Dinamani - சேலம் - https://www.dinamani.com/all-editions/edition-dharmapuri/salem/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3195352 தருமபுரி சேலம் சேலம் அரசு மருத்துவமனையில் மருத்துவர்கள் பணி புறக்கணிப்பு DIN DIN Friday, July 19, 2019 02:02 AM +0530
அரசு மருத்துவமனைகளில் நோயாளிகளுக்கு ஏற்ப மருத்துவர்களை நியமிக்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, அரசு மருத்துவர்கள் புறநோயாளிகள் சிகிச்சையை அளிக்கும் பணியை புறக்கணித்து வியாழக்கிழமை போராட்டத்தில் ஈடுபட்டனர்.
தமிழகம் முழுவதும் உள்ள அரசு மருத்துவமனைகளில் நோயாளிகளுக்கு ஏற்ப மருத்துவர்களை நியமிக்க வேண்டும், மருத்துவப் பணியிடங்களை குறைத்த அரசின் நடவடிக்கையைத் திரும்ப பெற வேண்டும், கலந்தாய்வு இல்லாமல் மருத்துவர்களை பணியிட மாற்றம் செய்ததை ரத்து செய்திட வேண்டும், மருத்துவர்களுக்கு ஊதிய உயர்வு வழங்கிட வேண்டும் என்பன உள்ளிட்ட கோரிக்கைகளை வலியுறுத்தி, அரசு மருத்துவமனை மருத்துவர்கள் கடந்த சில நாள்களாக பல்வேறு போராட்டத்தில் ஈடுபட்டு வருகின்றனர்.
மருத்துவர்களின் கோரிக்கை குறித்து சட்டப்பேரவைத் தொடரில் அறிவிப்பு வெளியிட வேண்டும் என்றும் வலியுறுத்தியிருந்தனர்.
ஆனால், மருத்துவர்களின் கோரிக்கை குறித்து மானிய கோரிக்கையில் எந்தவொரு அறிவிப்பும் வெளியிடாததால் போராட்டத்தை தீவிரப்படுத்தும் நோக்கில், அடையாள வேலை நிறுத்தமாக புறநோயாளிகளுக்கு சிகிச்சை அளிக்கும் பணியைப் புறக்கணித்து மாநில அளவில் வியாழக்கிழமை போராட்டத்தில் ஈடுபட்டனர். 
சேலம் அரசு மருத்துவமனையில் பணியாற்றும் சுமார் 50-க்கும் மேற்பட்ட மருத்துவர்கள், மருத்துவமனை வளாகத்தில் போராட்டத்தில் ஈடுபட்டு தங்களது கோரிக்கைகளை வலியுறுத்தி முழக்கங்களை எழுப்பினர். 
மருத்துவர்களின் இந்தப் போராட்டத்தினால், புற நோயாளிகள் சிகிச்சை பெற முடியாமல்  அவதிக்குள்ளாகினர். மருத்துவமனை நிர்வாகத்தினர், பயிற்சி மருத்துவர்களைக் கொண்டு நோயாளிகளுக்கு சிகிச்சை அளிக்க நடவடிக்கை மேற்கொண்டனர். இதனிடையே அடுத்த கட்டப் போராட்டம் குறித்து கூட்டமைப்பின் கூட்டத்துக்குப் பிறகு முடிவு செய்யப்படும் என்று அறிவித்துள்ளனர்.
 

]]>
https://www.dinamani.com/all-editions/edition-dharmapuri/salem/2019/jul/19/சேலம்-அரசு-மருத்துவமனையில்-மருத்துவர்கள்-பணி-புறக்கணிப்பு-3195352.html
3195351 தருமபுரி சேலம் எலக்ட்ரீசியன் கொலை வழக்கு: ஓமலூர் நீதிமன்றத்தில் இருவர் சரண் DIN DIN Friday, July 19, 2019 02:02 AM +0530
கோவை மாவட்டம், மேட்டுப்பாளையத்தில் எலக்ட்ரீசியனைக் கொலை செய்த வழக்கில் தேடப்பட்டு வந்த இளைஞர்கள் இருவர் சேலம் மாவட்டம், ஓமலூர் நீதிமன்றத்தில் வியாழக்கிழமை சரணடைந்தனர்.
கரூர் மாவட்டத்தைச் சேர்ந்தவர் சுந்தரேசன்.  இவர், மேட்டுப்பாளையத்தில் எலக்ட்ரீசியனாகப் பணியாற்றி வந்தார். அண்மையில், கோவை மேட்டுப்பாளையம்- ஊட்டி பிரதான சாலையில் தனியாருக்குச் சொந்தமான கட்டுமானப் பணிகள் நடைபெற்றன.
அந்தக் கட்டடத்தில் சுந்தரேசன் எலக்ட்ரிக் பணிகளைச் செய்தார். அவருடன் கரூர் மாவட்டத்தைச் சேர்ந்த 15-க்கும் மேற்பட்டோர் கட்டடப் பணியில் ஈடுபட்டிருந்தனர்.  இந் நிலையில், கடந்த 13-ஆம் தேதி ஊதியம் வாங்கிய அனைவரும் சொந்த ஊருக்குச் சென்றனர்.
ஆனால்,  சுந்தரேசன் மட்டும் ஊருக்குச் செல்லாமல் கட்டுமானம் நடக்கும் இடத்திலேயே தங்கி இருந்தார்.  அப்போது அவருடன் கட்டடத் தொழிலாளர்கள் சிதம்பரம், குமரவேல், பிரேம்குமார் ஆகியோரும் தங்கி இருந்ததாகக் கூறப்படுகிறது.  அப்போது அவர்களுக்குள் தகராறு ஏற்பட்டதில், சுந்தரேசன் அடித்துக் கொலை செய்யப்பட்டார்.
இதுகுறித்து மேட்டுப்பாளையம் போலீஸார் வழக்குப் பதிந்து விசாரித்து வந்தனர்.  இந்த வழக்கில் தருமபுரி மாவட்டம்,  சின்னம்பள்ளியைச் சேர்ந்த குமரவேலை கைது செய்து இருவரைத் தேடி வந்தனர்.  இந் நிலையில்,  சேலம் மாவட்டம், மேட்டூர் அருகே கோனூர் கிராமத்தைச் சேர்ந்த பிரேம்குமார்,  சிதம்பரம் ஆகிய இருவரும் சேலம் மாவட்டம், ஓமலூர் நீதிமன்றத்தில் சரணடைந்தனர்.  இருவரும் நீதிமன்ற உத்தரவுப்படி கோவை சிறையில் அடைக்கப்பட்டனர்.

]]>
https://www.dinamani.com/all-editions/edition-dharmapuri/salem/2019/jul/19/எலக்ட்ரீசியன்-கொலை-வழக்கு-ஓமலூர்-நீதிமன்றத்தில்-இருவர்-சரண்-3195351.html
3195349 தருமபுரி சேலம் மேட்டூர் நீர்த்தேக்கத்தில் விவசாயிகள் வண்டல் மண் எடுக்கும் பணி: ஆட்சியர் ஆய்வு DIN DIN Friday, July 19, 2019 02:01 AM +0530
மேட்டூர் நீர்த் தேக்கத்தில் விவசாயிகள் வண்டல் மண் அள்ளும் பணியை மாவட்ட ஆட்சியர் சி.அ. ராமன் வியாழக்கிழமை பார்வையிட்டார்.
மேட்டூர் நீர்த்தேக்கத்தில் குடிமராமத்துத் திட்டத்தின் கீழ் விவசாயிகளுக்கு இலவசமாக வண்டல் மண் அளிக்கப்படுகிறது. இத் திட்டப் பணிகளை பார்வையிட்ட பின்னர் மாவட்ட ஆட்சியர் சி. அ. ராமன் செய்தியாளர்களிடம் கூறியதாவது:
நிகழ் ஆண்டில் சேலம் மாவட்டத்தில் முதல் கட்டமாக மேட்டூர் நீர் தேக்கப் பகுதி மற்றும் கெங்கவள்ளி வட்டத்துக்குள்பட்ட பெரிய ஏரி மற்றும் வெள்ளையூர் ஏரி ஆகிய ஏரிகளிலும் அரசின் விதிகளுக்கு உட்பட்டு விவசாயிகளுக்கு இலவச வண்டல் மண் வழங்க உத்தரவிடப்பட்டுள்ளது.
மண்பாண்டத் தொழிலாளர்கள் சங்கம், பொதுமக்கள் சொந்த தேவை மற்றும் விவசாயத் தேவைகளுக்கு களிமண், வண்டல் மண், சவுடு  அளிக்கப்படுகின்றன. நன்செய் நிலத்துக்கு ஏக்கருக்கு 75 கனமீட்டர், ஹெக்டேருக்கு 185 கனமீட்டர், புன்செய் நிலத்துக்கு ஏக்கருக்கு 90 கன மீட்டர் ஹெக்டேருக்கு 22 கனமீட்டர் மற்றும் இதர சொந்த பயன்பாட்டுக்கு மண், சவுடு மண், கிராவல் ஆகியவை 30 கன மீட்டர் மண்பாண்டம் செய்வோருக்கு 60 கன மீட்டர் ஆகியவை கட்டணமின்றி எடுத்துச் செல்ல 20 நாள்களுக்கு சில நிபந்தனைக்கு உட்பட்டு அனுமதி வழங்கப்படுகின்றன.
2017-ஆம் ஆண்டு 415 ஏரிகளில் 37,53,063 கனமீட்டர் மண் எடுத்துச் செல்ல அனுமதி வழங்கப்பட்டு 39,583 விவசாயிகள் பயனடைந்துள்ளனர். 2018-ஆம் ஆண்டு 105 ஏரிகளில் 2,17,599 கனமீட்டர் வண்டல் மண் எடுத்துச் செல்ல அனுமதி வழங்கப்பட்டு 4,059 விவசாயிகள் பயனடைந்துள்ளனர். 
நிகழ் ஆண்டில் மேட்டூர் நீர்த்தேக்கப் பகுதி மற்றும் கெங்கவல்லி வட்டம் பெரியஏரி, வெள்ளையூர் ஏரி, ஆகிய 2 ஏரிகளிலும் இலவச வண்டல் மண் எடுத்துக் கொள்ள அனுமதி வழங்கப்பட்டுள்ளது.
சேலம மாவட்டத்தில் இதுவரை 139 விவசாயிகளால் 14,587 கனமீட்டர் வண்டல் மண் இலவசமாக எடுக்கப்பட்டுள்ளன. பொதுப்பணித் துறையின் கட்டுப்பாட்டில் உள்ள 58 ஏரிகள், ஊரக வளர்ச்சித் துறையின் கட்டுப்பாட்டில் உள்ள 66 ஏரிகள், பேரூராட்சிகளின் கட்டுப்பாட்டில் உள்ள 6 ஏரிகளிலும் வண்டல் மண் எடுக்க நடவடிக்கை மேற்கொள்ளப்பட்டு வருகிறது என ஆட்சியர் சி.ராமன் தெரிவித்தார்.
ஆய்வின்போது மேட்டூர் வருவாய்க் கோட்டாட்சியர் லலிதா,  பொதுப்பணித் துறை உதவி செயற்பொறியாளர் ஜெ. கோபி,  உதவிப்பொறியாளர் மதுசூதனன், வட்டாட்சியர் செந்தில், கொளத்தூர் ஊராட்சி ஒன்றியக் குழு ஆணையாளர் (கிராம ஊராட்சிகள்) ராமநாதன் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-dharmapuri/salem/2019/jul/19/மேட்டூர்-நீர்த்தேக்கத்தில்-விவசாயிகள்-வண்டல்-மண்-எடுக்கும்-பணி-ஆட்சியர்-ஆய்வு-3195349.html
3195347 தருமபுரி சேலம் சாலைப் பாதுகாப்பு விழிப்புணர்வு நிகழ்ச்சி DIN DIN Friday, July 19, 2019 02:00 AM +0530
ஹோண்டா இருசக்கர வாகன தயாரிப்பு நிறுவனம் சார்பில் பத்மவாணி கலை அறிவியல் கல்லூரியில் தேசிய சாலை பாதுகாப்பு விழிப்புணர்வு நிகழ்ச்சி வியாழக்கிழமை நடத்தப்பட்டது.
சேலம் அருகில் உள்ள பத்மவாணி மகளிர் கலை அறிவியல் கல்லூரியில் சுமார் மூன்று நாள்கள் நடைபெற்ற இந் நிகழ்ச்சியில் சுமார் 2,100 மாணவிகளுக்கு சாலை பாதுகாப்புத் தொடர்பாக விழிப்புணர்வு ஏற்படுத்தப்பட்டது.
ஹோண்டா நிறுவனம் சார்பில் கடந்த 6 மாதங்களில் நாடு முழுவதும் 47 நகரங்களில் உள்ள 90,000 கல்லூரி மாணவர்களுக்கு சாலை பாதுகாப்பு தொடர்பாக விழிப்புணர்வு ஏற்படுத்தப்பட்டுள்ளது. அடுத்த தலைமுறை இளைஞர்கள் பாதுகாப்பான பயணத்தை மேற்கொள்வது தொடர்பாக விழிப்புணர்வு ஏற்படுத்தப்பட்டது என அந் நிறுவனத்தின் துணைத் தலைவர் பிரபு நாகராஜ் தெரிவித்துள்ளார்.
 

]]>
https://www.dinamani.com/all-editions/edition-dharmapuri/salem/2019/jul/19/சாலைப்-பாதுகாப்பு-விழிப்புணர்வு-நிகழ்ச்சி-3195347.html
3195346 தருமபுரி சேலம் ரயில்களில் திருட்டைத் தடுக்க விழிப்புணர்வு பிரசாரம் DIN DIN Friday, July 19, 2019 02:00 AM +0530
ரயில்களில் திருட்டு சம்பவங்களைத் தடுக்கும் வகையில், சேலம் ரயில் நிலைய போலீஸ் மற்றும் ரயில்வே பாதுகாப்புப் படையினரும் (ஆர்.பி.எஃப்.) இணைந்து விழிப்புணர்வு பிரசாரம்செய்தனர்.
அனைத்து ரயில்களிலும் போலீஸார் ஏறி பெண்கள் பாதுகாப்பாக பயணம் செய்ய வேண்டும் என்பது குறித்த விழிப்புணர்வு பிரசுரங்களை பயணிகளுக்கு வழங்கினர். இதுதவிர ரயில்களில் சந்தேக நபர்கள் இருந்தாலோ அல்லது திருட்டுகள் நடந்தாலோ  உடனே 1512 அல்லது 9962500500 என்ற எண்ணிலோ அல்லது  9498101967 என்ற செல்லிடபேசியிலோ அல்லது 182 என்ற இலவச அழைப்பு எண்ணிலும் தகவல் தெரிவிக்கலாம் எனக் கேட்டுக் கொண்டனர். விழிப்புணர்வு பிரசாரத்தின்போது ரயில் படிக்கட்டுகளில் அமர்ந்து சென்றவர்கள் எச்சரிக்கை செய்தும் அனுப்பி வைக்கப்பட்டனர். ஜன்னல் ஓரம் அமர்ந்து பயணம் செய்த பெண்களிடம் பாதுகாப்பாகச் செல்லுமாறும் எச்சரிக்கை செய்து அனுப்பி வைத்தனர்.
 

]]>
https://www.dinamani.com/all-editions/edition-dharmapuri/salem/2019/jul/19/ரயில்களில்-திருட்டைத்-தடுக்க-விழிப்புணர்வு-பிரசாரம்-3195346.html
3195345 தருமபுரி சேலம் எடப்பாடியில் கழிவுநீரைச் சுத்திகரிக்க புதிய திட்டம்: அதிகாரிகள் ஆய்வு DIN DIN Friday, July 19, 2019 02:00 AM +0530
எடப்பாடி நகராட்சியில் சரபங்கா நதியில் சேரும் கழிவுநீரை சுத்திகரித்து விவசாயப் பயன்பாட்டுக்கு வழங்கும் திட்டத்துக்கான முதல்கட்ட ஆய்வு பணி வியாழக்கிழமை நடைபெற்றது.
ஏற்காடு மலைப் பகுதியில் உற்பத்தியாகும் சரபங்கா நதி ஓமலூர், தாரமங்கலம் வழியாக எடப்பாடி பகுதியில் பாய்ந்து, எடப்பாடியை அடுத்த தேவூர் பகுதியில் காவிரி ஆற்றில் கலந்து வருகிறது.
இந் நிலையில் எடப்பாடி நகராட்சிக்கு உள்பட்ட 30 வார்டு பகுதியில் உற்பத்தியாகும் கழிவு நீரானது கால்வாய்கள் வழியாக ஓடி சரபங்கா ஆற்றில் 19 இடங்களில் கலந்து வருகிறது.
இதனால் ஆறு மாசுபட்டு பெரிய அளவிலான கழிவுநீர் காய்வாயாக மாறியுள்ளது. இதைப் போக்கும் வகையில் தமிழக அரசு, எடப்பாடி நகராட்சி பகுதியில் உருவாகும் கழிவு நீரை நவீன சுத்திகரிப்பு நிலையங்கள் வாயிலாக சுத்திகரிப்பு செய்து அதை விவசாயப் பயன்பாட்டுக்கு வழங்கும் விதமாக, புதிய திட்டத்துக்கு அனுமதி அளித்தது.
இதையடுத்து வியாழக்கிழமை எடப்பாடி நகராட்சி பகுதிக்கு வந்த, தமிழக குடிநீர் வடிகால் மற்றும் கழிவுநீர் அகற்றல் வாரிய அதிகாரிகள், எடப்பாடி நகராட்சியில் சரபங்கா ஆற்றுப் படுகையில் கழிவுநீர் கால்வாய்கள் கலக்கும் இடங்களைப் பார்வையிட்டனர். எடப்பாடி நகராட்சியில் பாயும் கழிவுநீர் கால்வாய்களை ஒருங்கிணைத்து சுத்திகரிப்பதற்கான சாத்தியக் கூறுகளை ஆய்வு செய்தனர்.
ஆய்வில், தமிழ்நாடு குடிநீர் வடிகால் வாரிய நிர்வாக பொறியாளர் லிங்கமூர்த்தி, நில நீர் வல்லுநர் முத்துகுமாரசாமி, நிர்வாக பொறியாளர் செங்கோடன், உதவி நிர்வாக பொறியாளர் பொன்னுசாமி , எடப்பாடி நகராட்சி ஆணையாளர் முருகன் உள்ளிட்ட அலுவலர்கள் இடம் பெற்றிருந்தனர்.
 

]]>
https://www.dinamani.com/all-editions/edition-dharmapuri/salem/2019/jul/19/எடப்பாடியில்-கழிவுநீரைச்-சுத்திகரிக்க-புதிய-திட்டம்-அதிகாரிகள்-ஆய்வு-3195345.html
3195343 தருமபுரி சேலம் கெங்கவல்லி ஒன்றியத்தில் பள்ளி மாணவர்களுக்கு தடுப்பூசி DIN DIN Friday, July 19, 2019 02:00 AM +0530
கெங்கவல்லி ஒன்றியத்தில் உள்ள துவக்க, நடுநிலைப் பள்ளிகளில் முதலாம் வகுப்புப் பயிலும் மாணவ, மாணவியருக்கு வியாழக்கிழமை  தடுப்பூசி  போடப்பட்டது.
தொண்டை அடைப்பான், கக்குவான், ரண ஜன்னி போன்றவற்றுக்கான முத்தடுப்பு  ஊசி போடப்பட்டது. கெங்கவல்லி ஒன்றியம் முழுவதும்   உள்ள அரசுப் பள்ளிகளில் 1-ஆம் வகுப்பு மாணவ, மாணவிகளுக்கு மருத்துவர்கள் மேற்பார்வையில் செவிலியர்கள் மூலம் முத்தடுப்பூசி போடப்பட்டது.
 

]]>
https://www.dinamani.com/all-editions/edition-dharmapuri/salem/2019/jul/19/கெங்கவல்லி-ஒன்றியத்தில்-பள்ளி-மாணவர்களுக்கு-தடுப்பூசி-3195343.html
3195342 தருமபுரி சேலம் பழங்குடியினர் சான்றிதழ் கேட்டு விண்ணப்பித்தவர்களிடம் விசாரணை DIN DIN Friday, July 19, 2019 01:59 AM +0530
ஏற்காட்டில் பழங்குடியினர் சான்றிதழ் கேட்டு விண்ணப்பித்த மலைவாழ் மக்களிடம் வருவாய்க் கோட்டாட்சியர் நேரில் விசாரணை மேற்கொண்டார்.
ஏற்காடு மலைக் கிராமங்களில் 350-க்கும் மேற்பட்ட மலைவாழ் பள்ளிக் குழந்தைகள், பழங்குடியினர் சான்றிதழ் கேட்டு விண்ணப்பித்திருந்தனர். இதுகுறித்து வியாழக்கிழமை செம்மநத்தம், வெள்ளக்கடை, தலைச்சோலை, மாரமங்கலம் ஊராட்சிக்கு உட்பட்ட 20 கிராமங்களுக்குச் சென்று விண்ணப்பதாரர்களிடம் வருவாய்க் கோட்டாட்சியர் மாறன் விசாரணை மேற்கொண்டார். அப்போது ஏற்காடு  வட்டாட்சியர் முருகேசன் உடனிருந்தார்.
 

]]>
https://www.dinamani.com/all-editions/edition-dharmapuri/salem/2019/jul/19/பழங்குடியினர்-சான்றிதழ்-கேட்டு-விண்ணப்பித்தவர்களிடம்-விசாரணை-3195342.html
3195341 தருமபுரி சேலம் ஆண் சடலம் மீட்பு DIN DIN Friday, July 19, 2019 01:59 AM +0530
 ஆலத்தூர் ரெட்டிபாளையம் அருகே சுரண்டக்கரடு பகுதியில் தலையில் பலத்த காயங்களுடன் கிடந்த ஆண் சடலத்தை போலீஸார் மீட்டு விசாரணை நடத்தி வருகின்றனர்.
சுரண்டக்கரடு பகுதியிலிருந்து சங்ககிரி செல்லும் சாலையோரத்தில் சுமார் 50 வயது மதிக்கத்தக்க அடையாளம் தெரியாத ஆண் சடலம் தலையில் பலத்த காயங்களுடன் கிடந்தது. இதுகுறித்து பொதுமக்கள் ஆலத்தூர் கிராம நிர்வாக அலுவலர் சண்முகத்துக்கும், தேவூர் போலீஸாருக்கும் தகவல் அளித்தனர். போலீஸார் நிகழ்விடம் சென்று சடலத்தை மீட்டனர். மேலும் சடலம் அருகே ரத்தம் உறைந்த நிலையில் கல் கிடந்தது. அந்தக் கல்லையும் கைப்பற்றினர். மோப்ப நாய், கைரேகை நிபுணர்கள் வரவழைக்கப்பட்டு தடயங்களை சேகரித்து தேவூர் போலீஸார் விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/salem/2019/jul/19/ஆண்-சடலம்-மீட்பு-3195341.html
3195340 தருமபுரி சேலம் மூங்கில் குத்து முனியப்பன் கோயிலில் எருது விடும் விழா DIN DIN Friday, July 19, 2019 01:59 AM +0530
சேலம் மூங்கில் குத்து முனியப்பன் கோயிலில் எருது விடும் விழா வியாழக்கிழமை நடைபெற்றது. 
சேலம் அருகே நெய்க்காரப்பட்டியில் மூங்கில் குத்து முனியப்பன் கோயில் அமைந்துள்ளது. இந்தக் கோயிலில் ஒவ்வோர் ஆண்டும் ஆடி திருவிழாவையொட்டி எருது விடும் விழா நடைபெறுவது வழக்கம் ஆகும்.
அதன்படி நிகழ் வருடமும் எருது விடும் விழா வியாழக்கிழமை சிறப்பாக நடைபெற்றது. 
இதற்காக சேலம், தருமபுரி, ஈரோடு, கிருஷ்ணகிரி  உள்ளிட்ட பல்வேறு மாவட்டங்களிலிருந்து 75-க்கும் மேற்பட்ட காளைகள் அழைத்து வரப்பட்டு கோயில் அருகே திடலில் விடப்பட்டன. 
இதில் ஏராளமான மாடுபிடி வீரர்கள் பங்கேற்றனர். முன்னதாக முனியப்பன் சுவாமிக்கு பொங்கல் வைக்கும் நிகழ்ச்சி நடைபெற்றது.
விழாவில் கொண்டலாம்பட்டி, பூலாவரி, நெய்க்காரப்பட்டி, ஆட்டையாம்பட்டி உள்ளிட்ட பல்வேறு பகுதிகளிலிருந்து 3 ஆயிரத்துக்கும் மேற்பட்ட பொதுமக்கள் கலந்து கொண்டனர்.
எருது விடும் விழா சேலம்-கோவை தேசிய நெடுஞ்சாலை அருகில் நடந்ததால் சேலம் நகர உதவி ஆணையர் ஈஸ்வரன் தலைமையில் நூற்றுக்கும் மேற்பட்ட போலீஸார் பாதுகாப்புப் பணியில் ஈடுபட்டிருந்தனர்.
 

]]>
https://www.dinamani.com/all-editions/edition-dharmapuri/salem/2019/jul/19/மூங்கில்-குத்து-முனியப்பன்-கோயிலில்-எருது-விடும்-விழா-3195340.html
3195339 தருமபுரி சேலம் மாநகராட்சியில் தினமும் 45 டன் மக்கும் கழிவுகள் உரமாக்கப்படுகின்றன: ஆணையாளர் ரெ.சதீஷ் DIN DIN Friday, July 19, 2019 01:59 AM +0530
சேலம் மாநகராட்சியில் 10 நுண்ணுயிர் உரம் தயாரிப்பு மையங்கள் மூலம் நாளொன்றுக்கு 45 மெட்ரிக். டன் அளவிலான மக்கும் கழிவுகள் உரமாக்கப்படுகின்றன என மாநகராட்சி ஆணையாளர் ரெ. சதீஷ் தெரிவித்துள்ளார்.
சேலம் மாநகராட்சிக்குட்பட்ட பகுதிகளில் வீடுகளில் சேகாரமாகும் திடக் கழிவுகளை மக்கும் கழிவுகள் மற்றும் மறுசுழற்சி கழிவுகள் என தரம் பிரித்து பொது மக்களிடமிருந்து வாங்குவதற்கு ஏதுவாக 225 மூன்று சக்கர இரண்டடுக்கு மின்கல வாகனங்கள் அறிமுகப்படுத்தப்பட்டன.
தினசரி குடியிருப்பு பகுதிகளுக்கு துப்புரவுப் பணியாளர்கள் நேரடியாகச் சென்று திடக்கழிவு மேலாண்மை செயலாகம் தொடர்பான விழிப்புணர்வு பணிகளை மேற்கொள்வதோடு, பொதுமக்களிடமிருந்து வீடுகளில் சேகரமாகும் திட்டக் கழிவுகளை இவ் வாகனங்கள் மூலம் சேகரித்து வருகின்றனர்.
வீடுகளிலிருந்து சேகரிக்கப்படும் திடக்கழிவுகளை மக்கும் கழிவுகள் மற்றும் மறுசுழற்சி கழிவுகள் என தரம் பிரித்து, மக்கும் தன்மை கொண்ட கழிவுகளிலிருந்து உரம் தயாரிப்புப் பணிகளை மேற்கொள்வதற்காக 10 இடங்களில் நுண்ணுயிர் உரம் தயாரிப்பு மையங்கள் அமைக்கப்பட்டுள்ளன. 
இந்த மையங்களுக்கு தினசரி 100 மெட்ரிக். டன் அளவிலான திடக் கழிவுகள் மின்கல வாகனங்கள் மூலம் கொண்டு செல்லப்படுகின்றன. இதில், விஞ்ஞான முறையில் உரம் தயாரிப்புப் பணிகள் மேற்கொள்வதால் நாள் ஒன்றுக்கு 45 மெட்ரிக். டன் அளவிலான மக்கும் கழிவுகள் உரமாக்கும் பணிகளுக்காகப் பயன்படுத்தப்படுகின்றன. இம் மையங்களில் இதுவரை 60 மெட்ரிக். டன் இயற்கை உரம் தயாரிக்கப்பட்டு விவசாயிகளுக்குஇலவசமாக வழங்கப்பட்டுள்ளது என ஆணையாளர் ரெ.சதீஷ் தெரிவித்துள்ளார்.
 

]]>
https://www.dinamani.com/all-editions/edition-dharmapuri/salem/2019/jul/19/மாநகராட்சியில்-தினமும்-45-டன்-மக்கும்-கழிவுகள்-உரமாக்கப்படுகின்றன-ஆணையாளர்-ரெசதீஷ்-3195339.html
3195338 தருமபுரி சேலம் ஏற்காடு வணிகர் நலச் சங்க பொதுக்குழுக் கூட்டம் DIN DIN Friday, July 19, 2019 01:59 AM +0530
ஏற்காடு வணிகர் நலச் சங்க பொதுக்குழுக் கூட்டம் வியாழக்கிழமை நடைபெற்றது.
கூட்டத்துக்கு சங்கத் தலைவர் ஜி. ரவிச்சந்திரன் தலைமை வகித்தார். சங்கச் செயலாளர் ஆர். ஜெயராமன், பொருளாளர் எல்.ஆர். பாலாஜி முன்னிலை வகித்தனர்.
பொதுக் குழுவில் பிளாஸ்டிக் பொருள்கள் ஒழிப்பு விழிப்புணர்வை ஏற்படுத்துவது, உணவு பாதுகாப்பு சட்டத்தின்படி பொருள்களை கொள்முதல் செய்து விற்பனை செய்வது உள்ளிட்ட தீர்மானங்கள் நிறைவேற்றப்பட்டன. கூட்டத்தில் வணிக சங்க நிர்வாகிகள், வணிகர்கள் கலந்து கொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/19/ஏற்காடு-வணிகர்-நலச்-சங்க-பொதுக்குழுக்-கூட்டம்-3195338.html
3195337 தருமபுரி சேலம் காடையாம்பட்டி வட்டார வளர்ச்சி அலுவலகம் முற்றுகை DIN DIN Friday, July 19, 2019 01:59 AM +0530
காடையாம்பட்டி ஊராட்சி ஒன்றியத்தில் 17 கிராம ஊராட்சிகள் உள்ளன. இந்தக் கிராமங்களில் உள்ள ஏரிகள், கால்வாய்கள் மற்றும் நீர்நிலைகளில் மகாத்மா காந்தி தேசிய ஊரக வேலை உறுதியளிப்பு திட்டத்தின் கீழ் நூறுநாள் வேலைத் திட்டத்தின் கீழ் மேம்பாட்டுப் பணிகள் செய்யப்பட்டு வந்தன. இந் நிலையில் தற்போது  இத் திட்டப் பணிகள் குறைக்கப்பட்டு வருகின்றன. இப் பணிகளில் இருந்த பெண்கள் பலரும் வேலை இழந்து வருகின்றனர்.
பாதிக்கப்பட்ட நூறு நாள் வேலைத் திட்ட பெண் தொழிலாளர்கள் நூற்றுக்கணக்கானோர் காடையாம்பட்டி வட்டார வளர்ச்சி அலுவலகத்தை வியாழக்
கிழமை முற்றுகையிட்டனர். வட்டார வளர்ச்சி அலுவலர்களை முற்றுகையிட்டு வேலை கேட்டனர். பெண்களை சமரசப்படுத்திய வட்டார வளர்ச்சி அலுவலர் கருணாநிதி, மலர்விழி ஆகியோர் அனைவருக்கும் வேலை வழங்கப்படும் என்று உறுதியளித்தனர்.  இதையடுத்து போராட்டத்தை பெண் தொழிலாளர்கள் கைவிட்டு கலைந்து சென்றனர்.
 

]]>
https://www.dinamani.com/all-editions/edition-dharmapuri/salem/2019/jul/19/காடையாம்பட்டி-வட்டார-வளர்ச்சி-அலுவலகம்-முற்றுகை-3195337.html
3195336 தருமபுரி சேலம் சேலம் புத்தகக் கண்காட்சி: இன்று தொடக்கம் DIN DIN Friday, July 19, 2019 01:58 AM +0530
சேலத்தில் தெய்வீகம் சார்பில் புத்தக கண்காட்சி வெள்ளிக்கிழமை தொடங்குகிறது.
சேலத்தில் தெய்வீகம் சார்பில் சேலம் புத்தக கண்காட்சி வெள்ளிக்கிழமை (ஜூலை 19) தொடங்கி வரும் ஜூலை 28-ஆம் தேதி வரை  அழகாபுரத்தில் உள்ள தெய்வீகம் திருமண மண்டபத்தில் பிற்பகல் 3 மணி முதல் இரவு 9 மணி வரை நடைபெற உள்ளது.
மேலும் விடுமுறை நாள்களில் காலை 11 மணி முதல் இரவு 9 மணி வரை நடைபெறும். எனவே பள்ளி மாணவர்கள் மற்றும் பொதுமக்கள் இக் கண்காட்சியில் கலந்து கொண்டு பயனடையலாம் என உரிமையாளர் கே. கந்தசாமி தெரிவித்தார்.
 

]]>
https://www.dinamani.com/all-editions/edition-dharmapuri/salem/2019/jul/19/சேலம்-புத்தகக்-கண்காட்சி-இன்று-தொடக்கம்-3195336.html
3195335 தருமபுரி சேலம் இந்திய கம்யூனிஸ்ட் ஆர்ப்பாட்டம் DIN DIN Friday, July 19, 2019 01:58 AM +0530
புதை சாக்கடைக்கு தோண்டப்பட்ட சாலைகளை சீரமைக்கக் கோரி இந்திய கம்யூனிஸ்ட் கட்சியினர் ஆர்ப்பாட்டம் நடத்தினர்.
சேலம் மாநகரப் பகுதியில் புதை சாக்கடைக்காக தோண்டப்பட்ட குழிகள் இதுவரை சரிவர மூடாமல் குண்டும் குழியுமாக உள்ளன.
இதனிடையே சாலையை சீரமைத்துத் தர வலியுறுத்தியும், மாநகர் முழுவதும் சாக்கடை சுத்தம் செய்யாததால், தூர்வாரப்படாத சாக்கடை நீர்த்தேங்கி அதன் மூலம் உருவாகும் கொசுக்களால் பல்வேறு நோய்த் தொற்றுகள் ஏற்படுவதைத் தடுக்க வலியுறுத்தியும், சேலம் மாவட்ட ஆட்சியர் அலுவலகம் அருகே இந்திய கம்யூனிஸ்ட் கட்சியினர் வியாழக்கிழமை கண்டன ஆர்ப்பாட்டத்தில் ஈடுபட்டனர்.
ஆர்ப்பாட்டத்தில் சேலம் மாநகராட்சி நிர்வாகத்தைக் கண்டித்தும், அரசை கண்டித்தும் கண்டன முழக்கங்களை எழுப்பினர். கொசு வலை அணிந்து நூதன முறையில் போராட்டத்தில் ஈடுபட்டனர். மாவட்டச் செயலாளர் மோகன் தலைமையில் நடைபெற்ற ஆர்ப்பாட்டத்தில் 50-க்கும் மேற்பட்டோர் கலந்து கொண்டனர்.


