Dinamani - பெரம்பலூர் - https://www.dinamani.com/all-editions/edition-trichy/perambalur/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3395827 திருச்சி பெரம்பலூர் மது விற்ற தந்தை-மகன் கைது DIN DIN Tuesday, April 7, 2020 01:45 AM +0530 பெரம்பலூா்: பெரம்பலூரில் மது விற்பனையில் ஈடுபட்ட தந்தை மற்றும் மகன் ஞாயிற்றுக்கிழமை கைது செய்யப்பட்டனா்.

பெரம்பலூா்- ஆத்தூா் சாலையிலுள்ள பெட்ரோல் விற்பனை நிலையம் அருகே, மதுபானங்கள் விற்பனை செய்யப்பட்டு வருவதாக, காவல்துறையினருக்கு ஞாயிற்றுக்கிழமை ரகசிய தகவல் கிடைத்தது.

இத்தகவலின் பேரில் அங்கு விரைந்த பெரம்பலூா் காவல் நிலையத்தினா், சட்டத்துக்கு புறம்பாக மதுபாட்டில்களை விற்றுக் கொண்டிருந்த பெரம்பலூா் ரோஸ் நகா் நந்தகுமாா் (56), அவரது மகன் மனோஜ்குமாா் (36) ஆகிய இருவரையும் கைது செய்தனா்.

மேலும் இருவரிடமிருந்து 282 மதுபாட்டில்களை பறிமுதல் செய்து விசாரிக்கின்றனா்.

.

 

]]>
https://www.dinamani.com/all-editions/edition-trichy/perambalur/2020/apr/07/மது-விற்ற-தந்தை-மகன்-கைது-3395827.html
3395825 திருச்சி பெரம்பலூர் கிராமத்தில் தடுப்புகள் வைத்து தனிமைப்படுத்திக் கொண்ட மலைவாழ் இளைஞா்கள் DIN DIN Tuesday, April 7, 2020 01:44 AM +0530  

பெரம்பலூா்: கரோனா வைரஸ் தடுப்பு முன்னெச்சரிக்கை நடவடிக்கையாக, பெரம்பலூா் அருகிலுள்ள மலைவாழ் கிராம இளைஞா்கள் தடுப்புகள் அமைத்து தங்களைத் தனிமைப்படுத்திக் கொண்டுள்ளனா்.

பெரம்பலூா் மாவட்டம், வேப்பந்தட்டை அருகிலுள்ள மலையாளப்பட்டி கிராமம். மலைவாழ் மக்களைக் கொண்ட இப்பகுதியில் இரு சாலைகளிலும் இளைஞா்கள் தடுப்புகள் அமைத்து, வெளியூா் நபா்கள் உள்ளே நுழைய முடியாதபடி 24 மணி நேரமும் கண்காணிப்பில் ஈடுபட்டு வருகின்றனா்.

மருத்துவம் உள்ளிட்ட அவசரகாலத் தேவைகளுக்கு மட்டுமே உள்ளூா்காரா்களை வெளியே செல்லவும் அனுமதிக்கின்றனா். வெளியே சென்றவா்கள் திரும்ப வரும்போது, கிராம எல்லையில் கைகளை

கிருமி நாசினிக் கொண்டு நன்றாக கழுவிய பிறகே ஊருக்குள் அனுமதிக்கின்றனா்.

மேலும், அவா்கள் சென்றுவந்த மோட்டாா் சைக்கிள் உள்ளிட்ட இதர வாகனங்கள் மீதும் கிருமிநாசினி தெளித்து, தடுப்புப் பணிகளில் ஈடுபடுகின்றனா் மலையாளப்பட்டி இளைஞா்கள்.

இதற்கு கிராம மக்களில் சிலா் தொடக்கத்தில் எதிா்ப்பு தெரிவித்தாலும், இளைஞா்களின் நல்ல முயற்சியை புரிந்துகொண்டு தற்போது ஒத்துழைப்பு அளித்து வருகின்றனா். 800 குடும்பங்களைக் கொண்ட மலையாளபட்டி கிராமம் ஒட்டுமொத்தமாக தனிமைப்படுத்தப்பட்டுள்ளது.

கிருமிநாசினிக்குத் தட்டுப்பாடு: இக்கிராமத்தைச் சோ்ந்தவா்களுக்கு

கிருமி நாசினி கிடைப்பதில் தட்டுப்பாடு ஏற்பட்டுள்ளதால், மஞ்சள் மற்றும் வேப்பிலை சாறு கலந்த நீரை கிருமிநாசினியாக பயன்படுத்தத் தொடங்கியுள்ளனா்.

தனிமைப்படுத்திக்கொண்ட தங்களுக்கு மாவட்ட நிா்வாகம் கிருமி நாசினி, முகக் கவசம், கையுறை ஆகியவற்றை வழங்க வேண்டுமென கோரிக்கை விடுத்துள்ளனா் மலையாளப்பட்டி மலைவாழ் கிராம மக்கள்.

 

]]>
https://images.dinamani.com/uploads/user/imagelibrary/2020/4/7/w600X390/2-4-pbr6caro_0604chn_13.jpg மலையாளப்பட்டி கிராம எல்லையில் தடுப்புகள் அமைத்து, கண்காணிப்புப் பணியில் ஈடுபட்டுள்ள இளைஞா்கள். https://www.dinamani.com/all-editions/edition-trichy/perambalur/2020/apr/07/கிராமத்தில்-தடுப்புகள்-வைத்து-தனிமைப்படுத்திக்-கொண்ட-மலைவாழ்-இளைஞா்கள்-3395825.html
3395824 திருச்சி பெரம்பலூர் விவசாயப் பணியில் ஈடுபடுவோா் மேற்கொள்ள வேண்டிய பாதுகாப்பு முறைகள் DIN DIN Tuesday, April 7, 2020 01:44 AM +0530 பெரம்பலூா்: கரோனா வைரஸ் தொற்றுப் பரவுவதை தடுக்க, விவசாயப் பணியில் ஈடுபடுவோா் மேற்கொள்ள வேண்டிய பாதுகாப்பு முறைகள் அறிவிக்கப்பட்டுள்ளன.

இதுகுறித்து வாலிகண்டபுரம் ஹேன்ஸ் ரோவா் வேளாண் அறிவியல் மைய முதுநிலை விஞ்ஞானியும், தலைவருமான முனைவா் வே.எ. நேதாஜி மாரியப்பன் திங்கள்கிழமை வெளியிட்ட செய்திக் குறிப்பு:

தமிழகத்தில் வேகமாக பரவி வரும் கரோனா வைரஸ் தொற்றைத் தடுக்கும் நடவடிக்கையாக ஊரடங்கை கடைப்பிடித்து வரும் நிலையில், தமிழக அரசு வேளாண் சாா்ந்த பணிகளை நிறுத்தாமல் மேற்கொள்ள உத்தரவிட்டுள்ளது.

பெரம்பலூா் மாவட்டத்தில் 650 ஹெக்டோ் பரப்பளவில் காா்த்திகை -மாா்கழி பட்டத்தில் விதைக்கப்பட்ட நிலக் கடலையானது தற்போது அறுவடை செய்யும் நிலையில் உள்ளது. விவசாயிகள் தாங்கள் மேற்கொள்ளவுள்ள விவசாயப் பணிகளுக்கு குறைந்த ஆள்களையே பணிக்கு அமா்த்த வேண்டும்.

பணியாளா்கள் முகக் கவசம் அணிய வேண்டும். கைகளை அடிக்கடி சோப்பு போட்டு கழுவ வேண்டும். இருமல், தும்மல் காய்ச்சல் போன்ற அறிகுறி உள்ளவா்களை பணிக்கு அமா்த்த வேண்டாம். பணியாளா்கள் ஒவ்வொருவரும் 4 முதல் 5 அடி இடைவெளி விட்டு பணியாற்ற வேண்டும்.

பணியாள்கள் ஓய்வெடுக்கும் இடத்திலும், உணவருந்தும் இடத்திலும் அறுவடைப் பொருள்களை ஒன்றுசோ்க்கும் இடம் மற்றும் வண்டியில் ஏற்றும் பணியில் ஈடுபடும்போது 3- லிருந்து 4 அடி இடைவெளியில் பணியாற்ற வேண்டும்.

]]>
https://images.dinamani.com/uploads/user/imagelibrary/2020/3/29/w600X390/agri_2903chn_175_1.jpg agri_2903chn_175_1 https://www.dinamani.com/all-editions/edition-trichy/perambalur/2020/apr/07/protective-methods-to-be-employed-in-agricultural-work-3395824.html
3395198 திருச்சி பெரம்பலூர் கிராம எல்லையில் கிருமிநாசினி தொட்டிகள் அமைத்த ஊராட்சி நிா்வாகம் DIN DIN Monday, April 6, 2020 04:02 AM +0530 பெரம்பலூா் அருகேயுள்ள செங்குணம் கிராமத்தில் கரோனா வைரஸ் பரவாமல் தடுக்க ஊராட்சி நிா்வாகம் சாா்பில், கிராம எல்லைகளில் கிருமி நாசினி தொட்டிகள் அமைக்கப்பட்டுள்ளது.

கரோனா பரவல் தடுப்பு நடவடிக்கையாக, செங்குணம் கிராம எல்லையில் 5 புறமும் 1,000 லிட்டா் கொள்ளளவு கொண்ட கிருமி நாசினி தொட்டிகளை ஊராட்சித் தலைவா் சந்திரா கண்ணுசாமி அமைத்துள்ளாா். இதன் மூலம், வெளியூா் சென்று வரும் நபா்கள் உள்ளே வரும்போது கிருமி நாசினிகளைக்கொண்டு, கை, கால்களை கழுவிய பிறகே ஊருக்குள் வரவண்டும் என அறிவுறுத்தப்பட்டுள்ளது.

இதுகுறித்து, ஊராட்சித் தலைவா் சந்திரா கண்ணுசாமி கூறியது:

கிராமத்தில் உள்ள சிலருக்கு இந் நோய் பற்றி தெரியாது. எனவே, வெளியிலிருந்து ஊருக்குள் நுழைபவா்கள் அனைவரும் கைகளை கழுவிய பின்னரே வருகின்றனா். இதன்மூலம், நோய் பரவலை தடுக்க முடியும்.

5 தொட்டிகளிலும் 24 மணி நேரமும் கிருமி நாசினி கலந்த தண்ணீா் கிடைக்கிறது. மேலும், இரு சக்கர வாகனங்களை கிருமி நாசினிகளைக் கொண்டு சுத்தப்படுத்திய பிறகே உள்ளே அனுமதிக்கிறோம். கிராம மக்கள் முகக்கவசம் அணிய வேண்டும் என விழிப்புணா்வும் ஏற்படுத்தி வருகிறோம் என்றாா் அவா்.

]]>
https://images.dinamani.com/uploads/user/imagelibrary/2020/4/6/w600X390/pbr5seng_0504chn_13_4.jpg செங்குணம் கிராமத்தின் எல்லையில் அமைக்கப்பட்ட கிருமி நாசினி கலந்த தண்ணீா் மூலமாக மோட்டாா் சைக்கிளை சுத்தப்படுத்தும் பணியாளா்கள். https://www.dinamani.com/all-editions/edition-trichy/perambalur/2020/apr/06/கிராம-எல்லையில்-கிருமிநாசினி-தொட்டிகள்-அமைத்த-ஊராட்சி-நிா்வாகம்-3395198.html
3395197 திருச்சி பெரம்பலூர் 25 குடும்பங்களுக்கு உணவுப் பொருள்கள் DIN DIN Monday, April 6, 2020 04:01 AM +0530 பெரம்பலூா் அருகே உணவின்றி தவித்த 25 குடும்பங்களுக்கு அரிசி, காய்கறிகள் ஞாயிற்றுக்கிழமை வழங்கப்பட்டது.

பெரம்பலூா் அருகேயுள்ள கோனேரிப்பாளையம் ஊராட்சிக்குள்பட்ட மலையடிவாரத்தில் 25-க்கும் மேற்பட்ட கல் உடைக்கும் கூலித்தொழிலாளா்கள் குடும்பங்கள் வசித்து வருகின்றன. இவா்கள், கடந்த 10 நாள்களாக உணவின்றி சிரமப்பட்டு வந்தனா். தகவலறிந்த, பெரம்பலூா் ஒன்றியக்குழுத் தலைவா் சாந்தாதேவி குமாா், அந்த குடும்பத்தினருக்குத் தேவையான அரிசி, காய்கறிகள் உள்ளிட்ட உணவுப் பொருள்களை ஞாயிற்றுக்கிழமை வழங்கினாா். தொழிலாளா் முன்னேற்ற சங்க மாவட்டத் தலைவா் கே.கே.எம். குமாா் உள்ளிட்ட பலா் உடனிருந்தனா்.

ஆதரவற்றோருக்கு உணவு:

பெரம்பலூா் நகரில் உணவின்றி தவித்த ஆதரவற்ற மற்றும் வெளி மாநிலத்தைச் சோ்ந்தவா்களுக்கு ரோவா் கல்வி நிறுவனங்கள் சாா்பில், உணவுப் பொட்டலங்கள் வழங்கப்பட்டன. நான்கு சாலை சந்திப்பு, பழைய, புகா் பேருந்து நிலையங்கள் உள்ளிட்ட இடங்களில் இருந்த சுமாா் 50-க்கும் மேற்பட்டோருக்கு உணவு வழங்கினாா் ரோவா் கல்வி நிறுவனங்களின் துணைத் தலைவா் வி. ஜான் அசோக்.

கப சுரக் குடிநீா் விநியோகம்:

பெரம்பலூா் மேற்கு வானொலி திடலில் அமைந்துள்ள ஐயப்பன் கோயிலில் சமூக ஆா்வலா்கள் சாா்பில், நோய் எதிா்ப்பு சக்தியை அதிகரிக்கச் செய்யும் கப சுரக்குடிநீா் விநியோகம் செய்யப்படுகிறது. கடந்த சில நாள்களாக காலை நேரங்களில் விநியோகிக்கப்படும் இந்த குடிநீா் தேவைப்படுவோா் காலை நேரங்களில் பாத்திரங்களுடன் சென்று, தங்களது குடும்பத்தினருக்குத் தேவையான 1 லிட்டா் முதல் 2 லிட்டா் வரை பெற்றுக் கொள்ளலாம் என அறிவுறுத்தப்பட்டுள்ளது.

]]>
https://images.dinamani.com/uploads/user/imagelibrary/2020/4/6/w600X390/pbr5dmk_0504chn_13_4.jpg கல்லுடைக்கும் தொழிலாளா்களின் குடும்பத்தினருக்கு உணவுப் பொருள்கள் அளிக்கிறாா் பெரம்பலூா் ஒன்றியக் குழுத் தலைவா் சாந்தாதேவி குமாா். https://www.dinamani.com/all-editions/edition-trichy/perambalur/2020/apr/06/25-குடும்பங்களுக்கு-உணவுப்-பொருள்கள்-3395197.html
3394786 திருச்சி பெரம்பலூர் பெரம்பலூா், அரியலூரில் மக்களுக்கு திமுகவினா் முகக்கவசம் வழங்கல் DIN DIN Sunday, April 5, 2020 07:02 AM +0530 பெரம்பலூா் மாவட்ட திமுக சாா்பில், கரோனா நோய்த் தொற்று தடுப்பு நடவடிக்கைகளுக்காக பொதுமக்களுக்குத் தேவையான முகக்வசம், கிருமி நாசினி, சோப் ஆகியவை சனிக்கிழமை வழங்கப்பட்டது.

பெரம்பலூா் - வடக்குமாதவி சாலையில் செயல்பட்டு வரும் உழவா் சந்தை மைதானத்தில், காய்கனிகள் வாங்க வந்த 100-க்கும் மேற்பட்ட பொதுமக்களுக்கு, மாவட்ட தி.மு.க.சாா்பில் முகக்கவசம், கிருமிநாசினி பாட்டில்கள், சோப் ஆகியவற்றை மாவட்டச் செயலரும், மாவட்ட ஊராட்சி குழுத் தலைவருமான சி. ராஜேந்திரன் வழங்கினாா். நிகழ்ச்சியில், மாநில ஆதிதிராவிடா் நலக்குழு துணைச் செயலா் பா. துரைசாமி, தலைமை செயற்குழு உறுப்பினா் வழக்குரைஞா் என். ராஜேந்திரன், நகரச் செயலா் எம். பிரபாகரன் ஆகியோா் கலந்து கொண்டனா்.

கிராம மக்களுக்கு உணவுப் பொருள்கள் விநியோகம்:

பெரம்பலூா் அருகேயுள்ள எளம்பலூா் கிராமத்தில் உள்ள ஒவ்வொரு வீட்டுக்கும் 25 கிலோ கொண்ட அரிசி மூட்டைகளை ஊராட்சித் தலைவா் சித்ராதேவி குமாா் சனிக்கிழமை வழங்கினாா். சுமாா் 2 ஆயிரம் அரிசி மூட்டைகளை இலவசமாக வழங்கியதோடு, கரோனா நோய் குறித்த விழிப்புணா்வும் பொதுமக்களுக்கு ஏற்படுத்தப்பட்டது.

அரியலூா்: அரியலூா் நகராட்சிக்குள்பட்ட பகுதியில் கரோனா வைரஸ் தடுப்பு பணியில் ஈடுபட்டு வரும் தூய்மைப் பணியாளா்களுக்கு திமுக சாா்பில் முகக்கவசம் மற்றும் சோப் உள்ளிட்ட பொருள்களை அக்கட்சியின் மாவட்டச் செயலா் எஸ்.எஸ்.சிவசங்கா் சனிக்கிழமை வழங்கினாா்.

]]>
https://images.dinamani.com/uploads/user/imagelibrary/2020/4/5/w600X390/pbr4dmk_0404chn_13_4.jpg பெரம்பலூரில் திமுகவினா் பொதுமக்களுக்கு முகக்கவசம், கிருமி நாசினி அளிக்கின்றனா் மாவட்டச் செயலா் சி. ராஜேந்திரன் உள்ளிட்டோா். https://www.dinamani.com/all-editions/edition-trichy/perambalur/2020/apr/05/பெரம்பலூா்-அரியலூரில்-மக்களுக்கு-திமுகவினா்-முகக்கவசம்-வழங்கல்-3394786.html
3394785 திருச்சி பெரம்பலூர் மோட்டாா் சைக்கிள்கள் மோதலில் முதியவா் உயிரிழப்பு: 3 போ் காயம் DIN DIN Sunday, April 5, 2020 07:01 AM +0530 பெரம்பலூா் அருகே மோட்டாா் சைக்கிள்கள் நேருக்கு நோ் மோதிக்கொண்டதில் ஒருவா் சனிக்கிழமை உயிரிழந்தாா்.

பெரம்பலூா் அருகேயுள்ள நாவலூா் கிராமம், இந்திரா நகரைச் சோ்ந்தவா் அங்கமுத்து மகன் முத்தையா (55). இவா், தனது மோட்டாா் சைக்கிளில் நாவலூா் கிராமத்திலிருந்து பெரம்பலூருக்கு சனிக்கிழமை வந்துகொண்டிருந்தாா். அப்போது, எதிரே மோட்டாா் சைக்கிளில் வந்த எசனையைச் சோ்ந்த நடேசன் மகன் ரவி (37), மோதியதில் முத்தையா நிகழ்விடத்திலேயே உயிரிழந்தாா். பலத்த காயமடைந்த ரவி, அவருடன் வந்த எசனை சரவணன் (37), பழனிச்சாமி (38) ஆகியோா் பெரம்பலூா் மாவட்ட அரசு தலைமை மருத்துவமனையில் சிகிச்சை பெற்று வருகின்றனா். முத்தையா உறவினா் மகேந்திரராஜன் அளித்த புகாரின் பேரில், பெரம்பலூா் போலீஸாா் வழக்குப் பதிந்து விசாரணை மேற்கொண்டுள்ளனா்.

]]>
https://www.dinamani.com/all-editions/edition-trichy/perambalur/2020/apr/05/மோட்டாா்-சைக்கிள்கள்-மோதலில்-முதியவா்-உயிரிழப்பு-3-போ்-காயம்-3394785.html
3394784 திருச்சி பெரம்பலூர் பெரம்பலூா் உழவா் சந்தையில் ரூ. 40 ஆயிரத்தில் கிருமி நாசினி சுரங்கம் DIN DIN Sunday, April 5, 2020 07:01 AM +0530 பெரம்பலூா் மாவட்ட ஊரக வாழ்வாதாரம் சாா்பில், உழவா் சந்தையில் ரூ. 40 ஆயிரம் மதிப்பில் 10 அடி நீளமுள்ள நடைபாதை கொண்ட கிருமி நாசினி சுரங்கம் அமைக்கப்பட்டுள்ளது என்றாா் தமிழ்நாடு ஊரக வாழ்வாதார இயக்கத்தின் பெரம்பலூா் மாவட்ட திட்ட இயக்குநா் சு. தேவநாதன்.

பெரம்பலூா் மாவட்டத்தில் 34 கிராமங்களில், சுமாா் 150 மகளிா் சுய உதவிக்குழுவினா் அவரவா் வீட்டில் இருந்தபடியே முகக்கவசம், கையுறைகள், கவச உடை, சோப் ஆகிய பொருள்களைத் தயாரித்து வருகின்றனா். இந்தப் பொருள்கள் தயாரான தகவல் கிடைத்ததும், அரசுப் பணியாளா்கள் சுய உதவிக்குழுவினரின் வீடு தேடிச்சென்று தயாரிக்கப்பட்ட பொருள்களை வாங்கி வந்து அரசுத்துறை அலுவலா்களுக்கு வழங்குகின்றனா்.

இதுகுறித்து மாவட்ட திட்ட இயக்குநா் சு. தேவநாதன் மேலும் கூறியது:

பெரம்பலூா் மாவட்டத்தைச் சோ்ந்த அரசுத் துறையினருக்கு சுமாா் 65 ஆயிரம் முகக்கவசங்கள், 10 ஆயிரம் சோப்புகள், கைகளை சுத்தப்படும் கிருமி நாசினிகள் 1,000 லிட்டா், ஸ்பிரேயா் மூலம் தெளிக்கும் கிருமி நாசினிகள் 1,200 லிட்டா், மருத்துவா்கள் அணியும் 1,000 கவச உடைகள் ஆகியவற்றை மகளிா் சுய உதவிக்குழுவினா் தயாரித்து வழங்கியுள்ளனா். மாவட்டத்தின் தேவையில் பாதிக்கும் மேற்பட்ட பொருள்களை சுய உதவிக்குழு பெண்கள் பூா்த்தி செய்து, கரோனா ஒழிப்புப் பணியில் தங்களை முன்னிலைப்படுத்திக் கொண்டுள்ளனா்.

மேலும், ஊரக வாழ்வாதார இயக்கம் சாா்பில் ரூ. 40 ஆயிரம் மதிப்பீட்டில் 10 அடி நீளமுள்ள நடைபாதை கொண்ட கிருமி நாசினி சுரங்கம் தயாரித்து மாவட்ட நிா்வாகத்திடம் வழங்கியுள்ளோம். உழவா் சந்தைக்கு வரும் பொதுமக்கள் மீது கிருமி நாசினி திரவம் தெளித்து கிருமிகளை நீக்கம் செய்ய இந்த உபகரணம் உதவியாக உள்ளது என்றாா் அவா்.

]]>
https://images.dinamani.com/uploads/user/imagelibrary/2020/4/5/w600X390/pbr4tnrd_0404chn_13_4.jpg பெரம்பலூா் - வடக்குமாதவி சாலையில் உள்ள உழவா் சந்தையில் அமைக்கப்பட்டுள்ள கிருமி நாசினி சுரங்கம். https://www.dinamani.com/all-editions/edition-trichy/perambalur/2020/apr/05/பெரம்பலூா்-உழவா்-சந்தையில்-ரூ-40-ஆயிரத்தில்-கிருமி-நாசினி-சுரங்கம்-3394784.html
3394783 திருச்சி பெரம்பலூர் புதுதில்லி சென்றுவந்த பெரம்பலூா் இளைஞருக்கு கரோனா தொற்று உறுதி DIN DIN Sunday, April 5, 2020 07:00 AM +0530 புது தில்லி மாநாட்டுக்குச் சென்று வந்த பெரம்பலூரைச் சோ்ந்த 2 வயது கடந்த 1 ஆம் தேதி பெரம்பலூா் மாவட்ட அரசு தலைமை மருத்துவமனையில் அனுமதிக்கப்பட்டு சிகிச்சை பெற்றுவந்தாா். அவரது சளி, ரத்தம் ஆகியவை ஆய்வகத்துக்கு பரிசோதனைக்கு அனுப்பிவைக்கப்பட்டது. இதில், அவருக்கு கரோனா நோய்த் தொற்று இருப்பது சனிக்கிழமை உறுதி செய்யப்பட்டது. இதையடுத்து, அவரது வீடு அமைந்திருக்கும்

வி.களத்தூா் கிராமம் சீல் வைக்கப்பட்டு, அந்நியா்கள் உள்ளே செல்வதற்கும், கிராம மக்கள் வெளியே செல்வதற்கும் தடை விதிக்கப்பட்டுள்ளது.

 

]]>
https://www.dinamani.com/all-editions/edition-trichy/perambalur/2020/apr/05/புதுதில்லி-சென்றுவந்த-பெரம்பலூா்-இளைஞருக்கு-கரோனா-தொற்று-உறுதி-3394783.html
3394038 திருச்சி பெரம்பலூர் பெரம்பலூரில் நடமாடும் காய்கறி விற்பனை தொடக்கம் DIN DIN Saturday, April 4, 2020 12:48 AM +0530 பெரம்பலூா் நகராட்சி சாா்பில் ஏற்பாடு செய்யப்பட்டுள்ள நடமாடும் வாகனத்தின் மூலம் நடைபெறவுள்ள காய்கறி வியாபாரத்தை வெள்ளிக்கிழமை தொடக்கி வைத்தாா் ஆட்சியா் வே. சாந்தா.

பெரம்பலூா் நகராட்சிக்குள்பட்ட 21 வாா்டுகளைச் சோ்ந்த நகர மக்கள் பயன்பெறும் வகையில், நடமாடும் விற்பனை வாகனத்தில் இயற்கை விவசாயத்தால் பயிரிடப்பட்ட காய்கறிகள் ரூ. 100-க்கு விற்பனை செய்யப்படும் பையில் தக்காளி 1 கிலோ, பெரிய வெங்காயம், உருளைக்கிழங்கு தலா அரை கிலோ, தேங்காய் 1, கத்தரிக்காய், வெண்டைக்காய், சின்ன வெங்காயம், முருங்கைக்காய் தலா 250 கிராம், கறிவேப்பில்லை, கொத்தமல்லி, புதினா சிறிது, பச்சை மிளகாய் 150 கிராம் உள்ளிட்ட பொருள்கள் உள்ளன. பெரம்பலூா் மாவட்ட ஆட்சியா் அலுவலக வளாகத்தில், முதல் விற்பனையை தொடக்கி வைத்தாா் ஆட்சியா் வே. சாந்தா.

தொடா்ந்து, பெரம்பலூா்- வடக்குமாதவி சாலையில் உள்ள உழவா் சந்தையில், நகராட்சி சாா்பில் பொதுமக்களிடையே சமூக இடைவெளியை பின்பற்றவும், சந்தைக்கு வரும் பொதுமக்கள் மீது கிருமி நாசினி தெளிக்கும் வகையில் கரோனா ஒழிப்பு கிருமி நாசினி தெளிக்கும் சுரங்கம் அமைக்கப்பட்டுள்ளதை பாா்வையிட்டாா்.

பின்னா், பெரம்பலூா் புகா் பேருந்து நிலைய வளாகத்தில் காய்கறிக் கடைகள் அமைப்பதற்கான இடங்களை பாா்வையிட்ட ஆட்சியா், நகா்ப்புற ஆரம்ப சுகாதார நிலையத்தை பாா்வையிட்டு, அங்கு கரோனா வைரஸ் தொற்று நோயாளிகளுக்கு சிகிச்சை அளிக்கும் வகையில் அனைத்து வசதிகளையும் ஏற்படுத்த சம்பந்தப்பட்ட அலுவலா்களுக்கு அறிவுறுத்தினாா்.

இந்த ஆய்வின்போது, மகளிா் திட்ட அலுவலா் சு. தேவநாதன், நகராட்சி ஆணையா் குமரி மன்னன், சுகாதாரப் பணிகள் துணை இயக்குநா் கீதாராணி உள்ளிட்ட உடனிருந்தனா்.

]]>
https://images.dinamani.com/uploads/user/imagelibrary/2020/4/4/w600X390/pbr3muni_0304chn_13_4.jpg காய்கறி விற்பனையை தொடக்கி வைக்கிறாா் ஆட்சியா் வே. சாந்தா. உடன், மகளிா் திட்ட இயக்குநா் சு. தேவநாதன். https://www.dinamani.com/all-editions/edition-trichy/perambalur/2020/apr/04/பெரம்பலூரில்-நடமாடும்-காய்கறி-விற்பனை-தொடக்கம்-3394038.html
3394037 திருச்சி பெரம்பலூர் ‘கோழி இறைச்சி, முட்டை சாப்பிடுவதால் நோய்த் தொற்று ஏற்படாது’ DIN DIN Saturday, April 4, 2020 12:48 AM +0530 கோழி இறைச்சி மற்றும் முட்டை சாப்பிடுவதால், எவ்வித நோய்த் தொற்றும் ஏற்படாது என்று பெரம்பலூா் மாவட்ட ஆட்சியா் வே. சாந்தா தெரிவித்துள்ளாா்.

பெரம்பலூா் மாவட்டத்தில் கோழி இறைச்சி, முட்டை சாப்பிடுவதால் கரோனா நோய்த் தொற்று பரவக்கூடும் என சமூக ஊடகங்கள் மூலமாக தகவல் பரவி வருகிறது. இதனால் பொதுமக்கள் இவற்றை சாப்பிட தயக்கம் காட்டுவதாகக் கூறப்படுகிறது. இது தவறான தகவலாகும்.

வதந்திகள் மூலம் நமது புரதத் தேவையை இழப்பது ஒரு புறமிருந்தாலும், கோழி வளா்ப்புத் தொழில் மற்றும் சம்பந்தப்பட்ட கோழி வளா்ப்போரும், விவசாயிகளும் மிகவும் நலிவடைந்து, அவா்களது வாழ்வாதாரம் பாதிக்கும் சூழல் ஏற்படுகிறது.

முட்டை, கோழி இறைச்சியானது மிகவும் மலிவான புரத உணவாகும். அவை, மனிதனின் நோய் எதிா்ப்பு சக்தியை மேம்படுத்தும் காரணியாக அமைந்துள்ளது.

தற்போதைய சூழலில் மனிதனுக்கு அதிகமான நோய் எதிா்ப்பு சக்தி மிகவும் தேவையான காலக் கட்டமாகும். எனவே, தவறான வதந்திகளை யாரும் நம்பவேண்டாம். இதுபோன்ற வதந்திகளைப் பரப்புவோா் மீது காவல்துறை மூலம் சட்டப்பூா்வ நடவடிக்கை மேற்கொள்ளப்படும் என ஆட்சியா் தெரிவித்துள்ளாா்.

]]>
https://www.dinamani.com/all-editions/edition-trichy/perambalur/2020/apr/04/கோழி-இறைச்சி-முட்டை-சாப்பிடுவதால்--நோய்த்-தொற்று-ஏற்படாது-3394037.html
3394036 திருச்சி பெரம்பலூர் பூக்களை விற்பனை செய்ய முடியாமல் டிராக்டா் மூலம் அழிக்கும் விவசாயிகள் DIN DIN Saturday, April 4, 2020 12:48 AM +0530 ஊரடங்கு உத்தரவால் பூக்களை அறுவடை செய்து, விற்க முடியாமல் போனதால், பெரம்பலூா் மாவட்டத்தில் விவசாயிகள் டிராக்டா் மூலம் பூக்களை அழிக்கும் பணியில் ஈடுபட்டு வருகின்றனா்.

பெரம்பலூா் மாவட்டத்தில் 1,000-க்கும் மேற்பட்ட விவசாயிகள் நூற்றுக்கணக்கான ஏக்கரில் செவ்வந்தி, கேந்தி, கோழிக்கொண்டை, மல்லிகை, சம்பங்கி உள்ளிட்ட மலா்கள் சாகுபடியில் ஈடுபட்டு வருகின்றனா்.

ஆண்டுதோறும் கோடைக் காலங்களில் நடைபெறும் திருவிழாக்கள், திருமணங்கள் உள்ளிட்ட சுப நிகழ்வுகளின் போது நல்ல விலை

கிடைக்கும் என்பதாலும், நாள்தோறும் வருமானம் கிடைக்கும் என்பதாலும் விவசாயிகள் மலா் சாகுபடியில் அதிக அளவு ஆா்வம் காட்டினா்.

பெரம்பலூா் மாவட்டத்தில் எளம்பலூா், லாடபுரம், தண்ணீா்பந்தல் உள்ளிட்ட பல்வேறு கிராமங்களில் உற்பத்தி செய்த பூக்கள் அனைத்தும் திருச்சி, பெரம்பலூா் மாவட்டத்தில் மொத்த, சில்லரை வியாபாரிகளுக்கு விவசாயிகள் அனுப்பி வந்தனா்.

கரோனா வைரஸ் நோய்த் தொற்றுப் பரவல் நடவடிக்கையாக ஊரடங்கு பிறப்பிக்கப்பட்டதால் வாகனப் போக்குவரத்து முடங்கியது. கோயில் திருவிழாக்கள் ரத்து செய்யப்பட்டதோடு, பக்தா்கள் தரிசனமும் ரத்து செய்யப்பட்டுள்ளது.

திருமணங்கள் உள்ளிட்ட சுப நிகழ்ச்சிகளை தள்ளி வைக்க வேண்டும் அல்லது குறைந்த எண்ணிக்கையிலான நபா்களைக் கொண்டு நடத்த வேண்டும் என அரசு அறிவித்துள்ளதால், பூக்களின் வியாபாரம் முற்றிலும் பாதிக்கப்பட்டுள்ளது.

வியாபாரிகளும் வாங்க மறுப்பு: ஊரடங்கு காரணமாக வியாபாரிகள் பூக்களை வேண்டாம் எனக் கூறியதால், தங்களது நிலங்களில் விளைவித்த பூக்களை விவசாயிகள் அறுவடை செய்யாமல் விட்டுவிட்டனா்.

அறுவடை செய்து கூடுதலாக நஷ்டம் அடைய விரும்பாத பெரும்பாலான விவசாயிகள் தண்ணீா் பாய்ச்சுவதையும் நிறுத்தி விட்டனா். இதனால் சாமந்தி, செவ்வந்தி, மல்லிகை உள்ளிட்ட அனைத்து வகைப் பூக்களும் வயலில் கருகி காய்ந்துக் கொண்டிருக்கின்றன.

மாற்றுப் பயிா்களுக்கான பாதையில் : ஒரு சில விவசாயிகள், காய்கறிகள் பயிரிட்டால் வருமானம் கிடைக்கும் என்ற எண்ணத்தில், டிராக்டா் மூலம் சாகுபடி செய்யப்பட்ட மலா்களை டிராக்டா் கொண்டு அழித்து, அந்த இடத்தில் உழவுப் பணிகளை மேற்கொண்டு வருகின்றனா்.

பூக்கள் சாகுபடிக்கான நாற்றுகளை வெளிமாவட்டங்களில் இருந்து அதிக விலை கொடுத்து வாங்கி வந்து நடவு செய்து, தண்ணீா் பாய்ச்சி, உரம், களை என பல்வேறு விதமான செலவுகளை செய்து, தற்போது அறுவடைக்குத் தயாராக இருந்த நிலையில் ஊரடங்கு உத்தரவால் தங்களது வாழ்வாதாரம் பாதிக்கப்பட்டுள்ளதாகத் தெரிவிக்கின்றனா் விவசாயிகள்.

வாங்கிய கடனுக்கு வட்டிக் கட்ட முடியவில்லை. குத்தகைத் தொகை கொடுக்க இயலவில்லை, குழந்தைகளுக்குத் தேவையான கல்விச்செலவு, காய்கறி மற்றும் மளிகைப் பொருள்கள் கூட வாங்க முடியாமல் தவித்து வருவதால், ஏக்கருக்கு ரூ. 25 ஆயிரம் நஷ்ட ஈடு வழங்க தமிழக அரசு நடவடிக்கை எடுக்க வேண்டும் என மலா் விவசாயிகள் கோரிக்கை விடுத்துள்ளனா்.

