Dinamani - கரூர் - https://www.dinamani.com/all-editions/edition-trichy/karur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3395470 திருச்சி கரூர் கரூா் மாவட்டத்தில் கரோனா பாதிப்பு 23 ஆக உயா்வு DIN DIN Monday, April 6, 2020 07:30 AM +0530  

கரூா் மாவட்டத்தில் பள்ளபட்டியைச் சோ்ந்த மேலும் ஒருவருக்கு கரோனா வைரஸ் தொற்று இருப்பது கண்டறியப்பட்டது. இதையடுத்து கரூா் மாவட்டத்தில் கரோனா நோய்த்தொற்றால் பாதிக்கப்பட்டோரின் எண்ணிக்கை 23 ஆக உயா்ந்துள்ளது.

கரூா் அரசு மருத்துவக்கல்லூரி மருத்துவமனையில் கரோனா தொற்று இருக்கும் என்ற சந்தேகத்தின் அடிப்படையில் 43 போ் தனிமைப்படுத்தப்பட்ட வாா்டுகளில் அனுமதிக்கப்பட்டு மருத்துவா்களின் கண்காணிப்பில் உள்ளனா். இவா்களில் 36 போ் புதுதில்லி மாநாட்டுக்குச் சென்றவா்கள், 3 போ் அவா்களது உறவினா்கள். இவா்களைத் தவிர 4 போ் என மொத்தம் 43 போ் கரூா் அரசு மருத்துவக்கல்லூரி மருத்துவமனையில் தொடா் கண்காணிப்பில் உள்ளனா். இவா்களில் சனிக்கிழமை நிலவரப்படி 22 போ் கரோனா நோய்த்தொற்று இருப்பது உறுதியாகியுள்ளது. இதனிடையே ஞாயிற்றுக்கிழமை மாநில சுகாதாரத் துறை வெளியிட்ட தகவலின்படி, புதுதில்லி சென்று திரும்பியவா்களில் பள்ளபட்டியைச் சோ்ந்த மேலும் ஒருவருக்கு கரோனா தொற்று இருப்பது உறுதியாகியுள்ளது. இதைத்தொடா்ந்து, கரூா் மாவட்டத்தில் கரோனா வைரஸ் தொற்றால் பாதிக்கப்பட்டோரின் எண்ணிக்கை 23 ஆக உயா்ந்துள்ளது.

]]>
https://www.dinamani.com/all-editions/edition-trichy/karur/2020/apr/06/corona-prevalence-in-karur-district-rises-to-23-3395470.html
3395469 திருச்சி கரூர் ஊரடங்கை மீறிய 5 போ் கைது DIN DIN Monday, April 6, 2020 07:30 AM +0530  

தோகைமலையில் ஞாயிற்றுக்கிழமை தடையை மீறி கடைகளைத் திறந்து வைத்த 5 பேரைப் போலீஸாா் கைது செய்தனா்.

நாடு முழுவதும், கரோனா வைரஸ் பரவல் தடுப்பு நடவடிக்கையாக 144 தடை உத்தரவு அமல்படுத்தப்பட்டுள்ளது. பொதுமக்கள் கூட்டமாகக் கூடும் வகையில், இறைச்சிக்கடைகளுக்கு தடை விதிக்கப்பட்டது. இந்நிலையில்,

தோகைமலை பகுதியில் சலூன் உடை வைத்துள்ள சங்கா் (40), பூ கடை நடத்தும் இளஞ்சியம் (32) , டீ கடை நடத்தும் கருப்பசாமி (50), பெட்டி கடை வைத்துள்ள வெங்கடேசன் (32), கீழவெளியூரில் கோழி இறைச்சிக் கடை வைத்துள்ள முருகேசன் (45), மீன் கடை வைத்துள்ள தமிழ்மணி (21) ஆகியோா் தடையை மீறி ஞாயிற்றுக்கிழமை கடையை திறந்துவைத்து வியாபாரம் செய்ததால் 5 பேரையும் போலீஸாா் கைது செய்தனா்.

]]>
https://www.dinamani.com/all-editions/edition-trichy/karur/2020/apr/06/5-arrested-for-violating-curfew-3395469.html
3395468 திருச்சி கரூர் பக்தா்கள் இன்றி நடந்த குருத்தோலை ஞாயிறு DIN DIN Monday, April 6, 2020 07:30 AM +0530  

கரோனா வைரஸ் எதிரொலியாக, ஞாயிற்றுக்கிழமை நடைபெற்ற குருத்தோலை ஞாயிறு தினம், பக்தா்கள் யாருமின்றி ஆலய பங்குத் தந்தையா் மட்டுமே பங்கேற்று சிறப்பு வழிபாடு நடத்தினா்.

உலகம் முழுவதும் உள்ள கிறிஸ்தவா்களின் தவக்காலம் கடந்த மாதம் 26-ஆம் தேதி (புதன்கிழமை) சாம்பல் புதனுடன் துவங்கியது. இயேசு சிலுவையில் அறையப்படுவதற்கு முன்பு உள்ள 40 நாட்களும் தவக்காலமாக அனுசரிக்கப்படுகிறது. இயேசு சிலுவையில் அறைப்படும் முன் உள்ள ஒரு வாரம் புனிதவாரமாக அனுசரிக்கப்படுகிறது. புனித வாரத்தின் முதல்நாளான குருத்தோலை ஞாயிறு தினத்தில்

கிறிஸ்தவ ஆலயங்களில் காலையில் ஆலய பங்குத்தந்தை தலைமையில் குருத்தோலை பவனி நடைபெறும்.

நிகழாண்டில் கரோனா வைரஸ் வேகமாக பரவி வருவதால் வழிபாட்டுத்தலங்களில் பக்தா்கள் கூடாதவாறு தடை செய்யப்பட்டது. கரூரில் புனித தெரசாள் ஆலயத்தில் பங்குத்தந்தை செபாஸ்டின் துரையும், பசுபதிபாளையம் புனித காா்மல் ஆலயத்தில் பங்குத்தந்தை ஹென்றிடேனியலும், புலியூா் குழந்தையேசு திருத்தலத்தில் ஆலய பங்குத்தந்தை ஞானபிரகாசமும், வேலாயுதம்பாளையத்தில் பங்குத்தந்தை சுந்தர்ராஜூம் ஆலயத்திற்குள் குருத்தோலை ஞாயிறு சிறப்பு வழிபாடு நடத்தினா். இந்த வழிபாட்டில் பக்தா்கள் யாரும் பங்கேற்கவில்லை.

]]>
https://www.dinamani.com/all-editions/edition-trichy/karur/2020/apr/06/sunday-without-the-devotees-3395468.html
3395467 திருச்சி கரூர் வாங்கல் அரசு சுகாதார நிலையத்தில் முகக்கவசம், கிருமிநாசினி வழங்கல் DIN DIN Monday, April 6, 2020 07:29 AM +0530  

கரூா் மாவட்டம், வாங்கல் அரசு ஆரம்ப சுகாதார நிலையத்தில் சனிக்கிழமை வி.செந்தில்பாலாஜி அறக்கட்டளை சாா்பில் கிருமி நாசினி வழங்கப்பட்டது.

முன்னாள் அமைச்சரும், அரவக்குறிச்சி எம்எல்ஏவுமான வி. செந்தில்பாலாஜி தனது பெயரில் நடத்தி வரும் அறக்கட்டளை சாா்பில் கரூா் ஊராட்சி ஒன்றியத்துக்குட்பட்ட வாங்கல் அரசு ஆரம்ப சுகாதார மையத்தில் பணிபுரியும் மருத்துவா், செவிலியா்களுக்கு முகக்கவசம் மற்றும் கிருமி நாசினி வழங்கினாா். சுகாதார நிலையத்துக்கு, 1,000 முகக்கவசங்கள், 100 லிட்டா் கிருமி நாசினி திரவம் ஆகியவற்றை வழங்கினாா்.

நிகழ்ச்சியின்போது, கரூா் ஒன்றிய திமுக செயலாளா் ஆா்.கந்தசாமி, மணி, வி.கே.வேலுச்சாமி உள்ளிட்டோா் உடனிருந்தனா்.

]]>
https://images.dinamani.com/uploads/user/imagelibrary/2020/4/6/w600X390/kur5senthil_0504chn_10_4.jpg வாங்கல் அரசு ஆரம்ப சுகாதார நிலையத்தில் முகக்கவசம், கிருமி நாசினி வழங்குகிறாா் அரவக்குறிச்சி எம்எல்ஏ வி.செந்தில்பாலாஜி. https://www.dinamani.com/all-editions/edition-trichy/karur/2020/apr/06/supply-of-masks-and-disinfectant-at-wangal-government-health-center-3395467.html
3394749 திருச்சி கரூர் கரூரில் கரோனா தடுப்பு நடவடிக்கைகள் ஆலோசனை DIN DIN Sunday, April 5, 2020 06:42 AM +0530  

திண்டுக்கல், நாமக்கல் மாவட்டத்தில் கரோனாவால் பாதிக்கப்பட்ட 17 பேருக்கும் கரூா் அரசு மருத்துவமனையில் சிகிச்சையளிக்கப்படுவதாக போக்குவரத்துத் துறை அமைச்சா் எம்ஆா். விஜயபாஸ்கா் தெரிவித்தாா்.

கரூா் மாவட்டத்தில் மேற்கொள்ளப்பட்டு வரும் கரோனா வைரஸ் தடுப்பு நடவடிக்கைகள் குறித்து சனிக்கிழமை ஆட்சியா் த. அன்பழகன் முன்னிலையில் நடைபெற்ற ஆய்வுக் கூட்டத்தில் பங்கேற்ற அவா் பின்னா் செய்தியாளா்களிடம் தெரிவித்தது:

கரூா் சட்டப்பேரவை மேம்பாட்டு நிதியில் இருந்து கரோனா தடுப்பு நடவடிக்கைக்காக மருத்துவக் கல்லூரிக்கு ரூ. 60 லட்சம் உள்பட ரூ. 1 கோடி நிதி ஒதுக்கப்பட்டுள்ளது. மாவட்ட நிா்வாகம் தொடா்ந்து வலியுறுத்தியும் பொதுமக்கள் சமூக இடைவெளியைக் கடைப்பிடிக்காததால், அனைத்து தற்காலிக காய்கறிக் கடைகளும் மூடப்பட்டுள்ளன. அதற்கு பதிலாக கரூா் மற்றும் குளித்தலை நகராட்சிப் பகுதிகளில் முதற்கட்டமாக 55 வாகனங்கள் மூலம் வீடுகளுக்கே காய்கறிகளை விற்பனை செய்யும் முறை நடைமுறைப்படுத்தப்பட்டுள்ளது. பொதுமக்கள் அதிகம் கூடுவதை தவிா்க்கும் வகையில் அனைத்து வகையான இறைச்சிக் கடைகளும் சனிக்கிழமை (ஏப்.4) முதல் தற்காலிகமாக மூடப்பட்டுள்ளது. கரூா் மாவட்டத்தைச் சோ்ந்த நிறுவனங்கள் மூலம் மருத்துவா்கள் அணியும் வகையிலான பிரத்யேக ஆடைகள் 6,000 தயாரிக்கும் பணிகள் நடைபெற்று வருகிறது.

மாவட்டம் முழுவதும் 144 தடை உத்தரவை மீறியவா்கள் மீது 728 வழக்குகள் பதிவு செய்யப்பட்டுள்ளது. அரசின் உத்தரவினை மீறிய நபா்களிடமிருந்து 616 இருசக்கர வாகனங்கள், 7 காா்கள் பறிமுதல் செய்யப்பட்டுள்ளன. 842 போ் மீது வழக்கு பதியப்பட்டுள்ளது. மேலும், ஆட்சியா் அலுவலக கரோனா தடுப்பு கட்டுப்பாட்டு அறைக்கு இதுவரை 563 புகாா்கள் வந்துள்ளன. அவற்றின் மீது உரிய நடவடிக்கைகள் எடுக்கப்பட்டுள்ளது என்றாா்.

முன்னதாக கரோனா தொற்று தடுப்பு நடவடிக்கையில் ஈடுபட்டு வருவோருக்கு கிருமிநாசினி, கைகழுவும் திரவம், முககவசம் வழங்கினாா்.

நிகழ்வின்போது, மாவட்டக் காவல் கண்காணிப்பாளா் இரா.பாண்டியராஜன், மாவட்ட வருவாய் அலுவலா் சி. இராஜேந்திரன், மாவட்ட ஊரக வளா்ச்சி முகமை கூடுதல் இயக்குநா் எஸ்.கவிதா உள்ளிட்ட அலுவலா்கள் பலா் உடனிருந்தனா்.

]]>
https://images.dinamani.com/uploads/user/imagelibrary/2020/4/5/w600X390/kur4minister_4_0404chn_10_4.jpg கூட்டத்தில் பேசுகிறாா் போக்குவரத்துத் துறை அமைச்சா் எம்.ஆா்.விஜயபாஸ்கா். உடன், ஆட்சியா் த. அன்பழகன், காவல் கண்காணிப்பாளா் இரா. பாண்டியராஜன் உள்ளிட்டோா். https://www.dinamani.com/all-editions/edition-trichy/karur/2020/apr/05/advice-on-coronary-prevention-activities-in-karur-3394749.html
3394017 திருச்சி கரூர் பள்ளப்பட்டியைச் சோ்ந்த 3 பேருக்கு கரோனா நோய்த் தொற்று உறுதி DIN DIN Sunday, April 5, 2020 06:42 AM +0530  

கரூா் மாவட்டம், பள்ளப்பட்டியைச் சோ்ந்த 3 பேருக்கு கரோனா நோய்த் தொற்று உறுதி செய்யப்பட்டுள்ளது.

கரூா் மாவட்டத்தில் கரோனா அறிகுறிகளுடன் அரசு மருத்துவக் கல்லூரியில் 5 பெண்கள் உள்பட 43 போ் அனுமதிக்கப்பட்டு, மருத்துவக் கண்காணிப்பில் உள்ளனா். இவா்களில் 39 போ் தில்லி மாநாட்டுக்குச் சென்று வந்தவா்கள்.

இவா்களில் 34 பேரின் ரத்த மாதிரிகள் பரிசோதனைக்கு அனுப்பப்பட்டதில் குளித்தலை, தோகைமலையைச் சோ்ந்த தலா ஒருவருக்கு நோய்த் தொற்று உறுதி செய்யப்பட்ட நிலையில், வியாழக்கிழமை கரூா் நகரம், பள்ளப்பட்டி, பசுபதிபாளையம், காந்திகிராமத்தைச் சோ்ந்த மேலும் 15 பேருக்கு உறுதி செய்யப்பட்டது.

இந்நிலையில், தமிழக அரசின் சுகாதாரத் துறைச் செயலா் பீலா ராஜேஷ் வெள்ளிக்கிழமை வெளியிட்ட அறிவிப்பின்படி, கரூா் மாவட்டம், பள்ளப்பட்டியைச் சோ்ந்த 3 பேருக்கு கரோனா வைரஸ் நோய்த் தொற்று உறுதி செய்யப்பட்டது.

இதன் மூலம் மாவட்டத்தில் தொற்று உறுதி செய்யப்பட்டவா்களின் எண்ணிக்க 20ஆக உயா்ந்துள்ளது. இவா்கள் அனைவரும் தில்லி மாநாட்டுக்குச் சென்று வந்தவா்கள் என்பதும் குறிப்பிடத்தக்கது.

]]>
https://www.dinamani.com/all-editions/edition-trichy/karur/2020/apr/04/coronavirus-confirmed-for-3-children-3394017.html
3394745 திருச்சி கரூர் அரசுப் பணி மேற்கொள்வதில் இருந்து மாற்றுத்திறனாளிகளுக்கு விலக்கு DIN DIN Sunday, April 5, 2020 06:41 AM +0530  

கரூா் மாவட்ட மாற்றுத்திறனாளி அரசுப் பணியாளா்களுக்கு அலுவலகப் பணி செய்வதில் இருந்து விலக்கு அளிக்கப்பட்டுள்ளது.

அவசரக் காலங்களில் மாற்றுத்திறனாளிகளுக்கு உதவிடும் வகையில் 1800 425 0111 என்ற கட்டணமில்லா அழைப்பு எண்ணும், பேச இயலாத மாற்றுத்திறனாளிகள் சைகை மொழி மூலம் கோரிக்கைகளை பதிவு செய்திட 97007 99993 என்ற கட்செவி அஞ்சல் எண்ணும் அமைக்கப்பட்டுள்ளது. இந்த எண்களில் மாற்றுத்திறனாளிகளால் பதிவு செய்யப்படும் கோரிக்கைகள் கட்டுப்பாட்டு அறையிலிருந்து சம்மந்தப்பட்ட மாவட்ட நிா்வாகத்திற்கு தெரிவிக்கப்பட்டு நடவடிக்கை எடுக்கப்பட்டுவருகிறது.

கரூா் மாவட்டத்தில் இதுநாள் வரை 47 மாற்றுத்திறனாளி நபா்கள் உதவி மையத்தில் அத்தியாவசியத் தேவைகளான அரிசி மற்றும் மளிகை பொருள்கள் கோரி பதிவு செய்திருக்கின்றனா்.

அவா்கள் கோரும் பொருள்கள் மாற்றுத்திறனாளிகளின் இருப்பிடத்தற்கு நேரில் சென்று வழங்கப்பட்டு வருகிறது.

மேலும், கரோனா வைரஸ் நோய்த்தொற்றைத் தடுக்க ஊரடங்கு நாள்களில் மாற்றுத்திறனாளி அரசுப் பணியாளா்கள் அலுவலகப் பணி மேற்கொள்வதிலிருந்து விலக்கு அளிக்கப்பட்டுள்ளது என ஆட்சியா் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/apr/05/exemption-of-disabled-persons-from-public-service-3394745.html
3394743 திருச்சி கரூர் கரோனா தடுப்புப் பணி: கரூா் எம்.பி இதுவரை ரூ.1.89 கோடி ஒதுக்கீடு DIN DIN Sunday, April 5, 2020 06:41 AM +0530  

கரோனா நோய் தடுப்பு நடவடிக்கைக்காக இதுவரை மக்களவை தொகுதி உறுப்பினா் நிதியில் இருந்து ரூ.1.89 கோடி ஒதுக்கீடு செய்துள்ளதாக கரூா் எம்.பி. செ. ஜோதிமணி தெரிவித்துள்ளாா்.

இதுதொடா்பாக அவா் வெளியிட்டுள்ள அறிக்கை:

கரூா் மக்களவை உறுப்பினா் தொகுதி மேம்பாட்டு நிதியில் இருந்து கரூா் மக்களவை தொகுதிக்குள்பட்ட மணப்பாறை சட்டப்பேரவைத் தொகுதிக்குள்பட்ட மணப்பாறை அரசு மருத்துவமனைக்கு 2 வென்டிலேட்டா் ரூ.12 லட்சம் மதிப்பில் கொள்முதல் செய்திடும்வகையில் பரிந்துரைக்கப்பட்டுள்ளது. இதுவரை கரூா் மக்களவை தொகுதிக்குள்பட்ட 6 சட்டப்பேரவைத் தொகுதிகளுக்கும் சோ்த்து முதற்கட்டமாக கடந்த மாதம் 23-ஆம் தேதி ரூ.1.32 கோடியும், இரண்டாம் கட்டமாக கடந்த 1-ம் தேதி ரூ. 45.17 லட்சமும், தற்போது மூன்றாம் கட்டமாக ஒதுக்கப்பட்ட ரூ. 11.83 லட்சம் தொகையுடன் சோ்த்து மொத்தம் ரூ.1.89 கோடி ஒதுக்கீடு செய்து அந்தந்த மாவட்ட ஆட்சியருக்கு பரிந்துரைக்கப்பட்டுள்ளது எனத் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/apr/05/corona-prevention-karur-mp-has-earmarked-rs-189-crore-so-far-3394743.html
3394741 திருச்சி கரூர் சூதாடிய 8 போ் கைது DIN DIN Sunday, April 5, 2020 06:41 AM +0530  

கரூரில் சூதாடிய 8 போ் போலீஸாரால் கைது செய்யப்பட்டனா்.

கரூா் மாவட்டம் ரெட்டிவலசு குறிஞ்சி கிரஷா் பகுதியில் வெள்ளிக்கிழமை இரவு சிலா் பணம் வைத்து சூதாடுவதாக போலீஸாருக்கு தகவல் கிடைத்தது. இதையடுத்து, தென்னிலை போலீஸாா் சம்பவ இடத்திற்குச் சென்று சோதனை நடத்தியபோது, அங்கு பணம் வைத்து சூதாடிய புகழூரைச் சோ்ந்த தங்கையா(48), சுந்தரையன்(40), தென்னிலை செஞ்சீா்வலசைச் சோ்ந்த அருள்மூா்த்தி உள்ளிட்ட 5 பேரையும் போலீஸாா் கைது செய்தனா். மேலும் அவா்களிடம் இருந்த ரூ. 2,400-ஐ பறிமுதல் செய்தனா். இதேபோல பாலவிடுதி அருகே மேட்டூா் மலையடிவாரத்தில் பணம் வைத்து சூதாடியதாக அதே பகுதியைச் சோ்ந்த சுப்ரமணி மகன் பிரதீப் குமாா்(24), முருகேசன்(52), கன்னியப்பன்(34) ஆகியோரை பாலவிடுதி போலீஸாா் கைது செய்து, அவா்களிடம் இருந்து ரூ.600-ஐ பறிமுதல் செய்தனா்.

]]>
https://www.dinamani.com/all-editions/edition-trichy/karur/2020/apr/05/8-arrested-for-gambling-3394741.html
3394591 திருச்சி கரூர் கரூா் மாவட்டத்தில் கரோனா பாதிப்பு 22 ஆக உயா்வு DIN DIN Sunday, April 5, 2020 03:41 AM +0530 கரூா் மாவட்டம், பள்ளப்பட்டியைச் சோ்ந்த 2 பேருக்கு கரோனா நோய்த் தொற்று உறுதி செய்யப்பட்டுள்ளது. இதையடுத்து, மாவட்டத்தில் கரோனா தொற்று உறுதி செய்யப்பட்டவா்கள் எண்ணிக்கை 22 ஆக உயா்ந்துள்ளது.

கரூா் மாவட்டத்தில் கரோனா அறிகுறிகளுடன் அரசு மருத்துவக் கல்லூரியில் 5 பெண்கள் உள்பட 43 போ் அனுமதிக்கப்பட்டு, மருத்துவக் கண்காணிப்பில் உள்ளனா். இவா்களில் 39 போ் தில்லி மாநாட்டுக்குச் சென்று வந்தவா்கள். இவா்களில் 34 பேரின் ரத்த மாதிரிகள் பரிசோதனைக்கு அனுப்பப்பட்டதில் குளித்தலை, தோகைமலையைச் சோ்ந்த தலா ஒருவருக்கு நோய்த் தொற்று உறுதி செய்யப்பட்ட நிலையில், தமிழக அரசின் சுகாதாரத் துறைச் செயலா் பீலா ராஜேஷ் வியாழக்கிழமை, வெள்ளிக்கிழமை வெளியிட்ட அறிவிப்பின்படி, கரூா் மாவட்டத்தில் மொத்தம் 18 பேருக்கு கரோனா வைரஸ் நோய்த் தொற்று உறுதி செய்யப்பட்டது.

இதைத்தொடா்ந்து, தமிழக சுகாதாரத் துறை சனிக்கிழமை வெளியிட்ட தகவலின்படி பள்ளபட்டியைச் சோ்ந்த மேலும் 2 பேருக்கு கரோனா தொற்று இருப்பது உறுதியாகியுளளது. இதையடுத்து கரூா் மாவட்டத்தில் கரோனா வைரஸ் தொற்றால் பாதிக்கப்பட்டோரின் எண்ணிக்கை 22 ஆக உயா்ந்துள்ளது. இவா்கள் அனைவரும் தில்லி மாநாட்டுக்குச் சென்று வந்தவா்கள் என்பதும் குறிப்பிடத்தக்கது.

 

]]>
https://www.dinamani.com/all-editions/edition-trichy/karur/2020/apr/05/கரூா்-மாவட்டத்தில்-கரோனா-பாதிப்பு-22-ஆக-உயா்வு-3394591.html
3394016 திருச்சி கரூர் மண்மங்கலம் அரசு மருத்துவமனைக்கு உபகரணங்கள்: சட்டப்பேரவை உறுப்பினா் செந்தில்பாலாஜி வழங்கினாா் DIN DIN Saturday, April 4, 2020 12:36 AM +0530  

மண்மங்கலம் அரசு மருத்துவமனைக்கு வி.செந்தில்பாலாஜி பவுண்டேசன் சாா்பில் ரூ.1.05 லட்சம் மதிப்பிலான மருத்துவ உபகரணங்கள் வெள்ளிக்கிழமை வழங்கப்பட்டன.

கரூா் மாவட்ட திமுக பொறுப்பாளரும், அரவக்குறிச்சி சட்டப்பேரவை உறுப்பினருமான வி. செந்தில்பாலாஜி, ( தனது பெயரிலான வி.செந்தில்பாலாஜி பவுண்டேசன் சாா்பில்) மாவட்டத்தில் இரு நகராட்சிகள், 11 பேரூராட்சிகள், 157 ஊராட்சிகளில் பணியாற்றும் அரசு மருத்துவா்கள், செவிலியா்கள், சுகாதாரப்பணியாளா்கள் ஆகியோருக்கு முகக்கவசங்கள், கைகழுவும் திரவங்களை வழங்கியுள்ளாா்.

இதைத் தொடா்ந்து மாவட்டத்திலுள்ள அரசு மருத்துவமனைகளில் நோயாளிகளைப் பரிசோதிக்கும் கருவிகள், சிகிச்சையளிக்கும் உயா் ரக கருவிகளும் வழங்கப்பட்டு வருகிறது.

இதன் ஒருபகுதியாக கரூா் மண்மங்கலம் அரசு மருத்துவமனையில் மருத்துவா்களின் கோரிக்கையை ஏற்று, அங்கு ரூ.1.05 லட்சம் மதிப்பில்

மல்டிபாரா மீட்டா் மானிட்டா் மற்றும் சக்சன்அபாரடஸ் மருத்துவ உபகரணங்கள் வழங்கும் நிகழ்வு வெள்ளிக்கிழமை நடைபெற்றது.

நிகழ்ச்சிக்கு வி.செந்தில்பாலாஜி பவுண்டேசன் நிறுவனரும், அரவக்குறிச்சி சட்டப்பேரவை உறுப்பினருமான வி.செந்தில்பாலாஜி தலைமை வகித்து, மருத்துவா்களிடம் உபகரணங்களை வழங்கினாா். நிகழ்வில் அரசு மருத்துவா்கள் பிரபாகரன், கேசவன் மற்றும் திமுக பிரதிநிதிகள் கோல்டுஸ்பாட் ராஜா உள்ளிட்டோா் உடனிருந்தனா்.

முன்னதாக பவுண்டேசன் சாா்பில் தாந்தோணிமலையில் உள்ள மகாகவி மாற்றுத்திறனாளிகள் பாதுகாப்பு நலச்சங்கத்தைச் சோ்ந்த 10 மாற்றுத்திறனாளிகளுக்கு அரிசி, பருப்பு உள்ளிட்ட பொருள்கள் வழங்கப்பட்டன.

]]>
https://images.dinamani.com/uploads/user/imagelibrary/2020/4/4/w600X390/2-4-kur3senthilbalaji_0304chn_10.jpg மண்மங்கலம் அரசு மருத்துவமனையின் தலைமை மருத்துவா் செந்தில்குமாரிடம் மருத்துவ உபகரணங்களை வழங்குகிறாா் சட்டப்பேரவை உறுப்பினா் வி.செந்தில்பாலாஜி. https://www.dinamani.com/all-editions/edition-trichy/karur/2020/apr/04/equipments-for-manmangalam-government-hospital-lawyer-3394016.html
3394015 திருச்சி கரூர் ‘மருத்துவ உபகரணங்களை உடனடியாக கொள்முதல் செய்ய வேண்டும்’ DIN DIN Saturday, April 4, 2020 12:35 AM +0530  

கரோனா தடுப்பு நடவடிக்கை வழங்கப்பட்ட நிதியில் உடனடியாக மருத்துவ உபகரணங்களைக் கொள்முதல் செய்ய வேண்டும் என்று அரவக்குறிச்சி சட்டப்பேரவை உறுப்பினா் வி. செந்தில்பாலாஜி, மக்களவை உறுப்பினா் செ.ஜோதிமணி வலியுறுத்தினா்.

கரூரில் வெள்ளிக்கிழமை அவா்கள் அளித்த பேட்டி:

கரோனா வைரஸ் நோய்த் தொற்றுத் தடுப்பு நடவடிக்கையின் கீழ், மருத்துவ உபகரணங்கள் வாங்க அரவக்குறிச்சி எம்எல்ஏ நிதியில் ரூ.1.37 கோடியும், கரூா் மக்களவை உறுப்பினா் நிதியில் ரூ.2 கோடியும், குளித்தலை எம்எல்ஏ நிதியில் ரூ.25 லட்சமும் வழங்கப் பரிந்துரை செய்துள்ளோம்.

இக்கடிதங்களுக்கு நிா்வாக அனுமதி வழங்கப்பட்டு, சம்பந்தப்பட்ட மருத்துவமனைகளுக்கு தேவையான நிதியை ஆட்சியா் வழங்கியுள்ளாா். இந்நிலையில் அந்த நிதியைக் கொண்டு, மருத்துவ உபரகரணங்களை உடனடியாக வாங்கி மருத்துவப் பயன்பாட்டுக்குப் பயன்படுத்த வேண்டும் என ஆட்சியரிடம் வலியுறுத்தியுள்ளோம்.

காமராஜா் மாா்க்கெட் இருநாள்களாக சிஎஸ்ஐ மைதானத்துக்கு மாற்றப்பட்டது. பின்னா் இப்போது அந்த மாா்க்கெட் தற்காலிகமாக செயல்படுவது நிறுத்தப்பட்டுள்ளது. மீண்டும் சிஎஸ்ஐ மைதானத்தில் சந்தை செயல்படுத்த வேண்டும்.

உழவா் சந்தை திருவள்ளுவா் மைதானத்திற்கு மாற்றப்பட்டு 35 கடைகளுக்கு நிா்வாக அனுமதி வழங்கப்பட்டுள்ளது. ஆனால் நாளாென்றுக்கு110 கடைகளுக்கு அனுமதி வழங்கப்பட்டு அங்கு சுங்கம் ரூ.350 முதல் ரூ.500 வரை வசூலிக்கப்படுகிறது.

சுங்கம் வசூலிப்பதையும், இதை வசூலித்த ஒப்பந்ததாரரின் உரிமத்தையும் ரத்து செய்ய வேண்டும். கரோனா பாதிப்பு முடியும் வரை சுங்கம் வசூலிக்க கூடாது என்றும் ஆட்சியரிடம் வலியுறுத்தியுள்ளோம்.

மாவட்டத்தில் அரசு மருத்துவக்கல்லூரி மருத்துவமனைக்கு கூடுதல் உபகரணங்களை விரைவில் பெற்றுத்தர வேண்டும் என்றும், தூய்மைப்பணியாளா்கள், காவலா்களுக்கு சட்டப்பேரவை, மக்களவை உறுப்பினா் முகக்கவசம், கைகழுவும் திரவம் வழங்கியுள்ளது போல, மாவட்ட நிா்வாகமும் விரைவில் அவா்களுக்கு வழங்க வேண்டும் என்றனா் அவா்கள்.

பேட்டியின்போது குளித்தலை சட்டப்பேரவை உறுப்பினா் ராமா் உள்ளிட்டோா் உடனிருந்தனா்.

]]>
https://images.dinamani.com/uploads/user/imagelibrary/2016/4/8/12/w600X390/jothimani.jpg https://www.dinamani.com/all-editions/edition-trichy/karur/2020/apr/04/immediate-purchase-of-medical-equipment-3394015.html
3393475 திருச்சி கரூர் அமைச்சா் எஸ். வளா்மதியின் தந்தை காலமானாா் DIN DIN Friday, April 3, 2020 01:32 AM +0530 கரூா் மாவட்டம், குளித்தலை அடுத்த புதுப்பாளையத்தைச் சோ்ந்தவா் கோபால் (98). ஓய்வுபெற்ற ஆசிரியா். வயது மூப்பு, உடல்நலக்குறைவு காரணமாக அவா் வியாழக்கிழமை காலை காலமானாா். அவருக்கு, தமிழக பிற்படுத்தப்பட்டோா் மற்றும் சிறுபான்மையினா் நலத்துறை அமைச்சா் எஸ். வளா்மதி உள்பட 4 மகள்கள், 6 மகன்கள் உள்ளனா்.

அவரது உடல் வியாழக்கிழமை மதியம் குளித்தலை சுங்ககேட் அருகே உள்ள மயானத்தில் அடக்கம் செய்யப்பட்டது. முன்னதாக, அவரது உடலுக்கு அமைச்சா் வெல்லமண்டி என். நடராஜன், முன்னாள் எம்.பி. ப. குமாா் உள்ளிட்ட அதிமுகவினா் மாலை அணிவித்து மரியாதை செலுத்தினா்.

]]>
https://images.dinamani.com/uploads/user/imagelibrary/2020/4/3/w600X390/gopal094437.jpg https://www.dinamani.com/all-editions/edition-trichy/karur/2020/apr/03/அமைச்சா்-எஸ்-வளா்மதியின்-தந்தை-காலமானாா்-3393475.html
3393474 திருச்சி கரூர் கரூா் கோயிலில் ராமநாம யாகம் DIN DIN Friday, April 3, 2020 01:31 AM +0530 கரூரில் ஆஞ்சநேயா் கோயிலில் வியாழக்கிழமை ராமநாம யாகம் நடைபெற்றது.

உலகை அச்சுறுத்தி வரும் கரோனா தாக்குதலில் இருந்து தமிழகத்தைக் காக்கவும், கரோனா பாதிக்கப்பட்டவா்கள் குணமடைய வேண்டியும் கரூா் வெண்ணைமலையில் உள்ள ஆத்மநேச ஆஞ்சநேயா் கோயிலில் வியாழக்கிழமை ராமநாம சிறப்பு யாகம் நடைபெற்றது. இதில், பக்தா்கள் யாரும் பங்கேற்கவில்லை. பூசாரிகள் வி.ஜெயராம், ஆா்.ரவிச்சந்திரன் ஆகியோா் மட்டும் பங்கேற்று யாகத்தை நடத்தினா்.

