Dinamani - ராமநாதபுரம் - https://www.dinamani.com/all-editions/edition-madurai/ramanathapuram/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3235252 மதுரை ராமநாதபுரம் திருவாடானை பகுதியில் கண்மாய்களில் பழுதான மடைகளை சீரமைக்க விவசாயிகள் கோரிக்கை DIN DIN Monday, September 16, 2019 01:17 AM +0530
திருவாடானை பகுதியில் கண்மாய்களில் கழுங்கு பகுதிகள் பல கிராமங்களில் பழுதடைந்து தண்ணீர் வீணாகி வருகிறது. இவற்றை அரசு சிறப்பு நிதி ஒதுக்கி சீரமைத்து தர வேண்டும் என விவசாயிகள் கோரிக்கை விடுத்துள்ளனர்.
ராமநாதபுரம் மாவட்டம், திருவாடானை தாலுகாவில் அதிக அளவில் பெரிய மற்றும் சிறிய பாசன கண்மாய்கள் உள்ளன.  ஆனால், கடந்த 3 ஆண்டுகளாக  ஏற்பட்டுள்ள வறட்சி காரணமாக நெல் விவசாயம் முழுமையாக பாதிக்கப்பட்டுள்ளது. தற்போது பெய்த சிறிய அளவிலான மழையை கொண்டு விவசாயிகள் நேரடி  நெல் விதைப்பில் ஈடுபட்டு வருகின்றனர். இந்த ஆண்டு பருவ மழையை எதிர்நோக்கி வேளாண் பணிகளில் விவசாயிகள் ஈடுபட்டுள்ளனர்.
இந்நிலையில் இப்பகுதியிலுள்ள பெரும்பாலான கண்மாய்களில் மடை மற்றும் கழுங்குகள் பல ஆண்டுகளாக பராமரிக்கப்படாமல் உள்ளன. இதனால் மழை காலங்களில் கண்மாய்களில் போதிய அளவில் நீரை தேக்கி வைக்க முடியவில்லை என விவசாயிகள் கவலை தெரிவித்தனர்.
இதுகுறித்து இப்பகுதி விவசாயிகள் கூறியது:  தற்போது அரசு குடிமராமத்து பணிகள் மூலம் சில கண்மாய்களுக்கு நிதி ஒதுக்கீடு செய்து பணிகள் நடைபெற்று வருகிறது. இப்பகுதியில் பெரிய கண்மாய்களும், 200-க்கு அதிகமான சிறு பாசன கண்மாய்களும் உள்ளன. இந்நிலையில் சுமார் 10 கண்மாய்கள் மட்டும் தேர்வு செய்யப்பட்டு குடிமராமத்து பணிகள் தொடங்கியுள்ளன.
ஆனால் அதிகமான கண்மாய்கள் 20 ஆண்டுகளுக்கு மேலாக தூர் வாரப்படாமல், மடை, கழுங்குகள் பழுது பார்க்கப்படாமல் உள்ளன. இதனால், இவற்றில் தண்ணீர் தேக்குவதில் சிக்கல் உள்ளது. எனவே, பல ஆண்டுகளாக பழுது நீக்கப்படாமல் உள்ள கழுங்கு, மடைகள் உள்ள கண்மாய்களை அரசு கணக்கெடுத்து அவற்றை சீரமைக்க வேண்டும் என்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/16/திருவாடானை-பகுதியில்-கண்மாய்களில்-பழுதான-மடைகளை-சீரமைக்க-விவசாயிகள்-கோரிக்கை-3235252.html
3235251 மதுரை ராமநாதபுரம் கமுதி பகுதியில் சேதமடைந்த மின்கம்பங்களை சீரமைக்கக் கோரிக்கை DIN DIN Monday, September 16, 2019 01:17 AM +0530
கமுதி மற்றும் அதனைச் சுற்றியுள்ள கிராமபுறங்களில் பல ஆண்டுகளாக சேதமடைந்து, சாய்ந்து விழும் நிலையில் உள்ள மின்கம்பங்களை சீரமைக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
கமுதி களஞ்சிய நகர், முத்து மாரியம்மன் நகர், கோரைப்பள்ளம், கிளாமரம், நீராவி, கீழராமநதி, ராமசாமிபட்டி, கூலிபட்டி, முஸ்டக்குறிச்சி, இ.நெடுங்குளம், ஆனையூர், கொல்லங்குளம், பாக்குவெட்டி உள்பட 40-க்கும் அதிகமான கிராம, நகர்புறங்களில் வீடுகளுக்கு அருகே உள்ள மின்கம்பங்கள் உடைந்து விழும் நிலையில் உள்ளன. 
இதனால் சிறு காற்றடித்தாலே மின்கம்பங்கள் அசைந்தாடுகிறது. இதனால் சேதமடைந்த மின்கம்பங்கள் வழியாக மின் பழுதினை சீரமைப்பதில் சிக்கல் ஏற்பட்டு, பல நாள்கள் இருளில் தவிக்கும் கட்டாயம் உருவாகியுள்ளது.  
எனவே சேதமடைந்து, பொதுமக்களை அச்சுறுத்தும்வகையில் உள்ள மின்கம்பங்களை சீரமைக்க மின்வாரியத்தினர் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர். 
 

]]>
https://www.dinamani.com/all-editions/edition-madurai/ramanathapuram/2019/sep/16/கமுதி-பகுதியில்-சேதமடைந்த-மின்கம்பங்களை-சீரமைக்கக்-கோரிக்கை-3235251.html
3235250 மதுரை ராமநாதபுரம் திருவாடானை பகுதிவிவசாயிகளுக்கு உழவு மானியம்: வேளாண் அதிகாரி தகவல் DIN DIN Monday, September 16, 2019 01:17 AM +0530
தேசிய வேளாண் வளர்ச்சித் திட்டத்தின் கீழ், திருவாடானை பகுதி விவசாயிகளுக்கு உழவு மானியம் வழங்கப்பட உள்ளதாக, வேளாண்மை உதவி இயக்குநர் கருப்பையா தெரிவித்துள்ளார்.
      இது குறித்து அவர் வெள்ளிக்கிழமை மேலும் தெரிவித்ததாவது:  திருவாடானை வட்டாரத்தில், தேசிய வேளாண்மை வளர்ச்சித் திட்டத்தின் கீழ், 2019-2020 ஆம் ஆண்டில் உழவு மானியம் 6,500 ஹெக்டேருக்கு இலக்கு நிர்ணயிக்கப்பட்டுள்ளது.
எனவே, 30-9-2019-க்குள் விதைப்புப் பணி முடித்த விவசாயிகளுக்கு, முன்னுரிமை அடிப்படையில் உழவு மானியத் திட்டமானது பதிவு செய்யப்படும்.
இதற்கு தேவையான ஆவணங்களான 10(1) நகல், ஆதார் அட்டை நகல், வங்கி கணக்கு புத்தகம் நகல், புகைப்படம் ஆகியன கொண்டு வரவேண்டும் எனத் தெரிவித்தார். 
திருவாடானை வட்டார வேளாண்மை அலுவலர் வீரக்குமார் தெரிவித்ததாவது: பிரதம மந்திரியின் விவசாயிகளுக்கான ஓய்வூதியத் திட்டத்தின் கீழ், 18 வயது முதல் 40 வயது வரை உள்ள சிறு மற்றும் குறு விவசாயிகள் பதிவு செய்யலாம் எனவும், இத் திட்டத்தில் இணைய ஆதார் அட்டை மற்றும் வங்கிக் கணக்கு நகல் போன்ற ஆவணங்கள் மட்டுமே தேவைப்படும். 
தற்போது, இத்திட்டத்தில் இணைந்த 18 வயது முதல் 40 வயது வரையிலானஅமைப்புசாரா தொழிலாளர்களுக்கு மாத வருமானம் ரூ.15 ஆயிரத்துக்கும் அதிகமாக இருக்கக்கூடாது. இதன் சிறப்பம்சமாக 60 வயதுக்கு பிறகு மாதம் ரூ.3000 கிடைக்கும். 
 மேலும், கணவர் இறக்கும்பட்சத்தில் மனைவிக்கு ரூ.1200 மாதந்தோறும் ஓய்வூதியமாகக் கிடைக்கும். 5 ஆண்டுகளுக்குப் பிறகு இத்திட்டத்தில் தொடர வாய்ப்பில்லை எனில், செலுத்திய தொகை வட்டியுடன் திருப்பிக் கொடுக்கப்படும். 
எனவே, இத் திட்டத்தில் அனைவரும் சேர்ந்து பயன்பெறுமாறு அவர் கேட்டுக்கொண்டார்.
 

]]>
https://www.dinamani.com/all-editions/edition-madurai/ramanathapuram/2019/sep/16/திருவாடானை-பகுதிவிவசாயிகளுக்கு-உழவு-மானியம்-வேளாண்-அதிகாரி-தகவல்-3235250.html
3235248 மதுரை ராமநாதபுரம் ஆர்.எஸ்.மங்கலத்தில் பலத்த மழை:மின்னல் தாக்கி இளைஞர் பலி DIN DIN Monday, September 16, 2019 01:17 AM +0530
 ராமநாதபுரம் மாவட்டம்  ஆர்.எஸ். மங்கலத்தில் சனிக்கிழமை இரவு பெய்த பலத்த மழையின் போது, மின்னல் தாக்கி இளைஞர் உயிரிழந்தார். 
திருவாடானை அருகே ஆர்.எஸ்.மங்கலம் பகுதியான வண்டல், வரவணி, சனவேலி, அடர்ந்தனக்கோட்டை, மங்கலம், தும்படாகோட்டை, சோழந்தூர், திருத்தேர்வலை, கூடலூர், நத்த கோட்டை,செங்குடி உள்ளிட்ட பல்வேறு பகுதிகளில் கடந்த 2 நாள்களாக பலத்த மழை பெய்து வருகிறது. 
இதனால் கண்மாய்கள், குளங்கள்,  வயல்வெளி பகுதியில் தண்ணீர் தேங்கியுள்ளது. இதனால் விவசாயிகளும், பொதுமக்களும் மகிழ்ச்சி அடைந்துள்ளனர்.
இந்நிலையில் சனிக்கிழமை இரவு அடர்ந்தனக்கோட்டை பகுதியில் இடியுடன் கூடிய  பலத்த மழை பெய்தது. அப்போது வயல்வெளியில் இருந்த  மாடுகளை அவிழத்து விடுவதற்காக அதே ஊரைச் சேர்ந்த பிரசாத் (27) என்பவர் சென்றுள்ளார். அவர் மீது மின்னல் தாக்கியதில் சம்பவ இடத்திலேயே உடல் கருகி உயிரிழந்தார். தகவலறிந்த ஆர்.எஸ்.மங்கலம் போலீஸார் சடலத்தை மீட்டு பிரேத பரிசோதனைக்காக திருவாடனை அரசு மருத்துவமனைக்கு அனுப்பி வைத்தனர். இதுகுறித்து போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-madurai/ramanathapuram/2019/sep/16/ஆர்எஸ்மங்கலத்தில்-பலத்த-மழைமின்னல்-தாக்கி-இளைஞர்-பலி-3235248.html
3235247 மதுரை ராமநாதபுரம் தேசிய மக்கள் நீதிமன்றங்களால் நிலுவை வழக்குகள் குறைகின்றன DIN DIN Monday, September 16, 2019 01:17 AM +0530 தேசிய மக்கள் நீதிமன்ற நடவடிக்கையால் நிலுவையில் உள்ள வழக்குகளின் எண்ணிக்கை கணிசமான அளவு குறைந்துள்ளன என்று ராமநாதபுரம் மாவட்ட முதன்மை நீதிபதி ஆர்.சண்முகசுந்தரம் கூறினார். 
ராமநாதபுரம் மாவட்ட சட்டப்பணிகள் ஆணைக்குழு சார்பில் தேசிய மக்கள் நீதிமன்றம் (லோக் அதாலத்) சனிக்கிழமை காலை நடைபெற்றது. 
மாவட்ட நீதிமன்ற வளாகத்தில் நடந்த நிகழ்ச்சியைத் தொடக்கி வைத்து மாவட்ட முதன்மை நீதிபதி ஆர்.சண்முகசுந்தரம் பேசியது: ராமநாதபுரம் மாவட்டத்தில் 3 ஆவது முறையாக நடைபெறும் மக்கள் நீதிமன்றத்தில் 14 அமர்வுகள் மூலம் 2,079 வழக்குகள் விசாரிக்கப்பட்டன. அதில் வெள்ளிக்கிழமை மாலை வரையில்1,217 வழக்குகளுக்குத் தீர்வுகள் எட்டப்பட்டுள்ளன. அதன்படி ரூ.4.34 கோடிக்கு தீர்வு காணப்பட்டு பயனாளிகளுக்கு வழங்கப்பட்டுள்ளன. 
 மக்கள் நீதிமன்றத்தில் இருதரப்பினருக்கும் சாதகமான நிலையே ஏற்படும். இதில் யாரும் மேல்முறையீடு செய்ய வாய்ப்பில்லை. கடந்த முறை நடந்த மக்கள் நீதிமன்றத்தினை விட தற்போது கூடுதலான வழக்குகளுக்கு தீர்வு எட்டப்பட்டுள்ளன. 
ஆகவே நிலுவையில் உள்ள வழக்குகள் கணிசமாகக் குறைந்துள்ளன என்றார். 
முன்னதாக் மாவட்ட சட்டப்பணிகள் ஆணைக்குழு செயலரும், சார்பு நீதிபதியுமான ப்ரீத்தா வரவேற்றார். மாவட்ட வழக்குரைஞர்கள் சங்கத் தலைவர் ரவிச்சந்திரராமவன்னி, செயலர் நம்புநாயகம் உள்ளிட்டோர் கலந்துகொண்டனர். 
 ராமநாதபுரம் மாவட்டத்தில் தேசிய மக்கள் நீதிமன்றம் கடந்த மார்ச் 9 ஆம் தேதி நடந்தபோது 879 வழக்குகளுக்கு தீர்வு காணப்பட்டுள்ளது. அதன்படி ரூ.4.8 கோடி மதிப்புக்கு தீர்வு எட்டப்பட்டுள்ளது. கடந்த ஜூன் 13 ஆம் தேதி நடந்த மக்கள் நீதிமன்றத்தில் 1,634 வழக்குகளுக்குத் தீர்வு எட்டப்பட்டது. அதன்படி ரூ.3.12 கோடிக்கு தீர்வு காணப்பட்டுள்ளது என மாவட்ட சட்டப்பணிகள் ஆணைக்குழு சார்பில் கூறப்பட்டது.

]]>
https://www.dinamani.com/all-editions/edition-madurai/ramanathapuram/2019/sep/16/தேசிய-மக்கள்-நீதிமன்றங்களால்-நிலுவை-வழக்குகள்-குறைகின்றன-3235247.html
3235246 மதுரை ராமநாதபுரம் துணை சுகாதார நிலைய செவிலியரை தாக்கி பலாத்காரம் செய்ய முயற்சி DIN DIN Monday, September 16, 2019 01:16 AM +0530
திருவாடானை அருகே  அரசு துணை சுகாதார நிலைய செவிலியரை தாக்கி இளைஞர் பாலியல் பலாத்காரம் செய்ய முயன்றதாக போலீஸார் வெள்ளிக்கிழமை வழக்குப் பதிந்தனர்.
திருவாடானை அருகே அரசூர் அரசு துணை சுகாதார நிலையத்தில் செவிலியராக திருப்பூர் அவிநாசி எஸ்வி காலனியை சேர்ந்த லூர்து சேவியர் மனைவி ஜெனிட்டா மேரி (30) என்பவர் பணிபுரிந்து வருகிறார். இவர் வெள்ளிக்கிழமை வீட்டில் தனியாக இருந்தார். அப்போது அதே பகுதியை சேர்ந்த இளைஞர் ஒருவர் சுவர் ஏறி குதித்து உள்ளே நுழைந்துள்ளார். தனக்கு காலில் அடிபட்டு உள்ளதாக கூறி சிகிச்சைக்காக வந்ததாகக் கூறினாராம். மேலும் அவர் மது போதையில் இருந்ததாகவும் கூறப்படுகிறது.
இதையடுத்து அவரை திருவாடானை அரசு மருத்துவமனைக்குச் சிகிச்சை பெற செல்லுமாறு ஜெனிட்டாமேரி கூறியதாகத் தெரிகிறது. ஆனால் அந்த இளைஞர் ஜெனிட்டாமேரியை பலாத்காரம் செய்ய முயன்றதாகக் கூறப்படுகிறது. மேலும் ஜெனிட்டாமேரியின் செல்லிடப்பேசியையும் பறித்துக் கொண்டு தப்பிச் சென்றதாக ஜெனிட்டாமேரி அளித்த புகாரின் பேரில் திருவாடானை போலீஸார் வழக்குப் பதிந்து விசாரணை நடத்தினர்.
விசாரணையில், அந்த இளைஞர்,  அதே பகுதியை சேர்ந்த காளியம்மாள் மகன் பிரசாத் (26) என்பது தெரியவந்தது. இதைத் தொடர்ந்து தலைமறைவான இளைஞரை போலீஸார் தேடி வருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/16/துணை-சுகாதார-நிலைய-செவிலியரை-தாக்கி-பலாத்காரம்-செய்ய-முயற்சி-3235246.html
3235245 மதுரை ராமநாதபுரம் மண்டபம் விவசாயிகளுக்கு சிறு தானிய விதைகள் வழங்கல் DIN DIN Monday, September 16, 2019 01:16 AM +0530
மண்டபத்தை சேர்ந்த மூன்று கிராமங்களில் உள்ள விவசாயிகளுக்கு வேளாண்மைத்துறை சார்பில் சிறு தானிய விதைகள் சனிக்கிழமை வழங்கப்பட்டன. 
ராமநாதபுரம் மாவட்டம் உச்சிப்புளி வட்டாரத்தில்  ஊராட்சி ஒன்றியத்திற்கு உள்பட்ட ராமன்வலசை, மூப்பன்வலசை, எம்.பி.கே.வலசை, வடக்குவலசை கிராமங்களைச் சேர்ந்த விவசாயிகளுக்கு நெற்பயிருக்கு மாற்றுப் பயிராக சிறுதானியங்கள் சாகுபடி செய்வது குறித்து விழிப்புணர்வு முகாம் சனிக்கிழமை உச்சிப்புளியில் நடைபெற்றது. 
இம்முகாமுக்கு உச்சிப்புளி வட்டார வேளாண்மை உதவி இயக்குநர் பி.ஜி.நாகராஜன் தலைமை வகித்து பேசியது: மண்டபம் வட்டாரத்தில்  2,000 ஹெக்டர் பரப்பளவில் நெற்பயிர் சாகுபடி செய்யப்படுகிறது. இதில் நடப்பாண்டில் சுமார் 400 ஹெக்டர் பரப்பளவில் நெற்பயிருக்கு பதிலாக சிறு தானியங்களான திணை, சாமை, குதிரைவாலி, கேழ்வரகு, பனிவரகு, ஆகியவற்றை சாகுபடி செய்வது என திட்டமிடப்பட்டுள்ளது.  
மேலும் சிறுதானியங்கள் வறட்சியைத் தாங்கி வளரக்கூடியது.  பூச்சி மற்றும் நோய் தாக்குதலை எதிர்த்து வளரக்கூடியது. அதிக நார்சத்துடையது. எனவே விவசாயிகள் தாங்கள் நெல் சாகுபடி செய்யும் நிலங்களில் குறைந்த பட்சம் 1 ஏக்கரில் மாற்றுப்பயிராக சிறுதானியங்கள் சாகுபடி செய்ய வேண்டும்  என்றார். 
இம்முகாமில் கலந்து கொண்ட விவசாயிகளுக்கு  1 ஏக்கரில் சாகுபடி செய்வதற்கு தேவையான ஜி.பி.யு-48 சான்று ரக  கேழ்வரகு விதைகளை வழங்கினார். தரிசு நிலங்களில் சிறுதானியங்கள் சாகுபடி செய்யும் விவசாயிகளுக்கு இத்திட்டத்தின் கீழ் முன்னுரிமை வழங்கப்படும். 
மேலும், இம்மாத இறுதிக்குள் நேரடி நெல் விதைப்பு மூலம் நெல் சாகுபடி செய்யும் விவசாயிகளுக்கு ஏக்கருக்கு ரூ.600 மானியம் வழங்கப்படும். மேலும் விவரங்களுக்கு வேளாண்மை விரிவாக்க மையம், உச்சிப்புளியை 
அணுகி பயன்பெறலாம் என வேளாண்மை உதவி இயக்குநர் கேட்டுக் கொண்டார். இதில் வேளாண்மைத்துறை அலுவலர்கள் பங்கேற்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/16/மண்டபம்-விவசாயிகளுக்கு-சிறு-தானிய-விதைகள்-வழங்கல்-3235245.html
3235244 மதுரை ராமநாதபுரம் கமுதியில் பலத்த மழை DIN DIN Monday, September 16, 2019 01:16 AM +0530 கமுதியில் ஞாயிற்றுக்கிழமை சுமார் 2 மணி நேரம் பலத்த மழை பெய்ததால் விவசாயிகள் மகிழ்ச்சியடைந்துள்ளனர். 
கமுதி மற்றும் அதனை சுற்றியுள்ள கிராமங்களில் ஞாயிற்றுக்கிழமை திடீரென கருமேகங்கள் சூழ்ந்தன.அதைத் தொடர்ந்து பலத்த மழை பெய்யத் தொடங்கியது. பிற்பகல் 2 மணிக்கு தொடங்கிய இம் மழை மாலை 4 மணி வரை பலமாகக் கொட்டியது. இதனால் சாலையோரங்களில் மழைநீர் பெருக்கெடுத்து ஓடியது. தரை குளிர்ந்து, நிலத்தடி நீர் அதிகரிப்பதுடன், வேளாண் பணிகளை மேற் கொள்ள வாய்ப்பாக இந்த மழை பெய்துள்ளதாக கமுதி விவசாயிகள் மகிழ்ச்சி தெரிவித்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/16/கமுதியில்-பலத்த-மழை-3235244.html
3235243 மதுரை ராமநாதபுரம் முதுகுளத்தூரில் விளம்பரப் பதாகைகள் அகற்றம் DIN DIN Monday, September 16, 2019 01:16 AM +0530
முதுகுளத்தூரில்  அனும தியின்றி வைக்கப்பட்டிருந்த  விளம்பரப் பதாகைகளை போலீஸார் ஞாயிற்றுக்கிழமை அகற்றினர்.
ராமநாதபுரம் மாவட்ட ஆட்சியர் கொ.வீரராகவராவ் அனுமதியின்றி வைக்கப்பட்ட விளம்பரப் பதாகைகளை அகற்ற உத்தரவிட்டார். இதனையடுத்து முதுகுளத்தூர் காவல்துறை துணை கண்காணிப்பாளர் தி.ராஜேஷ் உத்தரவின் பேரில் சார்பு-ஆய்வாளர் சக்திவேல் தலைமையிலான 10-க்கும் மேற்பட்ட போலீஸார் கடலாடி விலக்கு சாலையில் இருந்து சாலையோரங்களில் பொதுமக்களுக்கும், போக்குவரத்திற்கும் இடையூறாக இருந்த விளம்பரப் பதாகைகளையும், போஸ்டர்களையும் அகற்றினர்.
 

]]>
https://www.dinamani.com/all-editions/edition-madurai/ramanathapuram/2019/sep/16/முதுகுளத்தூரில்-விளம்பரப்-பதாகைகள்-அகற்றம்-3235243.html
3235242 மதுரை ராமநாதபுரம் ராமநாதபுரத்தில் பெண்கள் விழிப்புணர்வு கார் பேரணி DIN DIN Monday, September 16, 2019 01:16 AM +0530
ராமநாதபுரம் இன்னர் வீல் சங்கம் சார்பில் அனாதை இல்லா இந்தியாவை உருவாக்குவோம் என்பதை வலியுறுத்தி  பெண்கள் பங்கேற்ற கார் விழிப்புணர்வு பேரணி ஞாயிற்றுக்கிழமை நடைபெற்றது.
சர்வதேச சுழற் சங்கத்தின் மகளிர் அமைப்பான இன்னர் வீல் சங்கம் சார்பில் ராமநாதபுரத்தில் அனாதை இல்லா இந்தியாவை உருவாக்குவோம், பெண்மையை போற்றுவோம், முதியோரை காப்போம் என்பதை மக்களிடையே விழிப்புணர்வு  ஏற்படுத்தும் விதமாக பெண்கள் பங்கேற்ற கார் பேரணியை மாவட்ட ஆட்சியர் கொ.வீரராகவ ராவ் தொடங்கி வைத்தார். இன்னர் வீல் சங்க மாவட்டத் தலைவர்  லட்சுமிவர்த்தினி ராஜேஸ்வரன் தலைமை வகித்தார். தலைவர்  கவிதா செந்தில் குமார் முன்னிலை வகித்தார்.  செயலாளர் கிருத்திக் ரகுநாத் வரவேற்றார். 
ராமநாதபுரம் அரண்மனை பகுதியில் தொடங்கிய விழிப்புணர்வு பேரணி பாம்பன் பாலம், தங்கச்சிமடம் , ராமேசுவரம் வழியாக தனுஷ்கோடி சென்றது. அங்கு பொது மக்களிடம்  விழிப்புணர்வு வாசகங்கள் அடங்கிய  துண்டு பிரசுரங்களை வழங்கினர். 
இதில் மருத்துவர்கள் மதுரம் அரவிந்தராஜ், கனகபிரியா பால்ராஜ், கவிதா லோகநாதன்,  கீதா ரமேஷ், பிரதா சிவகுமார், செல்விநாகரத்தினம் , சகீலா ரஜினி மற்றும் பலர் கலந்து கொண்டனர்.

]]>
https://www.dinamani.com/all-editions/edition-madurai/ramanathapuram/2019/sep/16/ராமநாதபுரத்தில்-பெண்கள்-விழிப்புணர்வு-கார்-பேரணி-3235242.html
3235240 மதுரை ராமநாதபுரம் பாம்பனில் மீனவர்களுக்கு முதலுதவி சிகிச்சை பயிற்சி DIN DIN Monday, September 16, 2019 01:15 AM +0530
ராமநாதபுரம் மாவட்டம்  பாம்பன் பகுதியில் மீனவர்கள் கடலில் பேரிடர் மீட்பு நடவடிக்கை மேற்கொள்வது குறித்து முதலுதவி பயிற்சி சனிக்கிழமை அளிக்கப்பட்டது. 
ராமேசுவரம் அடுத்துள்ள பாம்பன் மீனவ கிராமத்தில் கடல் ஓசை வானொலி நிர்வாகம் சார்பில்  மீனவர்களுக்கு பயனளிக்கும் வகையில் முதலுதவி விழிப்புணர்வு முகாம்  நடைபெற்றது.  அப்போது மீனவர்களுக்கு, கடலில் திடீரென ஏற்படும் இயற்கை இடர்பாடுகளால் பாதிப்பு ஏற்படும் போது உயிரை பாதுகாப்பது குறித்த முதுலுதவி பயிற்சி அளிக்கப்பட்டது.  
இதில் ஒருங்கிணைந்த பேரிடர் மேலாண்மை மையம் ஐ.சி.டி.எம் சார்பாக ஜாஸ்மின், சத்யபிரியா, பாம்பன் சிக்கந்தர் ஆகியோர்  மீனவர்களுக்கு விளக்கம் அளித்தனர். இந்தியன் ரெட் கிராஸ் முதலுதவி பயிற்சியாளர் அலெக்ஸ் மீனவர்களுக்கு பயிற்சியளித்தார். இந்நிகழ்ச்சியில் இந்தியன் ரெட் கிராஸ் மாவட்ட செயலாளர் ராக்லண்ட் மதுரம், கடலோரக் காவல்படை போலீஸ் சார்பு-ஆய்வாளர்கள் கணேசமூர்த்தி, கருப்பசாமி ஆகியோர் கலந்து கொண்டனர்.

]]>
https://www.dinamani.com/all-editions/edition-madurai/ramanathapuram/2019/sep/16/பாம்பனில்-மீனவர்களுக்கு-முதலுதவி-சிகிச்சை-பயிற்சி-3235240.html
3235239 மதுரை ராமநாதபுரம் இமானுவேல் சேகரன் நினைவு தினத்தில் விதி மீறல்: 6 பேர் மீது வழக்குப் பதிவு DIN DIN Monday, September 16, 2019 01:15 AM +0530
இமானுவேல் நினைவு தினத்தில் அரசு விதிமுறைகளை மீறியதாக முதுகுளத்தூர் அருகே வீரம்பல் கிராமத்தைச் சேர்ந்த 6 பேர் மீது இளஞ்செம்பூர் மற்றும் முதுகுளத்தூர் போலீஸார் வழக்குப் பதிவு செய்துள்ளனர்.
ராமநாதபுரம் மாவட்டம் முதுகுளத்தூர் அருகே வீரம்பல் கிராமத்தைச் சேர்ந்தவர்கள் செப்டம்பர் 11 ஆம் தேதி  இமானுவேல் சேகரன் நினைவு தினத்தன்று பரமக்குடியில் அஞ்சலி செலுத்தச் சென்றனர். அப்போது வீரம்பல் கிராமத்தில் ஜாதி தலைவர்களின் பதாகைகள் அமைத்தும்,  முதுகுளத்தூர் பேருந்து நிலையத்தில் பட்டாசு வெடித்தும், 144 தடை உத்தரவை மீறி போக்குவரத்திற்கும் பொதுமக்களுக்கும் இடையூறு ஏற்படுத்தியதாக  முதுகுளத்தூர் வட்டாட்சியர்  ஜெயக்குமார்  புகார் தெரிவித்துள்ளார். அதன் பேரில் வீரம்பல் கிராமத்தைச் சேர்ந்த ஞானஒளி, மெர்லின், ஜெய்சிங், கிளிண்டன், அலெக்ஸ், விமலா ஆகிய 6 பேர் உள்பட மற்றும் பலர் மீது இளஞ்செம்பூர் மற்றும் முதுகுளத்தூர் காவல் நிலையங்களில் வழக்குப்பதிவு செய்தனர்.

]]>
https://www.dinamani.com/all-editions/edition-madurai/ramanathapuram/2019/sep/16/இமானுவேல்-சேகரன்-நினைவு-தினத்தில்-விதி-மீறல்-6-பேர்-மீது-வழக்குப்-பதிவு-3235239.html
3234917 மதுரை ராமநாதபுரம் ராமநாதபுரம் அருகே பெண்ணின் நகை மாயம் DIN DIN Sunday, September 15, 2019 04:31 AM +0530
ராமநாதபுரம் அருகே பெண் அணிந்த 7 பவுன் நகையை காணவில்லை என போலீஸார் வெள்ளிக்கிழமை வழக்குப்பதிந்தனர். 
ராமநாதபுரம் அருகேயுள்ள வாலாந்தரவை மாரியம்மன் கோயில் தெருவைச் சேர்ந்தவர் கோவிந்தன். இவரது மனைவி அன்னமயில் (65). 
இவர் கடந்த 11 ஆம் தேதி (புதன்கிழமை) அதே பகுதியில் உள்ள எஸ்ஓசி நிறுவனம் அருகே மாரியம்மன் கோயில் பகுதிக்கு சென்றார். இந்நிலையில், அவர் அணிந்திருந்த 7 பவுன் 
தங்கச் சங்கிலியைக் காணவில்லையாம். 
இதுகுறித்து அவர் கேணிக்கரை போலீஸில் வெள்ளிக்கிழமை அளித்த புகாரின் பேரில் விசாரணை நடத்திவருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/ராமநாதபுரம்-அருகே-பெண்ணின்-நகை-மாயம்-3234917.html
3234916 மதுரை ராமநாதபுரம் திருவாடானை அருகேவேளாண்மை கூட்டுறவு சங்க செயலாளருக்கு அரிவாள் வெட்டு DIN DIN Sunday, September 15, 2019 04:31 AM +0530
திருவாடனை அருகே கண்மாய் தூர் வாரும் பணியில் வெள்ளிக்கிழமை ஏற்பட்ட தகராறில் தொடக்க வேளாண்மை கூட்டுறவு சங்கச் செயலாளருக்கு அரிவாள் வெட்டு விழுந்தது.
திருவாடானை அருகே சேனவயல்  கிராமத்தில் குடிமராமத்து திட்டத்தின் கீழ் கண்மாய் தூர்வாரும் பணி நடைபெற்று வருகிறது. கண்மாயில் உள்ள கருவேல மரங்களை கிராம மக்கள் பொக்லைன் இயந்திரங்கள் மூலம் அகற்றி வந்தனர். அப்போது அதே கிராமத்தை சேர்ந்த சேகர் என்பவர் தன்னுடைய நிலத்தில் உள்ள கருவேல மரங்களை அகற்றக் கூடாது என்று எதிர்ப்பு தெரிவித்துள்ளார்.
இதில் கிராமத்தினருக்கும் சேகருக்கும் தகராறு ஏற்பட்டுள்ளது. இதனை கண்டித்த எட்டுக்குடி தொடக்க வேளாண்மை கூட்டுறவு சங்கச் செயலாளரான அதே கிராமத்தைச் சேர்ந்த மணி முத்து (57) என்பவருக்கும் சேகருக்கும்  வெள்ளிக்கிழமை மாலை தகராறு ஏற்பட்டுள்ளது. 
இதில் சேகர் அரிவாளால் மணிமுத்துவை வெட்டியதாகக் கூறப்படுகிறது. இதில் பலத்த காயமடைந்த மணிமுத்து திருவாடானை அரசு மருத்துவமனையில் சிகிச்சை 
பெற்று,  மேல் சிகிச்சைக்காக மதுரையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார்.
இதுகுறித்து தொண்டி போலீஸார் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/திருவாடானை-அருகேவேளாண்மை-கூட்டுறவு-சங்க-செயலாளருக்கு-அரிவாள்-வெட்டு-3234916.html
3234915 மதுரை ராமநாதபுரம் ராமநாதபுரத்தில் இன்று பாரதியார் பிறந்த நாள் விழா DIN DIN Sunday, September 15, 2019 04:30 AM +0530
ராமநாதபுரம் தமிழ்ச்சங்கம் சார்பில் மகாகவி பாரதியார் பிறந்த நாள் விழா ஞாயிற்றுக்கிழமை (செப்.15) காலை நடைபெறுகிறது.
தமிழ்ச்சங்கத்தில் உள்ள அரவிந்த அரங்கத்தில் நடைபெறும் நிகழ்ச்சிக்கு சங்கச் செயலர் டாக்டர் பொ.சந்திரசேகரன் தலைமை வகிக்கிறார். பாரதியார் யார் எனும் தலைப்பில் சென்னையைச் சேர்ந்த இரமணன் சிறப்புரையாற்றுகிறார்.  பஞ்சபூதங்களில் பாரதி எனும் தலைப்பில் தமிழ்ச்சங்க உறுப்பினர்கள் பங்கேற்கும் பாட்டரங்கம் நடைபெறுகிறது. 
பின்னர் நமக்குள்ளே பாரதி எனும் தலைப்பில் கவியரங்கம் நடைபெறுகிறது. 
மூத்த வழக்குரைஞர் மு.ராமசாமி சிறப்பு விருந்தினர்களை அறிமுகப்படுத்தி பேசுகிறார். பின்னர் பாரதியின் படத்தை மதுரம் அரவிந்தராஜ் திறந்து வைக்கிறார். அதன்பின்னர் பாரதியார் விழாவை முன்னிட்டு நடத்தப்பட்ட போட்டிகளில் வெற்றி பெற்ற மாணவ, மாணவியருக்கு பரிசுகள் வழங்கப்படுகின்றன. 
தமிழ்ச் சங்க துணைத் தலைவர் கு.விவேகானந்தன் நன்றி கூறுகிறார். நிகழ்ச்சியை ஜெயராமன் ஒருங்கிணைக்கிறார்.
 

