Dinamani - கரூர் - https://www.dinamani.com/all-editions/edition-trichy/karur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3119267 திருச்சி கரூர் இளம்பெண் தற்கொலை முயற்சி DIN DIN Saturday, March 23, 2019 04:09 AM +0530 கரூர் மாவட்டம், கிருஷ்ணராயபுரம் அருகிலுள்ள சின்னசேங்கலைச் சேர்ந்தவர் காளிமுத்து (31). இவரது மனைவி கனகவள்ளி (25).  இவர்களுக்கு குழந்தை இல்லை.
காளிமுத்துவுக்கும், அதே பகுதியைச் சேர்ந்த மகேசுவரிக்கும் தொடர்பு இருப்பதையறிந்த கனகவள்ளி அதை கண்டித்துள்ளார். ஆனால் அவர்  கேட்கவில்லை இதனால் விரக்தியடைந்த கனகவள்ளி  வியாழக்கிழமை இரவு தைராய்டு மாத்திரைகளை அதிகளவில் தின்று தற்கொலைக்கு முயன்று மயங்கிக் கிடந்தார். அக்கம்பக்கத்தினர் அவரை மீட்டு கரூர் அரசு மருத்துவமனையில் அனுமதித்தனர்.  இதுகுறித்து அளிக்கப்பட்ட புகாரின் பேரில், குளித்தலை அனைத்து மகளிர் காவல் நிலையத்தினர் வழக்குப்பதிந்து, காளிமுத்து, மகேசுவரியைக் கைது செய்தனர்.

]]>
https://www.dinamani.com/all-editions/edition-trichy/karur/2019/mar/23/இளம்பெண்-தற்கொலை-முயற்சி-3119267.html
3119265 திருச்சி கரூர் முதியவரிடம் பணம் திருடியவர் கைது DIN DIN Saturday, March 23, 2019 04:09 AM +0530 குளித்தலையில் முதியவரிடம் பணம் திருடியவரை போலீஸார் கைது செய்தனர். 
திருச்சி மாவட்டம், பேட்டைடவாய்த்தலையைச் சேர்ந்தவர் ராஜமணி(72). இவர் வியாழக்கிழமை இரவு குளித்தலையில் உள்ள உறவினர் வீட்டுக்கு வந்துவிட்டு, மீண்டும்  ஊருக்குச் செல்ல குளித்தலை சுங்ககேட்  பேருந்து நிறுத்தத்தில் நின்றுகொண்டிருந்தார்.
அப்போது அங்கு வந்த, திருச்சி வடக்கு தாராநல்லூர் முருகன்(55),ராஜாமணியின் சட்டைப்பையில் இருந்த ரூ.275-ஐ திருடினார். உடனே ராஜாமணி சப்தமிட்டதால், அக்கம்பக்கத்தினர் ஓடி வந்து முருகனை பிடித்து குளித்தலை போலீஸில் ஒப்படைத்தனர். இதைத் தொடர்ந்து போலீஸார் அவரைக் கைது செய்து விசாரித்து வருகின்றனர்.

]]>
https://www.dinamani.com/all-editions/edition-trichy/karur/2019/mar/23/முதியவரிடம்-பணம்-திருடியவர்-கைது-3119265.html
3119262 திருச்சி கரூர் ஜீப் மோதி விவசாயி சாவு DIN DIN Saturday, March 23, 2019 04:08 AM +0530 தளவாப்பாளையம் அருகே சாலையை கடக்க முயன்ற விவசாயி ஜீப் மோதி உயிரிழந்தார்.
கரூர் மாவட்டம்,  மேட்டுப்பாளையத்தைச் சேர்ந்தவர் விவசாயி சிவகுமார் (45).  இவர் வியாழக்கிழமை இரவு மலையம்பாளையத்தில் உள்ள தனது வயலில் தண்ணீர் பாய்ச்சிவிட்டு, நள்ளிரவு  சேலம்-கரூர் தேசிய நெடுஞ்சாலையில் மலையம்பாளையம் பிரிவு அருகே சாலையை கடக்க முயன்றார். அப்போது அவ்வழியே வந்த ஜீப் அவர் மீது மோதியதில் நிகழ்விடத்திலேயே சிவகுமார் உயிரிழந்தார். இதுகுறித்து வேலாயுதம்பாளையம் போலீஸார் வழக்குப்பதிந்து, ஜீப் ஓட்டுநரான நாமக்கல் மாவட்டம், மேலப்பட்டி இந்திரா நகரைச் சேர்ந்த இளையராஜாவை(40) கைது செய்தனர்.

]]>
https://www.dinamani.com/all-editions/edition-trichy/karur/2019/mar/23/ஜீப்-மோதி-விவசாயி-சாவு-3119262.html
3119259 திருச்சி கரூர் கலால் அதிகாரி போல நடித்து டாஸ்மாக்கில் ரூ.1.14 லட்சம் திருடிச் சென்ற நபர் DIN DIN Saturday, March 23, 2019 04:08 AM +0530 டாஸ்மாக்கில் கலால்துறை அதிகாரி போல நடித்து, ரூ.1.14 லட்சம் திருடிச் சென்ற அடையாளம் தெரியாத நபரை போலீஸார் தேடி வருகின்றனர்.
கரூர் மாவட்டம், அரவக்குறிச்சி மரக்கடை பகுதியில் மதுக்கடை செயல்பட்டு வருகிறது. இங்கு குளித்தலையைச் சேர்ந்த பாலகிருஷ்ணன் விற்பனையாளராகப் பணியாற்றி வருகிறார்.
இந்த நிலையில், வியாழக்கிழமை இரவு சுமார் 40 வயது மதிக்கத்தக்க ஒருவர் அங்கு வந்தார். தனது கலால்துறையிலிருந்து வருவதாலும், மதுவகைகள் விற்ற பணம் எவ்வளவு உள்ளது, அதற்கு சலான் உள்ளதா எனக் கேட்டாராம். இதனால் பயந்த பாலகிருஷ்ணன், அவரிடம் ரூ.1.14 லட்சத்தை கொடுத்துள்ளார். தொடர்ந்து அவரையும் அழைத்துச் சென்ற அந்த நபர், சேலம்-மதுரை தேசிய நெடுஞ்சாலை வரை அழைத்துச் சென்று சாலையோரத்தில் நிற்குமாறு கூறி, மோட்டார் சைக்கிளில் தப்பிச் சென்றுவிட்டார். இதுகுறித்து பாலகிருஷ்ணன் தனது உயரதிகாரிகளிடம் தகவல் தெரிவித்த போதுதான், அந்த நபர் கலால்துறை அதிகாரி இல்லை என்பது தெரிய வந்தது. 
இதையடுத்து அரவக்குறிச்சி காவல் நிலையத்தில் பாலகிருஷ்ணன் புகார் செய்தார். புகாரின் பேரில் போலீஸார் வழக்குப்பதிந்து, பணத்தை ஏமாற்றி திருடிச் சென்ற நபரைத் தேடி வருகின்றனர்.

]]>
https://www.dinamani.com/all-editions/edition-trichy/karur/2019/mar/23/கலால்-அதிகாரி-போல-நடித்து-டாஸ்மாக்கில்-ரூ114-லட்சம்-திருடிச்-சென்ற-நபர்-3119259.html
3119257 திருச்சி கரூர் உழைப்பாளி மக்கள் கட்சி 10 தொகுதிகளில் போட்டி DIN DIN Saturday, March 23, 2019 04:07 AM +0530 மக்களவைத் தேர்தலில் உழைப்பாளி மக்கள் கட்சி 10 இடங்களில் போட்டியிடும் என்றார் அக்கட்சியின் நிறுவனத் தலைவர் ராமகோபால் தண்டாள்வார்.
கரூரில் கட்சியின் வேட்பாளர் ராமமூர்த்தியை அறிமுகம் செய்து வைத்து கூட்டத்தில் பங்கேற்று பேசிய அவர் பின்னர் செய்தியாளர்களிடம் பேசியது:
 40 லட்சம் மக்களைக் கொண்ட எங்கள் சமுதாயத்தில் இருந்து இதுவரை ஒருவருக்குக்கூட எம்.எல்.ஏ. வாய்ப்பை தமிழகத்தை ஆண்டுவரும் மற்றும் ஆண்ட கட்சி தரவில்லை. எங்களைக் கண்டுகொள்ளவும் இல்லை.
இதனால்தான், நாங்கள் இதுவரை தனித்தே போட்டியிட்டு வருகிறோம். நடைபெறும் உள்ள மக்களவைத் தேர்தலில் கூட கரூர், திருப்பூர், கோவை, ஈரோடு, சேலம், கிருஷ்ணகிரி, தேனி, திண்டுக்கல்,  கிருஷ்ணகிரி, பெரம்பலூர் ஆகிய 10 தொகுதிகளில் தனித்து போட்டியிடுகிறோம்.
 திமுக, அதிமுகவினர் உழைக்கும் மக்களாகிய எங்களை கண்டுகொள்ளாத நிலையில், தினகரன் எங்களுக்கு ஆதரவு தருவதாகக் கூறியுள்ளார். 
இதனால் போட்டியிடும் 10 தொகுதிகளைத் தவிர மற்றத்தொகுதிகளில் எங்களது ஆதரவு தினகரனுக்கு என்றார் ராமகோபால் தண்டாள்வார்.
பேட்டியின்போது, மாநில போயர் பேரவைத்தலைவி பூவைதண்டாள்வார், உழைப்பாளி மக்கள் கட்சியின் மாநிலச் செயலர் ரவி, மாவட்டத்தலைவர் தேக்கமலை உள்ளிட்டோர் உடனிருந்தனர். 

]]>
https://www.dinamani.com/all-editions/edition-trichy/karur/2019/mar/23/உழைப்பாளி-மக்கள்-கட்சி-10-தொகுதிகளில்-போட்டி-3119257.html
3119254 திருச்சி கரூர் தேர்தல் பாதுகாப்புப் பணி: முன்னாள் படைவீரர்களுக்கு  அழைப்பு DIN DIN Saturday, March 23, 2019 04:06 AM +0530 மக்களவைத் தேர்தலில் பணியாற்ற முன்னாள் படைவீரர்களுக்கு அழைப்பு விடுக்கப்பட்டுள்ளது.
இதுகுறித்து தேர்தல் நடத்தும் அலுவலரும், கரூர் மாவட்ட ஆட்சியருமான த.அன்பழகன் வெளியிட்டுள்ள செய்திக்குறிப்பு:  
மக்களவைத் தேர்தல் பாதுகாப்புப் பணியில் முன்னாள் படைவீரர்களை  ஈடுபடுத்த உத்தேசிக்கப்பட்டுள்ளது. எனவே   கரூர் மாவட்டத்தைச் சேர்ந்த தகுதியுள்ள, அடையாள அட்டை பெற்றுள்ள, உடல் திறனுள்ள முன்னாள் இளநிலை படை அலுவலர்கள்,  படைவீரர்கள்,   தேர்தல் பாதுகாப்பு பணியில் ஈடுபடலாம். 
இதுதொடர்பாக தங்களது விருப்பத்தினை "உதவி இயக்குநர், முன்னாள் படைவீரர் நல அலுவலகம்,    19-ஏ,  வார்னர்ஸ் சாலை, கண்டோன்மெண்ட்,  திருச்சி என்ற முகவரியில் நேரில் அணுகி விருப்ப விண்ணப்பத்தை  சமர்ப்பிக்கலாம்.  மேலும் விவரங்களுக்கு   0431-2410579, 9003829969 மற்றும் 6374456638 ஆகிய எண்களில் தொடர்பு கொள்ளலாம்.

]]>
https://www.dinamani.com/all-editions/edition-trichy/karur/2019/mar/23/தேர்தல்-பாதுகாப்புப்-பணி-முன்னாள்-படைவீரர்களுக்கு--அழைப்பு-3119254.html
3119250 திருச்சி கரூர் செல்லிடப்பேசி கோபுரத்தில் ஏறி தற்கொலை மிரட்டல்: கொத்தனார் கைது DIN DIN Saturday, March 23, 2019 04:06 AM +0530 அரவக்குறிச்சி அருகே போதையில் செல்லிடப்பேசி கோபுரத்தில் ஏறி, தற்கொலை மிரட்டல் விடுத்த கொத்தனார் வெள்ளிக்கிழமை கைது செய்யப்பட்டார்.
அரவக்குறிச்சியை அடுத்த ஈசநத்தத்தைச் சேர்ந்தவர் கொத்தனார் ராமன்(24). வெள்ளிக்கிழமை மாலை திடீரென மதுபோதையில் அங்குள்ள செல்லிடப்பேசி கோபுரத்தில் ஏறிய ராமன், தன்னை  எல்லோரும் கேலி செய்வதாகவும், அதனால் 
கோபுரத்தில் ஏறி தற்கொலை செய்து கொள்ள போவதாகவும் கூறி மிரட்டியுள்ளார்.
இதுகுறித்து தகவலறிந்த அரவக்குறிச்சி போலீஸார் மற்றும் தீயணைப்புத் துறையினர் அங்கு சென்று,  ராமனிடம் பேச்சுவார்த்தை நடத்தினர்.
கேலி, கிண்டல் செய்பவர்கள் மீது நடவடிக்கை எடுப்பதாக போலீஸார் கூறினாலும் போராட்டத்தை தொடர்ந்த ராமனை,  கயிறு மூலமாக கீழே தீயணைப்புத் துறையினர் இறக்கினர்.  
இதன் பின்னர் போலீஸார் ராமனைக் கைது செய்தனர்.
 

]]>
https://www.dinamani.com/all-editions/edition-trichy/karur/2019/mar/23/செல்லிடப்பேசி-கோபுரத்தில்-ஏறி-தற்கொலை-மிரட்டல்-கொத்தனார்-கைது-3119250.html
3119246 திருச்சி கரூர் வாகனங்களின் மேல் விழுவது போல செல்லும்: மனநலன் பாதித்த இளைஞரை மீட்க வலியுறுத்தல் DIN DIN Saturday, March 23, 2019 04:05 AM +0530 கரூரில் சாலையின் குறுக்கே வாகனங்களின் மீது விழுவதுபோல சென்று விபத்தை ஏற்படுத்தும் மனநலன் பாதிக்கப்பட்ட இளைஞரை மீட்டு காப்பகத்தில் ஒப்படைக்க வேண்டும் என பொதுமக்கள் வலியுறுத்துகின்றனர்.
நகரின் பிரதான சாலைகளான கோவை சாலை, ஜவஹர் பஜார், வடக்கு பிரதட்சணம் சாலை போன்ற பகுதிகளில் வாகனப் போக்குவரத்து அதிகமாகக் காணப்படும். இந்நிலையில் கடந்த இருமாதங்களாகவே சுமார் 30 வயது மதிக்கத்தக்க மனநலன் பாதிக்கப்பட்ட இளைஞர் திடீரென போக்குவரத்து நெரிசல் மிகுந்த கோவை சாலையில் பகல் நேரங்களில் சாலைகளின் குறுக்கே வேகமாகச் செல்லுதல், வாகனங்களின் மீது விழுவது போல செல்லுதல், மறித்தல், பேருந்துகள் மற்றும் நான்குசக்கர வாகனங்களின் ஓரப்பகுதியை கையால் வேகமாக அடித்தல் போன்ற செயல்களில் ஈடுபட்டு வருகிறார். இதனால் சாலைகளில் செல்லும் வாகனஓட்டிகள் அச்சத்துடன் செல்ல வேண்டிய நிலை உள்ளது. சில நேரங்களில் பேருந்துகள் முன்பு விழுவது போல செல்வதால், பேருந்து ஓட்டுநர் திடீரென பிரேக் போடும் போதும் பின்னால் வரும் வாகனங்கள் மோதி விபத்துக்குள்ளாகும் சம்பவங்களும் நிகழ்கின்றன. இதுகுறித்து போக்குவரத்துக் காவல்துறையினரிடம் தெரிவித்தும் நடவடிக்கை இல்லை.
எனவே இந்த நபரால் பெரும் விபத்து நேரிடுவதற்கு முன்பே அவரை மீட்டு மனநலக் காப்பகத்தில் ஒப்படைக்க வேண்டும் என்று பொதுமக்களும், சமூக ஆர்வலர்களும் தெரிவிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/23/வாகனங்களின்-மேல்-விழுவது-போல-செல்லும்-மனநலன்-பாதித்த-இளைஞரை-மீட்க-வலியுறுத்தல்-3119246.html
3119242 திருச்சி கரூர் 11-இல் ஏதேனும் ஒரு ஆவணத்தை காண்பித்து வாக்களிக்கலாம் DIN DIN Saturday, March 23, 2019 04:04 AM +0530 வாக்காளர் அடையாள அட்டை இல்லாதவர்கள் 11 வகையான புகைப்பட ஆவணங்களில் ஏதேனும் ஒன்றைக் காண்பித்து வாக்களிக்கலாம் என மாவட்ட ஆட்சியரும், தேர்தல் நடத்தும் அலுவலருமான த. அன்பழகன் தெரிவித்துள்ளார்.
இதுகுறித்து வெள்ளிக்கிழமை அவர் வெளியிட்டுள்ள செய்திக்குறிப்பு: கரூர் மக்களவைத் தொகுதிக்குள்பட்ட வாக்காளர்கள் ஏப்.18 ஆம் தேதி நடைபெறும் பொதுத்தேர்தலில் தேர்தல் ஆணையத்தால் வழங்கப்பட்ட வாக்காளர் புகைப்பட அடையாள அட்டையைக் காண்பித்து வாக்களிக்கலாம்.
அவ்வாறு புகைப்பட வாக்காளர் அடையாள அட்டை காண்பிக்க இயலாதவர்கள், தேர்தல் ஆணையம் அங்கீகரித்துள்ள  கடவுச் சீட்டு, ஓட்டுநர் உரிமம்,  மத்திய,மாநில அரசின் பொதுத்துறை நிறுவனங்களால் அல்லது வரையறுக்கப்பட்ட பொது நிறுவனங்களால் தொழிலாளர்களுக்கு வழங்கப்பட்ட புகைப்படத்துடன் கூடிய பணி அடையாள அட்டைகள்,  புகைப்படத்துடன் கூடிய வங்கி அல்லது அஞ்சலகக் கணக்கு புத்தகம், நிரந்தர கணக்கு எண் அட்டை,  தேசிய மக்கள்தொகை பதிவேட்டின் கீழ் இந்திய தலைமைப் பதிவாளரால் வழங்கப்பட்ட ஸ்மார்ட் அட்டை,  மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை, தொழிலாளர் நல அமைச்சக திட்டத்தின் கீழ் வழங்கப்பட்ட மருத்துவ காப்பீட்டு ஸ்மார்ட் அட்டை, புகைப்படத்துடன் கூடிய ஓய்வூதிய ஆவணம், பாராளுமன்ற, சட்டமன்ற, சட்ட மேலவை உறுப்பினர்களுக்கு வழங்கப்பட்ட அலுவலக அடையாள அட்டை, ஆதார் அட்டை ஆகிய ஆவணங்களை வாக்குச்சாவடி அலுவலர்களிடம் காணப்பித்து வாக்களிக்கலாம் என அவர் தெரிவித்துள்ளார்.
 

]]>
https://www.dinamani.com/all-editions/edition-trichy/karur/2019/mar/23/11-இல்-ஏதேனும்-ஒரு-ஆவணத்தை-காண்பித்து-வாக்களிக்கலாம்-3119242.html
3119240 திருச்சி கரூர் கரூரில் நாம் தமிழர் கட்சி வேட்பாளர் மனு தாக்கல் DIN DIN Saturday, March 23, 2019 04:04 AM +0530 கரூர் மக்களவைத் தொகுதியில் நாம் தமிழர் கட்சி சார்பில் போட்டியிடும் வேட்பாளர் மருத்துவர் ஆர்.கருப்பையா வெள்ளிக்கிழமை தனது கட்சியினருடன் சென்று வேட்புமனுத்தாக்கல் செய்தார். 
மக்களவைத் தேர்தலுக்கான வேட்புமனுதாக்கல் கடந்த 19 ஆம் தேதி தொடங்கியது. மூன்று நாள்களில் ஒருவர் மட்டுமே  மனுதாக்கல் செய்திருந்த நிலையில், நாம் தமிழர் கட்சியின் வேட்பாளரும், எலும்பு மூட்டு மருத்துவருமான  ஆர். கருப்பையா வெள்ளிக்கிழமை மாவட்ட ஆட்சியரும், தேர்தல் நடத்தும் அலுவலருமான த. அன்பழகனிடம் மனுதாக்கல் செய்தார்.
கட்சியின் மாவட்டச் செயலர் நன்மாறன் தலைமையில் வேட்பாளர் கருப்பையா மற்றும் கட்சியினர் கரூர் சுங்ககேட் பகுதியிலிலிருந்து  கரும்புடன் விவசாயிகள் தோற்றத்துடன் பச்சை வேஷ்டி, துண்டு அணிந்தவாறு ஊர்வலமாக ஆட்சியரகம் நோக்கி வந்தனர். ஆட்சியரகம் முன்பு எல்லைக்கோடு பகுதியில் கட்சியினர் நிறுத்தப்பட்டு, வேட்பாளர் உள்பட 5 பேர் மட்டுமே மனுதாக்கல் செய்ய அனுமதிக்கப்பட்டனர்.  வேட்பாளர் தனக்கு ரூ.81.64 லட்சத்தில் அசையும் சொத்தும், ரூ.2.5 கோடியில் அசையா தொத்தும் உள்ளதாக வேட்புமனுவில் குறிப்பிட்டுள்ளார்.
தொகுதியில் புதிய திட்டங்கள் கொண்டு வருவதைவிட, ஏற்கெனவே சீரழிந்துள்ள தொழில்களை சீரமைக்கும் பணியை மேற்கொள்வேன். 
விவசாயம், பேருந்துக்கு கூண்டு கட்டுதல், நெசவு ஆகிய தொழில்கள் கடுமையாகப் பாதிக்கப்பட்டுள்ளன. இதற்கு தீர்வு காண நடவடிக்கை எடுப்பேன். மாவட்டத்திலுள்ள ஏரி, குளங்களைச் சீரமைக்க நடவடிக்கை எடுப்பேன். குடிநீர்ப் பிரச்னைக்கும் தீர்வு காணுவேன் என்றார் வேட்பாளர் ஆர். கருப்பையா.
பேட்டியின்போது, நாம் தமிழர் கட்சி மாவட்டச் செயலர் நன்மாறன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/23/கரூரில்-நாம்-தமிழர்-கட்சி-வேட்பாளர்-மனு-தாக்கல்-3119240.html
3119237 திருச்சி கரூர் காங்கிரஸ் வேட்பாளர் அறிவிப்பு இல்லை: தேர்தல் பணியில் சுணக்கம் DIN DIN Saturday, March 23, 2019 04:04 AM +0530 காங்கிரஸ் வேட்பாளர் யார் என்ற அறிவிப்பு இல்லாததால், கரூர் தொகுதியில் திமுக கூட்டணிக் கட்சியினரின் தேர்தல் பணியில் சுணக்கம் ஏற்பட்டுள்ளது.
கரூர் மக்களவைத் தொகுதியில் மணப்பாறை, விராலிமலை, வேடசந்தூர், கரூர், அரவக்குறிச்சி, கிருஷ்ணராயபுரம் ஆகிய 6 தொகுதிகள் உள்ளன.  இங்கு 13.65 லட்சம் வாக்காளர்கள் உள்ளன.
1984 ஆம் ஆண்டுக்குப் பிறகு காங்கிரஸ் -அதிமுக நேரடி மோதலைச் சந்திக்கிறது. 1989,1998, 2009,2014 தேர்தல்களில் இத்தொகுதியிலிருந்து அதிமுக சார்பில் தேர்ந்தெடுக்கப்பட்ட மு.தம்பிதுரை, 2019 மக்களவைத் தேர்தலிலும் போட்டியிடுகிறார்.
2014 தேர்தலில், திமுக வேட்பாளர் சின்னசாமியை விட 1,95,297 வாக்குகள் வித்தியாசத்தில் வெற்றி பெற்ற தம்பிதுரை,  தற்போது காங்கிரஸ் வேட்பாளரை எதிர்த்து களம் காண்கிறார்.
கூட்டணிக் கட்சியினருடன் இணைந்து, தனது தேர்தல் பிரசாரத்தை 
கோடங்கிப்பட்டி முத்தாலம்மன், பட்டாளம்மன் கோயில்களில் வழிபாடு செய்து புதன்கிழமை தொடங்கிய தம்பிதுரை, மற்றப் பகுதிகளில் பிரசாரம் செய்து வருகிறார்.
திமுக கூட்டணியில்  காங்கிரஸ் கட்சிக்கு கரூர் ஒதுக்கப்பட்டுள்ளது. இத்தொகுதியில் கட்சியின் செய்தித் தொடர்பாளர் ஜோதிமணி போட்டியிடுவதாக தகவல் பரவிய நிலையில், அவருக்கு எதிராக உள்ள காங்கிரஸார்,  கட்சித் தலைமையிடமான சத்தியமூர்த்தி பவனில்  முகாமிட்டு, 
தங்களுக்கு வாய்ப்பு வழங்கக் கோரி  வலியுறுத்தி வருகின்றனர்.
வேட்பாளர் அறிவிக்கப்படாததால்,திமுக மற்றும் கூட்டணிக் கட்சி நிர்வாகிகள் முக்கிய பிரமுகர்களை ஒவ்வொரு பகுதியாகச் சென்று சந்தித்து ஆதரவு கோரி வருகின்றனர். 
இதனால் இவர்களது தேர்தல் பணியில் சுணக்கம் ஏற்பட்டுள்ளதாகவும், வேட்பாளர் அறிவிக்கப்பட்ட பின்னர் இப்பணி தீவிரமடையும் என்றும் எதிர்பார்க்கப்படுகிறது.
 

]]>
https://www.dinamani.com/all-editions/edition-trichy/karur/2019/mar/23/காங்கிரஸ்-வேட்பாளர்-அறிவிப்பு-இல்லை-தேர்தல்-பணியில்-சுணக்கம்-3119237.html
3119236 திருச்சி கரூர் பள்ளப்பட்டி அரசு மருத்துவமனைக்கு விருது DIN DIN Saturday, March 23, 2019 04:03 AM +0530 தூய்மை இந்தியா திட்டத்தில் பள்ளபட்டி அரசு மருத்துவமனைக்கு காயகல்பு விருது வழங்கப்பட்டது.
தூய்மை இந்தியா திட்டத்தை முழுமையாக செயல்படுத்தும் அரசு மருத்துவமனைக்கு வழங்கப்படும் இந்த விருது, கரூர் மாவட்டம், அரவக்குறிச்சியிலுள்ள  பள்ளப்பட்டி அரசு மருத்துவமனைக்கு கிடைத்துள்ளது. தூய்மை, சுகாதாரம், மருத்துவமனையில் தொற்று ஏற்படாதவாறு பாதுகாத்தல், தொற்று நோய் குறித்து சமூக நல அமைப்புகளுடன் இணைந்து பொதுமக்களுக்கு விழிப்புணர்வு ஏற்படுத்துதல், கழிவு நீர் மற்றும் மருத்துவக்கழிவுகளை முறையாக அப்புறப்படுத்துதல் உள்ளிட்டவற்றிற்காக  அண்மையில் மத்திய அரசால் இந்து விருது வழங்கப்பட்டது. மாவட்ட சுகாதாரப்பணிகள் இணை இயக்குநர் மருத்துவர் விஜயகுமார் தலைமையில்,மருத்துவமனை ஊழியர்கள், செவிலியர்கள் முன்னிலையில் கேக் வெட்டி கொண்டாடப்பட்டது.  திட்டம் சிறப்பாக செயல்பட பல்வேறு வகையில், உதவிசெய்த கொடையாளிகள் தோட்டம் சாதிக், லோகநாதன், பாப்புலர் அபுதாகீர் உள்ளிட்டோருக்கு சுகாதாரப்பணிகள் இணை இயக்குநர் சால்வை அணிவித்து பாராட்டினார்.
 

]]>
https://www.dinamani.com/all-editions/edition-trichy/karur/2019/mar/23/பள்ளப்பட்டி-அரசு-மருத்துவமனைக்கு-விருது-3119236.html
3118611 திருச்சி கரூர் தலையில் கல்லைப் போட்டு தொழிலாளி கொலை: நண்பர் கைது DIN DIN Friday, March 22, 2019 09:06 AM +0530 தலையில் கல்லைப் போட்டு தொழிலாளியை கொலை செய்த நண்பரை போலீஸார் கைது செய்தனர். 
திருநெல்வேலி மாவட்டம் கடையநல்லூர் அடுத்த போகநல்லூர் சுந்தரேசபுரத்தைச் சேர்ந்தவர் இசக்கிபாண்டியன்(45). திருச்சி மாவட்டம் துறையூர் பெருமாள்மலை அடிவாரம் பகுதியைச் சேர்ந்தவர் செல்வராஜ்(32). இவர்கள் இருவரும் கரூர் மாவட்டம் புன்னம்சத்திரம் அருகே பஞ்சையன்குட்டை பகுதியில் உள்ள ஒரு தனியார் கிரஷரில் கல் உடைக்கும் தொழிலாளர்களாக வேலைப்பார்த்து வந்தனர். இசக்கிபாண்டியனின் செல்பேசியை செல்வராஜ் திருடியதாகக் கூறப்படுகிறது. இதனால் இருவருக்கும் இடையே முன்விரோதம் இருந்து வந்துள்ளது. இந்நிலையில், புதன்கிழமை இரவு மது போதையில் வந்த இசக்கிபாண்டியனுக்கும், செல்வராஜூக்கும் தகராறு ஏற்பட்டது. இதில் ஆத்திரமடைந்த செல்வராஜ், இசக்கிபாண்டியன் தலையில் கல்லைப் போட்டதில் அவர் சம்பவ இடத்திலேயே உயிரிழந்தார். தகவலறிந்து அங்கு வந்த வேலாயுதம்பாளையம் போலீஸார் சடலத்தை குளித்தலை அரசு மருத்துவமனைக்கு அனுப்பி வைத்தனர். இதுகுறித்து வழக்கு பதிவு செய்து செல்வராஜைக் கைது செய்தனர்.