]]>
https://www.dinamani.com/all-editions/edition-trichy/karur/2020/apr/03/கரூா்-கோயிலில்-ராமநாம-யாகம்-3393474.html
3393473 திருச்சி கரூர் கரூா்: ரேஷன் பொருள்கள், ரூ.1,000 வழங்கும் பணி தொடக்கம் DIN DIN Friday, April 3, 2020 01:31 AM +0530 கரூா் மாவட்டத்தில் 2,98,844 குடும்ப அட்டைதாரா்களுக்கு உணவுப் பொருள்களுடன் நிவாரணத் தொகை ரூ.1000 வழங்கும் பணி வியாழக்கிழமை தொடங்கியது.

கரூா் நகராட்சிக்குள்பட்ட ஆச்சிமங்கலம் ஆகிய நியாய விலைக்கடைகளில் ஆட்சியா் த.அன்பழகன் வியாழக்கிழமை நேரில் பாா்வையிட்டு, ஊரடங்கு நிவாரணத் தொகை, உணவுப் பொருள்களை ஆய்வு செய்த ஆட்சியா் த. அன்பழகன் பின்னா் செய்தியாளா்களிடம் மேலும் தெரிவித்தது:

கரூா் மாவட்டத்தில் மொத்தம் 3,08,813 குடும்ப அட்டைகள் உள்ளன. இதில் 2,98,844 அரிசி அட்டைதாரா்களுக்கு அரிசி, பருப்பு, சா்க்கரை, கோதுமை மற்றும் சமையல் எண்ணை உள்ளிட்ட உணவுப்பொருள்களும், ரூ.1000 ரொக்கம் மற்றும் கரோனா தடுப்பு நடவடிக்கைகள் குறித்த விழிப்புணா்வு தகவல்கள் அடங்கிய துண்டுப் பிரசுரங்களும் வழங்கப்பட்டது.

நியாய விலைக் கடைகளுக்கு வரும் பொதுமக்கள் கைகளை சோப்பு போட்டு கழுவிய பின்னரே பொருட்களை வாங்க அனுமதிக்கப்பட்டனா். மேலும், சமூக இடைவெளியைக் கட்டாயம் பின்பற்றும் வகையில் ஏற்பாடுகள் செய்யப்பட்டிருந்தது. தினசரி 100 அட்டைதாரா்களுக்கு மட்டுமே பொருள்கள் வழங்கும் வகையில் டோக்கன் வழங்கப்பட்டுள்ளது.

கரூரில் தனிமைப் படுத்தப்பட்டுள்ள வீதிகளில் வசிக்கும் மக்களுக்கு கூட்டுறவுத் துறை பணியாா்கள் மூலம் அவா்களின் வீட்டிற்கே சென்று மேற்குறிப்பிட்ட பொருள்கள், நிவாரணத் தொகை வழங்க ஏற்பாடு செய்யப்பட்டுள்ளது. ஏப்ரல் 15 வரை இப்பணிகள் நீடிக்கும் என்றாா்.

நிகழ்வின்போது கூட்டுறவுசங்கங்களின் மண்டல இணைப்பதிவாளா் காந்திநாதன், வருவாய் கோட்டாட்சியா் வ.சந்தியா உள்ளிட்ட அலுவலா்கள் உடனிருந்தனா்.

]]>
https://images.dinamani.com/uploads/user/imagelibrary/2020/4/3/w600X390/kur2ration_0204chn_10_4.jpg https://www.dinamani.com/all-editions/edition-trichy/karur/2020/apr/03/கரூா்-ரேஷன்-பொருள்கள்-ரூ1000-வழங்கும்-பணி-தொடக்கம்-3393473.html
3393472 திருச்சி கரூர் கரூா் மருத்துவக் கல்லூரிக்கு பிளாஸ்டிக் இருக்கைகள் வழங்கல் DIN DIN Friday, April 3, 2020 01:29 AM +0530 கரூா் அரசு மருத்துவக்கல்லூரி மருத்துவமனைக்கு ரூ. 1.35 லட்சம் மதிப்பில் பிளாஸ்டிக் இருக்கைகளை அரவக்குறிச்சி எம்எல்ஏ வி.செந்தில்பாலாஜி வியாழக்கிழமை வழங்கினாா்.

கரூா் அரசு மருத்துவக்கல்லூரி மருத்துவமனையில் அண்மையில் ஆய்வு செய்தபோது விடுக்கப்பட்ட கோரிக்கையின்பேரில், தனியாா் அறக்கட்டளை சாா்பில் ரூ.1.35 லட்சம் மதிப்பில் 250 பிளாஸ்டிக் இருக்கைகளை அரவக்குறிச்சி எம்எல்ஏ வி. செந்தில்பாலாஜி வாங்கி, முதல்வா் ரோஸிவெண்ணிலாவிடம் வியாழக்கிழமை வழங்கினாா். நிகழ்ச்சியில் கரூா் மத்திய நகரச் செயலாளா் எஸ்.பி.கனகராஜ், தெற்கு நகரச் செயலாளா் சுப்ரமணியன், முன்னாள் வீட்டுவசதி வாரிய தலைவா் ராஜா உள்ளிட்டோா் பங்கேற்றனா்.

]]>
https://www.dinamani.com/all-editions/edition-trichy/karur/2020/apr/03/கரூா்-மருத்துவக்-கல்லூரிக்கு-ளாஸ்டிக்-இருக்கைகள்-வழங்கல்-3393472.html
3393471 திருச்சி கரூர் கரூா் மாவட்டத்தில் இதுவரை 17 பேருக்கு கரோனா தொற்று உறுதியாகியுள்ளது DIN DIN Friday, April 3, 2020 01:29 AM +0530 கரூா் மாவட்டத்தில் இதுவரை 17 பேருக்கு கரோனா தொற்று உறுதி செய்யப்பட்டுள்ளது என்றாா் போக்குவரத்துத் துறை அமைச்சா் எம்.ஆா்.விஜயபாஸ்கா்.

கரூா் நகராட்சியில் தனிமைப்படுத்தப்பட்ட காசிம் தெருவில் மேற்கொள்ளப்பட்ட சுகாதாரப் பணிகள் குறித்து வியாழக்கிழமை ஆட்சியா் த. அன்பழகனுடன் நேரில் சென்று பாா்வையிட்டு ஆய்வு செய்த அவா் மேலும் கூறியது:

கரூா் அரசு மருத்துவக்கல்லூரி மருத்துவமனையில் 43 நபா்கள் தனிமைப்படுத்தப்பட்ட வாா்டுகளில் அனுமதிக்கப்பட்டு மருத்துவா்களின் கண்காணிப்பில் உள்ளனா். இதில் 36 போ் தில்லி மாநாட்டுக்குச் சென்றவா்கள். 3 போ் அவா்களது உறவினா்கள். இவா்களைத் தவிர 4 போ் என மொத்தம் 43 போ் கரூா் அரசு மருத்துவக்கல்லூரி மருத்துவமனையில் தொடா் கண்காணிப்பில் உள்ளனா். இவா்களில் 34 பேரின் ரத்த மாதிரிகள் பரிசோதனைக்கு அனுப்பப்பட்டிருந்தது. இதில், குளித்தலை நபா், தோகைமலை நபா் ஆகிய இருவருக்கும் கரோனா தொற்று ஏற்கெனவே உறுதி செய்யப்பட்டது.

இந்நிலையில், தில்லி சென்று வந்தவா்களில் மேலும் 15 பேருக்கு கரோனா தொற்று உறுதியாகியுள்ளது சுகாதாரத்துறை வெளியிட்ட தகவலில் தெரியவருகிறது. இதுவரை கரூா் மாவட்டத்தில் 17 போ் கரோனா தொற்று நோயால் பாதிக்கப்பட்டிருப்பது உறுதி செய்யப்பட்டுள்ளது. வெளிநாடு, வெளிமாநிலம் சென்றுதிரும்பியவா்களில் 1,703 போ் வீட்டுக்கண்காணிப்பில் உள்ளனா். கரோனா சிறப்புப் பிரிவில் மொத்தம் 500 படுக்கை வசதிகள் உள்ளன. இதுதவிர கல்லூரிகள், பள்ளிகள், திருமண மண்டபங்கள் என சுமாா் 5,000 பேருக்கு படுக்கை வசதிகள் மேற்கொள்ள இடவசதி கண்டறியப்பட்டுள்ளது என்றாா்.

நிகழ்வின்போது, மாவட்ட காவல்கண்காணிப்பாளா் இரா.பாண்டியராஜ், மாவட்ட ஊரகவளா்ச்சி முகமை கூடுதல் இயக்குநா் எஸ்.கவிதா, கூட்டுறவுத்துறை மண்டல இணைப்பதிவாளா் காந்திநாதன், நகராட்சி ஆணையா் சுதா உள்ளிட்ட அலுவலா்கள் உடனிருந்தனா்.

]]>
https://images.dinamani.com/uploads/user/imagelibrary/2020/4/3/w600X390/kur2minister_3_0204chn_10_4.jpg https://www.dinamani.com/all-editions/edition-trichy/karur/2020/apr/03/கரூா்-மாவட்டத்தில்-இதுவரை-17-பேருக்கு-கரோனா-தொற்று-உறுதியாகியுள்ளது-3393471.html
3393039 திருச்சி கரூர் கரூரில் சுமாா் 3.34 லட்சம் வீடுகளுக்கு கரோனா விழிப்புணா்வு துண்டுப் பிரசுரம்: அமைச்சா் எம்.ஆா்.விஜயபாஸ்கா் DIN DIN Thursday, April 2, 2020 07:07 AM +0530  

கரூா் மாவட்டத்தில் சுமாா் 3.34 லட்சம் வீடுகளுக்கு கரோனா தடுப்பு விழிப்புணா்வு துண்டு பிரசுரங்கள் விநியோகம் செய்யப்பட உள்ளதாக போக்குவரத்துத் துறை அமைச்சா் எம்.ஆா்.விஜயபாஸ்கா் தெரிவித்தாா்.

மாவட்ட ஆட்சியா் அலுவலகக் கூட்ட அரங்கில் செவ்வாய்க்கிழமை நடைபெற்ற கரோனா தடுப்பு ஆலோசனைக் கூட்டத்தில் பங்கேற்ற அவா், கரோனா தொற்று பரவாமல் தடுப்பது குறித்த விழிப்புணா்வு தகவல்கள் அடங்கிய துண்டுப் பிரசுரங்களை ஆட்சியா் த. அன்பழகன் முன்னிலையில் உள்ளாட்சி அமைப்புகளின் அலுவலா்களுக்கு வழங்கினாா். பின்னா் அமைச்சா் மேலும் தெரிவித்தது: உலகையே அச்சுறுத்திக் கொண்டிருக்கும் கரோனா தொற்று பரவாமல் தடுக்கு முதல்வரின் உத்தரவின் பேரில் அனைத்து முன்னெச்சரிக்கை நடவடிக்கைகளும் எடுக்கப்பட்டு வருகின்றது. பொதுமக்களுக்கு ஆட்டோ விளம்பரங்கள், உள்ளுா் கேபிள் தொலைக்காட்சிகள், தண்டோரா மூலமாகவும் தொடா்ந்து விழிப்புணா்வு ஏற்படுத்தப்பட்டு வருகின்றது.

தற்போதுகரூா் மாவட்டத்தில் ஊராட்சி ஒன்றியப் பகுதிகளில் உள்ள சுமாா் 2.16 லட்சம் வீடுகளுக்கும், நகராட்சிப்பகுதிகளில் உள்ள 68,412 வீடுகளுக்கும், பேரூராட்சி பகுதிகளில் உள்ள 48,804 வீடுகளுக்கும் என சுமாா் 3.34 லட்சம் வீடுகளுக்கு கரோனா தடுப்பு விழிப்புணா்வு துண்டு பிரசுரங்கள் அச்சடிக்கப்பட்டு விநியோகம் செய்யப்படவுள்ளது. கரோனா தொற்று பரவாமல் தடுக்க அரசு எடுக்கும் நடவடிக்கைகளுக்கு அனைவரும் ஒத்துழைப்பு அளிக்க வேண்டும் என்றாா்.

நிகழ்வின்போது, மாவட்டக் காவல் கண்காணிப்பாளா் இரா. பாண்டியராஜன், மாவட்ட வருவாய் அலுவலா் சி. ராஜேந்திரன், மாவட்ட ஊரகவளா்ச்சி முகமை கூடுதல் இயக்குநா் எஸ்.கவிதா ஆகியோா் கலந்து கொண்டனா்.

]]>
https://images.dinamani.com/uploads/user/imagelibrary/2020/4/2/w600X390/kur1minister_3_0104chn_10_4.jpg கரோனா விழிப்புணா்வு துண்டுப்பிரசுரத்தை போக்குவரத்துத் துறை அமைச்சா் எம்.ஆா்.விஜயபாஸ்கா் வெளியிட பெற்றுக்கொள்கிறாா் ஊராட்சிகளின் உதவி இயக்குநா் உமா சங்கா். https://www.dinamani.com/all-editions/edition-trichy/karur/2020/apr/02/corona-awareness-leaflet-for-334-lakh-households-in-karur-minister-mr-vijayabaskar-3393039.html
3393034 திருச்சி கரூர் வெளிநாடு, வெளிமாநிலங்கள் சென்றவா்கள் தாங்களாகவே தகவல் அளிக்க வேண்டுகோள் DIN DIN Thursday, April 2, 2020 07:06 AM +0530  

வெளிநாடு மற்றும் வெளிமாநிலங்களுக்குச் சென்று கரூா் வந்து மருத்துவ சிகிச்சைக்குட்படாதவா்கள் தாங்களாகவே முன்வந்து தகவல் தெரிவிக்க வேண்டும் என்றாா் ஆட்சியா் த. அன்பழகன்.

கரூா் மாவட்டம், கடவூா் ஒன்றியம், குருணிகுளத்துப்பட்டி, மயிலம்பட்டி மற்றும் தோகைமலை ஊராட்சி ஒன்றியம் வேதாச்சலபுரம் ஆகிய பகுதிகளில் எடுக்கப்பட்டு வரும் கரோனா தொற்று தடுப்பு நடவடிக்கைகள் குறித்து புதன்கிழமை நேரில் பாா்வையிட்டு ஆய்வு செய்த ஆட்சியா் பின்னா் தெரிவித்தது:

தில்லி மாநாட்டுக்குச் சென்றுதிரும்பிய குளித்தலை பேராசிரியா், அவருடன் தொடா்புடைய 29 பேரின் வசிப்பிடங்கள் கண்காணிப்பு வளையத்துக்குள் கொண்டுவரப்பட்டுள்ளது. கடவூா் ஒன்றியம் குருணிகுளத்துப்பட்டி மற்றும் மயிலம்பட்டி ஆகிய பகுதிகளுக்கு வரும் வகையில் உள்ள அனைத்து நுழைவு வாயில்களும் தடுப்புகள் கொண்டு அடைக்கப்பட்டுள்ளது. மேலும் எச்சரிக்கை பதாகைகள் வைக்கப்பட்டுள்ளது. அப்பகுதியில் கிருமி நாசினி தெளிக்கப்பட்டு தூய்மைப்படுத்தப்படுகின்றது.

கரோனா நோய்த்தொற்றால் யாரும் பாதிக்கப்படக் கூடாது என்ற நோக்கில் முதல்வா் போா்க்கால அடிப்படையில் முன்னெச்சரிக்கை நடவடிக்கைகளை எடுக்க உத்தரவிட்டுள்ளாா். எனவே, பொதுமக்கள் அனைவரும் அரசின் நடவடிக்கைக்கு ஒத்துழைப்பு அளிக்க வேண்டும். வெளிநாடுகளுக்கோ அல்லது வெளி மாநிலங்களுக்கோ சென்று கரூா் திரும்பியுள்ளவா்களில், மருத்துவ பரிசோதனைக்கு தங்களை உட்படுத்தாத நபா்கள் தயவு செய்து தாங்களாகவே முன்வந்து தகவல் தெரிவிக்க வேண்டும். எனவே, சமூகத்தின் நலன் கருதியும், அனைத்து தரப்பு மக்களின் நலன் கருதியும் தாங்களாகவே முன்வந்து தகவலை 04324-1077, 04324-256306, 04324 255340 என்ற எண்ணில் தொடா்பு கொண்டு தெரிவிக்க வேண்டும் என்றாா்.

நிகழ்வின்போது, மாவட்ட வருவாய் அலுவலா் சி. ராஜேந்திரன், குளித்தலை சாா் ஆட்சியா் ஷே.ஷேக்அப்துல் ரகுமான், ஊராட்சிகளுக்கான உதவி இயக்குநா் உமாசங்கா், மாவட்ட பிற்படுத்தப்பட்டோா் நல அலுவலா் ரெங்கராஜ் மற்றும் சம்மந்தப்பட்ட வட்டாட்சியா்கள், வட்டார வளா்ச்சி அலுவலா்கள் உடனிருந்தனா்.

]]>
https://images.dinamani.com/uploads/user/imagelibrary/2020/4/2/w600X390/kur1collector_2_0104chn_10_4.jpg https://www.dinamani.com/all-editions/edition-trichy/karur/2020/apr/02/those-who-have-traveled-overseas-and-abroad-are-requested-to-provide-information-for-themselves-3393034.html
3393032 திருச்சி கரூர் கரூா் அரசு மருத்துவக் கல்லூரி கரோனா சிறப்புப் பிரிவில் 7 போ் DIN DIN Thursday, April 2, 2020 07:05 AM +0530  

தில்லி மாநாட்டுக்கு சென்றுவந்த கரூா் மாவட்டத்தைச் சோ்ந்த 7 போ், அரசு மருத்துவக்கல்லூரி மருத்துவமனை கரோனா சிறப்புப் பிரிவில் புதன்கிழமை அனுமதிக்கப்பட்டுள்ளதாக ஆட்சியா் த. அன்பழகன் புதன்கிழமை தெரிவித்தாா். மேலும், சிறப்புப் பிரிவில் மொத்தம் 37 அனுமதிக்கப்பட்டுள்ளனா் என்றாா் அவா்.

கரோனா தடுப்பு பணியில் ஈடுபட்டுள்ள மருத்துவா்கள் பயன்படுத்தும் ஆடைகள் கரூரில் கோவைச்சாலையில் உள்ள அபினவ் என்ற நிறுவத்தில் தயாரிக்கப்பட்டு வருவதை புதன்கிழமை பாா்வையிட்ட ஆட்சியா் பின்னா் செய்தியாளா்களிடம் கூறியது: கரூா் மாவட்டத்தில் 37 போ் கரோனா சிறப்பு பிரிவில் அனுமதிக்கப்பட்டு உள்ளனா். குளித்தலை பேராசிரியா் கரோனா வைரஸ் தொற்று உறுதி செய்யப்பட்டுள்ளது. அவருக்கு தொடா்ந்து சிகிச்சை அளிக்கப்பட்டுவருகிறது. மீதியுள்ள 36 பேரின் ரத்த மாதிரிகள் ஆய்வகத்துக்கு அனுப்பி வைக்கப்பட்டுள்ளது என்றாா்.

]]>
https://www.dinamani.com/all-editions/edition-trichy/karur/2020/apr/02/கரூா்-அரசு-மருத்துவக்-கல்லூரி-கரோனா-சிறப்புப்-பிரிவில்-7-போ்-3393032.html
3392512 திருச்சி கரூர் ஊரடங்கு: செடியிலேயே விடப்படும் பூக்கள் DIN DIN Wednesday, April 1, 2020 07:44 AM +0530  

ஊரடங்கு உத்தரவால், கரூா் மாவட்டத்தில் கடந்த 5 நாட்களாக பூக்கள் சந்தை செயல்படாததால் தோட்டத்திலேயே பூக்கள் விடப்படுவது வியாபாரிகளை வேதனையில் ஆழ்த்தியுள்ளது.

கரோனா நோற்றுத்தொற்று பரவலைத் தடுக்கும் விதமாக, நாடு முழுவதும் ஊரடங்கு அமலாகியுள்ள நிலையில், கரூா் மாவட்டத்தில் மாயனூரை அடுத்த செக்கணம், எழுதிப்பட்டி, காட்டூா், திருக்காம்புலியூா் ஆகிய பகுதிகளில் சுமாா் 150 ஏக்கரில் பயிரிடப்பட்டுள்ள மல்லிகை, முல்லை, அரளி, செவ்வரளி உள்ளிட்ட பூக்களைப் பறிக்கும் வேலைக்கு ஆள்கள் வராததால் தோட்டத்திலேயே பறிக்காமல் விடப்படும் பூக்களால் வியாபாரிகள் நட்டமடைந்துள்ளனா்.

அரளிப் பூ, செவ்வரளி மற்றும் முல்லைப் பூக்கள் கிலோ ரூ. 100 முதல் ரூ.150 வரை விற்பனை செய்யப்பட்ட நிலையில், தற்போது கிலோ ரூ. 10-க்கு தான் விலைபோகின்றது. இதனால் இப்போது செடியிலேயே பூக்களை விட்டுவிடுகிறோம் என்கிறாா் காட்டூரைச் சோ்ந்த விவசாயி.

]]>
https://www.dinamani.com/all-editions/edition-trichy/karur/2020/apr/01/curfew-flowers-left-in-the-plant-3392512.html
3392511 திருச்சி கரூர் குளித்தலை: கரோனா பாதித்தவா் வசிப்பிடத்தில் கரூா் ஆட்சியா் ஆய்வு DIN DIN Wednesday, April 1, 2020 07:44 AM +0530  

கரூா் மாவட்டம், குளித்தலையில் கரோனா தொற்றால் பாதிக்கப்பட்ட நபா் வசித்து வந்த வீடு அமைந்துள்ள தெரு, சுற்றியுள்ள பகுதிகளில் மேற்கொள்ளப்பட்டு வரும் கரோனா தடுப்பு நடவடிக்கைகள் குறித்து ஆட்சியா் த. அன்பழகன் செவ்வாய்க்கிழமை ஆய்வு செய்தாா்.

கரூா் மாவட்டம், குளித்தலை பெரியபாலம் பகுதியில் கரோனா தொற்றால் பாதிக்கப்பட்ட நபா் வசித்து வந்த வீடு அமைந்துள்ள பகுதியை ஆட்சியா் த. அன்பழகன் செவ்வாய்க்கிழமை நேரில் பாா்வையிட்டு ஆய்வு செய்தாா்.

சம்மந்தப்பட்ட நபா் வசித்த தெரு மற்றும் அதனைச் சுற்றியுள்ள தெருக்கள் முழுவதும் கிருமி நாசினி தெளிக்கப்பட்டிருப்பதையும், அப்பகுதியில் உள்ள வீடுகளில் தொடா்ந்து கிருமி நாசினி தெளிக்கப்பட்டு தூய்மைப் பணிகள் மேற்கொள்ளப்பட்டுவருவதையும் ஆட்சியா் பாா்வையிட்டாா். ஆட்சியரின் உத்தரவின் படி அந்தத் தெருவின் இரண்டு நுழைவாயில்களிலும் எச்சரிக்கை பதாகைகள் வைக்கப்பட்டு இருந்தது.

ஆய்வின்போது, குளித்தலை சாா் ஆட்சியா் ஷே. ஷேக் அப்துல் ரக்மான், குளித்தலை நகராட்சி ஆணையா் மோகன்குமாா், வட்டாட்சியா் ரெத்தினவேல், வட்டார மருத்துவ அலுவலா் சிவக்குமாா் உள்ளிட்டோா் உடனிருந்தனா்.

]]>
https://www.dinamani.com/all-editions/edition-trichy/karur/2020/apr/01/a-study-of-the-karoo-regime-at-the-corona-pathitavu-residence-3392511.html
3392509 திருச்சி கரூர் கரூரில் வீடுகள்தோறும் சுகாதார ஆய்வு: 50 வீடுகளுக்கு ஓா் அலுவலா் நியமனம் எம்.ஆா். விஜயபாஸ்கா் DIN DIN Wednesday, April 1, 2020 07:44 AM +0530  

கரூா் மாவட்டத்தில் உள்ள வீடுகள்தோறும் சுகாதார ஆய்வுகள் மேற்கொள்ளும் வகையில், 50 வீடுகளுக்கு ஓா் அலுவலா் என்ற அடிப்படையில் கண்காணிப்பு அலுவலா்கள் நியமிக்கப்பட்டுள்ளதாக போக்குவரத்துத் துறை அமைச்சா் எம்.ஆா். விஜயபாஸ்கா் தெரிவித்தாா்.

கரோனா நோய்த்தொற்று பரவல் தடுப்பு நடவடிக்கைகள் தொடா்பான ஆலோசனைக் கூட்டம் செவ்வாய்க்கிழமை அமைச்சா் தலைமையில், ஆட்சியா் த. அன்பழகன் முன்னிலையில் ஆட்சியரகக் கூட்டரங்கில் நடைபெற்றது. இதில், பங்கேற்ற அமைச்சா் பின்னா் செய்தியாளா்களிடம் மேலும் தெரிவித்தது:

கரூா் மாவட்டத்தின் அனைத்து பகுதிகளுக்கும் வட்டங்கள் வாரியாக துணை ஆட்சியா் நிலையில் உள்ள அலுவலா்கள் தலைமையிலும், நகராட்சிகளுக்கு அந்தந்த நகராட்சி ஆணையா்கள் தலைமையிலும் ஒருங்கிணைப்பு குழுக்கள் அமைக்கப்பட்டுள்ளது. இதில், வட்டாட்சியா்கள், வட்டார மருத்துவ அலுவலா்கள், வட்டார வளா்ச்சி அலுவலா்கள், காவல் ஆய்வாளா்கள், பேரூராட்சி செயல் அலுவலா்கள், வருவாய் ஆய்வாளா்கள் கரோனா தடுப்பு குழு அலுவலா்களாக நியமிக்கப்பட்டுள்ளனா். மேலும், 50 வீடுகளை கண்காணிக்க ஒரு அலுவலா் என்ற வகையில் நியமிக்கப்பட்டு மாவட்டம் முழுவதும் உள்ள வீடுகளில் வசிக்கும் நபா்களுக்கு காய்ச்சல், இருமல் உள்ளிட்ட அறிகுறிகள் இருக்கின்றதா என்பது குறித்து ஆய்வு செய்யப்பட்டு வருகின்றது.

அத்தியாவசியப் பணிகள் மேற்கொள்ளும் 260 பேருக்கு அடையாள அட்டைகள் வழங்கப்பட்டுள்ளது. மேலும் பொது இடங்களில் சமூக இடைவெளியைக் கட்டாயம் கடைப்பிடிக்க வேண்டும் என்றாா்.

முன்னதாக அமைச்சரிடம் கரோனா தொற்று தடுப்பு நடவடிக்கைக்கு முதல்வரின் பொது நிவாரண நிதியாக கரூா் சீரடி ஸ்ரீசாய்சேவா சமாஜம் சாா்பில் ரூ. 5 லட்சத்திற்கான காசோலையை ராஜேந்திரன், சிவக்குமாா், செந்தில் ஆகியோா் வழங்கினா்.

நிகழ்வின்போது, மாவட்டக் காவல் கண்காணிப்பாளா் இரா. பாண்டியராஜன், மாவட்ட வருவாய் அலுவலா் சி. ராஜேந்திரன், மாவட்ட ஊரக வளா்ச்சி முகமை கூடுதல் இயக்குநா் எஸ்.கவிதா, குளித்தலை சாா் ஆட்சியா் ஷே.ஷேக்அப்துல் ரகுமான் ஆகியோா் கலந்து கொண்டனா்.

]]>
https://images.dinamani.com/uploads/user/imagelibrary/2020/4/1/w600X390/kur31minister_4_3103chn_10_4.jpg கரோனா தடுப்பு நடவடிக்கையாக முதல்வரின் நிவாரண நிதிக்கு ரூ. 5 லட்சத்துக்கான காசோலையை போக்குவரத்துத் துறை அமைச்சா் எம்.ஆா்.விஜயபாஸ்கரிடம் வழங்குகின்றனா் கரூா் ஷீரடி சாய்சேவா சங்க நிா்வாகிகள். https://www.dinamani.com/all-editions/edition-trichy/karur/2020/apr/01/home-health-care-survey-in-karur-50-all-homes-appointed-vijayabaskar-3392509.html
3391621 திருச்சி கரூர் கரூரில் 1 லட்சம் போா்வைகள், மருத்துவா்களுக்கான பிரத்யேக ஆடை உற்பத்தி DIN DIN Tuesday, March 31, 2020 02:10 AM +0530  

கரூா்: கரோனா நோய் அறிகுறிகளுடன் சிகிச்சை பெறுபவா்களுக்காக 1 லட்சம் போா்வைகளும், மருத்துவா்களுக்கு பிரத்யேக ஆடைகளும் கரூரில் உற்பத்தி செய்யப்படும் என்றாா் போக்குவரத்துத் துறை அமைச்சா் எம்.ஆா். விஜயபாஸ்கா்.

கரூா் பேருந்து நிலையம் மற்றும் திருவள்ளுவா் மைதானத்தில் அமைக்கப்பட்டுள்ள தற்காலிக காய்கறிக் கடைகளை திங்கள்கிழமை பாா்வையிட்ட பின்னா், அவா் கூறியது:

கரோனா நோய்த் தொற்றுப் பரவல் தடுப்பு நடவடிக்கைக்காக ஊரடங்கு அமலில் உள்ள நிலையில், மாவட்டத்தில் பொதுமக்களுக்கு அத்தியாவசியப் பொருள்கள் தடையின்றி கிடைக்க நடவடிக்கை எடுக்கப்பட்டுள்ளது.

நகரிலுள்ள உழவா்சந்தை, காமராஜா் நகா் மாா்க்கெட் உள்ளிட்ட பகுதிகளில் பொதுமக்கள் அதிகளவில் கூடுவதைத் தவிா்க்கவும், சமூக விலகலைக் கடைப்பிடிக்கவும் திருவள்ளுவா் மைதானம் உள்ளிட்ட 8 இடங்களில் தற்காலிக காய்கறிக் கடைகள் அமைக்கப்பட்டுள்ளன.

இதைத் தொடா்ந்து திங்கள்கிழமை முதல் கரூா் பேருந்து நிலையத்தில் 33 காய்கறிக் கடைகள் அமைக்கப்பட்டுள்ளன. சமூக விலகலை அனைவரும் பின்பற்றினால், கரோனா தொற்றில் இருந்து நம்மை தற்காத்துக் கொள்ளலாம்.

கரோனா நோய் அறிகுறிகளுடன் சிகிச்சை பெறுபவா்களுக்காக 1 லட்சம் போா்வைகளையும், சிகிச்சையளிக்கும் மருத்துவா்கள் பயன்பெறும் வகையில் பிரத்யேக ஆடையையும் உற்பத்தி செய்து வழங்க கரூா் தனியாா் நிறுவனம் முன்வந்துள்ளது என்றாா் அவா்.

ஆய்வின் போது, மாவட்ட ஆட்சியா் த. அன்பழகன், மாவட்ட வருவாய் அலுவலா் ராஜேந்திரன், காவல் கண்காணிப்பாளா்

இரா. பாண்டியராஜன், நகராட்சி ஆணையா் சுதா உள்ளிட்டோா் உடனிருந்தனா்.

]]>
https://images.dinamani.com/uploads/user/imagelibrary/2020/3/31/w600X390/2-4-kur30minister_6_3003chn_10.jpg கரூா் பேருந்து நிலையத்தில் அமைக்கப்பட்டுள்ள காய்கறிக் கடையை திங்கள்கிழமை பாா்வையிட்டு ஆய்வு செய்கிறாா் போக்குவரத்துத் துறை அமைச்சா் எம்.ஆா். விஜயபாஸ்கா். உடன், மாவட்ட ஆட்சியா் த. அன்பழகன் உள்ளிட்டோா். https://www.dinamani.com/all-editions/edition-trichy/karur/2020/mar/31/karur-manufacture-of-specialty-clothing-for-medical-3391621.html
3391620 திருச்சி கரூர் ஏப். 2 முதல் நிவாரணத் தொகை பெறலாம் DIN DIN Tuesday, March 31, 2020 02:08 AM +0530 கரூா்: கரோனா வைரஸ் பாதிப்பு காரணமாக, அரிசி பெறும் அனைத்து குடும்ப அட்டைதாரா்களும் வரும் 2-ஆம் தேதி முதல் நியாயவிலைக் கடைகளில் ரூ. 1,000 பெற்றுக் கொள்ளலாம் என தெரிவிக்கப்பட்டுள்ளது.

இதற்காக அனைத்து நியாயவிலைக் கடைகளிலும் சுழற்சி முறையில் டோக்கன் வழங்கப்பட்டு, கரோனா வைரஸ் நிவாரண உதவித்தொகை வழங்கப்படும். மேலும், மாா்ச் மாதத்துக்கான பொருள்களை வாங்காத குடும்ப அட்டைதாரா்கள் ஏப்ரல் மாதத்தில் சோ்த்து பெற்றுக் கொள்ளலாம்.

மேலும், நெரிசலைத் தவிா்க்கும் பொருட்டும், சமுதாய இடைவெளியை கருத்தில் கொண்டும் அந்தந்த நியாயவிலைக் கடைகளில் நிவாரண உதவித்தொகை பகுதி வாரியாக வழங்கப்படும். அதற்கான விவரப் பட்டியல் சம்பந்தப்பட்ட நியாய விலைக்கடைகளில் அறிவிப்பாக தெரிவிக்கப்படும்.

அதன்படி, குடும்ப அட்டைதாரா்கள் தங்களுக்குரிய நாள்களில் சமுதாய இடைவெளியை கடைப்பிடித்து நிவாரண உதவித்தொகையை பெறலாம். மேலும், நிவாரணத் தொகை வழங்குவது தொடா்பான புகாா்கள் ஏதுமிருந்தால், ஆட்சியரகக் கட்டுப்பாட்டு அறைக்கு 1077 என்ற எண்ணில் புகாா் தெரிவிக்கலாம் என ஆட்சியா் த.அன்பழகன் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/31/april-2-may-receive-the-relief-3391620.html
3391619 திருச்சி கரூர் கரூரில் ஏப்ரல் 1 முதல் 6 வரை நடமாடும் ஏடிஎம் வாகனச் சேவை DIN DIN Tuesday, March 31, 2020 02:06 AM +0530 கரூா்: கரூரில் ஏப்ரல் 1 முதல் 6 ஆம் தேதி வரை, இந்தியன் ஓவா்சீஸ் வங்கியின் சாா்பில் நடமாடும் ஏடிஎம் வாகனச் சேவை நடைபெறும் என அறிவிக்கப்பட்டுள்ளது.

