Dinamani - மதுரை - https://www.dinamani.com/all-editions/edition-madurai/madurai/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3154982 மதுரை மதுரை தே.கல்லுப்பட்டியில் மே 21மின்தடை DIN DIN Monday, May 20, 2019 07:35 AM +0530 தே.கல்லுப்பட்டி துணை மின் நிலையத்தில் மாதாந்திர பராமரிப்புப் பணிகள் நடைபெறுவதால் செவ்வாய்க்கிழமை  (மே 21) காலை 9 மணி முதல் பிற்பகல் 2  மணி வரை மின் விநியோகம் இருக்காது என திருமங்கலம் செயற்பொறியாளர் மனோகரன் தெரிவித்துள்ளார்.  
மின்தடை ஏற்படும் பகுதிகள்:  தே.கல்லுப்பட்டி,  குன்னத்தூர்,  காடனேரி,  
எம்.சுப்பலாபுரம், வில்லூர், கள்ளிக்குடி,  புளியம்பட்டி, புளியங்குளம் , வையூர் சென்னம்பட்டி,  ஆவல்சூரம்பட்டி மற்றும் அதனைச் சுற்றியுள்ள கிராமங்கள்.

]]>
https://www.dinamani.com/all-editions/edition-madurai/madurai/2019/may/20/தேகல்லுப்பட்டியில்-மே-21மின்தடை-3154982.html
3154981 மதுரை மதுரை 1,180 மதுபாட்டில்கள் பறிமுதல்: 3 பேர் கைது DIN DIN Monday, May 20, 2019 07:34 AM +0530 திருப்பரங்குன்றம் சட்டப்பேரவைத் தொகுதி இடைத்தேர்தலை முன்னிட்டு, மதுரை மாவட்டத்தில் அரசு மதுபானக் கடைகளுக்கு 3 நாள்கள் விடுமுறை அளிக்கப்பட்டிருந்ததால், மதுபாட்டில்களை முன்கூட்டியே வாங்கி பதுக்கி வைத்து கூடுதல் விலைக்கு விற்ற 3 பேரை போலீஸார் சனிக்கிழமை கைது செய்தனர்.
மதுரை காமராஜபுரத்தைச் சேர்ந்தவர் விஜயபாரதி (32). சுமைதூக்கும் தொழிலாளியான இவர், அதே பகுதியில் மதுபாட்டில்களை பதுக்கி வைத்து கூடுதல் விலைக்கு விற்றுள்ளார். இது குறித்து தகவலறிந்த கீரைத்துறை போலீஸார், விஜயபாரதியை கைது செய்தனர். 
மேலும், விஜயபாரதி பதுக்கி வைத்திருந்த 530 மதுபாட்டில்கள், விற்பனைக்கு பயன்படுத்திய இரு சக்கர வாகனம், செல்லிடப்பேசி ஆகியவற்றையும் பறிமுதல் செய்தனர்.
இதேபோல், காமராஜபுரம் வடக்குத் தெருவில் பெட்டிக் கடை நடத்தி வரும் முருகன் (53) என்பவர், தனது கடையில் மதுபாட்டில்களை பதுக்கி வைத்து கூடுதல் விலைக்கு விற்பனை செய்துள்ளார். 
தகவலறிந்து சம்பவ இடத்துக்கு வந்த கீரைத்துறை போலீஸார், முருகனை கைது செய்தனர். மேலும், முருகன் பதுக்கி வைத்திருந்த 650 மதுபாட்டில்களையும் பறிமுதல் செய்தனர்.
தொடர்ந்து, மதுரை ஆனையூரைச் சேர்ந்த கணேசன் (28) என்பவர், அப்பகுதியில் மதுபாட்டில்களை பதுக்கி வைத்து விற்றுள்ளார். கூடல்புதூர் போலீஸார் கணேசனை கைது செய்தனர்.

]]>
https://www.dinamani.com/all-editions/edition-madurai/madurai/2019/may/20/1180-மதுபாட்டில்கள்-பறிமுதல்-3-பேர்-கைது-3154981.html
3154980 மதுரை மதுரை தாய், மகனை தாக்கிய 5 பேர் மீது வழக்கு DIN DIN Monday, May 20, 2019 07:34 AM +0530 மதுரை ஆத்திக்குளத்தில் தாய், மகனை தாக்கிய 5 பேர் மீது தல்லாகுளம் போலீஸார் சனிக்கிழமை வழக்குப் பதிவு செய்துள்ளனர்.
மதுரை ஆத்திக்குளத்தைச் சேர்ந்தவர் தனிக்கொடி (50). இவரது கணவர் சேர்க்கை. இவர்களது மகன் வணங்கு. கடந்த வாரம், இதே பகுதியைச் சேர்ந்த கார்த்திக், நந்தா மற்றும் இவர்களின் நண்பர்கள் 3 பேர் சேர்ந்து வணங்குவை கத்தியால் தாக்கியுள்ளனர். 
இது தொடர்பாக அளிக்கப்பட்ட புகாரின்பேரில், தல்லாகுளம் போலீஸார் கார்த்திக், நந்தா மற்றும் இவர்களது நண்பர்கள் என 5 பேர் மீதும் வழக்குப் பதிவு செய்தனர். 
அதையடுத்து, கார்த்திக், நந்தா மற்றும் இவர்களது 3 நண்பர்கள் வணங்குவின் வீட்டுக்கு மன்னிப்பு கேட்பது போல சென்று மீண்டும் தகராறில் ஈடுபட்டுள்ளனர். அப்போது, அவர்களை அங்கிருந்து அனுப்ப முயன்ற தனிக்கொடியையும் அவர்கள் தாக்கிவிட்டு தப்பிச் சென்றுவிட்டனர். 
இது குறித்து தனிக்கொடி அளித்த புகாரின்பேரில், தல்லாகுளம் போலீஸார் கார்த்திக், நந்தா மற்றும் அவர்களின் நண்பர்கள் 3 பேர் மீது மீண்டும் வழக்குப் பதிவு செய்து விசாரித்து வருகின்றனர்.
இதேபோல, மதுரை ஆழ்வார்புரத்தைச் சேர்ந்தவர் மகிழ்ச்சிராஜா (44). இவர், மதுரை அரசு ராஜாஜி மருத்துவமனை அருகே உள்ள தேநீர் கடையில் வேலைப் பார்த்து வருகிறார். இந்நிலையில், சனிக்கிழமை வேலை முடிந்து தனது மகனை டிரை சைக்கிளில் ஏற்றிக்கொண்டு வீட்டுக்குச் சென்றுள்ளார். 
அப்போது, ஆழ்வார்புரம் திருப்பதி வெங்கடாஜலபதி துவக்கப் பள்ளி அருகே அதே பகுதியைச் சேர்ந்த சீனிவாசன், அலெக்ஸ், மணிகண்டன் ஆகியோர் சாலையை மறித்துக்கொண்டு நின்றிருந்துள்ளனர். அவர்களிடம் வழிவிடுமாறு கூறிய மகிழ்ச்சிராஜாவையும் அவரது மகனையும் கட்டை மற்றும் கத்தியால் தாக்கிவிட்டு தப்பிச்சென்றுவிட்டனர். இதில், பலத்த காயமடைந்த இருவரும் மதுரை அரசு ராஜாஜி மருத்துவமனையில் சேர்க்கப்பட்டனர்.
இது குறித்து மகிழ்ச்சிராஜா அளித்த புகாரின்பேரில், மதிச்சியம் போலீஸார் சீனிவாசன், அலெக்ஸ், மணிகண்டன் ஆகியோர் மீது வழக்குப் பதிவு செய்து விசாரித்து வருகின்றனர்.
 

]]>
https://www.dinamani.com/all-editions/edition-madurai/madurai/2019/may/20/தாய்-மகனை-தாக்கிய-5-பேர்-மீது-வழக்கு-3154980.html
3154979 மதுரை மதுரை திருப்பரங்குன்றத்தில் மொட்டையரசு விழா: தங்கக் குதிரை வாகனத்தில் சுப்பிரமணிய சுவாமி பவனி DIN DIN Monday, May 20, 2019 07:34 AM +0530 திருப்பரங்குன்றத்தில் வைகாசி விசாகத் திருவிழாவின் நிறைவு நாளான ஞாயிற்றுக்கிழமை மொட்டையரசு விழா கொண்டாடப்பட்டது.
இவ்விழாவினையொட்டி, சுப்பிரமணிய சுவாமி தங்கக் குதிரை வாகனத்தில் எழுந்தருளி, திருவீதி உலா வந்து பக்தர்களுக்கு அருள்பாலித்தார். 
திருப்பரங்குன்றம் சுப்பிரமணிய சுவாமி கோயிலில் வசந்த உற்சவத் திருவிழா கடந்த மே 9 ஆம் தேதி காப்பு கட்டுதலுடன் தொடங்கியது. முக்கிய விழாவான வைகாசி விசாகம் சனிக்கிழமை நடைபெற்றது. விழாவின் நிறைவு நாள் நிகழ்ச்சியாக ஞாயிற்றுக்கிழமை மொட்டையரசு விழா கொண்டாடப்பட்டது.
இதை முன்னிட்டு, காலை 7 மணியளவில் சுப்பிரமணிய சுவாமி, தெய்வானை அம்மனுக்கு உற்சவர் சன்னதியில் பால், பன்னீர், இளநீர் உள்ளிட்ட 16 வகை அபிஷேகங்கள் நடைபெற்றன. பின்னர், ஆயிரம் பொன் சப்பரத்தில் சுவாமி தெய்வானையுடன் திருவீதி உலா வந்தார். இதையடுத்து, தங்கக் குதிரை வாகனத்தில் எழுந்தருளிய சுவாமி, அவனியாபுரம் சந்திப்பில் உள்ள மொட்டையரசு திடலுக்கு ஊர்வலமாகச் சென்றார். அங்கு, சுமார் 70-க்கும் மேற்பட்ட திருக்கண் அமைத்து பக்தர்கள் சுவாமியை வழிபட்டனர்.
மதிய வேளையின்போது கோடை வெப்பத்தை தணிக்கும் வகையில், வெள்ளரி, பானக்கரம், நீர் மோர் மற்றும் பாகற்காய் குழம்பு வைத்து சுவாமிக்கு நைவேத்தியம் செய்யப்பட்டது. மாலையில், சுவாமி தெய்வானையுடன் மொட்டையரசு திடலை 7 முறை சுற்றிவரும் பஞ்ச உபசார நிகழ்ச்சி நடைபெற்றது. இரவு 7 மணியளவில், நிலா சோறு வைபவம் நடைபெற்றது. அதையடுத்து, சுப்பிரமணிய சுவாமி தெய்வானையுடன் பூப்பல்லக்கில் எழுந்தருளி கோயிலை வந்தடைந்தார்.
 

]]>
https://www.dinamani.com/all-editions/edition-madurai/madurai/2019/may/20/திருப்பரங்குன்றத்தில்-மொட்டையரசு-விழா-தங்கக்-குதிரை-வாகனத்தில்-சுப்பிரமணிய-சுவாமி-பவனி-3154979.html
3154978 மதுரை மதுரை அதிமுக அமோக வெற்றி பெறும் DIN DIN Monday, May 20, 2019 07:33 AM +0530 தமிழகத்தில் ஞாயிற்றுக்கிழமை நடைபெற்ற 4 சட்டப்பேரவைத்  தொகுதிகளுக்கான இடைத்தேர்தலில் அதிமுக அமோக வெற்றி பெறும் என, துணை முதல்வர் ஓ. பன்னீர்செல்வம் தெரிவித்தார்.
மதுரையிலிருந்து சென்னை செல்லும் முன் அவர் விமான நிலையத்தில் செய்தியாளர்களிடம் கூறியது: தமிழகத்தில் ஞாயிற்றுக்கிழமை நடைபெற்ற திருப்பரங்குன்றம், சூலூர், அரவக்குறிச்சி, ஓட்டப்பிடாரம் ஆகிய 4 சட்டப்பேரவைத் தொகுதிகளுக்கான  இடைத்தேர்தலிலும் அதிமுக அமோக வெற்றி பெறும் என்றார்.

]]>
https://www.dinamani.com/all-editions/edition-madurai/madurai/2019/may/20/அதிமுக-அமோக-வெற்றி-பெறும்-3154978.html
3154977 மதுரை மதுரை மதுரையில் திருஞானசம்பந்தர் அவதார தின குருபூஜை DIN DIN Monday, May 20, 2019 07:33 AM +0530 மதுரை ஆதீன மடத்தில் திருஞானசம்பந்தர் அவதார தினத்தையொட்டி, குருபூஜை விழா ஞாயிற்றுக்கிழமை நடைபெற்றது. 
மதுரை ஆதீன மடத்தை நிறுவிய திருஞானசம்பந்தர் குருபூஜை பெருவிழா கடந்த வெள்ளிக்கிழமை விநாயகர் பூஜையுடன் தொடங்கியது. சனிக்கிழமை சனி, முருகர் பூஜை நடைபெற்றது. திருஞானசம்பந்தரின் திருஅவதார நாளான ஞாயிற்றுக்கிழமை குருபூஜை நடைபெற்றது. 
இதையொட்டி, மீனாட்சி சுந்தரேசுவரர் திருக்கோயிலில் இருந்து திருஞானசம்பந்தர் புறப்பாடாகி, மதுரை ஆதீன முகப்புக்கு எழுந்தருளினார். அங்கு, திருஞானசம்பந்தருக்கு ஆதீன மடத்தின் சார்பில் சிறப்புப் பூஜைகள், தீபாராதனை வழிபாடுகளும் நடைபெற்றன.
அதையடுத்து, திருஞானசம்பந்தருக்கு ஆதீன மடத்தின் சார்பில் திருக்கண் சாத்துதல் வைபவம் நடைபெற்றது. இதில், மதுரை ஆதீனம் மற்றும் திருக்கோயில் நிர்வாகிகள், பக்தர்கள் என ஏராளமானோர் பங்கேற்றனர். பின்னர்,  திருஞானசம்பந்தர் மீண்டும் கோயிலுக்கு திரும்பினார். 
குருபூஜையின் முக்கிய நிகழ்வான ஆதீன மடத்தில் திருஞானசம்பந்தர் ஞானப்பால் அருந்தும் வைபவம் திங்கள்கிழமை நடைபெறுகிறது. மே 21-ஆம் தேதி அதிகாலை 4 மணிக்கு மதுரை ஆதீனம் அருணகிரிநாதர் மீனாட்சி சுந்தரேசுவரர் திருக்கோயிலுக்கு ஊர்வலமாக அழைத்துச் செல்லப்படுகிறார். 
அங்கு, திருக்கல்யாண மண்டபத்தில் திருஞானசம்பந்தருக்கு சிறப்பு அலங்காரமும், தீபாராதனையும் நடத்தப்பட்டு, ஆவணி மூல வீதிகளில் வீதி உலா வந்து, ஆதீன கொலு மடத்தில் எழுந்தருள்கிறார்.
 

]]>
https://www.dinamani.com/all-editions/edition-madurai/madurai/2019/may/20/மதுரையில்-திருஞானசம்பந்தர்-அவதார-தின-குருபூஜை-3154977.html
3154976 மதுரை மதுரை "போக்ஸோ' சட்டத்தில் இளைஞர் கைது DIN DIN Monday, May 20, 2019 07:32 AM +0530 மதுரை அருகே ஊமச்சிகுளத்தைத் சேர்ந்த கல்லூரி மாணவியைக் கடத்திய இளைஞரை, போலீஸார் சனிக்கிழமை கைது செய்தனர்.
ஊமச்சிகுளத்தைச் சேர்ந்த மாணவி மதுரை மீனாட்சி அரசு கல்லூரியில் முதலாம் ஆண்டு படித்து வந்தார்.
 இந்நிலையில், வெள்ளிக்கிழமை கல்லூரிக்குச் சென்றவர் வீடு திரும்பவில்லையாம். இதையடுத்து, திருமால்புரத்தைச் சேர்ந்த ஷாருக்கான் (21)  என்பவர் தனது மகளை திருமணம் செய்துகொள்ளும் நோக்கத்துடன் கடத்தியுள்ளார் என, மாணவியின் பெற்றோர் காவல் நிலையத்தில் புகார் அளித்தனர்.
அதனடிப்படையில், ஊமச்சிகுளம் போலீஸார் ஷாருக்கானை போக்ஸோ சட்டத்தில் கைது செய்தனர்.

]]>
https://www.dinamani.com/all-editions/edition-madurai/madurai/2019/may/20/போக்ஸோ-சட்டத்தில்-இளைஞர்-கைது-3154976.html
3154975 மதுரை மதுரை காஞ்சி ஸ்ரீ சந்திரசேகரேந்திர சரஸ்வதி சுவாமிகள் ஜயந்தி விழா DIN DIN Monday, May 20, 2019 07:32 AM +0530 மதுரையில் காஞ்சி ஸ்ரீ சந்திரசேகரேந்திர சரஸ்வதி சுவாமிகள் ஜயந்தி விழா ஞாயிற்றுக்கிழமை நடைபெற்றது.
காஞ்சி மஹா சுவாமிகள் என்றழைக்கப்படும் முக்தியடைந்த காஞ்சி ஸ்ரீ சந்திரசேகரேந்திர சரஸ்வதி சுவாமிகள் 126-ஆவது ஜயந்தி தினத்தையொட்டி, மதுரை அனுசத்தின் அனுகிரஹம் அமைப்பின் சார்பில் எஸ்.எஸ். காலனியில் உள்ள திருமண மண்டபத்தில் விழா நடைபெற்றது. 
காலையில், ஸ்ரீ ஸ்ரீ சந்திரசேகரேந்திர சரஸ்வதி சுவாமிகளின் விக்ரஹம் மற்றும் அவரது வெள்ளி பாதுகைக்கு  சிறப்பு அபிஷேகம், தீபாராதனை நடைபெற்றது. தொடர்ந்து, சிறப்பு ஹோமம், மகன்யாஸம் ஆகியவையும்,  ஸ்ரீ ராமசந்திர பாகவதரின் நாமசங்கீர்த்தனமும் நடைபெற்றன.
அதைத் தொடர்ந்து, அன்னதானம் நடைபெற்றது. மாலை 6 மணிக்கு எழுத்தாளர் வரலொட்டி ரங்கசாமி ஆன்மிகம் அது ஆனந்தம் என்ற தலைப்பில் சொற்பொழிவாற்றினார். இதில், ஏராளமான பக்தர்கள் பங்கேற்றனர்.

]]>
https://www.dinamani.com/all-editions/edition-madurai/madurai/2019/may/20/காஞ்சி-ஸ்ரீ-சந்திரசேகரேந்திர-சரஸ்வதி-சுவாமிகள்-ஜயந்தி-விழா-3154975.html
3154974 மதுரை மதுரை காமராஜர் பல்கலைக்கழகக் கல்லூரியில் மாணவர் சேர்க்கையில் முறைகேடு? DIN DIN Monday, May 20, 2019 07:32 AM +0530 மதுரை காமராஜர் பல்கலைக்கழகக் கல்லூரியில், குறைவான மதிப்பெண் பெற்ற மாணவர்கள் சேர்க்கப்படுவதாகப் புகார் எழுந்துள்ளது.
காமராஜர் பல்கலைக்கழகத்தின் சார்பில், திண்டுக்கல் மாவட்டம் வேடசந்தூர், விருதுநகர் மாவட்டம் சாத்தூர், அருப்புக்கோட்டை, மதுரை மாவட்டம் திருமங்கலம் ஆகிய பகுதிகளில் உறுப்புக் கல்லூரிகளும், மதுரை அழகர்கோவில் சாலையில் பல்கலைக்கழகக் கல்லூரியும் இயங்கி வருகின்றன.
இந்தக் கல்லூரிகளில் இந்தாண்டுக்கான மாணவர் சேர்க்கை கலந்தாய்வு மூலம் நடைபெற்றது. 5 கல்லூரிகளிலும் மே 13-ஆம் தேதி முதல் 17-ஆம் தேதி வரை முதற்கட்ட மாணவர் சேர்க்கை கலந்தாய்வு நடைபெற்றது. 
இரண்டாம் கட்ட கலந்தாய்வு மே 27-ஆம் தேதி தொடங்குவதாக அறிவிக்கப்பட்டுள்ளது. பல்கலைக்கழகக் கல்லூரி மற்றும் உறுப்புக் கல்லூரிகளில் ஒவ்வொரு ஆண்டும் மாணவர் சேர்க்கை தனித்தனியாக நடத்தப்படும். கல்லூரிகளில் விண்ணப்பம் பெறப்பட்டு, மதிப்பெண் அடிப்படையில் மாணவர் பட்டியல் தயாரிக்கப்பட்டு சேர்க்கை நடைபெறும். 
இதில், பல்வேறு முறைகேடுகள் நடப்பதாக எழுந்த புகார்களின்பேரில், இந்தாண்டு முதல் பல்கலைக் கழகம் மற்றும் பல்கலைக்கழகக் கல்லூரிகளில் ஒரே நாளில் மாணவர் சேர்க்கை நடத்தப்பட்டது. மேலும், கலந்தாய்வு மூலம் நடத்தப்படுவதால், முறைகேடுகள் நடைபெற வாய்ப்பில்லை என்றும் தெரிவிக்கப்பட்டது.
ஆனால், மதுரை அழகர்கோவில் சாலையில் உள்ள பல்கலைக்கழகக் கல்லூரி உள்ளிட்ட சில உறுப்புக் கல்லூரிகளிலும் கூடுதல் மதிப்பெண் பெற்ற மாணவர்களுக்கு அனுமதி வழங்கப்படாமல், குறைவான மதிப்பெண்கள் பெற்ற மாணவர்களை சேர்த்திருப்பதாகக் கூறப்படுகிறது. 
இதில், மதுரை அழகர்கோவில் சாலையில் உள்ள மதுரை காமராஜர் பல்கலைக்கழகக் கல்லூரியில் பி.பி.ஏ., பி.காம். உள்ளிட்ட படிப்புகளுக்கு கட்-ஆப் 168 மதிப்பெண்கள் வரை பெற்ற மாணவர்களுக்கு கலந்தாய்வு நடைபெற்றுள்ளது. ஆனால், கலந்தாய்வில் கட்-ஆப் 158 மதிப்பெண்கள் பெற்ற மாணவர்களும் கல்லூரியில் சேருவதற்கான அனுமதி வழங்கப்பட்டுள்ளது. 
மேலும், பி.காம். படிப்புக்கு விண்ணப்பித்து மதிப்பெண்கள் அடிப்படையில் சேர்க்கை கிடைக்காத மாணவர்களுக்கு, பி.பி.ஏ. படிப்புக்கு அவர்கள் விண்ணப்பிக்காத நிலையில் விதிகளை மீறியும், துறைத் தலைவர் அனுமதி இல்லாமலும், கல்லூரி நிர்வாகமே சேர்க்கை சீட் வழங்கியுள்ளது. இதேபோல், வேறு சில துறைகளிலும்  முறைகேடுகள் நடந்திருப்பதாக, சீட் கிடைக்காத மாணவர்கள் புகார் தெரிவித்துள்ளனர். 
இது தொடர்பாக மாணவர்கள் கூறியது: ஒவ்வொரு நாளிலும் கட்-ஆப் மதிப்பெண்கள் தெரிவிக்கப்பட்டு, கலந்தாய்வு நடைபெற்றது. இதில், எங்களுடன் பங்கேற்று சேர்க்கைக்கு தேர்ச்சி பெறாத சில மாணவர்கள் வேறு படிப்புகளுக்கு விண்ணப்பிக்காமலேயே தேர்ந்தெடுக்கப்பட்டுள்ளனர். 
மேலும், கலந்தாய்வு நடைபெறாத நாளில் கல்லூரிக்கு வரவழைக்கப்பட்டு, அவர்களுக்கு விதிகளை மீறி சேர்க்கை அனுமதி வழங்கப்பட்டுள்ளது. இதனால், தகுதி இருந்தும் எங்களைப் போன்ற மாணவர்களின் கல்வி வாய்ப்பு தட்டிப் பறிக்கப்பட்டுள்ளது. மேலும், மாணவர் சேர்க்கையில் முறைகேடு நடைபெறக்கூடாது என்பதற்காகவே நடத்தப்பட்ட கலந்தாய்வும் கேலிக் கூத்தாகியுள்ளது என்றனர்.
இது தொடர்பாக பல்கலைக்கழகக் கல்லூரி முதல்வர் ஜார்ஜிடம் கேட்டபோது, அவர் கூறியது: கல்லூரியில் இட ஒதுக்கீட்டின் அடிப்படையில்  கட்-ஆப் பிரிக்கப்பட்டு, மாணவர் சேர்க்கை நடந்து வருகிறது. மாணவர் சேர்க்கையில் விதிமீறல்  நடைபெறவில்லை என்றார்.
     காமராஜர் பல்கலைக்கழக அதிகாரிகள் கூறியது: முறைகேடுகள் நடந்திருப்பதாகக் கூறப்படும் புகார்கள் தொடர்பாக  விசாரணை நடத்தப்படும் என்றனர்.
 

]]>
https://www.dinamani.com/all-editions/edition-madurai/madurai/2019/may/20/காமராஜர்-பல்கலைக்கழகக்-கல்லூரியில்-மாணவர்-சேர்க்கையில்-முறைகேடு-3154974.html
3154973 மதுரை மதுரை திருப்பரங்குன்றம் இடைத்தேர்தல்: வேட்பாளர்கள், முக்கியப் பிரமுகர்கள் வாக்களிப்பு DIN DIN Monday, May 20, 2019 07:32 AM +0530 திருப்பரங்குன்றம் தொகுதி இடைத்தேர்தலையொட்டி வேட்பாளர்கள் மற்றும் முக்கியப் பிரமுகர்கள் தங்களது வாக்கை செலுத்தினர்.  
திருப்பரங்குன்றம் தொகுதியில் போட்டியிட்ட 37 வேட்பாளர்களில், 22 வேட்பாளர்கள் வெளிப் பகுதிகளைச் சேர்ந்தவர்கள் என்பதால் இவர்களைத் தவிர, மீதமுள்ள 15 பேர் திருப்பரங்குன்றம் தொகுதியில் பல்வேறு இடங்களில் வாக்களித்தனர். இத் தொகுதிக்குள்பட்ட அவனியாபுரம் பகுதியில் அதிமுக வேட்பாளர் எஸ். முனியாண்டி தனது வாக்கை செலுத்தினார். நாம் தமிழர் கட்சி வேட்பாளர் ரேவதி நாகமலை புதுக்கோட்டை அரசுப் பள்ளியில் வாக்களித்தார். 
தொடர்ந்து, ஹார்விபட்டியிலுள்ள தனியார் பள்ளி வாக்குச் சாவடியில் மதுரை மக்களவைத் தொகுதி மார்க்சிஸ்ட் கம்யூனிஸ்ட் கட்சி வேட்பாளர் சு. வெங்கடேசன் தனது வாக்கைப் பதிவு செய்தார். 
விருதுநகர் மக்களவைத் தொகுதி காங்கிரஸ் வேட்பாளர் மாணிக்கம் தாகூர், திருநகர் பகுதியில் வாக்களித்தார். பசுமலை சி.எஸ்.ஐ. பள்ளியில் மதுரை வடக்கு சட்டப்பேரவைத் தொகுதி உறுப்பினர் வி.வி. ராஜன்செல்லப்பா மற்றும் அவரது மகனும், மதுரை மக்களவைத் தொகுதி அதிமுக வேட்பாளருமான வி.வி.ஆர். ராஜ்சத்யன் தனது குடும்பத்தாருடன் வாக்களித்தார். வில்லாபுரம் பகுதியில் உள்ள தனியார் பள்ளியில் மதுரை மக்களவைத் தொகுதி அமமுக வேட்பாளர் டேவிட் அண்ணாதுரை வாக்களித்தார்.

]]>
https://www.dinamani.com/all-editions/edition-madurai/madurai/2019/may/20/திருப்பரங்குன்றம்-இடைத்தேர்தல்-வேட்பாளர்கள்-முக்கியப்-பிரமுகர்கள்-வாக்களிப்பு-3154973.html
3154972 மதுரை மதுரை சாலை விரிவாக்கப் பணிக்கு தோண்டப்படும் பள்ளங்களால் குடிநீர், பாதாளச் சாக்கடை குழாய்கள் சேதம் DIN DIN Monday, May 20, 2019 07:31 AM +0530 மதுரை பெத்தானியாபுரம் பகுதியில் சாலை விரிவாக்கப் பணிக்காக தோண்டப்படும் பள்ளங்களால் குடிநீர் குழாய்கள், பாதாளச் சாக்கடை குழாய்கள் சேதமடைவதாக, பொதுமக்கள் புகார் தெரிவித்துள்ளனர்.
மதுரை காளவாசல் பகுதியில் அதிகரித்து வரும் போக்குவரத்து நெரிசலை குறைக்கும் வகையில், எஸ்.எஸ்.காலனி பை-பாஸ் சாலையையும், ஆரப்பாளையம் பேருந்து நிலையம் செல்லும் பை-பாஸ் சாலையையும் இணைக்கும் வகையில், உயர்மட்ட மேம்பாலப் பணிகள் நடைபெற்று வருகின்றன.
எனவே, வாகனங்கள் செல்வதற்காக ஆரப்பாளையம் பேருந்து நிலையம் செல்லும் பை-பாஸ் சாலை விரிவாக்கம் செய்யப்பட்டு, அணுகு சாலைகள் அமைக்கப்படுகின்றன. இந்நிலையில், மாநகராட்சி வார்டு எண் 21 பெத்தானியாபுரம் பிரதான சாலையையும் விரிவாக்கம் செய்வதற்காக, சாலையோரத்தில் பொக்லைன் இயந்திரங்கள் மூலம் தோண்டும் பணி நடந்து வருகிறது. இதனால், சாலையில் பதிக்கப்பட்டுள்ள குடிநீர் குழாய்கள், பாதாளச் சாக்கடை குழாய்கள் ஆகியன சேதமடைந்து தண்ணீர் வெளியேறி வீணாகி வருவதாக, அப்பகுதி மக்கள் புகார் தெரிவித்துள்ளனர்.
இது தொடர்பாக பொதுமக்கள் கூறியது: தற்போது, சாலை விரிவாக்கப் பணிக்காக பள்ளம் தோண்டியதில், குடிநீர் குழாய்கள், பாதாளச் சாக்கடை குழாய்கள் சேதமடைந்துள்ளன. 
இதனால், குடிநீர் விநியோகம் பாதிக்கப்பட்டுள்ளது. மேலும், பல பகுதிகளில் குடிநீரில் கழிவுநீர் கலந்து வருகிறது. இது தொடர்பாக அதிகாரிகளிடம் புகார் தெரிவித்தும் நடவடிக்கை எடுக்கவில்லை.  எனவே, சேதப்படுத்தப்பட்டுள்ள குழாய்களை சீரமைக்க உடனடியாக நடவடிக்கை எடுக்கவேண்டும் என வலியுறுத்தியுள்ளனர்.
இது தொடர்பாக மாநகராட்சி அதிகாரிகளிடம் கேட்டபோது, அவர்கள் கூறியது: காளவாசல் பகுதியில் உயர்மட்ட மேம்பாலம் கட்டும் பணியை தேசிய நெடுஞ்சாலைத் துறை மேற்கொண்டு வருகிறது. சாலை விரிவாக்கப் பணியையும் அத்துறையினரே செய்து வருகின்றனர். குடிநீர் குழாய்கள், பாதாளச் சாக்கடை குழாய்களை சேதப்படுத்துவது தொடர்பாக தேசிய நெடுஞ்சாலைத் துறை அதிகாரிகள் கவனத்துக்கு கொண்டு செல்லப்படும் என்றனர்.

]]>
https://www.dinamani.com/all-editions/edition-madurai/madurai/2019/may/20/சாலை-விரிவாக்கப்-பணிக்கு-தோண்டப்படும்-பள்ளங்களால்குடிநீர்-பாதாளச்-சாக்கடை-குழாய்கள்-சேதம்-3154972.html
3154971 மதுரை மதுரை ஆரப்பாளையம் பேருந்து நிலையப் பகுதியில் சுற்றித் திரியும் மாடுகளால் போக்குவரத்து பாதிப்பு DIN DIN Monday, May 20, 2019 07:31 AM +0530 மதுரை ஆரப்பாளையம் பேருந்து நிலையப் பகுதிகளில் சுற்றித் திரியும் மாடுகளால் போக்குவரத்து பாதிப்பு அதிகரித்து வருவதாகப் புகார்கள் எழுந்துள்ளன. 
       ஆரப்பாளையம் பேருந்து நிலையத்துக்கு தினமும் ஏராளமான பயணிகள் வந்து செல்கின்றனர். மதுரை மற்றும் சுற்றுப் பகுதிகளிலுள்ள திண்டுக்கல், திருப்பூர், சேலம், கோவை செல்லும் பயணிகள் இந்த பேருந்து நிலையத்தையே பயன்படுத்தி வருகின்றனர். 
     இந்நிலையில், ஆரப்பாளையத்தைச் சுற்றியுள்ள பகுதியில் மாடுகள் வளர்ப்பவர்கள் தங்களின் மாடுகளை வைகை ஆற்றில் மேய்ச்சலுக்கு விடுவதை வழக்கமாகக் கொண்டுள்ளனர். அண்மையில், கள்ளழகர் ஆற்றில் இறங்கும் வைபவத்துக்காக வைகை அணையிலிருந்து தண்ணீர் திறந்துவிடப்பட்டதால், ஆற்றுக்கள் புற்கள், செடி, கொடிகள் அதிகமாக வளர்ந்துள்ளன. கோடைகால தண்ணீர் தட்டுப்பாடும் ஏற்பட்டுள்ளதால், இப்பகுதியில் வழக்கத்துக்கும் அதிமாக மாடுகளை ஆற்றுக்குள் மேய்ச்சலுக்கு விடுகின்றனர். 
     இந்த மாடுகள், ஆரப்பாளையம் பேருந்து நிலையத்துக்குள்ளும் வலம் வருவதால், பேருந்துக்காக காத்திருக்கும் பயணிகள் அச்சமடைகின்றனர். மேலும், பேருந்து நிலையம் மற்றும் அப்பகுதியிலுள்ள உணவகங்களில் எஞ்சிய உணவுகள், வாழை இலைகளை உணவக ஊழியர்கள் ஆற்றங்கரையோரமுள்ள குப்பைத் தொட்டிகளில் கொட்டுகின்றனர். இதை உண்பதற்காக மாடுகள், மாலையில் கூட்டம் கூட்டமாக சாலையில் திரிகின்றன. இதனால், போக்குவரத்து நெரிசல் ஏற்படுகிறது. அடிக்கடி வாகன ஓட்டிகள் விபத்துக்குள்ளாகும் சூழ்நிலைகளும் தொடர்கின்றன.
     எனவே, வைகை ஆற்றுக்குள் மேய்ச்சலுக்கு மாடுகளை விடுவதைத் தடுக்கவும், ஆரப்பாளையம் பகுதியில் உள்ள உணவகங்களில் இருந்து உணவு மற்றும் இலைகளை முறையாக அப்புறப்படுத்தவும் நடவடிக்கை எடுக்கவேண்டும் என, வாகன ஓட்டிகள், பயணிகள் வலியுறுத்துகின்றனர்.
 

]]>
https://www.dinamani.com/all-editions/edition-madurai/madurai/2019/may/20/ஆரப்பாளையம்-பேருந்து-நிலையப்-பகுதியில்-சுற்றித்-திரியும்-மாடுகளால்-போக்குவரத்து-பாதிப்பு-3154971.html
3154970 மதுரை மதுரை "வாக்களிக்க வந்த கூட்டமல்ல' DIN DIN Monday, May 20, 2019 07:31 AM +0530 திருப்பரங்குன்றம் அருகே மதுபானம் வாங்க நீண்ட வரிசையில் நின்றிருந்தவர்களை, வாக்களிக்க வந்தவர்கள் என நினைத்து பொதுமக்கள் ஏமாந்து சென்றனர்.
சிவகங்கை மாவட்டத்தில் உள்ள புலியூர் பகுதி, மதுரை மாவட்டம் திருப்பரங்குன்றம் சட்டப்பேரவைத் தொகுதியை ஒட்டி அமைந்துள்ளது. புலியூர் சாலையில் ஞாயிற்றுக்கிழமை நண்பகல் 12 மணியளவில் 300-க்கும் மேற்பட்டவர்கள் நீண்ட வரிசையில் நின்றிருந்தனர்.
அவ்வழியாகச் சென்றவர்கள் பலரும் நீண்ட வரிசையைப் பார்த்து வாக்காளர்கள் ஆர்வத்துடன் வாக்களிக்க காத்திருப்பதாக நினைத்து ஆச்சரியமடைந்தனர். நேரம் செல்லச் செல்ல கூட்டம் அதிகரித்து 500 பேருக்கு மேல் தாண்டியது.
மக்கள் ஒரே நேரத்தில் வாக்களிக்க வந்துள்ளனரா என அவ்வழியாகச் சென்றவர்கள் சாலையில் தங்களது வாகனங்களை நிறுத்திவிட்டு ஆர்வத்துடன் விசாரித்தனர். அப்போது, இந்தக் கூட்டம் வாக்களிக்க வந்தது அல்ல, அரசு மதுபானக் கடையில் மதுபாட்டில்கள் வாங்க குவிந்த கூட்டம் என்பது புலப்பட்டது. 
திருப்பரங்குன்றம் சட்டப்பேரவைத் தொகுதி இடைத்தேர்தலையொட்டி, மதுரை மாவட்டம் முழுவதும் அரசு மதுபானக் கடைகளுக்கு 3 நாள்களாக விடுமுறை அளிக்கப்பட்டுள்ளது. 
இதை முன்னக்கூடியே அறிந்தவர்கள் கடந்த வியாழக்கிழமை இரவே தங்களுக்குத் தேவையான மதுபாட்டில்களை வாங்கி வீட்டில் வைத்துக்கொண்டனர்.
இதை அறியாதவர்கள் மற்றும் மொத்தமாக வாங்க வசதி இல்லாதவர்கள்,  திருப்பரங்குன்றத்தை ஒட்டியுள்ள சிவகங்கை மாவட்டம்  புலியூர் பகுதியில் உள்ள அரசு மதுபானக் கடைக்கு படையெடுத்தனர். இந்நிலையில், இந்த மதுபானக் கடையில் போலீஸார் பாதுகாப்புடன் அனைவரும் வரிசையாக நின்று தங்களுக்குத் தேவையான மதுபாட்டில்களை வாங்கிச் சென்றனர். இருப்பினும், கூட்டம் அதிகரித்துக் கொண்டே போனதால் நெரிசல் ஏற்பட்டு, ஒருவருக்கொருவர் மோதிக்கொள்ளும் சூழல் உருவானது. ஒரு கட்டத்தில் போலீஸாரால் கூட்ட நெரிசலைக் கட்டுப்படுத்த முடியவில்லை. அதையடுத்து, புலியூர் அரசு மதுபானக் கடை மூடப்பட்டது. 
மேலும், அதிரடிப்படை போலீஸார் வரவழைக்கப்பட்டு, மதுப்பிரியர்கள்  விரட்டியடிக்கப்பட்டனர்.