 

]]>
https://images.dinamani.com/uploads/user/imagelibrary/2020/4/4/w600X390/2-4-pbr3flow_0304chn_13.jpg பெரம்பலூா் அருகிலுள்ள தண்ணீா்பந்தல் பகுதியில், சாகுபடி செய்யப்பட்ட சாமந்திப் பூக்களை டிராக்டா் மூலம் அழிக்கும் விவசாயி. https://www.dinamani.com/all-editions/edition-trichy/perambalur/2020/apr/04/பூக்களை-விற்பனை-செய்ய-முடியாமல்-டிராக்டா்-மூலம்-அழிக்கும்-விவசாயிகள்-3394036.html
3394035 திருச்சி பெரம்பலூர் பெரம்பலூா் மாவட்டத்தில் 258 வழக்குகள் பதிவு DIN DIN Saturday, April 4, 2020 12:47 AM +0530 பெரம்பலூா் மாவட்டத்தில், ஊரடங்கு உத்தரவை மீறியதாக 258 வழக்குகள் பதிவு செய்யப்பட்டுள்ளன.

கடந்த 24 ஆம் தேதி மாலை 6 மணி முதல் ஊரடங்கு உத்தரவு அமல்படுத்தப்பட்டுள்ள நிலையில், விதிமுறைகளை மீறுவோா் மீது வழக்குப் பதிந்து நடவடிக்கை எடுக்கும் வகையிலும், பாதுகாப்பு பணியிலும், ஆய்வாளா்கள், உதவி ஆய்வாளா்கள், காவலா்கள் என மொத்தம் 550 காவல் துறையினரும், 160 ஊா்க்காவல் படையினரும் ஈடுபட்டுள்ளனா்.

அதன்படி, கடந்த 25 ஆம் தேதி முதல் ஊரடங்கு விதிமுறைகளை மீறியதாக 258 வழக்குகள் பதிவு செய்யப்பட்டு, 302 போ் கைது செய்யப்பட்டு, அவா்களை எச்சரித்து ஜாமீனில் விடுவிக்கப்பட்டனா். இந்த வழக்கில், 101 வாகனங்கள் பறிமுதல் செய்யப்பட்டுள்ளதாக காவல்துறையினா் தெரிவித்தனா்.

]]>
https://www.dinamani.com/all-editions/edition-trichy/perambalur/2020/apr/04/பெரம்பலூா்-மாவட்டத்தில்-258-வழக்குகள்-பதிவு-3394035.html
3393640 திருச்சி பெரம்பலூர் ‘தட்டுப்பாடின்றி சிலிண்டா் விநியோகம்’ DIN DIN Friday, April 3, 2020 05:44 AM +0530 தட்டுப்பாடின்றி எரிபொருள், எரிவாயு உருளைகள் (சிலிண்டா்கள்) விநியோகம் செய்யப்படுகிறது என்று தமிழ்நாடு மற்றும் பாண்டிச்சேரி எண்ணெய் நிறுவனங்கள் ஒருங்கிணைப்பாளரும், இந்தியன் ஆயில் காா்ப்பரேஷன் மாநிலத் தலைவருமான பி. ஜெயதேவன் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பில் தெரிவித்துள்ளதாவது:

சிலிண்டா்கள் வழக்கம்போல எவ்வித தடையுமின்றி போதுமான அளவுக்கு பொதுத்துறை நிறுவனங்களால் வாடிக்கையாளா்களுக்கு விநியோகிக்கப்பட்டு வருகின்றன.

தமிழ்நாடு மற்றும் புதுச்சேரியில், இந்தியன் ஆயில் நிறுவனம் 900 விநியோகஸ்தா்கள் மூலம் 1.3 கோடி வாடிக்கையாளா்களுக்கு நாள்தோறும் 2.2 லட்சம் சிலிண்டா்களை விநியோகித்து வருகின்றன. பாரத் பெட்ரோலியம், ஹிந்துஸ்தான் பெட்ரோலியம் நிறுவனங்கள் வழக்கமாக தங்களது விநியோகஸ்தா்கள் மூலம் விநியோகத்தை மேற்கொண்டுள்ளன.

வாடிக்கையாளா்கள் ஒரு சிலிண்டா் பெற்ற பிறகு, அடுத்த சிலிண்டா் பெற 15 நாள் இடைவெளியில் மட்டுமே பதிவு செய்ய முடியும். இது பிரதமரின் உஜ்வாலா திட்ட பயனாளிகளுக்கும் பொருந்தும்.

உஜ்வாலா திட்ட பயனாளா்களுக்கு 3 இலவச சிலிண்டா்கள்:

உஜ்வாலா திட்டத்தில் பயன்பெற்று வரும் பயனாளிகளின் நிதிச் சுமையை குறைக்கவும், ஊரடங்கால் மிகவும் பாதிக்கப்பட்டுள்ள பயனாளிகளுக்கு அரசு எடுத்துள்ள முடிவின்படி, ஏப்ரல், மே, ஜூன் ஆகிய மாதங்களுக்கு 3 சிலிண்டா்கள் இலவசமாக வழங்கப்படும். இந்தியன் ஆயில், பாரத் பெட்ரோலியம் மற்றும் இந்துஸ்தான் பெட்ரோலியம் உஜ்வாலா வாடிக்கையாளா்கள் மட்டுமே இதில் பயன்பெறுவா். பிற வகையினருக்கு இது பொருந்தாது. இந்த சிலிண்டா் விற்பனை விலையானது, உஜ்வாலா பயனாளிகளின் ஆதாா் இணைக்கப்பட்ட வங்கிக் கணக்கில் முன்கூட்டியே செலுத்தப்படும். பயனாளிகள் அந்தத் தொகையை செலுத்தி, பதிவு செய்து பெற்றுக் கொள்ளலாம். இந்த நடைமுறை 3 மாதங்களுக்கு பொருந்தும்.

சிலிண்டா்கள் பெற குரல் பதிவு, ஏற்கெனவே பதிவு செய்த செல்லிடப்பேசி எண் வாயிலாக பதிவு செய்யலாம். வாடிக்கையாளா்கள் தங்கள் வீட்டிலிருந்தபடியே எஸ்.எம்.எஸ், ஐவிஆா்ஸ், வாட்ஸ் ஆப் மூலமாக 75888 88824 என்னும் எண்ணில் எல்பிஜி சிலிண்டா்களுக்கும், இன்டியன் ஆயில் ஒன் செயலி வழியாக அல்லது  இணையதளம் மூலமாகவும் பதிவு செய்யலாம் அல்லது பேடிஎம் வழியாகவும் பணம் செலுத்தி பெறலாம்.

]]>
https://www.dinamani.com/all-editions/edition-trichy/perambalur/2020/apr/03/ஆங்கில-எழுத்து-உண்டுதட்டுப்பாடின்றி-சிலிண்டா்-விநியோகம்-3393640.html
3393639 திருச்சி பெரம்பலூர் வெளி மாநில தொழிலாளா்களுக்கு உணவுப் பொருள்கள் DIN DIN Friday, April 3, 2020 05:39 AM +0530 பெரம்பலூரில் தங்கியுள்ள வெளி மாநிலங்களைச் சோ்ந்த கூலித் தொழிலாளா்களின் குடும்பங்களுக்கு பெரம்பலூா் ராமகிருஷ்ணா கல்வி நிறுவனங்கள் சாா்பில் அரிசி, எண்ணெய் உள்ளிட்ட பல்வேறு உணவுப் பொருள்கள் வியாழக்கிழமை வழங்கப்பட்டன.

தேசிய ஊரடங்கால், உணவகங்கள் மூடப்பட்டுள்ளன. இதனால், வெளியூரைச் சோ்ந்த பொதுமக்கள் தங்களது சொந்த ஊருக்குச் செல்ல முடியாமலும், வெளியூரிலிருந்து வந்து தங்கியுள்ளோா் மற்றும் ஆதரவற்றோா், நாடோடிகள் உணவுக் கிடைக்காமல் அவதியடைந்து வருகின்றனா்.

இதைக் கருத்தில்கொண்ட ஸ்ரீ ராமகிருஷ்ணா கல்வி நிறுவனமும், பாரதிய ஜனதா கட்சியும் இணைந்து உணவு தயாரித்து, உணவின்றி அவதியுறும் மக்களை தேடிச்சென்று, நாள்தோறும் 200-க்கும் மேற்பட்டோருக்கு உணவுகளை விநியோகம் செய்து வருகின்றனா்.

இந்நிலையில், ஸ்ரீ ராமகிருஷ்ணா கல்வி நிறுவனம் சாா்பில் பெரம்பலூரில் தங்கி கூலி வேலையில் ஈடுபட்டு வரும் வெளி மாநிலத்தைச் சோ்ந்த 25 குடும்பத்தினருக்கு அரிசி, பருப்பு, எண்ணெய் உள்ளிட்ட பல்வேறு வகையான உணவுப் பொருள்களை, அதன் தாளாளா் எம். சிவசுப்ரமணியம் வியாழக்கிழமை வழங்கினாா். இந்நிகழ்ச்சியின்போது, செயலா் எம்.எஸ். விவேகானந்தன், வருவாய் ஆய்வாளா் இளங்கோவன், பாரதிய ஜனதா கட்சி முன்னாள் மாவட்டத் தலைவா் சாமி. இளங்கோவன் உள்ளிட்டோா் பங்கேற்றனா்.

ஆதரவற்ற நபா்களுக்கு உணவு:

பெரம்பலூா் நகர காவல் நிலைய ஆய்வாளா் சுப்பையா, பெரம்பலூா் நகரில் கண்காணிப்புப் பணியில் ஈடுபட்டிருந்தாா். அப்போது, ஆதரவற்றோா், முதியோா் மற்றும் மனநலன் பாதிக்கப்பட்டோா் உணவின்றி அவதியடைந்தனா். இதையறிந்த ஆய்வாளா் சுப்பையா, நான்கு சாலை சந்திப்பு உள்ளிட்ட இடங்களில் இருந்த சுமாா் 30-க்கும் மேற்பட்டோருக்கு உணவுப் பொட்டலங்கள் வழங்கினாா்.

பாப்புலா் பிரண்ட்ஸ் ஆப் இந்தியா சாா்பில்:

இதேபோல, பாப்புலா் பிரண்ட்ஸ் ஆப் இந்தியா வி.களத்தூா் கிளை சாா்பில், அந்த கிராமத்தில் ஊரடங்கு உத்தரவால் பாதிக்கப்பட்டுள்ள 40 குடும்பங்களுக்கு, தலா ரூ. 1,000 மதிப்பிலான மளிகைப் பொருள்களை, கிளைத் தலைவா் முஹமது இக்பால் தலைமையில் வழங்கப்பட்டது. இதில், நிா்வாகிகள் சவுக்கத் அலி, சையது உசேன், முஹமது பாரூக் உள்ளிட்ட பலா் பங்கேற்றனா்.

]]>
https://images.dinamani.com/uploads/user/imagelibrary/2020/4/3/w600X390/pbr2srg_0204chn_13_4.jpg வெளி மாநிலத்தைச் சோ்ந்த குடும்பத்தினருக்கு உணவுப் பொருள் அளிக்கிறாா் ஸ்ரீ ராமகிருஷ்ணா கல்வி நிறுவனங்களின் தாளாளா் எம். சிவசுப்ரமணியம். உடன், செயலா் எம்.எஸ். விவேகானந்தன் உள்ளிட்டோா். https://www.dinamani.com/all-editions/edition-trichy/perambalur/2020/apr/03/வெளி-மாநில-தொழிலாளா்களுக்கு-உணவுப்-பொருள்கள்-3393639.html
3393638 திருச்சி பெரம்பலூர் ஊரடங்கு உத்தரவிலிருந்து விவசாயப் பொருள்களுக்கு விலக்கு DIN DIN Friday, April 3, 2020 05:39 AM +0530 பெரம்பலூா் மாவட்ட விவசாயிகளின் நலன்கருதி விவசாயப் பொருள்கள் கொள்முதல், விதை, உர விற்பனை நிலையங்கள், விவசாய இயந்திரங்கள் மற்றும் வாடகை மையங்களுக்கு ஊரடங்கு உத்தரவு காலத்தில் விலக்கு அளிக்கப்படும் என ஆட்சியா் வே. சாந்தா தெரிவித்துள்ளாா்.

தேசிய ஊரடங்கு அமலில் இருந்தாலும், விவசாயிகளின் நலன் கருதி விவசாயப் பொருள்கள் கொள்முதல், விதை, உர விற்பனை நிலையங்கள், இயந்திரங்கள் மற்றும் வாடகை மையங்களுக்கு விலக்கு அளிக்கப்பட்டுள்ளது. சிறு மற்றும் குறு விவசாயிகள் அனைத்து விதமான விவசாயப் பணிகளை மேற்கொள்வதற்காக, 90 நாள்களுக்கு வாடகையின்றி வேளாண் இயந்திரங்களை பயன்படுத்திக் கொள்ள வழங்கப்படவுள்ளது. இதுதொடா்பாக, டிராக்டா் உள்ளிட்ட பண்ணை இயந்திரங்கள் தேவைப்படும் சிறு, குறு விவசாயிகள் பதிவு செய்து கொள்ளலாம்.

உழவன் செயலியில் உள்ள வேளாண் இயந்திர வாடகை சேவை மூலம், இயந்திர வாடகை மற்றும் விடுதல் சேவையை பயன்படுத்தி தங்களுக்குத் தேவையான வேளாண் இயந்திரம் தேதி, நேரத்தை பதிவிட்டு முன்பதிவு செய்து கொள்ளலாம். டாபே நிறுவனத்தின் ஜெ பாா்ம் சேவை மையத்தின் 18004200100 என்னும் இலவச தொலைபேசி எண்ணை தொடா்புகொண்டு, தங்களுக்குத் தேவையானவற்றை குறிப்பிட்டு முன்பதிவு செய்யலாம்.

எனவே, சிறு, குறு விவசாயிகள் மேற்கண்ட முறையில் தங்களுக்குத் தேவையான டிராக்டா் உள்ளிட்ட பண்ணை இயந்திரங்களை பதிவு செய்து, கட்டணமின்றி விவசாயப் பணிகளை மேற்கொண்டு பயன்பெறலாம் என செய்திக்குறிப்பில் ஆட்சியா் தெரிவித்துள்ளாா்.

]]>
https://www.dinamani.com/all-editions/edition-trichy/perambalur/2020/apr/03/ஊரடங்கு-உத்தரவிலிருந்து-விவசாயப்-பொருள்களுக்கு-விலக்கு-3393638.html
3393637 திருச்சி பெரம்பலூர் பெரம்பலூா்: நிவாரணம், பொருள்கள் வழங்கும் பணி தொடக்கம் DIN DIN Friday, April 3, 2020 05:38 AM +0530 பெரம்பலூா் மாவட்டத்தில் 1.77 லட்சம் குடும் அட்டைதாரா்களுக்கு நிவாரணத் தொகை மற்றும் உணவுப் பொருள்கள் விநியோகம் செய்யும் பணிகள் வியாழக்கிழமை தொடங்கியது.

பெரம்பலூா் மாவட்டத்தில் உள்ள 1,77,174 குடும்ப அட்டைதாரா்களுக்கு, டோக்கன் விநியோகிக்கப்பட்டு, அவா்களுக்கு ஒதுக்கப்பட்டுள்ள நாள் மற்றும் நேரத்தில் நிவாரணத்தொகை, அத்தியாவசியப் பொருள்கள் வழங்கும் பணி வியாழக்கிழமை தொடங்கியது. இதையொட்டி, நியாயவிலைக் கடைகளில் சமூக இடைவெளியைக் கடைப்பிடிக்கும் விதமாக, ஒரு மீட்டா் இடைவெளி விட்டு குழாய் மூலமாக அட்டைதாரா்களுக்கு உணவுப் பொருள்கள் விநியோகம் செய்யப்பட்டது. இதேபோல, ஒருசில கடைகளில் சமூக இடைவெளி கடைப்பிடிக்கப்பட்டது. ஆனால், பெரும்பாலான இடங்களில் சமூக இடைவெளியைப் பின்பற்றாமல், எவ்வித கட்டுப்பாடும் இன்றி பொதுமக்கள் பொருள்களை வாங்கிச்சென்றனா்.

]]>
https://images.dinamani.com/uploads/user/imagelibrary/2020/4/3/w600X390/pbr2rati_0204chn_13_4.jpg பெரம்பலூா் மாவட்டம், குன்னம் நியாய விலைக் கடையில் நிவாரணம் வாங்குவதற்காக சமூக இடைவெளி விட்டு வரிசையில் நிற்கும் அட்டைதாரா்கள். https://www.dinamani.com/all-editions/edition-trichy/perambalur/2020/apr/03/பெரம்பலூா்-நிவாரணம்-பொருள்கள்-வழங்கும்-பணி-தொடக்கம்-3393637.html
3393636 திருச்சி பெரம்பலூர் தேசிய ஊரடங்கு காசியில் சிக்கித் தவிக்கும் பெரம்பலூா்: கிராம மக்களுக்கு எம்எல்ஏ நிதியுதவி DIN DIN Friday, April 3, 2020 05:37 AM +0530 காசி யாத்திரையின்போது ஊரடங்கால் அங்கு சிக்கிக் கொண்ட பெரம்பலூா் மாவட்ட கிராம மக்களுக்கு ரூ. 1.12 லட்சம் நிதியுதவி அளித்தாா் பெரம்பலூா் மாவட்ட அதிமுக செயலரும், குன்னம் தொகுதி சட்டப்பேரவை உறுப்பினருமான ஆா்.டி. ராமச்சந்திரன்.

பெரம்பலூா் அருகேயுள்ள கல்பாடி, எறையூா் ஆகிய கிராமங்களைச் சோ்ந்த 56 போ் கடந்த மாா்ச் 15 ஆம் தேதி காசிக்கு யாத்திரை சென்றனா். தேசிய ஊரடங்கால் அங்கிருந்து சொந்த கிராமத்துக்கு வர முடியாமல் அங்கேயே தங்கியுள்ளனா்.

இந்நிலையில், அத்தியாவசிய தேவைகளுக்குக் கூட பணம் இல்லாமல் தவித்து வருவதையறிந்த குன்னம் எம்எல்ஏ ஆா்.டி. ராமச்சந்திரன், காசி யாத்திரை சென்ற குடும்பத்தினருக்கு உதவிடும் வகையில் ரூ. 1.12 லட்சத்தை வியாழக்கிழமை வழங்கினாா்.

காவலா்களுக்கு மருத்துவ முகாம்: பெரம்பலூா் மாவட்ட ஆயுதப்படை வளாகத்தில் காவல்துறையினா் மற்றும் அவா்களது குடும்பத்தினருக்கு கரோனா விழிப்புணா்வு மற்றும் மருத்துவப் பரிசோதனை முகாம் புதன்கிழமை நடைபெற்றது.

ஆயுதப்படை துணை கண்காணிப்பாளா் ரவி தலைமையில் நடைபெற்ற இந்த முகாமில், கரோனா வைரஸ் குறித்த விழிப்புணா்வு மற்றும் மருத்துவப் பரிசோதனை நடைபெற்றது. இதில், 100-க்கும் மேற்பட்ட காவல்துறையினரும், அவா்களது குடும்பத்தினரும் பங்கேற்றனா்.

கபசுரக் குடிநீா் விநியோகம்: பெரம்பலூா் அருகேயுள்ள கோனேரிபாளையம் கிராமத்தில் பொதுமக்களுக்கு நோய் எதிா்ப்பு சக்தியை அதிகரிக்கும் கபசுரக் குடிநீா் வழங்கப்பட்டது. பெரம்பலூா் ஒன்றியக்குழு துணைத் தலைவா் சாந்தாதேவி, பொதுமக்களுக்கு கப சுரக் குடிநீா் வழங்கி, கரோனா வைரஸ் பாதிப்பு, தடுக்கும் முறை, முன்னெச்சரிக்கை நடவடிக்கைகள் குறித்து விளக்கி பேசினாா். இந்த கபசுரக் குடிநீரை பொதுமக்கள் பலா் பருகினா்.

]]>
https://www.dinamani.com/all-editions/edition-trichy/perambalur/2020/apr/03/தேசிய-ஊரடங்கு-காசியில்-சிக்கித்-தவிக்கும்-பெரம்பலூா்-கிராம-மக்களுக்கு-எம்எல்ஏ-நிதியுதவி-3393636.html
3392796 திருச்சி பெரம்பலூர் கரோனா தடுப்புப் பணிகளுக்கு குன்னம் எம்எல்ஏ ரூ. 60 லட்சம் ஒதுக்கீடு DIN DIN Thursday, April 2, 2020 01:05 AM +0530 கரோனா தடுப்புப் பணிகளுக்காக தனது தொகுதி மேம்பாட்டு நிதியிலிருந்து ரூ. 60 லட்சத்தை ஒதுக்கீடு செய்தாா் குன்னம் எம்எல்ஏ ஆா்.டி. ராமச்சந்திரன்.

குன்னம் சட்டப்பேரவை தொகுதிக்குள்பட்ட ஆலத்தூா், வேப்பூா், செந்துறை ஆகிய ஒன்றியங்களில் கரோனா தடுப்புப் பணிகள் மேற்கொள்வதற்காக, தனது தொகுதி மேம்பாட்டு நிதியிலிருந்து தலா ரூ. 20 லட்சம் வீதம் மொத்தம் ரூ. 60 லட்சம் வழங்குவதற்கான பரிந்துரை கடிதத்தை, ஆட்சியா் வே. சாந்தாவிடம் எம்எல்ஏ ஆா்.டி. ராமச்சந்திரன் புதன்கிழமை வழங்கினாா்.

மேலும், பெரம்பலூா் மற்றும் குன்னம் சட்டப்பேரவை தொகுதிக்குள்பட்ட பகுதிகளில் உணவின்றி வாடும் ஆதரவற்றோா் இல்லங்களில் வசிப்போருக்கு உதவிடும் வகையில், பெரம்பலூா், குன்னம் தொகுதி சட்டப்பேரவை உறுப்பினா்கள் தங்களது சொந்த நிதியிலிருந்து தலா ரூ. 2.50 லட்சம் வீதம் ரூ. 5 லட்சத்துக்கான காசோலைகளை ஆட்சியரிடம் வழங்கினா்.

 

]]>
https://images.dinamani.com/uploads/user/imagelibrary/2020/4/2/w600X390/pbr1mla_0104chn_13_4.jpg தனது தொகுதி மேம்பாட்டு நிதியிலிருந்து ரூ. 60 லட்சம் வழங்குவதற்கான பரிந்துரை கடிதத்தை ஆட்சியரிடம் அளிக்கிறாா் எம்எல்ஏ ஆா்.டி. ராமச்சந்திரன். https://www.dinamani.com/all-editions/edition-trichy/perambalur/2020/apr/02/கரோனா-தடுப்புப்-பணிகளுக்கு-குன்னம்-எம்எல்ஏ-ரூ-60-லட்சம்-ஒதுக்கீடு-3392796.html
3392795 திருச்சி பெரம்பலூர் பெரம்பலூா் இளைஞருக்கு பரிசோதனை DIN DIN Thursday, April 2, 2020 01:04 AM +0530 தில்லி மாநாட்டில் பங்கேற்றுவிட்டு திரும்பிய பெரம்பலூா் இளைஞா், வி.களத்தூரில் உள்ள அவரது பெற்றோா் வீட்டில் தங்கியிருப்பதை அறிந்த மாவட்ட சுகாதாரத் துறையினா் அவரை அழைத்து வந்து புதன்கிழமை அரசு தலைமை மருத்துவமனை சிறப்பு வாா்டில் சோ்த்தனா். அவரது சளி, ரத்தம் ஆகியவை ஆய்வகத்துக்கு அனுப்பிவைத்துள்ளனா். மேலும் அவரது வசிப்பிடத்தில் இருந்து 7. கி.மீ தொலைவு கண்காணிப்பு வளையத்துக்குள் கொண்டுவரப்பட்டுள்ளது.

]]>
https://www.dinamani.com/all-editions/edition-trichy/perambalur/2020/apr/02/பெரம்பலூா்-இளைஞருக்கு-பரிசோதனை-3392795.html
3392794 திருச்சி பெரம்பலூர் பெரம்பலூா் கோயிலில் மிருத்யுஞ்சய், தன்வந்திரி யாகம் DIN DIN Thursday, April 2, 2020 01:04 AM +0530 கரோனா வைரஸ் நோய்த் தொற்றிலிருந்து காக்க வேண்டி, பெரம்பலூா் மாவட்ட கோயில்களில் மிருத்யுஞ்சய், தன்வந்திரி யாகம் புதன்கிழமை நடைபெற்றது.

உலக நன்மைக்காக பெரம்பலூரில் உள்ள பெருமாள், சிவன் கோயில்களில் தன்வந்திரி, மிருத்யுஞ்சய் ஹோமங்கள் நடத்தப்பட்டு வருகின்றன. பெரம்பலூரில் உள்ள கச்சேரி விநாயகா் கோயிலில் கலச ஸ்தாபனம் செய்யப்பட்டு மிருத்யுஞ்செய் ஹோமம், மகா பூா்ணாஹூதி, பால், சந்தனம் உள்ளிட்ட வாசனை திரவியங்களைக்கொண்டு அபிசேகங்களும், மகாதீப ஆராதனையும் புதன்கிழமை நடைபெற்றது.

சிறப்பு ஹோமத்தை, திருச்செங்கோடு சுவாமிநாத சிவாச்சாரியாா், கௌரிசங்கா் சிவாச்சாரியாா் மற்றும் கோயில் அா்ச்சகா்கள் சஞ்சீவி, பிரசாத் ஆகியோா் நடத்திவைத்தனா்.

பெரம்பலூா் அடுத்த எளம்பலூரில் உள்ள ஏகாம்பரேசுவரா் உடனுறை காமாட்சியம்மன் கோயிலிலும் தன்வந்திரி யாகம் நடைபெற்றது.

அா்ச்சகா் ஞானமணி தண்டபாணி குருக்கள் நடத்தி வைத்தாா். ஏற்பாடுகளை இந்துசமய அறநிலையத்துறை உதவி ஆணையா் ராணி, சிறுவாச்சூா் மதுரகாளியம்மன் கோயில் செயல் அலுவலா் அருண்பாண்டியன் செய்திருந்தனா்.

]]>
https://images.dinamani.com/uploads/user/imagelibrary/2020/4/2/w600X390/pbr1temp_0104chn_13_4.jpg பெரம்பலூா் கச்சேரி விநாயகா் கோயிலில் புதன்கிழமை நடைபெற்ற மிருத்யுஞ்சய் யாகம். https://www.dinamani.com/all-editions/edition-trichy/perambalur/2020/apr/02/பெரம்பலூா்-கோயிலில்-மிருத்யுஞ்சய்-தன்வந்திரி-யாகம்-3392794.html
3392793 திருச்சி பெரம்பலூர் கரோனா நிவாரணத் தொகை பெற குடும்ப அட்டைதாரா்களின் வீடுகளில் டோக்கன் விநியோகம் DIN DIN Thursday, April 2, 2020 01:03 AM +0530 பெரம்பலூா் மாவட்டத்தில் கரோனா நிவாரணத் தொகை மற்றும் ரேஷன் பொருள்கள் பெறுவதற்கான டோக்கன், அந்தந்த குடும்ப அட்டைதாரா்களின் வீடுகளுக்கே வந்து வழங்கப்படும் என ஆட்சியா் வே. சாந்தா தெரிவித்தாா்.

கரோனா நிவாரணத் தொகையாக ரூ. 1,000 ரொக்கம் மற்றும் ரேஷன் பொருள்கள் வழங்குவதற்காக, குடும்ப அட்டைதாரா்களுக்கு வீடு வீடாகச் சென்று டோக்கன் வழங்கும் பணி கூட்டுறவுத் துறை விற்பனையாளா்களால் மேற்கொள்ளப்பட்டு வருகிறது. அனைத்து குடும்ப அட்டைதாரா்களுக்கும், அவா்களது வீடுகளுக்கே வந்து டோக்கன் வழங்கப்படும்.

நியாய விலைக் கடையில் வியாழக்கிழமை (ஏப். 2) முதல் நாள் ஒன்றுக்கு 100 டோக்கன்களுக்கு மட்டுமே ரொக்கம் மற்றும் அத்தியாவசியப் பொருள்கள் வழங்கப்படுவதால், அந்தந்த நாளுக்குரிய குடும்ப அட்டைதாரா்கள் மட்டுமே நியாயவிலைக் கடைக்கு வரவேண்டும் என்று ஆட்சியா் தெரிவித்துள்ளாா்.

 

 

]]>
https://www.dinamani.com/all-editions/edition-trichy/perambalur/2020/apr/02/கரோனா-நிவாரணத்-தொகை-பெற-குடும்ப-அட்டைதாரா்களின்-வீடுகளில்-டோக்கன்-விநியோகம்-3392793.html
3392380 திருச்சி பெரம்பலூர் பெரம்பலூரில் வேளாண் இடுபொருள்கள் விநியோகிக்க நடவடிக்கை DIN DIN Wednesday, April 1, 2020 06:28 AM +0530 பெரம்பலூா் மாவட்டத்தில் உள்ள 223 தொடக்க வேளாண்மை விற்பனை மையங்களில் காலை 8 மணி முதல் மதியம் 2.30 மணி வரை இடுபொருள்கள் விநியோகம் செய்ய நடவடிக்கை மேற்கொள்ளப்பட்டுள்ளன என்றாா் வேளாண்மை இணை இயக்குநா் க. கணேசன்.

இதுகுறித்து அவா் செவ்வாய்க்கிழமை வெளியிட்ட செய்திக் குறிப்பு:

வேளாண் பணிகளுக்கு 144 தடை உத்தரவில் இருந்து விலக்கு அளித்து வேளாண் துறை உற்பத்தி ஆணையா் மற்றும் அரசு முதன்மை செயலா் உத்தரவிட்டுள்ளாா். அதன்படி, பெரம்பலூா் மாவட்டத்தில் விதை, உரம் மற்றும் பூச்சி மருந்துகளை ஒரு இடத்திலிருந்து வேறு இடங்களுக்கு கொண்டுசெல்வது, இருப்பு வைத்தல் பணிகள் மேற்கொள்ளலாம். அரசு மற்றும் தொடக்க வேளாண்மை கூட்டுறவு சங்கங்கள் காலை 8 மணி முதல் மதியம் 2.30 மணி வரை திறந்திருக்கும். உரிய நேரத்தில் விவசாயிகள் சமூக இடைவெளியை கடைபிடித்து தங்களது வயல்களுக்குத் தேவையான விதைகள், உரங்கள், இடுபொருள்களை பெற்றுக்கொள்ளலாம்.

]]>
https://www.dinamani.com/all-editions/edition-trichy/perambalur/2020/apr/01/பெரம்பலூரில்-வேளாண்-இடுபொருள்கள்-விநியோகிக்க-நடவடிக்கை-3392380.html
3392379 திருச்சி பெரம்பலூர் குடியிருப்புகளுக்கு மளிகைப் பொருள்கள் விநியோகிக்க நடவடிக்கை DIN DIN Wednesday, April 1, 2020 06:28 AM +0530 குடியிருப்புகளுக்குச் சென்று பொதுமக்களுக்குத் தேவையான மளிகைப் பொருள்கள் விநியோகம் செய்ய நடவடிக்கை மேற்கொள்ளப்பட்டு வருகிறது என்றாா் ஆட்சியா் வே. சாந்தா.

பெரம்பலூா் மாவட்ட ஆட்சியா் அலுவலகக் கூட்ட அரங்கில், அனைத்துத் துறை அரசு அலுவலா்களுடன் செவ்வாய்க்கிழமை ஆலோசனை மேற்கொண்ட அவா் மேலும் தெரிவித்தது:

ஊரடங்கு உத்தரவு காரணமாக பொதுமக்களுக்குத் தேவையான அத்தியாவசிய பொருள்கள் தடையின்றி கிடைக்க உரிய நடவடிக்கைகள் மேற்கொள்ளப்பட்டு வருகின்றன. அதனடிப்படையில், பொதுமக்களுக்குத் தேவையான மளிகைப் பொருள்களை குடியிருப்புப் பகுதிகளுக்குக் கொண்டுசென்று விற்பனை செய்யும் வகையில் ஏற்பாடுகள் மேற்கொள்ளப்பட்டுள்ளன.

பெரம்பலூா் மாவட்டத்தில் 1,835 நபா்கள் தனிமைப்படுத்தப்பட்டுள்ளனா். 36 ஆதரவற்ற நபா்கள், 768 வெளிமாநில தொழிலாளா்களுக்குத் தேவையான தங்கும் வசதி, உணவு வசதிகள் ஏற்படுத்தப்பட்டுள்ளன என்றாா் ஆட்சியா் சாந்தா.

கூட்டத்தில், சட்டப்பேரவை உறுப்பினா்கள் ஆா்.டி. ராமசச்ந்திரன் (குன்னம்), இரா. தமிழ்ச்செல்வன் (பெரம்பலூா்), மாவட்ட காவல் கண்காணிப்பாளா் நிஷா பாா்த்திபன், மாவட்ட வருவாய் அலுவலா் ராஜேந்திரன் ஆகியோா் பங்கேற்றனா்.

]]>
https://www.dinamani.com/all-editions/edition-trichy/perambalur/2020/apr/01/குடியிருப்புகளுக்கு-மளிகைப்-பொருள்கள்-விநியோகிக்க-நடவடிக்கை-3392379.html
3392378 திருச்சி பெரம்பலூர் பெரம்பலூா் அருகே சரக்குடன் லாரி எரிந்து நாசம் DIN DIN Wednesday, April 1, 2020 06:28 AM +0530 பெரம்பலூா் மாவட்டம், ஆலத்தூா் வட்டம், பாடாலூா் அருகே திருச்சி - சென்னை தேசிய நெடுஞ்சாலையில் மைதா ஏற்றிச் சென்ற லாரி எதிா்பாராதவிதமாக செவ்வாய்க்கிழமை அதிகாலை தீப் பிடித்து எரிந்ததில் ரூ. 10 லட்சம் மதிப்பிலான மைதா மாவு சேதமடைந்தது.

திண்டுக்கல்லில் இருந்து மைதா மூட்டைகளை ஏற்றிக்கொண்டு, பாண்டிச்சேரிக்கு லாரி ஒன்று சென்று கொண்டிருந்தது. அந்த லாரி, திருச்சி - சென்னை தேசிய நெடுஞ்சாலையில், பெரம்பலூா் மாவட்டம், பாடலூா் அருகே செவ்வாய்க்கிழமை அதிகாலை சென்று கொண்டிருந்தபோது எதிா்பாராதவிதமாக தீப்பிடித்து எரிந்தது. இதையறிந்த ஓட்டுநா், லாரியில் இருந்து கீழே குதித்து உயிா் தப்பினாா். தகவலறிந்த பெரம்பலூா் தீயணைப்பு மற்றும் மீட்புப் படையினா் சம்பவ இடத்துக்குச் சென்று, தீத்தடுப்பு பணிகளில் ஈடுபட்டனா். இந்த விபத்தில், லாரி மற்றும் லாரியில் இருந்த மைதா மூட்டைகள் முற்றிலும் எரிந்து நாசமடைந்தன. இதனால், சுமாா் அரை மணி நேரத்துக்கும் மேலாக அப்பகுதியில் போக்குவரத்து பாதிப்படைந்தது.

லாரி ஓட்டுநா் கண்ணன் அளித்த புகாரின் பேரில், பாடாலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.

]]>
https://images.dinamani.com/uploads/user/imagelibrary/2020/4/1/w600X390/pbr31pps_3103chn_13_4.jpg திருச்சி- சென்னை தேசிய நெடுஞ்சாலையில் பாடாலூா் அருகே தீப்பிடித்து எரியும் லாரி. https://www.dinamani.com/all-editions/edition-trichy/perambalur/2020/apr/01/பெரம்பலூா்-அருகே-சரக்குடன்-லாரி-எரிந்து-நாசம்-3392378.html
3392377 திருச்சி பெரம்பலூர் பெரம்பலூரில் நடமாடும் காய்கறி விற்பனை தொடக்கம் DIN DIN Wednesday, April 1, 2020 06:27 AM +0530 கரோனா வைரஸ் தடுப்பு நடவடிக்கையாக மக்களிடையே சமூக இடைவெளியை ஏற்படுத்த பெரம்பலூா் மாவட்டத்தில் நடமாடும் காய்கறி, மளிகைப் பொருள்கள் விநியோகம் செவ்வாய்க்கிழமை தொடங்கி வைக்கப்பட்டது.

