Dinamani - தேனி - https://www.dinamani.com/all-editions/edition-madurai/theni/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3195501 மதுரை தேனி குற்றப்பிரிவு இல்லாததால் காவல் நிலையங்களில் குற்ற வழக்குகள் தேக்கம் DIN DIN Friday, July 19, 2019 02:47 AM +0530
குற்றங்களை தடுக்கவும், குற்றவாளிகளை விரைந்து கண்டுபிடிக்கவும், தேனி மாவட்டக் காவல் நிலையங்களில் மீண்டும் குற்றப்பிரிவு தொடங்க வேண்டும் என, பொதுமக்கள் எதிர்பார்த்துள்ளனர்.
       தேனி மாவட்டக் காவல் நிலையங்களில் கடந்த 1995 ஆம் ஆண்டு வரை சட்டம்-ஒழுங்கு மற்றும் குற்றம் என இரு பிரிவுகள் தனித்தனியாகச் செயல்பட்டு வந்தன. இந்த இரு பிரிவுகளும், வட்டாரக் காவல் ஆய்வாளர் தலைமையில், சார்பு-ஆய்வாளர், தலைமை, முதல்நிலை, இரண்டாம் நிலை காவலர்கள் என செயல்பட்டு வந்தன. இதனால், குற்றச் சம்பவங்கள் தடுக்கப்பட்டதுடன், குற்றவாளிகளும் விரைவில் கண்டுபிடிக்கப்பட்டனர்.      இந்நிலையில், குற்றப்பிரிவு பல ஆண்டுகளாகவே செயல்படாமல், அதற்குப் பதிலாக சட்டம்-ஒழுங்கு காவலர்களை அந்தந்த காவல் நிலையங்களில் குற்றப் பிரிவில் நியமிக்கப்பட்டு வந்தனர். அதன்பின்னர், இந்தப் பிரிவும் கலைக்கப்பட்டு, உட்கோட்ட அளவில் குற்றப்பிரிவு தொடங்கப்பட்டு, ஒரு சார்பு-ஆய்வாளர் மற்றும் 5 காவலர்கள் மட்டும் நியமிக்கப்பட்டு, தற்போது வரை செயல்பட்டு வருகிறது. உட்கோட்ட அளவிலான காவல் நிலையங்களில் நான்குக்கும் மேலான குற்றப்பிரிவு செயல்பட்டு வந்த நிலையில், தற்போது ஒரே ஒரு குற்றப்பிரிவு மட்டுமே செயல்படுவதால், குற்றவாளிகளைக் கண்டுபிடிப்பதில் சிரமம் மற்றும் தாமதம் ஏற்படுகிறது.
       உதாரணமாக, 10 ஆண்டுகளுக்கு முன் கம்பத்தில் உள்ள தனியார் தங்கும் விடுதியில் நடந்த பெண் கொலை வழக்கு முதல் சில மாதங்களுக்கு முன் சுருளி அருவியில் நடந்த பூசாரி கொலை வழக்கு உள்ளிட்ட பல்வேறு திருட்டு, கொள்ளை சம்பவங்கள் இன்னும் கண்டுபிடிக்கப்படாமல் உள்ளன. இது, குற்றவாளிகளுக்கு சாதகமாக அமைந்துள்ளது.
     இது குறித்து ஓய்வுபெற்ற காவல் அதிகாரி ஒருவர் கூறியது: தற்போது, காவல் நிலைய எல்லைகள் வரையறை முரண்பாடாக உள்ளது. உதாரணமாக, உத்தமபாளையம் உட்கோட்ட எல்லைக்குள்பட்டு சுமார் 7 கிலோ மீட்டர் தொலைவில் இருந்த சின்னமனூர் காவல் நிலையம், தற்போது சுமார் 30 கிலோ மீட்டர் தொலைவில் உள்ள போடி காவல் உட்கோட்டத்துக்கு மாற்றப்பட்டுள்ளது. இதனால், போலீஸார், பொதுமக்களுக்கு பயண நேரம், செலவு, தகவல் தொடர்பு என அனைத்திலும் சிரமம் ஏற்படுகிறது. இதை மாற்ற பல ஆண்டுகளாக பொதுமக்கள் கோரிக்கை விடுத்தும், மாவட்ட நிர்வாகம் கண்டுகொள்ளவில்லை.
     இதேபோல், காவல் நிலையங்களில் தனியாகச் செயல்பட்டு வந்த குற்றப்பிரிவு போலீஸ் குறைக்கப்பட்டிருப்பது, குற்ற நடவடிக்கையில் ஈடுபடுவோருக்கு சாதகமாக உள்ளது. எனவே, காவல் நிலைய எல்லைகளை சரியாக வரையறுத்தும், ஒவ்வொரு காவல் நிலையத்திலும் மீண்டும் குற்றப்பிரிவு தொடங்கவேண்டும் என்றார்.
 

]]>
https://www.dinamani.com/all-editions/edition-madurai/theni/2019/jul/19/குற்றப்பிரிவு-இல்லாததால்-காவல்-நிலையங்களில்-குற்ற-வழக்குகள்-தேக்கம்-3195501.html
3195500 மதுரை தேனி அதிமுக சார்பில் தேனி மாவட்டத்தில் 11 கண்மாய்களை தூர்வார முடிவு DIN DIN Friday, July 19, 2019 02:47 AM +0530
அதிமுக சார்பில், தேனி மாவட்டத்தில் 11 கண்மாய்கள் மற்றும் நீர்வரத்துக் கால்வாய்களை தூர்வாரவும், கரையோரப் பகுதிகளில் மரக் கன்றுகளை நடவும் முடிவு செய்யப்பட்டுள்ளது.
        மாவட்டத்தில் ஜல் சக்தி அபியான் மற்றும் குடிமராமத்து திட்டத்தின் கீழ், நீர்நிலை சீரமைப்பு மற்றும் மழைநீர் சேமிப்பு அமைப்பு பணிகள் நடைபெற்று வருகின்றன. இத் திட்டத்தில், விவசாயிகள், பொதுமக்கள் மற்றும் பல்வேறு அமைப்பினரும் இணைந்து, நீர்நிலைகளை சுத்தப்படுத்துதல் மற்றும் கண்மாய் தூர்வாரும் பணியில் ஈடுபட்டு வருகின்றனர்.
      இந்நிலையில், மாவட்ட அதிமுக சார்பில் பொதுப்பணித் துறை அனுமதியுடன், மாவட்டத்தின் 4 சட்டப்பேரவைத் தொகுதிகளிலும் மொத்தமுள்ள 11 கண்மாய்கள், நீர்வரத்துக் கால்வாய்களை தூர்வாரி, கரையோரங்களில் மரக் கன்றுகளை நடவு செய்ய முடிவு செய்யப்பட்டுள்ளது. 
      இதன்படி, கோடாங்கிபட்டி கணக்கன்குளம் கண்மாய், போ.அம்மாபட்டி செட்டிகுளம், ஜங்கால்பட்டி வண்ணார் குளம், கன்னிமார் குளம், தாடிச்சேரி கண்மாய், தேவாரம் பெரியதேவி குளம், சின்னதேவி குளம்,  தேனி சுக்குவாடன்பட்டி சிகு ஓடை கண்மாய்,  பெரியகுளம் தென்கரை பாப்பையன்பட்டி கண்மாய், பாலக்கோம்பை ஊசிமலைக் கண்மாய், மயிலாடும்பாறை கோவிலான் குளம் மற்றும் இந்த கண்மாய்களுக்கான தண்ணீர் வரத்துக் கால்வாய்கள் ஆகியன மொத்தம் ரூ.71 லட்சம் செலவில் தூர்வாரப்பட உள்ளன என்று, அதிமுக நிர்வாகிகள் தெரிவித்தனர்.
       தேனி, சுக்குவாடன்பட்டி சிகு ஓடை கண்மாயில் தூர்வாரும் பணிக்கான முன்னேற்பாடுகளை மேற்கொள்ள, வியாழக்கிழமை அதிமுக மாவட்டச் செயலர் சையதுகான், மாவட்ட துணைச் செயலர் ராமர், பெரியகுளம் ஒன்றியச் செயலர் அன்னப்பிரகாஷ் மற்றும் நிர்வாகிகள் பார்வையிட்டு, ஆலோசனை செய்தனர்.
 

]]>
https://www.dinamani.com/all-editions/edition-madurai/theni/2019/jul/19/அதிமுக-சார்பில்-தேனி-மாவட்டத்தில்-11-கண்மாய்களை-தூர்வார-முடிவு-3195500.html
3195499 மதுரை தேனி ஆண்டிபட்டியில் புறவழிச்சாலை திட்டத்தை விரைந்து நிறைவேற்ற பொதுமக்கள் கோரிக்கை DIN DIN Friday, July 19, 2019 02:46 AM +0530
ஆண்டிபட்டியில் கிடப்பில் போடப்பட்டுள்ள புறவழிச்சாலை திட்டத்தை விரைந்து நிறைவேற்ற பொதுமக்கள் கோரிக்கை விடுத்துள்ளனர்.
மதுரை- கொச்சி தேசிய நெடுஞ்சாலையில் ஆண்டிபட்டி நகர் அமைந்துள்ளது. இச் சாலையின் வழியாக தினந்தோறும் ஆயிரக்கணக்கான வாகனங்கள் சென்று வருகின்றன.இச்சாலையில் அனைத்து பகுதிகளும் அகலமானதாக அமைந்துள்ள நிலையில், நகருக்குள் ஆக்கிரமிப்பு உள்ளிட்ட பல்வேறு காரணங்களால் சாலை மிகவும் குறுகலாக உள்ளது. இதனால் நகரில் அடிக்கடி போக்குவரத்து நெரிசல் ஏற்பட்டு வருகிறது. குறிப்பாக, பள்ளி நேரமான காலை, மாலை நேரங்களிலும், விசேஷ நாள்களிலும் அதிகமான போக்குவரத்து நெரிசல் ஏற்படுகிறது. 
இந்நிலையில் ஆண்டிபட்டியில் புறவழிச்சாலை அமைக்க கடந்த 10 ஆண்டுகளுக்கு முன்பு தேசிய நெடுஞ்சாலைத்துறையினர் திட்டமிட்டனர். அதன்படி ஆண்டிபட்டி அருகே உள்ள டி.ராஜகோபாலன்பட்டி முதல் கொண்டமநாயக்கன்பட்டி, வைகை அணை சாலை, சக்கம்பட்டி, முத்துக்கிருஷ்ணாபுரம் வழியாக சண்முகசுந்தரபுரம் வரையில் சுமார் 5 கி.மீ. தூரம் புறவழிச்சாலை அமைக்க முடிவு செய்யப்பட்டது. 
இதுகுறித்த திட்ட வரைவை ஒப்புதல் பெற அரசுக்கு தேசிய நெடுஞ்சாலைத்துறையினர் அனுப்பி வைத்தனர். ஆனால் இன்றுவரை இத்திட்டம் செயல்படுத்தபடாமல் கிடப்பில் உள்ளது. இதனால்  நகரில் போக்குவரத்து நெரிசல் நாளுக்கு நாள் அதிகரித்து வருகிறது. குறிப்பாக கண்டெய்னர் உள்ளிட்ட கனரக வாகனங்கள் ஆண்டிபட்டி நகர் வழியாகச் செல்வதில் சிக்கல் உள்ளது.  எனவே பல ஆண்டுகளாக கிடப்பில் உள்ள புறவழிச்சாலை திட்டத்தை விரைந்து செயல்படுத்த வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/theni/2019/jul/19/ஆண்டிபட்டியில்-புறவழிச்சாலை-திட்டத்தை-விரைந்து-நிறைவேற்ற-பொதுமக்கள்-கோரிக்கை-3195499.html
3195498 மதுரை தேனி கேரளத்துக்கு புலித்தோல் கடத்திய 5 பேர் கைது; கார் பறிமுதல் DIN DIN Friday, July 19, 2019 02:46 AM +0530
தேனி மாவட்டம், குமுளி வழியாக கேரளத்துக்கு புலித்தோல் கடத்திய 5 பேரை, கேரள வனத் துறையினர் வியாழக்கிழமை கைது செய்து, கடத்தலுக்குப் பயன்படுத்திய காரையும் பறிமுதல் செய்தனர்.
       தமிழக-கேரள எல்லை வண்டிப் பெரியார், வல்லக்கடவு வனப் பகுதியில், கேரள வனத் துறையினர் வாகனச் சோதனையில் புதன்கிழமை இரவு ஈடுபட்டிருந்தனர். அப்போது, குமுளியிலிருந்து கோட்டயம் நோக்கிச் சென்ற காரை மறித்து சோதனையிட்டனர். அதில், புலித்தோல் கடத்திச் செல்லப்படுவது தெரியவந்தது.
      அவர்களை விசாரித்ததில், சிவகாசியைச் சேர்ந்த நாராயணன் (71), கமுதியைச் சேர்ந்த சர்க்கரை (51), முருகன் (42), கொடைக்கானலைச் சேர்ந்த கருப்பையா (54) மற்றும் திருநெல்வேலியைச் சேர்ந்த ரத்தினவேல் (50) என்பதும், இவர்கள்  கோட்டயத்தில் ஒருவருக்கு புலித் தோலை விற்பதற்காக கொண்டு செல்வதும் தெரிய வந்தது.
      வல்லக்கடவு வனச் சரகர் அஜீஸ், இந்த 5 பேரையும் கைது செய்து, புலித்தோல் மற்றும் காரை பறிமுதல் செய்து விசாரணை நடத்தி வருகிறார்.
 

]]>
https://www.dinamani.com/all-editions/edition-madurai/theni/2019/jul/19/கேரளத்துக்கு-புலித்தோல்-கடத்திய-5-பேர்-கைது-கார்-பறிமுதல்-3195498.html
3195497 மதுரை தேனி போடி கல்லூரியில் மாநில மேஜை பந்து போட்டிகள் DIN DIN Friday, July 19, 2019 02:46 AM +0530   போடி ஏல விவசாயிகள் சங்கக் கல்லூரியில் செவ்வாய்க்கிழமை நடைபெற்ற மாநில மேஜை பந்து போட்டிகளில் பல்வேறு அணி வீரர்கள் பங்கேற்றனர்.
     போடி ஏல விவசாயிகள் சங்கக் கல்லூரியில் மாநில அளவிலான மேஜை பந்தாட்ட போட்டிகள் கல்லூரி உள் விளையாட்டரங்கில் நடைபெற்றன. தமிழ்நாடு மேஜை பந்தாட்ட கழகம் மூலம் தேனி மாவட்ட மேஜை பந்தாட்ட கழகம், தேனி ஹிமாலயா மேஜை பந்தாட்ட பயிற்சி மையம் இணைந்து இப் போட்டிகளை நடத்தின.
     போட்டிகளை கல்லூரி தலைவர் சுப்பிரமணியன் தலைமை வகித்து தொடக்கி வைத்தார். கல்லூரி துணைத் தலைவர் கருப்பையா, செயலாளர் ராமநாதன் ஆகியோர் முன்னிலை வகித்தனர். நிகழ்ச்சியில் தேசிய தங்கப் பதக்க வீராங்கனை அருள்செல்வி, கல்லூரி முதல்வர் ராஜகுமாரன், தேனி மாவட்ட விளையாட்டு மேம்பாட்டு அலுவலர் சுப்புராஜ்,  தமிழ்நாடு மேஜை பந்தாட்ட கழக செயலாளர் செல்வக்குமார், தேனி மாவட்ட தலைவர் கிருஷ்ணகுமார் ஆகியோர் வாழ்த்தி பேசினர். தேனி மாவட்ட செயலாளர் வெற்றிவேந்தன் வரவேற்றார்.
     14 பிரிவுகளில் போட்டிகள் நடத்தப்பட்டன. 300-க்கும் மேற்பட்ட வீரர், வீராங்கனைகள் பங்கேற்றனர். இதில் சூப்பர் சீனியர் ஆண்கள் பிரிவில் சென்னை வங்கி அலுவலர் நிதின் திருவேங்கடம், பெண்கள் பிரிவில் சென்னை கல்லூரி மாணவி யாசினி ஆகியோர் வெற்றி பெற்றனர். இதேபோல் 12 பிரிவுகளில் வீரர், வீராங்கனைகள் தேர்வு செய்யப்பட்டனர். வெற்றி பெற்றவர்களுக்கு பரிசு கோப்பை, சான்றிதழ்கள் வழங்கப்பட்டன.
 

]]>
https://www.dinamani.com/all-editions/edition-madurai/theni/2019/jul/19/போடி-கல்லூரியில்-மாநில-மேஜை-பந்து-போட்டிகள்-3195497.html
3195496 மதுரை தேனி உத்தமபாளையத்தில் இன்று மின்தடை DIN DIN Friday, July 19, 2019 02:46 AM +0530
உத்தமபாளையம் நகர், அனுமந்தன்பட்டி உள்ளிட்ட பகுதிகளில் வெள்ளிக்கிழமை (ஜூலை 19) மின்விநியோகம் இருக்காது என அறிவிக்கப்பட்டுள்ளது.
  உத்தமபாளையம் துணை மின் நிலையத்துக்குட்பட்ட பகுதிகளில் மாதாந்திர பராமரிப்புப் பணிகள் நடைபெற இருப்பதால் இங்கிருந்து மின்சாரம் பெறும் பகுதிகளான உத்தமபாளையம் நகர், அனுமந்தன்பட்டி, கோகிலாபுரம், ராயப்பன்பட்டி, வாய்க்கால்பட்டி, அம்மாபட்டி, உய அம்மாசமுத்திரம், கருவேலம்பட்டி, கருக்கோடை, கோம்பை, பண்ணைபுரம் மற்றும் அதனை சுற்றியுள்ள கிராமங்களில் வெள்ளிக்கிழமை காலை 9.45 மணி முதல் மாலை 4.45 மணி வரை மின் விநியோகம் இருக்காது என உத்தமபாளையம் மின்வாரிய அலுவலகம் சார்பில் வெளியிட்ட செய்திக்குறிப்பில் தெரிவிக்கப்பட்டுள்ளது.
திண்டுக்கல், வேடசந்தூர் பகுதிகளில் நாளை மின்தடை
வேடசந்தூர்: வேடசந்தூர் பகுதியில் சனிக்கிழமை (ஜூலை 20) மின் தடை ஏற்படும் என அறிவிக்கப்பட்டுள்ளது.
  இதுகுறித்து மின் உதவி செயற்பொறியாளர் கருப்புசாமி வெளியிட்டுள்ள செய்திக்குறிப்பு:
   வேடசந்தூர் துணை மின்நிலையத்தில் மாதாந்திர பராமரிப்பு பணிகள் சனிக்கிழமை (ஜூலை 20) நடைபெற உள்ளது. இதன் காரணமாக வேடசந்தூர், நாகம்பட்டி, காளனம்பட்டி, நத்தப்பட்டி, தட்டாரப்பட்டி, சுள்ளெறும்பு, நவாலூத்து, பூவாய்பாளையம், பூத்தாம்பட்டி, குருநாதநாயக்கனூர், அம்மாபட்டி, மாரம்பாடி, முருநெல்லிக்கோட்டை, சேனான்கோட்டை, ஒட்டநாகம்பட்டி, கோடாங்கிபட்டி உள்ளிட்ட பகுதிகளில் சனிக்கிழமை காலை 9 முதல் பிற்பகல் 2 மணி வரையிலும் மின் விநியோகம் இருக்காது எனத் தெரிவித்துள்ளார்.
திண்டுக்கல்: திண்டுக்கல் அங்குநகர் துணை மின் நிலையத்தில் மாதாந்திரப் பராமரிப்பு பணிகள் சனிக்கிழமை (ஜூலை 20) நடைபெறுவதால் மின்விநியோகம் இருக்காது என தெரிவிக்கப்பட்டுள்ளது.
 இதன் காரணமாக திண்டுக்கல் நகர் முழுவதும், செட்டிநாயக்கன்பட்டி, குரும்பபட்டி, பொன்மாந்துறை, விராலிப்பட்டி ஆகிய இடங்களில் அன்று காலை 9 முதல் பிற்பகல் 2 மணி வரை மின் விநியோகம் இருக்காது என உதவி செயற்பொறியாளர் (திண்டுக்கல் மேற்கு) ச.ராமன்  தெரிவித்துள்ளார்.
 

]]>
https://www.dinamani.com/all-editions/edition-madurai/theni/2019/jul/19/உத்தமபாளையத்தில்-இன்று-மின்தடை-3195496.html
3195495 மதுரை தேனி 50 ஆயிரம் மரக் கன்றுகள் நடுவதற்கு இலக்கு: ஆட்சியர் DIN DIN Friday, July 19, 2019 02:46 AM +0530
தேனி மாவட்டத்தில் உள்ள 4,500 மகளிர் சுயஉதவிக் குழுக்கள் மூலம், ஆகஸ்ட் மாதத்துக்குள் 50 ஆயிரம் மரக் கன்றுகள் நடுவதற்கு இலக்கு நிர்ணயிக்கப்பட்டுள்ளது என்று, மாவட்ட ஆட்சியர் ம. பல்லவி பல்தேவ் வியாழக்கிழமை கூறினார்.
      இது குறித்து அவர் மேலும் கூறியதாவது: மாவட்டத்தில் நீர் மேலாண்மையை மக்கள் இயக்கமாகக் கொண்டு செல்வதற்கு பொதுமக்கள், தன்னார்வலர்கள், மகளிர் சுயஉதவிக் குழுக்கள் மற்றும் அரசுத் துறை அலுவலர்கள் ஒருங்கிணைந்து செயல்பட்டு வருகின்றனர். இதன்மூலம், மாவட்டத்தில் உள்ள 130 ஊராட்சிகளில் 1,645 இடங்கள், 22 பேரூராட்சிகளில் 131 இடங்கள், 6 நகராட்சிகளில் 34 இடங்கள் என மொத்தம் 1,810 இடங்களில் மழைநீர் சேகரிப்பு அமைப்புகள் ஏற்படுத்தப்பட்டுள்ளன.
     மேலும், மாவட்டத்தில் உள்ள 4,500 மகளிர் சுயஉதவிக் குழுக்களில் உறுப்பினர்களாக உள்ள 50 ஆயிரம் பெண்கள் மூலம் ஆகஸ்ட் மாதத்துக்குள் தலா ஒரு மரக் கன்று வீதம் மொத்தம் 50 ஆயிரம் மரக் கன்றுகள் நடவு செய்ய இலக்கு நிர்ணயிக்கப்பட்டுள்ளது. இதில், தற்போது வரை 16 ஆயிரம் மரக் கன்றுகள் நடப்பட்டுள்ளன. 
   அதேநேரம், மாவட்டத்தில் உள்ள அரசு மற்றும் தனியார் பள்ளி, கல்லூரிகளில் நீர் மேலாண்மை குறித்து மாணவ, மாணவிகளுக்கு விழிப்புணர்வு ஏற்படுத்தப்பட்டு வருகிறது என்றார்.

]]>
https://www.dinamani.com/all-editions/edition-madurai/theni/2019/jul/19/50-ஆயிரம்-மரக்-கன்றுகள்-நடுவதற்கு-இலக்கு-ஆட்சியர்-3195495.html
3195494 மதுரை தேனி மணலார் - வெண்ணியார் மலைச் சாலையில் லாரி கவிழ்ந்து விபத்து: போக்குவரத்து பாதிப்பு DIN DIN Friday, July 19, 2019 02:45 AM +0530 தேனி மாவட்டம் ஹைவேவிஸில் உள்ள மணலார் - வெண்ணியார் மலைச் சாலையில் வியாழக்கிழமை லாரி கவிழ்ந்து விபத்துக்குள்ளானதில் அப்பகுதியில் பலமணிநேரமாக போக்குவரத்து பாதிக்கப்பட்டது. எனவே இந்த சாலையை சீரமைக்க வேண்டுமென அப்பகுதி மக்கள் கோரிக்கை விடுத்துள்ளனர். 
மேற்குத்தொடர்ச்சி மலையில் அமைந்துள்ள ஹைவேவிஸ் மலைக்கிராமங்களுக்கு செல்லும் 52 கி.மீ., சாலை பல ஆண்டுகளாக பராமரிப்பு இல்லாமல் குண்டும் குழியுமாக இருந்தது. இதனை அடுத்து மலைக்கிராமக்கள் பல்வேறு போராட்டங்கள் நடத்தியதைத் தொடர்ந்து ரூ. 80.67 கோடியில் முதல்கட்டமாக 32 கிலோ மீட்டருக்கு சாலை அமைக்கப்பட்டது.
 அதனைத் தொடர்ந்து 2 ஆம் கட்டமாக ஹைவேவிஸ் முதல் மகாராஜாமெட்டு வரையில் ரூ.20 கோடியில் மீதமுள்ள சாலையை சீரமைக்க 2 ஆம் கட்டப்பணிகள் தொடங்கின. ஆனால் வனத்துறையினரின் பல்வேறு கெடுபிடி காரணமாக சாலை பணிகள் தொடங்கப்பட்டு திடீரென நிறுத்தப்பட்டது. இதனால் கடந்த 2 மாதங்களாக பணிகள் நடைபெறாமல் கிடப்பில் போடப்பட்டது. மலைப்பிரதேசம் என்பதால் அவ்வப்போது பெய்யும் மழை நீரால்  சாலைகள் குண்டும் குழியமாக மாறிவிட்டது. இதன் காரணமாக பயணிகள் பேருந்துகள், தேயிலை தொழிற்சாலைக்கு செல்லும் கனரக வாகனங்கள் அடிக்கடி கவிழ்ந்து விபத்துக்குள்ளாகின்றன.
இந்நிலையில் வியாழக்கிழமை நீலகிரி மாவட்டம் கோத்தகிரியிலிருந்து ஹைவேவிஸ் பகுதியிலுள்ள வெண்ணியார் எஸ்டேட்டிலுள்ள தேயிலை தொழிற்சாலைக்கு மரங்கள் ஏற்றி வந்த லாரி சாலையில் கவிழ்ந்தது. இதனால் அப்பகுதியில் பல மணி நேரமாக  போக்குவரத்து நிறுத்தப்பட்டதால் பள்ளி மாணவர்கள், பொதுமக்கள் பாதிக்கப்பட்டனர்.
 எனவே நிறுத்தி வைக்கப்பட்டுள்ள ஹைவேவிஸ் - மகாராஜாமெட்டு நெடுஞ்சாலை பணிகளை மீண்டும் தொடங்கிட மாவட்ட ஆட்சியர் உரிய நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/theni/2019/jul/19/மணலார்---வெண்ணியார்-மலைச்-சாலையில்-லாரி-கவிழ்ந்து-விபத்து-போக்குவரத்து-பாதிப்பு-3195494.html
3195493 மதுரை தேனி தேவாரம் அருகே தகாத உறவைக் கண்டித்த விவசாயி கொலை: மனைவி, காதலன் கைது DIN DIN Friday, July 19, 2019 02:45 AM +0530
தேனி மாவட்டம், தேவாரம் அருகே மனைவியின் தகாத உறவைக் கண்டித்த விவசாயி கொலை செய்யப்பட்டார். இது தொடர்பாக  மனைவி மற்றும் கள்ளக் காதலனை போலீஸார் வியாழக்கிழமை கைது செய்தனர்.
       தேவாரம் அருகே டி.மேட்டுப்பட்டி பால்பண்ணை தெருவைச் சேர்ந்த கூத்தபெருமாள் மகன் செல்லத்துரை (49). விவசாயியான இவர், 20 ஆண்டுகளுக்கு முன் தோட்ட வேலைக்காக ஹைவேவிஸ் மலைப் பகுதிக்குச் சென்றுபோது, செலினா (42) என்பவரைக் காதலித்து திருமணம் செய்து கொண்டார். இருவரும் சாக்குலத்துமெட்டு செல்லும் சாலையில் உள்ள செல்லத்துரையின் குடும்பத்தினருக்குச் சொந்தமான தென்னந்தோப்பில் தங்கி விவசாயம் செய்து வந்தனர்.
       இந்நிலையில், புதன்கிழமை இரவு செல்லத்துரைக்கு நெஞ்சு வலி ஏற்பட்டு ரத்த வாந்தி எடுப்பதாக செலினா, கணவரது உறவினர்களிடம் தெரிவித்துள்ளார். அங்கு வந்து பார்த்த உறவினர்கள், தலையில் காயத்துடன் செல்லத்துரை இறந்து கிடப்பதை அறிந்து, தேவாரம் போலீஸாருக்கு தகவல் தெரிவித்துள்ளனர்.
       அதையடுத்து, அங்கு வந்த தேவாரம் காவல் ஆய்வாளர் ராமகிருஷ்ணன், சார்பு-ஆய்வாளர் இத்ரிஸ்கான் மற்றும் போலீஸார் நடத்திய விசாரணையில், செலினா தனது கள்ளக் காதலனான சுதாகர் என்பவருடன் சேர்ந்து,  செல்லத்துரை தலையில் கல்லைப் போட்டு கொலை செய்தது தெரியவந்தது. 
      தொடர் விசாரணையில், செல்லத்துரையும், செலினாவும் வேலை பார்த்து வந்த தோப்புக்கு அருகிலுள்ள ரவீந்திரபாபு என்பவரது தென்னந்தோப்பு பண்ணையில் மேலாளராக வேலை பார்த்த பண்ணைப்புரத்தைச் சேர்ந்த கதிரவன் மகன் சுதாகர் (27) என்பவருக்கும், செலினாவுக்கும் தொடர்பு ஏற்பட்டுள்ளது.
     இதையறிந்த செல்லத்துரை இருவரையும் கண்டித்துள்ளார். இந்நிலையில்,  புதன்கிழமை இரவு செல்லத்துரை தனது மனைவி செலினாவுடன் இது சம்பந்தமாக பிரச்னை செய்துள்ளார். அப்போது, அங்கு சுதாகரை வரவழைத்த செலினா, இருவரும் சேர்ந்து கல்லைத் தூக்கிப் போட்டு செல்லத்துரையை கொலை செய்துள்ளதாக போலீஸார் தெரிவித்தனர்.
     இது குறித்து செல்லத்துரையின் அண்ணன் பழனிக்குமார் அளித்த புகாரின்பேரில், தேவாரம் போலீஸார் வழக்குப் பதிந்து சுதாகர் மற்றும் செலினாவை கைது செய்து சிறையில் அடைத்தனர்.
 

]]>
https://www.dinamani.com/all-editions/edition-madurai/theni/2019/jul/19/தேவாரம்-அருகே-தகாத-உறவைக்-கண்டித்த-விவசாயி-கொலை-மனைவி-காதலன்-கைது-3195493.html
3195492 மதுரை தேனி தேனி-பெரியகுளம் புறவழிச் சாலை விரிவாக்கப் பணிக்கு வனத் துறை தடை DIN DIN Friday, July 19, 2019 02:45 AM +0530
தேனி-பெரியகுளம் புறவழிச் சாலை விரிவாக்கப் பணிக்கு, வனத் துறை  தடை விதித்துள்ளதால், பணிகள் பாதியில் நிறுத்தப்பட்டுள்ளன.
       தேனி-பெரியகுளம் புறவழிச் சாலையில் வனத் துறை கட்டுப்பாட்டில் இருந்த இடத்தில் நகராட்சி நிர்வாகம் சார்பில், கடந்த 2010-ஆம் ஆண்டு புதிய பேருந்து நிலையம் திறக்கப்பட்டது. இதையடுத்து, இச் சாலையில் வாகனப் போக்குவரத்து அதிகரிக்கத் தொடங்கியது. தேனியிலிருந்து பெரியகுளம், திண்டுக்கல் ஆகிய பகுதிகளுக்கு தேனி-பெரியகுளம் புறவழிச் சாலை வழியாக பேருந்துகள் சென்று வருகின்றன.
        இந்த நிலையில், இரண்டரை கி.மீ. தொலைவுள்ள தேனி-பெரியகுளம் புறவழிச் சாலையில் கனரக வாகனப் போக்குவரத்துக்கு ஏற்பவும், விபத்துகளை தவிர்க்கவும் மாநில நெடுஞ்சாலைத் துறை சார்பில், சாலை விரிவாக்கப் பணி நடைபெற்றது. அன்னஞ்சி விலக்குப் பகுதியிலிருந்து ஒரு கிலோ மீட்டர் தொலைவு வரை சாலையின் இருபுறமும் தலா 5 அடி வரை விரிவாக்கம் செய்யப்பட்ட நிலையில், இந்தப் பணிக்கு வனத் துறை தடை விதித்துள்ளது.
       தேனி நகராட்சி புதிய பேருந்து நிலையம் அமைந்துள்ள இடத்துக்கு மாற்றாக, வருவாய் துறை சார்பில் க.மயிலை ஒன்றியத்தில் வனத் துறைக்கு இடம் வழங்கப்பட்டுள்ளது. மாநில நெடுஞ்சாலைத் துறை சார்பில், தேனி-பெரியகுளம் புறவழிச் சாலையை மேம்படுத்தி, வாகனப் போக்குவரத்துக்கு அனுமதிக்கப்பட்டுள்ள நிலையில், தற்போது சாலை விரிவாகத்துக்கு வனத் துறை தடை விதித்துள்ளதால், பணிகள் பாதியில் நிறுத்தப்பட்டுள்ளது என்று, நெடுஞ்சாலைத் துறை பொறியாளர்கள் கூறினர்.       இது குறித்து தேனி வனத் துறை அலுவலர்களிடம் கேட்டதற்கு, அவர்கள் கூறியது: தேனி-பெரியகுளம் புறவழிச் சாலை வனத் துறைக்குச் சொந்தமானது என்பதால், வனத் துறையிடம்  முறையாக அனுமதி பெற்ற பின்னரே அங்கு பணிகள் மேற்கொள்ள வேண்டும் என்றனர்.
       இந்தப் பிரச்னையில், மாவட்ட நிர்வாகம் தலையிட்டு வாகனப் போக்குவத்து அதிகமுள்ள தேனி-பெரியகுளம் புறவழிச் சாலையில் விரிவாக்கப் பணிகளை தொடர நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/theni/2019/jul/19/தேனி-பெரியகுளம்-புறவழிச்-சாலை-விரிவாக்கப்-பணிக்கு-வனத்-துறை-தடை-3195492.html
3195491 மதுரை தேனி பிளஸ் 2 மாணவர் மாயம் DIN DIN Friday, July 19, 2019 02:45 AM +0530
ஆண்டிபட்டி அருகே பள்ளிக்குச் சென்ற பிளஸ் 2 மாணவரைக் காணவில்லை என, பெற்றோர் புதன்கிழமை புகார் அளித்துள்ளனர்.
         தேனி மாவட்டம், ஆண்டிபட்டி அருகே கடமலைக்குண்டு பகுதியைச் சேர்ந்த கூலி தொழிலாளி சுப்பிரமணி (45). இவரது மனைவி லட்சுமி (42). இவர்களுக்கு 1 மகள், 2 மகன்கள் உள்ளனர்.
      இவர்களின் இரண்டாவது மகன் முத்துகணேஷ்  (17) என்பவர், அப்பகுதியில் உள்ள அரசுப் பள்ளியில் பிளஸ் 2 படித்து வருகிறார். இந்நிலையில், கடந்த செவ்வாய்க்கிழமை பள்ளிக்குச் சென்ற மாணவர், மாலை வெகு நேரமாகியும் வீடு திரும்பவில்லை என்று கூறப்படுகிறது. 
     இதனையடுத்து, இவரது பெற்றோர் மற்றும் உறவினர்கள்  பல்வேறு இடங்களில் தேடியும் கண்டுபிடிக்க முடியவில்லை என்பதால், கடமலைக்குண்டு காவல் நிலையத்தில் புதன்கிழமை புகார் அளித்தனர். அதன்பேரில், போலீஸார் வழக்குப் பதிவு செய்து மாணவரை தேடி வருகின்றனர்.