]]>
https://www.dinamani.com/all-editions/edition-madurai/ramanathapuram/2019/sep/15/ராமநாதபுரத்தில்-இன்று-பாரதியார்-பிறந்த-நாள்-விழா-3234915.html
3234914 மதுரை ராமநாதபுரம் நகராட்சி எல்லையில் பதாகை வைத்தால் சட்டரீதியாக நடவடிக்கை எடுக்கப்படும்: ஆணையர் எச்சரிக்கை DIN DIN Sunday, September 15, 2019 04:30 AM +0530
ராமநாதபுரம் சிறப்பு நிலை நகராட்சியில் பதாகைகள் (பேனர்கள்) வைத்தால் காவல்துறையில் புகார் அளித்து சட்டப்படியான நடவடிக்கை எடுக்கப்படும் என ஆணையர் பி.விஸ்வநாதன் எச்சரித்துள்ளார்.
அவர் செய்தியாளர்களிடம் சனிக்கிழமை கூறியது: 
மாவட்ட ஆட்சியர் உத்தரவின்படி நகராட்சியில் உள்ள அனைத்து விளம்பரப் பதாகைகளும் அகற்றப்பட்டுள்ளன. நகராட்சி எல்லைக்குள் மாவட்ட நிர்வாகத்தின் அனுமதியின்றி விளம்பரம் மற்றும் இல்ல விழாக்களுக்கான பதாகைகளை  வைக்கக் கூடாது. விதியை மீறி யாராவது விளம்பரப் பதாகை வைத்தால் காவல்துறையில் புகார் அளித்து நடவடிக்கை எடுக்கப்படும்.
கடந்த சில நாள்களுக்கு முன்பு நகராட்சி பகுதியில் விளம்பரப் பதாகை வைத்திருந்தது கண்டறியப்பட்டு ஆட்சியர் உத்தரவின்படி அகற்றப்பட்டுள்ளன. ஆகவே விளம்பரப் பதாகை வைப்பதை தொடர்ந்து கண்காணித்து வருகிறோம். 
 மாவட்ட அரசு தலைமை மருத்துவமனையில் உயர்கோபுர மின்விளக்குகள் எரியாதது குறித்து விசாரித்து நடவடிக்கை எடுக்கப்படும். நகராட்சி மின்விளக்கு கோபுரம் அமைத்திருந்தாலும் மருத்துவமனை நிர்வாகம் பராமரிக்கலாம். 
 சமீபத்தில் பெய்த மழையால் நகரில் சில இடங்களில் தண்ணீர் தேங்கியுள்ளது. அவற்றை அகற்றுவதற்கான நடவடிக்கை எடுக்கப்பட்டுவருகிறது. அதேபோல பாதாள சாக்கடை கசிவுகள் இருந்தால் உடனடி நடவடிக்கை எடுக்கவும் பொறியாளர் பிரிவினருக்கு உத்தரவிடப்பட்டுள்ளது என்றார். 

]]>
https://www.dinamani.com/all-editions/edition-madurai/ramanathapuram/2019/sep/15/நகராட்சி-எல்லையில்-பதாகை-வைத்தால்-சட்டரீதியாக-நடவடிக்கை-எடுக்கப்படும்-ஆணையர்-எச்சரிக்கை-3234914.html
3234913 மதுரை ராமநாதபுரம் பார்த்திபனூரில் 939 பயனாளிகளுக்கு ரூ.10.58 கோடியில் நலத்திட்ட உதவிகள் வழங்கல் DIN DIN Sunday, September 15, 2019 04:30 AM +0530
ராமநாதபுரம் மாவட்டம் பார்த்திபனூர் தனியார் மண்டபத்தில் கூட்டுறவுத் துறை சார்பில் சனிக்கிழமை நடைபெற்ற விழாவில் 939 பயனாளிகளுக்கு ரூ .10.58 கோடி நலத் திட்ட உதவிகளை கூட்டுறவுத் துறை அமைச்சர் செல்லூர் கே.ராஜு வழங்கினார். 
ராமநாதபுரம் மாவட்ட நுகர்வோர் கூட்டுறவு மொத்த விற்பனை பண்டகசாலையின் பல்பொருள் விற்பனை அங்காடி, சவேரியார்பட்டினம் மற்றும் மேல்மங்களம் தொடக்க வேளாண்மை கூட்டுறவு சங்கங்களின் சொந்த அலுவலக கட்டடங்கள் மற்றும் 14 அம்மா சிறு கூட்டுறவு சிறப்பங்காடிகள் திறக்கும் நிகழ்ச்சி பார்த்திபனூரில் நடைபெற்றது. 
இந்நிகழ்ச்சிக்கு மாவட்ட ஆட்சியர் கொ.வீரராகவராவ் தலைமை வகித்தார். மாவட்ட மத்திய கூட்டுறவு வங்கித் தலைவர் எம்.ஏ.முனியசாமி, பரமக்குடி பிசிஎம்எஸ். தலைவர் எம்.கே.ஜமால் ஆகியோர் முன்னிலை வகித்தனர். 
 விழாவில் கூட்டுறவுத் துறை அமைச்சர் செல்லூர் கே.ராஜூ கலந்து கொண்டு பயனாளிகளுக்கு நலத் திட்ட உதவிகளை வழங்கி பேசியது: 
மாநிலம் முழுவதும் திறக்கப்பட்டுள்ள 103 அம்மா சிறு கூட்டுறவு சிறப்பங்காடிகள் மக்களின் வரவேற்பை பெற்றுள்ளது. இதனை விரிவுபடுத்தும் விதமாக,  2-வது கட்டமாக 582 அம்மா சிறு கூட்டுறவு சிறப்பங்காடிகள் ரூ 5.82 கோடி மதிப்பீட்டில் தொடங்கப்படும் என அறிவிக்கப்பட்டது. 
இதில், 64 அம்மா சிறு கூட்டுறவு சிறப்பங்காடிகள் திறக்கப்பட்டுள்ளன. ராமநாதபுரம் மாவட்டத்தில் இதன் மூலம் ரூ.4 லட்சம் அளவிற்கு விற்பனை செய்யப்பட்டுள்ளது. 
சிறப்பங்காடிகள் மூலம் வீட்டுக்கு தேவையான 300 வகையான பொருள்கள் அதிக பட்ச சில்லறை விலையிலிருந்து 5 சதவீதம் வரை குறைந்த விலையில் விற்பனை செய்யப்படும். 
 மாவட்ட மத்திய கூட்டுறவு வங்கியின் மூலம் கேசிசி பயிர்க் கடன் 60 நபர்களுக்கு ரூ .30 லட்சம், 100 மகளிர் சுய உதவிக் குழுக்களுக்கு ரூ .441 லட்சம் கடன், மத்திய காலக் கடன் 115 நபர்களுக்கு ரூ .108 லட்சம், மாற்றுத் திறனாளி கடன் 51 நபர்களுக்கு ரூ. 22 லட்சம், வீட்டு வசதிக் கடன், வீட்டு அடமானக் கடன் 31 நபர்களுக்கு ரூ .132 லட்சம் என 3,176 நபர்களுக்கு ரூ. 1,434 லட்சம் அளவிற்கு கடன்களும் வழங்கப்பட்டுள்ளன என்றார். 
முன்னதாக கூட்டுறவு சங்கங்களின் பதிவாளர் கு.கோவிந்தராஜ் வரவேற்றார். விழாவில் கூட்டுறவுத் துறை அலுவலர்கள், பயனாளிகள் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பார்த்திபனூரில்-939-பயனாளிகளுக்கு-ரூ1058-கோடியில்-நலத்திட்ட-உதவிகள்-வழங்கல்-3234913.html
3234912 மதுரை ராமநாதபுரம் முதுகுளத்தூரில் திமுகவினர் உறுப்பினர் சேர்க்கை DIN DIN Sunday, September 15, 2019 04:29 AM +0530
முதுகுளத்தூரில் திமுக இளைஞரணி சார்பில் புதிய உறுப்பினர் சேர்க்கை விண்ணப்ப படிவம் சனிக்கிழமை வழங்கப்பட்டது.
முதுகுளத்தூரில் திமுக ஒன்றிய இளைஞரணி  சார்பில் செப்டம்பர் 14 முதல் உறுப்பினர்  சேர்க்கை விண்ணப்ப படிவம்  வழங்கும் பணி தொடங்கப்பட்டுள்ளது. முதுகுளத்தூர் ஒன்றியத்திற்குள்பட்ட பகுதியில் ஒவ்வொரு  கிராமத்திற்கும் சென்று விண்ணப்ப படிவங்களை வழங்கி புதிய உறுப்பினர்களை திமுகவில் சேர்க்கும் பணி நடைபெற்று வருகிறது.
இதில், முதுகுளத்தூர் முன்னாள் ஒன்றியச் செயலாளர் முனியசாமி தலைமையில் பேரூர் செயலாளர் ஷாஜகான், அவைத் தலைவர்  ராமச்சந்திரன், ஒன்றிய இளைஞரணி அமைப்பாளர் மு.ஆறுமுகம், உதயநிதிஸ்டாலின் நற்பணி மன்ற மாவட்ட த் தலைவர்   ஹரிமுத்துராமலிங்கம், மாவட்ட தொண்டரணி  அமைப்பாளர் தூவல்  அழகர் உள்ளிட்டோர்  விண்ணப்பங்களை வழங்கி  வருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/முதுகுளத்தூரில்-திமுகவினர்-உறுப்பினர்-சேர்க்கை-3234912.html
3234911 மதுரை ராமநாதபுரம் நுரையீரல், மூச்சுக் குழாய் பாதிப்புக்கு அதிநவீன சிகிச்சை அறிமுகம்: மதுரை அப்போலோ மருத்துவர் தகவல் DIN DIN Sunday, September 15, 2019 04:29 AM +0530
நுரையீரல் மற்றும் மூச்சுக்குழாய் சிகிச்சையில் அதிநவீன முறை அறிமுகப்படுத்தப்பட்டுள்ளதாக, மதுரை அப்போலோ மருத்துவமனையின் நுரையீரல் சிகிச்சைப் பிரிவு மருத்துவர் ஹரிகிருஷ்ணன் தெரிவித்தார்.
  இது குறித்து அவர் ராமநாதபுரத்தில் வெள்ளிக்கிழமை செய்தியாளர்களிடம் கூறியதாவது: 
சென்னை, கோவையை அடுத்து மதுரையில் நுரையீரல் பாதிப்பு மற்றும் மூச்சுக்குழாய் சிகிச்சையில் அதி நவீன முறை செயல்படுத்தப்பட்டுள்ளது. ஆனால், இது குறித்து மக்களிடையே விழிப்புணர்வு இல்லை. எனவே, மதுரை அப்போலோ மருத்துவமனை சார்பில், ராமநாதபுரம் பகுதியில் உள்ள தனியார் மருத்துவமனைகளுடன் இணைந்து மூச்சுக்குழாய் சிகிச்சையில் நவீன முறை குறித்து விழிப்புணர்வை ஏற்படுத்துவதுடன், குறைந்த செலவில் சிகிச்சை அளிக்கவும் திட்டமிட்டுள்ளோம்.
பெரும்பாலும் விபத்தில் தலையில் காயமடைந்து சிகிச்சை பெறுவோர், அடுத்ததாக மூச்சுக்குழாய் பாதிப்புக்கு உள்ளாவது தவிர்க்க முடியாததாகிறது. அப்படிப்பட்ட சூழலில் சுருங்கிவிட்ட மூச்சுக்குழாயை அறுவைச் சிகிச்சை மூலம் சீர்படுத்துவது ஆபத்தானது. எனவே, தற்போது சுருங்கிய மூச்சுக்குழாயை விரிவடையச் செய்யும் வகையில் பலூன் அமைப்பை பொருத்தவும், குறிப்பிட்ட இடத்தில் ஸ்டென்ட் பொருத்தி சீரமைக்கும் முறையும் உள்ளது. குறைந்த செலவில் பாதிப்பின்றி இந்த சிகிச்சை அளிக்கப்படுகிறது. 
அதேபோல், சுருங்கிய மூச்சுக்குழாயை காற்றேற்றல் முறையிலும், அதில் படிந்த சிறுமணிகளை எளிதில் அகற்றும் சிகிச்சையும் அறிமுகப்படுத்தப்பட்டுள்ளது என்றார்.
 

]]>
https://www.dinamani.com/all-editions/edition-madurai/ramanathapuram/2019/sep/15/நுரையீரல்-மூச்சுக்-குழாய்-பாதிப்புக்கு-அதிநவீன-சிகிச்சை-அறிமுகம்-மதுரை-அப்போலோ-மருத்துவர்-தகவல்-3234911.html
3234910 மதுரை ராமநாதபுரம் பரமக்குடியில் இரு சக்கர வாகனங்களை நிறுத்துவதால் போக்குவரத்து நெரிசல் DIN DIN Sunday, September 15, 2019 04:29 AM +0530
பரமக்குடி நகரில் முக்கிய கடைவீதிகளில் இருசக்கர வாகனங்களை நிறுத்தி வைப்பதால் போக்குவரத்து நெரிசல் ஏற்பட்டு பொதுமக்கள் பெரும் அவதிக்குள்ளாகி வருகின்றனர்.  
பரமக்குடி நகரில் காந்திசிலை, பெரிய கடை வீதி, சின்னக்கடைத் தெரு, உழவர் சந்தை, குத்துக்கல் தெரு உள்ளிட்ட நகரின் முக்கிய கடை வீதிகளில் நகைக் கடைகள், ஜவுளி கடைகள், பலசரக்கு கடைகள், கமிஷன் கடைகள், பேக்கரிகள் உள்பட ஏராளமான வணிக நிறுவனங்கள் அமைந்துள்ளன.  
பரமக்குடி நகர் கடைத்தெரு பகுதியில் இரு சக்கர வாகனங்கள் நிறுத்துவதற்கு போதிய இடவசதி இல்லாததால் கடைகளின் உரிமையாளர்களும், பணி செய்யும் ஊழியர்கள், வாடிக்கையாளர்கள் தங்களது மோட்டார் சைக்கிள், சைக்கிள் உள்ளிட்ட இரு சக்கர வாகனங்களை கடைகளின் முன்பு சாலைகளை ஆக்கிரமித்து நிறுத்தி வைத்து விடுகின்றனர். 
இதனால் கார் மற்றும் கனரக வாகனங்கள் நகருக்குள் சென்றுவரும்போது போக்குவரத்து நெரிசல் ஏற்பட்டு பெரும் அவதிக்குள்ளாகி வருகின்றனர். 
மேலும் நகரின் முக்கிய வீதிகளில் ஒரு வழிப்பாதையாக பயன்படுத்த வேண்டும் எனவும், இருசக்கர வாகனங்கள் நிறுத்துவதற்கு நகராட்சி நிர்வாகம் இடம் ஒதுக்கிட மாவட்ட ஆட்சியர் உரிய நடவடிக்கை எடுக்க வேண்டும் எனவும் பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பரமக்குடியில்-இரு-சக்கர-வாகனங்களை-நிறுத்துவதால்-போக்குவரத்து-நெரிசல்-3234910.html
3234909 மதுரை ராமநாதபுரம் ராமநாதபுரம் மாவட்ட காவல்துறை அதிகாரிகளுக்கு அண்ணா பதக்கம் அறிவிப்பு DIN DIN Sunday, September 15, 2019 04:29 AM +0530
அண்ணா பிறந்த நாளை முன்னிட்டு ராமநாதபுரம் மாவட்டத்தைச் சேர்ந்த காவல்துறை மற்றும் கடலோர பாதுகாப்பு பிரிவைச் சேர்ந்தவர்களுக்கு முதல்வரின் அண்ணா பதக்கம் அறிவிக்கப்பட்டுள்ளது.
தமிழக முதலமைச்சரின் அண்ணா பதக்கம் ஆண்டுதோறும் அறிவிக்கப்பட்டு வருகிறது. நடப்பு ஆண்டுக்கான பதக்கம் பெறுவோர் பட்டியல் சனிக்கிழமை வெளியிடப்பட்டது. 
இதில் ராமநாதபுரம் மாவட்ட கடலோர பாதுகாப்பு பிரிவு கூடுதல் கண்காணிப்பாளர் இளங்கோவுக்கும், மாவட்ட காவல் கண்காணிப்புப் பிரிவின் தனிப்பிரிவு சார்பு ஆய்வாளர் ஏ.லிங்கபாண்டியனுக்கும் விருது அறிவிக்கப்பட்டுள்ளதாக காவல்துறை வட்டாரங்கள் தெரிவித்தன. அதில்  சார்பு ஆய்வாளர்  ஏ.லிங்கபாண்டியனுக்கு விருதுடன் ரூ.10 ஆயிரம் பரிசும், பாராட்டுச் சான்றும் வழங்கப்படவுள்ளது. விருதுகள் தற்போது அறிவிக்கப்பட்ட நிலையில், முதல்வர் தலைமையில் நடைபெறும் விழாவில் அவை வழங்கப்படவுள்ளது.
 

]]>
https://www.dinamani.com/all-editions/edition-madurai/ramanathapuram/2019/sep/15/ராமநாதபுரம்-மாவட்ட-காவல்துறை-அதிகாரிகளுக்கு-அண்ணா-பதக்கம்-அறிவிப்பு-3234909.html
3234908 மதுரை ராமநாதபுரம் செப்.25 இல் சமையல் எரிவாயு  விநியோக குறைதீர் கூட்டம் DIN DIN Sunday, September 15, 2019 04:29 AM +0530
ராமநாதபுரம் மாவட்டத்தில் சமையல் எரிவாயு விநியோகம் குறித்த குறைதீர்க்கும் கூட்டம் செப்டம்பர் 25 ஆம் தேதி (புதன்கிழமை) நடைபெறுகிறது. 
இது குறித்து மாவட்ட ஆட்சியர் கொ. வீரராகவ ராவ் விடுத்துள்ள செய்திக் குறிப்பு: 
ராமநாதபுரம் மாவட்டத்தில் ராமநாதபுரம் நகராட்சி, ராமேசுவரம், திருவாடானை, கீழக்கரை, ஆர்.எஸ்.மங்கலம், பரமக்குடி, கமுதி, கடலாடி மற்றும் முதுகுளத்தூர் தாலுகாவுக்குள்பட்ட பகுதிகளில் சமையல் எரிவாயு விநியோகம் தொடர்பாக பொதுமக்கள் தங்களின் குறைகள் மற்றும் கோரிக்கைகளை நேரில் தெரிவிப்பதற்காக, எண்ணெய் நிறுவனங்கள் மற்றும் எரிவாயு முகவர்கள் கலந்துகொள்ளும் கூட்டம் நடைபெறவுள்ளது. 
செப்டம்பர் 25 ஆம் தேதி மாலை 5 மணிக்கு, ராமநாதபுரம்  மாவட்ட ஆட்சியர் அலுவலகத்தில் மாவட்ட வருவாய் அலுவலர் தலைமையில் இக் குறைதீர் கூட்டம் நடைபெறுகிறது. கூட்டத்தில், எரிவாயு நுகர்வோர் கலந்துகொண்டு தங்களது குறைகளை தெரிவித்து தீர்வு பெறலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-madurai/ramanathapuram/2019/sep/15/செப்25-இல்-சமையல்-எரிவாயு--விநியோக-குறைதீர்-கூட்டம்-3234908.html
3234907 மதுரை ராமநாதபுரம் பரமக்குடியில் இரு சக்கர வாகனங்களை நிறுத்துவதால் போக்குவரத்து நெரிசல் DIN DIN Sunday, September 15, 2019 04:28 AM +0530 பரமக்குடி நகரில் முக்கிய கடைவீதிகளில் இருசக்கர வாகனங்களை நிறுத்தி வைப்பதால் போக்குவரத்து நெரிசல் ஏற்பட்டு பொதுமக்கள் பெரும் அவதிக்குள்ளாகி வருகின்றனர்.  
பரமக்குடி நகரில் காந்திசிலை, பெரிய கடை வீதி, சின்னக்கடைத் தெரு, உழவர் சந்தை, குத்துக்கல் தெரு உள்ளிட்ட நகரின் முக்கிய கடை வீதிகளில் நகைக் கடைகள், ஜவுளி கடைகள், பலசரக்கு கடைகள், கமிஷன் கடைகள், பேக்கரிகள் உள்பட ஏராளமான வணிக நிறுவனங்கள் அமைந்துள்ளன.  
பரமக்குடி நகர் கடைத்தெரு பகுதியில் இரு சக்கர வாகனங்கள் நிறுத்துவதற்கு போதிய இடவசதி இல்லாததால் கடைகளின் உரிமையாளர்களும், பணி செய்யும் ஊழியர்கள், வாடிக்கையாளர்கள் தங்களது மோட்டார் சைக்கிள், சைக்கிள் உள்ளிட்ட இரு சக்கர வாகனங்களை கடைகளின் முன்பு சாலைகளை ஆக்கிரமித்து நிறுத்தி வைத்து விடுகின்றனர். 
இதனால் கார் மற்றும் கனரக வாகனங்கள் நகருக்குள் சென்றுவரும்போது போக்குவரத்து நெரிசல் ஏற்பட்டு பெரும் அவதிக்குள்ளாகி வருகின்றனர். 
மேலும் நகரின் முக்கிய வீதிகளில் ஒரு வழிப்பாதையாக பயன்படுத்த வேண்டும் எனவும், இருசக்கர வாகனங்கள் நிறுத்துவதற்கு நகராட்சி நிர்வாகம் இடம் ஒதுக்கிட மாவட்ட ஆட்சியர் உரிய நடவடிக்கை எடுக்க வேண்டும் எனவும் பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பரமக்குடியில்-இரு-சக்கர-வாகனங்களை-நிறுத்துவதால்-போக்குவரத்து-நெரிசல்-3234907.html
3234906 மதுரை ராமநாதபுரம் பவானி அம்மன், சக்தி கணபதி கோயில் கும்பாபிஷேகம் DIN DIN Sunday, September 15, 2019 04:28 AM +0530
கமுதி அருகே புதிதாகக் கட்டப்பட்டுள்ள பவானி அம்மன், சக்தி கணபதி கோயிலில் மஹா கும்பாபிஷேகம் வெள்ளிக்கிழமை நடைபெற்றது.
இக்கோயில் கும்பாபிஷேகத்தை முன்னிட்டு, வியாழக்கிழமை காலை சங்கல்பம் பிள்ளையார் பூஜை, புண்யாகவாசனம், கணபதி ஹோமம், பூர்ணாஹூதி, மாலையில் யாகசாலை வலம் வருதல், இரவு திக் பூஜை, சன்னிதி ஹோமம் மூல மந்திரம், திக் பூஜை, மஹா பூர்ணாஹூதி தீபாராதனை, யாத்திரை பிரதிஷ்டை ஆகியன நடைபெற்றன. 
வெள்ளிக்கிழமை காலையில், மங்கள் வாத்தியம், கோ பூஜை, இரண்டாம் கால யாகசாலை பூஜைகள், கடம் பறப்பாடு, பவானி அம்மன், சக்தி கணபதி மற்றும் பரிவாரத் தேவதைகளுக்கு மஹா கும்பாபிஷேகம் நடைபெற்றது. பின்னர், தீபாராதனை காட்டப்பட்டது. இரவில் வாண வேடிக்கை, பொழுதுபோக்கு நிகழ்ச்சிகள் நடைபெற்றன. கும்பாபிஷேகத்தை, சர்வசாதகம்  எஸ். நாராயணன்பட்டர், என். பாலாஜி சிவம் ஆகியோர் நடத்தினர். ஏற்பாடுகளை, ஆலயத் திருப்பணிக் குழுவினர் செய்திருந்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பவானி-அம்மன்-சக்தி-கணபதி-கோயில்-கும்பாபிஷேகம்-3234906.html
3234905 மதுரை ராமநாதபுரம் ராமநாதபுரம் அரசு மருத்துவமனையில் இருதய நோயாளிகள் அலைக்கழிப்பு DIN DIN Sunday, September 15, 2019 04:28 AM +0530
ராமநாதபுரம் மாவட்ட தலைமை அரசு மருத்துவமனையில் இருதய சிகிச்சைக்கான எக்கோ பரிசோதனைக்கு வரும் நோயாளிகள் அலைக்கழிக்கப்படுவதாக புகார் எழுந்துள்ளது. 
இம்மருத்துவமனையில் ஆண்டுக்கு சுமார் 2.17 லட்சம் பேர் உள்நோயாளிகளாகச் சிகிச்சை பெறுகின்றனர். தினமும் சுமார் 5 ஆயிரம் பேர் புறநோயாளிகளாக வந்து செல்கின்றனர். இருதய சிகிச்சைக்கு குறைந்தது தினமும் சுமார் நூற்றுக்கும் மேற்பட்டோர் வருகின்றனர். 
இருதய சிகிச்சைக்கு தலைமை மருத்துவர் மற்றும் உதவி மருத்துவர் ஆகியோர் மட்டுமே உள்ளனர். தலைமை மருத்துவர் ஜவாஹர்லால் அம் மருத்துவமனையின் கண்காணிப்பாளராகவும் உள்ளார். இதனால், அவர் நிர்வாகப் பணிகளுக்கு பிறகே இருதய சிகிச்சைப் பிரிவுக்கு வரமுடிகிறது. அப்பிரிவின் மற்றொரு மருத்துவர் தாலுகா மருத்துவமனைகளில் நடைபெறும் சிறப்பு முகாம்களுக்கு செல்ல வேண்டியுள்ளது. 
 இந்நிலையில், மாவட்டத்தில் உள்ள அனைத்து தாலுகா மருத்துவமனைகளில் இருந்தும் நோயாளிகள் இருதய சிகிச்சைக்கான எக்கோ  பரிசோதனைக்கு  இம் மருத்துவமனைக்கே பரிந்துரைக்கப்படுகின்றனர். இதனால்,  இப்பிரிவுக்கு தினமும் சுமார் 50 பேர் வருகின்றனர். அவர்களைத் தவிர இம்  மருத்துவமனையின் பிரசவ சிகிச்சைப் பிரிவிலிருந்தும் கர்ப்பிணிகள் இப் பரிசோதனைக்கு வருகின்றனர். இதனால் கூட்டம் மேலும் அதிகரித்து காணப்படும்.
ஆனால், மருத்துவர்கள் உரிய நேரத்தில் வரமுடியாததால் நோயாளிகள் பல மணி நேரம் காத்திருக்கும் நிலை உள்ளது என்றும், அதனால், தினமும் 20 பேருக்கும் மேலாக திருப்பி அனுப்பி வைக்கப்படுவதாகவும் புகார் எழுந்துள்ளது. 
இந்நிலையில், சனிக்கிழமை பகல் 12 மணி வரை மருத்துவர் அப் பிரிவுக்கு வரவில்லை. இதனால்,  பரிசோதனைக்கு வந்த  60 -க்கும் மேற்பட்டோர் அப்பிரிவை முற்றுகையிட்டனர். இதனால் பரபரப்பு ஏற்பட்டது. 
தகவல் அறிந்து பகல் 12 மணிக்கு மேல் மருத்துவர் ஜவாஹர்லால் வந்து பரிசோதனையைத் தொடங்கினார். 
இதுகுறித்து அவர் கூறுகையில், நிர்வாகப் பணிச் சுமையால் காலையில் வரமுடியவில்லை. இரு மருத்துவர்கள் மட்டுமே உள்ளோம். நோயாளிகள் எண்ணிக்கை அதிகரித்த நிலையில், காத்திருக்க வைக்காமலே சிகிச்சை அளிக்கப்பட்டு வருகிறது என்றார்.   
தேங்கிய கழிவுநீர் அகற்றம்: இம்மருத்துவமனையில் அம்மா உணவகம், மனநல சிகிச்சைப் பிரிவு முன்பு கடந்த 2 நாள்களாக கழிவு நீர் கசிந்து தேங்கியது. 
இதனால் சுகாதாரக்கேடு ஏற்பட்டுள்ளதாக நோயாளிகள் புகார் கூறினர். இதையடுத்து நகராட்சி கழிவுநீர் உறிஞ்சும் வாகனம் மூலம் கழிவு நீரை அகற்ற சனிக்கிழமை நடவடிக்கை எடுக்கப்பட்டது.
 

]]>
https://www.dinamani.com/all-editions/edition-madurai/ramanathapuram/2019/sep/15/ராமநாதபுரம்-அரசு-மருத்துவமனையில்-இருதய-நோயாளிகள்-அலைக்கழிப்பு-3234905.html
3234904 மதுரை ராமநாதபுரம் விதைப் பண்ணை அமைத்தால் விவசாயிகளுக்கு கூடுதல் லாபம் DIN DIN Sunday, September 15, 2019 04:28 AM +0530
ராமநாதபுரம் மாவட்டத்தில் வேளாண் பணிகள் தொடங்க உள்ள நிலையில், விவசாயிகளுக்குத் தேவையான விதைகளை உற்பத்தி செய்யும் பண்ணை அமைத்தால் கூடுதல் மகசூல் பெறலாம் என ராமநாதபுரம் விதைச்சான்று உதவி இயக்குநர் சீ.சக்திகணேஷ் கூறியுள்ளார்.
இதுகுறித்து அவர் விடுத்துள்ள செய்திக் குறிப்பு:  ராமநாதபுரம் மாவட்டத்தில் விவசாயிகளின் தேவையை கருத்தில் கொண்டு நெல் விதையின் உற்பத்தியை அதிகரிக்க திட்டமிடப்பட்டுள்ளது. ஆகவே விவசாயிகள்,  நெல் விதைப்பண்ணை அமைப்பதற்கு தேவையான வல்லுநர் விதை, ஆதாரநிலை மற்றும் சான்றுநிலை நெல் விதைகளை தங்கள் வட்டார வேளாண்மை விரிவாக்க மையங்களில் பெறலாம். 
நெல் வகைகளான  கோ 51, ஏடிடீ 45 , போன்ற குறுகிய கால விதை  ரகங்கள் மற்றும் டிகேஎம் 13, என் எல் ஆர் 34449,  ஜேஜிஎல் 1798 போன்ற மத்திய கால விதை ரகங்களை விவசாயிகள் தேர்வு செய்யலாம்.  விதைகளை வாங்கும் போது காலாவதி தேதி பார்த்து வாங்க வேண்டும்.  விற்பனை ரசீது மற்றும் சான்றட்டைகள் ஆகியவற்றை விதை அறிக்கையுடன் சம்பந்தப்பட்ட வட்டார வேளாண்மை உதவி இயக்குநர்கள் மூலமாக விதைப் பண்ணைகளை பதிவு செய்ய வேண்டும்.  
விதைப் பண்ணை அமைக்க விதைச் சான்று கட்டணமாக ஒரு ஏக்கருக்கு ஒரு விதைப்பு அறிக்கைக்கு பதிவுக்கு ரூ.25 எனவும்,  வயல் ஆய்வுக்கு  ரூ.60  எனவும் கட்டணம் நிர்ணயிக்கப்பட்டுள்ளது. மேலும், விதை பரிசோதனைக் கட்டணமாக ரூ.30 செலுத்த வேண்டும்.  விதைத்த 35 ஆம் நாள்அல்லது பயிர் பூப்பதற்கு 15 நாள்கள் முன்பு இதில் எது முன்னதோ அதற்குள் பதிவு செய்ய வேண்டும். 
விதைப்பண்ணையில் இரு வேறு பகுதிகள் 50 மீட்டர்களுக்கு அதிக இடைவெளியில் இருந்தாலோ, விதைப்பு நாள் 7 நாள்களுக்கு மேல் வித்தியாசப்பட்டாலோ தனித்தனியே பதிவு செய்ய வேண்டும். 
பதிவு செய்த விதைப் பண்ணைகள் விதைச் சான்று அலுவலர்களால் உரிய காலங்களில் வயல் ஆய்வு மேற்கொள்ளப்பட்டு கலவன்கள் அகற்றப்பட்டு, பயிரின் வளர்ச்சி கண்காணிக்கப் படுவதால் தரமான விதை உற்பத்தி செய்யப்படுகிறது.  
இவ்வாறு கலவனற்ற, இனத்தூய்மை உள்ள விதைப் பண்ணைகளிலிருந்து கொள்முதல் செய்யப்படும் விதைகளுக்கு கொள்முதல் மற்றும் விற்பனை மானியம் விவசாயிகளுக்கு வழங்கப்படுகிறது.   
மேலும், சிறுதானியங்களான குதிரைவாலி, கேழ்வரகு, கம்பு, வரகு, சாமை,  பயறுவகைகளான உளுந்து, பாசிப்பயறு மற்றும் எண்ணெய் வித்துப்பயிர்களில் நிலக்கடலை, எள் ஆகிய விதைப் பண்ணை அமைக்கவும் விண்ணப்பிக்கலாம்   எனக்குறிப்பிடப்பட்டுள்ளது.
 

