Dinamani - விருதுநகர் - https://www.dinamani.com/all-editions/edition-madurai/virudhunagar/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3079551 மதுரை விருதுநகர் பட்டாசு ஆலைகளைத் திறக்கக்கோரி 24 இடங்களில் கஞ்சித் தொட்டிகள் திறப்பு: 700 பெண்கள் உட்பட 1050 பேர் பங்கேற்பு DIN DIN Sunday, January 20, 2019 01:29 AM +0530
விருதுநகர் மாவட்டத்தில் மூடப்பட்ட பட்டாசு ஆலைகளை திறக்க வலியுறுத்தி அம்மாவட்டத்தில் சனிக்கிழமை 24 இடங்களில் கஞ்சித் தொட்டி திறந்து பட்டாசு மற்றும் தீப்பெட்டி உற்பத்தியாளர்கள் சங்கம் (சிஐடியு) சார்பில் போராட்டம் நடைபெற்றது. இதில் பட்டாசுத் தொழிலாளர்கள் 1,050 பேர் கலந்து கொண்டனர்.
பசுமை பட்டாசுகள் மட்டுமே தயாரிக்க வேண்டும். பேரியம் நைட்ரேட் வேதிப் பொருள் பயன்படுத்தக் கூடாது என உச்சநீதிமன்றம் உத்தரவு பிறப்பித்தது. இதையடுத்து விருதுநகர் மாவட்டத்தில் பட்டாசு உரிமையாளர்கள் 2018 நவம்பர் 13 முதல் பட்டாசு ஆலைகளை மூடி பல்வேறு கட்ட போராட்டங்களை நடத்தி வருகின்றனர். மேலும், பட்டாசு உற்பத்திக்கு சுற்றுச்சூழல் சட்டத்திலிருந்து விதிவிலக்கு அளிக்க வேண்டும் எனவும் வலியுறுத்தி வருகின்றனர்.
இந்நிலையில், பட்டாசு மற்றும் தீப்பெட்டி உற்பத்தியாளர்கள் சங்கம் (சிஐடியு) சார்பில் சனிக்கிழமை கஞ்சித்தொட்டி திறப்பு போராட்டத்திற்கு அழைப்பு விடுத்திருந்தனர். அதில், 75 நாள்களுக்கு மேல் வேலையின்றி தவித்து வரும் பட்டாசு தொழிலாளர்களுக்கு மத்திய, மாநில அரசுகள் உரிய நிவாரணம் வழங்க வேண்டும். உச்சநீதிமன்றத்தில் திறமையான வழக்குரைஞர்களைக் கொண்டு வாதாடி பட்டாசு ஆலைகளை திறக்க நடவடிக்கை எடுக்க வேண்டும். 
8 லட்சம் தொழிலாளர்களின் வாழ்வாதாரத்தை பாதுகாக்க வேண்டும் எனவும் வலியுறுத்தினர். இதை நிறைவேற்ற வலியுறுத்தி மாவட்டத்தில் 24 இடங்களில் கஞ்சித்தொட்டி திறப்புப் போராட்டம் நடைபெற்றது. இதில் 700 பெண்கள் உள்பட 1,050 தொழிலாளர்கள் ஈடுபட்டனர். 
சிவகாசி: சிவகாசிப் பகுதியில் சிவகாமிபுரம் காலனி, முருகன் காலனி, செல்லைய நாயக்கன்பட்டி, மீனம்பட்டி, விஸ்வநத்தம், துரைச்சாமிபுரம், மாரனேரி ஆகிய 7 இடங்களில் கஞ்சித்தொட்டி திறப்பு போராட்டம் நடைபெற்றது. சிவகாமிபுரம் காலனியில் நடைபெற்ற போராட்டத்திற்கு அச்சங்கத்தின் மாவட்டச் செயலாளர் பி.என்.தேவா தலைமை வகித்தார். இதில் அச்சங்க மாவட்டத் தலைவர் எம்.மகாலட்சுமி, துணைத்தலைவர் ஜெ.லாசர், மார்க்சிஸ்ட் கம்யூனிஸ்ட் மாநில பொதுக்குழு உறுப்பினர் எம்.என்.எஸ்.வெங்கட்டராமன், நகரச் செயலாளர் கே.முருகன் உள்ளிட்டோர் கலந்து கொண்டனர். 
ஸ்ரீவில்லிபுத்தூர்: நாச்சியார்பட்டி, கூமாப்பட்டி பகுதிகளில் கஞ்சி தொட்டி திறக்கப்பட்டது. போராட்டத்திற்கு சாலை பாதுகாப்பு சங்க மாவட்ட செயலாளர் எம்.திருமலை தலைமை வகித்தார். போராட்டத்தில் ஊர்த் தலைவர்கள், மார்க்சிஸ்ட் கம்யூனிஸ்ட் ஒன்றியச் செயலாளர் சசிகுமார், விவசாய தொழிலாளர் சங்க நிர்வாகி பாண்டியன், வைரமுத்து உள்பட ஏராளமானோர் கலந்து கொண்டனர். கூமாப்பட்டியில் சரசுவதியம்மாள் தலைமையில் தமிழ்நாடு விவசாயிகள் சங்க மாவட்ட துணைத் தலைவர் மணிக்குமார் கஞ்சி தொட்டியை திறந்து வைத்தார். போராட்டத்தை வாழ்த்தி மார்க்சிஸ்ட் ஒன்றியச் செயலாளார் ஜெயக்குமார் பேசினார்.
சாத்தூர்: சாத்தூர் அருகே வெங்கடாசலபுரம், தாயில்பட்டி, விஜயகரிசல்குளம், ராமலிங்காபுரம், அன்பின் நகரம், பனையடிபட்டி, மார்க்நாதபுரம், சல்வார்பட்டி உள்ளிட்ட பல்வேறு இடங்களில் பட்டாசு தொழிலாளர்கள் கஞ்சித் தொட்டி திறந்தனர். இதில் ஏராளமான பட்டாசு தொழிலாளர்களும், தீப்பெட்டி மற்றும் பட்டாசு தொழிலாளர்கள் சங்கத்தினரும் கலந்து கொண்டனர்.
 

]]>
https://www.dinamani.com/all-editions/edition-madurai/virudhunagar/2019/jan/20/பட்டாசு-ஆலைகளைத்-திறக்கக்கோரி-24-இடங்களில்-கஞ்சித்-தொட்டிகள்-திறப்பு-700-பெண்கள்-உட்பட-1050-பேர்-பங-3079551.html
3079468 மதுரை விருதுநகர் மாணவர்கள் போட்டியை சமாளிக்க நல்ல புத்தகங்களை படிப்பது அவசியம்: ஆவணப்பட இயக்குநர் பாரதி கிருஷ்ணகுமார் DIN DIN Sunday, January 20, 2019 01:10 AM +0530
மாணவர்கள் உலகளாவிய போட்டியை சமாளிக்க நல்ல புத்தகங்களை படிப்பது அவசியம் என ஆவணப்பட இயக்குநர் பாரதி கிருஷ்ணகுமார் பேசினார்.
தினமணி நாளிதழ் மற்றும் சிவகாசி பி.எஸ்.ஆர். பொறியியல் கல்லூரி இணைந்து பள்ளி மாணவர்களுக்கான சிகரத்தை வெல்வோம் என்ற வழிகாட்டும் நிகழ்ச்சி சனிக்கிழமை நடத்தின. கல்லூரி வளாகத்தில் நடைபெற்ற இந்நிகழ்ச்சிக்கு தினமணி ஆசிரியர் கி.வைத்தியநாதன் தலைமை வகித்தார்.
இதில் பாரதி கிருஷ்ணகுமார் பேசியது: வாழ்க்கையில் வெற்றி பெற புத்தக வாசிப்பு அவசியம். தாய் மொழியான தமிழை பிழை இல்லாமல் வாசிக்கவும் படிக்கவும் தெரிந்து கொள்ள வேண்டும். அதிக மதிப்பெண்கள் பெற்றால் வேலை கிடைக்கும் என்பது ஒரு புறமிருந்தாலும், வேலைக்கான தகுதியை மாணவர்கள் வளர்த்துக் கொள்ள வேண்டும். 
மொழி அறிவு மிகவும் அவசியமாகும். ஐரோப்பிய நாடுகளில் உள்ள மாணவர்கள் 4 அல்லது 5 மொழிகளில் பேசவும் எழுதவும் செய்வார்கள். தற்போது வாசிக்கும் நேரத்தை குறைத்துக் கொண்டு தொலைக்காட்சி பார்ப்பது, செல்லிடப்பேசியில் நேரத்தை செலவிடுவது என்பது பலரின் பழக்கமாகி விட்டது. அதனை நிறுத்த வேண்டும்.
அழகாக இருந்தால் மட்டும் போதாது. அறிவு உள்ளவர்களாகவும் இருக்க வேண்டும். அந்த அறிவைத் தருவது கல்வி. நெல்சன் மண்டேலா 27 ஆண்டுகள் சிறையிருந்து வெளியே வந்த போது,  மீண்டும் சிறையில் அடைக்கப்பட்டால் என்ன செய்வீர்கள்?  என்று கேட்டபோது அவர் சொன்ன பதில் ,  வாசிப்பதற்குப் புத்தகங்கள் இருந்தால் எத்தனை ஆண்டுகள் வேண்டுமானாலும் சிறையில் இருக்கத் தயார் எனக் கூறினார்.
ஜப்பானில் பொது இடத்தில் யாரும் செல்லிடப்பேசியில் பேசுவதில்லை. அவர்களில் 90 சதவீதம் பேர் புத்தகம் படிக்கிறார்கள். எனவே அவர்கள் உலக அளவில் வெற்றி பெறுகிறார்கள். எனவே மாணவர்கள் நல்ல புத்தகங்களை படிக்கும் பழக்கத்தை ஏற்படுத்திக் கொள்ள வேண்டும். 
எந்த ஒரு விஷயத்திலும் விருப்பத்துடனும், ஈடுபாட்டுடனும் செயல்பட வேண்டும். கல்வி அறிவை வளர்த்துக் கொண்டால், எதிர்வரும் காலங்களில் உலகளாவிய போட்டிகளை சமாளிக்க இயலும். 
 யாமறிந்த மொழிகளிலே தமிழ் மொழி போல் இனிதாவது எங்கும் காணோம் என்று பாரதியார் கூறியிருக்கிறார். அவருக்கு 9 மொழிகளில் பேசவும், எழுதவும் தெரியும். தாய்மொழியுடன் வேறு மொழிகளையும் படிக்க வேண்டும். 
ஆங்கிலத்தில் மொத்தமாகவே 26 எழுத்துகள் தான் உள்ளன. ஆகவே அந்த மொழியைப் படிப்பது சுலபம். இன்றைய உலகில் வேலைவாய்ப்புக்கு ஆங்கில மொழித்திறன் அவசியமாகும். எனவே மாணவர்கள் ஆங்கிலத்தில் பேசிப் பழக வேண்டும். 
வாழ்க்கையின் அடுத்த கட்டத்திற்கு எடுத்துச் செல்வதற்கான படிக்கட்டுதான் அரசு பொதுத் தேர்வு. அதில் வெற்றி பெறுவது என்பதை மாணவர்கள் மனதில் உறுதியாக வைத்துக் கொள்ள வேண்டும் என்றார்.
நிகழ்ச்சிக்கு கல்லூரித் தாளாளர் ஆர்.சோலைச்சாமி முன்னிலை வகித்தார். இதில் கல்லூரி கல்வி இயக்குநர் பி.ஜி. விஷ்ணுராம், முதன்மையர் பி.மாரிச்சாமி, விருதுநகர் மாவட்ட முதன்மை கல்வி அலுவலர் சுவாமிநாதன், சிவகாசி கல்வி மாவட்ட அலுவலர் முத்துகிருஷ்ணன் உள்ளிட்டோர் கலந்து கொண்டனர். முன்னதாக கல்லூரி முதல்வர் கே.கணேசன் வரவேற்றார். தி நியூ இந்தியன் எக்பிரஸ் குழுமத்தின் முதுநிலை துணைத் தலைவர் (விளம்பரம்) ஜெ.விக்னேஷ்குமார் நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/20/மாணவர்கள்-போட்டியை-சமாளிக்க-நல்ல-புத்தகங்களை-படிப்பது-அவசியம்-ஆவணப்பட-இயக்குநர்-பாரதி-கிருஷ்ணகுமார்-3079468.html
3079467 மதுரை விருதுநகர் இலக்கை நிர்ணயித்து பயணித்தால் வெற்றி உறுதி:தினமணி ஆசிரியர் கி. வைத்தியநாதன் DIN DIN Sunday, January 20, 2019 01:10 AM +0530
அரசு பொதுத்தேர்விற்கு மாணவ, மாணவிகள் இலக்கை நிர்ணயித்து பயணித்தால் வெற்றி அடையலாம் என தினமணி ஆசிரியர் கி. வைத்தியநாதன் பேசினார்.
சிவகாசி அருகே செவல்பட்டியில் தினமணி மற்றும் பி.எஸ்.ஆர். பொறியியல் கல்லூரி சார்பில் மாணவர்களுக்கான சிகரத்தை வெல்வோம் வழிகாட்டி நிகழ்ச்சி சனிக்கிழமை நடைபெற்றது. இந்த நிகழ்ச்சிக்கு தலைமை தாங்கிய தினமணி ஆசிரியர் கி. வைத்தியநாதன் பேசியது: சிகரத்தை வெல்வோம் என்ற இந்த நிகழ்ச்சி, உங்களுக்கு நாளைய உலகை எதிர்கொள்ள வழிகாட்டுவதாக அமையும். அரசு பொதுத் தேர்வுக்கு ஒரு சில மாதங்களே உள்ள நிலையில், உங்களை தொலைக்காட்சி பார்க்காதே, செல்லிடப்பேசி பார்க்காதே, படி, படி என பெற்றோர்கள் கூறுவது, உங்களது எதிர்காலத்தை நினைத்து தான். 
பட்டணத்தில் மட்டும் கிடைத்த கல்லூரிப் படிப்பு, தற்போது கிராமப்புறங்களில் பல்வேறு கட்டமைப்பு வசதிகளுடன் கிடைக்கிறது. மாணவர்களாகிய உங்களுக்கு வாய்ப்புக்கள் கொட்டிக் கிடக்கிறது. உங்கள் அனைவருக்கும் கல்லூரியில் இடம் கிடைக்க கூடிய வகையில் நீங்கள் மதிப்பெண்களை பெற வேண்டும். 
வாழ்க்கையில் உங்கள் இலக்கு என்ன என்பதை முடிவு செய்ய வேண்டும். இருபத்தைந்து ஆண்டுகளுக்கு பிறகு என்னவாக இருக்கப் போகிறீர்கள், யாராக இருக்கப் போகிறீர்கள். என்பதை தற்போதே முடிவெடுத்து அதை நோக்கி பயணிக்க தொடங்குங்கள். 
நீங்கள் உங்களுக்கு உண்மையானவராக இருக்க வேண்டும். நீங்கள் படிப்பது பெற்றோருக்காக அல்ல, ஆசிரியருக்காக அல்ல, உங்களுக்காக என்பதை தெரிந்து கொள்ள வேண்டும். பெற்றோரும், ஆசிரியர்களும் உங்களை படி, படி என்று கூறும்போதெல்லாம் நீங்கள் எதிர்கொள்ள இருக்கும் தேர்வு என்பது வருங்காலத்தில் அடையப் போகும் நுழைவுவாயிலுக்கான வாயிற் படி என்பதை நீங்கள் நினைவில் கொள்ள வேண்டும். 
எனவே, மாணவர்கள் இந்த குறுகிய காலத்தை முறையாக பயன்படுத்தி அதிக மதிப்பெண்கள் பெற்று வெற்றி பெற வேண்டும் என்றார் அவர். 

]]>
https://www.dinamani.com/all-editions/edition-madurai/virudhunagar/2019/jan/20/இலக்கை-நிர்ணயித்து-பயணித்தால்-வெற்றி-உறுதிதினமணி-ஆசிரியர்-கி-வைத்தியநாதன்-3079467.html
3079466 மதுரை விருதுநகர் அதிக மதிப்பெண்கள் பெறுவோம்: மாணவர்கள் நம்பிக்கை DIN DIN Sunday, January 20, 2019 01:10 AM +0530
சிவகாசி பிஎஸ்ஆர் பொறியியல் கல்லூரியில் நடைபெற்ற சிகரத்தை வெல்வோம் நிகழ்ச்சியில் பங்கேற்றதன் மூலம் தேர்வில் அதிக மதிப்பெண்கள் பெறுவோம் என்று மாணவர்கள் நம்பிக்கை தெரிவித்தனர்.
மாணவர்களின் கருத்து:
ஆர்.பவித்ரா (சிவகாசி) : நான் முதல் முறையாக அரசு பொதுத்தேர்வு எழுத உள்ளேன். பாடத்தை புரிந்து கொள்வது மற்றும் தேர்வு பயத்துடன் இருந்தேன். ஆனால் சிகரத்தை வெல்வோம் நிகழ்ச்சி மூலம் பாடத்திட்டத்தை எளிதில் படித்து அதிக மதிப்பெண்கள் பெறுவதற்கான ஊக்கம் கிடைத்தது.
பி.சர்மிளா (ஏழாயிரம்பண்ணை): மேல் படிப்பு என்ன படிப்பது என்பது குறித்து குழப்பமாக இருந்தது. ஆனால் இந்நிகழ்ச்சி மூலம் தெளிவான முடிவு கிடைத்துள்ளது. அதிக மதிப்பெண் பெற்று வெற்றியின் இலக்கை அடைவது குறித்து நன்கு தெரிந்து கொண்டு, எனது படிப்பில் மட்டுமல்ல வாழ்க்கையின் லட்சியத்தையும் புரிந்து கொண்டேன்.
ஆர்.நித்தியஸ்ரீ(குருவிகுளம்): நான் கணினித்துறையில் அதிகம் சாதிக்க விரும்புகிறேன். எனது பெற்றோர் மற்றும் உறவினர்கள் மருத்துவப்படிப்பை அறிவுறுத்தினர். ஆனால் இந்நிகழ்ச்சி மூலம் வெளியிடங்களில் துணிச்சலாக சென்று பல்வேறு துறைகளிலும் பெண்கள் சாதிக்கலாம் என்பதை புரிந்து கொண்டேன். நம் திறமையைப் பொருத்து தான் செல்லும் இலக்கை அடைய முடியும் என்பதை தெரிந்து கொண்டேன்.
கி.சஞ்சய்குமார்(திருவேங்கடம்): நான் ஆங்கில வழியில் கல்வி பயின்று வருகிறேன். தமிழ் படிப்பில் ஆர்வம் குறைவாக இருந்தது. இந்த நிகழ்ச்சி மூலம் தமிழில் மிகுந்த ஆர்வம் ஏற்பட்டுள்ளது. மாணவர்கள் சாதிப்பது குறித்து சிறு கதைகள் மூலம் விளக்கியது சிறப்பாக இருந்தது. அதனால் தினமணி நாளிதழ் தொடர்ந்து படித்து, தமிழ் பாடத்தில் அதிகளவு மதிப்பெண் பெறும் வாய்ப்பும் கிடைத்துள்ளது.
ஆர்.சின்னதுரைராஜா (கோப்பையநாயக்கன்பட்டி): அரசுப் பள்ளியில் படிக்கும் எனக்கு அரசு தேர்வு என்றாலே பயமாக இருந்தது. மேலும் மேல் படிப்பு குறித்து எவ்வித நோக்கமும் இல்லாமல் இருந்தது. ஆனால் இந்த நிகழ்ச்சி மூலம் மேல்படிப்பை சரியான முறையில் தேர்தெடுத்து திறமைகேற்ப பல்வேறு துறைகளிலும் சாதிக்கலாம் என்பதை புரிந்து கொண்டேன்.
 

]]>
https://www.dinamani.com/all-editions/edition-madurai/virudhunagar/2019/jan/20/அதிக-மதிப்பெண்கள்-பெறுவோம்-மாணவர்கள்-நம்பிக்கை-3079466.html
3079465 மதுரை விருதுநகர் விவசாயிகளின் கடன்களை ரத்து செய்ய வேண்டும் இளைஞர் பெருமன்ற மாநாட்டில் தீர்மானம்  DIN DIN Sunday, January 20, 2019 01:09 AM +0530
விவசாயிகளின் அனைத்துக் கடன்களையும் அரசு ரத்து செய்ய வேண்டும் என ஸ்ரீவில்லிபுத்தூரில் நடைபெற்றஅனைத்திந்திய இளைஞர் பெருமன்றத்தின் ஒன்றிய மாநாட்டில் தீர்மானம் நிறைவேற்றப்பட்டது.
ஸ்ரீவில்லிபுத்தூரில் சனிக்கிழமை நடைபெற்ற அனைத்திந்திய இளைஞர் பெருமன்றத்தின் ஒன்றிய மாநாட்டை மாநிலக்குழு உறுப்பினர் செந்தில்குமார் கொடியேற்றி தொடங்கி வைத்தார். இந்திய கம்யூனிஸ்ட் மாவட்டச் செயலாளரும் முன்னாள் எம்.பி.யுமான பொ.லிங்கம், முன்னாள் சட்டப்பேரவை உறுப்பினர் தி.ராமசாமி ஆகியோர் வாழ்த்துரை வழங்கினர். மாநாட்டில் 27 பேர் கொண்ட கமிட்டி உறுப்பினர்களும், 7 பேர் கொண்ட நிர்வாகிகள் தேர்வு செய்யப்பட்டனர். தலைவராக ஆரோன் ராஜாமணி, செயலாளராக காளிராஜ் தேர்வு செய்யப்பட்டனர். 
மாநாட்டில் நிறைவேற்றப்பட்ட தீர்மானங்கள்: மத்திய அரசு இளைஞர்களுக்கு புதிய வேலைவாய்ப்புகளை ஏற்படுத்தித் தர வேண்டும். ஸ்ரீவில்லிபுத்தூரில் அரசு கலை மற்றும் அறிவியல் கல்லூரி, விவசாயக் கல்லூரி தொடங்க வேண்டும். ஸ்ரீவில்லிபுத்தூர் ரயில் நிலையத்தை மேம்படுத்தி இந்த வழித்தடத்தில் புதிய ரயில்கள் இயக்க வேண்டும். பம்பை-அச்சன்கோவில்-வைப்பாறு ஆகியவற்றை இணைத்து புதிய வடிவில் அழகர் அணைத் திட்டத்தை நிறைவேற்ற வேண்டும். விவசாயிகளின் கடன் முழுவதையும் ரத்து செய்ய வேண்டும் என்பது உள்ளிட்ட தீர்மானங்கள் நிறைவேற்றப்பட்டன. மாநாட்டை நிறைவு செய்து வைத்து மாவட்டச் செயலாளர் கணேசமூர்த்தி பேசினார்.
 

]]>
https://www.dinamani.com/all-editions/edition-madurai/virudhunagar/2019/jan/20/விவசாயிகளின்-கடன்களை-ரத்து-செய்ய-வேண்டும்-இளைஞர்-பெருமன்ற-மாநாட்டில்-தீர்மானம்-3079465.html
3079464 மதுரை விருதுநகர் சிவகாசியில் வீடு புகுந்து 11 பவுன் நகைகள் திருட்டு DIN DIN Sunday, January 20, 2019 01:09 AM +0530
சிவகாசியில் வீட்டில் இருந்த 11 பவுன் நகைகள் மற்றும் ரூ. 45 ஆயிரம் திருடுபோனதாக போலீஸில் சனிக்கிழமை புகார் செய்யப்பட்டுள்ளது.
சிவகாசி ஆதிநாடார் தெருவைச் சேர்ந்தவர் கண்ணன்(41). இவர் இங்கு பாலிதீன் ஆலை நடத்தி வருகிறார். இவர் தனது மனைவி மீனா(39) உடன் கடந்த 13 ஆம் தேதி வடமாநில கோயில்களுக்கு சென்றுள்ளார். 
அப்போது, கதவைப் பூட்டி சாவியை வழக்கமாக வைக்கும் இடத்தில் வைத்துவிட்டு, கிரில்கேட்டை பூட்டிவிட்டு சென்றுள்ளார். சனிக்கிழமை திரும்பி வந்து பார்த்தபோது, கிரில்கேட்டின் பூட்டு உடைக்கப்பட்டிருந்ததாம்.
வீட்டின் சாவியை எடுத்து உள்ளே சென்று பார்த்த போது, பீரோவில் வைத்திருந்த 11 பவுன் நகைகள் மற்றும் ரூ. 45 ஆயிரம் திருடுபோனது தெரியவந்ததாம். இதுகுறித்த புகாரின் பேரில் சிவகாசி நகர் போலீஸார் வழக்குப்பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-madurai/virudhunagar/2019/jan/20/சிவகாசியில்-வீடு-புகுந்து-11-பவுன்-நகைகள்-திருட்டு-3079464.html
3079463 மதுரை விருதுநகர் திருச்சுழி காவல்நிலையம் அருகே விஷம் குடித்து இளைஞர் சாவு DIN DIN Sunday, January 20, 2019 01:09 AM +0530
திருச்சுழி காவல் நிலையத்திற்கு விசாரணைக்கு வந்த இளைஞர், சனிக்கிழமை விஷம் குடித்த நிலையில், அரசு மருத்துவமனையில் சேர்க்கப்பட்டு சிகிச்சை பலனின்றி உயிரிழந்தார்.
திருச்சுழி அருகே உள்ள செம்பொன்நெருஞ்சியை சேர்ந்தவர் அரியநாச்சி மகன் பாலமுருகன் (32). இவருக்கும் பக்கத்து வீட்டு உறவினரான ராமசாமி (70) என்பவருக்கும் இடப்பிரச்னை இருந்து வந்ததாக கூறப்படுகிறது. இந்நிலையில், வெள்ளிக்கிழமை இருவருக்கும் இடையே மீண்டும் பிரச்னை ஏற்பட்டுள்ளது. இதுகுறித்த விசாரணைக்காக பாலமுருகனை திருச்சுழி போலீஸார் அழைத்தனராம். இந்நிலையில், சனிக்கிழமை காவல்நிலைய வாசல் அருகே வந்த பாலமுருகன், தான் வைத்திருந்த விஷத்தை குடித்துள்ளார். இதைக் கண்ட போலீஸார், அவரை தடுத்து திருச்சுழி அரசு மருத்துவமனையில் சிகிச்சைக்காக சேர்த்துள்ளனர். ஆனால், சிகிச்சை பலனின்றி பாலமுருகன் உயிரிழந்தார். இதுகுறித்து திருச்சுழி போலீஸார் வழக்குப்பதிவு செய்தனர். இதையடுத்து விருதுநகர் மாவட்ட காவல் கண்காணிப்பாளர் திருச்சுழி காவல் நிலையத்தில் விசாரணை நடத்தினார்.
 

]]>
https://www.dinamani.com/all-editions/edition-madurai/virudhunagar/2019/jan/20/திருச்சுழி-காவல்நிலையம்-அருகே-விஷம்-குடித்து-இளைஞர்-சாவு-3079463.html
3079462 மதுரை விருதுநகர் சாத்தூர் சிறுமிக்கு இதயத் துடிப்பை நிறுத்தி அறுவை சிகிச்சை: மதுரை அரசு மருத்துவர்கள் சாதனை DIN DIN Sunday, January 20, 2019 01:09 AM +0530
சாத்தூர் சிறுமிக்கு இருதய ரத்த நாளத்தில் இருந்த வீக்கத்தை அகற்ற சிறுமியின் இருதயத் துடிப்பை நிறுத்தி அறுவைச் சிகிச்சை செய்து, மதுரை அரசு மருத்துவமனை மருத்துவர்கள் சாதனை படைத்துள்ளனர்.
விருதுநகர் மாவட்டம், சாத்தூர் அருகே உள்ள மார்க்கநாதபுரத்தைச் சேர்ந்த ராஜன் மகள் மதுமிதா (13). இவருக்கு நீண்ட நாள்களாக காய்ச்சல், இருமல், மூச்சுத்திணறல் உள்ளிட்ட பிரச்னைகள் இருந்துவந்தன. இதற்கு, சாத்தூரில் உள்ள அரசு மற்றும் தனியார் மருத்துவமனைகளில் சிகிச்சை பெற்றும் சிறுமி குணமடையவில்லை.
அதையடுத்து, மதுரையில் உள்ள தனியார் மருத்துவமனையில் சோதனை செய்தபோது, சிறுமியின் இருதயத்தில் பெரிய அளவில் வீக்கம் இருப்பது தெரியவந்தது. இதை அறுவைச் சிகிச்சை மூலம் அகற்றும்போது, சிறுநீரகச் செயலிழப்பு மற்றும் உயிரிழப்பு ஏற்படக்கூடும் என மருத்துவர்கள் தெரிவித்தனர்.
எனவே, சிறுமியின் பெற்றோர் மதுரை அரசு மருத்துவமனைக்கு கடந்த மாதம் அவரை அழைத்து வந்தனர். அரசு மருத்துவமனையில் சிறுமிக்கு அறுவைச் சிகிச்சை மேற்கொள்ளப்பட்டு, தற்போது சிறுமி நலமாக உள்ளார்.
இது குறித்து மதுரை அரசு மருத்துவமனை டீன் எஸ். சண்முகசுந்தரம், இருதய அறுவைச் சிகிச்சை துறைத் தலைவர் ரத்தினவேல் ஆகியோர் கூட்டாக தெரிவித்துள்ளது: மதுமிதாவுக்கு பிறவியிலேயே இந்த வீக்கம் இருந்துள்ளது. மிகச்சிறிய அளவில் இருந்த வீக்கம், தற்போது ஆரஞ்சு பழ அளவுக்கு பெரிதாகியுள்ளது. இந்த வீக்கத்துக்கு சப்மிட்ரல் லெப்ட் வென்டிரிக்கிள் அனுரிஸம் என்று பெயர்.
இதுபோன்ற நோய், கடந்த நூறாண்டில் 120 பேருக்கு மட்டுமே இருந்ததாக, மருத்துவப் புள்ளி விவரங்கள் தெரிவிக்கின்றன. இந்த வீக்கத்தினால் மூச்சுத்திணறல் ஏற்படும். வீக்கம் எப்போது வேண்டுமானாலும் வெடிக்கலாம். எனவே, அறுவைச் சிகிச்சையின்போது சிறுமியின் இருதயத் துடிப்பை நிறுத்தி வைத்து வீக்கம் அகற்றப்பட்டது. 
அறுவைச் சிகிச்சைக்குப் பின்னர், அந்த இடத்தைச் சுற்றிலும் செயற்கை வால்வுகள் மூலம் சரிசெய்யப்பட்டுள்ளன. இதனால், சிறுமிக்கு ஆயுள் முழுவதும் எவ்வித பிரச்னையும் ஏற்படாது.
தனியார் மருத்துவமனைகளில் இதுபோன்ற அறுவைச் சிகிச்சைக்கு ரூ. 5 லட்சம் வரை செலவாகும். அரசு மருத்துவமனையில் முழுவதும் இலவசமாகும்.
தென் மாவட்டங்களில் இதுபோன்ற அறுவைச் சிகிச்சைகள் தனியார் மருத்துவமனைகளில் கூட மேற்கொள்ளப்படுவது இல்லை. மதுரை அரசு மருத்துவமனையில் இருதயவியல் துறை நிபுணர்கள் பாலசுப்பிரமணியன், ரத்தினவேல், பாப்பையா, மீனாட்சிசுந்தரம், சிவக்குமார், மயக்கவியல் நிபுணர்கள் கல்யாணசுந்தரம், முத்துகுமார், கற்பகவல்லி உள்ளிட்ட மருத்துவர் குழு அறுவைச் சிகிச்சை மேற்கொண்டு, சிறுமியின் உயிரைக் காப்பாற்றியுள்ளனர் என்றனர்.
 

]]>
https://www.dinamani.com/all-editions/edition-madurai/virudhunagar/2019/jan/20/சாத்தூர்-சிறுமிக்கு-இதயத்-துடிப்பை-நிறுத்தி-அறுவை-சிகிச்சை-மதுரை-அரசு-மருத்துவர்கள்-சாதனை-3079462.html
3079461 மதுரை விருதுநகர் அருப்புக்கோட்டை அருகே கட்டப்பூருணியின் நீர்வரத்து கால்வாய்களை சீரமைக்கக் கோரிக்கை DIN DIN Sunday, January 20, 2019 01:08 AM +0530
அருப்புக்கோட்டை அருகே உள்ள கஞ்சநாயக்கன்பட்டி கிராமத்தில் உள்ள கட்டப்பூருணியின் வரத்துக் கால்வாய்களை சீரமைக்க பொதுமக்கள் வலியுறுத்தியுள்ளனர்.
அருப்புக்கோட்டையிலிருந்து 2 கி.மீ. தொலைவில் உள்ளது கஞ்சநாயக்கன்பட்டி கிராமம். இக்கிராமத்தைச் சேர்ந்த விஜயநகரம், பாரதி நகர், பவானி நகர், ராஜீவ் நகர், காந்தி நகர் ஆகிய பகுதிகளிலிருந்து சேரும் மழைநீரானது பவானி நகரை ஒட்டியுள்ள ஓடை மூலம் ஒன்றிணைந்து கட்டப்பூருணிக்கு வந்து நிரம்பும். இந்நிலையில் இப்பகுதியில் உருவான புதிய குடியிருப்புகளால் பல இடங்களிலும் ஓடைக்கு வரும் நீர் வரத்து தடைபட்டு விட்டது. 
மேலும் நீர்வரத்துக் கால்வாய்கள் உரிய முறையில் பராமரிக்கப்படவில்லை. இக்காரணங்களால் கட்டப்பூருணி வறண்டே காணப்படுகிறது. இதனிடையே இந்த ஊருணியைச் சுற்றியுள்ள பவானி நகர், ராஜீவ் நகர், காந்தி நகர் உள்ளிட்ட பகுதிகளில் நிலத்தடி நீர்மட்டம் வெகுவாகக் குறைந்து விட்டதாக பொதுமக்கள் தெரிவிக்கின்றனர். ஆகவே கட்டப்பூருணிக்கு வரும் நீர் வரத்துக் கால்வாய்களைச் சீரமைக்க நடவடிக்கை எடுக்க வேண்டுமென பொதுமக்கள் மாவட்ட நிர்வாகத்திற்குக் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/20/அருப்புக்கோட்டை-அருகே-கட்டப்பூருணியின்-நீர்வரத்து-கால்வாய்களை-சீரமைக்கக்-கோரிக்கை-3079461.html
3079460 மதுரை விருதுநகர் ராஜபாளையத்தில் மாநில அளவிலான கைப்பந்துப் போட்டிகள் தொடக்கம் DIN DIN Sunday, January 20, 2019 01:08 AM +0530
ராஜபாளையத்தில் சனிக்கிழமை தொடங்கியுள்ள மாநில அளவிலான ஆண்கள் கைப்பந்து சாம்பியன் ஷிப் போட்டிகளில் 168 பேர் பங்கேற்றுள்ளனர்.
பள்ளி விளையாட்டு மேம்பாட்டு ஆணையம் சார்பில் மாணவர்களுக்கான மாநில அளவிலான கைப்பந்து சாம்பியன் ஷிப் போட்டிகள் ராஜபாளையத்தில் தொடங்கி உள்ளது. 
இங்குள்ள தனியார் பள்ளி மைதானத்தில் நடைபெற்று வரும் போட்டிகளில் விருதுநகர், கோவை, கரூர், சேலம், தஞ்சை உள்ளிட்ட 14 மாவட்ட அணிகளை சேர்ந்த 168 மாணவர்கள் பங்கேற்றுள்ளனர்.
இரண்டு நாள்கள் நடைபெறும் இப்போட்டியில், இரண்டு ஆட்டக் களங்களில், 18 லீக் போட்டிகளும், 4 நாக் அவுட் போட்டிகளும் இரவு பகல் ஆட்டங்களாக நடைபெற்று வருகிறது. 
தொடக்க ஆட்டத்தில் விருதுநகர் அணியினர் 25 - 5, 25 - 7 என்ற புள்ளிகள் கணக்கில் குமரி அணியினரை வெற்றி பெற்றனர். அடுத்த ஆட்டத்தில் கோவை அணியினர், 25 - 20, 25 - 5 என்ற புள்ளிகள் கணக்கில் கரூர் அணியினரை வென்றனர்.
அரியலூர் அணியினர், 15 - 25, 15 - 25 என்ற புள்ளிகள் கணக்கில் தன்னை எதிர்த்து ஆடிய திருச்சி அணியினரிடம் தோல்வி அடைந்தனர். புதுக்கோட்டை அணியினர் 17 - 25, 18 - 25 என்ற புள்ளிக் கணக்கில், தஞ்சை அணியினரிடம் தோல்வி அடைந்தனர்.
போட்டியின் முடிவில், சிறப்பாக விளையாடிய 12 மாணவர்கள் தேர்ந்தெடுக்கப்பட்டு, இம்மாதம் 29, 30 ஆகிய தேதிகளில் பஞ்சாப் மாநிலம், ஜலந்தரில் நடைபெற உள்ள தேசிய அளவிலான போட்டியில் தமிழகம் சார்பில் கலந்து கொள்வார்கள் என நிகழ்ச்சி ஏற்பாட்டாளர்கள் தெரிவித்தனர். 
 