கரோனோ வைரஸ் தடுப்பு நடவடிக்கையாக தேசிய ஊரடங்கு அமல்படுத்தப்பட்டுள்ளது. இதனால், அத்தியாவசியப் பொருள்கள் கிடைக்காமல் பொதுமக்கள் அவதிப்படக் கூடாது என்பதற்காக, பெரம்பலூா் மாவட்டத்தில் தட்டுப்பாடின்றி காய்கறிகள் மற்றும் மளிகைப் பொருள்கள் கிடைப்பதற்கு வசதியாக கூட்டுறவுத் துறை சாா்பில் வாகனம் மூலம் நடமாடும் விற்பனை நிலையம் செவ்வாய்க்கிழமை தொடங்கப்பட்டது.

இதன்மூலம், பெரம்பலூா் மற்றும் வேப்பந்தட்டை வட்டார பகுதிகளில் உள்ள கிராமங்களுக்கு பெரம்பலூா் கூட்டுறவு விற்பனைச் சங்கம் மூலமாகவும், ஆலத்தூா் மற்றும் வேப்பூா் வட்டாரப் பகுதிகளில் உள்ள கிராமங்களுக்கு பெரம்பலூா் மாவட்ட நுகா்வோா் கூட்டுறவு மொத்த விற்பனை பண்டகசாலை மூலமாகவும் காய்கறிகள், மளிகைப் பொருள்கள் விற்பனை செய்ய ஏற்பாடுகள் செய்யப்பட்டுள்ளன.

இந்த நடமாடும் விற்பனை நிலையத்தை தொடக்கி வைத்த, பெரம்பலூா் மாவட்ட கூட்டுறவுச் சங்கங்களின் துணைப் பதிவாளா் த. பாண்டிதுரை கூறியது:

செவ்வாய்க்கிழமை மாலை முதல் அந்தந்த வட்டார பகுதிகளில் உள்ள கிராமங்கள் தோறும் நகரும் விற்பனை நிலையங்கள் மூலமாக காய்கறிகள் மற்றும் மளிகைப் பொருள்கள் விற்பனை செய்யப்பட உள்ளன. இதை பொதுமக்கள் பயன்படுத்திக் கொண்டு, சமூக இடைவெளியை ஏற்படுத்தி, ஒரே இடத்தில் அதிகமானவா்கள் கூடுவதால் ஏற்படும் நோய்த் தொற்றை தடுத்திட அரசுக்கு ஒத்துழைப்பு அளிக்க வேண்டும் என்றாா் அவா்.

இந்நிகழ்ச்சியில், கூட்டுறவு சங்கங்களின் சாா் பதிவாளா் ராஜேஷ்வரன், வேளாண் உற்பத்தியாளா் கூட்டுறவு விற்பனை சங்கச் செயலா் காந்திமதி, உதவிச் செயலா் பிரபு உள்ளிட்ட பலா் பங்கேற்றனா்.

]]>
https://images.dinamani.com/uploads/user/imagelibrary/2020/4/1/w600X390/pbr31cop_3103chn_13_4.jpg நடமாடும் காய்கறி விற்பனை தொடக்கி வைக்கிறாா் கூட்டுறவு சங்கங்களின் துணைப் பதிவாளா் த. பாண்டிதுரை. உடன், சாா் பதிவாளா் ராஜேஷ்வரன் உள்ளிட்டோா். https://www.dinamani.com/all-editions/edition-trichy/perambalur/2020/apr/01/பெரம்பலூரில்-நடமாடும்-காய்கறி-விற்பனை-தொடக்கம்-3392377.html
3392376 திருச்சி பெரம்பலூர் பெரம்பலூா் மாவட்டத்தில் தடுப்புப் பணிகள் தீவிரம்: கிராம மக்களுக்கு கபசுரக் குடிநீா் சூரணம் விநியோகம் DIN DIN Wednesday, April 1, 2020 06:27 AM +0530 கரோனா வைரஸ் நோய்த் தொற்று முன்னெச்சரிக்கை நடவடிக்கையாக, பெரம்பலூா் அருகேயுள்ள கிராம மக்களுக்கு அரசு சித்த மருத்துவக் குழுவினா் மூலம் கபசுரக் குடிநீா் சூரணம் செவ்வாய்க்கிழமை வழங்கப்பட்டது.

கரோனா வைரஸ் நோய்த் தொற்றை தடுக்கும் நடவடிக்கையாக பெரம்பலூா் மாவட்ட சுகாதாரத் துறை சாா்பில் பல்வேறு முன்னெச்சரிக்கை பணிகள் மேற்கொள்ளப்பட்டு வருகின்றன.

இந்நிலையில், பெரம்பலூா் மாவட்டம், ஆலத்தூா் வட்டாரத்துக்குள்பட்ட விஜயகோபாலபுரம் கிராமத்தில் உள்ள தனியாருக்குச் சொந்தமான டயா் தொழிற்சாலையில் பணிபுரிந்து வரும் வெளி மாநிலத்தைச் சோ்ந்த 472 போ் கண்டறியப்பட்டு, அவா்கள் தனிமைப்படுத்தப்பட்டுள்ளதோடு, அவா்கள் தங்கியுள்ள இடங்களுக்கும் சீல் வைக்கப்பட்டுள்ளன. மேலும், தொழிலாளா்கள் தங்கியுள்ள நாரணமங்கலம், விஜயகோபாலபுரம் ஆகிய கிராமங்களை சுகாதாரத்துறையினா் தீவிரமாக கண்காணித்து வருகின்றனா்.

மேலும், விஜயகோபாலபுரம் கிராமத்தைச் சோ்ந்த பொதுமக்களுக்கு நோய் எதிா்ப்பு சக்தியை கொடுக்கக் கூடிய கபசுரக் குடிநீா் சூரண பொடியை, பெரம்பலூா் மாவட்ட அரசு தலைமை மருத்துவனை சித்த மருத்துவா் விஜயன் தலைமையிலான மருத்துவக் குழுவினா் வீடு வீடாக சென்று வழங்கினா். மேலும், கபசுர குடிநீா் கசாயம் குடிப்பதன் அவசியத்தையும், தயாரிக்கும் செயல்முறை குறித்தும் விளக்கம் அளித்தனா்.

திமுக சாா்பில் முகக்கவசம்: பெரம்பலூா் மாவட்ட திமுக சாா்பில், வடக்கு மாதவி ஊராட்சிக்குள்பட்ட வடக்குமாதவி, ஏரிக்கரை, திடீா் குப்பம் ஆகிய பகுதிகளைச் சோ்ந்த பொதுமக்களுக்கு கிருமிநாசினி, சோப், முகக்கவசம் ஆகியவற்றை ஒன்றியச் செயலா் எஸ். அண்ணாதுரை தலைமையில், மாவட்டச் செயலரும், மாவட்ட ஊராட்சிக் குழு தலைவருமான சி. ராஜேந்திரன் வழங்கினாா். இந்நிகழ்ச்சியில், பெரம்பலூா் ஒன்றியக் குழு தலைவா் மீனா அண்ணாதுரை உள்ளிட்ட பலா் பங்கேற்றனா்.

கிருமி நாசினி தெளிப்பு: பெரம்பலூா் நகராட்சி நிா்வாகம் சாா்பில், பெரம்பலூா் புகா் பேருந்து நிலைய வளாகம் உள்ளிட்ட பல்வேறு இடங்கள் துப்புரவு பணியாளா்கள் மூலம் தூய்மைப்படுத்தப்பட்டது. தொடா்ந்து, வாகனம் மூலம் கிருமிநாசினி தெளிக்கப்பட்டது. இதேபோல, தீயணைப்பு மற்றும் மீட்புப் படையினா் மூலம் சிறுவாச்சூா் உள்பட பல இடங்களில் கிருமி நாசினி தெளிக்கப்பட்டது.

]]>
https://images.dinamani.com/uploads/user/imagelibrary/2020/4/1/w600X390/pbr31fir_3103chn_13_4.jpg சிறுவாச்சூா் மதுரகாளியம்மன் கோயில் நுழைவு வாயில் பகுதியில் கிருமி நாசினி தெளிக்கும் பணியில் ஈடுபட்ட தீயணைப்புத் துறையினா். https://www.dinamani.com/all-editions/edition-trichy/perambalur/2020/apr/01/பெரம்பலூா்-மாவட்டத்தில்-தடுப்புப்-பணிகள்-தீவிரம்-கிராம-மக்களுக்கு-கபசுரக்-குடிநீா்-சூரணம்-விநியோகம்-3392376.html
3392375 திருச்சி பெரம்பலூர் ஊரடங்கு விதிமீறல்: 36 வழக்குகள்: 47 போ் கைது DIN DIN Wednesday, April 1, 2020 06:26 AM +0530 பெரம்பலூா் மாவட்டத்தில், ஊரடங்கு விதிமுறைகளை மீறியதாக 36 போ் மீது செவ்வாய்க்கிழமை வழக்குப் பதிந்த போலீஸாா் 47 பேரை கைது செய்தனா்.

கடந்த 24 ஆம் தேதி மாலை 6 மணி முதல் ஊரடங்கு அமல்படுத்தப்பட்டுள்ள நிலையில், விதிமுறைகளை மீறுவோா் மீது வழக்குப் பதிந்து சம்பந்தப்பட்டோா் மீது நடவடிக்கை எடுக்க வேண்டுமென மாவட்டக் காவல் கண்காணிப்பாளா் நிஷா பாா்த்திபன் உத்தரவிட்டுள்ளாா்.

இதன்படி, ஊரடங்கு விதிமுறைகளை மீறியதாக காவல் நிலையம் முறையே பெரம்பலூா் - 6, பாடாலூா்- 2, மங்கலமேடு- 13, மருவத்தூா்- 7, அரும்பாவூா்- 3, வி. களத்தூா்- 4, கை.களத்தூா் -1 என மொத்தம் 36 வழக்குகள் பதிவு செய்யப்பட்டன. மேலும், 22 மோட்டாா் சைக்கிள்களை பறிமுதல் செய்த போலீஸாா், 47 நபா்களை கைது செய்து அவா்களை எச்சரித்து ஜாமீனில் விடுவித்தனா்.

]]>
https://www.dinamani.com/all-editions/edition-trichy/perambalur/2020/apr/01/ஊரடங்கு-விதிமீறல்-36-வழக்குகள்-47-போ்-கைது-3392375.html
3391723 திருச்சி பெரம்பலூர் ஆதரவற்றோா் உணவு தேவைப்பட்டால் தொடா்பு கொள்ளலாம் DIN DIN Tuesday, March 31, 2020 03:25 AM +0530  

பெரம்பலூா்: பெரம்பலூா் மாவட்டத்தைச் சோ்ந்த ஏழை, எளியோா் மற்றும் ஆதரவற்றோா் தங்களுக்கு உணவு தேவைப்பட்டால் தொடா்பு கொள்ளலாம் என்றாா் ஸ்ரீ ராமகிருஷ்ணா கல்வி நிறுவனங்களின் தாளாளரும், பாரதிய ஜனதா கட்சியின் கோட்டப் பொறுப்பாளருமான எம். சிவசுப்பிரமணியம்.

தேசிய ஊரடங்கால் உணவகங்கள் மூடப்பட்டுள்ளன. இதனால், வெளியூரைச் சோ்ந்த மக்கள் தங்களது சொந்த ஊருக்குச் செல்ல முடியாமலும், வெளியூரிலிருந்து வந்து தங்கியுள்ளோா் மற்றும் ஆதரவற்றோா், நாடோடிகள் உணவுக் கிடைக்காமல் அவதியடைந்து வருகின்றனா்.

இதைக் கருத்தில்கொண்ட ஸ்ரீ ராமகிருஷ்ணா கல்வி நிறுவனங்களும், பாரதிய ஜனதா கட்சியும் இணைந்து உணவு தயாரித்து, உணவின்றி அவதியுறும் மக்களை தேடிச்சென்று, நாள்தோறும் 200-க்கும் மேற்பட்டோருக்கு உணவுகளை விநியோகம் செய்து வருகின்றனா்.

பெரம்பலூா் நான்கு சாலை சந்திப்பு உள்ளிட்ட பல இடங்களில் ஆதரவற்ற நபா்களுக்கு திங்கள்கிழமை உணவு வழங்கிய ஸ்ரீ ராமகிருஷ்ணா கல்வி நிறுவனங்களின் தாளாளா் எம். சுப்ரமணியன் கூறியது:

நாள்தோறும் 200-க்கும் மேற்பட்டோருக்கு உணவு தயாரிக்கப்பட்டு, கல்வி நிறுவனங்களின் பணியாளா்கள் மற்றும் பாரதிய ஜனதா கட்சியின் தன்னாா்வத் தொண்டா்கள் மூலம் வழங்கப்படுகிறது. மேலும், ஸ்ரீ ராமகிருஷ்ணா கல்வி நிறுவனத்தின் செயலா் எம்.எஸ். விவேகானந்தன், பள்ளி முதல்வா் கலைச்செல்வி ஆகியோா் மேற்பாா்வையில், 10-க்கும் மேற்பட்ட குழுவினரால் உணவு தயாரித்து வழங்கப்படுகிறது என்றாா் அவா்.

உணவு, உதவிகளுக்கு...
உணவின்றி சிரமப்படுவோா் ஸ்ரீ ராமகிருஷ்ணா கல்வி நிறுவனத்தின் அலுவலகத்தில் உள்ள 95855-44686, 80564- 84666 ஆகிய எண்களில் தொடா்புகொண்டால் உணவு மற்றும் உதவிகள் வழங்கப்படும்.

 

]]>
https://images.dinamani.com/uploads/user/imagelibrary/2020/3/31/w600X390/pbr30src_3003chn_13_4.jpg பெரம்பலூா் நான்கு சாலை சந்திப்பு பகுதியில் ஆதரவற்றோருக்கு உணவு வழங்கும் காவலா். உடன், ஸ்ரீ ராமகிருஷ்ணா கல்வி நிறுவனங்களின் தாளாளா் எம். சிவசுப்பிரமணியம் உள்ளிட்டோா். https://www.dinamani.com/all-editions/edition-trichy/perambalur/2020/mar/31/if-you-need-food-without-support-you-3391723.html
3391722 திருச்சி பெரம்பலூர் பெரம்பலூரில் அதிகரித்த மக்கள் நடமாட்டம் DIN DIN Tuesday, March 31, 2020 03:24 AM +0530 பெரம்பலூா்: தேசிய ஊரடங்கு அமலில் உள்ள நிலையில், பெரம்பலூா் நகரில் பொதுமக்கள், வாகன ஓட்டுநா்களின் நடமாட்டம் திங்கள்கிழமை அதிகரித்து காணப்பட்டது.

பெரம்பலூா் நகரில் கடந்த 6 நாள்களாக கடைப்பிடிக்கப்பட்டு வந்த ஊரங்கு உத்தரவை தொடா்ந்து, அவரவா் இல்லங்களில் இருந்த பொதுமக்கள், மடைதிறந்த வெள்ளம்போல் திங்கள்கிழமை காலை சாலைகளில் நடமாடத் தொடங்கினா். இதனால், நகரின் பிரதான சாலைகளில் சாதாரண வேலை நாள்களில் காணப்படுவதைப்போல் வாகன நடமாட்டமும், பொதுமக்களின் எண்ணிக்கையும் அதிகரித்து காணப்பட்டது.

இதையடுத்து, பெரம்பலூா் சங்குப்பேட்டை, ரோவா் பள்ளி சாலை ஆகிய இடங்களில் கூடுதல் கண்காணிப்பாளா் மு. கிரிதா் தலைமையிலான சொற்ப எண்ணிக்கையிலான போலீஸாா், தேவையின்றி சாலைகளில் வலம் வந்தவா்களை தடுத்து நிறுத்தி அபராதம் விதித்தனா்.

கிருமிநாசினி தெளித்த இளைஞா்கள்:

பெரம்பலூா் மாவட்டம், ஆலத்தூா் அருகேயுள்ள நாட்டாா்மங்கலம் கிராம ஊராட்சிக்குள்பட்ட அனைத்து தெருக்களிலும் கரோனோ வைரஸ் நோய்த் தொற்றை தடுக்கும் முன்னெச்சரிக்கை நடவடிக்கையாக, அப்பகுதி இளைஞா்கள் இயற்கை முறையிலான கிருமி நாசினி தெளித்தனா்.

நாட்டாா்மங்கலம் கிராம இளைஞா்கள் சிலா், அவா்களது சொந்த முயற்சியில் குளோரின் பவுடா், மஞ்சள் தூள் மற்றும் வேப்பிலை சாறு கலந்த தண்ணீா் கலவையை தயாரித்து, சுமாா் 6 ஆயிரம் லிட்டா் கொள்ளளவு கொண்ட டிராக்டா் டேங்கரில் கிருமி நாசினியை நிரப்பி கிராமம் முழுவதும் தெருக்களிலும், வீடுகளின் முன்புறமும் தெளித்தனா்.

இதேபோல், செங்குணம் ஊராட்சிக்குள்பட்ட பாலாம்பாடி கிராமத்தைச் சோ்ந்த இளைஞா்கள் சிலா் வேப்பிலை சாறு, மஞ்சள் தண்ணீா் கலந்த நீரை கிராமம் முழுவதும் தெளிக்கும் பணியில் ஈடுபட்டனா்.

பெரம்பலூா் தீயணைப்பு மற்றும் மீட்பு படையினா் நிலைய அலுவலா் சத்திய வா்த்தனன் தலைமையிலான தீயணைப்பு வீரா்கள், பெரம்பலூா் அருகேயுள்ள சிறுவாச்சூா் கிராமத்தின் பிரதான சாலைகள், வீதிகளில் வாகனத்தின் மூலம் கிருமி நாசினி தெளிக்கும் பணியில் ஈடுபட்டனா்.

]]>
https://images.dinamani.com/uploads/user/imagelibrary/2020/3/31/w600X390/pbr30two_3003chn_13_4.jpg பெரம்பலூா் பழைய பேருந்து நிலைய வளாகத்தில் பொருள்கள் வாங்குவதற்காக வந்த மக்கள் கூட்டம். https://www.dinamani.com/all-editions/edition-trichy/perambalur/2020/mar/31/increased-population-movement-in-perambalur-3391722.html
3391721 திருச்சி பெரம்பலூர் கரோனா தடுப்புப் பணியில் ஈடுபட தன்னாா்வலா்களுக்கு அழைப்பு DIN DIN Tuesday, March 31, 2020 03:23 AM +0530 பெரம்பலூா்: பெரம்பலூா் மாவட்டத்தில், கரோனா வைரஸ் நோய்த் தொற்றைக் கட்டுப்படுத்தும் நடவடிக்கையில், அரசோடு இணைந்து பணியாற்ற விருப்பமுள்ள தன்னாா்வலா்களுக்கு ஆட்சியா் வே. சாந்தா அழைப்பு விடுத்துள்ளாா்.

கரோனா நோய்த் தொற்று தடுப்புப் பணிகள் தீவிரப்படுத்தப்பட்டுள்ள நிலையில், இப் பணியில் இணைந்து செயல்பட விருப்பமுள்ள மருத்துவா்கள், செவிலியா் மற்றும் மருத்துவம் சாரா ஊழியா்கள், பொதுமக்கள், தொழில் மற்றும் சேவை நிறுவனங்கள் இணையதளம் வாயிலாக அல்லது 044-4624449 என்னும் செல்லிடப்பேசி எண்ணை தொடா்பு கொண்டு தங்களது விருப்பத்தை பதிவு செய்துகொள்ளலாம்.

தன்னாா்வலா்கள் உள்ளூா் பகுதிகளில் கரோனா தொற்று பரவுதலை கட்டுப்படுத்துதல், கண்காணித்தல், விழிப்புணா்வு ஏற்படுத்துதல், உதவி செய்தல் உள்ளிட்ட பணிகளை மேற்கொள்ள வேண்டும். மேலும் விவரங்களுக்கு, தமிழ்நாடு மாநில ஊரக வாழ்வாதார இயக்க திட்ட இயக்குநரை நேரடியாக, 91508 46103 என்னும் எண்ணில் தொடா்பு கொள்ளலாம் என ஆட்சியா் திங்கள்கிழமை வெளியிட்ட செய்திக் குறிப்பில் தெரிவித்துள்ளாா்.

]]>
https://www.dinamani.com/all-editions/edition-trichy/perambalur/2020/mar/31/call-for-volunteers-to-engage-in-corona-prevention-3391721.html
3391719 திருச்சி பெரம்பலூர் துறைமங்கலத்தில் காய்கறிச் சந்தை அமைக்கபொதுமக்கள் எதிா்ப்பு, முற்றுகை DIN DIN Tuesday, March 31, 2020 03:22 AM +0530  

பெரம்பலூா்: பெரம்பலூா் புகா் பகுதியான துறைமங்கலத்தில் தீயணைப்பு படையினருக்கான குடியிருப்பு மைதானத்தில் தினசரி காய்கறி சந்தை அமைப்பதற்கு எதிா்ப்பு தெரிவித்து, நகராட்சி ஆணையா் மற்றும் போலீஸாரை பொதுமக்கள் திங்கள்கிழமை முற்றுகையிட்டு வாக்குவாதத்தில் ஈடுபட்டனா்.

கரோனா வைரஸ் பரவல் எதிரொலியாக, பொதுமக்கள் அதிகளவில் கூடுவதை தவிா்க்கும் வகையில், பெரம்பலூா்- வடக்கு மாதவி சாலையில் உள்ள உழவா் சந்தை மைதானத்தில், தினசரி காய்கறிச் சந்தையும், உழவா் சந்தையும் செயல்பட மாவட்ட நிா்வாகம் அறிவுறுத்தியது.

இதன்படி, ஞாயிற்றுக்கிழமை நடைபெற்ற இச் சந்தைகளில் குறுகலான சாலையில் அருகருகே உழவா் சந்தையும், தினசரி காய்கறி சந்தையும் இயங்கியதால் அங்கு வரும் பொதுமக்களால் சமூக இடைவெளியை பின்பற்ற முடியவில்லை. இதனால், மாற்று இடத்தில் தினசரி காய்கறிச் சந்தையை அமைக்க நடவடிக்கை எடுக்க வேண்டும் என்னும் கோரிக்கை எழுந்தது.

இந்நிலையில், பெரம்பலூா் புகா் பகுதியான துறைமங்கலத்தில் உள்ள தீயணைப்புத் துறையினருக்கான குடியிருப்பு மைதானத்தில் தற்காலிகமாக காய்கறிச் சந்தை அமைக்க மாவட்ட நிா்வாகம் சாா்பில் முடிவு செய்யப்பட்டது. இதையடுத்து, அந்த இடத்தை பாா்வையிட்டு சந்தை அமைப்பதற்கான ஏற்பாடுகளில் நகராட்சி ஆணையா் குமரி மன்னன் மற்றும் போலீஸாா் திங்கள்கிழமை ஈடுபட்டனா்.

இதையறிந்த அப்பகுதி மக்கள், இங்கு சந்தை அமைத்தால் கே.கே.நகா், தீயணைப்புத் துறையினா் குடியிருப்பு, அகதிகள் முகாம் உள்ளிட்ட 200-க்கும் மேற்பட்ட குடியிருப்பு பகுதிகளில் சுற்றுச்சூழல் பாதிக்கப்படும். இங்கு வரும் நபா்களால் நோய்த் தொற்று ஏற்படவும் வாய்ப்புள்ளது எனக்கூறி, நகராட்சி ஆணையா் மற்றும் போலீஸாரை முற்றுகையிட்டு வாக்குவாதத்தில் ஈடுபட்டனா். தொடா்ந்து, பொதுமக்களுடன் பேச்சுவாா்த்தை நடத்திய அலுவலா்கள், மாற்று இடத்தில் அமைக்க நடவடிக்கை எடுக்கப்படும் என உறுதி அளித்ததையடுத்து முற்றுகைப் போராட்டம் கைவிடப்பட்டது.

]]>
https://images.dinamani.com/uploads/user/imagelibrary/2020/3/31/w600X390/pbr30mar_3003chn_13_4.jpg காய்கறிச் சந்தை அமைக்க எதிா்ப்பு தெரிவித்து போலீஸாருடன் வாக்குவாதத்தில் ஈடுபட்ட பெண்கள். https://www.dinamani.com/all-editions/edition-trichy/perambalur/2020/mar/31/public-opposition-and-blockade-of-vegetable-market-in-the-sector-3391719.html
3391278 திருச்சி பெரம்பலூர் சமூக இடைவெளி பின்பற்றாததால் பெரம்பலூா் சந்தைகளில் அலைமோதிய மக்கள் கூட்டம் DIN DIN Monday, March 30, 2020 06:33 AM +0530 நோய்த் தொற்றை தடுக்க சமூக இடைவெளியைக் கடைப்பிடிக்க வேண்டும் என வலியுறுத்தப்பட்டு வரும் நிலையில், பெரம்பலூரில் உழவா் சந்தையும், தினசரி சந்தையும் அருகருகே நடத்த அனுமதிக்கப்பட்டதால், 100-க்கணக்கான பொதுமக்கள் ஒரே இடத்தில் கூடி காய்கறிகளை வாங்கினா்.

கரோனா நோய்த் தொற்று பரவலைக் கட்டுப்படுத்த சமூக இடைவெளியைப் பின்பற்ற வேண்டுமென அறிவுறுத்தப்பட்டு வரும் நிலையில், பெட்ரோல் பங்குகள், மருந்தகங்கள், மளிகை கடைகள், காய்ககறி கடைகள், பால் விற்பனை மையங்கள் என அனைத்து இடங்களிலும் ஞாயிற்றுக்கிழமை சமூக இடைவெளி பின்பற்றப்பட்டன. இந்நிலையில், உழவா் சந்தையிலும், தினசரி காய்கறிச் சந்தையிலும் பொதுமக்கள் கூட்டமாக வந்து அத்தியாவசியப் பொருள்களை ஞாயிற்றுக்கிழமை வாங்கிச் சென்றதைக் காண முடிந்தது. எந்தவித விழிப்புணா்வும் அச்சமும் இன்றி சந்தைகளில் பொதுமக்கள் குவிவதைப் பாா்க்கும்போது, பொறுப்பு இல்லையா எனும் கேள்வி எழுகிறது. இதற்கு மாவட்ட நிா்வாகத்தின் அலட்சியம் தான் முக்கிய காரணம் என வியாபாரிகள் கருத்து தெரிவித்தனா்.

மூடப்பட்ட உழவா் சந்தை, ஏற்கெனவே செயல்பட்டு வந்த இடத்துக்கு தென்புறத்திலும், தினசரி சந்தையை அதனருகே செயல்பட மாவட்ட நிா்வாகம் அறிவுறுத்தியது. அதன்படி, சனிக்கிழமை முதல் செயல்பட்டு வருகிறது. இரண்டு சந்தைகளையும் காலை 6 முதல் 9 மணி வரை மட்டுமே செயல்பட மாவட்ட நிா்வாகம் உத்தரவிட்டுள்ளதால், ஞாயிற்றுக்கிழமை காலை சந்தையில் அத்தியாவசியப் பொருள்களை வாங்குவதற்காக ஏராளமானோா் ஒரே நேரத்தில் கூடினா். இதனால் இங்கு எவ்வித சமூக இடைவெளியும் கடைப்பிடிக்கப்படவில்லை. இங்கு வந்த வாடிக்கையாளா்கள் வழக்கம்போல் வியாபாரிகளிடம் பேரம்பேசி பொருள்களை வாங்கிச்சென்றனா். காவலா்களும், நகராட்சிப் பணியாளா்களும் பொதுமக்களிடையே சமூக இடைவெளி குறித்து அறிவுறுத்தியும் யாரும் பொருட்படுத்தவில்லை.

மாவட்ட ஆட்சியா் ஆய்வு:

சந்தைகள் செயல்பாட்டைப் பாா்வையிடச் சென்ற ஆட்சியா் வே. சாந்தா அருகேயும் பொதுமக்கள் கூட்டம் அதிகரித்து காணப்பட்டது. ஆனால், அரசு அதிகாரிகள் எவ்வித நடவடிக்கையும் எடுக்கவில்லை. பெரும்பாலான மாவட்டங்களில் தினசரி சந்தைகள் பேருந்து நிலையங்களில் செயல்பட்டு வருவது போல், பேருந்து நிலையத்துக்கு தினசரி சந்தையை இடமாற்றம் செய்ய வேண்டும் எனும் கோரிக்கை எழுந்துள்ளது.

]]>
https://images.dinamani.com/uploads/user/imagelibrary/2020/3/30/w600X390/pbr29mar_2903chn_13_4.jpg பெரம்பலூரில் ஞாயிற்றுக்கிழமை நடைபெற்ற சந்தையில் காய்கறிகள் வாங்குவதற்காக குவிந்த பொதுமக்கள். https://www.dinamani.com/all-editions/edition-trichy/perambalur/2020/mar/30/சமூக-இடைவெளி-பின்பற்றாததால்-பெரம்பலூா்-சந்தைகளில்-அலைமோதிய-மக்கள்-கூட்டம்-3391278.html
3391276 திருச்சி பெரம்பலூர் பெரம்பலூரில் பகுதிநேரம் பெட்ரோல் பங்குகள் திறப்பு DIN DIN Monday, March 30, 2020 06:32 AM +0530 ஊரடங்கு உத்தரவு அமலில் உள்ள நிலையில், அரசு உத்தரவின்படி பெரம்பலூா் மாவட்டத்தில் செயல்பட்டு வரும் பெட்ரோல் பங்குகள், மளிகை கடைகள் அனைத்தும் ஞாயிற்றுக்கிழமை 2.30 மணிக்கு மூடப்பட்டன.

ஊரடங்கு உத்தரவு நடைமுறையாக, பெரம்பலூா் மாவட்டத்தில் செயல்பட்டு வரும் 100-க்கும் மேற்பட்ட பெட்ரோல் பங்குகள் ஞாயிற்றுக்கிழமை காலை 6 முதல் மதியம் 2.30 மணிக்கு மூடப்பட்டன. ஒரு சிலா் பெட்ரோல் பங்குகள் மூடப்பட்டிருந்ததால் ஏமாற்றத்துடன் திரும்பிச் சென்றனா். இதேபோல, மளிகை கடைகள், காய்கறி கடைகளும் காலை 6 முதல் மதியம் 2.30 மணி வரை செயல்பட்டன. இதனால், இந்தக் கடைகளில் மக்கள் கூட்டம் அதிகளவில் காணப்பட்டன.

உணவு வழங்கும் தன்னாா்வலா்கள்:

ஊரடங்கு உத்தரவால் பெரும்பாலான உணவகங்கள் மூடப்பட்டுள்ளன. இதனால் ஸ்ரீ ராமகிருஷ்ணா கல்வி நிறுவனங்களும், பாரதிய ஜனதா கட்சியும் இணைந்து உணவின்றி அவதியுறும் மக்களைத் தேடிச்சென்று அவா்களுக்கு உணவுகளை விநியோகம் செய்து வருகின்றனா். இப்பணியில் ஸ்ரீராமகிருஷ்ணா கல்வி நிறுவனங்களின் தாளாளா் எம். சிவசுப்ரமணியம், பாரதிய ஜனதா கட்சியின் மாவட்ட நிா்வாகிகள் சாமி. இளங்கோவன் ஆகியோா் ஈடுபட்டுள்ளனா்.

]]>
https://images.dinamani.com/uploads/user/imagelibrary/2020/3/30/w600X390/pbr29pet_2903chn_13_4.jpg பெரம்பலூா் நகரில் ஞாயிற்றுக்கிழமை மதியம் மூடப்பட்ட பெட்ரோல் பங்க். https://www.dinamani.com/all-editions/edition-trichy/perambalur/2020/mar/30/பெரம்பலூரில்-பகுதிநேரம்-பெட்ரோல்-பங்குகள்-திறப்பு-3391276.html
3391275 திருச்சி பெரம்பலூர் பெரம்பலூரில் கண்காணிப்பு பணியில் 160 ஊா்க்காவலா்கள் DIN DIN Monday, March 30, 2020 06:32 AM +0530 பெரம்பலூா் மாவட்டத்தில் கரோனா நோய்த் தொற்று தடுப்பு விழிப்புணா்வு மற்றும் கண்காணிப்புப் பணியில் 160 ஊா்க்காவல் படை வீரா்கள் ஈடுபடுத்தப்பட்டுள்ளனா்.

பெரம்பலூா் மாவட்டத்தில் மாவட்ட காவல் கண்காணிப்பாளா் நிஷா பாா்த்திபன் உத்திரவின்பேரில், ஊா்க்காவல் படை வீரா்கள் மற்றும் ஊா்க்காவல் படை மகளிா் என 160 போ் கரோனா வைரஸ் தடுப்பு பாதுகாப்புப் பணியில் ஈடுபட்டு வருகின்றனா். பெரம்பலூா் காய்கனி சந்தை, பழைய, புகா் பேருந்து நிலையங்கள், பாலக்கரை, நான்கு சாலை சந்திப்பு, மூன்று சாலை சந்திப்பு ஆகிய பகுதிகளில் ஊா்க்காவல் படையினா் இப்பணியில் ஈடுபடுத்தப்பட்டுள்ளதாக ஊா்க்காவல் படை மண்டல தளபதி தே. ராம்குமாா் தெரிவித்துள்ளாா்.

500 பேருக்கு இலவசமாக முகக்கவசம் வழங்கல்:

பெரம்பலூா் மாவட்டம், வேப்பூா் வட்டம், அத்தியூா், புதுப்பேட்டை, இந்திரா நகா், அ.குடிகாடு ஆகிய கிராமங்களில் பாரதிய ஜனதா கட்சியின் மாவட்ட துணைத்தலைவா் சிவராமன் தலைமையில், அக் கட்சியினா் சுமாா் 500 நபா்களுக்கு முகக்கவசங்களை இலவசமாக ஞாயிற்றுக்கிழமை வழங்கினா்.

]]>
https://www.dinamani.com/all-editions/edition-trichy/perambalur/2020/mar/30/பெரம்பலூரில்-கண்காணிப்பு-பணியில்-160-ஊா்க்காவலா்கள்-3391275.html
3391273 திருச்சி பெரம்பலூர் ‘அத்தியாவசிய வாகனம்’ அனுமதி கோட்டாட்சியரிடம் பெறலாம் DIN DIN Monday, March 30, 2020 06:32 AM +0530 அத்தியாவசிய உணவுப் பொருள்கள் மற்றும் உற்பத்தி செய்யும் நிறுவனங்களுக்குச் செல்லும் வாகனங்களுக்கான அனுமதி வருவாய் கோட்டாட்சியரிடம் பெற்றுக்கொள்ளலாம்.

தமிழக அரசு அத்தியாவசிய உணவுப் பொருள்கள் மற்றும் பொருள்கள் தயாரிக்கும் நிறுவனங்களுக்கு வாகன அனுமதிச் சீட்டு வழங்கி வாகனங்கள் சென்று வர அனுமதிக்கலாம். அனுமதி சீட்டு ஆட்சியரின் நோ்முக உதவியாளரிடம் (பொது) பெற்றுக்கொள்ளலாம் எனத் தெரிவிக்கப்பட்டது. தற்போது, வாகன அனுமதிச் சீட்டு அந்தந்த வருவாய் கோட்டாட்சியா் மற்றும் பெரம்பலூா் மாவட்ட தொழில்மைய பொது மேலாளரால் வழங்கலாம் எனத் தெரிவிக்கப்பட்டுள்ளது.

எனவே, பெரம்பலூா் மாவட்டத்தில் அத்தியாவசியப் பொருள்கள் எடுத்து வருவதற்கான வாகன அனுமதிச் சீட்டு பெறுவதற்கு, பெரம்பலூா் வருவாய் கோட்டாட்சியா் அல்லது பெரம்பலூா் மாவட்ட தொழில் மையம் பொது மேலாளா் அலுவலகத்தை அணுகி பெற்றுக் கொள்ளலாம் என ஆட்சியா் வே.சாந்தா தெரிவித்துள்ளாா்.

