத்தில்-சேர-விவசாயிகளுக்கு-அழைப்பு-3226748.html