Dinamani - புதுதில்லி - https://www.dinamani.com/all-editions/edition-new-delhi/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 2644381 அனைத்துப் பதிப்புகள் புதுதில்லி மின் கம்பத்தில் கார் மோதி சிங்கப்பூர் தூதரக ஊழியர் பலி DIN DIN Monday, February 6, 2017 06:00 AM +0530 தில்லியில் மின்கம்பத்தில் கார் மோதிய விபத்தில் சிங்கப்பூர் தூதரக ஊழியர் பலியானார். அவரது மனைவி படுகாயமடைந்தார்.
இதுதொடர்பாக போலீஸ் அதிகாரி ஒருவர் கூறியதாவது:
தில்லியிலுள்ள சிங்கப்பூர் தூதரகத்தில் பணியாற்றி வந்தவர் பேட்ரிக் (24). இவருக்கு அண்மையில்தான் திருமணம் நடைபெற்றது. இந்தத் தம்பதியர் மோதி நகரில் வசித்து வந்தனர்.
இந்நிலையில், பேட்ரிக்கும், அவரது மனைவியும் சிங்கப்பூர் தூதரகத்தில் சனிக்கிழமை இரவு நடைபெற்ற விருந்து நிகழ்ச்சியில் பங்கேற்றனர். பின்னர், அங்கிருந்து மோதி நகருக்கு நள்ளிரவு 1 மணியளவில் இருவரும் காரில் புறப்பட்டனர். காரை பேட்ரிக் ஓட்டினார். செக் குடியரசு நாட்டின் தூதரகம் அருகே சென்றபோது, திடீரென கட்டுப்பாட்டை இழந்த கார், அங்குள்ள மின்கம்பத்தில் மோதி விபத்துக்குள்ளானது.
இதில் படுகாயமடைந்த இருவரும், எய்ம்ஸ் மருத்துவமனைக்கு கொண்டு செல்லப்பட்டனர். அங்கு மருத்துவர்கள் பரிசோதனையில், பேட்ரிக் ஏற்கெனவே இறந்துவிட்டது தெரியவந்தது. அவரது மனைவிக்கு தீவிர சிகிச்சை அளிக்கப்பட்டு வருகிறது. பேட்ரிக் மது போதையில் இருந்தாரா? என்பது பிரேத பரிசோதனை அறிக்கை கிடைத்த பிறகே தெரியவரும் என்றார் அந்த அதிகாரி.

 

]]>
https://www.dinamani.com/all-editions/edition-new-delhi/2017/feb/06/மின்-கம்பத்தில்-கார்-மோதி-சிங்கப்பூர்-தூதரக-ஊழியர்-பலி-2644381.html
2643793 அனைத்துப் பதிப்புகள் புதுதில்லி எய்ம்ஸ் நோயாளிகள் அதிருப்திக்கு பணியாளர்களின் நடத்தையே முக்கிய காரணம் DIN DIN Sunday, February 5, 2017 12:01 AM +0530 எய்ம்ஸ் நோயாளிகள் அதிருப்தி அடைவதற்கு, மருத்துவமனைப் பணியாளர்களின் நடத்தை முக்கிய காரணமாக இருப்பதாக அங்கு மேற்கொள்ளப்பட்ட கருத்தை அறியும் நடவடிக்கையின் மூலம் தெரியவந்துள்ளது.
இதுகுறித்து, எய்ம்ஸ் நிர்வாகம் வெளியிட்டுள்ள அறிக்கையில் கூறப்பட்டுள்ளதாவது:
பொதுச் சுகாதாரச் சேவை குறித்து பொது மக்களின் கருத்தை அறியும் வகையில் "எனது மருத்துவமனை' என்ற பெயரிலான முயற்சியை மத்திய சுகாதாரத் துறை அமைச்சர் ஜே.பி.நட்டா கடந்த ஆண்டு தொடக்கி வைத்தார்.
அதனடிப்படையில் முதல் கட்டமாக, கடந்த 2015-ஆம் ஆண்டு அக்டோபர் 20-ஆம் தேதி வரையில் எய்ம்ஸ் மருத்துவமனைக்கு வந்த 95,847 பேரிடம் கருத்து கேட்கப்பட்டது. அதில் 67 சதவீதம் பேர் எய்ம்ஸ் மருத்துவமனையின் சேவை "மிகத் திருப்தி' மற்றும் "திருப்தி' அளிப்பதாக கருத்து தெரிவித்துள்ளனர். அதேவேளையில் 33 சதவீதம் பேர் அதிருப்தி தெரிவித்துள்ளனர்.
இந்நிலையில், இரண்டாம் கட்டமாக கடந்த ஆண்டு (2016) அக்டோபர் 21 முதல் டிசம்பர் 4-ஆம் தேதி வரையில் எய்ம்ஸ் வந்தவர்களில் 45,481 பேரிடம் கருத்து பெறப்பட்டது. அதில், "மிகத் திருப்தி' மற்றும் "திருப்தி' அளிப்பதாக கருத்து தெரிவித்தோரின் அளவு 78 சதவீதமாக அதிகரித்துள்ளது. மாறாக, அதிருப்தி தெரிவித்தவர்களின் அளவு 22 சதவீதமாக குறைந்துள்ளது.
இதில், எய்ம்ஸ் சேவையில் அதிருப்தி தெரிவித்தவர்களில் பெரும்பான்மையானோர், மருத்துவமனைப் பணியாளர்களின் நடத்தையையே முக்கிய காரணமாக குறிப்பிட்டுள்ளனர் என்று அந்த அறிக்கையில் கூறப்பட்டுள்ளது.
எங்களுக்கான எச்சரிக்கை: இதனிடையே, மக்களின் இத்தகைய கருத்து குறித்து எய்ம்ஸ் நிர்வாக துணை இயக்குநர் வி.ஸ்ரீனிவாஸ் கூறியதாவது:
"எனது மருத்துவமனை' நடவடிக்கையின் மூலம் மக்களிடமிருந்து கிடைத்துள்ள கருத்து, எங்களுக்கான சிவப்புக் கொடி எச்சரிக்கையாகும். நோயாளிகளின் எதிர்பார்ப்பை பூர்த்தி செய்யும் நடவடிக்கைகளை மேற்கொள்வோம்.
"எனது மருத்துவமனை' நடவடிக்கை மூலம் கிடைக்கப்பெற்ற துறை வாரியான தகவல்கள் கிடைத்தால், அதைக் கொண்டு தொடர்புடைய பிரிவுகளை மேம்படுத்த நடவடிக்கை எடுக்க உதவியாக இருக்கும். இதுதொடர்பாக சுகாதாரத் துறை அமைச்சகத்துடன் கலந்தாலோசிப்போம் என்று ஸ்ரீனிவாஸ் கூறினார்.

]]>
https://www.dinamani.com/all-editions/edition-new-delhi/2017/feb/05/எய்ம்ஸ்-நோயாளிகள்-அதிருப்திக்கு-பணியாளர்களின்-நடத்தையே-முக்கிய-காரணம்-2643793.html
2643792 அனைத்துப் பதிப்புகள் புதுதில்லி எண்ணெய் படலம் கசிவு விவகாரத்தில் மக்களைத் தவறாக வழி நடத்தக் கூடாது DIN DIN Sunday, February 5, 2017 12:00 AM +0530 சென்னை எண்ணூர் கடலில் எண்ணெய் கசிவு விவகாரம் குறித்து தவறான தகவல்களைத் தெரிவித்து மக்களைத் தவறாக வழிநடத்தக் கூடாது என்று மாநிலங்களவையில் திமுக உறுப்பினர் திருச்சி சிவா வலியுறுத்தினார்.
இது தொடர்பாக மாநிலங்களவையில் அவர் வெள்ளிக்கிழமை பேசியதாவது: சென்னை எண்ணூர் கடல் பகுதியில் 32,813 டன் கச்சா எண்ணெய் ஏற்றி வந்த கப்பலில் இருந்து இதுவரை 30,013 டன் எண்ணெய் வெளியேற்றப்பட்டுள்ளதாகவும் மீதம் 2,800 டன் கச்சா எண்ணெய் மட்டுமே உள்ளதாகவும் கூறப்படுகிறது. இந்த விவகாரத்தில் சென்னை துறைமுகம் அளித்த முதல் கட்ட தகவலில் வெறும் ஒரு டன் எண்ணெய் மட்டுமே கடலில் கசிந்ததாகக் கூறியது. அத்துறையின் மற்றொரு அதிகாரி, 20 டன் என்று குறிப்பிட்டார். இப்போது கடலில் கலந்துள்ள கச்சா எண்ணெய்யில் 65 டன் அளவுக்கு வெளியேற்றப்பட்டுள்ளதாகவும் இதில் 20 டன் எண்ணெய் "சூப்பர் சக்கர்' எனும் குழாய் வழியாக எண்ணெய்யை வெளியேற்றும் கருவி மூலம் உறிஞ்சி எடுத்ததாகவும் கூறப்பட்டுள்ளது.
இந்தச் சம்பவத்தால் கடல் வாழ் உயிரினங்கள், அரிய வகை உயிரினங்கள் போன்றவை பெருமளவில் அழிந்துள்ளன.
சில நாள்களுக்கு முன்பு ஜல்லிக்கட்டுக்கு ஆதரவாக சென்னை மெரினா கடற்கரையில் போராடிய ஒரு தரப்பினர் பக்கெட் மூலம் எண்ணெய் கசிவை வெளியேற்ற முயன்றனர். உலக அளவில் எவ்வளவோ உயர் தொழில்நுட்பம் உள்ள நிலையில், இன்னும் நம் நாட்டில் கடலில் கலந்த எண்ணெய் கசிவை பக்கெட் மூலம் அகற்றும் அவலம் தொடருகிறது.
இந்த விவகாரத்தில் சம்பந்தப்பட்ட துறையின் இணையமைச்சர் (பொன்.ராதாகிருஷ்ணன்) 80 சதவீத எண்ணெய் கசிவு படலம் அகற்றப்பட்டுள்ளதாகக் கூறுகிறார். ஆனால், யதார்த்தத்தில் அவ்வாறு இல்லை என்பதை களத்தில் ஆய்வு செய்யும் போது உணர முடிகிறது.
எண்ணூர் துறைமுகத்தில் கசிந்த எண்ணெய் படலம், மெரினா கடற்கரை, மாமல்லபுரம் கடற்கரை பகுதி வரை விரிவடைந்துள்ளது. போர்க்கால அடிப்படையில் இந்தப் பிரச்னையை மத்திய அரசு அணுக வேண்டும். இந்த விஷயத்தில் மக்களைத் தவறாக வழிநடத்தக் கூடாது. எண்ணெய் கசிவு படலம் அகற்றும் விஷயத்தில் உண்மையான தகவலை மட்டுமே அதிகாரிகள் தரப்பு வெளியிட வேண்டும் என்றார் திருச்சி சிவா.

 

]]>
https://www.dinamani.com/all-editions/edition-new-delhi/2017/feb/05/எண்ணெய்-படலம்-கசிவு-விவகாரத்தில்-மக்களைத்-தவறாக-வழி-நடத்தக்-கூடாது-2643792.html
2622243 அனைத்துப் பதிப்புகள் புதுதில்லி தலைநகரில் தொடரும் அடர் பனிமூட்டம்: 37 ரயில்கள் தாமதம் DIN DIN Tuesday, December 27, 2016 12:00 AM +0530 தில்லியில் திங்கள்கிழமையும் குளிரின் தாக்கம் தொடர்ந்தது.
தில்லி உள்பட வடமாநிலங்களில் கடும் குளிர், அடர் பனிமூட்டம் காரணமாக ரயில் சேவையில் பாதிப்பு ஏற்பட்டதாக வடக்கு ரயில்வே அதிகாரி ஒருவர் தெரிவித்தார்.  இருப்பினும், விமான சேவையில் பாதிப்பு ஏதும் ஏற்படவில்லை என்று இந்திரா காந்தி சர்வதே விமான நிலைய வட்டாரங்கள் தெரிவித்தன.  கடந்த வாரத் தொடக்கத்தில் இருந்தே தில்லி உள்ளிட்ட வடமாநிலங்களில் குளிர் காற்று வீசி வருகிறது. குளிர் காற்றுடன் பனிமூட்டமும் சேர்ந்துள்ளதால் காலை வேளைகளில் வாகன ஓட்டிகள் மிகுந்த சிரமத்திற்கு உள்ளாகி வருகின்றனர். மேலும், அடர் பனிமூட்டம் காரணமாக ரயில் சேவையிலும் தொடர்ந்து பாதிப்பு ஏற்பட்டு வருகிறது.
 கடந்த ஐந்து ஆண்டுகளில் இல்லாத வகையில் ஞாயிற்றுக்கிழமை தில்லியில் அதிகபட்ச வெப்பநிலை 15.4 டிகிரியாகவும், குறைந்தபட்ச வெப்பநிலை 11.5 டிகிரியாகவும் இருந்தது. இந்நிலையில், திங்கள்கிழமை அதிகபட்ச வெப்பநிலை 20 டிகிரி செல்சியஸாக காணப்பட்டது. குறைந்தபட்ச வெப்பநிலை பருவ சராசரியைவிட 2 டிகிரி உயர்ந்து 9.8 டிகிரி செல்சியஸாக இருந்தது. காலை 8.30 மணியளவில் காற்றில் ஈரப்பதத்தின் அளவு 100 சதவீதமாக இருந்தது. சஃப்தர்ஜங் பகுதியில் காலை 5.30 மணிளவில் 600 மீட்டராக  இருந்த காண்பு திறன் அளவு காலை 8.30 மணியளவில் 400 மீட்டராகக் குறைந்தது.
அதேபோன்று, பாலம் பகுதியில் காலை 5.30 மணியளவில் காண்புதிறன் பூஜ்யமாக இருந்த நிலையில், காலை 8.30 மணியளவில் 100 மீட்டராக உயர்ந்தது.  இதன் காரணமாக ரயில் சேவையில் கடும் பாதிப்பு ஏற்பட்டுள்ளது. சுமார் 37 ரயில்கள் காலதாமதமாகச் சென்றதாகவும், 6 ரயில்களின் பயண நேரம் மாற்றி அமைக்கப்பட்டதாகவும் வடக்கு ரயில்வே தெரிவித்தது. இருப்பினும் விமான சேவையில் எந்தப் பாதிப்பும் ஏற்படவில்லை என இந்திர காந்தி சர்வதேச விமான நிலையத்தின் வட்டாரங்கள் தெரிவித்தன.