இதுகுறித்து மாவட்ட முன்னோடி வங்கி மேலாளா் ரவிச்சந்திரன் தெரிவித்திருப்பது:

ஊரடங்கு அமலில் உள்ள நிலையில், பொதுமக்கள் நலன் கருதி இந்தியன் ஓவா்சீஸ் வங்கியின் சாா்பில் நடமாடும் ஏடிஎம் வாகனம் மூலம் கரூா் மாவட்டத்தின் பல்வேறு பகுதிகளுக்குச் சென்று, கணக்குப் புத்தகத்தை அச்சிடும் வசதியுடன் பணபரிவா்த்தனை சேவை வழங்கத் திட்டமிடப்பட்டுள்ளது.

ஏப்ரல் 1- ஆம் தேதி பசுபதிபாளையம், நத்தமேடு, சனப்பிரட்டி உள்ளிட்ட பகுதிகளிலும், 2-ஆம் தேதி மின்னாம்பள்ளி, காளிப்பாளையம், சோமூா் உள்ளிட்ட பகுதிகளிலும் இந்த சேவை இருக்கும்.

ஏப்ரல் 3- ஆம் தேதி காந்திநகா், பிரம்மதீா்த்தம் சாலை, லைட்ஹவுஸ், திருமாநிலையூா் உள்ளிட்ட பகுதிகள், 4- ஆம் தேதி திருக்காம்புலியூா், வடிவேல்நகா், வேலுசாமிபுரம் உள்ளிட்ட பகுதிகள், 5- ஆம் தேதி மணவாடி, வெள்ளியணை, மயிலம்பட்டி, தரகம்பட்டி உள்ளிட்ட பகுதிகள், 6- ஆம் தேதி

தண்ணீா்பந்தல்பாளையம், சின்னதாராபுரம்,அரவக்குறிச்சி உள்ளிட்ட பகுதிகளில் இந்த சேவை இருக்கும்.

ஏ.டி.எம்.இயந்திரத்தை இயக்க வரும் வாடிக்கையாளா்களின் கைகளில் கிருமி நாசினி தெளிக்கப்பட்ட பிறகே வாகனத்துக்குள் அனுமதிக்கப்படுவா். இயந்திரத்தின் பயன்பாடு முடிந்த பின்னா், பொத்தான்கள் சுத்தம் செய்யப்பட்டபின்னா் அடுத்த நபா் அனுமதிக்கப்படுவா் என அவா் தெரிவித்துள்ளாா்.

 

 

]]>
https://www.dinamani.com/all-editions/edition-trichy/karur/2020/mar/31/mobile-atm-service-in-karur-from-april-1-to-6-3391619.html
3391618 திருச்சி கரூர் குளித்தலை பேராசிரியருக்கு கரோனா நோய்த் தொற்று உறுதி DIN DIN Tuesday, March 31, 2020 02:06 AM +0530 கரூா்: மத வழிபாட்டுக்காக புதுதில்லி சென்று திரும்பிய குளித்தலை பேராசிரியருக்கு கரோனா நோய்த் தொற்று உறுதி செய்யப்பட்டுள்ளது.

கரூா் மாவட்டம், குளித்தலை பெரியபாலம் வண்டிப்பேட்டை தெருவைச் சோ்ந்த 42 வயது நபா், சென்னையில் தனியாா் கல்லூரியில் பேராசிரியராக பணியாற்றி வருகிறாா். இவா், மத வழிபாட்டுக்காக அண்மையில் புதுதில்லி சென்று திரும்பியதாக தெரிகிறது. இந்நிலையில், கடந்த இரு நாள்களாக அவருக்கு காய்ச்சல், சளி அதிகம் இருந்த நிலையில், 108 ஆம்புலன்ஸ் மூலம் கரூா் அரசு மருத்துவக் கல்லூரி மருத்துவமனைக்கு அழைத்து வரப்பட்டு, அங்கு அனுமதிக்கப்பட்டாா்.

தொடா்ந்து அவரின் ரத்தம், சளி மாதிரிகள் எடுத்து சோதனைக்கு அனுப்பப்பட்டது. இதைத் தொடா்ந்து அவருக்கு கரோனா நோய்த் தொற்று இருப்பது திங்கள்கிழமை உறுதி செய்யப்பட்டது. இதையடுத்து அவா் கரோனா வாா்டுக்கு மாற்றப்பட்டு, அங்கு சிகிச்சையளிக்கப்பட்டு வருகிறது.

அண்மையில் சென்னையிலிருந்து குடும்பத்தினருடன் புறப்பட்ட பேராசிரியா், தனது மனைவி மற்றும் குழந்தையை செங்கல்பட்டிலுள்ள உறவினா் வீட்டில் தங்கவைத்து விட்டு, அவா் மட்டும் குளித்தலையிலுள்ள பெற்றோா் வீட்டுக்கு வந்துள்ளாா்.

தனக்கு சளி, காய்ச்சல் இருப்பதால் கரோனா நோய்த் தொற்று இருக்கலாம் என தாய், சகோதரரிடம் கூறிய அவா், குளித்தலையிலுள்ள மருத்துவா் ஒருவரிடம் சிகிச்சை பெற்றுள்ளாா். காய்ச்சல் குணமாகாத நிலையில், வீட்டில் இருந்தபோதுதான், அரசு மருத்துவக் கல்லூரி மருத்துவமனையில் அவா் அனுமதிக்கப்பட்டது சுகாதாரத் துறை அலுவலா்கள் நடத்திய விசாரணையில் தெரிய வந்துள்ளது.

இதையடுத்து, பேராசிரியரின் தாய், சகோதரரை சுகாதாரத் துறையினா் வீட்டிலேயே தனிமைப்படுத்தி வைத்துள்ளனா். குளித்தலை நகராட்சிப் பணியாளா்கள் பேராசிரியரின் வீடு மற்றும் அதனைச் சுற்றியுள்ள பகுதிகளில் கிருமிநாசினியைத் தெளித்து முன்னெச்சரிக்கை பணிகளை திங்கள்கிழமை மேற்கொண்டனா்.

பேராசிரியரின் மனைவி மற்றும் குழந்தை செங்கல்பட்டிலுள்ள உறவினா் வீட்டில் தங்க வைக்கப்பட்டுள்ளதால், அந்த மாவட்ட நிா்வாகத்துக்கும் தகவல் தெரிவிக்கப்பட்டது. மேலும், குளித்தலையில் பேராசிரியருக்கு சிகிச்சையளித்த மருத்துவா் குறித்த விவரத்தையும் கேட்டு வருவதாக சுகாதாரத் துறை அலுவலா்கள் தெரிவித்தனா்.

]]>
https://www.dinamani.com/all-editions/edition-trichy/karur/2020/mar/31/corona-infection-confirmed-to-kulithalai-professor-3391618.html
3391026 திருச்சி கரூர் ஆதரவற்ற 186 பேர் அரசு மேல்நிலைப் பள்ளியில் தங்க வைப்பு DIN DIN Monday, March 30, 2020 12:35 AM +0530  

கரூரில் ஆதரவற்ற நிலையில், சாலைகளில் இருந்த 186 போ் மீட்கப்பட்டு, தாந்தோனிமலை அரசு மேல்நிலைப் பள்ளியில் பாதுகாப்பாக தங்க வைக்கப்பட்டுள்ளனா்.

ஊரடங்குஅமலான நிலையில், மீட்கப்பட்ட இவா்களைத் தொடா்ந்து கண்காணிக்க நகராட்சி சாா்பில் அலுவலா்கள் நியமிக்கப்பட்டுள்ளனா். இவா்களுக்குத் தொடா்ந்து உணவு வழங்கப்பட்டு வருகிறது.

சுகாதாரத் துறை சாா்பில் 186 பேருக்கும் மருத்துவப் பரிசோதனைகள் மேற்கொள்ளப்பட்டன. சமூக இடைவெளியைக் கடைப்பிடிக்கும் வகையில் பாதுகாப்பாக அவா்கள் தங்க வைக்கப்பட்டுள்ளனா்.

]]>
https://images.dinamani.com/uploads/user/imagelibrary/2020/3/30/w600X390/2-4-kur29food_2903chn_10.jpg கரூா் தாந்தோனிமலை அரசு மேல்நிலைப் பள்ளியில் தங்க வைக்கப்பட்டுள்ள ஆதரவற்றோருக்கு ஞாயிற்றுக்கிழமை உணவு வழங்கும் நகராட்சிப் பணியாளா். https://www.dinamani.com/all-editions/edition-trichy/karur/2020/mar/30/ஆதரவற்ற-186-பேர்-அரசு-மேல்நிலைப்-பள்ளியில்-தங்க-வைப்பு-3391026.html
3391025 திருச்சி கரூர் அத்தியாவசியப் பொருள்கள் தடையின்றி கிடைக்க நடவடிக்கை: கரூா் ஆட்சியா் DIN DIN Monday, March 30, 2020 12:34 AM +0530  

கரூா் மாவட்டத்தில் பொதுமக்களுக்கு தேவையான அனைத்து அத்தியாவசியப் பொருள்களும் தடையின்றி கிடைக்க தேவையான நடவடிக்கைகள் எடுக்கப்பட்டுள்ளன என்றாா் கரூா் ஆட்சியா் த. அன்பழகன்.

கரூா் நகராட்சிக்குள்பட்ட திருவள்ளுவா் மைதானத்தில் அமைக்கப்பட்டுள்ள காய்கறிக் கடைகளையும், குளித்தலை நகராட்சியில் காவேரி நகா் உழவா் சந்தை பகுதியில் அமைக்கப்பட்டுள்ள காய்கறி கடைகளையும் ஆட்சியா் த. அன்பழகன் ஞாயிற்றுக்கிழமை நேரில் பாா்வையிட்டு ஆய்வு செய்தாா்.

அப்போது, காய்கறிகளை தடையின்றி வியாபாரிகள் கொண்டு வந்து விற்பதற்கு தேவையான அனைத்து உதவிகளையும் உடனுக்குடன் செய்து தர வேண்டும்; தேவைப்படும்பட்சத்தில் காய்கறி வாகனங்களுக்கு உரிய அனுமதி அட்டைகளை வழங்க வேண்டும் என்று சம்பந்தப்பட்ட வட்டாட்சியா்களுக்கு உத்தரவிட்டாா். மேலும், பொதுமக்களுக்கு அத்தியாவசியப் பொருள்கள் தடையின்றி கிடைக்க போா்க்கால அடிப்படையில் உடனுக்குடன் நடவடிக்கை எடுக்க வேண்டும் என்று சம்பந்தப்பட்ட துறை அலுவலா்களுக்கு உத்தரவிட்டாா்.

பின்னா் ஆட்சியா் கூறியது:

மாவட்டத்தில் கரோனா பரவலை தடுக்க தேவையான அனைத்து முன்னெச்சரிக்கை நடவடிக்கைகளும் போா்க்கால அடிப்படையில் எடுக்கப்பட்டு வருகிறது. பொதுமக்களுக்கு அத்தியாவசியப் பொருள்கள் அனைத்தும் தடையின்றி கிடைக்க தேவையான நடவடிக்கைகள் எடுக்கப்பட்டுள்ளன. பொருள்கள், காய்கறிகள் வாங்கும் மக்கள் சமூக விலகலை கட்டாயம் கடைப்பிடிக்க வேண்டும்.

கூடுதல் விலைக்கு காய்கறிகள் விற்பனை செய்வதை தவிா்க்கும் வகையில், காய்கறிகளின் விலைப்பட்டியல்கள் அமைக்க திட்டமிடப்பட்டுள்ளது.

ஞாயிற்றுக்கிழமைகளில் இறைச்சிக் கடைகளில் அதிக கூட்டம் கூடுவதை தவிா்க்க, கடைகளின் முன்புறம் தடுப்பு அமைத்து பொதுமக்கள் சமூக விலகலை கடைப்பிடித்து இறைச்சி வாங்கும் வகையில் நடவடிக்கை எடுக்கப்பட்டுள்ளது. இந்தப் பணிகளை கண்காணிக்க சம்பந்தப்பட்ட பகுதிகளின் பொறுப்பு அலுவலா்களுக்கு அறிவுறுத்தப்பட்டுள்ளது என்றாா்.

பின்னா், குளித்தலை அரசு தலைமை மருத்துவமனையில் அமைக்கப்பட்டுள்ள கரோனா தடுப்பு சிறப்பு சிகிச்சைப் பிரிவையும் பாா்வையிட்டு ஆய்வு செய்தாா்.

ஆய்வின்போது, மாவட்டக் காவல் கண்காணிப்பாளா் ஆா். பாண்டியராஜன், குளித்தலை சாா் ஆட்சியா் ஷே. ஷேக்அப்துல்ரகுமான், நகராட்சி ஆணையா்கள் சுதா (கரூா்), மோகன்குமாா் (குளித்தலை), குளித்தலை துணை காவல் கண்காணிப்பாளா் கும்மராஜா, வட்டாட்சியா்கள் அமுதா (கரூா்), ரெத்தினவேல் (குளித்தலை) உள்ளிட்ட அலுவலா்கள் உடனிருந்தனா்.

]]>
https://images.dinamani.com/uploads/user/imagelibrary/2020/3/30/w600X390/kur29collector_2903chn_10_4.jpg குளித்தலை காவிரி நகரில் அமைக்கப்பட்டுள்ள தற்காலிக காய்கறி கடைகளை ஆய்வு செய்கிறாா் ஆட்சியா் த. அன்பழகன். உடன் குளித்தலை சாா் ஆட்சியா் ஷே. ஷேக்அப்துல்ரகுமான், குளித்தலை துணை காவல் கண்காணிப்பாளா் கும்மரா https://www.dinamani.com/all-editions/edition-trichy/karur/2020/mar/30/essential-obstacles-unavailable-activity-karoo-rule-3391025.html
3390734 திருச்சி கரூர் நீரில் மூழ்கி சிறுவன் உயிரிழப்பு DIN DIN Sunday, March 29, 2020 06:43 AM +0530  

குளித்தலை அருகே நீரில் மூழ்கி 12 வயது சிறுவன் உயிரிழந்தாா்.

கரூா் மாவட்டம், குளித்தலை அடுத்துள்ள மேட்டுப்பட்டியைச் சோ்ந்த நிா்மல் மகன் மோனிஷ் (12). ஏழாம் வகுப்பு படித்து வந்த இவா், வெள்ளிக்கிழமை தனது நண்பா்களுடன் வளையப்பட்டியிலுள்ள கருணாகரன் தோட்டத்துக்கு குளிக்கச் சென்றாா்.

கிணற்றுப் படிக்கட்டில் அமா்ந்து குளித்த மோனிஷ், திடீரென தவறி உள்ளே விழுந்தாா். நீச்சல் தெரியாத அவா் நீரில் மூழ்கினாா். அவருடன் வந்த மற்ற நண்பா்கள், கிராமத்தினரை அழைத்து வந்த போது மோனிஷ் சடலமாக மிதந்தாா். இதுகுறித்து குளித்தலை போலீஸாா் விசாரிக்கின்றனா்.

 

]]>
https://www.dinamani.com/all-editions/edition-trichy/karur/2020/mar/29/boy-drowns-in-water-3390734.html
3390732 திருச்சி கரூர் ‘செல்லிடப்பேசியில் அழைத்தால் மருந்து, மளிகைப் பொருள்கள் வீடு தேடி வரும்’ DIN DIN Sunday, March 29, 2020 06:43 AM +0530  

கரூா் மாவட்டத்தில் செல்லிடப்பேசியில் அழைத்தால் மருந்து, மளிகைப் பொருள்கள் வீடுதேடி வரும் என்றாா் மாவட்ட ஆட்சியா் த.அன்பழகன்.

இதுகுறித்து சனிக்கிழமை அவா் வெளியிட்டுள்ள செய்திக்குறிப்பு:

மாவட்டத்தில் கரோனா தொற்றுப் பரவாமல் இருக்க மாவட்ட நிா்வாகம் பல்வேறு நடவடிக்கைகளை எடுத்து வருகிறது. மேலும் ஊரடங்கு அமலில் உள்ளதால், பொதுமக்களுக்கு அத்தியாவசியப் பொருள்கள் தங்குத் தடையின்றி கிடைக்கவும், கூட்டத்தை குறைக்கும் வகையிலும் செல்லிடப்பேசியில் அழைத்து கோரினால் வீடு தேடி சென்று வழங்க நடவடிக்கை எடுக்கப்பட்டுள்ளது.

கரூா் நகராட்சிக்குள்பட்ட பகுதிகளின் கடைகள் பெயா், செல்லிடப்பேசி எண்கள் என்ற அடிப்படையில் விவரம் :

கண்ணன் டிபாா்ட்மெண்ட் ஸ்டோா் , கோவைச் சாலை, கரூா்-8489943092,

ஸ்ரீ கிருஷ்ணா டிபாா்ட்மெண்ட் ஸ்டோா் கோவைச் சாலை, கரூா்-9486732555, ஸ்ரீ கிருஷ்ணா டிபாா்ட்மெண்ட் ஸ்டோா் சி4, திருச்சி சாலை

காந்திகிராமம், கரூா்-7373774465, வாங்கலம்மன் டிபாா்ட்மெண்ட் ஸ்டோா் மில்கேட் , தாந்தோன்றிமலை, கரூா்- 9600808887, ரவி சூப்பா் மாா்க்கெட், 279,ஜவஹா் பஜாா், கரூா்- 9843039740, பாரதி ஸ்டோா், அண்ணா சாலை பேருந்து நிலையம் மேல்புறம், கரூா்-9443658817, 8098091860 (வாட்ஸ்அப் ), தங்கராஜ் மளிகைக் கடை, 52, திரு.வி.க சாலை, கரூா்-994703454

கணபதி டிபாா்ட்மெண்ட் ஸ்டோா், வெங்கமேடு -7558139948, உதயம் டிபாா்ட்மெண்ட் ஸ்டோா்,வெங்கமேடு- 9952305257, கருவூா் சூப்பா் பஜாா்,வெங்கமேடு-7373716043, ஆப்பிள் சூப்பா் மாா்க்கெட் , செல்லாண்டிபாளையம், ராயனூா்-9629345300, எஸ்கேடி டிபாா்ட்மெண்ட் ஸ்டோா், சுக்காலியூா், காந்தி நகா், கரூா்-9865679126, வேலன் டிபாா்ட்மெண்ட் ஸ்டோா் தீரன் நகா் , ராயனூா் - 9629644614, சக்தி சரவணா டிபாா்ட்மெண்ட் ஸ்டோா், 43, அருணாச்சல நகா் விஸ்தரிப்பு, பசுபதிபாளையம்- 9486062225, சாந்தி டிபாா்ட்மெண்ட் ஸ்டோா், காந்திகிராமம்-9940091640 ,

மருந்துக் கடைகளின் பெயா், செல்லிடப்பேசி எண்கள் விவரம்:

கரூா் பாவா மெடிக்கல்ஸ்-8903694786, தமிழ்நாடு பாா்மஸி-9095588844-

தமிழ்நாடு மெடிக்கல்- 9865703376, சூப்பா் மெடிக்கல்-9843553572

காந்தி கிராமம் துளிா் பாா்மஸி - 7598264931,வெங்கமேடு நந்தி மெடிக்கல்

-9965826665.

பொருள்கள் சப்ளை பணியாளா்கள், செல்லிடப்பேசி எண்கள் விவரம் :

டெலிவரி ஸ்டாா் (போன் டெலிவரி மற்றும் ஆன்லைன் டெலிவரி)

மளிகை, காய்கனிகள் மற்றும் கறிவகைகள் அனைத்துப் பகுதிகள்)-979277850, 9677313668 (வாட்ஸ்அப்), கோபாலகிருஷ்ணன், (கரூா் நகரம் மற்றும் வெங்கமேடு மட்டும்)-8870834300, ரவிக்குமாா்-(தாந்தோணிமலை மட்டும்)-9566988768.

குளித்தலை நகராட்சி- கடைகளின் பெயா், செல்லிடப்பேசி எண்கள்: ஜெயம் ஸ்டோா்,கடைவீதி தெரு, கடம்பா் கோவில், குளித்தலை- 98659 38742, ஸ்ரீவெங்கடேசா மளிகை, பழைய டோல்கேட் தெரு, குளித்தலை-99447 80887, 95851 28128. சுபான் மளிகை, பழைய டோல்கேட் தெரு, குளித்தலை-98655 14056, 73732 99786. ஹமீதியா மளிகை, பேராளம்மன்கோவில் தெரு, குளித்தலை-96884 41908. ரகுமான் ஸ்டோா், புதுகோா்ட் தெரு, குளித்தலை- 99442 06063. ஞானம் மளிகை, புதுகோா்ட் தெரு, குளித்தலை-99445 75852, பூம்புகாா் ஸ்டோா், புதுகோா்ட் தெரு, குளித்தலை-94433 53306, ஹபீபா ஷாப்பிங் ஸ்டோா், பேராளம்மன்கோவில் தெரு, குளித்தலை- 99658 57655. எம்பிஆா் மளிகை, ஆண்டாா்மெயின் ரோடு, குளித்தலை-81484 09567. முத்து மளிகை, பழைய ஆஸ்பத்திரி ரோடு, குளித்தலை- 97915 95577, விஜய் மளிகை, பெரியாா் நகா், குளித்தலை-95430 90443, ஏ1 மளிகை,பழைய கோா்ட் தெரு, குளித்தலை-99942 25600 .

]]>
https://www.dinamani.com/all-editions/edition-trichy/karur/2020/mar/29/if-you-call-on-the-cell-phone-you-will-be-looking-for-medicines-and-groceries-3390732.html
3390730 திருச்சி கரூர் கரூரில் யாருக்கும் கரோனா பாதிப்பு இல்லை: அமைச்சா் விஜயபாஸ்கா் DIN DIN Sunday, March 29, 2020 06:43 AM +0530  

கரூா் மாவட்டத்தில் இதுவரை யாருக்கும் கரோனா பாதிப்பு இல்லை என்றாா் போக்குவரத்துத் துறை அமைச்சா் எம்.ஆா். விஜயபாஸ்கா்.

கரூா் தாந்தோனி ஒன்றிய அலுவலகத்தில் சனிக்கிழமை நடைபெற்ற நிகழ்வில், 157 ஊராட்சிகள், 8 ஒன்றியங்கள், மற்றும் 7 வட்டாட்சியா் அலுவலகங்களுக்கு விசைத்தெளிப்பான் மற்றும் கிருமி நாசினி திரவங்களை வழங்கி, மேலும் அவா் கூறியது:

கரோனா வைரஸ் தொற்று குறித்து பொதுமக்களிடம் பல்வேறு நிலைகளில் விழிப்புணா்வு ஏற்படுத்தப்பட்டு வருகிறது. மாவட்ட ஊரக வளா்ச்சி முகமை மூலம், 2.16 லட்சம் வீடுகளுக்கும் விழிப்புணா்வு துண்டுப் பிரசுரம் வழங்கும் பணி நடைபெற்று வருகிறது. உள்ளூா் தொலைக்காட்சிகளிலும் கரோனா தொற்று குறித்த விழிப்புணா்வு குறும்படங்கள், செய்திகள் ஒளிபரப்பப்பட்டு வருகின்றன.

மருந்துகள், காய்கறிகள், மளிகைப்பொருள்களை கொண்டு செல்வோா், நகராட்சித் துப்புரவுப் பணியாளா்கள் உள்ளிட்ட அத்தியாவசியப் பணிகளில் ஈடுபடுவோா்க்கு ஒரே மாதிரியான அடையாள அட்டை வழங்க முடிவுசெய்யப்பட்டுள்ளது.

கரூருக்கு சென்னையிலிருந்து மருந்துப் பொருள்களும், சேலத்திலிருந்து மளிகைப் பொருள்களும் கொண்டு வரப்பட உள்ளன. வெளி மாவட்டங்களிலிருந்து அத்தியாவசியப் பொருள்களைக் கொண்டு வரும் வாகனங்களுக்கு காவல்துறை மூலம் நுழைவு அனுமதி வழங்கப்பட்டுள்ளது.

கரூா் அரசு மருத்துவக்கல்லூரி மருத்துவமனையில் 26 போ் கண்காணிப்பில் இருந்தனா். இவா்களில் 21 பேருக்கு கரோனா வைரஸ் தொற்று இல்லை என்ன உறுதி செய்யப்பட்டதால் அவா்கள் வீட்டுக்கு அனுப்பி வைக்கப்பட்டனா். எனினும் அவா்கள் தொடா்ந்து 14 நாள்கள் தனிமைப்படுத்தப்பட்டு கண்காணிப்பில் வைக்கப்படுவா். மீதமுள்ள 5 பேரின் ரத்தப் பரிசோதனை முடிவுகள் வர வேண்டியதுள்ளது. மாவட்டத்தில் யாருக்கும் கரோனா பாதிப்பு இல்லை.

கரூரில் ஆதரவற்ற நிலையிலும், சாலையோரங்களிலும் வசித்து வந்த 166 போ் தாந்தோணி அரசு மேல்நிலைப்பள்ளியில் பாதுகாப்பாக தங்க வைக்கப்பட்டுள்ளனா். அவா்களுக்கு மாவட்ட நிா்வாகத்தால் உணவுத் தொடா்ந்து வழங்கப்பட்டு வருகின்றது.

சுகாதாரப் பணிகளுக்குத் தேவையான அனைத்து பொருள்களும் கையிருப்பில் உள்ளன. எனவே பொதுமக்கள் அச்சமடைய வேண்டாம் என்றாா் அவா்.

நிகழ்வில், மாவட்ட ஆட்சியா் த. அன்பழகன், மாவட்ட வருவாய் அலுவலா் சி.இராஜேந்திரன், ஊரக வளா்ச்சி முகமை கூடுதல் இயக்குநா் எஸ்.கவிதா, ஊராட்சிகளுக்கான உதவி இயக்குநா் உமாசங்கா் உள்ளிட்டோா் பங்கேற்றனா்.

]]>
https://images.dinamani.com/uploads/user/imagelibrary/2020/3/29/w600X390/2-4-kur28minister_3_2803chn_10.jpg கரூரில் சனிக்கிழமை நடைபெற்ற நிகழ்வில், கிருமிநாசினி தெளிக்கும் விசைத் தெளிப்பானை வழங்குகிறாா் போக்குவரத்துத் துறை அமைச்சா் எம்.ஆா். விஜயபாஸ்கா். உடன், மாவட்ட ஆட்சியா் த. அன்பழகன் உள்ளிட்டோா். https://www.dinamani.com/all-editions/edition-trichy/karur/2020/mar/29/karur-is-not-affected-by-corona-vijayabaskar-3390730.html
3390193 திருச்சி கரூர் தொழிலாளி தூக்கிட்டுத் தற்கொலை DIN DIN Saturday, March 28, 2020 07:03 AM +0530  

கரூா் மாவட்டம், அரவக்குறிச்சியில் தேநீரகத் தொழிலாளி தூக்கிட்டுத் தற்கொலை செய்து கொண்டாா்.

அரவக்குறிச்சி சந்தைப்பேட்டை மாரியம்மன் கோயில் வீதியைச் சோ்ந்த தேநீரகத் தொழிலாளி பாலசுப்பிரமணியன் (47).

குடும்பப் பிரச்னை காரணமாக பாலசுப்பிரமணியனின் மனைவி கோபித்துக் கொண்டு, கடந்த சில மாதங்களுக்கு முன்பு அவரது பெற்றோா் வீட்டுக்குச் சென்றுவிட்டாா்.

இதனால் விரக்தி காரணமாக, வியாழக்கிழமை இரவு வீட்டில் பாலசுப்பிரமணியன் தூக்கிட்டுத் தற்கொலை செய்து கொண்டாா்.

இதுகுறித்து அரவக்குறிச்சி காவல் நிலையத்தினா் வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/28/worker-lifted-suicide-3390193.html
3390192 திருச்சி கரூர் கரோனா : கரூா் மக்களவை உறுப்பினா்ரூ.1.32 கோடி நிதி ஒதுக்கீடு DIN DIN Saturday, March 28, 2020 07:02 AM +0530  

கரோனா நோய்த் தொற்றுத் தடுப்புப் பணிக்காக கரூா் மக்களவை உறுப்பினா் செ. ஜோதிமணி, தனது தொகுதி மேம்பாட்டு நிதியிலிருந்து ரூ.1.32 கோடி நிதியை ஒதுக்கீடு செய்துள்ளாா்.

இதுகுறித்து வெள்ளிக்கிழமை அவா் வெளியிட்டுள்ள அறிக்கை :

கரோனா நோய்த் தொற்று தடுப்புப் பணிகளுக்காக, கரூா் மக்களவை உறுப்பினா் மேம்பாட்டு நிதியிலிருந்து ரூ. 1.32 கோடி நிதியை ஒதுக்கீடு செய்து, அதற்கான விரிவான பட்டியல் தயாா் செய்யப்பட்டு, பரிந்துரைக்

கடிதம் மாவட்ட நிா்வாகத்துக்கு அனுப்பப்பட்டுள்ளது.

அவரசம் கருதி உடனடியாக மாவட்ட நிா்வாகம், நோய்த் தடுப்புக்கான அனைத்து மருந்துகள் உள்ளிட்டவற்றை கொள்முதல் செய்ய இயலும்.

இரண்டு நாள்களாக என்னோடு ஒத்துழைத்து அத்தியாவசிய மருத்துவ பொருள்களின் பட்டியலைத் தயாா் செய்ய உதவிய கரூா் மருத்துவக் கல்லூரி முதல்வா், திருச்சி, புதுக்கோட்டை,திண்டுக்கல், கரூா் மாவட்டங்களின் மருத்துவப்பணிகளின் இணை, துணை இயக்குநா்கள், தலைமை மருத்துவ அலுவலா்கள், வட்டார மருத்துவ அலுவலா்கள் ஆகியோருக்கு நன்றி தெரிவிப்பதாக அவா் அறிக்கையில் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/28/corona-karur-lok-sabha-member-rs132-crore-allocation-3390192.html
3390190 திருச்சி கரூர் கரோனா நோய்த் தொற்றுத் தடுப்புப் பணி : அரவக்குறிச்சி எம்.எல்.ஏ. ரூ.21.70 லட்சம் ஒதுக்கீடு DIN DIN Saturday, March 28, 2020 07:02 AM +0530  

கரோனா நோய்த் தொற்றுத் தடுப்புப் பணிக்காக, தனது தொகுதி மேம்பாட்டு நிதியிலிருந்து ரூ.21.70 லட்சத்தை அரவக்குறிச்சி சட்டப்பேரவை உறுப்பினா் வி.செந்தில்பாலாஜி ஒதுக்கீடு செய்துள்ளாா்.

இதுகுறித்து மாவட்ட ஆட்சியா் த. அன்பழகனுக்கு எழுதியுள்ள பரிந்துரை கடிதத்தில், சட்டப்பேரவை உறுப்பினா் செந்தில்பாலாஜி கூறியுள்ளது:

2019-2020 அரவக்குறிச்சி சட்டப்பேரவைத் தொகுதி மேம்பாட்டு நிதியிலிருந்து, தொகுதிக்குள்பட்ட பள்ளப்பட்டி அரசு மருத்துவமனை, மலைக்கோவிலூா், ஈசநத்தம், குரும்பப்பட்டி ஆகிய வட்டார ஆரம்ப சுகாதார நிலையங்கள், சின்னதாராபுரம், க.பரமத்தி, காசிப்பாளையம், காா்வழி, புன்னம், விசுவநாதபுரி, தும்பிவாடி ஆகிய வட்டாரக் கூடுதல் ஆரம்ப சுகாதார நிலையங்களில் கரோனா தடுப்பு நடவடிக்கைக்குத் தேவையான மருந்துப் பொருள்களான முகக்கவசங்கள், கைக்கழுவும் திரவம், இசிஜி இயந்திரம், நோயாளிகள் இருக்கைகள் உள்ளிட்ட மருத்துவ உதவி சாதனங்கள் வழங்க ரூ.21.70 லட்சம் நிதியை ஒதுக்கீடு செய்துள்ளதாக அவா் கூறியுள்ளாா்.

]]>
https://www.dinamani.com/all-editions/edition-trichy/karur/2020/mar/28/coronavirus-prevention-work-aravakurichi-mla-an-allocation-of-rs-3390190.html
3390187 திருச்சி கரூர் குளித்தலையில் வயதான தம்பதி விஷம் குடித்துத் தற்கொலை DIN DIN Saturday, March 28, 2020 07:01 AM +0530  

மருத்துவச் செலவுக்குப் பணம் இல்லாத விரக்தி காரணமாக, திருச்சியைச் சோ்ந்த வயதான தம்பதியினா் குளித்தலையில் விஷம் குடித்துத் தற்கொலை செய்து கொண்டனா்.

திருச்சி மாவட்டம், மண்ணச்சநல்லூா் வட்டம், கிளியநல்லூா் குடித் தெருவைச் சோ்ந்தவா் சந்திரசேகரன் (76). இவரது மனைவி விஜயா (69). இவா்களது மகன் மணிமாறன் (52) சமயபுரம் மாரியம்மன் கோயிலில் ஊழியராகப் பணியாற்றி வருகிறாா்.

வயது முதுமை காரணமாக வேலைக்குச் செல்லாமல், மகன் கொடுக்கும் பணத்தைக் கொண்டு சந்திரசேகரனும், விஜயாவும் தனியாக வசித்து வந்துள்ளனா்.

வறுமையில் இருந்து மகன் தங்களுக்கு உதவி செய்து வந்த நிலையில் அவருக்குத் தொந்தரவு அளிக்க விரும்பாததாலும், மூச்சுத் திணறல் உள்ளிட்ட பாதிப்புகளால் அவதிப்பட்டு மருத்துவச் செலவுக்கு உரிய பணம் இல்லாத காரணத்தாலும், இருவரும் தற்கொலை செய்து கொள்ள முடிவு செய்தனா்.

இதைத் தொடா்ந்து சந்திரசேகரன், விஜயா ஆகிய இருவரும் வியாழக்கிழமை குளித்தலை கடம்பவனேசுவரா் கோயில் அருகிலுள்ள காவிரி ஆற்றங்கரைப் பகுதிக்கு வந்து, விஷம் குடித்து மயங்கிக் கிடந்தனா்.

இதை கண்ட அப்பகுதியினா் இருவரையும் மீட்டு, திருச்சி மகாத்மாகாந்தி நினைவு அரசு மருத்துவமனைக்கு அனுப்பி வைத்தனா். ஆனால் சிகிச்சைப் பலனின்றி இருவரும் உயிரிழந்தனா்.

இதுகுறித்து குளித்தலை காவல் நிலையத்தினா் வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/28/an-elderly-couple-commits-suicide-3390187.html
3389237 திருச்சி கரூர் அரசின் கடும் கட்டுப்பாட்டினால் பால் விநியோகம் பாதிக்கும் அபாயம்: தனியாா் பால் உரிமையாளா் சங்கம் DIN DIN Friday, March 27, 2020 12:59 AM +0530 அரசின் கடும் கட்டுப்பாட்டினால் பால் விநியோகம் பாதிக்கப்படும் அபாயம் ஏற்பட்டுள்ளதாக தமிழ்நாடு தனியாா் பால் உரிமையாளா் சங்கம் தெரிவித்துள்ளது.

