Dinamani - தருமபுரி - https://www.dinamani.com/all-editions/edition-dharmapuri/dharmapuri/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3099376 தருமபுரி தருமபுரி அரசுப் பணியாளர்களுக்கு நாளை மாநில வாலிபால் தேர்வு போட்டி DIN DIN Wednesday, February 20, 2019 07:57 AM +0530 தமிழக அரசுப் பணியாளர்களுக்கான மாநில அளவிலான வாலிபால் தேர்வுப் போட்டி வருகிற பிப்.21-ஆம் தேதி சென்னையில் நடைபெற உள்ளது.
இது குறித்து, தருமபுரி மாவட்ட விளையாட்டு அலுவலர் ஜி.எஸ்.ராஜேந்திரன் செவ்வாய்க்கிழமை வெளியிட்ட செய்திக்குறிப்பு: விளையாட்டு மேம்பாட்டு ஆணையம் சார்பாக 2018 - 19 -ஆம் ஆண்டுக்கான அரசுப் பணியாளர்களுக்கு மாநில அளவிலான வாலிபால் (ஆண்கள் மட்டும்) தேர்வு போட்டிகள் பிப்.21-ஆம் தேதி காலை 9 மணிக்கு சென்னை ஜவாஹர்லால் நேரு விளையாட்டரங்கில் நடைபெறவுள்ளது. இத்தேர்வு போட்டிகளில் தமிழக அரசுப் பணியாளர்கள் கலந்து கொள்ளலாம். போட்டிகளில் கலந்து கொள்ளும் வீரர்களுக்கு தினப்படி மற்றும் பயணப்படி வழங்கப்பட மாட்டாது. மாநில அளவிலான போட்டிகளில் தேர்வு செய்யப்படும் வீரர்கள் தேசிய அளவிலான போட்டிகளில் கலந்து கொள்ள அரசு செலவில் அழைத்துச் செல்லப்படுவர். எனவே, தருமபுரி மாவட்டத்தைச் சேர்ந்த ஆர்வமுள்ள அரசுப் பணியாளர்கள் இப் போட்டிகளில் பங்கேற்று பயனடையலாம். விவரங்களுக்கு 7401703469, 7401703470 என்ற எண்களில் தொடர்பு கொள்ளலாம் என்றார்.
 

]]>
https://www.dinamani.com/all-editions/edition-dharmapuri/dharmapuri/2019/feb/20/அரசுப்-பணியாளர்களுக்கு-நாளை-மாநில-வாலிபால்-தேர்வு-போட்டி-3099376.html
3099375 தருமபுரி தருமபுரி தருமபுரி மாவட்டத்தில் 3,250 ஹெக்டரில் நுண்ணீர் பாசனம் அமைக்க இலக்கு: வேளாண் இணை இயக்குநர் DIN DIN Wednesday, February 20, 2019 07:57 AM +0530 தருமபுரி மாவட்டத்தில் 3,250 ஹெக்டரில் நுண்ணீர் பாசனம் அமைக்க இலக்கு நிர்ணயம் செய்யப்பட்டுள்ளது என வேளாண் இணை இயக்குநர் ஆ.இளங்கோவன் தெரிவித்தார்.
தருமபுரி  அருகே குப்பூர் மற்றும் குண்டல்பட்டியில், சொட்டு நீர்ப் பாசனம் மூலம் சாகுபடி செய்யும் வயல்களை நேரில் பார்வையிட்டு ஆய்வு செய்த அவர் விவசாயிகளிடம் கூறியது:  தருமபுரி மாவட்டத்தில், நுண்ணீர்ப் பாசனத் திட்டத்தில், நிகழாண்டு 3,250 ஹெக்டர் இலக்கு நிர்ணயம் செய்யப்பட்டுள்ளது. அதற்கென ரூ.24 கோடி நிதி ஒதுக்கப்பட்டுள்ளது. இத்திட்டத்தில் நிதி மானியத்துடன் 2,381 ஹெக்டர் சாகுபடி செய்து மொத்தம் 2641 விவசாயிகள் பயனடைந்துள்ளனர். மாவட்டத்தில் பருவமழை குறைந்துள்ள நிலையில், விவசாயிகள் தங்களிடம் இருக்கும் நீரைச் சிக்கனமான முறையில் பயன்படுத்தி மகசூலை இருமடங்காக்க,  சொட்டு நீர் மற்றும் தெளிப்பு நீர்ப் பாசனம் அமைப்பதனால் பயிரின் வேர் பகுதியில் நீர் மற்றும் நீரில் கரையும் உரம் கிடைப்பதனால் 40 முதல் 70 விழுக்காடு வரை நீரைச் சேமிப்பதுடன் கூடுதலாக 20 முதல் 50 விழுக்காடு வரை மகசூல் பெறலாம். சொட்டு நீர் மற்றும் தெளிப்பு நீர்ப் பாசனம் அமைக்க சிறு, குறு விவசாயிகளுக்கு 100 சதவீதமும் மற்ற விவசாயிகளுக்கு 75 சதவீதமும் மானியம் கிடைக்கிறது. எனவே, இத்திட்டத்தில் விவசாயிகள் பதிவு சொட்டுநீர்ப் பாசனம் அமைத்து பயன்பெறலாம் என்றார்.
 ஆய்வின் போது, வேளாண் துணை இயக்குநர் சேகர், வேளாண் விற்பனை மற்றும் வேளாண் வணிகத்துறை அலுவலர் ச.மணிராஜன், ஆட்சியரின் நேர்முக உதவியாளர் (வேளாண்)அமுதவள்ளி ஆகியோர் உடனிருந்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/20/தருமபுரி-மாவட்டத்தில்-3250-ஹெக்டரில்-நுண்ணீர்-பாசனம்-அமைக்க-இலக்கு-வேளாண்-இணை-இயக்குநர்-3099375.html
3099374 தருமபுரி தருமபுரி சிஐடியு ஆட்டோ ஓட்டுநர் சங்கத்தினர் ஆர்ப்பாட்டம் DIN DIN Wednesday, February 20, 2019 07:56 AM +0530 தருமபுரி தொலைத் தொடர்பு நிலையம் அருகே சிஐடியு ஆட்டோ ஓட்டுநர் சங்கத்தினர் செவ்வாய்க்கிழமை ஆர்ப்பாட் டத்தில் ஈடுபட்டனர்.
ஆர்ப்பாட்டத்துக்கு,  மாவட்டச் செயலர் எம்.ராஜேந்திரன் தலைமை வகித்தார். மாவட்ட துணைத் தலைவர் எம்.மாரிமுத்து,  சிஐடியு மாவட்டச் செயலர் சி.நாகராஜன்,  ஆட்டோ சம்மேளன மாநில பொதுச் செயலர் எம்.சிவாஜி ஆகியோர் பேசினர். 
இந்த ஆர்ப்பாட்டத்தில், தருமபுரி ஆட்டோ ஓட்டுநர் சங்க நிர்வாகியை தாக்கியவர்கள் மீது வழக்குப் பதிவு செய்து கைது செய்ய வேண்டும். இச்சம்பவத்தில் காவல்துறையினர் துரித நடவடிக்கை எடுக்க வேண்டும். தருமபுரியில் கந்து வட்டி வசூலிப்பவர்கள் மீது நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன.

]]>
https://www.dinamani.com/all-editions/edition-dharmapuri/dharmapuri/2019/feb/20/சிஐடியு-ஆட்டோ-ஓட்டுநர்-சங்கத்தினர்-ஆர்ப்பாட்டம்-3099374.html
3099373 தருமபுரி தருமபுரி பிப்.25-இல் தீர்த்தமலை தீர்த்தகிரீஸ்வரர் திருக்கோயிலில் தேர்த் திருவிழா DIN DIN Wednesday, February 20, 2019 07:56 AM +0530 அரூரை அடுத்த தீர்த்தமலை தீர்த்தகிரீஸ்வரர் திருக்கோயில் மாசிமகம் திருத்தேர்த் திருவிழா பிப்ரவரி 25-இல் (திங்கள்கிழமை) நடைபெறுகிறது.
தருமபுரி மாவட்டம், அரூர் - திருவண்ணாமலை சாலையில், 13-ஆவது கிலோ மீட்டரில் தீர்த்தமலையில் அமைந்துள்ளது அருள்மிகு தீர்த்தகிரீஸ்வரர் திருக்கோயில்.
ராமபிரான் ராவணனை சம்ஹாரம் செய்து திரும்புகையில், முதல்கால பூஜையை ராமேசுவரத்திலும், இரண்டாம் கால பூஜைக்காக தீர்த்தகிரி மலை மீது அம்பு எய்தி, தீர்த்தம் உண்டாக்கி அந்த தீர்த்தத்தை கொண்டும் பூஜைகளை முடித்தார்.
தீர்த்தமலையில் எக்காலத்திலும் வற்றாத தீர்த்தமே ராமர் தீர்த்தம் எனும் புண்ணியத் தீர்த்தமாகும். இங்குள்ள மலையும் தீர்த்தகிரி மலை என்று அழைக்கப்படும் புண்ணிய மலையாகும்.
ஸ்ரீ ராமர், பார்வதி தேவி, குமரக்கடவுள், அக்னி தேவன், அகத்திய முனிவர் ஆகியோர் தவம் செய்து பாவம் விமோச்சனம் பெற்ற தலம் இந்தத் திருத்தலம் ஆகும். தருமபுரி மாவட்டத்தில் அருணகிரிநாத சுவாமிகளால் திருப்புகழ் அருளிய ஒரே திருத்தலம் தீர்த்தகிரி மலை ஆகும். 
வரலாற்று சிறப்பு மிக்க தீர்த்தமலை தீர்த்தகிரீஸ்வரர் திருக்கோயில் தேரோட்டம்  பிப்ரவரி 25-ஆம் தேதி, திங்கள்கிழமை பிற்பகல் 2 மணியளவில் நடைபெறுகிறது. 
இதையடுத்து, மாசிமகம் திருத்தேர்த் திருவிழாவின் திருக்கொடியேற்றம் செவ்வாய்க்கிழமை காலை 12 மணியளவில் நடைபெற்றது. தொடர்ந்து, சுவாமிக்கு சிறப்பு பூஜைகள், திருவீதி உலா உள்ளிட்ட நிகழ்ச்சிகள் நடைபெறுகின்றன. வரும் சனிக்கிழமை (பிப்.23) சுவாமி திருக்கல்யாணம் நடைபெறுகிறது. பிப்.28-ஆம் தேதி வரையிலும் தீர்த்தகிரீஸ்வரர் திருக்கோயிலில் கட்டளைதாரர்கள், உபயதாரர்கள் சார்பில் நாள்தோறும் சிறப்பு பூஜைகள், வழிபாடுகள் நடைபெறும்.
மாசிமகத் திருத்தேர் திருவிழா ஏற்பாடுகளை இந்து சமய அறநிலையத்துறை உதவி ஆணையர் சி.நித்யா, செயல் அலுவலர் (கூடுதல் பொறுப்பு) எம்.திருஞானசம்பந்தர், திருக்கோயில் அர்ச்சகர்கள், பணியாளர்கள் மற்றும் ஊர் பொதுமக்கள் மேற்கொண்டுள்ளனர்.

]]>
https://www.dinamani.com/all-editions/edition-dharmapuri/dharmapuri/2019/feb/20/பிப்25-இல்-தீர்த்தமலை-தீர்த்தகிரீஸ்வரர்-திருக்கோயிலில்-தேர்த்-திருவிழா-3099373.html
3099372 தருமபுரி தருமபுரி எட்டு வழிச்சாலைக்கு எதிர்ப்பு: மாவட்ட வருவாய் அலுவலரிடம் விவசாயிகள் மனு DIN DIN Wednesday, February 20, 2019 07:56 AM +0530 அரூரில் எட்டு வழிச்சாலைத் திட்டத்துக்கு எதிர்ப்புத் தெரிவித்து மாவட்ட வருவாய் அலுவலர் (நிலம் எடுப்பு) முகுந்தனிடம் விவசாயிகள் செவ்வாய்க்கிழமை மனு அளித்தனர்.
அரூர் வழியாகச் செல்லும் சென்னை - சேலம்  எட்டு வழி பசுமை விரைவுச் சாலைத் திட்டம், ரூ.10 ஆயிரம் கோடியில் அமைக்க மத்திய, மாநில அரசுகள் நடவடிக்கைகள் எடுத்து வருகின்றன.
 இந்தச் சாலை செல்லும் பகுதியில் உள்ள விவசாயிகள் தங்களின் விவசாய நிலங்கள் பாதிக்கப்படுவதாக புகார் தெரிவித்து, எட்டு வழிச்சாலைத் திட்டத்துக்கு எதிர்ப்புத் தெரிவித்து வருகின்றனர்.
இதையடுத்து, எட்டு வழிச்சாலை எதிர்ப்பு இயக்கம் சார்பில் 100 - க்கும் மேற்பட்ட விவசாயிகள் அரூரில் மாவட்ட வருவாய் அலுவலர் (நிலம் எடுப்பு) முகுந்தனிடம் ஆட்சேபணை மனுக்களை அளித்தனர்.
 இந்த மனுவில், எட்டுவழிச்சாலையில் ஒருபுறத்தில் இருந்து மறுபுறம் செல்ல எந்ததெந்த இடங்களில் பாலம் அமைக்கப்படுகிறது. நிலத்தின் மதிப்பீடுகள் எவ்வளவு, எட்டுவழிச்சாலைப் பகுதியில் ரயில் பாதை அமைக்கப்படுகிறதா, விவசாயிகளுக்கு சாதகமான அம்சங்கள் உள்ளனவா என்பது உள்ளிட்ட 30-க்கும் மேற்பட்ட கேள்விகளுடன் ஆட்சேபணை மனுக்களை அளித்துள்ளனர். 
முன்னதாக, அரூர் நடேசா பெட்ரோல் நிலையம் முதல் அரூர் வருவாய் கோட்டாட்சியர் அலுவலகம் வரையிலும் விவசாயிகள் எட்டுவழிச்சாலைத் திட்டத்துக்கு எதிர்ப்புத் தெரிவித்து,  விழிப்புணர்வு வாசகங்கள் அடங்கிய அட்டைகளை ஏந்தியவாறு ஊர்வலமாக
வந்தனர்.

]]>
https://www.dinamani.com/all-editions/edition-dharmapuri/dharmapuri/2019/feb/20/எட்டு-வழிச்சாலைக்கு-எதிர்ப்பு-மாவட்ட-வருவாய்-அலுவலரிடம்-விவசாயிகள்-மனு-3099372.html
3099371 தருமபுரி தருமபுரி பிஎஸ்என்எல் ஊழியர்கள் 2- ஆவது நாளாக வேலைநிறுத்தம் DIN DIN Wednesday, February 20, 2019 07:55 AM +0530 தொலைத்தொடர்புத்துறை ஊழியர்கள்,  அதிகாரிகள் இரண்டாவது நாளாக செவ்வாய்க்கிழமை வேலைநிறுத்தப் போராட்டத்தில் ஈடுபட்டனர்.
தொலைத் தொடர்புத்துறைக்கு 4 ஜி அலைக்கற்றை வழங்க வேண்டும். தொலைத்தொடர்புத் துறை சொத்துக்களை அபகரிக்கும் நடவடிக்கையைக் கைவிட வேண்டும். செல்லிடப்பேசி கோபுரங்களை தனியாருக்கு வழங்கக்கூடாது மற்றும் வளர்ச்சிக்கு போதிய நிதி ஒதுக்கீடு செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, தொலைத்தொடர்புத்துறை அதிகாரிகள்,  ஊழியர்கள் மற்றும் ஒப்பந்த ஊழியர்கள் மூன்று நாள் வேலைநிறுத்தப் போராட்டத்தில்
ஈடுபட்டுள்ளனர். 
இப்போராட்டம் திங்கள்கிழமை (பிப்.18) தொடங்கி இரண்டாவது நாளாக பிப்.19-ஆம் தேதியும் தொடர்ந்து நடைபெற்றது. இதையொட்டி, ஊழியர்கள்  தருமபுரி அலுவகம் முன் ஆர்ப்பாட்டத்தில் ஈடுபட்டனர். இந்த வேலைநிறுத்தப் போராட்டம் புதன்கிழமையும் தொடர்ந்து நடைபெற உள்ளது.

]]>
https://www.dinamani.com/all-editions/edition-dharmapuri/dharmapuri/2019/feb/20/பிஎஸ்என்எல்-ஊழியர்கள்-2--ஆவது-நாளாக-வேலைநிறுத்தம்-3099371.html
3099369 தருமபுரி தருமபுரி தருமபுரி அரசுக் கல்லூரியில் ரூ.5.36 கோடியில் புதிய கட்டடம்: காணொலி மூலம் முதல்வர் திறப்பு DIN DIN Wednesday, February 20, 2019 07:54 AM +0530 தருமபுரி அரசு கலைக் கல்லூரியில் ரூ.5.36 கோடியில் புதிதாக கட்டப்பட்ட கட்டடத்தை காணொலிக் காட்சி மூலம் முதல்வர் எடப்பாடி கே.பழனிசாமி செவ்வாய்க்கிழமை திறந்து வைத்தார்.
தருமபுரி அரசு கலை மற்றும் அறிவியல் கல்லூரி வளாகத்தில் ரூ.5.36 கோடியில் புதிய வகுப்பறை கட்டடம் கட்டப்பட்டது. எம்.ஜி.ஆர். நூற்றாண்டு விழா நினைவு கட்டடடம் என பெயர் சூட்டப்பட்ட இப்புதிய கட்டடத்தை,  சென்னையிலிருந்து காணொலிக் காட்சி மூலம்  முதல்வர் எடப்பாடி கே.பழனிசாமி திறந்து வைத்தார். இதனை வரவேற்று, தருமபுரி கல்லூரி புதிய கட்டடத்தில் நடைபெற்ற நிகழ்வில், மாவட்ட ஆட்சியர் சு.மலர்விழி பங்கேற்று குத்துவிளக்கேற்றி கல்லூரி ஊழியர்கள் மற்றும் பொதுமக்களுக்கு இனிப்புகளை வழங்கினார். இதில், கல்லூரி முதல்வர் சி.ஹேமா மற்றும் பேராசிரியர்கள், கல்லூரி ஊழியர்கள், அரசு அலுவலர்கள் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/20/தருமபுரி-அரசுக்-கல்லூரியில்-ரூ536-கோடியில்-புதிய-கட்டடம்-காணொலி-மூலம்-முதல்வர்-திறப்பு-3099369.html
3098834 தருமபுரி தருமபுரி விவசாய நிலங்களில் புகுந்து சேதப்படுத்திய காட்டு யானைகள் ! DIN DIN Tuesday, February 19, 2019 09:21 AM +0530 பாலக்கோடு அருகே  ஜலதிம்மனூர் கிராமத்தில் தண்ணீர் தேடி வந்த 15-க்கும் மேற்பட்ட காட்டு யானைகள், விவசாய நிலத்தில் புகுந்து காய்கறிகள்,  வாழை மரங்களைச் சேதப்படுத்தியுள்ளன.
தற்போது வனப் பகுதியில் கடும் வறட்சி நிலவுவதால் தண்ணீர் தேடி வனவிலங்குகள் ஊருக்குள் வரத் தொடங்கியுள்ளன.  பஞ்சப்பள்ளி காப்புக் காட்டில் உள்ள சாமா ஏரிக்கு வந்துள்ள 15-க்கும் மேற்பட்ட காட்டு யானைகள்  ஆனந்த குளியல் போட்ட நிலையில், இரவில் உணவுத் தேடி பஞ்சப்பள்ளி அருகே உள்ள ஜலதிம்மனூர் கிராமத்துக்குள் புகுந்த யானைகள்,   விவசாயிகள் முனியப்பன் மகன் சுரேஷ் (50), கிருஷ்ணன் மனைவி கண்மணி (40), நாகராஜ் மகன் கணேசன் (50)  ஆகியோரின்  வாழை மரங்களை சேதப்படுத்தியுள்ளன. 
இவற்றின் மதிப்பு ரூ.  7 லட்சம் இருக்கும் என தெரிவித்தனர். மேலும் அருகில் உள்ள தக்காளி,ராகி பயிர்களையும் யானைகள் மிதித்து சேதத்தை ஏற்படுத்தியுள்ளன. இதனால் இப்பகுதி மக்கள் கவலை அடைந்துள்ளனர். அரசு அதிகாரிகள் நேரில் வந்து ஆய்வு செய்ய வேண்டும் என விவசாயிகள் கோரிக்கை விடுத்துள்ளனர். எனவே அரசு உரிய நடவடிக்கை மேற்கொண்டு காட்டுப் பகுதியில் யானைகளுக்கு தண்ணீர்த்தொட்டி ஏற்படுத்தவும், சேதம் அடைந்த விவசாய பயிர்களுக்கு உரிய இழப்பீடு வழங்க வேண்டும் எனவும் விவசாயிகள்  கோரிக்கை விடுத்துள்ளனர்.

]]>
https://www.dinamani.com/all-editions/edition-dharmapuri/dharmapuri/2019/feb/19/விவசாய-நிலங்களில்-புகுந்து-சேதப்படுத்திய-காட்டு-யானைகள்--3098834.html
3098833 தருமபுரி தருமபுரி கால்நடை பராமரிப்பு உதவியாளர் பணி: பிப்.22-இல் நேர்காணல் தொடக்கம் DIN DIN Tuesday, February 19, 2019 09:20 AM +0530 தருமபுரி மாவட்டத்தில் காலியாக உள்ள கால்நடைப் பராமரிப்பு உதவியாளர் பணியிடங்களுக்கான நேர்காணல் வருகிற பிப்.22-ஆம் தேதி தொடங்கி பிப்.28-ஆம் தேதி வரை நடைபெற உள்ளது. 
இது குறித்து,   மாவட்ட ஆட்சியர் சு.மலர்விழி திங்கள்கிழமை வெளியிட்ட செய்திக்குறிப்பு: கால்நடைப் பராமரிப்புத் துறையில் தருமபுரி மாவட்டத்தில் காலியாக உள்ள கால்நடை பராமரிப்பு உதவியாளர் பணியிடங்களுக்கான நேர்காணல் தேர்வு பிப்.22 முதல் 28-ஆம் தேதி வரை காலை 9.30 மணிமுதல் மாலை 5.30 மணி வரை தருமபுரி கால்நடை பெருமருத்துவமனை வளாகத்தில் (ராஜாஜி நீச்சல் குளம் எதிரில்) நடைபெற உள்ளது.
இப் பணியிடங்களுக்கு விண்ணப்பித்த தகுதியுள்ள விண்ணப்பதாரர்களுக்கு அவர்கள் விண்ணப்பத்தில் குறிப்பிட்டிருந்த முகவரிக்கு நேர்காணலில் கலந்து கொள்வதற்கான அழைப்பாணை தனியாக அஞ்சலில் அனுப்பப்பட்டுள்ளது. அதில் குறிப்பிட்டுள்ள நாளில் அழைப்பாணை கடிதத்துடன் அனைத்து அசல் சான்றிதழ்களுடன் நேர்காணலில் கலந்து கொள்ள வேண்டும். மேலும், நேர்முக அழைப்பாணை கிடைக்கப் பெறாதவர்கள், அழைப்பாணைகளை பிப்.20 மற்றும் 21 ஆகிய நாள்களில் தருமபுரி மாவட்ட மண்டல இணை இயக்குநர் அலுவலகத்தில் (கால்நடை பெருமருத்துவமனை வளாகம்) விண்ணப்பித்ததற்கான ஆதாரங்களுடன் நேரில் பெற்றுக்கொள்ளலாம். அழைப்பாணை இல்லாதவர்கள் நேர்முகத் தேர்வில் கலந்து கொள்ள அனுமதி இல்லை என்றார்.

]]>
https://www.dinamani.com/all-editions/edition-dharmapuri/dharmapuri/2019/feb/19/கால்நடை-பராமரிப்பு-உதவியாளர்-பணிபிப்22-இல்-நேர்காணல்-தொடக்கம்-3098833.html
3098831 தருமபுரி தருமபுரி தருமபுரியில் இன்று உணவு பாதுகாப்பு உரிம பதிவு முகாம் DIN DIN Tuesday, February 19, 2019 09:20 AM +0530 தருமபுரி நகரப் பேருந்து நிலையத்தில், செவ்வாய்க்கிழமை (பிப்.19) உணவுப் பாதுகாப்பு உரிமம் பதிவு சிறப்பு முகாம் நடைபெற உள்ளது. 
இது குறித்து, மாவட்ட உணவுப் பாதுகாப்பு மற்றும் மருந்து நிர்வாகத் துறை சார்பில் திங்கள்கிழமை வெளியிட்ட செய்திக் குறிப்பு:  தருமபுரி நகராட்சி மற்றும் ஒன்றியப் பகுதியில் உள்ள உணவுத் தொழில் செய்யும் உணவு வணிகர்கள், உணவகங்கள், மளிகைக் கடைகள், பேக்கரிகள், தேநீர்க் கடைகள், சிறு பெட்டிக்கடைகள், காய்கறிக் கடைகள், இறைச்சிக் கடைகள் ஆகியவை உணவுப் பாதுகாப்பு உரிமம் அல்லது பதிவு பெற்று வணிகம் செய்தல் வேண்டும் என்பது கட்டாயமாகும். இதுவரை உரிமம் பெறாத அல்லது புதுபிக்க வேண்டியவர்களுக்காக பிப்.19-ஆம் தேதி சிறப்பு முகாம் காலை 10 மணி முதல் 4 மணி வரை தருமபுரி நகரப் பேருந்து நிலையம் அம்மா உணவகம் அருகே நடைபெற உள்ளது. எனவே, வணிகர்கள் இந்த வாய்ப்பைப் பயன்படுத்தி தங்களின் உணவுப் பாதுகாப்பு உரிமம் பதிவு மற்றும் புதுப்பித்தல் ஆகியவை மேற்கொள்ளுமாறு கேட்டுக்கொள்ளப்படுகிறது.
 

]]>
https://www.dinamani.com/all-editions/edition-dharmapuri/dharmapuri/2019/feb/19/தருமபுரியில்-இன்று-உணவுபாதுகாப்பு-உரிம-பதிவு-முகாம்-3098831.html
3098829 தருமபுரி தருமபுரி துப்பாக்கியால் சுட்ட கொள்ளையர்களை பிடித்த காவலர்களுக்கு ஐ.ஜி பாராட்டு DIN DIN Tuesday, February 19, 2019 09:20 AM +0530 டாஸ்மாக் விற்பனையாளரை துப்பாக்கியால் சுட்டு பணத்தை பறித்துச் சென்ற கொள்ளையர்களை பிடித்த காவலர்களுக்கு கோவை மேற்கு மண்டல காவல் துறை தலைவர் கே.பெரியய்யா பாராட்டுத் தெரிவித்தார்.
அரூர் வட்டம்,  நரிப்பள்ளி அருகே டாஸ்மாக் விற்பனையாளர் மகரஜோதியை துப்பாக்கியால் சுட்டு  ரூ. 80 ஆயிரம் பணத்தை இருவர் பறித்துச் சென்றனர். இந்தச் சம்பவத்தைத் தொடர்ந்து, தனிப்படை போலீஸார் தீவிர சோதனையில் ஈடுபட்டனர்.
அப்போது, தீர்த்தமலை - நரிப்பள்ளி சாலையில், தெத்து முனியப்பன் கோயில் அருகே சந்தேகமான முறையில் வந்த இருவரை காவல்துறையினர் பிடித்தனர். விசாரணையில், அவர்கள் ஊத்தங்கரையைச் சேர்ந்த வெங்கடேசன் (32),  பரதன்  (24) என்பது தெரியவந்தது. இவர்கள் இருவரும், துப்பாக்கியால் சுட்டு டாஸ்மாக் விற்பனையாளரிடம் பணம் பறித்தது உறுதியானது.  இதையடுத்து, இந்த நபர்களை பிடித்த அரூர் காவல் நிலைய தலைமைக் காவலர் செந்தில், ஊர்க்காவல்படை வீரர் வடிவேல் ஆகியோரை பாராட்டி கோவை ஐ.ஜி.  கே.பெரியய்யா, சேலம் சரக  டி.ஐ.ஜி. எஸ்.செந்தில்குமார் ஆகியோர் பரிசுத் தொகையை வழங்கினர். 
இதில், தருமபுரி மாவட்டக் காவல் கண்காணிப்பாளர் டி.மகேஷ்குமார், அரூர் டி.எஸ்.பி. ஏ.சி.செல்லப்பாண்டியன், காவல் ஆய்வாளர் முரளி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/19/துப்பாக்கியால்-சுட்ட-கொள்ளையர்களை-பிடித்த-காவலர்களுக்கு-ஐஜி-பாராட்டு-3098829.html
3098827 தருமபுரி தருமபுரி பிளாஸ்டிக் ஒழிப்பு விழிப்புணர்வு ஊர்வலம் DIN DIN Tuesday, February 19, 2019 09:19 AM +0530 அரூரில் பிளாஸ்டிக் ஒழிப்பு விழிப்புணர்வு ஊர்வலம் திங்கள்கிழமை நடைபெற்றது.
அரூர் இந்தியன் சி.பி.எஸ்.இ. பள்ளி சார்பில் நடைபெற்ற இந்த பிளாஸ்டிக் விழிப்புணர்வு ஊர்வலத்தை பள்ளி மேலாளர் ஆறுமுகம் தொடக்கி வைத்தார்.
அரூர் கச்சேரிமேடு சாலை சந்திப்பில் தொடங்கிய இந்த விழிப்புணர்வு ஊர்வலம், வர்ணதீர்த்தம், பேருந்து நிலையம், கடைவீதி வழியாகச் சென்றது. இதில் பிளாஸ்டிக் பொருள்களால் ஏற்படும் பாதிப்புகள் குறித்த விழிப்புணர்வு வாசகங்கள் அடங்கிய பதாகைகளை ஏந்தியவாறு பள்ளி மாணவர்கள் ஊர்வலமாக சென்றனர்.
இதில் பள்ளி முதல்வர் நிர்மலா ஸ்ரீ, சிறப்பு காவல் உதவி ஆய்வாளர் கருணாநிதி உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/19/பிளாஸ்டிக்-ஒழிப்புவிழிப்புணர்வு-ஊர்வலம்-3098827.html
3098825 தருமபுரி தருமபுரி தீவிரவாத தாக்குதலில் உயிரிழந்த வீரர்களுக்கு மௌன அஞ்சலி DIN DIN Tuesday, February 19, 2019 09:19 AM +0530 ஜம்மு-காஷ்மீரில் தீவிரவாத தாக்குதலில் உயிரிழந்த சிஆர்பிஎஃப் வீரர்களுக்கு மௌன அஞ்சலி செலுத்தும் நிகழ்ச்சி  பாலக்கோட்டில் திங்கள்கிழமை நடைபெற்றது.
இதில் முன்னாள் ராணுவ வீரர்கள், அரசுப் பள்ளி மாணவ, மாணவியர் கலந்துகொண்டு உயிரிழந்த ராணுவ வீரர்களுக்கு மௌன ஊர்வலம் சென்று அஞ்சலி செலுத்தினர்.
அரசு ஆண்கள் மேல்நிலைப் பள்ளி மாணவர்கள், அரசு பெண்கள் மேல்நிலைப் பள்ளி மாணவியர், ஆசிரியர்கள், முன்னாள் ராணுவ வீரர்களான பி.எம்.முருகன், பொன்னுசாமி, ஜே.எம்.முருகன்,சிவாஜி, முனுசாமி, பி.கிருஷ்ணன்,
நாகராஜ், மாதையன் என முன்னாள் ராணுவ வீரர்கள் கலந்து கொண்டனர். அரசு ஆண்கள் 
மேல்நிலைப்பள்ளியிலிருந்து மௌன ஊர்வலம் புறப்பட்டு முக்கிய வீதிகள் வழியாகச் சென்றது.  காவல் ஆய்வாளர் விஸ்வநாதன், காவல் அதிகாரிகள், பொதுமக்கள்  கலந்துகொண்டு ராணுவ வீரர்களுக்கு அஞ்சலி செலுத்தினர்.
 

