Dinamani - திருநெல்வேலி - https://www.dinamani.com/all-editions/edition-thirunelveli/thirunelveli/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3119566 திருநெல்வேலி திருநெல்வேலி அம்பை அரசரடி விநாயகர் கோயிலில் வருஷாபிஷேகம் DIN DIN Sunday, March 24, 2019 01:05 AM +0530
அம்பாசமுத்திரம் அரசரடி விநாயகர் கோயிலில் 8ஆவது ஆண்டு வருஷாபிஷேகம் வெள்ளிக்கிழமை நடைபெற்றது.
இவ்விழாவையொட்டி வியாழக்கிழமை தேவஅனுக்ஞை, விக்னேஸ்வர பூஜை, 1008 சங்கு பூஜை, 108 கலச பூஜை மற்றும் மகா கணபதி ஹோமம் நடைபெற்றது.
வெள்ளிக்கிழமை காலை கணபதி ஹோமம், பூர்ணா ஹுதி, தீபாராதனையைத் தொடர்ந்து, மூலவர் மற்றும் விமானத்துக்கு சிறப்பு அபிஷேகம், ஆராதனை, விநாயகருக்கு சிறப்பு அலங்காரம், அபிஷேகம், ஆராதனைகள் நடைபெற்றன.
நிகழ்ச்சியில், காசிநாத சுவாமி கோயில் ராஜகோபுர கமிட்டி தலைவர் வாசுதேவராஜா, திருப்பணி மன்றத் தலைவர் சந்திரசேகரன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/அம்பை-அரசரடி-விநாயகர்-கோயிலில்-வருஷாபிஷேகம்-3119566.html
3119565 திருநெல்வேலி திருநெல்வேலி முக்கூடல் உச்சினி மாகாளி அம்மன் கோயில்  பங்குனித் திருவிழா DIN DIN Sunday, March 24, 2019 01:05 AM +0530
முக்கூடல் உச்சினிமாகாளி அம்பாள், சந்தனமாரி அம்பாள் திருக்கோயில் பங்குனி உத்திரத் திருவிழா 3 தினங்கள் நடைபெற்றது.
கடந்த 14 ஆம் தேதி  கால் நாட்டு சிறப்பு பூஜையுடன் விழா தொடங்கியது.  செவ்வாய்க்கிழமை (மார்ச் 19) திருவிளக்குப் பூஜை நடைபெற்றது.  புதன்கிழமை அதிகாலை கணபதி ஹோமம் மற்றும் விமானம் வருஷாபிஷேகமும், மாலையில் தாமிரவருணி ஆற்றிலிருந்து தீர்த்தம் எடுத்து வருதல், அக்னி சட்டி ஏந்தி ஊர்வலம் ஆகியவை  நடைபெற்றது.  இரவில் அம்பாள் மாகாப்பு அலங்காரத்தில் காட்சியளிக்க, கும்பம் ஏற்றி சிறப்பு தீபாராதனை நடைபெற்றது.
வியாழக்கிழமை காலையில் தாமிரவருணி நதிக்கரையில் இருந்து பால்குடம் எடுத்து வருதலைத் தொடர்ந்து உச்சிகால பூஜை, தீச்சட்டி ஏந்தி கோயில் வலம் வருதல்  நடைபெற்றது. இரவு சாமக் கொடையைத் தொடர்ந்து பக்தர்களுக்கு படப்பு பிரசாதம் வழங்கப்பட்டது. வெள்ளிக்கிழமை காலை மாடன் சிறப்பு பூஜையுடன் விழா நிறைவு பெற்றது.  விழா ஏற்பாடுகளை அறங்காவலர் டி.எஸ்.ஏ சிவப்பிரகாசம் மற்றும் நிர்வாகக் குழுவினர் செய்திருந்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/முக்கூடல்-உச்சினி-மாகாளி-அம்மன்-கோயில்--பங்குனித்-திருவிழா-3119565.html
3119564 திருநெல்வேலி திருநெல்வேலி சங்கரன்கோவிலில் அதிமுக கூட்டணிக் கட்சிகள் ஆலோசனை  DIN DIN Sunday, March 24, 2019 01:04 AM +0530
சங்கரன்கோவிலில் சட்டப்பேரவைத் தொகுதி சார்பில் அதிமுக கூட்டணி கட்சிகள் ஆலோசனைக் கூட்டம் வெள்ளிக்கிழமை நடைபெற்றது.
தென்காசி மக்களவைத் தொகுதியில் அதிமுக கூட்டணி கட்சி சார்பில்  புதிய தமிழகம் நிறுவனர் டாக்டர் கிருஷ்ணசாமி போட்டியிடுகிறார். அவரை ஆதரித்து அதிமுக கூட்டணிக் கட்சிகளின் ஆலோசனைக் கூட்டம் மாவட்டச் செயலர் தச்சை கணேசராஜா தலைமையில் நடைபெற்றது.
கூட்டத்தில் அமைச்சர்கள் ராஜலட்சுமி, ராஜேந்திரபாலாஜி,புதிய தமிழகம் கட்சி நிறுவனர் டாக்டர் கிருஷ்ணசாமி, திருநெல்வேலி அதிமுக வேட்பாளர் மனோஜ்பாண்டியன் உள்ளிட்டோர் பங்கேற்றுப் பேசினர்.
கூட்டத்தில் பேசிய ஆதிதிராவிட நலத்துறை அமைச்சர் ராஜலட்சுமி,  தென்காசி மக்களவைத் தொகுதியில் புதிய தமிழகம் கட்சி வேட்பாளர் டாக்டர் கிருஷ்ணசாமி 2 லட்சம் வாக்குகள் வித்தியாசத்தில் வெற்றி பெறுவார்.  அதற்காக நாம் கடுமையாக உழைக்க வேண்டும் என்றார்.
இதையடுத்து பேசிய அமைச்சர் ராஜேந்திரபாலாஜி,  பிரிவினைவாதிகளிடமிருந்தும்,  தீவிரவாதிகளிடமிருந்தும் நாட்டைக் காப்பாற்ற இந்தியாவுக்கு வலிமையான தலைவர் வேண்டும்  என்றால்  மோடிதான் மீண்டும் பிரதமராக வரவேண்டும் என்றார்.
இதையடுத்து டாக்டர் கிருஷ்ணசாமி பேசியதாவது:
நான் 6ஆவது முறையாகப் போட்டியிடுகிறேன்.  அதிமுக நிர்வாகிகள், தொண்டர்களைப் பொருத்தவரை கூட்டணி தர்மத்தைக் கடைப்பிடிப்பவர்கள்.  கடுமையாக உழைக்கக் கூடியவர்கள். உண்மை என்றால் அது அதிமுக.  விசுவாசம் என்றால் அது அதிமுக.  தோழமை என்றால் அது அதிமுகதான் என்றார் அவர்.
கூட்டத்தில், இந்து முன்னணி தலைவர் அர்ஜீன்சம்பத், சட்டப்பேரவை உறுப்பினர்கள் மனோகரன், செல்வமோகன்தாஸ் பாண்டியன், முன்னாள் நகர்மன்றத் தலைவர் கே.கண்ணன், மாவட்ட எம்.ஜி.ஆர்.மன்ற துணைச் செயலர் ரவிச்சந்திரன், தேமுதிக மாவட்ட அவைத் தலைவர் முத்துக்குமார், பாஜக சார்பில் சுப்பிரமணியன், வெங்கடேஸ்வரப்பெருமாள்  உள்ளிட்ட கூட்டணிக் கட்சி நிர்வாகிகள் பலர் பங்கேற்றனர். 
முன்னதாக சங்கரன்கோவில்-கழுகுமலை சாலையில் அமைக்கப்பட்டுள்ள தேர்தல் அலுவலகத்தை கிருஷ்ணசாமி திறந்துவைத்தார்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/சங்கரன்கோவிலில்-அதிமுக-கூட்டணிக்-கட்சிகள்-ஆலோசனை-3119564.html
3119563 திருநெல்வேலி திருநெல்வேலி திசையன்விளையில் மதச்சார்பற்ற முற்போக்கு கூட்டணி செயல்வீரர்கள் கூட்டம் DIN DIN Sunday, March 24, 2019 01:04 AM +0530
திசையன்விளையில் மதச்சார்பற்ற  முற்போக்கு கூட்டணி செயல்வீரர்கள் கூட்டம் நடைபெற்றது.
திருநெல்வேலி  மக்களவைத் தொகுதியில் மதச்சார்பற்ற முற்போக்கு  கூட்டணி சார்பில்  ஞானதிரவியம் போட்டியிடுகிறார்.  இதையடுத்து, ராதாபுரம் சட்டப்பேரவைத் தொகுதி செயல்வீரர்கள் கூட்டம் திசையன்விளையில் நடைபெற்றது. 
திமுக மாவட்டச் செயலர் இரா.ஆவுடையப்பன் தலைமை வகித்தார். ராதாபுரம் ஒன்றியச் செயலர் வி.எஸ்.ஆர்.ஜெகதீஷ் வரவேற்றார். திமுக மாநில செயற்குழு உறுப்பினர் ஜோசப் பெல்சி தொகுத்து வழங்கினார்.
முன்னாள் மத்திய இணை அமைச்சர் தனுஷ்கோடி ஆதித்தன், முன்னாள் அமைச்சர் பூங்கோதை,  முன்னாள் எம்.எல்.ஏ. அப்பாவு,  முன்னாள் மாவட்ட ஊராட்சித்  தலைவர் கிரகாம்பெல், வழக்குரைஞர் தவசிராஜன்,   காங்கிரஸ்  கட்சி மாவட்டத் தலைவர் சிவக்குமார், திசையன்விளை முன்னாள் பேரூராட்சித் தலைவர் சேம்பர் செல்வராஜ்,  விடுதலைச்சிறுத்தைகள் புறநகர் மாவட்டச் செயலர் சுந்தர், மமக மாவட்டத் தலைவர் ரசூல் மைதீன்,  தமுமுக மாவட்டத் தலைவர் பிலால், இந்திய யூனியன் முஸ்லிம் லீக் மாவட்டத் தலைவர் மீரான்,  மதிமுக மாவட்டப் பொருளாளர் ரைமண்ட்,  மார்க்சிஸ்ட் கம்யூனிஸ்ட் மாவட்டச் செயலர் கே.ஜி.பாஸ்கரன்,  இந்திய கம்யூனிஸ்ட் வட்டச்  செயலர் சேதுராமலிங்கம்,  ராஜம் உள்ளிட்டோர் பேசினர். 
முன்னாள் லயன்ஸ் கவர்னர் சுயம்புராஜன்,  திமுக முன்னாள் ஒன்றிய இளைஞரணி அமைப்பாளர் அனிதாபிரின்ஸ், மாவட்ட தொண்டரணி துணை அமைப்பாளர் தனபால், அவைத் தலைவர் ரெங்கசாமி, காங்கிரஸ்  கே.பி.கே. ஜெயகுமார்  உள்பட கூட்டணிக் கட்சிகளை சேர்ந்த நிர்வாகிகள் பலர் கலந்துகொண்டனர். திசையன்விளை நகர திமுக செயலர் டிம்பர் செல்வராஜ் நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/திசையன்விளையில்-மதச்சார்பற்ற-முற்போக்கு-கூட்டணி-செயல்வீரர்கள்-கூட்டம்-3119563.html
3119562 திருநெல்வேலி திருநெல்வேலி மருதகுளம் நேஷனல் பொறியியல் கல்லூரியில் பட்டமளிப்பு DIN DIN Sunday, March 24, 2019 01:04 AM +0530
மருதகுளம் நேஷனல் பொறியியல் கல்லூரியில் 15ஆவது பட்டமளிப்பு விழா நடைபெற்றது. 
விழாவுக்கு,    கங்கைகொண்டான் தொழில் வளர்ச்சி மைய ஏடிசி டயர்ஸ் பிரைவேட் லிமிடெட் நிறுவனத்தின்  உபதலைவர் ராஜேந்திரன் தலைமை வகித்தார். சென்னை பி.எஸ்.அப்துல் ரஹ்மான் கிரஸாண்ட் பல்கலைக்கழகப்  பதிவாளர் ஆசாத் சிறப்பு விருந்தினராகப் பங்கேற்று 115 மாணவர், மாணவிகளுக்கு பட்டம் வழங்கிப் பேசினார்.   
விழாவில் துறைத் தலைவர்கள் முகம்மது அலி,  கெளதுல் ஆலம், ரவி கிருஷ்ணன், அனுலா பியூட்டி,  பர்வதவர்த்தினி, கிருஷ்ணா சங்கர் உள்ளிட்டோர் கலந்துகொண்டனர். ஏற்பாடுகளை நிர்வாக மேலாளர்  நல்லமுகைதீன், அலுவலக கண்காணிப்பாளர் தமீம் அன்சர் ஆகியோர் செய்திருந்தனர். முதல்வர் (பொறுப்பு) கண்ணன் வரவேற்றார்.  முகம்மது அலி நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/மருதகுளம்-நேஷனல்-பொறியியல்-கல்லூரியில்-பட்டமளிப்பு-3119562.html
3119561 திருநெல்வேலி திருநெல்வேலி தமிழக- கேரள எல்லையோர மாவட்ட அதிகாரிகள் ஆலோசனைக் கூட்டம் DIN DIN Sunday, March 24, 2019 01:03 AM +0530
திருநெல்வேலி மாவட்டம்,  குற்றாலத்தில் தமிழக மற்றும் கேரள மாநிலத்தைச் சேர்ந்த மாவட்ட ஆட்சியர்கள்,  காவல்துறை அதிகாரிகள் கலந்துகொண்ட ஆலோசனைக் கூட்டம் சனிக்கிழமை நடைபெற்றது.
இக் கூட்டத்தில் திருநெல்வேலி மாவட்ட ஆட்சியர் ஷில்பா பிரபாகர் சதீஷ், கேரள மாநிலம் பத்தினம்திட்டா மாவட்ட ஆட்சியர் பி.பி.நூகு,  மாவட்ட காவல் கண்காணிப்பாளர் ஜெய்தேவ், திருநெல்வேலி மாவட்ட காவல் கண்காணிப்பாளர் அருண்சக்திகுமார், மாவட்ட  வருவாய் அலுவலர் முத்துராமலிங்கம், கோட்டாட்சியர் சௌந்திரராஜ் ஆகியோர் கலந்துகொண்டனர்.
கூட்டத்துக்குப் பின் செய்தியாளர்களிடம் மாவட்ட ஆட்சியர் ஷில்பா பிரபாகர் சதீஷ்  கூறியதாவது: 
இரண்டு மாவட்டங்களுக்கு இடையில் பொதுவான பிரச்னைகள் குறித்து ஆலோசனை மேற்கொள்ளப்பட்டது. தமிழகத்தில் முதலிலும் அதைத் தொடர்ந்து கேரளத்திலும் தேர்தல் நடைபெறுகிறது. 
எனவே வாக்காளர்கள் முறைகேடாக வாக்குப் பதிவு செய்வதை தவிர்ப்பது உள்ளிட்ட பொருள்கள் குறித்து ஆலோசனை மேற்கொள்ளப்பட்டது என்றார் அவர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/தமிழக--கேரள-எல்லையோர-மாவட்ட-அதிகாரிகள்-ஆலோசனைக்-கூட்டம்-3119561.html
3119560 திருநெல்வேலி திருநெல்வேலி தென்காசி மக்களவைத் தொகுதி பிரதானப் பிரச்னைகளுக்கு முன்னுரிமைப்படி தீர்வு: திமுக வேட்பாளர் உறுதி DIN DIN Sunday, March 24, 2019 01:03 AM +0530
தென்காசி மக்களவைத் தொகுதிக்குள்பட்ட வாசுதேவநல்லூர் பேரவைத் தொகுதி திமுக தலைமையிலான மதச் சார்பற்ற முற்போக்குக் கூட்டணி சார்பில் செயல்வீரர்கள் கூட்டம் சிவகிரியில் சனிக்கிழமை நடைபெற்றது.
திமுக மேற்கு மாவட்டச் செயலர் பொ. சிவபத்மநாதன் தலைமை வகித்தார். நிகழ்ச்சிகளை ஒன்றியச் செயலர் பொன். முத்தையாபாண்டியன் தொகுத்து வழங்கினார்.கூட்டத்தில் திமுக வேட்பாளர் தனுஷ் எம். குமார் பேசும்போது, ஸ்ரீவில்லிபுத்தூர் முதல் தென்காசி வரையுள்ள பிரச்னைகளை அறிவேன். நான் வெற்றிபெற்றால், அப்பிரச்னைகள் குறித்து உங்களுடன் கலந்தாலோசித்த பிறகே முன்னுரிமை அடிப்படையில் தீர்வு காண்பேன். திருமங்கலம்- செங்கோட்டை நான்குவழிச் சாலைத் திட்டத்தைப் பொருத்தவரை, விவசாயிகளிடம் கருத்துக் கேட்கப்பட்டு, அதன் அடிப்படையில் இப்பிரச்னைக்குத் தீர்வு காணப்படும் என்றார்.
கூட்டத்தில், திமுக முன்னாள் எம்.பி. எஸ். தங்கவேலு, மாநில தீர்மானக் குழு உறுப்பினர் ப.ஆ. சரவணன், தலைமை செயற்குழு உறுப்பினர் யு.எஸ்.டி. சீனிவாசன், தொழிலதிபர் எஸ். அய்யாத்துரைபாண்டியன், மாவட்டத் துணைச் செயலர்கள் கோ. மாடசாமி, ரஜப் பாத்திமா, மாவட்டப் பொருளாளர் சேக்தாவூது, மாவட்ட அவைத் தலைவர் எஸ்.கே. முத்துப்பாண்டியன், மாநில விவசாய அணி துணை அமைப்பாளர் அப்துல்காதர், மாவட்ட நிர்வாகிகள் வழக்குரைஞர் எம்.பி.கே. மருதப்பன், வே. மனோகரன், நகரச் செயலர்கள் டாக்டர் எஸ்.எஸ். செண்பகவிநாயகம், செல்வகுமார், கேடிசி குருசாமி, ஆ. சரவணன், மாநிலப் பொதுக்குழு உறுப்பினர் அன்புமணிகணேசன், சிறுபான்மை அணி மாநிலத் துணைத் தலைவர் ரசாக், கட்சி நிர்வாகிகள் எஸ். பழனிநாடார், என். திருஞானம், எஸ்.எஸ். பண்டாரம், சங்கை கணேசன் (காங்கிரஸ்), முன்னாள் எம்எல்ஏ டாக்டர் சதன் திருமலைக்குமார், தி.மு. ராஜேந்திரன், கிருஷ்ணகுமார் (மதிமுக), எம். தங்கவேலு (இந்திய கம்யூனிஸ்ட்), டி. கணபதி (மார்க்சிஸ்ட்), செய்யது சுலைமான் (இந்திய யூனியன் முஸ்லிம் லீக்), முகமது நயினார், எம்.எஸ். அப்துர்ரஹ்மான்(மமக), ராஜ்குமார்(விடுதலைச் சிறுத்தைகள்), சந்திரசேகர் (தமிழ்ப்புலிகள்), கலிவரதன் (ஆதித்தமிழர் பேரவை) உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/தென்காசி-மக்களவைத்-தொகுதி-பிரதானப்-பிரச்னைகளுக்கு-முன்னுரிமைப்படி-தீர்வு-திமுக-வேட்பாளர்-உறுதி-3119560.html
3119559 திருநெல்வேலி திருநெல்வேலி கல்லிடைக்குறிச்சியில் அதிமுக செயல்வீரர்கள் ஆலோசனைக் கூட்டம் DIN DIN Sunday, March 24, 2019 01:02 AM +0530
திருநெல்வேலி மக்களவைத் தொகுதிக்கு உள்பட்ட அம்பாசமுத்திரம் பேரவைத் தொகுதி அதிமுக செயல்வீரர்கள் ஆலோசனைக் கூட்டம் கல்லிடைக்குறிச்சியில் சனிக்கிழமை நடைபெற்றது.
அம்பாசமுத்திரம் பேரவை உறுப்பினர் ஆர். முருகையாபாண்டியன் தலைமை வகித்தார். அதிமுக வேட்பாளர் மனோஜ் பாண்டியன் பேசும்போது, 2011இல் எம்எல்ஏவாக இருந்தபோது கொடுத்த வாக்குறுதிகளை நிறைவேற்றியுள்ளேன். எம்.பி.யாக இருந்தபோது குடிநீர்த் தொட்டிகள், சமுதாய நலக்கூடங்கள், சாலைகள், பயணிகள் நிழற்குடை உள்ளிட்டவற்றை அமைத்துக் கொடுத்துள்ளேன். இத்தேர்தலில் வெற்றி பெற்றால் திருநெல்வேலி மக்களவைத் தொகுதியை சிறப்புத் தொகுதியாக மாற்றுவேன் என்றார்.
நிகழ்ச்சியில்,  பேரவை முன்னாள் தலைவர் பி.எச்.பாண்டியன், மாநிலங்களவை உறுப்பினர்கள் முத்துக்கருப்பன், விஜிலா சத்யானந்த், மாவட்டச் செயலர் கே.ஆர்.பி. பிரபாகரன் எம்.பி., அமைப்புச் செயலர் சுதா கே. பரமசிவன், சக்திவேல் முருகன், பாஜக தொகுதிப் பொறுப்பாளர் ராமராஜ் பாண்டியன், நாடார் கூட்டமைப்பு அச்சுதன் நாடார், தமாகா மாவட்டச் செயலர் ஜோதி, புதிய தமிழகம் கணேசன் உள்ளிட்டோர் பேசினர்.
மேலும், எம்.ஜி.ஆர். மன்றச் செயலர் பெரியபெருமாள், ஆவின் சங்கத் தலைவர் சின்னதுரை, மாவட்ட துணைச் செயலர்கள் செவல் முத்துசாமி, பார்வதி பாக்கியம், இளைஞர் பாசறை மாவட்ட இணைச் செயலர் வெங்கடராமன், நகரச் செயலர்கள் அறிவழகன், சங்கரநாராயணன், பாஜக மாவட்டச் செயலர் தயாசங்கர், பாஜக, தேமுதிக, புதிய தமிழகம் உள்ளிட்ட கூட்டணிக் கட்சி நிர்வாகிகள் பங்கேற்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/24/கல்லிடைக்குறிச்சியில்-அதிமுக-செயல்வீரர்கள்-ஆலோசனைக்-கூட்டம்-3119559.html
3119558 திருநெல்வேலி திருநெல்வேலி குற்றாலத்தில் வாக்கு எண்ணிக்கை நடைபெறும் கல்லூரியில் ஆட்சியர் ஆய்வு DIN DIN Sunday, March 24, 2019 01:02 AM +0530
தென்காசி மக்களவைத் தொகுதி வாக்குகள் எண்ணிக்கை நடைபெறும் குற்றாலம் ஸ்ரீபராசக்தி மகளிர் கல்லூரியில் சனிக்கிழமை மாவட்ட ஆட்சியர் ஆய்வு மேற்கொண்டார்.
தென்காசியில் வாக்குப் பதிவு நடைபெறும் பொன்னம்மாள் நடுநிலைப்பள்ளி மற்றும் வாக்கு எண்ணிக்கை நடைபெறும் குற்றாலம் ஸ்ரீபராசக்தி மகளிர் கல்லூரியில் ஆய்வு மேற்கொண்ட பின் செய்தியாளர்களிடம் ஆட்சியர் ஷில்பா பிரபாகர் சதீஷ் கூறியதாவது: தென்காசி மக்களவைத் தொகுதிக்குள்பட்ட பிரச்னைக்குரிய வாக்குச் சாவடிகள், பதற்றமான வாக்குச் சாவடிகளை பார்வையிட்டேன். பதற்றமான வாக்குச் சாவடிகளாக கண்டறியப்பட்டுள்ள வாக்குச் சாவடிகளில் மைக்ரோ அப்சர்வர்கள்  தேர்தல் பணியில் ஈடுபடுவர்.
மேலும் கண்காணிப்பு கேமராக்கள் பொருத்தப்பட்டு கண்காணிக்கப்படும். கூடுதல் துணை ராணுவப் படையினர் பதற்றமான வாக்குச் சாவடிகளில் பணியில் இருப்பார்கள். 
தென்காசி மக்களவைத் தொகுதிக்குள்பட்ட  பகுதிகளில் வாக்குப்பதிவு முடிந்தவுடன் வாக்குப் பதிவு இயந்திரங்கள் அனைத்தும் உரிய பாதுகாப்புடன் குற்றாலம் ஸ்ரீபராசக்தி மகளிர் கல்லூரியில் வைக்கப்பட்டு வாக்கு எண்ணிக்கை நடைபெறும் என்றார்.
மாவட்ட காவல் கண்காணிப்பாளர் அருண்சக்திகுமார் கூறியதாவது:  நக்சல்கள் குறித்த தகவல்களை கேரள மாநில காவல்துறையினர் சேகரித்து வருகின்றனர். அவர்களது நடமாட்டத்தை  கண்காணிக்க மாதம் ஒருமுறை வனப்பகுதிகளில் தேடுதல் வேட்டைகளை நடத்தி வருகின்றனர். இதுகுறித்து தீவிரமான கண்காணிப்பு நடைபெற்று வருகிறது. 
மேலும் கொல்லம் மாவட்ட காவல்துறை தனியாக விவரங்களை சேகரித்து  வருகின்றது. என்.எஸ்.டி. என்ற பிரிவு தனியாக கண்காணித்து இரு மாநில  எல்லையோர மாவட்ட காவல் துறையினரிடம் தொடர்பில் உள்ளனர் என்றார்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/குற்றாலத்தில்-வாக்கு-எண்ணிக்கை-நடைபெறும்-கல்லூரியில்-ஆட்சியர்-ஆய்வு-3119558.html
3119557 திருநெல்வேலி திருநெல்வேலி நெல்லையில் அமமுக செயல்வீரர்கள் கூட்டம் DIN DIN Sunday, March 24, 2019 01:02 AM +0530
அமமுக சார்பில் திருநெல்வேலி, பாளையங்கோட்டை, ஆலங்குளம் பேரவைத் தொகுதிகளுக்கு உள்பட்ட செயல்வீரர்கள் கூட்டம் கொக்கிரகுளத்தில் சனிக்கிழமை நடைபெற்றது.
அமமுக அமைப்புச் செயலர் ஆர்.பி. ஆதித்தன் தலைமை வகித்தார். கட்சியின் திருநெல்வேலி மக்களவைத் தொகுதி வேட்பாளர் ஆர். ஞானஅருள்மணி பேசியது: மத்திய-மாநில அரசுகளால் மக்கள்  அவதிக்கு உள்ளாகி வருகின்றனர். இம்மாவட்ட மக்களுக்கான திட்டங்கள், தேவைகள் குறித்து நன்கு அறிவேன். நான் வெற்றி பெற்றால் மக்களின் எண்ணங்களை பூர்த்தி செய்ய பாடுபடுவேன் என்றார்.
மாநில அமைப்புச் செயலர் மாணிக்கராஜா, மாவட்டச் செயலர்கள் கல்லூர் இ. வேலாயுதம்,  எஸ்.எஸ்.என். சொக்கலிங்கம், அவைத் தலைவர் பூ. ஜெகநாதன் என்ற கணேசன், நிர்வாகிகள் தவ்லத், எம்.சி. ராஜன், வி.கே.பி. சங்கர், எஸ்டிபிஐ கட்சி நிர்வாகி ஷாகுல் ஹமீது உஸ்மானி,  இந்திய தேசிய லீக் நிர்வாகி ஷேக் பாஷா, தமஜக நிர்வாகி அப்துல் ஜப்பார் உள்ளிட்ட பலர் பங்கேற்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/நெல்லையில்-அமமுக-செயல்வீரர்கள்-கூட்டம்-3119557.html
3119556 திருநெல்வேலி திருநெல்வேலி மேலகரத்தில் அதிமுக கூட்டணி கட்சிகளின் செயல்வீரர்கள் கூட்டம் DIN DIN Sunday, March 24, 2019 01:02 AM +0530
தென்காசி அருகேயுள்ள மேலகரத்தில் தேசிய ஜனநாயகக் கூட்டணிக் கட்சிகளின் செயல்வீரர்கள் கூட்டம் சனிக்கிழமை நடைபெற்றது.
அதிமுக தலைமையிலான இக்கூட்டணியில் புதிய தமிழகம் கட்சி சார்பில் அதன் நிறுவனர் தலைவர் டாக்டர் கிருஷ்ணசாமி போட்டியிடுகிறார். தேர்தல் பணி குறித்த ஆலோசனை கூட்டத்துக்கு தென்காசி பேரவைத் தொகுதி உறுப்பினர் செல்வமோகன்தாஸ்பாண்டியன் தலைமை வகித்துப் பேசும்போது,  டாக்டர் கிருஷ்ணசாமியை வெற்றிபெறச் செய்ய அனைத்துக் கட்சியினரும் ஒன்றுபட்டு பணியாற்ற வேண்டும் எனக் கேட்டுக்கொண்டார்.
அதிமுக ஒன்றியச் செயலர் சங்கரபாண்டியன், புதிய தமிழகம் கட்சியின் ஒன்றியச் செயலர் சந்திரன், பாஜக சார்பில் ஈஸ்வரன், ராஜ்குமார், தேமுதிக சார்பில் வேலாயுதபாண்டியன் ஆகியோர் முன்னிலை வகித்தனர். புதிய தமிழகம் மாநில பொறுப்பாளர் சுப்பிரமணியன் உள்ளிட்டோர் பேசினர். 
நிகழ்ச்சிகளை அண்ணா தொழிற்சங்க மாவட்ட இணைச் செயலர் முகிலன் தொகுத்து வழங்கினார். பேரூர் கழகச் செயலர் கார்த்திக்குமார் வரவேற்றார். அவைத் தலைவர் முருகசாமி நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/24/மேலகரத்தில்-அதிமுக-கூட்டணி-கட்சிகளின்-செயல்வீரர்கள்-கூட்டம்-3119556.html
3119555 திருநெல்வேலி திருநெல்வேலி அறிவுசார் திறனை மாணவர்கள் பெருக்கிக் கொள்ள வேண்டும் DIN DIN Sunday, March 24, 2019 01:02 AM +0530 கல்வி வணிகமயமாகி வரும் சூழலில், மாணவர்கள் தங்களின் அறிவுசார் திறனை பெருக்கிக் கொள்வதில் கவனம் செலுத்த வேண்டும் என வருமான வரித்துறையின் மதுரை கூடுதல் ஆணையர் டி.ஆல்பர்ட் மனோகர் வலியுறுத்தினார்.
திருநெல்வேலி அரசு பொறியியல் கல்லூரியில் பட்டமளிப்பு விழா சனிக்கிழமை நடைபெற்றது. கல்லூரி முதல்வர் எம்.ஐசக் சாலமோன் ஜெபமணி தலைமை வகித்தார். இளநிலை பொறியியல் பட்டங்கள் 407 மாணவர்-மாணவிகளுக்கும், முதுநிலை பொறியியல் பட்டங்கள் 43 மாணவர்-மாணவிகளுக்கும் வழங்கப்பட்டன. வருமான வரித்துறையின் மதுரை கூடுதல் ஆணையர் டி.ஆல்பர்ட் மனோகர் பட்டங்களை வழங்கினார். அவர் பேசியது:
தமிழகத்தில் தனியார் பொறியியல் கல்லூரிகளின் எண்ணிக்கை அதிகரித்தபோதிலும் கல்வித்தரத்தை மேம்படுத்திய காரணத்தால் அரசு பொறியியல் கல்லூரிகள் மீதான நம்பிக்கை தொடர்ந்து வருகிறது. கல்வி வணிகமயமாகி வரும் சூழலில், மாணவர்கள் தங்களின் அறிவுசார் திறனை பெருக்கிக் கொள்வதில் கவனம் செலுத்த வேண்டும். திருநெல்வேலியில் பாய்ந்தோடும் தாமிரவருணி நதி முறையாக பாதுகாக்கப்படாத நிலை உள்ளது. தாமிரவருணியை போற்றிப் பேண வேண்டியது ஒவ்வொருவரின் கடமையாகும்.
இயற்கையை மறந்து செயற்கையான உரங்கள், உணவுகளை நாடுவதால் இப்போது புற்றுநோய் உள்ளிட்ட பல்வேறு நோய்களுக்கு மக்கள் ஆளாகும் நிலை உள்ளது. இதுதவிர சுற்றுச்சூழலுக்கும் பெரும் கேடு உருவாகி வருகிறது. இயற்கை விவசாயத்தையும், இயற்கையோடு இணைந்த வாழ்க்கையையும் இளைய தலைமுறையினர் விரும்ப வேண்டும். அப்போது மாற்றத்தை உருவாக்க முடியும். ஆற்றலும், அறிவும் ஒன்றுபட்டால் நமக்கு வெற்றியும், பெருமையும் தானாகத் தேடி வரும். இதனை மாணவர்கள் உணர்ந்து கடுமையாக உழைக்க வேண்டும் என்றார் அவர்.
விழாவில் பேராசிரியைகள், மாணவர்கள், பெற்றோர்கள் உள்பட 1000-க்கும் மேற்பட்டோர் கலந்துகொண்டனர்.கல்லூரி துணை முதல்வர் சித்தார்த் வரவேற்றார். பேராசிரியை ஞானசுந்தரி நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/அறிவுசார்-திறனை-மாணவர்கள்-பெருக்கிக்-கொள்ள-வேண்டும்-3119555.html
3119553 திருநெல்வேலி திருநெல்வேலி முன்னீர்பள்ளத்தில் போலீஸார் அணிவகுப்பு ஒத்திகை DIN DIN Sunday, March 24, 2019 01:01 AM +0530  

மக்களவைத் தேர்தலையொட்டி முன்னீர்பள்ளத்தில் போலீஸார் அணிவகுப்பு ஒத்திகை சனிக்கிழமை நடைபெற்றது.
திருநெல்வேலி மாவட்டத்தில் மொத்தம் 2,979 வாக்குச்சாவடிகளில் வாக்குப்பதிவு நடைபெற உள்ளது. இதில் பதற்றமான, மிகவும் பதற்றமான வாக்குச்சாவடிகளைத் தேர்ந்தெடுத்து அங்கு ரோந்து பணிகள் தீவிரப்படுத்தப்பட்டுள்ளன. சோதனைச்சாவடிகளில் கண்காணிப்பு அதிகரிக்கப்பட்டுள்ளது. 
காவல் துறையின் பாதுகாப்பை விளக்கும் வகையிலும், பொதுமக்கள் அச்சமின்றி வாக்களிக்க முன்வரச் சொல்லும் விழிப்புணர்வை ஏற்படுத்தும் வகையிலும் போலீஸார் துப்பாக்கி ஏந்தி அணிவகுப்பு நடத்தி வருகின்றனர். அதன்படி ஏற்கெனவே திருநெல்வேலிக்கு வந்துள்ள இந்தோ-திபெத் எல்லை பாதுகாப்புப் படை வீரர்கள் திருநெல்வேலி நகரத்தில் அணிவகுப்பு ஒத்திகை நடத்தினர். 
இந்நிலையில் திருநெல்வேலி மாவட்ட காவல் துறை சார்பில் முன்னீர்பள்ளம் காவல் நிலையத்துக்கு உள்பட்ட  கீழமுன்னீர்பள்ளம், மேலமுன்னீர்பள்ளம், கோபாலசமுத்திரம், தருவை பகுதிகளில் அணிவகுப்பு ஒத்திகை சனிக்கிழமை நடைபெற்றது. சேரன்மகாதேவி உதவி காவல் கண்காணிப்பாளர் ஆஷிஷ்ராவத் தலைமை வகித்தார். முன்னீர்பள்ளம் காவல் ஆய்வாளர் மாரியப்பன் தலைமையில் 150-க்கும் மேற்பட்ட காவலர்கள் துப்பாக்கியுடன் அணிவகுப்பில் பங்கேற்றனர்.
அம்பை, வீராணம், கல்லிடைக்குறிச்சியில்...