 

]]>
https://www.dinamani.com/all-editions/edition-dharmapuri/salem/2019/jul/19/இந்திய-கம்யூனிஸ்ட்-ஆர்ப்பாட்டம்-3195335.html
3194879 தருமபுரி சேலம் ஆடி மாதத்தை வரவேற்கும் வகையில் தேங்காய் சுடும் விழா DIN DIN Thursday, July 18, 2019 04:52 AM +0530
ஆடி மாதத்தின் முதல் நாளையொட்டி, தேங்காய் சுடும் விழா புதன்கிழமை கோலாகலமாக கொண்டாடப்பட்டது. 
ஒவ்வொரு ஆண்டும் ஆடி மாதம் முதல் நாளில் தேங்காய் சுடும் விழா கொண்டாடப்படுவது வழக்கமாகும். அதன்படி, சேலத்தில் அரிசிபாளையம், கிச்சிபாளையம், கெங்கவள்ளி உள்ளிட்ட பல்வேறு பகுதிகளில் தேங்காய் சுடும் விழா விமரிசையாக கொண்டாடப்பட்டது.
சேலத்தில் பால் மார்க்கெட், வ.உ.சி. காய்கறி சந்தை, ஆனந்தா காய்கறி சந்தை, அம்மாப்பேட்டை, குகை, அஸ்தம்பட்டி, அன்னதானப்பட்டி, தாதகாப்பட்டி சந்தை உள்பட மாவட்டத்தில் உள்ள 11 உழவர் சந்தைகளில் தேங்காய்கள் மற்றும் தேங்காய் சுடும் அழிஞ்சி மரக்குச்சிகள் சிறப்பாக விற்பனை செய்யப்பட்டன. ஒரு தேங்காய் ரூ.10 முதல் ரூ.25 வரையும், அழிஞ்சி மரக்குச்சி ரூ.15 முதல் ரூ.20 வரையும் விற்பனை செய்யப்பட்டது. 
புதிய தேங்காயை எடுத்து ஒரு கண்ணில் துளையிட்டு இளநீரை வெளியேற்றிவிடுவர். இதைத் தொடர்ந்து துளையிட்ட கண்ணின் வழியாக  பொட்டுக்கடலை, பச்சரிசி, பருப்பு, வெல்லம், அவல், எள், ஏலக்காய் ஆகியவை கலந்த கலவையை இட்டு, கூராக சீவப்பட்ட அழிஞ்சி மர குச்சியில் இந்த தேங்காயை சொருகி நெருப்பில் சுடுவர்.  
பின்னர் சுடப்பட்ட தேங்காயை அருகில் உள்ள பிள்ளையார் கோயிலுக்கு எடுத்து சென்று வழிபடுவதும், அதன் உள்ளே இருந்த கலவை உணவை உறவினர்களுக்கு கொடுத்து உண்டு மகிழ்வதும் வழக்கமாகும். 
இதேபோல் ஆடி மாதம் முதல் நாளையொட்டி, சேலம் கோட்டை மாரியம்மன், எல்லைப்பிடாரியம்மன், சித்தேஸ்வரா காளியம்மன், அம்மாப்பேட்டை செங்குந்தர் மாரியம்மன், குகை காளியம்மன், செவ்வாய்பேட்டை மாரியம்மன், தேர்வீதி ராஜகணபதி கோயில் உள்பட மாவட்டத்தில் உள்ள அம்மன், சிவன், விநாயகர், முருகன் கோயில்களில் சிறப்பு பூஜையும், அலங்கார ஆராதனையும் சிறப்பாக நடைபெற்றன.
சங்ககிரியில்...
சங்ககிரி நகர் பகுதியில் உள்ள குழந்தைகள், பள்ளி, கல்லூரி மாணவ, மாணவியர்  தேங்காய்களை தீயில் சுட்டனர்.
பின்னர் அவற்றை தில்லை விநாயகர், ஓங்காளியம்மன் கோயில், ஸ்ரீ அல்லி குண்டம் மாரியம்மன் கோயில், சிவியார் மாரியம்மன், அருள்மிகு சௌந்தரநாயகி உடனமர் சோமேஸ்வரர் கோயில், அருள்மிகு செல்லியம்மன் கோயில்களில் உள்ள விநாயகர் சுவாமிக்கு குடும்பத்துடன் படைத்து வழிபட்டனர். புதுமணத் தம்பதிகள் புத்தாடை உடுத்தி பெற்றோருடன் சேர்ந்து தேங்காய்களை சுட்டு சுவாமிக்கு படைத்து வழிப்பட்டனர்.
ஓமலூரில்...
ஓமலூர், காடையாம்பட்டி, தாரமங்கலம் மற்றும் கருப்பூர் ஆகிய வட்டாரப் பகுதிகளில் உள்ள கிராமங்களில் ஆடிப் பண்டிகையை பொதுமக்கள் தேங்காய் சுட்டுக் கொண்டாடி மகிழ்ந்தனர்.
இதேபோல் ஓமலூர் வட்டாரத்தில் உள்ள ஆட்டுக்காரனூர், காமலாபுரம், தாராபுரம், கஞ்சநாயக்கன்ப்பட்டி, பூசாரிப்பட்டி உள்ளிட்ட பகுதிகளிலும் குடும்பத்துடன் தேங்காய் சுட்டு மகிழ்ந்தனர். முனியப்பன், அய்யனாரப்பன் போன்ற காக்கும் கடவுள் கோயில்களிலும் ஆடிப் பண்டிகை கொண்டாடப்பட்டு வருகிறது.
ஆத்தூரில்...
ஆத்தூர் ஒருங்கிணைந்த நீதிமன்ற வளாகம் முன் அமமுக வழக்குரைஞர்கள் அணியின் மாவட்டச் செயலர் ஓ.எஸ்.சிவக்குமார் தலைமையில் தேங்காய் சுட்டு கொண்டாடினர். நிகழ்ச்சியில் சின்னசாமி, ராஜா, மருது, காமராஜ், பரமசிவம், கருணாமூர்த்தி, விநாயகமூர்த்தி, சங்கர் உள்ளிட்ட வழக்குரைஞர்கள் கலந்துகொண்டனர்.
வாழப்பாடியில்...
வாழப்பாடி பகுதியில் தேங்காயை தீயிலிட்டு சுட்டும், புதுமணத் தம்பதியருக்கு கிடா விருந்து வைத்தும் பாரம்பரிய முறைப்படி ஆடிப் பண்டிகையை கிராம மக்கள் கொண்டாடினர். வாழப்பாடியை அடுத்த பேளூரில் இயங்கும் உருது தொடக்கப் பள்ளியில் மாணவ-மாணவியர் ஆர்வத்தோடு, ஆசிரியர்கள் உதவியுடன் உரிய பாதுகாப்புடன் தேங்காய் சுட்டு பகிர்ந்துண்டு மகிழ்ந்தனர்.
 

]]>
https://www.dinamani.com/all-editions/edition-dharmapuri/salem/2019/jul/18/ஆடி-மாதத்தை-வரவேற்கும்-வகையில்-தேங்காய்-சுடும்-விழா-3194879.html
3194878 தருமபுரி சேலம் தமிழக அரசு உணவுப் பாதுகாப்பில் பெரும் பங்களிப்பை செலுத்தி வருகிறது: பல்கலைக்கழக ஆய்வுக் குழுத் தகவல் DIN DIN Thursday, July 18, 2019 04:52 AM +0530
சேலம் மாவட்டம், காடையாம்பட்டி, பெத்தநாயக்கன்பாளையம் பகுதிகளில் பெரியார் பல்கலைக்கழகம் மற்றும் இங்கிலாந்து நாட்டின் ஹார்ட்போர்ட் சையர் பல்கலைக்கழகத்துடன் இணைந்து மேற்கொண்டு வரும் கூட்டாய்வில், அரசின் பொது விநியோகத் திட்டம் சிறப்பான முறையில் பலன் அளித்திருப்பதாகவும், மேலும் அதனை மேம்படுத்த பல ஆலோசனைகள்  அரசின் பார்வைக்கு முன்வைக்கப்பட உள்ளதாகவும் ஆய்வுக் குழுவினர் தெரிவித்தனர்.
முதல்கட்ட ஆய்வறிக்கையை ஆய்வுக் குழுவினர் பெரியார் பல்கலைக்கழகத் துணை வேந்தர் பேராசிரியர் பொ.குழந்தைவேலிடம் புதன்கிழமை அளித்தனர். பின்னர் ஆய்வுக் குழுவின் தலைவர்களான பெரியார் பல்கலைக்கழக வணிகவியல் துறைத் தலைவர் பேராசிரியர் அ.இளங்கோவன் மற்றும் இங்கிலாந்து நாட்டின் ஹார்ட்போர்ட் சையர் பல்கலைக்கழகப் பேராசிரியர் ஹூலியா ஆகியோர் கூட்டாக செய்தியாளர்களிடம் கூறியது:
சேலம் மாவட்டம் காடையாம்பட்டி மற்றும் பெத்தநாயக்கன்பாளையம் பகுதிகளில் பல்கலைக்கழக மானியக்குழு மற்றும் உக்கேரி ஆகிய அமைப்புகளின் ரூ.1.80 கோடி நிதியுதவியுடன் இந்த  ஆய்வு மேற்கொள்ளப் பட்டு வருகிறது.
ஆய்வு நடத்தப்பட்ட பகுதிகளில் நிலமற்றவர்களும், விவசாயக் கூலித் தொழிலாளர்களும் உணவுப் பாதுகாப்பு குறைவாக கொண்டிருக்கிறார்கள். அதே சமயம் சிறு மற்றும் குறு விவசாயிகளிடையே உணவுப் பாதுகாப்பு சமமற்ற நிலையில் உள்ளது. ஏனென்றால் அவர்கள் உணவுக்கான பயிர்களை விளைவிப்பதைக் காட்டிலும் மஞ்சள், கரும்பு போன்ற பணப்பயிர்களை பயிரிட்டு வருகின்றனர். இதனால், உணவு கிடைப்பதில் பன்முகத் தன்மை இல்லாத நிலை நிலவுகிறது.
ஆய்வுக்குள்படுத்தப்பட்ட பகுதிகளில் அரசின் பொதுவிநியோகத் திட்டம் சிறப்பாக நடைமுறைப்படுத்தப்பட்டு வருகிறது. வறுமை ஒழிப்பில் பொதுவிநியோகத் திட்டம் சிறப்பான பங்களிப்பினை அளிக்கிறது. விவசாய உற்பத்தியாளர்கள் அமைப்பையும், மகாத்மா காந்தி வேலைவாய்ப்புத் திட்டத்தையும் இணைப்பதன் மூலம் உணவுப் பாதுகாப்பை உயர்த்த  சாத்தியமாகும் என தெரிவித்தனர்.
இந்த ஆய்வுக் குழுவில் பெரியார் பல்கலைக்கழகத் தரப்பில் உணவு அறிவியல் துறை இணைப் பேராசிரியர் ஆர்.பரிமளவள்ளி, ஹார்ட்போர்ட் சையர் பல்கலைக்கழக இணை ஆய்வாளர் சாமுண்டேஷ்வரி குப்புசாமி , ஆய்வு மாணவர்கள் எம்.மணிகண்டன், பி.கல்பனா, லியானே ஊஸ்டர் பேன் ஆகியோர் இடம்பெற்றுள்ளனர்.
 

]]>
https://www.dinamani.com/all-editions/edition-dharmapuri/salem/2019/jul/18/தமிழக-அரசு-உணவுப்-பாதுகாப்பில்-பெரும்-பங்களிப்பை-செலுத்தி-வருகிறது-பல்கலைக்கழக-ஆய்வுக்-குழுத்-தகவல்-3194878.html
3194877 தருமபுரி சேலம் ஜூலை 21-இல் அகில இந்திய நாய் கண்காட்சி DIN DIN Thursday, July 18, 2019 04:51 AM +0530
சேலத்தில் ஜூலை 21-ஆம் தேதி அகில இந்திய நாய்க் கண்காட்சி நடைபெற உள்ளது.
தி சேலம் அக்மெ கென்னல் கிளப் சார்பில் அகில இந்திய நாய்க் கண்காட்சி ஜூலை 21-ஆம் தேதி சேலம் கோட்டை பகுதியில் உள்ள சி.எஸ்.ஐ. பள்ளி வளாகத்தில் காலை 9 மணி முதல் மாலை 6 மணி வரை நடைபெறுகிறது.
இக் கண்காட்சியில் பூனா, கோலாபூர் உள்ளிட்ட பல்வேறு மாநிலங்களிலில் இருந்து 45 வகையைச் சார்ந்த 300-க்கும் மேற்பட்ட நாய்கள் கலந்து கொள்கின்றன.
மேலும், இக் கண்காட்சியில் நாய்களுக்குத் தேவையான உணவுப் பொருள்களும், உபகரணங்களும் விற்பனை செய்யப்படுகின்றன என தி சேலம் அக்மெ கென்னல் கிளப்பின் செயலர் சி.ஆர்.நடராஜன் தெரிவித்தார்.

]]>
https://www.dinamani.com/all-editions/edition-dharmapuri/salem/2019/jul/18/ஜூலை-21-இல்-அகில-இந்திய-நாய்-கண்காட்சி-3194877.html
3194876 தருமபுரி சேலம் மேட்டூர் அருகே தனியார் ஆலையை முற்றுகையிட்டு போராட்டம் DIN DIN Thursday, July 18, 2019 04:51 AM +0530 மேட்டூர் அருகே தனியார் ஆலையை மூடக் கோரி, பொதுமக்கள் ஆலையின் நுழைவாயிலில் முற்றுகையிட்டு போராட்டத்தில் ஈடுபட்டனர்.
சேலம் மாவட்டம், மேட்டூரில் தனியார் ரசாயன ஆலைய இயங்கி வருகிறது. இந்த ஆலையில் ஹைட்ரஜன் பெராக்சைடு உற்பத்தி செய்யும் ஆலை ஒன்று சுமார் நூறு கோடி ரூபாய் செலவில் அமைக்கப்பட்டு, உற்பத்தி நடைபெற்று வருகிறது. செவ்வாய்க்கிழமை நள்ளிரவில் இந்த ஆலையிலிருந்து வெறியேறிய வாயுவால் மூச்சுத் திணறல் உள்ளிட்ட உபாதைகள் ஏற்படுவதாகக் கூறி,  பொதுமக்கள் ஆலையை முற்றுகையிட்டனர்.
அதையடுத்து, இரண்டு மணி நேரத்துக்கு பிறகு வாயு வெளியேற்றுவது நிறுத்தப்பட்டது.  அப்போது கலைந்து சென்ற பொதுமக்கள் புதன்கிழமை பகலில் மீண்டும் ஆலையின் முன் கூடி,  ஆலையை மூடக் கோரி முற்றுகைப் போராட்டத்தில் ஈடுபட்டனர்.
தகவலறிந்து வந்த வருவாய்த் துறை, காவல் துறை அதிகாரிகள் நீண்டநேரம் பேச்சுவார்த்தை நடத்தியும் போராட்டம் முடிவுக்கு வரவில்லை.  அதன் பிறகு நிர்வாகத்தின் சார்பில் பேச்சுவார்த்தை நடத்திய ஆலை அதிகாரிகள்,  இந்த ஆலையால் பாதிப்பு இருப்பதாகக் கருதினால், உற்பத்தியை படிப்படியாகக் குறைத்து உற்பத்தியை நிறுத்துவதாக உறுதியளித்தனர்.  அதன்பிறகு போராட்டம் கைவிடப்பட்டது.

]]>
https://www.dinamani.com/all-editions/edition-dharmapuri/salem/2019/jul/18/மேட்டூர்-அருகே-தனியார்-ஆலையை-முற்றுகையிட்டு-போராட்டம்-3194876.html
3194875 தருமபுரி சேலம் எடப்பாடியில் முதல்வர் பங்கேற்கும் அரசு விழா: முன்னேற்பாட்டுப் பணிகள் ஆய்வு DIN DIN Thursday, July 18, 2019 04:51 AM +0530
எடப்பாடியில் தமிழக முதல்வர் எடப்பாடி கே.பழனிசாமி பங்கேற்கும் அரசு விழா, வரும் ஞாயிற்றுக்கிழமை (ஜூலை 21)  நடைபெற உள்ளது. அதையடுத்து,  நிகழ்ச்சிக்கான முன்னேற்பாட்டுப் பணிகளை மாவட்ட ஆட்சியர் சி.அ.ராமன் புதன்கிழமை நேரில் ஆய்வு செய்தார்.
தமிழக முதல்வர் எடப்பாடி கே.பழனிசாமி,  எடப்பாடி அரசு ஆண்கள் மேல்நிலைப் பள்ளி வளாகத்தில் நடைபெறும் அரசு விழாவில் பங்கேற்க உள்ளார்.  விழாவில், எடப்பாடி தொகுதிக்குள்பட்ட  பகுதியில் நடைபெற்ற, நிறைவடைந்த பல்வேறு திட்டப் பணிகளைத் தொடங்கி வைக்கிறார். தொடர்ந்து,  எடப்பாடி-ஜலகண்டாபுரம் சாலையில் புதிதாக அமைக்கப்பட்ட நீதிமன்றப் பணிகளைத் தொடங்கி வைக்கிறார்.  மேலும்,  தமிழக அரசின் பல்வேறு துறைகளின் கீழ் நலத் திட்ட உதவிகளை பயனாளிகளுக்கு வழங்க உள்ள முதல்வர்,   தொகுதி மக்களிடம் குறைகளைக் கேட்டு, மனுக்களைப் பெறுகிறார். இவ் விழாவுக்கான ஏற்பாடுகள் மற்றும் மேடை அமைக்கும் பணி எடப்பாடி அரசு ஆண்கள் மேல்நிலைப் பள்ளி வளாகத்தில் நடைபெற உள்ளது.
இந்த நிலையில், முதல்வர் பங்கேற்கும் விழா நடைபெறும் இடத்தை மாவட்ட ஆட்சியர் சி.அ.ராமன் புதன்கிழமை ஆய்வு செய்து,  பல்வேறு ஆலோசனைகளை வழங்கினார். மேலும்,  விழாவுக்கான பாதுகாப்பு ஏற்பாடுகள் குறித்து காவல் துறை அதிகாரிகளிடம் கேட்டறிந்தார். இந்த ஆய்வின்போது,  மாவட்ட வருவாய் அலுவலர் இரா.திவாகர்,   திட்ட அலுவலர் அருள் ஜோதி அரசு,  சங்ககிரி கோட்டாட்சியர் அமிர்தலிங்கம்,  வட்டாட்சியர் கேசவன்  உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-dharmapuri/salem/2019/jul/18/எடப்பாடியில்-முதல்வர்-பங்கேற்கும்-அரசு-விழா-முன்னேற்பாட்டுப்-பணிகள்-ஆய்வு-3194875.html
3194874 தருமபுரி சேலம் மேட்டூரில் அ.தி.மு.க. மாநிலங்களவை உறுப்பினருக்கு வரவேற்பு DIN DIN Thursday, July 18, 2019 04:50 AM +0530
அ.தி.மு.க. மாநிலங்களவை உறுப்பினராகத் தேர்வு செய்யப்பட்ட பின், மேட்டூர் வந்த மேட்டூர் அதிமுக செயலர் என்.சந்திரசேகரனுக்கு செவ்வாய்க்கிழமை வரவேற்பளிக்கப்பட்டது . 
மேச்சேரி பத்ரகாளியம்மன் ஆலயத்தில் சுவாமி தரிசனம் செய்த அவருக்கு ஆலய செயல் அலுவலர் ராஜா, எழுத்தர் கலைவாணன் ஆகியோர் மேளதாளம் முழங்க திருக்கோயில் சார்பில் வரவேற்பு அளித்தனர்.
மேச்சேரி ஒன்றியத்தில் அதிமுக நிர்வாகிகளும், தொண்டர்களும் உற்சாக வரவேற்பு அளித்தனர்.  
இதேபோல், மேட்டூர் காவிரி பாலம் முதல் மாதையன்குட்டை வரை சிறப்பான வரவேற்பு அளிக்கப்பட்டது.  மேட்டூர் ஆர்எஸ் பகுதியிலும் வரவேற்பு அளிக்கப்பட்டது.  பெண்கள் ஆரத்தி எடுத்து வரவேற்றனர்.
இந் நிகழ்ச்சியில்,  மேச்சேரி ஒன்றிய அதிமுக செயலர் சதாசிவம், மேச்சேரி பேரூராட்சி முன்னாள் தலைவர் ஜே.குமார்,  மேச்சேரி ஊராட்சி ஒன்றியக் குழு முன்னாள் தலைவர் சந்திரசேகரன்,  சேலம் மாவட்ட ஊராட்சிக் குழு முன்னாள் உறுப்பினர் கே.கலையரசன்,  அதிமுக வழக்குரைஞர் பிரிவு நிர்வாகி சித்தன்,  மேச்சேரி ஒன்றிய முன்னாள் செயலர் அண்ணாமலை,  மேட்டூர் நிர்மல்ஆனந்த், சாதிக் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-dharmapuri/salem/2019/jul/18/மேட்டூரில்-அதிமுக-மாநிலங்களவை-உறுப்பினருக்கு-வரவேற்பு-3194874.html
3194873 தருமபுரி சேலம் ஏற்காட்டில் சாலையில் சுற்றித் திரியும் மாடுகள் DIN DIN Thursday, July 18, 2019 04:50 AM +0530
ஏற்காடு சுற்றுலாத் தலத்தில் சாலைகளில் சுற்றித் திரியும் மாடுகளால் வாகன ஓட்டிகள் அச்சமடைந்துள்ளனர்.
சேலம் மாவட்டம், ஏற்காட்டில் நீண்ட காலமாக சாலைகளில் திரியும் மாடுகளால் பொதுமக்கள், வாகன ஓட்டிகள், சுற்றுலாப் பயணிகள் விபத்துக்குள்ளாகின்றனர். இதுகுறித்து பல முறை சம்பந்தப்பட்ட அதிகாரிகளிடம் தெரிவித்தும் நடவடிக்கை எடுக்கவில்லையாம்.
மேலும், ஏற்காடு, ஜெரினாகாடு, முகன்நகர் பகுதியில் 50-க்கும் மேற்பட்ட மாடுகளை இறைச்சிக்காக வளர்த்து வருகின்றனர். இதனால், முறையான பராமரிப்பு இல்லாமல் பொது இடங்களில் விட்டுச் செல்கின்றனர்.
அவ்வாறு விடப்படும் மாடுகள் சாலையோரங்களில்  உள்ள பழக்கடை, காய்கடைகளில் உள்ள பொருள்களைத் தின்றும், குப்பைத் தொட்டிகளில் உள்ள உணவகக் கழிவுகள், பிளாஸ்டிக் கழிவுகளைத் தின்றும் பொதுமக்கள், வாகன ஓட்டுநர்கள், சுற்றுலாப் பயணிகளை அச்சுறுத்தி வருகின்றன. எனவே, இதுகுறித்து நடவடிக்கை எடுக்க வேண்டும் என கோரிக்கை விடப்பட்டுள்ளது.
 

]]>
https://www.dinamani.com/all-editions/edition-dharmapuri/salem/2019/jul/18/ஏற்காட்டில்-சாலையில்-சுற்றித்-திரியும்-மாடுகள்-3194873.html
3194872 தருமபுரி சேலம் நங்கவள்ளியில் கம்யூனிஸ்ட் கட்சி நிர்வாகி தாக்குதல்: சாலை மறியல், கடையடைப்பு DIN DIN Thursday, July 18, 2019 04:50 AM +0530
சேலம் மாவட்டம், நங்கவள்ளியில் கம்யூனிஸ்ட் கட்சி நிர்வாகி மீது தாக்குதல் நடத்தியவர்களை கைது செய்யக் கோரி, புதன்கிழமை கடையடைப்பு மற்றும் சாலை மறியல் நடைபெற்றது.
நங்கவள்ளி அருகே உள்ள தாசகாப்பட்டியைச் சேர்ந்த வேலுதங்கமணி (34), நங்கவள்ளியில் ஜவுளிக் கடை நடத்தி வருகிறார். இவர் கம்யூனிஸ்ட் கட்சியின் ஒன்றிய குழு உறுப்பினராகவும் உள்ளார். செவ்வாய்க்கிழமை இரவு இவரது கடைக்கு வந்த சமட்டியூரைச் சேர்ந்த சதீஷ் (26) மற்றும் அடையாளம் தெரியாத ஒருவர் ஆடைகளை வாங்கிக் கொண்டு, மறைத்து வைத்திருந்த வீச்சறிவாளால் வேலுதங்கமணியை சரமாரியாக வெட்டிவிட்டு அங்கிருந்து தப்பியோடினராம்.
இச்சம்பவம் நிகழ்ந்த சிறிது நேரத்தில் சேலம் மாவட்டக் காவல் கண்காணிப்பாளர் தீபா கனிகர், ஓமலூர் காவல் துணைக் கண்காணிப்பாளர் சரவணன் மற்றும் போலீஸார் சம்பவ இடத்துக்கு சென்று விசாரணை நடத்தினர். மேலும், கண்காணிப்பு கேமராவில் பதிவான பதிவுகளை வைத்து விசாரணை நடத்தி வருகின்றனர். நங்கவள்ளி போலீஸார் வழக்குப் பதிந்துள்ளனர்.இந்நிலையில், குற்றவாளிகளை கைது செய்யக் கோரி வேலுதங்கமணியின் உறவினர்கள் நங்கவள்ளி பேருந்து நிலையம் அருகே  புதன்கிழமை சாலை மறியலில் ஈடுபட்டனர். கடைகள் அடைக்கப்பட்டன. தகவலறிந்த போலீஸார் சம்பவ இடத்துக்கு வந்து, விரைவில் குற்றவாளிகளை கைது செய்வதாக உறுதியளித்த பின்னர் போராட்டம் கைவிடப்பட்டது.

]]>
https://www.dinamani.com/all-editions/edition-dharmapuri/salem/2019/jul/18/நங்கவள்ளியில்-கம்யூனிஸ்ட்-கட்சி-நிர்வாகி-தாக்குதல்-சாலை-மறியல்-கடையடைப்பு-3194872.html
3194871 தருமபுரி சேலம் போக்குவரத்து ஊழியர் சம்மேளன மாநாடு: சங்ககிரியில் வேன் பிரசாரம் DIN DIN Thursday, July 18, 2019 04:50 AM +0530
சிஐடியு, தமிழ்நாடு அரசு போக்குவரத்து ஊழியர் சம்மேளனத்தின் சார்பில் திருநெல்வேலியில் நடைபெறும் மாநில மாநாட்டையொட்டி, சங்ககிரி பழைய பேருந்து நிலைய வளாகத்தில் புதன்கிழமை வேன் பிரசாரம் நடைபெற்றது. 
தமிழ்நாடு அரசு போக்குவரத்து ஊழியர் சம்மேளனத்தின் மாநிலச் செயலர் டி.செல்வகுமார் திருநெல்வேலியில் ஜூலை 21 முதல் 23 வரை நடைபெறும் 14-ஆவது மாநில மாநாட்டின் நோக்கம் குறித்தும், விபத்தில்லாமல் இயக்குவது, சுற்றுச்சூழலைப் பாதுகாத்தல், பொது போக்குவரத்தை பாதுகாக்க வேண்டும், போக்குவரத்துக் கழகங்களுக்கு நடைபெறும் நிதிநிலை பேரவைக் கூட்டத்தில் நிதி வழங்கக் கோரியும், போக்குவரத்து ஊழியர்களின் பிரச்னைகளுக்குத் தீர்வு காண வலியுறுத்தியும் மாநாட்டில் விவாதிக்கப்பட உள்ளது என்றார்.
சேலம் கோட்ட செயலர் ஆர்.கிருஷ்ணமூர்த்தி, தலைவர் கே.சம்பத், பொருளாளர் எம்.சேகர், துணைச் செயலர் கிருஷ்ணன், சங்ககிரி வட்டக்கிளை தலைவர் தனபால், நிர்வாகிகள் குமார், சக்திவேல் உள்ளிட்ட பலர் இதில் கலந்து கொண்டனர். முன்னதாக மத்திய, மாநில அரசுகளின் நிலைப்பாட்டை குறித்து வேனில் ஒளிபரப்பிய காணொளிக் காட்சிகளை அவர் தொடக்கி வைத்தார். செவ்வாய்க்கிழமை ஒசூரில் இருந்து புறப்பட்ட வேன் பிரசாரம், கிருஷ்ணகிரி, சேலம், ஓமலூர், தாரமங்கலம், எடப்பாடி வழியாக சங்ககிரி வந்தடைந்தது. அதைத் தொடர்ந்து திருச்செங்கோடு புறப்பட்டுச் சென்றது.
 

]]>
https://www.dinamani.com/all-editions/edition-dharmapuri/salem/2019/jul/18/போக்குவரத்து-ஊழியர்-சம்மேளன-மாநாடு-சங்ககிரியில்-வேன்-பிரசாரம்-3194871.html
3194869 தருமபுரி சேலம் சாலை விபத்தில் வட மாநிலத் தொழிலாளி பலி DIN DIN Thursday, July 18, 2019 04:50 AM +0530
சாலை விபத்தில் வட மாநிலத் தொழிலாளி உயிரிழந்தார்.
சேலம் அரியானூர் அருகே சிட்கோ தொழிற்பேட்டையில் மரம் அறுக்கும் தொழிற்சாலையில் கடந்த 10 ஆண்டுகளாக தொழிலாளியாக பிகாரைச் சேர்ந்த பிரகாஷ் ராம் மகன் சோட்டு ராம் (33) பணியாற்றி வந்தார். இவர் செவ்வாய்க்கிழமை இரவு அருகில் உள்ள டீக்கடைக்கு சென்று விட்டு மீண்டும் மில்லுக்கு நடந்து சென்றாராம்.
அப்போது, சீரகாபாடியில் இருந்து அரியானூர் நோக்கி 4 வழிச்சாலையில் சென்ற கார் எதிர்பாராத விதமாக சோட்டு ராம் மீது மோதியது. இதில் படுகாயமடைந்த சோட்டு ராமை அருகில் இருந்தவர்கள் மீட்டு தனியார் மருத்துவமனைக்கு அனுப்பிவைத்தனர். ஆனால், அங்கு சிகிச்சைப் பலனின்றி அவர் உயிரிழந்தார். விபத்து குறித்து ஆட்டையாம்பட்டி போலீஸார் விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/salem/2019/jul/18/சாலை-விபத்தில்-வட-மாநிலத்-தொழிலாளி-பலி-3194869.html
3194870 தருமபுரி சேலம் சாலை விபத்தில் வட மாநிலத் தொழிலாளி பலி DIN DIN Thursday, July 18, 2019 04:50 AM +0530
சாலை விபத்தில் வட மாநிலத் தொழிலாளி உயிரிழந்தார்.
சேலம் அரியானூர் அருகே சிட்கோ தொழிற்பேட்டையில் மரம் அறுக்கும் தொழிற்சாலையில் கடந்த 10 ஆண்டுகளாக தொழிலாளியாக பிகாரைச் சேர்ந்த பிரகாஷ் ராம் மகன் சோட்டு ராம் (33) பணியாற்றி வந்தார். இவர் செவ்வாய்க்கிழமை இரவு அருகில் உள்ள டீக்கடைக்கு சென்று விட்டு மீண்டும் மில்லுக்கு நடந்து சென்றாராம்.
அப்போது, சீரகாபாடியில் இருந்து அரியானூர் நோக்கி 4 வழிச்சாலையில் சென்ற கார் எதிர்பாராத விதமாக சோட்டு ராம் மீது மோதியது. இதில் படுகாயமடைந்த சோட்டு ராமை அருகில் இருந்தவர்கள் மீட்டு தனியார் மருத்துவமனைக்கு அனுப்பிவைத்தனர். ஆனால், அங்கு சிகிச்சைப் பலனின்றி அவர் உயிரிழந்தார். விபத்து குறித்து ஆட்டையாம்பட்டி போலீஸார் விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/salem/2019/jul/18/சாலை-விபத்தில்-வட-மாநிலத்-தொழிலாளி-பலி-3194870.html
3194867 தருமபுரி சேலம் ஜூலை 22-இல்  கொளத்தூர், பெரியதண்டாவில் மின்தடை DIN DIN Thursday, July 18, 2019 04:49 AM +0530
 கொளத்தூர், பெரியதண்டா பகுதிகளில் ஜூலை 22-ஆம் தேதி மின்விநியோகம் தடை செய்யப்படும் என மேட்டூர் அணை இயக்கமும்-பராமரிப்பும் பிரிவு செயற்பொறியாளர் மா.முரளிதரன் தெரிவித்துள்ளார்.
இது தொடர்பாக அவர் வெளியிட்டுள்ள செய்திக்குறிப்பு: கொளத்தூர் மற்றும் சத்தியா நகர் துணை மின் நிலையங்களில் பராமரிப்புப் பணிகள் மேற்கொள்ளப்படவுள்ளதால், ஜூலை 22-ஆம் தேதி காலை 9 மணி முதல் மாலை 5 மணி வரை மின்விநியோகம் நிறுத்தப்படுகிறது.
மின்நிறுத்தம் செய்யப்படும் பகுதிகள்: கொளத்தூர், பெரியதண்டா, நீதிபுரம், காவேரிபுரம், சின்னதண்டா, கண்ணாமூச்சி, கோவிந்தபாடி, தின்னபட்டி, பாலமலை, அய்யம்புதூர், ஆலமரத்துப்பட்டி, சுப்பிரமணியபுரம், பண்ணவாடி, குரும்பனூர், செளரியார் பாளையம், மூலக்காடு, மாசிலாபாளையம் மற்றும் அவற்றின் சுற்றுப்புறப் பகுதிகள்.
 

]]>
https://www.dinamani.com/all-editions/edition-dharmapuri/salem/2019/jul/18/ஜூலை-22-இல்--கொளத்தூர்-பெரியதண்டாவில்-மின்தடை-3194867.html
3194866 தருமபுரி சேலம் எடப்பாடி அருகே கரும்புத் தோட்டத்தில் தீ விபத்து DIN DIN Thursday, July 18, 2019 04:49 AM +0530
எடப்பாடி அருகே புதன்கிழமை கரும்புத் தோட்டத்தில் ஏற்பட்ட தீ விபத்தில், கரும்புப் பயிர்கள் தீயில் கருகின.
எடப்பாடியை அடுத்த கொல்லப்பட்டி, கள்ளுக்கடை பகுதியைச் சேர்ந்த விவசாயி மணியின் (63), கரும்புத் தோட்டத்தில் புதன்கிழமை பகல் நேரத்தில் திடீரென தீப்பிடித்து எரிந்தது. தோட்டத்தின் அருகில் பெட்ரோல் விற்பனை நிலையம் செயல்பட்டு வந்த நிலையில், பதட்டமடைந்த அப்பகுதி மக்கள் எடப்பாடி தீயணைப்பு நிலையத்துக்கு தகவல் அளித்தனர்.
அதன் பேரில், விரைந்த வந்த தீயணைப்பு நிலைய வீரர்கள் நீண்ட நேரம் போராடி தீயை அணைத்தனர். காற்றின் வேகம் அதிகமாக இருந்ததால் தீயை அணைப்பதில் சிரமம் ஏற்பட்டது. உரிய நேரத்தில் தீயணைக்கப்பட்டதால், பெரும் விபத்து தவிர்க்கப்பட்டது.

