Dinamani - காரைக்கால் - https://www.dinamani.com/all-editions/edition-nagapattinam/karaikal/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3098451 நாகப்பட்டினம் காரைக்கால் ஜடாயுபுரீசுவரர் கோயில்  மாசி மக தேரோட்டம் DIN DIN Tuesday, February 19, 2019 01:53 AM +0530 திருமலைராயன்பட்டினம் ஸ்ரீ ஜடாயுபுரீசுவரர் கோயிலில் தேர் திருவிழா திங்கள்கிழமை  நடைபெற்றது. 
காரைக்கால் மாவட்டம், திருமலைராயன்பட்டினம் கடற்கரை செல்லும் சாலையில் உள்ள ஸ்ரீ மையாடுங்கண்ணி சமேத 
ஸ்ரீ ஜடாயுபுரீசுவரர் கோயிலில் மாசி மக பிரமோத்ஸவ நிகழ்ச்சி கடந்த 10-ஆம் தேதி கொடியேற்றத்துடன் தொடங்கியது. 
பிரமோத்ஸவத்தின் 2-ஆம் நாள் இரவு சூரிய பிரபையில் சுவாமி வீதியுலாவும், 3-ஆம் நாள்  இரவு சந்திர பிரபையிலும், 4-ஆம் நாள் இரவு பூத வாகனத்திலும், 5-ஆம் நாள் ஸ்ரீ தியாகராஜராட்டமும், 6-ஆம் நாள் சேஷ வாகனத்தில் சுவாமி வீதியுலாவும், 7-ஆம் நாள் ரிஷப வாகனத்தில் சுவாமிகள் மின்சார சப்பரப் படலில் வீதியுலாவும் நடைபெற்றது. 8-ஆம் நாளான ஞாயிற்றுக்கிழமை இரவு கைலாச வாகனத்தில் சுவாமி புறப்பாடு நடைபெற்றது.
இவ்விழாவின் முக்கிய நிகழ்ச்சிகளில் ஒன்றான தேர்த் திருவிழா திங்கள்கிழமை நடைபெற்றது. இதையொட்டி, ஸ்ரீ தியாகராஜர், ஸ்ரீ பார்வதி அம்பாளுக்கு சிறப்பு அலங்காரம் செய்யப்பட்டு, மகா தீபாராதனை மற்றும் சோடச உபசாரங்கள் நடத்தப்பட்டு, தேருக்கு எழுந்தருளச் செய்யப்பட்டனர்.
தேரினுள் வீற்றிருந்த சுவாமிகளுக்கு சிறப்பு தீபாராதனை செய்யப்பட்டதைத் தொடர்ந்து, தேரை வடம் பிடித்து பக்தர்கள் இழுத்தனர். நான்கு மாட வீதிகளில் வழியே தேர் இழுத்துச் செல்லப்பட்டு, பிற்பகல் 2 மணியளவில் தேர்நிலையை வந்தடைந்தது. தேர் செல்லும் வீதிகளில், ஒவ்வொரு வீட்டின் முன்னும் தண்ணீர் தெளித்து, கோலமிட்டு மக்கள் வழிபட்டனர்.
திருப்பட்டினம் பகுதி முக்கிய பிரமுகர்களும், திரளான பக்தர்களும் தேரோட்ட நிகழ்ச்சியில் கலந்துகொண்டனர்.
நிறைவு நாளான செவ்வாய்க்கிழமை (பிப்.19) காலை ஸ்ரீ நடராஜர் தீர்த்தவாரி நடத்தப்பட்டு, பகல் 12 மணியளவில் கொடியிறக்கம் செய்யப்படுகிறது. நிகழ்ச்சிக்கான ஏற்பாடுகளை கோயில் தனி அதிகாரி ஏ.வீரசெல்வம் செய்துள்ளார்.

]]>
https://www.dinamani.com/all-editions/edition-nagapattinam/karaikal/2019/feb/19/ஜடாயுபுரீசுவரர்-கோயில்--மாசி-மக-தேரோட்டம்-3098451.html
3098450 நாகப்பட்டினம் காரைக்கால் மாசி மக தீர்த்தவாரிய் திருமலைராயன்பட்டினத்தில் துணை ஆட்சியர் ஆய்வு DIN DIN Tuesday, February 19, 2019 01:52 AM +0530 மாசி மக தீர்த்தவாரி நடைபெறக்கூடிய திருமலைராயன்பட்டினம் பகுதியில் மாவட்ட துணை ஆட்சியர் திங்கள்கிழமை ஆய்வு மேற்கொண்டார்.
திருமலைராயன்பட்டினம் பகுதி பட்டினச்சேரி கடற்கரையில் திருக்கண்ணபுரம் ஸ்ரீ சௌரிராஜப் பெருமாள் உள்ளிட்ட பல்வேறு பெருமாள் கோயில்களில் இருந்து சுவாமிகள் செவ்வாய்க்கிழமை (பிப்.19) பிற்பகல் எழுந்தருளி மாசி மக தீர்த்தவாரி நடைபெறவுள்ளது. அதிகாலை முதல் பகல் 12 மணி வரை கடற்கரை மணல் பரப்பில் முன்னோர்களுக்கு தர்ப்பணம் கொடுக்கும் நிகழ்ச்சியும் நடைபெறும். இரண்டு நிகழ்ச்சிகளிலும் ஏராளமானோர் பங்கேற்பர் என்பதால் கடற்கரை சாலை முதல் பட்டினச்சேரி பகுதியில் போக்குவரத்து ஸ்தம்பிக்கும் நிலை ஏற்படும். இதில், சுவாமிகள் தீர்த்தவாரியில் ஆயிரக்கணக்கான பக்தர்கள் பங்கேற்பர். விழாவுக்கான முன்னேற்பாடுகளை நேரில் அறியும் வகையில் மாவட்ட துணை ஆட்சியர் எம். ஆதர்ஷ் திங்கள்கிழமை பல்வேறு இடங்களில் பார்வையிட்டார். 
திருப்பட்டினம் கொம்யூன் பஞ்சாயத்து ஆணையர் ஜான் அரேலியஸ், காவல் ஆய்வாளர் மேரி கிறிஸ்டின்பால் உள்ளிட்ட அதிகாரிகள் குழுவினர், மேலையூர் முதல் வெள்ளை மண்டபம் மற்றும் சுவாமிகள் பட்டினச்சேரிக்கு எழுந்தருளும் வீதிகளில் செய்துள்ள தூய்மைப் பணி, மின் விளக்குகள் சீரமைப்புப் பணி உள்ளிட்டவற்றை விளக்கினர்.
பக்தர்களுக்கு செய்யப்பட்டிருக்கும் பாதுகாப்பு ஏற்பாடுகள், வாகனங்கள் நிறுத்துமிடம் உள்ளிட்டவற்றை காவல் ஆய்வாளர் விளக்கிக் கூறினார்.
தூய்மைப் பணியை தீவிரமாக மேற்கொள்ளுமாறு துணை ஆட்சியர் பஞ்சாயத்து நிர்வாகத்துக்கு அறிவுறுத்தினார். பக்தர்கள் செல்லக்கூடிய சாலையில் மின் விளக்குகள் பழுதின்றி இருக்க நடவடிக்கை எடுக்குமாறும் அவர் கேட்டுக்கொண்டார்.
 

]]>
https://www.dinamani.com/all-editions/edition-nagapattinam/karaikal/2019/feb/19/மாசி-மக-தீர்த்தவாரிய்-திருமலைராயன்பட்டினத்தில்-துணை-ஆட்சியர்-ஆய்வு-3098450.html
3098449 நாகப்பட்டினம் காரைக்கால் நாட்டு நலப்பணித் திட்ட முகாம் நிறைவு DIN DIN Tuesday, February 19, 2019 01:52 AM +0530 நெடுங்காடு தொகுதியில் வடமட்டம் கிராமத்தில் நடைபெற்ற ஒரு வார கால நாட்டு நலப்பணித் திட்ட முகாம் சனிக்கிழமை நிறைவுபெற்றது.
காரைக்கால் அறிஞர் அண்ணா அரசு கலைக் கல்லூரியின் நாட்டு நலப்பணித் திட்டம் சார்பில், நெடுங்காடு பகுதி வடமட்டம் கிராமத்தில் ஒரு வார கால நாட்டு நலப்பணித் திட்ட சேவை முகாம் நடைபெற்றது.
இந்த கிராமத்தில் சாலைகளை தூய்மை செய்தல், மக்களுக்கு சுகாதாரம் குறித்து விழிப்புணர்வு ஏற்படுத்துதல், கருவேல மரங்கள் அகற்றம், எய்ட்ஸ் குறித்து விழிப்புணவு, பேரிடர் மேலாண்மை குறித்து தகவல்கள் அளிப்பு உள்ளிட்ட பல்வேறு பணிகளில் மாணவர்கள் 65 பேர் ஈடுபட்டனர். வடமட்டம் சமுதாயக் கூடத்தில், பல்வேறு துறை வல்லுநர்கள், கல்லூரி பேராசிரியர்கள் உள்ளிட்டோர் ஒவ்வொரு நாளும் கலந்துகொண்டு பல்வேறு தலைப்புகளில் பேசினர்.
தினமும் கிராம மக்களிடையே பல்வேறு போட்டிகள் நடத்தப்பட்டதோடு, கலைநிகழ்ச்சிகளும் நடத்தப்பட்டன. முகாம் நிறைவையொட்டி சனிக்கிழமை நடந்த நிகழ்ச்சியில், நெடுங்காடு தொகுதி சட்டப்பேரவை உறுப்பினர் சந்திர பிரியங்கா கலந்துகொண்டு போட்டியில் வெற்றிபெற்ற கிராமத்தினருக்கு பரிசுகளும், முகாமில் பங்கேற்ற மாணவர்களுக்கு சான்றிதழையும் வழங்கினார்.
மாணவர்களின் சேவைகளை நாட்டு நலப்பணித் திட்ட மாவட்ட ஒருங்கிணைப்பாளர் லட்சுமணபதி பாராட்டிப் பேசினார். முகாம் ஏற்பாடுகள் கல்லூரியின் நாட்டு நலப்பணித் திட்ட அலுவலர் கதிர்வேலு சம்பந்தன் செய்திருந்தார்.

]]>
https://www.dinamani.com/all-editions/edition-nagapattinam/karaikal/2019/feb/19/நாட்டு-நலப்பணித்-திட்ட-முகாம்-நிறைவு-3098449.html
3098448 நாகப்பட்டினம் காரைக்கால் திருநள்ளாறு பிரம்ம தீர்த்தக் குளம் சீரமைப்புப் பணியை விரைந்து முடிக்க வலியுறுத்தல் DIN DIN Tuesday, February 19, 2019 01:52 AM +0530 திருநள்ளாறு பிரம்ம தீர்த்தக் குளத்தில் நடைபெறும் சீரமைப்புப் பணியை, தர்பாரண்யேசுவரர் கோயில் பிரமோத்ஸவத்துக்குள் நிறைவு செய்யும்படி பக்தர்கள் வலியுறுத்தி வருகின்றனர்.
திருநள்ளாறில் நளன் தீர்த்தக் குளம், சரஸ்வதி தீர்த்தக் குளம், பிரம்ம தீர்த்தக் குளம், எமன் தீர்த்தக் குளம் ஆகிய புனித தீர்த்தங்கள் உள்ளன. இதில், எமன் தீர்த்தக் குளம் புனரமைக்கப்பட்டுள்ளது.
தர்பாரண்யேசுவரர் கோயிலின் கிழக்குப் பகுதியில் உள்ள பிரம்ம தீர்த்தக் குளத்தில் பிரமோத்ஸவம் உள்ளிட்ட முக்கிய உத்ஸவங்களில் சுவாமிகள் எழுந்தருளி தீர்த்தவாரி நடைபெறுகிறது.
இக்குளம் ஆக்கிரமிப்பு மற்றும் கரைகள் பலமிழந்திருந்ததால், திருநள்ளாறு கோயில் நகரத் திட்டத்தினால் சுமார் ரூ.2 கோடி திட்ட மதிப்பில் கரை கட்டுதல், தீர்த்த மண்டபம் கட்டுதல் பணிகள் தொடங்கப்பட்டன. இந்த பணிகளோடு சேர்ந்து தொடங்கப்பட்ட எமன் தீர்த்தக் குளம் பயன்பாட்டுக்கு வந்துவிட்ட நிலையில், கோயில் நகரத் திட்டத்தினரால் தொடங்கப்பட்ட அகத்தீசுவரர் தீர்த்தக் குளமும், பிரம்ம தீர்த்தக் குளமும் இன்னும் பயன்பாட்டுக்கு வரவில்லை. பிரம்ம தீர்த்தக் குளத்தின் பணிகள் மட்டும் ஆமை வேகத்தில் நடைபெறுவதாக பக்தர்கள் தரப்பிலும் புகார் கூறப்படுகிறது.
கடந்த 2018-ஆம் ஆண்டு ஜூன் மாதம் திருநள்ளாறு தர்பாரண்யேசுவரர் கோயில், சார்புக் கோயில்களுக்கு குடமுழுக்குக்கான பாலாலயம் செய்யப்பட்டது. கடந்த 11-ஆம் தேதி கோயில் குடமுழுக்கும் நடந்து முடிந்தது. இந்த காலக்கட்டத்தில் பிரம்ம தீர்த்தக் குளத்தின் பணிகள் முழு வீச்சில் செய்து முடித்திருந்தால், அடுத்த ஓரிரு மாதத்தில் தொடங்கும் பிரமோத்ஸவத்தில் தீர்த்தவாரிக்கு குளம் தயார் நிலைக்கு வந்திருக்கும். ஆனால், தற்போதுதான் பணிகள் வேகமடைந்துள்ளதாகத் தெரிகிறது. நளன் தீர்த்தக் குளத்துக்கு அடுத்தப்படியாக பிரம்ம தீர்த்தக் குளத்தில் பக்தர்கள் நீராடுகிறார்கள். தீர்த்தவாரிக்கும் இக்குளம் பெரிதும் பயன்படுகிறது என்பதால், பணிகளை முழு வீச்சில் செய்து முடிக்க பொதுப்பணித் துறை நிர்வாகம் நடவடிக்கை எடுக்கவேண்டும் என பல்வேறு தரப்பினரால் வலியுறுத்தப்படுகிறது.
இதுகுறித்து, திருநள்ளாறு கோயில் நிர்வாக அதிகாரி பொறுப்பை கூடுதலாக கவனிக்கும் காரைக்கால் மாவட்ட ஆட்சியர் ஏ.விக்ரந்த் ராஜா கூறியது: பிரம்ம தீர்த்தக் குளத்தில் புனரமைப்புப் பணி, தீர்த்த மண்டபம் கட்டும்  பணியை விரைந்து முடிக்குமாறு பொதுப்பணித் துறை நிர்வாகத்தை கேட்டுக்கொள்ளப்பட்டுள்ளது. 
பொதுப்பணித் துறை தலைமைப் பொறியாளரும், கண்காணிப்புப் பொறியாளரும் இதன் மீது 
சிறப்பு கவனம்  செலுத்துவதாக கூறியுள்ளனர். எனவே, கோயில் பிரமோத்ஸவத்துக்குள் குளம் தயார் நிலைக்கு வந்துவிடும் என எதிர்பார்க்கப்படுகிறது என நம்பிக்கைத் தெரிவித்தார்.
 

]]>
https://www.dinamani.com/all-editions/edition-nagapattinam/karaikal/2019/feb/19/திருநள்ளாறு-பிரம்ம-தீர்த்தக்-குளம்-சீரமைப்புப்-பணியை-விரைந்து-முடிக்க-வலியுறுத்தல்-3098448.html
3098447 நாகப்பட்டினம் காரைக்கால் பி.எஸ்.என்.எல். ஊழியர்கள் வேலை நிறுத்தப் போராட்டம் DIN DIN Tuesday, February 19, 2019 01:51 AM +0530 பி.எஸ்.என்.எல். நிறுவனத்துக்கு 4 ஜி அலைக்கற்றை ஒதுக்கீடு வழங்கக் கோரி அதிகாரிகள், ஊழியர்கள் சங்கத்தினர் 3 நாள் வேலை நிறுத்தப் போராட்டத்தை திங்கள்கிழமை (பிப்.18) தொடங்கினர்.
கடந்த 1.1.2017 முதல் 15 சதவீத ஊதிய நிர்ணய பலனுடன் 3-ஆவது ஊதிய மாற்றத்தை அமல்படுத்தவேண்டும். பி.எஸ்.என்.எல். நிறுவனத்துக்கு 4 ஜி அலைக்கற்றை ஒதுக்கீடு செய்யவேண்டும். ஓய்வூதியதாரர்களுக்கு ஓய்வூதிய மாற்றத்தை அமல்படுத்தவேண்டும். அரசு விதிகளின்படி மட்டுமே பி.எஸ்.என்.எல். நிறுவனத்திடமிருந்து ஓய்வூதியப் பங்களிப்பைப்  பெறவேண்டும். 2-ஆவது ஊதிய மாற்றக் குழுவின் விடுபட்ட பரிந்துரைகளை நிறைவேற்றவேண்டும்.
பி.எஸ்.என்.எல். நிறுவன நில மேலாண்மை கொள்கைக்கு விரைவில் ஒப்புதல் தரவேண்டும். பி.எஸ்.என்.எல். செல்லிடப்பேசி கோபுரங்களை பராமரிக்க தனியாரை ஈடுபடுத்தும் முடிவை கைவிடவேண்டும் உள்ளிட்ட கோரிக்கைகளை வலியுறுத்தி பிப்.18 முதல் 20-ஆம் தேதி வரை வேலை நிறுத்தப் போராட்டம் நடைபெறும் என ஏற்கெனவே ஊழியர் சங்கத்தினரால் அறிவிக்கப்பட்டிருந்தது. அதன்படி, காரைக்கால் கடற்கரை சாலையில் உள்ள பி.எஸ்.என்.எல். தலைமை அலுவலகத்தின் பிரதான வாயில் கதவை மூடி, ஊழியர்கள் வேலை நிறுத்தப் போராட்டத்தில் ஈடுபட்டனர். கன்வீனர் சிவராஜ் தலைமை வகித்தார். என்.எ"ஃ"ப்.டி.இ. சங்கத்தைச் சேர்ந்த இருதய சவுரிராஜ் முன்னிலை வகித்தார்.  இப்போராட்டத்தால் பி.எஸ்.என்.எல். சேவை பாதிக்கப்படும் நிலை ஏற்படும் என ஊழியர்கள் தரப்பில் தெரிவிக்கப்பட்டது.

]]>
https://www.dinamani.com/all-editions/edition-nagapattinam/karaikal/2019/feb/19/பிஎஸ்என்எல்-ஊழியர்கள்-வேலை-நிறுத்தப்-போராட்டம்-3098447.html
3098446 நாகப்பட்டினம் காரைக்கால் வட்டிக்குப் பணம் கொடுத்தவர் தற்கொலை: பாஜக நிர்வாகி உள்ளிட்ட 2 பேர் மீது வழக்கு DIN DIN Tuesday, February 19, 2019 01:51 AM +0530 வட்டிக்கு பணம் கொடுத்தவர் திடீரென தற்கொலை செய்துகொண்டது தொடர்பாக, பாஜக நிர்வாகி உள்ளிட்ட இருவர் மீது போலீஸார் வழக்குப் பதிவு செய்துள்ளனர்.
காரைக்கால் மாவட்டம், கோட்டுச்சேரி அருகே கீழகாசாக்குடியை சேர்ந்தவர் சுரேஷ் (44). இவர் ஆனந்திசந்திரன் என்ற பெண்ணுக்கு ரூ.3 லட்சம் கடன் கொடுத்திருந்தாக கூறப்படுகிறது. 
இதை திருப்பிக் கேட்டதில் இருவருக்கும் பிரச்னை ஏற்பட்டதாகவும், காவல் நிலையத்தில் சுரேஷ் அளித்த புகாரின்பேரில், போலீஸார் இருதரப்பையும் அழைத்துப் பேசியதில் பிப்ரவரி 28-ஆம் தேதிக்குள் ரூ.1.25 லட்சத்தை ஆனந்தி திருப்பித் தந்துவிடுவதாகவும் தெரிவித்ததாக கூறப்படுகிறது.
இந்நிலையில், கடந்த சில நாள்களாக மன உளைச்சலில் இருந்துவந்ததாக கூறப்படும் சுரேஷ்  சனிக்கிழமை மாலை வீட்டு அறையில் தூக்கிட்டுத் தற்கொலை செய்துகொண்டார்.
தமது கணவரிடம் ஆனந்தி என்கிற பெண்  கடன் பெற்றதாகவும், இதை திருப்பிக் கேட்டதில் இருவருக்கும் பிரச்னை ஏற்பட்டதாகவும், இவரது தற்கொலைக்கு அந்த பெண்ணும், காரைக்கால் மாவட்ட பாஜக இளைஞணித் தலைவர்  வழக்குரைஞர் கணேஷ் என்பவரும்தான் காரணம். அவர்கள் மீது உரிய நடவடிக்கை எடுக்கவேண்டும் என தற்கொலை செய்து கொண்ட  சுரேஷின் மனைவி சுதா கோட்டுச்சேரி காவல்நிலையத்தில் புகார் அளித்தார். 
புகாரின்பேரில், தற்கொலை வழக்குப் பதிவு செய்த போலீஸார் தீவிர மேற்கொண்டனர். இதற்கிடையே பாஜக நிர்வாகி கணேஷ், கடன் பெற்ற ஆனந்தி, தற்கொலை செய்து கொண்ட சுரேஷ் மற்றும் சிலர் செல்லிடப்பேசியில் அண்மையில் நடத்திய உரையாடல், சுரேஷை மிரட்டும் தொனியில் பேசிய பேச்சுகள் பதிவு, கட்செவி அஞ்சலில் பரப்பப்பட்டது.
இந்நிலையில், கணேஷ் மற்றும் ஆனந்தி ஆகிய இருவர் மீது போலீஸார் திங்கள்கிழமை வழக்குப் பதிவு செய்தனர். தலைமறைவாக உள்ள மற்ற இருவரையும் தேடி வருவதாக போலீஸார் தெரிவித்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/19/வட்டிக்குப்-பணம்-கொடுத்தவர்-தற்கொலை-பாஜக-நிர்வாகி-உள்ளிட்ட-2-பேர்-மீது-வழக்கு-3098446.html
3098425 நாகப்பட்டினம் காரைக்கால் சிங்காரவேலர் பிறந்த நாள்: முதல்வர் மரியாதை DIN DIN Tuesday, February 19, 2019 01:24 AM +0530 சிங்காரவேலர் பிறந்தநாளையொட்டி, காரைக்காலில் அவரது சிலைக்கு எம்.எல்.ஏ. உள்ளிட்டோர் திங்கள்கிழமை மாலை அணிவித்து மரியாதை செலுத்தினர்.
சிந்தனை சிற்பி என்று போற்றப்படும் சிங்காரவேலரின்  பிறந்தநாள் திங்கள்கிழமை கொண்டாடப்பட்டது. காரைக்கால் கடற்கரை சாலையில் உள்ள அவரது சிலைக்கு புதுச்சேரி அரசு சார்பில் நடந்த மரியாதை செலுத்தும் நிகழ்ச்சியில், மாவட்ட துணை ஆட்சியர் (வருவாய்) எம். ஆதர்ஷ், துணை ஆட்சியர் (பேரிடர் மேலாண்மை) எஸ். பாஸ்கரன் ஆகியோர் மாலை அணிவித்து மரியாதை செலுத்தினர். காரைக்கால் வடக்குத் தொகுதி சட்டப் பேரவை உறுப்பினர் பி.ஆர்.என். திருமுருகன் உள்ளிட்ட பல்வேறு கட்சியினர், சமாதானக் குழு உறுப்பினர்கள் மற்றும் பல்வேறு அமைப்பினரும் மாலை அணிவித்து மரியாதை செலுத்தினர்.
காரைக்கால் மாவட்ட பல்வேறு  மீனவ கிராமங்களின் பஞ்சாயத்தார்கள் உள்ளிட்ட பலரும் சிலைக்கு மாலை அணிவித்து மரியாதை செலுத்தினர். கடந்த 1922 -ஆம் ஆண்டு காங்கிரஸ் மாநாட்டில் சிங்காரவேலர் கலந்துகொண்டு, பொதுவுடைமை இயக்க பிரதிநிதியாக தம்மை அறிமுகம் செய்து, உழைக்கும் வர்க்கத்தினருக்காக பாடுபட்டவர். 1923-ஆம் ஆண்டு மே தினம் கொண்டாடிய முதல் மனிதர். 1925-ஆம் ஆண்டு பொதுவுடைமைக் கொடியை ஆங்கிலேய ஆதிக்கத்தின்போதே ஏற்றியவர். இதுபோன்ற பல போற்றுதலுக்குரியவர் சிங்காரவேலர் என காரைக்கால் மீனவ கிராமப் பஞ்சாயத்தார்கள் அவருக்கு புகழாரம் சூட்டிப் பேசினர்.

]]>
https://www.dinamani.com/all-editions/edition-nagapattinam/karaikal/2019/feb/19/சிங்காரவேலர்-பிறந்த-நாள்-முதல்வர்-மரியாதை-3098425.html
3097922 நாகப்பட்டினம் காரைக்கால் மாணவர்களின் திறனை வெளிப்படுத்தும் விழா DIN DIN Monday, February 18, 2019 06:00 AM +0530 காரைக்கால் பிரைட் அகாதெமி பள்ளியில் மாணவர்களின் திறனை வெளிப்படுத்தும் நிகழ்ச்சி சனிக்கிழமை நடைபெற்றது.
காரைக்கால் வேட்டைக்காரன் தெருவில் உள்ள பிரைட் அகாதெமி பள்ளியில், கல்வியாண்டு நிறைவையொட்டி மாணவர்களிடையே  திறன் வெளிப்படுத்தும் நிகழ்ச்சி (டேலன்ட் ஷோ) நடத்தப்பட்டது. இதில் மாணவர்கள் ஓவியம், பாடல், நடனம், யோகா, தற்காப்புக் கலை, இசை உள்ளிட்ட போட்டிகளில் தனியாகவும், குழுவாகவும் பங்கேற்று தங்கள் திறனை வெளிப்படுத்தினர். மாணவர்கள் ஒவ்வொருவரும் கல்வி அல்லாது தாங்கள் விரும்பும் பிற கலையைக் கற்றறிந்து, திறனுடன் வாழப் பழகிக்கொள்ள வேண்டும். அதற்கான பருவம்தான் பள்ளிப் பருவம். எனவே இதை மாணவர்கள் சிறந்த முறையில் பயன்படுத்திக் கொள்வதோடு, பெற்றோர்களும் அவர்களுக்கு ஊக்கமளிக்க வேண்டும் என பள்ளி நிர்வாகம் தரப்பில் வலியுறுத்தப்பட்டது. நிகழ்ச்சியின்போது நடுவர் குழுவினர், மாணவர்களின் திறன்களை சோதித்து தேர்வு செய்தனர். பெற்றோர்கள் திரளாக கலந்துகொண்டனர். பள்ளி நிர்வாக இயக்குநர் எஸ். செந்தில்குமார்,  தாளாளர் காஞ்சனாதேவி, பள்ளி முதல்வர் மோகனவித்யாவதி ஆகியோர் நிகழ்ச்சிக்கான ஏற்பாடுகளை செய்திருந்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/18/மாணவர்களின்-திறனை-வெளிப்படுத்தும்-விழா-3097922.html
3097921 நாகப்பட்டினம் காரைக்கால் பாலிடெக்னிக் மாணவர்கள் 20 பேருக்கு தனியார் நிறுவனத்தில் பணி வாய்ப்பு DIN DIN Monday, February 18, 2019 05:59 AM +0530 காரைக்கால் பாலிடெக்னிக் கல்லூரி இறுதியாண்டு மாணவர்கள் 20 பேருக்கு தனியார் நிறுவனம் நடத்திய வளாக நேர்காணலில் பணி வாய்ப்பு கிடைத்தது.
புதுச்சேரி அரசு சார்பு உயர்கல்வி நிறுவனமான காரைக்கால் பாலிடெக்னிக் கல்லூரியில் பல்வேறு துறையில் பயிலும் மாணவர்களுக்கு, நிறுவன வேலைவாய்ப்பு ஏற்படுத்தித்தரும் விதமாக வளாக நேர்காணலை கல்லூரி நிர்வாகம் ஆண்டுதோறும் நடத்திவருகிறது.  நிகழாண்டு, புதுச்சேரியிலிருந்து மதர்சன் சின்டர் மெட்டல் டெக்னாலஜி நிறுவனத்திலிருந்து மனிதவள தலைமை அதிகாரி எம்.கண்ணன், முதுநிலை மேலாளர் டி.ரவிச்சந்திரன் ஆகியோர், தங்களது நிறுவனத்தில் பணி வழங்கும் வகையில் இறுதியாண்டு மாணவர்களை தகுதியின் அடிப்படையில் தேர்வு செய்ய முன்வந்தனர்.
இந்த வளாக நேர்காணலுக்கு  கல்லூரி முதல்வர் டி. சந்தனசாமி தலைமை வகித்து, கல்லூரியில் உள்ள பல்வேறு பாடப் பிரிவுகள் குறித்தும், மாணவர்களின் திறன் குறித்தும் விளக்கிப் பேசினார்.
நிறுவன அதிகாரிகள், தங்களது நிறுவனத்தில் உள்ள பணி நிலவரம் குறித்தும், தேர்வு செய்யப்படுவோருக்கு பிற்கால நலன்கள் குறித்தும், நிறுவன விதிமுறைகள் குறித்தும் விளக்கினர். நிறுவனத்தின் சார்பில் கல்லூரியில் மெக்கானிக்கல் மற்றும் எலக்ரிக்கல், எலக்ட்ரானிக்ஸ் என்ஜினியரிங் மாணவர்களிடையே எழுத்துத் தேர்வு நடத்தப்பட்டது. பின்னர், நேர்முகத் தேர்வு நடத்தப்பட்டத்தில், 20 பேருக்கு பணி வாய்ப்பு வழங்கப்பட்டது. மாணவர்கள் கல்வி முடித்து நிறுவனத்தில் சேரும்போது மாதம் ரூ.10,500 ஊதியம் தரப்படும் பின்னர் படியாக ஊதியம் உயர்த்தப்படும் என அந்த நிறுவனத்தினர் தெரிவித்தனர்.

]]>
https://www.dinamani.com/all-editions/edition-nagapattinam/karaikal/2019/feb/18/பாலிடெக்னிக்-மாணவர்கள்-20-பேருக்கு-தனியார்-நிறுவனத்தில்-பணி-வாய்ப்பு-3097921.html
3097920 நாகப்பட்டினம் காரைக்கால் திருமலைராயன்பட்டினத்தில் நாளை மாசி மக சமுத்திர தீர்த்தவாரி: சாலைகளை தூய்மைப்படுத்தும் பணிகள் தீவிரம் DIN DIN Monday, February 18, 2019 05:59 AM +0530 திருமலைராயன்பட்டினம் கடற்கரையில் திருக்கண்ணபுரம் ஸ்ரீ சௌரிராஜப் பெருமாள் உள்ளிட்ட பெருமாள்கள் தீர்த்தவாரி செவ்வாய்க்கிழமை (செப். 19) நடைபெறுகிறது. இதில், ஆயிரக்கணக்கான பக்தர்கள் பங்கேற்பர் என்பதால், சாலைகளை தூய்மைப்படுத்தும் பணிகள் தீவிரமாக நடைபெறுகின்றன.
காரைக்கால் மாவட்டம், திருமலைராயன்பட்டினத்தில் ஒவ்வொரு ஆண்டும் நடத்தப்படும் மாசிமகத் திருவிழாவில், பல்வேறு  கோயில்களில் இருந்து பெருமாள் ஒருங்கிணைந்து, சமுத்திர தீர்த்தவாரி நடைபெறுவது சிறப்புவாய்ந்ததாகும்.
நாகை மாவட்டம், திருக்கண்ணபுரம் ஸ்ரீ சௌரிராஜப் பெருமாள், திருமலைராயன்பட்டினம் வெள்ளை மண்டபத்துக்கு செவ்வாய்க்கிழமை நண்பகல் 12 மணயளவில் வந்தடைந்து, கருட வாகனத்தில் எழுந்தருளி, பவழக்கால் சப்பரத்தில் பட்டினச்சேரி பகுதி கடற்கரைக்கு எழுந்தருளவுள்ளார்.
திருக்கண்ணபுரம் பெருமாளை தேசிய நெடுஞ்சாலையில்  திருமலைராயன்பட்டினம் ஸ்ரீ வீழி வரதராஜப் பெருமாள் எதிர்கொண்டு அழைக்கும் நிகழ்ச்சி நடைபெறுகிறது. 
இதைத் தொடர்ந்து காரைக்கால் ஸ்ரீ நித்யகல்யாணப் பெருமாள், கோயில்பத்து ஸ்ரீ கோதண்டராமப் பெருமாள், நிரவி கரியமாணிக்கப் பெருமாள், திருமலைராயன்பட்டினம் ஸ்ரீ வீழி வரதராஜப் பெருமாள், ஸ்ரீ ரகுநாதப் பெருமாள், திருமருகல் ஸ்ரீ வரதராஜப் பெருமாள்  ஆகிய பெருமாள்கள் திருமலைராயன்பட்டினம் பகுதி பட்டனச்சேரி கடற்கரைக்கு எழுந்தருளி, கடலில் தீர்த்தவாரியில் ஈடுபடவுள்ளனர்.
திருக்கண்ணபுரம் சௌரிராஜப் பெருமாள் திருமலைராயன்பட்டினத்துக்கு வந்து தீர்த்தவாரியில் ஈடுபடுவது நூற்றாண்டுகளாக நடைபெறுவதாக சொல்லப்படுகிறது. இந்த பெருமாள் பல்லக்கில் இவ்வூருக்கு எழுந்தருளினாலும், நெல் மணிகள் கட்டப்பட்ட பவழக்கால் சப்பரத்தில் பட்டினச்சேரிக்கு சென்றடைகிறார். விவசாயம் செழிக்கவேண்டிய நோக்கில் அந்த காலத்திலேயே சப்பரத்தை சுற்றி நெல் கதிர்கள் கட்டப்பட்டு வந்துள்ளது, இப்போதும் தொடர்கிறது.
பல்வேறு ஊர்களில் மாசி மகத்தையொட்டி கடலில் தீர்த்தவாரியில் விநாயகர், முருகன், பெருமாள், அம்பாள் உள்ளிட்ட சுவாமிகள் ஈடுபட்டாலும், திருமலைராயன்பட்டினத்தில் மட்டும் பல்வேறு கோயில்களின் பெருமாள் சமுத்திர தீர்த்தவாரியில் ஈடுபடுவது சிறப்புக்குரியதாக சொல்லப்படுகிறது.
இந்த நிகழ்வைக்கான காரைக்கால் மட்டுமல்லாது சுற்றுவட்டார மாவட்டங்களில் இருந்து வைணவ பக்தர்கள் உள்ளிட்ட பல்வேறு தரப்பினர் திருமலைராயன்பட்டினத்துக்கு வருகை தருவர்.
பல்வேறு பகுதிகளில் இருந்து சுவாமிகள் இவ்வூருக்கு எழுந்தருளுவதையொட்டி,  மேலையூர் முதல் வெள்ளை மண்டபம் மற்றும் சுவாமிகள் பட்டினச்சேரிக்குக்கு செல்லும் பாதைகளில்  தேங்கிக் கிடந்த குப்பைகள் அகற்றப்படுகின்றன. பல்வேறு சாலைகளில் கஜா புயலில் விழுந்துக் கிடந்த மரங்கள் அகற்றப்படுவதாக திருப்பட்டினம் கொம்யூன் பஞ்சாயத்து ஆணையர் ஜான்அரேலியஸ் ஞாயிற்றுக்கிழமை தெரிவித்தார்.
 

]]>
https://www.dinamani.com/all-editions/edition-nagapattinam/karaikal/2019/feb/18/திருமலைராயன்பட்டினத்தில்-நாளை-மாசி-மக-சமுத்திர-தீர்த்தவாரி-சாலைகளை-தூய்மைப்படுத்தும்-பணிகள்-தீவிரம்-3097920.html
3097919 நாகப்பட்டினம் காரைக்கால் 21-இல் ஓய்வூதியர்கள் கவன ஈர்ப்பு ஆர்ப்பாட்டம் DIN DIN Monday, February 18, 2019 05:59 AM +0530 ஏழாவது ஊதியக் குழு பரிந்துரையை உள்ளாட்சி ஓய்வூதியதாரர்களுக்கு அமல்படுத்த வலியுறுத்தி பிப்ரவரி 21-ஆம் தேதி கவன ஈர்ப்பு ஆர்ப்பாட்டம் நடத்த முடிவு செய்துள்ளனர்.
காரைக்கால் நகராட்சி மற்றும் கொம்யூன் பஞ்சாயத்து ஓய்வூதியதாரர்கள் நலச் சங்க பொதுக் குழு கூட்டம் சங்கத் தலைவர் ரகுநாதன் தலைமையில் சனிக்கிழமை  நடைபெற்றது.  
தீர்மானங்கள்:  7- ஆவது ஊதியக்குழு பரிந்துரைகளை உள்ளாட்சி ஓய்வூதியதாரர்களுக்கும் அமல்படுத்த வேண்டும், மாதந்தோறும் காலதாமதமின்றி ஓய்வூதியம் வழங்க வேண்டும், பணி ஓய்வூக்குப்பின் அளிக்கவேண்டிய பண பலன்களை உடனடியாக வழங்க வேண்டும். அரசு துறை ஓய்வூதியதாரர்களுக்கு அளிக்கப்பட்டுள்ளதுபோல் மருத்துவப்படி ஆயிரமாக உயர்த்தி வழங்க வேண்டும். 
உள்ளாட்சி ஓய்வூதியதாரர்களின் ஓய்வூதியத்திற்கென அரசு பட்ஜெட்டில் தனியாக நிதி ஒதுக்கி, அரசே நேரடியாக ஓய்வூதியம் வழங்க வேண்டும். பணி ஓய்வுபெற்று செல்லும் நாளிலேயே ஓய்வூதியப் புத்தகம் வழங்க வேண்டும். அரசு ஓய்வூதியதாரர்களுக்கு வழங்குவதுபோல் மூத்த குடிமகன் என்ற அடையாள அட்டையை உள்ளாட்சி ஓய்வூதியதாரர்களுக்கு வழங்க வேண்டும். அரசு ஓய்வூதியதாரர்களுக்கு அமல்படுத்தியுள்ள மருத்துவக் காப்பீடு திட்டத்தை உள்ளாட்சி ஓய்வூதியதாரர்களுக்கும் அமல்படுத்த வேண்டும் உள்ளிட்ட கோரிக்கைகளை வலியுறுத்தி இக்கூட்டத்தில் தீர்மானங்கள் நிறைவேற்றப்பட்டன.
மேலும்,  இக்கோரிக்கைகளை வலியுறுத்தி பிப்ரவரி 21-ஆம் தேதி  காலை 10 மணிக்கு காரைக்கால் மாவட்ட ஆட்சியர் அலுவலகம் அருகில் கவன ஈர்ப்பு ஆர்ப்பாட்டம் நடத்துவது எனவும் கூட்டத்தில் முடிவு செய்யப்பட்டது.
சங்கப் பொருளாளர் கோதண்டராமன், இணைச் செயலாளர் புருஷோத்தமன் மற்றும் செயற்குழு, பொதுக்குழு உறுப்பினர்கள் கலந்து கொண்டனர். 
அரசு ஊழியர் சங்கங்களின் சம்மேளன கௌரவத் தலைவர்கள் ஜார்ஜ், ஜெய்சிங், பொதுச் செயலாளர் ஷேக் அலாவுதீன், நகராட்சி மற்றும் கொம்யூன் பஞ்சாயத்து ஊழியர் சங்கங்களின் சம்மேளனத் தலைவர் ஐயப்பன் ஆகியோர் சிறப்பு அழைப்பாளர்களாக கலந்துகொண்டனர்.  சங்கச் செயலாளர் வெங்கடாசலம் வரவேற்றார். ஆண்டறிக்கையை  சங்க துணைத் தலைவர் ஜெயராமன் வாசித்தார். சங்க கெளரவ ஆலோசகர் கிருஷ்ணமூர்த்தி நன்றி கூறினார்.

]]>
https://www.dinamani.com/all-editions/edition-nagapattinam/karaikal/2019/feb/18/21-இல்-ஓய்வூதியர்கள்-கவன-ஈர்ப்பு-ஆர்ப்பாட்டம்-3097919.html
3097917 நாகப்பட்டினம் காரைக்கால் நித்ய கல்யாணப் பெருமாள் கோயிலில் தேர் திருவிழா DIN DIN Monday, February 18, 2019 05:57 AM +0530 காரைக்கால் நித்ய கல்யாணப் பெருமாள் கோயிலில் பிரமோத்ஸவத்தையொட்டி,  தேர் திருவிழா, சந்திர புஷ்கரணியில் தீர்த்தவாரி நிகழ்ச்சி ஞாயிற்றுக்கிழமை நடைபெற்றது.
காரைக்கால் நித்யகல்யாணப் பெருமாள் கோயிலில் 14 நாள் நடக்கும் பிரமோத்ஸவம் கடந்த 9-ஆம் தேதி கொடியேற்றத்துடன் தொடங்கியது. தினமும் காலை வேளையில் பல்லக்கில் பெருமாள் வீதியுலா புறப்பாடும், மாலை வேளையில் பல்வேறு வாகனத்தில் புறப்பாடும் நடைபெற்றுவந்தது. 
முக்கிய நிகழ்ச்சிகளில் ஒன்றாக தேர் திருவிழா ஞாயிற்றுக்கிழமை நடைபெற்றது. ஸ்ரீதேவி பூதேவி சமேதராக  நித்யகல்யாணப் பெருமாள் தேரில் வீற்றிருந்தவாறு பெரிய வீதியுலா நடைபெற்றது.
 இதில் ஏராளமான பக்தர்கள் கலந்துகொண்டனர். வீதியுலா முடிந்து கோயில் வந்தடைந்ததும், காரைக்கால் அம்மையார் குளம் என்கிற சந்திரபுஷ்கரணியில் தீர்த்தவாரி நடைபெற்று, பின்னர் கொடியிறக்கம் (துவஜ அவரோகணம்) செய்யப்பட்டது. 
உத்ஸவத்தின் 10-ஆம் நாளான திங்கள்கிழமை (பிப்ரவரி 18) மூலவர், உத்ஸவர் சிறப்புத் திருமஞ்சனம் நடைபெறுகிறது. 
செவ்வாய்க்கிழமை திருமலைராயன்பட்டினம் கடற்கரைக்கு பல்லக்கில் பெருமாள் எழுந்தருளி, பல்வேறு கோயில் பெருமாள்களுடன் சமுத்திர தீர்த்தவாரி செய்கிறார்.
நிறைவு நிகழ்ச்சியாக, வியாழக்கிழமை சந்திரபுஷ்கரணியில் தெப்பமும், 22-ஆம் தேதி விடையாற்றியுடன் புஷ்ப பல்லக்கு வீதியுலாவும் நடைபெறுகிறது.

]]>
https://www.dinamani.com/all-editions/edition-nagapattinam/karaikal/2019/feb/18/நித்ய-கல்யாணப்-பெருமாள்-கோயிலில்-தேர்-திருவிழா-3097917.html
3097916 நாகப்பட்டினம் காரைக்கால் சி.ஆர்.பி.எஃப். வீரர்களுக்கு இந்து இயக்கங்கள் சார்பில் மலரஞ்சலி DIN DIN Monday, February 18, 2019 05:57 AM +0530 புல்வாமாவில் பயங்கரவாதிகளின் தற்கொலைத் தாக்குதலில் பலியான சி.ஆர்.பி.எஃப். வீரர்களுக்கு காரைக்காலில் இந்து இயக்கங்களின் சார்பில் மலரஞ்சலி செலுத்தும் நிகழ்ச்சி புதிய பேருந்து நிலையம் அருகில் சனிக்கிழமை நடைபெற்றது.
 நிகழ்ச்சிக்கு, இந்து முன்னணி மாவட்டத் தலைவர் கே.எஸ். விஜயன் தலைமை வகித்து பேசுகையில், இந்த  தற்கொலைத் தாக்குதலுக்குக் காரணமான பயங்கரவாதிகள் மீதும், அவர்களுக்குப் புகலிடம் கொடுத்து ஆதரித்துவரும் பாகிஸ்தான் மீதும் கடுமையான நடவடிக்கை எடுக்க வேண்டும் என்றார். ஆர்.எஸ்.எஸ் மாவட்ட இணைச் செயலாளர் எஸ்.சிவானந்தம்,  இந்து முன்னணி துணைத் தலைவர் ஜி. வைத்தியநாதன்,  வெங்கடாசலம், பாஜக முன்னாள் மாவட்டத் தலைவர் என்.சிவசுப்பிரமணியன் ஆகியோர் பேசினர்.
பலியான 42 வீரர்களின் பெயர்கள் வாசிக்கப்பட்டு, ஒரு நிமிடம் மௌன அஞ்சலி செய்யப்பட்டது. பின்னர் வீரர்களின் உருவப் படத்துக்கு பாஜக மாவட்டத் தலைவர் டி.கே.எஸ்.எம். மீனாட்சிசுந்தரம்,  பொதுச்செயலாளர் கே.முருகதாஸ், ஆர்.எஸ்.எஸ் பொறுப்பாளர்கள் எஸ்.கணேஷ், தயாளன், பாஜக மாநில இளைஞர் அணி பொதுச் செயலாளர் செந்திலதிபன்,  முன்னாள் மாவட்டத் தலைவர் ராஜவேலு, இந்து முன்னணி தலைவர் கே. ஜெய்சங்கர், பொருளாளர் கே. செந்தில்குமார் உள்பட ஏராளமானோர் கலந்துகொண்டனர்.
மேலும், காரைக்கால் கைலாசநாதர் கோயில் மேற்கு கோபுரத்தில் மோட்சதீபம் ஏற்றப்பட்டது.

]]>
https://www.dinamani.com/all-editions/edition-nagapattinam/karaikal/2019/feb/18/சிஆர்பிஎஃப்-வீரர்களுக்கு-இந்து-இயக்கங்கள்-சார்பில்-மலரஞ்சலி-3097916.html
3097915 நாகப்பட்டினம் காரைக்கால் தர்பாரண்யேசுவரர் கோயிலில் பிரதோஷ வழிபாடு DIN DIN Monday, February 18, 2019 05:56 AM +0530 திருநள்ளாறு ஸ்ரீ தர்பாரண்யேசுவரர் கோயிலில் ஞாயிற்றுக்கிழமை நடைபெற்ற பிரதோஷ வழிபாட்டில் திரளான பக்தர்கள் கலந்துகொண்டனர்.
இதையொட்டி, கொடிக்கம்பம் அருகே உள்ள பெரிய நந்திக்கு சிவாச்சாரியார்கள் சிறப்பு அபிஷேகம் செய்து, பல்வேறு மலர்களால் அலங்காரம் செய்து, புது வஸ்திரம் சாற்றப்பட்டு சிறப்பு ஆராதனை நடத்தினர்.
பக்தர்கள் ஏராளமானோர் அபிஷேகத்துக்காக பால் வழங்கியிருந்தனர். மேலும் அருகம்புல் மாலை கொண்டுவந்து பக்தர்கள் நந்திக்கு சாற்றி சிறப்பு வழிபாட்டில் ஈடுபட்டனர்.
இந்த நிகழ்வில் தரும்புர ஆதீன கட்டளை விசாரணை கந்தசாமி தம்பிரான் சுவாமிகள் உள்ளிட்ட ஏராளமான பக்தர்கள் கலந்துகொண்டனர். ஞாயிற்றுக்கிழமை விடுமுறை நாள் என்பதாலும், இக்கோயில் குடமுழுக்கு நடைபெற்று முதல் பிரதோஷம் என்பதாலும் திரளான பக்தர்கள் பங்கேற்றனர்.