]]>
https://www.dinamani.com/all-editions/edition-madurai/virudhunagar/2019/jan/20/ராஜபாளையத்தில்-மாநில-அளவிலான-கைப்பந்துப்-போட்டிகள்-தொடக்கம்-3079460.html
3079459 மதுரை விருதுநகர் சிவகாசி கல்லூரியில் புத்தக வாசிப்பு விழிப்புணர்வு முகாம் DIN DIN Sunday, January 20, 2019 01:08 AM +0530
சிவகாசி அய்யநாடார் ஜானகி அம்மாள் கல்லூரி நூலகத்துறை சார்பில் சனிக்கிழமை பள்ளி மாணவர்களுக்கான புத்தக வாசிப்பு விழிப்புணர்வு முகாம் நடைபெற்றது.
இந்த முகாமிற்கு கல்லூரி முதல்வர் செ.அசோக் தலைமை வகித்துப் பேசியது: புத்தகம் வாசிக்கும் பழக்கம் வாழ்க்கையை செம்மைப்படுத்தும்.
வாசிக்கும் பழக்கம் இருந்தால் கற்பனைத் திறன் அதிகரிக்கும். தன்னம்பிக்கை உண்டாகும். வாழ்க்கையில் வெற்றி பெற்றவர்கள் அனைவரும் புத்தகம் வாசிக்கும் பழக்கம் உள்ளவர்கள்தான். எனவே மாணவர்கள் நூலகங்களில் உள்ள நல்ல நூல்களை தேடிப்பிடித்து படிக்க வேண்டும். படிக்க படிக்கத்தான் உங்களுக்கு ஆர்வம் பிறக்கும் என்றார். 
இதில் முதுகலை தமிழ்த்துறை உதவிப் பேராசிரியர் தமிழரசன் நூலகம் என்ற தலைப்பில் பேசினார். பள்ளி மாணவ, மாணவிகளுக்கிடையே புத்தக வாசிப்பு என்ற தலைப்பில் பேச்சுப்போட்டி, கட்டுரைப் போட்டி நடைபெற்றது. போட்டியில் வெற்றி பெற்றவர்களுக்கு முதல்வர் செ.அசோக் பரிசு வழங்கினார். முன்னதாக நூலகர் கா.சிவசேகரன் வரவேற்றார். முதுகலை தமிழ்த்துறைத் தலைவர் க.சிவனேசன் தொடக்க உரையாற்றினார். உதவி நூலகர் அகிலா நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/20/சிவகாசி-கல்லூரியில்-புத்தக-வாசிப்பு-விழிப்புணர்வு-முகாம்-3079459.html
3079458 மதுரை விருதுநகர் திருச்சுழி குண்டாற்றுப் பாலத்தில் தடுப்புச்சுவர் அமைக்க வலியுறுத்தல் DIN DIN Sunday, January 20, 2019 01:08 AM +0530
விருதுநகர் மாவட்டம் திருச்சுழியில் உள்ள குண்டாற்றுப் பாலத்தில் தடுப்புச்சுவர் அமைக்க வேண்டும் என பொதுமக்கள் வலியுறுத்தியுள்ளனர்.
திருச்சுழியில் குண்டாற்றுப்பாலம் சுமார் 15 ஆண்டுகளுக்கு முன்னர் கட்டப்பட்டது. விருதுநகரிலிருந்து ராமேசுவரம் செல்வதற்கான சாலையில் இந்த பாலம் இருப்பதால், பேருந்துகள், சுற்றுலா வாகனங்கள், பள்ளி வாகனங்கள் அதிகளவில் சென்று வருகின்றன.
இப்பாலத்தில் இருபுறமும் அமைக்கப்பட்டிருந்த தடுப்புச்சுவர்கள் சேதமடைந்து விட்டன. இதனால் இந்த பாலத்தின் வழியாகச் செல்லும் வாகனங்கள் விபத்தில் சிக்கும் அபாயம் உள்ளது. எனவே மாவட்ட நிர்வாகம் பாலத்தின் இருபுறமும் விரைவில் தடுப்புச் சுவர் அமைக்க வேண்டுமென பொதுமக்கள் வலியுறுத்தியுள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/20/திருச்சுழி-குண்டாற்றுப்-பாலத்தில்-தடுப்புச்சுவர்-அமைக்க-வலியுறுத்தல்-3079458.html
3078937 மதுரை விருதுநகர் திருச்சுழி அருகே சேதமடைந்த மின்கம்பத்தால் விபத்து அபாயம் DIN DIN Saturday, January 19, 2019 05:59 AM +0530 விருதுநகர் மாவட்டம்,  திருச்சுழி வட்டம் சேதுபுரம் கிராமத்தில் சேதமடைந்து முறிந்து விழும் அபாய நிலையில் உள்ள மின்கம்பத்தை உடனடியாக அகற்றி புதிய மின்கம்பம் அமைக்க வேண்டும் என கிராம மக்கள் வலியுறுத்தியுள்ளனர்.
              திருச்சுழி அருகே உள்ள சேதுபுரம் கிராமத்தில் பல ஆண்டுகளுக்கு முன்னர் கான்கிரீட் மின்கம்பங்கள் அமைக்கப்பட்டன. இந்த மின்கம்பங்கள் அனைத்தும் உரிய பராமரிப்பின்றி  சேதமடைந்து காணப்படுகின்றன. இதில் குறிப்பாக சேதுபுரம் கிராமத்தை  ஒட்டிச் செல்லும் குண்டாற்றின் வடக்குப் பகுதி கரையோரத்தில் உள்ள மின்கம்பம் அதன் அடிப்பாகம் முதல் உச்சி வரை கடுமையாகச் சேதமடைந்து காணப்படுகிறது. அதன் கான்கிரீட் பெயர்ந்த நிலையில் உள்ளிருக்கும் கட்டுமானக் கம்பிகள் துருப்பிடித்துள்ளன. 
இதனால் இந்த மின்கம்பம் முறிந்து விழும் அபாய நிலையில் உள்ளது.   உயரழுத்த மின்சாரம் காரணமாக விபத்து நடைபெறும் அபாயமும் உள்ளதால் இப்பகுதியைக் கடந்து செல்ல பொதுமக்கள், பள்ளி மாணவர்கள் அச்சப்படுகின்றனர். இது குறித்து மின் வாரிய அதிகாரிகளிடம் கிராமத்தினர் பல முறை புகார் தெரிவித்தும் எந்த நடவடிக்கையும் எடுக்கப்படவில்லை.
எனவே பெரிய விபத்துக்கள் நேரும் முன்னர் விரைந்து இந்த மின்கம்பத்தை அகற்றி விட்டு புதிய மின்கம்பம் அமைக்க நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/19/திருச்சுழி-அருகே-சேதமடைந்த-மின்கம்பத்தால்-விபத்து-அபாயம்-3078937.html
3078936 மதுரை விருதுநகர் மாநில அளவிலான "ஜூடோ' போட்டி: அருப்புக்கோட்டை மாணவர்களுக்கு பதக்கம் DIN DIN Saturday, January 19, 2019 05:59 AM +0530 விருதுநகர் மாவட்டம் அருப்புக்கோட்டை எஸ்.பி.கே.ஆண்கள் மேல்நிலைப்பள்ளி மாணவர்கள் மாநில அளவிலான ஜூடோ விளையாட்டுப் போட்டிகளில் 2 வெள்ளி மற்றும் 2 வெண்கலப் பதக்கங்கள் வென்று சிறப்பிடம் பெற்றுச் சாதனை படைத்துள்ளனர்.
இதுதொடர்பாக அப் பள்ளியின் தலைமை ஆசிரியர் ஏ.ஆனந்தராஜன் வெள்ளிக்கிழமை வெளியிட்டுள்ள செய்தி: தமிழக அரசு கல்வித் துறை சார்பில்  நடைபெறும் குடியரசு தின, பாரதியார் தின விளையாட்டுப் போட்டியின் மாநில அளவிலான ஜூடோ போட்டிகள் இரு தினங்களுக்கு முன், திருச்சி மாவட்டம், தொட்டியம், கொங்குநாடு பொறியியல் கல்லூரியின் உள்விளையாட்டரங்கத்தில் நடைபெற்றது. 
இதில் இப் பள்ளி மாணவர் எம்.கூர்மாவளவன் 19 வயதுக்குள்பட்டோருக்கான 55 கிலோ எடைப்பிரிவில் வெள்ளிப்பதக்கமும், அதே வயதுப்பிரிவில் 71 கிலோ எடைப் பிரிவில் மாணவர் எஸ்.சஞ்சய், வெண்கலப் பதக்கமும் பெற்றனர். மேலும் 17 வயதுக்குள்பட்டோருக்கான பிரிவில் எஸ்.தினேஸ் குமார் 65 கிலோ எடைப் பிரிவில் வெள்ளிப்பதக்கமும், அதே வயதுப் பிரிவில் எம்.யுவராஜ் 71 கிலோ எடைப் பிரிவில் வெண்கலப் பதக்கமும் பெற்றனர். இதன் மூலம் இப் பள்ளி மாணவர்கள் மொத்தம் 4 பதக்கங்களுடன் ரொக்கப் பரிசுகள் பெற்று பள்ளிக்கும், விருதுநகர் மாவட்டத்திற்கும் பெருமை சேர்த்துள்ளனர் என அதில் தெரிவிக்கப்பட்டுள்ளது.     
பதக்கம் வென்ற, அவர்களுக்கு பயிற்சி அளித்த உடற்கல்வி இயக்குநர் எம்.செளந்திரபாண்டியன் மற்றும் உடற்கல்வி ஆசிரியர்கள் கணேஷ் குமார், சுரேஷ், சரத் குமார், பிரபு ஆகியோரையும், அருப்புக்கோட்டை நாடார்கள் உறவின்முறைத் தலைவர் எம்.சுதாகர், பள்ளிச் செயலாளர் என்.வி.காசிமுருகன், பள்ளித் தலைவர் ஜே.ஜெயகணேசன் ஆகியோரும், நிர்வாகிகளும் மேலும் தலைமை ஆசிரியர் ஏ.ஆனந்தராஜன் பள்ளி ஆசிரியர்களும் பாராட்டினர்.
 

]]>
https://www.dinamani.com/all-editions/edition-madurai/virudhunagar/2019/jan/19/மாநில-அளவிலான-ஜூடோ-போட்டி-அருப்புக்கோட்டை-மாணவர்களுக்கு-பதக்கம்-3078936.html
3078935 மதுரை விருதுநகர் ராஜபாளையத்தில் சொத்துத் தகராறில் முதியவர் கொலை 3 ஆண்டுகளுக்குப் பின் ஒருவர் கைது DIN DIN Saturday, January 19, 2019 05:59 AM +0530 விருதுநகர் மாவட்டம், ராஜபாளையத்தில் சொத்துக்காக கடந்த 2016 இல் முதியவர் கொல்லப்பட்ட வழக்கில் ஒருவரை மாவட்ட குற்றப் பிரிவு போலீஸார் வியாழக்கிழமை இரவு கைது செய்தனர்.
ராஜபாளையம் ஐஎன்டியுசி காலனியை சேர்ந்தவர் ஜெகநாதராஜா(58). இவரது மனைவி சொக்கத்தாய் (55). இவர்களது மகள் ப்ரியா(31) கணவரை பிரிந்து பெற்றோருடன் வசித்து வந்துள்ளார். ஜெகநாதராஜாவுக்கு ரூ. 200 கோடியில் சொத்து உள்ளதாக கூறப்படுகிறது. இந்நிலையில், சொக்கத்தாய்க்கு ராஜபாளையத்தை சேர்ந்த ராமராஜ் (52), கருப்பையா(58) ஆகியோருடன் பழக்கம் இருந்து வந்ததாக கூறப்படுகிறது. மேலும், மகள் ப்ரியாவும் சத்தியகுமார் (34) என்பவருடன் பழகி வந்துள்ளார். 
இதை அறிந்த ஜெகநாதராஜா, மனைவி, மகளை கண்டித்ததாக கூறப்படுகிறது. இது தொடர்பாக ஏற்பட்ட குடும்பத் தகராறில் தனது சொ த்துக்களை கோயில் அல்லது அனாதை ஆசிரமத்திற்கு எழுதி வைத்து விடுவதாக அவர் தெரிவித்துள்ளார். 
இதனால், சொக்கத்தாய், ப்ரியா ஆகிய இருவரும் ராமராஜ், சத்தியகுமார், கருப்பையா ஆகியோர் உதவியுடன் கடந்த 2016 ஆம் ஆண்டு ஜனவரியில் ஜெகநாதராஜவை  கட் டையால் தாக்கி கொலை செய்துள்ளனர்.  ஆனால், ஜெகந்நாதராஜ உடல் நிலை சரியில்லாமல் மாடியில் இருந்து தவறி விழுந்ததால், அடிபட்டதில் உயிரிழந்து விட்டதாக நாடகமாடியுள்ளனர். 
இது குறித்து ராஜபாளையம் தெற்கு போலீஸார்,  அப்போது 174 பிரிவில் சந்தேக மரணமாக வழக்குப் பதிவு செய்துள்ளனர். இந்நிலையில், ஜெகநாதராஜாவின் சாவில் மர்மம் உள்ளதாக அவரது தம்பி ராதா கிருஷ்ணராஜா (54) என்பவர் சென்னை உயர்நீதிமன்ற மதுரை கிளையில்  மனு தாக்கல் செய்தார். 
இதில் நீதிமன்ற உத்தரவின்பேரில், இந்த வழக்கை விருதுநகர் மாவட்ட குற்றப் பிரிவு போலீஸார் விசாரணை மேற்கொள்ள மாவட்ட காவல் கண்காணிப்பாளர் மு. ராஜராஜன் உத்தரவிட்டார். அதன் அடிப்படையில் குற்றப்பிரிவு காவல் ஆய்வாளர் முருகேசன் தலைமையிலான தனிப்படை போலீஸார் விசாரணை மேற்கொண்டனர். அதில், தகாத உறவு மற்றும் சொத்துக்காக மனைவி, மகள் உள்ளிட்ட ஐந்து பேர் சேர்ந்து ஜெகந்நாதராஜாவை கொலை செய்தது தெரிய வந்துள்ளது. இதில், ராமராஜ், சத்தியகுமாரை சில தினங்களுக்கு முன் கைது செய்தனர். இந்நிலையில், கருப்பையா என்பவரை வியாழக்கிழமை இரவு கைது செய்தனர். சொக்கத்தாய், ப்ரியா இருவரும் நீதிமன்றத்தில் முன் ஜாமின் பெற்றுள்ளனர் என போலீஸார் தெரிவித்தனர்.
மற்றொரு வழக்கில் 6 பேர் கைது: அதேபோல், இருக்கன்குடி கோயிலில் ஆடு உரிக்கும் போட்டியில் ஏற்பட்ட தகராறில் தாய்மாமன் உள்பட எட்டு பேர் சேர்ந்து மருமகன் கற்பகராஜ் என்பவரை கொலை செய்தனர். இந்த வழக்கில் 6 பேரை மாவட்ட குற்றப்பிரிவு போலீஸார் கைது செய்தனர்.
 

]]>
https://www.dinamani.com/all-editions/edition-madurai/virudhunagar/2019/jan/19/ராஜபாளையத்தில்-சொத்துத்-தகராறில்-முதியவர்-கொலை-3-ஆண்டுகளுக்குப்-பின்-ஒருவர்-கைது-3078935.html
3078934 மதுரை விருதுநகர் மெட்டுக்குண்டு கிராமக் குளத்தில் கழிவுநீர் கலப்பதாக மக்கள் புகார் DIN DIN Saturday, January 19, 2019 05:58 AM +0530 விருதுநகர் அருகே மெட்டுக்குண்டு கிராமத்தில் தண்ணீர் தேங்கியுள்ள குளத்திற்குள் கழிவுநீர் கலப்பதால் துர்நாற்றம் வீசுவதாக பொதுமக்கள் புகார் தெரிவிக்கின்றனர்.
விருதுநகர் அருகே மெட்டுக்குண்டு கிராமத்தில் மழைநீர் தேங்கும் வகையில் குளம் உள்ளது. கடந்த சில நாள்களுக்கு முன்பு பெய்த மழை காரணமாக குளத்தில் ஓரளவு நல்ல தண்ணீர் தேங்கி உள்ளது. இந்நிலையில், இங்குள்ள வாருகால் முறையாக சுத்தம் செய்யப்படவில்லை என கூறப்படுகிறது. இதனால் வாருகாலில் தேங்கிய கழிவுநீரானது தெருக்களில் வழிந் தோடுகிறது. மேலும், வாருகால் வழியாக செல்லும் கழிவுநீரை சுத்தம் செய்ய சுத்தகரிப்பு நிலையம் இல்லாததால் வயல் பகுதியில் செல்லும் வகையில் வழிவகை செய்யப்பட்டுள்ளது. இந்நிலையில், இந்த கழிவுநீரானது அருகில் உள்ள இக் குளத்திற்குள் செல்கிறது. இதனால் அப்பகுதியில் கடும் துர்நாற்றம் வீசுகிறது. இதனால் அருகே உள்ள பள்ளியில் படிக்கும் மாணவ, மாணவிகள் அவதிப்பட்டு வருகின்றனர். மேலும் அப்பகுதியில் குடியிருப்போரும் மிகுந்த சிரமப்படுகின்றனர். 
எனவே, வாருகால் வழியாக செல்லும் கழிவுநீரை முறையாக வேறு பகுதிக்கு கொண்டு சென்று சுத்திகரிப்பு செய்ய வேண்டும். குளத்தில் கழிவு நீர் கலக்காத வகையில் நடவடிக்கை எடுக்க வேண்டும் என அக்கிராம மக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/19/மெட்டுக்குண்டு-கிராமக்-குளத்தில்-கழிவுநீர்-கலப்பதாக-மக்கள்-புகார்-3078934.html
3078933 மதுரை விருதுநகர் பட்டாசு ஆலைகளைத் திறக்க வலியுறுத்தி ஜன.19, 20 இல் கஞ்சித் தொட்டி திறப்பு போராட்டம்: மார்க்சிஸ்ட் கம்யூனிஸ்ட் கட்சி தீர்மானம் DIN DIN Saturday, January 19, 2019 05:58 AM +0530 விருதுநகர் மாவட்டத்தில் மூடப்பட்டுள்ள பட்டாசு ஆலைகளைத் திறக்க வலியுறுத்தி ஜனவரி 19, 20 ஆகிய தேதிகளில் சிஐடியு சார்பில் கஞ்சித் தொட்டி திறக்கும் போராட்டம் நடத்தப் போவதாக மார்க்சிஸ்ட் கம்யூனிஸ்ட் கட்சியின் இடைக்குழு செயலாளர்கள் கூட்டத்தில் தீர்மானம் நிறைவேற்றப்பட்டது. 
விருதுநகரில் மார்க்சிஸ்ட் கம்யூனிஸ்ட் கட்சியின் நிலைக்குழுக் கூட்டம் மாவட்ட செயற்குழு உறுப்பினர் எஸ்.லட்சுமி தலைமையில் வெள்ளிக்கிழமை நடைபெற்றது.இக்கூட்டத்தில், பசுமை பட்டாசு தயாரிக்க வேண்டும் என உச்ச நீதிமன்றம் உத்தரவிட் டதால், விருதுநகர் மாவட்டத்தில் உள்ள 1,070 பட்டாசு ஆலைகள் கடந்த இரண்டரை மாதங்களாக மூடிக் கிடக்கின்றன. இதில் நேரடியாகவும், மறைமுகமாகவும் ஈடுபட்டுள்ள 8 லட்சம் தொழிலாளர்களின் வாழ்வாதாரம் கடுமையாக பாதிக்கப்பட்டுள்ளது. இப்பிரச்னையில் மத்திய, மாநில அரசுகள் தலையிடக் கோரி, பல்லாயிரக் கணக்கான பட்டாசுத் தொழிலாளர்கள் பல்வேறு கட்ட போராட்டங்கள் நடத்தியுள்ளனர். ஆனால் இதுவரையில் மத்திய, மாநில அரசுகள் எந்த நடவடிக்கையும் எடுக்க வில்லை. ஜனவரி 22 இல் உச்சநீதிமன்றத்தில் பட்டாசு குறித்த வழக்கு மீண்டும் விசாரணைக்கு வரவுள்ளது. தமிழக அரசு, பொருத்தமான வழக்குரைஞர்களை நியமித்து இவ்வழக்கை உரிய முறையில் கையாள வேண்டும். மத்திய அரசின், சுற்றுச்சூழல் துறை அதிகாரிகளையும், அமைச்சரையும், தமிழக அரசு அதிகாரிகள் மற்றும் அமைச்சர்கள் சந்தித்து இப்பிரச்சனையை தீர்ப்பதற்கு வலியுறுத்த வேண்டும். மேலும், இடைக்காலத்தில், பாதிக்கப்பட்ட தொழிலாளர்களுக்கு தமிழக அரசு நிவாரணம் வழங்க வேண்டும். தற்போது, ஜனவரி 19, 20 ஆகிய தேதிகளில் பட்டாசு தொழிலாளர் சங்கம் (சிஐடியு) சார்பில் மாவட்டம் முழுவதும் பட்டாசுத் தொழிலாளர்கள் குடியிருக்கும் கிராமங்களில் கஞ்சித் தொட்டி திறக்கும் போராட்டம் நடைபெற உள்ளது. இதனை மார்க்சிஸ்ட் கம்யூனிஸ்ட் கட்சி முழுமையாக ஆதரிக்கிறது என்பன உள்ளிட்ட தீர்மானங்கள் நிறைவேற்றப்பட்டன.
 இதில், மாநிலக்குழு உறுப்பினர் எஸ்.பாலசுப்பிரமணியன், மாவட்டச் செயலாளர் கே.அர்ஜூனன் உள்பட நிர்வாகிகள் கலந்து கொண்டனர்.

]]>
https://www.dinamani.com/all-editions/edition-madurai/virudhunagar/2019/jan/19/பட்டாசு-ஆலைகளைத்-திறக்க-வலியுறுத்தி-ஜன19-20-இல்-கஞ்சித்-தொட்டி-திறப்பு-போராட்டம்-மார்க்சிஸ்ட்-கம்-3078933.html
3078932 மதுரை விருதுநகர் போலீஸ்-பொதுமக்கள் நல்லுறவுவிளையாட்டுப் போட்டிகள் DIN DIN Saturday, January 19, 2019 05:57 AM +0530 சிவகாசியில் போலீஸ்-பொதுமக்கள் நல்லுறவு விளையாட்டுப் போட்டிகள் புதன் மற்றும் வியாழக்கிழமைகளில் நடைபெற்றன.
இங்குள்ள ஆயுதப்படை மைதானத்தில் வியாழக்கிழமை பெண்களுக்கு கோலப்போட்டி, ஆண்களுக்கு கயிறு இழுக்கும் போட்டி, உறியடி, குழந்தைகளுக்கு இசை நாற்காலி உள்ளிட்ட விளையாட்டுப் போட்டிகள் நடைபெற்றன. முன்னதாக புதன்கிழமை கைப்பந்து, கபடி, இறகுப்பந்து போட்டிகள் நடைபெற்றன. 
போட்டியில் வெற்றி பெற்றவர்களுக்கு விருதுநகர் மாவட்ட காவல் கண்காணிப்பாளர் ராஜராஜன் பரிசுகள் வழங்கினார். நிகழ்ச்சியில் சிவகாசி காவல்துணை கண்காணிப்பாளர் பிரபாகரன், காவல் ஆய்வாளர்கள் பாஸ்கரன், ராஜா, சீனிவாசன் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-madurai/virudhunagar/2019/jan/19/போலீஸ்-பொதுமக்கள்-நல்லுறவுவிளையாட்டுப்-போட்டிகள்-3078932.html
3078931 மதுரை விருதுநகர் ஸ்ரீவில்லிபுத்தூர் அருகே மாரியம்மன் கோயிலில் திருவிளக்கு பூஜை DIN DIN Saturday, January 19, 2019 05:51 AM +0530 ஸ்ரீவில்லிபுத்தூர் அருகேயுள்ள பெருமாள்தேவன்பட்டி இந்து யாதவர் சமுதாயத்திற்கு பாத்தியப்பட்ட மாரியம்மன் கோயிலில் 108 திருவிளக்கு பூஜை வெள்ளிக்கிழமை  நடைபெற்றது.
கிராம நன்மை, நோய் நொடியற்ற வாழ்வு, மன நிம்மதி, குடும்ப நலம்,  வம்சவிருத்தி, கல்வி, வேலைவாய்ப்பு, இயற்கை வளம் பெருக வேண்டி இந்த பூஜை நடைபெற்றது.
நிகழ்ச்சியில் ஐந்து ஊர் தலைவர் மு.பாலகிருஷ்ணன், செயலர் கி.தென்னரசு, பொருளாளர் ரா.முத்துகோபால், நிர்வாகி ச.ஆதிமூலம் உள்பட ஏராளமான கிராம மக்கள் கலந்து கொண்டனர்.

]]>
https://www.dinamani.com/all-editions/edition-madurai/virudhunagar/2019/jan/19/ஸ்ரீவில்லிபுத்தூர்-அருகே-மாரியம்மன்-கோயிலில்-திருவிளக்கு-பூஜை-3078931.html
3078930 மதுரை விருதுநகர் ஸ்ரீஆண்டாள்-ரெங்கமன்னாருக்கு வருஷாபிஷேக விழா தொடக்கம் DIN DIN Saturday, January 19, 2019 05:51 AM +0530 ஸ்ரீவில்லிபுத்தூர் கோயிலில் ஸ்ரீஆண்டாள்-ரெங்கமன்னாருக்கு வருஷாபிஷேக விழா வெள்ளிக்கிழமை மஹாசாந்தி ஹோமத்துடன் தொடங்கியது.
இதனையொட்டி ஆண்டாள்-ரெங்கமன்னாருக்கு சிறப்பு அலங்காரம் செய்யப்பட்டு பூஜைகள் நடைபெற்றன. மஹாசாந்தி ஹோமத்துடன் நிகழ்ச்சி தொடங்கியது.  பின்னர் திருப்பல்லாண்டு தொடங்கி, தீர்த்த கோஷ்டியுடன் ஹோமம் நிறைவு பெற்றது. சனிக்கிழமை 108 கலசாபிஷேகமும், ஞாயிற்றுக்கிழமை ஏகதின லட்சார்ச்சனையும் நடைபெறுகிறது.
இதற்கான ஏற்பாடுகளை கோயில் தக்கார் கி.ரவிச்சந்திரன் செய்துள்ளார். வருஷாபிஷேக தொடக்க விழாவில் ஏராளமான பக்தர்கள் கலந்து கொண்டு ஆண்டாள்-ரெங்கமன்னாரை தரிசித்தனர்.

]]>
https://www.dinamani.com/all-editions/edition-madurai/virudhunagar/2019/jan/19/ஸ்ரீஆண்டாள்-ரெங்கமன்னாருக்கு-வருஷாபிஷேக-விழா-தொடக்கம்-3078930.html
3078929 மதுரை விருதுநகர் விருதுநகரில் "ஜாக்டோ-ஜியோ' அமைப்பினர் ஆர்ப்பாட்டம் DIN DIN Saturday, January 19, 2019 05:51 AM +0530 விருதுநகர் மாவட்ட ஆட்சியர் அலுவலக வளாகத்தில் "ஜாக்டோ- ஜியோ'  அமைப்பு சார்பில் பல்வேறு கோரிக்கைகளை வலியுறுத்தி வெள்ளிக்கிழமை ஆர்ப்பாட்டத்தில் ஈடுபட்டனர்.
இந்த ஆர்ப்பாட்டத்திற்கு விருதுநகர் மாவட்ட "ஜாக்டோ- ஜியோ' அமைப்பைச் சேர்ந்த ராஜேந்திர சோழன் தலைமை வகித்தார். இதில், ஒருங்கிணைப்பாளர்களான குணசேகரன், வேல்முருகன், கார்த்திகேயன், வைரமுத்து, கண்ணன் ஆகியோர் கோரிக்கைகள் குறித்து விளக்கி பேசினர். அதில், 2003 க்கு பின்னர் பணியில் சேர்ந்தவர்களுக்கு புதிய ஓய்வூதியத் திட்டத்தை கைவிட்டு, பழைய ஓய்வூதியத் திட்டத்தை அமல்படுத்த வேண்டும். இடைநிலை ஆசிரியர்களுக்கு மத்திய அரசுக்கு இணையான சம்பளம் வழங்க வேண்டும். முதுநிலை ஆசிரியர்கள், அமைச்சு பணியாளர்கள், கண்காணிப்பாளர்கள், தலைமை செயலகம் உள்ளிட்ட அரசு அலுவலர்கள், களப் பணியாளர்கள், தொழில்நுட்ப உதவியாளர்கள், பல்நோக்கு மருத்துவ பணியாளர்கள் ஆகியோருக்கு வரையறுக்கப்பட்ட ஊதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர். இதில் சுமார் 500 க்கும் மேற்பட்ட அரசு ஊழி யர்கள், ஆசிரியர்கள் கலந்து கொண்டனர்.

]]>
https://www.dinamani.com/all-editions/edition-madurai/virudhunagar/2019/jan/19/விருதுநகரில்-ஜாக்டோ-ஜியோ-அமைப்பினர்-ஆர்ப்பாட்டம்-3078929.html
3078928 மதுரை விருதுநகர் பட்டாசு ஆலைகள் விவகாரம்: ஜன.22 இல் வழக்கு விசாரணை DIN DIN Saturday, January 19, 2019 05:50 AM +0530 விருதுநகர் மாவட்டத்தில் மூடப்பட்டுள்ள பட்டாசு ஆலைகள் விவகாரம் தொடர்பான வழக்கு இம்மாதம் 22 ஆம் தேதி விசாரணைக்கு வர உள்ளது. 
விருதுநகர் மாவட்டத்தில் உள்ள 1,070 பட்டாசு ஆலைகள் சுமார் இரண்டு மாத காலத்திற்கும் மேலாக மூடப்பட்டுள்ளன. இதனால், அதைச் சார்ந்துள்ள சுமார் 8 லட்சம் தொழிலாளர்கள் மற்றும் அவர்களது குடும்பத்தினர் பாதிக்கப்பட்டுள்ளனர்.
பேரியம் நைட்ரேட் என்ற ரசாயனத்தைக் கொண்டு பட்டாசு தயாரிக்கக் கூடாது, சரவெடி பட்டாசு தயாரிக்கக் கூடாது, பசுமை பட்டாசுகளையே தயாரிக்க வேண்டும் என்ற உச்சநீதிமன்ற உத்தரவின் காரணமாக, தீபாவளி பண்டிகை விடுமுறைக்கு மூடப்பட்ட பட்டாசு ஆலைகளை, அதன் பின்னர் திறக்காமல், தொடந்து அவற்றை மூடி வைத்து, ஆலை உரிமையாளர்கள் போராட்டம் நடத்தி வருகின்றனர்.
மேலும் பட்டாசுத் தொழிலை சார்ந்து உள்ள அச்சுத் தொழில், காகிதப் பெட்டி தயாரிப்பு, காகித குழாய் தயாரிப்பு உள்ளிட்ட பல தொழில்களும் முடங்கியுள்ளன.
மேலும் நாடு முழுவதும் பல்வேறு மாநிலங்களுக்கு பட்டாசு அனுப்பும் பணியில் ஈடுபட்டுள்ள சிவகாசியில் உள்ள நூற்றுக்கும் மேற்பட்ட லாரி உள்ளிட்ட சரக்கு வாகன நிறுவனங்களும்   முடங்கிக் கிடக்கின்றன. 
மேலும் இவற்றில் வேலை செய்து வரும் தொழிலாளர்களும் இதன் காரணமாகப் பாதிக்கப்பட்டுள்ளனர்.
மேலும் பட்டாசுத் தொழில் முடங்கியதால், சிவகாசி மட்டுமல்லாது, மாவட்டத்தில் உள்ள பல்வேறு தொழில்களும் பாதிக்கப்பட்டுள்ளன. பொருளாதாரம் பாதிக்கப்பட்டுள்ளது. 
இந்நிலையில் கடந்த சில நாள்களுக்கு முன்னர் குறிப்பிட்ட நிபந்தனைகளுடன் பட்டாசு ஆலைகளைத் திறக்கலாம் என விருதுநகர் மாவட்ட ஆட்சியர் அறிவித்தார். எனினும் வெடிபொருள் கட்டுப்பாட்டுத் துறையினர் அனுமதி அளிக்காததால் ஆலைகளை திறக்க இயலாத நிலை உள்ளது என ஆலை உரிமையாளர்கள்  தெரிவித்தனர்.
ஜனவரி 22 ஆம் தேதி இது தொடர்பான வழக்கு விசாரணைக்கு வர உள்ளது.
அப்போது நல்ல தீர்ப்பு வரும் என மாவட்டத்தில் உள்ள அனைத்து பட்டாசுத் தொழிலாளர்களும் எதிர்நோக்கியுள்ளனர். 