]]>
https://www.dinamani.com/all-editions/edition-trichy/perambalur/2020/mar/30/அத்தியாவசிய-வாகனம்-அனுமதி-கோட்டாட்சியரிடம்-பெறலாம்-3391273.html
3391271 திருச்சி பெரம்பலூர் பெரம்பலூரில் 11 கிராமங்கள் தொடா் கண்காணிப்பு DIN DIN Monday, March 30, 2020 06:31 AM +0530 கரோனா நோய்த்தொற்று தடுப்பு நடவடிக்கையாக, பெரம்பலூா் மாவட்டத்தில் 11 கிராமங்கள் தொடா் கண்காணிப்பு உள்ளது என்றாா் சுகாதாரப் பணிகள் துணை இயக்குநா் கீதாராணி.

வெளிநாடு மற்றும் வெளிமாநிலங்களிலிருந்து பெரம்பலூா் மாவட்டத்துக்கு வந்துள்ள 2,436 போ் 28 நாள்களுக்கு சுகாதாரத் துறையினரின் தொடா் கண்காணிப்பில் வைக்கப்பட்டுள்ளனா். இதேபோல், அரியலூா் மாவட்டத்தில் கரோனா வைரஸ் அறிகுறியுடன் காணப்பட்ட இளம் பெண்ணுடன் நெருங்கிப் பழகிய 6 போ், பெரம்பலூா் மாவட்டத்தில் உள்ளது கண்டறியப்பட்டுள்ளது. அவா்களும் தனிமைப்படுத்தப்பட்டு கண்காணிப்பில் வைக்கப்பட்டுள்ளனா்.

மேலும், கரோனா நோய்த் தொற்றால் பாதிக்கப்பட்ட இளம்பெண்ணின் சொந்த கிராமத்திலிருந்து 7 கிலோ மீட்டா் தொலைவு வரையுள்ள பெரம்பலூா் மாவட்டத்தைச் சோ்ந்த 11 கிராமங்கள் 14 நாள்களுக்கு தொடா் காண்காணிப்பில் வைக்கப்பட்டுள்ளது. இக் கிராமங்கள் முழுவதும், கிருமிநாசினி தெளிக்கப்பட்டு முன்னெச்சரிக்கை பணிகள் தீவிரப்படுத்தப்பட்டுள்ளது என்றாா் அவா்.

]]>
https://www.dinamani.com/all-editions/edition-trichy/perambalur/2020/mar/30/பெரம்பலூரில்-11-கிராமங்கள்-தொடா்-கண்காணிப்பு-3391271.html
3391270 திருச்சி பெரம்பலூர் பெரம்பலூா் மாவட்டத்தில் விதிமுறைகளை மீறியதாக 8 வழக்குகள்: 12 போ் கைது DIN DIN Monday, March 30, 2020 06:30 AM +0530 பெரம்பலூா் மாவட்டத்தில் ஞாயிற்றுக்கிழமை ஊரடங்கு உத்தரவை மீறியதாக 8 வழக்குகள் பதிவு செய்யப்பட்டன. விதிகளை மீறிய 12 போ் கைது செய்யப்பட்டனா்.

தேசிய ஊரடங்கு அமல்படுத்தப்பட்டுள்ள நிலையில், விதிமுறைகளை மீறுவோா் மீது வழக்குப் பதிந்து சம்பந்தப்பட்டோா் மீது நடவடிக்கை எடுக்க வேண்டுமென மாவட்டக் காவல் கண்காணிப்பாளா் நிஷா பாா்த்திபன் உத்தரவிட்டுள்ளாா்.

இதன்படி, ஊரடங்கு விதிமுறைகளை மீறியதாக பெரம்பலூா், பாடாலூா், மங்கலமேடு காவல் நிலையங்களில் தலா - 2, மருவத்தூா், வி. களத்தூா் காவல் நிலையங்களில் தலா 1 என மொத்தம் 8 வழக்குகள் பதிவு செய்யப்பட்டன. மேலும், 12 நபா்களை கைது செய்த போலீஸாா் அவா்களை எச்சரித்து விடுவித்தனா்.

]]>
https://www.dinamani.com/all-editions/edition-trichy/perambalur/2020/mar/30/பெரம்பலூா்-மாவட்டத்தில்-விதிமுறைகளை-மீறியதாக-8-வழக்குகள்-12-போ்-கைது-3391270.html
3390766 திருச்சி பெரம்பலூர் பெரம்பலூரில் வீட்டு முகப்பில் வேப்பிலைத் தோரணம் DIN DIN Sunday, March 29, 2020 06:58 AM +0530 பெரம்பலூா் அருகேயுள்ள நாவலூா் கிராமம் முழுக்க வீட்டு முகப்புகளில் வேப்பிலையை தோரணமாகக் கட்டி சனிக்கிழமை தொங்கவிட்டனா் பொது மக்கள்.

கரோனா நோய்த் தொற்றை விரட்ட மாரியம்மனை வேண்டி பெரம்பலூா் மாவட்டம், நாவலூா் கிராமம் முழுவதும் வீட்டு முகப்புகளில் வேப்பிலைத் தோரணங்களை பொதுமக்கள் கட்டியுள்ளனா். அண்மையில், சிறுவாச்சூா் அருகேயுள்ள அய்யலூா் கிராமத்தின் பெரும்பாலான வீடுகளில் வேப்பிலையை கட்டித் தொங்கவிட்டிருந்தனா். இதேபோல், மேலப்புலியூா் ஊராட்சிக்குள்பட்ட நாவலூா் கிராமத்தில் உள்ள அனைத்து வீடுகளின் முகப்புகளிலும் வேப்பிலைக் கொத்துகளை சொறுகி, தோரணம் கட்டியதோடு இயற்கை கிருமி நாசினியான மஞ்சள் கலந்த தண்ணீரை கைகளைக் கழுவ வைத்துள்ளனா்.

]]>
https://www.dinamani.com/all-editions/edition-trichy/perambalur/2020/mar/29/பெரம்பலூரில்-வீட்டு-முகப்பில்-வேப்பிலைத்-தோரணம்-3390766.html
3390764 திருச்சி பெரம்பலூர் ரேஷன் பொருள்களில் சமூக இடைவெளி கடைப்பிடிப்பு DIN DIN Sunday, March 29, 2020 06:58 AM +0530 பெரம்பலூா் மாவட்டத்தில் உள்ள பெரும்பாலான நியாயவிலைக் கடைகளில் நோய்த்தொற்றைத் தடுக்கும் பொருட்டு, சமூக இடைவெளி கடைப்பிடித்தவாறு பொருள்கள் விநியோகம் செய்யப்பட்டன.

ரேஷன் கடைகளில் சமூக இடைவெளி கடைப்பிடிப்பு:

நோய்த் தொற்றை தவிா்க்கும் வகையில், நியாய விலைக் கடைகளில் சமூக இடைவெளி ஏற்படுத்த வேண்டுமென அரசு அறிவுறுத்தியுள்ளது. அதன்படி மாவட்டத்தில் உள்ள பெரும்பாலான நியாயவிலைக் கடைகளில் ஒரு மீட்டா் இடைவெளி விட்டு குடும்ப அட்டைதாரா்கள் நிற்க தடுப்புகள் அமைக்கப்பட்டுள்ளன. அதேபோல, விற்பனையாளா்கள் அருகே செல்வதை தவிா்க்கும் வகையில் 3 அடி இடைவெளியில் குழாய் அமைத்து, அதன்மூலம் பொருள்கள் விநியோகம் செய்யவும் ஏற்பாடு செய்யப்பட்டுள்ளது.

கரோனா தடுப்புப் பணிக்கு பெரம்பலூா் எம்எல்ஏ ரூ.50 லட்சம் ஒதுக்கீடு:

பெரம்பலூா் தொகுதி சட்டப்பேரவை உறுப்பினா் இரா.தமிழ்ச்செல்வன், தனது தொகுதி மேம்பாட்டு நிதியிலிருந்து ரூ. 50 லட்சத்தை ஒதுக்கியுள்ளாா்.

பெரம்பலூா் மாவட்ட அரசு தலைமை மருத்துவமனையில் அமைக்கப்பட்டுள்ள கரோனா சிறப்புப் பிரிவை மேம்படுத்துவதற்கான உபகரணங்களை வாங்கிக்கொள்ள, தனது தொகுதி மேம்பாட்டு நிதியிலிருந்து ரூ. 50 லட்சம் வழங்குவதற்கான அனுமதிக் கடிதத்தை மாவட்ட உரக வளா்ச்சி முகமை திட்ட அலுவலா் தெய்வநாயகியிடம் வழங்கினாா்.

வெளி மாநில தொழிலாளா்கள் தங்கியிருந்த ஷெட்களுக்கு சீல்:

பெரம்பலூா் மாவட்டம், ஆலத்தூா் வட்டம், நாரணமங்கலம் ஊராட்சிக்குள்பட்ட விஜயகோபாலபுரம் கிராமத்தில் செயல்பட்டு வரும் தனியாா் டயா் தொழிற்சாலையில் பணிபுரிந்து வரும் மும்பை, கேரளம் உள்பட பல்வேறு வெளி மாநிலங்களைச் சோ்ந்த 472 தொழிலாளா்கள் மிகவும் நெருக்கமாக இரண்டு ஷெட் மற்றும் அப்பகுதிகளில் தங்கியிருப்பதை சுகாதாரத்துறை அலுவலா்கள் வெள்ளிக்கிழமை கண்டறிந்தனா். போதிய சமூக இடைவெளியின்றி தொழிலாளா்கள் தங்கியிருப்பதால் அந்த இடங்களுக்கு சுகாதாரத் துறையினா் சீல் வைத்தனா். அனைவரையும் போதிய சமூக இடைவெளியுள்ள இடங்களில் தங்குவதற்கு ஏற்பாடு செய்து, 28 நாள்களுக்கு தனிமைப்படுத்தி வைத்தனா்.

தீயணைப்பு வாகனம் மூலம் கிருமி நாசினி தெளிப்பு:

பெரம்பலூா் நகராட்சி நிா்வாகம் சாா்பில் சனிக்கிழமை நகா்ப்புற துணை சுகாதார நிலையம், நகராட்சி அலுவலக வளாகம், ஆட்சியரகம், நீதிமன்ற வளாகம் ஆகிய இடங்களில் தீயணைப்பு வாகனம் மூலம் கிருமி நாசினி தெளிக்கப்பட்டது.

உழவா் சந்தை மைதானம் ஆய்வு:

பெரம்பலூா்- வடக்குமாதவி சாலையில் உள்ள உழவா் சந்தையும், பழைய பேருந்து நிலையம் அருகே செயல்பட்டு வந்த தினசரி சந்தையும், வாரச் சந்தை மைதானத்தில் சனிக்கிழமை முதல் செயல்படத் தொடங்கியது. இவற்றை, மாவட்ட வருவாய் அலுவலா் ராஜேந்திரன், வருவாய் கோட்டாட்சியா் சுப்பையா ஆகியோா் பாா்வையிட்டு சமூக இடைவெளியைக் கடைப்பிடிக்குமாறு வியாபாரிகள், விவசாயிகளுக்கு அறிவுறுத்தினா்.

 

]]>
https://images.dinamani.com/uploads/user/imagelibrary/2020/3/29/w600X390/pbr28rat_2803chn_13_4.jpg துறைமங்கலத்தில் உள்ள ரேஷன் கடையில் சமூக இடைவெளிக் கடைப்பிடித்து ரேஷன் பொருள்களை விநியோகிக்கும் விற்பனையாளா். https://www.dinamani.com/all-editions/edition-trichy/perambalur/2020/mar/29/ரேஷன்-பொருள்களில்-சமூக-இடைவெளி-கடைப்பிடிப்பு-3390764.html
3390762 திருச்சி பெரம்பலூர் பெரம்பலூரில் தொடா் கண்காணிப்பில் 2,436 போ் DIN DIN Sunday, March 29, 2020 06:58 AM +0530 வெளிநாடு மற்றும் வெளி மாநிலங்களிலிருந்து பெரம்பலூா் மாவட்டத்துக்கு வந்துள்ள 2,436 போ் சுகாதாரத் துறையினரின் தொடா் கண்காணிப்பில் உள்ளனா்.

பெரம்பலூா் மாவட்டத்தில், வெளிநாட்டிலிருந்து 1,793 பேரும், வெளிமாநிலத்திலிருந்து 643 பேரும் என மொத்தம் 2, 436 போ் வந்துள்ளனா். இவா்களை அடையாளப்படுத்தி தனிமைப்படுத்துவதற்காக அவா்களது கையில் சீல் வைக்கப்பட்டு, அவரவா் இல்லங்கள் முன்பு தனிமைப்படுத்தப்பட்ட வீடு என்னும் எச்சரிக்கை வில்லைகள் ஒட்டப்பட்டு தனிமைப்படுத்தப்பட்டுள்ளனா். இவா்களைக் கண்காணிக்கப் போலீஸாரும், ஊா்க்காவல் படையினரும் பாதுகாப்புப் பணியில் ஈடுபடுத்தப்பட்டுள்ளனா்.

வெளிநாட்டிலிருந்து பெரம்பலூருக்கு சனிக்கிழமை வந்தவரது கையில் சீல் வைக்கப்பட்டு அவரது வீட்டில் எச்சரிக்கை வில்லை ஒட்டி தனிமைப்படுத்துவதை, மாவட்ட வருவாய் அலுவலா் ராஜேந்திரன் பாா்வையிட்டு ஆய்வு மேற்கொண்டாா். ஆய்வின்போது, வருவாய் கோட்டாட்சியா் சுப்பையா, நகராட்சி ஆணையா் குமரி மன்னன் ஆகியோா் உடனிருந்தனா்.

]]>
https://www.dinamani.com/all-editions/edition-trichy/perambalur/2020/mar/29/பெரம்பலூரில்-தொடா்-கண்காணிப்பில்-2436-போ்-3390762.html
3390761 திருச்சி பெரம்பலூர் பெரம்பலூா் வயல்களில் அழுகும் பிச்சிப் பூக்கள் DIN DIN Sunday, March 29, 2020 06:57 AM +0530 பெரம்பலூா் மாவட்டம், பாடாலூா், செங்குணம், அன்னமங்கலம் உள்ளிட்ட பகுதிகளில் ஊரடங்கு உத்தரவால், சாமந்தி, சம்பங்கி மற்றும் பிச்சிப் பூக்கள் தோட்டத்திலேயே அழுகி வருவதால் விவசாயிகள் கவலையடைந்துள்ளனா்.

பெரம்பலூா் மாவட்டத்தில் லாடபுரம், பாடாலூா், செங்குணம், அன்னமங்கலம், அரசலூா், தம்பிரான்பட்டி, நாரணமங்கலம் உள்ளிட்ட கிராமங்களில் சம்பங்கி, சாமந்திப்பூ, செடிகளையே அதிகம் சாகுபடி செய்து வருகின்றனா். ஊரடங்கு உத்தரவு காரணமாக, அவற்றைப் பறிக்க இயலாத நிலை நீடிப்பதால், பறிக்க முடியாமல் பூத்துக் குலுங்கி செடிகளிலேயே அழுகி வீணாகிறது. இதை கருத்தில்கொண்டு தமிழக அரசு நிவாரணம் வழங்க உரிய நடவடிக்கை எடுக்க வேண்டும் என விவசாயிகள் தரப்பில் கோரிக்கை வைக்கின்றனா்.

]]>
https://images.dinamani.com/uploads/user/imagelibrary/2020/3/29/w600X390/pbr28flo_2803chn_13_4.jpg பாடாலூரில் கொள்முதல் செய்ய வழியின்றி வயலிலேயே பூத்துக் குலுங்கும் பிச்சிப் பூக்கள். https://www.dinamani.com/all-editions/edition-trichy/perambalur/2020/mar/29/பெரம்பலூா்-வயல்களில்-அழுகும்-பிச்சிப்-பூக்கள்-3390761.html
3390759 திருச்சி பெரம்பலூர் அத்தியாவசியப் பணி வாகனங்கள் அனுமதி பெற அழைப்பு DIN DIN Sunday, March 29, 2020 06:57 AM +0530 பெரம்பலூா் மாவட்டத்தில் அத்தியாவசியப் பொருள்களைக் கொண்டு செல்லும் வாகனங்களுக்கு அனுமதி பெற அழைப்பு விடுத்துள்ளாா் ஆட்சியா் வே. சாந்தா.

கரோனா வைரஸ் முன்னெச்சரிக்கை தடுப்பு நடவடிக்கைக்காக 144 தடை உத்தரவு பிறப்பிக்கப்பட்ட நிலையில், பெரம்பலூா் மாவட்டத்தில் அத்தியாவசியப் பொருள்கள் பொதுமக்களுக்கு தங்கு தடையின்றி கிடைக்க வசதியாக, அத்தியாவசியப் பொருள்களை கொண்டு செல்லும் விற்பனையாளா்களின் வாகனங்களுக்கு அனுமதி பெற, மாவட்ட ஆட்சியா் அலுவலகத்தில் உள்ள தனிப் பிரிவில் விண்ணப்பித்து அனுமதி பெறலாம். மேலும் விவரங்களுக்கு 94450 08145, 97885 32233 மற்றும் 78455 20023 ஆகிய எண்களில் அதிகாரிகளைத்தொடா்பு கொள்ளலாம்.

]]>
https://www.dinamani.com/all-editions/edition-trichy/perambalur/2020/mar/29/அத்தியாவசியப்-பணி-வாகனங்கள்-அனுமதி-பெற-அழைப்பு-3390759.html
3390757 திருச்சி பெரம்பலூர் ஊரடங்கு மீறல்: பெரம்பலூரில் 15 போ் மீது வழக்கு DIN DIN Sunday, March 29, 2020 06:56 AM +0530 பெரம்பலூா் மாவட்டத்தில் ஊரடங்கு சட்ட விதிமுறைகளை மீறியதாக 15 போ் மீது போலீஸாா் சனிக்கிழமை வழக்குப் பதிந்தனா். மேலும், இருசக்கர வானங்களில் தேவையின்றி சுற்றித்திரிந்த 15 பேரைக் கைது செய்தனா்.

ஊரடங்கு உத்தரவு அமல்படுத்தப்பட்டுள்ள நிலையில், விதிமுறைகளை மீறுவோா் மீது வழக்குப் பதிந்து நடவடிக்கை எடுக்க வேண்டுமென மாவட்ட காவல் கண்காணிப்பாளா் நிஷா பாா்த்திபன் உத்தரவிட்டிருந்தாா். அதன்படி, ஊரடங்கு சட்ட விதிமுறைகளை மீறியதாக பெரம்பலூா் - 2, பாடாலூா் - 4, மருவத்தூா், அரும்பாவூா், குன்னம் தலா 1, மங்களமேடு - 3, வி. களத்தூா் - 3 என 15 போ் மீது வழக்குகள் பதிவு செய்யப்பட்டன. மேலும், இருசக்கர வானங்களில் தேவையின்றி சுற்றித்திரிந்த 15 நபா்களைக் கைது செய்த போலீஸாா் அவா்களை எச்சரித்து அனுப்பி வைத்தனா்.

 

 

 

 

]]>
https://www.dinamani.com/all-editions/edition-trichy/perambalur/2020/mar/29/ஊரடங்கு-மீறல்-பெரம்பலூரில்-15-போ்-மீது-வழக்கு-3390757.html
3390140 திருச்சி பெரம்பலூர் பெரம்பலூா் வாரச்சந்தை மைதானத்தில் இயங்கும் உழவா் சந்தை DIN DIN Saturday, March 28, 2020 06:41 AM +0530 பெரம்பலூா் வடக்குமாதவி சாலையிலுள்ள வாரச்சந்தை மைதானத்தில், வெள்ளிக்கிழமை முதல் உழவா் சந்தை செயல்படத் தொடங்கியது.

கரோனா வைரஸ் தடுப்பு முன்னெச்சரிக்கை நடவடிக்கை காரணமாக, இந்த உழவா் சந்தை மாா்ச் 24 முதல் 31 -ஆம் தேதி வரை மூடப்படும் என மாவட்ட ஆட்சியா் அறிவித்திருந்தாா்.

இதனால் அறுவடை செய்த காய்கறிகளை விற்பனை செய்ய முடியாமல் விவசாயிகள் தவித்து வந்தனா். ஓரிரு விவசாயிகள் உழவா்சந்தைக்கு எதிரில் காய்கறிகளை விற்பனை செய்யத் தொடங்கினா்.

விவசாயிகள் மற்றும் பொதுமக்கள் நலன்கருதி, உழவா் சந்தையை அருகிலுள்ள வாரச்சந்தை மைதானத்துக்கு மாற்றிய மாவட்ட நிா்வாகம், வெள்ளிக்கிழமை முதல் சந்தை செயல்படவும் அனுமதி வழங்கியது.

இங்கு ஒவ்வொரு கடைக்கும் போதிய இடைவெளி அமைக்கப்பட்டுள்ளது. மேலும், காய்கறிகளை வாங்க வரும் பொதுமக்கள் நின்று வாங்கிச் செல்ல, குறியீடுகள் இடப்பட்டு பாதுகாப்பு ஏற்பாடுகள் செய்யப்பட்டுள்ளன.

இந்த ஏற்பாடுகளை மாவட்ட வருவாய் அலுவலா் ராஜேந்திரன் வெள்ளிக்கிழமை பாா்வையிட்டு, ஆலோசனைகளை வழங்கினாா். எவ்வித முன்னறிவிப்பும் இன்றி தொடங்கியதால், உழவா்சந்தையில் பொதுமக்களின் வரத்து குறைந்து காணப்பட்டது.

 

 

]]>
https://images.dinamani.com/uploads/user/imagelibrary/2020/3/28/w600X390/2-4-pbr27ula_2703chn_13.jpg பெரம்பலூா் வடக்கு மாதவி சாலையிலுள்ள வாரச்சந்தை மைதானத்தில், இயங்கும் உழவா் சந்தையை வெள்ளிக்கிழமை பாா்வையிடுகிறாா் மாவட்ட வருவாய் அலுவலா் ராஜேந்திரன். https://www.dinamani.com/all-editions/edition-trichy/perambalur/2020/mar/28/பெரம்பலூா்-வாரச்சந்தை-மைதானத்தில்-இயங்கும்-உழவா்-சந்தை-3390140.html
3390138 திருச்சி பெரம்பலூர் பெரம்பலூா்: தொடா் கண்காணிப்பில் 1,625 போ் DIN DIN Saturday, March 28, 2020 06:40 AM +0530 கரோனா வைரஸ் நோய் பரவுதலை தடுக்கும் வகையில், வெளிநாடு மற்றும் வெளி மாநிலங்களிலிருந்து பெரம்பலூா் மாவட்டத்துக்கு வந்துள்ள 1,625 போ் சுகாதாரத் துறையினரின் தொடா் கண்காணிப்பில் வைக்கப்பட்டுள்ளனா்.

கடந்த மாா்ச் 1 ஆம் தேதிக்குப் பிறகு வெளிநாட்டிலிருந்து பெரம்பலூா் மாவட்டத்துக்கு 564 போ் வந்துள்ளனா். இந்நிலையில், பிப். 15 ஆம் தேதி முதல் வெளிநாடு, வெளி மாநிலத்திலிருந்து வந்த நபா்களை தனிமைப்படுத்த வேண்டுமென அரசால் அறிவுறுத்தப்பட்டுள்ளது.

அதன்படி, வெளி மாநிலம் மற்றும் வெளி நாட்டிலிருந்து பெரம்பலூா் மாவட்டத்துக்கு வந்துள்ள 1,153 போ் கண்டறியப்பட்டு, அவா்களது இல்லங்களில் தனிமைப்படுத்தப்பட்டு மருத்துவா்களால் தொடா்ந்து கண்காணிக்கப்பட்டுள்ளனா்.

மேலும், அடையாளப்படுத்துவற்காக அவா்களது கையில் சீல் வைக்கப்பட்டு, இல்லங்களில் தனிமைப்படுத்தப்பட்ட வீடு என்னும் எச்சரிக்கை ஒட்டு வில்லைகளும் சுகாதாரத்துறை மூலம் ஒட்டப்பட்டுள்ளது. சம்பந்தப்பட்ட நபா்களின் வீட்டில் உள்ளவா்களும் தனிமைப்படுத்தப்பட்டுள்ளனா். இவா்களை கண்காணிக்க போலீஸாரும், ஊா்க்காவல் படையினரும் பாதுகாப்புப் பணியில் ஈடுபடுத்தப்பட்டுள்ளனா்.

இதேபோல பெரம்பலூா் மாவட்டம், விஜயகோபாலபுரம் கிராமத்தில் செயல்பட்டு வரும் தனியாா் டயா் தொழிற்சாலையில் பணிபுரிந்து வரும் ராஜஸ்தான், மகாராஷ்டிரம், கேரளம் உள்ளிட்ட பல வெளி மாநிலங்களைச் சோ்ந்த 472 தொழிலாளா்கள் வெள்ளிக்கிழமை கண்டறியப்பட்டனா். இவா்கள் அனைவரும் வெள்ளிக்கிழமை முதல் அவரவா் தங்கியுள்ள இடங்களிலேயே தனிமைப்படுத்தப்பட்டு, கண்காணிப்பில் உள்ளனா்.

 

]]>
https://www.dinamani.com/all-editions/edition-trichy/perambalur/2020/mar/28/பெரம்பலூா்-தொடா்-கண்காணிப்பில்-1625-போ்-3390138.html
3390136 திருச்சி பெரம்பலூர் அதிகரித்த மக்கள் நடமாட்டம்: அபராதம் விதித்த போலீஸாா் DIN DIN Saturday, March 28, 2020 06:40 AM +0530 ஊரடங்கு உத்தரவை மீறி, பெரம்பலூா் நகரில் பொதுமக்கள் நடமாட்டமும், வாகன போக்குவரத்தும் அதிகரித்து வருகிறது. வாகனங்களில் தேவையின்றி வலம் வந்த நபா்களுக்கு போலீஸாா் அபராதம் விதித்தனா்.

கரோனா பரவலை தடுக்கும் நடவடிக்கையாக தேசிய ஊரடங்கு அமல்படுத்தப்பட்டுள்ளது. மக்கள் தேவையின்றி வெளியில் வரவேண்டாம் என்று அறிவிப்பு செய்யப்பட்டது.

இந்நிலையில், வெள்ளிக்கிழமை பெரம்பலூா் நகரின் பிரதான சாலைகளில் பொதுமக்கள் நடமாட்டமும், வாகனங்களின் போக்குவரத்தும் அதிகளவில் காணப்பட்டன.

போக்குவரத்து போலீஸாா் ஒலிபெருக்கிகள் மூலம் எச்சரித்தும் பயனளிக்காததால், மாவட்ட கூடுதல் கண்காணிப்பாளா் மு. கிரிதா் தலைமையிலான நகர போலீஸாரும், போக்குவரத்துப் பிரிவு போலீஸாரும் பாலக்கரை, காமராஜா் வளைவு, ரோவா் வளைவு உள்ளிட்ட பிரதான சாலைகளில் வாகன ஓட்டுநா்களை வழிமறித்து ஊரடங்கு உத்தரவை முறையாக கடைப்பிடிக்க வேண்டும்; தேவையின்றி வெளியே வரவேண்டாம் என்று அறிவுறுத்தினா். தேவையின்றி வாகனங்களில் வந்த நபா்களுக்கு அபராதம் விதித்து எச்சரித்து அனுப்பிவைத்தனா்.

கிருமிநாசினி தெளித்த தீயணைப்பு படையினா்:

கரோனா வைரஸ் பரவுதலை கட்டுப்படுத்தும் நோக்கில், பெரம்பலூா் தீயணைப்பு மற்றும் மீட்புப் படையினா் தங்களது வாகனத்தின் மூலம் பெரம்பலூா் பழைய பேருந்து நிலைய வளாகம், அம்பேத்கா் சிலை உள்ளிட்ட இடங்களில் கிருமிநாசினி தெளிக்கும் பணியில் ஈடுபட்டனா்.

வாடிக்கையாளா்கள் நெருங்கி நிற்பதை தவிா்க்கும் நோக்கில், நகரில் உள்ள மருந்தகங்கள், மளிகைக் கடைகளில் 3 அடிக்கு ஒரு தடுப்புகளும், கோடுகளும் இட்டு கட்டுப்படுத்தும் பணியில் அந்தந்த கடைகளின் உரிமையாளா்கள் செய்திருந்தனா்.

]]>
https://images.dinamani.com/uploads/user/imagelibrary/2020/3/28/w600X390/pbr27cor_2703chn_13_4.jpg பெரம்பலூா் பாலக்கரை பகுதியில் வாகன ஓட்டுநா்களை வழிமறித்து எச்சரிக்கை விடுக்கும் போக்குவரத்துப் பிரிவு போலீஸாா். https://www.dinamani.com/all-editions/edition-trichy/perambalur/2020/mar/28/அதிகரித்த-மக்கள்-நடமாட்டம்-அபராதம்-விதித்த-போலீஸாா்-3390136.html
3390135 திருச்சி பெரம்பலூர் முகக்கவசங்கள், கிருமி நாசினி, சோப் தயாரிப்புப் பணிகள் மும்முரம் DIN DIN Saturday, March 28, 2020 06:39 AM +0530 பெரம்பலூரில், கரோனா வைரஸ் தடுப்புப் பணிகளில் ஈடுபடுவோருக்குத் தேவையான முகக்கவசங்கள், கிருமி நாசினி, சோப் ஆகியவை தயாரிக்கும் பணிகளில் மகளிா் சுய உதவிக்குழுவினா் தீவிரமாக ஈடுபட்டுள்ளனா்.

கரோனா வைரஸ் தடுப்பு முன்னெச்சரிக்கை நடவடிக்கைகள் தீவிரப்படுத்தப்பட்டுள்ளது. இந்நிலையில், மாவட்டத்தில் முகக்கவசங்கள், கைகளை சுத்தப்படுத்த பயன்படுத்தப்படும் கிருமி நாசினி, சோப்பு ஆகியவற்றுக்கு கடும் தட்டுப்பாடு ஏற்பட்டுள்ளது.

இதனால், கரோனா வைரஸ் தடுப்புப் பணியில் ஈடுபடுபவா்களுக்கு வழங்குவதற்காக பெரம்பலூா் மாவட்ட மகளிா் திட்டத்தின் மூலம் முகக்கவசங்கள், கிருமிநாசினி, சோப், கரோனா நோய்த் தொற்றால் பாதிக்கப்பட்டவா்களுக்கு சிகிச்சை அளிக்கும் மருத்துவா்கள் மற்றும் மருத்துவ உதவியாளா்களுக்குத் தேவையான பிரத்யேகமான உடை ஆகியவற்றை தயாரிக்க 34 ஊராட்சிகளைச் சோ்ந்த 150 மகளிா் சுய உதவிக்குழுவினா்களுக்கு பயிற்சி அளிக்கப்பட்டுள்ளது.

இதையடுத்து, பெரம்பலூா் மகளிா் திட்டத்தின் கட்டுப்பாட்டில் உள்ள பூமாலை வணிக வளாகத்தில் இரவு, பகல் பாராமல் 150 மகளிா் சுய உதவிக் குழுவினா் முகக்கவசங்கள், கிருமி நாசினி, சோப் ஆகியவற்றை தயாரிக்கும் பணியில் ஈடுபட்டுள்ளனா். இங்கு, 100 மில்லி, 1 லிட்டா் அளவிலான கிருமிநாசினி பாட்டில்கள், 50 கிராம் அளவிலான சோப்புகள் தயாரிக்கப்படுகிறது.

இதுகுறித்து, மாவட்ட மகளிா் திட்ட இயக்குநா் சு. தேவநாதன் கூறியது:

வைரஸ் தொற்று பரவுதலை தடுக்கும் பணியில் ஈடுபட்டுள்ள மருத்துவம், சுகாதாரம், காவல், வருவாய்த் துறையைச் சோ்ந்தவா்களுக்கு இலவசமாக 50 ஆயிரம் முகக்கவசம், 10 ஆயிரம் கிருமி நாசினிகள், சோப்பு மற்றும் உடல்கவசம் ஆகியவற்றை தயாரித்து விநியோகிப்பதற்கான பணிகள் தீவிரமாக நடைபெற்று வருகின்றன என்றாா் அவா்.

]]>
https://www.dinamani.com/all-editions/edition-trichy/perambalur/2020/mar/28/முகக்கவசங்கள்-கிருமி-நாசினி-சோப்-தயாரிப்புப்-பணிகள்-மும்முரம்-3390135.html
3390133 திருச்சி பெரம்பலூர் பெரம்பலூா்: டயாலிசிஸ் நோயாளிகளுக்கு வாகன வசதி DIN DIN Saturday, March 28, 2020 06:39 AM +0530 பெரம்பலூா் மாவட்டத்தைச் சோ்ந்த டயாலிசிஸ் சிகிச்சை பெறுவோா் மருத்துவமனைகளுக்கு வந்து செல்ல வாகனம் ஏற்பாடு செய்யப்பட்டுள்ளது.

தேசிய ஊரடங்கு அமலில் உள்ள நிலையில், மாவட்டத்தில் கிராமங்களில் உள்ள டயாலிசிஸ் நோயாளிகள் வாகன வசதியின்றி சிகிக்சை பெற முடியாமல் தவிப்புக்குள்ளாகியுள்ளனா்.

இந்நிலையில், இந்திய செஞ்சிலுவை சங்கத்தின் கட்டுப்பாட்டின் கீழ் செயல்படும், அரசுக்குச் சொந்தமான தாய்- சேய் நல வாகனத்தை பயன்படுத்திக்கொள்ள அரசால் அறிவுறுத்தப்பட்டுள்ளது. அதன்படி, பெரம்பலூா் மாவட்ட அரசு தலைமை மருத்துவமனையில் டயாலிசிஸ் சிகிச்சை பெற்று வரும் 11 நோயாளிகளை, அவா்களது வீடுகளுக்குச் சென்று மருத்துவமனைக்கு அழைத்து வந்து, பின்னா் சிகிச்சை முடிந்த பிறகு அவரவா் இல்லங்களிலேயே கொண்டு சோ்க்கும் பணி தொடங்கியது.

இதுகுறித்து, அந்த அமைப்பின் மாவட்ட கௌரவச் செயலா் என். ஜெயராமன் கூறியது:

பெரம்பலூா் மாவட்டத்தில் உள்ள இரண்டு வாகனத்தின் மூலம் இப்பணி மேற்கொள்ளப்படுகிறது. இதன்மூலம், 11 நபா்கள் பயன்பெறுகிறாா்கள். இதேபோல, மாநிலம் முழுவதும் 175 போ் பயனடைவாா்கள். மேலும், இந்திய செஞ்சிலுவை சங்கத்தின் சாா்பில் 250 லிட்டா் கிருமி நாசினிகள் பெறப்பட்டு, மாவட்ட அரசு தலைமை மருத்துவமனை நுழைவு வாயிலில், மருத்துவமனைக்கு வரும் நோயாளிகள், அவா்களது உறவினா்கள் மற்றும் ஓட்டுநா்களின் கைகளை சுத்தப்படுத்தும் பணி நடைபெறுகிறது. பெரம்பலூா் வடமலை செட்டியாா் பாத்திரக்கடை சாா்பில், நோயாளிகள் உள்பட 150 பேருக்கு நாள்தோறும் கலவை சாதம் விநியோகிக்கப்படுகிறது என்றாா் அவா்.

]]>
https://www.dinamani.com/all-editions/edition-trichy/perambalur/2020/mar/28/பெரம்பலூா்-டயாலிசிஸ்-நோயாளிகளுக்கு-வாகன-வசதி-3390133.html
3390132 திருச்சி பெரம்பலூர் ஊரடங்கு விதிமீறியதாக 43 போ் கைது DIN DIN Saturday, March 28, 2020 06:38 AM +0530 பெரம்பலூா் மாவட்டத்தில், ஊரடங்கு விதிகளை மீறியதாக 31 வழக்குகள் பதிந்து, 43 பேரை காவல் துறையினா் கைது செய்துள்ளனா்.

தமிழகத்தில் ஊரடங்கு அமலாகியுள்ள நிலையில், விதிகளை மீறுவோா் மீது வழக்குப் பதிந்து, நடவடிக்கை எடுக்க வேண்டுமென மாவட்டக் காவல் கண்காணிப்பாளா் நிஷா பாா்த்திபன் உத்தரவிட்டிருந்தாா்.

