Dinamani - அரியலூர் - https://www.dinamani.com/all-editions/edition-trichy/ariyalur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3119307 திருச்சி அரியலூர் சுமை ஆட்டோ மோதி காயமடைந்த  தொழிலாளி சாவு DIN DIN Saturday, March 23, 2019 04:26 AM +0530 விக்கிரமங்கலம் அருகே சுமை ஆட்டோ மோதி காயமடைந்த கூலித் தொழிலாளி வியாழக்கிழமை உயிரிழந்தார்.
புதுக்கோட்டை மாவட்டம், ரகுநாதபுரத்தைச் சேர்ந்தவர் முருகையன்(35).இவர் அரியலூர் மாவட்டம் வி.கைகாட்டியில் தங்கி,அப்பகுதியில் விவசாயக் கூலி வேலை செய்து வந்தார். இந்நிலையில் புதன்கிழமை வி.கைகாட்டி கிராம நிர்வாக அலுவலகம் அருகே இருசக்கர வாகனத்தில் சென்ற போது, பின்னால் வந்த சுமை ஆட்டோ மோதியது. இதில் பலத்த காயமடைந்த முருகையன், அரியலூர் அரசு மருத்துவமனையில் அனுமதிக்கப்பட்டு வியாழக்கிழமை உயிரிழந்தார். இதுகுறித்து விக்கிரமங்கலம் போலீஸார் வழக்குப்பதிவு  செய்து விசாரித்து வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/23/சுமை-ஆட்டோ-மோதி-காயமடைந்த--தொழிலாளி-சாவு-3119307.html
3119306 திருச்சி அரியலூர் மோட்டார் சைக்கிளில் தவறி விழுந்தவர் சாவு DIN DIN Saturday, March 23, 2019 04:26 AM +0530 ஜயங்கொண்டம் அருகே மோட்டார் சைக்கிளில் இருந்து தவறி விழுந்தவர் வியாழக்கிழமை இரவு உயிரிழந்தார்.
அரியலூர் மாவட்டம், ஜயங்கொண்டம் சீனிவாசநகரைச் சேர்ந்தவர் கமாலுதீன் (60). வியாழக்கிழமை இரவு ஜயங்கொண்டம் கடைவீதிக்கு வந்து விட்டு, சிதம்பரம் சாலையில் மோட்டார் சைக்கிளில் சென்று கொண்டிருந்தார். சாலையின் குறுக்கே சென்ற நபர் மீது மோதாமல் இருக்க திடீரென பிரேக் போட்ட போது, கமாலுதீன் மோட்டார் சைக்கிளில் இருந்து தவறி விழுந்து பலத்த காயமடைந்தார். தொடர்ந்து ஜயங்கொண்டம் அரசுமருத்துவமனைக்கு கொண்டு செல்லப்பட்டார். ஆனால் செல்லும் வழியிலேயே அவர் உயிரிழந்தார்.
இதுகுறித்து ஜயங்கொண்டம் போலீஸார் வழக்குப்பதிந்து விசாரித்து வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/23/மோட்டார்-சைக்கிளில்-தவறி-விழுந்தவர்-சாவு-3119306.html
3119303 திருச்சி அரியலூர் அரியலூரில் வாக்காளர் விழிப்புணர்வுப் பேரணி DIN DIN Saturday, March 23, 2019 04:26 AM +0530 மக்களவைத் தேர்தலில் வாக்காளர்கள் 100 சதவிகிதம் வாக்களிக்க வேண்டும் என வலியுறுத்தி, அரியலூரில் விழிப்புணர்வுப் பேரணி வெள்ளிக்கிழமை நடைபெற்றது. 
அரியலூர் அரசு கலைக்கல்லூரி வளாகத்தில் தொடங்கிய பேரணியை, மாவட்ட வருவாய் அலுவலர் பொற்கொடி கொடியசைத்து தொடக்கி வைத்தார். பேரணியில் பங்கேற்ற கல்லூரி மாணவ, மாணவிகள், 100 சதவிகிதம் நேர்மையாக வாக்களிப்போம், அனைவரும் தவறாமல் வாக்களிப்போம் என்ற விழிப்புணர்வு வாசகங்கள் அடங்கிய பதாகைகளை கைகளில் ஏந்தி,முக்கிய சாலை வழியாகச் சென்று பேருந்து நிலையத்தில் நிறைவு செய்தனர். 
அரியலூர் வருவாய்க் கோட்டாட்சியர்  சத்தியநாராயணன், மாவட்ட வழங்கல் அலுவலர் ரவீந்திரன்,  அரியலூர் அரசுக் கலைக் கல்லூரி முதல்வர் பழனிசாமி உள்ளிட்ட  பலர் பேரணியில் பங்கேற்றனர்.
 

]]>
https://www.dinamani.com/all-editions/edition-trichy/ariyalur/2019/mar/23/அரியலூரில்-வாக்காளர்-விழிப்புணர்வுப்-பேரணி-3119303.html
3119305 திருச்சி அரியலூர் இளைஞருக்கு அரிவாள் வெட்டு DIN DIN Saturday, March 23, 2019 04:25 AM +0530 அரியலூர் மாவட்டம், ஜயங்கொண்டம் அருகே இளைஞரை அரிவாளால் வெட்டி, கொலை மிரட்டல் விடுத்தவர் வெள்ளிக்கிழமை கைது செய்யப்பட்டார்.
ஜயங்கொண்டம் தேனூர் மேலத்தெருவைச் சேர்ந்தவர் அழகிரி (32). வியாழக்கிழமை இரவு வீட்டில் சாப்பிட்டுக் கொண்டிருந்த போது, சாப்பாட்டில் கல் இருந்ததாகக் கூறி தனது தாயை திட்டிக் கொண்டிருந்தாராம்.
அப்போதுஅங்கு வந்த  அவரது உறவினர் சபாபதி (58),  மல்லிகா (49) ஆகியோர் தங்களைத்தான் திட்டுவதாகக் கருதி,  அழகிரியை காலில் அரிவாளால் வெட்டி, கொலைமிரட்டல் விடுத்துள்ளனர். காயமடைந்த அழகிரி ஜயங்கொண்டம் அரசு மருத்துவமனையில் அனுமதிக்கப்பட்டார். இதுகுறித்து அளிக்கப்பட்ட புகாரில் போலீஸார் வழக்குப்பதிந்து, சபாபதி, மல்லிகாவைக் கைது செய்து விசாரித்து வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/23/இளைஞருக்கு-அரிவாள்-வெட்டு-3119305.html
3119304 திருச்சி அரியலூர் வாக்காளர் புகைப்பட அடையாள அட்டை இல்லாதவர்கள் கவனத்துக்கு... DIN DIN Saturday, March 23, 2019 04:25 AM +0530 மக்களவைத் தேர்தலில் வாக்காளர் புகைப்பட அடையாள அட்டை இல்லாத வாக்காளர்கள், புகைப்படத்துடன் கூடிய 11 வகையான ஆவணங்களில் ஏதேனும் ஒன்றை காண்பித்து வாக்களிக்கலாம் என  மாவட்ட ஆட்சியர் மு.விஜயலட்சுமி தெரிவித்துள்ளார்.
இதுகுறித்து வெள்ளிக்கிழமை அவர் வெளியிட்டுள்ள செய்திக்குறிப்பு:
மக்களவைத் தேர்தலில் வாக்களிக்கும் வாக்காளர்கள் வாக்களிப்பதற்கு முன்னர், தங்களது புகைப்படத்துடன் கூடிய வாக்காளர் அடையாள அட்டையை அளிக்க வேண்டும். இந்த அட்டை இல்லாதவர்கள்கடவுசீட்டு, ஓட்டுநர் உரிமம், மத்திய, மாநில அரசின் பொதுத்துறை நிறுவனங்களால் வரையறுக்கப்பட்ட தொழிலாளர்கள் தங்களது புகைப்படத்துடன் கூடிய பணி அடையாள அட்டை, புகைப்படத்துடன் கூடிய வங்கி , அஞ்சலகக் கணக்குப் புத்தகம், நிரந்தர கணக்கு எண் அட்டை (பான் கார்டு) தேசிய மக்கள் தொகை பதிவேட்டின் கீழ் இந்திய தலைமைப்பதிவாளாரால் வழங்கப்பட்டுள்ள ஸ்மார்ட் அட்டை, மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை, புகைப்படத்துடன் கூடிய ஓய்வூதியம் ஆவணம்,  ஆதார் அட்டை உள்பட 11 ஆவணங்களில் ஒன்றை அடையாள அட்டையாக பயன்படுத்தி வாக்களிக்கலாம்.
 

]]>
https://www.dinamani.com/all-editions/edition-trichy/ariyalur/2019/mar/23/வாக்காளர்-புகைப்பட-அடையாள-அட்டை-இல்லாதவர்கள்-கவனத்துக்கு-3119304.html
3119302 திருச்சி அரியலூர் அதிமுக, நாம் தமிழர் கட்சி உள்பட  4 வேட்பாளர்கள் மனு தாக்கல் DIN DIN Saturday, March 23, 2019 04:24 AM +0530 சிதம்பரம் மக்களவைத்  தொகுதியில் போட்டியிடும் அதிமுக வேட்பாளர் பொ.சந்திரசேகர் உள்பட 4 பேர் வெள்ளிக்கிழமை வேட்புமனுவைத் தாக்கல் செய்தனர்.
அரியலூர் மாவட்ட ஆட்சியரகத்தில் மாவட்டத் தேர்தல் நடத்தும் அலுவலரும், ஆட்சியருமான மு. விஜயலட்சுமியிடம்  அதிமுக வேட்பாளர் பொ.சந்திரசேகர் தனது மனுவைத் தாக்கல் செய்தார். அப்போது,அதிமுக மாவட்டச் செயலரும்,அரசு தலைமைக் கொறடாவுமான தாமரை.எஸ்.ராஜேந்திரன்,பாட்டாளி மக்கள் கட்சி மாநிலத் துணைத் தலைவர் க.வைத்தி,தேமுதிக மாநிலத் துணைத் தலைவர் உமாநாத் உள்ளிட்டோர் உடனிருந்தனர். 
இதைத் தொடர்ந்து  அதிமுக வேட்பாளர் சந்திரசேகர் அளித்த பேட்டி: இத்தொகுதியில் நான் வெற்றிப்பெற்றால் அரியலூர்-சிதம்பரம் ரயில் பாதை திட்டத்தை தொடங்க நடவடிக்கை எடுப்பேன்.ஜயங்கொண்டம் பழுப்பு நிலக்கரி அனல்மின் திட்டத்தை செயல்படுத்த நடவடிக்கை எடுப்பேன். மேலும் தொகுதி வளர்ச்சிக்கு தேவையான அனைத்து அடிப்படை வசதிகளையும் செய்து தருவேன் என்றார்.
முன்னதாக அதிமுக வேட்பாளர் பொ.சந்திரசேகர் கூட்டணி கட்சி நிர்வாகிகளுடன் ஊர்வலமாகச் சென்று, அரியலூர் பேருந்து நிலையம் அருகிலுள்ள அண்ணா,எம்.ஜி.ஆர்,அம்பேத்கர், பெரியார் சிலைகளுக்கு  மாலை அணிவித்தார்.
அதேபோல், நாம் தமிழர் கட்சி சார்பில் போட்டியிடும் புவனகிரி எம்.சிவஜோதி(35), தேசிய மக்கள் சக்தி கட்சியை சேர்ந்த திட்டக்குடி கோனூரை சேர்ந்த சு. பார்வதி, சுயேட்சை வேட்பாளர் காட்டுமன்னார்கோவில் ஜகதீசன் ஆகியோரும் தேர்தல் நடத்தும் அலுவலர் மு.விஜயலட்சுமியிடம் வெள்ளிக்கிழமை வேட்புமனு தாக்கல் செய்தனர்.
 

]]>
https://www.dinamani.com/all-editions/edition-trichy/ariyalur/2019/mar/23/அதிமுக-நாம்-தமிழர்-கட்சி-உள்பட--4-வேட்பாளர்கள்-மனு-தாக்கல்-3119302.html
3119301 திருச்சி அரியலூர் மக்களவைத் தேர்தல்: ரூ.68 லட்சம் மதிப்பு வெள்ளி நகைகள் பறிமுதல் DIN DIN Saturday, March 23, 2019 04:23 AM +0530 அரியலூர் மாவட்டத்தில் தேர்தல் பறக்கும் படையினர் வெள்ளிக்கிழமை மேற்கொண்ட வாகனத் தணிக்கையில், ரூ.68 லட்சம் மதிப்பிலான வெள்ளி நகைகள், ரூ.2.34 லட்சம் ரொக்கம் ஆகியவை பறிமுதல் செய்யப்பட்டன.
திருச்சி-ஜயங்கொண்டம் சாலை, உடையார்பாளையம் அருகே நாச்சியார்பேட்டையில் நிலை கண்காணிப்பு குழுவினர் வெள்ளிக்கிழமை வாகனத் தணிக்கையில் ஈடுபட்டிருந்தனர்.
அப்போது, திருச்சியிலிருந்து ஜயங்கொண்டம் நோக்கி சென்ற காரை நிறுத்தி சோதனையிட்டபோது,அதில் ரூ. 68 லட்சம் மதிப்பிலான வெள்ளி நகைகள் உரிய ஆவணங்கள் இல்லாமல் கொண்டு சென்றது தெரியவந்தது. தொடர்ந்து நடத்திய விசாரணையில்  , திருச்சி நடுகுஜிலி தெரு தங்கராசு மகன் முருகன்(54), ஜயங்கொண்டத்திலுள்ள நகை கடைகளுக்கு விற்பனைக்காக கொண்டு சென்றது தெரியவந்தது.இதையடுத்து அதிகாரிகள் அவைகளை பறிமுதல் செய்து,அரியலூர் கோட்டாட்சியர் சத்தியநாராயணிடம் ஒப்படைத்தனர். 
இதுபோல,  ஜயங்கொண்டம் அருகே செந்துறை ஒன்றிய உதவிப் பொறியாளர் கண்ணன் தலைமையிலான தேர்தல் பறக்கும் படையினர் வாகனத் தணிக்கையில் ஈடுபட்டிருந்தனர். அப்போது, அவ்வழியே வந்த கோவிந்தபுத்தூர் செந்தில் காரை மறித்து சோதனை செய்ததில், உரிய ஆவணங்களின்றி ரூ.2.34 லட்சம் கொண்டு செல்வது தெரியவந்தது. 
இதனையடுத்து, அவற்றை பறிமுதல் செய்த பறக்கும் படையினர் உடையார்பாளையம் கோட்டாட்சியர் ஜோதி வசம் ஒப்படைத்தனர்.
 

]]>
https://www.dinamani.com/all-editions/edition-trichy/ariyalur/2019/mar/23/மக்களவைத்-தேர்தல்-ரூ68-லட்சம்-மதிப்பு-வெள்ளி-நகைகள்-பறிமுதல்-3119301.html
3119299 திருச்சி அரியலூர் டாஸ்மாக் கடையை அகற்றக் கோரி பெருமாள்தீயனூர் மக்கள்  ஆர்ப்பாட்டம் DIN DIN Saturday, March 23, 2019 04:23 AM +0530 அரியலூர் மாவட்டம்,விக்கிரமங்கலம் அருகே டாஸ்மாக் கடையை அகற்றக்கோரி கிராம மக்கள் வெள்ளிக்கிழமை ஆர்ப்பாட்டத்தில் ஈடுபட்டனர்.
விக்கிரமங்கலம் அருகேயுள்ள பெருமாள் தீயனூர் கிராமத்தில் அரசு டாஸ்மாக் கடை இயங்கி வருகிறது. இக்கடையால், அப்பகுதி பெண்கள், பள்ளிக்கு செல்லும் குழந்தைகளுக்கு தொடர்ந்து இடையூறு ஏற்பட்டு வருகிறது. 
எனவே, கடையை அகற்ற வேண்டுமெனக்கோரி அக்கிராம மக்கள் வெள்ளிக்கிழமை ஆர்ப்பாட்டத்தில் ஈடுபட்டனர். பின்னர் அவர்கள் அந்த டாஸ்மாக் கடையை முற்றுகையிட சென்றனர். 
இது குறித்து தகவலறிந்து சென்ற விக்கிரமங்கலம் போலீஸார், பொதுமக்களைத் தடுத்து நிறுத்தி, தற்போது தேர்தல் விதிமுறைகள் நடைமுறையில் இருப்பதால், ஜுன் மாதத்துக்கு மேல் உரிய நடவடிக்கை மேற்கொள்ளப்படும் என தெரிவித்ததையடுத்து அனைவரும் கலைந்து சென்றனர்.

]]>
https://www.dinamani.com/all-editions/edition-trichy/ariyalur/2019/mar/23/டாஸ்மாக்-கடையை-அகற்றக்-கோரி-பெருமாள்தீயனூர்-மக்கள்--ஆர்ப்பாட்டம்-3119299.html
3119298 திருச்சி அரியலூர் கர்ப்பிணிப் பெண்களுக்கு ரத்தசோகை விழிப்புணர்வு முகாம் DIN DIN Saturday, March 23, 2019 04:22 AM +0530 அரியலூர் மாவட்டம், திருமானூர் அரசு ஆரம்ப சுகாதார நிலையத்தில் ஒருங்கிணைந்த குழந்தைகள் வளர்ச்சித் திட்டம் மற்றும் போஷன் அபியான் திட்டத்தின் கீழ் கர்ப்பிணிப் பெண்களுக்கான விழிப்புணர்வு முகாம்  வெள்ளிக்கிழமை நடைபெற்றது.
 முகாமுக்கு மருத்துவர் முபாரக் தலைமை வகித்து, பெண்களுக்கு ரத்தசோகை வருவதற்கான காரணங்கள், அதனை சரிசெய்யும் முறை, அதற்காக எடுத்துக் கொள்ள வேண்டிய உணவு வகைகள், முறைகள் குறித்தும் விளக்கிப் பேசினார். 
சமுதாய சுகாதார செவிலியர் சரஸ்வதி, குழந்தைகள் வளர்ச்சி திட்ட மேற்பார்வையாளர் பூபதி,
ஒருங்கிணைந்த குழந்தை  வளர்ச்சித் திட்ட  ஒருங்கிணைப்பாளர் ஸ்ரீகாந்தி  முன்னிலை வகித்தனர். 
முகாமில் கலந்து கொண்ட கர்ப்பிணிப் பெண்களுக்கு அவர்களின் எடை மற்றும் ரத்த அழுத்தம் பரிசோதனை செய்யப்பட்டது.  முன்னதாகதிட்ட உதவியாளர் விமலா வரவேற்றார். 
 

]]>
https://www.dinamani.com/all-editions/edition-trichy/ariyalur/2019/mar/23/கர்ப்பிணிப்-பெண்களுக்கு-ரத்தசோகை-விழிப்புணர்வு-முகாம்-3119298.html
3119297 திருச்சி அரியலூர் காங்கிரஸில் இணைந்த த.மா.கா.வினர் DIN DIN Saturday, March 23, 2019 04:22 AM +0530 தமிழ் மாநில காங்கிரஸ் கட்சியின் அரியலூர் நகர்ப் பகுதியைச் சேர்ந்த நிர்வாகிகள் 25பேர் அக்கட்சியிலிருந்து விலகி வெள்ளிக்கிழமை காங்கிரஸ் கட்சியில் இணைந்தனர்.
மக்களவைத் தேர்தலில் அதிமுக-பா.ஜ.க. கூட்டணியில், தமிழ் மாநில காங்கிரஸ் கட்சியும் இணைந்தது. கட்சியின் இந்த நடவடிக்கைக்கு எதிர்ப்பு தெரிவிக்கும் வகையில், அரியலூர் மாவட்ட தமிழ் மாநில காங்கிரஸ் பொதுச் செயலர் எஸ்.ராகவன், மாவட்ட சிறுபான்மைத் தலைவர் வில்பர்ட், மாவட்டக் கலைப்பிரிவுத் தலைவர் பாப்பா உட்பட 25 பேர் அக்கட்சியில் இருந்து விலகி, காங்கிரஸ் கட்சியின் மாவட்டத் தலைவர் ஜி.ராஜேந்திரனை வெள்ளிக்கிழமை சந்தித்து இணைந்தனர். நிகழ்வில்,  காங்கிரஸ் கட்சியின் செய்தித் தொடர்பாளர் சிவக்குமார்,நிர்வாகிகள் ரவிந்திரபோஸ்,திருநாவுக்கரசு,சந்திரசேகர் உள்பட பலரும் கலந்து கொண்டனர்.

]]>
https://www.dinamani.com/all-editions/edition-trichy/ariyalur/2019/mar/23/காங்கிரஸில்-இணைந்த-தமாகாவினர்-3119297.html
3118562 திருச்சி அரியலூர் ஜயங்கொண்டம் அருகே தேர்தல் புறக்கணிப்பு: வீடுகளில் கருப்புக்கொடி DIN DIN Friday, March 22, 2019 08:50 AM +0530 மக்களவை தேர்தலை புறக்கணிக்கவுள்ளதாகக் கூறி ஜயங்கொண்டம் அருகேயுள்ள மேலூர் கிராம மக்கள் வியாழக்கிழமை தங்களது வீடுகளில் கருப்புக் கொடி கட்டி தங்கள் எதிர்ப்பைத் தெரிவித்துள்ளனர் . 
கடந்த 1992 ஆம் ஆண்டில் ஜயங்கொண்டத்தை சுற்றியுள்ள சுமார் 15-க்கும் மேற்பட்ட கிராமங்களில் 22 ஆயிரம் பேரிடம் 10 ஆயிரம் ஏக்கர் நிலங்கள் பழுப்பு நிலக்கரி திட்டத்துக்காக நிலங்கள் கையகப்படுத்தப்பட்டது. சுமார் 25 ஆண்டுகளுக்கு மேலாகியும் திட்டம் தொடங்கப்படவில்லை. தமிழக அரசு இப்பிரச்னைக்கு தீர்வு காண இரண்டு நீதிமன்றங்களை அமைத்து தீர்ப்பு வழங்கியும் முழுமையான இழப்பீடு வழங்கப்படவில்லை. இதனால், சொந்த ஊரில் அகதிகளாக வாழும் சூழ்நிலைக்கு தள்ளப்பட்டுள்ளோம். எனவே, திட்டத்தை உடனே தொடங்க வேண்டும். இல்லையேல், திட்டத்துக்கு நிலம் கொடுத்தவர்களிடம் நிலத்தை திருப்பி வழங்க வேண்டும். இல்லையெனில் வரும் மக்களவை தேர்தலை புறக்கணிக்கவுள்ளதாகக் கூறி ஜயங்கொண்டம் அருகேயுள்ள மேலூர் கிராம மக்கள் கிராமம் முழுவதும் கருப்புக்கொடி கட்டி தங்களது எதிர்ப்பை தெரிவித்தனர்.
இதுகுறித்து ஜயங்கொண்டம் போலீஸார், ஆண்டிமடம் வட்டாட்சியர் ராஜமூர்த்தி, வருவாய் அலுவலர் திலகவதி, விஏஓ குருமூர்த்தி ஆகியோர் கிராம மக்களிடம் பேச்சுவார்த்தையில் ஈடுபட்டு வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/22/ஜயங்கொண்டம்-அருகே-தேர்தல்-புறக்கணிப்பு-வீடுகளில்-கருப்புக்கொடி-3118562.html
3118561 திருச்சி அரியலூர் பதற்றமான வாக்குச்சாவடிகளில் மாவட்ட எஸ்.பி., ஆய்வு DIN DIN Friday, March 22, 2019 08:49 AM +0530 அரியலூர் மாவட்டம் ஜயங்கொண்டம் சட்டப்பேரவைத் தொகுதியில் பதற்றமான வாக்குச்சாவடிகளில் மாவட்டக் காவல் கண்காணிப்பாளர் சீனிவாசன் புதன்கிழமை ஆய்வு மேற்கொண்டார். 
ஜயங்கொண்டம் - விருத்தாசலம் சாலையில் பெரிய ஆத்துக்குறிச்சி மற்றும் கும்பகோணம் - சென்னை சாலையில் காடுவெட்டியிலும் புதிதாக சோதனைச்சாவடிகளை திறந்து வைத்த பின்னர் அவர் மேலும் கூறியது:   வாக்காளர்கள் அனைவரும் சுதந்திரமாகவும் பாரபட்சமின்றியும் அமைதியான முறையில் வாக்களிக்க பாதுகாப்பை பலப்படுத்திவுள்ளோம் என்றார்.
ஜயங்கொண்டம் வட்டார காவல் துணை கண்காணிப்பாளர் கென்னடி, காவல் நிலைய ஆய்வாளர்கள் மீன்சுருட்டி மலைச்சாமி, ஜயங்கொண்டம் ராஜ்மோகன், ஆண்டிமடம் ஜெகதீசன், தா.பழூர் ரஞ்சனா மற்றும் உதவி ஆய்வாளர்கள் கலந்து கொண்டனர்.
 

]]>
https://www.dinamani.com/all-editions/edition-trichy/ariyalur/2019/mar/22/பதற்றமான-வாக்குச்சாவடிகளில்-மாவட்ட-எஸ்பி-ஆய்வு-3118561.html
3118560 திருச்சி அரியலூர் பங்குனி உத்திர தேரோட்டம்: கோயில்களில் சிறப்பு வழிபாடு, தேரோட்டம்.. DIN DIN Friday, March 22, 2019 08:49 AM +0530 பங்குனி உத்திரத்தை முன்னிட்டு அரியலூர் மாவட்டத்தில் உள்ள கோயில்களில் முருகப் பெருமானுக்கு வியாழக்கிழமை சிறப்பு வழிபாடு நடைபெற்றது. 
அரியலூர் ஆலந்துறையார் கோயில் சன்னதியில் உள்ள அருள்மிகு முருகனுக்கும் , பெரம்பலூர் சாலையில் உள்ள அருள்மிகு பாலசுப்பிரமணியன் சுவாமி திருக்கோயிலிலும் சிறப்பு அபிஷேகம் நடைபெற்றது. செந்துறை நெய்வனத்தில் அமைந்துள்ள பழைமை வாய்ந்த செல்வசுப்ரணியர் திருக்கோயிலில் பங்குனி உத்திரத்தை முன்னிட்டு திருக்கல்யாண நிகழ்ச்சியும், சுவாமி வீதியுலாவும் நடைபெற்றது. 
முன்னதாக வள்ளி தெய்வானையுடன் கூடிய முருகப் பெருமானுக்கு பால்,தயிர், தேன், பழம், பன்னீர், பஞ்சாமிர்தம் உள்ளிட்ட பொருள்களால் அபிஷேகம் நடத்தப்பட்டது. பின்னர் மலர்களால் அலங்கரிக்கப்பட்ட வள்ளி,
தெய்வானையுடன் கூடிய முருகப்பெருமான் பக்தர்களுக்கு காட்சிதந்தார். இதேபோல் திருமழபாடி, கீழப்பழுவூர், பொன்பரப்பி, ஆண்டிமடம்,ஜயங்கொண்டம், மீன் சுருட்டி, தா.பழூர் உள்ளிட்ட பகுதிகளில் உள்ள சிவன் கோயில் சன்னதியில் உள்ள முருகப்பெருமானுக்கு சிறப்பு அபிஷேக ஆராதனை நடைபெற்றது. இதில் திரளான பக்தர்கள் கலந்து கொண்டு சுவாமி தரிசனம் செய்தனர்.
தேரோட்டம் : பங்குனி உத்திரத்தை முன்னிட்டு அரியலூர் மாவட்டம் வி.கைகாட்டி அருகே காஞ்சிலிகொட்டாய் கிராமத்திலுள்ள முருகன் கோயிலில் தேரோட்டம் வியாழக்கிழமை நடைபெற்றது.
முன்னதாக வள்ளி, தெய்வானை மற்றும் முருகன் சுவாமிகளுக்கு சிறப்பு அபிஷேகங்கள் நடைபெற்றது. தொடர்ந்து, சுவாமிகள் தேரில் எழுந்தருளினர். பின்னர், பக்தர்கள் தேரை வடம் பிடித்து இழுத்துச்சென்றனர். 
தேர் கிராமத்தின் முக்கிய வீதிகளின் வழியே சென்று மாலை நிலையை அடைந்தது. தேரோட்டத்தை தொடர்ந்து பக்தர்கள் முருகனுக்கு பால்குடம் எடுத்து தங்களது நேர்த்திக்கடனை செலுத்தினர்.