]]>
https://www.dinamani.com/all-editions/edition-nagapattinam/karaikal/2019/feb/18/தர்பாரண்யேசுவரர்-கோயிலில்-பிரதோஷ-வழிபாடு-3097915.html
3097914 நாகப்பட்டினம் காரைக்கால் வட்டிக்குப் பணம் கொடுத்தவர் தற்கொலை DIN DIN Monday, February 18, 2019 05:56 AM +0530 கோட்டுச்சேரி அருகே வட்டிக்குப் பணம் கொடுத்தவர் தற்கொலை செய்துகொண்டது குறித்து போலீஸார் விசாரணை மேற்கொண்டுள்ளனர்.
காரைக்கால் மாவட்டம், கோட்டுச்சேரி அருகே உள்ள கீழகாசாக்குடியைச் சேர்ந்தவர் சுரேஷ் (44). இவருக்கு மனைவி சுதா, ஒரு மகன் உள்ளனர். இவர் வெளிநாட்டில் பணியாற்றிவிட்டு, கடந்த 2 ஆண்டுகளுக்கு முன்பு சொந்த ஊருக்குத் திரும்பி, சுயத் தொழில் செய்துவந்தார்.
இவர், ஆனந்தி என்ற பெண்ணுக்கு ரூ.3 லட்சம் வட்டிக்கு கடன் கொடுத்திருந்ததாக கூறப்படுகிறது.
இதை திருப்பிக் கேட்டதில் இருவருக்கும் பிரச்னை ஏற்பட்டதாகவும், காவல் நிலையத்தில் சுரேஷ் அளித்த புகாரின்பேரில், போலீஸார் இருதரப்பையும் அழைத்துப் பேசியதில் பிப்.28-ஆம் தேதிக்குள் ரூ.1.25 லட்சத்தை ஆனந்தி திருப்பித் தந்துவிடுவதாகவும் தெரிவித்தாக போலீஸ் தரப்பில் கூறப்படுகிறது.
இந்நிலையில், கடந்த சில நாள்களாக மன உளைச்சலில் இருந்துவந்ததாக கூறப்படும் சுரேஷ்  சனிக்கிழமை மாலை தனது அறையில் தூக்கிட்டு தற்கொலை செய்துகொண்டார். கோட்டுச்சேரி காவல்நிலைய போலீஸார் சடலத்தை மீட்டு மருத்துவமனைக்கு அனுப்பிவைத்தனர். இதுகுறித்து, அவரது மனைவி சுதா, கோட்டுச்சேரி காவல் நிலையத்தில் அளித்த புகாரில், தனது கணவரிடம் ஆனந்தி என்கிற பெண்  கடன் பெற்றதாகவும், இதைத் திருப்பிக் கேட்டபோது, இருவருக்கும் பிரச்னை ஏற்பட்டதாகவும், இவரது தற்கொலைக்கு அந்த பெண்ணும், வழக்குரைஞர் ஒருவரும்தான் காரணம். அவர்கள் மீது உரிய நடவடிக்கை எடுக்கவேண்டும் என கூறியுள்ளார்.
அதன்பேரில், போலீஸார் வழக்குப்பதிவு செய்து விசாரணை மேற்கொண்டுள்ளனர்.
 

]]>
https://www.dinamani.com/all-editions/edition-nagapattinam/karaikal/2019/feb/18/வட்டிக்குப்-பணம்-கொடுத்தவர்-தற்கொலை-3097914.html
3097913 நாகப்பட்டினம் காரைக்கால் பிரமோத்ஸவம்: ஜடாயுபுரீசுவரர் ரிஷப வாகனத்தில் புறப்பாடு: இன்று ஜடாயு சம்ஹாரம் DIN DIN Monday, February 18, 2019 05:56 AM +0530 வருடாந்திர பிரமோத்ஸவத்தையொட்டி, திருமலைராயன்பட்டினம் ஸ்ரீ ஜடாயுபுரீசுவரர் கோயிலில் சனிக்கிழமை இரவு ரிஷப வாகனத்தில் மின்சார சப்பரப்படலில் சுவாமி வீதியுலா புறப்பாடு நடைபெற்றது. தேர் வீதியுலா மற்றும் ஜடாயு சம்ஹார நிகழ்ச்சி திங்கள்கிழமை (பிப்.18) நடைபெறுகிறது.
திருமலைராயன்பட்டினம் அருள்மிகு மையாடுங்கண்ணி சமேத ஜடாயுபுரீசுவரர் கோயிலில் பிரமோத்ஸவம் கடந்த  10-ஆம் தேதி கொடியேற்றத்துடன் தொடங்கியது. 10 நாள் நிகழ்ச்சியில் தினமும் பல்வேறு அலங்காரம் மற்றும் வாகனங்களில் சுவாமி வீதியுலா நடைபெறுகிறது. முக்கிய நிகழ்ச்சிகளில் ஒன்றாக மின்சார சப்பரப்படலில் சுவாமி ரிஷப வாகனத்தில் வீற்றிருந்தவாறு வீதியுலா புறப்பாடு சனிக்கிழமை இரவு நடைபெற்றது. சிறப்பு நாகசுர மேள வாத்தியக் குழுவினர் மற்றும் பல்வேறு கலைக்குழுவினர் வாத்தியங்களுடன் சப்பரப் படல் இரவு 11 மணியளிவில் புறப்பட்டு அதிகாலை 2 மணியளவில் கோயிலை சென்றடைந்தது.
இன்று தேர் திருவிழா: கோயிலில் இன்று காலை நிகழ்வாக தேர் புறப்பாடு நடைபெறுகிறது. காலை 10.15 மணிக்கு வடம் பிடிப்பு செய்யப்படுகிறது. இரவு நிகழ்ச்சியாக காரைக்கால் - நாகப்பட்டினம் தேசிய நெடுஞ்சாலையில் ஜடாயு சம்ஹாரம் என்கிற ராவண யுத்த நிகழ்ச்சி நடைபெறவுள்ளது.
ராமாயண நிகழ்வுகளை மையமாக வைத்து பல்வேறு காட்சிகளும், கழுகு அரசனாகிய ஜடாயுவுக்கு ராமன் மோட்சம் தரும் நிகழ்வு உள்ளிட்டவை இந்த சம்ஹாரத்தில் இடம்பெறுகிறது. தேசிய நெடுஞ்சாலையில் ஆயிரக்கணக்கானோர் முன்னிலையில் நடைபெறும் இந்த நிகழ்வுக்கான ஏற்பாடுகளை கோயில் நிர்வாகம் செய்துள்ளது.

]]>
https://www.dinamani.com/all-editions/edition-nagapattinam/karaikal/2019/feb/18/பிரமோத்ஸவம்-ஜடாயுபுரீசுவரர்-ரிஷப-வாகனத்தில்-புறப்பாடு-இன்று-ஜடாயு-சம்ஹாரம்-3097913.html
3097635 நாகப்பட்டினம் காரைக்கால் கப்பலில் பொதுமக்களை அழைத்துச்சென்று கடலோரக் காவல்படையினர் செயல்விளக்கம் DIN DIN Sunday, February 17, 2019 05:42 AM +0530 காரைக்கால் துறைமுகத்திலிருந்து சனிக்கிழமை 2 ரோந்துக் கப்பல்களில் நடுக்கடலுக்கு பொதுமக்களை அழைத்துச் சென்ற கடலோரக் காவல்படையினர், அங்கு தங்கள் பணி குறித்து செயல்விளக்கம் அளித்தனர்.
இந்திய கடலோரக் காவல்படை தினத்தையொட்டி கடலில் ஒரு நாள் என்கிற நிகழ்ச்சியை கடலோரக் காவல்படை சனிக்கிழமை நடத்தியது.
இதையொட்டி, காரைக்கால் மார்க் துறைமுகத்திலிருந்து அமேயா, சவுரியா என்கிற 2  ரோந்துக் கப்பலில் காரைக்கால் மாவட்ட முதுநிலைக் காவல் கண்காணிப்பாளர் மகேஷ்குமார் பர்ன்வால், மாவட்ட துணை ஆட்சியர் எம். ஆதர்ஷ், இந்திய கடலோரக் காவல்படை காரைக்கால் மைய கமாண்டன்ட் நாகேந்திரன் உள்ளிட்ட  அலுவலர்கள், கடலோரக் காவல்படை குடும்பத்தினர், அரசியல் பிரமுகர்கள், தனியார் நிறுவனப் பிரதிநிதிகள் மற்றும் பொதுமக்கள் என 450 பேர் நடுக்கடல் பகுதிக்கு அழைத்துச் செல்லப்பட்டனர்.
அங்கு, கடற்கொள்ளையர்களால் கப்பல் சுற்றி வளைக்கப்பட்டால் எவ்வாறு தாக்குதல் நடத்தி, அவர்களிடமிருந்து மீள்வது என்பது குறித்தும், பல்வேறு எதிர்ப்புகளை எவ்வாறு எதிர்கொள்வது என்பது குறித்தும்  சுமார் 2 மணி நேரம் நடுக்கடலில் கடற்படையினர் செயல் விளக்கம் அளித்தனர்.
மேலும், கடலில் கண்காணிப்பு முறை, கடலில் தத்தளிப்போரை மீட்பது, தீவிரவாதிகள்  இந்திய கடல் எல்லைக்குள் நுழைந்துவிட்டால் அவர்களை பிடிக்க எடுக்கும் நடவடிக்கை உள்ளிட்டவை குறித்து பொதுமக்களுக்கு விளக்கினர். கப்பலில் இருந்தவாறு இலக்கை நோக்கி துப்பாக்கி சூடும் நடத்திக் காட்டப்பட்டது.
கடலுக்குள் கடலோரக் காவல்படையினர் பணி குறித்து பொதுமக்கள் புரிந்துகொள்ளவே, ஆண்டுதோறும் இந்நிகழ்ச்சி நடத்தப்படுவதாக கடலோரக் காவல்படையினர் தெரிவித்தனர்.
இதுகுறித்து, கடலோரக் காவல்படை காரைக்கால் மைய கமாண்டன்ட் நாகேந்திரன் கூறியது:
கடலோரக் காவல்படை தினத்தையொட்டி, கடலில் ஒரு நாள் நிகழ்வு ஆண்டுதோறும் நடத்தப்படுகிறது. இதையொட்டி, பொதுமக்கள், என்.சி.சி., என்.எஸ்.எஸ். மாணவர்கள் மற்றும் பல்வேறு தரப்பினரை கப்பலில் நடுக்கடல் பகுதிக்கு அழைத்துச் சென்று கடலோரக் காவல் படையின் பணி குறித்து செயல் விளக்கம் அளிக்கப்படுகிறது.
நிகழாண்டு, கரையிலிருந்து 20 நாட்டிக்கல் மைல் தூரத்தில் பயணித்து செயல்விளக்கம் காட்டப்பட்டது. கடலோரக் காவல்படையினர் செயல்பாடுகள் குறித்து நேரில் பார்க்கும்போது, மாணவர்களிடையே கடலோரக் காவல்படையின் பணியில் சேரும் எண்ணம் உருவாகும். மாணவர்கள் மனதில் ஒருவித உந்துதலை ஏற்படுத்த இந்த பயணம் வழிவகுக்கிறது என்றார்.
கப்பலில் சென்று திரும்பியோர் கூறியது:
கடலோரக் காவல் படையினர் அழைப்பை ஏற்று கடலுக்குள் கப்பலில் பயணித்தோம். கடலோரக் காவல்படையினர் நம்மை காக்க எவ்வாறான செயல்பாடுகளை செய்கிறார்கள் என்பதையும், அவர்களது தியாகத்தையும் புரிந்துகொள்ள முடிந்தது.
கடலோரக் காவல்படையின் பணிகள் பாராட்டுக்குரியது. கடலுக்குள் கடலோரக் காவல்படையினர் என்ன செய்கிறார்கள் என்பதை உணர்ச்சிப்பூர்வமாக பார்க்க கிடைத்த வாய்ப்புக்கு, கடலோரக் காவல்படைக்கு நன்றி தெரிவிப்பதாகக் கூறினர்.
 

]]>
https://www.dinamani.com/all-editions/edition-nagapattinam/karaikal/2019/feb/17/கப்பலில்-பொதுமக்களை-அழைத்துச்சென்று-கடலோரக்-காவல்படையினர்-செயல்விளக்கம்-3097635.html
3097276 நாகப்பட்டினம் காரைக்கால் பஞ்சாயத்து ஊழியர்களுக்கான நிலுவை ஊதியத்தை வழங்க வலியுறுத்தல் DIN DIN Sunday, February 17, 2019 01:04 AM +0530
காரைக்காலில் கொம்யூன் பஞ்சாயத்துகளின் நிலுவை ஊதியத்தை வழங்க நடவடிக்கை எடுக்குமாறு ஆளுநருக்கு வலியுறுத்தப்பட்டுள்ளது. 
புதுச்சேரி துணை நிலை ஆளுநர் மற்றும் உள்ளாட்சித் துறைச் செயலர் ஆகியோருக்கு காரை பிரதேச நகராட்சி மற்றும் கொம்யூன் பஞ்சாயத்து ஊழியர் சம்மேளன பொதுச் செயலர் எம். ஷேக்அலாவுதீன் வெள்ளிக்கிழமை அனுப்பிய கோரிக்கை மனு விவரம்: காரைக்கால் மாவட்டத்துக்குள்பட்ட நெடுங்காடு கொம்யூன் பஞ்சாயத்தில் பணியாற்றும் ஊழியர்கள், சுகாதார பணியாளர்கள் மற்றும் ஓய்வூதியதாரர்களுக்கு கடந்த நவம்பர், டிசம்பர் மற்றும் ஜனவரி ஆகிய மூன்று மாத ஊதியமும், இதேபோல், திருபட்டினம் கொம்யூன் பஞ்சாயத்து ஊழியர்களுக்கு டிசம்பர் மற்றும் ஜனவரி ஆகிய இரண்டு மாத ஊதியமும், மேலும் காரைக்கால் நகராட்சி மற்றும் திருநள்ளாறு கொம்யூன் பஞ்சாயத்து ஊழியர்களுக்கு ஜனவரி மாத ஊதியமும் இதுவரை வழங்கப்படாமல் உள்ளது. 
கடந்த சில மாதங்களாகவே உள்ளாட்சி ஊழியர்கள் மற்றும் ஓய்வூதியதாரர்களுக்கு காலத்தோடு ஊதியம் வழங்காமல் பல நாள்கள் கடந்தும், ஒரு சில சமயங்களில் பல மாதங்கள் கடந்தும் வழங்கப்படுகின்றன. இதனால் அலுவலக ஊழியர்கள், சுகாதாரப் பணியாளர்கள் மற்றும் ஓய்வூதியதாரர்கள் குடும்பத்தை நடத்த வழி தெரியாமல் தவித்து வருகின்றனர். எனவே, புதுச்சேரி அரசு உரிய நடவடிக்கை எடுத்து நெடுங்காடு, திருபட்டினம் மற்றும் திருநள்ளாறு கொம்யூன் பஞ்சாயத்து மற்றும் காரைக்கால் நகராட்சி ஊழியர்கள் மற்றும் ஓய்வூதியதாரர்களுக்கு ஊதியத்துக்கான நிதியை வழங்குமாறும், அதே வேளையில் நகராட்சி மற்றும் கொம்யூன் பஞ்சாயத்துகளுக்கு கடந்த 2014-15-ஆம் ஆண்டு முதல் 2017-18-ஆம் ஆண்டு வரை வரவேண்டிய சுங்க வரிக்கு ஈடான மீதமுள்ள மானியத்தொகை மற்றும் வீட்டு வரிக்கு ஈடான மானியத் தொகைகளை சம்பந்தப்பட்ட உள்ளாட்சி நிர்வாகத்துக்கு வழங்க ஏற்பாடு செய்யுமாறு அதில் வலியுறுத்தப்பட்டுள்ளது.

]]>
https://www.dinamani.com/all-editions/edition-nagapattinam/karaikal/2019/feb/17/பஞ்சாயத்து-ஊழியர்களுக்கான-நிலுவை-ஊதியத்தை-வழங்க-வலியுறுத்தல்-3097276.html
3097186 நாகப்பட்டினம் காரைக்கால் கிரண் பேடியை கண்டித்து 2-ஆம் கட்ட ஆர்ப்பாட்டம் DIN DIN Sunday, February 17, 2019 12:46 AM +0530
துணை நிலை ஆளுநர் கிரண் பேடியை கண்டித்து காரைக்காலில் காங்கிரஸ், திமுக கூட்டணிக் கட்சியினர் 2-ஆவது கட்டமாக சனிக்கிழமை  ஆர்ப்பாட்டத்தில் ஈடுபட்டனர்.
புதுச்சேரி துணை நிலை ஆளுநர் கிரண் பேடி, மக்கள் நலத்திட்டங்கள், வளர்ச்சித் திட்டங்களுக்கு முட்டுக்கட்டை போடும் வகையில் செயல்படுகிறார் என்ற குற்றச்சாட்டு ஆளும் கட்சித் தரப்பிலும், பல்வேறு எதிர்க்கட்சிகள் தரப்பிலும் முன்வைக்கப்படுகிறது. இந்நிலையில் முதல்வர் வி. நாராயணசாமி, அமைச்சர்கள், திமுக எம்.எல்.ஏ.க்கள் ஆகியோர் ஆளுநரைக் கண்டித்து ஆளுநர் மாளிகை முன்பு புதன்கிழமை முதல் தர்னா போராட்டத்தில் ஈடுபட்டுள்ளனர். 
ஆளுநரைக் கண்டித்து காரைக்காலில் கடந்த 14-ஆம் தேதி காங்கிரஸ் - திமுக கூட்டணிக் கட்சியினர் திரண்டு ஆர்ப்பாட்டத்தில் ஈடுபட்டனர்.
தர்னா போராட்டம் நடந்துவரும் நிலையில், புதுச்சேரி மாநிலத்தில் 12 மையங்களில் சனிக்கிழமை கிரண்பேடியை கண்டித்து ஆர்ப்பாட்டமும்,  ஞாயிற்றுக்கிழமை (பிப்.17) அனைத்து தொகுதிகளிலும் கருப்புக் கொடியேற்றம், திங்கள்கிழமை தலைமை தபால் நிலையத்தில் கிரண் பேடியை மத்திய அரசு திரும்பப் பெற வலியுறுத்தி குடியரசுத் தலைவர், பிரதமர், உள்துறை அமைச்சருக்கு கடிதம் அனுப்பும் போரட்டம், புதன்கிழமை 12 மையங்களில் சிறைநிரப்பும் போராட்டம், வியாழக்கிழமை உண்ணாவிரதப் போராட்டம் ஆகியன நடத்த முடிவு செய்யப்பட்டுள்ளது.
இதனடிப்படையில், காரைக்கால் மாவட்டத்தில் கோட்டுச்சேரி அண்ணா சிலை அருகே கூட்டணிக் கட்சியினர் பங்கேற்ற ஆர்ப்பாட்டம் சட்டப் பேரவை முன்னாள் உறுப்பினர் அ. மாரிமுத்து தலைமையில் சனிக்கிழமை நடைபெற்றது. இதில், திமுக காரைக்கால் அமைப்பாளரும், முன்னாள் அமைச்சருமான ஏ.எம்.எச். நாஜிம், மாவட்ட காங்கிரஸ் தலைவர் அ. பாஸ்கரன் மற்றும் மார்க்சிஸ்ட் கம்யூனிஸ்ட், இந்திய கம்யூனிஸ்ட், விடுதலைச் சிறுத்தைகள் உள்ளிட்ட கூட்டணிக் கட்சிப் பிரதிநிதிகள் கலந்துகொண்டனர்.
பெரும்பாலானோர் கிரண் பேடியே திரும்பிப் போ' என்ற ஆங்கில வாசகம் எழுதப்பட்ட அட்டையை வைத்துக்கொண்டு முழக்கமிட்டனர். ஆர்ப்பாட்டத்தின் நிறைவில், ஏ.எம்.எச். நாஜிம் செய்தியாளர்களிடம் கூறும்போது, புதுச்சேரி துணை நிலை ஆளுநர் கிரண் பேடி, புதுச்சேரி மாநில மக்களுக்கு எதிரான போக்கை கையாண்டு வருகிறார். அவரைக் கண்டித்து மாநிலம் தழுவிய தொடர் போராட்டங்கள் நடத்தப்படுகின்றன. திமுக தலைவர் மு.க. ஸ்டாலின், தர்னா போராட்டத்தில் ஈடுபட்டிருக்கும் முதல்வர் வி. நாராயணசாமியை சந்திக்க ஞாயிற்றுக்கிழமை வருகை தரவுள்ளார். கிரண் பேடி புதுச்சேரியைவிட்டு செல்லும் வரை கூட்டணிக் கட்சியினரின் போராட்டம் நாளுக்கு நாள் வலுக்கும் என்றார் அவர்.
 

]]>
https://www.dinamani.com/all-editions/edition-nagapattinam/karaikal/2019/feb/17/கிரண்-பேடியை-கண்டித்து-2-ஆம்-கட்ட-ஆர்ப்பாட்டம்-3097186.html
3097185 நாகப்பட்டினம் காரைக்கால் வெண்ணெய்த்தாழி சேவையில் நித்யகல்யாணப் பெருமாள் DIN DIN Sunday, February 17, 2019 12:46 AM +0530
காரைக்கால் நித்யகல்யாணப் பெருமாள் கோயிலில் நடைபெறும் வருடாந்திர பிரமோத்ஸவத்தையொட்டி, வெண்ணெய்த்தாழி சேவையில் பெருமாள் வீதியுலாப் புறப்பாடு சனிக்கிழமை நடைபெற்றது.
காரைக்காலில் சயன நிலையில் அருள்பாலிக்கும் ஸ்ரீ ரங்கநாதப் பெருமாள் மூலவராகவும்,  ஸ்ரீ நித்யகல்யாணப் பெருமாள் உத்ஸவராகவும் விளக்கும் நித்யகல்யாணப் பெருமாள் கோயிலில் வருடாந்திர பிரமோத்ஸவம் பிப்ரவரி 9-ஆம் தேதி கொடியேற்றத்துடன் தொடங்கி நடைபெற்றுவருகிறது. இதையொட்டி, தினமும் காலையில் பெருமாள் பல்லக்கில் வீதியுலாவும், மாலையில் பல்வேறு வாகனங்களில் புறப்பாடும், இரவு திருப்பள்ளியறை சேவையும் நடந்துவருகிறது. முக்கிய நிகழ்வுகளில் ஒன்றான திருக்கல்யாணம் வெள்ளிக்கிழமை நடத்தப்பட்டு, யானை வாகனத்தில் புறப்பாடும், இரவு ருத்ர வேடத்தில் பெருமாள் அருள்பாலிப்பும் நடைபெற்றது.
தொடர்ந்து, பெருமாள் வெண்ணெய்த்தாழி சேவை சனிக்கிழமை காலை நடைபெற்றது. பெருமாள் சிறப்பு  திருவாபரணங்கள் முன்னும் பின்னும் அணிந்தவாறும், வெண்ணெய்த்தாழியை அணைத்தவாறும் பல்லக்கில் வீதியுலா எழுந்தருளினார். இதில், திரளான பக்தர்கள் பங்கேற்று பெருமாளை வழிபட்டனர்.
இன்று தீர்த்தவாரி: ஞாயிற்றுக்கிழமை  (பிப்.17) காலை 9 மணியளவில் தேரில் பெருமாள் வீதியுலா எழுந்தருள்கிறார். தேர் கோயிலை வந்தடைந்ததும் பெருமாள் சந்திர புஷ்கரணிக்கு தீர்த்தவாரிக்கு எழுந்தருளச் செய்யப்படுகிறார். தீர்த்தவாரி நடத்தப்பட்டு, பெருமாள் கோயிலை சென்றடைந்ததும் கொடியிறக்கம்  செய்யப்படுகிறது.
இதைத் தொடர்ந்து, 18-ஆம் தேதி பெருமாள் திருமஞ்சனமும், 19-ஆம் தேதி திருமலைராயன்பட்டினம் கடற்கரைக்கு தீர்த்தவாரிக்கு புறப்பாடு செய்வதும், 21-ஆம் தேதி தெப்பமும், 22-ஆம் தேதி விடையாற்றி புஷ்பப் பல்லக்கு வீதியுலாவும் நடைபெறும்.

]]>
https://www.dinamani.com/all-editions/edition-nagapattinam/karaikal/2019/feb/17/வெண்ணெய்த்தாழி-சேவையில்-நித்யகல்யாணப்-பெருமாள்-3097185.html
3097184 நாகப்பட்டினம் காரைக்கால் எதிர்கால தேவைகள் குறித்து அரசுக்கு இளைஞர்கள் ஆலோசனை வழங்க வேண்டும்' DIN DIN Sunday, February 17, 2019 12:46 AM +0530 எதிர்காலத் தேவைகள் குறித்து அரசுக்கு ஆலோசனைகள் வழங்க இளைஞர்கள் முன்வரவேண்டும் என காரைக்கால் நேரு யுவகேந்திரா அலுவலகத்தில் நடைபெற்ற பயிற்சியில் கேட்டுக்கொள்ளப்பட்டது.
காரைக்கால் நேரு யுவகேந்திரா அலுவலகத்தில் இளையோருக்கான பயிற்சிப் பட்டறை சனிக்கிழமை நடைபெற்றது. நேரு யுவகேந்திரா மாவட்ட ஒருங்கிணைப்பாளர் எஸ்.பாரத் தலைமை வகித்தார். மாநில இயக்குநர் சதீஷ் சிறப்பு அழைப்பாளராக கலந்துகொண்டு, கூட்டத்தில் பங்கேற்ற காரைக்கால் மாவட்டத்தின் பல்வேறு இளையோர் மன்ற பொறுப்பாளர்களிடையே பேசியது:
இளைஞர்களின் எதிர்கால நலனுக்கான தளமாக நேரு யுவகேந்திரா திகழ்கிறது. தேர்தலில் வாக்களித்து நமது ஜனநாயக கடமையை நிறைவேற்றினால் மட்டும் போதாது. அதன் பிறகு நமக்கான தேவைகள் குறித்து மாவட்ட அளவிலும், மாநில அளவிலும், தேசிய அளவிலும் திட்டங்கள் வகுத்து, ஆலோசனைகள் வழங்க இளைஞர்கள் முன்வரவேண்டும்.  மத்திய அரசு ஆண்டுக்கு ரூ.49 லட்சம் கோடி செலவு செய்கிறது. இதில் இளைஞர்களுக்கான ஒதுக்கீடு 0.01 சதவீதம் மட்டுமே. இதற்கு காரணம், நமது தேவைகள் குறித்து அரசுக்கு உரிய அழுத்தம் கொடுக்காததாகும். இளைஞர்களிடையே இதுகுறித்த விழிப்புணர்வு வரவேண்டும். ஒரு நாளில் பெரும்பான்மையான நேரத்தை இளைஞர்கள் சினிமா, தொலைக்காட்சி, கணினி, செல்லிடப்பேசி போன்றவற்றில் செலவு செய்வதாக ஆய்வு ஒன்று தெரிவிக்கிறது. இதைத்தவிர்த்து, சமுதாயத்துக்கு பயன்படும்படி நேரத்தை செலவிட இளைஞர்கள் முன்வரவேண்டும். வேலைவாய்ப்புகள் எங்கு உள்ளது, அதற்கான கல்வித் தகுதி என்ன போன்றவற்றை சேகரித்து கிராமத்தினர், இளைஞர்களுக்கு தெரிவிக்கவேண்டும்.
நாடு முழுவதும் 3 லட்சம் இளையோர் மன்றங்கள் உள்ளன. இவர்கள் இம்மாதிரியான சிந்தனை கொண்டால், வேலையில்லா திண்டாட்டம் மறைந்து வளர்ச்சி ஏற்படும். எந்த நோக்கத்துக்காக நேரு யுவகேந்திரா உருவாக்கப்பட்டதோ அது நிறைவேறிவிடும்.
நமது தேவைகள் குறித்து மக்கள் குரலாக எழுப்பப்படாத வரை இளைஞர்கள் முன்னேற்றமடைவது சாத்தியப்படாது என்றார் அவர்.
காரைக்கால் பகுதியில் பல்வேறு இளையோர் மன்றத்தினருக்கு விளையாட்டு சாதனங்களை அவர் வழங்கினார். நேரு யுவகேந்திரா கணக்காளர் தவமணி, ஆலோசகர் பாரீஸ்ரவி உள்ளிட்டோர் பேசினர்.

]]>
https://www.dinamani.com/all-editions/edition-nagapattinam/karaikal/2019/feb/17/எதிர்கால-தேவைகள்-குறித்து-அரசுக்கு-இளைஞர்கள்-ஆலோசனை-வழங்க-வேண்டும்-3097184.html
3097183 நாகப்பட்டினம் காரைக்கால் மீனவர் நிவாரண நிதியாக வங்கிக் கணக்குகளில் ரூ. 2.87 கோடி DIN DIN Sunday, February 17, 2019 12:45 AM +0530 புதுவை மாநிலத்தில் உள்ள 6,388 மீனவர்களின் வங்கிக் கணக்குகளில் ரூ. 2.87 கோடி நிவாரண நிதி சனிக்கிழமை செலுத்தப்பட்டது. 
மீன்வளத் துறை அமைச்சர்  மல்லாடி கிருஷ்ணா ராவ் அறிவுறுத்தலின்படி, மீனவர் சேமிப்புத் திட்டத்தின் கீழ், நிகழாண்டில் மீனவர் செலுத்திய ரூ. 1,500 தொகையுடன் அரசு நிவாரணத் தொகை ரூ. 3 ஆயிரத்தைச் சேர்த்து ரூ. 4,500-ஆக மீனவர்களின் வங்கிக் கணக்குகளில் செலுத்தப்பட்டது.  முதல் கட்டமாக, புதுச்சேரி பகுதியைச் சேர்ந்த 4,402 மீனவர்கள், காரைக்கால் பகுதியைச் சேர்ந்த 1,986 மீனவர்கள் என மொத்தம் 6,388 பேர் இந்தத் திட்டத்தின் மூலம் பயனடைவர்.   புதுவை அரியாங்குப்பம் தொகுதி சட்டப்பேரவை உறுப்பினர் ஜெயமூர்த்தி வீராம்பட்டினத்தைச் சேர்ந்த பயனாளிகளுக்கு வங்கிக் கணக்குகளில் பணம் செலுத்தப்பட்டதற்கான ஆணையை மீனவர்களுக்கு வழங்கி, திட்டத்தைத் தொடங்கிவைத்தார். நிகழ்ச்சியில், மீன்வளத் துறை இயக்குநர், துணை இயக்குநர், மீனவக் கூட்டுறவு சங்க கிராம பிரதிநிதிகள் உள்ளிட்ட பலர் பங்கேற்றனர்.

]]>
https://www.dinamani.com/all-editions/edition-nagapattinam/karaikal/2019/feb/17/மீனவர்-நிவாரண-நிதியாக-வங்கிக்-கணக்குகளில்-ரூ-287-கோடி-3097183.html
3097181 நாகப்பட்டினம் காரைக்கால் பிளாஸ்டிக் பைகளுக்கான மாற்றுப் பொருள்களை தயாரிக்க மகளிர் குழுக்கள் முன்வரவேண்டும்: துணை ஆட்சியர் DIN DIN Sunday, February 17, 2019 12:45 AM +0530
பிளாஸ்டிக் பைகளுக்கு மாற்றான பொருள்களைத் தயாரிக்க மகளிர் சுய உதவிக் குழுவினர் தீவிரம் காட்டவேண்டும் என துணை ஆட்சியர் எம். ஆதர்ஷ் தெரிவித்தார்.
காரைக்கால் ஆட்சியரகம் அருகே உள்ள நகராட்சித் திடலில், நகராட்சி நிர்வாகம் சார்பில் தேசிய நகர்ப்புற வாழ்வாதார இயக்க நிகழ்ச்சிகள் பிப்ரவரி 11 முதல் 15-ஆம் தேதி வரை நடத்தப்பட்டது. இதில் பதிவுபெற்ற மகளிர் சுய உதவிக் குழுவினர் அரங்குகள் அமைத்து, தங்களால் தயாரிக்கப்பட்ட கைவினைப் பொருள்கள் கண்காட்சி, தெருவோர வியாபாரிகள் மற்றும் சுய உதவிக் குழுக்கள் பங்குபெற்ற சுகாதார மற்றும் பாரம்பரிய முறையில் தயாரிக்கப்பட்ட உணவுத் திருவிழா உள்ளிட்டவை நடத்தப்பட்டன. பல்வேறு நிறுவனத்தினர் பங்குபெற்ற வேலைவாய்ப்பு முகாம் நடைபெற்றது. இதில் 79 பேருக்கு வேலைவாய்ப்பு கிடைத்தது. நிறைவு நிகழ்ச்சி வெள்ளிக்கிழமை நடைபெற்றது. சிறப்பு அழைப்பாளராக மாவட்ட துணை ஆட்சியர் (வருவாய்) எம். ஆதர்ஷ் கலந்துகொண்டார். சிறந்த மகளிர் குழுவினருக்கு பரிசுகள் வழங்கி அவர் பேசுகையில், புதுச்சேரி மாநிலத்தில் மார்ச் மாதம் முதல் பிளாஸ்டிக் பைகளுக்கான தடை அமலுக்கு வரவுள்ளது. பெரும்பாலானோர் பிளாஸ்டிக் பைகளை உபயோகித்தே பழகிவிட்டனர். தடை அமலுக்கு வந்த பிறகு, அவர்களது தேவையை பூர்த்தி செய்யும் வகையில், பிளாஸ்டிக்குக்கு மாற்றான பொருள்களைத் தயார் செய்ய மகளிர் சுய உதவிக்குழுவினர் முன்வரவேண்டும். புதுமையான பொருள்கள் தயாரிப்பில் ஈடுபடுவதோடு, சந்தைப்படுத்துவதில் உரிய திறமைகளைக் கையாண்டு அதிக லாபம் ஈட்ட வேண்டும் என்றார் அவர்.
மாவட்ட துணை ஆட்சியர் (பேரிடர் மேலாண்மை) பாஸ்கரன், காரைக்கால் முதன்மைக் கல்வி அலுவலர் அ. அல்லி, நகராட்சி ஆணையர் எஸ்.சுபாஷ் ஆகியோர் மகளிர் சுய உதவிக் குழுவினர்
சுயமான தொழில் முயற்சியினால் வாழ்க்கையில் வெற்றி பெறுவதற்கான ஆலோசனைகளை வழங்கினர். 
 

]]>
https://www.dinamani.com/all-editions/edition-nagapattinam/karaikal/2019/feb/17/பிளாஸ்டிக்-பைகளுக்கான-மாற்றுப்-பொருள்களை-தயாரிக்க-மகளிர்-குழுக்கள்-முன்வரவேண்டும்-துணை-ஆட்சியர்-3097181.html
3097180 நாகப்பட்டினம் காரைக்கால் மின் நுகர்வோர் கவனத்துக்கு...காரைக்கால், பிப். 16: மின் கட்டணம் செலுத்தாத இணைப்புகள் துண்டிக்கப்படும் என மின்துறை எச்சரித்துள்ளது. இதுகுறித்து, காரைக்கால் மின்துறை செயற்பொறியாளர் அலுவலகம் சனிக்கிழமை வெளியிட்ட செய்திக் குறிப்பு: காரைக்கால் மின் துறையின் மூலம் தீவிர மின் துண்டிப்புப் பணி நடைபெறுவதால், மின் கட்டணப் பாக்கி வைத்திருப்போர், மின் கட்டணத்தை உடனடியாக செலுத்தி, மின் இணைப்புத் துண்டிப்பை தவிர்த்துக்கொள்ளுமாறும், மின் கட்டணப் பாக்கியை தவணை முறையில் செலுத்த இயலாது எனவும் அதில் DIN DIN Sunday, February 17, 2019 12:45 AM +0530 மின் கட்டணம் செலுத்தாத இணைப்புகள் துண்டிக்கப்படும் என மின்துறை எச்சரித்துள்ளது.
இதுகுறித்து, காரைக்கால் மின்துறை செயற்பொறியாளர் அலுவலகம் சனிக்கிழமை வெளியிட்ட செய்திக் குறிப்பு:
காரைக்கால் மின் துறையின் மூலம் தீவிர மின் துண்டிப்புப் பணி நடைபெறுவதால், மின் கட்டணப் பாக்கி வைத்திருப்போர், மின் கட்டணத்தை உடனடியாக செலுத்தி, மின் இணைப்புத் துண்டிப்பை தவிர்த்துக்கொள்ளுமாறும், மின் கட்டணப் பாக்கியை தவணை முறையில் செலுத்த இயலாது எனவும் அதில் கூறப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/17/மின்-நுகர்வோர்-கவனத்துக்குகாரைக்கால்-பிப்-16-மின்-கட்டணம்-செலுத்தாத-இணைப்புகள்-துண்டிக்கப்படும-3097180.html
3096788 நாகப்பட்டினம் காரைக்கால் நித்யகல்யாணப் பெருமாள் ரங்கநாயகித் தாயார் திருக்கல்யாணம் DIN DIN Saturday, February 16, 2019 08:24 AM +0530 காரைக்கால் ஸ்ரீ நித்யகல்யாணப் பெருமாள் கோயிலில் நடைபெற்றுவரும் பிரமோத்ஸவத்தையொட்டி, ஸ்ரீ நித்யகல்யாணப் பெருமாள், ஸ்ரீ ரங்கநாயகித் தாயார் திருக்கல்யாண வைபவம் வெள்ளிக்கிழமை நடைபெற்றது.
காரைக்காலில் பிரசித்திப் பெற்ற  ஸ்ரீ நித்யகல்யாணப் பெருமாள் கோயிலில் 14 நாள் நடைபெறும் பிரமோத்ஸவம் கடந்த 9-ஆம் தேதி கொடியேற்றத்துடன் தொடங்கியது. தினமும் காலை பெருமாள் பல்லக்கில் வீதியுலாவும், மாலை வேளையில் ஒவ்வொரு நாளும் வெவ்வேறு வாகனங்களில் எழுந்தருளி வீதியுலா நடைபெற்று வருகின்றன.
ஏழாம் நாள் நிகழ்ச்சியாக வெள்ளிக்கிழமை  ஸ்ரீ நித்யகல்யாணப் பெருமாள் - ஸ்ரீ ரங்கநாயகித் தாயார் திருக்கல்யாணம் நடைபெற்றது. முன்னதாக பரிசம், வரிசை எடுத்து வருதல் உள்ளிட்ட திருமணச் சடங்குகள் நடத்தப்பட்டன. தொடர்ந்து பட்டாச்சாரியார், திருமாங்கல்யத்தை பக்தர்களின் பார்வைக்கு காட்டி, பெருமாள் சார்பில்  ஸ்ரீ ரங்கநாயகித் தாயாருக்கு திருமாங்கல்யதாரணம் செய்தார்.  திருக்கல்யாணக் கோலத்தில் வீற்றிருந்த ஸ்ரீ நித்யகல்யாணப் பெருமாள் - ஸ்ரீ ரங்கநாயகித் தாயாருக்கு சிறப்பு தீபாராதனை காட்டப்பட்டது. தொடர்ந்து, வாரணமாயிரம் பாசுரம் படித்தல், தேங்காய் உருட்டும் வைபவம் ஆகியன நடைபெற்றன. திருக்கல்யாணத்தைத் தொடர்ந்து இரவு யானை வாகனத்தில் பெருமாள் வீதியுலா நடைபெற்றது. வீதியுலா முடிந்து கோயிலை வந்தடைந்த பெருமாள், ருத்ர வேடத்தில் பக்தர்களுக்கு காட்சியளித்தார். இரவு 11 மணியளவில் திருப்பள்ளியறை சேவை நடைபெற்றது. நிகழ்ச்சியில், ஏராளமான பக்தர்கள் கலந்துகொண்டனர். இதற்கான ஏற்பாடுகளை கோயில் அறங்காவல் நிர்வாகம் மற்றும்  ஸ்ரீ நித்யகல்யாணப் பெருமாள் பக்த ஜன சபாவினர் செய்திருந்தனர்.

]]>
https://www.dinamani.com/all-editions/edition-nagapattinam/karaikal/2019/feb/16/நித்யகல்யாணப்-பெருமாள்-ரங்கநாயகித்-தாயார்-திருக்கல்யாணம்-3096788.html
3096787 நாகப்பட்டினம் காரைக்கால் திருமலைராயன்பட்டினம் ஜடாயுபுரீசுவரர் கோயிலில் வசந்த உத்ஸவம் DIN DIN Saturday, February 16, 2019 08:23 AM +0530 திருமலைராயன்பட்டினம் ஸ்ரீ ஜடாயுபுரீசுவரர் கோயிலில் நடைபெறும் பிரமோத்ஸவத்தையொட்டி, வியாழக்கிழமை இரவு நடைபெற்ற வசந்த உத்ஸவம் எனும் தியாகராஜர் ஆட்ட நிகழ்வில் திரளான பக்தர்கள் கலந்துகொண்டனர்.
திருமலைராயன்பட்டினம் அருள்மிகு மையாடுங்கண்ணி சமேத ஜடாயுபுரீசுவரர் கோயிலில் பிரமோத்ஸவம் கடந்த  10-ஆம் தேதி கொடியேற்றத்துடன் தொடங்கியது. 10 நாள்கள் நடைபெறும் இவ்விழாவில் தினமும் பல்வேறு அலங்காரம் மற்றும் வாகனங்களில் சுவாமி வீதியுலா நடைபெறுகின்றன.
காரைக்கால் மாவட்டத்தில், திருநள்ளாறு ஸ்ரீ தர்பாரண்யேசுவரர் கோயில் மற்றும் திருமலைராயன்பட்டின் ஸ்ரீ ஜடாயுபுரீசுவரர் கோயிலில் மட்டுமே தியாகராஜராட்டம் என்கிற வசந்த உத்ஸவம் நடத்தப்படுகிறது. அதன்படி, ஜடாயுபுரீசுவரர் கோயிலில் வியாழக்கிழமை இரவு நடைபெற்ற ஸ்ரீ தியாகராஜர் ஆட்டத்தைக் காண்பதற்கு திரளான பக்தர்கள் கோயிலுக்கு வந்திருந்தனர்.
 சிறப்பு அலங்காரம் செய்யப்பட்ட ஸ்ரீ தியாகராஜர் வீற்றிருந்த படிச்சட்டத்தை நீண்ட வாரையில் கட்டி, பயிற்சிப்பெற்ற காக்கமொழி, அத்திப்படுகை கிராமத்தைச் சேர்ந்தோர் ஆட்டமிட்டவாறு மண்டபத்திலிருந்து கொண்டுவந்தனர்.  சிறப்பு மேள வாத்தியங்கள் முழங்க, சுவாமி இடது புறமும், வலது புறமும் வளைந்து, வளைந்து ஆட்டம் நடைபெற்றது.  இந்த நிகழ்ச்சி கோயில் வெளிப் பிராகாரத்தில் நடத்தப்பட்டது. தொடர்ந்து, சிறப்பு தீபாராதனைக்குப் பிறகு சுவாமியை சாந்தப்படுத்தும் நிகழ்ச்சி நடைபெற்றது.
பின்னர் நள்ளிரவு 12 மணிக்கு ஸ்ரீ தியாகராஜர் யதாஸ்தானம் கொண்டு செல்லப்பட்டார். பிரமோத்ஸவத்தின் நிகழ்ச்சியாக சனிக்கிழமை (பிப். 16) ரிஷப வாகனத்தில் சுவாமி வீற்றிருந்தவாறு மின்சார சப்பரப் படலில் வீதியுலா நடைபெறுகிறது. திங்கள்கிழமை (பிப்.18) காலை தேரோட்டமும், இரவில் ராவண யுத்தமும் (ஜடாயு சம்ஹாரம்) நடைபெறுகிறது. 
விழாவுக்கான ஏற்பாடுகளை கோயில் தனி அலுவலர் ஏ. வீரசெல்வம் மற்றும் விழா குழுவினர் செய்துள்ளனர்.

]]>
https://www.dinamani.com/all-editions/edition-nagapattinam/karaikal/2019/feb/16/திருமலைராயன்பட்டினம்-ஜடாயுபுரீசுவரர்-கோயிலில்-வசந்த-உத்ஸவம்-3096787.html
3096786 நாகப்பட்டினம் காரைக்கால் புதுச்சேரியில் குடியரசுத் தலைவர் ஆட்சியை அமல்படுத்த பாமக வலியுறுத்தல் DIN DIN Saturday, February 16, 2019 08:23 AM +0530 புதுச்சேரியில் குடியரசுத் தலைவர் ஆட்சியை அமல்படுத்த முன்வரவேண்டும் என பாமக வலியுறுத்தியுள்ளது.
இதுதொடர்பாக காரைக்கால் மாவட்ட பாமக செயலர் க. தேவமணி, குடியரசுத் தலைவருக்கு அனுப்பிய கோரிக்கை மனு:
புதுச்சேரியில் முதல்வர் வி. நாராயணசாமி தலைமையிலான அரசு மக்களின் நம்பிக்கையை இழந்துவிட்டது. துணை நிலை ஆளுநரை ஆதாரமின்றி விமர்சிப்பதும், மறைமுக மிரட்டலிலும் ஈடுபடுகிறது.
கடந்த 13-ஆம் தேதி முதல் ஆளுநர் மாளிகையின் முன்பு முதல்வர், அமைச்சர்கள், எம்.எல்.ஏ.க்கள் தர்னா போராட்டத்தை நடத்தி வருகின்றனர். ஆளுநர், அதிகாரிகள் ஆளுநரகத்தை விட்டு வெளியே வரமுடியாத வகையில் இந்த செயல்பாட்டில் ஈடுபட்டுள்ளனர். அனைத்து திட்டங்களுக்கும் ஆளுநர் முட்டுக்கட்டை போடுகிறார் என முதல்வர் கூறுகிறார். எந்த திட்டத்துக்கு முட்டுக்கட்டை போடுகிறார், அதற்கான கோப்பில் அவர் எழுதிய குறிப்பு என்ன போன்றவற்றை முதல்வர் வெளிப்படையாக தெரிவிப்பதில்லை. ஆளுநர் திட்டங்களைத் தடுக்கிறார் என்றால், சட்டப் பேரவை அலுவலகத்திலிருந்து 100 மீட்டர் தூரத்தில் உள்ள ஆளுநர் மாளிகைக்கு முதல்வர் நேரில் சென்று சந்தித்து பேசாதது ஏன்? வரும் மக்களவைத் தேர்தலில் வாக்கு சேகரிக்க செல்லும்போது மக்கள் அரசின் செயலற்ற போக்கு குறித்து கேள்வி கேட்பார்கள் என்றே அதைத் திசைதிருப்பும் வகையில் தர்னா நாடகத்தை முதல்வர் நடத்திவருகிறார்.
 ஆளுநர் அலுவலக வட்டாரம் தடை செய்யப்பட்ட பகுதியில் முதல்வர், அமைச்சர்கள் தர்னா போராட்டத்தில் ஈடுபட்டுள்ளனர். இது சட்டவிரோதமான செயலாகும். மாநிலத்தின் துணைநிலை ஆளுநருக்கே பாதுகாப்பாற்ற நிலை ஏற்பட்டு, துணை ராணுவத்தை வரவழைக்க வேண்டிய நிலை ஏற்பட்டுவிட்டது. புதுச்சேரியில் அசாதாரண நிலை ஏற்பட்டுள்ளது.
முதல்வரின் போராட்டம் ஆளும் அரசு தோல்வி அடைந்துவிட்டதையே காட்டுகிறது. எனவே போராட்டத்தில் ஈடுபட்டுள்ளோரை கைது செய்யவும், புதுச்சேரியில் குடியரசுத் தலைவர் ஆட்சியை அமல்படுத்தவும் நடவடிக்கை எடுக்க வேண்டும் என அதில் வலியுறுத்தப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/16/புதுச்சேரியில்-குடியரசுத்-தலைவர்-ஆட்சியை-அமல்படுத்த-பாமக-வலியுறுத்தல்-3096786.html
3096785 நாகப்பட்டினம் காரைக்கால் காரைக்கால் துணை ஆட்சியர் பொறுப்பேற்பு DIN DIN Saturday, February 16, 2019 08:22 AM +0530 புதுச்சேரி நகராட்சி ஆணையராக இருந்து பணியிடமாற்றம் பெற்ற எம். ஆதர்ஷ், காரைக்கால் மாவட்ட துணை ஆட்சியராக (வருவாய்) வெள்ளிக்கிழமை பொறுப்பேற்றுக்கொண்டார்.
காரைக்கால் மாவட்ட ஆட்சியராகப் பணியாற்றிய ஆர். கேசவன் மிஸோரம் மாநிலத்துக்குப் பணியிடமாற்றமான நிலையில், சார்பு ஆட்சியர் ஏ. விக்ரந்த் ராஜா ஐ.ஏ.எஸ். மாவட்ட ஆட்சியர் பொறுப்பை கூடுதலாக கவனித்துவந்தார். புதுச்சேரி அரசு அண்மையில் ஏ. விக்ரந்த் ராஜாவை நிரந்தர ஆட்சியராக நியமித்தது.
சார்பு ஆட்சியர் இடத்துக்குப் புதுச்சேரி நகராட்சி ஆணையராகப் பணியாற்றிய எம். ஆதர்ஷ், துணை மாவட்ட ஆட்சியராக நியமிக்கப்பட்டார். அவர், வெள்ளிக்கிழமை காரைக்காலில் பொறுப்பேற்றுக்கொண்டார். வருவாய்த் துறை, கலால் துறையினர் அவருக்கு வாழ்த்துத் தெரிவித்தனர்.
மாவட்ட ஆட்சியராக ஏ. விக்ரந்த் ராஜாவிடம், திருநள்ளாறு ஸ்ரீ தர்பாரண்யேசுவரர் கோயில் நிர்வாக அதிகாரி, ஜெயப்பிரகாஷ் நாராயண் கூட்டுறவு நூற்பாலை மேலாண் இயக்குநர், புதுச்சேரி மின் திறல் குழும மேலாண் இயக்குநர் பதவிகள் கூடுதல் பொறுப்பாக வழங்கப்பட்டுள்ளன.
 