]]>
https://www.dinamani.com/all-editions/edition-madurai/ramanathapuram/2019/sep/15/விதைப்-பண்ணை-அமைத்தால்-விவசாயிகளுக்கு-கூடுதல்-லாபம்-3234904.html
3234903 மதுரை ராமநாதபுரம் பொறுப்பேற்பு DIN DIN Sunday, September 15, 2019 04:27 AM +0530
  ராமநாதபுரம் மாவட்ட தலைமை அரசு மருத்துவமனையில், வியாழக்கிழமை சுகாதார இணை இயக்குநராக பி.வெங்கடாசலம்  புதிதாக பொறுப்பேற்றுக்கொண்டார். 
ராமநாதபுரம் மாவட்ட சுகாதாரப் பணிகள் இணை இயக்குநராக இருந்த முல்லைக்கொடி, 5 மாதங்களுக்கு முன் பணி ஓய்வுபெற்றார். அப்பொறுப்பை, அரசு மருத்துவமனை முதுநிலை மருத்துவர் ஸ்டீபன் சகாயராஜ் கவனித்து வந்தார். பின்னர் இவர், சுகாதாரப் பணிகள் இணை இயக்குநராக தருமபுரிக்கு மாற்றப்பட்டார்.
இந்நிலையில், மதுரையில் தொழிலாளர் அரசு ஈட்டுறுதி திட்டத்தின் மண்டல நிர்வாக மருத்துவ அலுவலராக இருந்த பி.வெங்கடாசலம், ராமநாதபுரம் மாவட்ட சுகாதாரப் பணிகள் இணை இயக்குநராக நியமிக்கப்பட்டு, வியாழக்கிழமை பொறுப்பேற்றுக்கொண்டார். 
அதையடுத்து, இவர் வெள்ளிக்கிழமை செய்தியாளர்களிடம் கூறியது:  ராமநாதபுரம் நகரில் உள்ள மாவட்ட அரசு தலைமை மருத்துவமனையின் உள்கட்டமைப்பு வசதிகளை மேம்படுவதற்கான நடவடிக்கைகள் மேற்கொள்ளப்படும். ஏழை, எளிய மக்கள் எளிதில் தரமான சிகிச்சையைப் பெறும் வகையில் வசதிகள் ஏற்படுத்தப்படும் என்றார்.
 

]]>
https://www.dinamani.com/all-editions/edition-madurai/ramanathapuram/2019/sep/15/பொறுப்பேற்பு-3234903.html
3234902 மதுரை ராமநாதபுரம் பள்ளி மாணவர்களுக்கு தூய்மை விழிப்புணர்வு நிகழ்ச்சி DIN DIN Sunday, September 15, 2019 04:27 AM +0530
கமுதி ஷத்திரிய நாடார் மேல்நிலைப்பள்ளியில் வெள்ளிக்கிழமை தூய்மை பாரதம் சார்பாக மாணவர்கள் பள்ளி வளாகத்தை எவ்வாறு தூய்மையாக வைத்துக் கொள்வது, மாணவர்களுக்கு கை கழுவுதல் போன்ற செயல்பாடுகளில் செயல்விளக்கம் செய்து காட்டப்பட்டது.
 பள்ளிச் செயலர் ஊ.சிவமுருகன் தலைமை வகித்தார். தலைமை ஆசிரியர் முத்துமுருகன் முன்னிலை வகித்தார். பள்ளியின் தேசிய பசுமைப் படை மாணவர்கள், நாட்டுநலப்பணித் திட்ட மாணவர்கள் மூலமாக அனைத்து மாணவர்களுக்கும் செய்து காட்டப்பட்டது. நிகழ்ச்சி ஏற்பாடுகளை தூய்மை பாரதம் சார்பில் நிர்வாகிகள் சீ.நாகேந்திரன், செ.மாரிமுத்து ஆகியோர் செய்திருந்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பள்ளி-மாணவர்களுக்கு-தூய்மை-விழிப்புணர்வு-நிகழ்ச்சி-3234902.html
3234901 மதுரை ராமநாதபுரம் பரமக்குடி பகுதியில் செப். 17இல் மின்தடை DIN DIN Sunday, September 15, 2019 04:27 AM +0530
பரமக்குடி பகுதியில் செப். 17 ஆம் தேதி மின்தடை ஏற்படும் என அறிவிக்கப்பட்டுள்ளது.
இதுகுறித்து மின்வாரிய உதவி செயற்பொறியாளர் ஆர்.பாலமுருகன் வெள்ளிக்கிழமை வெளியிட்டுள்ள செய்திக்குறிப்பு:
பரமக்குடி உபமின் நிலையத்தில் மாதாந்திர மின் பராமரிப்புப் பணிகள் செப். 17-ஆம் தேதி (செவ்வாய்க்கிழமை) நடைபெற உள்ளது. இதனால் அன்று காலை 9 மணி முதல் மாலை 5 மணிவரை பரமக்குடி, எமனேசுவரம், நயினார்கோவில், சத்திரக்குடி, கமுதக்குடி மற்றும் சுற்றுப்புற பகுதிகளில் மின் விநியோகம் இருக்காது எனத் தெரிவித்துள்ளார்.
 

]]>
https://www.dinamani.com/all-editions/edition-madurai/ramanathapuram/2019/sep/15/பரமக்குடி-பகுதியில்-செப்-17இல்-மின்தடை-3234901.html
3234900 மதுரை ராமநாதபுரம் கமுதி அருகே மணல் திருட்டை தடுக்கச் சென்ற போலீஸார் மீது லாரியை ஏற்றிக் கொல்ல முயற்சி DIN DIN Sunday, September 15, 2019 04:27 AM +0530
கமுதி அருகே மணல் கடத்தலை தடுக்கச் சென்ற, போலீஸார் மீது வெள்ளிக்கிழமை லாரியை ஏற்றிக் கொலை செய்ய முயன்ற சம்பவம் பரபரப்பை ஏற்படுத்தியுள்ளது. 
கமுதியை அடுத்த பெருமாள்தேவன்பட்டி அரசு தொடக்கப் பள்ளி அருகே குண்டாற்று படுகையில், வெள்ளிக்கிழமை இரவு மண்டலமாணிக்கம் போலீஸ்காரர் ராமநாதன், மாவட்ட காவல் கண்காணிப்பாளர் தனிப்பிரிவு போலீஸார் முருகன் (கமுதி), அருள் (மண்டலமாணிக்கம்) ஆகியோர் கண்காணிப்பு பணியில் ஈடுபட்டிருந்தனர். அப்போது இரவு 8 மணிக்கு ஆற்றிலிருந்து மணல் ஏற்றி வந்த லாரியை இரு சக்கர வாகனத்தில் சென்ற போலீஸார் மடக்கியுள்ளனர். 
 இதில், காவலர் ராமநாதன் மீது லாரியை ஏற்றி, கொலை செய்ய முயற்சி மேற்கொள்ளப்பட்டது. இதில் காவலர் ராமநாதன் பலத்த காயமடைந்தார். லாரி மோதியதில் அவரது இரு சக்கர வாகனம் சேதமடைந்தது. இதையடுத்து லாரி ஓட்டுநர் அங்கிருந்து தப்பிச் சென்றார். 
இதையடுத்து காயமடைந்த காவலர் ராமநாதனை சக போலீஸார் மீட்டு கமுதி அரசு மருத்துவமனையில் சிகிச்சைக்காக அனுமதித்தனர். 
விசாரணையில் மணல் கடத்தல் மற்றும் போலீஸாரை கொல்ல முயன்ற லாரி திருநெல்வேலி மாவட்ட பதிவெண் கொண்டது என்பது தெரிந்தது. இதையடுத்து டிப்பர் லாரியை போலீஸார் கைப்பற்றி காவல் நிலையத்துக்குக் கொண்டு சென்றனர். 
மேலும், தப்பிச் சென்ற லாரி ஓட்டுநர் திருநெல்வேலி மாவட்டத்தைச் சேர்ந்த முத்துக்குமார் என்பதும் தெரிய வந்துள்ளது.
இதுகுறித்து கமுதி காவல் ஆய்வாளர் கஜேந்திரன் வழக்குப் பதிந்து, விசாரித்து வருகிறார். 
 

]]>
https://www.dinamani.com/all-editions/edition-madurai/ramanathapuram/2019/sep/15/கமுதி-அருகே-மணல்-திருட்டை-தடுக்கச்-சென்ற-போலீஸார்-மீது-லாரியை-ஏற்றிக்-கொல்ல-முயற்சி-3234900.html
3234899 மதுரை ராமநாதபுரம் தொண்டி அருகே கடலில் தவறி விழுந்த மீனவர், வலையில் சிக்கி பலி DIN DIN Sunday, September 15, 2019 04:26 AM +0530
திருவாடானை அருகே தொண்டியில் தனியாக நாட்டு படகில் மீன் பிடிக்க சென்ற மீனவர் கடலில் தவறி விழுந்ததில் வலையில் சிக்கி சனிக்கிழமை உயிரிழந்தார்.
திருவாடானை அருகே தொண்டியைச் சேர்ந்தவர் ஜெயபாலன் மகன் வெங்கடேசன்(21). மீனவரான இவர், சனிக்கிழமை காலையில் தனக்கு  சொந்தமான சிறிய நாட்டு படகில் தனியாக மீன் பிடிக்க சென்றுள்ளார்.
  அப்போது மீன் பிடித்துக் கொண்டிருக்கும் போது நிலை தடுமாறி கடலில் தவறி விழுந்தார். 
நீண்ட நேரமாக படகில் அவர் இல்லாமல் இருந்ததால் சந்தேகம் அடைந்த, அருகில் மீன் பிடித்து கொண்டிருந்த சக மீனவர்கள் சம்பவ இடத்துக்குச் சென்று பார்த்தபோது, வலையில் சிக்கி வெங்கடேசன் பலியானது தெரிய வந்துள்ளது.
இது குறித்து உடனடியாக கடலோர காவல் படையினருக்கு சக மீனவர்கள் தகவல் கொடுத்துள்ளனர். தகவலறிந்து கடலோர காவல் படையினர் சம்பவ இடத்துக்குச் சென்று வெங்கடேசனின் சடலத்தை மீட்டு பிரேத பரிசோதனைக்காக திருவாடானை அரசு மருத்துவமனைக்கு அனுப்பி வைத்தனர்.
இது குறித்து கடலோர காவல் படையினர் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/தொண்டி-அருகே-கடலில்-தவறி-விழுந்த-மீனவர்-வலையில்-சிக்கி-பலி-3234899.html
3234898 மதுரை ராமநாதபுரம் பரமக்குடியில் தேசிய மக்கள் நீதிமன்றம் 718 வழக்குகள் தீர்வு DIN DIN Sunday, September 15, 2019 04:26 AM +0530
பரமக்குடி ஒருங்கிணைந்த நீதிமன்ற வளாகத்தில் சனிக்கிழமை நடைபெற்ற தேசிய மக்கள் நீதிமன்றத்தின் மூலம் 718 வழக்குகளுக்கு ரூ 1.11 கோடி தீர்வுத் தொகையாக அறிவித்து தீர்வு காணப்பட்டது. 
தேசிய மக்கள் நீதிமன்றத்திற்கு சார்பு நீதிபதி சிவாஜி செல்லையா தலைமை வகித்தார். மாவட்ட உரிமையியல் நீதிபதி கமலக்கண்ணன், நீதித்துறை நடுவர் ராஜா, பயிற்சி மாவட்ட உரிமையியல் நீதிபதி சுமதி ஆகியோர் முன்னிலை வகித்தனர். வழக்குரைஞர் சங்கத் தலைவர் சேதுபாண்டியன், செயலாளர் செல்லமணி, பொருளாளர் இந்திரஜித், அதாலத் அமர்வு வழக்குரைஞர்கள் வீரபாண்டியன், சுப்பிரமணியன், குரியன்அருளானந்தம், திருமுருகன், ரகுபதி ஆகியோர் கலந்துகொண்டனர்.  
இதில் குற்றவியல் வழக்குகள் 708 எடுத்துக் கொள்ளப்பட்டு, 692 வழக்குகளுக்கு தீர்வு காணப்பட்டது. காசோலை வழக்கில் 15 எடுத்துக் கொள்ளப்பட்டு, 4 வழக்குகளுக்கு தீர்வு காணப்பட்டு தீர்வுத்தொகையாக ரூ. 22,90,000-ம் அறிவிக்கப்பட்டது. வங்கிக் கடன் வழக்குகள் 15 எடுத்துக் கொள்ளப்பட்டு, 4 வழக்குகளுக்கு தீர்வு காணப்பட்டு தீர்வுத் தொகையாக ரூ .35 ஆயிரம் அறிவிக்கப்பட்டது. 
மோட்டார் வாகன இழப்பீடு வழக்குகள் 25 எடுத்துக் கொள்ளப்பட்டு, 11 வழக்குகள் தீர்வு காணப்பட்டு, தீர்வுத் தொகையாக ரூ .41,68,000-ம் அறிவிக்கப்பட்டது. குடும்பநல வழக்குகளில் 10 எடுத்துக் கொள்ளப்பட்டு, 2 வழக்குகள் தீர்வு காணப்பட்டது. மேல்முறையீட்டு 10 வழக்குகளில் 5 வழக்குகளுக்கு தீர்வு காணப்பட்டு, ரூ.19,64,000-ம் தீர்வுத் தொகையாக அறிவிக்கப்பட்டது. மொத்தம் 718 வழக்குகளுக்கு தீர்வு காணப்பட்டு, தீர்வுத் தொகையாக ரூ .1,11,17,055 அறிவிக்கப்பட்டது. 
இதற்கான ஏற்பாட்டினை இளநிலை நிர்வாக உதவியாளர் எஸ்.வினோத் மற்றும் தன்னார்வலர்கள் முருகேசன், ராஜேந்திரன் ஆகியோர் செய்திருந்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/பரமக்குடியில்-தேசிய-மக்கள்-நீதிமன்றம்-718-வழக்குகள்-தீர்வு-3234898.html
3234897 மதுரை ராமநாதபுரம் மூக்கையூர் துறைமுகத்தில்இரும்பு பொருள்கள் திருட்டு: 2 பேர் கைது DIN DIN Sunday, September 15, 2019 04:26 AM +0530
ராமநாதபுரம் மாவட்டம், சாயல்குடி அருகே மூக்கையூர் துறைமுகத்தில் இரும்பு பொருள்களை திருடிய 2 பேரை போலீஸார் சனிக்கிழமை கைது செய்தனர்.
சாயல்குடி அருகேயுள்ள  மூக்கையூர் மீன்பிடி துறைமுகத்தில் பொக்லைன் ஆபரேட்டராக பணியாற்றி வருபவர் தர்மபுரி மாவட்டம் வீரகவுண்டனூர் கிராமத்தைச் சேர்ந்தவர் அன்பரசு ( 30 ).  
இவர் துறைமுகத்தில் பயன்படுத்திய இரும்பு பொருள்களை அவ்வப்போது திருடி விற்று வந்ததாக கூறப்படுகிறது. 
இந்நிலையில்  கடுகுசந்தை சத்திரத்தை சேர்ந்த, தற்போது சாயல்குடி - மூக்கையூர் சாலையில் வசித்து வரும் சுரேஷ்குமார் ( 32 )  என்பவருடன் சேர்ந்து சரக்கு வாகனத்தில் இரும்பு பொருள்களை அன்பரசு கடத்த முயன்றார். 
இதனையறிந்த சக ஊழியர்கள் துறைமுக மேற்பார்வையாளர் விஜயகுமாருக்கு தகவல் தெரிவித்துள்ளனர். 
இதையடுத்து  விஜயகுமார் சாயல்குடி காவல் நிலையத்திற்கு  தகவல் தெரிவித்தார். 
தகவலறிந்த சாயல்குடி காவல் ஆய்வாளர் கனகாபாய் தலைமையிலான போலீஸார் அன்பரசு, சுரேஷ்குமார் ஆகிய 2 பேரையும் கைது செய்து, சரக்கு வாகனத்தை பறிமுதல் செய்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/மூக்கையூர்-துறைமுகத்தில்இரும்பு-பொருள்கள்-திருட்டு-2-பேர்-கைது-3234897.html
3234896 மதுரை ராமநாதபுரம் கீழத்தூவலில் ஐவர் நினைவு தினம் DIN DIN Sunday, September 15, 2019 04:26 AM +0530
முதுகுளத்தூர் அருகே கீழத்தூவலில் ஐவர்  நினைவு தினம் சனிக்கிழமை அனுசரிக்கப்பட்டது.
ராமநாதபுரம் மாவட்டம் முதுகுளத்தூரில் கடந்த 1957-ஆம் ஆண்டு செப்டம்பர் 11 ஆம் தேதி நடைபெற்ற கலவரம் தொடர்பாக கீழத்தூவல் கிராமத்தைச் சேர்ந்த செ.சிவமணி,மு.சித்திரவேல்,ரா.ஜெகநாதன்,மு.முத்துமணி,வ.தவசியாண்டி ஆகிய 5 பேர் அதே ஆண்டு செப்.14 ஆம் தேதி போலீஸார் துப்பாக்கியால் சுட்டதில் உயிரிழந்தனர்.
அவர்களின் நினைவு தினம் ஒவ்வொரு ஆண்டும் அனுசரிக்கப்படுகிறது. இந்தாண்டு நடைபெற்ற விழாவில் மேலத்தூவல், கீழத்தூவல் கிராமத்தைச் சேர்ந்தவர்களும், இறந்தவர்களின் உறவினர்கள் மட்டும் கலந்து கொள்ள போலீஸார் அனுமதித்தனர். விழாவில்,  நினைவுத் தூண் அருகில் கிராம மக்கள் பொங்கல் வைத்து வழிபட்டனர். பின் மாலையில் நினைவு இடத்திற்கு கிராமத்தினர் ஊர்வலமாக சென்று மலர் வளையம் வைத்து அஞ்சலி செலுத்தினர். 
இதில் கிராமத் தலைவர் ராமசாமி, பொருளாளர் மாரி, செயலாளர் ரவிச்சந்திரன், ஆப்பநாடு மறவர் சங்க தலைவர் மயில்மணிபாண்டியன் மற்றும் கிராம பொது மக்கள் கலந்து கொண்டனர். இதையொட்டி மாவட்ட காவல் கண்காணிப்பாளர் ஓம்பிரகாஷ் மீனா, ஏ.டி.எஸ்.பி தங்க வேலு, பரமக்குடி டி.எஸ்.பி.சங்கர் மற்றும் போலீஸார் பாதுகாப்பு பணியில் ஈடுபட்டிருந்தனர்.
பரமக்குடி: பரமக்குடி கிழக்குப் பகுதியில் கீழத்தூவல் துப்பாக்கி சூட்டில் உயிரிழந்த ஐவரின் உருவப்படங்களுக்கு முக்குலத்தோர் புலிப்படை சார்பில் அஞ்சலி செலுத்தும் நிகழ்ச்சி சனிக்கிழமை நடைபெற்றது. இந்நிகழ்ச்சிக்கு மறத்தமிழர் சேனை மாநில அமைப்பாளர் புதுமலர் பிரபாகரன் தலைமை வகித்தார். முக்குலத்தோர் புலிப்படை பொதுச் செயலாளர் கே.பாண்டித்துரை, தேவர் பேரவை மாவட்ட தலைவர் வீ.கா.ராமசாமி, பாராசூரன், வழக்குரைஞர் ராமகிருஷ்ணன் ஆகியோர் முன்னிலை வகித்தனர். கார்த்திக் சேதுபதி வரவேற்றார். 
 நிகழ்ச்சியில் ஐவரின் உருவப் படங்களுக்கு மாலை அணிவித்து மரியாதை செலுத்தினர். 
 

]]>
https://www.dinamani.com/all-editions/edition-madurai/ramanathapuram/2019/sep/15/கீழத்தூவலில்-ஐவர்-நினைவு-தினம்-3234896.html
3234895 மதுரை ராமநாதபுரம் புதிய மதுபான கடைக்கு நாம் தமிழர் கட்சியினர் எதிர்ப்பு DIN DIN Sunday, September 15, 2019 04:22 AM +0530
கமுதி குண்டாற்று பகுதியில் புதிய மதுபான கடை அமைக்க எதிர்ப்பு தெரிவித்து நாம் தமிழர் கட்சியினர் கமுதி வட்டாட்சியரிடம் சனிக்கிழமை புகார் மனு அளித்தனர். 
கமுதி குண்டாற்று கரைப் பகுதியில் ஏற்கெனவே ஒரு மதுபான கடை செயல்பட்டு வருகிறது. இந்நிலையில், தற்போது புதிய மதுபான கடை அமைக்க கட்டடம் கட்டி வருவதாக பொதுமக்கள் எதிர்ப்பு தெரிவித்து வருகின்றனர். 
இதைத் தொடர்ந்து நாம் தமிழர் கட்சியின் கமுதி ஒன்றியச் செயலாளர் தேவேந்திரன், நிர்வாகிகள் இசையரசன் உள்ளிட்டோர் கமுதி வட்டாட்சியர் மீனலோசனியிடம் புதிய மதுபான கடையை தடுக்கக் கோரியும், பழைய மதுபானக் கடையை அகற்றக் கோரியும் புகார் மனு அளித்தனர். 
இது குறித்து நடவடிக்கை எடுக்க தவறினால், பொது மக்களை திரட்டி நாம் தமிழர் கட்சி சார்பில் போராட்டம் நடத்தப்படும் என கட்சி நிர்வாகிகள் தெரிவித்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/15/புதிய-மதுபான-கடைக்கு-நாம்-தமிழர்-கட்சியினர்-எதிர்ப்பு-3234895.html
3234009 மதுரை ராமநாதபுரம் வணிக நிறுவனங்கள் பரிசு திட்டங்களை நடத்தக்கூடாது DIN DIN Saturday, September 14, 2019 06:04 AM +0530 ராமநாதபுரம் மாவட்டத்தில் தனிநபர், வணிக நிறுவனங்கள் கவர்ச்சிகரமான முறையில் பரிசு குலுக்கல் திட்டங்களை நடத்தக்கூடாது எனவும், மீறி நடத்தினால் சட்டப்படி நடவடிக்கை எடுக்கப்படும் என்றும் ஆட்சியர் கொ. வீரராகவராவ் எச்சரித்துள்ளார். 
இதுகுறித்து அவர் விடுத்துள்ள செய்திக்குறிப்பு: பல்வேறு வணிக  நிறுவனங்கள் தங்களுடைய  வணிகத்தை பெருக்கி கொள்ளும் நோக்கத்தோடு கவர்ச்சிகரமான பரிசு குலுக்கல் திட்டங்களை நடத்துகிறார்கள். 
பரிசுத் திட்டங்களின் கீழ் பொருள்களை அதிக விலைக்கு விற்பனை செய்தல், தரமற்ற பொருள்களை விற்பனை செய்தல், கலப்பட பொருள்கள் மற்றும் பழைய பொருள்களை விற்பனை செய்தல் போன்றவற்றால் நுகர்வோர் பாதிக்கப்படுகின்றனர்.
ஆகவே, ராமநாதபுரம் மாவட்ட நுகர்வோரின் பாதுகாப்பினை கருத்தில் கொண்டு தனிநபர், விற்பனை கூடங்கள் மற்றும் வணிக நிறுவனங்கள் தங்கள் வியாபாரத்தில் சீட்டு,  கூப்பன் திட்டங்கள், குலுக்கல் பரிசுத் திட்டங்கள், சலுகைத் திட்டங்கள் போன்ற திட்டங்களை செயல்படுத்தக் கூடாது. மீறினால் தமிழ்நாடு பரிசு திட்டங்கள் (தடுப்பு) சட்டம் 1979-ன்படி குற்ற நடவடிக்கை எடுக்கப்படும் என 
குறிப்பிடப்பட்டுள்ளது.

]]>
https://www.dinamani.com/all-editions/edition-madurai/ramanathapuram/2019/sep/14/வணிக-நிறுவனங்கள்-பரிசு-திட்டங்களை-நடத்தக்கூடாது-3234009.html
3234008 மதுரை ராமநாதபுரம் "முன்னாள் படை வீரர்களின் வாரிசுதாரர்கள் கல்வி உதவித்தொகை பெற விண்ணப்பிக்கலாம்' DIN DIN Saturday, September 14, 2019 06:04 AM +0530 முன்னாள் படைவீரர்களின் வாரிசுதாரர்கள் உயர் கல்வி மற்றும் தொழிற்கல்வி உதவித்தொகை பெறுவதற்கு விண்ணப்பங்கள் வரவேற்கப்படுகின்றன என ராமநாதபுரம் மாவட்ட ஆட்சியர் கொ.வீரராகவராவ் தெரிவித்துள்ளார். 
  இது குறித்து அவர் விடுத்துள்ள செய்திக்குறிப்பு: தொழிற்கல்வி பயில கல்லூரிகளில் சேர்ந்துள்ள முதல் ஆண்டு பயிலும் முன்னாள் படைவீரர்களின் மகன், மகளுக்கு பிரதம மந்திரியின் கல்வி உதவித்தொகை பெறுவதற்கான விண்ணப்பங்களை இணையதளம் வாயிலாக பூர்த்தி செய்து உரிய இணைப்புகளுடன் விண்ணப்பிக்கலாம்.
 நடப்பு ஆண்டில் பாரத பிரதமரின் கல்வி உதவித்தொகை உயர்த்தப்பட்டு முன்னாள் படை வீரர்களின் பெண் வாரிசுகளுக்கு மாதம் ரூ.3 ஆயிரம், ஆண் வாரிசுகளுக்கு மாதம் ரூ.2,500 என வழங்கப்படுகிறது. இந்த அறிவிப்பு நடப்பு  ஆண்டில் முதலாம் ஆண்டு தொழிற்கல்வி பயிலும் முன்னாள் படைவீரர்களின் வாரிசுகளுக்கு மட்டுமே பொருந்தும்.  இணையதள மூலம் விண்ணப்பிக்க விரும்புவோர் வரும் நவம்பர் 15 ஆம் தேதிக்குள் விண்ணப்பிக்கவேண்டும்.  
 இளநிலை படை அலுவலர்கள் மற்றும் இதர தகுதியுடைய முன்னாள் படைவீரர் வாரிசுகளுக்கு தொழிற்கல்வி, தொழில்நுட்பக்கல்வி, தொழிற்பயிற்சி கல்வி மற்றும் கலை, அறிவியல் கல்விகளுக்கு தொகுப்பு நிதியிலிருந்து கல்வி உதவித்தொகை வழங்கப்பட்டு வருகிறது.  மேலும் விபரங்களுக்கு மாவட்ட முன்னாள் படைவீரர்கள் நல துணை இயக்குநர் அலுவலகத்தை தொடர்பு கொள்ளலாம் எனக் குறிப்பிடப்பட்டுள்ளது.
 

]]>
https://www.dinamani.com/all-editions/edition-madurai/ramanathapuram/2019/sep/14/முன்னாள்-படை-வீரர்களின்-வாரிசுதாரர்கள்-கல்வி-உதவித்தொகை-பெற-விண்ணப்பிக்கலாம்-3234008.html
3234007 மதுரை ராமநாதபுரம் அரசுப் பள்ளி மேலாண்மைக் குழு கூட்டம் DIN DIN Saturday, September 14, 2019 06:04 AM +0530 முதுகுளத்தூர் அருகே பூக்குளம் கிராமத்தில் அரசு தொடக்கப் பள்ளியில் வெள்ளிக்கிழமை மேலாண்மைக் குழு கூட்டம் நடைபெற்றது.
கூட்டத்துக்கு பள்ளித்  தலைமை ஆசிரியை சாந்தி தலைமை வகித்தார். பள்ளி மேலாண்மைக்குழு தலைவர் பரிபூரணம் முன்னிலை வகித்தார். பள்ளியில் சுத்தமான குடிநீர், சுகாதாரமான கழிப்பறை வசதி, சத்தான உணவு, குழந்தைகள் சுகாதாரம் குறித்து பெற்றோர்களிடம்  ஆலோசனை வழங்கினர். முன்னதாக ஆசிரியர் மெர்ஸிகரோலின் வரவேற்றார். நிகழ்ச்சியில் கிராமத் தலைவர்கள்,  மாணவர்கள் மற்றும் பெற்றோர்கள் கலந்து கொண்டனர்.

]]>
https://www.dinamani.com/all-editions/edition-madurai/ramanathapuram/2019/sep/14/அரசுப்-பள்ளி-மேலாண்மைக்-குழு-கூட்டம்-3234007.html
3234006 மதுரை ராமநாதபுரம் சிறு, குறு விவசாயிகளுக்கு 50 சதவீத மானியத்தில் வேளாண் கருவிகள்: ஆட்சியர் அறிவிப்பு DIN DIN Saturday, September 14, 2019 06:04 AM +0530 வேளாண்மை இயந்திரமயமாக்கும் திட்டத்தில், ராமநாதபுரம்  மாவட்ட விவசாயிகளுக்கு 50 சதவீத மானியத்தில் வேளாண் கருவிகள் வழங்கப்பட உள்ளதாக அறிவிக்கப்பட்டுள்ளது. 
இது குறித்து மாவட்ட ஆட்சியர் கொ. வீரராகவ ராவ் விடுத்துள்ள செய்திக் குறிப்பு: வேளாண்மைப் பொறியியல் துறை சார்பில், விவசாயிகளுக்கு மானிய விலையில் வேளாண் இயந்திரங்கள் மற்றும் கருவிகள் வழங்குதல், மானியத்தில் வாடகைக்கு வழங்கும் மையங்கள் அமைத்தல் ஆகிய பணிகள் ரூ.9.37 கோடி செலவில் செயல்படுத்தப்பட உள்ளன.
அதன்படி, நடப்பு ஆண்டில்  (2019-20) 239 டிராக்டர்கள், 10 பவர்டில்லர்கள், 2 வைக்கோல் கட்டு கட்டும் கருவி, 1 விசைக் களையெடுப்பான்,  3 பல்வகைப் பயிர் கதிரடிக்கும் இயந்திரம், 10 கொத்துக் கலப்பைகள், 11 திரும்பும் கலப்பைகள்,  63 ரோட்டவேட்டர், 2 விதை விதைப்புக் கருவிகள் ஆகியவற்றை மானியத்தில் வாங்கிட  ரூ.8. 77 கோடியும், 6 வாடகை மையங்கள் அமைக்க ரூ.60 லட்சமும் மாவட்டத்துக்கு நிதி ஒதுக்கீடு செய்யப்பட்டுள்ளது.
வேளாண் கருவிகள் வாங்குவதற்கு அவற்றின் மொத்த விலையில் 50 சதவீதம் அல்லது அரசால் நிர்ணயம் செய்யப்பட்ட அதிகபட்ச மானியத் தொகை இவற்றில் எது குறைவோ அதை மானியமாக சிறு, குறு, தாழ்த்தப்பட்ட, பழங்குடியின மற்றும் பெண் விவசாயிகளுக்கு வழங்கப்படும். 
இதர விவசாயிகளுக்கு, அவற்றின் மொத்த விலையில் 40 சதவீதம் அல்லது அரசால் நிர்ணயம் செய்யப்பட்ட அதிகபட்ச மானியத் தொகை வழங்கப்படும்.
இதில், நீடித்த நிலையான மானாவாரி இயக்கத் திட்டத்தின் கீழ் தேர்வு செய்யப்பட்ட கிராமங்களில் உள்ள குழுக்களுக்கு முன்னுரிமை அளிக்கப்படும்.
வேளாண் இயந்திரங்களை மானியத்தில் பெற்றிட, விவசாயிகள் உழவன் செயலியில் தங்களது ஆதார் எண்ணுடன் பதிவு செய்யவேண்டும். 
ஏற்கெனவே 2018-19 ஆம் ஆண்டில் பதிவு செய்யப்பட்ட முன்னுரிமை விண்ணப்பங்கள் நடப்பு ஆண்டில் ஏற்றுக்கொள்ளப்படமாட்டாது. எனவே, விண்ணப்பங்கள் புதிதாக பதிவு செய்யவேண்டும்.
கூடுதல் விவரங்களுக்கு, ராமநாதபுரம் மாவட்டக் கருவூலகக் கட்டடம் முதல் தளத்தில் உள்ள வேளாண்மைப் பொறியியல் துறை, உதவிச்  செயற்பொறியாளர் அலுவலகம் (தொலைபேசி எண்- 04567-231783, 94433-23374) அல்லது பரமக்குடி, கொல்லம்பட்டறை தெருவில் உள்ள உதவிச் செயற்பொறியாளர் (தொலைபேசி எண்- 04564-224044, 94435-59058) அலுவலகத்தை தொடர்பு கொள்ளலாம் எனக் குறிப்பிடப்பட்டுள்ளது.
 

]]>
https://www.dinamani.com/all-editions/edition-madurai/ramanathapuram/2019/sep/14/சிறு-குறு-விவசாயிகளுக்கு-50-சதவீத-மானியத்தில்-வேளாண்-கருவிகள்-ஆட்சியர்-அறிவிப்பு-3234006.html
3234002 மதுரை ராமநாதபுரம் முதுகுளத்தூர் அருகே மூதாட்டியிடம் 5 பவுன் நகை பறிப்பு DIN DIN Saturday, September 14, 2019 06:01 AM +0530 முதுகுளத்தூர் அருகே மூதாட்டியிடமிருந்து 5 பவுன் சங்கிலியை பறித்துச் சென்ற மர்ம நபர் மீது, போலீஸார் வெள்ளிக்கிழமை வழக்குப் பதிவு செய்துள்ளனர். 
ராமநாதபுரம் மாவட்டம், முதுகுளத்தூர் அருகே மேலச்சிறுபோது கிராமத்தைச் சேர்ந்த  திருநாகலிங்கம் மனைவி வீரமாகாளி (60). இவர் தனது வீட்டுக்கு வெளியே தூங்கிக் கொண்டிருந்தபோது, அவர் அணிந்திருந்த 5 பவுன் சங்கிலியை மர்ம நபர் பறித்துக்கொண்டு தப்பியோடிவிட்டார். இது குறித்து இளஞ்செம்பூர் காவல் நிலையத்தில் வீரமாகாளி அளித்த புகாரின்பேரில், சார்பு-ஆய்வாளர் திருநாகநாதன் வழக்குப் பதிந்து விசாரித்து வருகிறார்.
 