]]>
https://www.dinamani.com/all-editions/edition-madurai/theni/2019/jul/19/பிளஸ்-2-மாணவர்-மாயம்-3195491.html
3194663 மதுரை தேனி திருட்டு வழக்கில் நகை, பணம் பறிமுதல்காவல் ஆய்வாளர் உள்ளிட்ட 6 போலீஸார் மீதுவழக்குப் பதிவு செய்ய நீதிமன்றம் உத்தரவு DIN DIN Thursday, July 18, 2019 01:37 AM +0530
தேனியில் திருட்டு வழக்கு தொடர்பாக சுமைதூக்கும் தொழிலாளியின் வீட்டில் ஆதாரமின்றி நகை மற்றும் பணத்தை பறிமுதல் செய்ததாக அளித்த புகாரின் அடிப்படையில், பெரியகுளம் தென்கரை காவல் நிலைய ஆய்வாளர், சிறப்பு சார்பு ஆய்வாளர் மற்றும் 4 காவலர்கள் மீது குற்றவியல் வழக்குப் பதிவு செய்ய செவ்வாய்கிழமை தேனி நடுவர் மன்றம் உத்தரவிட்டுள்ளது.
தேனி அல்லிநகரம், வெங்கலாநகர் பகுதியைச் சேர்ந்தவர் சுமைதூக்கும் தொழிலாளி முனியாண்டி(62). இவரது உறவினர் ஒருவரை திருட்டு வழக்கில் பெரியகுளம் தென்கரை காவல் நிலைய போலீஸார் கைது செய்தனர். 
திருட்டுப் பொருள்கள் முனியாண்டி வீட்டில் இருப்பதாக சந்தேகித்து, கடந்தாண்டு, டிசம்பர் 29 ஆம் தேதி பெரியகுளம் தென்கரை காவல் நிலைய ஆய்வாளர் மதனகலா, சிறப்பு சார்பு -ஆய்வாளர் தெய்வேந்திரன், காவலர்கள் மனோகரன், குமரேசன், முகமது ஹனீபா, கருப்பையா ஆகியோர் அவரது வீட்டிற்குச் சென்று விசாரணை நடத்தியதாக கூறப்படுகிறது. 
பின்னர், முனியாண்டியின் வீட்டில் இருந்து 4 சவரன் நகை, ரூ.4,000, முனியாண்டியின் வீட்டருகே உள்ள அவரது மகள் பூங்கொடியின் வீட்டில் இருந்து அரைச் சவரன் நகை, ரூ.2,000 ஆகியவற்றை போலீஸார் பறிமுதல் செய்ததாகக் கூறப்படுகிறது.
இந்நிலையில், பெரியகுளம் தென்கரை காவல் ஆய்வாளர் மதனகலா தலைமையில் போலீஸார் தனது வீட்டுற்குள் அனுமதியின்றி புகுந்து, ஆதாரமின்றி தனக்கும் தனது மகளுக்கும் சொந்தமான நகை மற்றும் பணத்தை பறிமுதல் செய்ததாகவும், இது குறித்து மாவட்ட காவல் கண்காணிப்பாளர் வீ.பாஸ்கரனிடம் புகார் அளித்தும் நடவடிக்கை எடுக்கவில்லை என்றும் தேனி நடுவர் மன்றத்தில் முனியாண்டி புகார்  மனு தாக்கல் செய்தார்.
இந்த மனுவின் மீது விசாரணை நடத்திய நீதிபதி பன்னீர்செல்வம்,  முனியாண்டி அளித்த புகாரின் அடிப்படையில் பெரியகுளம் தென்கரை காவல் ஆய்வாளர் மதனகலா, சிறப்பு சார்பு -ஆய்வாளர் தெய்வேந்திரன் மற்றும் 4 காவலர்கள் மீது குற்றவியல் வழக்குப் பதிவு செய்ய தேனி காவல் நிலையத்திற்கு உத்தரவிட்டார்.
 

]]>
https://www.dinamani.com/all-editions/edition-madurai/theni/2019/jul/18/திருட்டு-வழக்கில்-நகை-பணம்-பறிமுதல்காவல்-ஆய்வாளர்-உள்ளிட்ட-6-போலீஸார்-மீதுவழக்குப்-பதிவு-செய்ய-நீதி-3194663.html
3194661 மதுரை தேனி குச்சனூர் சனீஸ்வர பகவான் கோயில் ஆடிப் பெருந்திருவிழா ஜூலை 20 இல் தொடக்கம் DIN DIN Thursday, July 18, 2019 01:37 AM +0530
தேனி மாவட்டம், சின்னமனூர் அருகே குச்சனூர் சுயம்பு சனீஸ்வர பகவான் கோயிலில் ஆடிப் பெருந்திருவிழா ஜூலை 20 ஆம் தேதி தொடங்கி வரும், ஆகஸ்ட் 17 ஆம் தேதி வரை நடைபெறுகிறது.
குச்சனூர், சுரபி நதிக் கரையில் சனீஸ்வர பகவான் சுயம்புவாய் எழுந்தருளி பக்தர்களுக்கு அருள்பாலித்து வருகிறார். சனீஸ்வர பகவான் கோயிலில் ஒவ்வொரு ஆண்டும் ஆடி மாதம் பெருந்திருவிழா விமர்சையாக நடைபெறும். 
இந்த ஆண்டு ஆடிப் பெருந்திருவிழா ஜூலை 20 ஆம் தேதி ஆடி முதல் சனிக்கிழமை கோயிலில் கொடியேற்றத்துடன் தொடங்குகிறது. ஜூலை 27 ஆம் தேதி 2ஆவது சனிக்கிழமையை முன்னிட்டு பகவானுக்கு சிறப்பு பூஜைகள் நடைபெறும். வரும் ஆகஸ்ட் 3 ஆம் தேதி 3ஆவது சனிக்கிழமையை முன்னிட்டு கோயிலில் சக்தி கரகம் எடுத்தல், மஞ்சள் காப்பு சாத்துதல் ஆகிய நிகழ்ச்சிகள் நடைபெறுகிறது. ஆகஸ்ட் 4 ஆம் தேதி இரவு சுவாமி திருவீதி உலா, ஆகஸ்ட் 5 ஆம் தேதி மாலை லாடசித்தர்  பூஜை, முளைப்பாரி ஊர்வலம், கரகம் கலக்குதல், மஞ்சள் நீராட்டம் ஆகிய நிகழ்ச்சிகள் நடைபெறும்.
ஆகஸ்ட் 10 ஆம் தேதி 4ஆவது சனிக்கிழமையை முன்னிட்டு கோயிலில் சிறப்பு பூஜை நடைபெறுகிறது. ஆகஸ்ட் 12 ஆம் தேதி இரவு சோனை கருப்பணசாமிக்கு பொங்கல் மற்றும் சிறப்பு பூஜை நடைபெறும். ஆகஸ்ட் 17ஆம் தேதி 5 ஆவது சனிக்கிழமை கோயிலில் சிறப்பு பூஜைகளுடன் விழா நிறைவடைகிறது.  விழா ஏற்பாடுகளை இந்து சமய அறநிலையத் துறை மற்றும் கோயில் நிர்வாகிகள் செய்துள்ளனர்.

]]>
https://www.dinamani.com/all-editions/edition-madurai/theni/2019/jul/18/குச்சனூர்-சனீஸ்வர-பகவான்-கோயில்-ஆடிப்-பெருந்திருவிழா-ஜூலை-20-இல்-தொடக்கம்-3194661.html
3194660 மதுரை தேனி தேனி வேளாண் தொழில்நுட்ப கல்லூரி முதல்வர் பொறுப்பேற்பு DIN DIN Thursday, July 18, 2019 01:37 AM +0530
பெரியகுளம் அருகே குள்ளப்புரத்தில் உள்ள தேனி வேளாண் தொழில் நுட்பக் கல்லூரி முதல்வராக ஆர்.சங்கரநாராயணன்  பெறுப்பேற்றார். 
இவர் தமிழ்நாடு வேளாண் பல்கலைக் கழகத்தில் 37 ஆண்டுகளாக பணியாற்றியவர். சப்போட்டா, மா, கொடுக்காப்புளி, முந்திரி ஆகிய பயிர்களில் புதிய ரகங்களை கண்டுபிடித்துள்ளார்.  திருச்சி தோட்டக் கலைக் கல்லூரி (பெண்கள்) முதல்வராகவும், பெரியகுளம் தோட்ட கலைக் கல்லூரி முதல்வராகவும் பதவி வகித்துள்ளார். ஆஸ்திரேலியாவில் உள்ள சிட்னி பல்கலைக் கழகத்தில் விவசாயக் கல்வி தொழில் நுட்பம் கற்றுள்ளார். மேலும் செடி  மற்றும் விதை உற்பத்திகளில் மிகுந்த ஆர்வம் கொண்டவர்.
 

]]>
https://www.dinamani.com/all-editions/edition-madurai/theni/2019/jul/18/தேனி-வேளாண்-தொழில்நுட்ப-கல்லூரி-முதல்வர்-பொறுப்பேற்பு-3194660.html
3194659 மதுரை தேனி கூட்டுறவு கடன் சங்கங்கள் மூலம் விவசாயிகளுக்கு உழவர் கடன் அட்டை DIN DIN Thursday, July 18, 2019 01:36 AM +0530
தேனி மாவட்டத்தில் தொடக்க வேளாண்மை கூட்டுறவு கடன் சங்கங்கள் மூலம் விவசாயிகளுக்கு உழவர் கடன் அட்டை(கிசான் கிரெடிட் கார்டு) வழங்குவதற்கு ஏற்பாடு செய்யப்பட்டுள்ளது என்று மாவட்ட ஆட்சியர் ம.பல்லவி பல்தேவ் தெரிவித்தார்.
இது குறித்து அவர் வெளியிட்டுள்ள செய்திக் குறிப்பு: 
விவசாயிகளின் நிதித் தேவையை பூர்த்தி செய்வதற்காக உழவர் கடன் அட்டை திட்டத்தை மத்திய அரசு செயல்படுத்தி வருகிறது. இத் திட்டத்தின் மூலம் உழவர் அட்டையை பயன்படுத்தி விவசாயிகள் தங்களது நிலப்பரப்பிற்கு ஏற்ப இடுபொருள்கள், விதை, உரம், பூச்சிக் கொல்லி மருந்து ஆகியவற்றுக்கு தேசிய மயமாக்கப்பட்ட வங்கிகள் மற்றும் தொடக்க வேளாண்மை கூட்டுறவு கடன் சங்கங்களில் கடன் பெறலாம்.
வங்கி மற்றும் கூட்டுறவு கடன் சங்கத்தில் உழவர் கடன் அட்டை மூலம் விவசாயிகள் ஈட்டுறுதியின்றி ரூ.1.60 லட்சம் வரையும்,  நில ஈட்டுறுதி அடிப்படையில் ரூ.3 லட்சம் வரையும் கடன் பெறலாம். 
இந்த கடன் தொகைக்கு வங்கியில் 9 சதவீதம் வட்டி வசூலிக்கப்படும். கடன் தொகையை உரிய தவணைகளுக்குள் செலுத்தி முடிக்கும் விவசாயிகளிடம் 4 சதவீதம் மட்டும் வட்டி கணக்கிட்டு வசூலிக்கப்படும். 
கூட்டுறவு கடன் சங்கங்களில் ரூ.1.60 லட்சம் வரை வட்டியின்றியும், ரூ.3 லட்சம் வரை 7 சதவிகிதம் வட்டியிலும் கடன் வழங்கப்படும். விவசாயிகள் தாங்கள் கணக்கு வைத்துள்ள தேசியமயமாக்கப்பட்ட வங்கி மற்றும் தொடக்க வேளாண்மை கூட்டுறவு கடன் சங்கங்களில் விண்ணப்பித்து உழவர் கடன் அட்டை பெற்றுக் கொள்ளலாம்.
இத் திட்டத்தின் கீழ், மாவட்டத்தில் தகுதியுள்ள அனைத்து விவசாயிகளுக்கும் தொடக்க வேளாண்மை கூட்டுறவு கடன் சங்கங்கள் மூலம் உழவர் கடன் அட்டை வழங்க ஏற்பாடு செய்யப்பட்டுள்ளது. 
இதற்காக அனைத்து தொடக்க வேளாண்மை கூட்டுறவு கடன் சங்கங்களிலும் விரைவில் சிறப்பு முகாம் நடைபெற உள்ளது என்று அச்செய்திக் குறிப்பில் தெரிவித்துள்ளார்.
 

]]>
https://www.dinamani.com/all-editions/edition-madurai/theni/2019/jul/18/கூட்டுறவு-கடன்-சங்கங்கள்-மூலம்-விவசாயிகளுக்கு-உழவர்-கடன்-அட்டை-3194659.html
3194657 மதுரை தேனி தேனி, திண்டுக்கல் மாவட்டங்களில் மழைநீர் மேலாண்மை திட்ட தொடக்க விழா DIN DIN Thursday, July 18, 2019 01:36 AM +0530
தேனி, திண்டுக்கல் மாவட்டங்களில் புதன்கிழமை மழைநீர் மேலாண்மை திட்ட தொடக்க விழா நடைபெற்றது.
தேனி மாவட்டம்,  சின்னமனூரை அடுத்த எரசக்கநாயக்கனூர் ஊராட்சியில் உள்ள  பெருமாள் கோயிலில் நடைபெற்ற மழை நீர்  சேமிப்பு மற்றும் மரம் நடும் விழாவில் மாவட்ட ஆட்சியர் ம.பல்லவி பல்தேவ் கலந்துகொண்டார்.  அதைத் தொடர்ந்து, அங்குள்ள அரசு மேல் நிலைப்பள்ளியில்  மாணவ, மாணவிகளுடன் மரத்திற்கும் மழைக்கும் என்ன தொடர்பு என்பது குறித்து கலந்துரையாடல் நிகழ்ச்சியில் மரம் வளர்த்தால் கிடைக்கும் நன்மைகள் குறித்து ஆட்சியர் பேசினார். தொடர்ச்சியாக, பள்ளி மைதானத்தில் ஆர்வத்துடன் மரக்கன்றுகளை நட்டார்.   பின்னர், வீடுகளில் மழை நீர் சேகரிப்பு தொட்டி அமைக்கும் முறைகளை பார்வையிட்டார்.
கம்பம்:  கம்பம் பகுதியில் மழை நீர் மேலாண்மை திட்டம் குறித்து அரசு மற்றும் தனியார் அலுவலகங்கள், வணிக நிறுவனங்கள், வீடுகளில் துண்டு பிரசுரங்கள் மூலம் விழிப்புணர்வு பிரசாரம் மேற்கொள்ளப்பட்டது. பின்னர், மழை நீர் சேகரிப்பு இடங்களை நகராட்சி சுகாதார அலுவலர் அரசகுமார் தலைமையில் அலுவலர்கள் ஆய்வு செய்தனர்.  அதே போல், கூடலூர் நகராட்சி பகுதிகளில் சுகாதார ஆய்வாளர் ரவிச்சந்திரன் தலைமையில் மழை நீர் சேகரிப்பு கட்டமைப்புகளை ஊழியர்கள் ஆய்வு செய்தனர்.
கம்பம் ஊராட்சி ஒன்றியத்தில் உள்ள நாராயணத்தேவன்பட்டி, சுருளிப்பட்டி, கருநாக்கமுத்தன்பட்டி, குள்ளப்பகவுண்டன்பட்டி, ஆங்கூர்பாளையம் ஊராட்சி  பகுதிகளில் மழைநீர் சேகரிப்பு கட்டமைப்புகளை வட்டார வளர்ச்சி அலுவலர்கள் என்.பாஸ்கரன், நாகராஜன் ஆகியோர் ஆய்வு செய்தனர். 
சக்தி விநாயகர் மெட்ரிக் மேல் நிலைப்பள்ளி மாணவ, மாணவியர் இத்திட்டம் குறித்த விழிப்புணர்வு  பதாகைகள் ஏந்தி நகரின் முக்கிய வீதிகள் வழியாக ஊர்வலமாகச் சென்றனர்.
போடி: போடி அருகே சிலமலை அரசு மேல்நிலைப் பள்ளியில் ஜலசக்தி அபியான் திட்டத்தின் கீழ் மழைநீர் சேகரிப்பு திட்டம் செயல்படுத்துதல் மற்றும் நீர் மேலாண்மை சார்ந்த விழிப்புணர்வு நிகழ்ச்சி நடைபெற்றது. பள்ளி தலைமையாசிரியர் சத்தியபாமா ச.பொன்மலர் தலைமை வகித்தார். நிகழ்ச்சியில் கிரீன் லைப் பவுண்டேசன் செயலாளர் க.மு.சுந்தரம் பேசினார். 
தொடர்ந்து மாணவர்களின் விழிப்புணர்வு பேரணியை மாவட்ட மாற்றுத் திறனாளிகள் நல அலுவலர் சகுந்தலா தொடங்கி வைத்தார். தொடர்ந்து நடைபெற்ற நிகழ்ச்சியில் காமராஜர் பிறந்த தின விழா போட்டிகளுக்கான பரிசுகள் வழங்கப்பட்டன. நிகழ்ச்சியில் உதவி தலைமையாசிரியர் துரைப்பாண்டியன் வரவேற்றார். உதவி தலைமையாசிரியை கனகபாண்டியம்மாள் நன்றி கூறினார்.
     நிகழ்ச்சியில் கிரீன் லைப் பவுண்டேசன் துணைத்தலைவர் விசுவநாதன்,  இணை செயலர் மணிகண்டன், பொருளாளர் மணிவண்ணன்,  உறுப்பினர் பாலாஜி மற்றும் பள்ளி ஆசிரியர்கள் பங்கேற்று பள்ளி வளாகத்தில் 45 மரக்கன்றுகளை நட்டனர். 
ஒட்டன்சத்திரம்: ஒட்டன்சத்திரம் நகராட்சியில் மழைநீர் சேகரிப்பு குறித்து ஆலோசனைக்கூட்டம் புதன்கிழமை கூட்ட அரங்கில் நகராட்சி ஆணையர் பா.தேவிகா தலைமையில் நடைபெற்றது.நகராட்சி மேலாளர் ஜெயராமன்,நகர அமைப்பு ஆய்வாளர் பி.என்.ரவிச்சந்திரன் ஆகியோர் முன்னிலை வகித்தனர். கூட்டத்தில் ஒட்டன்சத்திரம் நகர் பகுதியில் உள்ள குடியிருப்பு, வணிக வளாகம், தொழிற்சாலை கட்டடம் மற்றும் இதர கட்டடங்களில் மழைநீர் சேகரிப்பு தொட்டி அமைக்கப்பட்டுள்ளதா என்று ஆய்வு செய்ய வேண்டும்.  
மழைநீர் சேகரிப்பு அமைக்காத கட்டடங்களை ஆய்வு செய்து, அவற்றின் மின் இணைப்பு மற்றும் குடிநீர் இணைப்பு துண்டிக்கப்படும் என்று ஒட்டன்சத்திரம் நகராட்சி ஆணையர் பா.தேவிகா எச்சரிக்கை விடுத்தார்.
 

]]>
https://www.dinamani.com/all-editions/edition-madurai/theni/2019/jul/18/தேனி-திண்டுக்கல்-மாவட்டங்களில்-மழைநீர்-மேலாண்மை-திட்ட-தொடக்க-விழா-3194657.html
3194656 மதுரை தேனி உத்தமபாளையம் கல்லூரியில் சாலை பாதுகாப்பு விழிப்புணர்வு கருத்தரங்கம் DIN DIN Thursday, July 18, 2019 01:36 AM +0530
உத்தமபாளையம் ஹாஜி கருத்த ராவுத்தர் ஹவுதியா கல்லூரியில், சாலை பாதுகாப்பு விழிப்புணர்வு கருத்தரங்கம் செவ்வாய்க்கிழமை நடைபெற்றது.
இக்கல்லூரி நிறுவனர் அரங்கில் நடைபெற்ற இக்கருத்தரங்குக்கு, கல்லூரி முதல்வர் ஹெச். முகமது மீரான் தலைமை வகித்தார். இதில், கல்லூரிச் செயலர் மற்றும் தாளாருமான தர்வேஷ் முகைதீன் மற்றும் நிர்வாகக் குழு உறுப்பினர்கள் கலந்துகொண்டனர். சிறப்பு விருந்தினராக, உத்தமபாளையம் காவல் துணைக் கண்காணிப்பாளர் ஏ. வீரபாண்டி, உத்தமபாளையம் வட்டாரப் போக்குவரத்து ஆய்வாளர் செந்தில்குமார் கலந்துகொண்டு, சாலைப் பாதுகாப்பு விழிப்புணர்வு பற்றியும், ஓட்டுநர் உரிமத்தின் முக்கியத்துவம், சாலைகளில் கடைப்பிடிக்க வேண்டிய விதிமுறைகளின் முக்கியத்துவம் குறித்தும் விளக்கமளித்தனர். இக்கல்லூரியின் வேலை வழிகாட்டி மையம் சார்பில், ஏற்பாடு செய்யப்பட்டிருந்த  கருத்தரங்கு நிகழ்ச்சியில், கல்லூரி பேராசிரியர்கள் மற்றும் மாணவ, மாணவிகள் என ஏராளமானோர் கலந்துகொண்டனர்.
 

]]>
https://www.dinamani.com/all-editions/edition-madurai/theni/2019/jul/18/உத்தமபாளையம்-கல்லூரியில்-சாலை-பாதுகாப்பு-விழிப்புணர்வு-கருத்தரங்கம்-3194656.html
3194655 மதுரை தேனி வன விலங்குகள் விவசாய நிலத்துக்குள் புகுவதை தடுக்க மூன்றடுக்கு பாதுகாப்பு DIN DIN Thursday, July 18, 2019 01:35 AM +0530
தேனி மாவட்டத்தில் மேற்குத் தொடர்ச்சி மலை அடிவாரத்திலுள்ள விவசாய நிலங்களுக்குள் வன விலங்குகள் புகுவதைத் தடுப்பதற்கு ரூ. 1 கோடி செலவில் மூன்றடுக்கு பாதுகாப்புப் பணிகள் மேற்கொள்ளப்பட்டு வருவதாக, மாவட்ட வன அலுவலர் கௌதம் தெரிவித்தார்.
தேனி மாவட்ட வன அலுவலகத்தில், வனத் துறை சார்பில் மாவட்ட வன அலுவலர் கௌதம் தலைமையில், விவசாயிகள் குறைதீர் கூட்டம் செவ்வாய்க்கிழமை நடைபெற்றது. மேகமலை வன உயிரினக் கோட்ட காப்பாளர் சச்சின்போஸ்லே துக்காராம் முன்னிலை வகித்தார்.
இந்தக் கூட்டத்தில் விவசாயிகள் கூறியது: மலை மாடுகளுக்கு மேய்ச்சல் அனுமதிச் சீட்டு வழங்க வனத் துறையினர் தொடர்ந்து அலைக்கழித்து வருகின்றனர். 2 ஆண்டுகளுக்கு முன்புவரை 15 ஆயிரம் மாடுகளுக்கு மேய்ச்சல் அனுமதி வழங்கப்பட்டிருந்த நிலையில், தற்பாது 3,850 மாடுகளுக்கு மட்டுமே அனுமதி வழங்கப்பட்டு வருகிறது. 
மலைப் பகுதியில் மேய்ச்சல் அனுமதி இல்லாததால், நாட்டு மாட்டு இனத்தின் எண்ணிக்கை குறைந்து வருகிறது. கால்நடை வளர்ப்பை தொழிலாக கொண்டுள்ளவர்கள் நலிவடைந்து வருகின்றனர். 
மலைக் கிராமங்களுக்கு இணைப்புச் சாலைகள் அமைக்க வனத் துறை அனுமதி வழங்க வேண்டும். காமயகவுண்டன்பட்டி, சண்முகநாதர் கோயில் மலைச் சாலையை விவசாயிகள் மற்றும் பொதுமக்கள் பயன்படுத்திக் கொள்ள அனுமதிக்க வேண்டும்.  வட்டார, மாவட்ட அளவில் வனக் குழுக்களை அமைத்து, வனக் குழுவின் பணிகளை மேம்படுத்த வேண்டும்.
தேவாரம் மலையடிவாரப் பகுதியில் யானை, காட்டுப் பன்றி உள்ளிட்ட வன விலங்குகள் விவசாய நிலங்களுக்குள் புகுவதை தடுப்பதற்கு நிரந்தரத் தீர்வு காணவேண்டும். வனப் பகுதியில் வன விலங்குகளுக்காக அமைக்கப்பட்ட தண்ணீர் தொட்டிகள் பராமரிப்பின்றி மண் மேவியுள்ளது.  பொம்முராஜபுரம் பகுதியில் விவசாய நிலங்களுக்கு வாகனங்கள் சென்றுவருவதற்கு வாய்ப்பாக, பாதையை அகலப்படுத்த அனுமதிக்க வேண்டும் என்றனர்.
இதற்கு பதிலளித்து, மாவட்ட வன அலுவலர் பேசியது: தேவாரம் மலையடிவாரத்தில் வன விலங்குகளின் நடமாட்டத்தை கண்காணிக்க ரோந்து பணி மேற்கொள்ளப்பட்டுள்ளது. ரோந்து பணியின் போது விவசாயிகள் வனத் துறை அலுவலர்களுடன் சென்று, காண்காணிப்பை உறுதி செய்துகொள்ளலாம்.
மேற்குத் தொடர்ச்சி மலையடிவாரப் பகுதிகளில் வன விலங்குகள் விவசாய நிலத்துக்குள் புகுவதைத் தடுப்பதற்கு ரூ.1 கோடி செலவில் அகழி அமைத்தல், சூரியசக்தி மின்வேலி மற்றும் முள்வேலி அமைத்தல் என மூன்றடுக்கு பாதுகாப்புப் பணிகள் நடைபெற்று வருகின்றன.
மலை மாடுகள் மேய்ச்சல் அனுமதிக்கு விவசாயிகள் தனித் தனியே விண்ணப்பித்து அனுமதி பெறலாம். வன விலங்குகளால் விவசாய நிலங்களில் ஏற்பட்ட பயிர் சேதத்துக்கு, கடந்த 2018-ஆம் ஆண்டு வனத் துறை சார்பில் மொத்தம் ரூ .4 லட்சம் நிவாரணம் வழங்கப்பட்டுள்ளது. 
மேலும், வன விலங்குகளால் விவசாய நிலங்களில் ஏற்பட்டுள்ள பயிர்ச் சேதம் குறித்து விவசாயிகள் உடனுக்குடன் தகவல் அளித்தால், மூன்று நாள்களுக்குள் ஆய்வு செய்து நிவாரணம் வழங்க அரசுக்கு பரிந்துரைக்கப்படும் என்றார்.
 

]]>
https://www.dinamani.com/all-editions/edition-madurai/theni/2019/jul/18/வன-விலங்குகள்-விவசாய-நிலத்துக்குள்-புகுவதை-தடுக்க-மூன்றடுக்கு-பாதுகாப்பு-3194655.html
3194654 மதுரை தேனி பெரியகுளம் கௌமாரியம்மன் கோயிலில் தீச்சட்டி ஏந்தி பக்தர்கள் நேர்த்திக்கடன் DIN DIN Thursday, July 18, 2019 01:35 AM +0530
பெரியகுளம் கௌமாரியம்மன் கோயில் ஆனிப் பெருந் திருவிழாவில் ஏராளமான பக்தர்கள் புதன்கிழமை தீச்சட்டி ஏந்தி வந்து அம்மனுக்கு நேர்த்திக் கடன் செலுத்தி வழிபட்டனர்.
இக்கோயில் விழாவை முன்னிட்டு செவ்வாய்க்கிழமை காலை அம்மனுக்கு சிறப்பு அபிஷேகம் மற்றும் ஆராதனைகள் நடைபெற்றன. பின்னர், அம்மன் சன்னிதி எதிரேயுள்ள கம்பத்துக்கு ஏராளமான பக்தர்கள் மஞ்சள் நீர் ஊற்றினர். மாலையில் மாவிளக்கு ஏற்றி வைத்து அம்மனை வழிபட்டனர். இதைத் தொடர்ந்து புதன்கிழமை அதிகாலை அம்மனுக்கு சிறப்பு அபிஷேகம் மற்றும் ஆராதனைகள் நடைபெற்றன. அதன்பின் ஏராளமான பக்தர்கள் தீச்சட்டி மற்றும் மண் கலயம் ஏந்தி வந்து நேர்த்திக் கடன் செலுத்தி அம்மனை வழிபட்டனர்.  இவ்விழாவில் சுற்று வட்டாரப் பகுதிகளைச் சேர்ந்த ஏராளமான பக்தர்கள் கலந்து கொண்டு அம்மனை தரிசித்தனர். 

]]>
https://www.dinamani.com/all-editions/edition-madurai/theni/2019/jul/18/பெரியகுளம்-கௌமாரியம்மன்-கோயிலில்-தீச்சட்டி-ஏந்தி-பக்தர்கள்-நேர்த்திக்கடன்-3194654.html
3194323 மதுரை தேனி 10-ஆம் வகுப்பு தேர்ச்சி பெற்றவர்களுக்கு பள்ளிகளில் ஜூலை 24 வரை வேலைவாய்ப்பு பதிவு DIN DIN Wednesday, July 17, 2019 10:20 AM +0530 தேனி மாவட்டத்தில் 10-ஆம் வகுப்பு பொதுத் தேர்வில் தேர்ச்சி பெற்ற மாணவ, மாணவிகளுக்கு, ஜூலை 24-ஆம் தேதி வரை அந்தந்தப் பள்ளிகளிலேயே வேலைவாய்ப்பு அலுவலகப் பதிவு மேற்கொள்ளப்படுகிறது.
       இது குறித்து மாவட்ட நிர்வாகம் வெளியிட்டுள்ள அறிவிப்பு: 2019-ஆம் ஆண்டில் 10-ம் வகுப்பு தேர்ச்சி பெற்ற மாணவ, மாணவிகளுக்கு பள்ளிக் கல்வித் துறை, வேலை வாய்ப்பு மற்றும் பயிற்சித் துறை சார்பில் அந்தந்தப் பள்ளிகளிலேயே இணைய தளம் மூலம் வேலைவாய்ப்பு பதிவு மேற்கொள்வதற்கு நடவடிக்கை எடுக்கப்பட்டுள்ளது.
      பத்தாம் வகுப்பு தேர்ச்சி பெற்ற மாணவர்கள் ஜூலை 24-ஆம் தேதிக்குள் அந்தந்தப் பள்ளிகளில் தங்களது மதிப்பெண் பட்டியலை சமர்ப்பித்து, வேலை வாய்ப்பு அலுவலகப் பதிவு மேற்கொள்ளலாம். பத்தாம் வகுப்பு மதிப்பெண் சான்றிதழ் வழங்கப்பட்ட நாள் முதல் ஜூலை 24-ஆம் தேதி வரை வேலைவாய்ப்பு பதிவு மேற்கொள்ளும் அனைவருக்கும் ஒரே பதிவு மூப்பு தேதி வழங்கப்படும்.
      சி.பி.எஸ்.இ. பாடத் திட்டத்தில் பயின்று 10-ஆம் வகுப்பு தேர்ச்சி பெற்றவர்கள்    ‌w‌w‌w.‌t‌n‌v‌e‌l​a‌i‌v​a​a‌i‌p‌p‌u.‌g‌o‌v.‌i‌n  என்ற இணைய தள முகவரியில் ஆன்-லைன் மூலமும், மாவட்ட வேலைவாய்ப்பு அலுவலகத்துக்கு நேரில் சென்றும் பதிந்து கொள்ளலாம் என்று அறிவிக்கப்பட்டுள்ளது.
 