]]>
https://www.dinamani.com/all-editions/edition-madurai/madurai/2019/may/20/வாக்களிக்க-வந்த-கூட்டமல்ல-3154970.html
3154969 மதுரை மதுரை திருப்பரங்குன்றம் இடைத்தேர்தலில் விறுவிறுப்பான வாக்குப் பதிவு: காவல் நிலையத்திலிருந்து முகவர்களை மீட்ட திமுக எம்.எல்.ஏ. DIN DIN Monday, May 20, 2019 07:30 AM +0530 திருப்பரங்குன்றம் சட்டப்பேரவைத் தொகுதிக்கான இடைத்தேர்தலில் வாக்குப் பதிவு விறுவிறுப்பாக நடைபெற்றது. பெரும்பாலான வாக்குச் சாவடிகளில் பெண்கள் நீண்ட வரிசையில்  காத்திருந்து ஆர்வத்துடன் வாக்களித்தனர்.
மதுரை மாவட்டம், திருப்பரங்குன்றம் சட்டப்பேரவைத் தொகுதி இடைத்தேர்தலுக்கான வாக்குப் பதிவு காலை 7 மணிக்கு தொடங்கியது.
நீண்ட வரிசையில் பெண்கள்: மதுரையை அடுத்த பசுமலை மேல்நிலைப் பள்ளி, திருப்பரங்குன்றம் ஊராட்சி ஒன்றியத் தொடக்கப் பள்ளி, என்.கே. குப்பய்யன் ரத்னாமணி மழலையர் பள்ளி உள்ளிட்ட பல்வேறு வாக்குச் சாவடிகளில் காலையிலேயே பெண்கள் நீண்ட வரிசையில் காத்திருந்து ஆர்வத்துடன் வாக்களித்தனர். பல வாக்குச் சாவடிகளில் மாற்றுத் திறனாளிகள், முதியவர்கள் ஆர்வத்துடன் வாக்குகளைப் பதிவு செய்தனர். 
மாற்றுத்திறனாளிகளை அழைத்துச் செல்ல சக்கர நாற்காலிகள் மற்றும் பிரத்யேக சாய்வு தளம் ஏற்படுத்தப்பட்டிருந்தது. இளம் வயதினருக்கு சவால் விடும் வகையில் முதியவர்கள் மிகுந்த ஆர்வத்துடன் வாக்களிக்க வந்திருந்தனர். 
பசுமலை மேல்நிலைப் பள்ளி வாக்குச் சாவடியில் ஆசிரியர் குடியிருப்பைச் சேர்ந்த 91 வயது மூதாட்டி ஞானம்மாள், 85 வயது இயேசு பிள்ளை ஆகியோர் குடும்பத்தினர் உதவியுடன் வாக்களித்தனர்.
தனது வாக்கைப் பதிவு செய்துவிட்டு வாக்குச் சாவடியிலிருந்து வெளியே வந்த ஞானம்மாள், ஜனநாயகக் கடமை ஆற்றுவதற்காக வந்தது மிகவும் மகிழ்ச்சி அளிப்பதாகத் தெரிவித்தார். வெற்றி பெறுபவர்கள் மக்களுக்கு நல்லது செய்யவேண்டும் என்றும் அவர் கேட்டுக்கொண்டார். 
வாக்காளர்கள் காத்திருக்க பந்தல்: கோடை வெயில் கடுமையாக உள்ள நிலையில், வாக்குச் சாவடிகளில் வாக்காளர்கள் வரிசையில் காத்திருப்பதற்காக பந்தல் அமைக்கப்பட்டிருந்தது. பந்தல் நிழலில் நின்று வாக்களித்தாக பொதுமக்கள் தெரிவித்தனர். அதேபோல், அனைத்து வாக்குச் சாவடிகளிலும் குடிநீர் வசதி செய்யப்பட்டிருந்தது.
கட்சியினர் வாக்குவாதம்: பெருங்குடி, தனக்கன்குளம் பகுதிகளில் வாக்குச் சாவடிகள் முன்பாக அதிமுகவினர் வாக்கு சேகரிப்பில் ஈடுபட்டனர். இதற்கு, திமுக உள்ளிட்ட பிற கட்சிகளைச் சேர்ந்தவர்கள் எதிர்ப்புத் தெரிவித்தனர். இதனால், அப் பகுதிகளில் அதிமுக, திமுகவினரிடையே வாக்குவாதம் ஏற்பட்டது. அதையடுத்து, பாதுகாப்புப் பணியில் இருந்த போலீஸார், அவர்களை அப்புறப்படுத்தினர்.
முகவர்களை மீட்ட திமுக எம்.எல்.ஏ.: திருப்பரங்குன்றம் சட்டப்பேரவைத் தொகுதிக்குள்பட்ட அயன்பாப்பாகுடி 149 ஆவது எண் வாக்குச் சாவடியில், திமுக ஆதரவு சுயேச்சை வேட்பாளர் சாருஹாசன் என்பவரின் முகவர்களான பாலாஜி (23), கார்த்திக் (21) ஆகிய இருவரும் மதிய உணவு சாப்பிட்டுவிட்டு, மீண்டும் வாக்குச் சாவடிக்கு வந்துள்ளனர். 
அப்போது, அவர்களது அடையாள அட்டையில் அரசு முத்திரை இல்லையாம். உடனே சந்தேகத்தின்பேரில், அவனியாபுரம் போலீஸார் இருவரையும் 
காவல் நிலையத்துக்கு அழைத்துச் சென்றுள்ளனர். 
இது குறித்து தகவலறிந்த திமுக தொழில்நுட்பப் பிரிவு மாநிலச் செயலரும், மதுரை மத்திய தொகுதி சட்டப்பேரவை உறுப்பினருமான பி.டி.ஆர். பழனிவேல் தியாகராஜன், திமுக மாவட்டப் பொறுப்பாளர் கோ. தளபதி உள்ளிட்ட அக் கட்சியினர், அவனியாபுரம் காவல் நிலையம் சென்றனர். அங்கு, அடையாள அட்டையில் முத்திரையிடாதது தேர்தல் அலுவலரின் தவறு என பி.டி.ஆர். பழனிவேல் தியாகராஜன் கூறியதை அடுத்து, முகவர்கள் இருவரையும் போலீஸார் விடுவித்தனர்.
மேலும், இது குறித்து தேர்தல் ஆணையம், மாவட்ட ஆட்சியர் மற்றும் தேர்தல் பார்வையாளரிடம் புகார் அளிக்க உள்ளதாக பி.டி.ஆர். பழனிவேல் தியாகராஜன் தெரிவித்தார். இந்நிலையில், காவல் நிலையம் முன்பாக 40-க்கும் மேற்பட்ட திமுகவினர் கூடியதால், அப்பகுதியில் பரபரப்பு ஏற்பட்டது.
துணை ராணுவத்தினர் பாதுகாப்பு: திருப்பரங்குன்றம் தொகுதியில் 88 வாக்குச் சாவடிகள் பதற்றமானவையாகக் கண்டறியப்பட்டிருந்தன. என்.கே.குப்பயன் ரத்னாமணி மழலையர் தொடக்கப் பள்ளி, பெருங்குடி அரசு உயர்நிலைப் பள்ளி, விராதனூர் ஊராட்சி தொடக்கப் பள்ளி உள்ளிட்ட பதற்றமான வாக்குச் சாவடிகளில்  ஆயுதம் ஏந்திய துணை ராணுவப் படையினர் பாதுகாப்புப் பணியில் ஈடுபட்டிருந்தனர். 
இந்த வாக்குச் சாவடிகளுக்கு வந்தவர்களிடம் உரிய அடையாள அட்டை மற்றும் பூத் சிலிப் இருக்கிறதா என்ற சோதனைக்குப் பிறகே வாக்களிக்க அனுமதிக்கப்பட்டனர். இது வாக்காளர்கள் மத்தியில் அதிருப்தியை ஏற்படுத்தியது.
தொகுதி முழுவதும் 3 ஆயிரத்துக்கும் மேற்பட்ட போலீஸார் பாதுகாப்புப் பணியில் ஈடுபட்டிருந்தனர். இந்நிலையில், ஆங்காங்கே சிறு, சிறு வாக்குவாதம் தவிர பெரிய பிரச்னைகள் ஏதும் இல்லாமல், வாக்குப் பதிவு அமைதியாக நடைபெற்றதாகப் போலீஸார் தெரிவித்தனர்.
 

]]>
https://www.dinamani.com/all-editions/edition-madurai/madurai/2019/may/20/திருப்பரங்குன்றம்-இடைத்தேர்தலில்-விறுவிறுப்பான-வாக்குப்-பதிவு-காவல்-நிலையத்திலிருந்து-முகவர்களை-மீட-3154969.html
3154362 மதுரை மதுரை புதிய ஆராய்ச்சிகளில்  மாணவர்கள் ஈடுபட வேண்டும்: துணைவேந்தர் வலியுறுத்தல் DIN DIN Sunday, May 19, 2019 07:34 AM +0530 சுற்றுச்சூழல் பிரச்னைகளுக்குத் தீர்வு காணக் கூடிய புதிய ஆராய்ச்சிகளில் மாணவர்கள் கவனம் செலுத்த வேண்டும் என்று மதுரை காமராஜர் பல்கலைக்கழகத் துணைவேந்தர் எம்.கிருஷ்ணன் வலியுறுத்தினார்.
 மதுரையை அடுத்த பசுமலை சௌராஷ்டிரக் கல்லூரியில் சனிக்கிழமை பட்டமளிப்பு விழா நடைபெற்றது. இதில் கல்லூரி தலைவர் வி.ஜி.ராமதாஸ் தலைமை வகித்தார். மாணவர்களுக்கு பட்டங்களை வழங்கி துணைவேந்தர் பேசியது: நாடு சுதந்திரம் அடைந்தபோது இருந்த மக்கள் தொகையில் 8 சதவீதம் பேர் மட்டுமே உயர்கல்வி பெற்றவர்களாக இருந்தனர். தற்போது 70 சதவீதத்துக்கும் அதிகமானோர் உயர்கல்வி பெறும் வகையில் கல்வித் துறையில் வளர்ச்சி அடைந்திருக்கிறது. நாடு முழுவதும் 200-க்கும் மேற்பட்ட பல்கலைக்கழகங்கள், 40 ஆயிரத்துக்கும் மேற்பட்ட கல்லூரிகள் செயல்பட்டு வருகின்றன. கல்வியில் இத்தகைய வளர்ச்சியை அடைந்திருப்பது நாட்டுக்கு பெருமை சேர்க்கக் கூடியதாக இருக்கிறது.
 இருப்பினும், உலக அரங்கில் நமது அறிவியல் கண்டுபிடிப்புகள் மிகவும் குறைவாகவே உள்ளன. சமூகத்தின் அன்றாடப் பிரச்னைகளாக இருக்கக் கூடிய குடிநீர், மின்சாரப்  பற்றாக்குறை உள்ளிட்ட சுற்றுச்சூழல் பிரச்னைகளுக்குத் தீர்வு காணும் புதிய ஆராய்ச்சிகளில் மாணவர்கள் ஈடுபட வேண்டும். சூரிய சக்தியை மேலும் ஆக்கப்பூர்வமாக எவ்வாறு பயன்படுத்தலாம் என்பதிலும் ஆராய்ச்சிகள் செய்ய வேண்டும். 
 பட்டம் பெறும் மாணவர்கள், தங்களது பெற்றோர், கல்லூரிக்கு பெருமை சேர்ப்பவர்களாக இருப்பதுடன் தாங்கள் சார்ந்திருக்கும் சமுதாயத்தின் முன்னேற்றத்துக்கு உதவியாக இருப்பது அவசியம். குடியரசு முன்னாள் தலைவர் ஏ.பி.ஜெ.அப்துல் கலாம், விவேகானந்தர், காமராஜர் போன்ற தலைவர்களை முன்உதாரணமாகக் கொண்டு கடுமையாக  உழைக்க வேண்டும் என்றார்.
  பல்வேறு பாடப் பிரிவுகளைச் சேர்ந்த 400 மாணவர்கள் பட்டம் பெற்றனர்.  கல்லூரிச் செயலர் டி.ஆர்.குமரேஷ், நிர்வாகக் குழு உறுப்பினர் டி.ஆர்.கோகுல்தாஸ், டி.எஸ்.ஜீயர்பாபு, ஏ.ஆர்.ஜெகநாத், பி.ஜே.பன்சீதர் உள்ளிட்ட பலர் கலந்து கொண்டனர்.

]]>
https://www.dinamani.com/all-editions/edition-madurai/madurai/2019/may/19/புதிய-ஆராய்ச்சிகளில்-மாணவர்கள்-ஈடுபட-வேண்டும்-துணைவேந்தர்-வலியுறுத்தல்-3154362.html
3154361 மதுரை மதுரை திருப்பாலை, கொட்டாம்பட்டியில் மே 20 மின்தடை DIN DIN Sunday, May 19, 2019 07:34 AM +0530 திருப்பாலை துணை மின் நிலைய பராமரிப்பு பணிகள் நடைபெற உள்ளதால் திங்கள்கிழமை (மே 20) காலை 9.30 முதல் மாலை 4 வரை மின் விநியோகம் இருக்காது என மதுரை பெருநகர் வடக்கு செயற்பொறியாளர் ஜீ.மலர்விழி தெரிவித்துள்ளார்.
 மின்சாரம் தடைபடும் பகுதிகள்: ஸ்ரீ நகர், வைகை வீதி, காவேரி வீதி, எழில் நகர், அய்யர்பங்களா,  நாகனாகுளம், பேங்க் காலனி, வாசு நகர் மற்றும் அதைச் சுற்றியுள்ள பகுதிகள்.
மேலூர்: கொட்டாம்பட்டி துணை மின்நிலையத்தில் மாதாந்திர பராமரிப்புப் பணிகள் மே 20 ஆம் தேதி நடைபெறவுள்ளது. அதனால், திங்கள்கிழமை காலை 9 மணியிலிருந்து மாலை 4 மணி வரை கீழ்கண்ட பகுதிகளில் மின் விநியோகம் தடைப்படும் என மதுரை கிழக்கு மின் பகிர்மானவட்ட செயற்பொறியாளர் இரா.கண்ணண் தெரிவித்துள்ளார். மின்சாரம் தடைபடும் பகுதிகள்: கொட்டாம்பட்டி, சின்னகொட்டாம்பட்டி, பொட்டப்பட்டி, முடுக்கன்காடு, வெள்ளிமலை, பள்ளபட்டி, தொந்திலிங்கபுரம், சொக்கலிங்கபுரம், மங்களம்பட்டி, அய்யாபட்டி, மணல்மேட்டுப்பட்டி, வெள்ளாளபட்டி, காடாம்பட்டி, ஓட்டக்கோவில்பட்டி, வெள்ளினிப்பட்டி, கருங்காலக்குடி சுற்று வட்டாரப் பகுதிகள்.
 

]]>
https://www.dinamani.com/all-editions/edition-madurai/madurai/2019/may/19/திருப்பாலை-கொட்டாம்பட்டியில்-மே-20-மின்தடை-3154361.html
3154360 மதுரை மதுரை அழகர்கோவிலில் வஸந்த உற்சவம் நிறைவு DIN DIN Sunday, May 19, 2019 07:33 AM +0530 அழகர்கோவிலில் வஸந்த உற்சவத்தையொட்டி சுந்தரராஜப்பெருமாள் ஸ்ரீதேவி ,பூமிதேவி சமேதரராக சனிக்கிழமை மாலை பல்லக்கில் வஸந்த மண்டபத்துக்கு எழுந்தருளினார்.
சிறப்பு பூஜைகளுடன் பக்தர்கள் வழிபாடுகளைச் செய்தனர். பௌர்ணமியையொட்டி இரவு வரை பெருமாள் வஸந்த மண்டபத்தில் பக்தர்களுக்கு அருள்பாலித்தார். பின்னர் சுவாமி கோயிலுக்குத் திரும்பினார். பத்து நாள்கள் நடைபெற்ற  வஸந்த உற்சவம் சனிக்கிழமை நிறைவடைந்தது.
 

]]>
https://www.dinamani.com/all-editions/edition-madurai/madurai/2019/may/19/அழகர்கோவிலில்-வஸந்த-உற்சவம்-நிறைவு-3154360.html
3154359 மதுரை மதுரை வீட்டு மாடியில் மின்னல் தாக்கி ஒருவர் பலி DIN DIN Sunday, May 19, 2019 07:33 AM +0530 மதுரை மாவட்டம் பேரையூர் மற்றும் அதன் சுற்றுப்புறப் பகுதிகளில் வெள்ளிக்கிழமை இடி, மின்னலுடன் மழை பெய்தது. அப்போது, பேரையூர் அருகே கோபிநாயக்கன்பட்டி கிராமத்தைச் சேர்ந்த ராஜசேகர் (53), தனது வீட்டின் மேல் தளத்தில் திறந்திருந்த அறையைப் பூட்டுவதற்காக சென்றுள்ளார். அப்போது மின்னல் தாக்கியதில் ராஜசேகர் உடல் கருகியது. அவரது அலறல் சத்தம் கேட்டு குடும்பத்தினர் சென்று பார்த்த போது பலத்தக் காயங்களுடன் ராஜசேகர் உயிருக்கு போராடியுள்ளார். இதையடுத்து, அவரை மீட்டு அரசு  ராஜாஜி மருத்துவமனையில் சிகிச்சைக்காக அனுமதித்தனர். ஆனால் மருத்துவமனையில் சிகிச்சை  பலனின்றி ராஜசேகரன் உயிரிழந்தார். இது குறித்து அவரது மனைவி வனசுந்தரி அளித்தப் புகாரின் பேரில் டி.கல்லுப்பட்டி போலீஸார் வெள்ளிக்கிழமை வழக்குப்பதிவு செய்து விசாரித்து வருகின்றனர்.

]]>
https://www.dinamani.com/all-editions/edition-madurai/madurai/2019/may/19/வீட்டு-மாடியில்-மின்னல்-தாக்கி-ஒருவர்-பலி-3154359.html
3154358 மதுரை மதுரை திருப்பரங்குன்றத்தில் இன்று இடைத்தேர்தல்: பாதுகாப்புப் பணியில் 3,000 பேர் DIN DIN Sunday, May 19, 2019 07:33 AM +0530 திருப்பரங்குன்றம் இடைத்தேர்தல் ஞாயிற்றுக்கிழமை (மே 19)  நடைபெறவுள்ளதையொட்டி வாக்குச்சாவடிகளுக்கு மின்னணு வாக்குப்பதிவு இயந்திரம், வி.வி. பேட், கட்டுப்பாட்டு இயந்திரம்  உள்ளிட்டவைகள் சனிக்கிழமை அனுப்பி வைக்கப்பட்டன.
திருப்பரங்குன்றம் பேரவைத் தொகுதி இடைத்தேர்தல் வாக்குப்பதிவு ஞாயிற்றுக்கிழமை (மே 19) காலை 7 மணிக்குத் தொடங்கி மாலை 6 மணி வரை நடைபெறுகிறது.    
அதிமுக, திமுக, அமமுக, மக்கள் நீதி மய்யம், நாம் தமிழர் கட்சி, சுயேச்சைகள் என  37 வேட்பாளர்கள் போட்டியிடுகின்றனர். இதையடுத்து ஒவ்வொரு வாக்குச் சாவடியிலும் 3 மின்னணு வாக்குப்பதிவு இயந்திரங்கள் பயன்படுத்தப்படவுள்ளன.
திருப்பரங்குன்றம் தொகுதியில் 3 லட்சத்து 4 ஆயிரத்து 478 வாக்காளர்கள் உள்ளனர். இதற்கென மொத்தம் 297 வாக்குச்சாவடிகள் அமைக்கப்பட்டுள்ளன.  1069 மின்னணு வாக்குப் பதிவு இயந்திரங்களும், 356 கட்டுப்பாட்டு இயந்திரங்களும், 386 வி.வி.பேட் இயந்திரங்களும் பயன்படுத்தப்பட உள்ளன.
 இதுகுறித்து தேர்தல் நடத்தும் அலுவலர் பஞ்சவர்ணம் செய்தியாளர்களிடம் கூறியது : 
திருப்பங்குன்றம் தொகுதி 26 மண்டலங்களாக பிரிக்கப்பட்டு, அந்தந்த வாக்குச் சாவடி மையங் களுக்கு தேவையான மின்னணு வாக்குப் பதிவு இயந்திரங்கள்,  மாற்றுத் திறனாளிகள், முதியோர்களுக்குன வீல் சேர் உள்ளிட்டவைகள் அனுப்பிவைக்கப்பட்டுள்ளன. மேலும் வாக்குச் சாவடிகளில் குடிநீர், மின்வசதி, மாற்றுத் திறனாளிகளுக்கான சரிவுப் பாதை உள்ளிட்ட வசதிகள் செய்து தரப்பட்டுள்ளன. பதற்றமான வாக்குச்சாவடிகள் மற்றும் அதிக வாக்காளர்கள் உள்ள பகுதிகளில்  மொத்தம் 170 வெப் கேமராக்கள் பொருத்தப்பட்டு கண்காணிப்பு பணிகள் மேற்கொள்ளப்படுகின்றன என்றார். 
 வாக்குச்சாவடிகளில் வாக்குப்பதிவு பணியில் 1500 பேர் பணிபுரிகின்றனர்.  இவர்களுக்கான வாக்குச்சாவடிகள் கணினியில் குலுக்கல் முறையில் தேர்வு செய்யப்பட்டன. 
விரகனூர் வேலம்மாள் மெட்ரிக் பள்ளியில் தேர்தல் பார்வையாளர் ஓம் பிரகாஷ் ராய் முன்னிலையில் நடந்த இந்த நிகழ்வில் வாக்குச்சாவடி அலுவலர்களுக்கு பணி உத்தரவுகள் வழங்கப்பட்டன. ஆட்சியரின் நேர்முக உதவியாளர் (தேர்தல்)மணிமொழி, திருப்பரங்குன்றம் பேரவைத் தொகுதி தேர்தல் நடத்தும் அலுவலர் கே.பஞ்சவர்ணம் உள்ளிட்டோர் உடன் இருந்தனர்.
 பணி உத்தரவு பெற்ற அலுவலர்கள் நேரடியாக அவரவருக்குரிய வாக்குச்சாவடிகளில் பணியேற்க அறிவுறுத்தப்பட்டனர். அதையடுத்து மாலை 6 மணிக்கெல்லாம் அனைத்து வாக்குச்சாவடிகளும் தயார்ப்படுத்தப்பட்டன. வாக்குப்பதிவுக்கான மண்டல அலுவலர்கள் அனைத்து வாக்குச் சாவடிகளையும் ஆய்வு செய்து, வாக்குச் சாவடிகள் தயார் நிலையில் இருப்பதை உறுதி செய்தனர். இடைத்தேர்தலையொட்டி மதுரை மாநகரப் போலீஸார், ஊரக போலீஸார்,  தமிழ்நாடு சிறப்புக் காவல் படையினர் மற்றும் துணை ராணுவத்தினர் என 3 ஆயிரம் பேர் பாதுகாப்புப் பணியில் ஈடுபடுத்தப்பட்டுள்ளனர்.
 

]]>
https://www.dinamani.com/all-editions/edition-madurai/madurai/2019/may/19/திருப்பரங்குன்றத்தில்-இன்று-இடைத்தேர்தல்-பாதுகாப்புப்-பணியில்-3000-பேர்-3154358.html
3154357 மதுரை மதுரை மதுபானக் கடையை உடைத்து 484 மது பாட்டில்கள் திருட்டு DIN DIN Sunday, May 19, 2019 07:32 AM +0530 மதுரை அருகே வியாழக்கிழமை இரவு மதுபானக் கடையை மர்ம நபர்கள்  உடைத்து மது பாட்டில்களை திருடிச் சென்றுள்ளனர்.
மதுரை அருகே உள்ள நாட்டார்மங்கலத்தில் மதுபானக் கடை உள்ளது. இந்த கடையை வியாழக்கிழமை இரவு மேற்பார்வையாளர் ராதாகிருஷ்ணன் மற்றும் ஊழியர்கள் சின்னச்சாமி, பாண்டியராஜன் ஆகியோர் பூட்டிவிட்டு சென்றுள்ளனர். இந்நிலையில், வெள்ளிக்கிழமை ராதாகிருஷ்ணன் கடையை திறக்க முற்பட்டபோது, கடையின் பூட்டு உடைக்கப்பட்டிருந்தது. இதுகுறித்து அவர் கருப்பாயூரணி காவல் நிலையத்தில் புகார் அளித்தார். போலீஸார் சம்பவ இடத்திற்குச் சென்று விசாரணை நடத்தினர். அப்போது, ரூ. 71 ஆயிரம் மதிப்புள்ள 484 மதுபானப் பாட்டில்கள் திருடப்பட்டிருந்தது தெரியவந்தது. இதையடுத்து, போலீஸார் வழக்குப்பதிவு செய்து விசாரித்து வருகின்றனர்.
 

]]>
https://www.dinamani.com/all-editions/edition-madurai/madurai/2019/may/19/மதுபானக்-கடையை-உடைத்து-484-மது-பாட்டில்கள்-திருட்டு-3154357.html
3154356 மதுரை மதுரை மதுரையில் வைகாசி விசாகத் திருவிழா DIN DIN Sunday, May 19, 2019 07:32 AM +0530 மதுரையில் வைகாசி விசாகத்தை முன்னிட்டு முருகன் கோயில்களில் சிறப்பு பூஜை சனிக்கிழமை நடைபெற்றது.
வைகாசி மாதத்தில் வரும் விசாக நட்சத்திர நாள் முருகப் பெருமானின் அவதார நாளாக கொண்டாடப்படுகிறது. இது வைகாசி விசாகத் திருவிழாவாக அனைத்து முருகன் கோயில்களிலும் வெகுவிமரிசையாக கொண்டாடப்பட்டு வருகிறது. இதனை முன்னிட்டு மதுரை நேதாஜி சாலையில் உள்ள பாலதண்டாயுதபாணி கோயில் மற்றும் ராஜாஜி பூங்கா முருகன் கோயில்களிலும் முருகப் பெருமானுக்கு சிறப்பு அலங்காரம் செய்யப்பட்டது. அதிகாலை முதல் சிறப்பு பூஜை, பாலாபிஷேகம் மற்றும் ஆராதனை நடைபெற்றது.ஆயிரக்கணகான பக்தர்கள் காலை மற்றும் மாலையில் நடைபெற்ற சிறப்பு பூஜையில் பங்கேற்று வழிபட்டனர். ஏராளமான பக்தர்கள் காப்புக்கட்டி பால்குடம் எடுத்தனர். 
மேலும் மதுரையில் இருந்து ஆயிரக்கணக்கான பக்தர்கள் முருகனின் ஆறுபடை வீடுகளில் முதல் வீடான திருப்பரங்குன்றத்திற்கு பால்காவடி, பன்னீர்காவடி, பறவைக்காவடி எடுத்து பாதயாத்திரையாகச் சென்றனர்.

]]>
https://www.dinamani.com/all-editions/edition-madurai/madurai/2019/may/19/மதுரையில்-வைகாசி-விசாகத்-திருவிழா-3154356.html
3154355 மதுரை மதுரை பொறியாளர் வீட்டில் 14.5 பவுன் நகைகள் திருட்டு DIN DIN Sunday, May 19, 2019 07:32 AM +0530 மதுரையில் பொறியாளர் வீட்டின் பூட்டை உடைத்து 14.5 பவுன் நகைகள் திருடப்பட்டடுள்ளன. 
 மதுரை  சதாசிவம் நகர், நக்கீரர் குறுக்குத் தெருவைச் சேர்ந்தவர் ராஜேஷ். இவர் பெங்களூருவில் உள்ள தனியார் நிறுவனத்தில் பொறியாளராகப் பணியாற்றி வருகிறார். இவரது மனைவி ஜனனி(23), வீட்டை பூட்டி விட்டு சம்மட்டிபுரத்தில் உள்ள தாய் வீட்டிற்கு வியாழக்கிழமை சென்றுள்ளார். இந்நிலையில், வீடு திறந்திருப்பதாக  ஜனனிக்கு வீட்டின் அருகில் வசிக்கும் விக்னேஷ் என்பவர் வெள்ளிக்கிழமை தகவல் தெரிவித்துள்ளார். 
 ஜனனி உடனடியாக வீட்டிற்கு வந்த பார்த்தபோது, வீட்டின் பூட்டு உடைக்கப்பட்டிருந்தது. மேலும், பீரோ திறக்கப்பட்டு அதிலிருந்த துணிகள் மற்றும் பொருள்கள் வீடு முழுவதும் சிதறிக்கிடந்தன. 
இதுகுறித்து, ஜனனி அண்ணாநகர் காவல்நிலையத்திற்கு தகவல் தெரிவித்தார். போலீஸார் சம்பவ இடத்திற்கு வந்து விசாரணை நடத்தியதில் பீரோவில் இருந்த 14.5 பவுன் நகைகள் திருடுபோனது தெரியவந்தது. இதையடுத்து ஜனனி கொடுத்தப் புகாரின் பேரில் வெள்ளிக்கிழமை போலீஸார் வழக்குப்பதிவு செய்து விசாரித்து வருகின்றனர்.

]]>
https://www.dinamani.com/all-editions/edition-madurai/madurai/2019/may/19/பொறியாளர்-வீட்டில்145-பவுன்-நகைகள்-திருட்டு-3154355.html
3154354 மதுரை மதுரை பாலமேடு அருகே வடமாடு மஞ்சுவிரட்டு: 5 பேர் காயம் DIN DIN Sunday, May 19, 2019 07:32 AM +0530 பாலமேடு அருகே வடமாடு மஞ்சுவிரட்டில் சீறிப்பாய்ந்த காளைகளை அடக்க முயன்ற 5 பேர் சனிக்கிழமை காயமடைந்தனர். 
மதுரை மாவட்டம் பாலமேடு அருகே உள்ள கோணப்பட்டியில் பகவதிஅம்மன், மந்தையம்மன் கோயில் திருவிழா நடைபெற்று வருகிறது. விழாவின் முக்கிய நிகழ்ச்சியான வடமாடு மஞ்சுவிரட்டு சனிக்கிழமை நடைபெற்றது. இதில், மதுரை, திண்டுக்கல் மற்றும் சிவகங்கை மாவட்டங்களில் இருந்து 12 காளைகள் கலந்துக்கொண்டன. காளைகளை அடக்க 9 பேர் பங்கேற்றனர். காளைகள் மற்றும் வீரர்களுக்கு உரிய மருத்துவப் பரிசோதனைச் செய்யப்பட்டது.
வடம் பூட்டப்பட்டு காளைகள் மைதானத்திற்குள் ஒவ்வொன்றாக அனுப்பப்பட்டது. சீறிப்பாய்ந்து வந்த காளைகளை 
அடக்க முடியாமல் வீரர்கள் திணறினர். பிடிபடாத சிறந்த காளைகளுக்கும், சிறந்த மாடு பிடி வீரர்களுக்கும் ரொக்கம் மற்றும் பரிசு பொருள்கள் வழங்கப்பட்டன. முன்னதாக காளைகளை அடக்க முயன்ற  5 பேர் காயமடைந்தனர். அவர்களுக்கு தயார் நிலையிலிருந்த மருத்துவக் குழுவினர் உடனடியாக மருத்துவ உதவிகளை அளித்தனர்.
மஞ்சுவிரட்டு போட்டியைக் காண மதுரை மற்றும் வெளி மாவட்டங்களைச் சேர்ந்த ஏராளமானோர் வந்திருந்தனர். விழா ஏற்பாடுகளை கோணப்பட்டி கிராம பொதுமக்கள் செய்திருந்தனர். 

]]>
https://www.dinamani.com/all-editions/edition-madurai/madurai/2019/may/19/பாலமேடு-அருகே-வடமாடுமஞ்சுவிரட்டு-5-பேர்-காயம்-3154354.html
3154353 மதுரை மதுரை மூடப்பட்ட பட்டாசு ஆலையில் தீ விபத்து:  பலி எண்ணிக்கை 4 ஆக உயர்வு DIN DIN Sunday, May 19, 2019 07:31 AM +0530 சங்கரன்கோவில் அருகே சீல் வைக்கப்பட்ட பட்டாசு ஆலையில் ஏற்பட்ட தீ விபத்து சம்பவத்தில் பலியானவர்கள் எண்ணிக்கை 4 ஆக உயர்ந்துள்ளது.
திருநெல்வேலி மாவட்டம்,  சங்கரன்கோவில் அருகே வரகனூர் பகுதியில் சீல் வைக்கப்பட்ட பட்டாசு ஆலை உள்ளது. இந்த ஆலையில் உள்ள கருவேலம் மரங்களை மே 15-ஆம் தேதி வெட்டுவதற்காக மாங்குடி பகுதியைச் சேர்ந்தவர் 6 பேர் சென்றனர். அங்கு, வெடிமருந்து இருந்த அறையின் அருகில் மதியம் உணவு சமைத்துள்ளனர். அப்போது தீப்பொறி காற்றில் பறந்து வெடி மருந்து இருந்த அறையில் தீ விபத்து ஏற்பட்டது. இதில் அறையிலிருந்த வெடி மருந்து வெடித்து கட்டடம் தரைமட்டமானது. மேலும் மரம் வெட்டச் சென்ற 6 பேரும் தீக்காயமடைந்தனர்.
இதையடுத்து, 6 பேரையும் மீட்டு சிவகாசி மருத்துவமனையில் சிகிச்சைக்காக அனுமதித்தனர். இதில் சிகிச்சை பலனின்றி கோபால், குருசாமி, கனகராஜ் ஆகியோர் உயிரிழந்தனர்.
இதில் காயமடைந்து உயிருக்கு ஆபத்தான நிலையில் விருதுநகர் மாவட்டம் மீனாட்சிபுரத்தைச் சேர்ந்த 17 வயது சிறுவன்  மே 15- ஆம் தேதி மதுரை அரசு ராஜாஜி மருத்துவமனையில் அனுமதிக்கப்பட்டார்.  இந்நிலையில்,   அந்த சிறுவன் சிகிச்சைப் பலனின்றி சனிக்கிழமை உயிரிழந்தார். இதையடுத்து,  பட்டாசு ஆலை தீ விபத்தில் உயிரிழந்தவர்கள் எண்ணிக்கை 4 ஆக உயர்ந்துள்ளது.
 

]]>
https://www.dinamani.com/all-editions/edition-madurai/madurai/2019/may/19/மூடப்பட்ட-பட்டாசு-ஆலையில்-தீ-விபத்து-பலி-எண்ணிக்கை-4-ஆக-உயர்வு-3154353.html
3154352 மதுரை மதுரை சோலைமலையில் வைகாசி விசாகத் திருவிழா DIN DIN Sunday, May 19, 2019 07:31 AM +0530 அழகர்கோவில் மலைமீதுள்ள சோலைமலை முருகன் கோயிலில் வைகாசி விசாகத்தையொட்டி சிறப்பு அபிஷேகம் ஆராதனைகள் சனிக்கிழமை நடைபெற்றன. 
 சோலை மலையில் வைகாசி விசாகத் திருவிழா கடந்த 9-ஆம் தேதி தொடங்கியது. தினசரி சுவாமி புறப்பாடு, சிறப்பு பூஜைகள் நடைபெற்றுவந்தன. சனிக்கிழமை பவுர்ணமி நாளில் வைகாசி விசாகத்தையொட்டி ஏராளமானோர் பால் குடங்கள் எடுத்துவந்து அபிஷேகம் செய்தனர். மேலும் பன்னீர்  பஞ்சாமிர்தம் உள்ளிட்ட பதினாறு வகை அபிஷேகங்கள் நடைபெற்றன. சஷ்டி மண்டபத்தில் நடைபெற்ற இந்த சிறப்பு பஜைகளில் ஏராளமான பக்தர்கள் கலந்துகொண்டு தரிசனம்செய்தனர்.  
 கள்ளழகர் திருக்கோயில் நிர்வாக அதிகாரி மாரிமுத்து மற்றும் அலுவலர்கள் சிறப்பு பூஜைகளுக்கான ஏற்பாடுகளைச் செய்திருந்தனர். மதியம் பக்தர்களுக்கு அன்னதானம் வழங்கப்பட்டது. 
 மேலூர் பாலமுருகன் கோயில், உலகநாதபுரம் சுப்பிரமணியர் கோயில், இடையபட்டி முருகன்கோயில், மேலூர் காமாட்சி சுந்தரேஷ்வரர் கோயில் சுப்பிரமணியர் சன்னதியிலும் சிறப்பு அபிஷேகம் ஆதாரனைகள் நடைபெற்றன. ஏராளமானோர் வழிபாடுகளைச் செய்தனர்.
 

]]>
https://www.dinamani.com/all-editions/edition-madurai/madurai/2019/may/19/சோலைமலையில்வைகாசி-விசாகத்-திருவிழா-3154352.html
3154351 மதுரை மதுரை பெண் வழக்குரைஞரிடம் 3.5 பவுன் நகைகள் பறிப்பு DIN DIN Sunday, May 19, 2019 07:31 AM +0530 மதுரையில் பெண் வழக்குரைஞரிடம் இருசக்கர வாகனத்தில் வந்த அடையாளம் தெரியாத இருவர் 3.5 பவுன் நகைகளை வெள்ளிக்கிழமை பறித்துச் சென்றனர்.
மதுரை அய்யர்பங்களா பகுதியைச் சேர்ந்தவர் ரத்தினம். இவரது மனைவி பூங்கொடியாள். வழக்குரைஞராக பணியாற்றி வரும் இவர் வெள்ளிக்கிழமை இருசக்கர வாகனத்தில் உத்தங்குடி என்ற இடத்தில் சென்றார். அப்போது பின்தொடர்ந்து இருசக்கர வாகனத்தில் வந்த இருவர் பூங்கொடியாள் கழுத்திலிருந்த 3.5 பவுன் நகைகளை பறித்துச் சென்றனர். 
இச்சம்பவம் தொடர்பாக கே.புதூர் போலீஸார் வெள்ளிக்கிழமை வழக்குப்பதிவு  செய்து விசாரித்து வருகின்றனர்.
 

]]>
https://www.dinamani.com/all-editions/edition-madurai/madurai/2019/may/19/பெண்-வழக்குரைஞரிடம்-35-பவுன்-நகைகள்-பறிப்பு-3154351.html
3154350 மதுரை மதுரை திருமோகூரில் தேரோட்டம் DIN DIN Sunday, May 19, 2019 07:30 AM +0530 மதுரை ஒத்தக்கடை அருகிலுள்ள திருமோகூர் காளமேகப்பெருமாள் கோயிலில் வைகாசி விசாகத்தையொட்டி சனிக்கிழமை தேரோட்டம் நடைபெற்றது.
மருதுபாண்டிய மன்னர் காலத்தில் கட்டப்பட்ட இக்கோயிலில் உள்ள சக்கரத்தாழ்வார் சன்னதி மதுரை மாவட்டதில் பிரசித்திபெற்றது. இங்கு பெருமாள் சயன திருக்கோலத்தில் பக்தர்களுக்கு அருள்பாலிக்கிறார். இக்கோயிலில் வஸந்த உற்சவம் கடந்த 10-ஆம் தேதி கொடியேற்றத்துடன் தொடங்கியது. தினசரி பெருமாள் புறப்பாடு ஹம்ஸ, சிம்மம், ஆஞ்சநேயர், கருடன், குதிரை வாகனங்களில்  நடைபெற்று வந்தது. சனிக்கிழமை சிறப்பு பூஜைகளுக்குப் பின்னர் ஸ்ரீதேவி பூமிதேவி சமேதரராக தேருக்கு காளமேகப்பெருமாள் எழுந்தருளினார். பிற்பகல் 3.30 மணியளவில் பக்தர்கள் கரகோஷத்துடன் தேரை வடம்பிடித்து இழுத்துவந்தனர்.
திங்கள்கிழமை  (மே 20)அலங்காரத் திருமஞ்சனத்துடன் வைகாசித் திருவிழா நிறைவடைகிறது.
 

]]>
https://www.dinamani.com/all-editions/edition-madurai/madurai/2019/may/19/திருமோகூரில்-தேரோட்டம்-3154350.html
3154349 மதுரை மதுரை தேமுதிக பிரமுகரிடம் ரூ.1.5 லட்சம் பறிமுதல் DIN DIN Sunday, May 19, 2019 07:30 AM +0530 மதுரை பெருங்குடி பகுதியில் தேமுதிக பிரமுகரிடம் ரூ. 1.50 லட்சத்தை போலீஸார் சனிக்கிழமை பறிமுதல் செய்தனர்.
 திருப்பரங்குன்றம் சட்டப்பேரவைத் தொகுதி இடைத்தேர்தலில் வாக்காளர்களுக்கு பணம் விநியோகம் செய்யப்படுவதை தடுக்கும் வகையில் பெருங்குடி பகுதியில் சோதனைச் சாவடி அருகே பறக்கும்படை அதிகாரிகள் சனிக்கிழமை வாகனச் சோதனையில் ஈடுபட்டனர்.  அப்போது, அவ்வழியாக இரு சக்கர வாகனத்தில் வந்த அவனியாபுரம் காவேரி நகரைச் சேர்ந்த செந்தில்குமாரை சோதனையிட்டபோது, அவரிடம் ரூ. 1.50 லட்சம் இருந்தது கண்டுபிடிக்கப்பட்டது. 
அதற்கு உரிய ஆவனங்கள் இல்லாததால் அதிகாரிகள் பணத்தை பறிமுதல் செய்தனர். இது தொடர்பாக அவனியாபுரம் போலீஸார் வழக்குப்பதிவு செய்துள்ளனர். செந்தில்குமார் தேமுதிகவைச் சேர்ந்தவர் என போலீஸார் தெரிவித்தனர்.


