Dinamani - தருமபுரி - https://www.dinamani.com/all-editions/edition-dharmapuri/dharmapuri/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3220275 தருமபுரி தருமபுரி கேரளத்தில் கொலை செய்துவிட்டு ரயிலில் தப்பி வந்த இருவர் சிக்கினர் DIN DIN Saturday, August 24, 2019 09:47 AM +0530 கேரளத்தில்  கொலை செய்துவிட்டு ரயிலில் தப்பி வந்த  இருவரை,  சேலம் ரயில்வே போலீஸார் கைது செய்து கேரள போலீஸாரிடம்  ஒப்படைத்தனர்.
கேரள மாநிலம் காயங்குளம் பகுதியைச் சேர்ந்த சமீர்கான் (25) என்பவர்  கடந்த வாரம் கொலை செய்யப்பட்டார். இந்த வழக்கை விசாரித்த காயங்குளம் போலீஸார் ஷியாத் என்பவரை கைது செய்தனர். இதனிடையே  கொலையில் தொடர்புடைய அஜ்மல் (20) மற்றும் ஷாகில் (21) ஆகியோர் தப்பிச்ஹ சென்று விட்டனர். இவர்களது செல்லிடப்பேசியை வைத்து இருவரையும் கேரள போலீஸார் கண்காணித்தனர். அப்போது,  இருவரும் பெங்களூரில் இருந்து சேலம் வழியாக கன்னியாகுமரி செல்லும்  ரயிலில் பயணிப்பது தெரியவந்தது. உடனே கேரள காவல் துறையினர் பாலக்காடு, கோவை, ஈரோடு, சேலம் போலீஸாருக்கு கொலையாளிகள் ரயிலில் தப்பி வருவது பற்றி தகவல் தெரிவித்தனர்.இதையடுத்து, சேலம் ரயில் நிலையத்தில் காவலர்கள் வியாழக்கிழமை இரவு ரயில்களை கண்காணித்தனர். அப்போது பெங்களூரில் இருந்து சேலம் வழியாக கன்னியாகுமரி செல்லும் ரயில் வந்தது. உடனே அந்த ரயிலில் போலீஸார் ஏறிச் சோதனையிட்டனர். இதில் பின்பெட்டியில் அமர்ந்திருந்த அஜ்மல் மற்றும் ஷாகில் ஆகியோரை இருவரையும் சேலம் ரயில்வே போலீஸார் கைது செய்தனர்.இதையடுத்து கொலையாளிகள் இருவரும்  சிக்கியது குறித்து காயங்குளம் போலீஸாருக்குத் தகவல் தெரிவித்தனர். இதையடுத்து வெள்ளிக்கிழமை அதிகாலை காயங்குளம் போலீஸார் சேலம் வந்து  அஜ்மல் மற்றும் ஷாகிலை அழைத்துச்சென்றனர். 

]]>
https://www.dinamani.com/all-editions/edition-dharmapuri/dharmapuri/2019/aug/24/கேரளத்தில்-கொலை-செய்துவிட்டு-ரயிலில்-தப்பி-வந்த-இருவர்-சிக்கினர்-3220275.html
3220274 தருமபுரி தருமபுரி காங்கிரஸார் ஆர்ப்பாட்டம் DIN DIN Saturday, August 24, 2019 09:47 AM +0530 தருமபுரியில் காங்கிரஸ் கட்சியினர் வெள்ளிக்கிழமை ஆர்ப்பாட்டத்தில் ஈடுபட்டனர்.
தருமபுரி மாவட்ட காங்கிரஸ் கட்சி அலுவலகம் அருகில் நடைபெற்ற ஆர்ப்பாட்டத்துக்கு, மாவட்டத் தலைவர் கோவி.சிற்றரசு தலைமை வகித்து பேசினார். முன்னாள் எம்.பி. தீர்த்தராமன், நகரச் செயலர் செந்தில்குமார் உள்ளிட்டோர் பங்கேற்றனர். இதில், காங்கிரஸ் மூத்த தலைவர் ப.சிதம்பரம் கைது நடவடிக்கையைக் கண்டித்தும், பழிவாங்கும் நடவடிக்கையை மத்திய அரசு கைவிட வேண்டும் என்பன உள்ளிட்ட கோரிக்கைகளை வலியுறுத்தியும் முழக்கங்கள் எழுப்பப்பட்டன.
முன்னதாக, காங்கிரஸ் கட்சி நிர்வாகிகள் ஆலோசனைக் கூட்டம் நடைபெற்றது. இதில், ப.சிதம்பரத்தை விடுதலை செய்ய வேண்டும். ஆர்ப்பாட்டம் உள்ளிட்ட ஜனநாயக ரீதியிலான நடவடிக்கைக்கு அனுமதி மறுக்கும் தருமபுரி நகர காவல் நிலையத்தின் செயலுக்கு கண்டனம் தெரிவிப்பது உள்ளிட்ட தீர்மானங்கள் நிறைவேற்றப்பட்டன.

]]>
https://www.dinamani.com/all-editions/edition-dharmapuri/dharmapuri/2019/aug/24/காங்கிரஸார்-ஆர்ப்பாட்டம்-3220274.html
3220272 தருமபுரி தருமபுரி முதல்வர் குறைகேட்பு முகாம்களில் வழங்கும் மனுக்கள் மீது விரைவில் தீர்வு DIN DIN Saturday, August 24, 2019 09:46 AM +0530 தமிழக முதல்வரின் சிறப்பு குறைகேட்பு முகாம்களில் வழங்கும் மனுக்கள் மீது விரைவில் தீர்வு காணப்படும் என்றார் தருமபுரி மாவட்ட ஆட்சியர் சு.மலர்விழி.
தருமபுரி அருகே வெள்ளோலை, அரூர் வட்டம், தாசிரஅள்ளி, எலவடை ஆகிய கிராமங்களில் முதல்வரின் சிறப்பு குறைகேட்பு திட்டத்தின் கீழ் வெள்ளிக்கிழமை முகாம்கள் நடைபெற்றன.
இந்த முகாம்களில் பொதுமக்களின் கோரிக்கை மனுக்களை பெற்றுக்கொண்ட ஆட்சியர் சு.மலர்விழி பேசியது: விவசாயிகள், ஓய்வூதியதாரர்கள் மற்றும் மாற்றுத் திறனாளிகளுக்கான குறைகளை தீர்வு காண்பதற்கு சிறப்பு குறைதீர்க்கும் முகாம்கள் நடத்தப்பட்டு வருகின்றன. இத்தகைய முயற்சிகளுக்கு வலுசேர்க்கும் வகையில் முதல்வரின் சிறப்பு குறைகேட்பு திட்டம் செயல்படுத்தப்பட்டுள்ளது.
இதில், நகர்புறங்களில் அனைத்து வார்டுகளிலும், கிராமங்களிலும் சம்பந்தப்பட்ட கிராம நிர்வாக அலுவலகங்களில் குறிப்பிட்ட நாள்களில் வருவாய்த் துறை, ஊரக வளர்ச்சித் துறை, நகர்ப்புற வளர்ச்சித் துறை, வேளாண் மற்றும் பிற துறை அலுவலர்களைக் கொண்ட குழு ஆகஸ்ட் மாத இறுதிக்குள் சென்று பொதுமக்களிடம் மனுக்களை பெறுவர். இம்மனுக்கள் அனைத்தும் கணினியில் பதியப்பட்டு சம்பந்தப்பட்ட துறைக்கு ஒருவார காலத்துக்குள் அனுப்பி வைக்கப்படும். அம்மனுக்கள் மீது விரைவில் உரிய தீர்வு எட்டப்படும். பொதுமக்கள் முகாம்களில் வழங்கும் மனுக்கள் மீது சம்பந்தப்பட்ட அலுவலர்கள் உரிய நடவடிக்கை எடுக்க வேண்டும் என்றார்.
இதேபோல, நல்லம்பள்ளி வட்டம், வெங்கட்டம்பட்டி, மிட்டாரெட்டி அள்ளி உள்பட மாவட்டத்தில் பல்வேறு கிராமங்களில் இந்த முகாம்கள் நடைபெற்றன. இதில் மாவட்ட ஆதிதிராவிடர் நல அலுவலர் கோவிந்தன், வட்டாட்சியர்கள் சுகுமார், செல்வகுமார், தமிழ்செல்வி ஆகியோர் கலந்துகொண்டனர்.
ஊத்தங்கரையில்...
ஊத்தங்கரையில் நடைபெற்ற மக்கள் குறைதீர்க்கும் திட்ட முகாமுக்கு  ஊத்தங்கரை சட்டப்பேரவைத் தொகுதி உறுப்பினர் மனோரஞ்சிதம் நாகராஜ் தலைமை வகித்தார். மாவட்ட ஆதிதிராவிடர் நலத்துறை அலுவலர் சேதுராமன், ஊத்தங்கரை வட்டாட்சியர் சித்ரா, ஊத்தங்கரை வட்டார வளர்ச்சி அலுவலர் அன்னபூரணி, மாவட்ட அண்ணா தொழிற்சங்கத் தலைவர் நாகராஜ், மோட்டுப்பட்டி கூட்டுறவு சங்கத் தலைவர் ஏ.சி.தேவேந்திரன், நிலவள வங்கித் தலைவர் சாகுல் ஹமீது, நகரச் செயலர் சிவானந்தம் ஆகியோர் முன்னிலை வகித்தனர். 
அரூரில்... 
சிறப்பு குறைதீர் முகாம் எச்.தொட்டம்பட்டி, வேப்பநத்தம், சாமண்டஹள்ளி, ஆர்.கோபிநாதம்பட்டி, பெரியப்பட்டி, கீழானூர் ஆகிய ஊராட்சிகளில் சனிக்கிழமை நடைபெறுகிறது. ஆக. 25-ஆம் தேதி அச்சல்வாடி, கே.வேட்ரப்பட்டி, எம்.வேட்ரப்பட்டி, சந்தப்பட்டி, ஆண்டியூர், செல்லம்பட்டியிலும், ஆக. 26-ஆம் தேதி கீரைப்பட்டி, கொங்கவேம்பு, நவலை, மருதிப்பட்டி, வேடகட்டமடுவு, வீரப்பநாய்க்கன்பட்டியிலும், ஆக. 27-இல் தாதராவலசை, மாம்பட்டி, போளையம்பள்ளி, எம்.வெளாம்பட்டி, பையர்நாய்க்கன்பட்டி, வேப்பம்பட்டியிலும், ஆக. 28-இல் எல்லப்புடையாம்பட்டி, சந்திராபுரம், செட்ரப்பட்டி, கீழ்மொரப்பூர், கோட்டப்பட்டி, ஈட்டியம்பட்டியிலும், ஆக. 29-இல் மோப்பிரிப்பட்டி, மத்தியம்பட்டி, பறையப்பட்டி, சிட்லிங், நரிப்பள்ளியிலும், ஆக. 30-இல் அக்ராஹரம், தொப்பம்பட்டி ஆகிய கிராம ஊராட்சி
களிலும் நடைபெறுகிறது.

]]>
https://www.dinamani.com/all-editions/edition-dharmapuri/dharmapuri/2019/aug/24/முதல்வர்-குறைகேட்பு-முகாம்களில்-வழங்கும்-மனுக்கள்-மீது-விரைவில்-தீர்வு-3220272.html
3220271 தருமபுரி தருமபுரி விளையாட்டுப் போட்டி: செந்தில் மெட்ரிக். பள்ளி சிறப்பிடம் DIN DIN Saturday, August 24, 2019 09:46 AM +0530 தருமபுரி சரக அளவிலான விளையாட்டுப் போட்டியில், தருமபுரி செந்தில் மெட்ரிக் மேல்நிலைப் பள்ளி மாணவ, மாணவியர் சிறப்பிடம் பெற்றனர்.
அதியமான்கோட்டை செந்தில் மெட்ரிக் மேல்நிலைப் பள்ளியில் தருமபுரி சரக அளவிலான எரிபந்துப் போட்டி அண்மையில் நடைபெற்றது. இப் போட்டியில் 14 வயதுக்குள்பட்ட பிரிவில், தருமபுரி சரக அரசு மற்றும் தனியார் பள்ளிகளைச் சேர்ந்த பல்வேறு அணிகள் கலந்துகொண்டு விளையாடின. இதில் செந்தில் மெட்ரிக் மேல்நிலைப் பள்ளி மாணவ, மாணவியர் 14 வயதுக்குள்பட்ட இரு பிரிவிலும் முதலிடம் பெற்றனர்.
அதேபோல, வியாழக்கிழமை சரக அளவிலான மேஜைப் பந்து போட்டி, நார்த்தம்பட்டி அரசு நடுநிலைப் பள்ளியில் நடைபெற்றது. இப் போட்டியில் செந்தில் மெட்ரிக் மேல்நிலைப் பள்ளி மாணவ, மாணவியர் முறையே 14 வயதுக்குள்பட்ட மாணவியர் ஒற்றையர் மற்றும் இரட்டையர் பிரிவில் டி.ஆர்.சுவேதா, இரட்டையர் பிரிவில் டி.வைஷ்ணவி, 17 வயதுக்குள்பட்ட மாணவியர் ஒற்றையர் மற்றும் இரட்டையர் பிரிவில் ஆர்.நிஷா மற்றும் இரட்டையர் பிரிவில் எம்.பிரார்த்தனா மற்றும் 14 வயதுக்குள்பட்ட மாணவர்கள் ஒற்றையர் மற்றும் இரட்டையர் பிரிவில் ஆர்.நிசாந்த்குமார், இரட்டையர் பிரிவில் எஸ்.அஸ்வதர்சன் ஆகியோர் முதலிடம் பெற்றனர். 17 வயதுக்குள்பட்ட மாணவர்கள் இரட்டையர் பிரிவில் எம்.குருபிரசாந்த், ஆர்.சுதர்சன்  இரண்டாம் இடம் பெற்றனர். 
இந்த மாணவ, மாணவியரை, செந்தில் கல்வி நிறுவனங்களின் தலைவர் செந்தில் சி.கந்தசாமி, துணைத் தலைவர்  மு.மணிமேகலை, நிர்வாக அலுவலர் சி.சக்திவேல், ஆசிரியர்கள் மற்றும் உடற்கல்வித் துறை ஆசிரியர்கள் பாராட்டி வாழ்த்து தெரிவித்தனர் .

]]>
https://www.dinamani.com/all-editions/edition-dharmapuri/dharmapuri/2019/aug/24/விளையாட்டுப்-போட்டி-செந்தில்-மெட்ரிக்-பள்ளி-சிறப்பிடம்-3220271.html
3220270 தருமபுரி தருமபுரி தேன்கனிக்கோட்டையில் மரக் கன்றுகள் நடும் பணி தொடக்கி வைப்பு DIN DIN Saturday, August 24, 2019 09:45 AM +0530 தேன்கனிக்கோட்டை நெடுஞ்சாலை இருபுறங்களிலும் ஆயிரம் மரக் கன்றுகள் நடும் பணியை மாவட்ட ஆட்சியர் தொடக்கி வைத்தார். 
மகரிஷி மெட்ரிக் மேல்நிலைப் பள்ளி வளாகத்தில், நீர் மேலாண்மை இயக்கத்தின் கீழ் அமைக்கப்பட்டுள்ள மழை நீர் சேகரிப்பு கட்டமைப்புகளான மழைநீர் சேமிப்புக் குழி, வறண்ட ஆழ்துளைக் கிணறு பகுதியில் நீர் சேகரிப்பு அமைப்பு, 10 இடங்களில் அமைக்கப்பட்டுள்ள மழைநீர் சேமிப்புக் குழி, 5 இடங்களில் 47 ஆயிரம் லிட்டர் கொள்ளளவு கொண்ட மழைநீர் சேமிப்பு பெரிய தொட்டிகள் அமைக்கப்பட்டுள்ளதை மாவட்ட ஆட்சியர்
பார்வையிட்டார்.
மேலும், பள்ளிக் கட்டடங்களின் மேற்கூரையிலிருந்து வரக்கூடிய மழை நீரை ஆங்காங்கே குழாய் மூலமாக மழை நீர் சேகரிப்பு தொட்டிகளுக்கு நீர் செல்லும் அமைப்புகளையும், பள்ளிக் குழந்தைகள் நாள்தோறும் பயன்படுத்தும் நீரை தனியாக தொட்டி அமைத்து மறுசுழற்சி செய்து மீண்டும் பயன்பாட்டுக்கு உதவும் நீரையும், வளாகத்தில் அமைக்கப்பட்டுள்ள பல்வேறு வகையான நீர் சேமிப்பு கட்டமைப்புகளையும் பார்வையிட்டு மரக் கன்றுகளை நட்டு வைத்தார்.
முன்னதாக, நீர் மேலாண்மை திட்டத்தின் கீழ் மத்திகிரி கால்நடை பண்ணை அருகே தேன்கனிக்கோட்டை நெடுஞ்சாலை பகுதியில் இயற்கை ஆர்வலர்கள் மற்றும் தனியார் நிறுவனம் பங்களிப்புடன் சுமார் ஆயிரம் நாட்டு வகை மரக் கன்றுகள் நடவு செய்யும் பணியை ஆட்சியர் தொடக்கி வைத்தார். இந்நிகழ்ச்சியில் வட்டாட்சியர் செந்தில், செய்தி மக்கள் தொடர்பு அலுவலர் மு.சேகர், நெடுஞ்சாலைத் துறை அலுவலர்கள் நந்தகுமார், இயற்கை ஆர்வலர்கள் தாமஸ், லட்சுமணன் மற்றும்
பள்ளி மாணவர்கள்
கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/24/தேன்கனிக்கோட்டையில்-மரக்-கன்றுகள்-நடும்-பணி-தொடக்கி-வைப்பு-3220270.html
3220269 தருமபுரி தருமபுரி கிருஷ்ண ஜயந்தி விழாக் கொண்டாட்டம் DIN DIN Saturday, August 24, 2019 09:45 AM +0530 தருமபுரியில் கிருஷ்ணர் கோயில்களில் கிருஷ்ண ஜயந்தி விழா சிறப்பு வழிபாடு
வெள்ளிக்கிழமை நடைபெற்றது.
அதகப்பாடி ராதேகிருஷ்ணா பிருந்தாவனத்தில் உள்ள திருக்கோயிலில், அதிகாலை அபிஷேகம் மற்றும் சிறப்பு பூஜைகள் நடைபெற்றன. இதையடுத்து, சிறப்பு அலங்காரத்தில் ராதேகிருஷ்ணர் பக்தர்களுக்கு அருள்பாலித்தார். இதில், பெண் பக்தர்கள் கோலாட்டம், பக்தி கீர்த்தனைகள் பாடும் நிகழ்ச்சி நடைபெற்றது. தருமபுரி, இண்டூர் உள்ளிட்ட பல்வேறு பகுதிகளிலிருந்து வந்த பக்தர்கள் நீண்ட வரிசையில் நின்று கிருஷ்ணரை வழிபட்டனர்.
இதேபோல, தருமபுரி அருகே ஒட்டப்பட்டியில் உள்ள இஸ்கான் (அகில உலக கிருஷ்ணர் பக்தி இயக்கம்) மற்றும் பல்வேறு வைணவத் திருக்கோயில்களிலும் கிருஷ்ணர் ஜயந்தி சிறப்பு வழிபாடு நடைபெற்றது. இதில், அந்தந்தப் பகுதியைச் சேர்ந்த பக்தர்கள் பங்கேற்று வழிபட்டனர்.
இதேபோல, தொப்பூர் அருகேயுள்ள உம்மியம்பட்டி அரசு நடுநிலைப் பள்ளியில் கிருஷ்ண ஜயந்தி விழா பள்ளித் தலைமை ஆசிரியர் நரசிம்மன் தலைமையில் நடைபெற்றது. இதில், பள்ளி மாணவ, மாணவியர் கிருஷ்ணர், ராதை, பலராமர் உள்ளிட்ட வேடமணிந்து நடனமாடினர். இந்த மாணவ, மாணவியருக்கு பரிசு மற்றும் சான்றிதழ்கள் வழங்கப்பட்டன.
அரூரில்...
அகில உலக கிருஷ்ண பக்தி இயக்கம் சார்பில், ஸ்ரீ கிருஷ்ணருக்கு துளசி பூஜை, ஆரத்தி, அபிஷேகம், ஆன்மிக சொற்பொழிவு உள்ளிட்ட நிகழ்ச்சிகள் நடைபெற்றன. இதில், பங்கேற்ற பக்தர்களுக்கு பிரசாதம் அளிக்கப்பட்டது. 
இதேபோல், அரூர் நகரில் பொதுமக்கள் தங்களின் வீடுகளில் கிருஷ்ண பகவானின் பாதம் வரைந்து கோலமிட்டு, கிருஷ்ணருக்கு பிடித்த பால், தயிர், வெண்ணெய், முறுக்கு, லட்டு, சீடை உள்ளிட்ட பலகாரங்களை படையிலிட்டு, புத்தாடை உடுத்தி கிருஷ்ண ஜயந்தியை கொண்டாடினர்.
ஊத்தங்கரையில்...
ஊத்தங்கரையை அடுத்த பம்பாறு அணை பகுதியில் எழுந்தருளியுள்ள பிரசித்தி பெற்ற ராதா ருக்மணி சமேத ஸ்ரீ வாசுதேவ கண்ணன் திருக்கோயிலில் நடைபெற்ற நிகழ்ச்சிக்கு டாக்டர் ராதாகிருஷ்ணன் விருது பெற்ற நல்லாசிரியர் மதுரை மஞ்சள் மழை அருள்ஞானகுரு புலவர் இ.பூவலிங்கனார் தலைமை வகித்தார். 
இதில், இறைவன் புகழ் பாடுவோம் என்ற தலைப்பில் ஆன்மிக சொற்பொழிவு நடைபெற்றது. தொடர்ந்து, பாடகர் குப்புசாமி தலைமையில் இன்னிசைக் கச்சேரி
நடைபெற்றது.

]]>
https://www.dinamani.com/all-editions/edition-dharmapuri/dharmapuri/2019/aug/24/கிருஷ்ண-ஜயந்தி-விழாக்-கொண்டாட்டம்-3220269.html
3220205 தருமபுரி தருமபுரி காங்கிரஸார் ஆர்ப்பாட்டம் DIN DIN Saturday, August 24, 2019 09:14 AM +0530 தருமபுரியில் காங்கிரஸ் கட்சியினர் வெள்ளிக்கிழமை ஆர்ப்பாட்டத்தில் ஈடுபட்டனர்.
தருமபுரி மாவட்ட காங்கிரஸ் கட்சி அலுவலகம் அருகில் நடைபெற்ற ஆர்ப்பாட்டத்துக்கு, மாவட்டத் தலைவர் கோவி.சிற்றரசு தலைமை வகித்து பேசினார். முன்னாள் எம்.பி. தீர்த்தராமன், நகரச் செயலர் செந்தில்குமார் உள்ளிட்டோர் பங்கேற்றனர். இதில், காங்கிரஸ் மூத்த தலைவர் ப.சிதம்பரம் கைது நடவடிக்கையைக் கண்டித்தும், பழிவாங்கும் நடவடிக்கையை மத்திய அரசு கைவிட வேண்டும் என்பன உள்ளிட்ட கோரிக்கைகளை வலியுறுத்தியும் முழக்கங்கள் எழுப்பப்பட்டன.
முன்னதாக, காங்கிரஸ் கட்சி நிர்வாகிகள் ஆலோசனைக் கூட்டம் நடைபெற்றது. இதில், ப.சிதம்பரத்தை விடுதலை செய்ய வேண்டும். ஆர்ப்பாட்டம் உள்ளிட்ட ஜனநாயக ரீதியிலான நடவடிக்கைக்கு அனுமதி மறுக்கும் தருமபுரி நகர காவல் நிலையத்தின் செயலுக்கு கண்டனம் தெரிவிப்பது உள்ளிட்ட தீர்மானங்கள் நிறைவேற்றப்பட்டன.

]]>
https://www.dinamani.com/all-editions/edition-dharmapuri/dharmapuri/2019/aug/24/காங்கிரஸார்-ஆர்ப்பாட்டம்-3220205.html
3220204 தருமபுரி தருமபுரி சுற்றுச் சூழலுக்கு கேடு விளைவிப்போர் மீது கடும் நடவடிக்கை DIN DIN Saturday, August 24, 2019 09:14 AM +0530 சுற்றுச் சூழலுக்கு கேடு விளைவிப்போர் மற்றும் அவர்களுக்கு உறுதுணையாக இருப்போர் மீது கடும் நடவடிக்கை எடுக்கப்படும் என கிருஷ்ணகிரி மாவட்ட ஆட்சியர் சு.பிரபாகர் எச்சரித்துள்ளார்.
இதுகுறித்து அவர் வெள்ளிக்கிழமை வெளியிட்ட செய்திக் குறிப்பு: கிருஷ்ணகிரி மாவட்டம், ஒசூர் வட்டத்தில் உள்ள கெலவரப்பள்ளி அணையை ஒட்டியுள்ள பகுதியில், தமிழ்நாடு மாசுக் கட்டுப்பாடு வாரியத்தின் முறையான அனுமதி பெறாமல், சட்ட விரோதமாக சாயப் பட்டறை அமைத்து, அதிலிருந்து சாயக் கழிவுநீர், கெலவரப்பள்ளி அணையில் வெளியேற்றப்படுவதாக மாவட்ட நிர்வாகத்துக்கு புகார் வந்தது.
அதன்பேரில், அந்தப் பகுதியில் அரசு அலுவலர்கள் மேற்கண்ட திடீர் ஆய்வில், அணையிலிருந்து நீர் ஏற்றியும், சாயக் கழிவு நீரை அணையில் கலக்கும் வகையில் குழாய்கள் அமைக்கப்பட்டதும் தெரியவந்தது. இதையடுத்து, அந்த சாயப் பட்டறையின் மின் இணைப்பை துண்டித்த அலுவலர்கள், சட்ட விரோதமாக இயங்கிய சாயப் பட்டறையை முற்றிலும் இடித்தனர். எதிர்காலத்தில் இது போன்ற சட்டவிரோத சாயப் பட்டறைக்கு வாடகைக்கு இடம் கொடுத்து, சுற்றுச் சூழலுக்கு கேடு விளைவிக்க உறுதுணையாக செயல்படும் நில உரிமையாளர்கள் மீது கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/dharmapuri/2019/aug/24/சுற்றுச்-சூழலுக்கு-கேடு-விளைவிப்போர்-மீது-கடும்-நடவடிக்கை-3220204.html
3220201 தருமபுரி தருமபுரி முதல்வர் குறைகேட்பு முகாம்களில் வழங்கும் மனுக்கள் மீது விரைவில் தீர்வு DIN DIN Saturday, August 24, 2019 09:13 AM +0530 தமிழக முதல்வரின் சிறப்பு குறைகேட்பு முகாம்களில் வழங்கும் மனுக்கள் மீது விரைவில் தீர்வு காணப்படும் என்றார் தருமபுரி மாவட்ட ஆட்சியர் சு.மலர்விழி.
தருமபுரி அருகே வெள்ளோலை, அரூர் வட்டம், தாசிரஅள்ளி, எலவடை ஆகிய கிராமங்களில் முதல்வரின் சிறப்பு குறைகேட்பு திட்டத்தின் கீழ் வெள்ளிக்கிழமை முகாம்கள் நடைபெற்றன.
இந்த முகாம்களில் பொதுமக்களின் கோரிக்கை மனுக்களை பெற்றுக்கொண்ட ஆட்சியர் சு.மலர்விழி பேசியது: விவசாயிகள், ஓய்வூதியதாரர்கள் மற்றும் மாற்றுத் திறனாளிகளுக்கான குறைகளை தீர்வு காண்பதற்கு சிறப்பு குறைதீர்க்கும் முகாம்கள் நடத்தப்பட்டு வருகின்றன. இத்தகைய முயற்சிகளுக்கு வலுசேர்க்கும் வகையில் முதல்வரின் சிறப்பு குறைகேட்பு திட்டம் செயல்படுத்தப்பட்டுள்ளது.
இதில், நகர்புறங்களில் அனைத்து வார்டுகளிலும், கிராமங்களிலும் சம்பந்தப்பட்ட கிராம நிர்வாக அலுவலகங்களில் குறிப்பிட்ட நாள்களில் வருவாய்த் துறை, ஊரக வளர்ச்சித் துறை, நகர்ப்புற வளர்ச்சித் துறை, வேளாண் மற்றும் பிற துறை அலுவலர்களைக் கொண்ட குழு ஆகஸ்ட் மாத இறுதிக்குள் சென்று பொதுமக்களிடம் மனுக்களை பெறுவர். இம்மனுக்கள் அனைத்தும் கணினியில் பதியப்பட்டு சம்பந்தப்பட்ட துறைக்கு ஒருவார காலத்துக்குள் அனுப்பி வைக்கப்படும். அம்மனுக்கள் மீது விரைவில் உரிய தீர்வு எட்டப்படும். பொதுமக்கள் முகாம்களில் வழங்கும் மனுக்கள் மீது சம்பந்தப்பட்ட அலுவலர்கள் உரிய நடவடிக்கை எடுக்க வேண்டும் என்றார்.
இதேபோல, நல்லம்பள்ளி வட்டம், வெங்கட்டம்பட்டி, மிட்டாரெட்டி அள்ளி உள்பட மாவட்டத்தில் பல்வேறு கிராமங்களில் இந்த முகாம்கள் நடைபெற்றன. இதில் மாவட்ட ஆதிதிராவிடர் நல அலுவலர் கோவிந்தன், வட்டாட்சியர்கள் சுகுமார், செல்வகுமார், தமிழ்செல்வி ஆகியோர் கலந்துகொண்டனர்.
ஊத்தங்கரையில்...
ஊத்தங்கரையில் நடைபெற்ற மக்கள் குறைதீர்க்கும் திட்ட முகாமுக்கு  ஊத்தங்கரை சட்டப்பேரவைத் தொகுதி உறுப்பினர் மனோரஞ்சிதம் நாகராஜ் தலைமை வகித்தார். மாவட்ட ஆதிதிராவிடர் நலத்துறை அலுவலர் சேதுராமன், ஊத்தங்கரை வட்டாட்சியர் சித்ரா, ஊத்தங்கரை வட்டார வளர்ச்சி அலுவலர் அன்னபூரணி, மாவட்ட அண்ணா தொழிற்சங்கத் தலைவர் நாகராஜ், மோட்டுப்பட்டி கூட்டுறவு சங்கத் தலைவர் ஏ.சி.தேவேந்திரன், நிலவள வங்கித் தலைவர் சாகுல் ஹமீது, நகரச் செயலர் சிவானந்தம் ஆகியோர் முன்னிலை வகித்தனர். 
அரூரில்... 
சிறப்பு குறைதீர் முகாம் எச்.தொட்டம்பட்டி, வேப்பநத்தம், சாமண்டஹள்ளி, ஆர்.கோபிநாதம்பட்டி, பெரியப்பட்டி, கீழானூர் ஆகிய ஊராட்சிகளில் சனிக்கிழமை நடைபெறுகிறது. ஆக. 25-ஆம் தேதி அச்சல்வாடி, கே.வேட்ரப்பட்டி, எம்.வேட்ரப்பட்டி, சந்தப்பட்டி, ஆண்டியூர், செல்லம்பட்டியிலும், ஆக. 26-ஆம் தேதி கீரைப்பட்டி, கொங்கவேம்பு, நவலை, மருதிப்பட்டி, வேடகட்டமடுவு, வீரப்பநாய்க்கன்பட்டியிலும், ஆக. 27-இல் தாதராவலசை, மாம்பட்டி, போளையம்பள்ளி, எம்.வெளாம்பட்டி, பையர்நாய்க்கன்பட்டி, வேப்பம்பட்டியிலும், ஆக. 28-இல் எல்லப்புடையாம்பட்டி, சந்திராபுரம், செட்ரப்பட்டி, கீழ்மொரப்பூர், கோட்டப்பட்டி, ஈட்டியம்பட்டியிலும், ஆக. 29-இல் மோப்பிரிப்பட்டி, மத்தியம்பட்டி, பறையப்பட்டி, சிட்லிங், நரிப்பள்ளியிலும், ஆக. 30-இல் அக்ராஹரம், தொப்பம்பட்டி ஆகிய கிராம ஊராட்சி
களிலும் நடைபெறுகிறது.

]]>
https://www.dinamani.com/all-editions/edition-dharmapuri/dharmapuri/2019/aug/24/முதல்வர்-குறைகேட்பு-முகாம்களில்-வழங்கும்-மனுக்கள்-மீது-விரைவில்-தீர்வு-3220201.html
3220199 தருமபுரி தருமபுரி விளையாட்டுப் போட்டி: செந்தில் மெட்ரிக். பள்ளி சிறப்பிடம் DIN DIN Saturday, August 24, 2019 09:12 AM +0530 தருமபுரி சரக அளவிலான விளையாட்டுப் போட்டியில், தருமபுரி செந்தில் மெட்ரிக் மேல்நிலைப் பள்ளி மாணவ, மாணவியர் சிறப்பிடம் பெற்றனர்.
அதியமான்கோட்டை செந்தில் மெட்ரிக் மேல்நிலைப் பள்ளியில் தருமபுரி சரக அளவிலான எரிபந்துப் போட்டி அண்மையில் நடைபெற்றது. இப் போட்டியில் 14 வயதுக்குள்பட்ட பிரிவில், தருமபுரி சரக அரசு மற்றும் தனியார் பள்ளிகளைச் சேர்ந்த பல்வேறு அணிகள் கலந்துகொண்டு விளையாடின. இதில் செந்தில் மெட்ரிக் மேல்நிலைப் பள்ளி மாணவ, மாணவியர் 14 வயதுக்குள்பட்ட இரு பிரிவிலும் முதலிடம் பெற்றனர்.
அதேபோல, வியாழக்கிழமை சரக அளவிலான மேஜைப் பந்து போட்டி, நார்த்தம்பட்டி அரசு நடுநிலைப் பள்ளியில் நடைபெற்றது. இப் போட்டியில் செந்தில் மெட்ரிக் மேல்நிலைப் பள்ளி மாணவ, மாணவியர் முறையே 14 வயதுக்குள்பட்ட மாணவியர் ஒற்றையர் மற்றும் இரட்டையர் பிரிவில் டி.ஆர்.சுவேதா, இரட்டையர் பிரிவில் டி.வைஷ்ணவி, 17 வயதுக்குள்பட்ட மாணவியர் ஒற்றையர் மற்றும் இரட்டையர் பிரிவில் ஆர்.நிஷா மற்றும் இரட்டையர் பிரிவில் எம்.பிரார்த்தனா மற்றும் 14 வயதுக்குள்பட்ட மாணவர்கள் ஒற்றையர் மற்றும் இரட்டையர் பிரிவில் ஆர்.நிசாந்த்குமார், இரட்டையர் பிரிவில் எஸ்.அஸ்வதர்சன் ஆகியோர் முதலிடம் பெற்றனர். 17 வயதுக்குள்பட்ட மாணவர்கள் இரட்டையர் பிரிவில் எம்.குருபிரசாந்த், ஆர்.சுதர்சன்  இரண்டாம் இடம் பெற்றனர். 
இந்த மாணவ, மாணவியரை, செந்தில் கல்வி நிறுவனங்களின் தலைவர் செந்தில் சி.கந்தசாமி, துணைத் தலைவர்  மு.மணிமேகலை, நிர்வாக அலுவலர் சி.சக்திவேல், ஆசிரியர்கள் மற்றும் உடற்கல்வித் துறை ஆசிரியர்கள் பாராட்டி வாழ்த்து தெரிவித்தனர் .