]]>
https://www.dinamani.com/all-editions/edition-madurai/theni/2019/jul/17/10-ஆம்-வகுப்பு-தேர்ச்சி-பெற்றவர்களுக்கு-பள்ளிகளில்-ஜூலை-24-வரை-வேலைவாய்ப்பு-பதிவு-3194323.html
3194319 மதுரை தேனி ஆந்திரத்துக்கு முறுக்கு விற்கச் சென்ற சிறுவன் 10 ஆண்டுகளுக்குப் பின் பெற்றோரிடம் ஒப்படைப்பு DIN DIN Wednesday, July 17, 2019 10:11 AM +0530 ஆந்திரத்துக்கு முறுக்கு விற்கச் சென்ற சிறுவன் 10 ஆண்டுகளுக்குப் பின் செவ்வாய்க்கிழமை பெற்றோரிடம் ஒப்படைக்கப்பட்டான்.
          பெரியகுளம் அருகே டி.கள்ளிப்பட்டியைச் சேர்ந்த ஆறுமுகம் மகன் மணிகண்டன் (19). இவர் தனது 9 ஆவது வயதில் பள்ளிக்குச் செல்லாமல் இருந்துள்ளார். இதனால், அவரது பெற்றோர் சிறுவனை, ஆந்திர மாநிலத்தில் முறுக்கு விற்பதற்காக உசிலம்பட்டி தரகர் மூலம் அனுப்பி வைத்துள்ளனர்.
       அதன்பின்னர், மணிகண்டன் ஊர் திரும்பவில்லையாம். ஆனால், அவரது பெற்றோருக்கு குறிப்பிட்ட தொகை மட்டும் ஆந்திர முறுக்கு வியாபாரிகள் அனுப்பி வைத்துள்ளனர். இந் நிலையில், ஓராண்டுக்கு முன் சிறுவனின் பெற்றோர் இடைத்தரகரை தொடர்புகொண்டு பேசியபோது, மணிகண்டன் எங்கே சென்றான் எனத் தெரியவில்லை எனக் கூறியுள்ளார்.
       இதனால் சந்தேகமடைந்த சிறுவனின் பெற்றோர், பெரியகுளம் தென்கரை காவல் நிலையத்தில் புகார் செய்தனர். இது குறித்து விசாரித்து வந்த போலீஸார், ஆந்திரத்துக்குச் செல்ல தயாராகியுள்ளனர்.
       இதனிடையே, முறுக்கு கம்பெனியில் இருந்து தப்பிய மணிகண்டன், தமிழக லாரி மூலம் வேலூருக்கு வந்துள்ளார். அதன்பின்னர், வேலூர் பகுதியில் உள்ள பெயின்ட் அடிக்கும் நிறுவனத்தில் வேலை பார்த்துள்ளார். அந்நிறுவனத்தின் உரிமையாளர் அவரை விசாரித்து, பேருந்தில் ஊருக்கு அனுப்பி வைத்துள்ளார்.
       வேலூரில் பேருந்தில் இருந்த மணிகண்டனை, பெரியகுளத்தைச் சேர்ந்த கார்த்தி என்பவர் விசாரித்துள்ளார். அப்போது, மணிகண்டன் தேனி மாவட்டம் பெரியகுளம் அருகே டி.கள்ளிப்பட்டி தனது சொந்த ஊர் எனக் கூறியுள்ளார். அதையடுத்து, 
அவரை டி.கள்ளிப்பட்டிக்கு அழைத்து வந்து, செவ்வாய்க்கிழமை அவரது பெற்றோரிடம் ஒப்படைத்தார். 10 ஆண்டுகளுக்குப் பின் தங்களது மகனை பார்த்த பெற்றோர் மகிழ்ச்சியில் திளைத்தனர்.


 

]]>
https://www.dinamani.com/all-editions/edition-madurai/theni/2019/jul/17/ஆந்திரத்துக்கு-முறுக்கு-விற்கச்-சென்ற-சிறுவன்-10-ஆண்டுகளுக்குப்-பின்-பெற்றோரிடம்-ஒப்படைப்பு-3194319.html
3194318 மதுரை தேனி மயிலாடும்பாறை ஊராட்சி அலுவலகத்தில் அங்கன்வாடி பணியாளர்கள் ஆர்ப்பாட்டம் DIN DIN Wednesday, July 17, 2019 10:10 AM +0530 ஊதிய உயர்வு உள்ளிட்ட பல்வேறு கோரிக்கைகளை வலியுறுத்தி, மயிலாடும்பாறை ஊராட்சி ஒன்றிய அலுவலகம் முன்பாக அங்கன்வாடி பணியாளர்கள் செவ்வாய்க்கிழமை கருப்பு பட்டை அணிந்து ஆர்ப்பாட்டத்தில் ஈடுபட்டனர்.
      இந்த ஆர்ப்பாட்டத்துக்கு, அங்கன்வாடி ஒன்றியச் செயலர் வளர்மதி தலைமை வகித்தார். அங்கன்வாடி மாநிலப் பொதுச் செயலர் முருகேஸ்வரி சிறப்புரையாற்றினார். தேனி சத்துணவு ஊழியர் சங்க மாவட்டத் தலைவர் நிலவழகன், ஆர்ப்பாட்டத்தின் நோக்கம் குறித்து பேசினார்.
     ஆர்ப்பாட்டத்தில், அங்கன்வாடி மையத்தை தனியார் மயமாக்கக்கூடாது. ஓய்வூதியத்தை உயர்த்தி வழங்க வேண்டும். ஒப்பந்த பணியாளர்களை நிரந்தரப் பணியாளராக மாற்றிட வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பினர்.      இதில், 30-க்கும் மேற்பட்ட அங்கன்வாடி பணியாளர்கள் கலந்துகொண்டனர்.     தகவலறிந்து சம்பவ இடத்துக்கு வந்த மயிலாடும்பாறை போலீஸார், ஆர்ப்பாட்டத்தில் ஈடுபட்டவர்களுடன் பேச்சுவார்த்தை நடத்தி, அவர்களை கலைந்து போகச் செய்தனர்.

]]>
https://www.dinamani.com/all-editions/edition-madurai/theni/2019/jul/17/மயிலாடும்பாறை-ஊராட்சி-அலுவலகத்தில்-அங்கன்வாடி-பணியாளர்கள்-ஆர்ப்பாட்டம்-3194318.html
3194317 மதுரை தேனி சுய தொழில் தொடங்குவதற்கு வங்கிக் கடன் வழங்க ஜூலை 19-இல் நேர்காணல் DIN DIN Wednesday, July 17, 2019 10:10 AM +0530 படித்த வேலை வாய்ப்பற்ற இளைஞர்கள் சுயதொழில் தொடங்குவதற்கு, தேனி மாவட்ட தொழில் மையத்தில் வங்கிக் கடன் பெற ஜூலை 19-ஆம் தேதி நேர்காணல் நடைபெறுகிறது. 
       இது குறித்து மாவட்ட ஆட்சியர் ம. பல்லவி பல்தேவ் வெளியிட்டுள்ள அறிவிப்பு: மாவட்டத் தொழில் மையம் மூலம் வேலைவாய்ப்பற்ற இளைஞர்களுக்கு வேலைவாய்ப்பு உருவாக்கும் திட்டத்தின் கீழ், இளைஞர்களுக்கு சுயதொழில் தொடங்குவதற்கு 25 சதவிகிதம் மானியத்தில் வங்கிக் கடன் வழங்கப்படுகிறது.
      இத் திட்டத்தின் கீழ், உற்பத்தித் தொழிலுக்கு ரூ.10 லட்சம் வரையும், சேவைத் தொழிலுக்கு ரூ.3 லட்சம் வரையும், வியாபாரத்துக்கு ரூ.1 லட்சம் வரையும் கடன் வழங்கப்படும்.
      சுயதொழில் தொடங்குவதற்கு வங்கிக் கடன் பெற விரும்புவோர் 8-ஆம் வகுப்பு தேர்ச்சி பெற்றிருக்க வேண்டும். பொதுப் பிரிவினர் 18 முதல் 35 வயதுக்கும், சிறப்புப் பிரிவினர், பெண்கள், மாற்றுத் திறனாளிகள், திருநங்கைகள், சிறுபான்மையினர், பிற்பட்டோர், மிகவும் பிற்பட்டோர் மற்றும் ஆதிதிராவிடர்கள் 45 வயதுக்கும் உள்பட்டிருக்க வேண்டும்.
     வங்கிக் கடன் மற்றும் அரசு மானிய உதவி பெறுவதற்கு, திட்ட அறிக்கை, விலைப் பட்டியல், கல்விச் சான்று, குடும்ப அட்டை, ஆதார் அட்டை ஆகியவற்றின் நகல்களுடன் ஜூலை 18-ஆம் தேதிக்குள் மாவட்ட தொழில் மைய அலுவலகத்தில் விண்ணப்பித்து, ஜூலை 19-ஆம் தேதி நடைபெறும் நேர்காணலில் பங்கேற்கலாம் என்று அறிவிக்கப்பட்டுள்ளது.

]]>
https://www.dinamani.com/all-editions/edition-madurai/theni/2019/jul/17/சுய-தொழில்-தொடங்குவதற்குவங்கிக்-கடன்-வழங்க-ஜூலை-19-இல்-நேர்காணல்-3194317.html
3194316 மதுரை தேனி சிறுமிக்கு பாலியல் தொல்லை: கல்லூரி மாணவர் கைது DIN DIN Wednesday, July 17, 2019 10:10 AM +0530 சிறுமியை கடத்திச் சென்று பாலியல் தொந்தரவு அளித்ததாக மேல்மணலாரைச் சேர்ந்த கல்லூரி மாணவரை போலீஸார் செவ்வாய்க்கிழமை கைது செய்தனர்.
ஹைவேவிஸ், மேல்மணலாரைச் சேர்ந்தவர் சீனிவாசன் மகன் அஜீத்குமார்(19). இவர், முத்துத்தேவன்பட்டியில் உள்ள அரசு மாணவர் விடுதியில் தங்கி, வீரபாண்டி அரசு கலை மற்றும் அறிவியல் கல்லூரியில் இளங்கலை பட்டப் படிப்பு படித்து வருகிறார். இவருக்கும், தேனியில் தனது தாத்தா வீட்டில் தங்கியிருந்து படித்து வரும் விருதுநகர் மாவட்டம், வத்திராயிருப்பைச் சேர்ந்த 16 வயது சிறுமிக்கும் பழக்கம் ஏற்பட்டுள்ளது.
இந்தப் பழக்கத்தை பயன்படுத்தி அஜீத்குமார் கடந்த மே 11 ஆம் தேதி சிறுமியை மதுரை, வீரபாண்டி ஆகிய இடங்களுக்கு அழைத்துச் சென்று அங்கு அவருக்கு பாலியல் தொந்தரவு அளித்தாகக் கூறப்படுகிறது. பின்னர், கடந்த மே 12-ம் தேதி அவரை தேனி நகராட்சி பேருந்து நிலையத்தில் விட்டுச் சென்று விட்டாராம். 
அங்கு அழுது கொண்டு நின்றிருந்த சிறுமி குறித்து அப் பகுதியில் இருந்தவர்கள் மாவட்ட குழந்தைகள் நலக் குழுவிற்கு தகவல் தெரிவித்துள்ளனர். சிறுமியிடம் விசாரணை நடத்திய குழந்தைகள் நலக் குழுத் தலைவர் சுரேஷ்குமார், இந்த சம்பவம் குறித்து மாவட்ட காவல் கண்காணிப்பாளரிடம் புகார் அளித்தார்.
அதன் பேரில் அஜீத்குமார் மீது குழந்தைகள் மீதான வன்கொடுமைத் தடுப்புச் சட்டத்தின் கீழ் தேனி காவல் நிலைய போலீஸார் வழக்குப் பதிந்து, அவரை கைது செய்தனர்.
 

]]>
https://www.dinamani.com/all-editions/edition-madurai/theni/2019/jul/17/சிறுமிக்கு-பாலியல்-தொல்லை-கல்லூரி-மாணவர்-கைது-3194316.html
3194315 மதுரை தேனி காதல் திருமணம் செய்த மகள் தற்கொலை: மருமகனை கொல்ல கூலிப் படையுடன் சென்ற மாமனார் உள்பட 6 பேர் கைது DIN DIN Wednesday, July 17, 2019 10:09 AM +0530 காதல் திருமணம் செய்த மகள் தற்கொலை செய்து கொண்டதால், மருமகனை கொலை செய்ய மாமனார் கூலிப் படையுடன் வந்த தகவல் வெளியாகியுள்ளது.
      போடி பகுதியில் போலீஸார் ஞாயிற்றுக்கிழமை ரோந்து சென்றுள்ளனர். அப்போது, பயங்கர ஆயுதங்களுடன் 6 பேர் சுற்றித் திரிந்துள்ளனர். அவர்களை, போடி நகர் காவல் நிலைய போலீஸார் பிடித்து விசாரித்தனர். 
     அதில், மதுரை மாவட்டம் சமயநல்லூர் தாலுகா பிள்ளையார் கோயில் தெருவைச் சேர்ந்த செல்வக்குமார் மகன் வீரையா (49), வாடிப்பட்டி தாலுகா தனிச்சியம் கிழக்கு தெருவைச் சேர்ந்த சேகர் மகன் ஜெகன் (29), சமயநல்லூரைச் சேர்ந்த முத்து மகன் கணேசன் (24), திருவேடகம் தெற்கு தெருவைச் சேர்ந்த அய்யனார் மகன் ரேவந்த் (24), திருவேடகம் கிழக்கு தெருவைச் சேர்ந்த செல்வம் மகன் குமரவேல் (27)  மற்றும் திருவேடகம் தெப்பக்குளம் மந்தை கருப்பணசாமி கோயில் தெருவைச் சேர்ந்த வேதவடிவேல் மகன் நாகமணி (29) ஆகியோர் என்பது தெரியவந்தது.
     இவர்களிடம் போலீஸார் தீவிர விசாரணை நடத்தினர். இது குறித்து போலீஸார் தெரிவித்ததாவது:
      போடிமெட்டு பகுதியைச் சேர்ந்த ஜெயபால் என்பவர் 3 ஆண்டுகளுக்கு முன்பு படிப்பதற்காக சமயநல்லூர் சென்றுள்ளார். அப்போது, வீரையா மகள் தமிழ்செல்வி என்பவரை காதலித்து திருமணம் செய்துகொண்டார். அதையடுத்து, இவர்கள் இருவரும் போடி குப்பிநாயக்கன்பட்டியில் வசித்து வந்துள்ளனர்.
      இதனிடையே, குடும்பப் பிரச்னையில் கடந்த 1.1.2019 ஆம் தேதி தமிழ்செல்வி வீட்டில் தற்கொலை செய்துகொண்டார். கர்ப்பிணியாக இருந்த இவரை தற்கொலைக்கு தூண்டியதாக, ஜெயபால் மீது போலீஸார் வழக்குப் பதிந்து அவரைக் கைது செய்து சிறையில் அடைத்தனர். தற்போது, ஜெயபால் ஜாமீனில் வெளியே வந்துள்ளார்.
      இந்நிலையில், ஜெயபாலை கொலை செய்வதற்காக திட்டமிட்ட வீரையா, கூலி படையினரை வரவழைத்துள்ளது தெரியவந்துள்ளது என்றனர். 
      இது குறித்து போலீஸார் மாமனார் உள்பட 6 பேர் மீதும் வழக்குப் பதிவு செய்து சிறையில் அடைத்தனர். 
     தகுந்த நேரத்தில் செயல்பட்டதால், கொலை சம்பவம் தடுக்கப்பட்டுள்ளதாக, போடி நகர் காவல் நிலைய ஆய்வாளர் வெங்கடாசலபதி, ரோந்து காவலர்கள் வெற்றிவேந்தன், ஸ்ரீதர் ஆகியோரை, தேனி மாவட்டக் காவல் கண்காணிப்பாளர் வீ. பாஸ்கரன் பாராட்டினார்.

]]>
https://www.dinamani.com/all-editions/edition-madurai/theni/2019/jul/17/காதல்-திருமணம்-செய்த-மகள்-தற்கொலை-மருமகனை-கொல்ல-கூலிப்-படையுடன்-சென்ற-மாமனார்-உள்பட-6-பேர்-கைது-3194315.html
3194313 மதுரை தேனி உத்தமபாளையம் அருகே சிறுவனை கல்லால்  அடித்துக் கொன்ற வழக்கில் தாய் உள்பட 4 பேர் கைது DIN DIN Wednesday, July 17, 2019 10:09 AM +0530 தேனி மாவட்டம் உத்தமபாளையம் அருகே சிறுவனை கல்லால் அடித்து கொலை செய்த வழக்கில் தாய் உள்பட உறவினர்கள் 4 பேரை போலீஸார் செவ்வாய்க்கிழமை கைது செய்தனர்.
 கோம்பை மதுரை வீரன் தெருவைச் சேர்ந்தவர் முருகன் (40). கூலித் தொழிலாளி.  இவர் அதே பகுதியை சேர்ந்த கீதா (30) என்பவரை 2 ஆவது திருணம் செய்துள்ளார். இவர்களது மகன் ஹரிஷ் (5). 1 ஆம் வகுப்பு படித்து வந்தான். இந்நிலையில் முருகனும், கீதாவும் கருத்துவேறுபாடு காரணமாக பிரிந்து வேறு திருமணம் செய்து கொண்டனர். 
 இதையடுத்து சிறுவன் ஹரிஷ் தனது தாய் கீதாவின் பராமரிப்பில் வளர்ந்து வந்தான். இதற்கிடையே இச்சிறுவனை ஞாயிற்றுக்கிழமை காணவில்லை என பல இடங்களில் தேடியும் கிடைக்காததால் கீதா கோம்பை காவல் நிலையத்தில் அளித்தப் புகாரின் பேரில் போலீஸார் வழக்குப் பதிந்து விசாரித்த வந்த நிலையில், காணாமல் போன சிறுவன் ஹரிஷ், அங்குள்ள மயானம் ஒன்றில் தலையில் பலத்த காயங்களுடன் இறந்து கிடப்பதாக போலீஸாருக்கு தகவல் கிடைத்தது. இதைத் தொடர்ந்து அங்கு சென்ற போலீஸார் சிறுவனின் சடலத்தை மீட்டு தேனி க.விலக்கு அரசு மருத்துவக் கல்லூரி மருத்துவமனைக்கு அனுப்பி வைத்தனர்.
 சிறுவனின் தலையில் பலத்த காயம் இருப்பதால் கல்லால் அடித்து கொலை செய்து இருக்கலாம் என்ற சந்தேகத்தின் பேரில் உறவினர்களிடம் விசாரணை மேற்கொண்டனர்.
அதில், சிறுவனின் தாய் கீதா 2 ஆவது திருமணம் செய்த உதயக்குமார், தனது மைத்துனர் கார்த்தி (எ) கார்த்திக்குமார்  மற்றும் அவரது மனைவி புவனேஸ்வரி ஆகியோருடன் சேர்ந்து சிறுவன் தொந்தரவாக இருப்பதாகக் கூறி அவனை கொலை செய்ய திட்டமிட்டு சிறுவனை கடத்திச் சென்றுள்ளனர். பின்னர் கோம்பை ஆரம்ப சுகாதார நிலையத்திற்கு செல்லும் சாலையிலுள்ள மயானத்திலுள்ள புதரில் வைத்து சிறுவனின் தலையில்  கல்லால் அடித்து கார்த்திக்குமார் கொலை செய்துள்ளார். உதயக்குமார் மற்றும் புவனேஸ்வரி அதற்கு உடந்தையாக இருந்தது விசாரணையில் தெரியவந்தது. இதனை அடுத்து சிறுவனை கடத்தி  கொலை செய்த குற்றத்திற்காக  கார்த்திக்குமாரையும், அவருக்கு உடந்தையாக இருந்த உதயக்குமார் மற்றும்  புவனேஸ்வரி மற்றும் குழந்தையை முறையாக பாதுகாக்காத குற்றத்திற்காக சிறுவனின் தாய் கீதா உள்பட  4 பேரையும் கோம்பை போலீஸார் கைது செய்தனர்.
 

]]>
https://www.dinamani.com/all-editions/edition-madurai/theni/2019/jul/17/உத்தமபாளையம்-அருகே-சிறுவனை-கல்லால்--அடித்துக்-கொன்ற-வழக்கில்-தாய்-உள்பட-4-பேர்-கைது-3194313.html
3194312 மதுரை தேனி தேனி மாவட்ட முதன்மைக் கல்வி அலுவலர் நியமனம் DIN DIN Wednesday, July 17, 2019 10:08 AM +0530 தேனி மாவட்ட முதன்மைக் கல்வி அலுவலராக எஸ்.ரேணுகாதேவி நியமிக்கப்பட்டுள்ளார்.
தேனி மாவட்ட முதன்மைக் கல்வி அலுவலராகப் பணியாற்றிய மாரிமுத்து பணி ஓய்வு பெற்றுள்ளார். இந்த நிலையில், ஈரோடு மாவட்டம், பவானி கல்வி மாவட்ட அலுவலராகப் பணியாற்றிய எஸ்.ரேணுகாதேவி பதவி உயர்வு பெற்று, தேனி மாவட்ட முதன்மைக் கல்வி அலுவலராக நியமிக்கப்பட்டுள்ளார். இதற்கான உத்தரவை செவ்வாய்க்கிழமை பள்ளிக் கல்வித் துறை பிறப்பித்துள்ளது.
 

]]>
https://www.dinamani.com/all-editions/edition-madurai/theni/2019/jul/17/தேனி-மாவட்ட-முதன்மைக்-கல்வி-அலுவலர்-நியமனம்-3194312.html
3194311 மதுரை தேனி வருசநாடு அருகே கிடப்பில் போடப்பட்ட தார்ச் சாலையால் மலைக் கிராம மக்கள் அவதி DIN DIN Wednesday, July 17, 2019 10:08 AM +0530 ஆண்டிபட்டி அருகே மலை கிராமத்துக்கு புதிதாக தார்ச்சாலை அமைப்பதற்காக ஜல்லிக்கற்கள் கொட்டப்பட்டு பணிகள் நடைபெறாமல் கிடப்பில் போடப்பட்டதால் பொதுமக்களும், வாகன ஓட்டிகளும் அவதியடைந்து வருகின்றனர்.
  ஆண்டிபட்டி தாலுகா வருசநாடு அருகே காமராஜபுரம், கொடிக்குளம்குடிசை, உரக்குண்டான்கேணி, பாலசுப்பிரமணியபுரம்  போன்ற மலை கிராமங்களில் ஆயிரத்துக்கும் மேற்பட்டோர் வசித்து வருகின்றனர். இப்பகுதியில் உள்ள மக்கள் விவசாய தொழிலில் அதிகளவில் ஈடுபட்டு வருகின்றனர்.இங்கு விளையும் பொருள்களை தேனி மற்றும் ஆண்டிபட்டி சந்தைக்கு பேருந்து மற்றும் வாகனங்கள் மூலம் கொண்டு சென்று விற்பனை செய்து வருகின்றனர்.
 இக்கிராமங்களுக்காக ஊராட்சி நிர்வாகத்தின் மூலம் சாலை அமைக்கப்பட்டிருந்தது. அச்சாலை கடந்த சில ஆண்டுகளாக சேதமடைந்து குண்டு குழியுமாக மாறி விட்டது. இதனால் விவசாயிகளும் பொதுமக்களும் மிகவும் அவதியடைந்து வருகின்றனர்.
 இதுகுறித்து பொதுமக்கள் ஊராட்சி நிர்வாகத்தில் பலமுறை புகார் தெரிவித்தனர்.
 இதனையடுத்து புதிய தார்ச்சாலை அமைப்பதற்காக ஊராட்சி நிர்வாகத்தின் சார்பில் நிதி ஒதுக்கப்பட்டு, பணிகள் தொடங்கப்பட்டன. இதற்காக ஜல்லிகற்கள் கொட்டப்பட்டன. ஆனால் வெகுநாள்களாக பணிகள் ஏதும் நடைபெறவில்லை. இதன்காரணமாக அவ்வழியாக செல்லும் வாகனங்கள் அடிக்கடி பழுதாகி விடுகின்றன. 
மேலும் அவசர காலங்களில் நோயாளிகளை மருத்துவமனைகளுக்கு கொண்டு செல்வதில் சிரமம் ஏற்பட்டு வருகிறது. எனவே கிடப்பில் போடப்பட்டுள்ள சாலை பணியை விரைந்து முடிக்க மாவட்ட நிர்வாகம் உரிய நடவடிக்கை எடுக்க வேண்டும் என பொதுமக்களும், விவசாயிகளும் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/theni/2019/jul/17/வருசநாடு-அருகே-கிடப்பில்-போடப்பட்ட-தார்ச்-சாலையால்-மலைக்-கிராம-மக்கள்-அவதி-3194311.html
3194310 மதுரை தேனி போடியில் வீட்டுக்குள் புகுந்த 7 அடி நீள கண்ணாடி விரியன் பாம்பு DIN DIN Wednesday, July 17, 2019 10:07 AM +0530 போடியில் செவ்வாய்க்கிழமை வீட்டுக்குள் புகுந்த கண்ணாடி விரியன் பாம்பை, தீயணைப்பு வீரர்கள் பிடித்து வனப் பகுதியில் விட்டனர். 
         போடி சுப்புராஜ் நகரைச் சேர்ந்த விவசாயி ஈஸ்வரன் (50). இவரது வீட்டுக்குள் பாம்பு ஒன்று புகுந்துவிட்டதை அடுத்து, அவர் போடி தீயணைப்பு நிலையத்துக்கு தகவல் அளித்துள்ளார். அதன்பேரில், தீயணைப்பு நிலைய அலுவலர் ரெங்கராஜ் மற்றும் வீரர்கள் விரைந்து சென்று பாம்பை தேடினர். ஒரு மணி நேர தேடலுக்குப் பின் வீட்டுக்குள் பதுங்கியிருந்த 7 அடி நீளமுள்ள கண்ணாடி விரியன் பாம்பை பிடித்தனர். பின்னர், அதை தீயணைப்பு வீரர்கள் போடி வனத் துறையினர் மூலம் வனப் பகுதியில் கொண்டு சென்றுவிட்டனர்.

]]>
https://www.dinamani.com/all-editions/edition-madurai/theni/2019/jul/17/போடியில்-வீட்டுக்குள்-புகுந்த-7-அடி-நீள-கண்ணாடி-விரியன்-பாம்பு-3194310.html
3194309 மதுரை தேனி ஆண்டிபட்டியில் ஊராட்சி செயலர்கள் ஆலோசனைக் கூட்டம் DIN DIN Wednesday, July 17, 2019 10:07 AM +0530 ஆண்டிபட்டி ஊராட்சி ஒன்றிய அலுவலக கூட்டரங்கில் குடிநீர் பிரச்னைக்கு தீர்வு காண்பது குறித்து ஊராட்சி செயலர்கள் ஆலோசனைக் கூட்டம் திங்கள்கிழமை நடைபெற்றது.
    இக்கூட்டத்திற்கு ஒன்றிய தலைவர் மார்க்கண்டன் தலைமை வகித்தார். மாவட்டத் தலைவர் குமரேசன், பொறுப்பாளர்கள் பாலமுருகன், பிச்சை மணி ஆகியோர் முன்னிலை வகித்தனர். மேலும் இக்கூட்டத்தில் ஆண்டிபட்டி ஊராட்சி ஒன்றியத்தில் 30 ஊராட்சிகளில் 200-க்கும் மேற்பட்ட கிராமங்கள் உள்ளன. இப்பகுதிகளில் பருவமழை பெய்யாமல் ஆறு, கண்மாய், குளங்கள் வறண்டு போய், நிலத்தடி நீர் மட்டம் வெகுவாக குறைந்து விட்டது. இதனால் கிராமங்களில் கடுமையான குடிநீர் தட்டுப்பாடு ஏற்பட்டுள்ளது. எனவே பொது மக்களின் குடிநீர் பிரச்னையைத் தீர்ப்பது குறித்தும், கடுமையான பொருளாதார நெருக்கடியிலும் போர்க்கால அடிப்படையில் குடிநீர் பிரச்னையை தீர்க்கவும் ஆலோசிக்கப்பட்டது. மேலும் ஊராட்சி செயலர்களின் பணிச் சுமை, குடும்ப சூழ்நிலை குறித்தும் விவாதிக்கப்பட்டது. வருங்காலங்களில் உள்ள அடிப்படைத் தேவைகளுக்கான நிதியினை பெறுவது பற்றியும் ஆலோசிக்கப்பட்டது. கூட்டத்தில் 30 ஊராட்சிகளைச் சேர்ந்த ஊராட்சி செயலர்கள் பங்கேற்றனர்.
 

]]>
https://www.dinamani.com/all-editions/edition-madurai/theni/2019/jul/17/ஆண்டிபட்டியில்-ஊராட்சி-செயலர்கள்-ஆலோசனைக்-கூட்டம்-3194309.html
3194308 மதுரை தேனி போடி சிவன் கோயில்களில் பௌர்ணமி பூஜை DIN DIN Wednesday, July 17, 2019 10:07 AM +0530 பௌர்ணமி தினத்தை முன்னிட்டு, போடி சிவன் கோயில்களில் செவ்வாய்க்கிழமை சிறப்புப் பூஜைகள் நடைபெற்றன. 
      போடி தென் திருவண்ணாமலை என போற்றப்படும் பரமசிவன் மலைக் கோயிலில் இந்து சமய அறநிலையத் துறை சார்பில் பௌர்ணமி பூஜை நடைபெற்றது. இதையொட்டி, சிவலிங்கப் பெருமானுக்கு மலர்களால் அலங்கரிக்கப்பட்டு பூஜைகள் நடத்தப்பட்டன. இதில், நூற்றுக்கும் மேற்பட்டோர் பங்கேற்று வழிபாடு நடத்தினர்.
      போடி வினோபாஜி காலனியில் உள்ள மீனாட்சி சுந்தரேசுவரர் கோயிலில் நடைபெற்ற சிறப்பு பூஜையில் மங்கலப் பொருள்களால் சிவலிங்கத்துக்கு அபிஷேகம் செய்யப்பட்டது. பின்னர், அலங்காரம் செய்யப்பட்டு மகா தீபாராதனை நடைபெற்றது. மேலும், மழை வேண்டியும், பிரார்த்தனை நடைபெற்றது.
      போடி பழைய பேருந்து நிறுத்தத்தில் உள்ள கொண்டரங்கி மல்லையசுவாமி கோயிலிலும் சிறப்பு வழிபாடு நடைபெற்றது. இதில், நூற்றுக்கும் மேற்பட்ட பெண்கள் உள்ளிட்டோர் பங்கேற்றனர். இதேபோல், போடி சுப்பிரமணிய சுவாமி கோயிலிலுள்ள நடராஜர் சன்னிதி, பிச்சங்கரை மலையில் உள்ள சொக்கநாதர் கோயில் உள்ளிட்ட கோயில்களிலும் பௌர்ணமி பூஜை சிறப்பாக நடைபெற்றது.

]]>
https://www.dinamani.com/all-editions/edition-madurai/theni/2019/jul/17/போடி-சிவன்-கோயில்களில்-பௌர்ணமி-பூஜை-3194308.html
3194307 மதுரை தேனி தேனி ஒழுங்குமுறை விற்பனைக் கூடத்தில் கொப்பரைத் தேங்காய் கொள்முதல் DIN DIN Wednesday, July 17, 2019 10:06 AM +0530 தேனி விற்பனைக் குழு சார்பில், தேனி ஒழுங்குமுறை விற்பனைக் கூடத்தில் குறைந்தபட்ச ஆதார விலையில்  கொப்பரைத் தேங்காய் கொள்முதல் நடைபெறுகிறது.
      இது குறித்து மாவட்ட நிர்வாகம் வெளியிட்டுள்ள அறிவிப்பு: தேனி ஒழுங்குமுறை விற்பனைக் கூடத்தில் 2020 ஜனவரி 6-ஆம் தேதி வரை, தேனி கூட்டுறவு விற்பனைக் குழு சார்பில் குறைந்தபட்ச ஆதார விலையில் கொப்பரைத் தேங்காய் கொள்முதல் நடைபெறுகிறது.  இதில், 100 டன் கொப்பரைத் தேங்காய் கொள்முதல் செய்ய இலக்கு நிர்ணயிக்கப்பட்டுள்ளது. 
     தேங்காய் கொப்பரைகள் அரவைக் கொப்பரை, பந்து கொப்பரை என்று 2 வகைகளாக கொள்முதல் செய்யப்படுகிறது. மத்திய அரசால் 2019-ஆம் ஆண்டில் அறிவிக்கப்பட்ட குறைந்தபட்ச ஆதார விலையின்படி, அரவைக் கொப்பரை ஒரு கிலோ ரூ.95.21-க்கும், பந்து கொப்பரை ஒரு கிலோ ரூ.99.20-க்கும் கொள்முதல் செய்யப்படுகிறது.
     எனவே, கொப்பரைத் தேங்காய் விற்பனை செய்ய விரும்பும் விவசாயிகள், தேனி ஒழுங்குமுறை விற்பனைக் கூடத்தில் நிலத்தின் சிட்டா, அடங்கல், ஆதார் அடையாள அட்டை, வங்கிக் கணக்கு பாஸ் புத்தகம் ஆகியவற்றின் நகல்களை சமர்ப்பித்து, தங்களது பெயரை பதிவு செய்துகொண்டு வர்த்தகத்தில் ஈடுபடலாம். 
  கொப்பரை தேங்காய் கொள்முதல் தொகை விவசாயிகளுக்கு வங்கிக் கணக்கு மூலம் வழங்கப்படும் என்று அறிவிக்கப்பட்டுள்ளது.
 