மக்களவைத் தேர்தலுக்கு பாதுகாப்பை உறுதிப்படுத்தும் வகையில்  அம்பாசமுத்திரம், வீராணம், கல்லிடைக்குறிச்சியில் போலீஸார் அணிவகுப்பு சனிக்கிழமை நடைபெற்றது.
மன்னார்கோவில் ராஜகோபாலசுவாமி கோயில் அருகிலிருந்து தொடங்கிய அணிவகுப்பை அம்பாசமுத்திரம் காவல் துணைக் கண்காணிப்பாளர் ஜாஹிர் ஹூசைன் தலைமை வகித்துத் தொடக்கிவைத்தார். அணிவகுப்பில் காவல் ஆய்வாளர் மன்னவன், ஆதிலட்சுமி, அம்பாசமுத்திரம், விக்கிரமசிங்கபுரம், கடையம், கல்லிடைக்குறிச்சி பகுதி போலீஸார், சிறப்புக் காவல் படை வீரர்கள் பங்கேற்றனர். தொடர்ந்து அணிவகுப்பு, பிரம்மதேசம், கெளதமபுரி, சாட்டுப்பத்து, ஊர்க்காடு சென்று அம்பாசமுத்திரம் பிரதான சாலை வழியாக அரசு மகளிர் மேல்நிலைப் பள்ளி அருகே நிறைவடைந்தது. 
கல்லிடைக்குறிச்சியில் நடைபெற்ற அணிவகுப்புக்கு காவல் ஆய்வாளர் செல்வம் தலைமை வகித்து அணிவகுப்பைத் தொடக்கிவைத்தார். அணிவகுப்பில் காவல் உதவி ஆய்வாளர்கள் பாண்டியன், சிவதாணு, ராமலிங்கம், காவலர்கள், சிறப்புக் காவல் படை வீரர்கள் பங்கேற்றனர். அணிவகுப்பு கல்லிடைக்குறிச்சி காந்தாரி அம்மன் கோயிலிலிருந்து தொடங்கி முக்கிய வீதிகள் வழியாக காவல் நிலையத்தில் நிறைவடைந்தது.
சுரண்டை: வீரகேரளம்புதூர் அருகேயுள்ள வீராணத்தில் பதற்றமான வாக்குச்சாவடியில் வாக்காளர்கள் அச்சமின்றி வாக்களிக்கும் வகையில், சுரண்டை காவல்  ஆய்வாளர் மாரீஸ்வரி தலைமையில்  போலீஸார் விழிப்புணர்வு அணிவகுப்பு நடத்தினர்.
 

]]>
https://www.dinamani.com/all-editions/edition-thirunelveli/thirunelveli/2019/mar/24/முன்னீர்பள்ளத்தில்-போலீஸார்-அணிவகுப்பு-ஒத்திகை-3119553.html
3119136 திருநெல்வேலி திருநெல்வேலி பாளை.யில் மார்ச் 29 இல் அஞ்சல் குறைதீர் கூட்டம் DIN DIN Saturday, March 23, 2019 03:02 AM +0530 அஞ்சல் துறை குறைதீர் கூட்டம் பாளையங்கோட்டையில் வரும் 29 ஆம் தேதி நடைபெறவுள்ளது.
இதுகுறித்து திருநெல்வேலி அஞ்சல் கோட்ட முதுநிலை கண்காணிப்பாளர் இரா. சாந்தகுமார் வெளியிட்டுள்ள செய்திக் குறிப்பு:
பாளையங்கோட்டை தலைமை அஞ்சலகத்தின் முதல் தளத்தில் திருநெல்வேலி கோட்டத்திற்கான அஞ்சல் குறைதீர் கூட்டம் மார்ச் 29 ஆம் தேதி பிற்பகல் 3 மணிக்கு நடைபெற உள்ளது. திருநெல்வேலி, பாளையங்கோட்டை, அம்பாசமுத்திரம் சுற்றுவட்டாரப் பகுதிகளைச் சேர்ந்த வாடிக்கையாளர்கள் இதில் பங்கேற்று அஞ்சல் பணிகள் குறித்த குறைகள், அஞ்சல் சேவையை மேம்படுத்தும் ஆலோசனைகள் ஏதும் இருப்பின், உரிய விவரங்களுடன் தெரிவிக்கலாம். நேரில் வர இயலாதவர்கள் d‌o‌t‌i‌r‌u‌n‌e‌l‌v‌e‌l‌i.‌t‌n@‌i‌n‌d‌i​a‌p‌o‌s‌t.‌g‌o‌v.‌i‌n என்ற மின்னஞ்சல் முகவரிக்கு வரும் 27 ஆம் தேதிக்குள் கிடைக்கும்படி அனுப்பலாம்.

]]>
https://www.dinamani.com/all-editions/edition-thirunelveli/thirunelveli/2019/mar/23/பாளையில்-மார்ச்-29-இல்-அஞ்சல்-குறைதீர்-கூட்டம்-3119136.html
3119135 திருநெல்வேலி திருநெல்வேலி உலக கவிதை தின போட்டிகள் DIN DIN Saturday, March 23, 2019 03:02 AM +0530 உலக கவிதை நாளையொட்டி நடைபெற்ற போட்டிகளில் வென்றவர்களுக்கு பரிசுகள் வழங்கப்பட்டன.
நெல்லை மாவட்ட கவிஞர் பேரவை சார்பில் உலக கவிதை தின விழா பாளையங்கோட்டையில் அண்மையில் நடைபெற்றது. விழாவுக்கு பேரவை புரவலர் அ. மரியசூசை தலைமை வகித்தார். பேரவைச் செயலர் கவிஞர் கோ.கணபதி சுப்பிரமணியன் வரவேற்றார். கவிதை தினத்தின் சிறப்புகள் என்ற தலைப்பில் தமிழாசிரியர் அசன் சொற்பொழிவாற்றினார்.  கவிதை தினத்தையொட்டி நடத்தப்பட்ட கவிதை, கட்டுரை, பேச்சுப் போட்டிகளில் வென்றவர்களுக்கு காவல் துணைக் கண்காணிப்பாளர் கிருஷ்ணசாமி பரிசுகளை வழங்கிப் பேசினார். பேராசிரியை உஷாதேவி, சிற்பி பாமா, திருக்குறள் முருகன், நூலகர் முத்துகிருஷ்ணன், சுப்பையா, ஜெயக்குமார் உள்பட பலர் கலந்துகொண்டனர். பேரவை துணைச் செயலர் சு.முத்துசாமி நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/உலக-கவிதை-தின-போட்டிகள்-3119135.html
3119134 திருநெல்வேலி திருநெல்வேலி நிலா இலக்கிய வட்ட நிகழ்ச்சி DIN DIN Saturday, March 23, 2019 03:01 AM +0530 பாளையங்கோட்டை பெருமாள்புரத்தில் நிலா இலக்கிய வட்டத்தின் 82ஆவது நிலா முற்றக் கூட்டம் அண்மையில் நடைபெற்றது.
இக்கூட்டத்துக்கு  நிலா இலக்கிய வட்டத் தலைவர் பா.வளன் அரசு தலைமை வகித்தார். முருகேசன் இறைவாழ்த்துப் பாடினார்.  பொறுப்பாளர் ந.ராசகோபால் வரவேற்றார். ""கங்கை மைந்தன்'' என்ற தலைப்பில் மு.அ.நசீர் சிறப்புரையாற்றினார்.  கூட்டத்தில், சிவ.சத்தியமூர்த்தி, கு.க.நமச்சிவாயம், ராமர், பாஷ்யம், சித்திரபுத்திரன், சாரங்கபாணி, மாடசாமி உள்ளிட்ட பலர் பங்கேற்றனர்.  முருகன் நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/23/நிலா-இலக்கிய-வட்ட-நிகழ்ச்சி-3119134.html
3119133 திருநெல்வேலி திருநெல்வேலி ராஜகோபாலசுவாமி கோயில் பங்குனி பிரமோற்சவ தேரோட்டம் DIN DIN Saturday, March 23, 2019 03:01 AM +0530 பாளையங்கோட்டையில் உள்ள அருள்மிகு  ராஜகோபாலசுவாமி கோயிலில் பங்குனி பிரமோற்சவ விழாவையொட்டி தேரோட்டம் வெள்ளிக்கிழமை நடைபெற்றது.
இக்கோயிலில் நிகழாண்டுக்கான பிரமோற்சவ விழா கடந்த 13 ஆம் தேதி கொடியேற்றத்துடன் தொடங்கியது. தொடர்ந்து, திருவிழா நாள்களில் காலையில் சிறப்பு திருமஞ்சனமும், இரவில் வாகனத்தில் சுவாமி வீதியுலாவும் நடைபெற்றது. ஆதிசேஷ வாகனம், கருட வாகனம், இந்திர விமானம், யானை வாகனங்களில் சுவாமி எழுந்தருளினார்.
விழாவின் முக்கிய நிகழ்வாக வெள்ளிக்கிழமை காலை தேரோட்டம் நடைபெற்றது. முன்னதாக மலர் அலங்காரத்துடன் தேருக்கு எழுந்தருளிய பெருமாளை, கோவிந்தா... கோவிந்தா... முழக்கத்துடன் பக்தர்கள் வழிபட்டனர். ரதவீதிகளில் வலம்வந்த தேர், கோயில் முன் நிலையை அடைந்தது. பாளையங்கோட்டை சுற்றுவட்டாரப் பகுதிகளைச் சேர்ந்த 500-க்கும் மேற்பட்டோர் தேரோட்டத்தில் பங்கேற்றனர்.
இரவு, தவழ்ந்த கிருஷ்ணன் திருக்கோலத்தில் பல்லக்கில் சுவாமி வீதியுலா வந்தார். சனிக்கிழமை (மார்ச் 23) காலை தாமிரவருணியில் தீர்த்தவாரியும், இரவு 8.30 மணிக்கு சப்தாவர்ண திருவீதியுலாவும் நடைபெறுகிறது.

]]>
https://www.dinamani.com/all-editions/edition-thirunelveli/thirunelveli/2019/mar/23/ராஜகோபாலசுவாமி-கோயில்-பங்குனி-பிரமோற்சவ-தேரோட்டம்-3119133.html
3119132 திருநெல்வேலி திருநெல்வேலி வண்ணார்பேட்டை இஸ்கான் கோயிலில் கௌர பூர்ணிமா விழா DIN DIN Saturday, March 23, 2019 03:01 AM +0530 திருநெல்வேலி வண்ணார்பேட்டை இஸ்கான் கோயிலில் கௌர பூர்ணிமா விழா வெள்ளிக்கிழமை நடைபெற்றது.
இக்கோயிலில்  மகா அபிஷேகம் மற்றும்  ஹரிநாம சங்கீர்த்தனத்துடன்  ஸ்ரீசைதன்ய  மஹாபிரபு அவதார திருவிழா நடைபெற்றது. 
விழாவில்  "கல்பவிருட்சக' அலங்காரத்தில்  ஸ்ரீகிருஷ்ண பலராமர் பக்தர்களுக்கு அருள்பாலித்தனர். தொடர்ந்து  ஸ்ரீசைதன்ய மஹாபிரபுவின் திருவிக்ரஹங்களுக்கு பஞ்சகவ்யம், பஞ்சாமிர்தம் உள்ளிட்ட மகா அபிஷேகங்கள் நடைபெற்றன.  கும்ப ஆரத்தியும், 81 தீப விசேஷ ஆரத்தியும் நடைபெற்றது.  பின்னர் ஸ்ரீசைதன்ய மஹாபிரபு பற்றிய  சிறப்புரை நடைபெற்றது.
ஸ்ரீகிருஷ்ணர், பக்தராக அவதரித்த  இந்த அவதாரத்தில்  "ஸ்ரீசைதன்யர்" எனும் திருநாமத்தில் அவதரித்தார். 
முன்னதாக,  ஹரே கிருஷ்ண மஹாமந்திர ஜப தியானம், ஸ்ரீசைதன்யரின் ஷிக்ஷஷ்டக பாராயணம் உள்ளிட்ட நிகழ்ச்சிகளும்  நடைபெற்றன.   விரதம் இருந்த பக்தர்கள் மகா அபிஷேக தீர்த்தம் உட்கொண்டு, விரதத்தை நிறைவு செய்தனர்.  பின்னர் அனைவருக்கும் ஸ்ரீகெளர பூர்ணிமா பிரசாதங்கள் வழங்கப்பட்டன. ஏற்பாடுகளை இஸ்கான் பக்தர்கள் குழுவினர் செய்திருந்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/வண்ணார்பேட்டை-இஸ்கான்-கோயிலில்-கௌர-பூர்ணிமா-விழா-3119132.html
3119131 திருநெல்வேலி திருநெல்வேலி நெல்லையில் வாகனச் சோதனை:  ரூ.92 ஆயிரம் பறிமுதல் DIN DIN Saturday, March 23, 2019 03:00 AM +0530 திருநெல்வேலியில் தேர்தல் பறக்கும் படை குழுவினர் வெள்ளிக்கிழமை நடத்திய சோதனையில் ஆவணங்கள் இன்றி கொண்டு செல்லப்பட்ட ரூ.92 ஆயிரம் பறிமுதல் செய்யப்பட்டது.
பாளையங்கோட்டை சட்டப்பேரவைத் தொகுதிக்கு உள்பட்ட திருநெல்வேலி சந்திப்பு தேவர் சிலை அருகில் பறக்கும் படை  அலுவலர் திருமலைமுருகன் தலைமையிலான குழுவினர் வெள்ளிக்கிழமை வாகனச் சோதனையில் ஈடுபட்டிருந்தனர். அப்போது அவ் வழியாக வந்த ஒரு காரை மறித்து சோதனையிட்டபோது, எட்வர்ட்குணசேகரன் என்பவர் தேர்தல் நன்னடத்தை விதிமுறைகளை மீறி ஆவணங்களின்றி ரூ. 92 ஆயிரத்தை காரில் கொண்டு சென்றது தெரியவந்தது. 
இதையடுத்து பணத்தை பறிமுதல் செய்த குழுவினர் பாளையங்கோட்டை வட்டாட்சியர் கனகராஜ் மூலம் பாளையங்கோட்டை சார்நிலை கருவூலத்தில் ஒப்படைத்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/நெல்லையில்-வாகனச்-சோதனை--ரூ92-ஆயிரம்-பறிமுதல்-3119131.html
3119130 திருநெல்வேலி திருநெல்வேலி மேலப்பாளையத்தில் அமமுக வேட்பாளர் வாக்குசேகரிப்பு DIN DIN Saturday, March 23, 2019 03:00 AM +0530 அமமுக வேட்பாளர் ஆர்.ஞானஅருள்மணி மேலப்பாளையத்தில் வெள்ளிக்கிழமை வாக்குசேகரித்தார்.
திருநெல்வேலி மக்களவைத் தொகுதியில் அமமுக சார்பில் ஆர்.ஞானஅருள்மணி போட்டியிடுகிறார். மேலப்பாளையத்திற்கு வெள்ளிக்கிழமை வந்த அவர், திருநெல்வேலி-அம்பாசமுத்திரம் சாலையில் உள்ள அலியா மதரஸா, பஜார் திடல் அருகேயுள்ள வாவர் பள்ளிவாசல் ஆகியவற்றில் வெள்ளிக்கிழமை தொழுகை முடித்து வந்த இஸ்லாமியர்களிடம் வாக்குசேகரித்தார்.  மாநகர் மாவட்டச் செயலர் கல்லூர் இ.வேலாயுதம், அமைப்புச்செயலர் ஆர்.பி.ஆதித்தன், மாவட்ட துணைச் செயலர் எம்.சி.ராஜன், செயற்குழு உறுப்பினர் ராமுவெங்கடாசலம், மேலப்பாளையம் பகுதிச் செயலர் எஸ்.கே.ஏ.ஹைதர்அலி உள்பட பலர் கலந்துகொண்டனர்.
இன்று செயல்வீரர்கள் கூட்டம்: திருநெல்வேலி மக்களவைத் தொகுதிக்குள்பட்ட திருநெல்வேலி, பாளையங்கோட்டை, ஆலங்குளம் சட்டப்பேரவைத் தொகுதி அமமுக செயல்வீரர்கள் கூட்டம் கொக்கிரகுளத்தில் உள்ள ரோஸ் மஹாலில் சனிக்கிழமை (மார்ச் 23) நடைபெற உள்ளது.  இக் கூட்டத்தில் தென்மண்டல செயலர் எஸ்.வி.எஸ்.பி.மாணிக்கராஜா தலைமை வகிக்கிறார்.  மாவட்டச் செயலர்கள் கல்லூர் இ.வேலாயுதம், எஸ்.எஸ்.என்.சொக்கலிங்கம் உள்பட பலர் கலந்துகொள்கிறார்கள்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/மேலப்பாளையத்தில்-அமமுக-வேட்பாளர்-வாக்குசேகரிப்பு-3119130.html
3119129 திருநெல்வேலி திருநெல்வேலி திமுக கூட்டணிக் கட்சிகளின் செயல்வீரர்கள் கூட்டம் DIN DIN Saturday, March 23, 2019 02:59 AM +0530 மக்களவைத் தேர்தலையொட்டி திருநெல்வேலியில் திமுக கூட்டணி கட்சிகளின் செயல்வீரர்கள் கூட்டம் வெள்ளிக்கிழமை நடைபெற்றது. 
 மதச்சார்பற்ற ஜனநாயக முற்போக்கு கூட்டணி சார்பில் திருநெல்வேலி மக்களவைத் தொகுதியில் திமுக வேட்பாளர் சா.ஞானதிரவியம் போட்டியிடுகிறார். 
இந்நிலையில் திருநெல்வேலி சட்டப்பேரவைத் தொகுதிக்கான திமுக கூட்டணி செயல்வீரர்கள் கூட்டம் திருநெல்வேலி சந்திப்பில் வெள்ளிக்கிழமை நடைபெற்றது.  
திமுக கிழக்கு மாவட்டச் செயலர் இரா.ஆவுடையப்பன் தலைமை வகித்தார். மத்திய மாவட்டச் செயலர் மு.அப்துல்வஹாப் முன்னிலை வகித்தார். காங்கிரஸ் கட்சியின் மாநகர் மாவட்டத் தலைவர் கே.சங்கரபாண்டியன், மார்க்சிஸ்ட் கம்யூனிஸ்ட் கட்சி மாநில நிர்வாகி பழனி, சட்டப்பேரவை உறுப்பினர்கள் ஏ.எல்.எஸ்.லெட்சுமணன் (திருநெல்வேலி), டி.பி.எம்.மைதீன்கான் (பாளையங்கோட்டை) உள்ளிட்டோர் வாழ்த்திப் பேசினர்.
வேட்பாளர் சா.ஞானதிரவியம் பேசுகையில், திருநெல்வேலி மக்களவைத் தொகுதியில் போட்டியிட வாய்ப்பளித்த கட்சித் தலைவர் மு.க.ஸ்டாலினுக்கு நன்றி தெரிவித்துக் கொள்கிறேன்.
 விவசாய குடும்பத்தைச் சேர்ந்தவனான எனக்கு தொகுதி மக்களின் பிரச்னைகளை அறிந்து செயலாற்றும் திறன் உண்டு. மக்கள் நலத்திட்டங்களில் கவனம் செலுத்தாத அரசுகளாக மத்திய-மாநில அரசுகள் உள்ளன.  
திமுக சார்பில் வெளியிடப்பட்டுள்ள தேர்தல் அறிக்கையில் ஏராளமான சிறப்பம்சங்கள் உள்ளன.  கிராமப்புறப் பகுதியில் வறுமைக் கோட்டுக்குக் கீழே உள்ள குடும்பத்தில் ஒரு பெண்ணுக்கு, சிறு தொழில் தொடங்க ரூ.50 ஆயிரம் வட்டியில்லாக் கடனாக வழங்கப்படும்.  மாணவர்களின் கல்விக் கடன் ரத்து செய்யப்படும். விவசாய கடன் தள்ளுபடி செய்யப்படும். நீட் தேர்வுக்கு விலக்கு அளிக்கப்படும் உள்ளிட்டவற்றை மக்களிடம் எடுத்துக்கூறினாலே திமுகவின் வெற்றி உறுதியாகிவிடும்.  திமுகவினரும், கூட்டணி கட்சியினரும் திருநெல்வேலி தொகுதியில் வெற்றியைப் பெற்றுத்தர உழைக்க வேண்டுகிறேன் என்றார் அவர்.
இக் கூட்டத்தில் மனிதநேய மக்கள் கட்சி மாவட்டச் செயலர் ரசூல்மைதீன், தமுமுக நிர்வாகி பிலால், கம்யூனிஸ்ட் கட்சி நிர்வாகி நல்லதம்பி, முன்னாள் மேயர் உமாமகேஸ்வரி, மாநில பேச்சாளர் ராஜம்ஜான், இந்திய யூனியன் முஸ்லிம் லீக் நிர்வாகி மீரான் மைதீன் உள்பட பலர் கலந்துகொண்டனர்.
பாளையங்கோட்டை:  பாளையங்கோட்டை சட்டப்பேரவைத் தொகுதிக்கான திமுக கூட்டணி செயல்வீரர்கள் கூட்டம் கொக்கிரகுளத்தில் நடைபெற்றது. 
திமுக கிழக்கு மாவட்டச் செயலர் தலைமை வகித்தார். மத்திய மாவட்டச் செயலர் முன்னிலை வகித்தார்.  முன்னாள் மத்திய அமைச்சர் ஆர். தனுஷ்கோடிஆதித்தன், காங்கிரஸ் கட்சியின் மாநகர் மாவட்டத் தலைவர் உள்ளிட்டோர் வாழ்த்திப் பேசினர்.
கூட்டத்தில், திருநெல்வேலி கிழக்கு மாவட்ட வழக்குரைஞர் அணி துணை அமைப்பாளர் தவசிராஜன் மற்றும் கூட்டணிக் கட்சி நிர்வாகிகள் உள்பட பலர் கலந்துகொண்டனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/திமுக-கூட்டணிக்-கட்சிகளின்-செயல்வீரர்கள்-கூட்டம்-3119129.html
3119128 திருநெல்வேலி திருநெல்வேலி நெல்லை மாவட்டத்தில் "சி-விஜில்' செயலி மூலம் அதிக புகார்கள்: ஆட்சியர் ஷில்பா DIN DIN Saturday, March 23, 2019 02:59 AM +0530 தமிழகத்திலேயே திருநெல்வேலி மாவட்டத்தில் தான்"சி-விஜில்' செயலி மூலம் அதிக புகார்கள் வந்துள்ளன என்றார் ஆட்சியர் ஷில்பா பிரபாகர் சதீஷ். 
திருநெல்வேலியில் செய்தியாளர்களைச் சந்தித்த அவர் மேலும் கூறியதாவது:  தமிழகத்திலேயே திருநெல்வேலி மாவட்டத்தில் முதல்முறையாக தேசிய தகவலியல் மையத்தின் மூலம் புவிசார் தகவல் அமைப்பு உருவாக்கப்பட்டு அனைத்து வாக்குச்சாவடியின் விவரங்கள், அருகில் உள்ள காவல் நிலையங்கள், வாக்குச் சாவடி செல்வதற்கான வழி உள்ளிட்ட பல்வேறு விவரங்கள் பதிவேற்றம் செய்யப்பட்டுள்ளன.   இதன்மூலம் மாவட்டத்திலுள்ள 2,979 வாக்குச் சாவடிகள், அதன் அமைவிடம்,  சட்டப்பேரவை தொகுதிகளை உள்ளடக்கிய வரைபடம்,  ஒவ்வொரு வாக்குச் சாவடியிலும் உள்ள ஆண், பெண் வாக்காளர் எண்ணிக்கை போன்ற பல்வேறு விஷயங்களை தெரிந்துகொள்ளலாம்.
 இதேபோல் வாக்குச் சாவடியின் அமைவிடம் மற்றும் அதைச்சுற்றியுள்ள தேசிய, மாநில மற்றும் மாவட்ட சாலை அமைப்புகள்,  ரயில் வழித் தடங்கள், அருகிலுள்ள காவல் நிலையம், தீயணைப்பு நிலையம் போன்றவற்றையும் அறிந்துகொள்ளலாம்.  இந்த வசதிகளை தற்போதைய நிலையில் தேர்தல் அலுவலர்கள், தேர்தல் பார்வையாளர்கள் மட்டுமே பயன்படுத்த முடியும். தேர்தலில் போட்டியிடுபவர்கள் தேர்தல் செலவுகளுக்காக தனி வங்கிக் கணக்கை தொடங்க வேண்டும். அவர்கள் வேட்புமனு தாக்கல் செய்வதற்கான தொகையை மட்டுமே ரொக்கமாக செலுத்த முடியும்.  மற்ற அனைத்து செலவுகளும் வங்கிக் கணக்கின் மூலம் மேற்கொள்ளப்பட வேண்டும். 
வருமான வரித்துறை அதிகாரிகள்: இதேபோல் பண விவகாரத்தைக் கையாள்வதற்காக திருநெல்வேலி தொகுதிக்கு வருமான வரித்துறை அதிகாரி அனுஜ், தென்காசி தொகுதிக்கு  வினய் ஆகியோர் நியமிக்கப்பட்டுள்ளனர். இவர்கள் ஏதாவது வீடுகளில் பணம் இருப்பது குறித்து தகவல் கிடைத்தால் அங்கு சென்று சோதனையிடுவார்கள். இதேபோல் பறக்கும் படையினர் சோதனையில் ரூ.10 லட்சத்துக்கும் அதிகமான தொகை பிடிபட்டால் அதுவும் வருமான வரித்துறையிடம் ஒப்படைக்கப்படும்.  அவர்கள் அதுகுறித்து விசாரணை நடத்துவார்கள். திருநெல்வேலி மாவட்டத்தில் 2 இடங்களில் ரூ.10 லட்சத்துக்கும் அதிகமான தொகை பிடிபட்டுள்ளது. அது வருமான வரித்துறையிடம் ஒப்படைக்கப்பட்டுள்ளது. 
"சி-விஜில்' முன்னிலை: 1950 என்ற எண்ணில் செயல்பட்டு வரும் தேர்தல் கட்டுப்பாட்டு மையத்துக்கு இதுவரை 185 புகார்கள் வந்துள்ளன. கட்டணமில்லா தொலைபேசி எண்ணுடன் செயல்பட்டு வரும் தேர்தல் கட்டுப்பாட்டு மையத்துக்கு 8 புகார்கள் வந்துள்ளன.  "சி-விஜில்' செயலின் மூலம் 54 புகார்கள் வரப்பட்டுள்ளன.  தமிழகத்திலேயே திருநெல்வேலி மாவட்டத்தில் தான் "சி-விஜில்' செயலி மூலம் அதிக புகார் பெறப்பட்டுள்ளது  என்றார்.

]]>
https://www.dinamani.com/all-editions/edition-thirunelveli/thirunelveli/2019/mar/23/நெல்லை-மாவட்டத்தில்-சி-விஜில்-செயலி-மூலம்-அதிக-புகார்கள்-ஆட்சியர்-ஷில்பா-3119128.html
3119127 திருநெல்வேலி திருநெல்வேலி தேசிய ஜனநாயக முற்போக்கு கூட்டணி செயல்வீரர்கள் கூட்டம் DIN DIN Saturday, March 23, 2019 02:58 AM +0530 அதிமுக தலைமையிலான தேசிய ஜனநாயக முற்போக்கு கூட்டணியின் செயல்வீரர்கள் கூட்டம் பாளையங்கோட்டையில் வெள்ளிக்கிழமை நடைபெற்றது.
தமிழகத்தில் மக்களவைத் தேர்தல் ஏப்ரல் 18 ஆம் தேதி ஒரே கட்டமாக நடைபெற உள்ளது. அதிமுக தலைமையிலான தேசிய ஜனநாயக முற்போக்கு கூட்டணி சார்பில் திருநெல்வேலியில் அதிமுகவைச் சேர்ந்த பி.ஹெச்.பி. பால் மனோஜ்பாண்டியன் போட்டியிடுகிறார்.
இக் கூட்டணிக் கட்சிகளின் செயல்வீரர்கள் கூட்டம் பாளையங்கோட்டை நூற்றாண்டு மண்டபத்தில் வெள்ளிக்கிழமை நடைபெற்றது. கூட்டத்துக்கு,  மாநகர் மாவட்டச் செயலர் தச்சை என்.கணேசராஜா தலைமை வகித்தார்.  முன்னாள் சட்டப்பேரவைத் தலைவரும், வழக்குரைஞருமான பி.ஹெச்.பாண்டியன் பேசியதாவது:
அதிமுக என்ற ஆலமரத்தை முன்னாள் முதல்வர் எம்.ஜி.ஆர்., ஜெயலலிதா ஆகியோர் வளர்த்தனர். அதன் மூலம் தமிழக மக்கள் பல்வேறு நன்மைகளைப் பெற்று வருகிறார்கள்.  இந்த மக்களவைத் தேர்தல் இந்தியாவைப் பாதுகாக்கும் தேர்தல். இத் தேர்தலில் போட்டியிடும் பால்மனோஜ்பாண்டியன்,   சட்டப்பேரவை உறுப்பினராகவும், மாநிலங்களவை உறுப்பினராகவும் இருக்கும்போது பல்வேறு வளர்ச்சிப் பணிகளை மக்களுக்காக கொடுத்துள்ளார். திருமணமண்டபங்கள், குடிநீர் வசதி, சாலை வசதிக்கு அதிகளவில் நிதிஒதுக்கியுள்ளார். நானும் இங்கு மக்கள் பிரதிநிதியாக இருந்தபோது பத்தமடை, மேலப்பாளையம், மேலச்செவல் உள்ளிட்ட பகுதிகளுக்கு குடிநீர் உள்ளிட்ட அடிப்படை வசதிகளை செய்து கொடுத்துள்ளேன். அதனால் இந்தத் தொகுதியில் உரிமையோடு வாக்குகளைக் கேட்டுப்பெற முடியும். மக்களவை உறுப்பினர் பதவி என்பதை பிழைப்பாக கருதாமல் மக்களுக்கான உழைப்பாக கருதி பணி செய்ய காத்திருக்கும் மனோஜ்பாண்டியனை வெற்றி பெற செய்ய வேண்டும் என்றார்.
வேட்பாளர் பி.ஹெச்.பி.பால்மனோஜ்பாண்டியன் பேசியதாவது:  இந்தத் தொகுதியில் போட்டியிட வாய்ப்பளித்த முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் ஆகியோருக்கு நன்றி தெரிவித்துக் கொள்கிறேன்.  கடந்த தேர்தலில் இத் தொகுதியில் அதிமுக தனித்து களம் கண்டு 1 லட்சத்துக்கும் மேலான வாக்குகளில் வென்றது.  இப்போது வெற்றி நிச்சயம் என்ற நிலையில் வாக்கு வித்தியாசத்தை உயர்த்த தொண்டர்கள் அனைவரும் உழைக்க வேண்டும். 
 அதிமுக, பாஜக, பாமக, தேமுதிக உள்ளிட்ட கட்சிகளின் இப்போதைய மெகா கூட்டணியால் அது சாத்தியமாகும் என்பதில் சந்தேகமில்லை.  
இந்தியாவுக்கு சரியான பாதுகாப்பை தரும் பிரதமராக நரேந்திரமோடி உள்ளார். அவரது கரத்தை வலுப்படுத்த தமிழகத்தில் இருந்து மக்களவை உறுப்பினர்களைக் கொடுக்க வேண்டியது ஒவ்வொருவரின் கடமையாகும்.  எனக்கு வாய்ப்பளித்தால் திருநெல்வேலி தொகுதி மக்களுக்கு தேவையான திட்டங்களை கேட்டுப் பெற்று சிறப்பாக செயல்படுத்தி காட்டுவேன் என்றார் அவர்.
இக் கூட்டத்தில்  தமிழக ஆதிதிராவிடர் மற்றும் பழங்குடியினர் நலத்துறை அமைச்சர் வி.எம்.ராஜலட்சுமி,  புறநகர் மாவட்டச்செயலர் கே.ஆர்.பி.பிரபாகரன்,  மாநிலங்களவை உறுப்பினர்கள் எஸ்.முத்துக்கருப்பன், விஜிலா சத்தியானந்த், முன்னாள் எம்.பி. வசந்திமுருகேசன், அம்பாசமுத்திரம் சட்டப்பேரவை உறுப்பினர் ஆர்.முருகையாபாண்டியன், பாஜக மாவட்டத் தலைவர் அ.தயாசங்கர், அதிமுக நிர்வாகிகள் வழக்குரைஞர் எம். ஹரிஹரசிவசங்கர், ஜெயலலிதா பேரவை செயலர் ஜெரால்டு,  அவைத் தலைவர் பரணிசங்கரலிங்கம்,  முன்னாள் எம்.எல்.ஏ.க்கள் ஆர்.சக்திவேல்முருகன், தர்மலிங்கம், தேமுதிக மாவட்டச் செயலர் முகம்மதுஅலி, பாமக நிர்வாகி தங்கராஜ் உள்பட கூட்டணி கட்சி நிர்வாகிகள், தொண்டர்கள் பலர் கலந்துகொண்டனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/தேசிய-ஜனநாயக-முற்போக்கு-கூட்டணி-செயல்வீரர்கள்-கூட்டம்-3119127.html
3118870 திருநெல்வேலி திருநெல்வேலி நெல்லையில் நாம் தமிழர் கட்சி வேட்பாளர் உள்பட 5 பேர் வேட்புமனு தாக்கல் DIN DIN Saturday, March 23, 2019 02:58 AM +0530 திருநெல்வேலி மக்களவைத் தொகுதியில் போட்டியிட  நாம் தமிழர் கட்சி வேட்பாளர் உள்பட 5 பேர் வெள்ளிக்கிழமை வேட்புமனு தாக்கல் செய்தனர்.
மக்களவைத் தேர்தல் தமிழகத்தில் ஒரே கட்டமாக ஏப்ரல் 18ஆம் தேதி நடைபெறுகிறது.  அதற்கான வேட்புமனு தாக்கல் கடந்த 19ஆம் தேதி தொடங்கியது.  முதல் 3 நாள்களில் இருவர் மட்டுமே வேட்புமனு தாக்கல் செய்திருந்த நிலையில்,  4ஆவது நாளான வெள்ளிக்கிழமை 5 பேர் வேட்புமனு தாக்கல் செய்தனர்.
நாம் தமிழர் கட்சி சார்பில் போட்டியிடுவதற்காக பாளையங்கோட்டையை அடுத்த கிருஷ்ணாபுரத்தைச் சேர்ந்த சத்யா,  மாவட்ட ஆட்சியரும், தேர்தல் நடத்தும் அலுவலருமான ஷில்பா பிரபாகர் சதீஷிடம் வேட்புமனுவை தாக்கல் செய்தார்.  42 வயதான சத்யா பி.எஸ்சி. வேதியியல் படித்துள்ளார்.  2016 முதல் நாம் தமிழர் கட்சியின் அடிப்படை உறுப்பினராக உள்ளார்.  இவருடைய கணவர் செல்வக்குமார், துணை வட்டாட்சியராக உள்ளார்.  இவருக்கு இரு பெண் குழந்தைகள் உள்ளனர். 
ஜம்மு காஷ்மீர் தேசிய சிறுத்தைகள் கட்சி சார்பில் ராமையன்பட்டியைச் சேர்ந்த சிவசங்கர் (38) வேட்புமனு தாக்கல் செய்தார்.  பிளஸ் 2 வரை படித்துள்ள இவர் சரக்கு வாகனம் வைத்துள்ளார். 
கேடிசி நகரைச் சேர்ந்த பிரவீண்குமார் (27) சுயேட்சை வேட்பாளராக வேட்புமனு தாக்கல் செய்தார். ஆங்கிலத்தில் முதுகலை பட்டம் பெற்றுள்ள பிரவீண்குமார், தற்போது ஆந்திரத்தில் உள்ள கிருஷ்ணதேவராயர் பல்கலைக்கழகத்தில் எல்.எல்.பி. படித்து வருகிறார்.
திருநெல்வேலி மாவட்டம்,  நான்குனேரி வட்டம், இட்டமொழி அருகேயுள்ள விஜய அச்சம்பாடு பகுதியைச் சேர்ந்த மணிகண்டன்,  சுயேச்சை வேட்பாளராக ஆட்சியர் ஷில்பா பிரபாகர் சதீஷிடம் வேட்புமனு தாக்கல் செய்தார். 
கன்னியாகுமரி மாவட்டம், அகஸ்தீஸ்வரம் வட்டம், ஜேம்ஸ் டவுன் நகரைச் சேர்ந்த டி.பிரீடன் சுயேச்சை வேட்பாளராக வேட்புமனு தாக்கல் செய்தார். 
திருநெல்வேலி மக்களவைத் தொகுதியில் போட்டியிட  இதுவரை 7 பேர் வேட்புமனு தாக்கல் செய்துள்ளனர்.  அதில் 5 பேர் சுயேச்சைகள் என்பது குறிப்பிடத்தக்கது.