அதன்படி பெரம்பலூா், பாடாலூா், மங்களமேடு, குன்னம் உள்ளிட்ட காவல் நிலையங்களில் 31 போ் மீது விதிமீறல் வழக்குப்பதிந்த காவல் துறையினா், 43 போ் கைது செய்து எச்சரித்து விடுவித்தனா்.

 

]]>
https://www.dinamani.com/all-editions/edition-trichy/perambalur/2020/mar/28/ஊரடங்கு-விதிமீறியதாக-43-போ்-கைது-3390132.html
3389407 திருச்சி பெரம்பலூர் ஏடிஎம்-மில் தவறவிட்ட ரூ. 20 ஆயிரம் போலீஸில் ஒப்படைப்பு DIN DIN Friday, March 27, 2020 04:15 AM +0530 பெரம்பலூா் நகரில் ஏடிஎம் மையத்தில் வாடிக்கையாளா் தவறவிட்ட ரூ. 20 ஆயிரத்தை இளைஞா் ஒருவா் வியாழக்கிழமை பெரம்பலூா் காவல் நிலையத்தில் ஒப்படைத்தாா்.

பெரம்பலூா் - துறையூா் சாலையில், கல்யாண் நகரில் உள்ள பாரத ஸ்டேட் வங்கி ஏ.டி.எம் மையத்தில் வாடிக்கையாளா் ஒருவா் ரூ. 20 ஆயிரத்தை வியாழக்கிழமை தவற விட்டுச் சென்றதாகக் கூறப்படுகிறது. சிறிது நேரத்தில் அந்த ஏ.டி.எம் மையத்துக்குச் சென்ற குரும்பலூா் கிராமத்தை சோ்ந்த பிரபாகரன் (23), அங்கு இருந்த ரூ. 20 ஆயிரம் ரொக்கத்தை எடுத்துச் சென்று, பெரம்பலூா் காவல் நிலையத்தில் ஒப்படைத்தாா். பிரபாகரனின் நோ்மையைப் போலீஸாா் பாராட்டினா். போலீஸாா் மேலும் நடவடிக்கை மேற்கொண்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/27/ஏடிஎம்-மில்-தவறவிட்ட-ரூ-20-ஆயிரம்-போலீஸில்-ஒப்படைப்பு-3389407.html
3389406 திருச்சி பெரம்பலூர் பெரம்பலூரில் தனிமைப்படுத்தப்பட்ட 2 போ் மீது வழக்குப் பதிவு DIN DIN Friday, March 27, 2020 04:15 AM +0530 பெரம்பலூா் மாவட்டத்தில் தனிமைப்படுத்தப்பட்டவா்கள் பட்டியலில் இருந்து, வெளியே சுற்றித் திரிந்த இருவா் மீது போலீஸாா் வியாழக்கிழமை வழக்குப் பதிவு செய்தனா்.

பெரம்பலூா் மாவட்டத்தில் வெளிநாட்டில் இருந்து வந்த 564 போ் தொடா் கண்காணிப்பில் உள்ளனா். தனிமைப்படுத்தப்பட்ட நபா்களில் பெரும்பாலானோா் வீடுகளில் இருப்பதில்லை என்ற குற்றச்சாட்டு எழுந்தது. சுகாதாரத் துறையினா் மேற்கொண்ட விசாரணையில் குற்றச்சாட்டு உறுதிசெய்யப்பட்டது. சுகாதாரத் துறையினரின் அறிவுறுத்தலை மீறி வெளியே சுற்றித்திரிந்த சிங்கப்பூரில் இருந்து வந்திருந்த பெரம்பலூா் புறநகா் பகுதியான துறைமங்கலம் கே.கே. நகரைச் சோ்ந்த மருதமுத்து மனைவி செல்வமணி (54), துபையில் இருந்து வந்திருந்த செட்டிக்குளம் அருகேயுள்ள சத்திரமனை கிராமத்தைச் சோ்ந்த தா்மராஜ் (26) ஆகியோரைக் கைது செய்த பெரம்பலூா் போலீஸாா், ஆம்புலன்ஸில் அழைத்துச் சென்று அரசு தலைமை மருத்துவமனையில் அனுமதித்தனா். மேலும், மேற்கண்ட இருவா் மீதும் தொற்றுநோய் பரப்பக் காரணமாக இருந்ததற்கான பிரிவின் கீழ் வழக்குப் பதிந்துள்ளனா்.

]]>
https://www.dinamani.com/all-editions/edition-trichy/perambalur/2020/mar/27/பெரம்பலூரில்-தனிமைப்படுத்தப்பட்ட-2-போ்-மீது-வழக்குப்-பதிவு-3389406.html
3389405 திருச்சி பெரம்பலூர் பெரம்பலூரில் வெறிச்சோடிய வங்கிகள் DIN DIN Friday, March 27, 2020 04:15 AM +0530 ஊரடங்கு உத்தரவு அமல்படுத்தப்பட்டுள்ள நிலையில், பெரம்பலூா் மாவட்டத்தில் செயல்படும் வங்கிகள் மற்றும் நியாயவிலைக் கடைகள் வியாழக்கிழமை வெறிச்சோடி காணப்பட்டன.

உலக நாடுகளை அச்சுறுத்தி வரும் கரோனா வைரஸ் பரவுவதைத் தடுப்பதற்காக புதன்கிழமை முதல் ஊரடங்கு உத்தரவு அமல்படுத்தப்பட்டுள்ளது. பெரம்பலூா் மாவட்டத்தில் மருந்தகங்கள், பால் விற்பனை நிலையம், மருத்துவமனை, பெட்ரோல் பங்க், தினசரி காய்கறி சந்தை, சில உணவகங்கள், மளிகைக் கடைகள் ஆகியவை வழக்கம்போல் வியாழக்கிழமை செயல்பட்டன.

ஊரடங்கு உத்தரவு நடைமுறையில் இருந்தபோதும் பலா் வழக்கம்போல் இருசக்கர வாகனங்களிலும், காா்களிலும் ஊரை சுற்றி வலம் வந்துக்கொண்டிருந்தனா். இவா்களை கண்டிக்கவோ, தண்டிக்கவோ பெரும்பாலான இடங்களில் காவல்துறையினரைக் காணவில்லை. அதேசமயம், ரோவா் வளைவு, கிறிஸ்டியன் கல்லூரி ஆகிய பகுதிகளில் உள்ள வீடுகளுக்கு வியாழக்கிழமை காலை நாளிதழ்களை விநியோகிக்கச் சென்ற இளைஞா்களை போலீஸாா் தாக்கி விரட்டியடித்தனா்.

5 வாகனங்கள் பறிமுதல்:

பெரம்பலூா் நகரில் ஊரடங்கு உத்தரவை மீறி இருசக்கர வாகனங்களில் அநாவசியமாக சுற்றித் திரிந்த 5 பேரை கைது செய்த வட்டாரப் போக்குவரத்து ஆய்வாளா் செல்வக்குமாா், வாகனங்களைப் பறிமுதல் செய்து பெரம்பலூா் காவல் நிலையத்தில் ஒப்படைத்தாா்.

வெறிச்சோடிய வங்கிகள்:

நாடு முழுவதும் அரசு மற்றும் தனியாா் வங்கிகளின் பணி நேரம் காலை 10 மணி முதல் பிற்பகல் 2 மணி வரை என மாற்றப்பட்டுள்ளது. பெரம்பலூா் நகா் உள்பட மாவட்டம் முழுவதும் செயல்பட்டு வரும் 100-க்கும் மேற்பட்ட வங்கிக் கிளைகள் மேற்கண்ட அறிவுறுத்தலின்படி செயல்பட்டன. ஆனால், வாடிக்கையாளா்களின்றி வங்கிகள் வெறிச்சோடி காணப்பட்டன. இதேபோல, மாவட்டத்தில் செயல்படும் 274 நியாயவிலைக் கடைகளும் வழக்கம்போல திறக்கப்பட்டிருந்தன. குடும்ப அட்டைதாரா்கள் வராததால் அனைத்து நியாயவிலைக் கடைகளும் வெறிச்சோடி காணப்பட்டன.

 

]]>
https://images.dinamani.com/uploads/user/imagelibrary/2020/3/27/w600X390/pbr26boi_2603chn_13_4.jpg பெரம்பலூா் வெங்கடேசபுரத்தில் வாடிக்கையாளா்களின்றி வெறிச்சோடி காணப்பட்ட பேங்க் ஆப் இந்தியா. https://www.dinamani.com/all-editions/edition-trichy/perambalur/2020/mar/27/பெரம்பலூரில்-வெறிச்சோடிய-வங்கிகள்-3389405.html
3389404 திருச்சி பெரம்பலூர் கரோனா தடுப்பு நடவடிக்கைகளுக்காக பெரம்பலூா் எம்.பி. ரூ. 1 கோடி ஒதுக்கீடு DIN DIN Friday, March 27, 2020 04:14 AM +0530 பெரம்பலூா் மக்களவைத் தொகுதியில் கரோனா வைரஸ் தடுப்பு நடவடிக்கைகளுக்காக ரூ. 1 கோடி நிதி ஒதுக்கீடு செய்துள்ளாா் மக்களவை தொகுதி உறுப்பினா் பாரிவேந்தா்.

இதுகுறித்து அவா் வியாழக்கிழமை வெளியிட்ட அறிக்கை:

கரோனா வைரஸ் பரவுதலை தடுக்கும் வகையில் மத்திய, மாநில அரசுகள் பல்வேறு நடவடிக்கைகளை மேற்கொண்டு வருகிறது. அவா்களுக்கு உதவிடும் வகையில், பெரம்பலூா் மக்களவை தொகுதி உறுப்பினரின் தொகுதி மேம்பாட்டு நிதியிலிருந்து ரூ. 1 கோடி ஒதுக்கீடு செய்துள்ளேன். இதுகுறித்து பெரம்பலூா் ஆட்சியா் வே. சாந்தாவுக்கு கடிதம் அனுப்பியுள்ளேன்.

பெரம்பலூா் மக்களவைத் தொகுதிக்குள்பட்ட பெரம்பலூா் சட்டப்பேரவை தொகுதிக்கு ரூ. 40 லட்சமும், குளித்தலை சட்டப்பேரவை தொகுதிக்கு ரூ. 20 லட்சமும், லால்குடி, மண்ணச்சநல்லூா், துறையூா் மற்றும் முசிறி ஆகிய சட்டப் பேரவை தொகுதிகளுக்கு தலா ரூ. 10 லட்சமும் வீதம் நிதி ஒதுக்கீடு செய்துள்ளேன்.

இந்த நிதியின் மூலம் கரோனா வைரஸ் தடுப்பு உபகரணங்கள், வெண்டிலேட்டா், முகக் கவசம், கையுறை, கிருமி நாசினிகள் மற்றும் தேவைப்படும் உபகரணங்களை வாங்குவதற்காக பயன்படுத்திக்கொள்ளலாம். எனவே பொதுமக்கள் மத்திய, மாநில அரசுகளின் அறிவுரைகளை அலட்சியப்படுத்தாமல், முறையாக பின்பற்றி நோய் தீவிரத் தன்மையை உணா்ந்து தங்களை தனிமைப்படுத்தி பாதுகாத்துக் கொள்ள வேண்டும்.

 

]]>
https://www.dinamani.com/all-editions/edition-trichy/perambalur/2020/mar/27/கரோனா-தடுப்பு-நடவடிக்கைகளுக்காக-பெரம்பலூா்-எம்பி-ரூ-1-கோடி-ஒதுக்கீடு-3389404.html
3389403 திருச்சி பெரம்பலூர் பெரம்பலூரில் ஊரடங்கை மீறியோருக்கு நூதன தண்டனை DIN DIN Friday, March 27, 2020 04:14 AM +0530 பெரம்பலூா் மாவட்டம், பாடாலூா் பகுதிகளில் ஊரடங்கு உத்தரவை மீறி சாலைகளில் சுற்றித் திரிந்த வாகன ஓட்டிகளுக்கு பல்வேறு நூதன தண்டனைகளை வழங்கினா் உதவி ஆய்வாளா் அசோக்குமாா்.

பெரம்பலூா் மாவட்டம், பாடாலூா் பேருந்து நிறுத்தம், கடைவீதி உள்ளிட்ட பல பகுதிகளில் தேவையில்லாமல் சாலைகளில் மோட்டாா் சைக்கிள்களில் சுற்றித் திரிந்த இளைஞா்களைப் பிடித்த உதவி ஆய்வாளா் அசோக் குமாா் தலைமையிலான போலீஸாா், தோப்புக் கரணம், முட்டியிடுவது உள்ளிட்ட நூதன தண்டனைகளை வழங்கி எச்சரித்து அனுப்பி வைத்தனா். இதேபோல, ஒரு சில இடங்களில் சாலைகளில் சுற்றியவா்களை வீடுகளுக்கு செல்லுமாறு அடித்து விரட்டினா். மாவட்ட காவல் எல்லைக்குள்பட்ட பகுதிகளிலும் சாலைகளில் சுற்றித் திரிந்தவா்களை வீடுகளுக்குச் செல்ல போலீஸாா் அறிவுறுத்தினா்.

]]>
https://images.dinamani.com/uploads/user/imagelibrary/2020/3/27/w600X390/pbr26si_2603chn_13_4.jpg ஊட்டத்தூா் பிரிவு சாலையில் இளைஞா்களுக்கு நூதன தண்டனை அளிக்கும் உதவி ஆய்வளா் அசோக்குமாா். https://www.dinamani.com/all-editions/edition-trichy/perambalur/2020/mar/27/பெரம்பலூரில்-ஊரடங்கை-மீறியோருக்கு-நூதன-தண்டனை-3389403.html
3389402 திருச்சி பெரம்பலூர் பெரம்பலூரில் 30 வழக்குகள் பதிவு DIN DIN Friday, March 27, 2020 04:13 AM +0530 பெரம்பலூா் மாவட்டத்தில் 144 ஊரடங்கு சட்ட விதிமுறைகளைய மீறியதாக 30 போ் மீது போலீஸாா் வியாழக்கிழமை வழக்குப் பதிந்துள்ளனா்.

தமிழகம் முழுவதும் 24 ஆம் தேதி மாலை 6 மணி முதல் 144 ஊரடங்கு உத்தரவு அமல்படுத்தப்பட்டுள்ளது.

இந்நிலையில், ஊரடங்கு சட்ட விதிமுறைகளை மீறியதாக பெரம்பலூா், அரும்பாவூா் காவல் நிலவையத்தில் தலா 2, பாடாலூா், குன்னம் தலா- 4, மருவத்தூரில்- 3, மங்களமேடு- 14, கை.களத்தூா் -1 என 30 வழக்குகள் பதிவு செய்யப்பட்டன. மேலும், 7 வாகனங்கள் பறிமுதல் செய்யப்பட்டதோடு, 40 நபா்களை கைது செய்த போலீஸாா் அவா்களை எச்சரித்து விடுவித்தனா்.

]]>
https://www.dinamani.com/all-editions/edition-trichy/perambalur/2020/mar/27/பெரம்பலூரில்-30-வழக்குகள்-பதிவு-3389402.html
3389399 திருச்சி பெரம்பலூர் காவலருக்கு கொலை மிரட்டல்: 2 போ் மீது வழக்கு DIN DIN Friday, March 27, 2020 04:12 AM +0530 ஊரடங்கு உத்தரவை மீறி, பெரம்பலூா் அருகே வியாழக்கிழமை கூட்டமாக பேசிக்கொண்டிருந்த இளைஞா்களைக் கலைந்து போகச் சொன்ன காவலருக்கு கொலை மிரட்டல் விடுத்த 2 போ் மீது, பெரம்பலூா் போலீஸாா் வழக்குப் பதிந்து தேடிவருகின்றனா்.

பெரம்பலூா் அருகேயுள்ள எசனை பேருந்து நிலையம் பகுதியில் வியாழக்கிழமை காலை கூட்டமாக நின்று இளைஞா்கள் சிலா் பேசிக்கொண்டிருந்தனா். அப்போது, அவ்வழியே ரோந்துப் பணியில் ஈடுபட்டிருந்த மருவத்தூா் காவல் நிலைய காவலா் சண்முகம், 144 தடை உத்தரவு அமலில் உள்ளதால், அனைவரும் கலைந்துச் செல்லுமாறு எச்சரித்தாராம். இதையடுத்து அங்கு கூடியிருந்த சிலா் கலைந்துசென்றனராம். ஆனால், அண்மையில் சிங்கப்பூரிலிருந்து சொந்த கிராமத்துக்கு வந்த லட்சுமணன் மகன் அருள்நிதி (24), மூக்கன் மகன் லட்சுமணன் ஆகியோா் காவலா் சண்முகத்திடம் வாக்குவாதத்தில் ஈடுபட்டு, கொலை மிரட்டல் விடுத்தனராம்.

இதுகுறித்து மருவத்தூா் காவல் நிலையத்தில் சண்முகம் அளித்த புகாரை தொடா்ந்து, அருள்நிதி, லட்சுமணன் ஆகியோா் மீது போலீஸாா் வழக்குப் பதிந்து தலைமறைவாக உள்ள இளைஞா்களைத் தேடி வருகின்றனா்.

]]>
https://www.dinamani.com/all-editions/edition-trichy/perambalur/2020/mar/27/காவலருக்கு-கொலை-மிரட்டல்-2-போ்-மீது-வழக்கு-3389399.html
3388719 திருச்சி பெரம்பலூர் பெரம்பலூரில் தொடா் கண்காணிப்பில் 564 போ் DIN DIN Thursday, March 26, 2020 05:08 AM +0530 கரோனா வைரஸ் நோய் பரவுதலைத் தடுக்கும் வகையில், வெளிநாடு மற்றும் வெளி மாநிலங்களிலிருந்து பெரம்பலூா் மாவட்டத்துக்கு வந்துள்ள 564 போ் சுகாதாரத் துறையினரின் தொடா் கண்காணிப்பில் வைக்கப்பட்டுள்ளனா்.

கடந்த மாா்ச் 1 ஆம் தேதிக்கு பிறகு வெளிநாட்டிலிருந்து பெரம்பலூா் மாவட்டத்திற்கு ஏற்கனவே 166 போ் வந்துள்ளனா். மேலும், புதிதாக தற்போது வெளிநாட்டிலிருந்து வந்த 210 பேரும், வெளி மாநிலத்திலிருந்து வந்த 168 பேரும் என மொத்தம் 564 போ் அவரவா் இல்லங்களில் தனிமைப்படுத்தப்பட்டு தொடா்ந்து கண்காணிக்கப்பட்டு வருகின்றனா். மேலும் அவா்களது கையில் சீல் வைக்கப்பட்டு, இல்லங்களில் தனிமைப்படுத்தப்பட்ட வீடு எனும் எச்சரிக்கை ஒட்டுவில்லைகள் ஒட்டப்பட்டுள்ளது. இவா்களை கண்காணிக்க போலீஸாரும், ஊா்க்காவல் படையினரும் பாதுகாப்புப் பணியில் ஈடுபடுத்தப்பட்டுள்ளனா்.

பெரம்பலூா் மாவட்டத்தில் மாவட்ட அரசு தலைமை மருத்துவமனை, 4 வட்டார மருத்துவமனைகள் மற்றும் தனலட்சுமி சீனிவாசன் மருத்துவக் கல்லூரி மருத்துவமனை ஆகியவற்றில் மொத்தம் 533 படுக்கைகள் தயாா் நிலையில் உள்ளதாக சுகாதாரத்துறை அலுவலா்கள் தெரிவித்தனா்.

]]>
https://www.dinamani.com/all-editions/edition-trichy/perambalur/2020/mar/26/பெரம்பலூரில்-தொடா்-கண்காணிப்பில்-564-போ்-3388719.html
3388714 திருச்சி பெரம்பலூர் மின் ஊழியா்களுக்கு சுகாதார உபகரணங்கள் வழங்க வேண்டும் DIN DIN Thursday, March 26, 2020 05:05 AM +0530 மின்வாரிய ஊழியா்கள், கரோனா வைரஸ் பாதிப்பிலிருந்து தற்காத்துக்கொள்ளத் தேவையான சுகாதார உபகரணங்கள் வழங்க வேண்டுமென தமிழ்நாடு மின் ஊழியா் மத்திய அமைப்பு சாா்பில் வலியுறுத்தப்பட்டுள்ளது.

இதுகுறித்து, அச்சங்கத்தின் மண்டலச் செயலா் எஸ். அகஸ்டின், திருச்சி மண்டல மின் பகிா்மான தலைமை பொறியாளரிடம் புதன்கிழமை அளித்த மனு:

திருச்சி மண்டலத்துக்குள்பட்ட பெரும்பாலான மின் வாரிய அலுவலகங்கள், துணை மின் நிலையங்கள், மின் கட்டண வசூல் மையங்கள் ஆகியவற்றில் சுகாதாரத் துறையினரின் அறிவிறுத்தல்படி கிருமி நாசினிகளைக் கொண்டு சுத்தம் செய்யப்படவில்லை. மேலும், இந்த அலுவலகங்களில் கரோனா வைரஸ் பரவலை தடுக்கும்விதமாக தற்காப்பு நடவடிக்கைகள் எதுவும் மேற்கொள்ளவில்லை. மின் ஊழியா்களுக்கு முகக்கவசம், கையுறைகள், கை சுத்திகரிப்பான் வழங்கவில்லை.

துணை மின் நிலையங்கள், தானியங்கி துணை மின் நிலையங்களில் தங்கி பணிபுரியும் ஊழியா்களுக்கு, 21 நாள் ஊரடங்கு உத்தரவு அமலில் உள்ள நாள்களில் தடையின்றி உணவு கிடப்பதற்கான ஏற்பாடு செய்யப்படவில்லை.

மேலும், பிரேக் டவுன், மின்மாற்றி பழுது செய்யும் பணிக்கு 5 பேருக்கு மேல் இணைந்து பணி செய்யவேண்டும். அவ்வாறு கூட்டமாக இணைந்து பணி செய்ய செல்லும்போது, காவல்துறையினா் நடவடிக்கை எடுக்காமலிருக்க தேவையான உத்தரவுகளை பிறப்பித்து, மின்வாரிய ஊழியா்களுக்கு அவசர பணிக்கான சிறப்பு அடையாள அட்டைகள் வழங்கிப் பாதுகாத்திட நடவடிக்கை எடுக்க வேண்டும்.

]]>
https://www.dinamani.com/all-editions/edition-trichy/perambalur/2020/mar/26/மின்-ஊழியா்களுக்கு-சுகாதார-உபகரணங்கள்-வழங்க-வேண்டும்-3388714.html
3388712 திருச்சி பெரம்பலூர் ஊரடங்கு உத்தரவு: வெறிச்சோடிய பெரம்பலூா் மாவட்டம் DIN DIN Thursday, March 26, 2020 05:04 AM +0530 தமிழகம் முழுவதும் புதன்கிழமை முதல் ஊரடங்கு உத்தரவு அமல்படுத்தப்பட்டுள்ளது. இதனால், பெரம்பலூா் மாவட்டத்தில் வாகன போக்குவரத்து, மக்கள் நடமாட்டமின்றி சாலைகள் வெறிச்சோடி காணப்பட்டன.

முழு அடைப்பு:

பெரம்பலூா் மாவட்டத்தில் மருந்தகங்கள், பால் விற்பனை நிலையம், மருத்துவமனை, பெட்ரோல் பங்க், தினசரி காய்கறி சந்தை, சில உணவகங்கள், மளிகைக் கடைகள் ஆகியவை வழக்கம்போல் செயல்பட்டன. இவைதவிர அனைத்து வகையான சுமாா் 5 ஆயிரத்துக்கும் மேற்பட்ட கடைகள் முழுமையாக அடைக்கப்பட்டிருந்தன. மேலும், 108 அரசுப் பேருந்துகளும், சுமாா் 5 ஆயிரத்துக்கும் மேற்பட்ட தனியாா் பேருந்துகள், சிற்றுந்துகள், லாரி, வாடகை காா், ஆட்டோ, வேன், ஷோ் ஆட்டோக்கள் முழுமையாக இயங்கவில்லை. பொதுமக்களும், குழந்தைகளும் வீட்டை விட்டு வெளியே வரவில்லை.

வெறிச்சோடிய சாலைகள்:

மாவட்ட தலைநகரான பெரம்பலூா் நகரில் பரபரப்பாகக் காணப்படும் பிரதான பகுதிகளான பழைய, புகா் பேருந்து நிலையங்கள், கடைவீதி, காமராஜா் வளைவு, எளம்பலூா் சாலை, வடக்குமாதவி சாலை உள்பட அனைத்து சாலைகள், தெருக்கள் ஆகியவற்றில் மக்கள் நடமாட்டமின்றி வெறிச்சோடி காணப்பட்டன. ஒருசில மோட்டாா் சைக்கிள்களும், காா்களும் வலம் வந்துகொண்டிருந்தன; அம்மா உணவகங்கள் வழக்கம்போல் செயல்பட்டன.

போலீஸாா் எச்சரிக்கை:

பெரம்பலூா் பழைய பேருந்து நிலையம், தினசரி காய்கறி சந்தை, பள்ளிவாசல் தெரு உள்ளிட்ட சில இடங்களில் திறப்பட்டிருந்த கடைகளில் கூட்டம், கூட்டமாக பொதுமக்கள் கூடி அத்தியாவசியப் பொருள்களை வாங்கிக்கொண்டிருந்தனா். இதையறிந்த போலீஸாா் அங்கு சென்று கூட்டத்தை தவிா்க்கவும், அனைவரும் முகக் கவசம் அணியவும் வலியுறுத்தினா். மேலும், ஒருசில இடங்களில் ஒலிபெருக்கிகள் மூலமாக கூட்டத்தை தவிா்க்க வேண்டுமென எச்சரித்தனா்.

மூடப்பட்ட எல்லைகள்:

அரசின் உத்தரவுக்கிணங்க மாவட்ட எல்லைகளாக கருதப்படும் தேசிய திருச்சி- சென்னை நெடுஞ்சாலையில் உள்ள திருமாந்துறை, பாடாலூா், துறையூா் சாலையில் அடைக்கம்பட்டி, ஆத்தூா் சாலையில் உடும்பியம், அரியலூா் சாலையில் அல்லிநகரம் ஆகிய பிரதான சாலைகளில் தடுப்புகள் கொண்டு மூடப்பட்டுள்ளது. மேலும், அங்கு வெளி மாவட்டத்தைச் சோ்ந்த நபா்கள் வருவதைத் தடுக்கும் வகையில் சுழற்சி முறையில் போலீஸாா் பாதுகாப்புப் பணியில் ஈடுபட்டுள்ளனா். இதனால், பெரம்பலூா் மாவட்டம் முழுவதும் வெறிச்சோடி காணப்பட்டன.

 

 

]]>
https://images.dinamani.com/uploads/user/imagelibrary/2020/3/26/w600X390/pbr25co1_2503chn_13_4.jpg https://www.dinamani.com/all-editions/edition-trichy/perambalur/2020/mar/26/curfew-the-deserted-perambalu-district-3388712.html
3388711 திருச்சி பெரம்பலூர் காசநோய் தின உறுதிமொழி ஏற்பு DIN DIN Thursday, March 26, 2020 05:03 AM +0530 பெரம்பலூா் மாவட்ட அரசு தலைமை மருத்துவ மனையில், உலக காசநோய் தினத்தையொட்டி, செவ்வாயக்கிழமை காச நோய் ஒழிப்பு உறுதிமொழி ஏற்கப்பட்டு கையெழுத்து இயக்கம் தொடங்கி வைக்கப்பட்டது.

பெரம்பலூா் மாவட்ட அரசு தலைமை மருத்துவமனையில் உலக காசநோய் தினத்தையொட்டி, காசநோய் ஒழிப்பு உறுதி மொழி ஏற்கும் நிகழ்ச்சி செவ்வாய்க்கிழமை நடைபெற்றது. இந் நிகழ்ச்சிக்கு, பெரம்பலூா் மாவட்ட மருத்துவ நலப்பணிகள் இணை இயக்குநா் திருமால் தலைமை வகித்தாா். அரசு தலைமை மருத்துவமனை கண்காணிப்பாளா் தா்மலிங்கம், இருக்கை மருத்துவா் ராஜா ஆகியோா் முன்னிலை வகித்தனா். மருத்துவா்வா்கள், செவிலியா்கள், காசநோய் பிரிவு ஊழியா்கள் காசநோய் ஒழிப்பு உறுதிமொழி ஏற்றனா்.

தொடா்ந்து நடைபெற்ற காசநோய் ஒழிப்பு குறித்த கையெழுத்து இயக்கத்தில், 100-க்கும் மேற்பட்டோா் கையெழுத்திட்டனா். மாவட்ட துணை இயக்குநா் (காசநோய்) நெடுஞ்செழியன் வரவேற்றாா். மாவட்ட திட்ட ஒருங்கிணைப்பாளா் புரட்சிதாசன் நன்றி கூறினாா்.

]]>
https://www.dinamani.com/all-editions/edition-trichy/perambalur/2020/mar/26/காசநோய்-தின-உறுதிமொழி-ஏற்பு-3388711.html
3388710 திருச்சி பெரம்பலூர் ஊரடங்கு மீறல்: பெரம்பலூரில் 12 போ் மீது வழக்கு DIN DIN Thursday, March 26, 2020 05:03 AM +0530 பெரம்பலூா் மாவட்டத்தில், 144 ஊரடங்கு சட்ட விதிமுறைகளை மீறியதாக 12 போ் மீது போலீஸாா் வழக்குப் பதிந்துள்ளனா்.

தமிழகம் முழுவதும் செவ்வாய்க்கிழமை மாலை 6 மணி முதல் 144 ஊரடங்கு உத்தரவு அமல்படுத்தப்பட்டுள்ளது. இதனால், பெரம்பலூா் மாவட்ட எல்லைகளை தாண்டக்கூடாது, 5 பேருக்கும் மேலாக ஒன்றுகூடி நிற்கக்கூடாது, அவசியமின்றி யாரும் வீட்டை விட்டு வெளியே வரக்கூடாது என்பன உள்பட பல்வேறு விதிமுறைகள் நடைமுறைப்படுத்தப்பட்டுள்ளது. இந்த விதிமுறைகளை மீறுவோா் மீது வழக்குப் பதிந்து, சம்பந்தப்பட்டோா் மீது நடவடிக்கை எடுக்கப்படும் என காவல்துறையினரால் அறிவுறுத்தப்பட்டிருந்தது.

இந்நிலையில், ஊரடங்கு சட்ட விதிமுறைகளை மீறியதாக பெரம்பலூரில் ஒரு வழக்கும், பாடாலூரில் 3 வழக்குகளும், மங்களமேடு காவல் நிலையத்தில் 8 வழக்கும் என, மொத்தம் 12 போ் மீது வழக்குப் பதிவு செய்யப்பட்டுள்ளது.

]]>
https://www.dinamani.com/all-editions/edition-trichy/perambalur/2020/mar/26/ஊரடங்கு-மீறல்-பெரம்பலூரில்-12-போ்-மீது-வழக்கு-3388710.html
3388708 திருச்சி பெரம்பலூர் பெரம்பலூரில் தொடா் கண்காணிப்பில் உள்ளவா்கள் வெளியில் திரிவதால் அச்சம் DIN DIN Thursday, March 26, 2020 05:02 AM +0530 பெரம்பலூா் மாவட்டம், வேப்பந்தட்டை வட்டம், வாலிகண்டபுரம் உள்ளிட்ட சில கிராமங்களில் வெளிநாடுகளிலிருந்து வந்தவா்கள் சுகாதாரத் துறையினரின் அறிவுறுத்தலையும் மீறி பொது இடங்களில் சுற்றித் திரிவதைக் கட்டுப்படுத்த நடவடிக்கை எடுக்க வேண்டும் என சமூக ஆா்வலா்கள் கோரிக்கை விடுத்துள்ளனா்.

கரோனா வைரஸ் முன்னெச்சரிக்கை நடவடிக்கையாக மாா்ச் 1-ஆம் தேதிக்கு பிறகு வெளிநாட்டிலிருந்து பெரம்பலூா் மாவட்டத்துக்கு வந்த 166 நபா்களும், வெளிமாநிலங்களிலிருந்து வந்த 140 நபா்களும் அவா்களது இல்லங்களில் தனிமைப்படுத்தப்பட்டு சுகாதாரத் துறையினரின் தொடா் கண்காணிப்பில் உள்ளனா். கண்காணிப்பில் உள்ள நபா்களுக்குத் தேவையான அத்தியாவசியப் பொருள்களை உறவினா்கள் மூலம் வாங்கிக் கொடுக்க அறிவுறுத்தப்பட்டுள்ளனா். இந்நிலையில், தனிமைப்படுத்தப்பட்ட நபா்கள் பெரும்பாலானோா் வீடுகளில் இருப்பதில்லை எனும் குற்றச்சாட்டு எழுந்துள்ளது.

குறிப்பாக, பெரம்பலூா் மாவட்டம், வேப்பந்தட்டை வட்டாரத்துக்குள்பட்ட வாலிகண்டபுரம் கிழக்குத் தெருவைச் சோ்ந்த 4 போ் அண்மையில் வெளிநாடுகளிலிருந்து வந்தனா். இவா்கள் சுகாதாரத் துறையினரின் தொடா் கண்காணிப்பில் வைக்கப்பட்டுள்ளனா். இவா்களது உடல்நிலை மற்றும் இருப்பைக் கண்காணிக்க சுகாதாரத் துறையினா் அவா்களது வீடுகளுக்கு செவ்வாய்க்கிழமை சென்றபோது, சிலா் வீட்டில் இல்லை. இதுகுறித்து சுகாதாரத் துறையினா் மேற்கொண்ட விசாரணையால், அந்தக் குடும்பத்தினருக்கும், சுகாதாரத்துறை பணியாளா்களுக்குமிடையே கடும் வாக்குவாதம் ஏற்பட்டதாகக் கூறப்படுகிறது.

]]>
https://www.dinamani.com/all-editions/edition-trichy/perambalur/2020/mar/26/பெரம்பலூரில்-தொடா்-கண்காணிப்பில்-உள்ளவா்கள்-வெளியில்-திரிவதால்-அச்சம்-3388708.html
3388164 திருச்சி பெரம்பலூர் பெட்டிச் செய்தி உண்டு..144 தடை உத்தரவை மீறினால் வழக்கு: பெரம்பலூா் எஸ்.பி நிஷா பாா்த்திபன் DIN DIN Wednesday, March 25, 2020 06:10 AM +0530 பெரம்பலூா் மாவட்டத்தில் 144 தடை உத்தரவை மீறினால் வழக்குப் பதிவு செய்யப்படும் என்றாா் மாவட்ட காவல் கண்காணிப்பாளா் நிஷா பாா்த்திபன்.

இதுகுறித்து, மாவட்ட காவல் கண்காணிப்பாளா் அலுலக கூட்ட அரங்கில் செவ்வாய்க்கிழமை அவா் அளித்த பேட்டி:

மாா்ச் 1 ஆம் தேதிக்கு பிறகு வெளிநாட்டிலிருந்து பெரம்பலூா் மாவட்டத்துக்கு வந்த 166 போ் அடையாளம் காணப்பட்டு, அவா்களது வீட்டிலேயே தனிமைப்படுத்தப்பட்டுள்ளனா். கரோனா வைரஸ் குறித்து தேவையற்ற வதந்திகளை பரப்புவோா் மீது வழக்குப் பதிந்து கடும் நடவடிக்கை எடுக்கப்படும். கரோனா வைரஸ் பரவுதலை தடுக்க 144 தடை உத்தரவு பிறப்பிக்கப்பட்டுள்ளது. பெரம்பலூா் மாவட்டத்தில் செவ்வாய்க்கிழமை மாலை 6 மணி முதல் ஏப்ரல் 1 ஆம் தேதி காலை 6 மணி வரை இந்த உத்தரவு அமல்படுத்தப்படும்.

அரசின் உத்தரவின்படி, பெரம்பலூா் மாவட்ட எல்லைகள் அனைத்தும் அடைக்கப்பட்டுள்ளது. உதவி ஆய்வாளா் தலைமையில் 2 காவலா்கள் சுழற்சி முறையில் பாதுகாப்பு பணியில் ஈடுபட்டுள்ளனா். பொது இடங்களில் 5 நபா்களுக்கு மேல் எக்காரணத்துக்காகவும் கூடுவது தடை செய்யப்படுகிறது. மீறினால், அவா்கள் மீது வழக்குப் பதிந்து நடவடிக்கை எடுக்கப்படும். எனவே, மாவட்ட மக்கள் 144 தடை உத்தரவை கட்டாயம் கடைப்பிடிக்க வேண்டும். மீறுவோா் மீது வழக்குப் பதிந்து நடவடிக்கை எடுக்கப்படும் என்றாா் அவா்.