 

]]>
https://www.dinamani.com/all-editions/edition-madurai/madurai/2019/may/19/தேமுதிக-பிரமுகரிடம்-ரூ15-லட்சம்-பறிமுதல்-3154349.html
3154348 மதுரை மதுரை கோடை வெயிலின் தாக்கம் அதிகரிப்பு:  பூ விளைச்சல் கடும் சரிவு- விலை உயர்வு DIN DIN Sunday, May 19, 2019 07:30 AM +0530 மதுரையில் கோடை வெயிலின் தாக்கம் அதிகமாக உள்ளதால் பூக்களின் விளைச்சல் குறைந்து, மல்லிகை உள்ளிட்டப் பூக்களின் விலை உயர்ந்துள்ளது.
மதுரையில் கோடைகாலம் துவங்குவதற்கு முன்பு இருந்தே வெயிலின் தாக்கம் அதிகமாக இருந்து வருகிறது. நிகழாண்டில் மதுரை மாவட்டத்தில் பிப்ரவரி மாதமே வெயிலின் தாக்கம் அதிகரிக்க துவங்கி 100 டிகிரியில் இருந்து தற்போது 107 டிகிரி அளவு வரை பதிவாகி வருகிறது. இதனால் மதுரையின் அடையாளமான மல்லிகைப் பூ உள்ளிட்ட பூக்களின் விளைச்சலும் பாதிக்கப்பட்டுள்ளது. 
இதனால் பூக்களின் விலையும் உயர்ந்து வருகிறது. மதுரையில் உள்ள பூச்சந்தைக்கு வழக்கமாக மல்லிகைப் பூ வரத்து 20 டன் இருக்கும். ஆனால் கடந்த இரண்டு மாதமாக 2 டன் கூட வரத்து இல்லை. குறிப்பாக மல்லிகைப்பூ அதிகமாக விளைவிக்கப்படும் திருமங்கலம், திருப்பரங்குன்றம், உசிலம்பட்டி, சத்திரப்பட்டி மற்றும் சிவகங்கைப் பகுதியில் இருந்து வரும் பூக்களின் வரத்து மிகவும் குறைந்து வருகிறது. 
மேலும் செவ்வந்தி மற்றும் கோழிக்கொண்டைப் பூக்களின் வரத்து கொஞ்சம் கூட இல்லை. இதனால் பூச்சந்தைகளில் பூக்களின் விலை நாளுக்கு நாள் உயர்ந்து வருகிறது. 
இதுகுறித்து மதுரை மாட்டுத்தாவணி எம்ஜிஆர் வளாக நெல், மலர் மற்றும் இடுப்பொருள்கள் வியாபாரிகள் சங்கப் பொதுச்செயலர் ராமசந்திரன் கூறியது: 
இந்த ஆண்டு பனிகாலம் முடியும் முன்னரே வெயில் காலம் துவங்கிவிட்டது. இதனால் பெரும்பாலான பூ விவசாயிகள் பூக்கள் பயிரிடுவதை தவிர்த்துவிட்டனர். சிலர் மட்டுமே லாரி தண்ணீரை விலைக்கு வாங்கி, பூவைப் பயிரிட்டனர். 
இதனால் பூச்சந்தைக்கு வரும் பூக்களின் வரத்து குறைந்து வருகிறது. மேலும் விளைவிக்கப்படும் பூக்களும் தெளிவின்றி இருக்கிறது. இதனால் பூ வியாபாரிகள் பாதிப்படைந்துள்ளனர். 
கடந்த  2 மாதங்களுக்கு முன்பு (கிலோவில்) ரூ.150-க்கு விற்ற மல்லிகை ரூ.250, ரூ.50-க்கு விற்ற சம்பங்கி ரூ.100, ரூ.30-க்கு விற்ற அரளி ரூ.150, ரூ.30-க்கு விற்ற மரிக்கொழுந்து ரூ.70, ரூ.200-க்கு விற்ற கனகாம்பரம் ரூ.400, ரூ.200-க்கு விற்ற முல்லை ரூ.300, ரூ.100-க்கு விற்ற ரோஜா வகைகள் ரூ.300 என்ற விலைக்கு விற்கப்படுகிறது. 
மேலும் மே, ஜூன் மாதங்கள் முகூர்த்த மாதங்களாக இருப்பதால் இன்னும் விலை உயரும். இந்த விலை உயர்வினால் விவசாயிகளும், வியாபாரிகளும் லாபம் அடையப்போவது இல்லை என்றார்.

]]>
https://www.dinamani.com/all-editions/edition-madurai/madurai/2019/may/19/கோடை-வெயிலின்-தாக்கம்-அதிகரிப்பு-பூ-விளைச்சல்-கடும்-சரிவு--விலை-உயர்வு-3154348.html
3154346 மதுரை மதுரை பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும் DIN DIN Sunday, May 19, 2019 07:29 AM +0530 மனிதர்கள் பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும் என சென்னை உயர்நீதிமன்ற நீதிபதி ஜி.ஆர்.சுவாமிநாதன் பேசினார்.
மதுரை வி.ஆர்.கிருஷ்ணய்யர் அரங்கில் பழங்குடியின வளரிளம் பெண்களுக்கான 5 நாள்கள் கோடைகால முகாம் தொடக்க விழா சனிக்கிழமை நடைபெற்றது. நீதிபதி சிவராஜ் வி.பாட்டீல் அறக்கட்டளை, ஆக்ஷன் எய்ட் அறக்கட்டளை மற்றும் ஜான் லிவிஸ் அறக்கட்டளை சார்பில் நடத்தப்படும் இந்த முகாமை நீதிபதி ஜி.ஆர்.சுவாமிநாதன் தொடக்கி வைத்துப் பேசியது: 
இளம் வயதில் என்னென்ன  பிரச்னைகள் வரும், அதனை எவ்வாறு எதிர்கொள்ள வேண்டும் என்பனவற்றை இளம் வயதிலேயே  கற்றுக்கொள்ள வேண்டும். வாகனங்கள் ஓட்டுவது அனைவருக்கும் மிகவும் பிடித்தமானது. ஒவ்வொரு வாகனங்களிலும் 100, 150, 180 கி.மீ., என வேகம் இருக்கும். ஆனால் 50 கி.மீ., வேகத்தை நாம் தாண்டினால் நாம் வாகனத்தின் கட்டுப்பாட்டை இழந்துவிடுவோம். பிரேக் செயல்படாமல் போகும். 
இதேபோல தான் மனிதர்களின் வாழ்க்கையும், மனிதன் தனது உணர்ச்சிகளை கட்டுக்குள் வைக்க வேண்டும். குறிப்பாக மாணவர்கள் படிக்கும் காலத்திலேயே இதை பின்பற்ற வேண்டும். இளம் வயதினர் தான் உணர்ச்சி மிகுதியால் பிரச்னைகளில் சிக்கிக் கொள்கின்றனர் என நினைக்கிறோம். ஆனால் 30 வயதைக் கடந்தவர்கள் கூட பிரச்னையில் சிக்கி கொள்கின்றனர். 
அண்மையில் நேரிடையாக அப்படி ஒருவரைச் சந்தித்தேன். அவர் மிகச்சிறந்த கல்லூரியில் பட்டம் பெற்று, அமெரிக்காவில் பெரிய நிறுவனத்தில் வேலை பார்த்தவர். பின்னர் குடும்பத்தைப் பிரிந்து இந்தியாவிற்கு வந்து ஒருவரை நம்பி 10 ஆண்டுகளாக தன் வாழ்க்கையை இழந்து தவிக்கிறார். 
என்ன தான் படித்தாலும் பெரிய பொறுப்பில் இருந்தாலும் அனைவரும் மனதை கட்டுக்குள் வைத்துக்கொள்ளாவிட்டால், பிரச்னைகள் வரும். மனிதர்கள் பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும். அப்போது தான் தெளிவான முடிவுகளை எடுக்க முடியும். மாணவர்கள் முதலில் தங்களின் படிப்பில் தான் கவனம் செலுத்த 
வேண்டும். 
ஒழுக்கத்துடன் பெற்றோர்களின் வழிகாட்டுதல் படி நடக்க வேண்டும். அதன்பின்னர் தான் வெற்றியை அடையமுடியும். நீங்கள் வெற்றி பெற்றால் மட்டும் போதாது, இந்த சமூகத்தையும் மேம்படுத்தி வளர்ச்சியில் வெற்றி பெற செய்யவேண்டும் என்றார். 
அறக்கட்டளையின் நிர்வாக அறங்காவலர் எஸ்.செல்வகோமதி: தேனி, திண்டுக்கல், விருதுநகர், திண்டுக்கல் உள்ளிட்ட மாவட்டங்களில் உள்ள மலைவாழ் மக்களான இருளர், பளியர் உள்ளிட்ட பழங்குடியின வளரிளம் பெண்கள், ஆண்கள் என மொத்தம் 75 பேர் இந்த முகாமில் பங்கேற்றுள்ளனர். இவர்கள் நகர் பகுதிகளில் உள்ளவர்களைப் போன்று அனைத்து வசதிகளையும் பயன்படுத்தியவர்கள் அல்ல. மழைவாழ் மக்கள் பெரும்பாலும் தங்களுக்கான உரிமை என்ன என்பதே தெரியாமல் உள்ளனர். அதை அவர்களுக்கு புரியவைக்க வேண்டும். 
மலைப்பகுதியில் வாழும் பெண் குழந்தைகள் அதிக எண்ணிக்கையில் பாலியல் வன்கொடுமையால் பாதிக்கப்படுகின்றனர். எனவே அவர்களுக்கு பாலியல் கொடுமைகளில் இருந்து தற்காத்துக் கொள்ள விழிப்புணர்வு ஏற்படுத்த உள்ளோம். இவர்களுக்கு சட்டத்துறையைச் சேர்ந்தவர்கள், மனநல மருத்துவர்கள், ஓய்வுப் பெற்ற ஆசிரியர்கள் உள்ளிட்டவர்கள் மூலம் பயிற்சிகளும், ஆலோசனைகளும் வழங்கப்படும் என்றார்.
இதில் மருத்துவர் வி.ஜீவானந்தம், வழக்குரைஞர் எஸ்.பாலசுந்தரி, அண்ணாநகர் கிளை எஸ்பிஐ வங்கி மேலாளர் எஸ்.அகிலா உள்ளிட்டோர் பேசினர்.

]]>
https://www.dinamani.com/all-editions/edition-madurai/madurai/2019/may/19/பிரச்னைகளில்-இருந்து-விலகி-இருக்க-உணர்ச்சிகளை-கட்டுக்குள்-வைக்க-வேண்டும்-3154346.html
3154347 மதுரை மதுரை பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும் DIN DIN Sunday, May 19, 2019 07:29 AM +0530 மனிதர்கள் பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும் என சென்னை உயர்நீதிமன்ற நீதிபதி ஜி.ஆர்.சுவாமிநாதன் பேசினார்.
மதுரை வி.ஆர்.கிருஷ்ணய்யர் அரங்கில் பழங்குடியின வளரிளம் பெண்களுக்கான 5 நாள்கள் கோடைகால முகாம் தொடக்க விழா சனிக்கிழமை நடைபெற்றது. நீதிபதி சிவராஜ் வி.பாட்டீல் அறக்கட்டளை, ஆக்ஷன் எய்ட் அறக்கட்டளை மற்றும் ஜான் லிவிஸ் அறக்கட்டளை சார்பில் நடத்தப்படும் இந்த முகாமை நீதிபதி ஜி.ஆர்.சுவாமிநாதன் தொடக்கி வைத்துப் பேசியது: 
இளம் வயதில் என்னென்ன  பிரச்னைகள் வரும், அதனை எவ்வாறு எதிர்கொள்ள வேண்டும் என்பனவற்றை இளம் வயதிலேயே  கற்றுக்கொள்ள வேண்டும். வாகனங்கள் ஓட்டுவது அனைவருக்கும் மிகவும் பிடித்தமானது. ஒவ்வொரு வாகனங்களிலும் 100, 150, 180 கி.மீ., என வேகம் இருக்கும். ஆனால் 50 கி.மீ., வேகத்தை நாம் தாண்டினால் நாம் வாகனத்தின் கட்டுப்பாட்டை இழந்துவிடுவோம். பிரேக் செயல்படாமல் போகும். 
இதேபோல தான் மனிதர்களின் வாழ்க்கையும், மனிதன் தனது உணர்ச்சிகளை கட்டுக்குள் வைக்க வேண்டும். குறிப்பாக மாணவர்கள் படிக்கும் காலத்திலேயே இதை பின்பற்ற வேண்டும். இளம் வயதினர் தான் உணர்ச்சி மிகுதியால் பிரச்னைகளில் சிக்கிக் கொள்கின்றனர் என நினைக்கிறோம். ஆனால் 30 வயதைக் கடந்தவர்கள் கூட பிரச்னையில் சிக்கி கொள்கின்றனர். 
அண்மையில் நேரிடையாக அப்படி ஒருவரைச் சந்தித்தேன். அவர் மிகச்சிறந்த கல்லூரியில் பட்டம் பெற்று, அமெரிக்காவில் பெரிய நிறுவனத்தில் வேலை பார்த்தவர். பின்னர் குடும்பத்தைப் பிரிந்து இந்தியாவிற்கு வந்து ஒருவரை நம்பி 10 ஆண்டுகளாக தன் வாழ்க்கையை இழந்து தவிக்கிறார். 
என்ன தான் படித்தாலும் பெரிய பொறுப்பில் இருந்தாலும் அனைவரும் மனதை கட்டுக்குள் வைத்துக்கொள்ளாவிட்டால், பிரச்னைகள் வரும். மனிதர்கள் பிரச்னைகளில் இருந்து விலகி இருக்க உணர்ச்சிகளை கட்டுக்குள் வைக்க வேண்டும். அப்போது தான் தெளிவான முடிவுகளை எடுக்க முடியும். மாணவர்கள் முதலில் தங்களின் படிப்பில் தான் கவனம் செலுத்த 
வேண்டும். 
ஒழுக்கத்துடன் பெற்றோர்களின் வழிகாட்டுதல் படி நடக்க வேண்டும். அதன்பின்னர் தான் வெற்றியை அடையமுடியும். நீங்கள் வெற்றி பெற்றால் மட்டும் போதாது, இந்த சமூகத்தையும் மேம்படுத்தி வளர்ச்சியில் வெற்றி பெற செய்யவேண்டும் என்றார். 
அறக்கட்டளையின் நிர்வாக அறங்காவலர் எஸ்.செல்வகோமதி: தேனி, திண்டுக்கல், விருதுநகர், திண்டுக்கல் உள்ளிட்ட மாவட்டங்களில் உள்ள மலைவாழ் மக்களான இருளர், பளியர் உள்ளிட்ட பழங்குடியின வளரிளம் பெண்கள், ஆண்கள் என மொத்தம் 75 பேர் இந்த முகாமில் பங்கேற்றுள்ளனர். இவர்கள் நகர் பகுதிகளில் உள்ளவர்களைப் போன்று அனைத்து வசதிகளையும் பயன்படுத்தியவர்கள் அல்ல. மழைவாழ் மக்கள் பெரும்பாலும் தங்களுக்கான உரிமை என்ன என்பதே தெரியாமல் உள்ளனர். அதை அவர்களுக்கு புரியவைக்க வேண்டும். 
மலைப்பகுதியில் வாழும் பெண் குழந்தைகள் அதிக எண்ணிக்கையில் பாலியல் வன்கொடுமையால் பாதிக்கப்படுகின்றனர். எனவே அவர்களுக்கு பாலியல் கொடுமைகளில் இருந்து தற்காத்துக் கொள்ள விழிப்புணர்வு ஏற்படுத்த உள்ளோம். இவர்களுக்கு சட்டத்துறையைச் சேர்ந்தவர்கள், மனநல மருத்துவர்கள், ஓய்வுப் பெற்ற ஆசிரியர்கள் உள்ளிட்டவர்கள் மூலம் பயிற்சிகளும், ஆலோசனைகளும் வழங்கப்படும் என்றார்.
இதில் மருத்துவர் வி.ஜீவானந்தம், வழக்குரைஞர் எஸ்.பாலசுந்தரி, அண்ணாநகர் கிளை எஸ்பிஐ வங்கி மேலாளர் எஸ்.அகிலா உள்ளிட்டோர் பேசினர்.

]]>
https://www.dinamani.com/all-editions/edition-madurai/madurai/2019/may/19/பிரச்னைகளில்-இருந்து-விலகி-இருக்க-உணர்ச்சிகளை-கட்டுக்குள்-வைக்க-வேண்டும்-3154347.html
3153715 மதுரை மதுரை மேலவளவு போலீஸ்காரர் மகன் கொலை வழக்கில் பாட்டி கைது DIN DIN Saturday, May 18, 2019 06:54 AM +0530 மதுரை மாவட்டம் மேலூர் அருகே போலீஸ்காரர் மகன் கழுத்தறுத்து கொலை செய்யப்பட்ட வழக்கில் அவரது பாட்டியை போலீஸார் வெள்ளிக்கிழமை கைது செய்தனர்.
மேலூர் அருகேயுள்ள மேலவளவு கிராமத்தை ச் சேர்ந்த ஓய்வு பெற்ற போலீஸ்காரர் ராவணன் மகன் ராஜா,  கடந்த 14 ஆம் தேதி இரவு அவரது வீட்டில் கழுத்தறுக்கப்பட்ட நிலையில், கொலை செய்யப்பட்டுக் கிடந்தார். 
அவரது மனைவி, குழந்தைகள் சிவகங்கையில் உள்ள உறவினர் வீட்டில் இருந்த நிலையில் ராஜாவை கொலை செய்தது யார் என மேலவளவு போலீஸார் தீவிர விசாரணை மேற்கொண்டனர். 
 இதில், ராஜா தனது மனைவி குழந்தைகளை குடிபோதையில் துன்புறுத்தியதும், தனது பாட்டி புத்திசிகாமணியிடம் (72) பணம் கேட்டு அடிக்கடி தொந்தரவு செய்ததும் தெரியவந்தது. 
கொலை நடந்த இரவு புத்திசிகாமணி அந்த பகுதிக்கு வந்துசென்றது தெரியவந்ததால் அவரிடம் போலீஸார் விசாரித்தனர். அப்போது பேரனை கொலை செய்ததை ஒப்புக்கொண்டார்.
 ராஜா தனது சொத்துக்களை விற்று பணம் தருமாறு துன்புறுத்தியதால், அரிவாள் மனையால் கழுத்தை அறுத்துக் கொலை செய்ததாக போலீஸாரிடம் அவர் தெரிவித்தார். அவரை   போலீஸார் கைது செய்து மேலும் விசாரித்து வருகின்றனர்.
 

]]>
https://www.dinamani.com/all-editions/edition-madurai/madurai/2019/may/18/மேலவளவு-போலீஸ்காரர்-மகன்-கொலை-வழக்கில்-பாட்டி-கைது-3153715.html
3153714 மதுரை மதுரை "கண் விழித்திரை புற்று நோய்: 1100 குழந்தைகளுக்கு சிகிச்சை' DIN DIN Saturday, May 18, 2019 06:54 AM +0530 கண் விழித்திரை புற்று நோயால் பாதிக்கப்பட்ட 1100 குழந்தைகளுக்கும், 6 ஆயிரம் பெரியவர்களுக்கும் மதுரை அரவிந்த் கண் மருத்துவமனையில் சிகிச்சை அளிக்கப்பட்டுள்ளது.
   இம்மருத்துவமனையின் கண் விழி குழு அமைப்பின்  தலைவர் உஷா செய்தியாளார்களிடம்  வெள்ளிக்கிழமை கூறியது: ரெட்டினோ பிளாஸ்டோமா எனும் கண் விழித்திரைப் புற்றுநோய், குழந்தைகளைப் பாதிக்கக்கூடிய கொடிய நோய். 
உலகளவில் இந்த நோயால் பாதிக்கப்பட்டவர்களில் 20 சதவீதம் பேர் இந்தியாவில் உள்ளனர். இந்த நோயால் பாதிக்கப்பட்ட 1100 குழந்தைகளுக்கும், 6 ஆயிரம் பெரியவர்களுக்கும் மதுரை அரவிந்த் கண் மருத்துவமனையில் சிகிச்சை அளிக்கப்பட்டுள்ளது.
குழந்தையின் கண்களில் வெள்ளை நிற ஒளி தோன்றுதல், நேராகப் பார்க்காமல் வெவ்வேறு திசைகளில் குழந்தை பார்த்தல், குழந்தையின் கண்களில் வீக்கம் அல்லது சிவப்பு தோன்றுதல் ஆகிய அறிகுறிகள் தென்பட்டால் குழந்தைகளுக்கு விழித்திரை புற்றுநோய் பரிசோதனை செய்ய வேண்டும். நோய் கண்டறியப்பட்டு ஆரம்ப நிலையிலேயே சிகிச்சை எடுத்துக்கொண்டால் முழுமையாக குணப்படுத்தலாம். 
இந்த நோயால் பாதிக்கப்பட்டவர்கள், பார்வையிழப்பு மற்றும் உயிரிழப்புக்கு ஆளாக நேரிடும். இதனை தடுக்க அரவிந்த் மருத்துவமனையில் மரபணு பரிசோதனை ஆய்வு நடத்தப்படுகிறது. உலகெங்கும் 140-க்கும் மேலான மரபணு மாற்றங்கள் கண்டறியப்பட்டுள்ளன. அவற்றில் 20 மரபணு மாற்றங்கள், அரவிந்த் மருத்துவமனையில் நடத்தப்பட்ட மரபணு பரிசோதனை ஆய்வு மூலம் கண்டறியப்பட்டுள்ளன. 
இந்த நோயால் பாதிக்கப்பட்டவர்களில் 40 சதவீதத்தினருக்கு பரம்பரை நோயாக இருக்கும். நோயால் பாதிக்கப்பட்டவரின் பெற்றோர்கள் மற்றும் உடன்பிறந்தவர்களுக்கும் கண்டிப்பாக விழித்திரை புற்றுநோய் உள்ளதா என பரிசோதனை செய்துக் கொள்ளவேண்டும்.
லேசர் சிகிச்சை, கீமோதெரபி மற்றும் அறுவை சிகிச்சை மூலம் பாதிக்கப்பட்ட கண்ணை நீக்கி, செயற்கை கண் பொருத்துதல் ஆகிய சிகிச்சை மேற்கொள்ளப்படுகிறது. மரபணு குறித்த ஆலோசனையும் வழங்கப்படுகிறது என்றார்.
 

]]>
https://www.dinamani.com/all-editions/edition-madurai/madurai/2019/may/18/கண்-விழித்திரை-புற்று-நோய்-1100-குழந்தைகளுக்கு-சிகிச்சை-3153714.html
3153713 மதுரை மதுரை சாலை விபத்துகளில் இருவர் பலி DIN DIN Saturday, May 18, 2019 06:53 AM +0530 மதுரையில் இரு வேறு இடங்களில் நடைபெற்ற சாலை விபத்தில் இருவர் உயிரிழந்தனர்.
மதுரை  எல்லீஸ் நகரைச் சேர்ந்த மோசஸ் காந்தி மகன் பகத்சிங் (21). இவர் கார் பழுது பார்க்கும் பணி செய்து வந்தார். கடந்த மே 5- ஆம் தேதி பகத்சிங் இரு சக்கர வாகனத்தில் எஸ்.எஸ். காலனி அருகே சர்வோதயா சாலையில் சென்றபோது கட்டுப்பாட்டை  இழந்து தவறி விழுந்தார். இதில் கால் முறிவு ஏற்பட்டு மதுரை அரசு ராஜாஜி மருத்துவமனையில் அனுமதிக்கப்பட்டு சிகிச்சை பெற்று வந்தார். பகத்சிங்க்கு மருத்துவமனையில் திங்கள்கிழமை அறுவை சிகிச்சை நடைபெற்றது. இதில், அவர் சுயநினைவை இழந்துள்ளார். 
இந்நிலையில், பகத்சிங் சிகிச்சை பலனின்றி வெள்ளிக்கிழமை உயிரிழந்தார். இது குறித்து தந்தை மோசஸ்காந்தி அளித்த புகாரின் பேரில் எஸ்.எஸ். காலனி போலீஸார் வெள்ளிக்கிழமை வழக்குப்பதிவுச் செய்து விசாரித்து வருகின்றனர்.
மதுரை அருகே பூசாரிப்பட்டியைச் சேர்ந்த முருகேசன்(55), இரு சக்கர வாகனத்தில் சென்ற போது மதுரை - மேலூர் சாலை ஒத்தக்கடை சந்திப்பில் எதிர்பாராத விதமாக கார் மோதி விபத்து ஏற்பட்டது. இதில், பலத்தக் காயமடைந்த முருகேசன் சம்பவ இடத்திலேயே உயிரிழந்தார். 
இது குறித்து அவரது மனைவி  செல்வி அளித்த புகாரின் பேரில் ஒத்தக்கடை போலீஸார் வியாழக்கிழமை வழக்குப்பதிவுச் 
செய்து விசாரித்து வருகின்றனர்.

]]>
https://www.dinamani.com/all-editions/edition-madurai/madurai/2019/may/18/சாலை-விபத்துகளில்-இருவர்-பலி-3153713.html
3153712 மதுரை மதுரை ஊதியம் தாமதம், மன உளைச்சல் தற்காலிக ஆசிரியர்களை  பணி நிரந்தரம் செய்ய வலியுறுத்தல் DIN DIN Saturday, May 18, 2019 06:53 AM +0530 ஊதியம் வழங்குவதில் ஏற்படும் தாமதத்தால் பாதிக்கப்படுவதால் தற்காலிக ஆசிரியர்களை பணி நிரந்தரம் செய்ய வேண்டும் என்று தமிழ்நாடு ஆசிரியர் சங்கம் வலியுறுத்தியுள்ளது. 
தமிழக பள்ளிக் கல்வித்துறையில் ஆர்எம்எஸ்ஏ, எஸ்எஸ்ஏ திட்டங்களின் கீழ் ஆசிரியர்கள் தற்காலிகப் பணியிடங்களில் பணிபுரிந்து வருகின்றனர். இவர்கள் பத்து ஆண்டுகள் பணியைக் கடந்தும், இவர்களுக்கு ஆசிரியர்கள் என்ற பெயரில் அல்லாமல் பல்வேறு பெயர்களில் மாத ஊதியம் வழங்கப்பட்டு வருகிறது. 
மேலும் ஒவ்வொரு மூன்று மாதங்களுக்கு ஒரு முறை தொடர் பணி நீட்டிப்பு ஆணைக்காக அரசின் அனுமதி பெறுவதற்காக சம்பள பட்டியல் அனுப்பப்படுகிறது. இதனால் குறிப்பிட்ட தேதியில் ஊதியம் கிடைக்காமல், குடும்பச் செலவுகளுக்குக்கூட ஆசிரியர்கள்  அவதிப்பட்டு வருகின்றனர். 
மேலும் ஆசிரியர் தகுதித்தேர்வு விவகாரத்தால் 8462 ஆசிரியர்களுக்கு நிறுத்தி வைக்கப்பட்ட ஏப்ரல் மாத ஊதியத்தை தற்போதுதான் வழங்க உத்தரவிடப்பட்டுள்ளது. அதிலும் கூட எஸ்எஸ்ஏ திட்டத்தில் நியமனம் செய்யப்பட்ட 1282 ஆசிரியர்களுக்கு ஏப்ரல் மாதத்துக்கான  தொடர் நீட்டிப்பு ஆணை  இதுவரை வழங்கப்படவில்லை. 
இதனால் தமிழகம் முழுவதும் 50 ஆயிரத்துக்கும் மேற்பட்ட ஆசிரியர்கள் மன உளைச்சலால் பாதிக்கப்பட்டுள்ளனர். எனவே தற்காலிகப் பணியிடங்களை நிரந்தரப் பணியிடங்களாக மாற்ற அரசு உடனடியாக நடவடிக்கை எடுக்க வேண்டும். 
மேலும் தொடர் பணி நீட்டிப்பு ஆணை பெறுவதற்கான கால வரம்பை மூன்று மாதங்கள் என்பதில் இருந்து ஓராண்டாக மாற்ற வேண்டும் என்று தமிழ்நாடு ஆசிரியர் சங்கம் வலியுறுத்தியுள்ளது.

]]>
https://www.dinamani.com/all-editions/edition-madurai/madurai/2019/may/18/ஊதியம்-தாமதம்-மன-உளைச்சல்-தற்காலிக-ஆசிரியர்களை-பணி-நிரந்தரம்-செய்ய-வலியுறுத்தல்-3153712.html
3153711 மதுரை மதுரை திருப்பரங்குன்றம் தொகுதியில் நாளை வாக்குப்பதிவு: 37 பேர் போட்டி DIN DIN Saturday, May 18, 2019 06:53 AM +0530 திருப்பரங்குன்றம் சட்டப் பேரவைத் தொகுதி இடைத்தேர்தல் வாக்குப்பதிவு ஞாயிற்றுக்கிழமை (மே 19) நடைபெறுகிறது. அதிமுக, திமுக, அமமுக கட்சிகளின் வேட்பாளர்கள் உள்பட 37 பேர் போட்டியிடுகின்றனர்.
திருப்பரங்குன்றம் தொகுதியின் சட்டப்பேரவை உறுப்பினர் ஏ.கே. போஸ் இறந்ததையடுத்து இத் தொகுதிக்கு இடைத்தேர்தல் நடைபெறுகிறது. ஏ.கே. போஸ் வெற்றியை எதிர்த்து திமுக சார்பில் தொடர்ந்த வழக்கு உயர்நீதிமன்றத்தில் விசாரணையில் இருந்த காரணத்தால், திருப்பரங்குன்றம் தொகுதியின் இடைத்தேர்தலானது ஏப்ரல் 18-ஆம் தேதி நடைபெற்ற மக்களவைத் தேர்தலுடன் சேர்த்து நடத்தப்படவில்லை. இந்நிலையில், அந்த வழக்கு நீதிமன்றத்தில் முடித்து வைக்கப்பட்டதையடுத்து தற்போது தேர்தல் நடத்தப்படுகிறது.
37 வேட்பாளர்கள் போட்டி...: இங்கு அதிமுக சார்பில் எஸ். முனியாண்டி (இரட்டை இலை),   திமுக சார்பில் பா.சரவணன் ( உதயசூரியன்),  மக்கள் நீதி மய்யம் சார்பில்  சக்திவேல் ( டார்ச் லைட்), அனைத்து மக்கள் புரட்சி கட்சி சார்பில் ஜெ.செந்தில்ராஜா (ஒலி வாங்கி),  தேசிய மக்கள் சக்தி கட்சி சார்பில் பொ. செல்லப்பாண்டியன் (புட்டி),  ஊழல் ஒழிப்பு செயலாக்கக் கட்சி சார்பில் ஏ.தேவசகாயம் (பலாப்பழம்), இந்திய குடியரசுக் கட்சி சார்பில் பூ.நாகராஜா  (மோதிரம்), நாம் இந்தியர் கட்சி சார்பில் ம.முத்து (ஆட்டோ ரிக்ஷா),  நாம் தமிழர் கட்சி சார்பில் ரா.ரேவதி (கரும்பு விவசாயி) ஆகியோர் போட்டியிடுகின்றனர். 
சுயேச்சை வேட்பாளர்கள் மற்றும் சின்னங்கள்:  ஸ்ரீராமச்சந்திரன் (ஏழுகதிர்களுடன் பேனாவின் முனை),  எஸ்.ஆறுமுகம் (கப்பல்),  ஆர். ஆறுமுகம் (கைப்பெட்டி),  உக்கிரபாண்டியன் (டிராக்டர் இயக்கும் உழவன்),  கோபாலகிருஷ்ணன் (தென்னந்தோப்பு),   கோபிநாத் (பிரஷர் குக்கர்),  சந்திரகாசன் (மின் கம்பம்),  சரவணன் யாதவ்  (எரிவாயு  சிலிண்டர்),  சிவா (தர்பூசணி),   சுப்பிரமணி (உறை),  சேகர் (கப் மற்றும் சாசர்),  நா.நாகராஜன் (சாவி),  ப. நாகராஜ் ( வைரம்),  பத்மராஜன் (பலூன்),  பூவநாதன்  (படகோட்டியுடன் கூடிய பாய்மரப்படகு),   பொன்ராஜ்  (மடிக்கணினி),  ஐ.மகேந்திரன் (அமமுக) - பரிசு பெட்டகம்),  கே மகேந்திரன் (அலமாரி),  ஆ.மணி  ( பானை), மணிகண்டன் (உணவு நிறைந்த தட்டு),  மன்னன் (தொப்பி), முருகன்  (பட்டாணி),   கு.முனியாண்டி ( டிஷ் ஆன்டனா),  கோ. முனியாண்டி ( ஷூ )   மூ. முனியாண்டி (ரப்பர் முத்திரை), ரமேஷ்  (அன்னாசி),  ராஜன் (செங்கல்),  வைர சீமான் - ( தொலைக்காட்சிப் பெட்டி).
297 வாக்குச்சாவடிகளில்...: திருப்பரங்குன்றம் தொகுதியில் 3 லட்சத்து 4 ஆயிரத்து 478 வாக்காளர்கள் உள்ளனர். இவர்களில் 1 லட்சத்து 50 ஆயிரத்து 533 பேர் ஆண்கள். 1 லட்சத்து 53 ஆயிரத்து 918 பேர் பெண்கள். 27  பேர் மூன்றாம் பாலினத்தவர். இடைத் தேர்தலையொட்டி தொகுதியில் மொத்தம் 297 வாக்குச்சாவடிகள் அமைக்கப்பட்டுள்ளன. இவற்றில் பதற்றமான 88 வாக்குச்சாவடிகளில் துணை ராணுவத்தினர் நியமிக்கப்படுகின்றனர். மேலும் வெப் கேமராவில் வாக்குப்பதிவு காட்சிகள் பதிவு செய்யப்படுகின்றன.
 தேர்தல் பணியில் 1500 பேர்...: வாக்குப்பதிவு பணிக்காக வாக்குச்சாவடிகளில் பணியாற்ற 1500 பேர் தேர்வு செய்யப்பட்டுள்ளனர். வாக்குச்சாவடி தலைமை அலுவலர் மற்றும் 3 அல்லது 4 வாக்குப்பதிவு அலுவலர்கள் நியமிக்கப்பட்டுள்ளனர். இதுதவிர அனைத்து வாக்குச்சாவடிகளிலும் நுண் பார்வையாளர்கள் நியமிக்கப்பட்டுள்ளனர்.
 3 வாக்குப்பதிவு இயந்திரங்கள்...:  நோட்டாவுடன் சேர்த்து மொத்தம் 38 வேட்பாளர்கள் போட்டியிடுவதால், 3 வாக்குப்பதிவு இயந்திரங்கள் (பேலட் யூனிட்) தயார் செய்யப்பட்டுள்ளன. ஒவ்வொரு வாக்குச்சாவடியிலும் தலா 3 வாக்குப்பதிவு இயந்திரங்கள், தலா ஒரு கட்டுப்பாட்டு இயந்திரம் மற்றும் விவிபேட் இயந்திரம் பயன்படுத்தப்படும்.
 

]]>
https://www.dinamani.com/all-editions/edition-madurai/madurai/2019/may/18/திருப்பரங்குன்றம்-தொகுதியில்-நாளை-வாக்குப்பதிவு-37-பேர்-போட்டி-3153711.html
3153710 மதுரை மதுரை மேலூர் அருகே ஊராட்சித் தலைவர் பதவிக்கு  போட்டியிட்டவர் மர்மச் சாவு: வழக்கு சிபிசிஐடி-க்கு மாற்றம் DIN DIN Saturday, May 18, 2019 06:53 AM +0530 மதுரை மாவட்டம் மேலூர் அருகே ஊராட்சித் தலைவர் பதவிக்கு போட்டியிட்டவர் விபத்தில் இறந்ததாக தொடரப்பட்ட வழக்கை சிபிசிஐடி விசாரணைக்கு மாற்றி சென்னை உயர்நீதிமன்ற மதுரைக் கிளை உத்தரவிட்டது.
மேலூரைச் சேர்ந்த பொற்கொடி தாக்கல் செய்த மனு: கடந்த 2011-ஆம் ஆண்டு நடைபெற்ற உள்ளாட்சித் தேர்தலில், அப்போதைய வண்ணான்பாறைப்பட்டி ஊராட்சித் தலைவராக இருந்த முருகனை எதிர்த்து போட்டியிட யாரும் முன்வரவில்லை. இந்நிலையில், எனது கணவர் பிச்சை அப்பதவிக்கு போட்டியிட விருப்பம் தெரிவித்து வேட்பு மனு தாக்கல் செய்தார். இதை விரும்பாத முருகன் மற்றும் அவரது குடும்பத்தினரைச் சேர்ந்த ரமேஷ், காமேஷ், லோகு உள்ளிட்ட 10-க்கும் மேற்பட்டோர் வேட்பு மனுவை திரும்பப் பெறச் சொல்லி மிரட்டினர். இதையடுத்து, எனது கணவர் வேட்பு மனுவை திரும்பப் பெற்றார். 
இந்நிலையில், மேலூர்-சிவகங்கை சாலையில் 2011 அக்டோபர் 1-ஆம் தேதி இறந்து கிடந்தார். அது விபத்து இல்லை, திட்டமிட்டு நடந்த கொலை என கீழவளவு காவல் நிலையத்தில் புகார் அளித்தேன். ஆனால், அடையாளம் தெரியாத வாகனம் மோதி பிச்சை உயிரிழந்ததாக வழக்குப்பதிவு செய்யப்பட்டது. 
கீழவளவு காவல் துறையினர் வழக்கை முறையாக விசாரிக்காமல் குற்றம் சாட்டப்பட்ட முருகனுக்கு ஆதரவாக செயல்படுகின்றனர். எனவே, இந்த வழக்கு விசாரணை முறையாகவும், நேர்மையாகவும் நடைபெற சிபிசிஐடி-க்கு மாற்ற வேண்டும் என குறிப்பிட்டிருந்தார். 
இம்மனுவை விசாரித்த நீதிபதி புகழேந்தி, கீழவளவு காவல்துறையினர் வழக்கு விசாரணையை முறையாக மேற்கொள்ளவில்லை என குறிப்பிட்டு வழக்கு விசாரணையை சிபிசிஐடிக்கு மாற்றி  உத்தரவிட்டார்.
 

]]>
https://www.dinamani.com/all-editions/edition-madurai/madurai/2019/may/18/மேலூர்-அருகே-ஊராட்சித்-தலைவர்-பதவிக்கு-போட்டியிட்டவர்-மர்மச்-சாவு-வழக்கு-சிபிசிஐடி-க்கு-மாற்றம்-3153710.html
3153709 மதுரை மதுரை 14 பவுன் நகைகள் திருட்டு: 4 பவுன் பறிப்பு DIN DIN Saturday, May 18, 2019 06:52 AM +0530 மதுரையில் இரு வேறு இடங்களில் 18 பவுன் நகைகள் திருடப்பட்டச் சம்பவம் குறித்து போலீஸார் வியாழக்கிழமை வழக்குப்பதிவு செய்தனர்.
மதுரை விரட்டிபத்து தேவர் காலனியைச் சேர்ந்தவர் சரவணன்(38). இவர் பேப்பர் கட்டிங் நிறுவனத்தில் வேலை பார்த்து வருகிறார். சரவணன் புதன்கிழமை வீட்டை பூட்டி விட்டு வெளியூர் சென்றவர் வியாழக்கிழமை மாலை வீடு திரும்பியுள்ளார். வீட்டின் கதவை திறக்க முயன்ற போது, கதவு உடைக்கப்பட்டு பீரோவில் இருந்த துணிகள் வீடு முழுவதும் சிதறிக் கிடந்துள்ளன.  
இதையடுத்து சரவணன் எஸ்.எஸ். காலனி காவல் நிலையத்தில் புகார் அளித்தார். போலீஸார் சம்பவ இடத்திற்குச் சென்று விசாரணை நடத்தியதில் பீரோவிலிருந்த 14 பவுன் நகைகள் திருடப்பட்டது தெரியவந்தது. இது குறித்து போலீஸார் வழக்குப்பதிவுச் செய்து விசாரித்து வருகின்றனர்.
மதுரை ஜெய்ஹிந்துபுரம் மீனாம்பிகை குறுக்கு தெருவைச் சேர்ந்த சண்முகநாதன் மனைவி திருமறைவடிவு (70). இவர் வியாழக்கிழமை வீட்டின் அருகே நடந்து சென்றுள்ளார். அப்போது பின்தொடர்ந்து வந்த அடையாளம் தெரியாத நபர்  திருமறைவடிவு கழுத்தில் இருந்த 4 பவுன் சங்கிலியை பறித்துச் சென்றுள்ளார். இது குறித்து ஜெய்ஹிந்துபுரம் காவல்நிலையத்தில் திருமறைவடிவு வியாழக்கிழமை அளித்த புகாரின் பேரில் போலீஸார் வழக்குப்பதிவுச் செய்து விசாரித்து வருகின்றனர்.

