Dinamani - தூத்துக்குடி - https://www.dinamani.com/all-editions/edition-thirunelveli/tuticorin/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3179126 திருநெல்வேலி தூத்துக்குடி மின்சாரம் பாய்ந்ததில் ஓட்டுநர் பலி DIN DIN Wednesday, June 26, 2019 06:46 AM +0530 புதியம்புத்தூரில் திங்கள்கிழமை இரவு மின்சாரம் பாய்ந்ததில் ஓட்டுநர் இறந்தார்.
புதியம்புத்தூர் ஆர்.சி. கோயில் தெருவைச் சேர்ந்தவர் த. தமிழ்ச்செல்வன் (42), ஓட்டுநர். இவர்,  திங்கள்கிழமை இரவு வீட்டில் உள்ள மின் விளக்கை சரி செய்ய முயன்றபோது, மின்சாரம் பாய்ந்ததில் தூக்கி வீசப்பட்டார்.  உடனே அவரை,  உறவினர்கள் ஓட்டப்பிடாரம் அரசு மருத்துவமனைக்கு கொண்டு சென்றனர்.  அவரைப் பரிசோதித்த மருத்துவர்கள் அவர்  இறந்துவிட்டதாக தெரிவித்தனர்.
இதுகுறித்து புதியம்புத்தூர் போலீஸார் வழக்குப் பதிந்து,  விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/26/மின்சாரம்-பாய்ந்ததில்-ஓட்டுநர்-பலி-3179126.html
3179125 திருநெல்வேலி தூத்துக்குடி 30இல் கோவில்பட்டியில்  ஹாக்கி பயிற்சிக்கு மாணவர்கள் தேர்வு DIN DIN Wednesday, June 26, 2019 06:46 AM +0530 கோவில்பட்டி லட்சுமி அம்மாள் ஸ்போர்ட்ஸ் அகாதெமியில் ஹாக்கி விளையாட்டு பயிற்சிக்கு மாணவர், மாணவிகள் தேர்வு  இம்மாதம் 30ஆம் தேதி நடைபெறுகிறது.
இதுகுறித்து, நேஷனல் பொறியியல் கல்லூரி இயக்குநர் சண்முகவேல் வெளியிட்ட அறிக்கை:
கோவில்பட்டி கே.ஆர்.கல்வி நிறுவனங்களின் அங்கமான லட்சுமி அம்மாள் ஸ்போர்ட்ஸ் அகாதெமியில் ஹாக்கி விளையாட்டு பயிற்சி பெறுவதற்கு விளையாட்டு வீரர்கள் தேர்வு நடைபெறுகிறது.  இதில், கோவில்பட்டி மற்றும் சுற்று வட்டாரப் பகுதிகளிலுள்ள பள்ளிகளில் பயிலும் 10 வயது முதல் 14 வயதுக்குள்பட்ட மாணவர், மாணவிகள் கலந்து கொள்ளலாம்.
 விருப்பமுள்ள மாணவர், மாணவிகளுக்கான தகுதித் தேர்வு இம்மாதம் 30ஆம் தேதி காலை 7 மணிக்கு கோவில்பட்டி லட்சுமி அம்மாள் பாலிடெக்னிக் கல்லூரி விளையாட்டு மைதானத்தில் நடைபெறும்.  ஜூனியர் மற்றும் சப்ஜூனியர் ஆகிய 2 பிரிவுகளில் பயிற்சி பெறுவதற்காக தேர்வு செய்யப்படும் மாணவர், மாணவிகளுக்கு  ஒவ்வொரு சனி மற்றும் ஞாயிற்றுக்கிழமைகளில் பயிற்சிகளும், பள்ளியின் காலாண்டு, அரையாண்டு மற்றும் முழு ஆண்டுத் தேர்வு விடுமுறை நாள்களில் தொடர் சிறப்புப் பயிற்சி வழங்கப்படும்.
பயிற்சிக்கு தேவையான விளையாட்டு உபகரணங்கள், பயிற்சியில் பங்கு கொள்வதற்கு பேருந்து வசதிகள், மருத்துவ காப்பீடு, உணவு மற்றும் ஊட்டச்சத்து பானங்கள் அனைத்தும் பயிற்சி பெறும் ஒவ்வொருவருக்கும் வழங்கப்படும். எவ்வித கட்டணமும் கிடையாது. 
சிறந்த பயிற்சி பெற்ற மாணவர், மாணவிகள் மாவட்ட, மாநில மற்றும் அகில இந்திய அளவில் நடைபெறும் பல்வேறு ஹாக்கி விளையாட்டுப் போட்டிகளில் லட்சுமி அம்மாள் ஸ்போர்ட்ஸ் அகாதெமி அணியின் சார்பில் பங்கு கொள்ள வாய்ப்புகளும், அதற்கான முழு செலவுகளும் அகாதெமியினால் வழங்கப்படும்.
எனவே, கோவில்பட்டி மற்றும் சுற்று வட்டாரப் பள்ளிகளில் பயிலும் தகுதிப் பெற்ற, விளையாட விருப்பமுள்ள மாணவர், மாணவிகள் தங்களது பள்ளி அடையாள அட்டை நகல், ஆதார் அட்டை நகல் மற்றும் 2 பாஸ்போர்ட் அளவுள்ள போட்டோ ஆகியவற்றுடன் ஜூன் 30ஆம் தேதி வர வேண்டும். 
தகுதித் தேர்வில் கலந்து கொள்வதற்கு கல்லூரி சார்பில் பேருந்து வசதி அண்ணா பேருந்து நிலையம் அருகேயிருந்து  ஜூன் 30ஆம் தேதி காலை 6.30 மணிக்கு ஏற்பாடு செய்யப்பட்டுள்ளது என செய்திக் குறிப்பில் கூறப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/26/30இல்-கோவில்பட்டியில்--ஹாக்கி-பயிற்சிக்கு-மாணவர்கள்-தேர்வு-3179125.html
3179124 திருநெல்வேலி தூத்துக்குடி மானாவாரி தொகுப்பு மேம்பாட்டு அலுவலர்களுக்கான பயிற்சி முகாம் DIN DIN Wednesday, June 26, 2019 06:46 AM +0530 தூத்துக்குடி மாவட்டம், வேளாண்மை தொழில்நுட்ப மேலாண்மை முகமை நீடித்த நிலையான மானாவாரி வேளாண்மை இயக்கம் தொகுதி - 3 மானாவாரி தொகுப்பு மேம்பாட்டு அலுவலர்களுக்கான பயிற்சி முகாம் கோவில்பட்டியில் நடைபெற்றது.
மாவட்ட வருவாய் அலுவலர் வீரப்பன் தலைமை வகித்து, பயிற்சி வகுப்பை தொடங்கி வைத்துப் பேசினார். 
தொடர்ந்து, மானாவாரி பயிர் மேலாண்மை பயிற்சி கையேடை மாவட்ட வருவாய் அலுவலர் வெளியிட, அதன் முதல் பிரதியை கோவில்பட்டி வேளாண்மை ஆராய்ச்சி நிலைய பேராசிரியர் முருகன் பெற்றுக் கொண்டார்.
தொடர்ந்து, கிள்ளிகுளம் வேளாண்மை கல்லூரி மற்றும் ஆராய்ச்சி நிலையம் முதல்வர் இறைவன் அருட்கனி அய்யநாதன் , கோவில்பட்டி வேளாண்மை ஆராய்ச்சி நிலையப் பேராசிரியர் முருகன்,   கால்நடை பராமரிப்புத் துறை மண்டல இணை இயக்குநர் பிரேமா, மாவட்ட ஆட்சியரின் நேர்முக உதவியாளர் (வேளாண்மை) பாலசுப்பிரமணியன்,   வேளாண்மை துணை இயக்குநர் மற்றும் துணை திட்ட இயக்குநர் ராஜாசிங்,   வேளாண்மை துணை இயக்குநர் சாந்திராணி,   வேளாண்மை பொறியியல் துறை செயற்பொறியாளர் (பொ) ஜாஹீர்ஹுசைன்,   தமிழ்நாடு நீர்வள நிலவள மேம்பாட்டுத் திட்ட வேளாண்மை துணை இயக்குநர் ஆசீர் கனகராஜன்,  தரக்கட்டுப்பாடு வேளாண்மை உதவி இயக்குநர் வசந்தி,  வேளாண்மை உதவி இயக்குநர் ஆல்பர்ட் ராபின்சன்  ஆகியோர் பேசினர்.
பயிற்சியில், வேளாண்மை அலுவலர்கள், உதவி வேளாண்மை அலுவலர்கள், தோட்டக்கலைத் துறை, வேளாண் வணிகம் மற்றும் விற்பனைத் துறை, வேளாண்மை பொறியியல் துறை மற்றும் கால்நடை துறை அலுவலர்கள் கலந்துகொண்டனர். 
தூத்துக்குடி வேளாண்மை இணை இயக்குநர் மகாதேவன் வரவேற்றார். உதவி இயக்குநர் நாகராஜ் நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/26/மானாவாரி-தொகுப்பு-மேம்பாட்டு-அலுவலர்களுக்கான-பயிற்சி-முகாம்-3179124.html
3179123 திருநெல்வேலி தூத்துக்குடி குலசேகரன்பட்டினத்தில் எஸ்டிபிஐ ஆர்ப்பாட்டம் DIN DIN Wednesday, June 26, 2019 06:45 AM +0530 குலசேகரன்பட்டினத்தில்  பல்வேறு கோரிக்கைகளை வலியுறுத்தி எஸ்டிபிஐ கட்சி சார்பில்  செவ்வாய்க்கிழமை ஆர்ப்பாட்டம் நடைபெற்றது.
தமிழக மக்களைப் பாதிக்கும் மீத்தேன்,  ஹைட்ரோ கார்பன், அணுக்கழிவு மையம் போன்ற  திட்டங்களை நிறுத்த வலியுறுத்தி,  நடைபெற்ற ஆர்ப்பாட்டத்துக்கு  எஸ்டிபிஐ கட்சி மாவட்டத் தலைவர் காதர் முகைதீன் தலைமை வகித்தார்.
மாவட்ட நிர்வாகிகள் உஸ்மான், கௌது முகைதீன், அஜீஸ், மைதீன்கனி, காதர், ஹபீப் ரஹ்மான் ஆகியோர் முன்னிலை வகித்தனர்.
கோரிக்கைகளை வலியுறுத்தி எஸ்டிபிஐ மாநில பேச்சாளர் ஜாபர் அலி உஸ்மானி, ஸ்டெர்லைட் எதிர்ப்பு மக்கள் கூட்டமைப்பு தலைவர் கிருஷ்ணமூர்த்தி, உமர் ஆகியோர் பேசினர். 
திருச்செந்தூர் தொகுதி தலைவர் தாஹிர் வரவேற்றார். குலசேகரன்பட்டினம் கிளைச் செயலர் அபுல் ஹசன் நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/26/குலசேகரன்பட்டினத்தில்-எஸ்டிபிஐ-ஆர்ப்பாட்டம்-3179123.html
3179122 திருநெல்வேலி தூத்துக்குடி மாநகராட்சிப் பகுதியில் அத்தியாவசிய தேவைகளை விரைந்து நிறைவேற்ற வேண்டும்: எம்.எல்.ஏ. வலியுறுத்தல் DIN DIN Wednesday, June 26, 2019 06:45 AM +0530 தூத்துக்குடி மாநகராட்சியில் மக்களின் அத்தியாவசிய தேவைகளைவிரைந்து நிறைவேற்ற வேண்டும் என, அதிகாரிகளிடம் முன்னாள் அமைச்சரும், ஸ்ரீவைகுண்டம் சட்டப்பேரவைத் தொகுதி உறுப்பினருமான எஸ்.பி.சண்முகநாதன் வலியுறுத்தினார்.
தூத்துக்குடி மாநகராட்சியில் நடைபெறும் பல்வேறு வளர்ச்சிப் பணிகள் குறித்து சண்முகநாதன் எம்.எல்.ஏ. செவ்வாய்க்கிழமை ஆலோசனை நடத்தினார். மாநகராட்சி ஆணையர் வீ.ப.ஜெயசீலன் மற்றும் நான்கு மண்டல உதவி ஆணையர்கள், குடிநீர் விநியோக ஆய்வாளர்கள், அலுவலர்கள் கலந்துகொண்டனர்.
இந்த ஆய்வுக் கூட்டத்தில், மாநகரப் பகுதிகளில் சீரான குடிநீர் விநியோகம் செய்தல், பணிகள் நிறைவடையாமல் உள்ள சாலைப் பணிகளை விரைந்து முடித்தல், பக்கிள் ஓடையில் தேங்கியுள்ள நீர் மற்றும் கழிவுகளை சுத்தம் செய்தல், பாதாள சாக்கடைத் திட்டப் பணிகளை விரைவுபடுத்துதல் உள்ளிட்ட பணிகள்குறித்து விவாதிக்கப்பட்டது. அப்போது மக்களின் அத்தியாவசிய தேவைகளுக்கான பணிகளை விரைந்து செயல்படுத்த வேண்டும் என அதிகாரிகளிடம் சண்முகநாதன் எம்எல்ஏ வலியுறுத்தினார்.
பின்னர், செய்தியாளர்களிடம் பேசிய அவர், தூத்துக்குடி மாநகராட்சியின் வளர்ச்சிப் பணிகள் தொடர்பான கருத்துகளை தெரிவித்தும் மற்றும் மாநகராட்சி பகுதிகளில் தட்டுப்பாடு இல்லாமல் சீரான குடிநீர் விநியோகம் வேண்டியும் ஆணையரிடம் மனு அளித்துள்ளோம். குடிநீர்த்  திட்டப் பணிகள், பொலிவுறு நகரப் பணிகள், பாதாள சாக்கடைத் திட்டப் பணிகள், சிதம்பரநகர் சந்தையை நவீனப்படுத்துதல், பக்கிள் ஓடை பராமரிப்பு போன்ற பணிகளை விரைவாக முடிக்க வேண்டும் என கேட்டுக்கொண்டோம் என்றார் அவர்.
அதிமுக முன்னாள் மாவட்ட செயலர் பி.ஏ.ஆறுமுகநயினார், அமைப்புசாரா ஓட்டுநர் அணி இணைச் செயலர் பெருமாள்சாமி, முன்னாள் வாரிய தலைவர் அமிர்தகணேசன், முன்னாள் நகரச் செயலர் ஏசாதுரை, மாநகரப் பகுதிச் செயலாளர்கள் பொன்ராஜ், ராமகிருஷ்ணன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-thirunelveli/tuticorin/2019/jun/26/மாநகராட்சிப்-பகுதியில்-அத்தியாவசிய-தேவைகளை-விரைந்து-நிறைவேற்ற-வேண்டும்-எம்எல்ஏ-வலியுறுத்தல்-3179122.html
3179121 திருநெல்வேலி தூத்துக்குடி தீ விபத்தில் காயமடைந்த பெண் மரணம் DIN DIN Wednesday, June 26, 2019 06:45 AM +0530 சாத்தான்குளம் அருகே தீ  விபத்தில்  காயமடைந்த பெண், மருத்துவமனையில் செவ்வாய்க்கிழமை உயிரிழந்தார். 
சாத்தான்குளம் அருகே வாலத்தூரைச் சேர்ந்த பிரேம்குமார் மனைவி பிரிடா ஜேனட் (23). இவர்களுக்கு திருமணமாகி 4ஆண்டுகள் ஆகிறது.  இரண்டு பெண் குழந்தைகள் உள்ளனர். கடந்த 15ஆம்தேதி பிரிடா ஜேனட் வீட்டில் சமையல் செய்து கொண்டிருந்தபோது எதிர்பாராதவிதமாக தீ விபத்து ஏற்பட்டதாக கூறப்படுகிறது.  இதில்  பலத்த காயமடைந்த அவர், திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டார். ஆனால் அங்கு அவர் செவ்வாய்க்கிழமை இறந்தார். இதுகுறித்து தட்டார்மடம் போலீஸார் வழக்குப் பதிந்து விசாரித்து வருகின்றனர்.  திருநெல்வேலி கோட்டாட்சியரும் விசாரணை நடத்தி வருகிறார்.
 

]]>
https://www.dinamani.com/all-editions/edition-thirunelveli/tuticorin/2019/jun/26/தீ-விபத்தில்-காயமடைந்த-பெண்-மரணம்-3179121.html
3179120 திருநெல்வேலி தூத்துக்குடி காருடன் நேருக்கு நேர் மோதல்: ஆட்டோ கவிழ்ந்து 7 பேர் காயம் DIN DIN Wednesday, June 26, 2019 06:44 AM +0530 திருச்செந்தூர் அருகே காருடன் நேருக்கு நேர் மோதிய ஆட்டோ கவிழ்ந்ததில் 7 பேர் பலத்த காயமடைந்தனர்.
காயல்பட்டணம், சுலைமான் நகரைச் சேர்ந்தவர் சாகுல்ஹமீது (32). ஆட்டோ ஓட்டுநர். இவர் ஞாயிற்றுக்கிழமை இரவு தனது ஆட்டோவில் காயல்பட்டணத்தைச் சேர்ந்த 4 பெண்கள் உள்ளிட்ட 6 பேரை ஏற்றிக் கொண்டு, திருச்செந்தூரில் நடைபெறும் பொருள்காட்சிக்கு வந்தார். பிறகு, பொருள்காட்சியை பார்த்துவிட்டு, அதே ஆட்டோவில் ஊர்திரும்பிக் கொண்டிருந்தனர்.
வீரபாண்டியன்பட்டினம் வளைவில் செல்லும்போது, எதிரே வந்த கார் ஆட்டோ மீது நேருக்கு நேர் மோதியதில், ஆட்டோ கவிழ்ந்தது. இதில், சாகுல்ஹமீது (32), முகமது காசிம் (18), ஹபீலா (56), நசுகா (49), ஹசிகா கரீனா, ரபீக் (60), கலீமா பாரீஷா ஆகிய 7 பேர் பலத்த காயமடைந்தனர். காயமடைந்த அனைவரும் திருச்செந்தூர் தனியார் மருத்துவமனையில் அனுமதிக்கப்பட்டு, சிகிச்சை பெற்று வருகின்றனர். விபத்து குறித்து திருச்செந்தூர் தாலுகா காவல் நிலைய போலீஸார் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/26/காருடன்-நேருக்கு-நேர்-மோதல்-ஆட்டோ-கவிழ்ந்து-7-பேர்-காயம்-3179120.html
3179119 திருநெல்வேலி தூத்துக்குடி குழந்தைகள் பாதுகாப்புக் குழுக் கூட்டம் DIN DIN Wednesday, June 26, 2019 06:44 AM +0530 ஓட்டப்பிடாரம் ஊராட்சி ஒன்றிய அலுவலகத்தில் குழந்தைகள் பாதுகாப்புக் குழுக் கூட்டம் நடைபெற்றது.
வட்டார வளர்ச்சி அலுவலர் ராமராஜ் தலைமை வகித்தார். கூட்டத்தில், குழந்தைகள் பாதுகாப்பு மற்றும் பராமரிப்பு குறித்தும், 18 வயதுக்கு உள்பட்ட குழந்தைகளுக்கு ஏற்படும் பிரச்னைகளுக்கான தீர்வு, தேவையான உதவிகளுக்கு சைல்டு லைன்-1098இல் தகவல் தெரிவிப்பது குறித்தும் பேசப்பட்டது.
துணை வட்டார வளர்ச்சி அலுவலர் அல்லிக்கொடி, மாவட்ட குழந்தைகள் பாதுகாப்பு அலுவலர் ஜோதிக்குமார், சைல்டு லைன் 1098 ஒருங்கிணைப்பாளர் காசிராஜன், ஒருங்கிணைந்த குழந்தைகள் வளர்ச்சித் திட்ட வட்டார அலுவலர் திலகா மற்றும் தன்னார்வ தொண்டு நிறுவன பிரதிநிதிகள் கலந்துகொண்டனர். குழந்தைகள் பாதுகாப்பு அலுவலர் ஜேம்ஸ் அதிசயராஜா நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/26/குழந்தைகள்-பாதுகாப்புக்-குழுக்-கூட்டம்-3179119.html
3179118 திருநெல்வேலி தூத்துக்குடி பி.எஸ்.என்.எல்.  'அபிநந்தன்- 151'  புதிய பிரீபெய்டு திட்டம் அறிமுகம் DIN DIN Wednesday, June 26, 2019 06:44 AM +0530 பி.எஸ்.என்.எல். நிறுவனம் தூத்துக்குடி மாவட்ட வாடிக்கையாளர்களுக்காக "அபிநந்தன்- 151' என்ற பிரீபெய்டு திட்டத்தை அறிமுகம் செய்துள்ளது.
இது தொடர்பாக தூத்துக்குடி மாவட்ட பி.எஸ்.என்.எல். பொதுமேலாளர் ஆர்.சஜிகுமார் வெளியிட்ட செய்திக் குறிப்பு: 
பி.எஸ்.என்.எல். தனது பிரீபெய்டு மொபைல் வாடிக்கையாளர்களுக்கு கவர்ச்சிகரமான 'அபிநந்தன்- 151' என்ற திட்டத்தை அறிமுகம் செய்துள்ளது. இந்தத் திட்டம் 90 நாள்களுக்கு மட்டும் சிறப்பு சலுகையாக அளிக்கப்படுகிறது.  ரூ. 151-க்கு அளவற்ற வாய்ஸ் அழைப்புகள் அனைத்து நெட்வொர்க்குகளுக்கும் (மும்பை,தில்லி உள்பட) ரோமிங்கில் கிடைக்கும். 
மேலும், இலவசமாக இந்தத் திட்டத்தில் தினமும் 1 ஜி.பி. டேட்டா மற்றும் 100 எஸ்.எம்.எஸ். அனைத்து நெட்வொர்க்குகளுக்கும் கிடைக்கும். இவையனைத்தும் முதல் 24 நாள்களுக்கு கிடைக்கும்.  இந்தத் திட்டத்தை தூத்துக்குடி மாவட்ட வாடிக்கையாளர்கள் பெற்று பயன்பெறலாம் என தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/26/பிஎஸ்என்எல்--அபிநந்தன்--151--புதிய-பிரீபெய்டு-திட்டம்-அறிமுகம்-3179118.html
3179117 திருநெல்வேலி தூத்துக்குடி ஜூலை 3 இல் கோவில்பட்டி அரசுக் கல்லூரியில் மாணவர் சேர்க்கை கலந்தாய்வு DIN DIN Wednesday, June 26, 2019 06:43 AM +0530 கோவில்பட்டி அரசு கலை மற்றும் அறிவியல் கல்லூரியில் முதுகலை பாடப்பிரிவுகளுக்கான மாணவர் சேர்க்கைக்கான கலந்தாய்வு,  ஜூலை 3ஆம் தேதி நடைபெறுகிறது. 
இதுகுறித்து கல்லூரி முதல்வர் தீபா வெளியிட்ட செய்திக் குறிப்பு: கோவில்பட்டி அரசு கலை மற்றும் அறிவியல் கல்லூரியில் 2019-2020ஆம் கல்வியாண்டிற்கான முதுகலை பாடப்பிரிவுக்கு கலந்தாய்வு மூலம் மாணவர் சேர்க்கை ஜூலை 3ஆம் தேதி நடைபெறுகிறது.  முதுகலை பாடப்பிரிவுகளான தமிழ், ஆங்கிலம், வணிகவியல், கணிதம் மற்றும் கணினி அறிவியல் பாடப்பிரிவுகளில் மாணவர், மாணவிகள் சேர்ந்து பயிலுவதற்கான விண்ணப்பங்கள் கல்லூரியில் வழங்கப்பட்டு வருகிறது. பூர்த்தி செய்யப்பட்ட விண்ணப்பங்களை கல்லூரி அலுவலகத்தில் ஜூலை 1ஆம் தேதிக்குள் ஒப்படைக்க வேண்டும் என செய்திக் குறிப்பில் கூறப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/26/ஜூலை-3-இல்-கோவில்பட்டி-அரசுக்-கல்லூரியில்-மாணவர்-சேர்க்கை-கலந்தாய்வு-3179117.html
3179116 திருநெல்வேலி தூத்துக்குடி பள்ளிப்பத்து பகுதியில் ஜூன் 26 மின்தடை DIN DIN Wednesday, June 26, 2019 06:43 AM +0530 ஆறுமுகனேரி துணை மின் நிலையத்துக்குள்பட்ட பள்ளிப்பத்து பகுதியில் புதன்கிழமை (ஜூன் 26) மின்தடை செய்யப்படுகிறது.
இதுகுறித்து திருச்செந்தூர் மின் விநியோக செயற்பொறியாளர் இரா.பிரபாகர் வெளியிட்ட செய்திக் குறிப்பு:
ஆறுமுகனேரி துணை மின்நிலையத்திலிருந்து செல்லும் 11 கே.வி. குரும்பூர் பீடரில் புதிய மின்மாற்றி கட்டமைப்பு நிறுவும் பணி புதன்கிழமை நடைபெற உள்ளதால் ஜெருசலேம், மேல பள்ளிப்பத்து,  பள்ளிப்பத்து, பள்ளிப்பத்து கஸ்பா மற்றும் ஊத்தங்கரைவிளை ஆகிய பகுதிகளுக்கு காலை 10 மணி முதல் மாலை 3 மணி வரை மின் விநியோகம் இருக்காது என அந்தச் செய்திக் குறிப்பில் கூறப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/26/பள்ளிப்பத்து-பகுதியில்-ஜூன்-26-மின்தடை-3179116.html
3179115 திருநெல்வேலி தூத்துக்குடி கோவில்பட்டியில் பால் உற்பத்தியாளர்கள் ஆர்ப்பாட்டம் DIN DIN Wednesday, June 26, 2019 06:43 AM +0530 பல்வேறு கோரிக்கைகளை வலியுறுத்தி, தமிழ்நாடு பால் உற்பத்தியாளர்கள் கூட்டுறவு சங்கத்தினர் சார்பில் செவ்வாய்க்கிழமை கோவில்பட்டியில் ஆர்ப்பாட்டம் நடைபெற்றது.
இந்த ஆர்ப்பாட்டத்துக்கு,  தமிழ்நாடு பால் உற்பத்தியாளர்கள் சங்க தூத்துக்குடி மாவட்டத் தலைவர் துரைராஜ் தலைமை வகித்தார். பால் உற்பத்தியாளர்கள் கூட்டுறவு சங்க தலைவர்கள் பாலமுருகன்(கடலையூர்), ஜெயராமன்(எட்டயபுரம்) ஆகியோர் முன்னிலை வகித்தனர். 
ஆர்ப்பாட்டத்தில், தமிழ்நாடு முழுவதும் பால் குளிரூட்டும் நிலையங்களில் ஸ்கேனர் முறையில் பால் பரிசோதனை செய்து இணையதளத்தின் மூலம் செயல்படுத்த வேண்டும், சங்கம் வழங்கும் பாலுக்கு கொள்முதல் விலையாக பசும்பால் லிட்டருக்கு ரூ.40, எருமை பால் லிட்டர் ரூ.50 என உயர்த்தி வழங்க வேண்டும்.  அனைத்துச் சங்கங்களுக்கும் பால் தரம் பார்க்கும் இயந்திரம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷமிட்டனர். 
தமிழ்நாடு பால் உற்பத்தியாளர்கள் சங்க மாநிலப் பொதுச்செயலர் கே.முகமது அலி, தூத்துக்குடி மாவட்டச் செயலர் கே.பி.ஆறுமுகம், மார்க்சிஸ்ட் கம்யூனிஸ்ட் கட்சியின் நகரச் செயலர் முருகன், தமிழ்நாடு விவசாயச் சங்கத்தைச் சேர்ந்த ஜி.ராமசுப்பு ஆகியோர் ஆர்ப்பாட்டத்தின் கோரிக்கைகளை விளக்கிப் பேசினர்.
இதில், தமிழ்நாடு பால் உற்பத்தியாளர்கள் சங்க மாவட்டத் துணைத் தலைவர் மகாலிங்கம், மாவட்டப் பொருளாளர் பாலமுருகன்  உள்பட பால் உற்பத்தியாளர்கள் கூட்டுறவு சங்க உறுப்பினர்கள் திரளானோர் கலந்து கொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/26/கோவில்பட்டியில்-பால்-உற்பத்தியாளர்கள்-ஆர்ப்பாட்டம்-3179115.html
3179114 திருநெல்வேலி தூத்துக்குடி கோவில்பட்டி ஊராட்சி ஒன்றிய அலுவலகத்தில் முற்றுகை DIN DIN Wednesday, June 26, 2019 06:42 AM +0530 தேசிய ஊரக வேலை உறுதித் திட்டத்தின் கீழ் இலுப்பையூரணி மற்றும் கிழவிப்பட்டி ஊராட்சி பகுதி மக்களுக்கு வேலை வழங்கக் கோரி அப்பகுதி பொதுமக்கள் கோவில்பட்டி ஊராட்சி ஒன்றிய அலுவலகத்தை செவ்வாய்க்கிழமை முற்றுகையிட்டு, ஆர்ப்பாட்டத்தில் ஈடுபட்டனர்.
தூத்துக்குடி வடக்கு மாவட்ட திமுக விவசாய அணி துணை அமைப்பாளர் சந்தானம் தலைமையில் கூசாலிபட்டி பகுதி பொதுமக்கள் கோவில்பட்டி ஊராட்சி ஒன்றிய அலுவலகத்தில் முற்றுகைப் போராட்டத்தில் ஈடுபட்டனர்.  பின்னர், போராட்டக் குழுவினர் கோரிக்கை மனுவை  ஒன்றிய ஆணையர் கிரியிடம் வழங்கினர்.   
பின்னர் போராட்டக் குழுவினர் கூறியது:  தங்கள் கோரிக்கை நிறைவேறாவிட்டால் ஜூலை 1ஆம் தேதி மாபெரும் ஆர்ப்பாட்டத்தில் ஈடுபடுவோம் என்றனர். 
கிழவிபட்டி: கோவில்பட்டி ஒன்றியத்துக்குள்பட்ட கிழவிபட்டி ஊராட்சியில் கிழவிபட்டி, செண்பகப்பேரி, துரைச்சாமிபுரம் பகுதி மக்களுக்கு மகாத்மா காந்தி தேசிய ஊரக வேலை உறுதித் திட்டத்தின்கீழ் வேலை வழங்க வலியுறுத்தி விவசாயத் தொழிலாளர் சங்க கோவில்பட்டி ஒன்றியப் பொறுப்பாளர் சித்ரா தலைமையில், ஊராட்சி ஒன்றிய அலுவலகத்தில் முற்றுகையிட்டனர்.
இதில், சி.ஐ.டி.யூ. தொழிற்சங்க மாவட்டக் குழு உறுப்பினர் தெய்வேந்திரன், தமிழ்நாடு விவசாயிகள் சங்க மாவட்டத் தலைவர் மணிகண்ட சுப்பையா ஆகியோர் முன்னிலை வகித்தனர். 
மார்க்சிஸ்ட் கம்யூனிஸ்ட் கட்சியின் நகரச் செயலர் முருகன்,  ஒன்றியச் செயலர் ஜோதிபாசு, மாற்றுத் திறனாளி மற்றும் பாதுகாப்போர் உரிமைகளுக்கான சங்க மாநிலச் செயலர் முத்துகாந்தாரி ஆகியோர் போராட்டத்தின் கோரிக்கைகளை விளக்கிப் பேசினர். இதில் திரளானோர் கலந்து கொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/26/கோவில்பட்டி-ஊராட்சி-ஒன்றிய-அலுவலகத்தில்-முற்றுகை-3179114.html
3179113 திருநெல்வேலி தூத்துக்குடி ஸ்ரீவைகுண்டம் அணையில் பராமரிப்புப் பணிக்கு பயன்படுத்தாத  ஜல்லிக் கற்கள் அகற்றம் DIN DIN Wednesday, June 26, 2019 06:42 AM +0530 ஸ்ரீவைகுண்டம் அணை பராமரிப்புப் பணியில் பயன்படுத்த முடியாத ஜல்லிக் கற்கள் பொதுப்பணித்துறை கண்காணிப்பு பொறியாளர் உத்தரவின்படி செவ்வாய்க்கிழமை அகற்றப்பட்டது.
 தாமிரவருணி ஆற்றின் ஸ்ரீவைகுண்டம் அணையில் பராமரிப்புப் பணி கடந்த 2017ஆம் ஆண்டு தொடங்கியது. அணையில் தண்ணீர்வரத்து அதிகரித்தபோது  ஜல்லிக் கற்கள் உள்ளிட்ட பொருள்கள் தண்ணீரில் அடித்து செல்லப்பட்டன.  இதனால் பணி நிறுத்தப்பட்டு தற்போது பணி நடைபெற்று வருகிறது. 
இந்நிலையில், அணையில் தரமில்லாத பொருள்களை கொண்டு பராமரிப்புப் பணி நடைபெற்று வருவதாக நிலத்தடிநீர் பாதுகாப்பு இயக்கத்தினர் புகார் தெரிவித்தனர். 
 இதைத் தொடர்ந்து, அணை பராமரிப்புப் பணிகளை பொதுப் பணித்துறை கண்காணிப்பு பொறியாளர் ரகுநாத் நேரில் ஆய்வு செய்தார்.
அப்போது,  அணையின் கீழ் பகுதியில் தண்ணீரில் அடித்து செல்லப்பட்ட ஜல்லிக் கற்கள் சேகரித்து வைக்கப்பட்டு இருந்தன.
ஆனால் அக்கற்கள் பணிக்கு பயன்படுத்தப்படவில்லை என ஸ்ரீவைகுண்டம் பொதுப் பணித்துறையினர் விளக்கம் அளித்தனர்.  எனினும், பயன்படுத்த முடியாத ஜல்லிக் கற்களை அப்புறப்படுத்த கண்காணிப்பு பொறியாளர் உத்தரவிட்டார். 
 இதைத் தொடர்ந்து, அணையின் கீழ்பகுதியில் சேகரித்து வைக்கப்பட்டிருந்த ஜல்லிக் கற்களை அகற்றும் பணி செவ்வாய்க்கிழமை நடைபெற்றது.