]]>
https://www.dinamani.com/all-editions/edition-madurai/theni/2019/jul/17/தேனி-ஒழுங்குமுறை-விற்பனைக்-கூடத்தில்கொப்பரைத்-தேங்காய்-கொள்முதல்-3194307.html
3194306 மதுரை தேனி கம்பத்தில் கழிவுநீர் கால்வாய் கட்டும் பணி: அதிகாரிகளை பொதுமக்கள் முற்றுகை DIN DIN Wednesday, July 17, 2019 10:05 AM +0530 தேனி மாவட்டம், கம்பம் நகராட்சியில் கழிவுநீர் கால்வாய் கட்டுமானப் பணிக்கு இடையூறாக உள்ள ஆக்கிரமிப்புகளை அகற்ற முயன்ற நகராட்சி அதிகாரிகளை, பொதுமக்கள் செவ்வாய்க்கிழமை முற்றுகையிட்டனர்.
       கம்பம் நகராட்சி 7 ஆவது வார்டு குரங்குமாயன் தெருவில் கழிவுநீர் கால்வாய் பல மாதங்களாகவே சேதமடைந்திருந்ததால், கழிவுநீர் தெருக்களில் பெருக்கெடுத்து ஓடியது. இதனால், பழைய கழிவுநீர் கால்வாய் மற்றும் தரைப் பாலங்களை அகற்றிவிட்டு புதிதாக அமைக்க, நகராட்சி ஆணையர் (பொறுப்பு) செல்வராணி தலைமையில், நகராட்சி மேலாளர் முனிராஜ், கட்டட ஆய்வாளர் தங்கராஜ் மற்றும் பணியாளர்கள் செவ்வாய்க்கிழமை பொக்லைன் இயந்திரம் மூலம் பழைய கால்வாயை அகற்ற முயன்றனர்.
     ஆனால், கால்வாயைச் சுற்றிலும் கட்டட ஆக்கிரமிப்புகள் இருந்ததால், ஆக்கிரமிப்பாளர்கள் சிலர் நகராட்சி அதிகாரிகளை முற்றுகையிட்டு வாக்குவாதத்தில் ஈடுபட்டனர்.     சம்பவ இடத்துக்கு வந்த கம்பம் வடக்கு காவல் நிலைய சார்பு-ஆய்வாளர்  பவுன்ராஜ் தலைமையில் போலீஸார், ஆக்கிரமிப்பாளர்களை எச்சரிக்கை செய்து, கழிவுநீர் கால்வாயில் இருந்த ஆக்கிரமிப்புகளை  அகற்றினர். இதனால், அப்பகுதியில் சிறிது நேரம் பரபரப்பு ஏற்பட்டது.
 

]]>
https://www.dinamani.com/all-editions/edition-madurai/theni/2019/jul/17/கம்பத்தில்-கழிவுநீர்-கால்வாய்-கட்டும்-பணிஅதிகாரிகளை-பொதுமக்கள்-முற்றுகை-3194306.html
3193246 மதுரை தேனி ஆண்டிபட்டி அருகே நகை பறிப்பு வழக்கில் இளைஞர் கைது DIN DIN Tuesday, July 16, 2019 07:32 AM +0530 ஆண்டிபட்டி அருகே வீட்டில் தனியாக இருந்த பெண்ணிடம் 5 பவுன் நகையை பறித்து சென்ற இளைஞரை போலீஸார் திங்கள்கிழமை கைது செய்து நகையை மீட்டனர்.
தேனி மாவட்டம் ஆண்டிபட்டி அருகே உள்ள மறவபட்டியைச் சேர்ந்தவர் பாலகிருஷ்ணன்  மனைவி நந்தினி. இவர்கள் கிராமத்தில் கடந்த மே  19 ஆம் தேதி கோயில் திருவிழா நடைபெற்றது. விழாவை முன்னிட்டு கிராமத்தில் நாடகம் நடைபெற்றது. இதனை பார்ப்பதற்காக பாலகிருஷ்ணன் சென்று விட்டாராம். வீட்டில் அவரது மனைவி நந்தினி மட்டும் தனியாக தூங்கியுள்ளார். இந்நிலையில் நள்ளிரவில் வீட்டிற்குள் புகுந்த மர்ம நபர் நந்தினி அணிந்திருந்த 5 பவுன் தங்க நகையை பறித்து கொண்டு தப்பியோடியுள்ளார். இதுகுறித்து ஆண்டிபட்டி போலீஸார் வழக்குப் பதிவு செய்து விசாரணை நடத்தி வந்தனர். இந்நிலையில் ஆண்டிபட்டிஎம்.ஜி.ஆர் சிலை அருகே சந்தேகத்திற்கு இடமாக நின்றிருந்த நபரை போலீஸார் பிடித்து விசாரணை செய்தனர். அவர் முன்னுக்குப்பின் முரணாக பதிலளிக்கவே அவரை காவல் நிலையம் கொண்டு சென்று விசாரணை நடத்தினர். விசாரணையில் அவர் தேனி அருகே உள்ள அரண்மனைபுதூரைச் சேர்ந்த முத்தையா என்பவரின் மகன் வீரக்குமார்(25) என்பதும்,  கடந்த 2 மாதங்களுக்கு முன்பு மறவபட்டி கிராமத்தைச் சேர்ந்த நந்தினியிடம் நகை பறித்ததையும் ஒப்புக்கொண்டார். இதனையடுத்து அவரிடம் இருந்து 5 பவுன் நகையை பறிமுதல் செய்த போலீஸார் வீரக்குமாரை கைது செய்து சிறையிலடைத்தனர்.

]]>
https://www.dinamani.com/all-editions/edition-madurai/theni/2019/jul/16/ஆண்டிபட்டி-அருகே-நகை-பறிப்பு-வழக்கில்-இளைஞர்-கைது-3193246.html
3193245 மதுரை தேனி சரக்கு வாகனம் கவிழ்ந்து: கூலித் தொழிலாளிகள் 6 பேர் காயம் DIN DIN Tuesday, July 16, 2019 07:32 AM +0530 தேனி மாவட்டம் சின்னமனூர்  தேசிய நெடுஞ்சாலையில் திங்கள்கிழமை சரக்கு லாரி கவிழ்ந்ததில் அதன் மேற்கூரையில் பயணம் செய்த 6 கூலித் தொழிலாளிகள் பலத்த காயம் அடைந்தனர்.
   உத்தமபாளையம் அருகே ராயப்பன்பட்டியிலுள்ள தனியார் தோட்டத்தில் இருந்த வாழைத்தார்களை மினிலாரியில் ஏற்றிக் கொண்டு சின்னமனூர் நோக்கி சென்று கொண்டிருந்தனர். அப்போது, வேம்படிக்களம்  தேசிய நெடுஞ்சாலையில் சென்ற போது லாரி நிலை தடுமாறி சாலையின் நடுவே கவிழ்ந்தது. இதில் லாரியின் மேற்கூரையில் அமர்ந்திருந்த, சின்னமனூர் அய்யனார்புரத்தை சேர்ந்த செந்தில், கே.கே.குளத்தை சேர்ந்த பழனிச்சாமி, 27 ஆவது வார்டைச் சேர்ந்த முத்துஇருளாண்டி,செந்தில் மனைவி கவிதா மற்றும் ஓட்டுநர் ராஜா உள்பட  6 பேர் பலத்த காயம் அடைந்தனர்.
   காயமடைந்தவர்கள் சின்னமனூர் அரசு மருத்துவமனையில் அனுமதிக்கப்பட்டனர். இவர்கள் அனைவரும் மேல் சிகிச்சைக்காக தேனி க.விலக்கு அரசு மருத்துவக்கல்லூரி மருத்துவமனைக்கு அனுப்பி வைத்தனர்.
    இதுகுறித்து சின்னமனூர் போலீஸார்  வழக்குப் பதிந்து விசாரணை செய்து வருகின்றனர்.

]]>
https://www.dinamani.com/all-editions/edition-madurai/theni/2019/jul/16/சரக்கு-வாகனம்-கவிழ்ந்து-கூலித்-தொழிலாளிகள்-6-பேர்-காயம்-3193245.html
3193244 மதுரை தேனி ஹைவேவிஸ்-மேகமலை  வனப்பகுதியில் அனுமதியின்றி இயங்கிய 2 தனியார் தங்கும் விடுதிகள் DIN DIN Tuesday, July 16, 2019 07:32 AM +0530 தேனி மாவட்டம் ஹைவேவிஸ்- மேகமலை வனப்பகுதியில்  அனுமதியின்றி  2 தங்கும்  விடுதிகள் இயங்கி வந்தது.  உத்தமபாளையம் சார்  ஆட்சியர் ஆய்வில் தெரியவந்தது.
 சின்னமனூர் அருகேயுள்ள மேற்குத் தொடர்ச்சி மலையில் ஹைவேவிஸ் பேரூராட்சி அமைந்துள்ளது. இங்கு மேகமலை, மணலார் உள்ளிட்ட 7 மலைக் கிராமங்கள்  உள்ளன. இந்த மலைக் கிராமங்களில் வசிக்கும் 3 ஆயிரத்துக்கும் மேற்பட்டோர் தனியார் தேயிலை தோட்டத்தில் கூலி வேலை செய்து வருகின்றனர்.
 இந்நிலையில், ஹைவேவிஸ்- மேகமலை பகுதியில் இயற்கை வளங்களை அழித்து  சட்ட விரோதமாக கட்டப்பட்டுள்ள  தனியார் சுற்றுலா விடுதிகள்  மீது உரிய  நடவடிக்கை எடுக்க வேண்டும். 
அதே போல மலைக் கிராம மக்களுக்கு தேவையான அடிப்படை வசதிகளை செய்து தர வேண்டும் என்று அப்பகுதி மக்கள் கோரிக்கை விடுத்தனர். இதனை அடுத்து, உத்தமபாளையம் வருவாய் கோட்ட சார்- ஆட்சியர் வைத்தியநாதன் சனிக்கிழமை திடீரென ரகசிய ஆய்வை ஹைவேவிஸ்- மேகமலை பகுதியில்  மேற்கொண்டார். அப்போது அனுமதியின்றி இயங்கிய 2 தனியார் தங்கும் விடுதிகளை அவர் கண்டுபிடித்தார். 
இதுகுறித்து சார் ஆட்சியர் கூறியது: மலைப்பகுதியில் சட்ட விரேதமாக பாதுகாப்பின்றி இயங்கும்  இரு  தனியார் முகமைகள் கண்டுபிடிக்கப்பட்டன. தவிர, ஹைவேவிஸ் - மகாராஜ மெட்டு சாலைப் பணிகள் தொடரவும்,  மலைக் கிராம மக்களுக்கு ஆரம்ப சுகாதார நிலையம் அமைப்பது உள்ளிட்ட அடிப்படை வசதிகளை மேம்படுத்துவது குறித்தும் ஆய்வு திட்டறிக்கை மூலமாக நடவடிக்கை எடுக்க  மாவட்ட ஆட்சியர் ம.பல்லவி பல்தேவிடம் பரிந்துரை செய்யப்பட்டுள்ளது என்றார்.

]]>
https://www.dinamani.com/all-editions/edition-madurai/theni/2019/jul/16/ஹைவேவிஸ்-மேகமலை--வனப்பகுதியில்-அனுமதியின்றி-இயங்கிய-2-தனியார்-தங்கும்-விடுதிகள்-3193244.html
3193243 மதுரை தேனி ஆண்டிபட்டியில் குறு, சிறு நடுத்தர நிறுவனங்கள் நடத்துவோருக்கான ஆலோசனைக் கூட்டம் DIN DIN Tuesday, July 16, 2019 07:31 AM +0530 ஆண்டிபட்டியில் மத்திய ரிசர்வ் வங்கி சார்பாக குறு, சிறு மற்றும் நடுத்தர நிறுவனங்கள் நடத்துவோருக்கான ஆலோசனைக் கூட்டம் திங்கள்கிழமை நடைபெற்றது.
   இக்கூட்டத்திற்கு சென்னை மத்திய ரிசர்வ் வங்கி மண்டல இயக்குநர் அருந்ததி மெக் தலைமை வகித்தார். மத்திய ரிசர்வ் வங்கி மண்டல பொது மேலாளர் மோகனா முன்னிலை வகித்தார். மற்றொரு பொது மேலாளர் சுரேஷ்குமார், கனரா வங்கி மண்டல மேலாளர் பாலசுப்பிரமணி, தேனி மாவட்ட தொழில் மைய பொது மேலாளர் ராமசுப்பிரமணியம், நபார்டு வங்கி கிளை பொது மேலாளர் புவனேஷ்வரி, இந்தியன் வங்கி மண்டல மேலாளர் சுப்பிரமணியன் ஆகியோர் கலந்து கொண்டு பேசினர்.
  இக்கூட்டத்தில் நெசவாளர்களின் சந்தேகங்களுக்கும் விளக்கமளிக்கப்பட்டது. இதில் பெண்கள் சுய உதவி குழுவினர் உள்பட 200க்கும் மேற்பட்டோர் கலந்து கொண்டனர்.

]]>
https://www.dinamani.com/all-editions/edition-madurai/theni/2019/jul/16/ஆண்டிபட்டியில்-குறு-சிறு-நடுத்தர-நிறுவனங்கள்-நடத்துவோருக்கான-ஆலோசனைக்-கூட்டம்-3193243.html
3193242 மதுரை தேனி ஓய்வூதியம் வழங்கக் கோரி  தேனியில் சத்துணவு ஊழியர்கள் ஆர்ப்பாட்டம் DIN DIN Tuesday, July 16, 2019 07:31 AM +0530 தேனியில் தமிழ்நாடு சத்துணவு மற்றும் அங்கன்வாடி ஓய்வூதியர்கள் சங்கம் சார்பில் திங்கள்கிழமை சட்டப் பூர்வ குறைந்தபட்ச ஓய்வூதியம் வழங்கக் கோரி ஆர்ப்பாட்டம் நடைபெற்றது.
தேனி, பங்களாமேடு திடலில் நடைபெற்ற ஆர்ப்பாட்டத்திற்கு மாவட்டத் தலைவர் ஆர்.சுப்புராஜ் தலைமை வகித்தார். மாநில துணைத் தலைவர் அன்பழகன்,  மாவட்டத் தலைவர் சின்னச்சாமி, சத்துணவு ஊழியர்கள் சங்க மாநில பொருளாளர் பேயத்தேவன், மாவட்டச் செயலர் நிலவழகன் ஆகியோர் முன்னிலை வகித்தனர். இதில், சத்துணவு மற்றும் அங்கன்வாடி ஊழியர்களுக்கு சட்டப்பூர்வ குறைந்தபட்ச ஓய்வூதியம் ரூ.7,850, குடும்ப ஓய்வூதியம், அகவிலைப்படி, மருத்துவப்படி, மருத்துவக் காப்பீடு, இலவச பேருந்து பயண அட்டை, ஈமக்கிரியை நிதி வழங்க வேண்டும். மாவட்டத்தில் ஓய்வு பெற்ற சத்துணவு மற்றும் அங்கன்வாடி ஊழியர்களுக்கு தேக்கநிலை ஊதியம்,  தணிக்கை பிடித்தம் தொகை ஆகியவற்றை உடனடியாக வழங்க வேண்டும் என்ற கோரிக்கைகளை வலியுறுத்தினர்.
 

]]>
https://www.dinamani.com/all-editions/edition-madurai/theni/2019/jul/16/ஓய்வூதியம்-வழங்கக்-கோரி--தேனியில்-சத்துணவு-ஊழியர்கள்-ஆர்ப்பாட்டம்-3193242.html
3193241 மதுரை தேனி வன உரிமை வழங்க குழு அமைக்கக் கோரி தேனி ஆட்சியர் அலுவலகம் முன் விவசாயிகள் ஆர்ப்பாட்டம் DIN DIN Tuesday, July 16, 2019 07:31 AM +0530 தேனி மாவட்டத்தில் வன உரிமைச் சட்டத்தின் கீழ் விவசாயிகளுக்கு நிலப் பட்டா வழங்குவதற்கு பயனாளிகளை தேர்வு செய்ய குழு அமைக்க வலியுறுத்தி  தமிழ்நாடு விவசாயிகள் சங்கம் சார்பில் திங்கள்கிழமை தேனி மாவட்ட ஆட்சியர் அலுவலகம் முன் ஆர்ப்பாட்டம் நடைபெற்றது.
   மாவட்டத் தலைவர் கே.தயாளன் தலைமையில் நடைபெற்ற ஆர்ப்பாட்டத்திற்கு, மாவட்டச் செயலர் டி.கண்ணன் முன்னிலை வகித்தார். இதில் வருஷநாடு, மேகமலை, போடி வடக்கு மலைப் பகுதியில் 3 தலைமுறைகளுக்கும் மேல் குடியிருந்து வரும் விவசாயிகள் அங்குள்ள நிலங்களை சீர்திருத்தி விவசாயம் செய்து வருகின்றனர். மலை கிராமங்களில் குடியிருந்து விவசாயம் செய்து வருவோர் தங்களுக்கு வன உரிமைச் சட்டத்தின் கீழ் நிலப்பட்டா வழங்கக் கோரி மாவட்ட நிர்வாகம் மற்றும் வனத் துறை நிர்வாகத்திடம் விண்ணப்பித்துள்ளனர். 
இச்சட்டத்தின் கீழ் நிலப்பட்டா வழங்குவதற்கு பயனாளிகளை தேர்வு செய்ய இதுவரை குழுக்கள் அமைக்கப்படவில்லை. 
 வன உரிமைச் சட்டத்தின் கீழ் விவசாயிகளுக்கு நிலப் பட்டா வழங்குவதற்கு ஊராட்சி, ஊராட்சி ஒன்றியம், வட்டாரம் மற்றும் மாவட்ட அளவில் குழுக்கள் அமைத்து, தகுதியுள்ள பயனாளிகளை தேர்வு செய்து விரைவில் நிலப் பட்டா வழங்க வேண்டும் என்று தங்கள் கோரிக்கையை வலியுறுத்தினர்.
 

]]>
https://www.dinamani.com/all-editions/edition-madurai/theni/2019/jul/16/வன-உரிமை-வழங்க-குழு-அமைக்கக்-கோரி-தேனி-ஆட்சியர்-அலுவலகம்-முன்-விவசாயிகள்-ஆர்ப்பாட்டம்-3193241.html
3193240 மதுரை தேனி தேனியில் ஜூலை 22-இல் சமையல் எரிவாயு உருளை  நுகர்வோர் குறைதீர் கூட்டம் DIN DIN Tuesday, July 16, 2019 07:30 AM +0530 தேனி மாவட்ட ஆட்சியர் அலுவலகத்தில் மாவட்ட நிர்வாகம் சார்பில் ஜூலை 22-ஆம் தேதி  பிற்பகல் 3.30 மணிக்கு சமையல் எரிவாயு உருளை நுகர்வோர் குறைதீர் கூட்டம் நடைபெற உள்ளது.
மாவட்ட வருவாய் அலுவலர் ச.கந்தசாமி தலைமையில் நடைபெறும் கூட்டத்தில் எண்ணெய் எரிவாயு நிறுவனங்களின் அலுவலர்கள் மற்றும் முகவர்கள் பங்கேற்கின்றனர். பொதுமக்கள், நுகர்வோர் நடவடிக்கை குழுக்கள், சுய உதவிக் குழுக்கள் மற்றும் தொண்டு நிறுவனங்களின் பிரதிநிதிகள் கூட்டத்தில் கலந்து கொண்டு, சமையல் எரிவாயு உருளை விநியோகத்தில் உள்ள குறைபாடு, புதிய எரிவாயு உருளை பெறுவதில் உள்ள சிரமம் ஆகியவை குறித்து மனு அளித்து தீர்வு காணலாம் என்று மாவட்ட நிர்வாகம் அறிவித்துள்ளது.
 

]]>
https://www.dinamani.com/all-editions/edition-madurai/theni/2019/jul/16/தேனியில்-ஜூலை-22-இல்-சமையல்-எரிவாயு-உருளை-நுகர்வோர்-குறைதீர்-கூட்டம்-3193240.html
3193239 மதுரை தேனி தேனி மாவட்ட ஆட்சியர் அலுவலகத்துக்கு பெட்ரோல் கேனுடன் வந்த பெண் கைது DIN DIN Tuesday, July 16, 2019 07:30 AM +0530 தேனி மாவட்ட ஆட்சியர் அலுவலகத்திற்கு குடும்பப் பிரச்னை குறித்து புகார் தெரிவிக்க திங்கள்கிழமை பெட்ரோல் கேனுடன் வந்த பெண்ணை போலீஸார் கைது செய்தனர்.
  கொடுவிலார்பட்டியைச் சேர்ந்தவர் பெரியசாமி மனைவி ஜோதி (36). பெரியசாமி தேனியில் நிதி நிறுவனம் நடத்தி வருகிறாராம். பெரியசாமி திருமணத்தின் போது தனக்கு பெற்றோர் அணிவித்த 90 சரவன் தங்க நகைகளை வாங்கி வைத்துக் கொண்டு திரும்பத் தராமலும், வேறு ஒரு பெண்ணுடன் தொடர்பு வைத்துக் கொண்டும் தன்னையும் தனது இரு குழந்தைகளையும் கொடுமைப்படுத்துவதாகவும், இதுகுறித்து தேனி மகளிர் காவல் நிலையத்தில் புகார் அளித்தும் நடவடிக்கை எடுக்கவில்லை என்றும் ஆட்சியரிடம் மனு அளிப்பதற்காக ஜோதி தனது குழந்தைகளுடன் ஆட்சியர் அலுவலகத்திற்கு வந்திருந்தார்.
  ஆட்சியர் அலுவலக நுழைவு வாயில் பகுதியில் சோதனையில் ஈடுபட்டிருந்த போலீஸார், பெட்ரோல் கேனுடன் ஆட்சியர் அலுவலகத்திற்குள் நுழைய முயன்ற ஜோதியை தடுத்து நிறுத்தி கைது செய்து, தேனி மகளிர் காவல் நிலையத்திற்கு அழைத்துச் சென்றனர்.
 

]]>
https://www.dinamani.com/all-editions/edition-madurai/theni/2019/jul/16/தேனி-மாவட்ட-ஆட்சியர்-அலுவலகத்துக்கு-பெட்ரோல்-கேனுடன்-வந்த-பெண்-கைது-3193239.html
3193238 மதுரை தேனி தேனியில் மினி மாரத்தான் போட்டி: 1,000 பேர் பங்கேற்பு DIN DIN Tuesday, July 16, 2019 07:30 AM +0530 தேனியில் நாடார் சரஸ்வதி கல்வி நிறுவனங்கள் சார்பில் முன்னாள் முதல்வர் காமராஜர் பிறந்தநாளை முன்னிட்டு திங்கள்கிழமை மினி மாரத்தான் ஓட்டப் போட்டி நடைபெற்றது.
இதனை தேனி, நாடர் சரஸ்வதி ஆண்கள் மேல்நிலைப் பள்ளி வளாகத்தில் இருந்து மாவட்ட காவல் கண்காணிப்பாளர் வீ.பாஸ்கரன் கொடியசைத்து தொடங்கி வைத்தார். தேனி மேலப்பேட்டை இந்து நாடார் உறவின்முறைத் தலைவர் முருகன், பொதுச் செயலர் ராஜமோகன் ஆகியோர் முன்னிலை வகித்தனர்.
இதில்,  ஆண்களுக்கான 17 வயதுக்கு உள்பட்டோர் பிரிவில் முதல் இரண்டு இடங்கள் முறையே தேனி நாடார் சரஸ்வதி ஆண்கள் மேல்நிலைப் பள்ளி மாணவர்கள் பி.ஸ்ரீராம், பி.வேல்முருகநாதன், 3-ஆம் இடத்தை மயிலாடும்பாறை ஜி.ஆர்.வி.,மேல்நிலைப் பள்ளி மாணவர் ஜி.மதன் ஆகியோர் வென்றனர். 19 வயதுக்கு உள்பட்டோர் பிரிவில் முத்துத்தேவன்பட்டி வேலம்மாள் சி.பி.எஸ்.சி., பள்ளி மாணவர் எம்.பெருமாள் முதலிடம், போடி ஜ.கா.நி., மேல்நிலைப் பள்ளி மாணவர் எம்.விக்னேஷ்வரன் 2 ஆம் இடம், மயிலாடும்பாறை ஜி.ஆர்.வி.,மேல்நிலைப் பள்ளி மாணவர் எஸ்.மனோஜ்குமார் 3 ஆம் இடம் வென்றனர்.
பள்ளி மாணவிகள் பிரிவில் முதல் மூன்று இடங்களை முறையே பி.சி.,பெண்கள் மேல்நிலைப் பள்ளி மாணவிகள் எம்.கனிஷ்கவர்ஷினி, பி.ராஜாமதுமிதா, ஆர்.தீபாராணி ஆகியோர் வென்றனர்.
 கல்லூரி மாணவிகள் பிரிவில் தேனி நாடார் சரஸ்வதி கலை மற்றும் அறிவியல் கல்லூரி மாணவி டி.காவியதர்ஷினி முதலிடம், நாடார் சரஸ்வதி பொறியியல் கல்லூரி மாணவி ஏ.செல்வமீனா 2-ஆம் இடம், நாடார் சரஸ்வதி கலை மற்றும் அறிவியல் கல்லூரி மாணவி ஆர்.ராமுத்தாய் 3-ஆம் இடம் வென்றனர்.
கல்லூரி மாணவர்கள் பிரிவில் முதல் மூன்று இடங்களை முறையே தேனி நாடார் சரஸ்வதி பொறியியல் கல்லூரி மாணவர்கள் ஆர்.அரவிந்த், எம்.ஜெகன், ஜி.மருதுபாண்டி ஆகியோர் வென்றனர். வெற்றி பெற்றவர்களுக்கு பரிசு மற்றும் பாராட்டுச் சான்றிதழ்கள் வழங்கப்பட்டன.

]]>
https://www.dinamani.com/all-editions/edition-madurai/theni/2019/jul/16/தேனியில்-மினி-மாரத்தான்-போட்டி-1000-பேர்-பங்கேற்பு-3193238.html
3193237 மதுரை தேனி ஆண்டிபட்டி அருகே குடிநீர் கோரி  ஊராட்சி ஒன்றிய அலுவலகம் முற்றுகை DIN DIN Tuesday, July 16, 2019 07:29 AM +0530 ஆண்டிபட்டி அருகே ஏத்தகோவில் கிராமத்தில் பல மாதங்களாக முறையாக குடிநீர் வழங்காததைக் கண்டித்து பொதுமக்கள் ஊராட்சி ஒன்றிய அலுவலகத்தை திங்கள்கிழமை முற்றுகையிட்டு போராட்டத்தில் ஈடுபட்டனர்.
ஏத்தக்கோவில் ஊராட்சியில் 2 ஆயிரத்திற்கும் மேற்பட்ட மக்கள் வசித்து வருகின்றனர். இக்கிராமத்தின் குடிநீர் தேவைக்காக பாலக்கோம்பை கூட்டுக் குடிநீர் திட்டத்தில் இருந்து குழாய் இணைக்கப்பட்டுள்ளது. அங்கிருந்து குழாய் இணைப்பின் மூலம் கொண்டு வரப்படும் தண்ணீர் கடைசி கிராமமான இப்பகுதிக்கு முழுமையாக சென்றடைவதில்லை. தற்போது வரை ஆழ்துளை கிணறுகள்  மூலம் கிடைக்கும் நீரை மட்டுமே இக்கிராம மக்கள் பயன்படுத்தி வருகின்றனர். இதில் கிடைக்கும்  நீரும் கிராமத்தில் உள்ள அனைத்து மக்களுக்கும் போதுமானதாக இல்லை என்றும், அன்றாட தேவைகளுக்கான குடிநீரை விலைக்கு வாங்கி பயன்படுத்த வேண்டிய நிலைக்கு தள்ளப்பட்டுள்ளதாகவும் பொதுமக்கள் புகார் தெரிவிக்கின்றனர்.
 இதுகுறித்து பல முறை ஊராட்சி நிர்வாகத்திடம் முறையிட்டும் எவ்வித நடவடிக்கையும் எடுக்கப்பட வில்லை. இந்நிலையில்  குடிநீர் கோரி ஏத்தகோவில் கிராமத்தைச் சேர்ந்த 100 க்கும் மேற்பட்ட பொதுமக்கள் திங்கள்கிழமை ஊராட்சி ஒன்றிய அலுவலகத்தை முற்றுகையிட்டு போராட்டத்தில் ஈடுபட்டனர். இதுகுறித்து தகவலறிந்த ஆண்டிபட்டி போலீஸார் சம்பவ இடத்திற்கு விரைந்து சென்று போராட்டத்தில் ஈடுபட்டவர்களுடன் பேச்சுவார்த்தை நடத்தினர். ஆனால் அதிகாரிகள் வராமல் போராட்டத்தை கைவிடாமல் அவர்கள் மறுத்தனர். இதனையடுத்து அங்கு வந்த ஆண்டிபட்டி வட்டாட்சியர் சந்திரசேகரன், ஊராட்சி உதவி இயக்குநர் முருகன், வட்டார வளர்ச்சி அலுவலர் ஆண்டாள் ஆகியோர் போராட்டத்தில் ஈடுபட்ட பொதுமக்களுடன் பேச்சுவார்த்தை நடத்தினர். விரைவில் குடிநீர் பிரச்னையைத் தீர்க்க நடவடிக்கை எடுப்பதாக அதிகாரிகள் உறுதி அளித்த பின் பொதுமக்கள் அங்கிருந்து கலைந்து சென்றனர்.
 

]]>
https://www.dinamani.com/all-editions/edition-madurai/theni/2019/jul/16/ஆண்டிபட்டி-அருகே-குடிநீர்-கோரி--ஊராட்சி-ஒன்றிய-அலுவலகம்-முற்றுகை-3193237.html
3193236 மதுரை தேனி தேனியில் ஜூலை 19-இல் விவசாயிகள் குறைதீர் கூட்டம் DIN DIN Tuesday, July 16, 2019 07:29 AM +0530 தேனி மாவட்ட ஆட்சியர் அலுவலகத்தில் ஜூலை 19-ஆம் தேதி காலை 10 மணிக்கு விவசாயிகள் குறைதீர் கூட்டம் நடைபெற உள்ளது.
மாவட்ட ஆட்சியர் ம.பல்லவி பல்தேவ் தலைமையில் நடைபெறும் இக்கூட்டத்தில், விவசாயிகள் மற்றும் விவசாயிகள் சங்கங்களின் பிரதிநிதிகள் கலந்து கொண்டு, தங்களது கோரிக்கைகள் குறித்து மனு அளித்து தீர்வு காணலாம் என்று மாவட்ட நிர்வாகம் அறிவித்துள்ளது.

]]>
https://www.dinamani.com/all-editions/edition-madurai/theni/2019/jul/16/தேனியில்-ஜூலை-19-இல்-விவசாயிகள்-குறைதீர்-கூட்டம்-3193236.html
3193235 மதுரை தேனி பெரியகுளம் தொட்டிச்சியம்மன் கோயில் கும்பாபிஷேகம் DIN DIN Tuesday, July 16, 2019 07:28 AM +0530 பெரியகுளம், தொட்டிச்சியம்மன் கோயில் கும்பாபிஷேகம் திங்கள்கிழமை  நடைபெற்றது.
 பெரியகுளம், வடகரை, பழைய பேருந்து நிலையத்தில் அமைந்துள்ள தொட்டிச்சியம்மன்கோயில் கும்பாபிஷேகத்தை முன்னிட்டு கோயில் எதிரே ஹோமகுண்டங்கள் அமைக்கப்பட்டு கடந்த ஞாயிற்றுக்கிழமை மாலை கணபதி ஹோமத்துடன் முதல் கால பூஜைகள் தொடங்கின. திங்கள்கிழமை அதிகாலை  இரண்டாம் கால பூஜைகள் துவங்கின. ஹோமகுண்டத்தில் வைக்கப்பட்ட புனித நீர் அடங்கிய குடங்கள் எடுத்து வரப்பட்டு அதிகாலை 6 மணியளவில் கும்பத்திற்கு அபிஷேகம் செய்யப்பட்டது.
பின்னர் தொட்டிச்சியம்மனுக்கு சிறப்பு அபிஷேகம் மற்றும் ஆராதனைகள் நடைபெற்றன. இந்நிகழ்ச்சியில் ஏராளமானோர் கலந்து கொண்டனர். இந்நிகழ்ச்சிக்கான ஏற்பாடுகளை வரதப்பர் தெரு பகுதி மக்கள் செய்திருந்தனர்.
 

]]>
https://www.dinamani.com/all-editions/edition-madurai/theni/2019/jul/16/பெரியகுளம்-தொட்டிச்சியம்மன்-கோயில்-கும்பாபிஷேகம்-3193235.html
3193234 மதுரை தேனி தேனி மாவட்டத்தில் 20 கண்மாய்களை தூர்வாரியதில் முறைகேடு: விவசாயிகள் புகார் DIN DIN Tuesday, July 16, 2019 07:28 AM +0530 தேனி மாவட்டத்தில் 20 கண்மாய்களை தூர்வார ஒதுக்கீடு செய்த ரூ.6.72 கோடி நிதியில் பணிகள் முறையாக நடைபெறாததால்,  திட்டப்பணிகளை ஆய்வு செய்ய வேண்டும் என விவசாயிகள் கோரிக்கை விடுத்துள்ளனர். 
தேனி மாவட்டம் உத்தமபாளையம் வட்டாரத்தில் 15 நீர்நிலைகள், தேனி வட்டாரத்தில் 5 நீர் நிலைகள் என மொத்தம் 20 கண்மாய்களை தூர்வார அரசு முடிவு செய்தது. இதற்காக கடந்த 2017-18 ஆம் ஆண்டில்  நீர் நிலவளதிட்டத்தின் படி உலக வங்கி நிதி உதவியுடன் ரூ. 6 கோடியே 71 லட்சத்து 70 ஆயிரத்தை ஒதுக்கீடு செய்தது. இத்திட்டத்தில் சீலையம்பட்டி செங்குளத்தை புனரமைப்பு செய்ய ரூ. 39 லட்சத்து 17 ஆயிரத்து 43  ஒதுக்கீடு செய்தும்  பணிகள் நடைபெறவில்லை. கண்துடைப்பு நடவடிக்கையாகவே குளத்தின் கரைகளில் பொதுப்பணித்துறையினர் கற்களை பரப்பி வைத்துள்ளனர் என விவசாயிகள் குற்றம்சாட்டியுள்ளனர். 
இதுகுறித்து சின்னமனூர் விவசாய சங்கத்தலைவர் நல்லயன் பெருமாள் கூறியது:  தமிழக அரசு இப்பகுதியில் 20 குளங்களை சீரமைப்பு செய்ய உலக வங்கி நிதி உதவியுடன் ரூ.6.72 கோடி நிதி ஒதுக்கீடு செய்தது. 
இந்த நிதியை பயன்படுத்தி பணிகள் எதுவும் முறையாக நடைபெறவில்லை. அதனால் மாவட்ட நிர்வாகம் திட்டப்பணிகள் குறித்து ஆய்வு செய்து உரிய  நடவடிக்கை வேண்டும் என்றார்.