]]>
https://www.dinamani.com/all-editions/edition-dharmapuri/dharmapuri/2019/aug/24/விளையாட்டுப்-போட்டி-செந்தில்-மெட்ரிக்-பள்ளி-சிறப்பிடம்-3220199.html
3220198 தருமபுரி தருமபுரி காவலர்களுக்கு பாராட்டு... DIN DIN Saturday, August 24, 2019 09:12 AM +0530 தருமபுரி மாவட்ட படைப்பாளர், பதிப்பாளர் சங்கத்துக்கு புதிய நிர்வாகிகள் தேர்வு செய்யப்பட்டனர்.
தருமபுரி முத்து இல்லத்தில் தருமபுரி மாவட்ட படைப்பாளர் பதிப்பாளர் சங்கத்தின் நிர்வாகிகள் கூட்டம் வெள்ளிக்கிழமை நிர்வாகி இளங்கோ தலைமையில் நடைபெற்றது. நூலகர் சி.சரவணன்
வரவேற்றார்.
இக் கூட்டத்தில், சங்கத் தலைவராக சி.சரவணன், செயலராக மா.பழனி, பொருளாளராக அறிவுடைநம்பி, துணைத் தலைவர்களாக சம்பத், நரசிம்மன், இணைச் செயலர்களாக ஆதிமுதல்வன், மாலதி அனந்த பத்மநாபன், ஆலோசகர்களாக இரா.சிசுபாலன், முன்னாள் எம்.பி. இரா.செந்தில், நாகை பாலு, ரவீந்திரபாரதி, நவகவி, நெடுமிடல் ஆகியோர் தேர்வு செய்யப்பட்டனர். புதிய நிர்வாகிகளுக்கு தகடூர் புத்தகப் பேரவை நிர்வாகிகள் வாழ்த்து தெரிவித்தனர்.

]]>
https://www.dinamani.com/all-editions/edition-dharmapuri/dharmapuri/2019/aug/24/காவலர்களுக்கு-பாராட்டு-3220198.html
3219499 தருமபுரி தருமபுரி தொழிலாளர் நல வாரிய உறுப்பினர்களுக்கு ஓய்வூதிய ஆணைகள் வழங்கல்   DIN DIN Friday, August 23, 2019 08:53 AM +0530 தருமபுரியில் தொழிலாளர் நல வாரிய உறுப்பினர்களுக்கு ஓய்வூதியம் பெறுவதற்கான ஆணைகள் வழங்கப்பட்டன.
 தருமபுரி மாவட்ட ஆட்சியர் அலுவலகக் கூட்டரங்கில் தொழிலாளர் நலத் துறையின் சார்பில் மாதாந்திர ஆய்வுக் கூட்டம் வியாழக்கிழமை ஆட்சியர் சு.மலர்விழி தலைமையில் நடைபெற்றது.
 இக் கூட்டத்தில், 15 பயனாளிகளுக்கு மாதந்தோறும் ரூ.1000 ஓய்வூதியம் வழங்குவதற்கான ஆணைகள், 7 பயனாளிகளுக்கு விபத்து மரண உதவித்தொகை ரூ.7.14 லட்சம் மதிப்பிலான ஆணைகள் மற்றும் கட்டுமானம் தொடர்பான தொழிலில் ஈடுபடும் வெளி மாநிலத் தொழிலாளர்கள் 11 நபர்களை கட்டுமானத் தொழிலாளர்கள் நல வாரிய பதிவு அடையாள அட்டைகள் ஆகியவற்றை ஆட்சியர் வழங்கினார். மேலும், திருமணம், இயற்கை மரணம், விபத்து மரணம், ஓய்வூதியம் தொடர்பான கேட்பு மனுக்கள் தொடர்பாக, விரைந்து உதவித்தொகைகள் தொழிலாளர்களுக்குச் சென்றடைய நடவடிக்கை எடுக்குமாறு அலுவலர்களுக்கு கூட்டத்தில் அறிவுரைகளை ஆட்சியர் வழங்கினார். இக் கூட்டத்தில், மாவட்ட வருவாய் அலுவலர் எச்.ரஹமத்துல்லா கான், ஊரக வளர்ச்சி ட்ட இயக்குநர் எம்.காளிதாசன், தொழிலாளர் உதவி ஆணையர் இந்தியா மற்றும் வணிகர் சங்க நிர்வாகிகள் கலந்து கொண்டனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/23/தொழிலாளர்-நல-வாரிய-உறுப்பினர்களுக்கு-ஓய்வூதிய-ஆணைகள்-வழங்கல்-3219499.html
3219498 தருமபுரி தருமபுரி சிறந்த நகராட்சி விருது: வணிகர் சங்கத்தினர் பாராட்டு DIN DIN Friday, August 23, 2019 08:52 AM +0530 சிறந்த நகராட்சி விருதைப் பெற்ற தருமபுரி நகராட்சி நிர்வாகத்துக்கு, அனைத்து வணிகர் சங்கத்தினர் பாராட்டுத் தெரிவித்தனர்.
 தருமபுரி நகராட்சியை, தமிழக அரசு சிறந்த நகராட்சியாகத் தேர்வு செய்து, அதற்கான விருது மற்றும் ரொக்கப் பரிசு ரூ.15 லட்சத்தை சுதந்திர தின விழாவில், தமிழக முதல்வர் எடப்பாடி கே.பழனிசாமி, நகராட்சி ஆணையர் ரா.மகேஸ்வரியிடம் வழங்கினார்.
 சிறந்த நகராட்சி விருதைப் பெற்ற நகராட்சி ஆணையர் ரா.மகேஸ்வரியை, தருமபுரி மாவட்ட அனைத்து வணிகர் சங்க தலைவர் எஸ்.வைத்திலிங்கம், செயலர் டி.எஸ்.கிரிதர் உள்ளிட்ட நிர்வாகிகள் நேரில் சந்தித்து பொன்னாடை அணிவித்து வாழ்த்துத் தெரிவித்தனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/23/சிறந்த-நகராட்சி-விருது-வணிகர்-சங்கத்தினர்-பாராட்டு-3219498.html
3219497 தருமபுரி தருமபுரி லஞ்ச வழக்கில் அங்கன்வாடி ஊழியர் இருவருக்கு ஓராண்டு சிறை DIN DIN Friday, August 23, 2019 08:52 AM +0530 லஞ்ச வழக்கில் அங்கன்வாடி ஊழியர்கள் இருவருக்கு ஓராண்டு சிறை தண்டனை விதிக்கப்பட்டது.
 தருமபுரி மாவட்டம், பாப்பிரெட்டிப்பட்டியில் கடந்த 2009-இல் வட்டார குழந்தைகள் வளர்ச்சித் திட்ட அலுவலராகப் பணிபுரிந்தவர் பிரேமா. இவர் அங்கன்வாடி ஊழியர்களிடம் ஊதியம் வழங்கும்போது ரூ.150 மற்றும் ரூ.300 லஞ்சமாக பெற்றதாகவும் அவருக்கு அங்கன்வாடி ஊழியர்கள் சந்திரகுமாரி, தேன்மொழி பணம் பெற்றுத்தர இடைத் தரகர்களாகச் செயல்பட்டதாகவும் ஊழல் தடுப்பு மற்றும் கண்காணிப்புப் பிரிவு போலீஸாருக்கு புகார் வந்தது. இதன்பேரில், போலீஸார் வட்டார குழந்தைகள் வளர்ச்சித் திட் அலுவலகத்தில் சோதனை நடத்தினர். இதில் கணக்கில் வராத பணம் ரூ.22 ஆயிரத்து 400 கைப்பற்றப்பட்டது. இதையடுத்து லஞ்சம் பெற்றதாக பிரேமா மற்றும் இடைத்தரகர்களாகச் செயல்பட்ட அங்கன்வாடி ஊழியர்களான சந்திரகுமாரி, தேன்மொழி ஆகிய மூவரையும் கைது செய்தனர்.
 இந்த வழக்கு தொடர்பான விசாரணை தருமபுரி தலைமை குற்றவியல் நடுவர் நீதிமன்றத்தில் நடைபெற்றது. வழக்கு விசாரணையின்போது பிரேமா உயிரிழந்தார்.
 இந்த நிலையில், வியாழக்கிழமை வழக்கை விசாரித்த நீதிபதி ராஜ்குமார், லஞ்ச வழக்கில் தொடர்புடைய சந்திரகுமாரி, தேன்மொழி ஆகிய இருவருக்கும் தலா ஓராண்டு சிறைத் தண்டனை, ரூ.2 ஆயிரம் விதித்து உத்தரவிட்டார்.
 

]]>
https://www.dinamani.com/all-editions/edition-dharmapuri/dharmapuri/2019/aug/23/லஞ்ச-வழக்கில்-அங்கன்வாடி-ஊழியர்-இருவருக்கு-ஓராண்டு-சிறை-3219497.html
3219496 தருமபுரி தருமபுரி இருகூர்-தேவனகுந்தி பெட்ரோலிய குழாய் பதிப்புத் திட்ட ஆவணங்களைப் பார்வையிட அனுமதி கோரி விவசாயிகள் மனு DIN DIN Friday, August 23, 2019 08:52 AM +0530 இருகூர்-தேவனகுந்தி பெட்ரோலிய குழாய் பதிப்புத் திட்ட ஆவணங்களைப் பார்வையிட அனுமதி கோரி சுமார் 500-க்கும் மேற்பட்ட தருமபுரி மாவட்ட விவசாயிகள் வியாழக்கிழமை ஆட்சியர் அலுவலகத்தில் தனித்தனியே மனு அளித்தனர்.
 பாரத் பெட்ரோலியம் நிறுவனம் சார்பில், கோவை மாவட்டம், இருகூரிலிருந்து திருப்பூர், ஈரோடு, சேலம், தருமபுரி, கிருஷ்ணகிரி வழியாக குழாய்கள் மூலம் பெங்களூரு அடுத்த தேவனகுந்தி வரை மொத்தம் 294 கி.மீ. தொலைவுக்கு பெட்ரோலிய பொருள்கள் எடுத்துச் செல்ல குழாய் பதிக்கும் திட்டம் அண்மையில் அந் நிறுவனம் சார்பில் அறிவிக்கப்பட்டது. இத்திட்டம் தொடர்பாக விவசாயிகளுக்கு அறிவிக்கை அனுப்பப்பட்டது.
 இந்த நிலையில், அண்மையில் இந்த திட்டத்தை விளைநிலங்களில் அனுமதிக்கக் கூடாது என தருமபுரி மாவட்ட விவசாயிகள் மனு அளித்தனர். இதைத் தொடர்ந்து கருத்துக் கேட்புக் கூட்டங்கள் நடந்ததாகவும், அக் கூட்டங்கள் முறையாக நடத்தாமல் ஒரு சிலரிடம் மட்டும் கருத்துக் கேட்கப்பட்டதாகவும் கூறப்படுகிறது.
 இந்த நிலையில், பாரத் பெட்ரோலியம் கார்ப்பரேஷன் நிறுவனம் சார்பில் அமைக்கப்பட உள்ள இந்தத் திட்டம் தொடர்பாக, தங்களுக்கு விவரங்கள் தேவை எனவும், அதற்காக அத் திட்ட ஆவணங்களைப் பார்வையிட தங்களுக்கு அனுமதியும், நேரமும் ஒதுக்கித் தர வேண்டும் என வலியுறுத்தி, தருமபுரி மாவட்டம், சின்னம்பள்ளி, பெரும்பாலை, எர்ரப்பட்டி, நாகாவதி அணை, நாகர் கூடல், அரகாசனஅள்ளி, மாக்கனூர் உள்ளிட்ட பல்வேறு கிராமங்களைச் சேர்ந்த 500-க்கும் மேற்பட்ட விவசாயிகள் சூழலியல் ஆர்வலர் பியூஸ் மனுஷ் தலைமையில் தருமபுரி ஆட்சியர் அலுவலகத்தில் தகவல் அறியும் உரிமைச் சட்டத்தின் கீழ், தனித்தனியே மனு அளித்தனர்.
 இது தொடர்பாக பியூஸ் மனுஷ் கூறியது: கோவை மாவட்டம், இருகூரிலிருந்து கர்நாடக மாநிலம், தேவனகுந்தி வரை பாரத் பெட்ரோலியம் நிறுவனம் சார்பில், பெட்ரோலியப் பொருள்கள் எடுத்துச் செல்ல குழாய் பதிக்கும் திட்டம் அறிவிக்கப்பட்டுள்ளது. இது விவசாயிகளின் நலனுக்கு எதிரானது. தருமபுரி மாவட்டத்தில் நாகாவதி அணைப் பகுதியில் இத் திட்டத்தில் குழாய்கள் எடுத்துச் செல்லப்படும் எனத் தெரியவந்துள்ளது. இதில், குழாய்களில் ஏதேனும் கசிவு ஏற்பட்டால், அது காவிரியில் கலந்து பெரிய பாதிப்பை ஏற்படுத்தும். இது நாகாவதி அணைக்கும், காவிரி ஆற்றில் மேட்டூர் அணைக்கும் ஆபத்தை விளைவிக்கும்.
 இத் திட்டம் அபாயகரமானது என நாங்கள் அறிந்துள்ளோம். ஆகவே, இத் திட்டம் தொடர்பாக ஆவணங்கள் அனைத்தும் பார்வையிட அனுமதி கோரி, தனித்தனியே தகவல் அறியும் உரிமைச் சட்டத்தில் மனு அளித்துள்ளோம். அவற்றை பார்வையிட்ட பிறகு விவசாயிகளின் அடுத்தகட்ட நடவடிக்கை அமையும் என்றார்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/23/இருகூர்-தேவனகுந்தி-பெட்ரோலிய-குழாய்-பதிப்புத்-திட்ட-ஆவணங்களைப்-பார்வையிட-அனுமதி-கோரி-விவசாயிகள்-மனு-3219496.html
3219495 தருமபுரி தருமபுரி சொட்டுநீர் பாசனக் கருவிகள் பராமரிப்புப் பயிற்சி DIN DIN Friday, August 23, 2019 08:51 AM +0530 தருமபுரி மாவட்டம், பாப்பாரப்பட்டி வேளாண் அறிவியல் நிலையத்தில் புதன்கிழமை நீர் மேலாண்மை இயக்கம் மற்றும் சொட்டுநீர்ப் பாசனக் கருவிகள் பராமரிப்பு குறித்து விவசாயிகளுக்குப் பயிற்சி வழங்கப்பட்டது.
 இந்த பயிற்சி முகாமில், வேளாண் அறிவியல் நிலைய திட்ட ஒருங்கிணைப்பாளர் பா.ச.சண்முகம் தலைமை வகித்து, நீர்மேலாண்மை முறைகளை விவசாயிகளிடையே கொண்டு சேர்க்க வேளாண்மை அறிவியல் நிலையம் ஆற்றிவரும் பணிகள் மற்றும் சொட்டு நீர்ப் பாசனம், தெளிப்பு நீர்ப் பாசனம், மழைத்தூவன்கள் உபயோகித்தல் மற்றும் நிலப்போர்வை அமைத்தல் குறித்து விளக்கமளித்தார். மண்ணியல் துறை விஞ்ஞானி ம.சங்கீதா, சொட்டு நீர், உர மேலாண்மை, அவற்றை பராமரிப்பு செய்யும் முறைகளை எடுத்துரைத்தார்.
 சொட்டு நீர், தெளிப்பு நீர் மற்றும் மழைத்தூவான்கள் அமைக்கும் முறைகள் மற்றும் சொட்டு நீர் குழாய்களை அமிலம் கொண்டு சுத்தப்படுத்துதல், கரையும் உரங்களை இடும் முறைகள் குறித்து விளக்களிக்கப்பட்டது. இதில், உழவியல் துறை பேராசிரியர்கள் ப.அய்யாதுரை, ம.அ.வெண்ணிலா மற்றும் 120 விவசாயிகள் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/23/சொட்டுநீர்-பாசனக்-கருவிகள்-பராமரிப்புப்-பயிற்சி-3219495.html
3219494 தருமபுரி தருமபுரி விபத்தில் காயமுற்ற நீதிமன்ற ஊழியர் பலி DIN DIN Friday, August 23, 2019 08:51 AM +0530 தருமபுரி அருகே ஆட்டோ மோதி காயமடைந்த, நீதிமன்ற ஊழியர் சிகிச்சை பலனின்றி வியாழக்கிழமை உயிரிழந்தார்.
 தருமபுரி ஒருங்கிணைந்த நீதிமன்றத்தில், சட்டப்பணிகள் ஆணைக் குழுவில் அலுவலக உதவியாளராகப் பணியாற்றியவர் முகமது செரீப், (30) கிருஷ்ணகிரி மாவட்டம் போச்சம்பள்ளியைச் சேர்ந்த இவர் தருமபுரியில் வசித்து வந்தார். இவர், புதன்கிழமை நண்பகலில் வீட்டில் இருந்து, நீதிமன்றத்துக்கு தனது இருசக்கர வாகனத்தில் சென்று கொண்டிருந்தார். அப்போது தேங்காய்மரத்துப்பட்டி பகுதியில் சென்றபோது, அவ் வழியாக வந்த ஆட்டோ மோதி படுகாயமடைந்தார். தருமபுரி அரசு மருத்துவக் கல்லூரி மருத்துவமனையில் சேர்க்கப்பட்டு, பின்பு தீவிர சிகிச்சைக்காக சேலம் தனியார் மருத்துவமனையில் அனுமதிக்கப்பட்டார். அங்கு சிகிச்சை பலனின்றி அவர் உயிரிழந்தார். இந்த விபத்து குறித்து அதியமான்கோட்டை போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-dharmapuri/dharmapuri/2019/aug/23/விபத்தில்-காயமுற்ற-நீதிமன்ற-ஊழியர்-பலி-3219494.html
3219493 தருமபுரி தருமபுரி புதிய மேல்நிலை நீர்த்தேக்கத் தொட்டி அமைக்கக் கோரிக்கை DIN DIN Friday, August 23, 2019 08:51 AM +0530 கே.ஈச்சம்பாடியில் புதியதாக மேல்நிலை நீர்த்தேக்கத் தொட்டி அமைக்க வேண்டும் என பொதுமக்கள் கோரிக்கை விடுத்துள்ளனர்.
 தருமபுரி மாவட்டம், மொரப்பூர் ஊராட்சி ஒன்றியத்துக்கு உள்பட்டது கே.ஈச்சம்பாடி கிராமம். இந்த ஊரில் 400-க்கும் மேற்பட்ட குடியிருப்புகள் உள்ளன. இங்குள்ள கிராம மக்களின் குடிநீர்த் தேவையைப் பூர்த்தி செய்யும் நோக்கில், கடந்த 30 வருடங்களுக்கு முன்பு 60 ஆயிரம் லிட்டர் கொள்ளளவு கொண்ட மேல்நிலை நீர்த்தேக்கத் தொட்டி கட்டப்பட்டுள்ளது.
 தற்போது இந்த நீர்த்தேக்கத் தொட்டியானது சேதமடைந்தும், குடிநீர் வீணாகியும் வருகிறது. அதேபோல், மேல்நிலை நீர்த்தேக்கத் தொட்டியின் சிமெண்ட் தூண்கள் சேதமடைந்துள்ளன. இது குறித்து கிராம மக்கள் சார்பில் ஊராட்சி நிர்வாகத்திடம் பலமுறை கோரிக்கை மனு அளித்தும் நடவடிக்கை இல்லையாம்.
 எனவே, கே.ஈச்சம்பாடியில் புதியதாக மேல்நிலை நீர்த்தேக்கத் தொட்டி அமைக்க வேண்டும் என்பதே கிராம மக்களின் நீண்ட நாள் எதிர்பார்ப்பு.
 
 

]]>
https://www.dinamani.com/all-editions/edition-dharmapuri/dharmapuri/2019/aug/23/புதிய-மேல்நிலை-நீர்த்தேக்கத்-தொட்டி-அமைக்கக்-கோரிக்கை-3219493.html
3219492 தருமபுரி தருமபுரி திப்பிரெட்டிஅள்ளியில் ஆக.29-இல் மக்கள் தொடர்பு திட்ட முகாம் DIN DIN Friday, August 23, 2019 08:50 AM +0530 தருமபுரி மாவட்டம், கிருஷ்ணாபுரம் அருகேயுள்ள திப்பிரெட்டிஅள்ளி கிராமத்தில் வருகிற ஆக.29-ஆம் தேதி மக்கள் தொடர்பு திட்ட முகாம் நடைபெற உள்ளது.
 இது குறித்து தருமபுரி மாவட்ட வருவாய் அலுவலர் எச்.ரகமதுல்லா கான், வியாழக்கிழமை வெளியிட்ட செய்திக்குறிப்பு: தருமபுரி மாவட்டம், கிருஷ்ணாபுரம் அருகே திப்பிரெட்டிஅள்ளி கிராமத்தில் வருகிற ஆக.29 வியாழக்கிழமை காலை 10 மணிக்கு மாவட்ட வருவாய் அலுவலர் எச்.ரஹமத்துல்லா கான் தலைமையில் மக்கள் தொடர்பு திட்ட முகாம் நடைபெற உள்ளது. இம் முகாமில் அனைத்துத் துறை அலுவலர்கள் கலந்து கொண்டு, தங்களது துறைகளின் திட்டங்கள் குறித்து எடுத்துரைக்க உள்ளனர்.
 எனவே, திப்பிரெட்டிஅள்ளி கிராமம் மற்றும் அதன் சுற்றுப்புற கிராமங்களைச் சேர்ந்த பொதுமக்கள் தங்கள் கோரிக்கைகள் அடங்கிய மனுக்களை முகாமில் வழங்கி பயன்பெறுமாறு கேட்டுக்கொள்ளப்படுகிறார்கள்.
 

]]>
https://www.dinamani.com/all-editions/edition-dharmapuri/dharmapuri/2019/aug/23/திப்பிரெட்டிஅள்ளியில்-ஆக29-இல்-மக்கள்-தொடர்பு-திட்ட-முகாம்-3219492.html
3219491 தருமபுரி தருமபுரி சரக அளவிலான விளையாட்டுப் போட்டிகள்: ஸ்ரீ ராம் மெட்ரிக். பள்ளி சிறப்பிடம்   DIN DIN Friday, August 23, 2019 08:50 AM +0530 சரக அளவிலான விளையாட்டுப் போட்டிகளில் கம்பைநல்லூர் ஸ்ரீ ராம் மெட்ரிக். மேல்நிலைப் பள்ளி மாணவர்கள் சிறப்பிடம் பெற்றுள்ளனர்.
 அரூர் புனித மரியன்னை மேல்நிலைப் பள்ளி வளாகத்தில் அண்மையில் நடைபெற்ற சரக அளவிலான விளையாட்டுப் போட்டிகளில் கம்பைநல்லூர் ஸ்ரீ ராம் மெட்ரிக். மேல்நிலைப் பள்ளி மாணவர்கள் பங்கேற்று விளையாடினர்.
 இதில், 17 வயது பிரிவில் மகளிருக்கான பூப்பந்துப் போட்டியில் முதலிடமும், 14, 17 மற்றும் 19 வயது பிரிவில் இறகுப் பந்துப் போட்டியில் முதலிடமும் பெற்றனர்.
 19 வயது பிரிவில் மாணவர்களுக்கான இறகு பந்துப் போட்டியில் முதலிடமும், இதே போட்டியில் 14, 17 வயது பிரிவில் 2-ம் இடமும் பெற்றனர். 14 வயது பிரிவில் மகளிருக்கான சதுரங்கப் போட்டியில் முதலிடமும் பெற்றனர். இதையடுத்து, சரக அளவிலான விளையாட்டுப் போட்டிகளில் சிறப்பிடம் பெற்ற மாணவ, மாணவியர் மாவட்ட அளவிலான விளையாட்டுப் போட்டிகளில் பங்கேற்கத் தகுதி பெற்றுள்ளனர்.
 விளையாட்டுப் போட்டிகளில் சிறப்பிடம் பெற்ற மாணவ, மாணவியர், பயிற்சி அளித்த உடல் கல்வி ஆசிரியர்கள் திருப்பதி, செல்வம், தமிழ் மலர்வாணன், நவீன்குமார், புவனேஸ்வரி, கார்த்திகா ஆகியோரை ஸ்ரீ ராம் மெட்ரிக். மேல்நிலைப் பள்ளியின் தாளாளர் சாந்தி வேடியப்பன், நிர்வாக இயக்குநர் வே.தமிழ்மணி, பள்ளி முதல்வர்கள் சாரதி மகாலிங்கம், ஜான் இருதயராஜ் மற்றும் ஆசிரியர்கள் பாராட்டினர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/23/சரக-அளவிலான-விளையாட்டுப்-போட்டிகள்-ஸ்ரீ-ராம்-மெட்ரிக்-பள்ளி-சிறப்பிடம்-3219491.html
3218790 தருமபுரி தருமபுரி தூய்மை கணக்கெடுப்பு பணிகள் ஆய்வு DIN DIN Thursday, August 22, 2019 09:00 AM +0530 அரூர் ஊராட்சி ஒன்றியத்தில் தூய்மை கணக்கெடுப்பு பணிகள் குறித்து மத்திய குழுவினர் புதன்கிழமை ஆய்வு மேற்கொண்டனர்.
 மத்திய அரசின் தூய்மை கணகெடுப்பு ஊரகம்-2019 திட்டத்தின் கீழ் கிராமப் பகுதிகளில் செயல்படுத்தும் சுகாதாரப் பணிகள், தூய்மைப் பணிகள், கழிப்பிட வசதிகள், மருத்துவ சேவைகள் குறித்து மத்திய ஆய்வுக் குழுவைச் சேர்ந்த எஸ்.வீரா, ஏ.சங்கர், எம்.உதயமுனி ஆகியோர் தலைமையில் அரசு அதிகாரிகள் கள ஆய்வு மேற்கொண்டனர்.
 அரூர் ஊராட்சி ஒன்றியம் அச்சல்வாடி, நரிப்பள்ளி, சிட்லிங் ஆகிய ஊராட்சிகளுக்கு உள்பட்ட கிராமப் பகுதிகளில் மத்திய குழுவினர் ஆய்வு மேற்கொண்டனர். இதில், வட்டார வளர்ச்சி அலுவலர்கள் ஆறுமுகம், செந்தில்குமார், துணை வட்டார வளர்ச்சி அலுவலர்கள் செல்வன், சக்திவேல், பணி மேற்பார்வையாளர் ஆர்.அன்பழகன், வட்டார ஒருங்கிணைப்பாளர் தமிழ்மணி உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/22/தூய்மை-கணக்கெடுப்பு-பணிகள்-ஆய்வு-3218790.html
3218789 தருமபுரி தருமபுரி தருமபுரி மாவட்டத்தில் "மண்ணின் தன்மைக்கேற்ப மரக் கன்றுகளை வளர்க்க வேண்டும்' DIN DIN Thursday, August 22, 2019 08:59 AM +0530 தருமபுரி மாவட்டத்தில் மண்ணின் தன்மைக்கேற்ப மரக் கன்றுகளை வளர்க்க வேண்டும் என்று நீர்மேலாண் இயக்க மத்தியக் குழுத் தலைவர் இந்தர் தமீஜா அறிவுறுத்தினார்.
 தருமபுரியில் இரண்டாவது நாளாக புதன்கிழமை நீர்மேலாண் இயக்கக் குழு, கள ஆய்வு மற்றும் கலந்தாய்வு கூட்டம் மாவட்ட ஆட்சியர் சு.மலர்விழி முன்னிலையில் நடைபெற்றது. இக் கூட்டத்துக்கு தலைமை வகித்து நீர்மேலாண் இயக்க மத்தியக் குழுத் தலைவர் இந்தர் தமீஜா பேசியது:
 தருமபுரி மாவட்டத்தில் பல்வேறு இடங்களில் உள்ள மண் தன்மைக்கேற்ப முறையான திட்டங்களை வகுத்து மரக்கன்றுகளை வைத்து வளர்க்க வேண்டும். மரக் கன்றுகள் நடுவதற்கு வனத் துறையில் பயிற்சி பெற்ற நபர்களைப் பயன்படுத்தி பாராமரிக்க வேண்டும். ஆறுகளின் குறுக்கே அதிக அளவில் தடுப்பணைகள் அமைக்க வேண்டும். அவ்வாறு தடுப்பணைகள் அமைப்பதன் மூலம் மழைநீர் சேமிப்பதுடன் நிலத்தடி நீரை சேமிக்க இயலும். நீர் செறிவூட்ட முடியும்.
 மழைநீர் சேகரிப்பு திட்டம், நீர் மேலாண் திட்டங்கள் தீவிரமாக செயல்படுத்தவும் பயன்பாட்டிற்கு கொண்டுவர வேண்டும் என்றார்.
 இதைத் தொடர்ந்து தருமபுரி ஒளவையார் அரசு மகளிர் மேல்நிலைப் பள்ளியில் நடைபெற்ற நிகழ்ச்சியில் மத்தியக் குழுவினர் மற்றும் மாணவியர் மழைநீர் சேகரிப்பு உறுதிமொழியேற்றனர். மேலும், பாப்பாரப்பட்டி வேளாண் அறிவியல் நிலையத்தில் மேற்கொள்ளப்பட்டுவரும் நீர் மேலாண்மை திட்டப் பணிகள், மழைநீர் சேகரிப்பு பணிகளையும் மத்தியக் குழுவினர் பார்வையிட்டு ஆய்வு செய்தனர்.
 இதில் மத்தியக் குழு உறுப்பினர்கள் வேளாண் ஒத்துழைப்பு மற்றும் உழவர் நலத்துறை இயக்குநர் எஸ்.ருக்மணி, குடும்பநலத் துறை அமைச்சகம் துணைச் செயலர் சரங்கதர் நாயக், சுற்றுச்சூழல், வனங்கள் அமைச்சக துணைச் செயலர் எஸ்.கே.பரிடா, சமூக நீதி மற்றும் அதிகாரமளித்தல் துணைச் செயலர் சஜ்ஜாய் கோலி, மத்திய நீர் மேலாண் இயக்க அமைச்சகம், நீர்வள தொழில்நுட்ப அலுவலர்கள் ஆர்.ஆறுமுகம், எஸ்.கே.சுக்லா, விஞ்ஞானிகள் ஜோசப், எஸ்.கே.விஜயகுமார் மற்றும் ஊரக வளர்ச்சி முகமைத் திட்ட இயக்குநர் எம்.காளிதாசன் ஆகியோர் கலந்து கொண்டனர்.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/22/தருமபுரி-மாவட்டத்தில்-மண்ணின்-தன்மைக்கேற்ப-மரக்-கன்றுகளை-வளர்க்க-வேண்டும்-3218789.html
3218788 தருமபுரி தருமபுரி இருளப்பட்டி ஸ்ரீ காணியம்மன் கோயில் தேரோட்டம் DIN DIN Thursday, August 22, 2019 08:59 AM +0530 பாப்பிரெட்டிப்பட்டி அருகேயுள்ள இருளப்பட்டி அருள்மிகு ஸ்ரீ காணியம்மன் கோயில் தேரோட்டம் புதன்கிழமை நடைபெற்றது.
 பாப்பிரெட்டிப்பட்டி வட்டம், இருளப்பட்டியில் வரலாற்று சிறப்பு மிக்க அருள்மிகு ஸ்ரீ காணியம்மன் திருக்கோயில் உள்ளது. இக் கோயில் தேரோட்டம் ஆகஸ்ட் 13-ம் தேதி பூச்சாட்டுதல் நிகழ்ச்சியுடன் தொடங்கியது. தொடர்ந்து கோயில் கொடியேற்று விழா, சுவாமியின் பல்லக்கு உற்சவம், வாணவேடிக்கை, நையாண்டி மேளம், சுவாமிகளின் திருக்கல்யாணம் மற்றும் சிறப்பு பூஜைகள், ஆராதனைகள் நடைபெற்றன.
 புதன்கிழமை அருள்மிகு ஸ்ரீ காணியம்மனின் தேரோட்டம் நடைபெற்றது. முன்னதாக திருத்தேர் மீது பக்தர்கள் உப்பு, மிளகு, முத்துக்கொட்டைகளை வீசி நேர்த்திக்கடன் செலுத்தினர். இவ் விழாவையொட்டி அரூர்-சேலம் தேசிய நெடுஞ்சாலையில் சென்ற வாகனங்கள் அனைத்தும் கோபாலபுரம் சர்க்கரை ஆலை, அ.பள்ளிப்பட்டி வழியாக சென்றன. அரூர், பொம்மிடி, பாப்பிரெட்டிப்பட்டி வட்டாரப் பகுதிகளில் இருந்து சிறப்பு பேருந்துகள் இயக்கப்பட்டன. இருளப்பட்டி, புதுப்பட்டி, கவுண்டம்பட்டி, மூக்காரெட்டிப்பட்டி, பாப்பம்பாடி, அ.பள்ளிப்பட்டி உள்ளிட்ட பகுதிகளைச் சேர்ந்த அனைத்து சமுதாய ஊர் தலைவர்கள் மற்றும் பொதுமக்கள், தருமபுரி, சேலம், கிருஷ்ணகிரி மாவட்டங்களைச் சேர்ந்த ஏராளமான பக்தர்கள் இந்த தேர்திருவிழாவில் கலந்து கொண்டனர். அரூர் டிஎஸ்பி ஏ.சி.செல்லப்பாண்டியன் தலைமையில் 50-க்கும் மேற்பட்ட போலீஸார் பதுகாப்பு பணியில் ஈடுபட்டிருந்தனர்.
 
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/22/இருளப்பட்டி-ஸ்ரீ-காணியம்மன்-கோயில்-தேரோட்டம்-3218788.html
3218782 தருமபுரி தருமபுரி ஆக.29-இல் எஸ்.தாதம்பட்டியில் மக்கள் தொடர்பு திட்ட முகாம் DIN DIN Thursday, August 22, 2019 08:57 AM +0530 தருமபுரி மாவட்டம், அரூர் அருகேயுள்ள எஸ்.தாதம்பட்டியில் வருகிற ஆக.29இல் மக்கள் தொடர்பு திட்ட முகாம் நடைபெற உள்ளது.
 இது குறித்து, மாவட்ட ஆட்சியர் சு.மலர்விழி செவ்வாய்க்கிழமை வெளியிட்ட செய்திக்குறிப்பு: தருமபுரி மாவட்டம், அரூர் வட்டத்துக்குள்பட்ட தாதம்பட்டி கிராமத்தில் வருகிற ஆக.29இல் மக்கள் தொடர்பு திட்ட முகாம் நடைபெற உள்ளது. அன்றைய தினம் காலை 10 மணிக்கு நடைபெறும் இம் முகாமில், மாவட்ட ஆட்சியர் மற்றும் அனைத்துத் துறை அலுவலர்களும் பங்கேற்கின்றனர். எனவே, இந்த முகாமில், எஸ்.தாதம்பட்டி கிராமம் மற்றும் அதன் சுற்றுப்புற கிராமங்களைச் சேர்ந்த பொதுமக்கள் தங்கள் கோரிக்கைகள் அடங்கிய மனுக்களை அளித்து பயன்பெறுமாறு கேட்டுக்கொள்ளப்படுகின்றனர்.