]]>
https://www.dinamani.com/all-editions/edition-madurai/ramanathapuram/2019/sep/14/முதுகுளத்தூர்-அருகே-மூதாட்டியிடம்-5-பவுன்-நகை-பறிப்பு-3234002.html
3234001 மதுரை ராமநாதபுரம் முதுகுளத்தூர் அருகே மாட்டு வண்டிப் பந்தயம் DIN DIN Saturday, September 14, 2019 06:01 AM +0530 முதுகுளத்தூர் அருகே நல்லூர் கிராமத்தில் அமைந்துள்ள பேச்சியம்மன் கோயில் புரவி எடுப்பு திருவிழாவை முன்னிட்டு, மாட்டு வண்டிப் பந்தயம் வெள்ளிக்கிழமை நடத்தப்பட்டது.
இக்கோயிலில் புரவி எடுப்பு திருவிழாவைத் தொடர்ந்து, மண் குதிரைகளுக்கு வர்ணம் பூசி, மேலக்கன்னிசேரியில் பிடிமண் எடுத்து தயார் செய்யப்பட்டு, குதிரை, தவளும் குழந்தைகள் உருவத்தை கிராம மக்கள் ஊர்வலமாக எடுத்துவந்து கோயிலில் வைத்து வழிப்பட்டனர். 
அதையடுத்து, கிராம மக்கள் அம்மனுக்கு கோயிலில் பொங்கல் வைத்து வழிபட்டனர். புரவி எடுப்பு விழாவை முன்னிட்டு, இரு பிரிவுகளாக இரட்டை மாட்டு வண்டிப் பந்தயம் நடைபெற்றது. 
பெரிய மாட்டு வண்டிப் பந்தயத்துக்கு நல்லூரிலிருந்து முதுகுளத்தூர் வரை 8 மைல் தொலைவு எல்லையாக நிர்ணயம் செய்யப்பட்டது. இதில், திணையார்குடி ஆர்.கே. சிவா மாடு முதல் பரிசையும், மருங்கூர் இ.எம்.எஸ். முகம்மது மாடு இரண்டாம் பரிசையும், சிவகங்கை மாவட்டம்  மல்லம்பட்டி காயத்ரி மாடு மூன்றாம் பரிசையும் வென்றன. 
சின்ன மாட்டு வண்டிப் பந்தயத்துக்கு நல்லூரிலிருந்து செல்வநாயகபுரம் வரை 5 மைல் தொலைவு எல்கையாக நிர்ணயம் செய்யப்பட்டது. இதில், பி.உசிலங்குளம் கருப்புத்துரை பாண்டியன் மாடு முதல் பரிசையும், சிங்கிலிபட்டி முருகபாண்டி மாடு இரண்டாம் பரிசையும், திருச்சி கம்பம் செல்லாயி அம்மாள், வெள்ளந்தாங்கி செந்தில் சகோதரர்கள் ஆகிய இருவருடைய மாடுகள் மூன்றாம் பரிசையும் வென்றன. 
இப்போட்டியில் கலந்துகொண்டு வெற்றி பெற்ற மாடுகளின் உரிமையாளர்களுக்கு ரொக்கப் பரிசும், குத்துவிளக்கும் வழங்கப்பட்டது. மாட்டு வண்டி பந்தயத்தினை, சுற்றுவட்டாரக் கிராம மக்கள் ஏராளமானோர் கண்டு மகிழ்ந்தனர். 
நிகழ்ச்சிக்கான ஏற்பாடுகளை, நல்லூர் கிராம கோயில் விழா கமிட்டியினர் செய்திருந்தனர்.

]]>
https://www.dinamani.com/all-editions/edition-madurai/ramanathapuram/2019/sep/14/முதுகுளத்தூர்-அருகே-மாட்டு-வண்டிப்-பந்தயம்-3234001.html
3233997 மதுரை ராமநாதபுரம் வீட்டின் பூட்டை உடைத்து 10 பவுன் நகைகள் வெள்ளிப் பொருள்கள் திருட்டு DIN DIN Saturday, September 14, 2019 05:58 AM +0530 திருவாடானை அருகே அஞ்சுகோட்டை வட்டார வளர்ச்சி அலுவலகப் பணியாளர்  வீட்டின் பூட்டை உடைத்து, 10 பவுன் நகைகள் மற்றும் பல லட்சம் ரூபாய் மதிப்புள்ள வெள்ளிப் பொருள்கள் வியாழக்கிழமை இரவு திருடப்பட்டுள்ளன. 
அஞ்சுகோட்டை கிராமத்தைச் சேர்ந்தவர் பத்மநாபன் (42). இவர், திருவாடானை வட்டார வளர்ச்சி அலுவலகத்தில் ஓட்டுநராகப் பணிபுரிகிறார். இவர் வியாழக்கிழமை இரவு வீட்டைப் பூட்டிவிட்டு, தனது குடும்பத்துடன் அருகே மணக்குடியில் உள்ள  உறவினர் வீட்டுக்குச் சென்றுவிட்டு, வெள்ளிக்கிழமை மாலை திரும்பியுள்ளார். 
அப்போது, வீட்டுக் கதவு உடைக்கப்பட்டு, பீரோவிலிருந்த 10 பவுன் நகைகள் மற்றும் பல லட்சம் ரூபாய் மதிப்புள்ள வெள்ளிப் பொருள்கள் திருடப்பட்டிருப்பது தெரியவந்தது.
இது குறித்து பத்மநாபன் அளித்த புகாரின்பேரில், திருவாடானை போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-madurai/ramanathapuram/2019/sep/14/வீட்டின்-பூட்டை-உடைத்து-10-பவுன்-நகைகள்-வெள்ளிப்-பொருள்கள்-திருட்டு-3233997.html
3233996 மதுரை ராமநாதபுரம் அனுமதியின்றி விளம்பரபதாகை: 19 பேர் மீது வழக்கு பரமக்குடி, செப். 13: பரமக்குடியில் இமானுவேல் சேகரன் நினைவு தினத்தையொட்டி, அனுமதியின்றியும் விளம்பரபதாகை வைத்த 19 பேர் மீது, போலீஸார் வெள்ளிக்கிழமை வழக்குப் பதிவு செய்துள்ளனர். தமிழகத்தில் பிளக்ஸ் போர்டுகள், பேனர்கள் வைப்பதற்கு சென்னை உயர் நீதிமன்றம் தடை விதித்துள்ளது. இந்நிலையில், பரமக்குடியில் செப்டம்பர் 11-ஆம் தேதி இமானுவேல் சேகரனின் 62-ஆவது நினைவு தினம் அனுசரிக்கப்பட்டது.    இதையொட்டி, பரமக்குடி ஐந்துமுனைப் பகுதியில் நீ DIN DIN Saturday, September 14, 2019 05:54 AM +0530 பரமக்குடியில் இமானுவேல் சேகரன் நினைவு தினத்தையொட்டி, அனுமதியின்றியும் விளம்பரபதாகை வைத்த 19 பேர் மீது, போலீஸார் வெள்ளிக்கிழமை வழக்குப் பதிவு செய்துள்ளனர்.
தமிழகத்தில் பிளக்ஸ் போர்டுகள், பேனர்கள் வைப்பதற்கு சென்னை உயர் நீதிமன்றம் தடை விதித்துள்ளது. இந்நிலையில், பரமக்குடியில் செப்டம்பர் 11-ஆம் தேதி இமானுவேல் சேகரனின் 62-ஆவது நினைவு தினம் அனுசரிக்கப்பட்டது.    இதையொட்டி, பரமக்குடி ஐந்துமுனைப் பகுதியில் நீதிமன்ற உத்தரவை மீறி, போலீஸார் அனுமதியின்றி விளம்பரபதாகைகள் வைத்ததாக, சுரேஷ், மனோகரன், முருகேசன், சண்முகம், சேகர், ராஜமனோகரன், ராம்கி, தனுஷ்கொடி, நாகநாதன், முத்துக்கண்ணன் உள்பட 19 பேர் மற்றும் சிலர் மீது, பரமக்குடி நகர் போலீஸார் வழக்குப் பதிவு செய்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/14/அனுமதியின்றி-விளம்பரபதாகை-19-பேர்-மீது-வழக்குபரமக்குடி-செப்-13-பரமக்குடியில்-இமானுவேல்-சேகரன்-3233996.html
3233344 மதுரை ராமநாதபுரம் திருவாடானை அருகே திருவிழா நடத்த தடை DIN DIN Friday, September 13, 2019 09:01 AM +0530 திருவாடானை அருகே இரு பிரிவினர் இடையே பிரச்னை ஏற்பட்டதால்  கோயில் திருவிழா நடத்த அதிகாரிகள் தடை விதித்தனர்.
 திருவாடானை அருகே முகிழ்த்தகம் கிராமத்தில் காளியம்மன் கோயில் உள்ளது. இக்கோயிலில் வரி வசூல் செய்து திருவிழா நடத்துவது சம்பந்தமாக இரு பிரிவினர் இடையே தகராறு ஏற்பட்டது. இச்சம்பவம் தொடர்பாக திருவாடானை தாலுகா அலுவலகத்தில் வட்டாட்சியர் சேகர் தலைமையில் புதன்கிழமை மாலை சமாதானக் கூட்டம் நடைபெற்றது. இதில்  இரு பிரிவினரும் கலந்து கொண்டனர். வரி வசூல் செய்யும்போது யாரையும் புறக்கணிக்காமல் அனைவரிடமும் வசூல் செய்து ஒற்றுமையாக திருவிழா நடத்த வேண்டும் என்று அதிகாரிகள் தரப்பில் தெரிவிக்கப்பட்டது. இதனை ஒரு பிரிவினர் ஏற்றுக்கொள்ளவில்லை. சமரச உடன்பாடு ஏற்படாத நிலையில் கிராம மக்கள் கோயிலுக்கு சென்று சுவாமி கும்பிடலாம். திருவிழா போன்ற நிகழ்ச்சிகள் நடத்தக்கூடாது என்று அதிகாரிகள் தெரிவித்தனர்.

]]>
https://www.dinamani.com/all-editions/edition-madurai/ramanathapuram/2019/sep/13/திருவாடானை-அருகே-திருவிழா-நடத்த-தடை-3233344.html
3233343 மதுரை ராமநாதபுரம் நல்லூர் அய்யனார் கோயில் புரவி எடுப்பு விழா DIN DIN Friday, September 13, 2019 09:01 AM +0530 முதுகுளத்தூர் அருகே நல்லூர் கிராமத்தில் ஸ்ரீ அய்யனார் கோயில், ஸ்ரீ பேச்சியம்மன் கோயில் புரவி எடுப்பு விழா புதன்கிழமை நடைபெற்றது.
இதனைத் தொடர்ந்து  மேலக்கன்னிசேரியில் பிடிமண் எடுத்து ஒரு மாத காலம் விரதம் இருந்து மண் குதிரைகள் செய்து அவைகளுக்கு வர்ணம் பூசி , அய்யனார் குதிரை மேல் ஏறி நிற்பது போன்ற சிலைகளும், தவளும் குழந்தைகள் உருவத்தையும் தயார் செய்து கிராம இளைஞர்கள் சுமந்து கொண்டு ஊர்வலமாக எடுத்து வந்தனர். 
பின்னர் அவற்றை நல்லூர் கிராமத்தில் உள்ள ஸ்ரீ அய்யனார் கோயில் தளத்தில் வைத்து வழிபட்டனர். விழாவை முன்னிட்டு  கிராம மக்கள் அய்யனார் கோயிலுக்கு பொங்கல் வைத்து பல்வேறு அபிஷேகங்கள்  மற்றும்  திருவிளக்கு, மாவிளக்கு பூஜைகள் செய்தனர்.
விழாவினை தொடர்ந்து சுதந்திரப் போராட்ட நாடகங்கள், அன்னதானம் போன்ற நிகழ்ச்சிகள் தொடர்ந்து 3 நாள்கள்  நடைபெற்றன. விழாவுக்கான ஏற்பாடுகளை கிராம இளைஞர்களும்,பெரியோர்களும் செய்திருந்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/13/நல்லூர்-அய்யனார்-கோயில்-புரவி-எடுப்பு-விழா-3233343.html
3233342 மதுரை ராமநாதபுரம் ராமேசுவரத்தில் இன்று மின் தடை DIN DIN Friday, September 13, 2019 09:01 AM +0530 ராமேசுவரம், மண்டபம் பகுதிகளில்  வெள்ளிக்கிழமை (செப்.13) மின் விநியோகம் தடைபடும்.
  ராமநாதபுரம் மாவட்டம் ராமேசுவரம், மண்டபம் துணை மின் நிலையங்களில் மாதாந்திர பராமரிப்பு பணிக்காக வெள்ளிக்கிழமை காலை 9.45 மணி முதல் மாலை 4.45 மணி வரை ராமேசுவரம், தங்கச்சிமடம், பாம்பன், மண்டபம், மரைக்காயர் பட்டணம், வேதாளை, சுந்தரமுடையான் ஆகிய பகுதிகளில் மின்சாரம் நிறுத்தப்படும் என மின்வாரிய அதிகாரி வியாழக்கிழமை தெரிவித்தார்.

]]>
https://www.dinamani.com/all-editions/edition-madurai/ramanathapuram/2019/sep/13/ராமேசுவரத்தில்-இன்று-மின்-தடை-3233342.html
3233341 மதுரை ராமநாதபுரம் ஆர்.எஸ்.மங்கலத்தில் முளைப்பாரி ஊர்வலம் DIN DIN Friday, September 13, 2019 09:00 AM +0530 ராமநாதபுரம் மாவட்டம் ஆர்.எஸ்.மங்கலம் முத்துமாரியம்மன் கோயில் முளைப்பாரி திருவிழாவில் வியாழக்கிழமை முளைப்பாரி ஊர்வலம் நடைபெற்றது.
 இத்திருவிழா கடந்த 5 ஆம் தேதி  காப்பு கட்டுதலுடன் தொடங்கியது. அன்று முதல் தினமும் இரவில் அம்மனுக்கு சிறப்பு அபிஷேக ஆராதனைகளும், பெண்களின் முழக்கொட்டும் நிகழ்ச்சியும்  நடைபெற்றன. வீடுகளில் வளர்க்கப்பட்ட முளைப்பாரிகளை பெண்கள் ஊர்வலமாக எடுத்து வந்து கோயிலில் வைத்து வழிபாடு செய்தனர். இந்நிலையில், வியாழக்கிழமை முளைப்பாரிகளை கோயிலில் இருந்து முக்கிய வீதிகள் வழியாக எடுத்துச் சென்று அரசூரணியில் கரைத்து நேர்த்திக் கடன் செலுத்தினர். விழா ஏற்பாடுகளை கிராம பொதுமக்கள் செய்திருந்தனர்.

]]>
https://www.dinamani.com/all-editions/edition-madurai/ramanathapuram/2019/sep/13/ஆர்எஸ்மங்கலத்தில்-முளைப்பாரி-ஊர்வலம்-3233341.html
3233340 மதுரை ராமநாதபுரம் மாநில அளவிலான கபடிப் போட்டி: சிக்கல் அரசுப் பள்ளி மாணவிகள் தேர்வு DIN DIN Friday, September 13, 2019 09:00 AM +0530 கடலாடி அருகே உள்ள சிக்கல் அரசுப் பள்ளி மாணவிகள் மாநில அளவிலான கபடிப் போட்டிக்கு தகுதி பெற்றுள்ளனர். 
 தமிழக அரசு பள்ளி கல்வித்துறை சார்பில் 14 வயதுக்குள்பட்ட மாணவிகளுக்கான குறு வட்டார அளவிலான கபடிப் போட்டி ஆகஸ்ட் மாதம்  ராமநாதபுரம் மாவட்டம் முழுவதும் நடைபெற்றது. 
இதில் மாவட்ட அளவிலான கபடிப் போட்டியில் வெற்றி பெற்ற மாணவிகளை தேர்வு செய்தனர். மாவட்ட அளவில் தேர்வான மாணவிகளுக்கு மண்டல அளவிலான போட்டிக்கு சிவகங்கை கல்லூரி  மைதானத்தில் செப். 9 ஆம் தேதி விளையாட்டுப் போட்டி நடைபெற்றது.
இப்போட்டிகளில் பல்வேறு மாவட்டங்களில் இருந்து 14 வயதிற்குட்பட்ட பிரிவில் 143 மாணவிகள் கலந்து கொண்டனர். இதில் கடலாடி அருகே அரசு மேல்நிலைப்பள்ளியில் 9ஆம் வகுப்பு பயிலும் சிக்கல் ஊரைச் சேர்ந்த தில்சாத்பேகம் என்ற மாணவியும், அதே பள்ளியில் 9 ஆம் வகுப்பு பயிலும் ஆண்டிச்சேரி கிராமத்தைச் சேர்ந்த காயத்ரி என்ற மாணவியும் வெற்றி பெற்று பள்ளிக்குழும தென் மண்டல அளவிலான கபடிப்போட்டிக்கு தகுதி பெற்றதுடன், மாநில அளவிலான கபடிப்போட்டிக்கும் தேர்வு செய்யப்பட்டுள்ளனர். 
அதற்கான சான்றிதழ்களை அம்மாணவிகளிடம் சிவகங்கை மாவட்ட உடற்கல்வி ஆய்வாளர் சூரன்  வழங்கினார்.
போட்டியில் வெற்றி பெற்ற மாணவிகளையும், உடற்கல்வி ஆசிரியர்கள் பா.கோகிலா, பி.வடிவேல்முருகன் ஆகியோ ரையும் சிக்கல் அரசு மேல்நிலைப்பள்ளியின் தலைமை ஆசிரியர் ராயர் மற்றும் ஆசிரிய, ஆசிரியைகள் பாராட்டினர்.

]]>
https://www.dinamani.com/all-editions/edition-madurai/ramanathapuram/2019/sep/13/மாநில-அளவிலான-கபடிப்-போட்டி-சிக்கல்-அரசுப்-பள்ளி-மாணவிகள்-தேர்வு-3233340.html
3233339 மதுரை ராமநாதபுரம் ராமேசுவரம் கடலில் பாசிகளின் அடர்த்தியால் திடீர் நிற மாற்றம்: அதிகாரி தகவல் DIN DIN Friday, September 13, 2019 09:00 AM +0530 ராமேசுவரம் குந்துகால் பகுதியில் பாசிகளின் அடர்த்தியால் கடலின் நிறம் மாறியதாகவும், இதனால்  மீன்களுக்கு பாதிப்பு இல்லை என்றும் ராமநாதபுரம் மாவட்ட மீன்வளத்துறை துணை இயக்குநர் காத்தவராயன் கூறினார்.
 ராமேசுவரம் குந்துகால் பகுதியில் புதன்கிழமை திடீரென கடலின் நிறம் பச்சை நிறத்துக்கு மாறியதாக தகவல்கள் வெளியாகியுள்ளன. கடலில் நிற மாற்றம் ஏற்படுவது ஏன் என சுற்றுச்சூழல் ஆர்வலர்கள் கேள்வி எழுப்புவதுடன், இதனால், மீன்களுக்கு பாதிப்பு ஏற்படுமா என்றும் கேள்வி எழுந்துள்ளது. 
இதுகுறித்து ராமநாதபுரம் மாவட்ட மீன்வளத்துறை துணை இயக்குநர் காத்தவராயன்  கூறியது: கடலில் மிதக்கும் பாசிகள் உள்ளன. அவற்றின் மூலமே மீன்களுக்கான பிராண வாயு கிடைக்கிறது. அந்த பாசிகள் மற்றும் கடலின் அடியில் இருக்கும் வேதிப்பொருள்களே மீன்களின் உணவாகும். 
 கடலில் இரு வேறு தண்ணீரின் வெப்ப நிலை சேரும் போது ஏற்படும் மாற்றத்தால் பாசிகள் அடர்த்தியாகச் சேர்ந்து நிறம் மாறுவதற்கு வாய்ப்புள்ளது. கடல் நீரோட்டம் உள்ள இடத்தில் பாசிகள் அடர்ந்திருந்தால் மீன்களுக்கு உணவு அதிகரிக்குமே தவிர ஆபத்தில்லை. ஆனால், நீரோட்டம் குறைந்த இடத்தில் பாசிகள் சேர்வதால் அங்கு வெப்பம், பிராண வாயு மாற்றத்தால் மீன்களுக்கு சுவாசிக்க பிரச்னை ஏற்படலாம். 
 ராமநாதபுரம் மாவட்டத்தைப் பொருத்தவரையில் தற்போது கடலியல் சூழல் நன்றாக உள்ளது. மீன் வளமும் கடந்த ஆண்டைவிட சில பகுதிகளில் அதிகரித்திருப்பது தெரியவந்துள்ளது. ஆகவே கடல் நிற மாற்றத்தால் பாதிப்பில்லை என்றார். 

]]>
https://www.dinamani.com/all-editions/edition-madurai/ramanathapuram/2019/sep/13/ராமேசுவரம்-கடலில்-பாசிகளின்-அடர்த்தியால்-திடீர்-நிற-மாற்றம்-அதிகாரி-தகவல்-3233339.html
3233338 மதுரை ராமநாதபுரம் பிரதமரின் இலவச வீடு திட்டம் விண்ணப்பிக்க இன்று கடைசி DIN DIN Friday, September 13, 2019 08:59 AM +0530 பாரத பிரதமரின் இலவச வீடு திட்டத்தில் பயன்பெற இன்றே கடைசி நாள் (செப். 13) என கமுதி ஊராட்சி ஒன்றிய ஆணையாளர் ரமேஷ்குமார் தெரிவித்தார்.
 ஊராட்சிகளில் உள்ளூரில் வசிப்போர்களுக்கு மட்டுமே, உரிய நிலங்கள், ஆதார், குடும்ப அட்டை, வங்கிக் கணக்குகள் இருந்தால், பாரதப் பிரதமரின் இலவச வீடு பெறும் திட்டத்தில் பயனாளிகள் பயன்பெற முடியும். இதற்கான அறிவிப்பு, ஆகஸ்ட் 15 இல், நடந்த கிராம சபைக் கூட்டத்திலும், ஊராட்சிகளில் அறிவிப்புகள் மூலமாகவும் பொதுமக்களுக்கு தெரியபடுத்தப்பட்டது. மேலும் இத்திட்டம் குறித்து, கிராம மக்கள் அறியாத நிலை உள்ளதால், துணை வட்டார வளர்ச்சி அலுவலர்கள் மூலமாக 15 நாள்களாக, கிராமங்கள்தோறும் விழிப்புணர்வு, பயனாளிகள் பட்டியல் சேகரிக்கும் பணி தீவிரபடுத்தபட்டுள்ளது. 
இத்திட்டத்தில் பயன்பெற செப்.13 கடைசிநாளாக இருப்பதால், வீடு இல்லாத நிலம் உள்ள, உள்ளூரில் வசிப்போர்கள், தங்களது காலியான நில ஆவணம், ஆதார், குடும்ப அட்டை, வங்கி பாஸ் புத்தக நகல்களுடன் சம்பந்தப்பட்ட ஊராட்சி செயலரை அணுகி, இலவச வீடு பெறும் திட்டத்தில் பயனாளிகளாக பயன்பெறலாம் என, கமுதி ஊராட்சி ஒன்றிய ஆணையாளர் ரமேஷ்குமார் தெரிவித்தார்.

]]>
https://www.dinamani.com/all-editions/edition-madurai/ramanathapuram/2019/sep/13/பிரதமரின்-இலவச-வீடு-திட்டம்-விண்ணப்பிக்க-இன்று-கடைசி-3233338.html
3233337 மதுரை ராமநாதபுரம் முதுகுளத்தூர் அருகே விபத்து: இளைஞர் பலி DIN DIN Friday, September 13, 2019 08:59 AM +0530 முதுகுளத்தூர் அருகே வியாழக்கிழமை நடந்த சாலை விபத்தில் இளைஞர் உயிரிழந்தார்.
 ராமநாதபுரம் மாவட்டம் முதுகுளத்தூர் அருகே புளியங்குடி கிராமத்தைச் சேர்ந்த காசி மகன் திருமுருகன் (24). இவர் வியாழக்கிழமை இரவு தனது இரு சக்கர வாகனத்தில் பொசுக்குடியில் இருந்து மீசல் கிராமத்திற்கு சென்றுள்ளார். அப்போது அடையாளம் தெரியாத வாகனம் மோதியதில் சம்பவ இடத்திலேயே  திருமுருகன் உயிரிழந்தார். இச்சம்பவம் குறித்து கீழத்தூவல் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/ramanathapuram/2019/sep/13/முதுகுளத்தூர்-அருகே-விபத்து-இளைஞர்-பலி-3233337.html
3233336 மதுரை ராமநாதபுரம் அரியமான் கடற்கரையில் தூய்மைப் பணி தொடக்கம் DIN DIN Friday, September 13, 2019 08:57 AM +0530 ராமநாதபுரம் மாவட்டம் மண்டபம் அருகேயுள்ள அரியமான் கடற்கரையில் தூய்மைப்பணியை மாவட்ட ஆட்சியர் கொ.வீரராகவராவ் புதன்கிழமை மாலை தொடக்கி வைத்தார். 
பிரதமர் நரேந்திரமோடி, அனைத்து மாநிலங்களிலும் ஊரகப் பகுதிகளில் சுற்றுச்சூழல் மேம்பாடு, சுகாதார மேம்பாடு மற்றும் பிளாஸ்டிக் ஒழிப்பு ஆகியவற்றுக்கு முக்கியத்துவம் வழங்கி தூய்மையே சேவை விழிப்புணர்வு  நடவடிக்கைகளை தொடக்கி வைத்துள்ளார். 
அதனடிப்படையில் ராமநாதபுரம் மாவட்டத்தில் உள்ள 429 ஊராட்சிகள், 7 பேரூராட்சிகள், 4 நகராட்சிகளில் சுற்றுப்புற சுகாதார மேம்பாடு மற்றும் பிளாஸ்டிக் ஒழிப்பு தொடர்பாக நடவடிக்கைகள் மூன்று கட்டமாக மேற்கொள்ளப்படவுள்ளன. 
முதல் கட்டமாக அரியமான் கடற்கரையில் நடந்த தூய்மை சேவை விழிப்புணர்வு பிரசாரத்தை முன்னிட்டு கடற்கரையில் கிடந்த குப்பைகள், நெகிழிப் பொருள்களை ஆட்சியர் நேரடியாக சேகரித்தார். முன்னதாக அவரது தலைமையில்  "பிளாஸ்டிக் ஒழிப்பு" உறுதிமொழி ஏற்கப்பட்டது. 
இதில், மாவட்ட ஊரக வளர்ச்சி முகமை திட்ட இயக்குநர் த.கெட்ஸி லீமா அமாலினி, உதவி திட்ட அலுவலர்கள் கண்ணன், முருகேசன், கிருஷ்ணகுமார்,  சரவண பாண்டியன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-madurai/ramanathapuram/2019/sep/13/அரியமான்-கடற்கரையில்-தூய்மைப்-பணி-தொடக்கம்-3233336.html
3233335 மதுரை ராமநாதபுரம் சாயல்குடி அருகே அண்ணன் தலையில் கல்லைப் போட்டு கொன்ற தம்பி கைது DIN DIN Friday, September 13, 2019 08:57 AM +0530 ராமநாதபுரம் மாவட்டம் சாயல்குடி அருகே வியாழக்கிழமை குடும்பத் தகராறில் அண்ணன் தலையில் கல்லைப் போட்டு கொலை செய்த தம்பியை போலீஸார் கைது செய்தனர்.
ராமநாதபுரம் மாவட்டம் சிக்கல் அருகே உள்ள ஓடைக்குளம் கிராமத்தைச் சேர்ந்தவர் ராஜபாண்டி ( 37). இவரது தம்பி திருச்செல்வம் (26), பட்டதாரியான இவர் வேலை தேடி வந்துள்ளார். வெளிநாட்டில் வேலை செய்து வந்த ராஜபாண்டி தற்போது ஓடைக்குளம் கிராமத்தில் குடும்பத்துடன் வசித்து வந்தார். ராஜபாண்டி மனைவி கலைச்செல்வி (27), ராமநாதபுரம் மாவட்டம் சாயல்குடி காவல் நிலையத்தில் காவலராகப் பணிபுரிந்து வருகிறார். 
ராஜபாண்டிக்கும் அவரது மனைவி கலைச்செல்விக்கும் இடையே அடிக்கடி குடும்பத் தகராறு ஏற்படுமாம். இந்நிலையில் கடந்த இரண்டு நாள்களுக்கு முன்பு ராஜபாண்டி தனது தம்பி திருச்செல்வத்துடன் நெருங்கிப் பழகி வருவதாகக் கூறி மனைவியை தாக்கினாராம். இதனால் ஆத்திரமடைந்த திருச்செல்வம் வியாழக்கிழமை அதிகாலையில் வீட்டில் தூங்கிக் கொண்டிருந்த ராஜபாண்டியின் தலையில் கல்லைப் போட்டு கொலை செய்தார்.   
இதுகுறித்து கலைச்செல்வி வாலிநோக்கம் காவல் நிலையத்தில் கொடுத்த புகாரின் பேரில் சாயல்குடி ஆய்வாளர் அனிதா வழக்குப் பதிவு செய்து  திருச்செல்வத்தை கைது செய்து விசாரணை நடத்தி வருகின்றார். 