]]>
https://www.dinamani.com/all-editions/edition-dharmapuri/salem/2019/jul/18/எடப்பாடி-அருகே-கரும்புத்-தோட்டத்தில்-தீ-விபத்து-3194866.html
3194865 தருமபுரி சேலம் பெரு நிறுவனங்களுக்கு ஆதரவான பட்ஜெட்டை கண்டித்து ஆர்ப்பாட்டம் DIN DIN Thursday, July 18, 2019 04:49 AM +0530 பெரு நிறுவனங்களுக்கு ஆதரவான மத்திய அரசின் பட்ஜெட்டை கண்டித்து செவ்வாய்க்கிழமை ஆர்ப்பாட்டம் நடைபெற்றது.
சேலம் மாவட்ட ஏஐடியுசி சங்கத்தின் சார்பில் மக்கள் விரோத, தொழிலாளர் விரோத, பெரு முதலாளிகளுக்கு  ஆதரவான மத்திய அரசின் பட்ஜெட்டை கண்டித்து நாடு தழுவிய ஆர்ப்பாட்டம் மாவட்ட ஆட்சியர் அலுவலகம் முன் நடைபெற்றது. 
இதில் மாவட்டத் தலைவர் முருகன் தலைமை தாங்கினார். பரமசிவம், வேணுகோபால், முனுசாமி, ராஜேந்திரன், ஜீவானந்தம், கேசவமூர்த்தி, பழனிசாமி, மோகனரங்கன், சந்திரா ஆகியோர் முன்னிலை வகித்தனர். மாவட்ட பொதுச் செயலர் விமலன் ஆர்ப்பாட்டத்தை தொடக்கி வைத்து கண்டன உரையாற்றினார்.
இதில், தொலைத்தொடர்பு மாவட்டச் செயலர் பாலகுமாரன், வங்கி ஊழியர் சங்க மாவட்டத் தலைவர் சுவாமிநாதன், பொது காப்பீட்டு சங்க மாவட்டத் தலைவர் ரவீந்திரன், அரசு ஊழியர் சங்கத் தலைவர் முத்துக்குமார் ஆகியோர் பங்கேற்றனர். பொருளாளர் சம்பத் நன்றி கூறினார்.

]]>
https://www.dinamani.com/all-editions/edition-dharmapuri/salem/2019/jul/18/பெரு-நிறுவனங்களுக்கு-ஆதரவான-பட்ஜெட்டை-கண்டித்து-ஆர்ப்பாட்டம்-3194865.html
3194864 தருமபுரி சேலம் ஜூலை 19 மின் நிறுத்தம் செய்யப்படும் பகுதிகள்  DIN DIN Thursday, July 18, 2019 04:48 AM +0530
சங்ககிரி சங்ககிரி  வட்டம், தேவூர் துணை மின்நிலையத்தில் பராமரிப்புப் பணிகள் நடைபெற்று வருவதால், வெள்ளிக்கிழமை காலை 9 மணி முதல் மாலை 5 மணி வரை மின் விநியோகம் நிறுத்தப்படும் என எடப்பாடி கோட்ட மின்வாரிய செயற்பொறியாளர் கே.செல்வம் தெரிவித்துள்ளார்.
மின் நிறுத்தம் செய்யப்படும் பகுதிகள்: தேவூர், அரசிராமணி, அரியங்காடு, பெரமச்சிபாளையம், வெள்ளாளபாளையம், கைகோள்பாளையம்,  ஓடசக்கரை, மைலம்பட்டி, அம்மாபாளையம், மாமரத்துக்காடு, வட்ராம்பாளையம், செட்டிப்பட்டி, குள்ளம்பட்டி, காணியாளம்பட்டி, புள்ளாகவுண்டம்பட்டி.
சன்னியாசிப்பட்டி
சங்ககிரி அருகே உள்ள சன்னியாசிப்பட்டி துணை மின்நிலையத்தில் பராமரிப்புப் பணிகள் நடைபெற்று வருவதால், வெள்ளிக்கிழமை (ஜூலை 19) காலை 9 மணி முதல் மாலை 4 மணி வரை மின் விநியோகம் நிறுத்தி வைக்கப்படும் என சங்ககிரி மின்வாரிய செயற்பொறியாளர் கே.பாலசுப்பிரமணியம் தெரிவித்துள்ளார்.
மின் நிறுத்தம் செய்யப்படும் பகுதிகள்: படைவீடு, பச்சாம்பாளையம், சங்ககிரி ரயில் நிலையம், சங்ககிரி மேற்கு, சன்னியாசிப்பட்டி, நாகிசெட்டிபட்டி, ஊஞ்சக்கொரை, தண்ணீர்பந்தல்பாளையம், சின்னாகவுண்டனூர்.

]]>
https://www.dinamani.com/all-editions/edition-dharmapuri/salem/2019/jul/18/ஜூலை19-மின்-நிறுத்தம்-செய்யப்படும்-பகுதிகள்-3194864.html
3194862 தருமபுரி சேலம் ஆடி மாத பிறப்பு: அம்மன் ஆலயங்களில் சிறப்பு பூஜை DIN DIN Thursday, July 18, 2019 04:47 AM +0530
ஆடி மாத பிறப்பையொட்டி, எடப்பாடி சுற்றுப்பகுதி அம்மன் ஆலயங்களில் புதன்கிழமை சிறப்பு பூஜை நடைபெற்றது.
எடப்பாடி சுற்றுப் பகுதியில் உள்ள வெள்ளாண்டிவலசு காளியம்மன், மாரியம்மன், கல்லபாளையம் மாரியம்மன், கோனேரிப்பட்டி சக்தி காளியம்மன், ஒட்டப்பட்டி அங்காளபரமேஸ்வரி மற்றும் தாவந்தெரு காளியம்மன் உள்ளிட்ட பல்வேறு அம்மன் கோயில்களில் சிறப்பு பூஜைகள் நடைபெற்றன.
முன்னதாக, பல்வேறு வாசனைத் திரவியங்களால் அம்மனுக்கு அபிஷேம் நடைபெற்றது. தொடர்ந்து சிறப்பு அலங்காரத்தில் அம்மன் பக்தர்களுக்கு காட்சியளித்தார்.
நீண்ட வரிசையில் நின்று திரளான பக்தர்கள் அம்மனை
தரிசித்தனர்.
 

]]>
https://www.dinamani.com/all-editions/edition-dharmapuri/salem/2019/jul/18/ஆடி-மாத-பிறப்பு-அம்மன்-ஆலயங்களில்-சிறப்பு-பூஜை-3194862.html
3194861 தருமபுரி சேலம் ஜூலை 20-இல் தனியார் வேலைவாய்ப்பு முகாம் DIN DIN Thursday, July 18, 2019 04:47 AM +0530
தமிழ்நாடு மகளிர் மேம்பாட்டு நிறுவனம், தமிழ்நாடு மாநில ஊரக வாழ்வாதார இயக்கம் டி.டி.யு-ஜி.கே.ஓய். திட்டத்தின் கீழ்  இளைஞர்கள் மற்றும் மகளிருக்காக வரும் ஜூலை 20-இல் தனியார் வேலைவாய்ப்பு முகாம் நடத்தப்படுகிறது.
ஜூலை 20-ஆம் தேதி காலை 10 மணியளவில் உடையாப்பட்டியில் உள்ள அரசு மேல்நிலைப் பள்ளியில் தனியார் நிறுவனங்கள் மூலம் நடைபெறும் வேலைவாய்ப்பு முகாமில், அயோத்தியாப்பட்டணம், வாழப்பாடி மற்றும் பெத்தநாயக்கன்பாளையம் வட்டாரங்களைச் சார்ந்த இளைஞர்கள் மற்றும் மகளிர் கலந்துகொள்ளலாம். 
முகாமில், 8-ஆம் வகுப்பு முதல் பட்ட மேற்படிப்பு மற்றும் தொழில்நுட்ப கல்வித் தகுதி பெற்ற இளைஞர்கள் (ஆண்/பெண் இருபாலர்) கலந்து கொள்ளலாம். இதில் இளைஞர்கள் மற்றும் மகளிர் தங்களுடைய கல்விச் சான்றிதழ் நகல், குடும்ப அட்டை மற்றும் ஆதார் அட்டை நகலுடன் கலந்து கொண்டு தங்களுக்கேற்ற வேலைவாய்ப்பினை தேர்வு செய்து கொள்ளலாம். 
மேலும் விவரங்களுக்கு திட்ட அலுவலர், மகளிர் திட்டம், அறை எண் 207, மாவட்ட ஆட்சியரகம், சேலம் மாவட்டம் என்ற முகவரியில் செயல்படும் மகளிர் திட்ட அலுவலகத்தை நேரில் தொடர்பு கொள்ளலாம் என மாவட்ட ஆட்சியர் அலுவலகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/salem/2019/jul/18/ஜூலை-20-இல்-தனியார்-வேலைவாய்ப்பு-முகாம்-3194861.html
3194860 தருமபுரி சேலம் முனியப்பன் கோயில் திருவிழா DIN DIN Thursday, July 18, 2019 04:47 AM +0530 சேலம் மாவட்டம், இளம்பிள்ளை அருகே  கல்பாரப்பட்டி, மினியனூர் பகுதியில் அமைந்துள்ள பாம்பாண்டி  முனியப்பன் கோயிலில் ஆடி திருவிழா புதன்கிழமை கொண்டாடப்பட்டது. இதில் ஏராளமான பக்தர்கள் கிடா மற்றும் கோழி வெட்டி நேர்த்திக் கடனை செலுத்தினர்.
இக்கோயில் பற்றி பூசாரி சுப்பிரமணி கூறுகையில், யாரையாவது விஷப்பூச்சிகள் தீண்டினால் இக்கோயிலுக்கு வந்து பாடம் போட்டுவிட்டு சுவாமிக்கு வேண்டுதல் வைத்து சென்றால் உடலில் விஷம் ஏறாமல் உயிர் பிழைத்து விடுவாராம். இதையடுத்து, பக்தர்கள் வேண்டுதலை நிறைவேற்றும் வகையில் ஆண்டுதோறும் ஆடி முதல் நாளில் கிடா மற்றும் கோழி பலியிட்டு பூஜை செய்து வருகின்றனர் என்றார்.
 

]]>
https://www.dinamani.com/all-editions/edition-dharmapuri/salem/2019/jul/18/முனியப்பன்-கோயில்-திருவிழா-3194860.html
3194859 தருமபுரி சேலம் உலக நீதி தின விழா DIN DIN Thursday, July 18, 2019 04:47 AM +0530
கெங்கவல்லி அருகே கடம்பூரில் வறுமை ஒழிப்பு சங்கம் மற்றும் மகளிர் குழுவினரால்  உலக நீதி தின விழா புதன்கிழமை கொண்டாடப்பட்டது.
விழாவுக்கு சமூக ஆர்வலர் மீனாம்பிகா தலைமை தாங்கினார். வறுமை ஒழிப்பு சங்க நிர்வாகி கங்காதேவி வரவேற்றார். இதில், கடம்பூர் அரசு தொடக்கப் பள்ளி தலைமையாசிரியர் செல்வம் சிறப்பு அழைப்பாளராக பங்கேற்று பேசியது:
சர்வதேச  உலக நீதி தினம் 2010- ஆம் ஆண்டு முதல் ஆண்டுதோறும் ஜூலை 17-ஆம் தேதி கொண்டாடப்படுகிறது. சர்வதேச குற்றவியல் நீதிமன்றம் உருவாக்கிய  ஒப்பந்தத்தின் அடிப்படையில் உலக நீதி தினம் தேர்வு செய்யப்பட்டு, பெண்களுக்கு எதிரான வன்முறை குற்றங்கள், இனப்படுகொலை போன்ற பிரச்னைகள்மீது விழிப்புணர்வை ஏற்படுத்தவே இத்தினம் கொண்டாடப்படுகிறது.
பெண்களுக்கு உரிய பாதுகாப்பு கிடைத்திடவும், பெண்களுக்கு எதிரான வன்முறைகள் நிகழா வண்ணமும் இருக்க பாடுபடுவோம். இனப்படுகொலைகள் போன்ற பிரச்னைகள் நிகழா வண்ணம் அனைவரும் உறுதிமொழி ஏற்போம் என்றார். மகளிர் குழு ஜீவிதா நன்றி கூறினார். விழாவில் பெண்கள் திரளாக பங்கேற்றனர்.

]]>
https://www.dinamani.com/all-editions/edition-dharmapuri/salem/2019/jul/18/உலக-நீதி-தின-விழா-3194859.html
3194783 தருமபுரி சேலம் மேட்டூர் அருகே  தனியார் ஆலையை முற்றுகையிட்டு போராட்டம் DIN DIN Thursday, July 18, 2019 04:30 AM +0530
மேட்டூர் அருகே தனியார் ஆலையை மூடக் கோரி, பொதுமக்கள் ஆலையின் நுழைவாயிலில் முற்றுகையிட்டு போராட்டத்தில் ஈடுபட்டனர்.
சேலம் மாவட்டம், மேட்டூரில் தனியார் ரசாயன ஆலைய இயங்கி வருகிறது. இந்த ஆலையில் ஹைட்ரஜன் பெராக்சைடு உற்பத்தி செய்யும் ஆலை ஒன்று சுமார் நூறு கோடி ரூபாய் செலவில் அமைக்கப்பட்டு, உற்பத்தி நடைபெற்று வருகிறது. செவ்வாய்க்கிழமை நள்ளிரவில் இந்த ஆலையிலிருந்து வெறியேறிய வாயுவால் மூச்சுத் திணறல் உள்ளிட்ட உபாதைகள் ஏற்படுவதாகக் கூறி,  பொதுமக்கள் ஆலையை முற்றுகையிட்டனர்.
அதையடுத்து, இரண்டு மணி நேரத்துக்கு பிறகு வாயு வெளியேற்றுவது நிறுத்தப்பட்டது.  அப்போது கலைந்து சென்ற பொதுமக்கள் புதன்கிழமை பகலில் மீண்டும் ஆலையின் முன் கூடி,  ஆலையை மூடக் கோரி முற்றுகைப் போராட்டத்தில் ஈடுபட்டனர்.
தகவலறிந்து வந்த வருவாய்த் துறை, காவல் துறை அதிகாரிகள் நீண்டநேரம் பேச்சுவார்த்தை நடத்தியும் போராட்டம் முடிவுக்கு வரவில்லை.  அதன் பிறகு நிர்வாகத்தின் சார்பில் பேச்சுவார்த்தை நடத்திய ஆலை அதிகாரிகள்,  இந்த ஆலையால் பாதிப்பு இருப்பதாகக் கருதினால், உற்பத்தியை படிப்படியாகக் குறைத்து உற்பத்தியை நிறுத்துவதாக உறுதியளித்தனர்.  அதன்பிறகு போராட்டம் கைவிடப்பட்டது.
 

]]>
https://www.dinamani.com/all-editions/edition-dharmapuri/salem/2019/jul/18/மேட்டூர்-அருகே--தனியார்-ஆலையை-முற்றுகையிட்டு-போராட்டம்-3194783.html
3194228 தருமபுரி சேலம் நிதி நிறுவனம் நடத்தி மோசடி: 2 பேர் கைது DIN DIN Wednesday, July 17, 2019 09:36 AM +0530 சேலத்தில் நிதிநிறுவனம் நடத்தி பல கோடி ரூபாய் மோசடி செய்ததாக, 2 பேர் கைது செய்யப்பட்டனர்.
 சேலம் கோரிமேடு அன்பு நகரைச் சேர்ந்த கண்ணன் (34), பெரமனூரைச் சேர்ந்த ஜான்சன் (71) ஆகிய இருவரும் நிதிநிறுவனத்தை நடத்தி வந்தனர். இவர்கள் ரூ.1 லட்சம் செலுத்தினால் 10 மாதங்களில் ரூ.1.50 லட்சம் கிடைக்கும் என கவர்ச்சி விளம்பரம் செய்தனராம். இதை நம்பி ஏராளமானோர் முதலீடு செய்ததாகத் தெரிகிறது.
 இந்த நிலையில், பெரியகொல்லப்பட்டி முல்லை நகரைச் சேர்ந்த முனியம்மாள் மத்தியக் குற்றப் பிரிவு போலீஸில் அண்மையில் புகார் மனு அளித்தார். அதில், "ரூ .15.85 லட்சம் முதலீடு செய்தேன். ஆனால், முதிர்வடைந்த தொகையை தராமல் ஏமாற்றி விட்டதாகவும், உறவினர்கள், நண்பர்கள் மூலம் ரூ.85 லட்சம் முதலீடு செய்த பணத்தையும் நிதிநிறுவனம் நடத்தியவர்கள் மோசடி செய்துள்ளனர்' என தெரிவித்திருந்தார்.
 இதைத் தொடர்ந்து, மத்தியக் குற்றப் பிரிவு போலீஸார் வழக்குப் பதிவு செய்து கண்ணன், ஜான்சன் ஆகியோரை கைது செய்து சிறையில் அடைத்தனர். இதுதொடர்பாக போலீஸார் தொடர் விசாரணை நடத்தி வருகின்றனர்.
 
 

]]>
https://www.dinamani.com/all-editions/edition-dharmapuri/salem/2019/jul/17/நிதி-நிறுவனம்-நடத்தி-மோசடி-2-பேர்-கைது-3194228.html
3194226 தருமபுரி சேலம் இன்று மின்நுகர்வோர் குறைதீர் கூட்டம் DIN DIN Wednesday, July 17, 2019 09:36 AM +0530 சேலத்தில் மின்நுகர்வோர்களுக்கான குறைதீர் கூட்டம் புதன்கிழமை (ஜூலை 17) நடைபெற உள்ளதாக சேலம் மேற்கு கோட்ட செயற்பொறியாளர் அ.மெளலீஸ்வரன் தெரிவித்துள்ளார்.
 சேலம் அன்னதானப்பட்டியில் உள்ள மேற்கு கோட்ட அலுவலகத்தில் மின்நுகர்வோர் குறைதீர் கூட்டம் ஜூலை 17-ஆம் தேதி பிற்பகல் 3 மணியளவில் நடைபெற உள்ளது. எனவே, சேலம் மேற்கு கோட்டத்தைச் சேர்ந்த மின்நுகர்வோர்கள் இந்தக் கூட்டத்தில் கலந்துகொண்டு மின்சாரம் தொடர்பான குறைகளைத் தெரிவித்து பயனடையலாம் என சேலம் மேற்கு கோட்ட செயற்பொறியாளர் அ.மெளலீஸ்வரன் தெரிவித்துள்ளார். 
 

]]>
https://www.dinamani.com/all-editions/edition-dharmapuri/salem/2019/jul/17/இன்று-மின்நுகர்வோர்-குறைதீர்-கூட்டம்-3194226.html
3194224 தருமபுரி சேலம் மாற்றுத் திறனாளிகள் அடையாள அட்டை பதிவு முகாம் DIN DIN Wednesday, July 17, 2019 09:36 AM +0530 ஓமலூர் அருகே மாற்றுத் திறனாளிகளுக்கான தேசிய அடையாள அட்டை வழங்கும் முகாம் மற்றும் இணையதளத்தில் பதிவு செய்யும் முகாம் செவ்வாய்க்கிழமை நடைபெற்றது.
 ஓமலூர் மற்றும் காடையாம்பட்டி தாலுகாவில் மூன்று ஊராட்சி ஒன்றியங்களும், நான்கு பேரூராட்சிகளும் உள்ளன. இந்தப் பகுதிகளில் உள்ள மாற்றுத் திறன் கொண்டவர்களுக்கு இரண்டு மாதங்களுக்கு முன் தேசிய அடையாள அட்டைகள் வழங்கும் முகாம் நடைபெற்றது.
 இந்த முகாமில், பள்ளிக் குழந்தைகள் அனைவருக்கும் மருத்துவர்கள் ஊனத்தின் தன்மைகளை ஆய்வுசெய்து அதற்கான சான்றுகளும், தேசிய அடையாள அட்டையும் வழங்கினர். அவ்வாறு மாற்றுத் திறன் கொண்ட குழந்தைகள் பெற்ற தேசிய அடையாள அட்டையை இணையதளத்தில் பதிவு செய்யும் முகாம் காடையாம்பட்டி வட்டாரத்தில் நடைபெற்றது. இதில், தேசிய அடையாள அட்டைகள் பெறாதவர்களுக்கு ஆய்வு செய்து ஊனத்தின் தன்மைக்கேற்ப அடையாள அட்டைகளும் வழங்கப்பட்டன.
 இந்த முகாமில் ஓமலூர், காடையாம்பட்டி, கருப்பூர் உள்ளிட்ட பல்வேறு பகுதிகளைச் சேர்ந்த பொதுமக்கள் பலரும் கலந்துகொண்டு தங்களது குழந்தைகளுக்கும், தங்களுக்கும் வழங்கப்பட்ட அடையாள அட்டையை பதிவு செய்தனர். மேலும், புதிதாக தேசிய அடையாள அட்டையும் பெற்று அவற்றையும் உடனடியாக இணையதளத்தில் பதிவு செய்தனர். பதிவு செய்வதற்கு மாற்றுத் திறன் கொண்டவர்களே வரவேண்டும் என்ற நிலையை மாற்றி ஆங்காங்கே உள்ள அங்கன்வாடி மையத்தின் பணியாளர்களை கள ஆய்வு செய்து விண்ணப்பத்தை பூர்த்தி செய்து கொடுக்கவும் ஏற்பாடுகள் செய்யப்பட்டதால், மாற்றுத் திறன் கொண்டவர்களின் உறவினர்களும் வந்து பதிவு செய்து செல்லும் வகையில் ஏற்பாடுகள் செய்யப்பட்டுள்ளன. இந்தப் பணியை திறம்பட சிறப்பாக செய்து வருவதால் இந்திய அளவில் தமிழகம் முதலிடத்திலும், மாநில அளவில் சேலம் மாவட்டம் முதன்மை மாவட்டமாக இருப்பதாகவும் அதிகாரிகள் தெரிவித்தனர். மேலும், இந்த முகாம்கள் அனைத்து வட்டார வளர்ச்சி அலுவலகங்களிலும் வாரத்தில் இரண்டு நாள்கள் நடைபெறும் என்றும், அவற்றை பயனாளிகள் பயன்படுத்திக் கொள்ளுமாறும் அதிகாரிகள் தெரிவித்தனர்.
 

]]>
https://www.dinamani.com/all-editions/edition-dharmapuri/salem/2019/jul/17/மாற்றுத்-திறனாளிகள்-அடையாள-அட்டை-பதிவு-முகாம்-3194224.html
3194222 தருமபுரி சேலம் புதிய பேருந்து நிலையத்தில் நெகிழி பாட்டில் மறுசுழற்சி இயந்திரம் தொடக்கி வைப்பு DIN DIN Wednesday, July 17, 2019 09:36 AM +0530 சேலம் புதிய பேருந்து நிலையத்தில் கூடுதலாக வைக்கப்பட்டுள்ள நெகிழி பாட்டில் மறுசுழற்சி இயந்திரத்தின் செயல்பாட்டினை பொதுமக்கள் பயன்பாட்டுக்காக மாநகராட்சி ஆணையர் ரெ.சதீஷ் செவ்வாய்க்கிழமை தொடக்கி வைத்தார்.
 தமிழக அரசின் உத்தரவின்படி, மாநகராட்சி பகுதியில் ஒரு முறை பயன்படுத்தி தூக்கி எறியக்கூடிய மக்காத தன்மை கொண்ட நெகிழிப் பொருள்களை பயன்படுத்துவது, விற்பனை செய்வது முற்றிலுமாக தடை செய்யப்பட்டு, தொடர் கண்காணிப்புப் பணிகள் மேற்கொள்ளப்பட்டு வருகின்றன.
 அதனடிப்படையில், மாநிலத்திலேயே முதன்முறையாக சேலம் புதிய பேருந்து நிலையத்தில், நடைமேடை எண் 2-இல் பெரு நிறுவனங்களின் சமுதாய பொறுப்பு நிதியுதவின் கீழ் ரூ.2 லட்சத்தில் சேலம் மாநகராட்சி நிர்வாகம் மற்றும் ஏ.வி.ஆர். நிர்வாகத்தின் சார்பில் வைக்கப்பட்டுள்ள நெகிழி பாட்டில் மறுசுழற்சி இயந்திரம் கடந்த ஜனவரி மாநகராட்சி ஆணையரால் தொடக்கி வைக்கப்பட்டு, பொதுமக்களால் பயன்படுத்தப்பட்டு வருகிறது. அதனடிப்படையில், ஜன. 22 முதல் ஜூலை 16 வரை இந்த இயந்திரத்தில் 8,712 நெகிழி பாட்டில்கள் சேகரித்து, துகள்களாக அரைக்கப்பட்டு முறையாக மறுசுழற்சி பயன்பாட்டுக்கு அனுப்பி வைக்கப்பட்டுள்ளது.
 இந்த நிலையில், சேலம் புதிய பேருந்து நிலையத்தில் நடைமேடை எண் 3-இல் பெரு நிறுவனங்களின் சமுதாய பொறுப்பு நிதியுதவின் கீழ் ரூ.2.70 லட்சத்தில் மாநகராட்சி நிர்வாகம் மற்றும் ஏ.வி.ஆர். நிர்வாகத்தின் சார்பில் கூடுதலாக வைக்கப்பட்டுள்ள நெகிழி பாட்டில் மறுசுழற்சி இயந்திரம் பொதுமக்கள் பயன்பாட்டுக்காக தொடக்கி வைக்கப்பட்டுள்ளது. இந்த இயந்திரத்துக்குள் 250 மி.லி. முதல் 2.25 லிட்டர் வரையிலான காலியான நெகிழி பாட்டிலை போடும் போது, அவை மறுசுழற்சிக்கு ஏற்றவாறு அரைக்கப்பட்டு இயந்திரத்தில் சேகரமாகும். காலியான நெகிழி பாட்டிலை போட்டவுடன், இயந்திரத்தில் கொடுக்கப்பட்டுள்ள பட்டன்களை அழுத்தி 5 வகையான சலுகைகளை இலவசமாக பெற முடியும்.
 அதன்படி 5 நிமிடம் இலவசமாக செல்லிடப்பேசியை வேகமாக சார்ஜ் செய்யும் வசதி, 5 நிமிடம் இலவசமாக செல்லிடப்பேசியை சார்ஜ் செய்யும் வசதி மற்றும் 250 மில்லி சுத்திகரிக்கப்பட்ட குடிநீர் பெறும் வசதி, தானம் செய்யும் வசதி மற்றும் கூப்பன் பெறும் வசதி போன்ற வசதிகள் உள்ளன என ஆணையர் ரெ.சதீஷ் தெரிவித்தார்.
 நிகழ்ச்சியில் மாநகர நல அலுவலர் மருத்துவர் கே.பார்த்திபன், ஏ.வி.ஆர். நிறுவனத்தின் நிர்வாக இயக்குநர் எ.பி.எஸ்.சஞ்சய், உதவி ஆணையர் எம்.சுந்தரராஜன், உதவி செயற்பொறியாளர் எம்.செல்வராஜ், சுகாதார அலுவலர் எஸ். மணிகண்டன், சுகாதார ஆய்வாளர் வி.சரவணன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/17/புதிய-பேருந்து-நிலையத்தில்-நெகிழி-பாட்டில்-மறுசுழற்சி-இயந்திரம்-தொடக்கி-வைப்பு-3194222.html
3194220 தருமபுரி சேலம் விதைப் பண்ணையில் ஆட்சியர் ஆய்வு DIN DIN Wednesday, July 17, 2019 09:35 AM +0530 காடையாம்பட்டி அரசு விதைப் பண்ணையில் செய்யப்பட்டுள்ள பணிகளை மாவட்ட ஆட்சியர் சி.அ.ராமன் செவ்வாய்க்கிழமை பார்வையிட்டு ஆய்வு செய்தார்.
 காடையாம்பட்டி ஒன்றியத்தில் டேனிஷ்பேட்டையில் அரசு விதைப் பண்ணை உள்ளது. இந்த விதைப் பண்ணையில் ஆண்டுதோறும் நெல், கம்பு, ராகி, சோளம் உள்பட பல்வேறு உணவு தானியங்கள், சிறு தானியங்கள் உற்பத்தி செய்யப்படும். ஆனால், இந்த ஆண்டு உணவு தானிய உற்பத்தி முற்றிலுமாக பாதிக்கப்பட்டுள்ளது. இருந்தபோதும் தண்ணீர் சேமிப்பு, வாய்க்கால்கள், கிணறு பராமரிப்பு போன்ற நீர் மேலாண்மை பணிகளை விதைப்பண்ணை அதிகாரிகள் செய்து வருகின்றனர்.
 இங்கு தென்னை நாற்றுகளையும், விவசாய நிலங்களுக்கு தளை சத்தைக் கொடுக்கும் செடிகளையும் வளர்த்து வருகின்றனர். மேலும், ஆங்கிலேயர் காலத்தில் வெட்டப்பட்ட பிரிட்டிஷ் கிணற்றையும் மேம்பாடு செய்துள்ளனர். இந்தப் பணிகளை சேலம் மாவட்ட ஆட்சியர் ராமன் ஆய்வு செய்தார்.
 விதைப் பண்ணை முழுக்க சுற்றிப் பார்த்த ஆட்சியர், அங்கு செய்யப்பட்டுள்ள பணிகள் குறித்து கேட்டறிந்தார்.
 மேலும், வாய்க்கால்கள், கிணறுகள், வறட்சியால் வறண்ட கிணறுகள் குறித்தும், தண்ணீர் இல்லாத நிலையில் விதைப் பண்ணையில் வேளாண் பணிகள் செய்யப்படாமல் இருப்பதையும் கேட்டறிந்தார். கஜா புயலால் பாதிக்கப்பட்ட பகுதிகளுக்கு வழங்குவதற்காக தயார் செய்யப்பட்டு வரும் தேங்காய் நாற்றுப் பண்ணையையும் பார்வையிட்டார். தொடர்ந்து சின்னேரிகாட்டில் கட்டப்பட்டுள்ள தடுப்பணை, கூட்டுப்பண்ணை திட்டம் ஆகிவற்றை பார்வையிட்டு வேளாண் துறை அதிகாரிகளின் பணிகளுக்கு பாராட்டு தெரிவித்தார். அதைத் தொடர்ந்து, கூட்டுப் பண்ணைய விவசாயிகளுக்கு உழவடைக் கருவிகள், வேளாண் கருவிகள் உள்பட சுமார் ரூ.20 லட்சத்தில் பொருள்களை வழங்கினார்.
 இந்த ஆய்வின் போது, வேளாண் துறை, வருவாய்த் துறை மற்றும் ஊரக வளர்ச்சித் துறை அதிகாரிகள் உடன் இருந்தனர்.
 
 
 

]]>
https://www.dinamani.com/all-editions/edition-dharmapuri/salem/2019/jul/17/விதைப்-பண்ணையில்-ஆட்சியர்-ஆய்வு-3194220.html
3194219 தருமபுரி சேலம் பத்மவாணி கல்லூரியில் முதுகலைப் பாட வகுப்புகள் தொடக்கம் DIN DIN Wednesday, July 17, 2019 09:35 AM +0530 பத்மவாணி மகளிர் கலை மற்றும் அறிவியல் கல்லூரியில் 2019-2020 ஆம் கல்வி ஆண்டுக்கான முதுகலை முதலாம் ஆண்டு மாணவியரின் வரவேற்பு விழா திங்கள்கிழமை நடைபெற்றது.
 விழாவை பத்மவாணி மகளிர் கல்வி நிறுவனத்தின் இயக்குநர்கள் பத்மாவதி துரைசாமி, இசைவாணி சத்தியமூர்த்தி ஆகியோர் குத்துவிளக்கேற்றித் துவக்கி வைத்தனர். செயலாளர் கா. துரைசாமி, தாளாளர் கா. சத்தியமூர்த்தி முன்னிலை வகித்தனர். பத்மவாணி மகளிர் கலை மற்றும் அறிவியல் கல்லூரியின் முதல்வர் ரா. ஹரி கிருஷ்ணராஜ் வரவேற்றார். நிர்வாக அலுவலர் பெ. முத்துக்குமார், பத்மவாணி மகளிர் கல்வியியல் கல்லூரியின் முதல்வர் பி. சோனா ஆகியோர் துவக்கவுரை ஆற்றினர். முதலாம் ஆண்டு மாணவிகளுக்கான வரவேற்பு விழாவை முன்னிட்டு பெரியார் மேலாண்மைக் கல்வி நிறுவன இயக்குநர் (பொ) பேராசிரியர் வி.ஆர். பழனிவேல் மாணவிகளின் உயர்கல்வியின் வளர்ச்சி நிலையையும், பெண் கல்வியின் முக்கியத்துவத்தையும் எடுத்துரைத்தார். கல்லூரி ஆங்கிலத்துறைத் தலைவர் சிந்து வி.ஜோஷ் நன்றி கூறினார்.
 

]]>
https://www.dinamani.com/all-editions/edition-dharmapuri/salem/2019/jul/17/பத்மவாணி-கல்லூரியில்-முதுகலைப்-பாட-வகுப்புகள்-தொடக்கம்-3194219.html
3194217 தருமபுரி சேலம் இளம்பெண் தூக்கிட்டுத் தற்கொலை: உறவினர்கள் சாலை மறியல் DIN DIN Wednesday, July 17, 2019 09:35 AM +0530 ஆத்தூரில் இளம்பெண் தூக்கிட்டு செவ்வாய்க்கிழமை தற்கொலை செய்து கொண்டார். இதையடுத்து, அவரது உடலை வாங்க மறுத்து உறவினர்கள் சேலம்-சென்னை தேசிய நெடுஞ்சாலையில் சாலை மறியலில் ஈடுபட்டனர்.
 சேலம் மாவட்டம், ஆத்தூர் 32-ஆவது வார்டு அம்பேத்கர் நகர் பகுதியைச் சேர்ந்த சக்திவேல் (37), கூலித் தொழிலாளி. இவருக்கு வடிவுக்கரசி (33) என்ற மனைவியும், ஜனனி (14), சரண்யா (12), மாலதி (11), சிவசக்தி (10) என நான்கு குழந்தைகளும் உள்ளனர்.
 இந்நிலையில், ஞாயிற்றுக்கிழமை மதுபோதையில் வீட்டுக்கு வந்த சக்திவேலுக்கும், வடிவுக்கரசிக்கும் இடையே தகராறு ஏற்பட்டுள்ளது. இதில் மனமுடைந்த வடிவுக்கரசி செவ்வாய்க்கிழமை அதிகாலை வீட்டில் தனது தூக்கிட்டுத் தற்கொலை செய்து கொண்டார்.
 தகவல் அறிந்த ஆத்தூர் காவல் ஆய்வாளர்(பொ) கே.முருகேசன் வழக்குப் பதிவு செய்து பிரேத பரிசோதனைக்காக ஆத்தூர் அரசு மருத்துவமனைக்கு வடிவுக்கரசியின் உடலை அனுப்பி வைத்தார். மாலை பிரேத பரிசோதனைக்குப் பிறகு அங்கிருந்த உறவினர்கள் இறப்பில் சந்தேகம் இருப்பதாக கூறி, உடலை வாங்க மறுத்து சேலம்-சென்னை தேசிய நெடுஞ்சாலையில் அரசு மருத்துவமனை முன் சாலை மறியலில் ஈடுபட்டனர்.
 தகவல் அறிந்த ஆத்தூர் காவல் துணைக் கண்காணிப்பாளர் வி.ராஜி நிகழ்விடத்துக்கு விரைந்து சென்று சாலை மறியலில் ஈடுபட்டவர்களிடையே பேச்சுவார்த்தை நடத்தினார். அதில் குற்றவாளிகள் மீது தக்க நடவடிக்கை எடுக்கப்படும் என உறுதியளித்ததையடுத்து மறியல் கைவிடப்பட்டது. இதனால் அப்பகுதியில் அரைமணி நேரம் போக்குவரத்து பாதிக்கப்பட்டது.
 