 

]]>
https://www.dinamani.com/all-editions/edition-new-delhi/2016/dec/27/தலைநகரில்-தொடரும்-அடர்-பனிமூட்டம்-37-ரயில்கள்-தாமதம்-2622243.html
2606101 அனைத்துப் பதிப்புகள் புதுதில்லி டிடிஇஏ பள்ளிகளில் சமூக நல்லிணக்க வாரம் கடைப்பிடிப்பு DIN DIN Monday, November 28, 2016 12:00 AM +0530 தில்லி தமிழ்க் கல்விக் கழக (டிடிஇஏ) பள்ளிகளில் சமூக நல்லிணக்க வாரம் கடந்த 19 முதல் 25-ஆம் தேதி வரை கடைப்பிடிக்கப்பட்டது.
இதையொட்டி, தில்லியில் உள்ள டிடிஇஏ பள்ளிகளில் தேசிய ஒற்றுமை தினம், தாழ்த்தப்பட்டவர்கள் நல்வாழ்வு தினம், மொழி ஒற்றுமை தினம், கலை வளர்ச்சி தினம், சுற்றுச்சூழல் பாதுகாப்பு தினம், அரசியல் சாசன தினம், மூவர்ணக் கொடி தினம் கொண்டாடப்பட்டது. இதையொட்டி, அந்தந்த மாணவர்களிடம் சமூக விழிப்புணர்வை ஏற்படுத்தும் நோக்கில் டிடிஇஏ பள்ளிகளில் பல்வேறு நிகழ்ச்சிகளுக்கு ஏற்பாடு செய்யப்பட்டிருந்தது.
அந்தந்தப் பள்ளிகளில் மாணவர்கள் உரை நிகழ்த்தினர். மேலும், மாணவர்கள் பல்வேறு வாசகங்கள் அடங்கிய பதாகைகளை ஏந்தி விழிப்புணர்வை ஏற்படுத்தினர். இது குறித்து டிடிஇஏ செயலர் ஆர்.ராஜு கூறுகையில், "இதுபோன்ற நிகழ்ச்சிகள் பள்ளி மாணவர்களிடையே, சமூகம் குறித்த புரிதலையும், நல்லுணர்வையும் ஏற்படுத்தும்' என்றார்.
அந்தந்தப் பள்ளிகளில் நடைபெற்ற நிகழ்ச்சிகளில் பள்ளி முதல்வர்கள் ராஜி கமலாசணன், சித்ரா வாசகம், ஹரி கிருஷ்ணன், துணை முதல்வர்கள் உமா ரவி, காயத்ரி, மீனா சகானி, ஈஸ்வரி ஆகியோர் இத்தினங்கள் குறித்து மாணவர்களுக்கு எடுத்துரைத்தனர்.

 

]]>
https://www.dinamani.com/all-editions/edition-new-delhi/2016/nov/28/டிடிஇஏ-பள்ளிகளில்-சமூக-நல்லிணக்க-வாரம்-கடைப்பிடிப்பு-2606101.html
2602543 அனைத்துப் பதிப்புகள் புதுதில்லி ரயில் விபத்து: குற்றவாளிகள் மீது கடும் நடவடிக்கை: சுரேஷ் பிரபு உறுதி DIN DIN Tuesday, November 22, 2016 12:00 AM +0530 கான்பூர் ரயில் விபத்துக்கு காரணமானவர்கள் மீது கடும் நடவடிக்கை எடுக்கப்படும் என்று மக்களவையில் ரயில்வே அமைச்சர் சுரேஷ் பிரபு திங்கள்கிழமை உறுதியளித்தார்.
உத்தரப்பிரதேச மாநிலம், கான்பூர் அருகே ஞாயிற்றுக்கிழமை நிகழ்ந்த ரயில் விபத்தில் 142 பேர் உயிரிழந்தனர். நூற்றுக்கும் மேற்பட்டோர் படுகாயம் அடைந்தனர். இந்த நிலையில், மக்களவையில் எதிர்க்கட்சி உறுப்பினர்களின் அமளிக்கு இடையே, இந்த விபத்து குறித்து ரயில்வே அமைச்சர் சுரேஷ் பிரபு தாமாக முன்வந்து விளக்கம் அளித்தார். விபத்து நேரிட்ட இடத்தில் ரயில்வே துறை மேற்கொண்டுள்ள மீட்பு, நிவாரணப் பணிகளை அவர் பட்டியலிட்டார். அவர் மேலும் கூறியதாவது:
ரயில் விபத்துக்கான சரியான காரணத்தைக் கண்டறிவதற்காக, ரயில்வே பாதுகாப்பு ஆணையரின் விசாரணைக்கு உத்தரவிடப்பட்டுள்ளது. அதிநவீன தொழில்நுட்ப, தடயவியல் ஆய்வுகளின் அடிப்படையில் தனி புலனாய்வுக் குழு விசாரணை நடத்தும். விபத்துக்குக் காரணமானவர்கள் மீது கடுமையான நடவடிக்கை எடுக்கப்படும்.
விபத்தில் உயிரிழந்தவர்களின் குடும்பத்தினருக்கு தலா ரூ.3.5 லட்சமும், பலத்த காயமடைந்தவர்களுக்கு தலா ரூ.50 ஆயிரமும் இழப்பீடு வழங்கப்படும்.
இதுதவிர, பிரதமர் மோடி தனது நிவாரண நிதியிலிருந்து, உயிரிழந்தவர்களின் குடும்பத்தினருக்கு தலா ரூ.2 லட்சமும், காயமடைந்தவர்களுக்கு தலா ரூ.50 ஆயிரம் ரூபாயும் வழங்கப்படும் என்று அறிவித்துள்ளார்.
பாதுகாப்பு அம்சங்கள் குறைவாக உள்ள பழைய ரயில் பெட்டிகளுக்கு மாற்றாக புதிய ரயில் பெட்டிகள் படிப்படியாக அறிமுகப்படுத்தப்படும் என்று கடந்த ரயில்வே பட்ஜெட்டில் அறிவித்திருந்தேன். இந்நிலையில், புதிய ரயில் பெட்டிகளை அறிமுகப்படுத்தும் பணிகள் விரைவுபடுத்தப்படும் என்றார் அவர்.

]]>
https://www.dinamani.com/all-editions/edition-new-delhi/2016/nov/22/ரயில்-விபத்து-குற்றவாளிகள்-மீது-கடும்-நடவடிக்கை-சுரேஷ்-பிரபு-உறுதி-2602543.html
2587538 அனைத்துப் பதிப்புகள் புதுதில்லி பெண் மீது துப்பாக்கிச் சூடு DIN DIN Wednesday, October 26, 2016 05:39 AM +0530 தென்மேற்கு தில்லி, நஜஃப்கர்க் பகுதியில் அடையாளம் தெரியாதவர் துப்பாக்கியால் சுட்டதில் பெண் ஒருவர் காயமடைந்ததாக போலீஸார் தெரிவித்தனர்.
 இது குறித்து காவல் துறை உயரதிகாரி கூறியதாவது:
தில்லியில் உள்ள டிராவல் ஏஜென்சியில் வேலைபார்த்து வருபவர் ரீனா (32). அவர் திங்கள்கிழமை காலை 7.30 மணியளவில்  நஜஃப்கர்க் பகுதியில் சென்று கொண்டிருந்தார்.
அப்போது, அவரை நோக்கி அடையாளம் தெரியாத ஒருவர் துப்பாக்கியால் சுட்டார். இதில் அப்பெண்ணுக்கு தோள்பட்டையில் பலத்த காயமேற்பட்டது. அவர் உடனடியாக மருத்துவமனையில் அனுமதிக்கப்பட்டார்.
அவரது உடல்நிலை சீராக உள்ளது. இது தொடர்பாக வழக்குப் பதிவு செய்யப்பட்டுள்ளது. அவர் மீது துப்பாக்கியால் சுட்டவர் அடையாளம் காணப்பட்டுள்ளார். அவர் விரைவில் பிடிபடுவார் என்றார் அந்த அதிகாரி.

 

 

]]>
https://www.dinamani.com/all-editions/edition-new-delhi/2016/oct/26/பெண்-மீது-துப்பாக்கிச்-சூடு-2587538.html
2556578 அனைத்துப் பதிப்புகள் புதுதில்லி தேசியக் கொடியை அவமதிக்கும் செயல்களில்  ஈடுபடக் கூடாது: மத்திய உள்துறை அறிவுறுத்தல் dn DIN Monday, August 15, 2016 03:23 AM +0530 புது தில்லி:  நம் நாட்டின் தேசியக் கொடி மற்றும் தேசியச் சின்னங்களை அவமதிக்கும் செயல்களில் பொதுமக்கள் யாரும் ஈடுபடக் கூடாது என்று மத்திய உள்துறை அமைச்சகம் அறிவுறுத்தியுள்ளது.
 இதுதொடர்பாக மத்திய உள்துறை அமைச்சகம் வெளியிட்டுள்ள செய்திக்குறிப்பு: இந்திய கொடி கோட்பாடு 2002, தேசியச் சின்னங்கள் அவமதிப்பு தடுப்புச் சட்டம் 1971 பிரிவு 2-இன்படி, தேசிய சின்னங்களுக்கு உரிய மரியாதையை அளிக்க வேண்டும் என்று குறிப்பிடப்பட்டுள்ளது. எனவே, பொது இடங்களில் தேசியக் கொடியை எரிப்பது, சேதம் விளைவிப்பது, இழிவுப்படுத்துதல் போன்ற செயல்களில் ஈடுபடுவோர் மீது கடும் நடவடிக்கை எடுக்கப்படும். இச்செயல்களில் ஈடுபடுவோருக்கு மூன்றாண்டு சிறைத் தண்டனை, அபராதம் விதிக்க சட்டத்தில் வழிவகுக்கப்பட்டுள்ளது.
 தேசியக் கொடிக்கும், தேசியச் சின்னங்களுக்கும் உரிய மரியாதை அளிப்பது தொடர்பாக பொதுமக்களிடம் போதிய விழிப்புணர்வை மேற்கொள்ள மாநில அரசுகள் நடவடிக்கை எடுக்க வேண்டும். மேலும், தேசிய, கலாசார, விளையாட்டு விழாக்கள் நடைபெறும் போது பிளாஸ்டிக், காகிதங்களாலான தேசியக் கொடியை பொதுமக்கள் பயன்படுத்துகின்றனர். ஆனால், நிகழ்வுகள் முடிவுற்ற பிறகு தேசியக் கொடியை பலர் தூக்கி எறிந்துவிட்டுச்  செல்கின்றனர். எனவே, தேசியக் கொடிக்கு உரிய கண்ணியமும் மரியாதையும் அளிக்கும் வகையில் அவற்றைத் தூக்கி எறியாமல், முறையாக அகற்ற பொதுமக்கள் அறிவுறுத்தப்பட வேண்டும்.
 மேலும், மக்காத தன்மை கொண்ட பிளாஸ்டிக் பொருள்களை பயன்படுத்தினால், நிலம் மாசு அடையும் நிலை உருவாகும். எனவே, சுதந்திர தினத்தன்று பிளாஸ்டிக் தேசியக் கொடிகளை பயன்படுத்துவதை பொதுமக்கள் தவிர்க்க வேண்டும் என்று அந்த செய்திக் குறிப்பில் கேட்டுக் கொள்ளப்பட்டுள்ளது.

]]>
https://www.dinamani.com/all-editions/edition-new-delhi/2016/aug/15/தேசியக்-கொடியை-அவமதிக்கும்-செயல்களில் -ஈடுபடக்-கூடாது-மத்திய-உள்துறை-அறிவுறுத்தல்-2556578.html
2553815 அனைத்துப் பதிப்புகள் புதுதில்லி தில்லி-மும்பை இடையே சோதனை ஓட்டம்: 17 நிமிடங்கள் தாமதமாக சென்ற "டால்கோ' ரயில்! புது தில்லி Sunday, August 7, 2016 12:53 AM +0530 தில்லியில் இருந்து மும்பைக்கு சோதனை ஓட்டமாக இயக்கப்பட்ட "டால்கோ' அதிவேக ரயில், நிர்ணயிக்கப்பட்ட நேரத்தை விட 17 நிமிடங்கள் தாமதமாக சென்றடைந்தது.

இதுதொடர்பாக ரயில்வே உயரதிகாரி ஒருவர் கூறியதாவது:

ஸ்பெயின் தயாரிப்பான "டால்கோ' ரயிலின் சோதனை ஓட்டம், புது தில்லி ரயில் நிலையத்தில் இருந்து வெள்ளிக்கிழமை பிற்பகல் 2.47 மணிக்கு தொடங்கியது. இலகு ரக 9 பெட்டிகளுடன் கூடிய இந்த ரயில், மணிக்கு 130 கி.மீ. வேகத்தில் இயக்கப்பட்டது. 12 மணி நேரம் 36 நிமிடத்தில் மும்பை ரயில் நிலையத்தை அடைய இலக்கு நிர்ணயிக்கப்பட்டிருந்த நிலையில், 17 நிமிடங்கள் தாமதமாக சனிக்கிழமை அதிகாலை 3.40 மணியளவில் மும்பையை அடைந்தது.

தில்லி - மும்பை வழித்தடத்தில் இன்னும் இருமுறை டால்கோ ரயிலின் சோதனை ஓட்டங்கள் நடைபெறவிருக்கின்றன. மணிக்கு 140 கி.மீ. வேகத்தில் 9-ஆம் தேதியன்றும், 14-ஆம் தேதியன்றும் சோதனை ஓட்டங்கள் நடைபெறவுள்ளன.

தில்லியில் இருந்து மும்பை செல்வதற்கு (1,384 கி.மீ. தொலைவு) ராஜதானி ரயில் 16 மணிநேரம் எடுத்துக்கொள்கிறது. டால்கோ ரயில் பயன்பாட்டுக்கு வரும்போது, 12 மணி நேரத்துக்குள் மும்பை சென்றுவிடலாம்.

டால்கோ ரயிலின் முதல்கட்ட சோதனை ஓட்டம், உத்தரப் பிரதேச மாநிலம், பரேலி-மொராதாபாத் இடையே நடைபெற்றது. இரண்டாவது கட்ட சோதனை ஓட்டம், பல்வல் - மதுரா இடையே நடைபெற்றது. தற்போது மூன்றாவது கட்டமாக தில்லி - மும்பை இடையே நடைபெற்று வருகிறது என்றார் அந்த அதிகாரி.