]]>
https://www.dinamani.com/all-editions/edition-madurai/ramanathapuram/2019/sep/13/சாயல்குடி-அருகே-அண்ணன்-தலையில்-கல்லைப்-போட்டு-கொன்ற-தம்பி-கைது-3233335.html
3233334 மதுரை ராமநாதபுரம் கோஷ்டிப் பூசலின் பிடியில் ராமநாதபுரம் மாவட்டக் காங்கிரஸ்! DIN DIN Friday, September 13, 2019 08:54 AM +0530 தமிழக காங்கிரஸில் ஏற்கெனவே பல கோஷ்டிகளாக நிர்வாகிகள் செயல்பட்டுவரும் நிலையில், தற்போது செயல் தலைவர்களின் ஆதரவாளர்கள் என புதுக்கோஷ்டி உருவாகியுள்ளதாக மாவட்டத் தலைவர்கள் புகார் கூறுகின்றனர்.
தமிழக காங்கிரஸ் தலைவராக எஸ். திருநாவுக்கரசர் இருந்தபோது தனது ஆதரவாளர்களை மாவட்டத் தலைவர்களாக நியமித்தார். அவருக்குப் பிறகு கே.எஸ்.அழகிரி மாநிலத் தலைவராக நியமிக்கப்பட்டதுடன், சட்டப்பேரவை உறுப்பினர் ஹெச். வசந்தகுமார் உள்ளிட்ட 4 பேர் செயல் தலைவர்களாக நியமிக்கப்பட்டுள்ளனர். இந்த செயல் தலைவர்களுக்கு தலா 13 மாவட்டங்கள் என பிரித்து கண்காணிக்கும் பணி தரப்பட்டுள்ளது. மத்திய தலைமையிலிருந்து வரும் உத்தரவுக்கு ஏற்ப விழாக்கள், நிகழ்ச்சிகள் நடத்தப்படுவதை செயல் தலைவர்கள் கண்காணித்து வருகின்றனர்.  
ராமநாதபுரம் மாவட்டத்தில் காங்கிரஸ் தலைவராக இருப்பவர் தெய்வேந்திரன். இவர் முன்னாள் மாநிலத் தலைவர் எஸ்.திருநாவுக்கரசரின் ஆதரவாளர். இங்கு ஏற்கெனவே ப. சிதம்பரம் ஆதரவாளர் உள்ளிட்ட பல கோஷ்டிகளாக கட்சியினர் உள்ள நிலையில்,  முதுகுளத்தூர் சட்டப்பேரவை உறுப்பினரான மலேசியா பாண்டியனுக்கு ஆதரவாகவும் சிலர் செயல்படுகின்றனர். கட்சி சார்பில் நடக்கும் ஆர்ப்பாட்டத்துக்குக் கூட இந்த காங்கிரஸ் கோஷ்டிகள் ஒன்று சேர்வதில்லை. 
கடந்த ஆகஸ்ட் மாதம் ராஜீவ்காந்தி பிறந்த நாளை முன்னிட்டு ராமநாதபுரத்தில் தற்போதைய மாவட்டத் தலைவர் தெய்வேந்திரன் தலைமையில் நலத்திட்ட உதவிகள் வழங்கும் நிகழ்ச்சி நடைபெற்றது. ஆனால், நிகழ்ச்சியில் பட்டிமன்றம் நடத்த மாநில செயல் தலைவரும், மாவட்டக் கண்காணிப்பாளருமான மயூரா ஜெயகுமார் கூறியுள்ளார். 
அதற்கு கால அவகாசம் இல்லை என மாவட்டத் தலைவர் தரப்பில் கூறப்பட்டுள்ளது. இதனால், நிகழ்ச்சிக்கு மயூரா ஜெயகுமார்  வரவில்லை. ஆனாலும்,  கூட்டம் நடத்தப்பட்டது. இதனால் மாநில செயல் தலைவருக்கும், மாவட்டத் தலைமைக்கும் இடையே உரசல் ஏற்பட்டது. 
இதற்கிடையே, முன்னாள் அமைச்சர் ப.சிதம்பரம் கைதானபோது, முதுகுளத்தூர் சட்டப்பேரவை உறுப்பினர் மலேசியா பாண்டியன் தலைமையில் ராமநாதபுரத்தில் திடீரென ஆர்ப்பாட்டம் நடைபெற்றது. அதில் தற்போதைய கட்சி நிர்வாகிகள் பெரும்பாலானோர் கலந்துகொள்ளவில்லை. அன்று மாலை மாவட்ட கட்சி சார்பில் தனியாக ஆர்ப்பாட்டம் நடத்தப்பட்டது. இதன் பின்னணியிலும் செயல் தலைவர் இருப்பதாக திருநாவுக்கரசு ஆதரவாளர்கள் குற்றஞ்சாட்டுகின்றனர். 
மயூரா ஜெயகுமார் கோஷ்டி: இந்தநிலையில், திருப்புல்லாணியில் தனிநபர் ஊருணியை தூர்வாரிய விழாவை மாநிலத் தலைவர் கே.எஸ்.அழகிரியை அழைத்து நடத்த சிலர் ஏற்பாடு செய்தனர். ஆனால், இதுகுறித்து மாவட்டத் தலைவர் தெய்வேந்திரனுக்கு தெரிவிக்கவில்லையாம். கடந்த 8 -ஆம் தேதி ஞாயிற்றுக்கிழமை நடந்த நிகழ்ச்சி குறித்த விளம்பரங்களில் காங்கிரஸ் மாவட்டத் தலைவர் பெயரோ, படமோ இடம் பெறவில்லை. ஆனால், மயூரா ஜெயகுமார் உள்ளிட்டோர் படம், பெயர் பெற்றிந்தன. இதனால் மாவட்டத் தலைவர் தரப்பில் சத்தியமூர்த்தி பவனைத் தொடர்புகொண்டு விளக்கம் கேட்டபோதுதான், திருப்புல்லாணி நிகழ்ச்சியானது செயல் தலைவர் மயூரா ஜெயகுமாரை முன்னிலைப்படுத்தி நடத்தப்படுவது தெரியவந்துள்ளது. 
நிகழ்ச்சிக்கு ராமநாதபுரம் வந்த மாநிலத் தலைவர் கே.எஸ்.அழகிரியை, சிக்கல் எனும் இடத்தில் மாவட்டத் தலைவர் தெய்வேந்திரன் தனது ஆதரவாளர்களுடன் சந்தித்து வரவேற்றார். அப்போது தனக்கு எதிராக போட்டி நிகழ்ச்சி நடத்தப்படுவதாகவும்,  அதற்கு மாநிலத் தலைவர் செல்வது சரியாகாது என்றும் ஆதங்கப்பட்டுள்ளார்.  இதனால், ராமநாதபுரம் நகர் வரை வந்த கே.எஸ்.அழகிரி, திருப்புல்லாணி பகுதி நிகழ்ச்சிக்கு செல்லவில்லை. செயல் தலைவர் மயூரா ஜெயகுமார் மட்டும் சென்றுள்ளார். 
ஒழுங்கு நடவடிக்கை குழுவிடம் புகார்: நிகழ்ச்சியன்று ராமநாதபுரத்தில் மாவட்டத் தலைவரின்றி செய்தியாளர்களைச் சந்தித்த கே.எஸ்.அழகிரி,  கட்சியின் கோஷ்டி பூசல் குறித்த கேள்விகளுக்கு மழுப்பிவிட்டு கிளம்பினார்.  பிரச்னை அத்துடன் முடியவில்லை. ராமநாதபுரம் மாவட்ட காங்கிரஸ் பிரச்னை குறித்து மாநில காங்கிரஸ் ஒழுங்கு நடவடிக்கைக் குழுவின் கவனத்துக்கு கொண்டு சென்றதுடன்,  செயல் தலைவர் மயூரா ஜெயகுமார், அவரது ஆதரவாளர்கள் மீது புகாரும் கூறப்பட்டுள்ளது. மேலும், திருப்புல்லாணியில் மாவட்ட காங்கிரஸ் தலைவருக்கு தெரிவிக்காமல் நிகழ்ச்சியை நடத்தியவர்கள் மீதும், அதற்கான விளம்பரத்தை வெளியிட்டவர்கள் மீதும் நடவடிக்கை எடுக்கவும் திருநாவுக்கரசு கோஷ்டியினர் வலியுறுத்தியுள்ளனர்.    
 இதுகுறித்து ராமநாதபுரம் மாவட்ட திருநாவுக்கரசர் ஆதரவாளர்கள் கூறுகையில், செயல் தலைவர் மயூரா ஜெயகுமார் கண்காணிக்கும் ராமநாதபுரம், நெல்லை மாவட்டங்களில் அவரால்தான் பிரச்னை ஏற்படுகிறது. இதுபோல ஒவ்வொரு செயல் தலைவரும் தனிக்கோஷ்டி உருவாக்கினால், கட்சி எப்படி வளரும் என்கின்றனர்.    
இப்பிரச்னை குறித்து ராமநாதபுரம் மாவட்டத் தலைவர் தெய்வேந்திரனிடம் கேட்டபோது, கட்சி உறுப்பினர்களால் தேர்ந்தெடுக்கப்பட்டு மாவட்டத் தலைவராகியுள்ளேன். ஆனால், செயல்தலைவர் மயூரா ஜெயகுமாரின் செயல்பாடு கட்சி வளர்ச்சிக்கு நல்லதல்ல. அவர்மீதும், திருப்புல்லாணி நிகழ்ச்சி நடத்தியவர்கள் மீதும்  மாநில ஒழுங்கு நடவடிக்கை குழுவிடம் புகார் மனு அளித்துள்ளோம் என்றார். 
இதுகுறித்து திருப்புல்லாணி பகுதியில் நிகழ்ச்சி நடத்தியவர்கள் தரப்பில் கூறியது: 
ராமநாதபுரம் மாவட்ட காங்கிரஸ் தலைவராக இருப்பவர் வேறு கட்சியிலிருந்து வந்தவர். ஆகவே அவருக்கு காங்கிரஸ் பாரம்பரிய நடைமுறைகள் தெரியவில்லை. கட்சியினரை அரவணைத்துச் செல்ல மறுக்கிறார். ஆகவே கட்சியின் வேறு கிளை அமைப்பு சார்பில் முறைப்படி மாநிலத் தலைவரது அனுமதி பெற்று நிகழ்ச்சி ஏற்பாடு செய்தோம். இதில் தவறில்லை. மாநில செயல் தலைவர் கட்சி நலனுக்கே பாடுபடுகிறார். அவர் மீது குறை கூற முடியாது என்கின்றனர். 
கட்சியின் மாநிலச் செயல் தலைவரும், ராமநாதபுரம் மாவட்ட கண்காணிப்பாளருமான மயூரா ஜெயகுமார் கூறுகையில், கட்சித் தலைமை கூறுவதை மாவட்ட தலைவர்களிடம் தெரிவித்து  செயல்பட அறிவுறுத்துகிறேன். ஆனால், சிலர் அதைப்புரிந்து கொள்ளாமல் என்மீது கோபப்படுகின்றனர். ராஜீவ்காந்தி பஞ்சாயத்து சங்கம் நடத்திய நிகழ்ச்சிக்கு மாநிலத் தலைவரே ஒப்புதல் அளித்துள்ளார். அவரது ஆலோசனைப்படியே விழாவில் கலந்துகொண்டேன். ஆகவே என்மீது புகார் கூறுவோர் மீது கட்சியே தன் கடமையைச் செய்யும். நெல்லையில் மாநிலத் தலைவர் பங்கேற்கும் கூட்டத்தில் அவரது கவனத்துக்கு வராமலேயே நாங்குநேரி சட்டப்பேரவைத் தொகுதி போட்டி குறித்து தீர்மானம் நிறைவேற்றப்படுகிறது. இது கட்சி நலனுக்கு எதிரானது என்றே கண்டித்தேன். இது தவறா என்றார். 
காங்கிரஸ் தொண்டர்கள் அதிருப்தி: கடந்த சில மாதங்களுக்கு முன்பு முதுகுளத்தூரில் கட்சியின் முன்னாள் தலைவர் சோ.பாலகிருஷ்ணனின் சிலை திறப்பு விழா நடந்தது. அதில் விடுதலைச் சிறுத்தைகள் கட்சி தலைவர் தொல்.திருமாவளவன் பேசுகையில், காங்கிரஸ் இந்திய அளவில் வலிமை குன்றிவிட்டதாக குறிப்பிட்டார். ஆனால், அதற்கு மேடையில் இருந்த முன்னாள் அமைச்சர் ப.சிதம்பரம், மாநிலத் தலைவர் கே.எஸ்.அழகிரி உள்பட யாரும் மறுப்புத் தெரிவிக்கவில்லை. அச்சம்பவத்திலேயே கட்சி நிர்வாகிகள் மீது அதிருப்தியில் உள்ள ராமநாதபுரம் மாவட்ட காங்கிரஸ் தொண்டர்கள், தற்போது கட்சிக்குள்ளேயே நிர்வாகிகள் கோஷ்டிகளாகச் செயல்பட்டுவருவது அதிருப்தியளிப்பதாகத் தெரிவிக்கின்றனர்.

]]>
https://images.dinamani.com/uploads/user/imagelibrary/2019/9/13/w600X390/rvx.JPG https://www.dinamani.com/all-editions/edition-madurai/ramanathapuram/2019/sep/13/கோஷ்டிப்-பூசலின்-பிடியில்-ராமநாதபுரம்-மாவட்டக்-காங்கிரஸ்-3233334.html
3233333 மதுரை ராமநாதபுரம் வெளிநாட்டில் மகன் இறப்பு: ஆட்சியரிடம் உதவி கோரி தாய் மனு DIN DIN Friday, September 13, 2019 08:54 AM +0530 வெளிநாட்டில் இறந்த மகனின் சடலத்தை சொந்த ஊருக்கு கொண்டு வர ஏற்பாடு செய்யுமாறு அவரது தாய் ராமநாதபுரம் மாவட்ட ஆட்சியர் அலுவலகத்தில் வியாழக்கிழமை மனு அளித்தார்.
ராமநாதபுரம் மாவட்டம் பரமக்குடி அருகேயுள்ளது வாகைக்குளம். இந்த ஊரைச் சேர்ந்த சோனை முத்து மனைவி சரஸ்வதி (65). இவருக்கு 2 மகன்கள், மகள் உள்ளனர். சோனை முத்து இறந்த நிலையில், ஒரு மகன், மகளுக்கு திருமணமாகிவிட்டது.  திருமணமாகாத மூத்த மகன் மணிகண்டன் (42) குவைத்திற்கு சென்று தனியார் நிறுவனத்தில் வாகன ஓட்டுநராக இருந்துள்ளார். 
இந்நிலையில், கடந்த 8 ஆம் தேதி குவைத்தில் மணிகண்டன் தங்கியிருந்த அறையில் உயிரிழந்துவிட்டதாக அவருடன் தங்கியவர்கள் சரஸ்வதிக்கு செல்லிடப்பேசி மூலம் தகவல் தெரிவித்துள்ளனர். அவர் எப்படி இறந்தார் என்ற விவரத்தை அவர்கள் கூறவில்லை. மேலும், மணிகண்டன் இறப்பு குறித்து அவர் பணிபுரிந்த தனியார் நிறுவனத்திடமிருந்தும் தகவல் இல்லையாம். 
இதையடுத்து, சரஸ்வதி தனது மகன் இறப்பு குறித்து விசாரணை நடத்தவும், அவரது சடலத்தை சொந்த ஊருக்கு கொண்டு வரவும், தனக்கு இழப்பீடு வழங்கவும் கோரி ராமநாதபுரம் மாவட்ட ஆட்சியர் அலுவலகத்தில் உறவினர்களுடன் மனு அளித்தார். 
இதுகுறித்து சரஸ்வதி கூறுகையில்,  வறுமை காரணமாகவே மகனை வெளிநாட்டுக்கு அனுப்பினேன். ஆனால், திடீரென மகன் இறந்ததாக தகவல் வந்துள்ளது. மகனின் சடலத்தை கொண்டு வருவதற்கான வழி தெரியவில்லை. 
அதற்கான போதிய  பணமும் இல்லை. ஆகவே அதிகாரிகள் நடவடிக்கை எடுத்து உதவவேண்டும் என்றார்.

]]>
https://www.dinamani.com/all-editions/edition-madurai/ramanathapuram/2019/sep/13/வெளிநாட்டில்-மகன்-இறப்பு-ஆட்சியரிடம்-உதவி-கோரி-தாய்-மனு-3233333.html
3233332 மதுரை ராமநாதபுரம் நாளை பொது விநியோகத் திட்ட முகாம்கள் நடைபெறும் இடங்கள் DIN DIN Friday, September 13, 2019 08:53 AM +0530 ராமநாதபுரம் மாவட்டத்தில் தமிழக முதல்வரின் பொது விநியோகத் திட்ட குறைதீர்க்கும் முகாம்கள் சனிக்கிழமை (செப்.14) நடைபெறும் இடங்கள் அறிவிக்கப்பட்டுள்ளன. 
இதுகுறித்து மாவட்ட ஆட்சியர் கொ.வீரராகவராவ் விடுத்துள்ள செய்திக்குறிப்பு விவரம்: மாதந்தோறும் இரண்டாவது சனிக்கிழமை மாவட்டத்தின் அனைத்து வட்டங்களிலும் ஒரு கிராமத்தில் சுழற்சி முறையில் பொது விநியோகத் திட்ட குறைதீர் முகாம் நடத்தப்பட்டு வருகிறது. ராமநாதபுரம் மாவட்டத்தில், செப்டம்பர் மாத குறைதீர்க்கும் முகாம் நடத்தப்படும் கிராமங்கள் விவரம்: ராமநாதபுரம் வட்டம் முடிவீரன்பட்டிணம்,  ராமேசுவரம் வட்டம் ராமேசுவரம்,  திருவாடானை வட்டம் என்.எம்.மங்கலம், பரமக்குடி வட்டம் தெளிச்சாத்தநல்லூர்,  முதுகுளத்தூர் வட்டம் கொளுந்துரை.
கடலாடி வட்டம் பி.கீரந்தை,  கமுதி வட்டம் மண்டலமாணிக்கம்,  கீழக்கரை வட்டம் பெரியபட்டிணம், ஆர்.எஸ்.மங்கலம் வட்டம் செங்குடி ஆகிய கிராமங்களில் பொதுவிநியோகத் திட்ட குறைதீர் முகாம்கள் நடைபெற உள்ளன. பொதுமக்கள் பொதுவிநியோகத் திட்டம் சம்பந்தமான தங்களின் குறைகள் மற்றும் மின்னணு குடும்ப அட்டைகளில் பிழைத்திருத்தம், புகைப்படம் பதிவேற்றம், பெயர் சேர்த்தல், நீக்கல், முகவரி மாற்றம் போன்ற குறைகளை நிவர்த்தி செய்ய வரும் 14 ஆம் தேதி (சனிக்கிழமை) காலை 10 மணிக்கு குறைதீர் முகாமில் மனுக்களை அளிக்கலாம் எனக்குறிப்பிடப்பட்டுள்ளது.

]]>
https://www.dinamani.com/all-editions/edition-madurai/ramanathapuram/2019/sep/13/நாளை-பொது-விநியோகத்-திட்ட-முகாம்கள்-நடைபெறும்-இடங்கள்-3233332.html
3233331 மதுரை ராமநாதபுரம் பரமக்குடி அருகே கிராமச்சாலை தரமின்றி அமைக்கப்படுவதாக புகார் DIN DIN Friday, September 13, 2019 08:53 AM +0530 பரமக்குடி ஊராட்சி ஒன்றியம் வேந்தோணி ஊராட்சியில் கிராமச் சாலை தரமில்லாத வகையில் அமைக்கப்பட்டு வருவதாக கிராம மக்கள் புகார் தெரிவித்தனர்.
வேந்தோணி ஊராட்சியில் முத்துச்செல்லாபுரம் செல்லும் விலக்குச்சாலை மிகவும் சேதமடைந்து காணப்பட்ட நிலையில், தற்போது 900 மீட்டர் நீளத்திற்கு புதிதாக சாலை சீரமைக்கும் பணி நடைபெற்று வருகிறது. இச்சாலையானது அரசின் திட்ட மதிப்பீட்டின்படி அமைக்காமல் போதிய ஜல்லி, தார் கலவையின்றி தரமற்றதாக அமைக்கப்பட்டு வருவதாக புகார் எழுந்துள்ளது.
இது குறித்து ஊராட்சி ஒன்றிய அலுவலகத்தில் வட்டார வளர்ச்சி அலுவலர் மற்றும் பொறியாளரிடம் பல முறை புகார் அளித்தும் எந்த நடவடிக்கையும் எடுக்கவில்லை என அப்பகுதி மக்கள் கூறுகின்றனர். 
 கிராமப்புற மக்கள் பயன்பெறும் வகையில் ஒதுக்கப்படும் நிதியானது முறையாக கிராம மக்களைச் சென்றடையும் வகையில் சாலைப் பணிகள் முறையாக நடைபெற மாவட்ட ஆட்சியர் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/13/பரமக்குடி-அருகே-கிராமச்சாலை-தரமின்றி-அமைக்கப்படுவதாக-புகார்-3233331.html
3233330 மதுரை ராமநாதபுரம் ராமநாதபுரம் பகுதிகளில் விதிமீறி மணல் அள்ளிய 6 லாரிகள் பறிமுதல் DIN DIN Friday, September 13, 2019 08:52 AM +0530 ராமநாதபுரத்தில் விதியை மீறி மணல் அள்ளியதாக 6 டிப்பர் லாரிகளை போலீஸார் புதன்கிழமை இரவு பறிமுதல் செய்தனர்.
ராமநாதபுரம் சுற்றுச்சாலை பகுதியில் தனியார் பெட்ரோல் நிரப்பும் மையம் அருகே விதியை மீறி சிலர் மணல் அள்ளுவதாக புகார்கள் எழுந்தன. இதுகுறித்து கேணிக்கரை போலீஸார் அப்பகுதியில் புதன்கிழமை திடீர் சோதனையிட்டபோது, 3 டிப்பர் லாரிகள் மற்றும் ஜேசிபி இயந்திரங்கள் மூலம் மணல் அள்ளுவது கண்டறியப்பட்டது. அவற்றை போலீஸார் பறிமுதல் செய்தனர். இதுதொடர்பாக புத்தனேந்தல் அசோக்குமார் உள்ளிட்ட 3  பேர் மீது   வழக்குப்பதிந்துள்ளனர். 
 பஜார் போலீஸ் நிலையத்துக்கு உள்பட்ட நயினார்கோவில் சாலையில் விதியை மீறி மணல் அள்ளியதாக ஒருவர் மீது வழக்குப்பதிந்து டிப்பர் லாரியையும் பறிமுதல் செய்துள்ளனர். 
அதே பகுதியில் மற்றொரு இடத்தில் மணல் அள்ளியது தொடர்பாக பெருங்களூருவைச் சேர்ந்தவர் மீது வழக்குப்பதிந்த போலீஸார் லாரியையும் பறிமுதல் செய்தனர். தொருவளூர் பகுதியில் மணல் அள்ளியதாக ராஜா என்பவர் மீது வழக்குப்பதிந்த போலீஸார் அவர் விட்டுச்சென்ற லாரியைப் பறிமுதல் செய்தனர். 
ராமநாதபுரத்தில் புதன்கிழமை இரவு மட்டும் விதியை மீறி மணல் அள்ளியதாக 6 லாரிகளைப் பறிமுதல் செய்த போலீஸார் 6 பேர் மீது வழக்குப்பதிந்தும் உள்ளனர். மேலும்,  இதுதொடர்பாக வட்டாட்சியர் நடவடிக்கைக்கும் போலீஸார் பரிந்துரைத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/13/ராமநாதபுரம்-பகுதிகளில்-விதிமீறி-மணல்-அள்ளிய-6-லாரிகள்-பறிமுதல்-3233330.html
3233328 மதுரை ராமநாதபுரம் நேரடி நெல் விதைப்பு: அதிகாரிகள் அறிவுரை DIN DIN Friday, September 13, 2019 08:51 AM +0530 மானாவாரி நெல் சாகுபடி உழவுக்கான மழை பெய்து வருவதால் விதை விதைக்கும் கருவிகள் மூலம் நேரடி நெல் விதைப்பு செய்ய விவசாயிகளுக்கு வேளாண்துறை அதிகாரிகள் அறிவுரை வழங்கியுள்ளனர். 
இதுகுறித்து நயினார்கோவில் வட்டார வேளாண்மை உதவி இயக்குநர் கே.விபானுபிரகாஷ் கூறியது: 
நயினார்கோவில் ஒன்றியம் ராதாப்புளி, பாண்டியூர், சின்னஅக்கிரமேசி உள்ளிட்ட பல்வேறு கிராமங்களில் சமீபத்தில் பெய்த மழையை பயன்படுத்தி நெல் விதைப்புப் பணிகளை விவசாயிகள் தொடங்கியுள்ளனர். விதை விதைப்பு கருவி மூலம் விதைப்பதால் பயிர்களை சரியான எண்ணிக்கையில் பராமரிக்க முடியும். 
ஏக்கருக்கு 16 கிலோ நெல் விதை போதுமானது. வரிசையாக பயிர்கள் சரியான இடைவெளியில் முளைக்கும். மேலும் பயிர்களின் ஊடே களை எடுக்கும் பணி, உரமிடுதல், பயிர் பாதுகாப்பு போன்ற பணிகள் செய்ய ஏதுவாக அமையும். இவ்வாறு விதைப்பு செய்வதால் பயிர்கள் விரைவாக வளர்ச்சி பெற்று, கதிர்கள் கூடுதலாக வரபெற்று 10 நாள்களுக்கு முன்பே அறுவடைக்கு வந்துவிடும். மகசூலும் கூடுதலாக கிடைக்கும்.
 நேரடி நெல் விதைப்பு செய்யு விவசாயிகளுக்கு ஏக்கர் ஒன்றுக்கு ரூ. 6 ஆயிரம் மானியம் வழங்கப்படுகிறது. தற்போது நயினார்கோவில் வேளாண் விரிவாக்க மையத்தில் 110 நாள் வயதுடைய 1051 நெல் ரகம் போதுமான அளவு இருப்பு உள்ளது. நெல் சாகுபடி செய்யும் விவசாயிகள் விதை விதைக்கும் கருவியை பயன்படுத்தி செப்டம்பர் 30 ஆம் தேதிக்குள் விதைப்பு பணியை நிறைவு செய்ய வேண்டும் என அவர் தெரிவித்தார்.

]]>
https://www.dinamani.com/all-editions/edition-madurai/ramanathapuram/2019/sep/13/நேரடி-நெல்-விதைப்பு-அதிகாரிகள்-அறிவுரை-3233328.html
3233327 மதுரை ராமநாதபுரம் ராமநாதபுரம் மாவட்டத்தில் தொடரும் மழை: விவசாயிகள் மகிழ்ச்சி DIN DIN Friday, September 13, 2019 08:51 AM +0530 ராமநாதபுரம் மாவட்டத்தில் தொடர்ந்து மழை பெய்துவருவதால் விவசாயிகள் மகிழ்ச்சி அடைந்துள்ளனர்.
ராமநாதபுரம் மாவட்டத்தில் கடந்த சில ஆண்டுகளாக போதிய மழை இல்லாததால் கடும் வறட்சி நிலவுகிறது. நடப்பு ஆண்டிலாவது பருவமழை பெய்யுமா என்ற கேள்விக் குறியோடு, விவசாயத்துக்கு தயாராக முடியாமல் விவசாயிகள் தவித்து வந்தனர்.
இந்த நிலையில் கடந்த புதன்கிழமை முதல் மாவட்டத்தில் பெய்து வரும் மழையால் விவசாயிகள் மானாவாரி விவசாயப் பணிகளைத் தொடங்கியுள்ளனர்.
திருவாடானை, அஞ்சுகோட்டை திணையத்தூர், திருவெற்றியூர் கீழ்க்குடி,தொண்டி நம்புதாளை முகிழ்த்தகம், சோழியக்குடி, தேளூர், வட்டாணம், ஆர்.எஸ்.மங்கலம், வண்டல், வரவணி, சனவேலி, அடர்ந்தனக்கோட்டை, ஏ.ஆர். மங்கலம், திருத்தேர்வலை உள்ளிட்ட பல்வேறு பகுதிகளில் புதன்கிழமை இரவு பலத்த இடியுடன் மழை பெய்தது. இதனால் மழை நீர் பெருக்கெடுத்து தெருக்களில் ஓடியது. வயல், குளம், குட்டை, கண்மாய் பகுதிகளில் மழை நீர் தேங்கியது. வெப்பம் தணிந்து குளிர்ச்சி நிலவியது. 
தற்போது பெய்து வரும் மழையை பயன்படுத்தி விவசாயிகள் உழவுப் பணி மேற்கொண்டு வருகின்றனர். இது குறித்து விவசாயிகள் கூறியதாவது: 
தற்போது அஞ்சுகோட்டை, பாண்டுகுடி, ஓரியூர்,ஆர்.எஸ்.மங்கலம், செங்குடி, வண்டல்,வரவணி, ஆவரேந்தல், சனவேலி ஆகிய கிராமங்களில் விதைப்பு பணிகளும், திருவெற்றியூர், அரும்பூர், குளத்தூர், திணையத்தூர், கீழக்குடி தொண்டி நம்புதாளை முகிழ்த்தகம், கடம்பனேந்தல் போன்ற பகுதிகளில் உழவுப் பணிகளும் நடந்து வருகின்றன என்றனர். 
இப்பகுதிகளில் பல மணி நேரம் மின் தடை ஏற்பட்டது. இதனால் பொதுமக்கள் மிகவும் அவதிப்பட்டனர்.
மின் தடையால் அவதி: ராமநாதபுரம் நகர் மற்றும் ஊரகப் பகுதிகளில் புதன்கிழமை பகலில் திடீரென மழை பெய்தது. சுமார் ஒரு மணி நேரம் பெய்த மழையால் பள்ளமான இடங்களில் தண்ணீர் தேங்கியது. மழையால் குளிர்ச்சியான சூழலும் நிலவியது. 
இந்தநிலையில், வியாழக்கிழமை காலையில் சுமார் ஒரு மணி நேரத்துக்கும் மேலாக மழை பெய்தது. இந்த மழையால் சாலையோரங்களில் வழக்கம் போல தண்ணீர் தேங்கியது. மழை காரணமாக வாகனங்கள் மெதுவாகச் சென்றதாலும் போக்குவரத்து நெரிசல் ஏற்பட்டது. முகூர்த்த தினம் என்பதால் மக்கள் நனைந்துகொண்டு செல்லும் நிலை ஏற்பட்டது.  
  மழை பெய்த நிலையில் திடீரென நகரின் பல பகுதிகளில் மின் தடை ஏற்பட்டது. மழை நின்ற பிறகு வண்டிக்காரத் தெரு 
உள்ளிட்ட பகுதிகளில் மின் அழுத்தக் குறைவால் மின் விசிறி இயங்கக்கூட முடியாத நிலை காணப்பட்டது. மின் தடையாலும், குறைந்த மின் அழுத்தக் குறைபாட்டாலும் பொதுமக்கள் அவதியடைந்தனர். 
 

]]>
https://www.dinamani.com/all-editions/edition-madurai/ramanathapuram/2019/sep/13/ராமநாதபுரம்-மாவட்டத்தில்-தொடரும்-மழை-விவசாயிகள்-மகிழ்ச்சி-3233327.html
3233325 மதுரை ராமநாதபுரம் இடியும் நிலையில் பள்ளி சமையலறை கட்டடம்:  மாணவர்கள் அச்சம் DIN DIN Friday, September 13, 2019 08:51 AM +0530 கமுதி அருகே அரசு நடுநிலைப்பள்ளி வகுப்பறை கட்டடத்திற்கு அருகே சேதமடைந்து, இடிந்து விழும் நிலையிலுள்ள சமையலறை கட்டடத்தால், மாணவர்கள் அச்சமடைந்துள்ளனர். 
கமுதி அருகே அபிராமத்தில் காவல் நிலையம் எதிரே உள்ள அரசு நடுநிலைப்பள்ளியில் 38 மாணவர்கள் படித்து வருகின்றனர். இதில் துவக்கப்பள்ளி வகுப்பறைக்கு அருகே சேதமடைந்து இடிந்து விழும் நிலையில் சமையலறை கட்டடம் உள்ளது. 
இந்த கட்டடத்தின் மேற்கூரை, சுவர்கள் இடிந்து பயன்படுத்த முடியாத நிலையில் இருந்து வந்தது. இதனால், சமையலறை, வேறு பகுதிக்கு மாற்றப்பட்டது. இருப்பினும் வகுப்பறை அருகே இடிந்து விழும் நிலையில் உள்ள சமையலறை கட்டடத்தால் மாணவர்களும் ஆசிரியர்களும் அச்சத்தில் இருந்து வருகின்றனர். 
எனவே மாவட்ட நிர்வாகம் தலையிட்டு மாணவர்களின் நலன் கருதி பயன்படாத, இடிந்து விழும் நிலையில் உள்ள கட்டடத்தை அகற்ற நடவடிக்கை எடுக்க வேண்டும் என மாணவர்களின் பெற்றோர்கள் வலியுறுத்தியுள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/13/இடியும்-நிலையில்-பள்ளி-சமையலறை-கட்டடம்--மாணவர்கள்-அச்சம்-3233325.html
3232498 மதுரை ராமநாதபுரம் கடலாடி அருகே பள்ளியில் ஊட்டச்சத்து மாத விழா DIN DIN Thursday, September 12, 2019 07:25 AM +0530 கடலாடி அருகே பூப்பாண்டியபுரம் நடுநிலைப்பள்ளியில்  ஊட்டச்சத்து மாத விழா செவ்வாய்க்கிழமை நடைபெற்றது.
நிகழ்ச்சிக்கு கடலாடி வட்டார குழந்தைகள் வளர்ச்சி திட்ட அலுவலர் வி.தேன்மொழி தலைமை வகித்தார். பள்ளியின் தலைமை ஆசிரியை முனீஸ்வரி ,வட்டார ஒருங்கிணைப்பாளர் ஆர்.மைதிலி வட்டார திட்ட உதவியாளர் மு.வெள்ளைப்பாண்டியன் ஆகியோர் முன்னிலை வகித்தனர். 
நிகழ்ச்சியில் குழந்தைகள் வளர்ச்சி திட்ட அலுவலர் பேசுகையில், செப்டம்பர் மாதம்  ஊட்டச்சத்து மாதமாகக் கொண்டாடப்படுகிறது. 
குழந்தைகள் சத்தான உணவு உண்பது, பாதுகாப்பான குடிநீரை அருந்துவது அவசியம் என்றார். அங்கன்வாடி பணியாளர் நித்யா, பிரியங்கா ஆகியோர் நிகழ்ச்சிக்கான ஏற்பாடுகளை செய்திருந்தனர். 
நிகழ்ச்சியில் ஆசிரியர் பயிற்றுநர் காளியம்மாள், மேற்பார்வையாளர்கள் உமா, பொன்னரசி மற்றும் பள்ளி மாணவ, மாணவிகள், ஆசிரியர்கள், கிராம பொது மக்கள் கலந்து கொண்டனர்.

]]>
https://www.dinamani.com/all-editions/edition-madurai/ramanathapuram/2019/sep/12/கடலாடி-அருகே-பள்ளியில்-ஊட்டச்சத்து-மாத-விழா-3232498.html
3232497 மதுரை ராமநாதபுரம் இமானுவேல் சேகரன் நினைவு தினம்: முதுகுளத்தூர், கடலாடி பகுதிகளில் இருந்து ஏராளமானோர் அஞ்சலி DIN DIN Thursday, September 12, 2019 07:25 AM +0530 இமானுவேல் சேகரனின் 62 ஆவது நினைவு தினத்தையொட்டி முதுகுளத்தூர், கடலாடி, சாயல்குடி அதன் சுற்றுவட்டாரப் பகுதியில் இருந்து ஏராளமானோர் வாகனங்களில் வந்து பரமக்குடியில் உள்ள அவரது நினைவு இடத்தில் புதன்கிழமை அஞ்சலி செலுத்தினர்.
ராமநாதபுரம் மாவட்டம் முதுகுளத்தூரில் இருந்து பேரையூர், புல்வாய்குளம், வீரம்பல், சடையனேரி, மாரந்தை, காக்கூர், கருமல், கீழக்கன்னிசேரி, கிழக்குத் தெரு, ஆதனக்குறிச்சி, கடையக்குளம், தஞ்சாக்கூர், புளியங்குடி, கீழமானாங்கரை, நெடியமாணிக்கம், உலையூர், அலங்கானூர், விளங்குளத்தூர், வெங்கலக்குறிச்சி உள்பட 85 ஊர்களைச் சேர்ந்தவர்கள் பேருந்து மற்றும் வாகனங்களில்  ஊர்வலமாக சென்றனர். 
முன்னதாக முதுகுளத்தூர் பேருந்து நிலையத்தில் உள்ள சுந்தரலிங்கனார் சிலைக்கு மாலை அணிவித்து மரியாதை செலுத்தினர். பின்னர் முதுகுளத்தூரில் இருந்து பேருந்துகளில் மாவட்ட நிர்வாகம் உத்தரவிடப்பட்டுள்ள வெண்ணீர்வாய்க்கால், மகிண்டி, சூரங்குளம் விலக்கு 
பாம்பூர் வழியாக பரமக்குடியில் உள்ள இமானுவேல் சேகரன் நினைவு இடத்திற்கு சென்று தேவேந்திரர் குல சமுதாய மக்கள் அஞ்சலி செலுத்தினர். 
அதே போன்று கடலாடி பகுதியில் இருந்து 22 வாகனங்களில் ஓரியவயல், மாரந்தை, பனைக்குளம், சடையனேரி, ராமலிங்கபுரம், தேரிருவேலி வழியாக பரமக்குடி சென்று அஞ்சலி செலுத்தினர். சாயல்குடி பகுதியில் இருந்து 21  வாகனங்களில் சென்று அஞ்சலி செலுத்தினர்.
இமானுவேல் சேகரன் நினைவு தினத்தை முன்னிட்டு முதுகுளத்தூர், கடலாடி பகுதிகளுக்கு சென்னை காவல்துறை கண்காணிப்பாளர் விக்ரமன், கடலூர் ஏ.டி.எஸ்.பி. பாண்டியன், முதுகுளத்தூர் 
காவல்துறை துணை கண்காணிப்பாளர் ராஜேஷ் ஆகியோர் தலைமையில் ஆயிரத்திக்கும் மேற்பட்ட போலீஸார் பாதுகாப்பு பணியில் ஈடுபட்டிருந்தனர்.