]]>
https://www.dinamani.com/all-editions/edition-thirunelveli/thirunelveli/2019/mar/23/நெல்லையில்-நாம்-தமிழர்-கட்சி-வேட்பாளர்-உள்பட-5-பேர்-வேட்புமனு-தாக்கல்-3118870.html
3118902 திருநெல்வேலி திருநெல்வேலி தில்லி அரசியல் கட்சிகள் மீது 39 வழக்குகள் பதிவு DIN DIN Saturday, March 23, 2019 01:12 AM +0530 தில்லியில் தேர்தல் விதிமுறைகளை மீறியதாக கடந்த 10 ஆம் தேதி முதல் பல்வேறு அரசியல் கட்சிகள் மீது 39 வழக்குகள் பதிவு செய்யப்பட்டுள்ளன என்று தில்லி தலைமைத் தேர்தல் அதிகாரி அலுவலகம் தெரிவித்துள்ளது.
இதுதொடர்பாக தில்லி தலைமைத் தேர்தல் அதிகாரி அலுவலகம் வெள்ளிக்கிழமை வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது: மார்ச் 10 ஆம் தேதி முதல் இதுவரை தில்லியின் பல்வேறு அரசியல் கட்சிகள் மீது 39 வழக்குகள் பதிவு செய்யப்பட்டுள்ளன. அதில், ஆம் ஆத்மி கட்சி மீது 4 வழக்குகளும், பாஜக மீது 3 வழக்குகளும் அடங்கும்.
பெரும்பாலான வழக்குகள் பொதுச் சொத்துகளை அசுத்தம் செய்ததற்காக போடப்பட்டவையாகும். தேர்தல் நடத்தை விதிமுறைகள் அமலுக்கு வந்ததில் இருந்து 1.94 லட்சத்துக்கும் அதிகமான அரசியல் விளம்பரங்கள் அடங்கிய பதாகைகள், பேனர்கள் அகற்றப்பட்டுள்ளன.
ஆயுதச் சட்டத்தின் கீழ் தில்லி போலீஸார் 106 வழக்குகள் பதிவு செய்து 133 பேரையும், கலால் வரிச் சட்டத்தின் கீழ் 384 பேர் கைது செய்யப்பட்டுள்ளனர். உரிமம் இல்லாத 136 துப்பாக்கிகளும், 2,146 தோட்டாக்களும் பறிமுதல் செய்யப்பட்டுள்ளன என்று தெரிவிக்கப்பட்டுள்ளது. மக்களவைத் தேர்தல் மார்ச் 11 ஆம் தேதி தொடங்கி நாடு முழுவதும் 7 கட்டங்களாக நடைபெறுகிறது. தில்லியில் வாக்குப் பதிவு மே 12ஆம் தேதி நடைபெறுகிறது. நாடு முழுவதும் மே 23 ஆம் தேதி பதிவான வாக்குகள் எண்ணப்படுகின்றன.

]]>
https://www.dinamani.com/all-editions/edition-thirunelveli/thirunelveli/2019/mar/23/தில்லி-அரசியல்-கட்சிகள்-மீது-39-வழக்குகள்-பதிவு-3118902.html
3118901 திருநெல்வேலி திருநெல்வேலி குற்றாலம் கல்லூரியில் திறமைத் திருவிழா DIN DIN Saturday, March 23, 2019 01:11 AM +0530 குற்றாலம் ஸ்ரீபராசக்தி மகளிர் கல்லூரியில் வணிகவியல் உயராய்வு மையம் சார்பில் மாநில அளவிலான திறமைத் திருவிழா நடைபெற்றது.
வணிக விநாடி-வினா, காகித விளக்கக் காட்சி, சிறப்பான தொழில்முனைவோரைத் தேர்ந்தெடுத்தல்,  நடனம், தான் விரும்பியதைச் செய்தல், பொக்கிஷ தேடுதல், விளம்பரம் செய்தல் உள்ளிட்ட பல்வேறு போட்டிகள் நடைபெற்றன. போட்டியில் தென்காசி கொடிக்குறிச்சி ஸ்ரீராம் நல்லமணி யாதவா கல்லூரி அதிக புள்ளிகள் பெற்று ஒட்டுமொத்த சாம்பியன் பட்டம் வென்றது. விருதுநகர் வி.எச்.எஸ்.என். கல்லூரி 2ஆம் இடம் வென்றது. வெற்றிபெற்ற அணிகளுக்கு கல்லூரி முதல்வர் திரிபுரசுந்தரி சான்றிதழ், கேடயங்களை வழங்கினார்.

]]>
https://www.dinamani.com/all-editions/edition-thirunelveli/thirunelveli/2019/mar/23/குற்றாலம்-கல்லூரியில்-திறமைத்-திருவிழா-3118901.html
3118900 திருநெல்வேலி திருநெல்வேலி வியாபாரிகளிடம் ரூ.3.68 லட்சம் பறிமுதல் DIN DIN Saturday, March 23, 2019 01:11 AM +0530 தென்காசியில் உரிய ஆவணங்களின்றி பணம் வைத்திருந்ததாக காய்கனி வியாபாரியிடமிருந்து ரூ.1.88 லட்சமும், சேரன்மகாதேவியில் வாழைக்காய் வியாபாரியிடமிருந்து 1.80 லட்சமும் பறக்கும் படையினரால் வெள்ளிக்கிழமை பறிமுதல் செய்யப்பட்டது.
தென்காசி அருகே பாவூர்சத்திரம் குறும்பலாப்பேரி அம்மன் நகர் பகுதியைச் சேர்ந்தவர் சி.அய்யப்பன் (27). இவர், காய்கனி வியாபாரம் செய்து வருகிறார்.  கேரள மாநிலம் கோட்டயத்தில் காய்கனிகளை விற்பனை செய்துவிட்டு வெள்ளிக்கிழமை ஊருக்கு திரும்பிகொண்டிருந்தார்.
தென்காசி-செங்கோட்டையில் முக்கூடல் பாலம் அருகே வந்துகொண்டிருந்தபோது மினிலாரியில், வெற்றிசெல்வி தலைமையிலான பறக்கும்படையினர் சோதனைமேற்கொண்டனர். சோதனையின் போது உரியஆவணங்களின்றி வைத்திருந்ததாக ரூ.1லட்சத்து 88ஆயிரத்து 780-ஐ பறிமுதல் செய்து தென்காசி வட்டாட்சியர் சண்முகத்திடம் ஒப்படைத்தனர்.  வட்டாட்சியர் தென்காசி கருவூல அதிகாரிகளிடம் பணத்தை ஒப்படைத்தார்.
அம்பாசமுத்திரம்: அம்பாசமுத்திரம் வட்டார வளர்ச்சி அலுவலர் நடராஜன், காவல் உதவி ஆய்வாளர் பாலசுப்பிரமணியன் ஆகியோர் தலைமையில் சேரன்மகாதேவி தாமிரவருணி ஆற்றுப் பாலம் பகுதியில் வாகனச் சோதனை நடைபெற்றது. 
அப்போது அந்த வழியாக வந்த லாரியை நிறுத்தி சோதனை செய்ததில் அதில் வந்த களியக்காவிளையைச் சேர்ந்த வாழைக்காய் வியாபாரியானநேசமணி மகன் ரெஜின்குமாரிடம் உரிய ஆவணங்களின்றி ரூ.1 லட்சத்து 80 ஆயிரத்து 600 இருந்தது தெரியவந்தது.  அந்தப் பணத்தைப் பறிமுதல் செய்து அம்பாசமுத்திரம் துணை வட்டாட்சியர்கள் சத்யவள்ளி, ஷீலாதேவி ஆகியோரிடம் ஒப்படைத்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/வியாபாரிகளிடம்-ரூ368-லட்சம்-பறிமுதல்-3118900.html
3118886 திருநெல்வேலி திருநெல்வேலி பிரம்மதேசம் கைலாசநாதர் கோயிலில் தெப்பத் திருவிழா DIN DIN Saturday, March 23, 2019 01:05 AM +0530 அம்பாசமுத்திரம் அருகே பிரம்மதேசம் கைலாசநாதர் கோயிலில் பங்குனி திருவிழாவை முன்னிட்டு வெள்ளிக்கிழமை  தெப்பத் திருவிழா நடைபெற்றது.
தெப்ப உற்சவத்தை முன்னிட்டு வெள்ளிக்கிழமை காலை நடை திறக்கப்பட்டு 6.50 மணிக்கு மங்கள இசை, திருமுறை இசையை தொடர்ந்து அனுக்ஞை, விக்னேஸ்வர பூஜை மற்றும் ஹோமம் நடைபெற்றது. காலை 11 மணிக்கு கணபதி, சுப்பிரமணியர், சுவாமி,  சோமாஸ்கந்தர், சண்டேசுவரர் ஆகிய பஞ்ச மூர்த்திகளுக்கும், பிரஹந்தநாயகி அம்பாளுக்கும் பால், தயிர், வாசனை திரவியங்கள் உள்ளிட்ட 11 வகையான சிறப்பு அபிஷேகங்களும் ஆராதனையும் நடைபெற்றன. மாலை 5 மணிக்கு பூந்தட்டு ஊர்வலமும்,  6 மணிக்கு பரத நாட்டியம் நிகழ்ச்சியும் நடைபெற்றது. இரவு 8 மணிக்கு பஞ்சமூர்த்திகளும் தெப்பத்தில் எழுந்தருளி சிறப்புத் தீபாராதனையை தொடர்ந்து பதினொரு முறை தெப்பத்தில் வலம் வந்தனர்.  தொடர்ந்து நீராழி மண்டபத்தில் நடைபெற்ற பூஜையை தொடர்ந்து பஞ்ச வாத்தியங்கள் முழங்க சுவாமி வீதி உலா நடைபெற்றது.
இரவு 10 மணிக்கு சிரமசாந்தி,  உத்தரங்க ஸ்நபனாபிஷேகம், சங்காபிஷேகம் மற்றும் தீபாராதனை நடைபெற்றது. தெப்ப திருவிழாவில் பிரம்மதேசம், மன்னார்கோவில், அம்பாசமுத்திரம் உள்ளிட்ட பகுதிகளிலிருந்து ஏராளமான பக்தர்கள் சுவாமி தரிசனம் செய்தனர். ஏற்பாடுகளை கோயில் தர்க்கார் ஜெ.சத்தியசீலன், ஆய்வாளர் சீதாலெட்சுமி, மற்றும் ஊர் பொதுமக்கள் செய்திருந்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/பிரம்மதேசம்-கைலாசநாதர்-கோயிலில்-தெப்பத்-திருவிழா-3118886.html
3118884 திருநெல்வேலி திருநெல்வேலி சிவகிரி பாலசுப்பிரமணிய சுவாமி கோயிலில் தெப்ப உற்ஸவம் DIN DIN Saturday, March 23, 2019 01:05 AM +0530 சிவகிரி ஜமீனுக்குப் பாத்தியப்பட்ட கூடாரப்பாறை ஸ்ரீபாலசுப்பிரமணிய சுவாமி கோயில் தெப்ப உற்ஸவம் வியாழக்கிழமை நடைபெற்றது.
இக்கோயில் பங்குனி மகோத்ஸவத்தையொட்டி, கடந்த 12ஆம் தேதி கொடியேற்றத்துடன் திருவிழா தொடங்கியது. தொடர்ந்து 9ஆம் திருநாள் வரை ஒவ்வொரு மண்டகப்படிதாரர் சார்பில் தினமும் பல்வேறு நிகழ்ச்சிகள் நடைபெற்றன. விழாவின் சிகர நிகழ்ச்சியான தேரோட்டம் கடந்த புதன்கிழமை நடைபெற்றது. வியாழக்கிழமை (மார்ச் 21) இரவு, கூடாரப்பாறை அடிவாரத்தில் உள்ள தெப்பத்தில் தெப்ப உற்ஸவம் நடைபெற்றது.
முன்னதாக, மூலவர் ஸ்ரீபாலசுப்பிரமணிய சுவாமி, உற்சவமூர்த்தி ஸ்ரீமுத்துக்குமாரசுவாமி மற்றும் பரிவார தெய்வங்களுக்கு சிறப்பு பூஜை, தீபாராதனை நடைபெற்றது. பின்னர், இரவு 8.45 மணிக்கு சிறப்பு அலங்காரத்தில் ஸ்ரீமுத்துக்குமார சுவாமி தெப்பத்தில் அலங்கரிக்கப்பட்ட தேரில் எழுந்தருளினார்.
இதையடுத்து, இரவு 9 மணிக்கு சிவகிரி ஜமீன்தார் ராணி வி.எஸ். பாலகுமாரி நாச்சியார் முன்னிலையில், கோயில் பரம்பரை தர்மகர்த்தா ராஜா வி.எஸ்.வி. சேவுகப்பாண்டியன் என்ற விக்னேஷ்வர சின்னத்தம்பியார் தெப்ப உற்ஸவத்தைத் தொடங்கிவைத்தார். தொடர்ந்து, சுவாமி தெப்பத்தை 11 சுற்றுகள் சுற்றிவந்து பக்தர்களுக்கு அருள்பாலித்தார்.

]]>
https://www.dinamani.com/all-editions/edition-thirunelveli/thirunelveli/2019/mar/23/சிவகிரி-பாலசுப்பிரமணிய-சுவாமி-கோயிலில்-தெப்ப-உற்ஸவம்-3118884.html
3118882 திருநெல்வேலி திருநெல்வேலி வீரகேரளம்புதூர் அருகே பைக் -கார் மோதல்: வியாபாரி சாவு DIN DIN Saturday, March 23, 2019 01:05 AM +0530 வீரகேரளம்புதூர் அருகே பைக் மீது கார் மோதிய விபத்தில் பலத்த காயமடைந்த வியாபாரி சம்பவ இடத்திலேயே இறந்தார். 
கோவில்பட்டி அருகேயுள்ள உப்பனாபுரத்தைச் சேர்ந்தவர் செ.பெரிய கோட்டைசாமி(38).  கேரளத்தில் பழைய இரும்பு வியாபாரம் செய்து வரும் இவர் சுரண்டை அருகேயுள்ள ராஜபாண்டியைச் சேர்ந்த தனது உறவினரான பிளஸ் 2 மாணவர் சு.மாறன்(17) என்பவருடன் மோட்டார் சைக்கிளில் சுரண்டை சென்றுவிட்டு ராஜபாண்டி திரும்பியுள்ளார்.சுரண்டை - வீரகேரளம்புதூர் சாலையில் கலிங்கப்பட்டி விலக்கு அருகே வந்தபோது எதிரே வந்த கார் மோட்டார் சைக்கிள் மீது மோதியதாம்.  இதில் நிலை தடுமாறிய இரு வாகனமும் சாலையோரம் கவிழ்ந்தது. 
இதில் பலத்த காயமடைந்த பெரிய கோட்டைசாமி சம்பவ இடத்திலேயே இறந்தார்.  மாறன் மற்றும் காரில் வந்த சிவகிரி அருகேயுள்ள ராயகிரியைச் சேர்ந்த இசக்கிமுத்து, லட்சுமி பிரபா, ராமச்சந்திரன், இசக்கியம்மாள், பாலசுப்பிரமணியன், கார்த்திகாவதி, வெங்கட்பிரபு ஆகிய 8 பேரும் காயமடைந்தனர்.தகவலறிந்து வந்த வீரகேரளம்புதூர் போலீஸார் காயமடைந்த 8 பேரையும் மீட்டு தென்காசி அரசு மருத்துவமனையில் அனுமதித்தனர்.  மேலும், விபத்தில் இறந்த பெரிய கோட்டைசாமியின் உடலை கைப்பற்றி தென்காசி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இதுகுறித்து வீரகேரளம்புதூர் போலீஸார் வழக்குப் பதிந்து விசாரித்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/வீரகேரளம்புதூர்-அருகே-பைக்--கார்-மோதல்-வியாபாரி-சாவு-3118882.html
3118878 திருநெல்வேலி திருநெல்வேலி கிருஷ்ணாபுரம்  அம்மன் கோயிலில் சிறப்பு யாகம் DIN DIN Saturday, March 23, 2019 01:04 AM +0530 கடையநல்லூர் அருகே உள்ள கிருஷ்ணாபுரம் ஸ்ரீ முண்டககண்ணிஅம்மன் கோயிலில் வெள்ளிக்கிழமை சிறப்பு யாகம் நடைபெற்றது.
உலகில் சுபிட்சம் வேண்டியும், அமைதி நிலவ வேண்டியும், மழை வளம் வேண்டியும் நடைபெற்ற யாகங்களுக்கு   சித்தர் ஸ்ரீநாகசூரியன் தலைமை வகித்தார்.  இதில் திரளான பக்தர்கள் கலந்து கொண்டனர்.  ஏற்பாடுகளை முதலாம் சிஷ்யர் பாலீஸ்வரன் உள்ளிட்டோர் செய்திருந்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/கிருஷ்ணாபுரம்--அம்மன்-கோயிலில்-சிறப்பு-யாகம்-3118878.html
3118875 திருநெல்வேலி திருநெல்வேலி 10 வாகனங்களுக்கு மேல் அணிவகுத்தால் விதிமீறல்: காவல் கண்காணிப்பாளர் DIN DIN Saturday, March 23, 2019 01:04 AM +0530 தலைவர்களின் சிலைக்கு மாலை அணிவித்தல் போன்ற நிகழ்வுகளில் 10 வாகனங்களுக்கு மேல் ஒன்றாக சேர்ந்து சென்றால், அது தேர்தல் நடத்தை விதிமீறலாகும் என்றார் திருநெல்வேலி மாவட்ட காவல் கண்காணிப்பாளர் அருண்சக்திகுமார். 
இது தொடர்பாக அவர், செய்தியாளர்களிடம் மேலும் கூறியதாவது: 
திருநெல்வேலி மாவட்டத்தில் தேர்தல் நடத்தை விதிமுறைகளை மீறியதாக வள்ளியூர், வாசுதேவநல்லூர், புளியங்குடி ஆகிய இடங்களில் அரசியல் கட்சியினர் மீது வழக்கு பதிவு செய்யப்பட்டுள்ளது. 
திருநெல்வேலி மாவட்டத்தில் 524 பேர் உரிமம் பெற்று துப்பாக்கி வைத்துள்ளனர். அவர்கள் அனைவருமே தங்களின் துப்பாக்கியை ஒப்படைத்துவிட்டனர்.  தேர்தலின்போது பிரச்னை ஏற்படுத்தக்கூடியவர்கள் என 815 பேர் அடையாளம் காணப்பட்டுள்ளனர்.  அவர்களில் 262 பேர் நன்னடத்தை சான்று சமர்ப்பித்துள்ளனர்.
திருநெல்வேலி மாவட்டத்தில் 212 வாக்குச்சாவடிகள் பதற்றமானவை என கண்டறியப்பட்டுள்ளன. அதில் 109 இடங்களில் காவல்துறையினர், வருவாய்த் துறையினர்  விழிப்புணர்வு பணிகளை மேற்கொண்டுள்ளனர்.  இதுதவிர காவல் துறை சார்பில் 7 இடங்களில் அணிவகுப்பு நடத்தப்பட்டுள்ளது. 205 இடங்களில் போலீஸார் தனிப்பட்ட முறையில் நேரடி ஆய்வு செய்துள்ளனர். 
2014-இல் 93 தேர்தல் விதிமீறல் வழக்குகள் பதிவாகியுள்ளன.  அதில் 32 பேர் தண்டிக்கப்பட்டுள்ளனர்.  13 பேர் விடுவிக்கப்பட்டுள்ளனர்.  எஞ்சிய வழக்குகளின் விசாரணை முடிக்கப்பட்டு இறுதி அறிக்கை தாக்கல் செய்யப்பட்டுவிட்டது. 2016-இல் 94 வழக்குகள் பதிவு செய்யப்பட்டன. அதில் 10 பேர் தண்டிக்கப்பட்டுள்ளனர். 2 பேர் விடுவிக்கப்பட்டனர். 
தேர்தல் பிரசாரம், தலைவர்களின் சிலைக்கு மாலை அணிவித்தல் போன்ற நிகழ்வுகளின்போது பயன்படுத்தப்படும் வாகனங்களுக்கு 48 மணி நேரத்திற்கு முன்பாக முன் அனுமதி பெற வேண்டும்.  அனுமதி பெற்றாலும், 10 வாகனங்கள் மட்டுமே ஒன்றாக சேர்ந்து செல்ல முடியும்.  அதன்பிறகு 100 மீ. இடைவெளிவிட்டு 10 வாகனங்கள் செல்லலாம்.  இதில், மோட்டார் சைக்கிளும் வாகனமாகவே கணக்கில் கொள்ளப்படும்.  அதேநேரத்தில் 10 வாகனங்களோடு, பாதுகாப்பு வாகனங்கள் சென்றால் அது கணக்கில் கொள்ளப்படாது என்றார். 
தேர்தல் பணிகளுக்கு திருநெல்வேலி மாவட்டத்துக்கு 20 ஆயிரம் போலீஸார் வரை தேவை. அதனால் கூடுதல் போலீஸாரை ஒதுக்குமாறு கோரிக்கை விடுத்துள்ளோம். தேர்தலை முன்னிட்டு திருநெல்வேலி-கேரள போலீஸார் பங்கேற்ற கூட்டம் அண்மையில் நடைபெற்றது.  அதில் பிரச்னைக்குரிய பல்வேறு அமைப்புகளுக்கு உதவுபவர்கள் உள்ளிட்ட பல்வேறு அமைப்பினர் குறித்து தகவல் பரிமாறிக் கொள்ளப்பட்டது.  அதன் அடிப்படையிலேயே புளியரையில் துப்பாக்கி பறிமுதல் செய்யப்பட்டது என்றார்.

]]>
https://www.dinamani.com/all-editions/edition-thirunelveli/thirunelveli/2019/mar/23/10-வாகனங்களுக்கு-மேல்-அணிவகுத்தால்-விதிமீறல்-காவல்-கண்காணிப்பாளர்-3118875.html
3118873 திருநெல்வேலி திருநெல்வேலி சிவகிரியில் திமுக வேட்பாளர் அறிமுகக் கூட்டம் DIN DIN Saturday, March 23, 2019 01:02 AM +0530 சிவகிரியில் திமுக வேட்பாளர் அறிமுகக் கூட்டம் கட்சி அலுவலகத்தில் வியாழக்கிழமை நடைபெற்றது.
தென்காசி மக்களவைத் தொகுதி திமுக வேட்பாளராக தனுஷ் எம். குமார் போட்டியிடுகிறார். அவர், வியாழக்கிழமை சிவகிரி, வாசுதேவநல்லூரில் கூட்டணிக் கட்சிகளின் பிரதிநிதிகளைச் சந்தித்து கலந்துரையாடினார். முன்னதாக, வாசுதேவநல்லூர் பயணியர் விடுதி எதிரில் திமுக தேர்தல் அலுவலகத்தை அவர் திறந்துவைத்தார்.
நிகழ்ச்சியில், திருநெல்வேலி மேற்கு மாவட்ட திமுக பொறுப்பாளர் பொ. சிவபத்மநாதன், வாசுதேவநல்லூர் ஒன்றியச் செயலர் பொன். முத்தையாபாண்டியன், மாநிலச் செயற்குழு உறுப்பினர் யு.எஸ்.டி. சீனிவாசன், மாவட்டத் துணைச் செயலர் கோ. மாடசாமி, நகரச் செயலர்கள் செ.சு. செண்பகவிநாயகம் (சிவகிரி), சரவணன்(வாசுதேவநல்லூர்), கேடிசி குருசாமி (ராயகிரி), கூட்டணிக் கட்சி நிர்வாகிகள் பி. நடராஜன் (மார்க்சிஸ்ட் கம்யூனிஸ்ட்), எம். தங்கவேலு, பி. குருசாமி (இந்திய கம்யூனிஸ்ட்) மற்றும் காங்கிரஸ், மதிமுக, விடுதலைச் சிறுத்தைகள் கட்சியைச் சேர்ந்தோர் பங்கேற்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/சிவகிரியில்-திமுக-வேட்பாளர்-அறிமுகக்-கூட்டம்-3118873.html
3118872 திருநெல்வேலி திருநெல்வேலி கடையநல்லூர் மாடக்குளத்து அய்யனார் கோயிலில் கும்பாபிஷேகம் DIN DIN Saturday, March 23, 2019 01:01 AM +0530 மேலக்கடையநல்லூர் அருள்மிகு ஸ்ரீபூர்ண புஷ்கலா சமேத ஸ்ரீ மாடக்குளத்து அய்யனார் திருக்கோயிலில் அஷ்டபந்தன மகா கும்பாபிஷேகம் வெள்ளிக்கிழமை நடைபெற்றது.
இதை முன்னிட்டு 20ஆம் தேதி விக்னேஸ்வர பூஜை,  தீபலட்சுமி பூஜை,  புண்யாகவாசனம், பஞ்சகவ்யபூஜை,  எஜமான அனுக்ஞை, மகா கணபதி ஹோமம் , சுதர்சன ஹோமம் ,தனபூஜை, பூர்ணாஹுதி தீபாராதனை, கோ பூஜை, கஜ பூஜை, முதல் கால யாகசாலை பூஜை நடைபெற்றது. 21ஆம் தேதி விசேட சந்தி , பாவனா அபிஷேகம், இரண்டாம் கால யாகசாலை பூஜை, மூன்றாம் கால யாகசாலை பூஜை ,எந்திர ஸ்தாபனம், அஷ்டபந்தனம் ,சமர்ப்பணம் நடைபெற்றது. 22 ஆம் தேதி நான்காம் கால யாகசாலை பூஜை  ,நாடி சந்தானம், தச தரிசனம், மகா பூர்ணாஹுதி நடைபெற்றது . தொடர்ந்து விமான கோபுரம் , ஸ்ரீஅய்யனார் மற்றும் பரிவார தேவதைகளுக்கு மகா கும்பாபிஷேகம் நடைபெற்றது . இதில் திரளான பக்தர்கள் கலந்து கொண்டனர்.  ஏற்பாடுகளை விழாக் குழுவினர் செய்திருந்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/கடையநல்லூர்-மாடக்குளத்து-அய்யனார்-கோயிலில்-கும்பாபிஷேகம்-3118872.html
3118871 திருநெல்வேலி திருநெல்வேலி வீரவநல்லூர் திரெளபதை அம்பாள் கோயிலில் நாளை கும்பாபிஷேகம் DIN DIN Saturday, March 23, 2019 01:01 AM +0530 வீரவநல்லூர் ஸ்ரீ திரெளபதை அம்பாள் மற்றும் சங்கிலி பூதத்தார் சுவாமி கோயிலில் ஞாயிற்றுக்கிழமை கும்பாபிஷேகம் (மார்ச் 24) நடைபெறுகிறது. 
இக்கோயில் கும்பாபிஷேகத்தை முன்னிட்டு கடந்த 17ஆம் தேதி கால்நாட்டு விழா நடைபெற்றது. தொடர்ந்து வெள்ளிக்கிழமை காலையில் விநாயகர் பூஜை, புண்யாக வாஜனம், கலச பூஜை, யாகபூஜை, கணபதி ஹோமம், லட்சுமி ஹோமம், கோ பூஜை, பூர்ணா ஹுதி உள்ளிட்டவை நடைபெற்றன. காலை 10 மணிக்கு நவக்கிரஹ ஹோமம், சுதர்சன ஹோமமும், மாலை 4.30 மணிக்கு சுந்தரராஜா கோயிலிலிருந்து தீர்த்தம் எடுத்துவருதலும் நடைபெற்றன. தொடர்ந்து முதல்கால யாக பூஜை, வாஸ்து சாந்தி, சோம கும்ப பூஜை, பாலிக ஸ்தாபனம், யாகசாலை பிரவேசம், மண்டப பூஜையும், இரவு 8 மணிக்கு முதல்கால யாக வேள்வி, திரவ்யா ஹுதி, பூர்ணாஹுதி, தீபாராதனை ஆகியனவும் நடைபெற்றன. 
சனிக்கிழமை (மார்ச் 23) காலை 9 மணிக்கு திருவாராதனம், சாற்று முறை கோஷ்டி, இரண்டாம் யாக சாலை வேள்வி, தீபாராதனை,  மாலை 4 மணிக்கு பிம்ப சுக்தி திருமஞ்சனம், இரவு 7.30 மணிக்கு மூன்றாவது கால யாக பூஜை, சூர்ய பூஜை, பாவனாபிஷேகம், அந்தர்யாகம், மண்டப பூஜை உள்ளிட்டவை நடைபெறுகின்றன.
ஞாயிற்றுக்கிழமை (மார்ச் 24) அதிகாலை 4.30 மணிக்கு விஸ்வரூபம், நான்காம் கால யாக பூஜை, மகா பூர்ணாஹுதி, விநாயகர் பூஜை, புண்யாக வாஜனம், கலசபூஜையும், காலை  5.30 மணிக்கு திருவாராதனம், யாத்ரா தானம், கும்பங்கள் புறப்பாட்டைத் தொடர்ந்து, 6 மணிக்கு மேல் 6.30-க்குள் விமானம், மூலஸ்தானம், பரிவார தெய்வங்களுக்கு மகா கும்பாபிஷேகம் நடைபெறுகிறது. காலை 9.30 மணிக்கு திரெளபதை அம்பாள் அர்ச்சுனர் திருக்கல்யாணத்தைத் தொடர்ந்து, நண்பகல் 12 மணிக்கு அன்னதானம் நடைபெறும். இரவு 9 மணிக்கு மேல் சுவாமி, அம்பாள் வீதி  உலா நடைபெறுகிறது. ஏற்பாடுகளை மகா கும்பாபிஷேக விழா கமிட்டியினர் செய்துள்ளனர்.

]]>
https://www.dinamani.com/all-editions/edition-thirunelveli/thirunelveli/2019/mar/23/வீரவநல்லூர்-திரெளபதை-அம்பாள்-கோயிலில்-நாளை-கும்பாபிஷேகம்-3118871.html
3118864 திருநெல்வேலி திருநெல்வேலி தென்காசி தொகுதியில் நாம் தமிழர் கட்சி வேட்பாளர் மனு தாக்கல் DIN DIN Saturday, March 23, 2019 12:55 AM +0530 தென்காசி மக்களவைத் தொகுதியில் போட்டியிட நாம் தமிழர் கட்சி வேட்பாளர் வெள்ளிக்கிழமை வேட்புமனு தாக்கல் செய்தார்.
தென்காசி மக்களவைத் தொகுதியில் போட்டியிட தென்காசி கோட்டாட்சியர் அலுவலகம் மற்றும் திருநெல்வேலியில் மாவட்ட வருவாய் அலுவலகம் என இரண்டு இடங்களிலும் வேட்பு மனு தாக்கல் செய்யலாம் என அறிவிக்கப்பட்டிருந்தது.
கடந்த 19ஆம் தேதிமுதல் வேட்புமனு தாக்கல் தொடங்கிய நிலையில், தென்காசி கோட்டாட்சியர் அலுவலகத்தில் யாரும் வேட்புமனு தாக்கல் செய்யவில்லை.
இந்நிலையில் நாம் தமிழர் கட்சி சார்பில் சிவகிரி விஸ்வநாதபேரி அம்பேத்கர் வடக்குத் தெருவைச் சேர்ந்த ச.மதிவாணன் (33), முதன்மை உதவி தேர்தல் அலுவலர் சௌந்தரராஜிடம் வெள்ளிக்கிழமை வேட்புமனுவை தாக்கல் செய்தார்.
அப்போது, மேற்கு மண்டலச் செயலர் தினகரன், வாசுதேவநல்லூர் பேரவைத் தொகுதிச் செயலர் சீனிவாசன், ஸ்ரீவில்லிபுத்தூர் பேரவைத் தொகுதி பொருளாளர் பிரபாகர மூர்த்தி, விருதுநகர் மேற்கு மாவட்டத் தலைவர் பாலன், வழக்குரைஞர் வீரமணிமாறன் ஆகியோர் உடனிருந்தனர்.
பின்னர் மதிவாணன் செய்தியாளர்களிடம் கூறியது: தென்காசி மக்களவைத் தொகுதியில் அரசு கலைக் கல்லூரி, தொழில்நுட்பக் கல்லூரி அமைக்கவும், நீர்நிலைகள் அனைத்தையும் தூர்வாரி நீரை சேமிக்கவும் நடவடிக்கை மேற்கொள்வேன் என்றார் அவர்.
 

]]>
https://www.dinamani.com/all-editions/edition-thirunelveli/thirunelveli/2019/mar/23/தென்காசி-தொகுதியில்-நாம்-தமிழர்-கட்சி-வேட்பாளர்-மனு-தாக்கல்-3118864.html
3118456 திருநெல்வேலி திருநெல்வேலி பொன்னாக்குடியில் விபத்து: காயமடைந்தவர் சாவு DIN DIN Friday, March 22, 2019 07:49 AM +0530 பொன்னாக்குடியில் கடந்த 6 ஆம் தேதி நிகழ்ந்த  விபத்தில் காயமடைந்தவர் வியாழக்கிழமை(மார்ச்21) உயிரிழந்தார்.
திருநெல்வேலி  பொன்னாக்குடியை அடுத்த செங்குளத்தைச் சேர்ந்த சுடலைமுத்து மகன் மாடசாமி(45). இவர் கடந்த 6ஆம் தேதி பொன்னாக்குடியில் உள்ள திருநெல்வேலி - கன்னியாகுமரி நெடுஞ்சாலையைக் கடக்க முயன்றாராம். அப்போது அந்தவழியாக வந்த கார் அவர் மீது மோதியதாம். இதில் பலத்த காயமடைந்த மாடசாமியை மீட்டு திருநெல்வேலி அரசு மருத்துவக்கல்லூரி மருத்துவமனையில் சேர்த்தனர்.  அங்கு அவர் வியாழக்கிழமை உயிரிழந்தார்.
இது குறித்து முன்னீர்பள்ளம் போலீஸார் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/22/பொன்னாக்குடியில்-விபத்து-காயமடைந்தவர்-சாவு-3118456.html
3118455 திருநெல்வேலி திருநெல்வேலி சங்கரன்கோவில் அருகே  ஆண் சடலம் மீட்பு DIN DIN Friday, March 22, 2019 07:49 AM +0530 சங்கரன்கோவில் அருகே கண்மாயில் கிடந்த ஆண் சடலத்தை மீட்டு  போலீஸார் விசாரித்து வருகின்றனர்.
சங்கரன்கோவில் என்.ஜி.ஓ.காலனி அருகேயுள்ள நாய்குடி கண்மாயில் ஆண் சடலம் கிடந்ததை வியாழக்கிழமை காலையில் பார்த்த அப்பகுதி மக்கள் சங்கரன்கோவில் காவல் நிலையத்திற்கு தகவல் தெரிவித்தனர். இதையடுத்து போலீஸார்  அங்கு   சென்று ல சலத்தை  மீட்டு பிரேத பரிசோதனைக்கு அரசு மருத்துவமனைக்கு அனுப்பி வைத்தனர்.  இறந்தவர்  பேன்ட், சட்டை அணிந்திருந்தார். இது குறித்து  புளியம்பட்டி கிராம நிர்வாக அலுவலர் மகபூப்பீவி அளித்த புகாரின் பேரில்,  தாலுகா காவல் ஆய்வாளர்  நாகலட்சுமி வழக்குப் பதிந்து விசாரித்து வருகிறார்.