 
 

]]>
https://www.dinamani.com/all-editions/edition-dharmapuri/salem/2019/jul/17/இளம்பெண்-தூக்கிட்டுத்-தற்கொலை-உறவினர்கள்-சாலை-மறியல்-3194217.html
3194215 தருமபுரி சேலம் பெரியார் பல்கலை. முதுநிலை ஆராய்ச்சியாளருக்கு சர்வதேச விருது DIN DIN Wednesday, July 17, 2019 09:33 AM +0530 பெரியர் பல்கலைக்கழக புவித் தகவல் மற்றும் கோளியல் மையத்தில் யுஜிசி முதுநிலை ஆராய்ச்சி மேற்கொண்டுவரும் ஆ.ஜோதிபாசு சர்வதேச விருது பெற்றுள்ளார்.
 சர்வதேச நீர்வளக் கூட்டமைப்பு, 2 ஆயிரம் யூரோ மதிப்பிலான சிஸ்டா விருது அவருக்கு வழங்கியுள்ளது. இந்த சிவபாலன் இளநிலை அறிவியலாளர் விருதானது சர்வதேச அளவில் அங்கீகரிக்கப்பட்ட நீரியல் வல்லுநரான எம்.சிவபாலன் பெயரில் வழங்கப்படுகிறது. புவித் தகவல் மையத்தின் இயக்குநரான பேராசிரியர் எஸ்.அன்பழகன் வழிகாட்டுதலின் மூலமாக, பருவநிலை மாற்றத்தினால் வருங்காலத்தில் (2100 வரை) நிலத்தடி நீர் எவ்வாறு பாதிக்கப்படும் என்பது குறித்த ஆராய்ச்சியை ஆ.ஜோதிபாசு மேற்கொண்டு வருகிறார். இந்த சிஸ்டா விருது கனடாவில் நடைபெறும் 27-ஆவது சர்வதேச கருத்தரங்கில் கலந்துகொள்ள வழங்கப்பட்டுள்ளது.
 இந்த கருத்தரங்கில் பேராசிரியர் அன்பழகனுடன் இணைந்து சமர்ப்பிக்கப்பட்ட, "தமிழக நதிகளில் பருவநிலை மாற்றத்தால் வருங்காலத்தில் நீரோட்டம் மற்றும் நிலத்தடிநீர் உள்புகு தன்மையின் பாதிப்பு' பற்றிய ஆராய்ச்சிக் கட்டுரை ஏற்றுகொள்ளப்பட்டுள்ளது. சர்வதேச அளவில் மொத்தம் 20 பேருக்கு மட்டும் இந்த விருது வழங்கப்பட்டுள்ளது என்பது குறிப்பிடத்தக்கது. விருது பெற்ற ஆ.ஜோதிபாசு மற்றும் எஸ்.அன்பழகன் ஆகியோரை பெரியார் பல்கலைக்கழக துணை வேந்தர் பொ.குழந்தைவேல் பாராட்டினார்.
 இதுகுறித்து துணை வேந்தர் கூறுகையில், நிலத்தடி நீர் அருகிவரும் இந்தச் சூழ்நிலையில், பருவநிலை மாற்றத்தினால் வருங்காலத்தில் ஏற்படும் பிரச்னைகளை முன்கூட்டியே அறிவது நிலையான நீர்வள மேலாண்மைக்கு மிகவும் அவசியம் எனத் தெரிவித்தார்.

]]>
https://www.dinamani.com/all-editions/edition-dharmapuri/salem/2019/jul/17/பெரியார்-பல்கலை-முதுநிலை-ஆராய்ச்சியாளருக்கு-சர்வதேச-விருது-3194215.html
3194207 தருமபுரி சேலம் அரசுப் பள்ளியில் உலக பாம்புகள் தினம் DIN DIN Wednesday, July 17, 2019 09:31 AM +0530 தளவாய்ப்பட்டி ஊராட்சி நடுநிலைப் பள்ளியில் உலக பாம்புகள் தினம் செவ்வாய்க்கிழமை கொண்டாடப்பட்டது.
 சேலம் மாவட்டம், பெத்தநாயக்கன்பாளையம் ஒன்றியத்துக்குள்பட்ட தளவாய்ப்பட்டி ஊராட்சி நடுநிலைப் பள்ளியில் உலக பாம்புகள் தினம் தலைமையாசிரியை இரா.தனலட்சுமி தலைமையில் கொண்டாடப்பட்டது.
 நிகழ்ச்சியில் சிறப்பு விருந்தினராக சேலம் இயற்கை மற்றும் காட்டுயிர் அறக்கட்டளையைச் சேர்ந்த முருகேசன் கலந்துகொண்டு பாம்புகள் குறித்த தகவல்களை கூறினார் (படம்). பாம்புகளால் நமக்கு ஏற்படும் நன்மைகளையும், பயிர்கள் மற்றும் தானியங்களை அழிக்கும் எலிகளை பாம்பு அழித்து நமக்கு உதவுகிறது, விஷத்தன்மை கொண்ட பாம்புகள் நான்கு மட்டுமே, பாம்பு கடித்தால் பயத்தால் தான் அதிகம் பேர் உயிரிழக்கின்றனர் என்றார். மேலும், மாணவர்களின் கேள்விகளுக்கு பதிலளித்தார்.
 நிகழ்ச்சியில், ஆசிரியர் பெ.ராஜாங்கம், ஆசிரியைகள் இரா.அன்னக்கிளி, க.இராஜேஸ்வரி, சி.கண்மணி மற்றும் மாணவ, மாணவியர் கலந்துகொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/17/அரசுப்-பள்ளியில்-உலக-பாம்புகள்-தினம்-3194207.html
3194205 தருமபுரி சேலம் பாப்பாரப்பட்டியில் ரூ.5 லட்சத்துக்கு பருத்தி ஏலம் DIN DIN Wednesday, July 17, 2019 09:31 AM +0530 ஆட்டையாம்பட்டி அருகே பாப்பாரப்பட்டி கூட்டுறவு சங்கத்தில் ரூ.5 லட்சத்துக்கு பருத்தி ஏலம் போனது.
 சென்னகிரி, பாப்பாரப்பட்டி, பாலம்பட்டி, பைரோஜி, இருசனாம்பட்டி ஆகிய பகுதியில் உள்ள விவசாயிகள் தங்கள் விளைநிலங்களில் விளையும் பருத்திகளை திருச்செங்கோடு மற்றும் மல்லசமுத்திரம் போன்ற பகுதியில் உள்ள கூட்டுறவு சங்கத்தில் நடைபெறும் ஏல விற்பனையில் கலந்துகொண்டு விற்று வந்தனர்.
 இதில் பலவிதமான தொந்தரவுகள் இருந்து வந்ததால், ஆட்டையாம்பட்டியை அடுத்துள்ள பாப்பாரப்பட்டி கூட்டுறவு சங்கத்தில் விவசாயிகளின் விளைபொருள்களை ஏலத்தில் விட கடந்த சில ஆண்டுகளாக நடவடிக்கை எடுத்து வந்தனர்.
 இதன் பலனாக கடந்த வாரம் பருத்தி அறுவடையையொட்டி ஏலம் விட முடிவு செய்யப்பட்டது . இதையடுத்து, செவ்வாய்க்கிழமை ஆட்டையாம்பட்டி சுற்றுப்புற பகுதியைச் சேர்ந்த விவசாயிகள் 7,842 கிலோ எடையுள்ள பருத்திகளை சுமார் 230 மூட்டைகளில் கொண்டுவந்திருந்தனர்.
 இதில் கொங்கணாபுரம் , சேலம் மற்றும் திருச்செங்கோடு பகுதியைச் சேர்ந்த வியாபாரிகள் கலந்துகொண்டு ஏலம் எடுத்தனர். இதில் சுரபி வகையைச் சேர்ந்த பருத்தியானது குறைந்தபட்சமாக 1 கிலோ ரூ.54-க்கும், அதிகபட்சமாக 1 கிலோ ரூ.67.60-க்கும் விலை போனது. இதில் மொத்தம் ரூ.5,36,016-க்கு வர்த்தகம் நடைபெற்றது.
 

]]>
https://www.dinamani.com/all-editions/edition-dharmapuri/salem/2019/jul/17/பாப்பாரப்பட்டியில்-ரூ5-லட்சத்துக்கு-பருத்தி-ஏலம்-3194205.html
3194203 தருமபுரி சேலம் தொழில்நுட்பக் கருத்தரங்கம் DIN DIN Wednesday, July 17, 2019 09:31 AM +0530 விநாயக மிஷன் அலைடு ஹெல்த் சயின்ஸ் துறையில் மயக்க மருந்தியல், தொழில்நுட்பப் பிரிவில் புதிய முன்னேற்றங்கள் என்ற தலைப்பில் கருத்தரங்கு நடைபெற்றது.
 நிகழ்ச்சிக்குத் துறையின் டீன் டாக்டர் செந்தில்குமார் வரவேற்றார். விம்ஸ் மருத்துவமனையில் மயக்க மருந்தியல் பிரிவு இணை பேராசிரியர் டாக்டர் ராஜா அறுபடை மருத்துவ கல்லூரி மற்றும் மயக்க மருந்தியல் பிரிவு உதவி பேராசிரியை டாக்டர் சண்முகவள்ளி, விநாயக மிஷன் கிருபானந்த வாரியார் மருத்துவக் கல்லூரி உதவி பேராசிரியை டாக்டர் ராகப்பிரியா, விவேகானந்தா மருத்துவமனை மயக்க மருந்தியல் பிரிவு ஆலோசகர் டாக்டர் ஜெயபிரகாஷ் , சென்னை விப்ரோ ஜி இ சுகாதார நிறுவனத்தின் தயாரிப்பு மேலாளர் ஜெயச்சந்திரன், தொழில்நுட்ப ஆதரவு மேலாளர் ஹரிஸ், தொழில்நுட்ப பயன்பாட்டு சிறப்பாளர் டெப்சந்த் ஆகியோர் சிறப்பு அழைப்பாளராகக் கலந்து கொண்டு பல்வேறு தலைப்புகளில் பேசினர்.
 நிகழ்ச்சியில் பல்வேறு கல்லூரிகளைச் சேர்ந்த 600 மாணவ, மாணவிகள் கலந்து கொண்டனர். இதில், டீன் டாக்டர் செந்தில்குமார் அனைவருக்கும் சான்றிதழ் வழங்கினார். பேராசிரியை டாக்டர் தீபிகா நன்றி கூறினார். ஏற்பாட்டினை பேராசிரியர்கள், டாக்டர்கள் வைஷ்ணவா தேவி, கீர்த்தனா பிரியதர்ஷினி, பார்த்திபன்,ஹரிஸ் ராஜா மற்றும் விம்ஸ் மருத்துவமனை உயிர் மருத்துவப் பிரிவுப் பொறுப்பாளர் கார்த்திக் ஆகியோர் செய்திருந்தனர்.
 
 

]]>
https://www.dinamani.com/all-editions/edition-dharmapuri/salem/2019/jul/17/தொழில்நுட்பக்-கருத்தரங்கம்-3194203.html
3194200 தருமபுரி சேலம் வட்டாட்சியர் அலுவலகம் முற்றுகை DIN DIN Wednesday, July 17, 2019 09:30 AM +0530 ஏரிக்கு வாய்க்கால் வெட்டும் நிலத்தை ஆக்கிரமித்துள்ள பகுதிகளை அகற்ற வேண்டும் என வட்டாட்சியர் அலுவலகத்தை செவ்வாய்க்கிழமை கிராம மக்கள் முற்றுகையிட்டனர்.
 ஆத்தூரை அடுத்துள்ள கல்லாநத்தம், துலுக்கனூர் மற்றும் அம்மம்பாளையம் கிராமங்களைச் சேர்ந்த பொதுமக்கள் மற்றும் விவசாயிகள் நீர் ஆதாரமாக உள்ள கல்லாநத்தம் ஏரியை நம்பி வாழ்கிறார்கள்.
 இந்நிலையில், கடந்த 10 ஆண்டுகளாக பருவமழை பொய்த்ததன் காரணமாக, இந்த ஏரிக்கு நீர் வரவில்லையாம். மேலும், வசிஷ்ட நதியில் மணல் அள்ளப்பட்டதால், ஆறு 10 அடி தாழ்வாக உள்ளதால் வசிஷ்ட நதியில் வெள்ளம் வந்தாலும் ஏரிக்கு நீர் வர வாய்ப்பில்லை.
 இந்நிலையில், முட்டல் ஏரி கல்வராயன் மலை அடிவாரத்தில் உள்ளதால் ஆணைவாரி மடுவின் மூலம் மழைக் காலங்களில் நீர் பெருக்கெடுத்து 2 தினங்களிலேயே நிரம்பி உபரி மழைநீர் வீணாக கடலில் கலக்கிறது. எனவே, மூன்று கிராம மக்கள் மற்றும் விவசாயிகள் ஒன்றுசேர்ந்து முட்டல் ஏரியில் இருந்து வெளியேறும் உபரிநீரை கல்வராயன்மலை ஓரமாக சுமார் மூன்றரை கிலோ மீட்டர் தூரத்துக்கு 20 அடி அகலத்தில் வனத்துறை அனுமதியுடன் கால்வாய் வெட்டி கல்லாநத்தம் ஏரியில் மழைநீரை கொண்டுசெல்ல திட்டமிட்டனர்.
 ஆனால், இந்த கால்வாய் வெட்டும் பணியினை அதே பகுதியைச் சேர்ந்த இரு பெரு விவசாயிகள் தடுத்து வருவதாகவும், நீர் ஆதாரங்கள் ஏரிக்கு செல்ல வழியில்லாமல் அவர்கள் ஆக்கிரமித்து வருவதாகவும் புகார் கொடுக்கப்பட்டுள்ளது.
 எனவே, இதுகுறித்து நடவடிக்கை எடுக்க வேண்டும் என அப்பகுதி மக்கள் வட்டாட்சியர் அலுவலகத்தை முற்றுகையிட்டனர். ஆனால், வட்டாட்சியர் வரும் 24-ஆம் தேதி இதுகுறித்து குழு அமைத்து முடிவு செய்து கொள்ளலாம் என தெரிவித்தார்.
 

]]>
https://www.dinamani.com/all-editions/edition-dharmapuri/salem/2019/jul/17/வட்டாட்சியர்-அலுவலகம்-முற்றுகை-3194200.html
3194199 தருமபுரி சேலம் தண்ணீர் தொட்டியை சரி செய்யக் கோரிக்கை DIN DIN Wednesday, July 17, 2019 09:30 AM +0530 சங்ககிரி பேரூராட்சிக்குள்பட்ட மலையடிவாரம் பகுதியில் பொதுக் கழிப்பிடத்துக்காக வைக்கப்பட்டுள்ள தண்ணீர் தொட்டியை சரி செய்து தண்ணீரை சேமிக்க வேண்டுமென பொதுமக்கள் கோரிக்கை விடுத்துள்ளனர்.
 சங்ககிரி மலையடிவாரத்தில் சுற்றுலா மேம்பாட்டுத் திட்டத்தின் கீழ் பக்தர்கள் அமர்வதற்கான நிழற்கூடங்கள் கட்டப்பட்டன. அதனையடுத்து, பக்தர்கள் மற்றும் அப்பகுதியில் வசிக்கும் பொதுமக்களுக்காக பேரூராட்சி சார்பில் பொதுக் கழிப்பிடம் கட்டப்பட்டு பராமரிக்கப்பட்டு வருகிறது.
 இந்நிலையில், கடந்த ஒரு மாதமாக பொதுக் கழிப்பிடத்துக்காக பயன்படுத்தப்படும் தண்ணீர் தொட்டியில் பழுது ஏற்பட்டு நீர் வெளியேறி வீணாகிறது. இதனால், பெண்கள், குழந்தைகள் கழிப்பிட வசதியை பயன்படுத்த முடியாமல் சிரமப்பட்டு வருகின்றனர்.
 எனவே, பழுதடைந்த தண்ணீர் தொட்டியை சரி செய்து தரவேண்டுமென பொதுமக்கள் பேரூராட்சி நிர்வாகத்துக்கு கோரிக்கை விடுத்துள்ளனர்.
 
 
 

]]>
https://www.dinamani.com/all-editions/edition-dharmapuri/salem/2019/jul/17/தண்ணீர்-தொட்டியை-சரி-செய்யக்-கோரிக்கை-3194199.html
3194198 தருமபுரி சேலம் புதிய பேருந்துகளில் இடமின்றி பள்ளிக் குழந்தைகள் அவதி DIN DIN Wednesday, July 17, 2019 09:29 AM +0530 ஏற்காட்டில் கடந்த வாரம் 7 புதிய பேருந்துகள் பழைய வழித் தடங்களில் இயக்கப்பட்டன.
 கொம்மக்காடு, அசம்பூர், அத்தியூர், மஞ்சக்குட்டை, பிலியூர், வெள்ளக்கடை, காவேரிபீக் கிராமங்களிலிருந்து பள்ளிக் குழந்தைகள், கல்லூரி மாணவ, மாணவியர், பணியாளர்கள், தோட்டத் தொழிலாளர்கள் என சுமார் 120-க்கும் மேற்பட்டோர் தினமும் காலையில் அரசுப் பேருந்தில் ஏற்காட்டுக்கு வந்து செல்கின்றனர்.
 முன்பு இயக்கப்பட்ட அரசுப் பேருந்தில் 58 இருக்கைகள் இருந்தும் இடம் நெருக்கடியான நிலையில், தற்போது 38 இருக்கைகள் கொண்ட புதிய பேருந்தில் இடமின்றி மிகவும் சிரமத்துக்குள்ளாகின்றனர். இதனால், பள்ளிக் குழந்தைகள் சாலையில் செல்லும் இருசக்கர வாகனங்கள், லாரிகள், வேன்கள் ஆட்டோக்களில் ஆபத்தான பயணம் மேற்கொண்டு வருகின்றனர். எனவே, காலை நேரங்களில் மஞ்சக்குட்டை கிராமம் வரை பேருந்துகளை இயக்கி அங்குள்ள மஞ்சக்குட்டை, அசம்பூர், அத்தியூர், கொம்மக்காடு பயணிகளை ஏற்றிவர சேலம் போக்குவரத்துத் துறை நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-dharmapuri/salem/2019/jul/17/புதிய-பேருந்துகளில்-இடமின்றி-பள்ளிக்-குழந்தைகள்-அவதி-3194198.html
3194197 தருமபுரி சேலம் இன்று சுவாமி விவேகானந்தர் ரத யாத்திரை DIN DIN Wednesday, July 17, 2019 09:29 AM +0530 சுவாமி விவேகானந்தரின் ரத யாத்திரை புதன்கிழமை முதல் ஜூலை 19-ஆம் தேதி வரை ஆத்தூரில் பவனி வர உள்ளது.
 சேலம் ராமகிருஷ்ண மிஷன் ஆஸ்ரமத்தின் நூற்றாண்டு விழாவை முன்னிட்டு, சுவாமி விவேகானந்தரின் ரத யாத்திரை திங்கள்கிழமை தொடங்கியது. சேலம் ராமகிருஷ்ண மிஷன் ஆஸ்ரமத்தில் தொடங்கிய இந்த ரதமானது, புதன்கிழமை முதல் ஜூலை 19-ஆம் தேதி வரை ஆத்தூரில் பவனி வர உள்ளது.
 இந்த நிலையில், இந்த ரதமானது புதன்கிழமை காலை 9.15 மணி அளவில் விவேகானந்தா மெட்ரிக் பள்ளியில் தொடங்கி பிற்பகல் 12 மணிக்கு கெங்கவல்லி ஸ்ரீ சாரதா மந்திர் பள்ளியின் வழியாக பவனி வந்து மாலை 4 மணிக்கு தெடாவூர் காமராஜர் மெட்ரிக் பள்ளியில் நிறைவடைகிறது என ஸ்ரீராமகிருஷ்ண மிஷன் ஆஸ்ரமத்தின் செயலர் சுவாமி யதாத்மானந்தர் தெரிவித்தார்.
 

]]>
https://www.dinamani.com/all-editions/edition-dharmapuri/salem/2019/jul/17/இன்று-சுவாமி-விவேகானந்தர்-ரத-யாத்திரை-3194197.html
3194195 தருமபுரி சேலம் அயோத்தியாப்பட்டணம் பத்திரப்பதிவு அலுவலகத்தில் லஞ்ச ஒழிப்புப் போலீஸார் சோதனை: கணக்கில் வராத ரூ.85 ஆயிரம் கைப்பற்றல் DIN DIN Wednesday, July 17, 2019 09:29 AM +0530 சேலம் மாவட்டம், அயோத்தியாப்பட்டணம் பத்திரப்பதிவு அலுவலகத்தில், பொதுமக்களிடம் கூடுதல் கட்டணம் வசூலிக்கப்படுவதாக கிடைத்த தகவலின் பேரில் சேலம் லஞ்ச ஒழிப்புப் போலீஸார் செவ்வாய்க்கிழமை மாலை சோதனை நடத்தினர். அதில், கணக்கில் வராத ரூ.85 ஆயிரம் கைப்பற்றப்பட்டது.
 அயோத்தியாப்பட்டணத்தில் சேலம் அம்மாப்பேட்டை பிரதான சாலைக்கு அருகில் பத்திரப்பதிவு அலுவலகம் அமைந்துள்ளது. இந்த அலுவலகத்தில் பத்திரப்பதிவு உள்ளிட்ட பதிவுத் துறை சார்ந்த பணிகளை செய்து கொடுக்க பத்திர எழுத்தர்கள் வாயிலாக சார்-பதிவாளர் மற்றும் பணியாளர்கள் கையூட்டு பெறுவதாக பொதுமக்களிடம் இருந்து, சேலம் லஞ்ச ஒழிப்புப் போலீஸாருக்கு தகவல் கிடைத்தது.
 இதனையடுத்து, சேலம் லஞ்ச ஒழிப்புத் துறை கூடுதல் துணை காவல் கண்காணிப்பாளர் சந்திரமௌலி தலைமையில், காவல் ஆய்வாளர்கள் பூபதிராஜன், தங்கமணி, ரவி, கோமதி, மாவட்ட ஆய்வுக்குழு அலுவலர் சீனிவாசன் மற்றும் வருவாய் ஆய்வாளர் ராஜீவ், கார்த்திக் ஆகியோர் கொண்ட குழுவினர் அயோத்தியாப்பட்டணம் பத்திரப்பதிவு அலுவலகத்தில் செவ்வாய்க்கிழமை மாலை திடீர் சோதனை நடத்தினர்.
 இதில், கணக்கில் வராத ரூ.85 ஆயிரத்தை லஞ்ச ஒழிப்புப் போலீஸார் கைப்பற்றினர். இதுகுறித்து அயோத்தியாப்பட்டணம் சார்-பதிவாளர் தனசேகரன் மற்றும் அலுவலக பணியாளர்கள், பத்திர எழுத்தர்களிடம் லஞ்ச ஒழிப்புப் போலீஸார் விசாரணை நடத்தி வருகின்றனர்.
 கடந்த மாதம் அயோத்தியாப்பட்டணம் ஊராட்சி ஒன்றிய அலுவலக வளாகத்திலுள்ள பொறியியல் பிரிவு அலுவலகத்தில் லஞ்ச ஒழிப்புப் போலீஸார் சோதனை நடத்தி கணக்கில் வராத ரூ.50 ஆயிரம் கைப்பற்றியது குறிப்பிடத்தக்கதாகும்.
 

]]>
https://www.dinamani.com/all-editions/edition-dharmapuri/salem/2019/jul/17/அயோத்தியாப்பட்டணம்-பத்திரப்பதிவு-அலுவலகத்தில்-லஞ்ச-ஒழிப்புப்-போலீஸார்-சோதனை-கணக்கில்-வராத-ரூ85-ஆயி-3194195.html
3194189 தருமபுரி சேலம் ஜூலை 20-இல் எறிபந்துப் போட்டி அணி தேர்வு DIN DIN Wednesday, July 17, 2019 09:28 AM +0530 சேலத்தில் மாவட்ட அளவிலான எறிபந்துப் போட்டி அணித்தேர்வு வரும் ஜூலை 20-ஆம் தேதி நடைபெற உள்ளது.
 தமிழ்நாடு த்ரோபால் அசோசியேஷன் மற்றும் தருமபுரி த்ரோபால் அசோசியேஷன் இணைந்து நடத்தும் 17-ஆவது மாநில அளவிலான எறிபந்துப் போட்டி தருமபுரி மாவட்டத்தில் உள்ள ஸ்ரீராம் மெட்ரிக் பள்ளியில் ஆகஸ்ட் 2-ஆம் தேதி முதல் 4-ஆம் தேதி வரை நடைபெற உள்ளது. இதில் பல்வேறு மாவட்டங்களின் அணிகள் பங்கேற்க உள்ளன. இதற்கான சேலம் மாவட்ட அணித்தேர்வு, மாவட்ட த்ரோபால் அசோசியேஷன் சார்பில் அரசு மருத்துவமனை அருகில் உள்ள சிஎஸ்ஐ மேல்நிலைப் பள்ளியில் வரும் ஜூலை 20-ஆம் தேதி காலை 9.30 மணியளவில் நடைபெற உள்ளது. இதில் பங்கேற்க ஆர்வமுடையோர் ஜன. 1, 2001 ஆம் தேதிக்கு பின் பிறந்திருக்க வேண்டும். மேலும் விவரங்களுக்கு 8012206068 என்ற செல்லிடப்பேசி எண்ணுக்கு தொடர்புகொண்டு பயனடையலாம் என சேலம் மாவட்ட த்ரோபால் அசோசியேஷன் செயலர் எம்.வைரவேல் தெரிவித்தார். 

]]>
https://www.dinamani.com/all-editions/edition-dharmapuri/salem/2019/jul/17/ஜூலை-20-இல்-எறிபந்துப்-போட்டி-அணி-தேர்வு-3194189.html
3194188 தருமபுரி சேலம் சத்துணவு, அங்கன்வாடி ஓய்வூதியர்கள் ஆர்ப்பாட்டம்   DIN DIN Wednesday, July 17, 2019 09:27 AM +0530 குறைந்தபட்ச ஓய்வூதியமாக ரூ.7,850 வழங்க வலியுறுத்தி, தமிழ்நாடு சத்துணவு மற்றும் அங்கன்வாடி ஓய்வூதியர்கள் ஆர்ப்பாட்டத்தில் ஈடுபட்டனர்.
 சேலம் ஆட்சியர் அலுவலகம் அருகே செவ்வாய்க்கிழமை நடைபெற்ற ஆர்ப்பாட்டத்துக்கு மாவட்டத் தலைவர் வடிவேல் தலைமை வகித்தார்.
 ஆர்ப்பாட்டத்தில் தமிழ்நாடு அரசின் சத்துணவு திட்டத்தில் 35 ஆண்டு காலம் பணியாற்றி ஓய்வு பெற்றுள்ள சத்துணவு மற்றும் அங்கன்வாடி ஓய்வூதியர்களுக்கு சிறப்பு ஓய்வூதியமாக ரூ.2 ஆயிரம் வழங்கப்பட்டு வருகிறது. குறைந்தளவிலான ஓய்வூதியத்தை வைத்துக் கொண்டு வறுமையுடன் வாழ வேண்டி உள்ளது.
 எனவே, குறைந்தபட்ச ஓய்வூதியமாக ரூ.7,850 வழங்க வேண்டும். குடும்ப ஓய்வூதியம், அகவிலைப்படி, மருத்துவப்படி, மருத்துவக் காப்பீடு, ஈமச்சடங்கு ஆகியவற்றுக்கு நிதி ஒதுக்கி ஓய்வூதியர்களுக்கு வழங்க வேண்டும் உள்ளிட்ட 9 அம்ச கோரிக்கைகளை வலியுறுத்தி முழக்கங்கள் எழுப்பப்பட்டன.
 ஆர்ப்பாட்டத்தில் நூற்றுக்கும் மேற்பட்ட ஓய்வுபெற்ற சத்துணவு மற்றும் அங்கன்வாடி ஊழியர்கள் கலந்துகொண்டனர்.
 இதுதொடர்பாக, மாவட்டத் தலைவர் வடிவேல் கூறுகையில், கடந்த 35 ஆண்டு காலம் உழைத்து ஓய்வு பெற்றவர்களுக்கு வழங்கப்படும் ஓய்வூதியமானது, மருத்துவச் செலவு, வீட்டு வாடகை என எந்தவொரு பிரச்னையைத் தீர்க்க கூடிய அளவில் இல்லை. இதனால் ஓய்வூதியர்கள் மிகுந்த மன உளைச்சலோடும், வறுமையோடும் வாழ்ந்து வருகிறோம். தமிழக அரசு குறைந்தபட்ச ஓய்வூதியமாக ரூ.7,850 வழங்கிட வேண்டும். இல்லையெனில் அடுத்தக்கட்டமாக சிறை நிரப்பும் போராட்டத்தில் ஈடுபடுவோம்.
 மேலும், மறைந்த முதல்வர் ஜெயலலிதா தேர்தல் வாக்குறுதியில் சத்துணவு மற்றும் அங்கன்வாடி ஓய்வூதியர்களுக்கு மாதாந்திர ஓய்வூதியத் தொகை உயர்த்தப்படும் என அறிவித்திருந்தார். அந்த வகையில் ஓய்வூதியத் தொகையை உயர்த்தி தர வேண்டும். அரசு கோரிக்கையை நிறைவேற்ற வேண்டும் என்றார்.
 

]]>
https://www.dinamani.com/all-editions/edition-dharmapuri/salem/2019/jul/17/சத்துணவு-அங்கன்வாடி-ஓய்வூதியர்கள்-ஆர்ப்பாட்டம்-3194188.html
3194103 தருமபுரி சேலம்  நிதி நிறுவனம் நடத்தி மோசடி: 2 பேர் கைது   DIN DIN Wednesday, July 17, 2019 09:01 AM +0530 சேலத்தில் நிதிநிறுவனம் நடத்தி பல கோடி ரூபாய் மோசடி செய்ததாக, 2 பேர் கைது செய்யப்பட்டனர்.
 சேலம் கோரிமேடு அன்பு நகரைச் சேர்ந்த கண்ணன் (34), பெரமனூரைச் சேர்ந்த ஜான்சன் (71) ஆகிய இருவரும் நிதிநிறுவனத்தை நடத்தி வந்தனர். இவர்கள் ரூ.1 லட்சம் செலுத்தினால் 10 மாதங்களில் ரூ.1.50 லட்சம் கிடைக்கும் என கவர்ச்சி விளம்பரம் செய்தனராம். இதை நம்பி ஏராளமானோர் முதலீடு செய்ததாகத் தெரிகிறது.
 இந்த நிலையில், பெரியகொல்லப்பட்டி முல்லை நகரைச் சேர்ந்த முனியம்மாள் மத்தியக் குற்றப் பிரிவு போலீஸில் அண்மையில் புகார் மனு அளித்தார். அதில், "ரூ .15.85 லட்சம் முதலீடு செய்தேன். ஆனால், முதிர்வடைந்த தொகையை தராமல் ஏமாற்றி விட்டதாகவும், உறவினர்கள், நண்பர்கள் மூலம் ரூ.85 லட்சம் முதலீடு செய்த பணத்தையும் நிதிநிறுவனம் நடத்தியவர்கள் மோசடி செய்துள்ளனர்' என தெரிவித்திருந்தார்.
 இதைத் தொடர்ந்து, மத்தியக் குற்றப் பிரிவு போலீஸார் வழக்குப் பதிவு செய்து கண்ணன், ஜான்சன் ஆகியோரை கைது செய்து சிறையில் அடைத்தனர். இதுதொடர்பாக போலீஸார் தொடர் விசாரணை நடத்தி வருகின்றனர்.

]]>
https://www.dinamani.com/all-editions/edition-dharmapuri/salem/2019/jul/17/நிதி-நிறுவனம்-நடத்தி-மோசடி-2-பேர்-கைது-3194103.html
3194101 தருமபுரி சேலம் 8-வழிச் சாலைத் திட்டம் மக்கள் விரும்பாத திட்டமாகும்: டி.டி.வி.தினகரன் DIN DIN Wednesday, July 17, 2019 09:00 AM +0530 ஹைட்ரோ கார்பன், மீத்தேன், நியூட்ரினோ, ஸ்டெர்லைட், நீட் தேர்வு, 8 -வழிச் சாலை என அனைத்துத் திட்டங்களும் மக்களும், விவசாயிகளும் விரும்பாத திட்டங்களாகும். மக்களவைத் தேர்தலில் விபரீத ராஜயோகத்தால் திமுக வெற்றி பெற்றுள்ளது என அமமுக பொதுச் செயலாளர் டி.டி.வி.தினகரன் தெரிவித்தார்.
 அமமுக சேலம் ஒருங்கிணைந்த மாவட்ட நிர்வாகிகள் ஆலோசனைக் கூட்டம் செவ்வாய்க்கிழமை நடைபெற்றது. இக் கூட்டத்துக்கு அக் கட்சியின் பொதுச் செயலாளர் டி.டி.வி.தினகரன் தலைமை வகித்தார். மாநில துணை பொதுச் செயலாளர் பி.பழனியப்பன், சேலம் புறநகர் மாவட்டச் செயலாளர் எஸ்.கே.செல்வம், மாநகர மாவட்டச் செயலாளர் எஸ்.இ.வெங்கடாசலம், மேற்கு மாவட்டச் செயலாளர் கே.கே.மாதேஸ்வரன் உள்ளிட்டோர் பங்கேற்றனர்.
 கூட்டத்துக்குப் பிறகு டி.டி.வி.தினகரன் செய்தியாளர்களிடம் கூறியது: சேலம்-சென்னை எட்டு வழிச் சாலை திட்டத்தில், மக்கள் உணர்வுக்கு மதிப்பளித்து செயல்படுவோம் என முதல்வர் தெரிவித்தார். இத் திட்டத்தை விவசாயிகள் விரும்பவில்லை. இத் திட்டத்தை எதற்காகச் செயல்படுத்த வேண்டும்? பத்தாயிரம் கோடி ரூபாய் திட்டம் என்பதால், கொண்டு வருகின்றனரா? இத்திட்டம் மக்கள் விரோத நடவடிக்கையாகும். ஏற்கெனவே உள்ள 4 -வழிச் சாலைகளை, 8- வழிச் சாலையாக மாற்றலாம். சேலம்-உளுந்தூர்பேட்டை சாலையை 8- வழிச் சாலையாக்கினால் தொழில் வளம் வளராதா?
 உள்ளாட்சித் தேர்தலை நடத்த அதிமுக பயப்படுகிறது. தோல்வி பயத்தால் தேர்தலை நடத்தாமல் தள்ளிப் போடுகிறது.
 அமமுகவில் யாரோ சில நிர்வாகிகள் தங்களின் சுய விருப்பத்தின் பேரில் செல்கின்றனர். அமமுக கட்சி தொண்டர்களின் இயக்கமாகும். எந்தக் கொம்பனாலும் அழிக்க முடியாது. கட்சி வலுவாக உள்ளது. நாங்கள் புதிய கட்சி, இப்போது தான் வளர்ந்து வருகிறோம். கட்சியைப் பதிவு செய்யும் நடைமுறை சென்று கொண்டிருக்கிறது.
 நடிகர் சூர்யா நீட் தேர்வு குறித்து தெரிவிக்கும் கருத்து மாணவர்களின் எண்ணத்தைப் பிரதிபலிக்கும் வகையில், சமூக அக்கறையுடன் பேசி வருகிறார். அவரது கருத்துகளை விமர்சிப்பது அரசியல் நாகரிகமல்ல.
 ஏழு பேர் விடுதலையில் ஆளுநர் முடிவெடுக்க வேண்டும். மத்திய அரசுடன் சுமுகமாக இருக்கும் அதிமுக ஆளுநரிடன் பேசி முடிவெடுக்க வேண்டும். ஹைட்ரோ கார்பன், மீத்தேன், நியூட்ரினோ, ஸ்டெர்லைட், நீட் தேர்வு, 8 வழிச் சாலை என அனைத்து திட்டங்களும் மக்களும், விவசாயிகளும் விரும்பாத திட்டங்களாகும். ஆனால், இதைப் பற்றி பேசினால் அரசியல் ஆக்குகின்றனர். சமூக விரோதிகள் தூண்டி விடுகின்றனர் என ஆளும் அரசு கூறுகிறது.
 மக்களால் தேர்ந்தெடுக்கப்பட்ட மத்திய அரசு, மக்கள் மனநிலை அறிந்து திட்டங்களைச் செயல்படுத்த வேண்டும்.
 மக்களவைத் தேர்தலில் திமுக விபரீத ராஜயோகத்தால் வெற்றி பெற்றுள்ளது. அவர்களுக்கே அது தெரியும். திமுக எம்.பி.க்கள் தமிழகத்துக்காகச் செயல்பட வேண்டும்.
 தபால் துறை தேர்வை ஆங்கிலம், இந்தியில் நடத்த முயற்சித்திருப்பது எப்படியாவது இந்தியை திணித்திட வேண்டும் என்பது தெரிகிறது. வேற்றுமையில் ஒற்றுமை என்பதற்கு குந்தகம் விளைவிக்கும் வகையில் இந்தச் செயல்பாடுகள் உள்ளன என்றார்.
 