]]>
https://www.dinamani.com/all-editions/edition-trichy/ariyalur/2019/mar/22/பங்குனி-உத்திர-தேரோட்டம்-கோயில்களில்-சிறப்பு-வழிபாடு-தேரோட்டம்-3118560.html
3118559 திருச்சி அரியலூர் ஜயங்கொண்டம் ரயில் பாதை திட்டத்துக்கு உறுதியளிக்கும் வேட்பாளருக்கு ஆதரவு DIN DIN Friday, March 22, 2019 08:49 AM +0530 அரியலூர் மாவட்டம் ஜயங்கொண்டம் ரயில் பாதை திட்டத்தை செயல்படுத்துவேன் என்று உறுதியளிக்கும் வேட்பாளருக்கு ஆதரவு அளிப்பதாக பென்ஷனர் சங்க கூட்டத்தில் தீர்மானம் நிறைவேற்றப்பட்டது.
 உடையார்பாளையம் வட்ட அகில பாரத மூத்த குடிமக்கள் மற்றும் பென்சனர் சங்கக் கூட்டம் அண்மையில் நடைபெற்றது.கூட்டத்துக்கு, அச்சங்கத் தலைவர் சிவசிதம்பரம் தலைமை வகித்தார். ராசமாணிக்கம் முன்னிலை வகித்தார். செயலர் ராமமூர்த்தி அறிக்கை வாசித்தார்.  
கூட்டத்தில், பொங்கல் கருணை தொகையை உடனடியாக வழங்க வேண்டும். மக்களவைத் தேர்தலில் அனைவரும் வாக்களித்து ஜனநாயக கடைமையாற்ற வேண்டும். கும்பகோணம் - ஜயங்கொண்டம் - விருத்தாசலம், சிதம்பரம் - ஜயங்கொண்டம் - அரியலூர் ரயில் பாதையைக் கொண்டுவர பாடுபடுவேன்  என்ற உறுதியளிக்கும் வேட்பாளரை வெற்றியடையச் செய்வது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.
பொருளாளர் சுந்தரேசன், நிர்வாகிகள் ராமையன், அருமைநாதன், பாஷ்யம், கோவிந்தராசன், லூர்து, குருசாமி, கோவிந்தராசன், கலியபெருமாள் ஆகியோர் பங்கேற்றனற்.  துணைத் தலைவர் சோ. ராமசாமி வரவேற்றார். பூ. ராமசாமி நன்றி கூறினார்.

]]>
https://www.dinamani.com/all-editions/edition-trichy/ariyalur/2019/mar/22/ஜயங்கொண்டம்-ரயில்-பாதை-திட்டத்துக்கு-உறுதியளிக்கும்-வேட்பாளருக்கு-ஆதரவு-3118559.html
3118558 திருச்சி அரியலூர் அரியலூர் ஆட்சியரகத்தில் தேர்தல் கட்டுப்பாட்டு அறை ஆய்வு DIN DIN Friday, March 22, 2019 08:48 AM +0530 அரியலூர் மாவட்ட ஆட்சியர் அலுவலகத்தில் உள்ள தேர்தல் கட்டுப்பாட்டு அறை மற்றும் ஊடக மையம், ஊடக சான்றிதழ் வழங்கும் குழுவினர் அறை ஆகியவற்றை தேர்தல் செலவின பார்வையாளர் துர்காதத் வியாழக்கிழமை பார்வையிட்டு செய்தார்.
இந்த ஆய்வில் உடனிருந்த மாவட்ட ஆட்சியரும், தேர்தல் நடத்தும் அலுவலருமான மு. விஜயலட்சுமி இதுகுறித்து தெரிவித்ததாவது:
மக்களவைத் தேர்தலை முன்னிட்டு, தகவல் கட்டுப்பாட்டு மையம், ஊடக சான்றிதழ் வழங்கும் மற்றும் ஊடக கண்காணிப்புக் குழு அமைக்கப்பட்டு கண்காணிப்பு பணிகள் மேற்கொள்ளப்பட்டு வருகிறது.  
அரசியல் கட்சிகள் மற்றும் வேட்பாளர்கள் இ-பதிப்பு செய்தித்தாள்களில் கொடுக்கப்படும் விளம்பரங்களுக்கு ஊடக மையம் மற்றும் ஊடக சான்றிதழ் வழங்கும்  குழுவிடம் முன்சான்றிதழ் பெறவேண்டும். தேர்தல் நாள் மற்றும் தேர்தலுக்கு முந்தைய நாள்  செய்தித்தாளில் வெளியிடப்படும் அரசியல் விளம்பரங்களுக்கும் முன்சான்றிதழ் பெறவேண்டும். தவறும்பட்சத்தில் தேர்தல் நடத்தை விதிமுறைகள் கீழ்  நடவடிக்கை மேற்கொள்ளப்படும். இந்த மையத்தில் 24 மணிநேரமும் சுழற்சி முறையில் அலுவலர்கள் பணியாற்றி வருகின்றனர்.  மேலும், தேர்தல் நடத்தை விதிமுறைகள் மீறப்பட்டது தொடர்பான புகார்களை 04329-228605, 04329-228606, 04329-228607 என்ற எண்களில் பொதுமக்கள்  தெரிவிக்கலாம். இவ்வாறு தெரிவிக்கப்படும் புகார்கள் உடனுக்கு டன் பதிவு செய்யப்பட்டு, விசாரணைகளின்  அடிப்படையில் உரிய நடவடிக்கைகள் மேற்கொள்ளப்படும்.
ஆய்வின்போது, வருமான வரித்துறை துணை இயக்குநர் கண்ணன், சிதம்பரம் சார் ஆட்சியர் விசு மகாஜன், மாவட்ட வருவாய் அலுவலர் பொற்கொடி, செய்தி மக்கள் தொடர்பு அலுவலர் ரா.ஜெயஅருள்பதி மற்றும் அலுவலர்கள் உடனிருந்தனர்.

]]>
https://www.dinamani.com/all-editions/edition-trichy/ariyalur/2019/mar/22/அரியலூர்-ஆட்சியரகத்தில்-தேர்தல்-கட்டுப்பாட்டு-அறை-ஆய்வு-3118558.html
3118557 திருச்சி அரியலூர் மாற்றுத் திறனாளிகளுக்கு வாக்குப்பதிவு பயிற்சி   DIN DIN Friday, March 22, 2019 08:48 AM +0530 மக்களவைத் தேர்தலை முன்னிட்டு அரியலூர் மாவட்டம் ஜயங்கொண்டம் வட்டாட்சியர் அலுவலகத்தில் மாற்றுத்திறனாளிகள் மின்னணு இயந்திரத்தில் வாக்களிப்பது குறித்த பயிற்சி வியாழக்கிழமை நடைபெற்றது.
பயிற்சியை, வட்டாட்சியர் குமரைய்யா தலைமை வகித்து தொடக்கி வைத்தார். மாற்றுத்திறனாளிகள் நல அலுவலர் ச. காமாட்சி, மண்டல துணை  வட்டாட்சியர், மீனா, தேர்தல் தனி வட்டாட்சியர் செல்வகுமார் ஆகியோர் முன்னிலை வகித்து பயிற்சியளித்தனர். மேலும், தேர்தல் தொடர்பான விழிப்புணர்வு வாசங்கள் அடங்கிய துண்டுப்பிரசுரங்கள், வில்லைகள்(ஸ்டீக்கர்) ஆகியவை பொதுமக்களுக்கு வழங்கப்பட்டது.

]]>
https://www.dinamani.com/all-editions/edition-trichy/ariyalur/2019/mar/22/மாற்றுத்-திறனாளிகளுக்கு-வாக்குப்பதிவு-பயிற்சி-3118557.html
3118556 திருச்சி அரியலூர் அதிக பாரம் ஏற்றிவந்த 3 லாரிகளுக்கு அபராதம் DIN DIN Friday, March 22, 2019 08:47 AM +0530 அரியலூர் மாவட்டத்தில் அதிக பாரம் ஏற்றி வந்த 3 கனரக டிப்பர் லாரிகளுக்கு அபராதம் விதிக்கப்பட்டுள்ளதாக வட்டார போக்குவரத்து அலுவலர் ஜெயதேவராஜ் தெரிவித்துள்ளார்.
இதுகுறித்து அவர் வியாழக்கிழமை வெளியிட்ட செய்திக்குறிப்பு: 
         அரியலூர் மாவட்டத்தில் அதிக பாரம் ஏற்றி வந்த 3 கனரக டிப்பர் லாரிகளுக்கு தலா ரூ.25,000 வீதம் ரூ.75,000 அபராதம் விதிக்கப்பட்டு, கனரக வாகனம் இயக்கி வந்த ஓட்டுநர்களின் உரிமம் தற்காலிகமாக ரத்து செய்து, நடவடிக்கை மேற்கொள்ளப்பட்டுள்ளது.
மேலும், விபத்துகளைத் தவிர்க்கும் விதத்தில் பல்வேறு நடவடிக்கைகள் மேற்கொள்ளப்பட்டு வருகிறது. 
அதில், சாலைகளில் வேகத்தடை, ஒளிரும் வில்லைகள், சிமென்ட் ஆலைகளில் இருந்து சுண்ணாம்புக்கல் ஏற்றி வரும் கனரக வாகனங்கள் அனுமதிக்கப்பட்ட எடை அளவு ஏற்றப்பட்டு உள்ளதா எனவும், வேகக்கட்டுப்பாட்டு கருவி பொறுத்தப்பட்டுள்ளதை உறுதி செய்யவும் ஆய்வு செய்யப்பட்டு வருகிறது.

]]>
https://www.dinamani.com/all-editions/edition-trichy/ariyalur/2019/mar/22/அதிக-பாரம்-ஏற்றிவந்த-3-லாரிகளுக்கு-அபராதம்-3118556.html
3117844 திருச்சி அரியலூர் நிரந்தர வீட்டுமனைப்பட்டா வழங்க வலியுறுத்தல் DIN DIN Thursday, March 21, 2019 07:41 AM +0530 அரியலூர் மாவட்டம், திருமானூர் அருகிலுள்ள மேலவரப்பன்குறிச்சி காலனித் தெரு மக்களுக்கு நிரந்தர வீட்டு மனைப்பட்டா வழங்க வேண்டும் என மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.
கீழவரப்பன்குறிச்சி  கிராமத்தில் செவ்வாய்க்கிழமை நடைபெற்ற கட்சிக் கூட்டத்தில் நிறைவேற்றப்பட்ட தீர்மானங்கள்:
 மேலவரப்பன்குறிச்சி புதுகாலனி தெருவில் வசித்துவரும் மக்களுக்கு நிரந்தர வீட்டுமனைப் பட்டா அரசு வழங்க  வேண்டும் . அங்கு மகளிர் சுகாதார வளாகம் கட்டித்தர வேண்டும். 
மேலும்  மேலராமநல்லூர்- கீழராமநல்லூர் இடையே இணைப்புச்சாலை அமைத்து தர வேண்டும் . ஏலாக்குறிச்சி புனித அடைக்கல மாதா திருத்தலம் முன்பு பல லட்சம் ரூபாய் மதிப்பில் கட்டப்பட்டு திறக்கப்படாமல் உள்ள பேருந்து நிலையத்தை மக்கள் பயன்பாட்டிற்கு கொண்டு வர வேண்டும் என்பன உள்ளிட்ட தீர்மானங்கள் நிறைவேற்றப்பட்டன. கூட்டத்துக்கு கட்சியின் ஒன்றியச் செயலர் புனிதன் தலைமை வகித்தார். ஓன்றியகுழு உறுப்பினர்கள் ஆரோக்கியநாதன், சுகந்தி  முன்னிலை வகித்தனர். முன்னதாக சகாயமேரி வரவேற்றார். ஏராளமானோர் கூட்டத்தில் பங்கேற்றனர்.
 

]]>
https://www.dinamani.com/all-editions/edition-trichy/ariyalur/2019/mar/21/நிரந்தர-வீட்டுமனைப்பட்டா-வழங்க-வலியுறுத்தல்-3117844.html
3117843 திருச்சி அரியலூர் மது விற்பனை: பெண் உள்பட  5 பேர் கைது DIN DIN Thursday, March 21, 2019 07:40 AM +0530 அரியலூர் மாவட்டம், தா.பழூர் மற்றும் ஆண்டிமடம் பகுதிகளில் மதுபானம் விற்றதாக பெண் உள்பட 5 பேர் செவ்வாய்க்கிழமை இரவு கைது செய்யப்பட்டனர்.
தா.பழூர் காவல் நிலைய உதவி ஆய்வாளர்கள் குணசேகரன், பன்னீர்செல்வம் தலைமையிலான போலீஸார் செவ்வாய்க்கிழமை இரவு அப்பகுதியில் ரோந்து பணியில் ஈடுபட்ட போது,சோழமாதேவி,நாயகனைப்பிரியாள் பகுதியில் மதுபானம் விற்றதாக சுரேஷ் (33), விஜயா(37) ஆகிய இருவரையும் கைது செய்தனர்.
இதுபோல, ஆண்டிமடம் பகுதியில் மதுபானம் விற்றுக்கொண்டிருந்த சேகர்(45),அந்தோணி இருதயராஜ்(35),அருள்தாஸ்(49) ஆகிய 3 பேரை ஆண்டிமடம் காவல் நிலைய உதவி ஆய்வாளர் பிரகஸ்பதி தலைமையிலான போலீஸார் கைது செய்தனர்.

]]>
https://www.dinamani.com/all-editions/edition-trichy/ariyalur/2019/mar/21/மது-விற்பனை-பெண்-உள்பட--5-பேர்-கைது-3117843.html
3117842 திருச்சி அரியலூர் அரியலூர் மாவட்டத்தில் இதுவரை ரூ.16.55 லட்சம் பறிமுதல் DIN DIN Thursday, March 21, 2019 07:40 AM +0530 அரியலூர் மாவட்டத்தில் இதுவரை மேற்கொண்ட வாகனத்  தணிக்கையில் ரூ.16.55 லட்சம் பறிமுதல் செய்யப்பட்டுள்ளது என்றார் மாவட்ட தேர்தல் அலுவலரும்,ஆட்சியருமான மு.விஜயலட்சுமி.
சிதம்பரம் மக்களவைத் தொகுதிக்கான தேர்தல் செலவினங்களை கண்காணிப்பதற்காக, அரியலூர் மாவட்ட ஆட்சியர் அலுவலகத்தில் புதன்கிழமை ஆலோசனை கூட்டம் நடைபெற்றறது. இக்கூட்டத்தில் ஆட்சியர் மேலும் பேசியது:
மக்களவைத் தேர்தலுக்கான அனைத்து ஏற்பாடுகளும் செய்யப்பட்டுள்ளன.வாகனத் தணிக்கையில் இதுவரை ரூ.16.55 லட்சம் ரொக்கத்தொகை பறிமுதல் செய்யப்பட்டுள்ளன.தேர்தல் மாதிரி நடத்தை விதிமுறைகளை அரசு அலுவலர்கள், அரசியல் கட்சியினர், வாக்காளர்கள் என அனைவரும் தவறாமல் கடைபிடித்து மக்களவைத் தேர்தலை சிறந்த முறையில் நடத்த ஒத்துழைப்பு அளிக்க வேண்டும் என்றார் அவர். கூட்டத்துக்கு தேர்தல் செலவினப் பார்வையாளர் துர்காதத் தலைமை வகித்தார்.  வருமானவரித் துறை துணை இயக்குநர் கண்ணன், சிதம்பரம் சார் ஆட்சியர் விசுமகாஜன்  முன்னிலை வகித்தனர்.  மாவட்ட வருவாய் அலுவலர் பொற்கொடி, கோட்டாட்சியர்கள் அரியலூர் நா.சத்தியநாராயணன் உடையார்பாளையம் ஜோதி, பெரம்பலூர் மாவட்ட வழங்கல் அலுவலர் (பொ) மஞ்சுளா உள்ளிட்ட  அலுவலர்கள் கூட்டத்தில் பங்கேற்றனர்.

]]>
https://www.dinamani.com/all-editions/edition-trichy/ariyalur/2019/mar/21/அரியலூர்-மாவட்டத்தில்-இதுவரை-ரூ1655-லட்சம்-பறிமுதல்-3117842.html
3117841 திருச்சி அரியலூர் தொகுதிக்கு 100 பேர் போட்டி: பிரசாரம் செய்த விவசாயிகளுக்கு போலீஸார் எச்சரிக்கை DIN DIN Thursday, March 21, 2019 07:39 AM +0530 மக்களவைத் தேர்தலில் தொகுதிக்கு 100 பேர் போட்டியிட வேண்டும் என்று அரியலூர் அருகே பிரசாரம் செய்த விவசாயிகளுக்கு போலீஸார் எச்சரிக்கை விடுத்தனர். இதனால் அவர் திரும்பிச் சென்றனர்.
மக்களவையில் விவசாயிகளின் குரல்கள் ஒலிக்க வேண்டும், அதற்கு தொகுதிக்கு 100 விவசாயிகள் போட்டியிட வேண்டும் என வலியுறுத்தி, தஞ்சாவூர் மாவட்டம், திருக்காட்டுப்பள்ளியில் தனதுபிரசாரத்தை தொடங்கிய மக்கள் சேவை இயக்கத் தலைவர் தங்க.சண்முகசுந்தரம் பல்வேறு பகுதிகளில் துண்டு பிரசுரங்களை வழங்கினார்.
இதைத் தொடர்ந்து, சில விவசாயிகளுடன் இணைந்து அரியலூர் மாவட்டம், செந்துறைக்கு தங்க.சண்முகசுந்தரம் மற்றும் விவசாயிகள் பிரசாரம் செய்ய வந்தனர்.
அப்போது அங்கு வந்த செந்துறை போலீஸார், அனுமதி இல்லாமல் பிரசாரம் செய்யக் கூடாது. மீறி செய்தால் கைது செய்யப்படுவீர் என எச்சரிக்கை செய்தனர். இதையடுத்து தங்க. சண்முகசுந்தரம் உள்ளிட்டோர் பிரசாரம் செய்யாமல் திரும்பிச் சென்றனர்.

]]>
https://www.dinamani.com/all-editions/edition-trichy/ariyalur/2019/mar/21/தொகுதிக்கு-100-பேர்-போட்டி-பிரசாரம்-செய்த-விவசாயிகளுக்கு-போலீஸார்-எச்சரிக்கை-3117841.html
3117840 திருச்சி அரியலூர் மக்களவைத் தேர்தல்: வாகனத் தணிக்கையை ஆய்வு செய்த செலவினப் பார்வையாளர் DIN DIN Thursday, March 21, 2019 07:38 AM +0530 அரியலூரில் பறக்கும் படையினர் மேற்கொண்டு வரும் வாகனத் தணிக்கை பணியினை தேர்தல் செலவினப் பார்வையாளர் துர்காதத் புதன்கிழமை ஆய்வு செய்தார்.
சிதம்பரம் மக்களவைத் தொகுதியில், ஒரு சட்டப் பேரவைத் தொகுதிக்கு மூன்று வீதம் 6 தொகுதிகளில் 18 பறக்கும் படை, 18  நிலையான கண்காணிப்புக் குழுவினர் சோதனை செய்து வருகின்றனர்.
இந்நிலையில், புதன்கிழமை அரியலூரிலிருந்து குன்னம் வழியாக செல்லும் வாகனங்களை மறித்து சோதனை செய்து கொண்டிருந்த தேர்தல் பறக்கும் படையினரின் பணிகளை தேர்தல் செலவினப்  பார்வையாளர் துர்காதத்,பார்வையிட்டு ஆய்வு செய்தார்.
அப்போது அவர்,போக்குவரத்துக்கு இடையூறாக இல்லாமல்,சாலையில் செல்லும் அனைத்து வாகனங்களையும் துரிதமாக சோதனை செய்ய வேண்டும் என்று தேர்தல் பறக்கும் படையினரை அறிவுறுத்தினார்.
மேலும், சிதம்பரம் (தனி) மக்களவைத் நாடாளுமன்ற தொகுதி தேர்தல் தொடர்பான புகார்களை தனது 8925096095 செல்லிடப்பேசி எண்ணில்  பொதுமக்கள் தொடர்புக் கொண்டு புகார்களை தெரிவிக்கலாம் என்றார். 
இந்தஆய்வின்போது, வட்ட வழங்கல் அலுவலர் பழனிச்செல்வன் மற்றும் காவல் துறையினர், அலுவலர்கள் உட்பட பலர் உடனிருந்தனர்.
 

]]>
https://www.dinamani.com/all-editions/edition-trichy/ariyalur/2019/mar/21/மக்களவைத்-தேர்தல்-வாகனத்-தணிக்கையை-ஆய்வு-செய்த-செலவினப்-பார்வையாளர்-3117840.html
3117839 திருச்சி அரியலூர் அரசுத் தொடக்கப்பள்ளியில் மாணவர் சேர்க்கை தொடக்கம் DIN DIN Thursday, March 21, 2019 07:38 AM +0530 அரியலூர் மாவட்டம், செந்துறை அருகிலுள்ள மணப்பத்தூர் ஊராட்சி ஒன்றியத் தொடக்கப்பள்ளியில் கல்விச்சீர் வழங்குதல், மாணவர்கள் சேர்க்கை தொடக்கம் மற்றும் பள்ளி ஆண்டுவிழா என முப்பெரும் விழா செவ்வாய்க்கிழமை நடைபெற்றது.
விழாவில், நாற்காலி, தரை விரிப்புகள், பீரோ போன்ற  ரூ.1.50 லட்சம் மதிப்பிலான கல்விச் சீர் பொருள்களை பொதுமக்கள் ஊர்வலமாக கொண்டு வந்து பள்ளிக்கு வழங்கினர். தொடர்ந்து நடைபெற்ற மாணவர் சேர்க்கையில், முதல் வகுப்பில் 18 மாணவ, மாணவிகளை அவர்களது பெற்றோர் சேர்த்தனர். மாணவர் சேர்க்கையை செந்துறை கல்வி மாவட்ட அலுவலர் மணிமொழி தொடக்கி வைத்தார்.  இதைத் தொடர்ந்து நடைபெற்ற ஆண்டுவிழாவில் மாணவர்களின் கலை நிகழ்ச்சிகள் நடைபெற்றன.
விழாவில், வட்டாரக் கல்வி அலுவலர்கள் ராஜேந்திரன், மதலைராஜ்  சிறப்புரையாற்றினர். வட்டார வளமைய மேற்பார்வையாளர் குணசேகரன், செந்துறை அரசு மாதிரிப்பள்ளித் தலைமையாசிரியர் விஜயராகவன்,  மணப்பத்தூர் அரசு உயர்நிலைப்பள்ளித்  தலைமையாசிரியர் சந்தனகுமார் மற்றும் குழுமூர், இலைக்கடம்பூர் ஊராட்சி ஒன்றிய தொடக்கப்பள்ளித் தலைமையாசிரியர்கள் ராவணன், கொளஞ்சிநாதன், பெற்றோர்கள் கலந்து கொண்டனர். முன்னதாக பள்ளித் தலைமையாசிரியர் சிவமூர்த்தி வரவேற்றார். நிறைவில் ஆசிரியை கன்னிகா நன்றி கூறினார்.

]]>
https://www.dinamani.com/all-editions/edition-trichy/ariyalur/2019/mar/21/அரசுத்-தொடக்கப்பள்ளியில்-மாணவர்-சேர்க்கை-தொடக்கம்-3117839.html
3117485 திருச்சி அரியலூர் தேர்தல் நடத்தை விதிகளை மீறினால் கடும் நடவடிக்கை: ஜயங்கொண்டம் காவல் ஆய்வாளர் DIN DIN Wednesday, March 20, 2019 09:44 AM +0530 தேர்தல் நடத்தை விதிகளை மீறுபவர்கள் மீது கடும் நடவடிக்கை எடுக்கப்படும் என்று ஜயங்கொண்டம் காவல் ஆய்வாளர் ராஜ்மோகன் தெரிவித்துள்ளார்.
அரியலூர் மாவட்டம் ஜயங்கொண்டத்தில் திருமண மண்டபம், பிளக்ஸ், பிரிண்டிங் பிரஸ் மற்றும் தங்கும் விடுதி உரிமையாளர்களுடன் செவ்வாய்க்கிழமை நடைபெற்ற ஆலோசனைக் கூட்டத்தில் அவர் மேலும் தெரிவித்தாவது: 
டிஜிட்டல் பிளக்ஸ் பிரிண்டிங் உரிமையாளர்கள், பிளக்ஸ் பிரிண்டிங் அடிப்பதற்கான அனுமதியைப் பெற வேண்டும். பிளக்ஸ் பிரிண்டிங் செய்யும்போது அதில் அனுமதி பெற்ற எண், பிரிண்டிங் அச்சக பெயர், எண்ணிக்கை உள்ளிட்டவை பிரிண்டிங் செய்ய வேண்டும். 
திருமண மண்டபம், மீட்டிங் ஹால் உரிமையாளர்கள், அரசியல் கட்சி கூட்டங்களை உரிய அனுமதி பெற்றபின் நடத்த அனுமதிக்க வேண்டும். எந்தக் கட்சியினர் கூட்டங்கள் நடத்தினாலும் காவல் நிலையத்தில் தகவல் அளிக்க வேண்டும். 
தேர்தலுக்கு முன்பாக 48 மணி நேரம் முன்பு மண்டபம், விடுதிகள் ஆகியவற்றில் வெளியூர் நபர்கள் தங்கியிருந்தால் உடனே அவர்களை அப்புறப்படுத்த வேண்டும். 
தேர்தல் விதிமுறைகளை மீறும் பிளக்ஸ் அச்சகங்கள், பிரஸ் உரிமையாளர்கள், திருமண மண்டப உரிமையாளர்கள், லாட்ஜ், மீட்டிங் ஹால் உரிமையாளர் மீது சட்டப்படியான நடவடிக்கை எடுக்கப்படும் என்றார்.

]]>
https://www.dinamani.com/all-editions/edition-trichy/ariyalur/2019/mar/20/தேர்தல்-நடத்தை-விதிகளை-மீறினால்-கடும்-நடவடிக்கை-ஜயங்கொண்டம்-காவல்-ஆய்வாளர்-3117485.html
3117484 திருச்சி அரியலூர் மனைவி மாயம்: கணவர் புகார் DIN DIN Wednesday, March 20, 2019 09:44 AM +0530 அரியலூர் மாவட்டம் ஜயங்கொண்டம் அருகே மாயமான பெண்ணைப் போலீஸார் தேடி வருகின்றனர். 
ஜயங்கொண்டம் அருகேயுள்ள காட்டாத்தூர் கிராமத்தைச் சேர்ந்தவர் பழமலை (39). இவருக்கும் இவரது மனைவி ரதிதேவி (38) என்பவருக்கும் திருமணமாகி 10 வயதில் பெண் குழந்தை, 6 வயதில் ஆண் குழந்தை உள்ளது. 
இந்நிலையில் தம்பதி  இடையே அடிக்கடி தகராறு ஏற்பட்டு வந்தது. கடந்த 16 ஆம் தேதி இருவருக்கும் இடையே ஏற்பட்ட தகராறில் கோபித்துக்கொண்டு வெளியே சென்ற ரதிதேவி வீட்டுக்கு வரவில்லை. பல இடங்களில் தேடியும் ரதிதேவி கிடைக்கவில்லை. இதுகுறித்து ஆண்டிமடம் காவல் நிலையத்தில் பழமலை புகார் செய்தார். அதன் பேரில் போலீஸார் செவ்வாய்க்கிழமை வழக்குப் பதிந்து தேடிவருகின்றனர்.
 

]]>
https://www.dinamani.com/all-editions/edition-trichy/ariyalur/2019/mar/20/மனைவி-மாயம்-கணவர்-புகார்-3117484.html
3117483 திருச்சி அரியலூர் ஜனநாயக மாதர் சங்கத்தினர் ஆர்ப்பாட்டம் DIN DIN Wednesday, March 20, 2019 09:44 AM +0530 பொள்ளாச்சி பாலியல் வன்கொடுமை சம்பவத்தைக் கண்டித்து, அரியலூர் மாவட்டம் திருமானூர் பேருந்து நிலையம் அருகே அனைத்திந்திய ஜனநாயக மாதர் சங்கத்தினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
ஆர்ப்பாட்டத்தில், பொள்ளாச்சியில் பாலியல் வன்கொடுமை சம்பவத்தில் ஈடுபட்ட குற்றவாளிகளுக்கு அதிக பட்ச தண்டனை வழங்க வேண்டும். இனி வரும் காலங்களில் இது போன்ற குற்றங்கள் நடைபெறாமல் தடுக்க கடுமையான சட்டங்கள்  நிறைவேற்றபட வேண்டும் என வலியுறுத்தப்பட்டது.
ஆர்ப்பாட்டத்துக்கு மாதர் சங்க ஒன்றியச்செயலர் கலைமணி தலைமை வகித்தார். மாவட்டச் செயலர் பத்மாவதி, மாவட்டத் தலைவர் பாக்கியம், அரியலூர் ஒன்றியச் செயலர் மலர்கொடி ஆகியோர் கண்டன உரையாற்றினர். ஆர்ப்பாட்டத்தில் அனைத்திந்திய ஜனநாயக மாதர் சங்கத்தினர், மார்க்சிஸ்ட் கம்யூனிஸ்ட் கட்சியினர், தோழமை கட்சியினர் கலந்து கொண்டனர். 
 

