Dinamani - நாகப்பட்டினம் - https://www.dinamani.com/all-editions/edition-nagapattinam/nagapattinam/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3216010 நாகப்பட்டினம் நாகப்பட்டினம் மயிலாடுதுறை தனி மாவட்ட கோரிக்கை: மணல்மேட்டில் தெருமுனை பிரசாரம் DIN DIN Sunday, August 18, 2019 04:40 AM +0530
 மயிலாடுதுறையை தனி மாவட்டமாக அறிவிக்க வேண்டியதன் அவசியத்தை கிராம மக்களுக்கு உணர்த்தி விழிப்புணர்வு ஏற்படுத்தும் வகையில், மணல்மேட்டில் வழக்குரைஞர்கள் குழுவினர் வெள்ளிக்கிழமை தெருமுனை பிரசாரக் கூட்டம் நடத்தினர்.
மணல்மேடு பேரூராட்சி அலுவலகம் முன்பு, மயிலாடுதுறை மாவட்டத்துக்கான வழக்குரைஞர் குழு ஒருங்கிணைப்பாளர் ராம.சேயோன் தலைமையில்,  குழு நிர்வாகிகள் சிவதாஸ், சிவச்சந்திரன் ஆகியோர் தெருமுனை பிரசாரக் கூட்டம் நடத்தி உரையாற்றினர். 
மணல்மேடு பேரூராட்சி  முன்னாள் தலைவர் விஸ்வநாதன், முன்னாள் உறுப்பினர் நடராஜன், ஸ்ரீநாத் ஆகியோர் சிறப்பு அழைப்பாளர்களாக பங்கேற்று பேசினர்.  மயிலாடுதுறை மாவட்ட கோரிக்கை அடங்கிய துண்டுப் பிரசுரங்கள் அனைவருக்கும் விநியோகிக்கப்பட்டன.
 

]]>
https://www.dinamani.com/all-editions/edition-nagapattinam/nagapattinam/2019/aug/18/மயிலாடுதுறை-தனி-மாவட்ட-கோரிக்கை-மணல்மேட்டில்-தெருமுனை-பிரசாரம்-3216010.html
3215740 நாகப்பட்டினம் நாகப்பட்டினம் மயிலாடுதுறையில் இன்று இயற்கை வளம், கனிமவளப் பாதுகாப்பு மாநாடு DIN DIN Sunday, August 18, 2019 12:54 AM +0530
மயிலாடுதுறையில் இயற்கை வளம் மற்றும் கனிம வளப் பாதுகாப்பு மாநாட்டை நீதிமன்ற அனுமதியுடன் ஞாயிற்றுக்கிழமை (ஆகஸ்ட் 18) நடத்துவதாக மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் பேராசிரியர் த.ஜெயராமன் தெரிவித்துள்ளார்.
இதுகுறித்து அவர் வெளியிட்ட அறிக்கை:  மயிலாடுதுறையில் ஞாயிற்றுக்கிழமை காலை 10 முதல் மாலை 5 மணி வரை தமிழ்நாட்டின் இயற்கை வளம் மற்றும் கனிமவளப் பாதுகாப்பு மாநாட்டை மீத்தேன் திட்ட எதிர்ப்புக் கூட்டமைப்பு நடத்துகிறது. சென்னை உயர்நீதிமன்றத்தின் பல்வேறு நிபந்தனைகளுக்கு உள்பட்டு இம்மாநாடு நடத்தப்படுகிறது. காவிரிப்படுகையை பாதுகாக்கப்பட்ட வேளாண் மண்டலமாக அறிவிக்க வேண்டும். மீத்தேன், ஹைட்ரோகார்பன் திட்டங்களை அரசு கைவிட வேண்டும். தமிழகத்தின் மீது திணிக்கப்படும் பேரழிவுத் திட்டங்கள் ரத்து செய்யப்படவேண்டும் ஆகியவை முக்கிய கோரிக்கைகள் ஆகும். 
தமிழகத்தில் காடு, மலை, நீராதாரங்கள் அழிக்கப்படுகின்றன.
இயற்கை வளமும் கனிம வளங்களும் சூறை போகின்றன. மக்கள் வாழமுடியாத நிலப்பரப்பாக தமிழகம் மாறிவிடும் அபாயம் காத்திருக்கிறது. நீரையும், நிலத்தையும் நச்சுமயமாக்கும் எண்ணெய்- எரிவாயுத் திட்டங்கள், மீத்தேன், ஷேல் மீத்தேன் ஹைட்ரோகார்பன் என்று பல பெயர்களில் தமிழகத்தை அச்சுறுத்துகின்றன. மூன்று சுற்று ஏலங்களில் காவிரிப்படுகையில் 7,000 சதுர கிலோ மீட்டருக்கு மேல் ஹைட்ரோகார்பன் திட்டங்களை நடைமுறைப்படுத்த உரிமம் அளிக்கப்பட்டுள்ளது. 
ஒட்டுமொத்தத் தமிழகத்துக்கும் ஒரே சவக்குழியாக உருவாக்கப்படும் கூடங்குளம் அணு உலைப் பூங்காவும், அணுக்கழிவு மையமும் நம்மை அச்சுறுத்துகின்றன. 
விளைநிலங்களில் இருந்து விவசாயிகளையும், கடலிலிருந்து மீனவர்களையும், காடுகளில் இருந்து பழங்குடிகளையும், வாழ்விடங்களிலிருந்து மக்களையும், வளர்ச்சி என்ற பெயரில் விரட்டியடிக்கக் கூடிய சூழல் எழுந்துள்ளது. காவிரிப்படுகையில் நிலைத்து வாழ, தமிழகத்தைப் பாதுகாக்க, கனிம வளத்தைப் பாதுகாக்க மயிலாடுதுறை மாநாட்டில் ஒன்று கூடுவோம் என்று அதில் தெரிவித்துள்ளார்.
முன்னதாக, மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் பேராசிரியர் த.ஜெயராமன் மாநாடு துண்டுப் பிரசுரங்களை பொதுமக்களுக்கு விநியோகம் செய்தார்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/மயிலாடுதுறையில்-இன்று-இயற்கை-வளம்-கனிமவளப்-பாதுகாப்பு-மாநாடு-3215740.html
3215739 நாகப்பட்டினம் நாகப்பட்டினம் மேட்டூர் அணை திறப்பு: கொள்ளிடக் கரையோரப் பகுதிகளில் முன்னெச்சரிக்கை நடவடிக்கை தயார்: ஆட்சியர் தகவல் DIN DIN Sunday, August 18, 2019 12:54 AM +0530 மேட்டூர் அணையிலிருந்து நீர் திறக்கப்படுவதையொட்டி, கொள்ளிடக் கரையோரப் பகுதிகளில் முன்னெச்சரிக்கை நடவடிக்கைகள் தயார் நிலையில் வைக்கப்பட்டுள்ளன என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : கர்நாடகம் மற்றும் கேரளம் மாநிலங்களில் கனமழை பெய்து வருவதன் காரணமாக, கபிணி, கிருஷ்ணராஜசாகர் அணைகளிலிருந்து அதிகளவிலான நீர் மேட்டூர் அணைக்கு வந்து கொண்டுடிருக்கிறது.  மேட்டூர் அணையிலிருந்து அதிகப்படியான உபரி நீர் வெளியேற்றப்படும் சூழல் ஏற்பட்டால், வெண்ணாறு, காவிரி மற்றும் கொள்ளிடக் கரையோரப் பகுதிகளில் வெள்ளப் பெருக்கு ஏற்படாமல் தடுக்கவும், பொதுமக்களை பாதுகாப்பாக தங்க வைக்கவும் நடவடிக்கைகள் மேற்கொள்ளப்பட்டுள்ளன.
நாகை மாவட்டத்தில் பொதுமக்களைப் பாதுகாப்பாக தங்கவைப்பதற்காக பல்நோக்குப் பேரிடர் பாதுகாப்பு மையங்கள்,  பள்ளிகள், கல்லூரிகள், திருமணக் கூடங்கள், சமுதாயக் கூடங்கள் கண்டறியப்பட்டு தயார் நிலையில் வைக்கப்பட்டுள்ளன. துணை ஆட்சியர் நிலையில் மண்டல அலுவலர்கள் நியமிக்கப்பட்டு, கரையோரப் பகுதிகளில் தொடர் கண்காணிப்பில் ஈடுபட அறிவுறுத்தப்பட்டுள்ளனர். 
பொதுமக்கள் முன்னெச்சரிக்கையின்றி நீர் நிலைகளில் குளிப்பதையும், மீன்பிடிப்பதையும், செல்லிடப்பேசிகளில் சுயபடம் எடுத்துக் கொள்வதையும் கண்டிப்பாகத் தவிர்க்க வேண்டும். கால்நடைகளுடன் நீர் நிலைகளைக் கடக்கும் போது உரிய கவனத்துடன் செயல்பட வேண்டும் என தெரிவித்துள்ளார்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/மேட்டூர்-அணை-திறப்பு-கொள்ளிடக்-கரையோரப்-பகுதிகளில்-முன்னெச்சரிக்கை-நடவடிக்கை-தயார்-ஆட்சியர்-தகவல்-3215739.html
3215738 நாகப்பட்டினம் நாகப்பட்டினம் வேளாண் கண்காட்சி DIN DIN Sunday, August 18, 2019 12:54 AM +0530
சீர்காழி அருகேயுள்ள சந்தைபடுகை கிராமத்தில் வேளாண்புலம் இறுதியாண்டு மாணவிகள் சார்பில் வேளாண் கண்காட்சி அண்மையில் நடைபெற்றது. 
அண்ணாமலை பல்கலைக்கழக வேளாண்புல இறுதியாண்டு மாணவிகள் கிராமத்தில் தங்கி பயிற்சி பெறும் திட்டத்தின் ஒரு பகுதியாக நடந்த இந்த வேளாண் கண்காட்சிக்கு திட்டப் பொறுப்பாளரும், இணைப் பேராசிரியருமான வி. சக்திவேல் தலைமை வகித்தார். இதில், விவசாயிகள் பயன்பெறும் வகையில் ஒருங்கிணைந்த பண்ணை வேளாண்மை மற்றும் சில புதிய வேளாண் தகவல்களை மாணவிகள் விவசாயிகளுக்கு எடுத்துரைத்தனர். இதில் கிராமமக்கள், விவசாயிகள் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/18/வேளாண்-கண்காட்சி-3215738.html
3215737 நாகப்பட்டினம் நாகப்பட்டினம் மாவட்டக் கல்வி அலுவலர் பதவி விவகாரம்: நாளை ஆர்ப்பாட்டம் DIN DIN Sunday, August 18, 2019 12:54 AM +0530
மாவட்டக் கல்வி அலுவலர் பதவிக்கு, பணி அனுபவம் இல்லாதவர் பணியமர்த்தப்பட்டதைக் கண்டித்து, திங்கள்கிழமை (ஆகஸ்ட் 19) முதன்மைக் கல்வி அலுவலக வாயிலில் கண்டன ஆர்ப்பாட்டம் நடத்தப்படும் என மயிலாடுதுறையில் நடைபெற்ற நாகை மாவட்ட தமிழ்நாடு மேல்நிலைப்பள்ளி தலைமை ஆசிரியர் கழகத்தின் செயற்குழுக் கூட்டத்தில் தீர்மானம் நிறைவேற்றப்பட்டது.
நாகை மாவட்ட தமிழ்நாடு மேல்நிலைப்பள்ளி தலைமை ஆசிரியர் கழகத்தின் செயற்குழுக் கூட்டம், மயிலாடுதுறை தியாகி ஜி.நாராயணசாமி நகராட்சி மேல்நிலைப் பள்ளியில் மாவட்ட தலைவர்ஜி.பரமசிவம் தலைமையில் அண்மையில் நடைபெற்றது.
இதில் நிறைவேற்றப்பட்ட தீர்மானங்கள்: நாகை மாவட்டக் கல்வி அலுவலர் (பொறுப்பு) பதவிக்கு நியமனம் செய்யும்போது, நாகை முதன்மைக் கல்வி அலுவலர் தனது எதேச்சதிகாரத்தையும், தனது பதவி அதிகார துஷ்பிரயோகத்தையும் பயன்படுத்தி, மேல்நிலைக் கல்வியில் முற்றிலும் பணி அனுபவம் இல்லாத கீழ்நிலை பதவியில் உள்ள ஒருவரை மேல்நிலைப் பள்ளியை ஆய்வு செய்யும் அலுவலராக நியமித்திருப்பது, முதன்மைக் கல்வி அலுவலரின் தவறான உள்நோக்கத்தை வெளிப்படுத்துவதோடு, அரசு விதிகளை முற்றிலுமாக புறந்தள்ளியிருப்பது தெளிவாக தெரிகிறது.
இது மேல்நிலைப்பள்ளி தலைமை ஆசிரியர்களுக்கு பெரிதும் மன உளைச்சலையும், தர்மசங்கடத்தையும் ஏற்படுத்தும் விதமாகவும் உள்ளது. ஆகவே, அரசு விதிகளுக்கு முற்றிலும் புறம்பாக செய்யப்பட்டுள்ள நாகை கல்வி மாவட்ட அலுவலர் (பொறுப்பு) பணி நியமனத்தை உடனடியாக ரத்து செய்து, நியாயமான முறையில் பாரபட்சமின்றி பணி மூப்பிலுள்ள மேல்நிலைப்பள்ளி தலைமை ஆசிரியரை உடனடியாக நியமிக்க இச்செயற்குழு முதன்மைக் கல்வி அலுவலரை வலியுறுத்தி கேட்டுக்கொள்கிறது.  
தவறாக நியமிக்கப்பட்டு உள்ள நாகை மாவட்ட கல்வி அலுவலர் (பொறுப்பு) பணி நியமனத்தை உடனடியாக ரத்து செய்து, விதிகளுக்கு உள்பட்ட பணி நியமனத்தை ஏற்படுத்தவில்லை என்றால், வரும் திங்கள்கிழமை (ஆக.19) மாலை 6 மணிக்கு, முதன்மைக் கல்வி அலுவலக வாயிலில் அனைத்து மேல்நிலைப்பள்ளி தலைமை ஆசிரியர்கள் மற்றும் முதுகலை 
ஆசிரியர் சங்கங்களை ஒன்றிணைத்து மாபெரும் கண்டன ஆர்ப்பாட்டம் நடத்தப்படும் என தீர்மானம் நிறைவேற்றப்பட்டது.  கூட்டத்தில், மாவட்டச் செயலாளர் செல்வராஜ், பொருளாளர் தாமரைச்செல்வன் மற்றும் மேல்நிலைப் பள்ளி தலைமை ஆசிரியர்கள் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/மாவட்டக்-கல்வி-அலுவலர்-பதவி-விவகாரம்-நாளை-ஆர்ப்பாட்டம்-3215737.html
3215736 நாகப்பட்டினம் நாகப்பட்டினம் இயற்கை விவசாயி உள்ளிட்டோருக்கு விழுதுகள் விருது DIN DIN Sunday, August 18, 2019 12:54 AM +0530
சீர்காழி விழுதுகள் இயக்கம் சார்பில் 2019-ஆம் ஆண்டுக்கான சிறந்த இயற்கை விவசாயி எனும் விருது கொண்டல் விவசாயி பாலகுருவுக்கு அண்மையில் வழங்கப்பட்டது. 
சீர்காழி விழுதுகள் இயக்கம் சார்பில் ஆண்டுதோறும் சுதந்திர தினத்தில் பல்துறையில் சிறந்து விளங்கும் நபர்களுக்கு தன்னலமற்ற சிறந்த சமூக சேவைக்கான விழுதுகள் விருதினை வழங்கி வருகிறது. அதன்படி, நிகழாண்டு விழா அதன் தலைவர் ஏகே. சரவணன் தலைமையில் நடைபெற்றது. இவ்விழாவில் கருகிய நெற்பயிரை இயற்கை முறையில் இழை, தழைகளை தண்ணீரில் ஊற வைத்து அந்த தண்ணீரை பாய்ச்சி  கருகிய நெற்பயிரை காப்பாற்றி செழுமையாக வளர்த்த சீர்காழி கொண்டலை சேர்ந்த விவசாயி பாலகுருவுக்கு 2019-ஆம் ஆண்டுக்கான விருது வழங்கப்பட்டது.
இதுகுறித்த செய்தி தினமணியில் வெளிவந்தது மூலம் இந்த விவசாயி பற்றி வெளி உலகுக்கு தெரியவந்ததால் இயற்கை விவசாயத்தை முன்னெடுக்கும் விதமாக இந்த விருது பாலகுருவுக்கு வழங்கப்பட்டதாக சரவணன் தெரிவித்தார். இதேபோல் அரசுப் பள்ளி மாணவர்களை சரளமாக ஆங்கிலத்தில் பேசவைத்து வரும் கேவரோடை அரசு பள்ளி ஆசிரியை இரா. அருள்மொழிக்கும், மயிலாடுதுறையை சேர்ந்த சமூக ஆர்வலர் அ. அப்பர்சுந்தரத்திற்கும், ரோட்டரி மூலம் பல்வேறு சமூக பணி மேற்கொண்டுவரும் மு. பழனியப்பன் ஆகியோருக்கு விழுதுகள் விருதும், சிட்டுக்குருவி கூண்டும் வழங்கி கௌரவிக்கப்பட்டது. 
இதேபோல், கட்டுரை போட்டியில் வென்ற சிதம்பரத்தை சேர்ந்த வாணிக்கும் சிட்டுக்குருவி கூண்டு வழங்கப்பட்டது. இதில் ஆசிரியர் காசி. இளங்கோவன் மற்றும் சரவணன், உத்திரா. பொன்னழகன் ஆகியோர் பங்கேற்றனர். 

]]>
https://www.dinamani.com/all-editions/edition-nagapattinam/nagapattinam/2019/aug/18/இயற்கை-விவசாயி-உள்ளிட்டோருக்கு-விழுதுகள்-விருது-3215736.html
3215734 நாகப்பட்டினம் நாகப்பட்டினம் மேலப்பாதி நாகராஜா சுவாமி கோயிலில் பால்குட விழா DIN DIN Sunday, August 18, 2019 12:53 AM +0530
ஆடி பௌர்ணமியையொட்டி, செம்பனார்கோவில் அருகே மேலப்பாதி கிராமத்தில் எழுந்தருளியுள்ள பிரசித்திபெற்ற நாகராஜா சுவாமி கோயிலில் பால்குட விழா வெள்ளிக்கிழமை நடைபெற்றது.
இதையொட்டி, காவிரி ஆற்றங்கரையில் இருந்து மேள தாள முழக்கத்துடன் பால்குடங்கள் ஊர்வலமாக எடுத்து செல்லப்பட்டன. தொடர்ந்து, சுவாமிக்கு பாலாபிஷேகம் செய்யப்பட்டு சிறப்பு அலங்காரத்துடன் அர்ச்சனையும், ஆராதனையும் நடைபெற்றது. இதில் பஜனைசபா குழுவினர் உள்ளிட்ட திரளானோர் கலந்துகொண்டனர்.
இதேபோல், கடிச்சம்பாடி பத்ரகாளியம்மன், பரசலூர் வடபத்ரகாளியம்மன் கோயில், கீழிருப்பு அங்காளம்மன் கோயில், திருநகரி சந்தனமுத்துமாரியம்மன் கோயில், கருவாழைக்கரை காமாட்சி அம்மன் கோயில், கீழப்பாதி தில்லை காளியம்மன் கோயில் ஆகிய கோயில்களிலும் சிறப்பு வழிபாடுகள் நடைபெற்றன.
எல்லையம்மன் கோயிலில்...
இதேபோல், ஆடி கடைசி வெள்ளியையொட்டி, செம்பனார்கோவில் அருகே திருச்சம்பள்ளி கிராமத்தில் உள்ள பிரசித்தி பெற்ற எல்லையம்மன் கோயிலில் பால்குட ஊர்வலம் நடைபெற்றது.
இதையொட்டி விநாயகர் கோயிலில் இருந்து அலங்கரிக்கப்பட்ட பால்குடங்களை பக்தர்கள் சுமந்து கொண்டு ஊர்வலமாக சென்றனார். தொடர்ந்து அம்மனுக்கு பாலாபிஷேகம், சந்தனக் காப்பு அலங்காரம் செய்து 1,008 மந்திரம் படித்து அர்ச்சனை நடைபெற்றது. இதில் திரளான பக்தர்கள் கலந்துகொண்டனர். 
 

]]>
https://www.dinamani.com/all-editions/edition-nagapattinam/nagapattinam/2019/aug/18/மேலப்பாதி-நாகராஜா-சுவாமி-கோயிலில்-பால்குட-விழா-3215734.html
3215733 நாகப்பட்டினம் நாகப்பட்டினம் வயல்வெளியில் வேளாண் அதிகாரிகள் ஆய்வு DIN DIN Sunday, August 18, 2019 12:53 AM +0530
கொள்ளிடம் பகுதியில் குறுவை நெல் பயிர் நிற மாற்றத்துக்கான காரணிகள் குறித்து வேளாண் அதிகாரிகள் கொண்ட குழுவினர் அண்மையில் ஆய்வு மேற்கொண்டனர்.
நாகை மாவட்டம் கொள்ளிடம் அருகே குன்னம் கிராமத்தில் சுமார் 50 ஏக்கர் நிலப்பரப்பில்  குறுவை நெல் பயிரிடப்பட்டுள்ளது. இதில் நெற்பயிர் பசுந்தாளின் நிறம் மாறியும், உரிய காலத்துக்கு முன்பே வளர்ச்சி குன்றிய நிலையில் குறைந்த எண்ணிக்கையில் நெல் மணிகள் கொண்ட கதிர் வந்திருந்தது. இதனால், அஞ்சிய விவசாயிகள் வேளாண் அதிகாரிகளுக்கு தகவல் கொடுத்தனர். 
இதைத்தொடர்ந்து, மாவட்ட வேளாண் இயக்குநரும், மாவட்ட ஆட்சியரின்  நேர்முக வேளாண் உதவியாளருமான பன்னீர்செல்வம், மாவட்ட விதைச்சான்று ஆய்வு துணை இயக்குநர் கல்யாணசுந்தரம், ஆடுதுறை நெல் ஆராய்ச்சி நிலைய மரபியல் துறை உதவி பேராசிரியர் மணிமாறன், நாகை விதைச்சான்று உதவி இயக்குநர் குப்புசாமி, கொள்ளிடம் வேளாண் உதவி இயக்குநர் சுப்பையன், வேளாண் அலுவலர் விவேக் மற்றும் வேளாண்துறை அதிகாரிகள், விதைச் சான்று அலுவலர்கள், விதை ஆய்வு அலுவலர்கள் ஆகியோரை கொண்ட குழுவினர் குன்னம் கிராமத்தில், விவசாயி விஸ்வநாதன் என்பவரின் நெல் வயலில்  இறங்கி  ஆய்வு மேற்கொண்டனர்.  
இதுகுறித்து மாவட்ட  விதைச்சான்று உதவி இயக்குநர் கல்யாணசுந்தரம் கூறியது:
இங்கு பயிரிடப்பட்டுள்ள நெற்பயிர் கதிர் முற்றியது போல் உள்ளது என்றும் பழுப்பு நிறமாகியுள்ளது என்றும் விதையில் கலப்பு இருப்பதாகவும் தெரிவித்தனர். தற்போது ஆய்வு செய்ததில் ஒரு ரக நெல்விதை மட்டுமே பயிர் செய்யப்பட்டுள்ளது. இதில் கலப்பு ஏதும் இல்லை. கதிர் முன்பே வந்திருக்கும் இளமையான நாற்றின் கதிர் சில நாள்கள் கழித்து வரும். அப்படி இல்லையென்றால் காலநிலை மாற்றத்தால் ஏற்பட்டுள்ளதா என்றும் சந்தேகிக்கிறோம். விதையால் எந்த பாதிப்பும் இல்லை என்றார். 
ஆடுதுறை நெல் ஆராய்ச்சி நிலைய உதவி பேராசிரியர் மணிமாறன் கூறுகையில், 25 நாள்களில் நாற்றை பறித்து நட்டால் கதிர் நன்றாக இருக்கும். 5 நாள்கள் கழித்து நடவு செய்தாலும் இதுபோன்ற மாற்றங்கள் வரும் என்றார். 

]]>
https://www.dinamani.com/all-editions/edition-nagapattinam/nagapattinam/2019/aug/18/வயல்வெளியில்-வேளாண்-அதிகாரிகள்-ஆய்வு-3215733.html
3215732 நாகப்பட்டினம் நாகப்பட்டினம் திருவிளக்கு பூஜை DIN DIN Sunday, August 18, 2019 12:53 AM +0530
ஆடிக் கடைசி வெள்ளியை முன்னிட்டு, திருக்குவளை அருகேயுள்ள வலிவலம்  மாழையொண் கண்ணி சமேத இருதய கமலநாத சுவாமி கோயிலில் திருவிளக்கு பூஜை நடைபெற்றது.
இதையொட்டி, அம்மனுக்கு சிறப்பு அபிஷேகம் நடைபெற்றது. தொடர்ந்து, மலர்களால் அலங்கரிக்கப்பட்டு, மகா தீபாராதனை காட்டப்பட்டு, திருவிளக்கு பூஜை நடைபெற்றது. இதில் வலிவலம் மற்றும் அதைச் சுற்றியுள்ள ஏராளமான பெண்கள்  கலந்துகொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/திருவிளக்கு-பூஜை-3215732.html
3215730 நாகப்பட்டினம் நாகப்பட்டினம் நீண்டகால சேவை பதக்கம் பெற்ற சாரண-சாரணியர்களுக்குப் பாராட்டு DIN DIN Sunday, August 18, 2019 12:53 AM +0530
சாரண-சாரணியர் இயக்கத்தில் நீண்டகால சேவை பதக்கம் பெற்றவர்களுக்கு வியாழக்கிழமை பாராட்டு தெரிவிக்கப்பட்டது. 
தமிழக அரசு மற்றும் மாநில சாரண சாரணியர் இயக்கம் சார்பில் 20-ஆண்டுகளுக்கு மேல் சேவை செய்த இருபால் ஆசிரியர்களுக்கு சுதந்திர தினத்தையொட்டி நீண்ட கால சேவை பதக்கம் வழங்கும் விழா சென்னையில் வியாழக்கிழமை நடைபெற்றது. இதில், தமிழக பள்ளிக் கல்வி அமைச்சர் செங்கோட்டையன் பங்கேற்று சாரணர் விருதை வழங்கினார். இதில், சீர்காழி கல்வி மாவட்டம் சார்பில் ஆச்சாள்புரம் அரசு மேல்நிலைப் பள்ளி ஆசிரியர் அசோக்குமார், பொறையாறு டிஇஎல்சி தலிதாகூமி பெண்கள் உயர்நிலைப் பள்ளி ஆசிரியை செல்வராணி, மயிலாடுதுறை மாவட்டம் சார்பில் நடராஜன் ஆகியோர் இந்த விருதை பெற்றனர். விருது பெற்றவர்களுக்கு மாவட்ட முதன்மைக் கல்வி அலுவலர் குணசேகரன், மாவட்ட கல்வி அலுவலர் குமார், சாரண-சாரணியர் இயக்க மாவட்டச் செயலர் காசி. இளங்கோவன், மாவட்ட ஆணையர்கள் செந்தாமரை கண்ணன், அருள்மொழி, மாவட்ட துணை ஆணையர் கோ.வி. நடராஜன் ஆகியோர் வாழ்த்தினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/நீண்டகால-சேவை-பதக்கம்-பெற்ற-சாரண-சாரணியர்களுக்குப்-பாராட்டு-3215730.html
3215729 நாகப்பட்டினம் நாகப்பட்டினம் கிராமசபைக் கூட்டத்தில் முறைகேடு என புகார் DIN DIN Sunday, August 18, 2019 12:53 AM +0530
மாப்படுகை ஊராட்சியில் கிராமசபைக் கூட்டம் நடத்தியதில் முறைகேடு நடைபெற்றுள்ளதாக மயிலாடுதுறை வட்டார வளர்ச்சி அலுவலரிடம் வெள்ளிக்கிழமை புகார் தெரிவிக்கப்பட்டது.
இதுகுறித்து, மயிலாடுதுறை ஊராட்சி ஒன்றிய அலுவலகத்தில், வட்டார வளர்ச்சி  அலுவலர் விஜயலெட்சுமியிடம் கிராம மக்கள் சார்பாக திராவிடர் விடுதலைக் கழக மாவட்டச் செயலாளர் தெ.மகேஷ் அளித்த புகார் மனு:
மயிலாடுதுறை ஒன்றியம், மாப்படுகை ஊராட்சியில் வியாழக்கிழமை நடைபெற்ற கிராமசபைக் கூட்டத்தில், ஹைட்ரோகார்பன் திட்டத்தை ரத்து செய்ய வலியுறுத்தியும்,  மயிலாடுதுறையை தனி மாவட்டமாக அறிவிக்க வலியுறுத்தியும், தேசிய கல்விக் கொள்கை ரத்து செய்யக் கோரியும் கிராம மக்கள் சார்பில் வலியுறுத்தப்பட்டது. ஆனால், அரசு ஊழியர்கள் தீர்மானம் நிறைவேற்ற மறுப்பு தெரிவித்து, கிராமசபைக் கூட்டத்தை ரத்து செய்வதாக அறிவித்து வெளியேறிவிட்டனர். பின்பு ரகசியமாக அவர்கள் எழுதி எடுத்து வந்த தீர்மானங்களை நிறைவேற்றிச் சென்றுள்ளனர். அன்றைய தினம் கிராமசபைக் கூட்டம் நடைபெறவில்லை என்பது பற்றாளர் பூவராகவனுக்கு தெரியும். எனவே, இதுகுறித்து உரிய விளக்கம் அளிக்க வேண்டும் என அந்த மனுவில் கூறியிருந்தார்.  அப்போது, நாம் தமிழர் கட்சி, இயற்கை வேளாண் விவசாயிகள் அமைப்புகளைச் சேர்ந்த விவசாயிகள் மற்றும் பொதுமக்கள் உடனிருந்தனர். இந்த மனுவின் நகல், சென்னை தலைமைச் செயலக ஊரக வளர்ச்சித்துறை இயக்குநர், நாகை மாவட்ட ஆட்சியர் மற்றும் மாவட்ட தணிக்கை ஊரக வளர்ச்சித்துறை உதவி இயக்குநர் ஆகியோருக்கும் அனுப்பப்பட்டுள்ளது.

]]>
https://www.dinamani.com/all-editions/edition-nagapattinam/nagapattinam/2019/aug/18/கிராமசபைக்-கூட்டத்தில்-முறைகேடு-என-புகார்-3215729.html
3215728 நாகப்பட்டினம் நாகப்பட்டினம் அரசு கல்லூரியில் புதிய பாடப் பிரிவுகளுக்கு விண்ணப்பங்கள் வழங்கல் DIN DIN Sunday, August 18, 2019 12:52 AM +0530 சீர்காழி அருகே புத்தூரில் உள்ள பொன்மனச்செம்மல் புரட்சித் தலைவர் எம்ஜிஆர் அரசு கலை மற்றும் அறிவியல் கல்லூரியில் புதிய பாடப் பிரிவுகளுக்கான விண்ணப்பங்கள் ஆக.19-ஆம் தேதி முதல் வழங்கப்படவுள்ளது என கல்லூரி முதல்வர் தே. லட்சுமி தெரிவித்துள்ளார். 
இதுகுறித்து, அவர் வெளியிட்டுள்ள செய்திக் குறிப்பு: புத்தூர் அரசு கல்லூரியில் நிகழ் கல்வியாண்டு  முதல் (2019-20) இளம் வணிக நிர்வாகவியல் (பிபிஏ), முதுகலை தமிழ் (எம்ஏ தமிழ்), முதுஅறிவியல் கணிதம் ( எம்எஸ்சி கணிதம்) ஆகிய புதிய பாடப் பிரிவுகள் விரைவில் தொடங்கப்படவுள்ளன. புதிய பாடத்திற்கான சேர்க்கை விண்ணப்பங்களை ஆக.19-ஆம் தேதி முதல் கல்லூரி அலுவலகத்தில் மாணவர்கள் பெற்றுக்கொள்ளலாம். இளம் வணிக நிர்வாகவியல் விண்ணப்ப படிவம் ரூ. 50 க்கும், முதுகலை மற்றும் முதுஅறிவியல் விண்ணப்பப் படிவம் ரூ. 60-க்கும் வழங்கப்படும். எஸ்சி, எஸ்டி மாணவர்கள் ஜாதி சான்றிதழ் நகல் கொடுத்து கட்டணமின்றி விண்ணப்பங்கள் பெற்றுக்கொள்ளலாம். புதிய பாடப் பிரிவுகளுக்கான சேர்க்கை கலந்தாய்வு ஆக.28-ஆம் தேதி காலை 10 மணியளவில் கல்லூரி வளாகத்தில் நடைபெறவுள்ளது.
 

]]>
https://www.dinamani.com/all-editions/edition-nagapattinam/nagapattinam/2019/aug/18/அரசு-கல்லூரியில்-புதிய-பாடப்-பிரிவுகளுக்கு-விண்ணப்பங்கள்-வழங்கல்-3215728.html
3215727 நாகப்பட்டினம் நாகப்பட்டினம் மயிலாடுதுறை தனி மாவட்ட அறிவிப்பு: அடுத்த ஆண்டு முதல்வர் வெளியிடுவார்: அமைச்சர் ஓ.எஸ். மணியன் தகவல் DIN DIN Sunday, August 18, 2019 12:52 AM +0530
மயிலாடுதுறையை பிரித்து தனி மாவட்டமாக அறிவிக்க வேண்டும் என்ற பல்வேறு தரப்பினரின் கோரிக்கையை தமிழக முதல்வர் பரிசீலனை செய்து வருகிறார். இதற்கான அறிவிப்பை அடுத்த ஆண்டு வெளியிடுவார் என்று மயிலாடுதுறையில் நிகழ்ச்சி ஒன்றில் பேசிய கைத்தறி மற்றும் துணிநூல் துறை அமைச்சர் ஓ.எஸ்.மணியன் தெரிவித்தார்.
மாவட்ட வேலைவாய்ப்பு அலுவலகம், தமிழ்நாடு ஊரக வாழ்வாதார இயக்கம் (மகளிர் திட்டம்) மற்றும் தருமபுரம் ஆதீனம் கலைக் கல்லூரி நாட்டு நலப்பணித் திட்ட வேலை வாய்ப்பு வழிகாட்டுக்குழுமம், மயிலாடுதுறை சென்ட்ரல் லயன்ஸ் சங்கம் மற்றும் மயிலாடுதுறை சென்ட்ரல் ஷைன் லயன்ஸ் சங்கம் ஆகியன சார்பில், தனியார் துறை வேலைவாய்ப்பு முகாம் தருமபுரம் ஆதீனம் கலைக் கல்லூரியில் சனிக்கிழமை நடைபெற்றது.
இந்த முகாமில், அமைச்சர் ஓ.எஸ்.மணியன் சிறப்பு அழைப்பாளராகப் பங்கேற்று, தேர்வு செய்யப்பட்ட 823 பேருக்கு பணி நியமன ஆணைகளை வழங்கி, சிறப்புரை ஆற்றினார். பின்னர், அவர் செய்தியாளர்களிடம் கூறியது: 
மயிலாடுதுறையைப் பிரித்து தனி மாவட்டமாக அறிவிக்க வேண்டும் என்ற கோரிக்கை பல தரப்பில் இருந்து வந்து கொண்டிருக்கிறது. இதன் மீது வருகிற ஆண்டு தமிழக முதல்வர் நல்ல அறிவிப்பை வெளியிடுவார். காவிரியில் ஜூன் 12-இல் திறக்க வேண்டிய தண்ணீர், தற்போது திறக்கப்பட்டுள்ளது. தற்போது நாற்று விடும் பணிக்காக 10 ஆயிரம் கனஅடி தண்ணீர் திறந்துவிடப்பட்டுள்ளது.
மேலும் அதிக நீர்வரத்து இருந்து அதிக தண்ணீர் திறந்து விடப்பட்டால் அதைப் பாசனத்துக்காகப் பயன்படுத்தலாம். இந்த ஆண்டு விவசாயிகள் மகிழ்ச்சியாக இருக்க இயற்கை உதவும் என்றார்.
இந்த முகாமில், 65 தனியார் துறை நிறுவனங்கள் மற்றும் 5 திறன் பயிற்சி நிறுவனங்கள் பங்கேற்றன. முகாமில், கலந்துகொண்ட 4,237 வேலைநாடுநர்களில், 823 பேர் தேர்வு செய்யப்பட்டு, பணி நியமன ஆணைகள் வழங்கப்பட்டன. மேலும், நிகழ்ச்சியில் 27 மாற்றுத் திறனாளி தம்பதியினருக்கு தலா 8 கிராம் வீதம் 216 கிராம் தங்க நாணயங்கள் வழங்கப்பட்டன.
நிகழ்ச்சிக்கு, மாவட்ட ஆட்சியர் சீ.சுரேஷ்குமார் தலைமை வகித்தார். சட்டப் பேரவை உறுப்பினர்கள் வீ.ராதாகிருஷ்ணன் (மயிலாடுதுறை), எஸ்.பவுன்ராஜ் (பூம்புகார்) பி.வி.பாரதி (சீர்காழி) ஆகியோர் முன்னிலை வகித்தனர்.
மயிலாடுதுறை வருவாய் கோட்டாட்சியர் இ.கண்மணி, மயிலாடுதுறை துணைக் காவல் கண்காணிப்பாளர் வெள்ளத்துரை, மயிலாடுதுறை வட்டாட்சியர் இந்துமதி, தருமபுரம் ஆதீன கல்வி நிறுவனங்களின் செயலர் எம்.திருநாவுக்கரசு, தருமபுரம் ஆதீனம் கலைக்கல்லூரி முதல்வர் எஸ்.சுவாமிநாதன் உள்ளிட்ட பலர் பங்கேற்றனர். மாவட்ட வேலைவாய்ப்பு அலுவலர் மு.ஹேமலதா வரவேற்றார். மாவட்ட மாற்றுத்திறனாளிகள் நல அலுவலர் சி.சந்திரமோகன் நன்றி தெரிவித்தார்.