]]>
https://www.dinamani.com/all-editions/edition-madurai/madurai/2019/may/18/14-பவுன்-நகைகள்-திருட்டு-4-பவுன்-பறிப்பு-3153709.html
3153707 மதுரை மதுரை கணவரின் உடல் உறுப்புகள் தானம் தலைமைக் காவலருக்கு பாராட்டு DIN DIN Saturday, May 18, 2019 06:52 AM +0530 வாகன விபத்தில் உயிரிழந்த கணவரின் உடல் உறுப்புகளை தானமாக வழங்கிய பெண் தலைமைக் காவலருக்கு மதுரை  எஸ்.பி. பாராட்டு தெரிவித்தார்.
மதுரை மாவட்ட நில அபகரிப்பு தடுப்பு பிரிவில் பெண் தலைமைக் காவலராகப் பணிபுரிந்து வருபவர் முத்து.  இவரது கணவர் முத்துச்செல்வம் மார்ச் மாதம் நடந்த சாலை விபத்தில் பலத்த காயமடைந்து தனியார் மருத்துவமனையில் சிகிச்சை பெற்று வந்தார். இந்நிலையில், முத்துச்செல்வம் திடீரென்று மூளைச்சாவு அடைந்தார். இதையடுத்து தனது கணவரின் உடல் உறுப்புகளை தானம் செய்ய பெண் தலைமைக் காவலர் முத்து முன் வந்தார். 
அதன்படி, முத்துசெல்வத்தின் கண்கள், சிறுநீரகங்கள் மற்றும் கல்லீரல் ஆகிய உடல் உறுப்புகள் தானமாக வழங்கப்பட்டன. இச்செயலைப் பாராட்டி மதுரை மாவட்ட  காவல் கண்காணிப்பாளர் ச.மணிவண்ணன், பாராட்டுச் சான்றிதழை புதன்கிழமை வழங்கினார்.

]]>
https://www.dinamani.com/all-editions/edition-madurai/madurai/2019/may/18/கணவரின்-உடல்-உறுப்புகள்-தானம்-தலைமைக்-காவலருக்கு-பாராட்டு-3153707.html
3153706 மதுரை மதுரை மே 23-க்கு பின்னர் மக்கள் விரோத ஆட்சியாளர்கள் அகற்றப்படுவர்: உதயநிதி ஸ்டாலின் DIN DIN Saturday, May 18, 2019 06:52 AM +0530 மக்களவை மற்றும் சட்டப்பேரவை இடைத்தேர்தல் முடிவுகள் மூலமாக மக்கள் விரோத ஆட்சியாளர்கள்  ஆட்சியில் இருந்து அகற்றப்படுவர் என்று நடிகர் உதயநிதி ஸ்டாலின் கூறினார்.
திருப்பரங்குன்றம் பேரவைத் தொகுதி இடைத்தேர்தலில் திமுக சார்பில் போட்டியிடும் டாக்டர் பா.சரவணனை ஆதரித்து விரகனூர், ஐராவதநல்லூர், சிந்தாமணி, அனுப்பானடி, வில்லாபுரம், அவனியாபுரம், பெருங்குடி, வலையபட்டி, பெரிய ஆலங்குளம் ஆகிய பகுதிகளில் உதயநிதி ஸ்டாலின் வெள்ளிக்கிழமை பிரசாரம் செய்தார்.
அப்போது அவர் பேசியது: திருப்பரங்குன்றம் தொகுதியில் திமுகவுக்கு எழுச்சி அதிகமாக இருக்கிறது. மக்களவைத் தேர்தலின் மூலமாக  நாட்டுக்கு "வில்லனாக' இருப்பவர் அனுப்பி வைக்கப்பட உள்ளார். 22 பேரவைத் தொகுதிகளின் இடைத்தேர்தல் மூலமாக தமிழகத்தின் வில்லனாக இருப்பவரும் வீட்டுக்கு அனுப்பி வைக்கப்பட உள்ளார். ஆகவே, மக்களவை, சட்டப்பேரவை இடைத்தேர்தல்கள் மூலமாக மத்தியிலும், மாநிலத்திலும் ஆட்சி மாற்றம் ஏற்படப் போவது உறுதி.கடந்த 2016-இல் சட்டப்பேரவைத் தேர்தலின்போது, முதல்வர் எடப்பாடி பழனிசாமிக்கு யாரும் வாக்களிக்கவில்லை. அவர் குறுக்கு வழியில் முதல்வர் பதவிக்கு வந்திருக்கிறார்.  
திமுக ஆட்சிக்கு வந்தவுடன் முன்னாள் முதல்வர் ஜெயலலிதா மரணம் குறித்து முறையான விசாரணை நடத்தப்படும். தேர்தல் வாக்குறுதியில் சொல்லப்பட்டதைப் போல, கல்விக் கடன், விவசாயக் கடன் தள்ளுபடி செய்யப்படும். வரும் ஜூன் 3-ஆம் தேதி திமுக தலைவர் மு.க.ஸ்டாலின் தமிழகத்தின் முதல்வராகப் பதவி ஏற்பார் என்றார்.
திருப்பரங்குன்றம்: தோப்பூர், வேடர்புளியங்குளம், தென்பழஞ்சி, தனக்கன்குளம் திருநகர் உள்ளிட்ட  பகுதிகளில் உதயநிதி ஸ்டாலின் வெள்ளிக்கிழமை  பிரசாரம் செய்தார். முன்னாள் அமைச்சர் பெரியகருப்பன், மாவட்ட செயலர்கள் மு.மணிமாறன், பி.மூர்த்தி, மாவட்ட துணைச்செயலர் பாலாஜி, பகுதி செயலர் உசிலை  சிவா, இளைஞரணி துணை அமைப்பாளர் விமல் உள்ளிட்ட பலர் பங்கேற்றனர்.
 

]]>
https://www.dinamani.com/all-editions/edition-madurai/madurai/2019/may/18/மே-23-க்கு-பின்னர்-மக்கள்-விரோத-ஆட்சியாளர்கள்-அகற்றப்படுவர்-உதயநிதி-ஸ்டாலின்-3153706.html
3153705 மதுரை மதுரை கூடலழகர் பெருமாள் தங்கச் சிவிகையில் எழுந்தருளல் DIN DIN Saturday, May 18, 2019 06:51 AM +0530 மதுரை கூடலழகர் பெருமாள் கோயிலில் வைகாசிப் பெருந்திருவிழாவையொட்டி பெருமாள் தங்கச்சிவிகையில் வெள்ளிக்கிழமை எழுந்தருளினார்.
கடந்த  11-ஆம் தேதி முதல் கோயிலில் விழா நடைபெற்று வருகிறது. இதல் எட்டாம் திருநாளான வெள்ளிக்கிழமை காலை 11 மணிக்கு ஸ்ரீ பெருமாள் உபய நாச்சியாருடன் தங்கச்சிவிகையில் கோயிலிலிருந்து புறப்பாடாகி பாண்டிய வேளாளர் மகாஜன மண்டபத்தில் எழுந்தருளினார். அங்கு பெருமாளுக்கு சிறப்பு பூஜைகள் நடைபெற்றன. 
இதையடுத்து சிறப்பு அலங்காரத்தில் பெருமாள் பக்தர்களுக்கு அருள் பாலித்தார். தொடர்ந்து இரவு 8 மணிக்கு பூச்சப்பரத்தில் பெருமாள் எழுந்தருளினார். இதில் ஏராளமான பக்தர்கள் பங்கேற்று சுவாமி தரிசனம் செய்தனர். சனிக்கிழமை பல்லக்கில் பெருமாள் எழுந்தருளலும், குதிரை வாகனத்தில் பவனியும் நடைபெறுகிறது. 
ஞாயிற்றுக்கிழமை காலை 6.30-க்கு தேரோட்டம் நடைபெறுகிறது.
 

]]>
https://www.dinamani.com/all-editions/edition-madurai/madurai/2019/may/18/கூடலழகர்-பெருமாள்-தங்கச்-சிவிகையில்-எழுந்தருளல்-3153705.html
3153704 மதுரை மதுரை சோழவந்தான், மேலூரில் காற்றுடன் மழை: வாழைகள் சேதம் DIN DIN Saturday, May 18, 2019 06:51 AM +0530 மதுரை மாவட்டம் சோழவந்தான் பகுதியில் வெள்ளிக்கிழமை மாலை சூறாவளிகாற்றுடன் பெய்த பலத்த மழையால் வாழை மரங்கள் சேதமடைந்துள்ளன.
மதுரை மாவட்டத்தில் கடந்த சில நாள்களாக கடும் வெயில் வாட்டி வதைத்தது. மாவட்டத்தில் 107 டிகிரி செல்சியஸ் வெப்பம் பதிவானதால் இரவு நேரங்களிலும் அனல் காற்று வீசியது. இதனால் பொதுமக்கள் கடும் அவதியடைந்தனர். இந்நிலையில்  சோழவந்தான்,  தென்கரை,  முள்ளிப்பள்ளம்,  மன்னாடிமங்கலம்,  குருவித்துறை,  காடுப்பட்டி, விக்கிரமங்கலம் உள்ளிட்ட பகுதிகளில் வெள்ளிக்கிழமை மாலை  சூறாவளிக்காற்றுடன் ஒரு மணி நேரத்திற்கும் மேலாக பலத்த மழை பெய்தது. இடி, மின்னலுடன் பெய்த மழையால் தாழ்வான பகுதிகளில் நீர் தேங்கியது. மேலும் சூறாவளிக்காற்றால் வாழைத்தோப்புகளில் வாழை மரங்கள் வேரோடு முறிந்து விழுந்தன. மேலும் தென்னை மரங்களும் சாய்ந்தனர். இதில் சாலைகளில் மின்கம்பங்கள் முறிந்து விழுந்ததால் பல பகுதிகளில் மின்தடை ஏற்பட்டது. 
மேலூரில் மழை: மேலூர் சுற்றுவட்டாரத்தில் வெள்ளிக்கிழமை மாலை சுழல் காற்றுடன் சுமார் அரை மணி நேரம் மழை பெய்தது. பல இடங்களில் மரக்கிளைகள், வாழை மரங்கள் முறிந்து விழுந்தன. மின்சாரம் தடைபட்டது.

]]>
https://www.dinamani.com/all-editions/edition-madurai/madurai/2019/may/18/சோழவந்தான்-மேலூரில்-காற்றுடன்-மழை-வாழைகள்-சேதம்-3153704.html
3153702 மதுரை மதுரை திருப்பரங்குன்றம் தொகுதியில் அனல் பறந்த பிரசாரம் நிறைவு DIN DIN Saturday, May 18, 2019 06:51 AM +0530 திருப்பரங்குன்றம் சட்டப்பேரவைத் தொகுதி இடைத்தேர்தலில் போட்டியிடும் வேட்பாளர்கள் வெள்ளிக்கிழமை மாலை பிரசாரத்தை நிறைவு செய்தனர். 
திருப்பரங்குன்றம் சட்டப்பேரவை இத்தேர்தலில் அதிமுக, திமுக, அமமுக, மக்கள் நீதி மய்யம், நாம் தமிழர் உள்ளிட்ட பல்வேறு கட்சிளின் வேட்பாளர்கள், சுயேச்சைகள் என 37 பேர் போட்டியிடுகின்றனர். ஞாயிற்றுக்கிழமை தேர்தல் நடைபெறவுள்ள நிலையில் தேர்தலுக்கான பிரசாரம் வெள்ளிக்கிழமை மாலை 6 மணிக்கு நிறைவடைந்தது. 
அதிமுக வேட்பாளர் எஸ்.முனியாண்டி திருப்பரங்குன்றம் பஸ் நிலையம் அருகே பிரசாரத்தை நிறைவு செய்தார். அவருடன் அதிமுக துணை ஒருங்கிணைப்பாளர்கள் கே.பி.முனுசாமி, வைத்தியலிங்கம், அமைச்சர்கள் திண்டுக்கல் சீனிவாசன், செல்லூர் கே.ராஜூ,  ஆர்.பி.உதயகுமார், புறநகர் கிழக்கு மாவட்ட செயலர் வி.வி.ராஜன்செல்லப்பா, மக்களவை உறுப்பினர் மரகதம் குமாரவேல்,   இளைஞரணி மாவட்டச் செயலர் ரமேஷ், ஒன்றியச் செயலர் நிலையூர் முருகன், பொதுக்குழு  உறுப்பினர் முத்துக்குமார் உள்ளிட்டோர் பங்கேற்றனர். 
திமுக வேட்பாளர் பா.சரவணன் தோப்பூரில் ஆரம்பித்து தனக்கன்குளம் வழியாக திருநகரில் பிரசாரத்தை நிறைவு செய்தார். அவருடன் நடிகர் உதயநிதி ஸ்டாலின்,  மாவட்ட பொறுப்பாளர் கோ.தளபதி, மாவட்ட செயலர்கள் பி.மூர்த்தி, மு.மணிமாறன், பகுதிச் செயலர் உசிலை சிவா உள்ளிட்டோர் பங்கேற்றனர்.   
அமமுக வேட்பாளர் இ.மகேந்திரன் திருப்பரங்குன்றம் 16 கால் மண்டபம் பகுதியில் கட்சியினரோடு பேரணியாக புறப்பட்டு திருப்பரங்குன்றம் கோயில் வாசல் வழியாக மீண்டும் 16 கால் மண்டபத்தில் பிரசாரத்தை நிறைவு செய்தார். இலக்கிய அணி மாநிலச் செயலர் டேவிட் அண்ணாதுரை, ஒன்றிய செயலர்  கே.கருத்தக்கண்ணன், மாவட்ட துணைச்செயலர் மனோகரன், பேரவை மாவட்ட செயலர் செல்வம், மகளிரணி மாவட்ட செயலர்  சுமதிமதி, ஒன்றிய துணைச் செயலர் முத்துராஜா உள்ளிட்ட கட்சியினர் ஏராளமானோர் பங்கேற்றனர்.   
மக்கள் நீதி மய்யம் வேட்பாளர் சக்திவேல் சிலைமானில் பிரசாரத்தை தொடங்கி அவனியாபுரத்தில் நிறைவு  செய்தார். அவருடன் நிர்வாகிகள் சவுரிராஜன், மணி, முனியசாமி உள்ளிட்ட பலர் பங்கேற்றனர்.
நாம் தமிழர் கட்சி வேட்பாளர் ரேவதி நாகமலை புதுக்கோட்டையில் பிரசாரத்தை தொடங்கி  சிலைமான் புளியங்குளத்தில் நிறைவு செய்தார். மாநில ஒருங்கிணைப்பாளர் சாகுல்ஹமீது, தென்மண்டல ஒருங்கிணைப்பாளர் வெற்றிக்குமரன், மண்டல செயலர் செங்கண்ணன், வடிவேல் உள்ளிட்ட பலர் பங்கேற்றனர். இதேபோல சுயேச்சை வேட்பாளர்கள் வாகனம், ஜீப், வேன் , இருசக்கர வாகனங்களில் கடும்  வெயிலையும் பொருட்படுத்தாமல் இறுதிக்கட்ட பிரசாரம் செய்தனர்.
அமைச்சர்கள் இறுதிக்கட்ட பிரசாரம்: அதிமுக சார்பில் இறுதிக்கட்ட பிரசார பொதுக்கூட்டம் திருப்பரங்குன்றம் பேருந்து நிலையத்தில் வெள்ளிக்கிழமை நடைபெற்றது. இதில் அதிமுக வேட்பாளர் எஸ்.முனியாண்டியை  ஆதரித்து வனத்துறை அமைச்சர் திண்டுக்கல் சீனிவாசன் பேசியது: மக்களவை மற்றும் இடைத்தேர்தலில் அதிமுக மெகா கூட்டணி அமைத்தபோதே எதிரிகள், துரோகிகளுக்கு தோல்வி உறுதியாகிவிட்டது. திமுக தலைவர் மு.க.ஸ்டாலினும், அமமுக பொதுச்செயலர் டி.டி.வி.தினகரனும் மறைமுக கூட்டாளிகள். மே 23 ஆம்  தேதிக்குப் பிறகு திமுக கலகலத்துவிடும். டி.டி.வி.தினகரன் காணாமல் போவார் என்றார்.
கூட்டுறவுத்துறை அமைச்சர் செல்லூர் கே.ராஜு: அதிமுக மக்களோடு கூட்டணி அமைத்துள்ளது. இந்த ஆட்சியின் சாதனைகள் மக்களுக்கு தெரியும். மின்சார வெட்டு மட்டுமே திமுக ஆட்சியில் சாதனையாக இருந்தது. பல வாக்குறுதிகள் அளிக்கும் திமுக தலைவர் மு.க.ஸ்டாலின் 5 முறை திமுக ஆட்சின்போது எதுவும் செய்யவில்லை என்றார். 
வருவாய்த்துறை அமைச்சர் ஆர்.பி. உதயகுமார்: அதிமுகவின் தேர்தல் பணிகளைப் பார்த்து, தோல்வி பயத்தில் டி.டி.வி.தினகரன் திருப்பரங்குன்றம் தொகுதியை 5 முறை சுற்றி வந்துள்ளார். மக்கள் ஏமாற மாட்டார்கள். திமுக ஆட்சியில் வீழ்ச்சி அடைந்து இருந்த மதுரை அதிமுக ஆட்சியில் வளர்ச்சி பெற்றுள்ளது  என்றார்.    
முன்னாள் அமைச்சர் வைத்திலிங்கம்: திருப்பரங்குன்றம் அதிமுகவின் கோட்டை. தேர்தலுக்கு பின்பு  தமிழகத்தில் திமுக இருக்காது. குடும்ப ஆட்சிக்கு முற்றுப்புள்ளி வைக்க கூடிய தேர்தல் இது என்றார்.   
அதிமுக துணை அமைப்பாளர் கே.பி.முனுசாமி: இந்த தேர்தல் திருப்புமுனையை ஏற்படுத்தும். தற்போது இருக்கின்ற தலைவர்கள் சம காலத்தவர்கள். இதில் ஸ்டாலின் அவரது தந்தையால் பதவிக்கு வந்தவர். முதல்வரும், துணை முதல்வரும் உழைப்பால் உயர்ந்தவர்கள். 
மறைந்த முதல்வர் ஜெயலலிதாவின் திட்டங்கள் அனைத்தும் நிறைவேற்றப்பட்டுள்ளது என்றார். கூட்டத்தில் கட்சியின் மாநில தொழில்நுட்ப பிரிவு இணைச்செயலர் வி.வி.ஆர்.ராஜ் சத்யன், இளைஞரணி மாவட்ட செயலர் ரமேஷ், ஒன்றிய செயலர் நிலையூர் முருகன், மாநில துணைச்செயலர் எம்.ஜி.பாரி உள்ளிட்ட பலர் பங்கேற்றனர்.
 

]]>
https://www.dinamani.com/all-editions/edition-madurai/madurai/2019/may/18/திருப்பரங்குன்றம்-தொகுதியில்-அனல்-பறந்த-பிரசாரம்-நிறைவு-3153702.html
3153701 மதுரை மதுரை பெண் திடீர் மரணம்: மீனாட்சி சுந்தரேசுவரர்  கோயில் நடை அடைப்பு DIN DIN Saturday, May 18, 2019 06:50 AM +0530 மதுரையில் மீனாட்சி சுந்தரேசுவரர் கோயிலில்  வெள்ளிக்கிழமை தரிசனம் செய்ய வந்த பெண் மாரடைப்பால் உயிரிழந்ததால், கோயில் நடை அடைக்கப்பட்டு பரிகார பூஜை நடைபெற்றது. 
மதுரை வில்லாபுரத்தைச் சேர்ந்த நீலகண்டன் மனைவி மகேஸ்வரி(55). இவர் மீனாட்சி சுந்தரேசுவரர் கோயிலுக்கு சுவாமி தரிசனம் செய்வதற்காக வெள்ளிக்கிழமை காலை சென்றுள்ளார். 
கோயிலுக்குள் சுவாமி தரிசனம் செய்வதற்காக நின்றிருந்தபோது திடீரென மயங்கி விழுந்தார். இதையடுத்து திருக்கோயில் ஊழியர்கள் மகேஸ்வரியை மீட்க முயன்றபோது அவர் மாரடைப்பால் உயிரிழந்தது தெரியவந்தது. 
இதையடுத்து, சுவாமி, அம்மன் சந்நிதியில் திரையிடப்பட்டு வழிபாடு நிறுத்தப்பட்டது.  
மேலும் கோயிலில் இருந்த பக்தர்கள் வெளியேற்றப்பட்டனர். கோயில் காவல் நிலைய போலீஸார் மகேஸ்வரியின் சடலத்தை மீட்டு அரசு மருத்துவமனைக்கு அனுப்பி வைத்தனர். 
இதையடுத்து திருக்கோயிலின் நடைகள் சாத்தப்பட்டன. மேலும் வெள்ளிக்கிழமை முகூர்த்த தினம் என்பதால் திருக்கோயிலில்  கோயிலில் திருமணத்துக்காக காத்திருந்த மணமகன், மணமகள் உள்ளிட்ட அனைவரும்  வெளியேற்றப்பட்டனர். 
கோயிலுக்குள் ஆகம விதிகளின்படி பரிகார பூஜைகள், சிறப்பு வழிபாடுகள் மேற்கொள்ளப்பட்ட பின்னர் நடை திறக்கப்பட்டடு வைகாசி வசந்த உற்சவ நிகழ்ச்சிகள் நடைபெற்றன. தொடர்ந்து திருமணத்துக்காக கோயிலுக்கு வெளியே காத்திருந்தவர்களும் உள்ளே அனுமதிக்கப்பட்டனர்.

]]>
https://www.dinamani.com/all-editions/edition-madurai/madurai/2019/may/18/பெண்-திடீர்-மரணம்-மீனாட்சி-சுந்தரேசுவரர்--கோயில்-நடை-அடைப்பு-3153701.html
3153700 மதுரை மதுரை வசந்த உற்சவம் நிறைவு: திருப்பரங்குன்றத்தில் இன்று வைகாசி விசாகம் DIN DIN Saturday, May 18, 2019 06:50 AM +0530 திருப்பரங்குன்றம் சுப்பிரமணிய சுவாமி கோயிலில் வசந்த உற்சவ விழா வெள்ளிக்கிழமை நிறைவடைந்தது. பக்தர்கள் பால்குடம் எடுக்கும் வைகாசி விசாகத் திருவிழா சனிக்கிழமை நடைபெறுகிறது. 
 கடந்த 9 ஆம் தேதி காப்புக்கட்டுதலுடன் விழா தொடங்கியது. தினமும் இரவு 7 மணியளவில் சுவாமி தெய்வானையுடன் கோயில்  வளாகத்தில் அமைந்துள்ள வசந்த மண்டபத்தில் புஷ்ப அலங்காரத்தில் எழுந்தருளினார்.  விழாவின் 9 ஆம் நாளான வெள்ளிக்கிழமை சுவாமி தெய்வானையுடன் சிறப்பு அலங்காரத்தில் எழுந்தருளினார். அங்கு சிறப்பு ஆராதனைகள் நடைபெற்றன. விழாவின் 10 ஆம் நாளான சனிக்கிழமை வைகாசி விசாக திருவிழா நடைபெறுகிறது. 
சண்முகர், வள்ளி, தெய்வானையுடன் விசாக கொறடு மண்டபத்தில் எழுந்தருளுவார். அங்கு பக்தர்கள் கொண்டுவரும் பால் கொண்டு காலை முதல் மாலை வரை சிறப்பு அபிஷேகம் நடைபெறும்.  மதுரை, சிவகங்கை, விருதுநகர் உள்ளிட்ட பல்வேறு மாவட்டங்களில் இருந்து ஆயிரக்கணக்காண பக்தர்கள் பால்குடம், பறவைகாவடி உள்ளிட்ட தங்களது நேற்றிகடனை செலுத்த வருவர்.

]]>
https://www.dinamani.com/all-editions/edition-madurai/madurai/2019/may/18/வசந்த-உற்சவம்-நிறைவு-திருப்பரங்குன்றத்தில்-இன்று-வைகாசி-விசாகம்-3153700.html
3153695 மதுரை மதுரை திருவாதவூரில் தேரோட்டம் DIN DIN Saturday, May 18, 2019 06:49 AM +0530 மதுரை மாவட்டம் திருவாதவூரில் திருமறைநாதர்-வேதநாயகி அம்மன் கோயில் தேரோட்டம் வெள்ளிக்கிழமை காலை நடைபெற்றது. 
 இக்கோயில் வைகாசித் திருவிழா கடந்த வாரம் தொடங்கியது. சுவாமி- அம்பாள் திருக்கல்யாண வைபவம் வியாழக்கிழமை நடைபெற்றது. அதைத் தொடர்ந்து தேரோட்டம் வெள்ளிக்கிழமை காலை நடைபெற்றது.  
திருமறைநாதர் சமேத பிரியாவிடை பெரிய தேருக்கு எழுந்தருளினர். காலை 9 மணியளவில் தேரை பக்தர்கள் வடம்பிடித்து இழுக்கத் தொடங்கினர். தொடர்ந்து சிறிய தேரில் வேதநாயகி அம்மன் எழுந்தருளினார். இத்தேரை பெண்கள் மட்டும் வடம்பிடித்து இழுத்தனர். இரு தேர்களும் கோயிலை வலம்  வந்தன. 
சுமார் ஒன்றரை மணி நேரத்தில் தேர்கள் நிலைக்குவந்தன. சுவாமியும் அம்பாளும் கோயிலை அடைந்த பின் அங்கு சிறப்பு பூஜைகள் நடைபெற்றன. திருவாதவூர், மேலூர், ஒத்தக்கடை சுற்றுவட்டார கிராமங்களைச் சேர்ந்த பொதுமக்கள் தேரோட்டத்தை தரிசனம் செய்தனர்.

]]>
https://www.dinamani.com/all-editions/edition-madurai/madurai/2019/may/18/திருவாதவூரில்-தேரோட்டம்-3153695.html
3153328 மதுரை மதுரை தமிழக அமைச்சர் மீது நடவடிக்கை கோரி மாநகரக் காவல் ஆணையரிடம் மநீம புகார் DIN DIN Friday, May 17, 2019 09:00 AM +0530 மக்கள் நீதி மய்யம் கட்சியின் தலைவர் கமல்ஹாசனை மிரட்டும் வகையில் பேட்டியளித்துள்ள தமிழக அமைச்சர் ராஜேந்திர பாலாஜி மீது நடவடிக்கை எடுக்கக் கோரி மதுரை மாநகரக் காவல் ஆணையரிடம் வியாழக்கிழமை புகார் அளிக்கப்பட்டது.
மக்கள் நீதி மய்யம் கட்சியின் மதுரை மத்திய மாவட்ட பொறுப்பாளரும்,  மக்களவை வேட்பாளருமான எம்.அழகர் தலைமையில் அக்கட்சியினர் மாநகரக் காவல் ஆணையர் டேவிட்சன் தேவாசீர்வாதத்திடம் புகார் மனுவை அளித்தனர்.
அதன் விவரம்:  கரூர் மாவட்டம் அரவக்குறிச்சி பேரவைத் தொகுதியில் தேர்தல் பிரசாரத்தின்போது மக்கள் நீதி மய்யம் கட்சியின் தலைவர் கமல்ஹாசன், யாருடைய மனதையும் புண்படாத வகையில் பேசியுள்ளார். 
அதற்கு யார் வேண்டுமானாலும் மறுப்புத் தெரிவிக்கலாம். ஆனால், அவரது பேச்சை முழுமையாகவும், தெளிவாகவும் கேட்காமல் தமிழக பால்வளத்துறை அமைச்சரான ராஜேந்திர பாலாஜி கண்ணியக் குறைவாகவும், வன்முறையைத் தூண்டும் வகையிலும், பகிரங்கமாக மிரட்டுல் விடுக்கும் வகையிலும் தனது கருத்தைத் தெரிவித்து இருக்கிறார்.
 தமிழக அமைச்சராக இருப்பவர் இவ்வாறு தனது கருத்தைப் பதிவு செய்திருப்பது அரசியல் அமைப்புச் சட்டத்துக்கு எதிரானது. மேலும் இந்திய தண்டனை சட்டத்தின்படி, தண்டனைக்குரிய குற்றமாகும்.
ஆகவே, தமிழக அமைச்சர் மீது வழக்குப்பதிவு செய்து சட்டப்படி நடவடிக்கை எடுக்க வேண்டும் என மனுவில் தெரிவித்துள்ளனர்.
 

]]>
https://www.dinamani.com/all-editions/edition-madurai/madurai/2019/may/17/தமிழக-அமைச்சர்-மீது-நடவடிக்கை-கோரி-மாநகரக்-காவல்-ஆணையரிடம்-மநீம-புகார்-3153328.html
3153327 மதுரை மதுரை திருப்பரங்குன்றம் இடைத்தேர்தல் தொழிலாளர்களுக்கு ஊதியத்துடன் விடுமுறை அளிக்க உத்தரவு DIN DIN Friday, May 17, 2019 08:59 AM +0530 திருப்பரங்குன்றம் இடைத்தேர்தலையொட்டி அத் தொகுதிக்கு உள்பட்ட கடைகள் மற்றும் நிறுவனங்களில் பணியாற்றும் தொழிலாளர்களுக்கு மே 19 ஆம் தேதி விடுமுறை அளிக்க தொழிலாளர் துறை உத்தரவிட்டுள்ளது.
 திருப்பரங்குன்றம் பேரவைத் தொகுதிக்கு உள்பட்ட இடங்களில் உள்ள கடைகள், உணவு, போக்குவரத்து நிறுவனங்கள், பெட்ரோல் பங்குகள், தகவல் தொழில்நுட்ப நிறுவனங்கள் மற்றும் இதர தனியார் நிறுவனங்களின் தொழிலாளர்களுக்கு வாக்குப்பதிவு நாளான மே 19 ஆம் தேதி சம்பளத்துடன் கூடிய விடுமுறை அளிக்க வேண்டும்.  
விடுமுறை வழங்கிய பிறகு, பின்னாளில் ஊதியத்தில் பிடித்தம் செய்ததாகத் தெரிய வந்தால், சம்பந்தப்பட்ட நிறுவனங்களின் உரிமையாளர்கள் மீது நடவடிக்கை மேற்கொள்ளப்படும்.
திருப்பரங்குன்றம் இடைத்தேர்தல் தினமான மே 19-ஆம் தேதி, தொழிலாளர்களுக்கு ஊதியத்துடன் கூடிய விடுப்பு வழங்காத நிறுவனங்களின் மீது நடவடிக்கை எடுக்கும் வகையில் தொழிலாளர் துறை உதவி ஆணையர் (அமலாக்கம்) அலுவலகத்தில் தேர்தல் கட்டுப்பாட்டு அறை அமைக்கப்பட்டுள்ளது. 
வாக்குப்பதிவு நாளன்று ஊதியத்துடன் விடுமுறை அளிப்பது தொடர்பான புகார்களுக்கு 0452-2604388 என்ற எண்ணில் தொடர்பு கொள்ளலாம்.  
தொழிலாளர் உதவி ஆணையர் (அமலாக்கம்) ஜெ.காளிதாஸ் இத்தகவலைத் தெரிவித்து உள்ளார்.

]]>
https://www.dinamani.com/all-editions/edition-madurai/madurai/2019/may/17/திருப்பரங்குன்றம்-இடைத்தேர்தல்-தொழிலாளர்களுக்கு-ஊதியத்துடன்-விடுமுறை-அளிக்க-உத்தரவு-3153327.html
3153326 மதுரை மதுரை பழைய செய்தித்தாள்களில் உலக கோப்பை மாதிரி வடிவமைப்பு DIN DIN Friday, May 17, 2019 08:59 AM +0530 மதுரையில் பழைய செய்தித்தாள்கள் மூலமாக கிரிக்கெட் உலக கோப்பை மாதிரியை தனியார் பள்ளி ஓவிய ஆசிரியர் உருவாக்கியுள்ளார்.
மதுரை ஜெய்ஹிந்துபுரத்தைச் சேர்ந்தவர் தங்கராஜ் பாண்டியன் (50).  தாவரவியல் பட்டதாரியான இவர்,  மதுரை அனுப்பானடி வேலம்மாள் சிபிஎஸ்இ பள்ளியில் கடந்த 7 ஆண்டுகளாக ஓவிய ஆசிரியராக பணிபுரிந்து வருகிறார். இவர் சிறுவயது முதலே ஓவியம் மற்றும் நுண்கலைகள் மீது ஆர்வம் ஏற்பட்டதால் பல்வேறு வகைகளில் புது முயற்சிகளை மேற்கொண்டு வந்துள்ளார். 
இந்நிலையில் உலகக்கோப்பை கிரிக்கெட் போட்டி வரும் மே 30-ஆம் தேதி தொடங்குகிறது. இதையொட்டி போட்டியில் இந்தியா பெற்றி பெற வேண்டும் என்பதற்காக புதுமையான மாதிரி உலகக்கோப்பையை உருவாக்கியுள்ளார். 
இதில் சுற்றுப்புறச் சூழலை பாதுகாக்கும் விதமாக பிளாஸ்டிக் பயன்பாட்டை முற்றிலும் தவிர்த்து, செய்தித்தாள்கள் மற்றும் வண்ணக்காகிதங்களை மட்டுமே பயன்படுத்தி இரண்டேகால் அடி உயரமுள்ள உலகக்கோப்பை மாதிரியை உருவாக்கியுள்ளார்.
இதுதொடர்பாக ஓவிய ஆசிரியர் தங்கராஜ் பாண்டியன் கூறும்போது, ஓவிய ஆசிரியருக்கான சிறப்புக்கல்வி எதுவும் கற்கவில்லை. 
ஆனால் சிறுவயதில் இருந்தே வித்தியாசமான ஓவியங்களை வரைவதிலும், புது வடிவங்களை உருவாக்குவதிலும் ஆர்வம் இருந்தது. இதன்மூலம் சோப்பு கட்டிகளில் புது வடிவங்களை உருவாக்குவது, புதுமாதிரியான ஓவியங்கள் வரைவது போன்றவற்றை செய்துள்ளேன். 
இந்நிலையில் இந்த மாதம் உலகக்கோப்பை கிரிக்கெட் போட்டி தொடங்குவதை அடுத்து, உலகக்கோப்பையை இந்திய அணி கைப்பற்ற வேண்டும் என்ற நோக்கத்தில் செய்தித்தாள்களால் ஆன  உலகக்கோப்பை மாதிரியை உருவாக்கியுள்ளேன். இந்த உலகக்கோப்பையை உருவாக்க 3 நாள்கள் ஆனது. 
உலகக்கோப்பை இந்தியாவுக்கு என்ற கருத்தை வலியுறுத்தும் விதமாக உலக உருண்டையை இந்திய தேசியக்கொடியின் வண்ணத்தில் உருவாக்கி உள்ளேன் என்றார்.

]]>
https://www.dinamani.com/all-editions/edition-madurai/madurai/2019/may/17/பழைய-செய்தித்தாள்களில்-உலக-கோப்பை-மாதிரி-வடிவமைப்பு-3153326.html
3153325 மதுரை மதுரை வீட்டு வேலைத் தொழிலாளர்களுக்கு குறைந்தபட்ச ஊதியம் நிர்ணயிக்க வேண்டும்: தமிழ்நாடு லேபர் யூனியன் தீர்மானம் DIN DIN Friday, May 17, 2019 08:58 AM +0530 வீட்டு வேலை தொழிலாளர்களுக்கு குறைந்தபட்ச ஊதியத்தை நிர்ணயிக்க வேண்டும் என்று தொழிலாளர் தின விழாவில் தீர்மானம் நிறைவேற்றப்பட்டது. 
தமிழ்நாடு லேபர் யூனியன், தமிழக மகளிர் இயக்கம் ஆகியவற்றின் சார்பில் தொழிலாளர் தின விழா புதன்கிழமை நடைபெற்றது.  நிகழ்ச்சிக்கு தமிழக மகளிர் இயக்கத் தலைவர் மனோகரி தாஸ் தலைமை வகித்தார். 
மதச்சார்பற்ற ஜனதா தளத் தலைவர் க.ஜான்மோசஸ், மதிமுக தொழிற்சங்க மாநில நிர்வாகி மகபூப் ஜான்,  உயர்நீதிமன்ற வழக்குரைஞர் கார்த்திக்கேயன் ஆகியோர் வாழ்த்திப் பேசினர்.
நிகழ்ச்சியில், ஒருங்கிணைக்கப்படாத தொழிலாளர்கள் வாழ்வதற்கேற்ற கூலி வழங்கும் வகையில் குறைந்தபட்ச கூலிச்சட்டத்தை நிறைவேற்ற வேண்டும். தேசிய ஊரக வேலைவாய்ப்புத் திட்டத்தை ஆண்டு முழுவதும் அமல்படுத்த  வேண்டும். 
மேலும் அத்திட்டத்தின் கீழ் நாள் ஒன்றுக்கு ரூ.500  ஊதியம் வழங்க வேண்டும். சுமைப்பணித் தொழிலாளர்களுக்கு உழைப்பு மற்றும் விலைவாசிக்கேற்ற ஊதியம் வழங்க வேண்டும். தமிழகத்தில் மயானங்களில் பணியில் உள்ள மயானத்தொழிலாளர்களை அரசு ஊழியர்களாக நியமித்து காலமுறை ஊதியம் வழங்க வேண்டும். மயானத்தொழிலாளர்களுக்கு தனி நலவாரியம் அமைக்க வேண்டும். 
துப்புரவுத்தொழிலாளர்களுக்கு குறைந்தபட்ச கூலி நிர்ணயம், மருத்துவ வசதி, ஓய்வூதியம், சேம நலநிதி வழங்குவதோடு, அவர்களையும் அரசு ஊழியர்களாக நியமிக்க வேண்டும். வறுமையில் வாடும் கல் உடைக்கும் தொழிலாளர்களின் உழைப்பு சுரண்டப்படுவதை தடுக்கும் வகையில் அந்த தொழிலாளர்களுக்கு கல்குவாரிகளை ஒப்பந்த அடிப்படையில் வழங்க வேண்டும். மேலும் இந்தத் தொழிலாளர்களுக்கு இலவச வீட்டுமனைப் பட்டா, இலவச வீடு கட்டித் தர வேண்டும். 
சலவைத் தொழிலாளர்களுக்கு துவைக்கும் இடம்  அமைக்கப்பட வேண்டும். வீட்டு வேலைத்தொழிலாளர்களுக்கு குறைந்தபட்ச மாத ஊதியம் ரூ.9 ஆயிரம் கிடைக்க நடவடிக்கை எடுப்பதோடு, மகப்பேறு காலங்களில் ஊதியத்துடன் கூடிய விடுமுறையும் அவர்களுக்கு வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

]]>
https://www.dinamani.com/all-editions/edition-madurai/madurai/2019/may/17/வீட்டு-வேலைத்-தொழிலாளர்களுக்கு-குறைந்தபட்ச-ஊதியம்-நிர்ணயிக்க-வேண்டும்-தமிழ்நாடு-லேபர்-யூனியன்-தீர்ம-3153325.html
3153324 மதுரை மதுரை காந்தி நினைவு அருங்காட்சியகத்தில் ஹிந்தி பேச்சுப் பயிற்சி வகுப்பு DIN DIN Friday, May 17, 2019 08:58 AM +0530 காந்தி நினைவு அருங்காட்சியகத்தில் ஹிந்தி மொழி பேச்சுப் பயிற்சி வெள்ளிக்கிழமை (மே 17) தொடங்குகிறது. 
 மதுரை காந்தி நினைவு அருங்காட்சியகத்தில் செயல்படும் காந்தியக் கல்வி மற்றும் ஆராய்ச்சி நிலையம் சார்பில் ஹிந்திப் பேச்சுப் பயிற்சி வகுப்பு வெள்ளிக்கிழமை மாலை 4.30 மணியளவில் சர்வசமய வழிபாட்டுடன் தொடங்க உள்ளது.  இந்த வகுப்பில் சேர கல்வித் தகுதி எதுவும் தேவையில்லை.  வயது வரம்பின்றி ஆர்வலர்கள் சேரலாம். 
பயிற்சியில் சேர விரும்புவோர் காந்தி நினைவு அருங்காட்சியக கல்வி அலுவலரை நேரிலோ அல்லது 98657-91420 என்ற  எண்ணிலோ தொடர்பு கொண்டு தங்கள் பெயரைப் பதிவு செய்யலாம். காந்தி நினைவு அருங்காட்சியகச் செயலர் மா.பா.குருசாமி இத்தகவலைத் தெரிவித்துள்ளார்.