 

]]>
https://www.dinamani.com/all-editions/edition-new-delhi/2016/aug/07/தில்லி-மும்பை-இடையே-சோதனை-ஓட-2553815.html
2553813 அனைத்துப் பதிப்புகள் புதுதில்லி குர்கான்: வெளிநாட்டினர் குறித்து தகவல் தெரிவிக்காத ஹோட்டல் நிர்வாகிகள் கைது குர்கான் Sunday, August 7, 2016 12:53 AM +0530 குர்கானில் வெளிநாட்டினர் தங்கியிருப்பது குறித்து போலீஸுக்கு தகவல் தெரிவிக்காத ஹோட்டல்களின் உரிமையாளர்கள், மேலாளர் என மூவர் கைது செய்யப்பட்டனர்.

சுதந்திர தினத்தை முன்னிட்டு, குர்கானிலுள்ள ஹோட்டல்களில் போலீஸார் வெள்ளிக்கிழமை இரவு அதிரடிச் சோதனை மேற்கொண்டனர். அப்போது, காபூல் ஹோட்டல், கிரேஸ் ஹோட்டல், ஹெரிட்டேஜ் கெஸ்ட் ஹவுஸ் ஆகிய 3 ஹாட்டல்களில் வெளிநாட்டினர் தங்கியிருப்பதும், இதுதொடர்பாக போலீஸுக்கு தகவல் தெரிவிக்கப்படவில்லை என்பதும் கண்டறிப்பட்டது.

இதையடுத்து, காபூல் ஹோட்டலின் உரிமையாளர் கைது செய்யப்பட்டார். அந்த ஹோட்டலில் தங்கியிருந்த ஆப்கானிஸ்தானைச் சேர்ந்த ஷாம் ஹபீப் (33) என்பவரது விசா காலாவதியாகிவிட்டதும், அவர் சட்டவிரோதமாக இந்தியாவில் தங்கியிருப்பதும் தெரியவந்ததையடுத்து, அவரும் கைது செய்யப்பட்டார்.

இதேபோல, கிரேஸ் ஹோட்டலின் மேலாளர், ஹெரிடேஜ் கெஸ்ட் ஹவுஸின் உரிமையாளர் ஆகியோரும் கைது செய்யப்பட்டனர். கைதான அனைவரும் நீதிமன்றத்தின் உத்தரவின்பேரில் சிறையிலடைக்கப்பட்டனர்.

 

]]>
https://www.dinamani.com/all-editions/edition-new-delhi/2016/aug/07/குர்கான்-வெளிநாட்டினர்-குற-2553813.html
2553812 அனைத்துப் பதிப்புகள் புதுதில்லி தில்லிக்கு முழு மாநில அந்தஸ்து வழங்க மார்க்சிஸ்ட வலியுறுத்தல் புது தில்லி, Sunday, August 7, 2016 12:52 AM +0530 தில்லிக்கு முழு மாநில அந்தஸ்து வழங்க வேண்டும் என்று மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.

இது குறித்து அக்கட்சியின் தில்லி செயலாளர் கே.எம். திவாரி சனிக்கிழமை வெளியிட்ட அறிக்கையின் விவரம்: தில்லியின் ஆட்சி அதிகாரம் துணைநிலை ஆளுநருக்குத்தான் உள்ளது என்று உயர் நீதிமன்றம் அளித்த தீர்ப்பை மார்க்சிஸ்ட் கம்யூனிஸ்ட் கட்சி கவலையுடன் பார்க்கிறது. மத்திய அரசின் சார்பாக துணைநிலை ஆளுநர் செயல்பட வேண்டும் என்பது வழக்கத்தில் உள்ள நடைமுறை. அந்த வகையில், மக்களால் தேர்ந்தெடுக்கப்பட்ட அரசின் செயல்பாடுகள் மீது துணைநிலை ஆளுநர் தனது விருப்பு, வெறுப்புக்கு ஏற்றவாறு இறுதி முடிவு எடுக்க முடியும். இதனால், மக்களுக்கு அளித்த வாக்குறுதிகளை நிறைவேற்ற முடியாமலும், அதைச் செயல்படுத்த முடியாமலும் தோல்வி அடைந்ததற்காக வருத்தம் தெரிவிக்கக் கூடிய நிலை ஆளும் அரசுக்கு ஏற்படுகிறது.

தில்லிக்கு இயல்பிலேயே அளிக்கப்பட்ட அந்தஸ்துதான் இதற்குக் காரணம். சட்டம் ஒழுங்கு பராமரிப்பு, காவல் துறை, நிலம் உள்ளிட்டவை தில்லி அரசின் ஆளுகையின் கீழ் அல்லாமல் மத்திய அரசிடம் உள்ளது. தில்லிக்கு முழு மாநில அந்தஸ்து அளிப்பதாக பொய்யான வாக்குறுதி அளித்த காங்கிரஸ், பாஜக ஆகியவைதான் இந்நிலைமைக்கு முழுமையாகப் பொறுப்பேற்க வேண்டும்.

இந்நிலையில், தனது தோல்விகளை மறைக்கும் வகையில் மத்தியில் ஆளும் அரசை விமர்சிக்க ஒரு கருவியாக தில்லிக்கு முழு மாநில அந்தஸ்து கோரும் விவகாரத்தை ஆம் ஆத்மி அரசு எழுப்பி வருவது துரதிருஷ்டவசமானது.

இருப்பினும் தில்லிக்கு முழு மாநில அந்தஸ்து வழங்க வேண்டும் என்ற கோரிக்கையை மார்க்சிஸ்ட் கம்யூனிஸ்ட் கட்சி ஆதரிக்கிறது. இதனடிப்படையில் நாடாளுமன்றம், மத்திய அரசு அலுவலகங்கள், தூதரகங்கள் உள்ளிட்டவை அமைந்துள்ள புது தில்லி முனிசிபல் கவுன்சில் (என்டிஎம்சி) பகுதியை மத்திய அரசின் கட்டுப்பாட்டிலும், எஞ்சியுள்ள பகுதிகள் தில்லி அரசின் கட்டுப்பாட்டிலும் இருக்க வேண்டும். பிற மாநிலங்களுக்கு உள்ள அனைத்து உரிமைகளும் தில்லி அரசுக்கு அளிக்கப்பட வேண்டும். மக்களால் தேர்வு செய்யப்பட்ட அரசு மூலம் ஆட்சி நடைபெற வேண்டும். ஆனால், அதில் இறுதி முடிவு எடுப்பவர் ஆளுநராக இருக்கக் கூடாது என்று திவாரி குறிப்பிட்டுள்ளார்.

 

]]>
https://www.dinamani.com/all-editions/edition-new-delhi/2016/aug/07/தில்லிக்கு-முழு-மாநில-அந்தஸ-2553812.html
2553811 அனைத்துப் பதிப்புகள் புதுதில்லி தில்லி, என்சிஆர் இக்னோ மைய மாணவர்களுக்கு ஆக. 12-இல் வளாக வேலைவாய்ப்பு நேர்காணல் புது தில்லி Sunday, August 7, 2016 12:52 AM +0530 தில்லி, தேசியத் தலைநகர் வலயப் பகுதிகளில் உள்ள இந்திரா காந்தி தேசிய திறந்தநிலை பல்கலைக்கழகத்தின் (இக்னோ) மையங்களில் இறுதியாண்டு பட்டப் படிப்பு பயிலும் மாணவர்களுக்கு வரும் 12-ஆம் தேதி (வெள்ளிக்கிழமை) வளாக வேலைவாய்ப்பு நேர்காணலுக்கு ஏற்பாடு செய்யப்பட்டுள்ளது.

இது குறித்து இக்னோ பல்கலைக்கழகத்தின் வளாக வேலைவாய்ப்புப் பிரிவின் இயக்குநர் (பொறுப்பு) மனோஜ் குல்ஷெரஸ்தா வெளியிட்ட செய்திக்குறிப்பு: தில்லி, தேசியத் தலைநகர் வலயப் பகுதிகள் மற்றும் அதைச் சுற்றியுள்ள கர்னால், அலிகர், சண்டீகர், டேராடூன், கன்னா, ஜெய்ப்பூர் ஆகிய பகுதிகளில் உள்ள இந்திரா காந்தி தேசிய திறந்தநிலை பல்கலைக்கழகத்தின் மண்டல மையங்களின் உதவியுடன் பல்கலைக்கழகத்தின் வேலைவாய்ப்புப் பிரிவு சார்பில் வளாக வேலைவாய்ப்பு நேர்காணலுக்கு ஏற்பாடு செய்யப்பட்டுள்ளது. தில்லி மைதான் கரியில் அமைந்துள்ள பல்கலைகழக வளாகத்தில் ஆகஸ்ட் 12-ஆம் தேதி இந்த வளாக வேலைவாய்ப்பு நேர்காணல் நடத்தப்படும்.

ஜூலை 2015-ஆம் ஆண்டு பதிவு செய்து, ஜனவரி 2016, ஜூலை 16 காலத்தில் பி.ஏ., பி.காம்., பி.எஸ்சி., பி.எஸ்.டபுள்யு., பி.சி.ஏ., பி.டி.எஸ்., எம்.ஏ.எச்., எம்.பி.எஸ், எம்.இ.ஜி., எம்.பி.ஏ., எம்.எஸ்.டபுள்யு., எம்.டி.எம்., எம்.காம்., ஆகிய படிப்புகளில் இறுதி ஆண்டு பயிலும் மாணவர்கள் இந்த வேலைவாய்ப்பு நேர்காணலில் பங்கேற்கலாம்.

நவ்ஜோதி குளோபல் பிரைவேட் லிட், சிவா கன்சல்டன்சி சர்வீஸஸ் அண்ட் கெட் ஹயர்டு ஆகிய நிறுவனங்களின் கூட்டுடன் நடைபெறவுள்ள இந்த நேர்காணலில் என்ஐஐடி லிட், ஃபிராங்ஃபின், கார்டிரேட்.காம், விவாஜோன்.காம், அல்செக் டெக்னலஜி லிட், அர்னடஸ் சொல்யூஷன்ஸ் பிரைவேட் லிட் உள்ளிட்ட நிறுவனங்கள் பங்கேற்கின்றன.

வளாக வேலைவாய்ப்பு நேர்காணலில் பங்கேற்க உள்ள பிற நிறுவனங்கள் குறித்த விவரங்கள் பல்கலைக்கழக இணையதளத்தில் பதிவேற்றம் செய்யப்படும். நேர்காணலில் வெற்றி பெற்று தேர்வு செய்யப்படுவோருக்கு அவரவர் கல்வித் தகுதிக்கு ஏற்ப ஊக்கத்தொகை உள்பட குறைந்தபட்ச ஊதியமாக ஆண்டுக்கு ரூ.2 லட்சம் முதல் ரூ.3 லட்சம் வரை வழங்கப்படும்.

இந்த நேர்காணலுக்கு வரும் மாணவர்கள் இக்னோ பதிவு எண் கொண்ட அண்மையில் உருவாக்கப்பட்ட சுயவிவரம், அடையாளச் சான்று, முகவரிச் சான்று, அண்மையில் எடுக்கப்பட்ட பாஸ்போர்ட் அளவு புகைப்படம் ஆகியவற்றைக் கொண்டு வர வேண்டும்.

மேலும் விவரங்களுக்கு இணையதள முகவரியில் தெரிந்து கொள்ளலாம் என்று செய்திக்குறிப்பில் தெரிவிக்கப்பட்டுள்ளது.

 

]]>
https://www.dinamani.com/all-editions/edition-new-delhi/2016/aug/07/தில்லி-என்சிஆர்-இக்னோ-மைய-மா-2553811.html
2553810 அனைத்துப் பதிப்புகள் புதுதில்லி தேசிய மனித உரிமைகள், மகளிர் ஆணையங்களில் தேமுதிக புகார்: சசிகலா புஷ்பா விவகாரம் புது தில்லி Sunday, August 7, 2016 12:52 AM +0530 அதிமுகவில் இருந்து அண்மையில் நீக்கப்பட்ட மாநிலங்களவை உறுப்பினர் சசிகலா புஷ்பா விவகாரம் தொடர்பாக தேசிய மனித உரிமைகள் ஆணையம், தேசிய மகளிர் ஆணையம் ஆகியவற்றில் தேமுதிக புகார் அளித்துள்ளது.

இது தொடர்பாக தேமுதிக சார்பில் அக்கட்சியின் தில்லி கிளைச் செயலரும் உச்ச நீதிமன்ற வழக்குரைஞருமான ஜி.எஸ்.மணி சனிக்கிழமை புகார் மனு அளித்தார். அதில் கூறியிருப்பதாவது:

தமிழகத்தைச் சேர்ந்த மாநிலங்களவை உறுப்பினர் சசிகலா புஷ்பா, தனது கட்சித் தலைமை, தொண்டர்களால் தனது உயிருக்கு அச்சுறுத்தல் இருப்பதாகவும் எம்.பி. பதவியை ராஜிநாமா செய்யுமாறு அதிமுக தலைமை வற்புறுத்தியதாகவும் மாநிலங்களவையில் கடந்த ஆகஸ்ட் 1-ஆம் தேதி முறையிட்டார்.

இது தொடர்பாக சசிகலா புஷ்பா அளித்த புகாரின் பேரில் அவருக்கு தில்லி காவல் துறை பாதுகாப்பு அளித்து வருகிறது. இந்த விவகாரத்தில் பாதிக்கப்பட்ட நபர் புகார் அளிக்காவிட்டாலும், அவர் குறிப்பிடும் சம்பவத்தை ஏன் மனித உரிமை மீறலாகக் கருதக் கூடாது என்றும் ஒரு பெண்ணின் கண்ணியத்துக்கு களங்கம் ஏற்படுத்தக் கூடிய வகையில் இச்செயலை ஏன் கருதக் கூடாது என்றும் முறையிட்டு புகார் தெரிவிக்க ஒவ்வொரு குடிமகனுக்கும் உரிமை உள்ளது. எனவே, சசிகலா புஷ்பா விவகாரம் தொடர்பாக விசாரணை நடத்தி சம்பந்தப்பட்டவர்கள் மீது உரிய நடவடிக்கை எடுக்க வேண்டும் என்று மனுவில் குறிப்பிடப்பட்டுள்ளது.