]]>
https://www.dinamani.com/all-editions/edition-nagapattinam/nagapattinam/2019/aug/18/மயிலாடுதுறை-தனி-மாவட்ட-அறிவிப்பு-அடுத்த-ஆண்டு-முதல்வர்-வெளியிடுவார்-அமைச்சர்-ஓஎஸ்-மணியன்-தகவல்-3215727.html
3215726 நாகப்பட்டினம் நாகப்பட்டினம் மேல்நிலைப்பள்ளி தலைமையாசிரியர் கழக கூட்டம் DIN DIN Sunday, August 18, 2019 12:52 AM +0530
குத்தாலத்தில் நாகை மாவட்ட தமிழ்நாடு மேல்நிலைப்பள்ளி தலைமையாசிரியர் கழகத்தின் அவசர ஆலோசனைக் கூட்டம் வெள்ளிக்கிழமை நடைபெற்றது.
மாவட்ட தலைவர் ஜி. பரமசிவம் தலைமை வகித்தார். மாவட்டச் செயலாளர் எம்.செல்வராஜ்,  பொருளாளர் ஜி.தாமரைச்செல்வன் ஆகியோர் முன்னிலை வகித்தனர். இதில் நாகை மாவட்ட கல்வி அலுவலர் பொறுப்புக்கு அரசின் விதிமுறைகளை மீறி மேல்நிலை கல்வி அனுபவமில்லாத நபரை மாவட்ட முதன்மை கல்வி அலுவலர் தன்னிச்சையாக நியமனம் செய்ததை கண்டித்தும், உடனடியாக அந்நியமனத்தை ரத்து செய்து மேல்நிலைப்பள்ளி தலைமையாசிரியரை நியமனம் செய்ய வேண்டும் என்றும், தவறும்பட்சத்தில் மாவட்ட முதன்மை கல்வி அலுவலர் அலுவலகம் முன்பு ஆர்ப்பாட்டம் செய்வது என முடிவு செய்யப்பட்டது. 

]]>
https://www.dinamani.com/all-editions/edition-nagapattinam/nagapattinam/2019/aug/18/மேல்நிலைப்பள்ளி-தலைமையாசிரியர்-கழக-கூட்டம்-3215726.html
3215725 நாகப்பட்டினம் நாகப்பட்டினம் விஷ வாயு தாக்கி இறந்தவர்களின் குடும்பத்துக்கு அரசியல் கட்சியினர் ஆறுதல் DIN DIN Sunday, August 18, 2019 12:52 AM +0530
நாகையில் புதை சாக்கடை கிணற்றிலிருந்து வெளியேறிய விஷ வாயு தாக்கி உயிரிழந்த தொழிலாளர்கள் இருவரின் குடும்பத்துக்கு நாகை
எம்.எல்.ஏ மற்றும் அரசியல் கட்சியினர் சனிக்கிழமை ஆறுதல் தெரிவித்தனர்.
நாகை, நம்பியார் நகர் வீட்டு வசதி வாரிய குடியிருப்பு அருகே உள்ள ஒரு புதை சாக்கடை கிணற்றில் அடைப்பு நீக்கும் பணியில் ஈடுபட்ட ஒப்பந்தத் தொழிலாளர்களான நாகூர் அமிர்தா நகர் சுனாமி குடியிருப்பைச் சேர்ந்த ஆர். மாதவன்(38), நாகை, காட்டுநாயக்கன் தெருவைச் சேர்ந்த என். சக்திவேல்(27) ஆகிய இருவரும், புதை சாக்கடை கிணற்றிலிருந்து வெளியான விஷ வாயு தாக்கி நிகழ்விடத்திலேயே வெள்ளிக்கிழமை உயிரிழந்தனர்.
இப்பணியில் ஈடுபட்டிருந்த மற்றொரு தொழிலாளரான வெளிப்பாளையம், வண்டிப்பேட்டையைச் சேர்ந்த த.ஸ்ரீதர்(40)  மூச்சுத் திணறல் ஏற்பட்டு நாகை அரசு மருத்துவமனையில் அனுதிக்கப்பட்டார்.
ஆறுதல்..
மாதவன் மற்றும் சக்திவேல் ஆகியோரின் சடலங்கள் பிரேத பரிசோதனைக்குப் பின்னர், சனிக்கிழமை காலை அவர்களின் உறவினர்களிடம் ஒப்படைக்கப்பட்டன. 
நாகை சட்டப் பேரவை உறுப்பினர் எம். தமிமுன் அன்சாரி,  முன்னாள் அமைச்சர்கள் ஆர். ஜீவானந்தம், கே.ஏ. ஜெயபால், அதிமுக நாகை நகரச் செயலாளர் தங்க. கதிரவன் ஆகியோர் சனிக்கிழமை காலை அரசு மருத்துவமனைக்குச் சென்று, மாதவன் மற்றும் சக்திவேலின் குடும்பத்துக்கு ஆறுதல் தெரிவித்தனர்.
பின்னர், விஷ வாயு தாக்கியதில் மூச்சுத் திணறல் ஏற்பட்டு சிகிச்சை பெற்று வரும் தொழிலாளர் ஸ்ரீதரை அவர்கள் சந்தித்து ஆறுதல் கூறி, உரிய மருத்துவ சிகிச்சைகளை உறுதி செய்யுமாறு மருத்துவர்களைக்கேட்டுக் கொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/18/விஷ-வாயு-தாக்கி-இறந்தவர்களின்-குடும்பத்துக்கு-அரசியல்-கட்சியினர்-ஆறுதல்-3215725.html
3215724 நாகப்பட்டினம் நாகப்பட்டினம் ரூ. 25 லட்சம் இழப்பீடு வழங்க வேண்டும்: அரசு ஊழியர் சங்கம் கோரிக்கை DIN DIN Sunday, August 18, 2019 12:52 AM +0530
நாகையில் புதை சாக்கடை கிணற்றிலிருந்து வெளியேறிய விஷ வாயு தாக்கி இறந்தவர்களின் குடும்பங்களுக்குத் தலா ரூ. 25 லட்சம் அரசு இழப்பீடு வழங்க வேண்டும் என தமிழ்நாடு அரசு ஊழியர் சங்கம் கோரிக்கை விடுத்துள்ளது.
இதுகுறித்து தமிழ்நாடு அரசு ஊழியர் சங்க நாகை மாவட்டச் செயலாளர் ஏ.டி. அன்பழகன் வெளியிட்ட அறிக்கை : 
நாகை, வீட்டுவசதி வாரிய குடியிருப்பு அருகே உள்ள ஒரு புதை சாக்கடை கிணற்றில் அடைப்பை நீக்கும் பணியில் ஈடுபட்ட ஒப்பந்தத் தொழிலாளர்கள் மாதவன், சக்திவேல் ஆகியோர் உயிரிழந்தனர். மற்றொரு தொழிலாளரான ஸ்ரீதர் மூச்சுத் திணறலுக்கு உள்ளாகி அரசு மருத்துவமனையில் அனுமதிக்கப்பட்டுள்ளார்.
அரசாங்கத்தின் ஒரு பணியை மேற்கொள்ளும்போது ஏற்படும் இழப்புக்கு உரிய இழப்பீட்டை வழங்க வேண்டியது அரசின் கடமையாகும். புதை சாக்கடை கிணற்றில் விஷ வாயு தாக்கி இறந்தவர்கள், அரசின் நிரந்தரப் பணியாளர்கள் இல்லை, அவுட்சோர்சிங் பணியாளர்கள் என்ற காரணங்களை முன்வைக்காமல், முதன்மை வேலை கொடுப்பவர் என்ற அடிப்படையில், உயிரிழந்த இருவரின் குடும்பத்துக்கும் தலா ரூ. 25 லட்சத்தை இழப்பீடாக அரசு வழங்க வேண்டும்.  மேலும், அவர்களின் குடும்பத்தில் ஒருவருக்கு அரசுப் பணி வாய்ப்பும் வழங்க வேண்டும். 
தூய்மைப் பணியை மேற்கொள்பவர்களுக்குத் தேவையான உபகரணங்களை முழுமையாக வழங்குவதுடன், அவற்றின் பயன்பாடு குறித்தும் கண்காணிக்க அரசு உரிய நடவடிக்கை மேற்கொள்ள வேண்டும் என அந்த அறிக்கையில் கேட்டுக்கொள்ளப்பட்டுள்ளது.
ஆறுதல்...
விஷ வாயு தாக்கி இறந்த மாதவன், சக்திவேல் ஆகியோரின் இல்லங்களுக்கு தமிழ்நாடு அரசு ஊழியர் சங்க நிர்வாகிகள் சனிக்கிழமை சென்று, அஞ்சலி செலுத்தி, குடும்பத்தினருக்கு ஆறுதல் கூறினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/ரூ-25-லட்சம்-இழப்பீடு-வழங்க-வேண்டும்-அரசு-ஊழியர்-சங்கம்-கோரிக்கை-3215724.html
3215723 நாகப்பட்டினம் நாகப்பட்டினம் தான்படித்த பள்ளிக்கு பொலிவுறு வகுப்பறையை ஏற்படுத்திய பொறியாளர்..! பி. பாலமுத்துமணி DIN Sunday, August 18, 2019 12:51 AM +0530
திருக்குவளை அருகே உள்ள வலிவலம் ஊராட்சி ஒன்றிய தொடக்கப் பள்ளியில் பயின்ற முன்னாள் மாணவர், தான் படித்த பள்ளிக்கு சுமார் ரூ.1.15 லட்சம் மதிப்பில் பொலிவுறு வகுப்பறை (ஸ்மார்ட் க்ளாஸ்) வசதியை அமைத்துக் கொடுத்திருப்பது பெற்றோர்களிடையேநெகிழ்ச்சியை ஏற்படுத்தியுள்ளது. 
வலிவலத்தில் பல ஆண்டுகளாக வருவாய்த்துறையில் பணியாற்றி ஓய்வுபெற்றவர் சடகோபன். அடிப்படையில் சமூக ஆர்வலரான இவர், தனது மகன் ச. கோகுல கிருஷ்ணனை தான் பயின்ற வலிவலம் ஊராட்சி ஒன்றிய தொடக்கப்பள்ளியில் சேர்த்தார். பின்னர் பொறியியல் பட்டதாரியாக உயர்ந்த கோகுல கிருஷ்ணன், தற்போது பஹ்ரைன் நாட்டில் உள்ள தனியார் நிறுவனம் ஒன்றில் பணிபுரிந்து வருகிறார். 
ஆண்டுக்கு ஒருமுறை விடுமுறையில் தன்னுடைய சொந்த ஊருக்கு வரும் இவர், தான் ஆரம்பக் கல்வி பயின்ற வலிவலம் ஊராட்சி ஒன்றிய தொடக்கப் பள்ளிக்குச் சென்று மாணவர்களுடன் கலந்துரையாடுவது வழக்கம். அந்த வகையில், மாணவர்களுக்குத் தேவையான எழுதுபொருள்கள் மற்றும் நோட்டு ஆகியவற்றை இலவசமாக வழங்கி அவர்களை உற்சாகப்படுத்துவார். 
இம்முறை சொந்த ஊர் வந்த இவர், பள்ளிக்குச் சென்று பார்த்தபோது அங்கு கட்டமைப்பில் மாறுபாடு நிகழ்ந்த வண்ணம் இருந்தது. அதேவேளையில், பள்ளியில் பொலிவுறு வகுப்பறை இல்லாததை உணர்ந்த அவர், அதற்கான திட்டப் பணிகளை மேற்கொள்வதற்காக தலைமை ஆசிரியரிடம் ஒப்புதல் பெற்றுள்ளார்.
தொடர்ந்து, மேலை நாடுகளில் இருப்பது போல் சுமார் ரூ.1.15 லட்சம் மதிப்பீட்டில், பள்ளிக்கு திறன் வகுப்பறை அமைத்து தந்துள்ளார். அவரை தலைமை ஆசிரியர் சி. முரளி மற்றும் ஆசிரிய, ஆசிரியைகள் மட்டுமல்லாமல் கிராம மக்கள் அனைவரும் வெகுவாக பாராட்டினர்.
இதுகுறித்து கோகுல கிருஷ்ணன் கூறியதாவது:
ஒவ்வோர் ஆண்டும் விடுமுறையின்போது நான் படித்த பள்ளிக்கு வருவது என்னுடைய வழக்கம். இதேபோல்,  இந்த ஆண்டும் இப்பள்ளிக்கு வந்து மாணவ-மாணவிகளை சந்தித்தேன். அப்போது ஆசிரியர் ஒருவர் தனது செல்லிடப்பேசி மூலம் மாணவர்களுக்கு புரியும் வகையில் விடியோ வாயிலாக பாடம் நடத்தியதை பார்த்தேன். அப்போது, கடைசி வரிசையில் அமர்ந்திருந்த மாணவர்கள் பலர் அந்த விடியோ தெளிவாக தெரியாமல் தவித்தனர். 
இதைப் பார்த்த எனக்கு மாணவர்கள் செளகரியமாக அமர்ந்து படிக்கும் வண்ணம் அகன்ற திரை, அதாவது ஸ்மார்ட் கிளாஸ் வகுப்பறை அமைத்து கொடுக்க வேண்டும் என்ற எண்ணம் தோன்றியது. ஆகையால், தலைமை ஆசிரியரின் ஒப்புதலோடு அதை ஏற்படுத்திக் கொடுத்தேன்.
 மாணவர்கள் சுதந்திரமான முறையில் செளகரியமாக அமர்ந்து படிப்பதற்காக ஏற்படுத்தப்பட்ட இந்த வசதி, சுதந்திர தினத்தன்று எனது தந்தை மூலமாக திறந்து வைக்கப்பட்டது மகிழ்ச்சியளிக்கிறது. இந்நிகழ்வு எனக்கு மட்டுமல்லாமல் நான் படித்த இந்த பள்ளிக்கும் பெருமை சேர்க்கிறது என மகிழ்ச்சி பொங்க கூறினார். 
தலைமை ஆசிரியர் முரளி கூறியதாவது:
பொலிவுறு வகுப்பறைகள் வாயிலாக கல்வி மீதான ஆர்வத்தை மாணவர்கள் மத்தியில் ஊக்குவிக்க முடியும். படங்களைக் காட்டி, அவற்றின் பெயர்களைக் கூறச் செய்தல், மனப்பாடப் பகுதிகளை ராகத்துடன் பாடும் விடியோக்களைப் பார்க்கச் செய்தல் என பல்வேறு வகைகளில் பொலிவுறு வகுப்பறை பயன்படும்.
வழக்கமான முறையில் ஆசிரியர் பாடம் நடத்தும்போது வகுப்பறையிலுள்ள அனைத்து மாணவர்களையும் ஈர்க்க முடியாமல் போய்விடக்கூடும். ஆனால், திரைவழியே கற்பிக்கும்போது அது சாத்தியமாகும். மேலும் தான் படித்த பள்ளிக்காக தன் சொந்த செலவில் மாணவர்களின் நலனுக்காக அமைத்து தரப்பட்ட இந்த பொலிவுறு வகுப்பறையின் மூலம் ஏராளமான மாணவர்கள்
பயன்பெறுவர் என்றார் அவர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/தான்படித்த-பள்ளிக்கு-பொலிவுறு-வகுப்பறையை-ஏற்படுத்திய-பொறியாளர்-3215723.html
3215722 நாகப்பட்டினம் நாகப்பட்டினம் ராகவேந்திரர் சுவாமிகளின் 348-ஆவது ஆராதனை பெருவிழா DIN DIN Sunday, August 18, 2019 12:51 AM +0530
மயிலாடுதுறையில் சனிக்கிழமை நடைபெற்ற ராகவேந்திரர் சுவாமிகளின் 348-ஆவது ஆண்டு ஆராதனை விழாவில், பாகவத பஜனை, கர்நாடக இசை நிகழ்ச்சியுடன், பக்தர்கள் ஆடிப்பாடி கொண்டாடினர்.
ராகவேந்திர சுவாமிகள் ஆராதனை திருவிழா ஒவ்வோர் ஆண்டும் ஆவணி மாதத்தில் நடைபெறுவது வழக்கம். அவ்வகையில், ராகவேந்திரர் சுவாமிகள் சித்தியடைந்து 348 ஆண்டுகள் நிறைவடைந்ததையொட்டி, பட்டமங்கலத்தெரு ஏ.என்.செட்டியார் அன்னச்சத்திரத்தில் மயிலாடுதுறையில் 24-ஆவது ஆண்டு விழா நடைபெற்றது.
விழாவில், சுவாமி படத்துக்கு சிறப்பு ஆராதனை செய்யப்பட்டது. தொடர்ந்து, வேத பாராயணம், ஏகதின லட்சார்ச்சனை, பாகவத பஜனை, கர்நாடக இசை பஜனை நிகழ்ச்சி, விஷ்ணு சகஸ்ரநாம பாராயணம் ஆகியன நடைபெற்றன. இறுதியாக, சுவாமிகள் படத்துக்கு மகாதீபாராதனை காட்டப்பட்டது.
ஞானகுரு பாகவதர், குமார் பாகவதர், சங்கரன் பாகவதர், சாய் பாகவதர், ரெங்கநாத பாகவதர், நாகராஜ பாகவதர் குழுவினரின் பஜனை துதிப்பாடல்கள் பாடப்பட்டன. தொடர்ந்து, ஆயக்குடி அனந்தகிருஷ்ண பாகவதர் குழுவினரின் நாம சங்கீர்த்தனம் நடைபெற்றது. பூஜைகளை எஸ்.வி.கிரி நடத்தி வைத்தார். நிகழ்ச்சிக்கான ஏற்பாடுகளை சத்குரு ராகவேந்திர சுவாமிகள் ஆராதனை கமிட்டியினர் செய்திருந்தனர். இதில், திரளான பக்தர்கள் பங்கேற்று பரவசமாக நடனமாடி, தரிசனம் செய்தனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/ராகவேந்திரர்-சுவாமிகளின்-348-ஆவது-ஆராதனை-பெருவிழா-3215722.html
3215721 நாகப்பட்டினம் நாகப்பட்டினம் திருக்குரக்காவல் கோயிலில் ஏகாதச ருத்ராபிஷேகம் DIN DIN Sunday, August 18, 2019 12:51 AM +0530
சீர்காழி அருகே திருக்குரக்காவல் குண்டல கர்ணேசுவரசுவாமி கோயிலில் ஏகாதச ருத்ராபிஷேகம் சனிக்கிழமை நடைபெற்றது.
திருக்குரக்காவல் கிராமத்தில் பிரசித்தி பெற்ற ஏலாசௌந்தரி அம்பாள் சமேத குண்டல கர்ணேசுவர சுவாமி கோயில் உள்ளது.
இக்கோயிலில் அகில இந்திய ஆதி சைவ சிவாச்சாரியார்கள் சேவா சங்கம் சார்பில், குண்டலகர்ணேசுவர சுவாமிக்கு 31-ஆவது ஏகாதச ருத்ராபிஷேகம் சிவாச்சாரியார்கள் மோகன், சுவாமிநாதன், கணேசன் ஆகியோர் முன்னிலையில் நடைபெற்றது.
முன்னதாக, வேதமந்திரங்கள் முழங்க சிறப்பு வேள்வி யாகம் செய்யப்பட்டு பூர்ணாஹுதி, தீபாராதனை காட்டப்பட்டது. தொடர்ந்து யாகத்தில் வைக்கப்பட்ட புனிதநீரால் சுவாமிக்கு சிறப்பு அபிஷேகம், கலசபிஷேகம் செய்யப்பட்டு அலங்காரம், தீபாராதனை  காட்டப்பட்டது. இதற்கான ஏற்பாடுகளை ஆலய நிர்வாக அர்ச்சகர் டி.ஏ. நடராஜசிவம் செய்திருந்தார்.

]]>
https://www.dinamani.com/all-editions/edition-nagapattinam/nagapattinam/2019/aug/18/திருக்குரக்காவல்-கோயிலில்-ஏகாதச-ருத்ராபிஷேகம்-3215721.html
3215720 நாகப்பட்டினம் நாகப்பட்டினம் செம்போடை அரசு தொழில் பயிற்சி நிலைய சேர்க்கைக்கு விண்ணப்பிக்கலாம் DIN DIN Sunday, August 18, 2019 12:51 AM +0530
நாகை மாவட்டம், செம்போடையில் புதிதாக தொடங்கப்பட்டுள்ள அரசு தொழில் பயிற்சி நிலைய மாணவர் சேர்க்கைக்கு ஆகஸ்ட் 20-ஆம் தேதிக்குள் விண்ணப்பிக்கலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : நாகை மாவட்டம், செம்போடையில் அரசு தொழில் பயிற்சி நிலையம் நிகழாண்டில் தொடங்கப்பட்டுள்ளது. கம்மீயர் டீசல், ஸ்பென்னிங் டெக்னீஷியன், மின் பணியாளர், நில அளவையாளர், கெமிக்கல் பிளாண்ட் பராமரிப்பு ஆகிய பாடப் பிரிவுகள் இப்பயிற்சி நிறுவனத்தில் தொடங்கப்படவுள்ளன. 
இப்பயிற்சி நிறுவன மாணவர் சேர்க்கை எஸ்.சி.வி.ஏ. பாடத்திட்டத்தின் கீழ் நடைபெறவுள்ளது. 10-ஆம் வகுப்பு தேர்ச்சி பெற்ற மற்றும் தொழில் கல்வி பயில விரும்பும் மாணவ, மாணவிகள்  இணையதளம் வாயிலாக ஆகஸ்ட் 20-ஆம் தேதிக்குள் விண்ணப்பிக்கலாம்.  
மாணவர் சேர்க்கைக்கான கலந்தாய்வு தேதி, விண்ணப்பதாரரின் செல்லிடப்பேசிக்குக் குறுந்தகவலாக அனுப்பப்படும். இதுகுறித்த மேலும் விவரங்களுக்கு நாகை, அரசு தொழில் பயிற்சி நிலைய முதல்வரை நேரில் அணுகலாம் என ஆட்சியர் தனது செய்திக் குறிப்பில் தெரிவித்துள்ளார்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/செம்போடை-அரசு-தொழில்-பயிற்சி-நிலைய-சேர்க்கைக்கு-விண்ணப்பிக்கலாம்-3215720.html
3215719 நாகப்பட்டினம் நாகப்பட்டினம் மயிலாடுதுறையில் 20-இல் மின் விநியோகம் நிறுத்தம் DIN DIN Sunday, August 18, 2019 12:51 AM +0530
மயிலாடுதுறை மற்றும் சுற்றுவட்டார கிராமங்களில் செவ்வாய்க்கிழமை (ஆகஸ்ட் 20) மின் விநியோகம் இருக்காது என அறிவிக்கப்பட்டுள்ளது.
இதுகுறித்து தமிழ்நாடு மின்வாரிய மயிலாடுதுறை கோட்ட செயற்பொறியாளர் (இயக்குதல் மற்றும் பராமரித்தல்) வை. முத்துக்குமரன் வெளியிட்டுள்ள செய்திக் குறிப்பு:
மயிலாடுதுறை மற்றும் மணக்குடி துணைமின் நிலையங்களில் வரும் செவ்வாய்க்கிழமை மாதாந்திர பராமரிப்புப் பணி நடைபெற உள்ளதால் மேற்கண்ட துணை மின்நிலையங்களில் இருந்து மின்விநியோகம் பெறும் மயிலாடுதுறை நகர், மூவலூர், வடகரை, சோழசக்கரநல்லூர், மங்கநல்லூர், ஆனந்ததாண்டவபுரம், வழுவூர் ஆகிய ஊர்களிலும் மற்றும் அதைச் சுற்றியுள்ள கிராமங்களிலும் காலை 9 முதல் மாலை 5 மணி வரை மின் விநியோகம் இருக்காது.

]]>
https://www.dinamani.com/all-editions/edition-nagapattinam/nagapattinam/2019/aug/18/மயிலாடுதுறையில்-20-இல்-மின்-விநியோகம்-நிறுத்தம்-3215719.html
3215718 நாகப்பட்டினம் நாகப்பட்டினம் தமிழகத்தில் உள்ளாட்சித் தேர்தலை உடனடியாக நடத்த வேண்டும்: எம்பி செல்வராசு   DIN DIN Sunday, August 18, 2019 12:50 AM +0530
தமிழகத்தில்  உள்ளாட்சித் தேர்தலை உடனடியாக நடத்த வேண்டும் என நாகை மக்களவைத் தொகுதி உறுப்பினரும், இந்திய கம்யூனிஸ்ட் கட்சி மாநிலக்குழு உறுப்பினருமான எம். செல்வராசு வலியுறுத்தினார். 
இந்திய மாதர் தேசிய சம்மேளனத்தின் 14-ஆவது மாநில மாநாடு, நாகை மாவட்டம், வேளாங்கண்ணியில் சனிக்கிழமை நடைபெற்றது. இதில், நாகை மக்களவை உறுப்பினர் எம்.செல்வராசு பங்கேற்று பேசியது:
 மத்திய அரசு முத்தலாக் தடை மசோதாவை நிறைவேற்றுவதில் அவசரம் காட்டியது போல், பெண்களுக்கு 33 சதவீதம் இட ஒதுக்கீடு அளிப்பதில் ஆர்வம் காட்டவில்லை. தமிழகத்தில் உள்ளாட்சித் தேர்தல் நடத்தப்படாமல் உள்ளதால், போதிய அடிப்படை வசதிகள் கிடைக்காமல் மக்கள் சிரமத்துக்குள்ளாகி வருகின்றனர். தமிழகத்தில் உள்ளாட்சித் தேர்தலை நடத்தவும், பெண்களுக்கு 33 சதவீத இட ஒதுக்கீட்டை உறுதிப்படுத்தும் வகையில் சட்டம் இயற்றவும் மத்திய அரசு முன்வர வேண்டும் என்றார் அவர். 
மாநாட்டுக்கு, இந்திய மாதர் தேசிய சம்மேளன தலைமைக்குழு உறுப்பினர்கள் பி.தேவகி, எம்.ஜெயா, எம்.சரோஜினி ஆகியோர் தலைமை வகித்தனர். ஒன்றியக்குழு முன்னாள் தலைவர் எஸ். மல்லிகா முன்னிலை வகித்தார். டி.சகுந்தலா சம்மேளனக் கொடியை ஏற்றி வைத்தார். இந்திய மாதர் தேசிய சம்மேளன மாநிலச் செயலாளரும், முன்னாள் எம்.எல்.ஏ.வுமான பி. பத்மாவதி தொடக்கவுரையாற்றினார்.
 இந்திய கம்யூனிஸ்ட் கட்சி நாகை மாவட்டச் செயலாளர்அ. சீனிவாசன், இந்திய மாதர் தேசிய சம்மேளன தேசியக்குழு உறுப்பினர் மாலா பாண்டியன், மாநிலப் பொருளாளர் ரேணுகா தாமஸ், நாகை மாவட்டச் செயலாளர் எஸ்.மேகலா, விவசாய சங்க நாகை மாவட்டச் செயலாளர் எஸ். சம்பந்தம், விவசாயத் தொழிலாளர் சங்க  மாவட்டச் செயலாளர் இரெ.இடும்பையன், சி.பி.ஐ. கீழையூர் ஒன்றியச் செயலாளர் டி. செல்வம் ஆகியோர் பேசினர்.
தீர்மானங்கள்: மாநாட்டில் மக்களவை, சட்டப் பேரவையில் பெண்களுக்கு 33 சதவீத இட ஒதுக்கீட்டை சட்டமாக்க வேண்டும். பாலியல் வன்கொடுமைகளைத் தடுத்து நிறுத்த வேண்டும்.
சிறுபான்மையினருக்கு எதிரான நடவடிக்கைகளை மத்திய அரசு நிறுத்த வேண்டும். தேசிய வரைவுக் கல்விக் கொள்கையைத் திரும்பப் பெற வேண்டும். தமிழகத்தில் உள்ளாட்சித் தேர்தலை உடனடியாக நடத்த வேண்டும் உள்ளிட்ட தீர்மானங்கள் நிறைவேற்றப்பட்டன.
தொடர்ந்து, இந்திய மாதர் தேசிய சம்மேளன நாகை மாவட்ட  நிர்வாக்குழு தலைவராக லெட்சுமி பிரியா, செயலாளராக எஸ்.மேகலா, பொருளாளராக தேவகி உள்ளிட்ட 33  பேர் கொண்ட நிர்வாகக்குழுவினர் தேர்வு செய்யப்பட்டு அறிவிக்கப்பட்டனர். நிகழ்ச்சியில், இந்திய மாதர் தேசிய சம்மேளனம், இந்திய கம்யூனிஸ்ட் கட்சி நிர்வாகிகள் மற்றும் உறுப்பினர்கள் கலந்துகொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/தமிழகத்தில்-உள்ளாட்சித்-தேர்தலை-உடனடியாக-நடத்த-வேண்டும்-எம்பி-செல்வராசு-3215718.html
3215717 நாகப்பட்டினம் நாகப்பட்டினம் மயிலாடுதுறை தனி மாவட்டக் கோரிக்கை: தெருமுனை பிரசாரம் DIN DIN Sunday, August 18, 2019 12:50 AM +0530
தமிழக அரசு மயிலாடுதுறையை தனி மாவட்டமாக அறிவிக்க வேண்டியதன் அவசியத்தை கிராம மக்களுக்கு உணர்த்தி, விழிப்புணர்வு ஏற்படுத்தும் வகையில், மணல்மேட்டில் மயிலாடுதுறை மாவட்டத்துக்கான வழக்குரைஞர்கள் குழுவினர் வெள்ளிக்கிழமை தெருமுனை பிரசாரக் கூட்டம் நடத்தினர்.
மயிலாடுதுறையை புதிய மாவட்டமாக அறிவிக்க வலியுறுத்தி மயிலாடுதுறையில் வழக்குரைஞர்கள் கடந்த ஒரு மாதமாக நீதிமன்றம் முன்பு ஆர்ப்பாட்டம், நீதிமன்றப் புறக்கணிப்பு, மயிலாடுதுறை சட்டப் பேரவை அலுவலக முற்றுகைப் போராட்டம், மாணவர்களுக்கு துண்டுப் பிரசுரம் வழங்கி விழிப்புணர்வு ஏற்படுத்துதல் உள்ளிட்ட பல்வேறு முயற்சிகளில் ஈடுபட்டு வருகின்றனர். 
இந்நிலையில், மயிலாடுதுறை மாவட்டத்துக்கான வழக்குரைஞர் குழு என்ற அமைப்பு ஏற்படுத்தப்பட்டு, தனி மாவட்ட போராட்டத்தை முழுமையாக கையில் எடுத்து செயல்பட்டு வருகின்றனர்.
அவ்வகையில், தமிழக அரசு மயிலாடுதுறையை தனி மாவட்டமாக அறிவிக்க வேண்டியதன் அவசியம் குறித்து கிராம மக்களுக்கு விழிப்புணர்வு ஏற்படுத்தும் வகையில், மணல்மேடு பேரூராட்சி அலுவலகம் முன்பு, மயிலாடுதுறை மாவட்டத்துக்கான வழக்குரைஞர் குழு ஒருங்கிணைப்பாளர் ராம.சேயோன் தலைமையில் குழு நிர்வாகிகள் சிவதாஸ், சிவச்சந்திரன் ஆகியோர் தெருமுனை பிரசாரக் கூட்டம் நடத்தி, மணல்மேடு கிராமவாசிகள், பெண்கள், இளைஞர்கள், மாணவர்களிடையே கோரிக்கை குறித்து உரையாற்றினர். 
இக்கூட்டத்தில், மணல்மேடு முன்னாள் பேரூராட்சி மன்ற தலைவர் விஸ்வநாதன், முன்னாள் பேரூராட்சி மன்ற உறுப்பினர் நடராஜன், ஸ்ரீநாத் ஆகியோர் சிறப்பு அழைப்பாளர்களாக கலந்துகொண்டு பேசினர். பின்னர், மயிலாடுதுறை மாவட்ட கோரிக்கை அடங்கிய துண்டுப் பிரசுரங்கள் அனைவருக்கும்
விநியோகிக்கப்பட்டன.