]]>
https://www.dinamani.com/all-editions/edition-madurai/ramanathapuram/2019/sep/12/இமானுவேல்-சேகரன்-நினைவு-தினம்முதுகுளத்தூர்-கடலாடி-பகுதிகளில்-இருந்து-ஏராளமானோர்-அஞ்சலி-3232497.html
3232496 மதுரை ராமநாதபுரம் திருவாடானை அருகே பாரதி நகரில் கழிவுநீர்  தேக்கத்தால் தொற்றுநோய் பரவும் அபாயம் DIN DIN Thursday, September 12, 2019 07:24 AM +0530 திருவாடானை அருகே உள்ள பாரதி நகரில் கழிவுநீர் செல்வதற்கான கால்வாய் இல்லாமல் கழிவு நீர் தேங்கி உள்ளதால் தொற்று நோய் பரவும் அபாயம் ஏற்பட்டுள்ளதாக இப்பகுதி மக்கள் புகார் தெரிவித்தனர்.
திருவாடானை ஊராட்சி ஒன்றியம் கல்லூர் ஊராட்சியைச் சேர்ந்த பாரதி நகர் திருவாடானையை ஒட்டி அமைந்துள்ளதால் இங்கு அரசு அதிகாரிகள் மற்றும் பொதுமக்கள் பெரும்பாலானோர் குடியிருந்து வருகின்றனர். இதனால் இப்பகுதி வளர்ந்து வரும் பகுதியாக மாறிவிட்டது. 
இங்கு மழைநீர் மற்றும் சாக்கடை கழிவுநீர் வெளியேற கால்வாய்கள் கட்டப்படவில்லை. இதனால் வீடுகளின் ஓரத்திலும் பிரதான சாலைகளிலும்  சாக்கடை நீர் குளம் போல் தேங்கி உள்ளது. 
இதில் ஏராளமான கொசுக்கள் உற்பத்தியாகி இங்கு குடியிருப்போரை தூங்கவிடாமல் தொல்லை கொடுத்து 
வருகிறது. இந்த கழிவு  நீர் தேக்கத்தால் சுகாதாரக் கேடு ஏற்பட்டு தொற்றுநோய் பரவும் அபாயம் உள்ளது. எனவே சிறப்பு நிதி ஒதுக்கி சாக்கடை கழிவுநீர் வெளியேற கால்வாய் அமைக்க வேண்டும் என இப்பகுதிமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/12/திருவாடானை-அருகே-பாரதி-நகரில்-கழிவுநீர்-தேக்கத்தால்-தொற்றுநோய்-பரவும்-அபாயம்-3232496.html
3232495 மதுரை ராமநாதபுரம் ராமநாதபுரத்தில் நாளை தனியார் வேலைவாய்ப்பு முகாம் DIN DIN Thursday, September 12, 2019 07:24 AM +0530 ராமநாதபுரம் மாவட்ட வேலைவாய்ப்பு அலுவலகத்தில் வெள்ளிக்கிழமை தனியார் துறையினரின் வேலை வாய்ப்பு முகாம் நடைபெறுகிறது. 
 இதுகுறித்து மாவட்ட ஆட்சியர் கொ.வீரராகவராவ் விடுத்துள்ள செய்திக்குறிப்பு: ராமநாதபுரம் மாவட்ட வேலைவாய்ப்பு அலுவலக வளாகத்தில் வெள்ளிக்கிழமை (செப். 13) நடைபெறும் தனியார் துறை வேலைவாய்ப்பு முகாமில் பல முன்னணி நிறுவனங்கள் கலந்து கொண்டு கல்வித் தகுதிக்கேற்ப தங்களுக்கான பணியாளர்களைத் தேர்வுசெய்ய உள்ளனர்.
 முகாமில் பத்தாம் வகுப்பு முதல் முதுகலை பட்டப்படிப்பு வரை முடித்தவர்களும்,  தொழில் கல்வி மற்றும் டிப்ளமோ படித்தவர்களும் கலந்துகொண்டு, கல்வித் தகுதிக்கேற்ப தனியார்துறை நிறுவனங்களில் பணி நியமனம் பெற்றுக் கொள்ளலாம். 
ஆகவே முகாமில் கலந்து கொள்ள விருப்பமுள்ளவர்கள் சுய விவரங்களடங்கிய விண்ணப்பம், அனைத்து அசல் கல்விச்சான்றுகள், ஆதார் அட்டை, குடும்ப அடையாள அட்டை மற்றும் புகைப்படத்துடன், வெள்ளிக்கிழமை காலை 10 மணிக்கு ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு நேரில் வரவேண்டும் எனக்குறிப்பிடப்பட்டுள்ளது.
 

]]>
https://www.dinamani.com/all-editions/edition-madurai/ramanathapuram/2019/sep/12/ராமநாதபுரத்தில்-நாளை-தனியார்-வேலைவாய்ப்பு-முகாம்-3232495.html
3232494 மதுரை ராமநாதபுரம் ராமநாதபுரத்தில் மழை DIN DIN Thursday, September 12, 2019 07:24 AM +0530 ராமநாதபுரம் நகரில் புதன்கிழமை காலையில் பெய்த மழையால் சாலைகளில் தண்ணீர் தேங்கியது.
 ராமநாதபுரம் மாவட்டம் தொடர் வறட்சிக்கு இலக்காகி வரும் நிலையில் சமீப காலமாக அவ்வப்போது லேசான மழை பெய்து வருகிறது. புதன்கிழமை காலையில் வானம் மேகமூட்டத்துடன் காணப்பட்டது. 
இந்நிலையில் திடீரென மழை பெய்தது. சுமார் 1 மணி நேரம் பெய்த இதமான மழையால் சாலைகளில் தண்ணீர் தேங்கியது. இதனால் வெப்பம் தணிந்து குளிர்ச்சியான சூழல் நிலவியது.
 

]]>
https://www.dinamani.com/all-editions/edition-madurai/ramanathapuram/2019/sep/12/ராமநாதபுரத்தில்-மழை-3232494.html
3232493 மதுரை ராமநாதபுரம் அக்னி தீர்த்தம் கடலில் போடப்படும் சுவாமி சிலைகளை அகற்றக் கோரிக்கை DIN DIN Thursday, September 12, 2019 07:23 AM +0530 ராமேசுவரம் அக்னி தீர்த்தக் கடலில் போடப்படும் சேதமடைந்த சுவாமி சிலைகளை உடனுக்குடன் அகற்ற வேண்டும் என பக்தர்கள் கோரிக்கை விடுத்தனர். 
 ராமேசுவரம் ராமநாத சுவாமி கோயில் இந்துக்களின் தீர்த்த மூர்த்தி ஸ்தலமாக விளங்கி வருகிறது. பல்வேறு இடங்களிலும் கோயில்களைப் புதுபிக்கும் போது சேதமடையும் சிலைகளை ராமேசுவரம் கொண்டு வந்து அக்னி தீர்த்தக் கடலில் போட்டு விட்டுச் செல்வது வழக்கம். இச்சிலைகள் புனித நீராடச் செல்லும் பக்தர்களின் கால்களில் மிதிபடுவதுடன், கால்களை காயபடுத்தியும் வருகின்றன. இவ்வாறு கடலில்போடும் சிலைகளை சிலர் கரைக்கு எடுத்து வந்து வைத்து விட்டுச் சென்று விடுகின்றனர். 
இந்த சிலைகளுக்கு சிலர் அலங்காரம் செய்து, மாலை அணிவித்து பக்தர்களிடம் பணம் பறிக்கும் செயல்களில் ஈடுபடுகின்றனர். இதனால் பக்தர்கள் ஏமாற்றம் அடைவதை தடுக்கவும், சேதமடைந்த சிலைகளை அக்னி தீர்த்தக் கடலில் இருந்து அகற்றவும் நடவடிக்கை எடுக்க வேண்டும் என பக்தர்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/ramanathapuram/2019/sep/12/அக்னி-தீர்த்தம்-கடலில்-போடப்படும்சுவாமி-சிலைகளை-அகற்றக்-கோரிக்கை-3232493.html
3232492 மதுரை ராமநாதபுரம் திருவாடானை பகுதியில் பதிவு எண் இல்லாத வெளியூர் வாகனங்கள் அதிகரிப்பு DIN DIN Thursday, September 12, 2019 07:23 AM +0530 திருவாடானை பகுதிகளில் அதிக அளவில் பதிவெண் இல்லாத வாகனங்கள் உள்ளன.இது சம்பந்தமாக உரிய நடவடிக்கை எடுக்க  வேண்டும் என சமூக ஆர்வலர்கள் கோரிக்கை விடுத்துள்ளனர்.
திருவாடானை, அஞ்சுகோட்டை, சி.கே.மங்கலம், திருவெற்றியூர், அரசூர், கற்காத்தகுடி உள்ளிட்ட பல்வேறு சுற்று வட்டாரப் பகுதிகளில் தற்சமயம் விவசாயிகள் விவசாய பணிகளில் தீவிரம் காட்டி வருகின்றனர். இதனால் தங்களது வயல்களில் டிராக்டர் மூலம் உழுது விதைத்து வருகின்றனர். இந்த பணிகளுக்கு வெளி மாவட்டங்களில் இருந்து டிராக்டர்கள் அதிகம் வந்துள்ளன. இந்த டிராக்டர் பெரும்பாலும் பதிவெண் இல்லாமல் உள்ளன. இதனால் ஏதாவது அசம்பாவிதம் ஏற்பட்டுவிட்டால் வாகனத்தை அடையாளம் காணுவதில் சிக்கல் ஏற்பட்டுள்ளது. தற்போது சாலை விதிகள் திருத்தம் செய்யப்பட்டுள்ள நிலையில் இந்த வாகனங்கள் மீது காவல் துறையினர் கடும் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/12/திருவாடானை-பகுதியில்-பதிவு-எண்-இல்லாதவெளியூர்-வாகனங்கள்-அதிகரிப்பு-3232492.html
3232491 மதுரை ராமநாதபுரம் ராமநாதபுரம் மாவட்டத்தில் குடிநீர் களஆய்வுக்கு 32 சிறப்புக் குழுக்கள் DIN DIN Thursday, September 12, 2019 07:23 AM +0530 ராமநாதபுரம் மாவட்டத்தில் குடிநீர் விநியோகம் குறித்த கள ஆய்வில் 32 சிறப்புக் குழுக்கள் ஈடுபடுத்தப்பட்டுள்ளன என்று  தமிழ்நாடு குடிநீர் வடிகால் வாரிய மேலாண்மை இயக்குநர் சி.என்.மகேஸ்வரன், கூறினார்.
ராமநாதபுரம் மாவட்டத்தில், தமிழ்நாடு குடிநீர் வடிகால் வாரியம் மூலமாக செயல்படுத்தப்பட்டு வரும் குடிநீர் விநியோக திட்டப்பணிகள் ஆய்வுக் கூட்டம் செவ்வாய்க்கிழமை மாலை நடைபெற்றது. மாவட்ட ஆட்சியர் அலுவலக வளாகத்தில் நடந்த இந்த கூட்டத்துக்கு ஆட்சியர் கொ.வீரராகவராவ் தலைமை வகித்தார். 
கூட்டத்தில் குடிநீர் வடிகால் வாரிய மேலாண்மை இயக்குநர் சி.என்.மகேஸ்வரன் பேசியது: 
ராமநாதபுரம் மாவட்டத்தில் 4 நகராட்சிகள், 7 பேரூராட்சிகள், 429 ஊராட்சிகள், 2,307 குக்கிராமங்கள் உள்ளன. ஆகவே அவற்றுக்கு தினமும் சராசரியாக 80 மில்லியன் லிட்டர் குடிநீர் தேவைப்படுகிறது. காவிரி கூட்டுக்குடிநீர் திட்டம் உள்ளிட்ட 49 கிராம கூட்டுக் குடிநீர் விநியோக திட்டங்களின் மூலமாக தினமும் 33 மில்லியன்லிட்டர் முதல் 36 மில்லியன் லிட்டர் வரை குடிநீர் பெறப்படுகிறது. மேலும், ஊரக வளர்ச்சித் துறை வாயிலாக திறந்தவெளிக் கிணறு,  ஆழ்துளை கிணறுகள் மூலமும் குடிநீர் பெறப்படுகிறது. 
  மாவட்டத்தில் வடிகால் வாரியம் மூலம் செயல்படுத்தப்படும் 49 கிராம கூட்டுக் குடிநீர் திட்ட நீர் நிலை குறித்து கள ஆய்வுக்காக வெளி மாவட்ட உதவி செயற்பொறியாளர்கள், உதவிப் பொறியாளர்கள் அடங்கிய 32 குழுக்கள் பணியில் ஈடுபடுத்தப்பட்டுள்ளன. இதில் குழுவுக்கு இருவர் என 64 பொறியாளர்கள் உள்ளனர். குழுவினர் ஏறத்தாழ 106 குடிநீர் மாதிரிகளை ஆய்வுக்கு உள்படுத்தியுள்ளனர். மாவட்டத்தில் அனைத்து பகுதிகளுக்கும் சீரான குடிநீர் வழங்கிட ரூ. 7.58 கோடியில் திட்டப்பணிகள் நடந்து வருகின்றன என்றார்.
கூட்டத்தில், மாவட்ட வருவாய் அலுவலர் சி.முத்துமாரி, மாவட்ட ஊரக வளர்ச்சி முகமை திட்ட இயக்குநர் த.கெட்சி லீமா அமலினி, தமிழ்நாடு குடிநீர் வடிகால் வாரிய கண்காணிப்பு பொறியாளர் ரமேஷ்பாபு, தலைமை பொறியாளர் ராமச்சந்திரன், செயற்பொறியாளர்கள் ஜி.சண்முகநாதன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-madurai/ramanathapuram/2019/sep/12/ராமநாதபுரம்-மாவட்டத்தில்-குடிநீர்களஆய்வுக்கு-32-சிறப்புக்-குழுக்கள்-3232491.html
3232490 மதுரை ராமநாதபுரம் திருவாடானை, தொண்டியில் இருந்து இமானுவேல் சேகரன் நினைவிடத்துக்குப் பயணம் DIN DIN Thursday, September 12, 2019 07:22 AM +0530 திருவாடானையில் இருந்து இமானுவேல்சேகரன்  நினைவிடத்துக்கு அவரது ஆதரவாளர்கள் அஞ்சலி செலுத்துவதற்காக புதன்கிழமை அனுமதிக்கப்பட்ட காரில் ஊர்வலமாக சென்றனர்.
 இதற்கு புதிய தமிழகம் கட்சி சார்பில் அதன் வர்த்தக பிரிவு மாவட்டச் செயலர் ஜெயச்சந்திரன் தலைமை வகித்தார். இவர் தலைமையில் 10க்கும் மேற்பட்ட கார்களில் பண்ணவயலில் இருந்து புறப்பட்டுச் சென்றன. முன்னதாக புதிய தமிழகத்தின் கொடியை ஏற்றி வைத்து இமானுவேல் சேகரன் படத்திற்கு மாலை அணிவித்து  அதன் முன்பாக பெண்கள் பொங்கல் வைத்து வழிபட்டு சென்றனர். இவர்கள் திருவாடானையில் இருந்து தொண்டி சென்று அங்கிருந்து பரமக்குடிக்கு சென்றனர். அதே போல் தொண்டி பகுதிகளில் இருந்து மொத்தம் 17 கார்களில் கிழக்கு கடற்கரை சாலை வழியாக பரமக்குடி சென்றனர். இதில் புதிய தமிழகம் ஒன்றிய செயலர் செல்லம் மற்றும் தமிழக மக்கள் முன்னேற்றக் கழக நிர்வாகி ரகு மற்றும் பலர் கலந்துகொண்டனர்.

]]>
https://www.dinamani.com/all-editions/edition-madurai/ramanathapuram/2019/sep/12/திருவாடானை-தொண்டியில்-இருந்துஇமானுவேல்-சேகரன்-நினைவிடத்துக்குப்-பயணம்-3232490.html
3232489 மதுரை ராமநாதபுரம் மங்களக்குடி சாலையில் கருவேல மரங்களால் விபத்து அபாயம் DIN DIN Thursday, September 12, 2019 07:22 AM +0530 திருவாடானை அருகே மங்களக்குடி செல்லும் சாலை உள்ளது. இந்த சாலையானது திருவாடானையிலிருந்து அஞ்சுகோட்டை, வெளியங்குடி, குஞ்சங்குளம், வழியாக மங்களக்குடி செல்கிறது. 
இந்த  சாலையின் இருபுறமும், குறிப்பாக மங்களக்குடி அருகே காட்டுக்கருவேல மரங்கள் வளர்ந்து போக்குவரத்திற்கு இடையூறாக உள்ளன. இரண்டு பேருந்துகளோ அல்லது வேறு வாகனங்களோ எதிர் எதிரே வந்தால் சாலையில் ஒதுங்க முடியாமல் மிகவும் சிரமப்படுவதோடு பயணிகளின் கண்ணை காயப்படுத்தும் அளவிற்கு விபத்து அபாயமும் உள்ளது. 
இது குறித்து  சம்பந்தப்பட்ட நெடுஞ்சாலைத்துறை அதிகாரிகளிடம் உரிய புகார் அளித்தும் நடவடிக்கை எடுக்க வில்லை என இப்பகுதி மக்கள் புகார் தெரிவித்தனர். எனவே மாவட்ட நிர்வாகம் தக்க நடவடிக்கை எடுத்து  சீமைக் கருவேல மரங்களை அகற்றி போக்குவரத்தினை சரிசெய்ய வேண்டும் என இப்பகுதி சமூக ஆர்வலர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/12/மங்களக்குடி-சாலையில்-கருவேல-மரங்களால்-விபத்து-அபாயம்-3232489.html
3232488 மதுரை ராமநாதபுரம் உச்சிப்புளி அருகே விபத்தில் கூலித் தொழிலாளி பலி DIN DIN Thursday, September 12, 2019 07:22 AM +0530 ராமநாதபுரம் அருகேயுள்ள உடைச்சியன்வலசையைச் சேர்ந்த மயிலன் மகன் சுந்தரேசுவரன் (46). இவர் பிறப்பன்வலசையில் சிமெண்ட் உறை தயாரிக்கும் தொழில் செய்து வந்தார். செவ்வாய்க்கிழமை இரவு பணியை முடித்துவிட்டு இருசக்கர வாகனத்தில் ஊர் திரும்பியுள்ளார். 
அவர் உச்சிப்புளி சாலை ரயில்வே கேட் அருகே வந்த போது முன்னால் சென்ற முட்டை ஏற்றிய வேனை முந்திச் செல்ல முயன்றார். அப்போது அவரது இருசக்கர வாகனம் வேனின் பக்கவாட்டில் மோதியதால் நிலைகுலைந்து சரிந்தது. அப்போது எதிரே வந்த அரசுப் பேருந்து இருசக்கர வாகனத்தில் இருந்து விழுந்த சுந்தரேசுவரன் மீது மோதியது. இதில் பலத்த காயமடைந்த சுந்தரேசுவரன் சம்பவ இடத்திலேயே உயிரிழந்தார். 
உச்சிப்புளி போலீஸார் சுந்தரேசுவரன் சடலத்தைக் கைப்பற்றி பிரேதப் பரிசோதனைக்காக ராமநாதபுரம் மாவட்ட தலைமை அரசு மருத்துவமனைக்கு அனுப்பிவைத்தனர். மேலும், விபத்து குறித்து வேன் ஓட்டுநர் தேவராஜ், அரசு பேருந்து ஓட்டுநர் பழனிகுமார் ஆகியோரிடம் விசாரித்து வருகின்றனர்.
 

]]>
https://www.dinamani.com/all-editions/edition-madurai/ramanathapuram/2019/sep/12/உச்சிப்புளி-அருகே-விபத்தில்கூலித்-தொழிலாளி-பலி-3232488.html
3232487 மதுரை ராமநாதபுரம் ஆர்.எஸ்.மங்கலம் அருகே மது பாட்டில்கள் விற்ற 2 பேர் கைது DIN DIN Thursday, September 12, 2019 07:21 AM +0530 திருவாடானை அருகே ஆர்.எஸ்.மங்கலம் புகுதியில் சட்ட விரோதமாக மதுபாட்டில்கள் விற்ற இருவர் கைது செய்யப்பட்டனர்.
திருவாடானை பகுதியில் இமானுவேல் சேகரன் நினைவுநாளை முன்னிட்டு மாவட்ட நிர்வாகம் அரசு மதுபானக்கடைகளுக்கு விடுமுறை அறிவித்துள்ளது. இதனை பயன்படுத்தி அதிக லாபம் வைத்து விற்பதற்காக ஆர் எஸ் மங்கலம் அருகே கொத்திடல் கிராமத்தை சேர்ந்த தினேஷ் (29), மதுபாட்டில்கள் விற்பனை செய்வதாக போலீஸாருக்கு தகவல் கிடைத்தது. அதன் பேரில் செவ்வாய்க்கிழமை மாலை சம்பவ இடத்திற்கு சென்று தினேஷை கைது செய்து அவரிடம் இருந்து 47 மதுபாட்டில்கள் பறிமுதல் செய்து வழக்கு பதிந்து விசாரித்து வருகின்றனர். அதே போல் சிறுகுடியை சேர்ந்த லோகநாதன் (45) பரம்பை சாலை அருகே அனுமதியின்றி மதுபாட்டில்கள் விற்பனை செய்வதாக தகவல் கிடைத்ததின் பேரில் சம்பவ இடத்திற்கு சென்ற போலீஸார் லோகநாதனை கைது செய்து அவரிடம் இருந்து 96 மதுபாட்டில்களை பறிமுதல் செய்து வழக்கு பதிந்து விசாரித்து வருகின்றனர்.

]]>
https://www.dinamani.com/all-editions/edition-madurai/ramanathapuram/2019/sep/12/ஆர்எஸ்மங்கலம்-அருகே-மது-பாட்டில்கள்-விற்ற-2-பேர்-கைது-3232487.html
3232486 மதுரை ராமநாதபுரம் அரசு அலுவலகங்களை  பசுமையாக்க ஊராட்சி சார்பில்  2000 மரக்கன்றுகள் நடும் திட்டம் DIN DIN Thursday, September 12, 2019 07:21 AM +0530 கமுதி அருகே ஊராட்சிக்குட்பட்ட அரசு அலுவலகங்களை பசுமையாக்கும் வகையில், அரசு அலுவலகங்களில் 2 ஆயிரம் மரக்கன்றுகளை நட்டு, வேலிகள் அமைக்கும் பணி தீவிரப்படுத்தபட்டுள்ளது.
கமுதி ஊராட்சி ஒன்றிய ஆணையர் ரமேஷ்குமார் (கிராம ஊராட்சிகள்) தலைமையிலும், துணை வட்டார வளர்ச்சி அலுவலர் சத்தியேந்திரன் முன்னிலையிலும், நூறு நாள் வேலைத்திட்ட பணியாளர்களால், ஊராட்சி ஒன்றியம், தாலுகா, கருவூல அலுவலகம், அருகேயுள்ள அரசு மேல்நிலைப் பள்ளி, அரசு போக்குவரத்து கழக கிளை வளாகங்களில் 2 ஆயிரம் மரக்கன்றுகளை நட்டு, அதனை சுற்றி பாதுகாப்பு வேலிகளை அமைத்துள்ளனர். மரக்கன்றுகளை பாதுகாக்கும்வகையில், வாரம் இருமுறை, டேங்கர் லாரிகளில் தண்ணீர் ஊற்றும் பணியும் தீவிரமாக மேற்கொள்ளப்பட்டுள்ளது. 2 ஆயிரம் மரக்கன்றுகளில் 1700 மரக்கன்றுகளையாவது, வளர்த்து, ஊராட்சிக்குட்பட்ட அரசு அலுவலகங்களை பசுமையாக்க முயற்சி மேற்கொள்ளப்படும் என, நாராயணபுரம் ஊராட்சி செயலர் வேல்முருகன் தெரிவித்தார்.


 

]]>
https://www.dinamani.com/all-editions/edition-madurai/ramanathapuram/2019/sep/12/அரசு-அலுவலகங்களை--பசுமையாக்க-ஊராட்சி-சார்பில்-2000-மரக்கன்றுகள்-நடும்-திட்டம்-3232486.html
3232485 மதுரை ராமநாதபுரம் கோட்டைவாசல் விநாயகர் கோயிலில் இன்று கும்பாபிஷேகம் DIN DIN Thursday, September 12, 2019 07:21 AM +0530 ராமநாதபுரத்தில் உள்ள கோட்டைவாசல் விநாயகர் கோயிலுக்கான கும்பாபிஷேகத்தின் மூன்றாம் கால யாகசாலைப் பூஜைகள் புதன்கிழமை நடைபெற்றன. இதையடுத்து வியாழக்கிழமை காலை கும்பாபிஷேகம் நடைபெறுகிறது.
ராமநாதபுரம் சமஸ்தான தேவஸ்தானதுக்கு பாத்தியமான கோட்டைவாசல் விநாயகர் கோயில் ராஜவீதியில் அமைந்துள்ளது. கோயில் கும்பாபிஷேகத்தை முன்னிட்டு அங்கு சீரமைப்பு பணிகள் மேற்கொள்ளப்பட்டன. இந்நிலையில், செவ்வாய்க்கிழமை (செப். 10) காலை முதல் யாகசாலைகள் அமைக்கப்பட்டு கும்பாபிஷேகத்துக்கான பூஜைகள் தொடங்கின.
புனித நீர் அடங்கிய கும்பங்கள் யாகசாலைகளில் வைத்து பூஜைகள் நடைபெற்றன. செவ்வாய்க்கிழமை முதல் கால யாகசாலைப் பூஜைகள் தொடங்கிய நிலையில், புதன்கிழமை மாலை மூன்றாம் கால யாகசாலைப் பூஜைகள் நிறைவடைந்தன. இந்நிலையில், வியாழக்கிழமை நான்காம் கால யாகசாலைப் பூஜைகள் நிறைவடைந்ததும் காலை 8 மணிக்கு கடம் புறப்பாடு நடைபெறுகிறது. பின்னர் காலை 8.15 மணிக்கு மேல் கோயில் விமானத்தில் யாகசாலைப் புனித நீர் ஊற்றப்பட்டு கும்பாபிஷேகம நடத்தப்படுகிறது. அதன்பின்னர் மூலஸ்தானத்தில் புனித நீர் ஊற்றப்பட்டு மஹா அபிஷேகம் நடத்தப்படும். கும்பாபிஷேகத்துக்கான ஏற்பாடுகளை சமஸ்தான திவான் மற்றும் நிர்வாகச் செயலர் கே.பழனிவேல்பாண்டியன் உள்ளிட்டோர் செய்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/12/கோட்டைவாசல்-விநாயகர்-கோயிலில்இன்று-கும்பாபிஷேகம்-3232485.html
3231895 மதுரை ராமநாதபுரம் குடிமராமத்து திட்டம்: விவசாய சங்கங்களின் பெயரில் பணியில் ஈடுபட்ட ஒப்பந்ததாரர்கள்; பணம் பெற முடியாமல் தவிப்பு நமது நிருபர் DIN Wednesday, September 11, 2019 08:01 AM +0530 ராமநாதபுரம் மாவட்டத்தில் 2018-19 ஆம் ஆண்டுக்கான குடிமராமத்து திட்டத்தை விவசாய சங்கங்களின் பெயரில் ஒப்பந்ததாரர்கள் செய்ததால் பணிக்கான பணத்தை பெறமுடியாமல் தவிப்பதாக புகார் எழுந்துள்ளது.
  பொதுப்பணித்துறை கண்மாய்களை பல கோடி ரூபாய் நிதி ஒதுக்கி 5 ஆண்டுக்கு 1 முறை நீர் மேலாண்மை திட்டத்தின் கீழ் அரசு தூர்வாரி வருகிறது. இதற்கென நிதி ஒதுக்கீடு செய்து ஒப்பந்தகாரர்கள் மூலம் கண்மாய்கள் தூர்வாரப்பட்டு வந்தன. 
 இந்நிலையில் 2017 ஆம் ஆண்டிலிருந்து குடிமராமத்து பணிகளை முறையாக பதிவு செய்த விவசாய சங்கங்களின் மூலம் நடத்த தமிழக அரசு முடிவு செய்தது. 
 இந்த வகையில், ராமநாதபுரம் மாவட்டம் கமுதி தாலுகாவில் குடிமராமத்து திட்டத்தின் கீழ் 2017-18 நிதியாண்டில் ரூ.37 லட்சம் மதிப்பில் 6 கண்மாய்களும் 2018-19 நிதியாண்டில் ரூ.1.90 கோடி மதிப்பில் 6 கண்மாய்களும் தூர்வாரப்பட்டன.  நடப்பாண்டில் கமுதியில் ரூ.4.50 கோடி மதிப்பில் கீழவலசை மலட்டாறு அணைக்கட்டு உள்பட 9 கண்மாய்கள் தூர்வார நிதி ஒதுக்கீடு செய்யப்பட்டுள்ளது. 
 பொதுப்பணிதுறை கண்மாய்களில் நடைபெறும் பணிகளை, அந்தந்த நிதியாண்டில் ஆண்டு கணக்கு சமர்பிக்கும் வகையில் மார்ச் மாதத்திற்குள் முடிக்க வேண்டும். மாவட்டம் முழுவதும் விவசாய சங்கங்களின் பெயரில் அந்ததந்த பகுதியில் உள்ள அரசியல்வாதிகள், ஒப்பந்ததகாரர்களே மீண்டும் மறைமுகமாக கண்மாய் மராமத்து பணிகளை மேற்கொண்டதாக கூறப்படுகிறது. 
 கடந்த 2018-19 ஆம் ஆண்டுக்கான பணிகள் கடந்த மார்ச் மாதத்திற்குள் முடிக்கப்படவில்லை. இதனால் அதற்கான பணம் கிடைக்காமல் ஒப்பந்தகாரர்கள் பொதுப்பணிதுறை அலுவலகத்தில் நாள்தோறும் அலைந்துகொண்டிருப்பது தெரியவந்துள்ளது. ஒப்பந்ததாரர்களுக்கு வழங்க வேண்டிய பணம் ரூ. 1 கோடிக்கு மேல் நிலுவையில் உள்ளதாக கூறப்படுகிறது. 
 விவசாயிகள் சங்கங்களின் பெயரில் மறைமுகமாக பணிகள் மேற்கொள்ளப்பட்டதால் பாதிக்கப்பட்ட ஒப்பந்தகாரர்கள் மாவட்ட நிர்வாகத்திடமோ, மாநில தலைமை பொதுப்பணிதுறை அதிகாரிகளிடமோ நேரடியாக புகார் அளிக்க முடியாமல் தவித்து வருகின்றனர். இதனால் உள்ளூர் பொதுப்பணித்துறை அதிகாரிகளுக்கும், ஒப்பந்ததகாரர்களுக்கும் இடையே பனி போர் நிலவி வருகிறது. 
 எனவே மாவட்ட நிர்வாகம் தலையிட்டு கடந்த 3 ஆண்டுகளில் நடைபெற்ற குடிமராமத்து திட்டத்தில் விவசாய சங்கங்களின் பெயரில் பணிகளை மேற்கொண்ட ஒப்பந்ததகாரர்களை கண்டறிந்து முறைகேட்டில் ஈடுபட்டவர்கள் மீதும், ஒப்பந்ததகாரர்களுக்கு துணை போன விவசாய சங்கங்களின் மீதும் நடவடிக்கை வேண்டும் எனவும் சமூக ஆர்வலர்கள் கோரிக்கை வைத்துள்ளனர். 
 இதுகுறித்து ஒப்பந்ததகாரர் ஒருவர் கூறியதாவது:  கடந்த 2018-19 ஆண்டு குடிமராமத்து திட்டப்பணிகள் முடிந்தும் அதற்கான பணத்தை அரசு முழுமையாக வழங்கவில்லை. இதனால் வட்டிக்கு பணம் வாங்கி அரசு பணிகளை மேற்கொண்டதால் பெரும் இழப்பை சந்தித்து வருகிறோம். எனவே மாவட்ட நிர்வாகம் தலையிட்டு நிலுவை தொகையை வழங்க நடவடிக்கை எடுக்க வேண்டும் என்றார். 
  இதுகுறித்து பொதுப்பணித்துறை அதிகாரி ஒருவர் கூறியதாவது:  ஆண்டு கணக்கு சமர்ப்பிக்கும் மாதமான மார்ச் மாதத்திற்குள் குடிமராமத்து பணிகள் முடிக்கப்பட்டதற்கான கோப்புகளை சமர்ப்பிக்காத ஒப்பந்ததகாரர்களுக்கு நிலுவைத் தொகை குறித்து, மதுரை மண்டல பொதுப்பணித்துறை அலுவலகத்திற்கு அனுப்பப்பட்டுள்ளது. விரைவில் பணம் வழங்க நடவடிக்கை எடுக்கப்படும் என்றார்.

]]>
https://images.dinamani.com/uploads/user/imagelibrary/2019/9/11/w600X390/sivaganagai.JPG https://www.dinamani.com/all-editions/edition-madurai/ramanathapuram/2019/sep/11/குடிமராமத்து-திட்டம்-விவசாய-சங்கங்களின்-பெயரில்-பணியில்-ஈடுபட்ட-ஒப்பந்ததாரர்கள்-பணம்-பெற-முடியாமல்-3231895.html
3231894 மதுரை ராமநாதபுரம் அறிவியல் கருத்தரங்கு போட்டி: ராமநாதபுரம் மாணவி தேர்வு DIN DIN Wednesday, September 11, 2019 08:00 AM +0530 தேசிய அறிவியல் கருத்தரங்கு போட்டியில் பங்கேற்பதற்காக ராமநாதபுரம் மாவட்ட அளவில் நடந்த முதல்கட்டத் தேர்வில் தனியார் பள்ளி மாணவி யாமினி மாநில அளவிலான தேர்வுக்குத் தகுதி பெற்றுள்ளார். 
 மனித நலனில் தனிம வரிசைப் பட்டியலின் தாக்கம் எனும் தலைப்பில் தேசிய அளவிலான அறிவியல் கருத்தரங்க போட்டி நடைபெறவுள்ளது. அதில் பங்கேற்கும் பள்ளி மாணவ, மாணவியரைத் தேர்வு செய்யும் நிகழ்ச்சிகள் நடத்தப்பட்டு வருகின்றன. பள்ளிக்கு இருவர் என்ற அடிப்படையில் ராமநாதபுரம் மாவட்டத்தில் 3 கல்வி மாவட்டங்களில் இருந்து 120 பேர் திங்கள்கிழமை வரவழைக்கப்பட்டு அவர்களில் இருந்து 6 பேர் தேர்வு செய்யப்பட்டிருந்தனர். 
 முதல் கட்ட சோதனையில் தேர்வான ஆறு பேரில் இருந்து சென்னையில் மாநில அளவில் நடைபெறும் சோதனையில் பங்கேற்கும் ஒருவரைத் தேர்வு செய்யும் நிகழ்ச்சி செவ்வாய்க்கிழமை காலை நகராட்சி பாரி வள்ளல் பள்ளி வளாகத்தில் நடைபெற்றது. 
இத்தேர்வுக்கு ராமநாதபுரம் கல்வி மாவட்டத்திலிருந்து வேலுமாணிக்கம் மெட்ரிக் பள்ளியில் எட்டாம் வகுப்பு படிக்கும் மாணவி யாமினி, செய்யதம்மாள் மெட்ரிக் பள்ளியின் பத்தாம் வகுப்பு மாணவி பிருந்தாவன கிருபா, பரமக்குடி கல்வி மாவட்டத்திலிருந்து முதுகுளத்தூர் அரசு மேல்நிலைப் பள்ளியின் 9 ஆம் வகுப்பு மாணவர் வினோத், கீழத்தூவல் அரசு மேல்நிலைப் பள்ளி மாணவர் அரவிந்த், மண்டபம் கல்வி மாவட்டத்தில் இருந்து கடுகுசந்தை அரசு உயர்நிலைப் பள்ளியின் 10 ஆம் வகுப்பு மாணவர் ஜாஸ்பர் சாலமோன், கீழக்கரை கைரத்துல் ஜலாலியா மேல்நிலைப் பள்ளியின் 8 ஆம் வகுப்பு மாணவி ஆயிஷத் ரஷ்பா ஆகிய 6 பேர் பங்கேற்றனர். 
இதில் வேலுமாணிக்கம் மெட்ரிக் பள்ளி மாணவி யாமினி முதலிடம் பெற்றார். அவர் வரும் அக்டோபர் 4 ஆம் தேதி சென்னையில் நடைபெறவுள்ள மாநில அளவிலான தேசிய அறிவியல் கருத்தரங்கிற்கான தேர்வில் பங்கேற்கவுள்ளார் எனக் கல்வித்துறை அதிகாரிகள் தெரிவித்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/11/அறிவியல்-கருத்தரங்கு-போட்டி-ராமநாதபுரம்-மாணவி-தேர்வு-3231894.html
3231893 மதுரை ராமநாதபுரம் அனுமதியில்லாத குடிநீர் இணைப்புகள்: அதிகாரியை கிராம மக்கள் முற்றுகை DIN DIN Wednesday, September 11, 2019 07:59 AM +0530 கமுதி அருகே அனுமதியின்றி அமைக்கப்பட்ட குடிநீர் இணைப்புகளை அகற்ற நடவடிக்கை எடுக்கக்கோரி செவ்வாய்க்கிழமை கமுதி துணை வட்டார வளர்ச்சி அலுவலரை கிராம மக்கள் முற்றுகையிட்டனர்.  
  கமுதி அருகே உள்ள மரக்குளம் ஊராட்சிக்குள்பட்ட சின்ன உடப்பங்குளம், கொத்தபூக்குளம், மரக்குளம் உள்ளிட்ட கிராமங்களுக்கு மாதத்திற்கு இரண்டு முறை மட்டுமே காவிரி குடிநீர் விநியோகம் செய்யப்படுகிறது. மற்ற நாள்களில் மண்டலமாணிக்கம் கூட்டுக் குடிநீர் திட்டத்தில் பசும்பொன் கண்மாயில் அமைக்கப்பட்டுள்ள ஆழ்துளைக் கிணற்றிலிருந்து ஊராட்சி மற்றும் குடிநீர் வடிகால் வாரியம் சார்பில் குடிநீர் விநியோகிக்கப்படுகிறது. இந்நிலையில், மரக்குளத்தில் அமைக்கப்பட்டுள்ள மேல்நிலை நீர் தேக்கத் தொட்டி அருகே உள்ள குடியிருப்புகளில் ஒரு சிலர் ஊராட்சி அனுமதியின்றி ஆழமான பள்ளம் தோண்டி சட்ட விரோதமாக குடிநீர் இணைப்புகளை அமைத்துள்ளதாகக் கூறப்படுகிறது. இதனால் மற்ற தெருக்களுக்குச் செல்லும் குடிநீர் குழாய்களில் தண்ணீரின் அழுத்தம் குறைந்து, தண்ணீர் தட்டுப்பாடு ஏற்பட்டுள்ளது. 
 இது குறித்து பலமுறை ஊராட்சி செயலரிடம் புகார் அளித்தும் எந்த நடவடிக்கையும் எடுக்கவில்லை எனக்கூறப்படுகிறது. இந்நிலையில், மரக்குளம் கிராம பொதுமக்கள் கமுதி ஊராட்சி ஒன்றிய அலுவலகத்தில் துணை வட்டார வளர்ச்சி அலுவலர் இளங்கோவை முற்றுகையிட்டு புகார் தெரிவித்தனர். 
 மரக்குளம் கிராமத்திற்கென ஆழ்துளைக் கிணறு அமைக்க நிதி ஒதுக்கீடு செய்து 6 மாத காலம் ஆகியும் அப்பணி கிடப்பில் போடப்பட்டுள்ளதாகவும் ஊராட்சி சார்பில் மரக்குளம் கிராம மக்களுக்கு அடிப்படை வசதிகள் செய்து தரவில்லை எனவும் புகார் தெரிவித்தனர். 
 இதனையடுத்து அனுமதியின்றி அமைக்கப்பட்ட குழாய் இணைப்புகளை அகற்ற நடவடிக்கை எடுக்கப்படும் என அதிகாரிகள் உறுதியளித்ததன் பேரில் பொதுமக்கள் கலைந்து சென்றனர்.