]]>
https://www.dinamani.com/all-editions/edition-thirunelveli/tuticorin/2019/jun/26/ஸ்ரீவைகுண்டம்-அணையில்-பராமரிப்புப்-பணிக்கு-பயன்படுத்தாத--ஜல்லிக்-கற்கள்-அகற்றம்-3179113.html
3179112 திருநெல்வேலி தூத்துக்குடி தோட்டக்கலை பயிர்களுக்கு ரூ. 20.92 கோடி மானியம் வழங்க இலக்கு: ஆட்சியர் DIN DIN Wednesday, June 26, 2019 06:42 AM +0530 தூத்துக்குடி மாவட்டத்தில் நிகழாண்டில் தோட்டக்கலை பயிர்களுக்கு ரூ. 20.92 கோடி மானியம் வழங்க இலக்கு நிர்ணயிக்கப்பட்டுள்ளதாகவும், 100 சதவீத மானியத்தில் நுண்ணீர் பாசன கருவிகள் பெற்று விவசாயிகள் பயனடையலாம் எனவும் மாவட்ட ஆட்சியர் சந்தீப் நந்தூரி தெரிவித்துள்ளார்.
இதுகுறித்து அவர் வெளியிட்டுள்ள செய்திக் குறிப்பு: தோட்டக்கலை மற்றும் மலைப்பயிர்கள் துறையின் வாயிலாக பல திட்டங்கள் விவசாயிகளின் நலனுக்காக செயல்படுத்தப்பட்டு வருகின்றன. இதில், பிரதான திட்டமாக நுண்ணீர் பாசனத் திட்டம் செயல்படுத்தப்பட்டு வருகிறது.  இந்தத் திட்டத்தின் மூலம் 2019-20-ம் ஆண்டிற்கான விண்ணப்பங்கள் விவசாயிகளிடமிருந்து வரவேற்கப்படுகின்றன. இத்திட்டத்தின் மூலம், சிறு குறு விவசாயிகளுக்கு 100 சதவீத மானியத்தில் சொட்டுநீர் பாசனம் மற்றும் தெளிப்புநீர் பாசனக் கருவிகள் வழங்கப்பட உள்ளன.  
குறைந்தபட்சம் 0.40 ஏக்கர் முதல் 5 ஏக்கர் வரையுள்ள விவசாயிகள் இத்திட்டத்தில் பயன்பெறலாம். இதர விவாசயிகளுக்கு 75 சதவீத மானியத்தில் 12.5 ஏக்கர் வரை சொட்டுநீர் பாசனம் மற்றும் தெளிப்புநீர் பாசனக் கருவிகள் வழங்கப்பட உள்ளன. மேலும், இத்திட்டத்தில் தாழ்த்தப்பட்ட மற்றும் பழங்குடி வகுப்பைச் சார்ந்த விவசாயிகளுக்கு முன்னுரிமை அளிக்கப்படும். நிகழாண்டில், தூத்துக்குடி மாவட்ட விவசாயிகளுக்கு 3,600 ஹெக்டேர் இலக்கு நிர்ணயிக்கப்பட்டு, ரூ. 20.92 கோடி நிதி ஒதுக்கீடு செய்யப்பட்டுள்ளது.  
இத்திட்டத்தில் பங்கேற்க விரும்பும் விவசாயிகள் ஆதார் அட்டை நகல், குடும்ப அட்டை நகல், கிராம அடங்கல், கணினி சிட்டா, நில வரைபடம், சிறு, குறு விவசாயிகளாக இருப்பின், அதற்கான வட்டாட்சியரிடம் இருந்து பெறப்பட்ட சான்று ஆகிய ஆவணங்களுடன் அருகேயுள்ள வட்டார தோட்டக்கலை உதவி இயக்குநர் அலுவலகத்தை அணுகி பயன்பெறலாம். மேலும் விவரங்களுக்கு தோட்டக்கலை துணை இயக்குநர் அலுவலக தொலைபேசி எண். 0461 -2340681 மற்றும் தோட்டக்கலை உதவி இயக்குநர் தொலைபேசி எண் 90928 61549 ஆகியவற்றில் தொடர்புகொள்ளலாம்.

]]>
https://www.dinamani.com/all-editions/edition-thirunelveli/tuticorin/2019/jun/26/தோட்டக்கலை-பயிர்களுக்கு-ரூ-2092-கோடி-மானியம்-வழங்க-இலக்கு-ஆட்சியர்-3179112.html
3179111 திருநெல்வேலி தூத்துக்குடி தூத்துக்குடி துறைமுகம்  சரக்கு கையாள்வதில் புதிய சாதனை DIN DIN Wednesday, June 26, 2019 06:41 AM +0530 தூத்துக்குடி வ.உ. சிதம்பரனார் துறைமுகத்தின் கப்பல் சரக்குத்தளம் 9-இல் எம்.வி. இன்ஸ் கஸ்டமோனு என்ற கப்பலில் இருந்து திங்கள்கிழமை ஒரே நாளில் 27 ஆயிரத்து 546 மெட்ரிக் டன் ராக் பாஸ்பேட்டை கையாண்டு புதிய சாதனை படைக்கப்பட்டுள்ளது.
இதுகுறித்து வ.உ.சிதம்பரனார் துறைமுக பொறுப்புக் கழகத் தலைவர் தா. கீ. ராமசந்திரன் வெளியிட்ட செய்திக் குறிப்பு: தூத்துக்குடி வ.உ.சிதம்பரனார் துறைமுகத்தின் கப்பல் சரக்குதளம் 9-இல் எம்.வி. இன்ஸ் கஸ்டமோனு என்ற கப்பலில் இருந்து திங்கள்கிழமை ஒரே நாளில் 27 ஆயிரத்து 546 மெட்ரிக் டன் ராக் பாஸ்பேட்டை கையாண்டு  வஉசி துறைமுகம் புதிய சாதனை படைக்கப்பட்டுள்ளது.
இந்தக் கப்பலானது ஏகாப் துறைமுகத்திலிருந்து 55,450 டன் ராக் பாஸ்பேட்டை ஏற்றி வ.உ.சிதம்பரனார் துறைமுகத்துக்கு வந்துள்ளது.  இந்தக் கப்பலின் சரக்கை துறைமுகத்தின் நகரும் பளு தூக்கி மற்றும் ஹாப்பர் மூலம் ஒரே நாளில் 27,546 டன் ராக் பாஸ்பேட் கையாளப்பட்டது குறிப்பிடத்தக்கது.  இச்சாதனையானது, இதற்கு முந்தைய சாதனையான எம்.வி.ஆனோமஸ் என்ற கப்பலில் இருந்து கடந்த 2012  செப்டம்பர் 8ஆம் தேதி கையாளப்பட்ட அளவான 26,527 மெட்ரிக் டன் ராக் பாஸ்பேட் அளவை விட அதிகமாகும். உர தயாரிப்புக்கு  மூலப்பொருளான ராக் பாஸ்பேட்டை கீரின் ஸ்டார் உரம் லிமிடெட்,  தூத்துக்குடி என்ற நிறுவனமானது இறக்குமதி செய்துள்ளது.  
துறைமுகத்தின் உற்பத்தி திறனை அதிகரிப்பதற்கு தேவையான சிறந்த வசதிகள் மற்றும் தரமான சேவை வழங்கும் என்று உறுதியளிப்பதோடு இச்சாதனைக்கு அதிநவீன இயந்திரமயமாக்கல் மட்டுமல்லாமல் மிகவும் ஈடுபாட்டுடன் உழைத்த   துறைமுக உபயோகிப்பாளர்கள், கப்பல் முகவர்கள், அனைத்து அதிகாரிகள், ஊழியர்கள்  முக்கிய காரணம் என தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/26/தூத்துக்குடி-துறைமுகம்--சரக்கு-கையாள்வதில்-புதிய-சாதனை-3179111.html
3179110 திருநெல்வேலி தூத்துக்குடி கயத்தாறில் விவசாயத் தொழிலாளர்கள்  போராட்டம் DIN DIN Wednesday, June 26, 2019 06:41 AM +0530 கயத்தாறு ஒன்றிய அகில இந்திய விவசாய தொழிலாளர் சங்கம் சார்பில், கோரிக்கைகளை வலியுறுத்தி, வட்டார வளர்ச்சி அலுவலரிடம் மனு அளிக்கும் போராட்டம் செவ்வாய்க்கிழமை நடைபெற்றது.
மகாத்மா காந்தி தேசிய ஊரக வேலைவாய்ப்புத் திட்டத்தில் பணியாற்றும் அனைவருக்கும் தடையின்றி வேலை வழங்க வேண்டும், நிலுவையிலுள்ள ஊதியத்தை தாமதமின்றி வழங்க வேண்டும், தேசிய ஊரக வேலைஉறுதித் திட்டத்தில் பணியாற்றும் தொழிலாளர்களுக்கு தேர்தல் நாளான ஏப்.18 ஆம் தேதிக்கான ஊதியத்தை வேலை விடுப்பு ஊதியமாக வழங்க வேண்டும், வேலை கேட்டு விண்ணப்பித்த அனைவருக்கும் வேலை அட்டை வழங்க வேண்டும், உசிலங்குளம், கரடிகுளம் கிராமத்தில் நிலவும் குடிநீர் பிரச்னைக்கு தீர்வுகாண வேண்டும் என்பன உள்ளிட்ட கோரிக்கைகளை வலியுறுத்தி, கயத்தாறு ஒன்றிய, அகில இந்திய விவசாய தொழிலாளர் சங்கத்தினர் ஊராட்சி ஒன்றிய அலுவலகம் முன் திரண்டனர்.
பிறகு அவர்கள், கோரிக்கையை வலியுறுத்தி, வட்டார வளர்ச்சி அலுவலர் (ஊராட்சிகள்) சீனிவாசனிடம் மனு அளிக்கும் போராட்டத்தில் ஈடுபட்டனர். போராட்டத்திற்கு, விவசாய தொழிலாளர் சங்க மாவட்டத் தலைவர் கு. ரவீந்திரன் தலைமை வகித்தார். மாநிலக் குழு உறுப்பினர் சுந்தரி முன்னிலை வகித்தார். மார்க்சிஸ்ட் கம்யூனிஸ்ட் கட்சியின் கயத்தாறு ஒன்றியச் செயலர் சாலமன்ராஜ் கோரிக்கைகளை வலியுறுத்திப் பேசினார். 
இதில், அகில இந்திய விவசாய தொழிலாளர் சங்கத்தைச் சேர்ந்த அய்யாத்துரை (உசிலங்குளம்), தங்கம் என்ற பாப்பா (சி.ஆர்.காலனி), சாராள் (கரடிகுளம்), ராமலட்சுமி (கயத்தாறு), ராசையா (ராஜாபுதுக்குடி) உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/26/கயத்தாறில்-விவசாயத்-தொழிலாளர்கள்--போராட்டம்-3179110.html
3179109 திருநெல்வேலி தூத்துக்குடி ஜூன் 28இல் முன்னாள் படைவீரர்கள் குறைதீர் கூட்டம் DIN DIN Wednesday, June 26, 2019 06:41 AM +0530 மாவட்ட முன்னாள் படைவீரர்கள் சிறப்பு குறைதீர் கூட்டம் மற்றும் சுயதொழில் நடத்திட  தொழில் முனைவோர் கருத்தரங்கு வெள்ளிக்கிழமை (ஜூன் 28)  நடைபெறுகிறது.
இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு: தூத்துக்குடி மாவட்ட முன்னாள் படைவீரர்கள் சிறப்பு குறைதீர் நாள் கூட்டம் மற்றும் சுயதொழில் நடத்திட தொழில் முனைவோர் கருத்தரங்கு வெள்ளிக்கிழமை காலை 11.30 மணிக்கு ஆட்சியர் அலுவலக கூட்டரங்கில் நடைபெறவுள்ளது.  
பல்வேறு துறை சார்ந்த வேலைவாய்ப்புகள் குறித்து அலுவலர்கள் எடுத்துரைக்கவுள்ளனர்.  
மேலும் விவரங்களுக்கு உதவி இயக்குநர் முன்னாள் படைவீரர் நலன்,  தூத்துக்குடி என்ற முகவரியில் நேரிலோ அல்லது 0461- 2321678 என்ற தொலைபேசி வாயிலாகவோ தொடர்பு கொண்டு முன்னாள் படைவீரர்கள் மற்றும் அவர்களை சார்ந்தோர் பயனடையலாம் என தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/26/ஜூன்-28இல்-முன்னாள்-படைவீரர்கள்-குறைதீர்-கூட்டம்-3179109.html
3179108 திருநெல்வேலி தூத்துக்குடி தொகுதி மேம்பாட்டு நிதியை குடிநீர் தேவைக்கு அதிகம் பயன்படுத்துவேன்: சண்முகையா எம்எல்ஏ DIN DIN Wednesday, June 26, 2019 06:40 AM +0530 தொகுதி மேம்பாட்டு நிதியை பெரும்பாலும் மக்களின் குடிநீர்த் தேவைக்கே பயன்படுத்துவேன் என ஓட்டப்பிடாரம் எம்எல்ஏ எம்.சி.சண்முகையா செவ்வாய்க்கிழமை தெரிவித்தார்.
ஓட்டப்பிடாரம் ஊராட்சி ஒன்றிய அலுவலகத்தில் மக்களின் குடிநீர் பிரச்னை, தெருவிளக்கு உள்ளிட்ட அத்தியாவசிய தேவைகளில் ஏற்பட்டுள்ள குறைபாடுகள் மற்றும் அதனை சரிசெய்வது சம்பந்தமாக ஒன்றிய அலுவலர்கள் மற்றும் கிராம ஊராட்சிகளின் செயலர்களுடன் எம்.சி.சண்முகையா எம்எல்ஏ ஆலோசனை மேற்கொண்டார். அப்போது அவர் பேசியது:
"ஓட்டப்பிடாரம் பேரவைத் தொகுதிக்கு உள்பட்ட அனைத்துப் பகுதிகளிலும் குடிநீர் கிடைக்காமல் மக்கள் பல்வேறு பிரச்னைகளை சந்தித்து வருகின்றனர். மக்களின் அடிப்படைத் தேவைகளை நிறைவேற்றுவதிலும் பல்வேறு குறைகள் உள்ளன. அவற்றை நிறைவேற்ற ஊராட்சி ஒன்றிய அலுவலர்கள், கிராம ஊராட்சிகளின் செயலர்கள் இணைந்து நடவடிக்கை எடுக்க வேண்டும். மக்கள் நலத் திட்டங்களை நிறைவேற்றுவதில் ஏதேனும் குறுக்கீடுகள், நிதிப் பற்றாக்குறைகள் இருந்தால், அதுகுறித்து உடனுக்குடன் என்னை தொடர்புகொண்டு தெரிவித்தால் சம்பந்தப்பட்ட அதிகாரிகளை சந்தித்து நிறைவேற்றித் தர தயாராக உள்ளேன். என்னுடைய தொகுதி மேம்பாட்டு நிதியை பெரும்பாலும் மக்களின் அடிப்படைத் தேவையான குடிநீர்த் தேவைக்கு பயன்படுத்துவேன் என்றார் அவர்.
ஓட்டப்பிடாரம் ஊராட்சி ஒன்றிய ஆணையர் ராமராஜன், ஒன்றிய பொறியாளர்கள், பணிகளின் மேற்பார்வையாளர்கள் மற்றும் ஒன்றியத்துக்குள்பட்ட அனைத்து கிராம ஊராட்சிகளின் செயலர்கள் பங்கேற்றனர்.

]]>
https://www.dinamani.com/all-editions/edition-thirunelveli/tuticorin/2019/jun/26/தொகுதி-மேம்பாட்டு-நிதியை-குடிநீர்-தேவைக்கு-அதிகம்-பயன்படுத்துவேன்-சண்முகையா-எம்எல்ஏ-3179108.html
3179107 திருநெல்வேலி தூத்துக்குடி வைத்திலிங்கபுரம் கோயிலில்  508 திருவிளக்கு பூஜை DIN DIN Wednesday, June 26, 2019 06:40 AM +0530 உடன்குடி வைத்திலிங்கபுரம் அருள்மிகு உச்சினிமாகாளி அம்பாள், பட்டரை அம்பாள் திருக்கோயில் கொடை விழாவை முன்னிட்டு 508 திருவிளக்கு பூஜை திங்கள்கிழமை நடைபெற்றது.
 இதையொட்டி திங்கள்கிழமை  திருவிளக்கு பூஜை நடைபெற்றது. இரவு 10 மணிக்கு அம்பாளுக் கு மாக்காப்பு அலங்காரத்துடன் தீபாராதனை, 11 மணிக்கு அம்பாள் திருக்கும்பத்தில் ஊர் பவனி நடைபெற்றது. செவ்வாய்க்கிழமை காலை 9 மணிக்கு கண்டுகொண்ட விநாயகர் கோயிலில் இருந்து பால்குட ஊர்வலம் புறப்பட்டு  முக்கிய வீதிகள் வழியாக கோயிலை வந்தடைந்தது. பின்னர் அம்பாளுக்கு பாலாபிஷேகம்   நடைபெற்றது.  
அதைத்தொடர்ந்து  அம்பாளுக்கு மகா தீபாராதனை, திருக்கும்பத்தில் ஊர் பவனி, காணிக்கை செலுத்துதல்  நடைபெற்றது. 
இரவு 12 மணிக்கு அம்பாளுக்கு சந்தனக்காப்பு அலங்காரத்துடன் மகா தீபாராதனையும், தொடர்ந்து அம்பாள் பூஞ்சப்பரத்தில் பவனியும்  நடைபெற்றது. புதன்கிழமை காலை 10 மணிக்கு பொங்கலிடுதல், மஞ்சள் நீராடுதல் நடைபெறுகிறது. ஏற்பாடுகளை விழாக் குழுவினர் மற்றும் பொதுமக்கள் செய்துள்ளனர்.

]]>
https://www.dinamani.com/all-editions/edition-thirunelveli/tuticorin/2019/jun/26/வைத்திலிங்கபுரம்-கோயிலில்--508-திருவிளக்கு-பூஜை-3179107.html
3178521 திருநெல்வேலி தூத்துக்குடி தொழிற்பயிற்சி நிலையங்களில் சேர ஆன்லைனில் விண்ணப்பிக்க தேதி நீட்டிப்பு DIN DIN Tuesday, June 25, 2019 07:42 AM +0530 தூத்துக்குடி மாவட்ட அரசினர் தொழிற்பயிற்சி நிலையங்கள் மற்றும் தனியார் தொழிற்பயிற்சி நிலையங்களில் (ஐ.டி.ஐ) சேர ஆன்லைன் வாயிலாக விண்ணப்பிப்பதற்கு வரும் 27ஆம் தேதி  வரை கால நீட்டிப்பு செய்யப்பட்டுள்ளது.
இதுகுறித்து தூத்துக்குடி அரசினர் தொழிற்பயிற்சி நிலைய துணை இயக்குநர் பழனி வெளியிட்டுள்ள செய்திக்குறிப்பு: வேலைவாய்ப்பு மற்றும் பயிற்சித் துறையின் கீழ் செயல்பட்டு வரும் தூத்துக்குடி மாவட்ட அரசினர் தொழிற்பயிற்சி நிலையங்கள் மற்றும் தனியார் தொழிற்பயிற்சி நிலையங்களில் (ஐ.டி.ஐ) சேர ஆன்லைன் வாயிலாக விண்ணப்பிப்பதற்கு வரும் 27ஆம் தேதி வரை கால நீட்டிப்பு செய்திருப்பதால் விண்ணப்பங்கள் வரவேற்கப்படுகின்றன. 8ஆம் வகுப்பு மற்றும் பத்தாம் வகுப்பு தேர்ச்சி பெற்றவர்கள் அரசு ஒதுக்கீட்டின்படி, ஐ.டி.ஐ.களில் சேர w‌w‌w.‌s‌k‌i‌l‌l‌t‌r​a‌i‌n‌i‌n‌g.‌t‌n.‌g‌o‌v என்ற இணையதளம் வாயிலாக விண்ணப்பிக்கலாம். எந்த மாவட்டத்தில் கலந்தாய்வில் கலந்து கொள்ள விரும்புகிறீர்கள் என்ற விவரம் குறிப்பிடுதல் வேண்டும். பல மாவட்டங்களில் உள்ள தொழிற்பயிற்சி நிலைய சேர்க்கைக்கு விண்ணப்பிக்கலாம். ஆனால் ஒவ்வொரு மாவட்டத்திற்கும் தனித்தனி விண்ணப்பம் சமர்ப்பிக்க வேண்டும்.
மதிப்பெண் மற்றும் இன ஒதுக்கீட்டின்படி மாவட்ட கலந்தாய்வுக்கான தரவரிசைப் பட்டியல் இதே இணையதளத்தில் வெளியிடப்படும். தரவரிசைப் பட்டியலின்படி தூத்துக்குடி மாவட்டத்திற்கு விண்ணப்பித்த மாணவர்கள் தூத்துக்குடி அரசினர் தொழிற்பயிற்சி நிலையத்தில் நடைபெறும் கலந்தாய்வில் கலந்து கொள்ள கேட்டு கொள்ளப்படுகிறார்கள். அப்போது, பதிவிறக்கம் செய்யப்பட்ட விண்ணப்ப படிவத்துடன், அசல் மாற்றுச் சான்றிதழ், எட்டாம் வகுப்பு , பத்தாம் வகுப்பு மதிப்பெண் பட்டியல், அசல் சாதிச் சான்றிதழ், ஆதார் அட்டை, சிறப்புநிலை முன்னுரிமைச் சான்றிதழ்  இருப்பின் அதற்கான அசல் சான்று மற்றும் மேற்காணும் அசல் சான்றுகளின் நகல் 5 எண்கள், பாஸ்போர்ட் சைஸ் புகைப்படம் 5 எண்கள் ஆகியவற்றை கொண்டு வர வேண்டும். மேலும் விவரங்களுக்கு 0461- 2340133 என்ற தொலைபேசி எண்ணில் தொடர்பு கொள்ளலாம் என தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/25/தொழிற்பயிற்சி-நிலையங்களில்-சேர-ஆன்லைனில்-விண்ணப்பிக்க-தேதி-நீட்டிப்பு-3178521.html
3178390 திருநெல்வேலி தூத்துக்குடி யோகா: நாலுமாவடி காமராஜ் பள்ளி மாணவர் மாநில அளவில் சிறப்பிடம் DIN DIN Tuesday, June 25, 2019 05:47 AM +0530 குரும்பூர் அருகே உள்ள நாலுமாவடி காமராஜ் மேல்நிலைப் பள்ளி மாணவர், யோகா போட்டியில் மாநில சாதனை படைத்தார்.
நாமக்கல்லில் நடைபெற்ற மாநில ஒலிம்பியாட் யோகாப் போட்டியில் இப்பள்ளி மாணவர் வே. ஹரீஸ்ராம்பாலா பங்கேற்றார். இதில், அம்மாணவர் மூன்றாவது இடம் பெற்றார்.  இதையடுத்து தில்லியில் நடைபெறும் தேசிய அளவிலான போட்டியில் கலந்து கொள்ள தகுதி பெற்றார். 
வெற்றிபெற்ற மாணவர், பயிற்சியாளர் ஆ. வனசேகர் ஆகியோரை தூத்துக்குடி மாவட்ட முதன்மை கல்வி அலுவலர் டி. முருகேசன், மாவட்ட உடற்கல்வி ஆய்வாளர் பால்சாமி, யோகா ஆசிரியர்கள் ஆ. சுந்தரவேல், சி.தனலெட்சுமி, பள்ளிச் செயலர் எஸ்.சி. சேகர், பள்ளி கல்விக் கமிட்டி உறுப்பினர்கள், தலைமை ஆசிரியர் அ. திருநீலகண்டன், உடற்கல்வி இயக்குநர் பி. ஜெயக்குமார் உள்ளிட்டோர் பாராட்டினர்.
 

]]>
https://www.dinamani.com/all-editions/edition-thirunelveli/tuticorin/2019/jun/25/யோகா-நாலுமாவடி-காமராஜ்-பள்ளி-மாணவர்-மாநில-அளவில்-சிறப்பிடம்-3178390.html
3178389 திருநெல்வேலி தூத்துக்குடி கால்பந்து போட்டி: காயல்பட்டினம் அணிக்கு கோப்பை DIN DIN Tuesday, June 25, 2019 05:47 AM +0530 ஆத்தூர் புன்னைக்காயலில் நடைபெற்ற  மாவட்ட கால்பந்து போட்டியில் காயல்பட்டினம் ஐக்கிய  விளையாட்டு சங்க அணி வெற்றி பெற்று கோப்பையை கைப்பற்றியது.
புன்னைக்காயல் புனித ஜோசப் கால்பந்தாட்டக் கழகம் சார்பில் 46 ஆவது ஆண்டு மனுவேல் பிஞ்ஞேயிரா நினைவு வெள்ளி சுழற்கோப்பைக்கான மாவட்ட கால்பந்து போட்டிகள் நடைபெற்றன. இறுதிப் போட்டியில் தூத்துக்குடி ஸ்போர்ட்ஸ் ஹாஸ்டல்  அணி, காயல்பட்டினம் ஐக்கிய விளையாட்டு சங்க அணிகள் மோதின. 
இதில், காயல்பட்டினம் ஐக்கிய விளையாட்டு சங்க அணி 3-1 என்ற கோல் கணக்கில் வெற்றிபெற்று சுழற்கோப்பையை கைப்பற்றியது. பின்னர் நடைபெற்ற பரிசளிப்பு விழாவுக்கு மாவட்ட கால்பந்து கழகச் செயலர் ஜே.ஆல்ட்ரின் மிராண்டா தலைமை வகித்தார். பொருளாளர் எஸ்.பிரின்ஸ்டன் பர்னாந்து முன்னிலை வகித்தார். பங்குத்தந்தை கிஷோக் அடிகளார்,
துணை பங்குத்தந்தை பனிமயம் அடிகளார் ஆகியோர் வாழ்த்திப் பேசினர்.ஆத்தூர் காவல்ஆய்வாளர் கே.கிங்ஸ்லி தேவ் ஆனந்த்  வெற்றி பெற்ற ஐக்கிய விளையாட்டு சங்க அணிக்கு கோப்பை மற்றும் பரிசுகள் வழங்கினார்.
புனித வளன் மேல்நிலைப் பள்ளி உடற்கல்வி ஆசிரியர் எஸ்.சகாயராஜ் நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/25/கால்பந்து-போட்டி-காயல்பட்டினம்-அணிக்கு-கோப்பை-3178389.html
3178388 திருநெல்வேலி தூத்துக்குடி அரிமா சங்க முப்பெரும் விழா DIN DIN Tuesday, June 25, 2019 05:47 AM +0530 கோவில்பட்டி டயனமிக் அரிமா சங்கத்தின் சார்பில் அரசுப் பொதுத் தேர்வில் அதிக மதிப்பெண் பெற்ற மாணவர்களுக்கும், 100  சதவீத வெற்றியை தந்த ஆசிரியர்களுக்கு பாராட்டு விழா மற்றும் சங்கத்தின் புதிய நிர்வாகிகள் பதவியேற்பு விழா ஆகிய முப்பெரும் விழா நடைபெற்றது.
அரிமா சங்க முன்னாள் ஆளுநர் சுந்தரராஜன் தலைமை வகித்தார். தொடர்ந்து, கோவில்பட்டி கல்வி மாவட்டத்தில் அரசுப் பொதுத் தேர்வில் அதிக மதிப்பெண் பெற்ற மாணவர், மாணவிகளுக்கும், 100  சதவீத தேர்ச்சியைப் பெற்றுத் தந்த ஆசிரியர்களுக்கும், கல்வி மாவட்ட அளவில் விளையாட்டு உள்ளிட்ட பல்வேறு போட்டிகளில் வெற்றி பெற்ற மாணவர், மாணவிகளுக்கும், சட்டக் கல்லூரியில் தமிழக அளவில் முதலிடம் பெற்ற திருநெல்வேலி சட்டக் கல்லூரி மாணவி கேர்மல் ஜென்சியை பாராட்டி பரிசு வழங்கப்பட்டது. 
தொடர்ந்து, மாணவிகள் சிவமகதி, கீர்த்தியின் பரதநாட்டியம், மாணவிகள் முத்தம்மாள், ஜானகியின் யோகா நிகழ்ச்சி, நாம் சொல்வதை தலைகீழாக எழுதும் மாணவி அர்ச்சனாவின் நிகழ்ச்சியும் நடைபெற்றது. அதைத் தொடர்ந்து, கல்வி உதவித் தொகை, ஏழை, எளியோர்க்கு விலையில்லா அரிசி, வேட்டி, சேலைகள் வழங்கப்பட்டன. பின்னர், புதிய நிர்வாகிகளுக்கு பதவிப்பிரமாணம்  நடைபெற்றது. தலைவராக பிரான்சிஸ்ரவி, செயலராக ராமசாமி, பொருளாளராக மருத்துவர் சீனிவாசன், துணைத் தலைவராக வெங்கடாசலம், நிர்வாக அதிகாரியாக சங்கரநாராயணன் ஆகியோர் பதவியேற்றுக் கொண்டனர். நிகழ்ச்சிகளை ராஜன் தொகுத்து வழங்கினார். விழாவில், அரிமா சங்க மண்டலத் தலைவர் சுரேஷ்குமார், வட்டாரத் தலைவர் ராஜ்குமார் உள்பட திரளானோர் கலந்துகொண்டனர். சங்கப் பொருளாளர் மருத்துவர் சீனிவாசன் நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/25/அரிமா-சங்க-முப்பெரும்-விழா-3178388.html
3178387 திருநெல்வேலி தூத்துக்குடி பக்கவாத நோய் பாதித்தவர்கள் சிறப்பு சக்கர நாற்காலி பெற நாளை நேர்முகத் தேர்வு DIN DIN Tuesday, June 25, 2019 05:46 AM +0530 தூத்துக்குடி மாவட்டத்தில் தசை சிதைவு மற்றும் பக்கவாதத்தால் பாதிக்கப்பட்டவர்கள் பேட்டரியால் இயங்கும் சிறப்பு சக்கர நாற்காலிகள் பெற ஜூன் 26ஆம் தேதி நேர்முகத் தேர்வு நடைபெறுகிறது.
இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு: 
தூத்துக்குடி மாவட்டத்தில் தசைச் சிதைவு நோய் அல்லது பக்கவாதத்தால் முதுகுதண்டுவடம் பாதிக்கப்பட்ட 2 கால்களும், 2 கைகளும் செயலிழந்த மாற்றுத் திறனாளிகளுக்கு பேட்டரியால் இயங்கும் சிறப்பு சக்கர நாற்காலிகள் வழங்கப்பட உள்ளன.
ஆட்சியரை தலைவராக கொண்ட தேர்வுக்குழு மூலம் பயனாளிகள் தேர்வு செய்து, கல்வி பயிலும் மாற்றுத் திறனாளிகள், பணிபுரிபவர்கள், சுயதொழில் புரிபவர்கள் ஆகியோருக்கு முன்னுரிமை அடிப்படையில் வழங்கப்படும்.  ஒதுக்கீடு செய்யப்படும் பேட்டரியால் இயங்கும் சிறப்பு சக்கர நாற்காலிகளில் 10 சதவீதம் மத்திய, மாநில அரசுகளில் பணிபுரியும் மாற்றுத் திறனாளிகளுக்கும், மூத்த குடிமக்களான 60 வயதுக்குள்பட்ட ஆண் மாற்றுத் திறனாளிகளுக்கும், 55 வயதுக்குள்பட்ட பெண் மாற்றுத் திறனாளிகளுக்கும் தேவையின் அடிப்படையில் வழங்கப்படும். 
இந்த சக்கர நாற்காலிகள் தேவைப்படுவோர் மாற்றுத் திறனாளிகளுக்கான தேசிய அடையாள அட்டை நகல், ஆதார் அட்டை நகல்,  குடும்ப அட்டை நகல், கல்வி பயில்பவர், பணிபுரிபவர், சுய தொழில்புரிபவருக்கான சான்று,  மார்பளவு உள்ள போட்டோ ஆகியவற்றுடன் ஜூன் 26 ஆம் தேதி (புதன்கிழமை) காலை 10 மணியளவில்  ஆட்சியர் அலுவலகத்தில் செயல்படும் மாவட்ட மாற்றுத் திறனாளிகள் நல அலுவலகத்தில் நடைபெறும் நேர்முகத்தேர்வில் கலந்துகொள்ளலாம் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/25/பக்கவாத-நோய்-பாதித்தவர்கள்-சிறப்பு-சக்கர-நாற்காலி-பெற-நாளை-நேர்முகத்-தேர்வு-3178387.html
3178386 திருநெல்வேலி தூத்துக்குடி சுமை ஆட்டோ மோதி தொழிலாளி காயம் DIN DIN Tuesday, June 25, 2019 05:45 AM +0530 திருச்செந்தூர் அருகே இரும்பு கம்பி ஏற்றி வந்த  ஆட்டோவில்  மோதியதில் இரு சக்கரவாகனத்தில் வந்த கூலித்தொழிலாளி படுகாயமடைந்தார்.
 ஆறுமுகனேரி அருகேயுள்ள மூலக்கரை, கந்தன்குடியிருப்பைச் சேர்ந்தவர் மாடசாமி மகன் வேலன்(32) கூலித்தொழிலாளி. இவர் கடந்த இரு நாள்களுக்கு முன்னர் திருச்செந்தூருக்கு சென்றுவிட்டு,  இரவில் இரு சக்கர வாகனத்தில் ஊருக்கு திரும்பினார்.  குமாரபுரம் அருகே சென்ற போது முன்னால்  இரும்பு கம்பி ஏற்றிச் சென்ற சுமை ஆட்டோ திடீரென சாலையில் நிறுத்தப்பட்டதாம்.  அப்போது வேலன் ஓட்டி வந்த இரு சக்கர வாகனம் சுமை ஆட்டோவில் எதிர்பாராத விதமாக மோதியதில், சுமை ஆட்டோவில் இருந்த இரும்பு அவரது கண்ணில் குத்தியதில் பலத்த காயம் ஏற்பட்டதாம். அருகிலிருந்தவர்கள் அவரை மீட்டு திருநெல்வேலி அரசு  மருத்துவக் கல்லூரி மருத்துவமனைக்கு அனுப்பி வைத்தனர். இது குறித்து  புகாரின்பேரில் திருச்செந்தூர் தாலுகா காவல்துறையினர் வழக்குப் பதிந்து  விசாரித்து  வருகின்றனர்.