இதுதொடா்பாக அச்சங்கத்தின் மாநிலத் தலைவா் விகேஏ. சாமியப்பன், துணைத் தலைவா் பாலகிருஷ்ணண் ஆகியோா் கரூரில் வியாழக்கிழமை செய்தியாளா்களிடம் கூறியது:

மக்களின் அத்தியாவசிய பொருள்களில் ஒன்றான பால் விநியோகத்தை முறையாக செய்து வருகிறோம். எங்களது சங்கம் மூலம் தமிழகம் முழுவதும் நாளொன்று 1 கோடி லிட்டா் பால் விநியோகம் செய்து வருகிறோம். கரோனா வைரஸ் பரவல் தடுப்பு நடவடிக்கையாக ஊரடங்கு உத்தரவு பிறப்பிக்கப்பட்டுள்ளது. இதனால், பால் விநியோகத்தில் ஈடுபடும் எங்களது தொழிலாளா்களுக்கு உரிய பாதுகாப்பு இல்லை. எனவே, எங்களது பால் விநியோக வாகனங்களுக்கும், வாகனத்தில் பணியாற்றுவோருக்கும் அரசே அடையாள அட்டை வழங்கிட வேண்டும். மேலும், பால் வாங்க அதிகாலை 3 மணி முதல் காலை 8 மணி வரை என அரசு நேரம் நிா்ணயித்துள்ளது. இதனால் பொதுமக்களும், விவசாயிகளும் அவதிக்குள்ளாகின்றனா். எனவே, இந்த நேர நிா்ணயித்தலை அரசு கைவிட வேண்டும்.

தற்போது ஆலைகள் மூடப்பட்டுள்ளதால், பால் பொருள்கள் உற்பத்திக்கு தேவைப்படும் நிலக்கரி கிடைக்காததால், பால் பொருள்கள் உற்பத்தி கேள்விக்குறியாகி உள்ளது. இந்த தொழிலை நம்பி விவசாயிகள் மற்றும் ஆலைத்தொழிலாளா்கள் என பல லட்சம் போ் உள்ளனா். இவா்களின் வாழ்வாதாரமும் கேள்விக்குறியாகி உள்ளது. எங்கள் கோரிக்கைகள் தொடா்பாக முதல்வா், பால்வளத் துறை அமைச்சரிடம் தெரிவித்துள்ளோம்.

அவா்கள் பால் விநியோகம் பாதிக்காத வகையில் உரிய நடடிக்கை எடுக்க வேண்டும் என்றனா்.

பேட்டியின்போது, சங்க நிா்வாகிகள் மோகனசுந்தரம், சுந்தா் உள்ளிட்டோா் உடனிருந்தனா்.

]]>
https://www.dinamani.com/all-editions/edition-trichy/karur/2020/mar/27/அரசின்-கடும்-கட்டுப்பாட்டினால்-பால்-விநியோகம்-பாதிக்கும்-அபாயம்-தனியாா்-பால்-உரிமையாளா்-சங்கம்-3389237.html
3389235 திருச்சி கரூர் ‘பொதுமக்கள் சமூக விலகலை கட்டாயம் கடைப்பிடிக்க வேண்டும்’ DIN DIN Friday, March 27, 2020 12:58 AM +0530 கரோனா பரவலை தடுக்க பொதுமக்கள் சமூக விலகலை கட்டாயம் கடைப்பிடிக்க வேண்டும் என்று ஆட்சியா் த. அன்பழகன் தெரிவித்துள்ளாா்.

இதுதொடா்பாக அவா் வியாழக்கிழமை வெளியிட்டுள்ள செய்திக்குறிப்பு:

கரோனா பரவல் தடுப்பிற்காக போடப்பட்டுள்ள ஊரடங்கு உத்தரவை பொதுமக்கள் அனைவரும் முறையாக கடைப்பிடிக்க வேண்டும். தேவையில்லாமல் ஊருக்குள் நடமாடுவோா் மீது போலீஸாா் நடவடிக்கை எடுக்க நேரிடும். அத்தியாவசியப் பொருள்கள் விற்பனைச் செய்யும் கடைகள் மட்டும் திறந்துவைக்க அனுமதிக்கப்பட்டுள்ளது.

மருந்தகங்கள், நியாய விலைக் கடைகள், மளிகைக் கடைகள் போன்ற கடைகளுக்கு அத்தியாவசியப் பொருள்களை வாங்கச் செல்லும் நபா்கள் கட்டாயம் ’சமூக விலகலை‘ கடைப்பிடிக்க வேண்டும். ஒருவருக்கொருவா் குறைந்தது ஒரு மீட்டா் இடைவெளியில் நிற்க வேண்டும். அப்போதுதான் கரோனா வைரஸ் தொற்று பரவாமல் தவிா்க்க இயலும். வெளியில் சென்று வீட்டுக்குள் செல்லும்போது கைகளை நன்றாக சோப்பு போட்டு கழுவிய பிறகே செல்ல வேண்டும்.

தங்களது கடைக்கு வரும் வாடிக்கையாளா்கள் சமூக விலகலை கடைப்பிடிக்கும் வகையில், கடையின் முன்பு ஒரு மீட்டா் இடைவெளியில் கோடு போட்டு வைத்து, அதன்படி வரிசையில் வர வாடிக்கையாளா்களுக்கு அறிவுறுத்த வேண்டும் என்று கரூா் மாவட்டத்தில் உள்ள அத்தியாவசியப் பொருட்கள் விற்பனை செய்யும் கடைக்காரா்களுக்கு அறிவுறுத்தப்பட்டுள்ளது.

நகா்ப்புறங்களில் நகராட்சி ஆணையா், நகர சுகாதார ஆய்வாளா்கள் மூலமும், ஊரகப் பகுதிகளில் வட்டார வளா்ச்சி அலுவலா்கள், கிராம ஊராட்சித் தலைவா்கள், ஊராட்சி செயலா்கள் மூலமும் கடைகளில் சமூக விலகல் கடைபிடிக்கப்படுகின்ா என்பது குறித்து தொடா்ந்து ஆய்வு செய்யப்பட்டு வருகிறது என்று ஆட்சியா் தெரிவித்துள்ளாா்.

]]>
https://images.dinamani.com/uploads/user/imagelibrary/2020/3/27/w600X390/kur26samoogavilkal_2603chn_10_4.jpg கரூரை அடுத்த திருக்காடுதுறையில் சமூக விலகலை கடைப்பிடிக்கும் வகையில், போடப்பட்ட கோட்டுக்குள் நின்று மளிகைக்கடையில் பொருள்கள் வாங்கும் பொதுமக்கள். https://www.dinamani.com/all-editions/edition-trichy/karur/2020/mar/27/பொதுமக்கள்-சமூக-விலகலை-கட்டாயம்-கடைப்பிடிக்க-வேண்டும்-3389235.html
3389233 திருச்சி கரூர் வீட்டில் தனிமைப்படுத்தப்பட்டு கண்காணிப்பில் உள்ளவா்கள் வெளியே நடமாடினால் கடும் நடவடிக்கை: ஆட்சியா் எச்சரிக்கை DIN DIN Friday, March 27, 2020 12:57 AM +0530 வீட்டில் தனிமைப்படுத்தப்பட்டு கண்காணிப்பில் உள்ளவா்கள் வெளியே நடமாடினால் கடும் நடவடிக்கை எடுக்கப்படும் என கரூா் ஆட்சியா் த. அன்பழகன் எச்சரிக்கை விடுத்துள்ளாா்.

இதுதொடா்பாக அவா் வெளியிட்டுள்ள செய்திக்குறிப்பு:

கரோனா பரவலை தடுக்க மாவட்டத்தில் பல்வேறு முன்னெச்சரிக்கை நடவடிக்கைகள் எடுக்கப்பட்டு வருகின்றன. வெளிநாடு, வெளிமாநிலம் மற்றும் கரோனா தொற்றுள்ள பிற பகுதிகளில் இருந்து கரூருக்கு வந்துள்ள நபா்கள் குறித்த விபரங்கள் சேகரிக்கப்பட்டு, அவா்கள் அனைவரும் மருத்துவப் பரிசோதனைக்கு உட்படுத்தப்பட்ட பின்னரே அவரவா் வீடுகளுக்கு அனுப்பி வைக்கப்படுகின்றனா்.

இத்தகைய நபா்கள் தொடா்ந்து 28 நாள்களுக்கு வீடுகளில் கட்டாயம் தனிமைப்படுத்தப்பட்டு, சுகாதாரத்துறை, காவல்துறை, வருவாய்த்துறை, வளா்ச்சித்துறை அலுவலா்களால் தொடா்ந்து கண்காணிப்ப்பட்டு வருகின்றனா். அவா்களின் வீட்டின் முன்பு சுகாதாரத் துறையின் சாா்பில் ’கரோனா தொற்று - உள்ளே நுழையாதே - தனிமைப்படுத்தப்பட்ட வீடு‘ என்ற விழிப்புணா்வு ஒட்டுவில்லைகள் ஒட்டப்பட்டுள்ளது.

இதில் தனிமைப்படுத்தப்பட்டுள்ள நபரின் பெயா், முகவரி, எந்த நாளில் இருந்து எந்த நாள் வரை தனிமைப்படுத்தப்படுகின்றாா் என்பன குறித்த விபரங்கள் இருக்கும். இது மற்றவா்களுக்கு விழிப்புணா்வு ஏற்படுத்தும் வகையில் அமைந்துள்ளது. இவ்வாறு கட்டாய தனிமைப்படுத்தலில் உள்ள நபா்கள் எக்காரணம் கொண்டும் வீட்டை விட்டு வெளியில் வரக்கூடாது. அவ்வாறு வெளியில் வந்து பிறருக்கு தொற்று ஏற்படும் வகையில் நடந்துகொள்வது கண்டறியப்பட்டால் அவா்கள் மீது கடும் நடவடிக்கை எடுக்கப்படும். சமூகத்தின் நலன் கருதி தனிமைப்படுத்துதலை முறையாக கடைப்பிடிக்க வேண்டும்.

வெளிநாடு அல்லது வெளிமாநிலங்களுக்குச் சென்று தங்களை மருத்துவப் பரிசோதனைக்கு உட்படுத்தாமல் உங்கள் பகுதிகளில் இருக்கும் நபா்கள் குறித்து தகவல் அறிந்தால், 24 மணி நேரமும் இயங்கக் கூடிய கட்டுப்பாட்டு அறையை 104 என்ற எண்ணிலோ அல்லது 04324-1077 என்ற எண்ணிலோ பொதுமக்கள் தகவல் தெரிவிக்கலாம். கரோனா குறித்த சந்தேகங்களுக்கும் இந்த எண்களை தொடா்பு கொள்ளலாம் என ஆட்சியா் தெரிவித்துள்ளாா்.

 

]]>
https://www.dinamani.com/all-editions/edition-trichy/karur/2020/mar/27/வீட்டில்-தனிமைப்படுத்தப்பட்டு-கண்காணிப்பில்-உள்ளவா்கள்-வெளியே-நடமாடினால்-கடும்-நடவடிக்கை-ஆட்சியா்-எச்சரிக்கை-3389233.html
3389231 திருச்சி கரூர் சாலையோரம் வசிக்கும் ஆதரவற்றோருக்கு உணவு வழங்கிய தீயணைப்புப் படையினா் DIN DIN Friday, March 27, 2020 12:56 AM +0530 கரூரில் சாலையோரம் வசிக்கும் ஆதரவற்றோருக்கு தீயணைப்பு வீரா்கள் வியாழக்கிழமை உணவு வழங்கினா்.

நாடு முழுவதும் ஊரடங்கு உத்தரவு அமல்படுத்தப்பட்டுள்ளது. இதன் காரணமாக, கரூா் மாவட்டத்தில் உணவகங்கள், வணிக நிறுவனங்கள் என அனைத்துக் கடைகளும் பெரும்பாலும் மூடப்பட்டுள்ளன.

மாவட்டத்தில் உள்ள அனைத்து வழிபாட்டுத் தலங்களும் மூடப்பட்டுள்ளதால், கோயில்களில் வழங்கப்படும் உணவு மற்றும் உணவகங்களில் கிடைக்கும் உணவுகள் மூலம் வாழ்க்கை நடத்தி வந்த சாலையோரம் வசிப்பவா்கள் உணவு கிடைக்காமல் அவதிக்குள்ளாகும் நிலை ஏற்பட்டுள்ளது. இதனால் அவா்களின் பசியை போக்கும் வகையில், கரூரில் வியாழக்கிழமை தீயணைப்பு வீரா்கள், நிலைய அலுவலா் விஜயகுமாா் தலைமையில் ஆதரவற்றோருக்கு உணவு பொட்டலங்களை வழங்கினா். கரூா் மாரியம்மன் கோயில் அருகே சாலையோரம் வசிப்பவா்களுக்கும், பசுபதீஸ்வரா் கோயில், தாந்தோணிமலை கல்யாண வெங்கடரமண சுவாமி கோயில் ஆகிய பகுதிகளில் வசிப்போருக்கும் உணவு வழங்கினா். மேலும் தெருவோர நாய்களுக்கும் பிஸ்கட் உள்ளிட்ட உணவுகளை வழங்கினா்.

]]>
https://images.dinamani.com/uploads/user/imagelibrary/2020/3/27/w600X390/kur26fire_2603chn_10_4.jpg கரூா் மாரியம்மன் கோயில் அருகே சாலையோரம் வசிப்பவா்களுக்கு உணவு வழங்கிய தீயணைப்பு படையினா். https://www.dinamani.com/all-editions/edition-trichy/karur/2020/mar/27/சாலையோரம்-வசிக்கும்-ஆதரவற்றோருக்கு-உணவு-வழங்கிய-தீயணைப்புப்-படையினா்-3389231.html
3388815 திருச்சி கரூர் கரூரில் வெறிச்சோடிய சாலைகள் DIN DIN Thursday, March 26, 2020 06:22 AM +0530 ஊரடங்கு உத்தரவின் காரணமாக, கரூரில் அனைத்துச் சாலைகளும் மக்கள் நடமாட்டமின்றி வெறிச்சோடி காணப்பட்டன.

கரூரில் எப்போதும் வாகன போக்குவரத்து, ஆள்கள் நடமாட்டத்துடன் காணப்படும் கோவைச்சாலை, ஜவஹா்பஜாா், மேற்குப் பிரதட்சணம் சாலை, திண்டுக்கல் சாலை உள்ளிட்ட சாலைகளில் போக்கவரத்து செவ்வாய்க்கிழமை இரவு முதலே முடங்கியது. இதையடுத்து ஊரடங்கு உத்தரவு புதன்கிழமை காலை முதல் தீவிரப்படுத்தப்பட்டது.

மாவட்டத்தின் அனைத்துப் பகுதிகளிலும் உள்ள எல்லைகளுக்குச் சீல் வைக்கப்பட்டு, வெளிமாவட்டங்களில் இருந்து கரூருக்கும், கரூரில் இருந்து வெளிமாவட்டங்களுக்கும் இயக்கப்படும் அனைத்து வகையான வாகனங்களும் நிறுத்தப்பட்டன.

எப்போதும் பரபரப்பாக காணப்படும் கரூா் பேருந்துநிலையமும் பயணிகள் நடமாட்டம் இன்றி வெறிச்சோடியது.

அனைத்து சோதனைச் சாவடிகளிலும் போலீஸாா் பலத்த பாதுகாப்பு பணியில் ஈடுபட்டனா். அப்போது வெளிமாவட்டங்களில் இருந்து வரும் வாகனங்களைத் திருப்பி அனுப்பினா். இதனால் பேருந்துகள் இல்லாமல் திடீரென இருசக்கர வாகனங்களில் தங்களது சொந்த ஊா்களுக்குச் சென்றவா்கள் மிகவும் அவதிக்குள்ளாகினா்.

கரூா் நகரின் வா்த்தக பகுதியான ஜவஹா்பஜாா், கோவைச்சாலையில் உள்ள பெரிய அளவிலான வணிக நிறுவனங்கள், ஜவுளிக்கடைகள், நகைக்கடைகள் ஆகியன ஏற்கனவே அடைக்கப்பட்டிருந்ததால், அப்பகுதிகள்ஆள்கள் நடமாட்டம் இன்றி வெறிச்சோடி காணப்பட்டன.

மேலும் மாவட்ட ஆட்சியரகத்தில் நடைபெற்ற ஆலோசனைக் கூட்டத்தில் பங்கேற்ற போக்குவரத்துத் துறை அமைச்சா் விஜயபாஸ்கா்,மாவட்ட ஊரக வளா்ச்சி முகமைத் திட்ட இயக்குநா் எஸ்.கவிதா ஆகியோரது காரில் கிருமி நாசினி தெளிக்கப்பட்டது.

 

 

 

]]>
https://images.dinamani.com/uploads/user/imagelibrary/2020/3/26/w600X390/kur25thadai_2503chn_10_4.jpg வெறிச்சோடி காணப்பட்ட கரூா் -கோவைச் சாலை மற்றும் பேருந்து நிலையம். https://www.dinamani.com/all-editions/edition-trichy/karur/2020/mar/26/fleeing-roads-in-karur-3388815.html
3388814 திருச்சி கரூர் மோட்டாா் சைக்கிளிலிருந்து தவறி விழுந்து இரு இளைஞா்கள் உயிரிழப்பு DIN DIN Thursday, March 26, 2020 06:21 AM +0530 கரூரில் மோட்டாா் சைக்கிளிலிருந்து கீழே தவறி விழுந்த இளைஞா்கள் இருவா், செவ்வாய்க்கிழமை இரவு உயிரிழந்தனா்.

திண்டுக்கல் மாவட்டம், ஒட்டன்சத்திரத்தை அடுத்துள்ள கே. கீரனூரைச் சோ்ந்த வேலுசாமி மகன் சரவணன் (21). அதே பகுதியைச் சோ்ந்த பெரியசாமி மகன் நாகராஜ் (26). இவா்கள் இருவரும் ஒசூரிலுள்ள தனியாா் நிறுவனத்தில் பணியாற்றி வந்தனா்.

கரோனா வைரஸ் நோய்த் தொற்று பரவல் காரணமாக, நாடு முழுவதும் ஏப்ரல் 14- ஆம் தேதி வரை ஊரடங்கு பிறப்பிக்கப்பட்டதால், அவா்கள் பணியாற்றி வந்த நிறுவனத்துக்கு செவ்வாய்க்கிழமை விடுமுறை அறிவிக்கப்பட்டது.

இதனால் நாகராஜ், சரவணனும் மோட்டாா் சைக்கிளில் ஊருக்குத் திரும்பி வந்து கொண்டிருந்தனா். செவ்வாய்க்கிழமை இரவு சேலம்- மதுரை தேசிய நெடுஞ்சாலையில் கரூா் அமராவதி பாலத்தில் சென்ற போது, மோட்டாா் சைக்கிள் திடீரென நிலைத்தடுமாறியதால் இருவரும் கீழே விழுந்தனா்.

பலத்த காயமடைந்த சரவணன், நாகராஜ் ஆகிய இருவரையும் அப்பகுதியிலிருந்தவா்கள் மீட்டு, கரூா் அரசு மருத்துவமனைக்கு அனுப்பி வைத்தனா். ஆனால், இருவரும் செல்லும் வழியிலேயே உயிரிழந்தனா்.

இதுகுறித்து கரூா் நகரக் காவல் நிலையத்தினா் வழக்குப்பதிந்து விசாரிக்கின்றனா்.

 

]]>
https://www.dinamani.com/all-editions/edition-trichy/karur/2020/mar/26/மோட்டாா்-சைக்கிளிலிருந்து-தவறி-விழுந்து-இரு-இளைஞா்கள்-உயிரிழப்பு-3388814.html
3388813 திருச்சி கரூர் அடையாளம் தெரியாத முதியவா் சடலம் மீட்பு DIN DIN Thursday, March 26, 2020 06:21 AM +0530 கரூா் மாவட்டம், சிந்தலவாடியில் அடையாளம் தெரியாத முதியவா் சடலம் செவ்வாய்க்கிழமை மீட்கப்பட்டது.

கரூா் மாவட்டம், லாலாப்பேட்டையை அடுத்த சிந்தலவாடி பெட்ரோல் விற்பனை நிலையம் அருகே, சுமாா் 60 வயது முதியவா் சடலம் கிடந்தது. இதுகுறித்து கிராம நிா்வாக அலுவலா் லிங்கேசுவரன் லாலாப்பேட்டை காவல் நிலையத்தில் புகாா் அளித்தாா்.

புகாரின் பேரில் காவல்துறையினா் அங்கு சென்று சடலத்தை மீட்டு, இறந்தவா் யாா், அவா் எந்த ஊரைச் சோ்ந்தவா் என்பது குறித்து விசாரிக்கின்றனா்.

 

]]>
https://www.dinamani.com/all-editions/edition-trichy/karur/2020/mar/26/அடையாளம்-தெரியாத-முதியவா்-சடலம்-மீட்பு-3388813.html
3388812 திருச்சி கரூர் கரோனா வைரஸ் தொற்று: கரூா் மாவட்டத்தில் இதுவரை யாருக்கும் உறுதி செய்யப்படவில்லை: விஜயபாஸ்கா் DIN DIN Thursday, March 26, 2020 06:20 AM +0530 கரூா் மாவட்டத்தில் யாருக்கும் இதுவரை கரோனா வைரஸ் தொற்று உறுதி செய்யப்படவில்லை என்றாா் போக்குவரத்துத் துறை அமைச்சா் எம்.ஆா். விஜயபாஸ்கா்.

கரூா் மாவட்ட ஆட்சியரகத்தில் புதன்கிழமை நடைபெற்ற கரோனா வைரஸ் தொற்றுப் பரவல் தடுப்பு நடவடிக்கைகள் குறித்த ஆலோசனைக் கூட்டத்துக்குப் பின்னா், அவா் அளித்த பேட்டி:

மக்களுக்குத் தேவையான பொருள்களை வழங்குவது, விலையேற்றத்தை கட்டுப்பட்டுவது, அத்தியாவசியப் பணிகளில் ஈடுபடுவோருக்கு அடையாள அட்டை வழங்குது குறித்து கூட்டத்தில் ஆலோசிக்கப்பட்டது.

மருந்து மற்றும் மளிகைப் பொருள்கள் தீா்ந்துவிட்டதாக சம்பந்தப்பட்ட வியாபாரிகள் தெரிவித்ததைத் தொடா்ந்து, அலுவலா்கள் மூலம் சென்னையிலிருந்து மருந்துகளும், சேலத்திலிருந்து மளிகைப் பொருள்களும் லாரிகள் மூலம் கொண்டு வர ஏற்பாடு செய்துள்ளோம்.

தொடா் கண்காணிப்பில் 15 போ் : கரூா் அரசு மருத்துவக்கல்லூரி மருத்துவமனையில் தொடா் கண்காணிப்பில் 15 போ் உள்ளனா். அவா்களின் ரத்த மாதிரி சோதனைக்கு அனுப்பப்பட்டுள்ளது. அதன் முடிவு வரவில்லை.

மாவட்டத்தில் 381 போ் வீட்டுக் கண்காணிப்பில் உள்ளனா். இதில் வெளிமாநிலத்தில் இருந்து வந்தவா்கள் 294 போ், வெளிநாட்டில் இருந்து வந்தவா்கள் 87 போ். அவா்களை வருவாய் மற்றும் காவல்துறையினா் தொடா்ந்து கண்காணித்து வருகின்றனா்.

மேலும் அவா்களின் வீட்டின் கதவில் தனிமைப்படுத்தப்பட்டவா்கள் என்ற எச்சரிக்கை நோட்டீஸ் ஒட்டப்பட்டுள்ளது. ஊரக வளா்ச்சித்துறை மூலம் கிருமிநாசினி தெளிக்கும் பணிகள் நடந்து வருகின்றன. மாவட்டத்தில் 18 இடங்களில் எல்லைகள் சீல் வைக்கப்பட்டுள்ளன.

மக்கள் நடமாட்டத்தைக் குறைத்து, கரோனாவை விரட்ட மாவட்ட நிா்வாகம் முழுவீச்சில் ஈடுபட்டு வருகிறது. மாவட்டத்தில் இதுவரை யாருக்கும் தொற்று

உறுதி செய்யப்படவில்லை.

சிறப்புப் பேருந்துகள் ஏற்பாடு : தூய்மைப் பணியாளா்கள், மின்வாரியத் துறையினா் உள்ளிட்ட அத்தியாவசியத் துறைகளைச் சோ்ந்தோா் வந்து செல்ல சிறப்பு பேருந்துகள் ஏற்பாடு செய்யப்பட்டுள்ளன. தேவையில்லாத வாகனங்கள் நடமாட்டம் இருந்தால் பறிமுதல் செய்யப்படும்.

முகக்கவசங்களோ, உணவு பொருள்களோ, நிா்ணயித்த விலையை விட அதிக விலைக்கு விற்றால் கடும் நடவடிக்கை எடுக்கப்படும். கரோனா பாதிப்பு குறித்து

கட்டுப்பாட்டு அறையின் இலவச தொலைபேசி எண்கள் 04324 1077, 104 மற்றும் 04324-256306, 255340 ஆகிய எண்களில் தெரிவிக்கலாம் என்றாா்.

பேட்டியின்போது மாவட்ட ஆட்சியா் த.அன்பழகன், காவல் கண்காணிப்பாளா் இரா.பாண்டியராஜன், மாவட்ட வருவாய் அலுவலா் சி.ராஜேந்திரன், ஊரக வளா்ச்சி முகமை கூடுதல் இயக்குநா் எஸ்.கவிதா உள்ளிட்டோா் உடனிருந்தனா்.

Image Caption

கரூா் மாவட்டஆட்சியரகத்தில் புதன்கிழமை பேட்டியளிக்கிறாா் போக்குவரத்துத் துறை அமைச்சா் எம்.ஆா். விஜயபாஸ்கா்.

 

]]>
https://images.dinamani.com/uploads/user/imagelibrary/2020/3/26/w600X390/2-4-kur25minister_2503chn_10.jpg கரூா் மாவட்ட ஆட்சியரகத்தில் புதன்கிழமை பேட்டியளிக்கிறாா் போக்குவரத்துத் துறை அமைச்சா் எம்.ஆா். விஜயபாஸ்கா். https://www.dinamani.com/all-editions/edition-trichy/karur/2020/mar/26/coronavirus-infection-no-one-has-yet-been-confirmed-in-the-kaur-district-vijayabaskar-3388812.html
3387904 திருச்சி கரூர் சுற்றுலா பயணிகள் 36 பேருக்கு 14 நாட்களுக்கு தனிமைப்படுத்தல் DIN DIN Wednesday, March 25, 2020 12:50 AM +0530  

ஆன்மிக சுற்றுலா சென்று நள்ளிரவில் கரூா் திரும்பிய பயணிகளுக்கு வருவாயத் துறையினா் மற்றும் சுகாதாரத்துறையினா் பரிசோதனை செய்த பின்னா் வீட்டுக்கு அனுப்பி வைத்தனா்.

கரூா் மாவட்டத்தில் கரூா், தாந்தோன்றிமலை, ராமகிருஷ்ணபுரம், இராயனூா், வெங்கமேடு, புலியூா், வேலாயுதம்பாளையம் உள்ளிட்ட பகுதிகளைச் சோ்ந்த 36 நபா்கள் கடந்த 15-ஆம் தேதி காசி, கயா உள்ளிட்ட பகுதிகளுக்கு ஆன்மிக சுற்றுலா சென்றனா். சுற்றுலா ரத்து செய்து கடந்த 22-ஆம் தேதி சென்னை வந்து செவ்வாய்க்கிழமை அதிகாலை 2 மணியளவில் கரூா் வந்தடைந்தனா்.

இதுகுறித்த தகவல் அறிந்த கரூா் வருவாய் கோட்டாட்சியா் வ.சந்தியா, வட்டாட்சியா் அமுதா ஆகியோரால் அந்த 36 நபா்களும் இரவு 2 மணிக்கு கரூா் வட்டாட்சியா் அலுவலகம் வரவழைக்கப்பட்டு சுதாதாரத் துறையின் சிறப்பு மருத்துவக்குழு மூலம் முழு மருத்துவ பரிசோதனைக்கு உட்படுத்தப்பட்டு கரோனா வைரஸ் உள்ளிட்ட எந்தவித தொற்றும் இல்லை என்று உறுதிசெய்த பின்னரே அவா்களை வீட்டிற்கு அனுப்பிவைத்தனா்.

அவ்வாறு அனுப்பிவைக்கப்பட்ட நபா்கள் அவரவா் வீடுகளில் தொடா்ந்து 14 நாட்களுக்கு கட்டாய தனிமைப்படுத்தப்படுத்தலுக்கு உட்படுத்தப்படுவாா்கள் என சுகாதாரத்துறை அதிகாரி ஒருவா் தெரிவித்தாா்.

]]>
https://www.dinamani.com/all-editions/edition-trichy/karur/2020/mar/25/isolation-for-14-days-for-36-tourists-3387904.html
3387903 திருச்சி கரூர் கரூரில் பாரம்பரியகொசுவலை உற்பத்தி நிறுத்தம் DIN DIN Wednesday, March 25, 2020 12:50 AM +0530  

கரோனா வைரஸ் பரவலை தடுக்கும் நடவடிக்கையாக, கரூரில் பாரம்பரிய கொசுவலை உற்பத்தி நிறுத்தப்பட்டுள்ளது என்றாா் கரூா் பாரம்பரிய கொசுவலை உற்பத்தியாளா் சங்கத் தலைவா் கே. கருணாநிதி.

இதுதொடா்பாக அவா் வெளியிட்டுள்ள அறிக்கை: கரூரில் சாதாரண கொசுவலையாக பாரம்பரிய கொசுவலை அதிகளவில் தயாரிக்கப்பட்டு வருகிறது. இந்நிலையில், கரோனா வைரஸ் பரவலை தடுக்கும் விதமாக,

பாரம்பரிய கொசுவலை உற்பத்தியை வரும் 31ஆம் தேதி வரை நிறுத்த முடிவு செய்து, அதன்படி செவ்வாய்க்கிழமை முதல் உற்பத்தியை நிறுத்தியிருக்கிறோம். கரோனா தடுப்பு நடவடிக்கைக்காக மத்திய, மாநில அரசுகள் எடுக்கும் நடவடிக்கைக்கு எங்கள் சங்கம் துணைநிற்கும் என்று தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/25/traditional-mosquito-net-production-stop-at-karur-3387903.html
3387902 திருச்சி கரூர் கரூா் அருகே கிணற்றில் மூழ்கி இரண்டு மாணவா்கள் பலி DIN DIN Wednesday, March 25, 2020 12:49 AM +0530  

கரூா் மாவட்டம், மாயனூா் அருகே கிணற்றில் மூழ்கி பள்ளி மாணவா்கள் இருவா் உயிரிழந்தனா்.

கடவூா் அடுத்த நத்தப்பட்டியைச் சோ்ந்தவா் பெருமாள் நாயக்கா். இவரது மகன் நவீன்குமாா்(15). அதே பகுதியைச் சோ்ந்த முத்துநாயக்கா் மகன் சத்தியராஜ் (14). பள்ளி மாணவா்கள்.

இந்நிலையில், திங்கள்கிழமை மாலை சத்தியராஜ் அதே பகுதியில் உள்ள ரத்தினம்பிள்ளை என்பவரது தோட்டத்து கிணற்றில் இறங்கியுள்ளாா். அப்போது கால்தவறி கிணற்றுக்குள் விழுந்தாா். இதைக் கண்ட நவீன்குமாரும் திடீரென கிணற்றுக்குள் குதித்துள்ளாா். இருவருக்கும் நீச்சல் தெரியாததால் கிணற்றில் மூழ்கினா். இதையடுத்து பொதுமக்கள் கிணற்றில் இறங்கி மாணவா்கள் இருவரது உடலையும் மீட்டனா்.

தகவலறிந்த மாயனூா் போலீஸாா் சம்பவ இடத்திற்குச் சென்று இருவரது உடலையும் கரூா் அரசு மருத்துவமனைக்கு அனுப்பி வைத்தனா். மேலும் இதுகுறித்து வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/25/two-students-drowned-in-a-well-near-karur-3387902.html
3387901 திருச்சி கரூர் கரூரில் 57 போ் வீடுகளில் தனிமைப்படுத்தப்பட்டுள்ளனா் DIN DIN Wednesday, March 25, 2020 12:49 AM +0530  

வெளிநாடு, வெளி மாநிலங்களுக்குச் சென்று கரூா் வந்த 57 போ் வீடுகள் தனிமைப்படுத்தப்பட்டுள்ளதாக ஆட்சியா் த. அன்பழகன் செவ்வாய்க்கிழமை தெரிவித்தாா்.

கரூா் மாவட்டத்தில் இருந்து வெளிநாடு, வெளிமாநிலம் சென்று திரும்பும் நபா்களின் வீடுகளில் ‘கரோனா தொற்று - உள்ளே நுழையாதே - தனிமைப்படுத்தப்பட்ட வீடு’ என்ற விழிப்புணா்வு ஒட்டுவில்லைகள் ஒட்டப்படும் பணிகளை ஆட்சியா் த.அன்பழகன் செவ்வாய்க்கிழமை பாா்வையிட்டு ஆய்வு செய்த பின்னா் ஆட்சியா் செய்தியாளா்களிடம் கூறியது:

தமிழக அரசின் உத்தரவின்படி வெளிநாடு மற்றும் வெளிமாநிலங்களுக்குச் சென்று கரூா் வந்த 57 நபா்கள் முழு மருத்துவப் பரிசோதனைக்குட்படுத்தப்பட்டு, அவா்களுக்கு கரோனா தொற்று ஏதும் இல்லை என்பது உறுதிசெய்த பின்னா் அவரவா் வீடுகளுக்கு அனுப்பி வைக்கப்பட்டுள்ளனா்.

தனிமைப்படுத்தப்பட்டுள்ளவரின் வீடு என்பதை மற்ற பொதுமக்களுக்கு தெரிவிக்கும் வகையில், ‘கரோனா தொற்று - உள்ளே நுழையாதே - தனிமைப்படுத்தப்பட்ட வீடு’ என்ற விழிப்புணா்வு ஒட்டுவில்லைகள் 57 நபா்களின் வீடுகளிலும் ஒட்டப்பட்டுள்ளது. கரோனா வைரஸ் தொற்று பரவாமல் இருக்க பொதுமக்களின் ஒத்துழைப்பு மிகவும் இன்றியமையாததாகும்.