]]>
https://www.dinamani.com/all-editions/edition-dharmapuri/dharmapuri/2019/aug/22/ஆக29-இல்-எஸ்தாதம்பட்டியில்-மக்கள்-தொடர்பு-திட்ட-முகாம்-3218782.html
3218781 தருமபுரி தருமபுரி முதியோர் ஓய்வூதியம் ரூ.3 ஆயிரமாக உயர்த்த வலியுறுத்தல் DIN DIN Thursday, August 22, 2019 08:56 AM +0530 முதியோர் ஓய்வூதியம் ரூ.3 ஆயிரமாக உயர்த்தி வழங்க வேண்டும் என தமிழ் மாநில விவசாயத் தொழிலாளர் சங்கம் வலியுறுத்தியுள்ளது.
 இதுகுறித்து அச்சங்கத்தின் மாவட்டச் செயலர் ஜெ.பிரதாபன் புதன்கிழமை வெளியிட்ட அறிக்கை: முதியோர் ஓய்வூதியம் வழங்கப்படுவதில் தற்போது கடுமையான நிபந்தனை விதிக்கப்பட்டுள்ளதால், பல லட்சம் மனுக்கள் தனி வட்டாட்சியர் ( சமூக பாதுகாப்பு திட்டம்) அலுவலகங்களில் தேங்கியிருக்கின்றன. இந்த நிலையில், தற்போது தமிழக முதல்வர் அறிவித்துள்ள முதியோர் ஓய்வூதியம் 5 லட்சம் பேருக்கு வழங்கப்படும் என்ற அறிவிப்பின் கீழ், பெறப்படும் மனுக்களை நிபந்தனையின்றி 60 வயது கடந்த விவசாய தொழிலாளர்கள், சிறு மற்றும் குறு விவசாயிகள், ஆண், பெண்களுக்கு வழங்க வேண்டும். மேலும் இத்தொகையை ரூ.3,000-ஆக உயர்த்தி வழங்கவும் தமிழக அரசு நடவடிக்கை எடுக்க வேண்டும் என அதில் தெரிவிக்கப்பட்டுள்ளது.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/22/முதியோர்-ஓய்வூதியம்-ரூ3-ஆயிரமாக-உயர்த்த-வலியுறுத்தல்-3218781.html
3218116 தருமபுரி தருமபுரி தருமபுரியில் மூன்றாவது நாளாக மழை DIN DIN Wednesday, August 21, 2019 08:57 AM +0530 தருமபுரி மாவட்டத்தில் தொடர்ந்து மூன்றாவது நாளாக திங்கள்கிழமை இரவு பரவலாக மழை பெய்தது.
 தருமபுரி மாவட்டத்தில், கடந்த மூன்று நாள்களாக பகல் வேளைகளில் லேசான சாரல் மழையும், இரவில் பரவலாக மழையும் பெய்து வருகிறது. இதனால், வெப்பநிலை தணிந்து இரவு நேரங்களில் குளிர்ந்த காற்று வீசுகிறது. மேலும், தொடர்ந்து பெய்யும் மழையால், தாழ்வான பகுதிகள் மற்றும் விளை நிலங்களில் சிறிது அளவில் தண்ணீர் தேங்கி நிற்கிறது. மாவட்டத்தில், தொடர்ந்து பெய்து வரும் மழையால் நிலத்தடி நீர்மட்டம் உயரக்கூடும் என்பதால் விவசாயிகள், பொதுமக்கள் மகிழ்ச்சியடைந்துள்ளனர்.
 தருமபுரி மாவட்டத்தில் திங்கள்கிழமை பெய்த மழையளவு நிலவரம் மி.மீட்டரில்: தருமபுரி 21, அரூர் 24, பாப்பிரெட்டிப்பட்டி 3.2, பாலக்கோடு 12, பென்னாகரம் 15, ஒகேனக்கல் 1.2. மாவட்டத்தின் மொத்த மழையளவு 76.4 மி.மீ., சராசரி மழையளவு 10.91 மி.மீ.

]]>
https://www.dinamani.com/all-editions/edition-dharmapuri/dharmapuri/2019/aug/21/தருமபுரியில்-மூன்றாவது-நாளாக-மழை-3218116.html
3218115 தருமபுரி தருமபுரி அரசு, தனியார் கட்டடங்களில் மழைநீர் சேகரிப்பை கட்டமைக்க வேண்டும்: நீர் மேலாண் இயக்க மத்தியக் குழுத் தலைவர் இந்தர் தமீஜா DIN DIN Wednesday, August 21, 2019 08:57 AM +0530 அரசு மற்றும் தனியார் கட்டடங்களில் மழைநீர் சேகரிப்பை கட்டமைக்க வேண்டும் என்று, நீர் மேலாண் இயக்க மத்தியக் குழுத் தலைவரும், இளைஞர் விவகாரங்கள், விளையாட்டுத் துறை அமைச்சக இணைச் செயலருமான இந்தர் தமீஜா கூறினார்.
 தருமபுரி மாவட்டத்தில், இரண்டாம் கட்டமாக, நீர் மேலாண் திட்டப் பணிகளைப் பார்வையிட, இந்தர் தமீஜா தலைமையிலான குழுவினர் திங்கள்கிழமை தருமபுரி வந்தனர்.
 தருமபுரி மாவட்டம், பாப்பிரெட்டிப்பட்டி அருகே சாலூர், கம்பைநல்லூர் மேல்நிலைப் பள்ளி ஆகிய இடங்களில் மரக் கன்றுகள் நடும் பணியை தொடக்கிவைத்த மத்தியக் குழுவினர், மொரப்பூர், தென்கரைக்கோட்டையில் நீர் மேலாண் திட்டப் பணிகளை ஆய்வு செய்தனர்.
 இதைத் தொடர்ந்து, நீர் மேலாண் இயக்க திட்டத்தின் மத்தியக் குழு தலைவர் இந்தர் தமீஜா பேசியது: மரக் கன்றுகள் வளர்ப்பதில் உரிய திட்டமிடுதல் அவசியம். எதிர்கால தலைமுறைக்குப் பயனுள்ள மரக் கன்றுகளை அதிக அளவில் நட்டு பராமரிக்க வேண்டும். மழைநீர் சேகரிப்பு, நீர் மேலாண்மைத் திட்டத்தை தருமபுரி மாவட்ட நிர்வாகம் மிகச் சிறப்பாக செய்து வருகிறது. தருமபுரி மாவட்டத்தில் ஏரிகள் தூர்வாரும் பணி பரவலாக நடைபெற்று வருகிறது. இதன் மூலம் மழைநீரை ஏரிகளில் தேக்கிவைக்கும் போது தண்ணீர் பிரச்னைகளை தவிர்க்கலாம். தண்ணீர் சேகரிப்பை அதிகப்படுத்த வேண்டும். கடந்த காலங்களை போல மழைநீர் சேகரிப்பில் ஈடுபட வேண்டும். அரசு மற்றும் தனியார் கட்டடங்களில் மழைநீர் சேகரிப்பு அமைக்கப்பட வேண்டும். வனப் பகுதியில் மட்டுமல்லாமல் அனைத்துப் பகுதிகளிலும் மரக் கன்றுகளை நட்டு வளர்க்க வேண்டும். மழைநீர் சேகரித்தல், ஏரிகள், அணைகள், குளங்கள், தடுப்பணைகள் ஆகியவற்றை தூர்வாரி, ஆழ்துளைக் கிணறுகளில் மழைநீர் சேகரிப்பு மற்றும் நீர் செறிவூட்ட வேண்டும். நீர் மேலாண்மை, மழை நீர் சேகரித்தல் குறித்து அரசு அலுவலர்கள், மாணவர்கள், பொதுமக்கள் உள்ளிட்ட அனைவரும் ஒருங்கிணைந்து விழிப்புணர்வுப் பணியைத் தொடர்ந்து மேற்கொள்ள வேண்டும் என்றார்.
 இதையடுத்து, மத்தியக் குழுவினர், தருமபுரி ஆட்சியர் அலுவலக கூட்டரங்கில் நடைபெற்ற கூட்டத்தில் நீர் மேலாண் திட்ட செயல்பாடுகள் குறித்த ஆய்வு செய்தனர்.
 மாவட்ட ஆட்சியர் சு.மலர்விழி, வட்டாட்சியர் இளஞ்செழியன், வட்டார வளர்ச்சி அலுவலர்கள் மகாலிங்கம், ரவிச்சந்திரன், அருள்மொழித்தேவன், விமலன், ஜெயராமன், அரசு அலுவலர்கள் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/21/அரசு-தனியார்-கட்டடங்களில்-மழைநீர்-சேகரிப்பை-கட்டமைக்க-வேண்டும்-நீர்-மேலாண்-இயக்க-மத்தியக்-குழுத்-த-3218115.html
3218112 தருமபுரி தருமபுரி தருமபுரி, கிருஷ்ணகிரியில் ராஜீவ் காந்தி பிறந்தநாள் விழா  தருமபுரி / கிருஷ்ணகிரி, DIN Wednesday, August 21, 2019 08:56 AM +0530 தருமபுரி மாவட்டத்தில், காங்கிரஸ் கட்சி சார்பில், ராஜீவ் காந்தி பிறந்தநாள் விழா செவ்வாய்க்கிழமை கொண்டாடப்பட்டது.
 தருமபுரி மாவட்ட காங்கிரஸ் கட்சி அலுவலகத்தில் நடைபெற்ற விழாவில், ராஜீவ் காந்தி உருவப் படத்துக்கு மாவட்டத் தலைவர் கோவி.சிற்றரசு மாலை அணிவித்து மரியாதை செலுத்தினார். இதையடுத்து, இண்டூர் மற்றும் பி.அக்ரஹாரத்தில் உள்ள ராஜீவ் காந்தியின் உருவ சிலைகளுக்கு மாலை அணிவித்து மரியாதை செலுத்தப்பட்டது. இந்த விழாவில், கட்சிப் பார்வையாளர் ராம.சுகந்தன் பங்கேற்று பொதுமக்களுக்கு இனிப்பு வழங்கினார். இதேபோல, தருமபுரி பேருந்து நிலையம் அருகே நகரத் தலைவர் செந்தில்குமார் மற்றும் காங்கிரஸ் நிர்வாகிகள் அவரது உருவப்படத்துக்கு மாலை அணிவித்தனர். மேலும், அரூர், பாப்பிரெட்டிப்பட்டி, காரிமங்கலம், பாலக்கோடு உள்பட மாவட்டம் முழுவதும் காங்கிரஸ் கட்சியினர் ராஜீவ் காந்தி பிறந்தநாளை கொண்டாடினர். இதில் அந்தந்த பகுதி நிர்வாகிகள் திரளானோர் கலந்து கொண்டனர்.
 அரூரில்...
 அரூரில் முன்னாள் பிரதமர் ராஜீவ் காந்தியின் 75ஆவது பிறந்த நாள் விழா செவ்வாய்க்கிழமை கொண்டாடப்பட்டது.
 காங்கிரஸ் கட்சி சார்பில் நடைபெற்ற இந்த விழாவுக்கு அரூர் கிழக்கு வட்டாரத் தலைவர் ஆர்.சுபாஷ் தலைமை வகித்தார்.
 அரூர் கச்சேரிமேடு சாலை சந்திப்பில் உள்ள ராஜீவ் காந்தியின் உருவ சிலைக்கு தருமபுரி மாவட்டத் தலைவர் கோவி. சிற்றரசு தலைமையில் கட்சி நிர்வாகிகள் மாலை அணிவித்து மரியாதை செலுத்தினர்.
 தொடர்ந்து, அரூர் கச்சேரிமேடு மற்றும் பேருந்து நிலையத்தில் பொதுமக்களுக்கு இனிப்புகள், சர்க்கரை பொங்கல் உள்ளிட்டவைகளை வழங்கினர்.
 இதில், நகரத் தலைவர் கே.கணேசன், மாவட்ட துணைத் தலைவர் வேடியப்பன், கட்சி நிர்வாகிகள் வைரவன், சிவலிங்கம், மோகன், செல்வம், முருகேசன், ஆறுமுகம், பெருமாள், சகுந்தலா, நாகஜோதி உள்ளிட்ட பலர் கலந்துகொண்டனர்.
 கிருஷ்ணகிரியில்...
 கிருஷ்ணகிரியில் காங்கிரஸ் கட்சியினர் முன்னாள் பிரதமர் ராஜீவ் காந்தியின் பிறந்தநாளை செவ்வாய்க்கிழமை கொண்டாடினர்.
 கிருஷ்ணகிரி கிழக்கு மாவட்ட காங்கிரஸ் கட்சி சார்பில் முன்னாள் பிரதமர் ராஜீவ் காந்தியின் 75ஆவது பிறந்த நாள் விழாவுக்கு மாவட்டத் தலைவர் சுப்பிரமணியன் தலைமை வகித்து, ராஜீவ் காந்தியின் உருவப் படத்துக்கு மாலை அணிவித்து மரியாதை செலுத்தினார். இந்த நிகழ்ச்சியில் நகர தலைவர் வின்சென்ட், வட்டாரத் தலைவர் பன்னீர் செல்வம், வழக்குரைஞர் காசிலிங்கம் உள்ளிட்டோர் பங்கேற்றனர்.
 போச்சம்பள்ளியில்...
 காங்கிரஸ் கட்சி சார்பில் மறைந்த முன்னாள் பிரதமர் ராஜீவ்காந்தியின் 75ஆவது பிறந்த நாள் விழா செவ்வாய்க்கிழமை கொண்டாடப்பட்டது.
 முன்னதாக ராஜீவ்காந்தி உருவ சிலைக்கு நிர்வாகிகள் மலர் மாலை அணிவித்து இனிப்பு வழங்கி கொண்டாடினர், விழாவுக்கு வட்டார தலைவர் விவேகானந்தன் தலைமை வகித்தார். மாவட்டத் தலைவர் சத்தியசீலன், முனுசாமிநாயுடு, கோவிந்தன், குமார், நாகராஜ் ஆகியோர் முன்னிலை வகித்தனர். மாவட்ட பொதுச் செயலாளர் மனோகரன் சிலைக்கு மாலை அணிவித்து இனிப்புகள் வழங்கினார். இதில் தனபால், மூர்த்தி, ஞானம், கோவிந்தசாமி, யாரப்பாஷா உள்ளிட்ட பலர் கலந்து கொண்டனர். முன்னதாக மாவட்டச் செயலாளர் நாகராஜ் வரவேற்றார். வட்டார செயலாளர் ஞானம் நன்றி கூறினார்.
 

]]>
https://www.dinamani.com/all-editions/edition-dharmapuri/dharmapuri/2019/aug/21/தருமபுரி-கிருஷ்ணகிரியில்-ராஜீவ்-காந்தி-பிறந்தநாள்-விழா-3218112.html
3218111 தருமபுரி தருமபுரி கடத்தூரில் ஆக்கிரமிப்புகள் அகற்றம் DIN DIN Wednesday, August 21, 2019 08:56 AM +0530 கடத்தூரில் சாலையோரம் இருந்த ஆக்கிரமிப்புகளை வருவாய்த் துறையினர் திங்கள்கிழமை அகற்றினர்.
 பாப்பிரெட்டிப்பட்டி வட்டம், கடத்தூர் நகரில் சாலையோரங்களில் ஆக்கிரமிப்புகள் இருப்பதாகவும்,
 இதனால் கடத்தூர் - பொம்மிடி, தருமபுரி சாலையில் போக்குவரத்து நெரிசல் இருப்பதாக புகார் எழுந்தது.
 இதையடுத்து, மாவட்ட ஆட்சியர் சு.மலர்விழி உத்தரவின்படி, அரூர் வருவாய் கோட்டாட்சியர் ஜி.புண்ணியக்கோட்டி தலைமையில், வருவாய்த்துறை மற்றும் கடத்தூர் பேரூராட்சி பணியாளர்கள் சாலையோர ஆக்கிரமிப்புகளை அகற்றும் பணியில் ஈடுபட்டனர்.
 கடத்தூர் பேருந்து நிலையங்கள், தருமபுரி சாலையோரங்களில் இருந்த ஆக்கிரமிப்புகளை அரசு அதிகாரிகள் அகற்றினர்.
 இதில், பாப்பிரெட்டிப்பட்டி வட்டாட்சியர் செழியன், செயல் அலுவலர் மா.ராஜா ஆறுமுகம், வருவாய் ஆய்வாளர் எழில்மொழி, கிராம நிர்வாக அலுவலர் சுரேஷ்பாபு, இளநிலை உதவியாளர் மோகன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/21/கடத்தூரில்-ஆக்கிரமிப்புகள்-அகற்றம்-3218111.html
3218110 தருமபுரி தருமபுரி ஒகேனக்கல் குடிநீர் விநியோகம் மீண்டும் தொடக்கம் DIN DIN Wednesday, August 21, 2019 08:55 AM +0530 நீர்வரத்து அதிகரிப்பு காரணமாக நிறுத்தப்பட்டிருந்த ஒகேனக்கல் குடிநீர் விநியோகம் மீண்டும் தொடங்கப்பட்டுள்ளதாக அதிகாரிகள் தெரிவித்தனர்.
 தருமபுரி மற்றும் கிருஷ்ணகிரி மாவட்டங்களுக்கு ஒகேனக்கல் காவிரி ஆற்றிலிருந்து ஒகேனக்கல் கூட்டுக் குடிநீர்த் திட்டம் மூலம் நீர் எடுத்து, சுத்திகரிக்கப்பட்டு குடிநீர் வழங்கப்பட்டு வருகிறது. ஆற்றிலிருந்து நீர் எடுக்க மூன்று மின் மோட்டார்கள் பயன்படுத்தப்படுகின்றன. தருமபுரி நகராட்சி உள்பட மாவட்டத்துக்கு 600 லட்சம் லிட்டர் குடிநீரும், கிருஷ்ணகிரி, ஒசூர் ஆகிய இரண்டு நகராட்சிகள் உள்பட கிருஷ்ணகிரி மாவட்டத்துக்கு 350 லட்சம் லிட்டர் குடிநீரும் விநியோகம் செய்யப்பட்டு வருகிறது.
 இந்த நிலையில், கர்நாடகம் மற்றும் கேரளத்தின் வயநாடு ஆகிய பகுதிகளில் அண்மையில் பெய்த கன மழையால், காவிரி நீர்ப்பிடிப்புப் பகுதிகளில் உள்ள கிருஷ்ணராஜசாகர், கபினி உள்ளிட்ட அணைகள் நிரம்பி வழிந்தன. இதையடுத்து, அணைகளுக்கு மிகையாக வந்த வெள்ளநீர் ஆற்றில் திறந்துவிடப்பட்டது. இந்த தண்ணீர் பிலிகுண்டுலு வழியாக ஒகேனக்கல் காவிரி ஆற்றுக்கு வந்தது. தொடக்கத்தில் விநாடிக்கு 5 ஆயிரம் கன அடியாக இருந்த நீர்வரத்து மெல்ல அதிகரித்து சுமார் 3 லட்சம் கன அடி வரை வந்தது.
 அதிக நீர்வரத்துக் காரணமாக, முன்னெச்சரிக்கை நடவடிக்கையாக கடந்த 10ஆம் தேதி ஒகேனக்கல் குடிநீர் விநியோகம் செய்யும் மின்மோட்டார்களின் இயக்கம் நிறுத்தப்பட்டது. இதனால், தருமபுரி நகராட்சி மற்றும் கிராமப் பகுதிகளில் ஒகேனக்கல் குடிநீர் விநியோகம் நிறுத்தப்பட்டது. இதனைத் தொடர்ந்து, ஒகேனக்கல் காவிரி ஆற்றில் நீர்வரத்துக் குறைந்தவுடன், கடந்த 13-ஆம் தேதி மீண்டும் குடிநீர் விநியோகம் செய்யும் பணி தொடங்கப்பட்டது. இதையடுத்து, கடந்த 18-ஆம் தேதி ஆற்றில் உள்ள இரண்டு மின் மோட்டார்கள் இயக்கப்பட்டு குடிநீர் விநியோகம் செய்யப்பட்டது. இதில், திங்கள்கிழமை (ஆக.19) தருமபுரி மாவட்டத்துக்கும், ஆக.20-ஆம் தேதி கிருஷ்ணகிரி மாவட்டத்துக்கும் குடிநீர் விநியோகம் செய்யப்பட்டது.
 இன்னும் ஓரிரு நாள்கள் வரை இரண்டு நாள்களுக்கு ஒருமுறையும் அதன்பின்பு, ஆற்றில் உள்ள மூன்று மின் மோட்டார்களும் இயக்க தொடங்கியவுடன், நாள்தோறும் குடிநீர் விநியோகம் செய்யும் பணி தொடங்கப்படும் எனவும் ஒகேனக்கல் குடிநீர்த் திட்ட பொறியாளர்கள் தெரிவித்தனர். இருப்பினும், தருமபுரி நகரம் மற்றும் கிராமப் பகுதிகளில் பல இடங்களில் முழுமையாக சீரான குடிநீர் விநியோகம் தொடங்கப்படவில்லை. பல இடங்களில் 4 நாள்கள் இடைவெளிவிட்டு குடிநீர் வழங்கப்பட்டு வருகிறது. இதனை முறைப்படுத்த தேவையான நடவடிக்கை எடுக்க வேண்டும் என பொதுமக்கள் வலியுறுத்தி வருகின்றனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/21/ஒகேனக்கல்-குடிநீர்-விநியோகம்-மீண்டும்-தொடக்கம்-3218110.html
3218108 தருமபுரி தருமபுரி ஊரக அஞ்சல் ஊழியர்கள் ஆர்ப்பாட்டம் DIN DIN Wednesday, August 21, 2019 08:55 AM +0530 தருமபுரியில் அகில இந்திய ஊரக அஞ்சல் ஊழியர்கள் பல்வேறு கோரிக்கைகளை வலியுறுத்தி, தலைமை அஞ்சல் கண்காணிப்பாளர் அலுவலகம் முன் செவ்வாய்க்கிழமை ஆர்ப்பாட்டத்தில் ஈடுபட்டனர்.
 இந்த ஆர்ப்பாட்டத்துக்கு, தருமபுரி கோட்டத் தலைவர் பெரியசாமி தலைமை வகித்தார். கோட்டச் செயலர் சந்திரன் கோரிக்கைகளை விளக்கிப் பேசினார். இதில், அஞ்சலகத்தில் இலக்கு என்கிற பெயரில் புதிய கணக்குகளைப் பிடிக்க சொல்லி வாரந்தோறும் நடத்தும் மேளாக்களை ரத்து செய்ய வேண்டும். மேளாவில் கலந்து கொள்ளாத ஊழியர்களை மிரட்டும் போக்கை கைவிட வேண்டும். இணையதள இணைப்புப் பிரச்னைகளைக் களைய நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. இதில், திரளான ஊரக அஞ்சல் ஊழியர்கள் கலந்து கொண்டனர்.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/21/ஊரக-அஞ்சல்-ஊழியர்கள்-ஆர்ப்பாட்டம்-3218108.html
3218107 தருமபுரி தருமபுரி தருமபுரியில் மூன்றாவது நாளாக மழை DIN DIN Wednesday, August 21, 2019 08:54 AM +0530 தருமபுரி மாவட்டத்தில் தொடர்ந்து மூன்றாவது நாளாக திங்கள்கிழமை இரவு பரவலாக மழை பெய்தது.
 தருமபுரி மாவட்டத்தில், கடந்த மூன்று நாள்களாக பகல் வேளைகளில் லேசான சாரல் மழையும், இரவில் பரவலாக மழையும் பெய்து வருகிறது. இதனால், வெப்பநிலை தணிந்து இரவு நேரங்களில் குளிர்ந்த காற்று வீசுகிறது. மேலும், தொடர்ந்து பெய்யும் மழையால், தாழ்வான பகுதிகள் மற்றும் விளை நிலங்களில் சிறிது அளவில் தண்ணீர் தேங்கி நிற்கிறது. மாவட்டத்தில், தொடர்ந்து பெய்து வரும் மழையால் நிலத்தடி நீர்மட்டம் உயரக்கூடும் என்பதால் விவசாயிகள், பொதுமக்கள் மகிழ்ச்சியடைந்துள்ளனர்.
 தருமபுரி மாவட்டத்தில் திங்கள்கிழமை பெய்த மழையளவு நிலவரம் மி.மீட்டரில்: தருமபுரி 21, அரூர் 24, பாப்பிரெட்டிப்பட்டி 3.2, பாலக்கோடு 12, பென்னாகரம் 15, ஒகேனக்கல் 1.2. மாவட்டத்தின் மொத்த மழையளவு 76.4 மி.மீ., சராசரி மழையளவு 10.91 மி.மீ.
 
 

]]>
https://www.dinamani.com/all-editions/edition-dharmapuri/dharmapuri/2019/aug/21/தருமபுரியில்-மூன்றாவது-நாளாக-மழை-3218107.html
3218105 தருமபுரி தருமபுரி மான் வேட்டையாடியவர் கைது DIN DIN Wednesday, August 21, 2019 08:53 AM +0530 அரூர் அருகே மான் வேட்டையாடியதாக தங்கம் (37) என்பவரை வனத் துறையினர் செவ்வாய்க்கிழமை கைது செய்தனர்.
 அரூர் வட்டம், பொய்யப்பட்டி வனப்பகுதியில் அடிக்கடி மான்கள் வேட்டையாடப்படுவதாக புகார் எழுந்தது. இதையடுத்து, மொரப்பூர் வனச்சரகர் தீ.கிருஷ்ணன் தலைமையிலான வனத் துறையினர் வாதாப்பட்டி, செல்லம்பட்டி, பொய்யப்பட்டி, கீழானூர் வனப் பகுதிகளில் ரோந்துப் பணியில் ஈடுபட்டனர்.
 அப்போது, கரடித்தடம் வனப்பகுதியில் சந்தேகமான முறையில் சுற்றித்திரிந்த ஒருவரை வனத் துறையினர் பிடித்து விசாரணை செய்தனர். இதில், அவர் முத்தானூரைச் சேர்ந்த ஜடையன் மகன் தங்கம் (37) என்பது தெரியவந்தது. இவர் வனப்பகுதியில் மான்களை வேட்டையாடி அதன் இறைச்சியை விற்பனைக்கு எடுத்துச் செல்வது தெரியவந்து. இதையடுத்து, தங்கத்தை வனத்துறையினர் கைது செய்து, அவரிடமிருந்து சுமார் 2 கிலோ மான் இறைச்சியைப் பறிமுதல் செய்தனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/21/மான்-வேட்டையாடியவர்-கைது-3218105.html
3217302 தருமபுரி தருமபுரி உள்ளாட்சிப் பணியாளர்களுக்கு குறைந்தபட்ச ஊதியம்: ரூ.18 ஆயிரம் வழங்க வலியுறுத்தல் DIN DIN Tuesday, August 20, 2019 08:53 AM +0530 உள்ளாட்சிப் பணியாளர்களுக்கு குறைந்தபட்ச ஊதியமாக ரூ.18 ஆயிரம் வழங்க வேண்டும் என ஏஐடியுசி உள்ளாட்சி பொதுப் பணியாளர்கள் சங்கம் வலியுறுத்தியுள்ளது.
 தருமபுரி மாவட்டம், மொரப்பூரில், ஏஐடியுசி உள்ளாட்சி பொதுப் பணியாளர்கள், மேல்நிலை நீர்த்தேக்கத் தொட்டி இயக்குவோர், துப்புரவுப் பணியாளர்கள், தூய்மைக் காவலர்கள் சங்கத்தின் பேரவைக் கூட்டம் ஞாயிற்றுக்கிழமை நடைபெற்றது.
 கூட்டத்துக்கு ஒன்றியப் பொறுப்பாளர்கள் என்.ராமச்சந்திரன்,கனகா ஆகியோர் தலைமை வகித்தனர். உள்ளாட்சிப் பணியாளர் சங்க மாநிலச் செயலர் கே.கிருஷ்ணன், ஏஐடியுசி மாவட்டப் பொதுச் செயலாளர் கே.மணி, வழக்குரைஞர் சி.மாதையன் ஆகியோர் பேசினர்.
 இக் கூட்டத்தில், உள்ளாட்சிப் பணியாளர்களுக்கு குறைந்தபட்சம் ஊதியம் ரூ.18 ஆயிரம் வழங்க வேண்டும். மாதம் ரூ.250 ஊதியத்தில் பணிபுரியும் மேல்நிலை நீர்த்தேக்கத் தொட்டி இயக்குவோர், துப்புரவுப் பணியாளர்கள், தூய்மைக் காவலர்களுக்கு காலமுறை ஊதியம் வழங்கி நிரந்தரம் செய்ய வேண்டும். அனைத்து பணியாளர்களுக்கும் பிரதி மாதம் 5-ஆம் தேதி ஊதியம் வழங்க வேண்டும். 7-ஆவது ஊதியக்குழு பரிந்துரைகளை அனைத்து ஊராட்சிப் பணியாளர்களுக்கும் வழங்க வேண்டும். மாறுபட்ட ஊதியம் வழங்குவதைத் தவிர்த்து ஒரே மாதிரியான ஊதியம் வழங்க வேண்டும். காலிப் பணியிடங்களில் தொகுப்பூதியத்தில் பணிபுரியும் பணியாளர்களுக்கு கல்வித் தகுதிக்கு ஏற்ப பதவி உயர்வு வழங்க வேண்டும் என்பன உள்ளிட்ட கோரிக்கைகள் வலியுறுத்தி தீர்மானங்கள் நிறைவேற்றப்பட்டன.
 கூட்டத்தில், சங்கத்தின் ஒன்றியத் தலைவராக டி.ராஜா, செயலராக என்.ராமச்சந்திரன், பொருளாளராக கனகா மற்றும் 15 பேர் கொண்ட ஒன்றிய நிர்வாகக்குழு உறுப்பினர்கள் புதிதாக தேர்வு செய்யப்பட்டனர்.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/20/உள்ளாட்சிப்-பணியாளர்களுக்கு-குறைந்தபட்ச-ஊதியம்-ரூ18-ஆயிரம்-வழங்க-வலியுறுத்தல்-3217302.html
3217295 தருமபுரி தருமபுரி நாட்டுத் துப்பாக்கி வைத்திருந்தவர் கைது DIN DIN Tuesday, August 20, 2019 08:51 AM +0530 பாப்பிரெட்டிப்பட்டி அருகே நாட்டுத் துப்பாக்கி வைத்திருந்ததாக வெங்கடாசலம் (42) என்பவரை போலீஸார் திங்கள்கிழமை கைது செய்தனர்.
 பாப்பிரெட்டிப்பட்டி வட்டம், செங்காட்டுப்புதூரைச் சேர்ந்தவர் விவசாயி வெங்கடாசலம் (42). இவர், நாட்டுத் துப்பாக்கியைப் பயன்படுத்தி மான்களை வேட்டையாடுவதாக புகார் எழுந்தது. இதையடுத்து, வனத்துறையினர் வெங்கடாசலத்துக்கு சொந்தமான விவசாய நிலம், மாட்டுக் கொட்டகையில் சோதனை செய்தனர். அப்போது அவரது மாட்டுக் கொட்டகையில் உரிமம் பெறாத ஒரு நாட்டுத் துப்பாக்கி இருப்பது தெரியவந்தது. இதையடுத்து, வனத் துறையினர் அளித்த தகவலின் பேரில், வெங்கடாசலத்தை அ.பள்ளிப்பட்டி போலீஸார் கைது செய்து, அவரிடமிருந்து நாட்டுத் துப்பாக்கியைப் பறிமுதல் செய்தனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/20/நாட்டுத்-துப்பாக்கி-வைத்திருந்தவர்-கைது-3217295.html
3217294 தருமபுரி தருமபுரி ஊதிய உயர்வு நிலுவைத் தொகையை வழங்க நீர்த்தேக்கத் தொட்டி இயக்குவோர் சங்கம் வலியுறுத்தல் DIN DIN Tuesday, August 20, 2019 08:46 AM +0530 ஏழாவது ஊதியக்குழு பரிந்துரைத்த ஊதிய உயர்வை நிலுவைத் தொகையுடன் வழங்க வேண்டும் என மேல்நிலை நீர்த்தேக்கத் தொட்டி இயக்குவோர் மற்றும் துப்புரவுப் பணியாளர்கள், தூய்மைக் காவலர்கள் சங்கம் வலியுறுத்தியுள்ளது.
 இது குறித்து அச்சங்கத்தின் மாவட்டத் தலைவர் என்.மனோகரன் திங்கள்கிழமை மாவட்ட ஆட்சியர் சு.மலர்விழியிடம் அளித்த மனு: தருமபுரி மாவட்டம், நல்லம்பள்ளி ஊராட்சி ஒன்றியத்தில் பணிபுரியும் நீர்த்தேக்கத் தொட்டி இயக்குவோருக்கு ஏழாவது ஊதியக்குழு பரிந்துரையின் அடிப்படையில், முழு ஊதியம் மற்றும் நிலுவைத் தொகையை வழங்க வேண்டும். அதேபோல, நிலுவையிலுள்ள 34 மாத கால தொட்டி சுத்தம் செய்ததற்கான தொகையை வழங்க வேண்டும். அதேபோல, பென்னாகரம், பாப்பிரெட்டிப்பட்டி, தருமபுரி, பாலக்கோடு, அரூர் ஊராட்சி ஒன்றியத்தில் நிலுவையிலுள்ள ஊதிய உயர்வு தொகை மற்றும் மொரப்பூர், காரிமங்கலம் ஒன்றியத்தில் பணியாற்றும் மேல்நிலை நீர்த்தேக்கத் தொட்டி இயக்குவோர் மற்றும் துப்புரவுப் பணியாளர்களுக்கு முழு ஊதியம் மற்றும் நிலுவைத் தொகை வழங்க வேண்டும் என வலியுறுத்தப்பட்டது.
 