]]>
https://www.dinamani.com/all-editions/edition-dharmapuri/salem/2019/jul/17/8-வழிச்-சாலைத்-திட்டம்-மக்கள்-விரும்பாத-திட்டமாகும்-டிடிவிதினகரன்-3194101.html
3193543 தருமபுரி சேலம் அரசுப் பேருந்து சிறைபிடிப்பு DIN DIN Tuesday, July 16, 2019 09:38 AM +0530 மேட்டூரை அடுத்த கோனூர் ஊராட்சியில் ஆண்டிக்கரை, கல்லுகிணறு, மல்லகவுண்டர் தெரு, மங்கானூர் உள்ளிட்ட கிராமங்கள் உள்ளன.
 இந்தக் கிராமங்களில் காலை மற்றும் மாலை நேரங்களில் 5 அரசுப் பேருந்துகள் இந்தக் கிராமங்களுக்கு வந்து செல்கின்றன. சாலைகள் பழுதாகி குண்டும் குழியுமாகக் காணப்படுகின்றன. இதனால் சில சமயங்களில் அரசுப் பேருந்துகள் நிறுத்தப்படுகின்றன. குண்டும் குழியுமான சாலைகளில் பள்ளி மாணவ மாணவியர் சைக்கிள்கள் மற்றும் இரு சக்கர வாகனங்களில் செல்ல முடிவதில்லை. இது குறித்து பல முறை அரசு அதிகாரிகளிடம் முறையிட்டும் சாலை செப்பனிடப்படவில்லை. இதனால் திங்கள் கிழமை காலை ஆண்டிகரைக்கு வந்த அரசுப் பேருந்தை கிராம மக்கள் சிறைபிடித்துப் போராட்டத்தில் ஈடுபட்டனர். சுமார் இரண்டு மணி நேரம் போராட்டத்தால் இப் பகுதியில் போக்குவரத்துப் பாதிப்படைந்தது. தகவலறிந்து வந்த காவல்துறை மற்றும் வருவாய்த் துறை அதிகாரிகள் நங்கவள்ளி ஊராட்சி ஒன்றியப் பொறியாளர் ஆகியோர் போராட்டக்காரர்களுடன் பேச்சு நடத்தி 60 நாள்களில் சாலை பணிகள் துவங்கப்படும் என்று உறுதி அளித்தனர். அதன் பின்னர் போராட்டம் விலக்கிக் கொள்ளப்பட்டது.
 
 

]]>
https://www.dinamani.com/all-editions/edition-dharmapuri/salem/2019/jul/16/அரசுப்-பேருந்து-சிறைபிடிப்பு-3193543.html
3193542 தருமபுரி சேலம் மேட்டூர் அணை நீர்மட்டம் 41.15 அடியாக சரிவு DIN DIN Tuesday, July 16, 2019 09:38 AM +0530 மேட்டூர் அணையிலிருந்து குடிநீருக்குத் திறக்கப்படும் நீரின் அளவு அதிகரிக்கப்பட்டதால் மேட்டூர் அணையின் நீர் மட்டம் வேகமாக சரியத் தொடங்கியது.
 காவிரியின் நீர்பிடிப்புப் பகுதியில் மழை இல்லாத காரணத்தால் மேட்டூர் அணைக்கு நீர்வரத்து சரிந்து வருகிறது. இந் நிலையில் மேட்டூர் அணையிலிருந்து குடிநீருக்குத் திறக்கப்படும் நீரின் அளவு நொடிக்கு 2,000 கனஅடியாக அதிகரிக்கப்பட்டுள்ளது. நீர் திறப்பு அதிகரிக்கப்பட்டுள்ளதால் ஞாயிற்றுக்கிழமை காலை 41. 46 அடியாக இருந்த மேட்டூர் அணையின் நீர் மட்டம் திங்கள்கிழமை காலை 41.15 அடியாக சரிந்தது. அணைக்கு நொடிக்கு 206 கனஅடி வீதம் தண்ணீர் வந்து கொண்டிருந்தது. குடிநீருக்கு நொடிக்கு 2,000 கனஅடி வீதம் தண்ணீர் திறக்கப்படுகிறது. அணையின் நீர் இருப்பு 12.69 டி.எம்.சியாக இருந்தது.
 
 

]]>
https://www.dinamani.com/all-editions/edition-dharmapuri/salem/2019/jul/16/மேட்டூர்-அணை-நீர்மட்டம்-4115-அடியாக-சரிவு-3193542.html
3193541 தருமபுரி சேலம் கால்நடை தீவனப் பற்றாக்குறை: எடப்பாடி விவசாயிகள் பரிதவிப்பு DIN DIN Tuesday, July 16, 2019 09:37 AM +0530 எடப்பாடி மற்றும் அதன் சுற்றுவட்டாரப் பகுதியில் கால்நடை தீவனப் பற்றாக்குறையால் வெளி மாவட்டங்களிலிருந்து தீவனங்களை அதிக விலைக் கொடுத்து வாங்கும் நிலைக்கு விவசாயிகள் தள்ளப்பட்டுள்ளனர்.
 எடப்பாடி மற்றும் அதன் சுற்றுவட்டாரப் பகுதிகளான கொங்கணாபுரம், தங்காயூர், கச்சுபள்ளி உள்ளிட்ட பகுதி மக்கள், விவசாயத்தையே முதன்மைத் தொழிலாகக் கொண்டுள்ளனர்.
 இங்கு மானாவாரி சாகுபடியை விவசாயிகள் மேற்கொள்வதால், தங்கள் வாழ்வாதாரத்துக்காக உபத் தொழிலாக கால்நடை வளர்ப்பையும் மேற்கொண்டு வருகின்றனர். இதில் கிடைக்கும் வருமானத்தை சார்ந்தே, இப் பகுதியில் உள்ள ஒவ்வொரு விவசாயக் குடும்பத்தினரும், தங்கள் வாழ்வாதாரத்தை நிலைநிறுத்தி வருகின்றனர்.
 இந் நிலையில் இப் பகுதியில் அண்மைக் காலமாக ஏற்பட்டுள்ள கடும் வறட்சியால் மேச்சல் நிலங்கள் வறண்டு காணப்படுகின்றன. உரிய காலத்தில் மழைப் பொழிவு இல்லாததால் கால்நடைகளுக்கு தீவனமாகும் சோளம், நெல் மற்றும் சிறு தானிய வகைப் பயிர்களுக்கும் தட்டுப்பாடு ஏற்பட்டுள்ளது.
 இதனால் இப்பகுதியில் கால்நடைகள் வளர்த்துவரும் விவசாயிகள் தங்கள் கால்நடைகளுக்கு போதி தீவனம் வழங்க முடியாமல் சிரமம் அடைகின்றனர்.
 இந் நிலையில் டெல்டா மாவட்டங்களான நாகப்பட்டினம், திருவாரூர் பகுதிகளில் இருந்து கொண்டு வரப்படும் (நெல்) வைக்கோல் கட்டுகளைக் கூடுதல் விலைக்கொடுத்து இப்பகுதி விவசாயிகள் வாங்கிச் செல்கின்றனர்.
 வெளி மாவட்டங்களில் இருந்து லாரிகள் மூலம் கொண்டு வரப்படும், சுமார் 25 கிலோ எடையுள்ள தீவனக்கட்டு ஒன்று, ரூ. 280 முதல் ரூ. 320 வரை விற்கப்படுவதாகக் கூறப்படுகிறது. இப்பகுதி விவசாயிகள் நிலையைக் கருத்தில் கொண்டு தமிழக அரசு, கடந்த வறட்சிக் காலங்களில் வழங்கியது போல் சலுகை விலையில் கால்நடை தீவனங்களை வழங்கிட வேண்டும் என இப்பகுதி விவசாயிகள் வேண்டுகோள் விடுத்துள்ளனர்.
 

]]>
https://www.dinamani.com/all-editions/edition-dharmapuri/salem/2019/jul/16/கால்நடை-தீவனப்-பற்றாக்குறை-எடப்பாடி-விவசாயிகள்-பரிதவிப்பு-3193541.html
3193540 தருமபுரி சேலம் இந்திய குடியுரிமை கோரி இலங்கை அகதிகள் மனு DIN DIN Tuesday, July 16, 2019 09:37 AM +0530 சேலத்தில் உள்ள முகாம்களில் வசித்து வரும் இலங்கை அகதிகள் தங்களுக்கு இந்திய குடியுரிமை வழங்கக் கோரி மாவட்ட ஆட்சியரிடம் கோரிக்கை மனுக்களை வழங்கினர்.
 சேலம் மாவட்டத்தில் செந்தாரப்பட்டி, தம்மம்பட்டி, நாகியம்பட்டி, தாரமங்கலம் உள்ளிட்ட 8 இடங்களில் இலங்கை அகதிகள் முகாம்கள் செயல்பட்டு வருகின்றன. முகாம்களில் சுமார் 900 குடும்பத்தினர் வசித்து வருகின்றனர்.
 சுமார் 25 வருடங்களுக்கும் மேலாக வசித்து வரும் இவர்கள் தற்போது இந்திய குடியுரிமை வழங்க வேண்டும் என்று கோரிக்கை விடுத்து வருகின்றனர்.
 இந் நிலையில், செந்தாரப்பட்டி மற்றும் தம்மம்பட்டி அகதிகள் முகாமைச் சேர்ந்த அகதிகள் 30 பேர் சேலம் மாவட்ட ஆட்சியர் சி.அ. ராமனை சந்தித்து கோரிக்கை மனுவை வழங்கினர். பின்னர் அவர்கள் செய்தியாளர்களிடம் கூறியதாவது:
 கடந்த 25 ஆண்டுகளுக்கும் மேலாக 3 தலைமுறையினர் அகதிகளாக வாழ்ந்து வருகிறோம். அடுத்த தலைமுறையினர் அகதியாக இருக்கக் கூடாது. மேலும், தங்களில் படித்தவர்கள் வெள்ளை அடிக்கும் வேலை செய்து வருகின்றனர். அகதிகள் என்ற தகுதியால் தனியார் மற்றும் அரசு நிறுவனங்களில் வேலைவாய்ப்பு புறக்கணிக்கப்படுகிறது. இந்திய குடியுரிமை வழங்கினால் வேலைவாய்ப்புக் கிடைக்கும் என்றனர்.
 
 

]]>
https://www.dinamani.com/all-editions/edition-dharmapuri/salem/2019/jul/16/இந்திய-குடியுரிமை-கோரி-இலங்கை-அகதிகள்-மனு-3193540.html
3193539 தருமபுரி சேலம் பள்ளிகளில் கல்வி வளர்ச்சி நாள் கொண்டாட்டம் DIN DIN Tuesday, July 16, 2019 09:37 AM +0530 ஆத்தூர் பள்ளிகளில் காமராஜரின் 117-ஆவது பிறந்த நாள் விழாவை கல்வி வளர்ச்சி நாளாக திங்கள்கிழமை கொண்டாடினர்.
 ஆத்தூர் துளுவ வேளாளர் நர்சரி மற்றும் பிரைமரி பள்ளியில் தலைமை ஆசிரியை அ. திலகவதி தலைமையில் நடைபெற்ற நிகழ்ச்சியில், ஆசிரியர் ஏ. அறிவுச் செல்வன் கலந்து கொண்டு காமராஜர் வரலாற்றைக் கூறினார்.
 இதேபோல் ஈச்சம்பட்டி ராசி வித்யாஷ்ரம் பள்ளியில் முதல்வர் சுகிதா தினேஷ் காமராஜரின் வாழ்க்கை வரலாற்றை பேசினார். நிகழ்ச்சியில் ராசி கல்வி நிறுவனங்களின் தலைவர் ராஜமாணிக்கம், செயலாளர் டி. மாசிலாமணி, பொருளாளர் ஈ.எஸ். மணி, கல்விக் குழுத் தலைவர் ஆர். கனகராஜன், இயக்குநர்கள் கலந்து கொண்டனர்.
 இதேபோல் தளவாய்ப்பட்டி ஊராட்சி நடுநிலைப் பள்ளியில் தலைமை ஆசிரியை இரா. தனலட்சுமி தலைமையில் கல்வி வளர்ச்சி நாள் கொண்டாடப்பட்டது. நிகழ்ச்சியில் ஆசிரியர் பெ.ராஜாங்கம், ஆசிரியை இரா.அன்னக்கிளி உள்ளிட்டோர் கலந்து கொண்டனர்.
 கல்லேரிப்பட்டி ஊராட்சி ஒன்றிய நடுநிலைப் பள்ளியில் தலைமை ஆசிரியை அமுதா தலைமையில் கொண்டாடினர். பரிசுகளை ஆத்தூர் வசந்த் அன்ட் கோ மேலாளர் இசக்கி வழங்கினார். காமராஜரின் 117-ஆவது பிறந்த நாளை முன்னிட்டு 117 வடிவில் அமர்ந்து மாணவ, மாணவிகள் யோகாசனம் செய்தனர்.
 
 

]]>
https://www.dinamani.com/all-editions/edition-dharmapuri/salem/2019/jul/16/பள்ளிகளில்-கல்வி-வளர்ச்சி-நாள்-கொண்டாட்டம்-3193539.html
3193538 தருமபுரி சேலம் விவசாயிகளின் கடன்களை தள்ளுபடி செய்ய வலியுறுத்தல் DIN DIN Tuesday, July 16, 2019 09:36 AM +0530 கூட்டுறவு வீடு கட்டும் சங்கத்தில் ரூ. 2 லட்சம் வரை கடன் பெற்ற விவசாயிகளின் கடன்களை தள்ளுபடி செய்ய வலியுறுத்தி தமிழ் மாநில கூட்டுறவு பயனீட்டாளர்கள் நலச்சங்கக் கூட்டத்தில் தீர்மானம் நிறைவேற்றப்பட்டது.
 தமிழ் மாநில கூட்டுறவு பயனீட்டாளர்கள் நலச் சங்கத்தின் மாநிலக் கூட்டம் திங்கள்கிழமை நடைபெற்றது. கூட்டத்துக்கு மாவட்டச் செயலர் ஏ. விமலன் தலைமை வகித்தார். கூட்டத்தில் சேலம் மண்டல கூட்டுறவு வீட்டு வசதி சங்கத்தில் வீடு கட்ட மற்றும் அடமான கடன் பெற்ற ஏழை விவசாயிகள் மற்றும் நெசவாளர்கள் வீட்டின் முன் ஏல விற்பனை தண்டோரா நோட்டீஸ், ஏல விற்பனை ஜப்தி போன்ற நடவடிக்கைகளை கைவிட வேண்டும். கூட்டுறவு வீடு கட்டும் சங்கத்தில் ரூ. 2 லட்சம் வரை கடன் பெற்ற விவசாயிகள் மற்றும் கைத்தறி நெசவாளர்களின் கடன்களை தள்ளுபடி செய்ய வேண்டும். மேலும் ரூ. 2 லட்சத்திற்கும் மேல் பெற்ற கடனுக்கு இதுவரை செலுத்திய தொகையின் அசலுக்கு வரவு வைத்துவிட்டு, மீதமுள்ள தொகையை நீண்ட கால தவணையாக செலுத்துவதற்கு தமிழக அரசு நடவடிக்கை எடுக்க வேண்டும் உள்ளிட்ட தீர்மானங்கள் கூட்டத்தில் நிறைவேற்றப்பட்டன. கூட்டத்தில் மாநிலச் செயலர் ஜி.கே. பிரபாகரன், விவசாய சங்க மாவட்டத் தலைவர் ஆர்.பி. ராமசாமி, சங்க நிர்வாகிகள் வேணுகோபால், அங்கப்பன், பூசாரி உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/16/விவசாயிகளின்-கடன்களை-தள்ளுபடி-செய்ய-வலியுறுத்தல்-3193538.html
3193537 தருமபுரி சேலம் சுவாமி விவேகானந்தரின் ரத யாத்திரை தொடக்கம் DIN DIN Tuesday, July 16, 2019 09:36 AM +0530 சேலம் ராமகிருஷ்ண மிஷன் ஆஸ்ரமத்தில் சுவாமி விவேகானந்தரின் ரத யாத்திரை திங்கள்கிழமை தொடங்கியது.
 சேலம் ராமகிருஷ்ண மிஷன் ஆஸ்ரமத்தின் நூற்றாண்டு விழாவை முன்னிட்டு சேலம், தருமபுரி, கிருஷ்ணகிரி ஆகிய மாவட்டங்களில் சுவாமி விவேகானந்தரின் ரத யாத்திரைக்கு ஏற்பாடு செய்யப்பட்டிருந்தது. அதனடிப்படையில் காசி ராமகிருஷ்ண மிஷன் சேவாஸ்ரமத்திலிருந்து சுவாமி விவேகானந்தரின் ரதம் ஞாயிற்றுக்கிழமை வந்தடைந்தது.
 ரதத்துக்கு காசி மற்றும் ஆரத்தி ராமகிருஷ்ண மிஷன் சேவாஸ்ரமத்தின் சுவாமி பிரமதேஷானந்தஜி மகராஜ் தலைமையில் பூரண கும்ப மரியாதையுடன் வரவேற்பு அளிக்கப்பட்டது. இதைத்தொடர்ந்து சிறப்பு ஆரத்தியும் நடைபெற்றது.
 நிகழ்ச்சியில் கோவை ராமகிருஷ்ண மிஷன் வித்யாலயத்தின் சுவாமி ஹரிவிரதானந்தர் கலந்து கொண்டு சிறப்புரை ஆற்றினார். முன்னதாக பல்வேறு கலை நிகழ்ச்சிகளும், பஜனையும் நடைபெற்றன.
 இதைத்தொடர்ந்து ராமகிருஷ்ண மிஷன் ஆஸ்ரமத்தில் திங்கள்கிழமை காலை தொடக்க விழா நடைபெற்றது. சிறப்பு விருந்தினராக ஓய்வுபெற்ற காவல் அதிகாரி கோபாலகிருஷ்ணன் கலந்து கொண்டு விழாவைத் தொடக்கி வைத்தார். பின்னர் தியான வடிவில் உள்ள சுவாமி விவேகானந்தரின் சிலைக்கு மாலை அணிவித்து மரியாதை செலுத்தினார்.
 இதையடுத்து காலை 9 மணியளவில் புறப்பட்ட இந்த ரதமானது ஆகஸ்ட் 25-ஆம் தேதி வரை சேலம், தருமபுரி கிருஷ்ணகிரி ஆகிய மாவட்டங்களில் பவனி வர உள்ளதாக ஆஸ்ரமத்தின் செயலர் சுவாமி யதாத்மானந்தர் தெரிவித்தார்.
 

]]>
https://www.dinamani.com/all-editions/edition-dharmapuri/salem/2019/jul/16/சுவாமி-விவேகானந்தரின்-ரத-யாத்திரை-தொடக்கம்-3193537.html
3193536 தருமபுரி சேலம் மேட்டூர் அணை நீர்மட்டம் 41.15 அடியாக சரிவு DIN DIN Tuesday, July 16, 2019 09:36 AM +0530 மேட்டூர் அணையிலிருந்து குடிநீருக்குத் திறக்கப்படும் நீரின் அளவு அதிகரிக்கப்பட்டதால் மேட்டூர் அணையின் நீர் மட்டம் வேகமாக சரியத் தொடங்கியது.
 காவிரியின் நீர்பிடிப்புப் பகுதியில் மழை இல்லாத காரணத்தால் மேட்டூர் அணைக்கு நீர்வரத்து சரிந்து வருகிறது.
 இந் நிலையில் மேட்டூர் அணையிலிருந்து குடிநீருக்குத் திறக்கப்படும் நீரின் அளவு நொடிக்கு 2,000 கனஅடியாக அதிகரிக்கப்பட்டுள்ளது. நீர் திறப்பு அதிகரிக்கப்பட்டுள்ளதால் ஞாயிற்றுக்கிழமை காலை 41. 46 அடியாக இருந்த மேட்டூர் அணையின் நீர் மட்டம் திங்கள்கிழமை காலை 41.15 அடியாக சரிந்தது.
 அணைக்கு நொடிக்கு 206 கனஅடி வீதம் தண்ணீர் வந்து கொண்டிருந்தது. குடிநீருக்கு நொடிக்கு 2,000 கனஅடி வீதம் தண்ணீர் திறக்கப்படுகிறது. அணையின் நீர் இருப்பு 12.69 டி.எம்.சியாக இருந்தது.
 

]]>
https://www.dinamani.com/all-editions/edition-dharmapuri/salem/2019/jul/16/மேட்டூர்-அணை-நீர்மட்டம்-4115-அடியாக-சரிவு-3193536.html
3193534 தருமபுரி சேலம் டாஸ்மாக் கடை திறக்க எதிர்த்து மறியல் DIN DIN Tuesday, July 16, 2019 09:35 AM +0530 இளம்பிள்ளை அருகே டாஸ்மாக் கடை திறக்க எதிர்ப்புத் தெரிவித்து அப்பகுதி மக்கள் சாலை மறியலில் திங்கள்கிழமை ஈடுபட்டனர்.
 இளம்பிள்ளை-சின்னப்பம்பட்டி சாலை மோட்டூர் புவனகணபதி கோயில் பகுதியில் 2 டாஸ்மாக் கடைகளும் அதன் அருகே உள்ள பாப்பாபட்டியில் ஒரு டாஸ்மாக் கடையும் செயல்பட்டு வருகின்றன.
 இந்த மூன்று கடைகளும் அடுத்தடுத்து மிக அருகாமையில் இருப்பதால் அவ்வழியே செல்லும் இருசக்கர வாகனங்கள், கார், லாரி, பேருந்து மற்றும் பொதுமக்கள் பள்ளி, கல்லூரி மாணவ, மாணவிகள் செல்ல முடியாத அளவுக்கு எந்நேரமும் குடிமகன்களின் கூட்டம் அதிக அளவில் உள்ளன.
 மேலும் பேருந்து நிறுத்தம், அங்கன்வாடி மையம் , வங்கிகள், கோயில்கள், குடியிருப்புப் பகுதியில் மிக அருகாமையிலும் இந்த மதுக்கடைகள் உள்ளதால் பொதுமக்கள், சமூக ஆர்வலர்கள் பல்வேறு தரப்பினரும் வேறு இடத்துக்கு மாற்றக் கோரி தர்னாவுடன் தொடர்ச்சியான கோரிக்கைகளும் வைத்து வந்தனர், அதன் விளைவாக புவனகணபதி கோயில் அருகே உள்ள இரு கடைகளில் ஒன்றை பாப்பாபட்டி பகுதிக்கு இடமாற்றம் செய்யப்பட்டது.
 இதை அறிந்த அப் பகுதி மக்கள் ஏற்கெனவே எங்கள் பகுதியில் உள்ள மதுக் கடையால் மிகவும் சிரமப்பட்டு வருகிறோம்.
 இன்னொரு கடை வைக்க விட மாட்டோம் எனக் கண்டனம் தெரிவித்து இளம்பிள்ளை- சின்னப்பம்பட்டி சாலையான பாப்பாபட்டி பகுதியில் 100-க்கும் மேற்பட்டவர்கள் திங்கள்கிழமை சாலை மறியலில் ஈடுபட்டனர்.
 இதை அறிந்த மகுடஞ்சாவடி காவல் நிலைய போலீஸார் நிகழ்விடம் விரைந்து வந்து பொதுமக்களிடம் சமரச பேச்சுவார்த்தை நடத்திய பின்னர் சாலை மறியலை கைவிட்டனர்.
 
 
 

]]>
https://www.dinamani.com/all-editions/edition-dharmapuri/salem/2019/jul/16/டாஸ்மாக்-கடை-திறக்க-எதிர்த்து-மறியல்-3193534.html
3193532 தருமபுரி சேலம் அரசுப் பேருந்து மரத்தில் மோதியதில் 10 பேர் காயம் DIN DIN Tuesday, July 16, 2019 09:35 AM +0530 மேட்டூர் அருகே அரசுப் பேருந்து புளியமரத்தில் மோதிய விபத்தில் ஓட்டுநர் உள்பட 10 பேர் காயமடைந்தனர்.
 தருமபுரியிலிருந்து மேட்டூர் நோக்கி திங்கள்கிழமை காலை அரசுப் பேருந்து சென்று கொண்டிருந்தது. மேட்டூர் அருகே கந்தனூர் வந்தபோது எதிரே லாரி ஒன்று அதிவேகமாக இன்னொரு வாகனத்தை முந்தி வந்தது.
 லாரி பேருந்து மீது மோதாமல் இருக்க பேருந்தின் ஓட்டுநர் இன்பராஜன், சாலை ஓரமாகப் பேருந்த நிறுத்த முயன்றார். அப்போது எதிர்பாராத விதமாக பேருந்து புளியமரத்தில் மோதியது.
 இந்த விபத்தில் பேருந்தின் முன்பகுதி முழுவதும் சேதமடைந்தது. பேருந்து ஓட்டுநர் இன்பராஜன் உள்பட 10 காயம் அடைந்தனர். இன்பராஜன் மேட்டூர் அரசு மருத்துவமனையில் உள் நோயாளியாக சேர்க்கப்பட்டார்.
 மற்றவர்கள் புறநோயாளிகளாக சிகிச்சை பெற்று திரும்பினர். இச் சம்பவம் குறித்து கருமலைக்கூடல் போலீஸார் வழக்குப் பதிந்து விசாரணை நடத்தி வருகின்றனர்.
 
 
 

]]>
https://www.dinamani.com/all-editions/edition-dharmapuri/salem/2019/jul/16/அரசுப்-பேருந்து-மரத்தில்-மோதியதில்-10-பேர்-காயம்-3193532.html
3193531 தருமபுரி சேலம் அரிமா சங்க நிர்வாகிகள் பதவியேற்பு DIN DIN Tuesday, July 16, 2019 09:35 AM +0530 வாழப்பாடி அரிமா சங்க புதிய நிர்வாகிகள் பதவியேற்பு விழா ஞாயிற்றுக்கிழமை நடைபெற்றது.
 விழாவுக்கு முன்னாள் தலைவர் வெற்றிச்செல்வன் தலைமை வகித்தார். பட்டயத்தலைவர் சந்திரசேகரன் விழாவைத் தொடக்கி வைத்தார். பன்னாட்டு அரிமா சங்க முன்னாள் இயக்குநர் தனபால், புதிய தலைவர் ஆசிரியர் கோ. முருகேசன் உள்ளிட்டோருக்கு பதவி பிரமாணம் செய்து வைத்தார்.
 அரிமா சங்க முன்னாள் ஆளுநர் பழனிவேலு, கல்லுôரி மாணவ-மாணவியர் 9 பேருக்கு கல்வி உதவித்தொகை, புற்றுநோயாளிக்கு மருத்துவ உதவித்தொகை மற்றும் கமலாலயம் காப்பகத்துக்கு அரிசி மூட்டைகள் உள்ளிட்ட நல உதவிகளை வழங்கினார். மருத்துவர்கள் மோதிலால், பொன்னம்பலம், பிரபாவதி ஆகியோர் பாராட்டப்பட்டனர்.

]]>
https://www.dinamani.com/all-editions/edition-dharmapuri/salem/2019/jul/16/அரிமா-சங்க-நிர்வாகிகள்-பதவியேற்பு-3193531.html
3193502 தருமபுரி சேலம் லாரி ஓட்டுநர் குடும்பத்துடன் தீக்குளிக்க முயற்சி DIN DIN Tuesday, July 16, 2019 09:25 AM +0530 சேலத்தில் கடன் தொகைக்கு இருமடங்கு தொகையைத் திருப்பிக் கேட்டுத் தொல்லை கொடுத்ததால் லாரி ஓட்டுநர் குடும்பத்துடன் தீக்குளிக்க முயன்றார்.
 சேலம் மாவட்டம், வலசையூரைச் சேர்ந்தவர் மணிகண்டன். இவர் ஹோட்டல் நடத்தி வந்துள்ளார். கடந்த சில ஆண்டுகளுக்கு முன்பு கடன் பிரச்னைக்காக அதே பகுதியைச் சேர்ந்த பிரபு என்பவர் மூலம் தனது விவசாய நிலத்தை அடகு வைத்து ரூ. 10 லட்சம் கடன் பெற்றார்.
 அந்தத் தொகையில் ரூ. 3 லட்சத்தை பிரபு எடுத்துக் கொண்டு மீதியைதான் கொடுத்ததாக மணிகண்டன் தரப்பில் கூறப்படுகிறது.
 இந் நிலையில் பிரபு தொடர்ந்து பணம் கேட்டு மிரட்டி வந்ததாகவும், பணம் தராதபோது ஹோட்டலில் உள்ள பொருள்களை எடுத்துச் சென்று விடுவதாகவும் மணிகண்டன் குற்றம் சாட்டினார்.
 இதனால், தற்போது மணிகண்டன் லாரி ஓட்டுநராக வேலை செய்து வருவதாகவும் தெரிகிறது. இந் நிலையில், தாங்கள் வாங்கிய ரூ. 10 லட்சத்துக்கு இரு மடங்கு தொகையைத் தர வேண்டும் என்று பிரபு மிரட்டுவதாகக் கூறப்படுகிறது. இதைத் தொடர்ந்து, சேலம் ஆட்சியர் அலுவலகத்துக்கு மனைவி, குழந்தைகளுடன் வந்த மணிகண்டன் நுழைவு வாயில் முன் தீக்குளிக்க முயன்றார். அப்போது, அங்கு பாதுகாப்பில் இருந்த போலீஸார் அவரைத் தடுத்து நிறுத்தி காவல் நிலையத்துக்கு அழைத்துச் சென்றனர். மேலும், அவரிடம் தொடர்ந்து விசாரணை மேற்கொண்டு வருகின்றனர்.
 
 

]]>
https://www.dinamani.com/all-editions/edition-dharmapuri/salem/2019/jul/16/லாரி-ஓட்டுநர்-குடும்பத்துடன்-தீக்குளிக்க-முயற்சி-3193502.html
3193500 தருமபுரி சேலம் இளம்பெண் மரணத்தில் சந்தேகம்: உறவினர்கள் மறியல் DIN DIN Tuesday, July 16, 2019 09:24 AM +0530 இளம்பெண் மரணத்தில் சந்தேகம் இருப்பதாகக் கூறி சேலம் அரசு மருத்துவமனை முன் உறவினர்கள் சாலை மறியலில் திங்கள்கிழமை ஈடுபட்டனர்.
 சேலம் மாவட்டம், ஏற்காடு கோயில்மேட்டை சேர்ந்தவர் டேவிட் என்பவரின் மகன் செல்வகுமார் (25). இவருடைய மனைவி கரிஷ்மா. இருவரும் கடந்த 5 ஆண்டுகளுக்கு முன்பு காதலித்து திருமணம் செய்து கொண்டனர்.
 இத் தம்பதிக்கு 3 வயதில் ஒரு மகன் உள்ளார். இந் நிலையில் ஞாயிற்றுக்கிழமை மாலை கரிஷ்மாவுக்கு திடீரென நெஞ்சு வலி ஏற்பட்டதாகத் தெரிகிறது. இதையடுத்து செல்வகுமார் குடும்பத்தினர் அவரை தனியார் மருத்துவமனையில் சிகிச்சைக்காகச் சேர்த்தனர்.
 ஆனால், கரிஷ்மா சிகிச்சை பலனின்றி இறந்தார். இதனிடையே கரிஷ்மாவின் இறப்பில் சந்தேகம் இருப்பதாக அவரது குடும்பத்தினர் அளித்த புகாரின் பேரில் ஏற்காடு போலீஸார் வழக்குப் பதிவு செய்து விசாரித்து வருகின்றனர்.
 இந் நிலையில் கரிஷ்மாவின் மரணத்தில் சந்தேகம் இருப்பதாகக் கூறி அவரது குடும்பத்தினர் சேலம் அரசு மருத்துவமனை முன் திங்கள்கிழமை சாலை மறியலில் ஈடுபட்டனர். இதையடுத்து உதவி ஆணையர் ஈஸ்வரன் தலைமையிலான போலீஸார் மறியலில் ஈடுபட்டவர்களிடம் சமரசப் பேச்சு நடத்தினர்.
 இதில், வருவாய்க் கோட்டாட்சியர் உரிய விசாரணை நடத்தி நடவடிக்கை எடுப்பார் என போலீஸார் உறுதி அளித்தனர். இதையடுத்து மறியலில் ஈடுபட்டவர்கள் கலைந்து சென்றனர்.
 இதுதொடர்பாக கரிஷ்மாவின் உறவினர்கள் கூறியதாவது:
 செல்வகுமார் தினமும் குடித்துவிட்டு வந்து கரிஷ்மாவிடம் தகராறு செய்து வந்துள்ளார். மேலும் அவரைத் தாக்கியதில்தான் இறந்துவிட்டதாகத் தெரிகிறது. எனவே, அவர் மீது உரிய நடவடிக்கை எடுக்க வேண்டும் என்றனர்.
 கணவர் கைது: செல்வகுமாருக்கும் வீட்டருகே உள்ள பெண்ணுடன் தொடர்பு இருந்ததாகக் கூறப்படுகிறது. இதை, கரிஷ்மா, பலமுறை கண்டித்துள்ளார்.
 இதனால், அடிக்கடி இருவருக்கும் இடையே தகராறு ஏற்பட்டு வந்த நிலையில் கரிஷ்மா உயிரிழந்துள்ளார். கரிஷ்மாவின் குடும்பத்தினர் சேலம் மாவட்ட ஆட்சியரிடம் கரிஷ்மாவின் மரணத்தில் சந்தேகம் இருப்பதாக அளித்த புகாரின்பேரில் செல்வகுமாரை ஏற்காடு போலீஸார் வழக்குப் பதிந்து திங்கள்கிழமை இரவு கைது செய்து சேலம் சிறையில் அடைத்தனர்.
 