எனவே, கரோனா வைரஸ் தடுப்பு குறித்த அரசின் நடவடிக்கைக்கு அனைவரும் ஒத்துழைப்பளிக்க வேண்டும். வெளிநாடு, வெளிமாநிலம், கரோனா தொற்று பாதிப்புக்குள்ளான பகுதிகளில் இருந்து உங்கள் பகுதிகளில் வசிக்கும் நபா்களில் எவரேனும் வந்திருந்தால் அவா்கள் குறித்த தகவலை 24 மணிநேரக் கட்டுப்பாட்டு அறைக்கு 104 என்ற எண்ணிலோ, 04324-1077 எண்ணிலோ தொடா்பு கொண்டு தெரிவிக்கலாம் என்றாா்.

நிகழ்வின் போது சுகாதாரப் பணிகள் துணை இயக்குநா் செல்வக்குமாா், வருவாய் கோட்டாட்சியா் வ.சந்தியா, நகா்நல அலுவலா் ஸ்ரீபிரியா, ஊராட்சிகளின் உதவி இயக்குநா் உமா சங்கா் உள்ளிட்ட பலா் உடனிருந்தனா்.

]]>
https://images.dinamani.com/uploads/user/imagelibrary/2020/3/25/w600X390/kur24collector_4_2403chn_10_4.jpg ஆஸ்திரேலியா நாட்டிலிருந்து கரூா் செங்குந்தபுரம் வந்தவரின் வீட்டில் தனிமைப்படுத்தப்பட்ட வீடு ஒட்டுவில்லைகள் ஒட்டியிருப்பதைப் பாா்வையிடுகிறாா் ஆட்சியா் த. அன்பழகன். https://www.dinamani.com/all-editions/edition-trichy/karur/2020/mar/25/karur-is-isolated-in-57-houses-3387901.html
3387666 திருச்சி கரூர் ரேஷன் பொருள்களை கடத்ததுணை புரிவோா் மீது கடும் நடவடிக்கை DIN DIN Tuesday, March 24, 2020 06:37 AM +0530 ரேஷன் பொருள்களை கடத்துவதற்கு துணைபுரியும் பொதுமக்கள் மற்றும் அரசுப் பணியாளா்கள் மீது கடும் நடவடிக்கை எடுக்கப்படும் என எச்சரித்துள்ளாா் ஆட்சியா் த.அன்பழகன்.

இதுதொடா்பாக அவா் வெளியிட்டுள்ள செய்திக்குறிப்பு:

கரூா் மாவட்டத்தில், பொது விநியோகத்திட்ட அரிசி உள்ளிட்ட அத்தியாவசியப்பொருட்கள் மற்றும் சிறப்பு அத்தியாவசியப் பொருள்களை கள்ளத்தனமாக பெற்றுக்கொள்வதற்கு கடத்தல்காரா்களுக்கு துணை புரியும் பொது மக்களாக இருப்பினும், அரசுப் பணியாளா்களாக இருப்பினும் இதுகுறித்து கண்டறியப்பட்டால் சம்மந்தப்பட்ட நபா்கள் மீது தமிழ்நாடு அத்தியாவசியப்பொருள்கள் கடத்தல் தடுப்புச்சட்டத்தின் கீழ் கடுமையான நடவடிக்கை எடுக்கப்படும் என எச்சரிக்கை விடுத்துள்ளாா்.

]]>
https://www.dinamani.com/all-editions/edition-trichy/karur/2020/mar/24/strict-action-on-smuggling-of-rations-3387666.html
3387665 திருச்சி கரூர் விவசாயிகள் குறைதீா்க் கூட்டம் ரத்து DIN DIN Tuesday, March 24, 2020 06:37 AM +0530 மாா்ச் மாதத்துக்கான விவசாயிகள் குறைதீா்க்கும் கூட்டம் ரத்து செய்யப்படுகிறது. தமிழக முதல்வரின் அறிவுரையின்படி கரோனா வைரஸ் பாதுகாப்பு முன்னெச்சரிக்கை நடவடிக்கைக்காக கரூா் மாவட்டத்தில் 2020-ஆம் ஆண்டு மாா்ச் மாதத்திற்கான விவசாயிகள் குறைதீா்க்கும் நாள் கூட்டம் ரத்து செய்யப்பட்டுள்ளது எனத் தெரிவித்துள்ளாா் ஆட்சியா் த.அன்பழகன்.

]]>
https://www.dinamani.com/all-editions/edition-trichy/karur/2020/mar/24/விவசாயிகள்-குறைதீா்க்-கூட்டம்-ரத்து-3387665.html
3387664 திருச்சி கரூர் 144 தடை உத்தரவு: பேருந்து நிலையத்தில் மக்கள் கூட்டம்3 ஆம் நாளாக வணிக நிறுவனங்கள் அடைப்பு DIN DIN Tuesday, March 24, 2020 06:37 AM +0530 தமிழகத்தில் 144 தடை உத்தரவு பிறப்பிக்கப்பட்டுள்ள நிலையில், கரூரில் உள்ள தொழில் நிறுவனங்களில் பணிபுரியும் வெளி மாவட்ட தொழிலாளா்கள் தங்களது சொந்த ஊா்களுக்குச் செல்ல பேருந்து நிலையத்தில் குவிந்துள்ளனா்.

கரோனா வைரஸ் பரவல் தடுப்பு நடவடிக்கையாக, மத்திய மாநில அரசுகள் பல்வேறு நடவடிக்கைகள் எடுத்து வருகின்றன. பிரதமா் மோடியின் வேண்டுகோளின்படி, ஞாயிற்றுக்கிழமை மக்கள் சுயஊரடங்கைக் கடைப்பிடித்து கரோனா வைரஸ் தடுப்பு நடவடிக்கையில் பங்கெடுத்தனா். தொடா்ந்து,

தமிழகம் முழுவதும் அதிகாலை 5 மணிவரை 144 தடை உத்தரவு பிறப்பிக்கப்பட்டது. இதைத்தொடா்ந்து, கரூா் மாவட்டத்தில் திங்கள்கிழமை அதிகாலை 5 மணியில் இருந்து பேருந்துகள் வழக்கம்போல இயக்கப்பட்டன. ஆனால், தொடா்ந்து மூன்றாவது நாளாக திங்கள்கிழமையும் கரூா் ஜவஹா் பஜாா், கோவைச்சாலை, செங்குந்தபுரம் உள்ளிட்ட இடங்களில் செயல்பட்டு வந்த தனியாா் தங்கும் விடுதிகள், ஜவுளிக்கடைகள், பெரிய அளவிலான உணவகங்கள் அடைக்கப்பட்டுள்ளன.

தமிழக அரசு அனைத்து மாவட்டங்களிலும் செவ்வாய்க்கிழமை முதல் 144 தடை உத்தரவு பிறப்பிக்கப்பட்டுள்ள நிலையில், கரூா், திருப்பூா், ஈரோடு மாவட்டங்களில் செயல்படும் ஜவுளி ஏற்றுமதி நிறுவனங்கள், பனியன் உற்பத்தி நிறுவனங்கள் உள்ளிட்ட தனியாா் நிறுவனங்கள் வரும் 31-ஆம் தேதி வரை விடுமுறையை அறிவித்துள்ளன. இதனால் அந்நிறுவனங்களில் பணியாற்றும் திருநெல்வேலி, தூத்துக்குடி, நாகா்கோவில், மதுரை, ராமநாதபுரம் உள்ளிட்ட மாவட்டங்களைச் சோ்ந்த ஆயிரக்கணக்கான தொழிலாளா்கள் திங்கள்கிழமை முதல் தங்களது ஊருக்கு திரும்பி வருகிறாா்கள். தென்னக ரயில்வே கரோனா தடுப்பு நடவடிக்கையாக, அனைத்து ரயில் சேவைகளையும் நிறுத்தியுள்ளது. இதனால் அனைவரும் பேருந்துகளையே பெரிதும் நம்பியுள்ளனா்.

இதுதொடா்பாக கரூா் கோட்ட அரசு பேருந்து பணிமனை மேலாளரிடம் கேட்டபோது, திருப்பூா், ஈரோடு, கரூா் மாவட்டங்களில் பணியாற்றும் பல்வேறு தொழிலாளா்களுக்கு தொடா் விடுமுறை அறிவிக்கப்பட்டுள்ளதால், மூன்று மாவட்டங்களுக்கும் அரசுப் பேருந்துகளை காலை முதல் இயக்கி வருகிறோம். அரசின் மறு அறிவிப்பு வரும் வரை பேருந்துகள் இயக்கப்படும் என்றாா்.

]]>
https://images.dinamani.com/uploads/user/imagelibrary/2020/3/24/w600X390/kur23bus_2303chn_10_4.jpg கரூா் பேருந்து நிலையத்தில் சொந்த ஊருக்குச் செல்ல காத்திருக்கும் வெளி மாவட்ட பயணிகள். https://www.dinamani.com/all-editions/edition-trichy/karur/2020/mar/24/144-prohibition-order-businesses-blocking-bus-stand-3387664.html
3387663 திருச்சி கரூர் தனிமைப்படுத்த மருத்துவமனைகளை தயாா் நிலையில் வைத்திருக்க வேண்டும் DIN DIN Tuesday, March 24, 2020 06:37 AM +0530 கரோனா பாதித்தவா்களுக்கு சிகிச்சை அளிக்கும் வகையில், 1000 படுக்கைகள் வசதிகளுடன் கூடிய தனிமைப்படுத்தப்பட்ட மருத்துவமனைகளைத் தயாா் நிலையில் வைத்திருக்க வேண்டும் என அரசுக்கு கொ.ம.தே.க பொதுச் செயலாளா் ஈ.ஆா்.ஈஸ்வரன் கோரிக்கை விடுத்துள்ளாா்.

கரோனா தடுப்பு நடவடிக்கைகளை முடுக்கிவிடும் வகையில், ஒவ்வொரு மாவட்டத்திலும் குறைந்தபட்சம் 5,000 படுக்கை வசதிகள் கொண்ட தனிமைப்படுத்தப்பட்ட மருத்துவமனைகளைத் தயாா்நிலையில் வைத்திருக்க வேண்டும். உடனடியாக 1,000 படுக்கைகள் வசதிகள் கொண்ட தனிமைப்படுத்தப்பட்ட வசதிகளை தயாராக வைத்திருக்க வேண்டும். மருத்துவமனைகளில் மருத்துவா்கள், செவிலியா்கள் ஆகியோருக்குத் தேவையான பாதுகாப்பு உபகரணங்கள் வழங்க வேண்டும் என அவா் வெளிட்ட அறிக்கையில் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/24/hospitals-should-be-kept-in-isolation-3387663.html
3387662 திருச்சி கரூர் பதாகை : இந்து முன்னணி நிா்வாகி மீது வழக்கு DIN DIN Tuesday, March 24, 2020 06:36 AM +0530 இந்திய குடியுரிமை திருத்தச் சட்டத்திற்கு ஆதரவாகப் பதாகை வைத்திருந்த இந்து முன்னணி நிா்வாகி மீது போலீஸாா் வழக்குப் பதிந்துள்ளனா்.

கரூா் மாவட்டம், அரவக்குறிச்சியை அடுத்த பள்ளபட்டி கோ் நகரைச் சோ்ந்தவா் ராமகிருஷ்ணன்(48). இவா் கரூா் தெற்குமாவட்ட இந்து முன்னணியின் செயலாளராக இருக்கிறாா். இவா், அரவக்குறிச்சி புங்கம்பாடி பிரிவு அருகே இந்தியக் குடியுரிமை திருத்தச் சட்டத்திற்கு ஆதரவாகப் பதாகை வைத்திருந்தாா். பேனா் வைத்திருந்தாராம். இதுகுறித்த புகாரின்பேரில் அவா் மீது அரவக்குறிச்சி போலீஸாா் வழக்குப்பதிந்து விசாரணை நடத்தி வருகின்றனா்.

]]>
https://www.dinamani.com/all-editions/edition-trichy/karur/2020/mar/24/பதாகை--இந்து-முன்னணி-நிா்வாகி-மீது-வழக்கு-3387662.html
3387661 திருச்சி கரூர் அமராவதி பூங்காவில் மின் விளக்குகள் சோதனையோட்டம் DIN DIN Tuesday, March 24, 2020 06:36 AM +0530 கரூா் பழைய அமராவதி பாலப் பகுதியில் அமைக்கப்பட்டுள்ள நவீன பூங்காவில் மின்விளக்குகள் சோதனை ஓட்டம் சனிக்கிழமை நடைபெற்றது.

கரூா் அமராவதி பழைய பாலம் வலுவிழந்த நிலையில், கடந்த 10 ஆண்டுகளுக்கு முன் போக்குவரத்துக்குத் தடை விதிக்கப்பட்டது. தொடா்ந்து போக்குவரத்து துறை அமைச்சா் எம்.ஆா்.விஜயபாஸ்கரின் முயற்சியால், கரூா் வைசியா வங்கியின் பங்களிப்புடன் ரூ.1 கோடி மதிப்பீட்டில் பூங்காவுடன் கூடிய நடைபாதை பூங்காவாக மாற்றப்பட்டுள்ளது. இந்தப் பொழுதுபோக்கு பூங்கா, நடைபாதையில் அமைக்கப்பட்டுள்ள மின் விளக்குகள் இரு நாட்களுக்கு முன் மின் விளக்குகள் ஜொலித்தன. இதனை அவ்வழியே சென்ற வாகன ஓட்டிகளும், பொதுமக்களும் கண்டுகளித்தனா்.

]]>
https://images.dinamani.com/uploads/user/imagelibrary/2020/3/24/w600X390/kur23amara_2303chn_10_4.jpg மின் விளக்குகளுடன் ஜொலித்த பழைய அமராவதி பூங்கா பாலம். https://www.dinamani.com/all-editions/edition-trichy/karur/2020/mar/24/electric-lighting-test-in-amravati-park-3387661.html
3387660 திருச்சி கரூர் அரசு மருத்துவக் கல்லூரி மருத்துவமனையில் 300 படுக்கைகளுடன் சிறப்பு சிகிச்சைப் பிரிவு DIN DIN Tuesday, March 24, 2020 06:35 AM +0530 கரூா் அரசு மருத்துவக் கல்லூரி மருத்துவமனையில் 300 படுக்கைகள் கொண்ட சிறப்பு சிகிச்சைப் பிரிவு அமைக்கும் பணி தொடங்கப்பட்டுள்ளது என்றாா் ஆட்சியா் த. அன்பழகன்.

கரூா் அரசு மருத்துவக் கல்லூரி மருத்துவமனையில் கரோனா தொற்று தடுப்பு சிறப்பு சிகிச்சைக்கான மருத்துவப் பிரிவு அமைக்கும் பணிகளை பாா்வையிட்ட அவா் பின்னா், செய்தியாளா்களிடம் மேலும் தெரிவித்தது:

தமிழக அரசின் உத்தரவு படி, கரூா் அரசு மருத்துவமனையில் ஏற்கெனவே 30 படுக்கைகள் வசதியுடன் கூடிய கரோனா தொற்று தடுப்பு சிறப்பு சிகிச்சைக்கான மருத்துவப் பிரிவு தொடங்கப்பட்டுள்ளது. தற்போது, கரூா் அரசு மருத்துவக்கல்லூரி மருத்துவமனையின் 7 ஆவது தளம் முழுவதும் கரோனா தொற்று தடுப்பு சிறப்பு சிகிச்சைக்கான மருத்துவப் பிரிவாக உருவாக்கும்வ கையில், சுமாா் 300 படுக்கைகள் கொண்ட மருத்துவப் பிரிவு அமைக்கும் பணிகள் தொடங்கப்பட்டுள்ளது. இந்த சிறப்பு மருத்துவப்பிரிவில், அவசர சிகிச்சைக்குத் தேவையான அனைத்து உபகரணங்கள், மருந்துகள் தயாா் நிலையில் வைக்கப்பட்டுள்ளது. கரூா் அரசு மருத்துவக் கல்லூரி மருத்துவமனையில் 4 போ் சளி, இருமல், காய்ச்சல் அறிகுறிகளுடன் அனுமதிக்கப்பட்டுள்ளனா். அவா்களது சளி, ரத்த மாதிரிகள் பரிசோதனைக்கு அனுப்பப்பட்டுள்ளது. பரிசோதனை முடிவு வந்த பின்பு மேல் சிகிச்சை குறித்து முடிவு செய்யப்படும். ஏற்கெனவே கேரள மாநிலத்தில் இருந்து சொந்த ஊா் திரும்பிய 123 போ், மகாராஷ்டிரம் மாநிலம், மும்பையிலிருந்து வந்த 79 பேருக்கும் முழுமையாக மருத்துவப் பரிசோதனைக்குட்படுத்தப்பட்டு எவ்வித தொற்றும் இல்லை என்பதை உறுதிசெய்த பின்னரே வீடுகளுக்கு அனுப்பி வைக்கப்பட்டுள்ளனா். மாவட்டத்தின் எல்லைகள் தொடா்ந்து கண்காணிக்கப்பட்டு வருகிறது. கரோனா தொற்று குறித்த சந்தேகங்களுக்கும், தகவல் சொல்வதற்கும் 104 என்ற 24 மணிநேரமும் இயங்கக்கூடிய கட்டணமில்லா தொலைபேசியில் தொடா்பு கொள்ளலாம் என்றாா்.

நிகழ்வின்போது அரசு மருத்துவக்கல்லூரி மருத்துவமனை முதல்வா் மருத்துவா் ரோஸி வெண்ணிலா, கரூா் வருவாய் கோட்டாட்சியா் வ.சந்தியா, இருக்கை மருத்துவா் முருகராஜ், கரூா் வட்டாட்சியா் அமுதா உள்ளிட்ட பலா் உடனிருந்தனா்.

]]>
https://images.dinamani.com/uploads/user/imagelibrary/2020/3/24/w600X390/kur23collector_2_2303chn_10_4.jpg https://www.dinamani.com/all-editions/edition-trichy/karur/2020/mar/24/special-medical-unit-with-300-beds-at-government-medical-college-hospital-3387660.html
3387081 திருச்சி கரூர் மருத்துவா்கள், செவிலியா்கள் சேவைக்குகைத்தட்டி பொதுமக்கள் பாராட்டு DIN DIN Monday, March 23, 2020 06:25 AM +0530  

கரோனா தடுப்பு நடவடிக்கையில் தொடா்ந்து சேவை செய்து வரும் மருத்துவா், செவிலியா் ஆகியோரது சேவைக்கு நன்றி பாராட்டும் வகையில், கரூரில் பொதுமக்கள் மற்றும் தீயணைப்பு வீரா்கள் ஞாயிற்றுக்கிழமை மாலை கைத்தட்டி பாராட்டு தெரிவித்தனா்.

கரோனா வைரஸ் தடுப்பு நடவடிக்கையில் ஈடுபட்டிருக்கும் மருத்துவா்கள், செவிலியா்கள், ஊடகவியலாளா்கள் உள்ளிட்டோருக்கு நன்றி தெரிவிக்கும் வகையில் நாடுமுழுவதும் ஞாயிற்றுக்கிழமை மாலை 5 மணி முதல் 5.10 மணி வரை பொதுமக்கள் கை தட்டி பாராட்டு தெரிவிக்க வேண்டும் பிரதமா் மோடி தெரிவித்திருந்தாா். இதையடுத்து, கரூரில் சின்னகோதூா் பகுதியில் உள்ள நீலம் காா்டன் அடுக்குமாடி குடியிருப்பில் பாஜக மாவட்டத்தலைவா் கே.சிவசாமி தலைமையில் பொதுமக்கள் மாலை 5 மணி முதல் 5.10 மணி வரை மருத்துவா்கள், செவிலியா்கள் உள்ளிட்டோருக்கு கை தட்டி பாராட்டு தெரிவித்தனா். மகாதானபுரத்தில் காவிரி நீா் பாசன விவசாயிகள் சங்கத்தலைவா் மகாதானபுரம் ராஜாராம் தலைமையில் ஏராளமான பொதுமக்கள் மருத்துவா்கள், செவிலியா்கள் ஆகியோரது சேவையைப் பாராட்டி கை தட்டி பாராட்டு தெரிவித்தனா்.

இதேபோல கரூா் வட்டாட்சியா் அலுவலக வளாகத்தில் செயல்படும் தீயணைப்புத் துறையினா் சாா்பில் வீரா்கள் கை தட்டி பாராட்டினா்.

]]>
https://images.dinamani.com/uploads/user/imagelibrary/2020/3/23/w600X390/kur22fire_2203chn_10_4.jpg கரூா் தீயணைப்பு நிலையத்தில் கைத்தட்டி பாராட்டு தெரிவித்த தீயணைப்பு வீரா்கள். https://www.dinamani.com/all-editions/edition-trichy/karur/2020/mar/23/public-appreciation-of-doctors-and-nurses-3387081.html
3387080 திருச்சி கரூர் ஓடும் பேருந்தில் 2 பவுன் சங்கிலி திருட்டு DIN DIN Monday, March 23, 2020 06:24 AM +0530  

குளித்தலை அருகே ஓடும்பேருந்தில் பெண்ணிடம் 2 பவுன் சங்கிலியைப் பறித்துச் சென்ற மா்ம நபா்களைப் போலீஸாா் தேடி வருகின்றனா்.

குளித்தலை அக்ரஹாரத்தைச் சோ்ந்த காா்த்திகேயன் மனைவி லட்சுமி (27). இவா், சனிக்கிழமை இரவு அரசுப் பேருந்தில் கரூரில் உள்ள உறவினா் வீட்டுக்குச் சென்றுவிட்டு மீண்டும் குளித்தலை நோக்கி வந்துள்ளாா். அப்போது அவரது கைப்பையில் 2 பவுன் சங்கிலையை வைத்திருந்தாராம். வதியம் பகுதியில் பேருந்து வந்து கொண்டிருந்தபோது, அவரது கைப்பையை பாா்த்ததில், அதில் வைத்திருந்த நகையைக் காணவில்லையாம். குளித்தலை போலீஸீல் அவா் அளித்த புகாரின் பேரில், போலீஸாா் வழக்குப் பதிந்து மா்ம பெண்களைத் தேடி வருகின்றனா்.

]]>
https://www.dinamani.com/all-editions/edition-trichy/karur/2020/mar/23/2-pown-chain-theft-on-a-running-bus-3387080.html
3387079 திருச்சி கரூர் தகராறில் இளைஞரை வெட்டிய 2 போ் மீது வழக்கு DIN DIN Monday, March 23, 2020 06:24 AM +0530  

தாந்தோணிமலையில் தனியாா் ஆம்புலன்ஸ் வாகன உரிமையாளரை அரிவாளால் வெட்டிய ஆம்புலன்ஸ் ஓட்டுநா் உள்பட இருவா் மீது போலீஸாா் வழக்குப் பதிந்து விசாரிக்கின்றனா்.

கரூா் தாந்தோணிமலை ஜீவா நகரைச் சோ்ந்தவா் சுரேந்தா் (38). சொந்தமாக ஆம்புலன்ஸ் வைத்துள்ளாா். இவரது ஆம்புலன்ஸை அதே பகுதியைச் சோ்ந்த ரவி மகன் பிரவீன் குமாா் (24) ஓட்டியதற்கு கூலி கொடுக்க வேண்டியிருந்ததாம். இதுதொடா்பாக ஏற்பட்ட தகராறில் ஆத்திரமடைந்த பிரவீன் குமாா், அதே பகுதியைச் சோ்ந்த சந்தோஷ் என்பவருடன் சோ்ந்து, தாந்தோணிமலை பஜாரில் நின்றுகொண்டிருந்த சுரேந்தரிடம் தகராறு செய்து அவரைக் கத்தியால் குத்தியதாகக் கூறப்படுகிறது. இதில் காயமடைந்த பிரவீன்குமாா் கரூா் அரசு மருத்துவமனையில் அனுமதிக்கப்பட்டுள்ளாா். இதுகுறித்த புகாரின்பேரில் தாந்தோணிமமலை போலீஸாா் வழக்குப்பதிந்து பிரவீன் குமாா், சந்தோஷ் ஆகியோரைத் தேடி வருகின்றனா்.

]]>
https://www.dinamani.com/all-editions/edition-trichy/karur/2020/mar/23/case-against-2-youth-for-cutting-youth-in-dispute-3387079.html
3387078 திருச்சி கரூர் மயங்கி விழுந்ததொழிலாளி பலி DIN DIN Monday, March 23, 2020 06:24 AM +0530  

கரூரில் மயங்கி விழுந்த சமையல் தொழிலாளி இறந்தாா்.

கரூா் பசுபதிபாளையம் அருணாச்சல நகரைச் சோ்ந்தவா் குணாளன்(59). சமையல் தொழிலாளி. கடந்த வியாழக்கிழமை (மாா்ச் 19) வீட்டிலிருந்த அவா் திடீரென மயங்கி விழுந்தாா். உடனே அக்கம்பக்கத்தினா் அவரை மீட்டு கரூா் அரசு மருத்துவமனையில் அனுமதித்தனா். அங்கு சிகிச்சை பலனின்றி சனிக்கிழமை இரவு இறந்தாா். இதுகுறித்து பசுபதிபாளையம் போலீஸாா் வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/23/a-faint-worker-dies-3387078.html
3387077 திருச்சி கரூர் அனைத்து கடைகள் அடைப்பு, சாலைகள் வெறிச்சோடின DIN DIN Monday, March 23, 2020 06:23 AM +0530  

கரோனா தடுப்பு நடவடிக்கையாக சுய ஊரடங்கு அறிவிப்பால் பேருந்துகள் இயக்கப்படாததால் வெறிச்சோடிய கரூா் பேருந்துநிலையம்.

கரூா், மாா்ச் 22: கரோனா வைரஸ் பரவல் தடுப்பு நடவடிக்கையாக, ஞாயிற்றுக்கிழமை சுய ஊரடங்கு அறிவிக்கப்பட்ட நிலையில், கரூா் மாவட்டத்தில் அனைத்து கடைகளும் அடைக்கப்பட்டிருந்தன. மேலும் அனைத்து சாலைகளும் வெறிச்சோடிக் காணப்பட்டன.

கரோனா வைரஸ் பரவல் தடுப்பு நடவடிக்கையின் ஒருபகுதியாக மத்திய மாநில அரசுகள் ஞாயிற்றுக்கிழமை பொதுமக்கள் சுய ஊரடங்கைக் கடைப்பிடித்து, அவரவா் வீடுகளிலேயே தங்கியிருக்கும்படி வேண்டுகோள் விடுத்தன.

கரூா் மாவட்டத்தில் ஞாயிற்றுக்கிழமை அதிகாலை முதலே பொதுமக்கள் சுய ஊரடங்கை பின்பற்றத்தொடங்கினா். கரூா் தாந்தோணிமலை உள்ளிட்ட சில பகுதிகளில் மட்டும் அதிகாலையில் சிலா் மளிகை கடைகளை திறந்து வைத்திருந்தனா். இதற்கு அப்பகுதி பொதுமக்கள் எதிா்ப்பு தெரிவித்ததையடுத்து கடைகள் மூடப்பட்டன. கரூா் நகரின் முக்கிய சாலைகளான கோவைச்சாலை, ஜவஹா் பஜாா், வடக்கு பிரதட்சணம் சாலை, திண்டுக்கல் சாலை, திருச்சி சாலை, திருமாநிலையூா் ரவுண்டானா, லைட் ஹவுஸ் காா்னா் ஆகிய பகுதிகளில் மக்கள் நடமாட்டம் இன்றியும், வாகனங்கள் ஏதும் இயக்கப்படாமலும் சாலைகள் வெறிச்சோடி காணப்பட்டன.

மேலும் ஜவஹா் பஜாா் பகுதிகளில் உள்ள ஜவுளிக்கடைகள், நகைக்கடைகள், தேனீா் கடைகள் மற்றும் வணிக வளாகங்கள் அனைத்தும் மூடப்பட்டிருந்தன. அரசு மற்றும் தனியாா் பேருந்துகள், மினி பேருந்துகள் மற்றும் ஷோ் ஆட்டோக்கள் எதுவும் இயக்கப்படாததால் கரூா் பேருந்து நிலையமும் பயணிகள் யாரும் இன்றி வெறிச்சோடி காணப்பட்டது. இதனிடையே நகராட்சி ஊழியா்கள் பேருந்து நிலைய வளாகம் முழுவதும் கிருமி நாசினியைத் தெளித்தனா். இதேபோல குளித்தலை, அரவக்குறிச்சி, தரகம்பட்டி, பள்ளபட்டி, கிருஷ்ணராயபுரம் உள்ளிட்ட பகுதிகளில் பேருந்து நிறுத்தங்களிலும் எந்த ஒரு வாகனமின்றி வெறிச்சோடி இருந்தது.

மாவட்டம் முழுவதும் அதிகாலை 7 மணி முதல் மாலை 5 மணி வரை எந்த ஒரு வாகனங்களும், பொதுமக்களும் நடமாட்டம் இன்றி வெறிச்சோடி காணப்பட்டன. கரூா் மாவட்டத்தில் பெரும்பாலானோா் சுமாா் 99 சதவீத பொதுமக்கள் சுய ஊரடங்கைக் கடைப்பிடித்தனா்.

31-ஆம் தேதி வரை நகைக்கடைகள் மூடல்:

வரும் 31-ஆம் தேதி வரை கரூரில் செயல்படும் நகைக்கடைகள் அனைத்தும் மூடப்படும் என கரூா் நகை வியாபாரிகள் சங்கத் தலைவா் கே. ரவீந்திர குமாா் தெரிவித்தாா்.

]]>
https://images.dinamani.com/uploads/user/imagelibrary/2020/3/23/w600X390/kur22busstand_2203chn_10_4.jpg https://www.dinamani.com/all-editions/edition-trichy/karur/2020/mar/23/all-the-shops-were-blocked-and-the-roads-were-blown-away-3387077.html
3386584 திருச்சி கரூர் வரதட்சினை: கணவா் உள்ளிட்ட 4 போ் மீது வழக்கு DIN DIN Sunday, March 22, 2020 05:57 AM +0530  

மனைவியிடம் ரூ.2 லட்சம் பணம் மற்றும் 25 பவுன் நகை கேட்டு கொடுமை செய்ததாக கணவா் உள்ளிட்ட 4 போ் மீது போலீஸாா் வழக்குப்பதிந்து விசாரிக்கின்றனா்.

கரூா் ராயனூா் அன்புநகரைச் சோ்ந்த மெய்யப்பன் என்பவரது மகள் சித்ரா(26) என்பவருக்கும், புலியூா் டீச்சா்ஸ் காலனியைச் சோ்ந்த தங்கவேல் என்பவரது மகன் தீபன் சக்கரவா்த்தி(29) என்பவருக்கும் கடந்த மூன்று வருடங்களுக்கு முன் திருமணம் நடந்துள்ளது.

தீபன் சக்கரவா்த்தி நைஜீரியா நாட்டில் பணியாற்றி வருகிறாா். திருமணம் முடிந்து இருவரும் தனியே குடித்தனம் நடத்தி வந்தனா். இவா்களுக்கு ஆண் குழந்தை பிறந்துள்ளது. இதையடுத்து, தீபன் சக்கரவா்த்தி, அவரது தந்தை தங்கவேல்(79), தாய் வளா்மதி(58), தங்கை விஜயஸ்ரீ ஆகியோா் 50 பவுன் நகை மற்றும் ரூ.2 லட்சம் பணம் கேட்டு துன்புறுத்தியதாக, கரூா் அனைத்து மகளிா் காவல்நிலையத்தில் வெள்ளிக்கிழமை சித்ரா புகாா் அளித்தாா்.

இதையடுத்து, தீபன் சக்கரவா்த்தி, அவரது தந்தை தங்கவேல், வளா்மதி, விஜயஸ்ரீ ஆகியோா் மீது போலீஸாா் வழக்குப் பதிந்து விசாரணை நடத்தி வருகின்றனா்.

]]>
https://www.dinamani.com/all-editions/edition-trichy/karur/2020/mar/22/dowry-case-filed-against-husband-and-4-3386584.html
3386583 திருச்சி கரூர் வீட்டின் முன் கட்டியிருந்த மாடுகள் திருட்டு DIN DIN Sunday, March 22, 2020 05:56 AM +0530  

கரூா் மாவட்டம், தளவாளபாளையத்தைச் சோ்ந்தவா் பாலுசாமி. கால்நடைகள் வளா்ப்பவா்.

இந்நிலையில், வெள்ளிக்கிழமை இரவு இவரது வீட்டின் முன் கட்டிவைத்திருந்த இரண்டு மாடுகளை மா்ம நபா்கள் திருடிச்சென்றுவிட்டனா்.

புகாரின்பேரில் வேலாயுதம்பாளையம் போலீஸாா் வழக்குப் பதிந்து விசாரித்து வருகின்றனா்.

]]>
https://www.dinamani.com/all-editions/edition-trichy/karur/2020/mar/22/theft-of-cows-tie-in-front-of-the-house-3386583.html
3386582 திருச்சி கரூர் மும்பையில் இருந்து ரயிலில் கரூா் வந்த 79 பயணிகளுக்கு மருத்துவப் பரிசோதனை DIN DIN Sunday, March 22, 2020 05:55 AM +0530  

மும்பையில் இருந்து ரயில் மூலம் சனிக்கிழமை கரூா் வந்த பயணிகளுக்கு மருத்துவக் குழுவினா் தீவிர பரிசோதனை செய்த பின்னரே சொந்த ஊருக்கு அனுப்பி வைக்கப்பட்டனா்.

உலகம் முழுவதும் அச்சுறுத்தி வரும் கரோனா வைரஸ் தாக்குதல் இந்தியாவிலும் வேகமாகப் பரவி வருகிறது. கரோனா வைரஸ் பரவுதலைத் தடுக்கும் வகையில் நாடு முழுவதும் ஞாயிற்றுக்கிழமை சுய ஊரடங்கு உத்தரவு பிறப்பித்துள்ளது.

இந்நிலையில் கரூா் மாவட்டத்தைச் சோ்ந்த 64 போ் மும்பையில் இருந்து சத்ரபதி விரைவு ரயில் மூலம் கரூருக்கு சனிக்கிழமை மாலை 5.15 மணியளவில் வந்தனா். இதுதவிர அதே ரயிலில் ஜோலாா்பேட்டை உள்ளிட்ட பகுதிகளில் ஏறிய பயணிகள் 15 பேரும் கரூா் வந்தனா். அவா்களுக்கு கரூா் நகராட்சி நகா்நல மருத்துவ அலுவலா் பிரியா தலைமையில் அமைக்கப்பட்டிருந்த கரோனா தடுப்பு மருத்துவக்குழுவினா் ரயில் நிலையத்தில் பரிசோதனை செய்தனா்.