]]>
https://www.dinamani.com/all-editions/edition-dharmapuri/dharmapuri/2019/aug/20/ஊதிய-உயர்வு-நிலுவைத்-தொகையை-வழங்க-நீர்த்தேக்கத்-தொட்டி-இயக்குவோர்-சங்கம்-வலியுறுத்தல்-3217294.html
3217293 தருமபுரி தருமபுரி அரசநத்தத்தில் செல்லிடப்பேசி உயர்கோபுரம் அமைக்க கோரிக்கை DIN DIN Tuesday, August 20, 2019 08:45 AM +0530 அரூரை அடுத்த அரசநத்தம் மலை கிராமத்தில் செல்லிடப்பேசி உயர்கோபுரம் அமைக்க வேண்டும் என கிராம மக்கள் கோரிக்கை விடுத்துள்ளனர்.
 பாப்பிரெட்டிப்பட்டி வட்டம், சித்தேரி கிராம ஊராட்சியில் 60-க்கும் மேற்பட்ட மலை கிராமங்கள் உள்ளன. இந்த ஊராட்சியில் சுமார் 5 ஆயிரம் மலைவாழ் பழங்குடியின மக்கள் வசிக்கின்றனர். சித்தேரி ஊராட்சியில் அரசு மேல்நிலைப் பள்ளி, அரசு ஆரம்ப சுகாதார நிலையம், துணை சுகாதார நிலையங்கள், தபால் அலுவலகம், அங்கன்வாடி மையங்கள், நியாயவிலைக் கடைகள், வனத்துறை அலுவலகம், மின்சார வாரிய அலுவலகம் உள்ளிட்ட அரசு அலுவலகங்கள் உள்ளன.
 இந்த நிலையில் சித்தேரி ஊராட்சிக்கு மேற்பட்ட அரசநத்தம், கலசப்பாடி மலைக் கிராமங்களில் செல்லிடப்பேசியின் உயர்கோபுர வசதி ( டவர்) இல்லாததால், இங்குள்ள மக்கள் தொலைத் தொடர்பு வசதிகளுக்காக பல்வேறு சிரமங்களை அடைகின்றனர்.
 செல்லிடப்பேசியில் தொடர்பு கொள்வதற்கு சுமார் 10 கிலோ மீட்டர் தொலைவுக்கு மலையில் இருந்து தரைப்பகுதிக்கு செல்ல வேண்டும். இதனால் இங்குள்ள பழங்குடியின மக்கள் நாள்தோறும் தொலைத்தொடர்பு வசதிக்கு ஏங்கும் நிலையுள்ளது. எனவே, சித்தேரி ஊராட்சிக்கு உள்பட்ட அரசநத்தம், கலசப்பாடி பகுதியில் வசிக்கும் மலைவாழ் பழங்குடியின மக்களுக்குத் தேவையான செல்லிடப்பேசியின் உயர்கோபுர வசதிகளை ஏற்படுத்த மத்திய, மாநில அரசுகள் உரிய நடவடிக்கை எடுக்க வேண்டும் என்பதே கிராம மக்களின் எதிர்பார்ப்பு.
 
 

]]>
https://www.dinamani.com/all-editions/edition-dharmapuri/dharmapuri/2019/aug/20/அரசநத்தத்தில்-செல்லிடப்பேசி-உயர்கோபுரம்-அமைக்க-கோரிக்கை-3217293.html
3217292 தருமபுரி தருமபுரி தீர்த்தகிரி ஈஸ்வரர் கோயில் நில ஆக்கிரமிப்புகளை அகற்றக் கோரிக்கை DIN DIN Tuesday, August 20, 2019 08:45 AM +0530 அரூர் தீர்த்தகிரி ஈஸ்வரர் கோயிலுக்கு சொந்தமான நிலங்களில் உள்ள ஆக்கிரமிப்புகளை அகற்றி மீட்க வேண்டும் என கோரி, சமூக செயற்பாட்டாளர் கொ.வேடியப்பன் மனு அளித்தார்.
 இது குறித்து, அவர், மாவட்ட ஆட்சியர் சு.மலர்விழியிடம் திங்கள்கிழமை அளித்த கோரிக்கை மனு: பல நூற்றாண்டுகள் பழமைவாய்ந்த அரூர் தீர்த்தகிரி ஈஸ்வரர் திருக்கோயிலுக்கு சொந்தான நிலங்கள், குளங்கள், மடங்களை தனிநபர்கள் ஆக்கிரமித்து பயன்படுத்தி வருகின்றனர்.
 தமிழ் சமூகத்தின் அடையாளமாக திகழும் இத் திருக்கோயிலுக்குச் சொந்தமான நிலங்கள், கட்டங்களை மீட்டெடுத்து, மீண்டும் திருக்கோயில் கட்டுப்பாட்டுக்குக் கொண்டு வந்து, அவற்றை தொல்லியல்துறை மூலம் பாதுகாக்க நடவடிக்கை எடுக்க வேண்டும். மேலும், நில ஆக்கிரமிப்பாளர்கள் மீது குற்றவியல் நடவடிக்கை எடுக்க வேண்டும்.

]]>
https://www.dinamani.com/all-editions/edition-dharmapuri/dharmapuri/2019/aug/20/தீர்த்தகிரி-ஈஸ்வரர்-கோயில்-நில-ஆக்கிரமிப்புகளை-அகற்றக்-கோரிக்கை-3217292.html
3217291 தருமபுரி தருமபுரி பொதியம்பள்ளம் அணைக்கட்டு கால்வாய்களை தூர்வார விவசாயிகள் வலியுறுத்தல் DIN DIN Tuesday, August 20, 2019 08:44 AM +0530 கடத்தூரில் பொதியம்பள்ளம் அணைக்கட்டு கால்வாய்களை தூர்வார வேண்டும் என விவசாயிகள் வலியுறுத்தியுள்ளனர்.
 பாப்பிரெட்டிப்பட்டி வட்டம், கடத்தூரில் பொதியம்பள்ளம் அணைக்கட்டு அமைந்துள்ளது. இந்த அணைக்கட்டுவில் இருந்து கடத்தூர் வட்டாரப் பகுதிகளைச் சேர்ந்த மடதள்ளி ஏரி, போசிநாய்க்கன்ஹள்ளி ஏரி, வெங்கடதாரஹள்ளி ஏரி, கடத்தூர் ஏரி உள்பட 18க்கும் மேற்பட்ட ஏரிகளுக்கு மழைநீர் செல்வதற்கான கால்வாய் வசதிகள் உள்ளன. கடந்த 2003ஆம் ஆண்டில், ரூ. 86.38 லட்சம் மதிப்பீட்டில், பொதியம்பள்ளம் அணைக்கட்டு விரிவாக்கப் பணிகள் நடைபெற்றன. அதற்குப் பிறகு போதிய பராமரிப்பு இல்லாத நிலையில், அணைக்கட்டிலிருந்து ஏரிகளுக்கு செல்லும் கால்வாய்கள் அனைத்தும் முள்புதர்களுடன், தூர் அடைந்தும் உள்ளது. இதனால், அணைக்கட்டிலிருந்து மழைக் காலங்களில் மழைநீர் ஏரிகளுக்கு செல்வது தடைபடும் நிலையுள்ளது.
 தற்போது பருவமழைக்காலம் என்பதால், ஏரிகளில் மழைநீரைச் சேமிக்கும் வகையில், கடத்தூர் பொதியம்பள்ளம் அணைக்கட்டிலிருந்து இருந்து ஏரிகளுக்கு செல்லும் கால்வாய்களை தூய்மை செய்ய பொதுப்பணித்துறையினர் உரிய நடவடிக்கை எடுக்க வேண்டும் என்பதே விவசாயிகளின் எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/aug/20/பொதியம்பள்ளம்-அணைக்கட்டு-கால்வாய்களை-தூர்வார-விவசாயிகள்-வலியுறுத்தல்-3217291.html
3217290 தருமபுரி தருமபுரி உரிமம் இன்றி உணவு வணிகம் செய்யக் கூடாது: ஆட்சியர் DIN DIN Tuesday, August 20, 2019 08:44 AM +0530 உணவு பாதுகாப்புத் துறையின் உரிமம் இன்றி, உணவு வணிகம் செய்யக் கூடாது; மீறினால் நிறுவனங்களின் இயக்கம் நிறுத்த நடவடிக்கை எடுக்கப்படும் என்று மாவட்ட ஆட்சியர் சு.மலர்விழி தெரிவித்துள்ளார்.
 இது குறித்து, அவர், திங்கள்கிழமை வெளியிட்ட செய்திக்குறிப்பு: உணவுப் பொருள் தயாரிப்பு நிறுவனங்கள், உணவுப் பாதுகாப்பு மற்றும் தரங்கள் சட்டம் 2006-இன் கீழ் உரிமம் பெற வேண்டியது அவசியம் ஆகும். வணிகர்கள் மட்டுமல்லாது மாவட்டத்தில் நடைபெறும் அன்னதானங்கள் போன்றவற்றுக்கும் உணவுப் பாதுகாப்பு உரிமம் பெற வேண்டும். ஆண்டுக்கு ரூ.12 லட்சத்துக்கு குறைவான விற்றுக் கொள்முதல் உள்ள உணவு வணிகர்கள் பதிவுச் சான்றிதழுக்கு ரூ.100, ரூ.12 லட்சத்துக்கும் மேற்பட்ட விற்றுக்கொள்முதல் செய்யும் உணவு வணிகர்கள் உரிமத்துக்கு ரூ.2000, ஒரு டன் வரை உற்பத்தி திறன் உள்ள பருப்பு மில் எண்ணெய் மில் போன்ற உணவுப் பொருள் தயாரிப்பாளர்கள் ரூ.3000, இரண்டு டன் வரை உற்பத்தித் திறன் உள்ள உணவுப் பொருள் தயாரிப்பாளர்கள் மற்றும் 3 நட்சத்திரம் மற்றும் அதற்கும் மேற்பட்ட உணவகங்கள் ரூ.5000 கட்டணம் செலுத்த வேண்டும். உணவுப் பாதுகாப்புத் துறையின் பதிவுச் சான்றிதழுக்கு தகுதிவாய்ந்த உணவு வணிகர்கள் மட்டும் அங்கீகரிக்கப்பட்ட "பொது சேவை மையங்களில்' விண்ணப்பித்தும் பதிவுச் சான்றிதழ் பெறலாம். உரிமம் பெறுவதற்கு கால அவகாசமோ அல்லது விலக்கோ எதுவுமில்லை என்பதால் உணவுப் பாதுகாப்பு உரிமம் பெறாத உணவு வணிகர்கள் உடனடியாக உரிமம் எடுக்க வேண்டுமெனவும் தெரிவிக்கப்படுகிறது. தவறும் பட்சத்தில் உணவு வணிக நிறுவனத்தின் இயக்கத்தை நிறுத்துவதற்கு நடவடிக்கை எடுக்கப்படும். உணவுப் பாதுகாப்பு உரிமம் மற்றும் பதிவுச் சான்றிதழ் பெறுவது முழுவதும் கணிணிமயப்படுத்தப்பட்டுள்ளது. இணையதளத்தில் விண்ணப்பிக்கும் போதே உரிமக் கட்டணம் செலுத்தவேண்டும். கருவூலச் சலான் மற்றும் ரொக்கம் ஏற்றுக் கொள்ளப்படமாட்டாது. மேலும், உணவுப் பாதுகாப்பு உரிமம் குறித்த சந்தேகங்களுக்கு மாவட்ட நியமன அலுவலரை 94999 89019 என்ற செல்லிடப்பேசி எண்ணிலோ அல்லது 94440 42322 என்கிற மாநில கட்செவி அஞ்சல் (வாட்ஸ்அப்) எண்ணிலோ தொடர்பு கொள்ளலாம் என்றார்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/20/உரிமம்-இன்றி-உணவு-வணிகம்-செய்யக்-கூடாது-ஆட்சியர்-3217290.html
3216716 தருமபுரி தருமபுரி தருமபுரி மாவட்டத்தில் 123.4 மி.மீ மழை DIN DIN Monday, August 19, 2019 09:30 AM +0530 தருமபுரி மாவட்டத்தில் சனிக்கிழமை 123.4 மி.மீ. மழை பெய்தது.
தருமபுரி மாவட்டத்தில் கடந்த சில நாள்களாக வறண்ட வானிலை காணப்பட்டது. இந்த நிலையில், சனிக்கிழமை இரவு தொடங்கி ஞாயிற்றுக்கிழமை நண்பகல் வரை மாவட்டம் முழுவதும் பரவலாக லேசானது முதல் மிதமான மழை பெய்தது. இதைத் தொடர்ந்து, நள்ளிரவு தருமபுரி நகரில் பெய்த பலத்த மழையால் சாலைகளில் வெள்ளம் பெருக்கெடுத்து ஓடியது.
மழையளவு மி.மீட்டரில் (ஞாயிற்றுக்கிழமை காலை வரை): தருமபுரி 10, பாலக்கோடு 22, மாரண்டஹள்ளி 21, பென்னாகரம் 8, ஒகேனக்கல் 16, அரூர் 27, பாப்பிரெட்டிப்பட்டி 19. சராசரியாக 17.63 மி.மீட்டர் மழை பதிவாகின.

]]>
https://www.dinamani.com/all-editions/edition-dharmapuri/dharmapuri/2019/aug/19/தருமபுரி-மாவட்டத்தில்-1234-மிமீ-மழை-3216716.html
3216102 தருமபுரி தருமபுரி நீர் நிலைகள் ஆக்கிரமிப்பு: பொதுமக்களுக்கு அமைச்சர் அறிவுரை DIN DIN Sunday, August 18, 2019 05:19 AM +0530
நீர் நிலைகளில் உள்ள ஆக்கிரமிப்புகளை அகற்றும் போது பொதுமக்கள் ஒத்துழைப்பு அளிக்க வேண்டும் என மாநில உயர் கல்வித் துறை அமைச்சர் கே.பி.அன்பழகன் கேட்டுக் கொண்டார்.
தருமபுரி அருகே செங்கல்மேட்டில் தேசிய ஊரக வேலை உறுதித் திட்டத்தின் கீழ் சனத்குமார் நதி புனரமைப்பு பணி தொடக்க விழா ஆட்சியர் சு.மலர்விழி தலைமையில் சனிக்கிழமை நடைபெற்றது. இவ் விழாவில், அமைச்சர் கே.பி.அன்பழகன், புனரமைப்பு பணிகளைத் தொடக்கிவைத்து பேசியது:
தருமபுரி மாவட்ட விவசாயிகள், பொதுமக்களின் கோரிக்கைகளை ஏற்று பல்வேறு நீர் மேலாண்மைத் திட்டங்களை அரசு செயல்படுத்தி வருகிறது. அலியாளம்- தூள்செட்டி ஏரி, எண்ணேகொல்புதூர்-தும்பலஅள்ளி, ஜெர்த்தலாவ்-புலிகரை இணைப்புக் கால்வாய், ஈச்சம்பாடியிலிருந்து பொதியன்பள்ளம் வரை நீர் கொண்டு செல்லும் திட்டம், மாரியம்மன்கோம்பை தடுப்பணை புனரைமைப்பு உள்ளிட்ட நீர் மேலாண்மைத் திட்டங்கள் செயல்படுத்த நிதி ஒதுக்கீடு செய்யப்பட்டு, தற்போது பணிகள் நடைபெற்று வருகிறது.
இதேபோல, மாவட்ட மக்களின் நீண்டநாள் கோரிக்கையை ஏற்று, சனத்குமார் நதியை புனரமைக்கும் திட்டம் தற்போது தொடங்கப்பட்டுள்ளது. மகாத்மா காந்தி தேசிய ஊரக வேலை உறுதித் திட்டத்தில், தின்னஅள்ளி முதல் கெலவள்ளி வரை 42.84 கிலோ மீட்டர் தொலைவுக்கு சனத்குமார் நதியின் வழித்தடங்கள் கண்டறிந்து, நில அளவீடுகள் செய்து, எல்லை கற்கள்
பதிக்கப்படும். 
மேலும், ஆக்கிரமிப்புகள் முழுவதும் அகற்றி, தூர்வாரி தடுப்பணைகள் கட்டுப்பட உள்ளது. இப்பணியில் நிலத்தடி நீரை செறிவூட்ட 383 மூழ்கு குழிகள், 184 செறிவூட்டு குழிகள், 36 செறிவூட்டு கிணறுகள், 52 கம்பிவலை கல் தடுப்பணைகள், 36 கான்கீரிட் தடுப்பணைகள் கட்டப்படுகிறது.
சனத்குமார் நதியில் ஆக்கிரமிப்புகளை அகற்றும் பணிகள் மாவட்ட நிர்வாகம் சார்பில் மேற்கொள்ளப்பட உள்ளது. நீர்நிலைகளில் உள்ள ஆக்கிரமிப்புகளைஅகற்ற பொதுமக்கள் முழு ஒத்துழைப்பு வழங்க வேண்டும். குறிப்பாக, ஆக்கிரமிப்பு செய்துள்ளவர்கள் தானாகவே முன்வந்து ஆக்கிரமிப்புகளை அகற்றி, பணிகள் வேகமாக நடைபெற உறுதுணையாக இருக்க வேண்டும் என்றார்.
முன்னதாக, தருமபுரி புறநகர்ப் பேருந்து நிலையத்தில் 30 புதிய பேருந்துகளை பல்வேறு வழித்தடங்களுக்கு இயக்கிவைத்தார். 
விழாவில் சட்டப்பேரவை உறுப்பினர்கள் ஆ.கோவிந்தசாமி (பாப்பிரெட்டிப்பட்டி), வே.சம்பத்குமார் (அரூர்), மாவட்ட வருவாய் அலுவலர் எச்.ரஹமத்துல்லா கான், சார்- ஆட்சியர் ம.ப.சிவன் அருள், வட்டாட்சியர் சுகுமார் ஆகியோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/நீர்-நிலைகள்-ஆக்கிரமிப்பு-பொதுமக்களுக்கு-அமைச்சர்-அறிவுரை-3216102.html
3216101 தருமபுரி தருமபுரி மொரப்பூரில் நாளை ஆதார் பதிவு, திருத்த சிறப்பு முகாம் DIN DIN Sunday, August 18, 2019 05:18 AM +0530
மொரப்பூரில் ஆதார் பதிவு மற்றும் திருத்தம் செய்வதற்கான சிறப்பு முகாம் திங்கள்கிழமை (ஆக. 19) நடைபெறுகிறது. தருமபுரி மாவட்டம், மொரப்பூர் துணை அஞ்சல் நிலையத்தில் ஆகஸ்ட் 19 முதல் 21-ஆம் தேதி வரை நடைபெறும் இந்த முகாமில் ஆதார் அடையாள  அட்டைக்கான புகைப்படம், விரல் ரேகைகள் பதிவு செய்தல், திருத்தம் செய்தல் உள்ளிட்ட பணிகள் மேற்கொள்ளப்படும்.
ஆதார் அட்டைகளைப் பதிவு செய்தல், திருத்தம் செய்வதற்காக மத்திய அரசால் அஞ்சல் துறை  அங்கீகரிக்கப்பட்டுள்ளது. எனவே, அஞ்சல் துறையில் நடைபெறும் இந்த சிறப்பு முகாமை பொதுமக்கள் பயன்படுத்திக்  கொள்ளலாம்.  ஏற்கனவே ஆதார் அட்டை வைத்திருப்பவர்கள் அதில் உள்ள பிழைகளை திருத்தம் செய்தல், தொலைபேசி  எண்களை மாற்றுதல், மின்னஞ்சல் மற்றும் பிறந்த தேதி உள்ளிட்டவைகளை திருத்தம் செய்ய உரிய ஆவணங்களை  சமர்பித்து திருத்தம் செய்யலாம். ஆதார் அட்டை திருத்தம் செய்வதற்கான கட்டணம் ரூ. 50-யை செலுத்த வேண்டும்.  இதேபோல், புதிதாக ஆதார் அடையாள அட்டை எடுக்கும் பணியும் நடைபெறும்.  5-வயதுக்குள்பட்ட சிறுவர்களுக்கு ஆதார் அட்டைக்கு புகைப்படம் எடுத்தால்,  சம்பந்தப்பட்டவரின் தாய் அல்லது தந்தையின் ஆதார் அட்டையுடன் நேரில் வர வேண்டும். மேலும், கல்வி நிறுவனங்கள், தொழில் நிறுவனங்கள், மருத்துவமனைகள், பள்ளிகளில் ஆதார் புகைப்படம்  எடுப்பதற்கான சிறப்பு முகாம்களை நடத்த கோரினால்,  சம்பந்தப்பட்ட நிறுவனத்தின் வளாகத்தில் அஞ்சல் துறை சார்பில்  சிறப்பு முகாம் நடத்தப்படும். மேலும், இதுகுறித்த விவரம் அறிய 04342-260932 என்ற  தொலைபேசி எண்ணில் தொடர்பு கொள்ளலாம் என அஞ்சல் துறை சார்பில் தெரிவிக்கப்பட்டுள்ளது. 
 

]]>
https://www.dinamani.com/all-editions/edition-dharmapuri/dharmapuri/2019/aug/18/மொரப்பூரில்-நாளை-ஆதார்-பதிவு-திருத்த-சிறப்பு-முகாம்-3216101.html
3216100 தருமபுரி தருமபுரி மரவள்ளி பயிர் மேலாண்மை பயிற்சி DIN DIN Sunday, August 18, 2019 05:18 AM +0530
தருமபுரி மாவட்டம், பாப்பாரப்பட்டி வேளாண் அறிவியல் நிலையத்தில், மரவள்ளி பயிர் மேலாண்மை பயிற்சி முகாம் விவசாயிகளுக்கு சனிக்கிழமை நடைபெற்றது.
வேளாண் தொழில்நுட்ப பயன்பாடு மற்றும் ஆராய்ச்சி மையத்தின் இயக்குநர் ஒய்.ஜி. பிரசாத் தலைமை வகித்து பேசினார். வேளாண் அறிவியல் நிலையத்தின் திட்ட ஒருங்கிணைப்பாளர் பா.ச.சண்முகம், மண்ணியல் துறை விஞ்ஞானி ம.சங்கீதா, உழவியல் விஞ்ஞானிகள் ப.அய்யாதுரை, வெண்ணிலா ஆகியோர் விவசாயிகளுக்கு பயிற்சி அளித்தனர்.
இப் பயிற்சி முகாமில் 120 விவசாயிகள் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/மரவள்ளி-பயிர்-மேலாண்மை-பயிற்சி-3216100.html
3216099 தருமபுரி தருமபுரி சத்துணவுப் பணியாளர்கள் சங்க மாவட்ட மாநாடு DIN DIN Sunday, August 18, 2019 05:18 AM +0530
தருமபுரியில் சத்துணவுப் பணியாளர்கள் சங்க மாவட்ட மாநாடு சனிக்கிழமை நடைபெற்றது.
எம்.ஜி.ஆர் சத்துணவு பணியாளர்கள் சங்க மாவட்ட தலைவர் ஏ.சி.கணேசன் தலைமை வகித்தார். இந்த மாநாட்டை தொடக்கிவைத்து மாநில உயர் கல்வித் துறை அமைச்சர் கே.பி.அன்பழகன் பேசியது: தருமபுரி மாவட்டத்தில் 1389 பள்ளிகளில் 1,24,654 மாணவ, மாணவியருக்கு 13 வகையான உணவு முட்டையுடன் சேர்த்து வழங்கப்பட்டு வருகிறது. 171 பணியாளருக்கு ஓய்வூதிய பலனாக ரூ.1.08 கோடி வழங்கப்பட்டுள்ளது. ஓய்வு பெற்ற 1482 பணியாளர்களுக்கு மாதந்தோறும் ரூ.2,000 வழங்கப்படுகிறது. 
இத் திட்டத்தில் பணிபுரியும் பணியாளர்களின் வாரிசுகளுக்கு கருணை அடிப்படை பணி நியமனம், பதவி உயர்வு, நியமன முறைப்படி வழங்கப்படுகிறது. தமிழக அரசு என்றென்றும் எம்.ஜி.ஆர் சத்துணவு திட்டப் பணியாளர்களுக்கு உறுதுணையாக இருக்கும் என்றார். மாநாட்டில் சட்டப்பேரவை உறுப்பினர்கள் ஆ.கோவிந்தசாமி (பாப்பிரெட்டிப்பட்டி), வே.சம்பத்குமார் (அரூர்), முதன்மைக் கல்வி அலுவலர் மு.ராமசாமி, மாவட்ட பால் உற்பத்தியாளர்கள் கூட்டுறவு ஒன்றியத் தலைவர் டி.ஆர்.அன்பழகன், ஆட்சியரின் நேர்முக உதவியாளர் (சத்துணவு) வேதநாயகம் ஆகியோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/சத்துணவுப்-பணியாளர்கள்-சங்க-மாவட்ட-மாநாடு-3216099.html
3216098 தருமபுரி தருமபுரி தலைமையாசிரியர்களுக்கு போக்ஸோ சட்ட விழிப்புணர்வு DIN DIN Sunday, August 18, 2019 05:18 AM +0530
தருமபுரியில் அரசு உயர்நிலைப் பள்ளி தலைமை ஆசிரியர்களுக்கு சனிக்கிழமை போக்ஸோ சட்டம் குறித்து விழிப்புணர்வு பயிலரங்கு நடைபெற்றது. 
பள்ளிக் கல்வித் துறை, குழந்தைகள் மீதான வன்முறைக்கு எதிரான கூட்டமைப்பு, தனியார் தொண்டு நிறுவனம் சார்பில் நடைபெற்ற பயிலரங்கிற்கு மாவட்ட முதன்மைக் கல்வி அலுவலர் மு.ராமசாமி தலைமை வகித்தார்.   
குழந்தைகள் மீதான வன்முறைக்கு எதிராக கூட்டமைப்பின் மண்டல ஒருங்கிணைப்பாளர் கே.பி.செந்தில்ராஜா முன்னிலை வகித்தார்.
இதில் தருமபுரி மகளிர் விரைவு அமர்வு நீதிமன்ற நீதிபதி ஏ.பரமராஜ் பேசியது: பள்ளியில் பாலியல் தொந்தரவுகள் நிகழ்ந்தால் காவல் துறை, குழந்தைகள் நல அலுவலர்களுக்கு உடனே தகவல் தெரிவிக்க வேண்டும். கடமையை செய்யாமல், அதை மறைக்கக் கூடாது. போக்ஸோ சட்டத்தில் குற்றவாளிக்கு ஏழு ஆண்டு தண்டனை எனில், அக்குற்றத்தை மறைப்பவர்களுக்கு, மூன்றரை ஆண்டு தண்டனை கிடைக்கும். 
இதேபோல பொய் காரணங்களுக்கு போக்ஸோவை பயன்படுத்தக் கூடாது. ஆசிரியர்கள் குழந்தைகளை அன்போடு அணுக வேண்டுமே தவிர, உடல் ரீதியாகவோ, பிற வகைகளிலோ அவர்களை தொந்தவு செய்யக் கூடாது என்றார். 
கூடுதல் மகளிர் நீதிமன்ற நீதிபதி ஜி.ரகோத்தமன் பேசியது: மும்பை, பெங்களூரு, லக்னெள போன்ற இடங்களில் குழந்தைகளுக்கு எதிரான பாலியல் தொந்தரவுகள் அதிகம் நிகழ்கிறது. இதேபோல, தமிழகத்தில், 2017-இல் 1,857, 2018-இல் 2,057 போக்ஸோ வழக்குள் பதிவு செய்யப்பட்டுள்ளன. கடந்த எட்டு மாதத்தில், தருமபுரியில் 28, சேலத்தில் 30, கிருஷ்ணகிரியில் 7 போக்ஸோ வழக்குகள் பதிவு செய்யப்பட்டுள்ளன. 
பெற்றோர்கள் குழந்தைகளுடன் இருப்பதில்லை. அதனால் தவறான ஆள்கள் அன்பாக பேசுவதால், அதை குழந்தைகள் நம்பும் நிலை உள்ளது. பெற்றோர்கள், குழந்தைகளை புரிந்து நடந்துகொள்வது அவசியமாகும் என்றார்.
மாவட்ட குழந்தைகள் நல பாதுகாப்பு அலுவலர் எம்.சிவகாந்தி, சமூக நலஅலுவலர் பி.கே.கீதா, மனநல மருத்துவர் ஆர். கற்பகம், குழந்தைகள் நல குழுமத் தலைவர் சரவணன், 120 தலைமை ஆசிரியர்கள் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/18/தலைமையாசிரியர்களுக்கு-போக்ஸோ-சட்ட-விழிப்புணர்வு-3216098.html
3216097 தருமபுரி தருமபுரி உணவு பாதுகாப்பு உரிமம் பதிவு முகாம் DIN DIN Sunday, August 18, 2019 05:18 AM +0530
தருமபுரியில் உணவு பாதுகாப்பு உரிமம் பதிவு, புதுப்பிப்பு சிறப்பு முகாம் சனிக்கிழமை வர்த்தகர் மஹாலில் நடைபெற்றது.
நகர வர்த்தக சங்க தலைவர் உத்தண்டி முன்னிலை  வகித்தார். ஒன்றிய உணவு பாதுகாப்பு அலுவலர் கே.நந்தகோபால், மாவட்ட உணவு பாதுகாப்பு அலுவலர் ஏ.பானு சுஜாதா ஆகியோர் பேசினார். இம் முகாமில், தருமபுரி நகரம், ஒன்றியத்துக்குள்பட்ட கிராமங்களில் உணவு தொழில் ஈடுபடுவோர் 100-க்கும் மேற்பட்டோர் உணவு பாதுகாப்பு உரிமம் மற்றும் பதிவு பெற விண்ணப்பங்கள் அளித்தனர். இதில், உணவு பாதுகாப்பு குறித்து விழிப்புணர்வு வாசங்கள் அடங்கிய துண்டுப் பிரசுரங்கள் வழங்கப்பட்டன. முகாமில் வர்த்தகர் சங்கச் செயலர் நாகராஜன், விநியோகிப்பாளர் சங்கத் தலைவர் மயில்வாகனம், செயலர் அருணாசேகர், அனைத்து வணிகர் சங்கப் பிரதிநிதிகள், விநியோகிப்பாளர்கள் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/உணவு-பாதுகாப்பு-உரிமம்-பதிவு-முகாம்-3216097.html
3216096 தருமபுரி தருமபுரி விழிப்புணர்வு முகாம் DIN DIN Sunday, August 18, 2019 05:17 AM +0530
அரூரில் பெரியார் பல்கலைக்கழக உறுப்பு கலை மற்றும் அறிவியல் கல்லூரியில் கேலி, கிண்டல் குறித்த விழிப்புணர்வு முகாம் வெள்ளிக்கிழமை நடைபெற்றது.
நிகழ்ச்சிக்கு கல்லூரி முதல்வர் எம்.செல்வபாண்டியன் தலைமை வகித்தார்.  கல்லூரிகளில் மாணவ, மாணவியரை கேலி, கிண்டல் செய்வதால் ஏற்படும் பாதிப்புகள்,  அவ்வாறான செயல்களில்ஈடுபடுவோருக்கு கிடைக்கும்  தண்டனைகள், சட்டப் பாதுகாப்புகள் குறித்து காவல் ஆய்வாளர் டி.கண்ணன் கருத்துரை வழங்கினார்.
இதில், லயோலா திறன் மேம்பாட்டுப் பயிற்சி மைய செயலர் ஜான்பால்,  வழக்குரைஞர் ரமேஷ்பாபு,  பேராசிரியர் சவிதா தேவி, உதவிப்  பேராசிரியர் கே.கோபிநாத், கல்லூரிப் பேராசிரியர்கள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/விழிப்புணர்வு-முகாம்-3216096.html
3216095 தருமபுரி தருமபுரி மதிகோன்பாளையம்-நாய்க்கன்கொட்டாய் சாலை பணியில் எச்சரிக்கை பலகைகள் பொருத்தக் கோரிக்கை DIN DIN Sunday, August 18, 2019 05:17 AM +0530
நான்கு வழிச்சாலையாக விரிவாக்கம் செய்யப்படும் மதிகோன்பாளையம்- நாய்க்கன்கொட்டாய் சாலையில் எச்சரிக்கை பலகைகள் மற்றும் சமிக்ஞைகள் அதிக எண்ணிக்கையில் பொருத்த வேண்டும் என வாகன ஓட்டிகள் கோரிக்கை விடுத்துள்ளனர்.
திருப்பத்தூர்-தருமபுரி-ஒகேனக்கல் நெடுஞ்சாலை நாய்க்கன்கொட்டாய், மதிகோன்பாளையம் வழியாக தருமபுரி நகருக்குள் நுழைந்து பின்னர் பென்னாகரம் வழியாக ஒகேனக்கல் வரை செல்கிறது. சென்னையிலிருந்து தருமபுரிக்கும், ஒகேனக்கல் அருவிக்கும் செல்லும் பிரதான சாலையான இச்சாலையில், வாகன போக்குவரத்து அதிகரித்து நெரிசல் ஏற்பட்டு வந்தது.
இதனை தவிர்த்திட, இச்சாலையை விரிவுப்படுத்தி நான்கு வழிச்சாலையாக மேம்படுத்த தமிழக அரசு முடிவு செய்து அறிவிக்கப்பட்டது. மதிகோன்பாலையத்திலிருந்து நாய்க்கன்கொட்டாய் வரை சுமார் 7 கி.மீ. தொலைவுக்கு தற்போது இருவழிச் சாலையாக உள்ள இந்தச் சாலையை நான்கு வழிச் சாலையாக மேம்படுத்த நிதி ரூ. 25.68 கோடி அண்மையில் ஒதுக்கீடுசெய்யப்பட்டது.
இதைத் தொடர்ந்து, சாலையை மேம்படுத்தும் பணிகள் கடந்த ஜூலை மாதம் தொடங்கப்பட்டது. தற்போது 7 மீட்டர் அகலம் உள்ள இச்சாலை 15.70 மீட்டருக்கு விரிவுப்படுத்தப்பட உள்ளது. மேலும், சாலையின் நடுவில் 1,125 மீட்டருக்குத் தடுப்புச் சுவரும் அமைக்கப்பட உள்ளது. இவைத் தவிர, இச்சாலையில் 3 சிறு பாலங்கள், ஒரு பாலம் கட்டப்பட உள்ளன. 
இந்தச் சாலை விரிவாக்கப் பணிகளுக்காக, தற்போது மதிகோன்பாளையம் அருகே குப்பூரிலிருந்து நாய்க்கன்கொட்டாய் வரை சாலையின் இருபுறமும், சில இடங்களில் ஒரு புறம் மட்டும் நீண்ட தொலைவுக்கு சுமார் 2 முதல் 3 அடிக்கு பள்ளம் தோண்டப்பட்டுள்ளன.
இப் பள்ளத்தை வாகன ஓட்டிகள் அறிந்துகொள்ளும் வகையில், தற்போது மணல் மூட்டைகள் வரிசையாக தடுப்புகளாக வைக்கப்பட்டுள்ளன. ஒரு சில இடங்களில் மட்டும் சாலை விரிவாக்கப் பணி நடைபெறுகிறது என பலகைகள் வைக்கப்பட்டுள்ளன. ஆனால், இவை போதுமானதாக இல்லை. இதனால், இரவு நேரங்களில் இச்சாலை வழியாக வரும் வாகனங்கள் விபத்தில் சிக்கும் சூழல் ஏற்பட்டுள்ளது. மேலும், சாலையில் இலகுரக மற்றும் கனரக வாகனங்கள் வேகமாக கடந்து செல்லும்போது, அவற்றை ஒட்டி ஓரமாக இருசக்கர வாகனத்தில் வருவோர், நிலைதடுமாறி இப்பள்ளத்தில் விழும் சூழலும் நிலவுகிறது.
எனவே, இவற்றை தவிர்க்க, சாலையோரம் நீண்ட தொலைவுக்கு விரிவாக்கப் பணிகளுக்குத் தோண்டப்பட்ட பள்ளத்தை விரைந்து மண் கொட்டி நிரப்ப நடவடிக்கை எடுக்க வேண்டும். அதுவரை, வரிசையாக அடுக்கி வைக்கப்பட்டுள்ள மணல் மூட்டைகளில் மிளிரும் எச்சரிக்கை ஸ்டிக்கர் அல்லது சமிக்ஞைகள் கொண்ட பலகைகள் ஆங்காங்கே கூடுதல் எண்ணிக்கையில் தமிழ் மற்றும் ஆங்கில மொழிகளில் அனைத்து வாகன ஓட்டுநர்களும் அறியும் வகையில் பொருத்த நெடுஞ்சாலைத்துறையினர் உரிய நடவடிக்கை எடுக்க வேண்டும் என்பதே வாகன ஓட்டிகள் தற்போதைய எதிர்ப்பார்ப்பாக உள்ளது.
 