]]>
https://www.dinamani.com/all-editions/edition-madurai/theni/2019/jul/16/தேனி-மாவட்டத்தில்-20-கண்மாய்களை-தூர்வாரியதில்-முறைகேடு-விவசாயிகள்-புகார்-3193234.html
3193233 மதுரை தேனி கம்பத்தில் சட்ட விரோதமாக மதுபாட்டில்கள் விற்றவர் கைது DIN DIN Tuesday, July 16, 2019 07:27 AM +0530 கம்பத்தில் சட்ட விரோதமாக மது பாட்டில்களை கூடுதல் விலைக்கு விற்றவரை திங்கள்கிழமை கைது செய்த போலீஸார், 83 மது பாட்டில்களை கைப்பற்றினர்.
 கம்பத்தில் இருந்து ஆங்கூர்பாளையம்  செல்லும் சாலையில் டாஸ்மாக் மதுபானக்கடை உள்ளது. இந்த இடத்தில் இரவு மற்றும் அதிகாலை நேரங்களில் சட்ட விரோதமாக மது பாட்டில்கள் கூடுதல் விலைக்கு விற்கப்படுவதாக கம்பம் தெற்கு போலீஸாருக்கு தகவல் கிடைத்தது. அதன்பேரில் சார்பு ஆய்வாளர் முத்துச்செல்வன் மற்றும் போலீஸார் ரோந்து சென்றனர். அப்போது அந்த பகுதியில் அனுமதியின்றி மது பாட்டில்களை விற்ற கூடலூரைச் சேர்ந்த செல்வம் (34 ) என்பவரை தெற்கு காவல்நிலைய போலீஸார் கைது செய்து, அவரிடமிருந்து,  83 மது பாட்டில்களை பறிமுதல் செய்தனர்.

]]>
https://www.dinamani.com/all-editions/edition-madurai/theni/2019/jul/16/கம்பத்தில்-சட்ட-விரோதமாக-மதுபாட்டில்கள்-விற்றவர்-கைது-3193233.html
3193232 மதுரை தேனி அழகாபுரியில் காளியம்மன், பகவதியம்மன், முத்தாலம்மன் கோயில்களில் கும்பாபிஷேகம் DIN DIN Tuesday, July 16, 2019 07:27 AM +0530 ஆண்டிபட்டி அருகே அழகாபுரியில் உள்ள காளியம்மன், பகவதியம்மன், முத்தாலம்மன் சுவாமி கோயில்களின் கும்பாபிஷேகம் திங்கள்கிழமை நடைபெற்றது.
ஆண்டிபட்டி தாலுகா அழகாபுரியில் உள்ள காளியமன், பகவதியம்மன், முத்தாலம்மன் சுவாமி கோயில்களில் மகா கும்பாபிசேக விழாவையொட்டி புனரமைப்பு பணிகள் செய்யப்பட்டு, பணிகள் நிறைவடைந்தன. இதனையடுத்து கும்பாபிஷேக விழா நடைபெறுவதை முன்னிட்டு இரண்டு நாள்கள்  யாகசாலை பூஜைகள் நடைபெற்றன. அதில் கணபதி ஹோமம், கோமாதா பூஜை உள்ளிட்ட பூஜைகள் நடந்து, பல புண்ணிய ஸ்தலங்களில் இருந்து கொண்டு வரப்பட்ட புனித நீர் கொண்டு பூஜிக்கப்பட்டது. தொடர்ந்து பூர்ணாகுதி முடிந்து கலச குடம் புறப்பாடாகி விமான கலசத்திற்கும், பரிவார தெய்வங்களுக்கும் புனித நீர் ஊற்றப்பட்டது. பின்னர் பக்தர்கள் மீது புனித நீர் தெளிக்கப்பட்டது. இதனையடுத்து ஒவ்வொரு  மூலஸ்தானத்திலும் அம்மனுக்கு பால், பழம், பன்னீர், சந்தனம், மஞ்சள், தேன் உள்ளிட்ட 16 வகை அபிசேகங்கள் செய்யப்பட்டு , மகா அபிசேகம் மற்றும் தீபாராதனை காட்டப்பட்டது. இதில் கிராம மக்கள் மற்றும் சுற்றுவட்டாரத்தை சேர்ந்த ஏராளமான பக்தர்கள் கலந்து கொண்டு சுவாமி தரிசனம் செய்தனர்.
விழாவையொட்டி, தேவராட்டம் நிகழ்ச்சியும் பொதுமக்களுக்கு அன்னதானமும் நடந்தது. நிகழ்ச்சி ஏற்பாடுகளை ஊர் நாட்டாண்மை, விழாக்குழுவினர் மற்றும் ஊர் பொதுமக்கள் செய்திருந்தனர்.

]]>
https://www.dinamani.com/all-editions/edition-madurai/theni/2019/jul/16/அழகாபுரியில்-காளியம்மன்-பகவதியம்மன்-முத்தாலம்மன்-கோயில்களில்-கும்பாபிஷேகம்-3193232.html
3192773 மதுரை தேனி தேக்கடியில் 3 நாள்களுக்குப் பிறகு படகு சவாரி: சுற்றுலாப் பயணிகள் மகிழ்ச்சி DIN DIN Monday, July 15, 2019 09:11 AM +0530 கேரள மாநிலம்  குமுளியில் 3 நாள்களாக வாடகை ஜீப் ஓட்டுநர்கள் நடத்திய போராட்டம் தற்காலிகமாக முடிவுக்கு வந்ததையடுத்து, தேக்கடியில் படகு சவாரி ஞாயிற்றுக்கிழமை தொடங்கியதால் சுற்றுலாப் பயணிகள் மகிழ்ச்சியடைந்தனர்.
கேரள மாநிலம் இடுக்கி மாவட்டம்  தேக்கடி ஆனவாச்சல் வாகன நிறுத்தத்தில் வாடகை ஜீப் ஓட்டுநர்கள் வாகனங்களை நிறுத்தக்கூடாது என்று கேரள வனத்துறையினர் வியாழக்கிழமை உத்தரவிட்டனர். இதற்கு எதிர்ப்புத் தெரிவித்து வியாழன், வெள்ளி, சனிக்கிழமை வரை வாடகை ஜீப் ஓட்டுநர்கள் குமுளியில் பல்வேறு போராட்டங்களில்  ஈடுபட்டனர். இதனால் தேக்கடியில் சுற்றுலாப் பயணிகள் வருகை குறைந்து, 3 நாள்களாக படகு சவாரி நிறுத்தப்பட்டது. 
இந்நிலையில் சனிக்கிழமை இரவு வருவாய்த்துறை, வனத்துறை, ஜீப் ஓட்டுநர் சங்கத்தினர் நடத்திய முத்தரப்பு பேச்சுவார்த்தையில் தற்காலிகமாக ஜீப் ஓட்டுநர்கள் போராட்டத்தை கைவிட முடிவு செய்தனர். இதுதொடர்பாக ஜூலை 16 இல் மீண்டும் பேச்சுவார்த்தை நடத்துவது என்றும் முடிவு செய்யப்பட்டது. 
பின்னர் ஞாயிற்றுக்கிழமை குமுளி வந்த சுற்றுலாப் பயணிகளை ஜீப் ஓட்டுநர்கள் தேக்கடிக்கு அழைத்துச் சென்றனர். இதனைத்தொடர்ந்து தேக்கடியில்  3 நாள்களுக்கு பிறகு படகு சவாரி தொடங்கியதால், சுற்றுலாப் பயணிகள் மகிழ்ச்சி அடைந்தனர்.

]]>
https://www.dinamani.com/all-editions/edition-madurai/theni/2019/jul/15/தேக்கடியில்-3-நாள்களுக்குப்-பிறகு-படகு-சவாரி-சுற்றுலாப்-பயணிகள்-மகிழ்ச்சி-3192773.html
3192679 மதுரை தேனி பெண்ணுக்கு கொலை மிரட்டல்: ஒப்பந்த தொழிலாளி கைது DIN DIN Monday, July 15, 2019 07:38 AM +0530 தேனி அரசு மருத்துவக்கல்லூரி மருத்துவமனையில் பெண்ணை பிளேடால் கீறி, கொலை மிரட்டல் விடுத்த ஒப்பந்தத் தொழிலாளியை ஞாயிற்றுக்கிழமை போலீஸார் கைது செய்தனர்.
தேனி மாவட்டம் ஆண்டிபட்டி அருகே பாலக்கோம்பையைச் சேர்ந்த வேல்முருகன் மனைவி கருப்பம்மாள் (33). இவரது மகன்  உடல் நிலை சரியில்லாததால், தேனி அரசு மருத்துவக் கல்லூரி மருத்துவமனையில் தங்கி சிகிச்சை பெற்று வருகிறார். 
இந்நிலையில் ஞாயிற்றுக்கிழமை காலை மகனின் ரத்தப் பரிசோதனை முடிவை பெறுவதற்காக கருப்பம்மாள் பரிசோதனை மையத்திற்கு சென்றுள்ளார். 
அப்போது தனியார் நிறுவன ஒப்பந்த துப்புரவுத் தொழிலாளி முருகன் (42), அவரது மனைவியுடன்  சண்டையிட்டுக் கொண்டிருந்ததாகக் கூறப்படுகிறது.
அப்போது  முருகன் மறைத்து வைத்திருந்த பிளேடை எடுத்து அவரது மனைவியை குத்த முயற்சி செய்துள்ளார். அதனை அங்கிருந்த கருப்பம்மாள் தடுத்துள்ளார். இதில் கருப்பம்மாளுக்கு கையில் ரத்த காயம் ஏற்பட்டது. மேலும்  கருப்பம்மாளுக்கு  அவர் கொலை மிரட்டலும் விடுத்துள்ளார். 
இதுகுறித்து கருப்பம்மாள் க.விலக்கு காவல் நிலையத்தில் புகார் அளித்தார். அதன்பேரில் வழக்குப்பதிவு செய்த போலீஸார் முருகனை கைது செய்தனர்.
 

]]>
https://www.dinamani.com/all-editions/edition-madurai/theni/2019/jul/15/பெண்ணுக்கு-கொலை-மிரட்டல்-ஒப்பந்த-தொழிலாளி-கைது-3192679.html
3192678 மதுரை தேனி பெரியகுளம் உழவர் சந்தையை இடம்மாற்ற விவசாயிகள் வலியுறுத்தல் DIN DIN Monday, July 15, 2019 07:38 AM +0530 பெரியகுளம் உழவர் சந்தையை இடம் மாற்ற மாவட்ட ஆட்சியர் தனிக்கவனம் செலுத்த வேண்டும் என விவசாயிகள் கோரிக்கை விடுத்துள்ளனர்.
தமிழகம் முழுவதும் கடந்த 2000 ஆம் ஆண்டில் 170 உழவர் சந்தைகள் தொடங்கப்பட்டன. அதன் பின் முறையான நிர்வாகம் இல்லாததால் 110- க்கும் மேற்பட்ட உழவர் சந்தைகள் மூடப்பட்டன. தற்போது  மாநிலம் முழுவதும் 60  உழவர் சந்தைகள் மட்டுமே செயல்பட்டு வருகின்றன.
தேனி மாவட்டம் பெரியகுளத்தில் புறநகர் பகுதியான கல்லார் சாலையில் உழவர் சந்தை, கடந்த 2000 ஆம் ஆண்டு  தொடங்கப்பட்டது. அப்போது 115 கடைகளுடன் உழவர் சந்தை செயல்படத் தொடங்கியது.  இங்கு உழவர்சந்தை செயல்படத் தொடங்கிய 5 மாதத்தில் தினமும் சுமார் 10 டன் காய்கறிகள் விற்பனையாகியுள்ளன. இந்நிலையில் 2004 ஆம் ஆண்டு முதல் பொதுமக்கள் வருகை  படிப்படியாக குறைந்து, தற்போது உழவர் சந்தை மூடும் நிலைக்கு தள்ளப்பட்டுள்ளது.  அரசுப் பேருந்தில் விவசாயிகள் காய்கறிகளை  உழவர் சந்தைக்கு இலவசமாக ஏற்றிச் செல்லும் வசதி கடந்த பல ஆண்டுகளாக நிறுத்தப்பட்டது.  இதனால் உழவர் சந்தைக்கு வந்து விற்பனை செய்ய விவசாயிகளிடையே ஆர்வம் குறைந்தது. இடமாற்றம் செய்ய வலியுறுத்தல்: பெரியகுளம் உழவர் சந்தை  புறநகர் பகுதியில் அமைந்துள்ளது. இதனால் பெரும்பாலான பொதுமக்கள் நகரின் மத்தியில் உள்ள  காய்கறி சந்தையில் பொருள்களை வாங்கிச் செல்கின்றனர்.   எனவே பெரியகுளத்தில் செயல்படும் உழவர் சந்தையை வைகை அணை சாலையில் உள்ள சிட்டி யூனியன் வங்கி அருகில் அல்லது கம்பம் சாலையில் வேளாண் விற்பனைத்துறை நெல் கிடங்கிற்கு மாற்ற நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.
இதுகுறித்து சில்வார்பட்டியை சேர்ந்த விவசாயி அழகர் தெரிவித்தது:   பெரியகுளம் உழவர் சந்தை பொதுமக்கள் எளிதில் வந்து செல்லும் வகையில் இல்லை. இதனால் பொதுமக்கள் வருகை குறைந்தது.  மேலும் விவசாயிகளை அணுகி, அவர்களை உழவர் சந்தைக்கு காய்கறிகளை எடுத்து வருவதற்கு வேளாண்மைத்துறை அலுவலர்கள் ஆர்வம் காட்டவில்லை. இதனால் உழவர் சந்தை மூடப்படும் நிலையில் உள்ளது என்றார்.
உழவர் சந்தை அதிகாரிகள் தெரிவித்தது: உழவர் சந்தையில் பொதுமக்கள் வருகை குறைந்ததால் விவசாயிகள் வருவதற்கு தயக்கம் காட்டுகின்றனர்.
நாங்களும் பல முறை விவசாயிகளை சந்தித்து உழவர் சந்தைக்கு வர அறிவுறுத்தியுள்ளோம். ஆனால் அவர்கள் ஆர்வம் காட்டவில்லை என்றனர்.

வியாபாரிகள் ஆதிக்கம்
பெரியகுளம் உழவர் சந்தை தொடங்கிய போது   காய்கறி சந்தையில் உள்ள தனியார் கடைகளில் வியாபாரம் பாதிக்கப்பட்டது. இதனால் வியாபாரிகள் உழவர் சந்தையை மூடுவதற்கு மறைமுக வேலைகளில் ஈடுபட்டதாக விவசாயிகள் குற்றம்சாட்டுகின்றனர். இதனைத்தொடர்ந்து அதிகாரிகளின் மெத்தனப்போக்கால் உழவர்சந்தைக்கு விவசாயிகள் மற்றும் பொதுமக்கள் வருகை குறைந்தது.  எனவே பெரியகுளம் பகுதியில் உள்ள உழவர் சந்தை மீண்டும் பழைய நிலைக்கு வந்தால் விளைவித்த காய்கறிகளுக்கு உரிய விலை கிடைக்கும் என விவசாயிகள் தெரிவித்துள்ளனர்.

]]>
https://www.dinamani.com/all-editions/edition-madurai/theni/2019/jul/15/பெரியகுளம்-உழவர்-சந்தையை-இடம்மாற்ற-விவசாயிகள்-வலியுறுத்தல்-3192678.html
3192677 மதுரை தேனி ஆற்றின் கரையை உடைத்து தண்ணீர் திருட முயற்சி: 2 பேர் மீது வழக்கு DIN DIN Monday, July 15, 2019 07:38 AM +0530 வைகை அணை அருகே சக்கரைப்பட்டியில் வைகை ஆற்றின் கரையை உடைத்து தண்ணீர் திருட முயன்றதாக  இருவர் மீது சனிக்கிழமை இரவு அல்லிநகரம் காவல் நிலைய போலீஸார் வழக்குப் பதிந்துள்ளனர்.
பொதுப்பணித்துறை, வைகை அணை உள்கோட்ட இடது கரை பிரிவில் இளநிலை பொறியாளராக பணியாற்றி வருபவர் ஆனந்தன். வைகை அணை அருகே சக்கரைப்பட்டி பகுதியில் சிலர் தங்களது தோட்டத்திற்கு தண்ணீர் கொண்டு செல்வதற்காக பொக்லைன் இயந்திரம் மூலம் வைகை ஆற்றின் கரையை உடைத்து சேதப்படுத்திக் கொண்டிருப்பதாக ஆனந்தனுக்கு தகவல் கிடைத்துள்ளது.
இதன் அடிப்படையில், அங்கு சென்று பார்த்த போது சக்கரைப்பட்டியைச் சேர்ந்த பெருமாள், செல்வம் உள்ளிட்ட சிலர் வைகை ஆற்றின் கரையை உடைத்து தண்ணீர் திருடுவதற்கு முயற்சி செய்து கொண்டிருந்ததாகவும், பொதுப் பணித்துறை அலுவலர்களை பார்த்ததும் அவர்கள் தப்பி ஓடி விட்டதாகவும் அல்லிநகரம் காவல் நிலையத்தில் ஆனந்தன் புகார் அளித்தார்.
இந்தப் புகாரின் அடிப்படையில் பெருமாள், செல்லம் ஆகியோர் மீது போலீஸார் வழக்கு பதிந்து விசாரிக்கின்றனர்.

]]>
https://www.dinamani.com/all-editions/edition-madurai/theni/2019/jul/15/ஆற்றின்-கரையை-உடைத்து-தண்ணீர்-திருட-முயற்சி-2-பேர்-மீது-வழக்கு-3192677.html
3192676 மதுரை தேனி ஏடிஎம்மில் தவற விட்ட ரூ. 5 லட்சம்:  காவல் நிலையத்தில் ஒப்படைப்பு DIN DIN Monday, July 15, 2019 07:37 AM +0530 பெரியகுளத்தில் ஏடிஎம் மையத்தில் தவற விட்ட ரூ. 5 லட்சத்தை அரசு போக்குவரத்துக் கழக மெக்கானிக் காவல் நிலையத்தில் ஞாயிற்றுக்கிழமை ஒப்படைத்தார்.
தேனி மாவட்டம் பெரியகுளம் அருகே அம்மாபட்டியை சேர்ந்தவர் மணிகண்டன் (41). இவர் , போடியில் உள்ள தமிழ்நாடு அரசுப் போக்குவரத்துக் கழக கிளையில் மெக்கானிக்காக பணிபுரிந்து வருகிறார். இவர் ஞாயிற்றுக்கிழமை மாலை பெரியகுளம், மூன்றாந்தலில் உள்ள தேசியமயமாக்கப்பட்ட வங்கி ஏடிஎம்மில் பணம் எடுக்கச் சென்றுள்ளார். 
அப்போது ஏடிஎம் இயந்திரம் அருகே பை ஒன்று இருந்தது. இதனை அவர் பிரித்துப் பார்த்தபோது  ரூ. 5 லட்சம் இருந்துள்ளது. இதனை எடுத்த அவர் பெரியகுளம் காவல்நிலையத்தில் ஒப்படைத்தார். 
இந்நிலையில் ஏடிஎம்மில் பணம் நிரப்புவதற்கு வந்த தனியார் நிறுவன ஊழியர் தவறுதலாக பணத்தை வைத்துவிட்டு சென்றதாக காவல் நிலையத்தில் தெரிவித்துள்ளார். இதுகுறித்து போலீஸார் அவரிடம் விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/theni/2019/jul/15/ஏடிஎம்மில்-தவற-விட்ட-ரூ-5-லட்சம்--காவல்-நிலையத்தில்-ஒப்படைப்பு-3192676.html
3192675 மதுரை தேனி காற்றாலைகளுக்கு சொத்துவரிப் பிரச்னை: ஊராட்சிகளுக்கு ஆண்டுக்கு ரூ.12 கோடி வருவாய் இழப்பு! கோ.ராஜன் DIN Monday, July 15, 2019 07:37 AM +0530 தேனி மாவட்டத்தில் காற்றாலை மின் உற்பத்தி மையங்கள் கடந்த 10 ஆண்டுகளுக்கும் மேல் சொத்து வரி செலுத்தாததால், ஊராட்சிகளுக்கு ஆண்டொன்றுக்கு  சுமார் ரூ.12 கோடி வரை வருவாய் இழப்பு ஏற்பட்டு வருகிறது.
தேனி மாவட்டத்தில் பருவநிலை மாற்றத்தால் மழையின்றி மேற்குத் தொடர்ச்சி மலையடிவாரத்தில் மானாவரி விவசாயம் நலிவடைந்து வருகிறது. விவசாய வருமானம் குறைந்ததால் மானாவாரி நிலங்களை காற்றாலை மின் உற்பத்தி நிறுவனங்களுக்கு விற்பனை செய்ய விவசாயிகள் முன் வந்தனர். இதனால்,  மேற்குத் தொடர்ச்சி மலையடிவாரப் பகுதிகளில், கடந்த 10 ஆண்டுகளில் 585 இடங்களில் காற்றாலைகள் நிறுவப்பட்டுள்ளன. இதில் தற்போது 464 காற்றாலைகள் முழுமையான இயக்க நிலையில் உள்ளன. இவற்றின் மூலம் தினமும் 262 மெகாவாட் மின்சாரம் உற்பத்தி செய்யப்பட்டு வருகிறது.
காற்றாலை மின் உற்பத்தி நிறுவனங்களுக்கு சொத்து வரி விதிப்பு செய்ய உள்ளாட்சி நிர்வாகங்களுக்கு அரசு அனுமதி வழங்கியுள்ளது. காற்றாலை நிறுவனங்கள் அனைத்தும் ஊராட்சிக்கு உள்பட்ட பகுதிகளில் அமைந்துள்ளதால், ஊராட்சி நிர்வாகம் சார்பில் காற்றாலை மின் உற்பத்தி மையங்களுக்கு அதன் மொத்த சொத்து மதிப்பின் அடிப்படையில், ஆண்டொன்றுக்கு தலா ரூ.2 முதல் 2.50 லட்சம் வரி சொத்து வரி விதிப்பு செய்யப்பட்டது.
வரி விதிப்பில் சர்ச்சை: ஊராட்சிப் பகுதிகளில் செயல்பட்டு வரும் தொழிற்சாலைகள், திரையரங்குகள் நலிவடைந்துள்ளதால் அவற்றின் மூலம் ஊராட்சிகளுக்கு கிடைக்க வேண்டிய சொத்து வரி குறைந்து வருகிறது. இந்த நிலையில், காற்றாலை மின் உற்பத்தி மையங்களின் சொத்து வரி மூலம் ஊராட்சிகளுக்கு போதிய வருவாய் கிடைக்கும் என்று எதிர்பார்க்கப்பட்ட நிலையில், வரி விதிப்பிற்காக காற்றாலை சொத்துக்களை மதிப்பீடு செய்ததில் சர்ச்சை ஏற்பட்டது. 
காற்றாலை அமைந்துள்ள நிலப் பரப்பின் சொத்து மதிப்பின் அடிப்படையிலேயே வரி விதிப்பு செய்ய வேண்டும் என்று காற்றாலை நிறுவனங்கள் சார்பிலும், காற்றாலை மின் உற்பத்தி மையத்தின் நிலம், தளவாடங்கள் போன்ற மொத்த சொத்து மதிப்பின் அடிப்படையிலேயே சொத்து வரி விதிப்பு செய்யப்படும் 
என்று ஊராட்சி நிர்வாகமும் தெரிவித்து வந்தனர். 
இப்பிரச்னைக்கு தீர்வு காணப்படாமல் தேனி மாவட்டத்தில் கடந்த 10 ஆண்டுகளுக்கும் மேல் காற்றாலை மின் உற்பத்தி நிறுவனங்கள் மூலம் ஊராட்சிகளுக்கு ஆண்டுக்கு ரூ.12 கோடி வீதம் வருவாய் இழப்பு ஏற்பட்டுள்ளது.
இது குறித்து ஊரக வளர்ச்சித் துறை அலுவலர்கள் கூறியது: 
ஊராட்சிகளில் நிதிப் பற்றாக்குறையால் மின் வாரியம் மற்றும் குடிநீர் வாரியத்திற்கு கட்டணம் செலுத்த முடியாமலும், பராமரிப்பு பணிகளை மேற்கொள்ள முடியாமலும் அலுவலர்கள் தவித்து வருகின்றனர். 
அரசு கட்டமைப்பு வசதிகளை முழுமையாக மேற்கொள்ளும் காற்றாலை மையங்கள், அதன் மொத்த சொத்து மதிப்பின் அடிப்படையிலேயே வரி செலுத்த வேண்டும். இப்பிரச்னை தொடர்பாக நீதிமன்றத்தில் வழக்கு நிலுவையில் உள்ளது. இந்த வழக்கினை விரைந்து முடித்து ஊராட்சி நிர்வாகத்திற்கு வருவாய் வாய்ப்பை ஏற்படுத்தித் தர அரசு நடவடிக்கை எடுக்க வேண்டும் என்றனர்.
 

]]>
https://www.dinamani.com/all-editions/edition-madurai/theni/2019/jul/15/காற்றாலைகளுக்கு-சொத்துவரிப்-பிரச்னை-ஊராட்சிகளுக்கு-ஆண்டுக்கு-ரூ12-கோடி-வருவாய்-இழப்பு-3192675.html
3192674 மதுரை தேனி கேரளத்துக்கு காரில் கடத்தப்பட்ட  600 கிலோ ரேஷன் அரிசி பறிமுதல் DIN DIN Monday, July 15, 2019 07:36 AM +0530 தேனி மாவட்டம்  கம்பத்திலிருந்து கேரளத்துக்கு கடத்திச் சென்ற 600 கிலோ ரேஷன் அரிசி மூட்டைகள் மற்றும் கடத்தலுக்கு பயன்படுத்திய காரை வருவாய்த் துறை அதிகாரிகள் பறிமுதல் செய்தனர்.
கம்பம், கூடலூர் உள்ளிட்ட பகுதிகளில் இருந்து கேரளத்துக்கு ரேஷன் அரிசி கடத்தப்படுவதாக வருவாய்த் துறையினருக்கு தகவல் கிடைத்தது. அதன்பேரில் உத்தமபாளையம் சார்- ஆட்சியர் ரா.வைத்திநாதன் தலைமையில் வருவாய்த் துறையினர் கம்பம்- கூடலூர் சாலையில் வாகனத் தணிக்கையில் ஈடுபட்டனர். 
அப்போது கம்பத்திலிருந்து குமுளியை நோக்கி வேகமாக வந்த காரை மறித்து சோதனையிட்டனர்.  அதில் தலா 50 கிலோ வீதம் 12 மூட்டை ரேஷன் அரிசி  இருப்பது தெரிய வந்தது.  வருவாய்த் துறையினர் ரேஷன் அரிசி மூட்டைகளை காருடன் பறிமுதல் செய்தனர். காரை ஓட்டி வந்த  கம்பத்தைச் சேர்ந்த ராஜா என்பவரை பிடித்து விசாரணை நடத்தி வருகின்றனர்.
பறிமுதல் செய்யப்பட்ட  ரேஷன் அரிசி மூட்டைகள் மற்றும் காரை உத்தமபாளையம் உணவு கடத்தல் தடுப்புப் பிரிவு காவல் நிலையத்தில் ஞாயிற்றுக்கிழமை ஒப்படைத்தனர்.

]]>
https://www.dinamani.com/all-editions/edition-madurai/theni/2019/jul/15/கேரளத்துக்கு-காரில்-கடத்தப்பட்ட--600-கிலோ-ரேஷன்-அரிசி-பறிமுதல்-3192674.html
3192673 மதுரை தேனி ஆண்டிபட்டி, உத்தமபாளையத்தில் இந்து முன்னணி ஆர்ப்பாட்டம் DIN DIN Monday, July 15, 2019 07:36 AM +0530 ஆண்டிபட்டியில் இந்து கோயில்களில் கட்டண தரிசன முறையை ரத்து செய்யக்கோரி  இந்து முன்னணி சார்பில் ஞாயிற்றுக்கிழமை ஆர்ப்பாட்டம் நடைபெற்றது.
ஆண்டிபட்டி நகரில் முருகன் தியேட்டர் முன்பு நடைபெற்ற இந்த ஆர்ப்பாட்டத்துக்கு இந்து முன்னணி கிழக்கு மாவட்டச் செயலாளர் எஸ்.பி.எம். செல்வம் தலைமை வகித்தார். மாவட்ட செயற்குழு மொக்கராஜ் முன்னிலை வகித்தார்.
மாவட்டச் செயலாளர் உமையராஜன், மாவட்ட பொதுசெயலாளர் முருகன், தேனி ஒன்றிய தலைவர் திலகராஜ் நிர்வாகிகள் கார்த்திக், நாகராஜ், ரவி, முனீஸ்வரன் ஆகியோர் ஆர்ப்பாட்டத்தை விளக்கி பேசினார்கள். முன்னதாக  ஒன்றிய துணைத் தலைவர் கண்ணன் வரவேற்றார்.
இந்த ஆர்ப்பாட்டத்தில்  இந்து அறநிலைத்துறையின் கட்டுப்பாட்டில் உள்ள பழமையான மாவூற்று வேலப்பர் கோயில் கும்பாபிஷேகத்தை விரைந்து  நடத்த வேண்டும் என்பது உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பினர்.
உத்தமபாளையம்:  உத்தமபாளையத்தில் பிரசித்த பெற்ற  திருக்காளாத்தீஸ்வரர் ஞானாம்பிகை உடனுறை கோயிலில் பிரதி ஞாயிற்றுக்கிழமைகளில் ராகு கேது பூஜை நடைபெறும்.  இந்த பூஜையில் கலந்துகொள்ளும் பக்தர்களிடம் தலா ரூ.300 வரையில் கோயில் நிர்வாகம் பூஜை கட்டணமாக வசூல் செய்கிறது. இந்த கட்டணத்தை ரூ.400 ஆக உயர்த்த முடிவு செய்யப்பட்டுள்ளது.
இதனைக் கண்டித்து இந்து முன்னணி சார்பில் உத்தமபாளையம் தேரடியில் ஆர்ப்பாட்டம்  நடைபெற்றது. 
இந்த ஆர்ப்பாட்டத்தில், இந்து முன்னணி மாவட்டச் செயலாளர் கோம்பை கணேசன்,   நகரத்தலைவர் ராம் செல்வா, ஒன்றியத் தலைவர்  சிவா உள்ளிட்ட நிர்வாகிகள் பலர் கலந்து கொண்டனர். 
 

]]>
https://www.dinamani.com/all-editions/edition-madurai/theni/2019/jul/15/ஆண்டிபட்டி-உத்தமபாளையத்தில்-இந்து-முன்னணி-ஆர்ப்பாட்டம்-3192673.html
3192672 மதுரை தேனி பெரியகுளம் அருகே கார் மோதி லாரி ஓட்டுநர் பலி DIN DIN Monday, July 15, 2019 07:36 AM +0530 பெரியகுளம் அருகே கார் மோதி லாரி ஓட்டுநர் சம்பவ இடத்திலேயே இறந்ததாக ஞாயிற்றுக்கிழமை வழக்குப்பதிவு செய்யப்பட்டுள்ளது.
கரூர் அருகே தான்தோன்றிமலையை சேர்ந்தவர் கணேசன் (52). இவர் லாரி ஓட்டுநராக இருந்தார். இவர் சனிக்கிழமை இரவு லாரியில் தேனியில் இருந்து பொருள்களை ஏற்றிக்கொண்டு திண்டுக்கல் நோக்கி சென்று கொண்டிருந்தார். 
தேவதானப்பட்டி , தனியார் பெட்ரோல் பங்க் அருகே லாரியை நிறுத்திவிட்டு தேநீர் குடிக்கச் சாலையை கடக்க முயன்றுள்ளார். அப்போது தேனி நோக்கி சென்ற கார் அவர் மீது மோதியதாம். இதில் பலத்த காயமடைந்த கணேசன் சம்பவ இடதிலேயே இறந்து விட்டாராம். இந்த விபத்து குறித்து தேவதானப்பட்டி போலீஸார் வழக்கு பதிந்து விசாரித்து வருகின்றனர்.
 