]]>
https://www.dinamani.com/all-editions/edition-nagapattinam/nagapattinam/2019/aug/18/மயிலாடுதுறை-தனி-மாவட்டக்-கோரிக்கை-தெருமுனை-பிரசாரம்-3215717.html
3215716 நாகப்பட்டினம் நாகப்பட்டினம் குளங்கள் தூர்வாரும் பணி தொடக்கம் DIN DIN Sunday, August 18, 2019 12:50 AM +0530
சீர்காழி ஊராட்சி ஒன்றியத்துக்கு உள்பட்ட 140 குளங்கள் தூர்வாரும் பணிகளை சட்டப் பேரவை உறுப்பினர் பி.வி. பாரதி சனிக்கிழமை தொடங்கி வைத்தார்.
மத்திய அரசின் ஜல்சக்தி அபியான் திட்டத்தின்கீழ், சீர்காழி ஊராட்சி ஒன்றியத்துக்கு உள்பட்ட 140 குளங்களைத் தூர்வாருவதற்காக ரூ.1.50 கோடி நிதி ஒதுக்கீடு செய்யப்பட்டுள்ளது. இதன் தொடக்க நிகழ்ச்சி திருவெண்காடு நாங்கூர் ஊராட்சியில் அமைந்துள்ள வைகுந்தநாத பெருமாள் கோயில் குளத்தில் சனிக்கிழமை நடைபெற்றது. இதில், சட்டப் பேரவை உறுப்பினர் பி.வி. பாரதி கலந்துகொண்டு பணியைத் தொடங்கி வைத்து பேசியது:
இத்திட்டத்தின்கீழ் குளங்களைத் தூர்வாருதல், கரைகளை பலப்படுத்துதல் உள்ளிட்ட பணிகள் செய்யப்படவுள்ளன. மேலும் தூர்வாரிய குளங்களில் படித்துறை, தடுப்புச்சுவர் அமைக்கப்பட உள்ளன. இதன்மூலம் நிலத்தடி நீர்மட்டம் அதிகரிக்கும் என்றார் அவர். 
நிகழ்ச்சிக்கு, ஒன்றிய ஆணையர் கஜேந்திரன் தலைமை வகித்தார். வட்டார வளர்ச்சி அலுவலர் (ஊராட்சிகள்) ரெஜினாராணி, கூட்டுறவு சங்கத் தலைவர்கள் ராஜமாணிக்கம், போகர் ரவி, மாமல்லன் ஆகியோர் முன்னிலை வகித்தனர். 
இதில் ஒன்றிய இளைஞரணி செயலாளர் திருமாறன், சீர்காழி கட்டட சங்கத் தலைவர் ராஜ்மோகன், அ.தி.மு.க. ஊராட்சி செயலாளர் நாகராஜன், பொறுப்பாளர்கள் ரவிச்சந்திரன், கலை உள்ளிட்டோர் கலந்து கொண்டனர். ஒன்றிய பொறியாளர் முத்துக்குமார் வரவேற்றார். ஊராட்சி செயலாளர் ஸ்ரீனிவாசன் நன்றி கூறினார்.
குத்தாலத்தில்...
 குத்தாலம் ஒன்றியம், தத்தங்குடியில் குடிமராமத்துப் பணிகள் தொடக்க நிகழ்ச்சி வெள்ளிக்கிழமை நடைபெற்றது.  
குத்தாலம் ஒன்றிய ஆணையர் ஜி.ஜான்சன் தலைமை வகித்தார். நடிப்பிசைப் புலவர் கே.ஆர்.ராமசாமி, சர்க்கரை ஆலை தலைவர் என்.தமிழரசன், வட்டார வளர்ச்சி அலுவலர் ஞானசெல்வி ஆகியோர் முன்னிலை வகித்தனர். இதில் பூம்புகார் சட்டப் பேரவை உறுப்பினர் எஸ். பவுன்ராஜ்  சிறப்பு அழைப்பாளராக கலந்து கொண்டு குடிமராமத்துப் பணிகளைத் தொடங்கி வைத்து பேசியது: குளங்களைத் தூர்வாருவதில் அரசின் பங்கு இருந்தாலும் பொதுமக்களும், தன்னார்வ நிறுவனங்களும் இணைந்து செயல்பட்டால் மேலும் பயன்பெறலாம். இதற்காக 7 பேர் கொண்ட குழு அமைக்கப்பட்டு  தூர்வாரும் பணி கண்காணிக்கப்படும் என்றார். 
குத்தாலம் ஒன்றியத்தில் 84 குளங்களில் குடிமராமத்துப் பணிகள் தொடங்கப்பட்டுள்ளன. விழாவில் பொதுப்பணித் துறை உதவி பொறியாளர் சுப்பிரமணியன், வருவாய் ஆய்வாளர் திரிபுரசுந்தரி, கிராம நிர்வாக அலுவலர் பிரகாஷி, ஊராட்சி செயலர் தரண்யா, கூட்டுறவு சங்கத் தலைவர்கள் இளங்கோவன், வேல்முருகன் உள்ளிட்டோர்
கலந்து கொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/குளங்கள்-தூர்வாரும்-பணி-தொடக்கம்-3215716.html
3215715 நாகப்பட்டினம் நாகப்பட்டினம் சிறப்பு மருத்துவ முகாம் DIN DIN Sunday, August 18, 2019 12:50 AM +0530 திருமருகல் ஒன்றியம், ஆதலையூரில் தமிழக அரசின் சிறப்பு மருத்துவ முகாம் சனிக்கிழமை நடைபெற்றது.
 நாகை மாவட்ட ஆட்சியர் சீ. சுரேஷ்குமார் அறிவுறுத்தலின்பேரில், சுகாதாரப் பணிகள் துணை இயக்குநர் சண்முகசுந்தரம் வழிகாட்டுதலின்படி ஆதலையூர் எஸ்.எம்.டி. மெட்ரிக். பள்ளியில் இந்த முகாம் நடைபெற்றது. வட்டார மருத்துவ அலுவலர் என். லெட்சுமி நாராயணன் தலைமை வகித்தார். மருத்துவர்கள் விநாயகவேலன், மோகன்தாஸ், மணிவேல் ஆகியோர் முன்னிலை வகித்தனர். 
முகாமில் கண் மருத்துவம், பல் மருத்துவம், பொது மருத்துவம் மற்றும் கர்ப்பிணிகளுக்கு பரிசோதனைகள், இ.சி.ஜி. ரத்த அழுத்தம், சர்க்கரை அளவு உள்ளிட்ட பல்வேறு பரிசோதனைகள் மேற்கொள்ளப்பட்டன.
இதில் 680 பேர் கலந்து கொண்டு பயன்பெற்றனர். கண் பரிசோதனை செய்யப்பட்ட 250 பேரில், 6 பேர் அறுவை சிகிச்சைக்கு பரிந்துரை செய்யப்பட்டுள்ளனர். இந்த நிகழ்ச்சியில் மாவட்ட கொல்லை நோய்த் தடுப்பு அலுவலர் மருத்துவர் லியாகத் அலி, வட்டார சுகாதார மேற்பார்வையாளர் (பொறுப்பு) மனோகரன், பள்ளித் தாளாளர் முகம்மது பாரூக் மற்றும் சுகாதார ஆய்வாளர்கள், செவிலியர்கள், மருந்தாளுநர்கள் கலந்துகொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/18/சிறப்பு-மருத்துவ-முகாம்-3215715.html
3215713 நாகப்பட்டினம் நாகப்பட்டினம் தடுப்புக் காவல் சட்டத்தில் 3 இளைஞர்கள் கைது DIN DIN Sunday, August 18, 2019 12:49 AM +0530
நாகை அருகே 3 இளைஞர்களை போலீஸார் தடுப்புக் காவல் சட்டத்தில் சனிக்கிழமை கைது செய்தனர்.
ஓர்குடி, கீழத்தெருவைச் சேர்ந்தவர் செ.கார்த்திகேயன் (28) மீது நாகை மதுவிலக்கு அமலாக்கப் பிரிவிலும், மயிலாடுதுறை வட்டம், திருவிழந்தூர் அம்பேத்கர் நகரைச் சேர்ந்த ஜெ.கருணாகரன் (33) மீது மயிலாடுதுறை மதுவிலக்கு அமலாக்கப் பிரிவிலும், காரைக்கால் மாவட்டம், நெடுங்காடு மேல பருத்திக்குடியைச் சேர்ந்தர் த. பிரபு (37) மீது பெரம்பூர் காவல் நிலையத்திலும் மது வழக்குகள் நிலுவையில் உள்ளன. இந்நிலையில், நாகை மாவட்டக் காவல் கண்காணிப்பாளர் டி.கே. ராஜசேகரன் பரிந்துரையின்பேரில், மாவட்ட ஆட்சியர்
சீ.சுரேஷ்குமார் உத்தரவிட்டதையடுத்து கார்த்திகேயன், கருணாகரன், பிரபு ஆகிய 3 பேரையும்  நாகை மாவட்ட போலீஸார் தடுப்புக் காவல் சட்டத்தில் கைது செய்து திருச்சி மத்திய சிறையில் அடைத்தனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/தடுப்புக்-காவல்-சட்டத்தில்-3-இளைஞர்கள்-கைது-3215713.html
3215712 நாகப்பட்டினம் நாகப்பட்டினம் இருசக்கர வாகனத்தில் சென்ற இளைஞர் உயிரிழப்பு DIN DIN Sunday, August 18, 2019 12:49 AM +0530
திருக்குவளை அருகே மாடு ஒன்று குறுக்கே வந்ததால், இருசக்கர வாகனத்திலிருந்து தடுமாறி கீழே விழுந்த இளைஞர், சனிக்கிழமை உயிரிழந்தார்.
திருக்குண்டையூரைச் சேர்ந்த ராமச்சந்திரன் மகன் ராஜேஷ் (28). இவர் வெள்ளிக்கிழமை இரவு திருக்குவளை கடைத் தெருவிலிருந்து தனது வீட்டுக்கு இருசக்கர வாகனத்தில் சென்று கொண்டிருந்தார். அப்போது மாடு ஒன்று குறுக்கே வந்ததால் நிலை தடுமாறி கீழே விழுந்த அவர் பலத்த காயங்களுடன் மீட்கப்பட்டு தஞ்சாவூர் அரசு மருத்துவக் கல்லூரியில் அனுமதிக்கப்பட்டார். எனினும், சனிக்கிழமை அவர் உயிரிழந்தார். இதுகுறித்து திருக்குவளை போலீஸார் வழக்குப் பதிந்துள்ளனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/இருசக்கர-வாகனத்தில்-சென்ற-இளைஞர்-உயிரிழப்பு-3215712.html
3215711 நாகப்பட்டினம் நாகப்பட்டினம் நீர் மேலாண்மை விழிப்புணர்வுப் பேரணி DIN DIN Sunday, August 18, 2019 12:49 AM +0530
வேதரண்யம் அருகே உள்ள ஆயக்காரன்புலம் ஆர்.வி.எஸ். பாரத் ஆங்கில மேல்நிலைப் பள்ளியில் ஜல்சக்தி அபியான் திட்டத்தின்கீழ், நீர் மேலாண்மை மற்றும் மழைநீர் சேகரிப்பு விழிப்புணர்வுப் பேரணி சனிக்கிழமை நடைபெற்றது. 
 நிகழ்ச்சிக்கு, பெற்றோர்- ஆசிரியர் கழகத் தலைவர் டி.எஸ். பாலசுப்பிரமணியன் தலைமை வகித்தார். பள்ளியின் தாளாளர் எஸ்.ஆர்.சுவாமிநாதன் கொடியசைத்து பேரணியைத் தொடங்கி வைத்தார். மாணவர்கள் பிரதான வீதிகளின் வழியாக மழைநீர் சேமிப்பு மற்றும் நீர் மேலாண்மை பற்றிய விழிப்புணர்வு கோஷங்கள் எழுப்பியபடி ஊர்வலமாகச் சென்று பள்ளியை அடைந்தனர்.  இதில், தலைமையாசிரியர் எம்.மாரியப்பன், உதவி தலைமையாசிரியர் என்.லதா மற்றும் ஆசிரியர்கள் கலந்துகொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/நீர்-மேலாண்மை-விழிப்புணர்வுப்-பேரணி-3215711.html
3215710 நாகப்பட்டினம் நாகப்பட்டினம் ரத்த தான முகாம் DIN DIN Sunday, August 18, 2019 12:49 AM +0530
தமிழ்நாடு தவ்ஹீத்- ஜமாஅத் மயிலாடுதுறை நகர கிளைகள் சார்பில், மயிலாடுதுறை அரசு மருத்துவமனையில் ரத்த தான முகாம் அண்மையில் நடைபெற்றது.
சுதந்திரம் தினம் மற்றும் பயங்கரவாதத்துக்கு எதிரான பிரசாரத்தை முன்னிட்டு நடைபெற்ற இம்முகாமை, நாகை வடக்கு மாவட்ட தலைவர் ஏ. பஹ்ருதீன் தொடங்கி வைத்தார். மயிலாடுதுறையில் உள்ள அனைத்து கிளை நிர்வாகிகள் முன்னிலை வகித்தனர். இதில், தமிழ்நாடு தவ்ஹீத்- ஜமாஅத் நிர்வாகிகள் மற்றும் உறுப்பினர்கள் 50-க்கும் மேற்பட்டோர் ரத்த தானம் செய்தனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/ரத்த-தான-முகாம்-3215710.html
3215709 நாகப்பட்டினம் நாகப்பட்டினம் மின்சாரம் பாய்ந்து தொழிலாளி உயிரிழப்பு DIN DIN Sunday, August 18, 2019 12:49 AM +0530
திருமருகல் அருகே மின்சாரம் பாய்ந்து தொழிலாளி வெள்ளிக்கிழமை உயிரிழந்தார். 
 திருமருகல் ஒன்றியம், ஏனங்குடி ஊராட்சி, புளியக்குடி பிரதான சாலைப் பகுதியைச் சேர்ந்தவர் சரவணன் (31).திருக்கண்ணபுரம் காக்காமங்கலம் கிராமத்தைச் சேர்ந்தவர் சந்திரசேகரன் (27 ). முடிகொண்டானை சேர்ந்தவர் சண்முகம் (43). இவர்கள் மூவரும் திருப்புகலூர் தாமரைக்குளம் தெருவில் மரம் வெட்டும் பணியில் ஈடுபட்டனர். அப்போது மரக்கிளை முறிந்து அருகில் இருந்த மின் கம்பி மீது விழுந்துள்ளது.
இதனால் மின்கம்பி அறுந்து இவர்கள் மீது விழுந்ததில், 3 பேரும் மின்சாரம் பாய்ந்து படுகாயம் அடைந்தனர். இதைத்தொடர்ந்து, நன்னிலம் அரசு மருத்துவமனையில் அனுமதிக்கப்பட்ட சரவணன், உயிரிழந்தார். மற்ற இருவரும் திருவாரூர் மருத்துவக் கல்லூரி மருத்துவமனையில் அனுமதிக்கப்பட்டுள்ளனர். திட்டச்சேரி போலீஸார் வழக்குப் பதிந்துள்ளனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/18/மின்சாரம்-பாய்ந்து-தொழிலாளி-உயிரிழப்பு-3215709.html
3215708 நாகப்பட்டினம் நாகப்பட்டினம் வேதாரண்யம்- சென்னை இடையே படுக்கை வசதிகொண்ட அரசுப் பேருந்துகள்: அமைச்சர் தொடங்கி வைத்தார் DIN DIN Sunday, August 18, 2019 12:48 AM +0530
நாகை மாவட்டம், வேதாரண்யத்திலிருந்து சென்னைக்கு படுக்கை வசதியுடன் கூடிய இரண்டு அரசு பேருந்துகள் சேவையை அமைச்சர் ஓ.எஸ். மணியன் சனிக்கிழமை தொடங்கி வைத்தார்.
வேதாரண்யம் பேருந்து நிலையத்தில் நடைபெற்ற இந்நிகழ்ச்சியில், பேருந்து சேவையைக் கொடியசைத்து அமைச்சர் ஓ.எஸ். மணியன் தொடங்கி வைத்து பேசியது:
தமிழக அரசு பொதுமக்களின் தேவைகளை பூர்த்தி செய்யும் வகையில் பல திட்டங்களை செயல்படுத்தி வருகிறது. குறிப்பாக போக்குவரத்துத் துறையில் புதிய பேருந்துகள், புதிய வழித்தடங்கள், புதிய பணிமனைகள், போக்குவரத்துத் தொழிலாளர் நலன் கருதி மேம்படுத்தப்பட்ட ஓய்வறைகள், இணையதள முன்பதிவு வசதி, பள்ளி மாணவ, மாணவிகளுக்கு கட்டணமில்லா பேருந்து பயண அட்டைகள் போன்ற பல்வேறு திட்டங்களை செயல்படுத்தி வருகிறது.
வேதாரண்யத்தில் இருந்து சென்னை செல்ல ஏதுவாக 4 மிதவைப் பேருந்துகள் தினமும் சென்று வருகின்றன. பொதுமக்களின் வசதிக்காக இவற்றில் 2 புதிய பேருந்துகள் படுக்கை வசதியுடன் கூடிய பேருந்துகளாக மாற்றப்பட்டு, அதன் சேவை தொடங்கி வைக்கப்பட்டுள்ளது. இந்த பேருந்தில் 15 படுக்கை வசதிகளும், 31 இருக்கை வசதிகளும் உள்ளன. மீதமுள்ள 2 பேருந்துகளும் விரைவில் படுக்கை வசதியுடன் கூடிய பேருந்துகளாக மாற்றப்படும் என்றார் அமைச்சர். 
நிகழ்ச்சிக்கு, மாவட்ட வருவாய் அலுவலர் இந்துமதி முன்னிலை வகித்தார்.
வேதாரண்யம் அரசு விரைவுப் போக்குவரத்துக் கழக கிளை மேலாளர் சி.துரைராஜ், செய்தி மக்கள் தொடர்பு அலுவலர் மீ.செல்வகுமார், வேதாரண்யம் வட்டாட்சியர் சண்முகம், தேத்தாகுடி தொடக்க வேளாண்மை கூட்டுறவு வங்கித் தலைவர் ஆர்.கிரிதரன் உள்ளிட்டோர்பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/18/வேதாரண்யம்--சென்னை-இடையே-படுக்கை-வசதிகொண்ட-அரசுப்-பேருந்துகள்-அமைச்சர்-தொடங்கி-வைத்தார்-3215708.html
3215391 நாகப்பட்டினம் நாகப்பட்டினம் கிராம சபைக் கூட்டங்கள்: பல்வேறு தீர்மானங்கள் நிறைவேற்றம்: ஆறுபாதி கிராமத்தில் திடீர் ஆர்ப்பாட்டம் DIN DIN Saturday, August 17, 2019 09:09 AM +0530 சுதந்திர தின விழாவையொட்டி, மயிலாடுதுறையில்  பல்வேறு இடங்களில் வியாழக்கிழமை சிறப்பு கிராம சபைக் கூட்டங்கள் நடைபெற்றன. 
மயிலாடுதுறை ஒன்றியத்துக்குள்பட்ட சித்தர்காடு, மறையூர், ஆனைமேலகரம், மூவலூர், மாப்படுகை உள்ளிட்ட பல்வேறு ஊராட்சிகளில் நடைபெற்ற கிராம சபைக் கூட்டத்தில், மயிலாடுதுறையை தனி மாவட்டமாக அறிவிக்க வேண்டும் என்று தீர்மானம் நிறைவேற்றப்பட்டன. மூவலூர், ஆனைமேலகரம் உள்ளிட்ட பகுதிகளில் நடைபெற்ற கூட்டத்தில் மயிலாடுதுறை மாவட்டத்துக்கான வழக்குரைஞர்கள் குழுவின் ஒருங்கிணைப்பாளர் ராம.சேயோன், இணை ஒருங்கிணைப்பாளர் க.புகழரசன், துணை ஒருங்கிணைப்பாளர் பூ.அறிவொளி ஆகியோர் கலந்து கொண்டனர். இக்கூட்டங்களின் முடிவில், மயிலாடுதுறையை தலைமையிடமாகக் கொண்டு சிறப்புத் தீர்மானம் நிறைவேற்றப்பட்டது. ஆனைமேலகரம் ஊராட்சியில் நடைபெற்ற கிராம சபைக் கூட்டத்தில் பா.ஜ.க மாநில செயற்குழு உறுப்பினர் கோவி,சேதுராமன் பங்கேற்றார்.
இதே கோரிக்கையை வலியுறுத்தி மயிலாடுதுறை மாவட்டத்திற்கான வழக்குரைஞர்கள் குழுவின் துணை ஒருங்கிணைப்பாளர் மு.விவேகானந்தன், மயிலாடுதுறை பொதுத் தொழிலாளர் சங்கத் தலைவரும், முன்னாள் சட்டப்பேரவை உறுப்பினருமான ஜெகவீரபாண்டியன் ஆகியோர் முயற்சியில் மயிலாடுதுறை தனி மாவட்டமாக அறிவிக்க வேண்டும் என்று கிராம சபைக் கூட்டங்களில் தீர்மானம் நிறைவேற்றப்பட்டன. மாப்படுகையில் நடைபெற்ற கூட்டத்தில், ஹைட்ரோ கார்பன் திட்டத்தைக் கைவிடக் கோரியும், கிராம மக்கள் வலியுறுத்தினர். இதற்கு, ஒன்றிய அலுவலர் உடன்படாத காரணத்தால், கிராம மக்கள் கிராம சபைக் கூட்டத்தை புறக்கணித்து, ஆர்ப்பாட்டத்தில் ஈடுபட்டனர். இதையடுத்து, அப்பகுதியில் போலீஸ் பாதுகாப்பு போடப்பட்டது.
திருக்குவளையில்... 
திருக்குவளை, ஆக.16: மீனம்பநல்லூரில் நடைபெற்ற கிராம சபைக் கூட்டத்துக்கு ஊராட்சிச் செயலர் சுரேஷ்குமார் தலைமை வகித்தார். இதில், கீழையூர் வட்டார காங்கிரஸ் தலைவர் ஜி. சுப்பிரமணியன், கீழையூர் வட்டார இளைஞர் காங்கிரஸ் தலைவர் ஆர். திரிபுரகுமார், வட்டார துணைத் தலைவர் எஸ். வெங்கடேஷ், வட்டார துணை செயலாளர் வி. அண்ணாமலை மற்றும் கிராம மக்கள் பலர் கலந்துக் கொண்டனர். இதேபோல், கொளப்பாடு ஊராட்சியில் கிராம சபைக் கூட்டம் நடைபெற்றது.
திருமருகலில்...
திருமருகல், ஆக.16: நரிமணம் ஊராட்சியில் சார் ஆட்சியர் கமல்கிஷோர் தலைமையில் நடைபெற்ற கிராம சபைக் கூட்டத்தில் வட்டார வளர்ச்சி அலுவலர்கள் க. அன்பரசு, ஜி.ஆர். இளங்கோவன் (கி.ஊ) உள்ளிட்டோர் கலந்து கொண்டனர். கூட்டத்தில் பொதுமக்கள் கலந்து கொண்டு சாலை வசதி, குடிநீர் வசதி, மின்சார வசதிகள் தேவை என கூறினர். அதற்கு பதிலளித்த சார் ஆட்சியர் கமல்கிஷோர் சம்பந்தப்பட்ட அதிகாரிகளிடம் பேசி விரைந்து நடவடிக்கை எடுக்கப்படும் என கூறினார். மேலும் இந்த ஊராட்சியில் உள்ள 4 குளங்கள் தூர்வாரப்பட்டு நீர்நிலைகளை பாதுகாக்கவும்,ஊராட்சி முழுவதும் மரக்கன்றுகள் நடுவதற்கு பொதுமக்கள் ஒத்துழைப்பு அளிக்க வேண்டும் என கேட்டுக்கொண்டார்.
பூம்புகாரில்...
பூம்புகார், ஆக. 16: பூம்புகாரில் மண்டல துணை வட்டார வளர்ச்சி அலுவலர் பால்ராஜ் தலைமையில் நடைபெற்ற கிராம சபை கூட்டத்தில், சீர்காழி கிழக்கு ஒன்றிய திமுக செயலர் சசிக்குமார் மயிலாடுதுறையை தலைமையிடமாக கொண்டு புதிய மாவட்டம் அமைக்க தமிழக அரசை வலியுறுத்தியும், மீத்தேன், பாறை எரிவாயு உள்ளிட்ட திட்டங்களை காவிரி டெல்டா பகுதியில் செயல்படுத்த நிரந்திர தடை விதிக்க வேண்டும் என மத்திய, மாநில அரசுகளை வலியுறுத்தியும், காவிரி டெல்டா பகுதியை சிறப்பு வேளாண்மை மண்டலமாக அறிவிக்க வலியுறுத்தி தீர்மானம் நிறைவேற்ற கோரி மனு அளித்தார். இக்கூட்டத்தில், ஊராட்சி செயலர் மணிமாறன் உள்ளிட்டோர் கலந்துகொண்டனர். இதே போல்  காவேரிபூம்பட்டிணம், திருவெண்காடு, மணிக்கிராமம் உள்ளிட்ட ஊராட்சிகளில் கிராம சபை கூட்டங்கள் நடைபெற்றன.
ஆறுபாதியில்...
பொறையாறு, ஆக.15: பொறையாறு அருகேயுள்ள ஆறுபாதி ஊராட்சியில் நடைபெற்ற கிராம சபை கூட்டத்தின்போது, மயிலாடுதுறையை தனிமாவட்டமாக அறிவிக்கக் கோரி பொதுமக்கள் வலியுறுத்தினர். அப்போது, கூட்டத்தை நடத்தியவர்கள் இந்த தீர்மானத்தை நிறைவேற்ற மறுத்தனராம். இதை கண்டித்து கூட்டத்தில் பங்கேற்ற பொதுமக்கள் ஆர்ப்பாட்டத்தில் ஈடுபட்டனர். 
மயிலாடுதுறை கோட்டத்தை தனி மாவட்டமாக அறிவிக்க வலியுறுத்தி, கிராம சபை கூட்டங்களில் தீர்மானங்கள் இயற்ற வேண்டும் என்று தனி மாவட்ட கூட்டுக் குழு கூட்டத்தில் முடிவு செய்யப்பட்டது. மயிலாடுதுறை வழக்குரைஞர்கள் சங்கம் சார்பில் கோரிக்கை விடுக்கப்பட்டது. இதை ஏற்று மாவட்டத்தின் பல்வேறு பகுதிகளில் தீர்மானங்கள்
இயற்றப்பட்டன. 
ஆனால், செம்பனார்கோவில் ஊராட்சி ஒன்றியத்துக்குள்பட்ட ஆறுபாதி ஊராட்சியில் நடைபெற்ற கிராம சபை கூட்டத்தில் தீர்மானம் நிறைவேற்ற ஊராட்சி செயலர் மறுப்பு தெரிவித்தாராம். இதுகுறித்து, சம்பந்தப்பட்ட அதிகாரிகள் தீர்மானம் நிறைவேற்றக் கூடாது என வாய்மொழி உத்தரவிட்டனராம்.
இதற்கு கண்டனம் தெரிவித்து பொதுமக்கள் கூட்டத்தை புறக்கணித்து ஆர்ப்பாட்டத்தில் ஈடுபட்டு சம்பந்தப்பட்ட அதிகாரிகளை முற்றுகையிட்டு வாக்குவாதத்தில் ஈடுபட்டனர். இதனால் சிறிது நேரம் பரபரப்பு ஏற்பட்டது. பின்னர் சுமூக நிலை ஏற்பட்டது. 
 

]]>
https://www.dinamani.com/all-editions/edition-nagapattinam/nagapattinam/2019/aug/17/கிராம-சபைக்-கூட்டங்கள்-பல்வேறு-தீர்மானங்கள்-நிறைவேற்றம்-ஆறுபாதி-கிராமத்தில்-திடீர்-ஆர்ப்பாட்டம்-3215391.html
3215390 நாகப்பட்டினம் நாகப்பட்டினம் கல்வி நிறுவனங்களில் சுதந்திர தின விழா DIN DIN Saturday, August 17, 2019 09:08 AM +0530 மயிலாடுதுறையில் பல்வேறு பகுதிகளில் வியாழக்கிழமை நாட்டின் 73-ஆவது சுதந்திர தின விழா கோலாகலாமாக கொண்டாடப்பட்டது.
மயிலாடுதுறை ஊராட்சி ஒன்றிய அலுவலகத்தில், ஒன்றிய ஆணையர் வாணி தலைமையில் நடைபெற்ற விழாவில், மயிலாடுதுறை சட்டப்பேரவை உறுப்பினர் வீ.ராதாகிருஷ்ணன் கொடியேற்றி வைத்தார். இதில்,  மாயூரம் நகர கூட்டுறவு வங்கித் தலைவர் வி.ஜி.கே.செந்தில்நாதன், வட்டார வளர்ச்சி அலுவலர் விஜயலட்சுமி, மேலாளர் கலியராஜ் உள்ளிட்டோர் கலந்துகொண்டனர். 
மயிலாடுதுறை வருவாய் கோட்ட அலுவலகத்தில், கோட்டாட்சியர் இ. கண்மணி தேசிய கொடியை ஏற்றி வைத்தார். 
இதில் வட்டாட்சியர் இந்துமதி, தனி வட்டாட்சியர்கள் காந்திமதி, நாகலெட்சுமி, நகர நிலவரித்திட்ட வட்டாட்சியர் முருகேசன், துணை வட்டாட்சியர் சரவணன், தீயணைப்பு மற்றும் மீட்பு பணித்துறை அலுவலகர் அன்பழகன் உள்ளிட்டோர் பங்கேற்றனர்.
மயிலாடுதுறை துணை காவல் கண்காணிப்பாளர் அலுவலகத்தில், துணை காவல் கண்காணிப்பாளர் வெள்ளத்துரை கொடியேற்றினார். மயிலாடுதுறை சட்டப்பேரவை உறுப்பினர் அலுவலகத்தில், சட்டப்பேரவை உறுப்பினர் வீ. ராதாகிருஷ்ணன், மயிலாடுதுறை நகராட்சி அலுவலகத்தில்,  ஆணையர் கிருஷ்ணமூர்த்தி ஆகியோர் தேசிய கொடியினை ஏற்றினர். 
மயிலாடுதுறை தியாகி ஜி. நராயணசாமி நகராட்சி மேல்நிலைப் பள்ளியில், தலைமை ஆசிரியர் கு. தாமரைச்செல்வன் தலைமையில் நடைபெற்ற விழாவில், எம்எல்ஏ ராதாகிருஷ்ணன் தேசியக் கொடியை ஏற்றி வைத்தார். இதில், மயிலாடுதுறைத் தமிழ்ச்சங்க நிறுவனத் தலைவர் ஜெனிபர் ச.பவுல்ராஜ், பெற்றோர் ஆசிரியர் கழக துணைத் தலைவர் டி.எஸ்.தியாகராஜன், பொருளாளர் என்.கிருஷ்ணமூர்த்தி உள்ளிட்டோர் கலந்துகொண்டனர். 
தருமபுரம் ஆதீனம் கலைக் கல்லூரியில் நடைபெற்ற விழாவுக்கு கல்லூரி முதல்வர் எஸ்.சுவாமிநாதன் தலைமை வகித்தார். தமிழ்த் துறைத் தலைவர் கே.சேகர் பங்கேற்று, தேசியக் கொடியினை ஏற்றி வைத்தார். தருமபுரம் ஞானாம்பிகை அரசினர் மகளிர் கலைக்கல்லூரியில், கல்லூரி முதல்வர் அறவாழி தேசியக்கொடியினை ஏற்றி வைத்தார். 
ஏவிசி கல்லூரியில் நடைபெற்ற விழாவுக்கு, கல்லூரி  முதல்வர் ஆர் .நாகராஜன் தலைமை வகித்தார். அடுத்து, ஏ.வி.சி பொறியியல் கல்லூரியில் நடைபெற்ற சுதந்திர தின விழாவில், ஏ.வி.சி கல்வி நிறுவனங்களின் செயலர் கே.கார்த்திகேயன் தேசியக் கொடி ஏற்றினார். தருமபுரம் ஸ்ரீகுருஞானசம்பந்தர் தொடக்கப் பள்ளியில் நடைபெற்ற விழாவில் தலைமை ஆசிரியர் ஜி. வெங்கடேசன் கொடி ஏற்றினார்.
மணல்மேடு அரசு ஆண்கள் மேல்நிலைப் பள்ளியில், பள்ளித் தலைமை ஆசிரியர் பி.ராமமூர்த்தி தலைமையில் நடைபெற்ற விழாவில், தொழில்கல்வி ஆசிரியர் கோ. பாஸ்கரன் தேசிய கொடியினை ஏற்றி வைத்தார். செருதியூர் ஸ்ரீவாணி விலாஸ் நடுநிலைப்பள்ளியில் நடைபெற்ற விழாவில், பள்ளியின் பெற்றோர் ஆசிரியர் கழக தலைவர் ராதாகிருஷ்ணன் கொடியேற்றினார். 
மயிலாடுதுறை கூறைநாடு கிட்டப்பா நகராட்சி மேல்நிலைப் பள்ளியில், பெற்றோர் ஆசிரியர் கழகத் தலைவர் ஜெகவீரபாண்டியன் முன்னிலையில் நடைபெற்ற விழாவில், பெற்றோர் ஆசிரியர் கழக பொருளாளர் அலி தேசியக் கொடியை ஏற்றி வைத்தார். இதேபோல், மயிலாடுதுறை ரோட்டரி கிளப் மேல்நிலைப் பள்ளியில் பள்ளித் தாளாளர் எஸ். பெர்னார்டு தலைமையில் நடைபெற்ற விழாவில், ரோட்டரி சங்க துணை ஆளுநர் எம்.என். ரவிச்சந்திரன், மாயூரம் ரோட்டரி சங்க தலைவர் ஆர். சுவாமிநாதன், பள்ளி முதல்வர் யோகநாதன் உள்ளிட்டோர் கலந்துகொண்டனர். 
திருக்குவளையில்...
திருக்குவளை, ஆக. 15: திருக்குவளை அருகேயுள்ள கொத்தங்குடி அரசு உயர்நிலைப் பள்ளியில் பள்ளித் தலைமையாசிரியர் டி. முருகன் தலைமையில் நடைபெற்ற விழாவில், சிறப்பு விருந்தினர்களாக தமிழ்நாடு-புதுச்சேரி நுகர்வோர் அமைப்புகளின் கூட்டமைப்பின் நாகை மாவட்ட செயலர் எம். மகேந்திரன், ஓய்வுபெற்ற அரசு அலுவலர் ராமமூர்த்தி உள்ளிட்டோர் கலந்து கொண்டனர். இதேபோல், வலிவலம் ஊராட்சி ஒன்றிய தொடக்கப் பள்ளியில் பள்ளித் தலைமையாசிரியர் முரளி தலைமையில் விழா நடைபெற்றது. இதில், பள்ளியில் படித்த முன்னாள் மாணவர்கள் சடகோபன், கோகுலகிருஷ்ணன் ஆகியோர் பள்ளிக்கு இலவசமாக ஸ்மார்ட் கிளாஸ்க்கான வசதியை ஏற்படுத்தி கொடுத்தனர். அதை கல்வி அலுவலர் மா. ரவி  திறந்து வைத்தார். 
அடுத்து, கச்சனம் வெங்கடேஸ்வரா மெட்ரிகுலேஷன் பள்ளியில் பள்ளித் தாளாளர் பாஸ்கரன் தலைமையில் நடைபெற்ற விழாவில், பள்ளி முதல்வர் கே. பொதுச்செல்வன், சிறப்பு விருந்தினராக காட்டூர் பெண்கள் மேம்பாட்டு நிறுவன தலைவர் நாகராஜன் மற்றும் கருணாலய தொண்டு நிறுவன தலைவர் பாப்பையன் ஆகியோர் கலந்து கொண்டனர். தொடர்ந்து, பள்ளி வளாகத்தில் மரக்கன்றுகள்
நடப்பட்டன.
 

]]>
https://www.dinamani.com/all-editions/edition-nagapattinam/nagapattinam/2019/aug/17/கல்வி-நிறுவனங்களில்-சுதந்திர-தின-விழா-3215390.html
3215389 நாகப்பட்டினம் நாகப்பட்டினம் பிரசன்ன மாரியம்மன் கோயிலில் பால்குடத் திருவிழா DIN DIN Saturday, August 17, 2019 09:08 AM +0530 மயிலாடுதுறை வண்டிக்காரத்தெருவில் உள்ள பிரசன்ன மாரியம்மன் கோயிலில், ஆடி கடைவெள்ளியையொட்டி, 39-ஆம் ஆண்டு பால்குடத் திருவிழா வெள்ளிக்கிழமை நடைபெற்றது.
இதையொட்டி, மயிலாடுதுறை காவிரி துலாக் கட்டத்தில் இருந்து திரளான பக்தர்கள் பால் குடங்களை தலையில் சுமந்து, மேள தாளம் முழங்க, வீதியுலாவாக கோயிலை வந்தடைந்தனர். பின்னர், கோயிலில் பிரசன்ன மாரியம்மனுக்கு பால் அபிஷேகம் செய்யப்பட்டது. தொடர்ந்து, அம்மனுக்கு சிறப்பு அலங்காரம் செய்யப்பட்டு, மகா தீபாராதனை நடைபெற்றது. அடுத்து, கோயிலில் கஞ்சி வார்த்தலும், அன்னதானமும் செய்யப்பட்டது. இரவு அம்பாள் வீதியுலா காட்சி நடைபெற்றது.