]]>
https://www.dinamani.com/all-editions/edition-madurai/virudhunagar/2019/jan/19/பட்டாசு-ஆலைகள்-விவகாரம்-ஜன22-இல்-வழக்கு-விசாரணை-3078928.html
3078927 மதுரை விருதுநகர் சாத்தூரில் வாறுகால், சாலை வசதிகள் செய்து தரக் கோரிக்கை DIN DIN Saturday, January 19, 2019 05:50 AM +0530 விருதுநகர் மாவட்டம், சாத்தூரில் வாறுகால் மற்றும் சாலை வசதிகள் செய்து தர நகராட்சி நிர்வாகத்துக்கு பொதுமக்கள் கோரிக்கை விடுத்துள்ளனர்.
சாத்தூர் நகராட்சி பகுதியில் உள்ள தேவர் சிலையிலிருந்து நடராஜா திரையரங்கம் வரை செல்லும் சாலையில் சுமார் 50-க்கும் மேற்பட்ட வீடுகள் உள்ளன. 
இப் பகுதியில் நகராட்சி நிர்வாகம் சார்பில் கடந்த 10 ஆண்டுகளுக்கு முன்னர் சாலை மற்றும் வாறுகால் வசதிகள் செய்யப்பட்டன. பின்னர் இவற்றை நகராட்சி நிர்வாகத்தினர் முறையாக பராமரிக்கவில்லை. 
இதனால் இப் பகுதியில் உள்ள சாலை மிகவும் பழுதடைந்து குண்டும், குழியுமாக காணப்படுகிறது. மேலும் போதிய வாறுகால் வசதி இல்லாததால் கழிவுநீர் செல்ல வழியில்லாமல் சாலையோரத்திலும், குடியிருப்புகளுக்கு அருகிலும் தேங்கி நிற்கிறது. இதனால் இப்பகுதியில் கொசுத் தொல்லை அதிகமாக உள்ளது. மேலும் மழைக் காலங்களில் மழைநீருடன் கழிவுநீரும் கலப்பதால் கடும் துர்நாற்றம் வீசி வருகிறது. இதன் காரணமாக இப்பகுதியில் பல்வேறு நோய் தொற்றுகளால் பொதுமக்கள்பாதிக்கப்பட்டு வருகின்றனர்.
இதுகுறித்து இப்பகுதியினர் பலமுறை நகராட்சி நிர்வாகத்திடம் தெரியப்படுத்தியும், இதுவரை எவ்வித நடவடிக்கையும் எடுக்கவில்லை. எனவே இப்பகுதியில் சாலையை சீரமைத்து, வாறுகால் வசதிகள் செய்து தர நடவடிக்கை எடுக்க வேண்டும் என இப்பகுதி மக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/19/சாத்தூரில்-வாறுகால்-சாலை-வசதிகள்-செய்து-தரக்-கோரிக்கை-3078927.html
3078442 மதுரை விருதுநகர் விருதுநகரில் பெண்கள் சுகாதார வளாகத்தை திறக்க கோரிக்கை DIN DIN Friday, January 18, 2019 07:02 AM +0530 விருதுநகர், சிவன் கோயில் தெருவில் ரூ. 6 லட்சம் மதிப்பில் புதிய பெண்கள் சுகாதார வளாகம் கட்டி முடிக்கப்பட்டு 3 ஆண்டுகளாக திறக்கப்படாமல் உள்ளது. இதை உடனே திறக்க மாவட்ட நிர்வாகம் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.
 விருதுநகர் நகராட்சி 21ஆவது வார்டுக்குள்பட்ட பகுதியில் சிவன்கோயில் தெரு உள்ளது. இங்கு, ஆயிரத்திற்கும் மேற்பட்ட குடும்பங்கள் வசித்து வருகின்றன. இப்பகுதியைச் சேர்ந்த பெண்கள், கிருஷ்ணமாச்சாரி சாலையில் உள்ள பொது கழிப்பறையை ஏற்கெனவே பயன்படுத்தி வந்தனர். அந்தக் கழிப்பறை பழுதானதையடுத்து நிரந்தரமாக மூடப்பட்டது. இதனால், பெண்கள் அவதியடைந்து வந்தனர். எனவே, இப்பகுதியில் புதிய கழிப்பறை கட்டித் தர வேண்டுமென நகராட்சி நிர்வாகத்திடம் கோரிக்கை விடுத்தனர்.
 இதையடுத்து, விருதுநகர் மக்களவை உறுப்பினர் ராதாகிருஷ்ணன், தொகுதி மேம்பாட்டுத் திட்டத்தின் கீழ் ரூ.6 லட்சம் நிதி ஒதுக்கீடு செய்யப்பட்டது. இதைத் தொடர்ந்து, 3 ஆண்டுகளுக்கு முன்பு நவீன முறையில் பெண்கள் சுகாதார வளாகம் கட்டி முடிக்கப்பட்டது. ஆனால், தற்போது வரை இது திறக்கப்பட வில்லை. இதனால், பெண்கள் மீண்டும் திறந்தவெளியை கழிப்பிடமாக பயன்படுத்தும் அவல நிலைக்கு தள்ளப்பட்டதால் புதியதாக கட்டி முடிக்கப்பட்ட பெண்கள் சுகாதார வளாகத்தை உடனடியாக திறக்க வேண்டும் என நகராட்சி ஆணையருக்கு ஏற்கெனவே பொது மக்கள் மனு அளித்தனர். ஆனாலும் இதுவரை இவ்வளாகம் திறக்கப்பட வில்லை. எனவே, பெண்கள் சுகாதார வளாகத்தை திறக்க மாவட்ட நிர்வாகம் உரிய நடவடிக்கை எடுக்க வேண்டும் என பொது மக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/18/விருதுநகரில்-பெண்கள்-சுகாதார-வளாகத்தை-திறக்க-கோரிக்கை-3078442.html
3078441 மதுரை விருதுநகர் அருப்புக்கோட்டை தாலுகாவில் சட்ட விரோதமாக மதுவிற்பனை: 400 மதுபாட்டில்கள் பறிமுதல் DIN DIN Friday, January 18, 2019 07:01 AM +0530 விருதுநகர் மாவட்டம் அருப்புக்கோட்டை தாலுகாவுக்குள்பட்ட பல்வேறு கிராமங்களில் சட்ட விரோதமாக விற்பதற்காகப் பதுக்கி வைத்திருந்த 400 மதுபாட்டில்களை போலீஸார் புதன்கிழமை இரவு பறிமுதல் செய்தனர்.
 அருப்புக்கோட்டை வட்டத்துக்குள்பட்ட பல்வேறு கிராமங்களில் மதுபாட்டில்களைப் பதுக்கி வைத்து சட்ட விரோதமாக விற்பனை செய்வதாகப் புகார்கள் வந்தன. இதனையடுத்து அருப்புக்கோட்டை காவல்துணைக் கண்காணிப்பாளர் வெங்கடேசன் ஆலோசனைப்படி, தாலுகா காவல் ஆய்வாளர் அன்னராசா தலைமையிலான போலீஸார் பல்வேறு கிராமங்களிலும் புதன்கிழமை இரவு திடீர் சோதனையில் ஈடுபட்டனர்.
 அப்போது அருப்புக்கோட்டை அருகே கட்டங்குடி கிராமத்தையடுத்த தி.புதுப்பட்டியில் சந்தேகப்படும் படியாகத் திரிந்த இருவரை பிடித்து விசாரித்ததில் அவர்கள் தி.புதுப்பட்டியைச் சேர்ந்த சுப்பாராஜ் (48) மற்றும் ராஜமாணிக்கம் (21) ஆகியோர் என்பதும் அவர்கள் வைத்திருந்த பையிலிருந்து சட்ட விரோதமாக விற்பதற்காகப் பதுக்கிவைத்திருந்த 252 மதுபாட்டில்களையும்  பறிமுதல் செய்த போலீஸார் அவர்கள் இருவர் மீதும் வழக்கு பதிந்து கைது செய்தனர்.
மேலும் கைதுசெய்யப்பட்ட இவர்கள் உள்பட பல்வேறு கிராமங்களிருந்து 400 மதுபாட்டில்கள் பறிமுதல் செய்யப்பட்டிருப்பதாகவும், இதுதொடர்பாக 10 வழக்குகள் பதிவு செய்யப்பட்டிருப்பதாகவும் அருப்புக்கோட்டை தாலுகா போலீஸார் தெரிவித்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/18/அருப்புக்கோட்டை-தாலுகாவில்-சட்ட-விரோதமாக-மதுவிற்பனை-400-மதுபாட்டில்கள்-பறிமுதல்-3078441.html
3078440 மதுரை விருதுநகர் மறவர்பெருங்குடியில் சேதமடைந்த உப்போடை பாலத்தை சீரமைக்க வலியுறுத்தல் DIN DIN Friday, January 18, 2019 07:01 AM +0530 ம.ரெட்டியபட்டியை அடுத்துள்ள மறவர்பெருங்குடியில் சேதமடைந்துள்ள பாலத்தை விரைந்து சீரமைக்கப் பொதுமக்கள் வலியுறுத்தியுள்ளனர்.
 திருச்சுழி வட்டம் மறவர்பெருங்குடியிலிருந்து ம.ரெட்டியபட்டி நோக்கிச் செல்லும் சாலையில் ஓராண்டுக்கு முன்னர் அங்குள்ள உப்போடை மீது பாலம் கட்டப்பட்டது. இப்பாலம் கட்டப்பட்டு பயன்பாட்டிற்கு வந்த சில மாதங்களிலேயே முன்பகுதியில் சாலை இணையும் இடத்திலிருந்த கான்கிரீட் பெயர்ந்து அதனுள்ளிருக்கும் கட்டுமானக் கம்பிகள் வெளித்தெரியத் தொடங்கின.
 தற்போது இப்பாலத்தின் பெரும் பகுதி சேதமடைந்து குண்டும்குழியுமாகி விட்டதுடன் போக்குவரத்துக்கு பயனற்ற வகையில் ஆகிவிட்டது. இச்சாலையானது மறவர்பெருங்குடி மட்டுமல்லாது மீனாட்சி புரம், வெள்ளையாபுரம், கிருஷ்ணாபுரம் உள்ளிட்ட 10-க்கும் மேற்பட்ட கிராமங்களை ம.ரெட்டியபட்டி வழியாக அருப்புக்கோட்டையை இணைக்கிறது. இதனால் அதிகம் போக்குவரத்து உள்ள இச்சாலையில் தான் பள்ளிமாணவர்களும் நாள்தோறும் சைக்கிளில் சென்றுவருகின்றனர். 
 எனவே இப்பாலத்தைச் சீரமைக்க மறவர்பெருங்குடி ஊராட்சி அலுவலகத்தில் பொதுமக்கள் பலமுறை கோரிக்கை விடுத்தும் தற்போது வரை நடவடிக்கை எடுக்கப்பட வில்லை. எனவே பொதுக்கள் மற்றும் பள்ளி மாணவர்கள் நலன் கருதி சேதமடைந்துள்ள உப்போடைப்பாலத்தை விரைவில் சீரமைக்க மீண்டும் கிராம மக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/18/மறவர்பெருங்குடியில்-சேதமடைந்த-உப்போடை-பாலத்தை-சீரமைக்க-வலியுறுத்தல்-3078440.html
3078439 மதுரை விருதுநகர் விருதுநகரில் தனியார் வங்கிகள் கடன் தர மறுப்பதால் புதிய தொழில் முனைவோர் தவிப்பு DIN DIN Friday, January 18, 2019 07:01 AM +0530 விருதுநகர் மாவட்டத்தில் வறுமைக் கோட்டுக்கு கீழ் உள்ளவர்கள் மற்றும் புதிய தொழில் தொடங்க விண்ணப்பித்தவர்களுக்கு தனியார் வங்கிகள் கடன் வழங்க மறுப்பதாக புகார் எழுந்துள்ளது.
 விருதுநகர் மாவட்டத்தில் உள்ள வங்கி மேலாளர்கள் கலந்து கொள்ளும் கூட்டம் ஒவ்வொரு மாதமும் மாவட்ட ஆட்சியர் அலுவலகத்தில் நடைபெற்று வருகிறது. இதில், வறுமைக் கோட்டுக்கு கீழ் உள்ளவர்களுக்கு எத்தனை பேருக்கு கடன் வழங்கப்பட்டுள்ளது. 
மேலும் சிறு தொழில் மற்றும் பெரிய தொழில் நிறுவனங்கள் அமைக்க எவ்வளவு கடன் வழங்கப்பட்டுள்ளது என வங்கி அதிகாரிகள், ஆட்சியரிடம் அறிக்கை வழங்குகின்றனர். இந்த நிலையில், ஒவ்வொரு ஆண்டும் நகராட்சிப் பகுதியில் வசிக்கும் வறுமைக் கோட்டுக்கு கீழ் உள்ள ஏழை, எளிய மக்களுக்கு மானியத்துடன் கூடிய கடன் வழங்குவது வழக்கம். 
இதையடுத்து, விருதுநகர் நகராட்சி பகுதியில் கட்டையாபுரம், பாத்திமா நகர், நீராவி தெரு போன்ற பகுதிகளில் வசிக்கும் பலர் புதிய தொழில் தொடங்க நகராட்சிக்கு விண்ணப்பித்து வருகின்றனர். இந்த மனுக்களை நகராட்சி அதிகாரிகள், அந்தந்த பகுதி வங்கிகளுக்கு பரிந்துரை செய்து அனுப்புகின்றனர். ஆனால், பல மாதங்கள் கடந்த நிலையிலும் ஏராளமான மனுதாரர்களுக்கு கடன் வழங்கப்பட வில்லை எனக் கூறப்படுகிறது. ஒவ்வொரு பகுதிக்கும் தனித் தனியாக வங்கிகள் பிரித்து வைக்கப்பட்டுள்ளன. அதில், சில தனியார் வங்கிகள் ஏதாவது ஒரு காரணத்தைக் கூறி விண்ணப்பதாரர்களை திருப்பி அனுப்பி விடுகின்றனர். 
இதனால் மானியத் தில் தொழில் தொடங்க நினைக்கும் இளைஞர்கள் செய்வதறியாது திகைத்து வருகின்றனர். எனவே, அரசுடமையாக்கப்பட்ட வங்கிகளில் கடன் பெற மாவட்ட நிர்வாகம் நடவடிக்கை எடுக்க வேண்டும் என தொழில் முனைவோர் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/18/விருதுநகரில்-தனியார்-வங்கிகள்-கடன்-தர-மறுப்பதால்-புதிய-தொழில்-முனைவோர்-தவிப்பு-3078439.html
3078438 மதுரை விருதுநகர் தாதம்பட்டியில் சேதமடைந்த மின்கம்பங்களால் விபத்து அபாயம் DIN DIN Friday, January 18, 2019 07:00 AM +0530 அருப்புக்கோட்டை வட்டம் தாதம்பட்டி கிராமத்தில் பல மின் கம்பங்கள் சேதமடைந்து காணப்படுவதால் அவற்றை உடனடியாக அகற்றிப் புதிய மின்கம்பங்களை அமைக்க கிராம மக்கள் வலியுறுத்தியுள்ளனர்.
இக்கிராமத்தில் சுமார் 600-க்கும் மேற்பட்டோர்  வசித்து வருகின்றனர். இந்நிலையில் இக்கிராம வீதிகளில் சுமார் 10 ஆண்டுகளுக்கு முன்னர் அமைக்கப்பட்ட பல்வேறு மின்கம்பங்கள் தற்போது அவற்றின் அடிப்பகுதி சேதமடைந்து துருப்பித்த நிலையில் உள்ளிருக்கும் கட்டுமானக்கம்பிகள் வெளியே தெரிகின்றன. குறிப்பாக இக்கிராமத்தின் பேருந்து நிறுத்தத்துக்கு பின்புறம் உள்ள வீதியில் ஒரு மின்கம்பத்தின் அடிப்பகுதி மட்டுமல்லாது உயரழுத்த மின்கம்பிகளை இணைக்கும் உச்சிப்பகுதிக்கு மிக அருகிலும் கம்பத்தின் கட்டுமானக் கம்பிகள் துருப்பிடித்து வெளியே தெரிவதால் மழைக்காலத்தில் மின் கசிவு ஏற்படும் அபாயம் உள்ளது. இதுபோல மோசமான நிலையிலுள்ள மின்கம்பங்களை அகற்றி புதிய மின்கம்பங்கள் அமைக்க மின்வாரியத்துக்கு கிராம மக்கள் தகவல் தெரிவித்தும் கடந்த 6 மாதங்களாக எந்த நடவடிக்கையும் எடுக்க வில்லையெனப் புகார் எழுந்துள்ளது. 
எனவே சேதமடைந்து காணப்படும் அனைத்து மின்கம்பங்களையும் அகற்றி புதிய மின்கம்பங்கள் விரைந்து அமைக்க மீண்டும் கிராம மக்கள் வலியுறுத்தியுள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/18/தாதம்பட்டியில்-சேதமடைந்த-மின்கம்பங்களால்-விபத்து-அபாயம்-3078438.html
3078437 மதுரை விருதுநகர் குல்லூர்சந்தை அணையில் வளர்ந்துள்ள ஆகாயத் தாமரை செடிகளை அகற்றக் கோரிக்கை DIN DIN Friday, January 18, 2019 07:00 AM +0530 விருதுநகர் அருகே குல்லூர் சந்தை அணையில் வளர்ந்துள்ள ஆகாயத் தாமரை செடிகளை அகற்ற பொதுப்பணி துறையினர் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 விருதுநகர் அருகே குல்லூர் சந்தை கிராமத்தில் கவுசிகா நதியின் குறுக்கே குல்லூர் சந்தை நீர்த்தேக்க அணை உள்ளது. இந்த அணையின் மூலம் குல்லூர்சந்தை, சூலக்கரை, கல்லுமார்பட்டி, மெட்டுக்குண்டு, சென்னல்குடி, மருளூத்து மற்றும் செட்டிபட்டி பகுதிகளில் உள்ள விவசாய நிலங்கள் பயனடையும்.  கடந்த சில ஆண்டுகளுக்கு முன்னர் பெய்த பலத்த மழை காரணமாக குல்லூர்சந்தை நீர்த்தேக்கத்தின் கரைகளின் வெளிப்புறம், கைபிடிச்சுவர்கள், கரையின் முன்புறம் பதிக்கப்பட்ட கற்கள் ஆகியவை சேதமடைந்தன. இந்நிலையில், இந்த அணையில் பாதிப்பு ஏற்படக் கூடும் என்பதால் அதை புனரமைப்பு மற்றும் மேம்படுத்துதல் திட்டத்தின் கீழ் உலக வங்கியின் நிதி உதவியுடன் ரூ.6.57 கோடி ஒதுக்கீடு பெறப்பட்டு, பணிகள் நடைபெற்றன.
 அணையின் கரைப் பகுதியில் ஏற்கெனவே இருந்த கருங்கற்கள் பெயர்த்து எடுக்கப்பட்டு தற்போது அப்பகுதியில் கான்கிரீட் தடுப்புச் சுவர்கள் கட்டப்பட்டன. மேலும், கரையின் மேல் பகுதியில் சாலை அமைத்தல் நடைபெற்றது. தற்போது பூங்கா அமைத்தல் உள்ளிட்ட பணிகள் நடைபெற்று வருகின்றன. இந்நிலையில் அணையின் நீர் பிடிப்பு பகுதியில் வளர்ந்துள்ள ஆகாயத் தாமரை செடிகளை அகற்ற நிதி ஒதுக்கப்பட வில்லை என கூறப்படுகிறது. அணை பகுதியில் தற்போது தேங்கியுள்ள தண்ணீரில் அதிகளவு ஆகாய தாமரை செடிகள் வளர்ந்துள்ளன. இதனால், இப்பகுதியில் மேய்ச்சலுக்காக வரும் கால்நடைகள், அணையில்  தண்ணீர் குடிக்க செல்லும் போது செடிகளுக்குள் சிக்கினால் ஆபத்து ஏற்படும் நிலை உள்ளது. 
மேலும், இந்த அணையில் உள்ள மீன்களை குத்தகைதாரர்கள் எடுக்கவும் தயங்கி வருகின்றனர். எனவே, குல்லூர் சந்தை அணையில் படர்ந்துள்ள ஆகாயத் தாமரை செடிகளை அகற்ற பொதுப் பணி துறை நிர்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/18/குல்லூர்சந்தை-அணையில்-வளர்ந்துள்ள-ஆகாயத்-தாமரை-செடிகளை-அகற்றக்-கோரிக்கை-3078437.html
3078436 மதுரை விருதுநகர் செங்கோட்டை-தாம்பரம் அந்தியோதயா ரயிலை இயக்கக் கோரிக்கை DIN DIN Friday, January 18, 2019 07:00 AM +0530 கடந்த நிதி நிலை அறிக்கையில் அறிவித்த செங்கோட்டை- தாம்பரம் அந்தியோதயா ரயிலை இயக்க வேண்டும் என சிவகாசி முன்னாள் பாஜக நகர் மன்ற உறுப்பினர் ஜி.ஆறுமுகச்சாமி கோரிக்கை விடுத்துள்ளார்.
இதுகுறித்து மத்திய ரயில்வே அமைச்சர் பியூஸ்கோயலுக்கு அவர் வியாழக்கிழமை அனுப்பியுள்ள கடிதத்தில் கூறியிருப்பதாவது: 
செங்கோட்டையிலிருந்து பழனி வழியே கோயம்புத்தூர், செங்கோட்டையிலிருந்து மயிலாடுதுறை வழியே சென்னை பயணிகள் ரயில், கொல்லத்திலிருந்து ராஜபாளையம், சிவகாசி வழியே நாகூர் ரயில் ஆகிய ரயில்கள் அகல ரயில் பாதையாவதற்கு முன்பு ஓடிக் கொண்டிருந்தன. பின்னர் இவை ரத்து செய்யப்பட்டன.
தற்போது அகல ரயில்பாதைப் பணி மதுரை- கொல்லம் முடிவடைந்த நிலையில் முன்பு இயக்கப்பட்டு, ரத்து செய்யப்பட்டுள்ள இந்த ரயில்களை 
மீண்டும் இயக்க வேண்டும். தற்போது இயக்கப்பட்டு வரும் சென்னை- செங்கோட்டை சிலம்பு விரைவு ரயிலை தினசரி இயக்க வேண்டும்.
கடந்த நிதி நிலை அறிக்கையில் அறிவிக்கப்பட்ட தாம்பரம்- செங்கோட்டை அந்தியோதயா ரயில் கடந்த ஒரு ஆண்டு காலமாக இயக்கப்படாமல் உள்ளது. எனவே இந்த ரயிலையும் இயக்க நடவடிக்கை எடுக்க வேண்டும். விரைவில் மத்திய அரசு சமர்ப்பிக்கும் நிதி நிலை அறிக்கையில், முன்பு இயக்கப்பட்டுக் கொண்டிருந்த ரத்து செய்யப்பட்டுள்ள ரயில்களை இயக்க 
வேண்டும். 
அத்துடன் செங்கோட்டை- ஈரோடு ரயிலும் இயக்கப்படும் என அறிவிப்பு வெளியாகும் என எதிர்பார்க்கிறோம். பொதுமக்கள் நலன் கருதி ரயில்வே துறை இந்த ரயில்களை இயக்க நடவடிக்கை எடுக்க வேண்டும் என அவர் கூறியுள்ளார்.

]]>
https://www.dinamani.com/all-editions/edition-madurai/virudhunagar/2019/jan/18/செங்கோட்டை-தாம்பரம்-அந்தியோதயா-ரயிலை-இயக்கக்-கோரிக்கை-3078436.html
3078435 மதுரை விருதுநகர் விருதுநகரில் போலீஸ்-பொதுமக்கள் நல்லுறவு விளையாட்டுப் போட்டிகள் DIN DIN Friday, January 18, 2019 06:59 AM +0530 விருதுநகர் மாவட்ட காவல் துறை சார்பில் போலீஸ் மற்றும் பொதுக்கள் நல்லுறவுக்கான விளையாட்டுப் போட்டிகள் மாவட்ட விளையாட்டு மைதானத்தில் வியாழக்கிழமை தொடங்கின.
 இந்த நிகழ்ச்சியை மாவட்ட காவல் கண்காணிப்பாளர் மு.ராஜராஜன் தொடங்கி வைத்தார். இதில், உரி அடித்தல் மற்றும் லெமன் ஸ்பூன், பாட்டிலில் கையால் தண்ணீர் நிரப்புதல், தடகளப் போட்டிகள், வாலிபால், கயிறு இழுத்தல், கோலப்போட்டி முதலானவை நடைபெற்றன. பள்ளி மாணவ, மாணவிகளுக்கு பொது அறிவு, திருக்குறள் தொடர்பான போட்டிகள் நடத்தப்பட்டன. இந்த போட்டிகளில் போலீஸ் மற்றும் பொதுமக்கள் என சுமார் 200 க்கும் மேற்பட்டோர் கலந்து கொண்டனர். முதல் மூன்று இடங்களை பெற்றவர்களுக்கு பரிசு மற்றும் சான்றிதழ்கள் வழங்கப்பட்டன.

]]>
https://www.dinamani.com/all-editions/edition-madurai/virudhunagar/2019/jan/18/விருதுநகரில்-போலீஸ்-பொதுமக்கள்-நல்லுறவு-விளையாட்டுப்-போட்டிகள்-3078435.html
3078434 மதுரை விருதுநகர் சிவகாசியில் கேபிள் டிவி அலுவலகத்தில் தீ விபத்து DIN DIN Friday, January 18, 2019 06:59 AM +0530 சிவகாசியில் கேபிள்டிவி அலுவலகத்தில் வியாழக்கிழமை தீ விபத்து ஏற்பட்டது.
சிவகாசி குப்புசாமிபிள்ளைத் தெருவில் சேகரன் (55) என்பவர் அரசு கேபிள்டிவி நிறுவனம் நடத்தி வருகிறார். இவர் இப்பகுதியில் உள்ள சுமார் 300 வீடுகளுக்கு கேபிள்டிவி இணைப்பு கொடுத்துள்ளார்.
இந்நிலையில் இந்த அலுவலகத்தில் திடீரென தீப்பிடித்து எரிந்தது. தகவல் அறிந்து சென்ற சிவகாசி தீயணைப்புப் படையினர் தீயை அணைத்தனர். இதில் கணினி உள்ளிட்டவை எரிந்து சாம்பலாயின. மின்கசிவே இத்தீ விபத்துக்கு காரணம் என தெரிவிக்கப்பட்டது.
இதுகுறித்து சிவகாசி நகர் போலீஸார் விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/18/சிவகாசியில்-கேபிள்-டிவி-அலுவலகத்தில்-தீ-விபத்து-3078434.html
3078433 மதுரை விருதுநகர் விருதுநகர் மாவட்டத்தில் எம்.ஜி.ஆர். பிறந்தநாள் விழா DIN DIN Friday, January 18, 2019 06:59 AM +0530 தமிழக முன்னாள் முதல்வர் எம்.ஜி.ஆரின் பிறந்தநாள் விழா வியாழக்கிழமை விருதுநகர், ஸ்ரீவில்லிபுத்தூர், சாத்தூர் மற்றும் சிவகாசி பகுதிகளில் அதிமுக, அமமுக சார்பில் கொண்டாடப்பட்டது. 
 விருதுநகரில் நகர அதிமுக சார்பில் எம்ஜிஆர் பிறந்த நாள் விழாவை முன்னிட்டு வியாழக்கிழமை அன்னதானம் வழங்க ப்பட்டது. இதைத் தொடர்ந்து கருமாதி மடம் சந்திப்பில் உள்ள எம்ஜிஆர் சிலைக்கு அதிமுக.வினர் மாலை அணிவித்தனர். மேலும், அச்சிலையை சுற்றி அதிமுக கொடிகளை வைத்திருந்தனர். 
இந்நிலையில், அமமுக சார்பில் கிழக்கு மாவட்டச் செயலர் இன்பத்தமிழன் தலைமையில் சுமார் 20 பேர், எம்ஜிஆர் சிலைக்கு மாலை அணிவிக்க வந்தனர். அவர்கள் சிலைக்கு மாலை அணிவித்த போது, சிலர் அங்கிருந்த அதிமுக கொடிகளை அகற்ற முயன்றனர். இதைக் கண்ட அதிமுக வினர் எதிர்ப்பு தெரிவித்து வாக்குவாதத்தில் ஈடுபட்டனர். அப்போது, அங்கு வந்த கூடுதல் காவல் கண் காணிப்பாளர் சிவபிரசாத் அமமுக தொண்டர்களை எச்சரித்தார். அதன் பின்னர் கொடிகளை அகற்ற முயன்றவரை காவல் நிலையத்திற்கு அழைத்து செல்ல போலீஸார் முயன்றனர். இதற்கு எதிர்ப்பு தெரிவித்த அமமுக கிழக்கு மாவட்டச் செயலர் இன்பத்தமிழன் தரையில் அமர்ந்து தன்னையும் கைது செய்யக்கோரி ஆர்ப்பாட்டம் நடத்தினார். பின்னர் இன்பத்தமிழன் உள்பட 2 பேரை போலீஸார் மேற்கு காவல் நிலையத்திற்கு அழைத்து சென்று எச்சரித்து அனுப்பினர். முன்னதாக எம்ஜிஆர் சிலைக்கு மாலை அணி விக்கும் நிகழ்ச்சியில் அதிமுக சார்பில் முகமது நெய்னார் உட்பட அக்கட்சி நிர்வாகிகள் பலர் கலந்து கொண்டனர். அமமுக சார்பில் கிழக்கு மாவட்ட இளைஞரணி செயலர் ராஜ்குமார், கிழக்கு மாவட்ட மாணவரணி செயலர் தங்கம் உள்பட அக்கட்சியினர் பலர் கலந்து கொண்டனர்.
ஸ்ரீவில்லிபுத்தூர்: இங்கு அதிமுகவினர் ஸ்ரீவில்லிபுத்தூர் தொகுதி சட்டப்பேரவை உறுப்பினர் மு.சந்திரபிரபா முத்தையா மற்றும் முன்னாள் மாவட்டக் கவுன்சிலர் த.முத்தையா ஆகியோர் தலைமையில் தேரடியிலிருந்து பேரணியாக பேருந்து நிலையம் வந்து அங்குள்ள எம்.ஜி.ஆர். உருவச் சிலைக்கு மாலை அணிவித்து மரியாதை செலுத்தினர். 
நிகழ்ச்சியில் கட்சியின் நகரச் செயலர் எஸ்.எம்.பாலசுப்பிரமணியம், ஒன்றியச் செயலர் எஸ்.கே.மயில்சாமி, பொருளாளர் கருமாரி எஸ்.முருகன், வத்திராயிருப்பு ஒன்றியச் செயலர் சுப்புராஜ் உள்ளிட்ட ஏராளமான கட்சித் தொண்டர்கள் கலந்து கொண்டனர். 
ஸ்ரீவில்லிபுத்தூர் நகர், வத்திராயிருப்பு மற்றும் ஸ்ரீவில்லிபுத்தூர் ஒன்றியம், மம்சாபுரம் பேரூராட்சி பகுதிகளில் உள்ள அனைத்து வார்டுகளிலும் எம்.ஜி.ஆரின் உருவப் படம் அலங்கரித்து வைக்கப்பட்டு, கட்சி கொடி ஏற்றப்பட்டு பொதுமக்களுக்கு இனிப்புகள் வழங்கப்பட்டன.
அமமுக: இக்கட்சி சார்பில் மாவட்டச் செயலர் எதிர்கோட்டை சுப்பிரமணியன் தலைமையில் பேருந்து நிலையம் வந்த கட்சி நிர்வாகிகள் மற்றும் தொண்டர்கள் அங்குள்ள எம்.ஜி.ஆர். சிலைக்கு மாலை அணிவித்து மரியாதை செலுத்தினர். நிகழ்ச்சியில் கட்சியின் நகரச் செயலர் வி.டி.முத்துராஜ், முன்னாள் ஒன்றியக் குழுத் தலைவர் கே.காளிமுத்து, கட்சி நிர்வாகிகள் பீ.பிரின்ஸ் குருநாத், சிந்து முருகன் உள்ளிட்ட பலர் கலந்து கொண்டனர்.
சாத்தூர்: சாத்தூர், வெம்பக்கோட்டை, ஆலங்குளம் உள்ளிட்ட பல்வேறு பகுதிகளில் எம்.ஜி.ஆரின் 102 ஆவது  பிறந்தநாள் விழா கொண்டாடப்பட்டது.
 இதில் அதிமுகவினர் முக்குராந்தல், மேலகாந்திநகர், அண்ணாநகர், நாடார் கீழத்தெரு உள்ளிட்ட பல்வேறு பகுதியில் சாத்தூர் நகர் அதிமுக சார்பில் நகரச் செயலர் வாசன், டெய்சிராணி ஆகியோர் தலைமையில் எம்.ஜி.ஆரின் உருவப்படத்துக்கு, மாலை அணித்து கொண்டாடினர்.
 இதே போன்று சாத்தூர் கிழக்கு ஒன்றிய பகுதியில் ஒன்றியச் செயலர் சண்முகக்கனி தலைமையில் ஒ.மேட்டுபட்டி, படந்தால் உள்ளிட்ட பகுதிகளில் எம்.ஜி.ஆரின் உருவப்படத்துக்கு மாலை அணிவிக்கப்பட்டது. இதே போன்று வெம்பக்கோட்டை கிழக்கு ஒன்றியம் சார்பில் எதிர்கோட்டை, தாயில்பட்டி, கோட்டையூர் உள்ளிட்ட 10-க்கும் மேற்பட்ட இடங்களில் வெம்பக்கோட்டை கிழக்கு ஒன்றியச் செயலர் எதிர்கோட்டை மணிகண்டன் தலைமையில் நடைபெற்றது. 
இதில் ஏராளமான அதிமுகவினர் கலந்து கொண்டு எம்.ஜி.ஆரின் உருவப்படத்துக்கு மாலை அணிவித்து மரியாதை செலுத்தி இனிப்பு மற்றும் இலவச வேட்டி, சேலைகளை வழங்கினர்.
 இதே போன்று அமமுக. சார்பில் சாத்தூர் முக்குராந்தல் பகுதியில் வைக்கப்பட்டிருந்த எம்.ஜி.ஆர். உருவப்படத்துக்கு நகரச் செயலர் ஜி.ஆர்.முருகன், அமைப்புச் சாரா ஓட்டுநரணி மாநில துணைச் செயலர் இளங்கோவன், எஸ்.டி.முனீஸ்வரன் உள்ளிட்ட ஏராளமானோர் மாலை அணிவித்து மரியாதை செலுத்தினர்.
சிவகாசி: சிவகாசி நகர அதிமுக சார்பில், நகராட்சி அலுவலகம் முன்பு, சிவன்கோயில் முன்பு ,பராசக்தி காலனி ஆகிய இடங்களில் வைக்கப்பட்டிருந்த எம்.ஜி.ஆர். உருவப்படத்திற்கு அக்கட்சியின் நகரச் செயலர் கே.ஏ.ஏ.அசன்பத்ரூதின் மாலை அணிவித்து மரியாதை செலுத்தினார்.
திருத்தங்கலில் நகர அதிமுக சார்பில் கடைவீதியில் உள்ள அண்ணா உருவச்சிலை முன்பு , அமைக்கப்பட்டிருந்த எம்.ஜி.ஆர். உருவப் படத்துக்கு அக்கட்சியின் நகரச் செயலர் பொன்சக்திவேல் மாலை அணிவித்து மரியாதை செலுத்தினார். இதில் அகட்சியின் நகர அவைத்தலைவர் கோயில்பிள்ளை, நகர ஜெ.பேரவைச் செயலர் ரமணா உள்ளிட்டோர் கலந்து கொண்டனர். 
சிவகாசி ஒன்றிய அதிமுக சார்பில் சாட்சியாபுரம், விஸ்வநத்தம், சித்துராஜபுரம் உள்ளிட்ட ஊர்களில் அமைக்கப்பட்டிருந்த எம்.ஜி.ஆர். உருவப்படத்துக்கு அக்கட்சியின் ஒன்றிய செயலர் கருப்பசாமி மாலை அணிவித்து மரியாதை செலுத்தினார்.