]]>
https://www.dinamani.com/all-editions/edition-trichy/ariyalur/2019/mar/20/ஜனநாயக-மாதர்-சங்கத்தினர்-ஆர்ப்பாட்டம்-3117483.html
3117482 திருச்சி அரியலூர் கீழப்பழுவூர் ஆலந்துறையார் கோயிலில் ஐ.ஜி. பொன்.மாணிக்கவேல் ஆய்வு DIN DIN Wednesday, March 20, 2019 09:43 AM +0530 அரியலூர் மாவட்டம் கீழப்பழுவூரில் உள்ள ஆலந்துறையார் கோயிலில் சிலை கடத்தல் தடுப்பு பிரிவு ஐ.ஜி. பொன்.மாணிக்கவேல் செவ்வாய்க்கிழமை இரவு அங்குள்ள சிலைகள் குறித்து ஆய்வு மேற்கொண்டார். தொடர்ந்து அருகேயுள்ள மறவனீஸ்வரர் கோயிலையும்  பார்வையிட்டு, அங்குள்ள கல்வெட்டுகளை ஆய்வு செய்தார்.
பின்னர் செந்தியாளர்களிடம் அவர் கூறுகையில்: இது சாதாரண ஆய்வு தான். எந்த ஒரு புகாரின் பேரிலும் ஆய்வு மேற்கொள்ளவில்லை. மாவட்டத்தில் சிலை பாதுகாப்பு பெட்டகம் அமைக்க நடவடிக்கை மேற்கொள்ளப்பட்டு வருகிறது. இங்குள்ள மறவனீஸ்வரர் கோயில் ஆயிரம் காலங்கள் பழைமை வாய்ந்தவை, ஆலந்துறையார் கோயில் நூற்றுக்கணக்கான ஆண்டுகள் பழைமைவாய்ந்தவை என்றார். சுமார் 3 மணி நேரம் நடைபெற்ற இந்த ஆய்வினால் அப்பகுதியில்  பெரும் பரபரப்பு ஏற்பட்டது. 

]]>
https://www.dinamani.com/all-editions/edition-trichy/ariyalur/2019/mar/20/கீழப்பழுவூர்-ஆலந்துறையார்-கோயிலில்-ஐஜி-பொன்மாணிக்கவேல்-ஆய்வு-3117482.html
3117481 திருச்சி அரியலூர் தேசிய நெட்பால் போட்டி:  தமிழக அணி வீரர்களுக்கு பயிற்சி DIN DIN Wednesday, March 20, 2019 09:43 AM +0530 பெங்களூருவில் தேசிய அளவிலான 36 ஆவது சீனியர் பிரிவு ஆண்களுக்கான நெட்பால் போட்டி வரும் 23 ஆம் தேதி தொடங்கி 26 ஆம் தேதி வரை நடைபெறுகிறது. 
இப்போட்டியில் பங்கேற்கும் உள்ள தமிழக ஆண்கள் பிரிவு அணிக்கான நெட்பால் பயிற்சி முகாம் அரியலூர் மாவட்டம் உடையார்பாளையம் அடுத்த தத்தனூர் எம்ஆர் வித்யாலயா பள்ளியில் விளையாட்டு மைதானத்தில் நடைபெற்று  வருகிறது. 
பயிற்சி முகாமை தாளாளர் பாலசுப்பிரமணியன் தொடக்கி வைத்தார். போட்டியில் பங்கேற்கும் தமிழக அணி பிரிவில் பல்வேறு மாவட்டங்களைச் சேர்ந்த அணியில் விளையாடக் கூடிய 12 வீரர்களுக்கு பயிற்சி அளிக்கப்பட்டு வருகிறது. வீரர்களுக்கு தமிழ்நாடு நெட்பால் கழக பொது செயலாளர் பாண்டியன், உடற்கல்வி ஆசிரியர்கள் ராஜேஷ், சதீஷ், ரகுபால் ஆகியோர் பயிற்சி அளித்து வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/20/தேசிய-நெட்பால்-போட்டி--தமிழக-அணி-வீரர்களுக்கு-பயிற்சி-3117481.html
3117480 திருச்சி அரியலூர் ஜயங்கொண்டத்தில் ஓய்வூதியர்கள் கூட்டம் DIN DIN Wednesday, March 20, 2019 09:43 AM +0530 உடையார்பாளையம் வட்ட அகில பாரத மூத்த குடிமக்கள் மற்றும் ஓய்வூதியர்கள் கூட்டமைப்பு கூட்டம் ஜயங்கொண்டத்தில் செவ்வாய்க்கிழமை நடைபெற்றது.
கூட்டத்திற்கு வட்டத் தலைவர் கோ. சிவசிதம்பரம் தலைமை வகித்தார். பி. ராஜமாணிக்கம் முன்னிலை வகித்தார். செயலர் ராமமூர்த்தி அறிக்கை வாசித்தார். கூட்டத்தில், பொருளாளர் சுந்தரேசன் வரவு செலவு கணக்கு வாசித்தார். அருமைநாதன், கி.பாஷ்யம், கோவிந்தராசன், லூர்து, பி.என்.கலியபெருமாள் உள்ளிட்டோர் பேசினர். கூட்டத்தில், சி மற்றும் டி பிரிவு ஊழியர்களுக்கு வழங்கப்படாமல் உள்ள கருணை தொகையை உடனடியாக வழங்க வேண்டும். வரும் மக்களவை தேர்தலில் பணம் வாங்காமல் அனைவரும் தவறாமல் வாக்களிக்க வேண்டும்.  விருத்தாசலம் ஜயங்கொண்டம் வழியாக கும்பகோணம் ரயில்பாதை அமைக்க உறுதியளிக்கும் வேட்பாளருக்கு வாக்களிக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.  துணைத் தலைவர் ராமசாமி வரவேற்றார். பூராசாமி நன்றி கூறினார்.

]]>
https://www.dinamani.com/all-editions/edition-trichy/ariyalur/2019/mar/20/ஜயங்கொண்டத்தில்ஓய்வூதியர்கள்-கூட்டம்-3117480.html
3117416 திருச்சி அரியலூர் அதிநவீன திரையில் வாக்காளர் விழிப்புணர்வு குறும்படங்கள் ஒளிபரப்பு DIN DIN Wednesday, March 20, 2019 09:12 AM +0530 மக்களவைத் தேர்தலில் 100 சதவீத வாக்குப்பதிவினை பதிவு செய்யும் வகையில் அரியலூர் மாவட்ட ஆட்சியர் அலுவலக வளாகத்திலுள்ள அதிநவீன திரையில் ஒளிபரப்பட்டு வரும் வாக்காளர் விழிப்புணர்வு தொடர்பான குறுபடங்களை ஆட்சியரும், மாவட்ட தேர்தல் அலுவலருமான மு.விஜயலட்சுமி செவ்வாய்க்கிழமை பார்வையிட்டார்.  இக்குறும்படங்கள் மாவட்ட ஆட்சியர் அலுவலகத்திற்கு வரும் பொதுமக்கள் அனைவரும் பார்வையிடும் வகையில் அமைக்கப்பட்டுள்ளது.
நியாயவிலைக் கடைகளில்...
இதேபோல் வாக்காளர்களுக்கு விழிப்புணர்வு ஏற்படுத்தும் வகையில், அரியலூர் மாவட்டத்திலுள்ள 447 நியாயவிலைக் கடைகளிலும் தேர்தல் ஆணையத்தால் வடிவமைக்கப்பட்ட ஒட்டு வில்லைகள் ஓட்டபப்ட்டது. 
நிகழ்ச்சியில், செய்தி மக்கள் தொடர்பு அலுவலர் ரா.ஜெயஅருள், உதவி மக்கள் தொடர்பு அலுவலர்கள் க.சரவணன், அ.எழிலரசன், மாவட்ட வழங்கல் அலுவலர் எம்.ரவிச்சந்திரன், துணைப்பதிவாளர் (பொதுவிநியோகத் திட்டம்) சக்கரவர்த்தி உட்பட பலர் கலந்து கொண்டனர்.


 

]]>
https://www.dinamani.com/all-editions/edition-trichy/ariyalur/2019/mar/20/அதிநவீன-திரையில்-வாக்காளர்-விழிப்புணர்வு-குறும்படங்கள்-ஒளிபரப்பு-3117416.html
3117415 திருச்சி அரியலூர் ஜயங்கொண்டத்தில் வாக்காளர் விழிப்புணர்வு பிரசாரம் DIN DIN Wednesday, March 20, 2019 09:12 AM +0530 வரும் மக்களவைத் தேர்தலில் அனைவரும் தவறாமல் வாக்களிக்க வேண்டும் என ஜயங்கொண்டம் பேருந்து நிலையத்தில் கலை நிகழ்ச்சிகள் மூலம் விழிப்புணர்வு பிரசாரம் செவ்வாய்க்கிழமை நடைபெற்றது.  
வரும் மக்களவை தேர்தலில் 18 வயது நிரம்பிய அனைவரும் தவறாமல் வாக்களிக்க வேண்டும், வாக்காளர் பதிவேட்டில் தங்களது பெயரை சரிபார்க்க வேண்டும், ஜனநாயகக் கடமையை நிலைநாட்ட வேண்டும், எக்காரணம் கொண்டும் வாக்களிக்காமல் இருக்கக் கூடாது என்பன உள்ளிட்டவை குறித்த தேர்தல், வாக்குப்பதிவு குறித்த விழிப்புணர்வு கலை நிகழ்ச்சி ஜயங்கொண்டம் பேருந்து நிலையத்தில் செவ்வாய்க்கிழமை நடைபெற்றது. நிகழ்ச்சியில் மண்டல துணை வட்டாட்சியர் மீனா, வருவாய் ஆய்வாளர் சிவசக்தி, உதவியாளர் ராஜராஜன் உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-trichy/ariyalur/2019/mar/20/ஜயங்கொண்டத்தில்-வாக்காளர்-விழிப்புணர்வு-பிரசாரம்-3117415.html
3117414 திருச்சி அரியலூர் தேர்தல் பணிக்கு முன்னாள் படைவீரர்கள் விண்ணப்பிக்கலாம் DIN DIN Wednesday, March 20, 2019 09:12 AM +0530 மக்களவைத் தேர்தலில் பாதுகாப்பு பணியில் முன்னாள் படைவீரர்களை அதிகளவில்  ஈடுபடுத்த உத்தேசிக்கப்பட்டுள்ளது. எனவே,விருப்பமுள்ள அரியலூர் மாவட்டத்தைச் சேர்ந்த சார்ந்த 65 வயதிற்குட்பட்ட நல்ல உடல் திறனுள்ள இளநிலை படை அலுவலர்கள், முன்னாள் படைவீரர்கள் தங்களது அடையாள அட்டை மற்றும் வாக்காளர் அட்டையுடன் அரியலூர் புதிய மார்க்கெட் தெருவிலுள்ள முன்னாள் படைவீரர்கள் நல அலுவலக உதவி இயக்குநரை நேரில் அணுகவும். 
மேலும் விவரங்களுக்கு 04329-221011 என்ற தொலைபேசி எண்ணிலும் தொடர்பு கொள்ளலாம் என மாவட்ட தேர்தல் நடத்தும் அலுவலரும்,ஆட்சியருமான மு.விஜயலட்சுமி தெரிவித்துள்ளார்.
 

]]>
https://www.dinamani.com/all-editions/edition-trichy/ariyalur/2019/mar/20/தேர்தல்-பணிக்கு-முன்னாள்-படைவீரர்கள்-விண்ணப்பிக்கலாம்-3117414.html
3117413 திருச்சி அரியலூர் ஜயங்கொண்டம் அருகே ரூ.1.39 லட்சம் பறிமுதல் DIN DIN Wednesday, March 20, 2019 09:12 AM +0530 அரியலூர் மாவட்டம் ஜயங்கொண்டம் அருகே தேர்தல் பறக்கும் படையினர் செவ்வாய்க்கிழமை மேற்கொண்ட வாகன தணிக்கையில் உரிய ஆவணங்கள் இன்றி கொண்டு செல்லப்பட்ட ரூ.1 லட்சத்து 39 ஆயிரத்து 54 பறிமுதல் செய்யப்பட்டன.
மக்களவைத் தேர்தலை முன்னிட்டு மாவட்டம் முழுவதும் தேர்தல் பறக்கும் படையினர் தீவிர வாகன தணிக்கையில் ஈடுபட்டு வருகின்றனர். இந்நிலையில், ஜயங்கொண்டம் அருகேயுள்ள மகிமைபுரத்தில் தேர்தல் பறக்கும்படை அலுவலரும், வட்ட வழங்கல் அலுவலருமான ஆனந்தவேல் தலைமையிலான அதிகாரிகள் செவ்வாய்க்கிழமை வாகன தணிக்கையில் ஈடுபட்டனர்.
அப்போது, கல்லாத்தூரில் இருந்து ஜயங்கொண்டம் நோக்கிச்சென்ற இருசக்கர வாகனத்தை மறித்து சோதனையிட்டபோது, உரிய ஆவணங்கள் இன்றி ரூ.1 லட்சத்து 39 ஆயிரத்து 54 இருந்தது தெரியவந்தது. விசாரணையில், மேலணிகுழியில் இயங்கி வரும் தனியார் நுண்கடன் நிறுவனத்தின் ஊழியர் மணிகண்டன் ரொக்கத்தைக் கொண்டு சென்றது தெரியவந்தது. எனினும் உரிய ஆவணங்கள் இல்லாததால், அதிகாரிகள் பணத்தைப் பறிமுதல் செய்து ஜயங்கொண்டம் சார்நிலை கருவூலத்தில் ஒப்படைத்தனர்.
 

]]>
https://www.dinamani.com/all-editions/edition-trichy/ariyalur/2019/mar/20/ஜயங்கொண்டம்-அருகே-ரூ139-லட்சம்-பறிமுதல்-3117413.html
3116826 திருச்சி அரியலூர் பட்டா பெயர் மாற்ற  ரூ.1,000 லஞ்சம் : விஏஓ கைது DIN DIN Tuesday, March 19, 2019 09:22 AM +0530 அரியலூர் மாவட்டம் ஆண்டிமடம் அருகே பட்டா பெயர் மாற்றம் செய்ய ரூ.1,000 லஞ்சம் பெற்ற கிராம நிர்வாக அலுவலர் திங்கள்கிழமை கைது செய்யப்பட்டார். 
ஆண்டிமடம் அருகேயுள்ள ஓலையூர், குடிகாடு கிராமத்தைச் சேர்ந்தவர் ரா. அருள்பாண்டியன் (25). மாற்றுத்திறனாளி . இவரது தந்தை ராமலிங்கம் கடந்த சில ஆண்டுகளுக்கு முன்பே உயிரிழந்துவிட்டார். இதையடுத்து அருள்பாண்டியன் தனது தந்தை பெயரில் உள்ள சொத்தை தன் பெயருக்கு பட்டா மாற்றம் செய்வதற்கு கிராம நிர்வாக அலுவலர் சுமதியை அணுகியுள்ளார். அதற்கு அவர் ரூ.1,000 லஞ்சமாக தரவேண்டும் எனக் கேட்டதாகத் தெரிகிறது.
இதற்கு உடன்படாத அருள்பாண்டியன் அரியலூர் லஞ்சம் மற்றும் ஊழல் தடுப்பு காவல் நிலையத்தில் புகார் அளித்தார். இதையடுத்து காவல் ஆய்வாளர் ரமேஷ்குமார் அறிவுறுத்தலின் படி, ரசாயனம் தடவிய ரூ.1,000 நோட்டுகளை கிராம நிர்வாக அலுவலர் சுமதியிடம், அருள்பாண்டியன் திங்கள்கிழமை கொடுத்துள்ளார். அப்போது திட்டமிட்டபடி மறைந்து நின்றிருந்த லஞ்ச ஒழிப்பு போலீஸார் சுமதியை கையும் களவுமாகப் பிடித்துக் கைது செய்தனர்.
 

]]>
https://www.dinamani.com/all-editions/edition-trichy/ariyalur/2019/mar/19/பட்டா-பெயர்-மாற்ற--ரூ1000-லஞ்சம்--விஏஓ-கைது-3116826.html
3116796 திருச்சி அரியலூர் அனுமதியின்றி மது விற்றவர் கைது DIN DIN Tuesday, March 19, 2019 09:12 AM +0530 அரியலூர் மாவட்டம் ஜயங்கொண்டம் அருகே அனுமதியின்றி மதுபானம் விற்றவர் ஞாயிற்றுக்கிழமை நள்ளிரவு கைது செய்யப்பட்டனர்.
ஜயங்கொண்டம் காவல் நிலைய உதவி ஆய்வாளர் ஸ்ரீதர் தலைமையிலான போலீஸார் ஞாயிற்றுக்கிழமை இரவு அப்பகுதியில் வழக்கமான ரோந்துப் பணியில் ஈடுபட்டனர். அப்போது மதுபானம் விற்றுக்கொண்டிருந்த கீழக்குடியிருப்பு கிராமத்தைச் சேர்ந்த ரமேஷ்(36)  என்பவரைக் கைது செய்தனர்.

]]>
https://www.dinamani.com/all-editions/edition-trichy/ariyalur/2019/mar/19/அனுமதியின்றி-மது-விற்றவர்-கைது-3116796.html
3116795 திருச்சி அரியலூர் வழக்குரைஞர்கள் பணி புறக்கணிப்பு DIN DIN Tuesday, March 19, 2019 09:11 AM +0530 பொள்ளாச்சி பாலியல் வன்கொடுமை சம்பவத்தைக் கண்டித்தும், இச்சம்பவத்தில் ஈடுபட்டவர்கள் மீது உரிய நடவடிக்கை எடுக்க வேண்டும் என வலியுறுத்தியும் அரியலூர் மாவட்ட வழக்குரைஞர்கள் திங்கள்கிழமை நீதிமன்றப் பணி புறக்கணிப்பில் ஈடுபட்டனர். அரியலூரில் நடைபெற்ற இந்த பணி புறக்கணிப்புக்கு வழக்குரைஞர் சங்கச் செயலர் மணிகண்டன் தலைமை வகித்தார். ஜயங்கொண்டத்திலும் வழக்குரைஞர்கள் பணி புறக்கணிப்பில் ஈடுபட்டனர்.
 

]]>
https://www.dinamani.com/all-editions/edition-trichy/ariyalur/2019/mar/19/வழக்குரைஞர்கள்-பணி-புறக்கணிப்பு-3116795.html
3116794 திருச்சி அரியலூர் மகா மாரியம்மன் கோயில் பூச்சொரிதல் DIN DIN Tuesday, March 19, 2019 09:11 AM +0530 அரியலூர் மாவட்டம் திருமானூர் கொள்ளிட கரையின் வடபுறம் பேருந்து நிலையம் அருகேயுள்ள மகாமாரியம்மன் திருக்கோயிலில் பூச்சொரிதல் விழா ஞாயிற்றுக்கிழமை இரவு நடைபெற்றது.
கொள்ளிடம் ஆற்றில் இருந்து அலங்கரிக்கப்பட்ட வாகனத்தில் பூக்கூடைகளுடன் ஊர்வலமாக எடுத்து வந்த பொதுமக்கள் மகாமாரியம்மனுக்கு அவைகளை அளித்து பூச்சொரிதல் விழா நடத்தினர். தொடர்ந்து மகா தீபாராதனை காண்பிக்கப்பட்டு, பக்தர்களுக்கு விபூதி, குங்குமம் மற்றும் பூ ஆகியவற்றுடன் அன்னதானும் பிரசாதமாக  வழங்கப்பட்டது. 

]]>
https://www.dinamani.com/all-editions/edition-trichy/ariyalur/2019/mar/19/மகா-மாரியம்மன்-கோயில்-பூச்சொரிதல்-3116794.html
3116793 திருச்சி அரியலூர் இருசக்கர வாகனங்கள் மோதல்: கல்லூரி மாணவர் சாவு DIN DIN Tuesday, March 19, 2019 09:11 AM +0530 அரியலூர் மாவட்டம் வெங்கனூர் அருகே இரு சக்கர வாகனங்கள் மோதிக் கொண்ட விபத்தில் காயமடைந்த கல்லூரி மாணவர் சிகிச்சை பலனின்றி மருத்துவமனையில் ஞாயிற்றுக்கிழமை இரவு உயிரிழந்தார்.
திருச்சி மாவட்டம் புள்ளம்பாடி கிராமத்தைச் சேர்ந்த மணிராஜ் மகன் ஜோன்ஸ் (18). தனியார் கல்லூரியில் டிப்ளமோ படித்த இவர், சனிக்கிழம் இரவு திருமழபாடி வைத்தியநாத சுவாமி கோயிலில் நடைபெற்ற நந்தியெம்பெருமாள் திருக்கல்யாண நிகழ்ச்சியை காண்பதற்காக புள்ளபாடியில் இருந்து இலந்தைகூடம் வழியாகச் சென்று கொண்டிருந்தார். அப்போது இலந்தைகூடம் பிரிவு சாலை அருகே இவரது வாகனமும் எதிரே வந்த மற்றொரு வாகனமும் மோதி விபத்துக்குள்ளானது. இதில் பலத்த காயமடைந்த ஜோன்ஸ், திருச்சி தனியார் மருத்துவமனையில் அனுமதிக்கப்பட்டு அங்கு சிகிச்சை பலனின்றி ஞாயிற்றுக்கிழமை இரவு உயிரிழந்தார். வெங்கனூர் போலீஸார் விசாரிக்கின்றனர்.

]]>
https://www.dinamani.com/all-editions/edition-trichy/ariyalur/2019/mar/19/இருசக்கர-வாகனங்கள்-மோதல்-கல்லூரி-மாணவர்-சாவு-3116793.html
3116792 திருச்சி அரியலூர் பட்டதாரி பெண் மாயம்:  தந்தை போலீஸில் புகார் DIN DIN Tuesday, March 19, 2019 09:10 AM +0530 அரியலூர் மாவட்டம் ஜயங்கொண்டம் அருகே பட்டதாரி மகளைக் காணவில்லை என தா.பழூர் காவல் நிலையத்தில் தந்தை புகார் அளித்துள்ளார். 
ஜயங்கொண்டம் அருகே உள்ள தேவாமங்கலம் கிராமத்தைச் சேர்ந்தவர் ரங்கநாதன்(53). இவரது மகள் அருணா(25). எம்.எஸ்.சி., பி.எட் முடித்துவிட்டு உடையார்பாளையத்தில் உள்ள தனியார் பள்ளியில்  பணிபுரிந்து வருகிறார். இந்நிலையில் ஞாயிற்றுகிழமை மதியம் ஏரிக்கு குளிக்கச் சென்றவர் நீண்ட நேரமாகியும் வீடு திரும்பவில்லையாம். இதனால் உறவினர் வீடுகளில் தேடியும் அவர் கிடைக்கவில்லை. இதையடுத்து தா.பழூர் போலீஸ் நிலையத்தில் அவரது தந்தை ரங்கநாதன் புகார் அளித்தார்.

]]>
https://www.dinamani.com/all-editions/edition-trichy/ariyalur/2019/mar/19/பட்டதாரி-பெண்-மாயம்--தந்தை-போலீஸில்-புகார்-3116792.html
3116791 திருச்சி அரியலூர் தத்தனூரில் வேலைவாய்ப்பு முகாம்: 310 பேருக்கு பணி நியமன ஆணை DIN DIN Tuesday, March 19, 2019 09:10 AM +0530 அரியலூர் மாவட்டம் உடையார்பாளையம் அடுத்த தத்தனூர் மீனாட்சி ராமசாமி பாலிடெக்னிக் கல்லூரியில் திங்கள்கிழமை நடைபெற்ற தனியார் வேலைவாய்ப்பு முகாமில் 310 பேருக்கு பணிநியமன ஆணைகள் வழங்கப்பட்டன.
தத்தனூர் மீனாட்சி ராமசாமி பாலிடெக்னிக் கல்லூரியில் நடைபெற்ற வேலைவாய்ப்பு முகாமில் பல்வேறு முன்னணி நிறுவனங்கள் கலந்து கொண்டு, தங்களது நிறுவனத்தின் பல்வேறு பணியிடங்களுக்குத் தகுதியான 310 மாணவ, மாணவிகளைத்  தேர்ந்தெடுத்தனர். 
இவர்களுக்கு பணி நியமன ஆணையை மீனாட்சி ராமசாமி கல்வி நிறுவனங்களின் தாளாளர் எம்.ஆர்.ரகுநாதன், இணைச் செயலர் எம்.ஆர்.கமல்பாபு,இயக்குநர் ராஜமாணிக்கம், ஆலோசகர்கள் தங்கபிச்சையப்பா, ராமலிங்கம், கணேசன், பாலிடெக்னிக் கல்லூரியின் நிர்வாக இயக்குநர் கார்த்திகேயன் ஆகியோர் வழங்கினர். கல்லூரி முதல்வர் சிவசங்கர் வரவேற்றார். வேலைவாய்ப்பு அலுவலர் கொளஞ்சிநாதன் நன்றி தெரிவித்தார்.

]]>
https://www.dinamani.com/all-editions/edition-trichy/ariyalur/2019/mar/19/தத்தனூரில்-வேலைவாய்ப்பு-முகாம்-310-பேருக்கு-பணி-நியமன-ஆணை-3116791.html
3116790 திருச்சி அரியலூர் கிடங்குகள் இல்லாததால் சாலையோரம் கிடக்கும் நெல் மூட்டைகள் DIN DIN Tuesday, March 19, 2019 09:10 AM +0530 விக்கிரமங்கலம் அருகே ஸ்ரீபுரந்தான்   சாலையோரத்தில் நெல் மூட்டைகள் தேங்கிக் கிடப்பதால் போக்குவரத்துக்கு இடையூறாக உள்ளது. 
அரியலூர் மாவட்டத்தில் திருமானூர், தா. பழூர்,ஜயங்கொண்டம் ஆகிய பகுதிகளில் தற்போது சம்பா அறுவடை பணிகள் தீவிரமாக நடைபெற்று வருவதால் மேற்கண்ட பகுதிகளில் அரசு கொள்முதல் நிலையங்களை திறந்துள்ளது. 
இந்நிலையில், ஸ்ரீபுரந்தான் கிராமத்தில் உள்ள  நெல் கொள்முதல் நிலையத்துக்கு ஸ்ரீபுரந்தான், விக்கிரமங்கலம், சுத்தமல்லி உள்ளிட்ட  பல்வேறு கிராமங்களில் இருந்து விவசாயிகள் நெல்லைக் கொண்டு வருகின்றனர். ஆனால் கொள்முதல் நிலையத்தில் தினசரி 600 மூட்டைகள் மட்டுமே கொள்முதல் செய்யப்படுகிறது.  இதனால் கொள்முதல் செய்யப்படாத நெல் மூட்டைகள் கிடங்குகள் இல்லாததால் விக்கிரமங்கலம் சாலையோரத்தில் தார்ப்பாலின் போட்டு மூடி வைத்துள்ளனர். இஃது போக்குவரத்துக்கு பெரிதும் இடையூறாக உள்ளது. 
இதுகுறித்து ஸ்ரீபுரந்தான் விவசாயிகள் மேலும் தெரிவித்தது: தினசரி 600 டன் நெல் மூட்டைகள் மட்டுமே கொள்முதல் செய்யப்படுவதால், விவசாயிகள் கொண்டு வரும் நெல் மூட்டைகள் நாளுக்கு நாள் தேங்கி வருகிறது. விவசாயிகள் கொண்டு வரும் நெல்மூட்டைகளை உடனுக்குடன் கொள்முதல் செய்ய வேண்டும் என்று அதிகாரிகளுக்கு மனு அளித்தோம். ஆனால் அதிகாரிகள் எந்த நடவடிக்கையும் எடுக்கவில்லை. நெல்லை கொள்முதல் செய்வதற்கு தேவையான நிதியை அரசு ஒதுக்க வேண்டும் என்றனர்.

]]>
https://www.dinamani.com/all-editions/edition-trichy/ariyalur/2019/mar/19/கிடங்குகள்-இல்லாததால்-சாலையோரம்-கிடக்கும்-நெல்-மூட்டைகள்-3116790.html
3116058 திருச்சி அரியலூர் சிதம்பரம் மக்களவை தொகுதி: அதிமுக வேட்பாளர் பொ. சந்திரசேகர் DIN DIN Monday, March 18, 2019 08:45 AM +0530 சிதம்பரம் மக்களவை தொகுதி(தனி) அதிமுக வேட்பாளராக பொ.சந்திரசேகர் போட்டியிடுவதாக அக்கட்சித் தலைமை ஞாயிற்றுக்கிழமை இரவு அறிவித்தது.
வேட்பாளர் பெயர்:  பொ.சந்திரசேகர்,
பெற்றோர்: பொன்னுசாமி - அசலம்பாள்,
பிறந்த தேதி: 1.5.1972.
சொந்த ஊர்: அரியலூர் பொய்யாதநல்லூர், அண்ணா நகர். படிப்பு: எம்.ஏ., முடித்து கோயம்பேடு சந்தையில் வணிகம் செய்து வருகிறார். மேலும் இவர், லாரி வாடகை தொழிலில் ஈடுபட்டு வருகிறார்.  முன்னாள் ஒன்றிய கவுன்சிலராகவும் இருந்துள்ளார். இவரது மனைவி தனலட்சுமி. குடும்பம் -  நித்தியா எம்.ஏ., முடித்துள்ளார். லட்சிதா, சண்முகப்பிரியா என 3 மகள்கள் உள்ளனர்.