]]>
https://www.dinamani.com/all-editions/edition-madurai/madurai/2019/may/17/காந்தி-நினைவு-அருங்காட்சியகத்தில்-ஹிந்தி-பேச்சுப்-பயிற்சி-வகுப்பு-3153324.html
3153323 மதுரை மதுரை சாராய வியாபாரி கொலை வழக்கு: மேலும் 2 பேர் நீதிமன்றத்தில் சரண் DIN DIN Friday, May 17, 2019 08:58 AM +0530 மதுரையில் சாராய வியாபாரி கொலை வழக்கில் தொடர்புடைய இளைஞர்கள் 4 பேர் நீதிமன்றத்தில் சரணடைந்துள்ள நிலையில், மேலும் இருவர் மதுரை மாவட்ட நீதித்துறை நடுவர் மன்றத்தில் வியாழக்கிழமை சரணடைந்தனர்.
மதுரை வாழைத்தோப்பைச் சேர்ந்தவர் பால்பாண்டி(50). இவர் மீது கொலை, கொள்ளை, சாராயம் மற்றும் கஞ்சா விற்பனை தொடர்பான பல்வேறு வழக்குகள் நிலுவையில் உள்ளன. இந்நிலையில் பால்பாண்டி மதுரை தெற்குவாசல் பகுதியில் கடந்த வெள்ளிக்கிழமை நடந்து சென்று கொண்டிருந்தபோது, பின் தொடர்ந்து வந்த கும்பல் அரிவாளால் வெட்டி விட்டு தப்பிச் சென்றது. இதில் பால்பாண்டி சம்பவ இடத்திலேயே உயிரிழந்தார். 
இதுகுறித்து, தெற்கு வாசல் போலீஸார் வழக்குப்பதிந்து விசாரித்து வந்தனர்.  கடந்த வாரம் இவ்வழக்கில் தொடர்புடைய  4 இளைஞர்கள் மதுரை மாவட்ட நீதித்துறை நடுவர் மன்றத்தில் சரணடைந்தனர். இந்நிலையில் இவ்வழக்கில் தொடர்புடைய மதுரை வீரப்பிள்ளை வடக்குச்சாலை பகுதியைச் சேர்ந்த காளிதாஸ் (25), நாகுபிள்ளை தோப்பைச் சேர்ந்த மணிகண்டன்(26) ஆகியோர் மதுரை மாவட்ட நீதித்துறை நடுவர் மன்றத்தில் (எண் 4) வியாழக்கிழமை சரணடைந்தனர்.
  
 

]]>
https://www.dinamani.com/all-editions/edition-madurai/madurai/2019/may/17/சாராய-வியாபாரி-கொலை-வழக்கு-மேலும்-2-பேர்-நீதிமன்றத்தில்-சரண்-3153323.html
3153322 மதுரை மதுரை திருவாதவூர் திருமறைநாதர் கோயிலில் திருக்கல்யாண வைபவம்: பக்தர்கள் தரிசனம் DIN DIN Friday, May 17, 2019 08:57 AM +0530 மதுரை மாவட்டம் மேலூர் அருகேயுள்ள திருவாதவூரில் திருமறைநாதர் சமேத வேதநாயகி அம்மன் கோயிலில் வியாழக்கிழமை நடைபெற்ற திருக்கல்யாண வைபவத்தில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.
இக்கோயிலின் வைகாசித் திருவிழா கடந்த வாரம் தொடங்கியது.  
தினசரி சுவாமி புறப்பாடு நடைபெற்று வந்தது. வியாழக்கிழமை காலை திருக்கல்யாண வைபவம் கோயில் வளாகத்தில் நடைபெற்றது. 
 முன்னதாக திருமறைநாதர் பிரியாவிடையுடன் திருமண மண்டபத்தில் எழுந்தருளினார். இதையடுத்து வேதநாயகி அம்மன் தனியாக எழுந்தருளினார்.
சுவாமிக்கும், அம்பாளுக்கும் சிறப்பு அலங்காரம் செய்யப்பட்டிருந்தது. சிறப்பு பூஜைகளுக்குப்பின்னர் பட்டர்கள் வியாழக்கிழமை காலை 11.15 மணிக்கு பிரியாவிடைக்கும், வேதநாயகி அம்மனுக்கும் மங்கல நாண் அணிவித்தனர். 
 பக்தர்கள் கரகோஷம் எழுப்பி சுவாமியை வழிபட்டனர். இதில் கலந்து கொண்ட பக்தர்களுக்கு பிரசாதம் விநியோகிக்கப்பட்டது.   
 மதுரை மீனாட்சி சுந்தரேசுவரர் கோயில் இணை ஆணையர் ந.நடராஜன் முன்னிலையில் கோயில் பணியாளர்கள் திருக்கல்யாண ஏற்பாடுகளைச் செய்திருந்தனர்.

]]>
https://www.dinamani.com/all-editions/edition-madurai/madurai/2019/may/17/திருவாதவூர்-திருமறைநாதர்-கோயிலில்-திருக்கல்யாண-வைபவம்-பக்தர்கள்-தரிசனம்-3153322.html
3153321 மதுரை மதுரை நாட்டார்மங்கலத்தில் மே 18 மின்தடை DIN DIN Friday, May 17, 2019 08:57 AM +0530 நாட்டார்மங்கலம் துணை மின்நிலையத்தில் மாதாந்திர பராமரிப்புப் பணிகள் சனிக்கிழமை (மே 18) நடைபெறவுள்ளது. 
இதனால், அன்றைய தினம் காலை 9 மணியிலிருந்து மாலை 4 மணிவரை இத்துணை மின் நிலையத்தில் இருந்து மின்சாரம் பெறும் பகுதிகளில் மின்விநியோகம் தடைபடும் என  மதுரை கிழக்கு மண்டல மின் பகிர்மான வட்ட செயற்பொறியாளர் இரா.கண்ணன்  தெரிவித்துள்ளார்.
மின்விநியோகம் தடைபடும் பகுதிகள்: நாட்டார்மங்கலம், செங்கோட்டை, தச்சனேந்தல், இஸ்லானி, சுப்பிரமணியபுரம், செவல்பட்டி, மீனாட்சிபுரம், கொடங்குளம் மற்றும் இடையபட்டி சுற்றுவட்டாரப் பகுதிகள்.

]]>
https://www.dinamani.com/all-editions/edition-madurai/madurai/2019/may/17/நாட்டார்மங்கலத்தில்-மே-18-மின்தடை-3153321.html
3153320 மதுரை மதுரை மனைவி கொலை கணவன் கைது DIN DIN Friday, May 17, 2019 08:57 AM +0530 அவனியாபுரம் அருகே மனைவி கழுத்தை நெரித்துக் கொலை செய்த கணவனை போலீஸார் வியாழக்கிழமை கைது செய்து விசாரிக்கின்றனர்.  
அவனியாபுரம் குடிசை மாற்றுவாரியக் குடியிருப்பு பகுதியைச் சேர்ந்தவர் சரவணன் (34). ஆட்டோ ஓட்டுநர். இவரது மனைவி அர்ச்சனா (19). இவர்களுக்கு இரண்டு மாத பெண்குழந்தை உள்ளது. 
கடந்த ஒரு வாரமாக அர்ச்சனா வீட்டில் இல்லையாம். இந்நிலையில் வியாழக்கிழமை காலையில் வீட்டிற்கு வந்த அர்ச்சனாவை, சரவணன் கழுத்தை நெரித்துக் கொலை செய்து வீட்டின் கழிவறையில் வைத்து விட்டாராம். 
 இதுகுறித்து தகவலறிந்து சம்பவ இடத்திற்கு வந்த போலீஸார் அர்ச்சனாவின் சடலத்தைக் கைப்பற்றி மதுரை அரசு மருத்துவமனைக்கு பிரேதப் பரிசோதனைக்காக அனுப்பி வைத்தனர். இதுகுறித்து அவனியாபுரம் போலீஸார் வழக்குப்பதிவு செய்து சரவணனை கைது செய்து விசாரிக்கின்றனர்.

]]>
https://www.dinamani.com/all-editions/edition-madurai/madurai/2019/may/17/மனைவி-கொலை-கணவன்-கைது-3153320.html
3153319 மதுரை மதுரை திமுக எதிரிக் கட்சியாக செயல்படுகிறது: ஜி.கே.வாசன் DIN DIN Friday, May 17, 2019 08:57 AM +0530 தமிழகத்தில் திமுக எதிர்க் கட்சியாக செயல்படாமல், மக்கள் திட்டங்களை தடுக்கும் எதிரிக் கட்சியாக செயல்படுகிறது என தமிழ் மாநில காங்கிரஸ் தலைவர் ஜி.கே. வாசன் தெரிவித்தார். 
திருப்பரங்குன்றம் சட்டப்பேரவைத் தொகுதியில் போட்டியிடும் அதிமுக வேட்பாளர் எஸ். முனியாண்டியை ஆதரித்து தமிழ் மாநில காங்கிரஸ் கட்சி சார்பில் திருப்பரங்குன்றம்  பேருந்து நிலையம் அருகே வியாழக்கிழமை பொதுக்கூட்டம் நடைபெற்றது. கூட்டத்திற்கு  மக்களவை முன்னாள் உறுப்பினர் ஏ.ஜி.எஸ். ராம்பாபு தலைமை வகித்தார். கூட்டுறவுத் துறை அமைச்சர் செல்லூர் கே.ராஜூ, அதிமுக புறநகர் மாவட்ட கிழக்கு செயலர் வி.வி.ராஜன்செல்லப்பா, இளைஞரணி மாவட்டச் செயலர் எம்.ரமேஷ்,  ஒன்றியச் செயலர் நிலையூர் முருகன் ஆகியோர் முன்னிலை வகித்தனர். 
கூட்டத்தில் ஜி.கே.வாசன் பங்கேற்றுப் பேசியது:  
இந்த தேர்தலில் வாக்காளர்கள் தமிழகத்தை வளர்ச்சிப்பாதையில் கொண்டு செல்லும் அதிமுக வேட்பாளரை தேர்வு செய்ய வேண்டும். இந்த ஆட்சியில் மதக் கலவரங்கள் இல்லை. மற்ற மாநிலங்களை விட அனைத்து துறைகளிலும் தமிழகம் உயர்ந்து விளங்குகிறது.  
அதிமுக அரசின் திட்டங்களால் மக்களவை மற்றும் 18 சட்டப்பேரவை தேர்தலில் இந்த கூட்டணி மிகப்பெரிய வெற்றியைப் பெறும். அதன்மூலம் மத்தியிலும், மாநிலத்திலும் நமது ஆட்சி தொடரப்போவது உறுதி.  
உள்ளாட்சித் தேர்தலை நடத்த அரசு நினைத்தால் அதனை திமுக நிறுத்தப் பார்க்கிறது. ஏழை எளியோருக்கு ரூ. 2 ஆயிரம்  வழங்கும் திட்டத்தையும் திமுக வழக்கு தொடுத்து நிறுத்தி விட்டது. திமுக தமிழகத்தில் எதிர்க்கட்சியாக செயல்படாமல் எதிரிக்கட்சியாக செயல்படுகிறது என்றார்.
 

]]>
https://www.dinamani.com/all-editions/edition-madurai/madurai/2019/may/17/திமுக-எதிரிக்-கட்சியாக-செயல்படுகிறது-ஜிகேவாசன்-3153319.html
3153318 மதுரை மதுரை "கமல்ஹாசனின் வேடம்  விரைவில் அம்பலப்படுத்தப்படும்' DIN DIN Friday, May 17, 2019 08:56 AM +0530 இந்துக்களை தீவிரவாதிகள் என்று இழிவுபடுத்தி பேசி வரும் மக்கள் நீதி மய்யம் கட்சியின் தலைவர் நடிகர் கமல்ஹாசனின் வேடம் விரைவில் அம்பலமாகும் என்று பாஜக தேசியச் செயலர் ஹெச்.ராஜா தெரிவித்துள்ளார்.
மதுரையில் அவர் வியாழக்கிழமை செய்தியாளர்களிடம் தெரிவித்தது:  நடிகர் கமல்ஹாசன் தரப்பில் உயர்நீதிமன்றத்தில் முன்ஜாமீன் கோரிய மனுவின் பிரமாணப் பத்திரத்தில் இந்துக்களை பற்றி தான் பேசவில்லை என்று தெரிவித்துள்ளார். சுதந்திர இந்தியாவின் முதல் தீவிரவாதி இந்து என்றுதான் நடிகர் கமல்ஹாசன் பேசினார். 
மதத்துக்காக கொலை நடந்திருந்தால்தான் அது தீவிரவாதம்.  ஆர்.எஸ்.எஸ்.சும்,  ஐஎஸ்ஐஎஸ் அமைப்பும் ஒன்று என்று தமிழக காங்கிரஸ் தலைவர் கே.எஸ்.அழகிரியும் தெரிவித்துள்ளார். இதற்கு கடுமையான கண்டனத்தை தெரிவித்துக் கொள்கிறேன். 
மதிமுக பொதுச்செயலர் வைகோ, விடுதலைச்சிறுத்தைகள் கட்சித் தலைவர் தொல்.திருமாவளவன்,  திராவிடர் கழகத்தலைவர் கி.வீரமணி ஆகியோர் இஸ்லாமியர்களுக்கு எதிராக பேசினால்  எதிர்ப்பு கடுமையாக இருக்கும் என்பதால் இந்துக்களை இழிவுப்படுத்தி பேசி வருகின்றனர். மேலும் கமல்ஹாசன் கலவரத்தை ஏற்படுத்தும் நோக்கத்தில் பேசியுள்ளார்.   இந்துக்களை தீவிரவாதி என்று இழிவுபடுத்தியதற்காக நடிகர் கமல்ஹாசன் பகிரங்க மன்னிப்பு கேட்க வேண்டும். இஸ்லாமியர்களின் வாக்குகளை பெறுவதற்காக, இந்துக்களை கமல்ஹாசன் இழிவுபடுத்தக்கூடாது. இஸ்லாமியர்களின் கைப்பாவையாக கமல்ஹாசன் செயல்படுகிறார். அவரது முகத்திரை பொதுமக்கள் மத்தியில் அம்பலப்படுத்தப்படும் என்றார். 
 

]]>
https://www.dinamani.com/all-editions/edition-madurai/madurai/2019/may/17/கமல்ஹாசனின்-வேடம்--விரைவில்-அம்பலப்படுத்தப்படும்-3153318.html
3153317 மதுரை மதுரை கண்மாயில் மீன்கள் வளர்க்க அனுமதிகோரி வழக்கு: மாவட்ட ஆட்சியர் நடவடிக்கை எடுக்க உத்தரவு DIN DIN Friday, May 17, 2019 08:56 AM +0530 மதுரை மாவட்டம் அயிலாங்குடி பெரிய கண்மாயில்  ஏற்கெனவே போடப்பட்ட ஒப்பந்தத்தின் அடிப்படையில் மீன்கள் வளர்க்க அனுமதிக்கக் கோரிய வழக்கில், மாவட்ட ஆட்சியர் உரிய நடவடிக்கை எடுக்க சென்னை உயர்நீதிமன்ற மதுரைக்கிளை வியாழக்கிழமை உத்தரவிட்டது.
மதுரை மாவட்டம் ஒய்.கொடிக்குளம் அருகே அயிலாங்குடியை சேர்ந்த சித்தம்மாள் தாக்கல் செய்த மனு:  அயிலாங்குடி பெரிய கண்மாயை 2014 ஆம் ஆண்டு முதல் 2019 ஆம் ஆண்டு வரை 5 ஆண்டுகளுக்கு குத்தகைக்கு எடுத்தோம். அன்று முதல் 3 ஆண்டுகள் அந்த கண்மாயில் மீன் குஞ்சுகளை விட்டு வளர்த்து வந்தோம். ஆனால் கடந்த 2 ஆண்டுகளாக முறையாக மழை இல்லாததால், கண்மாயில் மீன்கள் வளர்க்க முடியாமல் நஷ்டமடைந்தோம்.
 இந்நிலையில், 2018 மற்றும் 2019 ஆம் ஆண்டுக்கான குத்தகை தொகையாக ரூ.1 லட்சத்து 78 ஆயிரத்து 281 மற்றும்  நல வாரிய நிதியாக ரூ.8,858 செலுத்தி உள்ளோம். இதற்கிடையே கண்மாய்கள் பராமரிப்பு தொடர்பான வழக்கில் நீர்நிலைகளில் மீன்கள் வளர்க்கக்கூடாது என உயர்நீதிமன்ற மதுரைக்கிளை உத்தரவிட்டதாகக் கூறி, கண்மாயில் மீன்கள் வளர்க்க விடாமல் எங்களை அதிகாரிகள் தடுத்து வருகின்றனர். 
 இந்த கண்மாயில் மீன்களைப் பிடிக்க தண்ணீரை வெளியேற்றுவதில்லை. தண்ணீர் இருக்கும் போதே மீன்களைப் பிடித்து விடுகிறோம். எனவே 2014 ஆம் ஆண்டில் போடப்பட்ட ஒப்பந்தத்தின் அடிப்படையில், அயிலாங்குடி பெரிய கண்மாயில்  மீன்கள் வளர்க்க அனுமதிக்க வேண்டும். தவறும்பட்சத்தில் நாங்கள் செலுத்திய ரூ.1 லட்சத்து 87 ஆயிரத்து 139 ரொக்கப் பணத்தை 12 சதவீத வட்டியுடன் திரும்ப வழங்க உத்தரவிட வேண்டும் எனக் குறிப்பிட்டிருந்தார்.  
இந்த மனு நீதிபதிகள் ஜெ.நிஷாபானு, எம்.தண்டபாணி அமர்வு முன் வியாழக்கிழமை விசாரணைக்கு வந்தது. வழக்கை விசாரித்த நீதிபதிகள், மனுதாரரின் கோரிக்கை குறித்து, மாவட்ட ஆட்சியர் 4 வாரங்களில் உரிய நடவடிக்கை எடுக்க உத்தரவிட்டனர்.

]]>
https://www.dinamani.com/all-editions/edition-madurai/madurai/2019/may/17/கண்மாயில்-மீன்கள்-வளர்க்க-அனுமதிகோரி-வழக்குமாவட்ட-ஆட்சியர்-நடவடிக்கை-எடுக்க-உத்தரவு-3153317.html
3153316 மதுரை மதுரை ஓடைக்காளியம்மன் கோயில் திருவிழா DIN DIN Friday, May 17, 2019 08:56 AM +0530 உசிலம்பட்டி  அருகே எம்.கல்லுப்பட்டியில் குழிப்பிள்ளை தாண்டும் ஓடைக்காளியம்மன் கோயில் திருவிழாவில் வியாழக்கிழமை  தீச்சட்டி, முளைப்பாரி எடுத்து பக்தர்கள் நேர்த்திக்கடன் செலுத்தினர்.
 மதுரை மாவட்டம் உசிலம்பட்டி  அருகே  எம்.கல்லுப்பட்டியில்   குழிப்பிள்ளை தாண்டும் ஓடைக்காளியம்மன் கோயில் திருவிழா கடந்த  மே 10 ஆம் தேதி கொடியேற்றத்துடன் தொடங்கியது. புதன்கிழமை  இரவு ஓடைக்காளியம்மன் கரகம் கோகுலகிருஷ்ணன் கோயில் தெருவிலுள்ள உப்புக்கிணற்றில் இருந்து புறப்பாடு நடைபெற்றது.
இதனையடுத்து கோனார் முதன்மைக்காரர் பழைய வீட்டில் அம்மனுக்கு தாலி கட்டும் நிகழ்ச்சி நடைபெற்றது. 
அதன்பின்பு ஓடைக்காளியம்மன் கோயில் செல்லும் சாலையில் நேர்த்திகடன் செலுத்தும் விதமாக வாழை இலை விரித்து, மஞ்சளாடையில் போர்த்தி வைக்கப்பட்ட குழந்தைகளை குழிப்பிள்ளை தாண்டும் நிகழ்ச்சி நடைபெற்றது. அதன் பின்பு மூலஸ்தானத்திற்கு அம்மன் கரகம் கொண்டு வைக்கப்பட்டது. 
வியாழக்கிழமை  இரவு 10 மணிக்கு அம்மன் காளி அவதாரத்தில் நகர்வலம் வந்தார்.   அதனை தொடர்ந்து கோயிலை வந்தடைந்த, காளியம்மனுக்கு சிறப்பு பூஜைகள் செய்யப்பட்டன.  அதனைத்தொடந்து முளைப்பாரி ஊர்வலம் நடைபெற்றது.
அதன் பின்னர் பக்தர்கள் பொங்கல் வைத்து பூஜை செய்து, கிடா வெட்டி வழிபாடு நடத்தினர். 
 

]]>
https://www.dinamani.com/all-editions/edition-madurai/madurai/2019/may/17/ஓடைக்காளியம்மன்-கோயில்-திருவிழா-3153316.html
3153036 மதுரை மதுரை முருகனின் முதல்படை வீட்டில் வெற்றி யாருக்கு? தொகுதி  நிலவரம் மு. மது DIN Friday, May 17, 2019 06:55 AM +0530 முருகப் பெருமானின் அறுபடை வீடுகளில் முதல் படை வீடான திருப்பரங்குன்றம் இடைத்தேர்தலில் வெற்றி பெற அதிமுக, திமுக, அமமுக கட்சியினரிடையே கடும் போட்டி ஏற்பட்டுள்ளது.
 திருப்பரங்குன்றம் சட்டப்பேரவை தொகுதியானது நகர் மற்றும் கிராமப் பகுதிகளை உள்ளடக்கியது.  மதுரை காமராஜர் பல்கலைக்கழகம், விமான நிலையம் ஆகியவை இங்கு உள்ளன. மதுரை மாநகராட்சிக்கு உள்பட்ட 13 வார்டுகளும், திருப்பரங்குன்றம் ஊராட்சி ஒன்றியத்துக்கு உள்பட்ட 38 ஊராட்சிகளும் இத் தொகுதியில் அடங்கும்.
 திருப்பரங்குன்றத்தில், முதல் மற்றும் இரண்டாவது (1957, 1962) சட்டப்பேரவை உறுப்பினராக காங்கிரஸ் கட்சியை சேர்ந்த சின்னக்கருப்பத் தேவர் இருந்துள்ளார்.  அதன்பிறகு 1967 முதல் 2016 வரை (இடைத்தேர்தல் உள்பட) நடைபெற்றுள்ள 13 தேர்தல்களில் 4 முறை திமுகவும்,  7 முறை அதிமுகவும், அதிமுக கூட்டணியில் பார்வர்டு பிளாக் கட்சி மற்றும் தேமுதிக தலா ஒரு முறையும் வெற்றி பெற்றுள்ளன.
 கடந்த 1971-இல் வெற்றி பெற்ற காவேரி மணியத்தை (திமுக) தவிர தொகுதியின் அனைத்து சட்டப்பேரவை உறுப்பினர்களும் முக்குலத்தோர் சமுதாயத்தை சேர்ந்தவர்கள்.  திமுகவைப் பொருத்தவரை கடந்த 1984, 2006 ஆகிய 2 முறை தனது கூட்டணிக் கட்சிகளுக்கு தொகுதியை விட்டுக் கொடுத்துள்ளது. அதேபோல் 1991  தேர்தலில் அதிமுக கூட்டணி கட்சியான பார்வர்டு பிளாக்கு ஒதுக்கிய போதிலும், அப்போதைய வேட்பாளர் ஆண்டித் தேவர் இரட்டை இலை சின்னத்திலேயே போட்டியிட்டு வெற்றி பெற்றார். 
இத்தொகுதியில் அதிமுக,  திமுக கட்சிகளே பெரும்பாலான தேர்தல்களில் நேரடியாக களம் இறங்கின. 2011 தேர்தலில் அதிமுகவும், திமுகவும் தனது கூட்டணிக் கட்சிகள் போட்டியிட இந்த தொகுதியை விட்டுக் கொடுத்தன. அதிமுக கூட்டணியில் தேமுதிக கட்சியைச் சேர்ந்த ஏ.கே.டி.ராஜா வெற்றி பெற்றார்.   2016 தேர்தலில் அதிமுக வேட்பாளரான எஸ்.எம். சீனிவேல் வெற்றி பெற்றார். அவர் சட்டப்பேரவை உறுப்பினராக பதவி ஏற்கும் முன்னரே உடல்நலக்குறைவால் உயிரிழந்தார். அதனைத்தொடர்ந்து 2016 இல் நடைபெற்ற இடைத்தேர்தலில் அதிமுகவைச் சேர்ந்த ஏ.கே. போஸ் வெற்றி பெற்றார். அவர், கடந்த 2018 இல்  உயிரிழந்ததையடுத்து, தற்போது இத் தொகுதிக்கு 2 ஆவது முறையாக இடைத்தேர்தல் நடைபெறுகிறது. 
 இந்த தேர்தலில் அதிமுக, திமுக, அமமுக, நாம் தமிழர், மக்கள் நீதி மய்யம் உள்ளிட்ட  கட்சிகளைச் சேர்ந்த 37 வேட்பாளர்கள் களத்தில் உள்ளனர். எனினும் அதிமுக வேட்பாளர் எஸ். முனியாண்டிக்கும், திமுக வேட்பாளர் பா. சரவணனுக்கும்,  அமமுக வேட்பாளர் இ. மகேந்திரனுக்கும் இடையேதான் கடும் போட்டி ஏற்பட்டுள்ளது.
அதிமுகவின் பலம், பலவீனம்: அதிமுகவின் எஸ். முனியாண்டி, இதே தொகுதியைச் சேர்ந்தவர். அனைவருக்கும் நன்கு அறிமுகமானவர். இவர் திருப்பரங்குன்றம் ஊராட்சி ஒன்றியத்தின் தலைவராகவும், மாவட்ட ஊராட்சியின் உறுப்பினராகவும்
, மாநகராட்சி சுகாதாரக் குழு தலைவராகவும் சுமார் 20 ஆண்டுகள் தொடர்ந்து மக்கள் பிரதிநிதியாக இருந்துள்ளார். 
அதிமுக அரசின் சாதனைகள், புதிதாக வரவுள்ள எய்ம்ஸ் மருத்துவமனை, துணைக்கோள் நகரம் உள்ளிட்ட வளர்ச்சித் திட்டங்கள் அதிமுகவின் பலமாக உள்ளது.  அதேசமயம் அதிமுகவின் வாக்கு வங்கியை அமமுக பிரிக்கும். இத்தொகுதியில் பாதாளச் சாக்கடை திட்டம் தாமதம் மற்றும் ஒரு சில இடங்களில் அடிப்படை வசதி குறைபாடுகள் குறித்து பொதுமக்கள் புகார் கூறி வருவது இவரது பலவீனமாகக் கருதப்படுகிறது.
திமுகவின் பலம், பலவீனம்: திமுகவின் பா.சரவணன் மருத்துவர். இவர் கடந்த 2016 சட்டப்பேரவை இடைத்தேர்தலில் நின்று வெற்றிவாய்ப்பை இழந்தவர். அந்த அனுதாபம் மற்றும் அதிமுகவின் வாக்குகளை அமமுக பிரிக்கும் பட்சத்தில் வெற்றிவாய்ப்பு எளிதாக இருக்கும் என நம்புகிறார்.
 திமுகவின் தேர்தல் அறிக்கை மற்றும் திமுக தலைவர் மு.க.ஸ்டாலின் மக்களை நேரடியாக சந்தித்து வாக்கு சேகரித்தது தமது பலமாக கருதுகிறார். தொகுதியில் தேர்தல் நேரத்தில் மட்டும் வருகிறார் என்று பொதுமக்களும், அனைவரையும் அரவணைத்து செல்லவில்லை என கூட்டணிக் கட்சியினரின் குற்றச்சாட்டும் இவரது பலவீனமாக கருதப்படுகின்றன.
 அமமுக கட்சி:  அமமுகவின் மாவட்டச் செயலரான இ.மகேந்திரன், உசிலம்பட்டி சட்டப்பேரவை உறுப்பினராக இருந்துள்ளார். அமமுக பொதுச்செயலர் டி.டி.வி. தினகரனின் செல்வாக்கு, சிறுபான்மையினர் வாக்குகள் தமகுக்கு வெற்றியைச் தரும் என்ற நம்பிக்கையில் வாக்கு சேகரித்து வருகிறார். இவர் வெளியூர்காரர் என்பது என்பது பலவீனமாக உள்ளது.  
மக்கள் நீதி மய்யத்தின் சக்திவேல், கட்சித் தலைவர் கமல்ஹாசனின் செல்வாக்கை நம்பி  களம் இறங்கியுள்ளார். நடுநிலையாளர்களின் வாக்குகள் தமக்கு கிடைக்கும் என்ற நம்பிக்கையில் உள்ளார்.   
 நாம் தமிழர் வேட்பாளர் ரேவதி, இடைத்தேர்தலில் போட்டியிடும் ஒரே பெண் வேட்பாளர். தலைமை ஒருங்கிணைப்பாளர் சீமானின் பேச்சு, விவசாயிகள், இளைஞர்களின் வாக்கு கைகொடுக்கும் என்ற நம்பிக்கையில் இருக்கிறார்.
 கட்சித் தலைவர்கள் பலரும் சுற்றி சுழன்று பிரசாரம் செய்துள்ளனர். வெற்றி இலக்கை நோக்கி அரசியல் கட்சிகள் பிரசார உத்தியை வகுத்து செயலாற்றிக் கொண்டிருக்கின்றன. வெற்றிக் கனியை பறிக்க அதிமுக, திமுக, அமமுக கட்சியினரிடையே கடும் போட்டி ஏற்பட்டுள்ளது.
வாக்காளர்கள் விவரம்
மொத்த வாக்காளர்கள்    3, 04,478 
ஆண்கள்    1,50,533  
பெண்கள்     1,53,918
மூன்றாம் பாலினத்தவர்    27
 

]]>
https://www.dinamani.com/all-editions/edition-madurai/madurai/2019/may/17/முருகனின்-முதல்படை-வீட்டில்-வெற்றி-யாருக்கு-தொகுதி--நிலவரம்-3153036.html
3152428 மதுரை மதுரை வாக்காளர்களுக்கு பணப் பட்டுவாடா: அதிமுகவினர் 4 பேர் கைது DIN DIN Thursday, May 16, 2019 07:20 AM +0530 திருப்பரங்குன்றம் இடைத்தேர்தலில் வாக்காளர்களுக்கு பணப் பட்டுவாடா செய்த  அதிமுகவினர் 4 பேரை போலீஸார் புதன்கிழமை கைது செய்து, அவர்களிடமிருந்து ரூ.74 ஆயிரம் ரொக்கத்தை பறிமுதல் செய்தனர். 
 திருப்பரங்குன்றம் தொகுதிக்கு உள்பட்ட அவனியாபுரம் பகுதியில் வாக்காளர்களுக்கு  பணம் விநியோகிப்பதாக தேர்தல் பறக்கும் படை அலுவலர்களுக்கு தகவல் வந்துள்ளது. 
 இதையடுத்து சம்பவ இடத்திற்கு பறக்கும் படை அலுவலர் அப்துல்ரகுமான் தலைமையிலான போலீஸார்  விசாரித்தபோது, அங்கு கிருஷ்ணகிரி மாவட்டம் ஊத்தங்கரையைச் சேர்ந்த ராமசாமி(58), சிவக்குமார்(37), வில்லாபுரம் பகுதியைச் சேர்ந்த முத்துமணி(24), தமிழரசன்(21)ஆகிய 4 பேர் வாக்காளர்களின் பெயர் பட்டியல் மற்றும் ரூ.74 ஆயிரம் ரொக்கப் பணம் வைத்திருந்தது தெரியவந்தது.  
இதையடுத்து பறக்கும் படையினர் அவர்களிடமிருந்த பணத்தை பறிமுதல் செய்து போலீஸாரிடம் ஒப்படைத்தனர். இதுகுறித்து அவனியாபுரம்  போலீஸார் வழக்குப்பதிவு செய்து 4 பேரையும் கைது செய்தனர்.  

]]>
https://www.dinamani.com/all-editions/edition-madurai/madurai/2019/may/16/வாக்காளர்களுக்கு-பணப்-பட்டுவாடா-அதிமுகவினர்-4-பேர்-கைது-3152428.html
3152427 மதுரை மதுரை காமராஜர் பல்கலை.யில் மாணவர் சேர்க்கை: 24 பாடப்பிரிவுகளில் 255 பேர் சேர்ந்துள்ளனர் DIN DIN Thursday, May 16, 2019 07:20 AM +0530 மதுரை காமராஜர் பல்கலைக்கழகத்தில் நுழைவுத்தேர்வு அல்லாத முதுகலை பாடப்பிரிவுகளுக்கு நடைபெற்று வரும் மாணவர் சேர்க்கையில் 255 பேர் சேர்க்கப்பட்டுள்ளனர்.
மதுரை காமராஜர் பல்கலைக்கழகத்தில் தமிழ், ஆங்கிலம், அரசியல் அறிவியல், பொருளியல், வணிகவியல், வரலாறு, நாட்டுப்புறவியல், சமூகவியல் உள்பட 24 பிரிவுகளில் முதுகலை படிப்புக்கான மாணவர் சேர்க்கை கலந்தாய்வு பல்கலைக்கழக வளாகத்தில் மே 13-ஆம் தேதி தொடங்கியது. இதில் முதல் நாளிலேயே வணிகவியல், ஆங்கிலம், பிரெஞ்சு, பொருளியல் ஆகிய பாடப்பிரிவுகளில் மாணவர்கள் சேர்க்கை முழுவதும் முடிவடைந்தது. நுழைவுத்தேர்வு அல்லாத 13 பிரிவுகளிலும் 178 மாணவர்கள் சேர்ந்திருந்தனர். 
மேலும் சமஸ்கிருதம், இன்ஸ்ட்ரூமென்டேசன், தத்துவியல் உள்ளிட்ட 11 சிறப்புப் பிரிவுகளில் ஒவ்வொரு பிரிவுக்கும் குறைந்தபட்சம் 5 மாணவர்கள் இருந்தால் மட்டுமே சேர்க்கை நடத்தப்படும் என்று அறிவிக்கப்பட்டதால் முதல் நாளில் இந்த பிரிவுகளுக்கு மாணவர் சேர்க்கை நடைபெறவில்லை. இதைத்தொடர்ந்து செவ்வாய் மற்றும் புதன்கிழமைகளில் நடைபெற்ற கலந்தாய்வில் 11 சிறப்புப் பிரிவுகளுக்கும் மாணவ, மாணவியர் விண்ணப்பித்ததை அடுத்து சேர்க்கை நடைபெற்றது. 
இதில் பல்கலைக்கழகத்தில் கடந்த மூன்று நாள்களில் நடைபெற்ற கலந்தாய்வில் 24 பாடப்பிரிவுகளில் மொத்தம் உள்ள 340 இடங்களுக்கு 255 மாணவ, மாணவியர் சேர்க்கப்பட்டுள்ளனர். மேலும் ஆகஸ்டு மாதம் வரை அவகாசம் இருப்பதால் இந்தாண்டு அனைத்து இடங்களும் பூர்த்தி செய்யப்படும் என்று பல்கலைக்கழக நிர்வாகம் தெரிவித்துள்ளது.

]]>
https://www.dinamani.com/all-editions/edition-madurai/madurai/2019/may/16/காமராஜர்-பல்கலையில்-மாணவர்-சேர்க்கை-24-பாடப்பிரிவுகளில்-255-பேர்-சேர்ந்துள்ளனர்-3152427.html
3152426 மதுரை மதுரை மதுரை மாவட்ட நீதிமன்ற சிற்றுண்டிக் கூடத்தில் உணவுக்கடத்தல் தடுப்புப்பிரிவு அதிகாரிகள் ஆய்வு DIN DIN Thursday, May 16, 2019 07:19 AM +0530 மதுரை மாவட்ட நீதிமன்றத்தில் இயங்கி வரும் சிற்றுண்டிக்கூடத்தில் விதிகள் மீறப்படுவதாக புகாரின் பேரில் உணவுக் கடத்தல் தடுப்புப்பிரிவு அதிகாரிகள் புதன்கிழமை ஆய்வு மேற்கொண்டனர்.
மதுரை மாவட்ட நீதிமன்றத்தில் சிற்றுண்டிக்கூடம் இயங்கி வருகிறது. இதில் உயர்நீதிமன்றத்தின் உத்தரவுகள் மீறப்படுவதாக,  மதுரை அண்ணாநகரை சேர்ந்த வழக்குரைஞர் முத்துக்குமார் புகார் அளித்தார். புகாரில் நீதிமன்ற வளாகத்துக்குள் சமையலறை நடத்துவதாகவும், சிற்றுண்டிக்கூடத்தில் பத்துக்கும் மேற்பட்ட எரிவாயு உருளைகள் பயன்படுத்துவதாகவும்,   போதிய பாதுகாப்பு வசதிகள் இல்லாததால் தீ விபத்து நேரிடும் அபாயமும் உள்ளதாக தெரிவித்திருந்தார். மேலும் புகாருக்கு ஆதாரமாக புகைப்படங்கள் மற்றும் விடியோ பதிவுகளையும் அளித்திருந்தார். 
இதையடுத்து உணவுக்கடத்தல் தடுப்பு பறக்கும் படை வட்டாட்சியர் கருப்பையா, மாவட்ட நுகர்வோர்அமைப்பின் உறுப்பினர் ரவீந்திரன் ஆகியோர் சிற்றுண்டிக் கூடத்தில் புதன்கிழமை ஆய்வு மேற்கொண்டனர்.  ஆய்வின்போது சிற்றுண்டிக்கூடத்தில் பயன்படுத்தும் எரிவாயு உருளைகள் முறையாக பெறப்பட்டதா?  நீதிமன்ற வளாகத்துக்குள் எரிவாயு உருளைகள் பயன்படுத்துவதற்கு பொதுப்பணித்துறையிடம் உரிய அனுமதி பெறப்பட்டதா? என்பது தொடர்பாக கேட்டறிந்தனர். மேலும் ஆவணங்களையும் ஆய்வு செய்தனர்.  இந்நிலையில் மாவட்ட நீதிமன்றத்தில் உள்ள சிற்றுண்டிக்கூடத்தில் உணவுப்பொருள்கள் அதிக விலைக்கு விற்கப்படுவதாக  மதுரை வழக்குரைஞர்கள் சங்கத் தலைவர் நெடுஞ்செழியன், செயலர் மோகன்குமார், பொருளாளர் கணேசன் ஆகியோர் தலைமையில் வழக்குரைஞர்கள் மாவட்ட நீதிபதி நஸிமா பானுவிடம் புகார் அளித்தனர். இதைத்தொடர்ந்து உயர்நீதிமன்ற உத்தரவின்படி உரிய விலைக்கே உணவுப் பொருள்கள் விற்கப்பட வேண்டும் என்று நீதிபதி உத்தரவிட்டார்.