]]>
https://www.dinamani.com/all-editions/edition-trichy/karur/2019/mar/22/தலையில்-கல்லைப்-போட்டு-தொழிலாளி-கொலை-நண்பர்-கைது-3118611.html
3118602 திருச்சி கரூர் பெண்களை சுயமாக சிந்திப்பதற்கு அனுமதிப்பதில்லை: பேராசிரியர் பா. ராஜ்குமார் DIN DIN Friday, March 22, 2019 09:03 AM +0530 பெண்களை சிந்திப்பதற்கும், சுயமாக முடிவெடுப்பதற்கும் ஆணாதிக்கம் அனுமதிப்பதில்லை என்றார் திருச்சி பிஷப் ஹூபர் கல்லூரியின் தமிழ் துறை இணை பேராசிரியர் முனைவர் பா. ராஜ்குமார்.
கரூர் அரசு கலைக் கல்லூரியில் தமிழ் துறை சார்பில் புதன்கிழமை நடைபெற்ற முத்தமிழ் விழாவில் சிறப்பு விருந்தினராகப் பங்கேற்று உள்ளத்தனையது உயர்வு என்ற தலைப்பில் மேலும் அவர் பேசியது: 
தமிழர்கள் நமது மரபுகள், பண்புகள், அடையாளத்தை இழந்து வருகிறோம். குறிப்பாக மருத்துவம், உணவு முறைகள், கலைகள், பண்பாடு ஆகியவற்றை இழந்ததோடு மானத்தையும் இழக்கும் நிலைக்கு தள்ளப்பட்டுள்ளோம். இந்த நிலை மாற வேண்டும். தமிழ் சமுதாயத்தில் பெண்களை சிந்திப்பதற்கும், சுயமாக முடிவெடுப்பதற்கும் ஆணாதிக்கம் அனுமதிப்பதில்லை. "பெண்களுக்கு தேவையில்லை இரவல் புத்தி' என்பதை மகளிரும் உணர வேண்டும். ஆண்களுக்கு நிகராக பெண்கள் சளைத்தவர்கள் இல்லை என்பதை நிரூபிக்க வேண்டும் என்றார். கல்லூரி முதல்வர் (பொ) அர.ரவிச்சந்திரன் தலைமை வகித்தார். 
பாரதிதாசன் பல்கலைக்கழக தொலைநிலைக்கல்வி ஒருங்கிணைப்பாளர் கி.மாரியம்மாள் வரவேற்றார். விழாவில் நுண்கலை மன்ற ஒருங்கிணைப்பாளர் பேராசிரியர் பிபி.ராஜன் உள்ளிட்ட பேராசிரியர்கள், மாணவ, மாணவிகள் திரளாகப் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/22/பெண்களை-சுயமாக-சிந்திப்பதற்கு-அனுமதிப்பதில்லை-பேராசிரியர்-பா-ராஜ்குமார்-3118602.html
3118601 திருச்சி கரூர் காவல் நிலையத்தை முற்றுகையிட்டு போராட்டம் DIN DIN Friday, March 22, 2019 09:03 AM +0530 கரூர் மாவட்டம் வேலாயுதம்பாளையம் காவல்நிலையத்தை கட்சிசார்பற்ற தமிழ்நாடு விவசாயிகள் சங்கத்தினர் வியாழக்கிழமை முற்றுகையிட்டுப்  போராட்டத்தில் ஈடுபட்டனர்.
வேலாயுதம்பாளையம் அடுத்த பொன்னியகவுண்டன்புதூரைச் சேர்ந்தவர் வீராசாமி(55). விவசாயி. இவர் தனது தோட்டத்தில் நீரா பானம் இறக்கி விற்பனை செய்து வருகிறார். இந்நிலையில், புதன்கிழமை மாலை அங்கு சீருடையின்றி வந்த வேலாயுதம்பாளையம் போலீஸார் மாமூல் கேட்டு மரத்தில் கட்டியிருந்த பானைகளை கற்களை வீசி உடைத்தார்களாம். 
தகவலறிந்த கட்சி சார்பற்ற தமிழ்நாடு விவசாயிகள் சங்கத்தின் மாநில பொருளாளர் பாபு தலைமையில் 10-க்கும் மேற்பட்ட விவசாயிகள் வியாழக்கிழமை வேலாயுதம்பாளையம் காவல் நிலையத்தை முற்றுகையிட்டுப் போராட்டத்தில் ஈடுபட்டனர். இதையடுத்து அங்கு வந்த காவல் ஆய்வாளர் வேலுசாமி  பேச்சுவார்த்தை நடத்தியதில் அவர்கள் கலைந்து சென்றனர். 
இதுதொடர்பாக கட்சி சார்பற்ற தமிழ்நாடு விவசாயிகள் சங்கத்தின் மாநில பொருளாளர் பாபு கூறியது: 
தமிழக அரசு நீரா பானம் இறக்கி விற்க அனுமதித்துள்ளது.   மாமூல் தரவில்லை எனப் போலீஸார் வீராசாமி தோட்டத்திற்குள் புகுந்து பானைகளை உடைத்திருப்பதை கண்டிக்கிறோம். கரூரில் 24 மணி நேரமும் மது விற்பனை நடக்கிறது. இதை கண்டுபிடித்து நடவடிக்கை எடுக்காமல், விவசாயிகளை இனி துன்புறுத்தினால் மாபெரும் போராட்டத்தில் ஈடுபடுவோம் என்றார் அவர்.

]]>
https://www.dinamani.com/all-editions/edition-trichy/karur/2019/mar/22/காவல்-நிலையத்தை-முற்றுகையிட்டு-போராட்டம்-3118601.html
3118603 திருச்சி கரூர் தேசிய உழவர் உழைப்பாளர் கழக வேட்பாளருக்கு டிபன் பாக்ஸ் சின்னம் DIN DIN Friday, March 22, 2019 09:03 AM +0530 தேசிய உழவர் உழைப்பாளர் கழகத்தின் வேட்பாளர் ஜே.ஜோதிகுமாருக்கு டிபன் பாக்ஸ் சின்னம் ஒதுக்கீடு செய்யப்பட்டுள்ளது.
கரூர் மக்களவைத் தொகுதியில் தேசிய உழவர் உழைப்பாளர் கழகத்தின் நிறுவனரும், தலைவருமான ஜே.ஜோதிகுமார் சுயேட்சையாக போட்டியிடுகிறார். அவருக்கு தேர்தல் ஆணையம் டிபன் பாக்ஸ் சின்னம் ஒதுக்கியுள்ளது. இதையடுத்து  சின்னத்தை அறிமுகம் செய்யும் நிகழ்ச்சி கரூரில் வியாழக்கிழமை நடைபெற்றது. சின்னத்தை அறிமுகம் செய்து வேட்பாளர் பேசினார்.
தொடர்ந்து கட்சி நிர்வாகிகளுடன் ஆலோசனை நடைபெற்றது. 
இதில் தேசிய கட்சிகளுடன் கூட்டணி வைத்துள்ள திராவிடக் கட்சிகளின் குறைகளை மக்களிடம் விளக்கி தீவிரமாக பிரசாரம் செய்வது என்பன உள்ளிட்ட தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-trichy/karur/2019/mar/22/தேசிய-உழவர்-உழைப்பாளர்-கழக-வேட்பாளருக்கு-டிபன்-பாக்ஸ்-சின்னம்-3118603.html
3118600 திருச்சி கரூர் குளித்தலை அருகே ரூ.3.28 லட்சம் பறிமுதல் DIN DIN Friday, March 22, 2019 09:02 AM +0530 கரூர் மாவட்டம், குளித்தலை அருகே தேர்தல் பறக்கும்படையினர் பால்வண்டி ஓட்டுநர்களிடம் உரிய ஆவணம் இன்றி கொண்டு வரப்பட்ட ரூ.3.28 லட்சத்தை வியாழக்கிழமை இரவு பறிமுதல் செய்தனர்.  
மக்களவை பொதுத்தேர்தல் நடத்தை விதிமுறைகள் அமலில் உள்ளதால் கரூர் மாவட்டத்தில் வாக்காளர்களுக்கு பணம், பொருள் பட்டுவாடா செய்யப்படுவதைத் தடுக்கும் வகையில் ஆங்காங்கே வாகனச் சோதனை நடைபெற்று வருகிறது.   
இந்நிலையில், கரூர் மாவட்டம், குளித்தலை சட்டப்பேரவைத் தொகுதிக்குள்பட்ட மருதூர் சோதனைச்சாவடியில் கூட்டுறவு துறை சார் பதிவாளர் குமார், காவல் சிறப்பு சார்ஆய்வாளர் கருப்பண்ணன் ஆகியோர் அடங்கிய நிலைக் குழுவினர் வியாழக்கிழமை இரவு வாகன தணிக்கையில் ஈடுபட்டிருந்தனர். 
அப்போது கரூர் காந்தி கிராமத்தைச் சேர்ந்த கிஷோர் குமார்(28) ஓட்டிவந்த பால் லாரியில்  ரூ.1,86,986 ரொக்கமும், கரூர் வீரராக்கியத்தைச் சேர்ந்த குப்புசாமி(48) ஓட்டிவந்த பால் லாரியில் ரூ.1,41,580 ரொக்கமும் உரிய ஆவணங்களின்றி கொண்டுசென்றது தெரியவந்தது. இதையடுத்து இருவரிடமும் இருந்து ரொக்கத்தைப் பறிமுதல் செய்து குளித்தலை வருவாய் கோட்டாட்சியரின் நேர்முக உதவியாளர் முருகனிடம் அலுவலர்கள் ஒப்படைத்தனர். குளித்தலை வட்டாட்சியர் சுரேஷ்குமார் உள்ளிட்ட அலுவலர்கள் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/22/குளித்தலை-அருகே-ரூ328-லட்சம்-பறிமுதல்-3118600.html
3118599 திருச்சி கரூர் செல்வமகள் திட்டத்தில்  இதுவரை ரூ.66.33 கோடி சேமிப்பு DIN DIN Friday, March 22, 2019 09:02 AM +0530 செல்வமகள் சேமிப்புத் திட்டத்தில் கரூர் அஞ்சலக கோட்டத்தில் இதுவரை ரூ.66.33 கோடி சேமிக்கப்பட்டுள்ளதாக அஞ்சலகக் கண்காணிப்பாளர் எம். கலைக்குமார் தெரிவித்தார்.
மத்திய அரசு பெண் குழந்தைகளின் கல்விச் செலவு, திருமண வயது எட்டும்போது தேவைப்படும் செலவுக்காக சுகன்யா சம்ரிதி யோஜனா எனும் செல்வ மகள் சேமிப்புத் திட்டத்தை அஞ்சலகங்களில் கடந்த 22.1.2015-இல் அறிமுகப்படுத்தியது. கரூர் அஞ்சல் கோட்டத்திற்குட்பட்ட அஞ்சலகங்களில் இதுநாள் வரை 28,610 கணக்குகள் துவங்கப்பட்டு, அதில்  கடந்த 12 ஆம் தேதி வரை ரூ.66 கோடியே 33 லட்சத்து 83 ஆயிரத்து 403 சேமிக்கப்பட்டுள்ளது. நிகழாண்டில், அதாவது கடந்த 1.4.2018 முதல் கடந்த 12 ஆம் தேதி வரை 3916 கணக்குகள் துவங்கப்பட்டு, 14.18 கோடி சேமிக்கப்பட்டுள்ளது என்றார்.

]]>
https://www.dinamani.com/all-editions/edition-trichy/karur/2019/mar/22/செல்வமகள்-திட்டத்தில்--இதுவரை-ரூ6633-கோடி-சேமிப்பு-3118599.html
3118598 திருச்சி கரூர் கல்யாண பசுபதீசுவரர் கோயில் பங்குனி தேரோட்டம் DIN DIN Friday, March 22, 2019 09:02 AM +0530 கரூர் கல்யாண பசுபதீசுவரர் கோயில் பங்குனித் திருவிழாவை முன்னிட்டு கோயிலில் வியாழக்கிழமை நடைபெற்ற தேரோட்டத்தில் பக்தர்கள் திரளாகப் பங்கேற்று தேரை வடம்பிடித்து இழுத்தனர்.
கொங்கு நாட்டின் சிவத் தலங்களில் முதன்மையான ஸ்தலமாக விளங்கும் கரூர் கல்யாண பசுபதீசுவரர் கோயிலில் பசுபதீசுவரர் அருள்மிகு அலங்காரவல்லி மற்றும் செளந்திரநாயகியுடன் பக்தர்களுக்கு காட்சிதந்து வருகிறார். கோயில் பங்குனித்திருவிழா கடந்த 13 ஆம் தேதி துவஜாரோகணம் எனும் கொடியேற்றுதல் நிகழ்ச்சியுடன் விழா துவங்கியது. தொடர்ந்து சுவாமி கடந்த 14 ஆம் தேதி நந்தி, அன்னவாகனத்திலும், 15 ஆம் தேதி பூத, பூதகி வாகனத்திலும், 16 ஆம் தேதி ரிஷிப வாகனத்திலும் சுவாமி திருவீதி உலா வருதல் நிகழ்ச்சியும், 17 ஆம் தேதி திருக்கயிலாய வாகனத்திலும், 18 ஆம் தேதி சுவாமி அம்பாளுடன் அப்பிப்பாளையத்தில் எழுந்தருளி இரவு யானை வாகனத்தில் வலம் வருதல் நிகழ்ச்சியும் நடைபெற்றன. தொடர்ந்து கடந்த 19 ஆம் தேதி திருக்கல்யாண உற்ஸவம் நடைபெற்றது. இதையடுத்து விழாவின் முக்கிய நிகழ்ச்சியான தேரோட்ட விழா வியாழக்கிழமை காலை நடைபெற்றது. விழாவை முன்னிட்டு அதிகாலையில் சுவாமிகளுக்கு சிறப்பு அபிஷேகம், ஆராதனை நடைபெற்றது. தொடர்ந்து அலங்கரிக்கப்பட்ட தேரில் பசுபதீசுவரர் அலங்காரவல்லி, சௌந்திரநாயகி அம்பாளுடன் சிறப்பு அலங்காரத்தில் எழுந்தருளினர்.  இதையடுத்து பக்தர்கள் தேரோட்டம் நடைபெற்றது. தேர் கோயிலைச் சுற்றி வலம் வந்து மீண்டும் நிலையை அடைந்தது. 
தேரோட்டத்தில் பக்தர்கள் திரளாகப் பங்கேற்றனர்.  தொடர்ந்து வெள்ளிக்கிழமை (மார்ச் 22) தீர்த்தவாரி, கொடியிறக்கமும், 24 ஆம் தேதி ஊஞ்சல் உற்ஸவம், 25 ஆம் தேதி பிராயச்சித்த அபிஷேகம், மாலை சண்டிகேசுவரர் வெள்ளி ரிஷிபவாகனத்தில் திருவீதி உலா வருதலுடன் விழா முடிவடைகிறது. விழா ஏற்பாடுகளை உதவி ஆணையர் எம்.சூரியநாராயணன், செயல் அலுவலர் எம்.வேல்முருகன் ஆகியோர் செய்து வருகின்றனர்.

]]>
https://www.dinamani.com/all-editions/edition-trichy/karur/2019/mar/22/கல்யாண-பசுபதீசுவரர்-கோயில்-பங்குனி-தேரோட்டம்-3118598.html
3118597 திருச்சி கரூர் கணினி குலுக்கல் முறையில் வாக்குச்சாவடி அலுவலர்களுக்கு பணி ஒதுக்கீடு DIN DIN Friday, March 22, 2019 09:01 AM +0530 வாக்குப்பதிவு நாளன்று தேர்தல் பணியாற்றவுள்ள வாக்குச்சாவடி அலுவலர்களுக்கான பணி ஒதுக்கீடு கணினியில் குலுக்கல் முறையில் வியாழக்கிழமை நடைபெற்றது. 
வரும் மக்களவை பொதுத்தேர்தலில் கரூர் மாவட்டத்தில் உள்ள 1,031 வாக்குச்சாவடி மையங்களும், 6 துணை வாக்குச்சாவடி மையங்களும் என மொத்தம் 1,037 வாக்குச்சாவடி மையங்கள் அமைக்கப்பட்டுள்ளது. 
ஒவ்வொரு வாக்குச்சாவடி மையத்திலும், ஒரு வாக்குசாவடி தலைமை அலுவலர் மற்றும் வாக்குச்சாவடி அலுவலர்கள் 3 பேர் நியமிக்கப்படுவார்கள். 
1,400-க்குமேல் வாக்காளர்கள் உள்ள வாக்குச்சாவடி மையங்களில் கூடுதலாக ஒரு வாக்குச்சாவடி அலுவலர் மற்றும் இதர அலுவலர்கள் நியமிக்கப்படுவார்கள். அதன்படி மொத்தம் உள்ள 1,037 வாக்குச்சாவடி மையங்களிலும் பணிபுரிய 5,028 பேர் கணினி குலுக்கல் முறையில் பணி ஒதுக்கீடு செய்யப்படுவதற்கான நிகழ்வு மாவட்ட ஆட்சியர் அலுவலகத்தில் உள்ள தேர்தல் பிரிவில் வியாழக்கிழமை நடைபெற்றது.
தேர்தல் நடத்தும் அலுவலரும் மாவட்ட ஆட்சியருமான த. அன்பழகன் கணினி முறையில் குலுக்கலை நடத்தினார். அதனடிப்படையில் 5,028 பேருக்கு   எந்த வாக்குச்சாவடி மையத்தில் பணிபுரிய வேண்டும் என்பதற்கான ஆணை வழங்கப்படவுள்ளது. 
வரும் 24 ஆம் தேதி   வாக்குச்சாவடி அலுவலர்களுக்கு அந்ததந்த சட்டப்பேரவைத் தொகுதிக்குள்பட்ட பகுதிகளில் சம்மந்தப்பட்ட மண்டல அலுவலர்களின் மூலம் முதற்கட்ட பயிற்சி வகுப்புகள் நடத்தப்படவுள்ளது. அதன்படி கரூர் தொகுதிக்குட்பட்ட வாக்குச்சாவடி அலுவலர்களுக்கு வெண்ணமலை சேரன் மெட்ரிக். பள்ளியிலும், அரவக்குறிச்சி தொகுதிக்குட்பட்ட வாக்குச்சாவடி அலுவலர்களுக்கு வள்ளுவர் மேலாண்மைக் கல்லூரியிலும், கிருஷ்ணராயபுரம் தொகுதிக்குட்பட்ட வாக்குச்சாவடி அலுவலர்களுக்கு புலியூர் இராணி மெய்யம்மை மேல்நிலைப்பள்ளியிலும், குளித்தலை தொகுதிக்குட்பட்ட வாக்குச்சாவடி அலுவலர்களுக்கு குளித்தலை அரசு பெண்கள் மேல்நிலைப்பள்ளியிலும் வாக்குச்சாவடி அலுவலர்களுக்கான பயிற்சி வகுப்புகள் நடைபெறவுள்ளது. 
நிகழ்வின்போது மாவட்ட ஆட்சியரின் நேர்முக உதவியாளர்(பொது) செல்வசுரபி, தேர்தல் பிரிவு வட்டாட்சியர் சிவக்குமார் உள்ளிட்ட அலுவலர்கள் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/22/கணினி-குலுக்கல்-முறையில்-வாக்குச்சாவடி-அலுவலர்களுக்கு-பணி-ஒதுக்கீடு-3118597.html
3117880 திருச்சி கரூர் அரியலூர் அரசு சிமென்ட் ஆலையில் தீ விபத்து DIN DIN Thursday, March 21, 2019 08:09 AM +0530 அரியலூர் மாவட்டம், கயர்லாபாத்தில் இயங்கி வரும் அரசு சிமென்ட் ஆலையில் புதன்கிழமை ஏற்பட்ட தீ விபத்தில், பல லட்சம் மதிப்பிலான பொருள்கள் எரிந்து சேதமடைந்தன.
கயர்லாபாத் கிராமத்தில் இயங்கி வரும் அரசு  சிமென்ட் ஆலையில்  ரூ.200 கோடி மதிப்பில் புதிதாக சிமென்ட் உற்பத்திப் பிரிவு அமைக்கப்பட்டது.இந்த  உற்பத்திப் பிரிவில் புதன்கிழமை சோதனை ஓட்டம் நடைபெற்றது.
அப்போது கண்வேயர் பெல்ட்டில்  எதிர்பாராதவிதமாக தீ விபத்து ஏற்பட்டது. இதுகுறித்து தகவலறிந்த அரியலூர் தீயணைப்பு  நிலைய வீரர்கள் மற்றும் சிமென்ட் ஆலை தீயணைப்பு வீரர்கள் அங்கு சென்று தீயை அணைத்தனர். இந்த தீ விபத்தில் பல லட்சம் மதிப்பிலான பொருள்கள் எரிந்து சேதமடைந்தன. இதுகுறித்து கயர்லாபாத் போலீஸார் வழக்குப்பதிந்து விசாரித்து வருகின்றனர்.

]]>
https://www.dinamani.com/all-editions/edition-trichy/karur/2019/mar/21/அரியலூர்-அரசு-சிமென்ட்-ஆலையில்-தீ-விபத்து-3117880.html
3117879 திருச்சி கரூர் பறக்கும் படையினர் சோதனை: கேரள இளைஞர் உள்பட 4 பேரிடம் ரூ.6.42 லட்சம் பறிமுதல் DIN DIN Thursday, March 21, 2019 08:08 AM +0530 கரூர் மாவட்டம், குளித்தலையின் பல்வேறு பகுதிகளில் தேர்தல் பறக்கும் படையினர் நடத்திய சோதனையில், உரிய ஆவணங்கள் இல்லாமல் கொண்டு செல்லப்பட்டதாக கேரள இளைஞர் உள்பட 4 பேரிடம் ரூ.6.42 லட்சம் பறிமுதல் செய்யப்பட்டது.
குளித்தலை வட்டம், மேலக்கோரப்பாளையம் சோதனைச்சாவடியில்,தோகைமலை வட்டார வளர்ச்சி அலுவலர் ராஜேந்திரன் தலைமையிலான பறக்கும்படை குழுவினர் புதன்கிழமை வாகனத் தணிக்கை மேற்கொண்டனர்.
அப்போது அவ்வழியாக வந்த மினி லாரியை நிறுத்தி சோதனையிட்ட போது, இனுங்கூரைச் சேர்ந்த பாலமுருகன் (35) கேரள மாநிலம்,பையனூரில் வாழைத்தார்கள் விற்று வைத்திருந்த ரூ.1.32 லட்சம் ரொக்கம், திருச்சி மாவட்டம், சிறுகாம்பூரைச் சேர்ந்த சுரேஷ்குமார்(34)  கோழிக்கோட்டில் வாழைத்தார்கள் விற்று வைத்திருந்த ரூ.1.61 லட்சம் ரொக்கம் மற்றும், 
கேரள மாநிலம்,  எர்ணாகுளத்திலிருந்து பேட்டைவாய்த்தலையில் வாழைத்தார்கள் வாங்குவதற்காக வந்த ஷானவாஸ் (37) ஓட்டி வந்த மினிலாரியில் இருந்த ரூ.1.90 லட்சம் ரொக்கம் ஆகியவை உரிய ஆவணங்கள் இல்லாததால் பறிமுதல் செய்யப்பட்டது.
இதுபோல குளித்தலை - மணப்பாறை சாலையில், மைலாடி பகுதியில் கூட்டுறவுத்துறை சார்பதிவாளர் குமார் தலைமையிலான நிலைக் குழுவினர்
வாகனத் தணிக்கை நடத்தினர். அப்போது கொசூரிலிருந்து குளித்தலை நோக்கி 
இருசக்கர வாகனத்தில் வந்த நாச்சிப்பட்டி சுப்பையா (45),  பெட்ரோல் விற்பனை நிலையத்தில் வசூலான ரூ.1.59 லட்சத்தை வங்கியில் செலுத்துவதற்காக சென்ற போது, உரிய ஆவணங்கள் இல்லாததால் பறிமுதல் செய்யப்பட்டது.
குளித்தலை பகுதியில் புதன்கிழமை மட்டும் பறிமுதல் செய்யப்பட்ட ரூ.6.42 லட்சத்தை பறக்கும்படை, நிலைக் குழுவினர் உதவித் தேர்தல் நடத்தும்அலுவலர் எம். லியாகத்திடம் ஒப்படைத்தனர். அப்போது குளித்தலை வட்டாட்சியர் சுரேஷ்குமார் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-trichy/karur/2019/mar/21/பறக்கும்-படையினர்-சோதனை-கேரள-இளைஞர்-உள்பட-4-பேரிடம்-ரூ642-லட்சம்-பறிமுதல்-3117879.html
3117830 திருச்சி கரூர் கரூர் தொகுதி: தேசிய உழவர் உழைப்பாளர் கழக வேட்பாளர் மனுதாக்கல் DIN DIN Thursday, March 21, 2019 07:35 AM +0530 கரூர் மக்களவைத் தொகுதியில் போட்டியிட தேசிய உழவர் உழைப்பாளர் கழகத்தின் நிறுவனரும்-தலைவருமான ஜே. ஜோதிகுமார் புதன்கிழமை மனுதாக்கல் செய்தார்.
மக்களவை மற்றும் 18 சட்டப்பேரவைத் தொகுதிகளில் ஏப்.18 ஆம் தேதி நடைபெறஉள்ள தேர்தலுக்கான வேட்பு மனுதாக்கல் செவ்வாய்க்கிழமை தொடங்கினாலும் யாரும் மனுதாக்கல் செய்யவில்லை.
இந்த நிலையில், கரூர் தொகுதியில் போட்டியிட புதன்கிழமை காலை, பரமத்திவேலூரைச் சேர்ந்த தேசிய உழவர் உழைப்பாளர் கழக நிறுவனரும்- தலைவருமான ஜே. ஜோதிகுமார்  தனது மனுவை மாவட்டத் தேர்தல் நடத்தும் அலுவலரும், ஆட்சியருமான த. அன்பழகனிடம் தாக்கல் செய்தார். இவருக்கு மாற்று வேட்பாளராக கே. பழனிசாமி மனுவைத் தாக்கல் செய்தார்.
5 தொகுதிகளில் போட்டி : கரூர், திருச்சி, திருப்பூர், வேலூர், கிருஷ்ணகிரி ஆகிய 5 தொகுதிகளில் எங்கள் கட்சி போட்டியிடுகிறது.  கரூரில் முருங்கைக்காய் விவசாயிகளுக்கு முருங்கைபவுடர் தொழிற்சாலை ஏற்படுத்துவோம் என்றார் தேசிய உழவர் உழைப்பாளர் கழகத்தின் நிறுவனரும்- தலைவருமான ஜே. ஜோதிகுமார். பேட்டியின்போது கட்சி நிர்வாகிகள் உடனிருந்தனர்.
 

]]>
https://www.dinamani.com/all-editions/edition-trichy/karur/2019/mar/21/கரூர்-தொகுதி-தேசிய-உழவர்-உழைப்பாளர்கழக-வேட்பாளர்-மனுதாக்கல்-3117830.html
3117829 திருச்சி கரூர் கந்துவட்டிக் கொடுமை: குடும்பத்துடன்  மெக்கானிக் தற்கொலை முயற்சி DIN DIN Thursday, March 21, 2019 07:35 AM +0530 கந்துவட்டிக்கொடுமையால்  கரூர் மாவட்ட ஆட்சியரக வளாகத்தில் இருசக்கர வாகன மெக்கானிக் புதன்கிழமை தீக்குளித்து தற்கொலைக்கு முயன்றார்.
ஈரோடு மாவட்டம், பள்ளிப்பாளையம் ஆர்.எஸ்.பகுதியைச் சேர்ந்தவர் அந்தோனிராஜ்(42). இவர் தற்போது கரூர் பெரியவடுகப்பட்டி பகுதியில் குடும்பத்தினருடன் வசித்து, மெக்கானிக்காக பணியாற்றி வந்தார்.
அதே பகுதியைச் சேர்ந்த சாரதியிடம் குடும்பச் செலவுக்காக கடந்தாண்டு ரூ.45,000-த்தை அந்தோனிராஜ் வட்டிக்கு கடன் வாங்கினாராம்.
 இந்நிலையில் கடந்த வாரம் திடீரென சாரதி தான் ஊரை விட்டுச் செல்வதாகவும், அதனால் வாங்கிய பணத்தை உடனே கொடுக்குமாறு கூறியுள்ளார்.  தொடர்ந்து,  கடந்த இரு தினங்களுக்கு முன் அந்தோனிராஜ் வீட்டுக்கு வந்த சாரதி வீட்டில் இருந்த பொருள்களை எடுத்துச் சென்றாராம்.
 இதுதொடர்பாக வாங்கல் காவல்நிலையத்தில் அந்தோனிராஜ் புகார் அளித்தும் நடவடிக்கை இல்லையாம். இதனால் விரக்தியடைந்த அந்தோணிராஜ் புதன்கிழமை தனது மனைவி பினாமோள்(38), மகள்கள் சகாயமேரி(14), ஜெஸ்மிதாமேரி(9) ஆகியோருடன் ஆட்சியரகம் வந்து, தன் மீதும், குடும்பத்தினர் மீதும் மண்ணெண்ணெய் ஊற்றி தற்கொலைக்கு முயன்றார்.
உடனே அங்கு பாதுகாப்புக்கு இருந்த போலீஸார் அவர்களை மீட்டு, விசாரணைக்காக அழைத்துச் சென்றனர்.
 

]]>
https://www.dinamani.com/all-editions/edition-trichy/karur/2019/mar/21/கந்துவட்டிக்-கொடுமை-குடும்பத்துடன்-மெக்கானிக்-தற்கொலை-முயற்சி-3117829.html
3117828 திருச்சி கரூர் கோடங்கிப்பட்டி அரசு பள்ளியில் திருக்குறள் விழா DIN DIN Thursday, March 21, 2019 07:34 AM +0530 கரூர் அருகிலுள்ள கோடங்கிப்பட்டி அரசு நடுநிலைப்பள்ளியில் ஸ்டார் தொண்டு நிறுவனம் சார்பில் திருக்குறள் விழா புதன்கிழமை நடைபெற்றது.
விழாவுக்கு பள்ளித் துணைத் தலைமை ஆசிரியை ப. சரோஜா தலைமை வகித்தார்.  ஆசிரியர் ம.லோகநாதன் முன்னிலை வகித்தார். ஆசிரியை சு.லோகாம்பாள் வரவேற்றார். விழாவையொட்டி, 
 பள்ளி மாணவ, மாணவிகளுக்கு திருக்குறள் ஒப்புவித்தல் போட்டில் நடைபெற்றது. இதில் 42 மாணவ மாணவிகள் பங்கேற்றனர். வெற்றிபெற்றவர்களுக்கு பரிசுகளை வழங்கி, கரூர் திருக்குறள் பேரவையின் செயலர் மேலை.பழநியப்பன் பேசியது: 
திருக்குறள் பொருள் உணர்ந்து கற்று வாழ்வில் உயர வேண்டும். ஒழுக்கம், பண்பாடு, நேர்மை ஆகிய மூன்றும்தான் ஒருவனை வாழ்வின் உச்சத்துக்கு கொண்டு செல்லும். தமிழில் இப்போது பிறமொழிச்சொற்கள் கலந்து பேசி வருவது நம் தாய் மொழியின் முக்கியச் சொற்கள் அழியும் நிலை ஏற்பட்டுள்ளது என்றார் அவர். கவிஞர் நன்செய்ப்புகளூர் அழகரசன் வாழ்த்துரை வழங்கினார்.  ஆசிரியை சாந்தி நன்றி கூறினார். விழாவில் பள்ளி மாணவ, மாணவிகள் உள்ளிட்டோர் பங்கேற்றனர்.  