]]>
https://www.dinamani.com/all-editions/edition-dharmapuri/dharmapuri/2019/feb/19/தீவிரவாத-தாக்குதலில்-உயிரிழந்த-வீரர்களுக்கு-மௌன-அஞ்சலி-3098825.html
3098823 தருமபுரி தருமபுரி தனியார் டயர் தொழிற்சாலை மீது நடவடிக்கை எடுக்கக் கோரி மனு DIN DIN Tuesday, February 19, 2019 09:19 AM +0530 சுற்றுச்சூழல் பாதிப்பு ஏற்படுவதாகக் கூறி, தனியார் டயர் தொழிற்சாலை மீது நடவடிக்கை எடுக்கக் கோரி கிராம மக்கள் மனு அளித்தனர்.
மொரப்பூர் அருகே ரெட்டிப்பட்டி கிராம மக்கள் மாவட்ட ஆட்சியர் அலுவலகத்தில் திங்கள்கிழமை அளித்த மனு:  மொரப்பூர் அருகே ரெட்டிப்பட்டியில் தனியாருக்குச் சொந்தமான டயர் உருக்காலை அமைந்துள்ளது. இந்த ஆலையில் இருந்து வெளியேறும் கரும்புகை, மூச்சுத் திணறல் உள்ளிட்ட பல்வேறு பாதிப்புகளை ஏற்படுத்துகிறது. மேலும், இந்த ஆலையிலிருந்து பரவும் கருந்துகள்களால் பயிர்களும் பாதிக்கப்படுகிறது. இந்த பாதிப்பு சுமார் 5 கி.மீ.சுற்றளவில் உள்ள கிராம மக்களுக்கு ஏற்படுகிறது. எனவே, சுற்றுச்சூழல் பாதிப்பு ஏற்படுத்தும் இந்த ஆலை மீது உரிய நடவடிக்கை எடுக்க வேண்டும் என்று வலியுறுத்தப்பட்டுள்ளது. 
பேருந்து நிலையக் கடைகளை ஏலம் விட வலியுறுத்தல்:  தருமபுரி மாவட்டம், பன்னிக்குளம் ஊராட்சி, திப்பம்பட்டியில் புதிதாக பேருந்து நிலையம் கட்டப்பட்டு 2017-இல் திறக்கப்பட்டது. இப்பேருந்து நிலையத்தில், 24 கடைகள் கட்டப்பட்டுள்ளன. இந்தக் கடைகளுக்கான ஏலம் இருமுறை அறிவிக்கப்பட்டு ரத்து செய்யப்பட்டது. இதனால்,  ஊராட்சி நிர்வாகத்துக்கு வருவாய் இழப்பு ஏற்படுகிறது. எனவே, இந்தக் கடைகளுக்கான ஏலத்தை விரைந்து நடத்தி பயன்பாட்டுக்கு கொண்டுவர மாவட்ட நிர்வாகம் நடவடிக்கை எடுக்க வேண்டும் என திப்பம்பட்டி பொதுமக்கள் மாவட்ட ஆட்சியர் அலுவலகத்தில் கோரிக்கை மனு அளித்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/19/தனியார்-டயர்-தொழிற்சாலை-மீது-நடவடிக்கை-எடுக்கக்-கோரி-மனு-3098823.html
3098821 தருமபுரி தருமபுரி மாணவர்கள் தனித்திறன்களை மேம்படுத்திக்கொள்ள வேண்டும்: அமைச்சர் கே.பி.அன்பழகன் DIN DIN Tuesday, February 19, 2019 09:19 AM +0530 மாணவர்கள் தங்களது தனித்திறன்களை மேம்படுத்திக்கொள்ள வேண்டும் என்று, மாநில உயர்கல்வித் துறை அமைச்சர் கே.பி.அன்பழகன் தெரிவித்தார்.
தருமபுரி மாவட்டம்,  பாலக்கோடு அரசு பல்தொழில்நுட்பக் கல்லூரியில் தொழில்நுட்ப திறன் வளர்த்தல்  பயிற்சி முகாம் நிறைவு விழா சனிக்கிழமை நடைபெற்றது. இந்த முகாமில், பங்கேற்ற 150 மாணவர்களுக்கு பயிற்சி சான்றிதழ்களை வழங்கி அமைச்சர் கே.பி.அன்பழகன் பேசியது: தமிழ்நாடு அறிவியல் தொழில்நுட்ப மாநில மன்றமும்,  பாலக்கோடு அரசு பலவகை தொழில்நுட்பக் கல்லூரியும் இணைந்து தருமபுரி மாவட்டத்தில் உள்ள அனைத்து பல்தொழில்நுட்பக் கல்லூரிகளில் இறுதியாண்டு பயிலும் மாணவர்களுக்கு தொழிற்சாலைகளுக்குத் தேவையான அறிவியல் தொழில்நுட்ப திறன் வளர்த்தல் தொடர்பாக 3 நாள் பயிற்சி முகாம் நடத்தப்பட்டது. பயிற்சியின் முக்கிய நோக்கம் திறன் சார் பயிற்சிகள் மற்றும் ஊக்குவிக்கும் நிகழ்வுகள் மூலம் தங்கள் திறமைகளை தொழில்துறைக்கேற்றவாறு மேம்படுத்துவதும் சுயதொழில் தொடங்குவதற்குரிய திறனை அடைவதும் ஆகும். இதன் மூலம் தொழில்நுட்பக் கல்லூரி மாணவர்கள் மற்றும் பொறியியல் மாணவர்கள் எளிதில் வேலை வாய்ப்பு பெறுவதற்கும் தொழில் முனைவோர்களாகவும் மாறுவதற்கும் வழிவகை செய்யப்பட்டுள்ளது. இத் திட்டம் ஆண்டுக்கு ரூ.10 லட்சம் செலவில் 10 மாவட்டங்களில் 3000 மாணவர்கள் பயனடையும் வகையில் நடத்தப்பட்டு வருகிறது. இதுவரை 91 மையங்களில் 97 லட்சம் செலவில் 28300 மாணவர்கள் பயனடையும் வகையில் நடத்தப்பட்டுள்ளது. மாணவர்களின் நலன் மற்றும் முன்னேற்றத்தை கருத்தில் கொண்டு இத்திட்டமானது மேலும் 15 மாவட்டங்களுக்கு விரிவாக்கப்பட்டுள்ளது. இத்திட்டத்துக்கான நிதி ரூ.10 லட்சத்திலிருந்து ரூ.22.50 லட்சமாக 2018-19 ஆம் ஆண்டு முதல் உயர்த்தி வழங்கப்பட்டு வருகிறது. 
எனவே, இனிவரும் காலங்களில் இறுதியாண்டு பயிலும் பல்தொழில்நுட்பக் கல்லூரி மாணவர்கள் மற்றும் பொறியியல் மாணவர்கள் எளிதில் வேலை வாய்ப்பு பெறுவதற்கும் தொழில் முனைவோர்களாக மாறுவதற்கும் வகை செய்யப்பட்டுள்ளது. மாணவர்களை வேலைக்குத் தயார்படுத்துவது மட்டுமல்லாது, ஆற்றல் உடையவர்களாகவும், உலக சமூகத்தின் தேவைகளைப் பூர்த்தி செய்யக் கூடிய தனித் திறனை படைத்தவர்களாகவும் மேம்படுத்திக்கொள்ள வேண்டும் என்றார்.
இவ்விழாவில், தமிழ்நாடு அறிவியல் தொழில்நுட்ப மன்ற உறுப்பினர் செயலர் ஆர்.சீனிவாசன், பாலக்கோடு அரசு தொழில்நுட்பக் கல்லூரி முதல்வர் (பொ) பி.எஸ்.செண்பகராஜா, கூட்டுறவு சர்க்கரை ஆலைத் தலைவர் தொ.மு.நாகராஜன், கல்லூரி துணை முதல்வர் ரவி, ஆசிரியர்கள், மாணவ, மாணவியர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/19/மாணவர்கள்-தனித்திறன்களை-மேம்படுத்திக்கொள்ள-வேண்டும்-அமைச்சர்-கேபிஅன்பழகன்-3098821.html
3098100 தருமபுரி தருமபுரி தருமபுரியில் 2-ஆம் ஆண்டு புத்தகத் திருவிழா: வரவேற்புக்குழு அமைப்புக் கூட்டம் DIN DIN Monday, February 18, 2019 08:45 AM +0530 தருமபுரியில் 2-ஆம் ஆண்டு புத்தகத் திருவிழாவுக்கான வரவேற்புக்குழு அமைப்புக் கூட்டம் ஞாயிற்றுக்கிழமை நடைபெற்றது. 
மக்களவை முன்னாள் உறுப்பினர் இரா.செந்தில் தலைமையில் நடைபெற்ற இக் கூட்டத்தில் ஓய்வு பெற்ற கல்வி அலுவலர் சி.ராஜேந்திரன், ஒருங்கிணைப்பாளர் இரா.சிசுபாலன் உள்ளிட்டோர் பங்கேற்றனர். ஜூலை 26 முதல் ஆகஸ்டு 4-ஆம் தேதி வரையில், தருமபுரி மதுராபாய் சுந்தரராஜராவ் திருமண மண்டபத்தில் 2-ஆம் ஆண்டு புத்தகத் திருவிழாவை நடத்துவது. இதையொட்டி, மாணவ, மாணவிகளுக்கு கட்டுரை, கவிதை,பேச்சுப் போட்டிகள் நடத்துவது. தினசரி புத்தகத் திருவிழாவில் இலக்கியச் சந்திப்பு, கலை நிகழ்வுகள் நடத்துவது. சொற்பொழிவாற்ற சிறந்த பேச்சாளர்கள், எழுத்தாளர்களை பங்கேற்ப வைப்பது என தீர்மானிக்கப்பட்டது.
ஜூலை 26-ஆம் தேதி மாவட்ட ஆட்சியர் தலைமையில், உயர் கல்வித் துறை அமைச்சர் விழாவைத் தொடங்கிவைக்கிறார். இதையொட்டி, 100 பேர் கொண்ட வரவேற்புக் குழு அமைக்கப்பட்டது. அதன் தலைவராக தொழிலதிபர் டி.என்.சி.மணிவண்ணன், செயலாளராக இரா.செந்தில், பொருளாளராக எம்.கார்த்திகேயன் ஆகியோரும், 15 துணைத் தலைவர்களும், 15 துணைச் செயலாளர்களும் தேர்வு செய்யப்பட்டனர்.
பல்வேறு பணிகளை மேற்கொள்ள 12 உபக்குழுக்கள் இந்தக் கூட்டத்தில் தேர்வு செய்யப்பட்டன. இக் கூட்டத்தில் ஆசிரியர்கள், அரசு ஊழியர்கள், மருத்துவர்கள், தொல்லியலாளர்கள், சமூகச் செயற்பாட்டாளர்கள் உள்ளிட்ட பலத் துறைகளைச் சேர்ந்தோர் பங்கேற்றனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/18/தருமபுரியில்-2-ஆம்-ஆண்டு-புத்தகத்-திருவிழா-வரவேற்புக்குழு-அமைப்புக்-கூட்டம்-3098100.html
3098099 தருமபுரி தருமபுரி நலத் திட்ட உதவிகளை உடனே வழங்க வலியுறுத்தல் DIN DIN Monday, February 18, 2019 08:45 AM +0530 நலத் திட்ட உதவிகளை விரைந்து வழங்க வேண்டும் என கட்டடத் தொழிலாளர்கள் சங்கத்தினர் வலியுறுத்தினர்.
ஏஐடியூசியின் தருமபுரி மாவட்ட கட்டடத் தொழிலாளர்கள் சங்கத்தின் நிர்வாகக் குழுக் கூட்டம் ஞாயிற்றுக்கிழமை தருமபுரியில் நடைபெற்றது. சங்கத்தின் நிர்வாகக் குழு உறுப்பினர் குழந்தைவேலு தலைமை வகித்தார். ஏஐடியூசி-இன் மாவட்டத் தலைவர் எம்.மாதேஸ்வரன், செயலாளர் கே.மணி, செயலாளர் ஆர்.சுதர்சனன் உள்ளிட்டோர் பங்கேற்றனர். கட்டடத் தொழிலாளர் குழந்தையின் கல்வி உரிமையைப் பாதிக்காத வகையில் தில்லி அரசு வழங்குவதை போல, தமிழக அரசும் நிதியுதவி வழங்க வேண்டும். கட்டத் தொழிலாளிக்கான நலத் திட்ட உதவிகளை உடனே வழங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

]]>
https://www.dinamani.com/all-editions/edition-dharmapuri/dharmapuri/2019/feb/18/நலத்-திட்ட-உதவிகளை-உடனே-வழங்க-வலியுறுத்தல்-3098099.html
3098098 தருமபுரி தருமபுரி தருமபுரி அரசு சட்டக் கல்லூரிக்கு ரூ.69.29 கோடியில் புதிய கட்டடம் DIN DIN Monday, February 18, 2019 08:44 AM +0530 தருமபுரியை அடுத்த பைசுஅள்ளியில் ரூ.69.29 கோடியில் அரசு சட்டக் கல்லூரிக்கான புதிய கட்டடம் கட்டும் பணியை உயர் கல்வித் துறை அமைச்சர் கே.பி.அன்பழகன் ஞாயிற்றுக்கிழமை தொடக்கிவைத்தார்.
தருமபுரி மாவட்டம், காரிமங்கலம் வட்டம், பைசுஅள்ளியில் ரூ.69.29 கோடி மதிப்பில் அரசு சட்டக் கல்லூரிக்கான புதிய கட்டடம் கட்டும் பணி தொடக்க விழாவுக்கு  தருமபுரி மாவட்ட ஆட்சியர் எஸ்.மலர்விழி தலைமை வகித்தார். உயர் கல்வித் துறை அமைச்சர் கே.பி.அன்பழகன், இப் பணியைத் தொடக்கிவைத்தார்.
கல்வி மற்றும் நிர்வாகக் கட்டடம், முதல்வர் அறை, பதிவு அறை, வகுப்பறைகள், மாதிரி நீதிமன்றம், கணினி அறை, உள் விளையாட்டு அரங்கு என 11,766 சதுர மீட்டர் பரப்பளவிலும், 2,599 சதுர மீட்டர் பரப்பளவில் கலையரங்கம், 1,794 சதுர மீட்டர் பரப்பளவில் கலந்தாய்வு அறை, டிஜிட்டல் நூலகம், புத்தகம் வைக்கும் அறை, வாசிப்பு அறை என நவீன நூலகம் அமைய உள்ளன. 
மேலும் ஆண்கள், பெண்கள் விடுதிகள், முதல்வர் குடியிருப்பு, துணைக் காப்பாளர் குடியிருப்புகள், கழிவறைகள் என மொத்தம் 24,613 சதுர மீட்டர் பரப்பளவில் இந்த புதிய கட்டடம் கட்டப்பட்டுகிறது. இந்தப் பணியானது 20 மாதங்களுக்குள் நிறைவடையும்.
தருமபுரி மாவட்ட பால் உற்பத்தியாளர்கள் கூட்டுறவு ஒன்றியத்தின் தலைவர் டி.ஆர்.அன்பழகன், தருமபுரி நகர கூட்டுறவு வங்கியின் தலைவர் எஸ்.ஆர்.வெற்றிவேல், அரசு சட்டக் கல்லூரி முதல்வர் சிவதாஸ் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/18/தருமபுரி-அரசு-சட்டக்-கல்லூரிக்கு-ரூ6929-கோடியில்-புதிய-கட்டடம்-3098098.html
3098097 தருமபுரி தருமபுரி கிருஷ்ணகிரி, தருமபுரி மாவட்டங்களில் சிஆர்பிஎஃப் வீரர்களுக்கு அஞ்சலி DIN DIN Monday, February 18, 2019 08:44 AM +0530 காஷ்மீரில் பயங்கரவாத தாக்குதலில் உயிரிழந்த ராணுவ வீரர்களுக்கு கிருஷ்ணகிரி, தருமபுரி மாவட்டங்களில் பல்வேறு அமைப்பினர், பொதுமக்கள் ஞாயிற்றுக்கிழமை அஞ்சலி செலுத்தினர். 
கிருஷ்ணகிரியில் அனைத்து இந்து இயக்கங்கள் மற்றும் பொதுமக்கள் பங்கேற்ற பயங்கரவாத எதிர்ப்பு பேரணி ஞாயிற்றுக்கிழமை நடைபெற்றது. கிருஷ்ணகிரி புறநகர்ப் பேருந்து நிலையம் அருகே தொடங்கிய இந்த பேரணிக்கு ஆர்.எஸ்.எஸ். அமைப்பின் மாவட்டத் தலைவர் சங்கர்லால் தலைமை வகித்தார். 
இந்து முன்னணியின் மாநில அமைப்பாளர் பக்தவத்சலம், பாஜக மாநில பொதுச் செயலாளர் நரேந்திரன், ஆர்.எஸ்.எஸ். நகரத் தலைவர் ராஜ்குமார், இந்து முன்னணியின் மாவட்டச் செயலாளர் யுகேந்திரன் உள்ளிட்ட நூற்றுக்கும் மேற்பட்ட பொதுமக்கள் பங்கேற்றனர். 
கிருஷ்ணகிரியில் பெங்களூரு சாலை, தர்மராஜா கோயில் தெரு, காந்தி சிலை வழியாக சென்று வட்டச் சாலை அருகே நிறைவு பெற்றது. அங்கு, உயிரிழந்த ராணுவ வீரர்களின் உருவப்படத்துக்கு மெழுகுவர்த்தி ஏந்தி மௌன அஞ்சலியை செலுத்தினர். தொடர்ந்து, பயங்கரவாத எதிர்ப்பு பொதுக் கூட்டம் நடைபெற்றது. இந்த பேரணியில் பங்கேற்றோர் இந்திய தேசியக் கொடியை ஏந்தியும், பயங்கரவாதத்துக்கு எதிராக முழக்கங்களை எழுப்பினர். 
கிருஷ்ணகிரி புறநகர்ப் பேருந்து நிலையம் அருகே குளோபல் பேமிலி அமைப்பு சார்பில் ஓவியர் அன்பு, வீரமரணம் அடைந்த வீரர்களுக்கு கண்ணீர் அஞ்சலி செலுத்தும் வகையில் ஓவியம் வரைந்திருந்தார். அதில், வீரமரணம் அடைந்த வீரர்களுக்கு தேசியக் கொடியை போர்த்தப்பட்டு, அருகே 2 மெழுகுவர்த்தியையும், வென்றது அகிம்சை என வாசகம் எழுதப்பட்டிருந்தது. இந்த ஓவியத்தைக் கடந்து சென்றவர்கள், உயிரிழந்த வீரர்களுக்கு அஞ்சலி செலுத்தினர்.
கிருஷ்ணகிரி அனுராதா வணிக வளாகத்தில், அதன் பணியாளர்கள், உரிமையாளர் உள்ளிட்டோர் உயிரிழந்த ராணுவ வீரர்களுக்கு மெழுகுவர்த்திகளை ஒளிரச் செய்தும், மலர் தூவியும் நினைவஞ்சலி செலுத்தினர். காவேரிப்பட்டணம் அரசு ஆண்கள் மேல்நிலைப் பள்ளி வளாகத்தில் அஞ்சலி செலுத்தப்பட்டது. 
தருமபுரியில்...
தருமபுரி, ராஜகோபால் கவுண்டர் பூங்கா அருகே, பாட்டாளி மக்கள் கட்சி சார்பில் உயிரிழந்த ராணுவ வீரர்களுக்கு அஞ்சலி செலுத்தும் நிகழ்வு ஞாயிற்றுக்கிழமை நடைபெற்றது. முன்னாள் எம்எல்ஏ வேலு தலைமையில் முன்னாள் எம்.பி. பாரிமோகன் உள்ளிட்டோர் உயிரிழந்த வீரர்களின் உருவப்படங்களுக்கு மலர் தூவியும், மெழுகுவர்த்திகளை ஒளிரச் செய்தும் அஞ்சலி செலுத்தினர்.
ஊத்தங்கரையில்...
காஷ்மீரில் நிகழ்ந்த பயங்கரவாத தாக்குதலில் உயிரிழந்த சிஆர்பிஎஃப் வீரர்களுக்கு ஊத்தங்கரையில் வாகனம் பழுதுபார்ப்போர் சங்கம் மற்றும் கார் வியாபாரிகள் சங்கம் சார்பில் ஞாயிற்றுக்கிழமை அஞ்சலி செலுத்தப்பட்டது.
ஊத்தங்கரை நான்குமுனை சாலை சந்திப்பில் நடைபெற்ற அஞ்சலி நிகழ்ச்சிக்கு இரு சக்கர வாகன பழுது பார்போர் சங்க ஒன்றியத்  தலைவர் புல்லட் ராஜா தலைமை வகித்தார்.  கார் வியாபாரிகள் சங்க மாநில செயற்குழு உறுப்பினர் சீனிவாசன், இரு சக்கர வாகன பழுது பார்போர் சங்க ஒன்றிய துணைத் தலைவர் மகேந்திரன், லேத் ஒர்க் ஞானம் ஆகியோர் முன்னிலை வகித்தனர். தொடர்ந்து ஊத்தங்கரையின் முக்கிய வீதிகள் வழியாக மௌன ஊர்வலம் நடைபெற்றது.
 

]]>
https://www.dinamani.com/all-editions/edition-dharmapuri/dharmapuri/2019/feb/18/கிருஷ்ணகிரி-தருமபுரி-மாவட்டங்களில்-சிஆர்பிஎஃப்-வீரர்களுக்கு-அஞ்சலி-3098097.html
3098096 தருமபுரி தருமபுரி டாஸ்மாக் விற்பனையாளர் மீது துப்பாக்கியால் சுட்டு கொள்ளை வழக்கு: 2 பேர் கைது DIN DIN Monday, February 18, 2019 08:43 AM +0530 அரூர் அருகே டாஸ்மாக் விற்பனையாளர் மீது துப்பாக்கிச்சூடு நடத்தி பணம் பறித்த 2 பேரை தனிப் படை போலீஸார் கைது செய்தனர்.
 அரூர் அருகே உள்ள நரிப்பள்ளியைச் சேர்ந்த மாரியப்பன் மகன் மகரஜோதி (44).  இவர், நரிப்பள்ளி-பெரியப்பட்டி சாலையில் உள்ள டாஸ்மாக் கடையில் விற்பனையாளராக உள்ளார்.  சனிக்கிழமை இரவு மது விற்பனைத்தொகை ரூ. 80 ஆயிரத்தை இரு சக்கர வாகனத்தில் எடுத்துக் கொண்டு நரிப்பள்ளி நோக்கிச் சென்று கொண்டிருந்தார்.
அப்போது,  இரு சக்கர வாகனத்தில் தலைக்கவசம் அணிந்து வந்த மர்ம நபர்கள் மகரஜோதியை துப்பாக்கியால் சுட்டனர்.  இதில் அவரது வலது,  இடது கைகளின் தோல்பட்டையில் குண்டு துளைத்தது.  நிலை தடுமாறி கீழே விழுந்த மகரஜோதியிடம் இருந்த பணம் ரூ.80 ஆயிரத்தை பறித்துக் கொண்டு,  மர்ம நபர்கள் தப்பினர்.
வாகனச் சோதனை: தகவலறிந்த தனிப்படை போலீஸார் அரூர்-நரிப்பள்ளி சாலையில் வாகனத் தணிக்கையில் ஈடுபட்டனர்.  அப்போது, மொண்டுகுழி அருகேயுள்ள தெத்துமுனியப்பன் கோயில் பகுதியில் சந்தேகமான முறையில் வந்த இருவரை போலீஸார் பிடித்து விசாரணை மேற்கொண்டனர். 
அவர்கள் கிருஷ்ணகிரி மாவட்டம்,  ஊத்தங்கரை வட்டம், கலைஞர் நகரைச் சேர்ந்த சின்னக்கண்ணு மகன் வெங்கடேசன் (32),  ரெட்டிப்பட்டியைச் சேர்ந்த நாகேந்திரன் மகன் பரதன் (24) என்பது தெரியவந்தது.  மேலும்,  சோதனையில் அவர்களிடமிருந்து ரூ.80 ஆயிரம்,  ஒரு நவீன ரக கைத்துப்பாக்கி, 3 தோட்டாக்கள், ஒரு மோட்டார் சைக்கிளை போலீஸார் பறிமுதல் செய்தனர்.
பல்வேறு வழக்குகளில் தொடர்பு?  ஊத்தங்கரை வட்டம்,  காட்டேரி பகுதியில் உள்ள டாஸ்மாக் மதுக்கடையின் ஊழியர்கள் இருவரை கடந்த 15.12.2018-இல்,  நாட்டுத் துப்பாக்கியால் சுட்டு பணம் ரூ. 3 லட்சம் கொள்ளையடிக்கப்பட்டது.  இதேபோல், திருவண்ணாமலை மாவட்டம், செங்கம் வட்டம், பெருமட்டம் பகுதியில் உள்ள டாஸ்மாக் மதுக்கடை ஊழியர்கள் மீது 25.1.2019-இல் தாக்குதல் நடத்தி, பணம் பறிக்கும் முயற்சிகள் நடைபெற்றன.  ஊத்தங்கரை மற்றும் செங்கம் பகுதியில் நடந்த சம்பவங்களில் தற்போது கைது செய்யப்பட்டுள்ள வெங்கடேசன், பரதன் ஆகியோருக்கு தொடர்பு இருப்பது தெரியவந்துள்ளது. 
இதையடுத்து,  பிடிபட்ட இருவரிடமும் தருமபுரி மாவட்டக் காவல் கண்காணிப்பாளர் டி.மகேஷ்குமார் தலைமையிலான தனிப்படை போலீஸார் தீவிர விசாரணை மேற்கொண்டுள்ளனர்.  இந்த சம்பவம் குறித்து கோட்டப்பட்டி போலீஸார் வழக்குப் பதிந்துள்ளனர்.
மேலும் 2 துப்பாக்கிகள் பறிமுதல் ?  
டாஸ்மாக் விற்பனையாளரை துப்பாக்கியால் சுட்டு பணம் பறித்த சம்பவத்தில் கைது செய்யப்பட்டுள்ள ஊத்தங்கரைச் சேர்ந்த வெங்கடேசனின் வீடு மற்றும் அவரது உறவினர் வீடுகளில் தனிப்படை போலீஸார் ஞாயிற்றுக்கிழமை திடீர் சோதனை மேற்கொண்டனர்.  இந்த சோதனையில் வெங்கடேசன் வீட்டில் இருந்து ஒரு நவீன ரக கைத்துப்பாக்கியும்,  ஒரு நாட்டுத் துப்பாக்கியும் பறிமுதல் செய்யப்பட்டிருப்பதாகக் கூறப்படுகிறது.  இந்த சம்பவத்தில் மேலும் சிலருக்கு தொடர்பு இருக்கலாம் என்றும் கூறப்படுகிறது. 
ஊத்தங்கரை அருகேயுள்ள காட்டேரியில் உள்ள டாஸ்மாக் மதுக்கடையில் கொள்ளையடித்த பணம் ரூ. 3 லட்சத்தில் இருந்து ஒரு நவீன ரக துப்பாக்கியை, சென்னையில் ரவுடி ஒருவரிடம் வெங்கடேசன் வாங்கியதாகக் கூறப்படுகிறது.  மேலும், இவர் வீட்டில் சண்டைக் கோழிகளை வளர்த்து வருகிறாராம்.  இந்த சண்டைக் கோழிகளை விற்பனை செய்யும் போது வட மாநிலங்களைச் சேர்ந்த கொள்ளைக் கும்பலிடம் இருந்தும் துப்பாக்கிகளை வாங்கியிருக்கலாம் என்றும் கூறப்படுகிறது. 
 

]]>
https://www.dinamani.com/all-editions/edition-dharmapuri/dharmapuri/2019/feb/18/டாஸ்மாக்-விற்பனையாளர்-மீது-துப்பாக்கியால்-சுட்டு-கொள்ளை-வழக்கு-2-பேர்-கைது-3098096.html
3097632 தருமபுரி தருமபுரி பிஎல் கணக்கெடுப்பு: ஊராட்சிமன்ற அலுவலகம் முற்றுகை DIN DIN Sunday, February 17, 2019 05:40 AM +0530
தாமோதரஹள்ளி ஊராட்சியில் வறுமைக்கோட்டிற்கு கீழ் உள்ள பட்டியல் தயாரித்ததில் ஒருதலைபட்சமாக செயல்பட்டதாகக் கூறி கிராம மக்கள் ஊராட்சிமன்ற அலுவலகத்தை முற்றுகையிட்டனர்.
போச்சம்பள்ளியை அடுத்த பண்ணந்தூர் அருகேயுள்ள தாமோதரஹள்ளி ஊராட்சியில் சின்னபாறையூர், பெரியபாறையூர், பெரிய கூத்தம்பட்டி, சின்ன கூத்தம்பட்டி, மோள்ளம்பட்டி, தோப்பூர், புதூர், மோழிவாயனூர், வண்டிக்காரன்கொட்டாய் ஆகிய கிராமங்கள் உள்ளன.
இந்த கிராமத்தில் சுமார் 2,500- க்கும் மேற்பட்ட வீடுகள் உள்ள நிலையில், இதில் 789 நபர்களுக்கு மட்டும் வறுமைக்கோட்டிற்கு கீழ் உள்ள பட்டியலை தாயர் செய்து வழங்கியுள்ளதாகவும், இதில் தகுதியில்லாத குடும்பத்தினருக்கு சான்று வழங்கியுள்ளதாகக் குற்றம்சாட்டி சுமார் 200-க்கும் மேற்பட்ட கிராம மக்கள் ஊராட்சிமன்ற அலுவலகத்தை முற்றுகையிட்டு ஆர்ப்பாட்டத்தில் ஈடுபட்டனர். 
தகவலறிந்து விரைந்து வந்த பாரூர் போலீஸார் முற்றுகையில் ஈடுபட்ட பொதுமக்களிடையே பேச்சுவார்த்தை நடத்திய பின்னர் அங்கிருந்து கலைந்து சென்றனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/பிஎல்-கணக்கெடுப்பு-ஊராட்சிமன்ற-அலுவலகம்-முற்றுகை-3097632.html
3097631 தருமபுரி தருமபுரி தற்கொலைத் தாக்குதலில் உயிரிழந்த சிஆர்பிஎஃப் வீரர்களுக்கு அஞ்சலி DIN DIN Sunday, February 17, 2019 05:40 AM +0530
காஷ்மீரில் பயங்கரவாதிகள் நடத்திய தற்கொலைத் தாக்குதலில் உயிரிழந்த சிஆர்பிஎஃப் வீரர்களுக்கு ஊத்தங்கரையில் பொதுமக்கள் சார்பில் சனிக்கிழமை அஞ்சலி செலுத்தப்பட்டது.
எம்.ஜி.ஆர் நூற்றாண்டு அறக்கட்டளை நிறுவனர் வே.சந்திரசேகரன் தலைமை வகித்தார். உயிரிழந்த வீரர்களின் படத்துக்கு  மலர் தூவி அஞ்சலி செலுத்தப்பட்டது.  மறைந்த தமிழக வீரர்கள் சிவச்சந்திரன், சுப்ரமணியன் ஆகியோர் குடும்பங்களுக்கு உதவும் வகையில்  ஊத்தங்கரை பொதுமக்கள் வழங்கிய ரூ 2,36,000-க்கான காசோலையை  ஊத்தங்கரை வட்டாட்சியர் மாரிமுத்துவிடம் வழங்கினார்.
பாலக்கோட்டில்...
காஷ்மீரில் பயங்கரவாத தாக்குதலில் உயிரிழந்த சிஆர்பிஎஃப் வீரர்களுக்கு பாலக்கோடு அரிமா சங்கம், வித்யா மந்திர் பள்ளி சார்பில் அஞ்சலி, மெளன ஊர்வலம் நடைபெற்றது.
பாலக்கோடு நெடுஞ்சாலை பிரிவு சாலையில் தொடங்கிய மெளன ஊர்வலத்தை பாலக்கோடு காவல் நிலைய ஆய்வாளர் விஸ்வநாதன், வித்யா மந்திர் பள்ளி தாளாளர் கோவிந்தராஜ், அரிமா சங்கத் தலைவர் மல்லாபுரம் சிவாஜி ஆகியோர் தொடக்கிவைத்தனர்.உயிரிழந்த வீரர்களின் உருவப்படத்துக்கு ஆசிரியர்கள் சக்திவேல், பிரபாகரன், அரிமா சங்கத்தினர் கோவிந்தசாமி, பச்சையப்பன், முத்து, செல்வம், பத்ரிநாராயணன் உள்பட பலர் அஞ்சலி செலுத்தினர்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/தற்கொலைத்-தாக்குதலில்-உயிரிழந்த-சிஆர்பிஎஃப்-வீரர்களுக்கு-அஞ்சலி-3097631.html
3097630 தருமபுரி தருமபுரி ஊத்தங்கரை ஸ்ரீ வித்யா மந்திர் கல்லூரியில் இயற்பியல் பயிற்சி பட்டறை DIN DIN Sunday, February 17, 2019 05:40 AM +0530
ஊத்தங்கரை ஸ்ரீ வித்யா மந்திர் கலை மற்றும் அறிவியல் கல்லூரியில் இயற்பியல் பயிற்சி பட்டறை சனிக்கிழமை நடைபெற்றது.
ஸ்ரீ வித்யா மந்திர் கல்விக் குழுமத்தின் நிறுவனர் வே.சந்திரசேகரன் தலைமை வகித்தார். கல்லூரி செயலர் ஆர்.பி.ராஜு, முதல்வர் க.அருள் ஆகியோர் முன்னிலை வகித்தனர். மலேசியாவில் உள்ள மலாயா பல்கலைக்கழகப் பேராசிரியர் முனைவர் சா.கனகேசன் நானோ தொழில்நுட்பத்தின் வளர்ச்சி புற்றுநோயைக் குணப்படுத்தும் துறைகளில் எவ்வாறு பயன்படுத்தப்படுகிறது என விளக்கினார். 
பெரியார் பல்கலைக்கழகத்தின் கீழ் செயல்படும் அரூர் அரசு கலை மற்றும் அறிவியல் கல்லூரியின் முதல்வர்(பொறுப்பு) முனைவர் ம.செல்வபாண்டியன், முதுநிலை மற்றும் ஆராய்ச்சி இயற்பியல் துறைத் தலைவி இரா.அறிவுச்செல்வி ஆகியோர் இயற்பியல் பயன்பாடுகளை விளக்கினார். இயற்பியல் துறை பேராசிரியர் முனைவர் ப. கண்ணன் நன்றி கூறினார்.
இந்த பயிற்சி பட்டறையில் 500-க்கும் மேற்பட்ட மாணவர்கள் கலந்து கொண்டு பல்வேறு கருத்துக்களை அறிந்து கொண்டனர். இந்நிகழ்ச்சிக்கான ஏற்பாடுகளை இயற்பியல் துறை பேராசிரியர்கள் செய்திருந்தனர்.