]]>
https://www.dinamani.com/all-editions/edition-madurai/ramanathapuram/2019/sep/11/அனுமதியில்லாத-குடிநீர்-இணைப்புகள்-அதிகாரியை-கிராம-மக்கள்-முற்றுகை-3231893.html
3231892 மதுரை ராமநாதபுரம் முதுகுளத்தூர் அருகே   குண்டர் சட்டத்தில் இளைஞர் கைது DIN DIN Wednesday, September 11, 2019 07:59 AM +0530 முதுகுளத்தூர் அருகே பல்வேறு வழக்குகளில் தொடர்புடைய இளைஞரை செவ்வாய்க்கிழமை  குண்டர் சட்டத்தின் கீழ் காவல்துறையினர் கைது செய்தனர்.
  முதுகுளத்தூர் அருகே உள்ள மாங்குடி கிராமத்தைச் சேர்ந்த முத்துராமலிங்கம் மகன் குருசெல்வம் (23). தனது தாயாருடன் முதுகுளத்தூர் அருகே உள்ள எம்.தூரி கிராமத்தில் வசித்து வந்தார். இவர் கடந்த ஜூன் மாதம் 7 ஆம் தேதி  மேலக்கன்னிசேரி கிராமத்தில் கண்மாய்க்குள் வெட்டிக் கொலை செய்யப்பட்டார். 
 இது தொடர்பாக மேலக்கன்னிசேரி கிராமத்தைச் சேர்ந்த முனீஸ் என்ற முனியசாமி (52) என்பவரை பேரையூர் போலீஸார் கைது செய்தனர். முனியசாமி மீது மேலும்  பல வழக்குகள் இருந்ததால் குண்டர் சட்டத்தில் கைது செய்ய மாவட்ட ஆட்சியர் கொ.வீரராகவராவிடம் மாவட்ட காவல் கண்காணிப்பாளர் ஓம்பிராகாஷ் மீனா பரிந்துரை செய்ததன் பேரில், குண்டர் சட்டத்தின் கீழ் மதுரை மத்திய சிறையில் 
அடைக்கப்பட்டார்.

]]>
https://www.dinamani.com/all-editions/edition-madurai/ramanathapuram/2019/sep/11/முதுகுளத்தூர்-அருகே---குண்டர்-சட்டத்தில்-இளைஞர்-கைது-3231892.html
3231891 மதுரை ராமநாதபுரம் படகு மூழ்கி நான்கு மீனவர்கள் இறப்பு:  அக்னி தீர்த்தக் கடலில் மலர் தூவி அஞ்சலி DIN DIN Wednesday, September 11, 2019 07:59 AM +0530 நடுக்கடலில் படகு மூழ்கி உயிரிழந்த ராமேசுவரம் மீனவர்கள் 4 பேரின் ஆன்மா சாந்தியடைய வேண்டி இந்து மக்கள் கட்சியினர் செவ்வாய்க்கிழமை அக்னி தீர்த்தக் கடலில் மலர் தூவி அஞ்சலி செலுத்தினர்.
  ராமேசுவரம் நடராஜபுரம் மீனவர் கிராமத்தை சேர்ந்த 10 மீனவர்கள் கடலூரில் வாங்கிய நாட்டுப் படகில் கடந்த 3 ஆம் தேதி இரவு ராமேசுவரத்துக்கு வந்துகொண்டிருந்தபோது படகு கடலில் மூழ்கியது. இதில் 6 மீனவர்கள் மீட்கப்பட்டனர். இலங்கேஸ்வரன், உமாகாந்த், காந்தகுமார், மதன் ஆகிய 4 பேர் உயிரிழந்தனர். 
 இந்நிலையில், படகு மூழ்கி உயிரிழந்த 4 மீனவர்களின் ஆன்மா சாந்தியடைய வேண்டி, இந்து மக்கள் கட்சியினர், ராமேசுவரம் அக்னி தீர்த்தக்கடலில் மலர் தூவி அஞ்சலி செலுத்தினர். 
 இந்நிகழ்ச்சியில் அக்கட்சியின் மாவட்டத் தலைவர் பிரபாகரன் தலைமை வகித்தார். ஒன்றியத் தலைவர் தளபதி, தொழில் சங்கத் தலைவர் பாண்டியராஜ் ஆகியோர் முன்னிலை வகித்தனர். நகர் தலைவர் நம்புகார்த்திக் மற்றும் மகேந்திரன், நம்புராஜ்குமார், மாரிமுத்து, சுரேஷ், ராமச்சந்திரன் உள்ளிட்ட நிர்வாகிகள் கலந்துகொண்டனர். 
 உயிரிழந்த  மீனவர்களின் குடும்பத்திற்கு தலா 20 லட்சம் வழங்க வேண்டும். குடும்பத்தில் ஒருவருக்கு அரசுப் பணி வழங்க வேண்டும். மீன் பிடிக்க செல்லும் அனைவருக்கும் பாதுகாப்பு உபகரணங்களை தமிழக அரசு வழங்க வேண்டும் என அப்போது கோரிக்கை விடுத்தனர்.

]]>
https://www.dinamani.com/all-editions/edition-madurai/ramanathapuram/2019/sep/11/படகு-மூழ்கி-நான்கு-மீனவர்கள்-இறப்பு-அக்னி-தீர்த்தக்-கடலில்-மலர்-தூவி-அஞ்சலி-3231891.html
3231890 மதுரை ராமநாதபுரம் நல்லாசிரியர் விருது பெற்ற அரசுப் பள்ளி தலைமை ஆசிரியைக்குப் பாராட்டு DIN DIN Wednesday, September 11, 2019 07:58 AM +0530 நல்லாசிரியர் விருது பெற்ற கருங்குளம் அரசுப் பள்ளி ஆசிரியர் முருகாம்பிகைக்கு, கமுதி அரிமா சங்கம் சார்பில் பாராட்டு விழா திங்கள்கிழமை நடத்தப்பட்டது. 
     இவ்விழாவில், தலைமை ஆசிரியை த. முருகாம்பிகையை பாராட்டி, கமுதி அரிமா சங்கத்தின் தலைவர் அ. மேகராஜன் நினைவுப் பரிசு வழங்கினார். இதில், இச்சங்கத்தின் செயலர்  த. சிவலிங்கம், பொருளாளர் த. முஜிபுர் ரஹ்மான் மற்றும் ஷத்திரிய நாடார் மேல்நிலைப் பள்ளி செயலர் இ. சிவமுருகன்ஆகியோர் கலந்துகொண்டனர். அரிமா சங்க நிர்வாகிகள் விருதுபெற்ற ஆசிரியருக்கு பொன்னாடை அணிவித்து வாழ்த்து தெரிவித்தனர்.

]]>
https://www.dinamani.com/all-editions/edition-madurai/ramanathapuram/2019/sep/11/நல்லாசிரியர்-விருது-பெற்ற-அரசுப்-பள்ளி-தலைமை-ஆசிரியைக்குப்-பாராட்டு-3231890.html
3231889 மதுரை ராமநாதபுரம் இடிந்து விழும் அபாய நிலையில்  மாணவர் விடுதி கட்டடம் DIN DIN Wednesday, September 11, 2019 07:58 AM +0530 கமுதி அருகே நீராவியில் சேதமடைந்து இடிந்து விழும் நிலையிலுள்ள மாணவர் விடுதி கட்டடத்தில், மாணவர்கள் அச்சத்துடனேயே தங்கியுள்ளனர்.  
         நீராவியில் 130 மாணவர்கள் தங்கிப் படிக்கும் அரசு மாணவர் விடுதி கட்டடம் உள்ளது. 6 ஆண்டுகளுக்கு முன் கட்டப்பட்ட இக்கட்டடம், முறையான பராமரிப்பு இல்லாமல் சுவர்கள் சிதிலமடைந்தும், காங்கிரீட், மேற்கூரை பூச்சுகள் இடிந்து விழுந்தும் மாணவர்களை அச்சுறுத்தி வருகிறது. 
       மேலும், ஜன்னல், வாசல் கதவுகள் பயன்படுத்த முடியாத நிலை உள்ளது.  சேதமடைந்த விடுதி கட்டடத்தை சீரமைப்பதில் ஏற்பட்டுள்ள தொய்வால், வெளியூர் மாணவர்கள் தங்கிப் படிக்க முடியாமல், மாலை வகுப்புகள் முடிந்தும் தங்களது சொந்த ஊர்களுக்குச் சென்றுவரும் நிலை உள்ளது. இதனால், மாணவர்களின் கல்வி பாதிக்கபட்டுள்ளது.
       எனவே, சேதமடைந்த மாணவர் விடுதி கட்டடத்தை சீரமைக்க மாவட்ட நிர்வாகம் நடவடிக்கை எடுக்க வேண்டும் என, பெற்றோர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/11/இடிந்து-விழும்-அபாய-நிலையில்-மாணவர்-விடுதி-கட்டடம்-3231889.html
3231888 மதுரை ராமநாதபுரம் அனுமதியின்றி விளம்பர பதாகைகள்  ராமநாதபுரத்தில் 3 பேர் மீது வழக்கு DIN DIN Wednesday, September 11, 2019 07:57 AM +0530 ராமநாதபுரம் நகரில் அனுமதியின்றி நிகழ்ச்சிகளுக்கான விளம்பர பதாகைகள் வைத்ததாக 3 பேர் மீது போலீஸார் திங்கள்கிழமை இரவு வழக்குப் பதிவு செய்துள்ளனர். 
 ராமநாதபுரம் நகரில் கடந்த சில நாள்களுக்கு முன்பு திருமணம் உள்ளிட்ட நிகழ்ச்சிகளுக்கு உரிய அனுமதியின்றி சாலையோரத்தில் வைக்கப்பட்ட விளம்பரப் பதாகைகளை அகற்றுமாறு ஆட்சியர் திடீரென உத்தரவிட்டார். இதையடுத்து ராமநாதபுரம் நகராட்சி சார்பில் காவல்துறை உதவியுடன் உடனடியாக விளம்பரப் பதாகைகள் அகற்றப்பட்டன. அரசியல் கட்சியினரிடையே இது பெரும் பரபரப்பை ஏற்படுத்தியது. 
 இந்தநிலையில், ராமநாதபுர் நகரில் பஜார் போலீஸ் சார்பு- ஆய்வாளர் அந்தோணி சத்யசேகர் அளித்த புகாரின் பேரில், உரிய அனுமதியின்றி உணவு விடுதிக்கான விளம்பரப் பதாகை வைத்ததாக அண்ணாநகர் கார்த்திக் (45) என்பவர் மீது வழக்குப் பதிவு செய்துள்ளனர்.  கேணிக்கரை காவல் நிலைய எல்லைக்கு உள்பட்ட பகுதிகளில் குமரையா கோயில் பகுதி மற்றும் புலிக்காரத் தெரு பகுதியில் திருமண நிகழ்ச்சிகளுக்கான விளம்பரப் பதாகைகளை அனுமதியின்றி வைத்ததாக பாலு, தளபதி ஆகியோர் மீது வழக்குப்பதிவு செய்துள்ளனர். முதுகுளத்தூரிலும் அனுமதியின்றி திருமண விளம்பரப் பதாகை வைத்ததாக ஒருவர் மீது திங்கள்கிழமை இரவு போலீஸார் வழக்குப்பதிந்துள்ளனர்.
 

]]>
https://www.dinamani.com/all-editions/edition-madurai/ramanathapuram/2019/sep/11/அனுமதியின்றி-விளம்பர-பதாகைகள்-ராமநாதபுரத்தில்-3-பேர்-மீது-வழக்கு-3231888.html
3231887 மதுரை ராமநாதபுரம் ஏ.புனவாசலில் கோயில் கும்பாபிஷேகம்: மாட்டு வண்டிப் பந்தயம் DIN DIN Wednesday, September 11, 2019 07:57 AM +0530 ராமநாதபுரம் மாவட்டம், கடலாடி அருகே ஏ.புனவாசல் கிராமத்தில் அமைந்துள்ள ஏகநாதர் கோயில் கும்பாபிஷேகத்தை முன்னிட்டு, மாட்டு வண்டிப் பந்தயம் செவ்வாய்க்கிழமை நடைபெற்றது.
       இக்கோயில் கும்பாபிஷேகத்தை முன்னிட்டு, சின்ன மாடு, பெரிய மாடு என இரு பிரிவுகளாக மாட்டு வண்டிப் பந்தயம் நடைபெற்றது. இதில், சின்ன மாட்டு வண்டிகளுக்கு 7 கி.மீ. தொலைவு எல்கையாக நிர்ணயிக்கப்பட்டு, 20 ஜோடி மாடுகள் கலந்துகொண்டன. 
       பெரிய மாட்டு வண்டிகளுக்கு10 கி.மீ. தொலைவு எல்கையாக நிர்ணயிக்கப்பட்டு, 16 ஜோடி மாடுகள் கலந்துகொண்டன.       சின்ன மாட்டு வண்டிப் பந்தயத்தில், மதுரை பாண்டி கோயில் பாண்டியராஜன் மாடு முதல் பரிசையும், தூத்துக்குடி மாவட்டம் சண்முகபுரம் விஜயக்குமார் மாடு இரண்டாம் பரிசையும், திருநெல்வேலி மாவட்டம் மருதாலக்குறிச்சி சுப்பம்மாள் மாடு மூன்றாம் பரிசையும் பெற்றன.      பெரிய மாட்டு வண்டிப் பந்தயத்தில், மருதாலக்குறிச்சி சுப்பம்மாள் மாடு முதல் பரிசையும், ராமநாதபுரம் மாவட்டம் சித்திரங்குடி ராமமூர்த்தி மாடு இரண்டாம் பரிசையும், புதுக்கோட்டை அறந்தாங்கி தினேஷ் கார்த்திக் மாடு மூன்றாம் பரிசையும் வென்றன.     இப்போட்டியில் வெற்றி பெற்ற மாட்டு வண்டிகளின் உரிமையாளர்களுக்கு ரொக்கப் பரிசு மற்றும் குத்துவிளக்கு பரிசாக வழங்கப்பட்டன.
 

]]>
https://www.dinamani.com/all-editions/edition-madurai/ramanathapuram/2019/sep/11/ஏபுனவாசலில்-கோயில்-கும்பாபிஷேகம்மாட்டு-வண்டிப்-பந்தயம்-3231887.html
3231886 மதுரை ராமநாதபுரம் சுவாமி விவேகானந்தரைப் போன்று நாட்டுப்பற்றுடன் திகழ வேண்டும்: ஆட்சியர் அறிவுரை DIN DIN Wednesday, September 11, 2019 07:57 AM +0530 நமது நாட்டின் பாரம்பரிய, கலாசார பெருமையை உலகிற்கு உணர்த்தியவர் சுவாமி விவேகானந்தர் வழியில் நாட்டுப் பற்றுடன் மாணவ, மாணவியர் திகழவேண்டும் என ராமநாதபுரம் மாவட்ட ஆட்சியர் கொ.வீரராகவராவ் கூறினார்.
 சுவாமி விவேகானந்தர் அமெரிக்காவில் உள்ள சிகாகோ நகருக்குச் சென்று ஆன்மிக உரையாற்றி 125 ஆண்டுகள் ஆனதை முன்னிட்டு ராமநாதபுரம் ராமகிருஷ்ண மடம் சார்பில் சிறப்பு நிகழ்ச்சி செவ்வாய்க்கிழமை நடைபெற்றது. அமிருதா வித்யாலயா பள்ளி வளாகத்தில் நடைபெற்ற நிகழ்ச்சிக்கு மடத்தின் தலைவர் சுவாமி சுதபானந்தர் தலைமை வகித்தார். இதில், கலை நிகழ்ச்சிகள் நடத்திய மாணவ, மாணவியருக்கு பரிசளித்து ஆட்சியர் பேசியது: மேலைநாடுகள் இந்தியாவின் பெருமையை உணரச் செய்தவர் சுவாமி விவேகானந்தர். அவரது சொற்பொழிவின் மூலம் நமது நாட்டின் கலாசார, பாரம்பரிய பெருமையை உலகமே உணர்ந்தது. தன்னம்பிக்கை, ஒழுக்கம், கடின உழைப்பு ஆகியவற்றின் மூலமே நாம் முன்னேற முடியும் என்பதை நிரூபித்துக் காட்டியவர் சுவாமி விவேகானந்தர். அவரது வழியில் நாம் நடந்து நாட்டுப்பற்றுடன் திகழ்வது அவசியம். தனிமனித முன்னேற்றம் என்பது நாட்டின் முன்னேற்றத்தில்தான் அடங்கியிருக்கிறது. ஆகவே நாட்டின் நலனை முன்னிருத்தி செயல்படுவது அவசியம் என்றார்.
நிகழ்ச்சியில் சுவாமி சுதபானந்தர் பேசுகையில், விவேகானந்தர் விரும்பிய இளைஞர்களாக நாட்டின் முன்னேற்றத்துக்கும், சமூக அமைதிக்கும் மாணவ, மாணவியர் நேரங்காலம் பாராது பாடுபடவேண்டும் என்றார்.  நிகழ்ச்சியில் சுவாமி விவேகானந்தர் வேடமணிந்த மாணவர்கள் சிகாகோவில் விவேகானந்தர் உரையாற்றியதை பேசிக்காட்டினர். அமெரிக்காவில் சுவாமி விவேகானந்தர் சந்தித்த சவால்களை நாடமாக மாணவ, மாணவியர் நடித்துக்காட்டினர்.  விழாவில் சுவாமி விவேகானந்தர் திருவுருவப் படத்துக்கு மலர்கள் தூவி பூஜை நடைபெற்றது. அமிருதா வித்யாலயா பள்ளி முதல்வர் பி.தனபாலன் உள்ளிட்டோர் இதில் கலந்துகொண்டனர். 
 

]]>
https://www.dinamani.com/all-editions/edition-madurai/ramanathapuram/2019/sep/11/சுவாமி-விவேகானந்தரைப்-போன்று-நாட்டுப்பற்றுடன்-திகழ-வேண்டும்-ஆட்சியர்-அறிவுரை-3231886.html
3231885 மதுரை ராமநாதபுரம் வறட்சியால் கருகிய தென்னை மரங்கள்: இழப்பீடு வழங்க கோரிக்கை DIN DIN Wednesday, September 11, 2019 07:57 AM +0530 கமுதி பகுதியில் தண்ணீரின்றி தென்னை மரங்கள் கருகியதால், விவசாயிகள் இழப்பீடு வழங்கக் கோரிக்கை விடுத்துள்ளனர்.
       கமுதி அருகே நீராவி, கிளாமரம், கீழ, மேலராமநதி, கூலிபட்டி, காவடிபட்டி, என்.கரிசல்குளம், கோரைப்பள்ளம் உள்ளிட்ட 30-க்கும் மேற்பட்ட கிராமங்களில் ஆழ்துளைக் கிணற்று நீரை பயன்படுத்தி ஆண்டு முழுவதும் வாழை, பப்பாளி, பருத்தி, மிளகாய், தக்காளி, கத்தரி, வெண்டை விவசாயம் செய்யப்பட்டு வருகிறது.     ஆனால், இப்பகுதியில் கடந்த 8 ஆண்டுகளுக்கும் மேலாக பருவமழை பொய்த்துள்ளதால், ஆழ்துளைக் கிணறுகளில் நிலத்தடி நீர்மட்டம் குறைந்து, 80-க்கும் மேற்பட்ட ஆழ்துளைக் கிணறுகள், 600-க்கும் மேற்பட்ட அடி பம்புகள் பயனின்றி வீணாகியுள்ளன.
     இதனால், வாழை விவசாயம் பாதிக்கபட்டுள்ளதோடு, தண்ணீரின்றி கிளாமரம், நீராவி, கூலிபட்டி உள்ளிட்ட பல கிராமங்களில் நூற்றுக்கும் மேற்பட்ட தென்னை மரங்கள் கருகி அழிந்து வருகின்றன. விவசாயிகள் இழப்பை சந்தித்துள்ளனர். எனவே, மாவட்ட நிர்வாகம் வறட்சியால் கருகிய தென்னை மரங்களுக்கு இழப்பீடு வழங்க வேண்டும் என, விவசாயிகள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/11/வறட்சியால்-கருகிய-தென்னை-மரங்கள்இழப்பீடு-வழங்க-கோரிக்கை-3231885.html
3231884 மதுரை ராமநாதபுரம் ராமநாதபுரம் மாவட்டத்துக்கு சரக்கு, சுற்றுலா வாடகை வாகனங்கள் வரத் தடையில்லை: ஆட்சியர் தகவல் DIN DIN Wednesday, September 11, 2019 07:56 AM +0530 ராமநாதபுரம் மாவட்டத்தில் 144  தடை உத்தரவு பிறப்பிக்கப்பட்டுள்ள நிலையில், சரக்கு வாகனம் மற்றும் சுற்றுலாப் பயணிகள் வரும் வாடகை வாகனங்களுக்கு தடையில்லை என மாவட்ட ஆட்சியர் கொ.வீரராகவராவ் கூறினார்.
 ராமநாதபுரம் அருகேயுள்ள அமிருதா வித்யாலயாவில் செவ்வாய்க்கிழமை நடைபெற்ற விவேகானந்தரின் சிகாகோ நினைவு சொற்பொழிவு நிகழ்ச்சியில் பங்கேற்ற பின்னர் அவர் செய்தியாளர்களிடம் கூறியதாவது: ராமநாதபுரம் மாவட்டத்தில் செப்டம்பர் 9 ஆம் தேதி முதல் அக்டோபர் 31 ஆம் தேதி வரை 144 தடை உத்தரவு பிறப்பிக்கப்பட்டுள்ளது. 
 பரமக்குடியில் புதன்கிழமை (செப்.11) நடைபெறும் இமானுவேல் சேகரன் நினைவு தினம் மற்றும் அக்டோபரில் நடைபெறும் தேவர் ஜயந்தியை முன்னிட்டு இந்தத் தடை உத்தரவு பிறப்பிக்கப்பட்டுள்ளது. அதனடிப்படையில் நினைவு தினம், ஜயந்தி நிகழ்ச்சிகளுக்கு வாடகை வாகனங்களில் வரக்கூடாது. சொந்த வாகனங்கள் வைத்திருப்போர் முன் அனுமதி பெற்றே அறிவிக்கப்பட்ட வழியில் மட்டுமே வரவேண்டும். 
 பரமக்குடியில் இமானுவேல் சேகரன் நினைவு தினத்துக்கு வருவோருக்கு தேவையான குடிநீர் வசதி உள்ளிட்டவை அமைக்கப்பட்டுள்ளன. தேவையான பாதுகாப்பும் மேற்கொள்ளப்பட்டுள்ளது. செயல் மாஜிஸ்திரேட் மற்றும் கோட்டாட்சியர் ஆகியோர் பரமக்குடியில் இருந்து கண்காணிப்பர். ராமநாதபுரம் மாவட்டத்துக்குள் வந்து செல்லும் வெளியூர் பயணிகள் உள்ளிட்ட அனைத்துப் பொதுமக்களுக்கும் இடையூறு இல்லாத வகையில் நிகழ்ச்சிகள் நடைபெறுவதற்கான பாதுகாப்பு ஏற்பாடுகள் செய்யப்பட்டுள்ளன. 
  ராமநாதபுரம் மாவட்டத்துக்குள் வழக்கமாக வரும் சரக்கு லாரிகள், சுற்றுலாப் பயணிகளின் வாடகை வாகனங்கள் வந்து செல்லலாம். வாடகை வாகனங்களில் தலைவர்களின் நிகழ்ச்சிகளுக்கு வருவதற்கே தடை விதிக்கப்பட்டுள்ளது. எந்த வகை வாகனங்கள் என்றாலும் குறிப்பிட்ட நிகழ்ச்சிகளுக்கு வாடகைக்கு அமர்த்தி வரக்கூடாது என்றே குறிப்பிடப்பட்டுள்ளது. 
 பொதுக்கூட்டங்கள், ஆர்ப்பாட்டங்கள் நடத்துவோர் அதுகுறித்து முன் அனுமதியைப் பெறவேண்டும். திடீரென நிகழ்ச்சிகள் நடத்தக்கூடாது என்றார். 
 

]]>
https://www.dinamani.com/all-editions/edition-madurai/ramanathapuram/2019/sep/11/ராமநாதபுரம்-மாவட்டத்துக்கு-சரக்கு-சுற்றுலா-வாடகை-வாகனங்கள்-வரத்-தடையில்லை-ஆட்சியர்-தகவல்-3231884.html
3231883 மதுரை ராமநாதபுரம் பரமக்குடியில் இன்று இமானுவேல் சேகரன் நினைவு தினம்: 5 ஆயிரம் போலீஸார் குவிப்பு DIN DIN Wednesday, September 11, 2019 07:56 AM +0530 பரமக்குடியில் புதன்கிழமை இமானுவேல் சேகரனின் 62-வது நினைவு தினம் அனுசரிக்கப்பட உள்ளதை முன்னிட்டு ராமநாதபுரம் மாவட்டம் முழுவதும் 5 ஆயிரம் போலீஸார் பாதுகாப்புப் பணியில் ஈடுபடுத்தப்பட்டுள்ளனர். மேலும் ஆளில்லா உளவு விமானம் மூலம் கண்காணிக்கும் பணியிலும் ஈடுபட்டு வருகின்றனர்.
 பரமக்குடி அரசு போக்குவரத்து பணிமனை பகுதியில்  இமானுவேல் சேகரன் நினைவிடம் அமைந்துள்ளது. அவரது நினைவு தினத்தை முன்னிட்டு  அரசியல் கட்சி தலைவர்கள், முக்கிய பிரமுகர்கள் சமுதாய அமைப்பினர் ஏராளமானோர் மலர் வளையம் வைத்து அஞ்சலி செலுத்தும் நிகழ்ச்சி நடைபெற உள்ளது. 
 அஞ்சலி செலுத்த வருவோருக்கு உரிய பாதுகாப்பு அளிக்கும் வகையிலும், சட்ட விரோத செயல்களில் ஈடுபடுவோர் மீது உரிய நடவடிக்கை எடுத்திடவும் மாவட்டம் முழுவதும் 5 ஆயிரம் போலீஸார் பாதுகாப்புப் பணியில் ஈடுபடுத்தப்பட்டுள்ளனர்.
 இதுகுறித்து கூடுதல் டி.ஜி.பி.  கே.ஜெயந்த் முரளி கூறியது:  இமானுவேல் சேகரன் நினைவு தினத்தையொட்டி அஞ்சலி செலுத்த வரும் வழித்தடங்களிலும், பதற்றம் நிறைந்த பகுதிகளிலும் ஏராளமான கண்காணிப்பு கேமராக்கள் பொருத்தப்பட்டு நகர் காவல் நிலைய கட்டுப்பாட்டு அறையிலிருந்து கண்காணிக்கும் பணி மேற்கொள்ளப்பட்டுள்ளது. 
சட்டவிரோத செயல்களில் ஈடுபடுவோரை கண்காணித்து நடவடிக்கை எடுக்க ஆளில்லா உளவு விமானம் பயன்படுத்தப்பட உள்ளது. 500 மீட்டர் உயரத்தில் பறகும் இந்த ஆளில்லா விமானம் மூலம், 3 கி.மீ. சுற்றளவில் நடக்கும் சம்பவங்களை கண்டறிய முடியும்.  
 அஞ்சலி செலுத்த வருவோருக்கு உரிய பாதுகாப்பு அளிக்கப்படும். இதற்காக ஐ.ஜி. கே.பி.சண்முகராஜேஸ்வரன் தலைமையில் 5 காவல் சரக துணைத் தலைவர்கள், 18 காவல் கண்காணிப்பாளர்கள், 44 துணைக் கண்காணிப்பாளர்கள் என மொத்தம் 5 ஆயிரம் போலீஸார் பாதுகாப்புப் பணியில் ஈடுபடுத்தப்பட்டுள்ளனர். அஞ்சலி செலுத்த வரும் வழித்தடங்களில் 18 இடங்களில் சோதனைச் சாவடிகள் அமைக்கப்பட்டுள்ளன.
  வாடகை வாகனங்கள் வருவதற்கு தடை விதிக்கப்பட்டுள்ளது. பதற்றமான இடங்களில் கூடுதல் போலீஸார் பாதுகாப்புப் பணியில் ஈடுபடுத்தப்பட்டுள்ளனர் என்றார்.
 மேலும் நகரில் பல்வேறு இடங்களில் தீயணைப்பு வாகனங்கள், 108 ஆம்புலன்ஸ் வாகனங்கள், கலவரத்தடுப்பு வாகனங்கள் தயார் நிலையில் நிறுத்தி வைக்கப்பட்டுள்ளனர். அஞ்சலி செலுத்த வருவோரின் வாகனங்கள் நிறுத்துவதற்கு தனி இடங்கள் ஒதுக்கப்பட்டுள்ளன.
 

]]>
https://www.dinamani.com/all-editions/edition-madurai/ramanathapuram/2019/sep/11/பரமக்குடியில்-இன்று-இமானுவேல்-சேகரன்-நினைவு-தினம்-5-ஆயிரம்-போலீஸார்-குவிப்பு-3231883.html
3231350 மதுரை ராமநாதபுரம் ஆட்டோ கவிழ்ந்து பெண் பலி DIN DIN Tuesday, September 10, 2019 10:21 AM +0530 தேனி அருகே உள்ள அரண்மனைப்புதூர், முல்லை நகரைச் சேர்ந்தவர் ஆட்டோ ஓட்டுநர் ஜெயராமன்(60). இவர், தனது தாயார் பொன்னுத்தாயி, சின்னமனூரைச் சேர்ந்த ராஜமாணிக்கம் மனைவி மாரீஸ்வரி (48) ஆகியோரை தனது ஆட்டோவில் ஏற்றிக் கொண்டு சின்னமனூரில் இருந்து கோட்டூர் நோக்கிச் சென்றுள்ளார். 
கோட்டூர் அருகே தேனி-கம்பம் சாலையில் ஆட்டோ கட்டுப்பாட்டை இழந்து சாலையில் கவிழ்ந்தது. இதில், ஆட்டோவில் பயணம் செய்த பொன்னுத்தாய், மாரீஸ்வரி ஆகியோர் பலத்த காயமடைந்து தேனி அரசு மருத்துவக் கல்லூரி மருத்துவமனைக்கு கொண்டு செல்லப்பட்டனர். இதில், மாரீஸ்வரி வழியிலேயே உயிரிழந்தார். பொன்னுத்தாய் மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த விபத்து குறித்து வீரபாண்டி காவல் நிலைய போலீஸார் வழக்குப் பதிந்து விசாரிக்கின்றனர்.