]]>
https://www.dinamani.com/all-editions/edition-nagapattinam/nagapattinam/2019/aug/17/பிரசன்ன-மாரியம்மன்-கோயிலில்-பால்குடத்-திருவிழா-3215389.html
3215388 நாகப்பட்டினம் நாகப்பட்டினம் மக்கள் தொடர்பு முகாம் DIN DIN Saturday, August 17, 2019 09:08 AM +0530 தரங்கம்பாடி வட்டம், நல்லாடை கிராமத்தில் வருவாய்த்துறை சார்பில் மக்கள் தொடர்பு முகாம் அண்மையில் நடைபெற்றது. 
மாவட்ட வருவாய் அலுவலர் இந்துமதி தலைமையில் நடைபெற்ற இம்முகாமில் குடிமனைப் பட்டா, ஸ்மார்ட் கார்டு (குடும்ப அட்டை),  முதியோர், விதவைகளுக்கான உதவித்தொகை, வேளாண் இடுபொருள்கள் உள்ளிட்ட  நலத்திட்ட உதவிகள் 72 பயனாளிகளுக்கு வழங்கப்பட்டன.
இந்நிகழ்ச்சியில் வட்டாட்சியர் சித்ரா, வட்ட வழங்கல் அலுவலர் பிரான்சுவா, வருவாய் ஆய்வாளர்கள் வெற்றிவேல், பழனியப்பன், கிராம நிர்வாக அலுவலர் விஜய், மணிகண்டன், பார்த்திபன், ஊராட்சி தலைவர் ரெகுபதி கண்ணன்,  ஆகியோர் கலந்துகொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/17/மக்கள்-தொடர்பு-முகாம்-3215388.html
3215386 நாகப்பட்டினம் நாகப்பட்டினம் பள்ளியில் சுற்றுச்சூழல் கருத்தரங்கம் DIN DIN Saturday, August 17, 2019 09:07 AM +0530 நாகை மாவட்டம், வேதாரண்யத்தை அடுத்த கடிநெல்வயல் அரசு மேல்நிலைப் பள்ளியில் சுற்றுச்சூழல் கருத்தரங்கம் அண்மையில்  நடைபெற்றது.
மத்திய அரசின் நேரு யுவகேந்திரா அமைப்பு, கடிகை இளைஞர் மன்றம், பள்ளியின் பசுமைப்படை ஆகியவை சார்பில் நடைபெற்ற கருத்தரங்கத்துக்கு, தலைமையாசிரியர் வீ.நீலமேகம் தலைமை வகித்தார். செஞ்சிலுவைச் சங்க வட்டார செயலாளர் பொன்.தர்மதுரை, நேரு யுவகேந்திரா அமைப்பின் தன்னார்வலர் எம்.மாலதி ஆகியோர் முன்னிலை வகித்தனர்.
சூழல் மேம்பாடு குறித்து பல்வேறு தலைப்புகளில் ஆசிரியர்கள் அ.வடிவேலு, ச.அமுதா, மா.வேம்பையன், ஆர்.கே.மதிவாணன், செ.ஆனிசெயின் ஆகியோர் பேசினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/பள்ளியில்-சுற்றுச்சூழல்-கருத்தரங்கம்-3215386.html
3215384 நாகப்பட்டினம் நாகப்பட்டினம் விளையாட்டுப் போட்டிகளில் வென்ற கல்லூரி மாணவிகளுக்குப் பாராட்டு DIN DIN Saturday, August 17, 2019 09:07 AM +0530 பல்வேறு விளையாட்டுப் போட்டிகளில் வெற்றி பெற்ற தருமபுரம் ஞானாம்பிகை அரசினர் மகளிர் கலைக் கல்லூரி மாணவிகளுக்கு வியாழக்கிழமை நடைபெற்ற சுதந்திர தின விழாவில் பாராட்டு தெரிவிக்கப்பட்டது. 
ஆகஸ்ட் 8, 9-ஆம் தேதிகளில், புதுக்கோட்டை ஜெ.ஜெ. கல்லூரியில் பல்கலைக் கழக கல்லூரிகளுக்கு இடையிலான கிராஸ் கன்டிரி பெண்கள் பிரிவில், பி.ஏ. பொருளியல் முதலாமாண்டு மாணவி ஏ. ரஞ்சனி முதலிடமும், குழுப் போட்டியில் கல்லூரி மாணவிகள் கலந்துகொண்டு 4-ஆம் இடமும் பெற்றனர்.
ஆகஸ்ட் 10-ஆம் தேதி, மயிலாடுதுறை சாய் மைதானத்தில் நடைபெற்ற நாகை மாவட்ட அளவிலான இளையோர் தடகளப் போட்டியில், 20 வயதுக்குள்பட்டோர் பிரிவில் பி.ஏ. ஆங்கிலம் 2-ஆம் ஆண்டு மாணவி ஆர். மெர்லின் ரேபக்கா, நீளம் தாண்டுதல் மற்றும் மும்முறை தாண்டுதலில் முதலிடமும், 5 ஆயிரம் மீட்டர் ஓட்டப் போட்டியில் பி.ஏ. பொருளியல் முதலாமாண்டு மாணவி ஏ. ரஞ்சனி முதலிடமும், பி.எஸ்சி உயிர் வேதியியல் முதலாமாண்டு மாணவி கே. சினேகா 2-ஆம்  இடமும், பி.ஏ. வரலாறு இரண்டாமாண்டு மாணவி 3-ஆம் இடமும், பிஎஸ்சி வேதியியல் மூன்றாம் ஆண்டு மாணவி ஆர்.பிரவீனா 100 மீட்டர் ஓட்டத்தில் முதலிடமும், 200 மீட்டர் ஓட்டப்போட்டியில் 2-ஆம் இடமும், பி.ஏ.பொருளியல் முதலாமாண்டு மாணவி கே.நித்;யா 200 மீட்டர் ஓட்டப்போட்டியில் முதலிடமும் பெற்று கல்லூரிக்கு பெருமை சேர்த்தனர்.
இப்போட்டிகளில் வெற்றி பெற்ற மாணவிகளை, கல்லூரியில் நடைபெற்ற சுதந்திர தின விழாவில் முதல்வர் த. அறவாழி உள்ளிட்டோர் பாராட்டினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/விளையாட்டுப்-போட்டிகளில்-வென்ற-கல்லூரி-மாணவிகளுக்குப்-பாராட்டு-3215384.html
3215382 நாகப்பட்டினம் நாகப்பட்டினம் பள்ளியில் சுற்றுச்சுவர் திறப்பு விழா DIN DIN Saturday, August 17, 2019 09:07 AM +0530 சீர்காழி எல்.எம்.சி. மேல்நிலைப்பள்ளி விளையாட்டுத் திடலில் புதிதாக கட்டப்பட்ட சுற்றுச்சுவர் திறப்பு விழா அண்மையில்  நடைபெற்றது.
பள்ளி தாளாளர் ஜி.தியாகராஜன் தலைமை வகித்தார். தலைமை ஆசிரியர் ராஜசேகர் முன்னிலை வகித்தார். தமிழ் சுவிசேஷ லுத்தரன் திருச்சபை நிர்வாகி வெங்கட்ராமன் புதிய சுற்றுச்சுவரை திறந்து வைத்தார். த.பே.மா.லு. கல்லூரி முதல்வர் ஜீன்ஜார்ஜ், துணை முதல்வர் ஜெ.ஜான்சன்ஜெயக்குமார், முன்னாள் எம்.எல்.ஏ. பாலசுப்பிரமணியன் ஆகியோர் பங்கேற்று பேசினர். தொடர்ந்து விளையாட்டுத் திடல் பகுதியில் மரக்கன்றுகள் நடப்பட்டன. இதில் ஆசிரியர்கள், மாணவர்கள் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/17/பள்ளியில்-சுற்றுச்சுவர்-திறப்பு-விழா-3215382.html
3215380 நாகப்பட்டினம் நாகப்பட்டினம் ஆடி கடைசி வெள்ளி: கோயில்களில் பெண்கள் வழிபாடு DIN DIN Saturday, August 17, 2019 09:06 AM +0530 வேதாரண்யம் கள்ளிமேடு பத்ரகாளியம்மன் உள்ளிட்ட கோயில்களில் ஆடி மாத கடைசி வெள்ளிக்கிழமையையொட்டி ஏராளமான பெண்கள் சிறப்பு வழிபாட்டில் ஈடுபட்டனர்.
வேதாரண்யம் அருகேயுள்ள கள்ளிமேடு பத்ர காளியம்மன் கோயில் இப்பகுதியில் சிறப்பு பெற்றது. இங்கு வழக்கம்போல் பல பகுதிகளிலிருந்தும் வந்த ஏராளமான பெண்கள் வெள்ளிக்கிழமை சிறப்பு வழிபாடு செய்தனர். இதேபோல், வேதாரண்யம் வேதாரண்யேசுவரர் கோயிலில் உள்ள தெற்கு நோக்கிய விஷ்ணு துர்க்கையம்மன் சன்னிதியிலும், தோப்புத்துறை வன துர்க்கையம்மன் கோயில், ஆயக்காரன்புலம் கலிதீர்த்த அய்யனார் உள்ளிட்ட பல கோயில்களில் ஏராளமான பெண்கள் வழிபட்டனர். பக்தர்களின் வசதிக்காக பல இடங்களில் இருந்து கள்ளிமேட்டுக்கு அரசு போக்குவரத்துக் கழகம் சார்பில் கூடுதல் பேருந்துகள் இயக்கப்பட்டன.
கடலில் மீனவர்கள் வழிபாடு: வேதாரண்யத்தைச் சேர்ந்த ஆறுகாட்டுத்துறை மீனவ கிராமத்தில் ஆடி மாத கடைசி வெள்ளிக்கிழமையையொட்டி கடலில் பால் ஊற்றி சிறப்பு வழிபாடு செய்தனர். மீன்வளம் வேண்டி நடைபெற்ற இந்த வழிபாட்டில் வேலை நிறுத்தம் செய்து மீனவர்கள்,பெண்கள் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/17/ஆடி-கடைசி-வெள்ளி-கோயில்களில்-பெண்கள்-வழிபாடு-3215380.html
3215378 நாகப்பட்டினம் நாகப்பட்டினம் புதை சாக்கடை அடைப்பை நீக்கும்போது விஷ வாயு தாக்கி 2 பேர் சாவு: ஒருவருக்கு சிகிச்சை DIN DIN Saturday, August 17, 2019 09:06 AM +0530 நாகை வீட்டு வசதி வாரிய குடியிருப்பு அருகே புதை சாக்கடை கிணறு ஒன்றில் அடைப்பு நீக்கும் பணியில் ஈடுபட்ட ஒப்பந்தப் பணியாளர்கள் 2 பேர் விஷ வாயு தாக்கி வெள்ளிக்கிழமை உயிரிழந்தனர்.
நாகை, நம்பியார் நகர் வீட்டு வசதி வாரிய குடியிருப்பு அருகே உள்ள ஒரு புதை சாக்கடை கிணற்றில் அடைப்பு ஏற்பட்டிருப்பதாக நாகை நகராட்சிக்குத் தகவல் கிடைத்தது. இந்தத் தகவலின் பேரில், அந்தக் கிணற்றை சுத்தம் செய்யும் பணிக்கு வியாழக்கிழமை இரு பணியாளர்கள் அனுப்பப்பட்டனர். நேரமின்மை காரணமாக, இப்பணி வியாழக்கிழமை முழுமைப் பெறவில்லை.
இந்த நிலையில்,  நகராட்சி நிர்வாகத்தின் அறிவுறுத்தலின் பேரில், ஒப்பந்தத் தொழிலாளர்களான நாகூர் அமிர்தா நகர் சுனாமி குடியிருப்பைச் சேர்ந்த ஆர். மாதவன்(38), நாகை, காட்டுநாயக்கன் தெருவைச் சேர்ந்த என். சக்திவேல்(27), வெளிப்பாளையம், வண்டிப்பேட்டையைச் சேர்ந்த த. ஸ்ரீதர்(40) ஆகிய மூவரும், அந்த புதை சாக்கடை கிணற்றில் வெள்ளிக்கிழமை தூய்மைப் பணியை மேற்கொண்டுள்ளனர்.
நீரழுத்தும் கருவியை புதை சாக்கடை கிணற்றுக்குள் செலுத்தும் பணியில் அவர்கள் ஈடுபட்டிருந்தபோது, கிணற்றினுள் இருந்து விஷ வாயு வெளிப்பட்டுள்ளது. இதில்,  மாதவன், சக்திவேல் ஆகிய 2 பேரும் கிணற்றுக்குள்ளேயே மயங்கி விழுந்து உயிரிழந்தனர். மூச்சுத் திணறலுடன் கிணற்றுக்கு வெளியே வந்த ஸ்ரீதர், பொதுமக்களால் உடனடியாக மீட்கப்பட்டு, நாகை அரசு மருத்துவமனையில் சிகிச்சைக்கு அனுதிக்கப்பட்டார்.
நாகை தீயணைப்புப் படையினர், நிகழ்விடத்துக்குச் சென்று மாதவன், சக்திவேல் ஆகியோரின் சடலங்களை கிணற்றிலிருந்து மீட்டனர். வெளிப்பாளையம் போலீஸார் சடலங்களைக் கைப்பற்றி, பிரேத பரிசோதனைக்காக அரசு மருத்துவமனைக்கு அனுப்பினர்.
உயிரிழந்த தொழிலாளர்களின் உறவினர்கள், நண்பர்கள் நாகை அரசு மருத்துவமனையில் குழுமி, பாதுகாப்பாற்ற முறையில் புதை சாக்கடை கிணற்றுக்குள் தொழிலாளர்களை இறங்கச் செய்த நகராட்சி உதவிப் பொறியாளர் உள்ளிட்டோர் மீது நடவடிக்கை எடுக்கக் கோரி உரக்க குரல் எழுப்பினர்.  
நாகை வட்டாட்சியர் சங்கர், வெளிப்பாளையம் காவல் ஆய்வாளர் சிவப்பிரகாசம் ஆகியோர் பேச்சுவார்த்தையில் ஈடுபட்டு சமாதானப்படுத்தினர்.  தொழிலாளர்கள் உயிரிழப்பு குறித்து வெளிப்பாளையம் காவல் நிலையத்தில் வழக்குப் பதிவு செய்யப்பட்டுள்ளது.

]]>
https://www.dinamani.com/all-editions/edition-nagapattinam/nagapattinam/2019/aug/17/புதை-சாக்கடை-அடைப்பை-நீக்கும்போது-விஷ-வாயு-தாக்கி-2-பேர்-சாவு-ஒருவருக்கு-சிகிச்சை-3215378.html
3215376 நாகப்பட்டினம் நாகப்பட்டினம் "மயிலாடுதுறையை மாவட்டமாக அறிவித்து காந்தி ஜயந்தி நாளில் தொடங்க வேண்டும்' DIN DIN Saturday, August 17, 2019 09:06 AM +0530 மயிலாடுதுறையை உடனடியாக புதிய மாவட்டமாக அறிவித்து அக்டோபர் 2-ஆம் தேதி காந்தி ஜயந்தி தினத்தில் புதிய மாவட்டத்தை தொடங்க வேண்டும் என்று மயிலாடுதுறை மாவட்ட அமைப்புக் குழு சார்பில் வியாழக்கிழமை தமிழக அரசுக்கு கோரிக்கை விடுக்கப்பட்டுள்ளது.
மயிலாடுதுறையை தலைமையிடமாகக் கொண்டு புதிய மாவட்டம் அமைக்க வேண்டும் என்ற மயிலாடுதுறை மக்களின் கால் நூற்றாண்டு கோரிக்கை, கடந்த ஒரு மாதமாக மயிலாடுதுறை கோட்டத்தில் வலுத்துள்ளது. கோரிக்கையை வலியுறுத்தி மயிலாடுதுறை கோட்டத்தில் தொடர் போராட்டங்கள் நடைபெற்று வருகின்றன. 
இந்நிலையில், தமிழக முதலமைச்சர் எடப்பாடி கே. பழனிசாமி வியாழக்கிழமை நடைபெற்ற சுதந்திர தின விழா கூட்டத்தில் வேலூர் மாவட்டத்தைப் பிரித்து 2 புதிய மாவட்டங்கள் அமைக்கப்படும் என்று அறிவித்தார். இதையடுத்து, மயிலாடுதுறையில் மாவட்ட அமைப்புக் குழுவின் அவசர ஆலோசனைக் கூட்டம், அக்குழுவின் தலைமை ஒருங்கிணைப்பாளர் செந்தில்வேல் தலைமையில் நடைபெற்றது. இதில், குழு ஒருங்கிணைப்பாளர்கள் ஆறுபாதி கல்யாணம், மதியழகன், நவநீதன், ராஜசேகர் உள்ளிட்டோர் முன்னிலை வகித்தனர்.
கூட்ட முடிவில் செய்தியாளர்களிடம் குழுவின் தலைமை ஒருங்கிணைப்பாளர் செந்தில்வேல் கூறியது: மயிலாடுதுறையை தலைமை இடமாகக் கொண்டு புதிய மாவட்டம் அமைக்க, கிராம சபை கூட்டத்தில் தீர்மானம் நிறைவேற்ற வேண்டும் என மயிலாடுதுறை கோட்டத்துக்குள்பட்ட அனைத்து ஊராட்சிகளிலும் வேண்டுகோள் விடுத்திருந்தோம். அதை ஏற்று, மயிலாடுதுறை கோட்டத்தில் உள்ள 70 சதவீத ஊராட்சிகளில் தீர்மானம் நிறைவேற்றப்பட்டுள்ளன. பெரும்பாலான ஊராட்சிகளில் தீர்மானத்தை பதிவு செய்யாமல், மனுக்களை மட்டும் பெற்றுள்ளனர்.
ஒரு சில ஊராட்சிகளில் இத்தீர்மானத்தை நிறைவேற்ற ஊராட்சி அலுவலர்கள் மறுத்துள்ளனர். அந்த ஊராட்சிகளில் மக்கள் கிராம சபைக் கூட்டத்தை புறக்கணித்து உள்ளனர். எனவே, தமிழக அரசு பெரும்பான்மை மக்களின் கோரிக்கையை ஏற்று, மயிலாடுதுறையை உடனடியாக புதிய மாவட்டமாக  அறிவித்து அக்டோபர் 2-ஆம் தேதி காந்தி ஜயந்தி தினத்தில் புதிய மாவட்டத்தை தொடங்க வேண்டும்.
இக்கோரிக்கையை வலியுறுத்தி, மயிலாடுதுறை கோட்டத்தில் ஆகஸ்ட் 26, 27 தேதிகளில் பாத யாத்திரையும், அதைத் தொடர்ந்து பேரணி, உண்ணாவிரதம் உள்ளிட்ட பல்வேறு அறவழிப் போராட்டங்களை முன்னெடுக்க உள்ளோம் என்றார் அவர்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/மயிலாடுதுறையை-மாவட்டமாக-அறிவித்து-காந்தி-ஜயந்தி-நாளில்-தொடங்க-வேண்டும்-3215376.html
3215375 நாகப்பட்டினம் நாகப்பட்டினம் தமிழக அரசுக்கு பரிந்துரை: எம்.எல்.ஏவிடம் கோரிக்கை DIN DIN Saturday, August 17, 2019 09:06 AM +0530 மயிலாடுதுறையை மாவட்டமாக அறிவிக்க தமிழக அரசுக்கு பரிந்துரை செய்ய வேண்டும் என மயிலாடுதுறை சட்டப் பேரவை உறுப்பினர் வீ. ராதாகிருஷ்ணனிடம் வழக்குரைஞர்கள் வெள்ளிக்கிழமை கோரிக்கை மனு அளித்தனர்.
மயிலாடுதுறையைச் சேர்ந்த வழக்குரைஞர்கள் ஏ. சங்கமித்திரன், ஜி. ஜெகதராஜ், ஆர். வீதிவிடங்கன், எம். திரிசங்கு, கோபிநாத், ஏ. நிர்மலா, நித்தியன் ஆகியோர் அளித்த மனு விவரம்: மயிலாடுதுறையை சேர்ந்த பொதுமக்கள் மாவட்ட தலைநகரை அடைய வேண்டுமானால், ஒரு மாநிலம் அல்லது வேறு ஒரு மாவட்டத்தை கடந்து சென்று அரசு தலைமையை தொடர்பு கொள்ள வேண்டியதாக உள்ளது. இதனால், பொதுமக்கள் உடல் மற்றும் மன உளைச்சல் அடைகின்றனர். மயிலாடுதுறை பொதுமக்களின் 25 ஆண்டுகால கோரிக்கை, மயிலாடுதுறை மாவட்டம் ஆகவேண்டும் என்பதாகும். தமிழக அரசு அதிக மக்கள் தொகை உடைய ஒரு வருவாய் கோட்டத்தை, ஒரு மாவட்டமாக அறிவித்து வருகிறது. அதன்படி, வருவாய் கோட்டமாக உள்ள மயிலாடுதுறையை மாவட்டமாக அறிவிக்க, தமிழக முதல்வரிடம் பரிந்துரை செய்ய வேண்டுகிறோம் என்று அதில் குறிப்பிடப்பட்டுள்ளது. மனுவை பெற்றுக் கொண்ட சட்டப் பேரவை உறுப்பினர் வீ. ராதாகிருஷ்ணன், விரைவில் தமிழக முதல்வரிடம் இதுகுறித்து பேசி, புதிய மாவட்டம் அமைய நடவடிக்கை மேற்கொள்வதாக உறுதி அளித்தார்.


 

]]>
https://www.dinamani.com/all-editions/edition-nagapattinam/nagapattinam/2019/aug/17/தமிழக-அரசுக்கு-பரிந்துரை-எம்எல்ஏவிடம்-கோரிக்கை-3215375.html
3215373 நாகப்பட்டினம் நாகப்பட்டினம் வீட்டுக்குள் புகுந்த 5 அடி நீள நல்லபாம்பு பிடிபட்டது DIN DIN Saturday, August 17, 2019 09:05 AM +0530 சீர்காழியில் ஒருவரது வீட்டுக்குள் வீயாழக்கிழமை புகுந்த 5 அடி நீள நல்லபாம்பு பாதுகாப்பாக பிடித்த வனத்துக்குள் விடப்பட்டது. 
சீர்காழி சன்சிட்டி நகரில் வசிப்பவர் வசந்தகுமார். இவரது வீட்டுக்குள் வியாழக்கிழமை மாலை 5 அடி நீள நல்லபாம்பு புகுந்து, அங்கு இருந்த பீரோவின் பின்புறம் சென்று விட்டது. இதையடுத்து, வீட்டு உரிமையாளர் வசந்தகுமார் உடனடியாக பாம்பு பிடிப்பதில் சிறந்து விளங்கும் அப்பகுதியைச் சேர்ந்த பாண்டியனுக்கு தகவல் தெரிவித்து வரும்படி கூறினார். 
தகவலின் பேரில் உடனடியாக அங்கு வந்த பாண்டியன் சுமார் அரை மணி நேரத்தில் நல்லபாம்பை லாவகமாக பிடித்து சாக்கு பையில் இட்டு பாதுகாப்பாக ஆள்நடமாட்டம் இல்லாத வன பகுதிக்கு கொண்டு சென்று விட்டார்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/வீட்டுக்குள்-புகுந்த-5-அடி-நீள-நல்லபாம்பு-பிடிபட்டது-3215373.html
3215371 நாகப்பட்டினம் நாகப்பட்டினம் வேதாரண்யம் பகுதியில் ஆகஸ்ட் 17 மின்தடை DIN DIN Saturday, August 17, 2019 09:05 AM +0530 வேதாரண்யம் பகுதியில் சனிக்கிழமை (ஆக.17) மின்விநியோகம் இருக்காது என தமிழ்நாடு மின் உற்பத்தி மற்றும் பகிர்மானக் கழகத்தின் வேதாரண்யம் உதவிச் செயற்பொறியாளர் வி. அண்ணாதுரை தெரிவித்துள்ளார். 
இதுகுறித்து, அவர் வெளியிட்டுள்ள செய்திக் குறிப்பு: வாய்மேடு துணை மின் நிலையத்தில் மாதாந்திர பராமரிப்பு பணிகள் சனிக்கிழமை  காலை 9 முதல் மாலை 5 மணி வரை நடைபெறுகிறது. இதனால், இத்துணை மின் நிலையத்திலிருந்து மின்சாரம் பெறும் பகுதிகளான வாய்மேடு, ஆயக்காரன்புலம், வேதாரண்யம் நகரம், கருப்பம்புலம், மருதூர், கரியப்பட்டினம் மற்றும் திருவாரூர் மாவட்டம் ஆல்காடு ஆகிய பகுதிகளில் மின்விநியோகம் இருக்காது என தெரிவித்துள்ளார்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/வேதாரண்யம்-பகுதியில்-ஆகஸ்ட்-17-மின்தடை-3215371.html
3215370 நாகப்பட்டினம் நாகப்பட்டினம் மாதானம் முத்துமாரியம்மன் கோயிலில் தீமிதி திருவிழா: 5 ஆயிரத்துக்கும் மேற்பட்ட பக்தர்கள் நேர்த்திக்கடன் DIN DIN Saturday, August 17, 2019 09:05 AM +0530 சீர்காழி அருகேயுள்ள மாதானம் முத்துமாரியம்மன் கோயிலில் வெள்ளிக்கிழமை தீமிதி திருவிழா நடைபெற்றது. இதில், 5 ஆயிரத்துக்கும் மேற்பட்ட பக்தர்கள் தீமிதித்து நேர்த்திக்கடன் செலுத்தினர்.
நாகை மாவட்டம், மாதானத்தில் உள்ள பிரசித்திப் பெற்ற முத்துமாரியம்மன் கோயிலில் ஆண்டுதோறும் ஆடி கடைசி வெள்ளிக்கிழமை தீமிதி திருவிழா வெகுவிமரிசையாக நடைபெறுவது வழக்கம். அதன்படி, நிகழாண்டு தீமிதி திருவிழா உத்ஸவம் காப்புகட்டி தொடங்கி நடைபெற்றது. முக்கிய விழாவான தீமிதி திருவிழா வெள்ளிக்கிழமை நடைபெற்றது. 
முன்னதாக, முத்துமாரியம்மனுக்கு சிறப்பு அபிஷேகம், அலங்காரம், தீபாராதனை செய்யப்பட்டது. 
தொடர்ந்து, சிறப்பு அலங்காரத்தில் வீதியுலா வந்த உத்ஸவர் முத்துமாரியம்மன், தீக்குண்டம் எதிரே அலங்கரிக்கப்பட்ட ரதத்தில் எழுந்தருளினார். அதன் பின்னர் சீர்காழி, சிதம்பரம், காட்டுமன்னார்குடி, கடலூர், குறிஞ்சிபாடி, விழுப்புரம், மயிலாடுதுறை, கும்பகோணம், திருவாரூர் உள்ளிட்ட பல்வேறு பகுதிகளிலிருந்து நேர்த்திகடன் செலுத்த வந்த சுமார் 5 ஆயிரம் பக்தர்கள் நீண்ட வரிசையில் நின்று தீ குண்டத்தில் இறங்கி தீமிதித்து நேர்த்திக்கடன் செலுத்தினர். 
இதில் சிறுவர், சிறுமிகள், குழந்தைகளை தூக்கி வந்த பெற்றோர்களும், அலகு காவடி எடுத்து வந்த பக்தர்களும் தீமிதித்தனர். கோயிலில் பக்தர்கள் மாவிளக்கு, நெய்விளக்கு ஏற்றி வழிபாடு செய்தனர். பக்தர்களின் நலனுக்காக தீயணைப்பு வாகனம் தயார் நிலையில் நிறுத்தி வைக்கப்பட்டிருந்தது.
விழாவையொட்டி, சீர்காழி, சிதம்பரம், மயிலாடுதுறை ஆகிய பகுதிகளிலிருந்து சிறப்பு பேருந்துகள்  இயக்கப்பட்டன. 

]]>
https://www.dinamani.com/all-editions/edition-nagapattinam/nagapattinam/2019/aug/17/மாதானம்-முத்துமாரியம்மன்-கோயிலில்-தீமிதி-திருவிழா-5-ஆயிரத்துக்கும்-மேற்பட்ட-பக்தர்கள்-நேர்த்திக்கடன-3215370.html
3215368 நாகப்பட்டினம் நாகப்பட்டினம் டாஸ்மாக் பணியாளர்கள் ஆர்ப்பாட்டம் DIN DIN Saturday, August 17, 2019 09:04 AM +0530 டாஸ்மாக் பணியாளர்களுக்குப் பணி பாதுகாப்பு வழங்கக் கோரி டாஸ்மாக் தொழிற்சங்கக் கூட்டமைப்பு சார்பில் நாகை அவுரித் திடலில் ஆர்ப்பாட்டம் வெள்ளிக்கிழமை நடைபெற்றது. 
கிருஷ்ணகிரி மாவட்டத்தில் டாஸ்மாக் பணியாளர் கொலை செய்யப்பட்டதைக் கண்டித்தும், அவரது குடும்பத்துக்கு ரூ. 50 லட்சம் நிதி உதவியும், அரசின் நிரந்தர பணியும் வழங்க வேண்டும், டாஸ்மாக் கடைகளில் கண்காணிப்பு கேமிராக்களை பொருத்த வேண்டும், டாஸ்மாக் பணியாளர்களுக்குப் பணி பாதுகாப்பு வழங்க வேணடும் உள்ளிட்ட கோரிக்கைகளை வலியுறுத்தியும் இந்தப் போராட்டம் நடைபெற்றது. 
தொமுச நிர்வாகி கவியரசன், சிஐடியு நிர்வாகி சிவனருள்செல்வன், ஏஐடியூசி பொறுப்பாளர் மகேந்திரன் மற்றும் பல்வேறு தொழிற்சங்கங்களின் நிர்வாகிகள், உறுப்பினர்கள் பங்கேற்று கோரிக்கைகளை வலியுறுத்தி முழக்கங்களை எழுப்பினர். 
கருப்புப் பட்டை: இந்த ஆர்ப்பாட்டத்தில் டாஸ்மாக் பணியாளர்கள் அனைவரும் கருப்புப் பட்டை அணிந்து பங்கேற்றிருந்தனர்.  
 

]]>
https://www.dinamani.com/all-editions/edition-nagapattinam/nagapattinam/2019/aug/17/டாஸ்மாக்-பணியாளர்கள்-ஆர்ப்பாட்டம்-3215368.html
3215367 நாகப்பட்டினம் நாகப்பட்டினம் கிருஷ்ணன் கோயில் பிரமோத்ஸவ திருக்கொடியேற்றம் DIN DIN Saturday, August 17, 2019 09:04 AM +0530 நாகை நவநீத கிருஷ்ணசுவாமி திருக்கோயில் பிரமோத்ஸவ விழா திருக்கொடியேற்றம் வெள்ளிக்கிழமை நடைபெற்றது.
நாகை செளந்தரராஜப் பெருமாளின் அபிமான ஸ்தலமாக விளங்குகிறது நாகையில் உள்ள ருக்மணி, சத்யபாமா சமேத நவநீத கிருஷ்ணசுவாமி கோயில். இக்கோயிலில் ஆண்டுதோறும் கிருஷ்ண ஜயந்தியையொட்டி, பிரமோத்ஸவம் சிறப்பாகக் கொண்டாடப்படுவது வழக்கம்.
இதன்படி, நிகழாண்டின் பிரமோத்ஸவம் வெள்ளிக்கிழமை காலை திருக்கொடியேற்றத்துடன் தொடங்கியது. முதல் நிகழ்வாக, மூலவர் லட்சுமிநாராயணப் பெருமாளுக்கு சிறப்பு அபிஷேகம் நடைபெற்றது. அதைத் தொடர்ந்து, மூலவர் மற்றும் உத்ஸவருக்கு காப்புக் கட்டுதல் நிகழ்ச்சி நடைபெற்றது.
சிறப்பு வழிபாடுகளுக்குப் பின்னர், காலை 10.30 மணி அளவில், மங்கள வாத்திய முழக்கங்களுடன், வேத மந்திரங்கள் முழங்க பிரமோத்ஸவ விழா திருக்கொடியேற்றம் நடைபெற்றது. திரளான பக்தர்கள் பங்கேற்று வழிபாடு மேற்கொண்டனர்.
பிரமோத்ஸவ விழா நிகழ்ச்சியாக தினமும் காலையில் பல்லக்குச் சேவையும், மாலையில் வெவ்வேறு வாகனங்களில் சுமாமி புறப்பாடும் நடைபெறுகிறது.
முக்கிய நிகழ்ச்சியான திருத்தேரோட்டம் ஆக. 24-ஆம் தேதி நடைபெறுகிறது.  
 

]]>
https://www.dinamani.com/all-editions/edition-nagapattinam/nagapattinam/2019/aug/17/கிருஷ்ணன்-கோயில்-பிரமோத்ஸவ-திருக்கொடியேற்றம்-3215367.html
3215366 நாகப்பட்டினம் நாகப்பட்டினம் மயிலாடுதுறை ரெப்கோ வங்கியில் சிறப்பு கடன் முகாம்: ஆக.30 வரை நடைபெறுகிறது DIN DIN Saturday, August 17, 2019 09:00 AM +0530 மயிலாடுதுறையில் நடைபெற்றுவரும் ரெப்கோ வங்கியின் சிறப்பு கடன் முகாம் ஆகஸ்ட் 30-ஆம் தேதி வரை நடைபெறவுள்ளது என வங்கியின் துணை பொது மேலாளர் எஸ். ராஜேந்திரன் தெரிவித்துள்ளார். 
இதுகுறித்து, அவர் வெளியிட்டுள்ள செய்திக் குறிப்பு: மத்திய அரசின் நேரடி கட்டுப்பாட்டில் இயங்கும் ரெப்கோ வங்கியின், மயிலாடுதுறை மகாதானத் தெருவில் உள்ள கிளையில் ஆகஸ்ட் 9-ஆம் தேதி முதல் சிறப்பு கடன் முகாம் நடைபெற்று வருகிறது. இந்த சிறப்பு முகாம் மயிலாடுதுறை, குத்தாலம், சீர்காழி, செம்பனார்கோவில் ஆகிய பகுதிகளுக்குள்பட்ட அனைத்து தரப்பினரும், அனைத்து வகையிலும் பயன்பெறும் வகையில் நடத்தப்படுகிறது. முகாமில் கலந்து கொள்பவர்களின் ஆவணங்கள் சரிபார்க்கப்படும். ஆவணங்கள் அனைத்தும் சரிபார்த்தவுடன், முறையான ஆவணங்கள் உள்ள அனைவருக்கும் உடனடி கடன் அனுமதி அளிக்கப்படுகிறது. கடனுக்குரிய சேவைக் கட்டணம் 50 சதவீதமாக குறைக்கப்பட்டுள்ளது. மேலும் ரெப்கோ வங்கியில் நிரந்தர வைப்புத் தொகைக்கு அதிகபட்சமாக 8 சதவீதம் வரை மூத்த குடிமக்களுக்கு வழங்கப்பட்டு வருகிறது. 
இந்த முகாமில் அனைவரும் கலந்துகொண்டு பயன்பெற வேண்டுமாறு கேட்டுக்கொள்ளப்படுகிறது. முகாம் ஆகஸ்ட் 30-ஆம் தேதி வரை நடைபெறுகிறது என தெரிவித்துள்ளார்.

]]>
https://www.dinamani.com/all-editions/edition-nagapattinam/nagapattinam/2019/aug/17/மயிலாடுதுறை-ரெப்கோ-வங்கியில்-சிறப்பு-கடன்-முகாம்-ஆக30-வரை-நடைபெறுகிறது-3215366.html
3215365 நாகப்பட்டினம் நாகப்பட்டினம் குளம் தூர்வாரும் பணி DIN DIN Saturday, August 17, 2019 08:59 AM +0530 செம்பனார்கோவில் ஊராட்சி ஒன்றியத்தில் குடிமராமத்து திட்டத்தின்கீழ் நீர் மேலாண்மை இயக்கப் பணிகளில் ஒன்றான குளம் தூர்வாரும் பணியை  சட்டப் பேரவை உறுப்பினர் பவுன்ராஜ் வெள்ளிக்கிழமை தொடங்கி வைத்தார்.
செம்பனார்கோவில் ஊராட்சி ஒன்றியத்துக்குள்பட்ட கீழையூர் திருக்குளம், வல்லம் அல்லிக்குளம் ஆகிய குளங்களை குடிமராமத்து திட்டத்தின்கீழ் ரூ. 2 லட்சம் செலவில் குளம் தூர்வாரும் பணியை தொடங்கியது. 
பணியை எம்.எல்.ஏ. பவுன்ராஜ் தொடங்கி வைத்தார். அப்போது, ஒன்றிய ஆணையர் தியாகராஜன், வட்டார வளர்ச்சி அலுவலர் ஊராட்சிகள் அருண் ஆகியோர் உடனிருந்தனர். 
 

]]>
https://www.dinamani.com/all-editions/edition-nagapattinam/nagapattinam/2019/aug/17/குளம்-தூர்வாரும்-பணி-3215365.html
3215364 நாகப்பட்டினம் நாகப்பட்டினம் மாயூரநாதர் கோயிலில் லட்ச தீபத் திருவிழா DIN DIN Saturday, August 17, 2019 08:59 AM +0530 மயிலாடுதுறையில் திருவாவடுதுறை ஆதீனத்துக்கு சொந்தமான பழைமைவாய்ந்த மாயூரநாதர் கோயிலில் வெள்ளிக்கிழமை நடைபெற்ற லட்ச தீபத் திருவிழாவில், திருவாவடுதுறை ஆதீனம் உள்ளிட்ட ஏராளமானோர் பங்கேற்று சுவாமி தரிசனம் செய்தனர்.
மயிலாடுதுறை மாயூரநாதர் கோயிலில் அபயாம்பிகை நற்பணி மன்றம் சார்பில், 33-ஆம் ஆண்டு லட்ச தீபத் திருவிழா  நடைபெற்றது. இதையொட்டி, சுவாமி, அம்பாள் மற்றும் பரிவார தேவதைகளுக்கு சந்தனக் காப்பு அலங்காரம் செய்யப்பட்டது. தொடர்ந்து, சுவாமி சன்னிதி, அம்பாள் சன்னிதியின் வெளிப்பிராகாரம், சுற்றுப்பகுதி உள்ளிட்ட இடங்களில் பக்தர்கள் தீபங்களை ஏற்றினர். சுவாமி உருவங்கள் மற்றும் பலவிதமான மந்திர எழுத்துகள் தீப ஒளியில் ஏற்றப்பட்டன. இதில், திருவாவடுதுறை ஆதீன குருமகா சந்நிதானம் ஸ்ரீலஸ்ரீ அம்பலவாண தேசிக பரமாசார்ய சுவாமிகள் மற்றும் ஆயிரக்கணக்கான பக்தர்கள் பங்கேற்று சுவாமி தரிசனம் செய்தனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/17/மாயூரநாதர்-கோயிலில்-லட்ச-தீபத்-திருவிழா-3215364.html
3215363 நாகப்பட்டினம் நாகப்பட்டினம் நாகை புனித மாதரசி மாதா தேவாலய கொடியேற்றம்: திரளானோர் பங்கேற்பு DIN DIN Saturday, August 17, 2019 08:59 AM +0530 நாகை, புனித மாதரசி மாதா தேவாலய ஆண்டுத் திருவிழா தொடக்க நிகழ்வாக, புனிதக் கொடியேற்றம் வியாழக்கிழமை மாலை நடைபெற்றது.
நாகை முதன்மைக் கடற்கரை சாலையில் உள்ள புனித மாதரசி மாதா தேவாலயம் 16-ஆம் நூற்றாண்டைச் சேர்ந்த பழைமையான தேவாலயம். தனது சொரூபத்தை பாதுகாக்க முன்வந்த பக்தர்களின் வசதிக்காக தலைச் சாய்த்து அருளிய அருள் வரலாறை கொண்டது இத்தலம். இந்த தேவாலயத்தின் ஆண்டுத் திருவிழா சிறப்பாகக் கொண்டாடப்படுவது வழக்கம். இதன்படி, நிகழாண்டுக்கான திருவிழா வியாழக்கிழமை திருக்கொடியேற்றத்துடன் தொடங்கியது.  
வியாழக்கிழமை மாலை மாதரசி மாதா தேவாலயத்தில், சிறப்பு வழிபாடுகள், மறையுரை, திருப்பலிகள் நிறைவேற்றப்பட்டன. மறைவட்ட அதிபர் மற்றும் பங்குத் தந்தை ஏ. வின்சென்ட் தேவராஜ், பள்ளங்கோயில் புனித ஜான் தி பிரிட்டோ உயர்நிலைப் பள்ளி நிர்வாகி எஸ். ரீகன் ஜெயகுமார் ஆகியோர் திருப்பலிகளை நிறைவேற்றினர். கொடி ஊர்வலத்தின் நிறைவில், எஸ். ரீகன் ஜெயகுமார் திருக்கொடியைப் புனிதம் செய்வித்தார். 
இதைத் தொடர்ந்து,  மாதா இறைப்புகழ்ச்சி முழக்கங்களுடன் இரவு சுமார் 7 மணிக்கு புனித கொடியேற்றம் நடைபெற்றது. நாகை மற்றும் சுற்றுப் பகுதிகளைச் சேர்ந்த திரளானோர் கலந்து கொண்டனர். விழாவின் முக்கிய நிகழ்வான மாதரசி மாதா அலங்கார திருத்தேர் பவனி ஆக. 24-ஆம் தேதி இரவு நடைபெறுகிறது.