]]>
https://www.dinamani.com/all-editions/edition-trichy/ariyalur/2019/mar/18/சிதம்பரம்-மக்களவை-தொகுதி-அதிமுக-வேட்பாளர்-பொ-சந்திரசேகர்-3116058.html
3116057 திருச்சி அரியலூர் வாகன தணிக்கை:  அரியலூர் அருகே ரூ.55 ஆயிரம் பறிமுதல் DIN DIN Monday, March 18, 2019 08:45 AM +0530 அரியலூர் மாவட்டம் ஆண்டிமடம் அருகே தேர்தல் பறக்கும்படையினர் ஞாயிற்றுக்கிழமை மேற்கொண்ட வாகனத் தணிக்கையில் ரூ.55 ஆயிரம் பறிமுதல் செய்யப்பட்டன.
மக்களவைத் தேர்தலையொட்டி அரியலூர் அருகே ஆண்டிமடம் அடுத்த அழகாபுரம் பிரிவு சாலையில் நிலையான கண்காணிப்பு குழு அலுவலரும், கூட்டுறவு சார் பதிவாளருமான சசிகுமார் தலைமையிலான பறக்கும் படையினர் ஞாயிற்றுக்கிழமை காலை வாகனத் தணிக்கையில் ஈடுபட்டனர்.
அப்போது அந்த வழியாக வந்த காரை மறித்து சோதனையிட்டதில் ரூ.55 ஆயிரம் ரொக்கம் தெரியவந்தது. விசாரணையில்,வேலூர் மாவட்டம் ஓட்டேரி, சாமி நகர்,15 ஆவது குறுக்குத்தெருவைச் சேர்ந்த ஸ்ரீராமன் மகன் சூர்யன் உரிய ஆவணங்கள் இன்றி ரொக்கம் கொண்டுவந்தது தெரியவந்தது. 
இதையடுத்து அதிகாரிகள் ரொக்கத்தைப் பறிமுதல் செய்து ஜயங்கொண்டம் சார் நிலை கருவூலத்தில் ஒப்படைத்தனர்.

]]>
https://www.dinamani.com/all-editions/edition-trichy/ariyalur/2019/mar/18/வாகன-தணிக்கை--அரியலூர்-அருகே-ரூ55-ஆயிரம்-பறிமுதல்-3116057.html
3116056 திருச்சி அரியலூர் ஒழுக்கமே வாழ்க்கைத்தரம் மேம்பட உதவிடும் DIN DIN Monday, March 18, 2019 08:45 AM +0530 மாணவர்கள் ஒழுக்கத்துடன் நடந்து கொண்டாலே அவர்களது வாழ்க்கைத் தரம் மேம்படும் என்றார் அண்ணா பல்கலைக் கழக உறுப்பு கல்லூரிகளின் கூடுதல் இயக்குநர்  ச. முத்தன்.
அரியலூர் மாவட்டம் விளாங்குடி அருகேயுள்ள அண்ணா பல்கலைக்கழக பொறியியல் கல்லூரியில் சனிக்கிழமை இரவு நடைபெற்ற 11 ஆவது ஆண்டு விழாவில் அவர் பங்கேற்று மேலும் பேசியது: 
மாணவர்கள் நமது வாழ்க்கையை இன்னும் எவ்வாறு சிறப்பாக மாற்றி அமைத்துக் கொள்ள வேண்டும் என்று சிந்திக்க வேண்டும். அதற்கு பல்வேறு திறமைகளை வளர்த்துக்கொள்ள வேண்டும். நமக்கு இருக்கும் திறமை மீது நம்பிக்கை வைத்து, மற்றொரு நல்ல வழியைப் பின்பற்றி, லட்சியத்தை அடைய முயற்சிக்க  வேண்டும். 
தோல்விதான் நமக்குள் இருக்கும் திறனை வெளிப்படுத்த உந்தித்தள்ளும் கருவி என்பதை உணருங்கள். பலருக்கும் நீங்கள் முன்னுதாரணமாக இருக்கலாமே தவிர, தவறான முன்னுதாரணமாக ஆகிவிடாக்கூடாது. நேர்மையான வாழ்க்கை தான் பல வெற்றிக்கு வழிவகுக்கும் என்றார் அவர். தொடர்ந்து அவர் பல்வேறு போட்டிகளில் வெற்றிபெற்ற மாணவ, மாணவிகளுக்குப் பரிசுகளை வழங்கினார்.  இதையடுத்து,  கவிஞர் நந்தலாலா பேசியது: மாணவர்களின் வெற்றி, அவர்களின் சுய ஒழுக்கத்தை பொறுத்தே அமையும் என்றார்.  கல்லூரி முதல்வர் சுப்பிரமணியன் தலைமை வகித்து, ஆண்டறிக்கை வாசித்தார்.
முன்னதாக விளையாட்டு விழா நடைபெற்றது. விழாவுக்கு அகில  இந்திய ஹாக்கி அணியின் முன்னாள் பயிற்சியாளர் ம.போஸ் கலந்து கொண்டு , மாணவர்களின் விளையாட்டு திறன்களே அவர்களை மற்ற துறைகளில் சாதிக்க வழிவகுக்கும்  என்று தெரிவித்தார். பின்னர் அவர் போட்டிகளில் வென்ற மாணவர்களுக்கு கோப்பைகளை வழங்கினார்.

]]>
https://www.dinamani.com/all-editions/edition-trichy/ariyalur/2019/mar/18/ஒழுக்கமே-வாழ்க்கைத்தரம்-மேம்பட-உதவிடும்-3116056.html
3116055 திருச்சி அரியலூர் அரியலூரில் ஜூலை மாதம் புத்தகத் திருவிழா   DIN DIN Monday, March 18, 2019 08:44 AM +0530 அரியலூரில் 5 ஆம் ஆண்டு புத்தகத் திருவிழா வரும் ஜூலை மாதம் நடத்துவது என தமிழ் பண்பாட்டு பேரமைப்பு பொதுக் குழு கூட்டத்தில் தீர்மானம் நிறைவேற்றப்பட்டது.
அரியலூரில் ஞாயிற்றுக்கிழமை நடைபெற்ற கூட்டத்தில் நிறைவேற்றப்பட்ட இதர தீர்மானங்கள்:
அரியலூர் அரசினர் மேல்நிலைப் பள்ளி விளையாட்டு மைதானத்தில் 5 ஆம் ஆண்டு புத்தகத் திருவிழா ஆட்சியர் அனுமதியுடன் ஜூலை மாதம் நடத்துவது, தமிழ்த் தாத்தா உ.வே. சாமிநாதையர் மற்றும் திருவள்ளுவர் சிலை வைப்பது, மாணவர்களின் வாசிப்பு பழக்கத்தை மேம்படுத்தும் நோக்கில் அனைத்து பள்ளிகளிலும் கட்டுரை மற்றும் பேச்சுப் போட்டிகள் நடத்துவது,ஜயங்கொண்டத்தில் கிடப்பில் உள்ள நூலகத்துக்கான கட்டுமானப் பணிகளை மாவட்ட நிர்வாகம் உடனடியாக தொடங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன. 
கூட்டத்துக்கு தமிழ் பண்பாட்டு பேரமைப்பின் தலைவர் சீனி.பாலகிருஷ்ணன் தலைமை வகித்தார். துணைத்  தலைவர் சி.இளங்கோ, பொருளாளர் அ.நல்லப்பன் ஆகியோர் முன்னிலை வகித்தனர். 
உதயநத்தம் கூட்டுறவு சங்கத் தலைவர் தனஞ்செயன்,அரியலூர் நகர வணிகர் சங்கத் தலைவர் வி.ராமலிங்கம், நேரு இளைஞயோர் மையத் தலைவர் ஏ.பி.ரஜேந்திரன் ஆகியோர் கலந்து கொண்டு பேசினார். துணைச் செயலர் ஜோதிராமலிங்கம்  வரவேற்றார். வள்ளலார் கல்வி நிலைய செயலர் கொ.வி.புகழேந்தி நன்றி கூறினார்.
 

]]>
https://www.dinamani.com/all-editions/edition-trichy/ariyalur/2019/mar/18/அரியலூரில்-ஜூலை-மாதம்-புத்தகத்-திருவிழா-3116055.html
3116054 திருச்சி அரியலூர் குடிசைவீடுகள் தீக்கிரை DIN DIN Monday, March 18, 2019 08:44 AM +0530 அரியலூர் மாவட்டம் மீன்சுருட்டி அருகே ஏற்பட்ட தீ விபத்தில் இரு குடிசை வீடுகள் எரிந்து சாம்பலாகின.
மீன்சுருட்டி அருகேயுள்ள தாழுதாழைமேடு கிராமத்தைச் சேர்ந்தவர் மணிகண்டன்(37). கூலித் தொழிலாளி. ஞாயிற்றுக்கிழமை மதியம் அவரது குடிசை வீடு திடீரென தீப்பற்றி எரியத் தொடங்கியது. கண்ணிமைக்கும் நேரத்தில் தீ மளமளவென  பரவி அருகில் வசிக்கும் நடராஜன் மகன் தேவேந்திரன் என்பவரின் குடிசை வீட்டிலும் பற்றியது. இதையறிந்த இருவீட்டார் குடும்பத்தினர் வீட்டில் இருந்து வெளியே ஓடி தீயை அணைக்க முயற்சித்தனர். தகவலறிந்து விரைந்து வந்த தீயணைப்பு வீரர்கள் தண்ணீரை பீச்சியடித்து தீயை அணைத்தனர். எனினும் இரு குடிசை வீடுகளும் முற்றிலும் எரிந்து சாம்பலாகின. தீ விபத்துக்கான காரணம் குறித்து மீன்சுருட்டி போலீஸார் வழக்குப் பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/ariyalur/2019/mar/18/குடிசைவீடுகள்-தீக்கிரை-3116054.html
3116053 திருச்சி அரியலூர் முதியவரைத் தாக்கிய இளைஞர் கைது DIN DIN Monday, March 18, 2019 08:44 AM +0530 அரியலூர் மாவட்டம் ஜயங்கொண்டம் அருகே முதியவரைத் தாக்கிய இளைஞர் சனிக்கிழமை இரவு கைது செய்யப்பட்டார்.
ஜயங்கொண்டம் அருகேயுள்ள உட்கோட்டையைச் சேர்ந்தவர் மாசிலாமணி(62). இவருக்கும் அதே பகுதியைச் சேர்ந்த செல்வராஜ் மகன் அன்புராஜ் (22) என்பவருக்கும் இடையே இடப் பிரச்னை இருந்து வந்துள்ளது. இந்நிலையில், கடந்த இரு தினங்களுக்கு முன்பு மாசிலாமணியை அன்புராஜ் தகாத வார்த்தையால் திட்டி தாக்கியுள்ளார். இதுகுறித்து புகாரின் பேரில் ஜயங்கொண்டம் போலீஸார் வழக்கு பதிந்து அன்புராஜை சனிக்கிழமை இரவு கைது செய்தனர்.
 

]]>
https://www.dinamani.com/all-editions/edition-trichy/ariyalur/2019/mar/18/முதியவரைத்-தாக்கிய-இளைஞர்-கைது-3116053.html
3116052 திருச்சி அரியலூர் மகாசக்தி மாரியம்மன் கோயில் கும்பாபிஷேகம் DIN DIN Monday, March 18, 2019 08:44 AM +0530 அரியலூர் மாவட்டம் செந்துறை அருகே பிலாக்குறிச்சி கிராமத்திலுள்ள  ஸ்ரீ மகாசக்தி மாரியம்மன் கோயில் கும்பாபிஷேகம் ஞாயிற்றுக்கிழமை நடைபெற்றது.
கும்பாபிஷேகத்தை முன்னிட்டு கணபதி ஹோமம், விக்னேஸ்வரா பூஜை நடத்தப்பட்டு, ஞாயிற்றுக்கிழமை காலை 8.45 மணியளவில் கடம் புறப்பாடாகி ஸ்ரீ மகாசக்தி மாரியம்மன்,விநாயகர், சுப்ரமணியர், சீயாண்டவர், பாப்பாத்தியம்மன், நொண்டிகருப்பு, மூப்பனார் ஆகிய சன்னதிகளிலுள்ள கலசங்களில் புனித நீர் ஊற்றப்பட்டு கும்பாபிஷேகம் நடத்தப்பட்டது. தொடர்ந்து தீபாராதனை காண்பிக்கப்பட்டு, ஸ்ரீ மகாசக்தி மாரியம்மனுக்கு சிறப்பு அபிஷேகம் நடைபெற்றது. திரளான பக்தர்கள் கலந்து கொண்டு சுவாமி தரிசனம் செய்தனர். இதேபோல் சிறுகடம்பூர் யோகமுத்து மாரியம்மன் கோயில் கும்பாபிஷேகமும் நடைபெற்றது.

]]>
https://www.dinamani.com/all-editions/edition-trichy/ariyalur/2019/mar/18/மகாசக்தி-மாரியம்மன்-கோயில்-கும்பாபிஷேகம்-3116052.html
3115463 திருச்சி அரியலூர் அரசு கலைக் கல்லூரியில் தமிழ் பேரவை விழா DIN DIN Sunday, March 17, 2019 03:34 AM +0530
அரியலூர் அரசு கலைக் கல்லூரியில் தமிழ் பேரவை விழா வெள்ளிக்கிழமை நடைபெற்றது.
விழாவுக்கு கல்லூரி முதல்வர் பெ. பழனிச்சாமி தலைமை வகித்தார். தமிழ்த் துறைத் தலைவர் சா. சிற்றரசு முன்னிலை வகித்தார். மாவட்ட காவல் துணை கண்காணிப்பாளர் இளஞ்செழியன் கலந்து கொண்டு, சட்டம் ஒழுங்கைப் பேணிப் பாதுகாப்பதன் அவசியம் குறித்து பேசினார். திருவாரூர் மத்திய பல்கலைக் கழக தமிழ்த்துறை பேராசிரியர் சா.சுபாஷ், தமிழ் மொழியின் சிறப்பு மற்றும் தமிழ் இலக்கிய குறித்து பேசினார். விழாவில், பல்வேறு போட்டிகளில் வெற்றிபெற்ற மாணவ, மாணவிகளுக்கு பரிசுகள் வழங்கப்பட்டன. இளநிலை மூன்றாம் ஆண்டு மாணவி ச. வேதவள்ளி வரவேற்றார். முதுகலை மாணவி விஜி நன்றி தெரிவித்தார். ஏற்பாடுகளை தமிழ்த்துறை பேராசிரியர்கள் செய்திருந்தனர்.

]]>
https://www.dinamani.com/all-editions/edition-trichy/ariyalur/2019/mar/17/அரசு-கலைக்-கல்லூரியில்-தமிழ்-பேரவை-விழா-3115463.html
3115447 திருச்சி அரியலூர் திருமழபாடி கோயிலில் நந்தியெம்பெருமான் திருக்கல்யாணம் DIN DIN Sunday, March 17, 2019 03:30 AM +0530 அரியலூர் மாவட்டம் திருமானூர் அருகேயுள்ள வைத்தியநாத சுவாமி திருக்கோயிலில்  நந்தியெம்பெருமான் திருக்கல்யாணம் சனிக்கிழமை இரவு நடைபெற்றது. இவ்விழாவில் ஆயிரக்கணக்கான பக்தர்கள் கலந்து கொண்டனர்.
திருமானூர் அருகேயுள்ள திருமழபாடி சுந்தராம்பிகை உடனாய வைத்தியநாத சுவாமி கோயில் அப்பர், சுந்தரர், திருஞான சம்பந்தரால் பாடல் பெற்றதும், வசிஷ்டர், அகஸ்தியர் முனிவரால் பூஜிக்கப் பெற்றதுமாகும். இந்தக் கோயிலில் வியாக்ர பரத முனிவரின் புதல்வி சுயசாம்பிகை தேவியருக்கும், சிலால் முனிவரின் புதல்வர் திருநந்தியெம் பெருமானுக்கும் திருக்கல்யாண விழா சனிக்கிழமை இரவு நடைபெற்றது.
விழாவில், கோயில் முன்பாக உள்ள திருமண மேடையில் சுயசாம்பிகை தேவியருக்கும் திருநந்தியெம் பெருமானுக்கும் மஞ்சள், சந்தனம், விபூதி, மாவுப்பொடி, திரவியப்பொடி, தேன், பன்னீர், பஞ்சாமிர்தம், இளநீர், பழச்சாறு, தயிர், பால் போன்ற பொருள்களால் சிறப்பு அபிஷேகம் நடைபெற்றது.
தொடர்ந்து, வேத மந்திரங்கள் முழங்க, நாதஸ்வர இன்னிசையுடன் கோயிலின் முன்பு கண்ணாடி பல்லக்கில் வீற்றிருக்கும் சுந்தராம்பிகை உடனாய வைத்தியநாத சுவாமி மற்றும் திருவையாறு அறம் வளர்த்த நாயகி உடனாய அய்யாரப்பர் மற்றும் ஆயிரக்கணக்கான பக்தர்களுக்கு முன்னிலையில் மணமகள் சுயசாம்பிகை தேவியர் கழுத்தில் மணமகன் நந்தியெம்பெருமான் தாலிகட்ட, பக்தர்கள் அட்சதை தூவ திருக்கல்யாணம் சிறப்பாக நடைபெற்றது.
பின்னர், மணமக்களுக்கு சிறப்பு தீபாராதனை நடைபெற்று, ஊஞ்சலில் அமர்ந்து பக்தர்களுக்கு சுவாமிகள் காட்சி தந்தார். நந்தி திருமணம் கண்டால் முந்தி திருமணம் நடைபெறும் என்பது 
ஐதீகம். தொடர்ந்து மணக்கோலத்தில் கண்ணாடி பல்லக்கில் அமர்ந்து திருமழபாடி முக்கிய வீதிகளில் வலம் வந்து பக்தர்களுக்கு காட்சி தந்தார். நிகழ்ச்சியில் ஆயிரக்கணக்கான பக்தர்கள் கலந்து கொண்டனர். தொடர்ந்து கலை நிகழ்ச்சிகள் நடைபெற்றன. 
ஏற்பாடுகளை கோயில் நிர்வாகிகள் மற்றும் கிராம பொதுமக்கள் செய்திருந்தனர். மாவட்ட காவல் கண்காணிப்பாளர் ஸ்ரீனிவாசன் தலைமையில் நூற்றுக்கும் மேற்பட்ட போலீஸார் பாதுகாப்பு பணிகளில் ஈடுபட்டிருந்தனர்.  

]]>
https://www.dinamani.com/all-editions/edition-trichy/ariyalur/2019/mar/17/திருமழபாடி-கோயிலில்-நந்தியெம்பெருமான்-திருக்கல்யாணம்-3115447.html
3115446 திருச்சி அரியலூர் தடை செய்யப்பட்ட பிளாஸ்டிக் பொருள்கள் பறிமுதல் DIN DIN Sunday, March 17, 2019 03:30 AM +0530
அரியலூரில் தடை செய்யப்பட்ட பிளாஸ்டிக் பொருள்கள் சனிக்கிழமை பறிமுதல் செய்யப்பட்டன.
தமிழகத்தில் ஜனவரி 1 ஆம் தேதி முதல் பிளாஸ்டிக் பொருள்களுக்கு தடை செய்யப்பட்ட போதிலும், அரியலூர் மாவட்டத்தில் உள்ள பெரும்பாலான கடைகளில் பிளாஸ்டிக் பொருள்களின் பயன்பாடு தொடர்ந்து கொண்டு இருக்கிறது.
இந்நிலையில், அரியலூர் நகராட்சி சுகாதார ஆய்வாளர் முத்துமுகமது தலைமையில் சுகாதாரப் பணியாளர்கள் அரியலூர் நகராட்சிகளுக்குட்பட்ட சின்னக்கடை தெரு, பெரியகடை தெரு, மார்க்கெட் தெரு மற்றும் பள்ளிகளுக்கு அருகாமையில் உள்ள கடைகளில் சனிக்கிழமை ஆய்வுகள் மேற்கொண்டனர். 
ஆய்வில், ரூ.1 லட்சம் மதிப்பிலான பிளாஸ்டிக் பொருள்கள், பாலித்தீன் பைகளை கைப்பற்றி அழித்தனர். நகாரட்சிக்குட்பட்ட பகுதி முழுவதும் தொடர்ந்து இந்த ஆய்வு நடைபெறும். 
மேலும் தடையை மீறி பிளாஸ்டிக் பொருள்களை விற்பனை செய்தால், கடை உரிமையாளர்கள் மீது கடும் நடவடிக்கை எடுக்கப்படும் எனத் தெரிவித்தனர்.
 

]]>
https://www.dinamani.com/all-editions/edition-trichy/ariyalur/2019/mar/17/தடை-செய்யப்பட்ட-பிளாஸ்டிக்-பொருள்கள்-பறிமுதல்-3115446.html
3115445 திருச்சி அரியலூர் ஆசிரியர்களுக்கு கற்பித்தல் பயிற்சி DIN DIN Sunday, March 17, 2019 03:29 AM +0530 அரியலூர் மாவட்டம் செந்துறை அரசு ஆண்கள் மேல்நிலைப் பள்ளி வளாகத்தில் ஆசிரியர்களுக்கு கற்பித்தல் தொடர்பான பயிற்சி சனிக்கிழமை நடைபெற்றது.
பயிற்சியை செந்துறை வட்டார வள மைய மேற்பார்வையாளர் குணசேகரன் தொடக்கி வைத்து, மாணவர்களின் சுய படைப்பாற்றல் திறனை வெளிக்கொணர்வது, போட்டித் தேர்வுக்கு தயாராகத் தேவையான திறன்களை வெளிப்படுத்துவது, மனவரைப்படத்தின் வழி கற்றலை மேம்படுத்துவது,திட்டங்களை உருவாக்குவது குறித்து விரிவாக எடுத்துரைத்தார்.
ஆசிரியர் பயிற்றுநர்கள் குறிஞ்சிதேவி, கலா மாலினி, செல்வகுமார், இளையராஜா, மதியழகன், சுப்பிரமணியன், ஆசிரியை கனிமொழி ஆகியோர் கலந்து கொண்டு பயிற்சியளித்தனர். 
பயிற்சியில் செந்துறை ஒன்றியத்துக்கு உட்பட்ட நடுநிலை, உயர்நிலை, மேல்நிலைப் பள்ளிகளைச் சேர்ந்த 165 ஆசிரிய, ஆசிரியைகள் கலந்து கொண்டு பயிற்சி பெற்றனர்.
 

]]>
https://www.dinamani.com/all-editions/edition-trichy/ariyalur/2019/mar/17/ஆசிரியர்களுக்கு-கற்பித்தல்-பயிற்சி-3115445.html
3115444 திருச்சி அரியலூர் நாகமங்கலம் அரசுப் பள்ளிக்கு கல்விச் சீர் DIN DIN Sunday, March 17, 2019 03:29 AM +0530
அரியலூர் மாவட்டம் வி.கைகாட்டி அடுத்த நாகமங்கலம் கிராமத்திலுள்ள ஊராட்சி ஒன்றிய தொடக்கப் பள்ளிக்கு அக்கிராம மக்கள்  ரூ.1.50 லட்சம் மதிப்பில் கல்விச் சீர் வெள்ளிக்கிழமை வழங்கினர்.
பள்ளிக்குத் தேவையான  பிரிண்டர், நாற்காலிகள், மின் விசிறிகள், எல்.இ.டி டிவி உள்ளிட்ட ரூ.1.50 லட்சம் மதிப்பிலான பொருள்களை மேள தாளத்துடன் சீர்வரிசையாகப் பள்ளிக்குக் கொண்டு நாகமங்கலம் கிராம மக்கள், ஆசிரியர்கள் மற்றும் சிறப்பு விருந்தினர்கள் முன்னிலையில் அவைகளை வழங்கினர்.
பின்னர் நடைபெற்ற விழாவுக்கு அப்பள்ளி தலைமை ஆசிரியை விடிவெள்ளி தலைமை வகித்து, அரியலூர் வட்டார கல்வி அலுவலர்கள் ரவிச்சந்திரன், உமையால் ஆகியோர் கலந்து கொண்டு பேசினர். 
இடைநிலை ஆசிரியர் சீனிவாசன் நன்றி தெரிவித்தார்.

]]>
https://www.dinamani.com/all-editions/edition-trichy/ariyalur/2019/mar/17/நாகமங்கலம்-அரசுப்-பள்ளிக்கு-கல்விச்-சீர்-3115444.html
3115440 திருச்சி அரியலூர் உடையார்பாளையத்தில் ஊட்டச்சத்து விழிப்புணர்வு DIN DIN Sunday, March 17, 2019 03:28 AM +0530
அரியலூர் மாவட்டம் உடையார்பாளையம் வாரச் சந்தையில் ஒருங்கிணைந்த குழந்தைகளின் வளர்ச்சித் திட்டம் மற்றும் போஷன் அபியான் திட்டத்தின் கீழ் ஊட்டச்சத்து விழிப்புணர்வு நிகழ்ச்சி சனிக்கிழமை நடைபெற்றது.
குழந்தைகள் வளர்ச்சி திட்ட அலுவலர் மகேஷ்வரி கலந்து கொண்டு, ரத்தச் சோகை மற்றும் ஊட்டச்சத்து குறித்து  விளக்கினார். இந்நிகழ்ச்சியில் 100-க்கும் மேற்பட்ட அங்கன்வாடி பணியாளர்கள் கலந்து கொண்டு பாரம்பரிய உணவு வகைகளை காட்சிப்படுத்தினர். பொதுமக்கள் திரளாகக் கலந்து கொண்டு ஊட்டச்சத்து குறித்த கருத்துகளை ஆர்வமுடன் கேட்டனர்.  திட்ட ஒருங்கிணைப்பாளர் கவியரசி வரவேற்றார். திட்ட உதவியாளர் சரவணக்குமார் நன்றி கூறினார்.

]]>
https://www.dinamani.com/all-editions/edition-trichy/ariyalur/2019/mar/17/உடையார்பாளையத்தில்-ஊட்டச்சத்து-விழிப்புணர்வு-3115440.html
3115439 திருச்சி அரியலூர் நந்தியெம்பெருமான் திருக்கல்யாணம்: திருவையாறிலிருந்து சுவாமி புறப்பாடு DIN DIN Sunday, March 17, 2019 03:28 AM +0530
அரியலூர் மாவட்டம், திருமழபாடி வைத்தியநாதசுவாமி திருக்கோயில் நந்தியெம்பெருமான் திருக்கல்யாண உற்ஸவத்தையொட்டி, திருவையாறு அய்யாறப்பர் கோயிலிலிருந்து சுவாமி-அம்மன், நந்தியெம்பெருமான் புறப்பாடு சனிக்கிழமை நடைபெற்றது.
திருவையாறை அடுத்த அந்தணர்குறிச்சியில் நந்தியெம்பெருமான் பிறப்பு விழா வழிபாடு சனிக்கிழமை நடைபெற்றது. இதையொட்டி நந்தியெம்பெருமானுக்கு சந்தனம், மஞ்சள், தயிர், தேன், பால் போன்ற திரவியங்களைக் கொண்டு அபிஷேகம், தீபாராதனைகள் நடைபெற்றன.
இதைத் தொடர்ந்து திருவையாறு அறம்வளர்த்த நாயகி உடனுறை அய்யாறப்பர் திருக்கோயிலில் நந்தியெம்பெருமானுக்கு சிறப்பு அபிஷேகம், தீபாராதனை நடைபெற்றது. சிறப்பு அலங்காரத்தில் வீதியுலா வருதலும் நடைபெற்றது. தொடர்ந்து சனிக்கிழமை காலை கண்ணாடி பல்லக்கில் அய்யாறப்பர்- அறம் வளர்த்த நாயகியும்,  பட்டுவேட்டியுடன் மாப்பிள்ளை கோலத்தில் நந்தியெம்பெருமான் குதிரை வாகனத்தில் வாணவேடிக்கை,  இன்னிசை கச்சேரியுடன் திருமழபாடிக்குப் புறப்பட்டுச் சென்றனர். ஆயிரக்கணக்கான பக்தர்கள் சுவாமிபுறப்பாட்டில் பங்கேற்று தரிசனம் செய்தனர்.
தில்லைஸ்தானம், கடுவெளி, வைத்தியநாதன்பேட்டை வழியாக கொள்ளிடம் ஆற்றில் இறங்கி  நந்தியெம்பெருமானுடன் திருமழப்பாடி சென்ற அய்யாறப்பர்- அறம் வளர்த்த நாயகி அம்மன்  சனிக்கிழமை இரவு நடைபெற்ற சுயசாம்பிகை- நந்தி திருக்கல்யாண உற்சவத்தில் பங்கற்று பக்தர்களுக்கு காட்சியளித்தனர்.   இரவு சுவாமி-அம்மன் புறப்பாடாகி திருக்கோயிலை வந்தடைவர். இதற்கான ஏற்பாடுகளை கோயில் பணியாளர்கள் செய்துள்ளனர்.