]]>
https://www.dinamani.com/all-editions/edition-madurai/theni/2019/jul/15/பெரியகுளம்-அருகே-கார்-மோதி-லாரி-ஓட்டுநர்-பலி-3192672.html
3192671 மதுரை தேனி சின்னமனூரில் மழை வேண்டி சிறப்பு பூஜை DIN DIN Monday, July 15, 2019 07:35 AM +0530 சின்னமனூரில் ஆதிபராசக்தி கோயிலில் ஞாயிற்றுக்கிழமை மழை வேண்டி சிறப்பு பூஜை நடைபெற்றது.
தென்மேற்கு பருவமழை பொய்த்ததால் மாவட்டத்தில் 12 ஆயிரம் ஏக்கருக்கு மேலாக  முதல் போக நெல்பயிர் சாகுபடி நடைபெறவில்லை. 
 மேலும் நிலத்தடி நீர் மட்டம் குறைந்து விட்டதால்   விவசாயப் பணிகள் முற்றிலுமாக பாதிக்கப்பட்டுள்ளன. தவிர குடிநீர் பிரச்னை காரணமாக 
பொதுமக்கள்அவதிக்குள்ளாகி வருகின்றனர்.
இதனையடுத்து சின்னமனூரில் ஆதிபராசக்தி கோயிலில் பெண் பக்தர்கள் திரளாக கலந்துகொண்டு மழை வேண்டி சிறப்பு யாகமும், பூஜைகளும் நடத்தினர். பின்னர் பக்தர்களுக்கு அன்னதானம் வழங்கப்பட்டன.  
பூஜை ஏற்பாடுகளை ஒய்வு பெற்ற வங்கி மேலாளர்கள் மல்லிகா மற்றும் முத்துச்சாமி ஆகியோர் செய்திருந்தனர்.
 

]]>
https://www.dinamani.com/all-editions/edition-madurai/theni/2019/jul/15/சின்னமனூரில்-மழை-வேண்டி-சிறப்பு-பூஜை-3192671.html
3192670 மதுரை தேனி கிணறுகளை மூடாமல் 4 வழிச்சாலையை மாற்றுப்பாதையில் அமைக்கக் கோரிக்கை DIN DIN Monday, July 15, 2019 07:35 AM +0530 தேனி மாவட்டம்  கம்பம் புறவழிச்சாலை அமையும் இடத்தில் உள்ள விவசாய கிணறுகளை மூடாமல் பணிகளை தொடங்க வேண்டும் என விவசாயிகள் தேனி மாவட்ட ஆட்சியருக்கு கோரிக்கை விடுத்துள்ளனர்.
தேனி மாவட்டத்தில் நான்குவழிச்சாலை திட்டம் கடந்த 2009 ஆம் ஆண்டிலிருந்து, நடைபெற்று வருகிறது. தற்போது கம்பம் க.புதுப்பட்டியிலிருந்து, கூடலூர் வரையிலான  புறவழிச்சாலை அமைக்கும் பணிகள் நடைபெற்று வருகிறது. 
நான்கு வழிச் சாலை அமையும் பாதைகளில் பெரும்பாலான,  இடங்களில் விவசாயக் கிணறுகள் உள்ளன. இந்த கிணறுகளின் மூலம் தான் கடந்த பல ஆண்டுகளாக தோட்ட விவசாயம் நடைபெற்று வருகிறது. 
அதனால் நான்கு வழிச் சாலை அமைக்கும் போது விவசாய கிணறுகளை மூடாமல், மாற்றுப் பாதையில் திட்டத்தை செயல்படுத்த  தேனி மாவட்ட நிர்வாகத்திற்கு விவசாயிகள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/theni/2019/jul/15/கிணறுகளை-மூடாமல்-4-வழிச்சாலையை-மாற்றுப்பாதையில்-அமைக்கக்-கோரிக்கை-3192670.html
3192669 மதுரை தேனி ஆண்டிபட்டி பகுதியில் நோய் தாக்குதலால் நாட்டுக்கோழிகள் இறப்பு: விவசாயிகள் கவலை DIN DIN Monday, July 15, 2019 07:35 AM +0530 ஆண்டிபட்டி சுற்றுவட்டாரப்  பகுதிகளில் திடீர் நோய் தாக்குதலால் நாட்டுக்கோழிகள் இறந்து வருவதால் விவசாயிகள் வேதனையடைந்துள்ளனர்.
தேனி மாவட்டம் ஆண்டிபட்டி சுற்றுவட்டாரப் பகுதிகளில் விவசாயத்துடன் கால்நடை மற்றும்  கோழி வளர்ப்பு உப தொழில்களாக உள்ளன. இப்பகுதியில் நாட்டுக்கோழி வளர்ப்பவர்கள் எண்ணிக்கை அதிகரித்துள்ளது.  
கிராமங்களில் குடியிருப்புகள், விவசாயம் சார்ந்துள்ள பகுதியில் விவசாயிகள் அதிகளவில் நாட்டுக்கோழிகள் வளர்த்து வருகின்றனர்.  கிராமங்களில் பெரும்பாலான வீடுகளில் நாட்டுக்கோழிகள் கணிசமான வருவாய் ஈட்டித்தருகின்றன. 
இந்நிலையில் கடந்த சில நாள்களாக நாட்டுக்கோழிகள் வெள்ளைக் கழிசல் நோயால் பாதிப்படைந்துள்ளன. நோய் தாக்கம் ஏற்பட்ட கோழிகள் இரை உண்ணாமல், காய்ச்சல் ஏற்பட்டு நான்கு நாட்களில் இறந்து விடுகின்றன. 
கிராமப்புறங்களில் உள்ள கால்நடை மருத்துவமனைகள் பெரும்பாலும் மூடிய நிலையில் காணப்படுவதால் நாட்டுக் கோழிகளுக்கு சிகிச்சை  எடுக்க முடியாமல் விவசாயிகள் தவித்து வருகின்றனர்.
இதற்கிடையே கிராமப்புறங்களில் உள்ள கால்நடை மருத்துவமனைகளை முழுநேரமும் செயல்படும் வகையில் அரசு நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
இதுகுறித்து விவசாயிகள் கூறியது: 
பண்ணைகளில் பாதுகாப்பாக வைத்து வளர்க்கப்படும் கோழிகளுக்கு தடுப்பூசி, மருந்து மாத்திரை உணவுடன் சேர்த்து கொடுக்க முடியும். ஆனால் நோய் தாக்குதலால் பாதிக்கப்பட்ட நாட்டுக் கோழிகளை கண்டறிந்து அதனை கால்நடை மருத்துவமனைகளுக்கு கொண்டு சென்றால் அங்கு மருத்துவர்கள் இல்லாத காரணத்தால் தடுப்பூசி போட முடியாமல் கோழிகள் இறந்து விடுகின்றன என்றனர்.
 

]]>
https://www.dinamani.com/all-editions/edition-madurai/theni/2019/jul/15/ஆண்டிபட்டி-பகுதியில்-நோய்-தாக்குதலால்-நாட்டுக்கோழிகள்-இறப்பு-விவசாயிகள்-கவலை-3192669.html
3191857 மதுரை தேனி சம்பள பேச்சுவார்த்தை  கூட்டம் தொழிலாளர்கள் வெளிநடப்பு DIN DIN Sunday, July 14, 2019 12:58 AM +0530
தேனி மாவட்டம் உத்தமபாளையம் வட்டாட்சியர் அலுவலகத்தில் வெள்ளிக்கிழமை நடைபெற்ற  திராட்சைத் தோட்டத் தொழிலாளர்களின் சம்பள உயர்வு குறித்த பேச்சுவார்த்தை கூட்டத்திலிருந்து தொழிலாளர்கள் வெளிநடப்பு செய்தனர்.
தேனி மாவட்டத்தில் ஓடைப்பட்டி, கோகிலாபுரம், ராயப்பன்பட்டி, கம்பம், கூடலூர் உள்ளிட்ட பகுதிகளில் சுமார் 10 ஆயிரம் ஹெக்டேர் பரப்பளவிற்கு திராட்சை விவசாயம் செய்யப்படுகிறது. 4 மாதங்களுக்கு ஒரு முறை என ஆண்டிற்கு 3 முறை மகசூல் எடுக்கப்படும். பன்னீர் திராட்சை அதிகளவில் கேரளத்திற்கு அனுப்பி வைக்கப்படுகிறது. இது தவிர, புதுச்சேரி, ஆந்திரம், கர்நாடகம் உள்ளிட்ட வெளிமாநிலங்களுக்கும் திராட்சைகள் விற்பனைக்கு அனுப்பி வைக்கப்படுகின்றன. 
திராட்சைத் தோட்டங்களில் ஆயிரக்கணக்கான தொழிலாளர்கள் வேலை செய்து வருகின்றனர்.  இந்நிலையில் தங்களுக்கு வழங்கப்படும் சம்பளம் மிகக் குறைவாக இருப்பதாகக்  கூறி தொழிலாளர்கள் மாவட்டநிர்வாகத்திடம் கோரிக்கை மனு அளித்தனர்.  
பேச்சுவார்த்தை: இதையடுத்து மாவட்ட ஆட்சியர் உத்தரவின் பேரில், உத்தமபாளையம் வட்டாட்சியர் உதயராணி தலைமையில் பேச்சுவார்தை நடைபெற்றது. இதில், 10 மணி நேரம் வேலை செய்தால் ரூ.500 சம்பளம் கொடுக்கப்படும். வெளியூர்களிலிருந்து வரும் தொழிலாளர்களுக்கு, உள்ளூர் தொழிலாளர்கள் எதிர்ப்பு தெரிவிக்கக் கூடாது என முதலாளிகள் தரப்பில் தெரிவிக்கப்பட்டது. ஆனால்,  இதற்கு தொழிலாளர்கள் தரப்பில் கடும் ஆட்சேபம் தெரிவிக்கப்பட்டது. இதையடுத்து பேச்சு வார்த்தை கூட்டத்திலிருந்து தொழிலாளர்கள் வெளிநடப்பு செய்தனர். இதனால் வட்டாட்சியர் அலுவலகத்தில் சிறிது நேரம் பரபரப்பு நிலவியது.
 

]]>
https://www.dinamani.com/all-editions/edition-madurai/theni/2019/jul/14/சம்பள-பேச்சுவார்த்தை--கூட்டம்-தொழிலாளர்கள்-வெளிநடப்பு-3191857.html
3191856 மதுரை தேனி பாப்பம்மாள்புரம் ரெங்கம்மாள் கோயில் கும்பாபிஷேகம் DIN DIN Sunday, July 14, 2019 12:58 AM +0530
தேனி மாவட்டம், ஆண்டிபட்டி அருகே  பாப்பம்மாள்புரத்தில் அமைந்துள்ள ரெங்கம்மாள் கோயிலில் வெள்ளிக்கிழமை கும்பாபிஷேகம் நடைபெற்றது.
விழாவை முன்னிட்டு, இரண்டு நாள்களாக  நடைபெற்ற யாகசாலை பூஜையில், கணபதி ஹோமம், கோமாதா பூஜை உள்ளிட்ட பூஜைகள் செய்யப்பட்டு, பல புண்ணிய ஸ்தலங்களில் இருந்து கொண்டு வரப்பட்ட புனித நீர் பூஜிக்கப்பட்டது. வெள்ளிக்கிழமை, பூர்ணாஹூதி முடிந்து கலச குடம் புறப்பாடாகி, விமான கலசத்துக்கு புனித நீர் ஊற்றப்பட்டு, கும்பாபிஷேகம் நடைபெற்றது. அப்போது, வானத்தில் 4  கருடன் வட்டமிட்டதால், பக்தர்கள் பக்தி பரவசமடைந்தனர். 
பின்னர், பக்தர்கள் மீது புனித நீர் தெளிக்கப்பட்டது. இதனையடுத்து, அம்மனுக்கு பால், பழம், பன்னீர், சந்தனம், மஞ்சள், தேன் உள்ளிட்ட 16 வகையான அபிஷேகங்கள் செய்யப்பட்டு, மகா அபிஷேகம் மற்றும் தீபாராதனை நடைபெற்றது.      இதில் ஏராளமான பக்தர்கள் கலந்துகொண்டு சுவாமி தரிசனம் செய்தனர்.    நிகழ்ச்சிக்கான ஏற்பாடுகளை, விழாக் குழுவினர் செய்திருந்தனர்.
 

]]>
https://www.dinamani.com/all-editions/edition-madurai/theni/2019/jul/14/பாப்பம்மாள்புரம்-ரெங்கம்மாள்-கோயில்-கும்பாபிஷேகம்-3191856.html
3191855 மதுரை தேனி தேக்கடியில்3 ஆவது நாளாக வாகன ஓட்டுநர்கள் போராட்டம் DIN DIN Sunday, July 14, 2019 12:57 AM +0530
தேக்கடியில் கேரள வனத்துறையினரை கண்டித்து குமுளி வாடகை ஜீப், கார் ஓட்டுநர்கள் 3 ஆவது நாளாக சனிக்கிழமை  உண்ணாவிரதப் போராட்டத்தை தொடங்கினர்.
கேரள மாநிலம் இடுக்கி மாவட்டம் குமுளி, தேக்கடி, ஆனவாச்சல் பகுதியில் வாகனங்கள் நிறுத்துவதால், வன விலங்குகளுக்கு இடையூறு ஏற்படுவதாக புகார்கள் எழுந்தன, இதன் பேரில், கேரள வனத்துறையினர் குமுளி வாடகை வாகனங்களை கடந்த வியாழக்கிழமை முதல் ஆனவாச்சல் வாகன நிறுத்தத்தில், நிறுத்த அனுமதிக்கவில்லை. 
இதனால் அதன் ஓட்டுநர்கள் அப்பகுதியில் மறியலில் ஈடுபட்டனர். பின்னர் தேக்கடி செல்லும் நுழைவு வாயிலிலும் வெள்ளிக்கிழமை மறியல் நடத்தினர். போராட்டத்தில் எவ்வித பேச்சுவார்த்தையும் நடக்காததால் சனிக்கிழமை உண்ணாவிரத போராட்டத்தைத் தொடங்கியுள்ளனர். 
இதனால் 3 ஆவது நாளாக தேக்கடிக்கு சுற்றுலா பயணிகள் யாரும் செல்ல முடியவில்லை. சுற்றுலா பயணிகள் வராததால் தேக்கடி வெறிச்சோடி காணப்பட்டது. படகு போக்குவரத்தும் ரத்து செய்யப்பட்டது.
 

]]>
https://www.dinamani.com/all-editions/edition-madurai/theni/2019/jul/14/தேக்கடியில்3-ஆவது-நாளாக-வாகன-ஓட்டுநர்கள்-போராட்டம்-3191855.html
3191854 மதுரை தேனி கூட்டுறவு மேலாண்மை பட்டயப் படிப்பு சேர்க்கை விண்ணப்பிக்க காலஅவகாசம் நீட்டிப்பு DIN DIN Sunday, July 14, 2019 12:57 AM +0530
தேனி கூட்டுறவு மேலாண்மை நிலையத்தில் பட்டயப் படிப்பு சேர்க்கைக்கு விண்ணப்பிப்பதற்கான கால அவகாசம், ஜூலை 31-ஆம் தேதி வரை நீட்டிக்கப்பட்டுள்ளது. 
ஆண்டிபட்டியில் செயல்பட்டு வரும் தேனி கூட்டுறவு மேலாண்மைப் பயிற்சி நிலையத்தில், கணினி மேலாண்மைப் பயிற்சி, நகை மதிப்பீட்டாளர் பயிற்சி ஆகிய பட்டயப் படிப்புகள் நடைபெறுகின்றன. இந்தப் பட்டயப் படிப்புகளில் சேர பிளஸ் 2 தேர்ச்சி பெற்ற 17 வயதுக்கு மேற்பட்ட ஆண் மற்றும் பெண்கள், தேனி கூட்டுறவு மேலாண்மைப் பயிற்சி நிலையத்தில் ஜூலை 15-ஆம் தேதிக்குள் விண்ணப்பிக்கலாம் என்று அறிவிக்கப்பட்டிருந்தது.
தற்போது, இதில் விண்ணப்பிப்பதற்கான கால அவகாசத்தை ஜூலை 31-ஆம் தேதி வரை நீட்டித்து அரசு உத்தரவிட்டுள்ளது. 
இதன்படி, கூட்டுறவு மேலாண்மைப் பட்டயப் படிப்புகளில் சேர விரும்புவோர், ஜூன் 31-ஆம் தேதிக்குள் கல்விச் சான்றிதழ் மற்றும் மார்பளவு புகைப்படத்துடன், ஆண்டிபட்டியில் உள்ள தேனி கூட்டுறவு மேலாண்மைப் பயிற்சி நிலையத்தில் விண்ணப்பிக்கலாம்.
பட்டயப் படிப்பு பயிற்சி வகுப்பு ஆகஸ்ட் 5-ஆம் தேதி தொடங்க உள்ளது என்று, தேனி கூட்டுறவு சங்கங்களின் மண்டல இணைப் பதிவாளர் சிவ. முத்துக்குமாரசாமி தெரிவித்தார்.
 

]]>
https://www.dinamani.com/all-editions/edition-madurai/theni/2019/jul/14/கூட்டுறவு-மேலாண்மை-பட்டயப்-படிப்பு-சேர்க்கை-விண்ணப்பிக்க-காலஅவகாசம்-நீட்டிப்பு-3191854.html
3191853 மதுரை தேனி ஜெயமங்கலத்தில் சிறப்பு கிராம சபை கூட்டம் DIN DIN Sunday, July 14, 2019 12:57 AM +0530
பெரியகுளம் அருகே ஜெயமங்கலம் சமுதாயக்கூடத்தில் சிறப்பு கிராம சபை கூட்டம் வெள்ளிக்கிழமை நடைபெற்றது.
மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் நடைபெற்ற இந்த கிராம சபை கூட்டத்துக்கு, ஜெயமங்கலம் துணை வட்டார வளர்ச்சி அலுவலர் கீதா தலைமை வகித்தார்.     இக்கூட்டத்தில், 100 நாள்கள் வேலை குறித்தும், கிராம மக்களின் கேள்விகளுக்கும் விளக்கமளிக்கப்பட்டது. இதில், ஒன்றிய மேற்பார்வையாளர் விஜயகாந்தி, சமூக தணிக்கை அதிகாரி பிர்லா மேரி மற்றும் ஏராளமான கிராம மக்கள் கலந்துகொண்டனர். இதற்கான ஏற்பாடுகளை, ஜெயமங்கலம் ஊராட்சி செயலர் கோபால் செய்திருந்தார்.
 

]]>
https://www.dinamani.com/all-editions/edition-madurai/theni/2019/jul/14/ஜெயமங்கலத்தில்-சிறப்பு-கிராம-சபை-கூட்டம்-3191853.html
3191852 மதுரை தேனி ஆண்டிபட்டியில் வணிக நிறுவனங்களில் கண்காணிப்பு கேமராக்கள் பொருத்த போலீஸார் அறிவுறுத்தல் DIN DIN Sunday, July 14, 2019 12:57 AM +0530
ஆண்டிபட்டி நகரில் செயல்படும் வணிக நிறுவனங்களில் அதிக வெளிச்சமுள்ள கண்காணிப்பு கேமராக்கள் பொருத்த வேண்டும் என்று போலீஸார் அறிவுறுத்தினர். 
தேனி மாவட்டம், ஆண்டிபட்டியில் சாலைப் பாதுகாப்பு விழிப்புணர்வு மற்றும் வணிகர்களுக்கான ஆலோசனைக் கூட்டம் வெள்ளிக்கிழமை நடைபெற்றது. இதில், ஆண்டிபட்டி காவல் துணைக் கண்காணிப்பாளர் சீனிவாசன், காவல் நிலைய ஆய்வாளர் சரவண தெய்வேந்திரன் ஆகியோர் தலைமை வகித்தனர். கூட்டத்தில், ஆண்டிபட்டி பகுதியை விபத்தில்லா பகுதியாக மாற்ற வேண்டும். இரு சக்கர வாகனங்களை ஓட்டும் அனைவரும் தலைக்கவசம் அணிய வேண்டும்.    
நகரில் குற்றத் தடுப்பு நடவடிக்கைக்காக வணிக நிறுவனங்கள் தங்கள் கடைகளுக்கு முன்பு வெளிச்சமுள்ள கண்காணிப்பு கேமரா பொருத்த வேண்டும் என  அறிவுறுத்தப்பட்டது.
பின்னர்,  ஆண்டிபட்டி புறவழிச்சாலை திட்டம், போக்குவரத்து நெரிசல், நடைபாதை பிரச்னை, ரயில்வே பாலம் கட்டுமானப் பணி உள்ளிட்ட நகரின் முக்கிய பிரச்னைகளை தீர்க்க வணிகர்கள் கோரிக்கை விடுத்தனர். இக்கோரிக்கைகளை அந்தந்த துறைக்கு பரிந்துரை செய்து நிறைவேற்றப்படும் என்று போலீஸார் உறுதி அளித்தனர்.   
இதில், காவல் சார்பு-ஆய்வாளர்கள் சுல்தான் பாஷா, கோதண்டராமன், பேரூராட்சி சுகாதார ஆய்வாளர் முருகானந்தன் மற்றும் தேசிய நெடுஞ்சாலை, வருவாய்த் துறை உள்ளிட்ட பல அரசுத் துறை அலுவலர்கள் கலந்துகொண்டனர்.
 

]]>
https://www.dinamani.com/all-editions/edition-madurai/theni/2019/jul/14/ஆண்டிபட்டியில்-வணிக-நிறுவனங்களில்-கண்காணிப்பு-கேமராக்கள்-பொருத்த-போலீஸார்-அறிவுறுத்தல்-3191852.html
3191851 மதுரை தேனி ஆண்டிபட்டியில் பா.ஜ.க. உறுப்பினர் சேர்க்கை DIN DIN Sunday, July 14, 2019 12:56 AM +0530
 ஆண்டிபட்டியில் பா.ஜ.க. உறுப்பினர் சேர்க்கை மற்றும் பொறுப்பாளர்களுக்கான ஆலோசனைக் கூட்டம் வெள்ளிக்கிழமை நடைபெற்றது.
தேனி மாவட்டம், ஆண்டிபட்டி நகர் காமாட்சி அம்மன் கோயில் மண்டபத்தில் நடைபெற்ற இக்கூட்டத்துக்கு, கட்சியின் மாவட்டப் பொதுச் செயலரும், சட்டப்பேரவைத் தொகுதி தலைவருமான வழக்குரைஞர் குமார் தலைமை வகித்தார். மாவட்டத் தலைவர் வெங்கடேஸ்வரன், மாநிலச் செயற்குழு உறுப்பினர் ராஜபாண்டி, அமைப்புச் செயலர் கனகராஜ் ஆகியோர் முன்னிலை வகித்தனர்.
இதில், சிறப்பு விருந்தினராகக் கலந்துகொண்ட மாநிலச் செயலர் சீனிவாசன், பொறுப்பாளர்களுக்கான பணிகள் குறித்து எடுத்துரைத்தார். அதில், ஒவ்வொரு வாக்குச் சாவடி வாரியாக 200-க்கும் அதிகமான புதிய உறுப்பினர்கள் சேர்க்க வேண்டும். வாகனங்களில் பிரசாரங்களை மேற்கொள்ளுதல், மத்திய அரசின் நலத் திட்டங்களை மக்களிடம் எடுத்துரைத்தல், மாவட்டத்தில் உள்ள முக்கிய ஆன்மிகத் தலைவர்கள் மற்றும் கிராமப்புறங்களில் உள்ள மகளிர் குழுக்களை சந்தித்து பாஜகவுக்கு ஆதரவை பெருக்குவதற்கான நடவடிக்கையில் ஈடுபட வேண்டும் என்றார்.
கூட்டத்தில், ஆண்டிபட்டி சட்டப்பேரவைத் தொகுதிக்குள்பட்ட 100-க்கும் மேற்பட்ட பொறுப்பாளர்கள் கலந்துகொண்டனர்.   முன்னதாக, ஆண்டிபட்டி 8 ஆவது வார்டு தலைவர் நல்லதம்பி வரவேற்றார்.  முடிவில், ஒன்றியத் தலைவர் செல்வராஜ் நன்றி கூறினார்.
 

]]>
https://www.dinamani.com/all-editions/edition-madurai/theni/2019/jul/14/ஆண்டிபட்டியில்-பாஜக-உறுப்பினர்-சேர்க்கை-3191851.html
3191850 மதுரை தேனி நண்பர் கொலை:  2 இளைஞர்கள் குண்டர் சட்டத்தில் கைது DIN DIN Sunday, July 14, 2019 12:56 AM +0530
தேனி மாவட்டம், கம்பம் அருகே நண்பரை கொலை செய்த வழக்கில் 2 இளைஞர்கள் மீது குண்டர் சட்டத்தின் கீழ் வழக்குப் பதிவு செய்யப்பட்டது.
கம்பம் அருகே கருநாக்கமுத்தன் பட்டியில் மனோஜ்குமார் என்ற இளைஞர் 2018 ஆம் ஆண்டு மாயமானார். இது தொடர்பாக இவரது நண்பர்கள் அஜித்குமார்(24), பிரவீண்குமார்(23) ஆகியோரிடம் விசாரித்த போது, நண்பரை கொலை செய்து புதைத்தது தெரியவந்தது. இது தொடர்பாக கூடலூர் வடக்கு காவல் நிலைய போலீஸார் 2 பேரையும் கடந்த ஜூன் 10 இல் கைது செய்து மதுரை மத்திய சிறையில் அடைத்தனர். 
இவர்கள் மீது ஏற்கெனவே, கொலை, திருட்டு உள்ளிட்ட பல்வேறு வழக்குகள் இருந்ததால் இருவர் மீதும் குண்டர் சட்டத்தில் வழக்குப் பதிவு செய்ய மாவட்ட கண்காணிப்பாளர் வி.பாஸ்கரன் மாவட்ட ஆட்சியருக்கு பரிந்துரை செய்தார். 
இதை ஏற்று, இருவர் மீதும் குண்டர் சட்டத்தில் வழக்குப் பதிவு செய்ய மாவட்ட ஆட்சியர் ம.பல்லவி பல்தேவ் உத்தரவிட்டார். இந்த உத்தரவின் பேரில் இருவர் மீதும் குண்டர் சட்டத்தின் கீழ் வழக்குப் பதிவு செய்யப்பட்டது,
 

]]>
https://www.dinamani.com/all-editions/edition-madurai/theni/2019/jul/14/நண்பர்-கொலை--2-இளைஞர்கள்-குண்டர்-சட்டத்தில்-கைது-3191850.html
3191849 மதுரை தேனி ஒட்டன்சத்திரம் அருகே குடிநீர் கோரி காலிக்குடங்களுடன் பெண்கள் மறியல் DIN DIN Sunday, July 14, 2019 12:56 AM +0530
 திண்டுக்கல் மாவட்டம், ஒட்டன்சத்திரம் அருகே சனிக்கிழமை குடிநீர் கோரி காலிக்குடங்களுடன் பெண்கள் சாலை மறியலில் ஈடுப்பட்டனர்.
ஒட்டன்சத்திரம் அடுத்துள்ள சிந்தலப்பட்டி கிராமத்தில் கடந்த ஒரு மாதமாக முறையாக குடிநீர் விநியோக்கவில்லை என்று கூறப்படுகிறது. 
அதே போல குடிநீர் விநியோக்கும் போது ஒரு சில பகுதிகளில் மின் மோட்டார் வைத்து குடிநீர் திருடப்படுவதால் மற்ற இடங்களுக்கு குடிநீர் செல்வது தடைப்படுகிறது. 
இதனால் குடிநீருக்கு அவதிப்பட்ட பொதுமக்கள் சனிக்கிழமை அம்பிளிக்கை-ஓடைப்பட்டி செல்லும் சாலையில் காலிக்குடங்களுடன் மறியலில் ஈடுபட்டனர். தகவல் அறிந்த அம்பிளிக்கை போலீஸார் சம்பவ இடத்திற்கு சென்று மறியலில் ஈடுபட்ட பொதுமக்களிடம் பேச்சு வார்த்தை நடத்தினர்.
அதில் உடன்பாடு ஏற்பட்டதின் பேரில் அவர்கள் கலைந்துச்சென்றனர். இதனால் அப்பகுதியில் சிறிது நேரம் போக்குவரத்து பாதிக்கப்பட்டது.
 

]]>
https://www.dinamani.com/all-editions/edition-madurai/theni/2019/jul/14/ஒட்டன்சத்திரம்-அருகே-குடிநீர்-கோரி-காலிக்குடங்களுடன்-பெண்கள்-மறியல்-3191849.html
3191848 மதுரை தேனி பெரியகுளம் ராஜேந்திர சோழீஸ்வரர் கோயிலில் வருடாபிஷேக விழா DIN DIN Sunday, July 14, 2019 12:56 AM +0530
பெரியகுளத்தில் அறம் வளர்த்த நாயகி உடனுறை ராஜேந்திரசோழீஸ்வரர் கோயில் வருடாபிஷேகம் சனிக்கிழமை நடைபெற்றது.
வருடாபிஷேகத்தை முன்னிட்டு வெள்ளிக்கிழமை மாலை விக்னேஸ்வர பூஜை மற்றும் புண்யாவாசனம், கலச பூஜை நடைபெற்றது. சனிக்கிழமை காலை 8.30 மணிக்கு இரண்டாம் கால பூஜை மற்றும் திரவியாஹூதி நடைபெற்றது. அதன் பின்னர் காலை 10.30 மணிக்கு மேல் 12 மணிக்குள் கலசங்கள் புறப்பாடாகி சுவாமிக்கு திரவியாபிஷேகம் மற்றும் ஆராதனைகள் நடைபெற்றது. 
இந்நிகழ்ச்சியில் எல்.சசிதரன், திருப்பணிக்குழு உறுப்பினர் பி.சி.சிதம்பரசூரியவேலு மற்றும் ஏராளமான பொதுமக்கள் கலந்து கொண்டனர்.
 

]]>
https://www.dinamani.com/all-editions/edition-madurai/theni/2019/jul/14/பெரியகுளம்-ராஜேந்திர-சோழீஸ்வரர்-கோயிலில்-வருடாபிஷேக-விழா-3191848.html
3191847 மதுரை தேனி தேனியில்ஜூலை 17-ல் மின் தடை DIN DIN Sunday, July 14, 2019 12:56 AM +0530
தேனி துணை மின் நிலையத்தில் ஜூலை 17-ம் தேதி மாதாந்திர பராமரிப்பு பணி நடைபெற உள்ளது.
எனவே, அன்றைய தினம் காலை 9.45 மணி முதல் பிற்பகல் 4.45 மணி வரை தேனி, பழனிசெட்டிபட்டி, உப்பார்பட்டி, தாடிச்சேரி ஆகிய பகுதிகளில் மின் விநியோகம் நிறுத்தப்படும் என்று தேனி மின் வாரிய செயற்பொறியாளர் ந.கணேஷ்குமார் தெரிவித்துள்ளார்.
 

]]>
https://www.dinamani.com/all-editions/edition-madurai/theni/2019/jul/14/தேனியில்ஜூலை-17-ல்-மின்-தடை-3191847.html
3191845 மதுரை தேனி ஜூலை 15 இல் மதுக் கடைகளை மூடக் கோரிக்கை DIN DIN Sunday, July 14, 2019 12:55 AM +0530
  காமராஜர் பிறந்தநாளை முன்னிட்டு ஜூலை 15-ம் தேதி அரசு மதுக் கடை மற்றும் தனியார் மதுக் கூடங்களுக்கு விடுமுறை அளிக்க வேண்டும் என்று அகில இந்திய மக்கள் கட்சி சார்பில் கோரிக்கை விடுக்கப்பட்டுள்ளது. 
இது குறித்து அக் கட்சியின் மாவட்ட துணைச் செயலர் எஸ்.அரசுபாண்டி கூறியது: முன்னாள் முதல்வர் காமராஜர் பிறந்த நாள் விழாவை பள்ளி மாணவர்கள் கல்வித் திருவிழாவாக கொண்டாடி வருகின்றனர்.  காமராஜர் பிறந்த நாளை முன்னிட்டு ஜூலை 15 ஆம் தேதி மாநிலம் முழுவதும் அரசு மதுக் கடைகள் மற்றும் மதுக் கூடங்களுக்கு விடுமுறை அளிக்க வேண்டும். இந்தக் கோரிக்கையை நிறைவேற்ற அரசை வலியுறுத்தி அகில இந்திய மக்கள் கட்சி சார்பில் மாவட்ட ஆட்சியர் ம.பல்லவி பல்தேவிடம் மனு அளிக்கப்பட்டுள்ளது என்றார்.
 

]]>
https://www.dinamani.com/all-editions/edition-madurai/theni/2019/jul/14/ஜூலை-15-இல்-மதுக்-கடைகளை-மூடக்-கோரிக்கை-3191845.html
3191844 மதுரை தேனி போடி இந்தியன் ஓவர்சீஸ் வங்கியில் கடன் வழங்கும் முகாம் DIN DIN Sunday, July 14, 2019 12:55 AM +0530
போடியில் இந்தியன் ஓவர்சீஸ் வங்கிக் கிளையில் கடன் வழங்கும் முகாம் சனிக்கிழமை நடைபெற்றது.
மதுரை மண்டல முதுநிலை மேலாளர் ஜேசுராஜ் தலைமை வகித்து முகாமை தொடங்கி வைத்தார். மதுரை மண்டல மேலாளர் திரிசங்கு முன்னிலை வகித்தார். போடி கிளை மேலாளர் என்.செல்வன் மற்றும் வங்கி பணியாளர்கள் பங்கேற்று வாடிக்கையாளர்களுக்கு புதிய வங்கிக் கடன், வீட்டுக் கடன், தனி நபர் கடன், நகைக் கடன் வழங்குவது குறித்தும், இவற்றை பெறுதற்கான வழிமுறைகள் குறித்தும் விளக்கினர். மேலும் வங்கியில் சேமிப்பு கணக்கு, நடப்பு கணக்கு தொடங்குதல், இணையதள வங்கி சேவை, மூத்த குடிமக்களுக்கு வீடு தேடி வரும் வங்கி சேவைகள் குறித்தும் விளக்கினர். முகாமில் சிலர் கடன் விண்ணப்பங்களை அளித்தனர். அவர்களுக்கு கடன் வழங்க நடவடிக்கை எடுக்கப்பட்டது. மேலும் சேமிப்பு கணக்கு, நடப்பு கணக்கு தொடங்கவும் படிவம் வழங்கப்பட்டது. ஏற்பாடுகளை போடி வங்கி கிளை பணியாளர்கள் செய்திருந்தனர்.
 