]]>
https://www.dinamani.com/all-editions/edition-thirunelveli/thirunelveli/2019/mar/22/சங்கரன்கோவில்-அருகே--ஆண்-சடலம்-மீட்பு-3118455.html
3118454 திருநெல்வேலி திருநெல்வேலி கிணற்றில் மூழ்கி நண்பர்கள் இருவர் சாவு DIN DIN Friday, March 22, 2019 07:48 AM +0530 முக்கூடல் அருகே வியாழக்கிழமை கிணற்றில் மூழ்கி நண்பர்கள் இருவர் உயிரிழந்தனர்.
முக்கூடல் சொக்கலால் பள்ளித் தெருவைச் சேர்ந்த நடராஜன் மகன் பிரசன்னா (45), முக்கூடல் கீழ பெரிய வீதியைச் சேர்ந்த முத்துக்குட்டி மகன் கபால் கண்ணன் (45). நண்பர்களான இருவரும் முக்கூடல் அருகே உள்ள காத்தபுரத்தில் தனியார் தோட்டத்தில் உள்ள சாஸ்தா கோயிலுக்கு பங்குனி உத்திரத்தையொட்டி வழிபடச் சென்றனராம். அங்கு தோட்டத்தில் இருந்த கிணற்று சுற்றுச்சுவரில் உட்கார்ந்திருந்த கண்ணன் கிணற்றில் தவறி விழுந்தாராம். உடனடியாக அருகிலிருந்த பிரசன்னா கிணற்றில் குதித்து கண்ணனைக் காப்பாற்ற முயன்றாராம். ஆனால், இருவரும் நீரில் மூழ்கிவிட்டனராம். தகவலறிந்து சேரன்மகாதேவி தீயணைப்பு நிலைய அலுவலர் (போக்குவரத்து) சுப்பிரமணியன் மற்றும் மீட்பு வீரர்கள், முக்கூடல் காவல் ஆய்வாளர் சங்கரேஸ்வரி, காவல் உதவி ஆய்வாளர் ஞானசெல்வம் மற்றும் போலீஸார் விரைந்து சென்று மீட்புப் பணியில் ஈடுபட்டனர். இருப்பினும், கிணற்றில் தவறி விழுந்த இருவரும் நீரில் மூழ்கி இறந்துவிட்டனர். அவர்களது உடல்களை போலீஸார் மீட்டு திருநெல்வேலி, அரசு மருத்துவக் கல்லூரி மருத்துவமனைக்கு பிரேத பரிசோதனைக்கு அனுப்பி வைத்தனர். பிரசன்னா திருமணமாகி மனைவியை பிரிந்து வாழ்ந்து வந்தார். கபால் கண்ணன் திருமணம் செய்து கொள்ளவில்லை.

]]>
https://www.dinamani.com/all-editions/edition-thirunelveli/thirunelveli/2019/mar/22/கிணற்றில்-மூழ்கி-நண்பர்கள்-இருவர்-சாவு-3118454.html
3118453 திருநெல்வேலி திருநெல்வேலி சங்கரன்கோவிலில் திமுக வேட்பாளர் அறிமுகக் கூட்டம் DIN DIN Friday, March 22, 2019 07:48 AM +0530 சங்கரன்கோவிலில் தென்காசி மக்களவைத் தொகுதி திமுக வேட்பாளர் அறிமுகக் கூட்டம் வியாழக்கிழமை நடைபெற்றது.
திமுக மேற்கு மாவட்ட பொறுப்பாளர்  சிவபத்மநாபன் தலைமை வகித்தார்.  முன்னாள் அமைச்சர் ச.தங்கவேலு, தொழிலதிபர் அய்யாத்துரைப்பாண்டியன், மாவட்ட அவைத் தலைவர் முத்துப்பாண்டியன், மாவட்ட இலக்கிய அணி அமைப்பாளர் கோ.சுப்பையா, தலைமைத் தீர்மானக்குழு உறுப்பினர் சரவணன்,  நகர காங்கிரஸ்  தலைவர் உமாசங்கர், இந்நதிய கம்யூனிஸ்ட் வட்டாரச்  செயலர் எம்.குருசாமி ஆகியோர் முன்னிலை வகித்தனர்.
வேட்பாளர் தனுஷ்.எம்.குமார் பேசியது:  தேர்தலில் வெற்றி பெற்றால், இத் தொகுதியில் நீண்டநாள்கள் நிறைவேறாமல் உள்ள அனைத்துப் பிரச்னைகளையும் தீர்த்து வைப்பேன் என்றார் அவர்.
 கூட்டத்தில் முன்னாள் நகரச் செயலர் ராஜதுரை, பொதுக்குழு உறுப்பினர் கணேசன், வர்த்தக அணிச் செயலர் அண்ணாவியப்பன், வழக்குரைஞர் முத்துராமலிங்கம், இளைஞரணி பிரகாஷ், ராம்சரவணன் உள்பட பலர் பங்கேற்றனர். நகரச் செயலர் சங்கரன் நன்றி கூறினார்.
புளியங்குடி: புளியங்குடியில் தென்காசி மக்களவைத் தொகுதி திமுக வேட்பாளர் தனுஷ் குமார் அனைத்து சமுதாய நிர்வாகிகளை வியாழக்கிழமை சந்தித்து வாக்கு சேகரித்தார்.
   தொடர்ந்து,  அவர் புளியங்குடி திமுக நகரச் செயலர்  செல்வகுமார்,  மதிமுக நகரச் செயலர் ஜாகிர் உசேன், இந்திய கம்யூனிஸ்ட்,  மார்க்சிஸ்ட்  நிர்வாகிகள்,  மமக  நகரத் தலைவர் பஷீர் ஒலி,  காங்கிரஸ் நகரத் தலைவர் பால்ராஜ், இந்திய யூனியன் முஸ்லிம் லீக் மாவட்டத் தலைவர் செய்யது சுலைமான், நகரத் தலைவர் அப்துல்வகாப் மற்றும் நிர்வாகிகளை சந்தித்து ஆலோசனை நடத்தினார். தொடர்ந்து செய்தியாளர்களிடம் கூறியது:   நான் மக்களோடு மக்களாக இருந்து அவர்களின் கோரிக்கைகளை நிறைவேற்றுவதுடன், தென்காசி தொகுதி வளர்ச்சிக்கு பாடுபடுவேன். இரண்டு மாதத்திற்கு ஒருமுறை தொகுதியின் அனைத்து பகுதி மக்களைச் சந்தித்து கோரிக்கைகளை  நிறைவேற்ற நடவடிக்கை மேற்கொள்வேன் என்றார்அவர்.
பேட்டியின்போது திமுக நெல்லை மேற்கு மாவட்ட பொறுப்பாளர் சிவ பத்மநாபன்,  மாவட்ட அவைத் தலைவர் முத்துப்பாண்டி, முஸ்லிம் லீக் மாவட்டச் செயலர் இக்பால், இளைஞரணி மாநில துணைத் தலைவர் செய்யது பட்டாணி உள்பட பலர் உடனிருந்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/22/சங்கரன்கோவிலில்-திமுக-வேட்பாளர்-அறிமுகக்-கூட்டம்-3118453.html
3118452 திருநெல்வேலி திருநெல்வேலி சின்னங்கள் வராததால் சுயேச்சை வேட்பாளர்கள் தவிப்பு! DIN DIN Friday, March 22, 2019 07:48 AM +0530 மக்களவைத் தேர்தலில் தேர்தல் ஆணையத்தால் அங்கீகரிக்கப்படாத கட்சிகள் மற்றும் சுயேச்சைகள் தேர்வு செய்து வேட்புமனுவில் குறிப்பிடுவதற்கு ஏதுவாக சின்னங்களின் பட்டியல் வெளியாகாததால் வேட்பாளர்கள் தவிப்புக்கு ஆளாகியுள்ளனர். இதனால் வேட்புமனு பரிசீலனைக்கு முன்பாக மீண்டும் ஒருமுறை ஆட்சியர் அலுவலகத்திற்கு வர வேண்டிய நிலை உருவாகியுள்ளது.
தமிழகத்தில் மக்களவைத் தேர்தல் ஏப்ரல் 18ஆம் தேதி ஒரே கட்டமாக நடைபெற உள்ளது. இதற்கான மனு தாக்கல் கடந்த 19ஆம் தேதி தொடங்கியது. இம் மாதம் 26ஆம் தேதி மனுதாக்கலுக்கு இறுதி நாளாகும். தேர்தல்களில் வேட்பாளர்களைவிட சின்னங்கள்தான் அதிக முக்கியத்துவம் பெறும். அதன்படி தேர்தல் ஆணையத்தில் பதிவு செய்யப்பட்டு, அங்கீகரிக்கப்பட்ட கட்சிகள் பல ஆண்டுகளாக தொடர்ந்து ஒரே சின்னத்தில் போட்டியிடுகின்றன. அக்கட்சிகளின் வேட்பாளர்களுக்கு அதே சின்னங்களே ஒதுக்கீடு செய்யப்படும்.
கட்சிகளின் சின்னங்கள்: அதன்படி, இந்த மக்களவைத் தேர்தலிலும் அங்கீகரிக்கப்பட்ட தேசிய கட்சிகளான பகுஜன் சமாஜ் கட்சி யானை சின்னத்திலும், பாரதிய ஜனதா கட்சி தாமரை சின்னத்திலும், இந்திய கம்யூனிஸ்ட் கட்சி கதிர்அரிவாள் சின்னத்திலும், மார்க்சிஸ்ட் கம்யூனிஸ்ட் கட்சி அரிவாள்-சுத்தியல்-நட்சத்திரம் சின்னத்திலும், காங்கிரஸ் கட்சி கை சின்னத்திலும், தேசியவாத காங்கிரஸ் கட்சி கடிகாரம் சின்னத்திலும் போட்டியிடுகின்றன. தமிழகத்தில் அங்கீகரிக்கப்பட்ட மாநிலக் கட்சிகளான அ.தி.மு.க. இரட்டை இலை சின்னத்திலும், தி.மு.க. உதயசூரியன் சின்னத்திலும், தே.மு.தி.க. கொட்டும் முரசு சின்னத்திலும் போட்டியிடுகின்றன. 
இதுதவிர பதிவு செய்யப்பட்ட கட்சிகளான திரிணமூல் காங்கிரஸ் கட்சி மலர்-புல் சின்னத்திலும், இந்தியன் யூனியன் முஸ்லிம் லீக் ஏணி சின்னத்திலும், பா.ம.க. மாம்பழம் சின்னத்திலும், ஆம் ஆத்மி கட்சி துடைப்பம் சின்னத்திலும், விடுதலைச் சிறுத்தைகள் கட்சி பானை சின்னத்திலும், மக்கள் நீதி மய்யம் கட்சி டார்ச் லைட் சின்னத்திலும் போட்டியிடுகின்றன.
சுயேச்சைகள் தவிப்பு: சுயேச்சைகளாக போட்டியிடுபவர்கள் தங்களது வேட்புமனுவில் தங்களுக்கு பிரியமான 3 சின்னங்களை பூர்த்தி செய்து விண்ணப்பிக்க வேண்டும். அதற்கு தேர்தல் ஆணையத்தின்சார்பில் உள்ள பட்டியலில் உள்ள சின்னங்களைக் குறிப்பிடுவார்கள். வேட்புமனு தாக்கல் தொடங்கி 3 நாள்கள் ஆகிவிட்ட நிலையிலும், சுயேச்சைகளுக்கான சின்னங்களின் பட்டியல் திருநெல்வேலி மாவட்ட அதிகாரிகளிடம் இல்லை. 
அதனால் சுயேச்சையாக வேட்புமனு தாக்கல் செய்பவர்கள் சின்னங்களுக்கான பகுதியை விட்டுவிட்டு பூர்த்தி செய்து மனுதாக்கல் செய்து வருவதால் தவிப்புக்கு ஆளாகியுள்ளனர்.
போட்டி வந்தால் குலுக்கல்: இதுகுறித்து தேர்தல் அலுவலக வட்டாரங்கள் கூறுகையில், வெள்ளிக்கிழமை (மார்ச் 22) சுயேச்சைகளுக்கான சின்னங்களின் பட்டியல் கிடைக்கும் வாய்ப்பு உள்ளது. அதன்பின்பு ஏற்கெனவே சுயேச்சையாக மனுதாக்கல் செய்துள்ளவர்களை மீண்டும் அழைத்து 3 சின்னங்களை தேர்வு செய்து அவர்களது வேட்புமனுவில் குறிப்பிடச் சொல்வோம். புதிதாக மனுதாக்கல் செய்பவர்களும் பட்டியலைப் பார்த்து சின்னங்களை குறிப்பிடலாம். 
அங்கீகரிக்கப்பட்ட, பதிவுசெய்யப்பட்ட கட்சிகளின் வேட்பாளர்களுக்கு அவர்களது கட்சியின் கடிதம் அளிப்பதன் மூலம் கட்சியின் சின்னம் வழங்கப்படும்.
 சுயேச்சைகளில் ஒரே சின்னத்துக்கு 2 அல்லது 3 பேர் இடையே போட்டி ஏற்படும் சூழல் ஏற்பட்டால் குலுக்கல் முறையில் சின்னங்கள் ஒதுக்கப்படும் என்றனர்.

2014 தேர்தலில் 73 சின்னங்கள்!
தமிழகத்தில் 2014ஆம் ஆண்டு நடைபெற்ற மக்களவைத் தேர்தலின்போது சுயேச்சை வேட்பாளர்களுக்காக 73 சின்னங்களின் பட்டியலை தேர்தல் ஆணையம் வைத்திருந்தது. அவற்றின் விவரம்: பலூன், கிரிக்கெட் வீரர், டார்ச் லைட், பெல்ட், கரும்பலகை, ரொட்டி, சூட்கேஸ், பிரஷ், கேக், கால்குலேட்டர், கேமரா, மெழுகுவர்த்தி, கேரம்போர்டு, தரைவிரிப்பு, கேரட், காலிபிளவர், மின்விசிறி, செருப்பு, சதுரங்கப் பலகை, கோர்ட், தேங்காய், கட்டில், கட்டிங்பிளேயர், வெட்டரிவாள், டீசல் பம்ப், டிஷ் ஆன்டனா, டோலி, மின்கம்பம், பிராக், புனல், வாணலி, கேஸ் சிலிண்டர், கேஸ் ஸ்டவ், கண்ணாடி டம்ளர், திராட்சை, மிளகாய், ஹார்மோனியம், தொப்பி, ஹெல்மெட், வலைகோல் பந்து, அயர்ன்பாக்ஸ், காத்தாடி, பெண்களின் கைப்பை, தபால்பெட்டி, மிக்ஸி, நகவெட்டி, கழுத்துப்பட்டை (டை), பேனா நிப், பென் ஸ்டேன்ட், பென்சில் வெட்டி, பிளேட் ஸ்டேன்ட், பானை, பிரஷர் குக்கர், ரேஷர், பிரிட்ஜ், மோதிரம், ரம்பம், புத்தகப்பை, கத்திரிக்கோல், தையல் இயந்திரம், இறகுபந்து, ஸ்லேட், ஸ்டெதஸ்கோப், ஸ்டூல், மேஜை, மேஜைவிளக்கு, கூடாரம், பல்துலக்கும் பிரஷ், விசில், டம்பர்ட், வயலின், ஊன்றுகோல், ஜன்னல் ஆகிய சின்னங்கள் தயார் நிலையில் வைக்கப்பட்டுள்ளன.
 

]]>
https://www.dinamani.com/all-editions/edition-thirunelveli/thirunelveli/2019/mar/22/சின்னங்கள்-வராததால்-சுயேச்சை-வேட்பாளர்கள்-தவிப்பு-3118452.html
3118450 திருநெல்வேலி திருநெல்வேலி பெண்ணிடம் நகை பறிப்பு: 4 பேர் கைது DIN DIN Friday, March 22, 2019 07:47 AM +0530 பாளையங்கோட்டை வி.எம்.சத்திரத்தில்   பெண்ணிடம் தங்கச்சங்கிலியை பறித்துச் சென்ற வழக்கில் தொடர்புடைய 4 பேரை போலீஸார் கைது செய்தனர்.  
திருநெல்வேலி  வி.எம்.சத்திரம் கவிதா நகரைச் சேர்ந்த நெல்லையப்பன் மனைவி சுகுமாரி (27). இவர் கடந்த 20ஆம் தேதி தன்னுடைய குழந்தையை பள்ளியில் இருந்து வீட்டுக்கு அழைத்துக்கொண்டு கவிதாநகர் சாலையில் நடந்து சென்று கொண்டிருந்தாராம். அப்போது, மோட்டார் சைக்கிளில் தலைக்கவசம் அணிந்து வந்த மர்ம நபர்கள் இருவர் சுகுமாரி அணிந்திருந்த  தங்கச் சங்கிலியை பறித்துக் கொண்டு தப்பிவிட்டனர். இது குறித்து அவர்  பெருமாள்புரம் போலீஸில் புகார் தெரிவித்தார். இந்த சம்பவம் தொடர்பாக பெருமாள்புரம் குற்றப்பிரிவு போலீஸார் வழக்குப் பதிந்து விசாரித்து வந்தனர். 
மேலும்,   பாளையங்கோட்டை காவல் ஆய்வாளர் நாகராஜன் தலைமையில் தனிப்படை அமைக்கப்பட்டது. இச்சம்பவத்திற்கு உடந்தையாக இருந்ததாக கீழநத்தம் கீழுரைச் சேர்ந்த முருகையா மகன் அம்மமுத்து(24),  கீழநத்தம் மேலூரைச் சேர்ந்த ராஜா என்பவர் மகன் கார்த்தி (23), கேடிசி நகர் துரைசேட்நகரைச் சேர்ந்த  தாமோதரன் மகன் தங்கராஜ்(32), அதே பகுதியைச் சேர்ந்த தங்கராஜ் மனைவி பானுப்பிரியா(32) ஆகிய 4 பேரை போலீஸார் வியாழக்கிழமை கைது செய்தனர். அவர்களிடம் இருந்து சுமார் ரூ. 60 ஆயிரம் மதிப்புள்ள தங்கச் சங்கிலி மீட்கப்பட்டது. மேலும் இது தொடர்பாக மேலப்பாளையம்  செல்லத்துரை மகன் சூரி என்ற சுரேஷை போலீஸார் தேடி வருகின்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/22/பெண்ணிடம்-நகை-பறிப்பு-4-பேர்-கைது-3118450.html
3118449 திருநெல்வேலி திருநெல்வேலி நெல்லை, சங்கரன்கோவிலில் இன்று அதிமுக செயல்வீரர்கள் கூட்டம் DIN DIN Friday, March 22, 2019 07:47 AM +0530 திருநெல்வேலி, சங்கரன்கோவிலில் அதிமுக செயல்வீரர்கள் கூட்டம் வெள்ளிக்கிழமை (மார்ச் 22) நடைபெறுகிறது.
இதுதொடர்பாக திருநெல்வேலி மாநகர் மாவட்ட அதிமுக செயலர் தச்சை என்.கணேசராஜா வெளியிட்டுள்ள செய்திக் குறிப்பு:  மக்களவைத் தேர்தலில் திருநெல்வேலி தொகுதியில் அதிமுக சார்பில் போட்டியிடும் பி.ஹெச்.பி.மனோஜ்பாண்டியன், தென்காசி தொகுதியில் போட்டியிடும் கூட்டணி கட்சியின் வேட்பாளர் டாக்டர் கிருஷ்ணசாமி ஆகியோரை வெற்றி பெற செய்ய தமிழக முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் ஆகியோர் அறிவுரையின்படி தொகுதி வாரியாக திருநெல்வேலி மாநகர் மாவட்டத்தில் செயல்வீரர்கள் கூட்டம் நடைபெறுகிறது. அதன்படி, சங்கரன்கோவில் பேரவைத் தொகுதி செயல்வீரர்கள் கூட்டம் சங்கரன்கோவில் வைஷ்ணவி மஹாலில் வெள்ளிக்கிழமை (மார்ச் 22) காலை 10 மணிக்கும், பாளையங்கோட்டை மற்றும் திருநெல்வேலி பேரவைத் தொகுதிகளுக்கான 
செயல்வீரர்கள் கூட்டம் பாளையங்கோட்டை நூற்றாண்டு மண்டபத்தில் மாலை 4 மணிக்கும் நடைபெறுகிறது. வாசுதேவநல்லூர் பேரவைத் தொகுதி ஆலோசனைக் கூட்டம்  23 ஆம் தேதி (சனிக்கிழமை) மாலை 4 மணிக்கு புளியங்குடி கண்ணா திரையரங்கு வளாகம், கடையநல்லூர் பேரவைத் தொகுதி ஆலோசனைக் கூட்டம் 24 ஆம் தேதி (ஞாயிற்றுக்கிழமை ) மாலை 4 மணிக்கு செங்கோட்டை இந்திரா மஹாலிலும் நடைபெறுகிறது. இக்கூட்டங்களில் அதிமுக நிர்வாகிகள், தொண்டர்கள், கூட்டணிக் கட்சிகளின் நிர்வாகிகள் பங்கேற்க வேண்டும் எனத் தெரிவிக்கப்பட்டுள்ளது.
அமைச்சர் பேட்டி: சங்கரன்கோவிலில் அதிமுக கூட்டணிக் கட்சி நிர்வாகிகள் ஆலோனைக் கூட்டம் மற்றும்   தேசிய ஜனநாயக முற்போக்கு கூட்டணி தேர்தல் அலுவலக திறப்பு  விழா வெள்ளிக்கிழமை நடைபெறுகிறது.  இதில்  கட்சி நிர்வாகிகள்,  சார்புஅணி நிர்வாகிகள் மற்றும் கூட்டணி கட்சி நிர்வாகிகள் அனைவரும் கலந்துகொள்ளமாறு கேட்டுக்கொண்டுள்ளார் அமைச்சர் வி.எம்.ராஜலட்சுமி.

]]>
https://www.dinamani.com/all-editions/edition-thirunelveli/thirunelveli/2019/mar/22/நெல்லை-சங்கரன்கோவிலில்-இன்று-அதிமுக-செயல்வீரர்கள்-கூட்டம்-3118449.html
3118448 திருநெல்வேலி திருநெல்வேலி புளியங்குடி பாலசுப்பிரமணிய சுவாமி கோயில் பங்குனித் தேரோட்டம் DIN DIN Friday, March 22, 2019 07:46 AM +0530 புளியங்குடி ஸ்ரீபாலசுப்பிரமணிய சுவாமி கோயிலில் பங்குனி உத்திரத் தேரோட்டம் வியாழக்கிழமை நடைபெற்றது.
இக்கோயிலில் பங்குனி உத்திரத் திருவிழா கடந்த 12ஆம் தேதி கொடியேற்றத்துடன் தொடங்கியது. நாள்தோறும் சுவாமிக்கு சிறப்பு அபிஷேக, அலங்கார தீபாராதனைகள் நடைபெற்றன. 10ஆம் திருநாளான வியாழக்கிழமை தேரோட்டம் நடைபெற்றது.இதையொட்டி, அதிகாலை 5 மணிக்கு கோயில் நடை திறக்கப்பட்டது. 8 மணிக்கு சுவாமி தேருக்கு எழுந்தருளல் நடைபெற்றது. தொடர்ந்து, சிறப்பு பூஜைகளுக்குப் பின்னர் தேரோட்டம் நடைபெற்றது. 
பாலாஜி கிரானைட்ஸ் நிறுவனர் சங்கரநாராயணன், புளியங்குடி காவல் ஆய்வாளர் பாலசுந்தரம், கோயில் நிர்வாக அதிகாரி அ.ர. ஸ்ரீதேவி ஆகியோர் வடம் பிடித்து தேரோட்டத்தைத் தொடங்கிவைத்தனர். தெற்கு ரத வீதி, கோயில் மேலவாசல் தெரு, வடக்கு ரத வீதி வழியாக தேர் முற்பகலில் நிலையத்தை அடைந்தது. தேரோட்டத்தில் திரளான பக்தர்கள் பங்கேற்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/22/புளியங்குடி-பாலசுப்பிரமணிய-சுவாமி-கோயில்-பங்குனித்-தேரோட்டம்-3118448.html
3118447 திருநெல்வேலி திருநெல்வேலி பங்குனி உத்திரம்: சாஸ்தா கோயில்களில் சிறப்பு வழிபாடு DIN DIN Friday, March 22, 2019 07:46 AM +0530 பங்குனி உத்திரத் திருநாளையொட்டி, சாஸ்தா கோயில்களில் வியாழக்கிழமை சிறப்பு வழிபாடுகள் நடைபெற்றன. இதில், ஆயிரக்கணக்கான பக்தர்கள் கலந்துகொண்டு வழிபட்டனர்.
தமிழகத்தில் பங்குனி உத்திரத் திருநாளில் தாய்-தந்தைகளின் மூதாதையர்கள் வழிபட்டு வந்த குலதெய்வக் கோயில்களில் சிறப்பு வழிபாடுகள் செய்வது வழக்கம். இந்த நாளில் கோயிலில் தீர்த்தமாடி பொங்கலிட்டு வழிபட்டால் சகல ஐஸ்வர்யங்களும் கிடைப்பதோடு, துன்பங்கள் நீங்கி சுபிட்ஷமான வாழ்வு பெறலாம் என்பது நம்பிக்கை. அதன்படி, நிகழாண்டுக்கான பங்குனி உத்திர விழா வியாழக்கிழமை கொண்டாடப்பட்டது. 
திருநெல்வேலி, தூத்துக்குடி, கன்னியாகுமரி மாவட்டங்களில் உள்ள பல்வேறு சாஸ்தா கோயில்களிலும் சிறப்பு வழிபாடுகள் நடைபெற்றன.
கரையடி மாடசுவாமி: திருநெல்வேலி அருகே பிரான்சேரி குளத்தின் கரையில் அமைந்துள்ள கரையடி மாடசுவாமி மற்றும் வீரியபெருமாள் சாஸ்தா கோயிலில் காலையில் கணபதி ஹோமம் நடைபெற்றது.
 அதன்பின்பு தாமிரவருணி நதியில் இருந்து பால்குட ஊர்வலமும், கும்பாபிஷேகமும் நடைபெற்றன. நண்பகலில் அலங்கார தீபாராதனைக்குப் பின்பு பக்தர்கள் கோயில் முன்பு பொங்கலிட்டு வழிபட்டனர். 
கோபாலசமுத்திரம் அருள்மிகு பசுங்கிளி அய்யன் சாஸ்தா திருக்கோயிலில்  சிறப்பு அபிஷேக ஆராதனை, திருப்படையல் பூஜை, அன்னதானம் ஆகியவை நடைபெற்றன. சுற்றுவட்டார பகுதிகளைச் சேர்ந்த 1000-க்கும் மேற்பட்ட பக்தர்கள் சுவாமி தரிசனம் செய்தனர். பாளையங்கோட்டை அருகேயுள்ள படப்பக்குறிச்சி அருள்மிகு குளத்துப்புழை தர்ம சாஸ்தா கோயிலுக்கு,  பூமிபாலசக்தி விநாயகர் கோயிலில் இருந்து பக்தர்கள் பால்குடம் எடுத்து வந்தனர். சுடலைமாட சுவாமிக்கு படைப்பு  தீபாராதனையும், பரிபால மூர்த்திகளுக்கு அலங்கார தீபாராதனையும் நடைபெற்றன. 
மானூர் அருகே கீழபிள்ளையார்குளத்தில் உள்ள அருள்மிகு திருமேனி அய்யனார் சாஸ்தா கோயிலில் சிறப்பு அபிஷேக ஆராதனை, படையல் வழிபாடு நடைபெற்றன. திருநெல்வேலி சிந்துபூந்துறை அருகேயுள்ள மேகலிங்கபுரம் சாஸ்தா கோயில் உள்ளிட்டவற்றிலும் ஏராளமான பக்தர்கள் சுவாமி தரிசனம் செய்தனர்.
ஆயிரங்காவய்யன் கோயில்: மேலப்பாட்டம் அருகே வெள்ளிமலை மீது அமைந்துள்ள அருள்மிகு ஆயிரங்காவய்யன் கோயிலில்  காலை சிறப்பு அபிஷேகம், அலங்காரம், மகா தீபாராதனை நடைபெற்றது. மதியம் பக்தர்களுக்கு அன்னதானம் வழங்கப்பட்டது. 2 ஆயிரத்திற்கும் மேற்பட்ட பக்தர்கள் நீண்ட வரிசையில் காத்திருந்து சுவாமி தரிசனம் செய்தனர். 
சீவலப்பேரி அருகேயுள்ள பூலுடையார் சாஸ்தா கோயிலில் ஆயிரக்கணக்கானோர் கிடா வெட்டி பொங்கலிட்டு வழிபட்டனர். 
நண்பகலில் சிறப்பு வழிபாடு நடைபெற்றது. பங்குனி உத்திர விழாவுக்காக திருநெல்வேலியில் இருந்து பிராஞ்சேரி, சீவலப்பேரி உள்ளிட்ட பகுதிகளுக்கு சிறப்புப் பேருந்துகள் இயக்கப்பட்டன.
சொரிமுத்து அய்யனார் கோயிலில்.... மேற்குத் தொடர்ச்சி மலையில் பிரசித்தி பெற்ற சொரிமுத்து அய்யனார் கோயிலில் சொரிமுத்து அய்யனார், வனப்பேச்சியம்மன், சங்கிலி பூதத்தார், தூசி மாடசாமி, தளவாய் மாடசாமி, பட்டவராயர், பிரம்மராட்சசி அம்மன், உள்ளிட்ட பரிவார தெய்வங்களுக்கு சிறப்பு அபிஷேகம், அலங்காரம் மற்றும் ஆராதனை நடைபெற்றது.  பிரம்மராட்சியம்மனுக்கு பொங்கலிட்டும், சொரிமுத்து அய்யனாருக்கு கிடா வெட்டியும் பக்தர்கள் நேர்த்திக்கடன் செலுத்தினர். தமிழகம் மட்டுமன்றி பிற மாநிலங்கள் மற்றும் வெளிநாடுகளிலிருந்தும் ஆயிரக்கணக்கான பக்தர்கள் வந்திருந்து தாமிரவருணியில் நீராடி சுவாமியை வழிபட்டுச் சென்றனர்.
இதனிடையே, வனப்பகுதியில் ஆட்டோக்கள் செல்ல வனத்துறை தடை விதித்திருந்ததால் பக்தர்கள் பலரும் மோட்டார் சைக்கிள், கார், வேன் போன்ற வாகனங்களில் வந்திருந்தனர். வெளியூர்களிலிருந்து பேருந்துகளில் வந்தவர்கள் பாபநாசத்திலிருந்து அரசுப் போக்குவரத்துக் கழகம் இயக்கிய சிறப்புப் பேருந்துகளில் கோயிலுக்குச் சென்றனர். ஆனால் போதிய அளவில் பேருந்துகள் இயக்கப்படாததால் நீண்ட நேரம் காத்திருந்து செல்லும் நிலை ஏற்பட்டது. 
அம்பாசமுத்திரம் காவல் துணைக் கண்காணிப்பாளர் ஜாஹிர் ஹுசைன் தலைமையில் கல்லிடைக்குறிச்சி காவல் ஆய்வாளர் செல்வம், காவல் உதவி ஆய்வாளர்கள் பாண்டியன் மற்றும் போலீஸார் பாதுகாப்புப் பணியில் ஈடுபட்டிருந்தனர். வனப்பகுதியில் வனக்காப்பாளர்கள், வனக்காவலர்கள், வேட்டைத் தடுப்புக் காவலர்கள், தீத்தடுப்புக் காவலர்கள் உள்ளிட்டவர்கள் பாதுகாப்புப் பணியில் ஈடுபட்டிருந்தனர். சேர்வலாறு அணைக்கு மேல் பகுதியில் உள்ள கருப்பசாமி கோவிலுக்கு பக்தர்கள் செல்ல இரண்டாவது ஆண்டாக வனத்துறையினர் அனுமதிக்கவில்லை.
மேலும் கடையம், ஆழ்வார்குறிச்சி, அம்பாசமுத்திரம், வாகைக்குளம், கல்லிடைக்குறிச்சி, சேரன்மகாதேவி உள்ளிட்ட பகுதிகளிலுள்ள சாஸ்தா கோயில்களில் நடைபெற்ற பங்குனி உத்திர வழிபாட்டில் ஏராளமானோர் பங்கேற்றனர்.


திருக்குறுங்குடி கோயிலில்...
திருநெல்வேலி மாவட்டம், திருக்குறுங்குடி அழகியநம்பிராயர் கோயில் பங்குனித் திருவிழா கொடியேற்றத்துடன் வியாழக்கிழமை  தொடங்கியது. மார்ச் 30ஆம் தேதி தேரோட்டம் நடைபெறுகிறது. 
திருக்குறுங்குடி அழகியநம்பிராயர் கோயில் 108 வைணவத் தலங்களில் பிரசித்தி பெற்றது. இக்கோயிலில் நின்ற நம்பி, இருந்த நம்பி, பள்ளிகொண்ட நம்பி, திருப்பாற்கடல் நம்பி, திருமலைநம்பி ஆகிய ஐந்து நிலைகளில் சுவாமி காட்சியளிக்கிறார்.  இக்கோயிலில், நிகழாண்டு பங்குனித் திருவிழா கொடியேற்றத்தையொட்டி, வியாழக்கிழமை  காலை அழகியநம்பிராயர் சுவாமி மற்றும் தேவியருக்கு சிறப்புப் பூஜைகள் நடைபெற்றன. இதையடுத்து, சுவாமி கொடிமர மண்டபத்திற்கு எழுந்தருளினார். பின் திருக்கொடி ஏற்றப்பட்டு, சிறப்பு தீபாராதனை நடைபெற்றது. முன்னதாக, பல்லக்கில் கொடிப்பட்டம் வீதியுலா வரும் நிகழ்வில் ராமானுஜ ஜீயர் சுவாமிகள் உள்பட திரளான பக்தர்கள் கலந்துகொண்டனர். 
மகரிஷிகளுக்கு காட்சி: விழாவின் 5ஆம் நாளான திங்கள்கிழமை (மார்ச் 25) இரவு 5 நம்பி சுவாமிகளும் கருட வாகனத்தில்  வீதியுலா வரும் நிகழ்வு நடைபெறும். கருட வாகனத்தில் உலா வந்த 5 நம்பி சுவாமிகளும், 6ஆம் நாளான மார்ச் 26ஆம் தேதி அதிகாலை 4 மணிக்கு மேல ரத வீதியில் தேவ கந்தர்வ  மகரிஷிகளுக்கு காட்சி தரும் வைபவம் நடைபெறும்.  முக்கிய நிகழ்ச்சியான தேரோட்டம் 10ஆம் திருநாளான மார்ச் 30ஆம் தேதி காலை 9 மணிக்கு நடைபெறும்.

]]>
https://www.dinamani.com/all-editions/edition-thirunelveli/thirunelveli/2019/mar/22/பங்குனி-உத்திரம்-சாஸ்தா-கோயில்களில்-சிறப்பு-வழிபாடு-3118447.html
3118446 திருநெல்வேலி திருநெல்வேலி நெல்லை மக்களவைத் தொகுதி: சுயேச்சை வேட்பாளர் மனு தாக்கல் DIN DIN Friday, March 22, 2019 07:45 AM +0530 திருநெல்வேலி மக்களவைத் தொகுதிக்கு சுயேச்சை வேட்பாளர் ஒருவர் வியாழக்கிழமை மனு தாக்கல் செய்தார். இதுவரை மொத்தம் 2 பேர் சுயேச்சைகளாக மனுதாக்கல் செய்துள்ளனர்.
தமிழகத்தில் மக்களவைத் தேர்தல் ஒரே கட்டமாக ஏப்ரல் 18ஆம் தேதி நடைபெறுகிறது. இதற்கான வேட்புமனு தாக்கல் கடந்த 19 ஆம் தேதி தொடங்கியது. 23, 24ஆம் தேதிகளை (சனி, ஞாயிற்றுக்கிழமை) தவிர்த்து இம் மாதம் 26 ஆம் தேதி வரை அனைத்து நாள்களும் முற்பகல் 11 மணி முதல் மாலை 3 மணி வரை மனுதாக்கல் செய்யலாம் எனத் தெரிவிக்கப்பட்டுள்ளது.
முதல் நாளான கடந்த 19ஆம் தேதி சுயேச்சை வேட்பாளராக தச்சநல்லூரைச் சேர்ந்த ராகவன் வேட்புமனு தாக்கல் செய்தார். 
புதன்கிழமை யாரும் மனுதாக்கல் செய்யவில்லை. வியாழக்கிழமை காலையில் திருநெல்வேலி அருகேயுள்ள சங்கர்நகரைச் சேர்ந்த செல்வபிரகாஷ் (51) சுயேச்சையாக போட்டியிட மனுதாக்கல் செய்தார். அதனை ஆட்சியர் ஷில்பா பிரபாகர் சதீஷ் பெற்றுக் கொண்டார்.
பின்னர், செய்தியாளர்களிடம் செல்வபிரகாஷ் கூறியது: சங்கர்நகரைச் சேர்ந்த நான் பொறியியல் படித்து முடித்துவிட்டு மலேசியாவில் பணியாற்றி வருகிறேன். 
தென்கோடி மாவட்டமான திருநெல்வேலியில் தொழில்வளர்ச்சி மிகவும் பின்தங்கிய நிலையில் உள்ளது. தொழில்வளத்தை மேம்படுத்த வேண்டும் என்ற நோக்கத்துடன் இத் தேர்தலில் போட்டியிட முடிவு செய்துள்ளேன் என்றார் அவர்.