]]>
https://www.dinamani.com/all-editions/edition-madurai/madurai/2019/may/16/மதுரை-மாவட்ட-நீதிமன்ற-சிற்றுண்டிக்-கூடத்தில்உணவுக்கடத்தல்-தடுப்புப்பிரிவு-அதிகாரிகள்-ஆய்வு-3152426.html
3152425 மதுரை மதுரை திருப்பரங்குன்றம் இடைத்தேர்தலை நிறுத்தக்கோரிய மனு தள்ளுபடி DIN DIN Thursday, May 16, 2019 07:19 AM +0530 வாக்காளர்களுக்கு பணம் கொடுப்பது அதிகரித்துள்ளதால் திருப்பரங்குன்றம் சட்டப்பேரவைத் தொகுதி இடைத்தேர்தலை நிறுத்தக்கோரிய மனுவை தள்ளுபடி செய்து சென்னை உயர்நீதிமன்ற மதுரைக்கிளை புதன்கிழமை உத்தரவிட்டது.
மதுரையைச் சேர்ந்த கே.கே.ரமேஷ் தாக்கல் செய்த மனு: திருப்பரங்குன்றம் சட்டப்பேரவைத் தொகுதியில் வரும் மே 19 ஆம் தேதி இடைத்தேர்தல் நடைபெற உள்ளது. இதற்காக அங்கு வாக்காளர்களுக்கு பணம் கொடுப்பது அதிகரித்துள்ளது. அதோடு ஒவ்வொரு கட்சியினரும் பொதுக்கூட்டங்கள் மற்றும் பிரசாரங்களில் தங்களின் பலத்தை நிரூபிக்க பணம் கொடுத்து மக்களை வாகனங்களில் அழைத்துச் செல்கின்றனர். இதற்காக மட்டும் முக்கிய கட்சிகள் இதுவரை ரூ.25 கோடிவரை செலவு செய்துள்ளதாகக் கூறப்படுகிறது. 
குறிப்பாக திமுக, அமமுக, அதிமுக ஆகிய கட்சிகளின் சார்பில்   வாக்காளர்களுக்கு தலா ஆயிரம் ரூபாய் வரை வழங்கப்படுகிறது. இத்தகையச் சூழலில் கட்சியினர் தேர்தல் செலவு கணக்கை பொய்யாக தயாரித்து தேர்தல் ஆணையத்தில் சமர்ப்பிக்கின்றனர். தேர்தல் ஆணையமும் கண்மூடித்தனமாக அதனை ஏற்றுக் கொள்கிறது. வாக்காளர்களுக்குப் பணம் கொடுப்பது குறித்து அதிகாரிகளிடம் முறையிட்டும் எவ்வித நடவடிக்கையும் இல்லை. எனவே திருப்பரங்குன்றம் சட்டப்பேரவைத் தொகுதி இடைத்தேர்தலை நிறுத்தி வைக்க அல்லது தள்ளிவைக்க உத்தரவிட வேண்டும் எனக் குறிப்பிட்டிருந்தார். 
இந்த மனு நீதிபதிகள் ஜெ.நிஷாபானு, எம்.தண்டபாணி அமர்வு முன் புதன்கிழமை விசாரணைக்கு வந்தது. வழக்கை விசாரித்த நீதிபதிகள், தேர்தல் நடவடிக்கைகளில் நீதிமன்றம் தலையிட இயலாது. தேவைப்படும் பட்சத்தில் மனுதாரர் தேர்தல் ஆணையத்தை அணுகலாம் எனக் கூறி வழக்கை தள்ளுபடி செய்து உத்தரவிட்டனர்.

]]>
https://www.dinamani.com/all-editions/edition-madurai/madurai/2019/may/16/திருப்பரங்குன்றம்-இடைத்தேர்தலை-நிறுத்தக்கோரிய-மனு-தள்ளுபடி-3152425.html
3152424 மதுரை மதுரை தமிழகத்தில் தமிழ் தெரியாத ரயில்வே பணியாளர்கள்: தெற்கு ரயில்வே பொது மேலாளர் பதிலளிக்க உத்தரவு DIN DIN Thursday, May 16, 2019 07:19 AM +0530 தமிழகத்தில் ரயில்வேத் துறையில்  நிலைய அலுவலர், ரயில் ஓட்டுநர்கள், பாதுகாவலர் உள்ளிட்ட பணிகளுக்கு  தமிழ் தெரியாதவர்களை பணியமர்த்த தடைகோரிய வழக்கில், தெற்கு ரயில்வே பொது மேலாளர் பதிலளிக்க சென்னை உயர்நீதிமன்ற மதுரைக்கிளை புதன்கிழமை உத்தரவிட்டது. 
மதுரையைச் சேர்ந்த மணவாளன் தாக்கல் செய்த மனு: மதுரை கள்ளிக்குடி- திருமங்கலம் ரயில்வே பாதையில் மே 8 ஆம் தேதி ஏற்பட இருந்த விபத்து கடைசி நேரத்தில் தவிர்க்கப்பட்டது. இந்த நிகழ்வு ரயில்வே நிர்வாகம் சில மாறுதல்களை கொண்டு வர வேண்டியதன் அவசியத்தை உணர்த்துவதாக உள்ளது. 
தமிழகத்தில் பணியாற்றும் 15 முதல் 20 சதவீத ரயில்வே ஊழியர்கள் தமிழ் மொழி தெரியாதவர்களாகவே உள்ளனர். ரயில்வே தேர்வுகள் ஆங்கிலம் அல்லது இந்தியில் நடத்தப்படுவதால் தமிழ் மாணவர்கள் உள்பட அந்தந்த மண்டல மொழி பேசும் மாணவர்கள் ரயில்வே தேர்வுகளில் பெருமளவில் தேர்ச்சி பெறுவதில்லை.
தமிழகத்தில் ரயில்வேத் துறையில் நிலைய அலுவலர், ரயில் ஓட்டுநர்கள், பாதுகாவலர்கள் உள்ளிட்ட பணிகளில் இருப்பவர்களுக்கு பெரும்பாலும் தமிழ் மொழி தெரிவதில்லை. திருச்சி மண்டலத்தில் 2,145 பாதுகாவலர்களில் பெரும்பாலானவர்களுக்கு தமிழ் தெரிவதில்லை. இதுவே கள்ளிக்குடி- திருமங்கலம் ரயில்வே பாதையில்  நடக்க இருந்த விபத்துக்கு காரணமாக கூறப்படுகிறது.  எனவே ரயில்வே துறைக்கு தமிழகத்தில் தமிழ் தெரியாதவர்களை பணியமர்த்த தடைவிதிக்க உத்தரவிட வேண்டும் எனக் குறிப்பிட்டிருந்தார்.
இந்த மனு நீதிபதிகள் ஜெ.நிஷாபானு, எம்.தண்டபாணி அமர்வு முன் புதன்கிழமை விசாரணைக்கு வந்தது. வழக்கை விசாரித்த நீதிபதிகள் இந்த மனு குறித்து தெற்கு ரயில்வே பொதுமேலாளர் பதிலளிக்க உத்தரவிட்டு வழக்கை ஜூன் 6 ஆம் தேதிக்கு ஒத்திவைத்தனர்.

]]>
https://www.dinamani.com/all-editions/edition-madurai/madurai/2019/may/16/தமிழகத்தில்-தமிழ்-தெரியாத-ரயில்வே-பணியாளர்கள்-தெற்கு-ரயில்வே-பொது-மேலாளர்-பதிலளிக்க-உத்தரவு-3152424.html
3152423 மதுரை மதுரை தூத்துக்குடி துப்பாக்கிச் சூட்டில் உயிரிழந்தவர்களுக்கு நினைவஞ்சலி: கூட்டத்தில் 500 பேர் பங்கேற்க அனுமதி:  உயர்நீதிமன்றம் உத்தரவு DIN DIN Thursday, May 16, 2019 07:19 AM +0530 தூத்துக்குடி துப்பாக்கிச்சூட்டில் உயிரிழந்தவர்களுக்கான நினைவஞ்சலி கூட்டத்தில் கலந்து கொள்வோர் எண்ணிக்கையை 500 ஆக உயர்த்தி அனுமதி வழங்கி சென்னை உயர்நீதிமன்ற மதுரைக்கிளை புதன்கிழமை உத்தரவிட்டது.
தூத்துக்குடியைச் சேர்ந்த ஜான்ரோஸ் தாக்கல் செய்த மனு: 
தூத்துக்குடியில் துப்பாக்கிச்சூடு நடைபெற்று ஓராண்டாகியும் அதன் வலியும், வேதனையும் இன்னும் எங்கள் நெஞ்சங்களில் இருந்து அகலவில்லை. இதனால் துப்பாக்கிச்சூட்டில் உயிரிழந்தவர்களின் குடும்பத்தினர் சார்பில் மே 22 ஆம் தேதி ஊர்வலம் மற்றும் பொதுக்கூட்டம் நடத்த முடிவு செய்துள்ளோம். 
தூத்துக்குடி பனிமயமாதா ஆலயத்தில் இருந்து எஸ்ஏவி பள்ளி மைதானம் வரை மாலை 6.30 முதல்  இரவு 9.30 மணி வரை ஊர்வலம் நடத்த அனுமதிக்க வேண்டும், அல்லது வி.இ. சாலை அந்தோணியார் கோயில் திருமண மண்டபத்தில்  மாலை 6 மணி முதல் இரவு 8 மணி வரை பொதுக்கூட்டம் நடத்த அனுமதி வழங்கி உத்தரவிட வேண்டும் எனக் குறிப்பிட்டிருந்தார்.
இதேபோல தூத்துக்குடி போராட்டத்தில் உயிரிழந்த 13 பேருக்கு அஞ்சலி செலுத்தும் கூட்டம் நடத்த பாளையங்கோட்டை சாலையில் மய்யவாடி பேருந்து நிறுத்தம் எதிரில் மே 22 ஆம் தேதி காலை 10 மணி முதல் பிற்பகல் 3 மணி வரை அல்லது எட்டையபுரம் சாலை கலைஞர் அரங்கில் நடத்த அனுமதி வழங்க உத்தரவிட வேண்டும் என ஆழ்வார் திருநகரியைச் சேர்ந்த தமிழர் தேசிய கொற்றத்தின் தலைவர் அ.வியனரசு மனு தாக்கல் செய்திருந்தார்.
இந்த மனுக்கள் நீதிபதிகள் ஜெ.நிஷாபானு, எம்.தண்டபாணி அமர்வு முன் புதன்கிழமை விசாரணைக்கு வந்தது. அப்போது நீதிபதிகள், தூத்துக்குடி துப்பாக்கிச் சூட்டில் உயிரிழந்தவர்களுக்கு மே 22 இல் பெல் ஹோட்டலில் அஞ்சலிக் கூட்டம் நடத்த ஏற்கனவே அனுமதி அளிக்கப்பட்டுள்ளது. 
மேலும் இதற்காக தொடர்ந்து மனுக்கள் தாக்கல் செய்யப்படுவது ஏன் என கேள்வி எழுப்பினர். அதற்கு மனுதாரர்கள் தரப்பில், 250 பேர் மட்டுமே கலந்து கொள்ள அனுமதிக்கப்பட்டுள்ளது. எனவே மாலையிலும் நினைவஞ்சலி கூட்டம் நடத்த அனுமதிக்க வேண்டும் எனத் தெரிவித்தனர்.
இதையடுத்து நீதிபதிகள்,  மே 22 ஆம் தேதி பெல் ஹோட்டலில் காலை 9 மணி முதல் 11 மணி வரை நடக்கும் நினைவஞ்சலி கூட்டத்தில் 500 பேர் கலந்து கொள்ளலாம் என உத்தரவிட்டனர். 
 மேலும் நிகழ்வு முழுவதையும் மனுதாரர் மற்றும் காவல்துறை தரப்பில் விடியோ பதிவு செய்ய வேண்டும். நிகழ்வில் கலந்து கொள்வோரின் பட்டியலை நிகழ்வு முடிந்த பின்னர் தூத்துக்குடி காவல் கண்காணிப்பாளரிடம் வழங்க வேண்டுமென்ற நிபந்தனைகளுடன் அனுமதி வழங்கி வழக்கை முடித்து வைத்தனர்.

]]>
https://www.dinamani.com/all-editions/edition-madurai/madurai/2019/may/16/தூத்துக்குடி-துப்பாக்கிச்-சூட்டில்-உயிரிழந்தவர்களுக்கு-நினைவஞ்சலி-கூட்டத்தில்-500-பேர்-பங்கேற்க-அனு-3152423.html
3152422 மதுரை மதுரை பாஜக ஆட்சியின் அக்கிரமங்களைத் தான் பேசி வருகிறேன்: மு.க.ஸ்டாலின் DIN DIN Thursday, May 16, 2019 07:18 AM +0530 பாஜகவுடன் பேசவில்லை; பாஜக ஆட்சியின் அக்கிரமங்களைத் தான் பேசி வருகிறேன் என்று திமுக தலைவர் மு.க. ஸ்டாலின் கூறினார்.
திருப்பரங்குன்றம் தொகுதி இடைத்தேர்தலில் போட்டியிடும் திமுக வேட்பாளர் டாக்டர்  பா. சரவணனை ஆதரித்து விரகனூர், மேல அனுப்பானடி, வில்லாபுரம், வலையங்குளம் ஆகிய பகுதிகளில் புதன்கிழமை பிரசாரம் செய்த அவர் பேசியது: 
 நான் பாஜகவுடன் பேசி வருவதாக,  அபாண்டமான பொய்யை தமிழக பாஜக தலைவர் தமிழிசை சௌந்தரராஜன் கூறியிருக்கிறார்.  அவர் கூறுவதைப் போல, பாஜகவுடன் பேசவில்லை; பாஜக ஆட்சியின் அக்கிரமங்களைத் தான் பேசி வருகிறேன். தூத்துக்குடி மக்களவைத் தொகுதியில் போட்டியிட்ட அவர் வைப்புத் தொகை (டெபாசிட்) கூட பெற முடியாத நிலையில், தோல்வி பயத்தில் இவ்வாறு பேசி வருகிறார். 
பொய் பேசுவதில் பிரதமர் நரேந்திர மோடியைப் பின்பற்றுகிறார் தமிழிசை. மத்தியில் ஆட்சிக்கு வருவதற்கு முன்பும், வந்த பிறகும், ஆட்சி முடியும் நிலையிலும் பிரதமர் பொய் பேசி வருகிறார். பாஜக ஆட்சிக்கு வந்தவுடன் 5 ஆண்டுகளில் 10 கோடி பேருக்கு வேலைவாய்ப்பு வழங்கப்படும் என்றார். வெளிநாடுகளில் பதுக்கி வைக்கப்பட்டிருக்கும் கருப்புப் பணத்தை மீட்டு நாட்டு மக்கள் வங்கிக் கணக்கில் ஒவ்வொருவருக்கும் ரூ. 15 லட்சம் வரவு வைக்கப்படும் என்று கடந்த தேர்தலின்போது கூறினார். இதற்கெல்லாம் மேலாக,  1987-இல் பாஜக மூத்த தலைவர் எல்.கே. அத்வானியின் பேரணியை "டிஜிட்டல் கேமரா'வில் படம் எடுத்து, அவருக்கு  மின்னஞ்சல் மூலம் அனுப்பியதாகக் கூறியுள்ளார். 
ஆனால், 1990 ஆம் ஆண்டுக்குப் பிறகு தான்  மின்னஞ்சல், டிஜிட்டல் கேமராக்கள் புழக்கத்தில் வந்தன.   அதேபோல,  பாலாகோட்  தாக்குதல் தொடர்பாக  ராணுவ அதிகாரிகள் தன்னுடன் ஆலோசனை நடத்தியதாகவும், தனது ஆலோசனைப்படியே தாக்குதல் நடத்தப்பட்டதாகவும் கூறியிருக்கிறார். 
பிரதமர் பொறுப்பில் இருப்பவர் ராணுவத்துடன் நடத்திய ஆலோசனையை வெளியே கூறுவதே தவறு. அதிலும் பொய்யான தகவலைக் கூறியிருக்கிறார்.  பாஜகவினர் இவ்வாறு பேசுவது புதிதல்ல என்றார்.
 

]]>
https://www.dinamani.com/all-editions/edition-madurai/madurai/2019/may/16/பாஜக-ஆட்சியின்-அக்கிரமங்களைத்-தான்-பேசி-வருகிறேன்-முகஸ்டாலின்-3152422.html
3152421 மதுரை மதுரை அரசு மருத்துவமனையில் உயிர்காக்கும் மருந்துகள் தட்டுப்பாடு மார்க்சிஸ்ட் கம்யூனிஸ்ட் கட்சியினர் நூதன ஆர்ப்பாட்டம் DIN DIN Thursday, May 16, 2019 07:18 AM +0530 மதுரை அரசு ராஜாஜி மருத்துவமனையில் உயிர் காக்கும் மருந்துகள் தட்டுப்பாட்டை நீக்க வேண்டும் என்பன உள்ளிட்ட கோரிக்கைகளை வலியுறுத்தி மார்க்சிஸ்ட் கம்யூனிஸ்ட் கட்சியின் சார்பில் புதன்கிழமை நூதன ஆர்ப்பாட்டம் நடைபெற்றது.
மார்க்சிஸ்ட் கம்யூனிஸ்ட் கட்சியின் மதுரை மாநகர் மாவட்டக்குழு சார்பில் கோரிப்பாளையம் பகுதியில் நடைபெற்ற ஆர்ப்பாட்டத்துக்கு செல்லூர் பகுதிக்குழுச் செயலர் நரசிம்மன் தலைமை வகித்தார். மாவட்டச் செயலர் இரா.விஜயராஜன், செயற்குழு உறுப்பினர் ராதா, ரமேஷ் உள்ளிட்டோர் ஆர்ப்பாட்டத்தை விளக்கிப் பேசினர். ஆர்ப்பாட்டத்தில், மதுரை அரசு ராஜாஜி மருத்துவமனையில் உயிர் காக்கும் மருந்துகள் தட்டுப்பாட்டை நீக்க வேண்டும். அரசு மருத்துவமனைகளில் மின்தடை ஏற்படாதவாறு தடையற்ற மின்சாரம் வழங்க வேண்டும். அரசு மருத்துவமனைகளுக்கு போதுமான "ஜெனரேட்டர்' வசதி ஏற்பாடு செய்ய வேண்டும்.  மதுரை நகர்ப்பகுதியில் குடிநீர் விநியோகத்தை சீர்படுத்த வேண்டும் என்பன உள்ளிட்ட கோரிக்கைள் வலியுறுத்தப்பட்டன. 
ஆர்ப்பாட்டத்தில் பங்கேற்ற பெண்கள் பிராணவாயு உபகரணத்தை முகத்தில் பொருத்திக் கொண்டு நோயாளிகள் போல பங்கேற்றனர். இதில் மேலப்பொன்னகரம் பகுதிக்குழுச் செயலர் ஸ்டாலின், அனைத்திந்திய ஜனநாயக மாதர் சங்கச் செயலர் சசிகலா மற்றும் கட்சியினர் பலர் பங்கேற்றனர்.
 

]]>
https://www.dinamani.com/all-editions/edition-madurai/madurai/2019/may/16/அரசு-மருத்துவமனையில்-உயிர்காக்கும்-மருந்துகள்-தட்டுப்பாடுமார்க்சிஸ்ட்-கம்யூனிஸ்ட்-கட்சியினர்-நூதன-ஆ-3152421.html
3152420 மதுரை மதுரை தமிழகத்தில் ஆட்சி மாற்றம் உறுதி: மு.க. ஸ்டாலின் DIN DIN Thursday, May 16, 2019 07:18 AM +0530 மத்தியிலும், மாநிலத்திலும் மே 23-ஆம் தேதிக்குப் பிறகு ஆட்சி மாற்றம் ஏற்படுவது உறுதி என்று திமுக தலைவர் மு.க. ஸ்டாலின் கூறினார்.
  திருப்பரங்குன்றம் தொகுதி இடைத்தேர்தலில் போட்டியிடும் திமுக வேட்பாளர் டாக்டர் பா. சரவணனை ஆதரித்து மதுரையை அடுத்த விரகனூர் கோழிமேடு, புளியங்குளம், சிலைமான் ஆகிய இடங்களில் புதன்கிழமை ஸ்டாலின் திண்ணைப் பிரசாரம் செய்தார். அப்போது அவர் பேசியது:
 ஆட்சியில் இருந்தாலும், இல்லாவிட்டாலும் மக்களுக்கு பணியாற்றக் கூடிய ஒரே இயக்கம் திமுக மட்டுமே.  ஆனால், அதிமுக அரசு உள்ளாட்சித் தேர்தலைக் கூட நடத்த முடியாமல் உள்ளது. மக்களால் தேர்ந்தெடுக்கப்பட்ட உள்ளாட்சி நிர்வாகம் இல்லாததால், அடிப்படை வசதிகளுக்கான திட்டங்கள் தேக்கமடைந்துள்ளன. திமுக ஆட்சிக்கு வந்தவுடன் உள்ளாட்சித் தேர்தல் நடத்தப்படும்.
முன்னாள் முதல்வர் கருணாநிதி ஆட்சியில்  மகளிர் நலனை கருத்தில் கொண்டு சுயஉதவிக் குழுக்கள் தொடங்கப்பட்டு, பல்வேறு திட்டங்கள் செயல்படுத்தப்பட்டன.  இப்போது மகளிர் குழுக்கள் எங்கே இருக்கின்றன என்றே தெரியவில்லை. திமுக ஆட்சியில் இருந்ததைப் போல, கேபிள் கட்டணம் ரூ. 100 ஆகக் குறைக்கப்படும். 5 பவுன் வரையிலான நகைக் கடன், கல்விக் கடன் தள்ளுபடி செய்யப்படும். 
மத்தியில் கடந்த 5 ஆண்டுகளாகப்  பிரதமர் நரேந்திர மோடி தலைமையிலான  அரசு ஆட்சியில் இருந்து வருகிறது. ஆனால்,  மக்களை பற்றி அக்கறையில்லாத பிரதமரைப் போல நரேந்திர மோடி செயல்பட்டு வருகிறார். தூத்துக்குடியில் ஸ்டெர்லைட் ஆலை எதிர்ப்புப் போராட்டத்தில் ஈடுபட்ட 13 பேர் சுட்டுக் கொல்லப்பட்டனர். அவர்களது குடும்பத்துக்கு பிரதமர் ஆறுதல் கூறவில்லை.  கஜா புயலால் பாதிக்கப்பட்ட இடங்களைப் பார்வையிட வராத பிரதமர், ஒடிசாவில் மட்டும் புயல் பாதித்த இடங்களைப் பார்வையிடுகிறார்.
 திமுக கூட்டணிக்கு தற்போது சட்டப்பேரவையில் 97 உறுப்பினர்கள் உள்ளனர். 
இடைத்தேர்தலில் 22 இடங்களில் வெற்றி பெறுவதன் மூலம் திமுக ஆட்சி அமைப்பது உறுதி. ஆகவே,  மே 23-ஆம் தேதிக்குப் பிறகு மத்தியில்  பாஜக ஆட்சி மட்டுமல்ல, தமிழகத்தில் அதிமுக ஆட்சியும் இருக்காது என்றார்.
திமுக துணைப் பொதுச் செயலர் ஐ. பெரியசாமி, மதுரை புறநகர் மாவட்டச் செயலர்கள் பி.மூர்த்தி, மு.மணிமாறன்,  மதுரை மாநகரப் பொறுப்புக் குழுத் தலைவர் கோ. தளபதி உள்ளிட்ட பலர் கலந்து கொண்டனர்.
கோழிமேடு,  புளியங்குளம், சிலைமான் பகுதியில் திண்ணைப் பிரசாரம் செய்தபோது,  சிறுவர்கள், இளைஞர்கள், பெண்கள் அதிகம் பேர் ஸ்டாலினுடன் சுயபடம் (செல்ஃபி ) எடுத்துக் கொண்டனர்.  புளியங்குளத்தில் வீதிவீதியாகச் சென்று ஸ்டாலின் வாக்கு சேகரித்தார்.

]]>
https://www.dinamani.com/all-editions/edition-madurai/madurai/2019/may/16/தமிழகத்தில்-ஆட்சி-மாற்றம்-உறுதி-முக-ஸ்டாலின்-3152420.html
3152419 மதுரை மதுரை திருப்பரங்குன்றம் பத்ர காளியம்மன் கோயில் உற்சவ விழா DIN DIN Thursday, May 16, 2019 07:17 AM +0530 திருப்பரங்குன்றம் வட்டார இந்து நாடார்கள் உறவின்முறைக்கு பாத்தியப்பட்ட பத்ர காளியம்மன் கோயில் 27-ஆம் ஆண்டு உற்சவ விழா செவ்வாய்க்கிழமை தொடங்கியது.  
திருப்பரங்குன்றம் கிரிவலப்பாதையில் அமைந்துள்ள பத்ர காளியம்மன் கோயில் கோயில் உற்சவ விழாவின் முதல் நாளான செவ்வாய்க்கிழமை அம்மனுக்கு பால், சந்தனம், இளநீர் உள்ளிட்ட 16 வகை சிறப்பு அபிஷேகங்கள் நடைபெற்றன. தொடர்ந்து அம்மன் சிறப்பு அலங்காரத்தில் பக்தர்களுக்கு அருள்பாலித்தார். மாலை 6 மணிக்கு திருவிளக்கு பூஜை நடைபெற்றது. இதில் 150-க்கும் மேற்பட்ட பெண்கள் பங்கேற்றனர். 
விழாவின் இரண்டாம் நாளான புதன்கிழமை அதிகாலை 5 மணிக்கு கோயில் வாசலில் பொங்கல் வைத்தல் நிகழ்ச்சி நடைபெற்றது. அதனைத்தொடர்ந்து மாலை 4 மணிக்கு முளைப்பாரி மற்றும் தீச்சட்டி எடுக்கும் நிகழ்ச்சி நடைபெற்றது.  இதில் ஏராளமான பக்தர்கள் தீச்சட்டி எடுத்து நேர்த்திக்கடன் செலுத்தினர். 
மாலையில் சிறப்பு பூஜை மற்றும் அம்மனுக்கு சிறப்பு தீபாரதனைகள் நடைபெற்றது. விழா ஏற்பாடுகளை பி.சுடலைமணி, பி.அருணாச்சலம், என்.காசிராஜன், காமராஜ் உள்ளிட்ட கோயில் நிர்வாகள் செய்திருந்தனர்.


 

]]>
https://www.dinamani.com/all-editions/edition-madurai/madurai/2019/may/16/திருப்பரங்குன்றம்-பத்ர-காளியம்மன்-கோயில்-உற்சவ-விழா-3152419.html
3152418 மதுரை மதுரை குறுக்கு வழியில் ஆட்சியை பிடிக்க முயல்கிறார் ஸ்டாலின்: சரத்குமார் குற்றச்சாட்டு DIN DIN Thursday, May 16, 2019 07:17 AM +0530 தமிழகத்தில் குறுக்கு வழியில் ஆட்சியைப் பிடிக்க மு.க.ஸ்டாலின் முயல்கிறார்  என சமத்துவ மக்கள் கட்சி தலைவர் சரத்குமார் குற்றம்சாட்டியுள்ளார்.
திருப்பரங்குன்றம் சட்டப்பேரவை அதிமுக வேட்பாளர் எஸ்.முனியாண்டியை ஆதரித்து அவர் திருப்பரங்குன்றம், தனக்கன்குளம், நாகமலை புதுக்கோட்டை உள்ளிட்ட பகுதிகளில் புதன்கிழமை பேசியது:  
தமிழகத்தை முதன்மை மாநிலமாக மாற்ற ஏராளமான திட்டங்களை மறைந்த முதல்வர் ஜெயலலிதா நிறைவேற்றினார். புதிய வீராணம் உள்ளிட்ட பல்வேறு சீரிய திட்டங்களை நிறைவேற்றினார். அதன் மூலம் குடிநீர் பிரச்னை தீர்ந்தது. 
அவரது வழியில் முதல்வர் எடப்பாடி கே.பழனிசாமி ஏரி, குளங்கள்  நீர் நிலைகளை ரூ.1,511 கோடி மதிப்பீட்டில் தூர்வாரினார். ரூ.254 கோடி மதிப்பீட்டில் அத்திக்கடவு அவினாசி திட்டம் கொண்டுவரப்படஉள்ளது. மே 23 க்கு பின்பு அதிமுக ஆட்சி இருக்காது என ஆட்சி மாற்றம் ஏற்படும் என திமுக தலைவர் மு.க.ஸ்டாலின் கூறி வருகிறார். 
குறுக்கு வழியில் ஆட்சியைப் பிடிக்க முயல்கிறார். குறுக்கு வழியில் சிந்திப்பது தான் திமுகவின் கொள்கை. தேர்தலின் போது அவர்கள் ஆட்சிகாலத்தில் செய்த நல்ல திட்டங்களைக்கூறி வாக்கு சேகரிக்க வேண்டும். ஆனால் மு.க.ஸ்டாலின் மே 23 ஆம் தேதிக்கு பின்பு அதிமுக ஆட்சி கலையும் என கூறி வாக்கு கேட்கிறார். 
சட்டப்பேரவையில் மக்கள் குறைகளை கூறுவதில்லை. அதற்குப் பதிலாக பேரவையில் குழப்பத்தை ஏற்படுத்துவதுதான் அவரது வழக்கமாக உள்ளது. ஒரு தலைவர் என்றால் மக்கள் பற்றிய சிந்தனை வேண்டும். அவர் மக்கள் பற்றிய சிந்தனையின்றி அதிமுக ஆட்சியை கலைக்க வேண்டும் என்ற சிந்தனையில் உள்ளார். காங்கிரஸ் கட்சி தலைவர் ராகுல்காந்தியை பிரதம மந்திரி என்கிறார். 
பின்பு அவருக்கு எதிரான கூட்டணியை சந்திக்கிறார். திமுக பெரிய கட்சி என உலகிற்கு விளம்பரப்படுத்தி கொள்வதற்காகவே இவ்வாறு அவர் நடந்து கொள்கிறார் என்றார். 
அவருடன் கூட்டுறவுத்துறை அமைச்சர் செல்லூர் கே.ராஜூ, புறநகர் கிழக்கு மாவட்டச் செயலர் வி.வி.ராஜன்செல்லப்பா உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-madurai/madurai/2019/may/16/குறுக்கு-வழியில்-ஆட்சியை-பிடிக்க-முயல்கிறார்-ஸ்டாலின்-சரத்குமார்-குற்றச்சாட்டு-3152418.html
3152417 மதுரை மதுரை காஞ்சி ஸ்ரீ சந்திரசேகரேந்திர சரஸ்வதி  சுவாமிகளின் 126-ஆவது ஜயந்தி விழா DIN DIN Thursday, May 16, 2019 07:17 AM +0530 மதுரையில் அனுஷத்தின் அனுகிரஹம் அமைப்பு சார்பில் காஞ்சி ஸ்ரீ சந்திரசேகரேந்திர சரஸ்வதி சுவாமிகளின் 126-ஆவது ஜயந்தி விழா வெள்ளிக்கிழமை (மே 17) தொடங்கி 3 நாள்கள் நடைபெறுகிறது.
மதுரை எஸ்.எஸ்.காலனி ஜவஹர் 2-ஆவது தெரு ஃபிரண்ட்ஸ் எம்.ஆர்.பி. திருமண மண்டபத்தில் இந்த நிகழ்வு நடைபெறுகிறது. முதல் நாளான வெள்ளிக்கிழமை மாலை 6 மணிக்கு, "க்ருஷ்ணம் வந்தே ஜகத்குரும்' என்ற தலைப்பில் தாமோதர தீக்ஷிதர், சனிக்கிழமை மாலை 6 மணிக்கு "குருவருளே திருவருள்' என்ற தலைப்பில் நாகை முகுந்தன் ஆகியோர் பேசுகின்றனர்.
மே 19 ஆம் தேதி காலை 9 மணிக்கு ஸ்ரீ சந்திரசேகரேந்திர சுவாமிகளின் விக்ரஹம் மற்றும் வெள்ளி பாதுகைக்கு சிறப்பு அபிஷேகம் நடைபெறுகிறது. இதையொட்டி சிறப்பு ஹோமம், மகன்யாஸம், அன்னதானம் நடைபெறும். பகல் 12 மணிக்கு மதுரை ராமச்சந்திர பாகவதர் குழுவினரின் நாம சங்கீர்த்தனம் நடைபெறும்.  
"ஆன்மிகம் அது ஆனந்தம்' என்ற தலைப்பில் மாலை 6 மணிக்கு எழுத்தாளர் வரலொட்டி ரங்கசாமி பேசுகிறார். நிகழ்ச்சி ஏற்பாடுகளை அனுஷத்தின் அனுகிரஹம் அமைப்பின் நிறுவனர் நெல்லை பாலு செய்துள்ளார்.

]]>
https://www.dinamani.com/all-editions/edition-madurai/madurai/2019/may/16/காஞ்சி-ஸ்ரீ-சந்திரசேகரேந்திர-சரஸ்வதி--சுவாமிகளின்-126-ஆவது-ஜயந்தி-விழா-3152417.html
3152416 மதுரை மதுரை மதுரை ஆதீன மடத்தில் திருஞானசம்பந்தர்  குருபூஜை நாளை தொடக்கம் DIN DIN Thursday, May 16, 2019 07:16 AM +0530 மதுரை ஆதீன மடத்தில் திருஞானசம்பந்தர் குருபூஜை வெள்ளிக்கிழமை (மே 17) தொடங்கி 5 நாள்கள் நடைபெறுகிறது.
சைவ சமயக்குரவர் நால்வரில் முதல்வரும்,  கடந்த 2,500 ஆண்டுகளுக்கு முன்பாக மதுரை ஆதீனத்தை நிறுவியவருமான திருஞானசம்பந்தரின் குருபூஜை பெருவிழா வெள்ளிக்கிழமை தொடங்குகிறது. மதுரை ஆதீன மடத்தில் நடைபெறும் பூஜையில் முதல் நாளில் விநாயகர் பூஜையும், மே 18-ஆம் தேதி (சனிக்கிழமை) முருகர் பூஜையும் நடைபெறுகிறது. 
மேலும் மே 19 ஆம் தேதி திருஞானசம்பந்தரின் திரு அவதார நாளையொட்டி காலை 11 மணிக்கு திருஞானசம்பந்தர் ஆதீன முகப்புக்கு எழுந்தருள்கிறார். அங்கு திருஞானசம்பந்தருக்கு திருக்கண் சாத்துதல் நடைபெறுகிறது. இதைத்தொடர்ந்து மே 20-ஆம் தேதி (திங்கள்கிழமை) காலையில் மீனாட்சி சுந்தரேசுவரர் திருக்கோயிலில் இருந்து திருஞானசம்பந்தர் ஆதீன முகப்புக்கு எழுந்தருளி திருக்கண் சாத்துதல் நடைபெறுகிறது. 
இதையடுத்து ஆதீன மடத்தில் திருஞானசம்பந்தர் ஞானப்பால் அருந்தும் வைபவம் நடைபெறுகிறது. மே 21-ஆம் தேதி அதிகாலை 4 மணிக்கு மதுரை ஆதீனம் அருணகிரிநாதர்  மீனாட்சி சுந்தரேசுவரர் கோயிலுக்கு ஊர்வலமாக அழைத்துச் செல்லப்படுகிறார். இதில் திருக்கல்யாண மண்டபத்தில் திருஞானசம்பந்தருக்கு சிறப்பு அலங்காரமும், தீபாராதனையும் செய்யப்பட்டு,  ஆவணி மூல வீதிகளில் திருஞானசம்பந்தர் வீதியுலாவாக ஆதீன கொலு மடத்தில் எழுந்தருள்கிறார். அங்கு அவருக்கு சிறப்பு பூஜைகள் நடைபெறுகிறது. 
இதில் மீனாட்சி சுந்தரேசுவரர் கோயிலில் இருந்து 63 நாயன்மார்கள் அடங்கிய சப்பரங்கள், மதுரை ஆதீன முகப்புக்கு எழுந்தருளி சிறப்பு பூஜைகள் நடத்தப்படுகின்றன. தொடர்ந்து ஆதீன மடத்தில் வைகாசி மூலக் குருபூஜை நடைபெறுகிறது. பூஜையில் திருஞானசம்பந்தர் தனது துணைவியார் தோத்திரப் பூரணாம்பிகையோடும், சீடர்களோடும் சிவஜோதியில் ஐக்கியமடைதல் நடக்கிறது. 
பின்னர் இரவு 7 மணிக்கு மீனாட்சி சுந்தரேசுவரர் கோயிலில் வெள்ளி கோ ரதத்தில் திருஞானசம்பந்தர் எழுந்தருளி ஆவணி மூல வீதி வழியாக ஆதீன முகப்பை அடைகிறார். அங்கு சிறப்பு பூஜைகளுடன் திருஞானசம்பந்தர் குரு பூஜை நிறைவடைகிறது.

]]>
https://www.dinamani.com/all-editions/edition-madurai/madurai/2019/may/16/மதுரை-ஆதீன-மடத்தில்-திருஞானசம்பந்தர்--குருபூஜை-நாளை-தொடக்கம்-3152416.html
3152415 மதுரை மதுரை மேலவளவில் ஒய்வு பெற்ற போலீஸ்காரர் மகன் கொலை DIN DIN Thursday, May 16, 2019 07:16 AM +0530 மேலூர் அருகே ஓய்வு பெற்ற போலீஸ்காரர் மகன், அவரது வீட்டில் செவ்வாய்க்கிழமை இரவு மர்மமான முறையில் கழுத்து அறுத்துக் கொலை செய்யப்பட்டுக் கிடந்தது  பரபரப்பை ஏற்படுத்தியுள்ளது.
மதுரை மாவட்டம் மேலவளவைச் சேர்ந்த ஓய்வுபெற்ற போலீஸ்காரர் ராவணன். இவரது மகன் ராஜா (40). இவருக்குத் திருமணமாகி மனைவி கவிதா மற்றும் மகனும், மகளும் உள்ளனர். சமீப காலமாக ராஜா தனக்குச் சொந்தமான நிலத்தில் விவசாயம் பார்த்து வந்துள்ளார்.
கடந்த சில நாள்களாக குடும்பத்தினர் சிவகங்கையில் உறவினர் வீட்டில் உள்ள நிலையில், ராஜா மட்டும் மேலவளவில் தனது வீட்டில்  இருந்து வந்துள்ளார்.
இந்நிலையில், புதன்கிழமை காலை நீண்ட நேரமாகியும்,  ராஜாவின் வீட்டுக் கதவு திறக்கப்படவில்லை. இதையடுத்து அருகில் இருந்த உறவினர்கள் வீட்டினுள் சென்று பார்த்தத போது, ராஜா கழுத்து அறுக்கப்பட்டு மர்மமான முறையில் கொலை செய்யப்பட்டுக் கிடந்தார். 
இதுகுறித்து தகவலறிந்த மேலவளவு போலீஸார், சடலத்தைக் கைப்பற்றி, பிரேதப் பரிசோதனைக்காக மேலூர் அரசு மருத்துவமனைக்கு அனுப்பி வைத்தனர்.
 மேலூர் காவல்துணைக் கண்காணிப்பாளர் சுபாஷ் சம்பவ இடத்தைப் பார்வையிட்டு விசாரணை நடத்தினார். தடயவியல் நிபுணர்கள் கொலை நடத்த இடத்தில் இருந்த  கைவிரல் பதிவுகளையும், தடயங்களையும் சேகரித்தனர். 
கொலையாளிகள் யார் என்பது குறித்தும் கொலைக்கான காரணம் குறித்தும் மேலவளவு போலீஸார் வழக்குப்பதிவு செய்து தீவிரமாக விசாரணை நடத்தி செய்து வருகின்றனர்.