]]>
https://www.dinamani.com/all-editions/edition-thirunelveli/tuticorin/2019/jun/25/சுமை-ஆட்டோ-மோதி-தொழிலாளி-காயம்-3178386.html
3178385 திருநெல்வேலி தூத்துக்குடி கழுகுமலையில் திமுக பொதுக்கூட்டம் DIN DIN Tuesday, June 25, 2019 05:45 AM +0530 கழுகுமலையில் முன்னாள் தமிழக முதல்வர்  கருணாநிதியின் 96 ஆவது பிறந்த நாள் விழா மற்றும் தூத்துக்குடி மக்களவைத் தொகுதி திமுக வேட்பாளருக்கு வாக்களித்த வாக்காளர்களுக்கு நன்றி அறிவிப்பு கூட்டம் திங்கள்கிழமை நடைபெற்றது. 
  கழுகுமலை நகர திமுக சார்பில்  நடைபெற்ற இக்கூட்டத்திற்கு மாநில விவசாயத் தொழிலாளரணிச் செயலர் அ.சுப்பிரமணியன் தலைமை வகித்தார்.  மேற்கு ஒன்றிய பொறுப்பாளர் கி.கருப்பசாமி, ஒன்றிய அவைத் தலைவர் செ.மாரியப்பன், ஒன்றியப் பிரதிநிதி மூ.கிருஷ்ணன் ஆகியோர் முன்னிலை வகித்தனர். 
  வடக்கு மாவட்ட திமுக பொறுப்பாளர் கீதாஜீவன் எம்.எல்.ஏ. ,  திமுக கொள்கை பரப்பு துணைச் செயலர் குடியாத்தம் குமரன் ஆகியோர் பேசினர். 
  கூட்டத்தில், நகர அவைத் தலைவர் கந்தசாமி, மாவட்ட நெசவாளரணி துணை அமைப்பாளர் தங்கராஜ், மாவட்ட பிரதிநிதி சங்கர் என்ற பாஸ்கர், ஒன்றிய துணைச் செயலர் செந்தியம்மாள், உள்பட பலர் கலந்து கொண்டனர்.  
நகரப் பொருளாளர் முப்பிடாதி வரவேற்றார்.  மாவட்டப் பிரதிநிதி சு.காளிதாஸ் நன்றி கூறினார். ஏற்பாடுகளை நகரச் செயலர் இரா.கிருஷ்ணகுமார் செய்திருந்தார். 
 

]]>
https://www.dinamani.com/all-editions/edition-thirunelveli/tuticorin/2019/jun/25/கழுகுமலையில்-திமுக-பொதுக்கூட்டம்-3178385.html
3178384 திருநெல்வேலி தூத்துக்குடி திருச்செந்தூரில் விழிப்புணர்வுப் பேரணி DIN DIN Tuesday, June 25, 2019 05:45 AM +0530 உலக உணவுப் பாதுகாப்பு தினத்தை முன்னிட்டு,  உணவு பாதுகாப்பு துறையின் சார்பில் திருச்செந்தூரில் விழிப்புணர்வுப் பேரணி நடைபெற்றது.
இந் நிகழ்ச்சிக்கு, கோட்டாட்சியர் தி.தனப்ரியா தலைமை வகித்தார்.  உணவுப் பாதுகாப்புத் துறை மாவட்ட நியமன அலுவலர்  கருணாகரன் முன்னிலை வகித்தார். தொடர்ந்து உணவுப் பாதுகாப்பை வலியுறுத்தி உறுதி மொழியும்,  சிவந்தி ஆதித்தனார் செவிலியர் கல்லூரி மாணவிகள் பங்கேற்ற விழிப்புணர்வுப் பேரணியும் நடைபெற்றது. 
பேரணி,  பகத்சிங் பேருந்து நிலையம் வழியாக காமராஜர் சாலை, ரத வீதிகள் வழியாக ஊராட்சி ஒன்றிய அலுவலகத்தை வந்தடைந்தது. 
இதில், உணவுப் பாதுகாப்பு அலுவலர்கள் மகாராஜன்,  முனியராஜ்,  சுப்பிரமணியன்,  ராஜாமுத்து, சந்திரசேகர், சிவபாலன், கல்லூரி பேராசிரியர்கள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/25/திருச்செந்தூரில்-விழிப்புணர்வுப்-பேரணி-3178384.html
3178383 திருநெல்வேலி தூத்துக்குடி தூத்துக்குடியில் 27 இல் எரிவாயு நுகர்வோர் குறைதீர் கூட்டம் DIN DIN Tuesday, June 25, 2019 05:44 AM +0530 தூத்துக்குடி மாவட்ட ஆட்சியர் அலுவலகத்தில் எரிவாயு நுகர்வோர் குறைதீர் கூட்டம்  இம்மாதம் 27ஆம் தேதி நடைபெறுகிறது. 
 இதுகுறித்து மாவட்ட வருவாய் அலுவலர் மு.வீரப்பன் வெளியிட்டுள்ள செய்திக்குறிப்பு,  ஜூன் 2019 மாதத்துக்கான எரிவாயு நுகர்வோர் குறைதீர்க்கும் கூட்டம் வியாழக்கிழமை(ஜூன் 27)  முற்பகல்  11 மணிக்கு  மாவட்ட வருவாய் அலுவலர் தலைமையில் ஆட்சியர் அலுவலக கூட்டரங்கில் நடைபெற உள்ளது.
  இக்கூட்டத்தில் தூத்துக்குடி மாவட்டத்தில் உள்ள அனைத்து எரிவாயு உருளை விநியோகஸ்தர்களும், மத்திய அரசின் எண்ணெய் நிறுவன பிரதிநிதிகளும் கலந்து கொள்ள உள்ளார்கள். எரிவாயு பயன்படுத்தும் நுகர்வோர் தங்களது குறைகளை மனுவாக தட்டச்சு செய்தோ அல்லது தெளிவாக எழுதியோ அன்றைய தினம் மாவட்ட வருவாய் அலுவலரிடம் நேரில் அளிக்கலாம்.    
  கூட்டத்தில்,  பொதுமக்களும், நுகர்வோர்களும் பெயர் மாற்றம், புதிய எரிவாயு உருளை வழங்குவதில் கால தாமதம், எரிவாயு விநியோகஸ்தர்களின் சேவையில் குறைபாடுகள்,  வைப்புத் தொகையை திரும்ப பெறுதல், புதிய இணைப்பு கோரியதன் நிலை, எரிவாயு உருளைகளுக்கான மானியம்  வங்கிக் கணக்கில் உரிய காலத்தில் வரவு வைக்கப்படாதிருத்தல், எரிவாயு உருளையை விநியோகம் செய்யும் நபர்கள் மீது ஏதும் குறைபாடுகள் மற்றும் எரிவாயு பயன்படுத்தும் நுகர்வோரை பாதிக்கும் எந்த குறைகளையும் எடுத்துரைத்து தீர்வு காண,  பொதுமக்கள் இக்குறை தீர்க்கும் நாள் கூட்டத்தை பயன்படுத்தி பயனடையலாம் என தெரிவித்துள்ளார்.

]]>
https://www.dinamani.com/all-editions/edition-thirunelveli/tuticorin/2019/jun/25/தூத்துக்குடியில்-27-இல்-எரிவாயு-நுகர்வோர்-குறைதீர்-கூட்டம்-3178383.html
3178382 திருநெல்வேலி தூத்துக்குடி ஆறுமுகனேரி கோயிலில் ஆனி திருவிழா கால்நாட்டு DIN DIN Tuesday, June 25, 2019 05:44 AM +0530 ஆறுமுகனேரி அருள்மிகு ஸ்ரீ சோமசுந்தரி அம்பாள் சமேத சோமநாதசுவாமி கோயிலில் ஆனி உத்திரப் பெருந்திருவிழாவை முன்னிட்டு கால் நாட்டு வைபவம் நடைபெற்றது.
திருவாவடுதுறை ஆதீனத்தைச் சேர்ந்த இக்கோயிலில் ஆனி உத்திரப் பெருந்திருவிழா வரும் 29 ஆம் தேதி (சனிக்கிழமை) தொடங்கி ஜூலை மாதம் 8 ஆம் தேதி வரை நடைபெறுகிறது. கோயிலில் நடைபெற்ற கால் நாட்டு வைபவத்தையொட்டி ஸ்ரீ கன்னி விநாயகர் அபிஷேகம், தீபாராதனை ஆகியவை நடைபெற்றன. 
இதில், கோயில் மணியம் சுப்பையா பிள்ளை, பக்த ஜன சபை பொருளாளர் அரிகிருஷ்ணன் நாடார், நகர் நல மன்ற தலைவர் பி.பூபால்ராஜன், தெரிசை ஐயப்பன், திருக்கோயில் கைங்கர்ய மகளிர் குழுவினர் மற்றும் உள்பட திரளான பக்தர்கள் கலந்து கொண்டனர்.


 

]]>
https://www.dinamani.com/all-editions/edition-thirunelveli/tuticorin/2019/jun/25/ஆறுமுகனேரி-கோயிலில்-ஆனி-திருவிழா-கால்நாட்டு-3178382.html
3178381 திருநெல்வேலி தூத்துக்குடி மாவட்ட ஆட்சியர் அலுவலகத்தில் குறைதீர் கூட்டம் DIN DIN Tuesday, June 25, 2019 05:43 AM +0530 தூத்துக்குடி மாவட்ட ஆட்சித்தலைவர் அலுவலகத்தில் மக்கள் குறைதீர்க்கும்  கூட்டம் மாவட்ட வருவாய் அலுவலர் மு.வீரப்பன் தலைமையில் திங்கள்கிழமை நடைபெற்றது.
  கூட்டத்தில் முதியோர் உதவித்தொகை, திருமண உதவித்தொகை, மாற்றுத்திறனாளிகளுக்கான உதவித்தொகை, வீட்டுமனைப்பட்டா, பட்டா பெயர் மாற்றம், கல்விக்கடன், தொழிற்கடன் உள்ளிட்ட பல்வேறு நலத்திட்ட உதவிகள் வேண்டிய கோரிக்கைகள் அடங்கிய மனுக்களை, மாவட்ட வருவாய் அலுவலர் மு.வீரப்பன், பொதுமக்களிடமிருந்து பெற்றுக்கொண்டார். மேலும், மனுக்கள் மீது உடனடி நடவடிக்கை மேற்கொள்ள சம்பந்தப்பட்ட துறை சார்ந்த அலுவலர்களுக்கு அறிவுறுத்தினார். தொடர்ந்து, அவர் மாற்றுத்திறனாளிகளின் இருப்பிடங்களுக்கே நேரில் சென்று அவர்களிடமிருந்து கோரிக்கை மனுக்களை  பெற்றுக்கொண்டார்.
நிகழ்ச்சியில், தூத்துக்குடி சார் ஆட்சியர் சிம்ரான் ஜீத் சிங் கலோன், சமூக பாதுகாப்பு திட்ட தனித்துணை ஆட்சியர் சங்கரநாராயணன், மாற்றுத்திறனாளிகள் நல அலுவலர் ஜெயசீலி மற்றும் அலுவலர்கள் கலந்து கொண்டனர்.


 

]]>
https://www.dinamani.com/all-editions/edition-thirunelveli/tuticorin/2019/jun/25/மாவட்ட-ஆட்சியர்-அலுவலகத்தில்-குறைதீர்-கூட்டம்-3178381.html
3178380 திருநெல்வேலி தூத்துக்குடி இளையரசனேந்தல் குறு வட்டத்தை கோவில்பட்டி ஒன்றியத்துடன் இணைக்கக் கோரி முற்றுகை DIN DIN Tuesday, June 25, 2019 05:43 AM +0530 இளையரசனேந்தல் குறுவட்டத்தை கோவில்பட்டி ஊராட்சி ஒன்றியத்துடன் இணைக்கக் கோரி தேசிய விவசாயிகள் சங்கத்தினர் கோவில்பட்டி கோட்டாட்சியர் அலுவலகத்தை திங்கள்கிழமை முற்றுகையிட்டனர். 
தூத்துக்குடி மாவட்டம்,  இளையரசனேந்தல் குறுவட்டம், குருவிகுளம் ஊராட்சி ஒன்றியத்துடன் உள்ளது.  இளையரசனேந்தல் குறுவட்டத்தை குருவிகுளம் ஊராட்சி ஒன்றியத்திலிருந்து விடுவித்து, கோவில்பட்டி ஊராட்சி ஒன்றியத்துடன் இணைக்க வேண்டும். 
இளையரசனேந்தல் குறுவட்டத்தில் கடும் வறட்சி காரணமாக குடிநீர் மட்டு மன்றி புழக்கத்திற்குண்டான தண்ணீருக்கு பஞ்சம் ஏற்பட்டுள்ளது. இதனால் விவசாயிகள் தங்கள் வளர்க்கும் கால்நடைகளை கூட விற்க வேண்டிய சூழ்நிலை ஏற்பட்டுள்ளது.  
எனவே, இளையரசனேந்தல் குறுவட்டத்தை வறட்சி பாதிக்கப்பட்ட பகுதிகளாக அறிவிக்க வேண்டும். மேலும், அப்பகுதி விவசாயிகளுக்கு அரசு சிறப்புத் திட்டங்களை அறிவிக்க மாநில அரசு, மாவட்ட நிர்வாகம் முன்வர வேண்டும். அப்பகுதி விவசாயிகளுக்கு பண்ணைக் குட்டை அமைக்கவும், இதர திட்டங்களில் அதிக கவனம் செலுத்த வேண்டியும், அய்யனேரி, பெரியகுளம், வெங்கடாசலபுரம், புளியங்குளம், இளையரசனேந்தல், ஆண்டிகுளம், நீராவிநாயக்கர்குளம் மற்றும் குளம், குட்டைகளை ஆழப்படுத்தி கரைகளை பலப்படுத்த நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோட்டாட்சியர் அலுவலகத்தை முற்றுகையிட்டு கோஷமிட்டனர். 
இந்தப் போராட்டத்துக்கு தேசிய விவசாயிகள் சங்கத் தலைவர் ரெங்கநாயகலு தலைமை வகித்தார்.  மாநிலப் பொதுச்செயலர் பரமேஸ்வரன், தூத்துக்குடி மாவட்ட ஆடு வளர்ப்போர் சங்கத் தலைவர் கருப்பசாமி ஆகியோர் முன்னிலை வகித்தனர். 
இதில் தேசிய விவசாயிகள் சங்கத்தினர் திரளானோர் கலந்துகொண்டனர். 
 

]]>
https://www.dinamani.com/all-editions/edition-thirunelveli/tuticorin/2019/jun/25/இளையரசனேந்தல்-குறு-வட்டத்தை-கோவில்பட்டி-ஒன்றியத்துடன்-இணைக்கக்-கோரி-முற்றுகை-3178380.html
3178379 திருநெல்வேலி தூத்துக்குடி ஆறுமுகனேரியில் கிணறுகளை சீரமைக்கக்  கோரிக்கை DIN DIN Tuesday, June 25, 2019 05:43 AM +0530 ஆறுமுகனேரி பேரூராட்சி பகுதிகளில் உள்ள கிணறுகளை சீரமைத்து பயன்பாட்டிற்கு கொண்டு வரவேண்டுமென கோரிக்கை விடப்பட்டுள்ளது.
   இது தொடர்பாக முன்னாள் பேரூராட்சி  உறுப்பினர் எஸ்.வேல்பாண்டி மாவட்ட ஆட்சியரிடம்  அளித்த மனு:                   ஆறுமுகனேரி பேரூராட்சி சுவாமி சன்னதி தெருவில் சந்தைக்கு கீழ்புறம் அமைந்துள்ள கிணறு, சோமசுந்தரி அம்மன் கோயில் மேல்புறம் உள்ள ஆண், பெண்கள் கிணறுகள் மற்றும் பண்டாரங்குளம் அருகில் அமைந்துள்ள கிணறு ஆகியவை பராமரிக்கப்படாமல் சுற்றுச்சுவர் பெயர்ந்து, கிணறுகளும் தூர் வாராமல் சுகாதாரமற்ற நிலையில் பயன்படுத்தப்படாத நிலையில் உள்ளன.
தற்போதைய கோடை நேரத்தில் மேற்கண்ட கிணறுகளை, தூர் வாரி, சுற்றுச்சுவர் சீரமைத்து பயன்பாட்டிற்கு கொண்டு வந்தால் பொதுமக்களுக்கு பயனுள்ளதாக இருக்குமென அவர் அம்மனுவில் தெரிவித்துள்ளார்.

]]>
https://www.dinamani.com/all-editions/edition-thirunelveli/tuticorin/2019/jun/25/ஆறுமுகனேரியில்-கிணறுகளை-சீரமைக்கக்--கோரிக்கை-3178379.html
3178378 திருநெல்வேலி தூத்துக்குடி ஜூலை 6இல் ஓட்டப்பிடாரத்தில் மினி மாரத்தான் போட்டி DIN DIN Tuesday, June 25, 2019 05:42 AM +0530 ஓட்டப்பிடாரம் வ.உ.சி. விளையாட்டுக் கழகத்தின் 32 ஆம் ஆண்டு விழாவை முன்னிட்டு பள்ளி மாணவர்களுக்கான மினி மாரத்தான் போட்டி ஜூலை 6 ஆம் தேதி (சனிக்கிழமை) நடைபெறுகிறது.
ஓட்டப்பிடாரம் வ.உ.சி அரசு மேல்நிலைப் பள்ளியில் அன்றைய தினம் காலை 7 மணிக்கு நடைபெறும் இப்போட்டியில் மாணவர்களுக்கு 10 கி.மீ. தொலைவும், மாணவிகளுக்கு  5 கி.மீ. தொலைவும் என இலக்கு நிர்ணயிக்கப்பட்டுள்ளது. 
போட்டிக்கு வ.உ.சி விளையாட்டுக் கழக தலைவர்  சாமுவேல் தலைமை வகிக்கிறார். இப்போட்டியினை தூத்துக்குடி தெற்கு  மாவட்ட திமுக இளைஞரணியின் முன்னாள் அமைப்பாளர் இளையராஜா, சங்கம்பட்டி ஊராட்சி முன்னாள் துணைத் தலைவர் சுரேஷ் ஆகியோர் தொடங்கி வைக்கின்றனர்.  போட்டியில் முதல் 3 இடங்களைப் பெறும் மாணவர், மாணவிகளுக்கு வெள்ளி பரிசுப் பொருள்களும், 4  முதல் 10 ஆவது வரையிலான இடங்களைப் பெறும் மாணவர்,  மாணவிகளுக்கு சிறப்பு பரிசுகளும் வழங்கப்படும். 
போட்டியில் கலந்துகொள்ள விரும்பும் மாணவர்கள் தாங்கள் பயிலும் பள்ளி தலைமையாசிரியர் ஒப்புதல் கடிதத்துடன் ஜூலை 1 ஆம் தேதிக்குள் வ.உ.சி விளையாட்டுக் கழகம் ஓட்டப்பிடாரம் என்ற முகவரியில் பதிவு செய்து கொள்ளலாம்.

]]>
https://www.dinamani.com/all-editions/edition-thirunelveli/tuticorin/2019/jun/25/ஜூலை-6இல்-ஓட்டப்பிடாரத்தில்-மினி-மாரத்தான்-போட்டி-3178378.html
3178377 திருநெல்வேலி தூத்துக்குடி வீரபாண்டியன்பட்டினத்தில் தர்னா DIN DIN Tuesday, June 25, 2019 05:42 AM +0530 திருச்செந்தூர் அருகேயுள்ள வீரபாண்டியன்பட்டினத்தில் முறையாக ஆற்று நீரை வழங்க வலியுறுத்தி ஊர் பொதுமக்கள் காலை முதல் மாலை வரை ஆர்ப்பாட்டத்தில் ஈடுபட்டனர்.
திருச்செந்தூர் ஊராட்சி ஒன்றியத்துக்கு உள்பட்ட வீரபாண்டியன்பட்டினம்  ஊராட்சியில் 5 ஆயிரத்துக்கும் மேற்பட்ட பொதுமக்கள் உள்ளனர்.  இங்கு 1300 குடிநீர் இணைப்புகள் உள்ளன. இவற்றில் 272 இணைப்புகளுக்கு மட்டும் ஆத்தூரிலிருந்து வரும் ஆற்று  தண்ணீர் விநியோகம் செய்யப்படுகிறதாம். மற்ற இணைப்புகளுக்கு நத்தக்குளத்திலிருந்து வரும் நீரே விநியோகம் செய்யப்படுகிறதாம்.
இந்த நீரானது அதிக  உவர்ப்புத்தன்மையுடன் இருக்கிறதாம். இதனால் பொதுமக்கள்  மிகவும் சிரமப்படுகின்றனராம்.  இந்நிலையில் ,  அனைத்து குடிநீர் இணைப்புகளுக்கும் ஆத்தூரிலிருந்து வரும் நல்ல தண்ணீரை விநியோகம் செய்ய வலியுறுத்தி வீரபாண்டியன்பட்டினம் ஊர் தலைவர் ரென்ஸ்லின் ரொட்ரிகோ தலைமையில் பொதுமக்கள்  திங்கள்கிழமை காலை முதல் மாலை வரை தர்னாவில் ஈடுபட்டனர். இதில் திரளான ஆண், பெண்கள் பங்கேற்றனர்.


 

]]>
https://www.dinamani.com/all-editions/edition-thirunelveli/tuticorin/2019/jun/25/வீரபாண்டியன்பட்டினத்தில்-தர்னா-3178377.html
3178376 திருநெல்வேலி தூத்துக்குடி தூத்துக்குடி மாவட்டத்தில் 28 இல் அம்மா திட்ட முகாம் DIN DIN Tuesday, June 25, 2019 05:42 AM +0530 தூத்துக்குடி மாவட்டத்தில், வருவாய்த்துறையின் மூலம் இம்மாதம் 28 ஆம் தேதி பல்வேறு கிராமங்களில் அம்மா திட்ட முகாம் நடைபெற உள்ளதாக மாவட்ட ஆட்சியர் சந்தீப் நந்தூரி தெரிவித்துள்ளார்.
இதுகுறித்து மாவட்ட ஆட்சியர் வெளியிட்டுள்ள செய்திக்குறிப்பு:  தூத்துக்குடி வட்டத்தில் வடக்கு சிலுக்கன்பட்டி - முத்துசாமிபுரம், ஸ்ரீவைகுண்டம் வட்டத்தில் கலியாவூர் - உழக்குடி, திருச்செந்தூர் வட்டத்தில் ஆதியாக்குறிச்சி, சாத்தான்குளம் வட்டத்தில்  முதலூர், கோவில்பட்டி வட்டத்தில் பிள்ளையார் நத்தம், விளாத்திகுளம் வட்டத்தில்  கல்லூரணி, எட்டயபுரம் வட்டத்தில்   மாசார்பட்டி, ஓட்டப்பிடாரம் வட்டத்தில்  பட்டிணமருதூர்,  கயத்தாறு வட்டத்தில் காப்புலிங்கம்பட்டி,  ஏரல் வட்டத்தில்  கீழ்பிடாகைஅப்பன்கோவில் ஆகிய கிராமங்களில் ஜூன் 28ஆம் தேதி அந்தந்த வட்டாட்சியர்கள் தலைமையில் அம்மா திட்ட முகாம் நடைபெறவுள்ளது. 
மேற்படி முகாம்களில் மக்களின் குறைகளை தீர்க்கும் வகையில் முதியோர் ஓய்வூதியம் உள்ளிட்ட சமூக பாதுகாப்புத் திட்டங்கள், பட்டா மாறுதல், இலவச வீட்டுமனை பட்டாக்கள், உழவர் பாதுகாப்பு அட்டை, பிறப்பு - இறப்பு சான்றுகள், சாதிச்சான்றுகள்  மற்றும் வருவாய் துறையினரால் நிறைவேற்றப்பட வேண்டிய கோரிக்கைகள் குறித்த விண்ணப்பங்கள் ஆய்வு செய்யப்பட்டு உடனடியாக பொதுமக்களின் கோரிக்கைகள் நிறைவேற்றப்பட உள்ளது. இந்த முகாம்களில் பொதுமக்கள் தங்கள் கோரிக்கை மனுக்களை அளித்து பயனடையுமாறு தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/25/தூத்துக்குடி-மாவட்டத்தில்-28-இல்-அம்மா-திட்ட-முகாம்-3178376.html
3178375 திருநெல்வேலி தூத்துக்குடி சேர்ந்தபூமங்கலம் கோயிலில் வருஷாபிஷேகம் DIN DIN Tuesday, June 25, 2019 05:41 AM +0530 சேர்ந்தபூமங்கலம் அருள்மிகு ஆரியநாச்சி அம்பாள் திருக்கோயிலில் வருஷாபிஷேகம் நடைபெற்றது.
 இதையொட்டி  காலையில் மகா கணபதி ஹோமம்,  யாகசாலை பூஜைகள்  நடைபெற்றன.  பகல் 12 மணிக்கு விமான அபிஷேகமும், தொடர்ந்து மூலவர் மற்றும் பரிவார தேவதைகளுக்கு வருஷாபிஷேகமும் நடைபெற்றது.  தொடர்ந்து  உச்சிகால தீபாராதனை நடைபெற்றது.   பக்தர்களுக்கு அன்னதானமும் வழங்கப்பட்டது.  இரவில்  அம்பாள் திருவீதி உலாவும்,  சிறப்பு அலங்கார தீபாராதனையும் நடைபெற்றது. நிகழ்ச்சியில் திரளான பக்தர்கள் கலந்து கொண்டு அம்பாளை தரிசித்தனர்.

]]>
https://www.dinamani.com/all-editions/edition-thirunelveli/tuticorin/2019/jun/25/சேர்ந்தபூமங்கலம்-கோயிலில்-வருஷாபிஷேகம்-3178375.html
3178374 திருநெல்வேலி தூத்துக்குடி கோவில்பட்டி கல்லூரியில் சாலைப் பாதுகாப்பு விழிப்புணர்வு DIN DIN Tuesday, June 25, 2019 05:40 AM +0530 கோவில்பட்டி எஸ்.எஸ்.துரைசாமி நாடார் மாரியம்மாள் கல்லூரியில் சாலைப் பாதுகாப்பு விழிப்புணர்வு கூட்டம் திங்கள்கிழமை நடைபெற்றது.  
இக் கூட்டத்துக்கு, கல்லூரி முதல்வர் சுரேஷ் தலைமை வகித்தார். கோவில்பட்டி போக்குவரத்து காவல் உதவி ஆய்வாளர் நாராயணன் சிறப்பு விருந்தினராகக் கலந்துகொண்டு, கல்லூரி மாணவர், மாணவிகள் சாலைப் பாதுகாப்பு விதிகளை முறையாக கையாள வேண்டும். மாணவர், மாணவிகள் ஓட்டுநர் உரிமமின்றி வாகனங்களை ஓட்டக் கூடாது.  வாகனங்களை ஓட்டும்போது வாகனங்களை ஓட்டுபவர் மற்றும் பின்னால் அமர்ந்திருப்பவர் ஆகிய இருவரும் தலைக்கவசம் அணிய வேண்டும். சாலைப் பாதுகாப்பு விதிகளை முறையாக கையாண்டு விபத்துகளை தடுக்க வேண்டும்.  கல்லூரி மாணவர், மாணவிகள் தங்கள் பெற்றோர்களுக்கும், பொதுமக்களுக்கும் சாலைப் பாதுகாப்பு குறித்த விளக்கங்களை எடுத்துரைக்க வேண்டும். குறிப்பாக, சாலையைக் கடக்கும்போது முறையாக சாலை விதிகளைப் பின்பற்ற வேண்டும் என அறிவுறுத்தினார். மேலும், சாலைப் பாதுகாப்பு வாசகங்கள் அடங்கிய துண்டுப்பிரசுரங்களை மாணவர், மாணவிகளுக்கு விநியோகித்தார்.