 

]]>
https://www.dinamani.com/all-editions/edition-thirunelveli/thirunelveli/2019/mar/22/நெல்லை-மக்களவைத்-தொகுதி-சுயேச்சை-வேட்பாளர்-மனு-தாக்கல்-3118446.html
3118445 திருநெல்வேலி திருநெல்வேலி மத்திய அரசு நிதியுதவியுடன் கூடுதலாக நெல் கொள்முதல் நிலையம் திறக்கப்படாததால் விவசாயிகள் அவதி DIN DIN Friday, March 22, 2019 07:45 AM +0530 திருநெல்வேலி மாவட்டத்தில் மத்திய அரசின் நிதியுதவியுடன் கூடுதலாக நெல் கொள்முதல் நிலையங்கள் திறப்பதில் தாமதம் ஏற்பட்டுள்ளதால் விவசாயிகள் சிரமம் அடைந்து வருகிறார்கள்.
திருநெல்வேலி மாவட்டத்தில் தாமிரவருணி மற்றும் சிற்றாறு வடிநிலக் கோட்டங்களின் கீழ் பிசானம் மற்றும் கார் பருவ சாகுபடி பருவத்தில் நெல் சாகுபடி செய்யப்பட்டு வருகிறது.  பிசான பருவத்தில் 63 ஆயிரத்து 108 ஹெக்டேரில் சாகுபடி செய்யப்பட்டுள்ளது.  ஐ.ஆர்.-20, பொன்னி, ஏடிடி 45, அம்பை-16 உள்ளிட்ட ரகங்கள் பயிரிடப்பட்டுள்ளன. கோடைமேழலகியான், கன்னடியன் கால்வாய் பாசனப் பகுதிகளில் அறுவடைப் பணிகள் இறுதிக்கட்டத்தை எட்டியுள்ளன.
பாளையங்கால்வாய் பகுதிகளான தருவை, முன்னீர்பள்ளம், குறிச்சி, திருவண்ணநாதபுரம்பொட்டல், நொச்சிகுளம், கீழப்பாட்டம் உள்ளிட்ட பகுதிகளில் அறுவடை தொடங்கும் நிலையில் உள்ளது. இப்பகுதிகளில் மத்திய அரசின் நிதியுதவியுடன் இந்திய உணவுக் கழகம் சார்பில் நெல் கொள்முதல் நிலையங்கள் திறக்கப்படும் என தெரிவிக்கப்பட்டிருந்தது. ஆனால், இதுவரை தொடங்கப்படாததால் விவசாயிகள் கவலையடைந்துள்ளனர்.
இதுகுறித்து விவசாயிகள் கூறுகையில், அரசு நெல் கொள்முதல் நிலையங்கள் மூலம் கிலோ ரூ.18.40-க்கு வாங்க உத்தரவிடப்பட்டுள்ள நிலையில், தனியார் வியாபாரிகள் கிலோ ரூ.10-க்கு மட்டுமே வாங்குகிறார்கள். தமிழ்நாடு நுகர்பொருள் வாணிபக் கழகம் சார்பில் 49 இடங்களில் மட்டுமே நெல் கொள்முதல் நிலையம் திறக்கப்பட்டு செயல்படுகிறது. அதனால் தனியார் வியாபாரிகளிடம் குறைந்த விலைக்கு கொடுக்க வேண்டியுள்ளது. தேர்தல் பணிகளுக்கு மத்தியில் விவசாயிகளின் தேவையை மாவட்ட நிர்வாகம் உணர்ந்து கூடுதலாக நெல் கொள்முதல் நிலையங்கள் திறக்க நடவடிக்கை எடுக்க வேண்டும் என்றனர்.
இதுகுறித்து அதிகாரிகள் கூறுகையில், திருநெல்வேலி மாவட்டத்தில் தமிழ்நாடு நுகர்பொருள் வாணிபக் கழகம் சார்பில் அமைக்கப்பட்டுள்ள நெல் கொள்முதல் நிலையங்கள் மூலம் இதுவரை 8 ஆயிரத்து 500 மெட்ரிக் டன் நெல் கொள்முதல் செய்யப்பட்டு, அதற்கான தொகை விவசாயிகளின் வங்கிக் கணக்கில் வரவு வைக்கப்பட்டு வருகிறது. இந்திய உணவுக் கழகம் சார்பில் கொள்முதல் நிலையம் அமைக்க மாவட்ட நிர்வாகம் நடவடிக்கை எடுத்து வருகிறது என்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/22/மத்திய-அரசு-நிதியுதவியுடன்-கூடுதலாக-நெல்-கொள்முதல்-நிலையம்-திறக்கப்படாததால்-விவசாயிகள்-அவதி-3118445.html
3118444 திருநெல்வேலி திருநெல்வேலி நெல்லை மாவட்டத்தில் ஒரே நாளில் ரூ.18.5 லட்சம் பறிமுதல் DIN DIN Friday, March 22, 2019 07:45 AM +0530 திருநெல்வேலி மாவட்டத்தில் வியாழக்கிழமை ஒரே நாளில்18 லட்சத்து 51 ஆயிரத்து 730 ரூபாயை பறக்கும் படையினர் பறிமுதல் செய்தனர்.
மக்களவைத் தேர்தல் நடத்தை விதிமுறைகள் அமலுக்கு வந்ததைத் தொடர்ந்து திருநெல்வேலி மாவட்டம் முழுவதும் பறக்கும் படையினர் வாகனச் சோதனையில் ஈடுபட்டு உரிய ஆவணங்களின்றி எடுத்துச் செல்லப்படும் பணத்தை பறிமுதல் செய்து வருகின்றனர். 
  இந்த நிலையில் பாளையங்கோட்டை மகாராஜநகரில் வியாழக்கிழமை நடைபெற்ற வாகனச் சோதனையின்போது பாலசிங் கோயில்ராஜ் என்பவரிடம் இருந்து ரூ.5 லட்சத்து 81 ஆயிரத்து 730 பறிமுதல் செய்யப்பட்டது. இதேபோல் ஊத்துமலையைச் சேர்ந்த முருகன் என்பவரிடம் இருந்து ரூ.70 ஆயிரமும்,  தனியார் நிறுவன வாகனம் ஒன்றிலிருந்து ரூ.12 லட்சமும் பறிமுதல் செய்யப்பட்டன.
 தேர்தல் நடத்தை விதிமுறைகள் அமலுக்கு வந்த பிறகு வியாழக்கிழமை மாலை வரை ரூ.1 கோடியே 20 லட்சத்து 76 ஆயிரத்து 630 மற்றும் ரூ.3 லட்சத்து 50 ஆயிரம் மதிப்பிலான பொருள்கள் வாகனச் சோதனையின்போது பறிமுதல் செய்யப்பட்டன.

]]>
https://www.dinamani.com/all-editions/edition-thirunelveli/thirunelveli/2019/mar/22/நெல்லை-மாவட்டத்தில்-ஒரே-நாளில்-ரூ185-லட்சம்-பறிமுதல்-3118444.html
3118443 திருநெல்வேலி திருநெல்வேலி 28 இல் பிஎஸ்என்எல் வாடிக்கையாளர் சிறப்பு முகாம் DIN DIN Friday, March 22, 2019 07:44 AM +0530 பிஎஸ்என்எல் வாடிக்கையாளர் சிறப்பு முகாம் மார்ச்  28-ஆம் தேதி அனைத்து தொலைபேசி நிலையங்களிலும் நடைபெற உள்ளது.
   இதுகுறித்து திருநெல்வேலி தொலைத் தொடர்பு பொதுமேலாளர் ப.முருகானந்தம் வெளியிட்ட செய்திக் குறிப்பு:  
ஹோலி பண்டிகையை முன்னிட்டு  ரூ .160 க்கு செய்யப்படும் டாப் அப் களுக்கு ரூ 180  டாக்டைம் மற்றும் ரூ .60 க்கு செய்யப்படும் டாப் அப் களுக்கு முழு டாக்டைம் பிஎஸ்என்எல் வழங்குகிறது.  மார்ச் 24ஆம் தேதி வரை இச்சலுகை கிடைக்கும். 
    தினமும் 5 ஜிபி டேட்டா பயன்பாடு 10 எம்பிபிஎஸ் வேகத்தில் பிராட்பேன்ட் சேவை  வழங்கப்படுகிறது.  இந்த வசதியைப் பெற அருகிலுள்ள வாடிக்கையாளர் சேவை மையத்தையோ, தொலைபேசி நிலையத்தையோ அணுகலாம்.  இம்மாதம்  28 ஆம் தேதி அனைத்து தொலைபேசி நிலையங்களிலும் பிஎஸ்என்எல் சிறப்பு முகாம் நடைபெறும்.  25 ஆம் தேதி சங்கரன்கோவில் மற்றும்  திருநெல்வேலி ஸ்ரீபுரம் தொலைபேசி நிலையங்களிலும், 26 ஆம் தேதி தென்காசி மற்றும் பேட்டை தொலைபேசி நிலையங்களிலும் நடைபெறுகின்றன.     இந்த முகாமில், மறு இணைப்புகள், புதிய தரைவழி, பிராட்பேன்ட், எப்டிடிஎச் இணைப்புகள் மற்றும் 3ஜி செல்போன் இணைப்புகள், எம்என்பி இணைப்புகள் (நம்பரை வேறு நெட்வொர்க்கிலிருந்து பிஎஸ்என்எல்லுக்கு மாற்றிக்கொள்வது), கட்டண நிலுவை குறைபாடுகள் சரிசெய்வது போன்ற சேவைகள் செய்துதரப்படும் என  கூறப்பட்டுள்ளது.
 

]]>
https://www.dinamani.com/all-editions/edition-thirunelveli/thirunelveli/2019/mar/22/28-இல்-பிஎஸ்என்எல்-வாடிக்கையாளர்-சிறப்பு-முகாம்-3118443.html
3118442 திருநெல்வேலி திருநெல்வேலி அப்துல் கலாம் தமிழ் மன்றக் கூட்டம் DIN DIN Friday, March 22, 2019 07:44 AM +0530 திருநெல்வேலி அழகர் நகரில் அப்துல்கலாம் தமிழ் மன்றக்கூட்டம்  நடைபெற்றது. 
அமைப்பின் தலைவர் வெங்கடராமன் தலைமை வகித்தார்.  செயலர் முத்துக்குமாரசாமி வரவேற்றார். சேரை. பாலகிருஷ்ணன் ""மதுர கவி மருதகாசி'' என்ற தலைப்பில் பேசினார். நெல்லைக் கம்பன் கழக நிறுவனர் சிவ.சத்திய மூர்த்தி, பொன் வேலுமயில், கிருஷ்ணமூர்த்தி, ராஜகோபால், கணபதி, திருக்குறள் முருகன், நாகராஜன், சுந்தரம் உள்ளிட்ட பலர் பங்கேற்றனர்.  பொருளாளர் பாஷ்யம் நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/22/அப்துல்-கலாம்-தமிழ்-மன்றக்-கூட்டம்-3118442.html
3118441 திருநெல்வேலி திருநெல்வேலி சித்தூர் தென்கரை மகராஜேஸ்வரர் கோயிலில் தேரோட்டம் DIN DIN Friday, March 22, 2019 07:44 AM +0530 வள்ளியூர் அருகே உள்ள சித்தூர் தென்கரை மகராஜேஸ்வரர் திருக்கோயிலில் பங்குனித்  தேரோட்டம் வியாழக்கிழமை நடைபெற்றது.
வள்ளியூர் அருகே நம்பியாற்றங்கரையோரம் அமைந்துள்ள சித்தூர் தென்கரை மகாராஜேஸ்வரர் திருக்கோயிலில் பங்குனித்  தேரோட்டத்திருவிழா கடந்த 13-ஆம் தேதி கொடியேற்றத்துடன் தொடங்கியது. தொடர்ந்து திருவிழா 11 நாள்கள் கொண்டாடப்படுகிறது. திருவிழா நாள்களில்  சுவாமிக்கு தினமும் சிறப்பு  அலங்கார  பூஜை நடைபெறுகிறது. இரவில் சுவாமி கருடன்,  குதிரை உள்பட பல்வேறு வாகனங்களில் எழுந்தருளி வீதியுலா வந்து பக்தர்களுக்கு காட்சியளித்தார். திருவிழாவையொட்டி பெண்கள் பொங்கலிட்டு  வழிபட்டனர். 
9-ஆம் திருநாளான  வியாழக்கிழமை தேரோட்டம் நடைபெற்றது.  இதையொட்டி சுவாமிக்கு அபிஷேகம் மற்றும் ஆராதனை நடைபெற்றது.  தொடர்ந்து காலை 10 மணிக்கு சுவாமி திருத்தேரில் எழுந்தருளினார். பின்னர்  பக்தர்கள் வடம்பிடித்து தேர் இழுத்தனர்.  தொடர்ந்து சுவாமிக்கு சிறப்பு பூஜை நடைபெற்றது.  தேரோட்டத்தை அடுத்து குதிரையோட்டம் நடைபெற்றது.   10 ஆம் திருநாளான வெள்ளிக்கிழமை கும்பாபிஷேகம் மற்றும் சிறப்பு பூஜை நடைபெறுகிறது.  11 ஆம் திருநாளான சனிக்கிழமை  மஞ்சள் நீராட்டு மற்றும் கொடியிறக்கத்துடன் திருவிழா நிறைவு பெறுகிறது.

]]>
https://www.dinamani.com/all-editions/edition-thirunelveli/thirunelveli/2019/mar/22/சித்தூர்-தென்கரை-மகராஜேஸ்வரர்-கோயிலில்-தேரோட்டம்-3118441.html
3117726 திருநெல்வேலி திருநெல்வேலி பாளையங்கோட்டையில் ராமாயணத் தொடர் சொற்பொழிவு DIN DIN Thursday, March 21, 2019 06:21 AM +0530 திருநெல்வேலி கம்பன் கழகத்தின் சார்பில் 474 ஆவது ராமாயணத் தொடர் சொற்பொழிவு பாளையங்கோட்டையில் நடைபெற்றது.
இச்சொற்பொழிவுக்கு, பே.சங்கரபாண்டியன் தலைமை வகித்தார். அ.முருகேசன் இறைவணக்கம் பாடினார். இளங்கோவன் செல்லப்பா வரவேற்றார். ஸ்ரீகுமரகுருபர சுவாமிகள் கலைக்கல்லூரி பேராசிரியர் சே.போஸ் ""கோமகனும் கோசிகனும்'' என்ற தலைப்பில் கம்பனின் ஆசிரியர் மாணவர் உறவு குறித்து பேசினார். அமைப்பின் தலைவர் சிவ.சத்திய மூர்த்தி ""அயோத்தியா காண்டம்'' என்ற தலைப்பில் ராமாயணத் தொடர் சொற்பொழிவாற்றினார். 
இதில், பாண்டியன், முருகேசன், சங்கரன், சந்திரமோகன், செந்தில்குமார், கதிரேசேன், கருடப்பன், சேதுமாதவன் உள்பட பலர் பங்கேற்றனர். அமைப்பின் செயலர் பொன்.வேலுமயில் நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/21/பாளையங்கோட்டையில்-ராமாயணத்-தொடர்-சொற்பொழிவு-3117726.html
3117725 திருநெல்வேலி திருநெல்வேலி நெல்லையப்பர் கோயிலில் செங்கோல் வழங்கும் விழா DIN DIN Thursday, March 21, 2019 06:21 AM +0530 திருநெல்வேலி அருள்மிகு நெல்லையப்பர்-காந்திமதியம்மன் திருக்கோயிலில் பங்குனி உத்திரத் திருவிழாவையொட்டி செங்கோல் வழங்கும் நிகழ்ச்சி புதன்கிழமை நடைபெற்றது.
அருள்மிகு நெல்லையப்பர்-கோயிலில் ஆண்டுதோறும் பங்குனி உத்திரத் திருவிழா சிறப்பாக நடைபெற்று வருகிறது.  அதன்படி நிகழாண்டுக்கான விழா கடந்த 11 ஆம் தேதி கொடியேற்றத்துடன் தொடங்கியது.  4 ஆம் திருநாளில் பஞ்சமூர்த்திகளுடன் சுவாமி-அம்பாள் திருவீதியுலா வந்து பக்தர்களுக்கு காட்சியளித்தனர். இதைத் தொடர்ந்து 10 ஆம் திருநாளான புதன்கிழமை செங்கோல் வழங்கும் விழா நடைபெற்றது.
இதற்காக மலர் அலங்காரத்தில் சுவாமி-அம்பாள், சுப்பிரமணியர் ஆகியோர் ஆயிரங்கால் மண்டபத்தில் எழுந்தருளினர்.  அங்கு சிறப்பு தீபாராதனைக்குப் பின்பு சுவாமியின் திருப்பாதங்கள், செங்கோல் ஆகியவை இந்து சமய அறநிலையத்துறை அதிகாரிகளிடம் வழங்கப்பட்டன. விழாவில் கோயில் செயல் அலுவலர் பா.ரோஷினி மற்றும் ஊழியர்கள் பங்கேற்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/21/நெல்லையப்பர்-கோயிலில்-செங்கோல்-வழங்கும்-விழா-3117725.html
3117724 திருநெல்வேலி திருநெல்வேலி நெல்லை அமமுக  வேட்பாளர் மீது வழக்கு DIN DIN Thursday, March 21, 2019 06:20 AM +0530 திருநெல்வேலியில் தேர்தல் நடத்தை விதிகளை மீறியதாக அமமுக வேட்பாளர் உள்ளிட்டோர் மீது போலீஸார் 7 பிரிவுகளில் வழக்குப்பதிவு செய்தனர்.
மக்களவைத் தேர்தலையொட்டி தேர்தல் நடத்தை விதிகள் அமலில் உள்ளன. இந்நிலையில் புதன்கிழமை திருநெல்வேலி மக்களவைத் தொகுதி அம்மா மக்கள் முன்னேற்றக் கழக வேட்பாளர் ரா.ஞானஅருள்மணி கட்சி நிர்வாகிகள், தொண்டர்களுடன் தலைவர்கள் சிலைக்கு மாலை அணிவித்தார். 
அப்போது அவர்கள் தேர்தல் நடத்தை விதியை மீறியதாக, அக்கட்சியின் மாவட்டச் செயலர் கல்லூர் இ. வேலாயுதம், வேட்பாளர் ரா.ஞானஅருள்மணி உள்பட 50 பேர் மீது திருநெல்வேலி சந்திப்பு போலீஸார் வழக்குப்பதிவு செய்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/நெல்லை-அமமுக--வேட்பாளர்-மீது-வழக்கு-3117724.html
3117723 திருநெல்வேலி திருநெல்வேலி பழையபேட்டையில் 500 சேலைகள் பறிமுதல் DIN DIN Thursday, March 21, 2019 06:20 AM +0530 திருநெல்வேலி பழைய பேட்டையில் ஆவணமில்லாமல் கொண்டு சென்ற 500 சேலைகளை பறக்கும் படையினர் புதன்கிழமை பறிமுதல் செய்தனர்.
மக்களவைத் தேர்தலை முன்னிட்டு வாக்காளர்களுக்கு பணம், பரிசு பொருட்கள் வழங்குவதனை தடுக்கும் வகையில் தேர்தல் ஆணையம் பல்வேறு கட்டுப் பாடுகளை விதித்துள்ளது. இந்நிலையில் பழைய பேட்டை சோதனைச் சாவடியில் வட்டார 
வளர்ச்சி அலுவலர் சீனிவாசமுத்து தலைமையில் சிறப்பு காவல் உதவி ஆய்வாளர் சேது ராமலிங்கம், போலீஸார் அடங்கிய குழுவினர் வாகனச் சோதனையில் ஈடுபட்டனர். 
அப்போது அவ்வழியாக வந்த வாகனத்தை சோதனையிட்டதில், பேட்டை கோடீஸ்வரன் நகரை சேர்ந்த அசோக் என்பவர் உரிய ஆவணமில்லாமல் 500 சேலைகள் சென்னைக்கு கொண்டு சென்றது தெரியவந்தது. இதையடுத்து, பறிமுதல் செய்த பறக்கும் படை அதிகாரிகள் அவற்றை காவல் நிலையத்தில் ஒப்படைத்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/21/பழையபேட்டையில்-500-சேலைகள்-பறிமுதல்-3117723.html
3117722 திருநெல்வேலி திருநெல்வேலி முதல் பயிற்சி வகுப்பிலேயே தபால் வாக்குச்சீட்டு படிவம் தேவை: தேர்தல் ஆணையத்திற்கு ஆசிரியர்கள் மனு DIN DIN Thursday, March 21, 2019 06:20 AM +0530 ஆசிரியர்களுக்கு முதல் தேர்தல் பயிற்சி வகுப்பிலேயே தபால் வாக்குச்சீட்டு படிவங்களை வழங்க வேண்டுமென கோரிக்கை விடுக்கப்பட்டுள்ளது.
இதுதொடர்பாக தமிழ்நாடு ஆரம்பப் பள்ளி ஆசிரியர் கூட்டணி சார்பில் தலைமை தேர்தல் ஆணையருக்கு அனுப்பப்பட்டுள்ள மனு: தமிழகத்தில் ஏப்ரல் 18 ஆம் தேதி ஒரே கட்டமாக மக்களவைத் தேர்தல் நடைபெற உள்ளது. இப் பணியில் 1 லட்சத்து 97 ஆயிரம் பெண்கள் உள்பட 3 லட்சத்து 50 ஆயிரத்திற்கும் மேற்பட்ட ஆசிரியர்கள் மற்றும் அரசு ஊழியர்கள் ஈடுபடுத்தப்பட உள்ளனர். இதில் ஆசிரியைகள் பணிபுரியும் சட்டப்பேரவைத் தொகுதிக்கு அருகேயுள்ள தொகுதிக்குள் மட்டுமே பணியாணை வழங்க வேண்டுகிறோம். தேர்தல் பணியாற்ற இயலாத நிலையில் உள்ள ஆசிரியர்களுக்கு குறிப்பாக பெண் ஆசிரியர்களுக்கு தேர்தல் பணியில் இருந்து விலக்கு அளிக்க வேண்டும். இவர்களுக்கு பதிலாக ஆசிரியர் தகுதித்தேர்வு எழுதி தேர்ச்சி பெற்று வேலைவாய்ப்பிற்காக காத்திருக்கும் ஆசிரியர்களையும், படித்து முடித்து வேலையில்லாமல் இருக்கும் பட்டதாரி இளைஞர்களையும் தேர்தல் பணியில் பயன்படுத்த வேண்டும்.
வாக்குச்சீட்டு படிவங்கள்: 2016 சட்டப்பேரவைத் தேர்தல் பணியில் ஈடுபட்ட பெரும்பாலான ஆசிரியர் மற்றும் அரசு ஊழியர்களுக்கு தபால் வாக்கு முழுமையாக வழங்கப்படவில்லை. முதல் தேர்தல் பயிற்சி வகுப்பிலேயே ஆசிரியர்களுக்கு தபால் வாக்குச் சீட்டு படிவங்களை வழங்க வேண்டும். பதற்றமான வாக்குச்சாவடிகளில் கூடுதல் பாதுகாப்பு வழங்க வேண்டும். தேர்தல் பணியில் ஈடுபடும் ஆசிரியர்கள் மற்றும் அரசு ஊழியர்களின் உடல் நலனைக் கருத்தில் கொண்டு மண்டல அளவில் நடமாடும் மருத்துவக் குழுவை அமைக்க வேண்டும், அரசு ஊழியர் மற்றும் ஆசிரியர்கள் முழுமனதுடன் தேர்தல் பணி புரிகிறோம். ஆனால், தற்போது உள்ள விலைவாசி உயர்வு, போக்குவரத்து செலவு, உணவு செலவு ஆகியவற்றை கணக்கில் கொள்ளாமல் மதிப்பூதியம் மிகவும் குறைவாக வழங்கப்படுகிறது. எனவே, இப்போது உள்ள விலைவாசி உயர்வைக் கணக்கில் கொண்டு, பெறும் மொத்த ஊதியத்தில் 10 சதவீதம் மதிப்பூதியம் வழங்க வேண்டும்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/முதல்-பயிற்சி-வகுப்பிலேயே-தபால்-வாக்குச்சீட்டு-படிவம்தேவை-தேர்தல்-ஆணையத்திற்கு-ஆசிரியர்கள்-மனு-3117722.html
3117721 திருநெல்வேலி திருநெல்வேலி திமுக வேட்பாளரை வெற்றிபெறச் செய்ய காங்கிரஸ் கூட்டத்தில் தீர்மானம் DIN DIN Thursday, March 21, 2019 06:19 AM +0530 திருநெல்வேலி மக்களவைத் தொகுதியில் திமுக  வேட்பாளரின் வெற்றிக்கு காங்கிரஸ் கட்சியினர் இணைந்து பணியாற்ற  வேண்டும் என புதன்கிழமை நடைபெற்ற அக்கட்சியின் ஆலோசனைக் கூட்டத்தில் தீர்மானம் நிறைவேற்றப்பட்டது.
கொக்கிரகுளம் கட்சி அலுவலகத்தில் நடைபெற்ற ஆலோசனைக் கூட்டத்துக்கு கட்சியின் மாநகர் மாவட்டத் தலைவர் கே.சங்கரபாண்டியன் தலைமை வகித்தார். முன்னாள் மத்திய அமைச்சர் ஆர். தனுஷ்கோடிஆதித்தன், திமுக வேட்பாளர் சா. ஞானதிரவியம், டி.பி.எம்.மைதீன்கான் எம்எல்ஏ, கட்சியின் மாநில பொதுச்செயலர் எஸ்.வானமாமலை உள்ளிட்டோர் பேசினர். 
கூட்டத்தில், காங்கிரஸ்- திமுக கூட்டணியில் போட்டியிடும் 40 மக்களவைத் தொகுதிகளிலும் வெற்றி பெற்று ராகுல்காந்தியை பிரதமராக்கும் வகையில் பணி செய்ய வேண்டும்; திருநெல்வேலி தொகுதியில் போட்டியிடும் திமுக வேட்பாளர் எஸ்.ஞானதிரவியம் வெற்றி பெற கட்சியினர் அனைவரும் இணைந்து பணி செய்யவேண்டும் என்பன உள்ளிட்ட தீர்மானங்கள் நிறைவேற்றப்பட்டன.
மாநில பொதுக்குழு உறுப்பினர்கள், எம்.ராமேஸ்வரன், டி.எம்.உமாபதி சிவன்,எஸ்.சுடலைகண்ணு, மாவட்ட பொருளாளர் எஸ்.ராஜேஸ்முருகன், பொதுச் செயலாளர்கள் ஏ.சொக்கலிங்க குமார், எம்.மனோகரன், மண்டல தலைவர்கள், நிர்வாகிகள் கலந்துகொண்டனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/திமுக-வேட்பாளரை-வெற்றிபெறச்-செய்ய-காங்கிரஸ்-கூட்டத்தில்-தீர்மானம்-3117721.html
3117720 திருநெல்வேலி திருநெல்வேலி மக்கள் நீதி மய்யம் கட்சி வேட்பாளர்கள் DIN DIN Thursday, March 21, 2019 06:19 AM +0530 நெல்லை -  வெண்ணிமலை
திருநெல்வேலி, மார்ச் 20: மக்கள் நீதி மய்யத்தின் சார்பில் திருநெல்வேலி மக்களவைத் தொகுதியில் மா.வெண்ணிமலை (53) போட்டியிடுகிறார். 
தூத்துக்குடியை பூர்வீகமாகக் கொண்ட வெண்ணிமநகரில் வசித்து வருகிறார். பொறியியல் பட்டதாரியான இவர், அண்ணா நகரில் மென்பொருள் நிறுவனம் நடத்தி வருகிறார். அவரது மனைவி சாரதா, மருந்து வியாபாரத் தொழிலில் ஈடுபட்டுள்ளார். மூத்த மகன் மாணிக்கவாசகம் பொறியாளர். இளைய மகன் சுப்பையா மருத்துவராக உள்ளார்.  கட்சிக்கு புதியவரான மா.வெண்ணிமலை கூறுகையில், "திருநெல்வேலி தொகுதியில் ஏராளமான உறவினர்கள் உள்ளனர். எனக்கு மிகவும் பரிச்சயமான ஊர் திருநெல்வேலி. சுற்றுச்சூழலை பாதுகாப்பதில் எனக்கு ஆர்வம் அதிகம்.  திருநெல்வேலி தொகுதியில் மென்பொருள்  நிறுவனங்களை தொடங்கவும், இளைஞர்களுக்கு வேலைவாய்ப்பு ஏற்படுத்தவும் முயற்சிப்பேன்' என்றார்.


தூத்துக்குடி -  பொன் குமரன்

தூத்துக்குடி, மார்ச் 20: மக்கள் நீதி மய்யம் கட்சி சார்பில், தூத்துக்குடி மக்களவைத் தொகுதியில் தொழிலதிபர் டி.பி.எஸ். பொன் குமரன் (59) போட்டியிடுவார் என அறிவிக்கப்பட்டுள்ளது.
மக்களவைத் தேர்தலில் போட்டியிடும் மக்கள் நீதி மய்யம் கட்சியின் முதல் கட்ட வேட்பாளர் பட்டியலை அக்கட்சித் தலைவர் நடிகர் கமல்ஹாசன் சென்னையில் புதன்கிழமை வெளியிட்டார். தூத்துக்குடி மக்களவைத் தொகுதி வேட்பாளராக பொன் குமரன் அறிவிக்கப்பட்டுள்ளார்.
தூத்துக்குடி தாமோதரன் நகரைச் சேர்ந்த இவர், முதுநிலை வணிகவியலில் பட்டம் பெற்றுள்ளார். மூலிகைச் செடிகள், உப்பு ஏற்றுமதி மற்றும் இறக்குமதி தொழில் செய்து வருகிறார். இந்து நாடார் சமூகத்தைச் சேர்ந்தவர். இவரது தந்தைவழி தாத்தா பொன்னுசாமி நாடார் 1957 ஆம் ஆண்டு தூத்துக்குடி பேரவைத் தொகுதியில் காங்கிரஸ் கட்சி சார்பில் போட்டியிட்டு வென்றார். தூத்துக்குடியில் சுற்றுச்சூழலைப் பாதிக்காத வகையில் தொழிற்சாலைகள் கொண்டுவர நடவடிக்கை எடுப்பேன், துறைமும், விமான நிலையம் ஆகியவற்றை மேம்படுத்தி தொழில் வளர்ச்சியை உருவாக்க நடவடிக்கை எடுப்பேன் என பொன் குமரன் வாக்குறுதி அளித்துள்ளார்.

கன்னியாகுமரி-  எபினேசர்

கன்னியாகுமரி மக்களவைத் தொகுதி மக்கள் நீதி மய்யத்தின்  வேட்பாளராக ஜெ. எபினேசர் அறிவிக்கப்பட்டுள்ளார்.
வாழ்க்கைக் குறிப்பு: பெயர்- ஜெ.எபினேசர்,  பிறந்த தேதி- 29.10.1986 ( 33), கல்வித் தகுதி- இறையியல் படிப்பில் டிப்ளமோ, மனைவி - சிந்தியா ஜெருசா,  குழந்தைகள்- 3 பெண், ஒரு ஆண், தொழில்- வணிகம், சொந்த ஊர்- நெல்லை மாவட்டம், வசிப்பது- சென்னை,'"என் தேசம், என் உரிமை' என்ற கட்சியின் ஒருங்கிணைப்பாளர், ஜல்லிக்கட்டு போராட்டத்தில் முக்கிய பங்காற்றியவர்.