]]>
https://www.dinamani.com/all-editions/edition-madurai/madurai/2019/may/16/மேலவளவில்-ஒய்வு-பெற்ற-போலீஸ்காரர்-மகன்-கொலை-3152415.html
3152414 மதுரை மதுரை உதவிப் பேராசிரியர்கள் சிறப்பு கல்வித் தகுதி பெற 3 ஆண்டுகள் அவகாசம் தேவை: தமிழ்நாடு கௌரவ விரிவுரையாளர்கள் சங்கம் வலியுறுத்தல் DIN DIN Thursday, May 16, 2019 07:16 AM +0530 தமிழகத்தில் உதவிப் பேராசிரியர்கள் மற்றும் கௌரவ விரிவுரையாளர்கள் சிறப்புக் கல்வித் தகுதியை பூர்த்தி செய்ய  3 ஆண்டுகள் கால அவகாசம் வழங்க வேண்டும் என கல்லூரி ஆசிரியர் சங்கம் கோரிக்கை விடுத்துள்ளது.
இதுதொடர்பாக தமிழ்நாடு அரசு உறுப்புக் கல்லூரிகள் கௌரவ விரிவுரையாளர்கள் சங்கம் புதன்கிழமை விடுத்துள்ள அறிக்கையில் கூறியிருப்பது:  
நாடு முழுவதும் இயங்கி வரும் அரசுக் கல்லூரிகள், அரசு நிதி உதவி பெறும் கல்லூரிகள், சுயநிதிக் கல்லூரிகள் மற்றும் பல்கலைக்கழக உறுப்புக் கல்லூரிகளில் பணியாற்றும் ஆசிரியர்களுக்கு  "செட்' அல்லது "நெட்' தகுதித்தேர்வு அல்லது முனைவர் பட்டம் ஆகியவற்றை சிறப்புக் கல்வித்தகுதியாக பல்கலைக்கழக மானியக்குழு நிர்ணயித்து நடைமுறைப்படுத்தி வருகிறது. 
ஆனால்,  தமிழகத்தில் குறிப்பாக சுயநிதிக் கல்லூரிகளிலும்,  பல்கலைக்கழக உறுப்புக் கல்லூரிகளிலும்,  "ஷிப்ட்' முறையில் இயங்கி வரும் அரசுக் கல்லூரிகளிலும் பல ஆண்டுகளாக பணிபுரிந்து வரும் 50 சதவிகிதத்துக்கும் மேலான ஆசிரியர்கள் சிறப்புக் கல்வித்தகுதியை பூர்த்தி செய்யவில்லை.
இந்நிலையில் வரும் கல்வியாண்டில் இருந்து பல்கலைக்கழக மானியக்குழு நிர்ணயித்துள்ள கல்வித்தகுதியை பெற்ற ஆசிரியர்கள் மட்டுமே கல்லூரிகளில் பணிபுரிய அனுமதிக்க வேண்டும் என்று சென்னை உயர்நீதிமன்றம் அண்மையில் தீர்ப்பளித்துள்ளது. 
இதையடுத்து அனைத்து பல்கலைக்கழகங்களும் உயர்நீதிமன்ற தீர்ப்பை சுட்டிக்காட்டி நடவடிக்கை எடுக்குமாறு இணைப்புக் கல்லூரிகள் மற்றும் உறுப்புக் கல்லூரிகளுக்கு சுற்றறிக்கை அனுப்பியுள்ளன.  
கல்லூரிகளில் பல அறிவியல் துறைகள் மற்றும் கணினிப் பாடங்களுக்கும் முனைவர் ஆய்வு வழிகாட்டிகள் மிகக்குறைவாக உள்ளதால், பல கல்லூரி ஆசிரியர்களால் முனைவர் ஆய்வு மேற்கொள்ள முடியவில்லை.  சுயநிதி கல்லூரிகளில் பணிபுரியும் ஆசிரியர்கள் மிகக்குறைவான ஊதியத்திலேயே பணிபுரிந்து வருவதால் போதிய நிதி வசதி இன்றி தகுதித்தேர்வுக்கு தயாராக முடியாமலும், முனைவர் பட்ட ஆய்வு மேற்கொள்ள முடியாமலும் உள்ளனர்.
மேலும் சுயநிதி கல்லூரிகளிலும், பல்கலைக்கழக உறுப்புக் கல்லூரிகளிலும்  முனைவர் பட்டம் பெற்று  பல ஆண்டுகளாக ஆசிரியர்களாக பணியாற்றி வருபவர்களை முனைவர்  பட்ட வழிகாட்டியாக பல்கலைக்கழகங்கள் அங்கீகரிக்காததால், போதுமான ஆய்வு வழிகாட்டி இன்றி ஆயிரக்கணக்கான ஆசிரியர்கள் தங்கள் கல்வித்தகுதியை உயர்த்திக் கொள்ள முடியாத நிலையில் உள்ளனர். 
இந்நிலையில் சென்னை உயர்நீதிமன்ற தீர்ப்பை உடனடியாக நடைமுறைப்படுத்தினால் நூற்றுக்கணக்கான கல்லூரிகள் மூடப்படும் சூழல் ஏற்படுவதோடு, லட்சக்கணக்கான  மாணவர்கள் பாதிக்கப்படுவார்கள் என்பதையும் கருத்தில்கொண்டு தமிழக அரசின் உயர்கல்வித்துறை உடனடியாக நீதிமன்றத்தை அணுகி,  உயர்நீதிமன்ற தீர்ப்பை அமல்படுத்துவதற்கு முன் ஏற்கெனவே பணியில் உள்ள பேராசிரியர்கள் கௌரவ விரிவுரையாளர்களுக்கு சிறப்பு கல்வித்தகுதியை பூர்த்தி செய்ய குறைந்த பட்சம் 3 ஆண்டுகள் கால அவகாசம் வழங்கக்கோரி மனு தாக்கல் செய்ய வேண்டும். 
சுயநிதி மற்றும் உறுப்புக்கல்லூரிகளில் பணிபுரிந்து வரும் பேராசிரியர்களுக்கு முனைவர் பட்ட வழிகாட்டி அங்கீகாரத்தை வழங்க 
வேண்டும். 
மேலும் மத்திய அரசு 6 மாதங்களுக்கு ஒரு முறை நெட் தேர்வு நடத்துவதை போல தமிழக அரசும்  "செட்' தேர்வை நடத்த வேண்டும். கல்லூரிகளில் புதிதாக பணி நியமனம் நடைபெறும் போது பல்கலைக்கழக மானியக்குழு தகுதியின் அடிப்படையில் நியமனம் செய்ய வேண்டும் என்று அதில் குறிப்பிடப்பட்டுள்ளது.
 

]]>
https://www.dinamani.com/all-editions/edition-madurai/madurai/2019/may/16/உதவிப்-பேராசிரியர்கள்-சிறப்பு-கல்வித்-தகுதி-பெற-3-ஆண்டுகள்-அவகாசம்-தேவை-தமிழ்நாடு-கௌரவ-விரிவுரையாளர-3152414.html
3152413 மதுரை மதுரை வேலம்மாள் மருத்துவமனையில் 2 வயது சிறுமிக்கு சிக்கலான இதய அறுவைச் சிகிச்சை DIN DIN Thursday, May 16, 2019 07:16 AM +0530 மதுரை வேலம்மாள் மருத்துவமனையில் 2 வயது சிறுமிக்கு சிக்கலான அறுவைச் சிகிச்சை வெற்றிகரமாக செய்து முடிக்கப்பட்டுள்ளது.
 இதயத் துடிப்பு இயல்பைவிட அதிகமாகத் துடித்த காரணத்தால் பாதிக்கப்பட்டிருந்த 2 வயது சிறுமி, வேலம்மாள் மருத்துவமனையில் சிகிச்சைக்கு சேர்க்கப்பட்டார். கடந்த 9 மாதங்களாக இப் பிரச்னை இருப்பது தெரிய வந்த நிலையில், பல மருத்துவமனைகளில் சிகிச்சை அளித்த குழந்தையின் பெற்றோர், பின்னர் வேலமமாள் மருத்துவமனையில் சேர்த்தனர்.
அக்குழந்தைக்கு அளிக்கப்பட்ட சிகிச்சை குறித்து வேலம்மாள் மருத்துவமனையின் இதய சிகிச்சை மற்றும் மின்உடலியல் நிபுணர் டாக்டர் சண்முகசுந்தரம் கூறியது:  சாதாரணமாக பெரியவர்களுக்கு இதயம் நிமிடத்துக்கு 100 முறை துடிப்பதே அதிக வேகம் எனக் கருதப்படும். ஆனால், இந்த சிறுமிக்கு நிமிடத்துக்கு 280 முறை துடித்துக் கொண்டிருப்பது கண்டுபிடிக்கப்பட்டது. 
அதையடுத்து இச் சிறுமிக்கு மின்உடலியல் மற்றும் கதிர்வீச்சு அதிர்வெண் ஆய்வு செய்யப்பட்டது. 20 நிமிடங்களுக்கு நீடித்த இந்த செயல்முறை மயக்க மருந்து கொடுத்து மேற்கொள்ளப்பட்டது.
இதயம் துடிப்பதற்கு காரணமான மின்னியல் நரம்பு ஒன்றில் மின்உற்பத்தி சீராக இல்லை என்பதும், அதனால் இதயத்துடிப்பு அதிகரிப்பதும் ஆய்வில் தெரியவந்தது. அதன்பிறகு அறுவைச் சிகிச்சை மூலமாக கதிர்வீச்சு செயல்முறையைக் கையாண்டு, பிரச்னைக்குரிய மின்நரம்பு சரி செய்யப்பட்டது. அறுவைச் சிகிச்சை பிறகு அச் சிறுமி நலமாக இருக்கிறார்.
இதயத் துடிப்பு இயல்பு மாறுபாடு என்பது மிகவும் ஆபத்தானது. வேலம்மாள் மருத்துவமனையில் 2014 ஆம் ஆண்டு முதல் மின்உடலியல் ஆய்வு சிறந்த மருத்துவக் குழுவினரால் அனைத்து வயதினருக்கும் செய்யப்பட்டு வருகிறது என்றார்.
மருத்துவமனையின் டீன் ராஜா முத்தையா கூறியது: குழந்தைகளின் இதயத் துடிப்பு இயல்புகளை நிர்வகிப்பது சவாலானது. வேலம்மாள் மருத்துவமனையில் இதேபோல, 50-க்கும் மேற்பட்ட அறுவைச் சிகிச்சைகள் பல்வேறு வயதினருக்கும் செய்யப்பட்டுள்ளன என்றார்.
சிக்கலான அறுவைச் சிகிச்சையை திறம்பட கையாண்டு, சிறுமியின் உயிரைக் காப்பாற்றிய மருத்துவக் குழுவினருக்கு வேலம்மாள் கல்வி குழுமங்களின் தலைவர் எம்.வி.முத்துராமலிங்கம் பாராட்டுத் தெரிவித்தார்.

]]>
https://www.dinamani.com/all-editions/edition-madurai/madurai/2019/may/16/வேலம்மாள்-மருத்துவமனையில்-2-வயது-சிறுமிக்கு-சிக்கலான-இதய-அறுவைச்-சிகிச்சை-3152413.html
3152412 மதுரை மதுரை ராமநாதபுரத்திலிருந்து தூத்துக்குடிக்கு எரிவாயு: மத்திய அரசின் அறிவிப்பாணைக்கு தடை DIN DIN Thursday, May 16, 2019 07:15 AM +0530 ராமநாதபுரத்தில் இருந்து தூத்துக்குடிக்கு எரிவாயு கொண்டு செல்வதற்கான குழாய்கள் அமைப்பது தொடர்பாக மத்திய அரசின் அறிவிப்பாணைக்கு இடைக்கால தடைவிதித்து  சென்னை உயர்நீதிமன்ற மதுரைக்கிளை புதன்கிழமை உத்தரவிட்டது.
தூத்துக்குடியைச் சேர்ந்த கே.செல்லம் தாக்கல் செய்த மனு:  தூத்துக்குடி மாவட்டத்தில் உள்ள தெற்கு வீரபாண்டியபுரம் கிராமத்தில் "சிப்காட்' அமைப்பதற்காக ஏற்கனவே ஆயிரக்கணக்கான ஏக்கர் விவசாய நிலங்கள் அரசால் கையகப்படுத்தப்பட்டன. இதுதவிர காற்றாலை அமைக்கவும், ரயில் பாதை அமைக்கவும் நூற்றுக்கணக்கான ஏக்கர் விவசாய நிலம் கையகப்படுத்தப்பட்டுள்ளன. 
அரசு திட்டங்களுக்காக இதுவரை இந்தப் பகுதியில் 1,500 ஏக்கர் விவசாய நிலங்கள் கையகப்படுத்தப்பட்டுள்ளன. இங்கு "சிப்காட்' அமைப்பதற்காக கையகப்படுத்தப்பட்ட நிலம் இன்னும் பயன்படுத்தப்படாமல் காலியாகவே உள்ளது. இந்நிலையில் இந்தியன் ஆயில் கழக அதிகாரிகள், கடந்த மே 6 ஆம் தேதி தெற்கு வீரபாண்டியபுரம் கிராமத்திற்கு வந்து விவசாயிகளிடம் ஆவணங்களில் கையெழுத்து பெற்றதோடு இழப்பீடு பெற்றுக் கொள்ளுமாறும் வலியுறுத்தினர். 
இதுதொடர்பாக அதிகாரிகளிடம் விசாரித்தபோது தூத்துக்குடியில் உள்ள ஸ்பிக், ஸ்டெர்லைட் உள்ளிட்ட பல வாடிக்கையாளர்களுக்கு எரிவாயு விநியோகம் செய்வதற்காக பூமிக்கடியில் இயற்கை எரிவாயு குழாய்கள் பதிக்க இருப்பதாகவும் அதற்காக நிலத்தை கையகப்படுத்த உள்ளதாகவும் தெரிவித்தனர். 
ராமநாதபுரத்தில் இருந்து தூத்துக்குடிக்கு குழாய்கள் மூலம் எண்ணெய் மற்றும் இயற்கை எரிவாயு விநியோகம் செய்ய ரூ.700 கோடி மதிப்பீட்டில் இத்திட்டம் செயல்படுத்தப்பட உள்ளது. இத்திட்டத்தின் கீழ் ஆறுகள், கால்வாய்கள், சாலைகள், வனம், பாதுகாக்கப்பட்ட சுற்றுச்சூழல் பகுதிகள், சக்கரைக்கோட்டை பறவைகள் சரணாலயம்  ஒட்டியப் பகுதி ஆகிய இடங்களில் குழாய்கள் பதிக்கப்பட உள்ளன. 
 இதற்கு பெட்ரோலியம் மற்றும் இயற்கை எரிவாயு ஒழங்கு முறை வாரியத்திடம் அனுமதி பெறவில்லை. எனவே முறையான அனுமதி பெறாமல் ராமநாதபுரத்தில் இருந்து தூத்துக்குடிக்கு எரிவாயு வழங்குவதற்கு குழாய் அமைக்க விவசாய நிலங்களை கையகப்படுத்துவது தொடர்பாக 2018 ஆம் ஆண்டு அக்டோபர் 5 மற்றும் 2019 ஆம் ஆண்டு  பிப்ரவரி 18 ஆம் தேதி மத்திய அரசால் பிறப்பிக்கப்பட்ட அறிவிப்பாணையை ரத்து செய்து உத்தரவிட வேண்டும் எனக் குறிப்பிட்டிருந்தார்.  இந்த மனு நீதிபதிகள் ஜெ.நிஷாபானு, எம்.தண்டபாணி அமர்வு முன் புதன்கிழமை விசாரணைக்கு வந்தது. 
அப்போது, மத்திய அரசின் அறிவிப்பாணைக்கு இடைக்காலத் தடை விதித்தும், பெட்ரோலியம் மற்றும் இயற்கை வாயுத்துறை செயலர், சுற்றுச்சூழல் மற்றும் வனத்துறை செயலர், பெட்ரோலியம் மற்றும் இயற்கை வாயு ஒழுங்கு முறை வாரியச் செயலர் ஆகியோர் பதிலளிக்க உத்தரவிட்டும் வழக்கை ஒத்திவைத்தனர்.
 

]]>
https://www.dinamani.com/all-editions/edition-madurai/madurai/2019/may/16/ராமநாதபுரத்திலிருந்து-தூத்துக்குடிக்கு-எரிவாயு-மத்திய-அரசின்-அறிவிப்பாணைக்கு-தடை-3152412.html
3152411 மதுரை மதுரை மதுரை அரசு மருத்துவமனை சம்பவம்: உயிரிழந்தவர்களுக்கு ரூ.1 கோடி இழப்பீடு வழங்க வலியுறுத்தல் DIN DIN Thursday, May 16, 2019 07:15 AM +0530 மதுரை அரசு மருத்துவமனையில் ஏற்பட்ட மின் தடை காரணமாக உயிரிழந்த நோயாளிகளின் குடும்பத்தினருக்கு தலா ரூ.1 கோடி இழப்பீடு வழங்க வேண்டும் என்று இந்திய கம்யூனிஸ்ட் கட்சியின் மாநில செயலாளர் முத்தரசன் வலியுறுத்தியுள்ளார்.
அரசு மருத்துவமனைகளை மேம்படுத்தக் கோரி சமூக சமுத்துவத்துக்கான டாக்டர்கள் சங்கம், தமிழ்நாடு மருத்துவப் பணியாளர்கள் கூட்டமைப்பு, அனைத்திந்திய மாணவர் பெருமன்றம் உள்ளிட்ட அமைப்புகளின் சார்பில் சென்னை, சேப்பாக்கம் விருந்தினர் மாளிகை அருகே புதன்கிழமை ஆர்ப்பாட்டம் நடைபெற்றது. இதில் நூற்றுக்கும் மேற்பட்டோர் கலந்துகொண்டனர். இந்த ஆர்ப்பாட்டத்தைத் தொடங்கி வைத்த முத்தரசன், செய்தியாளர்களிடம் கூறியதாவது:
ஏழை - எளிய மக்கள், தங்களது மருத்துவ தேவைகளுக்கு அரசு மருத்துவமனைகளையே நம்பி உள்ளனர். தனியார் மருத்துவமனைகளுக்குச் சென்று சிகிச்சை பெற சாமானிய மக்களால் முடியாது. 
அதைக் கருத்தில் கொண்டு மாநிலத்தில் உள்ள அரசு மருத்துவமனைகள் அனைத்தும் சிறப்பாகச் செயல்பட 
வேண்டும். 
மதுரை அரசு மருத்துவமனையில் மின் தடை மற்றும் ஜெனரேட்டர் பழுது காரணமாக 5 நோயாளிகள் உயிரிழந்தனர். இதுபோன்ற சம்பவங்கள் நிகழாமல் தடுக்க நடவடிக்கை எடுக்க வேண்டும்.
மதுரை சம்பவத்தில்  உயிரிழந்த நோயாளிகளின் குடும்பத்தினருக்கு தலா ரூ.1 கோடி இழப்பீட்டு தொகையை  மாநில அரசு வழங்க வேண்டும் என்றார் அவர்.
 

]]>
https://www.dinamani.com/all-editions/edition-madurai/madurai/2019/may/16/மதுரை-அரசு-மருத்துவமனை-சம்பவம்-உயிரிழந்தவர்களுக்கு-ரூ1-கோடி-இழப்பீடு-வழங்க-வலியுறுத்தல்-3152411.html
3152410 மதுரை மதுரை தனியார் மருத்துவமனைகளின்  தலையீட்டுக்கு அரசு மருத்துவர்கள் எதிர்ப்பு DIN DIN Thursday, May 16, 2019 07:14 AM +0530 மதுரை ராஜாஜி அரசு பொது மருத்துவமனையில் மின் தடை காரணமாக 5 நோயாளிகள் உயிரிழந்ததாகக் கூறப்படும் விவகாரத்தில் தனியார் மருத்துவமனைகள் தலையிடுவது சுயலாப நோக்கத்துக்காகவேதான் என்று அரசு மருத்துவர்கள் சங்கம் தெரிவித்துள்ளது.
தனியார் மருத்துவமனைகள் இதுபோன்ற நடவடிக்கைகளில் ஈடுபடுவது அரசு மருத்துவமனைகள் மீதான நம்பகத்தன்மையை சிதைக்கும் நோக்கில் அமைந்துள்ளதாகவும் அந்தச் சங்கம் சாடியுள்ளது.
கடந்த சில நாள்களுக்கு முன்பு மதுரை அரசு மருத்துவமனையில் மின் தடை காரணமாக தீவிர சிகிச்சைப் பிரிவில் இருந்த 5 நோயாளிகள் உயிரிழந்ததாகச் செய்திகள் வெளியாகின.  இந்தச் சம்பவம் குறித்து தனியார் மருத்துவமனை சார்பில் உயர் நீதிமன்ற மதுரைக் கிளையில் பொது நல வழக்குத் தொடுக்கப்பட்டது. 
இந்நிலையில், அதை எதிர்த்து தமிழ்நாடு அரசு மருத்துவர் சங்கம் சார்பில் வெளியிடப்பட்ட செய்திக் குறிப்பு: பல தனியார் மருத்துவமனைகள் நோயாளிகளுக்கு மாதக் கணக்கில் சிகிச்சையளித்துவிட்டு, அவர்கள் இறக்கும் தருவாயில் அரசு மருத்துவமனைக்கு மாற்றுமாறு பரிந்துரை செய்கிறார்கள். அரசு மருத்துவமனைகளில் இறப்பு விகிதம் அதிகரிப்பதற்கு இதுவும் ஒரு காரணம். மதுரை அரசு மருத்துவமனையில் நேரிட்ட சம்பவம் விபத்தா? அல்லது கவனக் குறைவால் ஏற்பட்டதா? என்பது குறித்து விரிவான விசாரணை நடைபெற்று வருகிறது. அதில் ஏதேனும் தவறுகள் கண்டறியப்பட்டால் சம்பந்தப்பட்டவர்கள் மீது கடும் நடவடிக்கை எடுக்க வேண்டும் என்பதில் மாற்றுக் கருத்தில்லை.  அதேவேளையில், இந்த விவகாரத்தில் உள்நோக்கத்துடன் தனியார் மருத்துவமனைகள் தலையிடுவதும், வழக்குத் தொடுப்பதும் ஏற்புடையதல்ல. அதன் பின்னணியில் பல்வேறு அரசியல் நடவடிக்கைகள் இருப்பதாக நாங்கள் சந்தேகிக்கிறோம். மதுரை சம்பவத்தில் அரசு உரிய நடவடிக்கை எடுக்க உள்ள பட்சத்தில் தனியார் மருத்துவமனைகள் ஏன் அதில் அவ்வளவு அக்கறை செலுத்த வேண்டும்? இதுபோன்ற வழக்குகளைத் தொடுப்பதன் மூலம் அரசு மருத்துவமனைகளின் மீதான மக்களின் நம்பிக்கை குறைய வாய்ப்புள்ளது. 
அதுமட்டுமன்றி தனியார் மருத்துவமனைகளை நாடிச் சென்று மக்கள், தங்களது சொத்துகளை தாரை வார்த்து சிகிச்சை பெற வேண்டிய சூழல் உருவாகும் என அதில் குறிப்பிடப்பட்டுள்ளது.


 

]]>
https://www.dinamani.com/all-editions/edition-madurai/madurai/2019/may/16/தனியார்-மருத்துவமனைகளின்--தலையீட்டுக்கு-அரசு-மருத்துவர்கள்-எதிர்ப்பு-3152410.html
3152409 மதுரை மதுரை மின்சாதனங்களை பராமரிக்க கண்காணிப்புப் பொறியாளர் பணியிடம் ஏற்படுத்தக்கோரி மனு DIN DIN Thursday, May 16, 2019 07:13 AM +0530 அரசு மருத்துவமனைகளில் மின்சாதனங்களை பராமரிக்க பொதுப்பணித்துறையில் எலக்ட்ரிக்கல் பிரிவுக்கு தனியாக கண்காணிப்புப் பொறியாளர் பணியிடத்தை ஏற்படுத்தக்கோரிய மனுவை, மதுரை அரசு மருத்துவமனையில் 5 பேர் உயிரிழந்த விவகாரம் தொடர்பான பொதுநல மனுக்களுடன் சேர்த்து விசாரணைக்கு பட்டியலிட சென்னை உயர்நீதிமன்ற மதுரைக்கிளை புதன்கிழமை உத்தரவிட்டது.
திருச்சியைச் சேர்ந்த மணிகண்டன் தாக்கல் செய்த மனு:
மதுரை அரசு ராஜாஜி மருத்துவமனையில் மின் தடையால் அவசர சிகிச்சை பிரிவில் சிகிச்சை பெற்று வந்த 5 நோயாளிகள் உயிரிழந்தனர். மின்தடை ஏற்பட்ட நேரத்தில் அரசு மருத்துவமனையில் ஜெனரேட்டர் இயங்காமல் இருந்துள்ளது. இதுவே 5 நோயாளிகள் உயிரிழப்பிற்கு காரணமாக அமைந்துவிட்டது. 
அரசு மருத்துவமனைகளில் மருத்துவப் பணிகள் இடையூறு இல்லாமல் நடைபெற வேண்டும் என்பதற்காக பொதுப்பணித்துறையில் சென்னை, மதுரை, திருச்சி மண்டல அளவில் எலக்ட்ரிக்கல் பிரிவுக்கென தனியாகக் கண்காணிப்பு பொறியாளர் பணியிடம் 2011ஆம் ஆண்டு முதல் உருவாக்கப்பட்டது.
இந்நிலையில் கடந்த 2018 ஆம் ஆண்டு பொதுப்பணித்துறையில் எலக்ட்ரிக்கல் பிரிவு கண்காணிப்புப் பொறியாளர் பணியிடம் நீக்கப்பட்டு, அந்தப்பணியில் இருந்தவர்களை பொதுப்பணித்துறை நிர்வாகப் பிரிவில் இணைத்து இணை தலைமைப் பொறியாளர்களாக நியமிக்கப்பட்டனர். 
தற்போது எலக்ட்ரிக்கல் பிரிவை கட்டடப் பொறியாளர்கள் தான் கவனிக்கின்றனர். அவர்களால் எலக்ட்ரிக்கல் பணிகளை சரிவர மேற்கொள்ள முடியாது. 
எலக்ட்ரிக்கல் பிரிவுக்கு தனி கண்காணிப்பு பொறியாளர் இருந்திருந்தால் அரசு மருத்துவமனைகளில் அவ்வப்போது மின்சாதனங்களில் பயன்பாடு குறித்து ஆய்வு மேற்கொண்டு சரிசெய்ய நடவடிக்கை எடுக்கப்படும். 
எனவே பொதுப்பணித்துறையில்  எலக்ட்ரிக்கல் பிரிவுக்கு தனி கண்காணிப்பு பொறியாளர் பணியிடத்தை ஏற்படுத்தி, அனைத்து அரசு மருத்துவமனைகளிலும் மின்னணு சாதனங்களின் செயல்பாடு குறித்து ஆய்வு செய்யவும், அரசு மருத்துவமனைகளுக்கு தடையில்லாமல் மின்சாரம் கிடைக்கவும்  நடவடிக்கை எடுக்க உத்தரவிட வேண்டும் எனக் குறிப்பிட்டிருந்தார்.
இந்த மனு நீதிபதிகள் ஜெ.நிஷாபானு, எம்.தண்டபாணி ஆகியோர் கொண்ட அமர்வு முன் புதன்கிழமை விசாரணைக்கு வந்தது. அப்போது நீதிபதிகள், மதுரை அரசு மருத்துவமனையில் 5 பேர் உயிரிழந்த விவகாரம் தொடர்பாக ஏற்கெனவே தாக்கல் செய்யப்பட்டு நிலுவையில் உள்ள 2 பொதுநல வழக்குகளுடன் இந்த வழக்கையும் சேர்த்து விசாரணைக்கு பட்டியலிட உத்தரவிட்டு வழக்கை ஒத்திவைத்தனர்.

]]>
https://www.dinamani.com/all-editions/edition-madurai/madurai/2019/may/16/மின்சாதனங்களை-பராமரிக்க-கண்காணிப்புப்-பொறியாளர்-பணியிடம்-ஏற்படுத்தக்கோரி-மனு-3152409.html
3152408 மதுரை மதுரை பிரதமரை முடிவு செய்வது  தென்னகமாக இருக்கும் DIN DIN Thursday, May 16, 2019 07:13 AM +0530 திருப்பரங்குன்றத்தில் நடைபெற்ற பொதுக்கூட்டத்தில் கமல்ஹாசன் பேசியது:  மதத்தைப் பற்றி விளையாடுவது ரொம்ப பழைய விளையாட்டு. அதனால் தான் தமிழகத்திற்குள் காலடி எடுத்து வைக்க முடியாமல் உள்ளனர். தமிழர்கள் பர்மா, தில்லி சென்று சண்டை போட்டுள்ளனர்.  விருதுநகரில் பிறந்த காமராஜர் தில்லிக்கு சென்று "கிங்மேக்கர்' ஆனார்.  தமிழர் சவால்விட மாட்டான். செய்து  காட்டுவான். 
 தமிழனிடம் தேசத்தை கொடுத்தால் இதயம்போல  காப்பான். தேசியகீதம் என்ன மொழி என்று கூட தெரியாத போதும் அதனை தேவகீதம் கேட்பது போல எழுந்து நிற்போம். எங்களுக்கு தேசபக்தி கற்று கொடுக்கும் அருகதை உங்களுக்கு இல்லை. தமிழகம் பக்கத்தில் உள்ள மாநிலங்களோடு கைகோர்க்க வேண்டும்.  இந்திய பிரதமர் யார் என முடிவு செய்வது தென்னகமாக இருக்கும். அந்த நாள் நமதாகும் என்றார். கூட்டத்தில் கவிஞர் சினேகன், கட்சியினர் மற்றும் பொதுமக்கள் ஏராளமானோர் பங்கேற்றனர். 

]]>
https://www.dinamani.com/all-editions/edition-madurai/madurai/2019/may/16/பிரதமரை-முடிவு-செய்வது--தென்னகமாக-இருக்கும்-3152408.html
3152407 மதுரை மதுரை கமல்ஹாசனை நோக்கி காலணி வீச்சு: "அனுமன் சேனை' அமைப்பைச் சேர்ந்தவர்கள்  உள்பட 11  பேரிடம் விசாரணை DIN DIN Thursday, May 16, 2019 07:12 AM +0530 திருப்பரங்குன்றத்தில் மக்கள் நீதி மய்யம் கட்சிப் பொதுக்கூட்டத்தில் புதன்கிழமை அக்கட்சித் தலைவர் கமல்ஹாசன் பேசியபோது, அவரை நோக்கி காலணி வீசிய "அனுமன்சேனை' அமைப்பைச் சேர்ந்த 10 பேர் உள்பட 11 பேரிடம் போலீஸார் விசாரணை நடத்தி வருகின்றனர்.
 திருப்பரங்குன்றம் இடைத்தேர்தலில் மக்கள் நீதி மய்யம் கட்சியின் வேட்பாளர் சக்திவேலை ஆதரித்து அக்கட்சியின்  தலைவர் கமல்ஹாசன் வாக்கு சேகரித்து பொதுக்கூட்டத்தில் பேசினார். அப்போது கும்பல் ஒன்று "பாரத் மாதாகி ஜே' என முழக்கம் எழுப்பிவாறு கமல்ஹாசனை நோக்கி  காலணி ஒன்றை வீசியது. அது மேடைக்கு 50 அடிக்கு முன்பாக இருந்த பொதுமக்கள் மீது விழுந்தது. 
இதையடுத்து அங்கு பாதுகாப்பில் இருந்த போலீஸார் அவர்களை விரட்டிச் சென்று  11 பேர் கொண்ட கும்பலைப் பிடித்தனர். விசாரணையில் அவர்கள் பாஜக மண்டல் தலைவர் வேல்முருகன், "அனுமன் சேனை' அமைப்பைச் சேர்ந்த சோலைமணி,  வெற்றிவேல், செந்தில்குமார், ஆறுமுகம், வேலு, ராஜேஷ்வரர், ரமேஷ்குமார், கிருஷ்ணன், ராமலிங்கம், பிரபாகரன் ஆகியோர் என தெரியவந்தது. அரவக்குறிச்சியில் இந்துக்கள் குறித்து கமல்ஹாசன் பேசியதைக்  கண்டித்து அவர்கள் இச்செயலில் ஈடுபட்டதாகத் தெரிவித்துள்ளனர். இதனைத்தொடர்ந்து போலீஸார் 11 பேரிடம்  விசாரணை நடத்தி வருகின்றனர்.
  பாஜக மண்டல் தலைவர் வேல்முருகன், அனுமன் சேனை அமைப்பைச் சேர்ந்த சோலை மணி,  வெற்றிவேல், செந்தில்குமார், ஆறுமுகம், வேலு, ராஜேஷ்வரர், ரமேஷ்குமார், கிருஷ்ணன், ராமலிங்கம், பிரபாகரன் ஆகிய 11பேரிடம்  விசாரனை செய்து வருகின்றனர்.

]]>
https://www.dinamani.com/all-editions/edition-madurai/madurai/2019/may/16/கமல்ஹாசனை-நோக்கி-காலணி-வீச்சு-அனுமன்-சேனை-அமைப்பைச்-சேர்ந்தவர்கள்--உள்பட-11--பேரிடம்-விசாரணை-3152407.html
3152406 மதுரை மதுரை முன் ஜாமீன் கோரி உயர்நீதிமன்றத்தில் மனு DIN DIN Thursday, May 16, 2019 07:12 AM +0530 அரவக்குறிச்சியில் சர்சைக்குரிய வகையில் பேசிய மக்கள் நீதி மய்யம் கட்சியின் தலைவர் கமல்ஹாசன் மீதான வழக்கில் முன்ஜாமீன் கோரி சென்னை உயர்நீதிமன்ற மதுரைக்கிளையில் புதன்கிழமை மனு தாக்கல் செய்யப்பட்டது.
கரூர் மாவட்டம் அரவக்குறிச்சியில் இடைத்தேர்தல் பிரசாரத்தின் போது, கமல்ஹாசன் சுதந்திர இந்தியாவின் முதல் தீவிரவாதி ஒரு இந்து, அவர் பெயர் நாதுராம் கோட்சே எனப் பேசியிருந்தார். இந்த பேச்சுக்கு எதிராக அளிக்கப்பட்ட புகாரின் அடிப்படையில், அரவக்குறிச்சி காவல்நிலையத்தில் கமல்ஹாசன் மீது 2 பிரிவுகளில் வழக்குப்பதிவு செய்யப்பட்டது. 
இந்த வழக்கை ரத்து செய்ய உத்தரவிட வேண்டும் என கமல்ஹாசன் தரப்பில் இருந்து சென்னை உயர்நீதிமன்ற மதுரைக்கிளையில் புதன்கிழமை முறையீடு செய்யப்பட்டது. மேலும் இந்த வழக்கை அவசர  வழக்காக விசாரிக்க வேண்டும் எனக் கேட்டுக்கொள்ளப்பட்டது. 
இதற்கு நீதிபதி பி.புகழேந்தி, வழக்கை ரத்து செய்வது தொடர்பான மனுவை விடுமுறை கால அமர்வில் அவசரகால வழக்காக விசாரிக்க முடியாது. எனவே முன் ஜாமீன் கோரி மனுத்தாக்கல் செய்தால் விசாரிக்கலாம் எனத் தெரிவித்தார். இந்நிலையில் புதன்கிழமை மாலை, கமல்ஹாசன் தரப்பில் முன்ஜாமீன் கோரி மனுத்தாக்கல் செய்யப்பட்டது. இந்த மனு விரைவில் விசாரணைக்கு வரவுள்ளது.

]]>
https://www.dinamani.com/all-editions/edition-madurai/madurai/2019/may/16/முன்-ஜாமீன்-கோரி-உயர்நீதிமன்றத்தில்-மனு-3152406.html
3151754 மதுரை மதுரை "கல்வி மற்றும் தொழில் நிறுவனங்கள் இணைந்து பயணிக்க வேண்டும்' DIN DIN Wednesday, May 15, 2019 06:44 AM +0530 கல்வி நிறுவனங்களுடன் தொழில் நிறுவனங்கள் இணைந்து பயணித்தால் தான் மாணவர்களிடம் வேலைவாய்ப்பு குறித்த நம்பகத்தன்மை உருவாகும் என மதுரை காமராஜர் பல்கலைக்கழக துணைவேந்தர் எம்.கிருஷ்ணன் பேசினார். 
மதுரை அழகர்கோவில் சாலையில் உள்ள தனியார் விடுதியில் நடைபெற்ற தமிழ்நாடு தொழில் வர்த்தக சங்கத்தின் 95 ஆவது ஆண்டின் 7 ஆவது செயற்குழுக் கூட்டத்தில் பங்கேற்ற அவர் செவ்வாய்க்கிழமை பேசியது:
மகாராஷ்டிரத்தில் உள்ள புணே பல்கலைக்கழக வளாகத்தினுள் எல்என்டி தொழிற்சாலை, குஜராத் பல்கலைக்கழக வளாகத்தினுள் பிலிப்ஸ் தொழிற்சாலை உள்ளன. இதேபோல பல்வேறு பல்கலைக் கழகங்களில் தொழிற்சாலைகள் கல்வி நிறுவனங்களுடன் சேர்ந்து பயணிக்கின்றன. இதேபோல தமிழகத்திலும் தொழிற்சாலைகள் மற்றும் கல்விநிறுவனங்கள் சேர்ந்து பயணிக்க வேண்டும். இது மாணவர்களின் வளர்ச்சிக்கு மிகவும் பயனுள்ளதாக அமையும். நாம் கற்கும் கல்வி மக்களுக்கு பயனளிக்கக் கூடியதாக இருக்க வேண்டும். நாட்டில் 800 பல்கலைக்கழகங்கள், 35 ஆயிரம் கல்லூரிகள்,  200- க்கும் மேற்பட்ட ஆராய்ச்சிக் கூடங்கள் உள்ளன. ஆனால் இவற்றில் ஒன்றுகூட உலகில் அரங்கில் சிறந்த கல்வி நிறுவனமாக பெயர் வாங்கவில்லை. அதற்கு காரணம் அவர்கள் அளிக்கும் கல்வி சமூகத்தை சென்றடையவில்லை. பல நாடுகளில் ஆராய்ச்சி மாணவர்கள் ஆயிரக்கணக்கில் தங்களின் கண்டுப்பிடிப்புகளுக்காக காப்புரிமை பெறுகின்றனர். ஆனால், இந்தியாவில் 500 காப்புரிமைகள் மட்டுமே வாங்கப்படுகின்றன. அதில் 50 கண்டுபிடிப்புகள் கூட மக்களை சென்றடையவில்லை. இந்தியாவில் 15 சதவீத மாணவர்கள் மட்டுமே உயர்கல்விக்கு செல்கின்றனர். ஏனென்றால், இங்கு உயர்கல்விக்கான நம்பகதன்மை குறைந்து வருகிறது. உயர்கல்வி கற்றால் வேலைவாய்ப்புகள் கிடைக்குமா என்ற எண்ணம் மாணவர்களிடத்தில் உள்ளது. கல்வி நிறுவனங்களுடன் தொழில் நிறுவனங்கள் இணைந்து பயணித்தால் தான் மாணவர்களிடம் வேலைவாய்ப்பு குறித்த நம்பகத் தன்மை உருவாகும் என்றார். 
இதில் வர்த்தக சங்கத் தலைவர் என்.ஜெகதீசன், முதல்நிலை தலைவர் எஸ்.ரத்தினவேல், செயலர் ஜெ.செல்வம், பொருளாளர் ஆர்.பிரபாகரன், துணைத்தலைவர் டி.தனுஸ்கோடி உள்ளிட்டோர் பேசினர்.
 

]]>
https://www.dinamani.com/all-editions/edition-madurai/madurai/2019/may/15/கல்வி-மற்றும்-தொழில்-நிறுவனங்கள்-இணைந்து-பயணிக்க-வேண்டும்-3151754.html
3151753 மதுரை மதுரை வேகமில்லா கணினியை பயன்படுத்தி ஊதியத்தை தாமதப்படுத்த முயற்சி: அரசு ஊழியர் சங்கம் குற்றச்சாட்டு DIN DIN Wednesday, May 15, 2019 06:44 AM +0530 தமிழகத்தில் வேகமில்லா கணினிகள் மூலம் ஊதியத்தை தாமதப்படுத்த முயற்சிப்பதாக தமிழ்நாடு அரசு ஊழியர் சங்கம் குற்றம் சாட்டியுள்ளது. 
இது குறித்து தமிழ்நாடு அரசு ஊழியர் சங்கத்தின் மாநிலத் துணைத் தலைவர் ஆ.செல்வம், மதுரை மாவட்டச் செயலர் க.நீதிராஜா, இணைச் செயலர் அ.பாலாஜி ஆகியோர் செய்தியாளர்களிடம் செவ்வாய்க்கிழமை கூறியது:
தமிழக அரசு ஊழியர்கள் ஒருங்கிணைந்த நிதி மற்றும் மனிதவள மேம்பாட்டுத் திட்டம் மூலம் (ஐஎப்எச்ஆர்எம்எஸ்) இ-சர்வீஸ் ரிஜிஸ்டர், ஊதியப் பட்டியலில் உள்ள பிடித்தங்களை பதிவேற்றம் செய்ய வேண்டுமென சம்பளக் கணக்குத்துறை உத்தரவிட்டுள்ளது. இந்தப் பணியை மே 14-ஆம் தேதிக்குள் முடித்துவிடவேண்டுமென்றும் தெரிவித்துள்ளது.
 ஆனால், களநிலைமை முற்றிலும் வேறுமாதிரியாக உள்ளது. கணினி, வேகம் இல்லா இணையதள இணைப்பு, முழுமையான, முறையான பயிற்சி இல்லாமை, இணைய தளத்தில் நிதி மற்றும் மனிதவள மேம்பாட்டுத் திட்டப் பக்கம் மாதிரி வடிவமாக இருப்பதால் அதில் பதிவேற்றம் என்பது நூறு சதவீதம் இயலாமல் உள்ளது. இது போன்று பல்வேறு சிக்கல்கள் இந்தத் திட்டத்தில் உள்ளது.
 ஆனால், இந்த முறையை இந்த மாதமே அமல்படுத்தவேண்டுமென்று அரசு வற்புறுத்தியுள்ளது. இது அரசு ஊழியர்களின் ஊதியத்தை தாமதப்படுத்தும் நடவடிக்கையாகவே கருதுகிறோம். 
புதிய முறையை அமல்படுத்த போதுமான அளவு காலஅவகாசம் மற்றும் முறையான பயிற்சி போன்றவற்றை  அளித்து திட்டத்துக்கானஅடிப்படைக் கட்டமைப்பை மேம்படுத்தி முழுமையான நிலையில் ஒருங்கிணைந்த நிதி மற்றும் மனிதவள மேம்பாட்டுத் திட்டத்தை செயல்படுத்தவேண்டும் என்றனர்.