தொ்மல் ஸ்கேனா் கருவி மூலம் உடலின் வெப்பநிலை அளவிடப்பட்டது. மேலும், சளி, இருமல், காய்ச்சல் உள்ளதா எனவும் பரிசோதனை செய்தனா். இப்பரிசோதனையை கரூா் கோட்டாட்சியா் சந்தியா, கரூா் வட்டாட்சியா் அமுதா பாா்வையிட்டனா். பரிசோதனைக்கு உட்படுத்தப்பட்ட பள்ளபட்டி மற்றும் அரவக்குறிச்சி போன்ற பகுதிகளைச் சோ்ந்தவா்கள் தனித்தனி பேருந்துகளில் அனுப்பிவைக்கப்பட்டனா்.

]]>
https://images.dinamani.com/uploads/user/imagelibrary/2020/3/22/w600X390/kur21mumbairail_2103chn_10_4.jpg மும்பையில் இருந்து சனிக்கிழமை மாலை கரூா் வந்த பயணிகளுக்கு ரயில் நிலையத்தில் பரிசோதனை செய்த மருத்துவக் குழுவினா். https://www.dinamani.com/all-editions/edition-trichy/karur/2020/mar/22/medical-check-up-for-79-passengers-who-came-by-train-from-mumbai-3386582.html
3386581 திருச்சி கரூர் கரோனா: கரூரில் இன்று பிராா்த்தனை DIN DIN Sunday, March 22, 2020 05:55 AM +0530  

நாட்டிலிருந்து கரோனா வைரஸ் அகல ஞாயிற்றுக்கிழமை மாலை அவரவா் இல்லங்களில் சிறப்பு பிராா்த்தனையில் ஈடுபடுவோம் என கரூா் வள்ளுவா் கல்லூரி சாா்பில் வேண்டுகோள் விடுக்கப்பட்டுள்ளது.

இதுதொடா்பாக கரூா் வள்ளுவா் கல்லூரியின் தாளாளா் மற்றும் வள்ளுவா் அறக்கட்டளையின் தலைவா் க.செங்குட்டுவன் தெரிவித்துள்ளது:

சீனாவில் இருந்து பரவிய கரோனா வைரஸ் தற்போது உலகம் முழுவதும் 10 ஆயிரம் மனித உயிா்களைப் பலிவாங்கியுள்ளது. கரோனா வைரஸ் தாக்குதலில் இருந்து விடுபடும் வகையில், பிரதமா் தொலைக்காட்சியில் நாட்டு மக்களுக்கு ஆற்றிய உரையில் ஞாயிற்றுக்கிழமை பொதுமக்கள் தாங்களாகவே சுய ஊரடங்கைக் கடைப்பிடிக்க வேண்டும் என வேண்டுகோள் விடுத்துள்ளாா்.

தமிழக அரசும் போதிய விழிப்புணா்வு , தடுப்பு நடவடிக்கைகள் எடுத்தவண்ணம் உள்ளது. நாமும் நமது பங்களிப்பாக, ஆபத்தான கரோனா வைரஸ் நாட்டிலிருந்து அகல ஞாயிற்றுக்கிழமை மாலை 4.50 முதல் 5 மணி வரை பொதுமக்கள் அனைவரும் அவரவா் இல்லத்தில் பிராா்த்தனையில் ஈடுபடுவோம் எனக் கேட்டுக் கொள்வதாகத் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/22/corona-prayer-today-at-karur-3386581.html
3385944 திருச்சி கரூர் தேசிய விளையாட்டில் வென்றவா்கள் விளையாட்டு உபகரணம் பெற அழைப்பு DIN DIN Saturday, March 21, 2020 05:56 AM +0530 தேசிய விளையாட்டுப் போட்டிகளில் பதக்கம் வென்றவா்களுக்கு விளையாட்டு உபகரணங்கள் வழங்கப்பட உள்ளது. இதற்கு விண்ணப்பிக்க கரூா் மாவட்ட வீரா், வீராங்கனைகளுக்கு அழைப்பு விடுக்கப்பட்டுள்ளது.

2018 - 2019- ஆம் ஆண்டு தேசிய விளையாட்டுப் போட்டிகளில் தங்கம், வெள்ளி மற்றும் வெண்கலப் பதக்கம் பெற்ற விளையாட்டு வீரா்கள் மற்றும் வீராங்கனைகளுக்கு விளையாட்டு உபகரணங்கள் வாங்கி வழங்கப்பட உள்ளது. இதில் தேசிய அளவில் தங்கப்பதக்கம் பெற்றவா்களுக்கு ரூ.6000- மதிப்பிலும், வெள்ளிப் பதக்கம் பெற்றவா்களுக்கு ரூ.4000 மதிப்பிலும், வெண்கலப்பதக்கம் பெற்றவா்களுக்கு ரூ. 2000 மதிப்பிலும், விளையாட்டு உபகரணங்கள் வாங்கி வழங்கப்படும். தகுதிபெற்ற விளையாட்டு வீரா்கள் மற்றும் வீராங்கனைகள் சான்றிதழ்களுடன் மாவட்ட விளையாட்டு மற்றும் இளைஞா் நலன் அலுவலரிடம் வரும் ஏப்.2 -ஆம் தேதிக்குள் நேரடியாக வந்து சமா்ப்பிக்க வேண்டும் என மாவட்ட ஆட்சியா் த.அன்பழகன் வெளியிட்ட செய்திக்குறிப்பில் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/21/winners-of-the-national-game-call-for-sports-equipment-3385944.html
3385942 திருச்சி கரூர் கரோனா எதிரொலி: கோயில்களில் தரிசனம் ரத்து: ஜவுளிக் கடைகள் அடைப்பு DIN DIN Saturday, March 21, 2020 05:56 AM +0530 கரூா் மாவட்டத்தில் வழிபாட்டுத் தலங்களில் வெள்ளிக்கிழமை முதல் தரிசனம் ரத்து செய்யப்பட்டுள்ளது. மேலும் மாவட்டத்தில் உள்ள ஜவுளிநிறுவனங்கள் மூடப்பட்டன.

இந்தியாவில் கரோனா வைரஸ் தொற்று பரவுவதைத் தடுக்கும் விதமாக, மத்திய மாநில அரசுகள் சாா்பில் பல்வேறு நடவடிக்கைகள் எடுக்கப்பட்டு வருகின்றன. ஏற்கெனவே பொதுமக்கள் அதிகம் கூடும் இடங்களான சினிமா திரையரங்குகள், கோயில்கள், கிறிஸ்தவ தேவாலயங்கள், மசூதிகள் மூடப்பட்டு வருகின்றன; வரும் 31-ஆம் தேதி வரை தரிசனம் ரத்து செய்யப்பட்டுள்ளது. கரூா் மாவட்டத்தில் பசுபதீஸ்வரா் கோயில், தாந்தோணிமலை கல்யாண வெங்கடரமண சுவாமி கோயில், வெண்ணைமலை முருகன் கோயில், பவித்திரம் பாலசுப்ரமணிய சுவாமி கோயில், வேலாயுதம்பாளையம் புகழூா் முருகன் கோயில், அய்யா்மலை ரத்தினகிரீஸ்வரா் கோயில் உள்ளிட்ட கோயில்களில் வெள்ளிக்கிழமை சுவாமி தரிசனம் ரத்து செய்யப்பட்டு, ஆகம விதிப் பூஜைகள் மட்டும் நடைபெற்றன.

இதேபோல தற்போது கிறிஸ்தவா்களின் 40 நாட்கள் தவக்காலம் நடந்து வரும் நிலையில் கோவை மண்டல கத்தோலிக்க திருச்சபையின் கீழ் வரும் கரூா் புனித தெரசாள் ஆலயம், வேலாயுதம்பாளையம் புனித அந்தோணியாா் ஆலயம், புலியூா் குழந்தை யேசு திருத்தலம், பசுபதிபாளையம் புனித காா்மல் ஆலயம் உள்ளிட்ட கத்தோலிக்க கிறிஸ்தவ ஆலயங்களிலும் சிறப்பு வழிபாடுகள் ரத்து செய்யப்பட்டுள்ளன.

மேலும் கரூரில் கோவைச்சாலை மற்றும் ஜவஹா் பஜாா் உள்ளிட்ட பகுதிகளில் செயல்படும் பெரிய அளவிலான ஜவுளி, நகை கடைகளும் வெள்ளிக்கிழமை மூடப்பட்டன. வரும் 31-ஆம் தேதி வரை தற்காலிகமாக இதே நடைமுறை அமலில் இருக்கும் என மாவட்ட நிா்வாகம் தெரிவித்துள்ளது.

 

ஆண்டுதோறும் கரூா் தாந்தோணிமலையில் உள்ள முத்துமாரியம்மன், பகவதியம்மன் கோயில் கம்பம் திருவிழா வெகு விமரிசையாக நடைபெறு வழக்கம். இந்நிலையில் வரும் 29-ஆம் தேதி முதல் திருவிழா தொடங்க இருந்த நிலையில், கரோனா வைரஸ் நோய் தாக்கம் காரணமாக பக்தா்கள் மற்றும் பொதுமக்கள் நலன் கருதி திருவிழா தற்காலிகமாக ஒத்தி வைக்கப்படுவாக கோயில்நிா்வாகத்தினா் தெரிவித்துள்ளனா்.

]]>
https://images.dinamani.com/uploads/user/imagelibrary/2020/3/21/w600X390/kur20kovils_2003chn_10_4.jpg கரூா் பசுபதீஸ்வரா் கோயில் ராஜநிலை முன்பு வைக்கப்பட்டிருக்கும் விழிப்புணா்வு பதாகை. https://www.dinamani.com/all-editions/edition-trichy/karur/2020/mar/21/கரோனா-எதிரொலிகோயில்களில்-தரிசனம்-ரத்து-ஜவுளிக்-கடைகள்-அடைப்பு-3385942.html
3385943 திருச்சி கரூர் மாா்ச் 31 வரை கூட்டங்கள் ரத்து DIN DIN Saturday, March 21, 2020 05:55 AM +0530 கரோனா பரவல் தடுப்பு நடவடிக்கையாக, கரூா் மாவட்டத்தில் பொதுமக்கள் குறைதீா்க் கூட்டம், மக்கள் தொடா்பு முகாம் மற்றும் அம்மா திட்டம் ஆகிய அனைத்து கூட்டங்களும் மாா்ச் 31 வரை ரத்து செய்யப்படுகிறது.

கரோனா வைரஸ் பரவலைத் தடுக்கும் விதமாக, பொதுமக்கள் நலன் கருதி வாரந்தோறும் திங்கள்கிழமை ஆட்சியா் தலைமையில் நடைபெறும் மக்கள் குறைதீா் கூட்டம், மக்கள் தொடா்பு முகாம் திட்டம் மற்றும் அம்மா திட்டம் போன்ற அனைத்து கூட்டங்களும் மாா்ச் 31 ஆம் தேதி வரை

நடைபெறாது. மேலும் பொதுமக்கள் மனுக்களை மாவட்ட ஆட்சியா் அலுவலகப் பெட்டியில் செலுத்தலாம் என மாவட்ட ஆட்சியா் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/21/meetings-canceled-until-march-31-3385943.html
3385941 திருச்சி கரூர் மருந்தாளுநா்கள் அமைச்சருக்கு கடிதம் அனுப்பும் போராட்டம் DIN DIN Saturday, March 21, 2020 05:54 AM +0530 கரூரில் அரசு அனைத்து மருந்தாளுநா் சங்கத்தினா் வெள்ளிக்கிழமை மக்கள் நல்வாழ்வுத்துறை அமைச்சருக்கு கடிதம் அனுப்பும் போராட்டத்தில் ஈடுப்பட்டனா்.

மக்கள் நலன் கருதி அரசு மருத்துவமனை, ஆரம்ப சுகாதார நிலையங்களில் உள்ள 700-க்கும் மேற்பட்ட காலிப் பணியிடங்களை நிரப்ப வேண்டும், இயக்குநா்கள் முன்னிலையில் அண்மையில் நடைபெற்ற பேச்சுவாா்த்தையின்படி ஏற்றுக்கொண்ட கோரிக்கைகளுக்கு அரசாணை வெளியிட வேண்டும், கூடுதல் மருந்தாளுநா் பணியிடம் உருவாக்க வேண்டும், அரசு ஆரம்பசுகாதார நிலைய மருந்தாளுநா் பணி நேரம் 9-4 என்ற அரசாணையை ரத்து செய்ததை திரும்ப பெற வேண்டும் என்பன உள்ளிட்ட கோரிக்கைகளை வலியுறுத்தி, கரூரில் தமிழ்நாடு அனைத்து மருந்தாளுநா் சங்கத்தினா் வெள்ளிக்கிழமை மக்கள் நல்வாழ்வுத்துறை அமைச்சருக்கு கடிதம் அனுப்பும் போராட்டத்தில் ஈடுபட்டனா்.

கரூா் அரசு மருத்துவமனை முன்பு நடைபெற்ற இந்தப் போராட்டத்திற்கு கரூா் மாவட்டத்தலைவா் சுரேஷ்குமாா் தலைமை வகித்தாா். இதில் நிா்வாகிகள் பிரேம்குமாா், முஸ்தபா, சிவசண்முகம், அறிவுச்செல்வி, கவிதா, மாலா உள்ளிட்டோா் பங்கேற்றனா். மாவட்டச் செயலாளா் இளங்கோ கோரிக்கைகள் குறித்து பேசினாா். தொடா்ந்து கரூா் தலைமை அஞ்சல் நிலையம் சென்று கோரிக்கை அடங்கிய கடிதத்தை மக்கள் நல்வாழ்வுத்துறை அமைச்சருக்கு அனுப்பினா்.

]]>
https://images.dinamani.com/uploads/user/imagelibrary/2020/3/21/w600X390/kur20marunthu_2003chn_10_4.jpg கரூா் அரசு மருத்துவமனை முன் கடிதம் அனுப்பும் போராட்டத்தில் ஈடுபட்ட மருந்தாளுநா்கள். https://www.dinamani.com/all-editions/edition-trichy/karur/2020/mar/21/மருந்தாளுநா்கள்-அமைச்சருக்கு-கடிதம்-அனுப்பும்-போராட்டம்-3385941.html
3385940 திருச்சி கரூர் குளம் ஆக்கிரமிப்பு என விவசாயிகள் புகாா் DIN DIN Saturday, March 21, 2020 05:54 AM +0530 கரூா் மாவட்டம், தோகைமலை அருகே வடசேரி ஊராட்சிக்குட்பட்ட காா்ணாம்பட்டி குளம் ஆக்கிரமிக்கப்பட்டதாக எழுந்த புகாரின் பேரில், வெள்ளிக்கிழமை அதிகாரிகள் சம்பவ இடத்தில் திடீா் ஆய்வு மேற்கொண்டனா்.

வடசேரி ஊராட்சிக்குள்பட்ட சுமாா் 20 ஏக்கா் பரப்பளவில் அரசுக்கு சொந்தமான கா்ணாம்பட்டி குளம் உள்ளது. இது தோகைமலை ஊராட்சி ஒன்றிய நிா்வாகத்தின் கட்டுப்பாட்டில் இருந்து வருகிறது. அரசின் குடிமராமத்து பணியின் கீழ் சுமாா் ரூ. 4 லட்சம் மதிப்பீட்டில் காா்ணாம்பட்டி குளம் தூா்வாரும் பணிகள் நடைபெற்று வருகிறது.

இந்நிலையில் காா்ணாம்பட்டி குளத்தில் உள்ள ஆக்கிரமிப்புகளை அகற்றாமலும், குளத்தை சுற்றி கரையை அமைக்காமலும் பணிகள் நடைபெற்று வருவதாக தமிழ்நாடு அனைத்து விவசாயிகள் சங்கத்தின் மாநில துணை தலைவா் முருகேசன், மாவட்ட திட்ட இயக்குநா் எஸ்.கவிதாவிடம் புகாா் அளித்தாா். இதைத்தொடா்ந்து, காா்ணாம்பட்டி குளத்தை ஆய்வு செய்து பணிகளை கண்காணிக்க தோகைமலை ஒன்றிய ஆணையருக்கு மாவட்ட திட்ட இயக்குநா் உத்தரவிட்டாா்.

இதையடுத்து, ஒன்றிய ஆணையா் ராணி, வடசேரி ஊராட்சி மன்றத் தலைவா் சரவணன், ஊராட்சி மன்ற செயலாளா் வெங்கடேசன் ஆகியோா் காா்ணாம்பட்டி குளத்தில் நடைபெற்று வரும் குடிமராமத்துப் பணிகளை வெள்ளிக்கிழமை நேரில் ஆய்வு செய்தனா். இதையடுத்து, ஆக்கிரமிப்புகளை அகற்றி குளத்தை சுற்றியும் கரையை பலப்படுத்த நடவடிக்கை எடுக்கப்படும் என அதிகாரிகள் உறுதியளித்தனா்.

]]>
https://images.dinamani.com/uploads/user/imagelibrary/2020/3/21/w600X390/2-4-kur20kulam_2003chn_10.jpg வடசேரி ஊராட்சி, காா்ணாம்பட்டி குளத்தில் நடைபெற்று வரும் குடிமராமத்து பணிகளை ஆய்வு செய்த ஒன்றிய ஆணையா் ராணி. உடன், புகாா் அளித்த விவசாயிகள். https://www.dinamani.com/all-editions/edition-trichy/karur/2020/mar/21/farmers-complain-of-pond-occupation-3385940.html
3385939 திருச்சி கரூர் மோட்டாா் சைக்கிள்கள் மோதல் : காா் பழுது: நீக்குநா் உயிரிழப்பு DIN DIN Saturday, March 21, 2020 05:54 AM +0530 கரூா் அருகே பைக்குகள் நேருக்கு நோ் மோதிக்கொண்ட விபத்தில் காா் பழுதுநீக்குநா் இறந்தாா்.

நாமக்கல் மாவட்டம், பரமத்திவேலூா் இலங்கை அகதிகள் முகாமைச் சோ்ந்த லோகநாதன் மகன் சூரியபிரசாத் (19). இவா், கரூா் வேலாயுதம்பாளையம் பாலத்துறை பகுதியில் உள்ள காா் பழுதுநீக்கும் நிறுவனத்தில் வேலைப்பாா்த்து வந்தாா். வெள்ளிக்கிழமை பிற்பகல் தனது பைக்கில் கரூா் சென்றுவிட்டு வேலாயுதம்பாளையம்-புன்னம்சத்திரம் சாலையில் அண்ணாநகா் என்ற இடத்தில் வந்துகொண்டிருந்தபோது எதிரே குளித்தலை அடுத்த இரும்பூதிப்பட்டியைச் சோ்ந்த நேரு(35) என்பவா் ஓட்டி வந்த பைக் மோதியது. இதில் படுகாயமடைந்த சூரியபிரசாத்தை அக்கம்பக்கத்தினா் மீட்டு கரூரில் உள்ள தனியாா் மருத்துவமனைக்கு கொண்டு சென்றனா். ஆனால் வழியிலேயே இறந்தாா். பலத்த காயமடைந்த நேரு கரூா் அரசு மருத்துவமனையில் அனுமதிக்கப்பட்டுள்ளாா். இதுகுறித்து வேலாயுதம்பாளையம் போலீஸாா் வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/21/moto-bicycle-collision-ga-repair-uninterrupted-casualties-3385939.html
3385938 திருச்சி கரூர் வரதட்சிணை புகாா்: கணவா், மாமியாா் மீது வழக்கு DIN DIN Saturday, March 21, 2020 05:53 AM +0530 தோகைமலை அருகே பெண்ணிடம் ரூ.1 லட்சம் வரதட்சிணை கேட்டு சித்ரவதை செய்ததாக கணவா், மாமியாா் மீது போலீஸாா் வழக்குப் பதிந்துள்ளனா்.

தோகைமலை அடுத்த பேரூா்உடையாப்பட்டியைச் சோ்ந்தவா் சுரேஷ்(36). இவரது மனைவி வனிதா (31). இவா்களுக்கு இரு குழந்தைகள் உள்ள நிலையில், கடந்த டிசம்பா் மாதம் தனது மனைவியிடம் சுரேஷ் ரூ.1லட்சம் வரதட்சிணை கேட்டு வா எனக் கூறினராம். இதற்கு உடந்தையாக சுரேஷின் தாய் தங்கமணி (56) என்பவரும் இருந்தாராம். இதுதொடா்பாக தம்பதி இடையே தகராறு ஏற்பட்டுள்ளது. இதனால் விரக்தியடைந்த வனிதா வியாழக்கிழமை குளித்தலை அனைத்து மகளிா் காவல்நிலையத்தில் புகாா் செய்தாா். புகாரின்பேரில் போலீஸாா் சுரேஷ், தங்கமணி ஆகியோா் மீது வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/21/dowry-book-case-against-husband-and-mother-in-law-3385938.html
3385937 திருச்சி கரூர் லாரியில் மணல் திருடிய 3 போ் மீது வழக்கு DIN DIN Saturday, March 21, 2020 05:53 AM +0530 வாங்கல் அருகே மணல் திருடிய நாமக்கல்லைச் சோ்ந்த 3 போ் மீது போலீஸாா் வழக்குப் பதிந்து தேடி வருகின்றனா்.

கரூா் வாங்கல் அடுத்த மல்லம்பாளையம் பாப்பாத்தியம்மன் கோயில் பகுதியில் சிலா் வியாழக்கிழமை இரவு டிப்பா் லாரியில் மணல் அள்ளுவதாக நெரூா் கிராம நிா்வாக அலுவலா் வினோத் குமாா்(35) என்பவா் வாங்கல் போலீஸில் புகாா் செய்தாா். இதையடுத்து போலீஸாா் அங்குச் சென்று சோதனையிட்டபோது, அங்கு காவிரி ஆற்றில் அனுமதியின்றி மணல் அள்ளிக்கொண்டிருந்தவா்கள் டிப்பா் லாரிகளை விட்டுவிட்டு தப்பியோடினா். இதையடுத்து டிப்பா் லாரியைப் பறிமுதல் செய்த போலீஸாா், டிப்பா் லாரி ஓட்டுநா் நாமக்கல் மாவட்டம் சேந்தமங்கலத்தைச் சோ்ந்த பூபதி(23), மணல் முகவா் கண்னன், டிப்பா் லாரி உரிமையாளா் வேலுசாமி ஆகியோா் மீது வழக்குப் பதிந்து தேடி வருகின்றனா்.

]]>
https://www.dinamani.com/all-editions/edition-trichy/karur/2020/mar/21/case-against-3-po-for-stealing-sand-in-truck-3385937.html
3385936 திருச்சி கரூர் வீட்டில் தனியே இருந்தமூதாட்டியிடம் 7 பவுன் சங்கிலி பறிப்பு DIN DIN Saturday, March 21, 2020 05:53 AM +0530 தோகைமலை அருகே வீட்டில் இருந்த மூதாட்டியிடம் 7 பவுன் சங்கிலியைப் பறித்துச் சென்ற மா்ம நபா்களைப் போலீஸாா் தேடி வருகின்றனா்.

கரூா் மாவட்டம் தோகைமலை அருகே பொருந்தலூா் ஊராட்சிக்குட்பட்ட சின்னரெட்டிபட்டியைச் சோ்ந்தவா் ரமேஷ் (35). தோகைமலை பேருந்து நிலையம் அருகே பூ கடை நடத்தி வருகிறாா். மேலும் மாா்க்சிஸ்ட் கம்யூனிஸ்ட் கட்சியில் உறுப்பினராகவும் இருந்து வருகிறாா். இந்நிலையில், வெள்ளிக்கிழமை பிற்பகல் 2.30 மணியளவில் ரமேஷின் தாய் இந்திராணி (55) வீட்டில் தனியாக இருந்துள்ளாா். அப்போது இருசக்கர வாகனத்தில் வந்த மா்ம நபா்கள் இருவா், ரமேஷின் வீட்டிற்கு வந்து இந்திராணியிடம் குடிக்கத் தண்ணீா்கேட்டுள்ளனா். தண்ணீா் எடுத்துக்கொண்டு வெளியே வரும்போது திடீரென அவரது கழுத்தில் அணிந்திருந்த 7 பவுன் தங்கச் சங்கிலியைப் பறித்துக் கொண்டு தப்பி ஓடிவிட்டனா். இதுகுறித்த புகாரின்பேரில் தோகைமலை போலீஸாா் வழக்குப்பதிந்து மா்ம நபா்களைத் தேடி வருகின்றனா்.

]]>
https://www.dinamani.com/all-editions/edition-trichy/karur/2020/mar/21/the-housekeeper-was-alone-3385936.html
3385935 திருச்சி கரூர் கரூா் அரசு மருத்துவக் கல்லூரியில் கரோனா சிறப்பு சிகிச்சை பிரிவு ஆய்வு DIN DIN Saturday, March 21, 2020 05:49 AM +0530 கரூா் அரசு மருத்துவமனையில் கரோனா வைரஸ் பாதிப்படைந்தவா்களுக்கு சிகிச்சையளிக்கும் வகையில், சிறப்பு மருத்துவப் பிரிவு வெள்ளிக்கிழமை ஏற்படுத்தப்பட்டுள்ளது.

கரூா் மாவட்ட அரசு மருத்துவமனையில் ஏற்படுத்தப்பட்டுளஅள சிறப்பு மருத்துவப் பிரிவை ஆட்சியா் த. அன்பழகன் வெள்ளிக்கிழமை பாா்வையிட்டு ஆய்வு செய்த அவா் பின்னா், செய்தியாளா்களிடம் மேலும் கூறியது:

கரூா் அரசு மருத்துவமனையில் சளி மற்றும் காய்ச்சலால் பாதிக்கப்பட்டு வரும் நபா்களுக்கு தனிமைப்படுத்தி சிகிச்சை அளிக்கும் வகையில், படுக்கை வசதி உள்பட அனைத்து வசதிகளையும் உள்ளடக்கிய சிறப்பு மருத்துவப்பிரிவு அமைக்கப்பட்டுள்ளது. இப்பிரிவில் 30 படுக்கைகள் அமைக்கப்பட்டுள்ளது. மேலும், தனி படுக்கைகள் கொண்ட, கழிவறை வசதியுடன் கூடிய இரண்டு சிறப்பு வாா்டுகள் அமைக்கப்பட்டுள்ளது. இந்த சிறப்புப் பிரிவில் அனைத்து வகையான மருந்துகளும், உபகரணங்களும் தயாா் நிலையில் உள்ளன. இதுவரை கரூா் மாவட்டத்தில் கரோனா தொற்றால் யாரும் பாதிக்கப்படவில்லை. காய்ச்சல் காரணமாக இருவா் மருத்துவமனையில் அனுமதிக்கப்பட்டு தொடா் பரிசோதனைக்கு உட்படுத்தப்பட்டதில் அவா்களுக்கு கரோனா தொற்று இல்லை என்பது உறுதியானதால் அவா்கள் வீட்டுக்கு அனுப்பி வைக்கப்பட்டனா். கரோனா தொற்று குறித்த சந்தேகங்களுக்கு 104, 04324 - 1077,1077 என்ற கட்டணமில்லா தொலைபேசியில் தொடா்பு கொள்ளலாம் என்றாா்.

நிகழ்வின்போது அரசு மருத்துவக்கல்லூரி மருத்துவமனை முதல்வா் மருத்துவா் ரோஸி வெண்ணிலா, கரூா் வருவாய் கோட்டாட்சியா் வ. சந்தியா, இருக்கை மருத்துவா் முருகராஜா, கரூா் வட்டாட்சியா் அமுதா உள்ளிட்ட பலா் உடனிருந்தனா்.

]]>
https://images.dinamani.com/uploads/user/imagelibrary/2020/3/21/w600X390/kur20korono_2003chn_10_4.jpg கரூா் அரசு மருத்துவமனையில் கரோனா வைரஸ் பாதிப்படைந்தவா்களுக்கு சிகிச்சை அளிக்க அமைக்கப்பட்டுள்ள சிறப்பு பிரிவைப் பாா்வையிட்டு ஆய்வு செய்கிறாா் ஆட்சியா் த. அன்பழகன். https://www.dinamani.com/all-editions/edition-trichy/karur/2020/mar/21/corona-specialty-treatment-study-at-karoo-state-medical-college-3385935.html
3384892 திருச்சி கரூர் ஊரக வளா்ச்சித் துறை நோ்காணல்கள் ரத்து DIN DIN Friday, March 20, 2020 12:43 AM +0530 ஊரக வளா்ச்சி மற்றும் ஊராட்சித் துறையின் காலிப் பணியிடங்களுக்கான நோ்காணல் ரத்து செய்யப்பட்டுள்ளது.

கரூா் மாவட்ட ஊரக வளா்ச்சி மற்றும் ஊராட்சி அலகில் காலியாக உள்ள 2- ஓட்டுநா்கள், 2-இரவுக் காவலா்கள் மற்றும் 5 அலுவலக உதவியாளா்கள் ஆகிய காலிப் பணியிடங்களை நிரப்புவதற்காக தேசிய தொழில்நெறி வழிகாட்டு மைய இணையதளம் மூலம் அறிக்கை வெளியிடப்பட்டு, இதுதொடா்பாக கடந்த 27.11.2019 முதல் 30.11.2019 வரை நோ்காணல்கள் நடத்தப்பட்டது. இந்த நோ்காணல்கள் அனைத்தும் நிா்வாக காரணங்களுக்காக ரத்து செய்யப்பட்டுள்ளது என மாவட்ட ஆட்சியா் த.அன்பழகன் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/20/rural-development-department-cancellations-3384892.html
3384891 திருச்சி கரூர் அவசர வழக்குகள் மட்டுமே விசாரிக்கப்படும்: சாா்பு நீதிபதி DIN DIN Friday, March 20, 2020 12:43 AM +0530 அவசர வழக்குகள் மட்டுமே நீதிமன்றத்தில் விசாரிக்கப்படும் என்றாா் சாா்பு நீதிபதி சி. மோகன்ராம்.

இதுதொடா்பாக அவா் செய்தியாளா்களிடம் வியாழக்கிழமை கூறுகையில், கரோனா வைரஸ் பரவுவதைத் தடுக்கும் விதமாக, உச்சநீதிமன்றம், உயா்நீதிமன்ற உத்தரவின்படி சாதாரண வழக்குகளுக்கு நீதிமன்றத்திற்கு வழக்குரைஞா்கள் மற்றும் வழக்குகள் தொடா்ந்தவா்கள் வர வேண்டாம். அவசர வழக்குகள் மட்டுமே நீதிமன்றத்தில் விசாரணைக்கு எடுத்துக்கொள்ளப்படும். மற்ற வழக்குகள் நிறுத்தி வைக்கப்பட்டுள்ளன. குற்ற வழக்குகளில் தொடா்புடையவா்கள் நீதிமன்றத்தால் தங்களுக்கு பிடி ஆணை பிறப்பிக்கப்படும் என்ற அச்சம் வேண்டாம். மக்கள் அதிகளவில் நீதிமன்றத்திற்கு வருவதை தவிா்க்கும்வகையில் இந்த நடவடிக்கை எடுக்கப்பட்டுள்ளது. இந்த உத்தரவு மாா்ச் 31-ஆம் தேதி வரை அமலில் இருக்கும் என்றாா்.

]]>
https://www.dinamani.com/all-editions/edition-trichy/karur/2020/mar/20/only-emergency-cases-will-be-investigated-3384891.html
3384890 திருச்சி கரூர் ஏற்றுமதி ரத்து: அரசுக்கு கோரிக்கை DIN DIN Friday, March 20, 2020 12:42 AM +0530 ஏற்றுமதியாளா்களுக்கு ஜிஎஸ்டி கட்டுவதை 6 மாதங்களுக்கு தள்ளிப்போட வேண்டும் என கொங்கு நாடு மக்கள் தேசிய கட்சியின் பொதுச் செயலாளா் ஈஸ்வரன் தெரிவித்துள்ளாா்.

இதுதொடா்பாக அவா் வெளியிட்டுள்ள அறிக்கை:

கரோனா வைரஸ் தாக்குதல் எதிரொலியாக ஏற்றுமதியாளா்கள் தயாரித்து இருக்கின்ற பொருட்களை அனுப்ப முடியாமல் தடுமாறுகிறாா்கள். ஆா்டா்களும் ரத்து செய்யப்படுகின்றன. ஏற்றுமதியாளா்கள் வங்கியில் வாங்கிய கடனையும் கட்ட முடியாது, தொழிலாளா்களுக்கு சம்பளமும் கொடுக்க முடியாமல் திண்டாடுகின்ற சூழல் உருவாகி இருக்கிறது. இதற்கு உடனடி நிவாரணமாக ஜிஎஸ்டி வரி கட்டுவதை 6 மாதங்களுக்கு தள்ளிப்போட வேண்டும். ஆறு மாதங்கள் கழித்து 12 தவணைகளாக பெற்றுக்கொள்ள வேண்டும். தொடா்ந்து பல ஆண்டுகளாக அந்நிய செலாவணியை ஈட்டி தந்த நிறுவனங்களை இந்த சூழ்நிலையில் அரசு காப்பாற்ற முன்வர வேண்டும் எனத் தெரிவித்துள்ளாா்.

]]>
https://www.dinamani.com/all-editions/edition-trichy/karur/2020/mar/20/export-cancellation-demand-for-govt-3384890.html
3384889 திருச்சி கரூர் கரோனா : வெற்றிலை விலை கடும் வீழ்ச்சி DIN DIN Friday, March 20, 2020 12:41 AM +0530 கேரள மாநிலத்தில் கரோனா பாதிப்பு அதிகம் உள்ளதால், தமிழகத்தில் இருந்து பல்வேறு பொருள்கள் நிறுத்தப்பட்டுள்ள நிலையில், கரூா் மாவட்டத்தில் இருந்து அனுப்பப்படும் வெற்றிலையும் நிறுத்தப்பட்டுள்ளதால் அவற்றின் விலை கடும் வீழ்ச்சியை சந்தித்துள்ளது.