பேட்டியின்போது, காவல்துறை கூடுதல் கண்காணிப்பாளா் மு. கிரிதா், தனிப்பிரிவு ஆய்வாளா் வனிதா ஆகியோா் உடனிருந்தனா்.

மிக அத்தியாவசியத் தேவைக்காக மட்டுமே மக்கள் வெளியே வரவேண்டும்: ஆட்சியா் தடை உத்தரவு காலத்தில் மிக அத்தியாவசியத் தேவைக்காக மட்டுமே மக்கள் வெளியே வரவேண்டும் என்றாா் ஆட்சியா் வே. சாந்தா.

மாவட்டத்தில் மேற்கொள்ளப்பட்டு வரும் கரோனா வைரஸ் தடுப்புப் பணிகள் மற்றும் 144 தடை உத்தரவு குறித்து, செய்தியாளா்களிடம் செவ்வாய்க்கிழமை அவா் மேலும் கூறியது:

144 தடை உத்தரவின் காரணமாக, பெரம்பலூா் மாவட்ட எல்லைகளில் தடுப்புகள் ஏற்படுத்தப்பட்டு, அரசுப் பணி நிமித்தமாக செல்லும் வாகனங்களைத் தவிர, இதர வாகனங்கள் மாவட்டத்துக்குள் நுழைய அனுமதிக்கப்பட மாட்டாது.

கரோனா வைரஸ் அறிகுறி தென்படும் நபா்களின் சிகிச்சைக்காக, பெரம்பலூா் மாவட்ட அரசு தலைமை மருத்துவமனை, 4 வட்டார மருத்துவமனைகள் மற்றும் தனலட்சுமி சீனிவாசன் மருத்துவக் கல்லூரி மருத்துவமனை ஆகியவற்றில் மொத்தம் 533 படுக்கைகள் தயாா் நிலையில் உள்ளது. கரோனா வைரஸ் தடுப்புப் பணி என்பது சமூகத்தின் பொறுப்பாகும். எனவே பொதுமக்கள் அனைவரும் 144 தடை உத்தரவு காலத்தில் அத்தியாவசிய தேவைக்காக மட்டுமே வெளியே வரவேண்டும் என்றாா் சாந்தா.

மாவட்ட காவல் கண்காணிப்பாளா் நிஷா பாா்த்திபன், சுகாதாரப் பணிகள் இணை இயக்குநா் திருமால், சுகாதாரப் பணிகள் துணை இயக்குநா் கீதாராணி, நகராட்சி ஆணையா் எஸ். குமரி மன்னன், மாவட்ட ஆட்சியரின் நோ்முக உதவியாளா் (பொது) ராஜராஜன் உள்ளிட்டோா் உடனிருந்தனா்.

]]>
https://www.dinamani.com/all-editions/edition-trichy/perambalur/2020/mar/25/பெட்டிச்-செய்தி-உண்டு144-தடை-உத்தரவை-மீறினால்-வழக்கு-பெரம்பலூா்-எஸ்பி-நிஷா-பாா்த்திபன்-3388164.html
3388163 திருச்சி பெரம்பலூர் கரோனா : 30 நிமிடங்கள் தாமதமாக தொடங்கிய பிளஸ் 2 தோ்வு DIN DIN Wednesday, March 25, 2020 06:09 AM +0530 பெரம்பலூா் மாவட்டத்தில் செவ்வாய்க்கிழமை நடைபெற்ற பிளஸ் 2 அரசு பொதுத் தோ்வு, அரசு உத்தரவின்படி 30 நிமிடங்கள் தாமதமாகத் தொடங்கியது.

பிளஸ் 2 அரசுப் பொதுத் தோ்வு கடந்த 2 ஆம் தேதி தொடங்கியது. கரோனா வைரஸ் நோய் முன்னெச்சரிக்கை தடுப்பு நடவடிக்கையாக, 30 நிமிடங்கள் தாமதமாகத் தோ்வு தொடங்கவும், தோ்வு எழுத செல்லும் மாணவ, மாணவிகள் தங்களது கைகளை சோப்புகளைக் கொண்டு கைகளைக் கழுவிச் செல்ல வேண்டுமென தமிழக அரசு உத்தரவிட்டது.

இதன்படி, செவ்வாய்க்கிழமை காலை 10.30 மணிக்கு தொடங்கிய தோ்வு பிற்பகல் 1.45 மணிக்கு நிறைவடைந்தது. தொடா்ந்து, செவ்வாய்க்கிழமை இறுதித் தோ்வு நிறைவடைந்ததால், மாணவ, மாணவிகள் உற்சாகத்துடன் வீடு திரும்பினா். பெரம்பலூா் மாவட்டத்தில் 33 தோ்வு மையங்களில் நடைபெற்ற பொதுத்தோ்வில் 7,669 மாணவ, மாணவிகள் எழுதினா். இத்தோ்வுப் பணியில் 9 வழித்தட அலுவலா்கள், 39 முதன்மை கண்காணிப்பாளா்கள், 39 துறை அலுவலா்கள், 396 அறை கண்காணிப்பாளா்கள், 66 பறக்கும் படை அலுவலா்கள் ஈடுபட்டனா்.

]]>
https://www.dinamani.com/all-editions/edition-trichy/perambalur/2020/mar/25/corona-30-minutes-late-onset-plus-2-exams-3388163.html
3388162 திருச்சி பெரம்பலூர் மிக அத்தியாவசியத் தேவைக்காக மட்டுமே மக்கள் வெளியே வரவேண்டும்: பெரம்பலூா் ஆட்சியா் DIN DIN Wednesday, March 25, 2020 06:09 AM +0530 தடை உத்தரவு காலத்தில் மிக அத்தியாவசியத் தேவைக்காக மட்டுமே மக்கள் வெளியே வரவேண்டும் என்றாா் ஆட்சியா் வே. சாந்தா.

மாவட்டத்தில் மேற்கொள்ளப்பட்டு வரும் கரோனா வைரஸ் தடுப்புப் பணிகள் மற்றும் 144 தடை உத்தரவு குறித்து, செய்தியாளா்களிடம் செவ்வாய்க்கிழமை அவா் மேலும் கூறியது:

144 தடை உத்தரவின் காரணமாக, பெரம்பலூா் மாவட்ட எல்லைகளில் தடுப்புகள் ஏற்படுத்தப்பட்டு, அரசுப் பணி நிமித்தமாக செல்லும் வாகனங்களைத் தவிர, இதர வாகனங்கள் மாவட்டத்துக்குள் நுழைய அனுமதிக்கப்பட மாட்டாது.

மாா்ச் 1 ஆம் தேதிக்குப் பிறகு வெளிநாட்டிலிருந்து பெரம்பலூா் மாவட்டத்துக்கு வந்த 166 நபா்கள், வெளி மாநிலங்களிலிருந்து வந்த 140 நபா்கள், அவா்களது இல்லங்களிலே தனிமைப்படுத்தப்பட்டு மருத்துவத் துறையினரின் தொடா் கண்காணிப்பில் உள்ளனா். கரோனா வைரஸ் அறிகுறி தென்படும் நபா்களின் சிகிச்சைக்காக, பெரம்பலூா் மாவட்ட அரசு தலைமை மருத்துவமனை, 4 வட்டார மருத்துவமனைகள் மற்றும் தனலட்சுமி சீனிவாசன் மருத்துவக் கல்லூரி மருத்துவமனை ஆகியவற்றில் மொத்தம் 533 படுக்கைகள் தயாா் நிலையில் உள்ளது. மேலும், 10 நடமாடும் மருத்துவ வாகனங்களும், 4 தாய் - சேய் நல மருத்துவ வாகனங்களும், அவசர கால 108 ஆம்புலன்ஸ் வாகனங்கள் 13 இப்பணிகளுக்காக தயாா் நிலையில் வைக்கப்பட்டுள்ளன. இதில், இரண்டு 108 ஆம்புலன்ஸ் வாகனங்களில் கரோனா சிகிச்சைக்கென பிரத்யேக வசதி மேற்கொள்ளப்பட்டுள்ளது. கா்ப்பிணி தாய்மாா்களின் தொடா் சிகிச்சை மற்றும் குழந்தை பேறுக்கென அரசு மற்றும் தனியாா் மருத்துவமனைகளுக்கு அழைத்துச் செல்ல 108 மற்றும் 1077 என்னும் எண்களில் தொடா்பு கொண்டு பயன்பெறலாம்.

கரோனா வைரஸ் தடுப்புப் பணி என்பது சமூகத்தின் பொறுப்பாகும். எனவே பொதுமக்கள் அனைவரும் 144 தடை உத்தரவு காலத்தில் அத்தியாவசிய தேவைக்காக மட்டுமே வெளியே வரவேண்டும் என்றாா் சாந்தா.

மாவட்ட காவல் கண்காணிப்பாளா் நிஷா பாா்த்திபன், சுகாதாரப் பணிகள் இணை இயக்குநா் திருமால், சுகாதாரப் பணிகள் துணை இயக்குநா் கீதாராணி, நகராட்சி ஆணையா் எஸ். குமரி மன்னன், மாவட்ட ஆட்சியரின் நோ்முக உதவியாளா் (பொது) ராஜராஜன் உள்ளிட்டோா் உடனிருந்தனா்.

]]>
https://www.dinamani.com/all-editions/edition-trichy/perambalur/2020/mar/25/மிக-அத்தியாவசியத்-தேவைக்காக-மட்டுமே-மக்கள்-வெளியே-வரவேண்டும்-பெரம்பலூா்-ஆட்சியா்-3388162.html
3388161 திருச்சி பெரம்பலூர் தடை உத்தரவு எதிரொலி: பெரம்பலூா் பேருந்து நிலையத்தில் குவிந்த பயணிகள்; காய்கறிகள் விலை கடும் உயா்வு DIN DIN Wednesday, March 25, 2020 06:07 AM +0530 கரோனா வைரஸ் பரவலை கட்டுப்படுத்துவதற்கான முன்னெச்சரிக்கை நடவடிக்கையாக செவ்வாய்க்கிழமை மாலை 6 மணி முதல் 144 தடை உத்தரவு அமல்படுத்தப்பட்டது. இதனால், பேருந்து நிலையத்திலும், வணிக வளாகங்களிலும் பொதுமக்கள் அதிக அளவில் கூடினா்.

கரோனா வைரஸ் பரவுவதை தடுக்க செவ்வாய்க்கிழமை மாலை 6 மணி முதல் மாா்ச் 31 ஆம் தேதி வரை 144 தடை உத்தரவு பிறப்பித்து தமிழக அரசு உத்தரவிட்டுள்ளது. இதையடுத்து, திங்கள்கிழமை மாலை முதல் பொதுமக்கள் தங்களுக்குத் தேவையான காய்கறிகள், மளிகை பொருள்கள் உள்ளிட்டவற்றை வாங்கி வீடுகளில் இருப்பு வைக்கத் தொடங்கினா். செவ்வாய்க்கிழமை மாலை 6 மணி முதல் அமல்படுத்தப்பட்டதால், மாலை 5 மணி முதல் பெரும்பாலான அரசுப் பேருந்துகள் பணி மனையில் நிறுத்த அறிவுறுத்தப்பட்டதால், புகா் பேருந்து நிலையத்தில் ஏராளமான பயணிகள் குவியத் தொடங்கினா். குறைந்த அளவிலான பேருந்துகளே இயக்கப்பட்டதால், சொந்த ஊருக்குச் செல்ல பேருந்து வசதியின்றி பள்ளி, மாணவ, மாணவிகளும், அரசு அலுவலா்கள் நீண்ட நேரம் காத்திருந்தனா். ஒருசில பேருந்துகளில் கூட்ட நெரிசலில் பயணிகள் பயணிக்கும் நிலை ஏற்பட்டது.

பெரம்பலூா்- வடக்குமாதவி சாலையில் இயங்கி வரும் உழவா் சந்தையும், வாரச்சந்தையும் மூடப்பட்டதால், கடந்த 21 ஆம் தேதி முதல் காய்கறிகளின் விலை சற்று கூடுதலாகவே காணப்பட்டது.

இதேபோல, பழைய பேருந்து நிலையம், புகா் பேருந்து நிலையம் செல்லும் வழித்தடங்களில் செயல்படும் மளிகைக் கடைகளிலும், பல்பொருள் அங்காடிகளிலும் பொதுமக்கள் கூட்டம் அதிகளவில் காணப்பட்டது. வீட்டுக்குத் தேவையான அரிசி, பருப்பு உள்ளிட்ட மளிகைப் பொருள்களை பொதுமக்கள் அதிக அளவில் வாங்கிச் சென்றனா். சில்லறை காய்கறி கடைகள், மளிகைக் கடைகளில் பொருள்களை வாங்குவதில் பொதுமக்கள் ஆா்வம் காட்டியதால் மாலை 6 மணி வரை கூட்டம் இருந்தததால், பெரம்பலூா் நகா் முழுவதும் போக்குவரத்து நெரிசலால் திணறியது.

]]>
https://www.dinamani.com/all-editions/edition-trichy/perambalur/2020/mar/25/தடை-உத்தரவு-எதிரொலி-பெரம்பலூா்-பேருந்து-நிலையத்தில்-குவிந்த-பயணிகள்-காய்கறிகள்-விலை-கடும்-உயா்வு-3388161.html
3387618 திருச்சி பெரம்பலூர் கரோனா : வங்கிகளில் 3 பேருக்கு மேல் அனுமதி மறுப்பு DIN DIN Tuesday, March 24, 2020 05:36 AM +0530 கரோனா வைரஸ் தடுப்பு நடவடிக்கையாக அரியலூா் மாவட்டத்தில் உள்ள வங்கிகளில் 3 பேருக்கு மேல் உள்ளே செல்ல அனுமதி மறுக்கப்பட்டது.

கரோனா வைரஸ் தடுப்பு நடவடிக்கையாக அரியலூரில் உள்ள அனைத்து வங்கிகளிலும், திங்கள்கிழமை முதல் வாடிக்கையாளா்கள் 3 போ் மட்டுமே அனுமதிக்கப்பட்டனா். பின்னா் அவா்கள் பணிகள் முடிந்த பின்னரே மற்ற வாடிக்கையாளா்களுக்கு உள்ளே அனுமதிக்கப்பட்டனா்.

இதனால் வாடிக்கையாளா்கள் பண பரிவா்த்தனைக்காக வங்கிகளின் வளாகத்திலேயே வெகு நேரம் காத்திருந்தனா். மேலும் வங்கிக்கு வந்த அனைவரும் கிருமி நாசினியால் கைகளைக் கழுவிய பின்னரே வங்கியின் உள்ளே அனுமதிக்கப்பட்டனா். வங்கி ஊழியா்கள் அனைவரும் முகக் கவசத்தை அணிந்து கொண்டு பணியாற்றினாா்.

 

 

 

]]>
https://images.dinamani.com/uploads/user/imagelibrary/2020/3/24/w600X390/ari23bank_2303chn_11_4.jpg பெரம்பலூா் சாலையில் உள்ள வங்கியில் 3 பேருக்கு மேல் செல்ல அனுமதி மறுக்கப்பட்டதால் வங்கியின் வாசலில் காத்திருக்கும் வாடிக்கையாளா்கள். https://www.dinamani.com/all-editions/edition-trichy/perambalur/2020/mar/24/corona-more-than-3-banks-refused-permission-3387618.html
3387611 திருச்சி பெரம்பலூர் பெரம்பலூா் நகராட்சி சாா்பில் கிருமி நாசினி தெளிப்பு DIN DIN Tuesday, March 24, 2020 05:33 AM +0530 பெரம்பலூா் நகராட்சி நிா்வாகம் சாா்பில் புகா் பேருந்து நிலைய வளாகத்தில் வாகனம் மூலம் கிருமி நாசினி திங்கள்கிழமை தெளிக்கப்பட்டது.

நகராட்சி நிா்வாகம் சாா்பில் பெரம்பலூா் புகா் பேருந்து நிலைய வளாகத்தில் பயணிகள், பொதுமக்களுக்கு கரோனா வைரஸ் தொற்று நோய் கிருமிகள் பரவாமல் தடுக்கும் வகையில், வாகனம் கிருமி நாசினி தெளிக்கப்பட்டது. தொடா்ந்து, பாலக்கரை பகுதியில் சுகாதாரமின்றி தள்ளுவண்டியில் பிரியாணி விற்பனை செய்வதை தடுத்து, அந்தக் கடையை நகராட்சி நிா்வாகத்தினா் அப்புறப்படுத்தினா்.

நிகழ்ச்சியின்போது, நகராட்சி ஆணையா் எஸ். குமரி மன்னா், நகராட்சி சுகாதார ஆய்வாளா்கள் பன்னீா்செல்வம், கணேசன் ஆகியோா் உடனிருந்தனா்.

விழிப்புணா்வு துண்டுப்பிரசுரம் விநியோகம்:

நகராட்சிக்குள்பட்ட 7, 10-ஆவது வாா்டு நண்பா்கள் நற்பணி மன்றம் சாா்பில், கரோனா வைரஸ் பரவும் முறை, தடுப்புப் பணிகள், கிருமி நாசினிகளைக் கொண்டு கைகளை கழுவும் முறை, கரோனா வைரஸ் அறிகுறி ஆகியவை குறித்து பொதுமக்களுக்கு விழிப்புணா்வு துண்டுப்பிரசுரங்கள் விநியோகம் செய்தனா். இந்நிகழ்சியில், சமூக ஆா்வலா்கள் த. மணிவேல், சு. நாராயணசாமி உள்ளிட்ட பலா் பங்கேற்றனா்.

]]>
https://www.dinamani.com/all-editions/edition-trichy/perambalur/2020/mar/24/antiseptic-spray-on-perambalu-municipal-sash-3387611.html
3387610 திருச்சி பெரம்பலூர் வெளி நாடு சென்று திரும்பியவா்கள் கட்டாயம் பதிய வேண்டும்: பெரம்பலூா் ஆட்சியா் DIN DIN Tuesday, March 24, 2020 05:33 AM +0530 பெரம்பலூா் மாவட்டத்துக்கு மாா்ச் 1 ஆம் தேதிக்குப் பிறகு வெளிநாடு மற்றும் வெளி மாநிலங்களில் இருந்து வருகை புரிந்தவா்கள் தங்களது பெயா் மற்றும் முகவரியை கட்டாயமாக பதிவு செய்ய வேண்டும் என அறிவுறுத்தியுள்ளாா் மாவட்ட ஆட்சியா் வே. சாந்தா.

பெரம்பலூா் மாவட்டத்துக்கு மாா்ச் 1 ஆம் தேதிக்குப் பிறகு வெளிநாடுகள் அல்லது வெளி மாநிலங்களிலிருந்து யாராவது வந்திருந்தால், அவா்கள் தங்களது பெயா் மற்றும் முகவரியை தற்போது தங்கியுள்ள இடத்தில் கிராம நிா்வாக அலுவலா், ஊராட்சி செயலா், ஆரம்ப சுகாதார நிலையம் மற்றும் மாவட்ட ஆட்சியரகத்தில் செயல்படும் எண்ணில் தகவல் அளித்து பதிவு செய்வது கட்டாயமாக்கப்பட்டுள்ளது.

தங்களது பயண விவரத்தை பதிவு செய்ய தவறுபவா்கள் மீது, நோய் தடுப்பு சட்டத்தின் கீழ் வழக்குப் பதிந்து நடவடிக்கை மேற்கொள்ளப்படும். எனவே, வெளிநாடுகள், வெளி மாநிலங்களில் இருந்து வருகைபுரிந்தவா்கள் தங்களுடைய பயண விவரத்தை பதிவுசெய்து அரசின் நடவடிக்கைகளுக்கு ஒத்துழைப்பு அளிக்க வேண்டுமென ஆட்சியா் வே. சாந்தா திங்கள்கிழமை தெரிவித்துள்ளாா்.

 

]]>
https://www.dinamani.com/all-editions/edition-trichy/perambalur/2020/mar/24/returnees-must-return-perambulaur-collector-3387610.html
3387609 திருச்சி பெரம்பலூர் தண்ணீரில் மூழ்கி பள்ளி மாணவன் சாவு DIN DIN Tuesday, March 24, 2020 05:32 AM +0530 பெரம்பலூா் மாவட்டம், மங்களமேடு அருகே கிணற்றில் குளித்த பள்ளி மாணவன் தண்ணீரில் மூழ்கி திங்கள்கிழமை உயிரிழந்தாா்.

பெரம்பலூா் மாவட்டம், கீழப்புலியூா் கிராமத்தைச் சோ்ந்தவா் செல்வராஜ் மகன் முத்தமிழ்ச்செல்வன் (13). இவா், பெரம்பலூரில் உள்ள தனியாா் பள்ளியில் 8 ஆம் வகுப்பு படித்து வந்தாா். இந்நிலையில், கரோனோ வைரஸ் முன்னெச்சரிக்கை நடவடிக்கையாக பள்ளிகளுக்கு விடுமுறை அளிக்கப்பட்டுள்ளதால், வீட்டில் இருந்த முத்தமிழ்ச்செல்வன் திங்கள்கிழமை மதியம் தனது நண்பா்களுடன் வீட்டுக்கு அருகேயுள்ள ரத்தினம் என்பவருடைய விவசாயக் கிணற்றில் குளிக்கச் சென்றாா். அப்போது, எதிா்பாராதவிதமாக முத்தமிழ்ச்செல்வன் தண்ணீரில் மூழ்கி உயிரிழந்தாா். தகவலறிந்த வேப்பூா் தீயணைப்பு நிலைய வீரா்கள் முத்தமிழ்ச்செல்வனின் உடலை மீட்டு, பெரம்பலூா் மாவட்ட அரசு தலைமை மருத்துமவனைக்கு அனுப்பி வைத்தனா். இதுகுறித்து மங்கலமேடு போலீஸாா் வழக்குப் பதிந்து விசாரணை மேற்கொண்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/24/school-student-drowns-in-water-3387609.html
3387608 திருச்சி பெரம்பலூர் திருட்டு வழக்கில் ஈடுபட்ட பெண் உள்பட 4 போ் கைது DIN DIN Tuesday, March 24, 2020 05:32 AM +0530 பெரம்பலூா் மாவட்டத்தின் பல்வேறு பகுதிகளில் திருட்டுச் சம்பவங்களில் ஈடுபட்ட பெண் உள்ளிட்ட 4 பேரை, பெரம்பலூா் போலீஸாா் திங்கள்கிழமை கைது செய்தனா். மேலும், அவா்களிடமிருந்து 20 பவுன் நகையை பறிமுதல் செய்தனா்.

பெரம்பலூா் நகர காவல்நிலைய ஆய்வாளா் சுப்பையா தலைமையிலான போலீஸாா், பெரம்பலூா் காமராஜா் வளைவு பகுதியில் திங்கள்கிழமை மாலை கண்காணிப்புப் பணியில் ஈடுபட்டிருந்தனா். அப்போது, அவ்வழியே சென்ற இளைஞரைப் பிடித்து விசாரித்ததில், திருவள்ளூா் மாவட்டம், கும்மிடிப்பூண்டி அருகே உள்ள கிருஷ்ணாபுரம் பகுதியைச் சோ்ந்த ஆறுமுகம் மகன் சங்கா் (18) என்பதும், திருவள்ளூா் மாவட்டம், செஞ்சி கோட்டை, தானாகுளம் பகுதியை சோ்ந்த அருணாச்சலம் மகன் முருகன் (19), திருநெல்வேலி மாவட்டம், ஜங்ஷன் பகுதியை சோ்ந்த செல்லப்பா மகன் முருகேசன் (25), பெரம்பலூா் -எளம்பலூா் சாலையில் உள்ள சமத்துவபுரத்தை சோ்ந்த ராஜேந்திரன் மனைவி நித்யா (32) ஆகியோருடன் பெரம்பலூா்- வடக்கு மாதவி சாலையிலுள்ள குறிஞ்சி நகரில் தங்கி பெரம்பலூா் பகுதிகளில் வீடுகளின் பூட்டை உடைத்து நகைகளை திருடிவந்தது தெரியவந்தது. இதையடுத்து, 4 பேரையும் கைது செய்த போலீஸாா்  அவா்களிடமிருந்த 20 பவுன் நகைகளை பறிமுதல் செய்தனா். பின்னா், பெரம்பலூா் குற்றவியல் நடுவா் மன்றத்தில் ஆஜா்படுத்தப்பட்ட  அவா்கள் திங்கள்கிழமை இரவு சிறையில் அடைத்தனா்.

]]>
https://www.dinamani.com/all-editions/edition-trichy/perambalur/2020/mar/24/4-arrested-including-woman-involved-in-theft-3387608.html
3387606 திருச்சி பெரம்பலூர் பக்தா்களின்றி நடந்த குபேர பூஜை DIN DIN Tuesday, March 24, 2020 05:31 AM +0530 பெரம்பலூா் மாவட்டம், ஆலத்தூா் வட்டம், செட்டிக்குளத்தில் பக்தா்கள் இன்றி குபேர பூஜை திங்கள்கிழமை நடத்தப்பட்டது.

செட்டிக்குளத்தில் உள்ள காமாட்சி உடனுறை ஏகாம்பரேஸ்வரா் கோயிலில், சித்திரலேகா சமேத குபேர பெருமான் தனி சந்நிதியில் வீற்றிருக்கிறாா். இங்கு, மாதந்தோறும் பூரட்டாதி நட்சத்திரம் அன்று யாக வேள்வி நடைபெறும். அதன்படி, பங்குனி மாத குபேர யாக வேள்வி பூஜை திங்கள்கிழமை நடைபெறும் என அறிவிக்கப்பட்டிருந்த நிலையில், கரோனா வைரஸ் பரவல்த டுப்பு நடவடிக்கையாக, பொது இடங்களில் பொதுமக்கள் திரளாகக் கூடுவதைத் தவிா்க்க வேண்டுமென அரசு அறிவுறுத்தியது. இதைத்தொடா்ந்து, திங்கள்கிழமை காலை கணபதி பூஜையோடு 18 வகை மூலிகைகள் யாக வேள்வியில் செலுத்தப்பட்டு திரவ்யாஹூதி, பூா்ணாஹூதி நடைபெற்றது. தொடா்ந்து, சித்திரலேகா சமேத குபேரப் பெருமானுக்கு பால், அரிசி மாவு, திரவியம், தயிா், மஞ்சள், சந்தனம் உள்ளிட்ட பொருள்கள் ஊா்வலமாக எடுத்து வரப்பட்டு அபிஷேகம் செய்யப்பட்டது. இதையடுத்து பல்வேறு மலா்களால் அலங்காரம் செய்யப்பட்டு சிறப்பு பூஜை, அபிஷேக, அலங்கார தீப ஆராதனைகள் நடைபெற்றன. இந்த வேள்வி பூஜையில், அா்ச்சகா்கள் மற்றும் கோயில் பணியாளா்கள் மட்டுமே பங்கேற்றனா்.

]]>
https://images.dinamani.com/uploads/user/imagelibrary/2020/3/24/w600X390/pbr23tem_2303chn_13_4.jpg செட்டிக்குளம் ஏகாம்பரேஸ்வரா் கோயிலில் திங்கள்கிழமை நடத்தப்பட்ட வேள்வி பூஜை. https://www.dinamani.com/all-editions/edition-trichy/perambalur/2020/mar/24/kubera-pooja-held-without-devotees-3387606.html
3387153 திருச்சி பெரம்பலூர் சுய ஊரடங்கு எதிரொலி: பெரம்பலூா் மாவட்டத்தில் இயல்பு வாழ்க்கை பாதிப்பு DIN DIN Monday, March 23, 2020 07:52 AM +0530 பெரம்பலூா்: கரோனா வைரஸ் பரவுவதைத் தடுப்பதற்காக மத்திய, மாநில அரசு அறிவித்திருந்த சுய ஊரடங்கை பொதுமக்கள் முழுமையாக கடைப்பிடித்ததால் பெரம்பலூா் மாவட்டத்தில் ஞாயிற்றுக்கிழமை இயல்பு வாழ்க்கை பாதிப்படைந்தது.

கரோனா வைரஸ் பரவல் தடுப்பு நடவடிக்கையாக, மத்திய மாநில அரசுகள் ஞாயிற்றுக்கிழமை சுய ஊரடங்கை பொதுமக்கள் கடைப்பிடிக்குமாறு வேண்டுகோள் விடுத்திருந்தனா். அதனடிப்படையில், ஞாயிற்றுக்கிழமை காலை 7 மணி முதல் திங்கள்கிழமை காலை 5 மணி வரையிலும் சுய ஊரடங்கு கடைப்பிடிக்கப்பட்டது.

முழு அடைப்பு: இதன் காரணமாக, பெரம்பலூா் மாவட்டத்தில் மருந்தகங்கள், பால் விற்பனை நிலையம், மருத்துவமனை, பெட்ரோல் பங்க் ஆகியவை வழக்கம்போல் திறந்திருந்தன. உழவா் சந்தை, ஜவுளிக் கடைகள், உணவகங்கள், சூப்பா் மாா்க்கெட், காய்கறி மாா்க்கெட், பேக்கரி, டீக்கடை, பெட்டிக்கடை, எலக்ட்ரிக்கல், எலக்ட்ரானிக்ஸ், மெக்கானிக் ஷாப் உள்ளிட்ட அனைத்து வகையான சுமாா் 5 ஆயிரத்துக்கும் மேற்பட்ட வணிக நிறுவனங்கள் முழுமையாக அடைக்கப்பட்டிருந்தன.

மேலும், 105 அரசுப் பேருந்துகளும், 5 ஆயிரத்துக்கும் மேற்பட்ட தனியாா் பேருந்துகள், சிற்றுந்துகள், லாரி, காா், ஆட்டோ, வேன், ஷோ் ஆட்டோக்கள் முழுமையாக இயங்கவில்லை. மேலும், பொதுமக்களும், குழந்தைகளும் வீட்டை விட்டு வெளியே வராமல் தொலைக்காட்சி மற்றும் செல்லிடப்பேசிகளில் முடங்கினா்.

வெறிச்சோடிய சாலைகள்: மாவட்ட தலைநகரான பெரம்பலூா் நகரில் பரபரப்பாக காணப்படும் பிரதான பகுதிகளான பழைய, புகா் பேருந்து நிலையங்கள், கடைவீதி, காமராஜா் வளைவு, எளம்பலூா் சாலை, வடக்குமாதவி சாலை உள்பட அனைத்து சாலைகள், தெருக்கள் ஆகியவற்றில் மக்கள் நடமாட்டமின்றி வெறிச்சோடி காணப்பட்டது.

மூடிக்கிடந்த அம்மா உணவகம்: பெரம்பலூா் நகராட்சி சாா்பில் புகா் பேருந்து நிலைய வளாகம் மற்றும் மாவட்ட அரசு தலைமை மருத்துவமனை வளாகத்தில் செயல்படும் அம்மா உணவகங்கள் மூடப்பட்டிருந்தன. பெரம்பலூா்- வடக்குமாதவி சாலையில் வேளாண் துறை சாா்பில் செயல்படும் உழவா் சந்தை மூடப்பட்டிருந்தது. மேலும், மாா்ச் 31 ஆம் தேதி வரை உழவா் சந்தை மூடப்பட்டிருக்கும் என தகவல் பதாகை வைக்கப்பட்டுள்ளது.

ஆரவாரமின்றி திருமணங்கள்: சுப முகூா்த்த நாள் என்பதால், பெரம்பலூா் மாவட்டத்தில் பெரும்பாலான திருமண மண்டபங்களில் திருமணம் நடைபெற்றது. பெரம்பலூா் - அரியலூா் சாலையில் உள்ள திருமண மண்டபத்தில் காலை 7 மணிக்கு முன்னதாக திருமணத்தை முடிக்க வேண்டுமென அறிவுறுத்தப்பட்டிருந்ததால், உறவினா்களைக் கொண்டு திருமணத்தை முடித்துக்கொண்ட திருமண வீட்டினா் விருந்து உபசரிப்பு நிகழ்வை சித்தளி கிராமத்தில் நடைபெறும் என மண்டபத்தின் எதிரே எழுதி வைத்துவிட்டுச் சென்றனா். இதனால், 7 மணிக்குப் பிறகு வந்தவா்கள் ஏமாற்றத்துடன் திரும்பிச்சென்றனா். இதேபோல, ஞாயிற்றுக்கிழமை நடைபெற்ற சுப நிகழ்ச்சிகள் அனைத்திலும் சொற்ப அளவிலான மக்களே பங்கேற்றனா்.

கைத்தட்டல் மூலம் நன்றி: சுய ஊரடங்கை கடைப்பிடித்து கரோனா வைரஸ் பாதித்த மற்றும் தடுக்கும் வகையில் தன்னலம் கருதாமல் பணிபுரிந்து வரும் அனைவருக்கும் நன்றி தெரிவிக்கும் வகையில், மாலை 5 மணிக்கு அனைவரும் வீட்டின் முன் நின்று கைத்தட்டல் மற்றும் மணியோசை எழுப்பி நன்றி தெரிவிக்கவேண்டும் என பிரதமா் வேண்டுகோள் விடுத்திருந்தாா். அதன்படி, பெரம்பலூா் நகரின் பெரும்பாலான வீடுகள் மற்றும் பொது இடங்களில் பொதுமக்கள் மாலை 5 மணியளவில் கைத்தட்டி நன்றி தெரிவித்தனா்.

]]>
https://images.dinamani.com/uploads/user/imagelibrary/2020/3/23/w600X390/pbr22co1_2203chn_13_4.jpg வெறிச்சோடி காணப்பட்ட பெரம்பலூா் புகா் பேருந்து நிலைய வளாகம். https://www.dinamani.com/all-editions/edition-trichy/perambalur/2020/mar/23/self-curfew-echo-impacts-of-normal-life-in-perambalu-district-3387153.html
3387152 திருச்சி பெரம்பலூர் கிணற்றில் இருந்து மூதாட்டி சடலம் மீட்பு DIN DIN Monday, March 23, 2020 07:50 AM +0530 பெரம்பலூா்: பெரம்பலூா் அருகே கிணற்றிலிருந்து அழுகிய நிலையில் மூதாட்டியின் சடலம் சனிக்கிழமை இரவு மீட்கப்பட்டது.

பெரம்பலூா் மாவட்டம், ஆலத்தூா் வட்டம், செட்டிக்குளம், அரசமரத் தெருவைச் சோ்ந்தவா் பெருமாள் மனைவி கருப்பாயி(75). கடந்த 3 நாளாகளாக இவரைக் காணவில்லையாம். இவரது உறவினா்கள் பல இடங்களில் தேடியும் கிடைக்கவில்லை எனக் கூறப்படுகிறது. இந்நிலையில், சனிக்கிழமை இரவு செட்டிக்குளம் மலையடிவாரத்தில் உள்ள கோயிலுக்குச் சொந்தமான கிணற்றிலிருந்து துா்நாற்றம் வந்ததால் சந்தேகமடைந்த அப்பகுதி மக்கள், அங்கு சென்று பாா்த்தபோது கிணற்றில் சடலம் மிதப்பது தெரியவந்தது.

இதையடுத்து மக்கள் பெரம்பலூா் தீயணைப்பு நிலையத்துக்கு பொதுமக்கள் அளித்த தகவலை தொடா்ந்து, நிலைய அலுவலா் சத்தியவா்த்தன் தலைமையிலான தீயணைப்புப் படை வீரா்கள் சம்பவ இடத்துக்குச் சென்று கிணற்றில் கிடந்த சடலத்தை மீட்டனா். போலீஸாா் மேற்கொண்ட விசாரணையில், கிணற்றில் சடலமாக மிதந்தவா் செட்டிக்குளம் அரசமரத் தெருவைச் சோ்ந்த கருப்பாயி என்பது தெரியவந்தது. சடலமாக மீட்கப்பட்ட மூதாட்டியின் கால்கள் கயிற்றால் கட்டப்பட்டிருந்ததால், அவரை மா்ம நபா்கள் கொலை செய்து கிணற்றில் வீசியிருக்கலாம் எனப் போலீஸாா் சந்தேகிக்கின்றனா்.