]]>
https://www.dinamani.com/all-editions/edition-madurai/virudhunagar/2019/jan/18/விருதுநகர்-மாவட்டத்தில்-எம்ஜிஆர்-பிறந்தநாள்-விழா-3078433.html
3077771 மதுரை விருதுநகர் விருதுநகரில் சேதமடைந்த மின் கம்பங்களை சீரமைக்கக் கோரிக்கை DIN DIN Thursday, January 17, 2019 06:48 AM +0530 விருதுநகரில் உடைந்த நிலையில் உள்ள மின்கம்பங்களை சீரமைக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 விருதுநகர் காசுக்கடை பஜார் அருகே விவேகானந்தா தெரு உள்ளது. மிகவும் குறுகலான இத்தெருவில் இரு சக்கர வாகனம் மற்றும் ஆட்டோ மட்டுமே செல்ல முடியும். இத்தெருவில் சுமார் 700-க்கும் மேற்பட்ட குடும்பங்கள் வசித்து வருகின்றனர். 
இந்நிலையில், இங்குள்ள 2 மின் கம்பங்கள் சேதமடைந்து  உடைந்து விழும் நிலையில் உள்ளன. ஏற்கனவே இப்பகுதியில் தெருவிளக்குகள் முழுமையாக எரிவதில்லை என பொதுமக்கள் புகார் தெரிவிக்கின்றனர். இந்நிலையில் மின் கம்பங்களும் உடைந்த நிலையில் இருப்பதால் பொது மக்கள் அச்சத்துடன் வாழ்ந்து வருகின்றனர். 
எனவே உடைந்த மின் கம்பங்களை சீரமைக்க மின் வாரியம் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/17/விருதுநகரில்-சேதமடைந்த-மின்-கம்பங்களை-சீரமைக்கக்-கோரிக்கை-3077771.html
3077770 மதுரை விருதுநகர் தேசிய பூப்பந்து போட்டியில் வெற்றி பெற்ற ராஜபாளையம் மாணவிகளுக்கு பாராட்டு DIN DIN Thursday, January 17, 2019 06:47 AM +0530 தேசிய அளவிலான பூப்பந்துப் போட்டியில் வெற்றி பெற்ற ராஜபாளையம் பள்ளி மாணவிகளை ஆசிரியர்கள் புதன்கிழமை பாராட்டினர்.
இந்தியப் பள்ளிகளின் விளையாட்டுக் குழுமம் சார்பில் தேசிய பூப்பந்துப் போட்டிகள் ஆந்திர மாநிலம் நெல்லூரில் நடைபெற்றது. இந்த போட்டியில் தமிழக அணி வெற்றி பெற்று சுழற்கேடயத்தை கைப்பற்றியது. இந்த அணியில்  ராஜபாளையம் ந.அ.அன்னப்பராஜா நினைவு மேல்நிலைப்பள்ளி மாணவியர் 3 பேர் பங்கு பெற்றனர். இதில் 14 வயதிற்குள்பட்டோர் பிரிவில் எஸ்.அழகுலட்சுமியும், 17 வயதிற்குள்பட்டோர் பிரிவில் ஆர்.ரதிஸ்ரீ என்ற மரகதமும் முதலிடம் பிடித்துள்ளனர். 
19 வயதிற்குள்பட்டோர் பிரிவில் ஏ.காவ்யமீனா இரண்டாமிடம் பிடித்துள்ளார். இம்மாணவியர்களைப் பள்ளிச் செயலர் என்.ஆர்.கிருஷ்ணமூர்த்தி ராஜா,  என்.ஏ.ராமச்சந்திர ராஜா குருகுலம் தாளாளர் மஞ்சுளா,  அறக்கட்டளை உறுப்பினர் என்.கே.ராம்விஷ்ணு ராஜா,  என்.கே.ராம்வெங்கட் ராஜா மற்றும் ராஜஸ்ரீ, தலைமையாசிரியர் பி.ஏ.ரமேஷ் ஆகியோர் பாராட்டினர்.

]]>
https://www.dinamani.com/all-editions/edition-madurai/virudhunagar/2019/jan/17/தேசிய-பூப்பந்து-போட்டியில்-வெற்றி-பெற்ற-ராஜபாளையம்-மாணவிகளுக்கு-பாராட்டு-3077770.html
3077769 மதுரை விருதுநகர் திருச்சுழி நூலகத்தில்  தைத்திருநாள் கவியரங்கம் DIN DIN Thursday, January 17, 2019 06:47 AM +0530 விருதுநகர் மாவட்டம் திருச்சுழியில் உள்ள கிளைப் பொதுநூலகம் சார்பில் தைத்திருநாள் கவியரங்கம் மற்றும் மாணவ, மாணவியரின் கலை நிகழ்ச்சிகள் புதன்கிழமை நடைபெற்றது.
இந்நிகழ்ச்சிக்கு அருப்புக்கோட்டை தேவாங்கர் கலைக்கல்லூரியின் தமிழ்த்துறைத் தலைவர் ஆர்.ஸ்டீபன் பொன்னையா தலைமை வகித்தார். சிறப்பு விருந்தினர்களாக விழுப்புரம் மாவட்ட நூலக அலுவலர் இரா.சுப்பிரமணியன், புலவர் கண.கணேசன், திருச்சுழி தனியார் பள்ளி ஆசிரியர் இரா.கனகராஜ், தேவாங்கர் கலைக் கல்லூரி தமிழ்த்துறைப் பேராசிரியர்  எஸ்.செந்தில்குமார், சேதுபொறியியல் கல்லூரிப் பேராசிரியர் பூ.மீனாட்சி சுந்தரம், சுரேஷ் ஆகியோர் வாழ்த்துரை வழங்கினர். அதனைத்தொடர்ந்து  திருச்சுழி சேதுபதி அரசு மேல்நிலைப்பள்ளி , ஸ்ரீபத்திரகாளியம்மன் தனியார் பள்ளி மாணவ, மாணவியரின் கரகாட்டம், சிலம்பாட்டம், ஒயிலாட்டம், நடனம் உள்ளிட்ட  கிராமியக் கலை நிகழ்ச்சிகள் நடைபெற்றன.
அதனைத் தொடர்ந்து  "அருமை வாழ்வியலே,நமக்கு அழகியல் சிந்தனைகள்',  "சினம் காக்க, மனம் காக்க, குணம் காக்க'*எனும் தலைப்பில் நடைபெற்ற தைத்திருநாள் கவியரங்கத்திற்கு இந்துசமய அறநிலையத்துறை தணிக்கை ஆய்வாளர் தி.சு.நாகநாதன் நடுவராக இருந்தார். 
இதில் ஆசிரியைகள் சாந்தி பூமிநாதன், செல்வ லட்சுமி ஆகியோர் சினம் காக்க எனும் தலைப்பிலும், கவிஞர் இரா.மணிகண்டன், ஆசிரியை நூர்ஜகான் அன்வர், ஆகியோர் மனம் காக்க எனும் தலைப்பிலும், கவிஞர்கள் இரா.கணேசன்,தங்கராஜ் ஆகியோர் குணம் காக்க எனும் தலைப்பிலும் கவிதைகள் வாசித்தனர்.
பின்னர் திருச்சுழி கிளைநூலக நூலகர் சு.பாஸ்கரன்  பள்ளி மாணவர்களுக்குப் பரிசுகள் வழங்கினார். முன்னதாக நிகழ்ச்சி ஒருங்கிணைப்பாளர் சுந்தர் அழகேசன் வரவேற்றார்.

]]>
https://www.dinamani.com/all-editions/edition-madurai/virudhunagar/2019/jan/17/திருச்சுழி-நூலகத்தில்--தைத்திருநாள்-கவியரங்கம்-3077769.html
3077768 மதுரை விருதுநகர் சாத்தூர் சுற்று வட்டாரப் பகுதியில் பொங்கல் விழா கொண்டாட்டம் DIN DIN Thursday, January 17, 2019 06:47 AM +0530 விருதுநகர் மாவட்டம் சாத்தூர் பகுதியில் பொங்கல் விழா செவ்வாய்க்கிழமை கொண்டாடப்பட்டது.
சாத்தூர் அண்ணாநகர் மக்கள் நல இளைஞர் நற்பணி மன்றத்தின் சார்பில் நடைபெற்ற விழாவில் சிறுவர், சிறுமியர்களுக்கான விளையாட்டுப் போட்டிகள் நடைபெற்றன.  போட்டியில் வெற்றி பெற்றவர்களுக்கு சிறப்பு அழைப்பாளராக கலந்து கொண்ட அம்மா மக்கள் முன்னேற்ற கழகத்தின் அமைப்பு சாரா ஒட்டுநரணி மாநில துணைச்செயலாளர் இளங்கோவன் பரிசுகள் வழங்கினார்.
இதேபோன்று படந்தாலில் உள்ள அமிர்தா தொண்டு நிறுவனம், மக்கள் சேவை இளைஞர் இயக்கம்  சார்பில் பொங்கல் விழா கொண்டாடப்பட்டது. இதில் பெண்களுக்கான கோலப்போட்டி, உறியடித்தல் உள்ளிட்ட பல்வேறு வகையான போட்டிகள் நடைபெற்றன. இதில் வெற்றி பெற்ற பெண்களுக்கு அமிர்தா தொண்டு நிறுவனத் தலைவர் உமையலிங்கம் பரிசுகளை வழங்கினார்.
மேலும் "ரூரல் சேரிடபுள்' தொண்டு நிறுவனம் சார்பில் பொங்கல் விழா நடைபெற்றது. அதன் நிறுவனத்தலைவர் லட்சுமணப்பெருமாள் கலந்து கொண்டு சிலோன்காலனி, வாழவந்தாள்புரம், சாமியார்காலனி உள்ளிட்ட பகுதிகளில் உள்ள  ஆதரவற்ற முதியவர்கள், குழந்தைகளுக்கு புத்தாடைகளை வழங்கினார். 
சமத்துவப் பொங்கல்: சாத்தூர் தூய திரு இருதய ஆலயத்தில் சமத்துவ பொங்கல் விழா நடைபெற்றது. இதில் ஏராளமான கிறிஸ்தவர்கள் கலந்து கொண்டு பொங்கல் வைத்து, பொங்கல் வாழ்த்துகளை தெரிவித்துக் கொண்டனர். இதே போன்று சாத்தூர் வீட்டுவசதி வாரியக் குடியிருப்பு, என்ஜிஓ காலனி உள்ளிட்ட பல்வேறு பகுதிகளிலும் பொங்கல் விழா மற்றும் விளையாட்டுப் போட்டிகள் நடைபெற்றன.


 

]]>
https://www.dinamani.com/all-editions/edition-madurai/virudhunagar/2019/jan/17/சாத்தூர்-சுற்று-வட்டாரப்-பகுதியில்-பொங்கல்-விழா-கொண்டாட்டம்-3077768.html
3077767 மதுரை விருதுநகர் ராஜபாளையம் அருகே பழங்குடியினருக்கு ரூ.3 லட்சம் மதிப்பில் நலத்திட்ட உதவிகள் DIN DIN Thursday, January 17, 2019 06:47 AM +0530 ராஜபாளையத்தில் தமிழக அரசின் சுற்றுலாத்துறை சார்பில் மலை வாழ் மக்களுடன் புதன்கிழமை நடைபெற்ற கலை பொங்கல் விழாவில் ஆட்சியர், காவல்துறை கண்காணிப்பாளர் உள்ளிட்ட வருவாய்த்துறை உயர் அலுவலர்கள் பங்கேற்றனர்.
தமிழக அரசின் சுற்றுலாத்துறை சார்பில், ராஜபாளையம் மேற்கு தொடர்ச்சி மலை அடிவாரத்தில் உள்ள அய்யனார் கோயில் பகுதியில் வசிக்கும் பழங்குடியின மக்களுடன் கொண்டாடப்பட்ட கலைப் பொங்கல் விழாவில் மாவட்ட ஆட்சியர் சிவஞானம், காவல்துறை கண்காணிப்பாளர் ராஜராஜன் ஆகியோர் தங்களது குடும்பத்துடன் கலந்து கொண்டனர். 
மேலும் 7 துணை ஆட்சியர்கள், 3 கோட்டாட்சியர்கள், 40 வட்டாட்சியர்கள், 25 வட்டார வளர்ச்சி அலுவலர்கள் உள்ளிட்ட வருவாய்துறை உயர் அலுவலர்கள் நூற்றுக்கும் மேற்பட்டோர் கலந்து கொண்டனர். தொடக்கத்தில் கோ பூஜை மற்றும் பொங்கல் வைத்து வழிபாடு நடத்தப் பட்டது.
பின்னர் சிறப்பு விருந்தினர்கள் முன்னிலையில் பள்ளி மாணவர்கள் மற்றும் பழங்குடியினருக்கான சிறப்புப் பள்ளியில் பயிலும் மாணவ, மாணவிகள் நடத்திய பரத நாட்டியம், கரகாட்டம், ஒயிலாட்டம், பாட்டுக்கு பாட்டு, பட்டிமன்றம் உள்ளிட்ட பல்வேறு கலை நிகழ்ச்சிகள் நடத்தப்பட்டன. தமிழக நொறுக்கு தீனிகள் மற்றும் இனிப்பு வகைகள் குறித்த கண்காட்சி பொதுமக்களின் பார்வைக்காக வைக்கப் பட்டிருந்தது.
கலை நிகழ்ச்சிக்கு பின்னர் மாவட்ட ஆட்சியர், அறிவு தொடர்பான போட்டிகள் வைத்து வெற்றி பெற்றவர்களுக்கு பரிசு வழங்கிப் பாராட்டினார்.
நிகழ்ச்சியின் முடிவில் 30 பழங்குடியினர் குடும்பங்களுக்கு ரூ.3 லட்சம் மதிப்பீட்டில் கரும்பு, அரிசி மூடைகளுடன் வீட்டுக்கு தேவையான பாத்திரங்கள், பாய் தலையணை உள்ளிட்ட அத்தியாவசியமான பொருள்களை ஆட்சியர் அ.சிவஞானம், காவல்துறை கண்காணிப்பாளர் ராஜராஜன் வழங்கினர்.
மேலும் 37 நபர்களுக்கு 
பழங்குடியின மக்களுக்கான ஜாதி சான்றிதழ்களும் வழங்கப் பட்டன.

]]>
https://www.dinamani.com/all-editions/edition-madurai/virudhunagar/2019/jan/17/ராஜபாளையம்-அருகே-பழங்குடியினருக்கு-ரூ3-லட்சம்-மதிப்பில்-நலத்திட்ட-உதவிகள்-3077767.html
3077766 மதுரை விருதுநகர் பாலவநத்தம்-குல்லூர்சந்தை செல்லும் வழியில் சாலையை சீரமைக்கக் கோரிக்கை DIN DIN Thursday, January 17, 2019 06:46 AM +0530 பாலவநத்தம்- குல்லூர்சந்தை செல்லும் வழியில்  பாலம் அருகே பக்கவாட்டுச் சுவர் அமைத்து, சாலையை சீரமைக்க வேண்டும் என வாகன ஓட்டிகள் கோரிக்கை விடுத்துள்ளனர்.
 விருதுநகர் மாவட்டம் பாலவநத்தம்- குல்லூர்சந்தை சாலையில் அரசு மற்றும் தனியார் பேருந்துகள் சென்று வருகின் றன. அதேபோல், அருப்புக்கோட்டை, மெட்டுக்குண்டு பகுதிகளிலிருந்து இரு சக்கர வாகனத்தில் மாவட்ட ஆட்சியர் அலுவலகம் வருவோர் இந்த வழியாக வருவது வழக்கம். இந்த வழியில் போக்குவரத்து நெரிசல் இல்லாததால் ஏராளமானோர் இரு சக்கர வாகனத்தில் சென்று வருகின்றனர். 
இந்நிலையில், கடந்த சில மாதங்களுக்கு முன்பு இச்சாலை பல லட்சம் ரூபாய் மதிப்பில் சீரமைக்கப்பட்டது. அதேபோல், இந்த வழியில் ஒரு இடத்தில் சிறிய பாலம் ஒன்றும் கட்டப்பட்டது. இந்த பாலத்தின் அருகே உயரமான தடுப்பு சுவர் கட்டப்படாததால், தார்ச்சாலையானது சேதமடைந்து விட்டது. இதனால், இவ்வழியே இரவு நேரத்தில் இரு சக்கர வாகனத்தில் செல்வோர், அப்பகுதியில் கீழே விழுந்து காயமடைகின்றனர். மேலும், பாலம் அருகே வளைவு இருப்பதால், பள்ளம் இருப்பது தெரியாமல் பலர் கீழே விழுந்து விபத்தில் சிக்கி கொள்கின்றனர். இதன் காரணமாக இப்பகுதியில் அடிக்கடி விபத்து ஏற்படுகிறது. 
எனவே, சிறிய பாலத்தின் அருகே பக்கவாட்டுச் சுவர் அமைத்து,  தார்ச்சாலையை சீரமைக்க மாவட்ட நிர்வாகம் நடவடிக்கை எடுக்க வேண்டும் என வாகன ஓட்டிகள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/17/பாலவநத்தம்-குல்லூர்சந்தை-செல்லும்-வழியில்-சாலையை-சீரமைக்கக்-கோரிக்கை-3077766.html
3077765 மதுரை விருதுநகர் கோபாலபுரம் கிராமத்தில் குடிநீர்த் தட்டுப்பாடு DIN DIN Thursday, January 17, 2019 06:46 AM +0530 விருதுநகர் மாவட்டம் அருப்புக்கோட்டை அருகேயுள்ள கோபாலபுரம் கிராமத்தில் குடிநீர்த்தட்டுப்பாடு காரணமாக கிராம மக்கள் அவதிப்படுகின்றனர்.
கோபாலபுரம் கிராமத்தில் சுமார் 1200 பேர் வசிக்கின்றனர். இக்கிராமத்திற்கு 20  நாள்களுக்கு ஒருமுறை குடிநீர் விநியோகம் செய்வதால் பொதுமக்கள் அவதியடைந்துள்ளனர். இதனிடையே கோபாலபுரம் கிராமத்தில் உள்ள மின்மோட்டாருடன் கூடிய 5 ஆழ்துளைக்கிணறுகளில் கிடைக்கும் நீரையே குடிநீராகவும் பொதுமக்கள் பயன்படுத்தி வந்தனர். 
தற்போது  2 மின்மோட்டார் மட்டுமே இயங்குகிறது. இதனால் அதிக விலை கொடுத்து தனியார் குடிநீரை வாங்கும் நிலைக்கு பொதுமக்கள் தள்ளப்பட்டுள்ளனர். பழுதான 3 மின்மோட்டார்களைச் சீரமைக்க ஊராட்சி நிர்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/17/கோபாலபுரம்-கிராமத்தில்-குடிநீர்த்-தட்டுப்பாடு-3077765.html
3077764 மதுரை விருதுநகர் விருதுநகரில் மின் மோட்டார் பழுதால் குடிநீர் விநியோகம் நிறுத்தம் DIN DIN Thursday, January 17, 2019 06:45 AM +0530 விருதுநகர் பாத்திமா நகரில் மின் மோட்டார் பழுது காரணமாக  குடிநீர் விநியோகம் நிறுத்தப்பட்டுள்ளதால் அவதியடைந்து வருவதாக பொதுமக்கள் தெரிவித்துள்ளனர்.
விருதுநகர் நகராட்சி 22 ஆவது வார்டில் பாத்திமா நகர் உள்ளது. இங்கு சுமார் ஆயிரத்திற்கும் மேற்பட்ட குடும்பங்கள் வசித்து வருகின்றன. இந்நிலையில், இப்பகுதியில் உள்ள குடிநீர்த்தொட்டி மின் மோட்டார் பழுது காரணமாக செயல்படவில்லை. 
இதனால் அப்பகுதி மக்கள் நீண்ட தூரம் நடந்து சென்று,  தண்ணீர் எடுத்து வருகின்றனர். மேலும், காலை 
வேளைகளில் பள்ளி செல்லும் குழந்தைகள் மற்றும் வேலைக்கு செல்வோர் தண்ணீர் கிடைக்காமல் அவதிப்பட்டு வருகின்றனர். இதுகுறித்து நகராட்சி அலுவலகத்தில் புகார் தெரிவித்தும் எந்த நட வடிக்கையும் எடுக்கவில்லை. 
இந்நிலையில், கடந்த சில நாள்களுக்கு முன்பு மாவட்ட ஆட்சியர் அ. சிவஞானம் ஒரு அறிக்கை வெளியிட்டிருந்தார். அதில், விருதுநகர் மாவட்டத்தில் நகராட்சி, பேரூராட்சி, கிராம ஊராட்சி பகுதிகளில் குடிநீர் தொடர்பான பிரச்னை இருந்தால், 1077 என்ற கட்டணமில்லா எண்ணில் புகார் தெரிவிக்கலாம் என தெரிவித்திருந்தார். 
அதன் அடிப்படையில் பாத்திமா நகரை சேர்ந்தோர் அந்த  எண்ணில் தொடர்பு கொண்டு மின் மோட்டார் பழுது குறித்து தகவல் தெரிவித்துள்ளனர். ஆனாலும், இதுவரை எந்த நடவடிக்கையும் எடுக்கப்பட வில்லையாம்.  எனவே மாவட்ட ஆட்சியர் இது குறித்து  ஆய்வு மேற்கொண்டு உரிய நடவடிக்கை மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/17/விருதுநகரில்-மின்-மோட்டார்-பழுதால்-குடிநீர்-விநியோகம்-நிறுத்தம்-3077764.html
3077763 மதுரை விருதுநகர் அரசு வேலை வாங்கித் தருவதாக ரூ.13 லட்சம் மோசடி: 2 பேர் மீது வழக்கு DIN DIN Thursday, January 17, 2019 06:45 AM +0530 ஸ்ரீவில்லிபுத்தூர் அருகே அரசு வேலை வாங்கித் தருவதாகக் கூறி ரூ.13 லட்சம் மோசடி செய்ததாக 2 பேர் மீது போலீஸார் செவ்வாய்க்கிழமை வழக்குப்பதிவு செய்து விசாரித்து வருகின்றனர்.
ஸ்ரீவில்லிபுத்தூர் அருகேயுள்ள மம்சாபுரத்தைச் சேர்ந்தவர் திருமலைக்குமார். இவரிடம் இதே பகுதியைச் சேர்ந்த மணிவண்ணன் மற்றும் முத்தையா ஆகியோர் 2016 ஆம் ஆண்டு ரூ.13 லட்சம் பெற்றுள்ளனர். வேலையும் வாங்கித் தராமல், பணத்தையும் திருப்பித் தராமல் காலம் கடத்தி  வந்தனர்.
இதனையடுத்து பணத்தை திருமலைக்குமார் திரும்பக் கேட்டுள்ளார். அதற்கு மணிவண்ணன் மற்றும் முத்தையா ஆகியோர் திருமலைக்குமரனுக்கு கொலை மிரட்டல் விடுத்தார்களாம்.
இதுகுறித்து மம்சாபுரம் காவல் நிலையத்தில் திருமலைக்குமார் புகார் செய்தார். போலீஸார் 2 பேர் மீதும் வழக்குப்பதிவு செய்து விசாரித்து  வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/17/அரசு-வேலை-வாங்கித்-தருவதாக-ரூ13-லட்சம்-மோசடி-2-பேர்-மீது-வழக்கு-3077763.html
3077762 மதுரை விருதுநகர் பந்தல்குடி சாலை சந்திப்பில் தொடரும் விபத்துகளைத் தடுக்கக் கோரிக்கை DIN DIN Thursday, January 17, 2019 06:45 AM +0530 விருதுநகர் மாவட்டம் அருப்புக்கோட்டை வட்டம் பந்தல்குடியில் அடிக்கடி ஏற்படும் விபத்துகளைத் தடுக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
பந்தல்குடியிலிருந்து அருப்புக்கோட்டையை நோக்கிச்செல்லும் பிரதானச் சாலையும், மதுரை-தூத்துக்குடி நான்குவழிச்சாலையும் சந்திக்கும் பகுதியில் பல்வேறு விபத்துக்கள் அடிக்கடி நடைபெறுகின்றன. 
இந்த சாலை சந்திப்பானது வழக்கத்தைவிடக் குறுகலாகவும், "ட' வடிவில் வளைந்தும் உள்ளது.  இதனால் இந்தச் சந்திப்பில் எதிரெதிரே வரும் வாகனங்கள் மோதி விபத்தில் சிக்கி விடுகின்றன. இரவு நேரங்களில் இருசக்கர வாகனங்களும் இப்பகுதியில்தான் அதிகளவில் விபத்தில் 
சிக்குகின்றன. 
இப்பகுதியில்  குறுகலான சாலை, விபத்து அபாயப் பகுதி  எனும் அறிவிப்புப் பலகை மற்றும் சாலைத் தடுப்புக்களை அமைத்து விபத்துக்கள் நடைபெறாதபடி  நடவடிக்கை  எடுக்கவேண்டுமென சமூகநல ஆர்வலர்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/17/பந்தல்குடி-சாலை-சந்திப்பில்-தொடரும்-விபத்துகளைத்-தடுக்கக்-கோரிக்கை-3077762.html
3077761 மதுரை விருதுநகர் சாத்தூரில் மணல் மேட்டுத் திருவிழா: வைப்பாற்றில் குவிந்த மக்கள் கூட்டம் DIN DIN Thursday, January 17, 2019 06:44 AM +0530 விருதுநகர் மாவட்டம் சாத்தூர் வைப்பாற்றில் புதன்கிழமை நடைபெற்ற மணல் மேட்டுத் திருவிழாவில் ஆயிரக்கணக்கானோர் கலந்து கொண்டனர்.
சாத்தூர் வைப்பாற்றில் மணல் மேட்டுத்திருவிழாவுக்காக  5 ஆயிரத்திற்கும் மேற்பட்டோர் குவிந்தனர். இதில் சாத்தூர் மட்டுமின்றி சிவகாசி, விருதுநகர், கோவில்பட்டி உள்ளிட்ட சுற்றுவட்டாரத்தை சேர்ந்த 18 கிராமங்களைச் சேர்ந்தவர்களும் கலந்து கொண்டனர். அப்போது வீடுகளில் சமைத்து எடுத்து வந்த உணவுகளை உறவினர்கள், நண்பர்களுக்கு கொடுத்து மகிழ்ந்தனர். இப்பகுதியில் உள்ள தீப்பெட்டி ஆலைகளில் பணிபுரியும் தொழிலாளர்கள் கூட்டம், கூட்டமாக இந்த விழாவில் பங்கேற்றனர். சிறுவர்கள், இளைஞர்கள், பெண்கள் ஆற்றில் கபடி, கோ கோ, ஓட்டபந்தயங்கள் போன்ற விளையாட்டுகளை விளையாடி மகிழ்ந்தனர். உறவினர்களும், நண்பர்களும் தங்களது கடந்த கால மலரும் நினைவுகளை பகிர்ந்து கொண்டனர். பொங்கலுக்கு மறுநாள் நடைபெறும் இத்திருவிழாவில், இப்பகுதியில் இருந்து இடம் பெயர்ந்து வேறு ஊர்களில் வசிப்பவர்கள் கூட தவறாது பங்கேற்பதை வழக்கமாகக் கொண்டுள்ளனர். இவ்விழாவையொட்டி சாத்தூர் காவல்துறை துணை கண்காணிப்பாளர் மதியழகன் தலைமையில் ஏராளமான போலீஸார் பாதுகாப்புப் பணியில் ஈடுபட்டனர்.
இத்திருவிழாவில் பங்கேற்ற சென்னையைச் சேர்ந்த அருண் குடும்பத்தினர் கூறுகையில்: சென்னையில் காணும் பொங்கலன்று அனைவரும் மெரினா கடற்கரைக்கு செல்வது வழக்கம். அதற்கு முந்தைய நாளிலே சாத்தூரில் நடைபெறும் இத்திருவிழாவில் ஆண்டு தோறும்  குடும்பத்தினருடன் வந்து, பங்கேற்று வருகிறேன். இங்கு வயது வித்தியாசம் இல்லாமல் விளையாடி மகிழ்ந்ததுடன்,  கொண்டு வந்த உணவு பாதார்த்தங்களையும் உண்டு மகிழந்தோம்  என்றார்.
பராமரிப்பு இல்லாத வைப்பாறு:இதுகுறித்து சமூக ஆர்வலர்கள் கூறுகையில்:இது போன்று பாரம்பரியமாக திருவிழா நடைபெறும் இடமான வைப்பாற்றில் தற்போது அதிகமாக முள்செடிகள்  காணப்படுவதால்  மணல் மேட்டுதிருவிழாவிற்கு இந்தாண்டு கூட்டம் குறைவாக உள்ளது. மேலும் அதிகளவில் மணல் அள்ளப்பட்டு பாறைகளாக காணப்படுகிறது. எனவே பொதுப்பணித்துறையினர் முள்செடிகளை அகற்றினால் தான் இது போன்ற பாரம்பரிய நிகழ்ச்சி தவறாமல் நடைபெறும் என்றார்.
 

]]>
https://www.dinamani.com/all-editions/edition-madurai/virudhunagar/2019/jan/17/சாத்தூரில்-மணல்-மேட்டுத்-திருவிழா-வைப்பாற்றில்-குவிந்த-மக்கள்-கூட்டம்-3077761.html
3077760 மதுரை விருதுநகர் சிவகாசியில் கஞ்சா கடத்திய இளைஞர் கைது DIN DIN Thursday, January 17, 2019 06:44 AM +0530 சிவகாசியில் புதன்கிழமை ஒரு கிலோ கஞ்சா கடத்திய இளைஞரை போலீஸார் கைது செய்தனர்.
சிவகாசி சிறுகுளம் கண்மாய் சாலையில் போலீஸார் ரோந்துப் பணியில் ஈடுபட்டிருந்தனர். அப்போது ஒருவர் கையில் பையுடன் சந்தேகத்திற்கு இடமளிக்கும் வகையில் நடந்து சென்றுள்ளார். போலீஸார் அவரை  சோதனையிட்ட போது, அவர் வைத்திருந்த கைப்பையில் 1 கிலோ 100 கிராம் கஞ்சா இருந்தது.  விசாரணையில் அந்த நபர் குப்புசாமி தெருவைச் சேர்ந்த அழகர்சாமி(38) எனவும், கஞ்சாவை வெளியூருக்கு கடத்த திட்டமிட்டுள்ளதும் தெரியவந்தது.  
இதுகுறித்து சிவகாசி நகர் போலீஸார் வழக்குப்பதிவு செய்து, அவரைக் கைது செய்தனர். அவரிடம் இருந்த ஒரு கிலோ நூறு கிராம் கஞ்சாவை போலீஸார் பறிமுதல் செய்தனர்.
 

]]>
https://www.dinamani.com/all-editions/edition-madurai/virudhunagar/2019/jan/17/சிவகாசியில்-கஞ்சா-கடத்திய-இளைஞர்-கைது-3077760.html
3077759 மதுரை விருதுநகர் விருதுநகர் ஏடிஎம் மையத்தில் ரூ. 10 ஆயிரம் திருடியவர் கைது DIN DIN Thursday, January 17, 2019 06:44 AM +0530 விருதுநகரில் ஏடிஎம் மையத்தில் பணம் எடுத்து தருவதாக ரூ. 10 ஆயிரம் திருடியவரை புதன்கிழமை போலீஸார் கைது செய்தனர்.
விருதுநகர் பழைய பேருந்து நிலையப் பகுதியில் உள்ள ஏடிஎம் மையத்தில் பணம் எடுப்பதற்காக பாப்புராஜ்(50) என்பவர் புதன்கிழமை சென்றுள்ளார். அவருக்கு பணம் எடுப்பதற்கான வழி முறை தெரியவில்லையாம். 
அப்போது, அங்கு நின்று கொண்டிருந்த ஒருவரிடம் அட்டையை கொடுத்து ரகசிய எண்ணை கூறியுள்ளார். அவரும், பாப்புராஜிடம் பணம் எடுக்கும் முறை குறித்து செயல் விளக்கம் காட்டினாராம். 
இந்நிலையில் வீட்டிற்கு சென்ற பாப்புராஜ் செல்லிடப் பேசிக்கு, உங்கள் கணக்கிலிருந்து ரூ.10 ஆயிரம் எடுக்கப்பட்டதாக தகவல் வந்துள்ளது. இதுகுறித்து அவர் உடனடியாக விருதுநகர் மேற்கு காவல் நிலையத்தில் புகார் அளித்தார். 
அதன் அடிப்படையில் ஏடிஎம் மையத்திற்கு சென்ற போலீஸார், அங்கிருந்த கண்காணிப்பு கேமராவை ஆய்வு செய்தனர். அதில், பணம் திருடியவரின் அடையாளத்தை பாப்புராஜ் காட்டியுள்ளார். இந்நிலையில், பணம் திருடியவரை விருதுநகர் ரயில் நிலையத்தில் போலீஸார் கைது செய்தனர். 
விசாரணையில் அவர், கோவில்பட்டியை சேர்ந்த முத்துச்சாமி (43) என்பது தெரிய வந்தது. அவரிடம் போலீஸார் விசாரணை மேற்கொண்டு வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/17/விருதுநகர்-ஏடிஎம்-மையத்தில்-ரூ-10-ஆயிரம்-திருடியவர்-கைது-3077759.html
3077758 மதுரை விருதுநகர் கூலித்தொழிலாளியிடம் வழிப்பறி: இளைஞர் கைது DIN DIN Thursday, January 17, 2019 06:43 AM +0530 சிவகாசியில் புதன்கிழமை கூலித்தொழிலாளியிடம் வழிப்பறி செய்த இளைஞரை போலீஸார் கைது செய்தனர்.
திருத்தங்கல் ஆலாஊரணிப் பகுதியைச் சேர்ந்த கூலித்தொழிலாளி ராஜலிங்கம் (25). இவர் சிவகாசியில் உள்ள ரயில்வே பீடர் சாலையில் நடந்து சென்ற போது வழிமறித்த இளைஞர் கத்தியை காட்டி மிரட்டி,  ரூ. 1,200 ஐ பறித்துக்கொண்டு தப்பியோட முயன்றார். அப்போது ராஜலிங்கம் அக்கம்பக்கம் உள்ளவர்களின் உதவியோடு, இளைஞரை  விரட்டிப் பிடித்து போலீஸில் ஒப்படைத்தார். 
விசாரணையில் பிடிபட்டவர் சிவகாசி பராசக்தி காலனியைச் சேர்ந்த கார்த்திக்(32) என தெரியவந்தது. இதுகுறித்தப் புகாரின் பேரில் சிவகாசி நகர் போலீஸார் வழக்குப்பதிவு செய்து கார்த்திக்கை கைது செய்தனர்.