]]>
https://www.dinamani.com/all-editions/edition-trichy/ariyalur/2019/mar/17/நந்தியெம்பெருமான்-திருக்கல்யாணம்-திருவையாறிலிருந்து-சுவாமி-புறப்பாடு-3115439.html
3114883 திருச்சி அரியலூர் துப்பாக்கி  மாயம் என புகார் DIN DIN Saturday, March 16, 2019 09:53 AM +0530 ஜயங்கொண்டம் அருகே உரிமத்துடன் வைத்திருந்த துப்பாக்கியைக் காணவில்லை என காவல் நிலையத்தில் புகார் அளிக்கப்பட்டுள்ளது.
ஜயங்கொண்டம் அருகிலுள்ள கழுவந்தோண்டி கிராமத்தை சேர்ந்தவர் விஸ்வநாதன் மகன் தங்கராசு (80) .இவர் அரசு உரிமத்துடன் துப்பாக்கி பயன்படுத்தி வந்தார்.  கடந்த 2016  பேரவைத் தேர்தலின் போது, துப்பாக்கியை ஒப்படைத்து, 2017, ஏப்.24 ஆம் தேதி பெற்றுச் சென்றார். மக்களவைத் தேர்தல் அறிவிக்கப்பட்ட நிலையில், துப்பாக்கியை ஒப்படைக்குமாறு போலீஸார் கோரினர்.
துப்பாக்கி துருப்பிடித்து விடும் என சாக்கில் சுற்றி, விறகு பக்கத்தில் வைத்திருந்ததாகவும்,அதுதற்போது காணவில்லை எனவும்,கண்டுபிடித்து தருமாறு ஜயங்கொண்டம் காவல் நிலையத்தில் வெள்ளிக்கிழமை புகார் அளித்தார். இதுகுறித்து  காவல் உதவி ஆய்வாளர் வசந்த் வழக்குப்பதிவு செய்து விசாரணை செய்து வருகிறார்.
 

]]>
https://www.dinamani.com/all-editions/edition-trichy/ariyalur/2019/mar/16/துப்பாக்கி--மாயம்-என-புகார்-3114883.html
3114882 திருச்சி அரியலூர் நிரந்தரப் பட்டா வழங்கக் கோரி பொதுமக்கள் சாலை மறியல் DIN DIN Saturday, March 16, 2019 09:52 AM +0530 திருமானூர் அருகே நிரந்தரப் பட்டா வழங்க கோரி, மேலவரப்பன்குறிச்சி புதுகாலனித் தெரு மக்கள் வெள்ளிக்கிழமை சாலை மறியலில் ஈடுபட்டனர்.
திருமானூர் அருகிலுள்ள மேலவரப்பன்குறிச்சி புதுகாலனித் தெருவில் 45-க்கும் மேற்பட்ட குடும்பத்தினர் சுமார் 35 ஆண்டுகளுக்கு மேலாக வசித்து வருகின்றனர். இவர்களுக்கு வருவாய்த் துறையினர் இலவச வீட்டுமனைப் பட்டா வழங்கியும் இதை வைத்து அரசு நிவாரணம், சலுகைகள் எதையும் பெற முடியவில்லையாம். குடியிருக்கும் வீடுகளுக்கு மின் இணைப்புக் கூடபெற முடியாத நிலையில்தான் இப்பகுதி மக்கள் உள்ளனர். தங்களுக்கு நிரந்தரப் பட்டா வழங்கக் கோரி மாவட்ட நிர்வாகத்திடம் பலமுறை வலியுறுத்தியும் நடவடிக்கை இல்லாததால், வெள்ளிக்கிழமை காலை ஏலாக்குறிச்சி- தூத்தூர் சாலையில் மேலவரப்பன்குறிச்சி காலனித் தெரு மக்கள் சாலை மறியலில் ஈடுபட்டனர். தகலறிந்து வந்த ஏலாக்குறிச்சி வருவாய் ஆய்வாளர் அய்யப்பன் மற்றும் தூத்தூர் போலீஸார் மக்களிடம் பேச்சுவார்த்தை நடத்தினர். அப்போது,  உரிய நடவடிக்கை எடுக்க அரசுக்குப் பரிந்துரைக்கப்படும் என அதிகாரிகள் தெரிவித்தனர். இதையடுத்து பொதுமக்கள் மறியலை கைவிட்டு கலைந்துச் சென்றனர்.

செந்துறையில் திமுகவினர்...
பொள்ளாச்சி விவகாரத்தில் தொடர்புடைய குற்றவாளிகள் மீது நடவடிக்கை எடுக்கக் கோரியும்,நக்கீரன் கோபால்,திமுக தலைவர் ஸ்டாலின் மருமகன் சபரீசன் மீது வழக்கு தொடரப்பட்டதை கண்டித்தும் அரியலூர் மாவட்டம் செந்துறை அண்ணாசிலை  அருகே திமுகவினர் வெள்ளிக்கிழமை ஆர்ப்பாட்டத்தில் ஈடுபட்டனர்.
சாலை மறியல்  முயற்சி: அதிமுக அலுவலகம் முன்பு உள்ள அண்ணா மற்றும் எம்ஜிஆர் சிலையை தேர்தல் அதிகாரிகள் மறைக்காமல், திமுக அலுவலகம் முன்பு உள்ள அண்ணா சிலை மட்டும் மறைத்ததைக் கண்டித்து திமுகவினர் சாலை மறியலில் ஈடுப்பட முயன்றதால் பரப்பரப்பு ஏற்பட்டது.
ஆர்ப்பாட்டத்துக்கு, ஒன்றியச் செயலர்(தெற்கு) ஞானமூர்த்தி தலைமை வகித்தார். மாநிலத் துணை கொள்கைபரப்புச் செயலர் பெருநற்கிள்ளி, திக மாவட்டச் செயலர் விடுதலை நீலமேகம். திமுக ஒன்றியச் செயலர் (வடக்கு) செல்வராஜ், விடுதலை சிறுத்தைகள் கட்சி மாவட்டச் செயலர் செல்வநம்பி, திமுக மகளிரணி சித்ரா உள்ளிட்டோர் ஆர்ப்பாட்டத்தில் பங்கேற்றனர்.

]]>
https://www.dinamani.com/all-editions/edition-trichy/ariyalur/2019/mar/16/நிரந்தரப்-பட்டா-வழங்கக்-கோரி-பொதுமக்கள்-சாலை-மறியல்-3114882.html
3114881 திருச்சி அரியலூர் திரௌபதி அம்மன் கோயிலில் தீ மிதி திருவிழா DIN DIN Saturday, March 16, 2019 09:52 AM +0530 அரியலூர் மாவட்டம், நக்கம்பாடி திரௌபதியம்மன் கோயில் தீமிதி திருவிழாவை முன்னிட்டு அரவான் பலிகொடுக்கும் நிகழ்ச்சி வெள்ளிக்கிழமை நடைபெற்றது.
இக்கோயில் திருவிழா கடந்த மாதம் 26 ஆம் தேதி கொடியேற்றத்துடன் தொடங்கியது.தொடர்ந்து மகாபாரத சொற்பொழிவு நிகழ்ச்சிகள்நடைபெற்றன
விழாவின் 18 ஆம் நாளான வெள்ளிக்கிழமை காளிக்கு அரவான் பலிகொடுக்கும் நிகழ்ச்சி நடைபெற்றது. 
இந்நிகழ்ச்சியில்  சொக்கநாதபுரம், வஞ்சனபுரம், பெரும்மாண்டி உள்ளிட பல்வேறு பகுதியில் இருந்து பக்தர்கள் பங்கேற்று தரிசனம் செய்தனர். மேலும் குழந்தை பாக்கியம் இல்லாத பெண்கள் அரவான் பலிகொடுக்கும் ரத்தம் கலந்த சாதம் சாப்பிட்டால், குழந்தை பாக்கியம் கிடைக்கும் என்பதால் ஏராளமான பெண்கள் அதனை வாங்கி பிரசாதமாக சாப்பிட்டனர்.

]]>
https://www.dinamani.com/all-editions/edition-trichy/ariyalur/2019/mar/16/திரௌபதி-அம்மன்-கோயிலில்-தீ-மிதி-திருவிழா-3114881.html
3114880 திருச்சி அரியலூர் கொள்ளிடம் ஆற்றில் மாட்டு வண்டிகளுக்கு மணல் குவாரி அமைக்க வலியுறுத்தல் DIN DIN Saturday, March 16, 2019 09:51 AM +0530 ஜயங்கொண்டம் அருகே கொள்ளிடம் ஆற்றில் மாட்டுவண்டிக்கு குவாரி அமைக்க வேண்டும் என்று மாட்டுவண்டி உரிமையாளர்கள் சங்கம் வலியுறுத்தியுள்ளது.
ஜயங்கொண்டம் அருகிலுள்ள உதயநத்தம் கிராமத்தில் வியாழக்கிழமை நடைபெற்ற சங்கக் கூட்டத்துக்கு மாவட்டச் செயலர் மதியழகன் தலைமை வகித்தார்.மாவட்டத் தலைவர் பாலமுருகன், துணைத் தலைவர் தனவேல்,ஆலோசகர் கணேசன் முன்னிலை வகித்தனர்.
விவசாயத் தொழிலாளர் சங்க மாவட்டச் செயலர் இளங்கோவன் சிறப்புரையாற்றினார். மார்க்சிஸ்ட் கம்யூ. ஒன்றியச் செயலர் ராதாகிருஷ்ணன், மீன்சுருட்டி செயலர் ராஜேந்திரன், மாவட்டக் குழு உறுப்பினர் பஞ்சாபிகேசன் ஆகியோர் வாழ்த்தி பேசினர்.
இரவு நேரங்களில் லாரிக்கு மட்டும் மணல் விற்பனை செய்யப்படுவது கண்டனத்துக்குரியது. அரியலூர் மாவட்டத்தில் மாட்டுவண்டிக்கான குவாரி அமைக்க வேண்டும். 
அவ்வாறு அமைக்காதபட்சத்தில் மார்ச் 25 ஆம் தேதி மணல் மாட்டு வண்டி உரிமையாளர்கள் மற்றும் தொழிலாளர்கள் குடியுரிமை ஆவணங்களை வட்டாட்சியரிடம் ஒப்படைப்பது,தேர்தலை புறக்கணிப்பது என முடிவு செய்யப்பட்டது. முன்னதாக உதய நத்தம் ராஜேந்திரன் வரவேற்றார். இறுதியில் பன்னீர்செல்வம் நன்றி கூறினார்.
 

]]>
https://www.dinamani.com/all-editions/edition-trichy/ariyalur/2019/mar/16/கொள்ளிடம்-ஆற்றில்-மாட்டு-வண்டிகளுக்குமணல்-குவாரி-அமைக்க-வலியுறுத்தல்-3114880.html
3114879 திருச்சி அரியலூர் அனலாக் முறையில் கேபிள் டி.வி ஒளிபரப்பினால் கடும் நடவடிக்கை DIN DIN Saturday, March 16, 2019 09:51 AM +0530 அனலாக் முறையில் கேபிள்டிவி ஒளிபரப்பை மேற்கொண்டால் கடும் நடவடிக்கை எடுக்கப்படும் என அரியலூர் மாவட்ட ஆட்சியர் மு. விஜயலட்சுமி தெரிவித்துள்ளார்.
இதுகுறித்து வெள்ளிக்கிழமை அவர் வெளியிட்டுள்ள செய்திக்குறிப்பு: டிராய் விதிமுறைகளின்படி, பிப்.1 ஆம் தேதி முதல் சேனலைத் தேர்வு செய்யும் முறை நடைமுறைப்படுத்தப்பட்டுள்ளது.  அரியலூர் மாவட்டத்தில் உள்ள வாடிக்கையாளர்கள் உள்ளுர் கேபிள் டிவி ஆபரேட்டர்களை அணுகி படிவங்களை பூர்த்தி செய்து பயனடையலாம்.
அனலாக் சிஸ்டம் நிறுத்தப்பட்டு, டிஜிட்டல் முறையில் கேபிள் டிவி ஒளிபரப்பு செய்யப்பட்டு வருகிறது. கேபிள் டிவி ஒழுங்குமுறைச்சட்டத்தின் படி உள்ளுர் கேபிள் டிவி ஆபரேட்டர்கள் அனலாக் சிக்னலை முற்றிலும் தவிர்த்து டிஜிட்டல் சிக்னலாக மட்டுமே ஒளிபரப்பு செய்ய வேண்டும்.  இவ்வாறு வழங்காமல் விதிகளை மீறும் கேபிள் டிவி ஆபரேட்டர்களின் உபகரணங்கள் பறிமுதல் செய்யப்படும்.  மேலும் 2 ஆண்டுகள் சிறை தண்டனை அல்லது ரூ.1,000- அபராதம் அல்லது இரண்டும் சேர்த்து விதிக்கப்படும்.  எனவே, மாவட்டத்தில் கேபிள் டிவி ஆப்ரேட்டர்கள் அனைவரும் டிஜிட்டல் முறையில் மட்டுமே கேபிள் டிவி ஒளிபரப்பைத் தொடர வேண்டும்.

]]>
https://www.dinamani.com/all-editions/edition-trichy/ariyalur/2019/mar/16/அனலாக்-முறையில்-கேபிள்-டிவி-ஒளிபரப்பினால்-கடும்-நடவடிக்கை-3114879.html
3114878 திருச்சி அரியலூர் தேர்தல், வாக்காளர் பட்டியல் புகார்களை கட்டணமில்லா தொலைபேசியில் தெரிவிக்கலாம் DIN DIN Saturday, March 16, 2019 09:51 AM +0530 அரியலூர் மாவட்டத்தில் தேர்தல்  மற்றும் வாக்காளர் பட்டியல் தொடர்பான சந்தேகங்கள், கருத்துகள் மற்றும் புகார்களை 1950 என்ற கட்டணமில்லா தொலைபேசி எண்ணில் தெரிவிக்கலாம் என்றார் ஆட்சியர் மு. விஜயலட்சுமி.
மக்களவைத் தேர்தலையொட்டி, வாக்காளர்களிடம் விழிப்புணர்வை ஏற்படுத்தும் வகையில் மின்னணு விளம்பரத் திரை வாகனப் பயணத்தை ஆட்சியரக வளாகத்தில் வெள்ளிக்கிழமை தொடக்கி வைத்த பின்னர், மேலும் அவர் கூறியது:
வாக்களிப்பதின் அவசியம், வாக்காளர் பட்டியலில் பெயர் உள்ளதை உறுதிசெய்தல் போன்றவை குறித்து பொதுமக்களிடம் விழிப்புணர்வை ஏற்படுத்தும் வகையில்,  தேர்தல் ஆணையத்தின் அறிவுறுத்தலின்படி, அரியலூர் மாவட்டத்தில் பல்வேறு நடவடிக்கைகள் மேற்கொள்ளப்பட்டு வருகின்றன. மாவட்டத்தில் கல்லூரி மாணவ,மாணவிகளுக்கு பேச்சு, கவிதை, கட்டுரை ஆகிய போட்டிகள் மற்றும் கலை நிகழ்ச்சிகள்  நடத்தப்பட்டு வருகின்றன. பொதுமக்கள் அதிகம் கூடும் இடங்களில் வாக்காளர்களுக்கு விழிப்புணர்வை ஏற்படுத்தும் நோக்கில்,  மின்னணு விளம்பரத்திரை வாகனப் பயணமும் தொடக்கி வைக்கப்பட்டுள்ளது. பொதுமக்கள் தேர்தல்கள் மற்றும் வாக்காளர் பட்டியல் தொடர்பான சந்தேகங்களை
தெரிந்து கொள்ளவும்,  புகார் மற்றும் கருத்துகளைத் தெரிவிக்கவும்  மாவட்ட ஆட்சியர் அலுவலகத்தில் 1950 என்ற கட்டணமில்லா தொலைபேசி சேவை இயங்குகிறது. இச்சேவை மையம் காலை 9 முதல் இரவு 9 மணி வரை இயங்கும். பொதுமக்கள் தங்களது கருத்துக்கள் மற்றும் சந்தேகங்கள் புகார்களுக்காக இந்த மையத்தை தொடர்பு கொள்ளலாம் என்றார் அவர். 
இந்நிகழ்ச்சியில், மாவட்ட வருவாய் அலுவலர் பொற்கொடி, மாவட்ட ஆட்சியரின் நேர்முக உதவியாளர் பரிதாபானு, மாவட்ட வழங்கல் அலுவலர் ரவிச்சந்திரன், செய்தி மக்கள் தொடர்பு அலுவலர் ரா.ஜெயஅருள்பதி, உதவி மக்கள் தொடர்பு அலுவலர்கள் க.சரவணன், அ.எழிலரசன் உள்பட பலர் பங்கேற்றனர்.
 

]]>
https://www.dinamani.com/all-editions/edition-trichy/ariyalur/2019/mar/16/தேர்தல்-வாக்காளர்-பட்டியல்-புகார்களை-கட்டணமில்லா-தொலைபேசியில்-தெரிவிக்கலாம்-3114878.html
3114877 திருச்சி அரியலூர் ஜயங்கொண்டத்தில் வாக்காளர் விழிப்புணர்வுப் பேரணி DIN DIN Saturday, March 16, 2019 09:51 AM +0530 அரியலூர் மாவட்டம், ஜயங்கொண்டத்தில் தமிழ்நாடு பாரத சாரண,சாரணியர் இயக்கம் சார்பில் வாக்காளர் விழிப்புணர்வுப் பேரணி வெள்ளிக்கிழமை நடைபெற்றது.
பேரணிக்கு உடையார்பாளையம் கல்வி மாவட்ட அலுவலர் மணிவண்ணன் தலைமை வகித்து தொடக்கி வைத்தார். அரசு மருத்துவமனையில் தொடங்கிய பேரணி, தா.பழூர் சாலை, பேருந்து நிலையம், அண்ணாசிலை, கடைவீதி, நான்கு சாலை சந்திப்பு வழியாக சென்று மீண்டும் அரசு மருத்துவமனையில் முடிவடைந்தது. 
பேரணியில் வாக்களிப்பதன் அவசியத்தை வலியுறுத்தும் விழிப்புணர்வுப் பதாகைகளை ஏந்திச் சென்ற மாணவ, மாணவிகள் பொதுமக்களிடம் துண்டுபிரசுரங்களை வழங்கினர்.
சாரண,சாரணியர் இயக்க மாவட்டச் செயலர் பாண்டியன் பேரணிக்கான ஒருங்கிணைப்பை செய்திருந்திருந்தார். சாரண ஆசிரியர்கள் ரோச் அலக்ஸாண்டர், முரளிதரன், சதீஷ், நர்மதா உள்ளிட்டோர் பேரணியில் பங்கேற்றனர்.


 

]]>
https://www.dinamani.com/all-editions/edition-trichy/ariyalur/2019/mar/16/ஜயங்கொண்டத்தில்-வாக்காளர்-விழிப்புணர்வுப்-பேரணி-3114877.html
3114876 திருச்சி அரியலூர் 100 % வாக்குப்பதிவு: பள்ளி மாணவர்களுக்கு உறுதிமொழி கையெழுத்துப் படிவம் DIN DIN Saturday, March 16, 2019 09:50 AM +0530 மக்களவைத் தேர்தலில் நூறு சதவிகித வாக்குப்பதிவு ஏற்படும் வகையில், மாவட்டத்திலுள்ள 780 பள்ளிகளில் பயிலும் 1.30லட்சம்  மாணவ,மாணவிகளின் பெற்றோர்களிடம் உறுதிமொழி கையெழுத்து படிவம் வெள்ளிக்கிழமை வழங்கப்பட்டது.
இப்படிவம் பள்ளி மாணவ, மாணவிகளுக்கு வழங்கப்பட்டு, அதில் அவர்கள் தங்கள் பெற்றோரிடம் மக்களவைத் தேர்தலில் வாக்களிப்போம் என உறுதிமொழி படிவத்தில் கையெழுத்திட்டு வாங்கி வருமாறு அறிவுறுத்தப்பட்டது. தாமரைக்குளம்  வித்யாமந்திர் பள்ளியில்நடைபெற்ற விழிப்புணர்வு நிகழ்ச்சியில்  கலந்துகொண்ட மாவட்ட வழங்கல் அலுவலர் ரவிச்சந்திரன்,பள்ளி மாணவ,மாணவிகளிடம் உறுதி மொழி படிவத்தை வழங்கினார்.
அரியலூர் கல்வி மாவட்ட அலுவலர் செல்வராஜ், பள்ளித்துணை ஆய்வாளர் பழனிச்சாமி, பள்ளி துணை முதல்வர் கதிரவன் ஆகியோர் கலந்து கொண்டு பேசினர்.
 

]]>
https://www.dinamani.com/all-editions/edition-trichy/ariyalur/2019/mar/16/100--வாக்குப்பதிவு-பள்ளி-மாணவர்களுக்கு-உறுதிமொழி-கையெழுத்துப்-படிவம்-3114876.html
3114875 திருச்சி அரியலூர் பாப்பாக்குடி, இருதயபுரம் பகுதிகளில் மார்ச் 16 மின்தடை DIN DIN Saturday, March 16, 2019 09:50 AM +0530 மாதாந்திர மின் பராமரிப்புப் பணிகள் காரணமாக பாப்பாக்குடி, இருதயபுரம் உள்ளிட்ட பகுதிகளில் சனிக்கிழமை (மார்ச் 16) மின்தடை செய்யப்படுகிறது.
இதுகுறித்து தமிழ்நாடு மின் உற்பத்தி மற்றும் பகிர்மானக் கழகத்தின் ஆண்டிமடம் உதவிச் செயற்பொறியாளர் (பொ) ராஜ்குமார் வெள்ளிக்கிழமை வெளியிட்ட செய்திக்குறிப்பு: கடலங்குடி மின்பாதையில் பராமரிப்புப் பணிகள் சனிக்கிழமை மேற்கொள்ளப்பட உள்ளன. இதனால் இங்கிருந்து மின் விநியோகம் பெறும் ஆண்டிமடம் துணை மின் நிலையத்துக்குள்பட்ட பெரியகிருஷ்ணாபுரம்,  பாப்பாக்குடி துணை மின் நிலையத்துக்குள்பட்ட இருதயபுரம் உள்ளிட்ட பகுதிகளில் காலை 8 மணி முதல் பராமரிப்புப் பணிகள் முடியும் வரை மின் விநியோகம் இருக்காது.
 

]]>
https://www.dinamani.com/all-editions/edition-trichy/ariyalur/2019/mar/16/பாப்பாக்குடி-இருதயபுரம்-பகுதிகளில்-மார்ச்-16-மின்தடை-3114875.html
3114034 திருச்சி அரியலூர் தேர்தல் புகார்களை "செயலி'யில் தெரிவிக்கலாம் DIN DIN Friday, March 15, 2019 07:31 AM +0530 தேர்தல் தொடர்பான புகார்களை  விடியோ, புகைப்படத்துடன் தெரிவிக்கும் வகையில் அறிமுகப்படுத்தப்பட்டுள்ள புதிய செயலியில் தெரிவிக்கலாம் என்றார்  மாவட்ட ஆட்சியரும், தேர்தல் நடத்தும் அலுவலருமான மு.விஜயலட்சுமி. 
      மக்களவைத் தேர்தலை முன்னிட்டு அரியலூர் மாவட்டம் திருமானூர் அடுத்த சாத்தமங்கலத்தில் பறக்கும் படையினர் மேற்கொண்ட வாகனச் சோதனையை வியாழக்கிழமை ஆய்வு செய்த அவர் மேலும் தெரிவித்தாவது: சிதம்பரம் (தனி)  மக்களவைத் தொகுதி பொதுத்தேர்தலுக்காக அரியலூர் மாவட்டத்திலுள்ள 2 சட்டப் பேரவைத் தொகுதிகளில்  தொகுதிக்கு 3 வீதம் 6 பறக்கும் படைக்குழுக்களும், 6 நிலையான கண்காணிப்புக் குழுக்களும்  ஏற்படுத்தப்பட்டுள்ளன. 
மேலும், மாவட்ட ஆட்சியர் அலுவலகத்தில் 24 மணிநேரம் செயல்பட்டு  வரும் தேர்தல் கட்டுப்பாட்டு மையத்தை 04329 -228605, 228606, 228607 ஆகிய  எண்களில் தொடர்பு கொண்டு புகார் அளிக்கலாம். மேலும், 1800 425  2286 என்ற கட்டணமில்லை எண்ணிலும் தொடர்பு கொள்ளலாம். 
தேர்தல் தொடர்பான புகார்களை பொதுமக்கள் புகைப்படம், விடியோவுடன் எளிதில் தெரிவித்திடும் வகையில் செயலியினை அறிமுகப்படுத்தப்பட்டுள்ளது. ஸ்மார்ட் போன் வைத்திருப்பவர்கள் இந்த செயலியினை கூகுல்  பிளே ஸ்டோர் களத்திலும் அல்லது தேர்தல் ஆணையம் இணையதளத்திலிருந்தும் பதிவிறக்கம் செய்து, பயன்படுத்தலாம். இந்தச் செயலியின் மூலம் பெறப்படும் புகார்கள் மீது மேற்கொள்ளப்பட்ட  நடவடிக்கைகள் குறித்து விவரங்கள் சம்மந்தப்பட்ட நபருக்கு குறுஞ்செய்தியாக அனுப்பிடும் வகையில் இந்த  செயலி செயல்படுத்தப்பட்டுள்ளது என்றார் அவர்.

]]>
https://www.dinamani.com/all-editions/edition-trichy/ariyalur/2019/mar/15/தேர்தல்-புகார்களை-செயலியில்-தெரிவிக்கலாம்-3114034.html
3114025 திருச்சி அரியலூர் பத்தாம் வகுப்பு தேர்வு: அரியலூரில் 10,709 பேர் எழுதினர் DIN DIN Friday, March 15, 2019 07:26 AM +0530 தமிழகம் முழுவதும் வியாழக்கிழமை தொடங்கிய பத்தாம் வகுப்பு அரசு பொதுத் தேர்வை அரியலூர் மாவட்டத்தில் 225 தனித்தேர்வர்கள் உள்ளிட்ட 10,709 பேர் எழுதினர்.
அரியலூர் மாவட்டத்தில் அரியலூர், உடையார்பாளையம்,செந்துறை ஆகிய கல்வி மாவட்டத்தில் உள்ள 173 உயர்நிலை மற்றும் மேல்நிலைப்பள்ளிகளைச் சேர்ந்த 10,484 பேர் வியாழக்கிழமை தொடங்கிய 10 ஆம் வகுப்பு பொதுத்தேர்வை எழுதினர். 260 பேர் தேர்வெழுத வரவில்லை.
இதேபோல், தனித்தேர்வர்கள் 225 பேர் 10 ஆம் வகுப்பு பொதுத்தேர்வை எழுதினர். 29 பேர் தேர்வெழுதவரவில்லை.பொதுத்தேர்வையொட்டி 49 மையங்களுக்கும் முதன்மை கண்காணிப்பாளர், துணை அலுவலர் மற்றும் பறக்கும் படை அலுவலர்கள் என 90 பேர் நியமிக்கப்பட்டு பணியில் ஈடுப்பட்டனர்.
வினாத்தாள்களை தேர்வு மையங்களுக்கு கொண்டு செல்லவும், தேர்வு முடிந்து விடைத்தாள்களை பாதுகாப்பு மையங்களுக்கு கொண்டுவரவும் அரியலூர் கல்வி மாவட்டத்தில் 4 வழித்தட அலுவலர்களும், உடையார்பாளையம் கல்வி மாவட்டத்தில் 6 வழித்தட அலுவலர்களும் நியமிக்கப்பட்டு பணியில் ஈடுபட்டனர்.

]]>
https://www.dinamani.com/all-editions/edition-trichy/ariyalur/2019/mar/15/பத்தாம்-வகுப்பு-தேர்வு-அரியலூரில்-10709-பேர்-எழுதினர்-3114025.html
3114024 திருச்சி அரியலூர் தொடக்கப் பள்ளி ஆசிரியர்களுக்கு கற்றல் அடைவுகள் பயிற்சி DIN DIN Friday, March 15, 2019 07:25 AM +0530 அரியலூர் மாவட்டம் கீழப்பழுவூர் அருகேயுள்ள ஆசிரியர் கல்வி மற்றும் பயிற்சி  நிறுவனத்தில் அனைத்து தொடக்கப் பள்ளி ஆசிரியர்களுக்கான  இரண்டு நாள் கற்றல் அடைவுகள் பயிற்சி வியாழக்கிழமை தொடங்கியது. 
பயிற்சியை பயிற்சி நிறுவன முதல்வர் கா.சா.மொழியரசி தொடக்கி வைத்துப் பேசினார். மாவட்ட முதன்மைக் கல்வி அலுவலர் அ. புகழேந்தி முன்னிலை வகித்து, மாவட்டத்தில் உள்ள 6 ஒன்றியங்களிலும் 3 கட்டங்களாக மார்ச் 21 ஆம் தேதி வரை இப்பயிற்சி அளிக்கப்படுகிறது. இதன் மூலம் அனைத்து தொடக்கப் பள்ளி மாணவர்களின் கற்றல் தரம் மேம்படும் என எதிர்பார்க்ப்படுகிறது.  மேலும் நாட்டின் கல்வித் தரத்தினை மேம்படுத்துவதில் தொடக்க நிலைக்கான கற்றல் விளைவுகள் பயிற்சி ஒரு சிறந்த கருவியாக அமையும் என்பதில் ஐயமில்லை என்றார் அவர். 
ஏற்பாடுகளை வட்டார வள மைய மேற்பார்வையாளர்கள்,வட்டார கல்வி அலுவலர்கள் செய்து வருகின்றனர்.