]]>
https://www.dinamani.com/all-editions/edition-trichy/karur/2019/mar/21/கோடங்கிப்பட்டி-அரசு-பள்ளியில்-திருக்குறள்-விழா-3117828.html
3117827 திருச்சி கரூர் மின்னாம்பள்ளியில் தேர்தல் விழிப்புணர்வு முகாம் DIN DIN Thursday, March 21, 2019 07:34 AM +0530 கரூர் மாவட்டம், மின்னாம்பள்ளியில்  வாக்காளர் வாக்குப்பதிவு தணிக்கை இயந்திரத்தின் செயல்பாடு குறித்து மகாத்மாகாந்தி தேசிய ஊரக வேலை உறுதியளிப்புத் திட்டத் தொழிலாளர்களுக்கான விழிப்புணர்வு முகாம் புதன்கிழமை நடைபெற்றது.
இந்த முகாமுக்கு கரூர் கோட்டாட்சியரும், உதவித் தேர்தல் நடத்தும் அலுவலருமான கு. சரவணமூர்த்தி தலைமை வகித்தார். வாக்காளர் வாக்குப்பதிவு தணிக்கை இயந்திரம் செயல்படும் விதம்,  யாருக்கு வாக்களித்தோம் என்பதை சம்மந்தப்பட்ட வாக்காளர் மட்டுமே பார்க்கும் வசதி போன்றவை குறித்து தொழிலாளர்களிடம் உதவித் தேர்தல் நடத்தும் அலுவலர் விளக்கிக் கூறினார்.
மக்களவைப் பொதுத்தேர்தலில் அனைவரும் நேர்மையாக வாக்களிக்க வேண்டும். பணத்துக்காகவோ, பொருளுக்காகவோ தங்களுடைய வாக்கை விற்ககூடாது என்றும் உதவிதேர்தல் நடத்தும் அலுவலர் வலியுறுத்தினார்.  தொடர்ந்து மாதிரி வாக்குப்பதிவு நடத்தப்பட்டு, இயந்திரத்தின் செயல்பாடு குறித்து விளக்கமளிக்கப்பட்டது. உதவித் தேர்தல் நடத்தும் அலுவலர் தலைமையில் தொழிலாளர்கள் தேர்தல் விழிப்புணர்வு உறுதிமொழி எடுத்துக் கொண்டனர்.
மண்மங்கலம் வட்டாட்சியர் ரவிகுமார், துணை வட்டார வளர்ச்சி அலுவலர் உள்ளிட்ட அலுவலர்கள் உள்ளிட்டோர் முகாமில் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/21/மின்னாம்பள்ளியில்-தேர்தல்-விழிப்புணர்வு-முகாம்-3117827.html
3117826 திருச்சி கரூர் மனைவிக்கு அரிவாள் வெட்டு: கணவர் கைது DIN DIN Thursday, March 21, 2019 07:33 AM +0530 லாலாப்பேட்டை அருகே மனைவியை அரிவாளால் வெட்டிய கணவரை போலீஸார்  கைது செய்தனர். 
கரூர் மாவட்டம், கிருஷ்ணராயபுரத்தை அடுத்த கணேசபுரத்தைச் சேர்ந்தவர் மதன்குமார்(38). இவரது மனைவி கார்த்திகா(33). இவர்களுக்கு ஒன்றரை வயதில் பெண்குழந்தை உள்ளது.
கொமட்டேரியைச் சேர்ந்த சதாசிவத்துக்கும் தொடர்பு ஏற்பட்டதால், கடந்த ஒன்றரை ஆண்டுகளுக்கு முன்பு வீட்டை விட்டு கார்த்திகா வெளியேறினார். குடும்பம் நடத்த வருமாறு மனைவி கார்த்திகாவை மதன்குமார் அழைத்தும் அவர் வரவில்லையாம்.
இந்த நிலையில் செவ்வாய்க்கிழமை மீண்டும் மனைவியை அழைத்த போது அவர் மறுத்ததால், அரிவாளால் கார்த்திகாவை மதன்குமார் வெட்டியுள்ளார். 
இதில் பலத்த காயமடைந்த த கார்த்திகா குளித்தலை அரசு மருத்துவமனையில் அனுமதிக்கப்பட்டுள்ளார். லாலாப்பேட்டை போலீஸார் வழக்குப்பதிந்து மதன்குமாரை கைது செய்தனர்.

]]>
https://www.dinamani.com/all-editions/edition-trichy/karur/2019/mar/21/மனைவிக்கு-அரிவாள்-வெட்டு-கணவர்-கைது-3117826.html
3117825 திருச்சி கரூர் பொய்பிரசாரத்தை நம்ப வேண்டாம்: தம்பிதுரை DIN DIN Thursday, March 21, 2019 07:33 AM +0530 மற்றவர்களின் பொய் பிரசாரத்தை நம்ப வேண்டாம் என்றார் கரூர் தொகுதி அதிமுக வேட்பாளர் மு.தம்பிதுரை.
கரூர் மாவட்டம், கோடங்கிப்பட்டியில் முத்தாளம்மன், பட்டாளம்மன் கோயில்களில் போக்குவரத்துத் துறை அமைச்சர்எம்.ஆர்.விஜயபாஸ்கருடன் இணைந்து  புதன்கிழமை தரிசனம் செய்த பின்னர்,தேர்தல் பிரசாரத்தைத் தொடங்கிய அவர், பொதுமக்களிடம் வாக்குகளை கேட்டு மேலும் பேசியது:
இப்பகுதியில்தண்ணீர் பிரச்னையை தீர்க்க நடவடிக்கை எடுத்து வருகிறோம். பிரச்னையை தீர்க்க எங்களால் மட்டுமே முடியும். மற்றவர்களின் பொய் பிரசாரத்தை நம்பாதீர்கள். எப்போதும் உங்களில் ஒருவராக இருந்து பணியாற்றுவோம் என்றார். தொடர்ந்து சின்ன கோடங்கிப்பட்டி, ஒத்தையூர், பால்வார்பட்டி ஆகிய இடங்களில் பிரசாரம் செய்தார்.
முன்னதாக கரூர்- கோவை சாலையில் தேர்தல் பணிமனை திறப்பும், அதைத் தொடர்ந்து செயல்வீரர்கள் கூட்டமும் நடைபெற்றது. இந்த நிகழ்வுகளிலும் அதிமுக வேட்பாளர் தம்பிதுரை பங்கேற்று பேசினார்.
தேர்தல் பிரசாரத்தில், போக்குவரத்து துறை அமைச்சர் எம்.ஆர்.விஜயபாஸ்கர், சட்டப்பேரவை உறுப்பினர் கீதா, கூட்டணி கட்சி நிர்வாகிகள் பாமக பாஸ்கரன், தேமுதிக தங்கவேல், புதிய தமிழகம் அசோகன் மற்றும் அதிமுக மாவட்ட அவைத்தலைவர் ஏ.ஆர்.காளியப்பன், நகர கூட்டுறவு வங்கித்தலைவர் எஸ்.திருவிகா, மாவட்ட துணைச் செயலர் பசுவை சிவசாமி, நகரச் செயர் வை.நெடுஞ்செழியன், ஒன்றியச் செயலர்கள் பி.மார்கண்டேயன், கமலக்கண்ணன் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-trichy/karur/2019/mar/21/பொய்பிரசாரத்தை-நம்ப-வேண்டாம்-தம்பிதுரை-3117825.html
3117824 திருச்சி கரூர் தொழிலாளியிடம் பணம் திருடிய இளைஞர் கைது DIN DIN Thursday, March 21, 2019 07:33 AM +0530 பேருந்துக்காக காத்திருந்த தொழிலாளியிடம் பணம் திருடிய இளைஞரை போலீஸார் கைது செய்தனர்.
 கரூர் மாவட்டம், கிருஷ்ணராயபுரம் அடுத்த தண்ணீர்பள்ளத்தைச் சேர்ந்தவர் அமீர்அலி(42). இவர் செவ்வாய்க்கிழமை இரவு மணவாசி முடக்குச்சாலையில் திருச்சி செல்ல பேருந்துக்காக காத்திருந்தார்.
 அப்போது அங்கு வந்த திருக்காம்புலியூரைச்சேர்ந்த சிவசுப்ரமணியன்(30),அமீர்அலியின் சட்டைப்பையில் இருந்த ரூ.200-ஐ திருடினார். இதையடுத்து அவரை பிடித்து மாயனூர் காவல் நிலையத்தில் அமீர் அலி ஒப்படைத்தார்.தொடர்ந்து வழக்குப்பதிவு செய்த போலீஸார், சிவசுப்பிரமணியத்தைகைது செய்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/21/தொழிலாளியிடம்-பணம்-திருடிய-இளைஞர்-கைது-3117824.html
3117387 திருச்சி கரூர் அரவக்குறிச்சி அருகே 94 கிலோ தங்கம் பறிமுதல் DIN DIN Wednesday, March 20, 2019 09:02 AM +0530 அரவக்குறிச்சி பகுதியில் 94 கிலோ எடையுள்ள ரூ.5.63 கோடி மதிப்பிலான நகைகள் நிலை கண்காணிக்கும் குழுவினரால் திங்கள்கிழமை நள்ளிரவு பறிமுதல் செய்யப்பட்டுள்ளது. தொடர்ந்து, அவை கருவூலத்தில் ஒப்படைக்கப்பட்டது.
மாவட்டத் தேர்தல் நடத்தும் அலுவலரும், ஆட்சியருமான த. அன்பழகன் செவ்வாய்க்கிழமை இதுகுறித்து செய்தியாளர்களிடம் மேலும் கூறியது: 
கரூர் மாவட்டம், அரவக்குறிச்சி ஆண்டிப்பட்டி கோட்டை சுங்கச்சாவடியில் வாகன சோதனையில் ஈடுபட்டிருந்த வேளாண் துறை உதவி இயக்குநர் குழந்தைவேலு, சிறப்பு காவல் சார்ஆய்வாளர் ஆறுமுகம் ஆகியோர்  திங்கள்கிழமை நள்ளிரவு 12.30 மணியளவில் நகைகள் ஏற்றி வந்த வாகனத்தைப் பறிமுதல் செய்துள்ளனர்.
எனவே, பறிமுதல் செய்யப்பட்ட நகைகள் கொண்ட  வாகனம் உதவிதேர்தல் நடத்தும் அலுவலர் மீனாட்சி தலைமையில் போலீஸ் பாதுகாப்புடன் மாவட்ட ஆட்சியர் அலுவலத்திற்கு கொண்டுவரப்பட்டது. விசாரணையில், தனியார் கூரியர் நிறுவனத்தின் சார்பில் மதுரையில் இருந்து சேலம் நோக்கிச் சென்ற மினி வேனில் ஏற்றிவந்த 13 பெட்டிகளில் 94 கிலோ எடையுள்ள (பெட்டி எடையும் சேர்த்து) ரூ.5.63 கோடி மதிப்பிலான நகைகள் பறிமுதல் செய்யப்பட்டுள்ளது. ரூ.50,000க்கு மேல் பணம்,பொருள் கொண்டு செல்லும்போது, உரிய ஆவணங்கள் இருந்தாலும் வருமானவரித் துறையினருக்கு தகவல் அளிக்கப்படும். எனவே, வருமானவரித் துறை, கணக்கீட்டுக் குழு ஆய்வுக்குப் பின்னர் உரிய நடவடிக்கை எடுக்கப்படும் என்றார் ஆட்சியர்.  
முன்னதாக வருமானவரித் துறை கூடுதல் ஆணையர் சிலாகா மார்தி விஜய்ராஜூ, மாவட்ட காவல் கண்காணிப்பாளர் முனைவர் டி.கே. ராஜசேகரன் ஆகியோர் பறிமுதல் செய்யப்பட்ட நகைகள், ஆவணங்களைப் பார்வையிட்டனர். பின்னர், அவை கருவூலத்தில் ஒப்படைக்கப்பட்டது.


 

]]>
https://www.dinamani.com/all-editions/edition-trichy/karur/2019/mar/20/அரவக்குறிச்சி-அருகே-94-கிலோ-தங்கம்-பறிமுதல்-3117387.html
3117299 திருச்சி கரூர் பைக்கில் இருந்து விழுந்த இளைஞர் சாவு: இருவர் காயம் DIN DIN Wednesday, March 20, 2019 08:35 AM +0530 அரவக்குறிச்சி அருகே பைக்கில் இருந்து விழுந்த இளைஞர் சம்பவ இடத்திலேயே இறந்தார். மேலும் இருவர் படுகாயமடைந்தனர்.
கரூர் வெங்கமேட்டைச் சேர்ந்தவர் கார்த்திகேயன்(33). இவர் தனது பைக்கில் நண்பர்களான சுக்காலியூரைச் சேர்ந்த விமல், வெள்ளாளப்பட்டியைச் சேர்ந்த மணிகண்டன்(33) ஆகியோருடன் அரவக்குறிச்சி நோக்கிச் சென்றுள்ளார். 
திண்டுக்கல் - கரூர் தேசிய நெடுஞ்சாலையில் மலைக்கோவிலூர் ஆற்றுப்பாலத்தில் சென்றபோது திடீரென நிலைத்தடுமாறிய பைக் பாலத்தின் சுவர் மீது மோதியது. இதில் கீழே விழுந்த கார்த்திகேயன் சம்பவ இடத்திலேயே இறந்தார். படுகாயமடைந்த விமல், மணிகண்டன் ஆகியோர் கரூரில் உள்ள தனியார் மருத்துவமனையில் அனுமதிக்கப்பட்டனர். இதுதொடர்பாக அரவக்குறிச்சி போலீஸார் வழக்குப்பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/20/பைக்கில்-இருந்து-விழுந்த-இளைஞர்-சாவு-இருவர்-காயம்-3117299.html
3117298 திருச்சி கரூர் மொபெட் மீது வாகனம் மோதி முதியவர் சாவு DIN DIN Wednesday, March 20, 2019 08:35 AM +0530 மொபெட் மீது அடையாளம் தெரியாத வாகனம் மோதியதில் முதியவர் சம்பவ இடத்திலேயே உயிரிழந்தார்.  
கரூர் அடுத்த அப்பிப்பாளையம் கீதம்பட்டியைச் சேர்ந்தவர் நடராஜன்(51). இவர் தனது மொபெட்டில் திங்கள்கிழமை இரவு கரூர் - மதுரை சாலையில் ஆந்தையம்புரம் பகுதியில் சென்றபோது அடையாளம் தெரியாத வாகனம் மொபெட் மீது மோதியது. இதில் பலத்த காயமடைந்த அவர் சம்பவ இடத்திலேயே பரிதாபமாக இறந்தார். இதுகுறித்து தாந்தோணிமலை போலீஸார் வழக்குப்பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/20/மொபெட்-மீது-வாகனம்-மோதி-முதியவர்-சாவு-3117298.html
3117297 திருச்சி கரூர் மொபெட் - அரசுப் பேருந்து மோதல் : தொழிலாளி சாவு DIN DIN Wednesday, March 20, 2019 08:35 AM +0530 அரசு காலனியில் மொபெட் மீது அரசுப் பேரூந்து மோதியதில் தொழிலாளி சம்பவ இடத்திலேயே இறந்தார்.
கரூர் மாவட்டம் கிருஷ்ணராயபுரம் அடுத்த கருப்பூர் சின்னமலைப்பட்டியைச் சேர்ந்தவர் மணிகண்டன்(35). கூலித்தொழிலாளி. இவர் தனது மொபெட்டில் திங்கள்கிழமை இரவு கரூர் - வாங்கல் சாலையில் அரசு காலனி புற்றுமாரியம்மன் கோயில் அருகே வந்துகொண்டிருந்தபோது எதிரே வந்த அரசுப் பேருந்து மொபெட் மீது மோதியது. இதில் பலத்த 
காயமடைந்த மணிகண்டன் சம்பவ இடத்திலேயே இறந்தார். இதுகுறித்து வெங்கமேடு போலீஸார் வழக்கு பதிந்து அரசு பேருந்து ஓட்டுநர் நாமக்கல் மாவட்டம் கொண்டாம்பட்டி மேடு பகுதியைச் சேர்ந்த தனசேகரன்(53) என்பவரைக் கைது செய்தனர்.

]]>
https://www.dinamani.com/all-editions/edition-trichy/karur/2019/mar/20/மொபெட்---அரசுப்-பேருந்து-மோதல்--தொழிலாளி-சாவு-3117297.html
3117296 திருச்சி கரூர் வாக்காளர்கள் தவறாமல் வாக்கை பதிவு செய்ய வேண்டும்: உதவி தேர்தல் அலுவலர் பேச்சு DIN DIN Wednesday, March 20, 2019 08:34 AM +0530 வரும் மக்களவைப் பொதுத்தேர்தலில் அனைவரும் நேர்மையாக வாக்களிக்க வேண்டும். பணத்துக்காகவோ, பொருளுக்காகவோ தங்களுடைய வாக்கை விற்கக்கூடாது என்றார் உதவி தேர்தல் அலுவலர் கு.சரவணமூர்த்தி.
வரும் மக்களவை பொதுத்தேர்தலில் எந்த ஒரு வாக்காளரும் விடுபடாமல் வாக்களிக்க வேண்டும் என்பதை வலியுறுத்தி விழிப்புணர்வு ஏற்படுத்தும் வகையிலும், இந்தத்தேர்தலில் அறிமுகப்படுத்தபட்டுள்ள வாக்காளர் வாக்குப்பதிவு தணிக்கை இயந்திரம்  குறித்து பொதுமக்களுக்கு விரிவாக எடுத்துரைக்கும் வகையிலும் பல்வேறு வகைகளில் விழிப்புணர்வு ஏற்படுத்தப்பட்டு வருகின்றது.
அதன்படி, கரூர் சட்டப்பேரவைத் தொகுதிக்குட்பட்ட வெங்கமேடு பகுதியில் உள்ள தனியார் ஆயத்த ஆடை உற்பத்தி மற்றும் ஏற்றுமதி நிறுவனத்தில் பணிபுரியும் தொழிலாளர்களுக்கு இதுகுறித்து விழிப்புணர்வு ஏற்படுத்தும் வகையிலான கூட்டம் உதவி தேர்தல் நடத்தும் அலுவலரும், வருவாய் கோட்டாட்சியருமான கு.சரவணமூர்த்தி தலைமையில் செவ்வாய்க்கிழமை நடைபெற்றது.
கூட்டத்தில் வாக்காளர் வாக்குப்பதிவு தணிக்கை இயந்திரம் செயல்படும் விதம்,   சம்மந்தப்பட்ட வாக்காளர் மட்டுமே தனது வாக்குபதிவு செய்யப்பட்டதை உறுதி செய்யும் கருவி குறித்தும், அவ்வாறு காண்பிக்கப்படும் தகவல் 7 வினாடிகள் மட்டுமே பார்க்கக்கூடிய வகையில் இருக்கும் என்பது குறித்தும் உதவி தேர்தல் நடத்தும் அலுவலர் ஆயத்த ஆடை தொழிலாளர்களுக்கு விரிவாக எடுத்துரைத்தார்.
மேலும், வரும் மக்களவைப் பொதுத்தேர்தலில் அனைவரும் நேர்மையாக வாக்களிக்க வேண்டும். பணத்துக்காகவோ, பொருளுக்காகவோ தங்களுடைய வாக்கை விற்கக்கூடாது என்றும் உதவிதேர்தல் நடத்தும் அலுவலர் வலியுறுத்தினார். 
தொடர்ந்து தொழிலாளர்கள் அனைவரும் வரும் மக்களவை பொதுத் தேர்தலில் நேர்மையாக, வாக்கினை விற்காமல் தங்களது ஜனநாயகக் கடமையாற்றுவோம் என்று உதவி தேர்தல் நடத்தும் அலுவலர் கு.சரவணமூர்த்தி தலைமையில் உறுதிமொழி எடுத்துக்கொண்டனர்.
நிகழ்ச்சியில் வட்டாட்சியர்கள் பிரபு(கரூர்), ரவிக்குமார் (மண்மங்கலம்) உள்ளிட்ட அலுவலர்கள் பலர் கலந்து கொண்டனர்.

]]>
https://www.dinamani.com/all-editions/edition-trichy/karur/2019/mar/20/வாக்காளர்கள்-தவறாமல்-வாக்கை-பதிவு-செய்ய-வேண்டும்-உதவி-தேர்தல்-அலுவலர்-பேச்சு-3117296.html
3117295 திருச்சி கரூர் முதல் நாளில் ஒருவர்கூட  வேட்புமனு தாக்கல் இல்லை DIN DIN Wednesday, March 20, 2019 08:33 AM +0530 கரூர் மக்களவைத் தொகுதிக்கு வேட்புமனு தாக்கல்  முதல் நாளான செவ்வாய்க்கிழமை வேட்பாளர் யாரும் வேட்புமனு தாக்கல் செய்யவில்லை.
தமிழகத்தில் 39 மக்களவைத் தொகுதிக்கும், 18 சட்டப்பேரவைத் தொகுதிகளின் இடைத்தேர்தலுக்கும் வேட்புமனு தாக்கல் செவ்வாய்க்கிழமை துவங்கியது. வரும் 26 ஆம் தேதி வேட்புமனுத் தாக்கல் செய்ய கடைசிநாள். 
இதனிடையே செவ்வாய்க்கிழமை கரூர் மக்களவைத் தொகுதிக்கென நியமிக்கப்பட்ட தேர்தல் நடத்தும் அலுவலரும், மாவட்ட ஆட்சியருமான த.அன்பழகன் ஆட்சியர் அலுவலகத்தில் இருந்தார். செவ்வாய்க்கிழமை என்பதால் அரசியல் கட்சிகளின் வேட்பாளர்களோ, சுயேச்சை வேட்பாளர்களோ யாரும் தேர்தல் நடத்தும் அலுவலரை சந்திந்து மனு தாக்கல் செய்ய வரவில்லை. திமுக கூட்டணியில் கரூர் தொகுதிக்கு காங்கிரஸ் ஒதுக்கப்பட்டாலும், வேட்பாளர்  அறிவிக்கப்படாததால் வேட்புமனு தாக்கல் நடைபெறவில்லை. 
அதிமுக கூட்டணி வேட்பாளர்களும் வரவில்லை. இதனால் ஆட்சியர் அலுவலகமே வெறிச்சோடிக் காணப்பட்டது.
 

]]>
https://www.dinamani.com/all-editions/edition-trichy/karur/2019/mar/20/முதல்-நாளில்-ஒருவர்கூட-வேட்புமனு-தாக்கல்-இல்லை-3117295.html
3117294 திருச்சி கரூர் கரூர் மக்களவை தொகுதிக்கு தேர்தல் செலவின பார்வையாளர்கள் நியமனம் DIN DIN Wednesday, March 20, 2019 08:33 AM +0530 கரூர் மக்களவை தொகுதிக்கு இந்தியத் தேர்தல் ஆணையத்தால்  தேர்தல் செலவினப் பார்வையாளர்கள் நியமிக்கப்பட்டுள்ளனர். 
வரும் மக்களவை பொதுத்தேர்தலை முன்னிட்டு கரூர் மக்களவைத் தொகுதிக்கு இந்திய தேர்தல் ஆணையத்தால் தேர்தல் செலவினப் பார்வையாளர்களாக ஸ்ரீ மனோஜ் குமார் மற்றும் அம்பர்க்கர் யு.தாமோதர் ஆகியோர் நியமிக்கப்பட்டுள்ளனர்.
கரூர் மக்களவை தொகுதிக்குட்பட்ட வேடசந்தூர், அரவக்குறிச்சி, கரூர் ஆகிய சட்டப்பேரவைத் தொகுதிகளுக்கான தேர்தல் செலவினப் பார்வையாளராக ஸ்ரீமனோஜ்குமாரும், கிருஷ்ணராயபுரம், மணப்பாறை,  விராலிமலை ஆகிய சட்டப்பேரவைத் தொகுதிகளுக்கான தேர்தல் செலவினப்பார்வையாளராக அம்பர்க்கர் யு.தாமோதரும் நியமிக்கப்பட்டுள்ளனர்.
மாவட்ட ஆட்சியர் வளாகத்திற்குள் அமைந்துள்ள அரசு விருந்தினர் மாளிகையில் தனித்தனி அறைகளில் தங்கியுள்ளனர். தேர்தல் செலவினங்கள் தொடர்பாக புகார் அளிக்க விரும்பும் நபர்கள் ஸ்ரீமனோஜ்குமாரை 75980 25724 என்ற எண்ணிலும், 04324 - 275011, 04324 -275012 ஆகிய எண்களிலும் தொடர்பு கொள்ளலாம். அதேபோல அம்பர்க்கர் யு.தாமோதரை 75980 28727 என்ற எண்ணிலும், 04324-275013, 04324-275014 ஆகிய எண்களிலும் தொடர்பு கொள்ளலாம்.
 

]]>
https://www.dinamani.com/all-editions/edition-trichy/karur/2019/mar/20/கரூர்-மக்களவை-தொகுதிக்கு-தேர்தல்-செலவின-பார்வையாளர்கள்-நியமனம்-3117294.html
3117293 திருச்சி கரூர் கூட்டணிக் கட்சியினரை சந்தித்து ஆதரவு திரட்டிய அதிமுக வேட்பாளர் DIN DIN Wednesday, March 20, 2019 08:33 AM +0530 கூட்டணிக் கட்சிகளின் மாவட்ட நிர்வாகிகளை செவ்வாய்க்கிழமை சந்தித்து ஆதரவு திரட்டினார் அதிமுக வேட்பாளர் மு.தம்பிதுரை.
கரூர் மக்களவைத் தொகுதியில் மு. தம்பிதுரை மீண்டும் போட்டியிடுகிறார்.  இதையடுத்து அவர் கரூரில் முக்கிய நிர்வாகிகளை சந்தித்து வருகிறார். செவ்வாய்க்கிழமை அதிமுக கூட்டணி கட்சிகளின் மாவட்ட நிர்வாகிகளை சந்தித்தார். 
தேமுதிக மாவட்டச் செயலாளர் தங்கவேல், புதிய தமிழகம் கட்சியின் மாவட்டச் செயலாளர் அசோகன், தமாகாவின் மாநில நிர்வாகி நாட்ராயன், பாஜகவின் மாநில இளைஞரணி செயலாளர் கோபிநாத், பாமகவின் மாநில துணை பொதுச் செயலாளர் பிஎம்கே.பாஸ்கரன், கொங்கு இளைஞர் பேரவையின் மாவட்டச் செயலாளர் ப.அருள்குமார் ஆகியோரைச் சந்தித்து தனக்கு ஆதரவு தருமாறு கேட்டுக் கொண்டார். மேலும், அதிமுக பணிமனை திறப்பு விழாவும், கட்சி செயல்வீரர்கள் கூட்டமும் புதன்கிழமை நடைபெற உள்ளது என்றார்.  
நிகழ்ச்சியில் போக்குவரத்து துறை அமைச்சர் எம்.ஆர்.விஜயபாஸ்கர், கிருஷ்ணராயபுரம் எம்எல்ஏ எம். கீதா மணிவண்ணன், அதிமுக மாவட்ட அவைத்தலைவர் ஏ.ஆர்.காளியப்பன், நகரச் செயலாளர் வை.நெடுஞ்செழியன் மற்றும் கூட்டணிக் கட்சி நிர்வாகிகள் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/20/கூட்டணிக்-கட்சியினரை-சந்தித்துஆதரவு-திரட்டிய-அதிமுக-வேட்பாளர்-3117293.html
3117292 திருச்சி கரூர் சேரன் பள்ளியில் துளிர் வாசகர் திருவிழா DIN DIN Wednesday, March 20, 2019 08:32 AM +0530 கரூர் வெண்ணைமலை சேரன் பள்ளியில் தமிழ்நாடு அறிவியல் இயக்கம் சார்பில் துளிர் வாசகர் திருவிழா செவ்வாய்க்கிழமை நடைபெற்றது. 
விழாவை பள்ளி முதல்வர் வி.பழனியப்பன் துவக்கி வைத்து சிறப்புரையாற்றினார். இதில் தமிழ்நாடு அறிவியல் இயக்க மாநிலச் செயலாளர்கள் பாலகிருஷ்ணன், முகமது பாட்ஷா, மாவட்டச் செயலாளர் ஜான்பாட்ஷா ஆகியோர் பங்கேற்று, துளிர் அறிவியல் புத்தகம் குறித்தும், மாணவர்களிடையே வாசிப்பு திறனை மேம்படுத்துவது குறித்தும் பேசினர். இதில் பள்ளி மாணவ, மாணவிகள் திரளாகப் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/20/சேரன்-பள்ளியில்-துளிர்-வாசகர்-திருவிழா-3117292.html
3117291 திருச்சி கரூர் பறக்கும் படையினர் வாகனச் சோதனை: குளித்தலையில் ரூ.4.60லட்சம் பறிமுதல் DIN DIN Wednesday, March 20, 2019 08:32 AM +0530 கரூர் மாவட்டம், குளித்தலையில் தேர்தல் பறக்கும்படையினர் செவ்வாய்க்கிழமை நடத்திய வாகனச் சோதனையில் உரிய ஆவணங்களின்றி வியாபாரிகள் எடுத்துச் சென்ற ரூ. 4. 60 லட்சத்தைப் பறிமுதல் செய்தனர். 
கரூர்-திருச்சி தேசிய நெடுஞ்சாலையில் குளித்தலை அடுத்த கீழகொறப்பாளையம் பிரிவு பகுதியில் தேர்தல் பறக்கும்படை அலுவலர் ராஜேந்திரன் தலைமையில் அதிகாரிகள் செவ்வாய்க்கிழமை காலை வாகனச் சோதனையில் ஈடுபட்டிருந்தனர். 
அப்போது கேரள மாநிலம் மலப்புரம் மாவட்டம் ஏறா நாடு வட்டம், வெட்டி காட்டேரி பகுதியைச் சேர்ந்த குஞ்சு அகமது மகன் அப்துல் சலாம் (37) என்பவர் திருச்சி மாவட்டம் பேட்டவாய்த்தலை அருகே வாழைக்காய் வாங்குவதற்காக வேனில் 
உரிய ஆவணங்கள் இன்றி ரூ.1லட்சம்  கொண்டுவந்தது தெரியவந்தது. இதையடுத்து, அதிகாரிகள் பணத்தைப் பறிமுதல்  
செய்தனர்.
தொடர்ந்து அதே பகுதியில் வந்த மற்றொரு வேனை மடக்கி சோதனையிட்டதில், திருப்பூர் மாவட்டம் வெள்ளக்கோவிலைச் சேர்ந்த இளங்கோவன்(60) என்பவர் தஞ்சை சென்று கொப்பரை தேங்காய் வாங்க ரூ.3.60 லட்சம் உரிய ஆவணங்கள் இல்லாமல் கொண்டு செல்வது தெரியவந்தது. இதையடுத்து பணத்தை அதிகாரிகள் பறிமுதல் செய்தனர். 
இதைத்தொடர்ந்து, கைப்பற்றப்பட்ட பணம் ரூ. 4. 60 லட்சத்தை குளித்தலை கோட்டாட்சியரும், உதவி தேர்தல் நடத்தும் அலுவலருமான லியாகத்திடம் ஒப்படைத்தனர்.

]]>
https://www.dinamani.com/all-editions/edition-trichy/karur/2019/mar/20/பறக்கும்-படையினர்-வாகனச்-சோதனை-குளித்தலையில்-ரூ460லட்சம்-பறிமுதல்-3117291.html
3117289 திருச்சி கரூர் பசுபதீசுவரர் கோயிலில் திருக்கல்யாண உற்ஸவம் DIN DIN Wednesday, March 20, 2019 08:32 AM +0530 கரூர் கல்யாண பசுபதீசுவரர் கோயிலில் பங்குனித் திருவிழாவை முன்னிட்டு செவ்வாய்க்கிழமை நடைபெற்ற திருக்கல்யாண உற்ஸவத்தில் பக்தர்கள் திரளாகப் பங்கேற்றனர்.
கொங்கு நாட்டின் சிவத்தலங்களில் முதன்மையான ஸ்தலமாக விளங்கும் கரூர் கல்யாண பசுபதீசுவரர் கோயிலில் பசுபதீசுவரர் அருள்மிகு அலங்கார வல்லி மற்றும் செளந்திர நாயகியுடன் பக்தர்களுக்கு காட்சிதந்து வருகிறார். 
கோயில் பங்குனித் திருவிழா கடந்த 13 ஆம் தேதி துவஜாரோகணம் எனும் கொடியேற்றுதல் நிகழ்ச்சியுடன் விழா துவங்கியது.  தொடர்ந்து சுவாமி கடந்த 14 ஆம் தேதி நந்தி, அன்ன வாகனத்திலும், 15 ஆம் தேதி பூத வாகனம், பூதகி வாகனத்திலும், 16 ஆம் தேதி ரிஷிப வாகனத்திலும் சுவாமி திருவீதி உலா வருதல் நிகழ்ச்சியும், 17 ஆம் தேதி திருக்கயிலாய வாகனத்திலும், 18 ஆம் தேதி சுவாமி அம்பாளுடன் அப்பிப்பாளையத்தில் எழுந்தருளி இரவு யானை வாகனத்தில் வருதல் நிகழ்ச்சியும் நடைபெற்றன. தொடர்ந்து பசுபதீசுவருக்கு  அலங்காரவல்லி மற்றும் சௌந்திரநாயகி அம்பாளுடன் திருக்கல்யாணம் செவ்வாய்க்கிழமை நடைபெற்றது. 
விழாவை முன்னிட்டு சுவாமிகளுக்கு அதிகாலையில் சிறப்பு அபிஷேகம், ஆராதனை நடைபெற்றது. முன்னதாக மாப்பிளை அழைப்பு, தாய்வீட்டு சீதனம் வழங்குதல் உள்ளிட்ட நிகழ்ச்சிகள் நடைபெற்றது. தொடர்ந்து திருக்கல்யாணம் நடைபெற்றது. இக்கல்யாண உற்ஸவத்தில் பக்தர்கள் திரளாகப் பங்கேற்றனர். திருக்கல்யாணத்தை முன்னிட்டு அருள்மிகு சௌந்திரநாயகி அம்மன் வம்சாவழி வேட்டுவக்கவுண்டர் அறக்கட்டளை சார்பில் பக்தர்களுக்கு அன்னதானம் வழங்கப்பட்டது.  
வரும் 21 ஆம் தேதி திருத்தேரோட்டம், 22 ஆம் தேதி தீர்த்தவாரியும், தொடர்ந்து கொடியிறக்கம், 24 ஆம் தேதி ஊஞ்சல் உற்ஸவம், 25 ஆம் தேதி பிராயச்சித்த அபிஷேகம், மாலை சண்டிகேசுவரர் வெள்ளி ரிஷிபவாகனத்தில் திருவீதி உலா வருதலுடன் விழா முடிவடைகிறது. 
ஏற்பாடுகளை உதவி ஆணையர் எம்.சூரியநாராயணன், செ யல் அலுவலர் எம்.வேல்முருகன் ஆகியோர் செய்து வருகின்றனர்.
 