 

 

]]>
https://www.dinamani.com/all-editions/edition-new-delhi/2016/aug/07/தேசிய-மனித-உரிமைகள்-மகளிர்-ஆ-2553810.html
2553809 அனைத்துப் பதிப்புகள் புதுதில்லி இரு வாரங்களுக்கு சுதந்திர தினக் கொண்டாட்டம்: யுஜிசிக்கு மத்திய அரசு உத்தரவு புது தில்லி, Sunday, August 7, 2016 12:51 AM +0530 நாட்டின் 70-ஆவது ஆண்டு சுதந்திர தினத்தை அனைத்துக் கல்லூரிகளிலும் இரு வாரங்களுக்குக் கொண்டாட நடவடிக்கை எடுக்குமாறு பல்கலைக்கழக மானியக் குழுவுக்கு (யுஜிசி) மத்திய மனித வள மேம்பாட்டுத் துறை அமைச்சகம் உத்தரவிட்டுள்ளது.

இது தொடர்பாக யுஜிசி செயலர் பேராசிரியர் ஜஸ்பால்.எஸ்.சந்துவுக்கு மத்திய மனித வள மேம்பாட்டுத் துறை அமைச்சகத்தின் இணைச் செயலர் பிரவீண் குமார் (நிர்வாகம்) அண்மையில் கடிதம் எழுதியுள்ளார். அதில் கூறியிருப்பதாவது:

நாட்டின் 70-ஆவது ஆண்டு சுதந்திர தினம் வரும் 15-ஆம் தேதி கொண்டாடப்படவுள்ளது. இதையொட்டி, ஆகஸ்ட் 9 முதல் 23-ஆம் தேதி வரை சுதந்திர தினத்தைக் கொண்டாட மத்திய அரசு முடிவு செய்துள்ளது. இதன்படி, நாட்டில் உள்ள அனைத்துக் கல்வி நிலையங்களில் பயிலும் மாணவர்கள் சுதந்திர தினக் கொண்டாட்டங்களில் பங்கேற்கும் வகையில் பல்வேறு போட்டிகளை நடத்த வேண்டும்.

அனைத்து மத்திய, மாநில பல்கலைக்கழகங்கள் மற்றும் அதன் உறுப்புக் கல்லூரிகள், தனியார் மற்றும் நிகர்நிலைப் பல்கலைக்கழகங்கள் ஆகியவற்றில் சுதந்திர தினக் கொண்டாட்டங்களை நடத்த தகுந்த அறிவுறுத்தல்களை வழங்க வேண்டும்.

சுதந்திர தினக் கொண்டாட்டங்களின் ஒரு பகுதியாக, எல்லைப் பகுதியில் பாதுகாப்புப் பணியில் ஈடுபட்டு வரும் ராணுவ வீரர்களுக்கு வாழ்த்து அட்டைகள் அனுப்புவது, மரம் நடுதல், சுதந்திர போராட்ட தியாகிகள், எழுத்தாளர்கள், கல்வியாளர்கள், முன்னாள் ராணுவ வீரர்கள் என யாராவது ஒருவரை நேரில் அழைத்து சுதந்திரப் போராட்டங்கள் பற்றி கல்லூரிகளில் பேச வைப்பது, பேச்சு, ஓவியம், கட்டுரை, கவிதைப் போட்டிகள் நடத்துவது, சுதந்திர ஓட்டம், தேசிய எழுச்சியை ஊட்டக்கூடிய பாடல்கள் பாடும் போட்டி, சுதந்திரப் போராட்டங்கள் பற்றிய நாடகங்கள், இசை நிகழ்ச்சிகள் நடத்துவது போன்ற ஏதாவது ஒரு நிகழ்வை அனைத்துக் கல்லூரிகளிலும் நடத்த வேண்டும்.

சுதந்திர தினக் கொண்டாட்ட நிகழ்வுகளின் இறுதி நாளான ஆகஸ்ட் 23-ஆம் தேதி, காலை 11 மணிக்கு அனைத்துக் கல்வி நிலையங்களிலும் ஒட்டுமொத்த மாணவர்கள், தேசிய கீதத்தை கட்டாயம் பாட நடவடிக்கை எடுக்க வேண்டும் என்று கடிதத்தில் குறிப்பிடப்பட்டுள்ளது.

சுதந்திர தினக் கொண்டாட்ட நிகழ்வுகள் தொடர்பாக தங்கள் கல்வி நிலையங்களில் நடத்தப்படும் நிகழ்வுகளை புகைப்படம் அல்லது விடியோவாக பதிவு செய்து ஸ்ரீக்ய்.ங்க்ன்ஃய்ண்ஸ்ரீ.ண்ய் என்ற மின்னஞ்சலுக்கு அனுப்பி வைக்கவும் யுஜிசியை மத்திய மனித வள மேம்பாட்டுத் துறை கேட்டுக் கொண்டுள்ளது. இக்கடிதத்தின் அடிப்படையில், அனைத்துப் பல்கலைக்கழகத் துணைவேந்தர்களுக்கும், யுஜிசி செயலர் ஜஸ்பால் எஸ்.சந்து கடிதம் எழுதியுள்ளார்.

]]>
https://www.dinamani.com/all-editions/edition-new-delhi/2016/aug/07/இரு-வாரங்களுக்கு-சுதந்திர-த-2553809.html
2553808 அனைத்துப் பதிப்புகள் புதுதில்லி டிடிஇஏ பள்ளிகளில் கல்வி கண்காட்சி புது தில்லி Sunday, August 7, 2016 12:51 AM +0530 தில்லி தமிழ் கல்விக் கழக (டிடிஇஏ) பள்ளிகளில் கல்விக் கண்காட்சி சனிக்கிழமை நடைபெற்றது.

மாணவர்களின் கற்றல் திறனையும் கற்பனைத் திறனையும் அதிகரிக்கும் நோக்கில் டிடிஇஏவின் ஏழு பள்ளிகளிலும் இக்கண்காட்சியை நடத்த டிடிஇஏ நிர்வாகம் ஏற்பாடு செய்திருந்தது.

இதன்படி பள்ளிகளில் கற்பிக்கப்படும் தமிழ், ஆங்கிலம், ஹிந்தி, இயற்பியல், வேதியியல், உயிரியல், கணிதம், வணிகவியல், சமூக அறிவியல், வரலாறு, புவியியல் போன்றவற்றை ஒருங்கிணைத்து மாதிரிகளை வடிவமைத்து மாணவர்கள் காட்சிப்படுத்தியிருந்தனர்.

தமிழின் பெருமை, தொன்மை, இலக்கியச் சிறப்பு, தமிழர் பண்பாடு, தமிழர்களின் தனித்தன்மை ஆகியவற்றை விளக்கும் மாதிரிகள் கண்காட்சியில் காட்சிப்படுத்தப்பட்டிருந்தன.

ஆங்கிலத்தில் பாடம் சார்ந்த கதைகள், இலக்கண விளக்கங்கள் தொடர்பான மாதிரிகள், அறிவியலில் சுற்றுப்புறச் சூழல் விழிப்புணர்வு மாதிரிகள், கணிதத்தில் எடுகோள்கள், வடிவங்களின் மாதிரிகள், சமூக அறிவியலில் சரித்திரத்தில் தொன்மை இந்தியாவின் நாகரிக வளர்ச்சி, புவியியலில் எரிமலை, பருவ காலங்களில் ஏற்படும் மாற்றங்கள் தொடர்பான மாதிராகள் உள்ளிட்டவை காட்சிப்படுத்தப்பட்டிருந்தன.

நிகழ்ச்சியையொட்டி, மாணவர்கள் பங்கேற்ற பேச்சுப்போட்டி, கட்டுரைப்போட்டி, நாடகம் உள்ளிட்டவையும் இடம் பெற்றன.

ஆர்.கே.புரம் பள்ளியில் டிடிஇஏ பள்ளியின் முன்னாள் முதல்வர் இந்துபாலா சிறப்பு விருந்தினராக பங்கேற்று கண்காட்சியைத் தொடங்கி வைத்தார். டிடிஇஏ தலைவர் சூரிய நாராயணன், செயலர் ராஜூ, பெற்றோர் ஆசிரியர் சங்கத் தலைவர் சுரேஷ், செயலர் கண்ணன், பள்ளியின் இணைச் செயலர் பரமசிவம், பள்ளியின் நிர்வாகக் குழு உறுப்பினர் வில்லியம் ஆகியோர் பங்கேற்றனர்.

மோதிபாக் பள்ளியில் பள்ளியின் முன்னாள் மாணவர் மணி கண்காட்சியைத் தொடங்கி வைத்தார். பள்ளியின் இணைச் செயலர் ரவிச்சந்திரன் பங்கேற்று மாணவர்களை ஊக்குவித்தார்.

பூசா ரோடு பள்ளியில் கண்காட்சியை முன்னாள் மாணவர் ஹரிஹரன் தொடங்கி வைத்தார். டிடிஇஏ இணைச் செயலர் ரவி நாயக், பெற்றோர் ஆசிரியர் சங்கத் தலைவர் வெங்கடேசன், செயலர் சண்முக வடிவேல், டாக்டர் ராஜராஜன் பங்கேற்றனர். ஜனக்புரி பள்ளியில் பள்ளியின் முன்னாள் முதல்வர் நடராஜன் கண்காட்சியை தொடங்கி வைத்தார். பள்ளியின் இணைச் செயலர் சிவ்ராஜ், பெற்றோர் ஆசிரியர் சங்க இணைச் செயலர் சிங்காரவேலு உள்ளிட்டோர் கலந்து கொண்டனர்.

மந்திர் மார்க் பள்ளியில் டிடிஇஏ பெற்றோர் சங்கத் தலைவர் வெங்கட சுப்பிரமணியன், சங்கச் செயலர் ஆறுமுகம் உள்ளிட்டோர் கலந்து கொண்டனர்.

லோதி எஸ்டேட் பள்ளியில் வருங்கால வைப்பு நிதிப் பிரிவு ஆணையர் ரங்கநாத் சிறப்பு விருந்தினராகப் பங்கேற்று, கண்காட்சியைத் தொடங்கி வைத்தார். பள்ளியின் இணைச் செயலர் முருகன் பங்கேற்றார். நிகழ்ச்சியையொட்டி, மாணவர்கள் பங்கேற்ற "கண்ணகி', "பக்த பிரகாலாதன்' நாடகங்கள் இடம் பெற்றன.

லக்ஷ்மிபாய் நகர்ப் பள்ளியில் 19-ஆவது மண்டல கல்வி இயக்குநர் ஜூஹி அகர்வால் சிறப்பு விருந்தினராக பங்கேற்றார். மாணவர்கள் பங்கேற்ற யோகா, நாடகம் ஆகியவை இடம் பெற்றன.

 

]]>
https://www.dinamani.com/all-editions/edition-new-delhi/2016/aug/07/டிடிஇஏ-பள்ளிகளில்-கல்வி-கண்-2553808.html
2553807 அனைத்துப் பதிப்புகள் புதுதில்லி புதுச்சேரி அரசின் செயல்பாடுகளில் தலையீடு: கிரண் பேடி மீது ஆம் ஆத்மி கட்சி குற்றச்சாட்டு புது தில்லி, Sunday, August 7, 2016 12:51 AM +0530 புதுச்சேரி அரசின் அன்றாடச் செயல்பாடுகளில் தலையிடுவதாக அதன் துணைநிலை ஆளுநர் கிரண் பேடி மீது ஆம் ஆத்மி கட்சி குற்றம்சாட்டியுள்ளது.

இது குறித்து அக்கட்சியின் செய்தித் தொடர்பாளர் சஞ்சய் சிங் செய்தியாளர்களிடம் சனிக்கிழமை கூறியதாவது:

தில்லி நிர்வாகத்தில் ஆளுநருக்கே கூடுதல் அதிகாரம் என்று அண்மையில் உயர் நீதிமன்றம் அளித்த தீர்ப்பை மதிக்கிறோம். அதே சமயம், ஆளும் அரசின் உரிமையை நிலைநாட்ட உயர் நீதிமன்றத் தீர்ப்பை எதிர்த்து உச்ச நீதிமன்றத்தில் முறையிட அரசு திட்டமிடப்பட்டுள்ளது. ஆனால், ஜனநாயகம் மீதும் அரசியலமைப்பின்படி சட்டத்தை அமல்படுத்தும் நடவடிக்கை மீதும் நம்பிக்கையற்றவர்களாக பாஜகவினர் உள்ளனர்.

ஜனநாயகத்துக்கும், இந்திய அரசியலமைப்பு சாசனத்துக்கும் மத்தியில் ஆளும் நரேந்திர மோடி அரசு தீவிர அச்சுறுத்தலாக மாறி வருகிறது. மக்களால் தேர்ந்தெடுக்கப்பட்ட அருணாசல பிரதேசம், உத்தரகண்ட் அரசுகளைக் கலைத்து பின்வாசல் வழியாக ஆட்சியைப் பிடிக்க சில சதிகளை மோடி அரசு செய்தது. ஆனால், நீதிமன்றம் தலையிட்டதால் அந்தச்சதி தவிர்க்கப்பட்டது.

இந்நிலையில், தனது தொடர்ச்சியான கட்டுப்பாடுகளால் மக்களால் தேர்ந்தெடுக்கப்பட்ட தில்லி அரசை சுதந்திரமாக பணியாற்றவிடாமல் பல்வேறு நடவடிக்கைகளை மோடி அரசு மேற்கொண்டுள்ளது.

காங்கிரஸ் ஆட்சி நடைபெற்று வரும் புதுச்சேரியில் துணைநிலை ஆளுநராக கிரண் பேடியை மத்திய அரசு சில மாதங்களுக்கு முன்பு நியமித்தது. புதுச்சேரியில் முதல்வர் உள்ளிட்டோரின் அதிகாரங்கள் தெளிவாக வரையறுக்கப்பட்டுள்ளன. இந்நிலையில், புதுச்சேரியில் அரசு அறிவிக்கும் திட்டங்களில் தலையிட்டு அரசின் செயல்பாடுகளுக்கு குறுக்கீடாக கிரண் பேடி செயல்படுகிறார்.