]]>
https://www.dinamani.com/all-editions/edition-madurai/virudhunagar/2019/jan/17/கூலித்தொழிலாளியிடம்-வழிப்பறி-இளைஞர்-கைது-3077758.html
3077757 மதுரை விருதுநகர் சாலை விபத்தில் வியாபாரி சாவு DIN DIN Thursday, January 17, 2019 06:43 AM +0530 சிவகாசியில் சாலை விபத்தில் காயமடைந்த வியாபாரி சிகிச்சை பலனின்றி புதன்கிழமை உயிரிழந்தார்.
சிவகாசி-வெம்பக்கோட்டை சாலை சித்துராஜபுரத்தைச் சேர்ந்தவர் ஜெயகோபால்(60). இவர் இப்பகுதியில் மளிகைக் கடை  நடத்தி வந்துள்ளார். இவர் கடந்த 14 ஆம் தேதி கடையை பூட்டிவிட்டு, தனது இருசக்கர வாகனத்தில் வீட்டிற்குச் சென்றார். 
சிவகாசி-வெம்பக்கோட்டை சாலையில் சென்று கொண்டிருந்தபோது, திருப்பத்தில் இருசக்கர வாகனத்தில் இருந்து அவர்  தவறி கீழே விழுந்து பலத்த காயமடைந்தார். இதையடுத்து சிவகாசி அரசு மருத்துவமனையில் அனுமதிக்கப்பட்டு, அங்கு சிகிச்சை பலனின்றி ஜெயகோபால் உயிரிழந்தார். இதுகுறித்து சிவகாசி நகர் போலீஸார் வழக்குப்பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-madurai/virudhunagar/2019/jan/17/சாலை-விபத்தில்-வியாபாரி-சாவு-3077757.html
3077756 மதுரை விருதுநகர் விருதுநகரில் சீரமைக்கப்பட்ட சாலையில் வேகத்தடை இல்லாததால் விபத்து அபாயம் DIN DIN Thursday, January 17, 2019 06:43 AM +0530 விருதுநகரில் சீரமைக்கப்பட்ட ஆத்துப்பாலம் சாலை சந்திப்பில் வேகத்தடை இல்லாததால் விபத்து அபாயம் ஏற்பட்டுள்ளதாக பொதுமக்கள் புகார் தெரிவித்துள்ளனர்.
 விருதுநகரில் கிருஷ்ணமாச்சாரி சாலை வழியாக சிவகாசி, சாத்தூர், அருப்புக்கோட்டை, ஸ்ரீவில்லிபுத்தூர் ஆகிய நகரங்களுக்கு தினந்தோறும் ஆயிரக்கணக்கில் பேருந்துகள், கார்கள் உள்ளிட்ட வாகனங்கள் சென்று வருகின்றன. விருதுநகர் ஆத்துப்பாலம் சந்திப்பிலிருந்து பிரிந்து, இந்த வாகனங்கள் அனைத்து ஊர்களுக்கும் செல்கிறது. இதனால், இச்சாலையில் காலை, மாலை வேளைகளில் போக்குவரத்து நெரிசல் அதிகம் இருக்கும். 
மேலும், இந்த வழியில் பள்ளி, கல்லூரி செல்லும் வாகனங்கள் ஏராளமாக செல்வதால், பொதுமக்கள் சாலையை கடந்து செல்ல முடியாத நிலை இருந்து வருகிறது.  இந்நிலையில், கடந்த சில நாள்களுக்கு முன்பு சிவகாசி நான்குவழிச் சாலையிலிருந்து அல்லம்பட்டி சந்திப்பு வரை, ஏற்கனவே இருந்த பழைய சாலை முற்றிலும் உடைக்கப்பட்டு புதிய சாலை அமைக்கப்பட்டது. மேலும், அங்கிருந்த வேகத்தடைகளும் அகற்றப்பட்டன. 
இதனால், புதிய சாலையில் மணல் லாரி, கார் உள்ளிட்ட வாகனங்கள் வேகமாக வந்து செல்கின்றன. இதனால், ஆத்துப்பாலம் அருகே உள்ள  பெண்கள் மேல்நிலை பள்ளியில் படிக்கும் மாணவிகள் சாலையை கடக்க முடியாமல் அவதிப்பட்டு வருகின்றனர். அதேபோல், இப்பகுதியில் சிக்னல் செயல்படாததால் நான்கு சாலையில் இருந்தும் வாகனங்கள் ஒன்றையொன்று முந்திச் செல்கின்றன. இதனால், பள்ளி, கல்லூரி செல்லும் மாணவ, மாணவிகள் மட்டுமல்லாது, பொதுமக்களும் விபத்தில் சிக்கும் அபாயம் ஏற்பட்டுள்ளது. 
எனவே, பொது மக்கள் நலன் கருதி ஆத்துப்பாலம் பகுதியில் வேகத்தடை அமைக்க மாவட்ட நெடுஞ்சாலைத்துறை நிர்வாகம் நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/17/விருதுநகரில்-சீரமைக்கப்பட்ட-சாலையில்-வேகத்தடை-இல்லாததால்-விபத்து-அபாயம்-3077756.html
3077208 மதுரை விருதுநகர் விருதுநகர்-அருப்புக்கோட்டை சாலையில் பட்டுப்போன மரங்களால் விபத்து அபாயம் DIN DIN Tuesday, January 15, 2019 07:39 AM +0530 விருதுநகர்- அருப்புக்கோட்டை செல்லும் மாநில நெடுஞ்சாலையில் ஆர்எஸ் நகர் அருகே பட்டுப்போன புளிய மரங்கள் முறிந்து விழும் அபாயத்தில் உள்ளதால் அவற்றை அப்புறப்படுத்த மாவட்ட நெடுஞ்சாலை துறை நிர்வாகம் நடவடிக்கை எடுக்க வேண்டும் என வாகன ஓட்டிகள் கோரிக்கை விடுத்துள்ளனர்.
 விருதுநகரிலிருந்து ராமேசுவரம், கமுதி, சிவகங்கை, முதுகுளத்தூர் உள்ளிட்ட பிற ஊர்களுக்கு தொலைதூர பேருந்துகள் இயக்கப்பட்டு வருகின்றன. அதேபோல், விருதநகர்- பாலவநத்தம் வழியாக ஏராளமான கிராமங்களுக்கு பேருந்துகள்  சென்று வருகின்றன. மேலும், இப்பகுதியில் 10 க்கும் மேற்பட்ட திருமண மண்டபங்கள் இருப்பதால், முகூர்த்த தினங்களில் கூட்டம் அதிகமாக இருக்கும். இதன் காரணமாக விருதுநகர்- அருப்புக்கோட்டை சாலையில் எப்போதும் போக்குவரத்து நெரிசல் இருக்கும். இந்நிலையில், இச்சாலையில் தனியார் மருத்துவமனை எதிரே மூன்று புளிய மரங்கள் பட்டு போன நிலையில் உள்ளன. பலத்த காற்று வீசினால், இந்த மரங்கள் முறிந்து கீழே  விழும் அபாயம் உள்ளது. இதனால், இப்பகுதியில் இரு சக்கர வாகனத்தில் செல்வோர், விபத்தில் சிக்கிக்கொள்ளும் நிலையுள்ளது. அதேபோல், கனரக வாகனங்களும் சேதமடைந்து விடும் என வாகன ஓட்டிகள் புகார் தெரிவிக்கின்றனர்.  எனவே, பட்டுப்போன இப்புளிய மரங்களை அப்புறப்படுத்த மாவட்ட நெடுஞ்சாலைதுறை நடவடிக்கை எடுக்க வேண்டும் என வாகன ஓட்டிகள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/15/விருதுநகர்-அருப்புக்கோட்டை-சாலையில்-பட்டுப்போன-மரங்களால்-விபத்து-அபாயம்-3077208.html
3077207 மதுரை விருதுநகர் ஸ்ரீவில்லிபுத்தூரில் காவல்துறை சார்பில் சமத்துவ பொங்கல் விழா DIN DIN Tuesday, January 15, 2019 07:39 AM +0530 ஸ்ரீவில்லிபுத்தூர் காவல் துணைக் கோட்டம் சார்பில், சமத்துவ பொங்கல் விழா ஞாயிற்றுக்கிழமை இரவு நகர் காவல் நிலையத்தில் நடைபெற்றது.
  நிகழ்ச்சிக்கு மாவட்ட காவல் கண்காணிப்பாளர் எம்.ராஜராஜன் தலைமை வகித்தார். ஸ்ரீவில்லிபுத்தூர் காவல் துணைக் கண்காணிப்பாளர் பி.ராஜா முன்னிலை வகித்தார். குற்றப்பிரிவு காவல் ஆய்வாளர் ராமகிருஷ்ணன் வரவேற்றார்.
   நிகழ்ச்சியில் கோட்டத்தில் உள்ள காவல் துறையினருக்கு கோலப் போட்டி மற்றும் பல்வேறு விளையாட்டுப் போட்டிகள் நடத்தப்பட்டன. போட்டிகளில் வெற்றி பெற்றவர்களுக்கு மாவட்டக் காவல் கண்காணிப்பாளரின் துணைவியார் ஸ்ரீதேவி சுதா மகேஸ்வரி பரிசு வழங்கினார். 
   நிகழ்ச்சியில் மாவட்ட காவல் கண்காணிப்பாளர் எம்.ராஜராஜன் சிறப்புரையாற்றினார். பின்னர் காவல் நிலைய வளாகத்தில் பொங்கலிடப்பட்டது. காவல் துறையினர் மற்றும் அவர்களது குடும்பத்தினர் பல்வேறு கலை நிகழ்ச்சிகளை நடத்தினர். விழாவில் கூடுதல் காவல் கண்காணிப்பாளர்கள் முகமது அஸ்லாம், ஞானசிவக்குமார், ராஜபாளையம் காவல் துணைக் கண்காணிப்பாளர் என்.ரவிச்சந்திரன், சிவகாசி காவல் துணைக் கண்காணிப்பாளர் டி.பிரபாகரன் உள்ளிட்ட பலர் கலந்து கொண்டனர். நகர் காவல் ஆய்வாளர் பவுல் ஏசுதாஸ் நன்றி கூறினார்.
கல்வியியல் கல்லூரி:  ஸ்ரீவில்லிபுத்தூர் அருகேயுள்ள மல்லி, ஸ்ரீசுந்தரேஸ்வரி கல்வியியல் கல்லூரியில் சமத்துவ பொங்கல் விழா திங்கள்கிழமை, தாளாளர் திலீபன்ராஜா தலைமையில் நடைபெற்றது.
கல்லூரியின் மக்கள் தொடர்பு அலுவலர் செ.பாலகிருஷ்ணன் வரவேற்றார். மாணவிகள் 27 முளைப்பாரிகள் அமைத்து நடுவே அம்மன் சிலை வைத்து பக்தி பரவசத்துடன் கிராமிய பாடல்கள் பாடி கும்மியடித்தனர். 
  மேலும் பாரம்பரிய கலாசாரத்தை குறிக்கும் வகையில் கரகாட்டம், மயிலாட்டம், ஒயிலாட்டம், தப்பாட்டம் உள்ளிட்ட பல்வேறு கலை நிகழ்ச்சிகள் நடைபெற்றன. போட்டிகளில் வெற்றி பெற்றவர்களுக்குப் பரிசு வழங்கப்பட்டது. விழாவில் கல்லூரி மாணவ, மாணவியர், பெற்றோர் மற்றும் பொதுமக்கள் கலந்து கொண்டனர். பேராசிரியர் மோகன்ராஜ் நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/15/ஸ்ரீவில்லிபுத்தூரில்-காவல்துறை-சார்பில்-சமத்துவ-பொங்கல்-விழா-3077207.html
3077205 மதுரை விருதுநகர் ஏழாயிரம்பண்ணையில் சாலை ஓரத்தில் கொட்டப்படும்  குப்பைகளால் சுகாதாரக்கேடு DIN DIN Tuesday, January 15, 2019 07:38 AM +0530 சாத்தூர் அருகே உள்ள ஏழாயிரம்பண்ணையில் சாலை ஓரத்தில் கொட்டப்படும் குப்பைகளால் சுகாதாரக்கேடு ஏற்பட்டுள்ளது.
வெம்பக்கோட்டை ஒன்றியத்துக்குள்பட்ட ஏழாயிரம்பண்ணையில் சுமார் 5000-க்கும் மேற்பட்ட குடும்பத்தினர் வசித்து வருகின்றனர். ஏழாயிரம்பண்ணை, பழைய ஏழாயிரம் பண்ணை உள்ளிட்ட பகுதிகளில் இருக்கும் குப்பைகளை ஊராட்சி நிர்வாகம் மொத்தமாக, ரெட்டியபட்டி கிராமத்துக்குச் செல்லும் பிரதான சாலையின் ஓரத்தில் கொட்டி வைத்துள்ளனர். இந்த சாலையை கடந்து தான் ஏழாயிரம்பண்ணை அரசு ஆரம்ப சுகாதார நிலையம் மற்றும் ரெட்டியபட்டி உள்ளிட்ட பல்வேறு கிராமங்களுக்கும் செல்ல முடியும். மேலும் இந்த பகுதியில் குடியிருப்பும் உள்ளது. ஆனால் இந்த சாலை ஓரத்தில் குப்பைகள் மற்றும் மாமிச கழிவுகளை அதிகளவில் கொட்டுவதால், இந்த பகுதியில் சுகாதாரக்கேடு ஏற்பட்டு துர்நாற்றம் வீசுகிறது.  இதனால் நோய்பரவும் அபாயமும் ஏற்பட்டுள்ளது.
 இந்த பிரச்னை குறித்து ஊராட்சி நிர்வாகத்திடம் பொதுமக்கள் சார்பில் பல முறைதெரியப்படுத்தியும் இதுவரை எவ்வித நடவடிக்கையும் எடுக்கப்பட வில்லை. இதுபோன்று சாலை ஓரத்தில் கொட்டப்படும் குப்பைகள், காற்றுவீசும் நேரத்திலும், தீவைப்பதாலும்,இவ்வழியாக செல்லும் வாகனங்கள் அடிக்கடி விபத்தில் சிக்கிக் கொள்கின்றன. இதுகுறித்து ஊராட்சி நிர்வாகம் சார்பில் கிராமத்திற்கு வெளியில் காட்டுபகுதியில், குப்பைகிடங்கு அமைத்து தர நடவடிக்கை எடுக்க வேண்டும் என அப்பகுதியினர் வலியுறுத்தியுள்ளனர்.
இதுகுறித்து ஊராட்சி ஒன்றிய அதிகாரிகள் கூறுகையில் நடவடிக்கை எடுக்கப்படும் என்றனர்.

]]>
https://www.dinamani.com/all-editions/edition-madurai/virudhunagar/2019/jan/15/ஏழாயிரம்பண்ணையில்-சாலை-ஓரத்தில்-கொட்டப்படும்-குப்பைகளால்-சுகாதாரக்கேடு-3077205.html
3077204 மதுரை விருதுநகர் பாலவநத்தத்தில் சாலையை ஆக்கிரமித்து தானியங்களை பிரித்தெடுக்கும் விவசாயிகள் DIN DIN Tuesday, January 15, 2019 07:38 AM +0530 விருதுநகர் மாவட்டம் அருப்புக்கோட்டை வட்டம் பாலவநத்தம் கிராம விவசாயிகள் பிரதானச் சாலையை ஆக்கிரமித்து கதிர்களிலிருந்து தானியங்களைப் பிரித்தெடுக்க அவற்றை பரப்பி வைப்பதால் வாகனஓட்டிகள் கடும் அவதிக்கு ஆளாகின்றனர்.
 எனவே போக்குவரத்து போலீஸார் உரிய நடவடிக்கை எடுக்கக் கோரிக்கை விடுக்கப்பட்டுள்ளது.
 பாலவநத்தம் கிராமத்தில் விவசாயமும் கால்நடை வளர்ப்புமே முதன்மையான தொழிலாக உள்ளது. இங்குள்ள சுமார் ஆயிரம் ஏக்கருக்கும் மேலாக விவசாயிகள் கம்பு, வெள்ளைச்சோளம், மக்காச்சோளம், உளுந்து, பாசிப்பயறு உள்ளிட்ட பல்வேறு தானியங்களைப் பயிரிட்டுள்ளனர். இதன் அறுவடை முடிந்ததும் கதிர்களிலிருந்து தானியங்களைப் பிரிக்க வேண்டுமென்பதற்காக எளிய, செலவற்ற வழியாக நினைத்து சாலைகளில் தானியக்கதிர்களைப் பரப்பி வைக்கின்றனர். அப்போது அவ்வழியாக வரும் வாகனங்களின் சக்கரங்கள் தானியங்களின் மீது ஏறிச் செல்வதால் எளிதில்  தானியங்களைப் பிரிக்க முடிகிறதாம். இதனால் இருசக்கர வாகனத்தில் செல்வோர் விபத்தில் சிக்கிக் கொள்கின்றனர். இவ்விபத்துக்களில்  சில உயிரிழப்புகளும் நேர்வதுண்டு. 
  இதனால் சாலையின் ஒரு பக்கத்தில் மட்டும் தானியக்கதிர்களைப் பரப்பி வந்த விவசாயிகள் போக்குவரத்து போலீஸார் கண்டுகொள்ளாததால் அளவிற்கு மீறி மொத்தச்சாலையையும் ஆக்கிரமித்துவிட்டனர். தற்போது பாலநத்தம் கிராமத்திலிருந்து அருப்புக்கோட்டை செல்லும் சாலையில் சுமார் 2 கிலோமீட்டர் நெடுகிலும் 50-க்கும் மேற்பட்ட  விவசாயிகள் ஒரே நேரத்தில் சாலையை ஆக்கிரமித்து விடுகின்றனர். இதனால் அனைத்து வகையான வாகன ஓட்டிகளுமே கடும் அவதிக்கு ஆளாகின்றனர்.
 எனவே விவசாயிகள் முந்தைய காலம்போல மாடுகளைக் கட்டியோ, அல்லது டிராக்டர் வாகனங்கள் மூலமோ விவசாய களங்களுக்கு அருகிலேயே தானியங்களைப் பிரிக்க வேண்டுமென அறிவுறுத்த வேண்டுமென சமூகநல ஆர்வலர்கள் கோரிக்கை விடுத்தும் யாரும் கண்டு கொள்வதில்லை எனப் புகார் எழுந்துள்ளது.
 எனவே விபத்து அபாயத்தைத் தடுக்க போக்குவரத்து போலீஸார் பிரசானச் சாலையில் தானியங்களைப் பிரிக்கத்தடை விதித்து விவசாயிகளுக்கு  உரிய ஆலோசனை வழங்க வேண்டுமென சமூகநல ஆர்வலர்கள் மாவட்ட நிர்வாகத்திற்குக் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/15/பாலவநத்தத்தில்-சாலையை-ஆக்கிரமித்து-தானியங்களை-பிரித்தெடுக்கும்-விவசாயிகள்-3077204.html
3077203 மதுரை விருதுநகர் பந்தல்குடியில் சாலை ஆக்கிரமிப்புகளை அகற்றக் கோரிக்கை DIN DIN Tuesday, January 15, 2019 07:37 AM +0530 அருப்புக்கோட்டை வட்டம் பந்தல்குடியில் சாலை ஆக்கிரமிப்புகளை அகற்றக் கோரிக்கை விடுக்கப்பட்டுள்ளது.
  பந்தல்குடி ஊராட்சியில் சுமார் 5000க்கு மேற்பட்டோர் வசிக்கின்றனர். இக்கிராமத்தில் உள்ள பிரதானச் சாலையானது பல ஆண்டுகளுக்கு முன்வரை ஒரே சமயத்தில் இருபேருந்துகள் செல்லும் அளவிற்கு அதிக அகலம் கொண்டதாக இருந்து வந்தது. இதனிடையே  நாளடைவில் இச்சாலையில் எதிரெதிரே வரும் இரு பேருந்துகள் ஒன்றையொன்று கடந்து செல்வதற்கு சிரமம் ஏற்படும் அளவுக்குச் சுருங்கிவிட்டது. இதற்கு முக்கியக் காரணம் இச்சாலை நெடுகிலும் உள்ள வணிக வளாகத்தைச் சேர்ந்த கடைக்காரர்கள் ஆக்கிரமித்துக்  கடையை விரித்துள்ளனர். இதில் குறிப்பாக  பந்தல்குடியிலுள்ள மையப்பகுதி பேருந்து நிறுத்தத்தில் பேருந்திற்காக பொதுமக்கள் காத்திருக்க இடமில்லாமால் சாலை மீது ஏறி நிற்கின்றனர். இது வாகன ஓட்டிகளுக்குக் கடும் நெருக்கடியை ஏற்படுத்தியுள்ளதுடன் விபத்து அபாயமும் ஏற்பட்டுள்ளது. இதைப் போலீஸாரும் கண்டுகொள்ளவில்லையனப் புகார் எழுந்துள்ளது.
 இதே நிலை நீடித்தால் காலப்போக்கில் சாலை ஆக்கிரமிப்புகள் பன்மடங்கு பெருகி விபத்து அபாயமும் அதிகரித்து விடும் என சமூகநல ஆர்வர்கள் அச்சம் தெரிவிக்கின்றனர்.
 எனவே பந்தல்குடியின் பிரதானச் சாலை ஆக்கிரமிப்புகளை அகற்ற  காவல்துறையினர் விரைவில் உரிய நடவடிக்கை எடுக்கவேண்டும் என அவர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/15/பந்தல்குடியில்-சாலை-ஆக்கிரமிப்புகளை-அகற்றக்-கோரிக்கை-3077203.html
3077202 மதுரை விருதுநகர் விருதுநகரில் பொங்கலையொட்டி பூக்கள் விலை இருமடங்கு உயர்வு DIN DIN Tuesday, January 15, 2019 07:37 AM +0530 விருதுநகரில் பொங்கலையொட்டி மல்லிகை உள்ளிட்ட அனைத்து பூக்களின் விலையும் இருமடங்கு கூடுதல் விலைக்கு விற்பனை செய்யப்பட்டது. 
 பொங்கல் திருநாளை முன்னிட்டு கோயில்களில் பூஜை செய்வதற்கும், வீடுகளில் வழிபாடு நடத்துவதற்கும் பூக்கள் பயன்படுத்தப்படுகின்றன. இதன் காரணமாக விருதுநகரில் பொதுமக்கள், பூக்கள் மற்றும் பழங்கள், வாழை இலை வாங்குவதற்காக திங்கள்கிழமை வந்திருந்தனர். ஆனால், பொதுமக்கள் கூட்டம் காரணமாக வழக்கத்தை விட இருமடங்கு கூடுதல் விலைக்கு பூக்கள் விற்பனை செய்யப்பட்டன. 
பூக்கள் விலை (கிலோவில்) மல்லிகை- ரூ. 1600, பிச்சி- ரூ.1200, முல்லை- ரூ.1400, வெள்ளைப் பிச்சி- ரூ.1400, செவ்வந்தி- ரூ. 700 மற்றும் ரோஜா பூக்கள் விலையும் கூடுதல் விலைக்கு விற்கப்பட்டன. அதேபோல், வாழைப்பழங்கள், ஆப்பிள், கொய்யா போன்றவைகளும் கூடுதல் விலைக்கு விற்பனை செய்யப் பட்டன.

]]>
https://www.dinamani.com/all-editions/edition-madurai/virudhunagar/2019/jan/15/விருதுநகரில்-பொங்கலையொட்டி-பூக்கள்-விலை-இருமடங்கு-உயர்வு-3077202.html
3077201 மதுரை விருதுநகர் மகன் சாவுக்கு நடவடிக்கை எடுக்கக் கோரி விருதுநகர் எஸ்.பி. அலுவலக வளாகத்தில் பெற்றோர் தீக்குளிக்க முயற்சி DIN DIN Tuesday, January 15, 2019 07:37 AM +0530 விருதுநகரில் தற்கொலை செய்து கொண்ட மகன் சாவுக்கு காரணமான மருமகள், அவரது பெற்றோர் மீது நடவடிக்கை எடுக்கக் கோரி திண்டுக்கல் பகுதியை சேர்ந்த பெற்றோர் விருதுநகர் மாவட்ட காவல் கண்காணிப்பாளர் அலுவலக வாயிலில் திங்கள்கிழமை பெட்ரோல் ஊற்றி தற்கொலைக்கு முயன்றனர்.
   திண்டுக்கல் மாவட்டம் மேலக்கோயில்பட்டியைச் சேர்ந்தவர் ஓய்வு பெற்ற ராணுவ வீரர் சின்னச்சாமி, ஜெயலட்சுமி தம்பதியினர். இவர்களுக்கு இரண்டு மகன்கள் உள்ளனர். அதில், மூத்த மகன் சென்னையில் பணியாற்றி வருகிறார். திருமணமான இரண்டாவது மகனான சுனில்குமார் (26) விருதுநகர் லட்சுமி நகரில் தனியார் நிதி நிறுவனத்தில் பணி புரிந்து வந்தார். இவருக்கும், அவரது மனைவி லோகேஸ்வரிக்கும் பிரச்னை ஏற்பட்டதால், அவர் பெற்றோர் வீட்டிற்கு சென்று விட்டதாக  கூறப்படுகிறது. இந்நிலையில், கடந்தாண்டு மார்ச் மாதம் சுனில்குமார் வீட்டில் தற்கொலை செய்து கொண்டார். இது குறித்து பாண்டியன் நகர் போலீஸார் வழக்குப் பதிவு செய்தனர்.         இந்நிலையில் தனது மகன் சாவுக்கு மருமகள் மற்றும் அவரது பெற்றோர் தான் காரணம். இது குறித்து விசாரணை நடத்த வேண்டும் என சுனில்குமாரின் பெற்றோர், பாண்டியன் நகர் காவல் நிலையத்தில் புகார் மனு அளித்தனர். ஆனால், போலீஸாரோ அது குறித்து எவ்வித நடவடிக்கையும் எடுக்காமல் அவர்களை பலமுறை அலைக்கழித்ததாக கூறப்படுகிறது.
   இதனால், மனமுடைந்த சின்னச்சாமி ஜெயலட்சுமி இருவரும் திங்கள்கிழமை மனு கொடுப்பதற்காக விருதுநகர் மாவட்ட காவல் கண்காணிப்பாளர் அலுவலகத்திற்கு வந்தனர். அப்போது அலுவலக வாயிலில் திடீரென தங்களது உடலில் பெட்ரோலை ஊற்றி தீக்குளித்து தற்கொலை செய்ய முயன்றனர். இதைக்கண்ட அங்கு பாதுகாப்பு பணியில் ஈடுபட்டிருந்த போலீஸார், அவர்களை தடுத்து சூலக்கரை காவல் நிலையத்துக்கு அனுப்பி வைத்தனர். மேலும், தற்கொலைக்கு முயன்ற இரண்டு பேர் மீதும் சூலக்கரை போலீஸார் வழக்கு பதிந்து விசாரணை மேற்கொண்டு வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/15/மகன்-சாவுக்கு-நடவடிக்கை-எடுக்கக்-கோரி-விருதுநகர்-எஸ்பி-அலுவலக-வளாகத்தில்-பெற்றோர்-தீக்குளிக்க-முயற-3077201.html
3077200 மதுரை விருதுநகர் பன்னாட்டு ஜவுளிக் கண்காட்சி: ராஜபாளையத்தில் ஆயத்தக் கூட்டம் DIN DIN Tuesday, January 15, 2019 07:37 AM +0530 கோவையில் தமிழக அரசின் கைத்தறி மற்றும் ஜவுளித் துறை மூலம் நடைபெற உள்ள பன்னாட்டு ஜவுளிக் கண்காட்சி குறித்து விருதுநகர் மாவட்டம், ராஜபாளையத்தில் முன்னோட்ட ஆயத்தக் கூட்டம் ஞாயிற்றுக்கிழமை நடைபெற்றது.
 கோவையில் ஜனவரி 27 ஆம் தேதி முதல் 29 ஆம் தேதி வரை பன்னாட்டு ஜவுளி கண்காட்சி நடைபெற உள்ளது. தமிழக அரசின் கைத்தறி மற்றும் ஜவுளித் துறை மூலம் 9 ஆயிரம் சதுர மீட்டர் பரப்பளவில் 500 க்கும் மேற்பட்ட அரங்கங்களில் நூற்பு, நெசவு, பின்னலாடை, ஆயத்த ஆடை, தொழில்நுட்ப ஜவுளி, பட்டு, காதி மற்றும் கைவினைப் பொருள்கள் உள்ளிட்ட ஜவுளித் தொழிலின் அனைத்துப் பிரிவுகளிலும் கண்காட்சி நடைபெற உள்ளது.
இக்கண்காட்சியில் தமிழகம் முழுவதிலும் உள்ள பிரசித்தி பெற்ற ஜவுளி தொழில் நிறுவனங்கள் பங்கேற்று, நூல் முதல் துணி ரகங்கள் வரை காட்சிப் படுத்தவும், உள் நாடு மட்டுமல்லாமல் வெளிநாட்டில் இருந்து வாங்குவோர் கலந்து கொள்ளவும் திட்டமிடப் பட்டுள்ளது. 
தமிழகம் முழுவதிலும் ஜவுளி உற்பத்தியில் ஈடுபட்டுள்ள லட்சக்கணக்கான மக்களை இக் கண்காட்சியில் கலந்து கொள்ள வலியுறுத்தி ராஜபாளையத்தில் முன்னோட்ட ஆயத்த கூட்டம் நடைபெற்றது.
காமராஜர் நகரில் உள்ள வியாபார சங்கத்தில் நடைபெற்ற இந்த கூட்டத்தில் ராஜபாளையம்,  சத்திரப்பட்டி, அருப்புக்கோட்டை, சங்கரன்கோயில் பகுதிகளைச் சேர்ந்த மருத்துவ துணி ஏற்றுமதியாளர்கள், நூற்பாலை அதிபர்கள், விசைத்தறி உரிமையாளர்கள், ஜவுளி தொழிலின் அனைத்து உள்பிரிவு சங்கத்தை சேர்ந்தவர்கள், தொழில் முனைவோர் என 40-க்கும் மேற்பட்டோர் கலந்து கொண்டனர்.
இவர்களுக்கு இந்த கண்காட்சியின் முக்கியத்துவம் குறித்து காணொலி காட்சி மூலம் விளக்கப்பட்டது. பின்னர் கைத்தறி மற்றும் துணி நூல் துறையின் இணை இயக்குநர் மகாலிங்கம் இக்கண்காட்சி குறித்து விளக்கமாக பேசினார்.
மருத்துவ துணிக்கு ஜி.எஸ்.டி யில் இருந்து விலக்கு அளிக்க வேண்டும்.
 அண்டை மாநிலங்களில் அளிப்பது போன்று ஜவுளி தொழிலுக்கு குறிப்பிட்ட சதவிகிதம் மின்சார மானியம் வழங்க வேண்டும். 
தொழிலாளர் பற்றாக்குறையைப் போக்க அரசு நடவடிக்கை எடுக்க வேண்டும். ஜவுளி தொழில் சட்டத்தில் தற்போதுள்ள நடைமுறைக்கு ஏற்ப சில மாற்றங்கள் செய்ய வேண்டும் என்பன உள்ளிட்ட பல்வேறு கோரிக்கைகளை நிறைவேற்ற அரசு தகுந்த நடவடிக்கை எடுக்க வேண்டும் என உற்பத்தியாளர்கள் தரப்பில் இருந்து அதிகாரிகளிடம் கேட்டுக் கொள்ளப்பட்டது.

]]>
https://www.dinamani.com/all-editions/edition-madurai/virudhunagar/2019/jan/15/பன்னாட்டு-ஜவுளிக்-கண்காட்சி-ராஜபாளையத்தில்-ஆயத்தக்-கூட்டம்-3077200.html
3077199 மதுரை விருதுநகர் விருதுநகர் மாவட்ட பட்டாசுத் தொழிலாளர்களுக்கு "கருப்பு பொங்கல்': பட்டாசு- தீப்பெட்டி தொழிலாளர் சங்கம் கருத்து DIN DIN Tuesday, January 15, 2019 07:36 AM +0530 விருதுநகர் மாவட்டத்தில் உள்ள 1,070 பட்டாசு ஆலைகளும் மூடப்பட்டுள்ளதால், வருமானம் இன்றி உள்ளதால் இந்த ஆண்டு பட்டாசுத் தொழிலாளர்களுக்கு கருப்பு பொங்கல் தான் என விருதுநகர் மாவட்ட பட்டாசு -தீப்பெட்டி தொழிலாளர் சங்கம் (சி.ஐ.டி.யூ) மாவட்டச் செயலர் பி.என்.தேவா கூறினார்.
இதுகுறித்து அவர் திங்கள்கிழமை கூறியதாவது: உச்சநீதி மன்றம் பசுமை பட்டாசுகளையே தயாரிக்க வேண்டும்  உத்தரவிட்டதையடுத்து, விருதுநகர் மாவட்டத்தில் உள்ள அனைத்துப் பட்டாசு ஆலைகளும் தீபாவளி பண்டிகை விடுமுறைக்கு மூடப்பட்ட ஆலைகள் திறக்கப்பட வில்லை. தொடர்ந்து மூடி ஆலை உரிமையாளர்கள் போராட்டம் நடத்தி வருகிறார்கள். சுமார் இரு மாதங்களுக்குமேலாக பட்டாசு ஆலைகள் மூடியுள்ளதால் தொழிலாளிகளின் வாழ்வாதாரம் மிகவும் பாதிக்கப்பட்டுள்ளது. 
பல தொழிலாளர்கள் மாற்று வேலைக்கு சென்றுவிட்டனர். பட்டாசு வேலை மட்டுமே தெரிந்த தொழிலாளர்கள் வட்டிக்கு கடன் வாங்கி குடும்பத்தை நடத்தி வருகிறார்கள். மருத்துவச் செலவு, பள்ளிச் செலவு உள்ளிட்டவைகளுக்கு வீட்டில் உள்ள பொருள்களை அடகுவைத்து செலவழித்து வருகிறார்கள். பட்டாசுத் தொழிலாளர்கள், பட்டாசு ஆலைக்குத் தேவையான பெட்டி தயாரிப்பவர்கள், குழாய் தயாரிப்பவர்கள், லேபிள் தயாரிக்கும் அப்செட் அச்சகங்கள், லேமினேசன், ஸ்கோயரிங் உள்ளிட்ட பல வேலையில் உள்ள தொழிலாளர்களும், வேலையில்லாமல் பாதிக்கப்பட்டுள்ளனர். விண்ணில் சென்று ஒளி சிந்தும் பட்டாசு தயாரிக்க காகித குழாய் வேண்டும். அந்த காகித குழாய்கள் தயாரிக்கும் ஆலைகள் அனைத்தும் மூடப்பட்டு ,தொழிலாளர்கள் பாதிக்கப்பட்டுள்ளார்கள். வழக்கு நீதி மன்றத்தில் உள்ளதால், ஆலையை திறக்க முடியாத சூழல் என உரிமையாளர்கள் கூறுகிறார்கள்.
இது குறித்து மத்திய, மாநில அரசுகள் நடவடிக்கை எடுக்கவேண்டும் என ஆலை உரிமையாளர்கள் , தமிழக முதல்வர் மற்றும் மத்திய அமைச்சர்களை நேரில் பல முறை சந்தித்து நிலைமையை எடுத்துக் கூறியுள்ளார்கள். எங்கள் அமைப்பு சார்பில் பல போராட்டங்கள் நடத்தப்பட்டன. வரும் 22 ஆம் தேதி உச்சநீதிமன்றத்தில் பட்டாசு தொடர்பான வழக்கு விசாரணைக்கு வர உள்ளது.
அப்போது நீதிமன்றம் நல்ல உத்தரவினை வழங்கும் என எதிர்பார்த்துக்கொண்டிருக்கிறோம்.
பட்டாசு ஆலைகள் மூடப்பட்டுள்ளதால் ,தொழிலாளர்களுக்கும் கடும் நெருக்கடி ஏற்பட்டுள்ளதால், இந்த ஆண்டு தைப்பொங்கல் விழா, தொழிலாளர்களுக்கு கருப்பு பொங்கலாக அமைந்துவிட்டது என்றார்.
 

]]>
https://www.dinamani.com/all-editions/edition-madurai/virudhunagar/2019/jan/15/விருதுநகர்-மாவட்ட-பட்டாசுத்-தொழிலாளர்களுக்கு-கருப்பு-பொங்கல்-பட்டாசு--தீப்பெட்டி-தொழிலாளர்-சங்கம்-3077199.html
3077198 மதுரை விருதுநகர் பணிகளில் அலட்சியம்: இரு ஊராட்சி செயலர்கள்  பணியிடை நீக்கம் DIN DIN Tuesday, January 15, 2019 07:32 AM +0530 ஸ்ரீவில்லிபுத்தூர் அருகே அடிப்படை பணிகளில் அலட்சியம் காட்டியதாக இரு ஊராட்சி செயலர்கள் திங்கள்கிழமை பணியிடை நீக்கம் செய்யப்பட்டனர்.
     ஜனவரி 9 ஆம் தேதி ஸ்ரீவில்லிபுத்தூர் அருகேயுள்ள கூமாப்பட்டியில் அரசின் பொங்கல் தொகுப்பு மற்றும் ரூ.1000 வழங்கும் விழா நடைபெற்றது. இதில் அமைச்சர் கே.டி.ராஜேந்திரபாலாஜி கலந்து கொண்டு பயனாளிகளுக்கு பொங்கல் தொகுப்பு வழங்கினார். 
     அப்போது அடிப்படை பணிகளில் அலட்சியம் மற்றும் விழாவுக்குத் தகுந்த ஏற்பாடுகளை கான்சாபுரம் ஊராட்சி செயலர் அய்யனார் மற்றும் ராமசாமியாபுரம் ஊராட்சி செயலர் மணி ஆகியோர் செய்யவில்லையாம். இதனையடுத்து மாவட்ட ஆட்சியர் அ.சிவஞானம் உத்தரவின்பேரில், வத்திராயிருப்பு வட்டார வளர்ச்சி அலுவலர் (கிராம ஊராட்சி) செல்வராஜ், இருவரையும் தற்காலிக பணியிடை நீக்கம் செய்து உத்தரவிட்டார்.
 