]]>
https://www.dinamani.com/all-editions/edition-madurai/theni/2019/jul/14/போடி-இந்தியன்-ஓவர்சீஸ்-வங்கியில்-கடன்-வழங்கும்-முகாம்-3191844.html
3191843 மதுரை தேனி ஊராட்சிகளில் குடிநீர் விநியோகத்தை கண்காணிக்க கட்டுப்பாட்டு அறை திறப்பு DIN DIN Sunday, July 14, 2019 12:55 AM +0530
தேனி மாவட்டத்தில் உள்ள ஊராட்சிகளில் குடிநீர் விநியோகத்தை கண்காணிக்கவும், குடிநீர் பிரச்னைகள் குறித்து பொதுமக்கள் தெரிவிக்கும் புகார்கள் மீது நடவடிக்கை எடுக்கவும் ஊரக வளர்ச்சித் துறை சார்பில் கட்டுப்பாட்டு அறைகள் திறக்கப்பட்டுள்ளன.
இது குறித்து ஊராக வளர்ச்சித் துறை அதிகாரிகள் கூறியது: ஊராட்சிகளில் குடிநீர் பற்றாக்குறை, குடிநீர் குழாய்களில் உடைப்பு ஏற்பட்டு தண்ணீர் வீணாகுதல், சீரான குடிநீர் விநியோகம், சுத்திகரிப்பு ஆகியவற்றை கண்காணிக்க ஊரக வளர்ச்சித் துறை சார்பில் ஊராட்சிகள் உதவி இயக்குநர் அலுவலகம் மற்றும் அனைத்து ஊராட்சி ஒன்றிய அலுவலகங்களிலும்  கட்டுப்பாட்டு அறைகள் திறக்கப்பட்டுள்ளன. 
கட்டுப்பாட்டு அறை தொலைபேசி மூலம் பொதுமக்கள் அளிக்கும் புகார்கள் பதிவு செய்து, கள ஆய்வு மேற்கொண்டு உடனடியாக நடவடிக்கை எடுக்கப்படும். மேலும், மாவட்டத்திற்கு உள்பட்ட பகுதிகளில் நிலவும் குடிநீர் பிரச்னைகள் குறித்து நாளிதழ் மற்றும் தொலைக்காட்சிகளில் வெளியாகும் செய்தி, ஒளிபரப்புகளை கட்டுப்பாட்டு அறையில் இருந்து கண்காணித்து, அதன் மீது உரிய நடவடிக்கை மேற்கொள்ளப்பட்டு வருகிறது.
தேனி மாவட்ட ஆட்சியர் அலுவலக வளாகத்தில் உள்ள ஊராட்சி உதவி இயக்குநர் அலுவலக கட்டுப்பாட்டு அறை தொலைபேசி எண்: 04546-262729, ஆண்டிபட்டி ஊராட்சி ஒன்றியத்தில் 04546-242328, க.மயிலை ஊராட்சி ஒன்றியத்தில் 04554-227260, பெரியகுளம் ஊராட்சி ஒன்றியத்தில் 04546-231259, தேனி ஒன்றியத்தில் 04546-252430, போடி ஒன்றியத்தில் 04546-280218, சின்னமனூர் ஒன்றியத்தில் 04554-247376, உத்தமபாளையம் ஒன்றியத்தில் 04554-265238, கம்பம் ஊராட்சி ஒன்றியத்தில் கட்டுப்பாட்டு அறை தொலைபேசி எண்:04554-274273 ஆகியவற்றில் பொதுமக்கள் தொடர்பு கொண்டு குடிநீர் பிரச்னைகள் குறித்த புகார்களை தெரிவிக்கலாம் என்றனர்.
 

]]>
https://www.dinamani.com/all-editions/edition-madurai/theni/2019/jul/14/ஊராட்சிகளில்-குடிநீர்-விநியோகத்தை-கண்காணிக்க-கட்டுப்பாட்டு-அறை-திறப்பு-3191843.html
3191841 மதுரை தேனி குடிமராமத்து பணிகளின் விபரத்தை பொதுமக்களுக்குத் தெரிவிக்க வேண்டும் DIN DIN Sunday, July 14, 2019 12:55 AM +0530
  தேனி மாவட்டத்தில் குடிமராமத்து திட்டத்தின் கீழ் மேற்கொள்ளப்பட்டு வரும் நீர்நிலை சீரமைப்பு பணிகளின் விபரம், அதன் முக்கியத்துவம் ஆகியவற்றை விவசாயிகள் மற்றும் பொதுமக்களுக்கு அதிகாரிகள் தெரிவிக்க வேண்டும் என்று மாவட்ட ஆட்சியர் ம.பல்லவி பல்தேவ் கூறினார்.
இது குறித்து தேனி மாவட்ட  ஆட்சியர் அலுவலகத்தில் வெள்ளிக்கிழமை விவசாயிகளுக்கு நடைபெற்ற பயிற்சி வகுப்பில் அவர் கூறியது: மாவட்டத்தில் குடிமராமத்துத் திட்டத்தின் கீழ் 30 கண்மாய் மற்றும் நீர்வரத்து வாய்க்கால்கள் விவசாயிகளின் பங்களிப்புடன், ரூ.10.63 கோடி செலவில் நடைபெற்று வருகிறது. குடிமராமத்துப் பணிகள் நடைபெறும் பகுதியை தெளிவாக வரையறுத்து எல்லைக் கற்கள் நட வேண்டும். கட்டுமானப் பணிகளுக்கு அங்கீகாரம் பெற்ற எம்-சான்ட் மணலை மட்டுமே பயன்படுத்த வேண்டும்.
குடிமராமத்துத் திட்டத்தின் கீழ் மேற்கொள்ளப்பட்டு வரும் நீர்நிலை சீரமைப்பு பணிகள், அதன் முக்கியத்துவம் ஆகியவற்றை விவசாயிகள் மற்றும் பொதுமக்களுக்கு பொதுப்பணித்துறை அதிகாரிகள் தெரிவிக்க வேண்டும். வடகிழக்கு பருமழை தொடங்கும் முன் குடிமராமத்துத் திட்டப் பணிகளை நிறைவு செய்ய வேண்டும் என்றார்.
இதில் பொதுப் பணித்துறை மஞ்சளாறு வடிநிலக் கோட்ட செயற்பொறியாளர் குமார், உதவி செயற்பொறியாளர்கள் கார்த்திகேயன், தமிழ்ச்செவ்வன் மற்றும் விவசாயிகள் கலந்து கொண்டனர்.
 

]]>
https://www.dinamani.com/all-editions/edition-madurai/theni/2019/jul/14/குடிமராமத்து-பணிகளின்-விபரத்தை-பொதுமக்களுக்குத்-தெரிவிக்க-வேண்டும்-3191841.html
3191840 மதுரை தேனி குச்சனூரில் சுரபி நதிக் கால்வாய் வறண்டதால் பக்தர்கள் அவதிகுச்சனூரில் சுரபி நதிக் கால்வாய் வறண்டதால் பக்தர்கள் அவதி DIN DIN Sunday, July 14, 2019 12:55 AM +0530
தேனி மாவட்டம்  குச்சனூரில் சனீஸ்வரர் ஆலயத்திற்கு வரும் பக்தர்கள் புனித நீராடும் சுரபி நதிக் கால்வாயில் நீர் வரத்தின்றி வறண்டதால்  பக்தர்கள் அவதி அடைந்துள்ளனர்.
இக்கோயிலுக்கு வரும் பக்தர்கள் கோயில் முன்பாக செல்லும் சுரபி நதிக்கால்வாயில் நீராடி சுவாமி தரிசனம் செய்தால் தோஷம் நீங்கும் என்பது ஐதீகம்.  இக்கால்வாய்க்கு முல்லைப் பெரியாற்றின் பிரதான கால்வாய் மூலமாக பக்தர்கள் நீராட தண்ணீர் திருப்பி விடுப்படுகிறது. தற்போது பருவமழை குறைவு காரணமாக முல்லைப் பெரியாற்றில் நீர் வரத்து குறைந்து விட்டது. தற்போது குடிநீர் தேவைக்காக மட்டுமே 100 கன அடிநீர் வெளியேற்றப்படுகிறது. இந்நிலையில், சனிக்கிழமை குச்சனூர் சனீஸ்வரர் ஆலயத்திற்கு வந்த பக்தர்கள் புனித நீராட சுரபி நதிக்கால்வாயில் நீர் வரத்து இல்லாததால் ஏமாற்றம் அடைந்தனர்.  
முல்லைப் பெரியாற்றை நாடும் பக்தர்கள்: குச்சனூர் கோயிலிருந்து 3 கிலோ மீட்டர் தொலைவில் முல்லைப் பெரியாறு செல்கிறது. இந்த ஆற்றில் நீர் வரத்து இருப்பதால்  பக்தர்கள் மாற்று ஏற்பாடாக  முல்லைப் பெரியாற்றுக்குச் சென்று நீராடி, தங்கள் வேண்டுதலை நிறைவேற்றி வருகின்றனர். இதனால் குச்சனூர் - சீலையம்பட்டி இடையே செல்லும் முல்லைப் பெரியாற்றில் சனிக்கிழமை பக்தர்கள் கூட்டம் அதிகாக காணப்பட்டது. 
 

]]>
https://www.dinamani.com/all-editions/edition-madurai/theni/2019/jul/14/குச்சனூரில்-சுரபி-நதிக்-கால்வாய்-வறண்டதால்-பக்தர்கள்-அவதிகுச்சனூரில்-சுரபி-நதிக்-கால்வாய்-வறண்டதால்-3191840.html
3191625 மதுரை தேனி உத்தமபாளையத்தில் மருந்தாளுனர் மாணவருக்கு கத்திக் குத்து: இளைஞர் கைது DIN DIN Saturday, July 13, 2019 11:16 AM +0530 உத்தமபாளையத்தில் தங்கையை காதலித்து ஏமாற்றியதாக மருந்தாளுனர் படிப்பு படிக்கும் மாணவரை கத்தியால் குத்திவிட்டு தப்பியோடிய இளைஞரை, போலீஸார் வெள்ளிக்கிழமை கைது செய்தனர்.

தேனி மாவட்டம், உத்தமபாளையத்தைச் சேர்ந்தவர் மதன்குமார் (24). இவரது சகோதரியை, அதே பகுதியைச் சேர்ந்த தேனி மருத்துவக் கல்லூரி மருத்துவமனையில் மருந்தாளுனர் படிப்பு படித்துவரும் அலெக்ஸாண்டர் மகன் மனோஜ் (23) என்பவர் காதலித்து ஏமாற்றிவிட்டாராம். இதனால், மதன்குமாரின் தங்கை  சில நாள்களுக்கு முன் இறந்துவிட்டாராம். 

இந்நிலையில், வெள்ளிக்கிழமை மாலை உத்தமபாளையம் பேருந்து நிலையத்தில் மதன்குமாருக்கும், மனோஜுக்கும் இடையே தகராறு ஏற்பட்டுள்ளது. அப்போது, மனோஜை கத்தியால் குத்திவிட்டு மதன்குமார் தப்பியோடிவிட்டார். பின்னர், அங்கிருந்த பொதுமக்கள் மனோஜை மீட்டு, உத்தமபாளையம் அரசு மருத்துவமனைக்கு அனுப்பி வைத்தனர். மேல் சிகிச்சைக்காக தேனி க.விலக்கு அரசு மருத்துவக் கல்லூரி மருத்துவமனைக்கு அனுப்பி வைத்தனர்.

இது குறித்த தகவலின்பேரில், உத்தமபாளையம் போலீஸார் தப்பியோடிய மதன்குமாரை கைது செய்து, விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/theni/2019/jul/13/உத்தமபாளையத்தில்-மருந்தாளுனர்-மாணவருக்கு-கத்திக்-குத்து-இளைஞர்-கைது-3191625.html
3191624 மதுரை தேனி தந்தையை தாக்கி கொலை செய்ய முயன்ற மகன் கைது: போலீஸார் மீதும் தாக்குதல் DIN DIN Saturday, July 13, 2019 11:15 AM +0530 போடி அருகே தந்தையை தாக்கி கொலை செய்ய முயன்றவரை, போலீஸார் வெள்ளிக்கிழமை கைது செய்ய முயன்றபோது, அவர்களையும் தாக்கியதால் பரபரப்பு ஏற்பட்டது.

போடி அருகே மேலச்சொக்கநாதபுரம் வடக்கு ராஜ வீதியைச் சேர்ந்தவர் ஒண்டிவீரன் (54). இவரது மகன் பூமிநாதன் (24), அப்பகுதியில் மற்றவர்களுடன் தகராறில் ஈடுபட்டு வந்துள்ளார். இதனை ஒண்டிவீரன் கண்டித்துள்ளார்.

இதில் ஏற்பட்ட பிரச்னையில், பூமிநாதன் தனது தந்தையை கம்பால் தாக்கி கொலை செய்ய முயன்றாராம். மேலும், இதைத் தடுக்க வந்த அண்ணன் கணேசனையும் தாக்கியுள்ளார். இதில், இருவரும் பலத்த காயமடைந்தனர்.

இருவரும் போடி அரசு மருத்துவமனையில் அனுமதிக்கப்பட்டனர். இது குறித்து ஒண்டிவீரன் அளித்த புகாரின்பேரில், போடி தாலுகா காவல் நிலைய போலீஸார் பூமிநாதனை கைது செய்ய வந்தனர்.

அப்போது, சார்பு-ஆய்வாளர் தீபக், சிறப்பு சார்பு-ஆய்வாளர் முருகேசன் மற்றும் போலீஸாரை கண்டதும் பூமிநாதன் தப்ப முயன்றுள்ளார். அவரைப் பிடிக்க முயன்ற போலீஸாரையும், விலக்க முயன்ற அப்பகுதியைச் சேர்ந்த அழகர்சாமி என்பவரையும் மற்றும் இரு சக்கர வாகன ரோந்து காவலர் ரதின்குமாரையும் தாக்கி காயப்படுத்தியுள்ளார். 

இது குறித்து சிறப்பு சார்பு-ஆய்வாளர் முருகேசன் அளித்த புகாரின்பேரில், போலீஸார் பூமிநாதன் மீது பல்வேறு பிரிவுகளின் கீழ் வழக்குப் பதிந்து கைது செய்து விசாரித்து வருகின்றனர்.

]]>
https://www.dinamani.com/all-editions/edition-madurai/theni/2019/jul/13/தந்தையை-தாக்கி-கொலை-செய்ய-முயன்ற-மகன்-கைது-போலீஸார்-மீதும்-தாக்குதல்-3191624.html
3191622 மதுரை தேனி பஞ்சு மூட்டைகள் விழுந்து மூதாட்டி பலி DIN DIN Saturday, July 13, 2019 11:15 AM +0530 போடி புதூரைச் சேர்ந்தவர் வடமலைநாச்சி (65). இவர், ஊத்தாம்பாறைபுலம் கத்தாலம்பாறை என்ற பகுதியில் மல்லையன் என்பவரின் தோட்டத்தில் வேலைக்காகச் சென்றுள்ளார். வெள்ளிக்கிழமை, வேலை முடிந்து சாப்பிட்டுக் கொண்டிருந்த மூதாட்டி மீது, அடுக்கி வைத்திருந்த இலவம் பஞ்சு மூட்டைகள் சரிந்து விழுந்துள்ளன. இதில், மூதாட்டியின் தலையில் உள்காயம் ஏற்பட்டு மயங்கி விழுந்துள்ளார். உடனே, அவரை போடி அரசு மருத்துவமனையில் சேர்த்து, அங்கிருந்து மேல் சிகிச்சைக்காக தேனி க.விலக்கு அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார். ஆனால், அங்கு சிகிச்சைப் பலனின்றி வடமலைநாச்சி உயிரிழந்தார். 
     இது குறித்து அவரது மகன் செல்வம் அளித்த புகாரின்பேரில், போடி குரங்கணி போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-madurai/theni/2019/jul/13/பஞ்சு-மூட்டைகள்-விழுந்து-மூதாட்டி-பலி-3191622.html
3191621 மதுரை தேனி பள்ளிகளில் மழைநீர் சேமிப்பு அமைப்புகளை பராமரிக்க தலைமை ஆசிரியர்களுக்கு உத்தரவு DIN DIN Saturday, July 13, 2019 11:14 AM +0530 தேனி மாவட்டத்தில் அனைத்துப் பள்ளிகளிலும் மழை நீர் சேமிப்பு அமைப்புகளை பராமரித்து தயார் நிலையில் வைத்திருக்க வேண்டும் என்று, தலைமை ஆசிரியர்களுக்கு மாவட்ட ஆட்சியர் ம. பல்லவி பல்தேவ் வெள்ளிக்கிழமை உத்தரவிட்டார்.

பள்ளிக் கல்வித் துறை சார்பில், தேனி அல்லிநகரம் அரசு மேல்நிலைப் பள்ளியில்,  அரசுப் பள்ளி தலைமை ஆசிரியர்களுக்கு நடைபெற்ற பயிற்சிப் பட்டறைக்கு தலைமை வகித்து ஆட்சியர் பேசியது:     பொதுத் தேர்வில் அதிக மதிப்பெண் பெறுவது மட்டுமே மாணவர்களது வழக்கையின் வெற்றிக்கு வழிவகுக்காது. மாணவர்களின் நல்லொழுக்கம், சிந்தனைத் திறன் மேம்படுவதற்கு ஆசிரியர்கள் பயிற்சி அளிக்க வேண்டும். மாணவர்களின் தனித் திறனை கண்டறிந்து ஊக்குவிக்க வேண்டும்.      மாவட்டத்தில் அனைத்துப் பள்ளிகளிலும் மழை நீர் அமைப்புகளை பராமரித்து, ஒரு வாரத்துக்குள் தயார் நிலையில் வைத்திருக்க தலைமை ஆசிரியர்கள் நடவடிக்கை எடுக்க வேண்டும் என்றார். 

முன்னதாக, அல்லிநகரம் அரசு மேல்நிலைப் பள்ளிக்கு ஆட்சியரின் தன்விருப்ப நிதியில் இருந்து ரூ.1.85 லட்சம் மதிப்பிலான அதிநவீன தொழில்நுட்ப தொடுதிரை கருவியை ஆட்சியர் வழங்கினார்.     இந்நிகழ்ச்சியில், மாவட்ட முதன்மைக் கல்வி அலுவலர் சாமிநாதன், மருத்துவ நலப் பணிகள் இணை இயக்குநர் சரஸ்வதி, தேனி அரசு மருத்துவக் கல்லூரி மருத்துவமனை மனநல மருத்துவர் ராஜேஸ், மாவட்டக் கல்வி அலுவலர் திருநாவுக்கரசு உள்பட பலர் 
கலந்துகொண்டனர்.

]]>
https://www.dinamani.com/all-editions/edition-madurai/theni/2019/jul/13/பள்ளிகளில்-மழைநீர்-சேமிப்பு-அமைப்புகளை-பராமரிக்க-தலைமை-ஆசிரியர்களுக்கு-உத்தரவு-3191621.html
3191620 மதுரை தேனி மதுபாட்டில் விற்றவர் கைது DIN DIN Saturday, July 13, 2019 11:14 AM +0530 கூடலூர் தெற்கு காவல் நிலையப் பகுதியில் மதுபாட்டில்களை மொத்தமாக வாங்கி ஊருக்கு ஒதுக்கு புறமாக கூடுதல் விலைக்கு விற்கப்படுவதாக தகவல் கிடைத்தது. இதையடுத்து தனிப்பிரிவு போலீஸார் உதவியுடன் சார்பு ஆய்வாளர் திவான்மைதீன் வெள்ளிக்கிழமை ரோந்து சென்றார். அப்போது காஞ்சிமரத்துறை பகுதியில் ஒருவர் போலீஸாரை கண்டதும் தப்பி ஓட முயன்றார். அவரைப் பிடித்து விசாரித்த போது, அவர் வெண்டிமுத்தையா (35) என்பதும், டாஸ்மாக் கடையில் மதுபாட்டில்களை வாங்கி கூடுதல் விலைக்கு விற்பனை செய்து வருவதும் தெரிந்தது. இதைத் தொடர்ந்து அவரை கைது செய்த போலீஸார், அவர் சாக்குப் பையில் வைத்திருந்த 45 மது பாட்டில்களையும் கைப்பற்றினர்.
 

]]>
https://www.dinamani.com/all-editions/edition-madurai/theni/2019/jul/13/மதுபாட்டில்-விற்றவர்-கைது-3191620.html
3191617 மதுரை தேனி வாகனம் மோதி கூலி தொழிலாளி பலி DIN DIN Saturday, July 13, 2019 11:13 AM +0530 போடி அருகே அடையாளம் தெரியாத வாகனம் மோதியதில், கூலித் தொழிலாளி வியாழக்கிழமை இரவு உயிரிழந்தார்.
போடி முந்தல் ஆதிதிராவிடர் காலனியை சேர்ந்தவர் பாண்டி மகன் கார்த்திக் (25). இவர், போடியில் உள்ள தனியார் மாங்காய் கிட்டங்கியில் வேலை செய்து வந்தார். வியாழக்கிழமை இரவு வேலை முடிந்து தனது வீட்டுக்கு இரு சக்கர வாகனத்தில் சென்றுகொண்டிருந்தபோது, அடையாளம் தெரியாத வாகனம் மோதியதில் பலத்த காயமடைந்தார். உடனே, அவரை போடி அரசு மருத்துவமனையில் சேர்த்து, மேல் சிகிச்சைக்காக தேனி க.விலக்கு அரசு மருத்துவக் கல்லூரி மருத்துவமனையில் அனுமதித்தனர். ஆனால், அங்கு சிகிச்சைப் பலனின்றி கார்த்திக் உயிரிழந்தார். 
இது குறித்து போடி குரங்கணி போலீஸார் வழக்குப் பதிவு செய்து விசாரித்து வருகின்றனர்.
 

]]>
https://www.dinamani.com/all-editions/edition-madurai/theni/2019/jul/13/வாகனம்-மோதி-கூலி-தொழிலாளி-பலி-3191617.html
3191616 மதுரை தேனி கொடைக்கானல் அருகே 150 அடி பள்ளத்தில் லாரி கவிழ்ந்து ஓட்டுநர் பலத்த காயம் DIN DIN Saturday, July 13, 2019 11:12 AM +0530 கொடைக்கானல் அருகே வெள்ளப்பாறை பகுதியில் வெள்ளிக்கிழமை 150 அடி பள்ளத்தில் லாரி கவிழ்ந்து உருண்டதில், ஓட்டுநர் பலத்த காயமடைந்தார்.
கேரள மாநிலம், பாலக்காட்டைச் சேர்ந்தவர் பீட்டர்  (38). லாரி ஓட்டுநரான இவர், மேட்டுப்பாளையத்திலிருந்து லாரியில் தண்ணீர் பாட்டில்களை ஏற்றிக்கொண்டு கொடைக்கானலுக்கு வந்துள்ளார். வெள்ளப்பாறை அருகே வந்துகொண்டிருந்தபோது, கட்டுப்பாட்டை இழந்த லாரி 150 அடி பள்ளத்தில் கவிழ்ந்து உருண்டது. 
உடனே, அப்பகுதி மக்கள் சம்பவ இடத்துக்குச் சென்று பலத்த காயமடைந்திருந்த லாரி ஓட்டுநரை மீட்டனர். இதனிடையே, கொடைக்கானல் காவல் நிலையத்துக்கு அளிக்கப்பட்ட தகவலின்பேரில், போலீஸார் சம்பவ இடத்துக்கு வந்தனர். பின்னர், லாரி ஓட்டுநரை கொடைக்கானல் அரசு மருத்துவமனைக்கு அனுப்பி வைத்தனர். 
மேல் சிகிச்சைக்காக, தேனி க.விலக்கு அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டார். 
இது குறித்து போலீஸார் வழக்குப் பதிந்து விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/theni/2019/jul/13/கொடைக்கானல்-அருகே-150-அடி-பள்ளத்தில்-லாரி-கவிழ்ந்து-ஓட்டுநர்-பலத்த-காயம்-3191616.html
3191615 மதுரை தேனி கம்பம் பள்ளியில் நிறுவனர் நினைவு நாள் DIN DIN Saturday, July 13, 2019 11:12 AM +0530  

தேனி மாவட்டம், கம்பம் நாகமணியம்மாள் மெட்ரிக்குலேஷன் மேல்நிலைப் பள்ளி வளாகத்தில், பள்ளி நிறுவனர் எம். சுருளிவேலுச்சாமி நினைவு நாள் நிகழ்ச்சி வெள்ளிக்கிழமை நடைபெற்றது. 

பள்ளித் தாளாளர் எம்.எஸ்.எஸ். காந்தவாசன் தலைமை வகித்து, இப்பள்ளி 100 ஆண்டுகளுக்கும் மேலாக கம்பம் பகுதியில் கல்விச் சேவையாற்றி வரு நினைவு கூர்ந்தார். இணைச் செயலர் சுகன்யா காந்தவாசன், சிறந்த மாணவ, மாணவியருக்கு பரிசுகள் வழங்கினார். முன்னதாக, முதல்வர் புவனேஸ்வரி வரவேற்றார். இதில், துணை முதல்வர்கள் லோகநாதன், சரவணன் மற்றும் ஆசிரிய, ஆசிரியைகள், பெற்றோர்கள் கலந்துகொண்டனர்.

]]>
https://www.dinamani.com/all-editions/edition-madurai/theni/2019/jul/13/கம்பம்-பள்ளியில்-நிறுவனர்-நினைவு-நாள்-3191615.html
3191614 மதுரை தேனி சின்னமனூர் அருகே மின்மாற்றியை விவசாயி இயக்குவதாகப் புகார் DIN DIN Saturday, July 13, 2019 11:12 AM +0530 தேனி மாவட்டம், சின்னமனூர் அருகே உயர்மின்சாரம் செல்லும் மின்மாற்றியை விவசாயி இயக்குவதால் விபத்து ஏற்பட வாய்ப்பு இருப்பதாக, சமூக நல ஆர்வலர்கள் புகார் தெரிவித்துள்ளனர்.

குச்சனூர் முல்லைப் பெரியாற்றுச் சாலையில் கூடுதல் திறன்கொண்ட மின்மாற்றி அமைக்கப்பட்டுள்ளது. இங்கிருந்து விவசாய நிலங்கள் பயன்பெறும் வகையில் அமைக்கப்பட்ட உயர்மின்அழுத்தம்கொண்ட மின்மாற்றியை மின்வாரிய ஊழியர்கள் பராமரிப்புச் செய்யாமல், துறைசாராத விவசாயி ஒருவர் எவ்வித பாதுகாப்பு உபகரணங்களின்றி இயக்கி வருவதுடன், அவ்வப்போது பழுதுகளை சரிசெய்யும் பணியிலும் ஈடுபட்டு வருகிறார்.

இது குறித்து சமூகநல ஆர்வலர்கள் கூறியது: மின்மாற்றியில் இரவு நேரங்களில் ஏற்படும் பழுதுகளை சரிசெய்ய  மின்வாரிய ஊழியர்கள் வருவதில்லை. எனவே, தனிநபர் மூலமாக மின்மாற்றியை இயக்க அனுமதி அளித்துள்ளனர். இது அதிகாரத்தை துஷ்பிரயோகம் செய்யும் செயல் என்பதுடன், மின்சார பயன்பாட்டில் முறைகேடு ஏற்படவும் வாய்ப்புள்ளது. எனவே, இச்செயலை தடுத்து நிறுத்துவதுடன், சம்பந்தப்பட்ட மின்வாரிய ஊழியர்கள் மீது மாவட்ட நிர்வாகம் நடவடிக்கை எடுக்கவேண்டும் என, கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/theni/2019/jul/13/சின்னமனூர்-அருகே-மின்மாற்றியை-விவசாயி-இயக்குவதாகப்-புகார்-3191614.html
3191613 மதுரை தேனி தேனியில் ஜூலை 16-இல் மின்நுகர்வோர் குறைதீர் கூட்டம் DIN DIN Saturday, July 13, 2019 11:11 AM +0530 தேனி மின்வாரியச் செயற்பொறியாளர் அலுவலகத்தில் ஜூலை 16-ஆம் தேதி காலை 11 மணிக்கு மின் நுகர்வோர் குறைதீர் கூட்டம் நடைபெற உள்ளது. 
 

தேனி மின்வாரிய மேற்பார்வைப் பொறியாளர் தலைமையில் நடைபெறும் இக்கூட்டத்தில், தேனி, போடி, ராசிங்காபுரம் ஆகிய துணை மின் நிலையங்கள் மூலம் மின் விநியோகம் பெறும் பகுதிகளைச் சேர்ந்த பொதுமக்கள் கலந்துகொண்டு, மின் விநியோகத்தில் உள்ள குறைபாடுகள், புதிய மின் இணைப்பு பெறுவதில் உள்ள சிரமம் ஆகியன குறித்து மனு அளித்து தீர்வு காணலாம் என்று, தேனி மின்வாரியச் செயற்பொறியாளர் ந. கணேஷ்குமார் தெரிவித்துள்ளார்.

]]>
https://www.dinamani.com/all-editions/edition-madurai/theni/2019/jul/13/தேனியில்-ஜூலை-16-இல்-மின்நுகர்வோர்-குறைதீர்-கூட்டம்-3191613.html
3191612 மதுரை தேனி பெரியகுளத்தில் தலைக்கவசம் அணிந்து வந்த வாகன ஓட்டிகளுக்கு போலீஸார் பாராட்டு DIN DIN Saturday, July 13, 2019 11:11 AM +0530 பெரியகுளத்தில் தலைக்கவசம் அணிந்து இருசக்கர வாகனங்களை ஓட்டி வந்தவர்களுக்கு போக்குவரத்து போலீஸார் வியாழக்கிழமை இனிப்புகளை வழங்கி பாராட்டினர்.
இருசக்கர வாகன ஓட்டிகள் தலைக்கவசம் அணிய வேண்டும் என நீதிமன்றம் அறிவுறுத்தியுள்ளது. அதன்படி தேனி மாவட்டத்தில் பல்வேறு பகுதிகளில் தலைக்கவசம் அணிந்து இருசக்கர வாகனங்களை ஓட்டி வருபவர்களுக்கு போக்குவரத்து போலீஸார் பாராட்டி வாழ்த்துகளை தெரிவித்து வருகின்றனர். அதன்படி பெரியகுளம் பகுதியில் வியாழக்கிழமை மூன்றாந்தல் வழியாக தலைக்கவசம் அணிந்து இருசக்கர வாகனத்தில் சென்றவர்களுக்கு போக்குவரத்து காவல் சார்பு ஆய்வாளர் ஞானபண்டித நேரு தலைமையிலான போலீஸார் இனிப்புகளை வழங்கி பாராட்டுக்களைத் தெரிவித்தனர். 
மேலும் தலைக்கவசம் அணியாமல் வந்த இருசக்கர வாகன ஓட்டிகளுக்கு அறிவுரை கூறி அனுப்பி வைத்தனர்.