]]>
https://www.dinamani.com/all-editions/edition-dharmapuri/salem/2019/jul/16/இளம்பெண்-மரணத்தில்-சந்தேகம்-உறவினர்கள்-மறியல்-3193500.html
3193498 தருமபுரி சேலம் காமராஜர் பிறந்த நாள் விழா கொண்டாட்டம் DIN DIN Tuesday, July 16, 2019 09:24 AM +0530 மறைந்த முன்னாள் முதல்வர் காமராஜரின் 117-ஆவது பிறந்தநாளையொட்டி சேலம் மற்றும் புறநகரில் பள்ளிகள் சார்பிலும், அரசியல் கட்சியினர் சார்பிலும் போட்டிகள் நடத்தி, இனிப்புகள் வழங்கி கொண்டாடப்பட்டது.
 சேலத்தில் அரசியல் கட்சியினர் அவரது சிலைக்கு மாலை அணிவித்து மரியாதை செலுத்தினர். சேலம் "ஆனந்தா பாலம்' அருகே உள்ள காமராஜரின் சிலைக்கு பல்வேறு அரசியல் கட்சியினர் திங்கள்கிழமை மாலை அணிவித்து மரியாதை செலுத்தினர்.
 காங்கிரஸ் கட்சியின் மாநகர மாவட்டத் தலைவர் ஜெயபிரகாஷ் தலைமையில் கட்சியினர் காமராஜர் சிலைக்கு மாலை அணிவித்தனர். தமிழ்மாநில காங்கிரஸ் மாவட்டத் தலைவர் அன்பழகன், பாரதிய ஜனதா கட்சியின் மாநகர மாவட்டத் தலைவர் ஆர்.பி. கோபிநாத் உள்ளிட்ட பல்வேறு அரசியல் கட்சியினர் சிலைக்கு மாலை அணிவித்து மரியாதை செலுத்தினர்.
 காமராஜர் பவுண்டேஷன் சார்பில் மாவட்டத் தலைவர் சச்சிதானந்தம், கிருஷ்ணமூர்த்தி, சீனிவாச பெருமாள் உள்ளிட்டோர் காமராஜர் சிலைக்கு மாலை அணிவித்தனர்.
 மேலும் செவ்வாய்பேட்டையில் உள்ள சிறப்பு பள்ளியில் மாணவ, மாணவிகளுக்கு இனிப்பு, நோட்டு புத்தகங்களை ஆரிய வைசிய முன்னேற்ற பேரவையினர் வழங்கினர்.
 சேலம் காந்தி காமராஜ் நற்பணி மன்றம் சார்பில் காமராஜர் பிறந்த நாள் விழா தலைவர் கோவை சுந்தரம் தலைமையில் நடைபெற்றது. விழாவில் ஆனந்தா பாலம் அருகில் உள்ள காமராஜர் சிலைக்கு வழக்குரைஞர் வி.பொன்முடி, மாலை அணிவித்து மரியாதை செலுத்தினார்.
 இதையடுத்து அரசு நடுநிலைப் பள்ளி மாணவர்களுக்கு காமராஜர் வாழ்க்கை வரலாறு புத்தகம், நோட்டு புத்தகங்கள் மற்றும் இனிப்புகள் வழங்கப்பட்டன. விழாவில் துணைத் தலைவர் மான் பாண்டியன், செயலர் பி. அபுதாகீர், துணைச் செயலர்கள் எம்.சுரேந்திரன், கோபால் உள்ளிட்டோர் கலந்து கொண்டனர்.
 ஓமலூரில்...
 சேலம் மேற்கு மாவட்ட தமிழ் மாநில காங்கிரஸ் கட்சி சார்பில் ஓமலூர் மற்றும் அதன் சுற்று வட்டாரப் பகுதியில் 50 இடங்களில் காமராஜர் பிறந்த தின விழா திங்கள்கிழமை கொண்டாடப்பட்டது.
 ஓமலூர் பேருந்து நிலையத்தில் சேலம் மேற்கு மாவட்டத் தலைவர் கரு.வெ. சுசீந்திரகுமார் தலைமையில் நடைபெற்ற பிறந்த நாள் விழாவில், காமராஜர் சிலைக்கு நிர்வாகிகள் மாலை அணிவித்து மரியாதை செய்தனர்.
 இதைத் தொடர்ந்து காந்தி சிலைக்கு மாலை அணிவித்து கட்சி கொடியேற்றி மாணவ, மாணவிகளுக்கு நோட்டு புத்தகம், பேனா பென்சில் உள்ளிட்ட பொருள்கள் வழங்கப்பட்டன.
 இதையடுத்து, தொடர்ந்து பொதுமக்களுக்கு இனிப்புகள் வழங்கப்பட்டன. கருப்பூர், தாரமங்கலம், காடையாம்பட்டி, தீவட்டிப்பட்டி உள்ளிட்ட சேலம் மேற்கு மாவட்டத்துக்குள்பட்ட 50 இடங்களில் கட்சிக் கொடியேற்றி தமாகா நிர்வாகிகள் காமராஜர் பிறந்த நாளை கொண்டாடினர். இந் நிகழ்ச்சியில், இளைஞர் பிரிவு மாநில பொதுச் செயலாளர் எஸ். ரகு நந்த குமார் உள்ளிட்ட பலர் கலந்து கொண்டனர்.
 சங்ககிரியில்...
 சங்ககிரி அருகே தேவண்ணகவுண்டனூர் அரசு ஊராட்சி ஒன்றிய நடுநிலைப் பள்ளியில் சங்ககிரி முத்தமிழ் சங்கத்தின் சார்பில் காமராஜர் பிறந்தநாள் விழா நடைபெற்றது.
 விழாவுக்கு பள்ளித் தலைமை ஆசிரியர் க. திருஞானம் தலைமை வகித்து காமராஜர் உருவப் படத்துக்கு மலர்தூவி மரியாதை செலுத்தினார். முத்தமிழ் சங்க செயலர் கனகராஜ், பொருளாளர் ஆர். பாலகிருஷ்ணன், துணைத் தலைவர் பி. சுந்தர வடிவேல் ஆகியோர் பல்வேறு போட்டிகளில் வெற்றி பெற்ற மாணவ, மாணவிகளுக்கு சான்றிதழ் மற்றும் பரிசுகளை வழங்கிப் பேசினர்.
 அதுபோல அக்கமாபேட்டையில் ஊராட்சி ஒன்றிய தொடக்க, உயர்நிலைப்பள்ளிகளில் நடைபெற்ற விழாவிற்கு ஐவேலி பெடரல் வங்கி மேலாளர் ஜெகதீஸ்வரி தலைமை வகித்து வெற்றி பெற்ற மாணவ, மாணவிகளுக்கு பரிசுகளை வழங்கிப் பேசினார்.
 கா.மேட்டுப்பாளையம் ஊராட்சி ஒன்றியத் தொடக்கப் பள்ளியில் நடைபெற்ற விழாவுக்குத் தலைமை ஆசிரியர் கு. இருதயராஜ் தலைமை வகித்து காமராஜர் படத்துக்கு மலர்தூவி மரியாதை செலுத்தினார்.
 தம்மம்பட்டியில்...
 தம்மம்பட்டி வட்டார அரசுப் பள்ளிகளில் காமராஜர் பிறந்த நாளையொட்டி திங்கள்கிழமை கல்வி வளர்ச்சி நாளாகக் கொண்டாடப்பட்டது.
 தம்மம்பட்டி மெயின் நடுநிலைப் பள்ளியில் பேச்சு, கட்டுரைப் போட்டிகள் தலைமை ஆசிரியர் அன்பழகன் தலைமையில் நடைபெற்றது. வெற்றி பெற்றவர்களுக்கு பரிசுகள் வழங்கப்பட்டன. உலிபுரம் ஊராட்சிக்குள்பட்ட ஈச்ச ஓடைப்புதூர் அரசு துவக்கப் பள்ளியில் ஓட்டப்பந்தயம், பேச்சுப் போட்டி,கயிற்றில் முறுக்குக் கடித்தல் போன்ற விளையாட்டுகள் நடைபெற்றன. வெற்றி பெற்றவர்களுக்குப் பரிசுகளை தலைமை ஆசிரியர் ஹரி
 ஆனந்த் வழங்கினார்.
 வாழக்கோம்பை அரசு நடுநிலைப் பள்ளியில் காமராஜர் பிறந்தநாளையொட்டி மாணவ, மாணவியருக்கு டை, பெல்ட்டுகளை எஸ்எம்சி உறுப்பினர் வசந்தா வழங்கினார். பேச்சுப் போட்டிகளில் வெற்றி பெற்ற மாணவிகளுக்கு ஆசிரிய, ஆசிரியைகள் பரிசுகளை வழங்கினர். செங்காடு அரசு துவக்கப் பள்ளியில் காமராஜர் பிறந்தநாள்விழா தலைமை ஆசிரியர் ஜான் பிரிட்டோ தலைமையில் விளையாட்டு, இலக்கியப் போட்டிகள் நடைபெற்று பரிசுகள் வழங்கப்பட்டன. மூலப்புதூரில் உள்ள அரசு நடுநிலைப் பள்ளியில் தலைமை ஆசிரியை தேவ கஸ்தூரி தலைமையில் இலக்கியப் போட்டிகள் நடைபெற்றன. பின்னர் பரிசுகள் வழங்கப்பட்டன.
 வாழப்பாடியில்...
 வாழப்பாடி அரசுப் பள்ளிகளில் காமராஜர் பிறந்தநாள் விழா கல்வி வளர்ச்சி நாளாக கொண்டாடப்பட்டது.
 அண்ணாநகர் காலனி ஊராட்சி ஒன்றிய தொடக்கப் பள்ளியில் நடைபெற்ற விழாவுக்கு தலைமை ஆசிரியை ஷபீரா பானு தலைமை வகித்தார்.
 வாழப்பாடி ஊராட்சி ஒன்றிய தொடக்கப்பள்ளியில் நடைபெற்ற விழாவிற்கு, தலைமை ஆசிரியை சத்தியக்குமாரி தலைமை வகித்தார். முத்தம்பட்டி அரசு நடுநிலைப்பள்ளியில் தலைமையாசிரியை டி.ஜி.ரமா தலைமையில் விழா நடைபெற்றது.
 பேளூர் அரசினர் ஆண்கள் மேல்நிலைப் பள்ளியில் தலைமை ஆசிரியர் திருஞானகணேசன் தலைமையிலும், பேளூர் உருது தொடக்கப்பள்ளியில் தலைமையாசிரியர் க.செல்வம் தலைமையிலும், கவர்கல்பட்டி அரசு நடுநிலைப்பள்ளியில் தலைமையாசிரியை மணிமேகலை தலைமையிலும், சோமம்பட்டி ஊராட்சி ஒன்றிய தொடக்கப்பள்ளியில் தலைமையாசிரியை கு.பாரதி தலைமையிலும் காமராஜர் பிறந்தநாள் விழா கொண்டாடப்பட்டது.
 வாழப்பாடி பேருந்து நிலையம் அருகே, தமிழக காந்தி காமராஜர் தொழிலாளர் சங்கத்தின் சார்பில், வாழப்பாடி மாநில தொழிற்சங்கத் தலைவர் வி.எம். சொக்கலிங்கம் தலைமையில் காமராஜர் பிறந்தநாள்விழா கொண்டாடப்பட்டது.
 சிங்கிபுரம் ஊராட்சி நாடார் தெரு கிராம மக்களின் சார்பில் காமராஜர் பிறந்தநாள் விழா கொண்டாடப்பட்டது.
 இளம்பிள்ளையில்....
 இளம்பிள்ளை அரசு பெண்கள் மேல்நிலைப் பள்ளியில் காமராஜர் 113-ஆவது பிறந்த நாள் விழா கொண்டாடப்பட்டது.
 இதில் பள்ளி தலைமை ஆசிரியர் குழந்தைவேலு வரவேற்றார். பெற்றோர், ஆசிரியர் கழகத் தலைவர் வருதராஜ் தலைமையில் விழா நடைபெற்றது. விழாவில் பள்ளி மாணவிகள் நிகழ் கல்வி ஆண்டில் நூறு சதவீதம் தேர்ச்சியும், நல்ல மதிப்பெண்கள் பெறுவோம் என உறுதிமொழி எடுத்துக்கொண்டனர். இதைத் தொடர்ந்து பிளஸ் 1, பிளஸ் 2 படிக்கும் 706 மாணவிகளுக்கு தமிழக அரசின் விலையில்லா மடிக் கணினி வழங்கப்பட்டது.
 ஆத்தூரில்...
 இந்திய தேசிய காங்கிரஸ் கமிட்டி சார்பில் காமராஜரின் 117 வது பிறந்தநாள் விழா சேலம் கிழக்கு மாவட்ட காங்கிரஸ் தலைவர் எஸ்.கே.அர்த்தனாரி தலைமையில் திங்கள்கிழமைக் கொண்டாடப்பட்டது.
 ஆத்தூர் சாரதா ரவுண்டானாவில் உள்ள காமராஜரின் உருவ சிலைக்கு மாலை அணிவித்து மரியாதை செலுத்தி இனிப்பு வழங்கப்பட்டது. இதே போல் கோட்டை மற்றும் முல்லைவாடி பகுதியில் உள்ள அவரது உருவச் சிலைக்கு மாலை அணிவித்து மரியாதை செலுத்தினர்.
 ஆத்தூர் 27 வது வார்டில் தமிழ்நாடு காங்கிரஸ் தொழிலாளர் யூனியன் மாநில செயலாளர் எஸ்.திருஞாணம் தலைமையில் காமராஜர் உருவப் படத்துக்கு மாலை அணிவித்து மரியாதை செலுத்தப்பட்டது. அவருடன் சேலம் கிழக்கு மாவட்ட காங்கிரஸ் தொழிலாளர் யூனியன் தலைவர் பி.எஸ்.பாஸ்கரன் உள்ளிட்டஏராளமானோர் கலந்து கொண்டனர்.
 கடம்பூரில்...
 கெங்கவல்லி அருகே கடம்பூர் அரசு தொடக்கப்பள்ளியில் நடைபெற்ற விழாவில் பள்ளி மேலாண்மைக் குழுவின் மீனாம்பிகா தலைமை வகித்தார்.
 பள்ளி தலைமை ஆசிரியர் செல்வம் காமராஜர் உருவப் படத்துக்கு மாலை அணிவித்து மலர்தூவி மரியாதை செலுத்தினார். மீனாம்பிகா, ஆசிரியைகள் ஜெயமணி, கல்பனா குத்துவிளக்கு ஏற்றி காமராஜரின் உருவப்படத்துக்கு மரியாதை செலுத்தினர்.
 பின்னர் தலைமை ஆசிரியர் செல்வம் காமராஜரின் வாழ்க்கை வரலாற்றை மாணவர்களுக்கு எடுத்துக் கூறிப் பேசினார். போட்டிகளில் சிறப்பிடம் பெற்றவர்களுக்கு பரிசுகள் வழங்கப்பட்டன.
 

]]>
https://www.dinamani.com/all-editions/edition-dharmapuri/salem/2019/jul/16/காமராஜர்-பிறந்த-நாள்-விழா-கொண்டாட்டம்-3193498.html
3193321 தருமபுரி சேலம் பத்தாம் வகுப்பு மாணவர்களுக்கு பள்ளிகளில் வேலைவாய்ப்பு பதிவு DIN DIN Tuesday, July 16, 2019 08:11 AM +0530 பத்தாம் வகுப்புத் தேர்ச்சி பெற்ற மாணவர்களுக்கு ஜூலை 10 -ஆம் தேதி முதல் 24 - ஆம் தேதி வரை 15 நாள்களுக்கு ஒரே பதிவு மூப்பு தேதி வழங்கி அவர்கள் படிக்கும் பள்ளிகளிலேயே இணையதளம் மூலமாக வேலைவாய்ப்புப் பதிவு மேற்கொள்ளப்பட உள்ளது.
பத்தாம் வகுப்பு மற்றும் பன்னிரண்டாம் வகுப்பு மாணவர்கள் தங்கள் கல்வித் தகுதியினை தாங்கள் பயின்ற பள்ளிகளின் மூலமாக 2011}ஆம் ஆண்டு முதல் நேரடியாக வேலைவாய்ப்பு இணையதளத்தில் www.tnvelaivaaippu.gov.in பதிவு செய்து அடையாள அட்டை பெற தமிழக அரசால் உரிய வழிவகை செய்யப்பட்டுள்ளது.
வேலைவாய்ப்பு அலுவலகத்திற்கு நேரில் வராமல் நேரடியாக இத் துறையின் இணையதளம் வாயிலாக பதிவு செய்து கொள்ள வசதி ஏற்படுத்தப்பட்டதால் மாணவர்களுக்கு ஏற்படும் போக்குவரத்துச் செலவு, கால விரயம், தேவையற்ற அலைச்சல்கள் மற்றும் மாவட்ட வேலைவாய்ப்பு அலுவலகங்களில் ஏற்படும் கூட்ட நெரிசல்கள் ஆகியவை தவிர்க்கப்படுகின்றன.
இதைக் கருத்தில் கொண்டு 2019-ஆம் ஆண்டில் பத்தாம் வகுப்புத் தேர்ச்சி பெற்ற மாணவர்களின் மதிப்பெண் சான்றிதழ்கள் வழங்கப்பட்டு வருகின்றன. 
இதையடுத்து ஜூலை 10 முதல் ஜூலை 24 ஆம் தேதி வரை 15 நாள்களுக்கு ஒரே பதிவு மூப்புத் தேதி வழங்கி அவர்கள் பயின்ற பள்ளியிலேயே இணையதளம் வாயிலாக வேலைவாய்ப்பு அலுவலக பதிவுப் பணி நடைபெற சிறப்பு நடவடிக்கைகளை வேலைவாய்ப்பு மற்றும் பயிற்சித் துறை, பள்ளி கல்வித் துறையுடன் இணைந்து மேற்கொள்ளப்பட்டுள்ளது. 
தமிழகத்தில் உள்ள அனைத்து அரசு மற்றும் அரசு உதவி பெறும் உயர்நிலை மற்றும் மேல்நிலைப் பள்ளிகள், மெட்ரிக். பள்ளிகள் மற்றும் தனியார் பள்ளிகளிலும் இவ்வ சதியினை பயன்படுத்தி மாணவர்கள் வேலைவாய்ப்பு பதிவுகள் மேற்கொள்ளலாம்.
மேலும் சி.பி.எஸ்.இ பாடத் திட்டத்தில் பயின்ற மாணவர்கள் தங்கள் கல்வித் தகுதியை வேலைவாய்ப்புத் துறையின் இணையதளத்தில் (www.tnvelaivaaippu.gov.in) தங்கள் அளவிலேயே ஆன்லைனில் பதிவு செய்யலாம் அல்லது வேலைவாய்ப்பு அலுவலகத்தையும் அணுகி பதிவு செய்யலாம். 
ஆதார் அட்டை, குடும்ப அட்டை, சாதி சான்றிதழ் மற்றும் பத்தாம் வகுப்பு மதிப்பெண் சான்றிதழ் ஆகிய விவரங்களுடன் சம்மந்தப்பட்ட பள்ளிகளை அணுகி மாணவ, மாணவிகள் வேலைவாய்ப்புப் பதிவுகளை மேற்கோள்ளலாம் என ஆட்சியர் அலுவலகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/salem/2019/jul/16/பத்தாம்-வகுப்பு-மாணவர்களுக்கு-பள்ளிகளில்-வேலைவாய்ப்பு-பதிவு-3193321.html
3192898 தருமபுரி சேலம் சேலத்தில் 150 சவரன் நகை பறித்த வழக்கில் 3 பேர் கைது DIN DIN Monday, July 15, 2019 10:05 AM +0530 திருச்சியைச் சேர்ந்த நகைக் கடை ஊழியரிடம் இருந்து 150 சவரன் தங்க நகைகளைப் பறித்த மூன்று பேரை போலீஸார் கைது செய்து, சிறையில் அடைத்தனர்.
திருச்சி பெரிய கடை வீதியில் உள்ள நகைக் கடையில் ஊழியராகப் பணிபுரிந்து வருபவர் பழனிசாமி (39).  இவர் வெள்ளிக்கிழமை மாலை 150 சவரன் தங்க நகைகளுடன் சேலம் வந்தார். 
பின்னர், சேலம் பழைய பேருந்து நிலையம் சென்று,  அங்கிருந்து அருகில் உள்ள கடைகளுக்கு நகைகளை வழங்கச் சென்று கொண்டிருந்தார். 
அப்போது அந்த வழியே இருசக்கர வாகனத்தில் வந்த 3 இளைஞர்கள் கண்ணிமைக்கும் நேரத்தில் பழனிசாமியை கீழே தள்ளிவிட்டு, அவர்  கையில் வைத்திருந்த தங்க நகைப் பையைப் பறித்துக் கொண்டு தப்பிச் சென்றனர்.  இது குறித்து பழனிசாமி சேலம் டவுன் குற்றப்பிரிவு போலீஸில் புகார் செய்தார்.  இந்த திருட்டை அறிந்த சேலம் மாநகர காவல் ஆணையாளர் டி.செந்தில்குமார் தனிப்படை அமைத்தார்.
      இதில் நகர குற்றப்பிரிவு ஆய்வாளர் சிவக்குமார்,  காவல் உதவி ஆய்வாளர்கள் குமார் மற்றும் கோவிந்தன்,  பூபதி ஆகியோர் கொண்ட தனிப்படை அமைக்கப்பட்டது.
இவர்கள் விசாரித்து 8 மணி நேரத்துக்குள் சேலம் கரியபெருமாள் கரட்டைச் சேர்ந்த வெங்கடேஷ் (22),  தாதகாப்பட்டியை  சேர்ந்த விஜி (21),  சிவதாபுரத்தைச் சேர்ந்த சதீஷ் (32) ஆகிய 3 பேரை கைது செய்து, அவர்கள் மறைத்து வைத்திருந்த ரூ.40 லட்சம் மதிப்புள்ள150 சவரன் தங்க நகைகளைப் பறிமுதல் செய்தனர்.
 இது தவிர,  நகையைப் பறிக்கப் பயன்படுத்திய இரு சக்கர வாகனத்தையும் போலீஸார் பறிமுதல் செய்தனர்.  கைதான வெங்கடேஷ் மற்றும் சதீஷ் இருவரும் சகோதரர்கள் ஆவர். இதில் சதீஷின் மீது சேலம் அம்மாப்பேட்டை, அஸ்தம்பட்டி உள்ளிட்ட பல்வேறு காவல் நிலையங்களில் திருட்டு மற்றும் வழிப்பறி வழக்குகள் உள்ளது தெரியவந்தது.
நகைப் பறிப்பு  வழக்கில் 8 மணி நேரத்தில் துப்புத் துலக்கி 3 பேரை கைது செய்த சேலம்  நகர தனிப்படை போலீசாரை  மாநகர காவல் ஆணையாளர் டி.செந்தில்குமார் பாராட்டினார்.

]]>
https://www.dinamani.com/all-editions/edition-dharmapuri/salem/2019/jul/15/சேலத்தில்-150-சவரன்-நகை-பறித்த-வழக்கில்-3-பேர்-கைது-3192898.html
3192894 தருமபுரி சேலம் மேட்டூர் அணையிலிருந்து நீர் திறப்பு அதிகரிப்பு DIN DIN Monday, July 15, 2019 10:04 AM +0530 மேட்டூர்  அணையிலிருந்து  குடிநீருக்கு தண்ணீர் திறப்பு  நொடிக்கு 2,000 கன அடியாக அதிகரிக்கப்பட்டுள்ளது.
மேட்டூர்  அணையிலிருந்து காவிரி டெல்டா பாசனத்துக்கு தண்ணீர் திறக்கப்படுவது நிறுத்தப்பட்டவுடன்  குடிநீருக்காக குறைந்த அளவில் தண்ணீர் திறந்து விடப்படும்.  கடந்த ஜனவரி 28-ஆம் தேதி  டெல்டா பாசனத்துக்கு தண்ணீர் திறந்துவிடுவது நிறுத்தப்பட்டவுடன், குடிநீருக்காக மேட்டூர் அணையிலிருந்து தண்ணீர் திறந்துவிடப்படுகிறது.  
தேவைக்கு ஏற்ப தண்ணீர் திறப்பு அதிகரிக்கப்பட்டும்,  குறைக்கப்பட்டும் வந்தது.  இந்த நிலையில்,  கடந்த ஒரு மாதத்துக்கு மேலாக மேட்டூர் அணையிலிருந்து குடிநீருக்குத்  திறக்கப்படும் நீரின் அளவு நொடிக்கு 1,000 கன அடியாக இருந்தது. இது ஞாயிற்றுக்கிழமை காலை 6 மணி முதல் நொடிக்கு 2 ஆயிரம் கன அடியாக அதிகரிக்கப்பட்டது.  மேலும்,  ஞாயிற்றுக்கிழமை காலை அணைக்கு நொடிக்கு 232 கன அடி வீதம் தண்ணீர் வந்து கொண்டிருந்தது.   அணையின் நீர்மட்டம் 41.46 அடியாகவும், அணையின் நீர் இருப்பு 12.85 டி.எம்.சி.யாகவும் இருந்தது.

]]>
https://www.dinamani.com/all-editions/edition-dharmapuri/salem/2019/jul/15/மேட்டூர்-அணையிலிருந்து-நீர்-திறப்பு-அதிகரிப்பு-3192894.html
3192840 தருமபுரி சேலம் கெங்கவல்லியில் ஜூலை 15 மின்தடை DIN DIN Monday, July 15, 2019 09:49 AM +0530 கெங்கவல்லி அருகே தெடாவூரிலுள்ள துணை மின்நிலையத்தில்  திங்கள்கிழமை (ஜூலை 15)  மாதாந்திர பராமரிப்புப் பணிகள் நடைபெற உள்ளதால் காலை 9 மணி முதல் மாலை 5 மணி வரை கெங்கவல்லி,  தெடாவூர்,  வீரகனூர், ஆணையாம்பட்டி,  கிழக்குராஜாபாளையம், பின்னலூர்,  நடுவலூர்,  சார்வாய்க்காடு,  கூடமலை உள்ளிட்ட சுற்றுவட்டாரப் பகுதிகளில் மின்விநியோகம் நிறுத்தப்படுவதாக உதவி செயற்பொறியாளர் அர்ச்சுனன் தெரிவித்துள்ளார்.
 

]]>
https://www.dinamani.com/all-editions/edition-dharmapuri/salem/2019/jul/15/கெங்கவல்லியில்-ஜூலை-15-மின்தடை-3192840.html
3192837 தருமபுரி சேலம் காமராஜர் பிறந்தநாள் விழா கருத்தரங்கு DIN DIN Monday, July 15, 2019 09:48 AM +0530 வாழப்பாடி இலக்கியப் பேரவையில் மறைந்த முன்னாள்  முதல்வர் காமராஜர் பிறந்தநாள் விழா கருத்தரங்கு நடைபெற்றது.
இவ் விழாவுக்கு இலக்கியப் பேரவை துணைத் தலைவர் மா.கணேசன் தலைமை வகித்தார். பொருளாளர் முனிரத்தினம் வரவேற்றார். தாளாளர் செந்தில்குமார் முன்னிலை வகித்தார்.
பெத்தநாயக்கன்பாளையம் ஆசிரியர் ராசேந்திரன்,  ஆடிட்டர் குப்பமுத்து, புலவர் வெங்கடாசலம்,  சொல்லரசி பாரதி,  கலைக்கோமணி,  பழனிவேலு, காட்டுக்கோட்டை கணேசன்,  அம்பிகா ஆகியோர் காமராஜரின் சாதனைகளை எடுத்துரைத்தனர். காமராஜரை பற்றிய பல்வேறு தலைப்புக்களில் கவிதைகள் வாசித்தனர்.  
கருத்தரங்கில் இலக்கிய ஆர்வலர்களான  பொறிஞர் நரேன்-பிருந்தா புதுமணத் தம்பதியருக்கு நினைவுப்பரிசு வழங்கி வாழ்த்து தெரிவிக்கப்பட்டது. இவ்விழாவில், வி.சு.மணியன், சரவணன், சுதேசிகுமரேசன் தமிழாசிரியர்கள் தனசேகரன்,  கதிர்வேலு,  ஆசிரியர் அருண்பிரகாஷ்,  அஞ்சலம்மாள், மாணவி ஒளிநிலா ஆகியோர் கலந்து கொண்டனர்.  நிறைவாக, இலக்கியப்பேரவை செயலர் சிவ.எம்கோ நன்றி கூறினார்.

]]>
https://www.dinamani.com/all-editions/edition-dharmapuri/salem/2019/jul/15/காமராஜர்-பிறந்தநாள்-விழா-கருத்தரங்கு-3192837.html
3192835 தருமபுரி சேலம் தனியார் பள்ளியில் விழிப்புணர்வு முகாம் DIN DIN Monday, July 15, 2019 09:48 AM +0530 ஆத்தூர் பாரதியார் கல்வி நிறுவனங்களில் வீடுகளில் குப்பைகளை தரம் பிரித்து வழங்கவும்,  தடை செய்யப்பட்ட நெகிழிப் பொருள்கள் பயன்படுத்துவதை தவிர்க்க வலியுறுத்துவதற்கான விழிப்புணர்வு முகாம் நகராட்சி சார்பில் அண்மையில் நடைபெற்றது.
ஆத்தூர்  நகராட்சிப் பகுதியில் வீடு வீடாக குப்பைகள் பிரித்து கொடுப்பதின் அவசியம் குறித்தும்  மாணவ, மாணவிகளுக்கு விழிப்புணர்வு ஏற்படுத்தும் வகையில் ஆத்தூர் பாரதியார் மேல்நிலைப் பள்ளி மற்றும் மெட்ரிக். மேல்நிலைப் பள்ளியில் ஆத்தூர் நகராட்சி ஆணையர் ஆர்.சரஸ்வதி உத்தரவின்பேரில் நகராட்சி  துப்புரவு அலுவலர் என்.திருமூர்த்தி, துப்புரவு ஆய்வாளர்கள் ஆர்.பிரபாகரன், எம்.செல்வராஜ் மற்றும் தூய்மை பாரத இயக்கப் பணியாளர்கள்  இணைந்து விழிப்புணர்வு முகாம் நடத்தப்பட்டது.
இந்த  முகாமில் பொதுமக்கள் குப்பைகளை பிரித்து கொடுப்பதின் அவசியம் குறித்தும்,  மாணவர்கள்  ஒத்துழைப்பு நல்கும்படியும், தடைசெய்யப்பட்ட  நெழிகிப் பொருட்கள் பயன்படுத்துவதை தவிர்க்கவும் விழிப்புணர்வு ஏற்படுத்தப்பட்டது.

]]>
https://www.dinamani.com/all-editions/edition-dharmapuri/salem/2019/jul/15/தனியார்-பள்ளியில்-விழிப்புணர்வு-முகாம்-3192835.html
3192833 தருமபுரி சேலம் அரசுப் பள்ளிக்கு கல்விச்சீர் அளிப்பு DIN DIN Monday, July 15, 2019 09:48 AM +0530 நங்கவள்ளி  அரசுப்பள்ளிக்கு முன்னாள் மாணவர்கள் ரூ.2 லட்சம் மதிப்பில் கல்விச்சீர் வழங்கினர்.
மேட்டூர் அருகே நங்கவள்ளி  ஊராட்சி ஒன்றிய நடுநிலைப் பள்ளியில் சுற்றுவட்டாரப் பகுதிகளைச் சேர்ந்த 200-க்கும் மேற்பட்ட மாணவ, மாணவியர் பயின்று வருகின்றனர்
இப் பள்ளியில் பயின்ற முன்னாள் மாணவர்கள் காமராஜர் பிறந்தநாளையொட்டி,  தாங்கள் தொடக்கக் கல்விப் பயின்ற இப்பள்ளிக்கு கல்விச்சீர் வழங்க முடிவு செய்தனர். இதையடுத்து ஞாயிற்றுக்கிழமை நங்கவள்ளி பேருந்து நிலையத்தில் கூடிய முன்னாள் மாணவ, மாணவியர் மடிக்கணினி,  சேர்,  குடம்,  விளையாட்டு உபகரணங்கள் உள்ளிட்ட  ரூ.2 லட்சம் மதிப்பிலான பொருள்களை ஊர்வலமாக எடுத்துச் சென்று பள்ளித் தலைமை ஆசிரியர் கீதாஞ்சலியிடம் வழங்கினர். சீர்வரிசை கொண்டுவந்த மாணவ, மாணவியரை பள்ளியின் சார்பில் மேளதாளங்கள் முழங்க வரவேற்றனர்.  இந்த விழாவில் பள்ளி ஆசிரியர்கள்,  மாணவ, மாணவியர் மற்றும் பெற்றோர் திரளாக பங்கேற்றனர்.
 

]]>
https://www.dinamani.com/all-editions/edition-dharmapuri/salem/2019/jul/15/அரசுப்-பள்ளிக்கு-கல்விச்சீர்-அளிப்பு-3192833.html
3192832 தருமபுரி சேலம் கணவர் தாக்கியதில் பெண் உயிரிழப்பு DIN DIN Monday, July 15, 2019 09:47 AM +0530 ஏற்காட்டில்  கணவர் தாக்கியதில் இளம்பெண் உயிரிழந்த சம்பவம் குறித்து போலீஸார் விசாரித்து வருகின்றனர். 
ஏற்காடு கோவில் மேடு பகுதியைச் சேர்ந்த  டேவிட் - அமுதா தம்பதியரின் மகன் செல்வகுமாருக்கும்  (25),  ஏற்காடு ஒண்டிக்கடை பகுதியைச் சேர்ந்த முகமது  உசேன் - சல்மா தம்பதியின் மகள் கரிஸ்மாவுக்கும் (22)  நான்கு ஆண்டுகளுக்கு முன்பு திருமணம் நடைபெற்றது. இரண்டு வயதில் மகன் உள்ளார். இருவருக்கும் இடையே அடிக்கடி குடும்பத் தகராறு ஏற்பட்டுள்ளது. இந்த நிலையில் ஞாயிற்றுக்கிழமை பிற்பகல் செல்வகுமார் மனைவி கரிஸ்மாவைத் தாக்கியதாகக்  கூறப்படுகிறது.  இதனால் காயமடைந்த கரிஸ்மா ஏற்காடு மருத்துவமனையில் அனுமதிக்கப்பட்டு உயிரிழந்தார்.
இந்தச் சம்பவம் குறித்து ஏற்காடு காவல் நிலைய ஆய்வாளர் ஆனந்தன் வழக்குப் பதிவு செய்து கரிஸ்மாவின் உடலைக் கைப்பற்றி சேலம் அரசு மருத்துவமனைக்கு பிரேதப் பரிசேதனை அனுப்பிவைத்துள்ளனர்.  மேலும்   ஆர்.டி.ஓ  விசாரணைக்கு பரிந்துரை செய்யப்பட்டுள்ளது.