]]>
https://www.dinamani.com/all-editions/edition-thirunelveli/thirunelveli/2019/mar/21/மக்கள்-நீதி-மய்யம்-கட்சி-வேட்பாளர்கள்-3117720.html
3117719 திருநெல்வேலி திருநெல்வேலி சிவகிரி பாலசுப்பிரமணிய சுவாமி  கோயில் பங்குனித் தேரோட்டம் DIN DIN Thursday, March 21, 2019 06:18 AM +0530 சிவகிரி ஜமீனுக்குப் பாத்தியப்பட்ட கூடாரப்பாறை அருள்மிகு பாலசுப்பிரமணிய சுவாமி கோயிலில் பங்குனித் தேரோட்டம் புதன்கிழமை நடைபெற்றது.
இதையொட்டி, கடந்த 12ஆம் தேதி கொடியேற்றத்துடன் 1ஆம் திருநாள் தொடங்கியது. 19ஆம் தேதி வரை நாள்தோறும் ஒவ்வொரு மண்டகப்படிதாரர் சார்பில் சுவாமி அழைப்பு, வீதியுலா உள்ளிட்ட பல்வேறு நிகழ்ச்சிகள் நடைபெற்றன. சிகர நிகழ்ச்சியான தேரோட்டம், 9ஆம் திருநாளான புதன்கிழமை (மார்ச் 20) காலை நடைபெற்றது. முன்னதாக, உற்சவமூர்த்தி ஸ்ரீமுத்துக்குமார சுவாமி சிறப்பு அலங்காரத்தில் தேரில் எழுந்தருளினார். சுவாமிக்கு தீபாராதனை காட்டப்பட்டது. பின்னர், கோயில் பரம்பரை தர்மகர்த்தாவும், சிவகிரி ஜமீன்தாருமான ராஜா வி.எஸ்.வி. சேவுகப்பாண்டியன் என்ற விக்னேஷ்வர சின்னத்தம்பியார் தேரை வடம்பிடித்துத் தொடக்கிவைத்தார். அதையடுத்து, திரளான பக்தர்கள் முக்கிய ரத வீதிகள் வழியாக வடம்பிடித்துத் தேரை இழுத்தனர். பிற்பகலில் தேர் நிலையம் வந்தடைந்தது. சிவகிரி, சுற்றுப்புறப் பகுதிகளைச் சேர்ந்த ஆயிரக்கணக்கானோர் சுவாமி தரிசனம் செய்தனர்.
ஏற்பாடுகளை, சிவகிரி ஜமீன்தார் ராணி வி.எஸ். பாலகுமாரி நாச்சியார், ராஜா வி.எஸ்.வி. சேவுகப்பாண்டியன் என்ற விக்னேஷ்வர சின்னத்தம்பியார் ஆகியோர் செய்திருந்தனர். மாலையில் சுவாமி அழைப்பு, இரவில் தீபாராதனையைத் தொடர்ந்து, ஸ்ரீமுத்துக்குமாரசுவாமி மான் வாகனத்தில் புறப்படுதல், கிராமியக் கலைநிகழ்ச்சி நடைபெற்றன. 10ஆம் திருநாளான வியாழக்கிழமை (மார்ச் 21) பகல் 1 மணிக்கு தீர்த்தவாரி, இரவு 8 மணிக்கு கூடாரப்பாறையில் தெப்ப உற்ஸவமும் நடைபெறும்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/சிவகிரி-பாலசுப்பிரமணிய-சுவாமி--கோயில்-பங்குனித்-தேரோட்டம்-3117719.html
3117718 திருநெல்வேலி திருநெல்வேலி நெல்லையில் அமமுக வேட்பாளர் ஆலோசனை DIN DIN Thursday, March 21, 2019 06:18 AM +0530 அம்மா மக்கள் முன்னேற்றக் கழகத்தின் திருநெல்வேலி மக்களவைத் தொகுதி வேட்பாளர், கட்சி நிர்வாகிகளுடன் புதன்கிழமை ஆலோசனை நடத்தினார்.
மக்களவைத் தேர்தலில் அமமுக, எஸ்டிபிஐ கட்சியுடன் கூட்டணி அமைத்து போட்டியிடுகிறது. திருநெல்வேலி மக்களவைத் தொகுதி வேட்பாளராக ரா.ஞானஅருள்மணி அறிவிக்கப்பட்டுள்ளார். ராதாபுரம் அருகேயுள்ள சௌந்தரபாண்டியபுரத்தைச் சேர்ந்த அவர், திருநெல்வேலிக்கு புதன்கிழமை வந்தார். 
சந்திப்பில் கட்சி நிர்வாகிகள், தொண்டர்களுடன் ஆலோசனை நடத்தினார். இக்கூட்டத்திற்கு அமமுக மாநகர் மாவட்டச் செயலர் கல்லூர் இ.வேலாயுதம் தலைமை வகித்தார். அவைத் தலைவர் பூ.ஜெகநாதன் என்ற கணேசன், அமைப்புச்செயலர் ஆர்.பி.ஆதித்தன் ஆகியோர் முன்னிலை வகித்தனர். வேட்பாளர் ரா.ஞானஅருள்மணி கூறியது: அமமுக சார்பில் திருநெல்வேலி தொகுதியில் போட்டியிட வாய்ப்பளித்த துணை பொதுச் செயலர் டிடிவி.தினகரனுக்கு நன்றி தெரிவித்துக் கொள்கிறேன். நாடு முழுவதும் வேலைவாய்ப்புத் திண்டாட்டம் உள்ளிட்ட பல்வேறு பிரச்னைகள், கட்சி சார்பில் வெளியிடப்படும் தேர்தல் அறிக்கையின் அம்சங்களை முன்னிறுத்தியும் பிரசாரம் மேற்கொள்வேன். 
மக்களால் நான் மக்களுக்காக நான் என்ற முன்னாள் முதல்வர் ஜெயலலிதாவின் கொள்கைப்படி மக்களுக்காக உழைப்பேன். பொதுமக்கள் எனக்கு வாக்களித்து வெற்றி பெற செய்ய வேண்டும். கட்சித் தொண்டர்கள், நிர்வாகிகள் உற்சாகமாக தேர்தல் பணியாற்றுகின்றனர் என்றார் அவர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/நெல்லையில்-அமமுக-வேட்பாளர்-ஆலோசனை-3117718.html
3117717 திருநெல்வேலி திருநெல்வேலி உலக சிட்டுக்குருவி தினம்: வள்ளியூரில் இலவச கூடுகள் அளிப்பு DIN DIN Thursday, March 21, 2019 06:17 AM +0530 உலக சிட்டுக்குருவி தினத்தையொட்டி வள்ளியூரில் பசுமை இயக்கம் சார்பில் இலவசமாக சிட்டுக்குருவி கூடு வழங்கும் விழா புதன்கிழமை நடைபெற்றது. 
சிட்டுக்குருவிகளை பாதுகாக்க இலவசமாக கூடு வழங்கும் விழா வள்ளியூர் அண்ணாநகரில் நடைபெற்றது.  விழாவுக்கு சிவந்த கரங்கள் அமைப்பின் தலைவர் சிதம்பரகுமார் தலைமை வகித்தார். பசுமை இயக்கத்தைச் சேர்ந்த சிவசுப்பிரமணியன், கலைமணி ஆகியோர் முன்னிலை வகித்தனர்.  வள்ளியூர் காவல் துணை கண்காணிப்பாளர் டி.என்.ஹரிஹரன் பிரசாத்,   சிட்டுக்குருவி கூடுகள் வழங்கினார்.  300 பேருக்கு இலவசமாக சிட்டுக்குருவி கூடு வழங்கப்பட்டது. விழாவில் மோட்டார் வாகன ஆய்வாளர் எஸ்.விநாயகம், நல்லாசிரியர் செல்லப்பா, சின்னதம்பி ஆகியோர் பேசினர்.  வள்ளியூர் பேரூராட்சி சுகாதாரத்துறை அதிகாரி ஆறுமுகம், திருநெல்வேலி மாவட்ட சுகாதாரத்துறை பணியாளர் கூட்டுறவு சங்கத் தலைவர் லேனா சுப்பையா, வள்ளியூர் வியாபாரிகள் சங்கச் செயலர் எஸ்.ராஜ்குமார், பொருளாளர் முருகன், கண்ணன், இந்திய கம்யூனிஸ்ட் கட்சி வட்டச் செயலர் சேதுராமலிங்கம்,  நகரச் செயலர் வேம்பு சுப்பையா,  திருக்குறுங்குடி சமூக ஆர்வலர் ராமசுப்பிரமணியன் உள்ளிட்டோர் கலந்துகொண்டனர்.  பசுமை இயக்க தலைவர் க.சித்திரை நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/உலக-சிட்டுக்குருவி-தினம்-வள்ளியூரில்-இலவச-கூடுகள்-அளிப்பு-3117717.html
3117716 திருநெல்வேலி திருநெல்வேலி செங்கோட்டையில் நாளை திமுக வழக்குரைஞரணி ஆலோசனைக் கூட்டம் DIN DIN Thursday, March 21, 2019 06:17 AM +0530 மக்களவைத் தேர்தலை முன்னிட்டு,  செங்கோட்டையில் வெள்ளிக்கிழமை (மார்ச் 22) மேற்கு மாவட்ட திமுக வழக்குரைஞரணி ஆலோசனைக் கூட்டம் நடைபெறுகிறது.
இதுகுறித்து திருநெல்வேலி மேற்கு மாவட்ட திமுக பொறுப்பாளர் பொ.சிவபத்மநாதன் வெளியிட்ட  அறிக்கை:  செங்கோட்டை சேனைத்தலைவர் திருமண மண்டபத்தில் மாலை 5  மணியளவில் என் தலைமையில் ஆலோசனைக் கூட்டம் நடைபெறுகிறது. கூட்டத்துக்கு,  மேற்கு மாவட்ட வழக்குரைஞர் பிரிவு அமைப்பாளர் மருதப்பன் முன்னிலை வகிக்கிறார். கூட்டத்தில்,  துணைஅமைப்பாளர்கள்மற்றும் உறுப்பினர்கள் கலந்துகொண்டு தங்களுடைய கருத்துகளை தெரிவிக்கவேண்டும் என்றார் அவர்.

]]>
https://www.dinamani.com/all-editions/edition-thirunelveli/thirunelveli/2019/mar/21/செங்கோட்டையில்-நாளை-திமுக-வழக்குரைஞரணி-ஆலோசனைக்-கூட்டம்-3117716.html
3117715 திருநெல்வேலி திருநெல்வேலி மனோ கல்லூரியில் வாக்காளர் விழிப்புணர்வு முகாம் DIN DIN Thursday, March 21, 2019 06:17 AM +0530 திசையன்விளை மனோ கல்லூரியில் வாக்காளர் விழிப்புணர்வு முகாம் நடைபெற்றது.
இம்முகாமிற்கு கல்லூரி முதல்வர் (பொறுப்பு) தணிகைச்செல்வி தலைமை வகித்தார். முகாமில், மின்னணு வாக்குப்பதிவு இயந்திரம், வாக்கு ஒப்புகைச் சீட்டு கருவிக்கு செயல்விளக்கம் அளிக்கப்பட்டது. இதில், திசையன்விளை வட்டாட்சியர் ஆவுடைநாயகம், குடிமை பொருள் வழங்கல் வட்டாட்சியர் சொக்கலிங்கம், வருவாய்த்துறை பணியாளர்கள் கொம்பையா, சுப்பையா பாண்டி உள்ளிட்டோர் பங்கேற்றனர்.
கல்லூரி நாட்டு நலப்பணித்திட்ட அலுவலர் அழகேஷ் வரவேற்றார்.  மாணவி சித்ரா டயானா மேரி நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/மனோ-கல்லூரியில்-வாக்காளர்-விழிப்புணர்வு-முகாம்-3117715.html
3117714 திருநெல்வேலி திருநெல்வேலி தேர்தல் கட்டுப்பாட்டு அறைக்கு இதுவரை 166 புகார் அழைப்புகள்! DIN DIN Thursday, March 21, 2019 06:16 AM +0530 திருநெல்வேலி மாவட்ட ஆட்சியர் அலுவலகத்தில் செயல்பட்டு வரும் தேர்தல் கட்டுப்பாட்டு அறைக்கு இதுவரை 166 புகார் அழைப்புகள் வந்துள்ளன. சி-விஜில் செயலி மூலம் 4 புகார்கள் பெறப்பட்டு நடவடிக்கை எடுக்கப்பட்டுள்ளதாக அதிகாரிகள் தெரிவித்தனர்.
திருநெல்வேலி மாவட்டத்தில் மக்களவைத் தேர்தலுக்கான முன்னேற்பாடு பணிகள் துரிதமாக நடைபெற்று வருகின்றன. தேர்தல் நடத்தை விதிமீறல்களைக் கண்காணிக்கும் வகையில் தலா 30 பறக்கும் படைகள், நிலையான கண்காணிப்புக் குழுக்கள் செயல்பட்டு வருகின்றன. இப் படைகளின் வாகனங்களில் ஜிபிஎஸ் கருவிகள் பொருத்தும் பணி நடைபெற்று வருகிறது. இதுவரை 49 வாகனங்களில் ஜிபிஎஸ் பொருத்தப்பட்டு சமிக்ஞைகள் கட்டுப்பாட்டு அறையுடன் இணைக்கப்பட்டுள்ளன. 
ஆட்சியர் அலுவலகத்தில் உள்ள கட்டுப்பாட்டு அறையை தொடர்பு கொள்ள 1800 425 8037 என்ற கட்டணமில்லா தொலைபேசி எண் செயல்பாட்டில் உள்ளது. தேர்தல் கட்டுப்பாட்டு அறைக்கு இதுவரை 166 புகார் அழைப்புகள் வரப் பெற்றுள்ளன. இதேபோல "சி-விஜில்' செயலி மூலம் மொத்தம் 14 தகவல்கள் பெறப்பட்டன. அதில் 4  மட்டுமே புகார்களாகும். இப்புகார் குறித்து உடனடியாக நடவடிக்கை எடுக்கப்பட்டது.
செயலியில் புகார்: சி-விஜில் செயலியை பதிவிறக்கம் செய்பவர்கள் தேர்தல் நடத்தை விதிமீறல் தொடர்பான புகைப்படங்கள், விடியோ ஆதாரங்களை நேரடியாக அனுப்பலாம். தங்களது செல்லிடப்பேசி சேமிப்பில் (கேலரி) உள்ள படங்களை பதிவேற்றம் செய்ய முடியாது. செல்லிடப்பேசியில் ஜி.பி.எஸ். வசதியை ஆன் செய்துவிட்டு தேர்தல் விதிமீறல் புகைப்படம், விடியோவை நேரடியாக இந்த செயலியில் பதிவேற்றம் செய்யலாம். அப்போது உங்களது செல்லிடப்பேசி எண் விவரத்தை குறிக்க வேண்டாம் என்றால் அதற்கான வசதி உள்ளது. செல்லிடப்பேசி எண்ணை பதிவு செய்து புகாரை அனுப்பினால், புகாரை பெற்றதற்கான குறுந்தகவல் புகார் தெரிவிப்போரின் செல்லிடப்பேசிக்கு வரும் வகையில் இந்த செயலி உருவாக்கப்பட்டுள்ளது.
524 துப்பாக்கிகள்: தேர்தல் நடத்தை விதிகள் அமலில் இருப்பதால் தேர்தல் முடிவுகள் வெளியாகும் வரை படைக்கலங்களை எடுத்துச் செல்ல தடையாணை அமலுக்கு வந்ததை அடுத்து, இம்மாவட்டத்திலுள்ள அனைத்து படைக்கல உரிமைதாரர்களும் தங்களது துப்பாக்கிகளை இருப்பிடத்தின் அருகேயுள்ள காவல் நிலையத்தில் பாதுகாப்பாக ஒப்படைத்து உரிய ஒப்புதல் சீட்டு பெற்றுக்கொள்ள வேண்டுமென அறிவுறப்பட்டிருந்தது.
வங்கிகள், ஏடிஎம் மையங்கள், மத்திய-மாநில அரசு நிறுவனங்களில் இப்போது பணிபுரியும் முன்னாள் படைவீரர்களுக்கு இத்தடையிலிருந்து விலக்களிக்கப்பட்டது.தேர்தல் முடிவுகள் வெளியான தினத்திலிருந்து ஒரு வாரத்திற்கு பின்னர் தமது பொறுப்பில் துப்பாக்கிகளைத் திரும்ப பெற்றுக் கொள்ளலாம் எனவும் தெரிவிக்கப்பட்டிருந்தது. திருநெல்வேலி மாவட்ட காவல் கண்காணிப்பாளர் அலுவலகத்தின் கீழ் உள்ள காவல் நிலையங்களில் மொத்தம் 524 துப்பாக்கிகள் ஒப்படைக்கப்பட்டுள்ளன. விதிவிலக்கு அளிக்கப்பட்ட முன்னாள் படைவீரர்கள் தவிர்த்து அனைவரும் ஒப்படைத்துள்ளதாக எஸ்.பி. பெ.வே.அருண்சக்திகுமார் தெரிவித்தார்.
சோதனைகள் தீவிரம்: இம்மாவட்டத்தில் வாகனச் சோதனை தீவிரப்படுத்தப்பட்டுள்ள நிலையில், திருநெல்வேலியில் திமுக வேட்பாளர் வரவேற்பின்போது ஒரு காரில் பணம் பறிமுதல் செய்யப்பட்டதை அடுத்து, புதன்கிழமை திருநெல்வேலிக்கு வந்த அதிமுக வேட்பாளரை வரவேற்க வந்த கார்களையும் பறக்கும் படையினர், போலீஸார் வேட்பாளரின் வாகனம் உள்பட அனைத்து வாகனங்களிலும் சோதனையிட்டனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/தேர்தல்-கட்டுப்பாட்டு-அறைக்கு-இதுவரை-166-புகார்-அழைப்புகள்-3117714.html
3117713 திருநெல்வேலி திருநெல்வேலி நெல்லையில் அதிமுக வேட்பாளருக்கு உற்சாக வரவேற்பு DIN DIN Thursday, March 21, 2019 06:16 AM +0530 திருநெல்வேலி மக்களவைத் தொகுதியின் அதிமுக வேட்பாளர் பி.ஹெச்.பி.மனோஜ்பாண்டியனுக்கு தொண்டர்கள் புதன்கிழமை உற்சாக வரவேற்பு அளித்தனர்.  தொடர்ந்து திருநெல்வேலி மாநகரப் பகுதிகளில் உள்ள தலைவர்களின் சிலைகளுக்கு அவர் மாலை அணிவித்தார்.
தமிழகத்தில் மக்களவைத் தேர்தல் ஏப்ரல் 18 ஆம் தேதி ஒரே கட்டமாக நடைபெற உள்ளது. திருநெல்வேலி மக்களவைத் தொகுதியில் அதிமுக சார்பில் சேரன்மகாதேவி வட்டம், கோவிந்தபேரியைச் சேர்ந்தவரும் முன்னாள் சட்டப்பேரவைத் தலைவருமான பி.ஹெச்.பாண்டியனின் மகன் பி.ஹெச்.பி.பால் மனோஜ்பாண்டியன் போட்டியிடுகிறார்.  
இவர், வேட்பாளராக அறிவிக்கப்பட்ட பின்பு சென்னையில் இருந்து திருநெல்வேலிக்கு புதன்கிழமை வந்தார். 
திருநெல்வேலி மாநகர் மாவட்டச் செயலர் தச்சை என்.கணேசராஜா, புறநகர் மாவட்டச் செயலர் கே.ஆர்.பி.பிரபாகரன் ஆகியோர் தலைமையில் வேட்பாளருக்கு உற்சாக வரவேற்பு அளிக்கப்பட்டது. பாளையங்கோட்டை கே.டி.சி. நகர், மனக்காவலம்பிள்ளை நகர் பகுதியில் ஆயிரக்கணக்கான தொண்டர்கள் வரவேற்பு அளித்தனர். தொடர்ந்து திருநெல்வேலி மாநகரப் பகுதியில் உள்ள எம்.ஜி.ஆர்., பெரியார் உள்ளிட்ட சிலைகளுக்கு மாலை அணிவித்து மரியாதை செலுத்தினார்.
வரவேற்பு நிகழ்ச்சியில் தமிழக ஆதிதிராவிடர் மற்றும் பழங்குடியினர் நலத்துறை அமைச்சர் வி.எம்.ராஜலட்சுமி, மாநிலங்களவை உறுப்பினர்கள் எஸ்.முத்துக்கருப்பன், விஜிலா சத்தியானந்த், முன்னாள் எம்.பி. வசந்திமுருகேசன், ஜெயலலிதா பேரவை செயலர் ஜெரால்ட், அவைத் தலைவர் பரணி சங்கரலிங்கம், வழக்குரைஞர் ஹரிஹரசிவசங்கர், முன்னாள் எம்.எல்.ஏ.க்கள் ஆர்.சக்திவேல்முருகன், தர்மலிங்கம் உள்பட பலர் கலந்துகொண்டனர்.

]]>
https://www.dinamani.com/all-editions/edition-thirunelveli/thirunelveli/2019/mar/21/நெல்லையில்-அதிமுக-வேட்பாளருக்கு-உற்சாக-வரவேற்பு-3117713.html
3117712 திருநெல்வேலி திருநெல்வேலி புளியங்குடி முப்பெருந்தேவியர் கோயிலில் வருஷாபிஷேகம் DIN DIN Thursday, March 21, 2019 06:16 AM +0530 புளியங்குடியில் முப்பெருந்தேவியர் ஆலயத்தில் 4 ஆவது ஆண்டு வருஷாபிஷேகம் நடைபெற்றது.
இதையொட்டி, காப்புக்கட்டி விரதமிருந்த பக்தர்கள் பெரியபாளையத்து பவானி அம்மன், பாலநாகக் கன்னியம்மன், பாலநாகம்மனுக்கு 350 பால்குடமும், 158 தீர்த்தக்குடமும் எடுத்து வந்தனர். மேலும், 54 வகை பழங்களுடன் குருநாதர் சக்தியம்மா தலைமையில் ராஜபாளையம் பிரதானச் சாலையில் உள்ள சாலை விநாயகர் கோயிலிலிருந்து ஊர்வலமாக புறப்பட்டு, முக்கிய வீதிகள் வழியாக கோயிலை வந்தடைந்தனர்.
இதனைத்தொடர்ந்து கணபதி ஹோமம், விக்னேஷ்வர பூஜை, விநாயகர் பூஜை, யாகசால பூர்ணாஹுதி, அன்னதானம் ஆகியன நடைபெற்றன. இரவில் நடைபெற்ற பௌர்ணமி திருவிளக்கு பூஜையில் ஏராளமான பெண்கள் கலந்து கொண்டனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/புளியங்குடி-முப்பெருந்தேவியர்-கோயிலில்-வருஷாபிஷேகம்-3117712.html
3117711 திருநெல்வேலி திருநெல்வேலி மாவட்ட அளவிலான சதுரங்க போட்டி: இலஞ்சி பாரத் பள்ளி சிறப்பிடம் DIN DIN Thursday, March 21, 2019 06:15 AM +0530 கீழப்பாவூரில் 16ஆவது ஐபிஎல் சதுரங்க போட்டிகள் நடைபெற்றது.
இப்போட்டியில் மாவட்டம் முழுவதும் உள்ள பள்ளிகளைச் சேர்ந்த மாணவர், மாணவிகள் கலந்துகொண்டனர்.  இப்போட்டியில் இலஞ்சி பாரத் வித்யா மந்திர் மேல்நிலைப் பள்ளி மாணவர்கள் சிவராசத ஆதித், சுபைர்முகம்மது, சசிகுமார், ஹரிகரசுதன், ஜெகஸ்வினி, பொன்செல்வஜெயந்த், சன்ரக்ஷிகா, சிவகோலப்ப மோகித் மற்றும் வெங்கட்ராமன் ஆகியோர் வெற்றிபெற்றனர். 
வெற்றிபெற்ற மாணவர்களுக்கு தென்காசி சட்டப்பேரவை உறுப்பினர் செல்வமோகன்தாஸ்பாண்டியன் சான்றிதழ் மற்றும் பரிசுளை வழங்கினார். வெற்றிபெற்ற மாணவர்களை பள்ளித் தாளாளர் மோகனகிருஷ்ணன், முதன்மை முதல்வர் காந்திமதி, முதல்வர் வனிதா மற்றும் ஆசிரியர்கள் பாராட்டினர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/மாவட்ட-அளவிலான-சதுரங்க-போட்டி-இலஞ்சி-பாரத்-பள்ளி-சிறப்பிடம்-3117711.html
3117710 திருநெல்வேலி திருநெல்வேலி மானூரில் ரூ.1.40 லட்சம் பறிமுதல் DIN DIN Thursday, March 21, 2019 06:14 AM +0530 திருநெல்வேலி மாவட்டம் மானூரில் பறக்கும்படையினர் மேற்கொண்ட வாகனச் சோதனையில் ஆவணமின்றி கொண்டு வரப்பட்ட  ரூ.1.40 லட்சம் பறிமுதல் செய்யப்பட்டது.
மனூரில் திருநெல்வேலி - சங்கரன்கோவில் பிரதானச் சாலையில் பறக்கும்படை அதிகாரிகள் வாகனச் சோதனையில் புதன்கிழமை ஈடுபட்டனர். அப்போது, அதிகாலை அவ்வழியே வந்த மினி ஆட்டோவை சோதனையிட்டனர். ராஜபாளையம் 
செட்டியார்பட்டியைச் சேர்ந்த கணேஷ்குமார் என்பவர் உரிய ஆவணமின்றி ரூ. 1லட்சத்து 40 ஆயிரம் கொண்டு சென்றது தெரியவந்தது. இதையடுத்து, அவரிடம் இருந்து பணத்தை பறிமுதல் செய்த அதிகாரிகள் அதனை அரசு கருவூலத்தில் ஒப்படைத்தனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/மானூரில்-ரூ140-லட்சம்-பறிமுதல்-3117710.html
3117709 திருநெல்வேலி திருநெல்வேலி திசையன்விளையில்  நோய் தடுப்பு விழிப்புணர்வு முகாம் DIN DIN Thursday, March 21, 2019 06:14 AM +0530 திசையன்விளை மனோன்மணீயம் சுந்தரனார் பல்கலைக்கழக கலை மற்றும் அறிவியல் கல்லூரியின் நாட்டு நலப்பணித் திட்டம் சார்பில் நோய்த் தடுப்பு விழிப்புணர்வு முகாம் நடைபெற்றது.
கல்லூரி முதல்வர் பிரேம் அரசன் ஜெயராஜ் தலைமை வகித்தார். நாட்டு நலப்பணித் திட்ட அலுவலர் அழகேஷ்குமார் வரவேற்றார். 
இடையன்குடி எலைசா கால்டுவெல் நர்ஸிங் கல்லூரி உதவி பேராசிரியைகள் சுஜிதா, ஸ்டெல்லா ஷைனி, திசையன்விளை அரசு மருத்துவமனையின் மாவட்ட ஊட்டச்சத்து அலுவலர் அமலி பிரபா ஆகியோர் கலந்துகொண்டு நோய்த் தடுப்பு முறை மற்றும் வளரிளம் பெண்களுக்கு ஊட்டச்சத்தின் அவசியம் குறித்து பேசினர். மாணவி மீனுபிரியா நன்றி  கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/21/திசையன்விளையில்--நோய்-தடுப்பு-விழிப்புணர்வு-முகாம்-3117709.html
3117708 திருநெல்வேலி திருநெல்வேலி தண்ணீர் தொட்டியில் தவறி விழுந்த மாணவர் சாவு DIN DIN Thursday, March 21, 2019 06:14 AM +0530 திருநெல்வேலி மாவட்டம், உவரி அருகே தண்ணீர் தொட்டியில் தவறி விழுந்து மாணவன் உயிரிழந்தார்.
உவரி கரைசுத்து புதூரைச் சேர்ந்தவர் முத்துக்குமார் மகன் ஜெயகணேசன் (10). மன்னார்புரத்தில் உள்ள மனவளர்ச்சி குன்றியோர் பள்ளியில் படித்து வந்தார். செவ்வாய்க்கிழமை மாலை அங்குள்ள லிங்கபிரகாஷ் என்பவரது தோட்டத்தில் மோட்டார் பம்புஷெட்டிலுள்ள தண்ணீர் தொட்டியில் இறந்து கிடந்தாராம். அவர் தவறி உள்ளே விழுந்து இறந்திருக்கலாம் என கூறப்படுகிறது. புகாரின்பேரில், உவரி போலீஸார் வழக்குப் பதிந்து விசாரணை நடத்தினர்.

]]>
https://www.dinamani.com/all-editions/edition-thirunelveli/thirunelveli/2019/mar/21/தண்ணீர்-தொட்டியில்-தவறி-விழுந்த-மாணவர்-சாவு-3117708.html
3117707 திருநெல்வேலி திருநெல்வேலி பைக்கில் இருந்து தவறி விழுந்த தொழிலாளி சாவு DIN DIN Thursday, March 21, 2019 06:13 AM +0530 ஆலங்குளம் அருகே பைக்கில் சென்ற தொழிலாளி தவறி விழுந்ததில் உயிரிழந்தார்.
 ஆலங்குளம் அருகே உள்ள கிடாரக்குளம் கென்னடி தெருவைச் சேர்ந்தவர் இசக்கி (43).  கூலி தொழிலாளி.  இவர்,  செவ்வாய்க்கிழமை கடையம் அருகே   வள்ளியம்மாள்புரத்தில் உள்ள பள்ளி விடுதியில் தங்கி  படித்து வரும்  தனது மகனுக்கு தொடர் விடுமுறை என்பதால்  அவனை வீட்டுக்கு அழைத்து வருவதற்காக  பைக்கில் புறப்பட்டு சென்றுள்ளார்.  
ஆலங்குளம் அருகே உள்ள ஆண்டிபட்டி விலக்கு பகுதியில் வந்தபோது கல் தடுக்கி பைக்கில் இருந்து கீழே விழுந்தாராம். இதில் பலத்த காயமடைந்த அவரை ஆலங்குளம் போலீஸார் மீட்டு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனர்.  அங்கு அவர் புதன்கிழமை உயிரிழந்தார். இதுகுறித்து ஆலங்குளம் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/21/பைக்கில்-இருந்து-தவறி-விழுந்த-தொழிலாளி-சாவு-3117707.html
3117706 திருநெல்வேலி திருநெல்வேலி "மக்கள் திட்டங்களை தேடிச்சென்று நிறைவேற்றுவேன்' DIN DIN Thursday, March 21, 2019 06:13 AM +0530 தென்காசி மக்களவைத்  தொகுதியில் திமுக சார்பில் போட்டியிடும் வேட்பாளர் தனுஷ்குமார் அறிமுகக் கூட்டம் செங்கோட்டையில் புதன்கிழமை நடைபெற்றது. 
இக் கூட்டத்துக்கு, திருநெல்வேலி மேற்கு மாவட்டச் செயலர் சிவபத்மநாதன் தலைமை வகித்தார்.  துணைச் செயலர் பேபிரெசவுபாத்திமா,  மாநில சிறுபான்மை பிரிவு துணைச்  செயலர் எம்எம்ஏ ரசாக்,  மாவட்டப் பொருளாளர் சேக்தாவூது,  மாணவரணி அமைப்பாளர் வழக்குரைஞர் ஆ.வெங்கடேசன் ஆகியோர் முன்னிலை வகித்தனர்.  நகரச் செயலர் எஸ்எம்.ரஹீம் வரவேற்றார். பின்னர் வேட்பாளர் தனுஷ்குமாருக்கு கட்சி நிர்வாகிகள் பொன்னாடை அணிவித்து வரவேற்றனர். 
 தென்காசி மக்களவைத் தொகுதியில் இதுவரையில் திமுக ஒருமுறை கூட போட்டியிடவில்லை.  28 ஆண்டுகளுக்குப் பின் இத்தொகுதியில் திமுக போட்டியிடுகிறது.   திமுக சார்பில் விருதுநகர் மாவட்டம் ராஜபாளையம் வட்டம் தேவதானம் பகுதியைச் சேர்ந்த தனுஷ் எம்.குமார் களத்தில் உள்ளார். வேட்பாளராக அறிவிக்கப்பட்ட அவர் புதன் கிழமை  முதற்கட்டமாக கடையநல்லூர் சட்டப்பேரவைத் தொகுதியிலுள்ள திமுக கூட்டணி கட்சியின்  நிர்வாகிகளை சந்தித்து வருகின்றார். கடையநல்லூர் நகரப் பகுதிகளில் நிர்வாகிகளை சந்தித்த அவ
ர் பின்னர் செங்கோட்டை வந்தார்.  செங்கோட்டையில் திமுக கூட்டணி கட்சி நிர்வாகிகளோடு ஆலோசனை நடத்தினார். பின்னர்  செய்தியாளர்களிடம் கூறியதாவது:
தென்காசியை தனி மாவட்டமாக மாற்றும் முயற்சியில் தனிக்கவனம் செலுத்துவதாகவும்,  விவசாயத்தை மேம்படுத்திட அனைத்து முயற்சிகளையும் எடுப்பதாகவும், எல்லா வேட்பாளர்கள் போல வாக்குறுதிகளை அளித்துவிட்டு காணாமல் போகமாட்டேன்.  2 மாதங்களுக்கு ஒரு முறை தொகுதி மக்களை சந்தித்து அவர்களது குறைகளை உடனடியாக தீர்ப்பேன்  என்றார்.

]]>
https://www.dinamani.com/all-editions/edition-thirunelveli/thirunelveli/2019/mar/21/மக்கள்-திட்டங்களை-தேடிச்சென்று-நிறைவேற்றுவேன்-3117706.html
3117705 திருநெல்வேலி திருநெல்வேலி நெல்லை மாவட்டத்தில் வாக்காளர் விழிப்புணர்வு பேரணி DIN DIN Thursday, March 21, 2019 06:13 AM +0530 மக்களவைத்  தேர்தலையொட்டி செங்கோட்டை, புளியங்குடி, சங்கரன்கோவில், கடையத்தில் வாக்காளர் விழிப்புணர்வுப் பேரணி, வாக்குப்பதிவு செயல்விளக்க முகாம் நடைபெற்றது. 
மக்களவைத்  தேர்தல் பாதுகாப்பாகவும், அமைதியாகவும் நடைபெறும் வகையில் செங்கோட்டையில் காவல்துறை சார்பில்
நடைபெற்ற பேரணிக்கு தென்காசி டி.எஸ்.பி. கோபாலகிருஷ்ணன் தலைமை வகித்தார். வட்டாட்சியர் அலுவலகம் அருகில் இருந்து புறப்பட்ட இப் பேரணி மேலூர், காந்திசிலை, சேர்வைக்காரன் புதுத்தெரு, பிரதானச் சாலை முக்கிய வீதிகள் வழியாக  வீர வாஞ்சிநாதன் சிலைமுன்பு நிறைவடைந்தது.  
புளியங்குடி: புளியங்குடி கிளை நூலகத்தில் நடைபெற்ற தேர்தல் விழிப்புணர்வு முகாமுக்கு துணை ஆட்சியர் (பயிற்சி) சுகபுத்ரா தலைமை வகித்தார். மாவட்ட நூலக அலுவலர் காளிதாஸ், நூலக ஆய்வாளர் காஜாமைதீன், நூலகர் முத்து கிருஷ்ணன் ஆகியோர் முன்னிலை வகித்தனர். 
100 சதவீத வாக்குப்பதிவு குறித்த பேச்சுப் போட்டியில் வென்றவர்களுக்கு பரிசுகள் வழங்கப்பட்டன. வாக்குப்பதிவு இயந்திரங்கள் மூலமாக செயல்விளக்கம் அளிக்கப் பட்டது. 
தொடர்ந்து மாணவிகள் பங்கேற்ற விழிப்புணர்வுப் பேரணி நூலகம் அருகில் இருந்து புறப்பட்டு முக்கிய வீதிகள் வழியாக பேருந்து நிலையத்தில் நிறைவடைந்தது. வட்டாட்சியர் கிருஷ்ணவேல், தேர்தல் பிரிவு துணை வட்டாட்சியர் மைதீன் பட்டாணி, வருவாய் ஆய்வாளர் சேசுராஜ், கிராம நிர்வாக அலுவலர்கள் அழகுராஜ், சாந்தி உள்ளிட்டோர் கலந்துகொண்டனர்.
சங்கரன்கோவில்: சங்கரன்கோவிலில் சங்கரநாராயண சுவாமி கோயில் முன்பு நடைபெற்ற வாக்காளர் விழிப்புணர்வு நிகழ்ச்சியில் பக்தர்கள் மற்றும் பொதுமக்களுக்கு மின்னணு வாக்குப் பதிவு இயந்திரத்தில் வாக்களிப்பது, வாக்கு ஒப்புகைச் சீட்டு கருவி குறித்து செயல்விளக்கம் அளிக்கப்பட்டது.
இதில், மேலநீலிதநல்லூர் வட்டார வளர்ச்சி அலுவலர் சிவகுமார், திருவேங்கடம் தேர்தல் துணை வட்டாட்சியர்கள் செல்வக்குமார், அப்துல்சமது,  வருவாய் ஆய்வாளர் வெங்கடேஷ் உள்ளிட்டோர் கலந்து கொண்டனர்.
அம்பாசமுத்திரம்: கடையத்தில் வருவாய்துறை சார்பில் நடைபெற்ற விழிப்புணர்வு முகாமிற்கு
வருவாய் ஆய்வாளர் அர்ஜுனன்  தலைமை வகித்தார். தெற்குக் கடையம் கிராம நிர்வாக அலுவலர் குமார், மேலக்கடையம் கிராம நிர்வாக அலுவலர் குருகுலராமன் ஆகியோர் முன்னிலை வகித்தனர்.
கடையம் கடைவீதி, பேருந்து நிலையம், முதலியார்பட்டி உள்பட பல்வேறு இடங்களில் 100 சதவீதம் வாக்களிப்பது குறித்து துண்டு பிரசுரங்கள் வழங்கப்பட்டன.  

]]>
https://www.dinamani.com/all-editions/edition-thirunelveli/thirunelveli/2019/mar/21/நெல்லை-மாவட்டத்தில்-வாக்காளர்-விழிப்புணர்வு-பேரணி-3117705.html
3117704 திருநெல்வேலி திருநெல்வேலி "வேட்பாளர்களின் செலவினங்களை முழுமையாக கண்காணிக்க வேண்டும்' DIN DIN Thursday, March 21, 2019 06:12 AM +0530 வேட்பாளர்களின் செலவினங்களை முழுமையாக கண்காணிப்பதுடன் தினமும் தேர்தல் கண்காணிப்புக் குழுவினர் அறிக்கை அளிக்க வேண்டும் என தேர்தல் செலவின மேற்பார்வையாளர் ராஜா கோஷ் உத்தரவிட்டுள்ளார்.
மக்களவைத் தேர்தலை முன்னிட்டு  வேட்பாளர்களின் தேர்தல் செலவு கணக்குகளை கண்காணிக்கும் வகையில் அமைக்கப்பட்டுள்ள குழுவினர் பங்கேற்ற ஆலோசனைக் கூட்டம் திருநெல்வேலி மாநகராட்சியில் புதன்கிழமை நடைபெற்றது. 
இக்கூட்டத்தில், தேர்தல் செலவின பார்வையாளர் ராஜா கோஷ்  பேசியது: திருநெல்வேலி மக்களவைத் தேர்தல் நடைபெறுவதையொட்டி பாளையங்கோட்டை, நான்குனேரி,  ராதாபுரம் ஆகிய சட்டப்பேரவை தொகுதிகளுக்கு உள்பட்ட பகுதிகளில் வேட்பாளர்களின் தேர்தல் செலவுக் கணக்குகளை கண்காணிக்கும் பல்வேறு குழுக்கள் அமைக்கப்பட்டுள்ளன. 
இக்குழுவினரின் பணி மிக முக்கியமானது. தேர்தல் நடத்தை விதிகளின்படி வேட்பாளர்கள் மேற்கொள்ளும் பல்வேறு செலவினங்கள் குறித்து அவ்வப்போது கண்காணித்து கட்டுபாட்டு அறைக்கு தகவல் அளிக்க வேண்டும். மேலும், இக்குழுவினர் தினமும் தாங்கள் மேற்கொள்ளும் பணிகள் குறித்து உரிய படிவத்துடன் அறிக்கை தாக்கல் செய்ய வேண்டும். குறிப்பாக செலவு கணக்குகள் கண்காணிப்புக் குழுக்களில் இடம் பெற்றுள்ளோர் தேர்தல் விதிகளை தெளிவாக தெரிந்திருக்க வேண்டும். 
இக்கண்காணிப்பு குழுவினர், விடியோ கண்காணிப்புக் குழுவினர் நியாயமாகவும், சுதந்திரமாகவும் தேர்தல் நடத்துவதற்கு முழு கவனத்துடன் பணியாற்ற வேண்டும் என்றார். 
அதைத்தொடர்ந்து, மாநகராட்சி ஆணையரும்,  உதவி தேர்தல் நடத்தும் அலுவலருமான பி.விஜயலெட்சுமியிடம் தேர்தல் செலவு கண்காணிப்பு தொடர்பாக நியமிக்கப்பட்டுள்ள பல்வேறு குழுக்களின் செயல்பாடுகள் குறித்தும் அவர் கேட்டறிந்தார்.
கூட்டத்தில், துணை இயக்குனர் (மக்கள் தொடர்பு) இரா.அண்ணா,  உதவி ஆணையர்கள் ரவிக்குமார், சந்தியா, வட்டாட்சியர்  எஸ்.கே.கனகராஜ், அதிகாரிகள் கலந்துகொண்டனர். 