]]>
https://www.dinamani.com/all-editions/edition-thirunelveli/tuticorin/2019/jun/25/கோவில்பட்டி-கல்லூரியில்-சாலைப்-பாதுகாப்பு-விழிப்புணர்வு-3178374.html
3178373 திருநெல்வேலி தூத்துக்குடி நுண்ணீர் பாசனத் திட்டத்திற்கு மானியம் DIN DIN Tuesday, June 25, 2019 05:40 AM +0530 ஓட்டப்பிடாரம் வட்டாரத்தில் பிரதமரின் நூண்ணீர் பாசனத் திட்டத்தின் கீழ் பயன்பெறுமாறு வேளாண் துறை  விவசாயிகளுக்கு அழைப்பு விடுத்துள்ளது.
இது குறித்து ஓட்டப்பிடாரம் வேளாண் உதவி இயக்குநர் கு.சரவணன் வெளியிட்டுள்ள செய்திக் குறிப்பு:  ஓட்டப்பிடாரம் வட்டத்தில் நிகழ் நிதியாண்டில் பிரதமரின் நுண்ணீர் பாசனத் திட்டத்தின் கீழ் 103  ஏக்கர் பரப்பில் நுண்ணீர் பாசன முறைகளான சொட்டுநீர்,  தெளிப்பு நீர் அல்லது மழைத்தூவான் அமைத்திட ரூ.30.323 லட்சம் நிர்ணயிக்கப்பட்டுள்ளது. இத்திட்டத்தில் சிறு மற்றும் குறு விவசாயிகளுக்கு 100% மானியமும்,  இதர விவசாயிகளுக்கு 75% மானியமும் வழங்கப்பட்டுள்ளது.  எனவே இத்திட்டத்தில் பயனடைய விருப்பும் விவசாயிகள் ஓட்டப்பிடாரம் வட்டார வேளாண் விரிவாக்க  மையத்தினை தொடர்பு கொள்ளுமாறு தெரிவிக்கப்பட்டுள்ளது.


 

]]>
https://www.dinamani.com/all-editions/edition-thirunelveli/tuticorin/2019/jun/25/நுண்ணீர்-பாசனத்-திட்டத்திற்கு-மானியம்-3178373.html
3178372 திருநெல்வேலி தூத்துக்குடி ஸ்ரீவைகுண்டத்தில் ஜனசங்க  நிறுவனர் நினைவுக் கூட்டம் DIN DIN Tuesday, June 25, 2019 05:40 AM +0530 ஸ்ரீவைகுண்டத்தில் ஜனசங்க நிறுவனர் நினைவுக் கூட்டம் நடைபெற்றது. 
பாஜக சார்பில் நடைபெற்ற கூட்டத்திற்கு ஒன்றியத் தலைவர் சித்திரைவேல் தலைமை வகித்தார் .  மாவட்ட வழக்குரைஞர் பிரிவு தலைவர் முத்துராமலிங்கம்,  மாவட்ட இளைஞரணி பொதுச் செயலர் சங்கர் ஆகியோர் முன்னிலை வகித்தனர். 
நகரத் தலைவர் காசிராமன் வரவேற்றார். ஜனசங்க நிறுவனர் சியாமா பிரசாத் முகர்ஜி குறித்து கோட்ட இணை அமைப்பாளர் ராஜா பேசினார்.    மாநில எஸ்.சி. அணி பொறுப்பாளர் பெருமாள், ஒன்றிய பொதுச் செயலர் பெருமாள், ஒன்றிய துணைத் தலைவர் சேர்மதுரை, ஒன்றியச் செயலர் பொன்பாண்டி,  வணிக பிரிவு பொறுப்பாளர் சாமிய்யா, ஒன்றியச் செயலர் செந்தில், அமைப்பு சாரா பிரிவு ஒன்றியத் தலைவர் ஜெயக்குமார் உள்பட பலர் கலந்து கொண்டனர்.

காயல்பட்டினத்தில்...
காயல்பட்டினம் மண்டல பாரதிய ஜனதா கட்சி சார்பில் நடைபெற்ற நினைவ நாள் நிகழ்ச்சிக்கு நகரத் தலைவர் ஏ.பண்டாரம் தலைமை வகித்தார். பொதுச் செயலர் எஸ்.மகேந்திரன்,  நகர துணைத் தலைவர் கே.மகேஷ்வரி, நகர மகளிரணித் தலைவர் பாப்பா சக்தி,  கேந்திர பொறுப்பாளர் ரா.மகேஷ்,  நகரப் பொருளாளர் பி.ஆறுமுகம், கிளை பொறுப்பாளர் அருணாச்சலம்,  எம்.கார்த்திக், டி.செல்லத்துரை உள்ளிட்டோர் கலந்து கொண்டனர்.
சியாமா பிரசாத் முகர்ஜி  படத்துக்கு மாலை அணிவித்து அஞ்சலி செலுத்தப்பட்டது. 
 

]]>
https://www.dinamani.com/all-editions/edition-thirunelveli/tuticorin/2019/jun/25/ஸ்ரீவைகுண்டத்தில்-ஜனசங்க--நிறுவனர்-நினைவுக்-கூட்டம்-3178372.html
3178121 திருநெல்வேலி தூத்துக்குடி குமரி மாவட்டத்தில் 4 மையங்களில் கணினி ஆசிரியர்களுக்கான தேர்வு: சர்வர் கோளாறால் தேர்வர்கள் அவதி DIN DIN Monday, June 24, 2019 10:37 AM +0530 நாகர்கோவில்: அரசுப் பள்ளிகளில் காலியாக உள்ள கணினி பயிற்றுநர் (கிரேடு-1) முதுநிலை ஆசிரியர் பணியிடங்களில் நேரடி நியமனம் செய்வதற்கான போட்டித் தேர்வு குமரி மாவட்டத்தில் 4 மையங்களில் ஞாயிற்றுக்கிழமை நடைபெற்றது. இதில் சில தேர்வு மையங்களில் சர்வர் கோளாறால் தேர்வர்கள் கடும் அவதி அடைந்தனர்.
அரசுப் பள்ளிகளில் 2018-19ஆம் ஆண்டில் காலியாக உள்ள கணினி பயிற்றுநர் (கிரேடு-1) பணியிடங்களில் முதுநிலை ஆசிரியர்களை நேரடியாக நியமனம் செய்வதற்கான போட்டித் தேர்வு தமிழகம் முழுவதும் ஞாயிற்றுக்கிழமை (ஜூன் 23) நடைபெற்றது. இந்தத் தேர்வு எழுத 30, 831 பேர் விண்ணப்பித்திருந்த நிலையில்,  தமிழகம் முழுவதும் மொத்தம் 121 தேர்வு மையங்கள் அமைக்கப்பட்டிருந்தன.
குமரி மாவட்டத்தில், பொன்ஜெஸ்லி பொறியியல் கல்லூரி, சுங்கான்கடை செயின்ட் சேவியர் பொறியியல் கல்லூரி, குமாரகோயில் என்.ஐ. பொறியியல் கல்லூரி, கருங்கல் இலவுவிளை மார்எப்ரேம் பொறியியல் கல்லூரி ஆகிய 4 கல்லூரிகளில் ஆன்-லைன் தேர்வு மையங்கள் அமைக்கப்பட்டிருந்தன. இந்தத் தேர்வு மையங்கள் மூலமாக 900 பேர் தேர்வு எழுத ஏற்பாடுகள் செய்யப்பட்டிருந்தன. தேர்வை கண்காணிக்க சிறப்பு குழுக்களும் ஏற்படுத்தப்பட்டிருந்தன.
தேர்வு மையங்களில், காலை 10 மணிக்கு முன்பே தேர்வர்கள் வந்து காத்திருந்தனர். காலை 10 மணிக்கு தேர்வு தொடங்கிய நிலையில், சர்வர் கோளாறு காரணமாக, ஒரு சில மையங்களில் தேர்வு எழுத தேர்வர்களுக்கு அனுமதி வழங்கப்படவில்லை. இதனால் சுமார் ஒன்றரை மணி நேரத்துக்கும் மேல் தேர்வர்கள் வெளியே காத்திருக்கும் சூழல் ஏற்பட்டது. தேர்வு காலதாமதமாக தொடங்கியதால், தங்களுக்கு உரிய கால அவகாசம் வழங்க வேண்டும் என, தேர்வர்களில் சிலர் கோரிக்கை விடுத்தனர். இதனால் தேர்வு மையத்தில் சிறிது நேரம் பரபரப்பு  நிலவியது.

]]>
https://www.dinamani.com/all-editions/edition-thirunelveli/tuticorin/2019/jun/24/குமரி-மாவட்டத்தில்-4-மையங்களில்-கணினி-ஆசிரியர்களுக்கான-தேர்வு-சர்வர்-கோளாறால்-தேர்வர்கள்-அவதி-3178121.html
3178120 திருநெல்வேலி தூத்துக்குடி குடிநீர்த் தட்டுப்பாடு நீரேற்றும் பிரதான குழாயில் உள்ள 19 குடிநீர் இணைப்புகள் துண்டிப்பு  DIN DIN Monday, June 24, 2019 10:36 AM +0530
திருச்செந்தூர்: திருச்செந்தூரில் குடிநீர்த் தட்டுப்பாட்டை போக்க, பிரதான குழாயில் இணைக்கப்பட்டிருந்த  உணவகங்கள், விடுதிகள் மற்றும் குடியிருப்புகளின் 19 குடிநீர் இணைப்புகளை துண்டித்து பேரூராட்சி நிர்வாகம் நடவடிக்கை எடுத்தது. 
திருச்செந்தூர் சிறப்பு நிலை பேரூராட்சியில் சுமார் 45 ஆயிரத்துக்கும் மேற்பட்ட பொதுமக்கள் வசித்து வருகின்றனர்.  சுமார் 8 ஆயிரத்துக்கும் மேற்பட்ட குடியிருப்புகளும்,  அதிக அளவிலான வணிக நிறுவனங்களும் உள்ளன.  இதன்  தண்ணீர் தேவையைப் பூர்த்தி செய்வதற்கு பேரூராட்சி நிர்வாகம் சார்பில் சுமார் 7 ஆயிரம் குடிநீர் இணைப்புகள் வழங்கப்பட்டுள்ளன.
 இப்பேரூராட்சிக்கு எல்லப்பநாயக்கன்குளம், கானம், பொன்னன்குறிச்சி மற்றும் குரங்கணி ஆகிய குடிநீர்த் திட்டங்கள் மூலம் தண்ணீர் விநியோகிக்கப்படுகிறது.  சுமார் 24 லட்சம் லிட்டர் கொள்ளளவு நீரை சேமிக்கும் வகையில் 22 மேல்நிலை நீர்த்தேக்கத் தொட்டிகள் அமைக்கப்பட்டுள்ளன. மேலும் தற்போது முத்தாரம்மன் கோயில், தோப்பூர் போன்ற பகுதிகளில் புதிய மேல்நிலை நீர்த்தேக்கத் தொட்டிகள் கட்டும் பணியும் நடந்து வருகிறது. மக்களின் பயன்பாட்டுக்கு 35 லட்சம் லிட்டர் குடிநீர் தேவை என தோராயமாக கணக்கிடப்பட்டுள்ளது. ஆனால் மழைக்காலம், நீர் வரத்து அதிகரிப்பு போன்ற காலங்களில் சுமார் 45 லட்சம் லிட்டர் குடிநீர் விநியோகிக்கப்படுகிறது. 
தற்போது கடும் கோடை மற்றும் மழையின்மையால் திருச்செந்தூர் பகுதியில், கடந்த 2 மாதங்களாக 15 நாள்களுக்கு ஒருமுறை குடியிருப்புகளுக்கு குடிநீர் விநியோகம் செய்யப்பட்டு வருகிறது. இதையடுத்து பொதுமக்கள் சீரான குடிநீர்  வழங்கக் கோரி பல்வேறு போராட்டங்களில் ஈடுபட்டனர்.
இதையடுத்து, பேரூராட்சி நிர்வாகம் மேல்நிலை நீர்த்தேக்கத் தொட்டிகளுக்கு நீர் ஏற்றப்படும் பிரதான குழாயிலேயே  ராஜ்கண்ணா நகர் பாலப்பகுதியிலிருந்து பகத்சிங் பேருந்து நிலையம் வரையில் உள்ள வணிக நிறுவனங்கள், குடியிருப்புகள், ஹோட்டல்கள் மற்றும் விடுதிகள் ஆகியவற்றுக்கு   கொடுக்கப்பட்டுள்ள 19 குடிநீர் இணைப்புகளை துண்டித்து குடிநீர்ப் பிரச்னைக்கு தீர்வு காண முற்பட்டுள்ளது. மேலும்,  பகத்சிங் பேருந்து நிலையத்திலிருந்து நகர் பகுதிகளுக்கு தடையின்றி குடிநீர் வழங்க புதிய குழாய் பதிக்கும் பணியை  வேகமாக நடந்து வருகிறது.
இதற்கிடையே பகத்சிங் பேருந்து நிலையத்தின் அருகே  நெடுஞ்சாலையை தோண்டி நடைபெறும் குழாய் பதிக்கும் பணிக்கு எதிர்ப்பு தெரிவித்து நெடுஞ்சாலைத்துறையினர் பேரூராட்சி அதிகாரிகளுடன் வாக்குவாதத்தில் ஈடுபட்டனர்.  
அப்போது  அந்த வழியாக வந்த அனிதா ராதாகிருஷ்ணன் எம்.எல்.ஏ., வாக்குவாதத்தில் ஈடுபட்ட  நெடுஞ்சாலைத் துறை  அதிகாரிகளிடம்  குழாய் பதிக்கும் பணியை தடுக்காதீர்கள் என  அறிவுறுத்தியதின் பேரில், பணி தொடர்ந்து நடைபெற்றது.   இதுகுறித்து பேரூராட்சி செயல் அலுவலர் ந.நாகராஜன் கூறியது:
பொன்னன்குறிச்சி கூட்டுக் குடிநீர்த் திட்டத்தில், திருச்செந்தூருக்கு குடிநீர் வரும் பிரதான குழாயில், பேரூராட்சி சார்பில் குடியிருப்புகள் மற்றும் வணிக நிறுவனங்களுக்கு பல ஆண்டுகளுக்கு முன்னதாகவே இணைப்பு கொடுக்கப்பட்டுள்ளது. 
தற்போது  குடிநீர்த் தட்டுப்பாடு ஏற்பட்டுள்ளதால்,  அந்த இணைப்புகள் அனைத்தும் துண்டிக்கப்பட்டு, மேல்நிலை நீர்தேக்கத்தொட்டியிலிருந்து அந்தப் பகுதிகளுக்கு புதிய குழாய் பதிக்கும் பணிகள் நடந்து வருகிறது. 
இரு தினங்களில் அந்தப் பணி முழுமைபெற்ற பிறகு துண்டிக்கப்பட்ட இணைப்புகள் அனைத்தும் மீண்டும் விநியோகிக்கும் குழாயில் இணைக்கப்பட்டு அவை முழுவதும் கண்காணிக்கப்படும் என்றார்.

]]>
https://www.dinamani.com/all-editions/edition-thirunelveli/tuticorin/2019/jun/24/குடிநீர்த்-தட்டுப்பாடு-நீரேற்றும்-பிரதான-குழாயில்-உள்ள-19-குடிநீர்-இணைப்புகள்-துண்டிப்பு-3178120.html
3178119 திருநெல்வேலி தூத்துக்குடி கலைப்பொருள்கள் தயாரித்தல் போட்டி: சாகுபுரம் பள்ளி மாணவிக்கு முதல் பரிசு DIN DIN Monday, June 24, 2019 10:35 AM +0530
ஆறுமுகனேரி: உலக சுற்றுச்சூழல் தினத்தை முன்னிட்டு நடைபெற்ற கண்காட்சியில் சாகுபுரம் கமலாவதி பள்ளி மாணவி மாவட்ட அளவில் முதலிலிடம் பெற்றார்.
உலக சுற்றுச்சூழல் தினத்தை முன்னிட்டு மாசுகட்டுப்பாட்டு வாரியம் சார்பில் 6 முதல் 12 ஆம் வகுப்பு வரை பயிலும் மாணவர்களுக்கு வீட்டிலுள்ள கழிவுப் பொருள்களில் இருந்து அழகிய கலைப் பொருள்கள் தயாரித்தல் எனும் தலைப்பில் கண்காட்சி நடைபெற்றது. இதில், மாவட்டத்தின் பல்வேறு பகுதியிலிருந்து மாணவர்கள் கலந்து கொண்டனர்.
இதில், சாகுபுரம் கமலாவதி மேல்நிலைப் பள்ளி 10ஆம் வகுப்பு மாணவி டெல்பினா மிராண்டா, வீட்டில் பயன்படுத்தாமல் 
இருந்த பாட்டில் எக்ஸ்ரே பிலிம் மூலம் பூஞ் ஜாடி தயாரித்திருந்தார். இந்த ஜாடிக்கு முதல் பரிசு கிடைத்தது. பின்னர் நடைபெற்ற விழாவில், மாணவிக்கு அமைச்சர்கள் கருப்பண்ணன், கடம்பூர்  ராஜு, ஆட்சியர் சந்தீப் நந்தூரி ஆகியோர் பரிசு வழங்கிப் பாராட்டினர்.
இம்மாணவிக்கு, பள்ளியின் தலைவர் முடித்ஜெயின், செயல்உதவித் தலைவர் ஜெயக்குமார், மூத்த பொதுமேலாளர் சந்திரசேகரன், முதல்வர் சண்முகானந்தன், துணை முதல்வர் வனிதா வி.ராயன், தலைமையாசிரியர் ஸ்டீபன்பாலாசிர், ஆசிரியர்கள் பாராட்டினர்.

]]>
https://www.dinamani.com/all-editions/edition-thirunelveli/tuticorin/2019/jun/24/கலைப்பொருள்கள்-தயாரித்தல்-போட்டி-சாகுபுரம்-பள்ளி-மாணவிக்கு-முதல்-பரிசு-3178119.html
3178118 திருநெல்வேலி தூத்துக்குடி மழை வேண்டி கோயில்களில் சிறப்பு யாகம் DIN DIN Monday, June 24, 2019 10:34 AM +0530
விளாத்திகுளம்: மழைவேண்டி  விளாத்திகுளம் ஸ்ரீமீனாட்சி சுந்தரேஸ்வரர் கோயிலில் சிறப்பு வருண யாகம்  சனிக்கிழமை நடைபெற்றது.
இதையொட்டி, கோயில் கல் மண்டபம் முன்பு யாக குண்டம் அமைத்து வருண யாகம், சிறப்பு பூஜைகள், இதைத்தொடர்ந்து சுவாமி, அம்பாள், வருண பகவானுக்கு  பல்வேறு அபிஷேகங்கள், அலங்கார தீபாராதனை, சிறப்பு வழிபாடுகள் ஆகியன நடைபெற்றன. 
இதில், சட்டப்பேரவை உறுப்பினர் பி. சின்னப்பன், ஒன்றியச் செயலர் பால்ராஜ்,  மாவட்ட மத்திய கூட்டுறவு வங்கி முன்னாள் தலைவர் பி.டி.ஆர்.ராஜகோபால், ஜெயலலிதா பேரவை செயலர் குட்லக் செல்வராஜ், பேரூராட்சி மன்ற முன்னாள் தலைவர் தம்பித்துரை உள்ளிட்ட பலர் கலந்து கொண்டனர்.
சாத்தான்குளம்: சாத்தான்குளம்  அருள்மிகு ஸ்ரீவண்டிமலைச்சி அம்மன் சமேத ஸ்ரீவண்டி மலையான் சுவாமி கோயிலில் அதிமுக சார்பில் மழை  வேண்டி வருண ஜெப யாகம் நடைபெற்றது. 
இதை முன்னிட்டு கோயிலில் கணபதி ஹோமம், நவகிரக ஹோமம், சுதர்சன ஹோமம், லட்சுமி ஹோமம் மற்றும் துர்கா ஹோமம் நடைபெற்றது.  இதையடுத்து மழை வேண்டி வருண ஜெப யாகம், பின்னர் அம்மன் உள்ளிட்ட பரிவார தெய்வங்களுக்கு சிறப்பு பூஜைகள் நடைபெற்றன.  
இதில், ஒன்றியச் செயலர் அச்சம்பாடு சவுந்திரபாண்டி, நகரச் செயலர் செல்லத்துரை, முன்னாள்  ஒன்றியக்குழுத்  தலைவர் சுரேஷ்குமார், மாவட்ட  அண்ணா தொழிற்சங்கத் தலைவர் சந்திரராஜ் உள்ளிட்ட பலர் கலந்துகொண்டனர்.
ஓட்டப்பிடாரம்: ஓட்டப்பிடாரம் உலகாண்ட ஈஸ்வரி அம்மன் கோயிலில் தூத்துக்குடி அதிமுக வடக்கு மாவட்ட துணைச் செயலரும் முன்னாள் பேரவை உறுப்பினர் பி.மோகன் தலைமையில் யாகம் நடைபெற்றது. இதில், ஓட்டப்பிடாரம், வெள்ளாரம், கீழமங்கலம் கூட்டுறவு கடன் சங்கத் தலைவர்கள் பே.பெரியமோகன், சி. கருப்பசாமி, கண்ணன், முன்னாள் ஊராட்சித் தலைவர் சி.ஆதசிலிங்கம், கிளைக் கழகச் செயலர்கள் பெருமாள், தடிக்காரன் உள்ளிட்ட பலர் பங்கேற்றனர்.

]]>
https://www.dinamani.com/all-editions/edition-thirunelveli/tuticorin/2019/jun/24/மழை-வேண்டி-கோயில்களில்-சிறப்பு-யாகம்-3178118.html
3178117 திருநெல்வேலி தூத்துக்குடி ரயில்வே தண்டவாளத்தில் ஆண் சடலம் மீட்பு DIN DIN Monday, June 24, 2019 10:34 AM +0530 கோவில்பட்டி: கோவில்பட்டி அருகே ரயில்வே தண்டவாளத்தில் அடையாளம் தெரியாத ஆண் சடலத்தை போலீஸார் ஞாயிற்றுக்கிழமை மீட்டனர். 
கோவில்பட்டி இலக்குமி ஆலை ரயில்வே கேட்-  கிருஷ்ணா நகர் அருகேயுள்ள ரயில்வே கேட்டுக்கும் இடையே தண்டவாளத்தில் அடையாளம் தெரியாத ஆண் சடலம் கிடந்தது. தகவலறிந்த தூத்துக்குடி ரயில்வே போலீஸார் சடலத்தை மீட்டு பிரேத பரிசோதனைக்கு தூத்துக்குடி அரசு மருத்துவமனைக்கு அனுப்பினர். 
சுமார் 40 வயது மதிக்கக் கூடிய அவர் யார், எந்த ஊரைச் சேர்ந்தவர் எனத் தெரியவில்லை. அவர் நீல நிற லுங்கி, பச்சை நிற பனியன் அணிந்திருந்தாராம். ரயில்வே போலீஸார் வழக்குப் பதிந்து விசாரணை நடத்தினர்.

]]>
https://www.dinamani.com/all-editions/edition-thirunelveli/tuticorin/2019/jun/24/ரயில்வே-தண்டவாளத்தில்-ஆண்-சடலம்-மீட்பு-3178117.html
3178115 திருநெல்வேலி தூத்துக்குடி ஆறுமுகனேரியில் மின்தடையால்   உப்பளத் தொழில் பாதிப்பு DIN DIN Monday, June 24, 2019 10:33 AM +0530 ஆறுமுகனேரி: ஆறுமுகனேரியில் மின் விநியோகம் இல்லாததால்  உப்பளத் தொழில் பாதிப்படைந்து வருவதாக உப்பு உற்பத்தியாளர்கள் கவலை தெரிவித்தனர்.
தமிழகத்தில் உப்பு  உற்பத்தியில் தூத்துக்குடியை அடுத்து அதிகளவில் ஆறுமுகனேரியில் உற்பத்தி செய்யப்படுகிறது. தற்போது போதிய விலை இல்லாததாலும், அதிக கூலி காரணமாகவும் தொழில் நலிந்து வருகிறது. எனினும் பாரம்பாரியத் தொழிலை கைவிட முடியாத நிலையில் தொழில் செய்து வருகின்றனர்.
ஆறுமுகனேரி சாகுபுரத்தை அடுத்து பாம்பு ஓடை பகுதியில் சுமார் 500 ஏக்கர் பரப்பில் உப்பு  உற்பத்தி செய்யப்படுகிறது.  200 க்கும் மேற்பட்ட பெண்களும், ஆண்களும் வேலை செய்கின்றனர். கிணறுகளில் இருந்து மோட்டார் மூலம் நீர் எடுத்து உப்பு உற்பத்தி செய்யப்படுகிறது. கடந்த சில ஆண்டுகளாக  சீரான  மின்விநியோகம்  இல்லாமல் மின்மோட்டார்கள்  எரிந்து பழுதடைந்து வருகின்றன. 
பழுதடைந்த மின்கம்பங்கள், பழுதடைந்த  மின்மாற்றியால் உப்பு உற்பத்தி அடியோடு பாதிக்கப்பட்டுள்ளது. இதனிடையே, 10 நாள்களுக்கு முன்பு   மின்மாற்றி செயலிழந்து மின் விநியோகம் தடைப்பட்டது. இதுதொடர்பாக மின்வாரிய அதிகாரிகளிடம் புகார் தெரிவித்தும் பயன்இல்லை. இது தொடர்பாக மின்வாரிய அதிகாரிகள் நடவடிக்கை எடுக்க வேண்டும். இதேநிலை தொடர்ந்தால் உப்பு உற்பத்தியாளர் கள் போராட்டம் நடத்தப்படும் என தெரிவித்துள்ளனர்.

]]>
https://www.dinamani.com/all-editions/edition-thirunelveli/tuticorin/2019/jun/24/ஆறுமுகனேரியில்-மின்தடையால்---உப்பளத்-தொழில்-பாதிப்பு-3178115.html
3178114 திருநெல்வேலி தூத்துக்குடி ஜூன் 27இல் விவசாயிகள் குறைதீர் கூட்டம் DIN DIN Monday, June 24, 2019 10:33 AM +0530 தூத்துக்குடி: தூத்துக்குடி மாவட்ட விவசாயிகளுக்கான குறைதீர் கூட்டம் ஜூன் 27 ஆம் தேதி நடைபெறுகிறது.
இதுகுறித்து மாவட்ட ஆட்சியர் சந்தீப் நந்தூரி வெளியிட்டுள்ள செய்திக் குறிப்பு: தூத்துக்குடி மாவட்டத்தில் மாதந்தோறும் மூன்றாவது வியாழக்கிழமை விவசாயிகளுக்கான குறைதீர் கூட்டம் நடத்தப்பட்டு வருகிறது. அதன்படி, ஜூன் மாதத்துக்கான "விவசாயிகள் குறை தீர்க்கும் நாள் கூட்டம்' ஜமாபந்தி நடைபெற்றதால், விவசாயிகள் நலன் கருதி, இக்கூட்டம் வரும் 27 ஆம் தேதி (வியாழக்கிழமை) ஆட்சியர் அலுவலகத்தில் நடைபெறுகிறது. எனவே, தூத்துக்குடி மாவட்ட விவசாயிகள் அனைவரும் இக்கூட்டத்தில் கலந்து கொண்டு விவசாயம் சார்ந்த குறைகளைத் தெரிவித்து பயன்பெறலாம் எனத்  தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/24/ஜூன்-27இல்-விவசாயிகள்-குறைதீர்-கூட்டம்-3178114.html
3178113 திருநெல்வேலி தூத்துக்குடி உச்சினிமாகாளி அம்பாள் கோயில் கொடை விழா: இன்று தொடக்கம் DIN DIN Monday, June 24, 2019 10:32 AM +0530 உடன்குடி: உடன்குடி வைத்திலிங்கபுரம் உச்சினிமாகாளி அம்பாள் கோயில் கொடை விழா திங்கள்கிழமை தொடங்கி 3 நாள்கள் நடைபெறுகிறது.
இதையொட்டி, கோயிலில் திங்கள்கிழமை மாலை 5 மணிக்கு 508 திருவிளக்கு பூஜை, அம்பாளுக்கு மாக்காப்பு    அலங்காரத்துடன் தீபாராதனை, இரவு 11 மணிக்கு அம்பாள் கும்பத்தில் பவனி, செவ்வாய்க்கிழமை காலை 8 மணிக்கு கண்டு கொண்ட விநாயகர் ஆலயத்தில் இருந்து பால்குடம் எடுத்தல், காலை 9 மணிக்கு கும்பாபிஷேகம், பகல் 12 மணிக்கு மகா தீபாராதனை, 1 மணிக்கு கும்பம் பவனி, மாலை 4 மணிக்கு பெண்கள் காணிக்கை செலுத்துதல், நள்ளிரவு 12 மணிக்கு அம்பாளுக்கு சந்தனக் காப்பு அலங்காரத்துடன் மகா தீபாராதனை, அதிகாலை 1 மணிக்கு அலங்கார சப்பரத்தில் அம்பாள் பவனி ஆகியவை நடைபெறுகிறது.
புதன்கிழமை (ஜூன் 26) காலை 10 மணிக்கு அம்பாளுக்கு பொங்கல் வைத்தல், மஞ்சள் நீராடுதல், மாலை 4 மணிக்கு பிரசாதம் வழங்ககுதல் ஆகியவை நடைபெறும்.