தில்லியில் நடைபெற்ற பாலியல் வன்முறைச் சம்பவங்கள் குறித்தோ, சட்டம் ஒழுங்கு பிரச்னை குறித்தோ விளக்குவதற்காக செய்தியாளர்கள் கூட்டத்தை துணைநிலை ஆளுநர் நஜீப் ஜங் இதுவரை கூட்டவில்லை. ஆனால், அதிகார விவகாரத்தில் உயர் நீதிமன்றம் தீர்ப்பு வெளியான நாளில் செய்தியாளர்களை அழைத்து "அதிகாரம் அனைத்தும் எனக்கே உள்ளது' என நஜீப் ஜங் கூறியுள்ளார்.

அவரது பாணியிலேயே கிரண் பேடியும் செயல்பட்டு, புதுச்சேரி அரசுக்கு இடையூறுகளை விளைவிக்க முயற்சித்து வருகிறார். கட்செவி, சுட்டுரை வாயிலாக காவல் துறைத் தலைவர் உள்ளிட்டோருக்கு உத்தரவுகளைப் பிறப்பித்து தனது சொல்படி செயல்பட வேண்டும் என வற்புறுத்தி வருகிறார். இதுபோன்ற விவகாரங்களை நாடாளுமன்றம் கவனத்தில் கொண்டு, கூட்டாட்சி முறையை வலுப்படுத்த வலுவான சட்டங்களை இயற்ற வேண்டும் என்றார் சஞ்சய் சிங்.

ஆம் ஆத்மி கட்சியின் தென் மாநிலங்களுக்கான பொறுப்பாளரும், தில்லி மாளவியா நகர் எம்எல்ஏவுமான சோம்நாத் பார்தி கூறுகையில், "புதுச்சேரியில் புதிய ஆட்சி அமைந்த நாள் முதல் அங்கும் தில்லியை போலவே மோசமான நிர்வாகச் சூழல் காணப்படுகிறது.

தில்லி பேரவைத் தேர்தலில் முதல்வர் வேட்பாளராக நிறுத்தப்பட்டு தோல்வி அடைந்த ஒருவரை புதுச்சேரி துணைநிலை ஆளுநராக மத்திய அரசு நியமித்துள்ளது.

இதையடுத்து, துணைநிலை ஆளுநருக்கு உரிய பொறுப்புகளை கவனிக்காமல் புதுச்சேரியில் மக்களால் தேர்ந்தெடுக்கப்பட்ட அரசுக்கு மதிப்பளிக்காமல், அதிகாரிகளுக்கு நேரடியாக உத்தரவுகளை கிரண் பேடி பிறப்பிப்பது ஜனநாயக முறையிலான அரசின் செயல்பாட்டை முடக்கும்' என்றார் சோம்நாத் பார்தி.

 

]]>
https://www.dinamani.com/all-editions/edition-new-delhi/2016/aug/07/புதுச்சேரி-அரசின்-செயல்பாட-2553807.html
2553806 அனைத்துப் பதிப்புகள் புதுதில்லி கெளரவ ஆசிரியர்களின் கோரிக்கைகளை ஆராய அரசு செயலர் தலைமையில் குழு புது தில்லி, Sunday, August 7, 2016 12:50 AM +0530 நிலையான ஊதியம், மாதந்தோறும் விடுப்பு போன்ற கெளரவ ஆசிரியர்களின் கோரிக்கைகளை ஆராய நிதித் துறை முதன்மைச் செயலர் தலைமையில் உயர் நிலைக் குழுவை தில்லி அரசு அமைத்துள்ளது.

இது தொடர்பாக துணை முதல்வரும் கல்வி அமைச்சருமான மணீஷ் சிசோடியா தலைமையில் உயரதிகாரிகள் கூட்டம், தில்லி அரசின் தலைமைச் செயலகத்தில் வெள்ளிக்கிழமை நடைபெற்றது. இக்கூட்டத்தில் எடுக்கப்பட்ட முடிவு பற்றி தில்லி அரசு வெளியிட்டுள்ள செய்திக்குறிப்பு வருமாறு:

தங்களைப் பணி நிரந்தரம் செய்வது, நிலையான ஊதியம் வழங்குவது, மாதாந்திர விடுமுறை, பேறுகால விடுமுறை அளிக்க வேண்டும் உள்பட பல்வேறு கோரிக்கைகளை வலியுறுத்தி கெளரவ ஆசிரியர்கள் தொடர்ந்து போராட்டம் நடத்தி வருகின்றனர். அவர்களின் கோரிக்கைகளை ஆராய்ந்து பரிசீலிக்கும் வகையில் தில்லி அரசின் முதன்மைச் செயலர் (நிதித்துறை) தலைமையில் உயர் நிலைக் குழு அமைக்கப்பட்டுள்ளது. இக்குழு பரிசீலித்து அளிக்கும் அறிக்கையின் அடிப்படையில் கெளரவ ஆசிரியர்களின் கோரிக்கைகளை நிறைவேற்றுவது பற்றி அரசு முடிவு எடுக்கும்.

கெளரவ ஆசிரியர்களை பணி நிரந்தரம் செய்ய வலியுறுத்தும் புதிய கொள்கைத் திட்டம் தொடர்பான கோப்பு, துணை நிலை ஆளுநர் நஜீப் ஜங்கின் ஒப்புதலுக்காக அவரது அலுவலகத்துக்கு சில மாதங்களுக்கு முன்பே அனுப்பி வைக்கப்பட்டுள்ளது.

ஆனால், அதன் மீதும் துணை நிலை ஆளுநர் இதுவரை எந்த முடிவும் எடுக்கவில்லை என்று தெரிவிக்கப்பட்டுள்ளது.

 

]]>
https://www.dinamani.com/all-editions/edition-new-delhi/2016/aug/07/கெளரவ-ஆசிரியர்களின்-கோரிக்-2553806.html
2553805 அனைத்துப் பதிப்புகள் புதுதில்லி ரூ.3 கோடி போதைப் பொருளுடன் நைஜீரியர் உள்பட மூவர் கைது புது தில்லி, Sunday, August 7, 2016 12:50 AM +0530 தில்லியில் ரூ.3 கோடி போதைப் பொருளுடன் நைஜீரியர் உள்பட மூவரை, போதைப் பொருள் தடுப்புப் பிரிவு அதிகாரிகள் கைது செய்துள்ளனர். இதுதொடர்பாக தில்லி மண்டல போதைப் பொருள் தடுப்புப் பிரிவு (என்சிபி) அதிகாரிகள் கூறியதாவது:

தில்லியின் விகாஸ்புரியில் கடந்த 2012-ஆம் ஆண்டிலிருந்து வசித்து வரும் நைஜீரிய நாட்டைச் சேர்ந்த பார்தலோமியோ ஓகோ என்வபர், உள்ளூர்வாசிகளின் உதவியுடன் வெளிநாடுகளில் இருந்து இந்தியாவுக்கு போதை பொருளை கடத்தும் வேலையில் ஈடுபட்டு வருவதாக எங்களுக்கு ரகசிய தகவல் கிடைத்தது. அதையடுத்து, ஓகோவும், அவரது உதவியாளர்களாக செயல்பட்ட ரஹ்மான், ஹனீப் ஆகியோரும் கைது செய்யப்பட்டனர்.

டிரினிடாட்டில் இருந்து தில்லிக்கு கடத்தி வரப்பட்ட 500 கிராம் எடையுள்ள "கொகைன்' போதை பொருள், அவர்களிடம் இருந்து பறிமுதல் செய்யப்பட்டது. அதன் சர்வதேச மதிப்பு, ரூ.3 கோடி என்று அந்த அதிகாரிகள் தெரிவித்தனர்.

 

]]>
https://www.dinamani.com/all-editions/edition-new-delhi/2016/aug/07/ரூ.3-கோடி-போதைப்-பொருளுடன்-நைஜ-2553805.html
2553804 அனைத்துப் பதிப்புகள் புதுதில்லி பதவியை தவறாக பயன்படுத்துவதாக ஸ்வாதி மாலிவாலுக்கு எதிராக புகார் புது தில்லி, Sunday, August 7, 2016 12:50 AM +0530 தில்லி மகளிர் ஆணையத் தலைவர் ஸ்வாதி மாலிவால், தனது பதவியை தவறாக பயன்படுத்துவதாகக் கூறி லஞ்ச ஒழிப்புத் துறையிடம் (ஏசிபி) புகார் அளிக்கப்பட்டுள்ளது.

சாய்கல் என்பவர் அளித்துள்ள இப்புகார் தொடர்பாக விசாரிக்கப்பட்டு வருவதாக லஞ்ச ஒழிப்புத் துறை உயரதிகாரி தெரிவித்தார்.

தில்லியிலுள்ள தனியார் கிளப் ஒன்றில் உறுப்பினராக இருக்கும் சாய்கலுக்கு எதிராக அதே கிளப்பில் உறுப்பினராக இருந்த ஒரு பெண், போலீஸில் பாலியல் புகார் அளித்தார். நீச்சல் குளத்தில் குளிக்கும்போது, தன்னை பாலியல் துன்புறுத்தலுக்கு ஆளாக்கியதாக சாய்கல் மீது அப்பெண் குற்றம்சாட்டியிருந்தார்.

மேலும், தில்லி மகளிர் ஆணையத் தலைவர் ஸ்வாதி மாலிவாலிடமும் அப்பெண் புகார் கொடுத்தார். அதனடிப்படையில், அந்த கிளப் நிர்வாகத்துக்கு ஸ்வாதி மாலிவால் ஒரு நோட்டீஸ் அனுப்பினார். அதில், "சாய்கலுக்கு எதிரான பாலியல் புகாரை, உள்ளூர் புகார்கள் குழுவுக்கு அனுப்பி வைக்காதது ஏன்? பாதிக்கப்பட்ட பெண்ணையும், அவரது கணவரையும் கிளப்பில் இருந்து இடைநீக்கம் செய்தது ஏன்?' என கேள்வியெழுப்பப்பட்டிருந்தது.

இதையடுத்து, இந்த விவகாரத்தில் ஸ்வாதி மாலிவால் தனது பதவியை தவறாக பயன்படுத்துவதாக குற்றம்சாட்டி, துணைநிலை ஆளுநருக்கு சாய்கல் கடிதம் எழுதினார். இந்நிலையில், லஞ்ச ஒழிப்புத் துறையில் ஸ்வாதிக்கு எதிராக தற்போது அவர் புகார் அளித்துள்ளார். ஏற்கெனவே பாலியல் பலாத்காரத்துக்கு ஆளான சிறுமியின் பெயரை வெளியிட்டதாக புராரி காவல் நிலையத்தில் ஸ்வாதி மாலிவாலுக்கு எதிராக வழக்குப் பதிவு செய்யப்பட்டுள்ளது குறிப்பிடத்தக்கது.

 

தில்லியில் மாயமான சிறுமி 6 ஆண்டுகளுக்கு பின் மீட்பு

தில்லியில் கடந்த 6 ஆண்டுகளுக்கு முன் மாயமான 16 வயது சிறுமி, ஹரியாணாவில் மீட்கப்பட்டுள்ளார்.

இதுதொடர்பாக போலீஸ் அதிகாரி ஒருவர் கூறியதாவது: தில்லியில் சாவ்லா பகுதியைச் சேர்ந்த அந்த சிறுமி, கடந்த 2010-ஆம் ஆண்டு பிப்ரவரி மாதம் தனது வீட்டிலிருந்து மார்க்கெட்டுச் சென்றார். பின்னர், அவர் வீடு திரும்பவில்லை. சிறுமியின் பெற்றோர் பல இடங்களில் தேடி பார்த்தும், அவரை கண்டுபிடிக்க முடியவில்லை. இதையடுத்து போலீஸில் புகார் அளிக்கப்பட்டது. அதனடிப்படையில் சிறுமி கடத்தப்பட்டதாக வழக்குப் பதிவு செய்து, அவரை போலீஸார் தேடி வந்தனர்.

இந்நிலையில், 6 ஆண்டுகளுக்கு பிறகு ஹரியாணா மாநிலத்திலுள்ள கிராமம் ஒன்றில் அவரை போலீஸார் மீட்டுள்ளனர். தற்போது 22 வயதாகும் அப்பெண்ணை, அங்குள்ள நீதிமன்றத்தில் ஆஜர்படுத்தி, தில்லிக்கு அழைத்து வந்தனர்.

6 ஆண்டுகளுக்கு முன் தனது காதலனுடன் சென்றதாக அப்பெண் போலீஸில் வாக்குமூலம் அளித்துள்ளார் என்றார் அந்த அதிகாரி.

 

குர்கானில் கூடுதலாக 1,100 போக்குவரத்து போலீஸார்

குர்கானில் போக்குவரத்து நெரிசலை கட்டுப்படுத்துவதற்காக, கூடுதலாக 1,100 போக்குவரத்து போலீஸாரை பணியமர்த்த ஹரியாணா அரசு முடிவு செய்துள்ளது.

குர்கானில் பலத்த மழை காரணமாக சில தினங்களுக்கு முன் மிகக் கடுமையான போக்குவரத்து நெரிசல் ஏற்பட்டது. சுமார் 15 மணி நேரத்துக்கு வாகனங்கள் தேங்கின. இந்த போக்குவரத்து நெரிசல் தொடர்பாக ஹரியாணா அரசுக்கு எதிராக பல்வேறு விமர்சனங்கள் முன் வைக்கப்பட்டன. இந்நிலையில், மாநில டிஜிபி தலைமையில் போலீஸ் உயரதிகாரிகளின் கூட்டம் சண்டீகரில் வெள்ளிக்கிழமை நடைபெற்றது. முதல்வர் மனோகர் லால் கட்டாரும் கலந்து கொண்ட இக்கூட்டத்தில், குர்கானில் போக்குவரத்து நெரிசலை கட்டுப்படுத்துவதற்காக கூடுதலாக 1,100 போக்குவரத்து போலீஸாரை பணியமர்த்துவது என முடிவு செய்யப்பட்டது.

மேலும், போலீஸார் நேர்மையுடனும் பொறுப்புணர்வுடன் செயலாற்றுவதை உறுதி செய்யும் வகையில் அவர்களுக்கான பயிற்சிகள் அமைய வேண்டும்; வழக்குகளின் விசாரணைகளை குறிப்பிட்ட காலத்துக்குள் முடிக்க வேண்டும் என அந்த கூட்டத்தில் மனோகர் லால் கட்டார் வலியுறுத்தினார்.