]]>
https://www.dinamani.com/all-editions/edition-thirunelveli/thirunelveli/2019/mar/21/வேட்பாளர்களின்-செலவினங்களை-முழுமையாக-கண்காணிக்க-வேண்டும்-3117704.html
3117703 திருநெல்வேலி திருநெல்வேலி கடையநல்லூரில் திமுக வேட்பாளர் வாக்கு சேகரிப்பு DIN DIN Thursday, March 21, 2019 06:12 AM +0530 தென்காசி மக்களவைத் தொகுதி திமுக வேட்பாளர் தனுஷ்குமார் கடையநல்லூரில் உள்ள அனைத்து சமுதாய நிர்வாகிகளை புதன்கிழமை சந்தித்து வாக்கு சேகரித்தார்.
திமுக மாவட்டச் செயலர் சிவபத்மநாதன், அவைத் தலைவர் முத்துப்பாண்டி, நகரச் செயலர் சேகனா, காங்கிரஸ் நிர்வாகிகள் சமுத்திரம் , அசன்இபுராகிம், மதிமுக செயலர் முருகன், இந்தியன் யூனியன் முஸ்லிம் லீக் நிர்வாகிகள் லத்தீப், இக்பால் , விடுதலைச் சிறுத்தைகள் கட்சி பாக்கியநாதன் , இந்திய கம்யூனிஸ்ட் கட்சி நிர்வாகி முத்துசாமி, மார்க்சிஸ்ட் கம்யூனிஸ்ட் கட்சி நிர்வாகி ராஜசேகன், திமுக நிர்வாகிகள் சங்கரன், பால்துரை, அப்துல்வகாப், மஸ்தான்,பெருமாள்துரை உள்ளிட்டோர் உடன் சென்றனர். 
தமிழ்நாடு தவ்ஹீத் ஜமாஅத்: 
கடையநல்லூரிலுள்ள தமிழ்நாடு தவ்ஹீத் ஜமாஅத் மாவட்ட அலுவலகத்துக்கு சென்ற திமுக வேட்பாளர் தனுஷ்குமார்,  மாவட்டச் செயலர் சுலைமானிடம்  ஆதரவு கோரினார்.  அவருடன் கூட்டணி கட்சி நிர்வாகிகள் உடன் சென்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/21/கடையநல்லூரில்-திமுக-வேட்பாளர்-வாக்கு-சேகரிப்பு-3117703.html
3117486 திருநெல்வேலி திருநெல்வேலி வறட்சியால் மனதளவில் விரக்தி: வேட்பாளராக களம் இறங்க வந்த விவசாயி! DIN DIN Wednesday, March 20, 2019 09:45 AM +0530 வறட்சியால் மனதளவில் விரக்தியடைந்த விவசாயி ஒருவர் திருநெல்வேலி மக்களவைத் தொகுதியில் இரட்டைஇலை-தாமரை கட்சி என்ற இதுவரை தேர்தல் ஆணையத்தில் பதிவு செய்யப்படாத ஒரு கட்சியின் பெயரில் போட்டியிட வந்ததால் பரபரப்பு ஏற்பட்டது.
திருநெல்வேலி மக்களவைத் தொகுதிக்கான வேட்புமனு தாக்கல் கொக்கிரகுளத்தில் உள்ள ஆட்சியர் அலுவலகத்தில் செவ்வாய்க்கிழமை தொடங்கியது. 
பலத்த போலீஸ் பாதுகாப்புப் போடப்பட்டிருந்த நிலையில், கையில் கூடையும், சில ஆவணங்களின் நகல்களையும் எடுத்துவந்த விவசாயி ஒருவர், வேட்புமனு தாக்கல் செய்யப்போவதாகக் கூறினார்.
போலீஸார் நடத்திய விசாரணையில் அவர், மானூர் அருகேயுள்ள மறக்குடி ரஸ்தாவைச் சேர்ந்த பொன்னையா மகன் முத்தையா (75) என்பது தெரியவந்தது. 
அவரிடம் வேட்புமனு விண்ணப்பம் ஏதும் இல்லாததால் உடனடியாக ஆட்சியரைச் சந்திக்க முடியாது எனவும், வேட்புமனு விண்ணப்பத்தை வாங்கிச் சென்று பூர்த்தி செய்து முன்மொழியும் நபர்களுடன் வேட்புமனு தாக்கலுக்கு வருமாறும் போலீஸார் அறிவுறுத்தினர். 
இதற்கிடையே செய்தியாளர்களிடம் முத்தையா கூறியது: மானூர் அருகே விவசாயம் செய்து வருகிறேன். நீர் இல்லாததால் ஊரக வேலைஉறுதித் திட்டப் பணிகளுக்கும் சென்று வருகிறேன். 
தமிழகத்தில் வேளாண்மைக்கு தண்ணீரை முறையாக விநியோகிக்காத சூழல் உள்ளது. முல்லைப்பெரியாறு அணை உள்பட மாநிலம் முழுவதும் உள்ள அணைகளில் நீர்மேலாண்மை சரியில்லை. அதனால்தான் இரட்டைஇலை-தாமரை கட்சி சார்பில் போட்டியிட விரும்பினேன். இக் கட்சி குறித்து மத்திய-மாநில அரசுகளுக்கு தகவல்களைத் தெரிவித்துள்ளேன். தேர்தல் ஆணையம் குறித்தோ கட்சியைப் பதிவு செய்வது குறித்தோ எனக்கு தெரியாது. அதுகுறித்து அதிகாரிகளிடம் விவரங்களைக் கேட்டுத் தெரிந்துகொள்வேன் என்றார்.
இதுகுறித்து போலீஸ் வட்டாரங்கள் கூறுகையில், வறட்சியால் ஏற்பட்ட விரக்தி காரணமாக விவசாயி முத்தையா வேட்புமனு தாக்கல் செய்ய வந்ததாக தெரிகிறது. கட்சி, தேர்தல் ஆணையம் குறித்து அவரிடம் போதிய விழிப்புணர்வை ஏற்படுத்த முயற்சி எடுக்கப்படும் என்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/20/வறட்சியால்-மனதளவில்-விரக்திவேட்பாளராக-களம்-இறங்க-வந்த-விவசாயி-3117486.html
3117318 திருநெல்வேலி திருநெல்வேலி நெல்லை மக்களவைத் தொகுதி: சுயேச்சை வேட்பாளர் மனு தாக்கல் DIN DIN Wednesday, March 20, 2019 08:41 AM +0530 திருநெல்வேலி மக்களவைத் தொகுதிக்கு சுயேச்சை வேட்பாளர் ஒருவர் செவ்வாய்க்கிழமை மனு தாக்கல் செய்தார்.
தமிழகத்தில் மக்களவைத் தேர்தல் ஒரே கட்டமாக ஏப்ரல் 18ஆம் தேதி நடைபெறுகிறது. இதற்கான வேட்புமனு தாக்கல் செவ்வாய்க்கிழமை தொடங்கியது. இம் மாதம் 23, 24 ஆகிய இரு நாள்கள் தவிர்த்து எஞ்சிய அனைத்து நாள்களும் முற்பகல் 11 மணி முதல் மாலை 3 மணி வரை இம்மாதம் 26 ஆம் தேதி வரை மனுதாக்கல் செய்யலாம் எனத் தெரிவிக்கப்பட்டுள்ளது. திருநெல்வேலி தொகுதிக்கான  வேட்பு மனுவை மாவட்ட ஆட்சியர் அல்லது திருநெல்வேலி உதவி ஆட்சியரிடம் அளிக்கலாம். தென்காசி தொகுதிக்கான வேட்பு மனுவை மாவட்ட வருவாய் அலுவலர் அல்லது உதவி தேர்தல் நடத்தும் அலுவலரான தென்காசி கோட்டாட்சியரிடம் அளிக்கலாம்.
சுயேச்சை மனுதாக்கல்: முதல் நாளான செவ்வாய்க்கிழமை முற்பகல் முதல் வேட்புமனுக்களைப் பெற அதிகாரிகள் காத்திருந்தனர். திருநெல்வேலி தச்சநல்லூரில் உள்ள ஆனந்தபுரம் பகுதியைச் சேர்ந்த சி.எம்.ராகவன் (45) சுயேச்சையாக போட்டியிடுவதாகக் கூறி வேட்புமனு தாக்கல் செய்தார். அதனை ஆட்சியர் ஷில்பா பிரபாகர் சதீஷ் பெற்றுக் கொண்டார். பின்னர் செய்தியாளர்களிடம் ராகவன் கூறியது: திருநெல்வேலி மாவட்டத்தில் தீர்க்கப்படாத பல்வேறு பிரச்னைகள் உள்ளன. அவற்றுக்கு தீர்வு காண முயற்சிக்கவே தேர்தலில் போட்டியிடுகிறேன். வற்றாத ஜீவநதியாகப் போற்றப்படும் தாமிரவருணி நீர் தொழிற்சாலைகளுக்கு தாரைவார்க்கப்படுவதால் குடிநீர்த் தட்டுப்பாடும், விவசாயத்திற்கு நீர்ப் பற்றாக்குறையும் உருவாகிறது. இந்தநிலையை மாற்ற நடவடிக்கை எடுப்பேன். கூலித் தொழிலாளர்கள் வாழ்வை மேம்படுத்த அரசு சார்பான உதவிகள் பற்றி விழிப்புணர்வு ஏற்படுத்துவேன் என்றார் அவர்.
பலத்த பாதுகாப்பு: வேட்புமனு தாக்கலையொட்டி திருநெல்வேலி ஆட்சியர் அலுவலக வளாகத்தில் ஏராளமான போலீஸார் குவிக்கப்பட்டிருந்தனர். வேட்பாளர்களுடன் 5 பேர் மட்டுமே அனுமதிக்கப்பட்டனர். மற்றவர்கள் 100 மீட்டர் தொலைவுக்கு முன்பாக நிறுத்தப்பட்டனர். திருநெல்வேலி கொக்கிரகுளத்தில் செவ்வாய்க்கிழமை முதல் இம் மாதம் 26 ஆம் தேதி வரை  போக்குவரத்து மாற்றம் செய்யப்பட்டுள்ளது.  மேலப்பாளையத்தில் இருந்து கொக்கிரகுளம் வழியாக திருநெல்வேலி சந்திப்பு மற்றும் பிற இடங்களுக்குச் செல்லும் பேருந்துகளும், கனரக வாகனங்களும் வி.எஸ்.டி சந்திப்பு, குறிச்சி சந்திப்பில் திரும்பி தெற்கு புறவழிச்சாலை, வண்ணார்பேட்டை வழியாகச் சென்றன.  அதேபோல், திருநெல்வேலி சந்திப்பிலிருந்து கொக்கிரகுளம் வழியாக மேலப்பாளையம் செல்லும்  அனைத்து வாகனங்களும் வண்ணார்பேட்டை வழியாக தெற்கு புறவழிச்சாலை, குறிச்சி சந்திப்பு, வி.எஸ்.டி. சந்திப்பு வழியாக சென்றன.

]]>
https://www.dinamani.com/all-editions/edition-thirunelveli/thirunelveli/2019/mar/20/நெல்லை-மக்களவைத்-தொகுதி-சுயேச்சை-வேட்பாளர்-மனு-தாக்கல்-3117318.html
3117316 திருநெல்வேலி திருநெல்வேலி நெல்லையில் திமுக வேட்பாளருக்கு வரவேற்பு DIN DIN Wednesday, March 20, 2019 08:40 AM +0530 திருநெல்வேலி மக்களவைத் தொகுதி திமுக வேட்பாளர் ஞானதிரவியத்திற்கு (54) தொண்டர்கள் செவ்வாய்க்கிழமை உற்சாக வரவேற்பு அளித்தனர்.
கட்சியின் திருநெல்வேலி கிழக்கு மாவட்டப் பொருளாளரான இவர், வேட்பாளராக அறிவிக்கப்பட்ட பின்பு சென்னையில் இருந்து திருநெல்வேலிக்கு செவ்வாய்க்கிழமை வந்தார். திருநெல்வேலி மத்திய மாவட்டச் செயலர் மு.அப்துல் வகாப், கிழக்கு மாவட்டச் செயலர் இரா.ஆவுடையப்பன் ஆகியோர் தலைமையில் அவருக்கு தொண்டர்கள் உற்சாக வரவேற்பு அளித்தனர். அதைத் தொடர்ந்து திருநெல்வேலி மாநகரப் பகுதியில் உள்ள அண்ணா, காமராஜர், பெரியார் உள்ளிட்டோர் சிலைகளுக்கு மாலை அணிவித்து மரியாதை செலுத்தினார்.
பின்னர் அவர் செய்தியாளர்களிடம் கூறியது: 1987 முதல் திமுகவில் உறுப்பினராக இருந்து வருகிறேன். மக்களவைத் தேர்தலில் போட்டியிட வாய்ப்பளித்த திமுக தலைவர் மு.க.ஸ்டாலினுக்கு நன்றியைத் தெரிவித்துக் கொள்கிறேன். பொதுமக்கள் எனக்கு இத் தேர்தலில் வெற்றியைத் தருவார்கள் என்ற நம்பிக்கை உள்ளது. நான் வெற்றி பெற்றால் திருநெல்வேலியில் அலுவலகம் திறந்து 24 மணி நேரமும் மக்களுக்காக பணியாற்றுவேன். திருநெல்வேலி மாவட்ட ரயில் நிலையங்களை மதுரை கோட்டத்துடன் இணைக்கவும், விவசாயம் மற்றும் கல்விக் கடன் தள்ளுபடிக்காகவும் குரல் கொடுப்பேன். இந்தத் தொகுதியில் திமுக  ஊராட்கி கூட்டங்களில் பெறப்பட்ட மனுக்களின் பிரச்னைகளைத் தீர்க்க முயற்சிப்பேன் என்றார் அவர்.
நிகழ்ச்சியில் சட்டப்பேரவை உறுப்பினர்கள் ஏஎல்எஸ்.லெட்சுமணன் (திருநெல்வேலி), டி.பி.எம்.மைதீன் கான் (பாளையங்கோட்டை), முன்னாள் எம்.எல்.ஏ. அப்பாவு, ராதாபுரம் ஒன்றியச் செயலர் வி.எஸ்.ஆர்.ஜெகதீஷ், தணிக்கைக் குழு உறுப்பினர் சுப.சீதாராமன் உள்பட பலர் கலந்துகொண்டனர்.

]]>
https://www.dinamani.com/all-editions/edition-thirunelveli/thirunelveli/2019/mar/20/நெல்லையில்-திமுக-வேட்பாளருக்கு-வரவேற்பு-3117316.html
3117315 திருநெல்வேலி திருநெல்வேலி வேட்பாளர்கள் அறிவிப்பால் சூடுபிடிக்கும் தேர்தல் களம்! DIN DIN Wednesday, March 20, 2019 08:40 AM +0530 திருநெல்வேலி மக்களவைத் தொகுதிக்கான பிரதான கட்சிகளின் வேட்பாளர்கள் அறிவிக்கப்பட்டுள்ளதால் தேர்தல் களம் சூடுபிடிக்கத் தொடங்கியுள்ளது. பூத் கமிட்டி உறுப்பினர்கள் தங்களது பகுதிக்கு வேட்பாளர் வரும் நாளில் உற்சாக வரவேற்பு அளிப்பது, வீடு வீடாகச் சென்று வாக்குசேகரிக்கும் பட்டியலை தயாரிப்பது போன்ற பணிகளைத் தொடங்கியுள்ளனர்.
திருநெல்வேலி மக்களவைத் தொகுதியின் கீழ் பாளையங்கோட்டை, திருநெல்வேலி, அம்பாசமுத்திரம், ஆலங்குளம், ராதாபுரம், நான்குனேரி ஆகிய  சட்டப்பேரவைத் தொகுதிகள் அடங்கும். இம் மாவட்டத்தில் கடந்த ஜனவரி 31ஆம் தேதி நிலவரப்படி 12 லட்சத்து 48,485 ஆண் வாக்காளர்கள், 12 லட்சத்து 89,108 பெண் வாக்காளர்கள், 90 மூன்றாம் பாலினத்தவர்கள் என மொத்தம் 25 லட்சத்து 37,683 வாக்காளர்கள் உள்ளனர்.
தொண்டர்கள் உற்சாகம்: மக்களவைத் தேர்தலையொட்டி அதிமுக, திமுக, காங்கிரஸ், பாஜக, அமமுக உள்ளிட்டவை சார்பில் திருநெல்வேலி மாவட்டத்தில் பூத் கமிட்டிகள் அமைக்கும் பணிகள் 95 சதவீதம் வரை கடந்த பிப்ரவரி மாதத்திலேயே முடிக்கப்பட்டன. இந்நிலையில் தொகுதிப் பங்கீடுகள் அனைத்தும் முடிவடைந்த நிலையில் திருநெல்வேலி தொகுதி வேட்பாளர்களும் அறிவிக்கப்பட்டுள்ளதால் தொண்டர்களிடையே புதிய உற்சாகம் ஏற்பட்டுள்ளது.
இத் தொகுதியில் அதிமுக சார்பில் பி.ஹெச்.பி.பால்மனோஜ் பாண்டியனும், திமுக சார்பில் சா.ஞானதிரவியமும், அமமுக சார்பில் ஞானஅருள்மணியும் போட்டியிடுகிறார்கள். திமுக வேட்பாளர் ஞானதிரவியம் திருநெல்வேலியில் தனது பிரசாரத்தை செவ்வாய்க்கிழமை தொடங்கினார். அதிமுக, அமமுக வேட்பாளர்கள் திருநெல்வேலியில் புதன்கிழமை (மார்ச் 20) தங்களது பிரசாரத்தை தொடங்க உள்ளனர்.
பணிகள் தீவிரம்: இதுகுறித்து கட்சித் தொண்டர்கள் கூறியது: தேர்தல் காலத்தில் கட்சித் தொண்டர்களின் பங்களிப்புதான் அஸ்திவாரமாகும். வீடு வீடாகச் சென்று வாக்கு கேட்க வேண்டும். வேட்பாளர்கள் ஒவ்வொரு ஊருக்கும் ஒருமுறை வந்து செல்வதே சிரமமானது. அதனால் வேட்பாளர்கள் முதல்கட்டமாக தங்கள் கட்சி மற்றும் கூட்டணிக் கட்சிகளின் நிர்வாகிகளை உத்வேகப்படுத்தும் வகையில் கூட்டங்களை நடத்த வேண்டும். அதன்பின்பு முறையான பட்டியல் தயாரித்து, அந்தப் பகுதியும் விடுபடாமல் பிரசாரம் செய்ய வேண்டும். பூத் கமிட்டிகளின் பணிகள் இப்போது வேகமாகியுள்ளன என்றனர்.
கண்காணிப்பு அதிகரிப்பு: மக்களவைத் தேர்தலுக்கான கண்காணிப்பு மாவட்டம் முழுவதும் அதிகரிக்கப்பட்டுள்ளது.  சோதனைச் சாவடிகளில் கூடுதல் போலீஸார் நியமிக்கப்பட்டுள்ளனர். திருநெல்வேலி நகரத்தில் மாநகர காவல் துறை மற்றும் இந்தோ-திபெத் எல்லைப் பாதுகாப்புப் படை வீரர்கள் செவ்வாய்க்கிழமை அணிவகுப்பு நடத்தினர். அலங்கார வளைவில் தொடங்கிய அணிவகுப்பு, பாரதியார் தெரு வழியாக சென்று ரத வீதி முழுவதும் நடைபெற்றது.


ஒரே நாளில் ரூ.3.48 லட்சம் பறிமுதல்
தேர்தல் நடத்தை விதிகள் அமலில் உள்ளதால் சட்டவிரோத பணப் பரிவர்த்தனையைத் தடுக்கும் வகையில் மாவட்டம் முழுவதும் 30 பறக்கும் படைகளும், நிலையான கண்காணிப்புக் குழுவினரும் நியமிக்கப்பட்டுள்ளனர். பாளையங்கோட்டை கே.டி.சி. நகர் பகுதியில் திமுக வேட்பாளரை வரவேற்க நிறுத்தப்பட்டிருந்த வாகனங்களை செவ்வாய்க்கிழமை சோதனையிட்டபோது நல்லம்மாள்புரத்தைச் சேர்ந்த அனிதா பிரின்ஸ் என்பவரின் காரில் ஆவணங்களின்றி வைக்கப்பட்டிருந்த ரூ.1 லட்சத்து 26 ஆயிரத்தை வட்டாட்சியர் மகாலட்சுமி தலைமையிலான குழுவினர் பறிமுதல் செய்தனர். இதேபோல தென்காசியில் வட்டாட்சியர் வெற்றிச்செல்வி தலைமையிலான குழுவினர் நாசர் என்பவரின் வாகனத்தில் இருந்து ரூ.1 லட்சத்து 24 ஆயிரமும், ராதாபுரத்தில் வட்டாட்சியர் ராஜசேகர் தலைமையிலான குழுவினர் சுந்தர்ராஜ் என்பவரின் வாகனத்தில் இருந்து ரூ.98 ஆயிரமும் பறிமுதல் செய்தனர். திருநெல்வேலி வருவாய் மாவட்டத்தில் ஒரே நாளில் ரூ.3 லட்சத்து 48 ஆயிரம் பறிமுதல் செய்யப்பட்டிருப்பது குறிப்பிடத்தக்கது.

]]>
https://www.dinamani.com/all-editions/edition-thirunelveli/thirunelveli/2019/mar/20/வேட்பாளர்கள்-அறிவிப்பால்-சூடுபிடிக்கும்-தேர்தல்-களம்-3117315.html
3117314 திருநெல்வேலி திருநெல்வேலி அமெரிக்க விண்வெளி மையத்துக்குச் செல்ல ஆழ்வார்குறிச்சி பள்ளி மாணவர்கள் தேர்வு DIN DIN Wednesday, March 20, 2019 08:40 AM +0530 ஆழ்வார்குறிச்சி குட்ஷெப்பேர்டு மெட்ரிகுலேஷன் பள்ளி மாணவர்கள் 4 பேர் நாசா விண்வெளி மையத்திற்கு செல்ல தேர்வு பெற்றுள்ளனர். 
கோ பார் குரு பப்ளிகேஸன்ஸ், அஸ்ட்ரானட் மெமொரியல் பவுண்டேஷன் மற்றும் ப்ளோரிடா இன்ஸ்டிடியூட் ஆப் டெக்னாலஜி ஆகியவை இணைந்து நடத்திய தேசிய அளவிலான அறிவியல் கட்டுரைப் போட்டியில், ஆழ்வார்குறிச்சி குட்ஷெப்பேர்டு பள்ளி 9ஆம் வகுப்பு மாணவி  ஏ. அபிஷா செல்லம், 7ஆம் வகுப்பு மாணவர் எம்.ராஜேஷ், மாணவி எம்.மீரா யாஸ்மின், 6ஆம் வகுப்பு மாணவி எம்.சிந்தியா ஆகியோர் கலந்துகொண்டு முதல் கட்டத் தேர்வில் தேர்ச்சி பெற்றனர்.
இதையடுத்து அமெரிக்காவில் உள்ள நாசா விண்வெளி ஆராய்ச்சி நிலையத்தின் கீழ் செயல்படும் கென்னடி விண்வெளி மையத்தில் வருகிற மே மாதம் நடைபெறவுள்ள கருத்தரங்கில் கலந்துகொள்ளும் வாய்ப்பை அவர்கள் பெற்றுள்ளனர்.இம்மாணவர், மாணவிகளை பள்ளித் தாளாளர் ஆன்டனி பாபு,  முதல்வர் ஜோஸ்பின் விமலா, தலைமை ஆசிரியை மீராள் உள்ளிட்டோர் பாராட்டினர்.

]]>
https://www.dinamani.com/all-editions/edition-thirunelveli/thirunelveli/2019/mar/20/அமெரிக்க-விண்வெளி-மையத்துக்குச்-செல்லஆழ்வார்குறிச்சி-பள்ளி-மாணவர்கள்-தேர்வு-3117314.html
3117313 திருநெல்வேலி திருநெல்வேலி தெப்பக்குளத்தில் பைக்குடன் விழுந்த அரசுப் பேருந்து நடத்துநர் சாவு DIN DIN Wednesday, March 20, 2019 08:39 AM +0530 வள்ளியூர் முருகன் கோயில் தெப்பக்குளத்தில், செவ்வாய்க்கிழமை இரவு மோட்டார் சைக்கிளுடன் விழுந்த அரசுப் பேருந்து நடத்துநர் உயிரிழந்தார். 
ராதாபுரம் அருகே உள்ள இருக்கன்துரையைச் சேர்ந்த ராமசுப்பு மகன் இசக்கியப்பன் (37). இவர், வள்ளியூர் அரசுப் பேருந்து பணிமனையில் நடத்துநராக பணியாற்றி வந்தார். இவர் செவ்வாய்க்கிழமை மோட்டார் சைக்கிளில் வள்ளியூர் பணிமனைக்கு வந்து விட்டு வீட்டுக்கு திரும்பி சென்றுகொண்டிருந்தாராம்.  அப்போது, வள்ளியூர் முருகன் கோயில் தெப்பக்குளம் அருகே வந்தபோது நிலைதடுமாறி மோட்டார் சைக்கிளுடன் தெப்பக்குளத்துக்குள் விழுந்துவிட்டார். இதில் அவர் நீரில் மூழ்கி உயிரிழந்தார். இது தொடர்பாக வள்ளியூர் போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/20/தெப்பக்குளத்தில்-பைக்குடன்-விழுந்தஅரசுப்-பேருந்து-நடத்துநர்-சாவு-3117313.html
3117312 திருநெல்வேலி திருநெல்வேலி மது விற்றதாக பெண் கைது DIN DIN Wednesday, March 20, 2019 08:39 AM +0530 ஆலங்குளம் அருகே வீட்டில் மதுபானத்தை பதுக்கிவைத்து விற்ற பெண்ணை போலீஸார் கைது செய்தனர்.
ஆலங்குளம் அருகே உள்ள சிவலார்குளம் தெற்குத் தெருவைச் சேர்ந்த கண்ணன் மனைவி மாரியம்மாள் (31). இவர், வீட்டில் மதுபானங்களை பதுக்கிவைத்து விற்பனை செய்து வருவதாக ஆலங்குளம் போலீஸாருக்குத் தகவல் கிடைத்தது. இதையடுத்து காவல் உதவி ஆய்வாளர் பிரபாகரன் மற்றும் போலீஸார் அங்கு சென்று சோதனை செய்தனர். அப்போது,  45 மது பாட்டில்கள் பறிமுதல் செய்யப்பட்டன. இதையடுத்து போலீஸார் மாரியம்மாளை கைதுசெய்து விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/20/மது-விற்றதாக-பெண்-கைது-3117312.html
3117311 திருநெல்வேலி திருநெல்வேலி முஸ்லிம் லீக் ஆலோசனைக் கூட்டம் DIN DIN Wednesday, March 20, 2019 08:39 AM +0530 இந்திய யூனியன் முஸ்லிம் லீக் ஆலங்குளம் தொகுதி இளைஞரணி, மாணவரணி நிர்வாகிகள் ஆலோசனைக் கூட்டம் கடையம் அருகேயுள்ள ரவண சமுத்திரத்தில் நடைபெற்றது.
திருநெல்வேலி மேற்கு மாவட்ட அமைப்புச் செயலர் அப்துல் காதர் தலைமை வகித்தார். தொகுதி அமைப்பாளர் முகமது யஹ்யா, ரவணசமுத்திரம் பிரைமரி செயலர் இக்பால், மாவட்ட மாணவரணி பொருளாளர் தமீம் அன்சாரி, ரவணசமுத்திரம் இளைஞரணி துணைத் தலைவர் பக்கீர், துணைச் செயலர் ஹாஜி ஆகியோர் முன்னிலை வகித்தனர்.
பொள்ளாச்சியில் இளம்பெண்களை ஏமாற்றி பாலியல் குற்றங்களில் ஈடுபட்ட சமூக விரோதிகள் மீது சிபிஐ விசாரணை செய்து, உடனடியாக  தண்டணை வழங்க வேண்டும். ரவணசமுத்திரம் மறுகால் ஓடையை சீரமைக்க மாவட்ட நிர்வாகம் நடவடிக்கை எடுக்க வேண்டும். முதலியார் பட்டியில் தேங்கிக் கிடக்கும் கழிவு நீரை உடனடியாக அப்புறப்படுத்தி, ஓடைகளை சீரமைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.  
இதில், கடையம் ஒன்றிய இளைஞரணிச் செயலர் யாஸர் அராபத்,    துணைச் செயலர் ஆஸாத், ஆலங்குளம் தொகுதி மாணவரணி துணைத் தலைவர் மைதீன் தாபித், கடையம் ஒன்றிய வழக்குரைஞர் அணி துணை அமைப்பாளர் சலீம் மாலிக், ஒன்றிய மாணவரணி துணைச் செயலர் காதர் மைதீன், அஸ்லம் உள்ளிட்டோர் கலந்துகொண்டனர். முதலியார்பட்டி இளைஞரணிச் செயலர் காசியார் வரவேற்றார். ஆலங்குளம் தொகுதி இளைஞரணி துணைத் தலைவர் ஆதம் ஷாரூக் நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/20/முஸ்லிம்-லீக்-ஆலோசனைக்-கூட்டம்-3117311.html
3117310 திருநெல்வேலி திருநெல்வேலி நெல்லையில் கடும் போக்குவரத்து நெரிசல் DIN DIN Wednesday, March 20, 2019 08:38 AM +0530 திருநெல்வேலியில் அரசியல் கட்சியினரின் வாகன அணிவகுப்பு காரணமாக செவ்வாய்க்கிழமை கடும் போக்குவரத்து நெரிசல் ஏற்பட்டது. 
திருநெல்வேலி மக்களவைத் தொகுதிக்கு அறிவிக்கப்பட்டுள்ள திமுக வேட்பாளர் திருநெல்வேலி சந்திப்பில் உள்ள தலைவர்களின் சிலைக்கு மாலை அணிவிக்க வருவதாக திமுக மற்றும் கூட்டணி கட்சியினரிடையே தெரிவிக்கப்பட்டது. இதையடுத்து ஈரடுக்கு மேம்பாலம் அருகே 500-க்கும் மேற்பட்டோர் திரண்டனர். 
இருசக்கர வாகனங்களும், நான்குசக்கர வாகனங்களும் சாலையோர நிறுத்தப்பட்டிருந்த நிலையில், திருநெல்வேலி சந்திப்பு முதல் முருகன்குறிச்சி வரை கடும் போக்குவரத்து நெரிசல் உருவானது. சுலோச்சன முதலியார் பாலம், திருவனந்தபுரம் சாலை ஆகியவற்றில் வாகனங்கள் ஊர்ந்தபடியே சென்றன. 
இதுகுறித்து பொதுமக்கள் கூறியது: தலைவர்களின் பிறந்த நாள் மற்றும் சுபமுகூர்த்த நாள்களில் திருநெல்வேலியில் கடும் போக்குவரத்து நெரிசல் உருவாகி வருகிறது. இதற்கு தீர்வு காண போலீஸார் புதிய முயற்சிகளை எடுக்க வேண்டும். சிலைகளுக்கு மாலை அணிவிக்க குறிப்பிட்ட நேரத்தை ஒதுக்கி அதற்குள் அணிவித்து செல்ல அறிவுறுத்த வேண்டும்.
போக்குவரத்து நெரிசலால் நோயாளிகள், முதியவர்கள் மிகவும் சிரமத்திற்கு ஆளாகிறார்கள். எனவே, இப்பிரச்னை குறித்து மாவட்ட நிர்வாகம் தனிக்கவனம் செலுத்த வேண்டும் என்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/20/நெல்லையில்-கடும்-போக்குவரத்து-நெரிசல்-3117310.html
3117309 திருநெல்வேலி திருநெல்வேலி தேர்தல் செலவின பார்வையாளர்களுடன் ஆட்சியர் ஆலோசனை DIN DIN Wednesday, March 20, 2019 08:38 AM +0530 திருநெல்வேலி, தென்காசி தொகுதியைச் சேர்ந்த தேர்தல் செலவின பார்வையாளர்களுடன்  மாவட்ட தேர்தல் அலுவலரும், ஆட்சியருமான ஷில்பா பிரபாகர் சதீஷ் ஆலோசனை நடத்தினார். 
மக்களவைத் தேர்தல் செலவினங்களை கண்காணிப்பதற்காக மத்திய தேர்தல் ஆணையத்தால், திருநெல்வேலி மாவட்டத்துக்கு நியமிக்கப்பட்டுள்ள தேர்தல் செலவின பார்வையாளர்கள் ராஜா கோஷ், ஏ.பி.மணி, கபில் மண்டல், ஷீல் ஆசிஷ் ஆகியோர் பங்கேற்ற ஆய்வுக் கூட்டம், மாவட்ட தேர்தல் அலுவலரும்,  மாவட்ட ஆட்சியருமான ஷில்பா பிரபாகர் சதீஷ்  தலைமையில் செவ்வாய்க்கிழமை நடைபெற்றது.
அப்போது மாவட்ட ஆட்சியர் பேசியது: மத்திய தேர்தல் ஆணைய உத்தரவின்படி மக்களவைத் தேர்தலுக்காக தனித்தனி குழுக்கள் அமைக்கப்பட்டு பணிகள் விரைந்து மேற்கொள்ளப்பட்டு வருகின்றன. தகவல் கட்டுப்பாட்டு மையம், ஊடக சான்றிதழ் வழங்கும் மையம் மற்றும் ஊடக கண்காணிப்புக் குழு அமைக்கப்பட்டு, 24 மணி நேரமும் தீவிரமாக கண்காணித்து வருகின்றனர். தேர்தல் நன்னடத்தை விதிகள் தீவிரமாக கடைப்பிடிக்கப்பட்டு வருகின்றன.
திருநெல்வேலி மக்களவைத் தொகுதியில் பாளையங்கோட்டை, நான்குனேரி, ராதாபுரம் சட்டப்பேரவை தொகுதிகளின் தேர்தல் செலவின பார்வையாளராக ராஜா கோஷும் (செல்லிடப்பேசி எண் - 94597 00850), ஆலங்குளம், திருநெல்வேலி, அம்பாசமுத்திரம்  சட்டப்பேரவை தொகுதிகளின் தேர்தல் செலவின பார்வையாளராக  ஏ.பி.மணியும் (செல்லிடப்பேசி எண் - 98330 76316) நியமிக்கப்பட்டுள்ளனர்.
தென்காசி மக்களவைத் தொகுதியில் சங்கரன்கோவில், கடையநல்லூர், தென்காசி சட்டப் பேரவை தொகுதிகளின் தேர்தல் செலவின பார்வையாளராக கபில் மண்டலும் (செல்லிடப்பேசி எண்- 94773 31207),  வாசுதேவநல்லூர், ராஜபாளையம், ஸ்ரீவில்லிபுத்தூர் சட்டப்பேரவை தொகுதிகளின் தேர்தல் செலவின பார்வையாளராக ஷீல் ஆசிஷும் (செல்லிடப்பேசி எண்-99575 53101) நியமிக்கப்பட்டுள்ளனர் என்றார். 
ஆலோசனைக் கூட்டத்துக்கு பிறகு தேர்தல் கட்டுப்பாட்டு மையம், ஊடக சான்றிதழ் வழங்கும் மையம் மற்றும் கண்காணிப்புக் குழு அறை, கணக்கு குழு அறை ஆகியவற்றை தேர்தல் செலவின பார்வையாளர்கள் பார்வையிட்டு, குழுக்களின் செயல்பாடுகள் குறித்து கேட்டறிந்தனர்.
கூட்டத்தில், தென்காசி மக்களவைத் தொகுதி தேர்தல் அலுவலரும், மாவட்ட வருவாய் அலுவலருமான பூ.முத்துராமலிங்கம், திருநெல்வேலி சார் ஆட்சியர் மணீஷ் நாராணவரே, மாவட்ட ஆட்சியரின் நேர்முக உதவியாளர் (பொது) கணேஷ்குமார், தேர்தல் வட்டாட்சியர் புகாரி உள்ளிட்டோர் கலந்துகொண்டனர்.