]]>
https://www.dinamani.com/all-editions/edition-madurai/virudhunagar/2019/jan/15/பணிகளில்-அலட்சியம்-இரு-ஊராட்சி-செயலர்கள்-பணியிடை-நீக்கம்-3077198.html
3077197 மதுரை விருதுநகர் சிவகாசி அருகே டீசல் டேங்க் வெடித்து ஒருவர் சாவு DIN DIN Tuesday, January 15, 2019 07:31 AM +0530 சிவகாசி அருகே திங்கள்கிழமை டீசல் டேங்க் வெடித்து சிதறியதில்  ஒருவர் உயிரிழந்தார்.
ஸ்ரீவில்லிபுத்தூர் வட்டம் நத்தம்பட்டியைச் சேர்ந்த அலெக்சாண்டர் மகன் செல்வக்குமார் (30). இவர் சிவகாசி- சாத்தூர் சாலையில் கோமதிபுரம் காலனியில் டிங்கர் ஒர்க்ஷாப் நடத்தி வந்தார். இந்நிலையில் தனது ஒர்க்ஷாப்புக்கு பழுது நீக்குவதற்காக வந்த ஒரு மினிலாரியில் உள்ள டீசல் டேங்கில், கசிவு ஏற்பட்டதாம். இதையடுத்து டீசல் டேங்க் பகுதியை தனியே கழற்றிக் கொண்டு, செல்வக்குமார் , சிவகாசி - சாத்தூர் சாலையில், பாரைப்பட்டி காவல் சோதனைச் சாவடி எதிரில் அலங்காநல்லூரைச் சேர்ந்த சிவசாமி (35) என்பவர் வைத்துள்ள வெல்டிங் பட்டறைக்கு சென்றார்.
 அப்போது செல்வக்குமார், அவரிடம் டீசல் டேங்கில் உள்ள கசிவினை நிறுத்த வெல்டிங் வைக்க வேண்டும் எனக்கூறினாரம். இதையடுத்து சிவசாமி அந்த டீசல் டேங்கில் வெல்டிக் வைத்துக் கொண்டிருந்தபோது, டேங்க் தீப் பிடித்து வெடித்து சிதறியது. இதில் அருகில் அமர்ந்திருந்த செல்வக்குமார் மீது தீ பரவியாதல், அவர் சம்பவ இடத்திலேயே உடல் கருகி உயிரிழந்தார். வெல்டிங் வைத்த சிவசாமி பலத்த தீக்காயமடைந்தார். இதையடுத்து சிவகாசி அரசு மருத்துவனையில் சிகிச்சை அளிக்கப்பட்டு, மேல் சிகிச்சைக்கு மதுரை அரசு மருத்துவமனையில் அவர் அனுமதிக்கப்பட்டுள்ளார். 
இதுகுறித்து சிவகாசி கிழக்குப்போலீஸார் வழக்குப்பதிவு செய்து விசாரணை நடத்தி வருகின்றனர்.
 

]]>
https://www.dinamani.com/all-editions/edition-madurai/virudhunagar/2019/jan/15/சிவகாசி-அருகே-டீசல்-டேங்க்-வெடித்து-ஒருவர்-சாவு-3077197.html
3077196 மதுரை விருதுநகர் திருச்சுழி பூமிநாதர் கோயில் முன் பயணிகள் நிழற்குடை அமைக்க வலியுறுத்தல் DIN DIN Tuesday, January 15, 2019 07:31 AM +0530 விருதுநகர் மாவட்டம் திருச்சுழியில் உள்ள பூமிநாதர் கோயில் முன்பாக பயணிகள் நிழற்குடை அமைக்க பக்தர்கள் கோரிக்கை விடுத்துள்ளனர்.
 திருச்சுழியில் உள்ள இக்கோயில் ராமேசுவரத்துக்கு இணையாக முன்னோர் வழிபாட்டிற்குப் புகழ்மிக்கதாகும்.
 இவ்வூரிலுள்ள குண்டாற்றில் முன்னோர்களுக்கு சமயச்சடங்குகள் செய்துவிட்டு பின்னர் பூமிநாதர் கோயிலில் பூஜை செய்வது அல்லது அர்ச்சகர் மூலம்  சொர்க்கதீபம் இடுவது இப்பகுதியைச் சுற்றியுள்ள  பல்வேறு மாவட்டங்களைச் சேர்ந்த பக்தகளின் வாடிக்கையாகும். 
  அவ்வாறு  இக்கோயிலுக்கு வரும் பக்தர்கள் மீண்டும் தங்கள் ஊருக்குச் செல்ல காத்திருந்து பேருந்தைப் பிடிக்கும் நிலை உள்ளது. ஆனால் இக்கோயில் முன்பாக பயணிகளுக்கான நிழற்குடை இல்லை. இதனால் பொதுமக்கள் மற்றும் பக்தர்கள் அவதியடைந்து வருகின்றனர்.
     இதனிடையே பக்தர்களின் நலன் கருதி இக்கோயில் முன்பாக பயணிகள் நிழற்குடை அமைக்க  பல ஆண்டுகளாக சமூக நல ஆர்வலர்கள் கோரிக்கை வைத்தும் எந்த  நடவடிக்கையும் எடுக்கப்பட வில்லையெனப் புகார் எழுந்துள்ளது. ஆகவே பூமிநாதர் கோயில் முன்பாக பயணிகள் நிழற்குடை அமைத்துத்தர விரைவில் உரிய  நடவடிக்கை வேண்டுமென மாவட்ட நிர்வாகத்திற்கு பக்தர்கள் சார்பில் சமூகநல ஆர்வலர்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/15/திருச்சுழி-பூமிநாதர்-கோயில்-முன்-பயணிகள்நிழற்குடை-அமைக்க-வலியுறுத்தல்-3077196.html
3077195 மதுரை விருதுநகர் பொங்கல் பண்டிகை: விருதுநகரில் பொருள்கள் வாங்க குவிந்த பொதுமக்கள் DIN DIN Tuesday, January 15, 2019 07:30 AM +0530 விருதுநகரில் பொங்கல் பொருள்கள் வாங்குவதற்காக தேசபந்து மைதானம், பஜார் பகுதிகளில் பொதுமக்கள் கூட்டத்தால் திங்கள்கிழமை போக்குவரத்து நெருக்கடி ஏற்பட்டது. 
 தைப் பொங்கல் விழா செவ்வாய்க்கிழமை கொண்டாடப்படுவதை ஒட்டி அனைத்து அரசு அலுவலகங்கள் மற்றும் தனியார் அலுவலகங்களுக்கு விடுமுறை அளிக்கப்பட்டுள்ளது. 
       இதன் காரணமாக வெளியூர்களில் வசிக்கும் பலர் சொந்த ஊருக்கு வந்துள்ளனர். விருதுநகரில் பொங்கல் திருநாளை முன்னிட்டு தேசபந்து மைதானம், பஜார், மதுரை சாலை, பழைய பேருந்து நிலைய பகுதிகளில் செங்கரும்பு, மஞ்சள் செடி, மாவிலை போன்ற பொருள்கள் விற்பனைக்காக தற்காலிக கடைகள் ஏராளமாக அமைக்கப்பட்டிருந்தன. அதில், ஒரு கரும்பு கட்டு (15 எண்ணம்) ரூ. 450 முதல் ரூ. 500 வரை விற்பனை செய்யப் பட்டது. அதே  போல், இரண்டு மஞ்சள்செடி ரூ. 50 க்கும், மாவிலை செடி ரூ.10 க்கும் விற்கப்பட்டது. மேலும், பொங்கலுக்கு தேவையான பச்சரிசி, வெல்லம், முந்திரி பருப்பு உள்ளிட்ட பொருள்கள் வாங்குவதற்காக பொது மக்கள் கூட்டம் அதி கமாக இருந்தது. குறிப்பாக பஜார் பகுதியில் எந்த வாகனமும் செல்ல முடியாத அளவுக்கு போக்குவரத்து நெருக்கடி ஏற்பட்டது. இதன் காரணமாக ஏராளமான போலீஸார் பாதுகாப்பு பணியில் ஈடுபடுத்தப்பட்டிருந்தனர்.

]]>
https://www.dinamani.com/all-editions/edition-madurai/virudhunagar/2019/jan/15/பொங்கல்-பண்டிகை-விருதுநகரில்-பொருள்கள்-வாங்க-குவிந்த-பொதுமக்கள்-3077195.html
3076663 மதுரை விருதுநகர் சாத்தூர் அருகே கைப்பந்துப் போட்டி DIN DIN Monday, January 14, 2019 07:47 AM +0530 நேதாஜி இளைஞர் மன்றம் சார்பில்,  சாத்தூர் அருகே ரெட்டியபட்டியில் கைப்பந்து போட்டி சனிக்கிழமை நடைபெற்றது.
ரெட்டியபட்டி கிராமத்தில் நடைபெற்ற இப்போட்டியை, மாவட்ட இளைஞர் நலன் மற்றும் விளையாட்டு அலுவலர் ஜெயக்குமார் ராஜா தொடக்கி வைத்தார். இதில், சாத்தூர், ரெட்டியபட்டி, தூத்துக்குடி, மதுரை, திருச்சி, விருதுநகர், கல்லமநாயக்கன்பட்டி, படந்தபுளி, ராஜபாளையம் உள்ளிட்ட 16-க்கும் மேற்பட்ட இடங்களிலிருந்து ஏராளமான அணிகள் கலந்துகொண்டன. 
சனிக்கிழமை காலை முதல் இரவு வரை நடைபெற்ற இப்போட்டியில், கல்லமநாயக்கன்பட்டி அணியினர் முதல் பரிசையும், படந்தபுளி அணியினர் இரண்டாம் பரிசையும், ராஜபாளையம் அணியினர் மூன்றாம் பரிசையும் வென்றனர்.
நிகழ்ச்சியில், தொழிலதிபர் சிவக்குமார், கரிசல்பட்டி முன்னாள் ஊராட்சி மன்றத் தலைவர் செந்தில், சூரங்குடி உடற்கல்வி ஆசிரியர் செந்தூர்பாண்டியன், ரெட்டியபட்டி வழக்குரைஞர் மாரிமுத்து உள்பட ஏராளமானோர் கலந்துகொண்டனர்.
 

]]>
https://www.dinamani.com/all-editions/edition-madurai/virudhunagar/2019/jan/14/சாத்தூர்-அருகே-கைப்பந்துப்-போட்டி-3076663.html
3076662 மதுரை விருதுநகர் ஆற்றில் குளிக்கச் சென்ற மாணவர் தண்ணீரில் மூழ்கி சாவு DIN DIN Monday, January 14, 2019 07:47 AM +0530 சாத்தூர் அருகே வைப்பாற்றில் குளிக்கச் சென்ற பிளஸ்1 மாணவர், தண்ணீரில் மூழ்கி உயிரிழந்தார்.
 சாத்தூர் அருகே ஒ.மேட்டுபட்டியைச் சேர்ந்தவர் சுப்புராஜ் (16). இந்தப் பகுதியில் உள்ள அரசு மேல்நிலைப் பள்ளியில் பிளஸ் 1 படித்து வந்தார்.
இந்நிலையில், ஞாயிற்றுக்கிழமை மதியம் சங்கரநத்தம் அருகே உள்ள வைப்பாற்று பகுதியில் தனது நண்பருடன் குளிக்கச் சென்றுள்ளார்.
அப்போது, ஆற்றில் தேங்கியிருந்த தண்ணீரில் சுப்புராஜ் மூழ்கினார். உடனே, நண்பர்கள் சாத்தூர் தீயணைப்புத் துறையினருக்கு தகவல் தெரிவித்தனர். சம்பவ இடத்துக்கு வந்த தீயணைப்புத் துறையினர் தண்ணீரில் மூழ்கிக்கிடந்த சுப்புராஜின் சடலத்தை மீட்டு, சாத்தூர் அரசு மருத்துவமனைக்கு அனுப்பி வைத்தனர். 
இது குறித்து சாத்தூர் நகர் போலீஸார் வழக்குப் பதிவு செய்து விசாரணை நடத்தி வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/14/ஆற்றில்-குளிக்கச்-சென்ற-மாணவர்-தண்ணீரில்-மூழ்கி-சாவு-3076662.html
3076661 மதுரை விருதுநகர் பைக் மீது மினி லாரி மோதி வியாபாரி சாவு DIN DIN Monday, January 14, 2019 07:47 AM +0530 சிவகாசியில் ஞாயிற்றுக்கிழமை இரு சக்கர வாகனத்தின் மீது மினி லாரி மோதியதில், வியாபாரி  உயிரிழந்தார்.
சிவகாசி அண்ணாவி தோட்டம் தெற்குத் தெருவைச் சேர்ந்தவர் மீன்ராஜன். இவரது மகன் கண்ணன் (48). தந்தை மகன்  இருவரும், சிவகாசி சிவன் சன்னதி பகுதியில் தின்பண்டங்கள் வியாபாரம் செய்து வருகின்றனர். இந்நிலையில், வியாபாரத்துக்காக ஸ்ரீவில்லிபுத்தூரில் பால்கோவா வாங்கி வர கண்ணன் தனது இரு சக்கர வாகனத்தில் சென்றுள்ளார்.
அவர், சிவகாசி-ஸ்ரீவில்லிபுத்தூர் சாலையில் பிள்ளையார் கோயில் பேருந்து நிறுத்தம் அருகே சென்றுகொண்டிருந்தபோது, பின்புறமாக வந்த மினி லாரி மோதியது. இதில், கண்ணன் சம்பவ இடத்திலேயே உயிரிழந்தார். இது குறித்து சிவகாசி நகர் போலீஸார் வழக்குப் பதிவு செய்து, லாரி ஓட்டுநரைக் கைது செய்து விசாரித்து 
வருகின்றனர்.

]]>
https://www.dinamani.com/all-editions/edition-madurai/virudhunagar/2019/jan/14/பைக்-மீது-மினி-லாரி-மோதி-வியாபாரி-சாவு-3076661.html
3076660 மதுரை விருதுநகர் உலக நன்மை வேண்டி சிவனடியார்கள் சிறப்பு வழிபாடு DIN DIN Monday, January 14, 2019 07:46 AM +0530 விருதுநகர் மாவட்டம், அருப்புக்கோட்டை அருகே பாளையம்பட்டியில் உள்ள கேட்ட வரம் தரும் முத்துமாரியம்மன் கோயிலில் உலக நன்மை வேண்டி, சதுரகிரி மலைவாழ் 45 சிவனடியார்கள் முன்னிலையில் சிறப்பு சிவ வழிபாடு சனிக்கிழமை இரவு நடைபெற்றது.
இக் கோயில் வளாகத்தில் 45 சிவனடியார்களும், உலக நன்மை வேண்டி சங்கு நாதம், மணியோசை முழங்க தமிழ் வழிபாட்டுப் பாடல்களால் சிவ வழிபாடு நடத்தினர். பின்னர், சிவபெருமானின் அருளால் மழை வளம், விவசாய வளம் ஓங்கி, மக்கள் மகிழ்வுடன் வாழ சிவனடியார்கள் வேண்டினர். 
இந்நிகழ்ச்சியை ஒருங்கிணைத்த திருச்சுழி அருகே தென்பாலை கிராமத்திலுள்ள வெள்ளியம்பலநாதர் சிவன் கோயில் பூசாரி ராஜபாண்டி கூறியதாவது: இந்நிகழ்ச்சியில் பங்கேற்ற சதுரகிரி மலைவாழ் 45 சிவனடியார்கள், புரட்டாசி விஜயதசமியன்று தொடங்கி தை அமாவாசை முடிய சதுரகிரி மலையைச் சுற்றிலுமுள்ள பல்வேறு சிவ ஸ்தலங்களுக்கும் சென்று சிறப்பு சிவ வழிபாடு நடத்துவதுடன், சிவ பக்தர்களின் வேண்டுகோளுக்கிணங்க குறிப்பிட்ட சில கோயில்களில் உலக நன்மை வேண்டி சிறப்பு சிவ வழிபாடு நடத்துவர் என்றார்.
இதில், பாளையம்பட்டி, அருப்புக்கோட்டை, திருச்சுழி உள்ளிட்ட பல ஊர்களிலிருந்தும் ஏராளமான மக்கள் பங்கேற்று வழிபட்டனர்.

]]>
https://www.dinamani.com/all-editions/edition-madurai/virudhunagar/2019/jan/14/உலக-நன்மை-வேண்டி-சிவனடியார்கள்-சிறப்பு-வழிபாடு-3076660.html
3076659 மதுரை விருதுநகர் அருப்புக்கோட்டையில் திமுக சார்பில் கிராம சபைக் கூட்டம் DIN DIN Monday, January 14, 2019 07:46 AM +0530 விருதுநகர் மாவட்டம், அருப்புக்கோட்டை ஊராட்சி ஒன்றியத்திலுள்ள ராமானுஜபுரம், கோவிலாங்குளம், கட்டங்குடி, புலியூரான் ஆகிய கிராமங்களில் திமுக சார்பில் கிராம சபைக் கூட்டம் சனிக்கிழமை நடைபெற்றது.
இந்த கிராம சபைக் கூட்டங்களுக்கு, அருப்புக்கோட்டை சட்டப்பேரவை உறுப்பினர் கே.கே.எஸ்.எஸ்.ஆர். ராமச்சந்திரன் தலைமை வகித்தார். இவர், ராமானுஜபுரம், கோவிலாங்குளம், கட்டங்குடி, புலியூரான் ஆகிய கிராமங்களில்  சனிக்கிழமை மாலை தொடங்கி இரவு வரை சென்று பேசினார். அதில் அவர் கூறியதாவது: 
திமுக தலைவர் மு.க. ஸ்டாலின் உத்தரவுப்படி நடத்தப்பட்டு வரும் இந்த கிராம சபைக் கூட்டங்களில், பெண்களுக்கான நலத்திட்டங்கள் குறித்து விளக்கங்களும், அதில் உள்ள குறைகள், சந்தேகங்களையும் நிவர்த்தி செய்து வருகிறோம். எனவே, விவசாயிகளும், பொதுமக்களும் தங்களின் குறைகளைத் தெரிவித்து, உரிய தீர்வு பெறலாம் என்றார். 
அதையடுத்து, அந்தந்த கிராமங்களில் பொதுமக்களுடன் கலந்துரையாடினார். இந்நிகழ்ச்சியில், அருப்புக்கோட்டை ஊராட்சி ஒன்றிய முன்னாள் தலைவர் கே.கே.எஸ்.வி.டி. சுப்பாராஜ் உள்பட திமுக கட்சி நிர்வாகிகளும், கிராம மக்களும் கலந்துகொண்டனர்.

]]>
https://www.dinamani.com/all-editions/edition-madurai/virudhunagar/2019/jan/14/அருப்புக்கோட்டையில்-திமுக-சார்பில்-கிராம-சபைக்-கூட்டம்-3076659.html
3076658 மதுரை விருதுநகர் பட்டாசு ஆலையை திறக்க வலியுறுத்தி ஜன.19, 20-தேதிகளில் 100 இடங்களில் கஞ்சித் தொட்டி திறப்பு போராட்டம் DIN DIN Monday, January 14, 2019 07:46 AM +0530 விருதுநகர் மாவட்டத்தில் மூடப்பட்டுள்ள  பட்டாசு ஆலைகளைத் திறக்க வலியுறுத்தி, மாவட்டத்தில் 100 இடங்களில் ஜனவரி 19, 20 ஆகிய தேதிகளில் கஞ்சித் தொட்டி திறக்கப்படும் எனத் தெரிவிக்கப்பட்டுள்ளது. 
இது குறித்து  விருதுநகர் மாவட்ட பட்டாசு மற்றும் தீப்பெட்டி தொழிற் சங்கம் (சிஐடியூ) சார்பில், அதன் மாவட்டத் தலைவர் எம். மகாலட்சுமி ஞாயிற்றுக்கிழமை வெளியிட்டுள்ள அறிக்கை: 
பட்டாசுகளில் பேரியம் நைட்ரேட் பயன்படுத்தக் கூடாது, சரவெடி  தயாரிக்கக் கூடாது என்பன உள்ளிட்ட நிபந்தனைகளை உச்ச நீதிமன்றம் விதித்ததை அடுத்து, விருதுநகர் மாவட்டத்தில் உள்ள 1,070 பட்டாசு ஆலைகளும் மூடப்பட்டுள்ளன. 2 மாதத்துக்கும் மேலாக பட்டாசு ஆலைகள் மூடப்பட்டுள்ளதால், தொழிலாளர்கள் வாழ்வாதாரமின்றி பரிதவித்து வருகின்றனர். 
எனவே, பட்டாசுத் தொழிலையும், தொழிலாளர்களையும் மத்திய-மாநில அரசுகள் பாதுகாக்க வேண்டும் என்பதை வலியுறுத்தி, நவம்பர் 25 முதல் 28 ஆம் தேதி வரை கையெழுத்து இயக்கமும், டிசம்பர் 2 மற்றும் 4 ஆகிய தேதிகளில் விழிப்புணர்வு நடைப்பயணமும், டிசம்பர் 11 இல் விருதுநகரில் மாவட்ட ஆட்சியரிடம் மனு அளிக்கும் ஊர்வலமும், டிசம்பர் 18 இல் தொழிலாளர்களின் வீடுகளில் கருப்புக் கொடியேற்றி போராட்டமும், டிசம்பர் 21 இல் மாவட்ட ஆட்சியரிடம் மனு அளிக்கும் பெருந்திரள் போராட்டமும், ஜனவரி 3 ஆம் தேதி பட்டினிப் போராட்டமும், ஜனவரி 9 ஆம் தேதி சாலை மறியல் உள்ளிட்ட போராட்டங்களும் நடத்தப்பட்டுள்ளன.
ஆனால், வழக்கு நிலுவையில் உள்ளதாகக் காரணம் கூறி, மத்திய-மாநில அரசுகள் பட்டாசு ஆலையை திறக்க நடவடிக்கை எடுக்கவில்லை. எனவே, விருதுநகர் மாவட்டத்தில் மூடப்பட்டுள்ள பட்டாசு ஆலைகளைத் திறக்க மத்திய-மாநில அரசுகள் உடனடியாக நடவடிக்கை எடுக்கவேண்டும். 
வேலை இழந்துள்ள தொழிலாளர்களுக்கு நிவாரணம் வழங்க வேண்டும். பட்டாசுத் தொழிலை சுற்றுச்சூழல் பாதுகாப்பு விதிகளிலிருந்து நீக்கவேண்டும் என்பன உள்ளிட்ட கோரிக்கைகளை வலியுறுத்தி, மாவட்டத்தில் 100 இடங்களில் ஜனவரி 19, 20 ஆகிய தேதிகளில் கஞ்சித் தொட்டி திறக்கப்படும். இதில் ஏராளமான தொழிலாளர்கள் கலந்துகொள்ள உள்ளனர் எனத் தெரிவித்துள்ளார்.

]]>
https://www.dinamani.com/all-editions/edition-madurai/virudhunagar/2019/jan/14/பட்டாசு-ஆலையை-திறக்க-வலியுறுத்தி-ஜன19-20-தேதிகளில்-100-இடங்களில்-கஞ்சித்-தொட்டி-திறப்பு-போராட்டம்-3076658.html
3076657 மதுரை விருதுநகர் தேனியில் காவலர் - பொதுமக்கள் நல்லுறவு மாரத்தான் ஓட்டப் போட்டி DIN DIN Monday, January 14, 2019 07:45 AM +0530 தேனியில் மாவட்ட காவல் துறை நிர்வாகம் சார்பில் ஞாயிற்றுக்கிழமை காவலர்-பொதுமக்கள் நல்லுறவு விளையாட்டுப் போட்டி மற்றும் மாரத்தான் ஓட்டப் போட்டி நடைபெற்றது.
தேனி மாவட்ட காவல் கண்காணிப்பாளர் அலுவலகத்தில் தொடங்கிய மாரத்தான் ஓட்டப் போட்டியில் மொத்தம் 350 காவலர்கள் மற்றும் பொதுமக்கள் கலந்து கொண்டனர். புதிய பேருந்து நிலையம், அன்னஞ்சி விலக்கு, பெரியகுளம் சாலை, நேருசிலை, பங்களாமேடு, அரண்மனைபுதூர் விலக்கு வழியாக மாவட்ட காவல் கண்காணிப்பாளர் அலுவலகம் வரை ஓட்டப் போட்டி நடைபெற்றது.
 இதில், தேனியைச் சேர்ந்த எஸ்.சூரியா, கூடலூர் வடக்கு காவல் நிலைய முதுநிலை காவலர் சூரியபிரபா ஆகியோர் முதலிடம் பெற்றனர். தேனியைச் சேர்ந்த இ.செல்வப்பிரகாஷ், தேனி ஆயுதப் படை காவலர் இருளம்மாள் ஆகியோர் 2 ஆம் இடம், பூதிப்புரத்தைச் சேர்ந்த எஸ்.நாகராஜ், தேனி ஆயுதப் படைப் பிரிவு காவலர் மகேஸ்வரி ஆகியோர் 3ஆம் இடம் பெற்றனர்.
தேனி ஆயுதப் படை மைதானத்தில் நடைபெற்ற  கையுந்து பந்து போட்டியில் தேனி பாலசங்கா ஆலை அணி முதலிடமும், மாவட்ட ஆயுதப் படை அணி 2ஆம் இடமும், கம்பம் சி.பி.யு. மேல்நிலைப் பள்ளி அணி 3ஆம் இடம் பெற்றனர். கூடைப்பந்து போட்டியில் பெரியகுளம் கிளப் அணி முதலிடமும், மாவட்ட ஆயுதப் படை அணி 2ஆம் இடமும், பெரியகுளம் காவல் உள்கோட்ட அணி 3ஆம் இடமும் பெற்றனர். இறகுப் பந்து போட்டியில் தேனி பொதுமக்கள் அணி முதலிடமும், தேனி ஆயுதப் படை அணி 2ஆம் இடமும், தேனி காவல் நிலையம் மற்றும் பொதுமக்கள் அணி 3ஆம் இடமும் பெற்றனர். வெற்றி பெற்ற வீரர்கள் மற்றும் அணிகளுக்கு மாவட்ட காவல் கண்காணிப்பாளர் வீ.பாஸ்கரன் பரிசு மற்றும் பாராட்டுச் சான்றிதழ்களை வழங்கினார்.

]]>
https://www.dinamani.com/all-editions/edition-madurai/virudhunagar/2019/jan/14/தேனியில்-காவலர்---பொதுமக்கள்-நல்லுறவு-மாரத்தான்-ஓட்டப்-போட்டி-3076657.html
3076656 மதுரை விருதுநகர் சிவகாசி அருகே மாயமான சிறுவன் சடலமாக மீட்பு DIN DIN Monday, January 14, 2019 07:45 AM +0530 சிவகாசி அருகே காணாமல்போன சிறுவன், ஞாயிற்றுக்கிழமை  ஒரு மரத்தில் தூக்கிட்டு இறந்த நிலையில் சடலமாக மீட்கப்பட்டான்.
சிவகாசி அருகே எம்.புதுப்பட்டி வடக்குத் தெருவைச் சேர்ந்த செல்வம் மகன் கூடலிங்கம் (17). மாடு மேய்த்து வந்த இச்சிறுவன், கடந்த மாதம் 15 ஆம் தேதி முதல் காணவில்லையாம். இது குறித்து அவரது தந்தை செல்வம் காவல் நிலையத்தில் புகார் தெரிவித்திருந்தார். அதன்பேரில், எம்.புதுப்பட்டி போலீஸார் வழக்குப் பதிவு செய்து விசாரணை நடத்தி வந்தனர். இந்நிலையில், எம்.புதுப்பட்டி-வடபட்டி செல்லும் காட்டுப் பாதையில் உள்ள ஒரு மரத்தில் கூடலிங்கம் தூக்கிட்ட நிலையில் இறந்து கிடந்துள்ளார். மரத்தின் கீழே அவர் பயன்படுத்திய மொபட்டும் இருந்துள்ளது. 
இதையடுத்து, சடலத்தைக் கைப்பற்றிய போலீஸார், வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-madurai/virudhunagar/2019/jan/14/சிவகாசி-அருகே-மாயமான-சிறுவன்-சடலமாக-மீட்பு-3076656.html
3076655 மதுரை விருதுநகர் விருதுநகரில் 500 கலைஞர்கள் பங்கேற்ற இசைக் கலை விழா DIN DIN Monday, January 14, 2019 07:45 AM +0530 விருதுநகரில், திறமைகளை வெளிப்படுத்தும் வகையில் பல்வேறு கலைஞர்கள் 500 பேர் கலந்துகொண்ட இசைக் கலை விழா சனிக்கிழமை நடைபெற்றது. 
விருதுநகர் அல்லம்பட்டி சந்திப்பு சாலையில் உள்ள தனியார் அரங்கில், தமிழ்நாடு நாடகம் மற்றும் நாட்டுப்புறக் கலைஞர்கள் மாநில சங்கத்தினர், தவில் கலையில் உலக சாதனையாளர் விருது பெற்ற ராமசாமி ஆகியோர் இணைந்து, இசைக் கலை விழாவை நடத்தினர். 
இதில், மங்கல இசை, தெம்மாங்கு பாடல், கரகாட்டம், பரதநாட்டியம், காவடி ஆட்டம், நாட்டுப்புற நடனம், சிறப்பு நாதஸ்வர கச்சேரி உள்ளிட்ட பல்வேறு கலை நிகழ்ச்சிகள் நடைபெற்றன.
இந்த நிகழ்ச்சியில், தமிழகம் முழுவதும் பல்வேறு மாவட்டங்களிலிருந்து சுமார் 500 கலைஞர்கள் கலந்துகொண்டனர். 
இவர்கள் தங்களது திறமைகளை வெளிப்படுத்தும் வகையில், தங்களுக்கான கலை நிகழ்ச்சிகளை நடத்தினர்.
மேலும், கலைஞர்களின் திறமைகளை காணும் பொதுமக்கள், அவர்களது வாழ்வாதாரத்துக்கு வழிவகை செய்யவேண்டும் என்ற நோக்கில் இந்த நிகழ்ச்சியை நடத்துவதாக ஏற்பாட்டாளர்கள் தெரிவித்தனர்.
இதில் கலந்துகொண்ட அனைத்து கலைஞர்களுக்கும் நினைவுப் பரிசு மற்றும் சான்றிதழ் வழங்கப்பட்டது. நிகழ்ச்சியை ஏராளமான பொதுமக்கள் கண்டு ரசித்தனர்.

]]>
https://www.dinamani.com/all-editions/edition-madurai/virudhunagar/2019/jan/14/விருதுநகரில்-500-கலைஞர்கள்-பங்கேற்ற-இசைக்-கலை-விழா-3076655.html
3076654 மதுரை விருதுநகர் ஸ்ரீவிலி. அருகே சிறுத்தை நடமாட்டம் விவசாயிகள் அச்சம் DIN DIN Monday, January 14, 2019 07:44 AM +0530 ஸ்ரீவில்லிபுத்தூர் அருகே விளைநிலப் பகுதியில் சிறுத்தை நடமாட்டம் உள்ளதாக, அப்பகுதி விவசாயிகள் அச்சத்தில் உள்ளனர். 
     ஸ்ரீவில்லிபுத்தூர் அருகே வன்னியம்பட்டி காவல் நிலையப் பகுதியிலுள்ள வேலங்குளம் கண்மாய், ஓடைக்குளம் கண்மாய் புறத்தோப்பு, கருக்கு தோப்பு, கலிங்கலடி கருப்பசாமி கோயிலுக்கு அருகேயுள்ள பெரியகுளம் கண்மாயின் கால்வாய்ப் பகுதிகளில் கடந்த மாதம் முதல் சிறுத்தையின் நடமாட்டம் இருப்பதாகக் கூறப்படுகிறது.
     இந்நிலையில், 2 நாள்களுக்கு முன் இனாம்கரிசல்குளத்தைச் சேர்ந்த வைத்தியப்ப நாடார் என்பவர், தனது வாழைத் தோட்டத்துக்கு தண்ணீர் பாய்ச்ச சென்றபோது சிறுத்தையை கண்டுள்ளார். உடனே, கிணற்று மோட்டாரை அணைத்து விட்டு வீட்டுக்கு வந்துவிட்டாராம். பின்னர், வாழைத்தோப்பில் சென்று பார்த்தபோது, வரப்பை ஒட்டிய பகுதியில் சிறுத்தையின் கால் தடமும், அதன் அருகேயே மான்கள் ஓடியதற்கான கால்தடமும் பதிந்துள்ளது. 
     இப்பகுதியில் உள்ள வேலங்குளம் கண்மாய் மற்றும் ஓடைக்குளம் கண்மாய்  சீமைக் கருவேல மரங்களால் சூழப்பட்டு அடர்ந்த காடாகக் காட்சியளிக்கின்றன. இதனால், இலங்கமாகாளியம்மன் கோயிலுக்கு பக்தர்கள் அச்சத்துடனேயே சென்று வருகின்றனர். 
     எனவே, வனத் துறையினர் அப்பகுதியில் நடமாடும் சிறுத்தையை பிடித்து காட்டுப் பகுதியில் விடவும் மற்றும் கண்மாய்களில் வளர்ந்துள்ள சீமைக் கருவேல மரங்களை அகற்ற மாவட்ட நிர்வாகம் உடனடியாக நடவடிக்கை எடுக்க வேண்டும் எனவும், அப்பகுதி விவசாயிகள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/14/ஸ்ரீவிலி-அருகே-சிறுத்தை-நடமாட்டம்-விவசாயிகள்-அச்சம்-3076654.html
3076653 மதுரை விருதுநகர் திருச்சுழி அருகே கல்குவாரி பள்ளத்தில் தவறி விழுந்து தொழிலாளி சாவு DIN DIN Monday, January 14, 2019 07:44 AM +0530 விருதுநகர் மாவட்டம், திருச்சுழி அருகே சனிக்கிழமை இரவு கல்குவாரி பள்ளத்தில் தவறி விழுந்து தொழிலாளி உயிரிழந்தார்.
திருச்சுழி அருகே அம்பைனேரி கிராமத்தைச் சேர்ந்தவர் ஆறுமுகம் மகன் கருப்பணன் (45). இவருக்குத் திருமணமாகி மனைவி, 1 ஆண் மற்றும் 2 பெண் குழந்தைகள் உள்ளனர். திருச்சுழி பகுதியிலுள்ள கல்குவாரியில் வேலைபார்த்து வந்த கருப்பணன், வழக்கம்போல் சனிக்கிழமை இரவு பணிக்குச் சென்றுள்ளார். அங்கு, எதிர்பாராதவிதமாக கல்குவாரி பள்ளத்தில் தவறி விழுந்த கருப்பணன், சம்பவ இடத்திலேயே உயிரிழந்தார்.     இதனிடையே, வேலைக்கு வந்த கருப்பணனை காணாமல் உடன் வேலை பார்ப்பவர்கள், அவர் வீட்டுக்குச் சென்றுவிட்டதாகக் கருதினராம். ஞாயிற்றுக்கிழமை வழக்கம்போல் பணிக்கு வந்த தொழிலாளர்கள், அங்கிருந்த பள்ளத்தில் தலையில் காயத்துடன் கருப்பணன் விழுந்து கிடப்பதைக் கண்டு, காவல் துறைக்கு தகவல் தெரிவித்துள்ளனர். 
சம்பவ இடத்துக்கு வந்த காவல் துறையினர், கருப்பணனின் சடலத்தை மீட்டு, திருச்சுழி அரசு மருத்துவமனைக்கு அனுப்பி வைத்தனர். சடலத்தைப் பரிசோதித்த மருத்துவர்கள், சனிக்கிழமை இரவே கருப்பணன் உயிரிழந்துவிட்டதாகத் தெரிவித்தனர்.
இது குறித்து திருச்சுழி காவல் நிலைய போலீஸார் வழக்குப் பதிந்து விசாரித்து வருகின்றனர்.
 