]]>
https://www.dinamani.com/all-editions/edition-nagapattinam/karaikal/2019/feb/16/காரைக்கால்-துணை-ஆட்சியர்-பொறுப்பேற்பு-3096785.html
3096784 நாகப்பட்டினம் காரைக்கால் பாலிடெக்னிக் கல்வி, வேலைவாய்ப்பு குறித்த கருத்தரங்கம் DIN DIN Saturday, February 16, 2019 08:22 AM +0530 பாலிடெக்னிக் கல்வி மற்றும் அதன் மூலம் கிடைக்கும் வேலைவாய்ப்புகள் குறித்து மேல்நிலைப் பள்ளியில் வியாழக்கிழமை கருத்தரங்கம் நடைபெற்றது.
புதுச்சேரி அரசு சார்பு உயர்கல்வி நிறுவனமான காரைக்கால் பாலிடெக்னிக் கல்லூரி, காரைக்கால் மாவட்ட பெற்றோர் சங்கம் ஆகியவை இணைந்து திருப்பட்டினம் அரசு பெண்கள் மேல்நிலைப் பள்ளியில் இக்கருத்தரங்கை நடத்தின.
10-ஆம் வகுப்பு மாணவியருக்காக நடத்தப்பட்ட இக்கருத்தரங்குக்கு பள்ளித் தலைமையாசிரியர் ரா.சிவகுமார் தலைமை வகித்தார். காரைக்கால் பாலிடெக்னிக் கல்லூரி தகவல் தொழில்நுட்பத் துறைத் தலைவி அ. வினோலியா, பாலிடெக்னிக் கல்வி குறித்து பல்வேறு விளக்கங்களை அளித்ததோடு, பாலிடெக்னிக் கல்வியின் முக்கியத்துவம், அதன் மூலம் கிடைக்கும் வேலைவாய்ப்புகள் குறித்துப் பேசினார்.
கல்லூரி தகவல் தொழில்நுட்பத் துறை விரிவுரையாளர் எஸ். சாவித்திரி, காரைக்காலில் அமைந்துள்ள காரைக்கால் பாலிடெக்னிக் கல்லூரியின் கட்டமைப்பு வசதிகள் குறித்தும், கல்லூரி நிர்வாகம் மாணவர்கள் மேம்பாட்டுக்கு ஒவ்வொரு ஆண்டும் எடுத்துவரும் திட்ட செயல்பாடுகள் குறித்தும் விளக்கிப் பேசினார்.
காரைக்கால் மாவட்ட பெற்றோர் சங்க செயலர் பி.பி.கே.செல்வமணி பேசும்போது, "பத்தாம் வகுப்பு மாணவர்கள் பொதுத் தேர்வை எழுத தங்களை எவ்வாறு  தயார்படுத்திக்கொள்ளவேண்டும் என்பது குறித்தும், காரைக்காலிலேயே அரசு சலுகையில், வேலைவாய்ப்பைப் பெறும் வகையிலான பாலிடெக்னிக் கல்லூரி இருப்பதை மாணவர்கள் பயன்படுத்திக்கொள்ளவேண்டும். காரைக்காலில் வாழும் மாணவர்கள், வெளியூர் தனியார் பாலிடெக்னிக் கல்லூரிகளில் அதிகக் கட்டணம் செலுத்தி படிக்கும் அவசியம் இல்லாத வகையில், காரைக்காலிலேயே உள்ள வாய்ப்பை பயன்படுத்திக்கொள்ளவேண்டும்' என்றார்.
இக்கருத்தரங்கில் பள்ளி ஆசிரியர்களும் கலந்துகொண்டனர். பாலிடெக்னிக் கல்லூரி தகவல் தொழில்நுட்பத் துறை விரிவுரையாளர் ஜே.ஜெயப்பிரகாஷ் நன்றி கூறினார்.
 

]]>
https://www.dinamani.com/all-editions/edition-nagapattinam/karaikal/2019/feb/16/பாலிடெக்னிக்-கல்வி-வேலைவாய்ப்பு-குறித்த-கருத்தரங்கம்-3096784.html
3096783 நாகப்பட்டினம் காரைக்கால் வேலைவாய்ப்பு முகாமில் 79 பேருக்கு பணி வாய்ப்பு DIN DIN Saturday, February 16, 2019 08:22 AM +0530 காரைக்காலில் தேசிய நகர்ப்புற வாழ்வாதார இயக்கம் நடத்திய வேலை வாய்ப்பு முகாமில் 79 பேருக்கு பல்வேறு நிறுவனங்களில் வேலை வாய்ப்பு கிடைத்தது.
காரைக்கால் ஆட்சியரகம் அருகேயுள்ள நகராட்சித் திடலில் காரைக்கால் நகராட்சி நிர்வாகம் சார்பில் தேசிய நகர்ப்புற வாழ்வாதார இயக்க நிகழ்ச்சிகள் பிப்.11 முதல் 15-ஆம் தேதி வரை நடைபெற்றது. பதிவு பெற்ற மகளிர் சுயஉதவிக் குழுவினர் அரங்குகள் அமைத்து, சுயஉதவிக் குழுவினரால் தயார் செய்யப்பட்ட கைவினைப் பொருள்கள் கண்காட்சி மற்றும் விற்பனை மற்றும் தெருவோர வியாபாரிகள் மற்றும் சுயஉதவிக் குழுக்கள் பங்குபெற்ற சுகாதார மற்றும் பாரம்பரிய முறையில் தயாரிக்கப்பட்ட உணவுத் திருவிழா உள்ளிட்டவை நடத்தப்பட்டன.  நிகழ்ச்சியைத் தொடர்ந்து வியாழக்கிழமை நடைபெற்ற வேலை வாய்ப்பு முகாமில் திருப்பூர், திருச்சி, கோயம்புத்தூர், காரைக்கால் உள்ளிட்ட பல்வேறு பகுதிகளில் இருந்து தையல், மருத்துவமனை, கேட்டரிங், கணினி நிறுவனம் உள்ளிட்ட பல நிறுவனங்களைச் சேர்ந்த பிரதிநிதிகள் வந்திருந்தனர். முகாமில் கலந்து கொண்ட சுமார் 200 பேரின் கல்வி மற்றும் சான்றிதழ்களை வேலை அளிக்கும் நிறுவன பிரதிநிதிகள் ஆய்வு செய்து, தேர்வு செய்யப்பட்டவர்களிடம் மாலை நிகழ்வாக, நிறுவனத்தில் வழங்கப்படும் பணி, மாத ஊதியம் உள்ளிட்ட விதிகள் குறித்து விளக்கினர். வேலைக்கு வருவதாக விருப்பம் தெரிவித்தோருக்கு பணியாணை வழங்கப்பட்டது. 
இதுகுறித்து, நகராட்சி ஆணையர் எஸ். சுபாஷ் வெள்ளிக்கிழமை கூறியது: வேலை வாய்ப்பு முகாமில் மாவட்டத்தின் பல்வேறு பகுதிகளில் இருந்து படித்த இளைஞர்கள் ஆர்வத்துடன் பங்கேற்றனர். இவர்களில் 79 பேருக்கு பணி வாய்ப்பு கிடைத்தது. நிறுவனத்தின் விதிகளை ஏற்றுக்கொண்டவர்கள் பணியில் சேர்வதாக அளித்த உறுதிமொழியின்படி நிறுவனங்கள் பணியாணையை வழங்கின என்றார்.

]]>
https://www.dinamani.com/all-editions/edition-nagapattinam/karaikal/2019/feb/16/வேலைவாய்ப்பு-முகாமில்-79-பேருக்கு-பணி-வாய்ப்பு-3096783.html
3096782 நாகப்பட்டினம் காரைக்கால் ஒப்புகைச் சீட்டு இயந்திரத்துடன் கூடிய வாக்குப் பதிவு குறித்த செயல்விளக்கம் DIN DIN Saturday, February 16, 2019 08:22 AM +0530 வாக்குப் பதிவு இயந்திரத்துடன் ஒப்புகைச் சீட்டு இயந்திரம் செயல்படும் விதம் குறித்து மாவட்டத்தின் பல்வேறு இடங்களில் செயல்விளக்க நிகழ்ச்சி நடைபெறுகிறது.
இந்தியத் தேர்தல் ஆணையத்தின் அறிவுறுத்தலின்படி, பொதுமக்களுக்கு மின்னணு வாக்குப் பதிவு இயந்திரங்கள் மற்றும் ஒப்புகைச் சீட்டு இயந்திரம் செயல்படும் விதம் குறித்து நேரடி செயல் விளக்கம் அளிக்க காரைக்கால் தேர்தல் துறை ஏற்பாடு செய்துள்ளது.
அதன்படி, காரைக்கால் மாவட்டத்தில் உள்ள 5 சட்டப் பேரவைத் தொகுதிகளிலும், மக்கள் அதிகமாகக் கூடுமிடங்களில் தேர்தல் துறையினர் மின்னணு வாக்குப் பதிவு இயந்திரங்களை வைத்து, இயந்திரம் செயல்படும் விதம், யாருக்கு வாக்களித்தோம் என்பதை தெரிந்துகொள்ளும் வகையிலான செயல் விளக்கங்களை அளிக்கின்றனர்.
பொதுமக்கள் இந்த முகாமில் பங்கேற்று, இயந்திர செயல்பாடுகளை அறியலாம் எனவும், காரைக்கால் மாவட்டத்தில் கடந்த 11-ஆம் தேதி தொடங்கப்பட்டுள்ள இந்த முகாம் 22-ஆம் தேதி வரை பல இடங்களில் நடத்தப்படும். பொதுமக்கள் மின்னணு வாக்குப் பதிவு செயல்பாடுகள் மீதான ஐயப்பாடுகளை நேரில் வந்து தெளிவுப்படுத்திக்கொள்ளலாம் எனத் தேர்தல் துறை கண்காணிப்பாளர் எஸ்.புஷ்பநாதன் வெள்ளிக்கிழமை வெளியிட்ட  செய்திக் குறிப்பில் கேட்டுக்கொண்டுள்ளார்.
அதன்படி, காரைக்கால் பேருந்து நிலையத்தில் ஒப்புகைச் சீட்டு இயந்திரத்துடன் கூடிய மின்னணு வாக்குப் பதிவு செயல்விளக்க முகாம் நடைபெற்றது.

]]>
https://www.dinamani.com/all-editions/edition-nagapattinam/karaikal/2019/feb/16/ஒப்புகைச்-சீட்டு-இயந்திரத்துடன்-கூடிய-வாக்குப்-பதிவு-குறித்த-செயல்விளக்கம்-3096782.html
3096781 நாகப்பட்டினம் காரைக்கால் புதுச்சேரி துணை நிலை ஆளுநரை மத்திய அரசு திரும்பப் பெற வேண்டும்: மமக  வலியுறுத்தல் DIN DIN Saturday, February 16, 2019 08:21 AM +0530 புதுச்சேரி மாநில வளர்ச்சிக்கு முட்டுக்கட்டையாக செயல்படும் துணை நிலை ஆளுநர் கிரண் பேடியை மத்திய அரசு திரும்பப் பெற வேண்டும் என வலியுறுத்தப்பட்டுள்ளது.
இதுகுறித்து மனிதநேய மக்கள் கட்சியின் காரைக்கால் மாவட்டச் செயலாளர் பி. ஷாஜஹான் வெளியிட்ட அறிக்கை :
புதுச்சேரி துணை நிலை ஆளுநர் கிரண் பேடி, பதவியேற்ற 2016 -ஆம் ஆண்டு முதல் தான் ஒரு மாநிலத்தின் ஆளுநர் என்பதை மறந்துவிட்டு, தன்னை சர்வாதிகாரிபோல் நினைத்துக் கொண்டு செயல்பட்டு வருகிறார். புதுச்சேரியில் மக்களால் தேர்ந்தெடுக்கப்பட்ட ஓர் அரசு ஆட்சியில் இருக்கும்போது மாநில அரசுக்குத் தெரியாமல் மத்திய பாஜக அரசின் தூண்டுதலில் பாஜகவைச் சேர்ந்த 3 பேரை நியமன எம்.எல்.ஏ.க்களாக நியமித்து இந்திய ஜனநாயகத்தைக் காலில் போட்டு மிதிக்கக்கூடிய செயலை செய்தார்.  மேலும், மக்களால் தேர்ந்தெடுக்கப்பட்ட அரசை செயல்பட விடாமல், அரசுக்கு எதிராக பல்வேறு தடைகளைப் போட்டு அரசு நிர்வாகத்தை சீர்குலைத்து வருகிறார்.
கொல்லைப்புற வழியாக ஆட்சியைப் பிடிக்க துடிக்கும் மத்திய  பாஜக அரசுக்கு, தான் ஒரு மாநிலத்தின் ஆளுநர் என்பதை மறந்து, பாஜகவை சேர்ந்தவராகவே முழுமையாக மாறி மத்திய அரசுக்கு உறுதுணையாக செயல்பட்டு வரும் ஆளுநர் கிரண்பேடியை மனிதநேய  மக்கள் கட்சி வன்மையாகக் கண்டிக்கிறது. எனவே, புதுச்சேரி மாநிலத்தின் நலனைக் கருத்தில் கொண்டு ஆளுநர் கிரண் பேடியை மத்திய அரசு உடனடியாக திரும்பப் பெற வேண்டுமென கேட்டுக் கொள்வதுடன், புதுச்சேரி நலனிலும், வளர்ச்சியிலும் மக்களால் தேர்ந்தெடுக்கப்பட்ட மாநில அரசுக்கு மனிதநேய மக்கள் கட்சி என்றென்றும் உறுதுணையாக இருக்கும் என்பதையும் தெரிவித்துக் கொள்கிறோம் என அதில் கூறியுள்ளார்.

]]>
https://www.dinamani.com/all-editions/edition-nagapattinam/karaikal/2019/feb/16/புதுச்சேரி-துணை-நிலை-ஆளுநரை-மத்திய-அரசு-திரும்பப்-பெற-வேண்டும்-மமக--வலியுறுத்தல்-3096781.html
3096780 நாகப்பட்டினம் காரைக்கால் துணைநிலை ஆளுநரைக் கண்டித்து இன்று ஆர்ப்பாட்டம்: ஏ.எம்.எச்.நாஜிம் DIN DIN Saturday, February 16, 2019 08:21 AM +0530 துணை நிலை ஆளுநர் கிரண் பேடியைக் கண்டித்து கோட்டுச்சேரியில் காங்கிரஸ் - திமுக கூட்டணிக் கட்சி சார்பில் சனிக்கிழமை ஆர்ப்பாட்டம் நடைபெறவுள்ளதாக காரைக்கால் மாவட்ட திமுக அமைப்பாளரும், முன்னாள் அமைச்சருமான ஏ.எம்.எச்.நாஜிம் தெரிவித்தார்.
புதுச்சேரியில் துணை நிலை ஆளுநர் கிரண் பேடியைக் கண்டித்து தர்னா போராட்டத்தில் ஈடுபட்டிருக்கும் முதல்வர் வி. நாராயணசாமியை வெள்ளிக்கிழமை சந்தித்துப் பேசிவிட்டு, காரைக்கால் திரும்பிய நாஜிம் கூறியது:
துணை நிலை ஆளுநரின் மக்கள் விரோதப் போக்கைக் கண்டித்தும், புதுச்சேரியை விட்டு திரும்பிச் செல்ல வலியுறுத்தியும் காங்கிரஸ் - திமுக கூட்டணிக் கட்சியினர் காரைக்காலில் வியாழக்கிழமை ஆர்ப்பாட்டம் நடத்தினர். தொடர்ந்து, தர்னா போராட்டத்தில் ஈடுபட்டிருக்கும் முதல்வரை சந்தித்துப் பேசினேன்.
முதல்வரும் தொடர் போராட்டங்களை அறிவித்துள்ளார். இதன்படி, காரைக்கால் மாவட்டம், கோட்டுச்சேரி அண்ணா சிலை அருகே காங்கிரஸ், திமுக கூட்டணிக் கட்சியைச் சேர்ந்த அனைவரும் பங்கேற்கும் ஆர்ப்பாட்டம் சனிக்கிழமை மாலை நடைபெறவுள்ளது. இதில் கூட்டணிக் கட்சியினர் திரண்டு வருமாறு கேட்டுக்கொள்கிறேன். தொடர்ந்து தொகுதிகளில் கருப்புக் கொடி ஏற்றுதல், குடியரசுத் தலைவர், பிரதமருக்கு கடிதம் அனுப்பும் போராட்டம், சிறை நிரப்பும் போராட்டம், 
உண்ணாவிரதப் போராட்டம் உள்ளிட்டவை காரைக்காலில் மிகப்பெரிய அளவில் நடத்தப்படும் என்றார் நாஜிம்.

]]>
https://www.dinamani.com/all-editions/edition-nagapattinam/karaikal/2019/feb/16/துணைநிலை-ஆளுநரைக்-கண்டித்து-இன்று-ஆர்ப்பாட்டம்-ஏஎம்எச்நாஜிம்-3096780.html
3096076 நாகப்பட்டினம் காரைக்கால் புதுச்சேரி துணை நிலை ஆளுநரைக் கண்டித்து காங்கிரஸ், திமுக கூட்டணிக் கட்சியினர் ஆர்ப்பாட்டம் DIN DIN Friday, February 15, 2019 07:30 AM +0530 துணை நிலை ஆளுநர் கிரண் பேடியை கண்டித்து காரைக்காலில் காங்கிரஸ், திமுக கூட்டணிக் கட்சியினர் ஆட்சியரகம் அருகே வியாழக்கிழமை ஆர்ப்பாட்டத்தில் ஈடுபட்டனர்.
புதுச்சேரி துணை நிலை ஆளுநர் கிரண் பேடி, முதல்வர் வி. நாராயணசாமிக்குமிடையே கடந்த 3 ஆண்டுகளாக பனிப்போர் நிலவி வரும் நிலையில், அரசு அனுப்பும் கோப்புகளுக்கு அனுமதி தராமல் முடக்குவதால், நலத்திட்டங்கள் மற்றும் அரசு நிறுனத்தினருக்கு ஊதியம் தரமுடியவில்லை என ஆளும் தரப்பில் கூறப்படுகிறது. புதுச்சேரி மாநிலத்தில் கடந்த 3 ஆண்டுகளாக இவ்விரு தரப்பினரின் மோதலால் மாநிலத்தின் பன்முக வளர்ச்சியில்  ஒரு விதமான மந்த நிலை காணப்படுகிறது. இந்நிலையில், முதல்வர் வி. நாராயணசாமி, அமைச்சர்கள், திமுக எம்.எல்.ஏ.க்கள் ஆகியோர் ஆளுநரைக் கண்டித்து ஆளுநர் மாளிகை முன்பு புதன்கிழமை தர்னா போராட்டத்தில் ஈடுபட்டனர். இந்த போராட்டம் வியாழக்கிழமை 2-ஆவது நாளாக நீடித்தது.
புதுச்சேரி யூனியன் பிரதேசத்தின் 2-ஆவது பெரிய பிராந்தியமாகத் திகழும் காரைக்காலில் உள்ள காங்கிரஸ் கட்சியின் முன்னணித் தலைவர்கள், புதுச்சேரிக்கு புதன்கிழமை சென்று தர்னா போராட்டத்தில் பங்கேற்றுவிட்டுத் திரும்பினர். வியாழக்கிழமை மாவட்ட ஆட்சியரகம் அருகே காங்கிரஸ், திமுக கூட்டணிக் கட்சியினர் பங்கேற்ற ஆளுநருக்கு எதிரான கண்டனப் போராட்டம் நடத்தப்பட்டது. மாவட்ட காங்கிரஸ் தலைவர் அ.பாஸ்கரன் தலைமை வகித்தார். திமுக அமைப்பாளரும் முன்னாள் அமைச்சருமான ஏ.எம்.எச்.நாஜிம் உள்ளிட்ட இரு கட்சிகளின் முன்னணித் தலைவர்கள், தொண்டர்கள் திரளாக கலந்துகொண்டனர்.
மத்திய பாஜக அரசால், மக்களால் தேர்ந்தெடுக்கப்பட்ட காங்கிரஸ் கூட்டணி அரசை முடக்கும் துணை நிலை ஆளுநர் கிரண்
பேடியின் செயல் கண்டிக்கத்தக்கது. மக்கள் நலனுக்கு எதிராக செயல்படும் ஆளுநரை  உடனடியாக திரும்பப் பெற வேண்டும். மக்களை துச்சமாக நினைத்து வளர்ச்சித் திட்டங்களுக்கு முட்டுக்கட்டைப் போடும் ஆளுநரின் செயல்கள் வன்மையாக கண்டிக்கத்தக்கது. முதல்வர் உள்ளிட்ட அமைச்சர்கள் தர்னா போராட்டம் நடத்தும் நிலைக்கு தள்ளிய ஆளுநரின் செயல்கள் மன்னிக்க முடியாததாகும். புதுதில்லியில் மக்களால் நிராகரிக்கப்பட்ட கிரண் பேடிக்கு மக்களின் தேவைகள் குறித்து தெரிய வாய்ப்பில்லை. எனவே, அவரை மத்திய அரசு திரும்பப் பெற விரைவான நடவடிக்கை எடுக்கவேண்டும்.
முதல்வரின் 2-ஆம் நாள் போராட்டத்தின்போது, ஆளுநர் மாளிகையில் இருந்துகொண்டு தீர்வு காண முயற்சிக்காமல், மாளிகையை விட்டு வெளியேறிய செயல் மக்களை அவமதித்த செயலாகும் என கட்சியின் முன்னணித் தலைவர்கள் கண்டித்துப் பேசினர். புதுச்சேரியை விட்டு வெளியேறு என்ற கோஷத்தை கட்சியினர் எழுப்பினர்.  
போராட்டத்தின் நிறைவில் திமுக அமைப்பாளர் ஏ.எம்.எச்.நாஜிம் செய்தியாளர்களிடம் கூறியது: புதுச்சேரியில் துணை நிலை ஆளுநரின் நிர்வாகம் குரங்கு கையில் பூ மாலை கிடைத்ததுபோல் அமைந்திருக்கிறது. நிர்வாகத்தை ஒட்டு மொத்தமாக சீர்குலைத்துள்ளார். சாலையில் இறங்கி மக்களை நேரடியாக அச்சுறுத்துகிறார். புதுவை மக்களை ஒட்டு மொத்தமாக வறுமைக் கோட்டுக்குக் கீழ் தள்ளவேண்டும் என்ற அவருக்கு வழங்கப்பட்ட திட்டத்தை நிறைவேற்றிவருகிறார்.
இவரது போக்குக்கு புதுவை மக்கள் ஒருபோதும் ஆதரவளித்துவிடமாட்டார்கள். ஆளுநர் பதவிக்கு கொஞ்சமும் தகுதி இல்லாதவர். மத்திய அரசு அவரை விரைவில் திரும்பப் பெறவேண்டும்.  மக்கள் விரோத அவரது போக்கால் நிர்வாகம் ஸ்தம்பித்துள்ளது. இதனால் மக்கள் பாதிக்கப்படுகிறார்கள். இந்நிலையில் முதல்வர், அமைச்சர்கள், எம்.எல்.ஏ.க்கள் அவரைக் கண்டித்து தமது உடலை வருத்திக்கொண்டு போராட்டத்தில் ஈடுபடுவதைத் தவிர்த்து, மக்கள் ஒத்துழைப்போடு அவருக்கு தக்க பாடத்தை கற்பிக்க முற்படவேண்டும். எனவே, தர்னா போராட்டத்தை கைவிடும்படி காரைக்கால் மக்கள் சார்பில் கேட்டுக்கொள்வதாக அவர் கூறினார். 
போராட்டத்தினர் ஆட்சியரகத்தை நோக்கி சென்று விடாமல் இருப்பதற்காக போராட்ட இடத்திலும், ஆட்சியரக வாயிலிலும் தடுப்புகள் அமைக்கப்பட்டு, போலீஸார் பாதுகாப்புப் பணியில் ஈடுபட்டிருந்தனர்.


 

]]>
https://www.dinamani.com/all-editions/edition-nagapattinam/karaikal/2019/feb/15/புதுச்சேரி-துணை-நிலை-ஆளுநரைக்-கண்டித்து-காங்கிரஸ்-திமுக-கூட்டணிக்-கட்சியினர்-ஆர்ப்பாட்டம்-3096076.html
3096075 நாகப்பட்டினம் காரைக்கால் மக்களை அச்சுறுத்த துணை ராணுவத்தை வரவழைப்பதா? ஆளுநருக்கு தமுமுக கண்டனம் DIN DIN Friday, February 15, 2019 07:30 AM +0530 மக்களையும், ஆட்சியாளர்களையும் நேரடியாக அச்சுறுத்தும் வகையில் துணை ராணுவப் படையை ஆளுநர் வரவழைத்தது கண்டனத்துக்குரியது என தமிழ்நாடு முஸ்லிம் முன்னேற்றக் கழக மாநிலச் செயலர் ஐ. அப்துல் ரஹீம் கூறினார்.
இதுகுறித்து காரைக்காலில் அவர் செய்தியாளர்களிடம் வியாழக்கிழமை கூறியது :
புதுச்சேரியில் மக்களால் தேர்ந்தெடுக்கப்பட்ட காங்கிரஸ், திமுக கூட்டணி அரசு பொறுப்பேற்றது முதல் துணை நிலை ஆளுநர் கிரண் பேடியின் செயல்பாடுகள் ஆட்சியாளர்களுக்கும், மக்களுக்கும் திருப்தியளிக்கவில்லை.
புதுச்சேரி யூனியன் பிரதேச வரலாற்றில் துணை நிலை ஆளுநர் எத்தனையோ பேர் பதவி வகித்து சென்றுவிட்டனர். ஆனால் சீர்திருத்தம் என்ற பெயரில் மக்களால் தேர்ந்தெடுக்கப்பட்ட அரசை செயல்படவிடாமல், தற்போதைய துணை நிலை ஆளுநர் கிரண் பேடி செயல்பட்டுவரும் விதம் மக்களை வெறுப்படையச் செய்துவிட்டது. அதற்கும் ஒரு படி மேலாக, இருசக்கர வாகனத்தில் செல்வோர் தலைக்கவசம் கண்டிப்பாக அணிந்து செல்ல வேண்டுமென வீதியில் இறங்கி, காவலரைப்போல மக்களை நேரடியாக அச்சுறுத்தும் செயல், ஒட்டுமொத்த புதுவை மக்களை வெறுப்படைய செய்துவிட்டது.
மக்களால் தேர்ந்தெடுக்கப்பட்ட அரசு, மக்களுக்கு அளித்துள்ள வாக்குறுதிகளை நிறைவேற்ற ஆளுநரிடம் போராட வேண்டிய நிலை ஏற்பட்டுள்ளது. புதுவையில் உள்ள அனைத்து தரப்பினரும் பயன்படும் வகையிலேயே 39 கோப்புகளுக்கு ஆளுநர் கையெழுத்திட வேண்டும் என முதல்வர், அமைச்சர்கள், எம்.எல்.ஏ.க்கள் ஆளுநர் மாளிகை முன் ஜனநாயக ரீதியில் தர்னா போராட்டத்தை நடத்தி வருகின்றனர்.
இவற்றை சீர்தூக்கிப் பார்த்து கோப்புகளுக்கு கையெழுத்திட்டு, மக்களுக்கு சாதகம் செய்வதே ஆளுநரின் தார்மீக கடமையாகும். ஆனால், அதை விட்டுவிட்டு, போராட்டத்தைத் துச்சப்படுத்தி புதுச்சேரியை விட்டு வெளியேறிவிட்டதும், துணை ராணுவப் படையை புதுச்சேரி காவல்துறையை நம்பாமல் வரவழைத்திருப்பது ஆட்சியாளர்களையும், மக்களையும் நேரடியாக மிரட்டும் செயலாகும். ஆளுநரின் இந்த செயலை தமுமுக வன்மையாகக் கண்டிக்கிறது. 
ஆளுநர் தமது போக்கை மாற்றிக்கொள்ள வேண்டும். இல்லையெனில், மத்திய அரசு இந்த விவகாரத்தில் தலையிட்டு தீர்வு காணவேண்டும். தவறினால், மக்கள் சரியான தருணத்தில் தகுந்த பாடத்தைக் கற்பிப்பார்கள் என்றார் அவர்.

]]>
https://www.dinamani.com/all-editions/edition-nagapattinam/karaikal/2019/feb/15/மக்களை-அச்சுறுத்த-துணை-ராணுவத்தை-வரவழைப்பதா-ஆளுநருக்கு-தமுமுக-கண்டனம்-3096075.html
3096074 நாகப்பட்டினம் காரைக்கால் விவசாயிகள் பாதுகாப்பு சட்டங்கள் பற்றிய விழிப்புணர்வு அவசியம்: ஆட்சியர் அறிவுறுத்தல் DIN DIN Friday, February 15, 2019 07:29 AM +0530 விவசாயிகள் பாதுகாப்புக்கான சட்டங்களைப் பற்றிய விழிப்புணர்வு விவசாயிகளுக்கு அவசியம் என ஆட்சியர் ஏ. விக்ரந்த் ராஜா தெரிவித்தார். 
அகில இந்திய வானொலி காரைக்கால் பண்பலை மூலம் காரைக்கால் வேளாண் அறிவியல் நிலையத்தில் உழவர் தின விழா வியாழக்கிழமை நடத்தப்பட்டது. நிகழ்ச்சியில் காரைக்கால், நாகப்பட்டினம், திருவாரூர், அரியலூர் ஆகிய மாவட்டங்களைச் சேர்ந்த 130 விவசாயிகள் கலந்துகொண்டனர்.
நிகழ்ச்சிக்கு காரைக்கால் மாவட்ட ஆட்சியர் ஏ. விக்ரந்த் ராஜா தலைமை வகித்து பேசியது :
உழவர் தின நிகழ்ச்சியில் பல்வேறு பகுதி விவசாயிகளும் ஒருங்கிணைந்து கருத்துகளைப் பரிமாறிக் கொள்ளும் வாய்ப்பு எளிதில் கிடைக்காத ஒன்றாகும். இது காரைக்காலில் தற்போது நிறைவேற்றப்பட்டுள்ளது. இந்தியா இயற்கை வளம் மிகுந்த நாடு. மனித நாகரிகம் தோன்றியது முதல், முதல் விஞ்ஞானியாக உருவெடுத்தது  விவசாயிகள்தான். பரவலாக நிலத்தில் பரவிக்கிடக்கும் பல வகை தாவரங்களை வகைப்படுத்தி, இவை இன்னென்ன வகை, இதற்கு இந்த குணம் உண்டு, இவற்றின் ஆயுள்காலம் குறித்த பல்வேறு தகவல்களை ஆராய்ந்து கண்டறிந்தது விவசாயிகளே.
விவசாயிகள் விதைப்பு செய்தது முதல் அறுவடை செய்து விற்பனை செய்வது முதல் ஒவ்வொரு மணி நேரமும் பிரச்னையை சந்திப்பது, சமாளிப்பதிலேயே நேரம் போய்விடுகிறது. நமக்கான உரிமைகளை நிலைநாட்டி வெற்றிபெறத் தெரியவில்லை. இந்தியாவிலும், உலக அளவிலும் விவசாயிகள் பாதுகாப்புக்கென பல்வேறு சட்டங்கள் உள்ளன. விதை சட்டம் முதல் உற்பத்தி, உற்பத்திக்குச் சான்று பெறுதல், சந்தைப்படுத்துதல் போன்றவற்றுக்கு என பல சட்டங்கள் உள்ளன. இதை தனியொரு விவசாயி தெரிந்திருக்க முடியாவிட்டாலும், விவசாய அமைப்புகள் தெரிந்துகொண்டு விவசாயிகளின் முன்னேற்றத்துக்கு உதவ வேண்டும்.
இயற்கை விவசாயத்தின் மீது ஆர்வம் காட்டினாலும், அதை முறையாக சந்தைப்படுத்தி லாபம் ஈட்டிக்கொள்ளத் தெரியவில்லை. நமது நாட்டின் இயற்கை வளங்களைப் பயன்படுத்தி, அதை உருமாற்றி, பதப்படுத்தி வேறு பெயரில் நம் நாட்டுக்கே விற்பனைக்கு அனுப்புகிறது அயல்நாடுகள். ஆனால், நம்மிடையே அதற்கான அறிவாற்றல் குறைவாக இருக்கிறது. இதுபோன்றில்லாமல், கால மாற்றத்துக்கேற்ப நாம் திறனை மேம்படுத்திக் கொண்டு, நமது உற்பத்தியின் மூலம் பெரும் பொருளீட்ட  முன்வர வேண்டும். அதற்கான ஆற்றலை ஒவ்வொரு விவசாயியும் வளர்த்துக்கொள்ள வேண்டும் என்றார் ஆட்சியர்.
புதுச்சேரியில் இருந்தவாறு செல்லிடப்பேசி வாயிலாக வேளாண் அமைச்சர் ஆர். கமலக்கண்ணன் விவசாயிகளுக்கு பல்வேறு ஆலோசனைகளை வழங்கினார். நிகழ்ச்சியில், இந்திய பாரம்பரிய அரிசி வகைகளை விவசாயிகள் பலர் தொகுத்து மாவட்ட ஆட்சியர் ஏ. விக்ரந்த் ராஜாவிடம் வழங்கினர். வேளாண் அறிவியல் நிலைய முதல்வர் சி. ரத்தினசபாபதி, வேளாண் கல்லூரி பேராசிரியர் அழ. நாராயணன், சீர்காழி இந்திய பாரம்பரிய அறிவியல் மைய திட்ட இயக்குநர் சுபாஷினி ஸ்ரீதர், சேந்தமங்கலம் ஏ. சபீர் அகம்மது, ஆண்டிமடம் பி. பிரபு, பவித்ரமாணிக்கத்தைச் சேர்ந்த எஸ். ரவிசங்கர் ஆகியோர் கருத்துரை வழங்கினர். ஆடுதுறை தமிழ்நாடு நெல் ஆராய்ச்சி நிலைய இயக்குநர் வெ. அம்பேத்கர் வாழ்த்தி பேசினார். காரைக்கால் வானொலி நிலையத் தலைவர் ஜி. சுவாமிநாதன் வரவேற்றார். நிகழ்ச்சி பொறுப்பாளர் ஆர். வெங்கடேஸ்வரன் நன்றி கூறினார்.

]]>
https://www.dinamani.com/all-editions/edition-nagapattinam/karaikal/2019/feb/15/விவசாயிகள்-பாதுகாப்பு-சட்டங்கள்-பற்றிய-விழிப்புணர்வு-அவசியம்-ஆட்சியர்-அறிவுறுத்தல்-3096074.html
3096073 நாகப்பட்டினம் காரைக்கால் காரைக்கால் அம்மையார் ஐக்கிய இசை ஆராதனை விழாவை அரசு விழாவாக நடத்த வலியுறுத்தல் DIN DIN Friday, February 15, 2019 07:29 AM +0530 காரைக்கால் அம்மையார் ஐக்கிய இசை ஆராதனை விழாவை நிகழாண்டிலிருந்து அரசு விழாவாக நடத்தவேண்டும் என கோரிக்கை விடுக்கப்பட்டுள்ளது. 
காரைக்கால் மாவட்ட  கலைஞர்கள் மாமன்ற ஆலோசனைக் குழுத் தலைவர் காரை சுப்பையா, புலவர் திருமேனி நாகராஜன் மாமன்ற நிர்வாகிகள் காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு. அசனாவை புதன்கிழமை சந்தித்து புதுச்சேரி அரசை வலியுறுத்தும் வகையில் அளித்த கோரிக்கை மனு விவரம்: பிரசித்திப் பெற்ற அறுபத்து மூன்று நாயன்மார்களில் ஒருவரான காரைக்கால் அம்மையாரை தமிழ் இசைக் கலைஞர்கள் நினைவுகூரும் வகையில் கடந்த 3 ஆண்டுகளுக்கு மேலாக காரைக்கால் அம்மையார் இசை ஆராதனை விழாவாக நடத்தப்பட்டு வருகிறது. இந்த விழா நடத்த கோயில் நிர்வாகத்திடம் நிதி பெற்று நடத்துவதில் பெரும் சிரமத்தை சந்திக்கவேண்டியுள்ளது. புதுச்சேரி அரசு சுற்றுலாத் துறை மூலம் அரசு விழாவாக நடத்த நடவடிக்கை எடுக்கப்படும் என புதுச்சேரி முதல்வர் கடந்த ஆண்டு கூறினார். அதனடிப்படையில் நிகழாண்டு முதல் இந்த நிகழ்ச்சி புதுச்சேரி அரசு விழாவாக நடத்தவேண்டும். புதுச்சேரி ஆட்சியாளர்களிடம் பேசி உரிய நடவடிக்கையை விரைந்து எடுக்கவேண்டும் என அதில் வலியுறுத்தப்பட்டது.
 

]]>
https://www.dinamani.com/all-editions/edition-nagapattinam/karaikal/2019/feb/15/காரைக்கால்-அம்மையார்-ஐக்கிய-இசை-ஆராதனை-விழாவை-அரசு-விழாவாக-நடத்த-வலியுறுத்தல்-3096073.html
3096072 நாகப்பட்டினம் காரைக்கால் அரசுப் பள்ளியில் எரிசக்தி சேமிப்புக் கருத்தரங்கம் DIN DIN Friday, February 15, 2019 07:29 AM +0530 காரைக்கால் தந்தை பெரியார் அரசு மேல்நிலைப் பள்ளியில் எரிபொருள் சேமிப்புக் கருத்தரங்கம் புதன்கிழமை நடைபெற்றது.
புதுச்சேரி புதுப்பிக்கவல்ல எரிசக்தி அமைப்பின் சார்பில் நடைபெற்ற இக்கருத்தரங்கில், அண்ணா அரசு கலைக் கல்லூரி தாவரவியல் துறை பேராசிரியர் சம்பந்தம் சிறப்பு அழைப்பாளராகக் கலந்து கொண்டு பேசியது:
தற்போது பயன்படுத்தப்படும் எரிபொருள் பெருமளவு வெளிநாடுகளில் இருந்து இறக்குமதி செய்யப்படுகிறது. நம்மிடம் உள்ள எரிசக்தி ஆதாரம் வெகுசில ஆண்டுகளே நமக்கு பயனளிக்கும் வகையில் உள்ளது. எனவே, சூரியசக்தி, நீர் மற்றும் காற்றின் மூலம் கிடைக்கும் சக்திகளைப் பயன்படுத்த நாம் தயாராகவேண்டும். தொழில் புரட்சிக்குப் பின் தொழிற்சாலைகள் அதிகரித்ததன் காரணமாக காற்று மாசடைந்து, பூமி வெப்பமடைந்துள்ளது. இவற்றையெல்லாம் சீர்செய்ய மாற்று எரிசக்தி ஒன்றே தீர்வாகும். இதற்கு மாணவர்கள் தயாராக வேண்டியது அவசியம் என்றார் அவர்.
பட்டதாரி ஆசிரியர் எஸ். மகாதேவன் மாசுக் கட்டுப்பாடு குறித்து விளக்கினார். இதைத்தொடர்ந்து, பள்ளி மாணவர்களிடையே எரிபொருள் சிக்கனம் குறித்து பேச்சுப் போட்டி, கட்டுரைப் போட்டி, ஓவியப் போட்டிகள் நடத்தப்பட்டு, பரிசுகள் வழங்கப்பட்டன. 
நிகழ்ச்சிக்கு, பள்ளி துணை முதல்வர் கே. கோவிந்தராஜன் தலைமை வகித்தார். பட்டதாரி ஆசிரியை கிருஷ்ணராணி வரவேற்றார். விரிவுரையாளர் எஸ். சித்ரா நன்றி கூறினார். கருத்தரங்க ஏற்பாடுகளை ஆசிரியர் எஸ். மகாதேவன், கிருஷ்ணராணி, புவனேஸ்வரி, காமராஜ், கருப்புசாமி ஆகியோர் செய்திருந்தனர்.


 

]]>
https://www.dinamani.com/all-editions/edition-nagapattinam/karaikal/2019/feb/15/அரசுப்-பள்ளியில்-எரிசக்தி-சேமிப்புக்-கருத்தரங்கம்-3096072.html
3096071 நாகப்பட்டினம் காரைக்கால் கைலாசநாதர் கோயிலில் பசு மடம் திறப்பு DIN DIN Friday, February 15, 2019 07:28 AM +0530 காரைக்கால் ஸ்ரீகைலாசநாதர் கோயிலில் வியாழக்கிழமை பசு மடம் திறக்கப்பட்டது.
காரைக்கால் ஸ்ரீசுந்தராம்பாள் சமேத ஸ்ரீ கைலாசநாதர் கோயில் மாங்கனித் திருவிழா நடைபெறக்கூடிய சிறப்புக்குரிய தலமாகும். இக்கோயிலில் அறங்காவல் நிர்வாகத்தினர் புதிதாக பசுக்கள் வளர்ப்புக்காக மடம் அமைத்துள்ளனர். மேலும் கைலாசநாதர் கோயில் வளாகத்தில் இயங்கிவந்த அலுவலகக் கட்டடம் சிதிலமடைந்திருப்பதால், அம்மையார் கோயில் அருகே அலுவலகத்தை மாற்றியுள்ளனர்.
பசு மடம் திறப்பு மற்றும் அலுவலகத் திறப்பு நிகழ்ச்சி வியாழக்கிழமை நடைபெற்றது. காரைக்கால் தெற்குத் தொகுதி சட்டப் பேரவை உறுப்பினர் கே.ஏ.யு.அசனா, மாவட்ட ஆட்சியர் ஏ.விக்ரந்த் ராஜா ஆகியோர் சிறப்பு அழைப்பாளராகக் கலந்துகொண்டு பசுமடத்தை திறந்துவைத்தனர். பசு மடத்தில் உள்ள பசுக்களுக்கு கீரையை அவர்கள் உணவாக அளித்தனர். நிகழ்ச்சியில், கால்நடைத்துறை இணை இயக்குநர் லதா மங்கேஷ்கர், நகராட்சி ஆணையர் டி. சுதாகர், அறங்காவல் குழுத் தலைவர் ஆர்.ஏ.ஆர். கேசவன், துணைத் தலைவர் பி.ஏ.டி. ஆறுமுகம், செயலர் எம். பக்கிரிசாமி, பொருளாளர் டி.ரஞ்சன், உறுப்பினர் கே.பிரகாஷ் உள்ளிட்டோர் கலந்துகொண்டனர்.
பசு மடம் குறித்து செயலர் எம். பக்கிரிசாமி கூறியது: கோயில் நிர்வாகத்தில் முன்பு பசு வளர்ப்பு செய்யப்பட்டு பின்னர் கைவிடப்பட்டுவிட்டது. இதை மீண்டும் ஏற்படுத்தும் வகையில் கோயில் வளாகத்தில் மடம் அமைத்து திறக்கப்பட்டுள்ளது. மடத்தில் உள்ள பசுவின் பால், முற்றிலும் சுவாமிகள் அபிஷேகத்துக்கு பயன்படுத்தப்படும். கோயில் நிலப்பரப்பில் விரிவாக கோசாலை அமைக்கும் திட்டமும் உள்ளது. இது அமைக்கப்பட்ட பின்னர் பக்தர்களால் பசு அளிக்கப்படும்பட்சத்தில் ஏற்றுக்கொள்ளப்படும் என்றார்.

]]>
https://www.dinamani.com/all-editions/edition-nagapattinam/karaikal/2019/feb/15/கைலாசநாதர்-கோயிலில்-பசு-மடம்-திறப்பு-3096071.html
3096069 நாகப்பட்டினம் காரைக்கால் காரைக்காலில் பி.எஸ்.என்.எல். ஊழியர்கள் ஆர்ப்பாட்டம் DIN DIN Friday, February 15, 2019 07:28 AM +0530 பி.எஸ்.என்.எல். நிறுவனத்துக்கு 4 ஜி அலைக்கற்றை ஒதுக்கீடு செய்தல் உள்ளிட்ட பல்வேறு கோரிக்கைகளை வலியுறுத்தி அதிகாரிகள், ஊழியர்கள் சங்கத்தினர் வியாழக்கிழமை ஆர்ப்பாட்டம் நடத்தினர்.
காரைக்கால் கடற்கரை சாலையில் உள்ள பி.எஸ்.என்.எல். அலுவலக வாயிலில் அதிகாரிகள், ஊழியர்கள் பங்கேற்ற ஆர்ப்பாட்டம் நடைபெற்றது. கடந்த 1.1.2017 முதல் 15 சதவீதம் ஊதிய நிர்ணய பலனுடன் 3-ஆவது ஊதிய மாற்றத்தை அமல்படுத்த வேண்டும், பி.எஸ்.என்.எல். நிறுவனத்துக்கு 4 ஜி அலைக்கற்றை ஒதுக்கீடு செய்யவேண்டும், ஓய்வூதியதாரர்களுக்கு ஓய்வூதிய மாற்றத்தை அமல்படுத்தவேண்டும், அரசு விதிகளின்படி மட்டுமே பி.எஸ்.என்.எல். நிறுவனத்திடமிருந்து ஓய்வூதிய பங்களிப்பைப் பெறவேண்டும், 2-ஆவது ஊதிய மாற்றக் குழுவின் விடுபட்ட பரிந்துரைகளை நிறைவேற்றவேண்டும், பி.எஸ்.என்.எல். நிறுவன நில மேலாண்மை கொள்கைக்கு விரைவில் ஒப்புதல் தரவேண்டும், பி.எஸ்.என்.எல். செல்லிடப்பேசி கோபுரங்களை பராமரிப்பில் தனியாரை ஈடுபடுத்தும் முடிவை கைவிடவேண்டும் உள்ளிட்ட கோரிக்கைகளை வலியுறுத்தி பிப்.18 முதல் 20-ஆம் தேதி வரை வேலை நிறுத்தப் போராட்டம் நடைபெறவுள்ளது.
இந்த கோரிக்கை விளக்க ஆர்ப்பாட்டமாக நிறுவன வாயிலில் வியாழக்கிழமை நடத்தப்பட்டது. போராட்டக் குழு ஒருங்கிணைப்பாளர் சிவராஜ் தலைமை வகித்தார். என்.எஃப்.டி.இ. அமைப்பை சேர்ந்த இருதய சவுரிராஜ்,  பன்னீர்செல்வம், ஊழியர் சங்கத்தை சேர்ந்த கல்யாண சுந்தரம், என்.எஃப்.டி.இ. மாவட்ட செயலர் எம்.விஜயஆரோக்கியராஜ் மற்றும் டி.மதியழகன், ஆர்.சீனிவாசன், கே.விநாயகமூர்த்தி உள்ளிட்ட பல்வேறு சங்கத்தின் நிர்வாகிகள் கோரிக்கை வலியுறுத்தியும், மத்திய அரசின் போக்கைக் கண்டித்தும் பேசினர்.
 