 

]]>
https://www.dinamani.com/all-editions/edition-thirunelveli/thirunelveli/2019/mar/20/தேர்தல்-செலவின-பார்வையாளர்களுடன்-ஆட்சியர்-ஆலோசனை-3117309.html
3117308 திருநெல்வேலி திருநெல்வேலி சங்கர்நகரில் வாக்குச்சாவடியை மாற்றக் கோரி ஆட்சியர் அலுவலகத்தில் பொதுமக்கள் மனு DIN DIN Wednesday, March 20, 2019 08:38 AM +0530 திருநெல்வேலி அருகேயுள்ள சங்கர்நகரில் வாக்குச்சாவடியை மாற்றக் கோரி, ஆட்சியர் அலுவலகத்தில் பொதுமக்கள் செவ்வாய்க்கிழமை மனு அளித்தனர்.
இதுகுறித்து சங்கர்நகர் தமிழ்நாடு வீட்டுவசதி வாரிய குடியிருப்போர் நலச் சங்கம் சார்பில் அளிக்கப்பட்ட மனு:
சங்கர்நகர் பேரூராட்சியில் உள்ள 12 ஆவது வார்டில் சுமார் 8,500 பேர் வசித்து வருகிறோம். நாரயணநகர், சாரதாம்பாள் நகர், தமிழ்நாடு வீட்டுவசதி வாரிய குடியிருப்பு, சீனிவாசநகர், முத்துநகர், விட்டல்நகர், நேதாஜிநகர் பகுதிகளில் வசிப்போர் சுமார் 4 கி.மீ. தொலைவில் உள்ள சங்கர் மேல்நிலைப் பள்ளி வாக்குச்சாவடிக்குச் சென்று வாக்களிக்க வேண்டியுள்ளது. இதனால், பொதுமக்கள் சிரமம் அடைந்து வருகின்றனர். எனவே, எங்கள் பகுதியின் அருகேயுள்ள ஜெயந்திர சரஸ்வதி சுவாமிகள் பொன்விழா மெட்ரிக் மேல்நிலைப் பள்ளி வளாகத்தில் வாக்குச்சாவடி அமைக்க நடவடிக்கை எடுக்க வேண்டும். மேலும், கடந்த 2011 ஆம் ஆண்டு நடைபெற்ற உள்ளாட்சித் தேர்தலில் இந்த வாக்குச்சாவடியில் வாக்குப்பதிவு நடைபெற்றது குறிப்பிடத்தக்கது.


 

]]>
https://www.dinamani.com/all-editions/edition-thirunelveli/thirunelveli/2019/mar/20/சங்கர்நகரில்-வாக்குச்சாவடியை-மாற்றக்-கோரி-ஆட்சியர்-அலுவலகத்தில்-பொதுமக்கள்-மனு-3117308.html
3117307 திருநெல்வேலி திருநெல்வேலி மாற்றுத் திறனாளிகளுக்கு இலவச பயண அட்டை வழங்கும் முகாம்: பாளை.யில் இன்று தொடக்கம் DIN DIN Wednesday, March 20, 2019 08:38 AM +0530 திருநெல்வேலி மாவட்ட மாற்றுத் திறனாளிகள் நல அலுவலகம் சார்பில் இலவச பேருந்து பயண அட்டை வழங்கும் முகாம் பாளையங்கோட்டை பிளாரன்ஸ் சுவைன்சன் மேல்நிலைப் பள்ளியில் புதன்கிழமை (மார்ச் 20) முதல் 3 நாள்கள் நடைபெறுகிறது.
இது தொடர்பாக செய்தி மற்றும் மக்கள் தொடர்பு அலுவலகம் வெளியிட்ட செய்திக்குறிப்பு: திருநெல்வேலி மாவட்ட மாற்றுத் திறனாளிகள் நல அலுவலகம் சார்பில்  அனைத்து வகையான மாற்றுத் திறனாளிகளுக்கும் இலவச பேருந்து பயண அட்டையை புதுப்பித்து வழங்கவும், புதிய அட்டை வழங்கவும் போக்குவரத்து கழகத்துடன் இணைந்து புதன்கிழமை (மார்ச் 20) முதல் வெள்ளிக்கிழமை வரை மூன்று நாள்கள் பாளையங்கோட்டை பிளாரன்ஸ் சுவைன்சன் காதுகேளாதோர் மேல்நிலைப் பள்ளியில் முகாம் நடைபெற உள்ளது. 
இம்முகாமில் கலந்துகொள்ளும் நபர்கள் பழைய பேருந்து பயண அட்டை, மாற்றுத் திறனாளி அடையாள அட்டை நகல்-2,  ஆதார் அட்டை நகல்-2,  குடும்ப அட்டை நகல்-2, பாஸ்போர்ட் அளவு புகைப்படம் -4, பணிச்சான்று முத்திரையுடன் (பார்வையற்றோர் நீங்கலாக) சமர்ப்பிக்க வேண்டும் என செய்திக்குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/thirunelveli/2019/mar/20/மாற்றுத்-திறனாளிகளுக்கு-இலவச-பயண-அட்டை-வழங்கும்-முகாம்-பாளையில்-இன்று-தொடக்கம்-3117307.html
3117306 திருநெல்வேலி திருநெல்வேலி நெல்லை மாவட்டத்தில் பிஎஸ்என்எல் அதிவேக இன்டர்நெட் இணைப்பு DIN DIN Wednesday, March 20, 2019 08:37 AM +0530 திருநெல்வேலி மாவட்டத்தில் பிஎஸ்என்எல் அதிவேக பாரத் ஃபைபர் இன்டர்நெட் புதிய இணைப்புகள் வழங்கப்படுகின்றன. 
இது தொடர்பாக திருநெல்வேலி தொலைத் தொடர்பு மாவட்ட பொதுமேலாளர் ப.முருகானந்தம் வெளியிட்ட செய்திக்குறிப்பு: 
பி.எஸ்.என்.எல்.  திருநெல்வேலி மாவட்டத்தின் பல்வேறு பகுதிகளிலும் கேபிள் டி.வி. ஆபரேட்டர்களுடன் இணைந்து அதிவேக இன்டர்நெட் இணைப்புகளை (பாரத் பைபர்  இணைப்பு) கண்ணாடி இழை கேபிள் (ஆப்டிக்கல் பைபர் கேபிள்) மூலமாக வழங்குகிறது. 500 ஜிபி பிளானில் (மாதவாடகை ரூ.777+வரி) 50 எம்.பி.பி.எஸ். வரை பேண்ட்வித்திலும், 750 ஜிபி பிளானில்  (மாதவாடகை ரூ.1277+வரி) 100 எம்.பி.பி.எஸ். வரை பேண்ட்வித்திலும்  இணைப்புகள் வழங்கப்படுகின்றன. இந்த இணைப்புகளைப் பெற வாடிக்கையாளர்கள்  அருகிலுள்ள வாடிக்கையாளர் சேவை மையத்தையோ, தொலைபேசி நிலையங்களையோ, கேபிள் டி.வி. ஆபரேட்டர்களையோ அணுகலாம்.
அமைப்புக் கட்டணம் தள்ளுபடி: புதிய பாரத் ஃபைபர் (எஃப்.டீ.டி.எச்) புதிய இணைப்புகளுக்கு அமைப்புக் கட்டணம் முறையே ரூ. 600 மற்றும் ரூ. 850 முற்றிலும் தள்ளுபடி செய்யப்படுகிறது.  இச்சலுகை வருகிற 31ஆம் தேதி வரை மட்டுமே. புதிய மற்றும் நடப்பு பாரத் ஃபைபர் (எஃப்.டீ.டி.எச்) வாடிக்கையாளர்கள் ஆண்டு திட்டத்திற்கு மாறினால் அவர்களுக்கு ஆண்டுக் கட்டணத்தில் 25சதவீதம் கேஷ் பேக் ஆஃபராக வழங்கப்படுகிறது. இச்சலுகை வரும் 31ஆம் தேதி வரை நீட்டிக்கப்பட்டுள்ளது.
தரைவழி (லேண்ட்லைன்), பிராட்பேண்ட் மற்றும் பாரத் ஃபைபர் பில் கட்டணத்தை அருகிலுள்ள ரீடெய்லர் கடைகளில் செலுத்தும் வசதி நடைமுறைக்கு வந்துள்ளது. இச்சேவை வாடிக்கையாளர்களுக்கு விடுமுறை நாள்களிலும், அலுவலக நேரத்திற்குப் பின்னும் அருகாமையிலேயே பில் கட்டணம் செலுத்துவதற்கு கூடுதல் வசதியைத் தருகிறது என செய்திக்குறிப்பில் குறிப்பிடப்பட்டுள்ளது.

    

]]>
https://www.dinamani.com/all-editions/edition-thirunelveli/thirunelveli/2019/mar/20/நெல்லை-மாவட்டத்தில்-பிஎஸ்என்எல்-அதிவேக-இன்டர்நெட்-இணைப்பு-3117306.html
3117305 திருநெல்வேலி திருநெல்வேலி கீழப்பாவூர் பேரூராட்சி ஊழியரை தாக்கியவர் மீது வழக்கு DIN DIN Wednesday, March 20, 2019 08:37 AM +0530 கீழப்பாவூர் பேரூராட்சி ஊழியரை தாக்கியவர் மீது போலீஸார் வழக்குப் பதிந்து விசாரித்து வருகின்றனர்.
இப்பேரூராட்சிப் பகுதியில் தாமிரவருணி குடிநீர் விநியோகம் செய்யப்பட்டு வருகிறது. சில இடங்களில் மின் மோட்டார் மூலம் குடிநீர் உறிஞ்சுவதாக வந்த புகாரின் பேரில், பேரூராட்சி செயல் அலுவலர் கண்மணி உத்தரவின் பேரில் பேரூராட்சி ஊழியர்கள் ஆய்வு மேற்கொண்டனர். 
அப்போது 11ஆவது வார்டு பகுதியில் குத்தாலிங்கம் மகன் மகாராஜா என்பவர் வீட்டில் முறைகேடாக குடிநீர் உறிஞ்சுவதற்கு பயன்படுத்த மின் மோட்டார்களை பேரூராட்சி ஊழியர் முத்துசாமி (56) உள்ளிட்டோர் பறிமுதல் செய்தனராம். இதனால் ஆத்திரமடைந்த மகாராஜா முத்துசாமியை தாக்கினாராம். இதில் காயமடைந்த முத்துசாமி தென்காசி அரசு மருத்துவமனையில் அனுமதிக்கப்பட்டார். 
இதுகுறித்து பாவூர்சத்திரம் போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-thirunelveli/thirunelveli/2019/mar/20/கீழப்பாவூர்-பேரூராட்சி-ஊழியரை-தாக்கியவர்-மீது-வழக்கு-3117305.html
3117304 திருநெல்வேலி திருநெல்வேலி பெண்கள், குழந்தைகளுக்கெதிரான குற்றங்களை தடுப்பது தொடர்பான ஆலோசனைக் கூட்டம் DIN DIN Wednesday, March 20, 2019 08:37 AM +0530 பெண்கள், குழந்தைகளுக்கெதிரான குற்றங்களைத் தடுப்பது, கையாள்வது தொடர்பாக மூன்று மாவட்ட கூடுதல் காவல் கண்காணிப்பாளர்கள், காவல் அதிகாரிகள் பங்கேற்ற ஆலோசனைக் கூட்டம் திருநெல்வேலி காவல் ஆணையர் அலுவலகத்தில் செவ்வாய்க்கிழமை நடைபெற்றது.
காவல் கண்காணிப்பாளர் கே.பழனிகுமார் தலைமை வகித்தார். திருநெல்வேலி காவல் ஆணையர் என்.பாஸ்கரன், திருநெல்வேலி மாநகர காவல் துணை ஆணையர்(குற்றம் மற்றும் போக்குவரத்து) கே.பெரோஸ்கான் அப்துல்லா ஆகியோர் முன்னிலை வகித்தனர். கூட்டத்தில், பெண்கள் மற்றும் குழந்தைகளுக்கு எதிரான கொடூர குற்றங்கள் சம்பந்தமான முதல் தகவல் அறிக்கையை பகிர்ந்து கொள்வது; பாதிக்கப்பட்ட பெண்கள் மற்றும் குழந்தைகளை கையாள்வதற்கான யுக்திகள்; சிறுவர் மற்றும் அனாதை இல்லங்கள், தொண்டு நிறுவனங்கள் மீது கண்காணிப்பை தீவிரப்படுத்துவது; வழக்குகளை கையாள்வதில் உள்ள சிக்கல்கள் அவற்றை தீர்க்கும் வழிமுறைகள் உள்ளிட்டவை குறித்து விவாதிக்கப்பட்டன.


 

]]>
https://www.dinamani.com/all-editions/edition-thirunelveli/thirunelveli/2019/mar/20/பெண்கள்-குழந்தைகளுக்கெதிரான-குற்றங்களைதடுப்பது-தொடர்பான-ஆலோசனைக்-கூட்டம்-3117304.html
3117303 திருநெல்வேலி திருநெல்வேலி இஸ்கான் கோயிலில் நாளை ஸ்ரீ கௌர பூர்ணிமா விழா DIN DIN Wednesday, March 20, 2019 08:37 AM +0530 திருநெல்வேலி இஸ்கான் கோயிலில் ஸ்ரீ கௌர பூர்ணிமா விழா வியாழக்கிழமை (மார்ச் 21) நடைபெறுகிறது.
சுமார் 500 ஆண்டுகளுக்கு முன்பு பகவான் ஸ்ரீ கிருஷ்ணர், "ஸ்ரீசைதன்யர்' எனும் திருநாமத்தில் பக்தராக அவதரித்தார். இந்த அவதாரத் திருநாளே "கௌர பூர்ணிமா' என்று போற்றப்படுகிறது. அன்றைய தினம் பக்தர்கள் விரதம் இருந்து, ஹரே கிருஷ்ண ஜபம் செய்து ஸ்ரீசைதன்ய மஹாபிரபுவை வழிபடுவர். 
இதையொட்டி திருநெல்வேலி வண்ணார்பேட்டையில் உள்ள இஸ்கான் ஹரே கிருஷ்ணா கோயிலில் வியாழக்கிழமை மாலை 6 மணி முதல் சிறப்பு நிகழ்ச்சிகள் நடைபெறுகின்றன.  இதில், மஹா அபிஷேகம், ஹரிநாம சங்கீர்த்தனம், சைதன்யரின் அவதார சிறப்புரை, விசேஷ கௌர ஆரத்தி உள்ளிட்ட சிறப்பு நிகழ்ச்சிகள் நடைபெறுகின்றன.
ஸ்ரீசைதன்யர் எடுத்து வழங்கிய ஹரே கிருஷ்ண மஹா மந்திரத்தை தினசரி ஜபிப்பதற்காக, ஜப மாலைகளும், அவரது அறிவுரைகள் அடங்கிய புத்தகங்களும் வழங்கப்பட உள்ளன. விரதம் இருக்கும் பக்தர்களுக்கு அன்று மாலை நடைபெறும் மஹா அபிஷேகத்திற்கு பின்னர் அபிஷேக தீர்த்தம் வழங்கப்படுகிறது.
 

]]>
https://www.dinamani.com/all-editions/edition-thirunelveli/thirunelveli/2019/mar/20/இஸ்கான்-கோயிலில்-நாளைஸ்ரீ-கௌர-பூர்ணிமா-விழா-3117303.html
3117302 திருநெல்வேலி திருநெல்வேலி திருக்குறுங்குடி அழகிய நம்பிராயர் கோயில் பங்குனித் திருவிழா: நாளை கொடியேற்றம் DIN DIN Wednesday, March 20, 2019 08:36 AM +0530 திருநெல்வேலி மாவட்டம், திருக்குறுங்குடி அழகிய நம்பிராயர் கோயில் பங்குனித் திருவிழா மார்ச் 21ஆம் தேதி கொடியேற்றத்துடன் தொடங்குகிறது.
108 வைணவ தலங்களில் ஒன்றான இக்கோயிலில் பங்குனித் திருவிழா ஆண்டுதோறும் மிகச் சிறப்பாக நடைபெறும். நிகழாண்டு திருவிழா மார்ச் 21 ஆம் தேதி கொடியேற்றத்துடன் தொடங்குகிறது.  இதையொட்டி, அழகிய நம்பிராயர்  சுவாமி மற்றும் தேவியருக்கு சிறப்பு பூஜைகள் நடைபெற்று கொடியேற்றப்படும். மார்ச் 25 ஆம் தேதி இரவு 5 நம்பி சுவாமிகளும் கருட வாகனத்தில் எழுந்தருளி வீதியுலா வருவர். மார்ச் 26 ஆம் தேதி அதிகாலை மேலரத வீதியில் தேவ கந்தர்வ மகரிஷிகளுக்கு காட்சியளிக்கும் நிகழ்ச்சி நடைபெறும்.  
விழாவின் முக்கிய நிகழ்வான தேரோட்டம் மார்ச் 30 ஆம் தேதி காலை 9.30 மணிக்கு நடைபெறுகிறது. ராமானுஜ ஜீயர் சுவாமிகள் வடம்பிடித்து தேரோட்டத்தை தொடக்கிவைக்கிறார்.

]]>
https://www.dinamani.com/all-editions/edition-thirunelveli/thirunelveli/2019/mar/20/திருக்குறுங்குடி-அழகிய-நம்பிராயர்-கோயில்-பங்குனித்-திருவிழா-நாளை-கொடியேற்றம்-3117302.html
3117301 திருநெல்வேலி திருநெல்வேலி கடையநல்லூர் அய்யனார் கோயிலில்  22இல் கும்பாபிஷேகம் DIN DIN Wednesday, March 20, 2019 08:36 AM +0530 மேலக்கடையநல்லூர் அருள்மிகு பூர்ண புஷ்கலா சமேத மாடக்குளத்து அய்யனார் கோயிலில் அஷ்டபந்தன மகா கும்பாபிஷேகம் வெள்ளிக்கிழமை (மார்ச் 22) நடைபெறுகிறது.
இதையொட்டி, மார்ச் 20ஆம் தேதி விக்னேசுவர பூஜை, தீபலட்சுமி பூஜை, புண்யாக வாசனம், பஞ்சகவ்யபூஜை, அனுக்ஞை, மகா கணபதி ஹோமம், சுதர்சன ஹோமம், தனபூஜை, பூர்ணாஹுதி தீபாராதனை, கோ பூஜை, கஜ பூஜை, முதல் கால யாகசாலை பூஜை நடைபெறுகின்றன.  
21ஆம் தேதி விசேஷ சந்தி , பாவனா அபிஷேகம், இரண்டாம் கால யாக பூஜை, மூன்றாம் கால யாக பூஜை, எந்திர ஸ்தாபனம்,  அஷ்டபந்தனம் , சமர்ப்பணம்  ஆகியவை நடைபெறுகின்றன. 22ஆம் தேதி நான்காம் கால யாக பூஜை, நாடி சந்தானம் , தச தரிசனம், மகா பூர்ணாஹுதி ஆகியவை நடைபெறுகின்றன. தொடர்ந்து விமான கோபுரம், அய்யனார் மற்றும் பரிவார தேவதைகளுக்கு மகா கும்பாபிஷேகம் நடைபெறுகிறது. இரவில் திருக்கல்யாணம் நடைபெறுகிறது.
 

]]>
https://www.dinamani.com/all-editions/edition-thirunelveli/thirunelveli/2019/mar/20/கடையநல்லூர்-அய்யனார்-கோயிலில்-22இல்-கும்பாபிஷேகம்-3117301.html
3117300 திருநெல்வேலி திருநெல்வேலி நெல்லையில் கடும் போக்குவரத்து நெரிசல் DIN DIN Wednesday, March 20, 2019 08:36 AM +0530 திருநெல்வேலியில் அரசியல் கட்சியினரின் வாகன அணிவகுப்பு காரணமாக செவ்வாய்க்கிழமை கடும் போக்குவரத்து நெரிசல் ஏற்பட்டது. 
திருநெல்வேலி மக்களவைத் தொகுதிக்கு அறிவிக்கப்பட்டுள்ள திமுக வேட்பாளர் திருநெல்வேலி சந்திப்பில் உள்ள தலைவர்களின் சிலைக்கு மாலை அணிவிக்க வருவதாக திமுக மற்றும் கூட்டணி கட்சியினரிடையே தெரிவிக்கப்பட்டது. இதையடுத்து ஈரடுக்கு மேம்பாலம் அருகே 500-க்கும் மேற்பட்டோர் திரண்டனர். இருசக்கர வாகனங்களும், நான்குசக்கர வாகனங்களும் சாலையோர நிறுத்தப்பட்டிருந்த நிலையில், திருநெல்வேலி சந்திப்பு முதல் முருகன்குறிச்சி வரை கடும் போக்குவரத்து நெரிசல் உருவானது. சுலோச்சன முதலியார் பாலம், திருவனந்தபுரம் சாலை ஆகியவற்றில் வாகனங்கள் ஊர்ந்தபடியே சென்றன. 
இதுகுறித்து பொதுமக்கள் கூறியது: தலைவர்களின் பிறந்த நாள் மற்றும் சுபமுகூர்த்த நாள்களில் திருநெல்வேலியில் கடும் போக்குவரத்து நெரிசல் உருவாகி வருகிறது. இதற்கு தீர்வு காண போலீஸார் புதிய முயற்சிகளை எடுக்க வேண்டும். சிலைகளுக்கு மாலை அணிவிக்க குறிப்பிட்ட நேரத்தை ஒதுக்கி அதற்குள் அணிவித்து செல்ல அறிவுறுத்த வேண்டும். போக்குவரத்து நெரிசலால் நோயாளிகள், முதியவர்கள் மிகவும் சிரமத்திற்கு ஆளாகிறார்கள். எனவே, இப்பிரச்னை குறித்து மாவட்ட நிர்வாகம் தனிக்கவனம் செலுத்த வேண்டும் என்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/20/நெல்லையில்-கடும்-போக்குவரத்து-நெரிசல்-3117300.html
3116690 திருநெல்வேலி திருநெல்வேலி பிளஸ்-2 தேர்வுகள் இன்று நிறைவு:  மார்ச் 29 முதல் விடைத்தாள் திருத்தம் DIN DIN Tuesday, March 19, 2019 08:25 AM +0530 திருநெல்வேலி மாவட்டத்தில் பிளஸ் 2 தேர்வுகள் செவ்வாய்க்கிழமை (மார்ச் 19) நிறைவடைகிறது. விடைத்தாள்கள் திருத்தும் பணி இம் மாதம் 29 ஆம் தேதி தொடங்க உள்ளது.
தமிழகம் முழுவதும் பிளஸ்-2  பொதுத்தேர்வு கடந்த 1 ஆம் தேதி தொடங்கியது. செவ்வாய்க்கிழமையுடன் (மார்ச் 19) தேர்வுகள் நிறைவு பெறுகின்றன. திருநெல்வேலி வருவாய் மாவட்டத்தில் திருநெல்வேலி, தென்காசி, சேரன்மகாதேவி, சங்கரன்கோவில், வள்ளியூர் கல்வி மாவட்டங்களில் 137 தேர்வு மையங்களில் தேர்வுகள் நடைபெற்றன. 17 ஆயிரத்து 370 மாணவர்களும், 22 ஆயிரத்து 87 மாணவிகளும் என மொத்தம் 39 ஆயிரத்து 457 மாணவர்-மாணவிகள் பொதுத்தேர்வை எழுதினர். இவர்களில் 148 மாற்றுத்திறனாளிகள் அடங்குவர். இவர்களுக்காக 86 ஆசிரியர்கள் சொல்வதை எழுதுபவராக நியமனம் செய்யப்பட்டிருந்தனர். தேர்வு நிறைவுபெறும் நிலையில் விடைத்தாள்கள் அனைத்தும் துப்பாக்கி ஏந்திய பாதுகாப்புடன் வைக்கப்பட்டுள்ளன.  
பிளஸ்-2 விடைத்தாள்களைத் திருத்தும் பணி இம் மாதம் 29 ஆம் தேதி தொடங்குகிறது. பாளையங்கோட்டை ராம்நகரில் உள்ள ரோஸ்மேரி மெட்ரிக் மேல்நிலைப் பள்ளி, தென்காசியில் உள்ள மஞ்சம்மாள் மகளிர் மேல்நிலைப் பள்ளி ஆகியவற்றில் விடைத்தாள்கள் திருத்தும் பணி நடைபெறுகிறது. 
ஏப்ரல் 11 ஆம் தேதிக்குள் பணியை முடிக்க உத்தரவிடப்பட்டுள்ளது. பிளஸ்-2 மட்டுமன்றி பிளஸ்-1 தேர்வில் தவறி இப்போது தேர்வு எழுதியவர்களின் விடைத்தாள்களும் திருத்தப்பட உள்ளன. 
இதேபோல பத்தாம் வகுப்பு விடைத்தாள்கள் ஏப்ரல் 1 முதல் 13 ஆம் தேதிக்குள் திருத்தப்பட உள்ளன. பாளையங்கோட்டை மேட்டுத்திடல் சாலையில் உள்ள சின்மயா வித்யாமந்திர் மேல்நிலைப் பள்ளி, தென்காசியில் உள்ள ஐசிஐ மேல்நிலைப் பள்ளி மையங்களில் விடைத்தாள்கள் திருத்தப்பட உள்ளதாக கல்வித்துறை வட்டாரங்கள் தெரிவித்தன.

]]>
https://www.dinamani.com/all-editions/edition-thirunelveli/thirunelveli/2019/mar/19/பிளஸ்-2-தேர்வுகள்-இன்று-நிறைவு--மார்ச்-29-முதல்-விடைத்தாள்-திருத்தம்-3116690.html
3116689 திருநெல்வேலி திருநெல்வேலி அரசு ஊழியர்கள் ஆர்ப்பாட்டம் DIN DIN Tuesday, March 19, 2019 08:25 AM +0530 பொள்ளாச்சி பாலியல் சம்பவத்தைக் கண்டித்து, தமிழ்நாடு அரசு ஊழியர் சங்கத்தினர் சார்பில்,  பாளையங்கோட்டை சித்த மருத்துவக்கல்லூரி மைதானத்தில் திங்கள்கிழமை ஆர்ப்பாட்டம் நடைபெற்றது.
தமிழகத்தில் பெண்களுக்கு பாதுகாப்பு வழங்க அரசு நடவடிக்கை எடுக்க வேண்டும்; பொள்ளாச்சியில் பெண்கள் மீது பாலியல் வன்கொடுமையில் ஈடுபட்டவர்கள் மீது அரசு தகுந்த நடவடிக்கை எடுக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.  இந்த ஆர்ப்பாட்டத்துக்கு, சங்கத்தின் மாவட்டத் தலைவர் வீ.பார்த்தசாரதி தலைமை வகித்தார். மாநில துணைத்தலைவர் ந.குமாரசாமி சிறப்புரையாற்றினார்.  
மாவட்டச் செயலர் க.துரைசிங், மாவட்ட மகளிர் அணி க.கற்பகம், சத்துணவு ஊழியர் சங்க மாவட்டத் தலைவர் பிச்சுமணி, வருவாய் பதிவுத் துறை அலுவலர் சங்க மாவட்டச் செயலர் மு.சுப்பு உள்ளிட்ட பலர் பேசினர். அரசு ஊழியர் சங்க பாளை மேற்கு பகுதி நிர்வாகி மார்த்தாண்ட பூபதி நன்றி கூறினார்.

]]>
https://www.dinamani.com/all-editions/edition-thirunelveli/thirunelveli/2019/mar/19/அரசு-ஊழியர்கள்-ஆர்ப்பாட்டம்-3116689.html
3116688 திருநெல்வேலி திருநெல்வேலி பொள்ளாச்சி சம்பவத்தை கண்டித்து மாணவர்கள், வழக்குரைஞர்கள் போராட்டம் DIN DIN Tuesday, March 19, 2019 08:24 AM +0530 பொள்ளாச்சியில் பெண்கள் மீதான பாலியல் வன்கொடுமையைக் கண்டித்து திருநெல்வேலியில் மாணவர்கள், வழக்குரைஞர்கள் திங்கள்கிழமை போராட்டத்தில் ஈடுபட்டனர்.
பாளையங்கோட்டையில் உள்ள அரசு சித்த மருத்துவக் கல்லூரி மாணவர்-மாணவிகள் நண்பகலில் வகுப்புகளைப் புறக்கணித்துவிட்டு கருப்புப் பட்டை அணிந்து கல்லூரி வளாகத்திற்குள் தர்னாவில் ஈடுபட்டனர். பெண்களுக்கு பாதுகாப்பு அளிக்கக் கோரி முழக்கமிட்டனர். இதேபோல பேட்டையில் உள்ள ம.தி.தா. இந்துக் கல்லூரி மாணவர்-மாணவிகளும் வகுப்புகளைப் புறக்கணித்துவிட்டு கல்லூரி முன்பு ஆர்ப்பாட்டத்தில் ஈடுபட்டனர். இதே கோரிக்கையை வலியுறுத்தி திருநெல்வேலி வழக்குரைஞர்கள் சங்கம் சார்பில் வழக்குரைஞர்கள் நீதிமன்றப் பணிகளை திங்கள்கிழமை புறக்கணித்தனர்.

]]>
https://www.dinamani.com/all-editions/edition-thirunelveli/thirunelveli/2019/mar/19/பொள்ளாச்சி-சம்பவத்தை-கண்டித்து-மாணவர்கள்-வழக்குரைஞர்கள்-போராட்டம்-3116688.html
3116687 திருநெல்வேலி திருநெல்வேலி தேமுதிக ஆலோசனைக் கூட்டம் DIN DIN Tuesday, March 19, 2019 08:24 AM +0530 அதிமுக கூட்டணியில் அங்கம் வகிக்கும் தேமுதிகவினர் சார்பில் மக்களவைத் தேர்தல் குறித்ததான ஆலோசனைக் கூட்டம் திருநெல்வேலி சந்திப்பில் உள்ள கட்சி அலுவலகத்தில் திங்கள்கிழமை நடைபெற்றது. 
இக் கூட்டத்திற்கு மாநகர் மாவட்டச் செயலர் ஏ.முகமது அலி தலைமை வகித்தார். மாநகர் மாவட்டப் பொருளாளர் எஸ். ஜெயச்சந்திரன், மாவட்ட துணைச் செயலர் கே.ஏ.எம்.சிவா ஆகியோர் முன்னிலை வகித்தனர்.  கூட்டத்தில்,  திருநெல்வேலி தொகுதி அதிமுக வேட்பாளர் மனோஜ்பாண்டியன் வெற்றி பெற கட்சி தொண்டர்கள் ஒன்று சேர்ந்து உழைக்க வேண்டும். கட்சியின் கொள்கைகள், சாதனைகள் ஆகியவற்றை மக்களிடம் எடுத்துக் கூறி தேர்தல் பணியாற்ற வேண்டும் என முடிவெடுக்கப்பட்டது.
கூட்டத்தில் தலைமை செயற்குழு உறுப்பினர் பி.ஆனந்த மணி, பொதுக்குழு உறுப்பினர்கள் எம்.முத்துகுமார், எஸ்.பி.குமார், பகுதி செயலர் எம்.பாரதி, இணை செயலர் எம்.எஸ்.முருகன், உள்ளிட்ட கட்சி நிர்வாகிகள் தொண்டர்கள் பங்கேற்றனர்.
 

]]>
https://www.dinamani.com/all-editions/edition-thirunelveli/thirunelveli/2019/mar/19/தேமுதிக-ஆலோசனைக்-கூட்டம்-3116687.html
3116686 திருநெல்வேலி திருநெல்வேலி நெல்லை அருகே விபத்தில் காயமடைந்த நடத்துநர் சாவு DIN DIN Tuesday, March 19, 2019 08:24 AM +0530 திருநெல்வேலி அருகே கருங்குளம் பகுதியில் நேரிட்ட விபத்தில் காயமடைந்த அரசுப் பேருந்து நடத்துநர் திங்கள்கிழமை அதிகாலை உயிரிழந்தார்.
கங்கைகொண்டானைச் சேர்ந்தவர் சுந்தரமகாலிங்கம் (48). அரசுப் பேருந்து நடத்துநர். இவர், திருநெல்வேலி-பாபநாசம் பேருந்தில் ஞாயிற்றுக்கிழமை பணியில் இருந்தாராம். மேலப்பாளையம் அடுத்துள்ள கருங்குளம் பகுதியில் சென்றபோது பேருந்தில் இருந்து தவறி விழுந்த சுந்தரமகாலிங்கம் பலத்த காயமடைந்தார். இதையடுத்து,  திருவனந்தபுரம் மருத்துவமனைக்குக் கொண்டு செல்லப்பட்ட அவர், திங்கள்கிழமை அதிகாலையில் உயிரிழந்தார். இதுகுறித்து திருநெல்வேலி மாநகர போக்குவரத்துப் புலனாய்வுப் பிரிவு போலீஸார் வழக்குப்பதிந்து விசாரித்து வருகிறார்கள்.
 

]]>
https://www.dinamani.com/all-editions/edition-thirunelveli/thirunelveli/2019/mar/19/நெல்லை-அருகே-விபத்தில்-காயமடைந்த-நடத்துநர்-சாவு-3116686.html
3116685 திருநெல்வேலி திருநெல்வேலி ஓய்வுபெற்ற அரசு ஊழியர்கள் நெல்லையில் ஆலோசனை DIN DIN Tuesday, March 19, 2019 08:22 AM +0530 தமிழ்நாடு ஓய்வுபெற்ற அரசு ஊழியர் சங்கச் செயற்குழுக் கூட்டம் திருநெல்வேலி வருவாய்துறை அலுவலகத்தில் அண்மையில் நடைபெற்றது. 
இந்தக் கூட்டத்துக்கு,  சங்கத்தின் மாவட்டத் தலைவர் முத்து முகமது தலைமை வகித்தார். மாவட்ட துணைத் தலைவர் சொக்கலிங்கம் முன்னிலை வகித்தார். கடந்த மாதம் கரூரில் நடைபெற்ற மாநிலச் செயற்குழு கூட்ட முடிவுகள் குறித்து சங்கச் செயலர் கி.மீனாட்சி சுந்தரம் விளக்கினார். வரும் ஜூலை மாதம் மாநில பிரதிநிதித்துவப் பேரவை திருநெல்வேலியில் நடத்துவது, வருகின்ற மக்களவைத் தேர்தலில் அனைவரும் தவறாது வாக்களிக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. முன்னாள் மாநிலத் தலைவர் சங்கரன் வாழ்த்தி பேசினார். மாவட்டப் பொருளாளர் பிச்சையா நன்றி கூறினார்.
 

]]>
https://www.dinamani.com/all-editions/edition-thirunelveli/thirunelveli/2019/mar/19/ஓய்வுபெற்ற-அரசு-ஊழியர்கள்-நெல்லையில்-ஆலோசனை-3116685.html