]]>
https://www.dinamani.com/all-editions/edition-thirunelveli/tuticorin/2019/jun/24/உச்சினிமாகாளி-அம்பாள்-கோயில்-கொடை-விழா-இன்று-தொடக்கம்-3178113.html
3178111 திருநெல்வேலி தூத்துக்குடி பள்ளி, கல்லூரிகள் முன்பு கண்காணிப்பில் காவலர்கள்: பெற்றோர் வரவேற்பு   தி. இன்பராஜ் DIN Monday, June 24, 2019 10:28 AM +0530
தூத்துக்குடி: தூத்துக்குடி மாநகரில் உள்ள பள்ளி, கல்லூரிகள் முன்பு போலீஸார் கண்காணிப்புப் பணியில் ஈடுபடும் நடவடிக்கைக்கு பெற்றோர் வரவேற்பு தெரிவித்துள்ளனர். 
தூத்துக்குடி மாநகரப் பகுதிகளில் உள்ள பள்ளி, கல்லூரிகள் முன்பு தினமும் காலையில் வகுப்புகள் தொடங்கும் முன்னதாகவும், மாலையில் வகுப்புகள் முடிந்த பிறகும் முன்னாள் மாணவர்கள் என்ற போர்வையில் இளைஞர்கள் சுற்றி வரும் செயல் சில ஆண்டுகளாகவே இருந்து வருகிறது. 
பெற்றோரின் புகாரின்பேரில், காவல்துறை அவ்வப்போது மேற்கொள்ளும் நடவடிக்கை தற்காலிகமானதாகவே இருந்து வந்தது. மேலும், பள்ளிக்கு வெளியே நடைபெறும் சம்பவங்களில் பள்ளி நிர்வாகம் கண்டுகொள்ளாமல் இருப்பதால் பெண் குழந்தைகளின் பாதுகாப்பு கேள்விக்குறியாகவே தொடர்ந்தது.
ஒரே நேரத்தில் ஆயிரக்கணக்கான மாணவர், மாணவிகள் வருவதால் கல்வி நிலையங்கள் முன்பு போக்குவரத்து நெரிசல் ஏற்படுகிறது. இதனால், தங்களது குழந்தைகளை அழைத்துச் செல்ல காத்திருக்கும் பெற்றோர், ஆட்டோ ஓட்டுநர்களும் மிகவும் அவதிக்குள்ளாகும் நிலை ஏற்படுகிறது.
இதுதவிர, கல்வி நிலையங்கள் முன்பு ஆங்காங்கே இளைஞர்கள் கூடி நின்று மாணவிகளை கேலி செய்வதும் தொடர்ந்து கொண்டுதான் வருகிறது. இதுதொடர்பாக பெற்றோர் தரப்பில் இருந்து புகார் வந்த வண்ணம் உள்ளது. இது தொடர்பாக  மாநகரக் காவல் துணைக் கண்காணிப்பாளர் ஆர். பிரகாஷிடம் புகார் தெரிவிக்கப்பட்டது. 
இதையடுத்து, பெற்றோர் மற்றும் சமூக ஆர்வலர்களுடன் அவர் ஆலோசனை மேற்கொண்டார். இதைத்தொடர்ந்து கல்வி நிலையங்கள் முன்பு தினமும் காலை, மாலை நேரங்களில் போலீஸார் கண்காணிக்கும் திட்டத்தை அறிமுகம் செய்துள்ளார். 
அதன்படி, மாநகரில் இயங்கி வரும் உயர்நிலை, மேல்நிலைப் பள்ளிகள், கல்லூரிகள் முன்பும் வகுப்புகள் தொடங்குவதற்கு ஒரு மணி நேரத்துக்கு முன்பாகவும், வகுப்புகள் முடிவடையும் நேரத்தில் ஒரு மணி நேரமும் 2 காவலர்கள் கண்காணிப்பு பணியில் ஈடுபட்டு வருகின்றனர்.
கண்காணிப்பில் ஈடுபடும்போது கல்வி நிலையங்கள் அருகே தேவையின்றி சுற்றித் திரியும் இளைஞர்களை பிடித்து விசாரணை மேற்கொள்ளும் காவலர்கள் அவர்களை எச்சரித்து அனுப்புகின்றனர். இதுகுறித்து அந்த இளைஞர்களின் பெற்றோரிடமும் தகவல் தெரிவித்து எச்சரிக்கின்றனர். தொடர்ந்து, அப்பகுதிகளில் மோட்டார் சைக்கிளில் சுற்றுவோர் மீது போக்குவரத்து விதிமுறை மீறல் வழக்குகளும் பதிவு செய்யப்படுகின்றன.
கல்வி நிலையங்கள் முன்பு கூடுவோரை போலீஸார் கண்காணித்து எச்சரித்து அனுப்புவதால், தங்களது குழந்தைகளை எளிதில் அழைத்துச் செல்வதாக பெற்றோர் தெரிவித்தனர். இத்திட்டத்தை மாநிலம் முழுவதும் அறிமுகப்படுத்தினால் பெண் குழந்தைகளுக்கு பாதுகாப்பாகவும், அவர்களின் பெற்றோருக்கு பயனுள்ளதாகவும் இருக்கும் என அவர்கள் வேண்டுகோள் விடுத்துள்ளனர். 
இத்திட்டத்தை அறிமுகம் செய்த மாநகர காவல் துணைக்கண்காணிப்பாளர் ஆர். பிரகாஷ் கூறியது: தூத்துக்குடி மாநகரப் பகுதியில் மட்டும் 58 கல்வி நிலையங்கள் உள்ளன. இதில், அதிகளவில் பிரச்னை உள்ள பகுதியை தேர்வு செய்து 20 இடங்களில் உதவி ஆய்வாளர் தலைமையில் 2 காவலர்கள் பணியில் ஈடுபடுத்தப்பட்டுள்ளனர். 
அவர்கள் தினமும் காலை 7.30 மணி முதல் வகுப்புகள் தொடங்கும் வரையிலும், மாலை 3.30 முதல் வகுப்புகள் முடியும் வரையிலும் கண்காணிப்பில் ஈடுபடுவர். இதனால், போக்குவரத்து நெரிசல், சிறிய விபத்துகள் தவிர்க்கப்பட்டுள்ளன. சாலைகளை கடக்க முடியாத குழந்தைகளுக்கும் அவர்கள் உதவியாக இருப்பார்கள்.
மேலும், எந்தவித உரிமமும் இல்லாமல் பள்ளிக்கு மோட்டார் சைக்கிள் கொண்டு வந்த மாணவர்கள், அவர்களின் பெற்றோர்களையும் எச்சரித்து உள்ளோம். இத்திட்டத்துக்கு பெற்றோர், பள்ளி, கல்லூரி நிர்வாகம் தரப்பில் வரவேற்பு உள்ளது. 
மாணவர்கள் என்ற பெயரில் சுற்றி வந்து மாணவிகளை கேலி செய்யும் செயல் தடுக்கப்பட்டுள்ளது. இத்திட்டத்துக்கு தொடர்ந்து ஆதரவு இருப்பதால் தேவைப்படும் பட்சத்தில் மாநகரம் முழுவதுள்ள கல்வி நிலையங்களிலும் விரிவுபடுத்த திட்டமிட்டுள்ளோம் என்றார் அவர்.
 

]]>
https://www.dinamani.com/all-editions/edition-thirunelveli/tuticorin/2019/jun/24/பள்ளி-கல்லூரிகள்-முன்பு-கண்காணிப்பில்-காவலர்கள்-பெற்றோர்-வரவேற்பு-3178111.html
3178105 திருநெல்வேலி தூத்துக்குடி குடிநீர் வழங்கக் கோரி பெண்கள் ஆர்ப்பாட்டம் DIN DIN Monday, June 24, 2019 10:26 AM +0530
கோவில்பட்டி:  கோவில்பட்டியை அடுத்த இலுப்பையூரணி செண்பகாநகர் பகுதியில் சீரான குடிநீர் விநியோகம் வழங்க வலியுறுத்தி பெண்கள் காலிக்குடங்களுடன் ஞாயிற்றுக்கிழமை ஆர்ப்பாட்டத்தில் ஈடுபட்டனர். 
கோவில்பட்டி ஒன்றியம், இலுப்பையூரணி ஊராட்சி செண்பகாநகர் பகுதியில் 5 தெருக்கள் உள்ளன. இங்கு 100 க்கும் மேற்பட்ட குடும்பங்கள் வசித்து வருகின்றனர். இப்பகுதி மக்களுக்கு பெரியகுளம் கண்மாயில் இருந்து மோட்டார் மூலம் 30 ஆயிரம் கொள்ளளவு கொண்ட  நீர்த்தேக்கத் தொட்டிக்கு தண்ணீர் கொண்டு வந்து குடிநீர் விநியோகம் செய்யப்படுகிறது. இந்நிலையில் கடந்த 5  நாள்களாக அப்பகுதி மக்களுக்கு குடிநீர் விநியோகம் செய்யவில்லையாம். 
இதையடுத்து, அப்பகுதி பெண்கள் காலிக்குடங்களுடன் விலக்கு அருகில் முருகன் தலைமையில் திடீரென ஆர்ப்பாட்டத்தில் ஈடுபட்டனர். தகவலறிந்த இலுப்பையூரணி ஊராட்சி செயலர் ரத்தினகுமார் அவர்களிடம் பேச்சுவார்த்தை நடத்தினார்.
பழுதடைந்த மோட்டாரை சீரமைக்கும் பணி முடியும் நிலையில் உள்ளது. திங்கள்கிழமை காலையில் செண்பகாநகர் பகுதி மக்களுக்கு சுழற்சி முறையில் 2 நாள்களுக்கு ஒரு முறை குடிநீர் வழங்கப்படும் என தெரிவித்ததை அடுத்து அவர்கள் கலைந்து சென்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/24/குடிநீர்-வழங்கக்-கோரி-பெண்கள்-ஆர்ப்பாட்டம்-3178105.html
3178102 திருநெல்வேலி தூத்துக்குடி 2,731 பேருக்கு ஊட்டச்சத்து பெட்டகம் DIN DIN Monday, June 24, 2019 10:25 AM +0530 தூத்துக்குடி: தூத்துக்குடி மாவட்டத்தில் இதுவரை 2,731 பேருக்கு தாய், சேய் நல ஊட்டச்சத்து பெட்டகம் வழங்கப்பட்டுள்ளது எனத் தெரிவிக்கப்பட்டுள்ளது.
இதுகுறித்து மாவட்ட ஆட்சியர் சந்தீப் நந்தூரி வெளியிட்டுள்ள செய்திக் குறிப்பு: தமிழகத்தில் கர்ப்பிணி பெண்களுக்கு ஏற்படும் ரத்த சோகை நோயை தடுக்கவும், கர்ப்பத்தில் இருக்கும் குழந்தையின் எடையை அதிகரிக்கும் நோக்கத்தில்  அம்மா தாய் சேய் நல ஊட்டச்சத்து பெட்டகம் வழங்கப்படுகிறது. இத்திட்டத்தை முதல்வர் எடப்பாடி கே. பழனிசாமி தொடங்கி வைத்தார். 
அதன்படி, தூத்துக்குடி மாவட்டத்தில் கர்ப்பிணி தாய்மார்களுக்கு அம்மா தாய் சேய் நல ஊட்டச்சத்து பெட்டகம் வழங்கும் திட்டம் சிறப்பாக செயல்படுத்தப்பட்டு வருகிறது.  கர்ப்பிணி பெண்களுக்கு 3 மாதம் நிறைவில் ரூ. 2,000 மதிப்பில் ஒரு பெட்டகமும், 4 மாதம் நிறைவில் ரூ. 2,000 மதிப்பிலான ஒரு பெட்டகமும் வழங்கப்படுகிறது. தாய் சேய் நல பெட்டகத்தில் கர்ப்பிணி பெண்களுக்கு புரோ-பிளஸ்,  கர்ப்பிணி தாய்க்கான சத்து பவுடர் 1 கிலோ, இரும்பு சத்து திரவம் 200 மி.லி. 3 பாட்டில், விதை நீக்கப்பட்ட பேரீச்சம்பழம் 1 கிலோ, ஆவின் நெய் 500 மி.லி., ஆல்பெண்டசோல் குடற்புழு நீக்க மாத்திரை  3, கோப்பை -1, துண்டு -1 ஆகிய  பொருள்களுடன் ஒரு கூடையும் வழங்கப்படும்.
இம்மாவட்டத்தில் இதுவரை 2,731 தாய்மார்களுக்கு அம்மா தாய்சேய் நல ஊட்டசத்து பெட்டகம் வழங்கப்பட்டுள்ளது எனத் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/24/2731-பேருக்கு-ஊட்டச்சத்து-பெட்டகம்-3178102.html
3178098 திருநெல்வேலி தூத்துக்குடி சத்துணவு ஊழியர்களுக்கு காலமுறை ஊதியம் வழங்க கோரிக்கை DIN DIN Monday, June 24, 2019 10:24 AM +0530
ஓட்டப்பிடாரம்: ஓட்டப்பிடாரத்தில் நடைபெற்ற தமிழ்நாடு சத்துணவு ஊழியர் சங்கப் பேரவைக் கூட்டத்தில் சத்துணவு ஊழியர்களுக்கு காலமுறை ஊதியம் வழங்க வேண்டும் என வலியுறுத்தப்பட்டது.
ஊராட்சி ஒன்றிய வளாகத்தில் சனிக்கிழமை நடைபெற்ற இக்கூட்டத்துக்கு, வட்டத் தலைவர் சி.பொன்ராஜ் தலைமை வகித்தார். மாவட்ட செயற்குழு உறுப்பினர் என்.வசந்தி, வட்டத் துணைத்தலைவர் லீலாவதி ஆகியோர் முன்னிலை வகித்தனர். வட்டார வளர்ச்சி அலுவலர் சங்க மாவட்ட இணைச்செயலர் எஸ்.சுடலை கூட்டத்தை தொடங்கி வைத்துப் பேசினார். செயலர் எஸ். லட்சுமணப் பெருமாள், பொருளாளர் எம்.மஞ்சுளா ஆகியோர் அறிக்கை வாசித்தனர். தீர்மானங்களை இணைச்செயலர் எ.தங்கம், துணைத்தலைவர்கள் வி.சாந்தா, எம்.ஞானமணி ஆகியோர் முன்மொழிந்தனர். 
தமிழ்நாடு சத்துணவு ஊழியர் சங்க மாநிலச் செயலர் தே.முருகன், மாவட்ட பொருளாளர் வி.ஆண்டிச்சாமி, வட்டச் செயலர் எஸ்.பொன்சேகர், மாவட்டத் தலைவர் ஜி.பொன்னரசி, அரசு ஊழியர் சங்க மாவட்டச் செயலர் என்.வெங்கடேசன், வட்டார வளர்ச்சி அலுவலர் சங்க வட்டத் தலைவர் பி.ராமராஜன், தமிழ்நாடு அரசு ஊழியர் சங்க வட்டத் தலைவர் எம்.கருப்பசாமி, தமிழ்நாடு ஆரம்பப் பள்ளி ஆசிரியர் கூட்டணியின் வட்டச் செயலர் கோபால்சாமி ஆகியோர் பேசினர். 
மாநிலத் துணைத்தலைவர் எம்.தமிழரசன் நிறைவு உரையாற்றினார். கூட்டத்தில், சத்துணவு ஊழியர்களுக்கு காலமுறை ஊதியம் வழங்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன. வட்டத் துணைத்தலைவர் எ.அன்னம்மாள் வரவேற்றார். வட்டத் துணைத்தலைவர் எஸ்.சுமதி நன்றி கூறினார்.


 

]]>
https://www.dinamani.com/all-editions/edition-thirunelveli/tuticorin/2019/jun/24/சத்துணவு-ஊழியர்களுக்கு-காலமுறை-ஊதியம்-வழங்க-கோரிக்கை-3178098.html
3178093 திருநெல்வேலி தூத்துக்குடி கோவில்பட்டியில் மகிழ்வோர் மன்றக் கூட்டம் DIN DIN Monday, June 24, 2019 10:23 AM +0530
கோவில்பட்டி: கோவில்பட்டியில் மகிழ்வோர் மன்றக் கூட்டம் சனிக்கிழமை நடைபெற்றது. 
இக்கூட்டத்துக்கு, புனித ஓம் கல்வி நிறுவனங்களின் தாளாளர் லட்சுமணப்பெருமாள் தலைமை வகித்தார். கண்தான இயக்க பொறுப்பாளர் ஜெயராஜ் முன்னிலை வகித்தார். அமைப்பின் காப்பாளர் செல்வின் அறிக்கை வாசித்தார். 
கூட்டத்தில், கவிஞர் நந்தலாலா "சிரிக்க அதற்கு தக' எனும் தலைப்பில் பேசினார். இதையடுத்து, தமிழ் தொண்டு செய்து வரும் பாரதி ஆய்வாளர் இளசைமணியனுக்கு பாரதி நேசன் விருது வழங்கப்பட்டது. மாணவர்கள் பங்கேற்ற பல்சுவை நிகழ்ச்சிகள் நடைபெற்றன. 
மன்ற இயக்குநர் ஜான்கணேஷ், காப்பாளர் துரைராஜ், உரத்த சிந்தனை வாசகர் வட்ட நிர்வாகி சிவானந்தம், தமிழ்நாடு மெர்க்கண்டைல் வங்கி உதவி மேலாளர் சுப்பையா, நாடார் நடுநிலைப் பள்ளித் தலைமையாசிரியை செல்வி உள்பட பலர் கலந்து கொண்டனர். காப்பாளர் மோகன்ராஜ் வரவேற்றார். சேர்மத்துரை நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/24/கோவில்பட்டியில்-மகிழ்வோர்-மன்றக்-கூட்டம்-3178093.html
3178090 திருநெல்வேலி தூத்துக்குடி கணினி பயிற்றுநர் தேர்வு: 599 பேர் பங்கேற்பு DIN DIN Monday, June 24, 2019 10:22 AM +0530

தூத்துக்குடி: தூத்துக்குடி மாவட்டத்தில் மேல்நிலைப் பள்ளிகளில் கணினி பயிற்றுநர் பணிக்கு நடைபெற்ற தேர்வில் 599 பேர் ஞாயிற்றுக்கிழமை பங்கேற்றனர். 
தமிழகம் முழுவதும் உள்ள மேல்நிலைப் பள்ளிகளில் கணினி பயற்றுநர் பணிக்கான தேர்வு இணையதளம் மூலம் நடைபெற்றது. தூத்துக்குடி மாவட்டத்தில் இத்தேர்வுக்காக மூன்று மையங்கள் ஒதுக்கப்பட்டிருந்தன. ஆசிரியர் தேர்வு வாரியம் மூலம் நடத்தப்பட்ட இத்தேர்வினை மாவட்ட முதன்மை கல்வி அலுவலக அதிகாரிகள் கண்காணித்தனர்.
 தூத்துக்குடி மாவட்டத்தில் வல்லநாடு இன்பென்ட் ஜீசஸ் பொறியியல் கல்லூரி, நாசரேத் ஜெயராஜ் அன்னபாக்கியம் கல்லூரி மற்றும் வி.வி. பொறியியல் கல்லூரிகளில் நடைபெற்ற இத்தேர்வில் 599 பேர் கலந்து கொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/24/கணினி-பயிற்றுநர்-தேர்வு-599-பேர்-பங்கேற்பு-3178090.html
3178087 திருநெல்வேலி தூத்துக்குடி காயல்பட்டினம் மகளிர் கல்லூரியில் கருத்தரங்கு DIN DIN Monday, June 24, 2019 10:22 AM +0530
ஆறுமுகனேரி: காயல்பட்டினம் வாவு வஜீஹா வனிதையர் கலை அறிவியல் கல்லூரியில் விழிப்புணர்வு கருத்தரங்கு நடைபெற்றது.
கல்லூரி நாட்டு நலப்பணித் திட்டம், இளைஞர் செஞ்சிலுவை சங்கம் சார்பில் நடைபெற்ற இக்கருத்தரங்கிற்கு முதல்வர் ஆர்.சி. வாசுகி  தலைமை வகித்தார். கருத்தரங்கில், தூத்துக்குடி மாவட்ட சித்த மருத்துவ அலுவலர் இரா. ராஜசெல்வி, "மகளிர் நலனில் சித்த மருத்துவம்' எனும் தலைப்பில் சிறப்புரை ஆற்றினார்.  
மகளிர் நலம், பெண்கள் சந்திக்கும் பிரச்னைகள் எனும் தலைப்பில் ஸ்ரீவைகுண்டம் அரசு மருத்துவமனை மருத்துவர் மா. ரதிசெல்வம், "மங்கையர் மலர் மருத்துவம்' எனும் தலைப்பில் அரசு மருத்துவர் மு. முருகபொற்செல்வி, "மகளிர் நலனுக்கான உணவுகள்' எனும் தலைப்பில் அரசு மருத்துவமனை மருத்துவர். ர. அபிநயா, "மகளிர் நோய்களும் சித்த மருத்துவ தீர்வுகளும்' எனும் தலைப்பில் அரசு மருத்துவமனை மருத்துவர் ஷெ. ஜன்னத் ஷெரிப் ஆகியோர் பேசினர்.
இளைஞர் செஞ்சிலுவை சங்க ஒருங்கிணைப்பாளர்  ஆ. ராஜலட்சுமி  வரவேற்றார். நாட்டு நலப்பணித் திட்ட ஒருங்கிணைப்பாளர்  த. கோகிலா ஜெனிபர் நன்றி கூறினார்.
 

]]>
https://www.dinamani.com/all-editions/edition-thirunelveli/tuticorin/2019/jun/24/காயல்பட்டினம்-மகளிர்-கல்லூரியில்-கருத்தரங்கு-3178087.html
3178034 திருநெல்வேலி தூத்துக்குடி குடிநீர் பிரச்னையை தீர்க்க அரசு தயாராக இல்லை: கனிமொழி எம்.பி. குற்றச்சாட்டு DIN DIN Monday, June 24, 2019 10:10 AM +0530
விளாத்திகுளம்: குடிநீருக்காக மக்கள் படும் கஷ்டப்படுவதை அறிந்தும், குடிநீர் பிரச்னையை தீர்க்க அதிமுக அரசு தயாராக இல்லை என கனிமொழி எம்.பி. குற்றஞ்சாட்டினார்.
குடிநீர் தட்டுப்பாட்டை தீர்க்க வலியுறுத்தி விளாத்திகுளத்தில் திமுக சார்பில் ஞாயிற்றுகிழமை ஆர்ப்பாட்டத்தில், கனிமொழி எம்.பி. பேசியது: குடிநீர் பிரச்னையை திமுக அரசியலாக்குகிறது என ஆளும் கட்சியினர் கூறுகின்றனர். தமிழகத்தில் திரும்பிய திசையெங்கும் குடிநீர் பிரச்னை உள்ளது. ஆனால், முதல்வரும், அமைச்சர்களும் தமிழகத்தில் குடிநீர் பிரச்னையே  இல்லை எனக் கூறுகின்றனர்.  
குடிநீருக்காக மக்கள் நீண்ட வரிசையில் குடங்களுடன் நிற்பது  ஆட்சியாளர்களுக்கு தெரியவில்லையென்றால், அதனை அரசுக்கு உணர்த்தவே போராட்டத்தை முன்னெடுக்க வேண்டிய அவசியம் ஏற்பட்டுள்ளது. 20 லட்சம் லிட்டர் குடிநீர் தருவதற்கு கேரள அரசு முன்வந்தது. ஆனால், தமிழக அரசு அதை ஏற்கவில்லை. 
கேரள மாநிலத்தை ஆளுவது கம்யூனிஸ்ட் கட்சி என்பதால் மத்திய அரசின் கோபத்துக்கு ஆளாக நேரிடும் எனக் கருதி தண்ணீர் வேண்டாம் என தமிழக அரசு தெரிவித்திருக்கலாம். மத்தியில் ஆளும் அரசுக்கு அஞ்சும் தமிழக அரசு மக்களின் குடிநீர் பிரச்னையை தீர்க்க தயாராக இல்லை.  கடந்த 8 ஆண்டுகளாக அதிமுக தமிழகத்தை ஆண்டு வருகிறது. திமுக ஆட்சியில் கொண்டு வந்த திட்டங்கள் அனைத்தையும் அதிமுக அரசு தொடர்ந்து செயல்படுத்தவில்லை. 
எந்தக் கிராமத்துக்கு சென்றாலும், அங்குள்ள மக்கள் தங்களது பகுதியிலுள்ள நீர் நிலைகளை மராமத்து செய்ய வேண்டும்;  நீர் வழித் தடங்களை தூர் வார வேண்டும் எனக் கோரிக்கை விடுக்கின்றனர். குடிநீர் பிரச்னையில் அரசு மெத்தனப்போக்கை கடைப்பிடித்தால் மிகப்பெரிய போராட்டத்தை திமுக நடத்தும் என்றார் அவர்.
 

]]>
https://www.dinamani.com/all-editions/edition-thirunelveli/tuticorin/2019/jun/24/குடிநீர்-பிரச்னையை-தீர்க்க-அரசு-தயாராக-இல்லை-கனிமொழி-எம்பி-குற்றச்சாட்டு-3178034.html
3178031 திருநெல்வேலி தூத்துக்குடி குடிநீர் பிரச்னையில் அரசியல் செய்கிறது திமுக: அமைச்சர் கடம்பூர் செ.ராஜு DIN DIN Monday, June 24, 2019 10:09 AM +0530
கோவில்பட்டி:  குடிநீர் பிரச்னையில் அரசுடன் இணைந்தோ அல்லது தனியாகவோ மக்களுக்குத் தேவையான பணிகளை செய்யாமல் அந்தப் பிரச்னையை வைத்து திமுக அரசியல் செய்வது கண்டனத்துக்குரியது என்றார் தமிழக செய்தி மற்றும் விளம்பரத் துறை அமைச்சர் கடம்பூர் செ.ராஜு.
தூத்துக்குடி மாவட்டம், கோவில்பட்டியில் ஞாயிற்றுக்கிழமை செய்தியாளர்களிடம் அவர் கூறியது:
சுனாமி, கஜா புயல் உள்ளிட்ட பேரிடர் நேரங்களில் தமிழக அரசு சிறப்பாக நிவாரணப் பணிகளை மேற்கொண்டு மக்களை இயல்பு நிலைக்கு கொண்டு வந்தது.
தமிழகத்தில் ஏற்பட்டுள்ள குடிநீர் பிரச்னையை சமாளிக்க, அனைத்து ஆக்கப்பூர்வமான பணிகளையும் அரசு செய்து வருகிறது. ஆனால் எதிர்க்கட்சித் தலைவர் ஸ்டாலின், குடிநீர் பிரச்னையில் அரசுடன் இணைந்தோ, தனியாகவோ மக்களுக்குத் தேவையான பணிகளை செய்யவில்லை. ஆர்ப்பாட்டங்கள், போராட்டங்கள் நடத்தி மக்களிடையே பீதியை உருவாக்குவதை வாடிக்கையாக கொண்டுள்ளனர். இது எந்த வகையிலும் மக்களுக்குப் பயன்பாடாக இருக்காது. ஆக்கப்பூர்வமான எதிர்க்கட்சியாக இருந்தால், மக்கள் பாதிக்கப்படுகின்ற விஷயங்களில் அரசியலை ஒதுக்கிவிட்டு, மக்களைக் காக்கின்ற பணியில் அரசுடன் ஒத்துழைக்க வேண்டும். மக்களின் பிரச்னைகளை வைத்து அரசியல் செய்வது சரியான தீர்வாக இருக்காது என்பது எங்களது கருத்து. குடிநீர் பிரச்னையை வைத்து அரசியல் செய்வது கண்டனத்துக்குரியது என்றார் அவர்.

]]>
https://www.dinamani.com/all-editions/edition-thirunelveli/tuticorin/2019/jun/24/குடிநீர்-பிரச்னையில்-அரசியல்-செய்கிறது-திமுக-அமைச்சர்-கடம்பூர்-செராஜு-3178031.html
3177136 திருநெல்வேலி தூத்துக்குடி மழை வேண்டி ஸ்ரீவைகுண்டம் கள்ளபிரான் கோயிலில் சிறப்பு யாகம் DIN DIN Sunday, June 23, 2019 01:04 AM +0530
அதிமுக சார்பில் ஸ்ரீவைகுண்டம் கள்ளபிரான் கோயிலில் மழை வேண்டி சிறப்பு யாகம் சனிக்கிழமை நடைபெற்றது.
முன்னாள் மாவட்டக் குழு உறுப்பினர் திருப்பாற்கடல், ஸ்ரீவைகுண்டம் நகரச் செயலர் காசிராஜன்,  கருங்குளம் ஒன்றியச் செயலர் செங்கான்,  மாவட்ட வழக்குரைஞர் பிரிவு துணைச்செயலர் கருப்பசாமி ஆகியோர் முன்னிலையில் யாக பூஜை நடைபெற்றது. இதில், முன்னாள் தொகுதி இணைச்செயலர் ராஜப்பாவெங்கடாச்சாரி, பொதுக்குழு உறுப்பினர் அய்யாத்துரை பாண்டியன்  உள்பட பலர் கலந்துகொண்டனர்.
கொங்கராயகுறிச்சியில்...
: கொங்கராயகுறிச்சி மஸ்ஜிதுர் ரஹ்மான் மர்க்கஸ் வளாகத்தில் மழை வேண்டிசிறப்புத் தொழுகை சனிக்கிழமை நடைபெற்றது.
தூத்துக்குடி மாவட்ட தமிழ்நாடு தவ்ஹீத் ஜமாஅத் கொங்கராயகுறிச்சி கிளை சார்பில் நடைபெற்ற சிறப்புத் தொழுகைக்கு மாவட்டச் செயலர் அஸார் தலைமை வகித்தார்.
இதில், கொங்கராயகுறிச்சி கிளைத்தலைவர் ருசிஇஸ்மாயில், கிளைச் செயலர் கலீல், பொருளாளர் மன்சூர் மற்றும் நிர்வாகிகள், உறுப்பினர்களுடன் பெண்களும் பலர் கலந்துகொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/மழை-வேண்டி-ஸ்ரீவைகுண்டம்-கள்ளபிரான்-கோயிலில்-சிறப்பு-யாகம்-3177136.html
3177135 திருநெல்வேலி தூத்துக்குடி ஜூன் 26 இல் தொழில் முனைவோர் விழிப்புணர்வு முகாம் DIN DIN Sunday, June 23, 2019 01:03 AM +0530
தூத்துக்குடி மாவட்டம், சாத்தான்குளத்தில் தொழில் முனைவோர் விழிப்புணர்வு முகாம் ஜூன் 26 ஆம் தேதி நடைபெறுகிறது.
 இதுகுறித்து தூத்துக்குடி குறு, சிறு மற்றும் நடுத்தர தொழில்கள் சங்க (துடிசியா) செயலர் ராஜ் செல்வின் வெளியிட்ட அறிக்கை: 
சென்னையில் உள்ள தொழில்முனைவோர் மேம்பாடு மற்றும் புத்தாக்க நிறுவனமும், தொழில் மற்றும் வணிகத் துறையின் மாவட்ட தொழில் மையம் மற்றும் தூத்துக்குடி மாவட்ட குறு, சிறு மற்றும் நடுத்தர தொழில் சங்கமும் (துடிசியா) இணைந்து நடத்தும் தொழில் முனைவோருக்கான விழிப்புணர்வு முகாம் ஜூன் 26 ஆம் தேதி காலை 9.30 மணி முதல் மாலை 5 மணி வரை, சாத்தான்குளம் இட்டமொழி சாலையில் உள்ள அந்தோணி திருமண மண்டபத்தில் நடைபெறுகிறது.
 சுயமாக தொழில் தொடங்க விரும்பும் 18 வயதுக்கு மேற்பட்ட அனைவரும், பணியில் உள்ள தொழில் ஆர்வமுள்ள திறனாளிகள், தொழில் பயிற்சி பெற்ற ஆண், பெண் அனைவரும் முகாமில் கலந்து கொள்ளலாம்.
முகாமின்போது, சொந்தமாக தொழில் தொடங்குவதில் உள்ள நன்மைகள், தொழில் வாய்ப்புகள், தொழிலை தெரிவுசெய்வது எப்படி தொழில் துவங்கவிருக்கும் முனைவோர்க்கும் அரசு மற்றும் பிற நிறுவனங்கள் வழங்கும் உதவிகள் மற்றும் திட்டங்கள் ஆகியன பற்றி விளக்கம் அளிக்கப்படுகிறது.
மேலும், தூத்துக்குடி துடிசியா அலுவலகத்தில் தினமும் காலை 10 மணி முதல் மாலை 6 மணி வரை புதிய தொழில், சேவை, வியாபாரம் தொடங்க விருப்பம் உள்ளவர்களுக்கு இலவச ஆலோசனைகள் வழங்கப்படுகிறது. இதுதொடர்பான மேலும் விவரங்களுக்கு தூத்துக்குடி முத்தம்மாள் காலனியில் உள்ள துடிசியா அலுவலகத்தை நேரடியாகவோ, 
0461- 2347005 என்ற தொலைபேசி எண்ணிலும், 9840158943 என்ற செல்லிடப்பேசி எண்ணிலும் அணுகலாம் என அறிக்கையில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/23/ஜூன்-26-இல்-தொழில்-முனைவோர்-விழிப்புணர்வு-முகாம்-3177135.html
3177134 திருநெல்வேலி தூத்துக்குடி ஆறுமுகனேரியில் பூட்டிய வீட்டில்இறந்து கிடந்த சமையல்காரர் DIN DIN Sunday, June 23, 2019 01:03 AM +0530
ஆறுமுகனேரியில் பூட்டிய  வீட்டில் இறந்து கிடந்த சமையல்காரர் குறித்து போலீஸார் விசாரித்து வருகின்றனர்.
திருநெல்வேலி மாவட்டம்,  சேரன்மகாதேவி பழைய கிராமத்தைச் சேர்ந்தவர் சீனிவாசன் (58). சமையல் தொழிலிலாளி. இவருக்கு மனைவி பொன்னம்மாள், ஒரு மகன், ஒரு மகள் உள்ளனர்.  சீனிவாசன் மனநிலை பாதிக்கப்பட்டவர். இவர் ஆறுமுகனேரி எஸ்.ஆர்.எஸ். கார்டன் 3ஆவது தெருவில் உள்ள தனது அண்ணன் சங்கரன் வீட்டுக்கு  அடிக்கடி வருவது வழக்கம்.  
சங்கரன் கடந்த சில நாள்களுக்கு முன் வீட்டை பூட்டி சாவியை எதிர் வீட்டில் கொடுத்து விட்டு குடும்பத்துடன் பெங்களூரு சென்றுவிட்டார்.  இதை யறியாமல் கடந்த 19ஆம் தேதி ஆறுமுகனேரி வந்த சீனிவாசன், தனது அண்ணனை  தொடர்பு கொண்டு பேசி,  எதிர் வீட்டில் கொடுத்துள்ள சாவியை வாங்கி வீட்டை திறந்து தங்கியுள்ளார். இந்நிலையில் வெள்ளிக்கிழமை ஊருக்கு திரும்பி வந்த சங்கரன் கதவை தட்டிய போது சீனிவாசன் திறக்காததால் தன்னிடம் உள்ள மற்றொரு சாவியைக் கொண்டு வீட்டை திறந்தார்.  உள்ளே சென்று பார்த்த போது சீனிவாசன் இறந்து கிடந்தது தெரியவந்தது. 
இச்சம்வம் குறித்து பொன்னம்மாள் அளித்த புகாரின்பேரில் ஆறுமுகனேரி  போலீஸார் சம்பவ இடத்துக்கு வந்து சீனிவாசன் சடலத்தை  கைப்பற்றி பிரேத பரிசோதனைக்கு காயல்பட்டினம் அரசு மருத்துவமனைக்கு அனுப்பி வைத்தனர்.  இதுகுறித்து வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/ஆறுமுகனேரியில்-பூட்டிய-வீட்டில்இறந்து-கிடந்த-சமையல்காரர்-3177134.html
3177133 திருநெல்வேலி தூத்துக்குடி விஷம் குடித்து முதியவர் தற்கொலை DIN DIN Sunday, June 23, 2019 01:03 AM +0530 கோவில்பட்டி அருகே முதியவர் விஷம் குடித்து தற்கொலை செய்து கொண்டார். 
கோவில்பட்டியையடுத்த முடுக்கலாங்குளம் மேற்குத் தெருவைச் சேர்ந்த மூக்காண்டி மகன் திருமால் (87).  வயது முதிர்வு காரணமாக ஏற்பட்ட நோய் மற்றும் கழுத்து வலியால் சில நாள்களாக அவதிப்பட்டு வந்தாராம்.  இந்நிலையில் வெள்ளிக்கிழமை அவருக்கு கழுத்து வலி அதிகமாக ஏற்பட்டதாம். இதனால் விரக்தியடைந்த அவர் விஷம் குடித்தாராம். அவரை உறவினர்கள் மீட்டு கோவில்பட்டி அரசு மருத்துவமனையில் அனுமதித்தனர்.  ஆனால் அங்கு  அவர் இறந்தார். இதுகுறித்து கொப்பம்பட்டி போலீஸார் வழக்குப் பதிந்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/விஷம்-குடித்து-முதியவர்-தற்கொலை-3177133.html
3177132 திருநெல்வேலி தூத்துக்குடி சாத்தான்குளம் அருகே இரு இடங்களில் நகைகள் திருட்டு DIN DIN Sunday, June 23, 2019 01:03 AM +0530
சாத்தான்குளம் அருகே  இரு தொழிலாளி வீடுகளில் மர்ம நபர்கள் புகுந்து நகையை திருடிச் சென்றுள்ளனர். 
சாத்தான்குளம் அருகே பண்டாரபுரம் முத்துகிருஷ்ணாபுரத்தை சேர்ந்தவர் பால்வண்ணன் (52).  பனையேறும் தொழிலாளி.  இவரது மனைவி சுசீலா(45). கடந்த 13-9-2018 அன்று தலைக்கவசம் அணிந்து வந்த மர்ம நபர்கள் இருவர், வீட்டு பூட்டை  உடைத்து பீரோவில் வைத்திருந்த சங்கிலி, கம்மல் மற்றும் 3 பவுன் சங்கிலியை திருடிச் சென்றனர்.  தம்பதியினர் வெளியூரில் வசித்து வந்த நிலையில் 9 மாதங்களுக்கு பின் தற்போது சாத்தான்குளம் போலீஸில் புகார் அளித்தனர்.  புகாரின் பேரில் உதவி காவல் ஆய்வாளர்  சிலுவை அந்தோணி  வெள்ளிக்கிழமை  வழக்குப் பதிந்து, மர்ம நபர்களை தேடி  வருகின்றனர். இதுபோல் சாத்தான்குளம் அருகே தவசியாபுரத்தை சேர்ந்தவர் அருணாசலம்(31). அப்பகுதியில் கடை வைத்துள்ளார்.  இவரது மனைவி சொர்ணம் (26).   கடந்த 5-4-2019 அன்று சொர்ணம்  சாத்தான்குளம் செல்வதற்காக வீட்டுக் கதவை பூட்டிவிட்டு அதன் சாவியை கணவரிடம் கொடுத்து சென்றார்.  பின்னர் கணவர் வீடு திரும்பியபோது,  வீட்டில் வைத்திருந்த 1 பவுன் சங்கிலி ஜிமிக்கி, கம்மல் உள்ளிட்ட இரண்டரை பவுன் நகை மாயமாகி இருந்தது தெரியவந்தது.  இதன் மதிப்பு ரூ.65 ஆயிரம்.  புகாரின்பேரில் சாத்தான்குளம் காவல்  உதவி  ஆய்வாளர்  லாரன்ஸ்  வெள்ளிக்கிழமை  வழக்குப் பதிந்து மர்ம நபர்களை  தேடி வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/சாத்தான்குளம்-அருகே-இரு-இடங்களில்-நகைகள்-திருட்டு-3177132.html
3177131 திருநெல்வேலி தூத்துக்குடி தீப்பெட்டி ஆலையில் தீ விபத்து DIN DIN Sunday, June 23, 2019 01:03 AM +0530
கழுகுமலையையடுத்த கூலையத்தேவன்பட்டியில் உள்ள தீப்பெட்டி ஆலையில் திடீர் தீ விபத்து ஏற்பட்டதில் தீப்பெட்டி தயாரிக்கும் இயந்திரத்தின் ஒருபகுதி சேதமடைந்தது. 
கோவில்பட்டி தெப்பக்குளத் தெருவைச் சேர்ந்தவர் பொன்னுச்சாமி மகன் பொன்ராஜ்.  இவர் கழுகுமலையையடுத்த கூலையத்தேவன்பட்டியில் தீப்பெட்டி ஆலை நடத்தி வருகிறார். தீப்பெட்டி ஆலை சனிக்கிழமை வழக்கம்போல் செயல்பட்டுக் கொண்டிருந்தபோது, தீப்பெட்டி தயாரிக்கும் இயந்திரத்தின் ஒருபகுதியில் திடீர் தீ ஏற்பட்டது. தகவலறிந்தவுடன் கழுகுமலை தீயணைப்புப் படை வீரர்கள் சென்று தீயை அணைத்தனர். இருப்பினும், இயந்திரத்தின் ஒரு பகுதி தீயில் கருகி சேதமடைந்தது. இதுகுறித்து கழுகுமலை போலீஸார் வழக்குப் பதிந்து, தீ விபத்துக்கான காரணம் குறித்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/தீப்பெட்டி-ஆலையில்-தீ-விபத்து-3177131.html
3177130 திருநெல்வேலி தூத்துக்குடி சாத்தான்குளம் அருகேநாமக்கல் சிறுமி மாயம் DIN DIN Sunday, June 23, 2019 01:02 AM +0530
சாத்தான்குளம் அருகே மாயமான நாமக்கல் சிறுமி குறித்து போலீஸார் விசாரித்து வருகின்றனர். 
நாமக்கல் மாவட்டம்,  திருச்செங்கோடு அருகே உள்ள வையப்பமலையைச் சேர்ந்தவர் முருகேசன்.  கிணறு தோண்டும் தொழிலாளியான இவர்,  சாத்தான்குளம் அருகே உள்ள பன்னம்பாறை விலக்கில் குடிசை அமைத்து குடும்பத்துடன் தங்கி இருந்து  கிணறு தோண்டும் பணியில் ஈடுபட்டு வருகிறார்.  இவரது மகள் சுமதி (16) அவர்களுக்கு ஒத்தாசையாக இருந்து வந்தாராம்.   இந்நிலையில் கடந்த 18ஆம்தேதி இரவு குடும்பத்தினருடன் இருந்த சுமதி மறுநாள் காலை திடீரென மாயமாகி விட்டார்.  அவர் எங்கு சென்றார் என்பது தெரியவில்லை.  இதுகுறித்து சாத்தான்குளம் போலீஸில் முருகேசன் வெள்ளிக்கிழமை அளித்த புகாரின் பேரில்,  காவல் உதவி ஆய்வாளர் சிலுவை அந்தோணி வழக்குப் பதிந்து விசாரித்து வருகிறார்.
 