]]>
https://www.dinamani.com/all-editions/edition-trichy/ariyalur/2019/mar/15/தொடக்கப்-பள்ளி-ஆசிரியர்களுக்கு-கற்றல்-அடைவுகள்-பயிற்சி-3114024.html
3114023 திருச்சி அரியலூர் விதை விநியோக உரிமம் பெற விண்ணப்பிக்கலாம் DIN DIN Friday, March 15, 2019 07:25 AM +0530 அரியலூர் மாவட்டத்தில் அரசு உரிமம் பெறாமல் விதைகளையோ, நாற்றுகளையோ விநியோகம்  செய்தால் அதன் உரிமையாளருக்கு சட்டப்படி ஏழு ஆண்டுகள் சிறைத் தண்டனை விதிக்க நடவடிக்கை எடுக்கப்படும்.
அரசு உரிமம் இன்றி விதை மற்றும் நாற்றுகள் விற்பனையில் ஈடுபடுபவர்கள் குறித்து பொதுமக்கள் திருச்சி மன்னார்புரத்தில் இயங்கி வரும்  விதை ஆய்வு துணை இயக்குநர் அலுவலகத்தில் புகார் தெரிவிக்கலாம். விதை விநியோக உரிமம் பெற விரும்புவோர் விண்ணப்பப் படிவம் அ - வை பூர்த்தி செய்து அதனுடன் சொந்த இடம் எனில் வரி செலுத்திய ரசீது அல்லது வாடகை  இடம் எனில் மூன்று ஆண்டுகளுக்கான ஒப்பந்த பத்திரம் நகல் இரண்டு, ஆதார் அட்டையின் நகல் இரண்டு, பாஸ்போர்ட் சைஸ் புகைப்படம் மூன்று, கடையின் வரைபடம் இரண்டு மற்றும் ரூ.1000 செலுத்திய கருவூல ரசீது ஆகிய ஆவணங்களுடம் ஆன்லைன் மூலமாக விண்ணப்பிக்க வேண்டும் என  திருச்சி விதை ஆய்வு துணை இயக்குநர் ந.கண்ணன் வியாழக்கிழமை வெளியிட்ட செய்திக்குறிப்பில் தெரித்துள்ளார்.
 

]]>
https://www.dinamani.com/all-editions/edition-trichy/ariyalur/2019/mar/15/விதை-விநியோக-உரிமம்-பெற-விண்ணப்பிக்கலாம்-3114023.html
3114022 திருச்சி அரியலூர் அனுமதியின்றி மது விற்ற 2 பேர் கைது DIN DIN Friday, March 15, 2019 07:24 AM +0530 அரியலூர் மாவட்டம் விக்கிரமங்கலம் மற்றும் தா.பழூர் பகுதிகளில் மதுபானம் விற்ற  2 பேர் புதன்கிழமை  நள்ளிரவு கைது செய்யப்பட்டனர்.  
விக்கிரமங்கலம் காவல் நிலைய உதவி ஆய்வாளர் செந்தில்குமார் தலைமையிலான போலீஸார் புதன்கிழமை இரவு ரோந்து பணியில் ஈடுபட்டனர். அப்போது நாகமங்கலம் பெருமாள் கோயில் பின்புறம் மதுபான பாட்டில்களைப் பதுக்கி வைத்து, கூடுதல் விலைக்கு விற்றுக்கொண்டிருந்த அரசுகாரன்கோட்டை கிராமத்தைச் சேர்ந்த சின்னபிள்ளை(37) என்பவரைக் கைது செய்து, அவரிடமிருந்து 15 மதுபான பாட்டில்களைப் பறிமுதல் செய்தனர். இதேபோல் தா.பழூர் அருகேயுள்ள நாயக்கனைப்பிரியாள் கிராமத்தில்  மதுபான பாட்டில்களைப் பதுக்கி கூடுதலை விலைக்கு விற்றுக்கொண்டிருந்த அதே கிராமத்தைச் சேர்ந்த விஜயா(37) என்பவரைத் தா.பழூர் போலீஸார் கைது செய்தனர்.

]]>
https://www.dinamani.com/all-editions/edition-trichy/ariyalur/2019/mar/15/அனுமதியின்றி-மது-விற்ற-2-பேர்-கைது-3114022.html
3113536 திருச்சி அரியலூர் சுடுகாட்டில் குப்பைக்கிடங்கு: கிராம மக்கள் சாலை மறியல் DIN DIN Thursday, March 14, 2019 08:48 AM +0530 அரியலூர் மாவட்டம் ஜயங்கொண்டம் அருகே சுடுகாடு உள்ள இடத்தில் குப்பைக் கிடங்கு கட்ட எதிர்ப்பு தெரிவித்து கிராம மக்கள் புதன்கிழமை சாலை மறியலில் ஈடுபட்டனர்.
ஜயங்கொண்டம் அருகேயுள்ள கீழக்குடியிருப்பு கிராமத்தில் உள்ள சுடுகாட்டுக்கு அருகே குப்பைக் கிடங்கு கட்ட நகராட்சி நிர்வாகம் நடவடிக்கை மேற்கொண்டு வருகிறது.
இதற்காக, ஜல்லி, மணல் மற்றும் தளவாடப் பொருள்கள் செவ்வாய்க்கிழமை இரவு கொண்டு வந்து இறக்கப்பட்டுள்ளது. இதனையறிந்த கீழக்குடியிருப்பு கிராம மக்கள், குப்பைக் கிடங்கு கட்ட எதிர்ப்பு தெரிவித்து, ஜயங்கொண்டம்-விருத்தாசலம் சாலையில் புதன்கிழமை மறியலில் ஈடுபட்டனர்.
தகவலறிந்து வந்த ஜயங்கொண்டம் போலீஸார் மற்றும் நகராட்சி மேலாளர் அரங்கபார்த்திபன், வருவாய் ஆய்வாளர் சிவசக்தி ஆகியோர் உள்ளிட்ட  அதிகாரிகள் மறியலில் ஈடுபட்டவர்களிடம் பேச்சுவார்த்தை நடத்தினர். அப்போது உரிய நடவடிக்கை மேற்கொள்ளப்படும் என தெரிவித்ததையடுத்து அனைவரும் கலைந்து சென்றனர்.

]]>
https://www.dinamani.com/all-editions/edition-trichy/ariyalur/2019/mar/14/சுடுகாட்டில்-குப்பைக்கிடங்கு-கிராம-மக்கள்-சாலை-மறியல்-3113536.html
3113535 திருச்சி அரியலூர் அரசுப் பள்ளிக்கு கல்விச் சீர் DIN DIN Thursday, March 14, 2019 08:48 AM +0530 அரியலூர் மாவட்டம் செந்துறை அடுத்த சன்னாசி நல்லூர் கிராமத்தில் உள்ள அரசு தொடக்கப் பள்ளிக்கு அப்பகுதி மக்கள் ரூ.2 லட்சம் மதிப்பிலான கல்விச் சீர் புதன்கிழமை வழங்கினார்.
பள்ளிக்கு தேவையான 7 பீரோக்கள், நாற்காலிகள், மேசைகள், கணினி மற்றும் சில்வர் பாத்திரங்கள், தலைவர்கள் படங்கள் உள்ளிட்ட ரூ.2 லட்சம் மதிப்பிலான பொருள்களை கொண்டு வந்த கிராம மக்கள், பள்ளி தலைமை ஆசிரியர் திருநாவுக்கரசிடம் அவைகளை வழங்கினர். விழாவுக்கு வட்டார கல்வி அலுவலர் மதலைராஜா தலைமை வகித்து பேசினார். 
வட்டார வளமைய மேற்பார்வையாளர் குணசேகரன், ஆசிரியர் பயிற்றுநர் ரெங்கநாதன் ஆகியோர் முன்னிலை வகித்துப் பேசினர். விழாவில் பள்ளி ஆசிரியர்கள், மாணவ, மாணவிகள், பெற்றோர் ஆசிரியர் கழக நிர்வாகிகள், பொதுமக்கள் உள்பட பலர் கலந்து கொண்டனர்.  
பெரம்பலூர்: பெரம்பலூர் மாவ ட்டம், ஆலத்தூர் வட்டம், நொச்சிக்குளம் ஊராட்சி ஒன்றிய நடுநிலைப் பள்ளியில் கல்விச் சீர் வழங்கும் விழா புதன்கிழமை நடைபெற்றது. 
விழாவுக்கு, பள்ளித் தலைமை ஆசிரியர் இ. ராஜேந்திரன் தலைமை வகித்தார். ஆலத்தூர் வட்டார கல்வி அலுவலர் சாந்தப்பன், வட்டார வளமைய மேற்பார்வையாளர் பன்னீர்செல்வம் ஆகியோர் முன்னிலை வகித்தனர். 
இவ்விழாவில் பெற்றோர்கள், கிராம பொதுமக்கள் ரூ. 1 லட்சத்துக்கும் மேற்பட்ட பொருள்களை பள்ளி ஆசிரியர்களிடம் அன்பளிப்பாக வழங்கினர். 
விழா ஏற்பாடுகளை, ஆசிரியர்கள் செல்வராணி, லதா மங்கையர்கரசி, கல்பனா, ஆனந்தி, வைத்தீஸ்வரன், செங்குட்டுவன் ஆகியோர் செய்திருந்தனர். பள்ளி கல்விக் குழு மற்றும் பெற்றோர் ஆசிரியர் கழக நிர்வாகிகள் சாமிதுரை, ராமச்சந்திரன், சங்கீதா, சங்கர், மகேஸ்வரி, அறிவழகன் உள்ளிட்ட பலர் பங்கேற்றனர். 
இப்பள்ளியில் ரூ. 4 லட்சம் மதிப்பில் ஆய்வகம் பெற்றோர்கள் மற்றும் நன்கொடையாளர்கள் பங்களிப்புடன் உள்ளது குறிப்பிடத்தக்கது.
 

]]>
https://www.dinamani.com/all-editions/edition-trichy/ariyalur/2019/mar/14/அரசுப்-பள்ளிக்கு-கல்விச்-சீர்-3113535.html
3113534 திருச்சி அரியலூர் கீழப்பழுவூரில் லாரி மோதி புகைப்படக் கலைஞர் சாவு DIN DIN Thursday, March 14, 2019 08:48 AM +0530 அரியலூர் மாவட்டம் கீழப்பழுவூர் அருகே புதன்கிழமை இரவு லாரி மோதிய விபத்தில் இரு சக்கர வாகனத்தில் சென்ற புகைப்படக் கலைஞர் சம்பவ இடத்திலேயே உயிரிழந்தார்.
கீழப்பழுவூர் அருகேயுள்ள பொய்யூர் கிராமத்தைச் சேர்ந்தவர் முருகானந்தம். இவர் அப்பகுதியில் போட்டோ, ஸ்டூடியோ கடை நடத்தி வருகிறார். இந்நிலையில், புதன்கிழமை இரவு முருகானந்தம் இருசக்கர வாகனத்தில் சென்றபோது, அந்த வழியாக விறகு ஏற்றிச் சென்ற லாரி அவர் மீது மோதியுள்ளது. 
இதில் பலத்த காயமடைந்த முருகானந்தம் சம்பவ இடத்திலேயே உயிரிழந்தார். இதுகுறித்து தகவலறிந்த கீழப்பழுவூர் போலீஸார் சம்பவ இடத்துக்கு வந்து சடலத்தை மீட்டு அரியலூர் அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்கு பதிந்து தப்பியோடிய லாரி ஓட்டுநரைத் தேடிவருகின்றனர்.
 

]]>
https://www.dinamani.com/all-editions/edition-trichy/ariyalur/2019/mar/14/கீழப்பழுவூரில்-லாரி-மோதி-புகைப்படக்-கலைஞர்-சாவு-3113534.html
3113533 திருச்சி அரியலூர் கனிம சுரங்க பாதுகாப்பு வார விழா கொண்டாட்டம் DIN DIN Thursday, March 14, 2019 08:47 AM +0530 அரியலூரில் செட்டிநாடு சிமென்ட் ஆலை சார்பில் 27 ஆவது கனிம சுரங்க பாதுகாப்பு வார விழா அண்மையில் கொண்டாடப்பட்டது.
விழாவுக்கு, செட்டிநாடு  சிமென்ட் ஆலைத் தலைவர் ம. சுந்தரமூர்த்தி தலைமை வகித்துப் பேசினார். பெங்களூருவிலுள்ள இந்திய சுரங்கக் கட்டுப்பாட்டு பணியகத்தின் மண்டல அலுவலர் ஜெ.ஆர்.சௌத்ரி கலந்து கொண்டு, சுங்கரப் பணியில் ஈடுபட்டு வரும் பணியாளர்கள் பாதுகாப்பு கவசங்களை அணிந்து கொண்டு பணியாற்ற வேண்டும். அதேபோல் ஆலை நிர்வாகிகள் பணியாளர்களின் பாதுகாப்புக்கு முக்கியத்துவம் அளிக்க வேண்டும். சுற்றுச்சூழலை பாதுகாக்க வேண்டும் என்றார் அவர். இந்திய சுரங்க கட்டுப்பாட்டு பணியக சென்னை மண்டல அலுவலர் வி.ஜெயகிருஷ்ணபாபு, செட்டிநாடு சிமென்ட் ஆலையின் சுரங்க முதுநிலை துணைத் தலைவர் ஜி.ரகுநாத்சிங் ஆகியோர் கலந்து கொண்டு பேசினர்.விழாவில் சுரங்க அதிகாரிகள், சிமென்ட் ஆலை பணியாளர்கள் கலந்து கொண்டனர்.
 

]]>
https://www.dinamani.com/all-editions/edition-trichy/ariyalur/2019/mar/14/கனிம-சுரங்க-பாதுகாப்பு-வார-விழா-கொண்டாட்டம்-3113533.html
3113532 திருச்சி அரியலூர் மேலாண்மை குழு உறுப்பினர்களுக்கு திறன் வளர்ப்பு பயிற்சி DIN DIN Thursday, March 14, 2019 08:47 AM +0530 அரியலூர் மாவட்டம் ஜயங்கொண்டம் அருகேயுள்ள வடக்கு ஊராட்சி ஒன்றியத் தொடக்கப் பள்ளியில், பள்ளி மேலாண்மை குழு உறுப்பினர்களுக்கு திறன் வளர்ப்புப் பயிற்சி அண்மையில் நடைபெற்றது.
பள்ளி தலைமை ஆசிரியை ராஜேஸ்வரி தலைமை வகித்துப் பேசினார். சூரியமணல் தொடக்கப் பள்ளி தலைமை ஆசிரியர் இந்திரா முன்னிலை வகித்து பேசினார். வட்டார வளமைய ஆசிரியர் பயிற்றுநர் அன்பரசன், செங்குந்தபுரம் பள்ளி தலைமை ஆசிரியர் வேலுமணி ஆகியோர் கலந்து கொண்டு பயிற்சி அளித்தனர். இந்தப் பயிற்சியில் பள்ளி மேம்பாடு திட்டம், குடிநீர், சுகாதாரம் மற்றும் பாலின பிரச்னைகள், பேரிடர் மேலாண்மை, சமூக தணிக்கை, உள் கட்டமைப்பு வசதிகளை எப்படி மேம்படுத்துவதும் குறித்து பயிற்சி அளிக்கப்பட்டது. மேலும் குழந்தைகளின் உரிமைகள், குழந்தைகளுக்கான இலவசக் கல்வி திட்டங்கள் குறித்தும் விளக்கப்பட்டது.

]]>
https://www.dinamani.com/all-editions/edition-trichy/ariyalur/2019/mar/14/மேலாண்மை-குழு-உறுப்பினர்களுக்கு-திறன்-வளர்ப்பு-பயிற்சி-3113532.html
3113531 திருச்சி அரியலூர் அரியலூர் மாவட்டத்தில் 87 வாக்குச்சாவடிகள் பதற்றமானவை DIN DIN Thursday, March 14, 2019 08:47 AM +0530 அரியலூர் மாவட்டத்தில் 87 வாக்குச் சாவடிகள் பதற்றமானவையாக கண்டறியப்பட்டுள்ளது என்றார் மாவட்டத் தேர்தல் நடத்தும் அலுவலரும், அரியலூர் மாவட்ட ஆட்சியருமான மு. விஜயலட்சுமி.
மக்களவைத் தேர்தலை முன்னிட்டு அரியலூர் மாவட்ட ஆட்சியர் அலுவலகத்தில் உதவி தேர்தல் அலுவலர்களுக்கான ஆலோசனைக் கூட்டம் புதன்கிழமை நடைபெற்றது. கூட்டத்துக்கு, ஆட்சியர் மு. விஜயலட்சுமி தலைமை வகித்து தெரிவித்தாவது: 
தமிழகத்தில் ஒரே கட்டமாக ஏப்ரல் 18 ஆம் தேதி மக்களவைத் தேர்தல் நடைபெறவுள்ளது. இந்த தேர்தல் நியாயமாகவும், நேர்மையாகவும் நடத்துவது தேர்தல் ஆணையத்தின் குறிக்கோள் ஆகும். வாக்காளர்கள் தாம் யாருக்கு வாக்களித்தோம் என்பதை கண்டறியும்  ஒப்புகைச் சீட்டு நடைமுறை அனைத்து வாக்குச்சாவடிகளிலும் பயன்படுத்தப்படும்.
வாக்காளர்கள், வாக்காளர் பட்டியலிலுள்ள தங்களது விவரங்களை கட்டணமில்லா தொலைபேசி 1950 என்ற எண் மூலமாக  சரிபார்த்துக்கொள்ளலாம். 
மின்னணு வாக்குப்பதிவு இயந்திரத்தில் வேட்பாளருக்கு நேரே அவரது புகைப்படம்  இடம் பெற்றிருக்கும் என தேர்தல் ஆணையம் வெளியிட்டுள்ளது. 
சிதம்பரம் (தனி) மக்களவைத் தொகுதியில் அரியலூர், ஜயங்கொண்டம், குன்னம்,  காட்டுமன்னார்கோவில், புவனகிரி, சிதம்பரம் ஆகிய 6 சட்டப் பேரவைத் தொகுதிகள் இடம் பெற்றுள்ளன. 
அரியலூர் மற்றும் ஜயங்கொண்டம் சட்டப் பேரவைத் தொகுதிகளில் 587 வாக்குச்சாவடிகளில், 87 வாக்குச்சாவடிகள்  பதற்றமான வாக்குச்சாவடிகள், 3 வாக்குச்சவாடிகள் நெருக்கடியான வாக்குச்சாவடிகள் எனக் கண்டறியப்பட்டுள்ளது. 
இந்தத் தேர்தலில் அரியலூர் மாவட்டத்தில் 31.01.2019 தேதியின்படி, 2,52,654 ஆண் வாக்காளர்களும், 2,53,025 பெண் வாக்களர்களும், 6 இதர வாக்காளர்களும் என மொத்தம் 5,05,685 வாக்காளர்கள் உள்ளனர். தேர்தல் ஆணையம் அறிவித்தப்படி மார்ச் 19 முதல் 26 ஆம் தேதி வரை வேட்பு மனுக்கள் பெறப்படும். மார்ச் 27 ஆம் தேதி வேட்பு மனுக்கள் பரிசீலனை செய்யப்படும். 
வேட்பு மனுக்களை மார்ச்  29ஆம் தேதி வரை திரும்பப் பெற்றுக் கொள்ளலாம். வாக்குப்பதிவு ஏப்ரல் மாதம் 18ஆம் தேதி நடைபெறுகிறது. வாக்கு எண்ணிக்கை மே 23 ஆம் தேதி நடைபெறுகிறது. இதையொட்டி தேர்தல் நடத்தை விதிமுறைகள் நடைமுறைக்கு வந்துள்ளது. தேர்தல் நடத்தை விதிமுறைகள் மீறப்பட்டது தொடர்பான புகார்களை அரியலூர் மாவட்ட ஆட்சியர் அலுவலகத்தில்  அமைக்கப்பட்டுள்ள தேர்தல் கட்டுபாட்டு அறைக்கு 04329-228605, 04329-228606, 04329-228607  என்ற தொலைபேசி எண்களில் பொதுமக்கள் தெரிவிக்கலாம். உரிய நடவடிக்கைகள் மேற்கொள்ளப்படும்.
     தேர்தல் நடத்தை விதிமுறைகளை கண்காணிக்க அரியலூர் மாவட்டத்தில் 6 பறக்கும் படைக்குழுக்களும், 6 நிலையான கண்காணிப்புக் குழுக்களும், 4 வீடியோ கண்காணிப்புக்குழுக்களுக்கும், 2 விடியோ  பார்வை குழுக்களும், 2 கணக்குக்குழுக்கள் உள்ளிட்ட பல்வேறு குழுக்களும் அமைக்கப்பட்டுள்ளன. தேர்தல் நடத்தை விதிமுறைகளை அரசு அலுவலர்கள், அரசியல் கட்சியாளர்கள், வாக்காளர்கள் ஆகிய அனைவரும்  தவறாமல் கடைப்பிடித்து மக்களவைத் தேர்தலை நடத்திட அனைவரும் ஒத்துழைப்பு வழங்க வேண்டும் என கேட்டுக்கொண்டார். 
கூட்டத்தில், சிதம்பரம் சார் ஆட்சியர் விசுமாஜன், அரியலூர் மாவட்ட வருவாய் அலுவலர் பொற்கொடி, மாவட்ட ஆட்சியரின் நேர்முக உதவியாளர் தா.பரிதாபானு, கோட்டாட்சியர்கள் அரியலூர் நா.சத்தியநாராயணன், உடையார்பாளையம் ஜோதி, பெரம்பலூர் மாவட்ட வழங்கல் அலுவலர் (பொ) மஞ்சுளா, புவனகிரி வட்ட வழங்க அலுவலர் வெற்றிவேல், காட்டுமன்னார்கோவில் கலால் உதவி ஆணையர் விஜயராகவன், தேர்தல் பிரிவு வட்டாட்சியர் சந்திரசேகரன், வட்டாட்சியர்கள் அரியலூர் கதிரவன்,ஜயங்கொண்டம் குமரைய்யா, குன்னம் செல்வராஜ், காட்டுமன்னார்கோவில் தமிழ்செல்வன், சிதம்பரம் ஹரிதாஸ், ஆலத்தியூர் கிருஷ்ணராஜ், குன்னம் துணை வட்டாட்சியர் மாலதி ஆகியோர் மற்றும் மற்றும் அரியலூர், ஜயங்கொண்டம், குன்னம், புவனகிரி, காட்டுமன்னார்கோவில் மற்றும் சிதம்பரம் ஆகிய சட்டப் பேரவைத் தொகுதிகளில் உள்ள உதவி தேர்தல் அலுவலர்கள் கலந்து கொண்டனர்.
 

]]>
https://www.dinamani.com/all-editions/edition-trichy/ariyalur/2019/mar/14/அரியலூர்-மாவட்டத்தில்-87-வாக்குச்சாவடிகள்-பதற்றமானவை-3113531.html
3113530 திருச்சி அரியலூர் மது போதையில் தகராறு: கணவரை எரித்துக் கொன்ற மனைவி கைது DIN DIN Thursday, March 14, 2019 08:46 AM +0530 அரியலூர் மாவட்டம் செந்துறை அருகே மது போதையில் தகராறில் ஈடுபட்ட கணவரை எரித்துக் கொன்றுவிட்டு தற்கொலை செய்து கொண்டதாக நாடகமாடிய மனைவி புதன்கிழமை கைது செய்யப்பட்டார்.
செந்துறை அருகேயுள்ள மத்துமடக்கி கிராமத்தைச் சேர்ந்தவர் குணசேகரன் (44), விவசாயி. இவரது மனைவி மஞ்சுளா (40). தம்பதிக்கு மணிகண்டன் (19) என்ற ஒரு மகன் உள்ளார். அப்பகுதியில் உள்ள தனியார் கல்லூரியில் படித்து வருகிறார். 
மது பழக்கத்துக்கு அடிமையான குணசேகரனுடன் அண்மையில் ஏற்பட்ட தகராறில் மஞ்சுளா கோபித்துக்கொண்டு நக்கம்பாடி கிராமத்தில் வசிக்கும் தனது தந்தை வீட்டுக்கு சென்றுவிட்டார்.  இதையடுத்து, குணசேகரன் செவ்வாய்க்கிழமை மாலை மஞ்சுளாவை அழைத்துச் செல்வதற்காக மதுபோதையில் சென்றுள்ளார். அங்கு மீண்டும் தகராறு ஏற்பட்டதையடுத்து ஆத்திரமடைந்த குணசேகரன், அங்கிருந்த வைக்கோல் போருக்கு தீ வைத்துவிட்டுச் சென்றதாகத் தெரிகிறது. 
தொடர்ந்து, மஞ்சுளா மற்றும் அவரது உறவினர்கள் மத்துமடக்கி சென்று மதுபோதையில் இருந்த குணசேகரனைத் தாக்கியதில் அவர் சுயநினைவின்றிக் கிடந்துள்ளார். இதையடுத்து, அவரது உடல் மீது மண்ணெண்ணெய் ஊற்றி தீ வைத்துவிட்டு, மது போதையில் அவர் தற்கொலை செய்து கொண்டதாக மஞ்சுளா மற்றும் அவரது உறவினர்கள் நாடகமாடியுள்ளனர். 
குணசேகரன் சாவில் மர்மம் இருப்பதாக அவரது அக்கா கணவர் பழமலை, புதன்கிழமை இரும்புலிக்குறிச்சி  காவல் நிலையத்தில் புகார் அளித்ததன் பேரில் சம்பவ இடத்துக்கு வந்த போலீஸார், சடலத்தை மீட்டு ஜயங்கொண்டம் அரசு மருத்துவமனைக்கு அனுப்பி வைத்தனர்.
போலீஸார் வழக்கு பதிந்து, குணசேகரனின் மனைவி மஞ்சுளாவைக் கைது செய்தனர். மேலும் மஞ்சுளாவின் சகோதரர் வேல்முருகனையும் கைது செய்த போலீஸார், தடயங்களை அழிக்க முயன்றதாக திராவிடர் கழக மாவட்ட நிர்வாகி ராமச்சந்திரனிடம் தீவிர விசாரணை மேற்கொண்டு வருகின்றனர்.
 

]]>
https://www.dinamani.com/all-editions/edition-trichy/ariyalur/2019/mar/14/மது-போதையில்-தகராறு-கணவரை-எரித்துக்-கொன்ற-மனைவி-கைது-3113530.html
3112885 திருச்சி அரியலூர் கல்லூரி மாணவியை தாக்க முயன்ற பேருந்து ஓட்டுநர் கைது DIN DIN Wednesday, March 13, 2019 09:16 AM +0530 அரியலூர் மாவட்டம் திருமானூர் அருகே கல்லூரி மாணவியைத் தாக்க முயன்ற வழக்கில் தனியார் கல்லூரி பேருந்து ஓட்டுநர் திங்கள்கிழமை இரவு கைது செய்யப்பட்டார்.
திருமானூர அருகேயுள்ள வாரணவாசி கிராமத்தைச் சேர்ந்த 19  வயது கல்லூரி மாணவியிடம், தனியார் கல்லூரி பேருந்து ஓட்டுநரும், கோவிலூர் கிராமத்தைச் சேர்ந்தவருமான எழிலரசன் அடிக்கடி தகராறில் ஈடுபட்டு வந்ததாகக் கூறப்படுகிறது. 
கடந்த இரு தினங்களுக்கு முன்பு அந்த மாணவி கல்லூரிக்குச் சென்று கொண்டிருந்தபோது, எழிலரசன் தகாத வார்த்தையால் திட்டித் தாக்க முயன்றுள்ளார். இதுகுறித்து புகாரின் பேரில் கீழப்பழுவூர் போலீஸார் வழக்குப் பதிந்து எழிலரசனைக் கைது செய்தனர்.
 