]]>
https://www.dinamani.com/all-editions/edition-trichy/karur/2019/mar/20/பசுபதீசுவரர்-கோயிலில்-திருக்கல்யாண-உற்ஸவம்-3117289.html
3116766 திருச்சி கரூர் அனுமதியின்றி மது விற்றவர் கைது DIN DIN Tuesday, March 19, 2019 09:02 AM +0530 கரூர் மாவட்டம் தோகைமலை அருகே பெட்டிக்கடையில் மது விற்றவரைப் போலீஸார் கைது செய்தனர்.
தோகைமலை அருகே ஆர்.டி. மலை ஊராட்சி நாவல்நாயக்கன்பட்டியை சேர்ந்தவர் நாகராஜ் (35). இவர் காவல்காரன்பட்டியில் பெட்டிக்கடை நடத்தி வருகிறார். நாகராஜ் தனது பெட்டிக்கடையில் அரசு மதுபானங்களைப் பதுக்கி வைத்து விற்பனை செய்வதாக தோகைமலை போலீஸாருக்கு ஞாயிற்றுக்கிழமை இரவு தகவல் கிடைத்தது. 
இதையடுத்து போலீஸார் சம்பவ இடத்துக்குச் சென்று சோதனை செய்தபோது, அரசு அனுமதியின்றி மதுபானங்களைப் பதுக்கி வைத்து விற்பனை செய்தது தெரியவந்தது. அதைத் தொடர்ந்து மது பானங்களைப் பறிமுதல் செய்த போலீஸார் நாகராஜையும் கைது செய்தனர்.

]]>
https://www.dinamani.com/all-editions/edition-trichy/karur/2019/mar/19/அனுமதியின்றி-மது-விற்றவர்-கைது-3116766.html
3116765 திருச்சி கரூர் பைக் மோதி தொழிலாளி சாவு DIN DIN Tuesday, March 19, 2019 09:02 AM +0530 கரூர் மாவட்டம் தோகைமலை அருகே பைக் மோதி கூலித்தொழிலாளி உயிரிழந்தார். 
தோகைமலை அருகே கொசூர் ஊராட்சிக்குட்பட்ட ஒட்டப்பட்டியைச் சேர்ந்தவர் மாரிமுத்து (57).  கூலித்தொழிலாளி. ஞாயிற்றுக்கிழமை இரவு கொசூரில் உள்ள நண்பர் வீட்டுக்குச் சென்றுவிட்டு மீண்டும் தனது வீட்டிற்கு தோகைமலை - பாளையம் சாலையில் நடந்து வந்து கொண்டிருந்தார். 
அவர் ஆத்துப்பட்டி பிரிவு ரோடு அருகே வந்தபோது எதிரே வந்த பைக் மோதியதில் பலத்த காயமடைந்த அவரை அக்கம்பக்கத்தினர் மீட்டு திருச்சி அரசு மருத்துவமனைக்கு கொண்டு சென்றனர். ஆனால் வழியிலேயே அவர் பரிதாபமாக இறந்தார்.
இதுகுறித்து தோகைமலை போலீஸார் கொசூர் கஸ்பாவைச் சேர்ந்த திருமுடி மகன் ஆறுமுகம் (27) என்ற இளைஞர் மீது வழக்கு பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/19/பைக்-மோதி-தொழிலாளி-சாவு-3116765.html
3116764 திருச்சி கரூர் கரூர்: காங்கிரஸில் இணைந்த தமாகாவினர் DIN DIN Tuesday, March 19, 2019 09:01 AM +0530 கரூரில் தமாகா கட்சியினர் காங்கிரஸ் கட்சியில் திங்கள்கிழமை இணைந்தனர்.
கரூர் மாவட்டம் மூக்கணாங்குறிச்சி ஊராட்சி மன்ற முன்னாள் தலைவர் சிவசாமி தலைமையில் தமாகா கட்சியினர் சுமார் 50-க்கும் மேற்பட்டோர் அக்கட்சியில் இருந்து விலகி காங்கிரஸ் கட்சியின் மாநில செய்தி தொடர்பாளர் ஜோதிமணி, மாவட்டத் தலைவர் சின்னசாமி ஆகியோர் முன்னிலையில் திங்கள்கிழமை காங்கிரஸ் கட்சியில் இணைத்துக் கொண்டனர். அப்போது அவர்கள் கூறியது: 
தமாகா தலைவர் ஜிகே.வாசன் எப்போது தேர்தல் வந்தாலும்,  மதச்சார்பற்ற கூட்டணியில் தான் இருப்பேன் எனக்கூறிவிட்டு தற்போது ஆர்எஸ்எஸ் சித்தாந்தம் கொண்ட பாஜக, அதிமுக தலைமையிலான கூட்டணியில் சேர்ந்திருப்பது எங்களைப் போன்ற தொண்டர்கள் மத்தியில் அதிருப்தியை ஏற்படுத்தியுள்ளது. இதனால்தான் தாயக் கழகமான காங்கிரஸில் இணைகிறோம் என்றனர். 
நிகழ்ச்சியில் காங்கிரஸ் கட்சியின் மாவட்ட, நகர நிர்வாகிகள் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-trichy/karur/2019/mar/19/கரூர்-காங்கிரஸில்-இணைந்த-தமாகாவினர்-3116764.html
3116763 திருச்சி கரூர் திமுக நெசவாளர் அணி நிர்வாகிகள் ஆலோசனை DIN DIN Tuesday, March 19, 2019 09:01 AM +0530 கரூரில் திமுக நெசவாளர் அணி நிர்வாகிகள் ஆலோசனைக் கூட்டம் திங்கள்கிழமை நடைபெற்றது.
மக்களவை மற்றும் சட்டப்பேரவைத் தேர்தல் பணிகள் குறித்து திமுக நெசவாளர் அணியின் மாநில, மாவட்ட, மாநகர நிர்வாகிகள் ஆலோசனை கூட்டம் கரூரில் கலைஞர் அறிவாலயத்தில் திங்கள்கிழமை நடைபெற்றது. 
கூட்டத்திற்கு, மாநில நெசவாளர் அணித் தலைவர் நன்னியூர் ராஜேந்திரன் தலைமை வகித்தார். துணைத் தலைவர் நாகலிங்கம் முன்னிலை வகித்தார். இதில் சிறப்பு விருந்தினராக, மாவட்ட திமுக பொறுப்பாளரும், முன்னாள் அமைச்சருமான வி.செந்தில்பாலாஜி பங்கேற்று சிறப்புரையாற்றினார். கூட்டத்தில், மக்களவைத் தேர்தல் மற்றும் சட்டப்பேரவை இடைத்தேர்தலில் திமுக மற்றும் அதன் கூட்டணி கட்சி வேட்பாளர்களின் வெற்றிக்காக நெசவாளர்களை ஒருங்கிணைந்து களப்பணியாற்றுவது, தமிழகம் முழுவதும் உள்ள 12,617 ஊராட்சிகளில் ஊராட்சி சபை கூட்டம் நடத்தி தமிழக அரசின் மக்கள் விரோதப் போக்கினை அம்பலப்படுத்திய தலைவர் மு.க. ஸ்டாலினுக்கு நன்றி தெரிவிப்பது என்பன உள்ளிட்ட  தீர்மானங்கள் நிறைவேற்றப்பட்டன. 
 கூட்டத்தில், தி.மு.க. நெசவாளர் அணி நிர்வாகிகள், உறுப்பினர்கள் பலர் கலந்து கொண்டனர்.

]]>
https://www.dinamani.com/all-editions/edition-trichy/karur/2019/mar/19/திமுக-நெசவாளர்-அணி-நிர்வாகிகள்-ஆலோசனை-3116763.html
3116762 திருச்சி கரூர் கரூரில் கோயில் நிலத்தில் கட்டப்பட்ட ஆட்சியர் அலுவலகம்: இழப்பீடாக ரூ.4.61 கோடி வழங்கப்பட்டது DIN DIN Tuesday, March 19, 2019 09:01 AM +0530 கரூர் தான்தோன்றி மலை கல்யாண வெங்கடரமண சுவாமி கோயிலுக்கு  சொந்தமான இடத்தில் மாவட்ட ஆட்சியர் அலுவலகம் கட்டியதுக்கு  நீதிமன்ற உத்தரவுப்படி ரூ.4 கோடியே 61 லட்சத்து 56 ஆயிர த்து 783 வழங்க பட்டது. 
சென்னையைச் சேர்ந்த ராதாகிருஷ்ணன் தாக்கல் செய்த மனு: கரூர் அருகே கல்யாண வெங்கடரமணசுவாமி கோயிலுக்கு சொந்தமான பல ஏக்கர் நிலம்  உள்ளது.  அதில் தாந்தோணி கிராமத்தில் கோயிலுக்கு சொந்தமான 16 ஹெக்டேர் புன்செய் நிலம் இருந்தது. அந்த நிலத்தை எவ்வித அனுமதியுமின்றி நில ஆர்ஜித சட்ட விதிமுறைகளை பின்பற்றாமல் கரூர் மாவட்ட ஆட்சியர் அலுவலக  வளாகம் அமைப்பதற்கு அரசு கையகப்படுத்தி, மாவட்ட ஆட்சியர் அலுவலகம் கட்டப்பட்டது.  இதையடுத்து மாவட்ட நிர்வாகம் 15 ஆண்டுகளுக்கு மேலாகியும் அனுமதியின்றி கையகப்படுத்தப்பட்ட நிலத்திற்கான சந்தை மதிப்பிலான இழப்பீட்டை கோயிலுக்கு வழங்கவில்லை. இது குறித்து கரூர் மாவட்ட ஆட்சியருக்கும், அரசுக்கும் பல முறை மனு செய்தும் எவ்வித பயனும் இல்லை. கோயில் நிலத்தில் விதிமீறி கட்டப்பட்டுள்ள மாவட்ட ஆட்சியர் அலுவலகம் அமைந்துள்ள இடத்திற்கு இன்றைய சந்தை மதிப்பிற்கானத் தொகையை கோயில் நிர்வாகத்திடம் வழங்க உத்தரவிட வேண்டும் என மனுவில் குறிப்பிடப்பட்டிருந்தது. இந்த மனுவை விசாரித்த சென்னை  உயர் நீதிமன்ற மதுரைக்கிளை நீதிபதிகள், கரூர் மாவட்ட ஆட்சியர் அலுவலகம் அமைந்துள்ள கோயில் இடத்திற்கு உரிய விலை கொடுக்க வேண்டும், அதுவும் தற்போது உள்ள சந்தை மதிப்பை கணக்கில் கொண்டு வழங்க வேண்டும் என உத்தரவிட்டிருந்தனர். இந்நிலையில்,  இந்த உத்தரவை நடைமுறைபடுத்த வில்லை என கரூர் மாவட்ட ஆட்சியர் மீது நீதிமன்ற அவமதிப்பு வழக்கு சென்னை உயர்நீதிமன்ற மதுரை கிளையில் மனு தாக்கல் செய்யப்பட்டது. 
இந்த மனு சென்னை உயர்நீதிமன்ற மதுரைக்கிளை நீதிபதிகள் கே.கல்யாணசுந்தரம், ஆர்.தாரணி அமர்வு முன் விசாரணைக்கு வந்தது. அப்போது  அரசு தரப்பு வழக்குரைஞர் நீதிமன்ற உத்தரவுப்படி,  கரூர்  கல்யாண வெங்கட ரமண சுவாமி கோயிலுக்கு மாவட்ட நிர்வாகம்   ரூ.4 கோடியே 61 லட்சத்து 56 ஆயிரத்து 783 ரூபாய் வழங்கியதற்கான ஆவணங்களை நீதிமன்றத்தில் சமர்பித்தார். இதை பதிவு செய்து கொண்ட நீதிபதிகள் மாவட்ட ஆட்சியர் மீதான நீதிமன்ற அவமதிப்பு  வழக்கை முடித்து வைத்து உத்தரவிட்டனர்.
 

]]>
https://www.dinamani.com/all-editions/edition-trichy/karur/2019/mar/19/கரூரில்-கோயில்-நிலத்தில்-கட்டப்பட்ட-ஆட்சியர்-அலுவலகம்-இழப்பீடாக-ரூ461-கோடி-வழங்கப்பட்டது-3116762.html
3116761 திருச்சி கரூர் அனுமதி கோரி நாடக நடிகர்கள் ஆட்சியரிடம் மனு DIN DIN Tuesday, March 19, 2019 09:01 AM +0530 கரூர் மாவட்டத்தில் நாடகம் நடத்த அனுமதி கோரி நாடக நடிகர்கள் 50-க்கும் மேற்பட்டோர் கரூர் மக்களவைத்தொகுதி தேர்தல் நடத்தும் அலுவலரும், மாவட்ட ஆட்சியருமான த.அன்பழகனிடம் திங்கள்கிழமை கோரிக்கை மனு அளித்தனர்.
மனுவில் அவர்கள் கூறியிருப்பது: 
கரூர் மாவட்டத்தில் கரூர் நாடக நடிகர் சங்கத்தில் 425 உறுப்பினர்கள் உள்ளோம். எங்களது குடும்ப உறுப்பினர்கள் சுமார் 1500-க்கும் மேற்பட்டோர் உள்ளனர். நாங்கள் நாடகத்தொழிலை நம்பியே வாழ்ந்து வருகிறோம். எங்களுக்கு வேறு தொழில் எதுவும் தெரியாது. தற்போது பங்குனி, சித்திரை மாதங்களில் கோயில் திருவிழாக்கள் நடைபெறுவது வழக்கம். இந்த மாதங்களில்தான் எங்களது தொழிலுக்குரிய வேலையும் கிடைக்கும். 
இந்நிலையில் மக்களவைத் தேர்தலைக் காரணம் காட்டி கோயில் திருவிழாக்களில் நாடகம் நடத்த போலீஸார் அனுமதி மறுக்கிறார்கள்.  இதனால் எங்களது வாழ்வாதாரம் கேள்விக்குறியாகி உள்ளது. எனவே எங்களுக்கு கோயில் விழாக்களுக்கு நாடகம் நடத்த அனுமதி வழங்குமாறு கேட்டுக்கொள்கிறோம் எனத் தெரிவித்துள்ளனர்.
 

]]>
https://www.dinamani.com/all-editions/edition-trichy/karur/2019/mar/19/அனுமதி-கோரி-நாடக-நடிகர்கள்-ஆட்சியரிடம்-மனு-3116761.html
3116760 திருச்சி கரூர் கரூர் அருகே  சூதாட்டம்:  10 பேர் கைது DIN DIN Tuesday, March 19, 2019 09:00 AM +0530 கரூர் வெங்கமேட்டில் பணம் வைத்து சூதாடிய 10 பேரை ஞாயிற்றுக்கிழமை இரவு போலீஸார் கைது செய்தனர்.
 கரூர் வெங்கமேடு என்எஸ்கே நகரில் ஞாயிற்றுக்கிழமை இரவு சிலர் பணம் வைத்து சூதாடுவதாக வெங்கமேடு போலீஸாருக்கு தகவல் கிடைத்தது. இதையடுத்து போலீஸார் சம்பவ இடத்திற்குச் சென்று சோதனையிட்டபோது அங்கு பணம் வைத்து சூதாடிய அதே பகுதியைச் சேர்ந்த ரமேஷ் (43) உள்பட 10 பேரைக் கைது செய்தனர். மேலும் அவர்களிடம் இருந்து பணம் ரூ.19,600ஐயும் பறிமுதல் செய்தனர்.
 

]]>
https://www.dinamani.com/all-editions/edition-trichy/karur/2019/mar/19/கரூர்-அருகே--சூதாட்டம்--10-பேர்-கைது-3116760.html
3116759 திருச்சி கரூர் பைக் - தனியார் பேருந்து மோதல்: இளைஞர் சாவு DIN DIN Tuesday, March 19, 2019 09:00 AM +0530 பைக் மீது தனியார் பேருந்து மோதியதில் இளைஞர் சம்பவ இடத்திலேயே உயிரிழந்தார். 
கரூர் வெங்கமேடு திருப்பூர் குமரன் தெருவைச் சேர்ந்தவர் பொன்னுசாமி. இவரது மகன் சுரேஷ் (22). இவர் தனது பைக்கில் ஞாயிற்றுக்கிழமை இரவு கரூர் - சேலம் பழைய நெடுஞ்சாலையில் உடற்பயிற்சிக் கூடம் அருகே சென்றபோது பின்னால் வந்த தனியார் பேருந்து மோதியது. இதில் பேருந்தின் சக்கரத்தில்  சிக்கிய சுரேஷ் சம்பவ இடத்திலேயே இறந்தார். இதுகுறித்து வெங்கமேடு போலீஸார் வழக்கு பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/19/பைக்---தனியார்-பேருந்து-மோதல்-இளைஞர்-சாவு-3116759.html
3116758 திருச்சி கரூர் ஆவணங்களின்றி எடுத்துச்சென்ற ரூ.1.60 லட்சம் பறிமுதல் DIN DIN Tuesday, March 19, 2019 08:59 AM +0530 கரூர் மாவட்டம், குளித்தலை அருகே தேர்தல் பறக்கும்படையினர் மேற்கொண்ட வாகன தணிக்கையில், உரிய ஆவணம் இன்றி கொண்டுசெல்லப்பட்ட ரூ.1.60 லட்சம் பறிமுதல் செய்யப்பட்டது.
மக்களவை பொதுத்தேர்தல் நடத்தை விதிமுறைகள் அமலில் உள்ளதால் உரிய ஆவணங்கள் இன்றி ரூ.50,000-க்கு மேல் பணம் கொண்டு செல்லக்கூடாது என்றும், அவ்வாறு கொண்டு செல்பவர்கள் அதற்கான உரிய ஆவணத்தை கையில் வைத்திருக்க வேண்டும் என்று அறிவுறுத்தப்பட்டுள்ளது. 
24 மணிநேரமும் சுழற்சி முறையில் பறக்கும் படையினர் தீவிர வாகன சோதனையில் ஈடுபட்டு வருகின்றனர்.  இந்நிலையில், குளித்தலையில் மருதூர் பேருந்துநிறுத்தம் பகுதியில் கரூர் - திருச்சி தேசிய நெடுஞ்சாலையில்  கூட்டுறவுத் துறை சார் பதிவாளர் குமார் தலைமையிலான நிலையான கண்காணிப்பு குழுவினர் திங்கள்கிழமை வாகன தணிக்கையில் ஈடுபட்டிருந்தனர். 
அப்போது, குளித்தலையில் இருந்து முத்தரசநல்லூர் நோக்கி இருசக்கர வாகனத்தில் சென்ற திருச்சி பளூரைச் சேர்ந்த சந்திரகுமார்(29) என்ற நெல் வியாபாரி உரிய ஆவணம் இன்றி ரூ.1.60 லட்சம் எடுத்துச் சென்றது தெரியவந்தது. 
இதைத் தொடர்ந்து, பறிமுதல் செய்த பணத்தை பறக்கும் படையினர், அவற்றை குளித்தலை சட்டப்பேரவைத் தொகுதி உதவி தேர்தல் நடத்தும் அலுவலரும், குளித்தலை வருவாய் கோட்டாட்சியருமான எம்.லியாகத்திடம் ஒப்படைத்தனர்.  கரூர் மாவட்டத்திற்குட்பட்ட பகுதிகளில் இதுவரை ரூ.10,05,542  ரொக்கம் பறிமுதல் செய்யப்பட்டுள்ளது குறிப்பிடத்தக்கது.

]]>
https://www.dinamani.com/all-editions/edition-trichy/karur/2019/mar/19/ஆவணங்களின்றி-எடுத்துச்சென்ற-ரூ160-லட்சம்-பறிமுதல்-3116758.html
3116757 திருச்சி கரூர் அரவக்குறிச்சியில் மண்டல அலுவலர்களுக்குப் பயிற்சி DIN DIN Tuesday, March 19, 2019 08:59 AM +0530 கரூர் மாவட்டம், அரவக்குறிச்சி சட்டப்பேரவை தொகுதிக்குள்பட்ட மண்டல அலுவலர்களுக்கான பயிற்சி வகுப்பு திங்கள்கிழமை உதவி தேர்தல் நடத்தும் அலுவலர் மீனாட்சி தலைமையில் நடைபெற்றது.
வரும் மக்களவை பொதுத்தேர்தலில் மேற்கொள்ள வேண்டிய நடவடிக்கைகள், வாக்குப்பதிவு மையங்களில் மேற்கொள்ள வேண்டிய நடவடிக்கைகள் குறித்து அரவக்குறிச்சி  சட்டப்பேரவை தொகுதிக்குள்பட்ட மண்டல அலுவலர்களுக்கான பயிற்சிக் கூட்டம் அரவக்குறிச்சி வட்டாட்சியர் அலுவலகத்தில் திங்கள்கிழமை நடைபெற்றது.
கூட்டத்திற்கு, தலைமை வகித்து உதவி தேர்தல் நடத்தும் அலுவலர் மீனாட்சி பேசியது: 
அரவக்குறிச்சி சட்டப்பேரவை தொகுதிக்குள்பட்ட பகுதிகள் மொத்தம் 22 மண்டலங்களாக பிரிக்கப்பட்டுள்ளது. இங்கு 1,269 வாக்குச்சாவடி மையங்கள் அமைக்கப்பட்டுள்ளது. இந்தப் பயிற்சி வகுப்பில் பயிற்சி பெறும் மண்டல அலுவலர்கள் உங்கள் பகுதிக்குட்பட்ட வாக்குச்சாவடி நிலை அலுவலர்கள் மற்றும் வாக்குப்பதிவு மையங்களில் பணியாற்றக்கூடிய அலுவலர்களுக்கு இந்தப் பயிற்சியை வழங்க  வேண்டும். பயிற்சி வகுப்பில் சொல்லப்படுகின்ற அனைத்து தகவல்களையும் நீங்கள் முழுமையாகப் புரிந்துகொள்ள வேண்டும்.
வாக்குப்பதிவு நாளன்று, வாக்குச்சாவடி மையத்தில் உள்ள முகவர்கள் முன்னிலையில் மாதிரி வாக்குப்பதிவு முதலில் நடத்திக் காட்ட வேண்டும். இந்த மக்களவை பொதுத்தேர்தலில் அனைத்து வாக்குச்சாவடிகளிலும் முதன்முறையாக விவிபாட்  எனப்படும், வாக்காளர் யாருக்கு வாக்களித்தார் என்பதை அவருக்கு மட்டும் காண்பிக்கும் இயந்திரம் பயன்படுத்தப்படவுள்ளது. எனவே, இந்தக் கருவியைக் கையாளும் முறை குறித்தும் அனைவரும் அறிந்துகொள்ள வேண்டும் என்றார். கூட்டத்தில், அரவக்குறிச்சி வட்டாட்சியர் ஈஸ்வரன் உள்ளிட்ட அலுவலர்கள் உடனிருந்தனர்.
 

]]>
https://www.dinamani.com/all-editions/edition-trichy/karur/2019/mar/19/அரவக்குறிச்சியில்-மண்டல-அலுவலர்களுக்குப்-பயிற்சி-3116757.html
3116756 திருச்சி கரூர் கள் இயக்கம் சார்பில்   திருப்பூர் மக்களவைத் தொகுதியில் இல. கதிரேசன் போட்டி DIN DIN Tuesday, March 19, 2019 08:59 AM +0530 கள் இயக்கம் சார்பில் திருப்பூர் மக்களவைத் தொகுதியில் இல. கதிரேசன் போட்டியிடுகிறார் என்றார்.
தமிழ்நாடு கள் இயக்க ஒருங்கிணைப்பாளரும், கீழ்பவானி பாசன விவசாயிகள் சங்கச் செயலருமானான செ.நல்லசாமி.
கரூரில் செய்தியாளர்களிடம் அவர் மேலும் கூறியது:  கீழ்பவானி பாசனம் ஈரோடு, திருப்பூர், நீலகிரி, கரூர் ஆகிய நான்கு மக்களவைத் தொகுதிகளில் உள்ளது. 1958 முதல் நீர் நிர்வாகத்தில் அரசாணை விதிமுறை காவிரி இறுதி தீர்ப்பின்படி பின்பற்றப்படவில்லை. அரசானது ஆதாய அடிப்படையிலேயே நீர் நிர்வாகத்தை நடத்தி வந்துள்ளது. இதைப்பற்றி எந்த ஒரு அரசியல் கட்சியும், கட்சியினரும் வாய் திறக்கவில்லை. இந்த 4 தொகுதி வேட்பாளர்களும் இதைப்பற்றி பதில் கூறிய பிறகே பாசன பகுதிக்குள் வாக்கு சேகரிக்க வரவேண்டும். எங்கள் குற்றச்சாட்டுக்கு பதில் கூறிவிட்டு வாக்கு சேகரிக்க வர வேண்டும். 
இதில் நீர்நிர்வாகத்தில் தவறு ஏதும் நடக்கவில்லை, காவிரி இறுதி தீர்ப்பின்படிதான் நீர் நிர்வாகம் நடந்துள்ளது என வேட்பாளர்கள் நிரூபித்தால் ரூ.1 கோடி பரிசு தரப்படும். கள் இறக்கும் உரிமை தமிழகத்தில் மட்டும்தான் பறிக்கப்பட்டிருக்கிறது. வெளிநாட்டில் இறக்குமதி செய்யப்படும் பாமாயிலுக்கு மானியம் வழங்குகிறார்கள். ஆனால் உள்நாட்டில் உற்பத்தி செய்யப்படும் சமையல் எண்ணைகளுக்கு மட்டும் மானியம் இல்லை. இந்த மக்களவைத்தேர்தலில் திருப்பூரில் எங்கள் கள் இயக்கம் சார்பில் இல. கதிரேசன் என்பவர் போட்டியிட உள்ளார். பொள்ளாச்சி சம்பவத்தில் குற்றவாளிகள் மீது சட்டப்படி நடவடிக்கை எடுக்க வேண்டும் என்றார்.  
பேட்டியின்போது தமிழக விவசாயிகள் சங்க கரூர் மாவட்டத் தலைவர் மாரப்பன், தமிழ்நாடு கள் இயக்க அமைப்பாளர் தமிழ்சேரன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/19/கள்-இயக்கம்-சார்பில்---திருப்பூர்-மக்களவைத்-தொகுதியில்-இல-கதிரேசன்-போட்டி-3116756.html
3116755 திருச்சி கரூர் துண்டிக்கப்பட்ட பேருந்து சேவை:  மக்கள் அமைச்சருக்கு மனு DIN DIN Tuesday, March 19, 2019 08:58 AM +0530 கரூர் - திருமுக்கூடலூர் வழித்தடத்தில் இரு நேரங்களில் துண்டிக்கப்பட்ட அரசுப் பேருந்தின் சேவையை மீண்டும் அதே நேரங்களில் இயக்க வேண்டும்  என கிராம மக்கள் போக்குவரத்து துறை அமைச்சர் எம்.ஆர்.விஜயபாஸ்கருக்கு மனு அனுப்பியுள்ளனர்.
கரூர் மாவட்டம் அரங்கநாதன்பேட்டை, அச்சமாபுரம், அழியாபுரம், என்.புதுப்பாளையம், மறவாபாளையம் மற்றும் சதாசிவ பிரமேந்திராள் கோயில் பக்தர்கள் சார்பில் கூறப்பட்டிருப்பது: 
கரூர் - திருமுக்கூடலூர் வழித்தடத்தில் குறிப்பிட்ட நேரங்களில் 
அரசுப் பேருந்துகள் இயக்கப்பட்டு வருகிறது. 
இந்நிலையில், கரூர் பேருந்து நிலையத்தில் பிற்பகல் 1.50 மணிக்கும், திருமுக்கூடலூரில் இருந்து 2.50 மணிக்கும் புறப்படும் பேருந்துச் சேவையை திடீரென துண்டித்துள்ளனர். 
கூடுதல் பேருந்து இயக்கக்கோரி கோரிக்கை விடுத்து வந்த நிலையில் தற்போது இயக்கப்பட்ட பேருந்துகளின் சேவைகளை  துண்டித்துள்ளது மிகுந்த வேதனை அளிப்பதாக உள்ளது.  
எனவே துண்டிக்கப்பட்ட நேரங்களில் மீண்டும் பேருந்து இயக்க உரிய நடவடிக்கை எடுக்க வேண்டும் எனத் தெரிவித்துள்ளனர்.
 