]]>
https://www.dinamani.com/all-editions/edition-dharmapuri/dharmapuri/2019/aug/18/மதிகோன்பாளையம்-நாய்க்கன்கொட்டாய்-சாலை-பணியில்-எச்சரிக்கை-பலகைகள்-பொருத்தக்-கோரிக்கை-3216095.html
3216094 தருமபுரி தருமபுரி ஊத்தங்கரைஅதியமான் மகளிர் கல்லூரியில் சுதந்திர தினவிழா DIN DIN Sunday, August 18, 2019 05:17 AM +0530
ஊத்தங்கரைஅதியமான் மகளிர் கலை மற்றும் அறிவியல்  கல்லூரியில்  73ஆவது சுதந்திர தின விழா சிறப்பாக கொண்டாடப்பட்டது.
அதியமான் கல்வி நிறுவனங்களின் நிறுவனர்  சீனி.திருமால் முருகன் சிறப்பு விருந்தினராக பங்கேற்று மாணவியரின் அணிவகுப்பு மரியாதையுடன் தேசியக் கொடியேற்றி வைத்தார்.  தேசத் தலைவர்கள் பற்றியும், அவர்கள் சுதந்திரத்துக்காக அரும்பாடு பட்டதையும், அதன் பயன் குறித்தும் சிறப்புரையாற்றினார். கல்லூரி செயலர்  ஷோபாதிருமால் முருகன், மாணவியர்களுக்கு இனிப்புகள் வழங்கி சுதந்திரத்தின் முக்கியத்துவம் பற்றியும், நாட்டின் வளர்ச்சியில் இளைஞர்களின் பங்கு பற்றியும் எடுத்துரைத்தார். கல்லூரி முதல்வர் ப.உமாமகேஸ்வரி,  தலைவர்களின் வீரமரணத்தைப் பற்றி எடுத்துக் கூறினார். நிகழ்வையொட்டி துறை வாரியாக நடைபெற்ற பல்வேறு போட்டிகளில் வெற்றி பெற்ற மாணவியருக்கு  பரிசும்,  பாராட்டுச் சான்றிதழ்களும் வழங்கி கல்லூரி செயலர் விழாவை நிறைவு செய்தார்.
 

]]>
https://www.dinamani.com/all-editions/edition-dharmapuri/dharmapuri/2019/aug/18/ஊத்தங்கரைஅதியமான்-மகளிர்-கல்லூரியில்-சுதந்திர-தினவிழா-3216094.html
3215436 தருமபுரி தருமபுரி விவசாயிகளுக்கு பயிற்சி முகாம் DIN DIN Saturday, August 17, 2019 09:26 AM +0530 நல்லம்பள்ளி அருகே கம்மம்பட்டியில் அட்மா திட்டம் சார்பில் விவசாயிகளுக்கு பயிற்சி முகாம் வெள்ளிக்கிழமை நடைபெற்றது.
 வேளாண் உதவி இயக்குநர் சு. தேன்மொழி தலைமை வகித்து, உழவர் உற்பத்தியாளர் குழு நடைமுறைகள், பிரதமரின் விவசாயிகளுக்கான ஓய்வூதியத் திட்டம், நீர் மேலாண்மைத் திட்டங்கள் குறித்து விளக்கமளித்தார். உதவி வேளாண்மை அலுவலர் மாதேஸ், வேளாண்துறை சார்ந்த மானியத் திட்டங்கள் குறித்து எடுத்துரைத்தார். வேளாண் வணிகம் மற்றும் விற்பனை துறையின் உதவி வேளாண்மை அலுவலர் சங்கர், தேங்காய் கொப்பரை கொள்முதல் மற்றும் குழு விவசாயிகள் உற்பத்தி செய்யும் விளைபொருள்களை மதிப்புக் கூட்டுதல், விவசாயிகள் உழவர் சந்தையில் உறுப்பினர் அட்டை பெறும் முறைகள் குறித்து விளக்கமளித்தார். வட்டார தொழில்நுட்ப மேலாளர் அருண்குமார், உழவன் செயலி தொடர்பாக விளக்கமளித்தார். இப் பயிற்சியில், உதவி தொழில்நுட்ப மேலாளர்கள் கபிலன், ச. தமிழ்செல்வி மற்றும் 40-க்கும் மேற்பட்ட விவசாயிகள் கலந்து கொண்டனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/17/விவசாயிகளுக்கு-பயிற்சி-முகாம்-3215436.html
3215387 தருமபுரி தருமபுரி ஏரிக்கரையில் தடுப்புச் சுவர் கட்ட கோரிக்கை DIN DIN Saturday, August 17, 2019 09:07 AM +0530 சிந்தல்பாடி அருகில் ஏரிக்கரையில் தடுப்புச் சுவர் கட்ட வேண்டும் என பொதுமக்கள் கோரிக்கை விடுத்துள்ளனர்.
 பாப்பிரெட்டிப்பட்டி வட்டம், சிந்தல்பாடியில் இருந்து அம்பாளப்பட்டி செல்லும் தார்ச்சாலையோரத்தில் ஏரி அமைந்துள்ளது. இந்த சாலை வழியாக சிந்தல்பாடி, அம்பாளப்பட்டி, கடத்தூர் பகுதிகளுக்குச் செல்லும் அரசு நகரப் பேருந்துகள், தனியார் பள்ளிப் பேருந்துகள், லாரிகள், டிராக்டர்கள் மற்றும் இருசக்கர வாகனங்கள் நாள்தோறும் வந்துச் செல்கின்றன.
 இந்த நிலையில், சிந்தல்பாடி ஏரிக்கரைப் பகுதிகள் சேதமடைந்துள்ளது. மேலும் சாலையோரத்தில் தடுப்புச் சுவர் இல்லாமல் உள்ளது. அதேபோல, சாலையானது வளைவாகவும் மிகவும் ஆபத்தான நிலையில் இருப்பதால் இந்த வழித்தடத்தில் அடிக்கடி விபத்துகள் நேரிடுகின்றன. எனவே, மாவட்ட நிர்வாகம் சார்பில் சிந்தல்பாடி-அம்பாளப்பட்டி சாலையில் உள்ள ஏரியின் கரைப் பகுதிகளில் தடுப்புச் சுவர் அமைக்க வேண்டும் என்பதே பொதுமக்களின் எதிர்பார்ப்பு.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/17/ஏரிக்கரையில்-தடுப்புச்-சுவர்-கட்ட-கோரிக்கை-3215387.html
3215385 தருமபுரி தருமபுரி கிட்டங்கியில் தீ விபத்து: சாக்குப் பைகள் எரிந்து சேதம் DIN DIN Saturday, August 17, 2019 09:07 AM +0530 தருமபுரி அருகே குண்டலப்பட்டியில் கிட்டங்கியில் ஏற்பட்ட தீ விபத்தில் அதிலிருந்த சாக்குப் பைகள் முற்றிலும் எரிந்து சேதமடைந்தன.
 தருமபுரி அடுத்த அதகப்பாடி கிராமத்தைச் சேர்ந்தவர் ஆனந்த். இவர், குண்டலப்பட்டியில் உள்ள கிட்டங்கியில் சாக்குப் பைகள் (சணல்) சேகரித்து மொத்தமாக விற்பனை செய்து வருகிறார். இந்த நிலையில், வெள்ளிக்கிழமை இக்கிட்டங்கியில் திடீரென தீ விபத்து ஏற்பட்டது. இதில், உள்ளே அடுக்கி வைக்கப்பட்டிருந்த ஆயிரக்கணக்கான சாக்குப் பைகள் முழுவதும் தீப்பற்றி எரிந்தன. மேலும், கட்டடத்தின் சில பகுதிகளிலும் தீ பரவியது.
 இது குறித்து, தகவல் அறிந்து தருமபுரி தீயணைப்பு மற்றும் மீட்புப் பணி வீரர்கள் மூன்று தீயணைப்பு வாகனங்களை வரவழைத்து நீண்ட நேரம் போராடி தீயை அணைத்தனர். இருப்பினும், இவ்விபத்தில் கட்டடம் மற்றும் கிட்டங்கியில் இருந்த பல லட்சம் மதிப்புள்ள சாக்குப் பைகள் எரிந்தன. இவ் விபத்து தொடர்பாக, மதிகோன்பாளையம் போலீஸார் வழக்குப் பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/17/கிட்டங்கியில்-தீ-விபத்து-சாக்குப்-பைகள்-எரிந்து-சேதம்-3215385.html
3215383 தருமபுரி தருமபுரி மூன்று பேருந்துகளின் வழித்தடங்கள் நீட்டிப்பு DIN DIN Saturday, August 17, 2019 09:07 AM +0530 தருமபுரி மாவட்டம், பாலக்கோட்டில் வெள்ளிக்கிழமை மூன்று அரசுப் பேருந்துகளின் வழித்தடங்கள் நீட்டிக்கப்பட்டன.
 அரசு போக்குவரத்துக் கழகம், தருமபுரி மண்டலம் சார்பில் 2 நகரப் பேருந்துகள் மற்றும் ஒரு புறநகர் பேருந்து வழித்தடங்கள் நீட்டிப்பு நிகழ்ச்சி வெள்ளிக்கிழமை நடைபெற்றது. மாவட்ட ஆட்சியர் சு.மலர்விழி தலைமையில் நடைபெற்ற இந்த நிகழ்ச்சியில், மாநில உயர்கல்வித்துறை அமைச்சர் கே.பி.அன்பழகன், கொடியசைத்து பேருந்து போக்குவரத்தை தொடக்கி வைத்து பேசியது: தருமபுரியில் பொதுமக்கள், பள்ளி மற்றும் கல்லூரி மாணவ, மாணவியர் பயன்படுத்தும் வகையில் 2 நகரப் பேருந்துகள் மற்றும் ஒரு புறநகர் பேருந்து வழித்தடம் நீட்டித்து இயக்கப்படுகிறது. இதில், தருமபுரி மாவட்டத்தில் பாலக்கோடு கிளையிலிருந்து தடம் எண் பி 18 மற்றும் தடம் எண் பி 15 என்ற வழித் தடத்தில் காலை 9.30 மணிக்கும், மாலை 5.40 மணிக்கும் பாலக்கோடு பேருந்து நிலையிலிருந்து அரசு பாலிடெக்னிக் கல்லூரி மற்றும் அரசு கலைக் கல்லூரி வரை இயக்கப்படும். தருமபுரி புறநகர் கிளையிலிருந்து தடம் எண் 212 எச் என்ற வழித்தடத்தில் தருமபுரி - ஓசூர் செல்லும் பேருந்து ஜக்கசமுத்திரம் வழியாக காலை 9.35 மணிக்கும், மாலை 3.10 மணி 5.50 மணிக்கும் இயக்கப்பட உள்ளது. இந்த சேவைகளை பொதுமக்கள் மற்றும் மாணவ, மாணவியர் பயன்படுத்திக் கொள்ள வேண்டும் என்றார்.
 இந்த நிகழ்ச்சியில், சார் ஆட்சியர் ம.ப.சிவன் அருள், போக்குவரத்துக் கழக துணை மேலாளர்கள் சிவமணி, ஜெயபாலு, வட்டாட்சியர் வெங்கடேஸ்வரன், கிளை மேலாளர் விமலன் ஆகியோர் கலந்து கொண்டனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/17/மூன்று-பேருந்துகளின்-வழித்தடங்கள்-நீட்டிப்பு-3215383.html
3215381 தருமபுரி தருமபுரி கிணற்றிலிருந்து சிறுவன் சடலம் மீட்பு DIN DIN Saturday, August 17, 2019 09:06 AM +0530 பாப்பிரெட்டிப்பட்டி அருகே விவசாயக் கிணற்றில் இருந்த சிறுவனின் சடலத்தை போலீஸார் வெள்ளிக்கிழமை மீட்டனர்.
 பாப்பிரெட்டிப்பட்டி அருகேயுள்ள கர்த்தானூரைச் சேர்ந்த தொழிலாளி குமரேசன் மகன் அரவிந்தன் (16). இவர், தனியார் பேருந்தில் உதவியாளராகப் பணிபுரிந்து வந்துள்ளார்.
 இந்த நிலையில், மோளையானூரில் கடந்த 10ஆம் தேதி இரவு நடைபெற்ற ஆடல், பாடல் நிகழ்ச்சியைப் பார்க்க சென்ற அரவிந்தன் வீடு திரும்பவில்லையாம்.
 இதையடுத்து, மோளையானூரில் பிரவீன் என்பவரது விவசாயக் கிணற்றில் சிறுவன் அரவிந்தன் சடலம் மிதப்பது தெரியவந்தது. ஆடல், பாடல் நிகழ்ச்சி பார்த்துவிட்டு திரும்பிவரும்போது கிணற்றில் தவறி விழுந்து இறந்தாரா அல்லது சிறுவனை மர்ம நபர்கள் அடித்துக் கொலை செய்தனரா என்பது குறித்து பாப்பிரெட்டிப்பட்டி போலீஸார் வழக்குப் பதிந்து விசாரணை மேற்கொண்டுள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/17/கிணற்றிலிருந்து-சிறுவன்-சடலம்-மீட்பு-3215381.html
3215379 தருமபுரி தருமபுரி செந்தில் மெட்ரிக் பள்ளியில் சுதந்திர தின விழா DIN DIN Saturday, August 17, 2019 09:06 AM +0530 தருமபுரி செந்தில் மெட்ரிக் மேல்நிலைப் பள்ளியில் சுதந்திர தின விழா மற்றும் விளையாட்டு தின விழா நடைபெற்றது.
 சுதந்திர தின விழாவில் செந்தில் கல்வி நிறுவனங்களின் தலைவர் செந்தில் சி.கந்தசாமி தேசிய கொடியை ஏற்றிவைத்து, உயர்ந்த குறிக்கோளுடன் முன்னேற தனது கடின உழைப்பையும், அனுபவங்களையும் எடுத்துரைத்தார்.
 இதையடுத்து வெள்ளிக்கிழமை பள்ளியில் நடைபெற்ற விளையாட்டு தின விழாவில், சிறப்பு விருந்தினராக மேற்கு மண்டல முன்னாள் காவல்துறை தலைவர் ஏ. பாரி கலந்துகொண்டு விளையாட்டுத் தின கொடியை ஏற்றிவைத்து மாணவர்களின் அணிவகுப்பு மரியாதையை ஏற்றார். பின்னர் ஒலிம்பிக் விளக்கை ஏற்றிவைத்தார். மூத்த முதல்வர் ஆர்.பழனிசாமி வரவேற்றார். பள்ளித் தலைவர் செந்தில் சி.கந்தசாமி தலைமை வகித்தார். பள்ளி விளையாட்டுத் துறை ஆசிரியர் முருகன் விளையாட்டு ஆண்டறிக்கை வாசித்தார்.
 பள்ளி முதல்வர்கள் எம்.வள்ளியம்மாள், எம்.கிருஷ்ணவேணி, எஸ்.எம்.ரபிக் அஹமத் ஆகியோர் பேசினர்.
 சிறப்பு விருந்தினர் ஏ.பாரி, சங்கத் தமிழின் சிறப்பையும், அதிலிருந்து மாணவர்கள் அறிந்துகொள்ள வேண்டிய பாடங்களையும், சுற்றுச்சூழலை பாதுகாக்க அனைத்து உயிரினங்களின் வாழ்வாதாரத்தைப் பாதுகாப்பதன் முக்கியத்துவத்தையும் மாணவர்களுக்கு உணர்த்தினார். விளையாட்டில் வெற்றி பெற்ற மாணவ, மாணவியருக்கு சான்றிதழ் கோப்பைகளை துணைத்தலைவர் கே.மணிமேகலை கந்தசாமி மற்றும் சிறப்பு விருந்தினர்கள் வழங்கினர் (படம்). அதைத் தொடர்ந்து மாணவர்களின் கலை நிகழ்ச்சிகள் நடைபெற்றன. பள்ளி துணை முதல்வர் எஸ்.கவிதா ன்றி கூறினார்.
 

]]>
https://www.dinamani.com/all-editions/edition-dharmapuri/dharmapuri/2019/aug/17/செந்தில்-மெட்ரிக்-பள்ளியில்-சுதந்திர-தின-விழா-3215379.html
3215377 தருமபுரி தருமபுரி அரசு கல்லூரியில் அரசியல் அறிவியல் பாடப் பிரிவில் சேர விண்ணப்பிக்கலாம்   DIN DIN Saturday, August 17, 2019 09:06 AM +0530 தருமபுரி அரசு கலைக் கல்லூரியில் புதிதாக தொடங்கப்பட்டுள்ள இளநிலை அரசியல் அறிவியல் பாடப் பிரிவில் சேர, மாணவர்கள் விண்ணப்பிக்கலாம் என்று தெரிவிக்கப்பட்டுள்ளது.
 இது குறித்து, தருமபுரி அரசு கலைக் கல்லூரி முதல்வர் (பொறுப்பு) ஜெ.பாக்கியமணி வெள்ளிக்கிழமை வெளியிட்ட செய்திக்குறிப்பு: தருமபுரி அரசு கலைக் கல்லூரியில் இளநிலை அரசியல் அறிவியல் பாடப் பிரிவு நிகழ் கல்வியாண்டில் தொடங்க அரசு அனுமதி அளித்துள்ளது.
 எனவே, இப்பாடப் பிரிவில் சேர்க்கைக்கு வருகிற ஆக.19 ( திங்கள்கிழமை) முதல் ஆக.23 (வெள்ளிக்கிழமை) வரை விண்ணப்பங்கள் வழங்கப்படும். எனவே, அரசியல் அறிவியல் பாடப்பிரிவில் சேர மாணவர்கள் விண்ணப்பிக்கலாம். விண்ணப்பத்தின் விலை ரூ.50 ஆகும். தலித் மற்றும் பழங்குடியின மாணவர்களுக்கு இலவசமாக வழங்கப்படும் என்றார்.
 
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/17/அரசு-கல்லூரியில்-அரசியல்-அறிவியல்-பாடப்-பிரிவில்-சேர-விண்ணப்பிக்கலாம்-3215377.html
3214674 தருமபுரி தருமபுரி பாப்பிரெட்டிப்பட்டி கல்லூரியில் இன்று மாணவர் சேர்க்கை DIN DIN Friday, August 16, 2019 09:01 AM +0530 பாப்பிரெட்டிப்பட்டியில் பெரியார் பல்கலைக் கழக உறுப்பு கலை மற்றும் அறிவியல் கல்லூரியில் வெள்ளிக்கிழமை (ஆக. 16) இறுதிகட்ட மாணவர் சேர்க்கை நடைபெறுவதாக கல்லூரி முதல்வர் பா. கார்த்திகேயன் தெரிவித்துள்ளார்.
 இதுகுறித்து அவரது செய்திக் குறிப்பு:
 பாப்பிரெட்டிப்பட்டி கல்லூரியில் இளம்கலை தமிழ், ஆங்கிலம், வணிகவியல், கணிதம், கணினி அறிவியல் மற்றும் இயற்பியல் துறைகளில் மாணவ, மாணவியர் சேர்க்கை நடைபெறுகிறது.
 இதற்காக மாணவ, மாணவியரிடமிருந்து விண்ணப்பங்கள் வரவேற்கப்படுகின்றன. ஆர்வமுள்ள மாணவ, மாணவியர்கள் தங்கள் சான்றிதழ்களுடன் வெள்ளிக்கிழமை காலை 10 மணியளவில் பாப்பிரெட்டிப்பட்டி கல்லூரிக்கு நேரில் வரலாம் எனவும் அந்த செய்திக் குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/dharmapuri/2019/aug/16/பாப்பிரெட்டிப்பட்டி-கல்லூரியில்-இன்று-மாணவர்-சேர்க்கை-3214674.html
3214672 தருமபுரி தருமபுரி பள்ளிகளில் சுதந்திர தின விழா DIN DIN Friday, August 16, 2019 09:01 AM +0530 தருமபுரி மாவட்டத்தில் அரசு மற்றும் தனியார் பள்ளி சுதந்திர தின விழா வியாழக்கிழமை கொண்டாடப்பட்டது.
 பாலக்கோடு கல்வி மாவட்டம், மதகிரி பள்ளியில் நடைபெற்ற விழாவுக்கு, பள்ளித் தலைமை ஆசிரியர் எம்.தனபால் தலைமை வகித்தார். இதில், பத்தாம் வகுப்பு பொதுத் தேர்வில் முதல் மூன்று இடங்களை வகித்த மாணவர்களுக்கு, கிருஷ்ணகிரி மாவட்டம், ராயக்கோட்டை ஆர்.எம்.எம்.ஜூவல்லரி சார்பில், தங்க நாணயங்கள் வழங்கப்பட்டன.
 மேலும், விளையாட்டுப் போட்டிகளில் சிறப்பிடம் வகித்தவர்களுக்கு பொறியாளர் சி.ரமேஷ் பரிசு மற்றும் சான்றிதழ்களை வழங்கினார். இதையடுத்து, கிராம மக்கள் 30-க்கும் மேற்பட்டோர் ரூ.ஆயிரம் செலுத்தி பள்ளியில் தங்களைப் புரவலர்களாக இணைத்துக் கொண்டனர். ஆசிரியர்கள், மாணவர்கள், பெற்றோர் ஆசிரியர் கழகத்தினர் கலந்து கொண்டனர்.
 காரிமங்கலம் அருகே கதிரம்பட்டி ஊராட்சி ஒன்றிய நடுநிலைப் பள்ளியில் நடைபெற்ற சுதந்திர தின விழாவில், பள்ளித் தலைமை ஆசிரியர் ஆர்.சிவராமகிருஷ்ணன் தலைமை வகித்துப் பேசினார். விழாவில், பல்வேறு போட்டிகளில் சிறப்பிடம் வகித்த மாணவ, மாணவியருக்குப் பரிசுகள் வழங்கப்பட்டன.
 பொ. மல்லாபுரம் அரசு ஆண்கள் மேல்நிலைப் பள்ளியில் நடைபெற்ற சுதந்திர தின விழாவுக்கு, பள்ளித் தலைமை ஆசிரியர் பெ. பழனிசாமி தலைமை வகித்தார். பெற்றோர் ஆசிரியர் கழகத் தலைவர் சி. ராஜேந்திரன் முன்னிலை வகித்தார். விழாவில், பேச்சுப் போட்டி, கட்டுரைப் போட்டி, ஓவியம், கலை நிகழ்ச்சிகள் நடைபெற்றன. இதில், சிறப்பிடம் வகித்தவர்களுக்குப் பரிசுகள் வழங்கப்பட்டன.
 தருமபுரி அரசு அதியமான் ஆண்கள் மேல்நிலைப் பள்ளி, ஒளவையார் அரசு மகளிர் மேல்நிலைப் பள்ளி, இலக்கியம்பட்டி அரசு பெண்கள் உயர்நிலைப் பள்ளி, அதியமான்கோட்டை அரசு மேல்நிலைப் பள்ளி உள்பட தருமபுரி, பாலக்கோடு மற்றும் அரூர் கல்வி மாவட்டங்களில் உள்ள அனைத்து அரசு மற்றும் தனியார் பள்ளிகளில் சுதந்திர தின விழா கொண்டாடப்பட்டன.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/பள்ளிகளில்-சுதந்திர-தின-விழா-3214672.html
3214671 தருமபுரி தருமபுரி அரூர் ஊராட்சி ஒன்றியத்துக்கு விருது DIN DIN Friday, August 16, 2019 09:01 AM +0530 தருமபுரி மாவட்டத்தில் அரசு திட்டப் பணிகளை சிறந்த முறையில் செயல்படுத்தியதற்காக அரூர் ஊராட்சி ஒன்றியம் தேர்வு செய்யப்பட்டு, சுதந்திர தின விழாவில் வியாழக்கிழமை விருதுகள் வழங்கப்பட்டன.
 தருமபுரி மாவட்டம், அரூர் ஊராட்சி ஒன்றியத்தில் நிகழாண்டு (2019- இல்) செயல்படுத்தப்படும் அரசு திட்டப் பணிகள், மகாத்மா காந்தி தேசிய ஊரக வேலைவாய்ப்பு உறுதித் திட்டம் உள்ளிட்ட அனைத்து நலத் திட்டப் பணிகளையும் அரூர் ஊராட்சியில் சிறந்த முறையில் செயல்படுத்தியதற்காக அரூர் ஊராட்சி ஒன்றியத்தில் பணிபுரியும் அரசு அலுவலர்கள் சுதந்திர தினத்தன்று விருது பெறுவதற்காக தேர்வு செய்யப்பட்டனர்.
 இதையடுத்து, அரூர் வட்டார வளர்ச்சி அலுவலர்கள் ஆர். ஆறுமுகம், பெ. செந்தில்குமார், உதவிப் பொறியாளர்கள் ஆர். கிருஷ்ணமூர்த்தி, பி.கே. சண்முகம், துணை வட்டார வளர்ச்சி அலுவலர்கள் ஜி. கோபிநாத், கே. மணி, இளையராஜா, மண்டலத் துணை வட்டார வளர்ச்சி அலுவலர்கள் கே. காளிதாசன், டி. செல்லன், பி. சக்திவேல், எஸ். அபுல்கலாம் அசாத், பணி மேற்பார்வையாளர்கள் எ. அன்புராஜ், என். புனிதா, ஆர். அன்பழகன், சாலை ஆய்வாளர்கள் எஸ். முருகன், பி. வடிவேல், எஸ்.இளவரசன் ஆகியோருக்கு தருமபுரி விளையாட்டு மைதானத்தில் வியாழக்கிழமை நடைபெற்ற சுதந்திர தின விழாவில் விருதுகள், பாராட்டு சான்றிதழ்களை மாவட்ட ஆட்சியர் சு. மலர்விழி வழங்கினார்.
 