 

]]>
https://www.dinamani.com/all-editions/edition-nagapattinam/nagapattinam/2019/aug/17/நாகை-புனித-மாதரசி-மாதா-தேவாலய-கொடியேற்றம்-திரளானோர்-பங்கேற்பு-3215363.html
3215362 நாகப்பட்டினம் நாகப்பட்டினம் தரங்கம்பாடி பள்ளியில் சுதந்திர தின விழா DIN DIN Saturday, August 17, 2019 08:58 AM +0530 தரங்கம்பாடி பிஷப் ஜான்சன் நினைவு மேல்நிலைப் பள்ளியில் வியாழக்கிழமை சுதந்திர தின விழா நடைபெற்றது. 
பள்ளித் தாளாளர் ஜீ.வி. பாண்டியன் தலைமையில் நடைபெற்ற விழாவில், சென்னை உயர் நீதிமன்ற ஓய்வு பெற்ற நீதிபதி வெங்கட்ராமன் சிறப்பு விருந்தினராக  கலந்துகொண்டு இப்பள்ளியில் நவீன வசதிகளுடன் சீரமைக்கப்பட்ட சமையல் கூடத்தை திறந்து வைத்து பேசினார்.
தொடர்ந்து, மாணவர்களின் பாரம்பரிய நடனங்கள், சாகச நிகழ்ச்சிகள் நடைபெற்றன. இதில், பள்ளித் தலைமையாசிரியர் ஜான் சைமன் மகிபாலன் உள்ளிட்டோர் பங்கேற்றனர்.
இதேபோல், செம்பனார்கோவில்  கலைமகள் மெட்ரிக் மேல்நிலைப் பள்ளியில் நடைபெற்ற விழாவுக்கு, கலைமகள் கல்வி நிறுவன நிர்வாக இயக்குநர் என்.எஸ். குடியரசு தலைமை வகித்தார். இதில், இந்திய விமானத் துறையில் பணியாற்றி ஓய்வுப் பெற்ற அதிகாரி சந்தானம் தேசியக் கொடியை ஏற்றி வைத்தார்.

]]>
https://www.dinamani.com/all-editions/edition-nagapattinam/nagapattinam/2019/aug/17/தரங்கம்பாடி-பள்ளியில்-சுதந்திர-தின-விழா-3215362.html
3215361 நாகப்பட்டினம் நாகப்பட்டினம் பல்சமய பெருநாள் சந்திப்பு DIN DIN Saturday, August 17, 2019 08:58 AM +0530 நாகூர் மெகா குழுமம் சார்பில் பல்சமய பெருநாள் சந்திப்பு நிகழ்ச்சி, நாகையை அடுத்த தெத்தி சமரசம் நகரில் உள்ள தக்வா பள்ளிவாசலில் புதன்கிழமை நடைபெற்றது. 
அனைத்து சமுதாய மக்களிடையே நல்லுணர்வை ஏற்படுத்தும் வகையிலான  பெருநாள் சந்திப்பாக இந்த நிகழ்ச்சி நடைபெற்றது. முன்னாள் சட்டப்பேரவை உறுப்பினர் எம்.ஜி.கே. நிஜாமுதீன், நகராட்சி பொறியாளர் ராஜசேகரன், நாகூர் வணிகர் சங்கத் தலைவர் கே. சரவணப்பெருமாள், தொழிலதிபர் பி.ஆர். ரவி, திமுக நிர்வாகி செந்தில்,  பிரமுகர்கள் பிலிப்ராஜ், இந்திரஜித் மற்றும் மாணவர்கள், ஆசிரியர்கள், வணிகர்கள் கலந்து கொண்டனர். இந்தக் கூட்டத்தில், பொருளாதாரத்தில் நலிவடைந்த நிலையில் உள்ளவர்களுக்கு தொழிலுதவிகள் வழங்கப்பட்டன.  மெகா குழும நிர்வாகிகள் ஹாஜா பாவா, ரியாஸ், ரபீக், இப்ராஹிம், பாவா, ரிஸ்வான் ஆகியோர் நிகழ்ச்சி ஏற்பாடுகளை ஒருங்கிணைத்தனர். 

]]>
https://www.dinamani.com/all-editions/edition-nagapattinam/nagapattinam/2019/aug/17/பல்சமய-பெருநாள்-சந்திப்பு-3215361.html
3215360 நாகப்பட்டினம் நாகப்பட்டினம் திருவெண்காடு சுவேதாரண்யேசுவரர் கோயிலில் 1008 சங்காபிஷேகம் DIN DIN Saturday, August 17, 2019 08:58 AM +0530 நாகை மாவட்டம், திருவெண்காடு பிரம்மவித்யாம்பிகை சமேத சுவேதாரண்யேசுவரர் கோயிலில் வெள்ளிக்கிழமை 1008 சங்காபிஷேகம் நடைபெற்றது. 
காசிக்கு இணையான ஆறு கோயில்களில் இக்கோயில் முதன்மையாக விளங்குகிறது. வெள்ளிக்கிழமை ஆடி கடைசி வெள்ளிக்கிழமையையொட்டி, சுவேதாரண்யேசுவரர் மற்றும் பிரம்ம வித்யாம்பிகைக்கு சிறப்பு வழிபாடு நடைபெற்றது. மேலும், சிறப்பு நிகழ்ச்சியாக சுவேதாரண்யேசுவரருக்கு 1008 சங்காபிஷேகம் நடைபெற்றது. இதையொட்டி, 1008 சங்குகள் சிவ வடிவத்தில் சன்னிதியின் முன்பகுதியில் வைக்கப்பட்டு அலங்கரிக்கபட்டிருந்தது. அந்த சங்குகளில் நறுமணப் பொருள்களால் கலந்த நீர் நிரப்பட்டது. 
தொடர்ந்து  பூஜிக்கப்பட்ட வலம்புரி மற்றும் இடம்புரி சங்குகள் கோயில் பிராகாரத்தில் ஊர்வலமாக, மேள தாளம் முழங்க கொண்டு செல்லப்பட்டு, சுவேதாரண்யேசுவரருக்கு அபிஷேகம் செய்யப்பட்டது. 

]]>
https://www.dinamani.com/all-editions/edition-nagapattinam/nagapattinam/2019/aug/17/திருவெண்காடு-சுவேதாரண்யேசுவரர்-கோயிலில்-1008-சங்காபிஷேகம்-3215360.html
3215358 நாகப்பட்டினம் நாகப்பட்டினம் வாஜ்பாய் நினைவு தினம் அனுசரிப்பு DIN DIN Saturday, August 17, 2019 08:57 AM +0530 மறைந்த முன்னாள் பாரத பிரதமர் அடல் பிகாரி வாஜ்பாயின் முதலாம் ஆண்டு நினைவு தினம் மயிலாடுதுறையில் வெள்ளிக்கிழமை அனுசரிக்கப்பட்டது.
இதையொட்டி, மயிலாடுதுறை காமராஜர் சாலையில் உள்ள நகர பாஜக அலுவலகம் முன்பு, அலங்கரித்து வைக்கப்பட்டிருந்த அடல் பிகாரி வாஜ்பாயின் திருவுருவப் படத்துக்கு பாஜக நகர தலைவர் மோடிகண்ணன் மாலை அணிவித்து, மலர் தூவி அஞ்சலி செலுத்தினார். இதில், நகர பொதுச் செயலாளர் மயில்ரவி உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/17/வாஜ்பாய்-நினைவு-தினம்-அனுசரிப்பு-3215358.html
3215357 நாகப்பட்டினம் நாகப்பட்டினம் நேதாஜி சிலைக்கு மாலை அணிவிப்பு DIN DIN Saturday, August 17, 2019 08:57 AM +0530 சீர்காழி புதிய பேருந்து நிலையம் எதிரே அமைந்துள்ள நேதாஜி சுபாஷ் சந்திரபோஷ் சிலைக்கு மூவேந்தர் முன்னேற்ற கழகத்தினர் வியாழக்கிழமை மாலை அணிவித்து மரியாதை செலுத்தினர்.
சுதந்திர தினத்தையொட்டி நடைபெற்ற இந்நிகழ்ச்சிக்கு மூமுக நகரச் செயலர் குமார் தலைமை வகித்து, நேதாஜி சிலைக்கு மாலை அணிவித்து மரியாதை செலுத்தினார். இதில் பொறுப்பாளர்கள் காளிமுத்து, பாபு, பாலு, குமார், செழியன் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/17/நேதாஜி-சிலைக்கு-மாலை-அணிவிப்பு-3215357.html
3214588 நாகப்பட்டினம் நாகப்பட்டினம் நாகையில் அரசு அலுவலகங்களில் சுதந்திர தின விழா DIN DIN Friday, August 16, 2019 07:32 AM +0530 நாகையில் அரசு அலுவலகங்கள் வியாழக்கிழமை 73-ஆவது சுதந்திர தின விழா கொண்டாடப்பட்டது. 
நாகை மாவட்ட காவல் கண்காணிப்பாளர் அலுவலகத்தில், துணை காவல் கண்காணிப்பாளர் சுவாமிநாதன் தேசியக் கொடியை ஏற்றி வைத்தார். நாகை மாவட்ட முதன்மைக் கல்வி அலுவலகத்தில்,முதன்மைக் கல்வி அலுவலர் கே. குணசேகரன் தேசியக் கொடியை ஏற்றி வைத்தார். இதில், அலுவலக கண்காணிப்பாளர் ரவிசங்கர் உள்ளிட்டோர் கலந்துகொண்டனர்.  நாகை சட்டப் பேரவை உறுப்பினர் அலுவலகத்தில் எம்.எல். ஏ. தமிமுன் அன்சாரி தேசியக் கொடியை  ஏற்றி வைத்தார். நாகை கலங்கரை விளக்கத்தில் எம்.எல்.ஏ. தமிமுன்அன்சாரி தேசியக் கொடியை ஏற்றி வைத்தார். 
காங்கிரஸ் சார்பில் : நாகை மாவட்ட வர்த்தக காங்கிரஸ்  சார்பில், நாகை அரசு மருத்துவமனை வளாகத்தில் உள்ள காந்தியடிகள் திருவுவருச் சிலைக்கு மாலை அணிவித்து மரியாதை செலுத்தப்பட்டது. மேலக்கோட்டைவாசல், அக்கரைக் குளம்  கீழ்கரை, நேதாஜி ரோடு, தோணித்துறை ரோடு,  பெரியக் கடைவீதி, உள்ளிட்ட  இடங்களில் தேசியக் கொடி ஏற்றப்பட்டன. இதில், இந்திய தேசிய மீனவர் சங்கத் தலைவர் ஆர். எம். பி. ராஜேந்திர நாட்டார் தேசியக் கொடியை ஏற்றி வைத்தார். நிர்வாகிகள் சி. குபேந்திரன், ஷியாம் சுந்தர், ஜெகதீசன், உதயசந்திரன்,ராமலிங்கம் மற்றும் கட்சியினர்  கலந்துகொண்டனர். 
கீழையூர் :  கீழையூர் வட்டார காங்கிரஸ் கட்சி சார்பில், மீனம்பநல்லூர், கீழையூர்,  திருமணங்குடி ஆகிய   ஊர்களில் தேசிய கொடிகள் ஏற்றப்பட்டு, இனிப்புகள் வழங்கப்பட்டன. வட்டார காங்கிரஸ் தலைவர்  ஜி.சுப்பிரமணியன்,   இளைஞர் காங்கிரஸ் தலைவர் ஆர்.திரிபுரகுமார் மற்றும் எஸ்.வெங்கடேஷ்,  வி. அண்ணாமலை உள்ளிட்டோர் கலந்துகொண்டனர்.
நாகை மாவட்டம், காமேஸ்வரத்தில் தமிழ்நாடு முக்குலத்துப் புலிகள் அமைப்பின் சார்பில், அந்த அமைப்பின்  நிறுவனர் ஆறு. சரவணன் தேசியக் கொடியை ஏற்றிவைத்தார். நாகை மாவட்டம், சித்தாய்மூர் கிராமத்தில் உள்ள கூட்டுறவு பால்  உற்பத்தியாளர்கள் சங்கத்தில் பாஜக  எஸ். சி. அணி நாகை மாவட்டத் தலைவர் ஏ.டி,வி. லிங்கம் தேசியக் கொடியை ஏற்றி வைத்தார். சங்கத் தலைவர் ஷகிலா மற்றும்  இயக்குநர்கள், பால் உற்பத்தியாளர்கள்  கலந்துகொண்டனர்.
 விவசாயிகளுக்கு மரக்கன்றுகள் : ஸ்ரீஅறுபடை தர்மசிந்தனை அறக்டகட்டளை சார்பில்  நாகை  மாவட்டத்தைச் சேர்ந்த 161 விவசாயிகளுக்கு மரக்கன்றுகள்  வழங்கப்பட்டன. மரக்கன்றுகள் அறக்கட்டளையைச்  சேர்ந்த நேசமணி வழங்கினார்.
பூம்புகாரில்...
செம்பனார்கோயில் ஊராட்சி ஒன்றிய அலுவலகத்தில், ஒன்றிய ஆணையர் தியாகராஜன் தலைமையில் நடைபெற்ற சுதந்திர தின விழாவில், எம்.எல்.ஏ. பவுன்ராஜ் தேசியக் கொடியை ஏற்றி வைத்தார். இதில், வட்டார வளர்ச்சி அலுவலர் (ஊராட்சிகள்) அருண், துணை வட்டார வளர்ச்சி அலுவலர் நடேசன் உள்ளிட்டோர் கலந்துகொண்டனர். 
சீர்காழியில்...
சீர்காழி ஊராட்சி ஒன்றிய அலுவலகத்தில் ஒன்றிய ஆணையர் கஜேந்திரன் தலைமையில் நடைபெற்ற சுதந்திர தின விழாவில், சீர்காழி சட்டப் பேரவை உறுப்பினர் பி.வி. பாரதி தேசியக் கொடியை ஏற்றி வைத்து இனிப்புகள் வழங்கி மாணவர்களுக்கு நோட்டு, பேனா, தேர்வு அட்டை ஆகியவற்றை வழங்கினார். இதில், வட்டார வளர்ச்சி அலுவலர் ரெஜினாராணி, மேலாளர் சசிக்குமார் உள்ளிட்டோர் கலந்துகொண்டனர். 
ஒருங்கிணைந்த நீதிமன்ற வளாகம்: சீர்காழி புதிய ஒருங்கிணைந்த நீதிமன்ற வளாகத்தில் நடைபெற்ற விழாவில், மாவட்ட உரிமையியல் நீதிபதி உமாமகேஸ்வரி தேசியக் கொடியை ஏற்றி வைத்தார். இதில், மூத்த வழக்குரைஞர்கள் சந்திரமோகன், வெங்கடேசன், செல்வராஜ், வீரமணி உள்ளிட்டோர் கலந்துகொண்டனர். 
சீர்காழி காவல் நிலையத்தில்: காவல் நிலையத்தில் நடைபெற்ற விழாவில், டி.எஸ்.பி. வந்தனா தேசியக் கொடியை ஏற்றி வைத்தார். இதில், காவல் ஆய்வாளர் டெல்லிபாபு உள்ளிட்டோர் கலந்துகொண்டனர். இதேபோல், சீர்காழி நகராட்சியில் நடைபெற்ற விழாவில், நகராட்சி ஆணையர் அஜிதாபர்வின் தேசியக் கொடியை ஏற்றி வைத்தார். அடுத்து, சீர்காழி டெம்பிள் டவுன் ரோட்டரி சங்கம் சார்பில் அதன் தலைவர் பாலாஜி தேசியக் கொடியை ஏற்றினார். 
வேதாரண்யம் பகுதியில்...
வேதாரண்யம் ஊராட்சி ஒன்றிய அலுவலகம்: இந்த அலுவலகத்தில் நடைபெற்ற விழாவில், வட்டார வளர்ச்சி அலுவலர் கோ. தியகராஜன் உள்ளிட்டோர் பங்கேற்றனர். இதையடுத்து, வேதாரண்யம் பியம் அறக்கட்டளை சார்பில் மேல வீதியில் ரத்த தான முகாம் நடைபெற்றது.
வேதாரண்யம் உப்பு சத்தியாகிரகப் போராட்ட நினைவு கட்டட வளாகம்: இந்த வளாகத்தில் ரோட்டரி சங்கம் சார்பில், அதன் தலைவர் என்.எஸ். கருணாநிதி தலைமையில் நடைபெற்ற சுதந்திர தின விழாவில் அமைப்பின் சாசனத் தலைவர் அ. கேடிலியப்பன் தேசியக் கொடியை ஏற்றி வைத்தார். 
ஆயக்காரன்புலம் 3 ஆம் சேத்தி, மேல்பாதி கிராமத்தில் குழந்தைகள் நல மையத்தில் சர்வதேச இந்தியன் சுந்தர்ஜி சமூக நல அறக்கட்டளை சார்பில் சுதந்திர தின விழா கொண்டாட்டம் நடைபெற்றது. வேதாரண்யம் வடக்கு வீதியில் இந்திய தேசிய காங்கிரஸ் சார்பில் சர்தார் அ. வேதரத்னம், தியாகி வைரப்பன் சிலைக்கு மாலை அணிவித்து தேசியக் கொடியை ஏற்றி வைத்தார். 
திருமருகல் பகுதியில்...
திருமருகல் ஊராட்சி ஒன்றிய அலுவலகத்தில் வட்டார வளர்ச்சி அலுவலர் க. அன்பரசு தலைமையில் நடைபெற்ற சுதந்திர தின விழாவின்போது, அங்கு வைக்கப்பட்டிருந்த மகாத்மா காந்தியின் திருவுருவப் படத்துக்கு வட்டார வளர்ச்சி அலுவலர் ஜி.ஆர். இளங்கோவன் (கி.ஊ) மாலை அணிவித்து மலர் தூவி மரியாதை செலுத்தினார். 
தீயணைப்பு நிலையத்தில்: திருமருகல் தீயணைப்பு நிலையத்தில் நிலைய அலுவலர் (பொ ) அன்பழகன்  தலைமையில் சுதந்திர தின விழா நடைபெற்றது. இதேபோல், திருமருகல் ஆரம்ப சுகாதார நிலையத்தில் வட்டார மருத்துவ அலுவலர் லெட்சுமி நாராயணன் தலைமையில் விழா நடைபெற்றது. அடுத்து, திட்டச்சேரி பேரூராட்சி அலுவலகத்தில் செயல் அலுவலர் நெடுஞ்செழியன் தலைமையில் நடைபெற்ற விழாவில், துப்புரவுப் பணியாளர்கள் பாராட்டப்பட்டு பரிசுகள் வழங்கப்பட்டன. 
திருக்குவளையில்...
திருக்குவளை அருகேயுள்ள எட்டுக்குடி முருகன் கோயிலில் சுதந்திர தின விழாவையொட்டி, பொது விருந்து நடைபெற்றது. இதில், 500-க்கும் மேற்பட்டோர் பங்கேற்றனர். இதில், 50 பேருக்கு சாமிக்கு அணிவிக்கப்பட்ட வஸ்திரங்கள் (ஆடைகள்) வழங்கப்பட்டன. இதற்கான, ஏற்பாடுகளை கோயில் செயல் அலுவலர் ஆறுமுகம் செய்திருந்தார். 
இதேபோல், வலிவலம் இருதய கமல நாத சுவாமி கோயிலில் நடைபெற்ற பொது விருந்தில் 300-க்கும் மேற்பட்டோர் கலந்துகொண்டனர்.
குத்தாலம் பகுதியில்...
குத்தாலம் ஊராட்சி ஒன்றிய அலுவலகத்தில் ஆணையர் ஜி. ஜான்சன், நடிப்பிசை புலவர் கே.ஆர். ராமசாமி சர்க்கரை ஆலை தலைவர் என். தமிழரசன் ஆகியோர் முன்னிலையில் பூம்புகார் சட்டப் பேரவை உறுப்பினர் எஸ். பவுன்ராஜ் தேசியக் கொடியை ஏற்றி வைத்தார். இதில், வட்டார வளர்ச்சி அலுவலர் ந. ஞானசெல்வி, மேலாளர் திருமுருகன் உள்ளிட்டோர் கலந்துகொண்டனர். 
இதேபோல், குத்தாலம் பேரூராட்சி அலுவலகத்தில் செயல் அலுவலர் பாரதிதாசன், வட்டாட்சியர் அலுவலகத்தில் வட்டாட்சியர் சாந்தி ஆகியோர் தேசியக் கொடியை ஏற்றி வைத்தனர். இதேபோல், குத்தாலம் ரோட்டரி சங்கத்தில் தலைவர் என். வீரமணி கொடியேற்றினார். குத்தாலம் லயன்ஸ் சங்கத்தில் தலைவர் சின்னதுரை கொடியேற்றினார். திருத்துருத்தி நற்பணி மன்றம் மற்றும் உக்தவேதிஷ் சேவா சங்கம் சார்பில் பட்டாபிராமன் கொடியேற்றினார்.
குத்தாலம் தீயணைப்பு நிலையத்தில் நிலைய அலுவலர் உ. தனசேகரன் கொடியேற்றினார். குத்தாலம் காவல் நிலையத்தில் ஆய்வாளர் ரவிச்சந்திரனும், பாலையூர் காவல் நிலையத்தில் உதவி ஆய்வாளர் வேல்தேவியும், பெரம்பூர் காவல் நிலையத்தில் ஆய்வாளர் நடராஜனும்  கொடியேற்றி வைத்து போலீசாரின் அணிவகுப்பு மரியாதையை ஏற்றுக்கொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/16/நாகையில்-அரசு-அலுவலகங்களில்-சுதந்திர-தின-விழா-3214588.html
3214587 நாகப்பட்டினம் நாகப்பட்டினம் கல்வி நிறுவனங்களில் சுதந்திர தினக் கொண்டாட்டம் DIN DIN Friday, August 16, 2019 07:32 AM +0530 நாகை மாவட்டம் பூம்புகார் உள்ளிட்ட கல்வி நிறுவனங்களில் வியாழக்கிழமை 73-ஆவது சுதந்திர தின விழா விமரிசையாக கொண்டாடப்பட்டது.
திருவெண்காடு பகுதி பள்ளி: 
நாங்கூர் அரசினர் மேல்நிலைப் பள்ளியில், பள்ளி பெற்றோர்-ஆசிரியர் கழகத் தலைவர் ஈஸ்வரி தலைமையில் நடைபெற்ற சுதந்திர தின விழாவில், ஊராட்சி முன்னாள் தலைவர்கள் இலங்கேஸ்வரன், செல்வராஜ், துணைத் தலைமையாசிரியர் ஸ்ரீனிவாசன், சீர்காழி மாவட்ட கல்வி அலுவலர் குமார் உள்ளிட்டோர் கலந்துகொண்டனர். 
இதேப்போல் மணிக்கிராமம் அரசினர் நடுநிலைப் பள்ளியில் நடைபெற்ற விழாவில், கூட்டுறவு சங்க முன்னாள் செயலர் பரமசிவம், பள்ளித் தலைமையாசிரியை ராஜம், ஆசிரியர்கள் திருமுருகன், உத்திராபதி உள்ளிட்டோர் கலந்துகொண்டனர். 
அடுத்து, திருநகரி அரசினர் உயர்நிலைப் பள்ளியில், பள்ளித் தலைமையாசிரியர் செல்வம் தலைமையில் நடைபெற்ற விழாவில், பெற்றோர்-ஆசிரியர் கழகத் தலைவர் முருகவேல் உள்ளிட்டோர் கலந்துகொண்டனர். 
பாலிடெக்னிக் கல்லூரியில்... 
செம்பனார்கோயில் வசந்தா முருக பாலிடெக்னிக், சீர்காழி ரோட்டரி சங்கம் சார்பில் நடைபெற்ற சுதந்திர தின விழாவில் மரக்கன்றுகள் நடும் விழா மற்றும் ரோட்ராக்ட் சங்க தொடக்க விழா நடைபெற்றது. இதில், சீர்காழி ரோட்டரி சங்கத் தலைவர் பழனியப்பன், பாலிடெக்னிக் கல்லூரித் தலைவர் இளமுருகு, தனி அலுவலர் கண்ணன், கல்லூரி முதல்வர் ஜேசுராஜ் உள்ளிட்டோர் கலந்துகொண்டனர். 
சீர்காழியில்...
சீர்காழி காரைமேடு சாயிராம் கல்வி நிறுவனத்தில், கல்வி நிறுவனர் கே. ராஜா தலைமையில் நடைபெற்ற சுதந்திர தின விழாவில், கல்லூரி முதல்வர்கள் வெங்கடேசன், அமரகவி, சந்திரா, அய்யாபிள்ளை உள்ளிட்டோர் கலந்துகொண்டனர். இதேபோல், சீர்காழி விவேகானந்தா மெட்ரிக் மேல்நிலைப் பள்ளியில் தலைவர் கே.வி. ராதாகிருஷ்ணன் தலைமையில் நடைபெற்ற சுதந்திர தின விழாவில், அனிதா ராதாகிருஷ்ணன், பள்ளி முதல்வர் ஜோஸ்வாபிரபாகரசிங் உள்ளிட்டோர் கலந்துகொண்டனர். அடுத்து, விவேகானந்தா கலை மற்றும் அறிவியல் கல்லூரியில் கல்லூரி இயக்குநர் பி. முத்துக்குமார் தலைமையில் நடைபெற்ற விழாவில், கல்லூரி முதல்வர் ராமகிருஷ்ணன் உள்ளிட்டோர் கலந்துகொண்டனர். 
அடுத்து, பெஸ்ட் மெட்ரிக்மேல்நிலைப் பள்ளியில் பள்ளித் தாளாளர் எஸ்.எஸ்.என். ராஜ்கமல் தலைமையில் நடைபெற்ற விழாவில், இயக்குநர்கள் அமுதாநடராஜன், ஆதித்யாராஜ்கமல் உள்ளிட்டோர் கலந்துகொண்டனர். 
இதேபோல், ஏனாகுடி ஊராட்சி ஒன்றிய தொடக்கப் பள்ளியில் பள்ளித் தலைமையாசிரியை பத்மாவதி தலைமையில் நடைபெற்ற விழாவில், வட்டார கல்வி அலுவலர் பூவராகன் தேசியக் கொடியை ஏற்றி வைத்தார். அடுத்து, திருமயிலாடி ஊராட்சி ஒன்றிய நடுநிலைப் பள்ளியில் தலைமையாசிரியர் பிரேமா தலைமையில் நடைபெற்ற விழாவில், பெற்றோர் ஆசிரியர் கழகத் தலைவர் சுரேஷ் தேசியக் கொடியேற்றினார். நெப்பத்தூர் மீனாட்சி உதவிப்பெறும் பள்ளியில் வட்டார மருத்துவ அலுவலர் கனிமொழி தேசியக் கொடியேற்றினார்.
வேதாரண்யம் பகுதியில்...
திருமறைக்காடு இள அரிமா சங்கம், காளி ரத்த வங்கி, பாரதிதாசன் பல்கலைக்கழக மாதிரிக் கல்லூரி இணைந்து நடத்திய ரத்த தான முகாமில் 40 யூனிட் ரத்தம் தானமாக பெறப்பட்டது. வர்த்தகர் சங்க அலுவலகத்தில் நடைபெற்ற நிகழ்ச்சியில் அதன்தலைவர் எஸ்.எஸ். தென்னரசு தலைமை வகித்து தேசியக் கொடியை ஏற்றினார். இதில், நிர்வாகிகள் அம்பாள் குணசேகரன், எஸ். வேதநாயகம் உள்ளிட்டோர் பங்கேற்றனர்.
புஷ்பவனம் அரசு மேல்நிலைப் பள்ளி:  இப்பள்ளியில் நடைபெற்ற சுதந்திர தின விழா நிகழ்ச்சிக்கு சமூக ஆர்வலர் மு.கோ. ரெத்தினம் தலைமை வகித்தார். தலைமையாசிரியர் இள. தொல்காப்பியன் முன்னிலை வகித்தார். பல்வேறு போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன. அமெரிக்காவில் கல்லூரியில் படிக்கும் மாணவி பிரியா ஜெயக்குமார் பரதநாட்டியம் நிகழ்த்தியன் மூலம் கிடைத்த வருவாயில் இருந்து வாங்கப்பட்ட  மா, தென்னை உள்ளிட்ட ஆயிரம் மரக்கன்றுகள் கஜா புயலில் பாதிக்கப்பட்ட மாணவர்களுக்கு வழங்கப்பட்டன.
வேதாரண்யம் சி.க.சு அரசு மேல்நிலைப் பள்ளி: இப்பள்ளியில், நடைபெற்ற நிகழ்ச்சிக்கு தலைமையாசிரியர் சிவ. அன்பழகன் தலைமை வகித்தார். விண்வெளிக்கு வெளியே ஆய்வு என்ற அரசுப் பள்ளி மாணவர்களுக்கான போட்டியில் பங்கேற்று ஆய்வறிக்கை அளித்து சான்று பெற்ற பள்ளி மாணவர்கள் பாராட்டப்பட்டனர்.
பன்னாள் அரசு உயர் நிலைப் பள்ளி: இப்பள்ளியில் நடைபெற்ற விழாவுக்கு தலைமையாசிரியர் அ. பேடிகிளாரா தலைமை வகித்தார். பெற்றோர் ஆசிரியர் கழகத் தலைவர் இரா. குமணன் தேசியக் கொடியை ஏற்றி வைத்தார்.
ஆயக்காரன்புலம் டாக்டர் சிவக்கண்ணு கலை அறிவியல் கல்லூரி: இக்கல்லூரியில் நடைபெற்ற சுதந்திர தின விழாவில் மரக்கன்றுகள் நடும் பணியை கிராம நிர்வாக அலுவலர் சங்க மாவட்டத் தலைவர் ராசேந்திரன் தொடங்கி வைத்தார். செம்போடை ஆர்.வி. கல்வி நிறுவனங்கள் சார்பில் நடைபெற்ற நிகழ்ச்சியில் அதன் நிறுவனர் ஆர். வரதராசன் தேசியக் கொடியினை ஏற்றி வைத்தார்.
திருமருகல் பகுதியில்...
திட்டச்சேரி அரசு மேல்நிலைப் பள்ளியில் தலைமையாசிரியர் கலாராணி, அரசு உயர் நிலைப் பள்ளியில் தலைமையாசிரியர்  மலர்விழி, ஊராட்சி ஒன்றிய தொடக்கப் பள்ளியில் தலைமையாசிரியர் வேம்பு, மதாரியா அரசு உதவிப்பெறும் தொடக்கப் பள்ளியில் பள்ளித் தாளாளர் ஷேக்தாவூது, திருமருகல் அரசு மேல்நிலைப் பள்ளியில் பள்ளித் தலைமையாசிரியர் நிர்மலாராணி, திருக்கண்ணபுரம் அரசு மேல்நிலைப் பள்ளியில் பள்ளித் தலைமையாசிரியர் சாந்தி ஆகியோர் தங்களது கல்வி நிறுவனத்தில் தேசியக் கொடியை ஏற்றி வைத்து சுதந்திர தின விழாவை கொண்டாடினர்.
பொறையாறு பகுதியில்...
பொறையாறு தரங்கை பேராயர் மாணிக்கம் லுத்தரன் கல்லூரியில் நடைபெற்ற விழாவில், ஓய்வுபெற்ற சென்னை உயர்நீதிமன்ற நீதிபதி வெங்கட்ராமன் தேசியக் கொடியை ஏற்றி வைத்து பேசினார். இதில், கல்லூரி முதல்வர் ஜீன் ஜார்ஜி, துணை முதல்வர்கள், ஜோயல் எட்வின் ராஜ் உள்ளிட்டோர் கலந்துகொண்டனர். 
இதேபோல், செம்பனார்கோவில் நபாக் மேல்நிலைப் பள்ளியில் நடைபெற்ற விழாவில் பள்ளித் தாளாளர் பிரபாகரன் தேசியக் கொடியை ஏற்றி வைத்தார். அடுத்து, தரங்கம்பாடி தூய தெரசா மகளிர் கலை மற்றும் அறிவியல் கல்லூரியில் நடைபெற்ற விழாவில் தமிழ்நாடு போக்குவரத்துக்கழக நாகப்பட்டினம் கிளை மேலாளர் ராஜா தேசியக் கொடியை ஏற்றி வைத்தார். இதில், கல்லூரிச் செயலர் கருணா ஜோசப்பாட், வின்சென்ட் அமலா உள்ளிட்டோர் கலந்துகொண்டனர். 
அடுத்து, சங்கரன்பந்தல் அரசு மேல்நிலைப் பள்ளியில் நடைபெற்ற விழாவில் பூம்புகார் தொகுதி சட்டப் பேரவை உறுப்பினர் எஸ். பவுன்ராஜ்  தேசியக் கொடியை ஏற்றி வைத்தார். இதில் பள்ளி தலைமையாசிரியர் அசோகன் உள்ளிட்டோர் கலந்துகொண்டனர். 
குத்தாலம் பகுதியில்...
அரசு ஆண்கள் மேல்நிலைப் பள்ளியில் பெற்றோர் ஆசிரியர் கழக தலைவர் எம்.சி. பாலு, அரசு பெண்கள் மேல்நிலைப் பள்ளியில் பெற்றோர் ஆசிரியர் கழக தலைவர் என். ரெத்தினம், ராஜ் வித்யாலயா மெட்ரிகுலேசன் மேல்நிலைப் பள்ளியில் தாளாளர் ஆர். பாண்டியன், ஸ்ரீகண்டபுரம் குட்லக் மெட்ரிக்குலேசன் பள்ளியில்  தாளாளர் எம்.ஏ.நஜீர் அகமது கொடியேற்றினார்.