 

]]>
https://www.dinamani.com/all-editions/edition-new-delhi/2016/aug/07/பதவியை-தவறாக-பயன்படுத்துவத-2553804.html
2553803 அனைத்துப் பதிப்புகள் புதுதில்லி ஆன்லைனில் சுகாதார வணிக உரிமம்: தெற்கு தில்லியில் நாளை முதல் அமல் புது தில்லி Sunday, August 7, 2016 12:49 AM +0530 உணவகம் முதல் அழகு நிலையங்கள் வரையிலான சுகாதாரம் சார்ந்த வணிகத்துக்கான சுகாதார வணிக உரிமத்தை இணைய வழியில் (ஆன்லைன்) பெறும் திட்டம் திங்கள்கிழமை (ஆகஸ்ட் 8) முதல் தெற்கு தில்லி மாநகராட்சியில் (எஸ்டிஎம்சி) அமலுக்கு வருகிறது.

இது குறித்து எஸ்டிஎம்சி உயரதிகாரி கூறியது: உணவு பரிமாறும், விற்பனை செய்யும் உணவகங்கள், அழகு நிலையங்கள் உள்ளிட்டவை சுகாதார உரிமத்தை மாநகராட்சியின் சுகாதாரத் துறையிடமிருந்து பெற வேண்டும். இதற்காக 20-க்கும் மேற்பட்ட ஆவணங்களை சமர்ப்பிக்க வேண்டும். சுகாதார வணிக உரிமம் அளிப்பதற்கான நடைமுறைகள் நிறைவடைய 50 முதல் 60 நாள்கள் ஆகும்.

இந்நிலையில், சுகாதார வணிக உரிமத்தை பெறுவதற்கான இணையதள சேவை தொடர்பான முன்மொழிவு தெற்கு தில்லி மாநகராட்சியின் நிலைக்குழுக் கூட்டத்தில் கடந்த ஆண்டு செப்டம்பரில் செய்யப்பட்டது. இதைத் தொடர்ந்து, சுகாதார வணிக உரிமத்தை இணைய வழியில் அளிக்கும் திட்டம் அறிமுகப்படுத்தப்படவுள்ளது.

இணையதளத்தில் சுகாதார வணிக உரிமம் பெறுவோர் கடை வைத்திருப்பதற்கான சட்டப்படியான சான்று, அடையாள அட்டை சான்று, கடை அமைந்திருக்கும் வரைபடம், பான் அல்லது வாட் அல்லது டின் அட்டை, குடிநீர் இணைப்புக்கான சான்று உள்ளிட்டவற்றை பதிவேற்றம் செய்ய வேண்டும். சேவைக்கான உரிமக் கட்டணத்தை இணைய வழியில் செலுத்தியதும் ஆவணங்கள் சரிபார்க்கப்பட்டு இணையம் மூலமாகவே உரிமத்தை பதிவிறக்கம் செய்து கொள்ள முடியும். இதன் மூலம் சுகாதார வணிக உரிமத்தை பெறுவதற்கான காலம் கணிசமாகக் குறையும் என்றார் அந்த அதிகாரி.

 

]]>
https://www.dinamani.com/all-editions/edition-new-delhi/2016/aug/07/ஆன்லைனில்-சுகாதார-வணிக-உரிம-2553803.html
2553802 அனைத்துப் பதிப்புகள் புதுதில்லி தில்லியில் மிதமான மழை: புழுக்கத்தால் மக்கள் அவதி புது தில்லி, Sunday, August 7, 2016 12:49 AM +0530 தில்லியின் ஒரு சில பகுதிகளில் சனிக்கிழமை மிதமான மழை பெய்தது. காற்றில் ஈரப்பதத்தின் அளவு 90 சதவீதமாக அதிகரித்ததால், புழுக்கம் தாங்காமல் மக்கள் அவதிக்குள்ளாகினர்.

இதுதொடர்பாக வானிலை மைய அதிகாரி கூறியதாவது:

தில்லியில் சனிக்கிழமை அதிகபட்ச வெப்பநிலை 32.8 டிகிரி செல்சியஸாகவும், குறைந்தபட்ச வெப்பநிலை 29 டிகிரி செல்சியஸாகவும் பதிவானது. காலை 8 மணி முதல் மாலை 5.30 மணி வரையில் நகரின் ஒரு சில பகுதிகளில் மிதமான மழை (0.8மி.மீ) பெய்தது. காற்றில் ஈரப்பதத்தின் அளவு, 90 சதவீதம் வரை அதிகரித்தது. இதனால், புழுக்கம் தாங்காமல் மக்கள் அவதிப்பட்டனர்.

நகரில் ஞாயிற்றுக்கிழமை வானம் மேகமூட்டத்துடன் காணப்படும். இடி, மின்னலுடன் கூடிய மழைக்கும் வாய்ப்புள்ளது. அதேபோல், அதிகபட்ச, குறைந்தபட்ச வெப்பநிலைகள் முறையே 32, 27 டிகிரிகளாக பதிவாகலாம் என்றார் அந்த அதிகாரி.

தில்லியில் கடந்த வெள்ளிக்கிழமையன்று அதிகபட்ச வெப்பநிலை 36.8 டிகிரியாகவும், குறைந்தபட்ச வெப்பநிலை 26 டிகிரியாகவும் பதிவானது குறிப்பிடத்தக்கது.

 

]]>
https://www.dinamani.com/all-editions/edition-new-delhi/2016/aug/07/தில்லியில்-மிதமான-மழை-புழுக-2553802.html
2553801 அனைத்துப் பதிப்புகள் புதுதில்லி தில்லி பல்கலை. பேராசிரியரின் கார் மோதி சிறுவன் பலி புது தில்லி, Sunday, August 7, 2016 12:49 AM +0530 தில்லி பல்கலைக்கழக உதவி பேராசிரியர் ஓட்டிய கார் மோதி, சைக்கிளில் சென்ற 9 வயது சிறுவன் பலியான சம்பவம் பரபரப்பை ஏற்படுத்தியுள்ளது.

இதுதொடர்பாக போலீஸ் அதிகாரி ஒருவர் கூறியதாவது:

தில்லி பல்கலைக்கழகத்துக்குள்பட்ட பாகினி நிவேதிதா கல்லூரியில் உதவி பேராசிரியராக பணியாற்றி வருபவர் அனுபமா. நஜஃப்கர் பகுதியில் கடந்த வெள்ளிக்கிழமை அனுபமா ஓட்டிச் சென்ற கார், சைக்கிளில் சென்றுக் கொண்டிருந்த நிதேஷ் (9) என்ற சிறுவன் மீது மோதியது.

இதில், பலத்த காயமடைந்த நிதேஷை மீட்டு, அருகிலுள்ள மருத்துவமனைக்கு அனுபமா கொண்டு சென்றார். ஆனால், சிகிச்சை பலனின்றி அந்த சிறுவன் உயிரிழந்தான்.

அனுபமா, செல்லிடப்பேசியில் பேசிக் கொண்டே காரை ஓட்டியதால் இந்த விபத்து நேரிட்டதாக சம்பவத்தை நேரில் பார்த்தவர்கள் தெரிவித்துள்ளனர்.

இதனிடையே, சாவ்லா பகுதி காவல் நிலையத்தில் அனுபமா சரணடைந்தார். அவர் மீது இந்திய தண்டனையியல் சட்டத்தின் 279 (அதிவேகமாக ஓட்டுதல்), 304ஏ (அலட்சியத்தால் உயிரிழப்பு ஏற்படுத்துதல்) ஆகிய பிரிவுகளின் கீழ் வழக்கு பதிவு செய்யப்பட்டது. இதையடுத்து, கைது செய்யப்பட்ட அனுபமா, பின்னர் ஜாமீனில் விடுவிக்கப்பட்டார் என்றார் அந்த அதிகாரி.

]]>
https://www.dinamani.com/all-editions/edition-new-delhi/2016/aug/07/தில்லி-பல்கலை.-பேராசிரியரின-2553801.html
1785 அனைத்துப் பதிப்புகள் புதுதில்லி ராகுல் காங்கிரஸ் தலைவராக ஷீலா தீட்சித் ஆதரவு kirthika DIN Friday, June 3, 2016 12:31 AM +0530 அகில இந்திய காங்கிரஸ் துணைத் தலைவர் ராகுல் காந்தி கட்சியின் தேசியத் தலைவராவதற்கு மூத்த காங்கிரஸ் தலைவர் ஷீலா தீட்சித் ஆதரவு தெரிவித்தார்.

தில்லியில் மூன்று முறை முதல்வராக இருந்தவர் ஷீலா தீட்சித். அதன் பிறகு மத்தியில் காங்கிரஸ் கூட்டணி அரசு ஆட்சியில் இருந்த போது, கேரள மாநில ஆளுநராக நியமிக்கப்பட்டார். இந்நிலையில், மத்தியில் பிரதமர் நரேந்திர மோடி தலைமையில் புதிய அரசு பதவிக்கு வந்த சில மாதங்களில் ஆளுநர் பதவியை ஷீலா தீட்சித் ராஜிநாமா செய்தார். அதன் பிறகு தீவிர அரசியலில் இருந்து சில மாதங்கள் விலகி இருந்த அவர், தில்லியில் கடந்த ஆண்டு நடைபெற்ற சட்டப்பேரவைத் தேர்தலுக்குப் பிறகு மீண்டும் முழு நேர அரசியல் பணிக்குத் திரும்பினார்.

இந்நிலையில், காங்கிரஸ் கட்சியின் தலைவராக ராகுல் காந்தி வர வேண்டும் என்று குரல் கொடுத்து வரும் திக் விஜய் சிங், மதுசூதன் மிஸ்திரி உள்ளிட்ட கட்சியின் மூத்த தலைவர்கள் வரிசையில் ஷீலா தீட்சித் இணைந்துள்ளார்.

காங்கிரஸ் தலைமையை ராகுல் காந்தி ஏற்பது தொடர்பாக அவர் தில்லியில் செய்தியாளர்களிடம் வியாழக்கிழமை கூறியதாவது: தற்போதைய அரசியல் சூழ்நிலையில் அகில இந்திய காங்கிரஸ் தலைவர் பதவியை ராகுல் காந்தி ஏற்க வேண்டும் என்று கட்சி மேலிடம் கருதுகிறது. இந்நிலைப்பாட்டை விரைவில் கட்சி மேலிடம் செயல்படுத்த வேண்டும்.

45 வயதாகும் ராகுல் காந்தி காங்கிரஸின் நம்பிக்கை நட்சத்திரமாக உள்ளார். பிகார் மாநில தேர்தல் உள்பட பல்வேறு மாநிலங்களில் பேரவைத் தேர்தலில் காங்கிரûஸ வழிநடத்தியது ராகுல் காந்தி. அதன் விளைவாக அந்த மாநிலங்களில் இழந்த செல்வாக்கை காங்கிரஸ் நிலைநிறுத்திக் கொண்டுள்ளது. கடந்த காலங்களில் கட்சி அளவில் போதுமான ஒத்துழைப்பின்மையால் ராகுலின் முயற்சிகளுக்கு சரியான தீர்வு கிடைக்காமல் போயிருக்கலாம். அந்த அனுபவங்கள் மூலம் அவர் படிப்பினைகளைக் கற்றுக் கொண்டிருப்பார். பிற அரசியல் தலைவர்களைப் போலவே தனக்கென ஒரு வட்டத்தை ராகுல் வைத்திருப்பதில் தவறில்லை.

ராகுலின் சிந்தனை காங்கிரஸில் உள்ள சில மூத்த தலைவர்களுக்கு பிடிக்காமல் இருந்திருக்கலாம். ஆனால், அவர்தான் தலைவர் என்று அறிவிக்கப்பட்டு விட்டால், அவரது வழியில் செயல்படுவதுதான் சிறந்த தொண்டருக்கு அடையாளம். அந்த வகையில் ராகுலின் தலைமை சுமுகமாக செயல்பட சில மேலிடத் தலைவர்கள் தானாக முன்வந்து தங்கள் கட்சிப் பதவிகளை ராஜிநாமா செய்யத் தயாராக உள்ளதாக அறிகிறேன்.

அகில இந்திய காங்கிரஸ் தலைவரானதும் கட்சியில் உள்ள எல்லா வயது மூத்த நிர்வாகிகளை ராகுல் கழித்து விடுவார் என்று சிலர் கூறுவதை என்னால் ஏற்க முடியாது. ராகுலின் நோக்கம் அதுவல்ல என்பது எனக்குத் தெரியும். கட்சியில் பல யுகங்களைப் பார்த்து விட்டோம். இனி இளையோருக்கு வழி விட வேண்டும் என்று என்னைப் போலவே பல மூத்த தலைவர்களும் சிந்திக்கிறார்கள். அச்சிந்தனையை ஊக்குவித்து ராகுல் தலைமைப் பதவி ஏற்க மூத்த காங்கிரஸ் தலைவர்கள் ஆதரவளிக்க வேண்டும் என்றார் ஷீலா தீட்சித்.

 

]]>
https://www.dinamani.com/edition_new_delhi/2016/jun/03/ராகுல்-காங்கிரஸ்-தலைவராக-ஷீலா-தீட்சித்-ஆதரவு-1785.html
1478 அனைத்துப் பதிப்புகள் புதுதில்லி அவசரச் சட்டத்துக்கு தடை விதிக்க மறுப்பு kirthika Express News Service Saturday, May 28, 2016 06:49 AM +0530 நிகழ் கல்வியாண்டில் மட்டும் மருத்துவப் படிப்புகளுக்கான மாணவர் சேர்க்கையை மாநில அரசுகள், அவை கடைப்பிடிக்கும் பழைய நடைமுறையின்படியோ அல்லது தேசிய தகுதி காண் நுழைவுத் தேர்வு (என்இஇடி) மூலமோ நடத்திக் கொள்ள அனுமதி வழங்கும் அவசரச் சட்டத்துக்கு எதிரான மனுவை உடனடியாக விசாரிக்க உச்ச நீதிமன்றம் வெள்ளிக்கிழமை மறுப்பு தெரிவித்தது.