]]>
https://www.dinamani.com/all-editions/edition-dharmapuri/salem/2019/jul/15/கணவர்-தாக்கியதில்-பெண்-உயிரிழப்பு-3192832.html
3192830 தருமபுரி சேலம் கோனேரிப்பட்டியில் ரூ.30 லட்சத்துக்கு பருத்தி  ஏலம் DIN DIN Monday, July 15, 2019 09:47 AM +0530 சங்ககிரி வட்டம்,  கோனேரிப்பட்டி தொடக்க வேளாண்மை கூட்டுறவு கடன் சங்க விற்பனை மையத்தில்  ஞாயிற்றுக்கிழமை  நடைபெற்ற  ஏலத்தில் ரூ.30 லட்சத்துக்கு பருத்தி விற்பனை நடைபெற்றது.
திருச்செங்கோடு வேளாண் உற்பத்தியாளர்கள்  கூட்டுறவு விற்பனை சங்கம் சார்பில் கோனேரிப்பட்டி தொடக்க வேளாண் கூட்டுறவு கடன் சங்க விற்பனை மைய வளாகத்தில் நடைபெற்ற பருத்தி  ஏலத்தில் நெடுங்குளம், கல்வடங்கம்,  பொன்னம்பாளையம், காவேரிப்பட்டி,  பூதப்பாடி,  ஊமாரெட்டியூர்,  வெள்ளித் திருப்பூர்,  கோனேரிப்பட்டி உள்ளிட்ட பகுதிகளைச் சேர்ந்த விவசாயிகள் மற்றும் நாமக்கல்,  சேலம், திருப்பூர் மாவட்ட வியாபாரிகள் உள்ளிட்ட  பலர் கலந்து கொண்டனர்.
விவசாயிகளிடமிருந்து கொள்முதல் செய்யப்பட்ட  1,500 பருத்தி  மூட்டைகள் 250 குழுவாகப் பிரிக்கப்பட்டு  ஏலம் விடப்பட்டன.  இதில் பிடி ரக பருத்தி குவிண்டால் குறைந்தபட்ச விலையாக ரூ.5,780,  அதிகபட்ச விலையாக ரூ.6,100 வரை ஏலம் போயின.  மொத்தம் ரூ.30 லட்சத்துக்கு பருத்தி மூட்டைகள் விற்பனையாகின.

]]>
https://www.dinamani.com/all-editions/edition-dharmapuri/salem/2019/jul/15/கோனேரிப்பட்டியில்-ரூ30-லட்சத்துக்கு-பருத்தி--ஏலம்-3192830.html
3192828 தருமபுரி சேலம் பயன்பாடற்ற ஆழ்துளைக் கிணறுகளில் மழை நீரைச் சேமிக்க நடவடிக்கை DIN DIN Monday, July 15, 2019 09:46 AM +0530 ஓமலூர் பேரூராட்சியில் பயன்பாடற்ற ஆழ்துளைக் கிணறுகளை மழைநீரைச் சேமிக்கும் வகையில் மறுசுழற்சி  மாற்றம் செய்யும் பணிகள் நடைபெற்று வருகின்றன. 
ஓமலூர் பேரூராட்சிப் பகுதியில் சுமார் 20 ஆயிரம் பேர் வசிக்கின்றனர். மக்களின் குடிநீர் தேவைக்காக பல்வேறு இடங்களில் ஆழ்துளைக் கிணறுகள் அமைக்கப்பட்டுள்ளன. இங்குள்ள 48 ஆழ்துளைக் கிணறுகளில் 28 கிணறுகள் வற்றிவிட்டன. மேலும், பயன்பாட்டில் இருந்த  ஏழு கிணறுகளில்  இரண்டில் மட்டும் தண்ணீர் எடுக்கப்பட்டு வருகிறது.
இந்த நிலையில்,  மத்திய அரசின் ஜல்சக்தி சிறப்பு வல்லுநர் குழுவினர் அறிவுரைப்படி, பேரூராட்சியில்  பயன்பாடின்றி உள்ள ஆழ்துளைக் கிணறுகளை  மறுசுழற்சி முறையில் மழைநீரைச் சேகரிக்க மாற்றம் செய்யும் பணி நடைபெற்று வருகிறது. முதல் கட்டமாக ஏழு ஆழ்துளைக் கிணறுகள் மாற்றப்பட்டுள்ளன.
இதுகுறித்து பேரூராட்சி செயல் அலுவலர் அசோக்குமார் கூறுகையில்,   வறட்சியை சமாளிக்க,  ரூ.8 லட்சம் மதிப்பில், 14 - ஆவது வார்டு,  அங்கப்பன் நகர், 10 - ஆவது வார்டு சுகந்தம் நகரில் உள்ள ஆழ்துளைக் கிணறுகள் மின்மோட்டாருடன் அமைக்கும் பணி நடந்து வருகிறது. மேலும்,  பயன்பாடற்ற நிலையிலுள்ள ஆழ்துளை கிணறுகளை மறுசுழற்சி முறையில் மாற்ற நடவடிக்கை எடுக்கப்படும் என்றார்.

]]>
https://www.dinamani.com/all-editions/edition-dharmapuri/salem/2019/jul/15/பயன்பாடற்ற-ஆழ்துளைக்-கிணறுகளில்-மழை-நீரைச்-சேமிக்க-நடவடிக்கை-3192828.html
3192823 தருமபுரி சேலம் பூலாம்பட்டியில் ஆடிப் பெருக்கு விழா: முன்னேற்பாடு பணிகள் மும்முரம் DIN DIN Monday, July 15, 2019 09:43 AM +0530 எடப்பாடியை  அடுத்த  பூலாம்பட்டி காவிரிக் கரைப்பகுதியில், ஆடிப்பெருக்கு விழாவுக்கான முன்னேற்பாடு பணிகள் அண்மையில் தொடங்கின. 
ஆண்டுதோறும்  நடைபெறும் ஆடிப்பெருக்கு விழாவில், எடப்பாடி அடுத்த  பூலாம்பட்டி காவிரிக்கரைப் பகுதியில் பெரும் திரளான பக்தர்கள் திரண்டு
புனித நீராடி,  அங்குள்ள கைலாசநாதர் கோயில்,  நந்திகேஷ்வரர் கோயில் மற்றும்  ஆற்றங்கரை பிள்ளையார் கோயில்களில் வழிபாடு செய்வது வழக்கம்.
இந்த நிலையில் நிகழாண்டில் ஆடிப்பெருக்கு விழாவுக்கு பூலாம்பட்டி காவிரிக்கரைப் பகுதிக்கு வருகை தரும் பக்தர்களின்  வசதிக்காக, பாதுகாப்பு ஏற்பாடுகள் மற்றும் அடிப்படை வசதிகள் செய்யும் பணி தொடங்கப்பட்டுள்ளது. காவிரிக் கரையில் பக்தர்களுக்கான தற்காலிகக் கழிப்பிடங்கள்,  உடைமாற்றும் அறை மற்றும்  ஆற்றில் பக்தர்கள் இறங்கி புனித நீராடும் இடங்களில் பாதுகாப்புத் தடுப்புகள் அமைக்கும் பணிகள் நடைபெற்று வருகின்றன. இதில் பல்வேறு தன்னார்வ அமைப்புகள் மற்றும் பூலாம்பட்டி பகுதி உழவர் பாதுகாப்புக் குழுவினரும் ஈடுபட்டு வருகின்றனர். தற்போது பூலாம்பட்டி காவிரிக் கதவணையில் ஓரளவு தண்ணீர் இருப்பு உள்ள நிலையில்,  நிகழாண்டில் ஆடிப்பெருக்கு விழாவுக்காக,  பூலாம்பட்டி பகுதிக்கு வழக்கத்தை விட கூடுதலான எண்ணிக்கையில் பக்தர்கள் வருகை தருவார்கள் என எதிர்பார்க்கப்படுகிறது.


 

]]>
https://www.dinamani.com/all-editions/edition-dharmapuri/salem/2019/jul/15/பூலாம்பட்டியில்-ஆடிப்-பெருக்கு-விழா-முன்னேற்பாடு-பணிகள்-மும்முரம்-3192823.html
3192821 தருமபுரி சேலம் ஏற்காட்டில் சூழல் பூங்காவை பார்வையிட வருவோர் ஏமாற்றம் DIN DIN Monday, July 15, 2019 09:43 AM +0530 ஏற்காட்டில் சூழல்  சுற்றுலாப் பூங்காவை காணவரும்  சுற்றுலாப் பயணிகள், குழந்தைகள்  ஏமாற்றத்துடன் திரும்பிச் செல்கின்றனர்.
ஏற்காட்டில்  வனத்துறை சார்பில் பல ஆண்டுகளாக  மான் பூங்கா செயல்பட்டு வந்தது. அதில்  மான்கள்,  மயில்கள், புறாக்கள் சுற்றுலாப் பயணிகளின் பார்வைக்கு  வைக்கப்பட்டிருந்தன. சுற்றுலாப் பயணிகளும் இப்பூங்கவில் அடர்ந்த மரங்களிடையே  மான்கள், மயில்கள் காணப்பட்டதால் ஆர்வமுடன் கண்டுமகிழ்ந்தனர். ஆனால்,   கடந்த சில மாதங்களுக்கு முன்பு இப்பூங்காவில் உள்ள மான்கள், மயில்கள்  சேலம்  உயிரியல்  பூங்காவுக்கு  கொண்டு செல்லப்பட்டதாலும்,   இப்பூங்காவின் பெயர் மாற்றப்பட்டதாலும்   ஏற்காடு வரும் சுற்றுலாப் பயணிகள் சூழல் சுற்றுலாப் பூங்காவைக் கண்டு ஏமாற்றத்துடன் செல்கின்றனர்.
 

]]>
https://www.dinamani.com/all-editions/edition-dharmapuri/salem/2019/jul/15/ஏற்காட்டில்-சூழல்-பூங்காவை-பார்வையிட-வருவோர்-ஏமாற்றம்-3192821.html
3192818 தருமபுரி சேலம் சிறுதானியப் பயிர்முறைகள் குறித்து விவசாயிகளுக்குப் பயிற்சி DIN DIN Monday, July 15, 2019 09:42 AM +0530 கெங்கவல்லியில் வேளாண்துறை  சார்பில்  தேசிய உணவுப் பாதுகாப்புத் திட்டத்தின்கீழ்  ஊட்டச்சத்து சிறுதானியங்கள் பயிர்முறை  காரீப் முன்பருவ அடிப்படை பயிற்சி அண்மையில் நடைபெற்றது.
இதற்கு வேளாண் உதவி இயக்குநர் சித்ரா தலைமை வகித்தார். வட்டார வேளாண்  அலுவலர் கல்பனா வரவேற்றார். ஏத்தாப்பூர் மரவள்ளி மற்றும் ஆமணக்கு  ஆராய்ச்சி நிலைய பூச்சியியல் துறை பேராசிரியர் கீதா ,படைப்புழுத்தாக்குதல்  குறித்தும், கட்டுப்படுத்தும் முறைகள் பற்றியும் காணொலிக் காட்சி மூலம் விரிவாகப் பேசினார். உதவி வேளாண்மை அலுவலர் மணிமாறன் நுண்ணீர்ப் பாசன மானியத் திட்டங்கள், உழவன் செயலி பதிவிறக்கம் செய்து செயல்படுத்தும் முறைகள் பற்றி பேசினார்.
அட்மா  உதவித் தொழில்நுட்ப மேலாளர் மோகன்ராஜ் நன்றி கூறினார்.பயிற்சி ஏற்பாடுகளை  உதவி வேளாண் அலுவலர்கள், உதவித் தொழில்நுட்ப மேலாளர்கள் செய்திருந்தனர்.

]]>
https://www.dinamani.com/all-editions/edition-dharmapuri/salem/2019/jul/15/சிறுதானியப்-பயிர்முறைகள்-குறித்து-விவசாயிகளுக்குப்-பயிற்சி-3192818.html
3192814 தருமபுரி சேலம் ஓமலூர் மக்கள் நீதிமன்றத்தில் 2000 வழக்குகளில் 60 சதவீதம் தீர்வு DIN DIN Monday, July 15, 2019 09:41 AM +0530 ஓமலூர்  ஒருங்கிணைந்த நீதிமன்ற வளாகத்தில் தேசிய  மக்கள் நீதிமன்ற முகாம்  சனிக்கிழமை நடைபெற்றது.
ஓமலூரில்  நடந்த மக்கள் நீதிமன்றத்தில் ஒரே நாளில் சுமார் 2 ஆயிரம் வழக்குகள் விசாரணைக்கு எடுத்துக் கொள்ளப்பட்டன. இந்த முகாமில் சார்பு நீதிமன்ற நீதிபதி தயாநிதி,  மாவட்ட உரிமையியல் நீதிபதி  (பொறுப்பு) மருத சண்முகம்,  குற்றவியல் நடுவர் மாலதி ஆகியோர் கலந்துகொண்டு நிலுவை வழக்குகளை விசாரித்தனர்.  இதில், வழக்குகளில் தொடர்புடைய பலரும் கலந்துகொண்டு வழக்குகளின் தன்மைகள் குறித்து தெரிவித்தனர். இதனைத் தொடர்ந்து, இருதரப்பு வாதங்களையும் விசாரித்து எடுத்துக் கொள்ளப்பட்ட வழக்குகளில் சுமார் 60  - சதவீத வழக்குகளுக்கு உடனடியாக தீர்வு காணப்பட்டது. மேலும், விவகாரத்து வழக்குகளில் தீர்வு காணப்பட்டு சேர்த்து வைக்கப்பட்டனர்.  வழக்குகளில் தொடர்புடைய இரு தரப்பினரையும் அழைத்துப் பேசி  வழக்குகள் முடிவுக்கு கொண்டு வரப்பட்டன. இந்த முகாமில் வங்கிகள்,  தனியார் நிறுவனத்தினர் உள்பட பலரும் கலந்து கொண்டு தங்களது வழக்குகளை தீர்த்து கொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/15/ஓமலூர்-மக்கள்-நீதிமன்றத்தில்-2000-வழக்குகளில்-60-சதவீதம்-தீர்வு-3192814.html
3192812 தருமபுரி சேலம் சேலம் மத்திய கூட்டுறவு வங்கிக்கு விருது DIN DIN Monday, July 15, 2019 09:40 AM +0530 சேலம்  மத்திய கூட்டுறவு வங்கி, சுயஉதவிக் குழுக்களுக்கு 2018 - 19     ஆம்  ஆண்டு சிறப்பான முறையில் கடன் வழங்கியதற்காக நபார்டு வங்கி விருது வழங்கியது.
சேலம்  மத்திய கூட்டுறவு வங்கி சுயஉதவிக் குழுக்களுக்கு  2018 - 19 ஆம் ஆண்டில் சிறப்பான முறையில் கடன் வழங்கியதற்காக நபார்டு வங்கி இந்த வங்கியைத் தேர்ந்தெடுத்தது. இதற்கான  ருதை சென்னையில் நடைபெற்ற நிகழ்ச்சியில் மீன்வளத்துறை அமைச்சர் டி.ஜெயக்குமார் சனிக்கிழமை வழங்கினார். விருதை சேலம் மத்திய கூட்டுறவு வங்கித் தலைவர் ஆர்.இளங்கோவன் பெற்றுக் கொண்டார். இதில் நபார்டு வங்கி முதன்மை பொது மேலாளர் பத்மா ரகுநாதன், சேலம் மாவட்ட  மத்திய கூட்டுறவு வங்கியின் மேலாண்மை இயக்குநர் தனலட்சுமி, பொதுமேலாளர் தமிழ்ச்செல்வன் ஆகியோர் கலந்துகொண்டனர். உடனிருந்தனர். 
 

]]>
https://www.dinamani.com/all-editions/edition-dharmapuri/salem/2019/jul/15/சேலம்-மத்திய-கூட்டுறவு-வங்கிக்கு-விருது-3192812.html
3192811 தருமபுரி சேலம் வீரகனூரில் ஏரியைச் சீரமைக்க  பூமி பூஜை DIN DIN Monday, July 15, 2019 09:40 AM +0530 கெங்கவல்லி அருகே வீரகனூர் ஏரியை சீரமைக்க ரூ.29 லட்சம்  நிதி ஒதுக்கீடு செய்யப்பட்டதையடுத்து  அப் பணிக்கான பூமிபூஜை ஞாயிற்றுக்கிழமை நடைபெற்றது .
கெங்கவல்லி  அருகே  வீரகனூர் பேரூராட்சியில்,  சுவேத நதி,  ஏரி மற்றும் ஏரிக்கு வரும்  நீர்வழிப்பாதை  ஆகியவற்றை முதல்வரின் குடிமராமத்துத் திட்டத்தின்கீழ்  சீர் செய்து தர வேண்டும் என்று கடந்த 10 மாதங்களுக்கு முன்பு பொதுமக்கள் சார்பாக  மாவட்ட ஆட்சியர் அலுவலகத்தில்  கோரிக்கை மனு அளிக்கப்பட்டது. 
அதன்படி  ஊர் முக்கிய பிரமுகர்களும் அதிகாரிகளைச் சந்தித்து பலமுறை இது சம்பந்தமாக வலியுறுத்தி வந்தனர். அதன் எதிரொலியாக, ரூ. 29 லட்சம்  திட்ட மதிப்பீட்டில்,  வீரகனூர் ஏரி மற்றும் நீர்வழிப்பாதை ஆகியவற்றை  சீர்படுத்துவதற்காக  நிதி ஒதுக்கீடு செய்யப்பட்டது. அதன்படி இந்தப் பணிகளுக்காக  மண்டல அதிகாரி முன்னிலையில் பூமி பூஜை நடைபெற்றது.
இதில் மண்டல  நீர்வளத்துறை அதிகாரி ராஜேந்திரன்,  உதவி செயற்பொறியாளர் சாந்தகுமார்,  பாசன உதவியாளர் பழனிசாமி,  அதிமுக நகரச் செயலாளர்  ராஜேந்திரன்,  வீரகனூர் ஏரிப் பாசன ஆயக்கட்டு தலைவர்  ரவிச்சந்திரன்,  முன்னாள் ஆயக்கட்டு பொருளாளர் ராமநாதபுரம்  கணேசன்,  பசுமை இயக்கம் சார்பாக வேல்முருகன் மற்றும் ஏரிப் பாசன விவசாயிகள் உள்ளிட்டோர் கலந்து கொண்டனர்.
முதல் கட்டமாக கரையைப் பலப்படுத்துதல்,  மதகுகளைச் சீரமைத்தல், ஏரி சுற்றுப்புறத்திலுள்ள சீமைக்கருவேல மரங்களை அகற்றிவிட்டு மரக்கன்றுகளை நடுதல் உள்ளிட்ட பணிகள் நடைபெற உள்ளதாக தெரிவித்தனர்.
பொது மக்களின் நீண்ட நாள் கோரிக்கையை ஏற்று குடிமராமத்து திட்டத்தின்கீழ் இந்தப் பணிகளை முடிக்க நிதி ஒதுக்கிய அரசுக்கு வீரகனூர் பகுதி பொதுமக்கள்  நன்றி தெரிவித்துக் கொண்டனர்.


 

]]>
https://www.dinamani.com/all-editions/edition-dharmapuri/salem/2019/jul/15/வீரகனூரில்-ஏரியைச்-சீரமைக்க--பூமி-பூஜை-3192811.html
3192809 தருமபுரி சேலம் சிறு, குறு தொழில் வளர்ச்சிக்கு முதல்வர் அறிவித்த திட்டங்கள் வரவேற்கத்தக்கவை: சிறு, குறு தொழிற்சாலை சங்கம் பாராட்டு DIN DIN Monday, July 15, 2019 09:40 AM +0530 தமிழகத்தில் சிறு, குறு தொழில் வளர்ச்சிக்கு  முக்கியத்துவம் அளித்து முதல்வர் அறிவித்துள்ள திட்டங்கள் வரவேற்கத்தக்கவை என சேலம் மாவட்ட சிறு, குறு தொழிற்சாலைகள் சங்கத்தின் தலைவர் மாரியப்பன் தெரிவித்துள்ளார்.
இதுதொடர்பாக  அவர் வெளியிட்ட அறிக்கை:
தமிழக சட்டப்பேரவையில் முதல்வர் எடப்பாடி கே.பழனிசாமியின் தொழில்துறை வளர்ச்சிக்கான அறிவிப்பு சிறு மற்றும் குறு தொழில் நிறுவனங்களை ஊக்குவிக்கும் வகையில் திட்டமிடப்பட்டுள்ளது.
சிறு மற்றும் குறுந்தொழில் நிறுவனங்களை புதிதாக அமைக்கவும்,  விரிவுப்படுத்தவும் தற்போது வழங்கப்படும் முதலீட்டு மானியத்தின் அதிக உச்சவரம்பு ரூ.30 லட்சத்தில் இருந்து ரூ. 50 லட்சமாக உயர்த்தப்பட்டிருக்கிறது.  
தொழில் தோழன் என்ற இணையவழி குறைதீர் மையம் ஒன்றை புதிதாக ரூ.50 லட்சத்தில் அமைத்து அதன் மூலம் பெறப்படும் புகார்கள் நான்கு வாரங்களில் தீர்வு காணப்படுவதும், யாதும் ஊரே என்ற தனி சிறப்புப் பிரிவு மற்றும் ரூ.60 லட்சத்தில் உருவாக்கி உலகெங்கும் உள்ள தமிழ் மக்கள், தமிழ் சங்கங்கள், தொழில் அமைப்புகளுடன் தொடர்புபடுத்தி முதலீட்டு தூதுவர்களை உருவாக்கி தமிழகத்தில் முதலீடு செய்ய விழிப்புணர்வு ஏற்படுத்தி அவர்தம் ஆலோசனைகளை பெறவும், முதலீடுகளை ஈர்க்கவும் திட்டமிடப்பட்டுள்ளது வரவேற்கத்தக்கதாகும்.
மேலும், வெளிநாட்டு முதலீட்டாளர்களுக்கு உரிய வழிகாட்டுதல்களை வழங்கிட தொழில் தொடங்க முன்வரும் முதலீட்டாளர்களை வல்லுநர்களைக் கொண்டு அடையாளம் கண்டு ஜப்பான், தென்கொரியா, அமெரிக்கா, சீனா,  தைவான், பிரான்ஸ், இஸ்ரேல் மற்றும் ஜெர்மனி ஆகிய நாடுகளில் தனித்தனியாக சிறப்பு அமைவுகள் அமைக்கப்பட உள்ளன.
தொழில் வளர் தமிழகம் என்ற பெயரில் உள்நாட்டிலும் வெளிநாட்டிலும் ஆண்டுதோறும் ரூ.10 கோடி செலவில் நவீன உத்திகளைப் பயன்படுத்தி கூட்டங்கள்,   கருத்தரங்குகள் இணையவழிப் பரப்புரை மூலம் செயல்படுத்த இருப்பது நிச்சயம் தொழில் வளர்ச்சிக்கு ஊன்றுகோலாக இருக்கும்.
20 ஏக்கருக்கு மேல் நிலம் வைத்திருக்கும் தனியார் மூலம் சிறு தொழில்களுக்கு அரசு மானியத்துடன் தொழிற்பேட்டைகளை அமைக்கவும், 100 ஏக்கர் அல்லது அதற்கு மேல் நிலம் வைத்துள்ள தனியார் நில உரிமையாளர்களை இணைந்து கூட்டாண்மை முறையில் தொழில் பூங்காக்களை சிப்காட் நிறுவனம் உருவாக்கி அந்த பூங்காக்களுக்கு சிப்காட் தொழிற் பூங்காக்களுக்கான சலுகைகளை நீடித்து தர அரசு எடுத்துள்ள செயல்திட்டத்தை வரவேற்கிறோம்.
தமிழகத்தில் சிறு மற்றும் குறு தொழில் வளர்ச்சிக்காக முக்கியத்துவம் கொடுத்து தமிழக முதல்வர் அறிவித்துள்ள அனைத்துத் திட்டங்களையும் பாராட்டி வரவேற்கிறோம். இதற்கு உறுதுணையாக இருந்த ஊரக தொழில்துறை அமைச்சர்  பெஞ்சமின், தலைமைச் செயலாளர் சண்முகம், கூடுதல் தலைமைச் செயலாளர் மற்றும் செயலர் ஹன்ஸ்ராஜ்வர்மா ஆகியோருக்கும் பாராட்டுகளை தெரிவித்துக் கொள்கிறோம் என தெரிவித்துள்ளார்.
 

]]>
https://www.dinamani.com/all-editions/edition-dharmapuri/salem/2019/jul/15/சிறு-குறு-தொழில்-வளர்ச்சிக்கு-முதல்வர்-அறிவித்த-திட்டங்கள்-வரவேற்கத்தக்கவை-சிறு-குறு-தொழிற்சாலை-ச-3192809.html
3192807 தருமபுரி சேலம் ஆணைமடுவு, கரியகோவில் அணைகளில் குடிமராமத்துப் பணிகள் தொடக்கம் DIN DIN Monday, July 15, 2019 09:39 AM +0530 வாழப்பாடி அருகிலுள்ள புழுதிக்குட்டை ஆணைமடுவு அணை,  பாப்பநாயக்கன்பட்டி கரியகோவில் அணை, பகுதியில்  குடிமராமத்துப் பணிகள் தொடக்க விழா பூமி பூஜையுடன் ஞாயிற்றுக்கிழமை நடைபெற்றது.  
தமிழக  முதல்வரின் சிறப்புத் திட்டமான நீர்நிலைகளை மேம்படுத்தும்  குடிமராமத்துத் திட்டத்தின் கீழ், வாழப்பாடி  அடுத்த புழுதிக்குட்டை மாரியம்மன் கோயிலில் இருந்து ஆணைமடுவு அணைக்கு  ரூ. 28 லட்சத்தில் தார்ச்சாலை அமைக்கப்படுகிறது. பாப்பநாயக்கன்பட்டி கரியகோவில் அணையில் இருந்து தரைப்பாலம் வரையும், அணையில் இருந்து  மூலப்பாடி கிராமம் வரையும்  ஏறக்குறைய 1.60 கி.மீ நீளத்துக்கு, ரூ. 56 லட்சத்தில் தார்ச்சாலை அமைக்கப்படுகிறது.
இத் திட்டப் பணிகளுக்கான தொடக்கவிழா ஞாயிற்றுக்கிழமை நடைபெற்றது. இவ் விழாவில், அணை இளம்பொறியாளர் பாலசுப்பிரமணியன், மற்றும் விவசாய சங்கப் பிரதிநிதிகள் கந்தசாமி, பெருமாள்,  ராஜாராம்,  சேகர்,  வெங்கடாசலம்,  வடிவேல், சின்னபையன் உள்ளிட்ட பலர் கலந்து கொண்டனர்.
வாழப்பாடி  அடுத்த  ஏத்தாப்பூர் அபிநவம் அணைக்கட்டு மற்றும் ஏரி பகுதியில், நீர் வரத்து வாய்க்கால் சீரமைத்தல்.  ஏரியின் கரையைப் பலப்படுத்துல், நீர்க் கசிவு ஏற்படாமல்  தடுத்தல் உள்ளிட்ட பணிகள் ரூ. 27 லட்சம் மதிப்பீட்டிலும், கொட்டவாடி அணைக்கட்டு, பாசன வாய்க்கால் மற்றும் ஏரியைத் தூர்வாரும் பணிகள் ரூ.29 லட்சத்திலும் மேற்கொள்ளப்பட்டு வருகின்றன.
இத் திட்டப் பணிகளை, பொதுப்பணித்துறை  உதவி செயற்பொறியாளர் முனவர் பாஷா,  உதவிப் பொறியாளர் ராஜேந்திரன் ஆகியோர் ஞாயிற்றுக்கிழமை பார்வையிட்டனர்.  ஆயக்கட்டு பாசன விவசாயிகள் சங்கப் பிரதிநிதிகள் அபிநவம் ஜெயராமன், மாரிமுத்து, கொட்டவாடி பாலச்சந்திரன், வெங்கடேசன், மாதையன் ஆகியோர் உடனிருந்தனர். 

]]>
https://www.dinamani.com/all-editions/edition-dharmapuri/salem/2019/jul/15/ஆணைமடுவு-கரியகோவில்-அணைகளில்-குடிமராமத்துப்-பணிகள்-தொடக்கம்-3192807.html
3192806 தருமபுரி சேலம் மேச்சேரியில் மடிக்கணினிகள் வழங்கும் விழா DIN DIN Monday, July 15, 2019 09:39 AM +0530 மேச்சேரி  அரசினர் பெண்கள் மேல்நிலைப் பள்ளியில்  தமிழக அரசின் விலையில்லா மடிக் கணினிகள் வழங்கும் விழா ஞாயிற்றுக்கிழமை நடைபெற்றது.
நிகழ்ச்சியில் பள்ளித் தலைமை ஆசிரியர் ஜமுனா மகேஸ்வரி வரவேற்றுப் பேசினார்.  மாவட்டக் கல்வி அலுவலர்  விஜயா முன்னிலை வகித்தார். மேச்சேரி  அரசு ஆண்கள் மேல்நிலைப் பள்ளி,  மேச்சேரி அரசு பெண்கள் மேல்நிலைப் பள்ளி,  வெள்ளார் அரசு மேல்நிலைப் பள்ளி,  குள்ளமுடையானூர் அரசு மேல்நிலைப் பள்ளி உள்ளிட்ட 5  அரசுப் பள்ளிகளில் பிளஸ் 2 பயிலும் மாணவ, மாணவியர் 2,034 பேருக்கு தமிழக அரசின்  விலையில்லா மடிக்கணினிகளை மேட்டூர் தொகுதி  சட்டப்பேரவை உறுப்பினர் எஸ்.செம்மலை வழங்கினார்.
இந்த விழாவில்  மேச்சேரி ஊராட்சி ஒன்றியக் குழு முன்னாள் தலைவர் சந்திரசேரகன்,   பேரூராட்சி முன்னாள் தலைவர் ஜே.குமார்,  பெற்றோர் - ஆசிரியக் கழக தலைவர் முருகானந்தம்,  மேச்சேரி ஒன்றிய பாசறை செயலாளர் செல்வம்,   தொடக்க வேளாண்மை கூட்டுறவு கடன் சங்கத் தலைவர் மணிவண்ணன்,  முன்னாள் ஒன்றியக் குழு உறுப்பினர்கள் சாமிநாதன், சின்னத்தம்பி,  அதிமுக  பேரூர் செயலாளர் மாணிக்கம்,  சிவகுமார், முருகேசன் உள்பட ஏராளமானோர் பங்கேற்றனர்.
சங்ககிரியில்...சங்ககிரி  ஊராட்சி ஒன்றியத்துக்குள்பட்ட  6 அரசுப் பள்ளிகளில் பிளஸ் 1, பிளஸ் 2   பயிலும்  951 மாணவ, மாணவிகளுக்கு விலையில்லா மடிக்கணினிகள் வழங்கும் விழா சங்ககிரி அரசு பெண்கள் மேல்நிலைப்பள்ளி வளாகத்தில் சனிக்கிழமை நடைபெற்றது. 
விழாவுக்கு சங்ககிரி தொகுதி சட்டப்பேரவை உறுப்பினர் எஸ்.ராஜா  தலைமை வகித்து,  சங்ககிரி அரசு பெண்கள் மேல்நிலைப் பள்ளியில் பயிலும் மாணவிகள் 270,  சங்ககிரி ஆண்கள் மேல்நிலைப் பள்ளி  மாணவர்கள் 218,   நட்டுவம்பாளையம் மேல்நிலைப்பள்ளிக்கு 85, வடுகப்பட்டி மாதிரிப்பள்ளிக்கு  96,  தேவூர் மேல்நிலைப்பள்ளிக்கு 219, அரசிராமணி மேல்நிலைப்பள்ளிக்கு 63 மடிக்கணினிகள் என மொத்தம் 951  பேருக்கு தமிழக அரசின் விலையில்லா மடிக்கணினிகளை வழங்கிப் பேசினார். 
சங்ககிரி மாவட்டக் கல்வி அலுவலர் என்.ராமசாமி, பெற்றோர்- ஆசிரியர் கழகத் தலைவர்கள் சங்ககிரி அரசு பெண்கள் மேல்நிலைப் பள்ளி  ஆர்.செல்லப்பன்,  ஆண்கள் மேல்நிலைப்பள்ளி என்எம்எஸ்.மணி,  தலைமையாசிரியர்கள் பெண்கள் மேல்நிலைப் பள்ளி (பொறுப்பு) ஏ.ராஜன்,  ஆண்கள் மேல்நிலைப்பள்ளி (பொறுப்பு)  எம்.சக்திவேல், நட்டுவம்பாளையம் வி.சோமசுந்தரம், வடுகப்பட்டி எம்.அர்ச்சுனன்,  தேவூர் வி.தமிழ்ச்செல்வன்,  அரசிராமணி எ.சங்கமித்திரை,  ஆசிரியர்கள், ஆசிரியைகள், மாணவ, மாணவியர் உள்ளிட்ட பலர்  கலந்து கொண்டனர். 
முன்னதாக சங்ககிரி அரசு பெண்கள் மேல்நிலைப் பள்ளி தலைமையாசிரியர் வரவேற்றார். தேவூர் அரசு மேல்நிலைப் பள்ளி தலைமையாசிரியர் நன்றி கூறினார்.
 