]]>
https://www.dinamani.com/all-editions/edition-dharmapuri/dharmapuri/2019/feb/17/ஊத்தங்கரை-ஸ்ரீ-வித்யா-மந்திர்-கல்லூரியில்-இயற்பியல்-பயிற்சி-பட்டறை-3097630.html
3097629 தருமபுரி தருமபுரி ஊராட்சி சபைக் கூட்டம் DIN DIN Sunday, February 17, 2019 05:39 AM +0530
கொடமாண்டப்பட்டியில் திமுக சார்பில் ஊராட்சிசபைக் கூட்டம் நடைபெற்றது.
திமுக ஒன்றியச் செயலாளர் பொன்.குணசேகரன் தலைமை வகித்தார். முன்னாள் எம்எல்ஏ நரசிம்மன், மாவட்ட துணை அமைப்பாளர் ராமமூர்த்தி ஆகியோர் முன்னிலை வகித்தனர். ஊராட்சிக் கழக செயலாளர் சங்கர் வரவேற்றார். திருவிடைமருதூர் ராமலிங்கம் பேசினார். 
கொடமாண்டப்பட்டியில் ஆரம்ப சுகாதார நிலையத்தில் அவசரகால ஆம்புலன்ஸ் வாகன வசதி, முதியோர் உதவித்தொகை போன்ற பல்வேறு கோரிக்கைகளை பொதுமக்கள் அளித்தனர். திமுக ஆட்சிப் பொறுப்பேற்றதும் கோரிக்கைகள் அனைத்தும் நிறைவேற்றப்படும் என கட்சியினர் உறுதியளித்தனர். தகவல் தொழில்நுட்ப அணி தொகுதி ஒருங்கிணைப்பாளர் ராஜசேகர் நன்றி கூறினார்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/ஊராட்சி-சபைக்-கூட்டம்-3097629.html
3097628 தருமபுரி தருமபுரி விவசாயியைத் தாக்கிய கும்பலை கைது செய்ய வலியுறுத்தி மறியல் DIN DIN Sunday, February 17, 2019 05:39 AM +0530
மத்தூரில் விவசாயியைத் தாக்கிய கும்பலை கைது செய்ய வலியுறுத்தி பொதுமக்கள் சாலை மறியலில் ஈடுபட்டனர்.
மத்தூர் பள்ளிக்கு அருகே உள்ள கரும்புத் தோட்டத்தில் புகுந்து கரும்பு உடைத்த தனது மகனை விவசாயி சக்திவேல் திட்டியதாகக் கூறி, அம்பேத்கர் நகரைச் சேர்ந்த ஜெயவேல் மற்றும் அவரது ஆதரவாளர்கள் விவசாயியைத் தாக்கினராம்.
இதில் காயமடைந்து மருத்துவமனையில் அனுமதிக்கப்பட்ட சக்திவேலை தொடர்ந்து துன்புறுத்தியதால், அருகிலிருந்த காவல் நிலையத்தில் விவசாயி தஞ்சமடைந்தார். இந்த நிலையில், விவசாயியைத் தாக்கிய ஜெயவேல் மற்றும் அவரது ஆதரவாளர்களைக் கைது செய்ய வலியுறுத்தி, மத்தூர் வியாபாரிகள் கடைகளை அடைத்துவிட்டு சாலை மறியலில் ஈடுபட்டனர்.
போலீஸார் சம்பவ இடத்துக்குச் சென்று மறியலில் ஈடுபட்டவர்களை சமரசம் செய்தனர். ஜெயவேல் உள்ளிட்ட நால்வர் மீது வழக்குப் பதிவு செய்யப்பட்டுள்ளது.
 

]]>
https://www.dinamani.com/all-editions/edition-dharmapuri/dharmapuri/2019/feb/17/விவசாயியைத்-தாக்கிய-கும்பலை-கைது-செய்ய-வலியுறுத்தி-மறியல்-3097628.html
3097627 தருமபுரி தருமபுரி நிழற்கூடம் அமைக்க வலியுறுத்தல் DIN DIN Sunday, February 17, 2019 05:39 AM +0530
பாப்பிரெட்டிப்பட்டி அருகேயுள்ள சாமியாபுரம் கூட்டுச் சாலையில் நிழற்கூடம் அமைக்க வேண்டும் என பொதுமக்கள் வலியுறுத்தினர்.
அரூர்-சேலம் தேசிய நெடுஞ்சாலையில் அமைந்துள்ளது சாமியாபுரம் கூட்டுச் சாலை. இந்த கூட்டுச் சாலையில் அரூர், சேலம், பாப்பிரெட்டிப்பட்டி, பொம்மிடி உள்ளிட்ட பகுதிகளில் இருந்து வரும் முக்கியச் சாலைகள் கூடுகின்றன.
சாமியாபுரம் கூட்டுச் சாலையில் இருந்து சேலம், அரூர், பாப்பிரெட்டிப்பட்டி, தருமபுரி, பொம்மிடி உள்ளிட்ட பகுதிகளுக்கு செல்லும் பயணிகள் பலர் நாள்தோறும் இந்த பேருந்து நிறுத்தத்துக்கு வருகின்றனர். இந்த நிலையில், இந்த பேருந்து நிறுத்தத்தில் நிழற்கூடங்கள் ஏதுமில்லை. இதனால், வெயில் மற்றும் மழைக் காலங்களில் பயணிகள் பல்வேறு இன்னல்களை அடைகின்றனர். எனவே, சாமியாபுரம் கூட்டுச் சாலையில் நிழற்கூடம் அமைக்க மாவட்ட நிர்வாகம் உரிய நடவடிக்கை எடுக்க வேண்டும் என்பதே பயணிகளின் எதிர்பார்ப்பு.

]]>
https://www.dinamani.com/all-editions/edition-dharmapuri/dharmapuri/2019/feb/17/நிழற்கூடம்-அமைக்க-வலியுறுத்தல்-3097627.html
3097626 தருமபுரி தருமபுரி தேசிய கால்பந்துப் போட்டி: பாப்பிரெட்டிப்பட்டி கல்லூரி மாணவர்களுக்கு தங்கப் பதக்கம் DIN DIN Sunday, February 17, 2019 05:39 AM +0530
தேசிய அளவிலான கால்பந்துப் போட்டியில் பாப்பிரெட்டிப்பட்டி பெரியார் பல்கலைக்கழக உறுப்பு கலை மற்றும் அறிவியல் கல்லூரி மாணவர்கள் தங்கம் வென்றனர்.
தமிழ்நாடு ஊரக விளையாட்டுக் கழகத்தின் சார்பில், தேசிய அளவிலான கால்பந்துப் போட்டி காஞ்சிபுரம் மாவட்டம், பல்லவன் பொறியியல் கல்லூரி வளாகத்தில் அண்மையில் நடைபெற்றது.
இந்தப் போட்டியில், தமிழ்நாடு கால்பந்து அணியில் பாப்பிரெட்டிப்பட்டி பெரியார் பல்கலைக்கழக உறுப்பு கலை மற்றும் அறிவியல் கல்லூரி மாணவர்கள் பி.திருமலை, சு.விஷ்வபாரத் ஆகியோர் பங்கேற்று விளையாடினர். இதையடுத்து, இந்த மாணவர்கள் பங்கேற்ற தமிழ்நாடு கால்பந்து அணியினர் முதலிடத்தில் வெற்றிபெற்று தங்கப் பதக்கம் பெற்றனர்.
தேசிய அளவிலான கால்பந்துப் போட்டியில் தங்கம் வென்ற மாணவர்களை பாப்பிரெட்டிப்பட்டி கல்லூரியின் முதல்வர் பா.கார்த்திகேயன், உடற்கல்வி இயக்குநர் பெ.செந்தில்குமார், பேராசிரியர்கள் உள்ளிட்டோர் பாராட்டினர்.

]]>
https://www.dinamani.com/all-editions/edition-dharmapuri/dharmapuri/2019/feb/17/தேசிய-கால்பந்துப்-போட்டி-பாப்பிரெட்டிப்பட்டி-கல்லூரி-மாணவர்களுக்கு-தங்கப்-பதக்கம்-3097626.html
3097625 தருமபுரி தருமபுரி 13 புதிய பேருந்துகளின் போக்குவரத்து தொடக்கம் DIN DIN Sunday, February 17, 2019 05:38 AM +0530
தருமபுரி போக்குவரத்துக் கழக மண்டலத்திற்கு ஒதுக்கீடு செய்யப்பட்ட 13 புதிய புறநகர்ப் பேருந்து போக்குவரத்தை மாநில உயர் கல்வித் துறை அமைச்சர் கே.பி.அன்பழகன் தொடக்கிவைத்தார். 
தருமபுரி பேருந்து நிலையத்தில் மாவட்ட ஆட்சியர் சு.மலர்விழி தலைமையில் நடைபெற்ற இந்த நிகழ்ச்சியில் 4 நகரப் பேருந்து வழித்தட நீட்டிப்பு மற்றும் 13 புதிய புறநகர்ப் பேருந்துகளின் போக்குவரத்தை அமைச்சர் கே.பி.அன்பழகன் கொடியசைத்தும், பேருந்தை இயக்கியும் தொடக்கிவைத்தார்.
தருமபுரி, கிருஷ்ணகிரி, ஒசூர், பாலக்கோடு, பென்னாகரம், சேலம், ஊத்தங்கரை மற்றும் திருப்பத்தூர் ஆகிய பணிமனைகளிலிருந்து இப்பேருந்துகள் பல்வேறு வழித்தடங்களில் இயங்கப்படுகின்றன. இதேபோல பள்ளக்கொல்லை, தேவீர அள்ளி, வத்தல்மலை அடிவாரம், வையம்பட்டி, அரசம்பட்டி ஆகிய பகுதிகளுக்கு வழித்தடம் நீட்டித்து இயக்கப்படுகிறது.
இதில் போக்குவரத்துக் கழக மண்டல மேலாளர் லாரன்ல், நகராட்சி ஆணையர் ரா.மகேஸ்வரி, துணை மேலாளர்கள் சிவமணி, ஜெயபால், ராஜராமன் உள்ளிட்டோர் கலந்து கொண்டனர். 
விளையாட்டு வீரர்களுக்கு
பரிசளிப்பு: தருமபுரி மாவட்ட விளையாட்டு மைதானத்தில் நடைபெற்ற முதல்வர் கோப்பைக்கான மாவட்ட விளையாட்டுப் போட்டிகளில் வெற்றி பெற்ற விளையாட்டு வீரர்களுக்கு பரிசுத் தொகை மற்றும் சான்றிதழ்களை அமைச்சர் வழங்கினார். 
மாவட்ட விளையாட்டு அலுலவர் ராஜேந்திரன் மற்றும் அரசு அலுவலர்கள் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/17/13-புதிய-பேருந்துகளின்-போக்குவரத்து-தொடக்கம்-3097625.html
3097624 தருமபுரி தருமபுரி தேர்தல்களில் அதிமுக வெற்றிக்கு ஒற்றுமையோடு பாடுபட வேண்டும் DIN DIN Sunday, February 17, 2019 05:38 AM +0530
மக்களவை மற்றும் பேரவை இடைத் தேர்தல்களில் அதிமுக வெற்றி பெற அனைவரும் ஒற்றுமையோடு பாடுபட வேண்டம் என்று மாநில உயர் கல்வித் துறை அமைச்சர் கே.பி.அன்பழகன் தெரிவித்தார்.
தருமபுரியில் அதிமுக மாவட்ட செயல்வீரர்கள் கூட்டம் சனிக்கிழமை அவைத் தலைவர் தொ.மு.நாகராஜன் தலைமையில் நடைபெற்றது. இக் கூட்டத்தில், அமைச்சர் கே.பி.அன்பழகன் பேசியது:
வருகிற பிப்.24-ஆம் தேதி முன்னாள் முதல்வர் ஜெயலலிதா பிறந்த நாள் விழா தருமபுரி மாவட்டத்தில் அனைத்து கிளைகளிலும் அன்னதானம் வழங்கி கொண்டாட வேண்டும். அன்றைய தினம் தருமபுரி மாவட்ட கட்சி அலுவலகத்தில் மறைந்த அதிமுக பொதுச் செயலர் ஜெயலலிதாவின் உருவச்சிலை திறப்பு விழா நடைபெற உள்ளது. இவ்விழாவில், தமிழக முதல்வர் எடப்பாடி கே.பழனிசாமி பங்கேற்று சிலையை திறந்துவைக்கிறார். இதைத் தொடர்ந்து, அரூரில் நடைபெற உள்ள பொதுக் கூட்டத்தில் முதல்வர் உரையாற்றுகிறார். எனவே, கட்சியினர் அனைவரும் இக் கூட்டத்தில் திரளாக பங்கேற்க வேண்டும். 
வருகிற மக்களவைத் தேர்தல் மற்றும் 21 பேரவைத் தொகுதி இடைத் தேர்தலில் அதிமுக வெற்றி பெற வேண்டும். இதற்காக கட்சியினர் அனைவரும் ஒற்றுமையோடு பாடுபட வேண்டும். தமிழக அரசு, பொங்கலுக்கு பரிசுத் தொகுப்புடன் கூடிய ரூ.1000 வழங்கியத் திட்டம், மக்களிடையே மிகுந்த வரவேற்பை பெற்றுள்ளது. அதேபோல, தற்போது வறுமைக்கோட்டிற்கு கீழ் உள்ளோருக்கு ரூ.2000 வழங்கப்படும் என அறிவிக்கப்பட்டுள்ளது. இதில், தகுதியானோர் தங்களது பெயர் விடுபட்டிருப்பின் விண்ணப்பிக்கலாம் என்றார்.
முன்னதாக, காஷ்மீரில் தற்கொலைத் தாக்குதலில் உயிரிழந்த வீரர்களுக்கு அஞ்சலி செலுத்தப்பட்டது. 
இதையடுத்து, கூட்டத்தில், எண்ணேகொல்புதூர்-தும்பலஅள்ளி உள்ளிட்ட நீர்ப்பாசனத் திட்டங்களை அறிவித்து நிதி ஒதுக்கீடு மற்றும் நெகிழி பொருள்கள் ஒழிப்பு சட்டம் ஆகியவற்றை நடைமுறைப்படுத்தி தமிழக அரசுக்கு நன்றி தெரிவிப்பதுஉள்ளிட்ட தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-dharmapuri/dharmapuri/2019/feb/17/தேர்தல்களில்-அதிமுக-வெற்றிக்கு-ஒற்றுமையோடு-பாடுபட-வேண்டும்-3097624.html
3097623 தருமபுரி தருமபுரி ரூ.358 கோடியில் தருமபுரி-மொரப்பூர் ரயில்பாதை திட்டம்: அனைத்துத் தரப்பினரும் உற்சாக வரவேற்பு DIN DIN Sunday, February 17, 2019 05:38 AM +0530
ரூ.358.95 கோடியில் தருமபுரி-மொரப்பூர் ரயில்பாதைத் திட்டம் அமைக்க ரயில்வே நிதிநிலை அறிக்கையில் ஒப்புதல் வழங்கப்பட்டுள்ளதாக ரயில்வே வாரியம் தெரிவித்துள்ளது. இதன்மூலம் தருமபுரி மக்களின் நீண்ட கால கனவு நனவாகியுள்ளது.
தருமபுரியிலிருந்து மூக்கனூர் வழியாக மொரப்பூருக்கு ஆங்கிலேயர் ஆட்சியில் ரயில்போக்குவரத்து இருந்தது. இதன்மூலம் அக்காலக்கட்டத்தில், தருமபுரியிலிருந்து மொரப்பூர் வழியாக சென்னைக்கு இப்பகுதி மக்கள் ரயில் மூலம் சென்று வந்துக் கொண்டிருந்தனர்.
கடந்த 1906-ஆம் ஆண்டு முதல் நடைமுறையில் இருந்த இந்த ரயில்பாதை, 1941-இல் இப்  போக்குவரத்து நிறுத்தப்பட்டது. இந்த ரயில் போக்குவரத்தை மீண்டும் தொடங்க வேண்டும் என அனைத்துதரப்பு மக்களும் கோரிக்கை விடுத்திருந்தனர்.
ஏற்கெனவே ரயில்பாதை பயன்பாட்டில் இருந்த நிலம் இருப்பதால் இத் திட்டத்துக்கு நிலம் புதியதாக வாங்க தேவையில்லை.  தருமபுரியிலிருந்து சென்னைக்கு ஏராளமான மாணவர்கள் கல்வி பயிலவும், தொழிலாளர்கள், விவசாயிகள் என பல்வேறு பணிகளுக்கு செல்ல அரசு மற்றும் தனியார் பேருந்து போக்குவரத்தை மட்டுமே நம்பி இருக்க வேண்டிய சூழல் உள்ளது. எனவே, நீண்ட கால கோரிக்கையான தருமபுரி-மொரப்பூர் ரயில்பாதை திட்டத்தை நிறைவேற்ற வேண்டும் என்பது இப்பகுதி மக்களிடையே தொடர்கிறது.
இக்கோரிக்கையை, ஒவ்வொரு மக்களவைத் தேர்தலிலும் போட்டியிடும் வேட்பாளர்களின் வாக்குறுதியில் முக்கிய இடம் பெற்று வந்தது. இந்த நிலையில் கடந்த 2013-இல் மத்திய அரசு தருமபுரி-மொரப்பூர் ரயில்வே திட்டத்தை நிறைவேற்றுவதாக அறிவித்தது. இதைத் தொடர்ந்து அறிவிப்போடு அப்படியே நின்றுபோனது.
இதனைத் தொடர்ந்து, கடந்த 2017-இல் மீண்டும் ஒரு முறை மத்திய ரயில்வே நிநிநிலை அறிக்கையில் இத்திட்டம் இடம் பெற்றது. 
இதன் மூலம், தருமபுரி மக்கள் தங்களது கனவு நனவாகப்போகிறது என்கிற மகிழ்ச்சியில் இருந்தனர். இருப்பினும், இந்த அறிவிக்கைக்குப் பிறகும் எவ்வித பணியும் இத்திட்டம் தொடர்பாக மேற்கொள்ளப்படவில்லை.
இந்த நிலையில், மத்திய ரயில்வே அமைச்சகம் தருமபுரி-மொரப்பூர் ரயில்பாதைத் திட்டம் ரூ.358.95 கோடியில் நிறைவேற்ற ஒப்பதல் அளித்துள்ளது. இதற்கான, அனுமதி கடிதத்தை மத்திய ரயில்வே அமைச்சர் பியூஷ் கோயல், தருமபுரி தொகுதி மக்களவை உறுப்பினர் அன்புமணிக்கு அனுப்பியிருந்தார். 
இக் கடிதத்தை பெற்ற அன்புமணி ராமதாஸ், தருமபுரி மாவட்ட மக்களின் 78 ஆண்டு கால கனவுத் திட்டமான தருமபுரி-மொரப்பூர் ரயில்வே திட்டத்தை நிறைவேற்ற, மத்திய ரயில்வே அமைச்சர் அனுமதி அளித்துள்ளார். தருமபுரியிலிருந்து 36 கி.மீ. தொலைவுக்கு இப்புதிய ரயில்பாதை அமைய உள்ளது. இதற்காக, ஏற்கெனவே ரயில்வே அமைச்சராக இருந்த சதானந்த கெளடா, சுரேஷ் பிரபு மற்றும் தற்போதைய அமைச்சர் பியூஷ் கோயல் ஆகியோரை 18 முறை சந்தித்து தொடர்ந்து வலியுறுத்தி வந்தேன். 
மாநில அரசு இத்திட்டத்திற்கு 50 சதவீதம் நிதி வழங்க, போதிய நிதி ஆதாரம் இல்லை என்று தெரிவித்துவிட்டதால், மத்திய அரசே இத்திட்டத்தை நிறைவேற்ற உள்ளது. இத்திட்டத்திற்கான அடிக்கல் நாட்டு விழா விரைவில் நடைபெறும் என்று தெரிவித்திருந்தார்.
இதற்கிடையில், தெற்கு ரயில்வே கடந்த இரு தினங்களுக்கு முன் செய்திக்குறிப்பு மூலம் தருமபுரி-மொரப்பூர் ரயில்பாதைத் திட்டம் ரூ.358.95 கோடியில் செயல்படுத்த, நிதிநிலை அறிக்கையில் ஒப்புதல் அளிக்கப்பட்டுள்ளது. 36 கி.மீ. தொலைவுக்கு அமைய உள்ள இந்த ரயில்பாதையில் 2 பெரிய மேம்பாலங்கள், 5 பிரதான சாலை மேம்பாலங்கள், 15 சுரங்கப்பாதைகள் மற்றும் 24 சிறு பாலங்கள் மற்றும் மொரப்பூர், ராணி மூக்கனூர், மூக்கனூர் மற்றும் தருமபுரி என நான்கு ரயில் நிலையங்களும் அமைய உள்ளதாக அதில் தெரிவித்துள்ளது.
இதன் மூலம் நீண்ட கால கனவான தருமபுரி-மொரப்பூர் ரயில்பாதைத் திட்டம் நனவாகிறது என இப்பகுதி மக்கள் மகிழ்ச்சியடைந்துள்ளனர். தேர்தலுக்காக இல்லாமல் உண்மையிலே நிறைவேற்றினால் மகிழ்ச்சி அளிக்கும். எனவே, அதற்கான நடவடிக்கையை எடுக்க வேண்டும் என ரயில் பயணிகள் மற்றும் சமூக நலச்சங்க பொருளாளர் கருபாலன் தெரிவித்தார்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/ரூ358-கோடியில்-தருமபுரி-மொரப்பூர்-ரயில்பாதை-திட்டம்-அனைத்துத்-தரப்பினரும்-உற்சாக-வரவேற்பு-3097623.html
3097622 தருமபுரி தருமபுரி பேருந்து வழித்தடம் நீட்டிப்பு DIN DIN Sunday, February 17, 2019 05:37 AM +0530
தருமபுரி- நாகரசம்பட்டி இடையே இயக்கப்படும் பேருந்தின் (எண் 28) வழித்தடம் நீட்டிக்கப்பட்டுள்ளது.
சனிக்கிழமை நடைபெற்ற நிகழ்ச்சியில் பர்கூர் தொகுதி சட்டப்பேரவை உறுப்பினர் ராஜேந்திரன் பங்கேற்று நீட்டிக்கப்பட்ட புதிய வழித்தடத்தில் பேருந்தை இயக்கிவைத்தார். பேருந்து எண் 28 இனி தட்ரஹள்ளி கூட்டு சாலையிலிருந்து சாதிநாயக்கம்பட்டி, தேவிரஹள்ளி, குடிமேனஹள்ளி வழியாக அகரம் சாலையை சென்று அங்கிருந்து நாகரசம்பட்டி செல்லும்.
இந்த வழித் தடத்தில் இப் பேருந்தை இயக்க வேண்டும் என பொதுமக்களின் நீண்ட நாள் கோரிக்கையை முருகையன், காவேரிப்பட்டணம் முன்னாள் ஒன்றியச் செயலாளர்  எம்எஸ்.பிரபாகரன் ஆகியோர் எம்எல்ஏ ராஜேந்திரனிடம் அளித்ததின் பேரில் இந்த நிகழ்வு நடைபெற்றது.
நிகழ்ச்சியில் ஒன்றிய துணைச் செயலாளர் விமலா சுப்பிரமணியம், கூட்டுறவுச் சங்க தலைவர் பழனி, ஊராட்சி செயலாளர் பொன்னுசாமி, ஊர் கவுண்டர் தீர்த்தமலை, முனியன் ஆகியோர் முன்னிலை வகித்தனர். அருள்மணி நன்றி கூறினார்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/பேருந்து-வழித்தடம்-நீட்டிப்பு-3097622.html
3097621 தருமபுரி தருமபுரி பிப்.24-இல் அரூரில் ஜெயலலிதா பிறந்த விழா பொதுக்கூட்டம் DIN DIN Sunday, February 17, 2019 05:37 AM +0530 அரூரில் பிப்.24 ஆம் தேதி தமிழக முன்னாள் முதல்வர் ஜெயலலிதா பிறந்த நாள் விழா பொதுக்கூட்டம் நடைபெறுகிறது.
அரூர் கச்சேரிமேடு சாலை சந்திப்பில் மாலை நடைபெறும் இக் கூட்டத்தில் தமிழக முதல்வர் எடப்பாடி கே.பழனிசாமி பங்கேற்கிறார். இதனிடையே, பொதுக்கூட்ட ஏற்பாடுகளை உயர் கல்வித் துறை அமைச்சர் கே.பி.அன்பழகன் நேரில் பார்வையிட்டு ஆய்வு செய்தார்.
அதிமுக விவசாய அணி மாநிலத் தலைவர் டி.ஆர்.அன்பழகன், தருமபுரி நகர கூட்டுறவு வங்கித் தலைவர் எஸ்.ஆர்.வெற்றிவேல், கூட்டுறவுச் சங்கத் தலைவர் ஏ.ஜி.எஸ்.கோவிந்தசாமி, நல்லம்பள்ளி ஒன்றியச் செயலர் சிவப்பிரகாசம், எம்.ஜி.ஆர் மன்ற மாவட்ட இணைச் செயலர் நரிப்பள்ளி சிற்றரசு உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/17/பிப்24-இல்-அரூரில்-ஜெயலலிதா-பிறந்த-விழா-பொதுக்கூட்டம்-3097621.html
3096944 தருமபுரி தருமபுரி சிஆர்பிஎப் வீரர்கள் மீதான  தாக்குதல் கொடூரமானது DIN DIN Saturday, February 16, 2019 09:46 AM +0530 சிஆர்பிஎப் வீரர்கள் மீதான தாக்குதல் கொடூரமானது,  இத் தாக்குதல் மிகவும் கண்டிக்கத்தக்கது என மாநில பால்வளத் துறை அமைச்சர் கே.டி.ராஜேந்திர பாலாஜி தெரிவித்தார்.
தருமபுரி கடைவீதியில் உள்ள அருள்மிகு முத்துகாமாட்சியம்மன் கோயில் குடமுழுக்கு விழாவில் வெள்ளிக்கிழமை பங்கேற்ற அமைச்சர் கே.டி.ராஜேந்திர பாலாஜி செய்தியாளர்களிடம் கூறியது:  காஷ்மீரில் சிஆர்பிஎப் வீரர்கள் மீதான தீவிரவாதத் தாக்குதல் மிகவும் கொடூரமானது,  வன்மையாகக் கண்டிக்கத்தக்கது. இத் தாக்குதல் அனைத்துத் தரப்பினரையும் கவலை கொள்ளச் செய்துள்ளது.  தீவிரவாதத்தை முற்றாக ஒழிக்க வேண்டும்.  அதற்காக மத்திய அரசின் அனைத்து நடவடிக்கைகளுக்கும், தமிழக அரசு உறுதுணையாக இருக்கும்.  உயிரிழந்த தமிழக வீரர்களுக்கு முதல்வர் எடப்பாடி கே.பழனிசாமி ரூ.20 லட்சம் நிதியுதவியை அறிவித்துள்ளார். 
மக்களவைத் தேர்தலில் கூட்டணி குறித்து முதல்வர் மற்றும் துணை முதல்வர் கூறுவதுதான் அதிமுகவின் கருத்து.  அதிமுக தலைமையில் அமையவுள்ள கூட்டணி எதிரணியினர், மாற்றுக் கட்சியினர் மிரளும் வகையில் இருக்கும்.  தேர்தலில் அமோக வெற்றிபெற்று, மத்திய ஆட்சியில் அதிமுக பங்கு வகிக்கும்.  அதிமுக கூட்டணியில் அமமுக சேர வாய்ப்பில்லை.
     ஆவின் பால் மற்றும் நெய் உள்ளிட்ட பொருள்கள் நல்ல தரத்துடன் உள்ளன.  திருப்பதி திருமலையில் லட்டு தயாரிக்க ஆவின் நெய் பயன்படுத்துவற்கான ஒப்பந்தம் செய்யப்பட்டுள்ளது.  புது தில்லியில் உயர்தரத்திலான ஆவின் பாலகம் திறக்கப்பட உள்ளது.  இதற்காக முதல்வரின் ஒப்புதலுக்காகக் காத்திருக்கிறோம். அதேபோல,  உலகம் முழுவதும் ஆவின் பொருள்கள் வலம் வருகின்றன.
பால் நிலுவைத்தொகை தற்போது இல்லை.  கடந்த காலங்களைப்போல், பாலை தரையில் கொட்டி போராட்டம் தற்போது நடைபெறுவதில்லை.  பாலுக்கு உரிய விலை அளிக்கப்படுகிறது.  பால் உற்பத்தியாளர்கள் கோரிக்கையை முதல்வரின் கவனத்துக்குக் கொண்டு சென்று உரிய தீர்வு காண நடவடிக்கை எடுக்கப்பட்டு வருகிறது என்றார்.
பேட்டியின் போது,  மாநில உயர்கல்வித் துறை அமைச்சர் கே.பி.அன்பழகன் மற்றும் அதிமுக நிர்வாகிகள் உடனிருந்தனர்.

]]>
https://www.dinamani.com/all-editions/edition-dharmapuri/dharmapuri/2019/feb/16/சிஆர்பிஎப்-வீரர்கள்-மீதான--தாக்குதல்-கொடூரமானது-3096944.html
3096943 தருமபுரி தருமபுரி அரூர் அரசு மருத்துவமனையில் ரூ.1.20 கோடியில் அவசர சிகிச்சைப் பிரிவு மையம்: அமைக்கும் பணிகள் தொடக்கம் DIN DIN Saturday, February 16, 2019 09:46 AM +0530 அரூர் அரசு மருத்துவமனையில் ரூ.1.20 கோடியில் விபத்து மற்றும் அவசர சிகிச்சைப் பிரிவு மையம் அமைக்கும் பணிகள் தொடங்கப்பட்டுள்ளன.
அரூர் அரசு மருத்துவமனை சேலம்-வாணியம்பாடி தேசிய நெடுஞ்சாலையில் உள்ளது. இந்த மருத்துவமனையானது கோட்டப்பட்டி, அனுமன்தீர்த்தம், மொரப்பூர், தீர்த்தமலை, சித்தேரி, கோபிநாதம்பட்டி கூட்டுச் சாலை, சிந்தல்பாடி உள்ளிட்ட பகுதிகளுக்கு மையப் பகுதியாக உள்ளது. 
இந்த அரசு மருத்துவமனையில் நாள்தோறும் ஆயிரத்துக்கும் மேற்பட்ட புறநோயாளிகளும், 100-க்கும் மேற்பட்ட உள்நோயாளிகளும் சிகிச்சை பெறுகின்றனர். இதேபோல், 24 மணி நேரமும் இயங்கக் கூடிய தாய், சேய் அவசர சிகிச்சை மையமும் உள்ளது.
தேசிய நெடுஞ்சாலை மற்றும் மாநில நெடுஞ்சாலைகள் கூடும் இடத்தில் அரூர் அரசு மருத்துவமனை உள்ளதால், இந்த மருத்துவமனையில் அனைத்து வசதிகளுடன் கூடிய விபத்து மற்றும் அவசர சிகிச்சைப் பிரிவு தொடங்க வேண்டும் என பொதுமக்கள் கோரிக்கை வைத்து
வலியுறுத்தினர். 
இதையடுத்து, அரூரில் ரூ.1.20 கோடியில் விபத்து மற்றும் அவசர சிகிச்சை மையம் தொடங்க தமிழக அரசு நிதி ஒதுக்கீடு செய்துள்ளது.
தூய்மைப் பணிகள் தொடக்கம்:அரூர் அரசு மருத்துவமனைக்கு சொந்தமான 5 ஏக்கர் நிலம், சுமார் 40 ஆண்டுகளுக்கு மேலாக வனத் துறையினரின் கட்டுப்பாட்டில் இருந்தது. இதையடுத்து, அப்பகுதியில் விபத்து மற்றும் அவசர சிகிச்சைப் பிரிவு மையம் அமைப்பதற்கான முதல்கட்டப் பணிகள் தொடங்கப்பட்டுள்ளன. இதைத் தொடர்ந்து, இன்னும் ஓரிரு வாரங்களில் கட்டுமானப் பணிகள் தொடங்கப்படும் என அரசு மருத்துவமனை வட்டாரங்கள் தெரிவித்தன.