]]>
https://www.dinamani.com/all-editions/edition-madurai/madurai/2019/may/15/வேகமில்லா-கணினியை-பயன்படுத்தி-ஊதியத்தை-தாமதப்படுத்த-முயற்சி-அரசு-ஊழியர்-சங்கம்-குற்றச்சாட்டு-3151753.html
3151752 மதுரை மதுரை குடும்பத்தினருடன் காத்திருப்பு போராட்டம்: சாலைப் பணியாளர் சங்கம் தீர்மானம் DIN DIN Wednesday, May 15, 2019 06:43 AM +0530 சென்னையில் குடும்பத்தினருடன் காத்திருப்பு போராட்டம் நடத்துவது என்று சாலைப் பணியாளர் சங்கம் தீர்மானம் நிறைவேற்றியுள்ளது.
தமிழ்நாடு நெடுஞ்சாலைத்துறை சாலைப்பணியாளர் சங்கத்தின் மதுரை மாவட்ட செயற்குழு கூட்டம்  அரசு ஊழியர் சங்கக் கட்டடத்தில் செவ்வாய்க்கிழமை நடைபெற்றது. 
கூட்டத்துக்கு மாவட்டத் தலைவர் டி.மனோகரன் தலைமை வகித்தார்.  மாநில பொருளாளர் இரா.தமிழ் கோரிக்கையை விளக்கிப் பேசினார். கூட்டத்தில், தமிழ்நாடு நெடுஞ்சாலைத்துறை சாலைப் பணியாளர்களின் 41 மாத பணிநீக்க காலத்தை பணிக்காலமாக அறிவித்து ஆணை வழங்க வேண்டும்.   
சாலைப் பணியாளர்களுக்கு தொழில்நுட்பக் கல்வித் திறன் பெற ஊதியம் வழங்க வேண்டும்.  சாலைப் பணியாளர்களுக்கு நிரந்தர ஊதியத் தொகுப்பிலிருந்து மாத ஊதியம் வழங்க வேண்டும்.   பணிக்காலத்தில் உயிர் நீத்த சாலைப் பணியாளர்களின் வாரிசுகளுக்கு விதிமுறைகளை தளர்த்தி பணி வழங்கிட வேண்டும். நெடுஞ்சாலை பராமரிப்புப் பணியை தனியாருக்கு தாரை வார்ப்பதை விட்டு, அரசே ஏற்று நடத்த வேண்டும்.
மேற்கண்ட கோரிக்கைகளை வலியுறுத்தி சென்னையில் நெடுஞ்சாலைத்துறை முதன்மை இயக்குநர் அலுவலகம் முன்பு குடும்பத்துடன் உள்ளிருப்பு போராட்டம் நடத்துவது, போராட்டத்தில் அனைத்து உட்கோட்ட சாலைப் பணியாளர்களும் குடும்பத்தினருடன் பங்கேற்பது,  போராட்டத்தை விளக்கி மே 18 ஆம் தேதி முதல்  24 ஆம் தேதி வரை உட்கோட்டங்களில் கவன ஈர்ப்பு  கூட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன. 
மாவட்டச் சோலையப்பன் உள்ளிட்ட வட்டக் கிளை நிர்வாகிகள் பலர் கலந்து கொண்டனர்.
 

]]>
https://www.dinamani.com/all-editions/edition-madurai/madurai/2019/may/15/குடும்பத்தினருடன்-காத்திருப்பு-போராட்டம்-சாலைப்-பணியாளர்-சங்கம்-தீர்மானம்-3151752.html
3151751 மதுரை மதுரை மேலூர் சுற்றுவட்டாரத்தில் மழை DIN DIN Wednesday, May 15, 2019 06:43 AM +0530 மேலூர், கொட்டாம்பட்டி, வல்லாளபட்டி சுற்றுவட்டாரத்தில் செவ்வாய்க்கிழமை மாலை சுமார் அரைமணிநேரம் பலத்த சூறைக் காற்றுடன் மழை பெய்தது.
பகல்நேரத்தில் அக்கினி வெயில் காரணமாக மேலூர் பகுதிகளில் உள்ள  வீடுகளில் கடும் வெப்பம் நிலவியது. இந்நிலையில், மாலை 6 மணியளவில் சூறைக் காற்றுடன் மழைபெய்தது. இதனால் வெப்பம் தணிந்து குளிர்ச்சியான சூழ்நிலை நிலவியது.
 

]]>
https://www.dinamani.com/all-editions/edition-madurai/madurai/2019/may/15/மேலூர்-சுற்றுவட்டாரத்தில்-மழை-3151751.html
3151750 மதுரை மதுரை பெண் எரித்து கொலை செய்யப்பட்ட வழக்கு:  ஆயுள்தண்டனையை உறுதிசெய்தது உயர்நீதிமன்றம் DIN DIN Wednesday, May 15, 2019 06:43 AM +0530 பெண் எரித்து கொலை செய்யப்பட்ட வழக்கில், மேல்முறையீடு செய்த முன்னாள் நகர்மன்ற உறுப்பினருக்கு கீழமை நீதிமன்றம் வழங்கிய ஆயுள் தண்டனையை சென்னை உயர்நீதிமன்ற மதுரைக்கிளை செவ்வாய்க்கிழமை உறுதிசெய்தது.
தஞ்சாவூர் மாவட்டம், கும்பகோணத்தைச் சேர்ந்தவர் இந்திரஜித். முன்னாள் நகர்மன்ற உறுப்பினரான இவருக்கும், அதேபகுதியைச் சேர்ந்த காசிநாதன் மனைவி சங்கீதாவுக்கும் இடையே பழக்கம் ஏற்பட்டது. இதையடுத்து சங்கீதாவை, தன்னுடன் சேர்ந்து வாழும்படி இந்திரஜித் கூறியுள்ளார். இதற்கு சங்கீதா மறுப்பு தெரிவித்துள்ளார். இதனால் ஆத்திரமடைந்த இந்திரஜித், 2015 ஆம் ஆண்டு சங்கீதா மீது மண்ணெண்ணெய் ஊற்றி தீ வைத்ததில் சங்கீதா இறந்தார். இதுகுறித்து கும்பகோணம் போலீஸார் வழக்குப்பதிந்து, இந்திரஜித்தை கைது செய்தனர். 
இவ்வழக்கை விசாரித்த தஞ்சாவூர் 2 ஆவது கூடுதல் மாவட்ட நீதிமன்றம், கடந்த 2016 ஆம் ஆண்டு இந்திரஜித்திற்கு ஆயுள் தண்டனை விதித்து தீர்ப்பளித்தது. இந்த தண்டனையை எதிர்த்து இந்திரஜித், சென்னை உயர்நீதிமன்ற மதுரைக்கிளையில் மேல்முறையீடு செய்தார். 
இந்த மனு நீதிபதிகள் பி.என்.பிரகாஷ், பி.புகழேந்தி அமர்வு முன் விசாரணைக்கு வந்தது. வழக்கை விசாரித்த நீதிபதிகள் மனுவை தள்ளுபடி செய்து, கீழமை நீதிமன்றம் விதித்த தண்டனையை உறுதி செய்து உத்தரவிட்டனர்.


 

]]>
https://www.dinamani.com/all-editions/edition-madurai/madurai/2019/may/15/பெண்-எரித்து-கொலை-செய்யப்பட்ட-வழக்கு--ஆயுள்தண்டனையை-உறுதிசெய்தது-உயர்நீதிமன்றம்-3151750.html
3151749 மதுரை மதுரை மதுரை தொழிற்பேட்டை சாலை சீரமைக்கப்படுமா? DIN DIN Wednesday, May 15, 2019 06:42 AM +0530 மதுரை கோ.புதூர் தொழிற்பேட்டை பகுதியில் குண்டும் குழியுமாக உள்ள சாலையால் வாகன ஓட்டிகள் அவதிப்படுவதால் சாலையை சீரமைக்க வேண்டும் என்று பொதுமக்கள் கோரிக்கை விடுத்துள்ளனர்.
மதுரை அரசு ஐடிஐ சாலையில் இருந்து கோ.புதூர் தொழிற்பேட்டை வரை சாலை சீரமைக்கப்படாமல் பழுதடைந்துள்ளது. தொழிற்பேட்டையில் நூற்றுக்கும் மேற்பட்ட நிறுவனங்கள் இயங்கி வருவதால் ஏராளமான தொழிலாளர்கள் பணிபுரிந்து வருகின்றனர். இதனால் இவர்கள் இச் சாலையை பயன்படுத்தி வருகின்றனர். 
ஆனால் சாலை முழுவதும் குண்டும், குழியுமாக பள்ளங்களுடன் காட்சியளிப்பதால் இரவு நேரங்களில் மட்டுமின்றி பகலில் கூட வாகனங்கள் ஓட்டுவதற்கு சிரமப்பட வேண்டிய சூழல் உள்ளது. எனவே அரசு ஐடிஐ முதல் கோ.புதூர் தொழிற்பேட்டை வரை சாலைகளை உடனடியாக சீரமைக்க அதிகாரிகள் நடவடிக்கை எடுக்க வேண்டும் என்று பொதுமக்கள் வலியுறுத்தியுள்ளனர்.

 
  

]]>
https://www.dinamani.com/all-editions/edition-madurai/madurai/2019/may/15/மதுரை-தொழிற்பேட்டை-சாலை-சீரமைக்கப்படுமா-3151749.html
3151748 மதுரை மதுரை கல்லூரி மாணவர் கொலை வழக்கு: மேலும் ஒருவர் நீதிமன்றத்தில் சரண் DIN DIN Wednesday, May 15, 2019 06:42 AM +0530 மதுரை தனக்கன்குளத்தில் நடந்த கல்லூரி மாணவர் கொலை வழக்கில் தொடர்புடைய மேலும் ஒரு இளைஞர் மதுரை மாவட்ட நீதித்துறை நடுவர் நீதிமன்றத்தில் செவ்வாய்க்கிழமை சரணடைந்தார். 
உசிலம்பட்டியைச் சேர்ந்தவர் பாண்டி(24). இவர் உசிலம்பட்டியில் உள்ள ஒரு தனியார் கல்லூரியில் 2 ஆம் ஆண்டு படித்து வந்தார். இந்நிலையில் மதுரையில் ஏற்கெனவே நடந்த கொலைக்கு பழிக்குப்பழியாக, தனக்கன்குளம் அருகே  கடந்த வாரம் ஒரு கும்பல் பாண்டியை கொலை செய்தது. இதுகுறித்து ஆஸ்டின்பட்டி போலீஸார் வழக்குப்பதிந்து விசாரித்து வந்தனர். 
இவ்வழக்கில் தொடர்புடைய கொண்டையம்பட்டியைச் சேர்ந்த அஜித்(23), மதுரை மாவட்ட நீதித்துறை நடுவர் நீதிமன்றத்தில் (எண் 4) திங்கள்கிழமை சரணடைந்தார். இந்நிலையில் இதேவழக்கில் தொடர்புடைய ஆண்டிப்பட்டி அருகே பாலூத்தைச் சேர்ந்த அலெக்ஸ்(25), மதுரை மாவட்ட நீதித்துறை நடுவர் நீதிமன்றத்தில் (எண் 4) செவ்வாய்க்கிழமை சரணடைந்தார்.
 

]]>
https://www.dinamani.com/all-editions/edition-madurai/madurai/2019/may/15/கல்லூரி-மாணவர்-கொலை-வழக்கு-மேலும்-ஒருவர்-நீதிமன்றத்தில்-சரண்-3151748.html
3151747 மதுரை மதுரை தவறான சிகிச்சையால்  பெண் இறந்ததாக புகார் DIN DIN Wednesday, May 15, 2019 06:41 AM +0530 மதுரை நரிமேட்டில் உள்ள தனியார் மருத்துவமனையில் தவறான சிகிச்சை அளித்ததால் பெண் உயிரிழந்ததாக போலீஸாரிடம் செவ்வாய்க்கிழமை புகார் அளிக்கப்பட்டது.
மதுரையைச் சேர்ந்தவர் மாரியம்மாள்(38). இவருடைய சகோதரியான, நிலையூரைச் சேர்ந்த பஞ்சவர்ணம்(39), கடந்த  3 மாதங்களாக உடல்நலமில்லாமல் மதுரை நரிமேட்டில் உள்ள தனியார் மருத்துவமனையில் சிகிச்சைப் பெற்றுவந்தார். இந்நிலையில் பஞ்சவர்ணத்திற்கு மீண்டும் உடல்நலமில்லாமல் போனதால் திங்கள்கிழமை காலை அதேமருத்துவமனையில் சேர்க்கப்பட்டார். அதன்பின்னர் சிகிச்சையில் இருந்த அவர்சிறிதுநேரத்தில் சுயநினைவை இழந்தார். 
அதன்பின்னர் மாலை பஞ்சவர்ணம் இறந்துவிட்டதாக மருத்துவமனை நிர்வாகம் சார்பில் தெரிவிக்கப்பட்டுள்ளது. மருத்துவமனையில் தனது சகோதரிக்கு தவறான சிகிச்சையளித்ததால் தான் அவர் இறந்துவிட்டார் என, மாரியம்மாள் காவல் நிலையத்தில் புகார் அளித்தார். அதனடிப்படையில் தல்லாகுளம் போலீஸார் வழக்குப்பதிந்து விசாரித்து வருகின்றனர்.

]]>
https://www.dinamani.com/all-editions/edition-madurai/madurai/2019/may/15/தவறான-சிகிச்சையால்--பெண்-இறந்ததாக-புகார்-3151747.html
3151746 மதுரை மதுரை கத்தியைக் காட்டி வழிப்பறி: 4 பேர் கைது DIN DIN Wednesday, May 15, 2019 06:41 AM +0530 மதுரை களத்துப்பொட்டல் பகுதியில் நடந்து சென்றவரிடம், கத்தியைக் காட்டி மிரட்டி பணம் பறித்த நால்வரை போலீஸார் செவ்வாய்க்கிழமை கைது செய்தனர்.
மதுரை தத்தனேரியைச் சேர்ந்தவர் ஜவஹர்(41). இவர் மதுரை ஞாயிற்றுக்கிழமை சந்தையில் வெல்டிங் கேஸ் கட்டிங் கடையில் வேலை செய்து வருகிறார். இந்நிலையில் இவர் திங்கள்கிழமை தனது நண்பரை சந்திப்பதற்காக, களத்துப்பொட்டல் அருகே நடந்து சென்றுக்கொண்டிருந்தார். அப்போது அதேபகுதியைச் சேர்ந்த இம்ரான்கான், விஜயராஜன், பிரவின்குமார், மணிகண்டராஜா ஆகியோர் வாள் மற்றும் கத்தியைக் காட்டி மிரட்டி, ஜவஹர் சட்டைப் பையில் வைத்திருந்த ரூ.800-ஐ பறித்துக் கொண்டனர். 
இதனை பார்த்த அருகில் இருந்த மக்கள், பணத்தைப் பறித்துச் சென்றவர்களை விரட்டிப் பிடிக்க முயன்றனர். ஆனால் வழிப்பறி செய்தவர்கள் வாள் மற்றும் கத்தியைக் காட்டி பிடிக்க வந்தவர்களை மிரட்டி தப்பிச் சென்றனர். இதுகுறித்து ஜவஹர் கொடுத்த புகாரின் பேரில், தல்லாகுளம் போலீஸார் வழக்குப்பதிந்து விசாரித்து வந்தனர். 
இந்நிலையில் மதுரை ஆயுதப்படை போலீஸார் களத்துப்பொட்டல் பகுதியில் ரோந்துப்பணியில் இருந்தபோது, அப்பகுதியில் வாள், கத்தி உள்ளிட்ட ஆயுதங்களுடன் சுற்றித்திரிந்த இம்ரான்கான், விஜயராஜன், பிரவின்குமார், மணிகண்டராஜா ஆகியோரை பிடித்து செல்லூர் காவல் ஆய்வாளர் கோட்டைச்சாமியிடம் ஒப்படைத்தனர். செல்லூர் போலீஸார் அவர்கள் 4 பேரையும் கைது செய்தனர்.

]]>
https://www.dinamani.com/all-editions/edition-madurai/madurai/2019/may/15/கத்தியைக்-காட்டி-வழிப்பறி-4-பேர்-கைது-3151746.html
3151745 மதுரை மதுரை "மே 23 இல் திமுகவுக்கு ஏமாற்றமே கிடைக்கும்'  DIN DIN Wednesday, May 15, 2019 06:41 AM +0530 தேர்தல் முடிவு வெளியாகும் மே 23 ஆம் தேதி திமுகவுக்கு ஏமாற்றமே கிடைக்கும் என தமிழக மீன்வளத் துறை அமைச்சர் ஜெயக்குமார் தெரிவித்தார். 
திருப்பரங்குன்றம் சட்டப்பேரவைத் தொகுதி விளாச்சேரியில் செய்தியாளர்களிடம் செவ்வாய்க்கிழமை அவர் கூறியது: 
திருப்பரங்குன்றம் சட்டப்பேரவைத் தொகுதியில் திமுக, அமமுக இரு கட்சிகளும் பணம் கொடுத்து மக்களை விலைக்கு வாங்குவதன் மூலம் வெற்றியைப் பெற்று விடலாம் என கனவு காண்கின்றன.  மறைந்த முதல்வர் ஜெயலலிதாவின் திட்டங்களால் அதிமுகவுக்கு வெற்றி வாய்ப்பு பிரகாசமாக உள்ளது.  மதங்களை தொடர்புப்படுத்தி பிரசாரம் செய்வது கண்டிக்கத்தக்கது. அதிலும் ஒரு மதத்தின் மீது கமல்ஹாசனின் தனிப்பட்ட கருத்து தவறானது. மதக் கலவரத்தை தூண்டும் விதமாக யார் கூறினாலும், வேற்றுமையை மறந்து தமிழக மக்கள் ஒற்றுமையாக உள்ளனர்.  கொள்கை, லட்சியங்கள், மக்களுக்கு செய்யக் கூடிய நன்மைகள், திட்டங்கள் குறித்து பிரசாரம் செய்வது தான் நல்லது. ஜாதி, மதங்களை அவதூறாக பேசி பிரசாரத்தில் ஈடுபடுவது கண்டிக்கத்தக்கது.  திமுக சந்தர்ப்பவாத கட்சி. "பூனைக்கும் தோழன், பாலுக்கும் காவல்' என்ற பழமொழியின் அடிப்படையில் தான் திமுக தலைவர் மு.க.ஸ்டாலின் செயல்படுகிறார். 
சந்திரசேகர ராவ் சந்திப்பு குறித்து மே 23ஆம் தேதிக்குப் பிறகு, விவரம் அறிவிக்கப்படும் என்று மு.க.ஸ்டாலின் கூறியிருப்பது விமர்சனத்துக்குரியது.  "ஓட்டைக் கப்பலுக்கு ஒன்பது மாலுமிகள்' என்ற நிலையில் தான் திமுக கூட்டணி இருக்கிறது. மே 23- க்குப் பிறகு திமுகவுக்கு ஏமாற்றமே கிடைக்கப் பெறும் என்றார்.

 
 

]]>
https://www.dinamani.com/all-editions/edition-madurai/madurai/2019/may/15/மே-23-இல்-திமுகவுக்கு-ஏமாற்றமே-கிடைக்கும்-3151745.html
3151744 மதுரை மதுரை திருப்பரங்குன்றம் இடைத்தேர்தல்:  மதுரையில் மதுக்கடைகள் அடைப்பு DIN DIN Wednesday, May 15, 2019 06:41 AM +0530 திருப்பரங்குன்றம் இடைத்தேர்தல் வாக்குப்பதிவு மற்றும் மக்களவைத் தொகுதி வாக்கு எண்ணிக்கையை யொட்டி மதுரை மாவட்டத்தில் மதுக்கடைகள் அடைக்கப்படும் என்று அறிவிக்கப்பட்டுள்ளது.
இதுதொடர்பாக மாவட்ட ஆட்சியர் எஸ்.நாகராஜன் செவ்வாய்க்கிழமை விடுத்துள்ள செய்திக்குறிப்பில்,  திருப்பரங்குன்றம் சட்டப்பேரவைத் தொகுதி இடைத்தேர்தல் வாக்குப்பதிவு மே 19 ஆம் தேதி நடைபெறுகிறது. இதையொட்டி மே 17-ஆம் தேதி காலை 10 மணி முதல் மே 19-ஆம் தேதி நள்ளிரவு 12 மணி வரையிலும், மதுரை மக்களவைத் தொகுதி வாக்கு எண்ணிக்கையையொட்டி மே 23-ஆம் தேதியும்  அனைத்து இந்திய தயாரிப்பு அயல்நாட்டு மதுபானங்களை விற்பனை செய்யும் சில்லரை விற்பனை கடைகள், எப்எல் 2 முதல் எப்எல்11 வரை(எப்எல் 6 நீங்கலாக) மூடப்பட்டு இருக்கும். மேற்கண்ட நாள்களில் சில்லரை மது விற்பனையும் நடைபெறாது என்று அதில் குறிப்பிட்டுள்ளார்.
 

]]>
https://www.dinamani.com/all-editions/edition-madurai/madurai/2019/may/15/திருப்பரங்குன்றம்-இடைத்தேர்தல்--மதுரையில்-மதுக்கடைகள்-அடைப்பு-3151744.html
3151743 மதுரை மதுரை மழை வேண்டி வைகையாற்றில்  மே 31இல் இசை ஆராதனை DIN DIN Wednesday, May 15, 2019 06:40 AM +0530 மதுரையில் மழை பெய்ய வேண்டி அரசு இசைக்கல்லூரி சார்பில் வைகையாற்றில் இசை ஆராதனை நிகழ்ச்சி மே 31-ஆம் தேதி நடைபெற உள்ளது.
தமிழகத்தில் கடந்த ஆண்டு பருவ மழை போதுமான அளவு பெய்யாததால் குடிநீர்த் தட்டுப்பாடு ஏற்பட்டுள்ளது. இந்நிலையில் பெரிதும் எதிர்பார்க்கப்பட்ட கோடை மழையும் பெய்யவில்லை. இதனால் சென்னை உள்பட தமிழகம் முழுவதும் கடும் குடிநீர் பஞ்சம் ஏற்பட்டுள்ளது. இந்நிலையில் தமிழகத்தில் மழை பெய்வதற்காக இந்து அறநிலையத்துறைக்குள்பட்ட ஆலயங்களில் வருண ஜெபம் நடத்துமாறு அறநிலையத்துறை சார்பில் சுற்றறிக்கை அனுப்பப்பட்டது. அதன்பேரில் மதுரை மீனாட்சி சுந்தரேசுவரர் திருக்கோயில் உள்பட சில கோயில்களில் வருண ஜெபம் நடத்தப்பட்டது. இந்நிலையில் மதுரையில் மழை பெய்ய வேண்டி வைகையாற்றில் இசை ஆராதனை நடத்தப்பட உள்ளது.
மதுரை அரசு இசைக்கல்லூரி சார்பில் மே 31-ஆம் தேதி இந்த இசை ஆராதனை நடத்தப்படுகிறது. மதுரை ஆழ்வார்புரம் வைகையாற்றில் அழகர் ஆற்றில் இறங்கும் இடத்தில் நடைபெற உள்ள இசை ஆராதனை நிகழ்ச்சியில்,  அரசு இசைக்கல்லூரி முதல்வர் டேவிட், இசை ஆசிரியை சாவித்ரி மற்றும் இசைக்கல்லூரி பேராசிரியர்கள், இசை ஆசிரியர்கள், மாணவ, மாணவியர் உள்பட 250-க்கும் மேற்பட்டோர் பங்கேற்கின்றனர்.
நிகழ்ச்சியில் மிருதங்கம், வயலின், வீணை உள்ளிட்ட அனைத்து வகை இசைக்கருவிகளையும் பயன்படுத்தி இசை ஆராதனை நடைபெறுகிறது. முதலில் கணபதி ஸ்துதியும், அடுத்ததாக மீனாட்சி பிள்ளைத்தமிழ் இசையையும் தொடர்ந்து மழையைத் தருவிக்கும் அமிர்த வர்ஷினி ராகம், வருணப்பிரியா ராகம் ஆகியவற்றை அனைவரும் மீட்டுகின்றனர். இதற்கான ஏற்பாடுகளை அரசு இசைக்கல்லூரி நிர்வாகம் செய்து வருகிறது.


 

]]>
https://www.dinamani.com/all-editions/edition-madurai/madurai/2019/may/15/மழை-வேண்டி-வைகையாற்றில்--மே-31இல்-இசை-ஆராதனை-3151743.html
3151742 மதுரை மதுரை சுயேச்சை வேட்பாளருக்கு போலீஸ் பாதுகாப்பு DIN DIN Wednesday, May 15, 2019 06:40 AM +0530 திருப்பரங்குன்றம் சட்டப்பேரவைத் தொகுதி இடைத்தேர்தலில் போட்டியிடும் சுயேச்சை  வேட்பாளருக்கு சிலர் கொலைமிரட்டல் விடுத்ததால் அவருக்கு போலீஸ் பாதுகாப்பு அளிக்கப்பட்டுள்ளது.  
 திருப்பரங்குன்றம் சட்டப்பேரவை இடைத்தேர்தலில் தமிழ்நாடு மது குடிப்போர் விழிப்புணர்வு சங்கத் தலைவர் செல்லபாண்டி சுயேச்சை வேட்பாளராக போட்டியிடுகிறார். இவருக்கு செல்லிடப்பேசியில் திங்கள்கிழமை இரவு தொடர்ச்சியாக கொலை மிரட்டல் வந்ததாம்.  இதுகுறித்து செல்லப்பாண்டி அவனியாபுரம் போலீஸாரிடம் புகார் அளித்ததன்பேரில், தேர்தல் வரை அவருக்கு போலீஸார் பாதுகாப்பு வழங்கப்பட்டுள்ளது.  
இது குறித்து செய்தியாளர்களிடம் செவ்வாய்க்கிழமை அவர் கூறியது: 
 நாம் தமிழர் கட்சியின் மாநில ஒருங்கிணைப்பாளர் சீமான், அரவக்குறிச்சியில் பிரசாரத்தின் போது திமுக தலைவர் மு.க.ஸ்டாலினை தரக்குறைவாக விமர்சனம் செய்தார்.   
இது அவரை பின்பற்றும் இளைஞர்கள் மற்றும் நிர்வாகிகள் தரப்பிலும் எதிரொலிக்கக் கூடும். எனவே, சீமான் மீது  நடவடிக்கை எடுக்க போலீஸாரிடம் புகார் அளித்தேன். 
இதனால் திங்கள்கிழமை நள்ளிரவிலிருந்து எனது செல்லிடப்பேசியில் நாம்தமிழர் நிர்வாகிகள் சிலர் கொலைமிரட்டல் விடுத்து வருகின்றனர். 
இதுகுறித்தப்  புகாரின்பேரில் தேர்தல் முடியும் வரை எனக்கு போலீஸ் பாதுகாப்பு வழங்கப்பட்டுள்ளது என்றார்.

]]>
https://www.dinamani.com/all-editions/edition-madurai/madurai/2019/may/15/சுயேச்சை-வேட்பாளருக்கு-போலீஸ்-பாதுகாப்பு-3151742.html
3151741 மதுரை மதுரை நடிகர் கமல்ஹாசனுக்கு அரசியல் ஒத்துவராது : செல்லூர் கே.ராஜூ DIN DIN Wednesday, May 15, 2019 06:40 AM +0530 நடிகர் கமல்ஹாசனுக்கு அரசியல் ஒத்துவராது. அவர் கட்சியைக் கலைத்துவிட்டு மீண்டும் கலைச்சேவை செய்ய வேண்டும் என கூட்டுறவுத்துறை அமைச்சர் செல்லூர் கே.ராஜூ தெரிவித்தார்.   
 திருப்பரங்குன்றம் சட்டப்பேரவை தொகுதி அதிமுக வேட்பாளர் எஸ்.முனியாண்டியை ஆதரித்து கூட்டுறவுத் துறை அமைச்சர் செல்லூர் கே.ராஜூ திருப்பரங்குன்றம் சன்னிதி தெரு, கூடல்மலைத்தெரு, பெரியரதவீதி  உள்ளிட்ட நகர் பகுதியில் செவ்வாய்க்கிழமை வாக்குகள் சேகரித்து அவர் பேசியது: அதிமுக பணம் கொடுப்பதாக புகார் கூறிய திமுக,  அமமுகவினர் தேர்தலில் "டெபாசிட்' பெறுவதற்காக வாக்காளர்களுக்கு பணம் கொடுத்து வருகின்றனர். மக்கள் அனைவரும் பணத்தை வாங்கிக் கொள்ளுங்கள். ஆனால் நல்லவரைப் பார்த்து வாக்களியுங்கள். அரசைப் பற்றி குறைசொல்ல முடியாததால் பணம் கொடுத்து வெற்றிபெற  நினைக்கின்றனர் என்றார். 
அவருடன் தொழில்நுட்பப் பிரிவு மாநில இணைச் செயலர் வி.வி.ஆர்.ராஜ்சத்யன், இளைஞரணி மாவட்ட செயலர் ரமேஷ், பொதுக்குழு உறுப்பினர் முத்துகுமார், துணைச்செயலர் எம்.ஜி.பாரி உள்ளிட்டோர் உடனிருந்தனர்.    
பின்னர் செய்தியாளர்களிடம் அவர் கூறியது: நடிகர் கமல்ஹாசன் சினிமா துறையில் பல்வேறு விருதுகள், பட்டங்கள் பெற்றிருக்கலாம். ஆனால் அரசியல் அனுபவமில்லை. அவருக்கு அரசியல் ஒத்து வராது. கமல்ஹாசன் ஒரு நல்ல கலைஞன். தற்போது இந்துக்கள் குறித்து அவர் பேசிய கருத்தால் அரசியலில் மிகப்பெரிய எதிர்ப்பை சம்பாதித்து விட்டார். நடிகர் கமல்ஹாசன் கட்சியை கலைத்து விட்டு மீண்டும் கலைத்துறையில் ஈடுபட வேண்டும் என்பதே எனது எண்ணம்.
 திமுக தலைவர் மு.க.ஸ்டாலின் தன்னை அகில இந்திய தலைவராகக் காட்டிக் கொள்ள நினைக்கிறார். அவருக்கென்று நிலையான கருத்து கிடையாது. 
பாஜக தலைவர்களுடனும் திமுக தலைவர் மு.க.ஸ்டாலின் பேசி வருவதாக அக்கட்சியின் தமிழக தலைவர் தமிழிசை செளந்தரராஜன் கூறுகிறார். இந்த தேர்தலில் வாக்காளர்கள் திமுகவிற்கு சரியான பாடம் புகட்டுவர். சிறுபான்மையினருக்கு காவலர்கள்போல திமுகவினர் ஏமாற்றி வருகின்றனர். அண்ணா, எம்.ஜி.ஆர், ஜெயலலிதா வழியில் அதிமுக  நடக்கிறது. தேவாலயங்கள், மசூதிகளை சீரமைக்க நிதி உதவி, கிறிஸ்தவர்,  இஸ்லாமியர்கள் புனித பயணம் செல்ல மானியம் கொடுத்தவர் மறைந்த முதல்வர் ஜெயலலிதா. ரம்ஜான் நோன்பு காலங்களில் 4 ஆயிரத்து 800 மெட்ரிக் டன்  அரிசியை இலவசமாக அளித்தது  அதிமுக அரசு.  அதிமுகவைப் பொறுத்தவரை என்றும் மதச்சார்பற்ற நிலைதான் எங்கள் கொள்கை என்றார்.   

]]>
https://www.dinamani.com/all-editions/edition-madurai/madurai/2019/may/15/நடிகர்-கமல்ஹாசனுக்கு-அரசியல்-ஒத்துவராது--செல்லூர்-கேராஜூ-3151741.html
3151740 மதுரை மதுரை "அரசியல் கட்சியினர் பொய் வாக்குறுதிகளால் மக்களை ஏமாற்றுகின்றனர்' DIN DIN Wednesday, May 15, 2019 06:39 AM +0530 அரசியல் கட்சியினர் பொய் வாக்குறுதிகள் அளித்து மக்களை ஏமாற்றுகின்றனர் என நடிகை கோவை சரளா தெரிவித்தார்.   
திருப்பரங்குன்றத்தில் போட்டியிடும் மக்கள் நீதி மய்யம் வேட்பாளர் சக்திவேலை ஆதரித்து நடிகை கோவை சரளா தோப்பூர், நிலையூர் கைத்தறிநகர், ஹார்விபட்டி உள்ளிட்ட பகுதிகளில் செவ்வாய்க்கிழமை வாக்கு சேகரித்து பேசியது: மக்களிடம் வாக்குக்கு பணம் கொடுத்து விட்டு அரசியல்வாதிகள் கோடிக்கணக்கில் கொள்ளை அடிக்கின்றனர். 
 பணத்தின் மீது மக்களுக்கு ஆசையைத் தூண்டிவிட்டு அடிமையாக்கி வருகின்றனர்.
 இவ்வளவு காலம் ஆட்சி செய்தவர்கள் சாலை வசதிகள் கூட செய்து தரவில்லை. நாங்கள் அரசியல்வாதி, கிடையாது. எப்பொழுதும் மக்களோடு குடும்பத்தினராக உள்ளோம். 
 எங்களுடைய வேட்பாளர் மக்களுக்காக செயல்படவில்லை எனில் உடனே ராஜிநாமா செய்யப்படும். 
  தேர்தலில் வெற்றிபெற வாக்குறுதிகள் கொடுக்கும் அரசியல் கட்சியினர் ஏதும் செய்யாமல், தங்களது குடும்பத்தினர்களுக்கே சொத்து சேர்க்கின்றனர். ஆட்சியில் இருக்கும்போது ஏதும் செய்யாமல் தேர்தலின்போது  பொய்யான வாக்குறுதிகளைத் தந்து மக்களை ஏமாற்றுகின்றனர் என்றார்.
 

]]>
https://www.dinamani.com/all-editions/edition-madurai/madurai/2019/may/15/அரசியல்-கட்சியினர்-பொய்-வாக்குறுதிகளால்-மக்களை-ஏமாற்றுகின்றனர்-3151740.html
3151739 மதுரை மதுரை "பாஜகவின் வாக்குறுதிகள் அனைத்தும் பொய்யானவை' DIN DIN Wednesday, May 15, 2019 06:39 AM +0530 மக்களவைத் தேர்தலுக்காக பாஜக அளித்த வாக்குறுதிகள் அனைத்தும் பொய்யானவை என காங்கிரஸ் கட்சியின் முன்னாள் தலைவர் கே.வி.தங்கபாலு தெரிவித்தார். 
திமுக வேட்பாளர் பா.சரவணணை ஆதரித்து காங்கிரஸ் கட்சியின் முன்னாள் தலைவர் கே.வி.தங்கபாலு, முன்னாள் அமைச்சர் பெரியகருப்பன் ஆகியோர் ஹார்விபட்டி, பாண்டியன் நகர், திருநகர் உள்ளிட்ட பகுதிகளில் செவ்வாய்க்கிழமை வாக்குசேகரித்தனர். 
அப்போது கே.வி.தங்கபாலு பேசியது: திமுக ஆட்சிக்கு வந்தால் அதன்தலைவர் மு.க.ஸ்டாலின் அளித்த தேர்தல் வாக்குறுதி அனைத்தும் மிக விரைவில் நிறைவேற்றப்படும். பிரதமர் மோடிக்கு,  தமிழகத்தில் அதிமுக அரசு துணைபோகிறது. பாஜகவின் வாக்குறுதிகள் அனைத்தும் பொய்யானவை. வருகிற 23 ஆம் தேதி தேர்தல் முடிவுக்கு பிறகு மத்தியில் காங்கிரஸ் கட்சியின் தலைவர் ராகுல்காந்தி பிரதமராகவும்,  தமிழகத்தில் மு.க.ஸ்டாலின் முதல்வராகவும் பொறுப்பேற்றவுடன்,  நீட் தேர்வு ரத்து, விவசாய கடன் தள்ளுபடி, ஏழை எளிய மக்களுக்கு மாதம் ரூ .6,000 உள்ளிட்ட அனைத்து வாக்குறுதிகளும் நிறைவேற்றப்படும் என்றார். அவருடன் பகுதி செயலர் உசிலை சிவா,  வட்டச் செயலர் சுந்தர், கவிஞர் ஜீவா உள்ளிட்டோர் பங்கேற்றனர். 

]]>
https://www.dinamani.com/all-editions/edition-madurai/madurai/2019/may/15/பாஜகவின்-வாக்குறுதிகள்-அனைத்தும்-பொய்யானவை-3151739.html
3151738 மதுரை மதுரை ராஜீவ் காந்தி கொலை வழக்கு: ஆளுநர் தனது நிலைப்பாட்டை தெரிவிக்கக் கோரி ரவிச்சந்திரன் மனு DIN DIN Wednesday, May 15, 2019 06:38 AM +0530 தமிழக ஆளுநர் எனது விடுதலை விவகாரத்தில் தனது  நிலைப்பாட்டை 4 வாரக் காலத்திற்குள் தமிழக அரசுக்கு தெரிவிக்க வேண்டும் என முன்னாள் பிரதமர் ராஜீவ் காந்தி கொலை வழக்கில் சிறையில் உள்ள ரவிச்சந்திரன் தெரிவித்துள்ளார்.
முன்னாள் பிரதமர் ராஜீவ் காந்தி கொலை வழக்கில் கைது செய்யப்பட்டு 25 ஆண்டுகளாக மதுரை மத்திய சிறையில்  அடைக்கப்பட்டிருப்பவர் ரவிச்சந்திரன். இவர் தனது விடுதலைக்கு தமிழக அரசின் பரிந்துரை, கொள்கை முடிவிற்கு விரைவாக இசைவு கோரும் நினைவூட்டல் மனு ஒன்றை, தமிழக ஆளுநருக்கு செவ்வாய்க்கிழமை அனுப்பியுள்ளார்.  அதில் அவர் கூறியிருப்பது: 
தமிழக அரசு மனிதாபிமான அடிப்படையில் எனது விடுதலைக்குப் பரிந்துரைத்து கோப்பினை அனுப்பி  8 மாதங்கள் ஆகிவிட்டன. தமிழக அரசு எடுத்த கொள்கை முடிவிற்கு இசைவு மட்டுமே தெரிவிக்க வேண்டிய நிலையில், தாங்கள் சட்டம் நீதி நெறிமுறைகளைப் பின்பற்றாத செயலற்ற தன்மையைக் கடைப்பிடிக்கிறீர்கள் என்பதையறிந்து,  மீண்டும் ஒரு கோரிக்கை மனு அனுப்பினேன். 
ஆனால்,  அதற்கும் பதில் இல்லை. தற்போது தங்களின் கடமையை நிறைவேற்ற எந்த தடையும் இல்லை. தமிழகத்தில் தேர்தலும் முடிந்துவிட்டது. இனியும் தாங்கள் தாமதிப்பது, தங்கள் ஆளுகைக்கு உள்பட்ட அரசின் மனிதாபிமான மற்றும் கொள்கை முடிவினை, அதிகார வரம்பினைக் கேலிக்குரியதாக ஆக்குவதாகும். 
பாதிக்கப்பட்டவன் என்ற முறையில் மீண்டும் நினைவூட்டுகிறேன்.  உங்களின் நிலைப்பாட்டை இந்த மனுவை கண்ட 4 வாரக் காலத்திற்குள் தமிழக அரசுக்கு தெரிவிக்க வேண்டும் என தெரிவித்துள்ளார்.

 
 

]]>
https://www.dinamani.com/all-editions/edition-madurai/madurai/2019/may/15/ராஜீவ்-காந்தி-கொலை-வழக்கு-ஆளுநர்-தனது-நிலைப்பாட்டை-தெரிவிக்கக்-கோரி-ரவிச்சந்திரன்-மனு-3151738.html