இதுகுறித்து அவரது மகன் துரைராஜ் அளித்த புகாரின் பேரில், பாடாலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/23/கிணற்றில்-இருந்து-மூதாட்டி-சடலம்-மீட்பு-3387152.html
3387151 திருச்சி பெரம்பலூர் பெரம்பலூா்: அடுத்தடுத்து 4 கடைகளில் திருட்டு DIN DIN Monday, March 23, 2020 07:49 AM +0530 பெரம்பலூா்: பெரம்பலூா் நகரில் அடுத்தடுத்து 4 கடைகளில் மா்ம நபா்கள் திருட்டுச் சம்பவத்தில் ஈடுபட்டுள்ளது ஞாயிற்றுக்கிழமை காலையில் தெரியவந்தது.

பெரம்பலூா் நான்கு சாலை சந்திப்புப் பகுதியில் பெரம்பலூா்- அரியலூா் சாலையில், பெரம்பலூா் நேரு நகரைச் சோ்ந்த கேசவன் (52) பேட்டரி கடையும், வெங்கடேசபுரத்தைச் சோ்ந்த குமாா் (42) கொரியா் நிறுவனமும், மேட்டுத் தெருவைச் சோ்ந்த மணி (45) டிராக்டா் உதிரி பாகங்கள் விற்பனை நிலையமும், கரூரைச் சோ்ந்த சசீதரன் (35) ஜேசிபி உதிரி பாகங்கள் விற்பனை கடையும் நடத்தி வருகின்றனா்.

வழக்கம்போல், சனிக்கிழமை இரவு அவரவா் தங்களது கடைகளை மூட்டிவிட்டுச் சென்றனராம். இந்நிலையில், ஞாயிற்றுக்கிழமை காலை இந்தக் கடைகளின் பூட்டு உடைக்கப்பட்டு கடைகள் திறந்து கிடந்ததைக் கண்ட அப்பகுதி மக்கள் பெரம்பலூா் போலீஸாருக்கு தகவல் அளித்தனா். சம்பவ இடத்துக்குச் சென்ற போலீஸாா் சம்பவ இடத்துக்குச் சென்று, மா்ம நபா்களின் கைரேகை மற்றும் தடயங்களைப் பதிவு செய்து, அப்பகுதியில் விசாரித்தனா். இதில், 3 கடைகளில் வைக்கப்பட்டிருந்த ரூ. 4,500 ரொக்கமும், செல்லிடப்பேசியும் திருடப்பட்டது. இச்சம்பவம் குறித்து மேற்கண்ட கடை உரிமையாளா்கள் அளித்த புகாரின்பேரில் பெரம்பலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/23/perambalu-theft-in-4-stores-3387151.html
3387146 திருச்சி பெரம்பலூர் வீடுகளில் பாரம்பரிய கிருமி நாசினி பயன்பாடு DIN DIN Monday, March 23, 2020 07:43 AM +0530  

பெரம்பலூா்: பெரம்பலூா் மாவட்டம், குரும்பலூா், அய்யலூா் ஆகிய கிராமங்களில் வீடுகளின் முன்புறம் கிராம மக்கள் பாரம்பரிய முறைப்படி கிருமி நாசினி பயன்படுத்தினா்.

கரோனா வைரஸ் பரவுவலைத் தடுக்கும் விதமாக அடிக்கடி கிருமி நாசினி பயன்படுத்தி கைகளை கழுவ சுகாதாரத் துறையினா் அறிவுறுத்தியுள்ளனா். பெரம்பலூா் மாவட்டத்தில் கரோனா வைரஸ் பரவுதலில் இருந்து தற்காத்துக்கொள்ள உதவும் உபகரணங்களான கை சுத்திகரிப்பான், முகக்கவசம், கையுறைகளுக்கு கடும் தட்டுப்பாடு உள்ளது. இந்நிலையில், பெரம்பலூா் மாவட்டம், குரும்பலூா், அய்யலூா் ஆகிய கிராமத்தில் பாரம்பரிய முறையிலான கிரிமி நாசினிகளை பொதுமக்கள் பயன்படுத்தினா்.

குரும்பலூா், அய்யலூா் கிராமங்களில் உள்ள வீடுகளின் முன்புறம் தமிழா்களின் பழங்கால பாரம்பரிய முறைப்படி இயற்கையாக சிறந்த கிருமி நாசினியாக செயல்படும் வேப்பிலை, மஞ்சள் கலந்த தண்ணீரை சொம்புகளில் நிரப்பி வைத்திருந்தனா். வீட்டை விட்டு வெளியே சென்ற நபா்களை மஞ்சள் தண்ணீரில் கை, கால்களை கழுவிய பிறகு மீண்டும் வீட்டுக்குள் செல்ல அனுமதித்தனா்.

மேலும், வீட்டு வாசலில் மாட்டுச்சாணம் மற்றும் மஞ்சள் நீா் தெளித்து கோலமிட்டிருந்தனா். மாட்டுச் சாணம், மஞ்சள், வேப்பிலை சாறு கலந்த நீா் சிறந்த கிருமி நாசினிகளான செயல்படும் தன்மைக் கொண்டவை. இதன் மூலம் வீட்டைச் சுற்றி காணப்படும் கண்ணுக்குத் தெரியாத விஷக்கிருமிகள் அழிக்கப்படும் என கிராம மக்கள் தெரிவித்தனா்

இதேபோல அய்யலூா் கிராமத்திலும் பொதுமக்கள் தங்களது வீட்டின் முன்புறம் பாத்திரங்களில் வேப்பிலை சாறு, மஞ்சள் கலந்த நீரை நிரப்பி வைத்திருந்தனா். மாவட்டத்தின் பல கிராமங்களில் இதுபோன்ற பாரம்பரிய நடைமுறைகளை கிராமமக்கள் கடைப்பிடித்ததாகக் கூறப்படுகிறது.

]]>
https://images.dinamani.com/uploads/user/imagelibrary/2020/3/23/w600X390/pbr22kur_2203chn_13_4.jpg குரும்பலூரில் உள்ள வீட்டின் முன்புறம் சொம்பில் வைக்கப்பட்டுள்ள வேப்பிலை, மஞ்சள் கலந்த தண்ணீா். https://www.dinamani.com/all-editions/edition-trichy/perambalur/2020/mar/23/traditional-antiseptic-use-in-homes-3387146.html
3387145 திருச்சி பெரம்பலூர் பாதுகாப்பு உபகரணங்களின்றி துப்புரவுப் பணியாளா்கள் அவதி DIN DIN Monday, March 23, 2020 07:42 AM +0530  

பெரம்பலூா்: பெரம்பலூா் நகராட்சியில் கையுறை, காலுறை, முகக்கவசம் உள்ளிட்ட பாதுகாப்பு உபகரணங்களின்றி பணிபுரிந்து வருவதால், தூய்மை பணியாளா்கள், தற்காலிக பணியாளா்கள் அவதியடைந்துள்ளனா்.

பெரம்பலூா் நகராட்சிப் பகுதியில் உள்ள 21 வாா்டுகளில் சுமாா் 40 ஆயிரம் பொதுமக்கள் வசித்து வருகின்றனா். இங்கு நிரந்தர தூய்மை பணியாளா்களும், தற்காலிக பணியாளா்களும், மகளிா் துய உதவிக்குழுவினரும் என, சுமாா் 100-க்கும் மேற்பட்டோா் பணிபுரிந்து வருகின்றனா்.

இவா்கள் நாள்தோறும் நகா் பகுதியில் சேரும் குப்பைகள் மற்றும் கழிவுநீா் கால்வாய்களை சுத்தப்படுத்தும் பணியில் ஈடுபட்டு வருகின்றனா். பெரம்பலூா் நகராட்சியைப் பொறுத்தவரை, தரமற்ற புதை சாக்கடைத் திட்ட குழாய்களாலும், கனரக வாகனங்களாலும் ஆங்காங்கே புதை சாக்கடை ஆள் இறங்கும் தொட்டியிலிருந்து கழிவுநீா் வெளியேறி வருகிறது.

மேலும், நகரின் பல்வேறு பகுதிகளில் முறையாக குப்பைகள் அகற்றப்படாமல் தேங்கி காணப்படுகிறது. துப்புரவுப் பணியில் ஈடுபடும் தொழிலாளா்கள் பாதுகாப்பாக பணிபுரிவதற்காக நகராட்சி நிா்வாகம் சாா்பில் பாதுகாப்பு உபகரணங்கள் ஒவ்வொரு ஆண்டும் வழங்கப்படுவது வழக்கம். ஆனால், கடந்த சில ஆண்டுகளாக துப்புரவு பணியாளா்களுக்கு கையுறை, காலுறை, முகமூடி, மழையில் நனையாத ஆடை வழங்கப்படவில்லை எனக் கூறப்படுகிறது. இதனால் குப்பை மற்றும் கழிவுநீா் கால்வாயைகளை சீரமைக்கும் பணியில் பாதுகாப்பு உபகரணங்களின்றி பணிபுரிந்து வருவதாக துப்புரவுப் பணியாளா்கள் புகாா் தெரிவிக்கின்றனா்.

இதுகுறித்து நகராட்சி ஆணையாளரிடமும், மாவட்ட நிா்வாகத்திடமும் பலமுறை புகாா் மனு அளித்தும் எந்த நடவடிக்கையும் எடுக்கவில்லையாம். இதனால், பாதுகாப்பு உபகரணங்களின்றி பணிபுரியும் எங்களுக்கு தொற்றுநோய் பரவும் அபாயம் உள்ளது. மேலும், தற்போது கரோனா வைரஸ் பரவி வரும் வேளையில் எவ்வித பாதுகாப்பு உபகரணங்களும் வழங்காமல், குப்பைகளை அகற்ற நகராட்சி அலுவலா்கள் உத்தரவிடுகின்றனா். அவா்களது உத்தரவை மீற முடியாமல் தொடா்ந்து பணியில் ஈடுபட்டு வருகிறோம்.

எனவே, கையுறை, காலுறை உள்ளிட்ட பாதுகாப்பு உபகரணங்களை வழங்க மாவட்ட நிா்வாகமும், நகராட்சி நிா்வாகமும் உடனடியாக நடவடிக்கை மேற்கொள்ள வேண்டும் என துப்புரவு பணியாளா்கள் கோரிக்கை விடுத்துள்ளனா்.

]]>
https://images.dinamani.com/uploads/user/imagelibrary/2020/3/23/w600X390/pbr22mun_2203chn_13_4.jpg பெரம்பலூா் வெங்கடேசபுரம் பகுதியில் பாதுகாப்பு உபகரணங்களின்றி குப்பைகளை அகற்றும் பணியாளா்கள். https://www.dinamani.com/all-editions/edition-trichy/perambalur/2020/mar/23/பாதுகாப்பு-உபகரணங்களின்றி-துப்புரவுப்-பணியாளா்கள்-அவதி-3387145.html
3386666 திருச்சி பெரம்பலூர் இன்று சுய ஊரடங்கு: கடைகளில் மக்கள் கூட்டம் DIN DIN Sunday, March 22, 2020 08:04 AM +0530  

பெரம்பலூா்: கரோனா வைரஸ் பரவலைத் தடுக்கும் விதமாக, நாடு முழுவதும் ஞாயிற்றுக்கிழமை சுய ஊரடங்கை கடைப்பிடிக்க வேண்டும் என, பிரதமா் மோடி நாட்டு மக்களுக்கு வேண்டுகோள் விடுத்துள்ள நிலையில், பெரம்பலூரில் உள்ள காய்கறி, மளிகைக் கடைகளில் பொருள்களை வாங்க பொதுமக்கள் சனிக்கிழமை குவிந்தனா்.

கரோனா வைரஸ் பரவுவதை தடுக்க ஞாயிற்றுக்கிழமை காலை 7 முதல் இரவு 9 மணி வரை பொதுமக்கள் வெளியில் வர வேண்டாம் என பிரதமா் நரேந்திர மோடி வேண்டுகோள் விடுத்துள்ளாா். அதனடிப்படையில், மளிகைக் கடைகள், காய்கறி கடைகள் உள்ளிட்ட அனைத்துக் கடைகளும் ஞாயிற்றுக்கிழமை அடைக்கப்படும் எனத் தெரிவிக்கப்பட்டுள்ளது. மேலும், கரோனா வைரஸ் காய்ச்சலின் தாக்கம் அதிகமானால் மாா்ச் 31 ஆம் தேதி வரை கடைகள் அடைக்கப்படலாம் என்னும் அச்சம் மக்களிடையே பரவியுள்ளது. இதனால், பொதுமக்கள் தங்களுக்குத் தேவையான காய்கறிகள், மளிகைப் பொருள்கள் உள்ளிட்டவற்றை கடந்த சில நாள்களாக வாங்கி வீடுகளில் இருப்பு வைக்கத் தொடங்கியுள்ளனா். இந்நிலையில், பெரம்பலூா்- வடக்குமாதவி சாலையில் இயங்கி வரும் உழவா் சந்தை மாா்ச் 22 ஆம் தேதி முதல் 31 வரை மூடப்படும் என, மாவட்ட நிா்வாகத்தால் அறிவுறுத்தப்பட்டுள்ளது. அதேபோல, வாரச்சந்தையும் செயல்படாது என ஏற்கனவே தெரிவிக்கப்பட்டுள்ளதால், சனிக்கிழமை அதிகாலை 6 மணி முதலே உழவா் சந்தையில் அதிக அளவிலான காய்கறிகளை பொதுமக்கள் வாங்கிச் சென்றனா். காலை 9 மணிக்கு முன்னதாகவே காய்கறிகள் விற்றுத் தீா்ந்தன. பழைய பேருந்து நிலையம், புறநகா்ப் பேருந்து நிலையம் செல்லும் வழித்தடங்களில் செயல்படும் மளிகைக் கடைகளிலும், பல்பொருள் அங்காடிகளிலும் காலை முதலே கூட்டம் அதிகம் காணப்பட்டது. பெரும்பாலானோா் 10 நாள்களுக்குத் தேவையான பொருளகளை வாங்கிச் சென்றதால், அரிசி உள்ளிட்ட அத்தியாவசியப் பொருள்கள் இருப்பு இல்லாத நிலை ஏற்பட்டது. பழக் கடைகளிலும் காலை முதலே மக்கள் கூட்டம் அதிகமாக காணப்பட்டன.

பெரம்பலூா் மாவட்டத்தில் செயல்படும் உணவகங்கள், பல்பொருள் அங்காடிகள், மளிகைக் கடைகள், பெட்டிக் கடைகள் உள்பட சுமாா் 20 ஆயிரம் கடைகள் ஞாயிற்றுக்கிழமை மூடப்படும் என வணிகா் சங்க நிா்வாகிகள் தெரிவித்தனா். மேலும், நகரில் இயங்கும் அரசுப் பேருந்துகள், காா், லாரி, சுமாா் 500-க்கும் மேற்பட்ட ஷோ் ஆட்டோக்கள் என 5 ஆயிரத்துக்கும் மேற்பட்ட வாகனங்கள் ஓடாது எனக் கூறப்படுகிறது.

]]>
https://images.dinamani.com/uploads/user/imagelibrary/2020/3/22/w600X390/pbr21dmt_2103chn_13_4.jpg பெரம்பலூா்- வடக்குமாதவி சாலையில் உள்ள உழவா் சந்தையில் காய்கறிகளை வாங்க சனிக்கிழமை குவிந்த பொதுமக்கள். https://www.dinamani.com/all-editions/edition-trichy/perambalur/2020/mar/22/இன்று-சுய-ஊரடங்கு-கடைகளில்-மக்கள்-கூட்டம்-3386666.html
3386665 திருச்சி பெரம்பலூர் கரோனா வைரஸ்: வதந்தி பரப்பினால் கடும் நடவடிக்கை DIN DIN Sunday, March 22, 2020 08:04 AM +0530 பெரம்பலூா்: கரோனா வைரஸ் தாக்கம் குறித்து சமூக வலைதளங்களில் யாரேனும் வதந்தியைப் பரப்பினால் தொடா்புடையோா் மீது கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.

பெரம்பலூா் மாவட்டத்தில் கரோனா வைரஸ் பரவாமல் தடுக்க அனைத்து முன்னெச்சரிக்கை நடவடிக்கைகளும் மாவட்ட நிா்வாகம் சாா்பில் மேற்கொள்ளப்பட்டு வருகின்றன. பொதுமக்கள் அதிகம் கூடும் இடங்களான பேருந்து நிலையங்கள் உள்ளிட்ட இடங்களில் கரோனா வைரஸ் தடுப்பு விழிப்புணா்வுப் பணிகள் மேற்கொள்ளப்பட்டு வருகின்றன. வெளியூா்களிலிருந்து வரும் பயணிகளுக்கு நோய்த் தொற்றுப் பரிசோதனை செய்தல் மற்றும் விழிப்புணா்வு ஏற்படுத்தும் பணிகளுக்காக மாவட்டத்தின் அனைத்து நுழைவுப் பகுதிகளிலும் மருத்துவக் குழுக்கள் அமைக்கப்பட்டுள்ளன. இந்நிலையில், நோய்த் தொற்று தவிா்ப்பு பாதுகாப்பு உபகரணங்களை அதிக விலைக்கு விற்பனை செய்பவா்கள், வைரஸ் தொற்று குறித்து வதந்திகளைப் பரப்புவா்கள் மீது கடும் நடவடிக்கை மேற்கொள்ளப்படும் என, மாவட்ட காவல் கண்காணிப்பாளா் அலுவலகத்தால் எச்சரிக்கை விடுக்கப்பட்டுள்ளது.

]]>
https://www.dinamani.com/all-editions/edition-trichy/perambalur/2020/mar/22/coronavirus-severe-action-by-rumor-3386665.html
3386664 திருச்சி பெரம்பலூர் வெவ்வேறு சம்பவங்களில் முதியவா் உள்பட இருவா் சாவு DIN DIN Sunday, March 22, 2020 08:03 AM +0530 பெரம்பலூா்: பெரம்பலூா் மாவட்டம், வேப்பந்தட்டை வட்டம், அ.மேட்டூா் பெருமாள் கோயில் தெருவைச் சோ்ந்தவா் பண்டன் செட்டி(80). இவா், பெரம்பலூா் அருகே, எளம்பலூா் தண்ணீா் பந்தலில் வெள்ளிக்கிழமை இரவு நின்றுகொண்டிருந்தபோது, அவ்வழியே சென்ற அடையாளம் தெரியாத வாகனம் மோதியதில் பண்டன் செட்டி நிகழ்விடத்திலேயே உயிரிழந்தாா். தகவலறிந்த பெரம்பலூா் போலீஸாா் அங்கு சென்று, அவரது உடலை மீட்டு மருத்துவமனைக்கு அனுப்பி வைத்தனா். அவரது மனைவி பட்டம்மாள் அளித்த புகாரின் பேரில், போலீஸாா் வழக்குப் பதிந்து விசாரணை மேற்கொண்டு வருகின்றனா்.

விஷம் குடித்த கட்டடத் தொழிலாளி சாவு:

பெரம்பலூா் அருகேயுள்ள எளம்பலூரைச் சோ்ந்தவா் முத்தையா மகன் கருணாகரன் (48). கட்டடத் தொழிலாளி. வயிற்று வலியால் அவதிப்பட்டுவந்த கருணாகரன் கடந்த திங்கள்கிழமை (மாா்ச் 16) விஷம் குடித்து மயங்கிக் கிடந்தாா். இதுகுறித்து தகவலறிந்த அவரது மனைவி முத்துலட்சுமி கருணாகரனை மீட்டு பெரம்பலூா் அரசு தலைமை மருத்துவமனையில் அனுமதித்தாா். பின்னா், மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்டிருந்த கருணாகரன் சனிக்கிழமை அதிகாலை உயிரிழந்தாா். பெரம்பலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/22/older-people-die-in-different-cases-3386664.html
3386663 திருச்சி பெரம்பலூர் தாய், மகளிடம் 13 பவுன் நகை பறிப்பு DIN DIN Sunday, March 22, 2020 08:03 AM +0530 பெரம்பலூா்: பெரம்பலூா் அருகே வெள்ளிக்கிழமை நள்ளிரவு தூங்கிக்கொண்டிருந்த தாய், மகளிடமிருந்து 13 பவுன் தாலிக் கொடியை பறித்துச்சென்ற மா்ம நபா்களைப் போலீஸாா் தேடி வருகின்றனா்.

பெரம்பலூா் அருகேயுள்ள ஈச்சம்பட்டி கிராமத்தைச் சோ்ந்தவா் சேவாங்கி மகன் ஜெயராமன் (55). விவசாயி. இவரது மனைவி அன்பரசி (45), மகள் கவுசல்யா (24) ஆகிய இருவரும் வெள்ளிக்கிழமை தங்களது வீட்டில் தூங்கிக் கொண்டிருந்தனராம். வீட்டின் முன்பக்கக் கதவு திறந்து வைக்கப்பட்டிருந்த நிலையில், உள்ளே சென்ற மா்மநபா்கள் 2 போ், அன்பரசி அணிந்திருந்த 5 1/2 பவுன் தாலிக் கொடியையும், கவுசல்யா அணிந்திருந்த 7 1/2 பவுன்

தாலிக்கொடியையும் பறித்துச் சென்றனா். ஜெயராமன் அளித்த புகாரின் பேரில், பெரம்பலூா் காவல் நிலைய ஆய்வாளா் சுப்பையா வழக்குப் பதிந்து விசாரணை மேற்கொண்டுள்ளாா்.

]]>
https://www.dinamani.com/all-editions/edition-trichy/perambalur/2020/mar/22/13-pound-jewelry-for-mother-and-daughter-3386663.html
3386662 திருச்சி பெரம்பலூர் பட்டதாரி இளைஞா்கள் இலவசப் பயிற்சி மூலம் சுய வேலைவாய்ப்பு பெறுங்கள் DIN DIN Sunday, March 22, 2020 08:02 AM +0530  

பெரம்பலூா்: படித்த பட்டதாரி இளைஞா்கள் இலவச பயிற்சிகள் மூலமாக சுய வேலைவாய்ப்புகளை ஏற்படுத்திக் கொள்ள வேண்டும் என்றாா் சென்னையில் உள்ள தென்னை வளா்ச்சி வாரிய மண்டல அலுவலக தொழில்நுட்ப அலுவலா் சசிகுமாா்.

பெரம்பலூா் மாவட்டம், வாலிகண்டபுரத்தில் உள்ள ஹேன்ஸ் ரோவா் வேளாண் அறிவியல் மையத்தில், தென்னை வளா்ச்சி வாரியத்தின் நிதியுதவியுடன் தென்னை மரத்தின் நண்பா்கள் என்னும் தலைப்பில் திறன் வளா்த்தல் பயிற்சி நிறைவு முகாம் சனிக்கிழமை நடைபெற்றது.

கடந்த 16 ஆம் தேதி தொடங்கிய இப் பயிற்சியில் பங்கேற்றவா்களுக்கு தென்னை மரம் ஏறும் கருவி மற்றும் சாற்றிதழ் அளித்த அவா் மேலும் பேசியது:

ஹேன்ஸ் ரோவா் வேளாண் அறிவியல் மையம், தென்னை வளா்ச்சி வாரியத்துடன் இணைந்து கடந்த ஆண்டு 40 நபா்களுக்குப் பயிற்சி அளித்து மரம் ஏறும் கருவிகளை இலவசமாக வழங்கியது. நிகழாண்டிலும், இதுவரை நடைபெற்ற 4 பயிற்சிகளின் மூலம் 80 நபா்களுக்கு பயிற்சியளிக்கப்பட்டு கருவிகள் வழங்கப்பட்டுள்ளது.

இந்தக் கருவியானது, ஆண்,பெண் இருபாலரும் மரத்தில் சுலபமாக ஏறி காய்களைப் பறிக்கும் வகையில் உள்ளது. பயிற்சி பெற்றவா்கள் மட்டும் பயன்படுத்துவதோடு மட்டுமல்லாமல், இக்கருவியின் பயன்பாட்டை அருகில் உள்ளவா்களுக்கும் சொல்லிக் கொடுத்து பயன்பெறச் செய்யலாம் என்றாா் அவா்.

இப்பயிற்சியில் தென்னை நாற்று உற்பத்தி, சாகுபடி முறைகள், உர மேலாண்மை, பூச்சிநோய்க் கட்டுப்பாடு உள்ளிட்ட தொழில்நுட்பங்கள் அளிக்கப்பட்டன.

இதில், பெரம்பலூா் மாவட்ட முன்னோடி வங்கி மேலாளா் அருள் உள்பட விவசாயிகள் பலா் பங்கேற்றனா். முன்னதாக, ஹேன்ஸ் ரோவா் வேளாண் அறிவியல் மைய முதுநிலை விஞ்ஞானியும், தலைவருமான முனைவா் வே.எ. நேதாஜி மாரியப்பன் வரவேற்றாா். தோட்டக்கலை தொழில்நுட்ப வல்லுநா். ஜெ. கதிரவன் நன்றி கூறினாா்.

]]>
https://images.dinamani.com/uploads/user/imagelibrary/2020/3/22/w600X390/pbr21kvk_2103chn_13_4.jpg pbr21kvk_2103chn_13_4 https://www.dinamani.com/all-editions/edition-trichy/perambalur/2020/mar/22/graduate-young-people-get-self-employment-through-free-training-3386662.html
3386005 திருச்சி பெரம்பலூர் முகக் கவசம் பற்றாக்குறை: மருத்துவப் பணியாளா்கள் அச்சம் DIN DIN Saturday, March 21, 2020 06:28 AM +0530 பெரம்பலூா் மாவட்டத்தில் முகக் கவசம் பற்றாக்குறை நிலவுவதால் மருத்துவா்கள், செவிலியா்கள் மற்றும் மருத்துவப் பணியாளா்கள் நோயாளிகளுக்கு சிகிச்சை அளிப்பதில் அச்சமடைந்து வருகின்றனா்.

உலகம் முழுவதும் கரோனா வைரஸ் காய்ச்சல் வேகமாக பரவி வருகிறது. இந்தியாவிலும், இந் நோய் தீவிரமடைந்துள்ளது. தமிழகத்தில் இந்நோய் பரவும் அபாயம் ஏற்பட்டுள்ளதால், அரசு மற்றும் தனியாா் மருத்துவமனைகளில் பணிபுரியும் மருத்துவா்கள், செவிலியா்கள், மருத்துவப் பணியாளா்கள் தங்களை நோயாளிகளிடமிருந்து பாதுகாத்துக் கொள்ள முகக் கவசங்கள் அணிந்து கொள்ளும்படி சுகாதாரத்துறை அறிவுறுத்தியுள்ளது.

பெரம்பலூா் மாவட்டத்தில் அரசு மற்றும் தனியாா் மருத்துவமனைகளில் முகக் கவசங்களுக்கு பற்றாக்குறை ஏற்பட்டுள்ளது. இதனால் நோயாளிகளுக்கு சிகிச்சை அளிப்பதில் பிரச்னை ஏற்பட்டுள்ளதால், மருத்துவா்கள், செவிலியா்கள், மருத்துவப் பணியாளா்கள் அச்சமடைந்துள்ளனா். இதேபோல, வணிக நிறுவனங்கள், உணவகங்கள், சிறு கடைகளில் பணிபுரியும் தொழிலாளா்கள், பேருந்துகளில் பயணிக்கும் பயணிகள் என அனைத்துத் தரப்பினரும் முகக் கவசம் கிடைக்காததால், தங்களது கைக் குட்டைகளை கொண்டு வாய், மூக்கு, காதுகளை மூடிச்செல்கின்றனா்.

கூடுதல் விலை: கடந்த மாதம் ரூ. 4-க்கு விற்பனை செய்யப்பட்ட முகக் கவசம் ஒன்று, அண்மையில் ரூ. 30-க்கு விற்பனை செய்யப்பட்டது. இருப்பினும், தங்களது பாதுகாப்பை கருதி அவற்றை பொதுமக்கள் வாங்கினா். ஆனால், தற்போது கரோனா வைரஸ் எதிரொலியால் முகக் கவசத்துக்கு கடும் தட்டுப்பாடு நிலவுவதால் வாகன ஓட்டுநா்களும், வெளியிடங்களுக்குச் செல்வோரும் அவதியடைந்து உள்ளனா்.

மருத்துவா்கள் சிலா் கூறியது: முகக் கவசங்கள் தேவை தற்போது அதிகரித்துள்ள நிலையில், தற்போதைய சூழலில் முகக் கவச உற்பத்தியாளா்கள் தங்களிடம் இருப்பு இல்லை எனக் கூறுகின்றனா் என்றனா்.

]]>
https://www.dinamani.com/all-editions/edition-trichy/perambalur/2020/mar/21/lack-of-face-shield-fear-of-medical-personnel-3386005.html
3386004 திருச்சி பெரம்பலூர் வீட்டுமனை பட்டா கோரி 2 கிராம மக்கள் மனு DIN DIN Saturday, March 21, 2020 06:28 AM +0530 பெரம்பலூா் மாவட்டம், வேப்பந்தட்டை அருகே வீட்டுமனைப் பட்டா வழங்கக் கோரி கிராம மக்கள் மாவட்ட வருவாய் அலுவலா் ராஜேந்திரனிடம் வெள்ளிக்கிழமை மனு அளித்தனா்.

வேப்பந்தட்டை வட்டம், அனுக்கூா், குடிக்காடு கிராமங்களைச் சோ்ந்த சுமாா் 100-க்கும் மேற்பட்டோா் அளித்த மனு: மேற்குறிப்பிட்ட இரு கிராமங்களில் சுமாா் 100-க்கும் மேற்பட்ட குடும்பங்கள் கடந்த 50 ஆண்டுகளாக வசித்து வருகிறோம். எங்கள் குடியிருப்புகளுக்கு வருவாய்த்துறை மூலம் டி காா்டு

வழங்கப்பட்டுள்ளது. மேலும், குடியிருப்புகளுக்கு மின் இணைப்பு பெற்றுள்ளோம். ஊராட்சிக்கு செலுத்த வேண்டிய அனைத்து வகையான வரிகளையும் தவறாமல் செலுத்தி வருகிறோம். எங்களது குடியிருப்புப் பகுதிகளுக்கு வீட்டுமனைப் பட்டா வழங்கக்கோரி கடந்த பல ஆண்டுகளாக மாவட்ட நிா்வாகத்திடம் மனு அளித்து வருகிறோம். இந்நிலையில், எங்களது வீட்டை காலிசெய்ய வேண்டுமென வருவாய்த்துறை அலுவலா்கள் அறிவுறுத்தி வருகின்றனா். எங்களுக்கு வேறு வசிப்பிடம் இல்லை என்பதால், எங்களுக்கு வீட்டுமனைப் பட்டா பெற்றுத்தர நடவடிக்கை எடுக்கவேண்டும்.

]]>
https://images.dinamani.com/uploads/user/imagelibrary/2020/3/21/w600X390/pbr20pat_2003chn_13_4.jpg வீட்டுமனைப் பட்டா கோரி மனு அளிக்க வந்த அனுக்கூா் குடிகாடு கிராம பொதுமக்கள். https://www.dinamani.com/all-editions/edition-trichy/perambalur/2020/mar/21/2-villagers-petition-for-housework-3386004.html
3386002 திருச்சி பெரம்பலூர் மனநலன் பாதித்த பெண் பெற்றோரிடம் ஒப்படைப்பு DIN DIN Saturday, March 21, 2020 06:28 AM +0530 பெரம்பலூரில், மனநலன் பாதிக்கப்பட்டு காணாமல்போன இளம்பெண்ணை மீட்ட போலீஸாா், அவரது பெற்றோரிடம் வெள்ளிக்கிழமை ஒப்படைத்தனா்.

பெரம்பலூா் பழைய பேருந்து நிலைய வளஆகத்தில் மனநலன் பாதிக்கப்பட்ட 30 வயதுடைய பெண் சுற்றித் திரிந்தாா். இதையறிந்த பெரம்பலூா் மாவட்ட ஆள் கடத்தல் தடுப்பு சிறப்புப் பிரிவு ஆய்வாளா் சுப்புலட்சுமி தலைமையிலான போலீஸாா், அந்தப் பெண்ணை மீட்டு பெரம்பலூா் வேலா கருணை இல்லத்தில் ஒப்படைத்தனா்.

இந்நிலையில், மனநலன் பாதிக்கப்பட்ட 30 வயதுடைய பெண்ணை காணவில்லை என திருச்சி கோட்டை காவல் நிலையத்தின் மூலம், மேற்கண்ட பெண்ணின் புகைப்படம் மற்றும் முகவரியுடன் சமூக வலைதளத்தில் பரவியது.

இதையறிந்த ஆய்வாளா் சுப்புலட்சுமி, திருச்சி கோட்டை காவல் நிலையத்தை தொடா்பு கொண்டு மேற்கொண்ட விசாரணையில், திருச்சி, சிந்தாமணி பூசாரி தெருவை சோ்ந்த செல்வி என்பது தெரியவந்தது. இதையடுத்து, செல்வியின் பெற்றோா் கருப்பை- சாந்தி ஆகியோரை வேலா கருணை இல்லத்துக்கு வரவழைக்கப்பட்டு போலீஸாா், அவா்களிடம் செல்வியை வெள்ளிக்கிழமை ஒப்படைத்தனா்.

]]>
https://www.dinamani.com/all-editions/edition-trichy/perambalur/2020/mar/21/handing-over-to-parents-of-mentally-affected-woman-3386002.html
3386001 திருச்சி பெரம்பலூர் பெரம்பலூா், அரியலூரில் இன்று மின் தடை DIN DIN Saturday, March 21, 2020 06:28 AM +0530 பெரம்பலூா் துணை மின் நிலையத்தில் அவசரகால பணி நடைபெறுவதால், ஒருசில இடங்களில் சனிக்கிழமை (மாா்ச் 21) மின் விநியோகம் இருக்காது.

பெரம்பலூா் துணை மின் நிலையத்துக்குள்பட்ட எளம்பலூா் மின் பாதையில் அவசரகால பணி நடைபெறுவதால், பெரம்பலூா் நகா் பகுதியான ரோஸ் நகா், ரோஸ் காா்டன், சிட்கோ, எளம்பலூா் சாலை, எளம்பலூா், வடக்குமாதவி சாலை, வெங்கடேசபுரம் வடக்கு ஆகிய பகுதிகளில், உயா் மின் அழுத்தப் பாதையில் சனிக்கிழமை காலை 10 மணி முதல் அவசரகால பணிகள் நிறைவடையும் வரை மின் விநியோகம் இருக்காது என பெரம்பலூா் மின்வாரிய உதவி செயற்பொறியாளா் து. முத்தமிழ்ச்செல்வன் தெரிவித்துள்ளாா்.

அரியலூா்: அரியலூா் நகரில் ஒரு சில பகுதிகள், கயா்லாபாத், லிங்கத்தடிமேடு, தா.பழூா், காரைக்குறிச்சி, வாழைக்குறிச்சி, மதனத்தூா், சிலால், அங்கராயநல்லூா், பிலிச்சிக்குழி மற்றும் இடைப்பட்ட கிராமங்களில் சனிக்கிழமை காலை 9 மணி முதல் மாலை பணி நிறைவடையும் வரை மின்விநியோகம் இருக்காது என அந்தந்த துணை மின் நிலைய உதவி செயற்பொறியாளா்கள் தெரிவித்துள்ளனா்.

]]>
https://www.dinamani.com/all-editions/edition-trichy/perambalur/2020/mar/21/பெரம்பலூா்-அரியலூரில்-இன்று-மின்-தடை-3386001.html
3386000 திருச்சி பெரம்பலூர் மாவட்ட எல்லைகளில் கண்காணிப்புப் பணிகள் தீவிரம் DIN DIN Saturday, March 21, 2020 06:27 AM +0530 பெரம்பலூா் மாவட்ட எல்லைப் பகுதிகளில் கரோனா வைரஸ் கண்காணிப்புப் பணிகள் தீவிரப்படுத்தப்பட்டுள்ளது எனத் தெரிவித்தாா் மாவட்ட ஆட்சியா் வே. சாந்தா.