]]>
https://www.dinamani.com/all-editions/edition-dharmapuri/dharmapuri/2019/aug/16/அரூர்-ஊராட்சி-ஒன்றியத்துக்கு-விருது-3214671.html
3214670 தருமபுரி தருமபுரி ஒகேனக்கல் காவிரி ஆற்றில் நீர்வரத்துக் குறைந்தது DIN DIN Friday, August 16, 2019 09:00 AM +0530 கர்நாடக அணைகளிலிருந்து காவிரி ஆற்றில் திறக்கப்படும் உபரி நீரின் அளவு குறைக்கப்பட்டதால், நொடிக்கு 35 ஆயிரம் கன அடியாக ஒகேனக்கல்லுக்கு நீர் வந்து கொண்டிருக்கிறது.
 மேலும் காவிரி ஆற்றில் நீர்வரத்து அதிகரிப்பின் காரணமாக அருவியில் குளிக்கவும், பரிசல் சவாரி செய்யவும் மாவட்ட நிர்வாகம் 8-ஆவது நாளாக தடை விதித்துள்ளது.
 கர்நாடக காவிரி நீர்பிடிப்புப் பகுதி மற்றும் கேரளத்தின் வயநாடு பகுதியில் பெய்து வரும் மழையின் அளவு குறைந்துள்ளது. கர்நாடகத்தில் உள்ள கபினி, கிருஷ்ணராஜ சாகர் அணைகளுக்கு வரும் நீரின் அளவு குறைந்துள்ளதால், காவிரி ஆற்றில் திறக்கப்பட்டு வரும் உபரி நீரின் அளவுகளும் குறைந்துள்ளன.
 இந் நிலையில், புதன்கிழமை இரவு நிலவரப்படி நொடிக்கு 65 ஆயிரம் கன அடியாக வந்து கொண்டிருந்த தண்ணீரின் அளவு, வியாழக்கிழமை காலை 7 மணி நிலவரப்படி நொடிக்கு 40 ஆயிரம் கன அடியாகக் குறைந்து தமிழக-கர்நாடக எல்லையான பிலிகுண்டுலு வழியாக ஒகேனக்கல்லுக்கு வந்து கொண்டிருந்தது.
 மேலும் 11 மணி நிலவரப்படி நொடிக்கு 38 ஆயிரம் கன அடியாகவும், மாலை நிலவரப்படி நொடிக்கு 35 ஆயிரம் கன அடியாகவும் தண்ணீர் வந்து கொண்டிருக்கிறது.
 காவிரி ஆற்றில் வெள்ளப் பெருக்கின்போது மூழ்கியிருந்த அருவிகள் தற்போது முற்றிலுமாக வெளியே தெரிகின்றன. ஒகேனக்கல் காவிரி ஆற்றில் நீர்வரத்து அதிகரிப்பின் காரணமாகத் தொடர்ந்து 8-ஆவது நாளாக அருவிகளில் குளிக்கவும், பரிசல் இயக்கவும் மாவட்ட நிர்வாகம் தடை விதித்துள்ளது.
 காவிரி கரையோரப் பகுதிகளான முதலை பண்ணை, நாகர் கோவில், ஊட்டமலை, ஆலாம்பாடி உள்ளிட்ட பகுதிகளில் போலீஸார் பாதுகாப்புப் பணியில் ஈடுபட்டு வருகின்றனர். கர்நாடக அணைகளிலிருந்து திறக்கப்படும் தண்ணீரின் அளவுகளை மத்திய நீர்வளத் துறை அதிகாரிகள் தீவிரமாகக் கண்காணித்து வருகின்றனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/ஒகேனக்கல்-காவிரி-ஆற்றில்-நீர்வரத்துக்-குறைந்தது-3214670.html
3214668 தருமபுரி தருமபுரி சுதந்திர தின விழா கொண்டாட்டம்: தருமபுரியில் ரூ.7.87 கோடி, கிருஷ்ணகிரியில் ரூ. 2.76 கோடியில் நலத் திட்ட உதவிகள்  தருமபுரி/ கிருஷ்ணகிரி, DIN Friday, August 16, 2019 09:00 AM +0530 தருமபுரி, கிருஷ்ணகிரி மாவட்ட நிர்வாகங்கள் சார்பில் நடைபெற்ற சுதந்திர தின விழா கொண்டாட்டத்தில் தருமபுரியில் 172 பயனாளிகளுக்கு ரூ. 7. 87 கோடி மதிப்பிலான நலத்திட்ட உதவிகளையும், கிருஷ்ணகிரியில் 398 பயனாளிகளுக்கு ரூ. 2.76 கோடி மதிப்பிலான நலத் திட்ட உதவிகளையும் மாவட்ட ஆட்சியர்கள் வழங்கினர்.
 தருமபுரி மாவட்ட விளையாட்டரங்கில் நடைபெற்ற சுதந்திர தின விழாவில், மாவட்ட ஆட்சியர் சு. மலர்விழி, தேசியக் கொடியை ஏற்றிவைத்து, காவல் துறையினரின் அணிவகுப்பு மரியாதையை ஏற்றுக் கொண்டார். இதையடுத்து, விடுதலைப் போராட்ட தியாகிகளை கெளரவித்து, சிறந்த காவலர்கள், சிறப்பாகப் பணியாற்றிய காவல் துறை, பல்வேறு அரசுத் துறை அலுவலர்களுக்கு நற்சான்றிதழ்கள் வழங்கப்பட்டன. இதையடுத்து, சமூகப் பாதுகாப்புத் திட்டத்தின் கீழ், 106 பயனாளிகளுக்கு ரூ. 34 லட்சத்து 34 ஆயிரம், மாற்றுத்திறனாளி மற்றும் விபத்து நிவாரண உதவித் தொகைகளையும், மாவட்ட முன்னாள் படைவீரர் நலத் துறையின் சார்பில், 3 பயனாளிகளுக்கு ரூ. 1 லட்சத்து 71 ஆயிரத்து 294 மதிப்பிலான வருடாந்திர பராமரிப்பு மானியமும், பிற்படுத்தப்பட்டோர், சிறுபான்மையினர் நலத் துறையின் சார்பில் 5 பயனாளிகளுக்கு ரூ. 26 ஆயிரத்து 710 மதிப்பிலான விலையில்லா சலவைப் பெட்டிகள் உள்பட பல்வேறு அரசுத் துறைகள் சார்பில், 172 பயனாளிகளுக்கு ரூ. 7 கோடியே 87 லட்சத்து 56 ஆயிரத்து 839 மதிப்பில் நலத்திட்ட உதவிகளை ஆட்சியர் சு. மலர்விழி வழங்கினார்.
 கலை நிகழ்ச்சியில் 1,100 மாணவ, மாணவிகள் பங்கேற்பு: சுதந்திர விழா அணிவகுப்பு மற்றும் கலை நிகழ்ச்சிகளில், லளிகம் அரசு மேல்நிலைப் பள்ளி, தருமபுரி விஜய் ஆண்கள் மெட்ரிக் மேல்நிலைப் பள்ளி, கம்மாளப்பட்டி அரசு மேல்நிலைப் பள்ளி, தருமபுரி டான் மெட்ரிக் மேல்நிலைப் பள்ளி, அமானிமல்லாபுரம், சந்தைப்பேட்டை ஊராட்சி ஒன்றிய நடுநிலைப் பள்ளி, ஒளவையார் அரசு மகளிர் மேல்நிலைப் பள்ளி, பாப்பாரப்பட்டி அரசு மகளிர் மேல்நிலைப் பள்ளி ஆகிய 14 பள்ளிகளைச் சேர்ந்த 1,100 மாணவ, மாணவியர் பல்வேறு பாடல்களுக்கு நடனமாடினர்.
 விழாவில் தருமபுரி சட்டப்பேரவைத் தொகுதி உறுப்பினர் தடங்கம் பெ. சுப்பிரமணி, மாவட்ட காவல் கண்காணிப்பாளர் ப. ராஜன், மாவட்ட வருவாய் அலுவலர் எச். ரகமத்துல்லா கான், மாவட்ட வருவாய் அலுவலர் (சிப்காட்) அழகிரிசாமி, தருமபுரி சார் ஆட்சியர் ம.ப. சிவன் அருள், ஊரக வளர்ச்சி முகமை திட்ட இயக்குநர் எம். காளிதாசன், முதன்மைக் கல்வி அலுவலர் மு. ராமசாமி, அனைத்துத் துறை அலுவலர்கள், பள்ளி மாணவ, மாணவியர் கலந்து கொண்டனர்.
 கிருஷ்ணகிரியில்...
 மாவட்ட நிர்வாகம் சார்பில் நடைபெற்ற 73-ஆவது சுதந்திர தின விழாவில் 398 பயனாளிகளுக்கு ரூ. 2.76 கோடி மதிப்பிலான நலத்திட்ட உதவிகள் வழங்கப்பட்டன.
 கிருஷ்ணகிரி மாவட்ட விளையாட்டு மைதானத்தில் வியாழக்கிழமை நடைபெற்ற விழாவில், கிருஷ்ணகிரி மாவட்ட ஆட்சியர் சு. பிரபாகர், தலைமை வகித்து தேசிய கொடியை ஏற்றி மரியாதை செலுத்தினார்.
 அதைத் தொடர்ந்து, காவல் துறை, தீயணைப்பு மற்றும் மீட்பு பணித் துறை, ஊர்க் காவல் படையினர், சாரணிய மாணவிகளின் அணிவகுப்பு மரியாதையை ஏற்றார். மாவட்டக் காவல் கண்காணிப்பாளர் பண்டி கங்காதர் உடனிருந்தார். இருவரும் சமாதான புறாக்கள், மூவர்ண பலூன்களை பறக்க விட்டனர். அதைத் தொடர்ந்து, 32 தியாகிகள், அவர்களை சார்ந்தோர்களுக்கு பொன்னாடை அணிவித்து மாவட்ட ஆட்சியர் நினைவு பரிசுகளை வழங்கி கௌரவித்தார்.
 தொடர்ந்து, முன்னாள் படை வீரர் நலத் துறை, வருவாய்த் துறை, மாவட்ட வழங்கல் மற்றும் நுகர்வோர் பாதுகாப்பு, வேளாண் துறை, தோட்டக் கலைத் துறை உள்ளிட்ட பல்வேறு துறைகளின் சார்பில் 398 பயனாளிகளுக்கு ரூ. 2. 76 கோடி மதிப்பிலான நலத்திட்ட உதவிகளை அவர் வழங்கினார். பள்ளி கல்வித் துறையின் சார்பில் அரசு, தனியார் பள்ளிகளைச் சேர்ந்த 1,430 மாணவ, மாணவிகள் பங்கேற்ற கலை நிகழ்ச்சிகள் நடைபெற்றன.
 விழாவில் மாவட்ட வருவாய் அலுவலர் எஸ். சாந்தி, மாவட்ட வன அலுவலர் தீபக் பில்கி, ஊர்காவல் மண்டல தளபதி கௌசிக் தேவ், மாவட்ட முதன்மைக் கல்வி அலுவலர் மகேஸ்வரி, எம்எல்ஏ-க்கள் டி. செங்குட்டுவன், சி.வி. ராஜேந்திரன், அரசு அலுவலர்கள், மாணவ, மாணவிகள், பொதுமக்கள் உள்ளிட்டோர் பங்கேற்றனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/சுதந்திர-தின-விழா-கொண்டாட்டம்-தருமபுரியில்-ரூ787-கோடி-கிருஷ்ணகிரியில்-ரூ-276-கோடியில்-நலத்-திட-3214668.html
3214665 தருமபுரி தருமபுரி சரக்கு வாகனம் கவிழ்ந்து விபத்து: 25 பேர் காயம் DIN DIN Friday, August 16, 2019 08:59 AM +0530 தருமபுரி மாவட்டம், பாப்பாரப்பட்டி அருகே வியாழக்கிழமை சரக்கு வாகனம் கவிழ்ந்து விபத்துக்குள்ளானது. அதில், பயணித்த 25 பேர் காயமடைந்தனர்.
 வத்திமரதஹள்ளியைச் சேர்ந்த 25 பெண்கள் துக்க நிகழ்ச்சியில் பங்கேற்க, மினி சரக்கு வாகனத்தில் திருமல்வாடிக்கு சென்றனர். இதையடுத்து மீண்டும் அதே வாகனத்தில், ஊருக்குத் திரும்பிக் கொண்டிருந்தனர்.
 இந்த வாகனத்தை ஓட்டுநர் ஆறுமுகம் (33) என்பவர் ஓட்டி சென்றார். அப்போது, நாகமரத்துபள்ளம் பகுதியில் வந்துகொண்டிருந்தபோது, வாகனம் ஓட்டுநரின் கட்டுப்பாட்டை இழந்து, சாலையில் கவிழ்ந்து விபத்துக்குள்ளானது.
 இந்த விபத்தில் ஓட்டுநர் உள்பட 25 பேருக்கும் காயம் ஏற்பட்டது. இவர்களை, அருகிலிருந்தவர்கள் மீட்டு, பாலக்கோடு அரசு மருத்துவமனைக்கு சிகிச்சைக்காக அனுப்பி வைத்தனர். இதைத் தொடர்ந்து, தீவிர சிகிச்சைக்காக, அனைவரும் தருமபுரி அரசு மருத்துவக் கல்லூரி மருத்துவமனையில் சேர்க்கப்பட்டனர்.
 இதில், கந்தம்மாள் (35), கமலா( 50), மல்லிகா (55), லட்சுமி (40) ஆகியோர் தீவிர சிகிச்சை பிரிவில் அனுமதிக்கப்பட்டுள்ளனர். விபத்தில் காயமடைந்து சிகிச்சை பெற்று வருவோரை, பென்னாகரம் எம்எல்ஏ பி.என்.பி.இன்பசேகரன் நேரில் சந்தித்துஆறுதல் கூறினார்.
 விபத்து குறித்து, பாப்பாரப்பட்டி போலீஸார் வழக்குப் பதிவு செய்து விசாரணை மேற்கொண்டு வருகின்றனர்.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/சரக்கு-வாகனம்-கவிழ்ந்து-விபத்து-25-பேர்-காயம்-3214665.html
3214663 தருமபுரி தருமபுரி அரூர், பாப்பிரெட்டிப்பட்டியில் சுதந்திர தின கொண்டாட்டம் DIN DIN Friday, August 16, 2019 08:59 AM +0530 அரூர், பாப்பிரெட்டிப்பட்டியில் சுதந்திர தின விழா கொண்டாட்டம் வியாழக்கிழமை சிறப்பாக நடைபெற்றது.
 கம்பைநல்லூர் ஸ்ரீ ராம் மெட்ரிக். மேல்நிலைப் பள்ளியில் தாளாளர் சாந்தி வேடியப்பன், மொரப்பூர் கொங்கு கலை மற்றும் அறிவியல் கல்லூரியின் தலைவர் சி.முத்து, மருதம் மெட்ரிக். மேல்நிலைப் பள்ளியின் தலைவர் கே.சென்னகிருஷ்ணன், விஸ்வபாரதி மெட்ரிக். மேல்நிலைப் பள்ளி தாளாளர் கே.கே.சாட்சாதிபதி, அரூர் ஜெயம் வித்யாலயா மெட்ரிக். பள்ளியின் துணைத் தலைவர் பன்னீர்செல்வம், இந்தியன் மெட்ரிக். மேல்நிலைப் பள்ளியின் தலைவர் ஏ.கே.பழனியப்பன், இ.ஆர்.கே கலை மற்றும் அறிவியல் கல்லூரியின் தாளாளர் இ.ஆர்.செல்வராஜ், சின்னாங்குப்பம் குறிஞ்சி மெட்ரிக். மேல்நிலைப் பள்ளியின் முன்னாள் தலைவர் ராமசாமி, மோளையானூர் ஸ்ரீ வெற்றி விகாஷ் மெட்ரிக். மேல்நிலைப் பள்ளியின் தாளாளர் குப்புசாமி, கோபாலபுரம் இமாலயன் மெட்ரிக். மேல்நிலைப் பள்ளியின் தாளாளர் எஸ்.செம்முனி ஆகியோர் தேசியக் கொடியேற்றி வைத்தனர். தொடர்ந்து, பல்வேறு விளையாட்டுப் போட்டிகளில் சிறப்பிடம் பெற்ற மாணவ, மாணவியருக்கு பரிசுகள் மற்றும் பாராட்டு சான்றிதழ்கள், இனிப்புகள் வழங்கப்பட்டன.
 அரூர் முத்து மாசி மெட்ரிக். பள்ளியின் முதல்வர் மு.விஜயராஜ் தேசியக் கொடியேற்றி வைத்தார். விழாவில் பள்ளியின் தாளாளர் பவித்ரா மாசி சிறப்பு விருந்தினராக பங்கேற்று, பல்வேறு விளையாட்டுப் போட்டிகள், கலை நிகழ்ச்சிகளில் சிறப்பிடம் பெற்ற மாணவ, மாணவியருக்கு பரிசுகளை வழங்கினார். இதில், நிர்வாக அலுவலர் கி.பழனி, துணை முதல்வர் குமரி அனந்தன், பள்ளி ஆசிரியர்கள் உள்ளிட்டோர் கலந்துகொண்டனர்.
 காங்கிரஸ் கட்சி சார்பில் அரூரில் நடைபெற்ற சுதந்திர தின விழாவில் வட்டாரத் தலைவர் ஆர்.சுபாஷ் தலைமை வகித்தார். அரூர் கச்சேரிமேட்டில் காமராஜர் சிலை அருகில் தேசியக் கொடியை முன்னாள் எம்எல்ஏ பி. அபரஞ்சி ஏற்றி வைத்தார். இதில், நகரத் தலைவர் கே.கணேசன், மேற்கு வட்டாரத் தலைவர் வஜ்ஜிரம், மாவட்ட துணைத் தலைவர் கே.ஆர்.சிவலிங்கம் உள்ளிட்டோர் கலந்து கொண்டனர்.
 ஆர். கோபிநாதம்பட்டி அரசு மேல்நிலைப் பள்ளியில் தலைமை ஆசிரியர் தே.சிவக்குமார் தேசியக் கொடியேற்றி வைத்தார். அரூரில் தமிழ்நாடு அரசு அலுவலர் ஒன்றிய அலுவலக வளாகத்தில் சங்க வட்ட கிளைத் தலைவர் கே. பிரகாசம் தேசியக் கொடியேற்றி வைத்தார்.
 அரூரில் பெரியார் பல்கலைக்கழக உறுப்புக் கலை மற்றும் அறிவியல் கல்லூரியில் கல்லூரி முதல்வர் செல்வபாண்டியன் தேசியக் கொடியேற்றி வைத்தார். சிந்தல்பாடி ஊராட்சி ஒன்றிய தொடக்கப் பள்ளியில் தலைமை ஆசிரியர் பொ.ஆறுமுகம் தேசியக் கொடியேற்றினார். இந்த விழாவில், பள்ளி மாணவ, மாணவியர்கள் அனைவருக்கும் அடையாள அட்டைகள், டை மற்றும் பெல்ட் உள்ளிட்ட உபகரணங்களை கொடைக்கானலில் கிராம நிர்வாக அலுவலராக பணிபுரியும் சுசீந்திரன் நன்கொடையாக வழங்கினார்.
 அரூர் புனித அன்னாள் தொடக்கப் பள்ளியில் அருள்தந்தை ஜான்பால் தேசியக் கொடியேற்றி வைத்து, கலை நிகழ்ச்சிகள், பேச்சு, கட்டுரை, கவிதைப் போட்டிகளில் சிறப்பிடம் பெற்ற மாணவ, மாணவியருக்கு பரிசுகளை வழங்கினார்.
 மாம்பட்டி அரசு உயர்நிலைப் பள்ளியில் தலைமை ஆசிரியர் சி.சேகர் தேசியக் கொடியேற்றி வைத்தார். பொ.மல்லாபுரம் அரசு ஆண்கள் மேல்நிலைப் பள்ளியில் தலைமை ஆசிரியர் பெ.பழனிசாமி தேசியக் கொடியேற்றினார்.
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/அரூர்-பாப்பிரெட்டிப்பட்டியில்-சுதந்திர-தின-கொண்டாட்டம்-3214663.html
3214661 தருமபுரி தருமபுரி நீர்வளத்தை பெருக்க பொதுமக்கள் ஒத்துழைப்பு அளிக்க வேண்டும்: ஆட்சியர் சு.மலர்விழி DIN DIN Friday, August 16, 2019 08:59 AM +0530 நீர்வளத்தைப் பெருக்க பொதுமக்கள் ஒத்துழைப்பு அளிக்க வேண்டும் என தருமபுரி மாவட்ட ஆட்சியர் சு. மலர்விழி வலியுறுத்தினார்.
 தருமபுரி மாவட்டம், மொரப்பூர் ஊராட்சி ஒன்றியம் இருமத்தூரில் வியாழக்கிழமை சுதந்திர தின விழாவையொட்டி கிராம சபைக் கூட்டம் நடைபெற்றது. கூட்டத்துக்குத் தலைமை வகித்து ஆட்சியர் சு. மலர்விழி பேசியது: தருமபுரி மாவட்டத்தில் 18 வயது பூர்த்தியடைந்தவர்களை வாக்காளர் பட்டியலில் சேர்க்கவும், இறந்த மற்றும் இடம் பெயர்ந்த வாக்காளர்களைக் கண்டறிந்து நீக்கம் செய்யவும் வாக்குச் சாவடி நிலைய அலுவலர்கள் ஆக.16 முதல் 30 வரை அந்தந்த பகுதிகளில் வீடு வீடாக நேரில் சென்று சரிபார்க்கும் பணியை மேற்கொள்ள இருக்கிறார்கள். எனவே, 18 வயது நிரம்பியவர்கள் தங்கள் பெயரை வாக்காளர் பட்டியலில் சேர்த்துக் கொள்ள வேண்டும். மேலும், ஊராட்சி நிர்வாகம் மற்றும் பொது நிதி செலவினம் குறித்து விவாதித்து, ஊராட்சிக்குத் தேவையான வளர்ச்சித் திட்டம் செயல்படுத்த பொதுமக்கள் கிராம சபைக் கூட்டங்களில் பங்கேற்க வேண்டும். நெகிழிப் பொருள்கள் பயன்பாட்டை கைவிட்டு, நீர் வளத்தைப் பெருக்க மாவட்ட மக்கள் ஒத்துழைப்பு வழங்க வேண்டும் என்றார்.
 
 
 
 

]]>
https://www.dinamani.com/all-editions/edition-dharmapuri/dharmapuri/2019/aug/16/நீர்வளத்தை-பெருக்க-பொதுமக்கள்-ஒத்துழைப்பு-அளிக்க-வேண்டும்-ஆட்சியர்-சுமலர்விழி-3214661.html
3214198 தருமபுரி தருமபுரி முதல்வன் விருது பெற விண்ணப்பிக்கலாம் DIN DIN Thursday, August 15, 2019 10:28 AM +0530 முதல்வன் விருது பெற, முதல் மதிப்பெண் பெற்ற மாணவ, மாணவியரிடமிருந்து விண்ணப்பங்கள் வரவேற்கப்படுகின்றன.
இது குறித்து, அன்னை கஸ்தூரிபா சேவா சங்கம் பொதுச் செயலர் பி.சுதாகரன் புதன்கிழமை வெளியிட்ட செய்திக் குறிப்பு: தருமபுரி அன்னை கஸ்தூரிபா சேவா சங்கம் மற்றும் கவியரசு கண்ணதாசன் நற்பணி மன்றம் சார்பில் பொதுத் தேர்வில் முதல் மதிப்பெண் பெற்ற மாணவ, மாணவியருக்கு விருது வழங்கப்படுகிறது.
இதில், 2019-ஆம் 10 மற்றும் பிளஸ் 2 பொதுத் தேர்வில் முதல் மதிப்பெண் பெற்ற மாணவர்களுக்கு வருகிற அக்.6-ஆம் தேதி தருமபுரியில் நடைபெறும் விழாவில் விருதுகள் வழங்கப்பட உள்ளன. எனவே, இவ்விருது பெற, தருமபுரி மாவட்டத்தில் அரசு மற்றும் தனியார் பள்ளிகளில் 10, பிளஸ் 2 தேர்வில் முதல் மதிப்பெண் பெற்ற மாணவ, மாணவியர் அந்தந்தப் பள்ளித் தலைமை ஆசிரியர் அல்லது முதல்வர் ஒப்புதல் பெற்று வருகிற ஆக. 25-ஆம் தேதிக்குள், தகடூர் இரா. வேணுகோபால், நிறுவனர்-அன்னை கஸ்தூரிபா சேவா சங்கம், 16 காமராஜ் இல்லம், வெளிப்பேட்டை தெரு, தருமபுரி. தொடர்புக்கு 9362830519 என்கிற முகவரிக்கு விண்ணப்பிக்குமாறு கேட்டுக்கொள்ளப்படுகிறது என்றார்.
 

]]>
https://www.dinamani.com/all-editions/edition-dharmapuri/dharmapuri/2019/aug/15/முதல்வன்-விருது-பெற-விண்ணப்பிக்கலாம்-3214198.html
3214197 தருமபுரி தருமபுரி கவிதை நூல்கள் வெளியீட்டு விழா DIN DIN Thursday, August 15, 2019 10:28 AM +0530 தருமபுரி மாவட்டம், பாப்பிரெட்டிப்பட்டியில் கவிதை நூல்கள் வெளியீட்டு விழா நடைபெற்றது.
மெணசி மோசிகீரனார் முத்தமிழ் மன்ற பொன்விழாவையொட்டி நடைபெற்ற நூல்கள் வெளியீட்டு விழாவுக்கு, முன்னாள் அமைச்சர் வ. முல்லைவேந்தன் தலைமை வகித்துப் பேசினார். இதில், பாவலர் முல்லையரசு எழுதிய அரிமா நோக்கு என்ற நூலைப் பேராசிரியர் அப்துல் காதர் வெளியிட, அதனை கிருஷ்ணகிரி பிஎஸ்வி கல்லூரி தாளாளர் செல்வம் பெற்றுக்கொண்டார்.
இதையடுத்து, நீரோட்டம் என்ற நூலை, கிருஷ்ணகிரி மாவட்டம், ஊத்தங்கரை வித்யா மந்திர் தாளாளர் சந்திரசேகர் வெளியிட, அரூர் அம்மன் கிரானைட்ஸ் உரிமையாளர் முத்து ராமசாமி பெற்றுக்கொண்டார். 
விழாவில், பாவலர் முல்லையரசு வரவேற்றார். சென்னை கால்நடை மருத்துவக் கல்லூரி பேராசிரியர் மதியழகன், பேராசிரியர் வணங்காமுடி, கவிஞர் கடவூர் மணிமாறன், முன்னாள் எம்எல்ஏ குப்புசாமி, முத்தமிழ் பதிப்பக உரிமையாளர் முத்தமிழன் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/15/கவிதை-நூல்கள்-வெளியீட்டு-விழா-3214197.html
3214195 தருமபுரி தருமபுரி ஸ்ரீ ராகவேந்திரர் ஆராதனை விழா கொடியேற்றத்துடன் துவக்கம் DIN DIN Thursday, August 15, 2019 10:27 AM +0530 தருமபுரி ஸ்ரீ ராகவேந்திரர் ஆராதனை மகோத்ஸவ விழா, புதன்கிழமை கொடியேற்றத்துடன் துவங்கியது.
தருமபுரி விருபாட்சிபுரம், உடுப்பி ஸ்ரீ புத்திகே மட கிளையில், ஸ்ரீ ராகவேந்திரர் 348-ஆவது ஆண்டு ஆராதனை மகோத்ஸவ விழா ஆகஸ்ட் 14-ஆம் தேதி புதன்கிழமை முதல் வருகிற 19-ஆம் தேதி வரை நடைபெற உள்ளது.
முதல்நாள், கொடியேற்றம், கோ பூஜையும் நடைபெற்றன. ஆக.15-ஆம் தேதி காலை ஸ்ரீ சத்யநாராயண சுவாமி பூஜை நடைபெறுகிறது. இதைத் தொடர்ந்து, வருகிற 16-ஆம் தேதி பூர்வ ஆராதனையும், ஆக.  17-ஆம் தேதி மத்திய ஆராதனையும் நடைபெறுகின்றன. மேலும், அன்றைய தினம் காலை 8 மணிக்கு 1,008 இளநீர் அபிஷேகம் நடைபெறும்.
18-ஆம் தேதி உத்ர ஆராதனையும், 19-ஆம் தேதி கணபதி ஹோமமும், ஸ்ரீ சுக்ஞானேந்திர தீர்த்தர் ஆராதனையும் நடைபெற உள்ளன. அதேபோல, விழா நாள்களில் காலை 5 மணிக்கு சுப்ரபாதமும், 6 மணிக்கு வேத பாராயணம், 8 மணிக்கு சிறப்பு அபிஷேகம், 10 மணிக்கு பல்லக்கு உத்ஸவம், 10.30 மணிக்கு ஸ்ரீ பிரகல்லாத சுவாமிக்கு கனக பூஜை, 10.45 மணிக்கு ஆன்மிக உரையும், 11.30 மணிக்கு ரதோத்ஸவம், பிற்பகல் 1 மணிக்கு பக்தர்களுக்கு தீர்த்தப் பிரசாதம் வழங்கப்படுகிறது.
இவைத் தவிர, நாள்தோறும் இரவு 7 மணிக்கு இன்னிசை நிகழ்ச்சி நடைபெறும். ஆராதனை விழா ஏற்பாடுகளை விழாக்குழுத் தலைவர் என். வெங்கடேசன், செயலர் ஆர். வெங்கட்ராமன், பொருளாளர் வி. முரளிதரன், புத்திகே மடத்தின் நிர்வாகி ஏ.பி.குஞ்சார், உறுப்பினர்கள் செய்துள்ளனர்.

]]>
https://www.dinamani.com/all-editions/edition-dharmapuri/dharmapuri/2019/aug/15/ஸ்ரீ-ராகவேந்திரர்-ஆராதனை-விழா-கொடியேற்றத்துடன்-துவக்கம்-3214195.html
3214193 தருமபுரி தருமபுரி வாகன விபத்தில் இருவர் பலி DIN DIN Thursday, August 15, 2019 10:27 AM +0530 தருமபுரி அருகே இருசக்கர வாகனங்கள் நேருக்கு நேர் மோதிக் கொண்ட விபத்தில் இருவர் உயிரிழந்தனர்.
தருமபுரி-அரூர் நெடுஞ்சாலையில் ராஜாபேட்டை பகுதியில் புதன்கிழமை இரவு எதிரெதிரே வந்த 2 இருசக்கர வாகனங்கள் எதிர்பாராத விதமாக மோதிக் கொண்டன. 
இந்த விபத்தில் வெள்ளோலை கிராமத்தைச் சேர்ந்த பூவரசன், மற்றொரு வாகனத்தில் வந்த இளைஞர் ஒருவர் என்ற இரண்டு பேர் நிகழ்விடத்திலேயே உயிரிழந்தனர்.  விபத்து நடந்த இடத்தில் தருமபுரி டிஎஸ்பி ராஜ்குமார் நேரில் ஆய்வு செய்தார். தருமபுரி நகர போலீஸார் விபத்து குறித்து வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-dharmapuri/dharmapuri/2019/aug/15/வாகன-விபத்தில்-இருவர்-பலி-3214193.html
3214190 தருமபுரி தருமபுரி மிகை நீரை ஏரிகளில் நிரப்பும் திட்டத்தை  நிறைவேற்றுவது எப்போது? ஆர்.ராதாகிருஷ்ணன் DIN Thursday, August 15, 2019 10:26 AM +0530 ஒகேனக்கல் காவிரியில் கரைபுரண்டோடும் காவிரி நீரை, தருமபுரி மாவட்ட விவசாயிகள், பாசனத்துக்குப் பயன்படுத்த இயலாமல் பரிதவிக்கின்றனர்.
இந் நிலை மாற, மிகை நீர் தருமபுரி மாவட்ட ஏரிகளில் நிரப்பும் திட்டத்தை நிறைவேற்ற வேண்டும் என்ற கோரிக்கை தற்போது விவசாயிகள், அரசியல் கட்சிகளிடையே வலுத்து வருகிறது. கர்நாடகத்திலிலிருந்து தமிழகத்துக்கு வரும் காவிரி நீர், தருமபுரி மாவட்டம், ஒகேனக்கல்லில் அருவிகளாக ஆர்ப்பரித்துக் கொட்டி, அங்கிருந்து கடந்து செல்கிறது.
 ஆனால், ஆண்டுகள் பல கடந்தும், கண் முன் மழை, வெள்ளக் காலங்களில் கடந்து செல்கிற காவிரி நீரை, பாசனத்துக்குப் பயன்படுத்த இயலாத நிலைதான் தருமபுரி மாவட்ட விவசாயிகளுக்கு ஏற்பட்டுள்ளது.
பொதுவாக, தருமபுரி மாவட்டத்தில் காவிரி, தென்பெண்ணை என இரண்டு ஆறுகள் கடந்து சென்றாலும், அவற்றை பாசனத்துக்குப் பெரிய அளவில் பயன்படுத்த இயலவில்லை.
இதில், காவிரி ஆறு, தமிழகத்தில் 416 கி.மீ. பயணத்தை தருமபுரியில் தொடங்கி, தஞ்சை டெல்டா வரை சென்று அங்கு, பாசனத்திற்கு தன்னை அர்ப்பணித்து வருகிறது. இருப்பினும், இவ் வழியாக நீர் கடந்து சென்றாலும், காவிரி குடிநீர் பெறுவதற்கே இப்பகுதி மக்கள் பல ஆண்டுகள் காத்திருந்தனர்.
வானம் பார்த்த பூமியாக உள்ள இந்த மாவட்ட நிலங்கள் மழையை நம்பி மட்டுமே உள்ளன. இதனால், மழை பொய்ப்பின் இம் மாவட்டத்தில் வேளாண் பயிர்கள் முற்றிலும் காய்ந்து விவசாயிகளுக்கு பேரிழிப்பை ஏற்படுத்துகின்றன.
இதில் கடந்த ஆண்டு, சராசரியை விட மிகக்குறைவான அளவே மழைப் பதிவானதால், குடிநீருக்கே தட்டுப்பாடு ஏற்பட்டது. இதனால், நட்ட பயிரை காக்க இயலாமல் அனைத்தும் காய்ந்து கருகின. அதேவேளையில், கடந்த ஆண்டு இதே மாதத்தில் ஒகேனக்கல் காவிரி வழியாக மிகை நீர் யாருக்கும் பயன்படாமல் கடலில் கலந்தது.
ஒருபுறம் வறட்சி, மறுபுறம் பயனற்றுக் கடலில் கலந்த நீர். இதைத் தவிர்க்க, நீரை, பாசனத்துக்குப் பயன்படுத்தும் வகையில் சிறப்புத் திட்டம் தீட்ட வேண்டும் என தருமபுரி மாவட்ட விவசாயிகள், மாவட்ட நிர்வாகத்திற்கும், மாநில அரசுக்கும் கோரிக்கை முன் வைத்தனர். 
காவிரியில் வெள்ளக் காலங்களில் மிகையாக செல்லும் நீரை, தருமபுரி மாவட்டத்திலுள்ள ஏரிகளுக்குக் கொண்டு வரும் திட்டம் நிறைவேற்ற வேண்டும் என விவசாய சங்கங்கள், அரசியல் கட்சியினர், சூழலியல் ஆர்வலர்கள் அவ்வப்போது வலியுறுத்தி வந்தனர்.
இதைத் தொடர்ந்து உபரி நீரை, பென்னாகரம் மடம் அருகே உள்ள ஏரிக்கு முதலில் கொண்டு வந்து நிரப்புவது என்றும், பின்பு அங்கிருந்து மாவட்டத்திலுள்ள ஏனைய ஏரிகளுக்குக் கொண்டு செல்லும் வகையில் திட்டம் நிறைவேற்றப்படும் என்றும் அரசு தரப்பில் அறிவிக்கப்பட்டது.
மேலும், மாவட்ட நிர்வாகமும் இத்திட்டம் தொடர்பாக ஆய்வு செய்து தமிழக முதல்வருக்கு அறிக்கை அனுப்பியது.
இந்த நிலையில், தற்போது, கடந்து சில நாள்களாக, கர்நாடக அணைகளிலிருந்து திறந்து விட்ட வெள்ள நீர், ஒகேனக்கல் காவிரி ஆற்றில் சென்று கொண்டிருக்கிறது. விநாடிக்கு 2 லட்சம் கன அடிக்கும் அதிகமாக ஒகேனக்கல்லில் நீர் கரைபுரண்டு ஓடியது.
இதைக் காணும் விவசாயிகள், கடந்த ஆண்டே காவிரி நீரை ஏரிகளுக்கு நிரப்பும் திட்டத்தைச் செயல்படுத்தி இருந்தால், நிகழாண்டு செல்லும் வெள்ள நீரை ஏரிகளில் நிரப்பியிருக்கலாம் என ஆதங்கம் தெரிவித்தனர்.
திமுக, பாமக, மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, பாஜக, விவசாய அமைப்புகள் தற்போது காவிரி மிகை நீரை ஏரிகளில் நிரப்பும் திட்டத்தை நிறைவேற்ற வேண்டும் என வலுவாகக் கோரிக்கை விடுத்துள்ளன.
ஆகவே, இனி வருங்காலங்களிலாவது உபரிநீரை தருமபுரி மாவட்ட விவசாயிகளுக்குப் பயன்படும் வகையில், ஏரிகளுக்குக் கொண்டு வரும் திட்டத்தை விரைந்து நிறைவேற்ற வேண்டும் என்பதே இந்த மாவட்ட விவசாயிகளின் மிகுந்த எதிர்ப்பார்ப்பாகும்.

]]>
https://www.dinamani.com/all-editions/edition-dharmapuri/dharmapuri/2019/aug/15/மிகை-நீரை-ஏரிகளில்-நிரப்பும்-திட்டத்தை--நிறைவேற்றுவது-எப்போது-3214190.html
3214189 தருமபுரி தருமபுரி காலமானார்: மல்லிகா DIN DIN Thursday, August 15, 2019 10:25 AM +0530 தருமபுரி மாவட்டம், கம்பைநல்லூரைச் சேர்ந்த மறைந்த தமிழாசிரியர் வெங்கடேசனின் மனைவி மல்லிகா (60)  புதன்கிழமை காலமானார்).
கடந்த சில நாள்களாக உடல்நலக் குறைவால் பாதிக்கப்பட்டிருந்த மல்லிகா,  அவரது இல்லத்தில் புதன்கிழமை (ஆக.14) பிற்பகல் 1.30 மணியளவில் காலமானார்.  இவருக்கு, இன்பவள்ளி,   கனிமொழி ஆகிய இரு மகள்களும், தருமபுரி தினமணி பதிப்பில் உதவி ஆசிரியராகப் பணிபுரியும் வெ.முருகமணி என்ற மகனும் உள்ளனர்.
இவரது,  இறுதிச் சடங்கு மற்றும் நல்லடக்கம் வியாழக்கிழமை(ஆக.15) காலை 10.30 மணிக்கு  கம்பைநல்லூர் மயானத்தில் நடைபெறும். மேலும் தொடர்புக்கு: 70109-79514, 95240-45544.
 