]]>
https://www.dinamani.com/all-editions/edition-nagapattinam/nagapattinam/2019/aug/16/கல்வி-நிறுவனங்களில்-சுதந்திர-தினக்-கொண்டாட்டம்-3214587.html
3214586 நாகப்பட்டினம் நாகப்பட்டினம் நாகையில் சுதந்திர தின விழா: ரூ. 1.32 கோடியில் நலத்திட்ட உதவிகள் அளிப்பு DIN DIN Friday, August 16, 2019 07:31 AM +0530 நாகையில் நடைபெற்ற சுதந்திர தின விழாவில் அரசுத் துறைகளின் சார்பில் 139 பயனாளிகளுக்கு ரூ. 1.32 கோடி மதிப்பிலான நலத்திட்ட உதவிகள் வழங்கப்பட்டன. 
நாகை மாவட்ட நிர்வாகம் சார்பில் நாகை விளையாட்டு மைதானத்தில் 73-ஆவது சுதந்திர தின விழா வியாழக்கிழமை கொண்டாடப்பட்டது. மாவட்ட ஆட்சியர் சீ. சுரேஷ்குமார் தலைமை வகித்து, தேசியக் கொடியை ஏற்றி வைத்து மரியாதை செலுத்தினார். 
பின்னர்,  காவல் துறை, ஊர்க்காவல் படை, தேசிய மாணவர் படை மற்றும் சாரணர் படை சார்பில் அளிக்கப்பட்ட அணிவகுப்பு மரியாதையை அவர் பார்வையிட்டு ஏற்றுக் கொண்டார். இதைத் தொடர்ந்து, சுதந்திரப் போராட்ட தியாகிகள் 4 பேருக்கு சால்வை அணிவித்து கெளரவித்தார் ஆட்சியர். நாகை கோட்ட உதவி செயற்பொறியாளர் அலுவலகத்தில் 20 ஆண்டுகளாக விபத்து மற்றும் தண்டனையின்றி பணியாற்றிய ஈப்பு ஓட்டுநர் ஒருவருக்கு ஆட்சியர் தங்கப்பதக்கம் வழங்கி, பாராட்டினார்.
இதைத் தொடர்ந்து,  சிறப்பாகப் பணியாற்றிய வருவாய்த் துறையினர் 2 பேருக்கும், முன்னாள் படைவீரர் நலத் துறையைச் சேர்ந்த 2 பேருக்கும், தீயணைப்பு மற்றும் மீட்புப் பணிகள் துறையைச் சேர்ந்த 3 பேருக்கும், மாற்றுத் திறனாளிகள் நலத் துறையைச் சேர்ந்த 4 பேருக்கும், மின்வாரியத்தைச் சேர்ந்த 3 பேருக்கும்,  மாவட்ட இளைஞர் நலன் அலுவலகத்தைச் சேர்ந்த ஒருவருக்கும், கருவூலம் மற்றும் கணக்குத் துறையைச் சேர்ந்த 16 பேருக்கும், கால்நடை பராமரிப்புத் துறையைச் சேர்ந்த 8 பேருக்கும், தோட்டக்கலைத் துறையைச் சேர்ந்த 7 பேருக்கும், தாட்கோ அலுவலகத்தைச் சேர்ந்த ஒருவருக்கும், வனத் துறையைச் சேர்ந்த 2 பேருக்கும், பொது சுகாதாரத் துறையைச் சேர்ந்த 3 பேருக்கும், நகராட்சி நிர்வாகம் மற்றும் குடிநீர் வழங்கல் துறையைச் சேர்ந்த ஒருவருக்கும் பாராட்டுச் சான்றுகள் வழங்கப்பட்டன.  பின்னர்,  மாற்றுத் திறனாளிகள் நலத் துறை, முன்னாள் படைவீரர் நலத் துறை, தோட்டக்கலைத் துறை, தாட்கோ, ஆதிதிராவிடர் மற்றும் பழங்குடியினர் நலத் துறை, பிற்படுத்தப்பட்டோர் மற்றும் சிறுபான்மையினர் நலத் துறை, சமூக நலத் துறை, வேளாண் துறை, மாநில ஊரக வாழ்வாதார இயக்கம், வருவாய்த் துறை, மாவட்ட ஊரக வளர்ச்சி முகமை, மீன்வளத் துறை ஆகிய அரசுத் துறைகளின் சார்பில் 139 பயனாளிகளுக்கு ரூ. 1.32 கோடி மதிப்பிலான நலத்திட்ட உதவிகள் வழங்கப்பட்டன. 
நாகை மாவட்ட காவல் கண்காணிப்பாளர் டி.கே. ராஜசேகரன், மாவட்ட வருவாய் அலுவலர் மு. இந்துமதி, நாகை சார் ஆட்சியர் கமல்கிஷோர், மாவட்ட ஊரக வளர்ச்சி முகமைத் திட்ட இயக்குநர் அ. தியாகராஜன், சமூகப் பாதுகாப்புத் திட்ட தனித் துணை ஆட்சியர் கே. ராஜன், மாவட்ட வனப் பாதுகாப்பு அலுவலர் எஸ். கலாநிதி, மாவட்ட ஆட்சியரின் நேர்முக உதவியாளர் டி.எஸ். பத்ரிநாத் மற்றும் அரசுத் துறை அலுவலர்கள், மாணவ, மாணவியர், பொதுமக்கள் கலந்து கொண்டனர்.

]]>
https://www.dinamani.com/all-editions/edition-nagapattinam/nagapattinam/2019/aug/16/நாகையில்-சுதந்திர-தின-விழா-ரூ-132-கோடியில்-நலத்திட்ட-உதவிகள்-அளிப்பு-3214586.html
3214585 நாகப்பட்டினம் நாகப்பட்டினம் 175 அடி நீள தேசியக் கொடி: பள்ளி மாணவர்கள் கொண்டாட்டம் DIN DIN Friday, August 16, 2019 07:30 AM +0530 நாகை மாவட்டம், சீர்காழி அருகேயுள்ள வைத்தீஸ்வரன்கோவிலில் 73 மாணவர்கள் இணைந்து 45 நிமிடத்தில் 175 அடி நீளத்துக்கு தேசியக் கொடியை உருவாக்கி சுதந்திர தின விழாவை சிறப்பாகக் கொண்டாடினர். 
நாட்டின் 73-ஆவது சுதந்திர தின விழா வியாழக்கிழமை நாடு முழுவதும் கோலாகலமாகக் கொண்டாடப்பட்டது. அந்த வகையில், நாகை மாவட்டம், வைத்தீஸ்வரன்கோவிலில் ஸ்ரீமுத்துராஜம் மெட்ரிகுலேஷன் பள்ளி, முத்துராஜம் பாலஷேத்ரா மழலையர் பள்ளியைச் சேர்ந்த 73 மாணவர்கள் ஒன்றிணைந்து 73 வெள்ளை அட்டையில் தேசியக் கொடி வண்ணங்களை தீட்டினர்.  சுமார் 45 நிமிடத்தில் வண்ணம் தீட்டி அந்த சாட்டுக்களை ஒன்றாக இணைத்து 175 அடி நீளத்துக்கு தேசியக் கொடியை உருவாக்கினர். பின்னர், வைத்தீஸ்வரன்கோவில் மேலவீதியில் அந்த தேசியக் கொடியை கையில் ஏந்தியவாறு நீண்ட வரிசையாக நின்று வந்தே மாதரம், ஜெய்ஹிந்த் என முழக்கங்கள் எழுப்பினர்.
இந்த சாதனை முயற்சியை பள்ளித் தாளாளர் சிபி. சிவசங்கர், சிபி. தியாகராஜன், இயக்குநர் மதன், பள்ளி முதல்வர் ஜேக்கப்ஞானசெல்வன், துணை முதல்வர் பூவிழி ஆகியோர் பாராட்டினர். 
 

]]>
https://www.dinamani.com/all-editions/edition-nagapattinam/nagapattinam/2019/aug/16/175-அடி-நீள-தேசியக்-கொடி-பள்ளி-மாணவர்கள்-கொண்டாட்டம்-3214585.html
3214584 நாகப்பட்டினம் நாகப்பட்டினம் கண்கவர் கலைநிகழ்ச்சிகளை நடத்திய மாணவர்கள் DIN DIN Friday, August 16, 2019 07:30 AM +0530 நாகை விளையாட்டு மைதானத்தில் நடைபெற்ற சுதந்திர தின விழாவில், பல்வேறு கல்வி நிறுவனங்களைச் சேர்ந்த மாணவ, மாணவிகள் பங்கேற்று பல்வேறு கலைநிகழ்ச்சிகளை சிறப்பாக நிகழ்த்தினர். 
நாகை மாவட்டம், ஆந்தக்குடி அரசு மேல்நிலைப் பள்ளி, நாகூர் கிரசண்ட் மெட்ரிக் மேல்நிலைப் பள்ளி, நாகை அன்னை சத்யா அரசு காப்பகம், மயிலாடுதுறை புனித சின்னப்பர் மகளிர் மேல்நிலைப் பள்ளி, கீழ்வேளூர் அஞ்சுவட்டத்தம்மன் உயர்நிலைப் பள்ளி, நாகை ஜெ. ஜெயா மெட்ரிக் மேல்நிலைப் பள்ளி, சிக்கல் அரசு மேல்நிலைப் பள்ளி, திருமங்கலம் அரசு மேல்நிலைப் பள்ளி, குரவப்புலம் பாயின்ட் காலிமர் இன்டர்நேஷனல் பள்ளி, ஆக்கூர் அரசு உயர்நிலைப் பள்ளி, நாகூர் மாடர்ன் மெட்ரிக் மேல்நிலைப் பள்ளி ஆகிய 11 பள்ளிகளைச் சேர்ந்த மாணவ, மாணவிகள் கலைநிகழ்ச்சிகளை நிகழ்த்தினர்.
தேச ஒருமைப்பாடு, நாட்டுப்பற்று, கலாசாரம் ஆகியவற்றை பிரதிபலிக்கும் வகையில், பரதநாட்டியம், காவடி ஆட்டம், தப்பாட்டம் என பல்வேறு வகையான நடனங்களை மாணவ, மாணவிகள் மேற்கொண்டது பார்வையாளர்களை வெகுவாக கவர்ந்தது.
 

]]>
https://www.dinamani.com/all-editions/edition-nagapattinam/nagapattinam/2019/aug/16/கண்கவர்-கலைநிகழ்ச்சிகளை-நடத்திய-மாணவர்கள்-3214584.html
3214583 நாகப்பட்டினம் நாகப்பட்டினம் கோடியக்கரை கோயிலில் 4 சாமி சிலைகள் கொள்ளை DIN DIN Friday, August 16, 2019 07:30 AM +0530 நாகை மாவட்டம், வேதாரண்யம் அருகே கோடியக்கரையில் உள்ள முத்துமாரியம்மன் கோயிலில் இருந்த பழங்கால சிலை மற்றும் உலோகத்தால் செய்யப்பட்ட 4 சாமி சிலைகளை மர்ம நபர்கள் கொள்ளையடித்து சென்றது வியாழக்கிழமை தெரியவந்தது. 
கோடியக்கரையில் பழைமை வாய்ந்த கோடிமுத்து மாரியம்மன் கோயில் உள்ளது. இக்கோயிலில் புதன்கிழமை இரவு பௌர்ணமி நாளையொட்டி சிறப்பு பூஜைகள் நடத்தப்பட்டு வழிபாடுகள் நடைபெற்றன. பூஜைகள் முடிந்த பிறது. அர்ச்சகர் கல்யாணராமன் கோயில் கதவுகளைப் பூட்டிவிட்டுச் சென்றுள்ளார். 
இதையடுத்து, வியாழக்கிழமை காலையில் வழக்கமான பூஜை செய்வதற்காக கோயிலுக்கு வந்து பார்த்தபோது கோயில் கதவின் பூட்டுகள் உடைக்கப்பட்டு கிடந்தது தெரிய வந்துள்ளது. பின்னர், உள்ளே சென்று பார்த்தபோது, கோயில் கருவறைக்குள் இருந்த பஞ்சலோகத்தாலான பழங்கால அம்மன் சிலையும், உலோகத்தால் செய்யப்பட்ட முருகன், வள்ளி, தெய்வானை சிலைகளையும் மர்ம நபர்கள் கொள்ளையடித்துச் சென்றது தெரிய வந்தது. பின்னர், இதுகுறித்து, வேதாரண்யம் போலீஸாருக்கு தகவல் தெரிவிக்கப்பட்டதையடுத்து, போலீஸார் அங்கு வந்து விசாரணை மேற்கொண்டனர். 
விசாரணையை தொடர்ந்து, நாகையில் இருந்து மோப்ப நாய் வரவழைக்கப்பட்டு அதன் உதவியுடன் போலீஸார் துப்பறிந்தனர். தடய அறிவியல் நிபுணர்களும் தடயங்களை ஆய்வு செய்தனர். சிலைகள் கொள்ளையடிக்கப்பட்ட கோயில் கோடியக்கரை வன உயிரின சரணாலயப் பகுதியாக இருப்பதால் கொள்ளையர்கள் எளிதில் தப்பித்துச் சென்றிருக்கலாம் எனக் கருதப்படுகிறது. விசாரணை தொடர்ந்து நடைபெற்று வருகிறது.

]]>
https://www.dinamani.com/all-editions/edition-nagapattinam/nagapattinam/2019/aug/16/கோடியக்கரை-கோயிலில்-4-சாமி-சிலைகள்-கொள்ளை-3214583.html
3214110 நாகப்பட்டினம் நாகப்பட்டினம் வேதாரண்யம் மீனவர்களின் வலை மர்மநபர்களால் துண்டிப்பு DIN DIN Thursday, August 15, 2019 09:21 AM +0530 நாகை மாவட்டம், கோடியக்கரைக்கு அப்பால் கடலில் மீன்பிடித்துக் கொண்டிருந்த வேதாரண்யம் மீனவர்களின் வலை, மர்ம நபர்களால் துண்டிக்கப்பட்டது புதன்கிழமை தெரியவந்தது.
வேதாரண்யம் ஆறுகாட்டுத்துறையைச் சேர்ந்த த. பொன்னுசாமி (40), மணியன் தீவு பகுதியைச் சேர்ந்த ச. முத்துகிருஷ்ணன் (52) ஆகியோர் தனித்தனி படகுளில் மீன்பிடிக்க திங்கள்கிழமை கடலுக்குச் 
சென்றனர். 
இருவரது படகுகளிலும் தலா நான்கு பேர் இருந்த நிலையில், கோடியக்கரைக்கு அப்பால் கடலில் வலை விரித்து மீன்பிடித்துக் கொண்டிருந்தனராம்.
அப்போது அங்கு படகுகளில் வந்த மர்ம நபர்கள், இவர்கள் விரித்து வைத்திருந்த 700 கிலோ எடையுள்ள வலைகளைத் துண்டித்துவிட்டு சென்றதாகக் கூறப்படுகிறது. இதுகுறித்து மீன்வளத்துறையினர், போலீஸார் விசாரணை மேற்கொண்டுள்ளனர். 

]]>
https://www.dinamani.com/all-editions/edition-nagapattinam/nagapattinam/2019/aug/15/வேதாரண்யம்-மீனவர்களின்-வலை-மர்மநபர்களால்-துண்டிப்பு-3214110.html
3214109 நாகப்பட்டினம் நாகப்பட்டினம் சர்வதேச இளைஞர் தின விழா DIN DIN Thursday, August 15, 2019 09:21 AM +0530 சீர்காழி அருகே புத்தூர் பொன்மனச்செம்மல் புரட்சித்தலைவர் எம்.ஜி.ஆர். அரசு கலை மற்றும் அறிவியல் கல்லூரியில், சர்வதேச இளைஞர் தினம் செவ்வாய்க்கிழமை கொண்டாடப்பட்டது.
 நாட்டு நலப்பணித் திட்டத்தின் சார்பில் நடைபெற்ற இவ்விழாவில், கல்லூரியின் முதல்வர் (பொறுப்பு) மா. சாந்தி  தலைமை வகித்து பேசினார். போட்டித் தேர்வுகள் பயிற்சியாளர் கவிதாசன் சிறப்பு விருந்தினராக பங்கேற்று, போட்டித் தேர்வுகளுக்கு மாணவர்கள் தயாராகும் விதம் குறித்து 
பேசினார். 
நாட்டு நலப்பணித் திட்ட அலுவலர்  சசிகுமார் வரவேற்றார். ஆங்கிலத் துறை உதவி பேராசிரியர் வினோத் நன்றி கூறினார்.  

]]>
https://www.dinamani.com/all-editions/edition-nagapattinam/nagapattinam/2019/aug/15/சர்வதேச-இளைஞர்-தின-விழா-3214109.html
3214108 நாகப்பட்டினம் நாகப்பட்டினம் 40 ஆண்டுகளாக தொடரும் ஆபத்து பயணம் வாய்க்காலின் குறுக்கே பாலம் கட்டப்படுமா? அ.அன்புமணி DIN Thursday, August 15, 2019 09:20 AM +0530 நாகை மாவட்டம், பெருங்கடம்பனூரில் சுமார் 40 ஆண்டுகளாகத் தொடரும் பிரச்னைக்குத் தீர்வு காணும் வகையில், தெத்தி வாய்க்காலின் குறுக்கே பாலம் கட்டுவதற்கு மாவட்ட நிர்வாகம் நடவடிக்கை எடுக்க வேண்டும் என கிராம மக்கள், பள்ளி மாணவர்கள் எதிர்பார்க்கின்றனர்.
பெருங்கடம்பனூர் ஊராட்சியில் சுமார் 6 ஆயிரத்துக்கும் மேற்பட்ட மக்கள் வசிக்கின்றனர். இளங்கடம்பனூர், ஜீவா தெரு உள்ளிட்ட  பகுதிகள் இந்த ஊராட்சிக்குள்பட்ட பகுதிகளாகும்.
பெருங்கடம்பனூரில், அரசு தொடக்கப்பள்ளி, உயர்நிலைப்பள்ளி, ஆரம்ப சுகாதார நிலையம், கால்நடை மருந்தகம், ஊர்ப்புற நூலகம் உள்ளிட்டவைகள் உள்ளன.இந்நிலையில், இவ்வூர் வழியாகச் செல்லும் பாசன வாய்க்காலான தெத்தி வாய்க்காலின் குறுக்கே பாலம் கட்ட வேண்டும் என்பது இவ்வூர் மக்களின் 40 ஆண்டுகால கோரிக்கையாக உள்ளது. இந்த கோரிக்கையை அரசு கிடப்பில் போட்டுள்ளதால், பொதுமக்கள் மக்கள் மற்றும் பள்ளி மாணவர்கள் பெரிதும் பாதிப்புக்குள்ளாகி வருவது தொடர்கிறது.
பெருங்கடம்பனூரில் உள்ளஅரசு தொடக்கப்பள்ளி மற்றும் அரசு உயர்நிலைப்பள்ளிகளில்  ஜீவா தெரு பகுதியைச் சேர்ந்த  300-க்கும் மேற்பட்டே மாணவர்கள் பயின்று வருகின்றனர்.
இந்த மாணவர்கள் தெத்தி வாய்க்காலைக் கடந்தே பள்ளிக்கு செல்ல வேண்டிய நிலை இருந்து வருகிறது. தற்போது  அந்த வாய்க்காலில் ஒருவர் மட்டுமே செல்லக்கூடிய வகையில் போடப்பட்டுள்ள கல் பாலம் மட்டுமே  உள்ளது.
இந்தப் பாலத்தைக் கடக்கும்போது,  மாணவர்கள் சிலர் வாய்க்காலில் தவறி கீழே விழுந்து உயிருக்கு ஆபத்தான நிலையில் மீட்கப்படும் சம்பவங்களும் அடிக்கடி நடந்தேறி வருவதாகவும் கிராம மக்கள் தெரிவிக்கின்றனர்.
இதேபோல், ஜீவா தெரு பகுதியைச் சேர்ந்த 150 -க்கும் மேற்பட்ட குடும்பங்களைச் சேர்ந்தவர்கள் மழைக் காலங்களில் மருத்துவமனை, கால்நடை மருத்துவமனைக்குச் செல்லமுடியவில்லை. அவசரக் காலங்களில்கூட கிராமத்தினுள் வாகனங்கள் செல்ல முடியாத காரணத்தால் உயரிழப்புகள் ஏற்பட்டுள்ளதாகவும் கூறப்படுகிறது. தற்போது கல் பாலம் உள்ள இடத்தில் சாலை மட்டுமே போடப்பட்டு வருவதாகவும், இதனால் எவ்வித பயனும் ஏற்பட போவதில்லை என்ற கருத்தையும் கிராம மக்கள் தெரிவித்து வருகின்றனர்.
இதனால், கிராம மக்கள், மாணவர்களின் 40 ஆண்டுகால தொடர்  பிரச்னைக்கு தீர்வு காணும் வகையில், தெத்தி வாய்க்காலின் குறுக்கேயுள்ள கல் பாலத்தை அகற்றிவிட்டு, வாகனங்கள் வந்து செல்லும் வகையில் புதிய பாலம் கட்டுவதற்கு மாவட்ட நிர்வாகம் நடவடிக்கை எடுக்க வேண்டும் என்பதே கிராம மக்கள் மற்றும் பள்ளி மாணவர்களின் எதிர்பார்ப்பாக உள்ளது.
இதுகுறித்து அந்த கிராமத்தைச் சேர்ந்த செந்தில்குமார் கூறியது:
பெருங்கடம்பனூர் - ஜீவா தெரு பகுதியை இணைக்கும் வகையில் பாலம் கட்ட வேண்டும் என 40 ஆண்டுகளாக  கிராம மக்கள் சார்பில் கோரிக்கை விடுக்கப்பட்டு வருகிறது. பாலம் இல்லாத  நிலையில் மழைக் காலங்களில் மக்கள் பெரும் இன்னலுக்கு ஆளாக நேரிடுகிறது. பள்ளி மாணவர்களும் ஆபத்தான நிலையில் கல் பாலத்தை கடந்துதான் பள்ளிக்குச் சென்று வருகின்றனர். பாலம் அமைந்துள்ள இடத்தில் சாலை மட்டும் போடப்படுவதால் பயன்  ஏற்படப்போவதில்லை. புதிய பாலம்  கட்டினால் மட்டுமே போடப்படும் சாலையை மக்கள் முழுமையாகப் பயன்படுத்த முடியும். அதற்கான நடவடிக்கைகளை அதிகாரிகள் எடுக்க வேண்டும்.
பெருங்கடம்பனூர் அரசு உயர்நிலைப்பள்ளியில் பயிலும் மாணவர்களுக்குப் போதிய கட்டடங்கள் இல்லை. சுற்றுச்சுவர் இல்லாத காரணத்தால் இரவு நேரங்களில் சிலர் பள்ளி வளாகத்தில் சமூக விரோதச் செயல்களில்  ஈடுபட்டு வருகின்றனர். இதைத் தடுக்கும் வகையில்,  பள்ளிக்கு சுற்றுச்சுவர் அமைக்க மாவட்டக் கல்வித்துறை நடவடிக்கை எடுக்க வேண்டும் என்றார் அவர்.
பெருங்கடம்பனூர் ஊராட்சியின் முன்னாள் தலைவர் என். செல்வக்குமார்: தெத்தி வாய்க்காலின் குறுக்கே உள்ள கல் பாலத்தை அகற்றிவிட்டு, வாகங்கள் வந்து செல்லக்கூடிய வகையில் பாலம் கட்டப்படவேண்டும் என தொடர்ந்து கோரிக்கை விடுக்கப்பட்டும் நடவடிக்கையில்லை. இதேபோல், தெத்தி வாய்க்காலின் குறுக்கே கட்டப்பட்டுள்ள மற்ற 3 பாலங்களும் பலமிழந்து இடிந்து விடும் நிலையிலேயே உள்ளன.
பள்ளி மாணவர்கள், கிராம மக்களின் நலன் கருதி மழைக் காலம் தொடங்குவதற்கு முன்னர் பாலங்களை சீரமைக்கவும், புதிதாக ஒரு பாலத்தைக் கட்டுவதற்கும் அரசு நடவடிக்கை  எடுக்க வேண்டும். மழைக் காலம் தொடங்குவதற்கு முன்னர் இப்பணிகள் தொடங்கப்பட்டால், கிராம மக்களுக்கு மிகவும் பயனுள்ளதாக இருக்கும்.
கஜா புயலால் பாதிக்கப்பட்ட கிராமச் சாலைகள், அங்காடி கட்டடம் ஆகியவற்றை சீரமைக்கவும் அரசுத்துறை அதிகாரிகள் நடவடிக்கை எடுக்க வேண்டும் என்றார்.

]]>
https://www.dinamani.com/all-editions/edition-nagapattinam/nagapattinam/2019/aug/15/40-ஆண்டுகளாக-தொடரும்-ஆபத்து-பயணம்-வாய்க்காலின்-குறுக்கே-பாலம்-கட்டப்படுமா-3214108.html
3214107 நாகப்பட்டினம் நாகப்பட்டினம் மருத்துவ நிறுவனங்கள் மாசு கட்டுப்பாடு வாரிய அங்கீகாரம் பெற வேண்டும்: ஆட்சியர் தகவல் DIN DIN Thursday, August 15, 2019 09:19 AM +0530 அரசு மற்றும் தனியார் மருத்துவமனைகள், மருத்துவக் கல்வி நிறுவனங்கள் தமிழ்நாடு மாசு கட்டுப்பாடு வாரியத்தின் நீர் மற்றும் காற்று மாசு தடுப்பு விதிகளின் கீழ் அங்கீகாரம் பெற வேண்டும் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு : 
சுற்றுச்சூழல் வனம் மற்றும் காலநிலை மாற்ற அமைச்சகத்தின் மருத்துவக் கழிவுகள் மேலாண்மை விதிப்படி, மருத்துவக் கழிவுகளை கையாளும் அனைத்து மருத்துவ நிறுவனங்களும், மாசு கட்டுப்பாடு வாரியத்துக்கு விண்ணப்பித்து, அங்கீகாரம் பெற வேண்டும். அந்த அங்கீகாரத்தின் காலாவதியின் தேதி, மாசு கட்டுப்பாடு வாரியத்தின் இசைவாணையுடன், ஒத்திசைவு செய்யப்பட்டு வழங்கப்படும். 
அரசு மற்றும் தனியார் மருத்துவமனைகள், புறநோயாளிகள் பிரிவுகள், கால்நடை மருத்துவமனைகள், விலங்கினங்களின் சோதனைக் கூடங்கள், நோயியல் ஆய்வகங்கள், ரத்த வங்கிகள், ஆயுர்வேதம், யோகா, யுனானி, சித்தா, ஹோமியோபதி மருத்துவமனைகள், ஆராய்ச்சி மற்றும் மருத்துவக் கல்வி நிறுவனங்கள், சுகாதார முகாம்கள், அறுவை சிகிச்சை முகாம்கள், தடுப்பூசி முகாம்கள், ரத்ததான முகாம்கள், பள்ளிகளின் முதலுதவி அறைகள், தடயவியல் ஆய்வகங்கள் மற்றும் ஆராய்ச்சி ஆய்வகங்களுக்கு இந்த விதி பொருந்தும்.
இந்த அறிவுறுத்தலைப் பின்பற்றாத மருத்துவ நிறுவனங்களுக்கு, தேசிய பசுமைத் தீர்ப்பாய உத்தரவுப்படி இழப்பீட்டுத் தொகை விதிக்கப்படும் என ஆட்சியர் தனது செய்திக் குறிப்பில் தெரிவித்துள்ளார்.


 

]]>
https://www.dinamani.com/all-editions/edition-nagapattinam/nagapattinam/2019/aug/15/மருத்துவ-நிறுவனங்கள்-மாசு-கட்டுப்பாடு-வாரிய-அங்கீகாரம்-பெற-வேண்டும்-ஆட்சியர்-தகவல்-3214107.html
3214106 நாகப்பட்டினம் நாகப்பட்டினம் நாகை ரயில் நிலையத்தில் எஸ்.பி. ஆய்வு DIN DIN Thursday, August 15, 2019 09:19 AM +0530 சுதந்திர தின விழாவையொட்டி,  நாகை ரயில் நிலையத்தில் நடைபெற்ற காவல் துறையின் கண்காணிப்பு மற்றும் சோதனைப் பணிகளை நாகை மாவட்டக் காவல் கண்காணிப்பாளர் டி.கே. ராஜசேகரன் புதன்கிழமை பார்வையிட்டு ஆய்வு  செய்தார்.
சுதந்திர தின விழாவையொட்டி, நாகை மாவட்டக் காவல் துறை சார்பில் முன்னெச்சரிக்கை நடவடிக்கையாக, ரயில் நிலையங்கள் மற்றும் பேருந்து நிலையங்களில் தீவிர கண்காணிப்புப் பணிகள் நடைபெறுகின்றன. இதன்படி, மாவட்டக் காவல் துறை சார்பில் நாகை ரயில் நிலையத்தில், ரயில் பயணிகளின் உடைமைகள் தீவிர பரிசோதனைக்கு உள்படுத்தப்பட்டன. மெட்டல் டிடெக்டர் கருவிகள் மூலம் உடைமைகள் பரிசோதிக்கப்பட்ட பின்னரே பயணிகள் ரயில் நிலையத்திலிருந்து வெளியேறவும், உள் நுழையவும் அனுமதிக்கப்பட்டனர்.
இப்பணிகளை நாகை மாவட்டக் காவல் கண்காணிப்பாளர் டி.கே. ராஜசேகரன் புதன்கிழமை காலை நேரில்  ஆய்வு செய்தார்.  நாகை நகர காவல் நிலைய காவல் ஆய்வாளர் ரமேஷ்குமார் உடனிருந்தார்.  
 

]]>
https://www.dinamani.com/all-editions/edition-nagapattinam/nagapattinam/2019/aug/15/நாகை-ரயில்-நிலையத்தில்-எஸ்பி-ஆய்வு-3214106.html
3214105 நாகப்பட்டினம் நாகப்பட்டினம் கிஸான் சங்கம் ஆர்ப்பாட்டம் DIN DIN Thursday, August 15, 2019 09:19 AM +0530 சீர்காழியில் பாரதிய கிஸான் சங்கம் சார்பில், பாரம்பரிய விதைகள் மீது விவசாயிகளின் உரிமையை நிலைநாட்ட வலியுறுத்தி, கண்டன ஆர்ப்பாட்டம் புதன்கிழமை நடைபெற்றது.
புற்றுநோய் போன்ற கொடிய நோய்களை உருவாக்கும் மரபணு மாற்ற விதைகளை பரப்பிடும் பன்னாட்டு நிறுவனங்களுக்கு தடை விதிக்க வேண்டும் உள்ளிட்ட கோரிக்கைகளை வலியுறுத்தி, நடைபெற்ற ஆர்ப்பாட்டத்துக்கு, ஜி.திலகர் தலைமை வகித்தார். மாநில துணை தலைவர் என்.டி. பாண்டியன்  கண்டன உரையாற்றினார். மாவட்டச் செயலாளர் என்.இலங்கேஸ்வரன், மாவட்ட பொருளாளர் எம்.திருஞானம், ஒன்றிய செயலாளர் குழந்தைவேலு, மாவட்ட இயற்கை விவசாயச் செயலாளர் எஸ்.செல்லப்பா ஆகியோர் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/15/கிஸான்-சங்கம்-ஆர்ப்பாட்டம்-3214105.html
3214104 நாகப்பட்டினம் நாகப்பட்டினம் வாக்காளர்களுக்கு நன்றி தெரிவித்த எம்.பி. DIN DIN Thursday, August 15, 2019 09:18 AM +0530 மயிலாடுதுறை மக்களவைத் தொகுதி உறுப்பினர் செ. ராமலிங்கம், பொறையாறு பகுதிகளில் வாக்காளர்களுக்கு புதன்கிழமை நன்றி தெரிவித்தார்.
சந்திரபாடி கிராமத்தில் மீனவ பஞ்சாயத்தாரை அவர் சந்தித்து பேசியபோது, அப்பகுதியில் கடுமையான குடிநீர் தட்டுப்பாடு நிலவுவதாகவும், சாலை வசதிகள் இல்லை என்றும் கூறிய பொதுமக்கள், அவற்றை சரிசெய்து தருமாறு எம்.பி.யிடம் மனு அளித்தனர். இதைத்தொடர்ந்து பொறையாறு, தரங்கம்பாடி, மாணிக்கபங்கு, பிள்ளைபெருமாநல்லூர் , திருக்கடையூர் உள்ளிட்ட பகுதிகளுக்குச் சென்ற எம்பி ராமலிங்கம், பொதுமக்களுக்கு நன்றி தெரிவித்ததுடன், அவர்களது குறைகளைக் கேட்டறிந்தார். இந்நிகழ்ச்சியின் போது திமுக மாவட்ட பொறுப்பாளர் நிவேதா.முருகன், முன்னாள் எம்.எல்.ஏக்கள் சித்திக், அருட்செல்வன், ஒன்றிய  செயலாளர் அப்துல் மாலிக்,  நகர செயலாளர் வெற்றிவேல், ஒன்றிய இளைஞரணி துணை அமைப்பாளர் செந்தில் உள்ளிட்ட நிர்வாகிகள் உடனிருந்தனர்.   

]]>
https://www.dinamani.com/all-editions/edition-nagapattinam/nagapattinam/2019/aug/15/வாக்காளர்களுக்கு-நன்றி-தெரிவித்த-எம்பி-3214104.html
3214103 நாகப்பட்டினம் நாகப்பட்டினம் கட்டடத் தொழிலாளி கொலை: இருவர் கைது DIN DIN Thursday, August 15, 2019 09:18 AM +0530 மயிலாடுதுறையில் கட்டடத் தொழிலாளி செவ்வாய்க்கிழமை இரவு சக தொழிலாளர்களால் அடித்துக் கொலை செய்யப்பட்டார். இக்கொலையில் தொடர்புடைய இருவரை மயிலாடுதுறை போலீஸார் புதன்கிழமை கைது செய்து சிறையில் அடைத்தனர்.
இதுகுறித்து போலீஸ் தெரிவித்த தகவல்கள்: மயிலாடுதுறை அருகே உள்ள மாப்படுகை கிராமம், வெற்றி விநாயகர் கோயில் தெருவைச் சேர்ந்தவர் நாகராஜன் (55). கட்டடத் தொழிலாளி. செவ்வாய்க்கிழமை மாப்படுகை கிராமத்தில் வீடு கட்டும் பணியில் ஈடுபட்டிருந்த நாகராஜன் மற்றும் சக தொழிலாளர்களான செல்வம், ராஜா ஆகியோர் பணிமுடிந்து, இரவு அதே வீட்டில் அமர்ந்து மது அருந்தியுள்ளனர். பின்னர், மதுபோதை அதிகமானதில் அவர்களுக்குள் வாக்குவாதம் ஏற்பட்டு தகராறு ஏற்பட்டது.  இதில் செல்வம், ராஜா ஆகியோர் நாகராஜனை கட்டையால் தாக்கியதாக தெரிகிறது. இதனால், மயங்கி விழுந்த நாகராஜன், அவ்விடத்திலேயே உயிரிழந்தார். இதையடுத்து, கொலையை மறைத்து தற்கொலை போன்று சித்திரிக்க எண்ணிய செல்வம், ராஜா இருவரும், அப்பகுதியில் மின்வெட்டின் காரணமாக நிலவிய இருட்டைப் பயன்படுத்தி, அவ்வீட்டின் அருகில் உள்ள மாப்படுகை ரயில்வே தண்டவாளத்தில் நாகராஜனின் உடலை இழுத்துச் சென்று போட்டதாக தெரிகிறது. அப்போது, அவ்வழியாக மயிலாடுதுறை நோக்கி வந்த கம்பன் எக்ஸ்பிரஸ் ரயில் ஓட்டுநர், தண்டவாளத்தில் உடல் கிடப்பதைக் கண்டு ரயிலை நிறுத்தியுள்ளார். 
உடனே அவர்கள் மயிலாடுதுறை போலீஸுக்கு தகவல் தெரிவித்தனர் என போலீஸ் தரப்பில் தெரிவிக்கப்பட்டது.  இதையடுத்து, உடலை கைப்பற்றி மயிலாடுதுறை அரசு மருத்துவமனைக்கு பிரேத பரிசோதனைக்காக அனுப்பி வைத்த போலீஸார், தலைமறைவாக இருந்த செல்வம், ராஜா ஆகிய இருவரையும் புதன்கிழமை கைது செய்து சிறையில் அடைத்தனர். 