]]>
https://www.dinamani.com/all-editions/edition-nagapattinam/karaikal/2019/feb/15/காரைக்காலில்-பிஎஸ்என்எல்-ஊழியர்கள்-ஆர்ப்பாட்டம்-3096069.html
3095543 நாகப்பட்டினம் காரைக்கால் உணவு உற்பத்தியை அதிகரிக்கும் கட்டாயத்தில் உள்ளோம்: இயற்கை விஞ்ஞானி பேச்சு DIN DIN Thursday, February 14, 2019 08:33 AM +0530 உலக மக்கள்தொகை பெருக்கத்திற்கு ஏற்ப உணவு உற்பத்தியை அதிகரிக்க வேண்டிய கட்டாயத்தில் உள்ளோம் என்றார் குளித்தலை கேவிகே இந்திய வேளாண் ஆராய்ச்சி மையத் தலைவரும் முதுநிலை விஞ்ஞானியுமான முனைவர் ஜெ. திரவியம்.
தமிழ்நாடு அறிவியல் தொழில்நுட்ப மாநில மன்றம் மற்றும் கரூர் அரசு கலைக் கல்லூரியின் வேதியியல் துறை சார்பில் புதன்கிழமை நடைபெற்ற கிராமப்புறை விவசாயிகள், மகளிர் சுய உதவிக்குழுக்கள் மற்றும் பள்ளி மாணவர்களுக்கான இலவச பயிலரங்கு நடைபெற்றது.
இதில் பங்கேற்று வேளாண்மையில் தற்போதைய பசுமை தொழில்நுட்பத்தின் பங்கு என்ற தலைப்பில் மேலும் அவர் பேசியது:
நம் நாட்டின் விவசாயத்தில் ரசாயன உரங்களை அதிகளவில் பயன்படுத்துவதால் மண் வளம் கெட்டுப் போவதுடன் விளைச்சலும் குறைந்து, நம் உடலும் பாதிப்புக்குள்ளாகிறது. இதனால் களைச்செடிகளை உரமாக மாற்ற வேண்டும். மண்ணில் ரசாயன உரங்கள் இடுவதைத் தவிர்த்து இயற்கை உரங்களைப் பயன்படுத்த வேண்டும். மேலும் மண்ணில் அங்ககக் கரிம சத்துகளை அதிகப்படுத்த வேண்டும். இவற்றைத்தவிர விளைபொருட்களுக்கு உரிய விலை கிடைக்கச் செய்ய வேண்டும். 
விவசாயத்தில் உழவில்லா தொழில்நுட்பட்பத்தை பயன்படுத்தி குறைந்த நீரில் அதிக பரப்பில் விவசாயம் செய்யும் முறையையும் கடைப்பிடிக்க வேண்டும். மழைநீரை சேமிக்க அதிகளவில் பண்ணைக்குட்டை ஏற்படுத்த வேண்டும். நம் நாட்டை விட மூன்றில் ஒரு பங்கு மழை வளம் கிடைக்கும் இஸ்ரேல் நாட்டில் நீரை மறுசுழற்சி செய்து விவசாயத்தை பயன்படுத்துவதன் மூலம் இன்று விவசாய பொருட்கள் ஏற்றுமதியில் முன்னனி நாடாகத் திகழ்கிறது. விவசாயத்தில் நீர் சிக்கனம் தேவை. வரும் 2050-ல் உலக மக்கள்தொகை 9.8 பில்லியனாக போகிறது. மக்கள் தொகைக்கு ஏற்ப உணவு உற்பத்தியை அதிகரிக்க வேண்டிய கட்டாயத்தில் உள்ளோம். 
பெரும்பாலும் வீட்டிலேயே உணவு உற்பத்தியை பெருக்கும் முறையை கடைப்பிடிக்க வேண்டும். உணவு முறையிலும் மாற்றம் வேண்டும் என்றார்.
கருத்தரங்கிற்கு கல்லூரி முதல்வர் (பொ) அர. ரவிச்சந்திரன் தலைமை வகித்தார். வேதியியல் துறை தலைவர் இரா. சீனிவாசன் வரவேற்றார். உதவிப்பேராசிரியர் முனைவர் ப. முத்துக்குமார் நன்றி கூறினார்.

]]>
https://www.dinamani.com/all-editions/edition-nagapattinam/karaikal/2019/feb/14/உணவு-உற்பத்தியை-அதிகரிக்கும்-கட்டாயத்தில்-உள்ளோம்-இயற்கை-விஞ்ஞானி-பேச்சு-3095543.html
3095541 நாகப்பட்டினம் காரைக்கால் காரைக்கால் ஆட்சியர் வசமே திருநள்ளாறு கோயில் நிர்வாகம்: துணை நிலை ஆளுநருக்கு போராட்டக் குழு வலியுறுத்தல் DIN DIN Thursday, February 14, 2019 08:31 AM +0530 காரைக்கால் மாவட்ட ஆட்சியர் வசமே திருநள்ளாறு கோயில் நிர்வாக அதிகாரி பொறுப்பு கூடுதலாக இருக்கவேண்டும். இதன்மீது புதுச்சேரி துணை நிலை ஆளுநர் உறுதியான நடவடிக்கை எடுக்கவேண்டும் என வலியுறுத்தப்பட்டது.
காரைக்கால் போராட்டக் குழு நிறுவனரும், அமைப்பாளருமான வழக்குரைஞர் எஸ்.பி. செல்வசண்முகம் புதன்கிழமை கூறியது:  திருநள்ளாறு ஸ்ரீ தர்பாரண்யேசுவரர் கோயில் நிர்வாக அதிகாரியாக பிசிஎஸ் என்கிற மாநில நிர்வாகத்தின் அதிகாரியும், தனி அதிகாரியாக மாவட்ட ஆட்சியரும் இருப்பது கடந்த ஒன்றரை ஆண்டுக்கு முன்பு வரை இருந்த நிலையாகும். திருநள்ளாறு தர்பாரண்யேசுவரர் கோயில் என்பது 100 சதவீதம் அரசுடையது அல்ல. அரசு, தருமை ஆதீனம், ஸ்தானிகர் என தலா 33 சதவீதம் பங்களிப்புடன் உள்ளதாகும். எனவே, இவற்றையெல்லாம் அனுசரித்து நடுநிலையாக ஒரு கோயில் நிர்வாக அதிகாரி செயல்படுவது என்பது இயலாத ஒன்றாகும். சில அதிகாரிகள் காலத்தில் முரண்பாடுகள் ஏற்பட்டு வாதங்களுக்கெல்லாம் வாய்ப்பை ஏற்படுத்தியிருக்கின்றன. இந்த சூழலில் மாவட்ட சார்பு ஆட்சியராக இருந்த ஏ.விக்ரந்த் ராஜா ஐ.ஏ.எஸ். என்பவரிடம் கடந்த ஒன்றரை ஆண்டுக்கு முன்பு திருநள்ளாறு கோயில் நிர்வாகத்தை கூடுதலாக அரசு ஒப்படைத்தது. இளம் ஐ.ஏ.எஸ். அதிகாரியாக இருப்பவர், பொறுப்பேற்ற சில மாதங்களிலேயே சனிப்பெயர்ச்சி விழாவை நடத்தினார். பின்னர் கடந்த 2018-ஆம் ஆண்டு ஜூன், ஜூலை மாதத்தில் பாலாலயம் செய்து நிகழாண்டு பிப்ரவரி மாதம் கோயிலுக்கு குடமுழுக்கு  விழாவையும் பிரச்னைகள் ஏதுமின்றி நடத்தி முடித்துள்ளார்.
இக்கோயில் நிர்வாகத்தை ஓரளவு கடந்த ஒன்றரை ஆண்டில் புரிந்துகொண்டு அவரால் நடத்த முடிந்துள்ளதோடு, பல்வேறு சீர்திருத்தங்களையும் கோயிலில் எடுத்து நிறைவேற்றியுள்ளார். இதில் சில ஏற்புடையதாக இல்லாவிட்டாலும், காலப்போக்கில் அதை சரிசெய்துவிட முடியும். இப்போது சார்பு ஆட்சியராகவும், கோயில் நிர்வாக அதிகாரியாகவும் செயல்பட்டவரை நிரந்தரமாக மாவட்ட ஆட்சியராக புதுச்சேரி அரசு நியமித்துள்ளது. புதிதாக கோயிலுக்கு ஒரு ஐ.ஏ.எஸ். அதிகாரி நியமித்தாலும் அல்லது பிசிஎஸ் நிலை அதிகாரி நியமித்தாலும், கடந்த ஒன்றரை ஆண்டு காலத்தில் அடைந்த சீர்திருத்தங்கள் இனி தொடருமா என்பது கேள்விக்குறிதான். கோயிலின் அனைத்து நிலைகளையும் ஒரு அதிகாரி புரிந்துகொண்டு, கொள்கை உறுதியுடன்  நிர்வகித்தால் மட்டுமே சீர்திருத்தங்களும், நடுநிலையோடும், பிரச்னைகளின்றியும் நிர்வாகத்தை கொண்டு செல்லமுடியும்.
புதிதாக நியமிக்கப்படும் அதிகாரியால் இவற்றை, இப்போதைய நிலையிலேயே தொடரச் செய்வது முடியாத ஒன்றாகும். திருநள்ளாறு கோயில் என்பது சனிப்பெயர்ச்சி விழா மட்டுமல்லாது, வாரந்தோறும் ஆயிரக்கணக்கான பக்தர்களை ஈர்க்கும் தலமாக விளங்குகிறது. எனவே, மாவட்ட ஆட்சியராக பொறுப்பேற்கும் நபரிடமே கோயில் நிர்வாக அதிகாரி பொறுப்பை நிரந்தரமாக ஒப்படைக்கவேண்டும். புதிதாக ஒரு அதிகாரி நியமிக்கப்பட்டால் இவர்களிடையே முரண்பாடுகள் தோன்றிவிடும். எனவே ஆட்சியராக விக்ரந்த் ராஜா நீடிக்கும் வரை, கோயில் தனி அதிகாரி, கோயில் நிர்வாக அதிகாரி பொறுப்பை அவரே நிர்வகிக்க புதுச்சேரி துணை நிலை ஆளுநர் உறுதியான நடவடிக்கை எடுக்கவேண்டும் என்றார் அவர்.

]]>
https://www.dinamani.com/all-editions/edition-nagapattinam/karaikal/2019/feb/14/காரைக்கால்-ஆட்சியர்-வசமே-திருநள்ளாறு-கோயில்-நிர்வாகம்-துணை-நிலை-ஆளுநருக்கு-போராட்டக்-குழு-வலியுறுத்-3095541.html
3095540 நாகப்பட்டினம் காரைக்கால் 16-இல் ஜிப்மரில் மருத்துவ முகாம் DIN DIN Thursday, February 14, 2019 08:31 AM +0530 காரைக்கால் அரசு பொது மருத்துவமனையில் பிப்.16-ஆம் தேதி குடல் நோய் தொடர்பான மருத்துவ நிபுணர்கள் பங்கேற்கும் சிறப்பு முகாம் நடைபெறவுள்ளது.
இதுகுறித்து, காரைக்கால் மாவட்ட ஆட்சியர் ஏ. விக்ரந்த் ராஜா வெளியிட்ட செய்திக் குறிப்பு : காரைக்கால் அரசு பொது மருத்துவமனை உள்வளாகத்தில், புதுச்சேரி ஜிப்மர் மருத்துவமனை சார்பில் நடைபெறும் மருத்துவ முகாமாக  பிப். 16-ஆம் தேதி குடல் நோயியல் மற்றும் குடல் நோயியல் அறுவை சிகிச்சை மருத்துவ நிபுணர்கள் பங்கேற்று மருத்துவ பரிசோதனை மற்றும் ஆலோசனை வழங்கவுள்ளனர். காலை 9 முதல் பிற்பகல் 2 மணி வரை நடைபெறும் முகாமை பொதுமக்கள் பயன்படுத்திக்கொள்ளுமாறு அதில் கேட்டுக்கொள்ளப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/14/16-இல்-ஜிப்மரில்-மருத்துவ-முகாம்-3095540.html
3095539 நாகப்பட்டினம் காரைக்கால் அரசு மருத்துவமனை சீர்கேட்டை கண்டித்து முற்றுகையிட முயன்ற 90 பேர் கைது DIN DIN Thursday, February 14, 2019 08:31 AM +0530 காரைக்கால் அரசு பொது மருத்துவமனையில் நிலவும் பல்வேறு சீர்கேடுகள் களையப்படாததைக் கண்டித்து, விடுதலைச் சிறுத்தைகள் கட்சியினர் மருத்துவமனையை புதன்கிழமை முற்றுகையிட முயன்று கைதாயினர்.
காரைக்கால் அரசு பொதுமருத்துவமனையில் நிலவும் பல்வேறு சீர்கேடுகளை களையாத அரசு நிர்வாகத்தையும், மருத்துவ நிர்வாகத்தையும் கண்டித்து முற்றுகைப் போராட்டம் நடத்த விடுதலைச் சிறுத்தைகள் கட்சியினர் ஏற்கெனவே முடிவு  செய்திருந்தனர். இதையொட்டி, கட்சியின் மாநில அரசியல் குழுச் செயலர் அரசு. வணங்காமுடி தலைமையில் கட்சியின் அனைத்து நிலை நிர்வாகிகள், தொண்டர்கள் அம்பேத்கர் வீதி - காமராஜர் சாலை சந்திப்பில் புதன்கிழமை கூடினர். 
போராட்டத்தில் ஈடுபட்ட தலைவர்கள் கூறியது : அரசு மருத்துவமனை மருத்துவர்களிடையே நிலவும் தொழில் போட்டியில் நோயாளிகளை முறையாக கவனிப்பது கிடையாது. மருத்துவமனையில் திருநள்ளாறு பகுதி செல்லூரை சேர்ந்த ஜெஸ்வின் மேரி என்பவர் பிரசவத்துக்காக மருத்துவமனையில் சேர்ந்தபோது, சரியான மருத்துவ பரிசோதனை, கவனிப்பு இல்லாத நிலையில் அவர் உயிரிழந்தார். 4 மாதங்கள் கடந்தும் அவரது குடும்பத்துக்கு உரிய இழப்பீட்டை அரசு நிர்வாகம் இதுவரை தரவில்லை.
இந்த இறப்புக்கு காரணமான மருத்துவர்கள் மீது அரசு நிர்வாகம் நடவடிக்கை எடுக்கவில்லை. மருத்துவமனைக்குத் தேவையான சிறப்பு மருத்துவர்கள், உபகரணங்கள், தொழில்நுட்ப வல்லுநர்கள் கிடையாது. மருத்துவமனைக்கு வருவோரை உடனடியாகவோ அல்லது ஓரிரு நாள்களிலோ  வெளியூர் மருத்துவமனைக்கு செல்ல பரிந்துரைக்கப்படுகின்றனர். அரசு பொதுமருத்துவமனையை மாவட்ட மருத்துவமனை அந்தஸ்துக்கு உயர்த்த புதுச்சேரி அரசும் இதுவரை நடவடிக்கை எடுக்கவில்லை.  இதனால், காரைக்கால் மருத்துவமனையை நம்பி வந்து பயன்பெறமுடியாமல் பாதிக்கப்படுகின்றனர். 
புதுச்சேரி அரசு இந்த விவகாரத்தின் மீது கவனம் செலுத்தாத வரை விடுதலைச் சிறுத்தைகள் சார்பிலான போராட்டம் தொடரும் என்றனர். அரசையும், மருத்துவமனை நிர்வாகத்தைக் கண்டித்து கோஷம் எழுப்பியவாறு மகப்பேறு மருத்துவப் பிரிவு நோக்கி கட்சியினர் முன்னேறிச் சென்றனர். காரைக்கால் நகரக் காவல்நிலைய போலீஸார், கட்சியினர் 90 பேரை தடுத்து நிறுத்தி கைது செய்தனர். வாகனத்தில் ஏற்றப்பட்டு மண்டபத்தில் தங்கவைக்கப்பட்ட கட்சியினரை போலீஸார் பின்னர் விடுவித்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/14/அரசு-மருத்துவமனை-சீர்கேட்டை-கண்டித்து-முற்றுகையிட-முயன்ற-90-பேர்-கைது-3095539.html
3095538 நாகப்பட்டினம் காரைக்கால் தலைக்கவச விவகாரம்: ஆளுநருக்கு மார்க்சிஸ்ட் கம்யூனிஸ்ட் கட்சி கண்டனம் DIN DIN Thursday, February 14, 2019 08:30 AM +0530 தலைக்கவசம் அணியும் விவகாரத்தில் துணை நிலை ஆளுநருக்கு மார்க்சிஸ்ட் கம்யூனிஸ்ட் கட்சி கண்டனம் தெரிவித்துள்ளது.
இதுகுறித்து, அக்கட்சியின் காரைக்கால் வட்ட செயலர் எஸ்.எம்.தமீம் வெளியிட்ட அறிக்கை: புதுச்சேரி யூனியன் பிரதேசத்தில் கடந்த பல ஆண்டுகளாக சாலை விபத்துகள், உயிரிழப்புகள் ஏற்பட்டு வருவது உண்மைதான். சாலை விபத்துகளும், இதன்மூலம் ஏற்படும் உயிரிழப்புக்கும் தலைக்கவசம் மட்டுமே பாதுகாப்பாக இருந்துவிடமுடியாது. மது பழக்கம் பிரதான காரணமாக புதுவையில் விளங்குகிறது. மதுக்கடைகள் எண்ணிக்கை புதுவையில் அதிகம். மது அருந்தி விட்டு வாகனத்தை இயக்கிச் செல்வோரால் பெரும்பான்மையான விபத்துகள் ஏற்படுகின்றன. இதை தடுக்க நினைக்கும் துணை நிலை ஆளுநர், காவல் துறையால் என்னென்ன வழிமுறைகள் கையாளப்பட்டு கடைப்பிடிக்கப்படுகிறது என்பதை முதலில் ஆராய வேண்டும். மது என்கிற அரக்கனால் மாநிலத்தில் கணவரை இழந்த விதவைகள் 18 சதவீதம் உள்ளனர். நாளுக்கு நாள் இதனால் ஏற்படும் பாதிப்பு அதிகரித்தே வருகிறது. தலைக்கவசம் மட்டுமே விபத்தினால் உயிரிழப்பை தடுக்கும் என்றால், இதை அரசுடன் இணைந்து அமைதியான முறையில் நடைமுறைப்படுத்த துணை நிலை ஆளுநர் முன்வரவேண்டும். அதைவிட்டு ஒரே நாளில் அனைவரும் தலைக்கவசம் அணியவேண்டும் என்ற தடாலடி நடவடிக்கையை காவல் துறையை வைத்து செயல்படுத்துவது ஆளுநர் பதவிக்கு அழகல்ல.
போக்குவரத்துக் காவலரைப் போல வீதியில் இறங்கி, இருசக்கர வாகன ஓட்டிகளை நிறுத்தி கட்டாயப்படுத்துவது போன்ற துணை நிலை ஆளுநரின் செயல், அவர் வகிக்கும் பதவிக்கு எந்தவிதத்தில் பெருமை சேர்க்கவில்லை. மாறாக அந்த பதவியின் கண்ணியத்தை அவர் சீர்குலைத்த அவப்பெயரை ஏற்படுத்தும். கட்சியின் மாநில செயலர் கூறியதுபோல, மது என்கிற அரக்கனை ஒழிக்காமல், மக்களின் சமூக ஏற்றத்தாழ்வுகளை குறைக்காமல், முற்போக்கான சகோதரத்துவ உணர்வை வளர்க்கும் கல்வியை அளிக்காமல் எத்தகைய மாற்றங்களும், முன்னேற்றங்களும் சாத்தியமில்லை. 
சிறிய மாநிலத்தில் தலைக்கவசத்தை கட்டாயப்படுத்தி அணியச் செய்து ஒருவித புகழைப்பெற துணை நிலை ஆளுநர் முயற்சிக்கிறார். சுய விளம்பரத்துக்காக பல்வேறு செயல்பாடுகளை அவர் மேற்கொள்கிறார். புதுச்சேரி, காரைக்கால் போன்ற குறுகிய தூரங்களில் தலைக்கவசம் அணிந்து பயணிப்பது வாகன ஓட்டிகளுக்கு பல்வேறு சிரமங்களை ஏற்படுத்தும். உயிர்மேல் ஆசை உள்ளவர்கள் தாமாகவே தலைக்கவசம் அணிந்துகொள்ள முற்படுவார்கள். இதில் கட்டாயம் தேவையற்றது.
இதுபோன்ற செயல்களில் ஆளுநர் கவனம் செலுத்துவதை தவிர்த்து, பல்வேறு அரசு சார்பு நிறுவனங்கள் நலிந்துள்ளதை சீர்படுத்தவும், அதில் பணியாற்றுவோருக்கு மாத ஊதியம் தடையின்றி கிடைக்கவும், சாலைகளை புதுப்பிக்கவும், அரசுத்துறைகளில் உள்ள காலிப் பணியிடங்களை நிரப்பவும், ரேஷன் கடைகளில் அத்தியாவசியப் பொருள்கள் கிடைக்கவும், காரைக்காலில் அரசு மருத்துவமனையை மேம்படுத்தவும், காரைக்காலில் கிடப்பில் உள்ள ஜிப்மர் மருத்துவக் கல்லூரி கட்டடத்தை கட்டச் செய்யவும் நடவடிக்கை எடுத்தால் மக்கள் பாராட்டுவார்கள் என அதில் கூறப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/14/தலைக்கவச-விவகாரம்-ஆளுநருக்கு-மார்க்சிஸ்ட்-கம்யூனிஸ்ட்-கட்சி-கண்டனம்-3095538.html
3095537 நாகப்பட்டினம் காரைக்கால் துணை நிலை ஆளுநர் காணொலி மூலம் நாளை குறை கேட்பு DIN DIN Thursday, February 14, 2019 08:30 AM +0530 புதுச்சேரி துணை நிலை ஆளுநர் காணொலி மூலம் காரைக்கால் மக்களிடம் வெள்ளிக்கிழமை ( பிப்ரவரி 15) குறைகளை கேட்கவுள்ளார் என மாவட்ட ஆட்சியர் ஏ. விக்ரந்த் ராஜா தெரிவித்துள்ளார். 
இதுகுறித்து, அவர் புதன்கிழமை வெளியிட்டுள்ள செய்திக் குறிப்பு: புதுச்சேரி துணை நிலை ஆளுநர் கிரண் பேடி   காரைக்கால் மாவட்ட மக்களிடம் காணொலி மூலம் குறைகளை கேட்டறியும் நிகழ்வு வெள்ளிக்கிழமை மாலை 5  முதல் 6 மணி வரை காரைக்கால் மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது. இக்கூட்டத்தில், பொது மக்கள் தங்களது குறைகளை தெரிவித்து, அதற்கு தீர்வு காண இந்த வாய்ப்பை பயன்படுத்திக்கொள்ளலாம். குறைகள் தெரிவிக்க விரும்புவோர், வெள்ளிக்கிழமை காலை 10 முதல் மாலை 3 மணி வரை ஆட்சியர் அலுவலகத்தில் முன்பதிவு செய்து கொள்ள வேண்டும். புகார் எழுத்து வடிவில் இருக்க வேண்டும் என அதில் கூறப்பட்டுள்ளது.   

]]>
https://www.dinamani.com/all-editions/edition-nagapattinam/karaikal/2019/feb/14/துணை-நிலை-ஆளுநர்-காணொலி-மூலம்-நாளை-குறை-கேட்பு-3095537.html
3095536 நாகப்பட்டினம் காரைக்கால் எரிபொருள் சிக்கனத்தை வலியுறுத்தி விழிப்புணர்வுப் பேரணி DIN DIN Thursday, February 14, 2019 08:30 AM +0530 எரிபொருள் சிக்கனம் குறித்து விழிப்புணர்வு ஏற்படுத்தும் வகையில் கெயில் நிறுவனம் சார்பில் புதன்கிழமை பேரணி நடைபெற்றது. 
கெயில் இந்தியா நிறுவனம் சார்பில் காரைக்காலில் மக்களிடையே எரிபொருள் சிக்கனத்தை வலியுறுத்தும் வகையிலான விழிப்புணர்வுப் பேரணிக்கு ஏற்பாடு செய்யப்பட்டது. நிறுவன அதிகாரிகள், ஒப்பந்தத் தொழிலாளர்கள் சுமார் 100 பேர் இந்த பேரணியில் கலந்துகொண்டனர். மாவட்ட ஆட்சியரக வாயிலில் பேரணியை ஆட்சியர் ஏ.விக்ரந்த் ராஜா கொடியசைத்துத் தொடங்கி வைத்தார். பேரணியில், கெயில் இந்திய நிறுவன காவிரிப் படுகை பொதுமேலாளர் எல். ஆறுமுகம் உள்ளிட்ட அதிகாரிகள் கலந்துகொண்டனர்.
இந்தியாவின் எரிபொருள் தேவைக்கு வெளிநாடுகளில் இருந்து 70 சதவீதம் கச்சா எண்ணெய் இறக்குமதி செய்யவேண்டியுள்ளது. எரிபொருளின் அதிக பயன்பாட்டால் மக்களுக்கு பொருள் இழப்பு ஏற்படுகின்றன. 
வாகனம் ஓட்டும்போது எரிபொருள் சிக்கனத்தை பயன்படுத்தக் கூடிய வகையில் நடவடிக்கைகளை மேற்கொள்ள வேண்டும் உள்ளிட்ட பல்வேறு விழிப்புணர்வு கருத்துகள் அடங்கிய பதாகைகளை ஏந்தியபடி, ஒலிபெருக்கி மூலம் விழிப்புணர்வு கருத்துகளைக் கூறியவாறு பேரணி நடைபெற்றது. நகரில் முக்கிய வீதிகள் வழியாக சென்ற விழிப்புணர்வுப் பேரணி பேருந்து நிலையம் அருகில் நிறைவடைந்தது.
 

]]>
https://www.dinamani.com/all-editions/edition-nagapattinam/karaikal/2019/feb/14/எரிபொருள்-சிக்கனத்தை-வலியுறுத்தி-விழிப்புணர்வுப்-பேரணி-3095536.html
3095535 நாகப்பட்டினம் காரைக்கால் காக்கமொழி கார்கோடகபுரீசுவரர் கோயிலில் ராகு - கேது பெயர்ச்சி வழிபாடு DIN DIN Thursday, February 14, 2019 08:29 AM +0530 காரைக்கால் அருகே பிரசித்திப் பெற்ற ஸ்ரீ கார்கோடகபுரீசுவரர் கோயிலில்  ராகு - கேது பெயர்ச்சி பரிகார ஹோமம், சிறப்பு ஆராதனை வழிபாடு புதன்கிழமை நடைபெற்றது. 
காரைக்கால் அருகே நிரவி கொம்யூன், காக்கமொழி கிராமத்தில் நூற்றாண்டுகள் பழைமை வாய்ந்த பிரசித்திப் பெற்ற ஸ்ரீ கற்பகாம்பாள் சமேத ஸ்ரீ கார்கோடகபுரீசுவரர் கோயில் அமைந்துள்ளது. இக்கோயில் சிதிலமடைந்து பராமரிப்பின்றிப் போனது. 
கிராமத்தினரின் முயற்சியால் புதுச்சேரி அரசு நிதி மற்றும் நன்கொடைகள் மூலம் குடமுழுக்கு செய்வதற்காக திருப்பணிகள் நடைபெற்றுவருகிறது.
கார்கோடகன் என்ற கொடிய விஷப் பாம்பு, இக்கோயில் சிவலிங்கத்தை வழிபாடு செய்து மோட்சம் அடைந்ததாகவும், நளச்சக்கரவர்த்தி  பல சிவாலயங்கள் சென்று தரிசித்து வந்த நிலையில், இங்குள்ள சிவலிங்கத்தை வழிபாடு செய்து பின்னர் திருநள்ளாறு சென்றதாக கூறப்படுகிறது. பாம்பு விமோசனம் அடைந்த தலம் என்பதால் இது ராகு - கேது தோஷ நிவர்த்தி செய்யும் பரிகாரத் தலமாகவும் விளங்குவதாக கூறப்படுகிறது. திருப்பணிகள் நடந்துவரும் நிலையில்,  ராகு கடகத்திலிருந்து மிதுனத்துக்கும், கேது மகரத்திலிருந்து தனுசு ராசிக்கும் புதன்கிழமை பிற்பகல் 2.02 மணிக்கு பிரவேசிக்கப்பட்டதையொட்டி,  ராகு - கேது பெயர்ச்சி பரிகார வழிபாடு கோயிலில் நடத்தப்பட்டது.
இதற்காக கோயில் வளாகத்தில் 12  மணியளவில், பக்தர்கள் ராசிகளை சொல்லி சிறப்பு பரிகார ஹோமம் நடத்தப்பட்டு பூர்ணாஹூதி செய்யப்பட்டது. 
ஹோம குண்டம் அருகே வைக்கப்பட்ட புனிதநீர் கடம் புறப்பாடாகி, சுவாமிக்கு கலசாபிஷேகம் செய்யப்பட்டு பிற்பகல் 2.02 மணிக்கு சிறப்பு ஆராதனை நடத்தப்பட்டு பிரசாதங்கள் விநியோகிப்பட்டன.
ஹோம வழிபாட்டில் நிரவி -திருப்பட்டினம் தொகுதி சட்டப்பேரவை உறுப்பினரும், புதுச்சேரி மின் திறல் குழுமத் தலைவருமான கீதாஆனந்தன் உள்ளிட்ட ஏராளமான பக்தர்கள் கலந்துகொண்டனர். நிகழ்ச்சி ஏற்பாடுகளை கோயில் திருப்பணிக் குழுவினர், கிராமத்தினர் செய்திருந்தனர். காரைக்கால் பகுதியில் உள்ள அனைத்து சிவன் கோயில்களிலும் நவகிரகங்களில் உள்ள ராகு -கேதுக்கு சிறப்பு அபிஷேகம் செய்து ஆராதனைகள் நடைபெற்றன.
 

]]>
https://www.dinamani.com/all-editions/edition-nagapattinam/karaikal/2019/feb/14/காக்கமொழி-கார்கோடகபுரீசுவரர்-கோயிலில்-ராகு---கேது-பெயர்ச்சி-வழிபாடு-3095535.html
3094604 நாகப்பட்டினம் காரைக்கால் மாசி மகம்: திருமலைராயன்பட்டினம் கடற்கரையில் பெருமாள் தீர்த்தவாரி: 19-இல் நடக்கிறது DIN DIN Wednesday, February 13, 2019 06:11 AM +0530 மாசி மகத்தை முன்னிட்டு திருமலைராயன்பட்டினம் கடற்கரையில் திருக்கண்ணபுரம் ஸ்ரீ சௌரிராஜப் பெருமாள் உள்ளிட்ட பெருமாள்கள் தீர்த்தவாரி நிகழ்ச்சி பிப்ரவரி 19-ஆம் தேதி நடைபெறுகிறது.  
காரைக்கால் மாவட்டம், திருமலைராயன்பட்டினத்தில் ஆண்டுதோறும் நடத்தப்படும் மாசிமகத் திருவிழாவில், பல்வேறு  கோயில்களில் இருந்து பெருமாள் ஒருங்கிணைந்து சமுத்திரத் தீர்த்தவாரி நடைபெறுவது வழக்கம்.
இதற்காக பெருமாள் கோயில்களில் பிரமோத்ஸவம், மாசிமக உத்ஸவம் என்ற பெயரில் தொடங்கி நடைபெற்றுவருகிறது.
திருமலைராயன்பட்டினத்தில் பிப்ரவரி 19-ஆம் தேதி பெருமாள்கள் ஒருசேர சமுத்திரத் தீர்த்தவாரியும், மண்டபத்தூர் கடற்கரையில் காரைக்காலில் பல சிவன் கோயில்களில் இருந்து ஸ்ரீ விநாயகர், ஸ்ரீ முருகன் உள்ளிட்ட சுவாமிகள் எழுந்தருளி தீர்த்தவாரியும் நடைபெறும். எனினும், திருமலைராயன்பட்டினத்தில் நடைபெறும் பெருமாள்கள் தீர்த்தவாரி நிகழ்ச்சியில் பல்வேறு பகுதிகளில் இருந்து ஆயிரக்கணக்கான பக்தர்கள்  கலந்துகொள்வர். 
இதையொட்டி, நாகை மாவட்டம், திவ்யதேச வரிசையில் உள்ள திருக்கண்ணபுரம் ஸ்ரீ சௌரிராஜப் பெருமாள் கோயிலில் இருந்து, பல்லக்கில் பெருமாள் திருமலைராயன்பட்டினம் வெள்ளை மண்டபத்துக்கு 19-ஆம் தேதி  பகல் 12 மணியளவில் எழுந்தருள்கிறார்.  அங்கு தங்க கருட வாகனத்தில் பெருமாள் அலங்கரிக்கப்பட்டு, பவழக்கால் சப்பரத்தில் திருமலைராயன்பட்டினம் கடற்கரைக்கு திரளான பக்தர்கள் சூழ பெருமாள் சென்றடைகிறார்.
அங்கு காரைக்கால் ஸ்ரீ நித்யகல்யாணப் பெருமாள், கோயில்பத்து ஸ்ரீ கோதண்டராமப் பெருமாள், நிரவி கரியமாணிக்கப் பெருமாள், திருமலைராயன்பட்டினம் ஸ்ரீ வீழி வரதராஜப் பெருமாள், ஸ்ரீ ரகுநாதப் பெருமாள், திருமருகல் ஸ்ரீ வரதராஜப் பெருமாள்  ஒருசேர, கடலில் இறங்கி தீர்த்தவாரி வழங்கும் நிகழ்ச்சி நடைபெறுகிறது. 
இதில் பங்கேற்றும் பக்தர்கள், பெருமாள்களுக்கு பட்டு வஸ்திரம் அணிவித்தும், ஏராளமான பழங்கள் படைத்தும் அர்ச்சனைகள் செய்து வழிபாடு மேற்கொள்வர்.
இதற்கான ஏற்பாடுகள் அந்தந்த கோயில்களின் நிர்வாகம் சார்பிலும், பக்தர்களுக்கான அடிப்படை வசதிகள் அரசு நிர்வாகம் சார்பிலும் மேற்கொள்ளப்பட்டு வருகின்றன.

]]>
https://www.dinamani.com/all-editions/edition-nagapattinam/karaikal/2019/feb/13/மாசி-மகம்-திருமலைராயன்பட்டினம்-கடற்கரையில்-பெருமாள்-தீர்த்தவாரி-19-இல்-நடக்கிறது-3094604.html
3094603 நாகப்பட்டினம் காரைக்கால் நகர்ப்புற வாழ்வாதார இயக்கம் சார்பில் பாரம்பரிய உணவுத் திருவிழா DIN DIN Wednesday, February 13, 2019 06:10 AM +0530 காரைக்காலில் 5 நாள்கள் நடைபெறக்கூடிய தேசிய நகர்ப்புற வாழ்வாதார இயக்கத்தின் பல்வேறு நிகழ்ச்சிகளில் ஒன்றாக, பாரம்பரிய உணவுத் திருவிழா செவ்வாய்க்கிழமை நடைபெற்றது.
காரைக்கால் நகராட்சி நிர்வாகம் சார்பில் தேசிய நகர்ப்புற வாழ்வாதார இயக்க நிகழ்ச்சிகள் பிப்ரவரி 11 முதல் 15-ஆம் தேதி வரை ஆட்சியரகம் அருகே உள்ள நகராட்சித் திடலில் நடைபெறுகிறது. இதில் பதிவுபெற்ற மகளிர் சுய உதவிக் குழுவினர் அரங்குகள் அமைத்துள்ளனர். 
முதல் நாளான திங்கள்கிழமை சுய உதவிக் குழுவினரால் தயார் செய்யப்பட்ட கைவினைப் பொருள்கள் கண்காட்சி மற்றும் விற்பனை நடைபெற்றது. இதில் தந்தைப் பெரியார் அரசு மேல்நிலைப் பள்ளி விரிவுரையாளர் எஸ். சித்ரா, குடிமைப் பொருள் வழங்கல் துறை துணை இயக்குநர் (ஓய்வு) பி. கீதா ஆகியோர் கலந்துகொண்டு பெண்களின் திறமைகள் குறித்தும், சமுதாயத்தில் பெண்கள் வலிமை மிக்க சக்தியாக உருவெடுக்க எந்த வகையான முயற்சிகளை மேற்கொள்ளவேண்டும் என்பது குறித்தும் பல்வேறு கருத்துகளை எடுத்துரைத்தனர்.
சுய உதவிக் குழுவினர் அரங்கை முதல் நாளில் சுமார் 300 பேர் பார்வையிட்டு, பொருள்களை வாங்கிச் சென்றனர். தொடர்ந்து, 2-ஆம் நாளான  செவ்வாய்க்கிழமை தெருவோர வியாபாரிகள் மற்றும் சுய உதவிக் குழுக்கள் பங்குபெற்ற சுகாதார மற்றும் பாரம்பரிய முறையில் தயாரிக்கப்பட்ட உணவுத் திருவிழா நடத்தப்பட்டது.
இதில் தானிய வகையில் தயார் செய்யப்பட்ட சுண்டல் மற்றும் சூப், நெல்லிக்காய் ஊறுகாய், ஐஸ் கிரீம் உள்ளிட்ட பல்வேறு உணவுப் பொருள்கள் காட்சிப்படுத்தப்பட்டு, விற்பனை செய்யப்பட்டன. மாவட்ட துணை ஆட்சியர் (பேரிடர் மேலாண்மை) பாஸ்கரன், நகராட்சி ஆணையர் எஸ். சுபாஷ், மகளிர் மற்றும் குழந்தைகள் மேம்பாட்டுத் துறை அதிகாரி பி.சத்யா ஆகியோரைக் கொண்ட நடுவர் குழுவினர் சிறந்த உணவுப் பொருள்களைத் தேர்வு செய்தனர். 
இந்த நிகழ்ச்சியில், பிப்ரவரி 15-ஆம் தேதி வரை தினமும் மாலை நிகழ்வாக வேலைவாய்ப்பு முகாம் உள்ளிட்ட பல்வேறு நிகழ்ச்சிகள் நடத்தப்படுகின்றன. நிறைவு நாளில் பரிசுகள் வழங்கப்படவுள்ளன.

]]>
https://www.dinamani.com/all-editions/edition-nagapattinam/karaikal/2019/feb/13/நகர்ப்புற-வாழ்வாதார-இயக்கம்-சார்பில்-பாரம்பரிய-உணவுத்-திருவிழா-3094603.html
3094602 நாகப்பட்டினம் காரைக்கால் காக்கமொழி கோயிலில் இன்று ராகு-கேது பெயர்ச்சி வழிபாடு DIN DIN Wednesday, February 13, 2019 06:10 AM +0530 காரைக்கால் அருகே உள்ள ஸ்ரீ கார்கோடகபுரீசுவரர் கோயிலில் ராகு-கேது பெயர்ச்சி வழிபாடு புதன்கிழமை (பிப்.13) நடைபெறுகிறது.
காரைக்கால் மாவட்டம், நிரவி கொம்யூன், காக்கமொழி கிராமத்தில் நூற்றாண்டுகள் பழைமை வாய்ந்த ஸ்ரீ கற்பகாம்பாள் சமேத ஸ்ரீ கார்கோடகபுரீசுவரர் கோயில் அமைந்துள்ளது. இக்கோயிலில் புதுச்சேரி அரசின் நிதியுதவி உள்ளிட்ட நன்கொடைகள் மூலம் திருப்பணிகள் நடைபெற்றுவருகின்றன.
கார்கோடகன் என்ற கொடிய விஷப் பாம்பு, இக்கோயில் சிவலிங்கத்தை வழிபாடு செய்து மோட்சம் அடைந்ததாகவும், நளச்சக்கரவர்த்தி  பல சிவாலயங்கள் சென்று தரிசித்து வந்த நிலையில், இங்குள்ள சிவலிங்கத்தை வழிபாடு செய்த பின்னர் திருநள்ளாறு சென்றதாகக் கூறப்படுகிறது. பாம்பு விமோசனம் அடைந்த தலம் என்பதால் இது ராகு - கேது தோஷ நிவர்த்தி செய்யும் பரிகாரத் தலமாகவும் விளங்குகிறது.
பிரசித்திப் பெற்ற இக்கோயிலில் ராகு - கேது பெயர்ச்சி விழா, பக்தர்களுக்கு பரிகாரம் செய்யும் வழிபாடாக புதன்கிழமை மேற்கொள்ளப்படுகிறது.
இதையொட்டி, காலை 10 மணியளவில் சிறப்பு ஹோமம் நடத்தப்பட்டு, சிவலிங்கத்துக்கு சிறப்பு அபிஷேகம், ஆராதனைகள் நடத்தப்படவுள்ளன. தொடர்ந்து  ராகு- கேது பெயர்ச்சி நேரமான பிற்பகல் 2.02 மணிக்கு சுவாமிக்கு சிறப்பு ஆராதனை நடத்தப்படவுள்ளது.
பரிகாரம் செய்யவேண்டிய ராசிக்காரர்கள், பரிகார ஹோமத்தில் பங்கெடுத்துக்கொள்ளுமாறும், பெயர்ச்சியின்போது நடைபெறும் ஆராதனையில் பங்கேற்று வழிபாடு நடத்துமாறும் கோயில் நிர்வாகம் தரப்பில் கேட்டுக்கொள்ளப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/13/காக்கமொழி-கோயிலில்-இன்று-ராகு-கேது-பெயர்ச்சி-வழிபாடு-3094602.html
3094601 நாகப்பட்டினம் காரைக்கால் ஆசிரியர்களின் நிதிப் பங்களிப்புடன் ஸ்மார்ட் வகுப்புகள்: முதல்வர் வி. நாராயணசாமி தொடங்கி வைத்தார் DIN DIN Wednesday, February 13, 2019 06:09 AM +0530 ஆசிரியர்களின் நிதிப் பங்களிப்புடன் கிராமப்புற அரசு தொடக்கப்பள்ளியில் ஏற்படுத்தப்பட்டுள்ள பொலிவுறு (ஸ்மார்ட்) வகுப்பறைகளை புதுச்சேரி முதல்வர் வி. நாராயணசாமி திங்கள்கிழமை திறந்துவைத்து, ஆசிரியர்களைப் பாராட்டினார்.
புதுச்சேரி மாநிலத்தில் அனைத்து அரசு தொடக்கப் பள்ளிகளிலும் சி.பி.எஸ்.இ. பாடத் திட்டத்தில் மாணவர்களுக்கு போதிக்கப்படுகின்றன. காரைக்கால் மாவட்டத்தில், இந்த பாடத் திட்டத்திற்கேற்ப அரசு உதவி,  நிறுவனப் பங்களிப்பு மூலம் சில வகுப்பறைகளை ஸ்மார்ட் வகுப்பறைகளாக மாற்றப்படுகின்றன.
திருநள்ளாறு கொம்யூன், பண்டாரவாடை அரசு தொடக்கப் பள்ளியில் எல்கேஜி முதல் 5-ஆம் வகுப்பு வரை 60 மாணவர்கள் பயின்று வருகின்றனர். இப்பள்ளியில் 3 வகுப்பறைகளை பள்ளியின் தலைமையாசிரியர், ஆசிரியர்கள் சொந்த நிதி ரூ.75 ஆயிரத்தில் ஸ்மார்ட் வகுப்பறைகளாக மாற்றினர்.
இந்த வகுப்பறைகளை திறந்துவைக்கும் நிகழ்ச்சி திங்கள்கிழமை நடைபெற்றது. காரைக்காலில் பல்வேறு நிகழ்ச்சிகளில் பங்கேற்ற புதுச்சேரி முதல்வர் வி. நாராயணசாமி, பொலிவுறு வகுப்பறைகளை பண்டாரவாடை கிராமப் பள்ளியில் திறந்துவைத்தார்.
நிகழ்ச்சியில் வேளாண் மற்றும் கல்வித் துறை அமைச்சர் ஆர். கமலக்கண்ணன், அரசு செயலர் அ. அன்பரசு, முதன்மைக் கல்வி அதிகாரி அ. அல்லி, வட்ட துணை ஆய்வாளர் எஸ். கார்த்திகேசன், சமக்ரா சிக்ஷா திட்ட காரைக்கால் மாவட்ட துணை ஒருங்கிணைப்பாளர் கே. ராஜசேகரன், ஆசிரியர் நலச் சங்க முன்னாள் தலைவர் ஜி. காமராஜ் என்கிற சீனிவாசன் ஆகியோர் கலந்துகொண்டனர்.
ஆசிரியர் சங்கம் சார்பில், பள்ளித் தலைமையாசிரியர், ஆசிரியர்களுக்கு விருதுகளை புதுச்சேரி முதல்வர் வி. நாராயணசாமி வழங்கிப் பாராட்டினார். மேலும், பள்ளி நிர்வாகத்தினரின் பணியைப் பாராட்டிய முதல்வர், இதுபோல பிற பள்ளிகளிலும் முயற்சிகளை மேற்கொள்ளவேண்டுமென கேட்டுக்கொண்டார். கல்வி அமைச்சர் என்ற முறையில் ஆசிரியர்களை அமைச்சர் ஆர்.கமலக்கண்ணனும் பாராட்டினார்.
இந்த திட்டம் குறித்து பள்ளி பொறுப்பாசிரியர் மா.செல்வராஜ் கூறியது:
ஸ்மார்ட் வகுப்பறைகள் மூலம் மாணவர்கள் எளிதில் புரிந்துகொள்ளக் கூடிய வகையில் போதிக்க முடிகிறது.  புரொஜெக்டர் மூலம் பாடத்தை திரை வடிவில் மாணவர்களுக்கு பயிற்றுவிக்கிறோம். 
இந்தப் பள்ளியை பொருத்தவரை ஸ்மார்ட் ஃபோன் மூலமாக போதிக்கப்படுகிறது. தேவையான பதிவுகளை போனில் பதிவிறக்கம் செய்துகொண்டு பாடம் நடத்துகிறோம். 1-ஆம் வகுப்பு பாடப் புத்தகத்தில் பார் கோடு தரப்பட்டுள்ளது. இந்த பார் கோடை ஸ்கேன் செய்துகொண்டால், அதில் பதிவானப் பாடம் புரொஜெக்டரில் தெரியவருகிறது. மாணவர்கள் நல்ல முறையில் இதனை புரிந்துகொள்கிறார்கள். மாணவர்கள் சுயமாக கருத்துகளை உருவாக்கும் திறன் பெறுகிறார்கள். அரசுப் பள்ளியில் பயிலும் கிராமப்புற மாணவர்கள், நகர்புறத்தில் தனியார் பள்ளியில் பயிலும் மாணவர்களுக்கு நிகராக உருவாகிறார்கள் என்பது பெருமைக்குரிய விஷயம் என்றார் அவர்.
 