]]>
https://www.dinamani.com/all-editions/edition-dharmapuri/dharmapuri/2019/feb/16/அரூர்-அரசு-மருத்துவமனையில்-ரூ120-கோடியில்-அவசர-சிகிச்சைப்-பிரிவு-மையம்-அமைக்கும்-பணிகள்-தொடக்கம்-3096943.html
3096942 தருமபுரி தருமபுரி மேல்நிலைப்பள்ளித் தலைமை ஆசிரியர்களுக்கு மாவட்டக் கல்வி அலுவலராக பதவி உயர்வு DIN DIN Saturday, February 16, 2019 09:46 AM +0530 தருமபுரி மாவட்டத்தில் மேல்நிலைப் பள்ளித் தலைமை ஆசிரியர்களுக்கு, மாவட்டக் கல்வி அலுவலர்களாக பதவி உயர்வு வழங்கப்பட்டுள்ளது.
தமிழகத்தில் காலியாக இருந்த 50 கல்வி மாவட்டங்களுக்கு, பதவி உயர்வு மூலம் மாவட்டக் கல்வி அலுவலர்களை பள்ளிக் கல்வித் துறை நியமித்து அண்மையில் உத்தரவிட்டது. இதனடிப்படையில், தருமபுரி இலக்கியம்பட்டி அரசு ஆண்கள் மேல்நிலைப் பள்ளி தலைமை ஆசிரியர் பொன்முடி, தருமபுரி கல்வி மாவட்டப் பொறுப்பு அலுவலராக பணியாற்றி வந்தார். இவர், தற்போது ஒசூர் (கல்வி) மாவட்டக் கல்வி அலுவலராக பதவி உயர்வுபெற்று பொறுப்பேற்றுக் கொண்டார். இதேபோல, ஒசூரில் மாவட்டக் கல்வி அலுவலராக பணியாற்றி வந்த சுப்பிரமணியன் பணியிட மாறுதல் மூலம் அரூர் மாவட்டக் கல்வி அலுவலராக பொறுப்பேற்றுக்கொண்டார். மேலும், கிருஷ்ணகிரி முதன்மைக் கல்வி அலுவலரின் நேர்முக உதவியாளர் பாலசுப்பிரமணியன் பதவி உயர்வுபெற்று தருமபுரி மாவட்டக் கல்வி அலுவலராக பொறுப்பேற்றுக்கொண்டார். தருமபுரி மாவட்டம், மாட்லாம்பட்டி அரசு மேல்நிலைப் பள்ளித் தலைமை ஆசிரியர் சண்முகவேல் பதவி உயர்வு பெற்று சங்ககிரி மாவட்டக் கல்வி அலுவலராக பொறுப்பேற்றுக்கொண்டதாக பள்ளிக் கல்வித் துறை சார்பில் தெரிவிக்கப்பட்டது.
 

]]>
https://www.dinamani.com/all-editions/edition-dharmapuri/dharmapuri/2019/feb/16/மேல்நிலைப்பள்ளித்-தலைமை-ஆசிரியர்களுக்கு-மாவட்டக்-கல்வி-அலுவலராக-பதவி-உயர்வு-3096942.html
3096941 தருமபுரி தருமபுரி பிப்ரவரி 16 மின் தடை DIN DIN Saturday, February 16, 2019 09:46 AM +0530 தருமபுரி
தருமபுரி துணை மின் நிலையத்தில் மாதாந்திர பராமரிப்புப் பணிகள் நடைபெற உள்ளதால், சனிக்கிழமை (பிப். 16) காலை 9 மணி முதல் மதியம் 2 மணி வரை மின் விநியோகம் நிறுத்தம் செய்யப்பட உள்ளதாக மின் வாரிய அலுவலகம் தெரிவித்துள்ளது.
மின் நிறுத்தம் செய்யப்படும் பகுதிகள்: ராஜாபேட்டை, சோலைக்கொட்டாய், நூலஅள்ளி, கடகத்தூர், பழைய தருமபுரி, வெள்ளோலை, முக்கல்நாய்க்கன்பட்டி, குப்பூர், மூக்கனூர், குண்டலப்பட்டி, தருமபுரி நகரம் மற்றும் சுற்றுவட்டாரப் பகுதிகள்.

]]>
https://www.dinamani.com/all-editions/edition-dharmapuri/dharmapuri/2019/feb/16/பிப்ரவரி-16-மின்-தடை-3096941.html
3096940 தருமபுரி தருமபுரி தருமபுரியை வறட்சி மாவட்டமாக அறிவிக்கக் கோரி விவசாயிகள் சங்கத்தினர் ஆர்ப்பாட்டம் DIN DIN Saturday, February 16, 2019 09:45 AM +0530 தருமபுரியை வறட்சி மாவட்டமாக அறிவிக்கக் கோரி, தமிழ்நாடு விவசாயிகள் சங்கம் சார்பில், வெள்ளிக்கிழமை மாவட்ட ஆட்சியர் அலுவலகம் அருகே ஆர்ப்பாட்டம் நடைபெற்றது.
விவசாயிகள் சங்க மாவட்டத் தலைவர் கே.என்.மல்லையன் தலைமை வகித்தார். மாவட்டச் செயலர் எம்.ஆறுமுகம் முன்னிலை வகித்தார். மாநில துணைச் செயலர் டி.ரவீந்திரன் கோரிக்கைகளை விளக்கி பேசினார். 
இந்த ஆர்ப்பாட்டத்தில், தருமபுரி மாவட்டத்தை வறட்சி பாதித்த மாவட்டமாக அறிவித்து நிவாரணப் பணிகளை விரைந்து தொடங்க வேண்டும். கருகிப் போன பயிர்களை கணக்கெடுத்து, உரிய இழப்பீடு வழங்க வேண்டும். குடிநீர் தட்டுப்பாட்டை போக்கிட போர்கால நடவடிக்கை எடுக்க வேண்டும். கால்நடைகளுக்கு தீவனங்களை இலவசமாக வழங்க வேண்டும். தேசிய ஊரக வேலை உறுதியளிப்புத் திட்டத்தில், அனைத்து கிராம மக்களுக்கும் பணி வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன. மேலும், இக் கோரிக்கைகளை வலியுறுத்தி மாவட்ட ஆட்சியர் அலுவலகத்தில் விவசாயிகள் சங்கப் பிரதிநிதிகள் மனு அளித்தனர். இதில், மார்க்சிஸ்ட் கம்யூனிஸ்ட் கட்சி செயற்குழு உறுப்பினர்கள் இரா.சிசுபாலன், சோ.அர்ஜுனன், வே.விஸ்வநாதன் உள்ளிட்டோர் கலந்துகொண்டனர்.
கிருஷ்ணகிரியில்...
கிருஷ்ணகிரி புறநகர் பேருந்து நிலையம் அருகே நடைபெற்ற ஆர்ப்பாட்டத்துக்கு, அந்த சங்கத்தின் மாவட்ட துணைச் செயலர் எம்.ஜெய்சங்கர் தலைமை வகித்தார். மாக்சிஸ்ட் கம்யூ. கட்சியின் மாவட்டச் செயலர் எஸ்.ஆர்.ஜெயராமன், மாவட்ட செயற்குழு உறுப்பினர் நஞ்சுண்டன் உள்ளிட்டோர் பங்கேற்றனர்.
கிருஷ்ணகிரி மாவட்டத்தை வறட்சி மாவட்டமாக அறிவிக்க வேண்டும். 2027-2018-ஆம் ஆண்டில் பயிர் காப்பீடு செய்த விவசாயிகள் அனைவருக்கும் இழப்பீடு வழங்க வேண்டும். மூன்று தலைமுறையாக சாகுபடி செய்யும் விவசாயிகளுக்கும், வீடுகட்டி வசிப்போருக்கும் பட்டா வழங்க  வேண்டும். பெரிய ஏரி திட்டத்தை உடனே நிறைவேற்ற வேண்டும் என்பன உள்ளிட்ட கோரிக்கைகளை வலியுறுத்தி ஆர்ப்பாட்டத்தில் பங்கேற்றோர் முழக்கங்களை எழுப்பினர்.
 

]]>
https://www.dinamani.com/all-editions/edition-dharmapuri/dharmapuri/2019/feb/16/தருமபுரியை-வறட்சி-மாவட்டமாக-அறிவிக்கக்-கோரி-விவசாயிகள்-சங்கத்தினர்-ஆர்ப்பாட்டம்-3096940.html
3096939 தருமபுரி தருமபுரி தருமபுரியில் 27 ஆசிரியர்கள் மீண்டும் பணியில் சேர்ந்தனர் DIN DIN Saturday, February 16, 2019 09:45 AM +0530 தருமபுரியில் ஜாக்டோ-ஜியோ போராட்டத்தின் போது பணியிடை நீக்கத்துக்குள்ளான 27 ஆசிரியர்கள் மீண்டும் பணியில் சேர்ந்தனர்.
அரசு ஊழியர்கள், ஆசிரியர்கள் கூட்டமைப்பு சார்பில் பழைய ஓய்வூதியத் திட்டத்தை அமல்படுத்த வேண்டும் உள்ளிட்ட பல்வேறு கோரிக்கைகளை வலியுறுத்தி, கடந்த மாதம் போராட்டம் நடைபெற்றது. இப் போராட்டத்தில் பங்கேற்ற ஆசிரியர்கள் சங்க நிர்வாகிகள் சிலரை, தமிழக அரசு பணியிடை நீக்கம் செய்தது. இதில், தருமபுரி மாவட்டத்தில், தொடக்கக் கல்வி மற்றும் பள்ளிக் கல்வித் துறை ஆசிரியர்கள் 27 பேர் போராட்டத்தையொட்டி பணியிடை நீக்கம் செய்யப்பட்டனர். இந்த நிலையில், ஓரிரு நாள்கள் கழித்து போராட்டம் முடிவுற்று மீண்டும் அனைவரும் பணிக்கு திரும்பினர். இதைத் தொடர்ந்து, போராட்டத்தில் பங்கேற்று பணியிடை நீக்கம் செய்யப்பட்டவர்களின் மீதான நடவடிக்கையை அரசு திரும்பப் பெற்றது. இதையடுத்து, தருமபுரி மாவட்டத்தில், பணியிடை நீக்கம் செய்யப்பட்ட 27 பேரின் மீதான நடவடிக்கையும் ரத்தானது. இதனால், இவர்கள் அனைவரும் வியாழக்கிழமை (பிப். 14) தாங்கள் பணியாற்றி வந்த பள்ளிகளில் மீண்டும் பணியில் சேர்ந்தனர்.

]]>
https://www.dinamani.com/all-editions/edition-dharmapuri/dharmapuri/2019/feb/16/தருமபுரியில்-27-ஆசிரியர்கள்-மீண்டும்-பணியில்-சேர்ந்தனர்-3096939.html
3096181 தருமபுரி தருமபுரி தொழிற்பள்ளி தொடங்க விண்ணப்பிக்கலாம் DIN DIN Friday, February 15, 2019 08:33 AM +0530 தொழிற்பள்ளிகள் தொடங்க இணையம் வழியாக விண்ணப்பிக்கலாம் என தருமபுரி அரசு தொழிற்பயிற்சி நிலைய முதல்வர் கா.ரவி தெரிவித்துள்ளார்.
இதுகுறித்து அவர் வியாழக்கிழமை வெளியிட்ட செய்திக்குறிப்பு: நிகழ் கல்வி ஆண்டுக்கு வரும் ஜூலை 1 முதல் புதிய தொழிற்பள்ளிகள் தொடங்குதல், தொடர் அங்கீகாரம் பெறுதல், இயங்கும் தொழிற்பள்ளிகளில் புதிய தொழிற்பிரிவுகள் மற்றும் தொழிற்பிரிவுகளில் கூடுதல் அலகுகள் தொடங்குதல் ஆகியவற்றுக்கான விண்ணப்பங்களை ஜ்ஜ்ஜ்.ள்ந்ண்ப்ற்ழ்ஹண்ய்ண்ய்ஞ்.ற்ய்.ஞ்ர்ஸ்.ண்ய் என்ற இணையதளம் மூலம் விண்ணப்பிக்கலாம்.
ஒன்றுக்கு மேற்பட்ட விண்ணப்பங்கள் ஒரே தொழிற்பள்ளியால் சமர்ப்பிக்கப்பட்டிருப்பின் அனைத்தும் நிராகரிக்கப்படும். பிப். 1-ஆம் தேதி முதல் 28-ஆம் தேதி வரை ரூ.600, மார்ச் 1-ஆம் தேதி முதல் 30-ஆம் தேதி வரை ரூ.800 என ஒவ்வொரு தொழிற்பிரிவுக்கும் கட்டணமாக செலுத்த வேண்டும். புதிய தொழிற்பள்ளிகள் தொடங்க ஏப். 30-ஆம் தேதிக்குள் விண்ணப்பங்களை சமர்ப்பிக்க வேண்டும். அதன் பிறகு பெறப்படும் விண்ணப்பங்கள் பரிசீலனைக்கு எடுத்துக்கொள்ளப்பட மாட்டாது. மேலும் விவரங்களுக்கு, தருமபுரி அரசு தொழிற்பயிற்சி நிலைய முதல்வர் அலுவலகத்தை அணுகலாம்.
 

]]>
https://www.dinamani.com/all-editions/edition-dharmapuri/dharmapuri/2019/feb/15/தொழிற்பள்ளி-தொடங்க-விண்ணப்பிக்கலாம்-3096181.html
3096180 தருமபுரி தருமபுரி பிளாஸ்டிக் பொருள்கள் விற்ற கடைகளுக்கு அபராதம் விதிப்பு DIN DIN Friday, February 15, 2019 08:33 AM +0530 பாலக்கோட்டில் பிளாஸ்டிக் விற்கும் கடைகளுக்கு அபராதம் விதிக்கப்பட்டது.
பாலக்கோட்டில் தமிழக அரசால் தடைசெய்யப்பட்ட பிளாஸ்டிக் பொருள்கள் விற்பனையில் உள்ளதா என செயல் அலுவலர் ஜெலேந்திரன் தலைமையில் 14 பேர் கொண்ட குழுவினர் வியாழக்கிழமை ஆய்வு மேற்கொண்டனர் .
இதில் தடை செய்யப்பட்ட பிளாஸ்டிக் பொருள்கள் சாலையோரக் கடைகள், மளிகைக் கடைகள், பேக்கரி, காய்கறிக் கடைகளில் புழக்கத்தில் உள்ளனவா என ஆய்வுகள் மேற்க்கொள்ளப்பட்டன. இதில் 6 கிலோ பிளாஸ்டிக் பைகள் பறிமுதல் செய்யப்பட்டு, ரூ.4,500 அபராதம் விதிக்கப்பட்டது.
தடை செய்யப்பட்ட பிளாஸ்டிக்  பொருள்களை விற்பனை செய்பவர்களுக்கும், இருப்பு வைப்பவர்களுக்கும், அதை வாங்குபவர்களுக்கும் ரூ.500 முதல் ரூ.ஒரு லட்சம் வரையிலான அபராதம் விதிக்கப்படும் என பொதுமக்கள் மற்றும் வணிக நிறுவனங்களுக்கு அறிவுறுத்தப்பட்டது.

]]>
https://www.dinamani.com/all-editions/edition-dharmapuri/dharmapuri/2019/feb/15/பிளாஸ்டிக்-பொருள்கள்-விற்ற-கடைகளுக்கு-அபராதம்-விதிப்பு-3096180.html
3096179 தருமபுரி தருமபுரி சுண்டாங்கிப்பட்டியில் குடிநீர் தட்டுப்பாடு DIN DIN Friday, February 15, 2019 08:32 AM +0530 அரூரை அடுத்த சுண்டாங்கிப்பட்டி பெரியார் நினைவு சமத்துவபுரத்தில் குடிநீர் தட்டுப்பாடு காரணமாக பொதுமக்கள் அவதியுறுகின்றனர்.
அரூர் ஊராட்சி ஒன்றியம், செட்ரப்பட்டி ஊராட்சிக்குள்பட்டது பெரியார் நினைவு சமத்துவபுரம். இந்த சமத்துவபுரத்தில் 100 குடியிருப்புகள் உள்ளன. இந்த குடியிருப்புகளில் வசிக்கும் மக்களின் குடிநீர் தேவையை பூர்த்தி செய்யும் நோக்கில், 10 ஆயிரம் லிட்டர் கொள்ளளவு கொண்ட குடிநீர் மேல்நிலை நீர்த்தேக்கத் தொட்டி அமைக்கப்பட்டுள்ளது. இதைத் தவிர சுண்டாங்கிப்பட்டியில் இருந்தும் குடிநீர் குழாய் இணைப்புகள் ஏற்படுத்தப்பட்டுள்ளன. வறட்சியின் காரணமாகவும், மேல்நிலை நீர்த்தேக்கத் தொட்டியின் கொள்ளளவு குறைவாக இருப்பதாலும் சமத்துவபுரத்தில் உள்ள அனைத்து குடியிருப்புகளுக்கும் போதிய அளவில் குடிநீர் கிடைப்பதில்லையாம். எனவே, மாவட்ட நிர்வாகம் சார்பில், சுண்டாங்கிப்பட்டி சமத்துவபுரத்துக்கு கூடுதல் மேல்நிலை நீர்த்தேக்கத் தொட்டி அமைக்க வேண்டும். அனைத்து குடியிருப்புகளுக்கும் தட்டுப்பாடின்றி குடிநீர் வழங்க நடவடிக்கை எடுக்க வேண்டும் என்பதே பொதுமக்களின் எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/feb/15/சுண்டாங்கிப்பட்டியில்-குடிநீர்-தட்டுப்பாடு-3096179.html
3096178 தருமபுரி தருமபுரி ஆசிரியர் கல்வி நிறுவனத்தில் நாட்டு நலப்பணித் திட்ட முகாம் DIN DIN Friday, February 15, 2019 08:32 AM +0530 தருமபுரி அருகே புலிகரையில் உள்ள மாவட்ட ஆசிரியர் கல்வி மற்றும் பயிற்சி நிலையத்தில் நாட்டு நலப்பணித் திட்ட முகாம் தொடக்க விழா வியாழக்கிழமை நடைபெற்றது.
விழாவுக்கு, பயிற்சி நிறுவன முதல்வர் வெ.ஹேமலதா தலைமை வகித்து, முகாமை தொடங்கி வைத்து பேசினார். புலிகரை ஊராட்சி மன்ற முன்னாள் தலைவர் செந்தில் பேசினார். இதையொட்டி, மாணவ, மாணவியரின் சாலைப் பாதுகாப்பு விழிப்புணர்வு பேரணி நடைபெற்றது.
 இதைத் தொடர்ந்து, புலிகரை ஆரம்ப சுகாதார நிலைய வளாகத்தை தூய்மை செய்யும் பணியிடும் நாட்டு நலப்பணித் திட்ட மாணவர்கள் ஈடுபட்டனர். தொடக்க விழாவில், திட்ட அலுவலர் ச.செந்தில்குமார், உதவி திட்ட அலுவலர் ப.சிலம்பரசி மற்றும் பயிற்சி நிறுவன ஆசிரியர்கள் உள்ளிட்டோர் கலந்துகொண்டனர். இந்த முகாம், வரும் பிப். 20-ஆம் தேதி வரை நடைபெற உள்ளது.

]]>
https://www.dinamani.com/all-editions/edition-dharmapuri/dharmapuri/2019/feb/15/ஆசிரியர்-கல்வி-நிறுவனத்தில்-நாட்டு-நலப்பணித்-திட்ட-முகாம்-3096178.html
3096177 தருமபுரி தருமபுரி கிணற்றில் விழுந்து பெண் சாவு DIN DIN Friday, February 15, 2019 08:32 AM +0530 கடத்தூர் அருகே கிணற்றில் விழுந்து இளம்பெண் கல்பனா வியாழக்கிழமை உயிரிழந்தார்.
  பாப்பிரெட்டிப்பட்டி வட்டம், சுங்கரஹள்ளி கிராமத்தைச் சேர்ந்தவர் ராமச்சந்திரன். லாரி ஓட்டுநர்.    இவரது மனைவி கல்பனா (31).  இந்த நிலையில்,  ராமச்சந்திரனுக்கு சொந்தமான விவசாயக் கிணற்றில் மின் மோட்டார் பழுது ஏற்பட்டிருந்ததாம்.
  இதையடுத்து,  கல்பனா உள்ளிட்ட அவரது உறவினர்கள் சிலர் காலை 9 மணியவில் திறந்தவெளி கிணற்றில் இருந்து மின் மோட்டாரை கயிறு வழியாக மேலே இழுக்கும் பணியில் ஈடுபட்டுள்ளனர்.
    மின் மோட்டார் கிணற்றில் இருந்து மேலே வரும் நிலையில்,  திடீரென கயிறு அறுந்து மின் மோட்டார் மீண்டும் கிணற்றுக்குள் சென்றுள்ளது. அப்போது எதிர்பாராத விதமாக கல்பனாவின் காலில் மின் மோட்டாரை இழுத்த கயிறு சுற்றிக் கொண்டதாம்.  இதனால் கல்பனா கிணற்றில் விழுந்துள்ளார். பலத்த காயமடைந்த அவர் சம்பவ இடத்தில் உயிரிழந்தார்.  இது குறித்து கடத்தூர் போலீஸார் வழக்குப் பதிந்துள்ளனர்.

]]>
https://www.dinamani.com/all-editions/edition-dharmapuri/dharmapuri/2019/feb/15/கிணற்றில்-விழுந்து-பெண்-சாவு-3096177.html
3095722 தருமபுரி தருமபுரி சோலைக்கொட்டாயில் சாலையை அகலப்படுத்தக் கோரிக்கை DIN DIN Thursday, February 14, 2019 09:39 AM +0530 அரூரை அடுத்த சோலைக்கொட்டாய் கிராமத்தில் தார் சாலையை அகலப்படுத்த வேண்டும் என பொதுமக்கள் வலியுறுத்தினர்.
அரூர்-மொரப்பூர் நெடுஞ்சாலையில், சோலைக்கொட்டாய் மற்றும் சுண்டாங்கிப்பட்டி பெரியார் நினைவு சமத்துவபுரம் அருகில் உள்ள தார் சாலையானது மிகவும் வளைவாகவும், ஆபத்தான நிலையிலும் உள்ளது.
இந்தச் சாலை வழியாக நாள்தோறும் தருமபுரி, மொரப்பூர், அரூர், கிருஷ்ணகிரி ஆகிய பகுதிகளுக்குச் செல்லும் லாரிகள், பேருந்துகள், கார், இருசக்கர வண்டிகள் உள்ளிட்ட ஏராளமான வாகனங்கள் வந்துச் செல்கின்றன. ஆனால், இங்குள்ள தார் சாலையானது வளைவாகவும், எதிர் எதிரே வரும் வாகனங்கள்கூட தெரியாத நிலையில் உள்ளது. மிகவும் ஆபத்தான நிலையில் உள்ள இந்த இடத்தில் அடிக்கடி வாகன விபத்துகள் நேரிடுகின்றன.
எனவே, சோலைக்கொட்டாயில் வளைவு பகுதியில்  தார் சாலையை அகலப்படுத்தி, போக்குவரத்து வசதிகளை மேம்படுத்த வேண்டும் என்பதே வாகன ஓட்டிகளின் எதிர்பார்ப்பாகும்.

]]>
https://www.dinamani.com/all-editions/edition-dharmapuri/dharmapuri/2019/feb/14/சோலைக்கொட்டாயில்சாலையை-அகலப்படுத்தக்-கோரிக்கை-3095722.html
3095721 தருமபுரி தருமபுரி கடத்தூர் ஊராட்சி ஒன்றிய அலுவலகப் பணிகளை செயல்பாட்டுக்கு கொண்டுவர வலியுறுத்தல் DIN DIN Thursday, February 14, 2019 09:39 AM +0530 புதிதாக அறிவிக்கப்பட்ட கடத்தூர் ஊராட்சி ஒன்றியத்தின் அலுவலகப் பணிகளை செயல்பாட்டுக்குக் கொண்டுவர வேண்டும் என பொதுமக்கள் வலியுறுத்தினர். 
தருமபுரி மாவட்டம்,  மொரப்பூர் ஊராட்சி ஒன்றியத்தில் 43 கிராம ஊராட்சிகள் உள்ளன. இந்த  ஊராட்சியானது எண்ணிக்கை மற்றும் பரப்பளவில் பெரியதாகும்.
இதையடுத்து, நிர்வாக வசதிக்காக  மொரப்பூர் ஊராட்சி ஒன்றியம் இரண்டாக பிரிக்கப்பட்டு, புதிதாக கடத்தூர் ஊராட்சி  ஒன்றியம் உருவாக்கப்பட்டது.
கடத்தூரை தலைமை இடமாக கொண்டு உருவாக்கப்பட்டுள்ள இந்த ஊராட்சி ஒன்றியத்தில்,  பசுவாபுரம், புட்டிரெட்டிப்பட்டி, சிந்தல்பாடி, கோபிசெட்டிப்பாளையம், குருபரஹள்ளி, ஒசஹள்ளி,  கர்த்தானூர்,  கேத்துரெட்டிப்பட்டி, லிங்கநாய்க்கன்ஹள்ளி, புளியம்பட்டி, ராமியனஹள்ளி, ரேகடஹள்ளி,  சில்லாரஹள்ளி, சுங்கரஹள்ளி,  சந்தப்பட்டி, தாளநத்தம், தாதனூர், தென்கரைக்கோட்டை, வகுத்துப்பட்டி,  வெங்கடதாரஹள்ளி, மணியம்பாடி, மோட்டாங்குறிச்சி, மடதஹள்ளி, நல்லகுட்லஹள்ளி, ஒபிலிநாய்க்கன்ஹள்ளி ஆகிய 25 கிராம ஊராட்சிகள் இடம் பெற்றுள்ளன. 
மேலும், கடத்தூர் ஊராட்சி ஒன்றியத்தில் 13 ஒன்றியக் குழு உறுப்பினர்கள் பதவி இடங்கள் உருவாக்கப்பட்டுள்ளன. ஆனால், புதிதாக கடத்தூர் ஊராட்சி ஒன்றியம் உருவாக்கப்படும் என அரசு அறிவித்து மூன்றாண்டுகளுக்கு மேலாகியும், அரசின் உத்தரவு இன்னும் அமலுக்கு வரவில்லை.
இதனால், கடத்தூர் பகுதியிலுள்ள கிராம ஊராட்சிகளைச் சேர்ந்த கிராம மக்கள் குடிநீர், தெருவிளக்கு, சாலை வசதிகள், பசுமை வீடுகள், தொகுப்பு வீடுகள், திருமண உதவித் தொகை உள்ளிட்ட பல்வேறு அரசின் நலத் திட்டங்களை பெறுவதற்காக நீண்ட தொலைவில் உள்ள மொரப்பூர் ஊராட்சி ஒன்றிய அலுவலகம் வந்து செல்லும் நிலையுள்ளது. 
புதிய வேலை வாய்ப்புகள்: கடத்தூரில் புதியதாக ஊராட்சி ஒன்றிய அலுவலகம் அமைந்தால் வட்டார வளர்ச்சி அலுவலர்கள், துணை வட்டார வளர்ச்சி அலுவலர்கள், அலுவலகப் பணியாளர்கள், உதவியாளர்கள், இரவு காவலர்கள், ஓட்டுநர்கள் உள்பட சுமார் 50-க்கும் மேற்பட்ட பணியிடங்கள் உருவாக்கப்படும்.
இதனால், ஊராட்சிகள் மற்றும் ஊரக வளர்ச்சித் துறையில் பணிபுரிவோருக்கு பதவி உயர்வுகளும், புதிய வேலை வாய்ப்புகளும் கிடைக்கும் நிலையுள்ளது. எனவே, புதிதாக தோற்றுவிக்கப்பட்டுள்ள கடத்தூர் ஊராட்சி ஒன்றியத்தின் பணிகளை விரைந்து தொடங்க தருமபுரி மாவட்ட நிர்வாகம் உரிய நடவடிக்கை எடுக்க வேண்டும் என்பதே பொதுமக்களின் எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/feb/14/கடத்தூர்-ஊராட்சி-ஒன்றிய-அலுவலகப்-பணிகளை-செயல்பாட்டுக்கு-கொண்டுவர-வலியுறுத்தல்-3095721.html
3095720 தருமபுரி தருமபுரி ஊராட்சி சேவை மையத்தை பயன்பாட்டுக்குக் கொண்டுவர வலியுறுத்தல் DIN DIN Thursday, February 14, 2019 09:38 AM +0530 அரூரை அடுத்த செட்ரப்பட்டியில் கிராம ஊராட்சி சேவை மையத்தை பயன்பாட்டுக்குக் கொண்டு வர வேண்டும் என பொதுமக்கள் வலியுறுத்தினர்.
அரூர் ஊராட்சி ஒன்றியம், செட்ரப்பட்டி கிராம ஊராட்சியில் மகாத்மா காந்தி தேசிய ஊரக வேலைவாய்ப்பு உறுதித் திட்டத்தில் 2014-15-ஆம் நிதி ஆண்டில் ரூ. 14.40 லட்சம் செலவில் கிராம ஊராட்சி சேவை மைய கட்டடம் கட்டப்பட்டுள்ளது. இந்தக் கட்டடத்தின் கட்டுமானப் பணிகள் நிறைவடைந்து சுமார் 2 வருடங்கள் ஆகியும் இன்னும் பயன்பாட்டுக்கு வரவில்லை. கிராமப் பகுதியில் உள்ள விவசாயிகள் பட்டா, சிட்டா நகல் எடுத்தல், ஜாதி, வருமானம், இருப்பிடச் சான்றிதழ்கள் பெறுதல், இணைய தள சேவையை பெறும் நோக்கில் இந்த மையம் கட்டப்பட்டுள்ளது. ஆனால், கிராம ஊராட்சி சேவை மையக் கட்டடம் பயன்பாடின்றி பூட்டியே உள்ளது. எனவே, செட்ரப்பட்டியில் ஊராட்சி சேவை மையக் கட்டடத்தைப் பயன்பாட்டுக்குக் கொண்டு வர மாவட்ட நிர்வாகம் நடவடிக்கை எடுக்க வேண்டும் என்பதே கிராம மக்களின் எதிர்பார்ப்பாகும்.

]]>
https://www.dinamani.com/all-editions/edition-dharmapuri/dharmapuri/2019/feb/14/ஊராட்சி-சேவை-மையத்தைபயன்பாட்டுக்குக்-கொண்டுவர-வலியுறுத்தல்-3095720.html
3095719 தருமபுரி தருமபுரி மது வழக்குகளில் பறிமுதல் செய்யப்பட்ட 49 இருசக்கர வாகனங்கள் பிப்ரவரி 20-இல் ஏலம் DIN DIN Thursday, February 14, 2019 09:38 AM +0530 தருமபுரி மாவட்டத்தில், மதுவிலக்கு வழக்குகளில் பறிமுதல் செய்யப்பட்ட 49 இருசக்கர வாகனங்கள் வருகிற பிப்ரவரி 20-ஆம் தேதி ஏலம் விடப்பட உள்ளன.
இதுகுறித்து, தருமபுரி மதுவிலக்கு அமலாக்கப் பிரிவு அலுவலகம் சார்பில் புதன்கிழமை வெளியிடப்பட்ட செய்திக் குறிப்பு:
தருமபுரி மாவட்டத்தில், மதுவிலக்கு வழக்குகளில் பறிமுதல் செய்யப்பட்ட 49 இருசக்கர வாகனங்கள் வருகிற பிப்ரவரி 20-ஆம் தேதி காலை 10 மணிக்கு மாவட்டக் காவல் அலுவலக வளாகத்தில் பொது ஏலம் விடப்பட உள்ளது. இந்த வாகனங்களை அன்றைய தினம் காலை 8 மணிக்கு ஏலம் எடுக்க விரும்புவோர் நேரில் பார்வையிடலாம். மேலும், இருசக்கர வாகனங்களை ஏலம் எடுப்போர் ஏலத்தொகையுடன் 12 சதவீத விற்பனை வரி, 5 சதவீத சேவை வரி செலுத்தி வாகனங்களைப் பெற்றுக் கொள்ள வேண்டும். விவரங்களுக்கு: 04342-262581.