]]>
https://www.dinamani.com/all-editions/edition-nagapattinam/nagapattinam/2019/aug/15/கட்டடத்-தொழிலாளி-கொலை-இருவர்-கைது-3214103.html
3214102 நாகப்பட்டினம் நாகப்பட்டினம் குளங்களை அரசாணையில் சேர்க்கக் கோரி மனு DIN DIN Thursday, August 15, 2019 09:18 AM +0530 திருக்குவளை ஊராட்சிக்கு உள்பட்ட அரசு புறம்போக்கு குளங்கள் அனைத்தையும் அரசாணையில் சேர்க்கக் கோரி, அப்பகுதி மக்கள் கீழையூர் வட்டார வளர்ச்சி அலுவலரிடம் செவ்வாய்க்கிழமை மனு அளித்தனர். 
திருக்குவளையில் உள்ள 47 அரசு புறம்போக்கு குளங்களில் பெரும்பாலானவை தனியாரால் ஆக்கிரமிக்கப்பட்டு குளத்தைச் சுற்றிலும் கம்பி வேலி அமைத்து, பொதுமக்கள் பயன்படுத்த முடியாத நிலையில் உள்ளன. அகையால், இப்பகுதி மக்களின் நலன் கருதி, தற்போது அரசு கணக்கில் இருக்கும் 24 குளங்களைத் தவிர்த்து மீதமுள்ள 23 புறம்போக்கு குளங்களையும் திருக்குவளை பஞ்சாயத்து கணக்கிலும், அரசாணையிலும் சேர்க்கக் கோரி, அப்பகுதி மக்கள் கீழையூர் வட்டார வளர்ச்சி அலுவலர் மீனாவிடம் மனு அளித்துள்ளனர். மேலும், வியாழக்கிழமை (ஆக.15) நடைபெறும் 
கிராமசபைக் கூட்டத்தில், இதன் மீது தீர்மானம் நிறைவேற்ற வேண்டுமெனவும் வலியுறுத்தியுள்ளனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/குளங்களை-அரசாணையில்-சேர்க்கக்-கோரி-மனு-3214102.html
3214101 நாகப்பட்டினம் நாகப்பட்டினம் சத்துணவு மையத்தில் ஆய்வு DIN DIN Thursday, August 15, 2019 09:18 AM +0530 திருமருகல் ஒன்றியம், ஆலத்தூர் ஊராட்சிக்குள்பட்ட அருள்மொழிதேவன் ஊராட்சி ஒன்றிய தொடக்கப் பள்ளியின் சத்துணவு மையத்தில் வட்டார வளர்ச்சி அலுவலர்கள் புதன்கிழமை ஆய்வு செய்தனர்.
இப்பள்ளியின்  வகுப்பறை, குடிநீர்த் தொட்டி, கழிவறை போன்றவற்றை வட்டார வளர்ச்சி அலுவலர்கள் க. அன்பரசு, ஜி.ஆர். இளங்கோவன் (கிராம ஊராட்சி) ஆகியோர் ஆய்வுசெய்து, மாணவர்களுக்கு வழங்கப்படும் சத்துணவைப் பார்வையிட்டனர். இந்த ஆய்வின்போது தேசிய ஊரக வேலை உறுதியளிப்புத் திட்டத்தின் துணை வட்டார வளர்ச்சி அலுவலர் க.தமிழ்ச்செல்வன், மண்டல துணை வட்டார வளர்ச்சி அலுவலர் சுந்தரமூர்த்தி, ஒன்றிய பணி மேற்பார்வையாளர் ராமகிருஷ்ணன், தலைமை ஆசிரியர் பரமசிவம் ஆகியோர் உடனிருந்தனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/சத்துணவு-மையத்தில்-ஆய்வு-3214101.html
3214100 நாகப்பட்டினம் நாகப்பட்டினம் நாகை, திருமருகலில் 17-இல் மின் நிறுத்தம் DIN DIN Thursday, August 15, 2019 09:17 AM +0530 நாகை துணை மின் நிலையப் பராமரிப்புப் பணிகளையொட்டி, நாகை மற்றும் சுற்றுப் பகுதிகளுக்கு சனிக்கிழமை (ஆகஸ்ட் 17) மின் நிறுத்தம் அறிவிக்கப்பட்டுள்ளது.
இதுகுறித்து நாகை மின்வாரிய உதவி செயற்பொறியாளர் வைர. அண்ணாதுரை வெளியிட்ட செய்திக் குறிப்பு : 
நாகை துணை மின் நிலையத்தில் சனிக்கிழமை பராமரிப்புப் பணிகள் மேற்கொள்ளப்படுவதையொட்டி,  நாகை, நாகை நகரம், நரிமணம், திருமருகல், வேளாங்கண்ணி, வேட்டைக்காரனிருப்பு துணை மின் நிலையங்களிலிருந்து மின் விநியோகம் பெறும் பகுதிகளில், சனிக்கிழமை காலை 9 முதல் மாலை 5.30 மணி வரை மின் விநியோகம் இருக்காது.
துணை மின் நிலையம் வாரியாக மின் விநியோகம் தடைபடும் பகுதிகள் : 
நாகப்பட்டினம் : நாகை,  வேளாங்கண்ணி, நாகூர், வெளிப்பாளையம், திட்டச்சேரி, ஓ.என்.ஜி.சி, மஞ்சக்கொல்லை, பரவை, பொய்கைநல்லூர், சிக்கல், தோணித்துறை.
நாகை நகரம் : ஓ.என்.ஜி.சி, மாவட்ட ஆட்சியரகம், அரசு மருத்துவமனை, நாகூர் தர்கா பகுதி. 
நரிமணம் : பூதங்குடி, நரிமணம், கொட்டாரக்குடி, வைப்பூர், சூரனூர். 
வேளாங்கண்ணி : வேளாங்கண்ணி நகரம், செருதூர், பரவை. 
திருமருகல் : திருமருகல், மருங்கூர், எரவாஞ்சேரி, திருப்புகலூர், சீயாத்தமங்கை, போலகம், திருக்கண்ணபுரம்.
வேட்டைக்காரனிருப்பு : திருப்பூண்டி, புதுப்பள்ளி, காமேஸ்வரம், விழுந்தமாவடி, வேட்டைக்காரனிருப்பு, கோவில்பத்து, வெள்ளப்பள்ளம், நாலுவேதபதி, தாமரைப்புலம்.  

சீர்காழி, கொள்ளிடம் பகுதிகளில்...
சீர்காழி, கொள்ளிடம் பகுதியில் சனிக்கிழமை (ஆக.17)  மின் விநியோகம் நிறுத்தப்படும் என மின் வாரியம் அறிவித்துள்ளது.
இது குறித்து மின்வாரிய செயற்பொறியாளர் (இயக்குதலும், பராமரித்தலும்) சு. சதீஷ்குமார் வெளியிட்ட செய்திக் குறிப்பு: 
வைத்தீஸ்வரன்கோயில், அரசூர், ஆச்சாள்புரம், எடமணல் ஆகிய துணைமின் நிலையங்களில் மாதாந்திர பராமரிப்புப் பணிகள் நடைபெற இருப்பதால், இத்துணை மின் நிலையங்களிலிருந்து மின்விநியோகம் பெறும் சீர்காழி, வைத்தீஸ்வரன்கோயில், சட்டநாதபுரம், புங்கனூர், மேலச்சாலை, கதிராமங்கலம், ஆத்துக்குடி, திருப்புங்கூர், எடமணல், திருமுல்லைவாசல், செம்மங்குடி, திட்டை, புத்தூர், எருக்கூர், மாதிரிவேளூர், வடரெங்கம், அகணி, குன்னம், கொள்ளிடம், ஆணைக்காரன்சத்திரம், மகேந்திரப்பள்ளி, பழையார், புதுப்பட்டினம், மாதானம், பழையபாளையம், மாங்கணாம்பட்டு, ஆச்சாள்புரம் ஆகிய பகுதிகளில் காலை 9 முதல் மாலை 5 மணி வரை மின் விநியோகம் இருக்காது என அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-nagapattinam/nagapattinam/2019/aug/15/நாகை-திருமருகலில்-17-இல்-மின்-நிறுத்தம்-3214100.html
3214099 நாகப்பட்டினம் நாகப்பட்டினம் "ஜனநாயகத்தை காக்க உறுதி ஏற்போம்' DIN DIN Thursday, August 15, 2019 09:17 AM +0530 சுதந்திர இந்தியாவின் ஜனநாயக தத்துவங்களைப் பாதுகாக்க சுதந்திர தின நாளில் உறுதியேற்போம்  என நாகை தொகுதி சட்டப் பேரவை உறுப்பினரும், மனிதநேய ஜனநாயக கட்சியின் பொதுச் செயலாளருமான எம். தமிமுன் அன்சாரி தெரிவித்துள்ளார்.
இதுகுறித்து அவர் வெளியிட்ட சுதந்திர தின வாழ்த்து செய்தி : 
நம் நாட்டின் சுதந்திரத்துக்காக உயிர்த்தியாகம் செய்த விடுதலைப் போராளிகளின் தியாகத்தை அனைவரும் நினைவுகூருவோம்.  தேசத்தந்தை காந்தியடிகள் வலியுறுத்திய வேற்றுமையில் ஒற்றுமை என்ற கலாசாரமே இந்திய ஒற்றுமையைக் கட்டிக்காத்து வருகிறது என்பதை நினைவில் கொள்வோம்.
உலகின் தொன்மையான நாகரிகத்துக்குச் சொந்தமான இந்தியாவின்  ஜனநாயக தத்துவங்களை பாதுகாக்க வேண்டியது நம் அனைவரது கடமை.  ஜனநாயக மாண்புகளுக்கும், வேற்றுமையில் ஒற்றுமை என்ற உயரிய கொள்கைகளுக்கும் எதிரான செயல்பாடுகளை, காந்தியடிகளின் அஹிம்சை வழியில் வீழ்த்திட நாம் அனைவரும் ஒன்றுபட்டு பாடுபட முன் வர வேண்டும். 
அனைவருக்கும் தடையற்ற கல்வி, சமூகங்களுக்கிடையே பொது ஒற்றுமை, வறுமை ஒழிப்பு, வேலை வாய்ப்பு, விவசாயிகளின் வாழ்வுரிமை, சுற்றுச்சூழல் மேலாண்மை, மழை நீர் சேகரிப்பு, தூய்மையான வீதிகள் என நாட்டின் நலன் காக்கும் பிரச்னைகளில் அனைவரும் இணைந்து பாடுபட உறுதியேற்போம். அனைவருக்கும் சுதந்திர தின வாழ்த்துகள் என அவர் தெரிவித்துள்ளார்.

]]>
https://www.dinamani.com/all-editions/edition-nagapattinam/nagapattinam/2019/aug/15/ஜனநாயகத்தை-காக்க-உறுதி-ஏற்போம்-3214099.html
3214098 நாகப்பட்டினம் நாகப்பட்டினம் ஆகாயத் தாமரை செடிகளை அகற்றக் கோரிக்கை DIN DIN Thursday, August 15, 2019 09:16 AM +0530 திருமருகல் அருகே தேவங்குடி பெரியகுளத்தில் மண்டிக் கிடக்கும் ஆகாயத் தாமரை செடிகளை அகற்ற வேண்டும் என பொதுமக்கள் கோரிக்கை விடுத்துள்ளனர்.
திருமருகல் ஒன்றியம், இரவாஞ்சேரி ஊராட்சி தேவங்குடியில் 1 ஏக்கர் பரப்பளவில் அமைந்துள்ளது பெரியகுளம். இந்த குளம் கடந்த  2 ஆணடுகளுக்கு முன்பு வண்டல் மண் திட்டத்தின் மூலம் தூர்வாரப்பட்டது. தற்போது இக்குளத்தில் ஆகாயத் தாமரை செடிகள் சூழ்ந்து காணப்படுகின்றன. 
மேலும், இப்பகுதியில் கருவேலமரங்கள் சூழ்ந்துள்ளதால் பொதுமக்கள் தண்ணீரின்றி தவித்து வருகின்றனர். ஆகையால் குளத்தில் உள்ள ஆகாயத் தாமரை செடிகளை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர். 
மேலும், இந்த குளத்தை தூர்வாரி புனரமைப்பதன் மூலம் புத்தாற்றில் இருந்து வரும் காவிரி நீரும், பருவமழையும் தேங்கி குடிநீர்ப் பிரச்னைக்கு தீர்வு அளிக்கும் என இப்பகுதி மக்கள் தெரிவிக்கின்றனர். 
 

]]>
https://www.dinamani.com/all-editions/edition-nagapattinam/nagapattinam/2019/aug/15/ஆகாயத்-தாமரை-செடிகளை-அகற்றக்-கோரிக்கை-3214098.html
3214097 நாகப்பட்டினம் நாகப்பட்டினம் மகளிர் சுய உதவிக் குழுக்களை மேம்படுத்த வலியுறுத்தல் DIN DIN Thursday, August 15, 2019 09:16 AM +0530 மகளிர் சுய உதவிக் குழுக்களுக்கு சுழல் நிதி, வங்கிக் கடன் அளித்து அவற்றை மேம்படுத்த வேண்டும் என இந்திய தேசிய மாதர் சம்மேளனம் வலியுறுத்தியுள்ளது.
வேதாரண்யத்தை அடுத்த தலைஞாயிறு அருகே இந்திய தேசிய மாதர் சம்மேளனத்தின் 21-ஆவது ஒன்றிய மாநாடு செவ்வாய்க்கிழமை நடைபெற்றது. அருந்தவம்புலம் கிராமத்தில் நடைபெற்ற மாநாட்டுக்கு, சி.தையல்நாயகி  தலைமை வகித்தார். அமைப்பின் மாவட்டச் செயலாளர் எஸ்.மேகலா கொடியேற்றி மாநாட்டைத் தொடங்கி வைத்தார். இந்திய கம்யூனிஸ்ட் கட்சியின் ஒன்றியச் செயலாளர் எஸ்.எம்.டி.மகேந்திரன், மாவட்டக் குழு உறுப்பினர் வி.பழனிச்சாமி, ஒன்றியக்குழு உறுப்பினர் ஏ.செயராமன், மாதர் சம்மேளன நிர்வாகிகள் ஏ.லதா மலர்க்கொடி, ஜெயந்தி, பாக்யம் உள்ளிட்டோர் பங்கேற்றனர். 100 நாள் வேலைத் திட்டத்தை 200 நாள்களாக உயர்த்தி பேரூராட்சி, நகராட்சி பகுதிகளுக்கும் விரிவுப்படுத்த வேண்டும், கிராமபுறங்களில் குடிநீர் பிரச்னையைப் போர்க்கால அடிப்படையில் தீர்க்க வேண்டும் உள்ளிட்ட தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-nagapattinam/nagapattinam/2019/aug/15/மகளிர்-சுய-உதவிக்-குழுக்களை-மேம்படுத்த-வலியுறுத்தல்-3214097.html
3214096 நாகப்பட்டினம் நாகப்பட்டினம் படைவீட்டு அம்மன் கோயில் ஆடித் திருவிழா DIN DIN Thursday, August 15, 2019 09:16 AM +0530 நாகையை அடுத்த நாகூர் ஆரியநாட்டுத் தெரு, சம்பாத் தோட்டம் பகுதியில் உள்ள படைவீட்டு அம்மன் கோயிலில் ஆடித் திருவிழா செவ்வாய்க்கிழமை நடைபெற்றது. 
இக்கோயிலின்  7-ஆம் ஆண்டு ஆடித் திருவிழாவையொட்டி, செவ்வாய்க்கிழமை சிறப்பு வழிபாடுகள் மற்றும் அபிஷேக, ஆராதனைகள் நடைபெற்றன.
தொடர்ந்து, அங்குள்ள ஆனந்த விநாயகர் கோயிலிலிருந்து திரளான பக்தர்கள் பால்குடங்கள் சுமந்து ஊர்வலமாக வந்தனர். இந்த ஊர்வலம் ஊரின் முக்கிய வீதிகள் வழியாக கோயிலை வந்தடைந்ததும், பக்தர்கள் கொண்டுவந்த பாலால் அம்மனுக்கு மகா அபிஷேகம் செய்யப்பட்டது. இதில், திரளானோர் பங்கேற்று வழிபட்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/படைவீட்டு-அம்மன்-கோயில்-ஆடித்-திருவிழா-3214096.html
3214095 நாகப்பட்டினம் நாகப்பட்டினம் மக்கள் குறைதீர் முகாம் DIN DIN Thursday, August 15, 2019 09:16 AM +0530 ஆக்கூரில் தமிழக அரசின் சிறப்பு மக்கள் குறைதீர்க்கும் முகாம் செவ்வாய்க்கிழமை நடைபெற்றது.
 வருவாய்துறை  ஆய்வாளர் பத்மா தலைமையில் நடைபெற்ற இம்முகாமில், பெண்களுக்கான தையல் இயந்திரம், முதியோர் ஓய்வூதியம், வீட்டுமனைப் பட்டா உள்ளிட்ட கோரிக்கை மனுக்கள் பொதுமக்களிடமிருந்து பெறப்பட்டன. 
இம்முகாமில், ஆக்கூர் சுற்றுவட்டாரத்தைச் சேர்ந்த மக்கள் கலந்துகொண்டு கோரிக்கை மனுக்களை வழங்கினர். இதில், கிராம நிர்வாக அலுவலர்கள் மணிவண்ணன், புஷ்பா, கிராம நிர்வாக உதவியாளர்கள் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/மக்கள்-குறைதீர்-முகாம்-3214095.html
3214094 நாகப்பட்டினம் நாகப்பட்டினம் குறுவட்ட சதுரங்கப் போட்டி DIN DIN Thursday, August 15, 2019 09:15 AM +0530 திருமருகல் குறுவட்ட அளவிலான சதுரங்கப் போட்டி நாகை இ.ஜி.எஸ். பிள்ளை பொறியியல் கல்லூரியில் செவ்வாய்க்கிழமை நடைபெற்றது.
பள்ளிக் கல்வித் துறை சார்பில் நடைபெற்ற இப்போட்டியை,  நாகை மாவட்ட முதன்மைக் கல்வி அலுவலர் குணசேகரன் தலைமை வகித்துத் தொடங்கி வைத்தார். மாவட்ட உடற்கல்வி ஆய்வாளர் சாந்தி முன்னிலை வகித்தார். திருமருகல் வட்டத்துக்குள்பட்ட 11, 14, 17  மற்றும் 19 வயதுக்குள்பட்ட மாணவ, மாணவிகளைக் கொண்டு 4 பிரிவுகளாகப் போட்டிகள் நடத்தப்பட்டன. 51 மாணவர்கள், 54 மாணவிகள் போட்டியில் பங்கேற்றனர். போட்டிகளில் முதல் 3 இடங்களைப் பெறுபவர்கள், மாவட்டப் போட்டிக்குத் தகுதிப் பெறுவர் எனக் குறிப்பிடப்பட்டது.  கணபதிபுரம் அரசு உயர்நிலைப் பள்ளித் தலைமை ஆசிரியர் மற்றும் உடற்கல்வி ஆசிரியர்கள் இதற்கான ஏற்பாடுகளைச் செய்திருந்தனர்.  

]]>
https://www.dinamani.com/all-editions/edition-nagapattinam/nagapattinam/2019/aug/15/குறுவட்ட-சதுரங்கப்-போட்டி-3214094.html
3214093 நாகப்பட்டினம் நாகப்பட்டினம் விடுதலைச் சிறுத்தைகள் கட்சி பொதுக்கூட்டம் DIN DIN Thursday, August 15, 2019 09:15 AM +0530 வேதாரண்யத்தை அடுத்த அருந்தவம்புலத்தில், மத்திய அரசின் புதிய கல்விக் கொள்கையைக் கண்டித்து விடுதலைச் சிறுத்தைகள் கட்சி சார்பில் கண்டனப் பொதுக்கூட்டம் நடைபெற்றது.
அருந்தவம்புலம் கடைவீதியில் திங்கள்கிழமை நடைபெற்ற இக்கூட்டத்துக்கு இளம் சிறுத்தைகள் எழுச்சிப் பேரவை ஒன்றியச் செயலாளர் வீரை.விஜயன் தலைமை வகித்தார். நிர்வாகிகள் பாப்பா செல்வம், எம்.சி. கண்ணன், சந்திரசேகர், சரவணன், இளையராஜா, முருகையன், சந்திரமோகன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/விடுதலைச்-சிறுத்தைகள்-கட்சி-பொதுக்கூட்டம்-3214093.html
3214092 நாகப்பட்டினம் நாகப்பட்டினம் விதைப் பந்து விதைக்கும் நிகழ்ச்சி DIN DIN Thursday, August 15, 2019 09:15 AM +0530 சீர்காழி வட்டத்தில் விதைப்பந்து விதைக்கும் நிகழ்ச்சி திங்கள்கிழமை நடைபெற்றது.
பூமி வெப்பமயமாதலைக் கட்டுப்படுத்தும் விதமாக ஸ்ரீ கிருஷ்ணா சமூக நல அறக்கட்டளை சார்பில் சீர்காழி, கொள்ளிடம் உள்ளிட்ட பல்வேறு பகுதிகளில் காவிரி கரையில் விதைப்பந்து விதைக்கும் நிகழ்ச்சி நடைபெற்றது. அறக்கட்டளைத் தலைவர் ஜி. ரமேஷ் தலைமை வகித்தார். காவிரி ஆற்றங்கரையோரம் மருது, வாகை, பூவரசு உள்ளிட்ட பல்வேறு மரவிதைகள் விதைக்கப்பட்டன. நிகழ்ச்சியில் கிராமமக்கள் பங்கேற்றனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/விதைப்-பந்து-விதைக்கும்-நிகழ்ச்சி-3214092.html
3214091 நாகப்பட்டினம் நாகப்பட்டினம் வரைவு கல்வி கொள்கையை மத்திய அரசு திரும்பப் பெற வலியுறுத்தல் DIN DIN Thursday, August 15, 2019 09:15 AM +0530 வரைவு தேசியக் கல்வி கொள்கையை  மத்தியஅரசு திரும்பப் பெறவேண்டும் என  மார்க்சிஸ்ட் கம்யூனிஸ்ட் கட்சி கூட்டத்தில் வலியுறுத்தப்பட்டது.
மத்திய அரசின் வரைவு தேசியக் கல்வி கொள்கைக்கு மார்க்சிஸ்ட் கம்யூனிஸ்ட் கட்சி எதிர்ப்பு தெரிவித்து நாடு முழுவதும் பிரசாரங்கள் மற்றும் கையெழுத்து இயக்கங்களை நடத்தியது.
இதன்படி,நாகை மாவட்டத்தில், கட்சியின் சார்பில்  வரைவு தேசியக் கல்வி கொள்கைக்கு எதிரான பிரசாரங்கள் மற்றும் கையெழுத்து இயக்கம் நடைபெற்றன.
இதில் பொதுமக்களிடமிருந்து பெறப்பட்ட கையெழுத்துப் பதிவேடுகளை அக்கட்சியின் நிர்வாகிகளிடம் ஒப்படைக்கும் நிகழ்ச்சி, நாகையில் உள்ள கட்சி அலுவலகத்தில் செவ்வாய்க்கிழமை நடைபெற்றது. இந்நிகழ்ச்சியில், கட்சியின் மாவட்டச் செயலாளர் நாகை மாலி, மாநிலக்குழு உறுப்பினரும், முன்னாள் எம்.எல்.ஏ-வுமான வி. மாரிமுத்து ஆகியோர்களிடம்  ஒன்றிய நிர்வாகிகள் கையெழுத்து பதிவேடுகளை ஒப்படைத்தனர்.
கூட்டத்தில் வி. மாரிமுத்து பேசியது: மாணவர்களின் கல்வி, வேலைவாய்ப்பு மற்றும் எதிர்காலம் ஆகியவற்றை பாழாக்கும் மத்திய அரசின் தேசிய வரைவுக் கல்வி கொள்கைக்கு எதிராக தமிழகமெங்கும், ஜூலை15 முதல் ஆகஸ்ட் 13 வரை மார்க்சிஸ்ட் கம்யூனிஸ்ட் கட்சியின் சார்பில்  பிரசாரங்கள் நடத்தப்பட்டு 1 கோடி பேரிடம் கையெழுத்து பெறும் இயக்கம் நடத்தப்பட்டது. நாகை மாவட்டத்தில் சுமார் 3 லட்சம் கையெழுத்துகள்   பெறப்பட்டுள்ளது. தேசிய வரைவுக் கல்வி கொள்கையால்  மத்திய, மாநில அரசுகளில் பட்டியலில் இருந்த கல்வியானது, முழுமையாக மத்திய அரசின் பட்டியலுக்கு செல்கிறது. இதனால், மாநில அரசின் கல்வி சுதந்திரம் முற்றிலும் பறிக்கப்படும்.3-ஆம்  வகுப்பிலிருந்து தேசிய அளவில் தேர்வு என்பது, மாணவர்களின் சுயஅறிவை சிதைத்து விடும். எனவே தேசிய வரைவுக் கல்வி கொள்கையை  மத்திய திரும்பப்பெறவேண்டும் என்றார் அவர்.
நிகழ்ச்சியில் கட்சியின் மாவட்டச் செயற்குழு உறுப்பினர்கள் ஜி. ஜெயராமன், எஸ்.துரைராஜ், ஜி.ஸ்டாலின், சி.வி.ஆர். ஜீவானந்தம், ஒன்றியச் செயலாளர்கள் ஏ.வேணு, எம். முருகையன், பி.டி. பகு, எம். சுப்பிரமணியன், பி.கே. ராஜேந்திரன், கே.செந்தில்குமார், எம். ஜெயபால், மேகநாதன், சி. விஜயகாந்த் உள்ளிட்டோர் பங்கேற்றனர்.

]]>
https://www.dinamani.com/all-editions/edition-nagapattinam/nagapattinam/2019/aug/15/வரைவு-கல்வி-கொள்கையை-மத்திய-அரசு-திரும்பப்-பெற-வலியுறுத்தல்-3214091.html
3214090 நாகப்பட்டினம் நாகப்பட்டினம் கிராமசபைக் கூட்டத்திலும் தீர்மானம் நிறைவேற்றக் கோரி துண்டுப்பிரசுரங்கள் விநியோகம் DIN DIN Thursday, August 15, 2019 09:14 AM +0530 மயிலாடுதுறையை தனி மாவட்டமாக அறிவிக்ககோரும் தீர்மானம் உள்ளிட்ட 3 தீர்மானங்களை  கிராமசபைக் கூட்டங்களில் நிறைவேற்றக் கோரி பொது தொழிலாளர்கள் சங்கம் சார்பில்  துண்டுப் பிரசுரங்கள் செவ்வாய்க்கிழமை விநியோகிக்கப்பட்டன.
பொது தொழிலாளர்கள் சங்கத் தலைவர் ஜெகவீரபாண்டியன் தலைமையில் சீர்காழி பகுதியைச் சேர்ந்த கிராம ஊராட்சி செயலாளர்கள், பொதுமக்களிடம் இந்த துண்டுப் பிரசுரங்கள் விநியோகிக்கப்பட்டன.
அதில், புதிய கல்வி  கொள்கையை மத்திய அரசு கைவிட வேண்டும். காவிரிப்படுகையில் ஹைட்ரோகார்பன் திட்டம், மீத்தேன் திட்டங்களை நடைமுறைப்படுத்தக் கூடாது. 
மயிலாடுதுறையை தலைமையிடமாகக்கொண்டு  தனி மாவட்டம் அறிவிக்கவேண்டும் ஆகிய மூன்று தீர்மானங்களையும்  கிராம சபை நடவடிக்கை குறிப்பேட்டில் எழுதி அனைவரிடமும் கையெழுத்து பெற்று பாரத பிரதமருக்கும், தமிழக முதல்வருக்கும் அனுப்பிவைக்குமாறு வேண்டுகோள் விடுக்கப்பட்டிருந்தது. துண்டுப் பிரசுரங்களை வழங்கும் பணியில் பொது தொழிலாளர்கள் சங்க அமைப்பு செயலாளர் கோடங்குடி சி.சங்கர், எருக்கூர் ஊராட்சி முன்னாள் தலைவர் முத்துகுபேரன், திமுக நகர துணைச் செயலாளர் பாஸ்கரன், மாவட்ட துணை அமைப்பாளர் செல்வமுத்துக்குமார்  உள்ளிட்டோர் 
ஈடுபட்டனர். 
 

]]>
https://www.dinamani.com/all-editions/edition-nagapattinam/nagapattinam/2019/aug/15/கிராமசபைக்-கூட்டத்திலும்-தீர்மானம்-நிறைவேற்றக்-கோரி-துண்டுப்பிரசுரங்கள்-விநியோகம்-3214090.html
3214089 நாகப்பட்டினம் நாகப்பட்டினம் மயிலாடுதுறை தனி மாவட்டக் கோரிக்கை: வட்டார வளர்ச்சி அலுவலரிடம் மனு DIN DIN Thursday, August 15, 2019 09:14 AM +0530 சுதந்திர தினத்தையொட்டி நடைபெறும் கிராம சபைக் கூட்டத்தில், மயிலாடுதுறையை மாவட்ட தலைநகராக அறிவித்து தீர்மானம் நிறைவேற்றக் கோரி, மயிலாடுதுறை வட்டார வளர்ச்சி அலுவலரிடம்  வழக்குரைஞர் குழுவினர் புதன்கிழமை மனு அளித்தனர்.
வழக்குரைஞர்கள் குழுவின் ஒருங்கிணைப்பாளர் வழக்குரைஞர் ராம.சேயோன் உள்ளிட்டோர் மயிலாடுதுறை வட்டார வளர்ச்சி அலுவலர் (கிராம ஊராட்சிகள்) விஜயலெட்சுமியிடம் அளித்த மனு விவரம்: சுதந்திர தினத்தை முன்னிட்டு, வியாழக்கிழமை நடைபெற உள்ள கிராம சபைக் கூட்டத்தில், மயிலாடுதுறையை தமிழகத்தின் 36-ஆவது மாவட்டமாக அறிவிக்க தமிழக அரசை வலியுறுத்தி, கிராம சபைக் கூட்டத்தில் தீர்மானம் நிறைவேற்றித்தர ஊராட்சி மன்றங்களின் தனி அலுவலர் என்ற முறையில் கேட்டுக்கொள்கிறோம் என்று அம்மனுவில் குறிப்பிட்டுள்ளனர். 
அப்போது, வழக்குரைஞர்கள் இரா.சுரேஷ், பெ.சிவதாஸ், க.புகழரசன், மு.விவேகானந்தன், பூ.அறிவொளி, ஆர்.வினோத், செள.சிவச்சந்திரன், வே.விஜயகுமார் ஆகியோர் உடனிருந்தனர்.
குத்தாலம், ஆக. 14: இதேபோல் குத்தாலம் ஒன்றிய வட்டார வளர்ச்சி அலுவலருக்கும் ராம. சேயோன் கோரிக்கை மனு ஒன்றை அனுப்பியுள்ளார். அதில், சுதந்திர தினத்தன்று குத்தாலம் ஒன்றியத்தின் 51 ஊராட்சிகளிலும் கிராம சபைக் கூட்டங்கள் நடைபெறவுள்ளன. இக்கூட்டங்களில், மயிலாடுதுறையை 36-ஆவது மாவட்டமாக அறிவிக்க தமிழக அரசை வலியுறுத்தி, தீர்மானம் நிறைவேற்ற வேண்டுகிறேன் எனக் கூறியுள்ளார். 
இதேபோல், சீர்காழி, கொள்ளிடம் செம்பனார் கோவில் ஊராட்சி ஒன்றிய வட்டார வளர்ச்சி அலுவலர்களுக்கும் மயிலாடுதுறை வழக்குரைஞர்கள் சார்பில் கோரிக்கை மனு அனுப்பப்பட்டுள்ளது.

]]>
https://www.dinamani.com/all-editions/edition-nagapattinam/nagapattinam/2019/aug/15/மயிலாடுதுறை-தனி-மாவட்டக்-கோரிக்கை-வட்டார-வளர்ச்சி-அலுவலரிடம்-மனு-3214089.html
3214088 நாகப்பட்டினம் நாகப்பட்டினம் கிருஷ்ணன் கோயில் பிரமோத்ஸவம்: ஆக. 16-இல் கொடியேற்றம் DIN DIN Thursday, August 15, 2019 09:14 AM +0530 நாகை நவநீத கிருஷ்ணசுவாமி திருக்கோயில் பிரமோத்ஸவ விழா வெள்ளிக்கிழமை (ஆக. 16) திருக்கொடியேற்றத்துடன் தொடங்கப்படுகிறது.
நாகை செளந்தரராஜப் பெருமாளின் அபிமான தலமாக விளங்குகிறது நாகையில் உள்ள ருக்மணி, சத்யபாமா சமேத நவநீத கிருஷ்ணசுவாமி கோயில். இக்கோயிலில் ஆண்டு தோறும் கிருஷ்ண ஜயந்தியையொட்டி, பிரமோத்ஸவம் சிறப்பாகக் கொண்டாடப்படுவது வழக்கம். இதன்படி, நிகழாண்டின் பிரமோத்ஸவம் வெள்ளிக்கிழமை காலை 8.30 மணிக்கு மேல் 10 மணிக்குள் திருக்கொடியேற்றத்துடன் தொடங்கப்படுகிறது.  ஆக. 28-ஆம் தேதி வரை நடைபெறும் இவ்விழாவின் முக்கிய நிகழ்ச்சியான திருத்தேரோட்டம் ஆகஸ்ட் 24-ஆம் தேதி நடைபெறுகிறது. விழா நிகழ்ச்சியாக தினமும் காலையில் பல்லக்கு சேவையும், மாலையில் வெவ்வேறு வாகனங்களில் சுவாமி புறப்பாடும் நடைபெறுகிறது.
கால்கோள் விழா...
பிரமோத்ஸவ விழாவின் கால்கோள் விழா கிருஷ்ணன் கோயில் கோபுரவாசலில்  திங்கள்கிழமை காலை நடைபெற்றது. சிறப்பு வழிபாடுகளுக்கு பின்னர், வேத மந்திர  முழக்கங்களுடன் பந்தல் கால் நடப்பட்டது. 
 

]]>
https://www.dinamani.com/all-editions/edition-nagapattinam/nagapattinam/2019/aug/15/கிருஷ்ணன்-கோயில்-பிரமோத்ஸவம்-ஆக-16-இல்-கொடியேற்றம்-3214088.html
3214087 நாகப்பட்டினம் நாகப்பட்டினம் குழந்தைகளுக்கான தடுப்பூசி முகாம் DIN DIN Thursday, August 15, 2019 09:13 AM +0530 திருக்குவளை அருகே உள்ள கச்சனத்தில் குழந்தைகளுக்கான தடுப்பூசி முகாம் புதன்கிழமை நடைபெற்றது.
தமிழக அரசின் பொது சுகாதாரத்துறை சார்பில் ஆர்.பி.எஸ்.கே. திட்டத்தின்கீழ், பள்ளி குழந்தைகளுக்கு டி.பி.டி. மற்றும் டி.டி. தடுப்பு ஊசிகள் போடப்பட்டன. 1,5 மற்றும் 10-ஆம் வகுப்பு படிக்கும் மாணவ, மாணவிகளுக்கு இந்த தடுப்பூசி போடப்பட்டது.
ஆலத்தம்பாடி சுகாதார மைய மருத்துவ அலுவலர் சங்கீதா மற்றும் செவிலியர்கள் குழுவாக வந்து மாணவர்களுக்கு தடுப்பூசி போட்டனர். இதற்கான ஏற்பாடுகளை பள்ளி ஆலோசகர் மற்றும் முதல்வர் கே. பொது செல்வன் செய்திருந்தார் .

]]>
https://www.dinamani.com/all-editions/edition-nagapattinam/nagapattinam/2019/aug/15/குழந்தைகளுக்கான-தடுப்பூசி-முகாம்-3214087.html
3214086 நாகப்பட்டினம் நாகப்பட்டினம் இன்று கிராமசபைக் கூட்டம் DIN DIN Thursday, August 15, 2019 09:13 AM +0530 நாகை மாவட்டத்தில் உள்ள அனைத்து ஊராட்சிகளிலும் வியாழக்கிழமை (ஆக. 15) கிராமசபைக் கூட்டம் நடைபெறும் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து, அவர் வெளியிட்ட செய்திக் குறிப்பு :  சுதந்திர தின விழா நாளான ஆகஸ்ட் 15-ஆம் தேதி நாகை மாவட்டத்தில் உள்ள 434 ஊராட்சிகளிலும் கிராம சபைக் கூட்டம் நடைபெறும். கிராம ஊராட்சி நிர்வாகம், பொது நிதி செலவின அறிக்கை, கொசு ஒழிப்புப் பணிகள், பிளாஸ்டிக் பொருள்கள் ஒழிப்பு, பொது விநியோகத் திட்ட சமூகத் தணிக்கை, கஜா புயலால் வீடுகளை இழந்தவர்களின் பட்டியல், மழைநீர் சேகரிப்பு உள்ளிட்டவைகள் குறித்து இந்தக் கூட்டத்தில் விவாதிக்கப்படவுள்ளது.
எனவே, பொதுமக்கள், ஊராட்சி பேரிடர் மேலாண்மைக் குழு உறுப்பினர்கள், மகளிர் சுய உதவிக் குழு உறுப்பினர்கள் இந்தக் கூட்டத்தில் தவறாமல் பங்கேற்குமாறு ஆட்சியர் தனது செய்திக் குறிப்பில் கேட்டுக் கொண்டுள்ளார்.