]]>
https://www.dinamani.com/all-editions/edition-trichy/karur/2019/mar/19/துண்டிக்கப்பட்ட-பேருந்து-சேவை--மக்கள்-அமைச்சருக்கு-மனு-3116755.html
3116754 திருச்சி கரூர் சாலை மையத்தடுப்பில் கார் மோதல்: இளைஞர் சாவு DIN DIN Tuesday, March 19, 2019 08:58 AM +0530 சாலையின் மையத் தடுப்புச் சுவர் மீது கார் மோதியதில் இளைஞர் சம்பவ இடத்திலேயே உயிரிழந்தார். 
நாமக்கல் மாவட்டம் திருச்செங்கோட்டைச் சேர்ந்த நடராஜன் மகன் லலித்குமார்(32). இவர் தனது காரில் ஞாயிற்றுக்கிழமை இரவு கரூர் வந்துவிட்டு மீண்டு ஊருக்கு திரும்பிக்கொண்டிருந்தார். சேலம் -கரூர் தேசிய நெடுஞ்சாலையில் மண்மங்கலம் என்ற இடத்தில் கார் சென்று கொண்டிருந்தபோது, திடீரென கட்டுப்பாட்டை இழந்து சாலையின் மையத்தடுப்பு சுவர் மீது கார் மோதியது. இதில் பலத்த காயமடைந்த அவர் சம்பவ இடத்திலேயே இறந்தார். இதுகுறித்து வாங்கல் போலீஸார் வழக்கு பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/19/சாலை-மையத்தடுப்பில்-கார்-மோதல்-இளைஞர்-சாவு-3116754.html
3116753 திருச்சி கரூர் மாற்றுத்திறனாளிகளுக்கு வாக்குப்பதிவு விழிப்புணர்வு DIN DIN Tuesday, March 19, 2019 08:57 AM +0530 தேர்தலில் அனைவரும் வாக்களிக்க வேண்டும் என்பதை வலியுறுத்தும் வகையில் மாற்றுத்திறனாளிகள் நலத்துறையின் சார்பில் விழிப்புணர்வு நிகழ்ச்சிகள் மாவட்ட ஆட்சியர் அலுவலகத்தில் திங்கள்கிழமை நடைபெற்றது.
நிகழ்ச்சியில், மாற்றுத்திறனாளிகள் திரளாகப் பங்கேற்று மக்களவை பொதுத்தேர்தலில் 18 வயது பூர்த்தியடைந்த அனைவரும் தவறாமல் நேர்மையாக வாக்களிப்போம், தங்கள் பெற்றோர்களையும், உறவினர்களையும் வாக்களிக்க வலியுறுத்துவோம், எங்கள் வாக்கு விற்பனைக்கு அல்ல என்பன போன்ற உறுதிமொழியினை மாவட்ட வருவாய் அலுவலர் மற்றும் துணை தேர்தல் நடத்தும் அலுவலர் ச.சூர்யபிரகாஷ் வாசிக்க அனைவரும் உறுதிமொழி ஏற்றுக்கொண்டனர்.
மாவட்ட ஆட்சியர் அலுவலக வாயில் எதிரே சாலையில் வாக்களிப்பதன் அவசியம் குறித்து விளக்கும் வகையிலான வண்ணக்கோலம் இடப்பட்டிருந்தது. பின்னர், பிரத்யேகமாக அமைக்கப்பட்டிருந்த மாதிரி வாக்குச்சாவடி மையத்தில் மாற்றுத்திறனாளிகள் மாதிரி வாக்குப்பதிவு செய்து பார்த்தனர்.
பின்னர் இணைப்புச்சக்கரம் பொருத்தப்பட்ட இருசக்கர வாகனங்களில் மாற்றுத்திறனாளிகள் சார்பில் நடைபெற்ற விழிப்புணர்வு பேரணியை மாவட்ட வருவாய் அலுவலர் மற்றும் துணை தேர்தல் நடத்தும் அலுவலர் ச.சூர்யபிகராஷ் கொடியசைத்து துவக்கி வைத்தார். பேரணி லைட் ஹவுஸ் ரவுண்டானா, சுங்க கேட், பேருந்து நிலையம் என பொதுமக்கள் அதிகம் கூடும் இடங்களில் மக்களுக்கு விழிப்புணர்வு துண்டுப்பிரசுரங்களை வழங்கி 18 வயது பூர்த்தியடைந்த அனைவரும் தவறாமல் நேர்மையாக வாக்களிக்க வேண்டும் என்று விழிப்புணர்வு ஏற்படுத்தினர்.
நிகழ்ச்சியில் மாவட்ட மாற்றுத்திறனாளிகள் நல அலுவலர் ஜான்சி, தேர்தல் பிரிவு வட்டாட்சியர் சிவக்குமார் உள்ளிட்ட அலுவலர்கள் பலர் கலந்து கொண்டனர்.

]]>
https://www.dinamani.com/all-editions/edition-trichy/karur/2019/mar/19/மாற்றுத்திறனாளிகளுக்கு-வாக்குப்பதிவு-விழிப்புணர்வு-3116753.html
3116752 திருச்சி கரூர் மனோகர் பாரிக்கர் மறைவு:  கரூரில் பாஜகவினர் அஞ்சலி DIN DIN Tuesday, March 19, 2019 08:57 AM +0530 மறைந்த கோவா முதல்வர் மனோகர் பாரிக்கர் படத்துக்கு கரூரில் பாஜகவினர் திங்கள்கிழமை அஞ்சலி செலுத்தினர்.
கோவா முதல்வர் மனோகர் பாரிக்கர் உடல்நலக்குறைவால் ஞாயிற்றுக்கிழமை இரவு இறந்தார். இதையடுத்து அவரது மறைவுக்கு தேசிய அளவில் பாஜகவினர் திங்கள்கிழமை அஞ்சலி செலுத்தினர். கரூரில் மாவட்ட ஓபிசி அணி சார்பில் மாவட்டத் தலைவர் கணேசமூர்த்தி தலைமையில் கரூர் பேருந்து நிலைய ரவுண்டானா அருகே வைக்கப்பட்டிருந்த மனோகர் பாரிக்கர் படத்திற்கு திங்கள்கிழமை அஞ்சலி செலுத்தப்பட்டது. 
நிகழ்ச்சியில் சிறப்பு அழைப்பாளர்களாக மாவட்டத் தலைவர் முருகானந்தம், மாநில இளைஞரணி செயலாளர் கோபிநாத், நகரத் தலைவர் ஆர்.செல்வம், இளைஞரணி கோட்டப் பொறுப்பாளர் கார்த்தி, மாவட்ட  பொதுச் செயலாளர் சிவம் சக்திவேல், ஓபிசி அணியின் பொருளாளர் தங்கம், நகர பொதுச் செயலர்கள் சரவணன், சுரேஷ் உள்ளிட்டோர் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/19/மனோகர்-பாரிக்கர்-மறைவு--கரூரில்-பாஜகவினர்-அஞ்சலி-3116752.html
3116751 திருச்சி கரூர் கரூர் -  கோவைக்கு எட்டு வழிச்சாலை அமைக்கத் திட்டம் : மு. தம்பிதுரை DIN DIN Tuesday, March 19, 2019 08:57 AM +0530 கரூர் - கோவைக்கு 8 வழிச்சாலை அமைக்க  திட்டம் வகுக்கப்பட்டுள்ளது என்றார் கரூர் மக்களவைத்தொகுதி அதிமுக கூட்டணி வேட்பாளர் மு.தம்பிதுரை.
கரூருக்கு திங்கள்கிழமை வந்த அவர் தாந்தோணி கல்யாண வெங்கட ரமணசுவாமி கோயில், பசுபதீசுவரர் கோயிலில் தரிசனம் செய்த பின்னர் செய்தியாளர்களிடம் தெரிவித்தது: 
தமிழகத்தில் மாபெரும் வெற்றி கூட்டணியை அதிமுக அமைத்திருக்கிறது.   மக்கள் செல்வாக்கு உள்ள இயக்கம் அதிமுக. மத்திய அரசும், மாநில அரசும் சேர்ந்து செயல்பட்டால் பல திட்டம் தமிழகத்திற்கு வரும் என்ற சூழலில் அதிமுக ஒரு கூட்டணி அமைத்துள்ளது. நான் மட்டுமல்ல தமிழகம், புதுவை உள்ளிட்ட 40 தொகுதிகளிலும் அதிமுக கூட்டணி வெற்றிபெறும். மாநில சுயாட்சி காப்பதிலும், தமிழக உரிமை பெறுவதிலும் ஜெயலலிதா வழியில் செயல்படுவோம். எங்களது கொள்கையை என்றும் விட்டுக்கொடுக்க 
மாட்டோம். ஸ்பெக்ட்ரம் ஊழலை வெளிக்கொண்டு வந்தது நான்தான். காவிரி பிரச்னையில் போராடி காவிரி மேலாண்மை வாரியம் அமைத்தோம். மேக்கேதாட்டுவில் அணை கட்டுவதற்கு எதிர்ப்பு தெரிவித்து போராடிய போது, அதிமுக எம்பிக்கள் நீக்கம் செய்யப்பட்டனர். முத்தலாக் பிரச்னை எழுந்தபோதும் அதற்கு எதிராக குரல் கொடுத்தோம்.  கரூர்-கோவைக்கு 8 வழிச்சாலை அமைக்க  திட்டம் வகுக்கப்பட்டுள்ளது. அது விரைவில் செயல்படுத்தப்படும். மாவட்டத்தில் குடிநீர் பிரச்னைக்கு பல்வேறு திட்டங்கள் செயல்படுத்தி வருகிறோம். நளினி, முருகன் விடுதலைக்கு பாடுபடுவேன் என்றார். பேட்டியின்போது கிருஷ்ணராயபுரம் எம்எல்ஏ எம். கீதா மணிவண்ணன், மாவட்ட நிர்வாகிகள் ஏ.ஆர்.காளியப்பன், எஸ்.திருவிகா, செல்வராஜ், காமராஜ்,  தானேஷ், ஆயில் ரமேஷ் உள்ளிட்டோர் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/19/கரூர்----கோவைக்கு-எட்டு-வழிச்சாலை-அமைக்கத்-திட்டம்--மு-தம்பிதுரை-3116751.html
3116137 திருச்சி கரூர் இலங்கையைச் சேர்ந்தவரிடமிருந்து 1800 யூரோ நோட்டுகள் பறிமுதல் DIN DIN Monday, March 18, 2019 09:17 AM +0530 கரூர் மாவட்டம், குளித்தலை அருகே இலங்கை நாட்டைச் சேர்ந்தவரிடம் இருந்து ரூ. 1.40 லட்சம் மதிப்புள்ள 1800 யூரோ நோட்டுகளை தேர்தல் பறக்கும்படையினர் ஞாயிற்றுக்கிழமை பறிமுதல் செய்தனர். 
தமிழகத்தில் மக்களவை பொதுத்தேர்தல் நடத்தை விதிமுறைகள் அமலில் உள்ளதால் உரிய ஆவணங்கள் இன்றி ரூ.50,000க்கு மேல் பணம் கொண்டு செல்லக் கூடாது என்றும், அதற்கு மேல் கொண்டு செல்பவர்கள் அதற்கான உரிய ஆவணத்தை கையில் வைத்திருக்க வேண்டும் என தேர்தல் ஆணையம் அறிவுறுத்தியுள்ளது. தொடர்ந்து, 24 மணிநேரமும் சுழற்சி முறையில் கண்காணிப்பு பணிகள் நடைபெற்று வருகின்றன.
இந்நிலையில், குளித்தலை அருகே கரூர் - திருச்சி தேசிய நெடுஞ்சாலையில் கொரப்பாளையம்  என்ற இடத்தில் ஞாயிற்றுக்கிழமை வேணாண் துறை உதவி இயக்குநர் ஜெயபிரகாஷ்  தலைமையிலான நிலையான கண்காணிப்பு குழுவினர் வாகனத் தணிக்கையில் ஈடுபட்டிருந்தனர். அப்போது அவ்வழியே காங்கயம் நோக்கிச் சென்ற காரை மறித்து சோதனையிட்டனர். 
அப்போது காரில் இலங்கை நாட்டைச் சேர்ந்த அலஞ்சோன்(35) என்பவர் தனது குடும்பத்தினருடன் இருந்தார். சோதனையின்போது, உரிய ஆவணங்களின்றி பிரான்ஸ் நாட்டு பணம் ரூ. 1,800 யூரோக்கள் இருப்பது கண்டறியப்பட்டு அவை பறிமுதல் செய்யப்பட்டது. அலஞ்சோன் பிரான்சு நாட்டில் வேலை பார்ப்பதாகவும், இலங்கையில் இருந்து திருச்சி வந்து அங்கிருந்து உறவினருடன் காங்கயத்தில் உள்ள கிறிஸ்தவ ஆலயத்திற்குச் சென்றபோது தனிப்படையினர் யூரோ நோட்டுக்களைப் பறிமுதல் செய்தது தெரியவந்தது. 1800 யூரோ நோட்டுக்கள் இந்திய மதிப்பில் 1,40,400 ஆகும். பணத்தைப் பறிமுதல் செய்த கண்காணிப்புக் குழுவினர் அவற்றை குளித்தலை தொகுதிக்கான உதவி தேர்தல் நடத்தும் அலுவலர் எம்.லியாகத்திடம்  ஒப்படைத்தனர்.

]]>
https://www.dinamani.com/all-editions/edition-trichy/karur/2019/mar/18/இலங்கையைச்-சேர்ந்தவரிடமிருந்து-1800-யூரோ-நோட்டுகள்-பறிமுதல்-3116137.html
3116044 திருச்சி கரூர் தண்ணீர் சிக்கன பயன்பாடு: டிஎன்பிஎல் நிறுவனத்திற்கு முன்னோடி விருது DIN DIN Monday, March 18, 2019 08:41 AM +0530 புகழூர் டிஎன்பிஎல் நிறுவனத்திற்கு தண்ணீர் சிக்கன பயன்பாடு முன்னோடி விருது அண்மையில் மத்திய அரசால் வழங்கப்பட்டது.
இந்தியன் சாம்பர்ஸ் ஆஃப் காமர்ஸ் மத்திய, மாநில அரசு பெருநிறுவனங்களுக்கு நடத்திய போட்டியில், காகிதக் கூழ், காகிதம் தயாரித்தல், எஃகு, சிமென்ட், வங்கி உள்பட பல்வேறு துறையைச் சேர்ந்த நிறுவனங்கள் பங்கேற்றன. இதில் தண்ணீர் சிக்கன பயன்பாடு முன்னோடி விருதுக்கு டிஎன்பிஎல் ஆலை தேர்வு செய்யப்பட்டது. இதைத்தொடர்ந்து புது தில்லியில் டிஎன்பிஎல் ஆலைக்கு விருது வழங்கும் விழா அண்மையில் நடைபெற்றது. 
விருதினை மத்திய அரசின் கனரக தொழிற்சாலை செயலாளர் முனைவர் பாஸ்கர் சாட்டர்ஜி வழங்க, காகித ஆலை உயர் அதிகாரிகள் பெற்றுக் கொண்டனர்.

]]>
https://www.dinamani.com/all-editions/edition-trichy/karur/2019/mar/18/தண்ணீர்-சிக்கன-பயன்பாடு-டிஎன்பிஎல்-நிறுவனத்திற்கு-முன்னோடி-விருது-3116044.html
3116043 திருச்சி கரூர் அரசு காலனி செல்வவிநாயகர் கோயில் கும்பாபிஷேகம் DIN DIN Monday, March 18, 2019 08:40 AM +0530 கரூர் அரசு காலனி தங்கராஜ் நகர் செல்வவிநாயகர் கோயிலில் ஞாயிற்றுக்கிழமை நடைபெற்ற கும்பாபிஷேக விழாவில் பக்தர்கள் திரளாகப் பங்கேற்றனர்.
கரூர் மாவட்டம் பஞ்சமாதேவி அருகே உள்ள அரசு காலனி தங்கராஜ் நகரில் செல்வவிநாயகர் கோயில் சீரமைக்கப்பட்டு கும்பாபிஷேகம் ஞாயிற்றுக்கிழமை நடைபெற்றது. கும்பாபிஷேகத்தை முன்னிட்டு சனிக்கிழமை காலை அனுக்ஞை, விநாயகர் வழிபாடு, புண்யாகம், கணபதி ஹோமம், தீபாராதனை உள்ளிட்ட பூஜைகளும் நடைபெற்றன. 
தொடர்ந்து பக்தர்கள் காவிரி ஆற்றுக்குச் சென்று புனித நீர் எடுத்து வந்து சுவாமிக்கு அபிஷேகம் செய்யும் நிகழ்ச்சியும் நடைபெற்றது. 
இதையடுத்து மாலையில் மங்கள இசை, மங்கள கணபதி வழிபாடு, அங்குரம், ரக்ஷபந்தனம், கும்பஅலங்காரம், முதற்கால யாகபூஜையும்  நடைபெற்றது. இரவு அஷ்டபந்தன மருந்து சாத்துதல் நிகழ்வும் நடைபெற்றது.
தொடர்ந்து ஞாயிற்றுக்கிழமை அதிகாலை 4.30 மணிக்கு நாடிசந்தானம், காயத்திரிஹோமம், இரண்டாம் கால யாக பூஜையும், 7.30 மணிக்குள் கடம் புறப்பாடு மற்றும் கோயில் கலசத்திற்கு புனித நீர் ஊற்றும் நிகழ்ச்சி நடைபெற்றது. சிவாச்சாரியார்கள் கோயில் கலசத்திற்கு புனித நீர் ஊற்றினர். 
பின்னர் புனிதநீர் பக்தர்கள் மேல் தெளிக்கப்பட்டது. தொடர்ந்து அன்னதானம் வழங்கப்பட்டது. விழாவில் பக்தர்கள் திரளாகப் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/18/அரசு-காலனி-செல்வவிநாயகர்-கோயில்-கும்பாபிஷேகம்-3116043.html
3116042 திருச்சி கரூர் வேட்பாளர் அறிவிப்பு: அமமுகவினர் கொண்டாட்டம் DIN DIN Monday, March 18, 2019 08:40 AM +0530 கரூரில் அமமுகவினர் ஞாயிற்றுக்கிழமை வெடிவெடித்தும், பொதுமக்களுக்கு இனிப்பு வழங்கியும் கொண்டாடினர்.
மக்களவைத்தேர்தலில் அமமுக சார்பில் போட்டியிடும் வேட்பாளர் பட்டியலை அக்கட்சியின் துணை பொதுச் செயலாளர் டிடிவி தினகரன் ஞாயிற்றுக்கிழமை வெளியிட்டார். இதில் கரூர் மக்களவைத் தொகுதிக்கு அக்கட்சியின் கரூர் மாவட்டச் செயலாளர் என்.தங்கவேல் போட்டியிடுவார் என அறிவிக்கப்பட்டது. இதையடுத்து அக்கட்சியினர் மாவட்ட அவைத்தலைவர் ஆரியூர் சுப்ரமணியன், மாநில எம்ஜிஆர் மன்ற துணைச் செயலாளர் ஆர்எம்டி. தியாகராஜன் ஆகியோர் தலைமையில் கரூர் பேருந்துநிலைய ரவுண்டானா பகுதியில் வெடிவெடித்தும், பொதுமக்கள் மற்றும் வாகன ஓட்டிகளுக்கு இனிப்புகள் வழங்கியும் கொண்டாடினர்.  
நிகழ்ச்சியில், காதப்பாறை ஊராட்சி மன்ற முன்னாள் தலைவர் ஏ.தங்கவேல், கிருஷ்ணராயபுரம் மேற்கு ஒன்றியச் செயலாளர் மாதவன், கடவூர் ஒன்றியச் செயலாளர்கள் கண்ணன், சண்முகம், பேராசிரியர் சிதம்பரம், காதப்பாறை சுப்ரமணியம் உள்ளிட்ட கட்சியினர் திரளாகப் பங்கேற்றனர்.

]]>
https://www.dinamani.com/all-editions/edition-trichy/karur/2019/mar/18/வேட்பாளர்-அறிவிப்பு-அமமுகவினர்-கொண்டாட்டம்-3116042.html
3116041 திருச்சி கரூர் மனைவியிடம் தகராறு: கணவர் உள்பட 5 பேர் மீது வழக்கு DIN DIN Monday, March 18, 2019 08:40 AM +0530 மனைவியிடம் தகராறில் ஈடுபட்ட கணவர் உள்பட உறவினர்கள் 5 பேர் மீது போலீஸார் வழக்கு பதிந்து விசாரிக்கின்றனர்.
கரூர் மாவட்டம் குளித்தலை அடுத்த கணக்குப்புலியூரைச் சேர்ந்தவர் மருதமுத்து (42). இவரது மனைவி ஜெயா(38). இவர்களுக்கு 2 பெண் குழந்தைகள், ஓர் ஆண் குழந்தை உள்ளது. இந்நிலையில் கணவன், மனைவிக்கிடையே ஏற்பட்ட தகராறில் கடந்த ஓராண்டாக ஜெயா கணவரிடம் இருந்து பிரிந்து பிள்ளைகளுடன் அதே பகுதியில் வசித்து வருகிறாராம். 
இதனிடையே சனிக்கிழமை இரவு மருதமுத்து, அவரது தாய் சிறுமாயி, தங்கை சித்ரா, தம்பி ராஜா, மருதமுத்துவின் மகள் சங்கீதா ஆகியோருடன் ஜெயா வீட்டுக்குச் சென்று ஜெயாவை வீட்டிற்கு வருமாறு அழைத்துள்ளனர். அப்போது ஏற்பட்ட தகராறில் தகாத வார்த்தையால் ஜெயாவை அனைவரும் திட்டினார்களாம். இதுதொடர்பாக ஜெயா அளித்த புகாரின்பேரில் குளித்தலை அனைத்து மகளிர் காவல் நிலையத்தினர் மருதமுத்து உள்ளிட்ட 5 பேர் மீதும் வழக்கு பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/18/மனைவியிடம்-தகராறு-கணவர்-உள்பட-5-பேர்-மீது-வழக்கு-3116041.html
3116040 திருச்சி கரூர் வாக்காளர் விழிப்புணர்வு துண்டுப்பிரசுரம் விநியோகம் DIN DIN Monday, March 18, 2019 08:39 AM +0530 வரும் மக்களவை பொதுத்தேர்தலில் எந்த ஒரு வாக்காளரும் விடுபடாமல் வாக்களிக்க வேண்டும் என்பதை வலியுறுத்தி வாக்காளர்களிடையே விழிப்புணர்வு ஏற்படுத்தும் வகையில் துண்டுப் பிரசுரம் வழங்கும் நிகழ்ச்சி கரூர் உழவர் சந்தையில் ஞாயிற்றுக்கிழமை நடைபெற்றது.  
நிகழ்ச்சியில் மாவட்ட வருவாய் அலுவலரும், துணை தேர்தல் நடத்தும் அலுவலருமான ச.சூர்யபிரகாஷ் பங்கேற்று பொதுமக்களிடம் துண்டுப்பிரசுரங்களை வழங்கினார்.
நிகழ்ச்சியின்போது 18 வயது பூர்த்தியடைந்த அனைவரும் நடைபெறவுள்ள மக்களவை பொதுத்தேர்தலில் தங்களது வாக்கினை பதிவு செய்து ஜனநாயகக் கடமையாற்ற வேண்டும் என்பதை வலியுறுத்தும் விதமாகவும், இந்தத் தேர்தலில் அனைத்து வாக்குச்சாவடிகளிலும் முதன்முறையாக பயன்படுத்தப்படவுள்ள விவிபாட் எனும் வாக்காளர் வாக்குப்பதிவு தணிக்கை இயந்திரம் குறித்த விழிப்புணர்வு ஏற்படுத்தும் வகையிலும் துண்டுப்பிரசுரங்கள் பொதுமக்கள், இளம்வாக்காளர்களுக்கு விநியோகிக்கப்பட்டன. 
மேலும், அங்கிருந்த ஆட்டோக்கள், ஏடிஎம் மையங்கள், உழவர் சந்தை கடைகள் என அனைத்துப் பகுதிகளிலும் தேர்தல் விழிப்புணர்வு ஒட்டுவில்லைகளை மாவட்ட வருவாய் அலுவலரும், துணை தேர்தல் நடத்தும் அலுவலருமானச.சூர்யபிரகாஷ்  ஒட்டி விழிப்புணர்வு ஏற்படுத்தினார்.
நிகழ்வின்போது வட்டாட்சியர்கள் பிரபு(கரூர்), ரவிக்குமார்(மண்மங்கலம்) உள்ளிட்ட அலுவலர்கள் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/18/வாக்காளர்-விழிப்புணர்வு-துண்டுப்பிரசுரம்-விநியோகம்-3116040.html
3116039 திருச்சி கரூர் சமுதாயம் பயனடையும் வகையில் மாணவர்கள் சிறந்து விளங்க வேண்டும் DIN DIN Monday, March 18, 2019 08:39 AM +0530 உயர்கல்வி பயிலும் மாணவர்கள்  சமுதாயம் பயன்பெறும் வகையில் சிறந்து விளங்க வேண்டும் என்றார் சென்னை டைசிஸ் நிறுவனத்தின் மனிதவள இயக்குநர் சசிகாந்த் ஜெயராமன்.
கரூர் செட்டிநாடு பொறியியல் மற்றும் தொழில்நுட்பக் கல்லூரியில் சனிக்கிழமை இரவு நடைபெற்ற கல்லூரி ஆண்டு விழாவில் பன்னாட்டு நிறுவனங்களில் வேலைவாய்ப்பு பெற்ற கல்லூரியின் 265 மாணவர்களுக்கு பணி நியமன ஆணையை வழங்கி மேலும் அவர் பேசியது: 
எப்போதும் நம்மை சார்ந்தவர்களுக்கு நான் ஒருபோதும் துரோகம் செய்ய மாட்டேன் என்கிற கொள்கையை கடைப்பிடியுங்கள். அந்த கொள்கை நிச்சயம் வாழ்வில் உங்களை உயர்த்தும்.  உலகிலேயே நம் தாய் ஒருவர்தான் சுயநலம் இல்லாமல் தன் பிள்ளைகள் மீது அளவற்ற பாசம் கொண்டிருப்பவள். தாயின் அன்பு தூய்மையானது. அந்த தாய்க்கு அடுத்தபடியாக நம் நாட்டில் வசித்தவர் அப்துல்கலாம். அவர் ஒரு தலைசிறந்த விஞ்ஞானி. சாதி, மதம் கடந்து அனைவராலும் ஏற்கக்கூடிய ஒரு மாமனிதர். 
நாடெங்கும் சென்று இளைஞர்களுக்கு அறிவை ஊட்டியவர்.  தன்னலம் கருதாமல், தன் வாழ்நாளை பொறியியல் துறைக்கும், நாட்டுக்கும் அர்ப்பணித்தவர். நாட்டின் ஜனாதிபதியானபோது தன்னுடன் வெறும் ஆடைகள் அடங்கிய இரு சூட்கேஸ் மட்டும் கொண்டு சென்றவர். அப்பதவியை விட்டு வெளியேறும்போதும் அதே சூட்கேசுடன்தான் வந்தார். யாருக்காக துறவு வாழ்க்கை பூண்டார் என்பதை ஒவ்வொரு மாணவரும் நினைவில் கொள்ள வேண்டும். அவரது கனவை நனவாக்க ஒவ்வொரு இளைஞர்களும் முன்வரவேண்டும். ஒருவர் படித்த படிப்பு ஒரு சிறிய குழந்தையின் குறையை போக்கும் என்றால் அப்போதுதான் படித்த படிப்பு முழுமை பெறுகிறது. அப்துல்கலாமை போல இந்தியாவில் உயர்கல்வி பயில்வோரின் படிப்பு இந்த சமுதாயத்திற்கு பயன்படும் வகையில் இருக்க வேண்டும் என்றார்.
விழாவிற்கு கல்லூரி முதல்வர் அ.புனிதா தலைமை வகித்தார். கல்லூரியின் இயந்திரவியல் துறை தலைவர் ஹரி பிரசாத் வரவேற்றார். உதவி பேராசிரியர் செல்வன் நன்றி கூறினார். விழா ஏற்பாடுகளை கல்லூரியின் நிர்வாக அலுவலர் சதீஷ்குமார் மற்றும் ஒருங்கிணைப்பாளர்கள் செய்திருந்தனர்.
 

]]>
https://www.dinamani.com/all-editions/edition-trichy/karur/2019/mar/18/சமுதாயம்-பயனடையும்-வகையில்-மாணவர்கள்-சிறந்து-விளங்க-வேண்டும்-3116039.html
3116038 திருச்சி கரூர் பறிமுதல் செய்யப்படும் பொருள், பணத்தை ஆவணம் காண்பித்து பெற்றுச் செல்லலாம் DIN DIN Monday, March 18, 2019 08:39 AM +0530 பறக்கும்படையினரால் பறிமுதல் செய்யப்படும் பொருள், பணத்துக்குரிய ஆவணங்களைக் காண்பித்து திரும்பப் பெற்றுச் செல்லலாம் எனத் தேர்தல் நடத்தும் அலுவலரும், மாவட்ட ஆட்சியருமான த. அன்பழகன் தெரிவித்துள்ளார். 
இதுதொடர்பாக அவர் வெளியிட்டுள்ள செய்திக்குறிப்பு: 
மக்களவைப் பொதுத்தேர்தலை முன்னிட்டு, தேர்தல் நடத்தை விதிமுறைகள் கடந்த 10 ஆம் தேதி இரவு முதல் அமலுக்கு வந்துள்ளது. தேர்தல் நடைமுறைகள் அமலில் உள்ள காலத்தில் தேர்தல் முறைகேடுகளுக்கு பயன்படுத்துவதற்காக பணம் மற்றும் பொருட்களை எடுத்துச் செல்வதைக் கண்காணித்து தடுப்பதற்காக கரூர் மாவட்டத்தில், 24 மணி நேரமும் செயல்படக்கூடிய பறக்கும்படை குழுக்கள்,  நிலையாக நின்று ஆய்வு செய்யும் குழுக்கள் அமைக்கப்பட்டு கண்காணிக்கப்பட்டு வருகிறது.
தேர்தல் ஆணைய அறிவுரைகளின்படி முறையான ஆவணங்களின்றி ரூ.50,000-க்கு மேல் எடுத்துச்செல்லப்படும் தொகை மற்றும் பொருள்கள் கைப்பற்றப்பட்டு வருகிறது. 
கைப்பற்றப்படும் தொகைக்குரிய ஆவணங்கள் அச்சமயத்தில் இல்லாதிருக்கும் பட்சத்திலும் கைப்பற்றும் தொகையானது தேர்தல் முறைகேடுகளுக்கு பயன்படுத்தப்படவில்லை என நிரூபிக்கும் வகையிலான ஆவணங்களை, கரூர் மாவட்ட ஆட்சியர் அலுவலகத்தின் இரண்டாம் தளத்தில் தினந்தோறும் பிற்பகல் 4 மணியளவில் கூடும் வகையில் அமைக்கப்பட்டுள்ள மாவட்ட ஊரக வளர்ச்சி முகமை, திட்ட அலுவலர், மாவட்ட கரூவூல அலுவலர் மற்றும் மாவட்ட ஆட்சியரின் நேர்முக உதவியாளர்  
(கணக்குகள்) ஆகியோர் அடங்கிய குழு முன்பாக ஆஜராகி, சமர்ப்பித்து கைப்பற்றப்பட்ட தொகை, பொருட்களை திரும்பப் பெற்றுக்கொள்ளலாம் எனத் தெரிவித்துள்ளார்.

]]>
https://www.dinamani.com/all-editions/edition-trichy/karur/2019/mar/18/பறிமுதல்-செய்யப்படும்-பொருள்-பணத்தை-ஆவணம்-காண்பித்து-பெற்றுச்-செல்லலாம்-3116038.html
3116037 திருச்சி கரூர் உலக சிறுநீரக தின விழிப்புணர்வுப் பேரணி DIN DIN Monday, March 18, 2019 08:38 AM +0530 கரூரில் ஞாயிற்றுக்கிழமை நடைபெற்ற சிறுநீரக தின விழிப்புணர்வுப் பேரணியில் செவிலியர் கல்லூரி மாணவிகள் திரளாகப் பங்கேற்றனர்.
 உலக சிறுநீரக தினத்தை முன்னிட்டு, கரூர் வைஸ்யா வங்கி மற்றும் அபிராமி கிட்னி கேர்,  கரூர் ரோட்டரி டெக்ஸ் சிட்டி ஆகியவற்றின் சார்பில் செவிலியர் கல்லூரி மாணவிகள் பங்கேற்ற சிறுநீரக விழிப்புணர்வுப் பேரணி கரூர் பேருந்துநிலைய ரவுண்டானா பகுதியில் ஞாயிற்றுக்கிழமை துவங்கியது. 
பேரணியை, கரூர் ரோட்டரி டெக்ஸ் சிட்டி சங்கத் தலைவர் பெரியசாமி, லட்சுமணன், சக்தி நர்சிங் கல்லூரி தலைவர் சிதம்பரம் ஆகியோர் துவக்கி வைத்தனர். 
கரூர் மாவட்ட அரசு மருத்துவமனை மருத்துவர் ராமராஜ், இந்திய மருத்துவ சங்க கரூர் கிளைச் செயலாளர் சீனிவாசன் 
ஆகியோர் முன்னிலை வகித்தனர்.
பேரணி ஜவஹர்பஜார், பழைய திண்டுக்கல் சாலை, லைட் ஹவுஸ் கார்னர் வழியாகச் சென்று அபிராமி கிட்னி கேர் மருத்துவமனையை அடைந்தது. பேரணியில், செவிலியர் கல்லூரி மாணவிகள் திரளாக பங்கேற்று சிறுநீரக பாதிப்பினால் ஏற்படும் தீமைகள் குறித்த விழிப்புணர்வு பதாகைகளை கையில் ஏந்திவாறுச் சென்றனர். 
பேரணி முடிவில், மருத்துவர் சரவணன் சிறுநீரக செயல்பாடு, குறைபாடு, நோய் கண்டறிந்து சிகிச்சை அளிப்பது, சிறுநீரகம் செயல் இழந்தவர்களுக்கு மாற்றுவழிமுறைகளான ரத்த சுத்திகரிப்பு உள்ளிட்டவை குறித்து பேசினார்.
 