]]>
https://www.dinamani.com/all-editions/edition-dharmapuri/dharmapuri/2019/feb/14/மது-வழக்குகளில்-பறிமுதல்-செய்யப்பட்ட49-இருசக்கர-வாகனங்கள்-பிப்ரவரி-20-இல்-ஏலம்-3095719.html
3095718 தருமபுரி தருமபுரி விவசாயி மீது தாக்குதல்: 4 பேர் கைது DIN DIN Thursday, February 14, 2019 09:38 AM +0530 பொம்மிடி அருகே விவசாயி மீது தாக்குதல் நடத்தியதாக 4 பேரை போலீஸார் புதன்கிழமை கைது செய்தனர்.
பாப்பிரெட்டிப்பட்டி வட்டம், பொம்மிடி அருகே கும்பாரஹள்ளி கிராமத்தைச் சேர்ந்த விவசாயி சின்னசாமி மகன் செந்தில் (49).  இவருக்கும் அதே ஊரைச் சேர்ந்த சேகர் குடும்பத்தினருக்கும் இடையே நிலத் தகராறு தொடர்பாக முன்விரோதம் இருந்ததாம். புதன்கிழமை காலை 8 மணியளவில், செந்தில் மற்றும் சேகர் குடும்பத்தினர் இடையே தகராறு ஏற்பட்டதாகக் கூறப்படுகிறது. அப்போது, சேகர் குடும்பத்தினர் சிலர் செந்தில் மீது தாக்குதல் நடத்தியும், கொலை மிரட்டல் விடுத்ததாகக் கூறப்படுகிறது. இதுகுறித்து செந்தில் அளித்த புகாரின் பேரில், கும்பாரஹள்ளியைச் சேர்ந்த மகாலிங்கம் மகன்கள் சேட்டு (40), பூபதி (32), சேட்டு மகன் சந்துரு (22), சேகர் மகன் மாயக்கண்ணன் (36) ஆகிய நான்கு பேரை பொம்மிடி போலீஸார் கைது செய்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/14/விவசாயி-மீது-தாக்குதல்4-பேர்-கைது-3095718.html
3095717 தருமபுரி தருமபுரி முருகர் கோயில் தெருவில் ஒகேனக்கல் குடிநீர் வழங்க வலியுறுத்தல் DIN DIN Thursday, February 14, 2019 09:37 AM +0530 அரூரில் முருகர் கோயில் தெருவில் ஒகேனக்கல் கூட்டுக் குடிநீர் திட்டத்தில் இருந்து குடிநீர் வழங்க வேண்டும் என பொதுமக்கள் வலியுறுத்தினர்.
அரூர் ஊராட்சி ஒன்றியம், மோப்பிரிப்பட்டி கிராம ஊராட்சிக்கு உள்பட்டது முருகர் கோயில் தெரு. இந்தத் தெருவில் 1000 - க்கும் மேற்பட்ட வீடுகள் உள்ளன. இந்த குடியிருப்புப் பகுதிக்கு ஊராட்சி நிர்வாகம் சார்பில் ஆழ்துளைக் கிணறு, மின் மோட்டார் அமைத்து குடிநீர் விநியோகம் செய்யப்படுகிறது.  இந்த குடி நீரானது உப்பு தன்மையுடையதாக இருப்பதாக பொது மக்கள் கூறுகின்றனர். இதனால், இப் பகுதியிலுள்ள மக்கள் குடிநீரை விலைக்கு வாங்கிப் பயன்படுத்தி வருகின்றனர். இந்த நிலையில், செக்காம்பட்டியில் இருந்து முருகர் கோயில் தெருவுக்கு ஒகேனக்கல் கூட்டுக் குடிநீர்த் திட்டத்தில் குழாய் இணைப்புகள் ஏற்படுத்தப்பட்டுள்ளன. இந்த குழாய் இணைப்புகள் அண்மையில் சாலை அமைக்கும் பணியின் போது சேதம் அடைந்தாக தெரிகிறது. எனவே, சேதமடைந்துள்ள குடிநீர் குழாய் இணைப்புகளை சீரமைப்பு செய்து, முருகர் கோயில் தெருவுக்கு  ஒகேனக்கல் கூட்டுக் குடிநீர் திட்டத்தில் இருந்து பாதுகாக்கப்பட்ட குடிநீர் வழங்க மோப்பிரிப்பட்டி ஊராட்சி நிர்வாகம் உரிய நடவடிக்கை எடுக்க வேண்டும் என்பதே பொதுமக்களின்
எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/feb/14/முருகர்-கோயில்-தெருவில்-ஒகேனக்கல்-குடிநீர்-வழங்க-வலியுறுத்தல்-3095717.html
3095715 தருமபுரி தருமபுரி அரசு தொழிற்பயிற்சி நிலையத்தில் ஒப்பந்த பயிற்றுநர் பணிக்கு விண்ணப்பிக்கலாம் DIN DIN Thursday, February 14, 2019 09:37 AM +0530 தருமபுரி கடகத்தூர் அரசு தொழிற்பயிற்சி நிலையத்தில் காலியாக உள்ள கம்பியாள் தொழிற் பிரிவுக்கு ஒப்பந்த பயிற்றுநர் பணியிடத்துக்கு தாழ்த்தப்பட்ட (அருந்ததி) வகுப்பைச் சேர்ந்தவர்களிடமிருந்து விண்ணப்பங்கள் வரவேற்கப்படுகின்றன.
இதுகுறித்து, அரசு தொழிற்பயிற்சி நிலைய முதல்வர் கா.ரவி புதன்கிழமை வெளியிட்ட செய்திக் குறிப்பு:
தருமபுரி கடகத்தூர் அரசு தொழிற்பயிற்சி நிலையத்தில் மாதம் ரூ. 10 ஆயிரம் ஊதியத்தில் கம்பியாள் ஒப்பந்த பயிற்றுநர் பணியிடத்துக்குத் தாழ்த்தப்பட்ட (அருந்ததி) வகுப்பைச் சேர்ந்த முன்னுரிமை அற்றவர்கள், முறையான பள்ளிப்படிப்பில் 10-ஆம் வகுப்புத் தேர்ச்சி மற்றும் இரண்டாண்டு கம்பியாள் தொழிற் பிரிவில், கம்பியாள் பிரிவில் தேசிய தொழிற் சான்றிதழ் கல்வி தகுதிக்கு 3 வருட முன் அனுபவமும், தேசிய தொழிற் பழகுநர் கல்வி தகுதிக்கு 2 ஆண்டு முன் அனுபவமும் பெற்றிருக்க வேண்டும்.
2019 ஜனவரி 1ஆம் தேதி அன்று 18 வயது நிறைவடைந்திருக்க வேண்டும். அதிக பட்சம் 35 வயது நிறைவடையாமல் இருக்க வேண்டும். தகுதியான நபர்கள் சுய விவரம் அடங்கிய புகைப்படத்துடன் கூடிய விண்ணப்பங்கள் கல்வித்தகுதி, வயது, ஜாதி மற்றும் உரிய சான்றிதழ் நகல்களுடன் சுய முகவரியிட்ட அஞ்சல் வில்லை ஒட்டப்பட்ட உறையுடன் வருகிற பிப்ரவரி 27 அன்று மாலை 5 மணிக்குள் முதல்வர், அரசு தொழிற் பயிற்சி நிலையம், கடகத்தூர், செல்லியம்பட்டி அஞ்சல், தருமபுரி- 636809 என்ற முகவரிக்கு அனுப்பி வைக்க வேண்டும். 
விண்ணப்பங்கள் தேர்வு குழுவினரால் பரிசீலனை செய்யப்பட்டு தகுதியுடைய நபர்களுக்கு மட்டும் நேர்முகத் தேர்வுக்கான அழைப்புக் கடிதம் அனுப்பப்படும்
என்றார்.

]]>
https://www.dinamani.com/all-editions/edition-dharmapuri/dharmapuri/2019/feb/14/அரசு-தொழிற்பயிற்சி-நிலையத்தில்ஒப்பந்த-பயிற்றுநர்-பணிக்கு-விண்ணப்பிக்கலாம்-3095715.html
3095714 தருமபுரி தருமபுரி கல்வி மாவட்ட தடகளப் போட்டி DIN DIN Thursday, February 14, 2019 09:37 AM +0530 தருமபுரி மாவட்ட விளையாட்டு மைதானத்தில் பள்ளி மாணவ, மாணவியருக்கு கல்வி மாவட்ட அளவிலான உலகத் திறனாய்வு தடகளப் போட்டிகள் புதன்கிழமை நடைபெற்றன.
மாவட்ட விளையாட்டு மற்றும் இளைஞர் நலன் அலுவலர் ராஜேந்திரன் இப் போட்டிகளைத் தொடக்கி வைத்தார். இதில், நீளம் தாண்டுதல், உயரம் தாண்டுதல், குண்டு எறிதல், வட்டு எறிதல், 100, 200 மற்றும் 400 மீட்டர் ஓட்டம் உள்ளிட்ட பல்வேறு தடகளப் போட்டிகள் நடைபெற்றன.
இப் போட்டிகளில் தருமபுரி மாவட்ட அரசுப் பள்ளிகளில் பயிலும் 6, 7 மற்றும் 8-ஆம் வகுப்பு மாணவ, மாணவியர் நூற்றுக்கணக்கானோர் பங்கேற்று விளையாடினர்.
இப் போட்டிகளில் பிரிவு வாரியாக இந்தப் போட்டிகளில் முதலிரண்டு இடங்களைப் பெறும் மாணவ, மாணவியர் இந்த மாதம் 17, 18 ஆம் தேதிகளில் நாமக்கல்லில் நடைபெற உள்ள மண்டல அளவிலானப் போட்டியில் பங்கேற்று விளையாட தகுதி பெறுவர்.
அதேபோல மூன்றாவது முதல் 10-ஆவது இடம் வரையிலான பெறும் மாணவ, மாணவியர் மாவட்ட விளையாட்டு மையம் சார்பில் நடத்தப்படும் கோடைக் காலப் பயிற்சிக்குத் தேர்வு செய்யப்பட உள்ளனர்.

]]>
https://www.dinamani.com/all-editions/edition-dharmapuri/dharmapuri/2019/feb/14/கல்வி-மாவட்ட-தடகளப்-போட்டி-3095714.html
3095713 தருமபுரி தருமபுரி தருமபுரியில் நாளை தனியார் துறை வேலைவாய்ப்பு முகாம் DIN DIN Thursday, February 14, 2019 09:36 AM +0530 தருமபுரியில் தனியார் துறை வேலைவாய்ப்பு முகாம் வெள்ளிக்கிழமை (பிப்.15) நடைபெற உள்ளது.
இதுகுறித்து, தருமபுரி மாவட்ட ஆட்சியர் சு. மலர்விழி புதன்
கிழமை வெளியிட்ட செய்திக் குறிப்பு:
தருமபுரி மாவட்ட வேலைவாய்ப்பு அலுவலகத்தில் தனியார் துறை வேலைவாய்ப்பு முகாம் வருகிற பிப்ரவரி 15-ஆம் தேதி நடைபெறவுள்ளது.
முகாமில், தனியார் துறை நிறுவனங்கள் தங்களுக்குத் தேவையான நபர்களைத் தேர்வு செய்து கொள்ளலாம். இது ஒரு இலவசப் பணியே ஆகும். முகாமில் வேலைவாய்ப்பு பெறுவோரது பதிவு ரத்து செய்யப்பட மாட்டாது. அரசுத் துறைகளில் அவர்களது பதிவு மூப்பின்படி நேர்முகத் தேர்வுக்கு அனுப்பப்படும்.
முகாமில், பள்ளிப் படிப்பு, பட்டயம், பட்டப் படிப்பு, தொழிற்கல்வி முடித்து ஆண், பெண் தேர்வு செய்யப்பட உள்ளனர்.
எனவே, தருமபுரி மாவட்டத்தைச் சேர்ந்தவர்கள் முகாமில் பங்கேற்று பயனடையுமாறு கேட்டுக் கொள்ளப்படுகிறது என்றார்.
 

]]>
https://www.dinamani.com/all-editions/edition-dharmapuri/dharmapuri/2019/feb/14/தருமபுரியில்-நாளைதனியார்-துறை-வேலைவாய்ப்பு-முகாம்-3095713.html
3095712 தருமபுரி தருமபுரி கொய்மலர்கள் சாகுபடி பயிற்சி DIN DIN Thursday, February 14, 2019 09:36 AM +0530 தருமபுரி மாவட்டம், பாப்பிரெட்டிப்பட்டி அருகே பையர்நத்தம் கிராமத்தில் புதன்கிழமை விவசாயிகளுக்கு கொய் மலர்கள், காய்கறிகள் சாகுபடி பயிற்சி முகாம் நடைபெற்றது.
பாப்பிரெட்டிப்பட்டி வட்டார வேளாண்மை உதவி இயக்குநர் மோகன் தலைமை வகித்தார். வேளாண் இணை இயக்குநர் இளங்கோவன் பயிற்சியைத் தொடக்கி வைத்துப் பேசினார்.
வேளாண் அலுவலர் அருணன், பசுமைக் குடிலில் மலர்கள் மற்றும் காய்கறிகள் சாகுபடி செய்யும் வழிமுறைகள் குறித்து எடுத்துரைத்தார். முன்னோடி விவசாயி சாமிக்கண்ணு சொட்டுநீர் பாசனத்தின் மூலம் காய்கறிகள் சாகுபடி செய்யும் துல்லியப் பண்ணைய தொழில்நுட்ப முறைகள் குறித்து விளக்கமளித்தார். அட்மா திட்ட அலுவலர்கள் ப.ரவி, சண்முகம் விவசாயிகள் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/14/கொய்மலர்கள்-சாகுபடி-பயிற்சி-3095712.html
3095067 தருமபுரி தருமபுரி வெண்ணாம்பட்டி அருகே சீரான குடிநீர் கோரி மறியல் DIN DIN Wednesday, February 13, 2019 10:26 AM +0530 தருமபுரி வெண்ணாம்பட்டி அருகே சீரான குடிநீர் விநியோகம் கோரி, அப்பகுதி பொதுமக்கள் காலி குடங்களுடன் செவ்வாய்க்கிழமை சாலை மறியலில் ஈடுபட்டனர்.
வெண்ணாம்பட்டி அருகேயுள்ள வி.ஜெட்டிஅள்ளி பகுதியில் நூற்றுக்கணக்கான குடியிருப்புகள் உள்ளன. இப்பகுதியில் கடந்த சில நாள்களாக முறையாக குடிநீர் விநியோகிக்கப்படவில்லை என கூறப்படுகிறது. இது குறித்து ஊராட்சி நிர்வாகத்திடம் முறையிட்டும் நடவடிக்கை எடுக்கப்படவில்லையாம். இதனால் அதிருப்தி அடைந்த அப்பகுதி பெண்கள் மற்றும் பொதுமக்கள் காலி குடங்களுடன் வெண்ணாம்பட்டி - தருமபுரி சாலையில் அமர்ந்து மறியலில் ஈடுபட்டனர்.
இது குறித்து,  தகவல் அறிந்த, தருமபுரி நகர போலீஸார் மற்றும் அதிகாரிகள் அங்கு சென்று போராட்டத்தில் ஈடுபட்டவர்களிடம் சமாதானப் பேச்சுவார்த்தையில் ஈடுபட்டனர். இதில், சீரான குடிநீர் விநியோகிக்க உரிய நடவடிக்கை எடுக்கப்படும் என அதிகாரிகள் உறுதியளித்தனர். இதனைத் தொடர்ந்து, சமாதானம் அடைந்த அவர்கள் தங்களது போராட்டத்தைக் கைவிட்டு கலைந்து சென்றனர். இந்தப் போராட்டத்தால் தருமபுரி-வெண்ணாம்பட்டி சாலையில் சுமார் ஒரு மணி நேரம் போக்குவரத்து பாதிக்கப்பட்டது.
 

]]>
https://www.dinamani.com/all-editions/edition-dharmapuri/dharmapuri/2019/feb/13/வெண்ணாம்பட்டி-அருகே-சீரான-குடிநீர்-கோரிமறியல்-3095067.html
3095066 தருமபுரி தருமபுரி கட்டணம் செலுத்தாத 58 குடிநீர் இணைப்புகள் துண்டிப்பு DIN DIN Wednesday, February 13, 2019 10:26 AM +0530 தருமபுரி நகராட்சியில் கட்டணம் செலுத்தாத  58 குடிநீர் இணைப்புகள் துண்டிக்கப்பட்டன.
தருமபுரி நகராட்சி  ஆணையர் ரா.மகேஸ்வரி மற்றும் அலுவலர்கள் 17 - ஆவது வார்டுக்குள்பட்ட பகுதியில் குடிநீர் உள்ளிட்ட நிலுவை வரிகளை வசூலிக்கும் பணியில் செவ்வாய்க்கிழமை ஈடுபட்டனர். அப்போது, அப்பகுதியில் குடிநீர் கட்டணம் செலுத்தாமல் நிலுவையில் வைத்திருந்த இணைப்புகளை துண்டித்தனர். மேலும், நகராட்சியில் உள்ள 15 வார்டுகளில் கட்டணம் செலுத்தாத 58 குடிநீர் இணைப்புகள் இதுவரை துண்டிக்கப்பட்டுள்ளன. 
எனவே, தருமபுரி நகராட்சியில் மொத்தமுள்ள 33 வார்டுகளிலும் நகராட்சிக்குச் செலுத்த வேண்டிய கடை வாடகை, புதைச் சாக்கடை கட்டணம், குடிநீர் கட்டணம் உள்ளிட்ட நிலுவையிலுள்ள அனைத்து கட்டணங்களையும் நகராட்சிக்கு உரிய காலத்தில் செலுத்த வேண்டும். தொடர்ந்து கட்டணங்களை செலுத்தாதவர்களின் குடிநீர் இணைப்புகள் துண்டிக்கப்படும் என ஆணையர் தெரிவித்தார். 
இதைத் தொடர்ந்து, தருமபுரி நகராட்சியில் மேற்கொள்ளப்படும் துப்புரவுப் பணிகள், அதற்கு பயன்படுத்தும் வண்டிகள் ஆகியவற்றை அவர் நேரில் பார்வையிட்டார்.

]]>
https://www.dinamani.com/all-editions/edition-dharmapuri/dharmapuri/2019/feb/13/கட்டணம்-செலுத்தாத-58-குடிநீர்-இணைப்புகள்-துண்டிப்பு-3095066.html
3095065 தருமபுரி தருமபுரி பிப்.16, 17 - இல் செயல் அலுவலர் பதவிகளுக்கான போட்டித் தேர்வு: தருமபுரியில் 6159 பேர் எழுதுகின்றனர் DIN DIN Wednesday, February 13, 2019 10:26 AM +0530 தமிழ்நாடு அரசுப் பணியாளர் தேர்வாணையத்தால் வருகிற பிப்.16, 17 - ஆகிய இரண்டு நாள்கள் நடத்தப்படும் செயல் அலுவலர் (நிலை 3 மற்றும் 4) பதவிகளுக்கான போட்டித் தேர்வை தருமபுரி மாவட்டத்தில் 6159 பேர் எழுதுகின்றனர்.
இது குறித்து, தருமபுரி மாவட்ட ஆட்சியர் சு.மலர்விழி செவ்வாய்க்கிழமை வெளியிட்ட செய்திக்குறிப்பு:  தமிழ்நாடு அரசுப் பணியாளர் தேர்வாணையத்தால் நடத்தப்படும் இந்து அறநிலையத்துறை செயல் அலுவலர் நிலை 3 மற்றும் 4 பதவிகளுக்கான போட்டித் தேர்வு பிப்.16 மற்றும் 17 ஆகிய தேதிகளில் முற்பகல் மற்றும் பிற்பகல் ஆகிய இருவேளைகளில் நடைபெறவுள்ளது. இத் தேர்வுக்கான அனைத்து ஏற்பாடுகளும் முழு அளவில் செய்யப்பட்டுள்ளன. தருமபுரி மையத்தில் மொத்தம் 6159 பேர்  இந்தத் தேர்வை எழுத உள்ளனர். தேர்வு எழுதுவோர் தேர்வு மையத்தில் செல்லிடப்பேசி, கணக்கிடும் கருவி மற்றும் மின்னணு கைக்கடிகாரம் போன்ற தகவல் பரிமாற்ற உபகரணங்களை பயன்படுத்த அனுமதி இல்லை. எனவே, அவற்றை தேர்வு மையங்களுக்கு கொண்டு வருவதைத் தவிர்க்க வேண்டும். தேர்வு மையங்களில் முறைகேடுகள் நடைபெறுவதைத் தடுக்க கண்காணிப்பு கேமராக்கள் பொருத்த நடவடிக்கை மேற்கொள்ளப்பட்டுள்ளது. எனவே, தேர்வர்கள் எந்தவிதமான முறைகேடான நடவடிக்கைகளிலும் ஈடுபடக்கூடாது. மேலும் தேர்வு மையங்கள் வழியாகச் செல்லும் பேருந்துகள் அனைத்தும் தேர்வு மையங்களிலும் நிறுத்தம் செய்யவும் ஏற்பாடு செய்யப்பட்டுள்ளது என்றார்.
 

]]>
https://www.dinamani.com/all-editions/edition-dharmapuri/dharmapuri/2019/feb/13/பிப்16-17---இல்-செயல்-அலுவலர்-பதவிகளுக்கான-போட்டித்-தேர்வு-தருமபுரியில்-6159-பேர்-எழுதுகின்றனர்-3095065.html
3095064 தருமபுரி தருமபுரி விவசாயத் தொழிலாளர் குடும்பத்துக்கு ரூ.25 ஆயிரம் நிவாரணம் வழங்க வலியுறுத்தல் DIN DIN Wednesday, February 13, 2019 10:25 AM +0530 விவசாயத் தொழிலாளர் குடும்பங்களுக்கு ரூ.25 ஆயிரம் நிவாரணமாக வழங்க வேண்டும் என தமிழ் மாநில விவசாயத் தொழிலாளர் சங்கம் வலியுறுத்தியுள்ளது.
இது குறித்து, அச்சங்கத்தின் தருமபுரி மாவட்டச் செயலர் ஜெ.பிரதாபன் செவ்வாய்க்கிழமை வெளியிட்ட அறிக்கை:  தருமபுரி மாவட்டத்தை, வறட்சி மாவட்டமாக அறிவிக்க வேண்டும். வறட்சியால் பாதிக்கப்பட்ட விவசாயத் தொழிலாளர் குடும்பங்களுக்கு தலா ரூ.25 ஆயிரம் வழங்க வேண்டும் என வலியுறுத்தி, தமிழ் மாநில விவசாயத் தொழிலாளர் சங்கம் கடந்த ஆண்டு செப்டம்பர் மாதம் தொடங்கி, தற்போது வரை பல்வேறு தர்னா, ஆர்ப்பாட்டங்கள், கோரிக்கை மனுக்கள் அளிப்பது உள்ளிட்ட போராட்டங்களை நடத்தி வருகிறது. 
இந்த நிலையில், தமிழக அரசு விவசாயத் தொழிலாளர்களுக்கு வறட்சி நிவாரணமாக ரூ.2,000 வழங்கப்படும் என அறிவித்துள்ளது. இந்த நிதி போதுமானது அல்ல. எனவே, விவசாயத் தொழிலாளர்களுக்கு குடும்பங்களுக்கு வறட்சி நிவாரணமாக ரூ.25 ஆயிரத்தை வழங்க வேண்டும். அதேபோல, தருமபுரி மாவட்டத்தை வறட்சி மாவட்டமாக அறிவிக்க தமிழக அரசு நடவடிக்கை எடுக்க வேண்டும் என்றார்.

]]>
https://www.dinamani.com/all-editions/edition-dharmapuri/dharmapuri/2019/feb/13/விவசாயத்-தொழிலாளர்-குடும்பத்துக்குரூ25-ஆயிரம்-நிவாரணம்-வழங்க-வலியுறுத்தல்-3095064.html
3095063 தருமபுரி தருமபுரி பாலக்கோடு பகுதியில் மீண்டும் நெகிழி பைகள் பயன்பாடு DIN DIN Wednesday, February 13, 2019 10:25 AM +0530 பாலக்கோடு பேரூராட்சிப் பகுதியில் மீண்டும் நெகிழி பைகள் புழக்கத்தில் வந்துள்ளன.
கடந்த ஜனவரி 1-ஆம் தேதி முதல் நெகிழிப் பொருள்களை விற்பனை செய்யவும்,  பொதுமக்கள்  பயன்படுத்தவும் தடை விதித்து அரசு உத்தரவிட்டுள்ளது. இதுகுறித்து பேரூராட்சி நிர்வாகம் விழிப்புணர்வுப் பேரணி மற்றும் பிரசாரங்களை மேற்கொண்டது. ஒரு மாதம் கடந்த நிலையில் தற்போது வழக்கம் போல வர்த்தக நிறுவனங்கள் மற்றும் உணவகங்கள் உள்ளிட்ட  அனைத்துப் பகுதிகளிலும் தங்கு தடையின்றி நெகிழிப் பைகள்  பயன்படுத்தப்படுகின்றன. 
பேரூராட்சி அதிகாரிகள் இதுகுறித்து கண்காணித்து நெகிழிப் பைகளை பயன்படுத்துவோர் மீது நடவடிக்கை எடுக்க வேண்டும் என்று பொதுமக்கள் மற்றும் சமூக ஆர்வலர்கள் வலியுறுத்துகின்றனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/13/பாலக்கோடு-பகுதியில்மீண்டும்-நெகிழி-பைகள்-பயன்பாடு-3095063.html
3095062 தருமபுரி தருமபுரி போலியாக வட்டாட்சியர் அலுவலக முத்திரை தயாரிப்பு: ஒருவர் கைது DIN DIN Wednesday, February 13, 2019 10:25 AM +0530 தருமபுரி மாவட்டம், அரூரில் போலியாக வட்டாட்சியர் அலுவலக முத்திரைகளை தயாரித்ததாக ஒருவரை போலீஸார் கைது செய்தனர்.
அரூர் வர்ணதீர்த்தம் பகுதியில் உள்ள முத்திரைகள் தயாரிக்கும் கடையில், அப்பகுதியைச் சேர்ந்த ஒருவர், அரூர் வட்டாட்சியர் அலுவலக முத்திரைகளை தயாரிக்க ஆர்டர் அளித்துள்ளார். இது குறித்து, சந்தேகமடைந்த வருவாய்த் துறையினர் மேற்கொண்ட விசாரணையில், இதுபோல போலியாக செய்த அலுவலக முத்திரைகள் மூலம் முறைகேடாகச் சான்றுகள் தயாரித்து வந்தது தெரியவந்தது. 
இது குறித்து, அரூர் கிராம நிர்வாக அலுவலர் சசிகுமார் காவல் நிலையத்தில் புகார் அளித்தார். இதன் பேரில், போலீஸார் வழக்குப் பதிவு செய்து, போலியாக வட்டாட்சியர் அலுவலக முத்திரைகள் தயாரித்து முறைகேட்டில் ஈடுபட்டதாக டி.ஆண்டியூரைச் சேர்ந்த மாது (35) என்பவரை கைது செய்தனர். மேலும், அவரிடமிருந்து 2 போலி முத்திரைகள் பறிமுதல் செய்யப்பட்டன.
 

]]>
https://www.dinamani.com/all-editions/edition-dharmapuri/dharmapuri/2019/feb/13/போலியாக-வட்டாட்சியர்-அலுவலக-முத்திரை-தயாரிப்பு-ஒருவர்-கைது-3095062.html
3095061 தருமபுரி தருமபுரி சிகிச்சைக்கு சேர்க்கப்பட்ட பெண் உயிரிழப்பு: சடலத்துடன் உறவினர்கள் போராட்டம் DIN DIN Wednesday, February 13, 2019 10:24 AM +0530 தருமபுரி அரசு மருத்துவக் கல்லூரி மருத்துவமனையில் சிகிச்சைக்கு சேர்க்கப்பட்ட பெண் உயிரிழந்தார். இதையடுத்து அவரது உறவினர்கள் சடலத்துடன் மருத்துவமனை முன் போராட்டத்தில் ஈடுபட்டனர்.
தருமபுரி மாவட்டம்,  கடத்தூர் அருகே முத்தானூர் கிராமத்தைச் சேர்ந்தவர் லாரி ஓட்டுநர் மணி. இவரது மனைவி ரேகா (27). கடந்த 5 ஆண்டுகளுக்கு முன்பு திருமணம் ஆன இத்தம்பதிக்கு இரண்டு வயதில் ஆண் குழந்தை உள்ளது.
இந்த நிலையில், மீண்டும் கர்ப்பம் தரித்த, ரேகா பிரசவத்துக்காக, கடத்தூரில் உள்ள தனியார் மருத்துவமனையில் திங்கள்கிழமை சேர்க்கப்பட்டார். அங்கு அறுவை சிகிச்சை மூலம் அவருக்கு பெண் குழந்தை பிறந்துள்ளது. இதைத் தொடர்ந்து, சிறிது நேரத்தில் ரேகாவுக்கு அதிக உதிரப் போக்கு ஏற்பட்டதாகக் கூறி, அவரை தீவிர சிகிச்சைக்கு வேறு மருத்துவமனைக்கு கொண்டுசெல்லும்படி அறிவுறுத்தப்பட்டதன் பேரில், செவ்வாய்க்கிழமை அதிகாலை தருமபுரி அரசு மருத்துவக் கல்லூரி மருத்துவமனையில் தீவிர சிகிச்சைக்கு சேர்த்தனர். இருப்பினும்,  அங்கு சிகிச்சை பலனின்றி ரேகா உயிரிழந்தார்.
இது குறித்து, தகவல் அறிந்த அவரது குடும்பத்தினர் மற்றும் உறவினர்கள் ரேகாவின் சடலத்துடன் மருத்துவமனை முன் போராட்டத்தில் ஈடுபட்டனர். மேலும், உயிரிழந்த ரேகாவுக்கு அளிக்கப்பட்ட சிகிச்சையில் தங்களுக்கு சந்தேகம் இருப்பதாகவும், அது தொடர்பாக உரிய விசாரணை மேற்கொண்டு நடவடிக்கை எடுக்க வேண்டும் எனவும் அவர்கள் வலியுறுத்தினர். மேலும், அவர்கள் மருத்துவமனை எதிரே உள்ள சாலையில் அமர்ந்து மறியல் போராட்டத்தில் ஈடுபடவும் முயற்சித்தனர். இது தொடர்பாக, காவல் துணைக் கண்காணிப்பாளர் த.காந்தி, மருத்துவமனைக் கண்காணிப்பாளர் இளங்கோவன் உள்ளிட்டோர் அவர்களிடம் சமாதானப் பேச்சுவார்த்தை நடத்தினர். இதில், ரேகா உயிரிழந்தது தொடர்பான புகார் குறித்து உரிய நடவடிக்கை எடுக்கப்படும் என அவர்கள் உறுதியளித்தனர். இதனையடுத்து சமாதான அடைந்த அவர்கள் தங்களது போராட்டத்தைக் கைவிட்டு உடற்கூராய்வுக்கு பிறகு, ரேகாவின் உடலைப் பெற்றுச் சென்றனர்.

]]>
https://www.dinamani.com/all-editions/edition-dharmapuri/dharmapuri/2019/feb/13/சிகிச்சைக்கு-சேர்க்கப்பட்ட-பெண்-உயிரிழப்புசடலத்துடன்-உறவினர்கள்-போராட்டம்-3095061.html
3095060 தருமபுரி தருமபுரி தேசிய மாணவர் படையினர் விழிப்புணர்வுப் பேரணி DIN DIN Wednesday, February 13, 2019 10:24 AM +0530 தருமபுரியில் பள்ளி மற்றும் கல்லூரி தேசிய மாணவர் படை சார்பில் சாலைப் பாதுகாப்பு விழிப்புணர்வுப் பேரணி செவ்வாய்க்கிழமை நடைபெற்றது.
அரசு மருத்துவக் கல்லூரி மருத்துவமனை முன் நடைபெற்ற நிகழ்ச்சியில்,  காவல் துணைக் கண்காணிப்பாளர் த.காந்தி தலைமை வகித்து பேரணியைத் தொடக்கி வைத்தார். இப் பேரணியில், தருமபுரி அரசு கலைக் கல்லூரி, ஜெயம் பொறியியல் கல்லூரி,  அதியமான் ஆண்கள் மேல்நிலைப் பள்ளி உள்ளிட்ட பல்வேறு பள்ளிகளைச் சேர்ந்த தேசிய மாணவர் படையினர் பங்கேற்று, சாலை விதிகளை கடைப்பிடிக்க வேண்டியதன் அவசியம் குறித்தும், பாதுகாப்பான சாலை பயணம் தொடர்பாகவும் பல்வேறு விழிப்புணர்வு முழக்கங்களை எழுப்பினர். மேலும், துண்டுப் பிரசுரங்களை பொதுமக்களுக்கு வழங்கினர்.  பேரணியில் புலி வேடம் தரித்து மாணவர்கள் நூதன முறையில் விழிப்புணர்வு ஏற்படுத்தினர்.
மருத்துவக் கல்லூரி முன் தொடங்கிய இப்பேரணி, நெசவாளர் காலனி, நான்கு முனைச் சாலை சந்திப்பு, பேருந்து நிலையம், சித்த வீரப்ப தெரு உள்ளிட்ட பல்வேறு முக்கிய வீதிகள் வழியாக சென்று தொலைத் தொடர்பு நிலையம் அருகே நிறைவடைந்தது. இதில், தேசிய மாணவர் படை அலுவலர்கள்,  விஜய தேவன், முருகன் மற்றும் முருகேசன், ஆசிரியர்கள், போக்குவரத்துக் காவலர்கள் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/13/தேசிய-மாணவர்-படையினர்-விழிப்புணர்வுப்-பேரணி-3095060.html
3094362 தருமபுரி தருமபுரி தலைமை ஆசிரியர்களுக்கு பயிற்சி முகாம் தொடக்கம் DIN DIN Tuesday, February 12, 2019 09:23 AM +0530 தருமபுரி மாவட்டத்தில், புதிதாக நியமிக்கப்பட்ட மற்றும் பதவி உயர்வு பெற்ற தலைமை ஆசிரியர்களுக்கு தலைமைப் பண்பு பயிற்சி முகாம் திங்கள்கிழமை தொடங்கியது.
 ஒüவையார் மகளிர் மேல்நிலைப் பள்ளியில் அனைவருக்கும் இடைநிலைக் கல்வித் திட்டம் சார்பில், தருமபுரி மாவட்டத்தில் உள்ள அரசு உயர்நிலை, மேல்நிலைப் பள்ளிகளில் புதிய தலைமை ஆசிரியர்கள் 50 பேருக்கு ஐந்து நாள் பயிற்சி முகாம் நடைபெற்றது.
 இப்பயிற்சி முகாமை மாவட்டக் கல்வி அலுவலர் (பொ) பொன்முடி தொடக்கி வைத்தார். ஒருங்கிணைப்பாளர் ரமாதேவி தலைமையில், கருத்தாளர்கள் செந்தில்வடிவு, பாபு சுந்தரம், லட்சுமணன், முசோலினி ஆகியோர் பயிற்சி அளித்தனர்.
 இப்பயிற்சியில், தலைமைப் பண்பு, குழுக்களை உருவாக்கி வழிகாட்டுதல், தன்னை அறிதல், புதுமையை புகுத்துதல், சமுதாயத்தில் பங்களிப்பு, அலுவலக பணிகள், பதிவேடு பராமரிப்பு உள்பட பல்வேறு பயிற்சிகள் வழங்கப்பட்டன. அனைவருக்கும் இடைநிலைக் கல்வி உதவித் திட்ட அலுவலர் தங்கவேலு, ஒüவையார் பள்ளித் தலைமை ஆசிரியை தெரசாள் உள்ளிட்டோர் கலந்து கொண்டனர்.
 