இது தொடர்பாக சமூக ஆர்வலர் ஆனந்த் ராய் சார்பில் உச்ச நீதிமன்றத்தில் வியாழக்கிழமை மனு தாக்கல் செய்யப்பட்டது. இதைத் தொடர்ந்து, நீதிபதிகள் பி.சி. பந்த், டி.ஒய்.சந்திரசூட் ஆகியோர் அடங்கிய அமர்வு முன் ஆனந்த் ராய் சார்பில் மூத்த வழக்குரைஞர் விவேக் தன்ஹா வெள்ளிக்கிழமை ஆஜராகி, "மனுவை உடனே விசாரிக்க வேண்டும்; அவசரச் சட்டத்துக்கு தடை விதிக்க வேண்டும்' என்று கேட்டுக் கொண்டார்.

மத்திய அரசு வழக்குரைஞர் வாதம்: அப்போது நீதிமன்றத்தில் இருந்த மத்திய அரசின் அட்டர்னி ஜெனரல் முகுல் ரோத்தகி முன்வைத்த வாதம்: நாடு முழுவதும் சீரான மருத்துவ நுழைவுத் தேர்வை நடத்துவதற்காக என்இஇடி (பொது நுழைவுத் தேர்வு) முறையை மத்திய அரசு கொண்டு வந்துள்ளது. ஆனால், நிகழ் கல்வியாண்டிலேயே என்இஇடி முறையைக் கடைப்பிடிக்க இயலாது என்று கோவா, ஆந்திரம், மகாராஷ்டிரம் உள்ளிட்ட மாநில அரசுகள் முறையிட்டன.

தமிழகம், புதுச்சேரியில்...: தமிழகம், புதுச்சேரி ஆகிய மாநிலங்களில் நுழைவுத் தேர்வு முறையே இல்லை. அவையும் என்இஇடி முறை குறித்து தற்போது முடிவெடுக்க இயலாத நிலையில் இருப்பதாக மத்திய அரசிடம் தெரிவித்தன. மேலும், என்இஇடி தேர்வுக்கான வினாத்தாள் ஆங்கிலம், ஹிந்தி ஆகிய இரு மொழிகளில் மட்டுமே தயாரிக்கப்படுவதால் மாநில மொழிகளில் மருத்துவ நுழைவுத் தேர்வு எழுத தயாரான மாணவர்கள் பாதிக்கப்படுவர் என்றும் மாநில அரசுகள் தெரிவித்தன.

மாநில அரசுகள் விருப்பத்தின்படி...: இந்த விஷயத்தில் மருத்துவப் படிப்புகளில் சேரும் மாணவர்களின் நலனைக் கவனத்தில் கொண்டு, நிகழ் கல்வியாண்டில் மட்டும் என்இஇடி வரம்புக்குள் மாநில அரசுகள் அவற்றின் விருப்பத்தின் பேரில் பங்கேற்கலாம் என்றும் தனியார் மருத்துவக் கல்வி நிறுவனங்கள் கட்டாயம் என்இஇடி முறையைக் கடைப்பிடிக்க வேண்டும் என்றும் வலியுறுத்தும் அவசரச் சட்டத்துக்கு குடியரசுத் தலைவர் அனுமதி அளித்துள்ளார். இந்த நிலையில் மனுதாரர் விடுக்கும் கோரிக்கையை அவசரகால மனுவாகக் கருதி விசாரிக்கத் தேவையில்லை என்று முகுல் ரோத்தகி குறிப்பிட்டார்.

இரு தரப்பு வாதங்களையும் கேட்டறிந்த நீதிபதிகள் கூறியதாவது: "இந்த மனுவை உடனடியாக விசாரிக்க முகாந்திரம் இருப்பதாகத் தோன்றவில்லை. அவசரச் சட்டத்துக்கு தடை விதிப்பதால் பாதிக்கப்படுவது மாணவர்கள்தான். மருத்துவ நுழைவுத் தேர்வு விவகாரத்தில் குழப்பத்தை விளைவிக்க நீதிமன்றம் விரும்பவில்லை.

மத்திய அரசு கொண்டு வந்துள்ள அவசரச் சட்டம் ஓராண்டுக்கு மட்டுமே பொருந்தும் என்பதை மனுதாரர் கவனத்தில் கொள்ள வேண்டும். எனவே, இந்த மனுவை நீதிமன்ற விடுமுறைக்குப் பிறகு பரிசீலனைக்கு பட்டியலிட நீதிமன்றத் தலைமைப் பதிவாளரைக் கேட்டுக் கொள்கிறோம்' என்று நீதிபதிகள் குறிப்பிட்டனர்.

 

தமிழக அரசு சார்பில் "கேவியட்' மனு

மருத்துவ பொது நுழைவுத் தேர்வு தொடர்பாக தங்களது கருத்தையும் கேட்ட பிறகே எந்த உத்தரவையும் பிறப்பிக்க வேண்டும் என்று தமிழக அரசின் சார்பில் உச்ச நீதிமன்றத்தில் "கேவியட்' மனு தாக்கல் செய்யப்பட்டுள்ளது.

என்இஇடி (பொது நுழைவுத் தேர்வு) அவசரச் சட்டத்துக்கு ஆதரவாகவும் எதிராகவும் உச்ச நீதிமன்றத்தில் தாக்கல் செய்யப்பட்டுள்ள மனுக்களை பரிசீலிக்கும் போது, "சம்பந்தப்பட்ட மாநிலம்' என்ற முறையில் தமிழக அரசின் கருத்தைக் கேட்காமல் எந்த உத்தரவையும் பிறப்பிக்கக் கூடாது என்று உச்ச நீதிமன்றத்தில் தமிழக அரசு சார்பில் அதன் வழக்குரைஞர் எம். யோகேஷ் கண்ணா வெள்ளிக்கிழமை "கேவியட்' மனு தாக்கல் செய்துள்ளார்.

 

 

எம்.பி.பி.எஸ்.: 2 நாளில் 11,990 விண்ணப்பங்கள் விநியோகம்

தமிழகத்தில் எம்.பி.பி.எஸ்.-பி.டி.எஸ். படிப்புகளில் மாணவர்கள் சேருவதற்கான விண்ணப்பங்களை கடந்த 2 நாள்களில் மொத்தம் 11,990 மாணவர்கள் பெற்றுள்ளனர்.

தமிழகத்தில் நிகழாண்டில் மருத்துவ பொது நுழைவுத் தேர்வின்றி வழக்கம்போல் பிளஸ் 2 மதிப்பெண் மூலம் கணக்கிடப்படும் கட்-ஆஃப் மதிப்பெண் அடிப்படையில் எம்.பி.பி.எஸ்.-பி.டி.எஸ். சேர்க்கை நடைபெறும் வகையிலான அவசரச் சட்டத்துக்கு குடியரசுத் தலைவர் பிரணாப் முகர்ஜி அண்மையில் ஒப்புதல் அளித்தார்.

இதைத் தொடர்ந்து சென்னை உள்பட 20 அரசு மருத்துவக் கல்லூரிகள், சென்னை பாரிமுனையில் உள்ள அரசு பல் மருத்துவக் கல்லூரியில் எம்.பி.பி.எஸ்.-பி.டி.எஸ். (இரண்டு படிப்புகளுக்கும் ஒரே விண்ணப்பம்) விண்ணப்ப விநியோகம் வியாழக்கிழமை (மே 26) தொடங்கியது. முதல் நாளான வியாழக்கிழமை (மே 26) 6,123 பேர், இரண்டாவது நாளான வெள்ளிக்கிழமை (மே 27) 5,867 பேர் என மொத்தம் 11,990 பேர் எம்.பி.பி.எஸ்.-பி.டி.எஸ். விண்ணப்பங்களைப் பெற்றுள்ளனர். விண்ணப்பத்தைப் பெற ஜூன் 6-ஆம் தேதியும், பூர்த்தி செய்த விண்ணப்பத்தை அளிக்க ஜூன் 7-ஆம் தேதியும் கடைசி நாளாக நிர்ணயிக்கப்பட்டுள்ளது.

]]>
https://www.dinamani.com/edition_new_delhi/2016/may/28/அவசரச்-சட்டத்துக்கு-தடை-விதிக்க-மறுப்பு-1478.html
715 அனைத்துப் பதிப்புகள் புதுதில்லி தில்லி - மீரட் விரைவுச்சாலை விரிவாக்க திட்டம்:மத்திய அமைச்சரவை ஒப்புதல் புது தில்லி PTI Friday, May 13, 2016 12:47 PM +0530

இந்த சாலை விரிவாக்கத்தால், தில்லியில் போக்குரவத்து நெரிசல் குறையும் என்று எதிர்பார்க்கப்படுகிறது.

இதுதொடர்பாக, மத்திய சாலைப் போக்குவரத்து, நெடுஞ்சாலைத் துறை அமைச்சகம் வியாழக்கிழமை வெளியிட்ட அறிக்கையில் கூறப்பட்டுள்ளதாவது:

பொருளாதார விவகாரங்களுக்கான மத்திய அமைச்சரவைக் குழுக் கூட்டம், பிரதமர் மோடி தலைமையில் வியாழக்கிழமை நடைபெற்றது. இந்தக் கூட்டத்தில், உ.பி. நுழைவாயிலில் இருந்து தாஸ்னா நகர் வரை 19 கி.மீ. தொலைவுக்கு 6 வழித் தடத்துடன் சாலை விரிவாக்கம் செய்வதற்கு ஒப்புதல் அளிக்கப்பட்டது.

நிலம் கையகப்படுத்துதல், மறு குடியமர்த்துதல் உள்பட ரூ.1,983.51 கோடியில் இத்திட்டத்தை நிறைவேற்றுவதற்கு முடிவு செய்யப்பட்டது என்று அந்த அறிக்கையில் தெரிவிக்கப்பட்டுள்ளது.

இதுதொடர்பாக, மத்திய சாலைப் போக்குவரத்து, நெடுஞ்சாலைத் துறை அமைச்சர் வெங்கய்ய நாயுடு கூறுகையில், "இந்த சாலை விரிவாக்கத்தால், தில்லியில் இருந்து மீரட்டுக்கு பயணிக்கும் நேரம் 3 மணி நேரத்தில் இருந்து 40-45 நிமிடங்களாகக் குறையும்' என்றார். ஏற்கெனவே, ரூ.7,566 கோடி செலவில் தில்லி - மீரட் விரைவுவழிச் சாலைத் திட்டத்துக்கு பிரதமர் மோடி கடந்த ஆண்டு டிசம்பர் 31-ஆம் தேதி அடிக்கல் நாட்டினார்.

 

 

 

]]>
https://www.dinamani.com/edition_new_delhi/2016/may/13/தில்லி---மீரட்-விரைவுச்சாலை-விரிவாக்க-திட்டம்மத்திய-அமைச்சரவை-ஒப்புதல்--715.html
720 அனைத்துப் பதிப்புகள் புதுதில்லி தொழில்நுட்பக் கல்வி: ஆசிரியர்களுக்கு சிசோடியா அழைப்பு புது தில்லி, PTI Friday, May 13, 2016 12:47 PM +0530

தில்லி கஷ்மீரி கேட்டில் அமைந்துள்ள தில்லி இந்திரா காந்தி மகளிர் தொழில்நுட்பக் பல்கலைக்கழகத்தின் மூன்றாவது நிறுவன தின விழா வியாழக்கிழமை நடைபெற்றது.

இதில், சிறப்பு விருந்தினராகப் பங்கேற்ற தில்லி துணை முதல்வர் மணீஷ் சிசோடியா, தொழில்நுட்ப வர்த்தக கல்வி மையத்தையும், "அன்வேஷன்' வணிகப் பயிற்சி மையத்தையும் திறந்துவைத்தார். விழாவில் அவர் பேசியதாவது:

இந்திய சமூகத்தில் புரட்சிகரமான, தேவையான மாற்றங்களை உருவாக்கும் முகவர்களாக ஆற்றல்மிக்க இளையோர் இருப்பதை தில்லி அரசு நன்கு அறிந்துள்ளது. ஆகவே, பொருளாதாரம், சமூகம், தொழில்நுட்பம், அரசியல், கலை, கலாசாரம் போன்ற வாழ்வின் அனைத்துத் தளங்களிலும் இளைஞர்களின் பங்களிப்பை உறுதிப்படுத்துவதற்கான நடவடிக்கைகளை எடுக்க தில்லி அரசு உறுதிபூண்டுள்ளது.

மேலும், இந்த இலக்கை எட்டும் வகையில், ஒருங்கிணைந்த புத்தாக்கம், தொழில்முனைவுத்திறன், ஞானம், சமூகப் பொறுப்புணர்வுடன்கூடிய திறன்கள் ஆகியவற்றை அளிக்கும் உயர் தரமான கல்விக்கான மையமாக தில்லியை உருவாக்கவும் அரசு உறுதி கொண்டுள்ளது.

தொழில் மேம்பாட்டுத் திட்டங்களில் தொழில்துறையினரையும் கூட்டாக இணைத்து செயல்படவும் தில்லி அரசு முயற்சிகள் மேற்கொண்டுள்ளது. தனிப்பட்ட நபர்கள் வேலை வாய்ப்புக்கான பயிற்சியை பெறுவோராக மட்டும் இல்லாமல் வேலை வாய்ப்புகû உருவாக்குவோராகவும் இருக்க வேண்டும். மேலும், விருப்பமுள்ள மாணவர்களுக்கு அதிகளவில் தொழில்நுட்பக் கல்வியை வழங்குவதை ஆசிரியர்கள் ஒரு பொறுப்பாக ஏற்றுச் செயல்பட வேண்டும் என்றார் அவர்.

இந்த விழாவின் போது அமெரிக்காவில் ஜூனில் நடைபெற உள்ள "சூப்பர் மைலேஜ்' போட்டிக்காக தில்லி இந்திரா காந்தி மகளிர் தொழில்நுட்பப் பல்கலைக்கழக மாணவிகள் உருவாக்கியுள்ள எரிபொருள் சேமிப்புத் திறனுடன் வடிவமைக்கப்பட்ட காரையும் துணை முதல்வர் சிசோடியா அறிமுகப்படுத்தினார்.

துணைவேந்தர் பேராசிரியர் நுபுர் பிரகாஷ் பேசுகையில், "பல்கலை.யில் திறக்கப்பட்டுள்ள தொழில்நுட்ப வர்த்தகப் பயிற்சி மையமானது இளம் மகளிர் தொழில்முனைவோரின் புதுமையான சிந்தனைகளை வெற்றிகரமான வர்த்தக தொழில் நிறுவனங்களாக மாற்றுவதற்கு ஊக்குவிக்கும்' என்றார்.