]]>
https://www.dinamani.com/all-editions/edition-trichy/karur/2019/mar/18/உலக-சிறுநீரக-தின-விழிப்புணர்வுப்-பேரணி-3116037.html
3115462 திருச்சி கரூர் திருமண மண்டபங்கள், விடுதிகளுக்கு கட்டுப்பாடுகள் DIN DIN Sunday, March 17, 2019 03:34 AM +0530
தேர்தல் நடத்தை விதிகள் அமலில் இருப்பதால் திருமண மண்டபங்கள், தங்கும் விடுதிகளில் வேட்பாளர்கள், அரசியல் கட்சியினர் தங்குவதற்கு கட்டுப்பாடுகள் விதிக்கப்பட்டுள்ளது என்றார் தேர்தல் நடத்தும் அலுவலரும், ஆட்சியருமான த.அன்பழகன் தெரிவித்தார்.
      மக்களவை பொதுத்தேர்தல் நடத்தை விதிமுறைகள் அமலில் உள்ளதால் திருமண மண்டபங்கள், உணவகங்கள், தங்கும் விடுதிகள், அடகுக்கடைகளின் உரிமையாளர்கள் மற்றும் ஆயத்த ஆடை உற்பத்தியாளர்கள் மற்றும் ஏற்றுமதியாளர்கள் கடைபிடிக்க வேண்டிய தேர்தல் விதிமுறைகள் குறித்த ஆலோசனைக்கூட்டம் மாவட்ட ஆட்சியர் அலுவலக கூட்டரங்கில் சனிக்கிழமை தேர்தல் நடத்தும் அலுவலரும், மாவட்ட ஆட்சியருமான த.அன்பழகன் தலைமையில் நடைபெற்றது.  
கூட்டத்தில் அவர் மேலும் பேசியது:  இந்திய தேர்தல் ஆணையத்தின் உத்தரவுப்படி தேர்தல் தேதி அறிவிக்கப்பட்ட நாளிலிருந்து தேர்தல் முடியும் வரை தேர்தல் நடத்தை விதிமுறைகள் அமலில் இருக்கும்.  திருமண மண்டபங்கள், ஓட்டல்கள், தங்கும் விடுதிகள், ஆகிய அனைத்திலும் தங்குவோர் விவரங்கள் தவறாமல் பதிவேட்டில் பதியப்பட்டிருக்க வேண்டும். 
உள்ளூர் நபர்கள் தங்கும்போது அவர்களிடம் சந்தேகத்திற்கு இடமாக சூட்கேஸ் அல்லது பணப்பைகள் இருக்குமானால், அதுபற்றி தகவல்களை 1950 அல்லது 18004252507 என்ற கட்டணமில்லா தொலைபேசி எண்ணிலோ, தேர்தல் நடத்தும் அலுவலரிடமும் மற்றும் பறக்கும்படை குழுவிடமும் தெரிவிக்க வேண்டும். 
அரசியல் கட்சியினர் அல்லது வேட்பாளர்கள் தேர்தல் தொடர்பான நிகழ்ச்சிகளுக்கு திருமண மண்டபங்களை பதிவு செய்தால் அது பற்றிய தகவல்களை உடனே மாவட்ட ஆட்சியர் அலுவலகத்தில் உள்ள தேர்தல் செலவினங்கள் கண்காணிப்பு அலுவலரிடம் தெரிவிக்க வேண்டும். திருமண மண்டபங்கள், உணவகங்கள், தங்கும் விடுதிகளில் வேட்பாளர்கள்,  அரசியல் கட்சியினரால் மது விருந்துகள் நடத்தப்பட்டால் அதற்கு அனுமதிக்க கூடாது. அவ்வாறு நடைபெற்றது எனில் உடன் தகவல் தெரிவிக்க வேண்டும். திருமண மண்டபங்கள், ஓட்டல்கள், தங்கும் விடுதிகள் ஏதாவது வாக்கு சாவடியிலிருந்து 200 மீ. வட்டத்திற்குள் இருப்பின் தேர்தல் நாள் மற்றும் தேர்தலுக்கு முதல் நாள் அன்று அரசியல் கட்சியினர், வேட்பாளருக்கு தேர்தல் பணிகளுக்காக எக்காரணம் கொண்டும் அனுமதி வழங்கக்கூடாது என்றார்.
கூட்டத்தில், உதவி தேர்தல் நடத்தும் அலுவலர்கள் சரவணமூர்த்தி(கரூர் தொகுதி), லியாகத் (குளித்தலை தொகுதி), மல்லிகா (கிஷ்ணராயபுரம் தொகுதி), மீனாட்சி (அரவக்குறிச்சி தொகுதி), மாவட்ட ஆட்சியரின் நேர்முக உதவியாளர் (பொது) செல்வசுரபி உள்ளிட்ட அலுவலர்கள் மற்றும்  திருமண மண்டபங்கள், உணவகங்கள், தங்கும் விடுதிகள், அடகுக்கடைகளின் உரிமையாளர்கள் மற்றும் ஆயத்த ஆடை உற்பத்தியாளர்கள் மற்றும் ஏற்றுமதியாளர்கள் பலர் கலந்து கொண்டனர்.
 

]]>
https://www.dinamani.com/all-editions/edition-trichy/karur/2019/mar/17/திருமண-மண்டபங்கள்-விடுதிகளுக்கு-கட்டுப்பாடுகள்-3115462.html
3115461 திருச்சி கரூர் வேட்புமனு: வேட்பாளருடன் 4 பேருக்கு மட்டுமே அனுமதி DIN DIN Sunday, March 17, 2019 03:33 AM +0530
வேட்புமனு தாக்கல் செய்ய வரும் வேட்பாளர்கள் தங்களுடன் 4 நபர்களை மட்டுமே உடன் அழைத்து வர வேண்டும் என்றார் தேர்தல் நடத்தும் அலுவலரும், மாவட்ட ஆட்சியருமான த.அன்பழகன்.
       கரூர் மக்களவைத் தொகுதியில் போட்டியிட விரும்பும் வேட்பாளர்கள் தங்களது வேட்புமனுவை தாக்கல் செய்யும்போது கவனத்தில் கொள்ள வேண்டிய தகவல்கள் குறித்தும், தேர்தல் செலவினங்களை வரையறுப்பது குறித்தும் விளக்கும் வகையில் அங்கீகரிக்கப்பட்ட அனைத்துக் கட்சிகளின் பிரதிநிதிகளுடனான ஆலோசனைக் கூட்டம்  ஆட்சியர் அலுவலக கூட்டரங்கில் சனிக்கிழமை நடைபெற்றது. இதில் தேர்தல் நடத்தும் அலுவலர் பேசியது: 
கரூர் மக்களவைத் தொகுதியில் போட்டியிட விரும்பும் வேட்பாளர் தனது வேட்புமனுவினை கரூர் மக்களவைத் தொகுதி தேர்தல் நடத்தும் அலுவலர் மற்றும் மாவட்ட ஆட்சியரிடமோ அல்லது முதன்மை உதவி தேர்தல் நடத்தும் அலுவலர் மற்றும் மாவட்ட வழங்கல் நுகர்வோர் பாதுகாப்பு அலுவலரிடமோ வரும் 19 ஆம் தேதி முதல் 26 ஆம் தேதி வரை (23, 24 ஆம் தேதிகளில் இரு நாட்கள் விடுமுறை)  காலை 11 மணிமுதல் மாலை 3 மணி வரை  தாக்கல் செய்யலாம்.
    வேட்பாளர்கள் வேட்புமனுவினை தாக்கல் செய்ய வரும் போது தேர்தல் நடத்தும் அலுவலர் அலுவலகத்திலிருந்து 100 மீட்டருக்குள்  3 வாகனங்கள் மட்டுமே அனுமதிக்கப்படும். வேட்புமனு தாக்கல் செய்ய வரும் போது வேட்பாளர்கள் தங்களுடன் நான்கு நபர்களை மட்டுமே உடன் அழைத்து வர வேண்டும். 
வேட்பாளர்கள் தங்களது பிரமாணப் பத்திரத்தை தெளிவாக எழுதியோ அல்லது தட்டச்சு செய்தோ சமர்ப்பிக்கலாம். பிரமாண பத்திரம் முழுமையாக பூர்த்தி செய்யப்பட வேண்டும். வேட்பாளர் தனது வேட்புமனுவினை மேற்குறிப்பிட்ட நேரங்களில் மட்டுமே தாக்கல் செய்யப்பட வேண்டும்.
வேட்பு மனு தாக்கல் செய்வதற்கு ஒரு நாள் முன்பாகவே, தனியே ஒரு வங்கி கணக்கு தொடங்கி தேர்தல் செலவு கணக்குகளை அக்கணக்கு மூலமாக மட்டுமே செய்ய வேண்டும்.  அங்கீகரிக்கப்பட்ட அரசியல் கட்சியின் வேட்பாளர்களுக்கு ஒரு முன் மொழிபவர் போதுமானது. மற்ற வேட்பாளர்களுக்கு 10 நபர்கள் முன்மொழியப் பட வேண்டும்.
உறுதிமொழிப் படிவம், அதிகாரம் பெற்ற அலுவலர் முன்பாக உறுதிமொழி எடுக்கப்பட்டதற்கான சான்று சமர்ப்பிக்க வேண்டும் அல்லது தேர்தல் நடத்தும் அலுவலர் முன்பாக உறுதிமொழி எடுக்க வேண்டும். 
வேட்புமனு தாக்கலுக்கான கட்டணம் ரூ. 25,000.  தாழ்த்தப்பட்டவர்களுக்கு.12,500 - சான்றை சமர்ப்பிக்க வேண்டும். 
வேட்பாளர்கள் வேட்புமனுவை பெற்றுகொண்டதற்கான ஒப்புகை சீட்டினை (பாகம் 6) பெற்றுக்கொள்ள வேண்டும். வேட்பாளர்களுக்கான நடத்தை விதிகள் கையேடு பெற்றுக்கொள்ள வேண்டும்.
தேர்தல் முகவர் நியமன படிவம் 8-ஐ பெற்று பூர்த்தி செய்து தேர்தல் நடத்தும் அலுவலரிடம் சமர்ப்பிக்க வேண்டும். தேர்தல் முகவர் நியமனத்தை ரத்து செய்யும் படிவம் 9-ஐ பெற்றுக்கொள்ள வேண்டும்.  
வேட்பாளர்கள் மற்றும் தலைமை முகவர்கள் தங்களது மாதிரி கையொப்பத்தினை தேர்தல் நடத்தும் அலுவலரிடம் சமர்ப்பிக்க வேண்டும் என்றார் அவர். 
கூட்டத்தில் மாவட்ட ஆட்சியரின் நேர்முக உதவியாளர் (பொது)செல்வசுரபி, உதவி தேர்தல் நடத்தும் அலுவலர்கள்சரவணமூர்த்தி (கரூர்), லியாகத்(குளித்தலை), மீனாட்சி(அரவக்குறிச்சி), மல்லிகா(கிருஷ்ணராயபுரம்) உள்ளிட்ட அலுவலர்கள் பலர் கலந்து கொண்டனர்.
 

]]>
https://www.dinamani.com/all-editions/edition-trichy/karur/2019/mar/17/வேட்புமனு-வேட்பாளருடன்-4-பேருக்கு-மட்டுமே-அனுமதி-3115461.html
3115460 திருச்சி கரூர் விஷம் குடித்து தொழிலாளி தற்கொலை DIN DIN Sunday, March 17, 2019 03:33 AM +0530
கரூர் மாவட்டம் கிருஷ்ணராயபுரம் அருகே நோய்க் கொடுமையால்  தொழிலாளி விஷம் குடித்து தற்கொலை செய்து கொண்டார்.
கிருஷ்ணராயபுரம் அடுத்த சரவணபுரத்தைச் சேர்ந்தவர் துரைராஜ்(67). தொழிலாளி. இவர், கடந்த சில ஆண்டுகளாக சர்க்கரை நோயால் அவதிப்பட்டு வந்துள்ளார். நோய்க்கு பல இடங்களில் சிகிச்சை பெற்றும் குணமாகாததால் வாழ்வில் விரக்தியடைந்த அவர் வெள்ளிக்கிழமை இரவு வீட்டில் விஷம் குடித்து தற்கொலை செய்து கொண்டார். இதுகுறித்து லாலாப்பேட்டை போலீஸார் வழக்கு பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/17/விஷம்-குடித்து-தொழிலாளி-தற்கொலை-3115460.html
3115459 திருச்சி கரூர் கரூரில் மாவட்ட காங்கிரஸ் நிர்வாகிகள் ஆலோசனைக்கூட்டம் DIN DIN Sunday, March 17, 2019 03:33 AM +0530
கரூரில் மாவட்ட காங்கிரஸ் நிர்வாகிகள் ஆலோசனை க் கூட்டம் சனிக்கிழமை கட்சி அலுவலகத்தில் நடைபெற்றது. கூட்டத்திற்கு, முன்னாள் சட்டப்பேரவை உறுப்பினர் வெள்ளியணை ராமநாதன் தலைமை வகித்து சிறப்புரையாற்றினார். கூட்டத்தில், மாநில பொதுக்குழு உறுப்பினர் கே. சுப்பன், மாவட்டச் செயலாளர்கள் எஸ்சி. அங்கமுத்து, பி. கண்ணன், மாவட்ட நெசவாளர் அணி தலைவர் பழனிசாமி உள்ளிட்டோர் முன்னிலை வகித்தனர். கூட்டத்தில், மாவட்ட துணைத் தலைவர் சின்னையன் வரவேற்றார்.
கூட்டத்தில், வரும் மக்களவைத் தேர்தலில் கரூர் தொகுதியை காங்கிரஸ் கட்சிக்கு பெற்றுத்தந்த கட்சியின் தலைவர் ராகுல் காந்திக்கு நன்றி தெரிவிப்பது, இந்தத் தேர்தலில் கரூர் மக்களவைத் தொகுதி காங்கிரஸ் வேட்பாளராக மக்களிடம் நன்கு அறிமுகம் உள்ள கட்சியின் முன்னாள் மாவட்டத் தலைவரும், அகில இந்திய காங். கமிட்டி உறுப்பினருமான பேங்க் கே. சுப்ரமணியனுக்கு போட்டியிட கட்சியின் தலைவர் ராகுல்காந்தி வாய்ப்பு வழங்க வேண்டும் எனக் கேட்டுக்கொள்வது என்பன உள்ளிட்ட தீர்மானங்கள் நிறைவேற்றப்பட்டன. 
கூட்டத்தில், தாந்தோணி வட்டாரத்தலைவர் ஜிபிஎம்.மனோகரன், குளித்தலை வட்டாரத் தலைவர் சீத.ஆறுமுகம், மாநில மகளிர் காங். செயலாளர் மணிமேகலை உள்ளிட்ட கட்சியினர் திரளாகப் பங்கேற்றனர்.
 

]]>
https://www.dinamani.com/all-editions/edition-trichy/karur/2019/mar/17/கரூரில்-மாவட்ட-காங்கிரஸ்-நிர்வாகிகள்-ஆலோசனைக்கூட்டம்-3115459.html
3115458 திருச்சி கரூர் ஆர்ப்பாட்டம்: மார்க்சிஸ்ட்   கம்யூ. நிர்வாகிகள் மீது வழக்கு DIN DIN Sunday, March 17, 2019 03:33 AM +0530
பொள்ளாச்சி சம்பவத்தைக் கண்டித்து குளித்தலையில் தடையை மீறி ஆர்ப்பாட்டத்தில் ஈடுபட்டதாக மார்க்சிஸ்ட் கம்யூ. நிர்வாகிகள் மீது போலீஸார் சனிக்கிழமை வழக்குப் பதிவு செய்தனர். 
        பொள்ளாச்சியில் பாலியல் வன்முறை சம்பவத்தில் ஈடுபட்ட திருநாவுக்கரசு உள்ளிட்டவர்களுக்கு கடுமையான தண்டனை வழங்க வேண்டும் என கரூர் மாவட்டம் குளித்தலையில் மார்க்சிஸ்ட் கம்யூனிஸ்ட் கட்சி சார்பில் ஒன்றியச் செயலாளர் இளங்கோவன்(58) என்பவர் தலைமையில் வெள்ளிக்கிழமை மாலை காந்தி சிலை முன்பு ஆர்ப்பாட்டம் நடைபெற்றது. 
இந்த ஆர்ப்பாட்டம் தடையை மீறி ஈடுபட்டதாக ஒன்றியச் செயலாளர் இளங்கோவன் உள்ளிட்ட 21 பேர் மீது குளித்தலை போலீஸார் வழக்குப் பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/17/ஆர்ப்பாட்டம்-மார்க்சிஸ்ட்---கம்யூ-நிர்வாகிகள்-மீது-வழக்கு-3115458.html
3115457 திருச்சி கரூர் கரூர் அருகே கூலித் தொழிலாளிதூக்கிட்டு தற்கொலை DIN DIN Sunday, March 17, 2019 03:33 AM +0530
மது போதைக்கு அடிமையானவர் வீட்டில் தூக்கிட்டு தற்கொலை செய்துகொண்டார்.
 கரூர் திருமாநிலையூரைச் சேர்ந்தவர் உதயகுமார்(44). கூலித்தொழிலாளி. இவர் கடந்த சில ஆண்டுகளாக மதுபோதைக்கு அடிமையானராம். 
இதனால் மது போதையை மறக்க பல்வேறு இடங்களில் சிகிச்சை பெற்றும் மறக்க முடியாமல் அவதியுற்ற அவர் வாழ்வில் விரக்தியடைந்து வெள்ளிக்கிழமை இரவு வீட்டில் தூக்கிட்டு தற்கொலை செய்து கொண்டார். இதுகுறித்து பசுபதிபாளையம் போலீஸார் வழக்கு பதிந்து விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/17/கரூர்-அருகே-கூலித்-தொழிலாளிதூக்கிட்டு-தற்கொலை-3115457.html
3115456 திருச்சி கரூர் தன்னம்பிக்கை, ஈடுபாடு, விருப்பம் இருந்தால் இலக்கை அடையலாம் DIN DIN Sunday, March 17, 2019 03:32 AM +0530
 தன்னம்பிக்கை, ஈடுபாடு, பிடித்த விஷயத்துடன் செயலைச் செய்தல் ஆகிய மூன்றும் ஒரே நேர்கோட்டில் அமையும்போது நினைத்த இலக்கை எளிதில் அடைய முடியும் என்றார் பெங்களூரு விர்டூஸா மென்பொருள் நிறுவனத்தின் மனிதவள முதுநிலை இயக்குநர் சந்திரசேகர் சென்னியப்பன்.
கரூர் தளவாபாளையம் எம்.குமாராசாமி பொறியியல் கல்லூரியில் சனிக்கிழமை நடைபெற்ற 15 ஆவது பட்டமளிப்பு விழாவில் சிறப்பு விருந்தினராகப் பங்கேற்று 812 மாணவ, மாணவிகளுக்கு பட்டங்களை வழங்கி மேலும் அவர் பேசியது: 
தாயின் கருவறையில் இருந்து வெளியே வந்தது போல புதிய உலகத்திற்கு வந்துள்ளீர்கள்.  நிறையபேர் சொந்த ஊரை விட்டு வெளியூர் சென்று பணியாற்றுவீர்கள்.  வெளியூர் சென்றுள்ள உங்களுக்கு சுதந்திரம் கிடைத்துள்ளது. இந்த சுதந்திரத்தை நல்லவிதமாக முழுமையாக பயன்படுத்திக் கொள்ளுங்கள். ஒருவரின் வாழ்வின் வெற்றிக்கு தன்னம்பிக்கை முதலில் அவசியம்.  பிடித்த விஷயத்தை மட்டும் விரும்பி செய்யும்போது அதில் ஈடுபாடு தானாக கிடைக்கும். ஈடுபாட்டுடன் ஒரு செயலை செய்யும்போது நல்ல பலன் எளிதில் கிடைக்கும். தன்னம்பிக்கை, ஈடுபாடு, பிடித்த விஷயத்துடன் செயலைச் செய்தல் ஆகிய மூன்றும் ஒரே நேர்கோட்டில் அமையும்போது நினைத்த இலக்கை எளிதில் அடைய முடியும். வாழ்வில் பணம் ஒரு பகுதிதான். பணத்தை மட்டும் வாழ்வில் இலக்காக நகர்ந்து சென்றால் நாம் சந்தோஷத்தை இழந்து விடுவோம். வெற்றி என்பது சந்தோஷத்தில்தான் கிடைக்கிறது. 
புதுப்புது விஷயங்களை நாள்தோறும் கற்றுக்கொண்டே இருக்க வேண்டும் என்ற உந்துதல் எப்போதும் எண்ண ஓட்டத்தில் இருந்துகொண்டே இருக்க வேண்டும். அப்போதுதான் அந்நிறுவனம் உங்களை திரும்பிப்பார்க்கும்.  திறமைகளை வளர்த்துக்கொள்ள பொறுமை மிகவும் அவசியம்.
மன வலிமை, உடல்நலம், யோசிக்கும் திறன் இருந்தால் மட்டுமே திறமையானவர்களாக ஜொலிக்க முடியும்.  நல்ல முறையில் செல்வம் ஈட்டினால் மட்டும்போதாது. அந்த செல்வத்தினால் சமூகத்திற்கும், உங்களது குடும்பத்திற்கும் நல்ல முறையில் பயன்படக்கூடியதாக இருக்க வேண்டும்.  பெற்றோர்களை முதியோர் இல்லத்திற்கு அனுப்பிவிடாதீர்கள். இந்த சமூகத்திற்கும், நாட்டுக்கும் உங்களால் என்ன செய்ய முடியுமோ அதை இயன்ற அளவு செய்யுங்கள் என்றார்.
விழாவிற்கு கல்லூரியின் தலைவர் எம்.குமாரசாமி தலைமை வகித்தார். கல்லூரி முதல்வர் என்.ரமேஷ்பாபு வரவேற்றார். 
கல்லூரியின் செயலர் கே. ராமகிருஷ்ணன், அறங்காவலர் விஜயா ராமகிருஷ்ணன், நிர்வாக இயக்குநர் எஸ்.குப்புசாமி உள்ளிட்டோர் முன்னிலை வகித்தனர். விழாவில் கல்லூரி மாணவ, மாணவிகள், பேராசிரியர்கள், பெற்றோர்கள் உள்ளிட்டோர் திரளாகப் பங்கேற்றனர்.
 

]]>
https://www.dinamani.com/all-editions/edition-trichy/karur/2019/mar/17/தன்னம்பிக்கை-ஈடுபாடு-விருப்பம்-இருந்தால்-இலக்கை-அடையலாம்-3115456.html
3115455 திருச்சி கரூர் திருநங்கைககள், நரிக்குறவர்களுக்கு வாக்குப்பதிவு தணிக்கை இயந்திர செயல்பாடு விளக்கம் DIN DIN Sunday, March 17, 2019 03:32 AM +0530
கிருஷ்ணராயபுரம் சட்டப்பேரவை தொகுதியில் திருநங்கைகள் மற்றும் நரிக்குறவர்களுக்கு வாக்காளர் வாக்குப்பதிவு தணிக்கை இயந்திரம் குறித்த செயல்விளக்க முகாம் சனிக்கிழமை நடைபெற்றது.
வரும் மக்களவைப் பொதுத்தேர்தலில் அனைத்து வாக்குச்சவாடி மையங்களிலும், வாக்காளர்கள் யாருக்கு வாக்களித்தார்கள் என்பதை அவர்களுக்கு மட்டும் தெரிவிக்கும் வகையில் உருவாக்கப்பட்டுள்ள வாக்காளர் வாக்குப்பதிவு தணிக்கை இயந்திரம் பயன்படுத்தப்பட உள்ளது.
எனவே, வாக்காளர்களுக்கு இந்த இயந்திரத்தின் பயன்பாடு குறித்து  அனைத்துப் பகுதிகளிலும் விளக்கப்பட்டு வருகின்றது. அதனடிப்படையில் கிருஷ்ணராயபுரம் சட்டப்பேரவைத் தொகுதிக்குட்பட்ட மணவாசி ஊராட்சியில் உள்ள திருநங்கைகளுக்கும், திருக்காம்புலியூர் பகுதியில் உள்ள நரிக்குறவர் இனத்தைச் சேர்ந்தவர்களுக்கும் வாக்காளர் வாக்குப்பதிவு தணிக்கை இயந்திரம் செயல்படும் விதம் குறித்து செயல்விளக்க முகாம் சனிக்கிழமை நடைபெற்றது.  
இதில் கிருஷ்ணராயபுரம் சமூகப் பாதுகாப்புத் திட்ட வட்டாட்சியர் சேகர், பறக்கும் படை வட்டாட்சியர் வித்யாவதி ஆகியோர் மாதிரி வாக்குப்பதிவு இயந்திரங்கள் மூலம் செயல்விளக்கம் செய்து காண்பித்தனர். பின்னர், அவர்களிடம்   இந்தியத் தேர்தல் ஆணையம் 
இ-யஐஎஐக என்ற புதிய செயலியில் வாக்காளருக்கு பணம், பொருள் பட்டுவாடா உள்ளிட்ட தேர்தல் விதிமீறல்கள் நடப்பதை விடியோவாக பதிவிட்டால் 100 நிமிடங்களுக்குள் நடவடிக்கை எடுக்கப்படும்   எனத் தெரிவித்தனர்.

]]>
https://www.dinamani.com/all-editions/edition-trichy/karur/2019/mar/17/திருநங்கைககள்-நரிக்குறவர்களுக்கு-வாக்குப்பதிவு-தணிக்கை-இயந்திர-செயல்பாடு-விளக்கம்-3115455.html
3114895 திருச்சி கரூர் கார்-வேன் மோதல்: முதியவர் சாவு, 4 பேர் காயம் DIN DIN Saturday, March 16, 2019 09:57 AM +0530 கரூர் அருகே கார் மீது வேன் மோதியதில் முதியவர் உயிரிழந்தார். மேலும் 4 பேர் காயமடைந்தனர்.
தஞ்சை மாவட்டம், திருமால்குடியைச் சேர்ந்தவர் முகமதுஆரீப்(65). இவர் தனது காரில் மனைவி மெகரூனிஷா(62),  மகன் சாகுல்அமீது(34), மகள் ரெகனாபர்வீன்(36) ஆகியோருடன் வியாழக்கிழமை இரவு கோவைக்குகாரில் சென்றார்.இந்த காரை  இவரது உறவினர் பாபநாசம் சாதிக்பாட்ஷா (44)  ஓட்டிச் சென்றார்.
இவர்கள் சென்ற கார்  கரூர்-கோவைச்சாலையில் மொச்சக்கொட்டாம்பாளையம் பகுதியில் சென்ற போது, எதிரில் கோவையிலிருந்து கரூர் நோக்கி வந்த வேன் மோதியது. இதில் நிகழ்விடத்திலேயே முகமது ஆரீப் உயிரிழந்தார். மெகரூனிஷா உள்பட 4 பேரும் பலத்த காயமடைந்து கரூர் தனியார் மருத்துவமனையில் அனுமதிக்கப்பட்டனர். இதுகுறித்து கரூர் நகரக் காவல் நிலையத்தினர் வழக்குப்பதிந்து, திண்டுக்கல் மாவட்டம், டி. கூடலூரைச் சேர்ந்த வேன் ஓட்டுநர் ரமேஷ்குமாரைத் தேடி வருகின்றனர்.

]]>
https://www.dinamani.com/all-editions/edition-trichy/karur/2019/mar/16/கார்-வேன்-மோதல்-முதியவர்-சாவு-4-பேர்-காயம்-3114895.html
3114894 திருச்சி கரூர் கரூர், குளித்தலையில் மார்க்சிஸ்ட் கம்யூனிஸ்ட் ஆர்ப்பாட்டம் DIN DIN Saturday, March 16, 2019 09:56 AM +0530 பொள்ளாச்சி பாலியல் வன்முறை சம்பவத்தைக் கண்டித்து,  கரூர் மற்றும் குளித்தலையில் மார்க்சிஸ்ட் கம்யூ.கட்சி சார்பில் கண்டன ஆர்ப்பாட்டம் வெள்ளிக்கிழமை நடைபெற்றது.
கரூர்  பேருந்து நிலைய ரவுண்டானா ஆர்எம்எஸ் அலுவலகம் முன்பு நடைபெற்ற ஆர்ப்பாட்டத்துக்கு, கட்சியின் மாவட்டச் செயலர் கந்தசாமி தலைமை வகித்தார். நிர்வாகிகள் ஜீவானந்தம், ஜோதிபாசு, சக்திவேல், முருகேசன், சண்முகம், கா.கந்தசாமி உள்ளிட்டோர் கண்டன உரையாற்றினர். 
குளித்தலை காந்தி சிலை முன்பு, மார்க்சிஸ்ட் கம்யூ. கட்சி ஒன்றியச் செயலர் இளங்கோவன் தலைமையில் அக்கட்சியினர் ஆர்ப்பாட்டத்தில் ஈடுபட்டனர்.  
குற்றவாளிகளைக் கைது செய்யக் கோரி முழக்கங்கள் எழுப்பப்பட்டன.

]]>
https://www.dinamani.com/all-editions/edition-trichy/karur/2019/mar/16/கரூர்-குளித்தலையில்-மார்க்சிஸ்ட்-கம்யூனிஸ்ட்-ஆர்ப்பாட்டம்-3114894.html
3114893 திருச்சி கரூர் 72 வயது முதியவருக்கு சிறுநீர்பை  புற்றுநோய் கட்டியை அகற்றி சாதனை DIN DIN Saturday, March 16, 2019 09:56 AM +0530 கரூர் பசுபதிபாளையத்தைச் சேர்ந்தவர் லாரி ஓட்டுநர் பெரியசாமி(72). கடந்த மூன்று மாதங்களாக சிறுநீரில் ரத்தக்கசிவு மற்றும் சிறுநீர் பாதையில் அடைப்பு ஏற்பட்டதால் அவதிப்பட்டு வந்த இவர்,  கரூர் அப்பல்லோ மருத்துவமனையில் அனுமதிக்கப்பட்டார்.
அவருக்கு மருத்துவர்கள் பரிசோதனை செய்தபோது, அவருக்கு சிறுநீர் பையில் புற்றுநோய் இருப்பது தெரியவந்தது. இதையடுத்து அவருக்கு முதல்வரின் விரிவான மருத்துவக் காப்பீடு திட்டத்தில் அறுவைச் சிகிச்சை செய்யப்பட்டு புற்றுநோய் கட்டி அகற்றப்பட்டது. இதுகுறித்து மருத்துவமனையின் மதுரை மண்டல தலைமை செயல் அதிகாரி மருத்துவர் ரோகினிஸ்ரீதர், தலைமை மருத்துவ நிர்வாகி டாக்டர் ஸ்ரீதர் மற்றும் மருத்துவர் எஸ்.விஜயசங்கர் ஆகியோர் வெள்ளிக்கிழமை கூறுகையில், இதுபோன்ற அறுவைச்சிகிச்சை சென்னை, கோவை போன்ற பெருநகரங்களில் மட்டுமே செய்யப்படும். ஆனால் இப்போது கரூர் அப்போலோ மருத்துவமனையில் முதல்வரின் மருத்துவக் காப்பீடு திட்டத்தில் முற்றிலும் இலவசமாக செய்துள்ளோம் என்றனர்.