]]>
https://www.dinamani.com/all-editions/edition-madurai/theni/2019/jul/13/பெரியகுளத்தில்-தலைக்கவசம்-அணிந்து-வந்த-வாகன-ஓட்டிகளுக்கு-போலீஸார்-பாராட்டு-3191612.html
3190647 மதுரை தேனி தற்கொலை வழக்கில் ராயப்பன்பட்டி காவல் நிலையம் முதலிடம்! DIN DIN Friday, July 12, 2019 08:03 AM +0530 தேனி மாவட்டம் ராயப்பன்பட்டி காவல் நிலையத்தில் கடந்த 6 மாதங்களில் 24 தற்கொலை வழக்குகள் பதிவு செய்யப்பட்டு முதலிடத்தை பிடித்துள்ளது. எனவே இந்த காவல் நிலையத்துக்கு உட்பட்ட பகுதி மக்களுக்கு மனநல ஆலோசனை வழங்க வேண்டுமென பொதுமக்கள் கோரிக்கை விடுத்துள்ளனர்.  
  முற்றிலும் கிராமப்புறங்களை கொண்டுள்ள ராயப்பன்பட்டி காவல் நிலைய எல்லைக்கு உள்பட்ட பகுதியில் சின்ன ஓவுலாபுரம், ஆனைமலையன்பட்டி, ராயப்பன்பட்டி, அணைப்பட்டி, காமயகவுண்டன்பட்டி, நாராயணத்தேவன்பட்டி, சுருளிப்பட்டி, சுருளி அருவி பகுதிகள் உள்ளன. இங்குள்ள மக்களில் பெரும்பாலோனோர் விவசாயத்தையே நம்பி உள்ளனர். கடந்த சில ஆண்டுகளாக போதிய மழை பொழிவு இல்லாததால் அருகே கேரள மாநிலத்தில் உள்ள ஏலக்காய் தோட்டங்களுக்கு இப்பகுதி மக்கள் நாள்தோறும் கூலி வேலைக்கு சென்று வருகின்றனர். இவர்கள் சிறு சிறு பிரச்னைகளுக்கு கூட தற்கொலை தான் தீர்வு என கருதுகின்றனர். இதனை தடுக்க காவல் துறையினர் நடவடிக்கை எடுக்க வேண்டுமென பொதுமக்கள் கோரிக்கை விடுக்கின்றனர்.      கடந்த வாரம் நடைபெற்ற தேனி மாவட்ட காவல் நிலைய குற்றத் தடுப்பு நடவடிக்கை பற்றிய ஆய்வு கூட்டத்தில் கடந்த ஜனவரி மாதம் முதல் ஜூன் மாதம் வரை 24 தற்கொலை வழக்குகள் ராயப்பன்பட்டி காவல் நிலையத்தில் பதிவு செய்யப்பட்டுள்ளதாக தெரிவிக்கப்பட்டது. இது மட்டும் அல்லாமல் கொலை வழக்குகள், விபத்து மரணங்கள், போக்ஸோ சட்டத்தின் கீழ் அதிக அளவிலான வழக்குகளும் பதிவு செய்யப்பட்டு மாவட்டத்திலேயே முதல் காவல் நிலையமாக உள்ளது. மேலும் சுருளி அருவி பூசாரி கொலை வழக்கும் நீண்ட காலமாக நிலுவையில் இருந்து வருகிறது. 
தற்கொலைக்கான காரணம் 
 கிராமப் பகுதி என்பதால் ஆண்களும், பெண்களும் உடனுக்குடன், உணர்ச்சி வசப்பட்டு தற்கொலை முடிவுகளை எடுக்கின்றனர். கந்து வட்டிக்கொடுமை, காதலுக்கு எதிர்ப்பு, வேலையின்மை, வறட்சி போன்ற நிகழ்வுகளால் தற்கொலை நிகழ்வுகள் அதிகரித்துள்ளன. இதுமட்டுமல்லாமல் ஒருசிலர் சிறு பிரச்னைகளுக்காக தற்கொலை செய்து கொள்வதும் போலீஸாரின் விசாரணையின் போது தெரியவருகிறது.
மனநல ஆலோசனை:
இது குறித்து வழக்குரைஞர் கே.மாரிச்செல்வம் கூறியது: சாலை விபத்துகளைத்  தவிர்க்க பல்வேறு விழிப்புணர்வு ஊர்வலங்கள், கருத்தரங்குகள் நடத்தும் காவல் துறையினர், கிராமப்புற பகுதி மக்களிடையே, தற்கொலை செய்து கொள்ளும் எண்ணத்தை தடுக்கவும் தன்னார்வ தொண்டு நிறுவனங்கள், தனியார் அமைப்புகள் மூலம் விழிப்புணர்வு ஏற்படுத்த வேண்டும். இதனால் தற்கொலைகளின் எண்ணிக்கை நிச்சயமாக குறையும். மேலும் காவல் நிலையங்களில் பொதுமக்கள் கொடுக்கும் புகார் மனுக்களின் உண்மை தன்மையையும் ஆய்வு செய்து உடனுக்குடன் நடவடிக்கை எடுப்பதும், தற்கொலை எண்ணங்களை மக்களிடையே தவிர்க்கும் என்றார்.

]]>
https://www.dinamani.com/all-editions/edition-madurai/theni/2019/jul/12/தற்கொலை-வழக்கில்-ராயப்பன்பட்டி-காவல்-நிலையம்-முதலிடம்-3190647.html
3190646 மதுரை தேனி தேனி மீறு சமுத்திரம் கண்மாயில் ரூ. 4.40 கோடியில் தூர்வாரும் பணி DIN DIN Friday, July 12, 2019 08:03 AM +0530 தேனி மீறு சமுத்திரம் கண்மாயில் குடிமராமத்துத் திட்டத்தின் கீழ் விவசாயிகளின் பங்களிப்புடன் ரூ.4.40 கோடி செலவில் தூர்வாரும் பணிகள் நடைபெற்று வருகிறது.
    தேனியில் 120 ஏக்கர் பரப்பளவு உள்ள மீறு சமுத்திரம் நகரின் முக்கிய நிலத்தடி நீராதாரமாக உள்ளது. பொதுப் பணித் துறை கட்டுப்பாட்டில் உள்ள மீறு சமுத்திரம் கண்மாயில் ஆண்டு முழுவதும் தண்ணீர் தேங்கிக் காணப்படும். இக்கண்மாயில் இருந்து மறுகால் பாயும் தண்ணீர், ராஜவாய்க்கால் வழியாக தேனி - மதுரை சாலையில் உள்ள செங்குளம் கண்மாய்க்கு  கொண்டு செல்லப்படும். 
    மீறு சமுத்திரம் கண்மாயில் தற்போது குடிமராமத்துப் பணிகள் திட்டத்தின் கீழ் விவசாயிகள் பங்களிப்புடன் ரூ. 4.40 கோடி செலவில் தூர்வாரப்பட்டு வருகிறது. கண்மாய் கரைகளை பலப்படுத்தி, 3 இடங்களில் செயற்கை நிலத்தடி நீர் செறிவூட்டும் கிணறுகள் அமைக்கப்பட்டு வருகிறது.
ராஜ வாய்க்காலை தூர்வார வலியுறுத்தல்
மீறு சமுத்திரம் கண்மாயில் இருந்து செங்குளம் கண்மாய் வரை உள்ள ராஜவாய்க்கால், தேனி-கம்பம்  சாலையில் நகராட்சி பழைய பேருந்து நிலையம், சுப்பன்தெரு, சோலைமலை அய்யனார் கோயில் தெரு ஆகிய  பகுதிகளில் ஆக்கிரமிப்பாலும், மண் மேவியும் தண்ணீர் வடிந்து செல்ல முடியாத நிலையில் உள்ளது.
    ராஜவாய்க்கால்  ஆக்கிரமிப்பை அகற்றி, தூர்வாராததால் மழைகாலத்தில் இந்த வாய்க்கால் வழியாக வெளியேறும் தண்ணீர்  இப்பகுதிகளில் சாலையில் தேங்கி நிற்பதையும், குடியிருப்புகளுக்குள் புகுவதையும் தடுப்பதற்காக தற்போது ராஜவாய்க்கால் தண்ணீர், நகராட்சி பழைய பேருந்து நிலையம் பகுதியிலிருந்து பள்ளிவாசல் தெரு வழியாக கொட்டகுடி ஆற்றுக்கு திருப்பி விடப்பட்டுள்ளது.
தேனியில் நிலத்தடி நீர்மட்டத்தை பராமரிக்கவும், மழை நீரை சேமிப்பதற்கும் வாய்ப்பாக மீறு சமுத்திரம் கண்மாய் குடிமராமத்துப் பணி திட்டத்தின் கீழ், ராஜவாய்க்காலை தூர்வாரி அதன் இயல்பான நீர் வழித் தடத்தில் தண்ணீர் கொண்டு செல்லவும், மீறு சமுத்திரம் கண்மாயில் முழு கொள்ளளவில் தண்ணீர் தேக்குவதற்கு வாய்ப்பாக அங்கு ஏற்படுத்தப்பட்டுள்ள விவசாய ஆக்கிரமிப்புகளை அகற்றவும் மாவட்ட நிர்வாகம் நடவடிக்கை எடுக்க வேண்டும் என்று பொதுமக்கள் வலியுறுத்தியுள்ளனர்.
 

]]>
https://www.dinamani.com/all-editions/edition-madurai/theni/2019/jul/12/தேனி-மீறு-சமுத்திரம்-கண்மாயில்-ரூ-440-கோடியில்-தூர்வாரும்-பணி-3190646.html
3190645 மதுரை தேனி கம்பத்தில் விவசாயிகள் சங்கத்தினர் ஆர்ப்பாட்டம் DIN DIN Friday, July 12, 2019 08:02 AM +0530 தேனி மாவட்டத்தில் உள்ள நீர்வழித்தட ஆக்கிரமிப்புகளை அகற்றக் கோரி கம்பத்தில் விவசாயிகள் சங்கத்தினர் வியாழக்கிழமை ஆர்ப்பாட்டத்தில் ஈடுபட்டனர்.
தேனி மாவட்டம் கம்பம் ஏ.கே.ஜி. திடலில் நடைபெற்ற ஆர்ப்பாட்டத்துக்கு தமிழ்நாடு விவசாயிகள் சங்க ஒன்றியச் செயலாளர் எஸ்.கான் தலைமை வகித்தார். மாவட்ட தலைவர் ராமர், ஒன்றியத் 
தலைவர் பாண்டி ஆகியோர் முன்னிலை வகித்தனர். ஆர்ப்பாட்டத்தை மாவட்டச் செயலாளர் காசிவிசுவநாதன் தொடங்கி வைத்தார். 
ஏ.ஐ.டி.யூ.சி. செயலாளர் அஜ்மல்கான், இந்திய கம்யூனிஸ்ட் கட்சி மாவட்ட செயலாளர் பெத்தாட்சி ஆசாத் ஆகியோர் நீண்ட காலமாக தூர்வாரமல் இருக்கும் கண்மாய், குளங்களை தூர்வாரவும், சிறு, குறு விவசாயிகளுக்கு உரம், மானியம் வழங்க மெத்தனம் காட்டும், மாவட்ட நிர்வாகத்தை கண்டித்தும் பேசினர். 
ஆர்ப்பாட்டத்தில் ஏராளமான  விவசாய சங்கத்தினர்  கலந்து கொண்டனர்.

]]>
https://www.dinamani.com/all-editions/edition-madurai/theni/2019/jul/12/கம்பத்தில்-விவசாயிகள்-சங்கத்தினர்-ஆர்ப்பாட்டம்-3190645.html
3190644 மதுரை தேனி ஆண்டிபட்டி அருகே மதுபானம் விற்ற 2 பேர் கைது DIN DIN Friday, July 12, 2019 08:02 AM +0530 ஆண்டிபட்டி அருகே சட்ட விரோதமாக மதுபானங்களை வீட்டில் பதுக்கி விற்ற இருவரை போலீஸார் வியாழக்கிழமை கைது செய்தனர்.
ஆண்டிபட்டி தாலுகாவில் சட்ட விரோத மதுவிற்பனை அதிகளவில் நடைபெற்று வருகிறது. இதனையடுத்து போலீஸார் தீவிர கண்காணிப்பு பணியில் ஈடுபட்டு வருகின்றனர். இந்நிலையில் கண்டமனூர் காவல் நிலையத்துக்குள்பட்ட கோவிந்தநகரம் பகுதியில் ஒருவர் மதுபாட்டில்களை வீட்டில் பதுக்கி வைத்து விற்பதாக போலீஸாருக்கு தகவல் கிடைத்தது. அங்கு சென்ற போலீஸார், சோனைமுத்து என்பவரின் வீட்டில்  மதுபாட்டில்கள் பதுக்கி வைத்திருந்ததை கண்டுபிடித்தனர். இதனையடுத்து அங்கிருந்த 10 மதுபாட்டில்களை பறிமுதல் செய்த போலீஸார் இதுகுறித்து வழக்குப் பதிந்து சோனைமுத்துவை கைது செய்து விசாரணை நடத்தி வருகின்றனர்.
வருசநாடு அருகே கோம்பைத்தொழு பகுதியில் கடமலைக்குண்டு போலீஸார் ரோந்து பணியில் ஈடுபட்டிருந்தனர். அப்போது பேருந்து நிலையப் பகுதியில் சட்ட விரோதமாக மதுவிற்பனை செய்து கொண்டிருந்தவரை போலீஸார் பிடித்து விசாரணை நடத்தினர். அதில் அவர் அதே ஊரைச் சேர்ந்த பவுன் என்பது தெரியவந்தது. 
மேலும் அவரிடமிருந்து 10 மதுபாட்டில்களை பறிமுதல் செய்த போலீஸார் இதுகுறித்து வழக்குப்பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/theni/2019/jul/12/ஆண்டிபட்டி-அருகே-மதுபானம்-விற்ற-2-பேர்-கைது-3190644.html
3190643 மதுரை தேனி காமாட்சிபுரத்தில் மக்கள் தொடர்பு முகாம் DIN DIN Friday, July 12, 2019 08:02 AM +0530 பெரியகுளம் அருகே ஏ.காமாட்சிபுரத்தில் புதன்கிழமை மக்கள் தொடர்பு முகாம் நடைபெற்றது. 
 இம்முகாமில் 101 பயனாளிகளுக்கு ரூ. 31.72 லட்சம் மதிப்பிலான நலத்திட்ட உதவிகளை மாவட்ட ஆட்சியர் ம.பல்லவி பல்தேவ் வழங்கினார்.   அப்போது அவர், கருவுற்ற தாய்மார்கள் தங்களுக்கும் குழந்தைகளுக்கும் தவறாமல் தடுப்பூசி போடவேண்டும். பெண்கள் குறைந்த பட்ச கல்வி கற்பதன் மூலம் தங்களது எதிர்காலத்திற்கு தேவையான சுயதொழில் கற்று நிலையான வருவாய் ஈட்டலாம் என்றார்.
  இந்நிகழ்ச்சியில் மாவட்ட ஊரக வளர்ச்சி முகமையின் திட்ட இயக்குநர் பா.திலகவதி, பெரியகுளம் வருவாய் கோட்டாட்சியர் ச.ஜெயப்பிரிதா, கால்நடை பாராமரிப்புத்துறை இணை இயக்குநர் பி.ராமர் உள்ளிட்டோர்  கலந்து கொண்டனர்.

]]>
https://www.dinamani.com/all-editions/edition-madurai/theni/2019/jul/12/காமாட்சிபுரத்தில்-மக்கள்-தொடர்பு-முகாம்-3190643.html
3190642 மதுரை தேனி மதுபோதையில் வீட்டுக்கு தீ வைத்த இளைஞர் கைது DIN DIN Friday, July 12, 2019 08:01 AM +0530 வீரபாண்டி அருகே தந்தை செலவுக்கு பணம் தர மறுத்ததால் புதன்கிழமை இரவு வீட்டிற்கு தீ வைத்த இளைஞரை போலீஸார் கைது செய்தனர். 
லட்சுமிபுரத்தைச் சேர்ந்தவர் ரெங்கசாமி மகன் வேல்முருகன் (33). இவர், மது அருந்தி விட்டு வந்து செலவுக்கு பணம் கேட்டு தனது தந்தை ரெங்கசாமியை அடிக்கடி தொந்தரவு செய்து வருவாராம். இந்த நிலையில், ரெங்கசாமி பணம் தர மறுத்ததால் ஆத்திரமடைந்த வேல்முருகன், புதன்கிழமை இரவு வீட்டுக்கு தீ வைத்ததாகக் கூறப்படுகிறது. இதில், வீட்டில் இருந்த கட்டில், மேஜை உள்ளிட்ட பொருள்கள் எரிந்து சேதமடைந்தன.
இந்தச் சம்பவம் குறித்து ரெங்கசாமி அளித்த புகாரின் பேரில் வீரபாண்டி காவல் நிலைய போலீஸார் வழக்குப் பதிந்து, வேல்முருகனை கைது செய்தனர்.

]]>
https://www.dinamani.com/all-editions/edition-madurai/theni/2019/jul/12/மதுபோதையில்-வீட்டுக்கு-தீ-வைத்த-இளைஞர்-கைது-3190642.html
3190641 மதுரை தேனி குளங்கள், ஏரி மராமத்துப் பணிகளை ஒழுங்குபடுத்த  ஐந்து மாவட்ட  விவசாயிகள் சங்கத்தினர் கோரிக்கை DIN DIN Friday, July 12, 2019 08:01 AM +0530 தேனி உள்ளிட்ட 5 மாவட்டங்களில் உள்ள ஏரி, கண்மாய், குளங்களை முறையாக பராமரிக்க ஒருங்கிணைந்த ஐந்து மாவட்டபெரியாறு,  வைகை பாசன விவசாயிகள் சங்கத்தினர் தமிழக அரசுக்கு கோரிக்கை விடுத்துள்ளனர்.  
முல்லைப் பெரியாறு பாசனத்தில் உள்ள தேனி உள்ளிட்ட  5 மாவட்டங்களில் உள்ள ஏரி, கண்மாய், குளங்களில் தற்போது தூர்வாரும் பணிகளை தொடங்க அந்தந்த மாவட்ட ஆட்சியர் அறிவிப்பு செய்துள்ளனர்.  அதன் பேரில், சிலர் தூர்வாரி மண்ணை விற்பனை செய்கின்றனர். ஆனால் மண் விவசாய நிலங்களுக்கு மட்டுமே கொடுக்கப்பட வேண்டும்.
ஒரு குளத்தை தூர்வாரினால், அதில் கிடைக்கக் கூடிய வண்டல் மண், அந்த குளம் சார்ந்த பாசனப் பகுதிகளுக்கே முழுமையாகப் பயன்பட வேண்டும். அதன் மூலம் கிடைக்கக்கூடிய வருவாய் மூலம் அந்த குளத்தை முழுமையாகத் தூர்வாரி, வரத்துக் கால்வாய்களையும் சீர் செய்து, கரைகளை பலப்படுத்த முடியும்.
இதை முறைப்படுத்த சம்பந்தப்பட்ட குளத்தில் பாசனதாரர்களிடம்,  தூர்வாரும்  பணியை ஒப்படைத்து, தனி அலுவலரை நியமித்து கண்காணிக்கலாம்.  தற்போது குளத்தில் தூர்வாரி கிடைக்கும் வண்டல் மண்ணை,  விவசாயத்திற்குப் முறையாக பயன்படுத்தாமல் வெளியிடங்களுக்கு கொண்டு செல்கின்றனர்.
இந்த முறைகேட்டை தடுக்க தமிழக முதல்வர், துணை முதல்வர், பொதுப்பணித்துறை அமைச்சர் ஆகியோர், மாவட்ட ஆட்சியர்களுக்கு உத்தரவிட்டு கடும் நடவடிக்கை எடுக்க வேண்டும் என்று கோரிக்கை மனுக்கள் அனுப்பியுள்ளனர்.

]]>
https://www.dinamani.com/all-editions/edition-madurai/theni/2019/jul/12/குளங்கள்-ஏரி-மராமத்துப்-பணிகளை-ஒழுங்குபடுத்த-ஐந்து-மாவட்ட--விவசாயிகள்-சங்கத்தினர்-கோரிக்கை-3190641.html
3190640 மதுரை தேனி போடியில் ஜூலை 15 இல் மின்தடை DIN DIN Friday, July 12, 2019 08:01 AM +0530 போடி துணை மின் நிலையத்தில் ஜூலை 15 ஆம் தேதி மாதாந்திர பராமரிப்பு பணி நடைபெற உள்ளது.
 எனவே, அன்றைய தினம் காலை 9.45 மணி முதல் பிற்பகல் 4.45 மணி வரை போடி, போ.அணைக்கரைப்பட்டி, போ.மீனாட்சிபுரம், குரங்கணி ஆகிய பகுதிகளில் மின் விநியோகம் நிறுத்தப்படும் என்று தேனி மின் வாரிய செயற்பொறியாளர் ந.கணேஷ்குமார் தெரிவித்துள்ளார்.

]]>
https://www.dinamani.com/all-editions/edition-madurai/theni/2019/jul/12/போடியில்-ஜூலை-15-இல்-மின்தடை-3190640.html
3190639 மதுரை தேனி காணாமல் போனவர்களை கண்டுபிடிக்க கம்பத்தில் சிறப்பு முகாம் DIN DIN Friday, July 12, 2019 08:00 AM +0530 தேனி மாவட்டம் உத்தமபாளையம் காவல் துணைக் கோட்ட அளவில் காணாமல் போன 40 பேர்களை கண்டுபிடிக்க சிறப்பு முகாம் கம்பம் வடக்கு காவல் நிலையத்தில் வியாழக்கிழமை நடைபெற்றது.
உத்தமபாளையம் காவல் உட்கோட்டத்தில் கடந்த 2010  ஆம் ஆண்டிலிருந்து  இதுவரை 40  பேர் காணாமல் போனதாக காவல் நிலையங்களில் புகார் பதிவு செய்யப்பட்டுள்ளது. 
இதில் ஆண்கள் -27, பெண்கள் - 9, சிறுவர் - 2, சிறுமியர் - 2 பேர் அடங்குவர்.
இவர்களை கண்டுபிடிப்பதற்காக நடைபெற்ற முகாமுக்கு காவல் துணைக் கண்காணிப்பாளர் அ.வீரபாண்டி தலைமை வகித்தார். காவல் ஆய்வாளர்கள் எம்.வி.ஆர். பொன்னிவளவன், டி.முருகன், சார்பு ஆய்வாளர்கள் கே. ஜெய்கணேஷ், முனியம்மாள், வினோத்ராஜா, முத்துச்செல்வன் மற்றும் காணாமல் போனவர்களின் குடும்பத்தினர், உறவினர்கள், நண்பர்கள் கலந்து கொண்டனர்.
இதுகுறித்து காவல் துணைக் கண்காணிப்பாளர் அ.வீரபாண்டி கூறியது:
 காணாமல் போனவர்களின் கூடுதல் விவரங்களை அவர்களது உறவினர்களிடம் கேட்டறிந்து, தன்னார்வ தொண்டு நிறுவனங்கள், காப்பகங்களில் பராமரிக்கப்பட்டு வருபவர்கள் மற்றும் வெளி மாவட்ட, மாநிலங்களில் விபத்தில் அடையாளம் தெரியாமல் இறந்தவர்களின் புகைப்படங்கள் அவர்களுக்கு கணினி மூலம் காட்டப்பட்டது. 
இந்த முகாம் மூலம்  மூன்று பேரின் இருப்பிடங்கள் உறுதிப்படுத்தப்பட்டுள்ளது. அவர்களை கண்டுபிடித்து உரியவர்களிடம்  ஒப்படைக்க நடவடிக்கை மேற்கொள்ளப்படும் என்றார்.

]]>
https://www.dinamani.com/all-editions/edition-madurai/theni/2019/jul/12/காணாமல்-போனவர்களை-கண்டுபிடிக்க-கம்பத்தில்-சிறப்பு-முகாம்-3190639.html
3190638 மதுரை தேனி கம்பம் அரசு மருத்துவமனையில் ரத்த வங்கியை செயல்படுத்தக் கோரிக்கை DIN DIN Friday, July 12, 2019 08:00 AM +0530 தேனி மாவட்டம், கம்பம் அரசு மருத்துவமனையில் ரத்த வங்கியை செயல்படுத்த பொதுமக்கள் கோரிக்கை விடுத்துள்ளனர்.
கம்பம் அரசு மருத்துவமனை தற்போது பல்வேறு வசதிகளுடன் செயல்பட்டு வருகிறது. விபத்து மற்றும் மகப்பேறு சிகிச்சைகளுக்காக ரத்த வங்கி அமைக்க கோரிக்கை வைக்கப்பட்டு, தற்போது ரத்த வங்கி பிரிவு தனி கட்டடத்தில் அமைக்கப்பட்டு, அதற்கான மருத்துவர், செவிலியர் மற்றும் ஆய்வக ஊழியர்கள் நியமிக்கப்பட்டுள்ளனர்.        
ஆனால், ஓராண்டுக்கு மேலாகியும் ரத்த வங்கி நடைமுறைக்கு வரவில்லை. இது குறித்து மருத்துவமனை ஊழியர் ஒருவர் கூறியது: ரத்த வங்கி அமைக்கப்பட்டு, அதற்கான உபகரணங்கள், பணியாளர்கள் நியமிக்கப்பட்டு, இயக்குநருக்கு தகவல் தெரிவிக்கப்பட்டுள்ளது. ஆனால், இதை இன்னும் செயல்பாட்டுக்கு கொண்டு வர அனுமதி கிடைக்கவில்லை. இதனால், விபத்து மற்றும் அவசர சிகிச்சை, மகப்பேறு சிகிச்சைகளுக்காக தேனி மருத்துவக் கல்லூரி மருத்துவமனை மூலம் ரத்தம்  பெறப்பட்டு, நோயாளிகளுக்கு வழங்கப்பட்டு வருகிறது என்றார்.      
இது குறித்து சமூக நல ஆர்வலர் பொன். காட்சிக்கண்ணன் கூறியது: கம்பம் அரசு மருத்துவமனை மாவட்ட மருத்துவமனைக்கு இணையாக உள்ள நிலையில், ரத்த வங்கியின் சேவை அவசியமாகிறது. எனவே மாவட்ட நிர்வாகம் கம்பம் அரசு மருத்துவமனையில் ரத்த வங்கி செயல்பட நடவடிக்கை எடுக்க வேண்டும் என்றார்.

]]>
https://www.dinamani.com/all-editions/edition-madurai/theni/2019/jul/12/கம்பம்-அரசு-மருத்துவமனையில்-ரத்த-வங்கியை-செயல்படுத்தக்-கோரிக்கை-3190638.html
3190637 மதுரை தேனி தேனி மாவட்டத்தில் 4 குறு வட்டங்களில் நிலத்தடி நீர்மட்டம் வெகுவாக பாதிப்பு: ஆய்வில் தகவல் DIN DIN Friday, July 12, 2019 08:00 AM +0530 தேனி மாவட்டத்தில் ஆண்டிபட்டி, உத்தமபாளையம் ஆகிய வட்டாரங்களில் உள்ள 4 குறுவட்டப் பகுதிகளில் நிலத்தடி நீர்மட்டம் வெகுவாக பாதிக்கப்பட்டிருப்பது ஜல் சக்தி அபியான் ஆய்வில் தெரியவந்துள்ளது.
இது குறித்து  மாவட்ட ஆட்சியர் ம.பல்லவி பல்தேவ் புதன்கிழமை செய்தியாளர்களிடம் கூறியது: மத்திய அரசின் ஜல் சக்தி 
அபியான் இயக்கம் மூலம் மழை நீர் சேகரிப்பு, தண்ணீர் பாதுகாப்பு போன்ற நீர் நிலை மேலாண்மைப் பணிகள் மேற்கொள்ளப்பட உள்ளன. ஊரக வளர்ச்சித் துறை, வேளாண்மைத் துறை,  பொதுப் பணித்துறை, சுற்றுச் சூழல் மற்றும் வனத் துறை, உள்ளாட்சி அமைப்புகள் ஆகியவை ஒருங்கிணைந்து இப்பணிகளை மேற்கொள்ள உள்ளனர்.இது தொடர்பாக ஜல் சக்தி அபியான் இயக்கம் மேற்கொண்ட ஆய்வில், தமிழகத்தில் ஊரகப் பகுதிகளில் 297 வருவாய் குறுவட்டப் பகுதிகள், நகர் பகுதிகளில் 244 வருவாய் குறுவட்டப் பகுதிகளில் நிலத்தடி நீர்மட்டம் வெகுவாக பாதிக்கப்பட்டிருப்பது கண்டறியப்பட்டுள்ளது. 
இதில், தேனி மாவட்டத்தில் ஆண்டிபட்டி வட்டாரத்தில் உள்ள கண்டமனூர், ராஜதானி ஆகிய குறுவட்டப் பகுதிகளிலும், உத்தமபாளையம் வட்டாரத்தில் தேவாரம், எரசக்கநாயக்கனூர் ஆகிய குறுவட்டப் பகுதிகளிலும் நிலத்தடி நீர்மட்டம் வெகுவாக பாதிக்கப்பட்டுள்ளது என்று தெரிவிக்கப்பட்டுள்ளது. 
ஜல் சக்தி அபியான் இயக்கம் மூலம் வரும் 2024 ஆம் ஆண்டிற்குள் அனைத்து தெருக்கள் மற்றும் வீடுகளில் பொதுக் குழாய் மற்றும் தனி நபர் குழாய் இணைப்புகள் மூலம் குடிநீர் வழங்கும் திட்டம் செயல்படுத்தப்பட உள்ளது. 
ஜல் சக்தி அபியான் திட்டப் பணிகள் செயல்படுத்தப்படுவதை கண்காணிக்க மத்திய அரசால் பொறுப்பு அலுவலர்கள் மற்றும்  தொழில்நுட்ப அலுவலர்கள் நியமிக்கப்பட்டுள்ளனர் என்றார்.
 

]]>
https://www.dinamani.com/all-editions/edition-madurai/theni/2019/jul/12/தேனி-மாவட்டத்தில்-4-குறு-வட்டங்களில்-நிலத்தடி-நீர்மட்டம்-வெகுவாக-பாதிப்பு-ஆய்வில்-தகவல்-3190637.html
3190636 மதுரை தேனி ஆண்டிபட்டி அருகே வீட்டின் பூட்டை உடைத்து 16 பவுன் நகைகள், 560 கிராம் வெள்ளிப் பொருள்கள் திருட்டு DIN DIN Friday, July 12, 2019 08:00 AM +0530 ஆண்டிபட்டி அருகே அரசுப் பள்ளி ஆசிரியர் வீட்டின் பூட்டை உடைத்து 16 பவுன் தங்க நகைகள் மற்றும் 560 கிராம்  வெள்ளிப் பொருள்களை புதன்கிழமை இரவு மர்ம நபர்கள் திருடிச் சென்றது குறித்து போலீஸார் விசாரணை நடத்தி வருகின்றனர்.
தேனி மாவட்டம் ஆண்டிபட்டி அருகே உள்ள குன்னூர் கிராமத்தைச் சேர்ந்தவர் அசோகன் (42). இவர் ஆண்டிபட்டியில் எரிவாயு உருளை விற்பனை செய்யும் நிறுவனம் நடத்தி வருகிறார். இவருடைய மனைவி ஷீலாபிரியா விழுப்புரத்தில்  உள்ள அரசு பள்ளியில் ஆசிரியராக பணிபுரிந்து வருகிறார். இவர்களுக்கு 2 மகள்களும், ஒரு மகனும் உள்ளனர். 
இவர்கள் தேனியில் உள்ள தனியார் பள்ளியில் படித்து வருகின்றனர். இவர்களுக்கு  சொந்தமான வீடு தேனி - மதுரை தேசிய நெடுஞ்சாலையில் உள்ளது. அங்கு அசோகன் குடும்பத்துடன் வசித்து வருகிறார். இந்நிலையில் அசோகன் கடந்த சில தினங்களுக்கு முன்பு கோவைக்கு சென்றுள்ளார். அப்போது தனது குழந்தைகளை அதே பகுதியில் உள்ள பெற்றோர்கள் வீட்டில் தங்க வைத்து விட்டு சென்றார். 
இந்நிலையில் வியாழக்கிழமை காலையில் வீட்டின் பூட்டு உடைக்கப்பட்டு இருப்பதை கண்ட அக்கம்பக்கத்தினர் போலீஸாருக்கு தகவல் தெரிவித்தனர். இதையடுத்து அங்கு வந்து போலீஸார் மேற்கொண்ட விசாரணையில் வீட்டின் பூட்டை உடைத்து பீரோவில் வைத்திருந்த 16 பவுன் தங்க நகைகள் மற்றும் 560 கிராம் எடையுள்ள வெள்ளிப் பொருள்களை மர்ம நபர்கள் திருடிச் சென்றது தெரியவந்தது. 
இதுகுறித்து க.விலக்கு போலீஸார் வழக்குப் பதிவு செய்து விசாரித்து வருகின்றனர்.

]]>
https://www.dinamani.com/all-editions/edition-madurai/theni/2019/jul/12/ஆண்டிபட்டி-அருகே-வீட்டின்-பூட்டை-உடைத்து-16-பவுன்-நகைகள்-560-கிராம்-வெள்ளிப்-பொருள்கள்-திருட்டு-3190636.html
3190044 மதுரை தேனி பாலியல் தொல்லைகளை தெரிவிக்க ராயப்பன்பட்டி பள்ளிகளில் புகார் பெட்டி DIN DIN Thursday, July 11, 2019 08:39 AM +0530 தேனி மாவட்டம் ராயப்பன்பட்டி காவல் நிலையப் பகுதிகளில் உள்ள பள்ளிகளில் மாணவிகள் பாலியல் தொல்லை, குழந்தை திருமணம் போன்ற பிரச்னைகளை தெரிவிக்க ஏதுவாக புகார் பெட்டிகள் வைக்கப்படும் என போலீஸார் தெரிவித்தனர்.
     தேனி மாவட்டம் ராயப்பன்பட்டி புனித ஆக்னஸ் பெண்கள் மேல்நிலைப்பள்ளியில் போக்ஸோ சட்டம் பற்றிய விழிப்புணர்வு நிகழ்ச்சி புதன்கிழமை நடைபெற்றது. பள்ளி தலைமை ஆசிரியை நிர்மலா தலைமை வகித்தார். ராயப்பன்பட்டி காவல் நிலைய சார்பு- ஆய்வாளர் கே.ஜெய்கணேஷ் கலந்து கொண்டு மாணவிகளிடம் போக்ஸோ சட்டம் பற்றி பேசினார். மேலும் மாணவிகள் தங்களுக்கு பாலியல் தொல்லைகள் நேர்ந்தால் அதுகுறித்து எழுதி புகார் பெட்டியில் போடலாம்.  அல்லது பெட்டியில் உள்ள தொலைபேசி எண்ணிற்கு தகவல் தெரிவிக்கலாம். மாணவியின் பெயர் வெளியில் தெரிவிக்கப்படாது என்றார்.
    பின்னர் பள்ளி வளாகத்தில் புகார் பெட்டி வைக்கப்பட்டது. இது பற்றி சார்பு- ஆய்வாளர் கூறுகையில், சின்னஓவுலாபுரம், ஆனைமலையன்பட்டி, ராயப்பன்பட்டி, காமயகவுண்டன்பட்டி, நாராயணத்தேவன்பட்டி, சுருளிப்பட்டி ஆகிய பகுதிகளில் உள்ள பள்ளிகளில் புகார்கள் பெட்டி வைக்கப்படும். பெண்கள், மாணவிகள் மற்றும் பாதிக்கப்பட்டோர் புகார்களை எழுதி அதில் போடலாம் என்றார்.
 

]]>
https://www.dinamani.com/all-editions/edition-madurai/theni/2019/jul/11/பாலியல்-தொல்லைகளை-தெரிவிக்க-ராயப்பன்பட்டி-பள்ளிகளில்-புகார்-பெட்டி-3190044.html