]]>
https://www.dinamani.com/all-editions/edition-trichy/ariyalur/2019/mar/13/கல்லூரி-மாணவியை-தாக்க-முயன்ற-பேருந்து-ஓட்டுநர்-கைது-3112885.html
3112884 திருச்சி அரியலூர் வாக்களிப்பதன் அவசியம் உணர்த்தும் கலை நிகழ்ச்சி DIN DIN Wednesday, March 13, 2019 09:16 AM +0530 மக்களவைத் தேர்தலை முன்னிட்டு அரியலூர் பேருந்து நிலையத்தில் ஸ்வீப் கிராமிய கலைக் குழுவினரின் வாக்களிப்பதன் அவசியம் குறித்து விழிப்புணர்வு நிகழ்ச்சி செவ்வாய்க்கிழமை நடைபெற்றது.
மக்களவைத் தேர்தல் தேதி அறிவிக்கப்பட்டதையடுத்து, இந்திய தேர்தல் ஆணையம் உத்தரவுப்படி அரியலூர் மாவட்டத்தில் 100 சதவீத வாக்களித்தல் குறித்த விழிப்புணர்வு நிகழ்ச்சிகள், 
முகாம்கள் நடத்தப்பட்டு 
வருகிறது. 
அதன்படி ஆட்சியரின் வழிகாட்டுதலின் படி அரியலூர் பேருந்து நிலையத்தில் ஸ்வீப் கிராமிய கலைக் குழுவினர் சார்பில் வாக்களிப்பதின் அவசியம் குறித்த விழிப்புணர்வு 
நிகழ்ச்சி நடைபெற்றது. மாவட்ட வழங்கல் அலுவலர் ரவிச்சந்திரன், அரியலூர் நகராட்சி ஆணையர் திருநாவுகரசு மற்றும் பேருந்துக்காக காத்திருந்த பயணிகள் உட்பட பலர் கலந்து கொண்டனர்.

]]>
https://www.dinamani.com/all-editions/edition-trichy/ariyalur/2019/mar/13/வாக்களிப்பதன்-அவசியம்-உணர்த்தும்-கலை-நிகழ்ச்சி-3112884.html
3112883 திருச்சி அரியலூர் ஆண்டிமடம் அருகே 800 கிலோ புகையிலை பறிமுதல் DIN DIN Wednesday, March 13, 2019 09:16 AM +0530 அரியலூர் மாவட்டம் ஆண்டிமடம் அருகே தேர்தல் பறக்கும் படையினர் மேற்கொண்ட வாகனச் சோதனையில் அரசால் தடை செய்யப்பட்ட ரூ.16 லட்சம் மதிப்புள்ள புகையிலை பொருள்கள் பறிமுதல் செய்யப்பட்டன.
ஆண்டிமடம் அடுத்த மகிமைபுரம் அருகே வட்ட வழங்கல் அலுவலர் ஆனந்தவேல் தலைமையிலான தேர்தல் பறக்கும் படையினர் செவ்வாய்க்கிழமை தீவிர வாகனத் தணிக்கையில் ஈடுபட்டனர். 
அப்போது அந்த வழியாக ஜயங்கொண்டம் நோக்கி வந்த சுமை ஆட்டோவை மறித்து சோதனையிட்டனர். இதில், தமிழக அரசால் தடை செய்யப்பட்டுள்ள 800 கிலோ எடை கொண்ட குட்கா உள்ளிட்ட புகையிலை பொருள்கள் இருந்தது கண்டுபிடிக்கப்பட்டது. இதையடுத்து அதிகாரிகள், ஆட்டோவுடன் புகையிலை பொருள்களை பறிமுதல் செய்து ஜயங்கொண்டம் காவல் நிலையத்தில் ஒப்படைத்தனர். போலீஸார் வழக்கு பதிந்து சுமை ஆட்டோ ஓட்டுநர் சேலம் மாவட்டத்தைச்  சேர்ந்த பழனிசாமி மகன் அழகிரியைக் கைது செய்து மேலும் விசாரணை மேற்கொண்டு வருகின்றனர்.
 

]]>
https://www.dinamani.com/all-editions/edition-trichy/ariyalur/2019/mar/13/ஆண்டிமடம்-அருகே-800-கிலோ-புகையிலை-பறிமுதல்-3112883.html
3112882 திருச்சி அரியலூர் தேசிய அளவில் சிறப்பிடம் பிடித்த ராம்கோ பிஏசி ராமசாமி ஐ.டி.ஐ DIN DIN Wednesday, March 13, 2019 09:16 AM +0530 தொழில்துறை மதிப்பு விரிவாக்க திறன்களை மேம்படுத்துதல் பயிற்சியில் தேசிய அளவில் அரியலூர் ராம்கோ சிமென்ட்ஸ் நிறுவனத்தின் பிஏசி ராமசாமி ராஜா ஐடிஐ 3 ஆம் இடம் பிடித்து சாதனை படைத்துள்ளது.
இதுகுறித்து அரியலூர் ராம்கோ சிமென்ட் ஆலையின் தலைவர் சி.ரவிச்சந்திரன் செவ்வாய்க்கிழமை வெளியிட்ட செய்திக்குறிப்பு: தமிழகத்தின் பின் தங்கிய மாவட்டங்களில் ஒன்றான அரியலூரில் பிஏசி ராமசாமி ராஜா ஐடிஐ தொழிற்பயிற்சி நிலையத்தை ராம்கோ சிமென்ட்ஸ் நிறுவனம் கடந்த 2010 இல் தொடங்கியது. ராம்கோ நிறுவனத்தின் சிமென்ட் ஆலை வளாகத்தில் ஏற்கெனவே வித்யாமந்திர் சிபிஎஸ்இ பள்ளி செயல்பட்டு வருகிறது. அது தவிர மாணவ மாணவிகளின் தொழில்திறனை மேம்படுத்தும் வகையில் ராம்கோ நிறுவனத்தின் இந்த ஐடிஐ செயல்பட்டு வருகிறது. 
இந்த ஐடிஐ-யில் பயிலும் மாணவ-மாணவிகளுக்கு சிமென்ட் ஆலையில் செய்முறை பயிற்சிகள் வழங்கப்படுகின்றது. ஆண்டுதோறும் 90 சதவீத தேர்ச்சி, 80 சதவீத மாணவர்களுக்கு நேர்காணல் மூலம் வேலைவாய்ப்பு என்று இந்த நிறுவனம் தொடர் சாதனை படைத்து வருகிறது. ஐஎஸ்ஓ சர்வதேச தரச்சான்றிதழிதனையும் பெற்றுள்ளது.  இந்நிலையில் மத்திய திறன் மேம்பாடு மற்றும் தொழில் முனைவோர் அமைச்சகத்தின் பயிற்சி பிரிவு தலைமை இயக்குநரகம் சார்பில் தேசிய அளவிலான ஐடிஐ கல்வி நிறுவனங்களின் தரமதிப்பீட்டுக் குழு கூட்டம் கடந்த பிப்ரவரி 28 ஆம் தேதி நடைபெற்றது. 
இதில் நாட்டிலேயே சிறந்த 33 தனியார் ஐடிஐ தொழிற்பயிற்சி நிலையங்களின் பட்டியலில் அரியலூர் பிஏசி ராமசாமி ராஜா ஐடிஐ மூன்றாம் இடம் பிடித்து சாதனை படைத்துள்ளது. இது சமூகப் பொறுப்பு நிதி வாயிலாக ராம்கோ சிமென்ட்ஸ் எடுத்துவரும் முயற்சிகளுக்கும் அதன் கல்விப்பணிகளுக்கும் மத்திய அரசு அளித்துள்ள அங்கீகாரம் ஆகும்.
 

]]>
https://www.dinamani.com/all-editions/edition-trichy/ariyalur/2019/mar/13/தேசிய-அளவில்-சிறப்பிடம்-பிடித்த-ராம்கோ-பிஏசி-ராமசாமி-ஐடிஐ-3112882.html
3112881 திருச்சி அரியலூர் தேர்தல் விளம்பரங்களை கண்காணிக்க கட்டுப்பாட்டு அறை DIN DIN Wednesday, March 13, 2019 09:15 AM +0530 பத்திரிக்கை மற்றும் தொலைக்காட்சிகளில் வெளிவரும் அரசியல் கட்சிகளின் தேர்தல் விளம்பரங்களைக் கண்காணிக்க அரியலூர் மாவட்ட ஆட்சியர் அலுவலக வளாகத்தில் அமைக்கப்பட்டுள்ள கட்டுப்பாட்டு அறையை தேர்தல் நடத்தும் அலுவலரும், ஆட்சியருமான மு.விஜயலட்சுமி திங்கள்கிழமை பார்வையிட்டார்.
அப்போது அவர் தெரிவித்ததாவது:  மக்களவைத் தேர்தல் தொடர்பாக ஊடகங்களில் வெளியாகும் விளம்பரங்களை கண்காணிக்க  கட்டுப்பாட்டு அறை அமைக்கப்பட்டுள்ளது. 
உள்ளுர் தொலைக்காட்சியில் வரும் அரசியல் விளம்பரம் ஒளிபரப்புவதற்கு  இக்குழுவினரிடம் அனுமதி பெற வேண்டும். பத்திரிகைகளில் வெளிவரும் விளம்பரம், கட்டணம் செலுத்தும் செய்திகள் வெளியிடப்படுவதை கண்காணித்து அதற்கான செலவினக் கணக்குகளை இந்தக் குழுவினர் தாக்கல் செய்வார்கள். மேலும், அனைத்து விதமான அரசியல் தொடர்பான விளம்பரங்களையும் கண்காணிப்பார்கள். அரசியல் கட்சிகளின் ஊடக  விளம்பரங்கள் கணக்கீட்டு தொகை அந்தந்த அரசியல் கட்சிகளின் வேட்பாளர் கணக்கில் சேர்க்கப்படும்.
அரசியல் கட்சிகள் மற்றும் வேட்பாளர்கள் இ-பதிப்பு செய்தித்தாள்களில் கொடுக்கப்படும் விளம்பரங்களுக்கு ஊடக மையம் மற்றும் ஊடகச் சான்றிதழ் வழங்கும் குழுவிடம் சான்றிதழ் பெறவேண்டும்.  
தேர்தல் நாள் மற்றும் தேர்தலுக்கு முந்தைய நாள் செய்தித்தாளில் வெளியிடப்படும் அரசியல் விளம்பரங்களுக்கும் சான்றிதழ் பெறப்படவேண்டும். தவறும்பட்சத்தில் தேர்தல் நடத்தை விதிகளின் கீழ் நடவடிக்கை மேற்கொள்ளப்படும். இந்த மையத்தில்  அலுவலர்கள் 24 மணி நேரமும்  பணியில் ஈடுபடுத்தப்படுவர் என்றார்.
அப்போது செய்தி மக்கள் தொடர்பு அலுவலர் இரா.ஜெயஅருள்பதி மற்றும் அலுவலர்கள் உடனிருந்தனர்.

]]>
https://www.dinamani.com/all-editions/edition-trichy/ariyalur/2019/mar/13/தேர்தல்-விளம்பரங்களை-கண்காணிக்க-கட்டுப்பாட்டு-அறை-3112881.html
3112311 திருச்சி அரியலூர் குறைதீர் கூட்டம் ரத்து:  பொதுமக்கள் மனு அளிக்கப் பெட்டி DIN DIN Tuesday, March 12, 2019 09:22 AM +0530 மக்களவைத் தேர்தல் நட த்தை விதிகள் ஞாயிற்றுக்கிழமை அமலுக்கு வந்ததன் காரணமாக,  அரியலூர் மாவட்ட ஆட்சியர் அலுவலகத்தில் வாரந்தோறும் நடைபெறும் மக்கள் குறைதீர் கூட்டம் திங்கள்கிழமை நடைபெறவில்லை.
இதுகுறித்து தெரியாமல் ஆட்சியர் அலுவலகத்துக்கு வந்த பொதுமக்கள் தாங்கள் கொண்டு வந்த மனுவை, அங்கு வைக்கப்பட்டிருந்த பெட்டியில் போட்டுச் சென்றனர். தேர்தல் நடத்தை விதிமுறை அமல் காலம் முடிவடையும் வரை, தற்காலிக ஏற்பாடாக இந்தப் பெட்டி வைக்கப்பட்டுள்ளது.

]]>
https://www.dinamani.com/all-editions/edition-trichy/ariyalur/2019/mar/12/குறைதீர்-கூட்டம்-ரத்து--பொதுமக்கள்-மனு-அளிக்கப்-பெட்டி-3112311.html
3112310 திருச்சி அரியலூர் தேர்தல் ஆணைய செயலியில் பதிவு செய்தால் மாற்றுத்திறனாளிகளுக்கு தகுந்த ஏற்பாடுகள் செய்துதரப்படும் DIN DIN Tuesday, March 12, 2019 09:22 AM +0530 மாற்றுத்திறனாளி வாக்காளர்கள் தேர்தல் ஆணைய புதிய செயலி மூலம் தங்களது சுய விபரங்களை பதிவு செய்தால், வாக்குச்சாவடியில் அவர்களுக்கு தேவையான உபகரணங்கள் வழங்க நடவடிக்கை எடுக்கப்படும் என்றார் அரியலூர் மாவட்ட ஆட்சியரும், தேர்தல் நடத்தும் அலுவலருமான மு.விஜயலட்சுமி.
இதுகுறித்து அவர் வெளியிட்ட செய்திக்குறிப்பு:  சிதம்பரம் மக்களவைத் தொகுதியில் 1,710 வாக்குப்பதிவு மையங்கள் ஏற்படுத்தப்பட்டுள்ளன. மேலும் இந்தத் தொகுதியில் 7 லட்சத்து 28 ஆயிரத்து 368 ஆண் வாக்காளர்களும், 7 லட்சத்து 31 ஆயிரத்து 315 பெண் வாக்காளர்களும், 52 இதர வாக்காளர்களும் என மொத்தம் 14 லட்சத்து 59 ஆயிரத்து 735 வாக்காளர்கள் உள்ளனர். 
மாற்றுத்திறனாளி வாக்காளர்கள் எவ்வித சிரமமும் இன்றி வாக்களிக்கும் வகையில் தேர்தல் ஆணையம் சிறப்பு ஏற்பாடுகளைச் செய்துள்ளது. 
இதன் மூலம் அவர்களது செல்பேசியில் தேர்தல் ஆணையத்தால் அறிமுகப்படுத்தியுள்ள செயலியில் தங்களைப் பற்றி முழு விவரங்களை பதிவு செய்துகொண்டால், அவர்கள் வாக்களிக்கத் தேவையான உபகரணங்கள் அவர்கள் வாக்களிக்கக் கூடிய வாக்குப் பதிவு மையத்தில் முன்கூட்டியே ஏற்பாடு செய்யப்படும் என்றார்.
 

]]>
https://www.dinamani.com/all-editions/edition-trichy/ariyalur/2019/mar/12/தேர்தல்-ஆணைய-செயலியில்-பதிவு-செய்தால்-மாற்றுத்திறனாளிகளுக்கு-தகுந்த-ஏற்பாடுகள்-செய்துதரப்படும்-3112310.html
3112309 திருச்சி அரியலூர் குறைதீர் கூட்டங்கள், முகாம்கள்  தற்காலிகமாக நிறுத்திவைப்பு DIN DIN Tuesday, March 12, 2019 09:22 AM +0530 தேர்தல் நடத் தை விதிகள் அமலில் இருப்பதால், மக்கள் குறைதீர் கூட்டம், விவசாயிகள் குறைதீர் கூட்டம் மற்றும் அம்மா திட்ட முகாம்கள் அனைத்தும் தற்காலிகமாக நிறுத்திவைக்கப்பட்டுள்ளது.   
இந்திய தேர்தல் ஆணையத்தின் அறிவுருத்தலின்படி மக்களவைத் பொதுத்தேர்தலை முன்னிட்டு தேர்தல் நடத்தை விதிகள் அமலில் உள்ளன. 
எனவே, மாவட்ட ஆட்சியர் தலைமையில் வாரந்தோறும் நடைபெறும் பொதுமக்கள் குறைதீர் கூட்டம், விவசாயிகள் குறைதீர் கூட்டம்,  சிறப்பு மனுநீதி நாள் முகாம்கள் மற்றும் அம்மா திட்ட முகாம்கள் அனைத்தும் தேர்தல் நடத்தை விதிகள் முடிவுக்கு வரும் வரை நிறுத்தி வைக்கப்பட்டுள்ளது. 
எனினும் கோரிக்கை மனுக்கள் அளிக்க விரும்பும் பொதுமக்கள் மாவட்ட ஆட்சியர் அலுவலகத்தில் வைக்கப்பட்டுள்ள மனுக்கள் அளிக்கும் பெட்டியில் போடலாம் என  மாவட்டத் தேர்தல் அலுவலரும், ஆட்சியருமான மு.விஜயலட்சுமி திங்கள்கிழமை வெளியிட்ட செய்திக் குறிப்பில் தெரிவித்துள்ளார்.

]]>
https://www.dinamani.com/all-editions/edition-trichy/ariyalur/2019/mar/12/குறைதீர்-கூட்டங்கள்-முகாம்கள்--தற்காலிகமாக-நிறுத்திவைப்பு-3112309.html
3112307 திருச்சி அரியலூர் மேலவரப்பன்குறிச்சியில் மகா சண்டி ஹோமம் DIN DIN Tuesday, March 12, 2019 09:21 AM +0530 அரியலூர் மாவட்டம் மேலவரப்பன்குறிச்சி கிராமத்தில், உலக நன்மைக்காக ஏகவுரியம்மன் கோயிலில் மகா சண்டி ஹோமம் திங்கள்கிழமை நடைபெற்றது.
இதில் விளாம்பழம், கொப்பரை தேங்காய், இலுப்பை பூ,  நார்த்தம்பழம், பூசணிக்காய், கரும்பு, மாதுளம் பழம், வில்வபழம், வாழைப்பழம், பட்டுப்புடவை, தங்கக்காசு உள்ளிட்ட ஹோம பொருள்களை கொண்டு மகா சண்டி ஹோமம் நடைபெற்றது.
இதனால் பலமடங்கு விவசாயப் பொருள்கள் உற்பத்தியாகி நாட்டில் பஞ்சம், பசி நீங்கும் என ஐதீகம். தொடர்ந்து ஹோமத்தில் வைத்து பூஜிக்கப்பட்ட புனித நீரால் சுவாமிகளுக்கு கலச அபிஷேகம் நடைபெற்று சிறப்பு தீபாராதனை நடைபெற்றது. நிகழ்ச்சியில் திரளான பக்தர்கள் கலந்துகொண்டனர். ஏற்பாடுகளை கிராம பொதுமக்கள், முக்கியஸ்தர்கள் செய்திருந்தனர்.

]]>
https://www.dinamani.com/all-editions/edition-trichy/ariyalur/2019/mar/12/மேலவரப்பன்குறிச்சியில்-மகா-சண்டி-ஹோமம்-3112307.html
3112308 திருச்சி அரியலூர் தேர்தல் நடத்தை விதிகளை பின்பற்ற வேண்டும் DIN DIN Tuesday, March 12, 2019 09:21 AM +0530 மக்களவைத் தேர்தல் அறிவிப்பைத் தொடர்ந்து தேர்தல் நடத்தை விதிகள் அமலில் உள்ளதால் அவற்றை அனைத்து கட்சியினரும் கண்டிப்பாகப் பின்பற்ற வேண்டும் என்றார் அரியலூர் மாவட்ட ஆட்சியரும், தேர்தல் நடத்தும் அலுவலருமான மு.விஜயலட்சுமி.
அரியலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற அனைத்து அரசியல் கட்சி பிரதிநிதிகளுடனான தேர்தல் நெறிமுறைகள் தொடர்பான ஆலோசனை கூட்டத்தில் அவர் மேலும் தெரிவித்தாவது: 
இந்திய தேர்தல் ஆணையம் அறிவித்துள்ள நன்னடத்தை விதிகளை அனைத்து கட்சியினரும் பின்பற்றி அதன்படி நடக்க வேண்டும். வாக்காளர்களுக்கு பணமோ அல்லது வேறு சில வழிகளிலோ தூண்டுதல் கூடாது. 
வாக்காளர்களிடையே ஜாதி, மதம் மற்றும் மொழி அடிப்படையில் வாக்கு சேகரிப்பில் ஈடுபடக் கூடாது. பிற அரசியல் கட்சியினரின் தனிப்பட்ட வாழ்க்கை விபரங்களை பேசிட அனுமதியில்லை. மத வழிபாட்டு தலங்களில் தேர்தல் தொடர்பான பிரசாரங்கள்,  துண்டுப் பிரசுரங்கள் மற்றும் சுவரொட்டிகள் ஒட்டக்கூடாது. தேர்தல் குற்றங்களான வாக்காளர்களுக்கு பணம் வழங்குதல், வாக்களர்களை மிரட்டுதல், வாக்கு பதிவு மையத்திலிருந்து 100 மீ. தொலைவிற்குள் வாக்கு சேகரித்தல், வாக்கு பதிவிற்கு 48 மணி நேரத்திற்குள் கூட்டங்கள் நடத்துதல், வாக்களர்களை தங்களது வாகனங்களில் வாக்கு பதிவு மையங்களுக்கு அழைத்து வருதல் ஆகியவை தடை செய்யப்பட்டுள்ளது. இரவு 10 முதல் காலை 6 வரை ஒலிப்பெருக்கிகளைப் பயன்படுத்தக்கூடாது. ஊர்வலம் மற்றும் பொது கூட்டங்களில் ஒலிப்பெருக்கிகள் பயன்படுத்த முன்கூட்டியே அனுமதி பெற்றிருக்க வேண்டும். கூட்டங்கள் இரவு 10 மணிக்கு மேல் நடைபெறக்கூடாது. கூட்டத்தில், கோட்டாட்சியர்கள் அரியலூர் சத்தியநாராயணன், உடையார்பாளையம் ஜோதி, வட்டாட்சியர்கள் மற்றும் அங்கீகரிக்கப்பட்ட அரசியல் கட்சி பிரமுகர்கள், காவல் துறையினர் கலந்து கொண்டனர்.
 


எம்.எல்.ஏ அலுவலகங்களுக்கு சீல்
தேர்தல் நடத்தை விதிகள் உடனடியாக அமலுக்கு வந்ததையொட்டி, மக்கள் பிரதிநிதிகளின் அலுவலகங்களை பூட்டி சீல் வைக்கவும், அவர்கள் பயன்படுத்தும் அரசு வாகனங்களை திரும்ப பெறவும் தேர்தல் ஆணையம் உத்தரவிட்டது. 
அதன்படி, அரியலூர் கோட்டாட்சியர் அலுவலகம் எதிரே உள்ள அரியலூர் சட்டப் பேரவை உறுப்பினரும், அரசு தலைமை கொறடாவுமான தாமரை எஸ்.ராஜேந்திரன் அலுவலகத்தை கோட்டாட்சியர் சத்தியநாராயணன் திங்கள்கிழமை பூட்டி சீல் வைத்தார். இதேபோல் ஜயங்கொண்டம் சட்டப்பேரவை உறுப்பினர் ராமஜெயலிங்கம் அலுவலகத்தையும் பூட்டி சீல் வைத்தனர். மேலும், சாலையோரங்களில் வைக்கப்பட்டிருந்த கட்சி விளம்பரத்தட்டிகளை கட்சியினர் தாமாகவே முன்வந்து அகற்றி தேர்தல் அலுவலர்களுக்கு ஒத்துழைப்பு அளித்தனர்.

 

]]>
https://www.dinamani.com/all-editions/edition-trichy/ariyalur/2019/mar/12/தேர்தல்-நடத்தை-விதிகளை-பின்பற்ற-வேண்டும்-3112308.html
3111531 திருச்சி அரியலூர் அரியலூரில் 61 ஆயிரம் குழந்தைகளுக்கு சொட்டு மருந்து DIN DIN Monday, March 11, 2019 03:22 AM +0530
அரியலூர் மாவட்டத்தில் பொது சுகாதாரம் மற்றும் நோய்  தடுப்புத் துறை சார்பில் முதற்கட்ட போலியோ சொட்டு மருந்து புகட்டும் முகாம் ஞாயிற்றுக்கிழமை நடைபெற்றது. இதில் 61,586 குழந்தைகளுக்கு  போலியோ சொட்டு மருந்து புகட்டப்பட்டது.
      அரியலூர் பேருந்து நிலையத்தில் நடைபெற்ற முகாமில் அரசு  தலைமை கொறடா தாமரை எஸ். ராஜேந்திரன் கலந்து கொண்டு 5 வயதுக்குட்பட்ட குழந்தைகளுக்கு போலியோ சொட்டு மருந்தை வழங்கி முகாமைத் தொடக்கி வைத்தார். ஆட்சியர் மு.விஜயலட்சுமி தலைமை வகித்தார். ஜயங்கொண்டம் எம்.எல்.ஏ.ஜெ.கே.என். ராமஜெயலிங்கம் முன்னிலை வகித்தார்.
சுகாதாரப் பணிகள் துணை இயக்குநர் ஹேமசந்த் காந்தி, வருவாய் கோட்டாட்சியர் சத்தியநாரயணன்,  வட்டார மருத்துவ அலுவலர் உமா மகேஸ்வரி, நகர்ப்புற மருத்துவமனை மருத்துவர் நிரஞ்சனா, வட்டாட்சியர் கதிரவன், மருத்துவர்கள் மற்றும் சுகாதாரத் துறை அலுவலர்கள் கலந்து கொண்டனர்.
மாவட்டத்தில் போலியோ சொட்டு மருந்து வழங்க நகர்ப்புறங்களில் 46 , ஊரகப் பகுதிகளில் 503 என மொத்தம் 549 மையங்கள் ஏற்பாடு செய்யப்பட்டிருந்தன. 6 நடமாடும் மருத்துவக் குழு மூலமாகவும், பேருந்து நிலையங்கள், ரயில் நிலையம் மற்றும் முக்கிய பொது இடங்களிலும், மேலும் வெளி மாவட்டம் மற்றும் மாநிலங்களிலிருந்து சிமென்ட் தொழிற்சாலைகளின் பணி நிமித்தமாக இடம் பெயர்ந்து வசிப்பவர்களின் ஐந்து வயதிற்குட்பட்ட குழந்தைகளுக்கு சிறப்பு மையங்கள் ஏற்பாடு செய்யப்பட்டிருந்தன.  இந்த மையங்களில் பொது சுகாதாரத் துறையின் 154 பணியாளர்களுடன்  அங்கன்வாடி பணியாளர்கள், பிற துறை 1,129 பணியாளர்கள், 779 தன்னார்வத் தொண்டு நிறுவனப் பணியாளர்கள்,131 மாணவர்கள் என மொத்தம் 2,193 பேர் பணிபாற்றினர். இப்பணிகளுக்கு 35 அரசு துறை வாகனங்கள் பயன்படுத்தப்பட்டன.

]]>
https://www.dinamani.com/all-editions/edition-trichy/ariyalur/2019/mar/11/அரியலூரில்-61-ஆயிரம்-குழந்தைகளுக்கு-சொட்டு-மருந்து-3111531.html
3111530 திருச்சி அரியலூர் முகிலனை மீட்கக்கோரி நூதனப் போராட்டம் DIN DIN Monday, March 11, 2019 03:22 AM +0530
சூழலியல் போராளி முகிலனைக் கண்டுபிடித்து தருமாறு அரியலூர் மாவட்டம் திருமானூர் அருகே செல்பேசி கோபுரத்தில் ஏறி விவசாய சங்கப் பிரதிநிதிகள் ஞாயிற்றுக்கிழமை போராட்டத்தில் ஈடுபட்டதால் பெரும் பரபரப்பு ஏற்பட்டது.
சூழலியல் போராளி முகிலனை கண்டுபிடித்து அவரது குடும்பத்தினரிடம் ஒப்படைக்க வேண்டும். வேதாரண்யம்  அருகே கரியப்பட்டினம் கிராமத்தில் ஹைட்ரோ கார்பன் திட்டத்திற்கு எதிராகப் போராடி கைது செய்யப்பட்டவர்களை உடனே விடுதலை செய்ய வேண்டும். கரைவெட்டி பறவைகள் சரணாலயம் ஏரி, சுக்கிரன் ஏரி, கண்டராதித்தம் பெரியஏரி,  வெங்கனூர் ஆண்டி ஓடை ஏரி ஆகியவற்றை தூர்வார வேண்டும். அரசு நேரடி நெல் கொள்முதல் நிலையங்களில்  மூட்டைக்கு ரூ.30 முதல் 40 வரை வசூல் செய்வதைத் தடுக்க வேண்டும் என்பன உள்ளிட்ட கோரிக்கைகளை வலியுறுத்தி மக்கள் சேவை இயக்கத்  தலைவர் தங்க. சண்முகசுந்தரம், தமிழ்நாடு விவசாயிகள் சங்க மாவட்டத் தலைவர் மூ. மணியன் ஆகிய இருவர் ஞாயிற்றுக்கிழமை திருமானூர் அடுத்த வெங்கனூர் கிராமத்தில் உள்ள செல்பேசி கோபுரத்தில் ஏறி போராட்டத்தில் ஈடுபட்டனர்.
தகவலறிந்து சம்பவ இடத்துக்கு வந்த வெங்கனூர் போலீஸார் மற்றும் அரியலூர் வட்டாட்சியர் கதிரவன் ஆகியோர் போராட்டத்தில் ஈடுபட்டவர்களுடன் பேச்சுவார்த்தை நடத்தினர். அப்போது, உரிய நடவடிக்கை மேற்கொள்ளப்படும் எனக்கூறினர். அப்போது, தங்க சண்முக சுந்தரத்துக்கு மயக்கம் ஏற்பட்டதால், காவல் துறை அதிகாரி ஒருவர் தண்ணீருடன் மேலே சென்று அவர்களுக்கு தண்ணீர் கொடுத்து அவர்களை மீட்டு கீழே அழைத்து வந்தார். இதனையடுதது அனைவரும் கலைந்து சென்றனர். இதனால் வெங்கனூர் பகுதியில் பெரும் பரபரப்பு காணப்பட்டது.
 