]]>
https://www.dinamani.com/all-editions/edition-madurai/virudhunagar/2019/jan/14/திருச்சுழி-அருகே-கல்குவாரி-பள்ளத்தில்-தவறி-விழுந்து-தொழிலாளி-சாவு-3076653.html
3076652 மதுரை விருதுநகர் ராஜபாளையத்தில் தென்மண்டல கால்பந்து போட்டி தொடக்கம் DIN DIN Monday, January 14, 2019 07:44 AM +0530 ராஜபாளையத்தில் தென்மண்டல அளவிலான கால்பந்துப் போட்டியை, பால்வளத் துறை அமைச்சர் கே.டி. ராஜேந்திர பாலாஜி ஞாயிற்றுக்கிழமை தொடக்கி வைத்தார். 
விருதுநகர் மாவட்டம், ராஜபாளையத்தில் குறிஞ்சி கால்பந்தாட்டக் குழுவின் 4 ஆம் ஆண்டு தென்மண்டல அளவிலான ஐவர் கால்பந்தாட்டப் போட்டி நடைபெற்றது. 
இதில், மதுரை, திருநெல்வேலி, தூத்துக்குடி, தேனி, கன்னியாகுமரி உள்ளிட்ட பல்வேறு மாவட்டங்களில் இருந்து 42 அணிகள் கலந்துகொண்டன.
கால்பந்தாட்டப் போட்டியை, அமைச்சர் கே.டி. ராஜேந்திர பாலாஜி தொடக்கி வைத்து, சிறிது நேரம் கால்பந்து விளையாடினார்.
போட்டியில் வெற்றி பெற்ற அணிக்கு ரொக்கப் பரிசுடன் நினைவுப் பரிசும் வழங்கப்பட்டது. இதில், முதலிடம் பிடித்த அணிக்கு ரூ.10 ஆயிரம், 2 ஆம் இடம் பிடித்த அணிக்கு ரூ. 7ஆயிரம், 3 ஆம் இடம் பிடித்த அணிக்கு ரூ. 5 ஆயிரம், 4 ஆம் இடம் பிடித்த அணிக்கு ரூ. 3 ஆயிரம் வழங்கப்பட்டது. மேலும், சிறந்த விளையாட்டு வீரர்களுக்கு சிறப்பு பரிசுகள் வழங்கப்பட்டன.
நிகழ்ச்சியில், ராஜபாளையம் கூட்டுறவு வங்கி தலைவர் முருகேசன், காவல்துறை துணைக் கண்காணிப்பாளர் ரவிச்சந்திரன், காவல் துறை ஆய்வாளர்கள் பார்த்திபன், மாரியப்பன், நாடார் உறவின்முறை தலைவர் பிரதாப், அதிமுக மாவட்ட எம்.ஜி.ஆர். இளைஞரணிச் 
செயலர் எம்.எஸ்.ஆர். ராஜவர்மன், ஒன்றியச் செயலர்கள் ராஜபாளையம் குருசாமி, எதிர்கோட்டை மணிகண்டன் உள்பட பலர் கலந்துகொண்டனர்.

]]>
https://www.dinamani.com/all-editions/edition-madurai/virudhunagar/2019/jan/14/ராஜபாளையத்தில்-தென்மண்டல-கால்பந்து-போட்டி-தொடக்கம்-3076652.html
3076651 மதுரை விருதுநகர் நெகிழி ஒழிப்பு விழிப்புணர்வு மாரத்தான் போட்டி DIN DIN Monday, January 14, 2019 07:43 AM +0530 சாத்தூர் அருகே நெகிழி ஒழிப்பு, தூய்மை இந்தியா, மரம் வளர்ப்பு குறித்த விழிப்புணர்வு மாரத்தான் போட்டி ஞாயிற்றுக்கிழமை நடைபெற்றது.
விருதுநகர் மாவட்டம், சாத்தூர் அருகே ஏழாயிரம்பண்ணையில் அரிமா சங்கம் மற்றும் இமயம் நேதாஜி சேவா சங்கம் சார்பில், நெகிழி  ஒழிப்பு, தூய்மை இந்தியா திட்டம், மரம் வளர்ப்பு, உடல் ஆரோக்கியம் குறித்து பொதுமக்கள் மற்றும் இளைஞர்களுக்கு விழிப்புணர்வு ஏற்படுத்தும் வகையில், மாரத்தான் போட்டி நடைபெற்றது. ஏழாயிரம்பண்ணையில் நடைபெற்ற இப்போட்டியை, மாவட்ட உடற்கல்வி ஆய்வாளர் ஜெயக்குமார் மற்றும் சாத்தூர் காவல் துணைக் கண்காணிப்பாளர் மதியழகன் ஆகியோர் தொடக்கி வைத்தனர்.
நாடார் மகமை மேல்நிலைப் பள்ளியில் தொடங்கிய இப்போட்டி,  சேர்வைகாரன்பட்டி, சங்கரபாண்டியாபுரம், ஜெகவீரம்பட்டி, மஞ்சள்ஒடைப்பட்டி, வல்லம்பட்டி விலக்கு, புல்லக்கவுண்டம்பட்டி, சிவசங்குபட்டி வழியாக மீண்டும் ஏழாயிரம்பண்ணையில் முடிவடைந்தது. 15 கிலோ மீட்டர் தொலைவுக்கு நடைபெற்ற இந்தப் போட்டியில், கன்னியாகுமரி, சேலம், கோவை, சாத்தூர், ஏழாயிரம்பண்ணை உள்ளிட்ட பகுதிகளைச் சேர்ந்த இளைஞர்கள், பள்ளி மாணவர்கள் என 100-க்கும் மேற்பட்டோர் கலந்துகொண்டனர். 
    இதில், கன்னியாகுமரி இளைஞர் மணிகண்டன் முதல் பரிசையும், சேலம் மாணவர் இரண்டாம் பரிசையும், கோவை மாணவர் மாரிசரண் மூன்றாம் பரிசையும் பெற்றனர்.

]]>
https://www.dinamani.com/all-editions/edition-madurai/virudhunagar/2019/jan/14/நெகிழி-ஒழிப்பு-விழிப்புணர்வு-மாரத்தான்-போட்டி-3076651.html
3076650 மதுரை விருதுநகர் விருதுநகரில் பாதாளச் சாக்கடை தொட்டி அமைக்கும் பணியை கண்காணிக்க கோரிக்கை DIN DIN Monday, January 14, 2019 07:43 AM +0530 விருதுநகரில் பாதாளச் சாக்கடைக்கான வீட்டு இணைப்பு வழங்கும் பணி மிகவும் தரமற்ற முறையில் நடைபெற்று வருவதாக, பொதுமக்கள் புகார் தெரிவிக்கின்றனர்.
கடந்த 2007 இல், விருதுநகர் நகராட்சிப் பகுதியில் ரூ.27 கோடி மதிப்பில் பாதாளச் சாக்கடை அமைக்கும் பணிகள் தொடங்கப்பட்டன. நகரின் கிழக்குப் பகுதியில் பணிகள் நிறைவுபெற்ற நிலையில், மேற்குப் பகுதியில் 10 சதவீதப் பணிகளே நிறைவடையாமல் உள்ளன. 
மேலும், நகரின் பிரதான சாலை மற்றும் தெருக்களில் பாதாளச் சாக்கடை ஆள் இறங்கும் தொட்டிகள் கட்டப்பட்டு வருகின்றன.
இதிலிருந்து வீடு வரை குழாய்கள் அமைத்து, வீட்டின் அருகே சதுர வடிவிலான தொட்டிகள் கட்டுவதற்கு ரூ.6 கோடி மதிப்பிலான பணி தனியார்வசம் ஒப்படைக்கப்பட்டுள்ளது. ஆனால், தொட்டி கட்டும் பணிகள் முறையாக நடைபெற வில்லை எனக் கூறப்படுகிறது. இதனால், கட்டி முடிக்கப்பட்ட சில நாள்களிலேயே தொட்டிகள் உடைந்து வருகின்றன. மேலும், தொட்டியின் மேல் போடப்பட்டுள்ள சிமென்ட் சிலாப்களும் உடைந்து வருகின்றன.
    இந்நிலையில், சேதமடைந்த தொட்டிகளை சீரமைக்காததால், அவ்வழியே செல்லும் வாகன ஓட்டிகள் சிரமப்பட்டு வருகின்றனர்.
அதேநேரம், வீட்டு இணைப்புக்கு உரிமையாளர்கள் யாருக்கும் பணம் கொடுக்க வேண்டியதில்லை என நகராட்சி  சார்பில் தெரிவிக்கப்படுகிறது. ஆனால், தனியார் நிறுவன ஊழியர்களோ ரூ.3 ஆயிரம் முதல் ரூ.5 ஆயிரம் வரை வசூல் செய்வதாக, பொதுமக்கள் புகார் தெரிவிக்கின்றனர். எனவே, தரமான பாதாளச் சாக்கடை தொட்டி அமைப்பதுடன், கூடுதல் பணம் வசூலிப்பதை தடுக்க நகராட்சி நிர்வாகம் நடவடிக்கை எடுக்க வேண்டும் என, பொதுமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/14/விருதுநகரில்-பாதாளச்-சாக்கடை-தொட்டி-அமைக்கும்-பணியை-கண்காணிக்க-கோரிக்கை-3076650.html
3075887 மதுரை விருதுநகர் சிவகாசியில் குடிநீர் குழாய் பதிக்கும் பணிகளால் சாலைகள் சேதம்:சீரமைக்கக் கோரிக்கை DIN DIN Sunday, January 13, 2019 01:14 AM +0530
சிவகாசியில் குடிநீர் குழாய் பதிக்கும் பணிகள் நடைபெற்று வருவதால், சாலைகள் சேதமடைந்து போக்குவரத்து பாதிக்கப்பட்டுள்ளது.
சிவகாசி மற்றும் திருத்தங்கல் நகராட்சிக்கு தாமிரவருணி கூட்டுக் குடிநீர் திட்டத்துக்காக குழாய் பதிக்கும் பணிகள், பல இடங்களில் நடைபெற்று வருகின்றன. சிவகாசி-வெம்பக்கோட்டை சாலை, பி.எஸ்.ஆர்.சாலை உள்ளிட்ட பல சாலைகளில் குழாய் பதித்த பிறகு அதற்காக தோண்டப்பட்ட குழிகளை மண்ணை கொண்டு சரியாக நிரப்பவில்லை.
இதனால் ஒரு பகுதியில் மேடாகவும், மற்றொரு பகுதி தாழ்வாகவும் உள்ளது. மேலும், சாலையில் ஆங்காங்கே கற்கள் சிதறிக் கிடக்கின்றன. இதனால் அந்த வழியே இருசக்கர வாகனத்தில் செல்பவர்கள் விபத்தில் சிக்குகின்றனர். மேலும் போக்குவரத்து பாதிப்பும் ஏற்படுகிறது. 
எனவே, சாலைகளை சீரமைக்க அதிகாரிகள் நடவடிக்கை எடுக்க வேண்டும் என வாகன ஓட்டிகள், பொதுமக்கள் கோரிக்கை விடுத்துள்ளனர்.
 

]]>
https://www.dinamani.com/all-editions/edition-madurai/virudhunagar/2019/jan/13/சிவகாசியில்-குடிநீர்-குழாய்-பதிக்கும்-பணிகளால்-சாலைகள்-சேதம்சீரமைக்கக்-கோரிக்கை-3075887.html
3075886 மதுரை விருதுநகர் குழந்தைகளின் படிப்பைப் போல் விளையாட்டுக்கும் முக்கியத்துவம் தர வேண்டும்' DIN DIN Sunday, January 13, 2019 01:13 AM +0530
பெற்றோர் தங்களின் குழந்தைகளின் படிப்புக்கு தரும் முக்கியத்துவம் போல் விளையாட்டுக்கும் முக்கியத்துவம் தர வேண்டும் என தமிழக ஹாக்கி அணியின் பயிற்சியாளர் முத்துக்குமார் கூறினார்.
ராஜபாளையத்தில் உள்ள ஒரு பள்ளியில் சனிக்கிழமை நடைபெற்ற விளையாட்டு விழாவில் பங்கேற்க வந்த அவர் செய்தியாளர்களிடம் கூறியதாவது:
கிராமப்புறம் மற்றும் ஊரக பள்ளிகளைச் சேர்ந்த திறமையான மாணவர்களை உடற்கல்வி ஆசிரியர்கள் இனம் கண்டு அரசு விளையாட்டு விடுதிகளுக்கு அனுப்ப வேண்டும். அவர்கள் திறமையான பயிற்சியாளர்களால் பயிற்றுவிக்கப்பட்டு தேசிய அளவிலான போட்டிகளுக்கு அனுப்பி வைக்கப்படுவார்கள். 
சில உடற்கல்வி ஆசிரியர்கள் தங்களின் தேவைகளுக்காக மாணவர்களை பள்ளியில் இருந்து வெளியே அனுப்புவதில்லை. இந்த நிலைமை மாற வேண்டும். மாநில அளவிலான அணிகளுக்கு ஆண்டுதோறும் பயிற்சியாளர் மாற்றப்படுகிறார். பயிற்சியாளர் குறைந்தபட்சம் 4 வருடங்கள் ஒரே அணியில் இருந்து பணியாற்றினால் மட்டுமே வெற்றிபெற அதிக வாய்ப்பு இருக்கும்.
கிரிக்கெட்டை பொருத்தவரை ஒரு மட்டை, ஒரு பந்து இருந்தாலே 11 பேர் விளையாட முடியும். ஆனால் ஹாக்கியில் களத்தில் விளையாடும் 11 பேருக்கும் தேவையான பொருள்களை தனித் தனியாக வாங்க வேண்டும். 
பொருள் செலவு அதிகமாகும் என்பதால் பல பள்ளிகளில் ஹாக்கிக்கு முக்கியத்துவம் கொடுப்பதில்லை. உலக அளவில் அனைத்து துறைகளிலும் உள்ள அரசியல் உள்ளது. விளையாட்டு துறையும் இதற்கு விதிவிலக்கு அல்ல. 
அந்த அரசியல் தடைகளை மீறி விளையாட்டு வீரர்கள் முன்னேறி வர வேண்டும். மாணவர்கள் தற்போதுள்ள சூழலில் கெட்டப் பழக்கங்களுக்கும், சினிமா, செல்லிடப்பேசி உள்ளிட்டவற்றில் அடிமையாகாமல் ஆரோக்கியத்துடன் இருக்க வேண்டும். 
பெற்றோர்கள் தங்கள் குழந்தைகளுக்கு படிப்புக்கு தரும் முக்கியத்துவம்போல், விளையாட்டுக்கும் முக்கியத்துவம் தர வேண்டும் என்றார் அவர்.
 

]]>
https://www.dinamani.com/all-editions/edition-madurai/virudhunagar/2019/jan/13/குழந்தைகளின்-படிப்பைப்-போல்-விளையாட்டுக்கும்-முக்கியத்துவம்-தர-வேண்டும்-3075886.html
3075885 மதுரை விருதுநகர் பின்லாந்து கல்வி சுற்றுலாவுக்கு ராஜபாளையம் பள்ளி மாணவர் தேர்வு DIN DIN Sunday, January 13, 2019 01:13 AM +0530
பின்லாந்து நாட்டுக்கு கல்வி சுற்றுலா செல்லும் குழுவில் ராஜபாளையம் பள்ளி மாணவர் தேர்வாகியுள்ளார்.
ராஜபாளையம், மாடசாமி கோயில் தெருவில் உள்ள ஒரு தனியார் பள்ளியில் பிளஸ் 1 பயின்றுவரும் மாணவர் நவீன்ராஜ் திருமலாராஜ். இவர் கடந்த ஆண்டு செகந்திராபாதில் நடைபெற்ற தென்னிந்திய அளவிலான அறிவியல் கண்காட்சியில் விருதுநகர் மாவட்டம் சார்பில் கலந்து கொண்டார். 
இதில், வாகன விபத்துகளை தடுக்கும் விதமாக நவீன்ராஜ் திருமலாராஜ் காட்சிப்படுத்திய படைப்பு முதல் பரிசை பெற்றது. அதைத்தொடர்ந்து அவர், பின்லாந்து நாட்டுக்கு வரும் 20 ஆம் தேதி கல்விச் சுற்றுலா செல்லும் 50 பேர் கொண்ட குழுவில் இடம் பெற்றுள்ளார்.
விருதுநகர் மாவட்டத்திலேயே இந்த மாணவர் மட்டுமே தேர்ந்தெடுக்கப்பட்டுள்ளது குறிப்பிடத்தக்கது. அதையடுத்து மாணவர் நவீன்ராஜ் திருமலாராஜை பள்ளி தாளாளர், தலைமை ஆசிரியர், நிர்வாகக் குழு உறுப்பினர்கள் பாராட்டி வாழத்தினர்.
 

]]>
https://www.dinamani.com/all-editions/edition-madurai/virudhunagar/2019/jan/13/பின்லாந்து-கல்வி-சுற்றுலாவுக்கு-ராஜபாளையம்-பள்ளி-மாணவர்-தேர்வு-3075885.html
3075884 மதுரை விருதுநகர் சாரணர்கள் பயிற்சி முகாம் DIN DIN Sunday, January 13, 2019 01:13 AM +0530
ஸ்ரீவில்லிபுத்தூர் கல்வி மாவட்ட அளவிலான பாரத சாரண, சாரணியர் இயக்க மாணவர்களுக்கான ஒரு நாள் பயிற்சி முகாம் சனிக்கிழமை நடைபெற்றது.
இங்குள்ள மகரிஷி வித்யாமந்திர் சி.பி.எஸ்.இ. உயர்நிலைப் பள்ளியில் நடைபெற்ற முகாமுக்கு பள்ளியின் செயலாளர் கே.குருவலிங்கம் தலைமை வகித்தார். சாரண இயக்கத்தின் மாவட்டச் செயலாளர் ஜி.ராமசுப்பிரமணியன் முன்னிலை வகித்தார். 
இதில், 18 அரசு மற்றும் அரசு உதவிபெறும் பள்ளிகளைச் சேர்ந்த 268 சாரணர்களும், 87 சாரணியர்களும் கலந்து கொண்டனர். அவர்களுக்கு பல்வேறு பயிற்சிகள் அளிக்கப்பட்டன. முன்னதாக முதல்வர் என்.கமலா வரவேற்றார்.
 

]]>
https://www.dinamani.com/all-editions/edition-madurai/virudhunagar/2019/jan/13/சாரணர்கள்-பயிற்சி-முகாம்-3075884.html
3075883 மதுரை விருதுநகர் சாத்தூர் சிவன் கோயில் தெப்பக்குளத்தை சீரமைக்கக் கோரிக்கை DIN DIN Sunday, January 13, 2019 01:13 AM +0530
சாத்தூரில் உள்ள சிவன் கோயில் தெப்பக்குளத்தை சீரமைக்க வேண்டும் என விசுவ ஹிந்து பரிஷத் கோரிக்கை விடுத்துள்ளது.
இதுதொடர்பாக அந்த அமைப்பின் மாவட்ட இணைச்செயலாளர் கலையரசன், கோயில் செயல் அலுவலரிடம் அளித்துள்ள மனு:
சாத்தூரின் மையப் பகுதியில் உள்ள சிவன் கோயில் முன்பு உள்ள தெப்பகுளத்தைச் சுற்றி சாத்தூர் நகராட்சி நிர்வாகம் மற்றும் தனிநபர்களால் ஆக்கிரமிக்கப்பட்டுள்ளது. இதனால் வைப்பாற்று பகுதியிலிருந்து தெப்பகுளத்துக்கு வரும் தண்ணீர் தடைபட்டுள்ளது.
மேலும், நீதிமன்ற உத்தரவின் அடிப்படையில் இந்து சமய அறநிலையைத்துறைக்கு சொந்தமான இந்த தெப்பகுளத்தை சுற்றியுள்ள ஆக்கிரமிப்புகளை அகற்றி முறையாக பராமரித்து தெப்பக்குளத்தில் தண்ணீரை தேக்க உரிய நடவடிக்கை எடுக்க வேண்டும் என அதில் குறிப்பிட்டுள்ளார்.
 

]]>
https://www.dinamani.com/all-editions/edition-madurai/virudhunagar/2019/jan/13/சாத்தூர்-சிவன்-கோயில்-தெப்பக்குளத்தை-சீரமைக்கக்-கோரிக்கை-3075883.html
3075881 மதுரை விருதுநகர் விருதுநகரில் ரயில்வே ஓய்வூதியர் சங்க மாநாடு DIN DIN Sunday, January 13, 2019 01:13 AM +0530
விருதுநகரில் ரயில்வே ஓய்வூதியர் சங்க 8-ஆவது மாநாடு சனிக்கிழமை நடைபெற்றது.
விருதுநகரில் உள்ள ஒரு தனியார் திருமண மண்டபத்தில் நடைபெற்ற இம்மாநாட்டுக்கு ஓய்வு பெற்ற ரயில்வே மேலாளர் ராமசாமி தலைமை வகித்தார். இதில், மத்திய ரயில்வே ஓய்வூதியர் சங்க இணை பொது செயலாளர் எஸ்.பி. சிங் சிறப்பு விருந்தினராக கலந்து கொண்டு பேசியது:
ஓய்வுபெற்ற ரயில்வே ஊழியர்களுக்கு ஏழாவது சம்பள கமிஷனில் அறிவிக்கப்பட்ட 3 சதவீதத் தொகையை உடனடியாக வழங்க வேண்டும். அனைத்து ஓய்வூதியர்களுக்கும் மாதந்தோறும் மருத்துவப் படி ரூ. 2 ஆயிரம் வழங்க வேண்டும். ஓய்வூதியர்களுக்கு ரயில்வே சார்பில் அலுவலகம் ஒதுக்கீடு செய்ய வேண்டும் என்றார்.
இந்நிகழ்ச்சியில் ரயில்வே ஓய்வூதியர்கள் குடும்பத்துடன் கலந்து கொண்டனர். முடிவில், விருதுநகர் கிளை துணைத் தலைவர் ராதாகிருஷ்ணன் நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/13/விருதுநகரில்-ரயில்வே-ஓய்வூதியர்-சங்க-மாநாடு-3075881.html
3075880 மதுரை விருதுநகர் அருப்புக்கோட்டை கல்லூரியில் பட்டமளிப்பு விழா DIN DIN Sunday, January 13, 2019 01:12 AM +0530
அருப்புக்கோட்டை எஸ்பிகே கலைக் கல்லூரியில் பட்டமளிப்பு விழா வெள்ளிக்கிழமை இரவு நடைபெற்றது.
விழாவுக்கு அருப்புக்கோட்டை நாடார்கள் உறவின்முறைத் தலைவர் எம்.சுதாகர் தலைமை வகித்தார். மதுரை மண்டல கல்லூரிக் கல்வி இணை இயக்குநர் ஆர்.பாஸ்கரன் சிறப்பு விருந்தினராகக் கலந்து கொண்டு பேசியதாவது:
மாணவர்கள் ஒழுக்கத்தையும், மனித நேயத்தையும் கடைப்பிடிக்க வேண்டும். கடின உழைப்பு, விடாமுயற்சியுடன் வாழ்வில் வெற்றிபெற வேண்டும். ஆசிரியர்களின் வழிகாட்டுதலை பின்பற்றி, பெற்றோரை காப்பதுடன் நாட்டிற்கும், வீட்டிற்கும் பெருமை சேர்க்க வேண்டும் என்றார்.
அதைத்தொடர்ந்து மாணவ, மாணவிகளுக்கு பட்டங்களை வழங்கினார். இந்நிகழ்ச்சியில் கல்லூரித் தலைவர் ஞானசேகரன், உதவித் தலைவர் டாக்டர் தங்கக்குமார், பொருளாளர் துரை மதிவாணன், எஸ்பிகே ஆண்கள் மேல்நிலைப்பள்ளிச் செயலாளர் என்.வி.காசிமுருகன் உள்பட பலர் கலந்து கொண்டனர்.
முன்னதாக கல்லூரி முதல்வர் ந.முத்துச்செல்வன் வரவேற்றார். கல்லூரிச் செயலாளர் சங்கரசேகரன் நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/13/அருப்புக்கோட்டை-கல்லூரியில்-பட்டமளிப்பு-விழா-3075880.html
3075878 மதுரை விருதுநகர் மாணவர்களுக்கான தனித்திறன் போட்டி சிவகாசி பள்ளி முதலிடம் DIN DIN Sunday, January 13, 2019 01:12 AM +0530
சிவகாசி மெப்கோசிலங் பொறியியல் கல்லூரியில் சனிக்கிழமை நடைபெற்ற தனித்திறன் போட்டியில் சிவகாசி பள்ளி முதலிடம் பெற்றது.
பள்ளி மாணவர்களின் ஆராய்ச்சித்திறன், தனித்திறனை மேம்படுத்தும் நோக்கத்தில் நடைபெற்ற இப்போட்டியில் விருதுநகர், தூத்துக்குடி, திருநெல்வேலி, மதுரை மாவட்டங்களில் உள்ள 32 பள்ளிகளைச் சேர்ந்த 9 மற்றும் 10 ஆம் வகுப்பு பயிலும் 1,328 மாணவர்கள் கலந்து கொண்டனர்.
இதில் மாதிரிவடிவமைப்பு, பேச்சுப்போட்டி, கட்டுரைப்போட்டி, வினாடி-வினா , ஓவியப்போட்டி ,வர்ணம் தீட்டுதல் உள்ளிட்ட போட்டிகள் நடைபெற்றன. இப்போட்டியில் அதிகப்புள்ளிகள் பெற்று சிவகாசி ஒய்.ஆர்.டி.வி. மெட்ரிக் மேல்நிலைப்பள்ளி முதலிடம் பெற்றது. இலஞ்சி பாரத்வித்யா மந்திர் இரண்டாமிடம் பெற்றது.
போட்டியில் வெற்றி பெற்றவர்களுக்கு கல்லூரி முதல்வர் எஸ்.அறிவழகன் பரிசு வழங்கினார். இதற்கான ஏற்பாடுகளை பேராசிரியர்கள் என்.கிருஷ்ணமூர்த்தி, ஏ.சக்திவேல், டபிள்யூ. வின்பிரடே சசிகாந்த் ஆகியோர் செய்திருந்தனர்.
 

]]>
https://www.dinamani.com/all-editions/edition-madurai/virudhunagar/2019/jan/13/மாணவர்களுக்கான-தனித்திறன்-போட்டி-சிவகாசி-பள்ளி-முதலிடம்-3075878.html
3075203 மதுரை விருதுநகர் "திருப்பாவையின் 108 பதிகங்களை படித்தால் மாணவர்கள் சிறந்து விளங்கலாம்' DIN DIN Saturday, January 12, 2019 01:00 AM +0530 திருப்பாவையின் 108 பதிகங்களை படித்தாலே மாணவர்கள் சிறந்து விளங்க முடியும் என தமிழக லஞ்ச ஒழிப்பு மற்றும் கண்காணிப்புத் துறை இணை இயக்குநர் எஸ்.முருகன் தெரிவித்தார். கிருஷ்ணன்கோவில், வி.பி.எம்.எம். மகளிர் கல்வி நிறுவனத்தில் இரண்டாம் நாள் பாவை விழா வெள்ளிக்கிழமை கல்வி நிறுவனத் தலைவர் வி.பி.எம்.சங்கர் தலைமையில் நடைபெற்றது. 
தாளாளர் பழனிச்செல்வி சங்கர், துணைத் தலைவர் தங்கபிரபு ஆகியோர் முன்னிலை வகித்ததனர். தமிழக லஞ்ச ஒழிப்பு மற்றும் கண்காணிப்புத் துறை இணை இயக்குநர் எஸ்.முருகன் விழாவில் கலந்து கொண்டு திருப்பாவை அழகும் அமைப்பும் என்ற தலைப்பில் பேசியதாவது: பாரதியார் மற்றும் கவிஞர் கண்ணதாசன் ஆகியோர் தம் பாடல் வரிகளை திருப்பாவையில் இருந்து எடுத்துதான் எழுதியுள்ளனர் திருப்பாவையின் 108 பதிகங்களை படித்தால் போதும், இக்காலத்தில் மாணவர்கள் சிறந்து விளங்க முடியும். ஆகையால் அனைவரும் தங்கள் குழந்தைகளுக்கு திருப்பாவையினை கற்றுத்தர வேண்டும். மேலும் ஜோதிடம், ஆன்மிகம், மருத்துவம் அனைத்துமே திருப்பாவையில் இடம் பெற்றுள்ளது என்றார். 
கவிஞர்.ஆண்டாள் பிரியதர்சினி ஆண்டாள் என்னும் பேரழகு என்ற தலைப்பில் பேசியது: ஆண்டாளை பேரழகு என்று கூறுவது அவர்களின் வெளித்தோற்றத்தை அல்ல. ஆண்டாளின் மன உறுதியினைத் தான் பேரழகு என்று மாணவிகள் எடுத்துக்கொள்ள வேண்டும். 
ஆண்டாள் தன் மனதில் நாராயணனை நினைத்து உறுதியாக தான் நினைத்ததை சாதித்தது போல், மாணவிகள் தனக்கென்று ஓர் உறுதியை மேற்கொண்டு தம் பெற்றோர்களை பெருமைப்படுத்த வேண்டும். அதற்கு எடுத்துக்காட்டு இந்தியாவுக்காக தங்கப்பதக்கம் பெற்றுத் தந்த ரிக்ஷா தொழிலாளியின் மகள் ஹீமா தாஸ். இவர் தன் மனதில் குடும்பத்தின் பெருமையை நிலைநாட்ட வேண்டும் என்று உறுதியாக இருந்தது தான் பேரழகு. அதனைத்தான் ஆண்டாள் திருப்பாவையில் எடுத்துரைக்கிறார் என்றார்.
 அதனைத் தொடர்ந்து பேராசிரியர் எம்.ராமச்சந்திரனா குழுவினரின் சிறப்பு பட்டிமன்றம் "மனிதகுல மகிழ்ச்சியைப் பெரிதும் தீர்மானிப்பது அறிவியலா?.. ஆன்மிகமா?..." என்ற தலைப்பில் நடைபெற்றது. அதில் அறிவியலே என்ற தலைப்பில் டாக்டர்.செளந்தர மகாதேவன் மற்றும் இசை ஆசிரியர் உமாசங்கர் ஆகியோர் பேசினர். ஆன்மிகமே என்ற தலைப்பில் ஆசிரியர் இந்திரா ஜெயச்சந்திரன் மற்றும் ஆசிரியர் மலர்விழி ஆகியோர் பேசினார்.
இதையடுத்து நடுவர், மனிதகுல மகிழ்ச்சியைப் பெரிதும் தீர்மானிப்பது ஆன்மிகமே என்று தீர்ப்பு வழங்கினார். முன்னதாக மகளிர் கல்வியியல் கல்லூரியின் முதல்வர் பா.பிரபாகரன் வரவேற்றார்.
இதையடுத்து வி.பி.எம்.எம்.கல்வி நிறுவன மாணவிகளின் நடன நிகழ்ச்சி நடைபெற்றது. மேலும் தனியார் தொலைக்காட்சி நிகழ்ச்சி தொகுப்பாளர் ஜெகன்,  ஸ்ரீவில்லிபுத்தூர் மாவட்ட கல்வி அலுவலர் ஆர்.சம்பத் குமார் உள்ளிட்ட பலர் கலந்து கொண்டனர். கல்லூரி இயக்குநர் டாக்டர் ரா.சபரிமாலா நன்றி கூறினார்.
 

]]>
https://www.dinamani.com/all-editions/edition-madurai/virudhunagar/2019/jan/12/திருப்பாவையின்-108-பதிகங்களை-படித்தால்-மாணவர்கள்-சிறந்து-விளங்கலாம்-3075203.html
3075197 மதுரை விருதுநகர் அருப்புக்கோட்டை-விருதுநகர் சாலையில் மையத் தடுப்புச்சுவர் அமைக்கக் கோரிக்கை DIN DIN Saturday, January 12, 2019 12:56 AM +0530 அருப்புக்கோட்டையிலிருந்து விருதுநகர் நோக்கிச் செல்லும் பிரதானச் சாலையில் நமச்சிவாயபுரம் விலக்கு அருகே விபத்து அபாயம் உள்ள சாலை வளைவில் அகற்றப்பட்ட மையத்தடுப்புச்சுவரை மீண்டும் அமைக்க வாகன ஓட்டிகள் வலியுறுத்தியுள்ளனர்.
 அருப்புக்கோட்டையிலிருந்து விருதுநகர் நோக்கிச் செல்லும் பிரதானச் சாலையில் சுமார் 6 கிலோ மீட்டர் தொலைவில் நமச்சிவாயபுரம் சாலைப்பிரிவு உள்ளது. 
இப்பகுதியில் உள்ள "ட' வடிவ குறுகலான சாலையில் அடிக்கடி வாகன விபத்துக்கள் நேர்ந்ததால் கடந்த பல ஆண்டுகளுக்கு முன்பு அப்பகுதியில் மையத் தடுப்புச்சுவர் அமைக்கப்பட்டது. இதனிடையே கடந்த 3 மாதங்களுக்கு முன் அருப்புக்கோட்டை - விருதுநகர் இடையிலான சாலையில் சீரமைப்புப்பணி நடைபெற்றது. அப்போது சாலையின் மையத் தடுப்புச்சுவர், சாலை அமைக்கும் ஒப்பந்ததாரரால் அகற்றப்பபட்டது. ஆனால் சாலை சீரமைப்புப் பணிகள் முடிவடைந்து பல நாள்களாகியும் மீண்டும் அப்பகுதியில் மையத் தடுப்புச்சுவர் அமைக்கப்பட வில்லை எனப் புகார் எழுந்துள்ளது.
 எனவே நமச்சிவாயபுரம் விலக்கு அருகே விபத்து அபாயம் உள்ள குறுகலான சாலை வளைவில் மீண்டும் மையத் தடுப்புச்சுவர், மைல் கல், விபத்து அபாய எச்சரிக்கைப் பலகை ஆகியன அமைக்கப்பட வேண்டுமென வாகன ஓட்டிகள் சார்பில் மாவட்ட நிர்வாகத்துக்குக் கோரிக்கை விடுக்கப்பட்டுள்ளது.

]]>
https://www.dinamani.com/all-editions/edition-madurai/virudhunagar/2019/jan/12/அருப்புக்கோட்டை-விருதுநகர்-சாலையில்-மையத்-தடுப்புச்சுவர்-அமைக்கக்-கோரிக்கை-3075197.html
3075196 மதுரை விருதுநகர் விருதுநகரில் கஞ்சா பறிமுதல்: 2 பேர் கைது DIN DIN Saturday, January 12, 2019 12:56 AM +0530 விருதுநகர் அய்யனார் நகரில் 1 கிலோ கஞ்சாவை பறிமுதல் செய்த போலீஸார், இது தொடர்பாக 2  பேரை வெள்ளிக்கிழமை கைது செய்தனர்.
 விருதுநகர் அய்யனார் நகரைச் சேர்ந்தவர் அழகு மகன் குருசாமி (45). காளீஸ்வரன் மகன் கண்ணன் (23). இவர்கள் இருவரும் கஞ்சா விற்பனை செய்வதாக போலீஸாருக்கு தகவல் கிடைத்தது. இந்நிலையில் அய்யனார் நகர் சுண்ணாம்பு காளவாசல் அருகே நின்று கொண்டிருந்த இருவரையும் போலீஸார் சந்தேகத்தின் பேரில் விசாரணை செய்தனர். அப்போது, அவர்களிடமிருந்த ஒரு கிலோ கஞ்சாவை பறிமுதல் செய்து, இருவரையும் மேற்கு காவல் ஆய்வாளர் சம்பத் கைது செய்தார்.
 