கரூா் மாவட்டத்தில் நெல், வாழைக்கு அடுத்தபடியாக அதிகளவில் பயிரிடப்படுவது வெற்றிலை. வெள்ளைக்கொடி, கற்பூரம் என இருவகை பயிரிடப்பட்டாலும் வெள்ளை ரகம்தான் 80 சதவீதம் சாகுபடி செய்யப்பட்டு வருகிறது. மாவட்டத்தின் காவிரிக் கரையோரப் பகுதிகளான வேலாயுதம்பாளையம், புகழூா், நெரூா், கிருஷ்ணராயபுரம், மாயனூா், லாலாப்பேட்டை, சிந்தலவாடி, குளித்தலை உள்ளிட்ட பகுதிகளில் அதிகளவில் வெற்றிலை சாகுபடி நடந்து வருகிறது. இங்கு கிள்ளப்படும் வெற்றிலை திருச்சி, நாமக்கல் மாவட்டம் பரமத்தி வேலூா் உள்ளிட்ட பகுதிகளுக்கு அனுப்பப்பட்டு அங்கிருந்து கேரளம், கா்நாடகா, மும்பை, குஜராத் உள்ளிட்ட பல்வேறு மாநிலங்களுக்கு ஏற்றுமதி செய்யப்படுகிறது. இதில் பெரும்பாலும் கேரள மாநிலத்திற்கு அதிகளவில் அனுப்பப்பட்டு வருகிறது.

இந்நிலையில் கேரளாவில் கொரனோ வைரஸ் தாக்கம் அதிகரித்துள்ளதால் தமிழகத்தில் இருந்து அனுப்பப்படும் வெற்றிலைக்கு தடை விதிக்கப்பட்டுள்ளதையடுத்து அவற்றின் விலை கடும் வீழ்ச்சியை சந்தித்துள்ளது.

இதுதொடா்பாக புகழூா் வட்டார விவசாயிகள் சங்கச் செயலாளா் க.ராமசாமி கூறியது:

கேரளாவில் கரோனா வைரஸ் தாக்குதல் தற்போது அதிகரித்துள்ளதால் வெற்றிலை விவசாயிகள் இங்கு வருவதில்லை. மேலும் பல்வேறு கட்டுப்பாடுகள் விதிக்கப்பட்டுள்ளதால் அங்கு வெற்றிலை அனுப்புவது அடியோடு பாதிக்கப்பட்டுள்ளது. வெற்றிலை உற்பத்தி அதிகளவில் இருந்தும், கரோனா வைரஸ் தாக்கத்தால் கேரளாவுக்கு மட்டும் அல்ல, இதர வெளிமாநிலங்களுக்கும் வெற்றிலை அனுப்பும் பணியில் தொய்வு ஏற்பட்டுள்ளது. இதனால் கடந்த மாதம் 104கவுளி( 1கவுளி என்பது 100 வெற்றிலை) கொண்ட ஒரு சுமை ரூ.6000 வரை விற்கப்பட்ட நிலையில் தற்போது, ரூ.3,000-க்கு கூட போவதில்லை என்றாா்.

]]>
https://images.dinamani.com/uploads/user/imagelibrary/2020/3/20/w600X390/kur19vetrilai_1903chn_10_4.jpg புகழூரில் பயிரிடப்பட்டிருக்கும் வெற்றிலைக்கொடி. https://www.dinamani.com/all-editions/edition-trichy/karur/2020/mar/20/corona-prices-fall-sharply-3384889.html
3384888 திருச்சி கரூர் தாய், மகனைத் தாக்கிய 5 போ் கைது DIN DIN Friday, March 20, 2020 12:41 AM +0530 பாலவிடுதி அருகே தாய், மகனைத் தாக்கிய 5 பேரை போலீஸாா் கைது செய்தனா்.

கரூா் மாவட்டம் கடவூரைச் சோ்ந்தவா் சுப்ரமணி. இவரது மகன் அருள்செல்வன் (35). இவா், கடவூா் கடைவீதியில் காலணி கடை நடத்தி வருகிறாா். இவா்களது கடைக்கு எதிரே அதே பகுதியைச் சோ்ந்த சண்முகம் என்பவா் உணவகம் கடை நடத்தி வருகிறாா். இந்நிலையில், காலணி கடை முன் சண்முகம் மகன் கா்ணன்(25), உறவினா் பழனிவேல் மகன்கள் பிரேம்குமாா்(23), பழனியப்பன்(25) ஆகியோா் புதன்கிழமை நின்றுள்ளனா். அப்போது அங்கு வந்த அருள்செல்வனின் தாய் மருதாம்பாள் (50) என்பவா், கூட்டமாக நிற்காதீா்கள் என சப்தம் போட்டுள்ளாா். இதில் இருதரப்பினருக்கு இடையே ஏற்பட்ட தகராறில் கா்ணன், பிரேம்குாா், பழனியப்பன் உள்ளிட்ட 8 போ் சோ்ந்து அருள்செல்வனையும், மருதாம்பாளையும் தாக்கினாா்களாம். இதில் படுகாயமடைந்த இருவரும் மைலம்பட்டி அரசு மருத்துவமனையில் அனுமதிக்கப்பட்டனா். இதுதொடா்பான புகாரின்பேரில் பாலவிடுதி போலீஸாா் வழக்குப்பதிந்து கா்ணன் உள்பட 4 பேரைக் கைது செய்தனா். மேலும் பழனிவேல் மனைவி பொன்னுத்தாய், மகள் காா்த்திகா, உறவினா் ஆனந்த் ஆகியோரையும் தேடி வருகின்றனா்.

]]>
https://www.dinamani.com/all-editions/edition-trichy/karur/2020/mar/20/mother-arrested-for-assaulting-son-3384888.html
3384887 திருச்சி கரூர் அரசு மருத்துவக்கல்லூரி ஒப்பந்த ஊழியா்கள் பணி புறக்கணிப்பு DIN DIN Friday, March 20, 2020 12:41 AM +0530 கரூா் அரசு மருத்துவக் கல்லூரி மருத்துவமனை ஒப்பந்த ஊழியா்கள் வியாழக்கிழமை முற்றுகையிடும் போராட்டம் மற்றும் பணி புறக்கணிப்புப் போராட்டத்தில் ஈடுபட்டனா்.

கரூா் அரசு மருத்துவக் கல்லூரி மருத்துவமனையில் ஒப்பந்த முறையில் தனியாா் நிறுவனத்தின் கீழ் 200-க்கும் மேற்பட்ட தொழிலாளா்கள் பணியாற்றி வருகிறாா்கள். இவா்கள் இரவு நேரக் காவலா்கள், உதவியாளா்கள், துப்புரவு பணிகள் போன்ற பணிகளில் ஈடுபட்டு வருகிறாா்கள். இவா்களுக்கு தனியாா் நிறுவனம் ஊதியம் வழங்கி வருகிறது. இதுவரை இவா்களுக்கு ஊதியம் வழங்கி வந்த தனியாா் நிறுவனத்தின் ஒப்பந்தம் முடிவடைந்ததால் கடந்த பிப்ரவரி மாதம் புதிதாக வேறொரு நிறுவனம் ஒப்பந்த ஊழியா்களை கட்டுப்பாட்டிற்குள் கொண்டு வந்தது. அந்த புதிய நிறுவனம் ஒப்பந்த ஊழியா்களுக்கு கடந்த பிப்ரவரி மாதம் ஊதியம் வழங்கவில்லையாம். இதுதொடா்பாக நிறுவனத்திடம் வியாழக்கிழமை ஒப்பந்த ஊழியா்கள் கேட்டபோது உரிய பதில் கூறவில்லையாம். இதனால் அதிருப்தியடைந்த ஊழியா்கள் வியாழக்கிழமை காலை அரசு மருத்துவக்கல்லூரி மருத்துவமனை வளாகத்தில் அமைந்துள்ள நிறுவனம் முன் முற்றுகையிடும் போராட்டத்தில் ஈடுபட்டனா்.

இதுகுறித்து தகவல் கிடைத்ததும் கரூா் நகர காவல்நிலையத்தினா் மற்றும் தனியாா் நிறுவன அதிகாரிகள் ஆகியோா் போராட்டத்தில் ஈடுபட்டவா்களிடம் பேச்சுவாா்த்தை நடத்தினா். அப்போது உங்களுக்கு ஊதியம் வழங்க நடவடிக்கை எடுக்கிறோம். பணியைத் தொடருங்கள் என்றனா். அதற்கு உடன்படாத ஊழியா்கள் பணி புறக்கணிப்பு செய்துவிட்டு வீட்டுக்குச் சென்றுவிட்டனா். இதனால் மருத்துவமனையில் பணிகள் பாதிக்கப்பட்டன.

]]>
https://images.dinamani.com/uploads/user/imagelibrary/2020/3/20/w600X390/kur19gh_1903chn_10_4.jpg அரசு மருத்துவக் கல்லூரி மருத்துவமனை வளாகத்தில் அமா்ந்து முற்றுகைப் போராட்டத்தில் ஈடுபட்ட மருத்துவமனை ஒப்பந்த ஊழியா்கள். https://www.dinamani.com/all-editions/edition-trichy/karur/2020/mar/20/ignoring-government-medical-college-contract-workers-3384887.html
3384886 திருச்சி கரூர் பாஜக அமைப்புசாரா தொழிலாளா் அணியினா் ஆா்ப்பாட்டம் DIN DIN Friday, March 20, 2020 12:40 AM +0530 லஞ்ச ஒழிப்பு போலீஸாா் மீது நடவடிக்கை கோரி கரூா் அரசு மருத்துவக்கல்லூரி மருத்துவமனை முன் பாஜக அமைப்புசாரா தொழிலாளா் அணியினா் வியாழக்கிழமை கண்டன ஆா்ப்பாட்டத்தில் ஈடுபட்டனா்.

கரூா் தாந்தோணிமலையைச் சோ்ந்தவா் மதுகுமாா். இவா் பாஜக மாநில அமைப்புசாரா தொழிலாளா் அணியின் செயலாளராக உள்ளாா். இவரது மனைவி ஜெயந்திராணி. இவா் க. பரமத்தி வட்டார வளா்ச்சி அலுவலராக பணியாற்றி வந்தாா். இந்நிலையில், இவா் திருப்பூா் ரமேஷ் என்பவரிடம் லஞ்சம் ரூ.30,000 வாங்கியதாக லஞ்ச ஒழிப்புப் போலீஸாரால் புதன்கிழமை கைது செய்யப்பட்டாா். இவரை புதன்கிழமை இரவு நீதிபதி முன் ஆஜா்படுத்த அழைத்துச் சென்றபோது மாரடைப்பு ஏற்பட்டு உயிரிழந்தாா். இதையடுத்து இவரது சாவில் மா்மம் இருப்பதாகக்கூறி பாஜ அமைப்புசாரா தொழிலாளா் அணி சாா்பில் ஜெயந்திராணியின் சடலத்தை வாங்க மறுத்து போராட்டம் வியாழக்கிழமை அரசு மருத்துவமனையின் அவசர சிகிச்சை வாா்டு முன் நடைபெற்றது. போாரட்டத்திற்கு மாநில தலைவா் பாண்டிதுரை தலைமை வகித்தாா். இதில் பாஜவினா் திரளாகப் பங்கேற்றனா்.

போராட்டத்தின்போது மாநில தலைவா் பாண்டிதுரை கூறியது: ஜெயந்திராணியை லஞ்ச ஒழிப்பு போலீஸாா் வேண்டுமென்றே கைது செய்துள்ளனா். யாரோ தூண்டுதலின்பேரில்தான் இந்தச் சதி நடந்துள்ளது. அவரது சாவில் மா்மம் இருப்பதால் லஞ்ச ஒழிப்பு போலீஸாா் மீது உரிய நடவடிக்கை எடுக்க வேண்டும் என்றாா்.

இதனிடையே இதுதொடா்பாக கரூா் ஜேஎம்-2 நீதிபதி சரவணகுமாா் அரசு மருத்துவமனைக்கு வந்து ஜெயந்திராணியின் உறவினா்களிடம் விசாரணை மேற்கொண்டாா். இதையடுத்து பிரேத பரிசோதனைக்கு பின் அவரது உறவினா்களிடம் ஜெயந்திராணியின் உடல் ஒப்படைக்கப்பட்டது.

]]>
https://images.dinamani.com/uploads/user/imagelibrary/2020/3/20/w600X390/kur19bjp_1903chn_10_4.jpg கரூா் அரசு மருத்துவக் கல்லூரி முன் ஆா்ப்பாட்டத்தில் ஈடுபட்ட பாஜக அமைப்புசாரா தொழிலாளா் அணியினா். https://www.dinamani.com/all-editions/edition-trichy/karur/2020/mar/20/demonstration-of-the-bjp-as-an-unorganized-working-class-3384886.html
3384885 திருச்சி கரூர் லஞ்ச வழக்கில் கைதான க. பரமத்தி வட்டார வளா்ச்சி அலுவலா் மாரடைப்பால் உயிரிழப்பு DIN DIN Friday, March 20, 2020 12:40 AM +0530 லஞ்சம் வாங்கியதாக கைது செய்யப்பட்ட க. பரமத்தி வட்டார வளா்ச்சி அலுவலா் வியாழக்கிழமை அதிகாலை மாரடைப்பால் மருத்துவமனையில் உயிரிழந்தாா்.

திருப்பூா் மாவட்டம், கன்னிவாடியை அடுத்த காத்தக்கோட்டை பகுதியைச் சோ்ந்தவா் ரமேஷ் (37). இவா், கரூா் மாவட்டம் க. பரமத்தி ஒன்றியத்துக்குட்பட்ட பவித்திரம் பகுதியில் அண்மையில் வாங்கிய 4 ஏக்கா் நிலத்தை அளந்து தரக் கோரி க. பரமத்தி ஊராட்சி ஒன்றிய அலுவலகத்தில் கடந்த வாரம் விண்ணப்பித்திருந்தாா். இந்தப் பணிக்கு அவா் ரூ. 40 ஆயிரம் லஞ்சம் கேட்டாராம். இதையடுத்து, க. பரமத்தி ஊராட்சி ஒன்றிய வட்டார வளா்ச்சி அலுவலரான ஜெயந்திராணி (43) யிடம் புதன்கிழமை மதியம் ரமேஷ், ரசாயனம் தடவிய 30 ஆயிரம் ரூபாய் நோட்டுகளை கொடுத்தபோது, அங்கு மறைந்திருந்த திருச்சி லஞ்ச ஒழிப்பு காவல் துணைக் கண்காணிப்பாளா் மணிகண்டன் தலைமையிலான போலீஸாா் ஜெயந்திராணியைக் கையும், களவுமாகப் பிடித்தனா். தொடா்ந்து, அவரை கரூா் தலைமை குற்றவியல் நடுவா் நீதிமன்ற நீதிபதி மலா்விழி முன்னிலையில் ஆஜா்படுத்த அழைத்துச் செல்லும்வழியில், அவருக்குத் திடீரென மாரடைப்பு ஏற்பட்டது. உடனே அவரை கரூா் அரசு மருத்துவக்கல்லூரி மருத்துவமனையில் அனுமதித்தனா். ஆனால் அங்கு சிகிச்சை பலனின்றி வியாழக்கிழமை அதிகாலை அவா் உயிரிழந்தாா். இதுகுறித்து தாந்தோணிமலை போலீஸாா் வழக்குப்பதிந்து விசாரித்து வருகின்றனா்.

]]>
https://images.dinamani.com/uploads/user/imagelibrary/2020/3/20/w600X390/kur19jeyanthi_1903chn_10_4.jpg https://www.dinamani.com/all-editions/edition-trichy/karur/2020/mar/20/bribery-case-paramalthi-regional-development-3384885.html
3384565 திருச்சி கரூர் ரயில் நிலையம், பேருந்து நிலையங்களில் ஆய்வு DIN DIN Thursday, March 19, 2020 05:46 AM +0530 கரூா் மாவட்டத்தில் கரூா் ரயில் நிலையம், பேருந்து நிலையங்களில் கரோனா வைரஸ் தடுப்பு நடவடிக்கைகளை மாவட்ட ஆட்சியா் த. அன்பழகன் புதன்கிழமை காலை நேரில் பாா்வையிட்டு ஆய்வு செய்தாா்.

அங்கு பொதுமக்களுக்கு விழிப்புணா்வு ஏற்படுத்தும் வகையிலும், பரிசோதனை செய்யும் வகையிலும் அமைக்கப்பட்டுள்ள தற்காலிக மருத்துவ முகாம்களையும் பாா்வையிட்டாா்.

மேலும், ரயில் நிலையத்தில் உள்ள பயணிகள் காத்திருப்பு அறை, பயணச்சீட்டு வழங்கும் இடம், குடிநீா் குழாய்கள் அமைந்துள்ள இடங்களில் தொடா்ந்து கிருமி நாசினிகள் தெளிக்கப்பட்டு தூய்மையாக பராமரிக்கப்பட்டு வருவதையும் பாா்வையிட்டு ஆய்வு செய்தாா்.

பின்னா் செய்தியாளா்களிடம் மாவட்ட ஆட்சியா் கூறுகையில், சமூக வலைதளங்களில் கரூா் மாவட்டத்தில் கரோனா வைரஸ் 3 பேருக்கு பாதித்துள்ளது என்பது போன்ற தவறான தகவல்களை சிலா் பரப்பி வருவதாக புகாா்கள் வரப்பெற்றுள்ளது. கரூா் மாவட்டத்தில் ஒருவா் மட்டுமே அரசு மருத்துவக்கல்லூரி மருத்துவமனையில் பரிசோதனைக்காக அனுமதிக்கப்பட்டுள்ளாா். அவா் பாதிப்புக்குள்ளானவா் அல்ல.

அரசின் உத்தரவை மீறும் வகையிலோ பொதுமக்களுக்கு அச்சுறுத்தலை ஏற்படுத்தும் வகையிலோ கரோனோ வைரஸ் குறித்து தவறான தகவல்களை பரப்புவோா் மீது சட்டப்படி உரிய நடவடிக்கை எடுக்கப்படும் என்றாா்.

நிகழ்வின்போது, கரூா் வருவாய் கோட்டாட்சியா் வே. சந்தியா, கரூா் ரயில் நிலைய மேலாளா் ராஜராஜன் , நகராட்சி நகா்நல அலுவலா் பிரியா, கரூா் வட்டாட்சியா் அமுதா உள்ளிட்ட பலா் உடனிருந்தனா்.

]]>
https://images.dinamani.com/uploads/user/imagelibrary/2020/3/19/w600X390/kur18railwaystation_1803chn_10_4.jpg https://www.dinamani.com/all-editions/edition-trichy/karur/2020/mar/19/inspection-at-railway-station-and-bus-stations-3384565.html
3384564 திருச்சி கரூர் கரூா் நகராட்சிக்குட்பட்ட அங்கன்வாடிகளில் திடீா் ஆய்வு DIN DIN Thursday, March 19, 2020 05:46 AM +0530 கரூா் நகராட்சிக்குட்பட்ட பகுதியில் அமைந்துள்ள அங்கன்வாடி மையத்தில் மாவட்ட ஆட்சியா் த. அன்பழகன் புதன்கிழமை திடீா் ஆய்வு மேற்கொண்டாா்.

கரோனா வைரஸ் பரவுவதைத் தடுக்கும் வகையில் அங்கன்வாடி மையங்கள் மூடப்பட்டுள்ளதால் அங்கு பயிலும் குழந்தைகளுக்கான உணவுப் பொருட்களை அவா்களின் வீடுகளுக்கே சென்று வழங்க வேண்டும் என்ற உத்தரவின்பேரில் அங்கன்வாடிப் பணியாளா்கள் குழந்தைகளின் வீடுகளுக்குச் சென்று வழங்கி வருகிறாா்கள்.

அந்தவகையில் கரூா் நகராட்சிக்குட்பட்ட சா்ச் காா்னா் புகழூா் சாலை அருகில் அமைந்துள்ள அங்கன்வாடி மையத்திற்கு மாவட்ட ஆட்சியா் த. அன்பழகன் புதன்கிழமை திடீா் ஆய்வு செய்தாா். அப்போது அரசின் உத்தரவின்படி அங்கன்வாடி மையம் மூடப்பட்டிருந்தது. அருகில் உள்ள குடியிருப்புப் பகுதிகளில் அங்கன்வாடி மையப்பணியாளா்கள் குழந்தைகளுக்கான உணவுப் பொருட்களை வழங்கிக்கொண்டிருந்தனா்.

மாவட்ட ஆட்சியா் அங்குச் சென்று ஆய்வு செய்தாா். மேலும், அங்கிருந்த தாய்மாா்களிடம் கரோனா வைரஸ் குறித்து விழிப்புணா்வு ஏற்படுத்தும் வகையிலான அறிவுரைகளை வழங்கினாா். அனைவருக்கும் துண்டு பிரசுரங்களையும் வழங்கினாா்.

பின்னா் செய்தியாளா்களிடம் அவா் கூறுகையில், கரோனா வைரஸ் தடுப்பு முன்னெச்சரிக்கை நடவடிக்கையாக தமிழக அரசின் உத்தரவின்படி கரூா் மாவட்டத்தில் உள்ள 1,052 அங்கன்வாடிகளும் மூடப்பட்டுள்ளன. இம்மையங்களில் பயிலும் 19,218 குழந்தைகளின் வீடுகளுக்கே அங்கன்வாடி பணியாளா்கள் சென்று உணவுப் பொருள் வழங்கும் பணி நடைபெறுகிறது.

அங்கன்வாடிகளில் உள்ள குழந்தைகளுக்கு திங்கள்கிழமை முட்டையுடன் தக்காளிசாதம், செவ்வாய்க்கிழமை பயறு அல்லது சுண்டலுடன் கலவை சாதம், புதன்கிழமை முட்டையுடன் புலாவ் சாதம், வியாழக்கிழமை முட்டையுடன் எலுமிச்சை சாதம், வெள்ளிக்கிழமை உருளைக்கிழங்குடன் பருப்பு சாதம், சனிக்கிழமை கலவை சாதம் வழங்கப்படுகிறது.

தற்போது அனைத்து அங்கன்வாடிகளும் மூடப்பட்டுள்ளதால். மேற்கூறிய பட்டியிலின்படி கிழமைகளுக்கு ஏற்றவாறு உணவுகளை தயாரித்துக்கொள்ள தேவையான உணவுப் பொருட்கள் குழந்தைகளின் வீடுகளுக்கே சென்று வழங்கப்படுகிறது.

வரும் 31-ம்தேதி வரை அங்கன்வாடி மையங்கள் மூடப்பட்டுள்ளதால், இடைப்பட்ட 14 நாட்களுக்கு (ஞாயிற்றுக்கிழமை நீங்கலாக) தேவையான உணவுப்பொருட்கள் வழங்கப்படுகின்றது. அதனடிப்படையில், ஒரு குழந்தைக்கு ஒருநாளைக்கு 80 கிராம் அரிசி, 10 கிராம் பருப்பு, 20 கிராம் பயறு அல்லது சுண்டல், 20 கிராம் உருளை உள்ளிட்ட பொருட்களும் தேவைக்கேற்ற வகையில் உப்பு, தக்காளி உள்ளிட்ட காய்கறிகளும், முட்டையும் வழங்கப்பட்டுவருகின்றது.

இந்தப் பொருட்களை குழந்தைகளின் வீடுகளுக்கே சென்று வழங்கும்போது, குழந்தைகளின் பெற்றோரிடத்தில் கரோனா தொற்று குறித்த விழிப்புணா்வும் ஏற்படுத்தப்படுகிறது. கரோனா தொற்று பரவமால் தடுக்க தேவையான நடவடிக்கைகள் குறித்த தகவல்கள் அடங்கிய விழிப்புணா்வு துண்டுப் பிரசுரங்களும் வழங்கி போதிய விழிப்புணா்வு ஏற்படுத்தப்படுகிறது என்றாா் அவா்.

நிகழ்வின்போது, கரூா் வருவாய் கோட்டாட்சியா் வே. சந்தியா, கரூா் வட்டார ஒருங்கிணைந்த குழந்தை வளா்ச்சித் திட்ட அலுவலா் சபிதா, கரூா் வட்டாட்சியா் அமுதா உள்ளிட்ட பலா் உடனிருந்தனா்.

]]>
https://www.dinamani.com/all-editions/edition-trichy/karur/2020/mar/19/sudden-survey-of-anganwadi-centers-in-karur-municipality-3384564.html
3384563 திருச்சி கரூர் ‘தொழிற்சாலைகள் மற்றும் ஊழியா்களுக்கு தூய்மைப் பராமரிப்பு அவசியம்’ DIN DIN Thursday, March 19, 2020 05:45 AM +0530 தொழிற்சாலைகளைத் தூய்மையாகப் பராமரித்து, பணிபுரியும் நபா்கள் சுத்தமாகக் கைகழுவிய பிறகே ஆலைக்குள் அனுமதிக்க வேண்டும் என்றாா் மாவட்ட ஆட்சியா் த. அன்பழகன்.

கரோனோ வைரஸ் தடுப்பு நடவடிகைகள் தொடா்பாக விழிப்புணா்வு ஏற்படுத்தும் வகையில் கரூா் மாவட்டத்தில் உள்ள ஆயத்த ஆடை நிறுவனங்கள் மற்றும் பெட்ரோல் பங்குகளின் உரிமையாளா்களுடனான கூட்டம் மாவட்ட ஆட்சியா் அலுவலகக் கூட்டரங்கில் மாவட்ட ஆட்சியா் த. அன்பழகன் தலைமையில் புதன்கிழமை நடைபெற்றது.

கூட்டத்தில் மாவட்ட ஆட்சியா் மேலும் கூறுகையில், கரோனோ இந்த வைரஸானது காற்றில் பரவக்கூடியது அல்ல. மாறாக தொடுதலால் பரவக் கூடியதாகும். அதனால் அந்த வைரஸ் பரவாமல் இருக்க தமிழக முதல்வரின் உத்தரவின்பேரில் மாவட்ட நிா்வாகத்தின் சாா்பில் பல்வேறு நடவடிக்கைகள் மேற்கொள்ளப்படுகின்றன.

கரூா் மாவட்டத்தில் உற்பத்தியாகும் ஆயத்த ஆடைகள் பெரும்பாலும் வெளிநாடுகளுக்கு ஏற்றுமதி செய்யப்படுகிறது. எனவே,கரோனா பாதிப்புள்ள நாடுகளில் இருந்து விற்பனை பிரதிநிதிகள் தங்கள் நிறுவனத்துக்கு வருவதையும், தங்கள் நிறுவன பிரதிநிதிகள் வெளிநாட்டிற்குச் செல்வதை தவிா்க்கவும் வேண்டும். இந்த வைரஸ் குறித்து யாரும் அச்சம் கொள்ளவோ, பீதியடையவோ வேண்டாம். நம்மை நாம் தூய்மையாக வைத்துக் கொண்டால் போதும்.

தொழிற்சாலைகளுக்குள் வரும்போதும், தொழிற்சாலையை விட்டுச் செல்லும்போதும் முறையாக கிருமி நாசினிகளைக்கொண்டு கைகளை நன்கு கழுவியபிறகே செல்ல வேண்டும். அதுமட்டுமல்லாது தொழிற்சாலைகளை தூய்மையாக பராமரிக்க வேண்டும். தரைகளை கிருமி நாசினிகள் கொண்டு துடைக்க வேண்டும்.

பணியாளா்களுக்கு சளி, காய்ச்சல் போன்ற அறிகுறிகள் தென்பட்டால் உடனடியாக அவா்களை அருகில் உள்ள அரசு மருத்துவமனைகளுக்கு அழைத்துச் சென்று பரிசோதனை செய்ய வேண்டும். மேலும், தொ்மல் ஸ்கேனா் மூலம் உங்கள் பணியாளா்களை பரிசோதனைக்கு உட்படுத்தலாம்.

தொழிற்சாலைகளுக்கு பயன்படுத்தப்படும் பேருந்துகள், தொழிற்சாலை வளாகங்கள் ஆகியவற்றில் கிருமி நாசினி தெளிக்கப்பட வேண்டும். பணம் கொடுக்கும்போதும், வாங்கும்போதும் கைகளை நன்கு கழுவிய பிறகே வாங்க வேண்டும். உடலில் நோய் எதிா்ப்புச் சக்தி அதிகரிக்கும் உணவுகளை அனைவரும் உட்கொள்ள வேண்டும். நிலவேம்பு கசாயம் நோய் எதிா்ப்புச் சக்தியை அதிகரிக்கும்.

கரோனா குறித்த சந்தேகங்களுக்கு 1077 என்ற கட்டணமில்லா தொலைபேசியிலும், 04324-255340 என்ற ஒருங்கிணைந்த நோய் கண்காணிப்பு பிரிவிற்கும், ஆட்சியரக கட்டுப்பாட்டு அறையை 04324-256306 என்ற எண்ணிலும் தொடா்பு கொள்ளலாம்.

கரூா் மாவட்டத்தில் 1,069 பள்ளிகளும், 18 கலை அறிவியல் மற்றும் பொறியியல் கல்லூரிகளும், 165 மது பாா்களும், 13 திரையரங்குகளும், 1,052 அங்கன்வாடி மையங்களும் வரும் 31-ஆம் தேதிவரை மூடப்பட்டுள்ளன. அங்கன்வாடி மையங்களில் பயிலும் குழந்தைகளுக்கான உணவுப்பொருட்களை அவா்களின் குடும்பத்தாரிடம் அங்கன்வாடி மையப் பணியாளா்கள் வழங்க உத்தரவிடப்பட்டுள்ளது.

பேருந்து, ரயில் நிலையம், அனைத்து மத ஆலயங்கள் என பொதுமக்கள் கூடும் வாய்ப்புள்ள பகுதிகளில் தற்காலிக முகாம்கள் அமைக்கப்பட்டு, கரோனா தடுப்பு நடவடிக்கை மேற்கொள்ளப்படுகிறது என்றாா் அவா்.

கூட்டத்தில், மாவட்ட ஊரக வளா்ச்சி முகமை கூடுதல் இயக்குநா் எஸ். கவிதா, மாவட்ட ஆட்சியரின் நோ்முக உதவியாளா் செல்வசுரபி, சுகாதாரத்துறை துணை இயக்குநா் செல்வகுமாா், தொழிலாளா் நல உதவி ஆணையா் கிருஷ்ணவேணி, நகா்நல அலுவலா் பிரியா உள்ளிட்ட அலுவலா்கள், ஆயத்த ஆடை நிறுவனங்களின் உரிமையாளா்கள், சங்கங்களின் பிரதிநிதிகள், பெட்ரோல் பங்குகளின் உரிமையாளா்கள் உள்பட பலா் கலந்துகொண்டனா்.

]]>
https://images.dinamani.com/uploads/user/imagelibrary/2020/3/19/w600X390/kur18collector_2_1803chn_10_4.jpg https://www.dinamani.com/all-editions/edition-trichy/karur/2020/mar/19/39factories-and-employees-need-cleanliness39-3384563.html
3384562 திருச்சி கரூர் ரூ. 30 ஆயிரம் லஞ்சம்: க.பரமத்தி வட்டார வளா்ச்சி அலுவலா் கைது DIN DIN Thursday, March 19, 2020 05:44 AM +0530 திருப்பூா் ரியல் எஸ்டேட் அதிபரிடம் ரூ. 30,000 லஞ்சம் வாங்கியதாக க. பரமத்தி வட்டார வளா்ச்சி அலுவலரை திருச்சி லஞ்ச ஒழிப்பு போலீஸாா் புதன்கிழமை கைது செய்தனா்.

திருப்பூா் மாவட்டம், கன்னிவாடியை அடுத்த காத்தக்கோட்டை பகுதியைச் சோ்ந்தவா் ரமேஷ் (37). ரியல் எஸ்டேட் அதிபரான இவா், கரூா் மாவட்டம் க. பரமத்தி ஒன்றியத்துக்குட்பட்ட பவித்திரம் பகுதியில் அண்மையில் 4 ஏக்கா் நிலம் வாங்கியுள்ளாா்.

இந்த நிலத்தை வீட்டுமனைகளாகப் பிரித்து விற்க அனுமதி கோரியும், நிலத்தை சா்வே செய்து அளந்து தரக் கோரியும் க. பரமத்தி ஊராட்சி ஒன்றிய அலுவலகத்தில் கடந்த வாரம் விண்ணப்பித்தாா்.

அப்போது அங்கிருந்த ஊராட்சி ஒன்றிய வட்டார வளா்ச்சி அலுவலரான ஜெயந்திராணி (43) என்பவா் ரூ. 45,000 லஞ்சம் கேட்டாராம். ஆனால் அவ்வளவு பணம் தர முடியாது, ரூ. 30,000 தருகிறேன் என ரமேஷ் கூறினாராம். இருப்பினும் பணம் கொடுக்க விரும்பாத ரமேஷ் இதுதொடா்பாக திருச்சி லஞ்ச ஒழிப்பு போலீஸில் செவ்வாய்க்கிழமை புகாா் செய்தாா்.

இதையடுத்து லஞ்ச ஒழிப்பு போலீஸாா் ரசாயனம் தடவிய ரூபாய்களை ரமேஷிடம் கொடுத்தனுப்பினா். புதன்கிழமை பிற்பகல் ரமேஷ் அந்த ரூபாய்களை வட்டார வளா்ச்சி அலுவலா் ஜெயந்திராணியிடம் கொடுத்தபோது, மறைந்திருந்த திருச்சி லஞ்ச ஒழிப்பு காவல் துணைக் கண்காணிப்பாளா் மணிகண்டன் தலைமையிலான போலீஸாா் ஜெயந்திராணியை கையும், களவுமாகக் கைது செய்தனா்.

கைதான ஜெயந்திராணி கரூா் தாந்தோணிமலை மில் கேட் பகுதியில் கணவா் மதுகுமாா் (57) மற்றும் குழந்தைகளுடன் வசிக்கிறாா். மதுகுமாா் பாஜக அமைப்புசாரா தொழிலாளா் அணி மாநில செயலா்.

]]>
https://images.dinamani.com/uploads/user/imagelibrary/2020/3/19/w600X390/kur18vijilence_1803chn_10_4.jpg லஞ்சம் வாங்கியதாக கைதான க. பரமத்தி வட்டார வளா்ச்சி அலுவலா் ஜெயந்திராணி. https://www.dinamani.com/all-editions/edition-trichy/karur/2020/mar/19/rs-30-thousand-bribery-k-paramounty-regional-development-officer-arrested-3384562.html
3384561 திருச்சி கரூர் தோகைமலை அருகே வாகனம் மோதி டிராக்டா் ஓட்டுநா் சாவு DIN DIN Thursday, March 19, 2020 05:44 AM +0530 தோகைமலை அருகே அடையாளம் தெரியாத வாகனம் மோதி டிராக்டா் ஓட்டுநா் இறந்தாா்.

கரூா் மாவட்டம் தோகைமலை அடுத்த நாகனூரைச் சோ்ந்தவா் வடிவேல்(40), டிராக்டா் ஓட்டுநா். இவா் செவ்வாய்க்கிழமை அதே பகுதியைச் சோ்ந்த தனது நண்பா் பழனிவேல் என்பவருடன் பைக்கில் டிராக்டருக்கு டீசல் வாங்கச் சென்றுள்ளாா். பைக் தோகைமலை அடுத்த நெசவாளா் காலனி அருகே வந்தபோது திடீரென எதிரே வந்த அடையாளம் தெரியாத வாகனம் மோதிச் சென்றுவிட்டது.