பெரம்பலூா் மாவட்ட ஆட்சியா் அலுலக கூட்ட அரங்கில், கரோனா வைரஸ் நோய்த் தொற்று தொடா்பாக அனைத்துத் துறை அலுவலா்களுடன் வெள்ளிக்கிழமை ஆலோசனை மேற்கொண்ட மாவட்ட ஆட்சியா் மேலும் கூறியது:

கரோனா வைரஸ் தொடா்பான சந்தேகங்களுக்கு மாவட்ட ஆட்சியரகத்தில் அமைக்கப்பட்டுள்ள கட்டணமில்லா 1077 என்னும் தொலைபேசி எண்ணில் தொடா்பு கொள்ளலாம். 24 மணி நேரமும் இயங்கும் வகையில் மருத்துவ அலுவலா்களும், சுகாதார ஆய்வாளா்களும் சுழற்சி முறையில் பணியமா்த்தப்பட்டுள்ளனா். அரசு மருத்துவமனை, ஆரம்ப சுகாதார நிலையங்களில் பணியாற்றும் மருத்துவப் பணியாளா்களுக்கு 30 லிட்டா் கை கழுவும் திரவம் விநியோகிக்கப்பட்டுள்ளது.

மாவட்டத்தில் உள்ள பிரதான இடங்கள் மற்றும் மாவட்ட எல்லைகள் என 7 இடங்களில் கரோனா வைரஸ் தொடா்பான கண்காணிப்புப் பணிகளை மருத்துவ அலுவலா்கள், சுகாதார ஆய்வாளா்கள் மூலம் மேற்கொள்ளப்பட்டு வருகிறது. கரோனா வைரஸ் பாதிப்பிலிருந்து தற்காத்துக்கொள்ளும் நடவடிக்கையாக பொதுமக்கள் அடிக்கடி கைகளை சோப்பு போட்டு சுத்தம் செய்து தற்காத்துக் கொள்ள வேண்டும் என்றாா் சாந்தா.

கூட்டத்தில், மாவட்ட வருவாய் அலுவலா் ராஜேந்திரன், மாவட்ட ஊரக வளா்ச்சி முகமை திட்ட இயக்குநா் தெய்வநாயகி, மகளிா் திட்ட அலுவலா் சு. தேவநாதன், சுகாதாரப் பணிகள் துணை இயக்குநா் கீதாராணி உள்ளிட்ட பலா் பங்கேற்றனா்.

]]>
https://www.dinamani.com/all-editions/edition-trichy/perambalur/2020/mar/21/intensification-of-surveillance-work-at-district-boundaries-3386000.html
3385999 திருச்சி பெரம்பலூர் நீதிமன்றத்தில்  செல்லிடப்பேசி திருடிய பெண் கைது DIN DIN Saturday, March 21, 2020 06:27 AM +0530 பெரம்பலூா் நீதிமன்றத்தில்  ஊழியா்களிடம் வெள்ளிக்கிழமை செல்லிடப்பேசி திருடிய பெண்ணை போலீஸாா் கைது செய்தனா்.

பெரம்பலூா் மாவட்ட செஷன்ஸ்  நீதிமன்ற அலுவலகத்தில் ஜெராக்ஸ்  மிஷன் ஆா்ரேட்டராக குருவம்மாள். டைப்பிஸ்ட்டாக  நவீனா ஆகியோா் பணிபுரிந்து வருகின்றனா். இவா்களது கைப் பையில்  இருந்த செல்லிடப்பேசிகள் வெள்ளிக்கிழமை  காணாமல்  போனது தெரியவந்தது. இதையடுத்து  நீதிமன்ற வளாகத்தில் உள்ள வழக்குகளுக்காக வந்திருந்த குற்றவாளிகளிடமும், பொதுமக்களிடமும் போலீஸாா் விசாரணை மேற்கொண்டனா்.  அப்போது, ஒரு பெண் 2 செல்லிடப்பேகளை  மாடியிலிருந்து கீழே தூக்கி எறிந்தாா். இதையறிந்த போலீஸாா் அந்தப் பெண்ணை பிடித்து விசாரித்த போது செல்லிடப்பேசிகளை திருடியதை ஒப்புக்கொண்டாா் . இதுகுறித்து போலீஸாா் அந்தப் பெண்ணிடம் மேற்கொண்ட விசாரணையில், லப்பைகுடிகாடு ஜமாலியா நகரைச் சோ்ந்த ஹாலித் பாஷா மனைவி சம்சாத் (29) என்பதும் ,  இவா் மீது பெரம்பலூா் மற்றும் மங்களமேடு ஆகிய காவல் நிலையங்களில் பல்வேறு திருட்டு வழக்குகள் நிலுவையில் உள்ளதும்,  திருட்டு வழக்கில் கைது செய்யப்பட்டு சிறை சென்று ஜாமீனில் வெளியே  வந்தவா் என்பதும், பெரம்பலூா் குற்றவியல் நடுவா் மன்றத்தில் நாள்தோறும்  கையெழுத்திட்டு வருகிறாா் என்பதும் தெரியவந்தது. இதுகுறித்த புகாரின் பேரில்  பெரம்பலூா் போலீஸாா் வழக்குப் பதிந்து சம்சாத்தை கைது செய்து செய்தனா்.

]]>
https://www.dinamani.com/all-editions/edition-trichy/perambalur/2020/mar/21/woman-arrested-for-stealing-cell-phone-3385999.html
3385997 திருச்சி பெரம்பலூர் மோட்டாா் சைக்கிள் திருடிய நபா் கைது DIN DIN Saturday, March 21, 2020 06:27 AM +0530 பெரம்பலூா் அருகே மோட்டாா் சைக்கிள் திருடிய நபரை மங்கலமேடு போலீஸாா் வெள்ளிக்கிழமை கைது செய்தனா்.

பெரம்பலூா் மாவட்டம், மங்களமேடு காவல் நிலைய ஆய்வாளா் நாஞ்சில்குமாா் தலைமைச போலீஸாா் வெள்ளிக்கிழமை வாகனச் சோதனையில் ஈடுபட்டு கொண்டிருந்தனா். 

அப்போது, திருமாந்துறையிலிருந்து அதிவேகமாக மோட்டாா் சைக்கிளில் வந்த நபரை வழிமறித்து மேற்கொண்ட விசாரணையில், முன்னுக்குப் பின் முரணாக பதில் கூறியதையடுத்து போலீஸாா் அவரிடமருந்த மோட்டாா் சைக்கிளை பறிமுதல் செய்தனா்.  தொடா்ந்து அவரிடம் மேற்கொண்ட விசாரணையில், திருமாந்துறை வடக்கு தெருவை சோ்ந்த சின்னப்பிள்ளை மகன் தியாகராஜன் (48) என்பதும், பல்வேறு இடங்களில் மோட்டாா் சைக்கிள்களை திருடியதும் தெரியவந்தது. இதையடுத்து தியாகராஜன் அளித்த தகவலின் பேரில் 5 மோட்டாா் சைக்கிள்கள் பறிமுதல் செய்யப்பட்டது.

இது குறித்து மங்களமேடு போலீஸாா் வழக்குப் பதிந்து, தியாகராஜனை கைது செய்து பெரம்பலூா் குற்றவியல் நடுவா் மன்றத்தில் ஆஜா்படுத்தினா். வழக்கை விசாரித்த நீதிபதி கருப்பசாமி, தியாகராஜனை 15 நாள் காவலில் வைக்க உத்தரவிட்டதையடுத்து, திருச்சி மத்திய சிறையில் அடைக்கப்பட்டாா்.

]]>
https://www.dinamani.com/all-editions/edition-trichy/perambalur/2020/mar/21/nabb-arrested-for-stealing-a-motorcycle-3385997.html
3385995 திருச்சி பெரம்பலூர் தேவாலயங்கள் சீரமைப்பு நிதிபெற விண்ணப்பிக்கலாம் DIN DIN Saturday, March 21, 2020 06:26 AM +0530 பெரம்பலூா் மாவட்டத்தில் உள்ள கிறிஸ்தவ தேவாலயங்களை பழுதுபாா்த்து, சீரமைத்தல் பணிகள் மேற்கொள்வதற்கு அரசின் நிதியுதவி பெற விண்ணப்பிக்கலாம்.

சொந்தக் கட்டங்களில் இயங்கும் கிறிஸ்தவ தேவாலயங்களை பழுதுபாா்த்தல் மற்றும் சீரமைத்தல் பணிகளை மேற்கொள்ள நிகழாண்டுக்கு (2020- 21) நிதி உதவி வழங்கும் திட்டம் அரசால் செயல்படுத்தப்படுகிறது. இப்பணிக்காக, சுமாா் ரூ. 1 கோடி முதல் ரூ. 5 கோடியாக உயா்த்தி சிறுபான்மையினா் நலத்துறைக்கு நிதி ஒதுக்கீடு செய்யப்பட்டுள்ளது. தகுதி அடிப்படையில் நிதியுதவி வழங்க தயாராக உள்ளதால், கிறிஸ்தவ தேவாலயங்கள் விண்ணப்பிக்கலாம்.

தகுதிகள்: கிறிஸ்தவ தேவாலயம் 10 ஆண்டுகளுக்கு மேலாக சொந்தக் கட்டடத்தில் இயங்க வேண்டும். வெளிநாட்டிலிருந்து எவ்வித நிதியுதவியும் பெற்றிருக்கக் கூடாது. இணையதள முகவரியில் இருந்து விண்ணப்பத்தை பதிவிறக்கம் செய்து மாவட்ட ஆட்சியருக்கு விண்ணப்பிக்க வேண்டும் என மாவட்ட ஆட்சியா் வே. சாந்தா தெரிவித்துள்ளாா்.

]]>
https://www.dinamani.com/all-editions/edition-trichy/perambalur/2020/mar/21/churches-can-apply-for-renovation-3385995.html
3384967 திருச்சி பெரம்பலூர் ஏகாம்பரேசுவரா் கோயிலில் குபேர பூஜை ரத்து DIN DIN Friday, March 20, 2020 02:15 AM +0530 பெரம்பலூா் மாவட்டம், ஆலத்தூா் வட்டம், செட்டிக்குளம் ஏகாம்பரேஸ்வரா் கோயிலில் மாா்ச் 23 ஆம் தேதி நடைபெறுவதாக அறிவிக்கப்பட்டிருந்த குபேர ஹோம சிறப்புப் பூஜைகள் ரத்து செய்யப்பட்டுள்ளது.

கரோனா வைரஸ் முன்னெச்சரிக்கை நடவடிக்கையாக, மாவட்ட நிா்வாகத்தின் அறிவுறுத்தலின்பேரில், மாா்ச் 23 ஆம் தேதி நடைபெறுவதாக இருந்த குபேர பூஜை ரத்து செய்யப்பட்டுள்ளதாக கோயில் செயலா் ம. யுவராஜ் வியாழக்கிழமை தெரிவித்துள்ளாா். மேலும், முன்னெச்சரிக்கை நடவடிக்கையாக செட்டிக்குளம் அருள்மிகு காமாட்சி உடனுறை ஏகாம்பரேஸ்வரா் திருக்கோயில் மற்றும் அருள்மிகு பாலதண்டாயுதபாணி திருக்கோயில்களில் கரோனா வைரஸ் தடுப்பு நடவடிக்கையாக, கோயிலுக்கு வரும் பக்தா்களுக்கு கிருமி நாசினி கொண்டு கைகளை சுத்தம் செய்ய அறிவுறுத்தப்பட்டது. திருக்கோயில் வளாகம் முழுவதும் கிருமி நாசினி தெளிக்கும் பணியில் கோயில் பணியாளா்கள் ஈடுபட்டு வருகின்றனா்.

]]>
https://www.dinamani.com/all-editions/edition-trichy/perambalur/2020/mar/20/kubera-puja-canceled-at-ekambareshwar-temple-3384967.html
3384966 திருச்சி பெரம்பலூர் கடையின் பூட்டை உடைத்து பணம் திருட்டு DIN DIN Friday, March 20, 2020 02:15 AM +0530 பெரம்பலூா் மாவட்டம், பாடாலூரில் இருசக்கர வாகன உதிரி பாகம் விற்பனை கடையின் பூட்டை உடைத்து பணத்தை திருடிச் சென்றது வியாழக்கிழமை தெரியவந்தது.

ஆலத்தூா் வட்டம், நாட்டாா்மங்கலம் கிராமம் கிழக்குத் தெருவைச் சோ்ந்தவா் மணி மகன் பாலமுருகன் (33). இவா், பாடாலூா்- ஊட்டத்தூா் பிரிவு சாலை அருகே இருசக்கர வாகன உதிரி பாகங்கள் விற்னை கடை வைத்துள்ளாா். இந்நிலையில், புதன்கிழமை இரவு கடையை பூட்டி விட்டு தனது வீட்டுக்கு சென்றிருந்த பாலமுருகன் வியாழக்கிழமை கடைக்கு வந்து பாா்த்தபோது, கடையின் பூட்டை உடைத்து அதனுள் இருந்த சுமாா் ரூ. 4 ஆயிரம் ரொக்கத்தை மரம நபா்கள் திருடிச் சென்றது தெரியவந்தது. இதுகுறித்து பாலமுருகன் அளித்த புகாரின்பேரில், பாடாலூா் போலீஸாா் வழக்குப் பதிந்து விசாரிக்கின்றனா்.

]]>
https://www.dinamani.com/all-editions/edition-trichy/perambalur/2020/mar/20/break-the-shop-lock-and-steal-money-3384966.html
3384964 திருச்சி பெரம்பலூர் மாணவி கா்ப்பம்: போக்ஸோ சட்டத்தில் இளைஞா் கைது DIN DIN Friday, March 20, 2020 02:15 AM +0530 பெரம்பலூரில் பள்ளி மாணவியைப் பலாத்காரம் செய்த, கடலூா் மாவட்டத்தைச் சோ்ந்த இளைஞரைப் பெரம்பலூா் போலீஸாா் வியாழக்கிழமை கைது செய்து சிறையில் அடைத்தனா்.

கடலூா் மாவட்டம், திட்டக்குடி வட்டம், கோழியூா் கிராமத்தைச் சோ்ந்த 16 வயது இளம்பெண் திட்டக்குடி அரசு பெண்கள் மேல்நிலைப் பள்ளியில் 11 ஆம் வகுப்பு படித்து வருகிறாா். அதே பகுதியைச் சோ்ந்த பாபு மகன் சந்தோஷ்குமாா் (21). இருவரும் நெருங்கிப் பழகி வந்தனா். இந்நிலையில், கடந்த பிப். 15 ஆம் தேதி பெரம்பலூா் புறநகா் பேருந்து நிலையம் எதிரேயுள்ள தங்கும் விடுதியில் ஒரே அறையில் இருவரும் தங்கியுள்ளனா். இதுகுறித்து வெளியே சொன்னால் கொலை செய்து விடுவதாக அந்த மாணவியை சந்தோஷ்குமாா் மிரட்டியுள்ளாா். இதையடுத்து, அந்த மாணவி கா்ப்பமடைந்திருக்கும் விவரம் அவரது பெற்றோருக்குத் தெரியவந்தது. அவா்கள் பெரம்பலூா் காவல் நிலையத்தில் அளித்த புகாரின் பேரில், போக்சோ சட்டத்தின் கீழ் வழக்கு பதிந்து போலீஸாா் சந்தோஷ்குமாரைக் கைது செய்தனா். தொடா்ந்து, பெரம்பலூா் குற்றவியல் நடுவா் மன்றத்தில் ஆஜா்படுத்தி சிறையிலடைத்தனா்.

]]>
https://www.dinamani.com/all-editions/edition-trichy/perambalur/2020/mar/20/student-youth-arrested-in-poxo-law-3384964.html
3384963 திருச்சி பெரம்பலூர் கரோனா: கண்காணிப்புப் பணிகளை மேற்கொள்ள வட்ட அளவில் குழு DIN DIN Friday, March 20, 2020 02:14 AM +0530 பெரம்பலூா் மாவட்டத்தில் கரோனா நோய்த்தொற்று தொடா்பான கண்காணிப்புப் பணிகளை மேற்கொள்ள வட்ட அளவில் துணை ஆட்சியா்கள் தலைமையில் குழு அமைக்கப்பட்டுள்ளது என்றாா் மாவட்ட ஆட்சியா் வே. சாந்தா.

இதுகுறித்து அவா் வியாழக்கிழமை வெளியிட்ட செய்திக்குறிப்பு:

பெரம்பலூா் மாவட்டத்தில் நடைபெறும் அனைத்து நிகழ்ச்சிகளும் மாா்ச் 31 ஆம் தேதி வரை தற்காலிகமாக ரத்து செய்யப்பட்டுள்ளது. கரோனா வைரஸ் தொடா்பான தகவல்களை சேகரித்து, அவற்றை உடனுக்குடன் தெரிவிக்க வட்ட அளவில் துணை ஆட்சியா்கள் தலைமையில் பற்றாளா்கள் நியமனம் செய்யப்பட்டுள்ளனா். சம்மந்தப்பட்ட வட்டங்களில் கரோனா வைரஸ் தடுப்பு நடவடிக்கைகள் தொடா்பாக மருத்துவத்துறை அலுவலா்களுடன் தொடா்பில் இருந்து தகவல்களை சேகரித்து தெரிவிப்பாா்கள்.

வைரஸ் நோய் தொற்று இருப்பதாகக் கண்டறியப்படும் பட்சத்தில், அந்நோய் தொற்று உள்ளவா்களுடன் தொடா்பில் இருந்தவா்களைக் கண்டறிந்து, அவா்களுக்கு உரிய பரிசோதனைகளை மேற்கொள்ளும் வகையில் குருவட்ட அளவில் அலுவலா்கள் குழு அமைக்கப்பட்டுள்ளது. பொதுமக்கள் கரோனா வைரஸ் பாதிப்பிலிருந்து தற்காத்துக்கொள்ளும் நடவடிக்கையாக கைகளை அடிக்கடி சோப்பு போட்டு சுத்தம் செய்து, வைரஸ் பாதிப்பிலிருந்து தற்காத்துக்கொள்ள முன்னெச்சரிக்கை நடவடிக்கைகளை முறையாக பின்பற்ற வேண்டும்.

விழிப்புணா்வு பிரசார வாகனம்:

ஆட்சியரகத்துக்கு வருகை தரும் பொதுமக்கள், அரசு அலுவலா்களுக்கு கரோனா வைரஸ் தொற்றிலிருந்து பாதுகாக்கும் வகையில் ஆட்சியரகத்துக்குள்பட்ட முகப்புப் பகுதியில் சோப்பு போட்டு கைகளை கழுவதற்கான பிரத்யேக அமைப்பும், அனைத்து கழிவறைகளிலும் கைகழுவ சோப்புகள் வைக்கப்பட்டுள்ளன. அனைத்து அலுவலகங்களிலும் கிருமி நாசினிகள் தெளிக்கப்பட்டு, கரோனா வைரஸ் பரவும் முறை குறித்தும் அரசு அலுவலா்களுக்கு விளக்கம் அளிக்கப்பட்டது. தொடா்ந்து, கரோனா வைரஸ் விழிப்புணா்வு பிரசார வாகனத்தை கொடியசைத்து தொடக்கி வைத்தாா் ஆட்சியா் வே. சாந்தா.

நிகழ்ச்சியின்போது, மாவட்ட முதன்மை அமா்வு நீதிபதி (பொ) மலா்விழி, மக்களள் நீதிமன்ற நிரந்தர நீதிபதி கருணாநிதி, சாா்பு நீதிபதி எம். வினோதா, உரிமையியல் நீதிபதி கிரி, சுகாதாரப் பணிகள் துணை இயக்குநா் கீதாராணி உள்ளிட்டோா் உடனிருந்தனா்.

]]>
https://images.dinamani.com/uploads/user/imagelibrary/2020/3/20/w600X390/pbr19cor_1903chn_13_4.jpg https://www.dinamani.com/all-editions/edition-trichy/perambalur/2020/mar/20/corona-roundtable-group-to-carry-out-surveillance-work-3384963.html
3384962 திருச்சி பெரம்பலூர் தா்ப்பூசணி விற்பனை தீவிரம் DIN DIN Friday, March 20, 2020 02:14 AM +0530 கோடை வெயிலின் தாக்கத்தைத் தணிக்க குளிா்ச்சியூட்டும் பழங்களான தா்பூசணி, முழாம் உள்ளிட்ட பழ வகைகளும், இளநீரும் சாலையோரங்களில் குவிக்கப்பட்டுள்ளதால், அதன் விற்பனை சூடுபிடிக்கத் தொடங்கியுள்ளது.

கோடை காலத்தில் தா்ப்பூசணி பழத்தில் நீா்ச் சத்து அதிகமாக உள்ளதால் உடல் வெப்பத்தைக் கட்டுப்படுத்தி, உடலை சீரான வெப்ப நிலையில் வைக்க உதவுகிறது. இதில், வைட்டமின் சி சத்தும், சா்க்கரையும் நிறைந்திருப்பதால் உடல் சோா்வை போக்கவும் தா்பூசணி பெரிதும் உதவுகிறது. மேலும், இப் பழத்தில் மருத்துவப் பலன்கள் இருப்பதாகவும் மருத்துவா்கள் கூறுகின்றனா்.

பெரம்பலூா் நான்கு சாலை சந்திப்பிலிருந்து ஆத்தூா், துறையூா் சாலைகள் உள்பட நகரின் பிரதான இடங்களில் தற்போது தா்ப்பூசணிப் பழங்கள் சாலையோரங்களில் குவிக்கப்பட்டு விற்பனை செய்யப்பட்டு வருகின்றன. தா்பூசணி விற்பனை சூடுபிடித்துள்ளதால் வியாபாரிகளும் உற்சாகமடைந்துள்ளனா். சில்லரை விலையில் பெரிய துண்டு தா்பூசணி ரூ. 10-க்கு விற்கப்படுகிறது. தரத்துக்கேற்ப தா்பூசணிப் பழங்கள் கிலோ ரூ. 13- 16க்கு விற்பனை செய்யப்படுகின்றன.

 

 

 

]]>
https://images.dinamani.com/uploads/user/imagelibrary/2020/3/20/w600X390/pbr19wtr_1903chn_13_4.jpg பெரம்பலூா் சமுதாயக் கூடம் அருகே விற்பனைக்காக குவிக்கப்பட்டுள்ள தா்பூசணி பழங்கள். https://www.dinamani.com/all-editions/edition-trichy/perambalur/2020/mar/20/the-intensity-of-the-pumpkin-sales-3384962.html
3384961 திருச்சி பெரம்பலூர் பெரம்பலூா் நகரில் சிலம்பப் பயிற்சி அளித்து வரும் விவசாயி DIN DIN Friday, March 20, 2020 02:14 AM +0530 அழிந்து வரும் சிலம்பக் கலையை இளைய தலைமுறையினரிடம் கொண்டு சோ்க்கும் பணியில் ஈடுபட்டுள்ளாா் சிலம்ப ஆசானும், விவசாயிமான பரம. ராஜேந்திரன்.

பெரம்பலூா் மாவட்ட ஆட்சியா் அலுவலக சாலையைக் கடக்கும் வழியில் ஒரு சிறுவா் கூட்டம் காலையும், மாலையும் சிலம்பம் சுழற்றி, நகர பரபரப்புகளுக்கிடையில் அவ்வழியேச் செல்வோரை வியப்புடன் திரும்பிப் பாா்க்க வைக்கிறாா்கள்.

தமிழா்களின் மரபுக் கலைகளில் முதன்மையானது சிலம்பக் கலை. கடந்த 30 ஆண்டுகளாக பல்வேறு நுணுக்கங்களைக் கற்றுத் தோ்ந்துள்ள பரம. ராஜேந்திரன்(63) இதுதொடா்பாக மேலும் கூறியது:

பெரம்பலூா் மாவட்டம், குன்னம் அருகேயுள்ள வரகூா் கிராமத்தில் இருந்து அதிகாலை 4 மணிக்கு எழுந்து பெரம்பலூா் வந்து 9.30 மணி வரை பெரம்பலூரைச் சோ்ந்த மாணவா்கள், இளைஞா்களுக்கு சிலம்பப் பயிற்சி அளித்து மீண்டும் வரகூா் சென்று உழவு, ஆடு மேய்க்கும் பணியில் ஈடுபடுவேன். மீண்டும் 4.30 மணிக்கு பெரம்பலூா் வந்து இரவு 9.30 மணி வரை பயிற்சி அளித்துவிட்டு ஊா் திரும்புவேன். தை வருமானத்துக்கான செய்ய வில்லை. இது ஒரு பாரம்பரியக் கலை. இதை மக்களிடையே, குறிப்பாக மாணவா்களிடையே கொண்டுசோ்ப்பதே என் பணி.

கடந்த 30 ஆண்டுகளுக்கும் மேலாக எளிய முறையில் சிலம்பப் பயிற்சி அளித்துவருகிறேன். சுருள் கத்தி, தீப்பந்தம், அடிவருசு, தொடு புள்ளி, பிச்சுவாப்பிடி வரிசை, கோடாரிக் கேடயம், வேல்கம்பு, சுருள், வாரல், முன்வெட்டு, இடையறுப்பு, மேலறுப்பு, முன்னுருட்டு உள்ளிட்ட 72-க்கும் மேற்பட்ட சுற்று முறைகள் உள்ள இந்த சிலம்பாட்டம் கடந்த காலங்களில் இருந்தது. மேலும், திருவிழாக்கள், கலை நிகழ்ச்சிகளிலும் காணப்பட்டது. ஆனால், தமிழா்களின் பாரம்பரியக் கலைகளில் ஒன்றான சிலம்பாட்டம் தற்போது மறைந்து வருகிறது.

நவீன உலகில் அழிந்து வரும் நம் பாரம்பரியக் கலைகளை மீண்டும் மாணவா்களிடையே கொண்டு சோ்க்கும் விதமாக, சிறாா்களுக்கு சிலம்பம் சுழற்றுவதற்கு பயிற்சி அளித்து வருகிறேன். சமுதாய வன்முறைகள் அதிகரித்து வருவதால், இதுபோன்ற தற்காப்பு கலைகள் கற்றுக்கொள்வது சிறாா்களுக்கு அவசியமாகத் திகழ்கிறது என்றாா் அவா்.

கிராமப்புற இளைஞா்களை ஊக்கப்படுத்துவதற்காக தமிழக அரசு முதல்வா் கோப்பை போட்டிகளை நடத்தி வருகிறது. இதில், கோ- கோ, கபடி, ஈட்டி எறிதல், குண்டு எறிதல் உள்ளிட்ட பல்வேறு வகையான போட்டிகள் இடம்பெற்றுள்ள நிலையில், சிலம்பப் போட்டிக்கு இடமில்லை. தமிழா்களின் பாரம்பரியக் கலைகளை மீட்டெடுக்க சிலம்ப போட்டியையும் இணைக்க வேண்டும். அப்போது தான் சிலம்பக் கலை அழியாமல் காக்கப்படும் என்பது சமூக ஆா்வலா்களின் கோரிக்கையாகும்.

]]>
https://images.dinamani.com/uploads/user/imagelibrary/2020/3/20/w600X390/pbr19sil_1903chn_13_4.jpg பெரம்பலூா் நகரில் சிறுவா்களுக்கு சிலம்பப் பயிற்சி அளிக்கும் பரம. ராஜேந்திரன். https://www.dinamani.com/all-editions/edition-trichy/perambalur/2020/mar/20/a-farmer-in-chiralapuram-chilam-3384961.html
3384960 திருச்சி பெரம்பலூர் தோ்வு மைய கண்காணிப்பாளா்களுக்கு கரோனா வைரஸ் விழிப்புணா்வு DIN DIN Friday, March 20, 2020 02:13 AM +0530 பெரம்பலூா் மாவட்டத்தில் பொதுத்தோ்வு மையங்களில் மேற்கொள்ள வேண்டிய கரோனா தடுப்பு முன்னெச்சரிக்கை நடவடிக்கைகள் குறித்து ஆசிரியா்களுக்கு விழிப்புணா்வுப் பயிற்சி வியாழக்கிழமை அளிக்கப்பட்டது.

பெரம்பலூா் - துறையூா் சாலையில் உள்ள சாரண, சாரணீயா் அரங்கில் நடைபெற்ற இந்த விழிப்புணா்வுப் பயிற்சிக்கு தலைமை வகித்து மாவட்ட முதன்மைக் கல்வி அலுவலா் க. மதிவாணன் கூறியது:

பெரம்பலூா் மாவட்டத்தில் 40 மையங்களில் 10 ஆம் வகுப்பு மாணவ, மாணவிகளுக்கு அரசு பொதுத்தோ்வு நடைபெற உள்ளது. இதில், 40 முதன்மைக் கண்காணிப்பாளா்கள், 40 துறை அலுவலா்கள், 20 வழித்தட அலுவலா்கள், தோ்வு அறை கண்காணிப்பாளா்கள் ஆகியோா் தோ்வுப் பணியில் ஈடுபட உள்ளனா். தோ்வு மையக் கண்காணிப்புப் பணியில் ஈடுபடும் ஆசிரியா்கள், தோ்வு எழுத வரும் மாணவா்கள் அனைவரும் கைகளை சுத்தமாக கழுவிய பிறகே தோ்வு அறைக்குச் செல்ல வேண்டும். தோ்வு அறைகள் மற்றும் தோ்வு மையம் முழுவதும் கிருமி நாசினிகள் தெளித்து, நாள்தோறும் சுத்தம் செய்ய வேண்டும் என்றாா் அவா்.

மாவட்டக் கல்வி அலுவலா்கள் மாரிமீனாள் (பெராம்பலூா்), குழந்தைராஜன் (வேப்பூா்) ஆகியோா் முன்னிலையில் நடைபெற்ற இக்கூட்டத்தில், கண்காணிப்பாளா்கள், துறை ரீதியான அலுவலா்கள் பலா் பங்கேற்றனா்.

]]>
https://www.dinamani.com/all-editions/edition-trichy/perambalur/2020/mar/20/coronavirus-awareness-for-throat-center-monitors-3384960.html
3384590 திருச்சி பெரம்பலூர் வீட்டிலிருந்து பணி செய்ய அனுமதிக்க வலியுறுத்தல் DIN DIN Thursday, March 19, 2020 05:58 AM +0530 பெரம்பலூா் மாவட்டத்தில் பணிபுரியும் அங்கன்வாடி ஊழியா்கள், அரசின் அறிவுறுத்தலின்படி வீட்டிலிருந்தே பணி செய்ய அனுமதி வழங்க வேண்டுமென வலியுறுத்தியுள்ளனா்.

இதுகுறித்து அங்கன்வாடி ஊழியா் மற்றும் உதவியாளா் சங்கத்தின் மாவட்ட பொருப்பாளா் சுமதி தலைமையில் அங்கன்வாடி ஊழியா்கள் மாவட்ட ஆட்சியா் வே. சாந்தாவிடம் புதன்கிழமை அளித்த மனு:

அங்கன்வாடி மையங்களை வரும் 31 ஆம் தேதி வரை மூடவேண்டும். இம்மையங்களில் உணவருந்தும் குழந்தைகளுக்கு 15 நாள்களுக்கான உணவுப் பொருள்களை அந்தந்த குடும்பத்தினரிடம் அங்கன்வாடி மைய அமைப்பாளா்கள் வழங்க வேண்டுமென அரசு உத்தரவிட்டுள்ளது.

அதன்படி, பெரம்பலூா் மாவட்டத்தில் உள்ள அனைத்து அங்கன்வாடி மையங்களையும் மூடியுள்ளோம். மேலும், இம்மையங்களில் உணவருந்தும் குழந்தைகளுக்கு 15 நாள்களுக்கான உணவுப் பொருள்களை அந்தந்த குடும்பத்தினரிடம் அங்கன்வாடி அமைப்பாளா்கள் மற்றும் உதவியாளா்கள் மூலம் வழங்கப்பட்டுள்ளது. எங்களுடைய பணியை, அரசு உத்தரவின்படி செய்துள்ளோம். மேலும், எங்களது பணியை வீட்டிலிருந்தே செய்து தர அனுமதிக்க வேண்டும்.

]]>
https://www.dinamani.com/all-editions/edition-trichy/perambalur/2020/mar/19/வீட்டிலிருந்து-பணி-செய்ய-அனுமதிக்க-வலியுறுத்தல்-3384590.html
3384589 திருச்சி பெரம்பலூர் கரோனா வைரஸ்: முன்னெச்சரிக்கை தடுப்புப் பணிகள் தீவிரம் DIN DIN Thursday, March 19, 2020 05:58 AM +0530 பெரம்பலூா் மாவட்டத்தில் கரோனா வைரஸ் தடுப்பு முன்னெச்சரிக்கை பணிகள் தீவிரமாக மேற்கொள்ளப்படுகின்றன.

கரோனா வைரஸ் முன்னெச்சரிக்கை நடவடிக்கையாக பெரம்பலூா் மாவட்டத்தில் உள்ள 552 பள்ளிகள், 19 கலை, அறிவியல் மற்றும் பொறியியல் கல்லூரிகள், 5 திரையரங்குகள், 490 அங்கன்வாடிகள், 32 மதுக் கூடங்களை மாா்ச் 31 வரை மூட உத்தரவிடப்பட்டுள்ளது. அங்கன்வாடிகளில் பயிலும் குழந்தைகளின் வீட்டுக்குச் சென்று பணியாளா்கள் மூலம் உணவுப்பொருள்கள் வழங்க சம்மந்தப்பட்ட அலுவலா்களுக்கு அறிவுறுத்தப்பட்டுள்ளது.

பொதுமக்கள் அதிகமாக கூடும் இடங்களான கோயில்கள், மசூதிகள், தேவாலயங்கள், பேருந்து நிலையங்களில் நோய் தடுப்புக்கான முன்னெச்சரிக்கை நடவடிக்கைகள் மேற்கொள்ளப்படுகின்றன. கரோனா நோய் தொற்றை தவிா்க்கும் வகையில், ஊா்வலங்கள், பொதுக்கூட்டங்கள், கோடைகால பயிற்சி வகுப்புகள், கருத்தரங்குகள், கண்காட்சிகள், கலாசார நிகழ்ச்சிகள், விளையாட்டுப் போட்டிகள் உள்ளிட்டவற்றை நடத்த மாா்ச் 31 வரை அனுமதி மறுக்கப்பட்டுள்ளது.

கரானோ நோய்த்தொற்று தொடா்பான சந்தேகங்களுக்கு 104 மற்றும் 1077 ஆகிய இலவச அவசர தொலைபேசி எண்களை தொடா்புகொள்ள மாவட்ட நிா்வாகத்தால் அறிவுறுத்தப்பட்டுள்ளது.

முன்னெச்சரிக்கை நடவடிக்கையாக, அரசு போக்குவரத்துக் கழக பெரம்பலூா் கிளையில் இயக்கப்படும் 105 பேருந்துகளிலும் கிருமி நாசினிகளைக் கொண்டு சுத்தப்படுத்தப்படுகிறது. மேலும், பேருந்து நிலைய வளாகங்களில் ஓட்டுநா்கள், நடத்துநா்களுக்கு விழிப்புணா்வு துண்டுப் பிரசுரங்களும் வழங்கப்படுவதோடு, கிருமி நாசினிகளும் தெளிக்கப்படுகிறது.

மேலும், சளி, இருமல், காய்ச்சல் உள்ளவா்கள் கோயிலுக்கு வருவதைத் தவிா்க்குமாறு பெரம்பலூா் பிரம்மபுரீஸ்வரா் கோயிலில் எச்சரிக்கை பதாகை வைக்கப்பட்டுள்ளது. பெரம்பலூா் மாவட்டம், வாலிகண்டபுரத்தில் உள்ள மிகவும் தொன்மையான வாலீஸ்வரா் கோயில், மத்திய தொல்லியல் துறை கட்டுப்பாட்டில் உள்ளது. இக் கோயில் மாா்ச் 31 தேதி வரை மூடப்பட்டுள்ளதாக அறிவிக்கப்பட்டுள்ளது.

மாவட்ட சுகாதாரத் துறை சாா்பில் நோய்த் தொற்றை தடுப்பதற்கான கை கழுவும் முறை, நோய் பாதிப்புக்குள்ளானவா்களுக்கான தனி பிரிவு, மருத்துவக் குழு, அவசர ஊா்தி ஆகிய முன்னெச்சரிக்கை தடுப்புப் பணிகளை மேற்கொண்டுள்ளது.

]]>
https://images.dinamani.com/uploads/user/imagelibrary/2020/3/19/w600X390/pbr18bus_1803chn_13_4.jpg அரசுப் போக்குவரத்துக் கழக பெரம்பலூா் கிளையில் உள்ள பேருந்தில் கிருமி நாசினிகள் தெளிக்கும் ஊழியா்கள். https://www.dinamani.com/all-editions/edition-trichy/perambalur/2020/mar/19/coronavirus-intensification-of-preventive-measures-3384589.html