 
 

]]>
https://www.dinamani.com/all-editions/edition-dharmapuri/dharmapuri/2019/feb/12/தலைமை-ஆசிரியர்களுக்கு-பயிற்சி-முகாம்-தொடக்கம்-3094362.html
3094361 தருமபுரி தருமபுரி மின்னணு ஓட்டுநர் உரிம அட்டை வழங்கல் DIN DIN Tuesday, February 12, 2019 09:23 AM +0530 தருமபுரியில் புதிய மின்னணு ஓட்டுநர் உரிம அட்டையை மாவட்ட ஆட்சியர் சு.மலர்விழி வழங்கினார்.
 தருமபுரி மாவட்டத்தில், தருமபுரி, அரூர் மற்றும் பாலக்கோடு ஆகிய வட்டாரப் போக்குவரத்து அலுவலகங்களில் புதியதாக ஓட்டுநர் உரிமம் கோரி விண்ணப்பித்தவர்களுக்கு மின்னணு ஓட்டுநர் உரிம அட்டை வழங்கும் பணி தொடங்கியது.
 தருமபுரி வட்டாரப் போக்குவரத்து அலுவலகத்தில் நடைபெற்ற நிகழ்ச்சியில், வாகன ஓட்டிகளுக்கு புதிய மின்னணு ஓட்டுநர் உரிம அட்டை வழங்கும் பணியை தொடக்கி வைத்து ஆட்சியர் சு.மலர்விழி பேசியது: மின்னணு ஓட்டுநர் உரிம அட்டை வழங்குவதன் மூலம் இனி போலியான அட்டைகளை தயாரிக்க முடியாது. மேலும், அதில் பதிவு செய்யப்பட்டிருக்கும் தகவல்களை அழிக்க முடியாது. இதில் மைக்ரோ சிப் பொருத்தப்பட்டுள்ளதால் புதுப்பித்தல் உள்ள பணிகளை பதிவேற்றம் செய்து கொள்ள முடியும். இந்த அட்டையில் உயர்தர பாதுகாப்பு அம்சங்கள் உள்ளன. பொதுமக்கள் எளிய முறையில் பயன்படுத்தும் வகையில் இந்த அட்டை அமைந்துள்ளது. இத்தகைய மின்னணு ஓட்டுநர் உரி அட்டை வழங்கும் பணி தருமபுரி மாவட்டத்தில் தற்போது நடைமுறைப்படுத்தப்பட்டுள்ளது என்றார்.
 
 

]]>
https://www.dinamani.com/all-editions/edition-dharmapuri/dharmapuri/2019/feb/12/மின்னணு-ஓட்டுநர்-உரிம-அட்டை-வழங்கல்-3094361.html
3094360 தருமபுரி தருமபுரி நலிவுற்ற பெண்களுக்கு இலவச தையல் இயந்திரம்: விண்ணப்பங்கள் வரவேற்பு DIN DIN Tuesday, February 12, 2019 09:23 AM +0530 சமூக நலத் துறையின் கீழ் நலிவுற்ற பெண்களுக்கு இலவசமாக வழங்கப்படும் தையல் இயந்திரம் பெற விண்ணப்பங்கள் வரவேற்கப்படுகின்றன.
 இது குறித்து, தருமபுரி மாவட்ட ஆட்சியர் சு.மலர்விழி திங்கள்கிழமை வெளியிட்ட செய்திக்குறிப்பு:
 சமூக நலத் துறை சார்பில், சத்தியவாணி முத்து அம்மையார் நினைவு இலவச தையல் இயந்திரம் வழங்கும் திட்டத்தின் கீழ் நலிவுற்றோர், விதவைகள், கணவரால் கைவிடப்பட்ட பெண்களுக்கு இலவச தையல் இயந்திரம் வழங்கப்பட உள்ளது. இதனைப் பெற, விண்ணப்பதாரர் பெயர், முகவரி, வயது, ஜாதி ஆகிய விவரங்களுடன் விதவை, கணவரால் கைவிடப்பட்டவர், வறுமைக் கோட்டுக்குக் கீழ் இருப்பதற்கான சான்றுகள், தையல் பயிற்சி குறித்த விவரம், ஆண்டு வருவாய் ரூ.72 ஆயிரத்துக்குள் இருப்பதற்கான சான்று உள்ளிட்ட ஆவணங்களுடன் வருகிற பிப்.25-ஆம் தேதிக்குள் சம்பந்தப்பட்ட வட்டார வளர்ச்சி அலுவலகத்தில் பணிபுரியும் சமூக நல விரிவாக்க அலுவலர் மற்றும் மகளிர் நல அலுவலர்களிடம் விண்ணப்பிக்குமாறு கேட்டுக் கொள்ளப்படுகிறது என்றார்.

]]>
https://www.dinamani.com/all-editions/edition-dharmapuri/dharmapuri/2019/feb/12/நலிவுற்ற-பெண்களுக்கு-இலவச-தையல்-இயந்திரம்-விண்ணப்பங்கள்-வரவேற்பு-3094360.html
3094359 தருமபுரி தருமபுரி கல்வி மாவட்ட அளவிலான யோகா போட்டிகள் DIN DIN Tuesday, February 12, 2019 09:22 AM +0530 தருமபுரி மாவட்டத்தில், தருமபுரி, அரூர், பாலக்கோடு ஆகிய கல்வி மாவட்டங்கள் அளவிலான பள்ளி மாணவர்களுக்கான யோகா போட்டிகள் திங்கள்கிழமை நடைபெற்றன.
 தருமபுரி கல்வி மாவட்ட அளவிலான யோகாப் போட்டிகள் ஒüவையார் மகளிர் மேல்நிலைப்பள்ளியில் நடைபெற்றன. இதில், 25 உயர்நிலைப் பள்ளிகளிலிருந்து 9 மற்றும் 10-ஆம் வகுப்பு பயிலும் மாணவ, மாணவியர் பங்கேற்று பல்வேறு யோகாசானங்களை செய்தனர்.
 மாவட்ட உடற்கல்வி ஆய்வாளர் (பொ) முத்துக்குமார், உடற்கல்வி ஆசிரியர்கள் சுப்பிரமணி, செந்தில்செல்வம், பழனியம்மாள், சித்ரா ஆகியோர் இப் போட்டிகளை நடத்தினர். இதில், மாணவியர் பிரிவில் மம்தா, மதுமிதா, மோனிஷா மற்றும் மாணவர் பிரிவில் லோகசந்திரன், மனோஜ், சத்தியமூர்த்தி ஆகியோர் முதல் மூன்று இடங்களை பெற்றனர். இதேபோல, தருமபுரி வருவாய் மாவட்ட அளவிலான போட்டிகள் செவ்வாய்க்கிழமை (பிப்.12) தருமபுரியில் நடைபெற உள்ளன.
 
 

]]>
https://www.dinamani.com/all-editions/edition-dharmapuri/dharmapuri/2019/feb/12/கல்வி-மாவட்ட-அளவிலான-யோகா-போட்டிகள்-3094359.html
3094248 தருமபுரி தருமபுரி மின் வாரிய ஊழியர் வீட்டில் 22 பவுன் நகை திருட்டு DIN DIN Tuesday, February 12, 2019 08:52 AM +0530 மின் ஊழியர் வீட்டின் பூட்டை உடைத்து 22 பவுன் தங்க நகைகளைத் திருடிச் சென்றவர்களை போலீஸார் தேடி வருகின்றனர்.
 தருமபுரி மாவட்டத்துக்குள்பட்ட பாப்பிரெட்டிப்பட்டி அருகேயுள்ள பறையப்பட்டி புதூர் கிராமத்தைச் சேர்ந்த ராமலிங்கம் (45), தீர்த்தமலை மின் வாரிய அலுவலகத்தில் ஊழியராகப் பணிபுரிந்து வருகிறார்.
 இவர் தனது சொந்த வேலையின் காரணமாக, தனது குடும்பத்தினருடன் ஞாயிற்றுக்கிழமை பிற்பகல் வெளியூர் சென்றிருந்தனராம்.
 இதையறிந்த மர்ம நபர்கள் வீட்டின் பூட்டை உடைத்து, வீட்டில் இருந்த 22 பவுன் தங்க நகைகளைத் திருடிச் சென்றுள்ளனர். இதையடுத்து, சம்பவ இடத்தில் அரூர் டி.எஸ்.பி. ஏ.சி.செல்லப்பாண்டியன் தலைமையிலான போலீஸார் விசாரணை மேற்கொண்டனர்.
 மேலும், திருடுப் போன வீட்டில் தடய அறிவியல் துறையினர், மோப்பநாய் உதவியுடன் தனிப்படை போலீஸார் ஆகியோர் விசாரணை மேற்கொண்டனர்.
 இதுகுறித்து ராமலிங்கம் அளித்த புகாரின்பேரில் கோபிநாதம்பட்டி போலீஸார் வழக்குப் பதிந்துள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/12/மின்-வாரிய-ஊழியர்-வீட்டில்-22-பவுன்-நகை-திருட்டு-3094248.html
3094242 தருமபுரி தருமபுரி வாகனங்கள் மோதிக் கொண்ட விபத்தில் கல்லூரி மாணவர்கள் 3 பேர் சாவு DIN DIN Tuesday, February 12, 2019 08:51 AM +0530 கோம்பூர் அருகே இரு சக்கர வாகனம் மீது அடையாளம் தெரியாத வாகனம் மோதியதில், கல்லூரி மாணவர்கள் 3 பேர் உயிரிழந்தனர்.
 தருமபுரி மாவட்டத்துக்குள்பட்ட பாப்பிரெட்டிப்பட்டி வட்டம், கோம்பூர் அருகே அரூர் }சேலம் தேசிய நெடுஞ்சாலையில், கல்லூரி மாணவர்கள் மூவர், ஒரே இருசக்கர வாகனத்தில் சேலத்தை நோக்கிச் சென்றுள்ளனர்.
 அப்போது, சாலையில் வந்த அடையாளம் தெரியாத வாகனம் மோதியதில், கிருஷ்ணகிரி மாவட்டம், ஊத்தங்கரை வட்டம், கொட்டுக்காரம்பட்டி கிராமத்தைச் சேர்ந்த கல்லூரி மாணவர்கள் திருப்பதி மகன் அரவிந்தன் (19), குப்பநத்தம் கிராமத்தைச் சேர்ந்த திருமலை மகன் ராஜேஷ் (19), பாவக்கல் அருகேயுள்ள கரியபெருமாள் வலசை கிராமத்தைச் சேர்ந்த பலராமன் மகன் நித்திஷ் (19) ஆகியோர் நிகழ்விடத்திலேயே உயிரிழந்தனர்.
 இந்த மாணவர்கள் கல்லூரியில் முதலாம் ஆண்டு படித்து வந்ததாகக் கூறப்படுகிறது. மாணவர்கள் சென்ற இருசக்கர வாகனம் மீது அந்த வழியாகச் சென்ற அடையாளம் தெரியாத லாரி மோதியிருக்கலாம் என்று கூறப்படுகிறது. இந்தச் சம்பவம் திங்கள்கிழமை மாலை 6 மணியளவில் நடந்திருக்கலாம் என அந்தப் பகுதியிலுள்ள பொதுமக்கள் தெரிவித்தனர்.
 இதையடுத்து, சம்பவ இடத்தில் அரூர் டி.எஸ்.பி. ஏ.சி.செல்லப்பாண்டியன் விசாரணை மேற்கொண்டார்.
 கல்லூரி மாணவர்களின் சடலங்கள் பாப்பிரெட்டிப்பட்டி அரசு மருத்துவமனையில் பரிசோதனைக்காக வைக்கப்பட்டுள்ளது. இது குறித்து பாப்பிரெட்டிப்பட்டி போலீஸார் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/12/வாகனங்கள்-மோதிக்-கொண்ட-விபத்தில்-கல்லூரி-மாணவர்கள்-3-பேர்-சாவு-3094242.html
3093518 தருமபுரி தருமபுரி தருமபுரி கோட்டை பரவாசுதேவ சுவாமி கோயில் குடமுழுக்கு விழா DIN DIN Monday, February 11, 2019 07:19 AM +0530 தருமபுரி கோட்டை அருள்மிகு  ஸ்ரீ பரவாசுதேவ சுவாமி திருக்கோயில் குடமுழுக்கு விழா ஞாயிற்றுக்கிழமை வெகு விமரிசையாக நடைபெற்றது.
தருமபுரி கோட்டை பகுதியில் அருள்மிகு  ஸ்ரீ வரமகாலட்சுமி சமேத பரவாசுதேவ சுவாமி திருக்கோயில் உள்ளது. 108 வைணவ திருத்தலங்களில் ஒன்றாக கருதப்படும் இந்த திருக்கோயில் வரலாற்றுச் சிறப்புமிக்கதாகும். நூற்றாண்டுகள் பழமை வாய்ந்த இத் திருக்கோயிலின் நுழைவு வாயிலில், ராஜகோபுரம் கட்டும் பணிகள் நடைபெற்று வந்தன. இப் பணிகள் அனைத்தும் அண்மையில் நிறைவடைந்ததையடுத்து, கடந்த வியாழக்கிழமை யாக சாலை மற்றும் ஹோமங்கள், சிறப்பு பூஜைகளுடன் விழா தொடங்கியது. இந்த விழாவில், சாலை விநாயகர் கோயிலிருந்து திரளான பெண்கள், பக்தர்கள், தீர்த்தக்குடங்களுடன் கோட்டை பரவாசுதேவ சுவாமி திருக்கோயிலுக்கு ஊர்வலமாக சென்றனர்.
தொடர்ந்து, வெள்ளிக்கிழமை காலை முதல் மாலை வரையிலும், முதல்கால யாக சாலை பூஜைகள், சனிக்கிழமை காலை 6 மணிக்கு மங்கள இசை நிகழ்ச்சி, வேதபாராயணம் நடைபெற்றது. மேலும், இரண்டு மற்றும் மூன்றாம்கால யாக சாலை பூஜைகளும் நடைபெற்றன. இதையடுத்து, ஞாயிற்றுக்கிழமை காலை சுப்ரபாத சேவை, வேத பாராயணம் உள்ளிட்ட சிறப்பு பூஜைகள் நடத்தப்பட்டு, காலை 9 முதல் 10 மணி வரையிலும் வைணவ முறைப்படி, பட்டாச்சாரியார்களால் வேத மந்திரங்கள் ஓத, ராஜ கோபுரம், கோயில் விமானங்களுக்கு குடமுழுக்கு நடைபெற்றது. பிறகு, காலை 10.30 மணிக்கு சர்வ தரிசனம், காலை 11 மணிக்கு ஸ்ரீ தேவி, பூதேவி சமேத ஸ்ரீவரதராஜ பெருமாள் திருக்கல்யாண மஹாத்ஸவம் நடைபெற்றது. விழாவில் பங்கேற்ற பக்தர்களுக்கு விழாக் குழுவினர் சார்பில் பிரசாதங்கள், அன்னதானம் வழங்கப்பட்டது.
விழாவில், மாநில உயர்கல்வித் துறை அமைச்சர் கே.பி.அன்பழகன், ஸ்ரீவாரி சேவா டிரஸ்ட் தலைவர் டி.என்.சி.மணிவண்ணன், இந்து சமய அறநிலையத் துறை உதவி ஆணையர் சி.நித்யா, ஆய்வாளர் பி.இந்திரா, செயல் அலுவலர் ஜி.அமுதசுரபி, தருமபுரி மாவட்ட பால் உற்பத்தியாளர்கள் கூட்டுறவு ஒன்றியத் தலைவர் டி.ஆர்.அன்பழகன், தருமபுரி நகர கூட்டுறவு வங்கித் தலைவர் எஸ்.ஆர்.வெற்றிவேல் உள்ளிட்ட பக்தர்கள்
கலந்துகொண்டனர்.


 

]]>
https://www.dinamani.com/all-editions/edition-dharmapuri/dharmapuri/2019/feb/11/தருமபுரி-கோட்டை-பரவாசுதேவ-சுவாமி-கோயில்-குடமுழுக்கு-விழா-3093518.html
3093517 தருமபுரி தருமபுரி சாலை விதிகளை அனைவரும் கடைப்பிடிக்க வேண்டும்: அமைச்சர் கே.பி.அன்பழகன் DIN DIN Monday, February 11, 2019 07:19 AM +0530 சாலை விதிகளை அனைவரும் கடைப்பிடிக்க வேண்டும் என மாநில உயர்கல்வித் துறை அமைச்சர் கே.பி.அன்பழகன் தெரிவித்தார்.
தருமபுரி அதியமான் அரசு ஆண்கள் மேல்நிலைப் பள்ளியில், தருமபுரி வட்டாரப் போக்குவரத்துத் துறை சார்பில் 30-ஆவது சாலைப் பாதுகாப்பு வார விழா,  மாவட்ட ஆட்சியர் சு.மலர்விழி தலைமையில் சனிக்கிழமை நடைபெற்றது.
இந்த விழாவில் மாநில உயர்கல்வித் துறை அமைச்சர் கே.பி.அன்பழகன் பேசியது: பொதுமக்களிடம் சாலைப் பாதுகாப்பு குறித்த விழிப்புணர்வுகளை ஏற்படுத்தும் நோக்கில், ஒவ்வொரு ஆண்டும் சாலைப் பாதுகாப்பு வாரம் கடைப்பிடிக்கப்படுகிறது.
இதையடுத்து, தருமபுரி மாவட்டத்தில் பிப். 4 முதல் 10-ஆம் தேதி வரையிலும், சாலைப் பாதுகாப்பு-உயிர் பாதுகாப்பு எனும் கருப்பொருளை மையப்படுத்தி, மாவட்டம் முழுவதும் போக்குவரத்துத் துறையினர் சார்பில், பல்வேறு விழிப்புணர்வு ஊர்வலங்கள், பள்ளி மற்றும் கல்லூரி மாணவ, மாணவியருக்கு கட்டுரை, பேச்சு, ஓவியம் உள்ளிட்ட பல்வேறு போட்டிகள் நடத்தப்பட்டன. இந்தப் போட்டிகளில் சிறப்பிடம் பெற்ற மாணவ, மாணவியருக்கு பரிசுகள், பாராட்டுச் சான்றிதழ்கள் வழங்கப்பட்டுள்ளன.
மேலும், சாலை விபத்துகளால் ஏற்படும் உயிரிழப்புகள் குறித்து குறும்படங்கள் வழியாகவும், துண்டுப் பிரசுரங்கள் விநியோகம் செய்தும் பொதுமக்களுக்கு விழிப்புணர்வுகள் ஏற்படுத்தப்பட்டன. 2017-ஆம் ஆம் ஆண்டை விட, 2018-ஆம் ஆண்டில் சாலை விபத்துகள் 4 சதவீதம் குறைந்துள்ளன. தருமபுரி மாவட்டத்தில் 2018-ஆம் ஆண்டில் 1,447 சாலை விபத்துகள் நிகழ்ந்துள்ளன. இந்த விபத்துகளில் 204 பேர் உயிரிழந்துள்ளனர்.
எனவே, சாலை விபத்துகளில் உயிரிழப்புகள் ஏற்படுவதை முற்றிலுமாக தவிர்க்க, சாலையில் நடந்து செல்பவர்கள் உள்பட அனைத்து வாகன ஓட்டுநர்களும் சாலை விதிகளை முழுமையாக கடைப்பிடிக்க வேண்டும்.
 மது அருந்திவிட்டு வாகனங்களை இயக்கக் கூடாது. இருசக்கர வாகனம் ஓட்டுவோர் தலைக்கவசம் அணிந்தும், கார் ஓட்டுநர் மற்றும் காரில் பயணம் செய்வோர் அனைவரும் சீட் பெல்ட் அணிந்தும் செல்ல வேண்டும். 18 வயதுக்கு குறைவான சிறுவர்களை வாகனங்கள் ஓட்டுவதற்கு பெற்றோர்கள் அனுமதிக்கக் கூடாது என்றார்.
முன்னதாக, சாலைப் பாதுகாப்பு குறித்த பல்வேறு போட்டிகளில் சிறப்பிடம் பெற்ற பள்ளி மற்றும் கல்லூரி மாணவியருக்கு பரிசுகள், பாராட்டுச் சான்றிதழ்களை அமைச்சர் வழங்கினார். 
விழாவில், மாவட்ட வருவாய் அலுவலர் எச்.ரஹமத்துல்லா கான், தருமபுரி சார்-ஆட்சியர் ம.ப.சிவன் அருள், சேலம் துணை போக்குவரத்து ஆணையர் சத்தியநாராயணன், வட்டாரப் போக்குவரத்து அலுவலர்ஆர்.செந்தில்வேலன், மோட்டார் வாகன ஆய்வாளர்கள் கா.பன்னீர்செல்வம், ராஜாமணி, அன்புச்செழியன், மாவட்டக் கல்வி அலுவலர் பொன்முடி, தருமபுரி நகர கூட்டுறவு வங்கித் தலைவர் எஸ்.ஆர்.வெற்றிவேல் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/11/சாலை-விதிகளை-அனைவரும்-கடைப்பிடிக்க-வேண்டும்-அமைச்சர்-கேபிஅன்பழகன்-3093517.html
3093516 தருமபுரி தருமபுரி பா.ம.க. இளைஞர் சங்க நிர்வாகிகள் ஆலோசனைக் கூட்டம் DIN DIN Monday, February 11, 2019 07:18 AM +0530 தருமபுரியில் பாமக இளைஞர் சங்க நிர்வாகிகள் ஆலோசனைக் கூட்டம் சனிக்கிழமை நடைபெற்றது.
இதில் பாமக இளைஞரணி மாநில துணைச் செயலர் ஆ.அன்பழகன் தலைமை வகித்தார். 
இதில்  நிறைவேற்றப்பட்ட தீர்மானங்கள்: வரும் மக்களவைத் தேர்தலில் தருமபுரி மக்களவைத் தொகுதியில் போட்டியிடும் பாமக வேட்பாளரை அதிக வாக்குகள் வித்தியாசத்தில் வெற்றி பெற, பாமக இளைஞர் சங்கத்தினர் கடுமையான தேர்தல் களப் பணிகளை மேற்கொள்ள
வேண்டும்.
மொரப்பூர்-தருமபுரி ரயில் பாதை அமைக்கும் திட்டத்துக்கு 18 முறை மத்திய அமைச்சரை சந்தித்து,  இந்த திட்டத்தை பெற்றுத் தந்த தருமபுரி மக்களவைத் தொகுதி உறுப்பினர் அன்புமணி ராமதாஸை பாராட்டுதல் என்பன உள்ளிட்ட தீர்மானங்கள் நிறைவேற்றப்பட்டன.
இதில், இளைஞரணி மேற்கு மாவட்டச் செயலர் ஜெ.தகடூர் தமிழன், மாநில அமைப்புச் செயலர் மி.க.செல்வகுமார், மாநில துணை பொதுச் செயலர் எஸ்.பி.வெங்கடேஸ்வரன், மாநில இளைஞரணி செயலர் எம்.முருகசாமி, மாவட்டச் செயலர்கள் சண்முகம், ஏ.வி இமயவர்மன், இளைஞரணி மாநில துணைத் தலைவர்கள் ப.சி.சிவக்குமார், வன்னியபெருமாள் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/11/பாமக-இளைஞர்-சங்க-நிர்வாகிகள்-ஆலோசனைக்-கூட்டம்-3093516.html
3093515 தருமபுரி தருமபுரி விவசாயிகளுக்கு ரூ.6 ஆயிரம்: விண்ணப்பம் அளிக்க கூடுதல் அவகாசம் அளிக்கக்  கோரிக்கை DIN DIN Monday, February 11, 2019 07:18 AM +0530 மத்திய அரசு சார்பில் சிறு, குறு விவசாயிகளுக்கு ரூ.6 ஆயிரம் வழங்கும் திட்டத்தில் பயன்பெற விண்ணப்பம் அளிக்க கூடுதல் கால அவகாசம் அளிக்க வேண்டும் என விவசாயிகள் கோரிக்கை விடுத்துள்ளனர்.
 மத்திய அரசின் இடைக்கால நிதிநிலை அறிக்கையில் அறிவித்தபடி, விவசாயிகளுக்கு ஆண்டுதோறும் ரூ.6 ஆயிரம் வழங்குவதற்கான கணக்கெடுப்புப் பணிகள் தொடங்கப்பட்டுள்ளன. சிறு, குறு விவசாயிகள் தங்களின் நிலம் சம்பந்தமான விவரங்கள், ஆதார் அட்டை, மின்னணு குடும்ப அட்டை, செல்லிடப்பேசி எண்கள் உள்ளிட்ட விவரங்களை சனி, ஞாயிறு (பிப். 9, 10) ஆகிய இரண்டு தினங்களில் சம்பந்தப்பட்ட கிராம நிர்வாக அலுவலரிடம் ஒப்படைக்க வேண்டும் என தெரிவிக்கப்பட்டுள்ளது.
தருமபுரி மாவட்டத்தில் மலைப் பகுதிகள் மற்றும் தொலைதூர கிராமப் பகுதியிலுள்ள விவசாயிகள் தங்களின் பட்டா, சிட்டா உள்ளிட்ட விவரங்களை நகல் எடுப்பதற்கே ஓரிரு தினங்கள் ஆகிவிடும். அதேபோல், இந்த திட்டம் குறித்து விவசாயிகளுக்கு உரிய தகவல்கள் முழுமையாக சென்றடையவில்லை. எனவே, தருமபுரி மாவட்ட விவசாயிகள் தங்களின் விண்ணப்பங்களை அளிக்க இன்னும் ஓரிரு தினங்கள் கூடுதல் கால அவகாசம் அளிக்க வேண்டும் என கோரிக்கை விடுத்துள்ளனர்.
ஒப்புகை சீட்டு தேவை: விவசாயிகளிடமிருந்து பெறப்படும் விண்ணப்பப் படிவங்கள் குறித்து பதிவேடுகளில் கிராம நிர்வாக அலுவலர்கள் பதிவு செய்ய வேண்டும். விவசாயிகளிடமிருந்து பூர்த்தி செய்யப்பட்ட விண்ணப்பப் படிவங்களை பெற்றதற்கான ஒப்புகை சீட்டுகளை அனைத்து கிராம நிர்வாக அலுவலர்களும் வழங்க மாவட்ட நிர்வாகம் நடவடிக்கை எடுக்க வேண்டும் என்பதே விவசாயிகளின் எதிர்பார்ப்பு.
 

]]>
https://www.dinamani.com/all-editions/edition-dharmapuri/dharmapuri/2019/feb/11/விவசாயிகளுக்கு-ரூ6-ஆயிரம்-விண்ணப்பம்-அளிக்ககூடுதல்-அவகாசம்-அளிக்கக்--கோரிக்கை-3093515.html
3093514 தருமபுரி தருமபுரி ஆசிரியர் வீட்டில் நகை, பணம் திருட்டு DIN DIN Monday, February 11, 2019 07:18 AM +0530 தருமபுரி அருகே ஆசிரியர் வீட்டில் நகை, பணம் திருட்டு போனது குறித்து போலீஸார் ஞாயிற்றுக்கிழமை வழக்குப் பதிந்துள்ளனர்.
தருமபுரி அருகேயுள்ள ஒட்டப்பட்டி அப்துல் கலாம் நகரைச் சேர்ந்த தனபால் (46), அரசுப் பள்ளி ஆசிரியர்.  இவரது வீட்டில் அண்மையில் பகல் நேரத்தில் யாரும் இல்லாத போது, வீட்டின் பூட்டை உடைத்து உள்ளே நுழைந்த மர்ம நபர்கள், பீரோவில் இருந்த 4 பவுன் தங்க நகைகள், ரூ.12 ஆயிரம் உள்ளிட்டவைகளை திருடிச் சென்றுள்ளனர். இதுகுறித்து ஆசிரியர் தனபால் அளித்த புகாரின் பேரில், அதியமான் கோட்டை போலீஸார் வழக்குப் பதிந்துள்ளனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/11/ஆசிரியர்-வீட்டில்-நகை-பணம்-திருட்டு-3093514.html
3093124 தருமபுரி தருமபுரி தமிழக பட்ஜெட்டில் மாற்றமும், ஏமாற்றமும் இல்லை: செ.நல்லசாமி DIN DIN Sunday, February 10, 2019 05:23 AM +0530
தமிழக பட்ஜெட் மாற்றமும், ஏமாற்றமும் இல்லாத வழக்கமானது என தமிழ்நாடு விவசாயிகள் சங்கங்களின் கூட்டமைப்பின் செயலர் செ.நல்லசாமி தெரிவித்தார்.
 இது குறித்து சனிக்கிழமை அரூரில் செய்தியாளர்களிடம் அவர் கூறியது : 
தமிழக அரசின் 2019-20-ம் ஆண்டின் நிதிநிலை அறிக்கையில், பெரிய அளவிலான மாற்றங்கள் ஏதும் இல்லை.  அதேபோல், ஏமாற்றமும் இல்லாமல் வழக்கமான பட்ஜெட் தான் என்று தமிழ்நாடு விவசாயிகள் சங்கங்களின் கூட்டமைப்பு கருதுகிறது.
தமிழக நிதிநிலை அறிக்கையானது 2019-ம் ஆண்டின் மக்களவைத் தேர்தலை முன்னிட்டு தயாரிக்கப்பட்டதாகத் தெரியவில்லை. பாரம்பரிய கால்நடைகள் மேம்பாட்டுக்காக தமிழக அரசு கால்நடைத் துறைக்கு ரூ.1,252 கோடி நிதி ஒதுக்கீடு செய்துள்ளது.  இது வரவேற்கக்கூடிய அம்சமாகும். 
மத்திய,  மாநில அரசுகள் விவசாய மேம்பாட்டுக்கு குறைவான நிதியை ஒதுக்கீடு செய்கின்றன.  எனவே, மத்திய, மாநில அரசுகள் விவசாயத்துக்கு என தனியாக பட்ஜெட் தாக்கல் செய்ய வேண்டும்.  இதில், நீர் மேலாண்மை,  பயிர் காப்பீடு உள்ளிட்டவற்றுக்கு முக்கியத்துவம் அளிக்க வேண்டும்.
அரசு ஊழியர்கள், ஆசிரியர்களுக்கு சம்பள கமிஷன் பரிந்துரைகளை ஏற்று, அதனை நடைமுறைப்படுத்துவது போல்,  விவசாயிகளுக்கு விவசாயக் கமிஷன் பரிந்துரைகளை ஏற்று நடைமுறைப்படுத்த வேண்டும்.  இந்திய நாட்டின் மக்கள்தொகையில் 60 சதவீதம் பேர் விவசாயிகள்.  இந்த விவசாயிகளின் வளர்ச்சிக்காக விவசாய கமிஷன் பரிந்துரைகளை அமல்படுத்த வேண்டும்.
தமிழகத்தில் ஆங்கிலேயர் காலத்தில் இருந்த  ஏரி,  குளம்,  குட்டை, கண்மாய்கள் ஆக்கிரமிப்பில் உள்ளன.  எனவே,  ஆக்கிரமிப்பு செய்யப்பட்டுள்ள நீர்நிலைகளை மாநில அரசு மீட்க வேண்டும்.  காவிரி ஆற்றில் மழைக் காலங்களில் வீணாக ஓடும் உபரி நீரை,  காவிரி ஆறு ஓடும் பகுதியிலுள்ள மாவட்டங்களில் உள்ள நீர்நிலைகளில் நிரப்ப வேண்டும். தமிழகத்தில் வட கிழக்குப் பருவமழை பொய்த்துப் போனதால்,  கடும் வறட்சி நிலவுகிறது.  எனவே,  தமிழகத்தை வறட்சி பாதித்த மாநிலமாக அறிவித்து,  நிவாரணப் பணிகளை மேற்கொள்ள வேண்டும். 
தமிழகத்தில் கஜா புயலால் ஏராளமான தென்னை மரங்கள் சாய்ந்தன.  தென்னை மரங்களுக்கு மாற்றாக பனை மரங்களை நடவு செய்ய வேண்டும்.  அதாவது, அதிக நீர் வளம் உள்ள பகுதியில் தென்னை மரங்களும்,  குறைவான நீர் வளம் உள்ள பகுதிகளில் பனை மரங்களையும் நடவு செய்வதற்கு அரசு ஊக்கம் அளிக்க வேண்டும் என்றார்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/தமிழக-பட்ஜெட்டில்-மாற்றமும்-ஏமாற்றமும்-இல்லை-செநல்லசாமி-3093124.html
3093123 தருமபுரி தருமபுரி தொழில்முனைவோர் கருத்தரங்கு DIN DIN Sunday, February 10, 2019 05:23 AM +0530
அரூரை அடுத்த எருமியாம்பட்டி இ.ஆர்.கே கலை மற்றும் அறிவியல் கல்லூரியில் தொழில்முனைவோர் கருத்தரங்கம் அண்மையில் நடைபெற்றது.
இ.ஆர்.கே கல்லூரியின் வணிவியல் துறை சார்பில் நடைபெற்ற கருத்தரங்கை இ.ஆர்.கே கல்வி நிறுவனங்களின் தாளாளர் இ.ஆர்.செல்வராஜ் தொடக்கிவைத்தார். சிறு தொழில்கள் தொடங்கும் முறைகள், வேலைவாய்ப்புகள், தனித் திறன்களை மேம்படுத்துதல், வங்கிக் கடனுதவிகள், மகளிருக்கான தொழில் வாய்ப்புகள், அரசு மற்றும் தனியார் வேலைவாய்ப்புகள், முதலீடுகள், சுய தொழில்கள் தொடங்குவதின் அவசியம் குறித்து பேராசிரியர்கள் குமரேசன், கலைச் செல்வி, சாருமதி ஆகியோர் கருத்துரைகளை வழங்கினர். 
இதில், இ.ஆர்.கே கல்லூரி முதல்வர் த.சக்தி, நிர்வாக அலுவலர் சி.அருள்குமார், பேராசிரியர்கள் மணி, கவிதா, அமுதா உள்ளிட்டோர் கலந்து
கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/தொழில்முனைவோர்-கருத்தரங்கு-3093123.html
3093122 தருமபுரி தருமபுரி சாலை பாதுகாப்பு விழிப்புணர்வு பேரணி DIN DIN Sunday, February 10, 2019 05:23 AM +0530
 ஊத்தங்கரை காவல் துறை சார்பில் சனிக்கிழமை சாலை பாதுகாப்பு விழிப்புணர்வு பேரணி நடைபெற்றது.
பேரணிக்கு ஊத்தங்கரை டிஎஸ்பி ராஜபாண்டியன் தலைமை வகித்தார். ஊத்தங்கரை ஸ்ரீ வித்யா மந்திர் கல்வி நிறுவனங்களின் நிறுவனர் வே.சந்திரசேகரன், அதியமான் கல்வி நிறுவணங்களின் நிறுவனர் சீனி. திருமால்முருகன், அரசு போக்குவரத்துக் கழக கிளை மேலாளர் அழகரசன், அரசு மருத்துவமனை மருத்துவ அலுவலர்  மாரிமுத்து, வட்டாட்சியர் மாரிமுத்து ஆகியோர் முன்னிலை
வகித்தனர்.
கிருஷ்ணகிரி ஏடிஎஸ்பி மோகன்ராஜ் பேரணியை தொடக்கிவைத்தார். பேரணியில் வட்டார வளர்ச்சி அலுவலர் சண்முகம், வேடியப்பன், காவல் ஆய்வாளர்கள் ராமமூர்த்தி, சின்னசாமி மற்றும் காவலர்கள் தலைக்கவசம் அணிந்து சென்றனர். மாணவர்கள், ஆட்டோ ஓட்டுநர்கள் உள்பட 1,500 க்கும் மேற்பட்டோர் கலந்து கொண்டனர். பேரணி நான்குமுனை சாலை சந்திப்பில் தொடங்கி முக்கிய வீதிகள் வழியாக வட்டார வளர்ச்சி அலுவலகம் வரை சென்றது. 
 