]]>
https://www.dinamani.com/all-editions/edition-dharmapuri/salem/2019/jul/15/மேச்சேரியில்-மடிக்கணினிகள்-வழங்கும்-விழா-3192806.html
3192801 தருமபுரி சேலம் குடிநீர் வழங்கக் கோரி பொதுமக்கள் சாலை மறியல் DIN DIN Monday, July 15, 2019 09:38 AM +0530 ஓமலூர்  அருகேயுள்ள தும்பிப்பாடி ஊராட்சிக்குள்பட்ட  சரக்கப்பிள்ளையூர் கிராமத்தில் குடிநீர் வழங்காத ஊராட்சி நிர்வாகத்தைக் கண்டித்து பொதுமக்கள் ஞாயிற்றுக்கிழமை சாலை மறியல் போராட்டத்தில் ஈடுபட்டனர். 
தும்பிப்பாடி ஊராட்சி சரக்கப்பிள்ளையூர் கிராமத்தில் சுமார் 200-க்கும் மேற்பட்ட குடும்பத்தினர் வசித்து வருகின்றனர். இப்பகுதி மக்களுக்கு மேட்டூர் காவிரி  குடிநீர் கடந்த இரண்டு மாதங்களாக சரியாக வருவதில்லை என பொதுமக்கள் புகார் தெரிவித்து வந்தனர். மேலும்,  இதுகுறித்து அதிகாரிகளிடம் முறையிட்டும் எந்த நடவடிக்கையும் எடுக்கவில்லையாம். 
இப்பகுதியில் காவிரி கூட்டுக் குடிநீர்த் திட்டம் மூலம், மேல்நிலை நீர்த்தேக்கத் தொட்டிக்குச் செல்லும் பிரதானக் குடிநீர் குழாயில் தண்ணீர் திருடப்பட்டு வந்துள்ளது. இதுகுறித்து குடிநீர் வடிகால் வாரிய அதிகாரிகளுக்கு தகவல் சென்று சட்டவிரோதமாக குடிநீர் இணைப்பைத் துண்டித்து விட்டுச் சென்றனர். இந்த நிலையில் தற்போது அந்தப் பகுதிக்கு கடந்த பத்து நாள்களாக குடிநீர் வழங்கப்படவில்லை எனக் கூறி பொதுமக்கள் பண்ணப்பட்டியில் இருந்து தின்னப்பட்டி செல்லும் சாலையில் சரக்கப்பிள்ளையூர் என்ற இடத்தில்  காலி குடங்களை வைத்து மறியல் போராட்டம் நடத்தினர்.
இதுகுறித்து தகவல் அறிந்து வந்த  தீவட்டிப்பட்டி காவல் ஆய்வாளர் முருகன் மற்றும் ஓமலூர் வட்டார வளர்ச்சி அலுவலர்  முருகன் ஆகியோர்  சாலை மறியல் செய்த பொதுமக்களிடம் பேச்சுவார்த்தை நடத்தினர். இதைத் தொடர்ந்து ஒரு வாரத்தில் குடிநீர் வழங்க நடவடிக்கை எடுப்பதாக  அதிகாரிகள் அளித்த வாக்குறுதியை தொடர்ந்து பொதுமக்கள் சாலை மறியலைக் கைவிட்டு கலைந்து சென்றனர்.
 

]]>
https://www.dinamani.com/all-editions/edition-dharmapuri/salem/2019/jul/15/குடிநீர்-வழங்கக்-கோரி-பொதுமக்கள்-சாலை-மறியல்-3192801.html
3192799 தருமபுரி சேலம் சிவன் கோயில்களில் பிரதோஷ விழா DIN DIN Monday, July 15, 2019 09:37 AM +0530 சங்ககிரி  மலையடிவாரத்தில் உள்ள அருள்மிகு சௌந்தரநாயகி  உடனமர் சோமேஸ்வரர் கோயிலில்  பிரதோஷத்தையொட்டி ஞாயிற்றுக்கிழமை மாலை  சிறப்பு பூஜைகள் நடைபெற்றன. 
சௌந்தரநாயகி  உடனமர் சோமேஸ்வரர் சுவாமிகளுக்கு காலையில் பிரதோஷத்தையொட்டி சிறப்பு அபிஷேகங்கள்,  அலங்கராம் செய்யப்பட்டு பூஜைகள் நடைபெற்றன.  மாலையில் உற்சவ மூர்த்திகளுக்கு  பால்,  இளநீர், மஞ்சள்,  சந்தனம்,  திருநீறு உள்ளிட்ட  பல்வேறு திரவியங்களை கொண்டு அபிஷேகம்,  அலங்காரங்கள் செய்யப்பட்டு  சிறப்பு பூஜைகள் நடைபெற்றன.  கோயில்  வளாகத்தில் பெண்கள் மற்றும் குழந்தைகள் பக்திப் பாடல்களை எழுதி சுவாமி பாதத்தில் வைத்து வழிபட்டு சென்றனர்.
தம்மம்பட்டியில்... கெங்கவல்லி, தம்மம்பட்டி பகுதியில் உள்ள சிவன் கோயில்களில் பிரதோஷ விழா ஞாயிற்றுக்கிழமை நடைபெற்றது.
தம்மம்பட்டி ஸ்ரீகாசிவிசாலாட்சி உடனுறை காசிவிஸ்வநாதர் கோயிலில் ஞாயிற்றுக்கிழமை மாலை பிரதோஷவிழா நடைபெற்றது. இதில் பொதுமக்கள் கொண்டுவந்த பால், தயிர், மஞ்சள், குங்குமம், இளநீர், பஞ்சாமிர்தம், சந்தனம், தேன் உள்ளிட்ட 14-க்கும் மேற்பட்ட பொருள்களால் நந்தீஸ்வரருக்கு சிறப்பு அபிஷேகம் நடைபெற்றது.
அதனைத்தொடர்ந்து  அருகம்புல், மலர்களால்  அலங்கரிக்கப்பட்டது. சிறப்பு பூஜைகள் நடைபெற்றன. பக்தர்கள் நந்தீஸ்வரருக்குரிய பாடல்களைப் பாடினர். உற்சவர் கோயிலினுள் வலம் வந்தார்.  பிரதோஷ விழாவில் சுற்றுவட்டார ஊர்களிலிருந்து திரளான பக்தர்கள் பங்கேற்றனர். 
இதேபோல் செந்தாரப்பட்டி ஸ்ரீசெந்தாழைபுரீஸ்வரர் கோயிலிலும்,  கெங்கவல்லி, வீரகனூர் பகுதியில் உள்ள சிவன் கோயில்களிலும் பிரதோஷ விழா விழா சிறப்பாக நடைபெற்றது.

]]>
https://www.dinamani.com/all-editions/edition-dharmapuri/salem/2019/jul/15/சிவன்-கோயில்களில்-பிரதோஷ-விழா-3192799.html
3192795 தருமபுரி சேலம் ஓமலூர் ரயில் நிலையத்தில் இலவச வை-பை வசதி DIN DIN Monday, July 15, 2019 09:36 AM +0530 ஓமலூர்  ரயில் நிலையத்தில்  பயணிகளின் வசதிக்காக இலவச  வை-பை வசதி ஏற்படுத்தப்பட்டுள்ளது. 
சேலம் மாவட்டம்,  ஓமலூர் ரயில் நிலையத்தில்  இலவச இண்டர்நெட் சேவைக்கான  வை-பை கருவி பொருத்தப்பட்டது.  மத்திய ரயில்வே துறை சார்பில்,  பயணிகளின் இணையதள வசதிக்காக முக்கிய நகரங்களில் உள்ள ரயில் நிலையங்களில்  இலவச வை-பை சேவை வழங்கப்பட்டு வருகிறது. சேலம் ரயில்வே கோட்டத்தில் 94 ரயில் நிலையங்கள் உள்ளன. இதில் 75  ரயில் நிலையங்கள் இலவச வை-பை வசதிக்கு தகுதியுள்ளவையாகத் தேர்வு செய்யப்பட்டுள்ளன. இதில், சேலம் ஜங்ஷன் உள்பட13 ரயில் நிலையங்களில்  தற்போது இலவச  வை-பை சேவை வழங்கப்பட்டு வருகிறது. இதனைத் தொடர்ந்து கடந்த பிப்ரவரி மாதம்  38 ரயில் நிலையங்களிலும்,  ஏப்ரல் மாதம் 8 ரயில் நிலையங்களிலும் இலவச வை-பை கருவி பொருத்தப்பட்டது.  இந்த நிலையில் தற்போது ஓமலூர் ரயில் நிலையத்தில்  டிக்கெட் வழங்குமிடம் அருகே இலவச வை-பை கருவி பொருத்தப்பட்டுள்ளது.
 இதுகுறித்து ரயில்வே அதிகாரிகள் கூறுகையில்,  ஆகஸ்ட் 31-ஆம் தேதிக்குள் தேர்வு செய்யப்பட்ட அனைத்து ரயில் நிலையங்களிலும் வை-பை கருவி பொருத்த திட்டமிடப்பட்டு பணிகள் நடந்து வருகின்றன. விரைவில்,   பயணிகளின் வசதிக்கு இந்தச் சேவை கொண்டு வரப்படும் என்றனர்.
 

]]>
https://www.dinamani.com/all-editions/edition-dharmapuri/salem/2019/jul/15/ஓமலூர்-ரயில்-நிலையத்தில்-இலவச-வை-பை-வசதி-3192795.html
3192793 தருமபுரி சேலம் இந்து முன்னணியினர் ஆர்ப்பாட்டம் DIN DIN Monday, July 15, 2019 09:35 AM +0530 கோயில்களில் நுழைவுக் கட்டணத்தை ரத்து செய்ய வேண்டும் என்பது உள்ளிட்ட கோரிக்கைகளை வலியுறுத்தி,   இந்து முன்னணி சார்பில் ஞாயிற்றுக்கிழமை ஆர்ப்பாட்டம் நடத்தப்பட்டது.
சேலத்தில்  ஆட்சியர் அலுவலகம் அருகே நடைபெற்ற ஆர்ப்பாட்டத்துக்கு  இந்து முன்னணி அமைப்பின் கோட்டத் தலைவர் சந்தோஷ்குமார் தலைமை வகித்தார்.  இதில் இந்து கோயில்களில் நுழைவுக் கட்டணத்தை ரத்து செய்ய வேண்டும். இந்து அறநிலையத் துறையைக் கலைத்துவிட்டு,  ஓய்வு பெற்ற நேர்மையான அதிகாரிகளைக் கொண்டு தனி ஆணையம் அமைக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன. ஆர்ப்பாட்டத்தில் கலந்து கொண்டவர்கள் கண்களில் துணிகளைக் கட்டிக் கொண்டு பங்கேற்றனர்.
 

]]>
https://www.dinamani.com/all-editions/edition-dharmapuri/salem/2019/jul/15/இந்து-முன்னணியினர்-ஆர்ப்பாட்டம்-3192793.html
3192255 தருமபுரி சேலம் மேட்டூர் அணை நீர்வரத்து 202 கனஅடியாகச் சரிவு DIN DIN Sunday, July 14, 2019 04:35 AM +0530
காவிரியின் நீர்ப்பிடிப்புப் பகுதியில் மழை இல்லாத காரணத்தால் மேட்டூர் அணைக்கு நீர்வரத்து  தொடர்ந்து சரிந்து வருகிறது.
இந்த நிலையில்,  வெள்ளிக்கிழமை காலை நொடிக்கு 248 கனஅடியாக இருந்த  அணையின் நீர்வரத்து,  சனிக்கிழமை காலை நொடிக்கு  202 கனஅடியாகச் சரிந்தது.  அணையிலிருந்து குடிநீர்த் தேவைக்காக நொடிக்கு 1,000 கன அடி வீதம் தண்ணீர் திறக்கப்பட்டு வருகிறது.  அணைக்கு வரும் நீரின் அளவைவிட  குடிநீருக்குத் திறக்கப்படும் நீரின் அளவு அதிகமாக இருப்பதால்,  வெள்ளிக்கிழமை காலை 41.76 அடியாக இருந்த அணையின் நீர்மட்டம்  சனிக்கிழமை காலை 41.61 அடியாகச் சரிந்தது.  அணையின் நீர் இருப்பு 12.93 டி.எம்.சி.யாக 
இருந்தது.
 

]]>
https://www.dinamani.com/all-editions/edition-dharmapuri/salem/2019/jul/14/மேட்டூர்-அணை-நீர்வரத்து-202-கனஅடியாகச்-சரிவு-3192255.html
3192243 தருமபுரி சேலம் 23 ஆண்டுகளுக்குப் பிறகு மேட்டூர் அனல் மின் நிலையம் ரூ.2.67 கோடி சொத்து வரி செலுத்தியது DIN DIN Sunday, July 14, 2019 04:32 AM +0530
மேட்டூர் அனல் மின்நிலையம் பி.என்.பட்டி பேரூராட்சிக்குச் செலுத்த வேண்டிய சொத்துவரி நிலுவையில் ஒரு பகுதி ரூ.2.67 கோடியை 23 ஆண்டுகளுக்கு பிறகு செலுத்தியுள்ளது.
மேட்டூர் அனல் மின்நிலையம் பி.என்.பட்டி பேரூராட்சிப் பகுதியில் அமைந்துள்ளது. மேட்டூர் அனல் மின்நிலையக் குடியிருப்புகள், அலுவலகக் கட்டடங்கள் மற்றும் தொழிற்சாலைகளுக்கு 1992 - 93-ஆம் ஆண்டுமுதல் 2007 - 08-ஆம் ஆண்டு வரை சொத்து வரி செலுத்தி வந்தது. 
இதேபோல அனல் மின்நிலையங்களில் அமைக்கப்பட்டுள்ள நான்கு குளிர்நிலை மாடங்களுக்கான சொத்துவரி 1993 - 94-ஆம் ஆண்டுமுதல் செலுத்தப்படவில்லை. 2008 - 09-ஆம் ஆண்டு இரண்டாம் அரையாண்டு முதல்  சொத்துவரி சீராய்வு செய்யப்பட்டு அதன் அடிப்படையில் சொத்துவரி நிர்ணயம் செய்து தொகையை செலுத்தக் கோரி மேட்டூர் அனல் மின் நிர்வாகத்திடம் பேரூராட்சி நிர்வாகம் வலியுறுத்தி வந்தது. ஆனால் அனல் மின்நிலைய நிர்வாகம் பல்வேறு சொத்துகளுக்கும் ரூ.5, 92, 57, 89 4 சொத்துவரியை கடந்த 23 ஆண்டுகளாக செலுத்தப்படாமல் நிலுவையில் வைத்திருந்தது.  
தொடர்ந்து  அனல் மின் நிலைய நிர்வாகம் சொத்துவரி செலுத்த முன்வராத காரணத்தால்  சொத்துகளை ஜப்தி செய்வதாக பேரூராட்சி நிர்வாகம் மூலம்  நோட்டீஸ் வழங்கப்பட்டது.  இந்த நிலையில் பேரூராட்சிகளின் இயக்குநர் அறிவுரைப்படி சேலம் மண்டல பேரூராட்சிகளின்  உதவி இயக்குநர் முருகன்,   மாவட்ட பேரூராட்சிகளின் உதவிப் பொறியாளர் செல்வராஜ்,  பி.என்.பட்டி பேரூராட்சி செயல் அலுவலர் கலைராணி,  உதவிப் பொறியாளர் மணிமாறன்  ஆகியோர் மேட்டூர் அனல் மின் நிலைய முதன்மைப் பொறியாளர் கண்காணிப்புப் பொறியாளர் ஆகியோருடன்  மேட்டூர் அனல் மின்நிலைய வளாகத்தில் ஆலோசனைக் கூட்டம் நடத்தி அரசாணை மற்றும் சட்ட விதிகளின் நகல்கள் வழங்கி, நிலுவைத் தொகையினை உடனடியாகச் செலுத்த கோரினர்.
இதன் அடிப்படையில் சனிக்கிழமை மேட்டூர் அனல் மின்நிலைய அலுவலர்கள் சொத்து வரி நிலுவைக்காக முதல் கட்டமாக ரூ.2, 67, 45, 897-க்கான  காசோலையை பேரூராட்சி செயல் அலுவலர் கலைராணியிடம் வழங்கினர்.
 

]]>
https://www.dinamani.com/all-editions/edition-dharmapuri/salem/2019/jul/14/23-ஆண்டுகளுக்குப்-பிறகு-மேட்டூர்-அனல்-மின்-நிலையம்-ரூ267-கோடி-சொத்து-வரி-செலுத்தியது-3192243.html
3192215 தருமபுரி சேலம் பா.ஜ.க.வைக் கண்டித்து காங்கிரஸ் கட்சியினர் ஆர்ப்பாட்டம் DIN DIN Sunday, July 14, 2019 04:27 AM +0530
சேலத்தில் மத்திய பாஜக அரசைக் கண்டித்து காங்கிரஸ் கட்சியினர் சனிக்கிழமை ஆர்ப்பாட்டத்தில் ஈடுபட்டனர். 
கர்நாடகத்தில்  ஆளும் காங்கிரஸ், மதச்சார்பற்ற ஜனதா தளம் கூட்டணி அரசைக் கவிழ்க்க முயற்சிக்கும் பாஜகவைக் கண்டித்து காங்கிரஸ் கட்சியினர் ஆர்ப்பாட்டத்தில் ஈடுபட்டனர். சேலம் தலைமை தபால் நிலையம் முன் நடைபெற்ற இந்த ஆர்ப்பாட்டத்துக்கு கட்சியின் மாவட்டத் தலைவர் ஜெயப்பிரகாஷ் தலைமை வகித்தார். ஆர்ப்பாட்டத்தில் கர்நாடக மாநில பா.ஜ.க.வைக் கண்டித்தும், பிரதமர் மோடி,  தேசியத் தலைவர் அமித்ஷா ஆகியோரைக் கண்டித்தும் முழக்கங்களை எழுப்பினர். 
ஆர்ப்பாட்டத்தில் மாவட்டத் தலைவர் ஜெயப்பிரகாஷ் கூறுகையில், கர்நாடகத்தில் குறுக்கு வழியில் ஆட்சிக்கு வர எடியூரப்பா தலைமையிலான பா.ஜ.க.வினர் முயற்சி செய்கின்றனர். குதிரைப் பேரத்தில் ஈடுபட்டு எம்.எல்.ஏ.க்களை விலைக்கு வாங்குகின்றனர். ஜனநாயகத்தை அழிக்க முயற்சிக்கும் பா.ஜ.க.வை மக்கள் ஒருபோதும் ஏற்க மாட்டார்கள். காங்கிரஸ் கூட்டணி ஆட்சியைக் கவிழ்க்க முயற்சிக்கும் அந்த மாநில பா.ஜ.க. தலைவர்களை கடுமையாகக் கண்டிக்கிறோம் என்றார். ஆர்ப்பாட்டத்தில் பொருளாளர் பாஸ்கர், பொதுக்குழு உறுப்பினர் சுப்பிரமணியன், மகிளா காங்கிரஸ் கட்சியின் மாநிலத் துணைச் செயலர் சாரதாதேவி, மாவட்ட துணைத் தலைவர் பச்சப்பட்டி பழனி ,பொதுக்குழு உறுப்பினர்கள் ஷேக் இமாம், பாண்டியன் மற்றும் நிர்வாகிகள் சாந்தமூர்த்தி,  ஷாநவாஸ், பெரியசாமி உள்ளிட்டோர் கலந்து கொண்டனர்.
ஆத்தூரில்...
ஆத்தூர் பழைய பேருந்து நிலையம் முன்பு சேலம் கிழக்கு மாவட்ட காங்கிரஸ் கமிட்டி சார்பில் கர்நாடகத்தில் காங்கிரஸ் -மதச்சார்பற்ற ஜனதாதள கூட்டணி அரசைக் கவிழ்க்க சதி செய்யும் பா.ஜ.க.வைக் கண்டித்து கிழக்கு மாவட்டத் தலைவர் எஸ்.கே.அர்த்தனாரி தலைமையில் சனிக்கிழமை கண்டன ஆர்ப்பாட்டம் நடைபெற்றது.
ஆர்ப்பாட்டத்தில் மாவட்ட பொருளாளர் ஆர்.ஓசுமணி அனைவரையும் வரவேற்றுப் பேசினார்.
 மேலும், ஆத்தூர் நகரத் தலைவர் எல்.முருகேசன், முன்னாள்மாவட்டத் தலைவர்எஸ்.கே.செல்வராஜ்,  முன்னாள் நகர்மன்றத் தலைவர்கள் சக்ரவர்த்தி, ஸ்ரீராம், துணைத் தலைவர் தர்மராஜ், முன்னாள்நகரத் தலைவர் ஏஆர்எஸ். செந்தில்,  முன்னாள் நகர்மன்ற உறுப்பினர்கள் எஸ்.திருஞானம், அ.அன்புநிதி, மாவட்ட மகளிரணி தலைவி மகாலட்சுமி, நரசிங்கபுரம் நகரத் தலைவர் ஜோதிபாசு, மாவட்ட பொதுச்செயலாளர்கள் ஜி.பாஸ்கர், முகிலரசன், குமார், தொழிற்சங்க நகர நிர்வாகி சேகோ ஏ.ராமன், கோட்டை செந்தில், சம்பத், ராமன், நரசிங்கபுரம் நிர்வாகிகள் ராஜாமணி, ராஜா, கோவிந்தன், மணி, பெருமாள், அய்யனார், மருதமுத்து, அழகேசன், ராஜேந்திரன்,  பொன்னுசாமி உள்ளிட்ட மாவட்ட, வட்டார, நகர நிர்வாகிகள் திரளாக கலந்து
கொண்டனர்.
 

]]>
https://www.dinamani.com/all-editions/edition-dharmapuri/salem/2019/jul/14/பாஜகவைக்-கண்டித்து-காங்கிரஸ்-கட்சியினர்-ஆர்ப்பாட்டம்-3192215.html
3192214 தருமபுரி சேலம் வீரபாண்டி ஒன்றியத்தில் 8 பள்ளிகளுக்குவிலையில்லா மடிக்கணினி: எம்.எல்.ஏ. வழங்கினார் DIN DIN Sunday, July 14, 2019 04:26 AM +0530
வீரபாண்டி ஒன்றியப் பகுதியில் உள்ள 8 பள்ளிகளில் பயிலும் மாணவ, மாணவியருக்கு ரூ.3.28 கோடி மதிப்பில் விலையில்லா மடிக்கணினிகளை சட்டப்பேரவை உறுப்பினர் மனோன்மணி வழங்கினார்.
வீரபாண்டி  வட்டாரத்திலுள்ள ஆட்டையாம்பட்டி  அரசு எம்.என்.எஸ். மகளிர் மேல்நிலைப் பள்ளி, ஆட்டையாம்பட்டி  அரசு மகளிர் மேல்நிலைப் பள்ளி,  இளம்பிள்ளை பெண்கள் மற்றும் ஆண்கள் பள்ளி,  வேம்படிதாளம்,
 வீரபாண்டி,  முருங்கப்பட்டி மற்றும் வீரபாண்டி மாதிரிப் பள்ளி உள்ளிட்ட 8 பள்ளிகளில் பிளஸ் 1 மற்றும் பிளஸ் 2  பயிலும் மாணவ- மாணவிகளுக்கு விலையில்லா  மடிக்கணினி வழங்கும் விழா,  ஆட்டையாம்பட்டி அரசு பெண்கள் பள்ளியில் சனிக்கிழமை நடைபெற்றது. நிகழ்ச்சியில் பள்ளித் தலைமை ஆசிரியர் யோகேஸ்வரி  வரவேற்றார். அட்மா குழுத் தலைவர்  வருதராஜ்  முன்னிலை  வகித்தனர்.
வீரபாண்டி தொகுதி சட்டப்பேரவை உறுப்பினர் மனோன்மணி  தலைமை வகித்து, வீரபாண்டி வட்டாரத்திலுள்ள 8 பள்ளிகளில் பயிலும்  மாணவ- மாணவிகளுக்கு சுமார் ரூ.3.28 கோடி மதிப்பிலான 2,670  விலையில்லா மடிக்கணினிகளை வழங்கினார். அப்போது அவர் பேசுகையில்,  மறைந்த முன்னாள் முதல்வர் ஜெயலலிதாவின் ஆணைப்படி அரசுப் பள்ளியில் பயிலும் குழந்தைகளின் படிப்பிற்கு தேவையான அனைத்து பொருள்களும் வழங்கப்பட்டு வருகின்றன.  இதேபோல  கருவுற்ற தாய்மார்களுக்கு  அனைத்து பொருள்களும் வழங்கப்படுகின்றன என்றார்.
நிகழ்ச்சியில் மாவட்டக் கல்வி அலுவலர்  ராமசாமி சிறப்பு விருந்தினராக கலந்துகொண்டார்.  மேலும் 8 பள்ளிகளைச் சேர்ந்த தலைமை ஆசிரியர்கள்,  பெற்றோர் - ஆசிரியர் சங்கத் தலைவர்கள், பள்ளி மாணவ - மாணவியர் மற்றும் பலர் கலந்து கொண்டனர். 
முடிவில் இளம்பிள்ளை அரசு பெண்கள் மேல்நிலைப் பள்ளி  தலைமை ஆசிரியர்  குழந்தைவேல் நன்றி கூறினார். 

]]>
https://www.dinamani.com/all-editions/edition-dharmapuri/salem/2019/jul/14/வீரபாண்டி-ஒன்றியத்தில்-8-பள்ளிகளுக்குவிலையில்லா-மடிக்கணினி-எம்எல்ஏ-வழங்கினார்-3192214.html
3192213 தருமபுரி சேலம் சேலம் தெற்கு தொகுதியில்குளிர்பதனக் கிடங்கு அமைக்க எம்.எல்.ஏ. சக்திவேல் வலியுறுத்தல் DIN DIN Sunday, July 14, 2019 04:26 AM +0530 சேலம் தெற்கு தொகுதியில் காய்கறிகள், பூக்கள் பதப்படுத்தும் குளிர்பதனக் கிடங்கு அமைக்க வேண்டும் என சட்டப்பேரவை உறுப்பினர் ஏ.பி.சக்திவேல் வலியுறுத்தினார்.
தமிழக  சட்டப்பேரவைக் கூட்டத்தொடரில் சேலம் தெற்கு தொகுதி சட்டப்பேரவை உறுப்பினர் ஏ.பி.சக்திவேல் பேசியது:
சேலம் தெற்குத் தொகுதி நகரப் பகுதியில் இருந்தாலும் கிராமங்களை ஒட்டியப் பகுதியாகும். இந்தத் தொகுதியைச் சுற்றி அயோத்தியாப்பட்டணம்,  பனமரத்துப்பட்டி, மாமாங்கம், கே.ஆர்.தோப்பூர் ஆகிய பகுதியில் உள்ள விவசாயிகள், காய்கறிகளையும், பழங்களையும் விற்பதற்கு சேலம் வ.உ.சி.மார்க்கெட், தாதகாப்பட்டி, காமராஜர் காலனி ஆகிய பகுதிகளில்  உள்ள மார்க்கெட்டுகளுக்கு கொண்டு வருகின்றனர். இதைக் கருத்தில் கொண்டு விவசாயிகள் கொண்டு வரும் காய்கறிகள் விற்பனை செய்தது போக மீதம் உள்ள காய்கறிகள் பழங்கள் பூக்களைப் பாதுகாத்து வைத்து மறுநாள் விற்பதற்கு வசதியாக குளிர்பதனக் கிடங்கு ஒன்றை சேலம் தெற்கு தொகுதியில் உள்ள கிச்சிப்பாளையம் அல்லது மணியனூர் பகுதியில் அமைத்துத் தந்தால் விவசாயிகளின் வாழ்வாதாரம் உயரும் என்றார்.
இதற்கு வேளாண்மைத் துறை அமைச்சர் பதில் அளித்து பேசியது: 
சேலத்தில் சூரமங்கலம், அம்மாப்பேட்டை, ஆத்தூர், தாதகாப்பட்டி, அஸ்தம்பட்டி ஆகிய உழவர் சந்தைகளில் தலா 2 மெட்ரிக் டன் அளவு கொள்ளளவு கொண்ட குளிர்பதனக் கிடங்குகளை விவசாயிகள் பயன்படுத்தி வருகின்றனர். 
சேலம் மாவட்டம் ஒரே சமயத்தில் 280 மெட்ரிக் டன் காய்கறிகள் மலர்கள் குளிர்பதனக் கிடங்குகளில் இருப்பு வைக்க வசதி உள்ளது.சேலம் அம்மாப்பேட்டை குளிர்பதனக் கிடங்கும் அடங்கும். அதேபோல கிச்சிப்பாளையம், மணியனூரில் தேவை ஏற்படின் முதல்வர் கவனத்துக்குக் கொண்டு சென்று நடவடிக்கை எடுக்கப்படும் என்றார்.
 

]]>
https://www.dinamani.com/all-editions/edition-dharmapuri/salem/2019/jul/14/சேலம்-தெற்கு-தொகுதியில்குளிர்பதனக்-கிடங்கு-அமைக்க-எம்எல்ஏ-சக்திவேல்-வலியுறுத்தல்-3192213.html
3192212 தருமபுரி சேலம் மேட்டூர் அணை நீர்வரத்து 202 கனஅடியாகச் சரிவு DIN DIN Sunday, July 14, 2019 04:26 AM +0530
காவிரியின் நீர்ப்பிடிப்புப் பகுதியில் மழை இல்லாத காரணத்தால் மேட்டூர் அணைக்கு நீர்வரத்து  தொடர்ந்து சரிந்து வருகிறது.
இந்த நிலையில்,  வெள்ளிக்கிழமை காலை நொடிக்கு 248 கனஅடியாக இருந்த  அணையின் நீர்வரத்து,  சனிக்கிழமை காலை நொடிக்கு  202 கனஅடியாகச் சரிந்தது.  அணையிலிருந்து குடிநீர்த் தேவைக்காக நொடிக்கு 1,000 கன அடி வீதம் தண்ணீர் திறக்கப்பட்டு வருகிறது.  அணைக்கு வரும் நீரின் அளவைவிட  குடிநீருக்குத் திறக்கப்படும் நீரின் அளவு அதிகமாக இருப்பதால்,  வெள்ளிக்கிழமை காலை 41.76 அடியாக இருந்த அணையின் நீர்மட்டம்  சனிக்கிழமை காலை 41.61 அடியாகச் சரிந்தது.  அணையின் நீர் இருப்பு 12.93 டி.எம்.சி.யாக  இருந்தது.
 

]]>
https://www.dinamani.com/all-editions/edition-dharmapuri/salem/2019/jul/14/மேட்டூர்-அணை-நீர்வரத்து-202-கனஅடியாகச்-சரிவு-3192212.html
3192211 தருமபுரி சேலம் 23 ஆண்டுகளுக்குப் பிறகு மேட்டூர் அனல் மின் நிலையம் ரூ.2.67 கோடி சொத்து வரி செலுத்தியது DIN DIN Sunday, July 14, 2019 04:26 AM +0530
மேட்டூர் அனல் மின்நிலையம் பி.என்.பட்டி பேரூராட்சிக்குச் செலுத்த வேண்டிய சொத்துவரி நிலுவையில் ஒரு பகுதி ரூ.2.67 கோடியை 23 ஆண்டுகளுக்கு பிறகு செலுத்தியுள்ளது.
மேட்டூர் அனல் மின்நிலையம் பி.என்.பட்டி பேரூராட்சிப் பகுதியில் அமைந்துள்ளது. மேட்டூர் அனல் மின்நிலையக் குடியிருப்புகள், அலுவலகக் கட்டடங்கள் மற்றும் தொழிற்சாலைகளுக்கு 1992 - 93-ஆம் ஆண்டுமுதல் 2007 - 08-ஆம் ஆண்டு வரை சொத்து வரி செலுத்தி வந்தது. இதேபோல அனல் மின்நிலையங்களில் அமைக்கப்பட்டுள்ள நான்கு குளிர்நிலை மாடங்களுக்கான சொத்துவரி 1993 - 94-ஆம் ஆண்டுமுதல் செலுத்தப்படவில்லை. 2008 - 09-ஆம் ஆண்டு இரண்டாம் அரையாண்டு முதல்  சொத்துவரி சீராய்வு செய்யப்பட்டு அதன் அடிப்படையில் சொத்துவரி நிர்ணயம் செய்து தொகையை செலுத்தக் கோரி மேட்டூர் அனல் மின் நிர்வாகத்திடம் பேரூராட்சி நிர்வாகம் வலியுறுத்தி வந்தது. ஆனால் அனல் மின்நிலைய நிர்வாகம் பல்வேறு சொத்துகளுக்கும் ரூ.5, 92, 57, 89 4 சொத்துவரியை கடந்த 23 ஆண்டுகளாக செலுத்தப்படாமல் நிலுவையில் வைத்திருந்தது.  
தொடர்ந்து  அனல் மின் நிலைய நிர்வாகம் சொத்துவரி செலுத்த முன்வராத காரணத்தால்  சொத்துகளை ஜப்தி செய்வதாக பேரூராட்சி நிர்வாகம் மூலம்  நோட்டீஸ் வழங்கப்பட்டது.  இந்த நிலையில் பேரூராட்சிகளின் இயக்குநர் அறிவுரைப்படி சேலம் மண்டல பேரூராட்சிகளின்  உதவி இயக்குநர் முருகன்,   மாவட்ட பேரூராட்சிகளின் உதவிப் பொறியாளர் செல்வராஜ்,  பி.என்.பட்டி பேரூராட்சி செயல் அலுவலர் கலைராணி,  உதவிப் பொறியாளர் மணிமாறன்  ஆகியோர் மேட்டூர் அனல் மின் நிலைய முதன்மைப் பொறியாளர் கண்காணிப்புப் பொறியாளர் ஆகியோருடன்  மேட்டூர் அனல் மின்நிலைய வளாகத்தில் ஆலோசனைக் கூட்டம் நடத்தி அரசாணை மற்றும் சட்ட விதிகளின் நகல்கள் வழங்கி, நிலுவைத் தொகையினை உடனடியாகச் செலுத்த கோரினர்.
இதன் அடிப்படையில் சனிக்கிழமை மேட்டூர் அனல் மின்நிலைய அலுவலர்கள் சொத்து வரி நிலுவைக்காக முதல் கட்டமாக ரூ.2, 67, 45, 897-க்கான  காசோலையை பேரூராட்சி செயல் அலுவலர் கலைராணியிடம் வழங்கினர்.
 

]]>
https://www.dinamani.com/all-editions/edition-dharmapuri/salem/2019/jul/14/23-ஆண்டுகளுக்குப்-பிறகு-மேட்டூர்-அனல்-மின்-நிலையம்-ரூ267-கோடி-சொத்து-வரி-செலுத்தியது-3192211.html
3192210 தருமபுரி சேலம் மக்கள் நீதிமன்றத்தில் 1,832 வழக்குகளில் ரூ.16 கோடிக்கு சமரச தீர்வு DIN DIN Sunday, July 14, 2019 04:26 AM +0530
சேலத்தில் நடைபெற்ற மக்கள் நீதிமன்றத்தில் 1,832 வழக்குகளில் ரூ.16 கோடிக்கு சமரச தீர்வு காணப்பட்டது.
சேலம்  மாவட்ட சட்டப் பணிகள் ஆணைக் குழு சார்பில் தேசிய மக்கள் நீதிமன்றம் சேலம் நீதிமன்றத்தில் சனிக்கிழமை நடைபெற்றது. மாவட்ட முதன்மை நீதிபதி குமரகுரு மக்கள் நீதிமன்றத்தை தொடங்கி வைத்தார். இதில் மாவட்ட சட்டப் பணிகள் ஆணைக்குழு செயலாளரும், சார்பு நீதிபதியுமான சக்திவேல், மக்கள் நீதிமன்ற நிரந்தர நீதிபதி குணவதி,  முதலாவது மாவட்ட கூடுதல் நீதிபதி ஆபிரகாம்லிங்கன் ஆகியோர்  பங்கேற்றனர். தேசிய மக்கள் நீதிமன்றத்தில் மாவட்டம் முழுவதும் 13,889 வழக்குகள் எடுத்துக் கொள்ளப்பட்டன. இதில் 1,832 வழக்குகளில் ரூ.16 கோடிக்கு சமரச தீர்வு காணப்பட்டது.
 

]]>
https://www.dinamani.com/all-editions/edition-dharmapuri/salem/2019/jul/14/மக்கள்-நீதிமன்றத்தில்-1832-வழக்குகளில்-ரூ16-கோடிக்கு-சமரச-தீர்வு-3192210.html