]]>
https://www.dinamani.com/all-editions/edition-trichy/karur/2019/mar/16/72-வயது-முதியவருக்கு-சிறுநீர்பை--புற்றுநோய்-கட்டியை-அகற்றி-சாதனை-3114893.html
3114892 திருச்சி கரூர் வீடின்றி தவித்த முதியவரின் குடும்பத்திற்கு வீடுகட்ட உடனடி நடவடிக்கை DIN DIN Saturday, March 16, 2019 09:56 AM +0530 மனநலன் குன்றிய மனைவி, மகளுடன் குடியிருக்க வீடு இன்றி தவித்த, முதியவரின் குடும்பத்துக்கு வீடு கட்ட மாவட்ட வருவாய் அலுவலர் ச. சூர்யபிரகாஷ் உடனடி நடவடிக்கை எடுத்துள்ளார்.
கரூர் மாவட்டம், கடவூர் வட்டம், பாரப்பட்டி கிராமத்தைச் சேர்ந்தவர் கூலித் தொழிலாளி பிச்சை (60). இவரது மனைவி பூரணம் (52), மகள் இந்திராணி (27).  இவர்களில்  பிறக்கும் போதே இந்திராணி மனநலன் குன்றி பிறந்துள்ளார். கடந்த 10 ஆண்டுகளுக்கு  காய்ச்சல் பாதிப்பு ஏற்பட்டதால் பூரணமும் மனநலன் குன்றியவராக மாறினார்.
கூலி வேலைக்குச் சென்று வந்த பிச்சை, மனைவி மற்றும் மகளைப் பராமரிப்பதற்காக கடந்த 10ஆண்டுகளுக்கு முன்பே வேலைக்குச் செல்வதை நிறுத்திக் கொண்டார். ரேஷன் அரிசி வாங்கும் இவர்,   சாம்பார் போன்றவற்றை ஊர்மக்களிடம் வாங்கி பயன்படுத்துவராம். மேலும், குடிசையும் மிகவும் மோசமான நிலையில் இருந்தது.
இவரது நிலையைக் கண்ட பாரப்பட்டி தொடக்கப்பள்ளித் தலைமையாசிரியர் க. அய்யாசாமி, இதுகுறித்து மாவட்ட வருவாய் அலுவலர் ச. சூர்யபிரகாஷிடம் குடும்ப விவரத்தை தெரிவித்துள்ளார். இதைத் தொடர்ந்து குளித்தலை கோட்டாட்சியர் எம். லியாகத் ஆய்வு செய்ததில்  விவரம் உண்மைத் தெரிய வந்தது. இதையடுத்து பிச்சைக்கு முதியோர் உதவித்தொகைக்கான ஆணையை வழங்கிய மாவட்ட வருவாய் அலுவலர் ச. சூர்யபிரகாஷ், பசுமைவீடுகள் திட்டத்தின் கீழ், ரூ.2.10 லட்சத்தில் வீடுகட்டுவதற்கான ஆணையையும் அண்மையில் வழங்கினர். இதைத் தொடர்ந்துபூமி பூஜையும் அண்மையில் நடைபெற்றது. மாவட்ட வருவாய் அலுவலரின் இந்த நடவடிக்கைக்கு பொதுமக்கள் பாராட்டுத் தெரிவித்தனர்.

]]>
https://www.dinamani.com/all-editions/edition-trichy/karur/2019/mar/16/வீடின்றி-தவித்த-முதியவரின்-குடும்பத்திற்கு-வீடுகட்ட-உடனடி-நடவடிக்கை-3114892.html
3114891 திருச்சி கரூர் சமவேலைக்கு சம ஊதியம் வழங்க வலியுறுத்தல் DIN DIN Saturday, March 16, 2019 09:55 AM +0530 சமவேலைக்கு சம ஊதியம் வழங்க வேண்டும் என்று 108 ஆம்புலன்ஸ் தொழிலாளர்கள் சங்கம் வலியுறுத்தியுள்ளது.
கரூரில் வெள்ளிக்கிழமை நடைபெற்ற இந்த சங்கத்தின் கோவை மண்டல மாநாட்டுக்கு கரூர் மாவட்டத் தலைவர் சிட்டிபாபு தலைமை வகித்தார். செயலர் லிங்கேசுவரன் முன்னிலை வகித்தார்.
மாநிலப் பொதுச் செயலர் ராஜேந்திரன்,  துணைத்தலைவர் சிவக்குமார், துணைப்பொதுச் செயலர் பிரேம்குமார்  உள்ளிட்டோர் சங்கச் செயல்பாடுகளை விளக்கிப் பேசினர். தென்னிந்திய பொதுச் செயலர் ஆனந்தன் சிறப்புரையாற்றினார்.   
அரசு ஊழியர் சங்க மாநிலச் செயலர் சுப்ரமணி, அரசு ஊழியர் செவிலியர் சங்க மாநில பொறுப்பாளர் நல்லம்மாள், பட்டாசுத்தொழிலாளர் சங்க மாநிலத்தலைவர் தங்கராசு ஆகியோர் வாழ்த்திப்பேசினர்
சங்கத்தின் மாநிலத் துணைத்தலைவர் கோமதி, துணைப்பொதுச் செயலர் குணசேகரன்  மாநாட்டு தீர்மானங்களை வாசித்தனர். மாநாட்டில் கோவை மண்டல நிர்வாகிகள் தேர்வு செய்யப்பட்டனர். மத்திய, மாநில அரசுகள் தொழிலாளர்களின் விரோதப்போக்கை கைவிட வேண்டும், சம வேலைக்கு சம ஊதியம் வழங்க வேண்டும், பொதுமக்கள் நல்லுறவு கமிட்டி அமைக்க வேண்டும் என்பன உள்ளிட்ட தீர்மானங்கள் மாநாட்டில் நிறைவேற்றப்பட்டன.


 

]]>
https://www.dinamani.com/all-editions/edition-trichy/karur/2019/mar/16/சமவேலைக்கு-சம-ஊதியம்-வழங்க-வலியுறுத்தல்-3114891.html
3114890 திருச்சி கரூர் விபத்தில் தொழிலாளி சாவு DIN DIN Saturday, March 16, 2019 09:55 AM +0530 சிந்தாமணிப்பட்டி அருகே  மொபெட் மீது அடையாளம் தெரியாத  வாகனம் மோதியதில் கூலித்தொழிலாளி உயிரிழந்தார்.
கரூர் மாவட்டம் கடவூரையடுத்த குருணிகுளத்துப்பட்டியைச் சேர்ந்தவர் கூலித் தொழிலாளி மோகன்ராஜ்(36). வியாழக்கிழமை இரவு தனது மொபெட்டில் பாளையம்-தோகைமலை சாலையில் சீதப்பட்டி என்ற இடத்தில் மோகன்ராஜ் சென்றபோது எதிரே வந்த அடையாளம் தெரியாத வாகனம் மோதியது.  இதில் பலத்த காயமடைந்த அவரை, அக்கம்பக்கத்தினர் மீட்டு மணப்பாறை அரசு மருத்துவமனைக்கு கொண்டு சென்றனர். ஆனால் வழியிலேயே அவர் உயிரிழந்தார். தோகைமலை போலீஸார் வழக்குப்பதிந்து 
விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/16/விபத்தில்-தொழிலாளி-சாவு-3114890.html
3114889 திருச்சி கரூர் குளித்தலை அருகே  வாகனச் சோதனையில் ரூ.1 லட்சம் பறிமுதல் DIN DIN Saturday, March 16, 2019 09:55 AM +0530 குளித்தலை அருகே தேர்தல் பறக்கும்படையினர் நடத்திய வாகனச் சோதனையில் ரூ.1 லட்சம் பறிமுதல் செய்யப்பட்டது.
கரூர் மாவட்டம் ,குளித்தலை  அருகிலுள்ள மயிலாடியில்  தேர்தல் பறக்கும் படை அலுவலர் குமார் தலைமையில், சிறப்பு காவல் உதவி ஆய்வாளர் கருப்பண்ணன் மற்றும் காவலர்கள் வெள்ளிக்கிழமை வாகனச் சோதனையில் ஈடுபட்டனர்.
அப்போது அவ்வழியே வந்த லாரியை சோதனையிட்ட போது, நாமக்கல்லில் இருந்து காரைக்குடிக்கு முட்டை ஏற்றிச் சென்று அங்கு விற்பனை செய்த பணம் ரூ. 1லட்சம் விற்பனை பிரதிநிதி சக்திவேலிடம் ஆவணம் இன்றி இருப்பது தெரிய வந்தது. 
இதையடுத்து பணத்தை பறிமுதல் செய்த பறக்கும்படை குழுவினர் குளித்தலை கோட்டாட்சியரும், உதவி தேர்தல் நடத்தும் அலுவலருமான லியாகத்திடம் ஒப்படைத்தனர்.

]]>
https://www.dinamani.com/all-editions/edition-trichy/karur/2019/mar/16/குளித்தலை-அருகே--வாகனச்-சோதனையில்-ரூ1-லட்சம்-பறிமுதல்-3114889.html
3114888 திருச்சி கரூர் மாவட்டத்தில் 1.86 லட்சம் கால்நடைகளுக்கு கோமாரி நோய் தடுப்பூசி DIN DIN Saturday, March 16, 2019 09:54 AM +0530 கரூர் மாவட்டத்தில் 1.86 லட்சம் கால்நடைகளுக்கு கோமாரி நோய் தடுப்பூசி போடப்படும் என்றார் மாவட்ட ஆட்சியர் த. அன்பழகன்.
வெள்ளியணை அருகிலுள்ள செல்லாண்டிப்பட்டியில் வெள்ளிக்கிழமை நடைபெற்ற நிகழ்வில், 16 ஆவது சுற்றாக கோமாரி நோய் தடுப்பூசி போடும் பணியைத் தொடக்கி வைத்த பின்னர், அவர் மேலும் கூறியது:
மாவட்டத்திலுள்ள அனைத்து பசு மற்றும் எருமைகளுக்கு, ஆண்டுக்கு இருமுறையாக மார்ச் மற்றும் செப்டம்பர் மாதங்களில் கோமாரி நோய் தடுப்பூசி போடப்பட்டு வருகிறது. இதுவரை 15 சுற்றுகள் நிறைவடைந்துள்ளன.
இதைத் தொடர்ந்து, 16 ஆவது சுற்றாக தடுப்பூசி போடும் பணி மார்ச் 15ஆம் தேதி தொடங்கி ஏப்ரல் 4 ஆம் தேதி வரை நடைபெறஉள்ளது. மாவட்டத்தில் 1,86,550 கால்நடைகளுக்குத் தடுப்பூசி போடதிட்டமிட்டு, அதற்கான பணிகள் நடைபெற்று வருகின்றன. இப்பணிக்கு 1.91 லட்சம் மருந்துகள், சிரிஞ்சுகள், ஊசிகள் கொள்முதல் செய்யப்பட்டு தயார் நிலையில் வைக்கப்பட்டுள்ளன. மாவட்டத்தில் உள்ள கால்நடைகளுக்கு 100 சதவிகிதம் தடுப்பூசி போட நடவடிக்கை மேற்கொள்ளப்பட்டு வருகிறது.
விடுபட்ட கால்நடைகளுக்கு ஏப்.5-ம்தேதி முதல் 11-ம்தேதி வரை தடுப்பூசி போடப்படும் என்றார் ஆட்சியர்.
நிகழ்வில், கால்நடைப் பராமரிப்புத்துறை மண்டல இணை இயக்குநர் மருத்துவர் கோபால்சுவாமி, துணை இயக்குநர் மணிமாறன், உதவி மருத்துவர்கள் மோகன்ராஜ்,  ஜெகதீசன், ரேவதி உள்ளிட்டோர் பங்கேற்றனர்.  
 

]]>
https://www.dinamani.com/all-editions/edition-trichy/karur/2019/mar/16/மாவட்டத்தில்-186-லட்சம்-கால்நடைகளுக்கு-கோமாரி-நோய்-தடுப்பூசி-3114888.html
3114887 திருச்சி கரூர் கரூர், குளித்தலையில் மார்க்சிஸ்ட் கம்யூனிஸ்ட் ஆர்ப்பாட்டம் DIN DIN Saturday, March 16, 2019 09:54 AM +0530 பொள்ளாச்சி பாலியல் வன்முறை சம்பவத்தைக் கண்டித்து,  கரூர் மற்றும் குளித்தலையில் மார்க்சிஸ்ட் கம்யூ.கட்சி சார்பில் கண்டன ஆர்ப்பாட்டம் வெள்ளிக்கிழமை நடைபெற்றது.
கரூர்  பேருந்து நிலைய ரவுண்டானா ஆர்எம்எஸ் அலுவலகம் முன்பு நடைபெற்ற ஆர்ப்பாட்டத்துக்கு, கட்சியின் மாவட்டச் செயலர் கந்தசாமி தலைமை வகித்தார். நிர்வாகிகள் ஜீவானந்தம், ஜோதிபாசு, சக்திவேல், முருகேசன், சண்முகம், கா.கந்தசாமி உள்ளிட்டோர் கண்டன உரையாற்றினர். 
குளித்தலை காந்தி சிலை முன்பு, மார்க்சிஸ்ட் கம்யூ. கட்சி ஒன்றியச் செயலர் இளங்கோவன் தலைமையில் அக்கட்சியினர் ஆர்ப்பாட்டத்தில் ஈடுபட்டனர்.  
குற்றவாளிகளைக் கைது செய்யக் கோரி முழக்கங்கள் எழுப்பப்பட்டன.
 

]]>
https://www.dinamani.com/all-editions/edition-trichy/karur/2019/mar/16/கரூர்-குளித்தலையில்-மார்க்சிஸ்ட்-கம்யூனிஸ்ட்-ஆர்ப்பாட்டம்-3114887.html
3114886 திருச்சி கரூர் சுவரொட்டி விளம்பரங்களில் சட்டவிதிகளை மீறும் அச்சகங்களுக்கு உரிமம் ரத்து DIN DIN Saturday, March 16, 2019 09:54 AM +0530 சுவரொட்டி விளம்பரங்களில் தேர்தல் ஆணையத்தின் சட்டவிதிகளை மீறும் அச்சகங்களின் உரிமம் ரத்து செய்யப்படும் என்று தேர்தல் நடத்தும் அலுவலரும், ஆட்சியருமான த.அன்பழகன் தெரிவித்துள்ளார். 
கரூர் மாவட்ட ஆட்சியரகத்தில்  தேர்தல் நடத்தை விதிமுறைகள்குறித்து அச்சக உரிமையாளர்களுடன் வெள்ளிக்கிழமை நடைபெற்ற ஆலோசனைக் கூட்டத்துக்குத் தலைமை வகித்து, மேலும் அவர் பேசியது:
 தேர்தல் நடத்தை விதிமுறைகள் அமலில் உள்ளதால், அச்சக உரிமையாளர்கள்  ஆணையத்தின் அறிவுரைகளின்படியும், விதிமுறைகளைப்பின்பற்றியும் நடக்க வேண்டும்.
தேர்தல் தொடர்பான சுவரொட்டி விளம்பரங்களில் அச்சகத்தின் உரிமையாளர்,  வெளியிடுபவரின் பெயர், முகவரி, தொடர்பு எண் ஆகியவற்றை கண்டிப்பாக அச்சடிக்க வேண்டும். அவ்வாறான விளம்பரங்கள், அறிவிப்புகள் அச்சடித்த மூன்று நாள்களுக்குள், 4 பிரதிகளுடன் தேர்தல் நடத்தும் அலுவலரிடம் சமர்ப்பிக்க வேண்டும். 
மேலும், சட்டப்பிரிவு 127 ஏ (2)ன் கீழ்  வெளியிடுபவர் கொடுத்த உறுதிமொழி  நகலினை மாவட்ட ஆட்சியருக்கு அனுப்பி வைக்க வேண்டும்.
இந்த சட்டவிதிகளை மீறுவோர் மீது சட்டப்படி நடவடிக்கை எடுக்கப்படும். தேவைப்படின் அச்சக உரிமம் ரத்து செய்யப்படும். தேர்தல் தொடர்பான துண்டுப்பிரசுரம், சுவரொட்டிகளை அச்சடிப்பதற்கு தேர்தல் ஆணையத்தால் வரையறுக்கப்பட்ட படிவத்தில், சம்மந்தப்பட்ட அறிவிப்புகளை வெளியிடுபவரிடமிருந்து கையொப்பம் பெற வேண்டும். 
எத்தனை பிரதிகள் அச்சடிக்கப்பட்டது, செலவு ஆகியவற்றின் விவரங்கள் கண்டிப்பாக படிவத்தில் இடம்பெறவேண்டும். இவ்வாறான தகவல்கள் ஒட்டு மொத்தமாக இல்லாமல், தனித்தனியாக ஒவ்வொரு நிகழ்வாக  சுவரொட்டி, துண்டுப்பிரசுரங்கள் அச்சடிக்கப்பட்டதற்கும் அனுப்பி வைக்கப்பட வேண்டும். 
இந்தச் சட்டத்தை  மீறும் நபர்களுக்கு ஆறு மாத சிறைத் தண்டனையோ  அல்லது  ரூ.2000  அபராதமோ அல்லது இரண்டும் விதிக்கப்படலாம் என்றார் அவர்.
மாவட்ட வருவாய் அலுவலர்கள் ச.சூர்யபிரகாஷ்,  சிவப்பிரியா (நிலமெடுப்பு), கரூர் வருவாய்க் கோட்டாட்சியர் கு.சரவணமூர்த்தி  உள்ளிட்ட அலுவலர்கள்கூட்டத்தில் பங்கேற்றனர். 
 

]]>
https://www.dinamani.com/all-editions/edition-trichy/karur/2019/mar/16/சுவரொட்டி-விளம்பரங்களில்-சட்டவிதிகளை-மீறும்-அச்சகங்களுக்கு-உரிமம்-ரத்து-3114886.html
3114885 திருச்சி கரூர் தேர்தல் புகாரைத் தெரிவிக்க கட்டணமில்லா தொலைபேசி எண் அறிவிப்பு DIN DIN Saturday, March 16, 2019 09:54 AM +0530 கரூர் மாவட்டத்தில் மக்களவைத் தேர்தல் தொடர்பான புகார்களை மற்றொரு கட்டமில்லா தொலைபேசி எண் அறிவிக்கப்பட்டுள்ளது.
கரூர் மாவட்ட ஆட்சியரகத்தில் அமைக்கப்பட்டுள்ள தேர்தல் கட்டுப்பாட்டு அறையினை வெள்ளிக்கிழமை பார்வையிட்ட தேர்தல் நடத்தும் அலுவலரும்,  ஆட்சியருமான த.அன்பழகன் மேலும் கூறியது: மக்களவைத் தேர்தல் தேதி அறிவிக்கப்பட்டு நடத்தை விதிகள் அமலில் உள்ள நிலையில்,  தேர்தல் தொடர்பான புகார்களை தெரிவிக்க 1950 என்ற கட்டணமில்லா தொலைபேசி எண் ஏற்கனவே செயல்பட்டு வருகிறது. மேலும்தேர்தல் கட்டுப்பாட்டு அறையில் கூடுதலாக 18004252507 என்ற கட்டணமில்லா தொலைபேசி வைக்கப்பட்டுள்ளது. எனவே, பொதுமக்கள் தேர்தல் விதிமீறல்கள் தொடர்பாக ஏதேனும் புகார் தெரிவிக்க விரும்பினால் இந்த எண்ணில் தெரிவிக்கலாம். புகார்கள் முறையாக பதிவு செய்யப்பட்டு, தொடர்புடைய அலுவலர்களுக்கு தெரிவிக்கப்பட்டு உடனடியாக நடவடிக்கை எடுக்கப்படும்.
இந்தியத்தேர்தல் ஆணையம் 
இ-யஐஎஐக என்ற புதிய செயலியை அறிமுகப்படுத்தியுள்ளது. இந்த செயலியை அனைவரும் தங்கள் செல்லிடப்பேசியில் பதிவிறக்கம் செய்துகொண்டு, வாக்காளருக்கு பணம்,  பொருள் பட்டுவாடா உள்ளிட்ட தேர்தல் விதிமீறல்கள் நடப்பதை அறிந்தால் அதை இந்த செயலியின் மூலம் வீடியோவாக பதிவிட்டால் 100 நிமிஷங்களுக்குள் நடவடிக்கை எடுக்கப்படும். விரைவில் பறக்கும்படையினர் மற்றம் நிலையான ஆய்வுக்குழுக்களுக்கு வழங்கப்பட்டுள்ள வாகனங்களில் ஜி.பி.எஸ். கருவிகள் பொருத்தப்பட்டு, அந்த வாகனங்களும் இந்தக்கட்டுப்பாட்டு அறையிலிருந்தே கண்காணிக்கப்படும் என்றார். ஆய்வின்போது, மாவட்ட வருவாய் அலுவலர்(நிலமெடுப்பு) சிவப்பிரியா, மாவட்ட ஆட்சியரின் நேர்முக உதவியாளர் (பொது) செல்வசுரபி, தேர்தல் பிரிவு வட்டாட்சியர் சிவக்குமார் உள்ளிட்டோர் உடனிருந்தனர். 

]]>
https://www.dinamani.com/all-editions/edition-trichy/karur/2019/mar/16/தேர்தல்-புகாரைத்-தெரிவிக்க-கட்டணமில்லா-தொலைபேசி-எண்-அறிவிப்பு-3114885.html
3114884 திருச்சி கரூர் தேர்தல் பறக்கும்படை சோதனையில் ரூ.3.52 லட்சம் பறிமுதல் DIN DIN Saturday, March 16, 2019 09:53 AM +0530 கரூர் மாவட்டத்தில் வியாழக்கிழமை இரவு  தேர்தல் பறக்கும் படையினர் நடத்திய சோதனையில்,உரிய ஆவணங்கள் இல்லாமல் எடுத்துச் செல்லப்பட்ட ரூ.3.52 லட்சம் பறிமுதல் செய்யப்பட்டது.
குளித்தலை தொகுதிக்குள்பட்ட மருதூர் சோதனைச்சாவடியில் கூட்டுறவு சார்பதிவாளர் ஆர்.குமார், சிறப்பு காவல் உதவி ஆய்வாளர் கருப்பண்ணன்  உள்ளிட்டோர் அடங்கிய குழுவினர் வியாழக்கிழமை இரவு வாகனச் சோதனை மேற்கொண்டனர்.அப்போது தனியார் பால் நிறுவனத்துக்குச் சொந்தமான வேனில் உரிய ஆவணங்கள் இல்லாமல் எடுத்துச் செல்லப்பட்ட ரூ. 1.92 லட்சம் பறிமுதல் செய்யப்பட்டது.
இதுபோல, கரூர் தொகுதிக்குள்பட்ட வேப்பம்பாளையத்தில் தோட்டக்கலைத் துறை உதவி இயக்குநர் ராஜவேல், சிறப்பு காவல் உதவி ஆய்வாளர் ராமையா உள்ளிட்டோர் அடங்கிய குழுவினர் மேற்கொண்ட வாகனச் சோதனையில், கரூர் செம்படாம்பாளையத்தைச் சேர்ந்த கிரஷர் உரிமையாளர் சிவகுமார் (40) தனது காரில்  உரிய ஆவணங்கள் இல்லாமல் கொண்டு சென்ற ரூ. 1.60 லட்சத்தை பறிமுதல் செய்தனர். இதுகுறித்து தேர்தல் நடத்தும் அலுவலரும்,  மாவட்ட ஆட்சியருமான த.அன்பழகன் வெள்ளிக்கிழமை  கூறியது:
 மக்களவை பொதுத்தேர்தல் நடத்தை விதிமுறைகள் அமலில் உள்ளதால்,உரிய ஆவணங்கள் இன்றி ரூ.50 ஆயிரத்துக்கு மேல்
 பணம் கொண்டு செல்லக்கூடாது.அவ்வாறு கொண்டு செல்பவர்கள் அதற்கான உரிய ஆவணத்தை கையில் வைத்திருக்க வேண்டும் என்று அறிவுறுத்தப்பட்டுள்ளது. மாவட்டத்தில் கண்காணிப்புப் பணிகள் தீவிரப்படுத்தப்பட்டுள்ளன.
உரிய  ஆவணங்களை சம்மந்தப்பட்ட நபர்கள் சமர்ப்பிக்கும் பட்சத்தில்,அவர்களின் தொகை திருப்பி அளிக்கப்படும். இதற்காக மாவட்ட ஊரகவளர்ச்சி முகமைத் திட்ட இயக்குநர் எஸ்.கவிதா தலைமையில் மேல்முறையீட்டுக் குழு அமைக்கப்பட்டுள்ளது என்றார் ஆட்சியர்.
அப்போது, உதவித் தேர்தல் நடத்தும் அலுலர்கள்  கரூர் கு. சரவணமூர்த்தி,  குளித்தலை எம். லியாகத் உள்ளிட்டோர் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/16/தேர்தல்-பறக்கும்படை-சோதனையில்-ரூ352-லட்சம்-பறிமுதல்-3114884.html
3114065 திருச்சி கரூர் டிவி சேனல்களில் கட்சிகளின் விளம்பரங்கள்: ஊடக சான்றளிப்பு, கண்காணிப்பு அறை திறப்பு DIN DIN Friday, March 15, 2019 07:46 AM +0530 மக்களவை பொதுத்தேர்தலில் பத்திரிகைகள் மற்றும் தொலைக்காட்சிகளில் அரசியல் கட்சிகளின் விளம்பரங்கள் ஒளிபரப்பப்படுவதை கண்காணிப்பது உள்ளிட்ட பணிகளை மேற்கொள்ளும் வகையில் "ஊடக சான்றளிப்பு மற்றும் கண்காணிப்புக்குழு' அமைக்கப்பட்டுள்ளது. 
மாவட்ட ஆட்சியர் அலுவலகத்தில் அமைக்கப்பட்டுள்ள இந்த ஊடக சான்றளிப்பு மற்றும் கண்காணிப்பு குழுவினர் பயன்படுத்தவுள்ள அறையின் ஏற்பாடுகளை தேர்தல் நடத்தும் அலுவலரும்,  மாவட்ட ஆட்சியருமான த.அன்பழகன் வியாழக்கிழமை பார்வையிட்டு ஆய்வுசெய்தார். பின்னர் அவர் செய்தியாளர்களிடம் மேலும் கூறியது: 
கரூர் மாவட்ட ஆட்சியர் அலுவலகத்தில் செய்தி மக்கள் தொடர்பு அலுவலகத்திற்கு அருகே  ஊடக சான்றளிப்பு மற்றும் கண்காணிப்புக் குழுவினருக்கான அறையும் , ஊடக மையத்திற்கான அறையும் ஒதுக்கீடு செய்யப்பட்டுள்ளது.  ஊடக சான்றளிப்பு மற்றும் கண்காணிப்புக்குழுவிற்கான அறையில் தொலைக்காட்சிப்பெட்டிகள் வைக்கப்பட்டுள்ளது. இதில் கரூர் மாவட்டத்தில் ஒளிபரப்பாகும் கேபிள் டிவி சேனல்கள் மற்றும் இதர சேனல்களும் 24 மணிநேரமும் சுழற்சி முறையில் அலுவலர்கள் மூலம் கண்காணிக்கப்படும். கேபிள் டி.விக்களில் அரசியல் கட்சியினர் விளம்பரம் செய்ய விரும்பினால் முன்னதாகவே ஊடக சான்றளிப்பு மற்றும் கண்காணிப்புக்குழுவில் அந்த வீடியோவை அளித்து ஒப்புதல் பெற வேண்டும். கேபிள் டிவி சேனல்கள் மற்றும் இதர சேனல்களில் ஒளிபரப்பப்படும் அரசியல் கட்சிகளின் விளம்பரங்கள் ஒவ்வொரு நாளும் எத்தனை முறை ஒளிபரப்பப்படுகின்றது என்பது கணக்கெடுக்கப்பட்டு, கணக்கீட்டுக் குழுவிடம் அறிக்கை சமர்ப்பிக்கப்படும். அதனடிப்படையில் சம்மந்தப்பட்ட வேட்பாளர்களின் செலவுக்கணக்கில் விளம்பரத்திற்கான செலவு சேர்க்கப்படும் என்றார்.
ஆய்வின்போது மாவட்ட வருவாய் அலுவலர்(நிலமெடுப்பு) சிவபிரியா, மாவட்ட ஆட்சியரின் நேர்முக உதவியாளர் (பொது)செல்வசுரபி, தேர்தல் பிரிவு வட்டாட்சியர் சிவக்குமார் மற்றும் பலர் உடனிருந்தனர்.

]]>
https://www.dinamani.com/all-editions/edition-trichy/karur/2019/mar/15/டிவி-சேனல்களில்-கட்சிகளின்-விளம்பரங்கள்-ஊடக-சான்றளிப்பு-கண்காணிப்பு-அறை-திறப்பு-3114065.html
3114064 திருச்சி கரூர் மாயனூரில் தனியார் ஆலை முற்றுகை DIN DIN Friday, March 15, 2019 07:46 AM +0530 கரூர் மாவட்டம், மாயனூரில் தனியார் பேக்கிங் ஆலையைக் கண்டித்து ஆலை ஊழியர்கள் வியாழக்கிழமை முற்றுகையிடும் போராட்டத்தில் ஈடுப்பட்டனர்.
கரூர் மாவட்டம் அரவக்குறிச்சி சட்டப்பேரவைத் தொகுதியின்  முன்னாள் உறுப்பினரும், முன்னாள் கரூர் எம்.பி-யுமான கேசி. பழனிசாமிக்குச் சொந்தமான சாக்குகள் தயாரிக்கும் ஆலை கரூர் அடுத்த மாயனூரில் செயல்பட்டு வருகிறது. இந்த ஆலையில் சுமார் 1000-க்கும் மேற்பட்ட பணியாளர்கள் பணிபுரிந்து வருகிறார்கள். இந்நிலையில், ஆலை ஊழியர்களுக்கு மூன்று மாதங்களாக ஊதியம் வழங்கப்படவில்லை எனக் கூறப்படுகிறது. இதுதொடர்பாக ஆலை நிர்வாகத்திடம் பலமுறை ஊழியர்கள் கேட்டுப்பார்த்தும் வழங்கப்படவில்லையாம். இதனால் ஆத்திரமடைந்த அவர்கள் வியாழக்கிழமை காலை முதல் பிற்பகல் 12 மணி வரை ஆலையை முற்றுகையிடும் போராட்டத்தில் ஈடுபட்டனர். 
இதுகுறித்து தகவல் கிடைத்ததும் மாயனூர் போலீஸார் சம்பவ இடத்திற்குச் சென்று போராட்டத்தில் ஈடுபட்ட தொழிலாளர்களிடம் பேச்சுவார்த்தை நடத்தினர். அப்போது ஒருமாத ஊதியம் உடனே வாங்கிக்கொடுக்கப்படும். மற்ற மாதங்களுக்கான ஊதியம் ஓரிரு நாட்களில் வாங்கித்தருகிறோம் எனக்கூறியதையடுத்து அவர்கள் கலைந்து சென்றனர். ஆலைத்தொழிலாளர்களின் போராட்டத்தினால் அங்கு பரபரப்பு ஏற்பட்டது.
 