]]>
https://www.dinamani.com/all-editions/edition-dharmapuri/dharmapuri/2019/feb/10/சாலை-பாதுகாப்பு-விழிப்புணர்வு-பேரணி-3093122.html
3093121 தருமபுரி தருமபுரி அரசு பொறியியல் கல்லூரியில் சாலை பாதுகாப்பு விழிப்புணர்வு DIN DIN Sunday, February 10, 2019 05:22 AM +0530
தருமபுரி அருகே செட்டிக்கரை அரசு பொறியியல் கல்லூரியில் நெடுஞ்சாலைத் துறை சார்பில் சாலை பாதுகாப்பு விழிப்புணர்வு பயிற்சி வழங்கப்பட்டது.
தருமபுரி நெடுஞ்சாலைத் துறை சார்பில் 30-ஆவது சாலை பாதுகாப்பு வார விழா கடந்த பிப்.4-ஆம் தேதி தொடங்கி பிப்.8-ஆம் தேதி வரை நடைபெற்றது. இந்த விழாவில் உறுதிமொழி ஏற்பு, துண்டுப் பிரசுரங்கள் விநியோகிப்பது, விழிப்புணர்வு பேரணி உள்ளிட்ட நிகழ்ச்சிகள் நடைபெற்றன.
விழாவின் இறுதி நாளான வெள்ளிக்கிழமை அரசு பொறியியல் கல்லூரியில் மாணவர்களுக்கு சாலை பாதுகாப்பு விதிகள் பின்பற்றுவது தொடர்பான பயிற்சி அளிக்கப்பட்டது. விழாவுக்கு, கல்லூரி முதல்வர் மு.இல.வளர்மதி தலைமை வகித்து பேசினார். நெடுஞ்சாலைத் துறை உதவி கோட்டப் பொறியாளர் த.குலோத்துங்கன், போக்குவரத்து விதிமுறைகள் குறித்து விளக்கினார். உதவிப் பேராசிரியர்கள் நிர்மல், சரத்குமார், சாலை ஆய்வாளர் ஏ.கே.ரகமதுல்லா மற்றும் அரசு அலுவலர்கள் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/அரசு-பொறியியல்-கல்லூரியில்-சாலை-பாதுகாப்பு-விழிப்புணர்வு-3093121.html
3093120 தருமபுரி தருமபுரி ஸ்ரீவித்யா மந்திர் பள்ளியில் சாலை பாதுகாப்பு கண்காட்சி DIN DIN Sunday, February 10, 2019 05:22 AM +0530
ஊத்தங்கரை ஸ்ரீவித்யா மந்திர் மெட்ரிக் மேல்நிலைப் பள்ளியில் சாலை பாதுகாப்பு விழிப்புணர்வு கண்காட்சி  சனிக்கிழமை  நடைபெற்றது. 
ஸ்ரீவித்யா மந்திர் கல்வி நிறுவனங்களின் நிறுவனர் வே.சந்திரசேகரன் தலைமை வகித்தார். பள்ளி முதல்வர் சரவணகுமார், துணை முதல்வர் சிவனேசன், கல்லூரி துணைச் செயலர் வெங்கடாசலம்  ஆகியோர் முன்னிலை வகித்தனர். மோட்டார் வாகன ஆய்வாளர்கள் கா.குமார், ச.செந்தில்குமார் ஆகியோர் கண்காட்சியில் பங்கேற்று சாலை பாதுகாப்பு குறித்து மாணவர்களுக்கு எடுத்துரைத்து, சிறந்த படைப்புகளுக்கு பரிசுகளை வழங்கினர்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/ஸ்ரீவித்யா-மந்திர்-பள்ளியில்-சாலை-பாதுகாப்பு-கண்காட்சி-3093120.html
3093119 தருமபுரி தருமபுரி பள்ளிகளுக்கு கல்வி சீர்வரிசை வழங்கும் விழா DIN DIN Sunday, February 10, 2019 05:22 AM +0530
தருமபுரி அருகே திப்பிரெட்டிஅள்ளி, குப்பாங்கரை ஊராட்சி ஒன்றிய நடுநிலைப் பள்ளிகளுக்கு அக் கிராம மக்கள் கல்வி சீர்வரிசை வழங்கினர்.
திப்பிரெட்டிஅள்ளியில் நடைபெற்ற விழாவில் சுமார் ரூ.30 ஆயிரம் மதிப்பிலான பல்வேறு கல்வி உபகரணங்களை மேள தாளத்துடன் ஊர்வலமாக எடுத்துச்சென்று பள்ளித் தலைமை ஆசிரியை ரேவதியிடம் வழங்கினர். இதேபோல, குப்பாங்கரை கிராமத்தில் உள்ள நடுநிலைப் பள்ளிக்கு தேவையான ஒலிபெருக்கி, ஒலி வாங்கி, பீரோ, நோட்டுப் புத்தகங்கள், அளவு கோல்கள், பென்சில் உள்ளிட்ட எழுதுபொருள்கள் என ரூ.20 ஆயிரம் மதிப்பிலான பொருள்களை அக் கிராம மக்கள் ஊர்வலமாக சென்று வழங்கினர். 
இதனை பள்ளித் தலைமை ஆசிரியை பி.சாந்தா வரவேற்று பெற்றுக் கொண்டார். இவ் விழாவில், வட்டாரக் கல்வி அலுவலர் முருகன், ஆசிரியர்கள் மற்றும் கிராம மக்கள் கலந்து கொண்டனர்.
அரூரில்...
அரூரை அடுத்த சின்னாங்குப்பம் அரசு உயர்நிலைப் பள்ளிக்கு கல்வி சீர்வரிசை வழங்கும் விழா வெள்ளிக்கிழமை
நடைபெற்றது.
தலைமை ஆசிரியர் செ.ஸ்ரீதரன் தலைமை வகித்தார்.  பள்ளி மாணவ, மாணவிகளுக்கு எழுது பொருள்கள், நோட்டுகளை பெற்றோர்- ஆசிரியர் கழகம் சார்பில் வழங்கப்பட்டது. தொடர்ந்து, அரிமா சங்கப் பொருளாளர் சே.சுரேஷ், பள்ளிக்குத் தேவைக்காக ரூ.20 ஆயிரம் மதிப்பிலான யு.பி.எஸ் மின் சாதனத்தை நன்கொடையாக வழங்கினார். 
பெற்றோர்- ஆசிரியர் கழகத் தலைவர் கே.முருகேசன், பள்ளி மேலாண்மை குழுத் தலைவர் எஸ்.தமிழரசி, ஆசிரியர்கள் மற்றும் பொதுமக்கள் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/10/பள்ளிகளுக்கு-கல்வி-சீர்வரிசை-வழங்கும்-விழா-3093119.html
3093118 தருமபுரி தருமபுரி ஊத்தங்கரை அதியமான் பள்ளியில் சாலை பாதுகாப்பு விழிப்புணர்வு DIN DIN Sunday, February 10, 2019 05:22 AM +0530
ஊத்தங்கரை அதியமான் மெட்ரிக் மேல்நிலைப் பள்ளியில் நடைபெற்ற சாலை பாதுகாப்பு விழிப்புணர்வு விழாவில் அதியமான் கல்வி நிறுவனங்களின் நிறுவனர் சீனி.திருமால்முருகன் தலைமை வகித்தார். பள்ளி முதல்வர் கலைமணி சரவணகுமார், நிர்வாக அலுவலர் சீனி.கணபதிராமன் ஆகியோர் முன்னிலை வகித்தனர். 
மோட்டார் வாகன ஆய்வாளர்கள் கலந்து கொண்டு சாலை பாதுகாப்பு குறித்து நடத்தப்பட்ட கலை நிகழ்ச்சியில் சிறப்பிடம் பெற்றவர்களுக்கு பரிசுகளை வழங்கினர்.

]]>
https://www.dinamani.com/all-editions/edition-dharmapuri/dharmapuri/2019/feb/10/ஊத்தங்கரை-அதியமான்-பள்ளியில்-சாலை-பாதுகாப்பு-விழிப்புணர்வு-3093118.html
3093117 தருமபுரி தருமபுரி தருமபுரி மாவட்டத்தில் ரூ.396 கோடியில் மூன்று நீர்ப்பாசனத் திட்டங்கள்: அமைச்சர் கே.பி.அன்பழகன் DIN DIN Sunday, February 10, 2019 05:21 AM +0530
தருமபுரி மாவட்டத்தில் ரூ.396 கோடியில் மூன்று நீர்ப்பாசனத் திட்டங்களைச் செயல்படுத்த அரசு ஆணை வெளியிடப்பட்டுள்ளதாக மாநில உயர் கல்வித் துறை அமைச்சர் கே.பி.அன்பழகன் தெரிவித்தார்.
தருமபுரி மாவட்ட ஆட்சியர் கூட்டரங்கில் சமூக நலத் துறை சார்பில் பயனாளிகளுக்கு தாலிக்குத் தங்கம், திருமண உதவித்தொகை மற்றும் பணிபுரியும் பெண்களுக்கு இரு சக்கர வாகனம் வழங்குவது உள்ளிட்ட பல்வேறு நிகழ்ச்சிகள் சனிக்கிழமை நடைபெற்றன.
இதில் பங்கேற்று செய்தியாளர்களிடம் கே.பி.அன்பழகன் கூறியது: தமிழக அரசு, தருமபுரி மாவட்ட மக்களின் வாழ்வாதாரத்தை உயர்த்தும் நோக்கில் பல்வேறு திட்டங்களைச் செயல்படுத்தி வருகிறது. கடந்த 2001- 2006 ஆம் ஆண்டுகளில் தமிழக அரசு, கிருஷ்ணகிரி அணையின் வலதுபுறக் கால்வாய் நீட்டிப்பு திட்டத்தின் கீழ் திண்டல் ஏரிக்கு தண்ணீர் கொண்டுவரும் திட்டத்தை ரூ. 7 கோடியே 6 லட்சம் மதிப்பில் செயல்படுத்தியது.  
இதன்மூலம் 34 ஏரிகள் தண்ணீர் வசதி பெற்றுள்ளன. இதே காலக்கட்டத்தில் பென்னாகரம் அருகே உள்ள மத்தளப்பள்ளம் என்ற இடத்தில் ரூ.14 கோடியே 50 லட்சம் மதிப்பில் தடுப்பணை ஒன்றும் புதிதாக கட்டப்பட்டு உள்ளது. இதேபோல, 2011-இல்  செங்கன்பசுவத்தலாவ் ஏரியிலிருந்து கொண்டசாமனஹள்ளி ஏரி வரை தண்ணீர் கொண்டுவரும் திட்டத்துக்காக ரூ.16 கோடியே 70 லட்சம் மதிப்பில் 11 ஏரிகள் தண்ணீர் வசதிபெற்றுள்ளது. 
இதேபோல, தருமபுரி மாவட்ட மக்களின் நீண்டநாள் கோரிக்கையை ஏற்று, தென்பெண்ணை ஆறு எண்ணேகொல்புதூரிலிருந்து தும்பலஅள்ளி அணைக்கு தண்ணீர் கொண்டுவரும் திட்டம், அலியாளம் அணைக்கட்டிலிருந்து தூள்செட்டி ஏரிக்கு தண்ணீர் கொண்டுவரும் திட்டம், ஜெர்தலாவ் 5000 மீட்டர் தொலைவிலிருந்து கால்வாயை நீட்டித்து புலிக்கரை ஏரிக்கு தண்ணீர் கொண்டுவரும் திட்டங்களைச் செயல்படுத்த தற்போது அரசு ஆணை வெளியிடப்பட்டுள்ளது. 
கடந்த பிப்.1-ஆம் தேதி இந்தத் திட்டங்களுக்காக நிலங்களைக் கையகப்படுத்த அரசாணை வெளியிடப்பட்டுள்ளது. இதில், எண்ணேகொல் புதூரிலிருந்து தும்பலஅள்ளி அணைக்கு தண்ணீர் கொண்டுவரும் திட்டத்தில் 21 ஏரிகள், 16 தடுப்பணைகள் பயன்பெறும். இத் திட்டத்திற்கான மதிப்பீடு ரூ.276 கோடி நிர்ணயிக்கப்பட்டுள்ளது. இத் திட்டத்துக்கு ரூ.72 கோடியில் நிலங்கள் கையகப்படுத்தப்படவுள்ளன.
இதேபோல, அலியாளத்திலிருந்து தூள்செட்டி ஏரிக்கு ரூ. 67 கோடி திட்ட மதிப்பில் 12  ஏரிகளும், தருமபுரி மாவட்டத்தைச் சார்ந்த தூள் செட்டி ஏரி பயன்பெறும் வகையில் ரூ.14 கோடியே 54 லட்சம் மதிப்பில்  நிதி ஒதுக்கப்பட்டு நிலம் கையகப்படுத்தும் பணிகள் தற்போது நடைபெற்று வருகின்றன. மற்றொரு திட்டமான ஜெர்தலாவ் கால்வாயிலிருந்து புலிக்கரை ஏரிக்கு ரூ.7 கோடியே 20 லட்சம் நிதி ஒதுக்கப்பட்டு நிலம் கையகப்படுத்தப்படும் பணிகள் நடைபெற்று வருகின்றன. மூன்று திட்டங்களுக்கும் ரூ.396 கோடி நிதி ஒதுக்கீடு செய்த தமிழக முதல்வர், துணை முதல்வருக்கு மாவட்ட மக்களின் சார்பில் நன்றியை தெரிவித்துக் கொள்கிறேன் என்றார். 
முன்னதாக, தருமபுரி மாவட்ட ஆட்சியர் சு.மலர்விழி தலைமையில் நடைபெற்ற நிகழ்ச்சியில் 460 பயனாளிகளுக்கு தாலிக்குத் தங்கமும், ரூ.ஒரு கோடியே 67 லட்சத்து 75 ஆயிரம் திருமண நிதி உதவித்தொகையை, பெண்களுக்கு இரு சக்கர வாகனங்களையும், தொழுநோய் ஒழிப்புத் திட்டம் சார்பில் பயனாளிகளுக்கு உபகரணங்களையும் அமைச்சர் வழங்கினார். 
மாவட்ட வருவாய் அலுவலர் எச்.ரகமதுல்லா கான், சார்-ஆட்சியர் ம.ப.சிவன் அருள் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/தருமபுரி-மாவட்டத்தில்-ரூ396-கோடியில்-மூன்று-நீர்ப்பாசனத்-திட்டங்கள்-அமைச்சர்-கேபிஅன்பழகன்-3093117.html
3093116 தருமபுரி தருமபுரி ஹிந்தி தேர்வு: தருமபுரியில் 300 பேர் எழுதினர் DIN DIN Sunday, February 10, 2019 05:21 AM +0530 தருமபுரியில் சனிக்கிழமை நடைபெற்ற ஹிந்தி தேர்வை 300 பேர் எழுதினர்.
சென்னை-தென்னிந்திய ஹிந்தி பிரசார சபா சார்பில் 5 வகையாக ஹிந்தி தேர்வு தருமபுரி மின் வாரிய குடியிருப்பில் உள்ள தனியார் பள்ளியில் நடைபெற்றது. இதில் தருமபுரி, கிருஷ்ணகிரி மாவட்டங்களைச் சேர்ந்த மாணவ, மாணவிகள் உள்பட 300 பேர் எழுதினர். இத் தேர்வுகளை தேர்வு மையக் கண்காணிப்பாளர் சுகுணலதா நேரில் பார்வையிட்டு ஆய்வு செய்தார். இதைத் தொடர்ந்து, ஞாயிற்றுக்கிழமை (பிப்.10) வாய்மொழித் தேர்வுகள் நடைபெறுகிறது.

]]>
https://www.dinamani.com/all-editions/edition-dharmapuri/dharmapuri/2019/feb/10/ஹிந்தி-தேர்வு-தருமபுரியில்-300-பேர்-எழுதினர்-3093116.html
3093115 தருமபுரி தருமபுரி கோழிக் கழிச்சல் தடுப்பூசி முகாம் DIN DIN Sunday, February 10, 2019 05:21 AM +0530
தருமபுரி மாவட்டத்தில் கோழிக் கழிச்சல் நோயைக் கட்டுப்படுத்த தடுப்பூசி செலுத்தும் முகாம் நடைபெற்று வருவதாக என மாவட்ட ஆட்சியர் சு.மலர்விழி தெரிவித்தார். 
இதுகுறித்து சனிக்கிழமை அவர் வெளியிட்ட செய்திக் குறிப்பு: 
தருமபுரி மாவட்டத்தில் கிராமப் பொருளாதாரத்தில் முக்கியப் பங்கு வகிக்கும் நாட்டின கோழிகளுக்கும் மற்ற கோழிகளுக்கும் கோடைக் காலங்களில் வெள்ளைக்கழிச்சல் நோய் ஏற்பட்டு அவை இறந்து விடுகின்றன. 
இந்த நோயைக் கட்டுப்படுத்த முன்னெச்சரிக்கையாக இலவசமாக வெள்ளைக்கழிச்சல் நோய் தடுப்பூசி முகாம்கள் அனைத்து கிராமங்களிலும் பிப். 9 முதல் பிப்.22 வரை கால்நடைப் பராமரிப்புத் துறையில் பணிபுரியும் கால்நடை உதவி மருத்துவர்கள் மற்றும் கால்நடை ஆய்வாளர்கள் மூலம் மாலை நேரங்களில் தடுப்பூசிப்பணி மேற்கொள்ளப்பட உள்ளது. 
எனவே, கால்நடை வளர்ப்போர் தங்கள் கோழிகளுக்கு வெள்ளைக்கழிச்சல் நோய் தடுப்பபூசி செலுத்தி பயன் பெறுமாறு கேட்டுக் கொள்ளப்படுகிறது என்றார்.
 

]]>
https://www.dinamani.com/all-editions/edition-dharmapuri/dharmapuri/2019/feb/10/கோழிக்-கழிச்சல்-தடுப்பூசி-முகாம்-3093115.html
3092395 தருமபுரி தருமபுரி சிறுமியை கடத்தி திருமணம் செய்த வழக்கில் கூலித் தொழிலாளிக்கு 7 ஆண்டுகள் சிறை DIN DIN Saturday, February 9, 2019 08:16 AM +0530 சிறுமியை கடத்தி திருமணம் செய்த வழக்கில், கூலித் தொழிலாளிக்கு தருமபுரி மகளிர் நீதிமன்றம் ஏழு ஆண்டுகள் சிறைத் தண்டனை விதித்து உத்தரவிட்டது.
தருமபுரி மாவட்டம், பாலக்கோடு வட்டத்துக்குள்பட்ட எர்ரப்பட்டியைச் சேர்ந்தவர் கூலித் தொழிலாளி ராமன் (எ) ராமர் (23). இவர், கடந்த 2017 ஜூன் 8-ஆம் தேதி அதே பகுதியைச் சேர்ந்த 13 வயது சிறுமியை கடத்திச் சென்று திருமணம் செய்து கொண்டாராம்.
புகாரின் பேரில், மகேந்திரமங்கலம் போலீஸார் வழக்குப் பதிவு செய்து விசாரணை நடத்தினர். இதையடுத்து, சிறுமியைக் கடத்தியது, இளம் வயது திருமணம் செய்தது மற்றும் சிறுமியை வன்கொடுமை செய்தது ஆகிய மூன்று பிரிவுகளில் போலீஸார் வழக்குப் பதிவு செய்து ராமரை கைது செய்தனர்.
இவ் வழக்கு தொடர்பான, விசாரணை தருமபுரி மகளிர் நீதிமன்றத்தில் நடைபெற்று வந்தது.  
இந் நிலையில், மகளிர் நீதிமன்ற நீதிபதி (பொ) ஜீவானந்தம் முன்னிலையில் வெள்ளிக்கிழமை மீண்டும் விசாரணைக்கு வந்த இவ் வழக்கில்,  சிறுமியைக் கடத்திய குற்றத்துக்கு 3 ஆண்டுகள் சிறைத் தண்டனை,  ஆயிரம் ரூபாய் அபராதம், அபராதத் தொகை செலுத்தத் தவறினால் மூன்று மாதம் கூடுதலாக சிறைத் தண்டனையும்,  இளம் வயது திருமணம் செய்த குற்றத்துக்காக 2ஆண்டுகள் சிறை,  ஆயிரம் ரூபாய் அபராதம், அபராதத் தொகை செலுத்தத் தவறினால் 3 மாதம் கூடுதலாக சிறைத் தண்டனை மற்றும் சிறுமியை பாலியல் வன்கொடுமை செய்த குற்றத்துக்காக 7 ஆண்டுகள் சிறைத் தண்டனை மற்றும் ஆயிரம் ரூபாய் அபராதமும்,  அபராதத் தொகையை செலுத்தத் தவறினால் கூடுதலாக மூன்று மாதம் சிறைத் தண்டனை அனுபவிக்க வேண்டும் எனவும்,  இந்தத் தண்டனைகளை ஏக காலத்தில் அனுபவிக்க வேண்டும் எனவும் நீதிபதி உத்தரவிட்டார்.

]]>
https://www.dinamani.com/all-editions/edition-dharmapuri/dharmapuri/2019/feb/09/சிறுமியை-கடத்தி-திருமணம்-செய்த-வழக்கில்கூலித்-தொழிலாளிக்கு-7-ஆண்டுகள்-சிறை-3092395.html
3092394 தருமபுரி தருமபுரி தருமபுரி பேருந்து நிலையத்தில் உணவுப் பாதுகாப்பு மையம் திறப்பு DIN DIN Saturday, February 9, 2019 08:16 AM +0530 தருமபுரி பேருந்து நிலையத்தில் உணவுப் பாதுகாப்பு மையம் வெள்ளிக்கிழமை திறக்கப்பட்டது.
நுகர்வோருக்கு வீட்டிலேயே எளிதில் கலப்படத்தைக் கண்டறியவும், பாதுகாப்பான உணவு வகைகள் குறித்தும், குழந்தைகள் தவிர்க்க வேண்டிய உணவு வகைகள், உணவு வணிகர்கள் உணவுப் பாதுகாப்பு மற்றும் தரங்கள் சட்டத்துக்குள்பட்டு உணவுப் பொருள்கள் தயாரிப்பது குறித்து விழிப்புணர்வு ஏற்படுத்தும் வகையில், தருமபுரி நகரப் பேருந்து நிலையம் மற்றும் ஒகேனக்கல் ஆகிய இரண்டு இடங்களில் உணவுப் பாதுகாப்பு மையம் அமைக்கப்பட்டுள்ளது. 
தருமபுரி நகரப் பேருந்து நிலையத்தில் அமைக்கப்பட்ட மையத்தை தருமபுரி மாவட்ட வருவாய் அலுவலர் எச்.ரகமதுல்லா கான் திறந்து வைத்து, மையத்தை பார்வையிட்டார். இம் மையம் வரும் பிப். 28-ஆம் தேதி வரை செயல்பட உள்ளது.
இதில், மாவட்ட உணவுப் பாதுகாப்பு நியமன அலுவலர் ச.மாரியப்பன், வணிகர் மற்றும் உணவக சங்கப் பிரதிநிதிகள், உணவுப் பாதுகாப்பு அலுவலர்கள் கலந்து கொண்டனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/09/தருமபுரி-பேருந்து-நிலையத்தில்உணவுப்-பாதுகாப்பு-மையம்-திறப்பு-3092394.html
3092393 தருமபுரி தருமபுரி தொழில்திறன் பயிலரங்கு DIN DIN Saturday, February 9, 2019 08:16 AM +0530 தருமபுரி மாவட்ட வேலைவாய்ப்பு அலுவலகத்தில் வெள்ளிக்கிழமை தொழில்திறன் பயிலரங்கம் நடைபெற்றது.
இத்தொழில்திறன் பயிலரங்கத்துக்கு தலைமை வகித்து மாவட்ட வேலைவாய்ப்பு அலுவலக உதவி இயக்குநர் ம.மகேஸ்வரி பேசியது: மாவட்ட வேலைவாய்ப்பு அலுவலகங்களில் பதிவு செய்துள்ள  வேலைவாய்ப்பற்றோருக்கு உதவித்தொகை வழங்கப்படுகிறது. மாவட்ட வேலைவாய்ப்பு அலுவலகத்தில் 1,60,000 பேர் வேலைவாய்ப்புக்காக பதிவு செய்துள்ளனர். புதுப்பித்து 5 ஆண்டுகளுக்கும் மேற்பட்டோருக்கு, தங்களின் ஆண்டு வருமானம் ரூ.50 ஆயிரத்துக்கும் உள்பட்டிருப்பின் வேலைவாய்ப்பற்றோருக்கான உதவித்தொகை பெற தகுதியானவர். தருமபுரியில் 1,800 பதிவுதாரர்கள் இந்த உதவித்தொகையை பெற்று வருகின்றனர். இவர்களில் 346 பதிவுதாரர்கள் மாற்றுத் திறனாளிகள் ஆவர் என்றார். இப்பயிலரங்கில் 7 வேலையளிக்கும் நிறுவனங்கள், 4 திறன் பயிற்சி வழங்கும் நிறுவனங்கள் பங்கேற்றன. மேலும், உதவித்தொகை பெறுவோர் 126 பேர் கலந்துகொண்டனர். இதில், 29 பேர் தமிழ்நாடு திறன் மேம்பாட்டுக் கழகத்தால் வழங்கப்படும் இலவச திறன் பயிற்சிக்கு பதிவு செய்தனர். மேலும், 45 பேர் தனியார் துறையில் வேலைவாய்ப்புக்கு தேர்வு செய்யப்பட்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/09/தொழில்திறன்-பயிலரங்கு-3092393.html
3092392 தருமபுரி தருமபுரி சந்தைப்பேட்டை நடுநிலைப் பள்ளியில் முப்பெரும் விழா DIN DIN Saturday, February 9, 2019 08:15 AM +0530 தருமபுரி சந்தைப்பேட்டையில் உள்ள நகராட்சி நடுநிலைப் பள்ளியில் பள்ளிக்கு சீர்வரிசை வழங்கும் விழா, பெற்றோர்-ஆசிரியர் இணக்க விழா மற்றும் சாலைப் பாதுகாப்பு வார விழா ஆகிய முப்பெரும் விழா வெள்ளிக்கிழமை நடைபெற்றது.
விழாவுக்கு வட்டாரக் கல்வி அலுவலர் நடராஜன் தலைமை வகித்து பேசினார். உதவி வட்டாரக் கல்வி அலுவலர் மேரி சகாயராணி முன்னிலை வகித்தார். போக்குவரத்து காவல் உதவி ஆய்வாளர் ராமமூர்த்தி சாலைப் பாதுகாப்பு விதிகள் குறித்து எடுத்துரைத்தார். பள்ளியில் பயிலும் மாணவ, மாணவியரின் பெற்றோர் பள்ளிக்குத் தேவையான பொருள்களை சீர்வரிசையாக வழங்கினர்.
ஆசிரியர் பயிற்றுநர் விஷ்ணுகுமார், ஆசிரியர்கள் வி.செளந்திர பாண்டியன், ஜி.மாலதி, எம்.டி.பூங்கொடி உள்ளிட்டோர்
கலந்துகொண்டனர்.
பென்னாகரத்தில்...
பென்னாகரம் அருகே பிளியனூர் ஊராட்சிக்குள்பட்ட குள்ளனூர் அரசுப் பள்ளியில் கல்வி சீர்திருத்த விழா வெள்ளிக்கிழமை நடைபெற்றது.
பள்ளித் தலைமை ஆசிரியர் சிங்காரவேலன் தலைமை தாங்கினார். சிறப்பு அழைப்பாளர்களாக தருமபுரி இயலாதோர்கான ஒருங்கிணைந்த கல்வி ஒருங்கிணைப்பாளர் ஜெய்சுதா மற்றும் ஒன்றிய பயிற்சி மைய ஆசிரியப் பயிற்றுநர் லட்சுமி கலந்துகொண்டு விழாவின்  நோக்கத்தை பெற்றோர்களிடம் எடுத்துரைத்தனர்.
இதையடுத்து, பள்ளிக்கான ஒலிபெருக்கி, மாணவர்களுக்கான எழுதுகோல் பொருள்கள் போன்றவற்றுக்காக  சுமார் ரூ.25 ஆயிரத்தை பெற்றோர் வழங்கினர். மேலும், கலைநிகழ்ச்சிகள் நடத்தப்பட்டன. இந்நிகழ்ச்சியில், முதுநிலை ஆசிரியர் முத்து, இளையராஜா, வளர்மதி உள்ளிட்ட ஆசிரிய-ஆசிரியைகள் மற்றும் பெற்றோர் கலந்துகொண்டனர்.
இதேபோல், பென்னாகரம் அருகே உள்ள சின்னபள்ளத்தூர் ஊராட்சி ஒன்றிய நடுநிலைப் பள்ளியில் கல்வி சீர்திருத்த விழா நடைபெற்றது. இதற்கு பள்ளித் தலைமை ஆசிரியர் மா.பழனி தலைமை தாங்கியும், பெற்றோர்-ஆசிரியர் கழகத் தலைவர் மாதன், பள்ளி மேலாண்மைக் குழு தலைவி கங்கா ஆகியோர் முன்னிலை வகித்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/09/சந்தைப்பேட்டை-நடுநிலைப்-பள்ளியில்-முப்பெரும்-விழா-3092392.html
3092391 தருமபுரி தருமபுரி விவசாயிகளுக்கு உதவித்தொகை: இன்று பதிவு தொடக்கம் DIN DIN Saturday, February 9, 2019 08:15 AM +0530 ஐந்து ஏக்கர் வரை நிலம் உள்ள விவசாயிகளுக்கு பிரதமரின் உதவித்தொகை வழங்கும் திட்டத்தில் பதிவு செய்யும் பணி சனிக்கிழமை (பிப். 9) தொடங்க உள்ளது.
இதுகுறித்து தருமபுரி மாவட்ட ஆட்சியர் சு.மலர்விழி வெள்ளிக்கிழமை வெளியிட்ட செய்திக் குறிப்பு: ஐந்து ஏக்கர் வரை நிலம் உள்ள விவசாயிகளுக்கு பிரதமரின் உதவித்தொகை வழங்கும் திட்டத்தில் ரூ.6 ஆயிரம் மூன்று தவணைகளாக வழங்கப்பட உள்ளது. இதற்கான கணக்கெடுப்புப் பணி தருமபுரி மாவட்டத்தில் உள்ள கிராம நிர்வாக அலுவலர்கள் தலைமையில் நடைபெற்று வருகிறது.
இத் திட்டத்தில், பயன்பெற விரும்புவோர் சம்பந்தப்பட்ட கிராம நிர்வாக அலுவலகத்தில் ஆதார் அட்டை, மின்னணு குடும்ப அட்டை, செல்லிடப்பேசி எண், வங்கிக் கணக்கு புத்தகம், நிலம் குறித்த விவரம் ஆகியவற்றுடன் கிராம நிர்வாக அலுவலகத்தில் விவரங்களை பதிவு செய்து கொள்ளலாம். மேலும், இத்தொகை 3 தவணையாக விவசாயிகளுக்கு அவர்களது வங்கிக் கணக்கில் நேரடியாக செலுத்தப்படும்.
மாவட்டத்தில், கணக்கெடுப்புப் பணி பிப். 9 மற்றும் பிப். 10 ஆகிய இரண்டு நாள்கள் நடைபெற உள்ளது. எனவே, தருமபுரி மாவட்ட விவசாயிகள் தங்களது விவரங்களை பதிவு செய்து பயன்பெறுமாறு அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-dharmapuri/dharmapuri/2019/feb/09/விவசாயிகளுக்கு-உதவித்தொகைஇன்று-பதிவு-தொடக்கம்-3092391.html
3092390 தருமபுரி தருமபுரி தீர்த்தமலையில் மின் விளக்குகளை சீரமைக்க கோரிக்கை DIN DIN Saturday, February 9, 2019 08:15 AM +0530 அரூரை அடுத்த தீர்த்தமலையில் மின் விளக்குகளை சீரமைக்க வேண்டும் என பொதுமக்கள் கோரிக்கை விடுத்துள்ளனர்.
அரூர் ஊராட்சி ஒன்றியம், தீர்த்தமலையில் வரலாற்று சிறப்பு மிக்க தீர்த்தகிரீஸ்வரர் திருக்கோயில் உள்ளது. இந்த கோயிலுக்கு வேலூர், திருப்பத்தூர், திருவண்ணாமலை, கிருஷ்ணகிரி, தருமபுரி, பெங்களூரு உள்ளிட்ட பல்வேறு பகுதிகளில் இருந்து நாள்தோறும் நூற்றுக்கணக்கான பக்தர்கள் வந்து செல்கின்றனர்.
தீர்த்தமலை மலைக் கோயில் உச்சியில் உள்ள புனித தீர்த்தத்தில் நீராடுவதற்காக வரும் பக்தர்கள் இரவு நேரங்களிலும், அதிகாலை நேரங்களிலும் மலைக்கு செல்வர். பக்தர்கள் நடந்து செல்லும் மலைப் பாதையில் 20-க்கும் மேற்பட்ட இடங்களில் மின் கம்பங்கள் உள்ளன. ஆனால், இந்த மின் கம்பங்களில் உள்ள மின் விளக்குகள் பழுதாகி உள்ளதால், கோயிலுக்கு வரும் பக்தர்கள் சிரமம் அடைகின்றனர். எனவே, தீர்த்தமலை ஊராட்சி நிர்வாகம் மற்றும் கோயில் நிர்வாகம் சார்பில் பழுதான மின் விளக்குகளை சீரமைக்க வேண்டும் என்பதே பொதுமக்களின் எதிர்பார்ப்பு.