டிசிஎஸ், அக்ùஸன்சர், ஹீரோ மோட்டார்ஸ், மஹிந்திரா அன் மஹிந்திரா, ஆரக்கிள், எஸ்ஏபி, மைக்ரோசாஃப்ட், ஐபிஎம், அமேசான், ஸ்னாப்டீல், எக்ஸ்பீடியா, சபர் டிராவல்ஸ், ஜெனரல் மோட்டார்ஸ் உள்பட பல முன்னணி நிறுவனங்கள் நேர்முக வளாகத் தேர்வை நடத்துவதாக விழாவில் தகவல் தெரிவிக்கப்பட்டது.

இந்த நிகழ்வில் தில்லி அரசின் தொழில்நுட்பக் கல்விச் செயலர் புன்ய சலிலா ஸ்ரீவஸ்தவா, பல்கலை. பதிவாளர் அச்சலா சிங் ஆகியோர் பங்கேற்றனர்.

 

]]>
https://www.dinamani.com/edition_new_delhi/2016/may/13/தொழில்நுட்பக்-கல்வி-ஆசிரியர்களுக்கு-சிசோடியா-அழைப்பு-720.html
719 அனைத்துப் பதிப்புகள் புதுதில்லி எம்.பி.க்கள் தங்குவதற்கு புதிய குடியிருப்பு புது தில்லி PTI Friday, May 13, 2016 12:45 PM +0530

எம்.பி.க்கள் மற்றும் அவரது விருந்தினர்கள் தங்குவதற்கு ஜன்பத்தில் தற்போது 74 சொகுசு குடியிருப்புகள் உள்ளன. இது நாடாளுமன்ற உறுப்பினர்

களுக்கும், அவர்களது விருந்தினர்களுக்கும் போதுமானதாக இல்லை.

இதையடுத்து, தற்போதுள்ள விடுதியின் பின்புறம் புதிதாக வெஸ்டர்ன் கோர்ட் விடுதி இணைவிப்புக் கட்டடம் கட்டுவதற்கு நாடாளுமன்ற குடியிருப்புக் குழு ஆலோசனை அளித்திருந்தது.

இதையடுத்து, புதிய விடுதிக்கான அடிக்கல் திறப்பு விழா வியாழக்கிழமை நடைபெற்றது. இதில், மக்களவைத் தலைவர் சுமித்ரா மகாஜன் கலந்து கொண்டு அடிக்கல்லை திறந்து வைத்தார்.

இப்புதிய விடுதி 88 சொகுசு அறைகள் கொண்டதாக இருக்கும். உடற்பயிற்சிக்கூடம், யோகா அறை, கருத்தரங்க அறை, உணவுக் கூடம் என நவீன வசதிகள் கொண்டதாக இந்த விடுதி அமைக்கப்பட உள்ளது. கீழ்த்தளத்தில் இரு தளங்களுடன் நான்கு மாடிகளுடன் இந்த விடுதி இருக்கும். குளிர்சாதன வசதி, தொலைக்காட்சி, இணையதளம் உள்பட நவீன வசதிகள் இந்த விடுதியில் அமைக்கப்பட உள்ளன.

விழாவில் நாடாளுமன்ற குடியிருப்புகள் குழுவின் தலைவர் அர்ஜுன் ராம் மேஹ்வால், நாடாளுமன்ற உறுப்பினர்கள் உள்பட பலர் கலந்து கொண்டனர்.

 

]]>
https://www.dinamani.com/edition_new_delhi/2016/may/13/எம்பிக்கள்-தங்குவதற்கு-புதிய-குடியிருப்பு-719.html
718 அனைத்துப் பதிப்புகள் புதுதில்லி தேர்வில் தோல்வியால் மாணவி தற்கொலை:உடல் உறுப்புகளை தானம் செய்ய கடிதம் புது தில்லி, PTI Friday, May 13, 2016 12:44 PM +0530 இதுதொடர்பாக, போலீஸ் அதிகாரி ஒருவர் வியாழக்கிழமை கூறியதாவது:

மோரீஸ் நகரைச் சேர்ந்த ரீமா, 11-ஆம் வகுப்பு தேர்வில் வேதியியல் பாடத்தில் தோல்வி அடைந்தார். மீண்டும் தேர்வு எழுதியபோதும், அவர் தேர்ச்சி பெறவில்லை. இதனால், கடந்த சில நாள்களாக அவர் மனமுடைந்து காணப்பட்டதாகத் தெரிகிறது.

இந்நிலையில், ரீமா, கடந்த செவ்வாய்க்கிழமை வீட்டில் யாருமில்லா நேரத்தில் தூக்கிட்டுத் தற்கொலை செய்து கொண்டார். அவர் தற்கொலைக் கடிதம் ஒன்றை எழுதி வைத்துள்ளார். அதில், தனது உடல் உறுப்புகளை தானம் செய்யுமாறு கேட்டுக் கொண்டுள்ளார். இந்தச் சம்பவம் தொடர்பாக, வழக்குப் பதிவு செய்யப்பட்டுள்ளது என்றார் அவர்.

 

]]>
https://www.dinamani.com/edition_new_delhi/2016/may/13/தேர்வில்-தோல்வியால்-மாணவி-தற்கொலைஉடல்-உறுப்புகளை-தானம்-செய்ய-கடிதம்-718.html
717 அனைத்துப் பதிப்புகள் புதுதில்லி காற்று மாசு: தில்லியை மிஞ்சிய 4 நகரங்கள்:ஆய்வறிக்கையில் தகவல் புது தில்லி/ ஜெனீவா, PTI Friday, May 13, 2016 12:43 PM +0530

உலகிலேயே காற்று மாசுபாடு மிகுந்த நகரங்களின் பட்டியலில் தில்லி முதலிடத்தில் இருப்பதாக உலக சுகாதார நிறுவனம் கடந்த 2014-ஆம் ஆண்டு தெரிவித்திருந்தது.

இந்நிலையில், கடந்த 2008-ஆம் ஆண்டில் இருந்து 2013-ஆம் ஆண்டு வரை சேகரிக்கப்பட்ட தகவல்களின் அடிப்படையில் புதிய பட்டியலுடன் அறிக்கை ஒன்றை உலக சுகாதார நிறுவனம் வியாழக்கிழமை வெளியிட்டுள்ளது.

அதில், காற்று மாசுபாடு மிகுந்த நகரங்களின் பட்டியலில் தில்லி 11-வது இடத்தில் உள்ளது. தில்லியை முந்திக் கொண்டு முதல் 7 இடங்களில் இந்தியாவின் குவாலியர் (2), அலாகாபாத் (3), பாட்னா (6), ராய்ப்பூர் (7) ஆகிய நகரங்கள் இடம்பெற்றுள்ளன. அந்தப் பட்டியலில் இரானில் உள்ள ஜபோல் நகரம் முதலிடத்தில் உள்ளது.

தில்லியைத் தொடர்ந்து எகிப்து தலைநகர் கெயிரோ, வங்கதேசத்தின் தலைநகர் டாக்கா ஆகியவை காற்று மாசு பட்டியலில் இடம் பெற்றுள்ளன. காற்று மாசுபாட்டால் பக்கவாதம், ஆஸ்தமா போன்ற நோய்கள் அதிகரிக்கும் என்று ஆய்வறிக்கையில் எச்சரிக்கப்பட்டுள்ளது.

அந்தப் பட்டியலில் தில்லி 11-வது இடத்துக்குச் சென்றதற்காக, தில்லி நகர மக்களுக்கு முதல்வர் அரவிந்த் கேஜரிவால் தனது சுட்டுரைப் பக்கத்தில் வாழ்த்து தெரிவித்தார்.

இதனிடையே, தில்லியுடன் குவாலியர், அலாகாபாத், பாட்னா, ராய்ப்பூர் ஆகிய நகரங்களிலும் காற்று மாசுபாடு பிரச்னைக்குத் தீர்வு காண வேண்டியது அவசியம் என உலக சுகாதார நிறுவனத்தின் அறிக்கை வலியுறுத்துகிறது என்று கிரீன்பீஸ் இந்தியா அமைப்பு தெரிவித்துள்ளது.

காற்று மாசுபாடு தொடர்பாக உலக சுகாதார நிறுவனம் வெளியிட்ட அறிக்கையில் மேலும் கூறப்பட்டுள்ளதாவது:

கார்பன், சல்பேட் போன்ற துகள்களால் காற்று மாசுபடுகிறது. ஐரோப்பா, வட அமெரிக்கா போன்ற வளர்ந்த நாடுகளில் காற்றின் தரம் மேம்பட்டு வருகிறது. அதேநேரத்தில் மத்திய கிழக்கு மற்றும் தென்கிழக்கு ஆசியா போன்ற நாடுகளில் காற்றின் தரம் மோசமடைந்து வருகிறது.

குறைவான மற்றும் மிதமான வருவாய் ஈட்டும் நாடுகளில் உள்ள ஒவ்வொரு நகரத்திலும் ஐ.நா. வகுத்துள்ள சுத்தமான காற்று இல்லை. எழ்மையான நாடுகளில் உள்ள நகரங்களில் வசிப்பவர்கள் காற்று மாசுபாடு காரணமாக அதிகளவில் பாதிக்கப்பட்டுள்ளனர் என்று அந்த அறிக்கையில் தெரிவிக்கப்பட்டுள்ளது.

 

]]>
https://www.dinamani.com/edition_new_delhi/2016/may/13/காற்று-மாசு-தில்லியை-மிஞ்சிய-4-நகரங்கள்ஆய்வறிக்கையில்-தகவல்-717.html
716 அனைத்துப் பதிப்புகள் புதுதில்லி பிரதமர் மோடி - சிறீசேனா தில்லியில் இன்று சந்திப்பு  புது தில்லி PTI Friday, May 13, 2016 12:42 PM +0530 இலங்கை அதிபர் மைத்ரிபாலா சிறீசேனா பிரதமர் நரேந்திர மோடியை வெள்ளிக்கிழமை (மே 13) இரவு தில்லியில் சந்திக்கவுள்ளார். இரண்டு நாள் பயணமாக இந்தியாவுக்கு வரும் சிறீசேனா, மத்திய பிரதேச மாநிலம், உஜ்ஜைனியில் நடைபெற்று வரும் சிம்ஹஸ்த கும்ப மேளாவின் இறுதி நிகழ்வில் பங்கேற்கவுள்ளார். இந்த இறுதி நிகழ்வை பிரதமர் நரேந்திர மோடி தொடங்கி வைக்கவுள்ளார்.

முன்னதாக, லண்டனில் நடைபெற்று வரும் "ஊழலுக்கு எதிரான உலகத் தலைவர்கள்' மாநாட்டில் பங்கேற்கும் சிறீசேனா, அங்கிருந்து தனி விமானம் மூலம் தில்லிக்கு வெள்ளிக்கிழமை பிற்பகல் 2.15 மணிக்கு வருகிறார். தில்லி ஹைதராபாத் இல்லத்தில் அவருக்கு பிரதமர் நரேந்திர மோடி இரவு விருந்தளிக்கிறார்.

கும்பமேளாவில் பங்கேற்பு: இதையடுத்து, மத்திய அரசு ஆதரவுடன் நடத்தப்படும் இந்திய ஃபவுண்டேஷன் அமைப்பு சார்பில் சிறீசேனா தங்கவுள்ள மௌரியா ஷெராட்டன் ஹோட்டலில் அவருக்கு வரவேற்பு அளிக்கப்படவுள்ளது. பின்னர் சனிக்கிழமை காலை தில்லியில் இருந்து மத்திய பிரதேச மாநிலத் தலைநகர் இந்தூருக்கு புறப்படும் அவர், அங்கிருந்து உஜ்ஜைனிக்கு செல்கிறார். அங்குள்ள நினோரா கிராமத்தில் சனிக்கிழமை (மே 14) காலை 11.30 மணியளவில் நடைபெறவுள்ள வைசரிக் மகா கும்பமேளா (சிம்ஹஸ்த் கும்ப மேளாவின் இறுதி நிகழ்வு) நிகழ்வில் சிறப்பு விருந்தினராக சிறீசேனா கலந்து கொள்கிறார். இந்நிகழ்வை பிரதமர் நரேந்திர மோடி தொடங்கி வைக்கவுள்ளதால் தில்லியை தொடர்ந்து உஜ்ஜைனியிலும் இரு தலைவர்களும் சந்திக்கவுள்ளனர்.

இதையடுத்து, சாஞ்சி நகருக்குச் சென்று, அங்குள்ள உலகப் புகழ் பெற்ற சாஞ்சி ஸ்தூபியை சிறீசேனா பார்வையிடுகிறார். இதையொட்டி, இலங்கை மகாபோதி சமூகம் ஏற்பாடு செய்துள்ள நிகழ்வில் அந்நாட்டினரால் போற்றப்படும் புத்த துறவி அங்காரிகா தர்மபாலாவின் உருவச் சிலையை சிறீசேனா திறந்து வைக்கிறார். இந்நிகழ்வில் பங்கேற்றதும் பெங்களூரு சென்று அங்கிருந்து கொழும்புக்கு சனிக்கிழமை இரவே சிறீசேனா புறப்படுகிறார்.

எதிர்க்கட்சித் தலைவர் பயணம்: இலங்கை அதிபரின் இரண்டு நாள் இந்திய பயணம், இரு நாட்டு நல்லுறவை மேலும் வலுப்படுத்தும் என்று வெளியுறவுத் துறை செய்தித் தொடர்பாளர் விகாஸ் ஸ்வரூப் தெரிவித்துள்ளார்.

உஜ்ஜைனி கும்ப மேளா இறுதி நிகழ்வில், இலங்கை நாடாளுமன்ற எதிர்க்கட்சித் தலைவரும், தமிழ் தேசிய கூட்டமைப்பின் மூத்த தலைவருமான இரா. சம்பந்தன் கலந்து கொள்ளவுள்ளார். மத்திய பிரதேச மாநில முதல்வர் சிவராஜ் சிங் சௌஹான் விடுத்துள்ள தனிப்பட்ட அழைப்பின்பேரில் சம்பந்தன், மத்திய பிரதேசத்துக்கு வருவதாக வெளியுறவுத் துறை அதிகாரிகள் தெரிவித்தனர்.

 

]]>
https://www.dinamani.com/edition_new_delhi/2016/may/13/பிரதமர்-மோடி---சிறீசேனா-தில்லியில்-இன்று-சந்திப்பு -716.html