]]>
https://www.dinamani.com/all-editions/edition-trichy/ariyalur/2019/mar/11/முகிலனை-மீட்கக்கோரி-நூதனப்-போராட்டம்-3111530.html
3111529 திருச்சி அரியலூர் இருசக்கர வாகனத்தில் இருந்து விழுந்து தொழிலாளி சாவு DIN DIN Monday, March 11, 2019 03:22 AM +0530
அரியலூர் மாவட்டம் திருமானூர் அருகே பைக் விபத்தில் காயமடைந்த கட்டடத் தொழிலாளி சிகிச்சை பலனின்றி சனிக்கிழமை இரவு உயிரிழந்தார்.
திருமானூர் அருகேயுள்ள கோவில்எசனை கிராமத்தைச் சேர்ந்தவர் மரியதாஸ்(46). கட்டடத் தொழிலாளி. கடந்த இரு தினங்களுக்கு முன்பு தனது மனைவி ரேவதியுடன்(38) இரு சக்கர வாகனத்தில் அன்னிமங்கலம் பிரிவு சாலையில் சென்று கொண்டிருந்தார். அப்போது இருவரும் நிலைத்தடுமாறி கீழே விழுந்தனர். அந்த நேரத்தில் எதிரே வந்த இரு சக்கர வாகனம் மோதிவிட்டு நிற்காமல் சென்றது. இதில் பலத்த காயமடைந்த இருவரும் தஞ்சை அரசு மருத்துவக் கல்லூரி மருத்துவமனையில் சிகிச்சை பெற்று வந்த நிலையில், மரியதாஸ் சனிக்கிழமை நள்ளிரவு உயிரிழந்தார். இதுகுறித்து திருமானூர் போலீஸார் வழக்குப் பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/ariyalur/2019/mar/11/இருசக்கர-வாகனத்தில்-இருந்து-விழுந்து-தொழிலாளி-சாவு-3111529.html
3111528 திருச்சி அரியலூர் பிளஸ் 2 மாணவி தற்கொலை DIN DIN Monday, March 11, 2019 03:22 AM +0530
அரியலூர் மாவட்டம் உடையார்பாளையம் அருகே பிளஸ் 2 மாணவி விஷம் குடித்து தற்கொலை செய்து கொண்டார்.
உடையார்பாளையம் அருகேயுள்ள தத்தனூர் குடிகாடு கிராமத்தைச் சேர்ந்த செளந்திரபாண்டியன் மகள் தீபா(18). இவர், தத்தனூர் பொட்டகொல்லை அரசு மேல்நிலைப்பள்ளியில் பிளஸ் 2 படித்து வந்தார். தற்போது நடைபெற்று வரும் பொதுத்தேர்வில் கேட்கப்படும் கேள்விகள் அனைத்தையும் தான் படித்திருந்தும் மறந்து விடுவதாக பெற்றோரிடம் விரக்தியில் கூறி வந்த தீபா சனிக்கிழமை பூச்சிமருந்தைக் குடித்து விட்டு மயக்க நிலையில் கிடந்துள்ளார்.
இதையறிந்த உறவினர்கள் அவரை மீட்டு  ஜயங்கொண்டம் அரசு மருத்துவமனையில் சேர்த்தனர். பின்னர் மேல் சிகிச்சைக்காக பாண்டிச்சேரி ஜிப்மர் மருத்துவமணையில் சேர்க்கப்பட்ட அவர் அங்கு ஞாயிற்றுக்கிழமை உயிரிழந்தார். உடையார்பாளையம் போலீஸார் வழக்கு பதிந்து விசாரணை மேற்கொண்டு வருகின்றனர்.
 

]]>
https://www.dinamani.com/all-editions/edition-trichy/ariyalur/2019/mar/11/பிளஸ்-2-மாணவி-தற்கொலை-3111528.html
3111527 திருச்சி அரியலூர் எச்.ஐ.வி பாதித்த இளைஞர் விஷம் குடித்து தற்கொலை DIN DIN Monday, March 11, 2019 03:21 AM +0530
அரியலூர் மாவட்டம் ஆண்டிமடம் அருகே பூச்சிக்கொல்லி மருந்தை குடித்த எச்.ஐ.வி பாதித்த இளைஞர் சிகிச்சை பலனின்றி மருத்துவமனையில் சனிக்கிழமை உயிரிழந்தார்.
ஆண்டிமடம் அருகேயுள்ள காங்குழி கிராமத்தைச் சேர்ந்தவர் கிருஷ்ணகுமார்(24). திருமணமான இவருக்கு எச்.ஐ.வி பாதித்ததாகக் கூறப்படுகிறது. இதனால் விரக்தியில் இருந்து வந்த கிருஷ்ணகுமார் கடந்த வியாழக்கிழமை வீட்டில் யாரும் இல்லாத நேரத்தில் பூச்சிக்கொல்லி மருந்தைக் குடித்து மயங்கிக் கிடந்துள்ளார். உடனே உறவினர்கள் அவரை மீட்டு தஞ்சை அரசு மருத்துவக் கல்லூரி மருத்துவமனையில் சேர்த்தனர். அங்கு கிசிச்சை பலனின்றி அவர் சனிக்கிழமை இரவு உயிரிழந்தார். இதுகுறித்து ஆண்டிமடம் போலீஸார் வழக்கு பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/ariyalur/2019/mar/11/எச்ஐவி-பாதித்த-இளைஞர்-விஷம்-குடித்து-தற்கொலை-3111527.html
3111526 திருச்சி அரியலூர் அரியலூர் மாவட்டத்தில் தேர்தல் நடத்தை விதிகள் அமல் DIN DIN Monday, March 11, 2019 03:21 AM +0530
மக்களவைத் தேர்தல் அறிவிக்கப்பட்டதைத் தொடர்ந்து, அரியலூர் மாவட்டம் முழுவதும் தேர்தல் நடத்தை விதிமுறைகள் உடனடியாக அமலுக்கு வந்தன.
2019 மக்களவைத் தேர்தலுக்கான அறிவிப்பை தேர்தல் ஆணையம் ஞாயிற்றுக்கிழமை மாலை வெளியிட்டதையடுத்து, உடனடியாக தேர்தல் நடத்தை விதிமுறைகள் அமலுக்கு வருவதாக அறிவித்தது.  அதன்படி தமிழகத்தில் ஏப்ரல் 18 ஆம் தேதி மக்களவை தேர்தல் நடைபெறுகிறது. இதையடுத்து அரியலூர் மாவட்ட முழுவதும் தேர்தல் நடத்தை விதிகள் அமலுக்கு வந்துள்ளதாக மாவட்ட நிர்வாகம் தரப்பில் தெரிவிக்கப்பட்டுள்ளது. இதனால் சுவரொட்டிகள், பிளக்ஸ் போர்டுகள் வைக்க கட்டுப்பாடுகள் அமல்படுத்தப்பட்டுள்ளன.
 

]]>
https://www.dinamani.com/all-editions/edition-trichy/ariyalur/2019/mar/11/அரியலூர்-மாவட்டத்தில்-தேர்தல்-நடத்தை-விதிகள்-அமல்-3111526.html
3110901 திருச்சி அரியலூர் ஊட்டச்சத்து விழிப்புணர்வுப் பேரணி DIN DIN Sunday, March 10, 2019 03:26 AM +0530
அரியலூர் மாவட்டம் ஆண்டிமடத்தில் ஒருங்கிணைந்த குழந்தைகள் வளர்ச்சி திட்டம் சார்பில்  ஊட்டச்சத்து குறித்து விழிப்புணர்வு பேரணி சனிக்கிழமை நடைபெற்றது.
ஆண்டிமடம் அரசு ஆரம்ப சுகாதார நிலைய மருத்துவர்  சுகன்யா தலைமை வகித்து பேரணியை தொடங்கி வைத்தார். சுகாதார மேற்பார்வையாளர் பார்வதி, வட்டார திட்ட ஒருங்கிணைப்பாளர் ஆனந்தி, வட்டார திட்ட உதவியாளர் சுரேஷ் ஆகியோர் முன்னிலை வகித்தனர்.
ஆண்டிமடம் வட்டார வளர்ச்சி அலுவலக வளாகத்தில் தொடங்கிய  பேரணி,பிரதான சாலை வழியாகச் சென்று அரிலூர் பேருந்து நிலையத்தில் நிறைவடைந்தது. பேரணியில் கலந்து கொண்ட அங்கன்வாடி பணியாளர்கள், உதவியாளர்கள் ஆகியோர் ஊட்டச்சத்து குறைபாடு, குழந்தை பருவத்தில் ஏற்படும் ரத்த சோகை குறித்து விழிப்புணர்வை ஏற்படுத்தினர்.

]]>
https://www.dinamani.com/all-editions/edition-trichy/ariyalur/2019/mar/10/ஊட்டச்சத்து-விழிப்புணர்வுப்-பேரணி-3110901.html
3110900 திருச்சி அரியலூர் சிமென்ட் விலை திடீர் உயர்வு: கட்டுமானப் பணிகள் பாதிப்பு DIN DIN Sunday, March 10, 2019 03:26 AM +0530
மணலைத் தொடர்ந்து சிமென்ட் விலையும் திடீரென உயர்ந்துள்ளதால் மாநிலத்தில் கட்டுமானத் தொழில் முடங்கும் நிலை ஏற்பட்டுள்ளது.
தமிழகத்தில் மணல் தட்டுப்பாட்டால் கட்டுமானத் தொழில் பெரும் நெருக்கடிகளைச் சந்தித்து வரும் நிலையில், தற்போது சிமென்ட் விலையும் உயர்ந்துள்ளதால் சாதாரண மக்களின்  வீடு கட்டும் கனவு என்பது கானல் நீராகிவருகிறது. அதுமட்டுமின்றி இரும்பு, அலுமினியம் ஆகியவற்றின் விலையும் 30 சதவீத விழுக்காடு உயர்ந்துவிட்டது. இதற்குமேல் போக்குவரத்துச் செலவு, மின்சாரம், தொழிலாளர் ஊதியம் என அனைத்தையும் சேர்த்தால் கட்டுமானத் தொழில் பெரும் நெருக்கடிக்கு உள்ளாகியுள்ளது என்பது கண்கூடு.  
கடந்தாண்டு ரூ. 350-க்கு விற்பனை செய்யப்பட்ட            50 கிலோ சிமென்ட் மூட்டை விலை திடீரென ரூ. 400 முதல் 450 வரை விற்கப்படுகிறது. சிமென்ட் உற்பத்தி நிறுவனங்கள் காரணமின்றி சிமென்ட் விலையை அதிகரித்து இருப்பதால், அரசு மற்றும் தனியார் கட்டுமானப் பணிகள் ஒட்டுமொத்தமாக முடங்கும் நிலைமை ஏற்பட்டு இருக்கின்றது. 
அதிலும் குறிப்பாக தமிழகத்தில் தான் அதிகமாக உயர்ந்துள்ளது. ஆனால் பெங்களூருவில் 52 ரூபாயும், சென்னையில் 62 ரூபாயும், ஹைதராபாத்தில் 77 ரூபாயும் சிமென்ட் மூட்டை விலை உயர்ந்துள்ளது. இதுவே வடக்கு, கிழக்கு மற்றும் மேற்கு மாநிலங்களில் சிமென்ட் மூட்டையின் விலை அதிகபட்சமாக 26 ரூபாய் வரையில் மட்டுமே உயர்ந்துள்ளது.தமிழகத்தில் கடந்த 2007 ஆம் ஆண்டு வரை சிமென்ட் விலை ரூ. 180-க்கு விற்பனை செய்யப்பட்டது. 2011-12-இல் ரூ. 260 ஆனது. 2013-14-இல் ரூ.330 ஆனது. 2014-15-இல் ரூ.350 ஆனது. அதன் பிறகு கட்டுக்குள் இருந்த சிமென்ட் விலை தரத்திற்கேற்ப கடந்தாண்டு ரூ.375-க்கு விற்கப்பட்டது. இந்நிலையில், கடந்த வாரத்தில் இருந்து சிமென்ட் மூட்டை விலை மீண்டும் ஏறுமுகம் கண்டு தரத்திற்கேற்ப ரூ.400-450 ஆக அதிகரித்துள்ளது. சில்லரை விற்பனையில் 37 விழுக்காடு விலை உயர்த்தப்பட்டுள்ளது.
இந்த சிமென்ட் விலை உயர்வால் தமிழகத்தில் கட்டுமானத் தொழில் பாதிப்புக்குள்ளாகும் சூழல் நிலவுகிறது. இதனால் பல லட்சம் கோடி அளவிலான கட்டுமானத் தொழில், நாட்டுக்கு பொருளாதார ரீதியிலான பாதிப்பை விளைவிக்கும். சிமென்ட் மூட்டை விலை உயர்வால் தமிழ்நாட்டின் சிறு நகரங்களிலும் கட்டுமானத் தொழில் பாதிப்புக்கு உள்ளாகும். இந்த விலை உயர்வு கட்டுக்குள் வராதபட்சத்தில், கட்டடப் பணிகளுக்காக கட்டுமான நிறுவனங்கள் விதித்துள்ள கட்டணம் பல மடங்கு உயரும் அபாயமும் உள்ளது.
   இதுகுறித்து ஏஐடியுசி அரியலூர் மாவட்டச் செயலர் டி.தண்டபாணி கூறியது:
தமிழகத்தில் வளர்ந்து வரும் மாவட்டங்களின் வரிசையில் உள்ள அரியலூர் மாவட்டத்தில் கட்டுமானப் பணிகள் அதிகளவில் நடைபெற்று வருகின்றன. இந்த மாவட்டத்தில் சுமார் 10 ஆயிரத்துக்கும் மேற்பட்ட கட்டடத் தொழிலாளர்கள் உள்ளனர்.
அரியலூர் மாவட்டங்களில் சிமென்ட் தயாரிக்கத் தேவையான சுண்ணாம்புக் கல் உள்ளிட்ட மூலப் பொருள்கள் உள்ளதால், 10 சிமென்ட் ஆலைகள் இயங்கி வருகின்றன. இந்த மாவட்டத்தில் இருந்து, தினசரி சுமார் 30 ஆயிரம் டன் சிமென்ட் மூட்டைகள் உற்பத்தியாகின்றன. இவை  தமிழகத்தின் உள் மாவட்டங்கள் மற்றும் வெளி மாநிலங்களுக்கு அனுப்பி வைக்கப்படுகின்றன. 
இந்நிலையில், தமிழகத்தில் சிமென்ட் விலை ரூ.400 -450 வரை விற்கப்படுகிறது. வெளி மாநிலங்களில் தரத்திற்கேற்ப ரூ.350-க்கு விற்கப்படும் நிலையில் சிமென்ட் விலை அதிகரிப்பால் கட்டடப் பணியைத் தொடங்கியுள்ள நடுத்தர மக்கள், அதை முடிக்க முடியாமல் பெரும் அவதிக்குள்ளாகியுள்ளனர். மேலும், கட்டட  ஒப்பந்ததாரர்கள் திடீர் சிமென்ட் விலை உயர்வால் கட்டுமானப் பணிகளை நிறுத்தியதால், மாவட்டம் முழுவதும், கட்டுமானப் பணிகள் முடங்கியுள்ளன. இதனால், ஆயிரக்கணக்கான கட்டடத் தொழிலாளர்கள் வேலையின்றி சிரமப்படுகின்றனர்.      
கட்டடப் பணிக்குத் தேவையான மணல் 3 யூனிட்டுக்கு ரூ.35 ஆயிரத்துக்கும், எம்.சான்ட் 3 யூனிட்டுக்கு ரூ.11,500-க்கும், முக்கால் ஜல்லி ஒரு யூனிட்டுக்கு 2,500-க்கும், ஒன்றரை ஜல்லி ஒரு யூனிட்டுக்கு ரூ.2 ஆயிரத்துக்கும், கம்பி கிலோ ரூ.56-66-க்கும், செங்கல் ஒன்றுக்கு ரூ.6-க்கும், ஒரு லோடு செங்கலைப் பொறுத்து ரூ. 26,000 - ரூ.30,000 ஆயிரம் வரைக்கும் விற்கப்படுவதால் கட்டடப் பணிகள் முற்றிலும் முடங்கியுள்ளன.நடுத்தர வர்க்கத்தினர் தங்களது கட்டடப் பணிகளை விரைந்து முடிக்க எண்ணியிருந்த நிலையில், தற்போது சிமென்ட் மூட்டை ரூ.70 வரை உயர்ந்துள்ளதால் செய்வதறியாது திகைத்துள்ளனர்.      எனவே, தமிழக அரசு இந்தப் பிரச்னையில் தலையிட்டு, சிமென்ட் விலையைக் குறைக்க நடவடிக்கை எடுத்தால் மட்டுமே, முடங்கிப்போன கட்டுமானப் பணிகள் மீண்டும் தீவிரமடைவதோடு, நடுத்தர மக்களையும்,  கட்டடத் தொழிலை நம்பி வாழ்ந்து வரும் பல்லாயிரக்கணக்கான பணியாளர்களையும் காப்பாற்ற முடியும்.
 

]]>
https://www.dinamani.com/all-editions/edition-trichy/ariyalur/2019/mar/10/சிமென்ட்-விலை-திடீர்-உயர்வு-கட்டுமானப்-பணிகள்-பாதிப்பு-3110900.html
3110899 திருச்சி அரியலூர் வாக்காளர் சரிபார்ப்பு இயந்திரங்கள் ஆய்வு DIN DIN Sunday, March 10, 2019 03:26 AM +0530
மக்களவைத் தேர்தலை முன்னிட்டு அரியலூர் மாவட்ட ஆட்சியர் கூட்ட அரங்கில் வைக்கப்பட்டுள்ள வாக்காளர் சரிபார்ப்பு காகித தணிக்கை இயந்திரங்கள் சரிபார்க்கும் பணிகள் அனைத்து கட்சி நிர்வாகிகள் முன்னிலையில் சனிக்கிழமை நடைபெற்றது.
அரியலூர் மாவட்டத்துக்கு கூடுதலாக ஒதுக்கீடு செய்யப்பட்ட 100 வாக்காளர் சரிபார்ப்பு காகித தணிக்கை இயந்திரங்களை சரிபார்க்கும் பணியினை, பெங்களுரு பாரத மின்னணு நிறுவனத்தைச் சேர்ந்த 5 பொறியாளர்கள் மேற்கொண்டனர். மாதிரி வாக்குப்பதிவு நிகழ்வினை மாவட்ட ஆட்சியர் மு. விஜயலட்சுமி ஆய்வு செய்தார். 
ஆய்வின்போது, மாவட்ட ஆட்சியரின் நேர்முக உதவியாளர் (நிலம்) பாலாஜி, அரியலூர் வருவாய் கோட்டாட்சியர் நா.சத்தியநாராயணன், தேர்தல் தனி வட்டாட்சியர் க.சந்திரசேகரன் மற்றும் அரியலூர் வட்டாட்சியர் கதிரவன் ஆகியோர் உடனிருந்தனர்.
 

]]>
https://www.dinamani.com/all-editions/edition-trichy/ariyalur/2019/mar/10/வாக்காளர்-சரிபார்ப்பு-இயந்திரங்கள்-ஆய்வு-3110899.html
3110898 திருச்சி அரியலூர் இருசக்கர வாகனத்தில் இருந்து தவறிவிழுந்து விபத்து : மேலும் ஒருவர் சாவு DIN DIN Sunday, March 10, 2019 03:26 AM +0530
ஜயங்கொண்டம் அருகே இருசக்கர வாகனத்தில் இருந்து விழுந்தவர்களில் மேலும் ஒருவர் உயிரிழந்தார். 
ஜயங்கொண்டம் அருகேயுள்ள மருதூர் வடக்குப்பட்டி கிராமத்தைச் சேர்ந்த செல்வராஜ் மகன் சுப்பிரமணியன் (28), மகேந்திரன் மகன் சக்திவேல் (20). கடந்த 7 ஆம் தேதி இவர்கள் இருவரும் ஒரே  இருசக்கர வாகனத்தில், ஜயங்கொண்டத்தில் உள்ள தனியார் மருத்துவமனையில் சிகிச்சை பெற்று வரும் தனது நண்பர் விக்னேஷைப் பார்ப்பதற்காக சென்று கொண்டிருந்தனர். சக்திவேல் வாகனத்தை ஓட்டிசென்றார். இலையூர் பாலம் அருகே சென்றபோது, நிலைத்தடுமாறி இருவரும் கீழே விழுந்ததில் பலத்த காயமடைந்தனர். இதையடுத்து, அவ்வழியே சென்றவர்கள் அவர்களை மீட்டு ஜயங்கொண்டம் அரசு மருத்துவமனைக்கு அனுப்பி வைத்தனர். 
ஆனால் வழியிலேயே சக்திவேல் உயிரிழந்தார். இந்நிலையில், ஜயங்கொண்டம்  அரசு மருத்துவமனையில் சிகிச்சை பெற்று வந்த சுப்பிரமணியன் வெள்ளிக்கிழமை இரவு உயிரிழந்தார். இது ஜயங்கொண்டம் போலீஸார் வழக்குப் பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/ariyalur/2019/mar/10/இருசக்கர-வாகனத்தில்-இருந்து-தவறிவிழுந்து-விபத்து--மேலும்-ஒருவர்-சாவு-3110898.html
3110897 திருச்சி அரியலூர் கேஸ் சிலிண்டர்களில் முழுமையான வாக்குப்பதிவு விழிப்புணர்வு வில்லைகள் DIN DIN Sunday, March 10, 2019 03:25 AM +0530
அரியலூர் மாவட்டத்தில் 100 சதவீதம் வாக்களிக்க வேண்டும் என்பதை வலியுறுத்தி கேஸ் சிலிண்டர்களில் விழிப்புணர்வு வில்லைகள் சனிக்கிழமை ஒட்டப்பட்டன.
வரும் மக்களவை பொதுத்தேர்தலில் மக்கள் 100 சதவீதம் வாக்களிக்க வேண்டு என்பதை வலியுறுத்தி பல்வேறு விழிப்புணர்வு நிகழ்ச்சிகளை இந்திய தேர்தல் ஆணையம் நடத்தி வருகிறது. இந்நிலையில், அரியலூர் மாவட்டத்திலுள்ள கேஸ் சிலிண்டர்களில் 100 சதவீதம் வாக்களிக்க வேண்டும் என அச்சடிக்கப்பட்ட வில்லைகளை மாவட்ட ஆட்சியர் மு.விஜயலட்சுமி சனிக்கிழமை ஒட்டி விழிப்புணர்வைத் தொடங்கி வைத்தார்.
நிகழ்ச்சியில் வருவாய் கோட்டாட்சியர் சத்தியநாராயணன், மாவட்ட வழங்கல் அலுவலர் ரவிசந்திரன், வட்டாட்சியர் கதிரவன், பாரத் கேஸ் ஏஜென்சீஸ் உரிமையாளர் அனுராதா பார்த்தசாரதி உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-trichy/ariyalur/2019/mar/10/கேஸ்-சிலிண்டர்களில்-முழுமையான-வாக்குப்பதிவு-விழிப்புணர்வு-வில்லைகள்-3110897.html
3110896 திருச்சி அரியலூர் செல்பேசி கோபுரத்தில் ஏறி இளைஞர் போராட்டம் DIN DIN Sunday, March 10, 2019 03:25 AM +0530
மணல் கடத்தலின்போது பறிமுதல் செய்யப்பட்ட இருசக்கர வாகனத்தை திருப்பி தர மறுக்கும் போலீஸாரைக் கண்டித்து சனிக்கிழமை இளைஞர் செல்லிடப்பேசி கோபுரத்தில் ஏறி தற்கொலை மிரட்டல் விடுத்த சம்பவம் திருமானூர் பகுதியில் பரபரப்பை ஏற்படுத்தியது.
       அரியலூர் மாவட்டம் திருமானூர் அருகேயுள்ள காரைப்பாக்கம் கிராமத்தைச் சேர்ந்தவர் ராமச்சந்திரன்(30). இவர் கடந்த டிசம்பர் மாதம் தனது வீட்டு கட்டுமானப் பணிக்காக அருகேயுள்ள கொள்ளிடம் ஆற்றிலிருந்து தனது இருசக்கர வாகனம் மூலம் மணலை சாக்குகளில் கட்டி எடுத்து வந்ததாகக் கூறப்படுகிறது. அப்போது, ரோந்து பணியில் இருந்த திருமானூர் போலீஸார், இருசக்கர வாகனத்தைப் பறிமுதல் செய்து ராமச்சந்திரன் மீது வழக்கு பதிந்ததுடன், அரியலூர் ஆர்.டி.ஓ விடம் சென்று வழக்கை முடித்து வாகனத்தை எடுத்துக்கொள்ளுமாறு கூறியுள்ளனர். 
இதுதொடர்பாக கடந்த 3 மாதங்களாக தன்னை அலைக்கழிப்பதாகக் கூறி காரைப்பாக்கம் அருகேயுள்ள அன்னிமங்கலம் கிராமத்தில் உள்ள செல்லிடப்பேசி கோபுரம் மீது ராமச்சந்திரன் ஏறி தற்கொலை முயற்சியில் சனிக்கிழமை ஈடுபட்டார்.
தகவலறிந்து சென்ற போலீஸார் பேச்சுவார்த்தை நடத்தி அவரை கீழே இறங்கி வரச் செய்தனர்.
 

]]>
https://www.dinamani.com/all-editions/edition-trichy/ariyalur/2019/mar/10/செல்பேசி-கோபுரத்தில்-ஏறி-இளைஞர்-போராட்டம்-3110896.html
3110895 திருச்சி அரியலூர் பொறுப்பேற்பு DIN DIN Sunday, March 10, 2019 03:25 AM +0530
அரியலூர் மண்டல கூட்டுறவு சங்கங்களின் இணை பதிவாளராக வ.சி. கோமதி சனிக்கிழமை பொறுப்பேற்றுக்கொண்டார். 
ஏற்கெனவே இச்சங்கத்தில் இணை பதிவாளாரக இருந்த பழனிசாமி பதவி உயர்வுடன், பணி இடம் மாற்றம் செய்யப்பட்டதையடுத்து, கடலூர் மாவட்ட மத்திய கூட்டுறவு வங்கியில் மேலாண் இயக்குநராகப் பணியாற்றி வந்த வ.சி.கோமதி பணி மாறுதல் பெற்று சனிக்கிழமை பொறுப்பேற்றுக் கொண்டார்.அவருக்கு அலுவலக பணியாளர்கள் வாழ்த்து தெரிவித்தனர்.


 

]]>
https://www.dinamani.com/all-editions/edition-trichy/ariyalur/2019/mar/10/பொறுப்பேற்பு-3110895.html
3110359 திருச்சி அரியலூர் நெகிழி ஒழிப்பு விழிப்புணர்வு பிரசாரம் DIN DIN Saturday, March 9, 2019 10:03 AM +0530 ஜயங்கொண்டம் அன்னை தெரசா மெட்ரிகுலேசன் பள்ளியில் நெகிழி ஒழிப்பு விழிப்புணர்வுப் பிரசாரம் வியாழக்கிழமை நடைபெற்றது.
பள்ளிக் கல்வித் துறை, சுற்றுச்சூழல் துறை  மற்றும் அரியலூர் மாவட்ட தேசிய பசுமைப்படை , சுற்றுச்சூழல் மன்றத்தின் சார்பில் இந்த நிகழ்வு நடத்தப்பட்டது.
பிரசாரத்துக்கு அரியலூர் மாவட்ட தேசியப் பசுமைப்படை ஒருங்கிணைப்பாளர் குணபாலினி தலைமை வகித்தார். புதுச்சாவடி ஊராட்சி ஒன்றியத் தொடக்கப் பள்ளி, அன்னை தெரசா மெட்ரிக். பள்ளி உள்ளிட்ட பல்வேறு பள்ளி மாணவ, மாணவிகள் பிரசாரத்தில் பங்கேற்றனர். பாடல்,கரகாட்டம் உள்ளிட்டவற்றின் மூலம் சுற்றுச்சூழல் பாதுகாப்பு சமூக ஆர்வலர் முத்துக்குமரன் விழிப்புணர்வு உரையை எடுத்துரைத்தார். முன்னதாக பள்ளித் துனைத் தலைவர் உஷா வரவேற்றார். நிறைவில், புதுச்சாவடி ஊராட்சி ஒன்றியத் தொடக்கப்பள்ளி ஆசிரியர் செங்குட்டுவன் நன்றி கூறினார்.

]]>
https://www.dinamani.com/all-editions/edition-trichy/ariyalur/2019/mar/09/நெகிழி-ஒழிப்பு-விழிப்புணர்வு-பிரசாரம்-3110359.html