]]>
https://www.dinamani.com/all-editions/edition-thirunelveli/tuticorin/2019/jun/23/சாத்தான்குளம்-அருகேநாமக்கல்-சிறுமி-மாயம்-3177130.html
3177128 திருநெல்வேலி தூத்துக்குடி கழுகுமலையில் குடிநீர் உறிஞ்சிய மோட்டார் பறிமுதல்: பேரூராட்சி அலுவலகத்தில் முற்றுகை DIN DIN Sunday, June 23, 2019 01:02 AM +0530
கழுகுமலையில் குடிநீர் உறிஞ்சப் பயன்படுத்தப்பட்ட மோட்டாரை பேரூராட்சி அதிகாரிகள் பறிமுதல் செய்ததையடுத்து பொதுமக்கள் பேரூராட்சி அலுவலகத்தை சனிக்கிழமை முற்றுகையிட்டனர். 
கழுகுமலை பேரூராட்சிக்கு உள்பட்ட பகுதிகளில் சட்ட விரோதமாக மின்மோட்டாரை பயன்படுத்தி குடிநீர் உறிஞ்சப்படுவதால் ஒருசில பகுதி மக்களுக்கு குடிநீர் கிடைப்பதில் மிகுந்த சிரமம் ஏற்படுவதாக தொடர்ந்து புகார் வந்ததையடுத்து, பேரூராட்சி நிர்வாக அலுவலர்கள் தனசிங் (விளாத்திகுளம்), சுந்தரவேல் (எட்டயபுரம்), முருகன் (சாத்தான்குளம்), ரெங்கசாமி (நாசரேத்), உஷா (கழுகுமலை) ஆகியோர் தலைமையில், பேரூராட்சி ஊழியர்கள் சனிக்கிழமை சீவலப்பேரி குடிநீர் விநியோகம் செய்யப்பட்ட பகுதிகளான ஆறுமுகம் நகர், அண்ணா புதுத்தெரு ஆகிய பகுதிகளில் திடீர் ஆய்வில் ஈடுபட்டனர்.  அப்போது, சட்ட விரோதமாக குடிநீர் உறிஞ்சிய மோட்டாரை அதிகாரிகள் பறிமுதல் செய்தனர். இதையடுத்து, பறிமுதல் செய்யப்பட்ட மோட்டாரை உரியவர்களிடம் உடனடியாக வழங்க வலியுறுத்தி கழுகுமலை பேரூராட்சி அலுவலகத்தை முற்றுகையிட்டு கோரிக்கையை வலியுறுத்தி கோஷமிட்டனர். 
தகவலறிந்தவுடன் கழுகுமலை காவல் ஆய்வாளர் முத்துலட்சுமி, கழுகுமலை பேரூராட்சி நிர்வாக அலுவலர் உஷா ஆகியோர் பேச்சுவார்த்தை நடத்தினர். பேச்சுவார்த்தையில், சட்ட விரோதமாக பயன்படுத்தப்பட்ட மோட்டார் பறிமுதல் செய்யப்பட்டுள்ளது.  பறிமுதல் செய்யப்பட்ட மோட்டாரை உரியவர்களிடம் கொடுக்கக் கூடாது என அறிவுறுத்தினர்.  ஆனால் அதை ஏற்றுக் கொள்ளாத பொதுமக்கள் பறிமுதல் செய்யப்பட்ட மோட்டாரை வழங்க வலியுறுத்தி வந்தனர். 
இதையடுத்து, பறிமுதல் செய்யப்பட்ட மோட்டார் உரியவரிடம் வழங்குவது குறித்து மாவட்ட நிர்வாகத்திடம் அனுமதி பெற்ற பின்பு வழங்கப்படும் எனக் கூறியதையடுத்து, போராட்டக் குழுவினர் கலைந்து சென்றனர். இதனால் சுமார் ஒரு மணி நேரம் பரபரப்பு ஏற்பட்டது.
 

]]>
https://www.dinamani.com/all-editions/edition-thirunelveli/tuticorin/2019/jun/23/கழுகுமலையில்-குடிநீர்-உறிஞ்சிய-மோட்டார்-பறிமுதல்-பேரூராட்சி-அலுவலகத்தில்-முற்றுகை-3177128.html
3177127 திருநெல்வேலி தூத்துக்குடி பயிர் அறுவடை பரிசோதனை மேற்கொள்ளும் பணிக்கு விண்ணப்பிக்கலாம் DIN DIN Sunday, June 23, 2019 01:02 AM +0530
தூத்துக்குடி மாவட்டத்தில் பயிர் அறுவடை பரிசோதனை மேற்கொள்ளும் பணிக்கு விண்ணப்பிக்கலாம் என அறிவிக்கப்பட்டுள்ளது.
 இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு:  தூத்துக்குடி மாவட்டத்தில் செயல்படுத்தப்படும் பிரதம மந்திரி பயிர்காப்பீட்டுத் திட்டத்தின் கீழ் பயிர் அறுவடை பரிசோதனைகளை மேற்கொள்ள தகுதிவாய்ந்த  பணியாளர்களை தற்காலிக ஒப்பந்த  அடிப்படையில் பணித்தேர்வு முகமை மூலம் நிரப்ப திட்டமிடப்பட்டுள்ளது.  தேர்ந்தெடுக்கப்படும் பணித்தேர்வு முகமையானது பணியாளர்களை ஒப்பந்த அடிப்படையில் வழங்குவதில் குறைந்த பட்சம் 3 ஆண்டுகள் அனுபவம் பெற்றிருக்க வேண்டும்.   ஒப்பந்த அடிப்படையில் பணிபுரிய உள்ள பணியாளர்கள் பயிர் அறுவடை பரிசோதனை தளைகளின் தேர்வுப்பணி,  அறுவடைப்பணி மற்றும் அதைச்சார்ந்த பணிகளை மேற்கொள்ள இளநிலை பட்டப்படிப்பு அல்லது வேளாண்மை சார்ந்த  பட்டயப்படிப்புடன் கணினி இயக்கும் திறன் பெற்றிருக்க வேண்டும்.
 மேலும்,  வேளாண்மைத்துறை மற்றும் புள்ளியியல் துறையில் பணிபுரிந்த இந்தப் பணியை மேற்கொள்ள ஆர்வமுள்ள ஓய்வுபெற்ற அலுவலர்களும் தேர்வு செய்யப்படுவர். 
இந்தப் பணியிடங்கள் அனைத்தும் தொகுப்பூதிய அடிப்படையில் பணியமர்த்தப்பட உள்ளது.  தேர்ந்தெடுக்கப்படும் பணியாளர்களுக்கு மாதாந்திர தொகுப்பூதியமாக ரூ. 10  ஆயிரம் பணித்தேர்வு முகமை மூலம் வழங்கப்படும்.
 எனவே, இந்தப் பணியினை  மேற்கொள்ள தகுதிவாய்ந்த பதிவுத்துறைகளின் மூலம் பதிவு செய்து, செயல்பட்டு வரும் பணி நியமன முகமைகள் பணியாளர்களை தேர்வு செய்து வழங்க தங்களது முகமையின் அடிப்படை விவரங்கள், அனுபவம் மற்றும் ஒப்பந்த பணியாளர்களை  வழங்க சேவைக்கட்டணம் ஆகியவற்றை வரும் ஜூன் 28 ஆம் தேதி மாலை 5 மணிக்குள் வேளாண்மை இணை இயக்குநர், மாவட்ட ஆட்சியர் அலுவலக வளாகம், தூத்துக்குடி என்ற முகவரிக்கு விண்ணப்பிக்கலாம். மேலும் தேர்வு  செய்யப்படும் முகமை உடனடியாக ஒப்பந்தப் பணியாள்களை தேர்வு செய்து வழங்க வேண்டும்.  இதுதொடர்பான மேலும் விவரங்களுக்கு 0461-2340678 என்ற தொலைபேசி எண்ணை தொடர்பு கொள்ளலாம் என செய்திக் குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/23/பயிர்-அறுவடை-பரிசோதனை-மேற்கொள்ளும்-பணிக்கு-விண்ணப்பிக்கலாம்-3177127.html
3177126 திருநெல்வேலி தூத்துக்குடி கோவில்பட்டி கோயிலில் மழை வேண்டி யாகம் DIN DIN Sunday, June 23, 2019 01:02 AM +0530
தூத்துக்குடி வடக்கு மாவட்ட அதிமுக சார்பில்,  மழை வேண்டி கோவில்பட்டி செண்பகவல்லி அம்மன் கோயிலில்  சனிக்கிழமை சிறப்பு யாக பூஜை நடைபெற்றது. 
இதையொட்டி, கோயில் நடை அதிகாலை 5 மணிக்கு திறக்கப்பட்டு, தொடர்ந்து திருவனந்தல் மற்றும் திருப்பள்ளி எழுச்சி பூஜை நடைபெற்றது. காலை 10.30 மணிக்கு யாக பூஜை தொடங்கியது. அதைத் தொடர்ந்து, வர்ண ஜெபம், மழை பதிகம் பாடுதல் நடைபெற்றது. 
யாக பூஜை நிறைவு பெற்ற பின்னர், மண்டபத்திலிருந்து தீர்த்த குடங்கள் எடுத்துச் செல்லப்பட்டு, கோயில் பிரகாரத்தை சுற்றி வலம் வந்து, பின்னர் பூவனநாத சுவாமி மற்றும் நந்தியம்பெருமாளுக்கு சிறப்பு அபிஷேகம் மற்றும் அலங்கார தீபாராதனை நடைபெற்றது.  தொடர்ந்து, நந்தியம்பெருமாளுக்கு காப்பு கட்டுதல் நிகழ்ச்சி நடைபெற்றது.  இதில், தமிழக செய்தி மற்றும் விளம்பரத் துறை அமைச்சர் கடம்பூர் செ.ராஜு, மாவட்டத் துணைச் செயலர் தங்கமாரியம்மாள் தமிழ்செல்வன், மாவட்ட விவசாய அணி துணைச் செயலர் ராமசந்திரன், ஒன்றியச் செயலர்கள் வினோபாஜி (கயத்தாறு), அய்யாத்துரைப்பாண்டியன் (கோவில்பட்டி), பொதுக்கூட்டுறவு பண்டகசாலை துணைத் தலைவர் செண்பகமூர்த்தி, நகரச் செயலர் விஜயபாண்டியன் உள்பட அதிமுக நிர்வாகிகள் திரளானோர் கலந்து கொண்டனர்.  தொடர்ந்து நடைபெற்ற அன்னதானத்தை அமைச்சர் கடம்பூர் செ.ராஜு தொடங்கிவைத்தார்.
 

]]>
https://www.dinamani.com/all-editions/edition-thirunelveli/tuticorin/2019/jun/23/கோவில்பட்டி-கோயிலில்-மழை-வேண்டி-யாகம்-3177126.html
3177125 திருநெல்வேலி தூத்துக்குடி கிராம குடிநீர்த் திட்டங்கள் விரைவில் செயல்பாட்டுக்கு வரும்:  அமைச்சர் கடம்பூர் செ.ராஜு DIN DIN Sunday, June 23, 2019 01:02 AM +0530
தூத்துக்குடி மாவட்டத்தில் கிராம குடிநீர்த் திட்டங்கள் விரைவில் செயல்பாட்டுக்கு வரும் என்றார் அமைச்சர் கடம்பூர் செ.ராஜு. 
 கோவில்பட்டியில்  அவர்  செய்தியாளர்களுக்கு அளித்த பேட்டி:  தூத்துக்குடி மாவட்டத்தில் கோவில்பட்டி, விளாத்திகுளம், ஓட்டப்பிடாரம் சட்டப்பேரவைத் தொகுதிக்கு உள்பட்ட 5  ஊராட்சி ஒன்றியங்களை சார்ந்த 248 கிராம மக்களுக்கு கிராமக் கூட்டுக் குடிநீர் திட்டத்தில் ரூ.106 கோடி ஒதுக்கீடு செய்து, அதற்கான பணி 95 சதவீதம் முடிவடைந்துவிட்டது. விரைவில் பணிகள் முடிவடையும். அதையடுத்து,  தமிழக முதல்வர்  வந்து அந்தத் திட்டத்தை மக்களுக்கு அர்ப்பணிக்க உள்ளார். 
அதுபோல, தூத்துக்குடி மாவட்டத்தின் தென்பகுதியைச் சேர்ந்த கிராமங்கள் பயன்பெறும் வகையில் 90  கிராமக் குடிநீர் திட்டம், 30 கிராம குடிநீர் திட்டமும் நிறைவுபெறும் நிலையில் உள்ளது. கோரம்பள்ளத்தை தூர்வாரி ரூ.8 கோடியில் 8  கிராம மக்கள் பயன்பெறும் வகையில் குடிநீர் திட்டம் விரைவில்  தொடங்கப்படும்.  
எந்தச் சங்கமாக இருந்தாலும், அமைப்பாக இருந்தாலும் சுமுகமான முறையில் தேர்தல் நடத்துவது நல்லது. பிரச்னை இல்லாமல் செயல்பட்டால் அரசு தலையிடாது. நடிகர் சங்கத்தில் அரசோ, தனது துறையோ தலையிடாது என்றார் அவர். 
பின்னர், சமத்துவ மக்கள் கட்சியின் கயத்தாறு ஒன்றியச் செயலர் அய்யாத்துரைப்பாண்டியன் தலைமையில் சுமார் 20-க்கும் மேற்பட்டோர் அமைச்சர் முன்னிலையில் அதிமுகவில் இணைந்தனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/கிராம-குடிநீர்த்-திட்டங்கள்-விரைவில்-செயல்பாட்டுக்கு-வரும்--அமைச்சர்-கடம்பூர்-செராஜு-3177125.html
3177124 திருநெல்வேலி தூத்துக்குடி சுற்றுச்சூழல் விழிப்புணர்வுப் பேரணி DIN DIN Sunday, June 23, 2019 01:01 AM +0530 தூத்துக்குடி ரங்கநாதபுரம் சி.எம்.மேனிலைப் பள்ளியில் தேசிய பசுமைப்படை அமைப்பு சார்பில், உலக சுற்றுச்சூழல் தின விழா அண்மையில் கொண்டாடப்பட்டது.  
விழாவின்போது, விழிப்புணர்வுப் பேரணியை பள்ளியின் உதவி தலைமையாசிரியை சங்கரேஸ்வரி கொடியசைத்து தொடங்கிவைத்தார். தொடர்ந்து, கிருஷ்ணவேணி ராமநாதன், பொறுப்பாசிரியை பா. வசந்தராணி ஆகியோர் சுற்றுச்சூழல் விழிப்புணர்வு குறித்து பேசினர்.  மேலும்,  காற்று மாசுபாடு குறித்த விழிப்புணர்வு மாரத்தான் நடத்தப்பட்டது.  சுற்றுச்சூழல் குறித்த விழிப்புணர்வை ஏற்படுத்தும் வகையில் மாணவர்களிடையே போட்டிகள் நடத்தப்பட்டு பரிசுகள் வழங்கப்பட்டன.
 

]]>
https://www.dinamani.com/all-editions/edition-thirunelveli/tuticorin/2019/jun/23/சுற்றுச்சூழல்-விழிப்புணர்வுப்-பேரணி-3177124.html
3177122 திருநெல்வேலி தூத்துக்குடி சாத்தான்குளம் சார்நிலை கருவூலத்தில்ஜூன் 30-க்குள் ஓய்வூதியர்கள் ஆஜராக அறிவுறுத்தல் DIN DIN Sunday, June 23, 2019 01:01 AM +0530
சாத்தான்குளத்தில் ஓய்வூதியம் பெறுவோர்  இம்மாதம் 30ஆம் தேதிக்குள் நேர்காணலுக்கு நேரிலோ, பிரதிநிதி மூலமாகவோ கலந்துகொள்ள வேண்டும் என சார்நிலை கருவூல அதிகாரி தெரிவித்துள்ளார்.
இதுகுறித்து சாத்தான்குளம் உதவி கருவூல அலுவலர் வைகுண்டபெருமாள், கூடுதல் சார்நிலைக் கருவூல அலுவலர்  பால் ஜெயசண்முக ராஜா ஆகியோர் வெளியிட்ட செய்திக்குறிப்பு: சாத்தான்குளம் சார்நிலைக் கருவூலம் மூலம் ஓய்வூதியம் பெற்றுவரும் ஓய்வூதியதாரர்கள், தங்களின்  ஓய்வூதிய புத்தகம், வங்கிக் கணக்கு புத்தக நகல் மற்றும் ஆதார் அட்டை நகல் ஆகியவற்றுடன் இம்மாதம் 30ஆம் தேதிக்குள் சார்நிலைக் கருவூலத்தில் நேர்காணலுக்கு ஆஜராகி அவர்களது பதிவை புதுப்பித்துக் கொள்ள வேண்டும். அவ்வாறு நேரில் வர இயலாதவர்கள் தங்கள் வாழ்நாள் சான்றினை அரசிதழில் பதிவுபெற்ற அலுவலரிடம் கையொப்பம் பெற்று, உரிய பிரதிநிதி மூலம் உடன் சமர்ப்பிக்க வேண்டும் என செய்திக்குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/23/சாத்தான்குளம்-சார்நிலை-கருவூலத்தில்ஜூன்-30-க்குள்-ஓய்வூதியர்கள்-ஆஜராக-அறிவுறுத்தல்-3177122.html
3177121 திருநெல்வேலி தூத்துக்குடி தூத்துக்குடியில் அதிமுக சிறப்பு யாகம் DIN DIN Sunday, June 23, 2019 01:01 AM +0530
மழை வேண்டி தூத்துக்குடியில் அதிமுக சார்பில் சனிக்கிழமை நடைபெற்ற சிறப்பு யாகத்தில் ஏராளமானோர் கலந்து கொண்டனர்.
தூத்துக்குடி தெற்கு மாவட்ட அதிமுக சார்பில் சிவன் கோயிலில் மழைவேண்டி சிறப்பு யாகம் நடைபெற்றது. இந்நிகழ்ச்சிக்கு, கட்சியின் தெற்கு மாவட்டச் செயலர் எஸ்.பி. சண்முகநாதன் எம்.எல்.ஏ. தலைமை வகித்தார். கோயில் தலைமை அர்ச்சகர் செல்வம் பட்டர் யாகத்தை நடத்தினார்.
இதில், அதிமுக நிர்வாகிகள் ஆறுமுகநயினார், எஸ்.டி. கருணாநிதி, பெருமாள்சாமி, அமிர்த கணேசன், பொன்ராஜ், பி.என். ராமகிருஷ்ணன், மனோஜ்குமார், குருத்தாய் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/தூத்துக்குடியில்-அதிமுக-சிறப்பு-யாகம்-3177121.html
3177120 திருநெல்வேலி தூத்துக்குடி சித்தவநாயக்கன்பட்டியில்கிராம சபை கூட்டம் DIN DIN Sunday, June 23, 2019 01:01 AM +0530
 மகாத்மா காந்தி தேசிய ஊரக வேலை உறுதி திட்ட ஆய்வு சிறப்பு கிராம சபை கூட்டம் விளாத்திகுளம் அருகே சித்தவநாயக்கன்பட்டி கிராமத்தில் நடைபெற்றது. 
சமூக தணிக்கை வட்டார வள அலுவலர் முத்து முருகன் தலைமை வகித்தார்.  மகாத்மா காந்தி தேசிய ஊரக வேலை உறுதி திட்ட உறுப்பினர் வேலபுஷ்பம்,  ஊராட்சி செயலர் மாடசாமி ஆகியோர் முன்னிலை வகித்தனர். 
கூட்டத்தில் மகாத்மா காந்தி தேசிய ஊரக வேலை உறுதி திட்டத்தில் 2018  - 2019 ஆம் நிதியாண்டில் நடைபெற்ற பணிகள் குறித்தும், பணி பதிவேடுகள், வேலைக்கான அட்டைகள், கள அளவீடு செய்தும் ஆய்வு நடத்தினர். தொடர்ந்து சமூக தணிக்கை அறிக்கை தயார் செய்து சிறப்பு கிராமசபை கூட்டத்தில் அறிக்கை குறித்து கலந்துரையாடல் நடத்தி ஒப்புதல் பெற்றனர்.  கூட்டத்தில்,  திட்ட ஒருங்கிணைப்பாளர் ஜான்சிராணி, பணித்தளப் பொறுப்பாளர் சந்திராதேவி மற்றும் மகாத்மா காந்தி தேசிய ஊரக வேலை உறுதி திட்ட தொழிலாளர்கள் உள்ளிட்ட பலர் கலந்து கொண்டனர். பணித்தளப் பொறுப்பாளர் லட்சுமி நன்றி கூறினார்.
 

]]>
https://www.dinamani.com/all-editions/edition-thirunelveli/tuticorin/2019/jun/23/சித்தவநாயக்கன்பட்டியில்கிராம-சபை-கூட்டம்-3177120.html
3177118 திருநெல்வேலி தூத்துக்குடி பரமன்குறிச்சியில் திமுக நிர்வாகிகள் கூட்டம் DIN DIN Sunday, June 23, 2019 01:01 AM +0530
பரமன்குறிச்சியில்  திமுக நிர்வாகிகள் ஆலோசனைக் கூட்டம் நடைபெற்றது.
ஊராட்சி  செயலர் க.இளங்கோ தலைமை வகித்தார். உடன்குடி ஒன்றியச் செயலர் பாலசிங்,  மாவட்ட நெசவாளர் அணி    அமைப்பாளர் மகாவிஷ்ணு, மாவட்டப் பிரதிநிதிகள் மதன்ராஜ், ராமச்சந்திரன் ஆகியோர் முன்னிலை வகித்தனர். சிறப்பு அழைப்பாளராக மாவட்ட திமுக பொருளாளர் வி.பி.ராமநாதன் பங்கேற்று பேசினார். 
மாவட்ட நெசவாளர் அணி துணை அமைப்பாளர் சீனிவாசன், பரமன்குறிச்சி தொடக்கக் கூட்டுறவு வங்கி துணைத் தலைவர் பூங்குமார், ஒன்றிய  அணி துணை அமைப்பாளர் செல்வகுமார் உள்பட பலர் கலந்துகொண்டனர்.
மக்களவைத் தேர்தலில் திமுகவுக்கு வாக்களித்த வாக்காளர்களுக்கு நன்றி தெரிவிப்பது, தமிழகம் முழுவதும் திமுகவுக்கு வெற்றியைத் தேடித் தந்த திமுக தலைவர் ஸ்டாலினுக்கு நன்றி தெரிவிப்பது, பரமன்குறிச்சி பிரதான கடைவீதியில் உயர் கோபுர மின்விளக்கு அமைத்துக் கொடுத்த கனிமொழி எம்.பி. , எம்எல்ஏ  அனிதா ஆர்.ராதாகிருஷ்ணன் ஆகியோருக்கு நன்றி தெரிவிப்பது,  ஊராட்சியின் அனைத்து வார்டுகளிலும் அடிப்படை வசதிகளை செய்து கொடுக்காத ஊராட்சி நிர்வாகத்தைக் கண்டித்து ஜூலை 5 ஆம் தேதி ஆர்ப்பாட்டம் நடத்துவது என்பன உள்ளிட்ட  தீர்மானங்கள் நிறைவேற்றப்பட்டன. 
பரமன்குறிச்சி ஊராட்சி திமுக துணைச் செயலர் குமார் நன்றி கூறினார்.
 