]]>
https://www.dinamani.com/all-editions/edition-dharmapuri/dharmapuri/2019/aug/15/காலமானார்-மல்லிகா-3214189.html
3213436 தருமபுரி தருமபுரி ஒகேனக்கல்லில் நீர்வரத்து 75ஆயிரம் கன அடியாகக் குறைந்தது   DIN DIN Wednesday, August 14, 2019 09:32 AM +0530 கர்நாடக அணைகளில் இருந்து உபரி நீர் திறந்துவிடுவது குறைந்துள்ளதால், ஒகேனக்கல் காவிரி ஆற்றில் நீர்வரத்து செவ்வாய்க்கிழமை மாலை நொடிக்கு 75 ஆயிரம் கன அடியாகக் குறைந்துள்ளது.
 காவிரி ஆற்றில் நீர்வரத்துக் குறைந்துள்ளதால், வெள்ளத்தினால் மூழ்கியிருந்த அருவிகள் வெளியே தெரிகின்றன. மேலும், அருவிகளில் குளிக்கவும், பரிசல்களை இயக்கவும் மாவட்ட நிர்வாகம் 6 ஆவது நாளாக தடை விதித்துள்ளது.
 கர்நாடகத்தில் காவிரியின் நீர்ப் பிடிப்புப் பகுதி மற்றும் கேரளத்தின் வயநாடு பகுதிகளில் தொடர்ந்து கனமழை பெய்து வந்ததால், கர்நாடகத்தில் உள்ள கபினி, கிருஷ்ணராஜசாகர் அணைகள் வேகமாக நிரம்பி வந்தன. இதனால் கர்நாடக அணைகளில் இருந்து காவிரி ஆற்றில் உபரி நீர் 3 லட்சம் கன அடி வரை திறந்துவிடப்பட்டது. இந்த உபரிநீர் திங்கள்கிழமை மாலை நிலவரப்படி நொடிக்கு 2.85 கன அடியாக தமிழக - கர்நாடக எல்லையான பிலிகுண்டுலு வழியாக ஒகேனக்கல்லுக்கு வந்து கொண்டிருந்தது. காவிரி ஆற்றில் நீர்வரத்து அதிகரித்ததால், ஒகேனக்கல்லில் வெள்ளப்பெருக்கு ஏற்பட்டது.
 தற்போது கர்நாடகம் மற்றும் கேரளப் பகுதிகளில் மழையின் அளவு குறைந்துள்ளதால், கர்நாடக அணைகளில் இருந்து திறக்கப்படும் நீரின் அளவு குறைக்கப்பட்டுள்ளது. இதனால் ஒகேனக்கல் காவிரி ஆற்றில் செவ்வாய்க்கிழமை காலை 7 மணி நிலவரப்படி நொடிக்கு 2.10 லட்சம் கனஅடியாகவும், 11 மணி நிலவரப்படி நொடிக்கு 1.95 லட்சம் கன அடியாகவும், பிற்பகல் 2 மணி நிலவரப்படி 1.75 லட்சம் கன அடியாகவும், மாலை 6 மணி நிலவரப்படி நொடிக்கு 75 ஆயிரம் கன அடியாகவும் நீர்வரத்து குறைந்துள்ளது. காவிரி ஆற்றில் தொடர்ந்து நீர்வரத்துக் குறைந்துள்ள நிலையில், வெள்ளநீர் சூழ்ந்த பகுதிகளான சத்திரம், நாகர் கோவில், ஊட்டமலை, நாடார்கொட்டாய் உள்ளிட்ட பகுதிகளில் தற்போது வெள்ள நீர் வடியத் தொடங்கியுள்ளது. பிரதான அருவி, சினி அருவி உள்ளிட்ட பகுதிகள் வெளியே தெரிய தொடங்கியுள்ளன. மேலும், காவிரி ஆற்றில் நீர்வரத்தை மத்திய நீர்வளத் துறை அதிகாரிகள் தொடர்ந்து காண்காணித்து வருகின்றனர்.
 நீர்வரத்து அதிகரிப்பின் காரணமாக ஒகேனக்கல் அருவிகளில் குளிக்கவும், பரிசல்கள் இயக்கவும் 6 ஆவது நாளாக மாவட்ட நிர்வாகம் தடை விதித்துள்ளது. ஒகேனக்கல்லில் வருவாய்த் துறையினர், வட்டார வளர்ச்சித் துறை அதிகாரிகள் முகாமிட்டுள்ளனர். 50- க்கும் மேற்பட்ட போலீஸார் பாதுகாப்புப் பணியில் ஈடுபட்டு வருகின்றனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/14/ஒகேனக்கல்லில்-நீர்வரத்து-75ஆயிரம்-கன-அடியாகக்-குறைந்தது-3213436.html
3213434 தருமபுரி தருமபுரி ஆஷா பணியாளர்களுக்கு மாத ஊதியம் ரூ. 7 ஆயிரம் வழங்கக் கோரி ஆர்ப்பாட்டம் DIN DIN Wednesday, August 14, 2019 09:31 AM +0530 ஆஷா பணியாளர்களுக்கு மாத ஊதியம் ரூ.7 ஆயிரம் வழங்க வேண்டும் என வலியுறுத்தி தருமபுரி மாவட்ட ஆஷா தொழிலாளர் சங்கத்தினர் கவன ஈர்ப்பு ஆர்ப்பாட்டத்தில் செவ்வாய்க்கிழமை ஈடுபட்டனர்.
 தருமபுரி மாவட்ட ஆட்சியர் அலுவலகம் எதிரே நடைபெற்ற இந்த ஆர்ப்பாட்டத்துக்கு , மாவட்ட ஆஷா தொழிலாளர்கள் சங்க மாவட்டத் தலைவர் எஸ்.மேனகா தலைமை வகித்தார்.
 தருமபுரி மாவட்டத்தில் மலைக் கிராமங்களை ஒட்டியுள்ள கிராமப் பகுதிகளில் கர்ப்பிணிகளை அரசு ஆரம்ப சுகாதார நிலையங்களுக்கு அழைத்துச் சென்று தடுப்பூசி, ஊட்டச் சத்துக்கான இணை உணவுகள் வழங்குதல் உள்ளிட்ட பணிகளில் ஆஷா பணியாளர்கள் ஈடுபடுகின்றனர். ஆனால், இந்தப் பணியாளர்களுக்கு மாத ஊதியமாக ரூ. 610 வழங்கப்படுகிறது.
 எனவே, இந்தியாவின் பிற மாநிலங்களில் வழங்குவது போல் ஆஷா பணிப் பெண்களுக்கு மாதம் ரூ. 7 ஆயிரம் வழங்க வேண்டும்.
 ஆஷா பணியாளர்களை மருத்துவத் துறையில் கௌரவமாக நடத்த வேண்டும். ஆஷா பணிப் பெண்கள் செய்த பணிக்கு வழங்கப்பட்டுள்ள உதவித் தொகைகளை, தணிக்கை செய்து மீண்டும் வசூலிப்பதை கைவிட வேண்டும்.ஆஷா தொழிலாளர்களுக்கு ஆண்டுக்கு 4 ஜோடி சீருடைகளை தையல் கூலியுடன் வழங்க வேண்டும் என்பன உள்ளிட்ட கோரிக்கைகள் ஆர்ப்பாட்டத்தில் வலியுறுத்தப்பட்டன.
 இதில், சிஐடியு மாவட்டச் செயலர் சி.நாகராஜன், மாவட்ட பொருளர் ஏ.தெய்வானை, உழைக்கும் பெண்களின் ஒருங்கிணைப்புக் குழு மாவட்ட அமைப்பாளர் சி.கலாவதி, பொருளர் கே.ருக்மணி, சங்க நிர்வாகிகள் டி.தீபா, வி.நந்தினி, எம்.உமா, சி.அம்பிகா, பி.தீபா, சி.உத்திரா உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/14/ஆஷா-பணியாளர்களுக்கு-மாத-ஊதியம்-ரூ-7-ஆயிரம்-வழங்கக்-கோரி-ஆர்ப்பாட்டம்-3213434.html
3213430 தருமபுரி தருமபுரி குடிநீர் பிரச்னைகளை தீர்க்க விரைவான நடவடிக்கை: அமைச்சர் கே.பி.அன்பழகன் DIN DIN Wednesday, August 14, 2019 09:29 AM +0530 தருமபுரி மாவட்டத்தில் குடிநீர் பிரச்னைகளை தீர்க்க விரைவான நடவடிக்கைகள் எடுக்கப்படும் என மாநில உயர்கல்வித்துறை அமைச்சர் கே.பி.அன்பழகன் தெரிவித்தார்.
 தருமபுரி மாவட்ட ஆட்சியர் அலுவலகக் கூட்டரங்களில், மாவட்டத்தில் சீரான குடிநீர் விநியோகம் செய்வது குறித்த ஆலோசனைக் கூட்டம், அமைச்சர் கே.பி.அன்பழகன் தலைமையில் செவ்வாய்க்கிழமை நடைபெற்றது. இதில் மாவட்ட ஆட்சியர் சு.மலர்விழி முன்னிலை வகித்தார்.
 இந்தக் கூட்டத்தில் மாநில உயர்கல்வித்துறை அமைச்சர் கே.பி.அன்பழகன் பேசியது :
 காவிரியில் ஏற்பட்டுள்ள வெள்ளப் பெருக்கின் காரணமாக, ஒகேனக்கல் கூட்டுக் குடிநீர்த் திட்டத்தில் குடிநீர் வழங்கும் பணி தற்காலிகமாக நிறுத்தப்பட்டுள்ளது. அதாவது, காவிரி ஆற்றில் ஓடும் நீரானது சேறு, கலங்கலாக உள்ளது. இதனால் குடிநீர் விநியோகம் நிறுத்தப்பட்டுள்ளது. தற்போது காவிரியில் நீர்வரத்துக் குறைந்து வருகிறது. இன்னும் ஓரிரு தினங்களில் மாவட்டத்திலுள்ள அனைத்து இடங்களுக்கும் சுத்திகரிக்கப்பட்ட குடிநீர் வழங்கப்படும்.
 மேலும், குடிநீர் தட்டுப்பாடு ஏற்படும் பட்சத்தில் சம்பந்தப்பட்ட அரசு அதிகாரிகள் குடிநீர் கிடைக்க விரைந்து நடவடிக்கை எடுக்க வேண்டும். லாரிகள், டிராக்டர்கள் மூலமாவும் குடிநீர் எடுத்துச் சென்று பொதுமக்களுக்கு வழங்கலாம். இதற்காக அரசு அதிகாரிகளுக்கு உரிய அனுமதி வழங்கப்படுகிறது. மேலும், தமிழக முதல்வரின் உத்தரவின்படி, அனைத்து குடியிருப்புப் பகுதிகளையும் தூய்மையான முறையில் பராமரிக்க வேண்டும். தெரு விளக்கு வசதிகளை மேம்படுத்த வேண்டும் என்றார்.
 தொடர்ந்து தருமபுரியில் செய்தியாளர்களிடம் அமைச்சர் கே.பி.அன்பழகன் கூறுகையில், காவிரி உபரி நீரை தருமபுரி மாவட்டத்திலுள்ள ஏரிகள் உள்ளிட்ட நீர் நிலைகளில் நிரப்புவது குறித்து, ஏற்கெனவே தமிழக முதல்வரிடம் மாவட்ட நிர்வாகம் சார்பில் கோரிக்கை அளிக்கப்பட்டுள்ளது.
 காவிரியில் இருந்து உபரி நீர் எடுப்பதற்கு காவிரி ஆணையத்தில் அனுமதி பெறவேண்டியுள்ளது. எனவே, இனி வரும் காலங்களில் காவிரி உபரி நீரை தருமபுரி மாவட்டத்திலுள்ள ஏரிகளில் நிரப்ப நடவடிக்கை எடுக்கப்படும் என்றார்.
 இதில், மாவட்ட வருவாய் அலுவலர் எச்.ரஹமத்துல்லாகான், சட்டப் பேரவை உறுப்பினர்கள் ஏ.கோவிந்தசாமி, வே.சம்பத்குமார், மாவட்ட ஊரக வளர்ச்சி முகமைத் திட்ட இயக்குநர் மா.காளிதாசன், தருமபுரி மாவட்ட பால் உற்பத்தியாளர்கள் கூட்டுறவு ஒன்றியத் தலைவர் டி.ஆர்.அன்பழகன், நிர்வாக செயற்பொறியாளர் (ஒகேனக்கல் கூட்டுக் குடிநீர்த் திட்டம்) சங்கரன் உள்ளிட்டோர் கலந்துகொண்டனர்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/14/குடிநீர்-பிரச்னைகளை-தீர்க்க-விரைவான-நடவடிக்கை-அமைச்சர்-கேபிஅன்பழகன்-3213430.html
3213427 தருமபுரி தருமபுரி நாளை டாஸ்மாக் மதுக்கடைகள் மூடல் DIN DIN Wednesday, August 14, 2019 09:29 AM +0530 தருமபுரி மாவட்டத்திலுள்ள அனைத்து டாஸ்மாக் மதுக் கடைகளும் ஆகஸ்ட் 15ஆம் தேதி மூடப்படும் என மாவட்ட ஆட்சியர் சு.மலர்விழி தெரிவித்துள்ளார்.
 இது குறித்து அவர் செவ்வாய்க்கிழமை வெளியிட்ட செய்திக் குறிப்பு :
 ஆகஸ்ட் 15ஆம் தேதி (வியாழக்கிழமை) சுதந்திர தினத்தை முன்னிட்டு, தருமபுரி மாவட்டத்தில் உள்ள அனைத்து டாஸ்மாக் மதுக்கடைகள், மது அருந்தும் பார்கள், உரிமம் பெற்ற தனியார் விடுதிகள் அனைத்தும், ஆகஸ்ட் 14ஆம் தேதி இரவு 10 மணி முதல் 16ஆம் தேதி பகல் 12 மணி வரையிலும் மூடப்படும். இதனை மீறி எவரேனும் செயல்பட்டால் கடுமையான நடவடிக்கைகள் எடுக்கப்படும்.
 
 

]]>
https://www.dinamani.com/all-editions/edition-dharmapuri/dharmapuri/2019/aug/14/நாளை-டாஸ்மாக்-மதுக்கடைகள்-மூடல்-3213427.html
3213425 தருமபுரி தருமபுரி கடத்தூரில் உணவு பாதுகாப்புத் துறையினர் ஆய்வு DIN DIN Wednesday, August 14, 2019 09:28 AM +0530 கடத்தூரில் உணவுப் பாதுகாப்புத் துறையினர் செவ்வாய்க்கிழமை ஆய்வு மேற்கொண்டனர்.
 தருமபுரி மாவட்ட உணவுப் பாதுகாப்பு அலுவலர் ஏ.பானு சுஜாதா தலைமையிலான உணவுப் பாதுகாப்புத் துறையினர் கடத்தூர் நகர் பகுதியில் திடீர் ஆய்வு மேற்கொண்டனர். அப்போது உணவகங்கள், பேக்கரிகள், பல்பொருள் அங்காடிகள், தேநீர் கடைகள் உள்ளிட்டவைகளில் ஆய்வு செய்தனர். ஆய்வின் போது, தமிழக அரசால் தடை செய்யப்பட்ட நெகிழிப் பொருள்கள் பயன்படுத்தப்படுகிறதா குறித்தும், உணவு பொருள்களில் கலப்படம் மற்றும் தரம் குறித்து ஆய்வு செய்தனர். தொடர்ந்து, உணவகங்களில் வாழை இலைகள், பாக்கு மட்டைகளைப் பயன்படுத்த வேண்டும் என அறிவுறுத்தினர்.
 இதில், மொரப்பூர் வட்டார உணவுப் பாதுகாப்பு அலுவலர் கே. நந்தகோபால், கடத்தூர் பேரூராட்சிப் பணியாளர்கள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/14/கடத்தூரில்-உணவு-பாதுகாப்புத்-துறையினர்-ஆய்வு-3213425.html
3213418 தருமபுரி தருமபுரி விவசாய நிலங்கள் வழியாக குழாய் பதிக்கும் திட்டத்துக்கு விவசாயிகள் எதிர்ப்பு   DIN DIN Wednesday, August 14, 2019 09:27 AM +0530 இருகூர் முதல் தேவனகுந்தி வரையிலும் விவசாய நிலங்கள் வழியாக பாரத் பெட்ரோலியம் கார்ப்பரேசன் நிறுவனம் குழாய் பதிக்கும் திட்டத்துக்கு விவசாயிகள் எதிர்ப்புத் தெரிவித்து செவ்வாய்க்கிழமை மனு அளித்தனர்.
 இதுகுறித்து தருமபுரி ஒளவை நகரில் உள்ள அதிகாரம் பெற்ற அலுவலரான துணை ஆட்சியர் ஆர்.புஷ்பாவிடம் தமிழக உழவர் முன்னணியின் பொதுச் செயலர் தூருவாசன், ஆலோசகர் கோ.மாரிமுத்து ஆகியோரது தலைமையில் விவசாயிகள் அளித்துள்ள மனு விவரம் :
 கோயமுத்தூர் இருகூர் முதல் கர்நாடக மாநிலம் தேவனகுந்தி வரையிலும் விவசாய நிலங்கள் வழியாக குழாய்கள் பதிக்க பாரத் பெட்ரோலியம் கார்ப்பரேசன் நிறுவனம் முடிவு செய்துள்ளது. இதற்காக கிருஷ்ணகிரி மாவட்டம், ஒடையாண்டஹள்ளி, எச்சனஹள்ளி, எதிர்கோட்டை, ராயக்கோட்டை, பழையூர், நெல்லூர், கொப்பக்கரை, கடவரஹள்ளி, பண்டப்பட்டி, ஆழமரத்துக்கொட்டாய், சீபம் உள்ளிட்ட 20-க்கும் மேற்பட்ட கிராமங்களைச் சேர்ந்த விவசாயிகளுக்கு பாரத் பெட்ரோலியம் கார்ப்பரேசன் நிறுவனம் சார்பில் அறிவிக்கை வழங்கப்பட்டுள்ளது.
 இதனால் இப் பகுதியிலுள்ள விவசாயிகளின் வாழ்வாதாரம் முற்றிலுமாக பாதிக்கப்படும். எனவே, இந்தத் திட்டத்தை கேரள மாநிலத்தில் இருப்பதை போன்று சாலையோரத்தில் அமைக்க வேண்டும். விவசாயிகளின் எதிர்கால தலைமுறைகள் அழிந்துவிடும் என்பதால் விவசாயிகள் தங்களின் நிலங்களை தர இயலாது எனவும் கோரிக்கை மனுவில் குறிப்பிட்டுள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/14/விவசாய-நிலங்கள்-வழியாக-குழாய்-பதிக்கும்-திட்டத்துக்கு-விவசாயிகள்-எதிர்ப்பு-3213418.html
3213351 தருமபுரி தருமபுரி "தருமபுரி மாவட்டத்தில் குடிநீர் பிரச்னைகளை தீர்க்க விரைவான நடவடிக்கை'   DIN DIN Wednesday, August 14, 2019 09:06 AM +0530 தருமபுரி மாவட்டத்தில் குடிநீர் பிரச்னைகளை தீர்க்க விரைவான நடவடிக்கைகள் எடுக்கப்படும் என மாநில உயர்கல்வித்துறை அமைச்சர் கே.பி.அன்பழகன் தெரிவித்தார்.
 தருமபுரி மாவட்ட ஆட்சியர் அலுவலகக் கூட்டரங்களில், மாவட்டத்தில் சீரான குடிநீர் விநியோகம் செய்வது குறித்த ஆலோசனைக் கூட்டம், அமைச்சர் கே.பி.அன்பழகன் தலைமையில் செவ்வாய்க்கிழமை நடைபெற்றது. இதில் மாவட்ட ஆட்சியர் சு.மலர்விழி முன்னிலை வகித்தார்.
 இந்தக் கூட்டத்தில் மாநில உயர்கல்வித்துறை அமைச்சர் கே.பி.அன்பழகன் பேசியது :
 காவிரியில் ஏற்பட்டுள்ள வெள்ளப் பெருக்கின் காரணமாக, ஒகேனக்கல் கூட்டுக் குடிநீர்த் திட்டத்தில் குடிநீர் வழங்கும் பணிகள் தற்காலிகமாக நிறுத்தப்பட்டுள்ளது. அதாவது, காவிரி ஆற்றில் ஓடும் நீரானது சேறு, கலங்கலாக உள்ளது. இதனால் குடிநீர் விநியோகம் நிறுத்தப்பட்டுள்ளது. தற்போது காவிரியில் நீர்வரத்துக் குறைந்து வருகிறது. இன்னும் ஓரிரு தினங்களில் மாவட்டத்திலுள்ள அனைத்து இடங்களுக்கும் சுத்திகரிக்கப்பட்ட குடிநீர் வழங்கப்படும்.
 மேலும், குடிநீர் தட்டுப்பாடு ஏற்படும் பட்சத்தில் சம்பந்தப்பட்ட அரசு அதிகாரிகள் குடிநீர் கிடைக்க விரைந்து நடவடிக்கை எடுக்க வேண்டும். லாரிகள், டிராக்டர்கள் மூலமாவும் குடிநீர் எடுத்துச் சென்று பொதுமக்களுக்கு வழங்கலாம். இதற்காக அரசு அதிகாரிகளுக்கு உரிய அனுமதி வழங்கப்படுகிறது. மேலும், தமிழக முதல்வரின் உத்தரவின்படி, அனைத்து குடியிருப்புப் பகுதிகளையும் தூய்மையான முறையில் பராமரிக்க வேண்டும். தெரு விளக்கு வசதிகளை மேம்படுத்த வேண்டும் என்றார்.
 தொடர்ந்து தருமபுரியில் செய்தியாளர்களிடம் அமைச்சர் கே.பி.அன்பழகன் கூறுகையில், காவிரி உபரி நீரை தருமபுரி மாவட்டத்திலுள்ள ஏரிகள் உள்ளிட்ட நீர் நிலைகளில் நிரப்புவது குறித்து, ஏற்கெனவே தமிழக முதல்வரிடம் மாவட்ட நிர்வாகம் சார்பில் கோரிக்கை அளிக்கப்பட்டுள்ளது.
 காவிரியில் இருந்து உபரி நீர் எடுப்பதற்கு காவிரி ஆணையத்தில் அனுமதி பெறவேண்டியுள்ளது. எனவே, இனி வரும் காலங்களில் காவிரி உபரி நீரை தருமபுரி மாவட்டத்திலுள்ள ஏரிகளில் நிரப்ப நடவடிக்கை எடுக்கப்படும் என்றார்.
 

]]>
https://www.dinamani.com/all-editions/edition-dharmapuri/dharmapuri/2019/aug/14/தருமபுரி-மாவட்டத்தில்-குடிநீர்-பிரச்னைகளை-தீர்க்க-விரைவான-நடவடிக்கை-3213351.html
3213350 தருமபுரி தருமபுரி சந்தன மரம் வெட்டியவர் கைது DIN DIN Wednesday, August 14, 2019 09:06 AM +0530 அரூரில் சந்தன மரம் வெட்டியதாக சுரேஷ் (35) என்பவரை வனத்துறையினர் செவ்வாய்க்கிழமை கைது செய்தனர்.
 அரூர் வட்டம், எட்டிப்பட்டி - ஆண்டிபட்டி புதூர் செல்லும் வனப் பகுதியில் மொரப்பூர் வனச்சரகர் தீ.கிருஷ்ணன் தலைமையிலான வனத் துறையினர் ரோந்துப் பணியில் ஈடுபட்டனர். அப்போது, வனப்பகுதியில் சந்தேகமான முறையில் சுற்றித் திரிந்த இளைஞர் ஒருவரை பிடித்து வனத் துறையினர் விசாரணை மேற்கொண்டனர்.
 விசாரணையில், அவர் எட்டிப்பட்டி வனப்பகுதியில் சந்தன மரங்களை வெட்டியும், ஏற்கெனவே வெட்டப்பட்ட சந்தன மரங்களின் வேர்களை பறித்ததும் தெரியவந்தது.
 மேலும், பிடிபட்டவர் கிருஷ்ணகிரி மாவட்டம், ஊத்தங்கரை வட்டம், வேடப்பட்டி கிராமத்தைச் சேர்ந்த ராஜா மகன் சுரேஷ் (35) என்பது தெரியவந்தது. இதையடுத்து, சுரேஷை வனத்துறையினர் கைது செய்து, அவரிடமிருந்து 15.5 கிலோ எடையுள்ள சந்தன மரத் துண்டுகள், சந்தன மர வேர்கள், இரு சக்கர வாகனம், கொடுவாள் உள்ளிட்டவைகளை பறிமுதல் செய்தனர். பறிமுதல் செய்யப்பட்ட சந்தன மரங்களின் மதிப்பு ரூ. 38 ஆயிரமாகும். இதையடுத்து, சுரேஷை வனத்துறையினர் கைது செய்தனர்.

]]>
https://www.dinamani.com/all-editions/edition-dharmapuri/dharmapuri/2019/aug/14/சந்தன-மரம்-வெட்டியவர்-கைது-3213350.html
3212250 தருமபுரி தருமபுரி "புதிய கல்விக் கொள்கையை திரும்பப்பெற வேண்டும்' DIN DIN Monday, August 12, 2019 10:32 AM +0530 மத்திய அரசின் புதிய கல்விக் கொள்கையை திரும்பப் பெற வேண்டும் என தமிழ்நாடு கலை, இலக்கிய பெருமன்றம் வலியுறுத்தியது.
தமிழ்நாடு கலை இலக்கிய பெருமன்றத்தின் மாவட்ட பொதுக்குழுக் கூட்டம் (ஞாயிற்றுக்கிழமை) மாவட்டத் தலைவர் பெரியசாமி தலைமையில் தருமபுரியில் நடைபெற்றது. மாவட்ட துணைச் செயலாளர் சின்னக்கண்ணன் முன்னிலை வகித்தார். மாவட்டச் செயலர் ரவீந்திரபாரதி பேசினார்.
மத்திய அரசின் புதிய கல்விக் கொள்கை மாணவர் நலனுக்கு எதிராக உள்ளது. எனவே, அதனை திரும்பப் பெற வேண்டும். தமிழகத்தில் ஹிந்தி மற்றும் சம்ஸ்கிருத திணிப்பு முயற்சியை கைவிட வேண்டும். பாடப் புத்தகங்களில் தமிழின் வரலாற்றை மதிப்பிழக்க செய்யும் நடவடிக்கையை திரும்பப் பெற வேண்டும் என்பன உள்ளிட்ட தீர்மானங்கள் நிறைவேற்றப்பட்டன. 
மேலும், வருகிற அக்டோபர் மாதத்தில் மாவட்ட மாநாடு நடத்துவது மற்றும் புதிய கல்விக் கொள்கை குறித்த கருத்தரங்கம் செப்டம்பர் 22-இல் தருமபுரியில் நடத்துவது எனவும் முடிவு செய்யப்பட்டது. கூட்டத்தில் மாவட்டத் துணைத் தலைவர் மணி, வழக்குரைஞர் மாதையன், மாவட்ட பொருளாளர் நடிகர் சிங்காரவேல் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/12/புதிய-கல்விக்-கொள்கையை-திரும்பப்பெற-வேண்டும்-3212250.html
3212248 தருமபுரி தருமபுரி ரூ.2.26 கோடியில் நலத் திட்ட உதவிகள் வழங்கல் DIN DIN Monday, August 12, 2019 10:31 AM +0530 பாலக்கோடு, நல்லம்பள்ளி, பென்னாகரத்தில் நடைபெற்ற அரசு விழாவில் 1,433 பயனாளிகளுக்கு ரூ.2.26 கோடியில் நலத் திட்ட உதவிகள் வழங்கப்பட்டன.
மாவட்ட ஆட்சியர் சு.மலர்விழி தலைமையில் ஞாயிற்றுக்கிழமை நடைபெற்ற விழாவில் அரசின் பல்வேறு துறைகள் சார்பில் 1,433 பயனாளிகளுக்கு ரூ.2.26 கோடி மதிப்பிலான நலத் திட்ட உதவிகளை வழங்கி, மாநில உயர் கல்வித் துறை அமைச்சர் கே.பி.அன்பழகன் பேசியது: 
தருமபுரி மாவட்டத்தில் ஊரக வளர்ச்சி மற்றும் உள்ளாட்சித் துறை சார்பில் ரூ.24.83 கோடி மதிப்பில் 361 ஏரி, குளங்கள் மற்றும் குட்டைகள் தூர்வாரும் பணிகள் தொடங்கப்பட்டுள்ளன. உழைக்கும் மகளிருக்கு ரூ.20 ஆயிரம் அல்லது 50 சதவீத மானியத்தில் அம்மா இரு சக்கர வாகனம் வழங்கும் திட்டத்தின் கீழ், அதிகபட்சமாக ஒவ்வொருவருக்கும் ரூ.25,000 வரை மானியம் வழங்கப்படுகிறது.  மேலும் மாற்றுத் திறனாளிகளுக்கு ரூ.31,250 வரை மானியம் வழங்கவும் வழிவகை செய்யப்பட்டுள்ளது. பணிக்கு செல்லும் பெண்களின் முன்னேற்றத்துக்காக அம்மா இரு சக்கர வாகனம் வழங்கும் திட்டம் செயல்படுத்தப்படுகிறது என்றார்.
விழாவில் பாப்பிரெட்டிப்பட்டி தொகுதி சட்டப்பேரவை உறுப்பினர் ஏ.கோவிந்தசாமி, மாவட்ட வருவாய் அலுவலர் எச்.ரஹமத்துல்லாகான், சார்- ஆட்சியர் ம.ப.சிவன் அருள், பால் உற்பத்தியாளர்கள் கூட்டுறவு ஒன்றியத் தலைவர் டி.ஆர்.அன்பழகன், ஊரக வளர்ச்சி முகமைத் திட்ட இயக்குநர் எம். காளிதாசன், அரசு அலுவலர்கள் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/12/ரூ226-கோடியில்-நலத்-திட்ட-உதவிகள்-வழங்கல்-3212248.html
3212243 தருமபுரி தருமபுரி தடகளம்: 450 பேர் பங்கேற்பு DIN DIN Monday, August 12, 2019 10:29 AM +0530 தருமபுரியில் மாவட்ட அளவிலான தடகளப் போட்டியில் 450-க்கும் மேற்பட்ட மாணவ, மாணவிகள் பங்கேற்றனர்.
தருமபுரி மாவட்ட தடகளக் கழகம் சார்பில் மாவட்ட அளவிலான தடகளப் போட்டிகள் சனிக்கிழமை  நடைபெற்றது. மாவட்டம் முழுவதிலுமிருந்து 450-க்கும் மேற்பட்ட மாணவ, மாணவிகள் பங்கேற்று விளையாடினர். போட்டிகளில் தருமபுரி ஸ்ரீ விஜய் வித்யாலயா ஆண்கள் மேல்நிலைப் பள்ளி மற்றும் செல்லியம்பட்டி சேக்கரடாட் பள்ளி ஒட்டுமொத்த சாம்பியன்ஷிப் பட்டம் பெற்றன.
போட்டிகளில் வெற்றி பெற்றவர்களுக்கு, மாவட்டக் காவல் கண்காணிப்பாளர் ப.ராஜன் பரிசு வழங்கி பாராட்டினார். தடகள சங்கத் தலைவர் ஆர்.நடராஜன், செயலர் அறிவு துணைத் தலைவர் ஜெ.பி.நாகராஜன், உடற்கல்வி ஆய்வாளர் முத்துக்குமார், மாவட்ட விளையாட்டு அலுவலர் பியூலா ஜேன் சுசீலா உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/12/தடகளம்-450-பேர்-பங்கேற்பு-3212243.html
3212241 தருமபுரி தருமபுரி ஆகஸ்ட் 13 மின்தடை DIN DIN Monday, August 12, 2019 10:29 AM +0530 தீர்த்தமலை
மாம்பட்டி, ஈச்சம்பாடி, தீர்த்தமலை மற்றும் பையர்நாய்க்கன்பட்டி ஆகிய துணை மின் நிலையங்களில் நடைபெறும் மாதாந்திர பராமரிப்புப் பணிகள் காரணமாக தீர்த்தமலை வட்டாரப் பகுதிகளில் செவ்வாய்க்கிழமை (ஆக. 13) காலை 9 முதல் மாலை 5 மணி வரை மின் விநியோகம் நிறுத்தம் செய்யப்படுவதாக செயற்பொறியாளர் (அரூர்) எஸ்.பூங்கொடி தெரிவித்தார்.
மின் நிறுத்தம் செய்யப்படும் பகுதிகள் : மாம்பட்டி, அனுமன்தீர்த்தம், காட்டேரி, சட்டையம்பட்டி, சந்திராபுரம், கொங்கவேம்பு, கீழ்மொரப்பூர், பறையப்பட்டி, கே.வேட்ரப்பட்டி,தாமலேரிப்பட்டி, ஈச்சம்பாடி, 
கணபதிப்பட்டி, செக்காம்பட்டி, செல்லம்பட்டி, கீழானூர், வேப்பம்பட்டி, தீர்த்தமலை, மேல்செங்கப்பாடி, டி.அம்மாபேட்டை, மாம்பாடி, நரிப்பள்ளி, சிக்களூர், பெரியப்பட்டி, கோட்டப்பட்டி, சிட்லிங், வேலனூர் மற்றும் அதைச் சுற்றியுள்ள கிராமங்கள்.
அதியமான்கோட்டை
அதியமான்கோட்டை துணை மின் நிலையத்தில் மாதாந்திர பராமரிப்புப் பணிகள் நடைபெறுவதால் செவ்வாய்க்கிழமை காலை 9 மணி முதல் மாலை 5 வரை மின் விநியோகம் நிறுத்தம் செய்யப்படுகிறது.
மின் விநியோகம் நிறுத்தப்படும் பகுதிகள்: அதியமான்கோட்டை, நல்லம்பள்ளி, லளிகம், ஏலகிரி, சாமிசெட்டிப்பட்டி, பாளையம்புதூர், தடங்கம், வெண்ணாம்பட்டி, தோக்கம்பட்டி, தேவரசம்பட்டி, சவுளுப்பட்டி, நேருநகர் மற்றும் அதை சுற்றியுள்ள கிராமங்கள்.
கடத்தூர்
கடத்தூர் கோட்டம் ராமியனஅள்ளி துணை மின் நிலையம், ஆர்.கோபிநாதம்பட்டி, பொம்மிடி, வேமுத்தம்பட்டி, கடத்தூர் ஆகிய துணை மின் நிலையங்களில் மாதாந்திர பராமரிப்புப் பணிகள் மேற்கொள்ளப்படுவதால்  செவ்வாய்க்கிழமை (ஆக.13) காலை 9 மணி முதல் மாலை 5 வரை அந்தந்த துணை மின் நிலையங்களுக்குள்பட்ட கிராமங்களில் மின் விநியோகம் நிறுத்தம் செய்யப்படும்.
 

]]>
https://www.dinamani.com/all-editions/edition-dharmapuri/dharmapuri/2019/aug/12/ஆகஸ்ட்-13-மின்தடை-3212241.html
3212239 தருமபுரி தருமபுரி தருமபுரியில் சாலை விரிவாக்கப் பணியை விரைந்து முடிக்க வலியுறுத்தல் DIN DIN Monday, August 12, 2019 10:29 AM +0530 தருமபுரி எஸ்.வி. சாலையில் நடைபெறும் சாலை விரிவாக்கப் பணியை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனர்.
தருமபுரி-திருப்பத்தூர் சாலையில் உள்ள பெரியார் சிலை எதிரே கடைவீதி, விநாயகர் கோயில் வழியாக பச்சையம்மன் கோயில் வரை தருமபுரி-சேலம் சாலையை இணைக்கும் எஸ்வி சாலை எனப்படும் பழைய சேலம் நெடுஞ்சாலை விரிவாக்கப் பணிகள் நடைபெற்று வருகிறது.
தருமபுரி நகரின் பிராதான சாலையாக திகழும் இச்சாலையையொட்டி வட்டாட்சியர் அலுவலகம், கிளை சிறை, கோட்டாட்சியர் அலுவலகம், ஊராட்சி ஒன்றிய அலுவலகம், சார்பதிவாளர் அலுவலகம், துணை மின் நிலைய அலுவலகம், தனியார் பள்ளிகள், அலுவலகங்கள் உள்ளன. இவைத் தவிர கொல்லஅள்ளி, அன்னசாகரம் ஆகிய பகுதிகளுக்கு செல்லவும் இச் சாலையைதான் பயன்படுத்த வேண்டும். 
7 மீட்டர் சாலையை காந்தி சிலை அருகிலிருந்து 14 மீட்டர் அகலத்துக்கு விரிவாக்கம் செய்யப்படுகிறது. இதற்கு நிதி ஒதுக்கீடு செய்யப்பட்டு பணிகள் கடந்த ஜூன் மாதம் தொடங்கப்பட்டன. இதையொட்டி, சாலையின் இருபுறமும் உள்ள ஆக்கிரமிப்புகள் அகற்றப்பட்டு, சாலையோரம் கழிவுநீர்க் கால்வாய் அமைத்து விரிவாக்கம் செய்யும் பணிகளை நெடுஞ்சாலைத் துறை மேற்கொண்டு வருகிறது. இதில், விரிவாக்கம் செய்யும் சாலையில் மண் மற்றும் ஜல்லி கற்கள் கொட்டப்பட்டுள்ளன. இக்கற்கள் கொட்டப்பட்ட சாலையில் வாகனங்கள் செல்லும் போது, அந்த கல்கள் தெரித்து வாகனங்கள் மீதும், நடந்து செல்வோர் மீதும் விழும் சூழல் ஏற்பட்டுள்ளது. 
பள்ளி, அலுவலக நேரங்களில் வாகன நெரிசல் அதிகரித்து, போக்குவரத்துக்கு மிகுந்த இடையூறு ஏற்படுகின்றன.
எனவே, இச்சாலை விரிவாக்கப் பணிகளை விரைந்து முடிக்க நெடுஞ்சாலைத் துறை நடவடிக்கை எடுக்க வேண்டும் என வாகன ஓட்டிகள், பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/12/தருமபுரியில்-சாலை-விரிவாக்கப்-பணியை-விரைந்து-முடிக்க-வலியுறுத்தல்-3212239.html
3212237 தருமபுரி தருமபுரி அரிசி ஆலை உரிமையாளர் வீட்டில் 48 பவுன் நகை திருட்டு DIN DIN Monday, August 12, 2019 10:28 AM +0530 காரிமங்கலம் அருகே அரிசி ஆலை  உரிமையாளரின் வீட்டிலிருந்து 48 பவுன் நகை, ரூ.15 லட்சத்தை திருடிச் சென்ற மர்ம நபர்களை போலீஸார் தேடி வருகின்றனர்.
காரிமங்கலம் அருகே உள்ள பெரியமிட்ட அள்ளி கிராமத்தைச் சேர்ந்தவர் ராமன்(45). இவர் காரிமங்கலத்தில் மின் வாரிய அலுவலகம் அருகே அரிசி ஆலை நடத்தி வருகிறார். இந்த நிலையில், ஞாயிற்றுக்கிழமை ராமனின் மனைவி லதா கோவைக்கு சென்ற நிலையில் ராமன் ஆலைக்கு வந்துள்ளார். இவர்களது மூத்த மகன் பணி நிமித்தமாக வெளியே சென்றுவிட்டாராம். மற்றொரு மகன் பள்ளிக்கு சிறப்பு வகுப்புச் சென்றுவிட்டு மாலை வீடு திரும்பியுள்ளார். அப்போது, வீட்டின் கதவு உடைக்கப்பட்டிருந்தது.
தகவலறிந்து வீட்டிற்கு வந்த ராமன் பீரோவிலிருந்த  48 பவுன் நகை, ரூ.15 லட்சம் திருடு போனது குறித்து காரிமங்கலம் காவல் நிலையத்தில் புகார் அளித்தார். அதன்பேரில்,  மாவட்டக் காவல் கண்காணிப்பாளர் ப. ராஜன், பாலக்கோடு டிஎஸ்பி கார்த்திகேயன் ஆகியோர் சம்பவ இடத்துக்கு வந்து விசாரணை நடத்தினர். திருட்டு சம்பவம் நிகழ்ந்த தெருவில் உள்ள ஒரு வீட்டில் பொருத்தப்பட்டிருந்த சிசிடிவி கேமரா பதிவில் மர்ம நபர் ஒருவரின் அடையாளம் பதிவாகியுள்ளது. அதன் அடிப்படையில் விசாரணையை முடுக்கிவிட்டுள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/12/அரிசி-ஆலை-உரிமையாளர்-வீட்டில்-48-பவுன்-நகை-திருட்டு-3212237.html
3212236 தருமபுரி தருமபுரி ஒகேனக்கல்லில் வெள்ள பெருக்கு: தருமபுரி நகருக்கு குடிநீர் விநியோகம் பாதிப்பு DIN DIN Monday, August 12, 2019 10:28 AM +0530 ஒகேனக்கல் காவிரி ஆற்றில் வெள்ள பெருக்கு ஏற்பட்டுள்ளதால் தருமபுரி நகருக்கு குடிநீர் விநியோகம் செய்வதில் பாதிப்பு ஏற்பட்டுள்ளதாக நகராட்சி நிர்வாகம் தெரிவித்துள்ளது.
இதுகுறித்து தருமபுரி நகராட்சி சார்பில் வெளியிட்ட செய்திக் குறிப்பு: தென்மேற்குப் பருவமழை தீவிரமடைந்துள்ளதால் கர்நாடக மாநிலத்தில் தொடர்மழை பெய்துவருகிறது. இதனால், அம்மாநிலத்தில் உள்ள அணைகளின் நீர்மட்டம் அதிகரித்துள்ளது. இந்த அணைகளிலிருந்து அதிகளவு தண்ணீர் வெளியேற்றப்டுவதால் காவிரியில் வெள்ள பெருக்கு ஏற்பட்டுள்ளது.
இதனால், ஒகேனக்கல்லுக்கு நீர்வரத்து விநாடிக்கு ஒரு லட்சம் கன அடிக்கும் மேல் வந்துக்கொண்டிருக்கிறது. ஆகவே, தருமபுரி நகராட்சிக்கு குடிநீர் விநியோகம் செய்யும் மின் மோட்டார்களின் இயக்கம் தற்காலிகமாக நிறுத்தப்பட உள்ளது. இதனால், நகருக்கு குடிநீர் விநியோகிப்பதில் பாதிப்பு ஏற்பட்டுள்ளது. எனவே, தருமபுரி நகர பொதுமக்கள் தற்போதுள்ள குடிநீரை சிக்கனமாக பயன்படுத்துமாறு கேட்டுக்கொள்ளப்படுகிறது.
 