]]>
https://www.dinamani.com/all-editions/edition-dharmapuri/dharmapuri/2019/feb/09/தீர்த்தமலையில்-மின்-விளக்குகளைசீரமைக்க-கோரிக்கை-3092390.html
3092389 தருமபுரி தருமபுரி நாட்டுக் கோழி வளர்ப்பு பயிற்சி DIN DIN Saturday, February 9, 2019 08:14 AM +0530 வேளாண் துறை சார்பில் நாட்டுக் கோழிகள் வளர்ப்பது குறித்த பயிற்சி முகாம் வெள்ளிக்கிழமை நடைபெற்றது.
வேளாண்மை விரிவாக்க சீரமைப்பு திட்டம் சார்பில், சின்னாங்குப்பம் ஊராட்சி, நாகப்பட்டியில் நடைபெற்ற இந்த பயிற்சி முகாமில், விவசாயிகள் நாட்டுக் கோழிகள் வளர்க்கும் முறைகள், கோழி விற்பனைக்கான சந்தை வாய்ப்புகள், நாட்டுக் கோழிகளை தாக்கும் நோய்கள், பாதுகாப்பு முறைகள் குறித்து அரசு கால்நடை உதவி மருத்துவர்கள் பூபாலன், ஜான் வின்ஸ்டீன் ஆகியோர் பயிற்சி அளித்தனர். இந்த பயிற்சி முகாமில், உதவி தொழில்நுட்ப மேலாளர் மு.திருப்பதி, விவசாயி ராமன் உள்ளிட்ட விவசாயிகள் பலர்
கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/09/நாட்டுக்-கோழி-வளர்ப்பு-பயிற்சி-3092389.html
3091815 தருமபுரி தருமபுரி தோட்டக்கலைத் துறையில் தொழில்பழகுநர் பயிற்சி DIN DIN Friday, February 8, 2019 09:31 AM +0530 தோட்டக்கலைத் துறையில் தொழில்பழகுநர் பயிற்சியில் சேர விண்ணப்பிக்கலாம் என தருமபுரி மாவட்ட ஆட்சியர் சு.மலர்விழி தெரிவித்துள்ளார்.
இதுகுறித்து அவர் வியாழக்கிழமை வெளியிட்ட செய்திக்குறிப்பு: 
இளைஞர்களின் பொருளாதார நிலையை மேம்படுத்தும் வகையில், தோட்டக்கலைத் துறையில் தொழில்பழகுநர் பயிற்சி வழங்கப்பட உள்ளது. இதில், தோட்ட பராமரிப்பாளர் பயிற்சியில் சேர குறைந்தபட்ச கல்வித் தகுதியாக 10, பிளஸ் 2 வகுப்பு மற்றும் தோட்டக்கலையில் பட்டயம் படித்து இருத்தல் வேண்டும். டிரஸ்ட்மேன் சிவில், எலக்ட்ரீசியன், பிளம்பர், பிட்டர் மற்றும் கார்டனர் துறையில் அங்கீகரிக்கப்பட்ட தகுதி தொகுப்பில் உள்ள குறுகிய கால திறன்களில் பயிற்சி பெற்றவர்களாக இருத்தல் வேண்டும்.
தொழில்பழகுநர் பயிற்சியின் மூலம் மத்திய அரசின் நிதி  உதவியுடன் பயிற்சி பெற்ற தொழில்நுட்ப தகுதியுடைய மற்றும் முன் அனுபவம் இல்லாத இளைஞர்களுக்கு பல்வேறு திட்டங்களில் பணி பெறுவதற்கான வாய்ப்பளிக்கப்படுகிறது. 
ஓராண்டு பயிற்சி முடித்த பின் தொழில்முனைவோர் பயிற்சி மையத்தினர் நடத்தும் இணையதள தேர்வில் கலந்துகொண்டு தேர்ச்சி பெற்ற பின் சான்றிதழ் வழங்கப்படும். இச்சான்றிதழ் மாநில, மத்திய மற்றும் அயல்நாடுகளில் பணிபுரிய வாய்ப்பு அளிக்கிறது.
 இப்பயிற்சியில், ஓராண்டுக்கு தருமபுரி மாவட்டத்துக்கு 15 தொழில்முனைவோர்களுக்கு பயிற்சி அளிக்கப்பட்டு, அவர்கள் தோட்டக்கலை மற்றும் மலைப் பயிர்கள் துறையின் கீழ் செயல்படுத்தப்படும் திட்டங்களில் மாதம் ரூ.7 ஆயிரம் உதவித்தொகையாக வழங்கப்படும்.
எனவே, தொழில்பழகுநர் பயிற்சியில் ஈடுபட ஆர்வம் உள்ள இளைஞர்கள் ‌t‌n.‌h‌o‌r‌t‌i​c‌u‌l‌t‌u‌r‌e.‌t‌n.‌g‌o‌v.‌i‌n என்ற இணையதளத்தில் உள்ள விண்ணப்பத்தினை பூர்த்தி செய்து d‌d‌h‌d‌h​a‌r‌m​a‌p‌u‌r‌i@‌y​a‌h‌o‌o.​c‌o‌m  என்ற மின்னஞ்சல் முகவரியில் அனுப்பி பயன்பெறலாம் என்றார். 

]]>
https://www.dinamani.com/all-editions/edition-dharmapuri/dharmapuri/2019/feb/08/தோட்டக்கலைத்-துறையில்-தொழில்பழகுநர்-பயிற்சி-3091815.html
3091814 தருமபுரி தருமபுரி அரசுப் பள்ளி மாணவர்கள் களப் பயணம் DIN DIN Friday, February 8, 2019 09:30 AM +0530 அரூரை அடுத்த கீரைப்பட்டியில் அரசுப் பள்ளி மாணவர்கள் வியாழக்கிழமை களப் பயணம் மேற்கொண்டனர்.
கீரைப்பட்டி அரசு உயர்நிலைப் பள்ளி மற்றும் நல்லகுட்லஹள்ளி அரசு நடுநிலைப் பள்ளி மாணவர்கள், பள்ளி பரிமாற்றுத் திட்டத்தில் கீரைப்பட்டியில் களப் பயணம் மேற்கொண்டனர்.
இந்த பயணத்தில், பெருந்தலைவர் காமராஜர் உள்ளிட்ட அரசியல் தலைவர்கள், கல்வியாளர்கள், விடுதலைப் போராட்ட வீரர்கள் உள்ளிட்டோரின் வாழ்க்கை வரலாறு, கிராம ஊராட்சியின் செயல்பாடுகள், சாலைப் பாதுகாப்பு முறைகள், வங்கியின் செயல்பாடுகள் உள்ளிட்டவைகள் குறித்து பள்ளி மாணவர்களுக்கு விளக்கம் அளிக்கப்பட்டது. இதில், கீரைப்பட்டி அரசு உயர்நிலைப் பள்ளி தலைமை ஆசிரியர் ஆர்.அண்ணாதுரை, நல்லகுட்லஹள்ளி அரசு நடுநிலைப் பள்ளி தலைமை ஆசிரியர் சென்னகிருஷ்ணன், ஊராட்சி செயலர் முரளிதரன், பள்ளி ஆசிரியர்கள் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/08/அரசுப்-பள்ளி-மாணவர்கள்-களப்-பயணம்-3091814.html
3091813 தருமபுரி தருமபுரி வெ.புதூர்-கோடியூர் சாலையை சீரமைக்க கோரிக்கை DIN DIN Friday, February 8, 2019 09:30 AM +0530 தருமபுரியை அடுத்த அதியமான்கோட்டை அருகே பழுதடைந்துள்ள வெ.புதூர்-கோடியூர் சாலையை சீரமைக்க வேண்டும் என அப்பகுதி மக்கள் கோரிக்கை விடுத்துள்ளனர்.
நல்லம்பள்ளி வட்டத்துக்குள்பட்ட மாதேமங்கலம் ஊராட்சிக்குள்பட்டது வெ.புதூர். இக் கிராமத்திலிருந்து கோடியூர் வழியாக அதியமான்கோட்டைக்கு கடந்த சில ஆண்டுகளுக்கு முன் தார்ச்சாலை அமைக்கப்பட்டது. இச்சாலை வழியாக வெங்கட்டம்பட்டி, மாதேமங்கலம், புதூர் உள்ளிட்ட பல்வேறு கிராம மக்கள் அதியமான்கோட்டை வாரச்சந்தை, நல்லம்பள்ளியில் உள்ள ஊராட்சி ஒன்றிய அலுவலகம், வட்டாட்சியர் அலுவலகம் உள்ளிட்ட பல்வேறு அலுவலகங்களுக்கும், ஏனைய பணிகளுக்காகவும் சென்று வருகின்றனர். மேலும், அவ்வழியே உள்ள விவசாய நிலங்களுக்கு விவசாயிகள் சென்று வரவும் இச்சாலையை பயன்படுத்தி வருகின்றனர்.
இந்நிலையில், வெ.புதூரிலிருந்து கோடியூர் வரையிலான சாலை தற்போது பழுதடைந்து குண்டும், குழியுமாக உள்ளது. மேலும், சில இடங்களில் முற்றிலும் சாலை பெயர்ந்து வாகனங்களை இயக்க முடியாத நிலை உள்ளது. இதனால், இச்சாலை வழியாக இருசக்கர வாகனங்களில் செல்வோர் மிகுந்த சிரமத்துக்குள்ளாகியுள்ளனர். எனவே, வெ.புதூரிலிருந்து-கோடியூர் வரையிலான பழுதடைந்த இச்சாலையை விரைந்து சீரமைக்க சம்பந்தப்பட்ட துறையினர் உரிய நடவடிக்கை எடுக்க வேண்டும் என்பதே அப்பகுதி மக்களின் எதிர்பார்ப்பாக உள்ளது.

]]>
https://www.dinamani.com/all-editions/edition-dharmapuri/dharmapuri/2019/feb/08/வெபுதூர்-கோடியூர்-சாலையை-சீரமைக்க-கோரிக்கை-3091813.html
3091812 தருமபுரி தருமபுரி மனுதர்மத்தை எரிக்க முயன்ற தி.க.வினர் 24 பேர் கைது DIN DIN Friday, February 8, 2019 09:29 AM +0530 தருமபுரியில் மனுதர்மத்தை எரிக்க முயன்ற திராவிடர் கழகத்தினர் 24 பேர் வியாழக்கிழமை கைது செய்யப்பட்டனர்.
தருமபுரி மாவட்ட தி.க. சார்பில் தொலைத்தொடர்பு நிலையம் அருகே மனுதர்மத்தை எரிக்கும் போராட்டம் நடைபெறும் என அறிவிக்கப்பட்டிருந்தது. இதையொட்டி, தி.க. மாவட்டத் தலைவர் இளையமாதன் தலைமையில் தி.க. நிர்வாகிகள் தருமபுரி தொலைத்தொடர்பு நிலையம் அருகே திரண்டனர். அப்போது அங்கிருந்த போலீஸார், மனுதர்மத்தை எரிக்க முயற்சித்ததாக 7 பெண்கள் உள்பட 24 பேரை கைது செய்து தனியார் திருமண மண்டபத்தில் அடைத்தனர். இதையடுத்து மாலையில் அனைவரும் விடுவிக்கப்பட்டனர்.
கிருஷ்ணகிரியில்... கிருஷ்ணகிரி புறநகர் பேருந்து நிலையம் அருகே அந்த அமைப்பின் கிருஷ்ணகிரி மாவட்டத் தலைவர் பெ.மதியழகன் தலைமையில் நடைபெற்ற ஆர்ப்பாட்டத்தில், செயலர் கா.மாணிக்கம், தருமபுரி மண்டலச் செயலர் கோ.திராவிடமணி, மாநில அமைப்புச் செயலர் ஊமை ஜெயராமன் உள்ளிட்டோர் பங்கேற்றனர். அனுமதி மீறி நடைபெற்ற இந்த ஆர்ப்பாட்டத்தில் பங்கேற்ற 26 பேரை போலீஸார் கைது செய்து மாலையில் விடுவித்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/08/மனுதர்மத்தை-எரிக்க-முயன்ற-திகவினர்-24-பேர்-கைது-3091812.html
3091811 தருமபுரி தருமபுரி சாலை விதிகள்: ஸ்மார்ட் வகுப்பறை தொடக்கம் DIN DIN Friday, February 8, 2019 09:29 AM +0530 அரூரில் சாலை விதிகளை தெரிந்து கொள்வதற்கான ஸ்மார்ட் வகுப்பறை தொடக்க விழா அண்மையில் நடைபெற்றது.
விழாவில், அரூர் மோட்டர் வாகன ஆய்வாளர் கா.பன்னீர்செல்வம் தலைமை வகித்தார். டிஜிட்டல் முறையிலான ஸ்மார்ட் வகுப்பறையை தருமபுரி வட்டாரப் போக்குவரத்து அலுவலர் ஆர்.செந்தில்வேலன், அரூர் மாவட்ட உரிமையியல் நீதிமன்ற நீதிபதி விஜய் கார்த்திக் ஆகியோர் குத்துவிளக்கேற்றி தொடக்கி வைத்தனர்.
அரூர் மோட்டார் வாகன ஆய்வாளர் அலுவலகத்துக்கு இருசக்கரம், நான்கு சக்கரம், பேருந்துகள், கனரக வாகன ஓட்டுநர்கள், புதிதாக ஓட்டுநர் உரிமம் பெறுவோர், ஓட்டுநர் உரிமங்களை புதுப்பித்தல் பணிகளுக்காக பலர் வருகின்றனர்.
இந்த வாகன ஓட்டிகள் சாலை விதிகள், சிக்னல்கள், விபத்து நேரிடும் முறைகள், பாதுகாப்பு அம்சங்கள், வாகன ஓட்டிகளுக்கான உரிமைகள், காப்பீடு முறைகள் உள்ளிட்டவைகள் குறித்து நன்கு தெரிந்துகொள்ளும் வகையில் டிஜிட்டல் முறையில் ஸ்மார்ட் வகுப்பறை ஏற்படுத்தப்பட்டுள்ளது.
இதில், ஏற்கெனவே நிகழ்ந்த சாலை விபத்துகள், பாதிப்புகள் குறித்து திரையில் காணலாம். இந்த வகுப்பறையில் வாகன ஓட்டுநர்கள் சாலை விதிகள் குறித்த பயிற்சிகள், சந்தேகங்களை கேட்டு தெரிந்துகொள்ள முடியும். இந்த விழாவில், அரூர் டிஎஸ்பி ஏ.சி.செல்லப்பாண்டியன், காவல் ஆய்வாளர் பி.கே.பவுலோஸ், தனியார் ஓட்டுநர் பயிற்சி பள்ளி உரிமையாளர்கள், பயிற்றுநர்கள், அலுவலக பணியாளர்கள் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/08/சாலை-விதிகள்-ஸ்மார்ட்-வகுப்பறை-தொடக்கம்-3091811.html
3091810 தருமபுரி தருமபுரி புத்தாக்க அறிவியல் கண்காட்சி தொடக்கம் DIN DIN Friday, February 8, 2019 09:29 AM +0530 தருமபுரி அருகே இலக்கியம்பட்டி மகளிர் உயர்நிலைப் பள்ளியில் மாவட்ட அளவிலான இரண்டு நாள் புத்தாக்க அறிவியல் கண்காட்சி வியாழக்கிழமை தொடங்கியது.
பள்ளிக் கல்வித் துறை சார்பில் நடைபெற்ற இக் கண்காட்சி தொடக்க விழாவுக்கு, மாவட்ட ஆட்சியர் சு.மலர்விழி தலைமை வகித்தார். மாவட்ட முதன்மைக் கல்வி அலுவலர் மு.ராமசாமி வரவேற்றார். மாநில உயர்கல்வித் துறை அமைச்சர் கே.பி.அன்பழகன், குத்துவிளக்கேற்றி கண்காட்சியை தொடங்கி வைத்து பார்வையிட்டார். மேலும், மாணவ, மாணவியரின் படைப்புகளின் செயல்பாட்டை கேட்டறிந்தார்.
தருமபுரி மாவட்டத்தில் நிகழ் கல்வியாண்டில் மாவட்டத்தில் பயிலும் மாணவ, மாணவியருக்கு அறிவியல் புத்தாக்க விருதாக 431 பேருக்கு தலா ரூ.10 ஆயிரம் வழங்கப்பட்டிருந்தது. இத் தொகையினை கொண்டு மாணவர்கள் தயாரித்த படைப்புகள் இக் கண்காட்சியில் பார்வைக்கு வைக்கப்பட்டிருந்தன. பிப். 7 மற்றும் 8 ஆகிய இரண்டு நாள்கள் நடைபெறும் இக் கண்காட்சியில் முதல் நாளில் 251 ஊராட்சி ஒன்றிய நடுநிலைப் பள்ளி மாணவர்கள் தங்களின் அறிவியல் படைப்புகளை கண்காட்சியில் வைத்து செயல்விளக்கம்
அளித்தனர்.
இக் கண்காட்சியில் முதல் மூன்று இடங்களைப் பெறும் 6 மாணவர்களுக்கு கேடயம் மற்றும் பாராட்டுச் சான்றிதழ்கள் வழங்கப்பட உள்ளன. மேலும், 6 மாணவர்களுக்கு ஆறுதல் பரிசுகள் வழங்கப்படும். வெற்றிபெறும் மாணவ, மாணவியர் மாநில அளவில் நடைபெறும் கண்காட்சியில் கலந்துகொள்ள உள்ளனர். அதேபோல வெள்ளிக்கிழமை நடைபெற உள்ள கண்காட்சியில் 180 பள்ளி மாணவர்கள் பங்கேற்று தங்களது படைப்புகளை காட்சிப்படுத்த
உள்ளனர்.
மாவட்ட வருவாய் அலுவலர் எச்.ரஹமத்துல்லா கான், சார்-ஆட்சியர் ம.ப.சிவன் அருள், மாவட்ட பால் உற்பத்தியாளர்கள் கூட்டுறவு ஒன்றியத் தலைவர் டி.ஆர்.அன்பழகன், வட்டாட்சியர் ராதாகிருஷ்ணன், மாவட்டக் கல்வி அலுவலர்கள் உஷாராணி, பொன்முடி (பொ), குழந்தைவேல், ஆசிரியர்கள் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/08/புத்தாக்க-அறிவியல்-கண்காட்சி-தொடக்கம்-3091810.html
3091809 தருமபுரி தருமபுரி கோட்டை பரவாசுதேவ சுவாமி கோயிலில் பிப்.10-இல் குடமுழுக்கு DIN DIN Friday, February 8, 2019 09:28 AM +0530 தருமபுரி கோட்டை அருள்மிகு பரவாசுதேவ சுவாமி திருக்கோயிலில், வரும் பிப். 10-ஆம் தேதி குடமுழுக்கு விழா நடைபெற உள்ளது.
தருமபுரி கோட்டை பகுதியில் அருள்மிகு வரமகாலட்சுமி உடனாகிய பசவாசுதேவ சுவாமி உள்ளது. 108 வைணவ திருத்தலங்களில் ஒன்றாக கருதி இப்பகுதி மக்கள் இத்திருக்கோயிலில் வழிபட்டு வருகின்றனர். நூற்றாண்டுகள் பழமை வாய்ந்த இத்திருக்கோயில் நுழைவு வாயிலில், ராஜகோபுரம் கட்டும் பணி நடைபெற்று வந்தது. இப் பணிகள் அனைத்தும் அண்மையில் நிறைவுற்றதைத் தொடர்ந்து, கோயிலில் வரும் பிப். 10-ஆம் தேதி காலை 9 மணி முதல் 10 மணி வரை வைணவ முறைப்படி குடமுழுக்கு விழா நடைபெற உள்ளது.
இதையொட்டி, வியாழக்கிழமை (பிப். 7) யாக சாலை மற்றும் ஹோமங்கள், சிறப்பு பூஜைகளுடன் விழா தொடங்கியது. முன்னதாக, சாலை விநாயகர் கோயிலிலிருந்து திரளான பெண்கள், பக்தர்கள் தீர்த்தக் குடம் ஏந்தி கோட்டை பரவாசுதேவ சுவாமி திருக்கோயிலுக்கு ஊர்வலமாக சென்றனர். இதைத் தொடர்ந்து, வெள்ளிக்கிழமை (பிப். 8) காலை முதல் மாலை வரை முதல் கால யாக சாலை பூஜைகள், பிப். 9-ஆம் தேதி சனிக்கிழமை காலை 6 மணிக்கு மங்கள இசை நிகழ்ச்சி, வேத பாராயணம் நடைபெற உள்ளது. மேலும், இரண்டு மற்றும் மூன்றாம்கால யாக சாலை பூஜைகளும் நடைபெறும்.
இதேபோல, பிப். 10-ஆம் தேதி ஞாயிற்றுக்கிழமை காலை சுப்ரபாத சேவை, வேத பாராயணம் உள்ளிட்ட சிறப்பு பூஜைகள் நடத்தப்பட்டு, காலை 9 மணி முதல் 10 மணிக்குள் பட்டாச்சாரியார்களால் வேத மந்திரங்கள் ஓத, ராஜகோபுரம், கோயில் விமானங்களுக்கு குடமுழுக்கு நடைபெறும். இதையடுத்து, காலை 10.30 மணிக்கு சர்வ தரிசனம், காலை 11 மணிக்கு வரதராஜ பெருமாள் திருக்கல்யாண உத்ஸவம் நடைபெறும். விழாவில், பங்கேற்கும் பக்தர்களுக்கு, விழாக்குழு சார்பில் பிரசாதங்கள் மற்றும் அன்னதானம் வழங்கப்பட உள்ளது.

]]>
https://www.dinamani.com/all-editions/edition-dharmapuri/dharmapuri/2019/feb/08/கோட்டை-பரவாசுதேவ-சுவாமி-கோயிலில்-பிப்10-இல்-குடமுழுக்கு-3091809.html
3091808 தருமபுரி தருமபுரி தருமபுரியை வறட்சி மாவட்டமாக அறிவிக்க பாஜக கோரிக்கை DIN DIN Friday, February 8, 2019 09:28 AM +0530 தருமபுரியை வறட்சி பாதித்த மாவட்டமாக அறிவிக்க வேண்டும் என பாஜக கோரிக்கை விடுத்துள்ளது.
இதுகுறித்து பாஜக விவசாய அணி மாவட்ட பொதுச் செயலர் குழந்தை ரவி வியாழக்கிழமை வெளியிட்டுள்ள அறிக்கை: தருமபுரி மாவட்டத்தில் வடகிழக்கு பருவமழை பொய்த்துப்போனதால் அரூர், மொரப்பூர், கடத்தூர், பாப்பிரெட்டிப்பட்டி வட்டாரப் பகுதிகளில் ஏரி, குளம், குட்டைகள், நீர்த்தேக்கங்களில் தண்ணீர் இருப்பு இல்லை. அரூர் மற்றும் பாப்பிரெட்டிப்பட்டி வட்டாரப் பகுதிகளில் மிக குறைந்த எண்ணிக்கையிலான விவசாயிகள் தவிர பிற விவசாயிகள் யாரும் நெல் பயிரிடவில்லை. இதனால், கால்நடைகளுக்கு தீவனப் பற்றாக்குறை ஏற்பட்டுள்ளது.
அதேபோல், கரும்பு, மஞ்சள், நிலக்கடலை, மரவள்ளிக் கிழங்கு, சோளம் உள்ளிட்ட பயிர்கள் அறுவடைக்கு வரும் நிலையில் காய்ந்து விட்டன. இதனால், ஏராளமான விவசாயிகளுக்கு அதிகளவில் இழப்பு ஏற்பட்டுள்ளது. போதிய தண்ணீர் இல்லாததால் தென்னை மரங்கள் காய்ந்து வருகின்றன. நிலத்தடி நீர்மட்டமும் வெகுவாக குறைந்துள்ளது. இதனால், விவசாயம் மற்றும் கால்நடைகளை நம்பியுள்ள மக்களுக்கு பெரும் பாதிப்புகள் ஏற்பட்டுள்ளன.
எனவே, தருமபுரி மாவட்டத்தில் விவசாயிகளுக்கு ஏற்பட்டுள்ள பாதிப்புகளை கணக்கெடுப்பு செய்து வறட்சி பாதித்த மாவட்டமாக அறிவித்து, விவசாயிகளுக்கு உரிய இழப்பீடு வழங்க வேண்டும் என அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-dharmapuri/dharmapuri/2019/feb/08/தருமபுரியை-வறட்சி-மாவட்டமாக-அறிவிக்க-பாஜக-கோரிக்கை-3091808.html
3090872 தருமபுரி தருமபுரி ஊதிய நிலுவைத் தொகை வழங்க ஓய்வுபெற்ற அலுவலர்கள் வலியுறுத்தல் DIN DIN Thursday, February 7, 2019 07:05 AM +0530 ஊதிய நிலுவைத் தொகையை வழங்க வேண்டும் என ஓய்வுபெற்ற அலுவலர்கள் வலியுறுத்தியுள்ளனர்.
தருமபுரி மாவட்ட ஓய்வுபெற்ற அரசு அலுவலர்கள் சங்கத்தின் மாதாந்திர கூட்டம் செவ்வாய்க்கிழமை செயலர் எம்.சதாசிவம் தலைமையில் நடைபெற்றது.
இக் கூட்டத்தில், 21 மாத கால நிலுவை ஊதியத்தை விரைந்து வழங்க வேண்டும். மருத்துவ காப்பீட்டு தொகை மாதந்தோறும் ரூ.350 பிடித்தம் செய்வதை கைவிட்டு, மீண்டும் ரூ. 150 மட்டும் பிடித்தம் செய்ய வேண்டும்.
மருத்துவப் படி ரூ. 1,000-ஆக உயர்த்தி வழங்க வேண்டும். தேர்தலின்போது அளித்த இலவச பேருந்து பயண அட்டை வாக்குறுதியை நிறைவேற்ற தமிழக அரசு நடவடிக்கை எடுக்க வேண்டும். புதிய ஓய்வூதியத் திட்டத்தை ரத்து செய்து, மீண்டும் பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-dharmapuri/dharmapuri/2019/feb/07/ஊதிய-நிலுவைத்-தொகை-வழங்க-ஓய்வுபெற்ற-அலுவலர்கள்-வலியுறுத்தல்-3090872.html
3090871 தருமபுரி தருமபுரி சிறுமிக்கு பாலியல் தொந்தரவு கொடுத்தவர் கைது DIN DIN Thursday, February 7, 2019 07:04 AM +0530 தருமபுரி அருகே சிறுமிக்கு பாலியல் தொந்தரவு கொடுத்தவரை போலீஸார் போக்ஸோ சட்டப் பிரிவில் கைது செய்தனர்.
தருமபுரி அருகே கிராமத்தைச் சேர்ந்த 10 வயது சிறுமி அருகிலுள்ள அரசு உயர் நிலைப் பள்ளியில் படித்து வருகிறார். இச்சிறுமிக்கு, அதே பகுதியைச் சேர்ந்த அழகர் (37) என்பவர் தொடர்ந்து பாலியல் தொந்தரவு கொடுத்து வந்தார். இதையறிந்த சிறுமியின் பெற்றோர் தருமபுரி அனைத்து மகளிர் காவல் நிலையத்தில் புகார் அளித்தனர். விசாரணையில் புகார் உறுதி செய்யப்பட்டதால் அழகரை போலீஸார் போக்ஸோ சட்டப் பிரிவின் கீழ் கைது செய்தனர்.
 

]]>
https://www.dinamani.com/all-editions/edition-dharmapuri/dharmapuri/2019/feb/07/சிறுமிக்கு-பாலியல்-தொந்தரவு-கொடுத்தவர்-கைது-3090871.html
3090870 தருமபுரி தருமபுரி விவசாயிகளுக்கு பயிற்சி முகாம் DIN DIN Thursday, February 7, 2019 07:04 AM +0530 தருமபுரி மாவட்டம், நல்லம்பள்ளி மற்றும் பென்னாகரம் வட்டார வேளாண்துறை சார்பில் விவசாயிகளுக்கு பயிற்சி முகாம் புதன்கிழமை நடைபெற்றது.
நல்லம்பள்ளி அருகே லளிகம் கிராமத்தில் நடைபெற்ற பயிற்சி முகாமுக்கு, வேளாண் இணை இயக்குநர் இளங்கோவன் தலைமை வகித்தார். இப் பயிற்சியில் பயிர் பாதுகாப்பு மற்றும் பாதுகாப்பான முறையில் ரசாயனங்களை கையாள்வது குறித்து பயிற்சியும், நீடித்த நிலையான மானாவரி இயக்கம், பிரதமரின் பயிர் காப்பீடு, மானியத் திட்டங்கள், உழவன் செயலி குறித்த விளக்கமளிக்கப்பட்டது. இதையடுத்து, விவசாயிகளுக்குப் பயிற்சி கையேடுகள் வழங்கப்பட்டன. வேளாண் அலுவலர் இளங்கோ, வட்டாரத் தொழில்நுட்ப மேலாளர் அருண்குமார், உதவி தொழில்நுட்ப மேலாளர்கள் கபிலன் மற்றும் தமிழ்ச்செல்வி மற்றும் விவசாயிகள் கலந்து கொண்டனர்.
இதேபோல, பென்னாகரம் அருகே கேதையன் கொட்டாய் கிராமத்தில் நடைபெற்ற பயிற்சியில், வேளாண் அலுவலர் மணிவண்ணன் தலைமை வகித்துப் பேசினார். இதில், புதிய தொழில்நுட்பங்களைப் பயன்படுத்தி அதிக லாபம் பெறுவது மற்றும் மல்பரி வளர்ப்பு தொடர்பாக பயிற்சி அளிக்கப்பட்டது. விஞ்ஞானி வி. சின்னதுரை, பட்டு வளர்ப்பு உதவி ஆய்வாளர் ஆர். கிருஷ்ணன், இளைநிலை ஆய்வாளர் பிரபா, வட்டாரத் தொழில்நுட்ப மேலாளர் கா. சரவணன் மற்றும் விவசாயிகள் கலந்து கொண்டனர்.

]]>
https://www.dinamani.com/all-editions/edition-dharmapuri/dharmapuri/2019/feb/07/விவசாயிகளுக்கு-பயிற்சி-முகாம்-3090870.html