]]>
https://www.dinamani.com/all-editions/edition-nagapattinam/nagapattinam/2019/aug/15/இன்று-கிராமசபைக்-கூட்டம்-3214086.html
3214085 நாகப்பட்டினம் நாகப்பட்டினம் மயிலாடுதுறையில் 17-இல் வேலைவாய்ப்பு முகாம் DIN DIN Thursday, August 15, 2019 09:12 AM +0530 மயிலாடுதுறை தருமபுரம் ஆதீனம் கலைக் கல்லூரியில் தனியார் துறை வேலைவாய்ப்பு முகாம் சனிக்கிழமை (ஆக. 17) நடைபெறும் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார். 
இதுகுறித்து, அவர் வெளியிட்ட செய்திக் குறிப்பு : 
நாகை மாவட்ட நிர்வாகம், வேலைவாய்ப்பு அலுவலகம் மற்றும் மகளிர் திட்டம் இணைந்து நடத்தும் தனியார் துறை வேலைவாய்ப்பு முகாம், தருமபுரம் ஆதீனம் கலைக் கல்லூரியில் சனிக்கிழமை நடைபெறுகிறது. இந்த முகாமில் 100-க்கும் மேற்பட்ட தனியார் நிறுவனங்களின் பிரதிநிதிகள் பங்கேற்று, 7 ஆயிரத்துக்கும் அதிகமான காலிப் பணியிடங்களுக்குப் பணியாளர்களைத் தேர்வு செய்ய உள்ளனர். 8-ஆம் வகுப்பு தேர்ச்சி பெற்றவர்கள் முதல் வணிகவியல் பட்டதாரிகள் வரையிலான நிலைகளில் உள்ள, படித்த வேலைவாய்ப்பற்ற, 18 வயதுக்கு மேற்பட்ட 40 வயதுக்குள்பட்ட இருபாலரும் பங்கேற்கலாம். மாற்றுத் திறனாளிகளும் இந்த முகாமில் பணிக்குத் தெரிவு செய்யப்படுவர்.  முகாமில் பங்கேற்பவர்கள் தங்களது கல்விச் சான்றுகள், ஆதார் அட்டை ஆகியவற்றின் அசல் மற்றும் நகல்களுடன் சுயவிவரக்குறிப்பு, பாஸ்போர்ட் அளவு புகைப்படங்களைக் கொண்டு வர வேண்டும் என ஆட்சியர் தனது செய்திக் குறிப்பில் 
தெரிவித்துள்ளார். 

]]>
https://www.dinamani.com/all-editions/edition-nagapattinam/nagapattinam/2019/aug/15/மயிலாடுதுறையில்-17-இல்-வேலைவாய்ப்பு-முகாம்-3214085.html
3214084 நாகப்பட்டினம் நாகப்பட்டினம் மக்கள் தொடர்பு முகாம்: 228 பேருக்கு நலத்திட்ட உதவிகள் DIN DIN Thursday, August 15, 2019 09:12 AM +0530 வேதாரண்யத்தை அடுத்த பன்னாள் கிராமத்தில்  புதன்கிழமை நடைபெற்ற மாவட்ட ஆட்சியரின் மக்கள் தொடர்பு முகாமில், 228 பயனாளிகளுக்கு சுமார் ரூ.32,13,867  மதிப்பிலான நலத்திட்ட உதவிகள் வழங்கப்பட்டன.
முகாமுக்கு மாவட்ட ஆட்சியர் சீ. சுரேஷ்குமார் தலைமை வகித்து பேசியது:
மாவட்ட ஆட்சியர் அலுவலகத்தில் வாரந்தோறும் நடைபெறும் மக்கள் குறை தீர்க்கும் நாள் கூட்டத்தில் மனுக்களை அளித்து அதன்மூலம் பொதுமக்கள் தங்கள் குறைகளை நிவர்த்தி செய்து கொள்ளலாம்.
வேதாரண்யம் வட்டம் பன்னாள் தொடக்க வேளாண்மை கூட்டுறவு கடன் சங்கம் மூலம், 2017-2018-ஆம் ஆண்டில் பயிர் காப்பீடு இழப்பீட்டுத் தொகையாக 536 பேருக்கு கூட்டுறவு கடன் சங்கங்கள் மூலம் ரூ.20.61 லட்சம் வழங்கப்பட்டுள்ளது. 
முதல்வரின் பெண் குழந்தைகள் பாதுகாப்புத் திட்டத்தின் கீழ் 2018-2019 நிதியாண்டில் 890 பெண் குழந்தைகளுக்கு ரூ.2.22 கோடி மதிப்புள்ள வைப்புத் தொகை ரசீதுகள் வழங்கப்பட்டுள்ளன. மக்கள் தொடர்பு முகாமையொட்டி, ஏற்கெனவே 119 மனுக்கள் பெறப்பட்டுள்ளன. இவற்றில், 76 மனுக்கள் ஏற்கப்பட்டு, 43 மனுக்கள் நிராகரிக்கப்பட்டுள்ளன. வருவாய்த்துறை சார்பில் சமூகப் பாதுகாப்புத் திட்டத்தின் கீழ் 11 பயனாளிகளுக்கு மாதாந்திர உதவித் தொகையாக ரூ.1,000 பெறுவதற்கான ஆணைகள் அளிக்கப்பட்டன.
குடிமைப் பொருள் வழங்கல் துறை சார்பில் 20 பயனாளிகளுக்கு மின்னணு குடும்ப அட்டைகளையும், சமூகநலத்துறை சார்பில் பெண் குழந்தைகள் பாதுகாப்புத் திட்டத்தின் கீழ் 24 பயனாளிகளுக்கு வைப்புத்தொகை ரசீதுகளும் அளிக்கப்பட்டன.
வேளாண், தோட்டக்கலைத்துறை என பல்வேறு துறைகளின் சார்பில் மொத்தம் 228 பயனாளிகளுக்கு சுமார் ரூ.32,13,867  மதிப்பிலான நலத்திட்ட உதவிகள் வழங்கப்பட்டுள்ளன என்றார் ஆட்சியர். 
இந்நிகழ்ச்சியில் நாகப்பட்டினம் சார் ஆட்சியர் ஏ.கே.கமல்கிஷோர், தனித்துணை ஆட்சியர் (சமூகப் பாதுகாப்புத் திட்டம்) கே.ராஜன், மாவட்ட சமூக நல அலுவலர் உமையாள், செய்தி மக்கள் தொடர்பு அலுவலர் மீ.செல்வகுமார், வேதாரண்யம் வட்டாட்சியர் சண்முகம் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-nagapattinam/nagapattinam/2019/aug/15/மக்கள்-தொடர்பு-முகாம்-228-பேருக்கு-நலத்திட்ட-உதவிகள்-3214084.html
3213098 நாகப்பட்டினம் நாகப்பட்டினம் தூய்மை இந்தியா திட்டம்: வெற்றிக்கொடி நாட்டும் கீழ்வேளூர் பேரூராட்சி! பி.பாலமுத்துமணி DIN Wednesday, August 14, 2019 05:45 AM +0530 தூய்மை இந்தியா திட்டத்தின்கீழ் 24-ஆவது இடம்பிடித்த நாகை மாவட்டம், கீழ்வேளூர் பேரூராட்சி, தொடர்ந்து தூய்மையைப் பேணும் நடவடிக்கையில் முன்னேறி, வெற்றிக் கொடி நாட்டி வருகிறது. 
கடந்த 2014-ஆம் ஆண்டு மகாத்மா காந்தி பிறந்த தினமான அக்டோபர் 2-ஆம் தேதி தூய்மை இந்தியா திட்டம் மத்திய அரசால் தொடங்கப்பட்டது. இத்திட்டத்தின்கீழ், தமிழகத்தில் உள்ள அனைத்து பேரூராட்சிகளிலும் மேற்கொள்ளப்படும் தூய்மைப் பணியில் திருவாரூர், தஞ்சாவூர், நாகை மாவட்டங்களில் கீழ்வேளூர் பேரூராட்சி முதலிடம் பெற்றுள்ளது. ஒவ்வொரு நகரங்களிலும் தூய்மை இந்தியா திட்ட செயல்பாடுகளை மத்திய அரசு ஆய்வு செய்து வருகிறது. 
கீழ்வேளூர் பேரூராட்சியானது 4 சதுர கி.மீ. பரப்பளவும், 15 வார்டுகளும், 47 தெருக்களையும் கொண்டது. மேலும், கீழ்வேளூரில் உள்ள 15 வார்டுகளுக்குட்பட்ட வீடுகளில் சேரும் குப்பைகள் அனைத்தும் நீலம், பச்சை என இரு வண்ணக் கூடைகளில் தரம் பிரித்துக் கொட்டப்படுகின்றன. அவை அனைத்தும் ஒன்றாக சேகரிக்கப்பட்டு மீட்பு பூங்காவுக்கு கொண்டு சென்று மக்கும் உரம் மற்றும் மண்புழு உரம் தயாரிக்க பயன்படுகின்றன. இவ்வாறு தயாரிக்கப்படும் உரங்கள் விளை நிலத்திற்கு ஏற்ற வகையில் இருப்பதால் நல்ல மகசூல் அளிப்பதோடு உடல் நலத்திற்கு தீங்கு விளைவிக்காத விளைபொருள்களை அளிப்பதாகவும் விவசாயிகள் தெரிவிக்கின்றனர்.
இந்தியாவிலேயே முன்னோடி முயற்சியாக சோதனை அடிப்படையில் இருசக்கர வாகனம் மூலம் குப்பைகள் பெறப்படுகின்றன. இதற்கென கூடுதல் துப்புரவுப் பணியாளர்கள் பணியமர்த்தப்படுவதோடு அவர்கள் சரிவர பணிபுரிகிறார்களா? என்பதை ஆய்வு செய்வதற்கு வாகனத்தில் ஜிபிஎஸ் கருவிகள் பொருத்தப்பட்டுள்ளன. நவீன தொழில்நுட்பத்துடன் கூடிய ஜிபிஎஸ் கருவியால் பணியாளர்கள் பணிபுரியும் நேரம் மற்றும் அவர் சென்றிருக்கும் தூரம், எந்த இடத்தில் தற்போது உள்ளார் என்பதை அதிகாரிகள் வீட்டில் இருந்தபடியே கண்காணிக்க இயலும். 
வளர்ந்து வரும் நவீன தொழில்நுட்பத்தில் தூய்மைப் பணியாளர்கள் சரியான நேரத்துக்கு பணிக்கு வருவதை உறுதி செய்ய கைவிரல் ரேகை அடிப்படையில் பயோ-மெட்ரிக் வருகைப் பதிவு செய்யப்படுகிறது.  அலுவலகம் முழுவதும் சிசிடிவி கேமராக்கள் பொருத்தப்பட்டு கண்காணிக்கப்படுகிறது. கட்செவி அஞ்சல் (வாட்ஸ்அப்) குழுக்கள் மூலம் பொதுமக்கள் தெரிவிக்கும் புகார்கள்  உடனுக்குடன்  சரி செய்யப்பட்டு வருகின்றன. 
மழைநீர் சேகரிப்பு மூலம் நிலத்தடி நீர் சேமிக்கப்பட்டு வருகிறது. பொதுமக்களின் குடிநீர் தேவையை பூர்த்தி செய்யும் வகையில், பல்வேறு பகுதிகளில் ஆழ்துளைக் கிணறுகள் தோண்டப்பட்டு பயன்பாட்டுக்கு கொண்டு வரப்பட்டுள்ளன. மேலும் கீழ்வேளூர் பேரூராட்சி தமிழ்நாட்டில் 24-ஆவது தூய்மையான நகரம்  என்ற பெயரையும் பெற்றுள்ளது. ""ஓர் ஊர் செழிக்க வேண்டுமானால் மாடி மேல் மாடி கட்டி செல்வச் செழிப்புடன்  அவரவர் வாழ்வை பார்த்துக் கொள்வது மட்டுமல்ல. அவர் அவர் வாழும் ஊரை தூய்மைப்படுத்தி தான் மட்டும் வாழாமல் பிறரும் தூய்மையுடன் நோயற்ற வாழ்வு வாழ்வதாகும்'' என்ற கூற்றை மெய்ப்பித்துள்ளனர் கீழ்வேளூர்வாசிகள். 
கீழ்வேளூரில் சுகாதாரத்தைப் பேணும் வகையில் மேற்கொள்ளப்பட்டுவரும் தூய்மைப் பணியால் நாகை, திருவாரூர், தஞ்சாவூர் மாவட்டங்களில் பேரூராட்சிகளிலேயே கீழ்வேளூர் பேரூராட்சியானது முதல் இடத்தைப் பெற்றிருப்பது பெருமைக்குரிய விஷயமாகும். அது மட்டுமல்லாமல் தண்ணீர் பற்றாக்குறையைப் போக்குவதிலும் பேரூராட்சி தன்னிறைவு அடைந்துள்ளது. இப்பகுதி மக்கள் பயன்பெறும் வகையில் சுத்திகரிக்கப்பட்ட முறையில் தண்ணீர் வழங்குவதோடு, ஒவ்வொரு பகுதிக்கும் ஏற்றார்போல் குடிநீரானது பிரித்து வழங்கப்படுகிறது.
தவிர, மேல்நிலை நீர்த்தேக்கத் தொட்டிகளில் நீர் நிரம்பியவுடன் தொட்டியின் மேற்பகுதியிலிருந்து நீர் வழிந்து வீணாகாமல் தடுக்கும் பொருட்டு, மோட்டாரை உடனடியாக நிறுத்துவதற்கான வசதிகள் கூட செய்யப்பட்டுள்ளன. மழைக்காலங்களில் சிறிய பள்ளங்கள் மற்றும் தேவையற்ற பிளாஸ்டிக் குடுவைகள் மற்றும் டயர்களில் தேங்கும் நீரை அகற்றி, டெங்கு, மலேரியா போன்ற நோய்க்கு காரணமான கொசு உருவாக்கத்தைத் தடுத்து தூய்மையைப் பேணி வருகின்றனர். இதே போன்று ஒவ்வொரு பேரூராட்சிகளும் மேற்கொண்டால், தூய்மை இந்தியா கனவு நனவாகும் என சமூக ஆர்வலர்கள் கூறுகின்றனர்.
இதுகுறித்து கீழ்வேளூரைச் சேர்ந்த பாமக மாநிலத் துணைத் தலைவர் வேதமுகுந்தன் கூறியதாவது:
தமிழகத்தில் கீழ்வேளூர் பேரூராட்சி 24-ஆவது தூய்மை நகரம் என்ற பெயரைப் பெற்றுள்ளது எங்களுக்கு மிகவும் மகிழ்ச்சியாக இருக்கிறது. இதற்கு காரணமாக இருந்த அனைவருக்கும் நன்றியை தெரிவித்துக்கொள்கிறேன். தூய்மை இந்தியா திட்டத்தின்கீழ், தினமும் தூய்மைப் பணிகள் மேற்கொள்ளப்படுவதால் இப்பகுதியில் சுகாதாரம் பேணிக் காக்கப்படுவதோடு, நோய்வாய்ப்படும் மக்களின் எண்ணிக்கையும் குறைவாக உள்ளது. மேலும் வளர்ந்து வரும் தொழில்நுட்பத்துக்கு ஏற்றார்போல் நவீனமுறையில் மேற்கொள்ளப்படும் தூய்மைப் பணிகள் அனைத்தும் வரவேற்கத்தக்கவை. 
 இதே பணி மென்மேலும் தொடர்ந்து, தமிழகத்திலேயே 24-ஆவது தூய்மை நகரம் என்ற பெயரை மாற்றி கீழ்வேளூர் பேரூராட்சியியானது முதலாவது தூய்மை நகரம் என்ற பெயரை பெற வேண்டும். இதற்கு இப்பகுதியினர் அனைவரும் அயராது உழைக்க வேண்டும் என்றார்.

]]>
https://www.dinamani.com/all-editions/edition-nagapattinam/nagapattinam/2019/aug/14/தூய்மை-இந்தியா-திட்டம்-வெற்றிக்கொடி-நாட்டும்-கீழ்வேளூர்-பேரூராட்சி-3213098.html
3213097 நாகப்பட்டினம் நாகப்பட்டினம் உலக தாய்ப்பால் தின விழிப்புணர்வுப் பேரணி DIN DIN Wednesday, August 14, 2019 05:44 AM +0530 நாகை மாவட்ட குழந்தைகள் வளர்ச்சித் திட்டம் சார்பில் உலக தாய்ப்பால் தின விழிப்புணர்வுப் பேரணி மற்றும் கருத்தரங்கம் அண்மையில் நடைபெற்றது.
நாகை இ.ஜி.எஸ். பிள்ளை பொறியியல் கல்லூரி வளாகத்தில் நடைபெற்ற இந்நிகழ்ச்சிக்கு, குழந்தைகள் வளர்ச்சித்  திட்ட மாவட்ட அலுவலர் என். ராஜம் தலைமை வகித்தார். தாய்ப்பால் தினக் கருத்தரங்கில் நாகை மாவட்ட வருவாய் அலுவலர் மு. இந்துமதி பங்கேற்று தாய்ப்பாலின் அவசியம் குறித்துப் பேசினார். தொடர்ந்து, கொழு, கொழு குழந்தைகளுக்குப் பரிசுகளை வழங்கினார். பின்னர், உலக தாய்ப்பால் தின விழிப்புணர்வுப் பேரணி நடைபெற்றது.
 இந்நிகழ்ச்சிகளில்,  சுகாதாரத் துறை அலுவலர்கள், குழந்தைகள் வளர்ச்சித்  திட்ட வட்டார அலுவலர்கள்  பா. கல்யாணி, எஸ். சித்ரா, என். சாந்தி, சாயிராபானு மற்றும் அங்கன்வாடி பணியாளர்கள், தாய்மார்கள் கலந்துகொண்டனர். குழந்தைகள் வளர்ச்சித் திட்ட அலுவலர் மகாராணி  நன்றி கூறினார்.

]]>
https://www.dinamani.com/all-editions/edition-nagapattinam/nagapattinam/2019/aug/14/உலக-தாய்ப்பால்-தின-விழிப்புணர்வுப்-பேரணி-3213097.html
3213096 நாகப்பட்டினம் நாகப்பட்டினம் மயிலாடுதுறை மாவட்டக் கோரிக்கை: வழக்குரைஞர்கள் குழு அமைப்பு DIN DIN Wednesday, August 14, 2019 05:44 AM +0530 மயிலாடுதுறையை தமிழகத்தின் 36-ஆவது மாவட்டமாக அறிவிக்க தமிழக அரசை தொடர்ந்து வலியுறுத்த, மயிலாடுதுறை வழக்குரைஞர்களால் குழு அமைக்கப்பட்டுள்ளது.
இதுகுறித்து, இக்குழுவின் ஒருங்கிணைப்பாளர் ராம.சேயோன் செவ்வாய்க்கிழமை செய்தியாளர்களிடம் கூறியது: 
மயிலாடுதுறை மாவட்டக் கோரிக்கையை வலியுறுத்தி அமைக்கப்பட்டுள்ள மயிலாடுதுறை மாவட்டத்துக்கான வழக்குரைஞர்கள் குழுவில்,  ஒருங்கிணைப்பாளராக ராம.சேயோன், இணை ஒருங்கிணைப்பாளர்களாக இரா.சுரேஷ், பெ.சிவதாஸ், இரா.க.புகழரசன், துணை ஒருங்கிணைப்பாளர்களாக மு.விவேகானந்தன், பூ.அறிவொளி, ஆர்.வினோத் மற்றும் மக்கள் தொடர்பாளராக செள.சிவச்சந்திரன், வே.விஜயகுமார் ஆகியோர் பணியாற்றுவர். முதற்கட்டமாக, சுதந்திரத் தினத்தன்று நடைபெறும் கிராம சபைக் கூட்டங்களில் மயிலாடுதுறையை மாவட்டமாக்க தமிழக அரசை வலியுறுத்தி தீர்மானம்  நிறைவேற்ற அனைத்து ஊராட்சிகளுக்கும் கோரிக்கை விடுக்கப்படும். மயிலாடுதுறை எம்.பி.யிடம்  கோரிக்கை மனு அளிக்கப்படும்.
மேலும், மயிலாடுதுறை உள்கோட்டத்தில் உள்ள மயிலாடுதுறை, பூம்புகார், சீர்காழி எம்எல்ஏக்களைச் சந்தித்து, மயிலாடுதுறையை மாவட்டத் தலைநகராக அறிவிக்க தமிழக அரசை வலியுறுத்த மனு அளிக்கப்படும். மயிலாடுதுறை உள்கோட்டத்தில் உள்ள அனைத்து தனியார் கல்வி நிறுவன தாளாளர்கள், செயலாளர்கள் மற்றும் கல்விக்குழு கூட்டத்தில் மயிலாடுதுறையை தலைநகராக அறிவிக்க தமிழக அரசை வலியுறுத்தி தீர்மானம் நிறைவேற்ற கேட்டுக்கொள்ளப்படும்.  இறுதியாக, சென்னை உயர்நீதிமன்றத்தை அணுகி ரிட் மனு தாக்கல் செய்து, மயிலாடுதுறையை மாவட்டமாக அறிவிக்க தமிழக அரசுக்கு உரிய உத்தரவு பிறப்பிக்க சட்டப் போராட்டம் நடத்த முடிவு செய்யப்பட்டுள்ளது என்றார் அவர்.


 

]]>
https://www.dinamani.com/all-editions/edition-nagapattinam/nagapattinam/2019/aug/14/மயிலாடுதுறை-மாவட்டக்-கோரிக்கை-வழக்குரைஞர்கள்-குழு-அமைப்பு-3213096.html
3213095 நாகப்பட்டினம் நாகப்பட்டினம் வேதாரண்யத்தில் கலை இலக்கியப் படைப்பரங்கம் DIN DIN Wednesday, August 14, 2019 05:43 AM +0530 வேதாரண்யத்தில் தமிழ்நாடு கலை இலக்கியப் பெருமன்றத்தின் சார்பில் கலை இலக்கியப் படைப்பரங்க நிகழ்ச்சி திங்கள்கிழமை நடைபெற்றது. 
நிகழ்ச்சிக்கு, அமைப்பின் வட்டாரக் கிளைத் தலைவர் தங்க. குழந்தைவேலு தலைமை வகித்தார். பொருளாளர் கோவி. ராசேந்திரன் முன்னிலை வகித்தார். நாகை மாவட்டச் செயலாளர் புயல் சு.குமார், முன்னாள் மாவட்டச் செயலாளர் புலவர் அரு. கந்தசாமி, நல்லாசிரியர் வைரக்கண்ணு, கவிஞர் க. இரமேஷ், தலைமையாசிரியர்கள் இள. தொல்காப்பியன், ஆ.வீ. பாரதி, ஆசிரியர் செந்தில்நாதன், சமூக ஆர்வலர்கள் பொன். தர்மதுரை, லாரா. ஆரோகியசாமி உள்ளிட்டோர் பங்கேற்றுப் பேசினர்.
கவிஞர்கள் புவனேஸ்வரி, ஊமத்தம்பூக்கள் மாதவன், பொன்னுதுரை, பண்டேரிநாதன், குழந்தை அசோக், எஸ். ராமசாமி உள்ளிட்டோர் தங்களது படைப்புகளை விளக்கிப் பேசினர். கூட்டத்தில், ஆகஸ்ட் 17 மற்றும் 18- ஆம் தேதிகளில் மன்னார்குடியில் நடைபெறும் மண்டல அளவிலான பயிலரங்கத்தில் பங்கேற்பது, செப்டம்பர் 15-இல் வேதாரண்யத்தில் மக்கள் கலை விழா நடத்துவது என முடிவு செய்யப்பட்டது.
 

]]>
https://www.dinamani.com/all-editions/edition-nagapattinam/nagapattinam/2019/aug/14/வேதாரண்யத்தில்-கலை-இலக்கியப்-படைப்பரங்கம்-3213095.html
3213094 நாகப்பட்டினம் நாகப்பட்டினம் கச்சத்தீவில் இந்திய தேசியக் கொடியேற்ற வலியுறுத்தல் DIN DIN Wednesday, August 14, 2019 05:43 AM +0530 கச்சத்தீவில் தமிழக மீனவர்களின் உரிமையை நிலை நாட்டவும், தேசப் பாதுகாப்பை உறுதிப்படுத்தவும் சுதந்திரத் தினத்தன்று அங்கு தேசியக் கொடியேற்ற வேண்டும் என இந்து மக்கள் கட்சி வலியுறுத்தியுள்ளது.
இதுகுறித்து, சீர்காழி துணை வட்டாட்சியர் செந்தில்குமாரிடம் இந்து மக்கள் கட்சியின் மாநிலச் செயலாளர் ஜெ.சுவாமிநாதன் உள்ளிட்டோர் வழங்கிய மனு: 
கடந்த 1973- ஆம் ஆண்டு அப்போதைய இந்தியப் பிரதமர் இந்திராகாந்தியால், கச்சத்தீவு இலங்கைக்கு தாரைவார்க்கப்பட்டது. இதுகுறித்து தமிழர்களிடம் கருத்துக்கேட்கவில்லை. இதனால், தமிழர்களை சமரசம் செய்ய கச்சத்தீவை ஒட்டியுள்ள பகுதிகளில் மீன் பிடித்துக் கொள்ளலாம் என்றும், கச்சத்தீவில் உள்ள அந்தோணியார் ஆலய விழாவில் கலந்துகொள்ளலாம் எனவும் தமிழக மீனவர்களிடம் கூறப்பட்டது.
ஆனால், கச்சத்தீவு பகுதியில் மீன் பிடிக்கும் தமிழக மீனவர்களை இலங்கை கடற்படையினர் தொடர்ந்து தாக்கி வருகின்றனர். இதுவரை 500-க்கும் மேற்பட்ட மீனவர்கள் இலங்கை கடற்படையினரால் படுகொலை செய்யப்பட்டுள்ளனர். ஒப்பந்தத்தை மீறி செயல்படும் இலங்கை அரசுக்கு எதிராக இந்திய அரசு தனது எதிர்ப்பைக் கூட பதிவு செய்யவில்லை. 
இந்நிலையில், கச்சத்தீவு பகுதியில் சீனா ராணுவ முகாம் அமைத்துள்ளதால் இந்தியா மிகப் பெரிய ஆபத்தை எதிர்நோக்கியுள்ளது. எனவே, தமிழக மீனவர்களுக்கு கச்சத்தீவில் உள்ள உரிமையை நிலைநாட்டும் வகையிலும், தேசப் பாதுகாப்பை உறுதி செய்யவும் ஆகஸ்ட் 15-ஆம் தேதி சுதந்திரதினத்தன்று கச்சத்தீவில் தேசியக் கொடியேற்றி நமது உரிமையை மீட்டெடுக்க வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-nagapattinam/nagapattinam/2019/aug/14/கச்சத்தீவில்-இந்திய-தேசியக்-கொடியேற்ற-வலியுறுத்தல்-3213094.html
3213093 நாகப்பட்டினம் நாகப்பட்டினம் புதிய கல்விக் கொள்கைக்கு எதிரான புத்தகங்கள் விநியோகம் DIN DIN Wednesday, August 14, 2019 05:43 AM +0530 மத்திய அரசின் புதிய கல்விக் கொள்கைக்கு எதிராக, சீர்காழி பகுதியில் தந்தை பெரியார் திராவிடர் கழகம் சார்பில் புத்தகங்கள் திங்கள்கிழமை வழங்கப்பட்டன.
சீர்காழி, பூம்புகார், புத்தூர் ஆகிய பகுதிகளில் உள்ள கல்லூரி மாணவர்களுக்கும், பொதுமக்களுக்கும் புத்தகங்களை வழங்கினர். இந்த புத்தகத்தில் புதிய கல்விக் கொள்கையால் ஏற்படும் பாதிப்புகள் குறித்து விளக்கப்பட்டிருந்தன. இவற்றை தந்தை பெரியார் திராவிட கழக நாகை மாவட்ட செயலாளர் ப.வ. பெரியார் செல்வம், நகரத் தலைவர் மனோஜ் உள்ளிட்டோர் வழங்கினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/14/புதிய-கல்விக்-கொள்கைக்கு-எதிரான-புத்தகங்கள்-விநியோகம்-3213093.html
3213092 நாகப்பட்டினம் நாகப்பட்டினம் கால்நடை வளர்ப்பு விழிப்புணர்வு DIN DIN Wednesday, August 14, 2019 05:42 AM +0530 சீர்காழி அருகே உள்ள எருக்கூர் கிராமத்தில் கால்நடை வளர்ப்பு பற்றிய விழிப்புணர்வு நிகழ்ச்சி திங்கள்கிழமை நடைபெற்றது.
அண்ணாமலை பல்கலைக்கழக வேளாண்புலம் இறுதியாண்டு (ஜி10) குழு மாணவிகள் எருக்கூர் கிராமத்தில் தங்கி, களப்பயிற்சி மற்றும் ஊரக வேளாண் பயிற்சி மேற்கொண்டு வருகின்றனர். இப்பயிற்சியின் ஒரு பகுதியாக கால்நடை வளர்ப்பு பற்றிய விழிப்புணர்வு நிகழ்ச்சியை நடத்தினர். இந்நிகழ்ச்சியில் பால் உற்பத்தி செய்தல், நோய்களற்ற கால்நடை வளர்ப்பு குறித்து கிராம மக்களுக்கு விளக்கிக் கூறினர். மேலும், கால்நடை வளர்போரிடம்  மாட்டுக்கொட்டகை அமைத்தல், தரமான  கால்நடைகளை தேர்வு செய்தல், கால்நடைகளுக்கு சரியான முறையில் தீவனம் அளித்தல், நோய் தாக்கிய மாடுகளை பராமரித்தல், தூய்மையான முறையில் பால் உற்பத்தி செய்தல் உள்ளிட்டவை குறித்து எடுத்துரைத்தனர்.

]]>
https://www.dinamani.com/all-editions/edition-nagapattinam/nagapattinam/2019/aug/14/கால்நடை-வளர்ப்பு-விழிப்புணர்வு-3213092.html
3213091 நாகப்பட்டினம் நாகப்பட்டினம் மின்கம்பத்தில் கார் மோதி விபத்து DIN DIN Wednesday, August 14, 2019 05:42 AM +0530 திருக்குவளை அரசு வட்டார மருத்துவமனை அருகே இளைஞர் ஓட்டிவந்த கார் மின்கம்பத்தில் மோதி விபத்துக்குள்ளானது.
திருக்குவளை கே.கே. நகரைச் சேர்ந்தவர் பன்னீர்செல்வம் மகன் சித்திரவேல் (32). இவர், செவ்வாய்க்கிழமை இரவு குடிபோதையில் திருக்குவளை கடைத் தெருவிலிருந்து மேலப்பிடாகை செல்லும் சாலையில் காரை ஓட்டிவந்தாராம். திருக்குவளை அரசு வட்டார மருத்துவமனை அருகே வரும்போது சாலையோரம் உள்ள இரண்டு மின் கம்பங்கள் மீது கார் மோதி விபத்துக்குள்ளானது.
இதில் இரண்டு மின்கம்பங்களும் சாய்ந்தன. இதனால், அப்பகுதியில் மின் விநியோகம் தடைபட்டது. காயமடைந்த சித்திரவேல் திருக்குவளை அரசு வட்டார மருத்துவமனையில் சிகிச்சை பெற்றுவருகிறார்.
 

]]>
https://www.dinamani.com/all-editions/edition-nagapattinam/nagapattinam/2019/aug/14/மின்கம்பத்தில்-கார்-மோதி-விபத்து-3213091.html
3213090 நாகப்பட்டினம் நாகப்பட்டினம் மாநில தடகளப் போட்டிக்கு ஏவிசி கல்லூரி மாணவிகள் தகுதி DIN DIN Wednesday, August 14, 2019 05:42 AM +0530 மயிலாடுதுறையை அடுத்த மன்னம்பந்தல் ஏவிசி கல்லூரி மாணவிகள் மாநில அளவிலான தடகளப் போட்டிக்குத் தேர்வு செய்யப்பட்டுள்ளனர்.
கடந்த 10-ஆம் தேதி மயிலாடுதுறையில் நடந்த மாவட்ட அளவிலான தடகளப் போட்டியில், ஏவிசி கல்லூரி மூன்றாமாண்டு பொருளாதார துறையைச் சேர்ந்த மாணவி ஆர்.இந்திராணி 200 மீட்டர் ஓட்டப் பந்தயத்தில் முதலிடமும், இளங்கலை கணிதத் துறை மூன்றாமாண்டு மாணவி பி.பார்கவி 5,000 மீட்டர் ஓட்டப்பந்தயத்தில் முதலிடமும், தமிழ்த் துறை மூன்றாமாண்டு மாணவி டி. அபிதா, குண்டு ஏறிதல் போட்டியில் மூன்றாமிடமும் பெற்று சென்னையில் மாநில அளவில் நடைபெற உள்ள தடகளப் போட்டிக்குத்  தேர்வு செய்யப்பட்டுள்ளனர். மாவட்ட அளவிலான போட்டியில் கலந்துகொண்டு வெற்றி பெற்ற மாணவிகளை கல்லூரியின் ஆட்சி மன்ற குழுத் தலைவர் என்.விஜயரெங்கன், செயலர் கே. கார்த்திகேயன், ஆட்சி மன்ற உறுப்பினர்கள், முதல்வர் ஆர். நாகராஜன், உடற்கல்வி இயக்குநர்கள் ராஜ்குமார், கீதா மற்றும் பேராசிரியர்கள் பாராட்டினர்.
 

]]>
https://www.dinamani.com/all-editions/edition-nagapattinam/nagapattinam/2019/aug/14/மாநில-தடகளப்-போட்டிக்கு-ஏவிசி-கல்லூரி-மாணவிகள்-தகுதி-3213090.html
3213089 நாகப்பட்டினம் நாகப்பட்டினம் உணவகங்களில் நெகிழிப்பைகள் பறிமுதல் DIN DIN Wednesday, August 14, 2019 05:41 AM +0530 நாகை புதிய பேருந்து நிலையம் அருகே உள்ள இரு உணவகங்களிலிருந்து 10 கிலோ எடையிலான நெகிழிப் பைகள் செவ்வாய்க்கிழமை பறிமுதல் செய்யப்பட்டன.
நாகை புதிய பேருந்து நிலையம் அருகே உள்ள 2 உணவகங்களில் தடை செய்யப்பட்ட நெகிழிப் பைகள் பயன்படுத்தப்படுவதாக  உணவுப் பாதுகாப்புத் துறைக்குப் புகார் கிடைத்தது.
இந்தப் புகாரின் பேரில், நாகை நகராட்சி உணவுப் பாதுகாப்பு அலுவலர் ஏ.டி. அன்பழகன், தொடர்புடைய உணவகத்திலும், அதே பகுதியில் செயல்படும் மற்றொரு உணவகத்திலும் செவ்வாய்க்கிழமை திடீர் சோதனை மேற்கொண்டார்.
இந்தச் சோதனையின் போது, அந்த இரு உணவகங்களிலும், தடை செய்யப்பட்ட நெகிழிப் பைகள் பயன்பாட்டில் இருந்தது கண்டுபிடிக்கப்பட்டு, சுமார் 10 கிலோ எடையிலான நெகிழிப் பைகள் பறிமுதல் செய்யப்பட்டன.
இனிவரும் காலங்களிலும் தடை செய்யப்பட்ட நெகிழிப் பைகளை பயன்படுத்தினால், உரிய சட்ட நடவடிக்கை மேற்கொள்ளப்படும் என உணவக நிர்வாகத்துக்கு எச்சரிக்கப்பட்டது.

]]>
https://www.dinamani.com/all-editions/edition-nagapattinam/nagapattinam/2019/aug/14/உணவகங்களில்-நெகிழிப்பைகள்-பறிமுதல்-3213089.html
3213088 நாகப்பட்டினம் நாகப்பட்டினம் மயிலாடுதுறை மாவட்டக் கோரிக்கை: கிராம சபையில் தீர்மானம் நிறைவேற்ற வேண்டுகோள் DIN DIN Wednesday, August 14, 2019 05:41 AM +0530 மயிலாடுதுறையை தலைமையிடமாகக் கொண்டு புதிய மாவட்டம் உருவாக்க தமிழக அரசை வலியுறுத்தி, கிராம சபைக் கூட்டங்களில் தீர்மானம் நிறைவேற்றும்படி முன்னாள் எம்எல்ஏ ஜெகவீரபாண்டியன் கேட்டுக்கொண்டுள்ளார்.
இதுகுறித்து, மயிலாடுதுறை கோட்டத்துக்குள்பட்ட ஊராட்சிகளுக்கு செவ்வாய்க்கிழமை அவர் அனுப்பிய கடிதம்:
மத்திய அரசின் தேசிய கல்விக் கொள்கையை நாங்கள் எதிர்க்கிறோம். கல்வியை மாநில பட்டியலிலேயே நீட்டிக்க வேண்டும். காவிரிப் படுகையில் ஹைட்ரோகார்பன் திட்டத்தை நடைமுறைப்படுத்தக்கூடாது. சீர்காழி, பூம்புகார் மயிலாடுதுறை சட்டப் பேரவைத் தொகுதிகளை உள்ளடக்கி, மயிலாடுதுறையை தலைமையிடமாகக் கொண்டு, புதிய மாவட்டம் அறிவிக்க வேண்டும் ஆகிய கோரிக்கைகளை சுதந்திரத் தினத்தன்று நடைபெறும் கிராம சபைக் கூட்டங்களில் தீர்மானமாக நிறைவேற்றி மத்திய, மாநில அரசுகளுக்கு அனுப்பி வைக்க வேண்டும் என அந்த கடிதத்தில் அவர் வேண்டுகோள் விடுத்துள்ளார்.
 

]]>
https://www.dinamani.com/all-editions/edition-nagapattinam/nagapattinam/2019/aug/14/மயிலாடுதுறை-மாவட்டக்-கோரிக்கை-கிராம-சபையில்-தீர்மானம்-நிறைவேற்ற-வேண்டுகோள்-3213088.html