]]>
https://www.dinamani.com/all-editions/edition-thirunelveli/tuticorin/2019/jun/23/பரமன்குறிச்சியில்-திமுக-நிர்வாகிகள்-கூட்டம்-3177118.html
3177117 திருநெல்வேலி தூத்துக்குடி திருச்செந்தூரில் மழை வேண்டி சிறப்பு யாகம் DIN DIN Sunday, June 23, 2019 01:00 AM +0530
திருச்செந்தூர் அருள்மிகு சுப்பிரமணிய சுவாமி திருக்கோயில் வளாகத்தில் மழை பெய்ய வேண்டி அதிமுக சார்பில்  சிறப்பு யாகம் நடைபெற்றது. 
இக்கோயில் வளாகத்தில் உள்ள திருவாவடுதுறை சஷ்டி மண்டபத்தில் அதிமுக சார்பில் மழை வேண்டி சிறப்பு யாகம், வருணஜெபம் நடைபெற்றது. யாகத்தை,  மணி வாத்தியார் தலைமையிலான வேதவிற்பன்னர்கள்  நடத்தினர். 
இதில், மழை வேண்டி சிறப்பு கும்பங்கள் வைக்கப்பட்டு ஆவாகனம் செய்யப்பட்டது. இந்த கும்பத்துக்கு சிறப்பு பூஜை நடைபெற்றது. தொடர்ந்து யாக வேள்வியும்,  பூர்ணாஹுதி தீபாராதனையும்  நடைபெற்றது.  பின்னர் பூஜை செய்யப்பட்ட கும்பங்கள் கடலுக்கு எடுத்து செல்லப்பட்டு புனித நீர் ஊற்றப்பட்டது. 
நிகழ்ச்சியில்,  அதிமுக ஒன்றியச் செயலர் மு.ராமச்சந்திரன், நகரச் செயலர் வி.எம்.மகேந்திரன், முன்னாள் கோயில் தக்கார் ப.தா.கோட்டை மணிகண்டன், முன்னாள் பேரூராட்சித்தலைவர் மு.சுரேஷ்பாபு,  காயல்பட்டினம் நகர துணைச் செயலர் பூந்தோட்டம் மனோகரன்,   முன்னாள் மாவட்ட திட்டக்குழு உறுப்பினர் மு.வடிவேல், திருச்செந்தூர் காந்தி தினசரி காய்கறி சந்தை சங்கத்தலைவர் மு.திருப்பதி,   முன்னாள் பேரூராட்சி உறுப்பினர் லட்சுமணன் உள்பட பலர் கலந்துகொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/திருச்செந்தூரில்-மழை-வேண்டி-சிறப்பு-யாகம்-3177117.html
3177116 திருநெல்வேலி தூத்துக்குடி பிளாஸ்டிக் பொருள்களை பயன்படுத்தினால்அபராதம் விதிக்க ஊராட்சி நிர்வாகத்துக்கு அதிகாரம் DIN DIN Sunday, June 23, 2019 01:00 AM +0530
தூத்துக்குடி மாவட்டத்தில் சனிக்கிழமை நடைபெற்ற சிறப்பு கிராம சபை கூட்டத்தின்போது தடை செய்யப்பட்ட பிளாஸ்டிக் பொருள்களை பயன்படுத்தினால் அபராதம் விதிக்க ஊராட்சி நிர்வாகத்துக்கு அதிகாரம் அளித்து ஒப்புதல் பெறப்பட்டது.
தடை செய்யப்பட்ட பிளாஸ்டிக் பொருள்கள் பயன்படுத்துதலை தவிர்க்க அபராதம் மற்றும் பொருள் கைப்பற்றுகை குறித்தும்,  வரும் பருவமழை காலத்தில் மழை நீரை சேகரிக்கும் வண்ணம் நீர் பாதுகாப்புப் பணிகளை மேற்கொள்ளும் வகையிலும்,  மாவட்டத்துக்குள்பட்ட 403 ஊராட்சிகளிலும் சனிக்கிழமை சிறப்பு கிராம சபை கூட்டம் நடைபெற்றது. 12 ஊராட்சி ஒன்றியங்களுக்கும் நியமனம் செய்யப்பட்டுள்ள உதவி இயக்குநர் நிலையிலான தொகுதி அலுவலர்கள் மேற்பார்வையில் அனைத்து வட்டார வளர்ச்சி அலுவலர்கள்,  ஊராட்சி ஒன்றிய பற்றாளர்கள்,  ஊராட்சி செயலர்கள் மற்றும் பொதுமக்கள் முன்னிலையில் நடைபெற்ற சிறப்பு கிராமசபை கூட்டத்தின்போது,  நீர் பாதுகாப்புப் பணிகளை பொதுமக்களின் உடலுழைப்பு  மூலம் மேற்கொள்ளவும் முடிவு செய்யப்பட்டது. 
 மழை நீரை சேமிக்கும் வகையில்,  உடலுழைப்பின் மூலமாக குளங்கள் மற்றும் ஊருணிகளை ஆழப்படுத்தவும், வரத்துக் கால்வாய்களை சுத்தம் செய்யவும், கரையை பலப்படுத்தும் பணியை மேற்கொள்ளவும் பொதுமக்கள் அல்லது பொது அமைப்புகள் விருப்பத்துடன் மாவட்ட ஆட்சியருக்கு அளித்த விண்ணப்பங்கள் பெற்று கொள்ளப்பட்டு பரிசீலிக்கப்பட்டது.
மேலும், தடை செய்யப்பட்ட பிளாஸ்டிக் பொருள்கள் பயன்படுத்துதலை தவிர்க்க அபராதம் மற்றும் பொருள் கைப்பற்றுகை குறித்த அரசு அறிவிக்கை பொதுமக்களுக்கு தெரிவிக்கப்பட்டது.   
தடை உத்தரவை மீறி செயல்படுபவர்கள் மீது  அபராதம் விதிக்க தேவையான நடவடிக்கை மேற்கொள்ள ஊராட்சி நிர்வாகத்திற்கு அதிகாரம் அளிக்கும் துணை விதி ஒப்புதல் பெறப்பட்டது.
 

]]>
https://www.dinamani.com/all-editions/edition-thirunelveli/tuticorin/2019/jun/23/பிளாஸ்டிக்-பொருள்களை-பயன்படுத்தினால்அபராதம்-விதிக்க-ஊராட்சி-நிர்வாகத்துக்கு-அதிகாரம்-3177116.html
3177115 திருநெல்வேலி தூத்துக்குடி தமிழ்நாடு வியாபாரிகள்சங்கப் பேரவை கூட்டம் DIN DIN Sunday, June 23, 2019 01:00 AM +0530
தமிழ்நாடு வியாபாரிகள் சங்கப் பேரவை ஆலோசனைக் கூட்டம் திருச்செந்தூரில் நடைபெற்றது.
இப்பேரவை சார்பில் திருச்செந்தூரில் பனைத்தொழில் மற்றும் பயிர்தொழில் பாதுகாப்பு மாநாடு நடத்துவது குறித்து ஆலோசிக்கும் வகையில் நடைபெற்ற இக்கூட்டத்துக்கு, மாநிலத் தலைவர் முத்துக்குமார் தலைமை வகித்தார். தூத்துக்குடி தெற்கு மாவட்டத் தலைவர் ஸ்டாலின் முன்னிலை வகித்தார். 
மாநில பொதுச் செயலர் திருப்பூர் வரதராஜன் வரவேற்றார்.
பனைத் தொழிலையும், பனை மரங்களையும் காக்க நடவடிக்கை எடுக்க வேண்டும். பனைத் தொழில் இல்லாத காலங்களில் பனைத் தொழிலாளர்களுக்கு அரசு உதவித்தொகை வழங்க வேண்டும்.  
தாமிரவருணி தண்ணீரை தனியார் நிறுவனங்களுக்கு கொடுப்பதை நிறுத்தி, விவசாயிகளுக்கு தட்டுப்பாடில்லாமல் வழங்க நடவடிக்கை எடுக்க வேண்டும். நெல் விவசாயிகளுக்கு விவசாய இடுபொருள்களை அரசு இலவசமாக வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில், மாநில இளைஞரணிச் செயலர் அசோக்குமார், பனைத் தொழில் ஆர்வலர் பால்பாண்டியன், திருநெல்வேலி மாவட்டத் தலைவர் பொன்பெருமாள், திருச்சி மாவட்டத் தலைவர் ரவி உள்ளிட்டோர் கலந்துகொண்டனர். மாநில பொருளாளர் பொன்னுசாமி நன்றி கூறினார்.
 

]]>
https://www.dinamani.com/all-editions/edition-thirunelveli/tuticorin/2019/jun/23/தமிழ்நாடு-வியாபாரிகள்சங்கப்-பேரவை-கூட்டம்-3177115.html
3177114 திருநெல்வேலி தூத்துக்குடி விவசாயிகளுக்கு மானிய விலையில் வேளாண் கருவிகள் DIN DIN Sunday, June 23, 2019 01:00 AM +0530
விவசாயிகளுக்கு மானிய விலையில் வேளாண் இடுபொருள்கள் மற்றும் கருவிகள் வழங்கப்படுகின்றன.  
இதுகுறித்து ஓட்டப்பிடாரம் வட்டார வேளாண்மை உதவி இயக்குநர் கு.சரவணன் வெளியிட்ட செய்திக்குறிப்பு: ஓட்டப்பிடாரம் வட்டத்தில் நிகழ் நிதியாண்டில் தேசிய உணவுப் பாதுகாப்புத் திட்டம் செயல்படுத்தப்பட உள்ளது.
இத்திட்டத்தின் மூலம் பயறு வகைப் பயிர்களான உளுந்து, பாசிப்பயறு சாகுபடி செய்யும் விவசாயிகளுக்கு நுண்ணூட்ட உரங்கள, ஜிப்ஸம், உயிர் உரங்கள், சுழல் கலப்பை, விசைத்தெளிப்பான் ஆகியவை 50 சதவீத மானியத்திலும், தண்ணீர் கடத்தும் குழாய்களுக்கு ரூ.15 ஆயிரம், தார்ப்பாய் ஒன்றுக்கு ரூ.1,500, வரப்பு பயிராக துவரை பயிரிடும் விவசாயிகளுக்கு ஒரு ஹெக்டேருக்கு ரூ.150, பயிர்ப் பாதுகாப்பு மருந்துகளுக்கு ஒரு ஹெக்டேருக்கு ரூ.500 மானியமாக வழங்கப்பட உள்ளது.
இதைப் பெற விரும்பும் விவசாயிகள், உரிய ஆவணங்களுடன் ஓட்டப்பிடாரம் வேளாண் விரிவாக்க மையத்தினை அணுகலாம் என செய்திக்குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-thirunelveli/tuticorin/2019/jun/23/விவசாயிகளுக்கு-மானிய-விலையில்-வேளாண்-கருவிகள்-3177114.html
3177113 திருநெல்வேலி தூத்துக்குடி தூத்துக்குடியில் ரத்த தான முகாம் DIN DIN Sunday, June 23, 2019 01:00 AM +0530
உலக ரத்த தான தினத்தை முன்னிட்டு,  தூத்துக்குடி மாவட்ட காவல்துறை  சார்பில், மாவட்ட காவல் அலுவலக வளாகத்தில் வெள்ளிக்கிழமை ரத்த தான முகாம் நடைபெற்றது. 
முகாமை மாவட்ட  காவல் கண்காணிப்பாளர் முரளி ரம்பா ரத்த தானம் வழங்கி தொடங்கி வைத்தார்.  தொடர்ந்து,  கூடுதல் காவல் கண்காணிப்பாளர் பொன்ராமு, தூத்துக்குடி நகர காவல் துணை கண்காணிப்பாளர் ஆர். பிரகாஷ், ஆயுதப்படை காவல் துணை கண்காணிப்பாளர் மாரியப்பன் மற்றும் காவலர்கள் என 500-க்கும் மேற்பட்டோர் ரத்த தானம் செய்தனர். தூத்துக்குடி, திருச்செந்தூர், கோவில்பட்டி அரசு மருத்துவமனைகளைச் சேர்ந்த ரத்த வங்கி மருத்துவர்கள் சாந்தி, சண்முகநாதன்,  தேவசேனா ஆகியோர் தலைமையிலான மருத்துவக் குழுவினர் காவல்துறையினருக்கு ரத்தப் பரிசோதனை செய்து ரத்தம் சேகரித்தனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/தூத்துக்குடியில்-ரத்த-தான-முகாம்-3177113.html
3177112 திருநெல்வேலி தூத்துக்குடி உடல் உறுப்புதான விழிப்புணர்வு முகாம் DIN DIN Sunday, June 23, 2019 12:59 AM +0530
தூத்துக்குடியில்  நடைபெற்ற உடல் உறுப்புதான விழிப்புணர்வு முகாமில் ஏராளமான மாணவர், மாணவிகள் கலந்து கொண்டனர்.
இந்திய தொழில்கள் கூட்டமைப்பு (சிஐஐ) மற்றும் இளையோர் இந்தியா (யங் இந்தியன்) அமைப்பு ஆகியவை சார்பில், உடல் உறுப்புதானம் குறித்த விழிப்புணர்வு முகாம் தூத்துக்குடி வஉசி கல்லூரியில் புதன்கிழமை நடைபெற்றது. நிகழ்ச்சிக்கு, இளையோர் இந்தியா அமைப்பு மதுரை பிரிவு தலைவர் சர்மிளா தேவி தலைமை வகித்தார்.  மதுரை மீனாட்சி மிஷன் மருத்துவமனை அறுவைச் சிகிச்சை நிபுணர் ஸ்ரீநிவாசன் ராமச்சந்திரன் உடல் உறுப்புதானம் குறித்து பேசினார். நிகழ்ச்சியில், இளையோர் இந்தியா அமைப்பு தூத்துக்குடி பிரிவு தலைவர் மதன தீபா, துணைத் தலைவர் தனுஷ் மதன் மற்றும் கல்லூரி மாணவர், மாணவிகள் கலந்து கொண்டனர்.

]]>
https://www.dinamani.com/all-editions/edition-thirunelveli/tuticorin/2019/jun/23/உடல்-உறுப்புதான-விழிப்புணர்வு-முகாம்-3177112.html
3177111 திருநெல்வேலி தூத்துக்குடி உடன்குடியில் பாஜக ஆர்ப்பாட்டம் DIN DIN Sunday, June 23, 2019 12:59 AM +0530
உடன்குடி கிராமப் பகுதிகளில் நிறுத்தப்பட்ட சிற்றுந்துகளை மீண்டும் இயக்கக் கோரி,  ஒன்றிய பாஜக சார்பில் உடன்குடியில் ஆர்ப்பாட்டம் நடைபெற்றது.
ஒன்றிய பாஜக தலைவர் திருநாகரன் தலைமை வகித்தார். நகரத் தலைவர் கா.ஜெயக்குமார், ஒன்றிய பொதுச்செயலர் அழகேசன், அமைப்பு செயலர் சிவந்திவேல், மாவட்ட விவசாய அணிச் செயலர் செந்தூர்பாண்டி, ஒன்றிய துணைத் தலைவர்கள் பசுபதி சிவசிங், சங்கரகுமார் ஐயன் ஆகியோர் முன்னிலை வகித்தனர். 
பாஜக மாவட்டச் செயலர் இரா.சிவமுருகன் ஆதித்தன்  கோரிக்கைகளை வலியுறுத்தி பேசினார்.   மாவட்ட இளைஞரணிச் செயலர் ஐயப்பன், ஒன்றிய விவசாய அணிச் செயலர் கருப்பசாமி, கேந்திர தலைவர் ராமச்சந்திரன், மாவட்ட இலக்கிய அணி செயலர் சின்னத்துரை, ஒன்றிய வர்த்தக அணி தலைவர் நாராயணன் உள்பட திரளானோர் கலந்துகொண்டனர்.

]]>
https://www.dinamani.com/all-editions/edition-thirunelveli/tuticorin/2019/jun/23/உடன்குடியில்-பாஜக-ஆர்ப்பாட்டம்-3177111.html
3177110 திருநெல்வேலி தூத்துக்குடி திருச்செந்தூரில் திமுக ஆர்ப்பாட்டம் DIN DIN Sunday, June 23, 2019 12:59 AM +0530
குடிநீர்த் தட்டுப்பாட்டை தீர்க்க முடியாத தமிழக அரசை கண்டித்து, தூத்துக்குடி தெற்கு மாவட்ட திமுக சார்பில் திருச்செந்தூரில் சனிக்கிழமை ஆர்ப்பாட்டம் நடைபெற்றது.
தெற்கு மாவட்ட பொறுப்பாளர் அனிதா ஆர்.ராதாகிருஷ்ணன் எம்.எல்.ஏ. தலைமை வகித்துப் பேசியது: 
குடிநீர்த் தட்டுப்பாட்டை தீர்ப்பதற்கு தமிழக அரசு எந்த நடவடிக்கையும் எடுக்கவில்லை. சென்னை உள்ளிட்ட நகரங்களில் குடிநீர்ப் பிரச்னையால், அங்கு குடியிருக்கும் மக்கள் சொந்த ஊர்களுக்கு திரும்பி வருகின்றனர்.  தமிழகத்தில் உள்ள குடிநீர் தேவை குறித்து அடுத்தக்கட்ட நடவடிக்கை பற்றி அரசு சிந்திவிக்கவில்லை என்றார்.
ஆர்ப்பாட்டத்துக்கு,  ஓட்டபிடாரம் எம்.எல்.ஏ. சண்முகையா,  முன்னாள் எம்.பி.  ஏ.டி.கே.ஜெயசீலன்,  மாநில மருத்துவரணி துணை அமைப்பாளர் செ.வெற்றிவேல்,  மாநில மாணவரணி துணை அமைப்பாளர் எஸ்.ஆர்.எஸ்.உமரிசங்கர் ஆகியோர் முன்னிலை வகித்தனர்.  
ஒன்றியச் செயலர்கள் திருச்செந்தூர் செங்குழி ரமேஷ்,  உடன்குடி பாலசிங், சாத்தான்குளம் ஜோசப், ஆழ்வை கிழக்கு நவீன்குமார், ஸ்ரீவைகுண்டம் கிழக்கு ரவி,  கருங்குளம் வடக்கு மகராஜன், கருங்குளம் தெற்கு நல்லமுத்து, தூத்துக்குடி மாடசாமி,  மாவட்ட மாணவரணி அமைப்பாளர் அருண்குமார், மகளிரணி அமைப்பாளர் ஜெஸிபொன்ராணி,  நகரச் செயலர்கள் வாள் சு டலை,  இளங்கோ, ஜான்பாஸ்கர், பெருமாள்,  கல்யாணசுந்தரம்,  ராமஜெயம், முத்து மற்றும் காலிக் குடங்களுடன் பெண்கள் பலரும் கலந்து கொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/23/திருச்செந்தூரில்-திமுக-ஆர்ப்பாட்டம்-3177110.html
3177109 திருநெல்வேலி தூத்துக்குடி கோவில்பட்டியில் திமுக பொதுக்கூட்டம் DIN DIN Sunday, June 23, 2019 12:59 AM +0530
கோவில்பட்டி மேற்கு ஒன்றிய திமுக சார்பில்  கருணாநிதியின்  96ஆவது பிறந்த நாள் விழா மற்றும் வாக்காளர்களுக்கு நன்றி அறிவிப்பு பொதுக்கூட்டம் நடைபெற்றது.
இக் கூட்டத்துக்கு  மேற்கு ஒன்றிய திமுக செயலர் பீக்கிலிபட்டி வீ.முருகேசன் தலைமை வகித்தார்.  பொதுக்குழு உறுப்பினர் ராதாகிருஷ்ணன், ஒன்றிய துணைச் செயலர் மேனகா, ஒன்றிய மாணவரணி துணை அமைப்பாளர் சுப்புராஜ், விவசாய அணி துணை அமைப்பாளர் தர்மராஜ், மாவட்ட ஆதிதிராவிடர் அணி துணை அமைப்பாளர் அந்தோணி ஆகியோர் முன்னிலை வகித்தனர்.  தூத்துக்குடி வடக்கு மாவட்ட திமுக பொறுப்பாளர் கீதாஜீவன் எம்.எல்.ஏ., கட்சியின் அமைப்புச் செயலர் ஆர்.எஸ்.பாரதி, பொதுக்குழு உறுப்பினர் ஜெகன் ஆகியோர் பேசினர். 
கூட்டத்தில், வடக்கு மாவட்ட துணைச் செயலர் ஏஞ்சலா, மாநில விவசாயத் தொழிலாளரணிச் செயலர் சுப்பிரமணியன், மாவட்ட விவசாய அணி அமைப்பாளர் ராமர், மகளிரணி அமைப்பாளர் விஜயலட்சுமி, வழக்குரைஞரணி அமைப்பாளர் ராமசந்திரன், மாவட்ட இலக்கிய அணித் தலைவர் சோழபெருமாள், நகரச் செயலர் கருணாநிதி, துணைச் செயலர் காளியப்பன் உள்ளிட்ட பலர் கலந்து கொண்டனர்.  மாவட்ட மாணவரணி துணை அமைப்பாளர் செல்வமணிகண்டன் வரவேற்றார். ஊராட்சி கழகச் செயலர் முனியசாமி நன்றி கூறினார்.

]]>
https://www.dinamani.com/all-editions/edition-thirunelveli/tuticorin/2019/jun/23/கோவில்பட்டியில்-திமுக-பொதுக்கூட்டம்-3177109.html
3176849 திருநெல்வேலி தூத்துக்குடி நடிகர் சங்க விவகாரத்தில் தலையிட வேண்டிய அவசியம் அரசுக்கு இல்லை: அமைச்சர் கடம்பூர் ராஜு DIN DIN Saturday, June 22, 2019 09:43 AM +0530 நடிகர் சங்க விவகாரத்தில் தலையிட வேண்டிய அவசியம் அரசுக்கு இல்லை என்றார் செய்தி மற்றும் விளம்பரத் துறை அமைச்சர் கடம்பூர் செ. ராஜு.
தூத்துக்குடியில் வெள்ளிக்கிழமை அவர் அளித்த பேட்டி:
தூத்துக்குடி மாநகராட்சி மக்கள் பயன்பெறும் வகையில், ரூ. 282 கோடியில் நான்காவது குடிநீர் குழாய் திட்டம் செயல்படுத்தப்பட்டுள்ளது. வறட்சி காரணமாக தற்போது குறைவாக தண்ணீர் விநியோகிக்கப்பட்டு வருகிறது. விரைவில் முழுமையாக தண்ணீர் வழங்கப்படும். இந்தப் பிரச்னையில் எதிர்க்கட்சிகள் பல்வேறு போராட்டங்களில் ஈடுபட்டு வருகின்றன. இதுபோன்ற நேரங்களில் ஒரு நல்ல எதிர்க்கட்சி தலைவரின் கடமை, அரசுக்கு நல்ல ஆலோசனை வழங்க வேண்டும். மக்களிடம் பீதியை ஏற்படுத்தக் கூடாது. குடிநீர் பிரச்னைகளுக்கு முக்கியத்துவம் அளிக்க வேண்டும் என்ற அடிப்படையில் அரசு விரைந்து செயல்பட்டு வருகிறது.
தமிழகத்தில் குடிமராமத்து பணிகள் மேற்கொள்ளப்பட்டதால் குளங்கள், கண்மாய்கள் தூர்வாரப்பட்டுள்ளன. மேலும், குடிமராமத்துப் பணிகளுக்கு ரூ. 500 கோடியை முதல்வர் ஒதுக்கீடு செய்துள்ளார். தூத்துக்குடி மாவட்டத்தில் உள்ள பெரிய நீர்நிலைகள் இந்தத் திட்டத்தில் தூர்வாரப்படும்.
தூத்துக்குடி ஆலந்தலையில் கடல்நீரை குடிநீராக்கும் திட்டத்தை அரசு கைவிடவில்லை. வைப்பாறு பகுதியில் கடல்நீரை குடிநீராக்கும் திட்டம் விரைவில் செயல்படுத்தப்பட உள்ளது. தென்னிந்திய நடிகர் சங்கம் என்பது ஒரு அமைப்பு. அதில் தலையிட வேண்டிய அவசியம் அரசுக்கும், அதிமுகவுக்கும் இல்லை. அதிமுகவுக்கும், நடிகர் சங்கத்துக்கும் எந்தவித சம்பந்தமும் இல்லை. இதையே நடிகர் சங்கத் தலைவர் நாசரும் கூறியுள்ளார் என்றார் அவர்.
தொடர்ந்து, தூத்துக்குடி மாநகராட்சி அலுவலகத்தில் நடைபெற்ற நீர் சேமிப்பு குறித்த விழிப்புணர்வு குறும்படம் வெளியிடும் நிகழ்ச்சியில் அமைச்சர் கடம்பூர் செ. ராஜு பங்கேற்று குறும்படத்தை வெளியிட்டார்.
 

]]>
https://www.dinamani.com/all-editions/edition-thirunelveli/tuticorin/2019/jun/22/நடிகர்-சங்க-விவகாரத்தில்-தலையிட-வேண்டிய-அவசியம்-அரசுக்கு-இல்லை-அமைச்சர்-கடம்பூர்-ராஜு-3176849.html
3176465 திருநெல்வேலி தூத்துக்குடி தூத்துக்குடி அம்மன் கோயில்களில் கும்பாபிஷேகம் DIN DIN Saturday, June 22, 2019 06:40 AM +0530 தூத்துக்குடியில் உள்ள பத்திரகாளியம்மன் மற்றும் காளியம்மன் கோயில்களில் கும்பாபிஷேக விழா வெள்ளிக்கிழமை நடைபெற்றது.
தூத்துக்குடி ஸ்டெர்லைட் காப்பர் ஆலை சார்பில், மடத்துப்பட்டி பத்திரகாளியம்மன் கோயில் கட்டுமானப் பணிகளுக்காக ரூ. 13 லட்சம் நிதியுதவி வழங்கப்பட்டது. திருப்பணிகள் முடிவடைந்த நிலையில், வெள்ளிக்கிழமை கும்பாபிஷேகம் நடைபெற்றது.
கோயில் கோபுர கலசத்தின் மேல் புனித நீர் ஊற்றப்பட்டு மகா கும்பாபிஷேகம் நடைபெற்றது. கும்பாபிஷேக நிகழ்ச்சியில்,  மடத்துப்பட்டி சமுதாய தலைவர்கள் துரைராஜ், கெங்கராஜ், கோயில் குழு பொருளாளர் ராமானுஜம், செயலர் சுந்தரம், ஸ்டெர்லைட் ஆலை அதிகாரிகள் திவாகரன், தனவேல், முரளி கிருஷ்ணன், ராதாகிருஷ்ணன், குமரவேந்தன், சர்வேசன் உள்பட பலர் கலந்துகொண்டனர்.
இதேபோல், தூத்துக்குடி பொன்னகரத்தில் அமைந்துள்ள வடக்கு காளியம்மன் கோயிலில் மண்டபம் மற்றும் சுற்றுச்சுவர் கட்டுமானப் பணிக்காக ரூ.9 லட்சத்தை ஸ்டெர்லைட் நிறுவனம் வழங்கியிருந்தது.
திருப்பணிகள் முடிவடைந்த நிலையில், வெள்ளிக்கிழமை நடைபெற்ற கும்பாபிஷேக நிகழ்ச்சியில், ஸ்டெர்லைட் ஆலை அதிகாரிகள் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-thirunelveli/tuticorin/2019/jun/22/தூத்துக்குடி-அம்மன்-கோயில்களில்-கும்பாபிஷேகம்-3176465.html
3176464 திருநெல்வேலி தூத்துக்குடி கிராம நிர்வாக அலுவலர்கள் ஆர்ப்பாட்டம் DIN DIN Saturday, June 22, 2019 06:40 AM +0530 ஆலங்குளம், திசையன்விளையில்  கிராம நிர்வாக அலுவலர்கள் வெள்ளிக்கிழமை ஆர்ப்பாட்டத்தில் ஈடுபட்டனர்.
ஓய்வுபெற்ற கிராம நிர்வாக அலுவலர்களை பணியில் அமர்த்தும் அரசு நடவடிக்கையை கண்டித்து ஆலங்குளம் வட்டாட்சியர் அலுவலகம் முன் தமிழ்நாடு கிராம நிர்வாக அலுவலர் சங்கம் சார்பில் நடைபெற்ற ஆர்ப்பாட்டத்துக்கு  அமைப்பின் மாவட்டத் தலைவர் முத்துச்செல்வன் தலைமை வகித்தார்.  ஆலங்குளம் வட்டக்கிளைத்  தலைவர் சுதர்சன், வட்டச் செயலர் சேர்மபாண்டியன் ஆகியோர் முன்னிலை வகித்தனர்.  ஓய்வுபெற்ற கிராம நிர்வாக அலுவலர்களை பணியில் அமர்த்துவது தொடர்பான அரசாணையை அரசு உடனடியாக  திரும்பப்பெற வேண்டும் என ஆர்ப்பாட்டத்தில் வலியுறுத்தப்பட்டன.  அமைப்பின் பொருளாளர் கார்த்திகை ராஜன் நன்றி கூறினார்.
திசையன்விளை: வட்டாட்சியர் அலுவலகம் முன் நடைபெற்ற  ஆர்ப்பாட்டத்துக்கு தமிழ்நாடு கிராம நிர்வாக அலுவலர்கள் சங்க மாவட்டச் செயலர் குமார் தலைமை வகித்தார்.   வட்டார செயலர் செல்வகுமார், வட்டார பொருளாளர் இசக்கியப்பன், கிராம நிர்வாக அலுவலர்கள்  முத்துமாரி, சத்யவாணி, செம்மலர், கற்பகம், மகாஅரிச்சந்திரன் உள்ளிட்ட பலர் கலந்துகொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/22/கிராம-நிர்வாக-அலுவலர்கள்-ஆர்ப்பாட்டம்-3176464.html
3176463 திருநெல்வேலி தூத்துக்குடி "வேலைவாய்ப்புடன் கூடிய திறன் எய்தும் இலவச பயிற்சியில் சேர விண்ணப்பிக்கலாம்' DIN DIN Saturday, June 22, 2019 06:39 AM +0530 தூத்துக்குடியில் நடைபெறும் வேலைவாய்ப்புடன் கூடிய திறன் எய்தும் இலவச பயிற்சியில் சேர விரும்புவோர் விண்ணப்பிக்கலாம் என அறிவிக்கப்பட்டுள்ளது.
இதுகுறித்து தூத்துக்குடி அரசு தொழிற்பயிற்சி நிலைய துணை இயக்குநர் பழனி வெளியிட்ட செய்திக் குறிப்பு: தமிழ்நாடு திறன் மேம்பாட்டுக் கழகத்தின் மூலம் வேலைவாய்ப்பற்ற இளைஞர்களுக்கு வேலைவாய்ப்புடன் கூடிய திறன் எய்தும் இலவச பயிற்சி, தூத்துக்குடி கோரம்பள்ளத்தில் உள்ள அரசினர் தொழிற்பயிற்சி நிலையத்தில் வழங்கப்படுகிறது. பயிற்சி காலம் 10 மாதங்கள்.
தற்போது, டர்னிங், ஆர்க் மற்றும் கேஸ் வெல்டிங் ஆகிய பிரிவுகளில் பயிற்சி நடத்தப்பட உள்ளது. பயிற்சியில் கலந்துகொள்வோருக்கு நாள் ஒன்றுக்கு ரூ.100 போக்குவரத்து கட்டணமாக வழங்கப்படும். பயிற்சி முடித்தவர்களுக்கு தமிழ்நாடு திறன் மேம்பாட்டுக் கழகத்தினரால் சான்றிதழ் வழங்கப்படும். 
8ஆம் வகுப்பு முடித்தவர்களும் அதற்கு மேல் படித்தவர்களும் பயிற்சியில் கலந்துகொள்ளலாம். 
இதற்கான விண்ணப்பங்கள் ஜூன் 28ஆம் தேதி வரை தூத்துக்குடி அரசு தொழிற் பயிற்சி நிலையத்தில் வழங்கப்படுகிறது. விண்ணப்பத்துடன் அசல் கல்வி ஆவணங்கள், மாற்றுச் சான்றிதழ், சாதிச் சான்றிதழ் அசல் மற்றும் நகல், 5 புகைப்படங்கள் மற்றும் ஆதார் அட்டை நகல்களுடன், தேசிய மயமாக்கப்பட்ட வங்கியில் சேமிப்பு கணக்கு தொடங்கி, வங்கி கணக்கு புத்தகத்தின் நகல்களுடன் தொழிற்பயிற்சி நிலைய முதல்வரை சந்திந்து அளிக்க வேண்டும்.
மேலும், விவரங்களுக்கு 0461 - 2340133 என்ற தொலைபேசி எண்ணில் தொடர்பு கொள்ளலாம் என செய்திக் குறிப்பில் தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/22/வேலைவாய்ப்புடன்-கூடிய-திறன்-எய்தும்-இலவச-பயிற்சியில்-சேர-விண்ணப்பிக்கலாம்-3176463.html
3176462 திருநெல்வேலி தூத்துக்குடி சாத்தான்குளத்தில் கிராம நிர்வாக அலுவலர்கள் ஆர்ப்பாட்டம் DIN DIN Saturday, June 22, 2019 06:39 AM +0530 ஓய்வு பெற்ற கிராம நிர்வாக அலுவலர்களை ஒப்பந்த அடிப்படையில் மீண்டும் பணியமர்த்தும் தமிழக அரசின் உத்தரவை கண்டித்து, கிராம நிர்வாக அலுவலர்கள் சங்கத்தினர் வெள்ளிக்கிழமை  ஆர்ப்பாட்டத்தில் ஈடுபட்டனர்.
சாத்தான்குளம் வட்டாட்சியர் அலுவலகம் முன் நடைபெற்ற இந்த ஆர்ப்பாட்டத்துக்கு, சங்க வட்ட துணைத் தலைவர் சண்முகவேல் தலைமை வகித்தார். செயலர் செந்தில் முருகன், துணைச் செயலர் கந்த வள்ளிக்குமார் ஆகியோர் முன்னிலை வகித்தனர். 
வருவாய்த் துறை அலுவலர் சங்க வட்டச் செயலர் சுவாமிநாதன், அரசு ஊழியர் சங்க வட்டச் செயலர் பொன் சேகர், அனைத்துத் துறை ஓய்வூதியர்கள் சங்க மாவட்ட இணைச் செயலர் ஜெயபால், கிராம  வருவாய் ஊழியர் சங்க வட்டச் செயலர் முத்துராமலிலிங்கம், சத்துணவு ஊழியர் சங்க வட்டச் செயலர் அந்தோணி தமிழ்ச்செல்வன் ஆகியோர் கோரிக்கைகளை வலிலியுறுத்தி பேசினர். ரவி சின்னத்துரை நன்றி கூறினார்.