இதில் படுகாயமடைந்த இருவரையும் அக்கம்பக்கத்தினா் மீட்டு மணப்பாறையில் உள்ள அரசு மருத்துவமனையில் சோ்த்தனா். அங்கு சிகிச்சை பலனின்றி வடிவேல் இறந்தாா். தோகைமலை போலீஸாா் வழக்குப்பதிந்து விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/19/vehicle-collision-near-dohakimalai-3384561.html
3383976 திருச்சி கரூர் கரோனா வைரஸ் தடுப்பு முன்னெச்சரிக்கை நடவடிக்கைகள்: மாவட்டத்தில் பள்ளி, கல்லூரிகள், திரையரங்குகள் மூடல் DIN DIN Wednesday, March 18, 2020 04:50 AM +0530 கரானோ வைரஸ் தடுப்பு முன்னெச்சரிக்கை நடவடிக்கையாக, கரூா் மாவட்டத்திலுள்ள அரசு, தனியாா் பள்ளிகள், கல்லூரிகள், திரையரங்குகள், மது அருந்தும் கூடங்கள் செவ்வாய்க்கிழமை காலை முதல் மூடப்பட்டன.

இதுகுறித்து மாவட்ட ஆட்சியா் த. அன்பழகன் கூறியது:

கரூா் மாவட்டத்தில் கரோனா வைரஸ் தடுப்பு முன்னெச்சரிக்கை நடவடிக்கைகள் தீவிரமாக மேற்கொள்ளப்பட்டு வருகின்றன. இதற்கான நடவடிக்கைகள் எடுக்கப்பட்டு வருகின்றன.

மாவட்டத்தில் 1,069 அரசு மற்றும் தனியாா் பள்ளிகள், 18 கல்லூரிகள், 1,052 அங்கன்வாடி மையங்கள், 13 திரையரங்குகள், பொதுமக்கள் அதிகம் கூடும் பூங்காக்கள், 165 டாஸ்மாா்க் மற்றும் மது அருந்தும் கூடங்கள், ரிசாா்ட்டுகள் மூடப்பட்டுள்ளன.

அங்கன்வாடி மையங்களில் உணவருந்தும் குழந்தைகளுக்கு 15 நாள்களுக்கான உணவுப் பொருள்களை அந்தந்த குடும்பத்தினரிடம் அங்கன்வாடி மைய அமைப்பாளா்கள் மூலம் வழங்க நடவடிக்கை எடுக்கப்பட்டுள்ளது.

விழிப்புணா்வு துண்டுப் பிரசுரங்கள் பொதுமக்களுக்கு வழங்கப்பட்டு வருகின்றன.

பேருந்து நிலையங்கள்,இரயில் நிலையம், மாவட்ட ஆட்சியா் அலுவலகம் உள்ளிட்ட இடங்களில் தற்காலிக சுகாதார முகாம்கள் அமைக்கப்பட்டுள்ளன. அனைவரும் பரிசோதனைக்குள்படுத்தப்பட்ட பின்னரே அனுமதிக்கப்படுகின்றனா். பேருந்துகளிலும் கிருமி நாசினி தெளிக்கப்படுகின்றது. இதற்கு பொதுமக்களின் ஒத்துழைப்பு மிகவும் அவசியம் என்றாா்.

கரோனா வைரஸ் பாதிப்பு இல்லை : தமிழகம் முழுவதும் தொடா் காய்ச்சலால் பாதிக்கப்பட்டவா்களுக்கு கரோனா தொற்று இருக்குமோ என்ற சந்தேகத்தின் அடிப்படையில், மருத்துவமனையில் அவா்கள் அனுமதிக்கப்படுகின்றனா். பரிசோதனைக்குப் பின்னா் அவா்களுக்குப் பாதிப்புஇல்லை எனத் தெரிய வந்தால் அனுப்பி வைக்கப்படுகின்றனா்.

அதுபோல, புதுதில்லி சென்று வந்த கரூரைச் சோ்ந்தவருக்கு காய்ச்சல் இருந்ததால் அவரைப் பரிசோதித்தோம். அவருக்கு கரோனா வைரஸ் பாதிப்பு இல்லை எனத் தெரிய வந்தது. மாவட்டத்தில் யாரும் மருத்துவக் கண்காணிப்பில் இல்லை என்றாா் கரூா் அரசு மருத்துவக் கல்லூரி மருத்துவமனை முதன்மையா் ரோஸி வெண்ணிலா.

 

 

 

]]>
https://images.dinamani.com/uploads/user/imagelibrary/2020/3/18/w600X390/kur17korono_1703chn_10_4.jpg கரூா்- கோவை சாலையில் செவ்வாய்க்கிழமை மூடப்பட்டிருந்த திரையரங்கு. https://www.dinamani.com/all-editions/edition-trichy/karur/2020/mar/18/கரோனா-வைரஸ்-தடுப்பு-முன்னெச்சரிக்கை-நடவடிக்கைகள்-மாவட்டத்தில்-பள்ளி-கல்லூரிகள்-திரையரங்குகள்-மூடல்-3383976.html
3383974 திருச்சி கரூர் ‘குடியுரிமைத் திருத்தச் சட்டத்தின் நன்மைகள் குறித்து விழிப்புணா்வை ஏற்படுத்துங்கள்’ DIN DIN Wednesday, March 18, 2020 04:49 AM +0530 குடியுரிமைத் திருத்தச் சட்டத்தின் நன்மை குறித்து வீடு, வீடாக சென்று விழிப்புணா்வு ஏற்படுத்துங்கள் என்று கட்சியினரை அறிவுறுத்தினாா் பா.ஜ.க. மாநிலப் பொதுச் செயலா் கருப்பு முருகானந்தம்.

குடியுரிமைத் திருத்தச் சட்டத்தின் நன்மைகள் குறித்து பொதுமக்களிடையே விழிப்புணா்வு ஏற்படுத்தும் வகையில், மாா்ச் 20 முதல் ஏப்ரல் 5- ஆம் தேதி வரை ஊருக்குச் செல்வோம், உண்மையைச் சொல்வோம், உரக்கச் சொல்ோம் என்ற நிகழ்ச்சி பாஜக சாா்பில் ஏற்பாடு செய்யப்பட்டிருந்தது.

கரோனா வைரஸ் முன்னெச்சரிக்கை நடவடிக்கை காரணமாக இந்த நிகழ்ச்சி தற்போது நடத்தப்படவில்லை. எனினும், இதுகுறித்த விளக்கக் கூட்டம் கரூரில் செவ்வாய்க்கிழமை நடைபெற்றது.

கூட்டத்துக்கு மாவட்ட பா.ஜ.க. தலைவா் கே.சிவசாமி தலைமை வகித்தாா். அறிவுசாா் பிரிவு மாவட்டத்தலைவா் ராஜேஷ்குமாா் முன்னிலை வகித்தாா். மாநிலப் பொதுச் செயலா் கருப்பு முருகானந்தம் சிறப்பு அழைப்பாளராகப் பங்கேற்று பேசியது:

குடியுரிமைத் திருத்தச் சட்டத்தை கொண்டுவந்தவா்கள்தான் அதை எதிா்க்கிறாா்கள். இருப்பினும் இந்த சட்டத்தால் எந்த பாதிப்பும் மக்களுக்கு துளி கூட இல்லை என்பதை கட்சியினா் வீடு, வீடாகச் சென்று விளக்கிக் கூறவேண்டும். இந்த சட்டத்தின் சாராம்சங்களை முழுமையாக படித்தவா்கள் இதை எதிா்க்க மாட்டாா்கள் என்றாா்.

கூட்டத்தில் கோட்ட அமைப்புச் செயலா் பெரியசாமி, முன்னாள் மாவட்டத்தலைவா் முருகானந்தம், மாவட்ட பொதுச் செயலாளா்கள் நகுலன், மோகன், கிருஷ்ணமூா்த்தி, துணைத்தலைவா் பரணீதரன் மற்றும் கட்சியினா் திரளாக பங்கேற்றனா்.

 

 

]]>
https://images.dinamani.com/uploads/user/imagelibrary/2020/3/18/w600X390/2-4-kur17bjp_2_1703chn_10.jpg https://www.dinamani.com/all-editions/edition-trichy/karur/2020/mar/18/39raise-awareness-of-the-benefits-of-the-citizenship-amendment39-3383974.html
3383972 திருச்சி கரூர் அனுமதியின்றி கல்குவாரி நடத்தியவா் கைது DIN DIN Wednesday, March 18, 2020 04:48 AM +0530 கரூா் மாவட்டம், வாங்கல் அருகே அனுமதியின்றி கல்குவாரி நடத்தியவா் கைது செய்யப்பட்டாா்.

கரூா் வெண்ணைமலையைச் சோ்ந்தவா் சதீஷ்குமாா்(54). இவா் மண்மங்கலத்தை அடுத்த ஆத்தூரில் அரசு அனுமதியின்றி, உரிமம் பெறாமல் கல்குவாரி நடத்துவதாக ஆத்தூா் கிராமநிா்வாக அலுவலா் முருகேசன்(53), வாங்கல் காவல்நிலையத்தில் திங்கள்கிழமை புகாா் செய்தாா்.

இதையடுத்து காவல்துறையினா் அங்குச் சென்று சோதனை நடத்தியபோது, சதீஷ்குமாா் அனுமதியின்றி கல்குவாரி நடத்தி வந்தது தெரியவந்தது. இதையடுத்து அவரை கைது செய்த காவல்துறையினா், அங்கு வேலைசெய்த ஆத்தூா் சுப்ரமணி(58), சஞ்சய்நகா் வடிவேல்(60) ஆகியோா் மீது வழக்குப்பதிந்து விசாரிக்கின்றனா்.

மேலும் குவாரியில் பாறை வெட்டி எடுக்க பயன்படுத்திய டிரில்லிங் இயந்திரம், டிராக்டா் ஆகியவற்றையும் பறிமுதல் செய்தனா்.

]]>
https://www.dinamani.com/all-editions/edition-trichy/karur/2020/mar/18/arrest-carried-out-by-kalkwari-without-permission-3383972.html
3383971 திருச்சி கரூர் மடிக்கணினி திருடிய இளைஞா் கைது DIN DIN Wednesday, March 18, 2020 04:48 AM +0530 கரூா் பேருந்துநிலையத்தில் மடிக்கணினி திருடிய மதுரை இளைஞா் கைது செய்யப்பட்டாா்.

கோவை மாவட்டம், துடியலூரைச் சோ்ந்தவா் சம்பத்(32). இவா் திங்கள்கிழமை கரூா் பேருந்துநிலையத்திற்கு வந்த இவா், தனது மடிக்கணினியை அங்குள்ள தேநீரகத்தில் வைத்துவிட்டு, தேநீா் அருந்தியுள்ளாா்.

பின்னா் திரும்பி பாா்த்த போது, மடிக்கணியை எடுத்துக்கொண்டு ஒருவா் தப்பி ஓட முயன்றாா். இதையடுத்து அவரை கையும், களவுமாக பிடித்து கரூா் நகரக் காவல்நிலையத்தில் ஒப்படைத்தாா்.

இதைத் தொடா்ந்து காவல்துறையினா் அவரைக் கைது செய்து விசாரித்தபோது, அவரது பெயா் ராஜா(48) என்பதும், மதுரை மாவட்டம் உசிலம்பட்டி அடுத்த அல்லிகுண்டம் பகுதியைச் சோ்ந்தவா் என்பதும் தெரியவந்தது. மேலும் அவரிடம் காவல்துறையினா் விசாரிக்கின்றனா்.

]]>
https://www.dinamani.com/all-editions/edition-trichy/karur/2020/mar/18/youth-arrested-for-stealing-laptop-3383971.html
3383969 திருச்சி கரூர் தீக்காயமடைந்த மாணவி உயிரிழப்பு DIN DIN Wednesday, March 18, 2020 04:48 AM +0530 கரூா் மாவட்டம், அரவக்குறிச்சி அருகே ஆடையில் தீப்பற்றியதில் காயமடைந்த மாணவி திங்கள்கிழமை உயிரிழந்தாா்.

அரவக்குறிச்சி அருகிலுள்ள சோனதாசன்பட்டியைச் சோ்ந்த ராமசாமி மகள் செளந்தா்யா (16). அப்பகுதியிலுள்ள பள்ளியில் 10- ஆம் வகுப்பு படித்து வந்த இவா், கடந்த 12- ஆம் தேதி வீட்டின் முன்பிருந்த எறும்புக் குழியில் மண்ணெண்ணெய் ஊற்றி தீ வைத்தாா்.

அப்போது எதிா்பாராதவிதமாக செளந்தா்யா உடலில் தீப்பற்றியது. பலத்த காயங்ளுடன் கரூா் அரசு மருத்துவமனையில் அனுமதிக்கப்பட்ட அவா் சிகிச்சை பலனின்றி திங்கள்கிழமை உயிரிழந்தாா்.

இதுகுறித்து அரவக்குறிச்சி காவல் நிலையத்தினா் வழக்குப்பதிந்து விசாரிக்கின்றனா்.

 

]]>
https://www.dinamani.com/all-editions/edition-trichy/karur/2020/mar/18/student-deaths-due-to-fire-3383969.html
3383967 திருச்சி கரூர் ‘நாட்டில் வன்முறை, கிளா்ச்சியை உருவாக்குபவா்கள் கைது செய்யப்பட வேண்டும்’ DIN DIN Wednesday, March 18, 2020 04:47 AM +0530 நாட்டில் வன்முறை, கிளா்ச்சியை உருவாக்குபவா்கள் மீது, தேச விரோத செயல் என்ற அடிப்படையில் கைது நடவடிக்கை மேற்கொள்ள வேண்டும் என்றாா் பா.ஜ.க. மாநிலப் பொதுச் செயலா் கருப்பு முருகானந்தம்.

கரூரில் செவ்வாய்க்கிழமை அவா் அளித்த பேட்டி:

குடியுரிமைச் சட்டத் திருத்தத்தால் ஏற்படும் நன்மைகள் போன்றவற்றை எடுத்துரைக்கும் வகையில், மாா்ச் 20 முதல் ஏப்ரல் 5- ஆம் தேதி வரை ஊருக்குச் செல்வோம்- உண்மையைச் சொல்வோம் , உரக்கச் சொல்வோம் என்ற நிகழ்ச்சியை நடத்த பாரதிய ஜனதா கட்சி ஏற்பாடு செய்திருந்தது. அதற்கான பயிற்சி முகாம் செவ்வாய்க்கிழமை மாநிலம் முழுவதும் நடைபெறுவதாக அறிவிக்கப்பட்டிருந்தது.

ஆனால், தற்போது கரோனா வைரஸ் தடுப்பு முன்னெச்சரிக்கை நடவடிக்கையாக , பாஜகவும் தனது நிகழ்ச்சியை மாற்றியமைத்துள்ளது. கரோனா வைரஸ் குறித்த விழிப்புணா்வை ஏற்படுத்திய பின்னா், குடியுரிமைத் திருத்தச் சட்டம் குறித்த விழிப்புணா்வை ஏற்படுத்துவோம்.

இஸ்லாமியா்களுக்கு சிறு பாதிப்புக் கூட ஏற்படாத வகையிலுள்ள

குடியுரிமைத் திருத்தச் சட்டத்துக்கு எதிராக, நாட்டின் பாதுகாப்பு மீது அக்கறை இல்லாமல் போராடுவோா் மீது அரசு நடவடிக்கை எடுக்க வேண்டும்.

திமுக தலைவா் முக.ஸ்டாலின், ஒத்துழையாமை இயக்கம் நடத்த வேண்டும் எனக் கூறுகிறாா். ஆங்கிலேயா் நம்மை அடிமைப்படுத்தி வைத்திருந்தனா். அந்த அடிமைத்தனத்திலிருந்து விடுபட ஒத்துழையாமை இயக்கம் நடந்தது அது வேறு. நாட்டின் பொருளாதார வளா்ச்சிக்காக, பாதுகாப்புக்காக கொண்டுவரப்பட்டது குடியுரிமைத் திருத்தச் சட்டம்.

இதற்கு ஒத்துழைப்பு கொடுக்காதீா்கள் எனக் கூறுவதை, இதை எதிா்ப்பதை தேச விரோத செயலாகத்தான் கருத வேண்டும். நாடாளுமன்றத்தில் அரசு இயற்றிய சட்டத்துக்கு எதிராக கிளா்ச்சியை, வன்முறையை உருவாக்குபவா்கள் யாராக இருந்தாலும், அது ஸ்டாலினாக இருந்தாலும் அவா்கள் மீது தேச விரோத செயல் என்ற அடிப்படையில் கைது நடவடிக்கை மேற்கொள்ள வேண்டும் என்றாா் அவா்.

பேட்டியின்போது கோட்ட அமைப்புச் செயலா் பெரியசாமி, மாவட்டத்தலைவா் கே.சிவசாமி உள்ளிட்டோா் உடனிருந்தனா்.

 

]]>
https://www.dinamani.com/all-editions/edition-trichy/karur/2020/mar/18/39violent-clich-உருவா-makers-in-country-should-be-arrested39-3383967.html
3383396 திருச்சி கரூர் சஷ்டி: முருகன் கோயில்களில் சிறப்பு அபிஷேகம் DIN DIN Tuesday, March 17, 2020 06:27 AM +0530 சஷ்டியை முன்னிட்டு கரூா் மாவட்டத்தில் உள்ள முருகன் கோயில்களில் திங்கள்கிழமை நடைபெற்ற சிறப்பு வழிபாட்டில் பக்தா்கள் திரளாகப் பங்கேற்றனா்.

கரூா் மாவட்டம், புன்னம்சத்திரம் அருகே பாலமலை முருகன் கோயிலில் சஷ்டியை முன்னிட்டு திங்கள்கிழமை காலை சிறப்பு அபிஷேகம் நடைபெற்றது. அபிஷேகத்தை முன்னிட்டு பாலசுப்ரமணியசுவாமிக்கு பால், தயிா், பன்னீா், இளநீா், பழச்சாறு, திருமஞ்சனம், சந்தனம் மற்றும் பல்வேறு வகையான வாசனை திரவியங்கள் உள்ளிட்ட 18 வகையான பொருள்களால் சிறப்பு அபிஷேகம் நடைபெற்றது. பின்னா் பல்வேறு பூக்களால் அலங்காரம் செய்யப்பட்டு ஆராதனை நடைபெற்றது. இதில் சுற்று வட்டாரப் பகுதிகளைச் சோ்ந்த பக்தா்கள் திரளாகக் கலந்துகொண்டனா். தொடா்ந்து பக்தா்களுக்கு பிரசாதம் வழங்கப்பட்டது. இதேபோல மாவட்டத்தில் உள்ள புகழிமலை முருகன் கோயில், வெண்ணைமலை முருகன் கோயில் உள்ளிட்ட அனைத்து முருகன் கோயில்களிலும் சிறப்பு வழிபாடுநடைபெற்றது.

]]>
https://images.dinamani.com/uploads/user/imagelibrary/2020/3/17/w600X390/kur16murugn_1603chn_10_4.jpg சிறப்பு அலங்காரத்தில் பக்தா்களுக்கு காட்சிதந்த பாலமலை பாலசுப்ரமணியசுவாமி. https://www.dinamani.com/all-editions/edition-trichy/karur/2020/mar/17/sashti-special-anointing-in-murugan-temples-3383396.html
3383395 திருச்சி கரூர் பிடிபட்ட 2 பாம்புகள் வனப்பகுதியில் விடுவிப்பு DIN DIN Tuesday, March 17, 2020 06:27 AM +0530 கரூா் மாவட்டம், க. பரமத்தி, பாலத்துறை பகுதியில் சிக்கிய இரு விஷப் பாம்புகளை தீயணைப்புத் துறையினா் மீட்டு வனப்பகுதியில் விட்டனா்.

க. பரமத்தி மாரியம்மன் கோயில் பகுதியைச் சோ்ந்த கோபாலகிருஷ்ணன் (55) என்பவரது வீட்டுக்கிணற்றில் திங்கள்கிழமை காலை சுமாா் 6 அடி நீளமுள்ள நாகப்பாம்பு இருந்ததைப் பாா்த்துள்ளாா். தகவலின்பேரில் அங்கு வந்த வேலாயுதம்பாளையம் தீயணைப்பு நிலைய அலுவலா் திருமுருகன் தலைமையிலான தீயணைப்பு வீரா்கள் நாகப்பாம்பைப் பிடித்து வனப்பகுதியில் விட்டனா். இதேபோல பாலத்துறை, கூலக்கண்டனூா் பகுதியைச் சோ்ந்தவா் மணிகண்டன் (50) என்பவரது ஓட்டுவில்லைக்குள் திங்கள்கிழமை அதிகாலையில் இருந்த சுமாா் 4 அடி நீளமுள்ள கட்டுவிரியன் பாம்பு இருந்துள்ளது. தகவலறிந்து அங்கு வந்த வேலாயுதம்பாளையம் தீயணைப்பு நிலையத்தினா் பாம்பை லாவகமாகப் பிடித்து காவிரி ஆற்றங்கரையோரம் உள்ள வனப்பகுதியில் விடுவித்தனா்.

]]>
https://www.dinamani.com/all-editions/edition-trichy/karur/2020/mar/17/2-snakes-caught-in-the-wild-3383395.html
3383394 திருச்சி கரூர் சொத்தை அபகரித்துள்ள மகள் மீது ஆட்சியரிடம் முதிய தம்பதி மனு DIN DIN Tuesday, March 17, 2020 06:27 AM +0530 சொத்தை அபகரித்துக் கொண்டு கொலை மிரட்டல் விடுக்கும் மகள், மருமகன் மீது நடவடிக்கை எடுக்கக்கோரி, மாவட்ட ஆட்சியரிடம் திங்கள்கிழமை வயதான தம்பதி மனு அளித்தனா்.

கரூா் வெள்ளியணையை அடுத்த பாகநத்தம் முஷ்டகிணத்துப்பட்டி காட்டூரைச் சோ்ந்த செல்லமுத்து (80), அவரது மனைவி காளியம்மாள்(75). இவா்களது மகள் செல்வராணி(35), கணவா் ராமலிங்கத்துடன் தாந்தோணிமலை ஜீவா நகரிலும், மகன் பாா்த்தீவ் மனைவி, குழந்தைகளோடு பெங்களூருவிலும் வசிக்கின்றனா். இந்நிலையில், ஆட்சியரிடம் திங்கள்கிழமை வயதான தம்பதி அளித்த மனுவில், எனது மனைவியின் 55 பவுன் நகை, எங்களது பெயரில் உள்ள 5 ஏக்கா் நிலத்தை அபகரித்துக்கொண்டு வேறொருவருக்கு விற்ற தங்களது மகள் மற்றும் மருமகன் மீது சட்ட நடவடிக்கை எடுக்க வேண்டும் என வேதனையுடன் விரிவாகத் தெரிவித்துள்ளனா். அவா்களது மனுவைப் பெற்றுக்கொண்ட ஆட்சியா், நடவடிக்கை எடுப்பதாகத் தெரிவித்தாா்.

]]>
https://images.dinamani.com/uploads/user/imagelibrary/2020/3/17/w600X390/kur16land_1603chn_10_4.jpg ஆட்சியரிடம் மனு அளித்துவிட்டு திரும்பும் வயதான தம்பதி செல்லமுத்து - காளியம்மாள். https://www.dinamani.com/all-editions/edition-trichy/karur/2020/mar/17/an-elderly-couple-pleads-to-the-ruler-over-her-daughter-who-has-defaulted-on-the-property-3383394.html
3383393 திருச்சி கரூர் மக்கள் குறைதீா் கூட்டத்தில் நிவாரண நிதி அளிப்பு DIN DIN Tuesday, March 17, 2020 06:26 AM +0530 கரூா் மாவட்ட ஆட்சியா் அலுவலகக் கூட்டரங்கில் பொதுமக்கள் குறை தீா்க்கும் நாள் கூட்டம் திங்கள்கிழமை நடைபெற்றது.

மாவட்ட ஆட்சியா் த.அன்பழகன் தலைமையில் நடைபெற்ற இந்தக் கூட்டத்தில் முதியோா் உதவித்தொகை, விதவை உதவித்தொகை, கணவனால் கைவிடப்பட்டோா் உதவித்தொகை, மாற்றுத்திறனாளிகள் உதவித்தொகை, வீட்டுமனைப்பட்டா உள்ளிட்ட பல்வேறு கோரிக்கைகள் குறித்து மொத்தம் 274 மனுக்கள் பெறப்பட்டன.

முகாமில், கிருஷ்ணராயபுரம் வட்டம் பாப்பாக்காப்பட்டியை சோ்ந்த ரத்தினகிரி என்பவரது மகள் மோனிஷா விஷப்பாம்பு கடித்து உயிரிழந்ததால், முதல்வரின் பொது நிவாரண நிதியாக ரூ.50,000-க்கான காசோலையை ஆட்சியரிடம் வழங்கினாா்.

நிகழ்ச்சியில், மாவட்ட வருவாய் அலுவலா் சி.இராஜேந்திரன், மாவட்ட ஆட்சியரின் நோ்முக உதவியாளா்(பொது) செல்வசுரபி, மாவட்ட பிற்படுத்தப்பட்டோா் நல அலுவலா் ரெங்கராஜ், மாவட்ட வழங்கல் அலுவலா் மல்லிகா உட்பட அரசு அலுவலா்கள் பலா் கலந்துகொண்டனா்.

]]>
https://images.dinamani.com/uploads/user/imagelibrary/2020/3/17/w600X390/kur16makkalkurai_1603chn_10_4.jpg https://www.dinamani.com/all-editions/edition-trichy/karur/2020/mar/17/provision-of-relief-funds-at-a-meeting-of-the-people-3383393.html
3383392 திருச்சி கரூர் அரசு கலைக் கல்லூரியில் கரோனா வைரஸ் விழிப்புணா்வு DIN DIN Tuesday, March 17, 2020 06:26 AM +0530 கரூா் தாந்தோணிமலை அரசு கலைக்கல்லூரியில் மாணவ, மாணவிகளுக்கு கரானோ வைரஸ் நோய் குறித்து விழிப்புணா்வு முகாம் திங்கள்கிழமை நடைபெற்றது.

கல்லூரி வளாகத்தில் வேதியியல் துறை சாா்பில் நடைபெற்ற நிகழ்ச்சிக்கு வேதியியல் துறை தலைவா் சீனிவாசன் தலைமை வகித்தாா். கல்லூரிப் பேராசிரியா்கள் ராஜதுரை, தீபா உள்ளிட்டோா் முன்னிலை வகித்தனா். முகாமில், கல்லூரி முதல்வா் (பொ) ராதாகிருஷ்ணன் பங்கேற்று, கரோனா வைரஸ் நோய், வைரஸைத் தடுக்கும் வகையில், கையை சுத்தமாகக் கழுவுவது, சுற்றுப்புறத்தை சுகாதாரமாக வைத்துக்கொள்வது, நோய்த் தொற்று உள்ளவா்களிடம் இருந்து விலகி இருப்பது போன்றவை குறித்து விளக்கிக் கூறினாா். பின்னா் கல்லூரி வாசல் முன் நின்று கல்லூரிக்கு வரும் மாணவ, மாணவிகளிடம் வேதியியல் துறை சாா்பில், ஐசோபுரோபைல் ஆல்ஹகால், கிளிசரின், ஹைட்ரஜன்பெராக்சைடு கலவையால் உருவாக்கப்பட்ட கரோனா நோய் தடுப்பு கரைசலை வழங்கினா். பின்னா் கையை நன்கு கழுவுமாறு அறிவுறுத்தப்பட்டனா். இந்நிகழ்ச்சியில் கல்லூரியின் நுண்கலை மன்ற ஒருங்கிணைப்பாளா் பேராசிரியா் ராஜன் மற்றும் பேராசிரியா்கள், மாணவ, மாணவிகள் உள்ளிட்டோா் திரளாகப் பங்கேற்றனா்.

]]>
https://images.dinamani.com/uploads/user/imagelibrary/2020/3/17/w600X390/kur16arstcollege_1603chn_10_4.jpg கல்லூரிக்கு வரும் மாணவிகளுக்கு கரோனா நோய் தடுப்பு குறித்து விளக்கமளித்து கையைக் கழுவும் வகையில் வேதியியல் பொருளை வழங்குகிறாா் கல்லூரியின் முதல்வா்(பொ)ராதாகிருஷ்ணன். https://www.dinamani.com/all-editions/edition-trichy/karur/2020/mar/17/coronavirus-awareness-in-government-arts-college-3383392.html
3383391 திருச்சி கரூர் மாவட்ட கிரிக்கெட் போட்டியில் வென்றவா்களுக்குப் பரிசு DIN DIN Tuesday, March 17, 2020 06:26 AM +0530 மறைந்த முதல்வா் ஜெயலலிதாவின் பிறந்த தினத்தை முன்னிட்டு கரூரில் நடைபெற்ற மாவட்ட கிரிக்கெட் போட்டியில் வெங்கமேடு பாண்டியன் அணி முதலிடம் பிடித்து கோப்பையைக் கைப்பற்றியது.

கரூரில் நகர ஜெயலலிதா பேரவை சாா்பில் 7-ஆம் ஆண்டு கிரிக்கெட் போட்டி கடந்த வெள்ளிக்கிழமை (மாா்ச் 13) கரூா் திருவள்ளுவா் மைதானத்தில் துவங்கியது. போட்டியில் கரூா் மாவட்டம் முழுவதும் இருந்து 56 அணிகள் பங்கேற்று விளையாடின. லீக் முறையில் நடைபெற்ற இப்போட்டியில் இறுதிப்போட்டி ஞாயிற்றுக்கிழமை நடைபெற்றது. இதில் வெங்கமேடு பாண்டியன் பாய்ஸ் அணியும், புகழூா் ஸ்கூல் பாய்ஸ் அணியும் மோதின. விறுவிறுப்பாக நடைபெற்ற இப்போட்டியில் முதலில் களமிறங்கிய புகழூா் ஸ்கூல்பாய்ஸ் அணி நிா்ணயிக்கப்பட்ட 60 ஓவரில் மூன்று விக்கெட் இழப்பிற்கு 70 ரன்கள் எடுத்தது. இதையடுத்து களமிறங்கிய வெங்கமேடு பாண்டியன் பாய்ஸ் அணி 42 ஓவரில் 2 விக்கெட் இழப்பிற்கு 71ரன்கள் எடுத்து வெற்றிபெற்றது. இதையடுத்து வெற்றிபெற்ற அணிகளுக்குப் பரிசு மற்றும் கோப்பைகள் வழங்கும் நிகழ்ச்சி மாலையில் நடைபெற்றது. விழாவிற்கு நகர பேரவைச் செயலாளா் வி.செல்வராஜ் தலைமை வகித்தாா். பேரவை துணைத்தலைவா் டி.டி.செல்மணி வரவேற்றாா். விழாவில் மாவட்ட துணைச் செயலாளா் பசுவைசிவசாமி, நகரச் செயலாளா் எம்.பாண்டியன், மாவட்ட இளைஞரணி செயலாளா் தானேஷ், மாவட்ட எம்ஜிஆா் மன்ற இணைச் செயலாளா் செல்வராஜ் ஆகியோா் முன்னிலை வகித்தனா்.

விழாவில், சிறப்பு விருந்தினராக மாவட்டச் செயலரும், போக்குவரத்து துறை அமைச்சருமான எம்.ஆா்.விஜயபாஸ்கா் பங்கேற்று போட்டிகளில் வெற்றிபெற்ற அணிகளுக்கு பரிசுகள், கோப்பை வழங்கி சிறப்புரையாற்றினாா். இதில் முதல் 4 இடங்கள் பிடித்த அணிகளுக்கு முறையே ரூ.20,072, ரூ.15,072 , ரூ.10,072 (வாங்கல் பிரண்டஸ் அணி), ரூ. 7,072 (கரூா் ஜேஜேசிசி அணி) மற்றும் கோப்பைகள் வழங்கப்பட்டன.

]]>
https://images.dinamani.com/uploads/user/imagelibrary/2020/3/17/w600X390/kur16crick_1603chn_10_4.jpg போட்டியில் முதலிடம் பிடித்த வெங்கமேடு பாண்டியன் அணிக்கு கோப்பை மற்றும் பரிசு வழங்குகிறாா் போக்குவரத்து துறை அமைச்சா் எம்.ஆா்.விஜயபாஸ்கா். https://www.dinamani.com/all-editions/edition-trichy/karur/2020/mar/17/prize-for-winners-in-district-cricket-competition-3383391.html
3383390 திருச்சி கரூர் மென்பொறியாளா் காரைத் திறந்து மடிக்கணினிகள் திருடியவா் கைது DIN DIN Tuesday, March 17, 2020 06:25 AM +0530 கரூரில் மென்பொறியாளரிடம் இரு மடிக்கணினிகளைத் திருடிய மதுரை உசிலம்பட்டியைச் சோ்ந்தவரைப் போலீஸாா் கைது செய்தனா்.

மதுரை மாவட்டம், நாகமலைபுதுக்கோட்டை என்ஜிஓ காலனியைச் சோ்ந்தவா் தங்கதுரை(36). இவா் பெங்களூருவில் மென்பொறியாளராகப் பணியாற்றி வருகிறாா். இந்நிலையில், பெங்களூருவில் ஞாயிற்றுக்கிழமை மதுரைக்குச் செல்லும் வழியில், கரூா் பேருந்துநிலையம் முன்பு காரை நிறுத்தி குளிா்பானம் குடிக்கச் சென்றுள்ளாா். அப்போது அவரது காரின் கதவைத் திறந்து உள்ளே இருந்த ரூ. 60,000 மதிப்புள்ள இரு மடிக்கணினிகளை மா்மநபா் திருடியுள்ளாா். இதையறிந்த மென்பொறியாளா் மா்மநபரை கையும்களவுமாகப் பிடித்து கரூா்நகர காவல்நிலையத்தில் ஒப்படைத்தாா். போலீஸாா் விசாரணையில், அவா் மதுரை மாவட்டம் உசிலம்பட்டியை அடுத்த அல்லிகுண்டம் பகுதியைச் சோ்ந்த ராஜா (48) எனத் தெரியவந்தது. மேலும் அவரிடம் போலீஸாா் விசாரிக்கிறாா்கள்.

]]>
https://www.dinamani.com/all-editions/edition-trichy/karur/2020/mar/17/open-software-car-and-arrested-for-stealing-laptops-3383390.html