]]>
https://www.dinamani.com/all-editions/edition-nagapattinam/karaikal/2019/feb/13/ஆசிரியர்களின்-நிதிப்-பங்களிப்புடன்-ஸ்மார்ட்-வகுப்புகள்-முதல்வர்-வி-நாராயணசாமி-தொடங்கி-வைத்தார்-3094601.html
3094600 நாகப்பட்டினம் காரைக்கால் காரைக்காலில் தலைக்கவசம் அணிய காவல் துறை அறிவுறுத்தல்: கண்டுகொள்ளாத பொதுமக்கள் DIN DIN Wednesday, February 13, 2019 06:09 AM +0530 புதுவையில் பிப்ரவரி 11-ஆம் தேதி முதல் இருசக்கர வாகனத்தில் செல்வோர் தலைக்கவசம் அணிந்து செல்லவேண்டுமென காவல் துறை தலைமை ஆணை பிறப்பித்தது. இதை, அமல்படுத்தும் வகையில் நடவடிக்கை மேற்கொண்ட காவல் துறையினர் அறிவுறுத்தியதை பொதுமக்கள் கண்டுகொள்ளாமல் அலட்சமாக செயல்பட்டனர். 
காவல் துறையின் இந்த ஆணையை அமல்படுத்தும் வகையில், புதுச்சேரி துணை நிலை ஆளுநர் கிரண் பேடி ஞாயிற்றுக்கிழமை புதுச்சேரி நகர சாலையில் நின்று போக்குவரத்துப் போலீஸாரைப் போல, தலைக்கவசம் அணியாமல் வந்த வாகன ஓட்டிகளை நிறுத்தி தலைக்கவசம் அணிவது குறித்து எடுத்துக் கூறினார்.
போதிய அளவில் பல்வேறு நிலையில் மக்களுக்கு விழிப்புணர்வு ஏற்படுத்தவேண்டும், மக்களை கட்டாயப்படுத்தாமல் அவர்களாகவே தலைக்கவசம் அணியச் செய்ய வேண்டும் என புதுச்சேரி முதல்வர் வி. நாராயணசாமியின் நிலைப்பாடாக இருக்கிறது. தலைக்கவசம் அணியும் சட்டத்தை அமல்படுத்துவதில் சமரசத்துக்கு இடமில்லை என துணை நிலை ஆளுநர் கிரண் பேடி கூறியுள்ளார். இந்த விவகாரம் புதுச்சேரியில் மக்களிடையே கொந்தளிப்பை ஏற்படுத்தியிருப்பதாகவும், துணை நிலை ஆளுநர் காவலர்கள் செய்யவேண்டியதை கையில் எடுத்துக்கொண்டு அவர்களைப்போல செயல்படுவது சரியான செயல் அல்ல என காரைக்காலுக்கு திங்கள்கிழமை வந்த புதுச்சேரி முதல்வர் வி. நாராயணசாமி கருத்து கூறியிருந்தார்.
புதுச்சேரியில் கடந்த 2 நாள்களாக இதுகுறித்த விழிப்புணர்வு செய்யப்பட்டதோடு, அமலுக்கு வந்த நாளான திங்கள்கிழமை போக்குவரத்துப் போலீஸார்,  சாலையில் தலைக்கவசம் அணியாமல் வந்தவர்களை நிறுத்தி உரிய எச்சரிக்கை விடுத்து அனுப்பினர். காவல் துறை சார்பில், தலைக்கவசம் அணியாத முதல் முறை என்றால் ரூ.100 அபராதம், 2-ஆவது முறை என்றால் ரூ.300 அபராதம், 3-ஆவது முறை என்றால் ஓட்டுநர் உரிமம் தகுதி நீக்கம் செய்யப்படும் என கூறப்பட்டுள்ளது.
ஆனால், காரைக்காலில், புதுச்சேரி பிராந்தியத்தைப்போன்று விழிப்புணர்வு மற்றும் சோதனையில் தீவிரம் காட்டப்படவில்லை. சட்டம் அமலுக்கு வந்த திங்கள்கிழமை காரைக்கால் போலீஸார் பெரும்பான்மையினர் திருநள்ளாறு தர்பாரண்யேசுவரர் கோயில் குடமுழுக்கு விழா பாதுகாப்புப் பணியில் இருந்ததால் இதுகுறித்து கவனம் செலுத்தவில்லை. 2-ஆம் நாளான செவ்வாய்க்கிழமை நகரப் பகுதியில் திருநள்ளாறு வீதி - பாரதியார் வீதி சந்திப்பு, பாரதியார் வீதி - புளியங்கொட்டை சாலை சந்திப்பு உள்ளிட்ட இடங்களில் போக்குவரத்துக் காவலர்கள் நின்றுகொண்டு, தலைக்கவசம் அணிந்து செல்லுமாறு வாகன ஓட்டிகளை அறிவுறுத்தினர். ஆனால் இதை வேடிக்கை செயல்பாடுகளைப்போல வாகன ஓட்டிகள் எடுத்துக்கொண்டதோடு, ஆயிரத்தில் ஓரிருவர் மட்டுமே தலைக்கசவம் அணிந்து செல்கின்றனர். பெரும்பான்மையினர் வழக்கம்போல தலைக்கவசமின்றி வாகனத்தை இயக்கிச் செல்கின்றனர். பொதுமக்கள் இந்த விவகாரத்தில் முற்றிலும் சட்டத்தை கண்டுகொள்ளவில்லை.
இதுகுறித்து, வாகன ஓட்டிகள் சிலர் கூறியது: காரைக்கால் மாவட்டம், முழுவதும் ஒவ்வொரு பகுதியும் குறுகிய கிலோ மீட்டர் கொண்டதாகும். இந்த தூரத்துக்கு தலைக்கவசம் அணிந்து செல்வது பல்வேறு இடர்பாடுகளை ஏற்படுத்தும். தொலைதூரத்துக்கு மட்டுமே இது சாத்தியம். மேலும் காரைக்காலில் தேசிய நெடுஞ்சாலை தவிர்த்து, பிற பகுதி சாலைகள் மிக மோசமாக பள்ளம் படுகுழிகளாக இருக்கிறது. மது குடித்துவிட்டு வாகனம் ஓட்டுவோர் ஏராளம். செல்லிடப்பேசியை பயன்படுத்திக்கொண்டும், 2 பேருக்கு மிகுதியான நபர்களை ஏற்றிக்கொண்டு வாகனம் ஓட்டுவோரும் ஏராளம். 
இவைகளை ஓரளவு சீர்படுத்த நடவடிக்கை எடுத்தால் விபத்து கட்டுக்குள் வரும். பின்னர் தலைக்கவச சட்டத்தை அமல்படுத்துவதை படிப்படியாக மேற்கொள்ளலாம். திடீரென சட்டத்தை அமல்படுத்தி நடவடிக்கை தீவிரப்படுத்துவது சரியான செயல் அல்ல என்றனர்.
 

]]>
https://www.dinamani.com/all-editions/edition-nagapattinam/karaikal/2019/feb/13/காரைக்காலில்-தலைக்கவசம்-அணிய-காவல்-துறை-அறிவுறுத்தல்-கண்டுகொள்ளாத-பொதுமக்கள்-3094600.html
3094599 நாகப்பட்டினம் காரைக்கால் காரைக்காலில் நாளை உழவர் தின விழா DIN DIN Wednesday, February 13, 2019 06:09 AM +0530 காரைக்கால் அகில இந்திய வானொலி (பண்பலை) சார்பில், காரைக்கால் மாவட்டம் மாதூரில் உள்ள வேளாண் அறிவியல் நிலையத்தில் வியாழக்கிழமை (பிப்ரவரி 14) வானொலி உழவர் தினம் நடைபெறவுள்ளது.
இதுகுறித்து, காரைக்கால் வானொலி நிலைய நிகழ்ச்சிப் பிரிவுத் தலைவர் ஜி. சுவாமிநாதன் கூறியது:
மத்திய அரசின் வேளாண் அமைச்சகத்தின் வழிகாட்டுதலின்படி ஒவ்வோர் ஆண்டும் பிப்.14-ஆம் தேதி உழவர் தினம் கொண்டாடப்பட்டு வருகிறது. அதன்படி, காரைக்கால் வானொலி சார்பில், திருநள்ளாறு அருகே மாதூரில் உள்ள வேளாண் அறிவியல் நிலையத்தில் பிப்ரவரி 14-ஆம் தேதி 10 மணிக்கு தொடங்கும் இவ்விழாவுக்கு மாவட்ட ஆட்சியர் ஏ. விக்ரந்த் ராஜா தலைமை வகிக்கிறார். புதுச்சேரி வேளாண் அமைச்சர் ஆர். கமலக்கண்ணன் தொடங்கி வைக்கவுள்ளார். இதில், தமிழகம் மற்றும் புதுச்சேரி பகுதியைச் சேர்ந்த முன்னோடி விவசாயிகள் பலர் கலந்து கொண்டு பாரம்பரிய நெல் ரகம், தேனீ வளர்ப்பு, நாட்டு மாடு வளர்ப்பு உள்ளிட்ட தங்கள் வேளாண் அனுபவங்களை பகிர்ந்து கொள்ளவுள்ளனர். மேலும் வேளாண் வல்லுநர்கள் பலர் பங்கேற்று விவசாயிகளுக்கு தேவையான ஆலோசனைகள், சந்தேகங்களுக்கான விளக்கங்கள் அளிக்கவுள்ளனர். இவ்விழாவில் காரைக்கால், நாகப்பட்டினம், திருவாரூர் உள்ளிட்ட சுற்று வட்டாரப் பகுதிகளைச் சேர்ந்த விவசாயிகள் பங்கேற்று பயன்பெறலாம் என தெரிவித்தார்.

]]>
https://www.dinamani.com/all-editions/edition-nagapattinam/karaikal/2019/feb/13/காரைக்காலில்-நாளை-உழவர்-தின-விழா-3094599.html
3094598 நாகப்பட்டினம் காரைக்கால் திருநள்ளாறு: ரூ. 39 லட்சத்தில் சாலை மேம்பாட்டுப் பணி: அமைச்சர் தொடங்கி வைத்தார் DIN DIN Wednesday, February 13, 2019 06:09 AM +0530 திருநள்ளாறு அருகே  ரூ.39 லட்சம்  செலவில் கிராமப்புற சாலை மேம்பாட்டுப் பணியை அமைச்சர் ஆர். கமலக்கண்ணன் திங்கள்கிழமை தொடங்கிவைத்தார்.
திருநள்ளாறு தொகுதி கருக்கன்குடி முதல் தேவமாபுரம் வரையிலான சாலை மற்றும் செருமாவிலங்கை முதல் பத்தக்குடி சிவன் கோயில் வரையிலான சாலையை சீரமைக்க நிதி ஒதுக்கும்படி தொகுதியின் சட்டப் பேரவை உறுப்பினரான அமைச்சர் ஆர். கமலக்கண்ணன்,   ஆதிதிராவிடர் நலத்துறை அமைச்சர் எம். கந்தசாமியிடம் கேட்டுக்கொண்டார்.
அதன்பேரில், ஆதிதிராவிடர் மேம்பாட்டு வரை நிலைக் கழகம் மூலம் கருக்கன்குடி சாலைப் பணியை மேம்படுத்த ரூ. 8.75 லட்சம், செருவிலங்கை சாலையை மேம்படுத்த ரூ. 29.29 லட்சம் அனுமதிக்கப்பட்டது. இந்த நிதியில் சாலைப் பணியை மேம்படுத்துவதற்கான பூமி பூஜை நிகழ்ச்சி திங்கள்கிழமை இரண்டு கிராமப் பகுதியிலும் நடைபெற்றது. இதில், அமைச்சர் ஆர். கமலக்கண்ணன் கலந்துகொண்டு திட்டப்பணியை தொடங்கிவைத்தார்.
இந்த நிகழ்ச்சியில் ஆதிதிராவிடர் மேம்பாட்டு வரை நிலைக் கழக அதிகாரிகள், கிராமத்தினர் கலந்துகொண்டனர். 
இதில் கருன்கன்குடி சாலைப் பணி 3 மாத காலத்திற்குள் முடிக்கப்படும் எனவும், செருமாவிலங்கை சாலைப் பணி 6 மாதங்களில் நிறைவு செய்யப்படும் என கழக அதிகாரிகள் தரப்பில் தெரிவிக்கப்பட்டது. சீர்கேடான சாலையை மேம்படுத்த நடவடிக்கை எடுத்ததற்காக கிராமத்தினர் அமைச்சருக்கு நன்றி தெரிவித்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/13/திருநள்ளாறு-ரூ-39-லட்சத்தில்-சாலை-மேம்பாட்டுப்-பணி-அமைச்சர்-தொடங்கி-வைத்தார்-3094598.html
3094597 நாகப்பட்டினம் காரைக்கால் 40 தொகுதிகளிலும் காங்கிரஸ்-திமுக கூட்டணி வெற்றி பெறும்: அகில இந்திய மகிளா காங்கிரஸ் பொதுச் செயலர் அப்சரா ரெட்டி DIN DIN Wednesday, February 13, 2019 06:08 AM +0530 தமிழகம், புதுவையின் 40 தொகுதிகளையும் காங்கிரஸ் - திமுக கூட்டணி கைப்பற்றும் என அகில இந்திய மகிளா காங்கிரஸ் பொதுச் செயலர் அப்சரா ரெட்டி கூறினார்.
காரைக்காலில் செவ்வாய்க்கிழமை செய்தியாளர்களுக்கு அளித்த பேட்டி: ஒடுக்கப்பட்ட சமூகமான திருநங்கைகளுக்கு முக்கியத்துவம் அளிக்கும் வகையில் எனக்கு மகிளா காங்கிரஸில் பொறுப்பு அளித்த அகில இந்திய காங்கிரஸ் தலைவர் ராகுல் காந்திக்கு நன்றி. நடைபெறவுள்ள நாடாளுமன்றத் தேர்தலில் காங்கிரஸ் கட்சியின் வழிகாட்டலில் தமிழகம், புதுவையில் தீவிர பிரசாரம் மேற்கொள்வேன். அதிமுக, பாஜக ஆகிய கட்சிகள் ஊழல் கட்சிகளாகும். இதனாலேயே இவர்கள் கூட்டணிக்கு முயற்சிக்கிறார்கள். இவர்களை தமிழக மக்கள் ஏற்க மாட்டார்கள். 40 தொகுதிகளையும் காங்கிரஸ் - திமுகவே கைப்பற்றும்.
பெண்கள் அரசியலுக்கு வருவது குறித்தும், பிரியங்கா காந்தி வதேரா குறித்தும் பாஜக தலைவர்களில் ஒருவரான சுப்ரமணிய சுவாமியின் கருத்துகளை யாரும் ஏற்க மாட்டார்கள். அவரை ஒரு பொருட்டாவே யாரும் கருத மாட்டார்கள். பெண்களை வலிமை மிக்கவர்களாக உருவாக்கினால்தான் வளமான தேசம் உருவாகும். அதற்கான வகையில் ராகுல் காந்தி திட்டமிட்டுள்ளதை வரவேற்கிறோம்.
காங்கிரஸ் கட்சி ஊழல் தொடர்புடையது என பிரதமர் நரேந்திரமோடி கூறியுள்ளார். ஆட்சிக்கு வந்தது முதல் அறிவியல் பூர்வமான ஊழல் செய்து மக்களை ஏமாற்றி வருபவர் மோடிதான். நாடாளுமன்றத்தில் ரஃபேல் விமான ஊழல் குறித்து கேட்கும் கேள்விகளுக்கு அரசு தரப்பு சரியான பதில் தரவில்லை. மாறாக கேள்வி கேட்போர் மீது கோபம் கொண்டு எதிர் கருத்துரைக்கின்றனர். ஆண்டுக்கு 2 கோடி பேருக்கு வேலை தருவேன் என்ற மோடி, வேலையிழப்புக்கு பெரும் காரணமான செயல்களை செய்துள்ளார். தமிழகத்திலேயே அவரது வருகைக்கு கருப்புக் கொடி காட்டப்படுகிறது. தேர்தல் காலம் என்பதால் இனி தேசம் முழுவதும் அவருக்கு எதிர்ப்பு வலுக்கும்.
புதுச்சேரி துணை நிலை ஆளுநர் கிரண் பேடி காவல் துறை அதிகாரியாக இருந்தவர். அவர் இதுபோன்ற பதவிக்கு வந்திருக்கக் கூடாது. புதுவையில் பொங்கல், தீபாவளிக்கு அரசின் இலவசத் திட்டங்களை தடுத்து நிறுத்தியவர். விளம்பரத்துக்காகவே ஒவ்வொரு நாளும் அவரது செயல்பாடுகள் அமைந்துள்ளன. மக்கள் பிரச்னைகள் மீது அவருக்கு அக்கறை இல்லை. சபரி மலை விவகாரத்தில் உச்சநீதிமன்றத்தின் தீர்ப்பு மதிக்கப்படவேண்டியது. ஆனால், சபரி மலையில் பாஜகவினர் செயல்பாடுகள்தான் அரசியலாக்கப்படுகிறது என்றார் அவர்.
பேட்டியின்போது, தமிழக காங்கிரஸ் தேர்தல் குழு ஆலோசனைக் குழு உறுப்பினர் சுமதி அன்பரசு, காரைக்கால் மாவட்ட காங்கிரஸ் கட்சி சிறுபான்மைப் பிரிவுத் தலைவர் எல்.எஸ்.பி. சோழசிங்கராயர் உள்ளிட்டோர் உடனிருந்தனர்.

]]>
https://www.dinamani.com/all-editions/edition-nagapattinam/karaikal/2019/feb/13/40-தொகுதிகளிலும்-காங்கிரஸ்-திமுக-கூட்டணி-வெற்றி-பெறும்-அகில-இந்திய-மகிளா-காங்கிரஸ்-பொதுச்-செயலர்-அப-3094597.html
3094346 நாகப்பட்டினம் காரைக்கால் சிங்காரவேலர் சிலைக்கு மரியாதை DIN DIN Tuesday, February 12, 2019 09:17 AM +0530 காரைக்காலில் சிங்காரவேலர் சிலைக்கு புதுச்சேரி முதல்வர் வி. நாராயணசாமி, அமைச்சர்கள், மீனவ பஞ்சாயத்தார்கள் மாலை அணிவித்து மரியாதை செலுத்தினர்.
சிந்தனை சிற்பி என்று போற்றப்படும் சிங்காரவேலர் முழுவுருவ சிலை காரைக்கால் கடற்கரை சாலை முகப்பில் உள்ளது. சிங்காரவேலரின் நினைவுநாள் திங்கள்கிழமை அனுசரிக்கப்பட்டது. புதுச்சேரி அரசு சார்பில் முதல்வர் வி. நாராயணசாமி மாலை அணிவித்து மரியாதை செய்தார். வேளாண் துறை அமைச்சர்கள் ஆர். கமலக்கண்ணன், எம். கந்தசாமி, சட்டப் பேரவை துணைத் தலைவர் சிவக்கொழுந்து, சட்டப்பேரவை உறுப்பினர் கீதாஆனந்தன்,  மாவட்ட  ஆட்சியர் ஏ.விக்ரந்த் ராஜா உள்ளிட்டோர் மாலை அணிவித்தனர். மேலும்  காரைக்கால் பகுதியில் உள்ள பல்வேறு அரசியல் கட்சிகளின் நிர்வாகிகள்,  மீனவ கிராமங்களின் பஞ்சாயத்தார்கள், சமாதானக் குழுவினர் பலர், சிலைக்கு மாலை அணிவித்து மரியாதை செலுத்தினர். காங்கிரஸ் உள்ளிட்ட பல்வேறு அரசியல் கட்சியினரும் மாலை அணிவித்தனர். திமுக சார்பில் காரைக்கால் அமைப்பாளரும், முன்னாள் ஏ.எம்.எச். நாஜிம் உள்ளிட்ட திமுக நிர்வாகிகள் மரியாதை செலுத்தினர்.
கடந்த 1922 -ஆம் ஆண்டு காங்கிரஸ் மாநாட்டில் சிங்காரவேலர் கலந்துகொண்டு, பொதுவுடைமை இயக்க பிரதிநிதியாக தம்மை அறிமுகம் செய்து, உழைக்கும் வர்க்கத்துக்கு பாடுபட்டவர். 1923-ஆம் ஆண்டு மே தினம் கொண்டாடிய முதல் மனிதர். 1925-ஆம் ஆண்டு பொதுவுடைமைக் கொடியை ஆங்கிலேய ஆதிக்கத்தின்போதே ஏற்றியவர். இதுபோன்ற பல போற்றுதலுக்குரியவர் சிங்காரவேலர் என காரைக்கால் மீனவ கிராமப் பஞ்சாயத்தார்கள் அவருக்கு புகழாரம் சூட்டிப் பேசினர். 
 

]]>
https://www.dinamani.com/all-editions/edition-nagapattinam/karaikal/2019/feb/12/சிங்காரவேலர்-சிலைக்கு-மரியாதை-3094346.html
3094345 நாகப்பட்டினம் காரைக்கால் கல்விக்கு அதிக முக்கியத்துவம் தரும் மாநிலம் புதுச்சேரி: முதல்வர் வி. நாராயணசாமி பெருமிதம் DIN DIN Tuesday, February 12, 2019 09:17 AM +0530 இந்தியாவில் கல்விக்கு அதிக முக்கியத்துவம் தரும் மாநிலமாக புதுச்சேரி திகழ்கிறது என முதல்வர் வி. நாராயணசாமி பெருமிதம் தெரிவித்தார். 
காரைக்கால் அவ்வையார் அரசு மகளிர் கல்லூரியில் 3 வகையான இளநிலை பட்டப் படிப்புகளும், 6 வகையான முதுநிலைப் பட்டப் படிப்புகளும் உள்ளன. இடப்பற்றாக்குறை காரணமாக மத்திய அரசின் ரூசா திட்டத்தில் ரூ.1.88 கோடியில் மகப்பேறு மருத்துவமனை எதிரில் இக்கல்லூரிக்கு கூடுதல் வகுப்பறைகள் கொண்ட புதிய கட்டடம் கட்டப்பட்டது. இதன் திறப்பு விழா திங்கள்கிழமை நடைபெற்றது.
புதுச்சேரி முதல்வர் வி. நாராயணசாமி புதிய கட்டடத்தை திறந்துவைத்துப் பேசியது:
புதுச்சேரி மாநிலம் நாட்டிலேயே  கல்விக்கு அதிக முக்கியத்துவம் தரும் மாநிலமாகத் திகழ்கிறது. அனைத்துப் பிராந்தியங்களிலும் உயர்கல்வி மையங்கள் அமைக்கப்பட்டுள்ளன. இந்த அரசு பொறுப்பேற்ற பின்னர், தொடக்கக் கல்வி முதல் உயர்கல்வி வரை மாணவர்கள் சிறந்த கல்வி கற்கும் வகையில் பல்வேறு திட்டங்களின் மூலம் உதவிகளை செய்துவருகிறது.
மத்திய அரசின் தூய்மை இந்தியா திட்டத்தில் புதுச்சேரி மாநிலத்தில் 7 பள்ளிகள் தேர்வு செய்யப்பட்டு விருது பெற்றது. அதுபோல காவல் நிலையங்கள் என பல்வேறு அமைப்புகள் சிறந்த விருதுகளை பெற்றுள்ளன. 
புதுச்சேரியில் ஒவ்வொரு அமைப்புகளும் முன்னுதாரணமாகத் திகழ்கின்றன. கல்விக்கு அரசு எவ்வளவு முக்கியத்துவம்  தருகிறதோ அதை மாணவ, மாணவியர் பயன்படுத்திக்கொள்ள முன்வரவேண்டும். கல்வியால் மட்டுமே எதிர்காலம் சிறப்பாக இருக்கும் என்பதை மாணவர்கள் உணர்ந்து கல்வி கற்கவேண்டும். அதற்கான கட்டமைப்புகள் புதுச்சேரி மாநிலத்தில் உள்ளதை பயன்படுத்திக்கொள்ள
வேண்டும் என்றார்.
வேளாண் மற்றும் கல்வித் துறை அமைச்சர் ஆர்.கமலக்கண்ணன் பேசியது:  காரைக்கால் அவ்வையார் கல்லூரியில் கூடுதல் கட்டடம் கட்டுவதற்கு முந்தைய அரசு முயற்சி மேற்கொண்டு, அதற்கான நிதி மத்திய அரசிடமிருந்து வந்தும் அது நிறைவேற்றப்படவில்லை. எங்கள் அரசு பொறுப்பேற்றதும் இந்த திட்டத்தை நிறைவேற்ற தீவிரம் காட்டப்பட்டு, கட்டடம் கட்டி முடிக்கப்பட்டது. மேலும் இந்தக் கட்டடம் அமைந்த இடம் விரிவாக உள்ளதால், மேலும் கூடுதல் கட்டடம் கட்டி, வேலைவாய்ப்புக்கான பாடங்களை கொண்டுவரவேண்டும். புதிதாக மேலும் ஒரு மகளிர் கல்லூரி வேண்டுமென்ற கோரிக்கை முன்வைக்கப்படுகிறது.
இதற்கு பதிலாக, இந்த இடத்திலேயே கூடுதல் கட்டடம் கட்டி, வேலைவாய்ப்புக்குரிய பாடங்களை கொண்டுவரமுடியும். இதற்கான நிதியை முதல்வர் ஒதுக்கித்தரவேண்டும். 
கஜா புயலில் பாதிப்புக்கு 3 மாதம் கழித்து தற்போதுதான் மத்திய அரசு ரூ.13 கோடி தந்துள்ளது. ஆனால் மாநில அரசு உடனடியாக ரூ.10 கோடியை ஒதுக்கி நிவாரணம் வழங்கியது. காரைக்காலில் ரூ.52 கோடியில் புதிய குடிநீர் குழாய் பதிப்புப் பணி, சுதேசித் திட்டத்தில் ரூ.10 கோடியில் கோயில் பகுதி மேம்பாடு, ரூ.11 கோடியில் திருநள்ளாறு- அம்பகரத்தூர் சாலைப் பணி உள்ளிட்டவை நடைபெறுகிறது.
ஆதிதிராவிடர் நலத்துறை மூலம் கடந்த ஓராண்டில் ரூ.10 கோடியில் காரைக்காலில் சாலைகள் போடப்பட்டுள்ளன. நெருக்கடியான நிலையிலும் அரசு எவ்வாறு செயலாற்றுகிறது என்பதை மக்கள் நினைத்து, முதல்வருக்கு உரிய தருணத்தில், உரிய ஆதரவை தரவேண்டும் என்றார் அவர்.
நிகழ்ச்சியில் நலத் துறை அமைச்சர் எம். கந்தசாமி, சட்டப்பேரவை துணைத் தலைவர் சிவக்கொழுந்து, சட்டப் பேரவை உறுப்பினர்கள் கே.ஏ.யு. அசனா, கீதாஆனந்தன்,  அரசு செயலர் அ. அன்பரசு, ஆட்சியர் ஏ. விக்ரந்த் ராஜா, பொதுப்பணித் துறை தலைமைப் பொறியாளர் வி. சண்முகசுந்தரம்,  கல்லூரி முதல்வர் பாலாஜி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-nagapattinam/karaikal/2019/feb/12/கல்விக்கு-அதிக-முக்கியத்துவம்-தரும்-மாநிலம்-புதுச்சேரி-முதல்வர்-வி-நாராயணசாமி-பெருமிதம்-3094345.html
3094344 நாகப்பட்டினம் காரைக்கால் காரைக்கால் வாஞ்சியாற்றுப் பாலம் பயன்பாட்டுக்கு வந்தது: புதுச்சேரி முதல்வர் திறந்துவைத்தார் DIN DIN Tuesday, February 12, 2019 09:17 AM +0530 காரைக்கால் வாஞ்சியாற்றின் குறுக்கே புதிதாக ரூ. 6.50 கோடியில் கட்டப்பட்ட பாலத்தை புதுச்சேரி முதல்வர் வி. நாராயணசாமி திங்கள்கிழமை திறந்துவைத்தார்.
காரைக்கால் நகரப் பகுதியிலிருந்து தருமபுரம், புதுத்துறை உள்ளிட்ட பகுதிகளுக்கு வாஞ்சியாற்றை கடந்து செல்ல வேண்டும். இந்த ஆற்றின் குறுக்கே சுமார் 100 ஆண்டுகளுக்கு முந்தைய பழைமையான பாலம் பயன்பாட்டில் இருந்து வருகிறது. 
போக்குவரத்து நெரிசல், மேற்கண்ட கிராமப் பகுதியில் நூற்றுக்கணக்கான குடியிருப்புகள் அமைந்தது, சுமார் 2 ஆயிரம் மாணவர்கள் பயிலும் தனியார் பள்ளி அந்த பகுதியில் செயல்படுவது உள்ளிட்ட காரணங்களால், இப்பாலத்துக்கு அருகே புதிதாக பாலம் கட்டவேண்டும் என்ற கோரிக்கை புதுச்சேரி அரசுக்கு வைக்கப்பட்டது.
கடந்த 2015-ஆம் ஆண்டு ஏப்ரல் மாதம் அடிக்கல் நாட்டப்பட்டது.  உடனடியாக பொதுப்பணித் துறை நிர்வாகம் கட்டுமானத்தையும் தொடங்கியது.  ரூ. 65.53 கோடியில் பாலம் கட்டி முடிக்கப்பட்டது. 
லெமேர் பாலம் என்று கூறக்கூடிய தற்போதைய பாலத்துக்கு சுமார் 50 மீட்டர் அருகே 66 மீட்டர் நீளத்திலும், 7.50 மீட்டர் அகலத்திலும் பாலம் கட்டுமானம் 2016-ஆம் ஆண்டு மத்தியில் முடிக்கப்பட்டது. இந்த பாலத்துக்கு இணைப்பாக, டூப்ளக்ஸ் வீதியிலிருந்து பாலம் அருகே சுமார் 200 மீட்டர் நீளத்தில் சாலை அமைக்கப்படும் பணி மட்டுமே எஞ்சியிருந்தது. இணைப்புப் சாலை அமைக்கும் பணி கிடப்பில் போடப்பட்டு, அண்மையில் மேற்கொண்ட பணிகள் மேற்கொள்ளப்பட்டு நிறைவு செய்யப்பட்டது.
காரைக்காலில் நிகழ்ச்சிகளில் பங்கேற்கும் வகையில் திங்கள்கிழமை வந்த புதுச்சேரி முதல்வர் வி. நாராயணசாமி இந்த பாலத்தை திறந்து வைத்தார். இந்நிகழ்ச்சியில் அமைச்சர்கள் ஆர். கமலக்கண்ணன், எம். கந்தசாமி, சட்டப்பேரவை உறுப்பினர்கள் கே.ஏ.யு. அசனா, கீதாஆனந்தன், மாவட்ட ஆட்சியர் ஏ.விக்ரந்த் ராஜா, பொதுப்பணித் துறை தலைமைப் பொறியாளர் வி. சண்முகசுந்தரம் உள்ளிட்ட அதிகாரிகள் கலந்துகொண்டனர்.
பழைமையான வாஞ்சியாற்றின் குறுக்கே உள்ள பாலத்திலும், தற்போது திறக்கப்பட்ட புதிய பாலத்திலும் போக்குவரத்து இனி நடைபெறுமென்பதால், நீண்ட காலமாக இந்த வட்டாரத்தில் நிலவிவந்த போக்குவரத்து நெரிசல் பெருமளவு குறையும் சூழல் உருவாகியிருப்பது மக்களிடையே மகிழ்ச்சியை ஏற்படுத்தியுள்ளது.

]]>
https://www.dinamani.com/all-editions/edition-nagapattinam/karaikal/2019/feb/12/காரைக்கால்-வாஞ்சியாற்றுப்-பாலம்-பயன்பாட்டுக்கு-வந்தது-புதுச்சேரி-முதல்வர்-திறந்துவைத்தார்-3094344.html
3094343 நாகப்பட்டினம் காரைக்கால் காங்கிரஸ் மீது ஊழல் குற்றச்சாட்டு கூற மோடிக்குத் தகுதி இல்லை: முதல்வர் வி. நாராயணசாமி DIN DIN Tuesday, February 12, 2019 09:16 AM +0530 பாஜக ஆளும் மாநிலத்தில் நடந்த ஊழல்கள் குறித்து நடவடிக்கை எடுக்காதபோது,  காங்கிரஸ் கட்சி மீது ஊழல் குற்றச்சாட்டு கூற பிரதமர் நரேந்திர மோடிக்கு தகுதி இல்லை  என புதுச்சேரி முதல்வர் வி. நாராயணசாமி தெரிவித்தார். 
காரைக்காலில் திங்கள்கிழமை பல்வேறு நிகழ்ச்சிகளில் பங்கேற்க வந்த அவர் செய்தியாளர்களுக்கு அளித்த பேட்டி :  திருநள்ளாறு தர்பாரண்யேசுவரர் கோயில் குடமுழுக்கு சுமார் ரூ.1.50 கோடி செலவில் சிறப்பாக நடைபெற்று முடிந்துள்ளது. வாஞ்சியாற்றின் குறுக்கே நபார்டு வங்கி நிதியுதவி ரூ.6.50 கோடியில் கட்டப்பட்ட பாலத்தையும், ரூ. 2 கோடியில் கட்டப்பட்ட அவ்வையார் அரசு மகளிர் கல்லூரி கூடுதல் கட்டடத்தையும் திறந்துவைத்துள்ளோம். 
புதுச்சேரி மாநிலத்தில் இருசக்கர வாகனத்தில் செல்வோர் தலைக்கவசம் அணியவேண்டும் என்ற சர்ச்சை இருந்துவருகிறது. திங்கள்கிழமை முதல் தலைக்கவசம் அணியவேண்டும் என காவல்துறைத் தலைவர் ஆணை பிறப்பித்துள்ளார். கடந்த 10 நாள்களுக்கு முன்பு சாலைப் பாதுகாப்பு வார விழாவில் நான் பேசும்போது, தலைக்கவசம் அணியவேண்டும் என்பது உச்சநீதிமன்றத்தின் உத்தரவு. இதை நடைமுறைப்படுத்தத் தேவையான விழிப்புணர்வை காவல் துறை, போக்குவரத்துத் துறை எடுக்கவேண்டும். கல்லூரி மாணவர்கள், பள்ளி மாணவர்கள், அலுவலர்கள், ஊழியர்கள், மகளிர்,  இளைஞர்கள் என அனைத்துத் தரப்பிலும் இது மேற்கொள்ளவேண்டும். படிப்படியாக தலைக்கவசம் அணியும் நிலைக்கு மக்கள் வந்து விடுவார்கள் என்றேன்.
ஆனால், தற்போது இந்த விவகாரத்தில் நிர்பந்தம் ஏற்படுத்தப்பட்டுள்ளது. துணை நிலை ஆளுநர் காவலரைப்போல இந்த விவகாரத்தில் செயல்படுகிறார். இந்த விவகாரத்தில் உத்தரவிட அரசுக்குத்தான் அதிகாரம் உள்ளது. துணை நிலை ஆளுநருக்கு அதிகாரம் இல்லை. அதிகாரிகளை மிரட்டி செயல்படும் போக்கால் புதுச்சேரியில் ஒருவித கொந்தளிப்பு ஏற்பட்டுள்ளது. தலைக்கவசத்தை நடைமுறைப்படுத்த விதிகள் உள்ளன. அதை அரசு செய்யவேண்டுமே தவிர, துணை நிலை ஆளுநர் செய்யக்கூடாது.
நாடாளுமன்றத் தேர்தலை எதிர்கொள்ள காங்கிரஸ் கட்சி ஆயத்தமாகி வருகிறது. இதற்கு உதாரணமாக கட்சி உறுப்பினர்களை தீவிரமாக சேர்க்கும் விதத்தில் சக்தி செயலி உருவாக்கி நடைமுறைப்படுத்தப்பட்டுள்ளது. மேலும் பல நிலைகளில் கிராம அளவிலும், மாவட்ட அளவிலும், மாநில அளவிலும் பணிகள் நடைபெறுகின்றன. கஜா புயல் நிவாரணமாக மத்திய அரசிடம் ரூ.1,670 கோடி புதுச்சேரி அரசு கேட்டது. ஆனால் ரூ.13 கோடி மட்டுமே அளித்துள்ளது. இதற்கு முன்பாகவே புதுச்சேரி அரசு ரூ.10 கோடியை நிவாரணமாக உரியவர்களுக்கு வழங்கிவிட்டது. ரூ.13 கோடி செலவிடவில்லை என்பது குறித்து கேள்வி கேட்கும் பாஜக, ரூ.10 கோடியை மாநில அரசு செலவிட்டதை மறந்துவிட்டதா ? இந்த ரூ.13 கோடியும் மாநில அரசு எடுத்த முயற்சியால் கிடைத்தது.
காரைக்காலில் ஜிப்மர் மருத்துவக் கல்லூரி நிரந்தர கட்டடம் அமைய ரூ.400 கோடியை ஜிப்மர் தலைமையகம் ஒதுக்கியுள்ளது. இந்த நிதியில் படிப்படியாக பணிகள் நடைபெறும். ரூ.30 கோடி ஜிப்மர் ஒதுக்கிய நிதியில் காரைக்கால் மருத்துவமனை மேம்படுத்தும் பணிகள் தொடங்கப்பட்டுள்ளன. இதற்கான பணியை மத்திய பொதுப்பணித் துறை ஏற்றுள்ளது என்றார்.
கடல் முதல் வானம் வரை காங்கிரஸ் ஊழல் செய்துள்ளதாக திருப்பூரில் நடந்த பொதுக்கூட்டத்தில் பிரதமர் நரேந்திரமோடி பேசியுள்ளாரே என அவரிடம் செய்தியாளர் எழுப்பிய கேள்விக்கு, நரேந்திரமோடி ஆட்சியிலேயே ரஃபேல் விமான ஊழல் நடந்துள்ளது. பாஜக ஆட்சி செய்த மாநிலமான மத்தியப் பிரதேசத்தில் வியாபம் ஊழல், சத்தீஸ்கரில் அரிசி ஊழல், ராஜஸ்தானில் சுரங்க ஊழல்  குறித்து காங்கிரஸ் கட்சி குற்றச்சாட்டு வைத்தபோது, எந்த நடவடிக்கையையும் எடுக்காத நரேந்தர மோடி, காங்கிரஸ் மீது குற்றச்சாட்டுக் கூற எந்த தகுதியும் கிடையாது. தோல்வி பயத்தில் சி.பி.ஐ., அமலாக்கத்துறை, வருமான வரித்துறையினரை வைத்து எதிர்க்கட்சியினரை மிரட்டிவரும் போக்கைத்தான் நரேந்திரமோடி செய்துவருகிறார். மக்கள் விழிப்போடு இருக்கிறார்கள் என்றார் முதல்வர்.

]]>
https://www.dinamani.com/all-editions/edition-nagapattinam/karaikal/2019/feb/12/காங்கிரஸ்-மீது-ஊழல்-குற்றச்சாட்டு-கூற-மோடிக்குத்-தகுதி-இல்லை-முதல்வர்-வி-நாராயணசாமி-3094343.html
3093707 நாகப்பட்டினம் காரைக்கால் திருநள்ளாறு தர்பாரண்யேசுவரர் கோயிலில் இன்று குடமுழுக்கு விழா DIN DIN Monday, February 11, 2019 10:19 AM +0530 திருநள்ளாறு தர்பாரண்யேசுவரர் கோயிலில் குடமுழுக்கு விழா திங்கள்கிழமை (பிப்.11)  நடைபெறுகிறது.
திருநள்ளாறு தர்பாரண்யேசுவரர் கோயில் குடமுழுக்கு விழாவையொட்டி, யாகசாலை பூஜைகள் கடந்த வியாழக்கிழமை (பிப்.7) இரவு தொடங்கி, நடைபெற்றுவருன்றன. ஞாயிற்றுக்கிழமை காலை 6-ஆம் கால பூஜையும், இரவு 7-ஆம் கால பூஜையும் நடைபெற்றன.
யாகசாலையில் நிறைவாக 8-ஆம் கால பூஜை திங்கள்கிழமை அதிகாலை 4 மணியளவில் தொடங்கி, காலை 7 மணிக்கு மகா பூர்ணாஹுதி செய்யப்படவுள்ளது. காலை 7.20 மணிக்கு பிரதான கும்ப மூர்த்திகள் புறப்பாடு நடைபெறுகின்றன. காலை 9.15 முதல் குடமுழுக்காக புனிதநீர் விமான கலசத்தில் ஊற்றும் பணி நடைபெறுகிறது.
இதற்கிடையில், விமானங்களில் கலசங்கள் பொருத்தும் பணி சனிக்கிழமை தொடங்கி, ஞாயிற்றுக்கிழமை வரை நடைபெற்றது. மாவட்ட ஆட்சியர் ஏ.விக்ரந்த் ராஜா முன்னிலையில் இப்பணி நடைபெற்றது.
யாகசாலை பூஜையில் தருமபுர ஆதீன இளைய சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த சுவாமிகள், திருநள்ளாறு கோயில் கட்டளை விசாரணை கந்தசாமி தம்பிரான் சுவாமிகள் உள்ளிட்டோர் பங்கேற்று வழிபாடு நடத்தி வருகின்றனர்.
மாவட்ட ஆட்சியரும், நிர்வாக அதிகாரி (கோயில்கள்) பொறுப்பு வகிப்பவருமான ஏ.விக்ரந்த் ராஜா குடமுழுக்கு ஏற்பாடுகளை ஞாயிற்றுக்கிழமை பார்வையிட்டு கூறியதாவது:
குடமுழுக்குக்காக காரைக்கால் மாவட்டத்தில் திங்கள்கிழமை உள்ளூர் விடுமுறை அறிவிக்கப்பட்டுள்ளது. எனவே, குடமுழுக்கைக் காண பொதுமக்கள் திரளாக திருநள்ளாறு வரலாம். முற்கால சோழர்களின் ஆட்சிக் காலத்தில் அமைக்கப்பட்ட திருக்கோயில் இது. மூவரால் பாடல் பெற்ற தலம். கோயிலுக்கு பல்வேறு வரலாற்றுச் சிறப்புகள் உள்ளன. 12 ஆண்டுகளுக்குப் பின்னர் உரிய காலத்தில் குடமுழுக்கு நடத்தப்படுகிறது.
பக்தர்களின் வசதிக்காக மாவட்ட நிர்வாகம் மற்றும் கோயில் நிர்வாகம் பல்வேறு சிறப்பு ஏற்பாடுகளை செய்துள்ளது என்றார் ஆட்சியர்.

]]>
https://www.dinamani.com/all-editions/edition-nagapattinam/karaikal/2019/feb/11/திருநள்ளாறு-தர்பாரண்யேசுவரர்-கோயிலில்-இன்று-குடமுழுக்கு-விழா-3093707.html
3093660 நாகப்பட்டினம் காரைக்கால் அவ்வையார் கல்லூரியில் இன்று கட்டட திறப்பு விழா: முதல்வர் பங்கேற்பு DIN DIN Monday, February 11, 2019 09:49 AM +0530 காரைக்கால் அவ்வையார் மகளிர் கல்லூரி இணைப்புக் கட்டடம், வாஞ்சியாற்றின் குறுக்கே பாலம் ஆகியவற்றை புதுச்சேரி முதல்வர் வி. நாராயணசாமி திங்கள்கிழமை (பிப்.11) திறந்துவைக்கிறார்.
திருநள்ளாறு ஸ்ரீ தர்பாரண்யேசுவரர் கோயில் குடமுழுக்கு விழா திங்கள்கிழமை நடைபெறவுள்ள நிலையில், இந்த விழாவிலும், பல்வேறு அரசு விழாவிலும் பங்கேற்கும் வகையில், புதுச்சேரி முதல்வர் வி. நாராயணசாமி காரைக்கால் வருகிறார்.
திருநள்ளாற்றில் காலை 9.10 முதல் 10.10 மணி வரை நடைபெறக்கூடிய குடமுழுக்கில் பங்கேற்கும் அவர், காரைக்கால் பெருந்தலைவர் காமராஜர் நினைவு வளாகத்தில் சுமார் ஒன்றரை மணி நேரம் பல்வேறு அரசுத்துறை அதிகாரிகளுடன் ஆலோசனை நடத்துகிறார்.
இதைத்தொடர்ந்து, வாஞ்சியாற்றின் குறுக்கே பழைமையான லெமேர் பாலத்துக்கு மாற்றாக புதிதாக கட்டப்பட்டுள்ள பாலத்தை முதல்வர் திறந்துவைக்கிறார். அம்பேத்கர் வீதியில் அமைந்திருக்கும் அவ்வையார் அரசு மகளிர் கல்லூரி கட்டடத்துக்கு கூடுதல் வகுப்பறை கொண்டதாக, மகப்பேறு மருத்துவமனை எதிரே கட்டி முடிக்கப்பட்ட கட்டடத்தையும் அவர் திறந்துவைக்கிறார்.
பிற்பகல் 3 மணியளவில் திருநள்ளாறு கொம்யூன், பண்டாரவாடை கிராமத்தில் உள்ள அரசு தொடக்கப்பள்ளியில் பொலிவுறு வகுப்பறைகளையும் முதல்வர் தொடங்கிவைக்கிறார். இந்த நிகழ்ச்சிகளில் வேளாண் அமைச்சர் ஆர். கமலக்கண்ணன் உள்ளிட்ட அமைச்சர்களும், எம்.எல்.ஏ.க்களும், அதிகாரிகளும் பங்கேற்கவுள்ளனர்.
ஆட்சியர் ஆலோசனை: முதல்வரின் வருகையையொட்டி, காரைக்கால் மாவட்ட ஆட்சியர் ஏ. விக்ரந்த் ராஜா தலைமையில், அதிகாரிகள் ஆலோசனைக் கூட்டம் சனிக்கிழமை நடைபெற்றது. அப்போது, இதுவரை புதுச்சேரி அரசின் நிதியுதவியின் கீழ் நிறைவேற்றப்பட்டுள்ள திட்டங்கள், நிதியாதாரத்துக்காக கிடப்பில் உள்ள திட்டங்கள் குறித்து விரிவாக அரசுத்துறைத் தலைவர்கள் அறிக்கை தயார் செய்யவேண்டும் என அதிகாரிகளுக்கு ஆட்சியர் அறிவுறுத்தினார்.

]]>
https://www.dinamani.com/all-editions/edition-nagapattinam/karaikal/2019/feb/11/அவ்வையார்-கல்லூரியில்-இன்று-கட்டட-திறப்பு-விழா-முதல்வர்-பங்கேற்பு-3093660.html
3093659 நாகப்பட்டினம் காரைக்கால் காரைக்கால்-பேரளம் ரயில் பாதை பணியை தொடங்க வலியுறுத்தல் DIN DIN Monday, February 11, 2019 09:48 AM +0530 இரண்டு திட்டங்களுக்கு சேர்த்து பட்ஜெட்டில் ரூ.40 கோடி நிதி ஒதுக்கீடு செய்ததில், காரைக்கால் - பேரளம் அகல ரயில்பாதைப் பணியைத் தொடங்க வேண்டும் என வலியுறுத்தப்பட்டுள்ளது.
இதுகுறித்து புதுச்சேரி அரசின் திட்டம் மற்றும் ஆராய்ச்சித்துறை இணை இயக்குநர் (ஓய்வு) ஆர். மோகன் சனிக்கிழமை கூறியது :
காரைக்கால் முதல் திருநள்ளாறு வழியாக பேரளம் வரையிலான 23 கி.மீ. புதிதாக அகல ரயில்பாதை அமைப்பதற்கான அறிவிப்பு ஏற்கெனவே வெளியிடப்பட்டது. அதற்கான நிலம் ரயில்வே நிர்வாகத்திடம் தயார்நிலையில் உள்ளது. இத்திட்டத்துக்காக மட்டும் ரூ.140 கோடி மதிப்பீடு செய்யப்பட்டது.
அதேவேளையில், நாகப்பட்டினம் - வேளாங்கண்ணி - திருத்துறைப்பூண்டி  ரயில்பாதை பணியும் நடைபெறுகிறது. கடந்த ஆண்டு பட்ஜெட்டில் இவ்விரு திட்டங்களுக்கும் சேர்த்து ரூ.10 கோடி ஒதுக்கீடு செய்யப்பட்டது.  ஆனால் காரைக்காலில் பணிகள் தொடங்கவில்லை. தற்போதைய மத்திய பட்ஜெட்டில் ரூ.40 கோடி இவ்விரு திட்டங்களுக்கும் சேர்த்து ஒதுக்கீடு செய்யப்பட்டுள்ளது. இதில் பெரும்பகுதி நிதியைப் பயன்படுத்தி காரைக்கால் -பேரளம் அகல ரயில்பாதை அமைப்புப் பணியை நிகழாண்டே ரயில்வே நிர்வாகம் தொடங்கவேண்டும்.
குறிப்பாக காரைக்கால் வரை ரயில் சேவை நடந்துவரும் நிலையில், காரைக்காலில் இருந்து பேரளம் பாதை அமைப்பில், காரைக்கால் முதல் திருநள்ளாறு வரையிலான 5 கி.மீ., தூர ரயில்பாதை அமைப்பையாவது நிகழாண்டு தொடங்க வேண்டும். மத்திய அரசு ஒதுக்கீடு செய்த ரூ.40 கோடியில், ரூ.30 கோடியில் இந்தத் திட்டப்பணியைத் தொடங்கினால், கூடுதல் நிதி தேவைப்படும்பட்சத்தில் அடுத்த ஆண்டு பட்ஜெட்டில் ஒதுக்கீடு செய்யும் நிதியைப் பயன்படுத்தி நிறைவேற்ற முடியும். பின்னர் திருநள்ளாறு முதல் பேரளம் வரையிலான பணியை செய்து 2 ஆண்டுகளில் நிறைவேற்ற முடியும். இந்த விவகாரத்தில் புதுச்சேரி அரசும், புதுச்சேரி மாநிலத்தில் உள்ள மக்களவை, மாநிலங்களவை நாடாளுமன்ற உறுப்பினர்களும் ரயில்வே நிர்வாகத்துக்கு அழுத்தம் தரவேண்டும் என்றார் அவர். 