திருச்செந்தூரில்...
திருச்செந்தூர் வட்டாட்சியர் அலுவலகம் முன் நடைபெற்ற ஆர்ப்பாட்டத்துக்கு, சங்க வட்டத் தலைவர் வைரமுத்து தலைமை வகித்தார். வட்டச் செயலர் சரவணக்குமார், வட்டப் பொருளாளர் வேல்ஜோதி, முன்னாள் மாவட்ட துணைச் செயலர் செல்வலிங்கம், மோகன், மணிகண்டன் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-thirunelveli/tuticorin/2019/jun/22/சாத்தான்குளத்தில்-கிராம-நிர்வாக-அலுவலர்கள்-ஆர்ப்பாட்டம்-3176462.html
3176461 திருநெல்வேலி தூத்துக்குடி தூத்துக்குடியில் உலக யோகா தினம் கொண்டாட்டம் DIN DIN Saturday, June 22, 2019 06:38 AM +0530 உலக யோகா தினத்தை முன்னிட்டு தூத்துக்குடியில் பல்வேறு இடங்களில் யோகாசன நிகழ்ச்சி நடைபெற்றது.
தூத்துக்குடி, மாவட்ட காவல் துறை அலுவலக மைதானத்தில் நடைபெற்ற நிகழ்ச்சியில்,  மாவட்ட காவல் கண்காணிப்பாளர் முரளி ரம்பா தலைமையில், காவல்துறை கூடுதல் கண்காணிப்பாளர் பொன்ராமு, துணை கண்காணிப்பாளர்கள் பிரகாஷ்,  ரமேஷ்,  மாரியப்பன், பூரணி உள்ளிட்ட 400 பேர் கலந்து கொண்டனர்.
காமராஜ் கல்லூரியில் நடைபெற்ற யோகா பயிற்சி கருத்தரங்குக்கு கல்லூரி முதல்வர் து. நாகராஜன் தலைமை வகித்தார். சைன் யோகா பவர் நிறுவனர் தனலட்சுமி, சுந்தரவடிவேல், சபர்னா ஆகியோர் பயிற்சியளித்தனர். 
தூத்துக்குடி கிரசன்ட் மெட்ரிக் மேல்நிலைப் பள்ளியில், முத்து உதவும் கரங்கள் அமைப்பு சார்பில் நடைபெற்ற நிகழ்ச்சிக்கு, பள்ளித் தாளாளர் செய்யது நூர் ஆலம் இப்ராஹிம் தலைமை வகித்தார். பள்ளி முதல்வர் செய்யது அலி,  அமைப்பின் தலைவர் முகமது இப்ராஹிம், செயலர் பைசர், யோகா பயிற்சியாளர் முபாரக் உள்ளிட்டோர் கலந்துகொண்டனர்.
தூத்துக்குடி புனித லசால் மேல்நிலைப் பள்ளியில் நடைபெற்ற நிகழ்ச்சிக்கு, தலைமையாசிரியர் ஜோசப் கென்னடி தலைமை வகித்தார். மலேசியாவில் அண்மையில் நடைபெற்ற சர்வதேச யோகா போட்டியில் தங்கம் வென்ற மாணவி கனிஷ்கா பல்வேறு யோகாசனங்களை செய்து காட்டினார். தூத்துக்குடி சக்தி வித்யாலயா மெட்ரிகுலேஷன் பள்ளியில் நடைபெற்ற நிகழ்ச்சிக்கு, பள்ளி முதல்வர் ஜெயா சண்முகம் தலைமை வகித்தார். துணை முதல்வர் ரூபி ரத்னபாக்கியம் முன்னிலை வகித்தார். மு. சிவராம்,  பகவததாஸ், பி. முத்தையா ஆகியோர் யோகாவின் நன்மைகள் குறித்து பேசினர்.

]]>
https://www.dinamani.com/all-editions/edition-thirunelveli/tuticorin/2019/jun/22/தூத்துக்குடியில்-உலக-யோகா-தினம்-கொண்டாட்டம்-3176461.html
3176460 திருநெல்வேலி தூத்துக்குடி ஜமாபந்தி: நலத் திட்ட உதவிகள் அளிப்பு DIN DIN Saturday, June 22, 2019 06:38 AM +0530 ஓட்டப்பிடாரம் வட்டாட்சியர் அலுவலகத்தில் நடைபெற்று வரும் ஜமாபந்தி நிகழ்ச்சியில், பயனாளிகளுக்கு நலத் திட்ட உதவிகள் வழங்கப்பட்டன.
ஓட்டப்பிடாரம் வட்டத்தில் ஜமாபந்தி நிகழ்ச்சி கடந்த 10ஆம் தேதி தொடங்கி 21ஆம் தேதி வரை நடைபெற்றது.
நிறைவு நாளன்று ஓட்டப்பிடாரம் குறுவட்டத்துக்குள்பட்ட ஓட்டப்பிடாரம், ஆரைக்குளம், குலசேகரநல்லூர், பாஞ்சாலங்குறிச்சி, புதியம்புத்தூர், ஜம்புலிங்கபுரம் ஆகிய கிராமங்களுக்கான ஜமாபந்தி நிகழ்ச்சி மாவட்ட சமூகப் பாதுகாப்புத் திட்ட உதவி ஆட்சியர் சங்கரநாராயணன் தலைமையில் நடைபெற்றது. 
நிகழ்ச்சியில் பயனாளிகளுக்கு ரூ. 8 லட்சம் மதிப்பில் நலத் திட்ட உதவிகள் வழங்கப்பட்டன.
இதில், வட்டாட்சியர்கள் மலர்தேவன், சிவகாமிசுந்தரி (ச.பா.தி.), மண்டலத் துணை வட்டாட்சியர்கள் கண்ணன், சுப்புலட்சுமி உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/22/ஜமாபந்தி-நலத்-திட்ட-உதவிகள்-அளிப்பு-3176460.html
3176459 திருநெல்வேலி தூத்துக்குடி மாற்றுத் திறனாளிகளுக்கான தனித்துவம் வாய்ந்த அடையாள அட்டை பெற சிறப்பு முகாம் DIN DIN Saturday, June 22, 2019 06:38 AM +0530 தூத்துக்குடி மாவட்டத்தில் தேசிய அடையாள அட்டைபெற்றுள்ள மாற்றுத் திறனாளிகள், மத்திய அரசின் மாற்றுத் திறனாளிகளுக்கான தனித்துவம் வாய்ந்த அடையாள அட்டை பெற சிறப்பு முகாம் ஜூன் 24 ஆம் தேதி முதல் ஜூலை 4ஆம் தேதி வரை நடைபெறுகிறது.
இதுகுறித்து மாவட்ட ஆட்சியர் சந்தீப் நந்தூரி வெளியிட்ட செய்திக் குறிப்பு: நாடு முழுவதும் மாற்றுத் திறனாளிகள் பற்றிய புள்ளி விவரங்களை சேகரிக்கவும், அரசின் திட்டங்கள் அவர்களுக்கு எளிதில் கொண்டு செல்லும் நோக்கிலும், மாற்றுத் திறனாளிகளுக்கு தனித்துவம் வாய்ந்த அடையாள அட்டை வழங்கும் திட்டம் மத்திய அரசால் கொண்டுவரப்பட்டு நடைமுறையில் உள்ளது.
மத்திய அரசால் இயற்றப்பட்ட மாற்றுத் திறனாளிகள் உரிமைகள் சட்டம், 2016இல் அறிவிக்கப்பட்ட 21 வகையான மாற்றுத் திறனாளிகளுக்கும் இந்த தனித்துவம் வாய்ந்த அடையாள அட்டை வழங்கப்படுகிறது.
எனவே, மாவட்ட மாற்றுத் திறனாளிகள் நல அலுவலகம் மூலம் மாற்றுத் திறனாளிகளுக்கான தேசிய அடையாள அட்டை பெற்றவர்களுக்கு, தனித்துவம் வாய்ந்த அடையாள அட்டையை பெறுவதற்கு விண்ணப்பிக்க ஜூன் 24ஆம் தேதி முதல் ஜூலை 4ஆம் தேதி வரை சிறப்பு முகாம் நடைபெறுகிறது.
விண்ணப்பிக்க விரும்புவோர் பாஸ்போர்ட் அளவு வண்ணப் புகைப்படம், அடையாளம் மற்றும் இருப்பிடத்துக்கு ஆதாரமாக, ஆதார் அட்டை, வாக்காளர் அட்டை, குடும்ப அட்டை, பான் கார்டு, ஓட்டுநர் உரிமம் ஆகியவற்றில் ஏதேனும் ஒரு சான்று தெளிவாக இருத்தல் வேண்டும்.
மாற்றுத் திறனாளிகளுக்கான தேசிய அடையாள அட்டை மற்றும் அரசு சிறப்பு மருத்துவரிடம் இருந்து பெறப்பட்ட மாற்றுத் திறனாளிகள் என்பதற்கான மருத்துவச் சான்று. விண்ணப்பதாரர் கையொப்பம் அல்லது கைவிரல் ரேகையை  ஆதார் அட்டை நகலில் இடப்பட்டு இணைக்கப்பட வேண்டும்.
தேசிய அடையாள அட்டை பெற்றுள்ள மாற்றுத் திறனாளிகள் அல்லது பாதுகாவலர்கள் சான்றுகளுடன் அப்பகுதிகளில் உள்ள மாற்றுத் திறனாளிகளுக்கான சிறப்புப் பள்ளிகளில் நடைபெறும் இம் முகாமில் விண்ணப்பித்து பயனடையலாம் என செய்திக் குறிப்பில் தெரிவிக்கப்பட்டுள்ளது.

]]>
https://www.dinamani.com/all-editions/edition-thirunelveli/tuticorin/2019/jun/22/மாற்றுத்-திறனாளிகளுக்கான-தனித்துவம்-வாய்ந்த-அடையாள-அட்டை-பெற-சிறப்பு-முகாம்-3176459.html
3176458 திருநெல்வேலி தூத்துக்குடி கோவில்பட்டி அரசு மருத்துவமனையில் ரூ. 8 கோடியில் எம்ஆர்ஐ ஸ்கேன் வசதி DIN DIN Saturday, June 22, 2019 06:37 AM +0530 தூத்துக்குடி மாவட்டம், கோவில்பட்டியில் உள்ள மாவட்ட அரசு தலைமை மருத்துவமனையில் ரூ. 8 கோடியில் எம்.ஆர்.ஐ. ஸ்கேன் வசதி செய்யப்படவுள்ளது என்றார் தமிழக செய்தி மற்றும் விளம்பரத் துறை அமைச்சர் கடம்பூர் செ. ராஜு. 
கோவில்பட்டியில் வெள்ளிக்கிழமை அவர் அளித்த பேட்டி: கோவில்பட்டியில் உள்ள மாவட்ட அரசு தலைமை மருத்துவமனையில் புறநோயாளிகள் மற்றும் வெளிநோயாளிகள் எண்ணிக்கை அதிகரித்துவருவதை முன்னிட்டு, அடிப்படை வசதிகள் உள்பட அனைத்து மருத்துவ வசதிகளும் ஏற்படுத்தப்பட்டு வருகிறது. விரைவில், ரூ. 8 கோடியில் எம்.ஆர்.ஐ. ஸ்கேன் கருவியும் அமைக்கப்படவுள்ளது. 
தமிழகத்தில் 2,180 அரசு மருத்துவர்கள் விரைவில் பணி நியமனம் செய்யப்படவுள்ளதாக சுகாதாரத் துறை அமைச்சர் தெரிவித்துள்ளார். அவ்வாறு நியமிக்கப்படும்போது கோவில்பட்டி அரசு மருத்துவமனைக்கு போதிய மருத்துவர்கள், பணியாளர்கள் நியமிக்கப்படுவார்கள். ஒப்பந்தத் தொழிலாளர்களுக்கு ஒவ்வொரு மாதமும் முறையாக ஊதியம் வழங்க, அந்த நிறுவனத்திடம் தெரிவித்துள்ளோம். இனிவரும் காலங்களில் காலதாமதம் ஏற்படாது.
தூத்துக்குடி மாநகராட்சியில், தண்ணீரை சிக்கனமாகப் பயன்படுத்துவது தொடர்பான குறும்படம் வெளியிடப்பட்டுள்ளது. இதுபோன்ற அரசின் விழிப்புணர்வு நடவடிக்கைகளை எதிர்க்கட்சிகளும், பத்திரிகைகளும் மக்களிடம் கொண்டுசேர்க்க வேண்டும் என்றார் அவர். 
பேட்டியின்போது, கயத்தாறு அதிமுக ஒன்றியச் செயலர் வினோபாஜி, மாவட்ட விவசாய அணி துணைச் செயலர் ராமசந்திரன், அதிமுக நிர்வாகிகள் வேலுமணி, ஆபிரகாம் அய்யாத்துரை, ஜெமினி என்ற அருணாசலசாமி, நீலகண்டன் உள்ளிட்டோர் உடனிருந்தனர்.  
முன்னதாக, வில்லிசேரி தொடக்க வேளாண்மை கூட்டுறவு கடன் சங்கத் தலைவரும், அமமுக நிர்வாகியுமான செல்வராஜ் தலைமையில் 30 பேர் அமைச்சர் கடம்பூர் செ. ராஜு முன்னிலையில் அதிமுகவில் இணைந்தனர்.

]]>
https://www.dinamani.com/all-editions/edition-thirunelveli/tuticorin/2019/jun/22/கோவில்பட்டி-அரசு-மருத்துவமனையில்-ரூ-8-கோடியில்-எம்ஆர்ஐ-ஸ்கேன்-வசதி-3176458.html
3176457 திருநெல்வேலி தூத்துக்குடி ஆற்றில் மூழ்கி இளைஞர் பலி DIN DIN Saturday, June 22, 2019 06:37 AM +0530 ஆத்தூர் அருகே தாமிரவருணி ஆற்றில் மூழ்கி இளைஞர் உயிரிழந்தார்.
ஆத்தூர் அருகே முக்காணி வடக்கு யாதவர் தெருவைச் சேர்ந்த மாடசாமி மகன் முத்து (35). இவர், இங்குள்ள கோயில் அருகே படித்துறையில் வியாழக்கிழமை குளித்துக்கொண்டிருந்தாராம். அப்போது அவருக்கு வலிப்பு ஏற்பட்டு ஆற்றில் மூழ்கியுள்ளார். தகவலறிந்து வந்த ஆத்தூர் போலீஸார் சடலத்தை கைப்பற்றி பிரேத பரிசோதனைக்கு தூத்துக்குடி அரசு மருத்துவமனைக்கு அனுப்பி வைத்தனர். மேலும் இதுதொடர்பாக வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-thirunelveli/tuticorin/2019/jun/22/ஆற்றில்-மூழ்கி-இளைஞர்-பலி-3176457.html
3176456 திருநெல்வேலி தூத்துக்குடி எட்டயபுரம் அருகே டிராக்டர் மீது லாரி மோதல்: இளைஞர் பலி DIN DIN Saturday, June 22, 2019 06:37 AM +0530 எட்டயபுரம் அருகே டிராக்டர் மீது லாரி மோதியதில் இளைஞர் உயிரிழந்தார்.
எட்டயபுரம் அருகே உள்ள எம். கோட்டூர் கிழக்கு தெருவை சேர்ந்தவர் நல்லையா மகன் தவமுருகன் (18). இவர் வெள்ளிக்கிழமை காலையில் எட்டயபுரம் மேலக்கரந்தையை நோக்கி நான்குவழிச் சாலை வழியாக டிராக்டரில் சென்று கொண்டிருந்தாராம். மேலக்கரந்தை பேருந்து நிறுத்தம் அருகே திடீரென டிராக்டரை நிறுத்த முயன்றபோது பின்னால் வந்த லாரி மோதியது. இதில் டிராக்டரில் இருந்து தவமுருகன் கீழே விழுந்ததில் பலத்த காயமடைந்தார். தகவலறிந்து சம்பவ இடத்துக்கு விரைந்து சென்ற போலீஸார், தவமுருகனை மீட்டு தூத்துக்குடி அரசு மருத்துவமனையில் சேர்த்தனர். அங்கு சிகிச்சை பலனின்றி தவமுருகன் உயிரிழந்தார். இவ்விபத்து தொடர்பாக மாசார்பட்டி காவல் நிலைய  போலீஸார் வழக்குப் பதிந்து விசாரணை நடத்தி வருகின்றனர்.

]]>
https://www.dinamani.com/all-editions/edition-thirunelveli/tuticorin/2019/jun/22/எட்டயபுரம்-அருகே-டிராக்டர்-மீது-லாரி-மோதல்-இளைஞர்-பலி-3176456.html
3176455 திருநெல்வேலி தூத்துக்குடி பழையகாயல் அருகே லாரி கவிழ்ந்து விபத்து DIN DIN Saturday, June 22, 2019 06:36 AM +0530 பழையகாயல் அருகே சென்னையில் உள்ள தனியார் நிறுவனத்துக்கு அமிலம்  ஏற்றிச் சென்ற லாரி கவிழ்ந்து விபத்துக்குள்ளானது. 
ஆறுமுகனேரி அருகே உள்ள தனியார் தொழிற்சாலையில் இருந்து சென்னையில் உள்ள தனியார் நிறுவனத்திற்கு லாரி மூலம் வெள்ளிக்கிழமை அமிலம் கொண்டு செல்லப்பட்டது. பழையகாயல் அருகே உள்ள எஸ் வளைவில் திரும்பிய போது நிலை தடுமாறிய லாரி சாலையோரம் கவிழ்ந்தது.  இதில் யாருக்கும் காயம் ஏற்படவில்லை.  
சம்பவ இடத்துக்கு வந்த போலீஸார் வாகனங்களை மாற்றுவழியில் திருப்பி விட்டனர். திருச்செந்தூரில் இருந்து வரும் வாகனங்கள் அனைத்தையும் மஞ்சள்நீர்காயல் வழியாக கோவங்காடு சென்று அங்கிருந்து தூத்துக்குடிக்கு திருப்பி விட்டன. அருகே உள்ள பகுதியிலிருந்து வந்த 3  தீயணைப்பு வாகனங்கள் மூலம், லாரியில் இருந்து கசிந்த அமிலத்தின் வீரியத்தை குறைக்க  தண்ணீர் பீய்ச்சியடிக்கப்பட்டது. பின்னர் அந்த லாரியில் இருந்த அமிலம் மற்றொரு லாரிக்கு மாற்றப்பட்டு அனுப்பி வைக்கப்பட்டது. இந்த விபத்தால் சுமார்  3 மணி நேரம் போக்குவரத்து பாதிக்கப்பட்டது. 

]]>
https://www.dinamani.com/all-editions/edition-thirunelveli/tuticorin/2019/jun/22/பழையகாயல்-அருகே-லாரி-கவிழ்ந்து-விபத்து-3176455.html
3176454 திருநெல்வேலி தூத்துக்குடி கல்லூரி மாணவருக்கு கத்திக்குத்து DIN DIN Saturday, June 22, 2019 06:36 AM +0530 சாத்தான்குளத்தில் பாலிடெக்னிக் கல்லூரி மாணவரை கத்தியால் குத்தியவரை போலீஸார் தேடி வருகின்றனர்.
சாத்தான்குளம் ஆர்.சி. வடக்கு தெருவைச் சேர்ந்த  நட்டாத்திமுத்து மகன் நட்டாத்தி கணேஷ் (17). இவர் நாசரேத்தில் உள்ள பாலிடெக்னிக் கல்லூரியில் 2ஆம் ஆண்டு படித்து வருகிறார். இவர், நண்பர் கிரணுடன் அதே பகுதியில் உள்ள உறவினர் லிங்கம் வீட்டு மாடியில் படுத்து தூங்குவார்களாம். அதன்படி வியாழக்கிழமை இரவு படுக்கைக்கு சென்ற போது, அதே தெருவைச் சேர்ந்த சின்னத்துரை மகன் பாஸ்கர், கிரணிடம் தகராறு செய்துள்ளார். 
இதை நட்டாத்தி கணேஷ் தட்டி கேட்டுள்ளார். அப்போது ஏற்பட்ட வாக்குவாதத்தில் நட்டாத்தி கணேஷை பாஸ்கர் கத்தியால் குத்திவிட்டு தப்பியோடிவிட்டாராம்.  இதுகுறித்து சாத்தான்குளம் போலீஸார் வழக்குப் பதிந்து பாஸ்கரை தேடி வருகின்றனர்.

]]>
https://www.dinamani.com/all-editions/edition-thirunelveli/tuticorin/2019/jun/22/கல்லூரி-மாணவருக்கு-கத்திக்குத்து-3176454.html
3176453 திருநெல்வேலி தூத்துக்குடி கோவில்பட்டி, கயத்தாறில் கிராம நிர்வாக அலுவலர்கள் ஆர்ப்பாட்டம் DIN DIN Saturday, June 22, 2019 06:36 AM +0530 கோவில்பட்டி மற்றும் கயத்தாறு வட்டாட்சியர் அலுவலகம் முன் கிராம நிர்வாக அலுவலர்கள் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.
கோவில்பட்டியில் நடைபெற்ற ஆர்ப்பாட்டத்துக்கு, சங்க வட்டத் தலைவர் அமர்ராஜ் தலைமை வகித்தார். செயலர் மந்திரசுடாமணி முன்னிலை வகித்தார். ஒப்பந்த அடிப்படையில் ஓய்வு பெற்ற கிராம நிர்வாக அலுவலர்களை மீண்டும் கிராம நிர்வாக அலுவலர்களாக பணி அமர்த்தும் அரசாணையை ரத்து செய்ய வேண்டும் என்பது உள்ளிட்ட கோரிக்கைகளை வலியுறுத்தி கோஷங்கள் எழுப்பப்பட்டன.
கயத்தாறு வட்டாட்சியர் அலுவலகம் முன் நடைபெற்ற ஆர்ப்பாட்டத்துக்கு, சங்க வட்டத் தலைவர் நெல்லையப்பன் தலைமை வகித்தார். செயலர் சுப்பையா, பொருளாளர் கல்யாணக்குமார் உள்பட பலர் கலந்துகொண்டனர்.
 

]]>
https://www.dinamani.com/all-editions/edition-thirunelveli/tuticorin/2019/jun/22/கோவில்பட்டி-கயத்தாறில்-கிராம-நிர்வாக-அலுவலர்கள்-ஆர்ப்பாட்டம்-3176453.html
3176452 திருநெல்வேலி தூத்துக்குடி ஆறுமுகமங்கலம் ஆயிரத்தெண் விநாயகர் கோயிலில் வருஷாபிஷேகம் DIN DIN Saturday, June 22, 2019 06:36 AM +0530 ஆறுமுகமங்கலம் அருள்மிகு ஆயிரத்தெண் விநாயகர் கோயிலில் வெள்ளிக்கிழமை வருஷாபிஷேகம் நடைபெற்றது.
இக்கோயில் வருஷாபிஷேக விழா வியாழக்கிழமை மகா கணபதி ஹோமத்துடன் தொடங்கியது.தொடர்ந்து முதல் கால யாகசாலை பூஜை நடைபெற்றது.
வெள்ளிக்கிழமை காலையில் இரண்டாவது கால யாகசாலை பூஜை நடைபெற்றது. தொடர்ந்து காலை 10 மணிக்கு விமான அபிஷேகம்,  மூலவர் மற்றும் பரிவார தெய்வங்களுக்கு மகா அபிஷேகம், வருஷாபிஷேகம் நடைபெற்றது.
நண்பகல் 12 மணிக்கு உச்சிகால தீபாராதனை, பிற்பகல் 12.30 மணிக்கு அருள்மிகு பஞ்சமுக விநாயகர் உள்மாட வீதியுலா ஆகியவை நடைபெற்றது. தொடர்ந்து விநாயகருக்கு 1008 தேங்காய் திருக்கண் சாத்தப்பட்டது. இதில், திருக்கைலாய பரம்பரை பெருங்குளம் செங்கோல் ஆதீனம் 103ஆவது குரு மகா சன்னிதானம் சிவப்பிரகாச சத்யஞான தேசிக பரமாச்சார்ய சுவாமிகள் கலந்துகொண்டு ஆசியுரை வழங்கினார்.
ஏற்பாடுகளை தேவஸ்தான செயல் அலுவலர் (பொ) கிருஷ்ணமூர்த்தி, பூஜா ஸ்தானீகர் விக்னேஷ்வர பட்டர் ஆகியோர் செய்திருந்தனர்.

]]>
https://www.dinamani.com/all-editions/edition-thirunelveli/tuticorin/2019/jun/22/ஆறுமுகமங்கலம்-ஆயிரத்தெண்-விநாயகர்-கோயிலில்-வருஷாபிஷேகம்-3176452.html
3176451 திருநெல்வேலி தூத்துக்குடி கோவில்பட்டி மருத்துவமனையில் சிறப்பு உறைவிடக் கட்டடம், சமுதாய நலக் கூடம் திறப்பு DIN DIN Saturday, June 22, 2019 06:35 AM +0530 கோவில்பட்டியில் உள்ள தூத்துக்குடி மாவட்ட அரசு தலைமை மருத்துவமனை வளாகத்தில் புதிதாக கட்டப்பட்ட சிறப்பு உறைவிடக் கட்டடம் மற்றும் ஆவல்நத்தம் கிராமத்தில் புதிதாக கட்டப்பட்ட சமுதாய நலக் கூடம்  திறப்புவிழா வெள்ளிக்கிழமை நடைபெற்றது.
ரூ. 40 லட்சம் மதிப்பீட்டில் கோவில்பட்டி நகராட்சி மூலம் கட்டப்பட்ட இந்த சிறப்பு உறைவிடக் கட்டட திறப்பு விழாவுக்கு, மாவட்ட ஆட்சியர் சந்தீப் நந்தூரி தலைமை வகித்தார். தமிழக செய்தி மற்றும் விளம்பரத் துறை அமைச்சர் கடம்பூர் செ.ராஜு திறந்து வைத்துப் பார்வையிட்டார். பின்னர், மருத்துவமனை வளாகத்தில் மரக்கன்று நட்டினார். தொடர்ந்து கோவில்பட்டி ஊராட்சி ஒன்றியத்துக்குள்பட்ட ஆவல்நத்தம் ஊராட்சியில் ரூ.20 லட்சம் மதிப்பீட்டில் கட்டப்பட்ட சமுதாய நலக் கூடத்தையும் அமைச்சர் திறந்து வைத்தார். 
நிகழ்ச்சிகளில், விளாத்திகுளம் எம்.எல்.ஏ. சின்னப்பன், பொது கூட்டுறவு பண்டக சாலை தலைவர் ரத்தினராஜா, மருத்துவமனை கண்காணிப்பாளர் கமலவாசன், உறைவிட மருத்துவ அதிகாரி பூவேஸ்வரி, நகராட்சி ஆணையர் அச்சையா, ஊரக வளர்ச்சித் துறை திட்ட இயக்குநர் தனபதி, வட்டார வளர்ச்சி அலுவலர் (கிராம ஊராட்சி) முருகானந்தம் உள்பட பலர் கலந்துகொண்டனர்.

]]>
https://www.dinamani.com/all-editions/edition-thirunelveli/tuticorin/2019/jun/22/கோவில்பட்டி-மருத்துவமனையில்-சிறப்பு-உறைவிடக்-கட்டடம்-சமுதாய-நலக்-கூடம்-திறப்பு-3176451.html
3176450 திருநெல்வேலி தூத்துக்குடி ஏரல் அருகே விபத்தில் புது மாப்பிள்ளை பலி DIN DIN Saturday, June 22, 2019 06:35 AM +0530 ஏரல் அருகே பைக் மீது டிப்பர் லாரி மோதிய விபத்தில் புது மாப்பிள்ளை உயிரிழந்தார். 
ஏரலைச் சேர்ந்த செல்வ விநாயகம் மகன் அருண்கிருஷ்ணன் (26). இவர் ஆறுமுகனேரியில் உள்ள தனியார் நிறுவனத்தில் பணியாற்றி வந்தார்.  இவருக்கு கடந்த 25 நாள்களுக்கு முன்பு திருமணம் நடைபெற்றது. இந்நிலையில் ஏரல் அருகே வாழவல்லான் சாலையில் இவர் வெள்ளிக்கிழமை பைக்கில் சென்றபோது எதிரே வந்த டிப்பர் லாரி மோதியதில் சம்பவ இடத்திலேயே உயிரிழந்தார்.
தகவலறிந்து வந்த ஏரல் போலீஸார் சடலத்தை மீட்டு, தூத்துக்குடி அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.  மேலும், இதுகுறித்து வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-thirunelveli/tuticorin/2019/jun/22/ஏரல்-அருகே-விபத்தில்-புது-மாப்பிள்ளை-பலி-3176450.html
3176449 திருநெல்வேலி தூத்துக்குடி உமரிக்காடு முத்தாரம்மன் கோயிலில் மகா கும்பாபிஷேகம் DIN DIN Saturday, June 22, 2019 06:35 AM +0530 உமரிக்காடு அருள்மிகு முத்தாரம்மன் கோயிலில் அஷ்ட பந்தன மகா கும்பாபிஷேகம் வியாழக்கிழமை நடைபெற்றது.
இக்கோயிலில், மகா கும்பாபிஷேக விழா கடந்த செவ்வாய்க்கிழமை காலை மகா கணபதி ஹோமத்துடன் தொடங்கியது. தொடர்ந்து கோபூஜை, கஜபூஜை உள்பட பல்வேறு சிறப்பு பூஜைகள் நடைபெற்றன. மாலையில் உமரிக்காடு தாமிரவருணி நதியின் அக்னி தீர்த்தக் கட்டத்திலிருந்து புனிதநீர் எடுத்து வரப்பட்டது. தொடர்ந்து வாஸ்து சாந்தி பூஜை, கடம் ஸ்தாபனம், முதல் கால யாகசாலை பூஜை ஆகியவை நடைபெற்றன. புதன்கிழமை காலையில் இரண்டாம் கால யாகசாலை பூஜையும், மாலையில் மூன்றாம் கால யாகசாலை பூஜையும் நடைபெற்றன. இரவு யந்திர ஸ்தாபனம், அஷ்டபந்தன மருந்துசாத்துதல் ஆகியவை நடைபெற்றன.
வியாழக்கிழமை காலை நான்காம் கால யாகசாலை பூஜை, மகா பூர்ணாஹுதி தீபாராதனை நடைபெற்றது. காலை 10 மணிக்கு அருள்மிகு முத்தாரம்மன் மற்றும் பரிவார தெய்வங்களுக்கு மகா கும்பாபிஷேகம் நடைபெற்றது. 
தொடர்ந்து மகா அபிஷேகம், உச்சிகால தீபாராதனை நடைபெற்றது. நண்பகல் 12 மணிக்கு மகேஷ்வர பூஜை நடைபெற்றது. மாலை 3 மணிக்கு புனித நீரால் மகா அபிஷேகம், சிறப்பு அலங்கார தீபாராதனை நடைபெற்றது. மாலை 6 மணிக்கு அருள்மிகு முத்தாரம்மன் கற்பக பொன் சப்பரத்தில் வீதியுலா நடைபெற்றது.

]]>
https://www.dinamani.com/all-editions/edition-thirunelveli/tuticorin/2019/jun/22/உமரிக்காடு-முத்தாரம்மன்-கோயிலில்-மகா-கும்பாபிஷேகம்-3176449.html