]]>
https://www.dinamani.com/all-editions/edition-madurai/ramanathapuram/2019/sep/10/ஆட்டோ-கவிழ்ந்து-பெண்-பலி-3231350.html
3231348 மதுரை ராமநாதபுரம் இலங்கையிலிருந்து சட்டவிரோதமாக படகில் தனுஷ்கோடி வந்த இளைஞர் கைது DIN DIN Tuesday, September 10, 2019 10:20 AM +0530 இலங்கையிலிருந்து படகில் சட்டவிரோதமாக தனுஷ்கோடிக்கு வந்த இளைஞரை, க்யூ பிரிவு போலீஸார் திங்கள்கிழமை கைது செய்தனர். 
ராமநாதபுரம் மாவட்டம், தனுஷ்கோடி அரிச்சல்முனைப் பகுதியில் சந்தேகத்துக்கு இடமளிக்கும் விதமாக இளைஞர் ஒருவர் சுற்றித்திரிவதாக, க்யூ பிரிவு போலீஸாருக்கு மீனவர்கள் தகவல் தெரிவித்தனர். அதன்பேரில், அங்கு சென்ற க்யூ பிரிவு போலீஸார், அந்த இளைஞரை கைது செய்து அழைத்துச் சென்று விசாரணை நடத்தினர்.
அதில், பிடிபட்ட இளைஞர் அருண்குமார் (24), கடந்த 1990 ஆம் ஆண்டு இலங்கையில் உள்நாட்டுப் போர் நடைபெற்ற காலத்தில், வவுனியா மாவட்டம் செட்டிகுளம் பகுதியைச் சேர்ந்த இவரது தந்தை முருகையா, தாய் சரோஜினிதேவி மற்றும் பாட்டி கருப்பாயி ஆகிய 3 பேரும் படகில் தனுஷ்கோடி வந்துள்ளனர். இங்கு, விசாரணைக்குப் பின் மண்டபம் கேம்ப் முகாமில் தங்க வைக்கப்பட்டுள்ளனர். பின்னர், பரமத்திவேலூர் அகதிகள் முகாமுக்கு மாற்றப்பட்டுள்ளனர். 
அப்போது, கடந்த 1995 ஆம் ஆண்டில் அகதிகள் முகாமில் அருண்குமார் பிறந்ததாகவும், 10 ஆண்டுகளுக்குப் பின் தந்தை இறந்துவிட்ட நிலையில், தாய் மறுதிருமணம் செய்துகொண்டு துபை நாட்டுக்குச் சென்றுவிட்டாராம். இதனால், பாட்டியின் பராமரிப்பில் அருண்குமார் வளர்ந்து வந்துள்ளார்.
இந்நிலையில், கடந்த ஆண்டு நவம்பர் மாதம் தொண்டு நிறுவனம் உதவியுடன், இலங்கை சென்று வவுனியா மாவட்டம் செட்டிகுளம் பகுதியில் உள்ள தனது பெரியம்மா வீட்டில் தங்கி இருந்துள்ளார். ஆனால், இவரிடம் எந்தவித ஆவணமும் இல்லாத நிலையில், தலைமறைவு வாழ்க்கை வாழ்ந்துள்ளார். அதன்பின்னர், அங்கு தொடர முடியாத சூழலில், படகு மூலம் சட்டவிரோதமாக தனுஷ்கோடி வந்துள்ளார் என போலீஸ் தரப்பில் கூறப்பட்டது. 
இவர், இந்தியாவிலிருந்து இலங்கை சென்றதற்கான கடவுச் சீட்டு குறித்தும் மற்றும்  பரமத்திவேலூர் முகாமிலும் விசாரணை நடைபெற்று வருகிறது எனவும் க்யூ பிரிவு போலீஸார் தெரிவித்தனர்.
 

]]>
https://www.dinamani.com/all-editions/edition-madurai/ramanathapuram/2019/sep/10/இலங்கையிலிருந்து-சட்டவிரோதமாகபடகில்-தனுஷ்கோடி-வந்த-இளைஞர்-கைது-3231348.html
3231347 மதுரை ராமநாதபுரம் பரமக்குடியில் நாளை இமானுவேல் சேகரன் நினைவு தினம்  பாதுகாப்புப் பணியில் 5 ஆயிரம் போலீஸார் DIN DIN Tuesday, September 10, 2019 10:20 AM +0530 பரமக்குடியில் செப்டம்பர் 11 ஆம் தேதி (புதன்கிழமை) நடைபெறும் இமானுவேல் சேகரன் நினைவு தினத்தை முன்னிட்டு, ராமநாதபுரம் மாவட்டத்தில் 5 ஆயிரம் போலீஸார் பாதுகாப்புப் பணியில் ஈடுபடுத்தப்பட்டுள்ளதாக, மாவட்டக் காவல் கண்காணிப்பாளர் ஓம்பிரகாஷ் மீனா தெரிவித்துள்ளார்.
       இது குறித்து அவர் திங்கள்கிழமை மேலும் கூறியதாவது:  இமானுவேல் சேகரன் நினைவு தினத்தை முன்னிட்டு, பரமக்குடியில் உள்ள அவரது நினைவிடத்துக்கு வாகனங்களில் வருபவர்கள் அறிவிக்கப்பட்ட வழித்தடத்திலேயே வரவேண்டும்.
      ராமநாதபுரத்தில் செவ்வாய், புதன்கிழமைகளில் 5 காவல் சரக துணைத் தலைவர்கள் (டிஐஜி), 20 காவல் கண்காணிப்பாளர்கள், 18 கூடுதல் காவல் கண்காணிப்பாளர்கள், 55 துணைக் கண்காணிப்பாளர்கள் ஆகியோர் தலைமையில், 5 ஆயிரம் போலீஸார் பாதுகாப்புப் பணியில் ஈடுபடுத்தப்படுகின்றனர். இதில், பட்டாலியன் மற்றும் சிறப்பு காவல் படையினரும் உள்ளனர்.
     பரமக்குடிக்கு வரும் வழிகளில் 18 இடங்களில் சோதனைச் சாவடிகள் அமைக்கப்பட்டு, வாகனங்கள் உள்ளிட்டவை கண்காணிக்கப்படுகின்றன. சோதனைச் சாவடிகளில் கண்காணிப்புக் கேமராக்கள் பொருத்தப்பட்டுள்ளன. மேலும், 150 விடியோக்கள் மூலம் பரமக்குடிக்கு வருவோர் கண்காணிக்கப்படுவர். 
    மாவட்டத்தில் 120 கிராமங்கள் மிகுந்த பாதுகாப்புக்குரியவையாக அடையாளம் காணப்பட்டுள்ளன. பாதுகாப்புப் பணிக்காக 8 சிறப்புக் குழுக்கள் நியமிக்கப்பட்டு, அக்குழுவினர் பரமக்குடியைச் சுற்றிலும் கண்காணிக்க ஏற்பாடு செய்யப்பட்டுள்ளது. அவர்களுடன், 45 இரு சக்கர வாகன குழுவினரும், 35 நான்கு சக்கர வாகனக் குழுவினரும் ரோந்து வந்து கண்காணிக்கவும் ஏற்பாடு செய்யப்பட்டுள்ளது. 
    ராமநாதபுரம் மாவட்டத்தில் மாவட்ட நிர்வாகம் சார்பில், 144 தடை உத்தரவு பிறப்பிக்கப்பட்டுள்ளது. எனவே, திங்கள்கிழமை முதலே பாதுகாப்பு தீவிரப்படுத்தப்பட்டுள்ளது என்றார்.

]]>
https://www.dinamani.com/all-editions/edition-madurai/ramanathapuram/2019/sep/10/பரமக்குடியில்-நாளை-இமானுவேல்-சேகரன்-நினைவு-தினம்-பாதுகாப்புப்-பணியில்-5-ஆயிரம்-போலீஸார்-3231347.html
3231346 மதுரை ராமநாதபுரம் ராமநாதபுரத்தில் அரசுப் போக்குவரத்துக் கழக பெண் ஊழியர் கிணற்றில் குதித்து தற்கொலை: சக பெண் ஊழியர்கள் 3 பேர் காரணம் என கடிதம் DIN DIN Tuesday, September 10, 2019 10:20 AM +0530 ராமநாதபுரத்தில் அரசுப் போக்குவரத்துக் கழக  பெண் ஊழியர், திங்கள்கிழமை அதிகாலை கிணற்றில் குதித்து தற்கொலை செய்துகொண்டார். முன்னதாக, தான் எடுத்துள்ள இந்த முடிவுக்கு சக பெண் ஊழியர்கள் 3 பேர் காரணம் என எழுதி வைத்துள்ளதால் பரபரப்பு ஏற்பட்டுள்ளது.
        ராமநாதபுரம் காட்டூரணி பகுதியைச் சேர்ந்த நம்புராஜன் மனைவி சோபனா (41). இவர்களுக்கு 9 வயதில் மகள் உள்ளார். சோபனா அரசு போக்குவரத்துக் கழக ராமநாதபுரம் நகர் பணிமனையில் இளநிலை உதவியாளராக வேலைபார்த்து வந்தார். இந்நிலையில், அவர் வீட்டருகே உள்ள பொதுக் கிணற்றில் திங்கள்கிழமை அதிகாலை குதித்து தற்கொலை செய்துகொண்டார். 
      இதை தாமதமாக அறிந்த அவரது குடும்பத்தினர், கேணிக்கரை காவல் நிலையத்துக்கு தகவல் தெரிவித்தனர். அதையடுத்து, போலீஸார் அளித்த தகவலின்பேரில், தீயணைப்புத் துறையினர் சம்பவ இடத்துக்கு விரைந்து சென்று சடலத்தை மீட்டு, அரசு மருத்துவமனைக்கு அனுப்பிவைத்தனர்.
       இது குறித்து கேணிக்கரை போலீஸார் வழக்குப் பதிந்து விசாரணை நடத்தினர். அதில், தற்கொலை செய்துகொள்வதற்கு முன் சோபனா கடிதம் எழுதி வைத்திருப்பது கண்டறியப்பட்டது. அக்கடிதத்தில், அலுவலகத்தில் 3 சக பெண் ஊழியர்களுடன் அடிக்கடி தகராறு ஏற்பட்டதாகவும், இது சம்பந்தமாக அலுவலக அதிகாரிகளிடம் பலமுறை கூறியும் நடவடிக்கை எடுக்காததால், தான் தற்கொலை செய்துகொள்ள முடிவெடுத்ததாகவும் குறிப்பிட்டுள்ளார். மேலும், சம்பந்தப்பட்டவர்கள் மீது துறைரீதியாக நடவடிக்கை எடுக்கவேண்டும் என்றும் அதில் குறிப்பிட்டுள்ளார். 
      இத்துடன், அவரது ஏடிஎம் அட்டை, கொடுக்கல், வாங்கல் விவரங்களையும், தனது மகளை நன்றாக பார்த்துக் கொள்ளவேண்டும் எனவும் கடிதத்தில் தெளிவாகக் குறிப்பிட்டுள்ளது தெரியவந்துள்ளது.
     இப்பகுதியில் பரபரப்பை ஏற்படுத்தியுள்ள இச்சம்பவத்தை அடுத்து, கடிதத்தில் குறிப்பிடப்பட்டுள்ள 3 பெண் ஊழியர்களிடமும் விசாரணை நடத்தப்படும் என, கேணிக்கரை போலீஸார் தெரிவித்தனர்.

]]>
https://www.dinamani.com/all-editions/edition-madurai/ramanathapuram/2019/sep/10/ராமநாதபுரத்தில்-அரசுப்-போக்குவரத்துக்-கழக-பெண்-ஊழியர்-கிணற்றில்-குதித்து-தற்கொலை-சக-பெண்-ஊழியர்கள்-3231346.html
3231126 மதுரை ராமநாதபுரம் ராமநாதபுரத்தில் செப்.13 இல் மீனவர்கள் குறைதீர் கூட்டம் DIN DIN Tuesday, September 10, 2019 08:15 AM +0530 ராமநாதபுரத்தில் வரும் 13 ஆம் தேதி (வெள்ளிக்கிழமை) மீனவர்கள் குறை தீர்க்கும் கூட்டம் நடைபெறும் என அறிவிக்கப்பட்டுள்ளது.
இதுகுறித்து ஆட்சியர் கொ.வீரராகராவ் விடுத்துள்ள செய்திக்குறிப்பு: ராமநாதபுரத்தில் வரும் 13 ஆம் தேதி மாலை 4 மணிக்கு  ராமநாதபுரம் மாவட்ட ஆட்சியர் அலுவலக குறைகேட்பு கூட்ட அரங்கில் மீனவர்கள் குறைதீர்க்கும் கூட்டம் நடைபெறுகிறது.  மாவட்ட ஆட்சியர் தலைமையில் நடைபெறும் இக்கூட்டத்தில், மாவட்ட அரசுத் துறை சார்ந்த அனைத்து அலுவலர்களும் கலந்து கொள்கின்றனர். ஆகவே, ராமநாதபுரம் மாவட்டத்திற்குள்பட்ட அனைத்து மீனவர்களும் கலந்து கொண்டு தங்களின் குறைகளை தெரிவித்து அதற்கான தீர்வினை பெறலாம். மேலும், மீனவர்கள் தங்களது கோரிக்கைகளை மனுவாகவும் அளிக்கலாம் எனக் குறிப்பிடப்பட்டுள்ளது.

]]>
https://www.dinamani.com/all-editions/edition-madurai/ramanathapuram/2019/sep/10/ராமநாதபுரத்தில்-செப்13-இல்மீனவர்கள்-குறைதீர்-கூட்டம்-3231126.html
3231125 மதுரை ராமநாதபுரம் ராமநாதபுரத்தில் வனத் துறை வார விழா கலை போட்டிகள் DIN DIN Tuesday, September 10, 2019 08:14 AM +0530 வனத்துறை சார்பில், ராமநாதபுரத்தில் பள்ளி, கல்லூரி மாணவ, மாணவியருக்கான கலைப் போட்டிகள் திங்கள்கிழமை நடைபெற்றன.
ஆண்டுதோறும், வன உயிரின வார விழா அக்டோபரில் கடைப்பிடிக்கப்பட்டு வருகிறது. இதில், வன உயிரினங்கள் குறித்த விழிப்புணர்வை மாணவ, மாணவியரிடையே ஏற்படுத்தும் வகையில் கலைப் போட்டிகள் நடத்தப்பட்டு வருகின்றன.
அதன்படி, ராமநாதபுரத்தில் உள்ள வன உயிரினக் காப்பாளர் அலுவலக வளாகத்தில் நடந்த கலைப் போட்டிகளில் ஏராளமான பள்ளி, கல்லூரி மாணவ, மாணவியர் பங்கேற்றனர். போட்டிகளை, மாவட்ட வனஉயிரினக் காப்பாளர் டி.கே. அசோக்குமார் தொடக்கிவைத்தார். 
இதில், பேச்சு, ஓவியம், விநாடி-வினா உள்ளிட்ட போட்டிகள் நடத்தப்பட்டன. தமிழ், ஆங்கிலத்திலும், மாற்றுத் திறனாளிகளுக்காக தனியாகவும் போட்டிகள் நடத்தப்பட்டன. மனித-வன உயிரின மோதல் மற்றும் கட்டுப்படுத்தும் நடவடிக்கைகள் எனும் தலைப்பில் நடந்த பேச்சுப் போட்டியில், 9 ஆம் வகுப்பு முதல் கல்லூரி மாணவர்கள் வரை கலந்துகொண்டனர். ஓவியம் மற்றும் விநாடி-வினா போட்டிகளில் எல்.கே.ஜி. முதல் கல்லூரி மாணவ, மாணவியர் வரை கலந்துகொண்டனர். பள்ளிகளுக்கு இடையேயான போட்டிகளில் நேஷனல் அகாதெமி பள்ளி 22 புள்ளிகள் பெற்று முதலிடம் வகித்தது. 
கல்லூரி அளவிலான போட்டிகளில் செய்யது அம்மாள் கலை மற்றும் அறிவியல் கல்லூரி 14 புள்ளிகள் பெற்று முதலிடம் வகித்ததாக, ராமநாதபுரம் வனச்சரக அலுவலர் சதீஷ் தெரிவித்தார்.  போட்டிகளில், வனச்சரக அலுவலர்களான கீழக்கரை சிக்கந்தர்பாட்சா, மண்டபம் வெங்கடேஷ் மற்றும் வன உயிரினக் குற்றப் புலனாய்வு அலுவலர் வெங்கட், ஆசிரியர்கள் கணேசபாண்டியன், ஆண்டனிதாஸ் ஆகியோர் நடுவர்களாகச் செயலாற்றினர். 
மாவட்ட அளவிலான இந்தப் போட்டிகளில் வெற்றி பெற்று முதலிடம் வகிப்பவர்கள், அக்டோபரில் சென்னையில் நடைபெறும் போட்டியில் பங்கேற்க அனுப்பிவைக்கப்படுவர் என, வனத் துறை அலுவலர்கள் தெரிவித்தனர்.

]]>
https://www.dinamani.com/all-editions/edition-madurai/ramanathapuram/2019/sep/10/ராமநாதபுரத்தில்-வனத்-துறை-வார-விழா-கலை-போட்டிகள்-3231125.html
3231124 மதுரை ராமநாதபுரம் திருவாடானை அரசு ஊழியர் சங்க வட்டக் கிளை மாநாடு DIN DIN Tuesday, September 10, 2019 08:13 AM +0530 திருவாடானையில் அரசு ஊழியர்கள் சங்கத்தின்  13 ஆவது வட்டக்கிளை மாநாடு நடைபெற்றது. இதில் ஏராளமான ஆசிரியர்கள் அரசு ஊழியர்கள் கலந்து கொண்டனர்.
இந்த மாநாட்டிற்கு தமிழ்நாடு அரசு ஊழியர் சங்க வட்டத் தலைவர் சுப்பையா தலைமை வகித்தார். இதில் மாவட்டத் தலைவர் ராஜேந்திரன், மாவட்டப் பொருளாளர் சண்முகநாததுரை, மாவட்ட துணைத் தலைவர் சேதுராமன், தலைவர் அமுதன், வட்ட செயலாளர் நம்புராஜேஷ், தமிழ்நாடு கிராமநிர்வாக அலுவலர் சங்கத் தலைவர் பழனிச்சாமி, வட்ட செயலாளர் ஸ்ரீதர், மாவட்ட துணைத் தலைவர் தமிழ்செல்வன்,ஆரம்ப பள்ளி ஆசிரியர்கள் ஆசிரியர் கூட்டணி சங்க வட்டார தலைவர் சகாயராஜ் மற்றும் பலர் பேசினர். இதில் புதிய பென்சன் திட்டத்தை ஒழித்தல், சிறப்புகாலமுறை தொகுப்பு ஊதியம் முறை ஒழித்தல், வேலைவாய்ப்பற்ற இளைஞர்களுக்கு காலி பணியிடத்தில் பணி வழங்குதல் உள்ளிட்ட பல்வேறு தீர்மானங்கள் நிறைவேற்றபட்டன.
முன்னதாக தமிழ்நாடு அசு ஊழியர் சங்கம் கொடியை ஏற்றி வைத்த மாவட்ட செயலாளர் சேகர், தலைவர் சுப்பையா ஆகியோர் மறைந்த சுதந்திரப் போராட்ட விரர்களுரக்கு அஞ்சலி செலுத்தப்பட்டது. முன்னதாக அரசு ஊழியர் சங்கம் செயலாளர் தனலெட்சுமி வரவேற்றார்.
 

]]>
https://www.dinamani.com/all-editions/edition-madurai/ramanathapuram/2019/sep/10/திருவாடானை-அரசு-ஊழியர்-சங்க-வட்டக்-கிளை-மாநாடு-3231124.html
3231123 மதுரை ராமநாதபுரம் துப்புரவுப் பணியில் மெத்தனம்: பரமக்குடியில் கழிவுநீர், குப்பைகள் தேக்கம் DIN DIN Tuesday, September 10, 2019 08:13 AM +0530 பரமக்குடி நகராட்சி பகுதியில் பல்வேறு தெருக்களில் கழிவுநீர் செல்லும் கால்வாய் மற்றும் வாருகால் பகுதிகள் முறையாக பராமரிக்கப்படாததால் கழிவுநீர் தேங்கியுள்ளன. இதனால் கொசுக்கள் உற்பத்தியாகி தொற்று நோய் பரவும் அபாயம் ஏற்பட்டுள்ளது.
 பரமக்குடி நகராட்சியில் தெற்கு பள்ளிவாசல், பங்களா ரோடு, சந்தைக்கடைத் தெரு, ரயில் நிலையம், அண்ணாநகர், கொல்லம்பட்டறை தெரு, உழவர் சந்தை உள்ளிட்ட பகுதிகளில் கழிவுநீர் செல்லும் கால்வாய் நீண்ட நாள்களாக பராமரிக்கப்படவில்லை. இதனால் கழிவுநீர் செல்லும் கால்வாயானது பல்வேறு இடங்களில் பிளாஸ்டிக் பாட்டில்கள் மற்றும் பைகளால் அடைப்பு ஏற்பட்டு, ஆழ்துளைக் கிணறுகள் அமைக்கும்போது வெளியேறிய கழிவுகளும் சேர்ந்து கழிவுநீர் செல்ல முடியாமல் தேங்கும் நிலை ஏற்பட்டுள்ளது. 
 இதுகுறித்து அப்பகுதி மக்கள் நகராட்சி அலுவலகத்தில் புகார் தெரிவித்தும் எந்த நடவடிக்கையும் எடுப்பதில்லை என கூறுகின்றனர்.   நகராட்சியில் துப்புரவு பணியாளர்கள் நியமனத்தை குறைத்து நகராட்சியில் 15-க்கும் மேற்பட்ட வார்டுகள் தனியார் வசம் துப்புரவு பணிகள் விடப்பட்டுள்ளன. இவ்வாறு தனியாருக்கு விடப்பட்ட பகுதிகளில் போதிய துப்புரவு பணியாளர்களை நியமிக்காமல், பல்வேறு தெருக்களில் குவிந்துள்ள குப்பைகள் நீண்ட நாள்களாக அகற்றப்படாமலேயே உள்ளன.
பெயரளவிற்கு வீட்டில் சேகரித்து வைக்கும் குப்பைகளை மட்டும் சேகரித்து செல்லும் நிலையே உள்ளன. இப்பகுதிகளில் கழிவுநீர் செல்லும் கால்வாய்கள் பராமரிக்கப்படுவதில்லை. இதனால் கழிவுநீர் தேங்கி கொசுக்கள் உற்பத்தியாகும் நிலை ஏற்பட்டுள்ளது. இதனை தவிர்க்க தூய்மை இந்தியா இயக்கம் சார்பில் நியமிக்கப்பட்டுள்ள பணியாளர்களின் எண்ணிக்கை அதிகரித்துள்ள நிலையில் தெருக்களையும், வாருகால் பகுதிகளையும் தூய்மைப்படுத்த உரிய பணியாளர்களை நியமிக்கவும், தனியார் வசம் ஒப்பந்த அடிப்படையில் விடப்பட்டுள்ள வார்டுகளில் முறையாக கழிவுநீர் செல்லும் கால்வாய்கள் பராமரிக்கப்படுகின்றனவா என நகராட்சி சுகாதார ஆய்வாளர் கண்காணிக்கவும் மாவட்ட ஆட்சியர் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/ramanathapuram/2019/sep/10/துப்புரவுப்-பணியில்-மெத்தனம்-பரமக்குடியில்-கழிவுநீர்-குப்பைகள்-தேக்கம்-3231123.html
3231122 மதுரை ராமநாதபுரம் விளத்தூர் கிராமத்தில் அரசு சிறப்பு மருத்துவ முகாம் DIN DIN Tuesday, September 10, 2019 08:13 AM +0530 பரமக்குடி அருகே உள்ள விளத்தூர் கிராமத்தில் தமிழக அரசின் சிறப்பு மருத்துவ முகாம் ஞாயிற்றுக்கிழமை நடைபெற்றது. 
விளத்தூர் துணை சுகாதார நிலையத்தில் நடைபெற்ற இம்மருத்துவ முகாமினை பரமக்குடி வட்டார மருத்துவ அலுவலர் சைனிசெராபுதீன் குத்துவிளக்கு ஏற்றி தொடக்கி வைத்தார். பாம்பூர் அரசு ஆரம்ப சுகாதார நிலைய மருத்துவ அலுவலர் நர்மதா முன்னிலை வகித்தார். மருத்துவர் ஜென்மோசஸ் வரவேற்றார்.
முகாமில் 22 கர்ப்பிணி பெண்களுக்கு ஸ்கேன் பரிசோதனை மேற்கொள்ளப்பட்டது. 568 நபர்களுக்கு மருத்துவர்களால் சிகிச்சை அளிக்கப்பட்டு மருந்து, மாத்திரைகள் வழங்கப்பட்டன. இதில் 21 நபர்கள் மேல் சிகிச்சைக்காக பரிந்துரைக்கப்பட்டனர். மேலும் சித்த மருத்துவம், மருத்துவ பரிசோதனை ஆய்வகம், கண் பரிசோதனை, இ.சி.ஜி. ஆகியனவும் இம்முகாமில் இடம்பெற்றன. மருத்துவர்கள் பிரதீபா, மாலினி, சித்த மருத்துவர் துளசி ஆகியோர் மருத்துவ பரிசோதனை மேற்கொண்டு சிகிச்சை அளித்தனர். 
வட்டார சுகாதார செவிலியர் மெகராஜ் மற்றும் செவிலியர்கள், சுகாதார ஆய்வாளர்கள், மருத்துவப் பணியாளர்கள் உள்பட பலர் கலந்துகொண்டனர். சுகாதார ஆய்வாளர் சாகுல்ஹமீது நன்றி கூறினார்.

]]>
https://www.dinamani.com/all-editions/edition-madurai/ramanathapuram/2019/sep/10/விளத்தூர்-கிராமத்தில்அரசு-சிறப்பு-மருத்துவ-முகாம்-3231122.html
3231121 மதுரை ராமநாதபுரம் பரமக்குடி வைகை ஆற்றில் கட்டுமானக் கழிவுகள் கொட்டப்படுவதை  தடுத்து நிறுத்தக் கோரிக்கை DIN DIN Tuesday, September 10, 2019 08:12 AM +0530 பரமக்குடி வைகை ஆற்றில் கட்டுமான கழிவுகள் தொடர்ந்து கொட்டப்படுவதை தடுத்து நிறுத்த வேண்டும் என பொதுமக்கள் கோரிக்கை விடுத்துள்ளனர்.
 வைகை ஆற்றை மையமாக வைத்து பரமக்குடி- எமனேசுவரம் பகுதிகளை உள்ளடக்கிய நகர் பகுதி அமைந்துள்ளது. இங்குள்ள வைகை  ஆறு, மணல் திருட்டு, அணுகுசாலை மற்றும் தடுப்பணைகள் கட்டும்பணியின் போது முறைகேடாக மணல் அள்ளப்பட்டு பொட்டல் காடாக காட்சி அளிக்கிறது. இந்நிலையில் பருவமழை பெய்து வைகையில் தண்ணீர் வரும் சூழ்நிலை ஏற்படும் என்ற நிலையிருந்தும், ஆற்றினை மாசுபடுத்தும் வகையில் நகர் பகுதியில் மேற்கொள்ளப்படும் கட்டுமானப் பணிகளின் கழிவுகள் மற்றும் கோழி இறைச்சி கழிவுகள், ஆழ்துளை கிணற்று கழிவுகள் என பலதரப்பட்ட கழிவுகள் முழுவதும் வைகை ஆற்றில் தரைப்பாலம், வைகை ஆற்று மேம்பாலம், காக்காத்தோப்பு, முத்தாலம்மன் கோயில் படித்துறை, பாண்டியன் தெரு, நகராட்சி அலுவலகம் பின்பகுதி உள்ளிட்ட பல்வேறு பகுதிகளில் கொட்டி வருகின்றனர். 
இதனால் வைகை ஆறு என்ற அடையாளம் மாறி முற்றிலும் மாசுபட்டு வருகிறது. இதுகுறித்து பொதுமக்கள் நகராட்சி நிர்வாகம், வட்டாட்சியர் அலுவலகம் மற்றும் பொதுப் பணித்துறை அதிகாரிகளுக்கு புகார் தெரிவித்தும் எந்த நடவடிக்கையும் எடுப்பதில்லை என கூறுகின்றனர். எனவே வைகை ஆறு மாசுபடுவதை தடுக்க மாவட்ட ஆட்சியர் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/ramanathapuram/2019/sep/10/பரமக்குடி-வைகை-ஆற்றில்-கட்டுமானக்-கழிவுகள்-கொட்டப்படுவதை--தடுத்து-நிறுத்தக்-கோரிக்கை-3231121.html
3231120 மதுரை ராமநாதபுரம் வைகை ஆற்றில் தொடர்ந்து மணல் திருட்டு DIN DIN Tuesday, September 10, 2019 08:12 AM +0530 ராமநாதபுரம் மாவட்டம், நயினார்கோவில் ஒன்றியம் வைகை ஆற்றுப் பகுதியில் தொடர்ந்து மணல் திருட்டு நடந்து வருவதாகவும், அதனைத் தடுக்க வேண்டும் எனவும், அப்பகுதி மக்கள் கோரிக்கை விடுத்துள்ளனர்.
நயினார்கோவில் ஒன்றியத்துக்குள்பட்ட பாண்டியூர், அரசரடிவண்டல், சின்னஅக்கிரமேசி கால்வாய், ஆர்.எஸ்.மங்கலம் கால்வாய் முகப்பு, வல்லம், சிரகிக்கோட்டை உள்ளிட்ட வைகை ஆற்றுப் பகுதிகளில்  மணல் திருடப்பட்டு வருகிறது.
     இது குறித்து பலமுறை புகார் தெரிவித்தும், காவல் துறை மற்றும் வருவாய்த் துறையினர் கண்டுகொள்வதில்லை எனவும் மக்கள் குற்றம்சாட்டுகின்றனர்.      அரசரடிவண்டல், பாண்டியூர், கங்கைகொண்டான் ஆகிய கிராமங்களைச் சேர்ந்த இடைத்தரகர்கள், இரவு நேரங்களில் பொக்லைன் இயந்திரம் மூலம் டிப்பர் லாரி மற்றும் டிராக்டர்களில் மணல் திருட்டில் ஈடுபட்டு வருகின்றனர்.  
      ராமநாதபுரம் மாவட்டத்தில் நடைபெற்று வரும் கட்டுமானப் பணிகளுக்கு மணல் அதிகளவில் தேவைப்படுகிறது. இப்பகுதியில் மணல் குவாரிகளுக்கு அனுமதி இல்லாததால், பரமக்குடி மற்றும் ராமநாதபுரம் பகுதிகளில் நடைபெறும் கட்டுமானப் பணிகளுக்கு மணல் தட்டுப்பாடும் அதிகரித்துள்ளது. இதனால், இடைத்தரகர்கள் மூலம் திருடி கொண்டுவரப்படும் வைகை ஆற்று மணல் கூடுதல் விலை கொடுத்து வாங்கி கட்டுமானப் பணிகளை மேற்கொண்டு வருகின்றனர்.     எனவே, இயற்கை வளம் சுரண்டப்பட்டு, நிலத்தடி நீர் ஆதாரம்  பாதிக்கப்பட்டு வரும் சூழலில், மணல் திருட்டை தடுக்க மாவட்ட ஆட்சியர் உரிய நடவடிக்கை எடுக்கவேண்டும் என, பொதுமக்கள் கோரிக்கை விடுத்துள்ளனர்.


 

]]>
https://www.dinamani.com/all-editions/edition-madurai/ramanathapuram/2019/sep/10/வைகை-ஆற்றில்-தொடர்ந்து-மணல்-திருட்டு-3231120.html
3231119 மதுரை ராமநாதபுரம் நயினார்கோவில் வட்டார விவசாயிகளுக்கு 100 சதவீத மானியத்தில் பனை விதை விநியோகம் DIN DIN Tuesday, September 10, 2019 08:12 AM +0530 ராமநாதபுரம் மாவட்டம், நயினார்கோவில் வட்டாரத்தில் நீடித்த மானாவாரி வேளாண்மை இயக்கத்தின் கீழ், சிறுவயல் தொகுப்பில் உள்ள விவசாயிகளுக்கு வயல் ஓரங்களில் நடவு செய்வதற்காக, 100 சதவீத மானியத்தில் பனை விதைகள் வழங்கும் நிகழ்ச்சி திங்கள்கிழமை நடைபெற்றது.
நயினார்கோவில் வேளாண்மை உதவி இயக்குநர் கே.வி. பானுபிரகாஷ் தலைமையில் நடைபெற்ற இந்நிகழ்ச்சியில், சிறுவயல் தொகுப்பில் உள்ள அரசனூர், தேத்தாங்கால், குளத்தூர், அ.பனையூர், பெருங்களூர் மற்றும் சிறுவயல் கிராமங்களைச் சேர்ந்த விவசாயிகள் கலந்துகொண்டனர். இதில், விவசாயிகளுக்கு வயல் ஓரங்களில் பனை விதைகள் நடவு செய்ய 100 சதவீதம் மானியத்தில் பனை விதைகள் வழங்கப்பட்டன. வடகிழக்குப் பருவமழையை பயன்படுத்தி பனை விதைகளை 5 மீட்டர் இடைவெளியில் 15 முதல் 30 செ.மீ. ஆழத்தில் குழிகள் வெட்டி, ஒரு குழிக்கு 2 பனை விதைகளை லேசான ஈரப்பதத்தில் நடவு செய்ய வேண்டும். ஒரு ஹெக்டேருக்கு 50 பனை விதைகள் முழு மானியத்தில் வழங்கப்பட்டு வருகின்றன. 
புரட்டாசி பட்டத்தில் 50 ஆயிரம் பனை விதைகள் நடவு செய்ய திட்டமிடப்பட்டுள்ளது. மேலும், பனை மரம் தமிழக அரசின் மரம். அழிந்துவரும் பனை மரங்களை பாதுகாக்கும் முயற்சியாக, மானாவாரி வயல் ஓரங்களில், பொது இடங்களில் தொகுப்பு மேம்பாட்டு குழுவின் தீர்மானத்தின்படி நடவு செய்யப்பட்டு வருகிறது.  இது தவிர, இத்திட்டத்தில் பயன்பெறும் விவசாயிகளுக்கு, ஒரு ஹெக்டேருக்கு 5 வேப்ப மரக் கன்றுகளும், 2 பழக்கன்றுகளும் வழங்கப்படுகின்றன. இத்திட்டப் பயனாளிகளுக்கு 50 சதவீத மானியத்தில் கேழ்வரகு, குதிரைவாலி, சிறுதானியப் பயிர் விதைகளும் வழங்கப்படுகின்றன. இதனை விவசாயிகள் நல்ல முறையில் பயன்படுத்திக் கொள்ளவேண்டும் என அவர் தெரிவித்தார்.


 

]]>
https://www.dinamani.com/all-editions/edition-madurai/ramanathapuram/2019/sep/10/நயினார்கோவில்-வட்டார-விவசாயிகளுக்கு-100-சதவீத-மானியத்தில்-பனை-விதை-விநியோகம்-3231119.html