]]>
https://www.dinamani.com/all-editions/edition-nagapattinam/karaikal/2019/feb/11/காரைக்கால்-பேரளம்-ரயில்-பாதை-பணியை-தொடங்க-வலியுறுத்தல்-3093659.html
3093658 நாகப்பட்டினம் காரைக்கால் காரைக்காலில் சிகப்பு நிற செம்பரா மீன்வரத்து அதிகரிப்பு DIN DIN Monday, February 11, 2019 09:48 AM +0530 முற்றிலும் சிகப்பு நிறத்தினாலான செம்பரா மீன் வரத்து காரைக்கால் மீன்பிடித் துறைமுகத்தில் அதிகரித்திருப்பது மீனவர்களை மகிழ்ச்சியில் ஆழ்த்தியுள்ளது.
காரைக்கால் மீன்பிடித் துறைமுகத்திலிருந்து கடலில் வெகுதூரத்துக்குச் சென்று திரும்பும் மீனவர்களுக்கு, உற்சாகம் தரும் வகையில், ஏற்றுமதித் தரம் வாய்ந்த மீன்கள் அண்மைக் காலமாக கிடைக்கவில்லை. இந்நிலையில், தற்போது செம்பரா என்கிற மீனின் வரத்து அதிகரித்துள்ளது. இந்த மீன் முற்றிலும் சிகப்பு நிற உடலமைப்பைக் கொண்டுள்ளது. இது ஆங்கிலத்தில் "ரெட் ஸ்னேப்பர்' வகை மீன்களைச் சேர்ந்ததென மீனவர்கள் தெரிவிக்கின்றனர். குறிப்பாக, அட்லாண்டிக் பெருங்கடல் பகுதியில் ரெட் ஸ்னேப்பர் வகைகள் வசிப்பிடமாக இருக்கக்கூடியது எனவும் கூறப்படுகிறது.
இவை கடலில் ஏற்படும் பருவ மாற்றத்தால் வங்கக் கடல் பகுதிக்கு வரும். ஆண்டின் முற்பகுதியிலும், பின்னர் ஜூலை, ஆகஸ்ட் மாதவாக்கிலும் இதன் வரத்து இருக்கும். இது தொடர்ந்து கிடைக்கும் வாய்ப்பில்லை எனவும் கூறுகின்றனர் மீனவர்கள்.
காரைக்கால் துறைமுக ஏலக் கூடத்தில் ஞாயிற்றுக்கிழமை வந்து இறக்கப்பட்ட செம்பரா  மீன் ஒரே நாளில் சுமார் 5 ஆயிரம் கிலோ ஏற்றுமதியானது. இது கிலோ ரூ.400 முதல் அளவு வாரியாக பிரித்து கூடுதல் விலைக்கு ஏலம் விடப்பட்டது. இந்த மீன் வெளிநாட்டினர் விரும்பி சாப்பிடக் கூடியதெனவும், பதப்படுத்தப்பட்டு வெளிநாடுகளுக்கு அனுப்பப்படும் எனவும் மீனவர்கள் தரப்பில் தெரிவிக்கப்படுகிறது. ஒருசிலரே சிகப்பு செம்பரா கிடைக்கும் பகுதி நோக்கிச் சென்று பிடித்துவருகின்றனர். மேலும்  வெள்ளை வவ்வால் மீன்களும், புள்ளி நண்டும் தற்போது கிடைத்துவருகிறது. புள்ளி நண்டு கிலோ ரூ.500 என்ற விலையில் ஏலம்விடப்பட்டது. குளிர் பருவம் ஓயும் நிலையில், அதன் பின்னரே பருவ மாற்றத்தின்பால் பெரிய மீன்கள் வலையில் சிக்கும் என மீனவர்கள் தெரிவித்தனர். 

]]>
https://www.dinamani.com/all-editions/edition-nagapattinam/karaikal/2019/feb/11/காரைக்காலில்-சிகப்பு-நிற-செம்பரா-மீன்வரத்து-அதிகரிப்பு-3093658.html
3093657 நாகப்பட்டினம் காரைக்கால் எதிர்காலம் சிறக்க கல்வியில் கவனம் செலுத்த வேண்டும்: அமைச்சர் ஆர்.கமலக்கண்ணன் DIN DIN Monday, February 11, 2019 09:47 AM +0530 எதிர்காலத்தில் கவலையின்றி வாழ, இப்போதே மாணவர்கள் கல்வியில் சிறப்பு கவனம் செலுத்தவேண்டும் என பள்ளி ஆண்டு விழாவில் அமைச்சர் ஆர்.கமலக்கண்ணன் அறிவுறுத்தினார்.
காரைக்கால் மாவட்டம், அம்பகரத்தூர் கிரஸெண்ட் மேல்நிலைப் பள்ளி ஆண்டு விழா சனிக்கிழமை நடைபெற்றது. இதையொட்டி நடத்தப்பட்ட பல்வேறு போட்டிகளில் வெற்றிபெற்றோருக்குப் பரிசுகள் வழங்கி, புதுச்சேரி வேளாண் மற்றும் கல்வித் துறை அமைச்சர் ஆர். கமலக்கண்ணன் பேசியது :
வேலைவாய்ப்பு,  உயர்கல்வி மற்றும் பல்வேறு உலகளாவிய சூழல்களில் ஆங்கில மொழியின் தேவை அதிகமிருக்கிறது. பள்ளியில் 10-ஆம் வகுப்பு பயிலும் மாணவர்கள் ஆங்கிலத்தில் பேசவும், எழுதவும் பழகிக்கொள்ளவேண்டியது மிகவும் அவசியமாகிறது. 10-ஆம் வகுப்பு வரை மாணவர்களுக்கு ஆங்கில மொழி தெரியவில்லை என்றால் அது சரியாக இருக்காது.
 கடந்த 20 ஆண்டுகளுக்கு முந்தைய காலத்தைவிட தற்போது பெண் கல்விக்கு அதிக முக்கியத்துவம் தரப்படுகிறது. வெறும் சான்றிதழ் பெற்றால் மட்டும் போதாது. அதற்கான முழுத் தகுதியையும் மாணவர்கள் பெறவேண்டும்.
பள்ளிப் பருவத்தில் பல்வேறு சிந்தனைகளாலும், குடும்ப சூழல்களாலும், படிப்பு வரவில்லை என்ற காரணத்தாலும் கல்வியைப் பாதியில் நிறுத்திவிட்டவர்கள் ஏராளம். இவர்கள் பிற்காலத்தில் ஒவ்வொரு நாளும் நாம் நன்றாக படிக்காததால் இந்த கஷ்டத்தை அனுபவிக்கிறோமே என்ற கவலை கொள்கிறார்கள். இதை இப்போதைய மாணவர்கள் நன்கு புரிந்துகொண்டு, ஆசிரியர்கள், பெற்றோர்கள் கூறும் கருத்துகளை புறம்தள்ளாமல், அலட்சியப்படுதாமல் ஏற்று நல்ல முறையில் படித்தால், எதிர்காலத்தில் சிறந்து விளங்க முடியும்.
அம்பகரத்தூரில் பல்வேறு இடங்களில் சாலைப் புதுப்பிப்புப் பணிகள் நடைபெறுகின்றன. திருநள்ளாறு முதல் அம்பகரத்தூர் வரையிலான சாலைப் பணி தற்போது முடுக்கிவிடப்பட்டு விரைவாக நடைபெறுகிறது. புதுச்சேரி முதல்வர் வி.நாராயணசாமி தலைமையிலான அரசு மாநிலத்தில் அடிப்படை வசதிகளை மேம்படுத்துவதில் சிறப்புக் கவனம் செலுத்துகிறது என்றார் அமைச்சர். நிகழ்ச்சியில் கல்வித் துறை வட்ட துணை ஆய்வாளர் கார்த்திகேசன், பள்ளி நிர்வாகத்தை சேர்ந்த சிராஜூதீன் உள்ளிட்ட பலர் பேசினர். கலை நிகழ்ச்சிகள் நடைபெற்றன.

]]>
https://www.dinamani.com/all-editions/edition-nagapattinam/karaikal/2019/feb/11/எதிர்காலம்-சிறக்க-கல்வியில்-கவனம்-செலுத்த-வேண்டும்-அமைச்சர்-ஆர்கமலக்கண்ணன்-3093657.html
3093656 நாகப்பட்டினம் காரைக்கால் ஜடாயுபுரீசுவரர் கோயிலில் மாசி மக பிரமோத்ஸவம் தொடக்கம் DIN DIN Monday, February 11, 2019 09:46 AM +0530 திருமலைராயன்பட்டினம் ஸ்ரீ ஜடாயுபுரீசுவரர் கோயில் மாசி மக பிரமோத்ஸவம் கொடியேற்றத்துடன் ஞாயிற்றுக்கிழமை தொடங்கியது.
திருமலைராயன்பட்டினத்தில் பிரசித்திப் பெற்ற ஸ்ரீ மையாடுங்கண்ணி சமேத ஸ்ரீ ஜடாயுபுரீசுவரர் கோயில் உள்ளது. வருடாந்திர மாசி மக பிரமோத்ஸவம் 12 நாள் நிகழ்ச்சியாக  இக்கோயிலில் நடத்தப்படுகிறது. 
அதன்படி, நிகழாண்டு மாசி மக பிரமோத்ஸவம் ஞாயிற்றுக்கிழமை தொடங்கியது. இதையொட்டி, காலை ரிஷபக் கொடி வீதியுலா கொண்டு செல்லப்பட்டு 10.30 மணியளவில் கொடியேற்றம் செய்யப்பட்டது. முன்னதாக கொடிக் கம்பத்துக்கு சிறப்பு அபிஷேக ஆராதனைகள் செய்யப்பட்டன. கொடிக் கம்பம் அருகே சிறப்பு அலங்காரத்தில் மாணிக்கவாசகர் மற்றும் பஞ்சமூர்த்திகள் எழுந்தருளச் செய்யப்பட்டனர்.  தொடர்ந்து, பஞ்சமூர்த்திகள் வீதியுலா நடைபெற்றது.
உத்ஸவத்தின் 2-ஆம் நாள் நிகழ்ச்சியாக பிப்ரவரி 11-ஆம் தேதி  மாலை சூரிய பிரபையில் சுவாமி அம்பாள் வீதியுலாவும், 12-ஆம் தேதி சந்திர பிரபையிலும், 13-ஆம் தேதி இரவு பூத வாகனத்திலும், 14-ஆம் தேதி இரவு ஸ்ரீ தியாகராஜர் புறப்பாடு, வஸந்த உத்ஸவம் நடைபெறுகிறது. 15-ஆம் தேதி  இரவு சேஷ வாகனத்திலும், 16-ஆம் தேதி  இரவு ரிஷப வாகனத்தில் மின்சார சப்பரப்படல் வீதியுலாவும், 17-ஆம் தேதி இரவு கைலாச வாகனத்தில் சுவாமி வீதியுலாவும் நடைபெறுகிறது.
 பிப்ரவரி 18-ஆம் தேதி காலை தேரோட்டம், இரவு காரைக்கால்- நாகப்பட்டினம் தேசிய நெடுஞ்சாலையில் ஜடாயு ராவண யுத்தம் (சம்ஹாரம்) நடைபெறவுள்ளது.
நிறைவு நிகழ்ச்சிகளாக பிப்ரவரி 19-ஆம் தேதி காலை ஸ்ரீ நடராஜர் தீர்த்தவாரியும், தொடர்ந்து கொடியிறக்கம் செய்யப்பட்டு  இரவு புஷ்பப் பல்லக்கு வீதியுலாவும் நடைபெறுகிறது. 21-ஆம் தேதி இரவு சண்டிகேசுவரர் உத்ஸவமும், 22-ஆம் தேதி பஞ்சமூர்த்திகள் அபிஷேகம், விடையாற்றியுடன் உத்ஸவம் நிறைவடைகிறது.  நிகழ்ச்சி ஏற்பாடுகளை கோயில் தனி அதிகாரி ஏ.வீரச்செல்வம் செய்துள்ளார்.                                        
ஜடாயு ராவண சம்ஹாரம்: விழாவில்  பிப்ரவரி 18-ஆம் தேதி இரவு நடைபெறும் ஜடாயு ராவண சம்ஹார நிகழ்ச்சி, இதிகாசத்தின் நிகழ்வுகளை வெளிப்படுத்தும் வகையில் நடைபெறக்கூடியதாகும். இதில் ஆயிரக்கணக்கானோர் கலந்துகொள்வர். இதற்கான ஏற்பாடுகளை கோயில் நிர்வாகமும், பாதுகாப்பு ஏற்பாடுகளை காவல்துறையினரும் மேற்கொண்டுள்ளனர்.

]]>
https://www.dinamani.com/all-editions/edition-nagapattinam/karaikal/2019/feb/11/ஜடாயுபுரீசுவரர்-கோயிலில்-மாசி-மக-பிரமோத்ஸவம்-தொடக்கம்-3093656.html
3093655 நாகப்பட்டினம் காரைக்கால் காரைக்காலில் தொடரும் வழிப்பறி, திருட்டு; திணறும் காவல்துறை: புதுச்சேரி முதல்வர் கவனிப்பாரா? என்.எஸ். செல்வமுத்துக்குமாரசாமி DIN Monday, February 11, 2019 09:46 AM +0530 காரைக்கால் மாவட்டத்தில் வழிப்பறி, திருட்டு, கொள்ளை போன்ற சம்பவங்கள் அதிகரித்து வருகின்றன. பெரும்பாலான வழக்குகளில் குற்றவாளிகளை கண்டுபிடிக்க முடியாமல் காவல் துறையினர் திணறிவருகின்றனர். எனவே, புதுச்சேரி முதல்வர் இந்த விவகாரத்தில் சிறப்பு கவனம் செலுத்தவேண்டும் என பொதுமக்கள் வலியுறுத்துகின்றனர்.
புதுச்சேரி யூனியன் பிரதேசத்தின் 2-ஆவது பெரிய பிராந்தியமான காரைக்கால் ஏறக்குறைய 3.50 லட்சம் மக்கள் தொகையை கொண்டதாக உள்ளது. காரைக்காலுக்கு 2005-ஆம் ஆண்டு மாவட்ட அந்தஸ்து வழங்கி, ஐ.ஏ.எஸ். அதிகாரி மாவட்ட ஆட்சியராகவும், ஐ.பி.எஸ். அதிகாரி காவல்துறை அதிகாரியாகவும் பணியமர்த்தப்பட்டுவருகின்றனர். இடைக்காலத்தில் ஆளும் வர்க்கத்தினருக்கு ஆதரவான நிலை வேண்டுமெனில் ஐ.ஏ.எஸ்., ஐ.பி.எஸ். அல்லாத அதிகாரிகளை மேற்கண்ட பதவிகளுக்கு அமர்த்திவிடுகின்றனர். தற்போதுகூட மாவட்டத்தில் நிரந்தரமாக ஐ.ஏ.எஸ். அதிகாரி மாவட்ட ஆட்சியராக நியமிக்காத  நிலையும், ஐ.பி.எஸ். அல்லாத அதிகாரி மாவட்ட முதுநிலைக் காவல் கண்காணிப்பாளராகவும் இருக்கும் நிலையும் உள்ளது.
மாவட்டமான பிறகு நிர்வாக ரீதியிலோ, காவல்துறை நிலையிலோ மாவட்டத்துக்கான அந்தஸ்துகளை புதுச்சேரி மாநில அரசுகள் கடந்த 2005-ஆம் ஆண்டு முதல் இதுவரை ஏற்படுத்தவில்லை. இதனால் நிர்வாக ரீதியிலும், காவல்துறை ரீதியிலும் எந்தவொரு அனுமதிக்கும் புதுச்சேரி பிராந்தியத்தை எதிர்நோக்கும் நிலையே நீடிக்கிறது.
மேலும், மக்கள் தொகை பெருக்கத்துக்கேற்ப நிர்வாகப் பணியிடங்களும், காவல் பணியிடங்களும் அதிகரிக்கப்படவில்லை. மாவட்டத்தில் காரைக்கால் நகரம், திருப்பட்டினம், நிரவி, திருநள்ளாறு, நெடுங்காடு, கோட்டுச்சேரி ஆகிய பகுதிகளில் காவல் நிலையங்களும், அம்பகரத்தூரில் புறக்காவல் நிலையமும், ஒரு கடலோரக் காவல்நிலையமும் உள்ளன. ஆனால், காவலர்கள் எண்ணிக்கை வெறும் 350 ஆகும்.
மேலும், சிறப்பு புலனாய்வுப் பிரிவு அமைக்கப்பட்டும் அதன் செயல்பாடுகள் முடக்கப்பட்டுவிட்டன. மோப்ப நாய் செயலற்றதாக இருக்கிறது. வெடிகுண்டு  கண்டறியும் சாதனங்கள், நிபுணர்கள் கிடையாது. காரைக்கால் காவல் நிலையத்தில் புகார் அளிக்கச் சென்றால், சில நிலையத்தின் அதிகாரிகள் புகார் தாரரிடமும், எதிர் தரப்பினரிடமும் பேசி ஆதாயம் பெற முயற்சிக்கிறார்கள், கட்டப் பஞ்சாயத்தில் ஈடுபடுகிறார்கள் என சிலர் வேதனை தெரிவிக்கின்றனர்.
கடந்த 2107 -செப்டம்பர் மாதம் காரைக்காலில் ஒரு  மருத்துவ அதிகாரி வீட்டில் புகுந்த மர்ம நபர்கள் 125 பவுன் நகைகளை திருடிச் சென்ற வழக்கில் இதுவரை தீர்வு ஏற்படவில்லை. முகமூடி அணிந்து திருடிய நபரின் உருவம் வீட்டின் கண்காணிப்பு கேமராவில் பதிவானது. விரைவில் குற்றவாளிகள் பிடிபடுவர் என போலீஸார் தெரித்தும் இதுவரை தீர்வில்லை. 
திருப்பட்டினத்தில் கடந்த 7, 8 ஆண்டுகளுக்கு முன்பு தாலி சங்கிலியை பெண்ணிடம் வழிப்பறி செய்த வழக்கு போன்ற எண்ணற்ற வழக்குகள் தீர்வு செய்யப்படாமல் கிடப்பில் போடப்பட்டுவிட்டன. 
காரைக்காலில் வேலை செய்யும் வெளி மாநிலத்தவர் குறித்த விவரங்கள் காவல்துறையிடம் இல்லை. நகரப் பகுதியிலும், பிற இடங்களிலும் சந்தேகத்துக்கிடமானவர்களின்  நடமாட்டம் இருந்தும் கண்டுகொள்வதில்லை.
கடந்த ஒரு மாதத்துக்கு முதல் கார் கண்ணாடியை உடைத்து மர்ம நபர்கள் ரூ.7 லட்சம் திருடிச் சென்றது உள்ளிட்ட பல வழிப்பறிச் சம்பவங்கள் நடந்துவருகின்றன. இவற்றின் மீது எந்தவொரு நடவடிக்கையும் தீவிரப்படுத்தப்படவில்லை. காவல்துறை மீதான நம்பகத்தன்மை குறைவதால், பொருளை இழந்தோர் காவல் நிலையத்தில் புகார் தெரிவிக்கவும் தயக்கம் காட்டும் நிலையும் உள்ளது.
காவல்துறையின் சிறப்புப் பிரிவு செயலற்று விளங்குகிறது. கடலோரக் காவல் நிலையத்தின் பணிகளும் மந்த நிலைக்கு போய்விட்டது. காவல்துறையின் தலைமை அதிகாரி, காவல்நிலையங்களுக்குச் சென்று  ஆய்வுகள்  செய்வதில்லை. 
இந்நிலையில், திருநள்ளாறு கோயில் குடமுழுக்கு விழாவுக்கு மாவட்டத்தின் 350 காவலர்கள் பாதுகாப்பு பணியில் ஈடுபடுத்தப்பட்டுள்ளனர். இதனால் நிலையங்களில் 2 பேர் மட்டுமே பணியாற்றும் சூழல். இவர்களால் ரோந்துப் பணிகளில் ஈடுபடமுடியவில்லை. இதுபோன்ற சாதகமான சூழலையை பயன்படுத்தி சமூக விரோதிகள், தீவிரமான வழிப்பறி, திருட்டில் ஈடுபடுகின்றனர்.
காரைக்கால் மாவட்டத்தில் காவல்துறையினரின் செயல்பாடுகள் சமூக விரோதிகளுக்கு துணிச்சலை ஏற்படுத்துவதோடு, வெளியூர் தொழில்முறை குற்றவாளிகள் காரைக்காலில் தொடர் கைவரிசை காட்டுவார்களோ என்ற அச்சம் பொது மக்களிடையே  ஏற்பட்டுள்ளது.
இதுகுறித்து காரைக்கால் போராட்டக் குழு அமைப்பாளர் வழக்குரைஞர் எஸ்.பி.செல்வசண்முகம் கூறியது : 
காரைக்கால் காவல் நிலையங்களில் போதுமான காவலர்கள் இல்லை. போக்குவரத்துக் காவல்துறை மிக மோசமாக இருப்பதால், நகரில் நெரிசல், விபத்துகள் பெருகுகிறது. காவலர்களின் பணிகளில் முந்தைய காலத்தைப்போன்ற விவேகம், வேகம் இருக்கவில்லை. மாவட்ட அந்தஸ்துக்கேற்ப காவல்துறையை அரசு மேம்படுத்தவேண்டும். பொதுமக்கள் பல்வேறு நிலையில் அச்சத்தில் இருக்கும் நிலையே காணப்படுகிறது. இந்த விவகாரத்தில் அரசை நம்பி பயனில்லை. துணை நிலை ஆளுநர் சிறப்பு கவனம் செலுத்தவேண்டும் என்றார்.
புதுச்சேரி முதல்வர் நடவடிக்கை எடுக்கவேண்டும்: புதுச்சேரி முதல்வர் வி.நாராயணசாமி திங்கள்கிழமை அரசுத் துறையினருடன் சுமார் ஒன்றரை மணி நேரம் ஆய்வு நடத்தவுள்ளார்.
அப்போது, காவல்துறையின் மெத்தனங்கள் குறித்துப் பேசி, மக்கள் அச்சமின்றி வாழ்வதற்கான சூழலை அவர் ஏற்படுத்தவேண்டும். சுயநலத்தோடு பணியாற்றக்கூடிய காவல் அதிகாரிகளை பணியிடமாற்றம் செய்து, மக்கள் பணி சிந்தனையுடன் கூடிய அதிகாரிகளை நியமிக்க நடவடிக்கை எடுக்கவேண்டும்.
நிரந்தரமாக காரைக்காலுக்கு ஐ.பி.எஸ். அதிகாரி நியமிக்கவேண்டும் என வலியுறுத்தும் சமூக ஆர்வலர்கள், இதுபோன்ற கடும் நடவடிக்கை எடுக்கப்பட்டால் மட்டுமே காரைக்கால் மாவட்டத்தில் உள்ளோர் அச்சமின்றி வாழ்வார்கள். இதனை உறுதிப்படுத்தவேண்டியது ஆட்சியாளர்களின் பொறுப்பாகும் என அவர்கள் வலியுறுத்துகின்றனர்.
 

]]>
https://www.dinamani.com/all-editions/edition-nagapattinam/karaikal/2019/feb/11/காரைக்காலில்-தொடரும்-வழிப்பறி-திருட்டு-திணறும்-காவல்துறை-புதுச்சேரி-முதல்வர்-கவனிப்பாரா-3093655.html
3093654 நாகப்பட்டினம் காரைக்கால் தூங்கிக் கொண்டிருந்த பெண்ணிடம் சங்கிலி பறிப்பு DIN DIN Monday, February 11, 2019 09:46 AM +0530 திருப்பட்டினம் அருகே வீட்டில் தூங்கிக் கொண்டிருந்த பெண்ணிடம், சங்கிலியைப் பறித்துச் சென்றவரை போலீஸார் தேடிவருகின்றனர். 
காரைக்கால் பகுதி திருப்பட்டினம் அருகே உள்ள போலகம் அம்புத்திடல் பகுதியைச் சேர்ந்தவர் சுகுமார். இவரது மனைவி தமிழ்நாயகி. இவர்கள் சனிக்கிழமை  இரவு வீட்டில் தூங்கிக்கொண்டிருந்தனர். அப்போது வீட்டின் பூட்டை உடைத்து உள்ளே புகுந்த மர்ம நபர்கள், தமிழ்நாயகி கழுத்தில் அணிந்திருந்த 7 பவுன் தங்க சங்கிலியைப் பறித்துக்கொண்டு தப்பிவிட்டனர். 
மற்றொரு சம்பவம் : அதே பகுதியைச் சேர்ந்த அன்னபூரணி (60) வீட்டைப் பூட்டிவிட்டு வெளியூர் சென்றுவிட்டார். ஞாயிற்றுக்கிழமை காலை திரும்பி வந்து பார்த்தபோது, வீடு திறந்து கிடந்தது. உள்ளே சென்று அலமாரியைப் பார்த்தபோது, அதில் வைக்கப்பட்டிருந்த ரூ.1.5 லட்சம் மதிப்பிலான 6 பவுன் தங்க நகைகள் திருடப்பட்டிருந்தது தெரியவந்தது.
மேற்கண்ட இரு சம்பவங்கள் குறித்தும் திருப்பட்டினம் போலீஸார் வழக்குப் பதிந்து விசாரணை மேற்கொண்டுள்ளனர்.

]]>
https://www.dinamani.com/all-editions/edition-nagapattinam/karaikal/2019/feb/11/தூங்கிக்-கொண்டிருந்த-பெண்ணிடம்-சங்கிலி-பறிப்பு-3093654.html
3093653 நாகப்பட்டினம் காரைக்கால் தலைக்கவச விழிப்புணர்வுப் பேரணி: அமைச்சர் பங்கேற்பு DIN DIN Monday, February 11, 2019 09:45 AM +0530 காரைக்காலில்  தலைக்கவச விழிப்புணர்வுப் பேரணி ஞாயிற்றுக்கிழமை நடைபெற்றது. இதில், அமைச்சர் ஆர். கமலக்கண்ணன் மற்றும் போலீஸார் பங்கேற்றனர். 
காரைக்கால் போக்குவரத்து துறை, போக்குவரத்துக் காவல் நிலையம் ஆகியவற்றின் சார்பில், 30-ஆவது சாலைப் பாதுகாப்பு விழிப்புணர்வு வார நிகழ்ச்சி கடந்த 4-ஆம் தொடங்கியது.
நிறைவு நாளான ஞாயிற்றுக்கிழமை காரைக்கால் பேருந்து நிலையப் பகுதியிலிருந்து தலைக்கவசம் அணிவதன் முக்கியத்துவத்தை வலியுறுத்தி, இருசக்கர வாகனப் பேரணி நடைபெற்றது. இதில், புதுச்சேரி வேளாண் துறை அமைச்சர் ஆர். கமலக்கண்ணன் தலைக்கவசம் அணிந்து, இருசக்கர வாகனத்தை இயக்கிச் செல்ல, தொடர்ந்து காவல்துறை அதிகாரிகள், காவலர்கள் தலைக்கவசம் அணிந்தவாறு பங்கேற்றனர். 
காரைக்காலில் இருந்து கோட்டுச்சேரி, வடமட்டம், நெடுங்காடு, திருநள்ளாறு மற்றும் காரைக்கால் நகரப் பகுதி வழியாகச் சென்று ஆட்சியரகத்தில் பேரணி நிறைவுபெற்றது. இதில், முதுநிலை காவல் கண்காணிப்பாளர் மகேஷ்குமார் பர்ன்வால், மண்டல போக்குவரத்து அதிகாரி பி. பழனிசாமி உள்ளிட்ட காவல்துறை அதிகாரிகள், காவலர்கள் கலந்துகொண்டனர்.
காவல்துறை அதிகாரிகள் கூறும்போது, புதுவையில் பிப்ரவரி 11-ஆம் தேதி முதல் தலைக்கவசம் அணிவது கட்டாயம் என்ற உத்தரவு பிறப்பிக்கப்பட்டுள்ளது. எனவே, பொதுமக்கள் சாலையில் இருசக்கர வாகனத்தில் செல்லும்போது தலைக்கவசம் அணிய வேண்டும். தலைக்கவசம் நமது வாழ்நாளை நீட்டிக்க உதவுகிறது என்பதை அனைவரும் உணர்ந்து செயல்படவேண்டும் என்றனர்.

]]>
https://www.dinamani.com/all-editions/edition-nagapattinam/karaikal/2019/feb/11/தலைக்கவச-விழிப்புணர்வுப்-பேரணி-அமைச்சர்-பங்கேற்பு-3093653.html
3092692 நாகப்பட்டினம் காரைக்கால் நித்யகல்யாணப் பெருமாள் கோயிலில் பிரமோத்ஸவம் தொடக்கம் DIN DIN Sunday, February 10, 2019 12:43 AM +0530
காரைக்கால் ஸ்ரீ நித்யகல்யாணப் பெருமாள் கோயிலில் பிரமோத்ஸவ விழா கொடியேற்றத்துடன் சனிக்கிழமை தொடங்கியது.
காரைக்கால் ஸ்ரீ நித்யகல்யாணப் பெருமாள் கோயிலில் 14 நாள்கள் நடைபெறக் கூடிய பிரமோத்ஸவ தொடக்கத்திற்கான கொடியேற்றம் சனிக்கிழமை காலை 11.30 மணியளவில் நடைபெற்றது. ஸ்ரீதேவி, பூதேவி சமேத ஸ்ரீ நித்யகல்யாணப் பெருமாள் சிறப்பு அலங்காரத்தில் கொடிக் கம்பத்தின் அருகே எழுந்தருளினார். கொடியேற்றத்தையொட்டி கம்பத்துக்கு சிறப்புத் திருமஞ்சனம், ஆராதனை நடத்தப்பட்டு, கருடக் கொடியேற்றப்பட்டது. முன்னதாக, கருடக் கொடி வீதியுலா கொண்டு சென்று மீண்டும் கோயிலை வந்தடைந்தது. கொடியேற்ற நிகழ்ச்சியில் ஏராளமான பக்தர்கள் கலந்துகொண்டனர். முதல் நாள் நிகழ்ச்சியாக மாலை சூரிய பிரபையில் பெருமாள் வீதியுலா நடைபெற்றது.
நிகழ்ச்சியின் 2-ஆம் நாள் 10-ஆம் தேதி ஞாயிற்றுக்கிழமை மாலை சந்திர பிரபையிலும், 3-ஆம் நாள் திங்கள்கிழமை சேஷ வாகனத்திலும், 4-ஆம் நாள் செவ்வாய்க்கிழமை கருட வாகனத்திலும், 5-ஆம் நாள் புதன்கிழமை ஹனுமந்த வாகனத்திலும், 6-ஆம் நாள் வியாழக்கிழமை சிம்ம வாகனத்திலும் பெருமாள் வீதியுலா புறப்பாடு செய்யப்படுகிறது. 7-ஆம் நாள் வெள்ளிக்கிழமை காலை திருமஞ்சனமும், மாலை திருக்கல்யாணம் நடைபெறுகிறது. இரவு 10 மணியளவில் ருத்ர வேடத்தில் பெருமாள் காட்சியளிக்கிறார்.
நிகழ்ச்சியின் 8-ஆம் நாளான சனிக்கிழமை மாலை குதிரை வாகனத்தில் வீதியுலாவும், 9-ஆம் நாள் ஞாயிற்றுக்கிழமை திருத்தேரில் வீதியுலா, தீர்த்தவாரியும் நடைபெறுகிறது. 10-ஆம் நாள் மூலவர், உத்ஸவர் திருமஞ்சனம் நடைபெறுகிறது. 11-ஆம் நாளான 19-ஆம் தேதி செவ்வாய்க்கிழமை திருக்கண்ணபுரம் ஸ்ரீ சௌரிராஜப் பெருமாளுடன் சேர்ந்து திருமலைராயன் பட்டினம் கடற்கரையில் மாசி மக தீர்த்தவாரி நடைபெறுகிறது. 12-ஆம் நாள் பெருமாள் மாடவளாகப் புறப்பாடு நடைபெறுகிறது. 13-ஆம் நாள்  வியாழக்கிழமை  தெப்ப உத்ஸவமும், 14-ஆம் நாள் விடையாற்றியையொட்டி புஷ்பப் பல்லக்கில் சுவாமி  புறப்பாடும் நடைபெறுகிறது. 
உத்ஸவத்தையொட்டி தினமும் யாகசாலை, திவ்ய பிரபந்த சேவையும் நடைபெறுகிறது. விழா ஏற்பாடுகளை ஸ்ரீகைலாசநாதர் - ஸ்ரீ நித்யகல்யாணப் பெருமாள் கோயில் அறங்காவல் குழுவினர்,  ஸ்ரீ நித்யகல்யாண பெருமாள் பக்தஜன சபாவினர் செய்துள்ளனர். 
 

]]>
https://www.dinamani.com/all-editions/edition-nagapattinam/karaikal/2019/feb/10/நித்யகல்யாணப்-பெருமாள்-கோயிலில்-பிரமோத்ஸவம்-தொடக்கம்-3092692.html
3092691 நாகப்பட்டினம் காரைக்கால் காரைக்காலில் ஜிப்மர் மருத்துவக் கல்லூரி நிரந்தரமாக அமைய வலியுறுத்தல் DIN DIN Sunday, February 10, 2019 12:42 AM +0530
காரைக்காலில் ஜிப்மர் மருத்துவக் கல்லூரி மருத்துவமனை நிரந்தரமாக அமைய புதுச்சேரி துணைநிலை ஆளுநர் நடவடிக்கை எடுக்க வேண்டும் என வலியுறுத்தப்பட்டது.
காரைக்கால் போராட்டக் குழுவின் பொதுக்குழு கூட்டம் சனிக்கிழமை நடைபெற்றது. திருநள்ளாறு கொம்யூன் போராட்டக் குழு அமைப்பாளர் அ.பக்கிரிசாமி தலைமை வகித்தார். போராட்டக் குழு நிறுவனரும், அமைப்பாளருமான வழக்குரைஞர் எஸ்.பி. செல்வசண்முகம் தீர்மானங்கள் குறித்தும் பேசினார்.
தீர்மானங்கள்: புதுச்சேரி யூனியன் பிரதேச 4 பிராந்தியங்களும் பல்வேறு ஏற்றத்தாழ்வுகளுடன் உள்ளன. காரைக்கால் பிராந்தியத்துக்கு இந்திய அரசியலமைப்புச் சட்டம் வழங்கும் உரிமைகளை புதுச்சேரி ஆட்சியாளர்கள் மறுத்துவருகின்றனர். 
இதற்கு ஒரே தீர்வு, 14 ஆண்டுகளாக காரைக்காலை தனி யூனியன் பிரதேசமாக்க வேண்டுமென்ற கோரிக்கை நிறைவேறுவதுதான். இதற்கு  ஆதரவளிக்கும் கட்சிக்கு வாக்களிக்கும் முடிவை காரைக்கால் மக்களை கேட்டுக்கொள்வது.
காரைக்காலில் ஜிப்மர் மருத்துவக் கல்லூரி தற்காலிக இடத்தில் தொடங்கப்பட்டது. இதற்கான நிலம் தயார் நிலையில் இருந்தும் உரிய கட்டுமானம் தொடங்கப்படவில்லை. மருத்துவக் கல்லூரியுடன் மருத்துவமனையும் அமையும் சூழலும் ஏற்படவில்லை. இக்கல்லூரி காரைக்காலில் மூடப்பட்டுவிடுமோ என்ற சந்தேகம் எழுந்துள்ளது. 
புதுச்சேரி சுகாதார அமைச்சர் அவரது பிராந்தியமான ஏனாமில் ஜிப்மர் மருத்துவமனையை கொண்டுவரவே கவனம் செலுத்துகிறார். காரைக்கால் நிலை குறித்து கண்டுகொள்ள யாரும் இல்லை.  எனவே, இந்த விவகாரத்தில் துணை நிலை ஆளுநர் கிரண்பேடி தலையிட்டு, காரைக்காலில் நிரந்தமாக கல்லூரி, மருத்துவமனை அமைய நடவடிக்கை எடுக்கவேண்டும்.
காரைக்கால் காவல்துறையில் தேவையான அளவு காவலர்கள் இல்லாததால், போக்குவரத்து நெரிசலை சீர்படுத்த முடியாமலும், திருநள்ளாறு வரும் பக்தர்களுக்கு பாதுகாப்பு அளிக்க முடியாமலும் உள்ளது. எனவே, காவலர்கள் எண்ணிக்கை அதிகப்படுத்த வேண்டும்.
கஜா புயல் நிவாரணமாக மத்திய அரசு ரூ.13 கோடி அனுமதித்துள்ளது. இதனை காரைக்காலுக்கே முழுமையாக செலவு செய்ய அரசு முன்வரவேண்டும் உள்ளிட்ட தீர்மானங்கள் இக்கூட்டத்தில் நிறைவேற்றப்பட்டன. மேலும்,  இக்கோரிக்கைகளை வலியுறுத்தி போராட்டக் குழு சார்பில் காரைக்கால் மாவட்ட ஆட்சியரகம் அருகே பிப்ரவரி 25-ஆம் தேதி ஆர்ப்பாட்டம் நடத்தவும் முடிவு செய்யப்பட்டது.
போராளிகள் குழு மூத்த உறுப்பினர் ஆர்.அரங்கசாமி உள்ளிட்ட பலர் கூட்டத்தில் கலந்துகொண்டனர். உயர்நிலைக் குழு உறுப்பினர் பொன்.பன்னீர்செல்வம் வரவேற்றார். எம்.மாறன் நன்றி கூறினார்.
 

]]>
https://www.dinamani.com/all-editions/edition-nagapattinam/karaikal/2019/feb/10/காரைக்காலில்-ஜிப்மர்-மருத்துவக்-கல்லூரி-நிரந்தரமாக-அமைய-வலியுறுத்தல்-3092691.html
3092690 நாகப்பட்டினம் காரைக்கால் பாமக பிரமுகர் கொலை: பாஜக அஞ்சலி DIN DIN Sunday, February 10, 2019 12:42 AM +0530
திருபுவனத்தில் படுகொலை செய்யப்பட்ட பாமக பிரமுகர் ராமலிங்கத்தின் உருவப்படத்துக்கு பாஜகவினர் சனிக்கிழமை அஞ்சலி செலுத்தினர்.
திருபுவனத்தை சேர்ந்த ராமலிங்கம் அண்மையில் சிலரால் படுகொலை செய்யப்பட்டார். இச்சம்பவத்தை பல்வேறு கட்சியினர், அமைப்பினர் கண்டனம் தெரிவித்து வருகின்றனர். காரைக்கால் மாவட்ட பாஜக ஓபிசி அணி சார்பில் மதகடி பகுதியில் ராமலிங்கம் படத்துக்கு மரியாதை செலுத்தும் நிகழ்ச்சி நடைபெற்றது. அணியின் மாவட்டத் தலைவர் கோவிந்தன் தலைமை வகித்தார். பாஜக மாநில செயலர் எம். அருள்முருகன், பாஜக ஓபிசி அணி மாநில தலைவர் துரைசேனாதிபதி, இந்து முன்னணி காரைக்கால் மாவட்டத் தலைவர் கே.எஸ். விஜயன், பாஜகவை சேர்ந்த முத்துசாமி, அருளானந்தம், மணிகண்டன் உள்ளிட்ட பல்வேறு நிர்வாகிகள் கலந்துகொண்டனர். திட்டமிட்டு நிகழ்ந்த இந்த படுகொலையை கண்டித்தும், இக்கொலைக்கு காரணமானவர்கள் மீது கடும் நடவடிக்கை எடுக்கவேண்டும் என வலியுறுத்தி அஞ்சலி நிகழ்ச்சியில் பங்கேற்றோர் பேசினர்.
 

]]>
https://www.dinamani.com/all-editions/edition-nagapattinam/karaikal/2019/feb/10/பாமக-பிரமுகர்-கொலை-பாஜக-அஞ்சலி-3092690.html
3092689 நாகப்பட்டினம் காரைக்கால் ஒப்பந்த காலத்தை பணிக் காலமாக அறிவிக்க ஆசிரியர்கள் வலியுறுத்தல் DIN DIN Sunday, February 10, 2019 12:42 AM +0530
பணி நிரந்தரத்துக்கு முந்தைய காலத்தை பணிக் காலமாக கருதி ஆணை பிறப்பிக்கவேண்டும் என அமைச்சரை சனிக்கிழமை சந்தித்து ஆசிரியர்கள் வலியுறுத்தினர்.
புதுச்சேரி வேளாண் மற்றும் கல்வித் துறை அமைச்சர் ஆர். கமலக்கண்ணனை தொடக்கப் பள்ளி ஆசிரியர்கள், பட்டதாரி ஆசிரியர்கள் சிலர் சனிக்கிழமை அவரது இல்லத்தில் சந்தித்து பல்வேறு கோரிக்கைகளை முன்வைத்துப் பேசினர்.
இதுகுறித்து, ஆசிரியர்கள் தரப்பில் கூறியது:
கடந்த 2010-ஆம் ஆண்டு ஒப்பந்த அடிப்படையில் காரைக்காலில் 75 ஆசிரியர்கள் பள்ளிகளில் நியமிக்கப்பட்டனர். இவர்கள் 2012-ஆம் ஆண்டு நிரந்தரம் செய்யப்பட்டனர். இவர்களில் பலர் முன்னாள் ராணுவத்தினராகவும், வயது முதிர்ச்சி நிலையிலும் உள்ளனர். 2010 முதல் 2012-ஆம் ஆண்டு வரையிலான ஒப்பந்த காலத்தை பணிக் காலமாக கருதி அரசு ஆணை பிறப்பித்தால், ஓய்வு பெறும் நிலையை நோக்கியுள்ளோருக்கு பல சலுகைகள் கிடைக்கும் என்பதை அமைச்சரிடம் தெரிவித்தோம். 
இதுகுறித்து கல்வித் துறையின் உயர்மட்ட அதிகாரிகளிடம் கலந்துபேசி நடவடிக்கை எடுப்பதாக அமைச்சர் உறுதியளித்தார் என்றனர்.
மேலும், முன்மழலையர் வகுப்புக்கு (எல்கேஜி) ஆசிரியர்கள் இல்லாததால் தொடக்கப் பள்ளியின் பிற ஆசிரியர்களே அந்த பணியை செய்துவருகின்றனர். உடனடியாக முன் மழலையர்களுக்கான ஆசிரியர்களை அரசு நியமிக்கவேண்டும். தலைமையாசிரியர் பதவி உயர்வுக்கான நடவடிக்கைகளை எடுக்கவேண்டும். நடுநிலைப் பள்ளி, உயர்நிலைப் பள்ளிகள் சிலவற்றில் காலியாக உள்ள தலைமையாசிரியர் பணியிடங்களை நிரப்ப வேண்டும் என்றும் அமைச்சரிடம் வலியுறுத்தப்பட்டதாக தெரிவித்தனர். 
அத்துடன், கஜா புயலின்போது பள்ளி வளாகத்தினுள் விழுந்த மரங்கள் முறையாக அகற்றப்படவில்லை எனவும், பள்ளிகளில் கழிப்பறை வசதிகள் மேம்படுத்துதல், கூடுதல் வகுப்பறை தேவை குறித்தும் அமைச்சரிடம் வலியுறுத்தினர். 
இதற்கு, அடுத்த வாரத்தில் பள்ளிகளை ஆய்வு செய்து உரிய நடவடிக்கை எடுப்பதாக அமைச்சர் கூறியதாகத் தெரிவித்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/10/ஒப்பந்த-காலத்தை-பணிக்-காலமாக-அறிவிக்க-ஆசிரியர்கள்-வலியுறுத்தல்-3092689.html
3092688 நாகப்பட்டினம் காரைக்கால் வில்லுப்பாட்டு மூலம் சாலை பாதுகாப்பு விழிப்புணர்வு பிரசாரம் DIN DIN Sunday, February 10, 2019 12:42 AM +0530
காரைக்காலில் சாலைப் பாதுகாப்பு குறித்து, வில்லுப்பாட்டு மூலம் விழிப்புணர்வு பிரசாரம் மற்றும் மாணவர்கள் பேரணி வெள்ளிக்கிழமை நடைபெற்றது.
காரைக்கால் போக்குவரத்துத் துறை, போக்குவரத்துக் காவல் நிலையம் ஆகியவை இணைந்து சாலைப் பாதுகாப்பு விழிப்புணர்வு வார நிகழ்வுகளை பிப்ரவரி 4-ஆம் தேதி தொடங்கினர். முதல் நிகழ்ச்சியாக மண்டல போக்குவரத்துத் துறை அதிகாரி பி. பழனிச்சாமி தலைமையில் போக்குவரத்துத் துறையினர் மற்றும் போக்குவரத்துக் காவலர்கள் நகரப் பகுதியில் கனரக வாகனங்களின் ஆவணங்களை ஆய்வு செய்து, உரிய ஆலோசனைகளை ஓட்டுநர்களுக்குத் தெரிவித்தனர். விபத்தில்லா பயணத்துக்கு ஓட்டுநரின் பங்கு குறித்தும் அவர்கள் அறிவுறுத்தினர். தொடர்ந்து, சாலைப் பாதுகாப்பு தொடர்பான துண்டு பிரசுரங்கள் விநியோகம் நடைபெற்றது. வாகன ஓட்டுநர்களுக்கு கண், காது பரிசோதனை செய்யப்பட்டது.
தொடர் விழிப்புணர்வு நிகழ்வாக,  வில்லுப்பாட்டு மூலம் காரைக்கால் பேருந்து நிலையம் முதல் ஆட்சியரகம் வரையிலான விழிப்புணர்வு நிகழ்ச்சி வெள்ளிக்கிழமை நடைபெற்றது. ஆசிரியர் முருகன் தலைமையிலான குழுவினர் வில்லுப்பாட்டு மூலம் சாலையில் விபத்தில்லா பயணத்துக்கான பல்வேறு கருத்துகளை விளக்கிக் கூறினர்.
இந்த நிகழ்ச்சியை பின்தொடர்ந்து பள்ளி மாணவர்களும் பதாகைகள் ஏந்தி பேரணியாக சென்றனர். நிறைவாக ஆட்சியரகம் அருகே நடைபெற்ற நிகழ்ச்சியில் காரைக்கால் முதுநிலைக் காவல் கண்காணிப்பாளர் மகேஷ்குமார் பர்ன்வால் கலந்துகொண்டு மாணவர்களிடையே பேசியது: சாலை விபத்துகள் அதிகரிக்க பல்வேறு காரணிகள் உள்ளன. இவற்றை நாம்மால் கட்டுப்படுத்த முடியும். இருசக்கர வாகனங்களில் செல்லும்போது தலைக்கவசம் அணிவதும், போக்குவரத்து விதிகளைப் பின்பற்றி வாகனங்களை ஓட்டிச் செல்வதும் விபத்தில்லா நிலையை உருவாக்கும்.
அதிவேகமான பயணமும், செல்லிடப்பேசியை பயன்படுத்திக் கொண்டு செல்வதும், வாகனங்களை முந்த முற்படும்போதும், மது அருந்திவிட்டு வாகனம் ஓட்டும்போதும் ஏற்படும் விபத்துகள் அதிகம். எனவே, இவற்றையெல்லாம் மாணவர்கள் கருத்தில்கொண்டு விழிப்புணர்வு ஏற்படுத்தும் பணியில் ஈடுபடுவது வரவேற்புக்குரியதாக இருக்கும் என்றார். நிகழ்ச்சியில் காவல்துறையினர், போக்குவரத்துத் துறையினர், பள்ளி நாட்டு நலப்பணித் திட்ட அலுவலர்கள் உள்ளிட்டோர் 
கலந்துகொண்டனர்.
 