]]>
https://www.dinamani.com/all-editions/edition-trichy/karur/2019/mar/15/மாயனூரில்-தனியார்-ஆலை-முற்றுகை-3114064.html
3114063 திருச்சி கரூர் எஸ்.எஸ்.எல்.சி தேர்வு: 12,368 தேர்வர்கள் எழுதினர் DIN DIN Friday, March 15, 2019 07:46 AM +0530 கரூர் மாவட்டத்தில் பத்தாம் வகுப்பு அரசுப் பொதுத்தேர்வினை தனித்தேர்வர்கள் 320 பேர் மற்றும் மாற்றுத்திறனாளிகள் 56 பேர் உள்பட மொத்தம் 12,368 மாணவ, மாணவிகள் தேர்வெழுதினர். 353 பேர் தேர்வு எழுத வரவில்லை.   
  தமிழகம் முழுவதும் பத்தாம் வகுப்புக்கான அரசுப் பொதுத்தேர்வுகள் வியாழக்கிழமை துவங்கியது. அதனைமுன்னிட்டு கரூர் மாவட்டத்தில் பொதுத்தேர்வு நடைபெற்ற மையங்களுள் ஒன்றான சிஎஸ்ஐ ஆண்கள் மேல்நிலைப்பள்ளியில் மாவட்ட ஆட்சியர் த. அன்பழகன் பார்வையிட்டு ஆய்வு செய்தார். 
பின்னர் அவர் செய்தியாளர்களிடம் மேலும் கூறியது: கரூர் மாவட்டத்தில் பத்தாம் வகுப்பு அரசு பொதுத்தேர்வுகள் 53 தேர்வு மையங்களில் வியாழக்கிழமை தொடங்கியது.  மொத்தம் உள்ள 12,721 மாணவ, மாணவிகளில் 12,368 மாணவ, மாணவிகள் தேர்வெழுதினர். 353 பேர் தேர்வு எழுத வரவில்லை.  
தேர்வுப் பணிகளில் பறக்கும் படைகள், வினாத்தாள் கொண்டு செல்லும் குழு, தேர்வு அறை கண்காணிப்பாளர்கள், தேர்வு மைய அலுவலர்கள் என மொத்தம் 1,102 ஆசிரியர்கள் ஈடுபடுத்தப்பட்டுள்ளனர். அனைத்து தேர்வு மையங்களிலும், தேர்வெழுத வரும் மாணவ, மாணவிகளுக்குத் தேவையான அனைத்து அடிப்படை வசதிகளும் மேற்கொள்ளப்பட்டுள்ளது. மேலும், தேர்வு மையங்களுக்கு எளிதில் வந்துசெல்ல போதிய பேருந்து வசதிகளும் மேற்கொள்ளப்பட்டுள்ளது. அனைத்து தேர்வு மையங்களிலும் காவல் துறையினர் பாதுகாப்பு பணியில் ஈடுபடுத்தப்பட்டுள்ளனர் என்றார்.  ஆய்வின்போது மாவட்டக்கல்வி அலுவலர் கபீர் உடனிருந்தார்.

]]>
https://www.dinamani.com/all-editions/edition-trichy/karur/2019/mar/15/எஸ்எஸ்எல்சி-தேர்வு-12368-தேர்வர்கள்-எழுதினர்-3114063.html
3114062 திருச்சி கரூர் அரசுப் பேருந்து ஓட்டுநர் பணிமனை முன்பு தர்னா DIN DIN Friday, March 15, 2019 07:45 AM +0530 பணி அதிகம் அளிப்பதாகக் கூறி அரசுப் பேருந்து ஓட்டுநர் பணிமனை வளாகத்திற்குள் வியாழக்கிழமை தர்னா போராட்டத்தில் ஈடுபட்டார்.
ஈரோடு மாவட்டம் பவானி குட்டைமேடு பகுதியைச் சேர்ந்தவர் குப்புசாமி(46). இவர், கரூர் திருமாநிலையூர் அரசு போக்குவரத்து பணிமனையில் அரசு போக்குவரத்துக் கழகத்தில் திருப்பூர் - திருச்சி வழித்தடப் பேருந்தில் ஓட்டுநராகப் பணியாற்றி வருகிறார். இவருக்கு அடிக்கடி உடல்நலக்குறைவு ஏற்படுமாம். 
இந்நிலையில் தனக்கு இரவு நேரப்பணி அதிகம் தருவதாகவும், விடுமுறையும் தர மறுப்பதாகவும் கூறி, வியாழக்கிழமை காலை  திருமாநிலையூர் அரசு போக்குவரத்து பணிமனை முன் அமர்ந்து தர்னா போராட்டத்தில் ஈடுபட்டார்.
இதுகுறித்து தகவல் கிடைத்ததும் சம்பவ இடத்திற்கு வந்த தாந்தோணிமலை போலீஸார் அவரிடம் பேச்சுவார்த்தை நடத்தி, உயரதிகாரிகளிடம் பேசி இரவு நேர வேலையை பகல் நேரத்தில் வாங்கித் தருவதாகக்கூறி அழைத்துச் சென்றனர். இதையடுத்து அவர் பணிக்குச் சென்றதாகக் கூறப்படுகிறது.
 

]]>
https://www.dinamani.com/all-editions/edition-trichy/karur/2019/mar/15/அரசுப்-பேருந்து-ஓட்டுநர்-பணிமனை-முன்பு-தர்னா-3114062.html
3114061 திருச்சி கரூர் அரசு கலைக் கல்லூரி மாணவர்கள் உள்ளிருப்பு போராட்டம் DIN DIN Friday, March 15, 2019 07:45 AM +0530 பொள்ளாச்சி பாலியல் வன்முறை சம்பவத்தை கண்டித்து கரூர் அரசு கலைக் கல்லூரி மாணவ, மாணவிகள் வியாழக்கிழமை உள்ளிருப்பு போராட்டத்தில் ஈடுப்பட்டனர்.
கோவை மாவட்டம் பொள்ளாச்சியில் முகநூல் மூலம் மாணவிகள், இளம்பெண்களிடம் பழகி அவர்களை ஒரு கும்பல் கூட்டு பாலியல் வன்முறை செய்த சம்பவம் தமிழகம் முழுவதும் பெரும்பரபரப்பை ஏற்படுத்தியுள்ளது. இந்தச் சம்பவத்தில் ஈடுபட்ட நிதிநிறுவன அதிபர் திருநாவுக்கரசு, சபரிராஜன் உள்பட நான்கு பேரைப் போலீஸார் கைது செய்துள்ளனர். இந்தச் சம்பவத்தில் தொடர்புடையவர்கள் மீது கடும் நடவடிக்கை எடுக்க வேண்டும். அவர்களுக்கு கடுமையான தண்டனை வழங்க வேண்டும் என வலியுறுத்தி தமிழகம் முழுவதும் சட்டக் கல்லூரி மாணவர்கள், கலைக் கல்லூரி மாணவர்கள் போராட்டத்தில் ஈடுபட்டு வருகிறார்கள். 
இதையடுத்து கரூரில் அரசு கலைக்கல்லூரி மாணவ, மாணவிகள் வியாழக்கிழமை காலை கோரிக்கை அட்டைகளை ஏந்தி கல்லூரி வளாகத்திற்குள் உள்ளிருப்பு போராட்டத்தில் ஈடுபட்டனர். 
பொள்ளாச்சி சம்பவத்தில் ஈடுபட்டவர்களை நீதிமன்றத்தில் நிறுத்தி, அவர்களுக்கு மரண தண்டனை வழங்க வேண்டும் என்பன உள்ளிட்ட கோஷங்களை எழுப்பினர். இதுகுறித்து தகவலறிந்து வந்த போலீஸார் போராட்டத்தில் ஈடுபட்ட மாணவ, மாணவிகளுடன் பேச்சுவார்த்தை நடத்தியதையடுத்து அவர்கள் கலைந்து வகுப்புகளுக்குச் சென்றனர்.

]]>
https://www.dinamani.com/all-editions/edition-trichy/karur/2019/mar/15/அரசு-கலைக்-கல்லூரி-மாணவர்கள்-உள்ளிருப்பு-போராட்டம்-3114061.html
3114060 திருச்சி கரூர் 20 ஆயிரம் புதிய வாக்காளர்களுக்கு வண்ண புகைப்பட வாக்காளர் அட்டை DIN DIN Friday, March 15, 2019 07:45 AM +0530 கரூர் மாவட்டத்தில் 20,258 புதிய வாக்காளர்களுக்கு வண்ண புகைப்பட வாக்காளர் அட்டை வழங்கப்பட உள்ளது. இந்த வாக்காளர் அடையாள அட்டையை வரும் 22 ஆம் தேதிக்குள் பெறலாம் எனத் தெரிவிக்கப்பட்டுள்ளது.
2019- ஆம் ஆண்டில் நடைபெற்ற வாக்காளர் பட்டியல் சிறப்பு சுருக்க முறைத் திருத்தத்தின்போது புதிதாக வாக்காளர் பட்டியலில் பெயர் சேர்ப்பதற்காக 20,709 விண்ணப்பங்கள் பெறப்பட்டதில், 20,258 விண்ணப்பங்கள் வாக்காளர் பதிவு அலுவலர்களால் ஏற்கப்பட்டன.  இந்த புதிய வாக்காளர்களுக்கு வண்ண புகைப்பட வாக்காளர் அடையாள அட்டைகள்,  தமிழ்நாடு அரசு கேபிள் டிவி நிறுவனம் மூலம் வழங்கப்பட உள்ளது. அதாவது  ஒப்பந்ததாரர்களிடமிருந்து வாக்காளர் அடையாள அட்டைகள் பெறப்பட்டவுடன் வாக்குச் சாவடி நிலை அலுவலர்கள் மூலம் வாக்காளர்களிடமிருந்து ஒப்புகை பெற்று வரும் 22 ஆம் தேதிக்குள் விநியோகிக்கப்பட உள்ளது.  எனவே புதிய வாக்காளர்கள் அருகிலுள்ள தமிழ்நாடு அரசு கேபிள் டிவி நிறுவனத்தின் அரசு இ-சேவை மையத்தை அணுகி உரிய கட்டணமான ரூ.25- செலுத்தி வண்ண புகைப்பட வாக்களார் அடையாள அட்டையைப்  பெற்றுக் கொள்ளலாம் என கரூர் மாவட்ட தேர்தல் அலுவலரும்,  மாவட்ட ஆட்சியருமான த.அன்பழகன் தெரிவித்துள்ளார்.

]]>
https://www.dinamani.com/all-editions/edition-trichy/karur/2019/mar/15/20-ஆயிரம்-புதிய-வாக்காளர்களுக்கு-வண்ண-புகைப்பட-வாக்காளர்-அட்டை-3114060.html
3114059 திருச்சி கரூர் பைக் - ஜீப் மோதல்: இளைஞர்கள் இருவர் சாவு DIN DIN Friday, March 15, 2019 07:44 AM +0530 கரூர் மாவட்டம், புன்னம்சத்திரம் அருகே பைக் மீது ஜீப் மோதியதில் துபாய் நாட்டில் வேலைபார்த்த இளைஞர் உள்பட இருவர் சம்பவ இடத்திலேயே உயிரிழந்தனர். 
திருச்சி மாவட்டம் மணப்பாறை அடுத்த சத்திரப்பட்டியைச் சேர்ந்தவர் செல்லத்துரை மகன் ராமச்சந்திரன் (29). டிப்ளமோ இன்ஜினியரிங் முடித்தவர். துபை நாட்டில் பணியாற்றி வந்துள்ளார். புதன்கிழமை  சொந்த ஊருக்கு வந்துள்ளார். இந்நிலையில், வியாழக்கிழமை காலை தனது பைக்கில் கரூர் வீரராக்கியத்தைச் சேர்ந்த சின்னதுரை மகன் மணிகண்டன்(29) என்ற தனது கல்லூரி நண்பருடன் பைக்கில்  புன்னம்சத்திரம் அருகே உள்ள தண்ணீர்பந்தல் என்ற இடத்தில் சென்றுகொண்டிருந்தபோது, எதிரே வந்த ஜீப் மோதியது. 
இதில் பலத்த காயமடைந்த இருவரும் சம்பவ இடத்திலேயே உயிரிழந்தனர். தகவலறிந்த வேலாயுதம்பாளையம் போலீஸார் சம்பவ இடத்திற்கு வந்து சடலங்களை  கரூர் அரசு மருத்துவமனைக்கு அனுப்பி வைத்தனர். வழக்கு பதிந்து ஜீப் ஓட்டுநரைத் தேடி வருகின்றனர்.

]]>
https://www.dinamani.com/all-editions/edition-trichy/karur/2019/mar/15/பைக்---ஜீப்-மோதல்-இளைஞர்கள்-இருவர்-சாவு-3114059.html
3114058 திருச்சி கரூர் வீட்டின் பூட்டை உடைத்து திருட முயற்சி DIN DIN Friday, March 15, 2019 07:43 AM +0530 கரூரில் வீட்டின் பூட்டை உடைத்து திருட முயன்ற 2 இளைஞர்களைப் போலீஸார் தேடி வருகின்றனர்.
கரூர் ஆண்டாங்கோவில் கிழக்கு ஊராட்சிக்குட்பட்ட சாந்திநகரைச் சேர்ந்தவர் பழனிவேல் மகன் பிரகாஷ்(32). இவர் புதன்கிழமை வீட்டைப் பூட்டிவிட்டு குடும்பத்தினருடன் வெளியூருக்குச் சென்றுள்ளார். இந்நிலையில், பிற்பகல் 2 மணியளவில் பைக்கில் வந்த இரு இளைஞர்கள் பிரகாஷ் வீட்டின் பூட்டை உடைத்துள்ளனர். சப்தம் கேட்டு பக்கத்து வீட்டினர் வந்து பார்த்தபோது, மர்ம நபர்கள் இருவர் வீட்டின் பூட்டை உடைத்துக் கொண்டிருந்தனர். இதையடுத்து அவர்கள் திருடன் என கூச்சலிடவே, இரு இளைஞர்களும் பைக்கில் ஏறி மின்னல் வேகத்தில் தப்பி ஓடினர். இதைத்தொடர்ந்து, பிரகாஷ் அளித்த புகாரின்பேரில் கரூர் நகர காவல் நிலையத்தினர் விசாரணை மேற்கொண்டு வருகின்றனர்.
 

]]>
https://www.dinamani.com/all-editions/edition-trichy/karur/2019/mar/15/வீட்டின்-பூட்டை-உடைத்து-திருட-முயற்சி-3114058.html
3114057 திருச்சி கரூர் பேருந்து பயணியிடம் பணம் திருட்டு: பிகார் இளைஞர்கள் 2 பேர் கைது     DIN DIN Friday, March 15, 2019 07:41 AM +0530 பேருந்துக்காக காத்திருந்தவரிடம் பணம் திருடிய பீகார் இளைஞர்கள் இருவரை போலீஸார் கைது செய்தனர்.
கரூர் பசுபதிபாளையத்தைச் சேர்ந்தவர் பாலசுப்ரமணியன்(36). இவர் புதன்கிழமை இரவு கரூர் தாந்தோணிமலை பேருந்து நிறுத்தத்தில் நின்றுகொண்டிருந்தார். அப்போது அங்கு வந்த இரு வடமாநில இளைஞர்கள் அவரது கால்சட்டைப் பையில் இருந்து ரூ.100-ஐ திருடியுள்ளனர். இதனைக்கண்ட அவர் கூச்சலிட்டதால் அக்கம்பக்கத்தினர் ஓடிவந்து இரு வடமாநில இளைஞர்களைப் பிடித்து தாந்தோணிமலை காவல்நிலையத்தில் ஒப்படைத்தனர்.  போலீஸார் இருவரையும் கைது செய்து விசாரித்ததில் அவர்கள் பிகார் மாநிலம் சுபோள் பகுதியைச் சேர்ந்த சுரேஸா மகன் அமர்குலாஷாவ்(23), ஜெகதீசா மகன் பர்மோ குமார் ஷா (26) எனத் தெரியவந்தது. மேலும் அவர்களிடம் போலீஸார் விசாரிக்கின்றனர்.
 

]]>
https://www.dinamani.com/all-editions/edition-trichy/karur/2019/mar/15/பேருந்து-பயணியிடம்-பணம்-திருட்டு-பிகார்-இளைஞர்கள்-2-பேர்-கைது-3114057.html
3113515 திருச்சி கரூர் குளித்தலை அருகே  வயதான தம்பதி தற்கொலை DIN DIN Thursday, March 14, 2019 08:41 AM +0530 கரூர் மாவட்டம் குளித்தலை அருகே வறுமையால் முதுமையைப் பேண முடியாத விரக்தியில் வயதான தம்பதி தற்கொலை செய்து கொண்டனர்.
குளித்தலை அடுத்த குமாரமங்கலம் ஊராட்சிக்குட்பட்ட மேலஆரியம்பட்டியைச் சேர்ந்தவர் தங்கையன்(70). கூலித்தொழிலாளி. இவரது மனைவி சின்னம்மாள் (60). தம்பதிக்கு உள்ள மகள் திருமணமாகி கணவருடன் வெளியூரில் வசிக்கிறார். மகன் கோபாலகிருஷ்ணன், வயலுக்குப் பூச்சிமருந்து அடிப்பவர். திருமணமானவர். இவருடன் இவரது பெற்றோர் வசித்து வந்தனர். போதிய வருமானம் இன்றி குடும்பம் வறுமையில் தவித்தது, வயது மூப்பால் தங்கையன் கடந்த சில மாதங்களாக உடல்நலன் பாதிக்கப்பட்டு உரிய சிகிச்சை பெறமுடியாமல் அவதிப்பட்டு வந்துள்ளார்.  
இந்நிலையில், செவ்வாய்க்கிழமை இரவு வீட்டின் மாடிக்குச் சென்ற தங்கையன் விரக்தியில் தூக்கில் தொங்கியுள்ளார். இதனைக் கண்ட சின்னம்மாள் வீட்டிலிருந்த பூச்சிகொல்லி மருந்தைக் குடித்துள்ளார். இதையறிந்த கோபாலகிருஷ்ணன் புதன்கிழமை காலை உயிருக்குப் போராடிக் கொண்டிருந்த சின்னம்மாளை மீட்டு விசாரித்ததில் விரக்தியில் இருவரும் தற்கொலை செய்துகொண்டது தெரியவந்தது. தங்கையன் சடலத்தை கீழே இறக்கிவிட்டு, போலீசுக்கு தகவல் அளித்துவிட்டு, சின்னம்மாளை மருத்துவமனைக்கு கொண்டு சென்றார். 
அங்கு அவரைப் பரிசோதித்த மருத்துவர்கள் அவர் ஏற்கெனவே இறந்துவிட்டதாகத் தெரிவித்தனர். குளித்தலை போலீஸார் வழக்கு பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/14/குளித்தலை-அருகே--வயதான-தம்பதி-தற்கொலை-3113515.html
3113445 திருச்சி கரூர் பேரூராட்சி ஊழியர்  மயங்கி விழுந்து சாவு DIN DIN Thursday, March 14, 2019 08:17 AM +0530 காகிதபுரம் பேரூராட்சி ஊழியர் செவ்வாய்க்கிழமை இரவு திடீரென மயங்கி விழுந்து உயிரிழந்தார். 
கரூர் மாவட்டம் மூலிமங்கலத்தைச் சேர்ந்தவர் வடிவேல் (46). இவர் காகிதபுரம் பேரூராட்சியில் பம்ப் ஆபரேட்டராகப் பணியாற்றி வந்தார். இந்நிலையில், செவ்வாய்க்கிழமை இரவு பம்ப் திறக்கச் சென்றபோது திடீரென மயங்கி விழுந்தார். உடனே அவரை அக்கம்பக்கத்தினர் மீட்டு கரூரில் உள்ள தனியார் மருத்துவமனைக்கு கொண்டு சென்றனர். ஆனால் வழியிலேயே அவர் இறந்தார். வேலாயுதம்பாளையம் போலீஸார் வழக்கு பதிந்து விசாரித்ததில் அவர் மாரடைப்பால் இறந்தது தெரிய வந்தது. மேலும் விசாரித்து வருகின்றனர்.

]]>
https://www.dinamani.com/all-editions/edition-trichy/karur/2019/mar/14/பேரூராட்சி-ஊழியர்--மயங்கி-விழுந்து-சாவு-3113445.html
3113444 திருச்சி கரூர் வேனில் இருந்து விழுந்தவர் சாவு DIN DIN Thursday, March 14, 2019 08:17 AM +0530 மாயனூர் அருகே வேனில் இருந்து விழுந்தவர் உயிரிழந்தார். 
திருச்சி மாவட்டம் தொட்டியம் ஸ்ரீராமசமுத்திரம் பகுதியைச் சேர்ந்தவர் ராஜேந்திரன்(44). இவரும், தேனி மாவட்டம் உத்தமபாளையத்தைச் சேர்ந்த பிரபு(32) என்பவரும் திருச்சியில் இருந்து தேனியை நோக்கி வேனில் சென்றனர். வேனை பிரபு ஓட்டிச் சென்றார். வேன் கட்டளை -கீழமாயனூர் சாலையில் அங்குள்ள பேருந்து நிறுத்தம் அருகே சென்றபோது, வேகத்தடை இருந்ததை கவனிக்காததால் திடீரென வேன் ஓட்டுநர் பிரபு பிரேக் போட்டதில் நிலைத்தடுமாறி ராஜேந்திரன் கீழே விழுந்து பலத்த காயமடைந்தார். உடனே அவரை அக்கம்பக்கத்தினர் மீட்டு கரூரில் உள்ள தனியார் மருத்துவமனைக்கு கொண்டு சென்றனர். ஆனால் வழியிலேயே அவர் உயிரிழந்தார். இதுகுறித்து மாயனூர் போலீஸார் வழக்குப் பதிந்து விசாரிக்கின்றனர்.

]]>
https://www.dinamani.com/all-editions/edition-trichy/karur/2019/mar/14/வேனில்-இருந்து-விழுந்தவர்-சாவு-3113444.html
3113443 திருச்சி கரூர் ஆண்டாங்கோவில் செல்வவிநாயகர் கோயில் கும்பாபிஷேகம் DIN DIN Thursday, March 14, 2019 08:16 AM +0530 கரூர் ஆண்டாங்கோவில் மேல்பாகம் செல்வவிநாயகர் கோயிலில் புதன்கிழமை நடைபெற்ற கும்பாபிஷேக விழாவில் பக்தர்கள் திரளாகப் பங்கேற்றனர்.
கரூர் ஆண்டாங்கோவில் மேல்பாகம் கோவிந்தம்பாளையத்தில் உள்ள செல்வவிநாயகர் மற்றும் பகவதியம்மன் கோயிலில் கும்பாபிஷேக விழா புதன்கிழமை நடைபெற்றது.  கும்பாபிஷேகத்தை முன்னிட்டு பக்தர்கள் செவ்வாய்க்கிழமை காவிரி ஆற்றில் இருந்து புனித நீர் எடுத்து வந்து சுவாமிகளுக்கு சிறப்பு அபிஷேகம் செய்தனர். மேலும் முதற்கால யாக பூஜைகளும், பூர்ணாஹூதி உள்ளிட்ட வழிபாடுகளும் நடைபெற்றன. இதையடுத்து புதன்கிழமை இரண்டாம் காலயாக பூஜை, தீபாராதனை, கலசம் புறப்பாடு உள்ளிட்ட நிகழ்ச்சிகள் நடைபெற்றன. இதையடுத்து காலை 7.30 மணிக்குள் சிவாச்சாரியார்கள் கோயில் கலசத்திற்கு புனித நீர் ஊற்றி கும்பாபிஷேகம் நடத்தினர். பின்னர் பக்தர்கள் மீது புனித நீர் தெளிக்கப்பட்டது. தொடர்ந்து அன்னதானமும் நடைபெற்றது. இதில் பக்தர்கள் திரளாகப் பங்கேற்றனர்.
 

]]>
https://www.dinamani.com/all-editions/edition-trichy/karur/2019/mar/14/ஆண்டாங்கோவில்-செல்வவிநாயகர்-கோயில்-கும்பாபிஷேகம்-3113443.html
3113442 திருச்சி கரூர் அதிநவீன மின்னணு சாதனத்தில் வாக்களிப்பதன் அவசியம் குறித்த விழிப்புணர்வு DIN DIN Thursday, March 14, 2019 08:16 AM +0530 அதிநவீன மின்னனு சாதனம் (எல்.இ.டி.) கொண்ட வாகனம் மூலம் வாக்களிப்பதன் அவசியம் குறித்து பொதுமக்களுக்கு விளக்கும் வகையிலான தேர்தல் குறும்படம் பொதுமக்கள் அதிகம் கூடும் இடங்கள் மற்றும் கிராமங்களில் திரையிடப்படும் என்றார் தேர்தல் நடத்தும் அலுவலர்,  ஆட்சியர் த.அன்பழகன். 
கரூர் மாவட்ட செய்தி மக்கள் தொடர்புத் துறையின் சார்பில் அதிநவீன மின்னணு சாதனம் (எல்.இ.டி) கொண்ட வாகனம் மூலம் மூலம் வாக்களிப்பதன் அவசியம் விளக்கும் தேர்தல் குறும்படங்கள்  திரையிடும் நிகழ்வு கரூர் பேருந்து நிலையத்தில் புதன்கிழமை நடைபெற்றது.
நிகழ்வுக்கு, தேர்தல் நடத்தும் அலுவலர் மற்றும் மாவட்ட ஆட்சியர் த.அன்பழகன், மாவட்ட காவல் கண்காணிப்பாளர் முனைவர்.டி.கே.ராஜசேகரன் மற்றும் துணை தேர்தல் நடத்தும் அலுவலரும் மாவட்ட வருவாய் அலுவலருமானச.சூர்யபிரகாஷ் ஆகியோர் முன்னிலை வகித்தனர்.  இதில், இந்தியத் தேர்தல் ஆணையத்தால் வெளியிடப்பட்டுள்ள தேர்தல் விழிப்புணர்வு குறும்படங்கள் வெளியிடப்பட்டன. 
பின்னர் மாவட்ட தேர்தல் நடத்தும் அலுவலரும், ஆட்சியருமான த.அன்பழகன் கூறியது: 
வரும் மக்களவை பொதுத்தேர்தலில் 18 வயது பூர்த்தியடைந்த எந்தவொரு வாக்காளரும் விடுபடாமல் வாக்களிக்க வேண்டும் என்பதை வலியுறுத்தியும், வாக்காளர் வாக்குப்பதிவு தணிக்கை இயந்திரம் அறிமுகப்படுத்தப்பட்டுள்ளது தொடர்பாகவும்  மக்களுக்கு விழிப்புணர்வு ஏற்படுத்தும் வகையில் இந்த அதிநவீன மின்னணு சாதனம் கொண்டு வாகனம் மூலம் தேர்தல் விழிப்புணர்வு வாகனம் இயக்கப்படுகிறது. இதன் மூலம், கரூர் மாவட்ட நகராட்சி, ஊராட்சி மற்றும் பேரூராட்சி பகுதிகளில் பொதுமக்கள் அதிகம் கூடும் இடங்களில் இந்தியத் தேர்தல் ஆணையத்தால் வெளியிடப்பட்டுள்ள தேர்தல் விழிப்புணர்வு குறும்படங்கள் திரையிடப்படும்.  
கரூர் மக்களவை தொகுதிக்குட்பட்ட அனைத்து பகுதிகளிலும் தேர்தல் நடத்தை விதிகள் அமல்படுத்தப்பட்டுள்ளன. இதனால், சுவர்களில் வரையப்பட்டுள்ள அரசியல் கட்சிகளின் விளம்பரங்கள், கட்சிக்கொடிகள், சுவரொட்டிகள் முழுவீச்சில் அகற்றப்பட்டு வருகின்றன. வாகனச் சோதனையின்போது பொதுமக்கள் ரூ.50,000 வரை எடுத்துச்செல்ல அனுமதி உண்டு. அதற்குமேல் பணம் எடுத்துச் சென்றால் உரிய ஆவணங்களுடன் எடுத்துச் செல்ல வேண்டும். இல்லாவிடில் அவை பறிமுதல் செய்யப்படும். இதுவரை வாகனத்தணிக்கையில் பணமோ, பொருளோ கைப்பற்றப்படவில்லை என்றார்.    
பின்னர் அங்கு கூடியிருந்த பொதுமக்களுக்கு வாக்களிப்பதன் முக்கியத்துவம் குறித்த துண்டுப்பிரசுரங்களை ஆட்சியர் வழங்கினார். முன்னதாக மாதிரி வாக்குப்பதிவு நடத்தி பொதுமக்களுக்கு செயல்விளக்கம் அளிக்கப்பட்டது. 
நிகழ்ச்சியில், கரூர் சட்டப்பேரவைத் தொகுதி தோதல் நடத்தும் அலுவலர் மற்றும் கரூர் வருவாய் கோட்டாச்சியர் சரவணமூர்த்தி, செய்தி மக்கள் தொடர்பு அலுவலர் க.பாவேந்தன், காவல் துணை கண்காணிப்பாளர் பாரதி, நகராட்சி ஆணையர் (பொ)ராஜேந்திரன், கரூர் வட்டாட்சியர் பிரபு உள்ளிட்ட அலுவலர்கள் பலர் கலந்து கொண்டனர்.

]]>
https://www.dinamani.com/all-editions/edition-trichy/karur/2019/mar/14/அதிநவீன-மின்னணு-சாதனத்தில்-வாக்களிப்பதன்-அவசியம்-குறித்த-விழிப்புணர்வு-3113442.html
3113441 திருச்சி கரூர் வாகனத் தணிக்கை: தேர்தல் நடத்தும் அலுவலர், எஸ்.பி., ஆய்வு DIN DIN Thursday, March 14, 2019 08:16 AM +0530 கிருஷ்ணராயபுரம் மற்றும் அரவக்குறிச்சி பகுதிகளில் உள்ள சுங்கச்சாவடிகளில் நடைபெற்று வரும் வாகனத் தணிக்கையினை தேர்தல் நடத்தும் அலுவலரும், மாவட்ட ஆட்சியருமான த.அன்பழகன் மற்றும் மாவட்ட காவல் கண்காணிப்பாளர் முனைவர் டி.கே.ராஜசேகரன் ஆகியோர் புதன்கிழமை ஆய்வு செய்தனர்.
மக்களவை பொதுத்தேர்தல் நடைமுறைகள் அமலில் உள்ளதால் பறக்கும் படையினர் தொடர்ந்து வாகனத் தணிக்கையில் ஈடுபட்டுள்ளனர். ரூ.50,000க்கு மேல் பணம் கொண்டு செல்பவர்கள் அதற்கான உரிய ஆவணங்களை வைத்திருக்க வேண்டும் என்றும், உரிய ஆவணங்கள் இல்லாமல் கொண்டுசெல்லப்படும் பொருட்கள் மற்றும் பணம் பறிமுதல் செய்யப்படும் என்றும் ஏற்கெனவே 
அறிவிப்பு வெளியிடப்பட்டுள்ளது.
கரூர் மாவட்டத்தில் 12 பறக்கும் படைகள் மற்றும் 12 நிலையான கண்காணிப்புக்குழுக்கள் அமைக்கப்பட்டுள்ளது. வாகனத் தணிக்கையில் சம்மந்தப்பட்ட சட்டப்பேரவைத் தொகுதிகளுக்கான தேர்தல் நடத்தும் அலுவலர்கள் முன்னிலையில் பறக்கும் படையினர் ஈடுபட்டுள்ளனர். சுழற்சி முறையில் 3 ஷிப்டுகளாக 24 மணிநேரமும் பறக்கும் படையினர் வாகனத்தணிக்கையில் ஈடுபட்டு வருகிறார்கள்.
மாயனூர் அருகே உள்ள மணவாசி சுங்கச்சாவடி மற்றும் அரவக்குறிச்சி பகுதியில் உள்ள ஆண்டிப்பட்டிகோட்டை சுங்கச்சாவடி ஆகிய பகுதிகளில் பறக்கும் படையினர் புதன்கிழமை வாகனத் தணிக்கையில் ஈடுபட்டிருந்ததை தேர்தல் நடத்தும் அலுவலரும்,  மாவட்ட ஆட்சியருமான த. அன்பழகன் மற்றும் மாவட்ட காவல் கண்காணிப்பாளர் முனைவர். டி.கே.ராஜசேகரன் ஆகியோர் பார்வையிட்டு ஆய்வு செய்தனர். 
ஆய்வின்போது, உதவி தேர்தல் நடத்தும் அலுவலர்கள் மீனாட்சி (அரவக்குறிச்சி),  மல்லிகா (கிருஷ்ணராயபுரம்) உள்ளிட்ட அலுவலர்கள் உடனிருந்தனர்.
 

]]>
https://www.dinamani.com/all-editions/edition-trichy/karur/2019/mar/14/வாகனத்-தணிக்கை-தேர்தல்-நடத்தும்-அலுவலர்-எஸ்பி-ஆய்வு-3113441.html