]]>
https://www.dinamani.com/all-editions/edition-dharmapuri/dharmapuri/2019/aug/12/ஒகேனக்கல்லில்-வெள்ள-பெருக்கு-தருமபுரி-நகருக்கு-குடிநீர்-விநியோகம்-பாதிப்பு-3212236.html
3212234 தருமபுரி தருமபுரி கூட்டுறவுத் துறை ஊழியர் சங்க மாநில நிர்வாகிகள் தேர்வு DIN DIN Monday, August 12, 2019 10:27 AM +0530 தமிழ்நாடு அரசு கூட்டுறவுத் துறை ஊழியர்கள் சங்க மாநில நிர்வாகிகள் ஞாயிற்றுக்கிழமை தேர்வு செய்யப்பட்டனர்.
தமிழ்நாடு அரசு கூட்டுறவுத் துறை ஊழியர் சங்க 14-ஆவது மாநில பிரதிநிதித்துவப் பேரவை கூட்டம் தருமபுரியில் சனிக்கிழமை தொடங்கியது. 2-ஆவது நாளான ஞாயிற்றுக்கிழமை ஜாக்டோ-ஜியோ போராட்டத்தில் பங்கேற்று சிறை சென்றவர்களுக்கு பாராட்டு விழா, முன்னாள் மாநில நிர்வாகிகளுக்கு பாராட்டு விழா நடத்தப்பட்டது.
இதையடுத்து, தமிழ்நாடு அரசு கூட்டுறவுத் துறை ஊழியர் சங்கத்தின் மாநிலத் தலைவராக மு.செளந்தரராஜன், மாநில பொதுச் செயலராக வெ.செல்லையா, மாநில பொருளாளராக ஆர்.பட்டாபிராமன், மாநில துணைத் தலைவர்களாக சு.பத்மா, கே.எஸ்.மாரியப்பன், பா.சிவக்குமார் உள்ளிட்டோரும், மாநிலச் செயலர்களாக சேவியர் எக்ஸ்பெடிட் செபஸ்டியன், கோ.பழனியம்மாள், த.ராமகிருஷ்ணன் ஆகியோர் புதிய நிர்வாகிகளாக தேர்வு செய்யப்பட்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/12/கூட்டுறவுத்-துறை-ஊழியர்-சங்க-மாநில-நிர்வாகிகள்-தேர்வு-3212234.html
3212232 தருமபுரி தருமபுரி பொருளாதார மேம்பாட்டுக் கடன் வழங்க ஆய்வுக் கூட்டம் DIN DIN Monday, August 12, 2019 10:27 AM +0530 தருமபுரி மாவட்டத்தில் பிற்பட்டோர் பொருளாதார மேம்பாட்டுக் கடன் வழங்க கூட்டுறவுத் துறை மண்டல இணைப் பதிவாளர் அலுவலகத்தில் அண்மையில் ஆய்வுக் கூட்டம் நடைபெற்றது.
இக் கூட்டத்தில் தருமபுரி மண்டல இணைப்பதிவாளர் மா.சந்தானம், பிற்பட்டோர் மற்றும் சிறுபான்மையினர் நல அலுவலர் ஐயப்பன், துணைப் பதிவாளர்கள், சார்பதிவாளர்கள் பங்கேற்றனர். இதில், தமிழ்நாடு பிற்பட்டோர் பொருளாதார மேம்பாட்டுக் கழகத்தின் கீழ், பிற்பட்டோர், மிகவும் பிற்பட்டோர், சீர்மரபினர் இனத்தவர்களுக்கு பொருளாதார மேம்பாட்டுக் கடன் வழங்குவது குறித்து ஆய்வு செய்யப்பட்டது. 
கூட்டத்தில் 1245 உறுப்பினர்களுக்கு ரூ.7.28 கோடியில் கடன் வழங்க நடவடிக்கை மேற்கொள்வது என முடிவு செய்யப்பட்டது. தருமபுரி மாவட்ட மத்திய கூட்டுறவு வங்கி அலுவலர்கள், மகளிர் சுய உதவிக்குழு உறுப்பினர்கள் கூட்டத்தில் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/12/பொருளாதார-மேம்பாட்டுக்-கடன்-வழங்க-ஆய்வுக்-கூட்டம்-3212232.html
3211347 தருமபுரி தருமபுரி கூட்டுறவுத் துறையில் காலிப் பணியிடங்களை நிரப்ப வேண்டும் DIN DIN Sunday, August 11, 2019 03:35 AM +0530
 கூட்டுறவுத் துறையில் காலியாக உள்ள பணியிடங்களை நிரப்ப வேண்டும் என தமிழ்நாடு அரசு கூட்டுறவுத் துறை ஊழியர் சங்க மாநிலத் தலைவர் எம்.செளந்தரராஜன் வலியுறுத்தினார்.
கூட்டுறவுத் துறை ஊழியர் சங்க 14-ஆவது மாநில பிரதிநிதித்துவ பேரவைக் கூட்டம் தருமபுரியில் சனிக்கிழமை தொடங்கியது. இக் கூட்டத்தில் பங்கேற்ற அச் சங்கத்தின் மாநிலத் தலைவர் எம்.சௌந்தரராஜன் செய்தியாளர்களிடம் கூறியது: 
கூட்டுறவுத் துறையில் களப்பணி, சார்பதிவாளர் மற்றும் பொதுவிநியோகத் திட்டம் ஆகியவற்றில் காலியாக உள்ள ஆயிரத்துக்கும் மேற்பட்ட பணியிடங்களை நிரப வேண்டும். மேலும், களப் பணியாளர்களுக்கு கட்டடம், வாகன வசதி வழங்க வேண்டும். புதிய ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும்.
குற்றச்சாட்டு குறிப்பாணைகள் மீது விரைந்து தீர்வு காண வேண்டும். அதேபோல, துறை அனுமதியின்றி குற்றவியல் நடவடிக்கைகளை மேற்கொள்ளக் கூடாது என்கிற அரசாணை பிறப்பிக்க வேண்டும். இக்கோரிக்கைகளை வலியுறுத்தி, பதிவாளர் மற்றும் அரசுத் துறை செயலருக்கு தொலையச்சு மற்றும் மின்னஞ்சல் மூலம் கோரிக்கைகள் அனுப்பப்படும். மேலும், வருகிற அக்.18-இல் பதிவாளர் அலுவலகம் முன் ஆர்ப்பாட்டம் நடத்தப்பட உள்ளது என்றார். 
பேரவைக் கூட்டம் ஞாயிற்றுக்கிழமை தொடர்ந்து நடைபெற உள்ளது. முன்னதாக, நடைபெற்ற பேரவை கூட்டத்தில், வரவேற்புக் குழுத் தலைவர் எம்.சுருளிநாதன் வரவேற்றார். மாநில பொதுச் செயலர் எஸ்.கோவிந்தராஜ் வேலை அறிக்கை, மாநில பொருளாளர் சை.மு.சலீம் நிதிநிலை அறிக்கை சமர்ப்பித்தனர். 
மாநிலச் செயலர் என்.வேலாயுதம், அரசு ஊழியர் சங்க மாநிலத் துணைத் தலைவர் எஸ்.தமிழ்ச்செல்வி, மாவட்டச் செயலர் ஏ.சேகர் ஆகியோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/கூட்டுறவுத்-துறையில்-காலிப்-பணியிடங்களை-நிரப்ப-வேண்டும்-3211347.html
3211346 தருமபுரி தருமபுரி டி.அம்மாபேட்டை-ஆண்டியூர் சாலையை அகலப்படுத்த வலியுறுத்தல் DIN DIN Sunday, August 11, 2019 03:35 AM +0530
 டி.அம்மாபேட்டை முதல் ஆண்டியூர் வரையிலான தார்ச் சாலையை அகலப்படுத்த வேண்டும் என வாகன பொதுமக்கள் கோரிக்கை விடுத்துள்ளனர். 
அரூர் வட்டம், டி.அம்மாபேட்டை-ஆண்டியூர் செல்லும் தார்ச் சாலையானது சுமார் 6 கிலோ மீட்டர் தொலைவு கொண்டதாகும். இந்த சாலையானது திருவண்ணாமலை மாவட்டம், கிருஷ்ணகிரி மற்றும் தருமபுரி மாவட்டங்களை இணைக்கும் இணைப்புச் சாலையாக உள்ளது. 
சாலையை டி.அம்மாபேட்டை, நீப்பத்துறை, வேடகட்டமடுவு, தாம்பல், மொண்டுகுழி, முல்லைவனம், டி.ஆண்டியூர், தீர்த்தமலை உள்ளிட்ட 30-க்கும் மேற்பட்ட கிராம மக்கள் பயன்படுத்தி வருகின்றனர்.இதேபோல், அரூர்-திருவண்ணாமலை நெடுஞ்சாலையில் இருந்து செங்கம், சிங்காரப்பேட்டை பகுதிகளுக்கு மிக குறைந்த தூரத்தில் பயணம் செய்வதற்கு டி.அம்மாபேட்டை-ஆண்டியூர் இணைப்புச் சாலையானது மிகவும் பயனுள்ளதாக அமைந்துள்ளது.
இந்த சாலையில் வரலாற்று சிறப்பு மிக்க தீர்த்தமலை தீர்த்தகிரீஸ்வரர் திருக்கோயில், டி.அம்மாபேட்டை ஸ்ரீ சென்னியம்மன் திருக்கோயில்களும் உள்ளன. இந்த கோயில்களுக்கு நாள்தோறும் நூற்றுக்கணக்கான பக்தர்கள் வந்து செல்கின்றனர். இதேபோல், அரசு மற்றும் தனியார் பள்ளி, கல்லூரி பேருந்துகள், லாரிகள், கார், இரு சக்கர வாகனங்கள் அதிக அளவில் வந்துச் செல்கின்றன.
 இந்த நிலையில், டி.அம்மாபேட்டை-ஆண்டியூர் சாலையானது ஒருவழிப்பாதையாக, மிகவும் குறுகிய நிலையில் உள்ளது. இதனால், பேருந்துகள், லாரிகள் உள்ளிட்ட கனரக வாகனங்கள் வரும் போது இருசக்கர வாகனங்களில் செல்வோர் அவதிப்படுகின்றனர். 
இதேபோல், இந்த தார்ச் சாலையானது மேடு பள்ளங்களுடன் மிகவும் ஆபத்தான வகையில் உள்ளது. எனவே, டி.அம்மாபேட்டை முதல் ஆண்டியூர் வரையிலான தார்ச் சாலையை இரு வழிச் சாலையாக மாற்றம் செய்து போக்குவரத்து வசதிகளை மேம்படுத்த வேண்டும் என்பதே பொதுமக்களின் எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/aug/11/டிஅம்மாபேட்டை-ஆண்டியூர்-சாலையை-அகலப்படுத்த-வலியுறுத்தல்-3211346.html
3211345 தருமபுரி தருமபுரி வட்டாட்சியர் அலுவலகத்தை திறக்கக் கோரிக்கை DIN DIN Sunday, August 11, 2019 03:34 AM +0530
அரூரில் புதிதாக கட்டப்பட்டுள்ள வட்டாட்சியர் அலுவலகத்தை திறக்க வேண்டும் என பொதுமக்கள் கோரிக்கை விடுத்துள்ளனர்.
அரூரில் புதிதாக வருவாய் வட்டாட்சியர் அலுவலகம் சுமார் ரூ.2 கோடியில் கட்டி முடிக்கப்பட்டது. இந்த அலுவலகத்தின் கட்டுமானப் பணிகள் கடந்த 8 மாதங்களாக நடைபெற்று வந்த நிலையில், தற்போது அப்பணிகள் அனைத்தும் நிறைவடைந்துள்ளன.
இந்த நிலையில், அரூர் சந்தைமேட்டில் பேரூராட்சிக்கு சொந்தமான கட்டடத்தில் தற்காலிகமாக இயங்கி வரும் வட்டாட்சியர் அலுவலகத்தில் போதிய இட வசதிகள் இல்லை. அதேபோல், வாகனங்களை நிறுத்தவும், போக்குவரத்து வசதிக்காகவும் பொதுமக்கள் தினந்தோறும் பல்வேறு சிரமங்களை அடைகின்றனர்.
எனவே, அரூரில் புதிதாக கட்டப்பட்டுள்ள வட்டாட்சியர் அலுவலகத்தை திறந்து பயன்பாட்டுக்கு கொண்டுவர வேண்டும் என கோரிக்கை விடப்பட்டுள்ளது.
 

]]>
https://www.dinamani.com/all-editions/edition-dharmapuri/dharmapuri/2019/aug/11/வட்டாட்சியர்-அலுவலகத்தை-திறக்கக்-கோரிக்கை-3211345.html
3211344 தருமபுரி தருமபுரி காரிமங்கலம் அரசு மகளிர் கல்லூரியில் ஆக.14-இல் இறுதிக்கட்ட கலந்தாய்வு DIN DIN Sunday, August 11, 2019 03:34 AM +0530
தருமபுரி மாவட்டம், காரிமங்கலம் அரசு மகளிர் கலை மற்றும் அறிவியல் கல்லூரியில் காலியாக உள்ள இடங்களில் மாணவர் சேர்க்கைக்கு வரும் ஆக. 14-ஆம் தேதி இறுதிக்கட்ட கலந்தாய்வு நடைபெற உள்ளது.
இதுகுறித்து கல்லூரி முதல்வர் சந்திரன் வெள்ளிக்கிழமை வெளியிட்ட செய்திக் குறிப்பு: காரிமங்கலம் அரசு மகளிர் கலை மற்றும் அறிவியல் கல்லூரியில் இளநிலை பாடப்பிரிவுகளில் காலியாக உள்ள இடங்களில் மாணவர் சேர்கைக்கான இறுதிக்கட்ட கலந்தாய்வு மற்றும் முதுநிலை கலை மற்றும் அறிவியல் பாடப் பிரிவுகளில் காலியாக உள்ள இடங்களில் மாணவர் சேர்க்கைக்கான கலந்தாய்வு வரும் ஆக. 14-ஆம் தேதி காலை 10 மணிக்கு நடைபெற உள்ளது. தகுதியான மாணவியர் இக்கலந்தாய்வில் பங்கேற்று பயனடையுமாறு அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/dharmapuri/2019/aug/11/காரிமங்கலம்-அரசு-மகளிர்-கல்லூரியில்-ஆக14-இல்-இறுதிக்கட்ட-கலந்தாய்வு-3211344.html
3211343 தருமபுரி தருமபுரி உலக பழங்குடியினர் தின விழா DIN DIN Sunday, August 11, 2019 03:34 AM +0530
அரூரை அடுத்த கோட்டப்பட்டியில் உலக பழங்குடியினர் தின விழா வெள்ளிக்கிழமை நடைபெற்றது.
தமிழ்நாடு பழங்குடியின மக்கள் கூட்டமைப்பு சார்பில் நடைபெற்ற இந்த விழாவில், அந்தக் கூட்டமைப்பின் மாநிலத் தலைவர் ஸ்டான்லி வி.முருகேசன் தலைமை வகித்தார்.
விழாவில் பழங்குடியின மக்களின் வாழ்க்கை முறைகள், பழங்குடியின மக்களின் சிறப்புகள், மக்களின் தேவைகள் குறித்து அரூர் எம்.எல்.ஏ. வே.சம்பத்குமார் சிறப்புரை நிகழ்த்தினார்.
இதில், பழங்குடியினர் நலத்திட்ட அலுவலர் டி.சரவணன், பழங்குடியினர் கூட்டமைப்பின் மாவட்டச் செயலர் ஆர்.ராமநாதன், மாவட்டத் தலைவர் வி.ராஜன், மாவட்டப் பொருளாளர் வி.முருகன், முன்னாள் கவுன்சிலர் சி.ஜெயராமன் உள்ளிட்டோர் கலந்துகொண்டனர். முன்னதாக, பழங்குடியின மக்களின் நாட்டுப்புறக் கலை நிகழ்ச்சிகள் நடைபெற்றன. இதில், கோட்டப்பட்டி, சிட்லிங், ஏ.கே.தண்டா, எஸ்.தாதம்பட்டி உள்ளிட்ட மலைக் கிராமங்களைச் சேர்ந்த பழங்குடியின மக்கள் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/உலக-பழங்குடியினர்-தின-விழா-3211343.html
3211342 தருமபுரி தருமபுரி சுகாதார விழிப்புணர்வு DIN DIN Sunday, August 11, 2019 03:34 AM +0530
காரப்பட்டு யுனிக் கலை மற்றும் அறிவியல் மகளிர் கல்லூரியில் மாணவிகளுக்கான சுகாதாரம் மற்றும் தூய்மை குறித்த விழிப்புணர்வு நிகழ்ச்சி சனிக்கிழமை நடைபெற்றது.
நிகழ்ச்சிக்கு கல்லூரியின் தாளாளர் க. அருள்,  செயலர் ப.தமிழரசு ஆகியோர் தலைமை வகித்தனர். கல்லூரி முதல்வர் இரா.மாரிமுத்து முன்னிலை வகித்தார். சிறப்பு அழைப்பாளராக ஊத்தங்கரை அரசு மருத்துவமனை மருத்துவ அலுவலர் கே.மாரிமுத்து கலந்து கொண்டு பேசினார்.
மாணவிகளின் மருத்துவம் குறித்த சந்தேகங்களுக்கு விளக்கம் அளித்தார்.இதில் 300 க்கும் மேற்பட்ட மாணவிகள் கலந்து கொண்டனர்.  முன்னதாக கல்லூரியின் பேராசிரியர இர. சிவரஞ்சனி வரவேற்றார். இறுதியாக பேராசிரியர் எம்.கவிப்பிரியா நன்றி கூறினார்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/சுகாதார-விழிப்புணர்வு-3211342.html
3211341 தருமபுரி தருமபுரி கோழி வளர்ப்பு பயிற்சி DIN DIN Sunday, August 11, 2019 03:33 AM +0530
தருமபுரியில் கால்நடை மருத்துவ அறிவியல் பல்கலைக்கழக பயிற்சி மற்றும் ஆராய்ச்சி நிறுவனத்தில் கோழி வளர்ப்பு பயிற்சி முகாம் நடைபெற்றது.
இப் பயிற்சியில் மத்திய கோழி வளர்ப்பு அபிவிருத்தி நிறுவன இணை இயக்குநர் கிருஷ்ணன், தருமபுரி மாவட்ட கால்நடைப் பராமரிப்புத் துறை உதவி இயக்குநர் க.வேடியப்பன், தமிழ்நாடு கால்நடை மருத்துவப் பல்கலைக்கழக பயிற்சி மைய இணை பேராசிரியர் அ.தென்னரசு ஆகியோர் பேசினர். கடந்த ஆக.5-ஆம் தேதி முதல் ஆக.10-ஆம் தேதி வரை நடைபெற்ற இப் பயிற்சி முகாமில், தருமபுரி மாவட்டத்தின் பல்வேறு பகுதிகளிலிருந்து 45-க்கும் மேற்பட்ட விவசாயிகள் கலந்து கொண்டனர்.
இதில் நவீன கோழி வளர்ப்பு முறை, கோழித் தீவன மேலாண்மை, கொட்டகை அமைக்கும் முறை, தரமான கோழி குஞ்சுகள் உற்பத்தி, நோய் மேலாண்மை ஆகியவை குறித்து விளக்கமளிக்கப்பட்டது.

]]>
https://www.dinamani.com/all-editions/edition-dharmapuri/dharmapuri/2019/aug/11/கோழி-வளர்ப்பு-பயிற்சி-3211341.html
3211340 தருமபுரி தருமபுரி மொரப்பூர் கொங்கு கல்லூரியில் பன்னாட்டு கருத்தரங்கு DIN DIN Sunday, August 11, 2019 03:33 AM +0530 மொரப்பூர் கொங்கு கலை மற்றும் அறிவியல் கல்லூரியில் பன்னாட்டு கருத்தரங்கு வெள்ளிக்கிழமை நடைபெற்றது.
கொங்கு கலைக் கல்லூரியின் கணிதவியல் துறை சார்பில், கணித வரைபடக் கோட்பாடு எனும் தலைப்பில் நடைபெற்ற இந்த கருத்தரங்கை கொங்கு கல்வி அறக்கட்டளையின் தலைவர் சி.முத்து தொடக்கிவைத்தார். கணிதவியல் துறைத் தலைவர் எம்.மணிகண்டன் வரவேற்றார். 
கருத்தரங்கில் ஓமன் நாட்டு கணிதத் துறை பேராசிரியர் சி.சிவஞானம், திண்டுக்கல் காந்தி கிராமப் பல்கலைக்கழக கணித் துறை பேராசிரியர் ஜி.மகாதேவன் ஆகியோர் சிறப்பு விருந்தினர்களாக பங்கேற்று, கணித பாடத்தின் அவசியம், கணிதவியல் வரை படங்களின் இன்றைய தேவைகள், கணிதம் சார்ந்த உயர்கல்வி வாய்ப்புகள், வெளிநாடுகளில் கிடைக்கும் வேலை வாய்ப்புகள் குறித்து பேசினர். மாணவர்கள், பேராசிரியர்கள் தங்களின் ஆய்வுக் கட்டுரைகளை சமர்பித்தனர்.
கொங்கு கல்வி அறக்கட்டளையின் செயலர் பொ.காந்தி, பொருளர் தி.அன்பு, தாளாளர்கள் செ.தீர்த்தகிரி,  டி.சொக்கலிங்கம், கல்லூரி முதல்வர் நா.குணசேகரன், துணை முதல்வர் க.சீனிவாசன்,  உதவிப் பேராசிரியர் மு.ராஜா, கொங்கு கல்வி அறக்கட்டளையின்  இயக்குநர்கள், உறுப்பினர்கள், பேராசிரியர்கள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/மொரப்பூர்-கொங்கு-கல்லூரியில்-பன்னாட்டு-கருத்தரங்கு-3211340.html
3211339 தருமபுரி தருமபுரி மின்வாரிய குடியிருப்புகளை சீரமைக்கக் கோரிக்கை DIN DIN Sunday, August 11, 2019 03:33 AM +0530
தீர்த்தமலையில் மின் வாரியக் குடியிருப்புகளை சீரமைக்க வேண்டும் என ஊழியர்கள் கோரிக்கை விடுத்துள்ளனர்.
அரூர் ஊராட்சி ஒன்றியம், தீர்த்தமலையில் தமிழ்நாடு மின் வாரியத்தின் துணை மின் நிலையம் உள்ளது. இந்தத் துணை மின் நிலைய வளாகத்தில் 10-க்கும் மேற்பட்ட குடியிருப்புகள் உள்ளன. இந்தக் குடியிருப்புகள் நீண்ட நாள்களாக பழுதடைந்தும், சீரமைப்பும் இல்லாமல் உள்ளன.
தற்போது இந்தக் குடியிருப்புகளில் மின்சார வாரிய ஊழியர்கள் தங்க முடியாத நிலையுள்ளது. இதனால், தீர்த்தமலை வட்டாரப் பகுதியில் பணிபுரியும் சுமார் 50-க்கும் மேற்பட்ட ஊழியர்கள் குடியிருப்பு வசதியில்லாமல் அவதியுறுகின்றனர்.
மேலும், வெளி இடங்களில் வீடுகள் வாடகைக்கு எடுத்து தங்குவதாக புகார் கூறுகின்றனர். எனவே, தீர்த்தமலையில் சேதமடைந்துள்ள குடியிருப்புகளை சீரமைப்பு செய்ய மாவட்ட நிர்வாகம் உரிய நடவடிக்கை எடுக்க வேண்டும் என்பதே ஊழியர்களின் எதிர்பார்ப்பாகும்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/மின்வாரிய-குடியிருப்புகளை-சீரமைக்கக்-கோரிக்கை-3211339.html
3211338 தருமபுரி தருமபுரி தருமபுரி மாவட்டத்தில் நிலத்தடி நீர்மட்டத்தை அதிகரிக்க திட்டம்: அமைச்சர் கே.பி.அன்பழகன் DIN DIN Sunday, August 11, 2019 03:33 AM +0530
 மாவட்டத்தில் உள்ள ஏரி, குளங்களை தூர்வாருவதன் மூலம் நிலத்தடி நீர்மட்டத்தை அதிகரிக்க திட்டமிடப்பட்டுள்ளதாக மாநில உயர் கல்வித் துறை அமைச்சர் கே.பி.அன்பழகன் தெரிவித்தார்.
தருமபுரி மாவட்டம் காரிமங்கலம், அரூர் மற்றும் பாப்பிரெட்டிப்பட்டியில் சனிக்கிழமை நடைபெற்ற விழாவில்  ரூ. 1.40 கோடியில் 1,069 பயனாளிகளுக்கு நலத் திட்ட உதவிகளை வழங்கி அவர் பேசியது:
தருமபுரி மாவட்டத்தில் ஊரக வளர்ச்சி மற்றும் உள்ளாட்சித் துறை சார்பில் ரூ.24.83 கோடிக்கு 361 ஏரி, குளங்கள் மற்றும் குட்டைகளை தூர்வாரும் பணிகள் தொடங்கப்பட்டுள்ளன. இப்பணிகளால் நிலத்தடி நீர்மட்டம் உயரும். ஏற்கனவே, பொதுப்பணித் துறை சார்பில், 10 ஏரிகள் தேர்வு செய்யப்பட்டு ரூ.4.97 கோடியில் தூர்வாரும் பணிகள் நடைபெற்று வருகின்றன. தற்போது, இப்பணிகள் 50 சதவீதம் நிறைவடைந்து. 
அரூர் சட்டப்பேரவை தொகுதியில் மாம்பட்டி, குமாரபட்டியில் அணைக்கட்ட ரூ.5 கோடி நிதியை தமிழக முதல்வர் ஒதுக்கீடு செய்துள்ளார்.
பெரமாண்டப்பட்டியில் பாலம் கட்ட ரூ10.18 கோடி மற்றும் அனுமன்தீர்த்தம் பொய்யப்பட்டியில் ரூ.3.82 கோடியில் பாலத்தை அகலப்படுத்த நிதி ஒதுக்கீடு செய்யப்பட்டு ஒப்பந்த கோரும் நிலையில் உள்ளது என்றார்.
விழாவில், மாவட்ட வருவாய் அலுவலர் எச்.ரஹமத்துல்லா கான், தருமபுரி சார்- ஆட்சியர் ம.ப.சிவன் அருள், சட்டப்பேரவை உறுப்பினர்கள் ஏ.கோவிந்தசாமி (பாப்பிரெட்டிப்பட்டி) வி.சம்பத்குமார்(அரூர்), ஊரக வளர்ச்சி திட்ட இயக்குநர் எம்.காளிதாசன், வட்டாட்சியர்கள் கலைச்செல்வி, செல்வகுமார், இளஞ்செழியன் ஆகியோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/தருமபுரி-மாவட்டத்தில்-நிலத்தடி-நீர்மட்டத்தை-அதிகரிக்க-திட்டம்-அமைச்சர்-கேபிஅன்பழகன்-3211338.html
3211337 தருமபுரி தருமபுரி தலித் கிறிஸ்தவர்களை எஸ்.சி. பட்டியலில் சேர்க்கக் கோரி ஆர்ப்பாட்டம் DIN DIN Sunday, August 11, 2019 03:32 AM +0530
தலித் கிறிஸ்தவர்களை எஸ்.சி. பட்டியலில் சேர்க்கக் கோரி தருமபுரியில் சனிக்கிழமை பேரணி மற்றும் ஆர்ப்பாட்டம் நடைபெற்றது  .
இறைமக்கள், சிறுபான்மையினர், சமூக நல்லிணக்க மேடை சார்பில் நடைபெற்ற இந்த ஆர்ப்பாட்டத்துக்கு தருமபுரி மறைமாவட்ட ஆயர் லாரன்ஸ் பயஸ் தலைமை வகித்து பேசினார். இதில், தலித் கிறிஸ்தவர்களை எஸ்.சி., பட்டியலில் சேர்க்க நடவடிக்கை எடுக்க வேண்டும். இதுதொடர்பாக தமிழக சட்டப்பேரவையில் தீர்மானம் நிறைவேற்ற வேண்டும். நீதிபதி ரங்கநாத் மிஸ்ரா கமிஷன் அறிக்கையை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. இதில், தலித், பழங்குடியின பணிக்குழுச் செயலர் ஆர்.ஜேசுதாஸ், மாதர் சங்க மாவட்டச் செயலர் எஸ்.கிரைஸாமேரி உள்ளிட்டோர் கலந்து கொண்டனர்.
முன்னதாக, தங்களது கோரிக்கைகள் நிறைவேற்ற வலியுறுத்தி பதாகைகளை ஏந்தியவாறு செந்தில் நகரிலிருந்து பேரணியாக புறப்பட்டு தருமபுரி மாவட்ட ஆட்சியர் அலுவலகத்தை வந்தடைந்தனர்.
 

]]>
https://www.dinamani.com/all-editions/edition-dharmapuri/dharmapuri/2019/aug/11/தலித்-கிறிஸ்தவர்களை-எஸ்சி-பட்டியலில்-சேர்க்கக்-கோரி-ஆர்ப்பாட்டம்-3211337.html
3211336 தருமபுரி தருமபுரி போக்குவரத்து விதி மீறல்: மின்னணு இயந்திரம் மூலம் அபராதம் விதிப்பு DIN DIN Sunday, August 11, 2019 03:32 AM +0530
தருமபுரி மாவட்டத்தில் போக்குவரத்து விதிமீறலுக்கு மின்னணு இயந்திரத்தின் மூலம் அபராதம் விதிக்கும் நடைமுறை சனிக்கிழமை அறிமுகப்படுத்தப்பட்டது.
தருமபுரி மாவட்டக் காவல் கண்காணிப்பாளர் அலுவலகம் முன் இப்புதிய நடைமுறையை அறிமுகப்படுத்திய காவல் கண்காணிப்பாளர் ப.ராஜன், அவ்வழியே இரு சக்கர வாகனத்தில் ஓட்டுநர் உரிமமின்றி வந்தவருக்கு ரூ.500 மற்றும் தலைக்கவசம் அணியாமல் வந்தவருக்கு ரூ.100 அபராதத்தை விதித்து, மின்னணு இயந்திரம் மூலம் அதற்கான ரசீது வழங்கினார்.
இதுகுறித்து செய்தியாளர்களிடம் அவர் கூறியது: போக்குவரத்து விதிமுறைகளை மீறும் வாகன ஓட்டிகளுக்கு நிகழ்விடத்திலே அபராதம் விதிக்கப்பட்டு வந்தது. இந்த நடைமுறை மீதான பல்வேறு புகார்களை தவிர்க்கும் வகையில், தமிழக அரசு சார்பில் இ-சலான் இயந்திரம் வழங்கப்பட்டுள்ளது. இந்த இயந்திரத்தை பயன்படுத்துவது தொடர்பாக சென்னையில் அண்மையில் நடைபெற்ற பயிற்சி முகாமில் தருமபுரி மாவட்ட காவல் துறையின் தொழில்நுட்பப் பிரிவு போலீஸார் பங்கேற்று பயிற்சி பெற்றனர். 
இதையடுத்து, அவர்கள், தருமபுரியில் உள்ள காவல் ஆய்வாளர்கள், போக்குவரத்து பிரிவு காவல் உதவி ஆய்வாளர்களுக்கு இயந்திரத்தை பயன்படுத்துவது குறித்து பயிற்சி அளித்தனர். தருமபுரி மாவட்டத்தில் முதல்கட்டமாக 15 மின்னணு இயந்திரங்கள் வழங்கப்பட்டுள்ளன. இதன்மூலம் போக்குவரத்து விதிமுறைகளை மீறுவோருக்கு அந்தந்த இடத்திலேயே அபராதம் விதிக்கப்பட்டு அதற்கான ரசீதுகள் வழங்கப்படும். 
இந்த அபராதத் தொகையை வங்கி பற்று அட்டை, கடன் அட்டை வழியாக செலுத்தலாம். அவ்வாறு பற்று அட்டைகள் இல்லாதோர், ரசீது பெற்றுக்கொண்டு அபராதத்தை இணைய வழியில் செலுத்தலாம் என்றார்.
கூடுதல் காவல் கண்காணிப்பாளர் சுஜாதா, காவல் ஆய்வாளர்கள் செந்தில்குமார் (தனிப்பிரிவு), ரத்தினகுமார் (தருமபுரி நகரம்), கண்ணன் (அரூர்), உமாதேவி (தொழில்நுட்பப் பிரிவு) உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/aug/11/போக்குவரத்து-விதி-மீறல்-மின்னணு-இயந்திரம்-மூலம்-அபராதம்-விதிப்பு-3211336.html