]]>
https://www.dinamani.com/all-editions/edition-nagapattinam/karaikal/2019/feb/10/வில்லுப்பாட்டு-மூலம்-சாலை-பாதுகாப்பு-விழிப்புணர்வு-பிரசாரம்-3092688.html
3092687 நாகப்பட்டினம் காரைக்கால் வங்கியாளர்கள், அரசுத்துறையினர் ஆலோசனைக் கூட்டம் DIN DIN Sunday, February 10, 2019 12:42 AM +0530
 காரைக்கால் மாவட்ட வங்கியாளர்கள், அரசு நிறுவனத்தினர் பங்கேற்ற ஆலோசனைக் கூட்டத்தில் அரசுத் திட்டங்களை விரைவாக அமல்படுத்துவது குறித்து ஆலோசனை நடத்தப்பட்டது.
மத்திய, மாநில அரசுகளின் திட்டங்களுக்கான கடனுதவியை வங்கிகள் அளிக்கின்றன. மேலும் நபார்டு வங்கி உள்ளிட்ட நிதியத்தில் கடன் பெற்று பல்வேறு வளர்ச்சித் திட்டங்கள் மேற்கொள்ளப்படுகின்றன. வங்கிகளின் செயல்பாடு, அரசு நிறுவனங்களின் செயல்பாடுகள் குறித்து ஆலோசனை நடத்தும் கூட்டம் காரைக்கால் பெருந்தலைவர் காமராஜர் நிர்வாக வளாகத்தில் வெள்ளிக்கிழமை நடைபெற்றது. மாவட்ட துணை ஆட்சியர் (பேரிடர் மேலாண்மை) பாஸ்கரன் தலைமை வகித்தார்.
புதுச்சேரி முன்னோடி வங்கியான இந்தியன் வங்கி இந்த கூட்டத்தை நடத்தியது. முன்னோடி வங்கி சார்பில் அதிகாரி சந்திரசேகர் கலந்துகொண்டு வங்கிகளின் செயல்பாடுகள் குறித்துப் பேசினார்.
ரிசர்வ் வங்கியின் வழிகாட்டல்கள், நிதியை செலவிடும் முறை குறித்து ரிசர்வ் வங்கி சென்னை துணைப் பொதுமேலாளர் தியாகராஜன் பேசினார். நபார்டு வங்கி புதுச்சேரி துணைப் பொதுமேலாளர் உமா குருமூர்த்தி, நபார்டு மூலம் காரைக்கால் பகுதியின் வளர்ச்சித் திட்டங்களுக்கு அளித்த நிதி குறித்து பேசினார். 
அரசின் திட்டங்களை நடைமுறைப்படுத்த தேவையான நிதியுதவியை வங்கிகள் அளிக்க வேண்டும். நிதியுதவியைப் பெறும் பயனாளிகள், அரசு நிறுவனங்களும் அதனை நல்ல முறையில் பயன்படுத்த வேண்டும் என்ற பல்வேறு கருத்துகளை ரிசர்வ் வங்கி அதிகாரி, முன்னோடி வங்கி அதிகாரிகள் தரப்பில் அறிவுறுத்தப்பட்டது.
கடன் வழங்கல், வசூல் உள்ளிட்டவற்றில் உள்ள பல்வேறு இடர்பாடுகள் குறித்து வங்கியாளர்கள் விளக்கிக் கூறினர். இதற்குரிய ஆலோசனைகளை மூத்த அதிகாரிகள்  தெரிவித்தனர்.
 

]]>
https://www.dinamani.com/all-editions/edition-nagapattinam/karaikal/2019/feb/10/வங்கியாளர்கள்-அரசுத்துறையினர்-ஆலோசனைக்-கூட்டம்-3092687.html
3092685 நாகப்பட்டினம் காரைக்கால் கிராம பஞ்சாயத்து ஊழியர்களை பணி நிரந்தரம் செய்ய வலியுறுத்தல் DIN DIN Sunday, February 10, 2019 12:41 AM +0530
கிராம பஞ்சாயத்து அளவில் பணியாற்றும் ஊழியர்களை புதுச்சேரி அரசு பணி நிரந்தரம் செய்ய வேண்டும் என வலியுறுத்தப்பட்டது.
காரை பிரதேச கிராம பஞ்சாயத்து ஊழியர்கள் நலச் சங்கப் பொதுக்குழு கூட்டம் சங்கத் தலைவர் நாகராஜன் தலைமையில் சனிக்கிழமை நடைபெற்றது.   கடந்த 2011-ஆண்டு  புதுச்சேரி மாநிலத்தில் உள்ள 98 கிராம பஞ்சாயத்துகளுக்கு 196 தினக்கூலி கிராம பஞ்சாயத்து ஊழியர்கள் பணியமர்த்தப்பட்டனர். அவர்கள் கடந்த 8 ஆண்டுகளுக்கு மேலாக தினக்கூலி ஊழியர்களாக கொம்யூன் பஞ்சாயத்துகளில் வரி வசூல் செய்தல், நீர்த்தேக்கத் தொட்டி இயக்குதல், வாகனம் ஓட்டுதல், குடிநீர் குழாய் பழுது நீக்குதல், இரவு காவலர், திருமண மண்டப காப்பாளர், மின் சம்பந்தமான பணிகள் மற்றும் அலுவலகத்தில் எழுத்துப் பணிகளை செய்து வருகிறார்கள். தினக்கூலி கிராம பஞ்சாயத்து ஊழியர்களைப் பணி நிரந்தரம் செய்ய வேண்டும் என தொடர்ச்சியாக  அரசுக்கு கோரிக்கை வைக்கப்பட்டு வருகிறது. 
 சட்டப் பேரவை கூட்டத் தொடரில் கிராம பஞ்சாயத்து ஊழியர்கள் பணி நிரந்தரம் செய்யப்படவுள்ளதாக உள்ளாட்சித்துறை அமைச்சர் நமச்சிவாயம்  அறிவிப்பு வெளியிட்டார். சட்டப் பேரவையில் அறிவித்தபடி புதுச்சேரி அரசும், உள்ளாட்சித்துறையும்  தினக்கூலி  கிராம பஞ்சாயத்து ஊழியர் பதவிகளை அப்படியே நிரந்தர பதவிகளாக மாற்றம் செய்து, அப்பதவிகளின் கிராம பஞ்சாயத்து ஊழியர்களைப் பணி நிரந்தரம் செய்ய வேண்டும் என இப்பொதுக்குழு வலியுறுத்துகிறது.
கூட்டத்தில் சிறப்பு அழைப்பாளர்களாக அரசு ஊழியர் சங்கங்களின் சம்மேளன கௌரவத் தலைவர் ஜெய்சிங், பொதுச் செயலாளர் ஷேக் அலாவுதீன், அலுவலக செயலாளர் புகழேந்தி, காரை பிரதேச நகராட்சி மற்றும் கொம்யூன் பஞ்சாயத்து ஊழியர் சங்கங்களின் சம்மேளனத் தலைவர் ஐயப்பன், துணைத் தலைவர்கள் ஜோதிபாசு, உலகநாதன் ஆகியோர் சிறப்பு அழைப்பாளர்களாக கலந்துகொண்டனர். சங்கச் செயலாளர் சகாயராஜ்  வரவேற்றார். பொருளாளர் முருகபூபதி நன்றி கூறினார்.
இக்கூட்டத்தில் சங்க துணைச் செயலாளர் மகேந்திரன், செயற்குழு  உறுப்பினர்கள்  முத்துக்குமார், ராஜேஷ், பாக்கியராஜ், சதீஷ், முருகவேல் உள்ளிட்ட பொதுக்குழு உறுப்பினர்கள் கலந்துகொண்டனர்.

]]>
https://www.dinamani.com/all-editions/edition-nagapattinam/karaikal/2019/feb/10/கிராம-பஞ்சாயத்து-ஊழியர்களை-பணி-நிரந்தரம்-செய்ய-வலியுறுத்தல்-3092685.html
3092153 நாகப்பட்டினம் காரைக்கால் மாநில அரசின் இடஒதுக்கீட்டு கொள்கைப்படி நியமனங்கள்: திமுக வலியுறுத்தல் DIN DIN Saturday, February 9, 2019 06:06 AM +0530 புதுச்சேரி மாநிலத்தில், மாநில அரசின் இட ஒதுக்கீட்டு கொள்கையின் அடிப்படையில் பணி நியமனங்கள் செய்ய அரசு நடவடிக்கை எடுக்க வேண்டும் என திமுக வலியுறுத்தியுள்ளது.
இதுதொடர்பாக, காரைக்கால் திமுக அமைப்பாளரும், முன்னாள் அமைச்சருமான ஏ.எம்.எச். நாஜிம் செய்தியாளர்களிடம்  வெள்ளிக்கிழமை கூறியது: 
புதுச்சேரி யூனியன் பிரதேசத்தை பொருத்தவரை அரசு வேலை வாய்ப்பில் குரூப் சி மற்றும் டி பிரிவு பணிகளுக்கு மட்டுமே ஊழியர்களை நியமனம் செய்யும் அதிகாரம் மாநில அரசுக்கு உள்ளது.
 இப்பணியிடங்களில் மட்டுமே மாநில அரசின் கொள்கை முடிவிலான இட ஒதுக்கீட்டில் பிற்படுத்தப்பட்டோர், பிற்படுத்தப்பட்டோர்(முஸ்லிம்), பிற்படுத்தப்பட்டோர் (பழங்குடியினர்) மிகவும் பிற்படுத்தப்பட்டோர் (வன்னியர்கள்) பொருளாதாரத்தில் பின்தங்கியோர் (மீனவர்கள்) என்ற உள் ஒதுக்கீட்டின் அடிப்படையில் பணி நியமனம் செய்யப்படும்.
இந்நிலையில் 6-ஆவது ஊதியக் குழு பரிந்துரையின் அடிப்படையில் புதுச்சேரியில் டி பிரிவு பணியிடங்கள் முற்றிலும் ஒழிக்கப்பட்டுவிட்டன. ஆசிரியர், செவிலியர், காவல் உதவி ஆய்வாளர், பொதுப்பணித் துறை இளநிலைப் பொறியாளர் உள்ளிட்ட பல சி பிரிவு பணியிடங்கள் குரூப் பி (அரசிதழ் பதிவு பெறாத) பணியிடங்களாக மாற்றப்பட்டுவிட்டன.
 இந்தப் பணியிடங்களை மாநில அரசு தனது கொள்கை அடிப்படையிலான உள் இடஒதுக்கீடு மூலம் நியமனம் செய்ய முடியுமா என்ற சந்தேகம் எழுந்த நிலையில், இது சம்பந்தமாக அப்போது நான் சட்டப்பேரவையில் கேட்டுக் கொண்டதன் அடிப்படையில் எழுத்துப்பூர்வமாக மத்திய அரசு பணியாளர் தேர்வாணையத்திடம் விளக்கம் கேட்கப்பட்டது.
 மாநில அரசே இதுகுறித்து முடிவெடுத்துக் கொள்ளலாம் என மத்திய தேர்வாணையம் கூறிவிட்டது. பின்னர் பிற்படுத்தப்பட்டோர் ஆணையத்திற்கும், சட்டத் துறைக்கும் இந்த விவகாரம் கொண்டு செல்லப்பட்ட நிலையில் அவர்களும் மாநில அரசே கொள்கை முடிவெடுத்துக் கொள்ளலாம் என தெரிவித்துவிட்டனர்.
 இது தொடர்பான நடைமுறைகள் முடிந்து 4 ஆண்டுகளாகிவிட்ட நிலையில் மாநில அரசு இதனை இன்னும் நடைமுறைப்படுத்தாமல் உள்ளது. இதனால் பல்வேறு பிற்படுத்தப்பட்ட சமுதாயங்களைச் சேர்ந்த வேலை வாய்ப்பற்ற இளைஞர்கள் பாதிக்கப்படும் நிலை ஏற்பட்டுள்ளது. போராடி பெற்ற உள் இடஒதுக்கீட்டு உரிமை பறிக்கப்பட்டுள்ள நிலை உருவாகியுள்ளது. அதனால், புதுச்சேரி அரசு இதுகுறித்து உடனடியாக அரசாணை வெளியிட்டு உள் இடஒதுக்கீட்டின் அடிப்படையில் பணி நியமனங்களை மேற்கொள்ள வேண்டும் என்றார்.

]]>
https://www.dinamani.com/all-editions/edition-nagapattinam/karaikal/2019/feb/09/மாநில-அரசின்-இடஒதுக்கீட்டு-கொள்கைப்படி-நியமனங்கள்-திமுக-வலியுறுத்தல்-3092153.html
3092152 நாகப்பட்டினம் காரைக்கால் அனுமதியை மீறி போராட்டம் நடத்தியதாக வழக்குப் பதிவு DIN DIN Saturday, February 9, 2019 06:05 AM +0530 காவல் துறையின் அனுமதியை மீறி போராட்டம் நடத்தியதாக இந்திய கம்யூனிஸ்ட் கட்சி நிர்வாகிகள் உள்ளிட்டோர் மீது வழக்குப் பதிவு செய்யப்பட்டுள்ளது. 
காரைக்கால் பகுதியில் உள்ள சாலைகளின் சீர்கேடுகளை கண்டித்து இந்திய கம்யூனிஸ்ட் கட்சி சார்பில் வியாழக்கிழமை பேருந்து நிலைய வளாகத்திலிருந்து பேரணியாகச் சென்று, தலைமை தபால் நிலையம் அருகே உள்ள சாலையில் நாற்று நட்டு போராட்டம் நடத்தினர். காவல் துறையிடம் ஊர்வலம் மற்றும் சாலையில் நாற்று நட்டு போராட்டம் நடத்த அனுமதி கோரப்பட்டிருந்தது. இந்நிலையில், ஊர்வலத்துக்கு மட்டுமே காவல் துறை அனுமதித்ததாக கூறப்படுகிறது.
இந்நிலையில், ஊர்வலமாக சென்ற கட்சியினர் சாலையில் நாற்று நட்டு போராட்டம் நடத்தினர். இதுதொடர்பாக காரைக்கால் இந்திய கம்யூனிஸ்டு வட்டச் செயலர் க. மதியழகன், துணைச் செயலர் வி.ஜி. பாலசுப்ரமணியன் உள்ளிட்ட மேலும் சிலர் மீது காரைக்கால் நகரக் காவல் நிலையத்தில், அனுமதியை மீறி போராட்டம் நடத்தியதாக வழக்குப் பதிவு செய்யப்பட்டுள்ளது.

]]>
https://www.dinamani.com/all-editions/edition-nagapattinam/karaikal/2019/feb/09/அனுமதியை-மீறி-போராட்டம்-நடத்தியதாக-வழக்குப்-பதிவு-3092152.html
3092151 நாகப்பட்டினம் காரைக்கால் காரைக்கால் தொழில்நுட்பக் கல்லூரியில் வளாக நேர்காணல்: 80 மாணவர்களுக்கு பணி வாய்ப்பு DIN DIN Saturday, February 9, 2019 06:05 AM +0530 காரைக்கால் தொழில்நுட்பக் கல்லூரியில் நடைபெற்ற வளாக நேர்காணலில் 80 மாணவர்கள் பணி வாய்ப்பு பெற்றனர்.
புதுச்சேரி அரசு கல்வி நிறுவனமான காரைக்கால் தொழில்நுட்பக் கல்லூரியில் 2019-ஆம் ஆண்டுக்கான வளாக நேர்காணல் முகாம் வியாழக்கிழமை நடைபெற்றது. இதில் காரைக்கால் தொழில்நுட்பக் கல்லூரி, ஏழுமலையான் தொழில்நுட்பக் கல்லூரி, வலிவலம் தேசிகர் தொழில்நுட்பக் கல்லூரி மாணவர்கள் 200-க்கும் மேற்பட்டோர் கலந்துகொண்டனர். சென்னையைச் சேர்ந்த அப்பல்லோ டயர்ஸ் நிறுவனத்தில் பணியாற்றுவதற்கு தகுதியானவர்களை தேர்வு செய்யும் வகையில்,  நிறுவனத்தின் மனிதவள அதிகாரிகள் எஸ். ஆடலரசன், என்.தேவராஜ், மணிகண்டன் உள்ளிட்ட குழுவினர் வந்திருந்தனர்.
தொழில்நுட்பக் கல்லூரியில் பல்வேறு பிரிவில் பயிலும் இறுதியாண்டு மாணவர்கள் இந்த தேர்வில் பங்கேற்றனர். எழுத்துத் தேர்வு மற்றும் நேர்முகத் தேர்வு மூலம் இறுதியாக 80 பேருக்கு வேலைக்கான நியமன ஆணை வழங்கப்பட்டது.
மாணவர்களை வாழ்த்தியும், நிறுவனத்துக்கு நன்றி தெரிவித்தும் காரைக்கால் கல்லூரி முதல்வர் டி.சந்தனசாமி, ஜெ.ஜெயப்பிரகாஷ், டி.திருமுருகன் மற்றும் பேராசிரியர்கள் பேசினர்.
வேலைக்குத் தேர்வு செய்யப்பட்டவர்கள் இறுதியாண்டுத் தேர்வு முடிந்த பின்னர் பணியில் சேர்ந்துகொள்ளலாம் எனவும், இவர்களுக்கு மாதம் ரூ.14 ஆயிரம் ஊதியமாக தரப்படுமெனவும், 3 ஆண்டுகளில் பணி நிரந்தரம் செய்யப்படுமெனவும் நிறுவனத்தினர் உறுதியளித்தனர்.

]]>
https://www.dinamani.com/all-editions/edition-nagapattinam/karaikal/2019/feb/09/காரைக்கால்-தொழில்நுட்பக்-கல்லூரியில்-வளாக-நேர்காணல்-80-மாணவர்களுக்கு-பணி-வாய்ப்பு-3092151.html
3092150 நாகப்பட்டினம் காரைக்கால் தை கடைசி வெள்ளி: அம்பகரத்தூர் கோயிலில் திருவிளக்கு வழிபாடு DIN DIN Saturday, February 9, 2019 06:05 AM +0530 தை மாத கடைசி வெள்ளிக்கிழமையையொட்டி அம்பகரத்தூர் ஸ்ரீ பத்ரகாளியம்மன் கோயிலில் 2 ஆயிரத்துக்கும் மேற்பட்ட பக்தர்கள் பங்கேற்ற திருவிளக்கு  வழிபாடு நடைபெற்றது.
இக்கோயிலில் ஆண்டுதோறும் தை மாத வெள்ளிக்கிழமைகளில் சிறப்பு ஆராதனைகள் நடத்தப்பட்டுவந்தது. கடைசி வெள்ளியான பிப்ரவரி 8-ஆம் தேதி கோயில் வளாகத்தில் உள்ள மண்டபத்தில்  2008 பக்தர்கள் பங்கேற்கும் திருவிளக்கு பூஜைக்கு ஏற்பாடு செய்யப்பட்டிருந்தது.
முன்பே பதிவு செய்துகொண்டபடி காலை 10.30 மணியளவில் பக்தர்கள் அமர்ந்து திருவிளக்கு வழிபாட்டில் ஈடுபட்டனர். சுமார் ஒரு மணி நேரத்துக்கும் மேலாக பூஜை நடைபெற்றது. தொடர்ந்து, அம்பாளுக்கு சிறப்பு ஆராதனைகள் நடத்தப்பட்டன. திருவிளக்கு வழிபாட்டில் பங்கேற்றோர் மட்டுமல்லாது, பல்வேறு பகுதிகளில் இருந்து கடைவெள்ளியில் அம்பாளை தரிசனம் செய்ய பக்தர்கள் திரண்டு வந்திருந்தனர். பூஜை நிறைவில் அன்னதானம் வழங்கப்பட்டது.  இப்பூஜையையொட்டி, வழிபாட்டு  தளத்திற்கு  அம்மன் சிறப்பு அலங்காரத்தில் எழுந்தருளச் செய்யப்பட்டார். மூலஸ்தானத்தில் அருள்பாலிக்கும்  ஸ்ரீ பத்ரகாளியம்மனுக்கும் சிறப்பு ஆராதனைகள் நடத்தப்பட்டன.  ஏற்பாடுகளை கோயில் அறங்காவல்  குழுவினர் செய்திருந்தனர்.   
இதேபோல், பல்வேறு கோயில்களிலும் தை கடைசி வெள்ளிக்கிழமையையொட்டி சிறப்பு வழிபாடுகள் நடைபெற்றன.                                         
 

]]>
https://www.dinamani.com/all-editions/edition-nagapattinam/karaikal/2019/feb/09/தை-கடைசி-வெள்ளி-அம்பகரத்தூர்-கோயிலில்-திருவிளக்கு-வழிபாடு-3092150.html
3092149 நாகப்பட்டினம் காரைக்கால் திருநள்ளாறு கோயில் குடமுழுக்கு: பாதுகாப்புப் பணியில் 500 போலீஸார்: எஸ்.எஸ்.பி. ஆய்வு DIN DIN Saturday, February 9, 2019 06:04 AM +0530 திருநள்ளாறு கோயில் குடமுழுக்கு விழாவையொட்டி பாதுகாப்புப் பணியில் 500 போலீஸார் ஈடுபட்டுள்ளனர்.
திருநள்ளாறு ஸ்ரீ தர்பாரண்யேசுவரர் கோயில் குடமுழுக்கு விழா வரும் திங்கள்கிழமை காலை 9.10 முதல் 10.10 மணிக்குள் நடைபெறவுள்ளது. இதற்கான 8 கால யாகசாலை பூஜைகள் வியாழக்கிழமை இரவு தொடங்கின. 
குடமுழுக்கு விழாவுக்கு பாதுகாப்பு அளிக்கும் வகையில் காரைக்கால் மாவட்டத்தில் உள்ள 350 போலீஸாரும், புதுச்சேரியிலிருந்து 150 போலீஸாரும் வரவழைக்கப்பட்டு, பாதுகாப்புப் பணியில் ஈடுபடுத்தப்பட்டுள்ளனர். மாவட்ட முதுநிலைக் காவல் கண்காணிப்பாளர் மகேஷ்குமார் பர்ன்வால், காவலர்கள் எவ்வாறு பாதுகாப்புப் பணியில் ஈடுபடவேண்டும் என்பது குறித்து கோயில் வளாகத்தில் வெள்ளிக்கிழமை பயிற்சி அளித்தார்.
காவல்துறையினர் இதுகுறித்து கூறும்போது, "கோயிலின் உள் பகுதியிலும், வெளிப்புறத்திலும் குறிப்பிட்ட  இடங்களில் காவல் ஆய்வாளர், உதவி ஆய்வாளர்கள் உள்ளிட்ட காவலர்கள், ஊர்க்காவல் படையினர் பணியமர்த்தப்பட்டுள்ளனர். இவர்களுக்கென கண்காணிப்பு, பாதுகாப்பு தரும் எல்லைகள் வகுக்கப்பட்டுள்ளன. இதற்கான ஒத்திகை தற்போது நடைபெற்றுள்ளது. அவரவர்களுக்கு ஒதுக்கப்பட்ட  இடங்களில் போலீஸார் பணிகளை மேற்கொள்ளத் தொடங்கிவிட்டனர். மகளிர் போலீஸார் உள்ளிட்டோரும் பாதுகாப்புப் பணியில் கூடுதலாக உள்ளனர்.  சீருடையில்லா காவலர்களும் பக்தர்கள் இருக்கும் பகுதியில் தீவிரமான கண்காணிப்பில் ஈடுபடுவர். கோயில் வளாகத்தில் சிறப்புக் காவல் கட்டுப்பாட்டு அறை திறக்கப்பட்டுள்ளது. தவிர, 250-க்கும் மேற்பட்ட என்.சி.சி., என்.எஸ்.எஸ். மாணவர்களும் பக்தர்களை ஒழுங்குப்படுத்துதல், உதவி  செய்தல் உள்ளிட்ட  பணிகளில் ஈடுபடுவர். இவர்களுக்கு அதற்கான பயிற்சியை காவல்துறை அளித்துள்ளது. தொடர் திருட்டு, வழிப்பறி போன்ற குற்றச் செயலில் ஈடுபடுவோர்  குறித்த விவரம் புகைப்படத்துடன் ஆங்காங்கே பதாகையாக வைக்கப்படுகிறது. பதாகையில் இருப்போர் பக்தர்களிடையே உலாவுதல் தெரியவந்தால், அருகில் உள்ள போலீஸாருக்கு தெரிவிக்க பக்தர்கள் கேட்டுக்கொள்ளப்படுகிறார்கள். பக்தர்கள் தங்களது விலை மதிப்பு மிக்க ஆபரணங்கள், உடைமைகள் மற்றும் குழந்தைகளை உரிய பாதுகாப்புடன் வைத்திருக்க கேட்டுக்கொள்ளப்படுகிறார்கள் எனத் தெரிவித்தனர்.
ஆய்வின்போது, மண்டல காவல் கண்காணிப்பாளர்கள் மாரிமுத்து, வீரவல்லவன் மற்றும் ஆய்வாளர்கள், உதவி ஆய்வாளர்கள் உடனிருந்தனர்.

]]>
https://www.dinamani.com/all-editions/edition-nagapattinam/karaikal/2019/feb/09/திருநள்ளாறு-கோயில்-குடமுழுக்கு-பாதுகாப்புப்-பணியில்-500-போலீஸார்-எஸ்எஸ்பி-ஆய்வு-3092149.html
3092148 நாகப்பட்டினம் காரைக்கால் பள்ளி மாணவர்களுக்கு குடல்புழு நீக்கும் பூச்சி மாத்திரை வழங்கும் பணி DIN DIN Saturday, February 9, 2019 06:04 AM +0530 காரைக்கால் மாவட்டத்தில் உள்ள பள்ளி, கல்லூரி மாணவர்களுக்கு, குடல் புழு நீக்கும் பூச்சி மாத்திரைகள் வழங்கும் பணி வெள்ளிக்கிழமை தொடங்கியது. 
புதுச்சேரி அரசின் நலவழித் துறை, காரைக்கால் மாவட்ட சுகாதார இயக்கம் சார்பில் 1 முதல் 19 வயதுக்குள்பட்ட பள்ளி, கல்லூரி மாணவ மாணவியருக்கு, குடல் புழு நீக்கும் பூச்சி மாத்திரைகள் வழங்கப்பட்டன. மாத்திரைகள் வழங்கும் நிகழ்ச்சி, கோயில்பத்தில் உள்ள தந்தைப் பெரியார் அரசு மேல்நிலைப் பள்ளியில் வெள்ளிக்கிழமை நடைபெற்றது. நலவழித் துறை துணை இயக்குநர் (பொ)  க. மோகன்ராஜ்  கலந்துகொண்டு, மாணவர்களுக்கு மாத்திரைகளை வழங்கி பேசியது: குடல் புழு இல்லாத குழந்தைகளே ஆரோக்கியமான குழந்தைகளாவர். குடல் புழு உள்ள குழந்தைகள் எப்போதும் சோர்வாகவும், ஊட்டச் சத்து குறைபாடு மற்றும் ரத்த சோகையுடனும் காணப்படுவார்கள். இவர்கள் உடல், மன ரீதியில் பலவீனமாக காணப்படுவார்கள்.
எனவேதான் 1 முதல் 19 வயதுக்குள்பட்ட பள்ளி,  கல்லூரிக்கு செல்லும் மாணவர்கள், வளர் இளம் பருவத்தினர் அனைவருக்கும், பள்ளி, கல்லூரி, அங்கன்வாடி மையங்கள் மூலம் இலவசமாக மாத்திரைகள் வழங்கப்படுகிறது. மாவட்டம் முழுவதும் சுமார் 57 ஆயிரம் பேருக்கு இந்த மாத்திரைகள் வழங்க இலக்கு நிர்ணயித்து வழங்கப்பட்டுள்ளன என்றார்.
தயக்கமின்றி மாத்திரைகளை உட்கொள்ளலாம், பக்க விளைவுகள் இருக்காது, குழந்தைகள் ஆரோக்கியம் கருதியே நலவழித் துறையானது இந்த நடவடிக்கையை எடுத்துள்ளது. மாத்திரிகளை அந்தந்த பள்ளி, கல்லூரிகள், அங்கன்வாடி மையங்களுக்கு வழங்கப்பட்டுள்ளது  என அதிகாரிகள் தரப்பில் தெரிவிக்கப்பட்டது. நிகழ்ச்சியில், பள்ளி துணை முதல்வர் கே. கோவிந்தராஜன்,  நலவழித் துறை புள்ளியியல் அதிகாரி அன்பழகன், தொழில் நுட்ப உதவியாளர் தேவராஜ், பொது சுகாதார செவிலிய அதிகாரி ராஜேஸ்வரி, சுகாதார ஆய்வாளர்கள்  ஆண்ட்ரூஸ், சிவவடிவேல், சுகாதார உதவியாளர் செல்வமதன் மற்றும் ஆசிரியர்கள் கலந்துகொண்டனர். ஏற்பாடுகளை, நலவழித்துறை சுகாதார உதவியாளர் சரண்யா மற்றும் செவிலியர்கள் செய்திருந்தனர். 
 

]]>
https://www.dinamani.com/all-editions/edition-nagapattinam/karaikal/2019/feb/09/பள்ளி-மாணவர்களுக்கு-குடல்புழு-நீக்கும்-பூச்சி-மாத்திரை-வழங்கும்-பணி-3092148.html
3092147 நாகப்பட்டினம் காரைக்கால் காரைக்காலுக்கு நிரந்தர ஆட்சியரை நியமிக்க வலியுறுத்தல் DIN DIN Saturday, February 9, 2019 06:04 AM +0530 காரைக்காலுக்கு நிரந்தரமாக ஆட்சியரை நியமிக்க புதுச்சேரி அரசு விரைந்து நடவடிக்கை எடுக்க வேண்டும் என விடுதலைச் சிறுத்தைகள் கட்சி வலியுறுத்தியுள்ளது. 
இதுகுறித்து, அக்கட்சியின் மாநில அரசியல் குழு துணைச் செயலர் பொன். செந்தமிழ்ச்செல்வன் வெளியிட்டுள்ள அறிக்கை: காரைக்கால் மாவட்ட ஆட்சியராக பணியாற்றி வந்தவர் பணியிடமாற்றம் செய்யப்பட்டு இருவார காலத்துக்கு மேலாகியும், அந்த இடத்துக்கு நிரந்தரமான ஆட்சியரை புதுச்சேரி அரசு இதுவரை நியமிக்கவில்லை. சார்பு ஆட்சியரே கூடுதலாக ஆட்சியர் பொறுப்பையும் கவனித்து வருகிறார். சார்பு ஆட்சியரும் அவருடைய சார்பு ஆட்சியர் அலுவலகத்திலேயே பணியாற்றுகிறார். ஆட்சியர் அலுவலகம் வெறிச்சோடிக் காணப்படுகிறது. ஆட்சியரகத்துக்கு குறைகள் தெரிவிக்க செல்லும் மக்கள் ஏமாற்றமடைகிறார்கள். குறைகளை எங்கு கூறி விமோசனம் பெறுவது என மக்களுக்குத் தெரியாத நிலை நீடிக்கிறது.
சார்பு ஆட்சியருக்கு ஆட்சியர் பணியும் கூடுதலாக வழங்கப்பட்டுள்ளது. அவருக்கு ஏற்கெனவே திருநள்ளாறு கோயில் நிர்வாக அதிகாரி, ஜெயப்பிரகாஷ் நாராயண் கூட்டுறவு நூற்பாலை மேலாண் இயக்குநர் உள்ளிட்டவற்றையும் கூடுதலாக வழங்கப்பட்டுள்ளது. ஆட்சியர் பணி என்பது ஒரு நபர் பார்க்கக்கூடியது. பல்வேறு பணிகளை சேர்த்துக் கொண்டு ஆட்சியர் பணியை ஒருவர் பார்ப்பது என்பது கடும் சுமை என்பததோடு, பெரும் மன உளைச்சலையும் ஏற்படுத்தும் என்பதை அரசு ஏன் உணராமல் இருக்கிறது என்பது புரியவில்லை.
இதுபோன்ற கூடுதல் பொறுப்புகள் ஒருவருக்குத் தரப்படுவதால், எந்த துறையையும் அவரால் முழுமையாக கவனிக்க முடியாமல் போய்விடும் என்பதையும் அரசு புரிந்துகொள்ளவில்லை. தற்போது, திருநள்ளாறு தர்பாரண்யேசுவரர் கோயில் குடமுழுக்குக்கான பணிகள் நடைபெறுவதால், சார்பு ஆட்சியர் அப்பணியில் தீவிரம் காட்டிவருகிறார். ஆட்சியரகத்தில் மக்கள் அவரை சந்திக்க முடியாமல் தவிக்கிறார்கள்.
புதுச்சேரியில் மாவட்ட ஆட்சியர் உள்ளிட்ட ஒவ்வொரு அரசுத் துறைக்கும் தனித்தனி அதிகாரிகள் நியமிக்கப்பட்டுள்ள நிலையில், காரைக்காலில் மட்டும் ஆட்சியர் உள்ளிட்ட பல்வேறு பதவிகள் பிறருக்கு கூடுதல் பொறுப்பாக தரப்படுவதை காரைக்காலை அரசு புறக்கணிக்கிறதோ என எண்ணத் தோன்றுகிறது. காரைக்கால் அரசு பொதுமருத்துவமனையை பல்வேறு விதத்தில் மேம்படுத்தவேண்டும் என்ற கோரிக்கையை அரசு நிறைவேற்றவில்லை. மாவட்ட ஆட்சியர் இருந்தால் மட்டுமே இதுபோன்றவற்றில் ஏற்படும் பிரச்னைகளுக்கு ஓரளவு தீர்வு ஏற்படுத்த முடியும். எனவே விரைந்து காரைக்காலுக்கு நிரந்தர ஆட்சியரை நியமிக்கவேண்டும். இல்லையெனில் விடுதலைச் சிறுத்தைகள் கட்சியின் சார்பில் காரைக்காலில் அரசைக் கண்டித்து போராட்டம் நடத்தப்படும் என அதில் கூறப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/09/காரைக்காலுக்கு-நிரந்தர-ஆட்சியரை-நியமிக்க-வலியுறுத்தல்-3092147.html
3091342 நாகப்பட்டினம் காரைக்கால் எதிர்க்கட்சிக்கான கடமைகளில் இருந்து என்.ஆர். காங்கிரஸ் விலகி நிற்கிறது: இந்திய கம்யூனிஸ்ட் குற்றச்சாட்டு ஆர். விஸ்வநாதன். DIN Friday, February 8, 2019 01:16 AM +0530 எதிர்க்கட்சிக்கான கடமைகளில் இருந்து விலகி நிற்பதோடு, ஆட்சியை மட்டுமே குறிக்கோளாகக் கொண்டு புதுச்சேரி என்.ஆர். காங்கிரஸ் செயல்படுவதாக இந்திய கம்யூனிஸ்ட் கட்சி குற்றஞ்சாட்டியுள்ளது.
இந்திய கம்யூனிஸ்ட் கட்சியின் மூத்த தலைவரும், சுதந்திரப் போராட்ட வீரருமான வ. சுப்பையா பிறந்தநாளையொட்டி, அவரது உருவப்படம் காரைக்கால் புதிய பேருந்து நிலைய வாயிலில் அலங்கரித்து வைக்கப்பட்டு, மரியாதை செய்யும் நிகழ்ச்சி வியாழக்கிழமை நடைபெற்றது. நிகழ்ச்சிக்கு, காரைக்கால் வட்டச் செயலர் ப. மதியழகன் தலைமை வகித்தார். கட்சியின் மூத்த தலைவரும், முன்னாள் அமைச்சருமான ஆர். விஸ்வநாதன், தேசியக்குழு உறுப்பினர் ஏ. ராமமூர்த்தி ஆகியோர் கலந்துகொண்டனர்.
பின்னர், செய்தியாளர்களிடம் ஆர். விஸ்வநாதன் கூறியது :
புதுச்சேரியில் என்.ஆர். காங்கிரஸ் ஆட்சியில்தான் பொதுத்துறை நிறுவனங்கள் வெகுவாக பின்தங்கும் நிலை ஏற்பட்டது. மாநிலத்தில் நிதி நிலைமை மோசமானதற்கு ரங்கசாமியே பொறுப்பு. தற்போது காங்கிரஸ் ஆட்சியின் செயலை நாங்கள் ஆதரிக்கவில்லை. எனினும், மாநிலத்தில் பிரதான எதிர்க்கட்சியாக இருக்கும் என்.ஆர். காங்கிரஸ், காங்கிரஸ் ஆட்சியின் மீதான வெறுப்பை பயன்படுத்தி மீண்டும் ஆட்சிக்கு வருவதையே சிந்திக்கிறது. அக்கட்சி எதிர்க்கட்சிக்குரிய கடமைகளில் இருந்து விலகி நிற்பது வேதனைக்குரியது.
 புதுச்சேரி மாநிலத்தில் எந்தவொரு மக்கள் நலத் திட்டங்களும் ஆட்சியாளர்களால் செயல்படுத்தப்படவில்லை. புதுச்சேரிக்கு மாநில அந்தஸ்து வேண்டும் என்பதே எங்கள் நிலைப்பாடு. மத்திய அரசு பொருளாதார நிலையில் பின்தங்கிய உயர் வகுப்பினருக்கு 10 சதவீத இட ஒதுக்கீடு கொண்டுவந்து பெரும்பான்மை மக்களுக்கு துரோகம் செய்துள்ளது. 
அதுபோன்று இல்லாமல் புதுச்சேரியில் பிற்படுத்தப்பட்டோருக்கு 63 சதவீதம் இட ஒதுக்கீடு வேண்டும் என நான் சட்டப் பேரவை உறுப்பினராக இருந்தபோது, கொண்டுவந்த தனிநபர் மசோதாவை தற்போது நிறைவேற்றவேண்டும்.
காரைக்காலில் விமான தளம் அமைக்க அரசு ஆதரவு தருவது மோசமான நடவடிக்கையாகும். காரைக்கால் அனைத்து நிலைகளிலும் மிகவும் பின்தங்கியுள்ளது.
இலவச அரிசி திட்டத்தை துணை நிலை ஆளுநர் முடக்கவில்லை என பாஜக கூறுவது வடிகட்டிய பொய். இலவச அரிசி வழங்கும் திட்டக் கோப்புக்கு அனுமதி தராமல் தடுத்தது துணை நிலை ஆளுநர்தான். மத்திய பட்ஜெட்டை புதுச்சேரியில் பாஜக, என்.ஆர்.காங்கிரஸ்,  அதிமுக, துணை நிலை ஆளுநர் ஆகியோர் வரவேற்றனர். இதிலிருந்து மக்களுக்கு எதிரான  பாஜகவின் போக்கில்  துணை நிலை ஆளுநர் ஆதரவாக இருப்பது உறுதியாகிறது.
மத்திய பாஜக ஆட்சியால் நாட்டு மக்கள் எந்த பயனையும் அடையவில்லை. உலகிலேயே வேலைவாய்ப்புக்காக இளைஞர்கள் அலையும் நாடாக இந்தியா உருவெடுத்துள்ளதற்கு பிரதமர் நரேந்திர மோடியே காரணம். ரஃபேல் போர் விமான ஊழல் நாட்டு மக்களுக்கு நன்கு தெரிந்திருக்கிறது. ஆனால் ஊழலே  இல்லாமல் ஆட்சி நடத்தியதாக நரேந்திர மோடி கூறி மக்களை ஏமாற்றுகிறார். மக்களை பிளவுப்படுத்தி, அரசியல் ஆதாயம் தேடுகிறது பாஜக. மக்கள் விரோத, மதவெறியுடன் செயல்படும் ஆட்சி மீண்டும் அமைவதற்கு வாய்ப்பே இல்லை என்றார் 

 

]]>
https://www.dinamani.com/all-editions/edition-nagapattinam/karaikal/2019/feb/08/எதிர்க்கட்சிக்கான-கடமைகளில்-இருந்து-என்ஆர்-காங்கிரஸ்-விலகி-நிற்கிறது-இந்திய-கம்யூனிஸ்ட்-குற்றச்சா-3091342.html
3091340 நாகப்பட்டினம் காரைக்கால் சாலை சீர்கேடுகளைக் கண்டித்து நாற்று நடும் போராட்டம் DIN DIN Friday, February 8, 2019 01:16 AM +0530 காரைக்கால் முழுவதும் சாலைகள் பெருமளவு சீர்கெட்டுள்ளதை சீர்படுத்தாத அரசைக் கண்டித்து வியாழக்கிழமை இந்திய கம்யூனிஸ்ட் கட்சியினர் சாலையில் நாற்று நடும் போராட்டத்தில் ஈடுபட்டனர். 
காரைக்கால் மாவட்ட இந்திய கம்யூனிஸ்ட் கட்சி சார்பில், காரைக்காலில் சாலைகளின் சீர்கேடுகளை களையவேண்டும், 100 நாள் வேலைத் திட்டத்தை 200 நாளாக உயர்த்தவேண்டும், கிராமப்புற குடிசைகளுக்கு மாற்றாக காங்கிரீட் வீடு கட்டுவதற்கு அரசு திட்ட உதவிகளை வழங்கவேண்டும், மாவட்டம் முழுவதும் கருவேல மரங்களை அழிக்க நடவடிக்கை எடுக்க வேண்டும், சுற்றுச்சூழலை மாசுப்படுத்தும் தொழிற்சாலைகளுக்கான அங்கீகாரத்தை ரத்து செய்யவேண்டும் உள்ளிட்டவற்றை வலியுறுத்தி வியாழக்கிழமை பிரசார இயக்கம் தொடங்கியது. 
காரைக்கால் பேருந்து நிலையத்திலிருந்து தலைமைத் தபால் நிலையம் வரை பேரணியாக சென்ற கட்சியினர், சாலை சீர்கேட்டைக் கண்டித்து சாலையில் உள்ள பள்ளத்தில் நாற்று நட்டு கோஷம் எழுப்பினர். இதில், முன்னாள் அமைச்சர் ஆர். விஸ்வநாதன், தேசியக் குழு உறுப்பினர் ஏ. ராமமூர்த்தி, காரைக்கால் வட்ட  செயலர் ப. மதியழகன், கட்சியின் விவசாய சங்க மாவட்டத் தலைவர் ஜி. கலியமூர்த்தி, செயலர் ஜி.புண்ணியமூர்த்தி, மாவட்டக் குழு உறுப்பினர் என். பிச்சையன், மாவட்ட துணைச் செயலர் பாலசுப்ரமணியன் உள்ளிட்டோர் பங்கேற்றனர்.
தொடர்ந்து, சனிக்கிழமை (பிப்ரவரி.9) தேதி வரை நடைபெறும் பிரசார இயக்கத்தில் மாவட்டத்தின் பல்வேறு இடங்களில் இதுபோன்ற போராட்டம் நடத்தப்படும் என கட்சியினர் தெரிவித்தனர். பேரணியில் உள்ளிட்டோரும் கலந்துகொண்டனர்.

]]>
https://www.dinamani.com/all-editions/edition-nagapattinam/karaikal/2019/feb/08/சாலை-சீர்கேடுகளைக்-கண்டித்து-நாற்று-நடும்-போராட்டம்-3091340.html
3091338 நாகப்பட்டினம் காரைக்கால் தர்பாரண்யேசுவரர் கோயிலில் யாகசாலை பூஜைகள் DIN DIN Friday, February 8, 2019 01:15 AM +0530 திருநள்ளாறு ஸ்ரீதர்பாரண்யேசுவரர் கோயிலில் யாகசாலை பூஜைகள் வியாழக்கிழமை இரவு தொடங்கியது.
திருநள்ளாறு ஸ்ரீ பிரணாம்பிகை அம்பாள் சமேத ஸ்ரீ தர்பாரண்யேசுவரர் கோயில் குடமுழுக்கு விழா பிப்ரவரி 11-ஆம் தேதி காலை 9.10 முதல் 10.10 மணிக்குள் நடைபெறவுள்ளது. 2006-ஆம் ஆண்டு குடமுழுக்கு நடைபெற்ற நிலையில் 12 ஆண்டுகள் நிறைவடைந்ததும் திருப்பணிகள் செய்யப்பட்டு குடமுழுக்கு விழா நடத்தப்படுகிறது. கோயிலின் வெளி பிராகாரத்தில் 3 யாகசாலை மண்டபங்கள் அமைக்கப்பட்டு, அதற்குள் யாக குண்டங்கள், மூர்த்திகளின் கலசங்கள் வைக்கக் கூடிய மேடை உள்ளிட்டவை அமைக்கப்பட்டன. யாகசாலை பூஜைக்காக வியாழக்கிழமை காலை 9 மணிக்கு ஆச்சாரிய ரக்ஷாபந்தனம் செய்யப்பட்டது. மாலை 5 மணிக்கு சிவாச்சாரியார்களால் கும்ப அலங்காரம் செய்யப்பட்டு, கலாகர்ஷனம் உள்ளிட்டவை நடத்தப்பட்டது.
சிவாச்சாரியார்கள் யாகசாலைக்கு இரவு 8.30 மணியளவில் பிரவேசமாகி 9 மணியளவில் முதல் கால பூஜைகளை தொடங்கினர். தொடர்ந்து, நடத்தப்படும் பூஜைகளின் நிறைவாக இரவு 11 மணியளவில் பூர்ணாஹூதி செய்யப்பட்டு மகா தீபாராதனைகள் நடத்தி பக்தர்களுக்கு பிரசாதங்கள் வழங்கப்பட்டன.  இந்த நிகழ்வில், மாவட்ட ஆட்சியரும், நிர்வாக அதிகாரி (கோயில்கள்) ஏ. விக்ரந்த் ராஜா, தருமபுர ஆதீன இளைய சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த சுவாமிகள், திருநள்ளாறு கட்டளை விசாரணைப் பிரதிநிதி கந்தசாமி தம்பிரான் சுவாமிகள் உள்ளிட்ட ஏராளமான பக்தர்கள் கலந்துகொண்டனர்.
யாகசாலையில் ஸ்ரீ தர்பாரண்யேசுவரர் மற்றும் பிரணாம்பிகை, ஸ்ரீ சனீஸ்வரபகவான் ஆகியோருக்கு தலா 9 யாக குண்டங்களும்,  ஸ்ரீ தியாகராஜருக்கு 10,  ஸ்ரீ சொர்ணகணபதி, ஸ்ரீ சுப்ரமணியர், ஸ்ரீ நடராஜர் ஆகியோருக்கு தலா 5 மற்றும் பிற பரிவார மூர்த்திகளுக்காக 20 யாக குண்டங்கள் அமைக்கப்பட்டுள்ளன.  திருநள்ளாறு தர்பாரண்யேசுவரர் கோயில் சிவாச்சாரியார்கள் உள்ளிட்ட தமிழகத்தின் பல பகுதிகளில் இருந்தும் 150 சிவாச்சாரியார்கள் யாகசாலை பூஜையில் பங்கேற்றுள்ளனர். 
யாகசாலை பூஜைகள் 8 காலமாக நடத்தப்படுகிறது. பிப்ரவரி 8, 9, 10 ஆகிய தேதிகளில் காலை, இரவு முறையே 6 காலங்கள் நிறைவுபெற்று 11-ஆம் தேதி காலை 7 மணிக்கு 8-ஆம் கால மகா பூர்ணாஹூதி செய்யப்பட்டு புனிதநீர் கடம் புறப்பாடு நடைபெறுகிறது. யாகசாலை பூஜைகள் தொடங்கியது முதல் கோயில் சன்னிதிகளின் உள்புற வேலைப்பாடுகளை கோயில் நிர்வாகம் விரைவுப் பணியாக மேற்கொள்ளத் தொடங்கியது. 
யாகசாலையில் சுவாமிகள் கலாகர்ஷனம் செய்யப்பட்டுவிட்டதால், யாகசாலை பூஜையில் பங்கேற்று சுவாமிகளை தரிசிப்பதே உகந்தது. குடமுழுக்கு நடைபெற்றவுடன் மூலஸ்தான மூர்த்திகளை வழிபாடு செய்யலாம் என கோயில் நிர்வாகம் ஏற்கெனவே அறிவித்தது நினைவுகூரத்தக்கது.


 

]]>
https://www.dinamani.com/all-editions/edition-nagapattinam/karaikal/2019/feb/08/தர்பாரண்யேசுவரர்-கோயிலில்-யாகசாலை-பூஜைகள்-3091338.html
3091336 நாகப்பட்டினம் காரைக்கால் தொழில்நுட்பக் கல்லூரியை மூடும் முடிவை அரசு கைவிட வலியுறுத்தல் DIN DIN Friday, February 8, 2019 01:15 AM +0530 காரைக்காலில் தொழில்நுட்பக் கல்லூரி மற்றும் கல்லூரியின் துறைகளை மூடும் முடிவை அரசு கைவிடவேண்டும் என பெற்றோர்கள் தரப்பில் வலியுறுத்தப்பட்டுள்ளன. 
புதுச்சேரி மாநிலத்தில் பாலிடெக்னிக் கல்லூரியின் நிதி நெருக்கடி, மாணவர் சேர்க்கை குறைவு ஆகியவற்றை காரணம் காண்பித்து கல்லூரியையும், கல்லூரில் சில துறைகளை மூடவும் அரசு நிர்வாகம் பரிசீலித்து வருவது பெற்றோர்களிடையே கவலையை ஏற்படுத்தியுள்ளது. இந்நிலையில், இதுதொடர்பாக கருத்து கேட்பதற்காக புதுச்சேரி உயர்கல்வித் துறை சிறப்பு அலுவலர் ரமேஷ் காரைக்கால் தொழில்நுட்பக் கல்லூரிக்கு வியாழக்கிழமை வந்திருந்தார். அப்போது, காரைக்கால் மாவட்ட பெற்றோர் சங்கத் தலைவர் எல்.எஸ்.பி. சோழசிங்கராயர், செயலர் பி.பி.கே. செல்வமணி உள்ளிட்ட சங்க நிர்வாகிகளும், பல்வேறு பெற்றோர் சங்க அமைப்பினரும், காரைக்கால் பாலிடெக்னிக் கல்லூரி முதல்வர் சந்தனசாமி, மகளிர் தொழில்நுட்பக் கல்லூரி முதல்வர் பாபு அசோக், விரிவுரையாளர்கள் உள்ளிட்டோர் காரைக்காலில் உள்ள எந்தவொரு பாலிடெக்னிக் கல்லூரியையும், கல்லூரிகளில் உள்ள எந்தவொரு துறையையும் மூடக் கூடாது, தொடர்ந்து இதே நிலையில் நீடிக்க வேண்டும், மாணவர் சேர்க்கை அதிகரிக்க அரசு நிர்வாகமும் நடவடிக்கை எடுக்கவேண்டும் என பெற்றோர்கள் வலியுறுத்திப் பேசினர்.
கூட்ட முடிவில் சங்கம் சார்பில் சிறப்பு அலுவலரிடம் அளித்த மனு விவரம் : பாலிடெக்னிக் கல்லூரிகளை மூடவும், சில துறைகளை மூடவும் புதுச்சேரியில் ஒரு சிலர் தன்னிச்சையாக முடிவெடுத்து நடவடிக்கையில் ஈடுபட்டுள்ளனர். இது தொடர்பாக உயர்கல்வித் துறை அமைச்சரை சந்தித்துப் பேசினோம். காரைக்கால் பாலிடெக்னிக் கல்லூரி அமைக்கப்பட்ட விதம், மாணவர்கள் அடையும் பயன்கள் குறித்து விளக்கப்பட்டது. சில சாதகமான கருத்துகளை அமைச்சர் கூறியிருந்தார். ஆனால், மீண்டும் கல்லூரிகளையும், துறைகளையும் மூடும் முடிவு குறித்து கருத்து கேட்கும் அளவுக்கு நிலை முன்னேறியுள்ள வருத்தம் அளிக்கிறது. 
மத்திய அரசு பெண் குழந்தைகளைப் பாதுகாப்போம், பெண் குழந்தைகளுக்கு கற்பிப்போம் என கூறும் நிலையில், காரைக்காலில் மகளிர் பாலிடெக்னிக் கல்லூரியை மூட நினைப்பது எந்த வகையில் நியாயம் ? நிதி நெருக்கடியையும், மாணவர் குறைவையும் காரணம் காண்பித்து புதுச்சேரி, காரைக்கால், மாஹே பிராந்தியங்களில் கல்லூரிகளை மூட நினைக்கும்போது, ஏனாம் பிராந்தியத்தில் மட்டும் இதே நிலை இருந்தும் அங்கு துறைகளை அதிகரிக்க  நடவடிக்கை எடுப்பது பாரபட்சமான செயலாகத்தானே கருதவேண்டியுள்ளது. 
கல்வித் துறை அமைச்சரை சந்தித்தபோது, அடுத்த 2 ஆண்டுகள் இதன் மீது நடவடிக்கை எடுக்கப்படாது. மாணவர் சேர்க்கையை அதிகரிக்க அனைவரும் பாடுபடுங்கள் என்றார். அதன்படி, கல்லூரி நிர்வாகத்தினர் நடவடிக்கைகளை எடுத்து வருகின்றனர். இந்நிலையில் அரசு நிர்வாகமும், கல்லூரி நிர்வாகத்தினருக்கு ஆதரவாக இருந்து மாணவர் சேர்க்கையை அதிகரிக்க உதவவேண்டும். பாலிடெக்னிக் கல்லூரியில் படித்தவர்களுக்கு வேலைவாய்ப்புகளை உருவாக்கித் தரவும் அரசு நிர்வாகம் முயற்சி செய்யவேண்டும். அதை விடுத்து கல்லூரிகளை மூட நினைப்பதும், ஏனாம் பிராந்தியத்தில் மட்டும் கல்லூரிகளில் விரிவாக்கம் செய்ய நினைப்பதும் சரியான செயலாக கருதமுடியாது. மாணவர் நலன், பெற்றோர் எதிர்பார்ப்புகளை நிறைவேற்றும் வகையில் அரசு நிர்வாகம் நடவடிக்கை எடுக்கவேண்டும்.  இல்லையெனில் மாணவர்கள், பெற்றோர்கள் எழுச்சி மிகு போராட்டத்தை இந்த நடவடிக்கை எடுப்போர் எதிர்கொள்ளவேண்டியிருக்கும் என அதில் கூறப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/08/தொழில்நுட்பக்-கல்லூரியை-மூடும்-முடிவை-அரசு-கைவிட-வலியுறுத்தல்-3091336.html
3091333 நாகப்பட்டினம் காரைக்கால் சாலைப் பாதுகாப்பு விழிப்புணர்வு கருத்தரங்கம் DIN DIN Friday, February 8, 2019 01:14 AM +0530 காரைக்காலில் ஒரு வார காலம் நடைபெறக்கூடிய சாலைப் பாதுகாப்பு விழிப்புணர்வு நிகழ்ச்சியாக, பள்ளி மாணவர்களுக்கு பழகுநர் உரிமம் பெறுவது தொடர்பான விளக்க நிகழ்ச்சி வியாழக்கிழமை நடைபெற்றது.
காரைக்கால் போக்குவரத்துத் துறை, போக்குவரத்துக் காவல் நிலையம் சார்பில் சாலைப் பாதுகாப்பு விழிப்புணர்வு வார நிகழ்ச்சி பிப்ரவரி 4-ஆம் தொடங்கியது. முதல் நிகழ்ச்சியாக மண்டல போக்குவரத்துத் துறை அதிகாரி பி. பழனிசாமி தலைமையில் போக்குவரத்துத் துறையினர், போக்குவரத்துக் காவல் நிலையத்தினர் நகரப் பகுதியில் கனரக வாகனங்களின் ஆவணங்களை ஆய்வு செய்து, உரிய ஆலோசனைகளை ஓட்டுநர்களுக்குத் தெரிவித்தனர். விபத்தில்லா பயணத்துக்கு ஓட்டுநரின் பங்கு குறித்தும் அவர்கள் அறிவுறுத்தினார்.
தொடர்ந்து, சாலைப் பாதுகாப்பு தொடர்பான துண்டுப் பிரசுரங்கள் விநியோகிக்கப்பட்டன. பிப்ரவரி 5-ஆம் தேதி பொதுப் பணித் துறையினர் பங்களிப்புடன் சாலையின் சிதிலங்கள் தற்காலிக சீரமைப்பு மேற்கொள்ளப்பட்டது. மது குடித்து விட்டு வாகனம் ஓட்டக் கூடாது என்பது குறித்த விழிப்புணர்வு துண்டுப் பிரசுரம் விநியோகிக்கப்பட்டது. பிப்ரவரி 6-ஆம் தேதி நிகழ்வாக சாலையின் வேகத் தடைகளில் வண்ணம் பூசுதல் உள்ளிட்ட பணிகளும், வாகன ஓட்டுநர்களுக்கு கண், காது பரிசோதனையும் மேற்கொள்ளப்பட்டது.
தொடர் விழிப்புணர்வு நிகழ்வாக, காரைக்கால் தந்தைப் பெரியார் அரசு மேல்நிலைப் பள்ளியில் பள்ளி மாணவர்களுக்கு வாகன பழகுநர் ஓட்டுநர் உரிமம் பெறுவதற்கான விழிப்புணர்வு கருத்தரங்கம் வியாழக்கிழமை நடைபெற்றது. மண்டல போக்குவரத்துத் துறை அதிகாரி பி. பழனிசாமி, மாணவர்களிடையே பேசினார். 16 வயது முடிந்தவர்கள் கியர் இல்லாத வாகனத்தை ஓட்டுவதற்கு பழகுநர் உரிமம் பெறலாம் எனவும், 18 வயது முடிந்தவர்கள் கியர் உள்ள இருசக்கர வாகனங்களை இயக்க உரிமம் பெறமுடியும். உரிமம் இல்லாமல் வாகனங்கள் ஓட்டுவது குற்றச் செயலாகும். இதனால் சட்ட விதிகளின்படி நடவடிக்கைகளை எதிர்கொள்ள வேண்டியிருக்கும். இதில் மாணவர்கள் உரிய விதிகளைப் பின்பற்றவேண்டும் எனவும், விபத்தில்லாமல் வாகனங்களில் பயணிப்பது குறித்த பல்வேறு ஆலோசனைகளை வழங்கினார். நிகழ்ச்சியில், போக்குவரத்துக் காவல் ஆய்வாளர் மர்த்தினி, நாட்டு நலப்பணித் திட்ட மாவட்ட ஒருங்கிணைப்பாளர் லட்சுமணபதி, தந்தைப் பெரியார் அரசு மேல்நிலைப் பள்ளி துணை முதல்வர் கோவிந்தராஜ் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-nagapattinam/karaikal/2019/feb/08/சாலைப்-பாதுகாப்பு-விழிப்புணர்வு-கருத்தரங்கம்-3091333.html
3091330 நாகப்பட்டினம் காரைக்கால் பள்ளி மாணவர்களுக்கு மரக்கன்றுகள் அளிப்பு DIN DIN Friday, February 8, 2019 01:13 AM +0530 அம்பகரத்தூர் பள்ளி மாணவர்களுக்கு வள்ளலார் வழியை பின்பற்றுவோர் சார்பில் மரக்கன்றுகள் வழங்கப்பட்டன.
காரைக்கால் பகுதி அம்பகரத்தூரில் உள்ள திருவள்ளுவர் அரசு மேல்நிலைப் பள்ளி மாணவர்களுக்கு, சமரச சுத்த சன்மார்க்க சங்கம் அம்பகரத்தூர் கிளை சார்பில், மரக்கன்றுகள் வழங்கும் நிகழ்ச்சி நடைபெற்றது. பள்ளி மாணவ மாணவியருக்கு சங்கம் சார்பில் சுமார் 500 மரக்கன்றுகள் வழங்கி, வள்ளலாரின் மேன்மை, அவரது போதனைகளை சங்கத்தினர் விளக்கிப் பேசினர். அனைவருடனும் அன்பு செலுத்தவேண்டும், ஜீவகாருண்யத்தின் மேன்மைகள் குறித்து பள்ளி துணை முதல்வர் ஆர். மைதிலி பேசினார். மாணவர்கள் பெற்ற மரக்கன்றுகளை தங்களது பகுதியில் நட்டு நல்ல முறையில் பராமரிக்கவேண்டும் என பள்ளி நிர்வாகத்தினர் கேட்டுக்கொண்டனர். நிறைவாக பள்ளி விரிவுரையாளர் பாரதிராஜா நன்றி கூறினார்.

]]>
https://www.dinamani.com/all-editions/edition-nagapattinam/karaikal/2019/feb/08/பள்ளி-மாணவர்களுக்கு-மரக்கன்றுகள்-அளிப்பு-3091330.html
3091329 நாகப்பட்டினம் காரைக்கால் சுத்திகரிக்கப்பட்ட குடிநீர் மையம் அமைப்பு DIN DIN Friday, February 8, 2019 01:13 AM +0530 நெடுங்காடு தொகுதியில் வடபாதி கிராம மக்களுக்கு குடிநீர் சுத்திகரிப்பு மையம் அமைக்கப்பட்டு அதை சட்டப் பேரவை உறுப்பினர் சந்திர பிரியங்கா வியாழக்கிழமை திறந்துவைத்தார்.
நெடுங்காடு தொகுதிக்குள்பட்ட  மேலகாசாக்குடி அருகே வடபாதி கிராமத்தினர் பயன்பெறும் வகையில், அங்கு இயங்கிவரும் வைகை இண்டஸ்ட்ரீஸ் என்ற நிறுவனம், தமது சமூக பொறுப்புணர்வுத் திட்ட நிதி ரூ.3 லட்சத்தில் குடிநீர் சுத்திகரிப்பு மையம் அமைத்தது. இதை மக்களுக்கு அர்ப்பணிக்கும் நிகழ்ச்சி வியாழக்கிழமை நடைபெற்றது. நெடுங்காடு தொகுதி சட்டப் பேரவை உறுப்பினர் சந்திர பிரியங்கா கலந்துகொண்டு குடிநீர் குழாயை திறந்துவைத்தார். இந்த மையம், பஞ்சாயத்து நிர்வாகம் மூலம் கிராம மக்களுக்கு விநியோகிக்கப்படும் குடிநீரை, சுத்திகரித்து வழங்கும் எனவும், இது 2 ஆயிரம் லிட்டர் கொள்ளவு கொண்டதாக உள்ளது எனவும் நிறுவனத்தினர் தெரிவித்தனர். நிகழ்ச்சியில், நிறுவனத்தின் இயக்குநர் என். நீதிராஜ், தொழிலதிபர் சோமு என்கிற எம். இளங்கோவன் மற்றும் நிறுவன ஊழியர்கள், கிராமத்தினர் கலந்துகொண்டனர்.

]]>
https://www.dinamani.com/all-editions/edition-nagapattinam/karaikal/2019/feb/08/சுத்திகரிக்கப்பட்ட-குடிநீர்-மையம்-அமைப்பு-3091329.html
3091327 நாகப்பட்டினம் காரைக்கால் சனீஸ்வர பகவான் சன்னிதி கருங்கல் மண்டபம் அமைக்கும் பணி நிறைவு DIN DIN Friday, February 8, 2019 01:13 AM +0530 திருநள்ளாறு தர்பாரண்யேசுவரர் கோயிலில் சனீஸ்வர பகவான் சன்னிதி முகப்பு மற்றும் வலதுபுற பக்கவாட்டுப் பகுதியில் கருங்கல் வேலைப்பாடுகள் செய்யும் பணி நிறைவுபெற்றுள்ளது.
திருநள்ளாறு பிரணாம்பிகை அம்பாள் சமேத தர்பாரண்யேசுவரர் கோயிலில் தனிச்சன்னிதி கொண்டு சனீஸ்வர பகவான் அருள்பாலிக்கிறார். இக்கோயிலில் சனீஸ்வரபகவான் சன்னிதி முகப்பு கல் சுவராலானது. முகப்புப் பகுதியை கல் சுவரில் வெள்ளித் தகடு பதிக்கப்பட்டிருந்தது. கோயிலுக்குள் பெரும்பாலான பகுதி கருங்கல் மண்டபம், தூண்கள் கொண்டிருந்தது. முந்தைய கோயில் நிர்வாகத்தினர், மண்டபம் மற்றும் தூண்களில் வண்ணம் பூசப்பட்டதோடு, வேலைப்பாடுகளுடன் கூடிய பித்தளைத் தகடுகளை பதித்தனர். 
முற்கால சோழர் காலத்து நூற்றாண்டுகள் பழைமையான இக்கோயில் மூவரால் பாடல் பெற்ற பெருமையுடன் விளங்குகிறது. எனினும் பழைமையான கருங்கல் கட்டுமான அமைப்பை கோயிலில் பெரும்பான்மையாக காண முடியாதது குறித்து பக்தர்கள் வேதனையுடன் தற்போதைய கோயில் நிர்வாகத்திடம் தெரிவித்து வந்தனர். குடமுழுக்கு விழா திருப்பணியின் போது, பழைமையான கருங்கல் அமைப்பு வெளியில் தெரியும் வகையில் வண்ணங்கள் அகற்றப்பட்டு, பித்தளை மற்றும் வெள்ளித் தகடுகள் பதிப்பும் அகற்றப்பட்டது. தற்போது எங்கு பார்த்தாலும் மண்டபமும், தூண்களும் கருங்கல் தெரிகிறது.  
சனீஸ்வர பகவான் சன்னிதி முகப்பு மற்றும் வலதுபுற பக்கவாட்டு சுவர் பகுதியில் கல்ஹாரம் என்கிற வேலைப்பாடுகளுடன் கூடிய கல் மண்டபம் அமைக்கும் பணியை கோயில் நிர்வாகம் மேற்கொண்டது. ரூ. 35 லட்சம் முற்றிலும் நன்கொடையாளர் உதவியுடன், கல்ஹாரம் அமைக்கும் பணிகள் கடந்த  சில மாதங்களாக மேற்கொள்ளப்பட்டு தற்போது நிறைவுபெற்றுள்ளது.
இதுகுறித்து கோயில் நிர்வாகத்தினர் கூறியது: மாமல்லபுரத்திலேயே சன்னிதி முகப்பு மற்றும் பக்கவாட்டு சுவர் பகுதிக்கேற்ப வேலைப்பாடுகளுடன் கூடிய கருங்கல் தயார் செய்யப்பட்டுவந்து, இங்கு பொருத்தப்பட்டுள்ளது. இனிமேல் இந்த பகுதியில் வெள்ளி, தங்கத் தகடுகள் பதிக்கப்படமாட்டாது. கோயில் உள்பகுதியில் கருங்கல் அமைப்புகள் தெரிவதுபோன்று, சனீஸ்வர பகவான் சன்னிதி முகப்பும் கருங்கல் மண்டபமாக காட்சியளிக்கும் என்றனர். கோயில் முழுவதும் பழைமையான கருங்கல் அமைப்புகள் வெளிப்படுத்தப்பட்டதோடு, அவற்றை மெருகேற்றும் பணி செய்யப்பட்டுள்ளது பக்தர்களிடையே பெரும் வரவேற்பை பெற்றுள்ளதோடு, எதிர்பார்ப்பு நிறைவேற்றப்பட்ட மகிழ்ச்சியை வெளிப்படுத்தினர்.
 

]]>
https://www.dinamani.com/all-editions/edition-nagapattinam/karaikal/2019/feb/08/சனீஸ்வர-பகவான்-சன்னிதி-கருங்கல்-மண்டபம்-அமைக்கும்-பணி-நிறைவு-3091327.html
3091156 நாகப்பட்டினம் காரைக்கால் மத்தியில் மீண்டும் பாஜக ஆட்சிக்கு வந்தவுடன் புதுச்சேரியில் மாற்றம் உறுதி: பாஜக மாநில தலைவர் வி. சாமிநாதன் DIN DIN Thursday, February 7, 2019 09:44 AM +0530 மத்தியில் மீண்டும் பாஜக ஆட்சியமைந்த பிறகு புதுச்சேரியில் அடுத்த 3 மாதங்களில் மாற்றம் ஏற்படுவது உறுதி என பாஜக  மாநிலத் தலைவரும், சட்டப் பேரவை நியமன உறுப்பினருமான
வி. சாமிநாதன் கூறினார்.
காரைக்காலுக்கு புதன்கிழமை வந்த அவர், செய்தியாளர்களிடம் கூறியது :
மத்தியில் 3 மாதங்களில் மாற்றம் ஏற்படும் என புதுச்சேரி முதல்வர் நாராயணசாமி கூறுகிறார். தேசிய அளவில் 3 மாதங்களில் மிகப்பெரும் மாற்றம் ஏற்படும். மத்தியில் மீண்டும் பாஜக ஆட்சி இப்போது இருப்பதைவிட வலுவாக அமையும். அப்போது புதுச்சேரி மாநிலத்திலும் மாற்றம் ஏற்படும். புதுச்சேரியில் வலுவான கூட்டணி பாஜகவிடம்  உள்ளது
மேற்கு வங்க மாநிலத்தில் சாரதா நிதி நிறுவன மோசடி தொடர்பான வழக்கை சி.பி.ஐ. விசாரித்துவருகிறது. உச்சநீதிமன்ற வழிகாட்டலில் விசாரணை நடைபெறும் நிலையில், காவல் ஆணையரை விசாரிக்கச் சென்ற சி.பி.ஐ. அதிகாரிகளை சிறைபிடித்த மம்தா பானர்ஜி அரசின் செயல்பாடு கண்டிக்கத்தக்கது. தமிழக அரசின் மீதான எந்தவொரு குற்றச்சாட்டுக்கும் சி.பி.ஐ. விசாரணை கோரும் திமுக தலைவர் மு.க. ஸ்டாலின், மம்தா பானர்ஜியின் தர்னா போராட்டத்துக்கு ஆதரவு அளித்திருப்பது அவரது இரட்டை வேடத்தைக் காட்டுகிறது.
சந்தர்ப்பவாத, ஊழல் கூட்டணிக்குத் துணைபோகும் விதமாக, ஒவ்வொரு மாநிலத்துக்கும் வெவ்வேறு விதமான கொள்கையைக் கடைப்பிடிக்கும் ஸ்டாலினின் நிலைப்பாட்டை பாஜக வன்மையாகக் கண்டிக்கிறது. 
விவசாயப் பகுதிகள் நிறைந்த காரைக்கால் மாவட்டத்தில் தற்போது நெல் அறுவடை நடைபெறுகிறது. வி. நாராயணசாமி தலைமையிலான புதுச்சேரி அரசு இதுவரை விவசாயிகளிடமிருந்து நெல் கொள்முதல் செய்வதற்கான எந்தவொரு நடவடிக்கையும் எடுக்கவில்லை. தமிழகப் பகுதிகளுக்கு சென்று குறைந்த விலைக்கு நெல்லை விற்கும் நிலைக்கு விவசாயிகள் தள்ளப்பட்டுள்ளனர். விவசாயிகளிடமிருந்து நெல்லைக் கொள்முதல் செய்துகொண்டு, குறிப்பிட்ட நேரத்துக்குள் விவசாயிகளின் வங்கிக் கணக்கில் பணத்தை செலுத்தும் பிரதமரின் "இ-நார்ம்ஸ்' திட்டத்தை இதுவரை புதுச்சேரி அரசு செயல்படுத்தவில்லை.
மத்திய அரசு விவசாயிகளுக்கு ஆண்டுக்கு ரூ.6 ஆயிரம் தொகை வழங்கும் திட்டத்தை அறிவித்துள்ளது. இதற்காக முன்னரே விவசாயிகள் குறித்த விவரங்களை புதுச்சேரி அரசிடம் கேட்டு மத்திய வேளாண் துறை கடிதம் அனுப்பியுள்ளது. ஆனால், இதுவரை புதுச்சேரி அரசு எவ்வித நடவடிக்கையும் எடுக்கவில்லை. புதுச்சேரி வேளாண்துறையிடம் உரிய விவரங்கள் இருந்தும் செயல்படுத்த முன்வரவில்லை.
புதுச்சேரி அரசு விவசாயிகளுக்கு துரோகம் செய்யக்கூடிய அரசாக உள்ளது. மத்திய அரசு கஜா புயல் நிவாரணத்துக்காக ரூ.13 கோடி ஒதுக்கியும், இதுவரை நிவாரண உதவிகள் வழங்கப்படவில்லை. தேர்தல் வாக்குறுதிகள் எதையும் இந்த அரசு நிறைவேற்றவில்லை. இலவச அரிசி திட்டத்தை துணை நிலை ஆளுநர் முடக்குவதாகக் கூறும் குற்றச்சாட்டு தவறானது. சிவப்பு குடும்ப அட்டைதாரர்களுக்கு அரிசி வழங்கும் அரசின் கொள்கை முடிவை ஆளுநர் தடுக்கவில்லை. காரைக்கால் பகுதி வளர்ச்சிக்காக பாஜக நியமன எம்.எல்.ஏ.க்கள் தொகுதி மேம்பாட்டு நிதியிலிருந்து இதுவரை ரூ.25 லட்சம் ஒதுக்கப்பட்டுள்ளது. 
காரைக்கால் அரசுப் பொது மருத்துவமனை மிகவும் மோசமான நிலையில் உள்ளது. புதுச்சேரி சுகாதாரத்துறை எந்தவித நடவடிக்கையையும் ஆட்சிக்காலத்தில் எடுக்கவில்லை.  இதை உடனடியாக சீரமைக்க நடவடிக்கை எடுக்காவிட்டால், பிப்ரவரி 13-ஆம் தேதி பாஜக சார்பில் மருத்துவமனை முன்பு முற்றுகைப் போராட்டம் நடத்தப்படும் என்றார் அவர். 
பாஜக மாநிலச் செயலாளர் எம். அருள்முருகன், மாவட்டத் தலைவர் டி.கே.எஸ்.எம்.மீனாட்சி சுந்தரம், மாநில ஓ.பி.சி. அணித் தலைவர் துரை. சேனாதிபதி உள்ளிட்ட நிர்வாகிகள் உடனிருந்தனர்.

]]>
https://www.dinamani.com/all-editions/edition-nagapattinam/karaikal/2019/feb/07/மத்தியில்-மீண்டும்-பாஜக-ஆட்சிக்கு-வந்தவுடன்-புதுச்சேரியில்-மாற்றம்-உறுதி-பாஜக-மாநில-தலைவர்-வி-சாமி-3091156.html
3091155 நாகப்பட்டினம் காரைக்கால் துணை நிலை ஆளுநர் காணொலி மூலம் நாளை குறைகேட்பு DIN DIN Thursday, February 7, 2019 09:43 AM +0530 புதுச்சேரி துணை நிலை ஆளுநர் கிரண் பேடி காணொலி மூலம் காரைக்கால் மக்களிடம்  வெள்ளிக்கிழமை (பிப். 8) குறைகளைக் கேட்கவுள்ளதாக தெரிவிக்கப்பட்டுள்ளது.
இதுதொடர்பாக மாவட்ட ஆட்சியர் அலுவலகம் வெளியிட்ட செய்திக் குறிப்பு : 
புதுச்சேரி துணை நிலை ஆளுநர் கிரண் பேடி, காரைக்கால் மாவட்ட மக்களிடம் குறைகளைக் காணொலி மூலம் கேட்டறியும் நிகழ்வு பிப்ரவரி 8-ஆம் தேதி மாலை 5 முதல் 6 மணி வரை காரைக்கால் மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது.
இந்தக் கூட்டத்தில், பொதுமக்கள் தங்கள் குறைகளைத் தெரிவித்து, அதற்குத் தீர்வு காண இந்த வாய்ப்பைப் பயன்படுத்திக்கொள்ளலாம். குறைகளைத் தெரிவிக்க விரும்புவோர், 8-ஆம் தேதி காலை 10 முதல் பிற்பகல் 3 மணி வரை ஆட்சியர் அலுவலகத்தில் முன்பதிவு செய்துகொள்ள வேண்டும். புகார்களை எழுத்து வடிவில் தர வேண்டும் என்று அதில் கூறப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/07/துணை-நிலை-ஆளுநர்-காணொலி-மூலம்-நாளை-குறைகேட்பு-3091155.html
3091154 நாகப்பட்டினம் காரைக்கால் போராட்டம் தள்ளிவைப்பு: பணிக்குத் திரும்பிய உள்ளாட்சி ஊழியர்கள் DIN DIN Thursday, February 7, 2019 09:43 AM +0530 பல்வேறு கோரிக்கைகளை வலியுறுத்தி காரைக்கால் உள்ளாட்சி ஊழியர்கள் கருப்புப் பட்டை அணிந்து பணி, உள்ளிருப்பு வேலை நிறுத்தப் போராட்டம் ஆகியவற்றை நடத்தி வந்த நிலையில், தற்காலிகமாக போராட்டத்தைத் தள்ளிவைத்து புதன்கிழமை முதல் பணிக்குத் திரும்பினர்.
நகராட்சி மற்றும் கொம்யூன் பஞ்சாயத்து ஊழியர்களின் ஊதியத்துக்கு அரசு பொது பட்ஜெட்டில் நிதி ஒதுக்கி, உள்ளாட்சித்துறையின் கீழ் அரசே நேரடியாக மாத ஊதியம் வழங்க வேண்டும் உள்ளிட்ட 30 அம்சக் கோரிக்கைகளை வலியுறுத்தி, கடந்த 3 நாள்களாக கருப்புப் பட்டை அணிந்து பணியில் ஈடுபட்டனர்.
இதன் தொடர்ச்சியாக கோரிக்கைகளை வலியுறுத்தி நகராட்சி மற்றும் கொம்யூன் பஞ்சாயத்துகளில் உள்ளிருப்பு வேலை நிறுத்தத்தில் செவ்வாய்க்கிழமை முதல் ஈடுபட்டுள்ளனர். ஊழியர்களின் உள்ளிருப்பு வேலை நிறுத்தப் போராட்டத்தால் பிறப்பு, இறப்பு மற்றும் திருமணப் பதிவு செய்வது, சான்றிதழ் வழங்குவது, வீட்டு வரி, குடிநீர் வரி செலுத்துவது, சுகாதாரப் பணிகள் உள்ளிட்ட பல்வேறு பணிகள் பாதிக்கப்படும் நிலை ஏற்பட்டது.
இந்நிலையில்,  புதுச்சேரி உள்ளாட்சித்துறை அரசு சார்பு செயலர் கிட்டி பலராம், காரைக்கால் உள்ளாட்சித்துறை துணை இயக்குநர் பாஸ்கரன் ஆகியோர் சம்மேளன நிர்வாகிகளைத் தொடர்பு கொண்டு ஊழியர்களின் கோரிக்கைகளை நிறைவேற்ற நடவடிக்கை எடுப்பதாகவும், அதுவரை உள்ளிருப்பு வேலை நிறுத்தத்தைத் தள்ளி வைக்க வேண்டுமென செவ்வாய்க்கிழமை கேட்டுக் கொண்டனர்.
இதன் அடிப்படையில், காரை பிரதேச அரசு ஊழியர் சம்மேளன நிர்வாகிகள், புதுச்சேரி நகராட்சி மற்றும் கொம்யூன் பஞ்சாயத்து ஊழியர் சம்மேளன நிர்வாகிகள் மற்றும் சம்மேளன நிர்வாகிகள் மற்றும் நகராட்சி மற்றும் கொம்யூன் பஞ்சாயத்து ஊழியர் சங்க நிர்வாகிகளின்  ஆலோசனையின் அடிப்படையில் உள்ளாட்சி ஊழியர்களின் உள்ளிருப்பு வேலை நிறுத்தப் போராட்டம் தற்காலிகமாக தள்ளிவைக்கப்பட்டு புதன்கிழமை முதல் பணிக்குத் திரும்பியதாக சம்மேளன பொதுச் செயலர் எம். சேஷ் அலாவுதீன் தெரிவித்தார்.

]]>
https://www.dinamani.com/all-editions/edition-nagapattinam/karaikal/2019/feb/07/போராட்டம்-தள்ளிவைப்பு-பணிக்குத்-திரும்பிய-உள்ளாட்சி-ஊழியர்கள்-3091154.html
3091153 நாகப்பட்டினம் காரைக்கால் கார்- டிராக்டர் மோதல்: மூவர் காயம் DIN DIN Thursday, February 7, 2019 09:43 AM +0530 காரைக்கால் அருகே கார், டிராக்டர் நேருக்கு நேர் மோதிய விபத்தில், காரில் இருந்த இருவரும், டிராக்டர் ஓட்டுநரும் புதன்கிழமை காயமடைந்தனர். 
புதுக்கோட்டை மாவட்டத்தைச் சேர்ந்தவர் சதீஷ். இவர் தனது காரில் ஒரு பெண்ணுடன் சென்னை சென்றுவிட்டு, புதன்கிழமை  காரைக்கால் வழியாக புதுக்கோட்டைக்கு திரும்பிச் சென்று கொண்டிருந்தார். 
காரைக்கால் மாவட்டம், கோட்டுச்சேரி அருகே பூவம் நண்டலாறு எல்லைப் பகுதியில் கார் வந்தபோது, எதிரே வரிச்சிக்குடியிலிருந்து ஆக்கூருக்கு செங்கல் ஏற்றச் சென்ற டிராக்டர், கார் மீது மோதியது. 
இதில், காரில் பயணம் செய்த சதீஷ் மற்றும் பெண் ஆகிய இருவரும், டிராக்டர் ஓட்டுநர் செல்வமும் காயமடைந்தனர். சாலையில் சென்றவர்கள், காயமடைந்த மூவரையும் காரைக்கால் அரசுப் பொது மருத்துவமனைக்கு சிகிச்சைக்காக அனுப்பி வைத்தனர். அவர்கள் தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகின்றனர். இதுகுறித்து காரைக்கால் நகர போக்குவரத்து போலீஸார் வழக்குப் பதிந்துள்ளனர்.


 

]]>
https://www.dinamani.com/all-editions/edition-nagapattinam/karaikal/2019/feb/07/கார்--டிராக்டர்-மோதல்-மூவர்-காயம்-3091153.html
3091152 நாகப்பட்டினம் காரைக்கால் குடமுழுக்கு விழாவில் பங்கேற்கும் என்எஸ்எஸ், என்சிசி மாணவர்களுக்கு பயிற்சி     DIN DIN Thursday, February 7, 2019 09:42 AM +0530 திருநள்ளாறு கோயில் குடமுழுக்கு விழாவில் பாதுகாப்புப் பணியில் ஈடுபடவுள்ள என்எஸ்எஸ், என்சிசி மாணவர்களுக்கு புதன்கிழமை காவல்துறையினர் பயிற்சி அளித்தனர்.
திருநள்ளாறு தர்பாரண்யேசுவரர் கோயில் குடமுழுக்கு விழாவில் பக்தர்களுக்கு பல்வேறு நிலையில் உதவ காரைக்கால் மாவட்ட நிர்வாகம் என்எஸ்எஸ், என்சிசி மாணவர்களை ஈடுபடுத்த முடிவு செய்துள்ளது. இவர்களுக்கு உரிய பயிற்சி அளிக்கும் நிகழ்வு புதன்கிழமை நடைபெற்றது. காரைக்கால் தங்கவேல் கலையரங்கில் நடந்த பயிற்சியில் சுமார் 200 மாணவ மாணவியர் கலந்துகொண்டனர். மாவட்ட முதுநிலைக் காவல் கண்காணிப்பாளர் மகேஷ்குமார் பர்ன்வால் பயிற்சியை தொடங்கி வைத்துப் பேசினார். காவல் துறையினருடன் இணைந்து பக்தர்கள் நிற்குமிடங்களில் பாதுகாப்பு மற்றும் தேவையான உதவி செய்தலில் மாணவர்கள் ஈடுபடவேண்டும், சமூக விரோதச் செயல்களில் ஈடுபடுவோர் நடமாட்டத்தை கண்காணித்து காவல் துறையினருக்கு தெரிவிக்கவேண்டும் உள்ளிட்ட பல்வேறு ஆலோசனைகளை வழங்கினார். 
மண்டல காவல் கண்காணிப்பாளர்கள் மாரிமுத்து, வீரவல்லன் ஆகியோரும் காவல் துறை சார்பில் மாணவர்களின் பங்களிப்பு குறித்துப் பேசினர். தொழிற்சாலைகள் ஆய்வாளர் செந்தில்வேலன், மருத்துவர் வனிதா மற்றும் தீயணைப்புத் துறையினர் ஆகியோர் பல்வேறு ஆலோசனைகளை வழங்கினர். கூட்டத்தில் உள்ள மக்களுக்குத் தேவையான முதலுதவி குறித்து மருத்துவர்கள் தரப்பில் விரிவாக விளக்கப்பட்டது. மாணவர்களுக்கு தெரியவரும் எந்தவொரு சம்பவம் குறித்தும் அருகில் உள்ள காவல் துறையினருடன் பகிர்ந்துகொள்ளவேண்டுமென அறிவுறுத்தப்பட்டது.

]]>
https://www.dinamani.com/all-editions/edition-nagapattinam/karaikal/2019/feb/07/குடமுழுக்கு-விழாவில்-பங்கேற்கும்-என்எஸ்எஸ்-என்சிசி-மாணவர்களுக்கு-பயிற்சி-3091152.html
3091151 நாகப்பட்டினம் காரைக்கால் அரசுப் பள்ளியில் சாலை பாதுகாப்பு உறுதிமொழி ஏற்பு DIN DIN Thursday, February 7, 2019 09:42 AM +0530 சாலைப் பாதுகாப்பு விழிப்புணர்வு வாரத்தையொட்டி பள்ளியில் உறுதிமொழி ஏற்பு நிகழ்ச்சி புதன்கிழமை நடைபெற்றது.
காரைக்கால் போக்குவரத்துத் துறை, போக்குவரத்துக் காவல் துறை இணைந்து சாலைப் பாதுகாப்பு விழிப்புணர்வு வார நிகழ்ச்சிகளை நடத்தி வருகிறது. பள்ளி, கல்லூரி மாணவர்களிடையே சாலையில் விபத்தில்லா பயணம் குறித்து பல்வேறு நிலையில் விழிப்புணர்வு செயல்பாடுகள் மேற்கொள்ளப்பட்டு வருகின்றன. காரைக்கால் தலத்தெரு நேதாஜி சுபாஷ் சந்திரபோஸ் அரசு மேல்நிலைப் பள்ளியில் புதன்கிழமை நடைபெற்ற விழிப்புணர்வு நிகழ்ச்சிக்கு பள்ளி துணை முதல்வர் சல்மா ரஹ்மான் தலைமை வகித்து, மாணவ மாணவியரிடையே பாதுகாப்பான சாலைப் போக்குவரத்து குறித்து பல்வேறு கருத்துகளைக் கூறினார். இதைத் தொடர்ந்து சாலையில் விபத்தில்லாமல் பயணம் மேற்கொள்வது தொடர்பான உறுதிமொழி வாசகங்களை மாணவ, மாணவியர் ஏற்றுக்கொண்டனர்.

]]>
https://www.dinamani.com/all-editions/edition-nagapattinam/karaikal/2019/feb/07/அரசுப்-பள்ளியில்-சாலை-பாதுகாப்பு-உறுதிமொழி-ஏற்பு-3091151.html
3091150 நாகப்பட்டினம் காரைக்கால் எதிர்க்கட்சியினர் தொகுதியில் மனைப்பட்டா தர முயற்சித்தால் ஆளும் கட்சியினர் தலையிடாமல் இருப்பார்களா ? எம்எல்ஏ சந்திரபிரியங்கா DIN DIN Thursday, February 7, 2019 09:42 AM +0530 காரைக்காலில் எதிர்க்கட்சி சட்டப்பேரவைத் தொகுதியில் இலவச மனைப்பட்டா தர முயற்சித்தால், ஆளும் கட்சியினர் தலையிடாமல் இருப்பார்களா என சட்டப்பேரவை உறுப்பினர் சந்திர பிரியங்கா கேள்வி எழுப்பினார்.
காரைக்கால் அருகே திருவேட்டைக்குடி அரசு உயர்நிலைப் பள்ளியில் திங்கள்கிழமை நடைபெற்ற நிகழ்ச்சியில், நெடுங்காடு தொகுதி சட்டப்பேரவை உறுப்பினர் சந்திர பிரியங்கா பேசினார். இதைத் தொடர்ந்து பேசிய வேளாண் மற்றும் கல்வித்துறை அமைச்சர் ஆர்.கமலக்கண்ணன் பல்வேறு கருத்துகளைக் கூறினார். இதற்கு பதில் தரும் வகையில் சட்டப்பேரவை உறுப்பினர் சந்திர பிரியங்கா புதன்கிழமை கூறியது :  காரைக்கால் என்.ஐ.டி.யில் உள்ள ஒப்பந்தப் பணி செய்யும்போது அதில் காரைக்காலை சேர்ந்த தொழிலாளர்களை பணிக்கு சேர்க்க நடவடிக்கை எடுக்கவேண்டும் என்று வலியுறுத்தினேன். இலவச அரிசி கிடைக்கவில்லை எனவும், தொகுதியில் உள்ள மின் பிரச்னைகள் குறித்தும், திருவேட்டைக்குடி பள்ளியில் உடற்கல்வி ஆசிரியர் இல்லாதது குறித்தும் நிகழ்ச்சியில் பேசினேன்.
அமைச்சர் பேசும்போது, அமைச்சர் பங்கேற்கும் நிகழ்ச்சியில் பேரவை உறுப்பினர் கலந்துகொள்வதில்லை, எந்தவொரு பிரச்னை குறித்தும் தமது கவனத்துக்கு கொண்டுவரவில்லை என கூறினார். வேறு தொகுதியில் நடக்கும் விழாவில் நான் பங்கேற்கவேண்டும் என்ற அவசியம் இல்லை. பேரவை உறுப்பினர்தான் பிரச்னையை தெரிவிக்கவேண்டும் என்றில்லை, அமைச்சருக்கே ஒவ்வொரு தொகுதியிலும் உள்ள பிரச்னைகள் தெரிந்திருக்கவேண்டும். அதிகாரிகளிடம் கேட்டு தெரிந்து கொண்டு தீர்வு காண முயற்சித்திருக்கவேண்டும். அரிசி வேண்டும், முதியோர் ஓய்வூதியம் வேண்டும் என்றால் அமைச்சரிடம் தான் கேட்கமுடியும். இதற்கு பதில் தரவேண்டியது அமைச்சரின் பொறுப்பு.
திருநள்ளாறு தொகுதியில் ஆயிரம் பேருக்கு இலவச மனைப்பட்டா தரப்போவதாக அமைச்சர் கூறினார். திருநள்ளாறு தொகுதி அமைச்சரின் தொகுதியாகும். அங்கு அமைச்சர் விரும்புவோருக்கு பட்டா தரலாம். எதிர்க்கட்சியினர் கோரிக்கை எடுபடாது. அதுவே எதிர்க்கட்சியினர் தொகுதியில் பட்டா தர அந்த தொகுதி எம்.எல்.ஏ. முயற்சித்தால், ஆளும் கட்சியினர் தலையிடாமல் இருப்பார்களா ?
நெடுங்காடு தொகுதியில் எனது தந்தையார் சந்திரகாசு 25 ஆண்டுகாலம் அமைச்சராக இருந்ததை சுட்டிக்காட்டுகிறார்கள். அவரது காலத்தில் அரிசி பிரச்னை எழவே இல்லை. அவரை சுட்டிக்காட்டுவதைவிட ஆளும் பொறுப்பில் உள்ளவர்கள் இலவச அரிசி போட நடவடிக்கை எடுக்கவேண்டியதுதான் நல்ல செயலாக இருக்கமுடியும். அரசு விழாவில் சட்டப்பேரவை உறுப்பினர் கருத்துக்கு  உரிய முறையில் பதில் தந்திருக்கலாம். அவை விடுத்து திசைத்திருப்பும் வகையில் அமைச்சர் பேசியிருக்கத் தேவையில்லை என்றார் அவர்.
 

]]>
https://www.dinamani.com/all-editions/edition-nagapattinam/karaikal/2019/feb/07/எதிர்க்கட்சியினர்-தொகுதியில்-மனைப்பட்டா-தர-முயற்சித்தால்-ஆளும்-கட்சியினர்-தலையிடாமல்-இருப்பார்களா--3091150.html
3091149 நாகப்பட்டினம் காரைக்கால் வங்கி போட்டித் தேர்வு: இலவச பயிற்சி வகுப்பு DIN DIN Thursday, February 7, 2019 09:41 AM +0530 காரைக்காலில் வங்கி போட்டித் தேர்வுக்கான இலவச பயிற்சி வகுப்புகள் பிப்ரவரி 17-ஆம் தேதி தொடங்கவுள்ளதாக தெரிவிக்கப்பட்டது.
இதுகுறித்து காரைக்கால் மாவட்ட ஆட்சியரகம் வெளியிட்ட செய்திக் குறிப்பு : காரைக்கால் மாவட்ட நிர்வாகத்தின் சார்பில், வங்கி போட்டித் தேர்வுக்கு இலவசமாக பயிற்சி வகுப்புகள் நடத்தப்பட்டு வருகின்றன. பிப்ரவரி 17 முதல் 23-ஆம் தேதி வரை காரைக்கால் தந்தை பெரியார் அரசு மேல்நிலைப் பள்ளியில் காலை 7 முதல் 8.30 மணி வரை வகுப்பு நடைபெறுகிறது. இதில், ஆர். சகாய பிராங்க் என்பவர் பங்கேற்று பயிற்சியளிக்கிறார். தகுதியான பட்டதாரிகள் இந்த வாய்ப்பைப் பயன்படுத்திக் கொள்ளுமாறு அதில் கேட்டுக்கொள்ளப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/07/வங்கி-போட்டித்-தேர்வு-இலவச-பயிற்சி-வகுப்பு-3091149.html
3091148 நாகப்பட்டினம் காரைக்கால் அரசு மருத்துவமனையில் 9-இல் ஜிப்மர் மருத்துவ முகாம் DIN DIN Thursday, February 7, 2019 09:41 AM +0530 காரைக்கால் அரசுப் பொது மருத்துவமனையில் சனிக்கிழமை (பிப்.9) புற்றுநோய் தொடர்பான மருத்துவ நிபுணர்கள் பங்கேற்கும் சிறப்பு முகாம் நடைபெறவுள்ளது.
இதுகுறித்து காரைக்கால் மாவட்ட ஆட்சியரகம் வெளியிட்ட செய்திக் குறிப்பு :
காரைக்கால் அரசுப் பொது மருத்துவமனை உள்வளாகத்தில், புதுச்சேரி ஜிப்மர் மருத்துவமனை சார்பில் மாதமிரு முறை நடைபெறும் முகாமாக, பிப்ரவரி 9-ஆம் தேதி புற்றுநோயியல் அறுவை சிகிச்சை  மருத்துவ நிபுணர்கள் பங்கேற்று மருத்துவப் பரிசோதனை மற்றும் ஆலோசனை வழங்கவுள்ளனர். காலை 9 மணி முதல் பிற்பகல் 2 மணி வரை நடைபெறும் இந்த முகாமைப் பொதுமக்கள் பயன்படுத்திக்கொள்ளுமாறு அதில் கேட்டுக்கொள்ளப்பட்டுள்ளது.
 

]]>
https://www.dinamani.com/all-editions/edition-nagapattinam/karaikal/2019/feb/07/அரசு-மருத்துவமனையில்-9-இல்-ஜிப்மர்-மருத்துவ-முகாம்-3091148.html