]]>
https://www.dinamani.com/all-editions/edition-madurai/virudhunagar/2019/jan/12/விருதுநகரில்-கஞ்சா-பறிமுதல்-2-பேர்-கைது-3075196.html
3075194 மதுரை விருதுநகர் அடிப்படை வசதிகள் கோரி சாமிநாதபுரம் கிராம மக்கள் ஆட்சியரிடம் மனு DIN DIN Saturday, January 12, 2019 12:55 AM +0530 ஸ்ரீவில்லிபுத்தூர் ஒன்றியத்துக்குள்பட்ட சாமிநாதபுரம் கிராமத்தில் அடிப்படை வசதிகள் செய்து தரக் கோரி அருந்ததியர் மக்கள் மற்றும் ஆதித்தமிழர் கட்சி சார்பில் வெள்ளிக்கிழமை மாவட்ட ஆட்சியர் அ.சிவஞானத்திடம் மனு அளிக்கப்பட்டது.
     அந்த மனுவில் அவர்கள் கூறியிருப்பதாவது:
 ஸ்ரீவில்லிபுத்தூர் ஒன்றியத்துக்குள்பட்ட பகுதியில் சாமிநாத புரம் கிராமம் உள்ளது. இங்கு, அருந்ததியர் சமுதாயத்தைச் சேர்ந்த 75 குடும்பங்கள் வசித்து வருகிறோம். ஆனால், இப்பகுதியில் அடிப்படை வசதிகளான தெரு விளக்கு, குடிநீர், பெண்கள் கழிப்பறை, சிமென்ட் சாலை வசதி இல்லை. அதேபோல், இடிந்த நிலையில் உள்ள 20 தொகுப்பு வீடுகளில் ஆபத்தான நிலையில் குடியிருந்து வருகிறோம். இதுகுறித்து ஸ்ரீவில்லிபுத்தூர் வட்டார வளர்ச்சி அலுவலர், ஊராட்சி செயலரிடம் பலமுறை மனு கொடுத்தும் எந்த நடவடிக்கையும் எடுக்க வில்லை. அதேபோல், ஊராட்சி செயலர், அரசு நலத்திட்டங்களை எங்கள் சமுதாயத்திற்கு வழங்க மறுக்கின்றார். எனவே, எங்கள் பகுதிக்கு அடிப்படை வசதிகள் செய்து தருவதுடன், ஊராட்சி செயலரை வேறு இடத்திற்கு மாற்றம் செய்ய மாவட்ட நிர்வாகம் நடவடிக்கை எடுக்க வேண்டும் என அதில் தெரிவித்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/12/அடிப்படை-வசதிகள்-கோரி-சாமிநாதபுரம்-கிராம-மக்கள்-ஆட்சியரிடம்-மனு-3075194.html
3075193 மதுரை விருதுநகர் விருதுநகர், சாத்தூர் பள்ளி, கல்லூரிகளில் பொங்கல் விழா DIN DIN Saturday, January 12, 2019 12:55 AM +0530 விருதுநகர், சாத்தூர் பள்ளி, கல்லூரிகளில் வெள்ளிக்கிழமை பொங்கல் விழா கொண்டாடப்பட்டது.
 பாலவநத்தம் அருகே நமச்சியாபுரம் விலக்கு அருகே நோபிள் கலை கல்லூரியில் வெள்ளிக்கிழமை பொங்கல் விழா கொண்டாடப்பட்டது. இந்நிகழ்ச்சிக்கு கல்லூரி தலைவர் ஜெரால்டு ஞானரத்தினம், கல்லூரிச் செயலர் வெர்ஜின் இனிகோ ஆகியோர் தலைமை வகித்தனர். அதைத் தொடர்ந்து பாரம்பரிய விளையாட்டான உரிஅடித்தல், வில்லுப்பாட்டு போன்ற நிகழ்ச்சிகளில் மாணவிகள் கலந்து கொண்டனர். இதைத் தொடர்ந்து, தமிழர் நாகரிகத்தை பறைசாற்றும் வகையில் ஏராளமான மாணவிகள், கல்லூரி நிர்வாகத்தினர் மாட்டு வண்டியில் பயணம் செய்தனர்.
 அதே போல், விருதுநகர் வன்னியபெருமாள் பெண்கள் கல்லூரியில் செயலர் ரவி சேகர் தலைமையில் பொங்கல் விழா வெள்ளிக்கிழமை கொண்டாடப்பட்டது. இந்நிகழ்ச்சியில், கல்லூரி மாணவிகள் ஆயிரக்கணக்கானோர் கலந்து கொண்டு பொங்கல் வைத்தனர். இதைத் தொடர்ந்து கலைப் போட்டிகள் நடைபெற்றன. இதில், கல்லூரி முதல்வர் மீனாராணி மற்றும் பேராசிரியர்கள் கலந்து கொண்டனர்.
சாத்தூர்: சாத்தூர் பகுதியில் சமத்துவ பொங்கல் விழா வெள்ளிக்கிழமை கொண்டாடப்பட்டது.
 சாத்தூர் காமராஜபுரத்தில் உள்ள காரணேசன் பள்ளியில் நடைபெற்ற பொங்கல் விழாவில் காரணேசன் பள்ளியின் தாளாளர் ரெங்கநாதன், பொருளாளர் சரவணக்குமார் ஆகியோர் முன்னிலை வகித்தனர். இதில் பள்ளி ஆசிரியர்கள், மாணவர்கள் கலந்து கொண்டு பொங்கல் வைத்தனர். இவ்விழாவில் பள்ளித் தலைமையாசிரியர் விஜயலட்சுமி மற்றும் ஆசிரியர்கள், பள்ளி நிர்வாகிகள் கலந்து கொண்டனர்.
 இதே போன்று சாத்தூர் அருகே சின்னகாமன்பட்டியில் உள்ள அரசு கல்லூரியிலும் மாணவ, மாணவிகள் பொங்கல் வைத்து சமத்துவ பொங்கல் விழாவை கொண்டாடினர். 
இதே போல் சாத்தூரில் உள்ள ஒருங்கிணைந்த நீதிமன்ற வளாகத்தில் வழக்குரைஞர்கள் சங்கம் சார்பில் சமத்துவ பொங்கல் விழா நடைபெற்றது. இதில் நீதிபதிகள் கீதா, சண்முகராஜா ஆகியோர் சிறப்பு அழைப்பாளராக கலந்து கொண்டனர். மேலும் இவ்விழாவில் வழக்குரைஞர்கள் சங்கத் தலைவர் விநாயகமூர்த்தி, சங்கச் செயலர் ஜி.ஆர்.முருகன், மூத்த வழக்குரைஞர்கள் விஸ்வநாத், லட்சுமிகாந்தன் மற்றும் ஏராளமான வழக்குரைஞர்கள் பங்கேற்றனர்.
 மேலும் சவுத்சைடு மெட்ரிக் மேல்நிலைப்பள்ளி உள்ளிட்ட பல்வேறு பள்ளி மற்றும் கல்லூரிகளிலும் சமத்துவ பொங்கல் விழா கொண்டாடப்பட்டது.
 

]]>
https://www.dinamani.com/all-editions/edition-madurai/virudhunagar/2019/jan/12/விருதுநகர்-சாத்தூர்-பள்ளி-கல்லூரிகளில்-பொங்கல்-விழா-3075193.html
3075191 மதுரை விருதுநகர் சமூக வலைதளங்களில் தவறாக கருத்து பதிவிட்ட13 இளைஞர்கள் கைது DIN DIN Saturday, January 12, 2019 12:55 AM +0530 சிவகாசி, வெம்பக்கோட்டை பகுதிகளில் சமூக வலை தளங்களில் போலீஸார் குறித்து தவறாக கருத்து பதிவிட்ட 13 இளைஞர்கள் வெள்ளிக்கிழமை கைது செய்யப்பட்டனர்.
 இதுகுறித்து மாவட்ட காவல் கண்காணிப்பாளர் மு. ராஜராஜன் கூறியதாவது: விருதுநகர் மாவட்டத்தில் பல்வேறு பகுதிகளிலிருந்து ஆண்டுதோறும் தேவேந்திர குல வேளாளர் கூட்டமைப்பின் நிறுவனர் பசுபதி பாண்டியன் நினைவு தினத்திற்கு பலர் அஞ்சலி செலுத்த செல்வர். 
  இந்நிலையில், ஜனவரி 10  ஆம் தேதி (வியாழக்கிழமை) சிவகாசி அருகே குந்தலப்பட்டி கிராமத்திலிருந்து தூத்துக்குடி மாவட்டம் மேல அலங்காரதட்டு கிராமத்திற்கு செல்ல சிலர் அனுமதி பெற்றிருந்தனர். அதை காவல் நிலையத்தில் பெற்று வாகனத்தில் ஒட்டி செல்ல வந்த முருகேசன், தங்கேஸ்வரன், குருமதன் ஆகியோரை ஈஸ்வரன் என்பவர் செல்லிடபேசியில் படம் எடுத்து சமூக வலை தளத்தில் காவல் துறை குறித்து தவறான தகவலை பரப் பியுள்ளார்.
 இதையடுத்து, சம்பந்தப்பட்ட நான்கு பேரையும் சிவகாசி கிழக்கு போலீஸார் கைது செய்தனர். அதேபோல், வெம்பக்கோட்டை அருகே தாயில்பட்டியைச் சேர்ந்த குருசாமி, கருப்பசாமி, ராஜா, சண்முககுமார், ராஜேஸ்வரன், முகாராஜா, ஹரிஹரபிரபு, சங்கிலி மாடசாமி, கணேஷ்குமார் ஆகியோர் வாகனத்தில் அலங்காரத்தட்டு கிராமத்துக்குச் சென்ற போது, செல்லிடப்பேசியில் படம் எடுத்து அதை டிக்டாக் வலை தளம் மூலம் கலவரத்தை தூண்டும் வகையில் பேசியதால் அவர்கள் 9 பேரையும்  வெம்பக்கோட்டை போலீஸார் வெள்ளிக்கிழமை கைது செய்து சிறையில் அடைத்தனர் என்றார்.

]]>
https://www.dinamani.com/all-editions/edition-madurai/virudhunagar/2019/jan/12/சமூக-வலைதளங்களில்-தவறாக-கருத்து-பதிவிட்ட13-இளைஞர்கள்-கைது-3075191.html
3075190 மதுரை விருதுநகர் அருப்புக்கோட்டையில் திமுக சார்பில் கிராமசபைக் கூட்டம் DIN DIN Saturday, January 12, 2019 12:54 AM +0530 அருப்புக்கோட்டை ஊராட்சி ஒன்றியத்திற்குள்பட்ட பாலவநத்தம், பெரியவள்ளிக் குளம், குல்லூர்சந்தை ஆகிய கிராமங்களில் அருப்புக்கோட்டை எம்.எல்.ஏ. கே.கே.எஸ்.எஸ்.ஆர். ராமச்சந்திரன் தலைமையில் வியாழக்கிழமை இரவு கிராம சபைக் கூட்டம் நடைபெற்றது. அப்போது அவர் பெண்கள் மற்றும் விவசாயிகளின் குறைகளை கேட்டறிந்து விரைவில் உரிய நடவடிக்கை  எடுப்பதாகக் கூறினார். பின்னர் கிராம மகளிர் திட்டங்களில் உள்ள சந்தேகங்களை பெண்கள் கேட்டு விளக்கம் பெற்றனர். இக்கூட்டத்துக்கு திமுக முன்னாள் ஒன்றியத் தலைவர் கே.கே.எஸ்.வி.டி.சுப்பாராஜ் உள்ளிட்ட  திமுக நிர்வாகிகள் பலர் கலந்து கொண்டனர்.
 

]]>
https://www.dinamani.com/all-editions/edition-madurai/virudhunagar/2019/jan/12/அருப்புக்கோட்டையில்-திமுக-சார்பில்-கிராமசபைக்-கூட்டம்-3075190.html
3075188 மதுரை விருதுநகர் சிவகாசியில் குடிநீர் கட்டணத்தை சீரமைக்க கோரிக்கை DIN DIN Saturday, January 12, 2019 12:54 AM +0530 சிவகாசியில் குடிநீர் கட்டணத்தை சீரமைக்க வேண்டும் என பா.ஜ.க. கோரிக்கை விடுத்துள்ளது.
 இதுகுறித்து அக்கட்சியின் விருதுநகர் மாவட்டதுணைத்தலைவர் என்.எஸ்.தங்கராஜ் , நகராட்சி ஆணையரிடம் வெள்ளிக்கிழமை அளித்த மனுவில் கூறப்பட்டுள்ளதாவது: சிவகாசி நகராட்சிப் பகுதியில் தற்போது குடிநீர் கட்டணம் வீட்டு உபயோகத்துக்கு  மாதம் ரூ.61 என வசூல் செய்யப்பட்டு வருகிறது. இந்நிலையில் வரும் ஏப்ரல் முதல் தேதியிருந்து 500 சதுர அடிக்கு குறைவாக வீடு இருந்தால் ரூ.120 எனவும், 501 முதல் 1200 சதுர அடியுள்ள வீடுகளுக்கு ரூ.150 எனவும் 1,201 சதுர அடி முதல் 2,400 சதுர அடி வரை ரூ.180 எனவும், 2,401 சதுர அடிக்கு மேல் ரூ. 210 எனவும் கட்டணம் உயர்த்துவது என நகராட்சி நிர்வாகம் விளம்பரம் வெளியிட்டுள்ளது.
அதுபோல குடிநீர் இணைப்புக்கு வைப்புத் தொகை ரூ. 4 ஆயிரம் என இருந்ததை, 500 சதுர அடிக்குள் வீடு இருந்தால் ரூ.7500 எனவும், 501முதல் 1,200 சதுரஅடிக்கு ரூ. 10 ஆயிரம் எனவும், 1,201 சதுர அடி முதல் 2,400 சதுர அடி வரை ரூ.12,500 எனவும் , 2,400 சதுர அடிக்கு மேல் உள்ள வீடுகளுக்கு ரூ.15 ஆயிரம் எனவும் உயர்த்த நகராட்சி நிர்வாகம் முடிவு செய்துள்ளது.
இதுபோல தொழிற்சாலைகளுக்கு மாதம் ரூ.300 என கட்டணம் உள்ளதை இனி ரூ.630 ஆக உயர்த்த முடிவு செய்யப்பட்டுள்ளது. இதன்மூலம் குடிநீர் கட்டணம் 100 சதம் உயர்த்தப்படும். மேலும் சதுர அடி அடிப்படையில் குடிநீர் கட்டணம் மற்றும் வைப்புத்தொகையை தீர்மானித்தால் அது முறைகேடுக்கு வழிவகுக்கும். எனவே நகராட்சி நிர்வாகம் பொதுமக்களை இந்த கட்டண உயர்வு பாதிக்காமல் இருக்க கட்டணத்தை சீரமைக்க வேண்டும் என அவர் கூறியுள்ளார்.

]]>
https://www.dinamani.com/all-editions/edition-madurai/virudhunagar/2019/jan/12/சிவகாசியில்-குடிநீர்-கட்டணத்தை-சீரமைக்க-கோரிக்கை-3075188.html
3075187 மதுரை விருதுநகர் சிவகாசியில் மினி மாரத்தான் போட்டி DIN DIN Saturday, January 12, 2019 12:54 AM +0530 சிவகாசி அய்யநாடார் ஜானகி அம்மாள் கல்லூரி உடற்கல்வித்துறை சார்பில் வியாழக்கிழமை கல்லூரி மாணவ, மாணவிகளுக்கிடையிலான மினி மாரத்தான் போட்டி நடைபெற்றது. 
துய்மை இந்தியா, பசுமை பாரதம் என்பதை வலியுறுத்தி நடைபெற்ற இப்போட்டியில் கல்லூரி மாணவர்கள் 1,296 பேரும், மாணவிகள் 986 பேரும் கலந்து கொண்டனர். மாணவர்களுக்கு 12.5 கீலோமீட்டர் தூரமும், மாணவிகளுக்கு 4 கிலோ மீட்டர் தூரமும் நிர்ணயம் செய்யப்பட்டிருந்தது.
போட்டியை கல்லூரி வளாகத்தில் முதல்வர் செ.அசோக் தொடங்கி வைத்தார். கல்லூரி வளாகத்தில் தொடங்கி ரிசர்வ் லைன், சாட்சியாபுரம், தலைமை அஞ்சல் நிலையம், செங்கமலநாச்சியாபுரம், கங்காகுளம் வழியே மீண்டும் கல்லூரியை அடைந்தனர். இப்போட்டியில் மாணவர் பிரிவில் எஸ்.குணாளன் முதலிடமும், ஜி.முருகானந்தம் இரண்டாமிடமும், டி.வினித் மூன்றாமிடமும் பெற்றனர். மாணவிகள் பிரிவில் வி.கல்பனா முதலிடமும், டி.மகேஸ்வரி இரண்டாமிடமும், என்.மகேஸ்வரி மூன்றாமிடமும் பெற்றனர். இவர்களுக்கு கல்லூரி விளையாட்டு விழாவில் பரிசளிக்கப்படும் என பேராசிரியர்கள் தெரிவித்தனர். இதற்கான ஏற்பாட்டினை  உடற்கல்வித்துறை இயக்குநர் பால்ஜீவசிங், துறைத்தலைவர் ஜான்சன் மற்றும் பேராசிரியர்கள் செய்திருந்தனர்.
 

]]>
https://www.dinamani.com/all-editions/edition-madurai/virudhunagar/2019/jan/12/சிவகாசியில்-மினி-மாரத்தான்-போட்டி-3075187.html
3075185 மதுரை விருதுநகர் சிவகாசி கல்லூரியில் தனித்திறன் போட்டிகள் DIN DIN Saturday, January 12, 2019 12:53 AM +0530 சிவகாசி பி.எஸ்.ஆர்.பொறியியல் கல்லூரி மின்னணுவியல்துறை தகவல் தொழில் நுட்பத்துறை சார்பில் வெள்ளிக்கிழமை கல்லூரி மாணவர்களுக்கிடையிலான தனித்திறன் போட்டிகள் நடைபெற்றன.
இதனை தாளாளர் ஆர்.சோலைச்சாமி தொடங்கி வைத்தார். துறை சார்ந்த தொழில் நுட்பபோட்டிகள், விளம்பர மாடல் தயாரித்தல் உள்ளிட்ட போட்டிகள் நடைபெற்றன. 
பரிசளிப்பு விழாவுக்கு கல்லூரி இயக்குநர் விக்னேஷ்வரி தலைமை வகித்து போட்டியில் வெற்றி பெற்ற மாணவர்களுக்கு பரிசு வழங்கினார். முன்னதாக முதல்வர் கே.கணேசன் வரவேற்றார். பேராசிரியர் வளர்மதி நன்றி கூறினார்.
இதற்கான ஏற்பாட்டினை ஒருங்கிணைப்பாளர் பாலசுப்பிரமணியம் செய்திருந்தார்.

]]>
https://www.dinamani.com/all-editions/edition-madurai/virudhunagar/2019/jan/12/சிவகாசி-கல்லூரியில்-தனித்திறன்-போட்டிகள்-3075185.html
3075182 மதுரை விருதுநகர் சிவகாசியில் வழிப்பறியில் ஈடுபட்டவர் கைது DIN DIN Saturday, January 12, 2019 12:53 AM +0530 சிவகாசியில் வியாழக்கிழமை வழிப்பறியில் ஈடுபட்ட ஒருவரை போலீஸார் கைது செய்தனர்.
சிவகாசி அருகே ரெங்கபாளையத்தைச் சேர்ந்தவர் கர்ணன் (20). இவர் இங்குள்ள தனியார் மதுக்கூடத்தில் வேலை செய்து வருகிறார். இந்நிலையில் இவர் சிவகாசி- திருத்தங்கல் சாலையில் நடந்து சென்று கொண்டிருந்த போது, ஒருவர் அவரை வழிமறித்து கத்தியை காட்டிமிரட்டி, அவர் பையில் வைத்திருந்த ரூ.300-ஐ பறித்துக் கொண்டு தப்பி ஓட முயன்றார். அப்போது, கர்ணன், அக்கம்பக்கம் உள்ளவர்களின் உதவியோடு அவரைப் பிடித்து போலீஸில் ஒப்படைத்தார். விசாரணையில் அவர் சுப்பிரமணியபுரம் காலனி கருப்பசாமி (33) எனத் தெரியவந்தது.
இதுகுறித்த புகாரின் பேரில் சிவகாசி கிழக்குப் போலீஸார் வழக்குப் பதிந்து கருப்பசாமியை கைது செய்தனர்.
 

]]>
https://www.dinamani.com/all-editions/edition-madurai/virudhunagar/2019/jan/12/சிவகாசியில்-வழிப்பறியில்-ஈடுபட்டவர்-கைது-3075182.html
3075183 மதுரை விருதுநகர் சாலையில் விவசாய தானியங்களை உலர வைப்பதால் வாகன ஓட்டிகள் அவதி DIN DIN Saturday, January 12, 2019 12:52 AM +0530 விருதுநகர்- அழகாபுரி செல்லும் வழியில் உள்ள குந்தலப்பட்டி சாலையில் தானியங்கள் உலர வைக்கப்படுவதால் இவ்வழியே செல்லும் வாகன ஓட்டிகள் விபத்தில் சிக்கும் அபாயம் ஏற்பட்டுள்ளது. 
விருதுநகர், அருப்புக்கோட்டை, காரியாபட்டி ஒன்றிய பகுதிகளில் சுமார் இரண்டாயிரத்துக்கும் மேற்பட்ட ஏக்கரில் சிவப்புச் சோளம் மற்றும் கம்பு, கேழ்வரகு போன்ற தானிய பயிர்கள் பயிரிடப்பட்டுள்ளன. இவை, தற்போது அறுவடை செய்யப்பட்டு வருகின்றன. 
இந்த தானிய கதிர்களை பிரித்தெடுப்பதற்கு போதிய இயந்திரங்கள் இல்லை. இதனால், பல இடங்களில் களம் இருந்தும், அதை விவசாயிகள் பயன்படுத்துவதில்லை. 
இதற்கு காரணம், கதிர்களில் உள்ள தானியங்களை சாலைகளில் விரித்து வைப்பதன் மூலம், அதன் மீது ஏறி செல்லும் வாகனங்களால் சோளம், கேழ்வரகு போன்ற தானியங்கள் தானாக பிரிந்து விடுவதோடு நன்றாக 
உலர்ந்து விடுகின்றன என விவசாயிகள் தெரிவிக்கின்றனர். 
சாலைகள் முழுவதும் இந்த கதிர்களை விரித்து வைப்பதால் இரு சக்கர வாகன ஓட்டிகள் கீழே விழுந்து விபத்தில் சிக்கிக் கொள்கின்றனர். மேலும், சாலை முழுவதும் தானிய கதிர்களின் தூசி பறப்பதால், வாகன ஓட்டிகள் அப்பகுதியை கடக்க முடியாமல் அவதியடைந்து வருகின்றனர். 
எனவே, இது போன்ற தானிய கதிர்களை பிரித்தெடுக்க மானிய விலையில் விவசாயிகளுக்கு இயந்திரம் வழங்க வேளாண் துறை நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-madurai/virudhunagar/2019/jan/12/சாலையில்-விவசாய-தானியங்களை-உலர-வைப்பதால்-வாகன-ஓட்டிகள்-அவதி-3075183.html
3075181 மதுரை விருதுநகர் சபரிமலையில் நீதிமன்ற தீர்ப்பை நிறைவேற்ற வலியுறுத்தல் DIN DIN Saturday, January 12, 2019 12:52 AM +0530 சபரிமலை கோயில் பிரச்னையில் உச்சநீதிமன்ற தீர்ப்பை நிறைவேற்ற வலியுறுத்தி விருதுநகரில் தமிழ்நாடு தீண்டாமை ஒழிப்பு முன்னணி, ஆதித்தமிழர் கட்சி, தமிழ்ப்புலிகள் கட்சி சார்பில் உரிமைச் சங்கம கூட்டம் வெள்ளிக்கிழமை நடைபெற்றது.   
சபரிமலையில் அனைத்து பெண்களும் சுவாமி தரிசனம் செய்யலாம் என்ற உச்சநீதிமன்ற தீர்ப்பை கேரள அரசு அமல்படுத்தி வருகிறது. இதற்கு எதிர்ப்பு தெரிவிக்கும் ஆர்.எஸ்.எஸ், பாஜகவினரைக் கண்டித்தும், கேரள அரசுக்கு ஆதரவு தெரிவித்தும், இக்கூட்டம் நடந்தது. நெல்கடை மைதானத்தில் நடைபெற்ற இந்த கூட்டத்துக்கு மாவட்டத் தலைவர் எம்.சி.பாண்டியன் தலைமை வகித்தார். இதில் தீண்டாமை ஒழிப்பு முன்னணியின் சாமுவேல்ராஜ் சிறப்புரை ஆற்றினார். மேலும், இதில் ஆதித்தமிழர் கட்சியின் மாநில தலைவர் கு.ஜக்கையன், தமிழ்ப்புலிகள் கட்சியின் மாநில துணைப் பொதுச் செயலர் விடியல் ச.வீரப்பெருமாள், கொள்கை பரப்புச் செயலர் கலைவேந்தன், தமுஎகச மாவட்டத் தலைவர் தேனிவசந்தன், தீண்டாமை ஒழிப்பு முன்னணி மாநில துணைச் செயலர் சி.முருகேசன், எம்.கந்தசாமி, அனைத்திந்திய ஜனநாயக மாதர் சங்க மாவட்டத் தலைவர் என்.உமாமகேஸ்வரி ஆகியோர் கலந்து கொண்டு பேசினர்.
 

]]>
https://www.dinamani.com/all-editions/edition-madurai/virudhunagar/2019/jan/12/சபரிமலையில்-நீதிமன்ற-தீர்ப்பை-நிறைவேற்ற-வலியுறுத்தல்-3075181.html
3074790 மதுரை விருதுநகர் நிர்மலாதேவி வழக்கு விசாரணை: ஜன.30 க்கு ஒத்திவைப்பு DIN DIN Friday, January 11, 2019 07:58 AM +0530 அருப்புக்கோட்டையில் தனியார் கல்லூரி மாணவிகளிடம் பாலியல் பேரத்தில் ஈடுபட்டதாக கைது செய்யப்பட்டு சிறையில் உள்ள உதவி பேராசிரியை நிர்மலாதேவி உள்ளிட்ட 3 பேர் மீதான வழக்கை ஜனவரி 30 ஆம் தேதிக்கு  ஸ்ரீவில்லிபுத்தூர் நீதிமன்றம் ஒத்திவைத்தது.
அருப்புக்கோட்டையில் உள்ள தனியார் கல்லூரி மாணவிகளிடம் பாலியல் பேரத்தில் ஈடுபட்டதாக அக்கல்லூரியின் உதவி பேராசிரியை நிர்மலா தேவி, மதுரை காமராஜர் பல்கலைக் கழக முன்னாள் ஆராய்ச்சி மாணவர் கருப்பசாமி மற்றும் பல்கலைக் கழக உதவிப் பேராசிரியர் முருகன் ஆகியோர் கைது செய்யப்பட்டு மதுரை சிறையில் அடைக்கப்பட்டுள்ளனர்.
இந்த வழக்கில் சிபிசிஐடி தரப்பில் தாக்கல் செய்யப்பட்ட குற்றப் பத்திரிக்கையில் இவர்கள் மீதான குற்றச்சாட்டுகள் தெரிவிக்கப்பட்டிருந்தது. இதற்கு இவர்கள் 3 பேரும் "தாங்கள் குற்றமற்றவர்கள் என்றும், தங்களை இந்த வழக்கில் இருந்து விடுவிக்க வேண்டும்' என்று கோரி மனு தாக்கல் செய்திருந்தனர். ஸ்ரீவில்லிபுத்தூரில் உள்ள விருதுநகர் மாவட்ட மகளிர் விரைவு நீதிமன்றத்தில் இவர்களது மனுக்களை கடந்த டிசம்பர் 4 ஆம் தேதி விசாரித்த அமர்வு நீதிபதி லியாகத் அலி  அவற்றை தள்ளுபடி செய்து உத்தரவிட்டார். 
மேலும் இந்த வழக்கில் டிசம்பர் 11 ஆம் தேதி முதல் குற்றச்சாட்டுகள் பதிவு செய்யப்படும் என்றும் அப்போது உத்தரவிட்டிருந்தார். 
இந்நிலையில் இந்த வழக்கை சிபிஐ விசாரிக்கக் கோரி சென்னை உயர்நீதிமன்ற மதுரைக் கிளையில் மாதர் சங்கம் சார்பில் மனு தாக்கல் செய்யப்பட்டது. இந்த மனு விசாரணைக்காக சிபிசிஐடி தரப்பில் ஸ்ரீவில்லிபுத்தூர் நீதிமன்றத்தில் தாக்கல் செய்யப்பட்ட குற்றச்சாட்டுகள் உள்ளிட்ட ஆவணங்கள் உயர்நீதிமன்ற கிளையில் ஒப்படைக்கப்பட்டன. எனவே வழக்கு விசாரணையை டிசம்பர்19 ஆம் தேதிக்கு நீதிபதி ஏ.லியாகத் அலி ஒத்தி வைத்திருந்தார். மீண்டும் அன்றைய தினம் விசாரணையின் போதும், ஆவணங்கள் வரப்பெறாததால், வழக்கு விசாரணையை ஜனவரி 10 ஆம் தேதிக்கு நீதிபதி ஒத்திவைத்தார். 
இதன்பேரில் வழக்கின் மீதான விசாரணை அமர்வு நீதிபதி ஏ.லியாகத் அலி முன்னிலையில் வியாழக்கிழமை மீண்டும் விசாரணைக்கு வந்தது. அப்போது நிர்மலா தேவி உள்ளிட்ட 3 பேரையும் போலீஸார் நீதிமன்றத்தில் ஆஜர்படுத்தினர். இந்நிலையில் வியாழக்கிழமை விசாரணையின் போதும் வழக்கின் ஆவணங்கள் உயர்நீதி மன்ற கிளையில் இருந்து வராததால், வழக்கு விசாரணையை ஜனவரி 30 ஆம் தேதிக்கு நீதிபதி ஒத்திவைத்து உத்தரவிட்டார்.


 

]]>
https://www.dinamani.com/all-editions/edition-madurai/virudhunagar/2019/jan/11/நிர்மலாதேவி-வழக்கு-விசாரணை-ஜன30-க்கு-ஒத்திவைப்பு-3074790.html
3074635 மதுரை விருதுநகர் கிருஷ்ணன்கோவிலில் திருப்பாவை திருவெம்பாவை விழா தொடக்கம் DIN DIN Friday, January 11, 2019 06:24 AM +0530 விருதுநகர் மாவட்டம், கிருஷ்ணன்கோவில், வி.பி.எம்.எம். கல்வி அறக்கட்டளை மற்றும் வி.பி.எம்.எம். மகளிர் கல்வி நிறுவனங்கள் சார்பில் திருப்பாவை- திருவெம்பாவை விழா 21 ஆவது ஆண்டாக வியாழக்கிழமை தொடங்கியது.
இதனையொட்டி, ஸ்ரீவில்லிபுத்தூர் ஆண்டாள் கோயிலில் சிறப்பு பூஜைகள் நடைபெற்றன. மாணவிகள் பேரணியாக கோயில் வளாகத்தைச் சுற்றி வந்தனர். பின்னர் கல்லூரி வளாகத்தில் கல்வி நிறுவனத் தலைவர் வி.பி.எம்.சங்கர் தலைமையில் விழா தொடங்கியது. கோவை, கெளமார மடாலயத்தின் குமரகுரு சுவாமிகள், ரத்னகிரி பாலமுருகனடிமை சுவாமிகள் ஆகியோர் முன்னிலை வகித்தனர். 
நிகழ்ச்சியில் ஐ.ஏ.எஸ். அதிகாரி எம்.ராஜேந்திரன், பேராசிரியர் பா.முரளி, அண்ணாமலை பல்கலைக் கழக மருத்துவக் கல்லூரி முன்னாள் டீன் எஸ்.வேம்பார் ஆகியோர் வாழ்த்திப் பேசினர். தாளாளர் பழனிச்செல்வி, இணைத் தாளாளர் வி.பி.எம்.எஸ்.துர்காமீனலோசினி, சிந்துஜா தங்கபிரபு ஆகியோர் விழாவைத் தொடக்கி வைத்தனர்.
மதுரை ராணி மெய்யம்மை ஆச்சி பெண்கள் தமிழிசைக் கல்லூரி முதல்வர் மற்றும் நெறியாளர் எஸ்.மல்லிகா குழுவினரின் வீணைக் கச்சேரி, எழுமலை இ.என்.வி.பரமேஸ்வரன் குழுவினரின் நாதஸ்வரக் கச்சேரி ஆகியவை நடைபெற்றன. மேலும் இரவு மதுரை ரிதம் குழுவினரின் இன்னிசை நிகழ்ச்சி நடைபெற்றது. விழாவில் கல்வி நிறுவனத் துணைத் தலைவர் வி.பி.எம்.எஸ்.தங்கபிரபு, தொழிலதிபர் டபிள்யூ.எம்.கமல்ராகவன் மற்றும் ஏராளமான கல்லூரி மாணவிகள், பெற்றோர், பொதுமக்கள் கலந்து கொண்டனர். கல்வி இயக்குநர் டாக்டர் ரா.சபரிமாலா நன்றி கூறினார். தொடர்ந்து 3 நாள்கள் நடைபெறும் இவ்விழா சனிக்கிழமை நிறைவடைகிறது.

]]>
https://www.dinamani.com/all-editions/edition-madurai/virudhunagar/2019/jan/11/கிருஷ்ணன்கோவிலில்-திருப்பாவை-திருவெம்பாவை-விழா-தொடக்கம்-3074635.html
3074634 மதுரை விருதுநகர் விருதுநகர் மாவட்டத்தில் 39 அரசு பள்ளிகளில் மழலையர் வகுப்புகள் தொடங்க நடவடிக்கை DIN DIN Friday, January 11, 2019 06:24 AM +0530 விருதுநகர் மாவட்டத்தில் பொங்கல் பண்டிகைக்கு பின், 39 அரசுப் பள்ளிகளில் மழலையர் (எல்கேஜி, யுகேஜி) வகுப்புகள் தொடங்க நடவடிக்கை மேற்கொண்டு வருவதாக கல்வித் துறை அலுவலர்கள் தெரிவித்தனர். 
 தமிழகத்தில், அங்கன்வாடியில் படிக்கும் குழந்தைகளுக்கு மழலையர் வகுப்புகள் தொடங்கப்படும் என பள்ளி கல்வித் துறை அமைச்சர் செங்கோட்டையன் அறிவித்தார். அதன் அடிப்படையில் விருதுநகர் மாவட்டத்தில் அங்கன் வாடி மையங்களில் படிக்கும் குழந்தைகளுக்கு 39 அரசு நடுநிலைப் பள்ளி, ஊராட்சி ஒன்றிய நடுநிலைப் பள்ளிகளில் மழலையர் (எல்கேஜி, யுகேஜி) வருப்புகள் நடத்தத் தேர்வு செய்துள்ளனர். 
அதன் படிஅருப்புக்கோட்டை ஒன்றியத்தில் ஆமணக்கு நத்தம் ஊராட்சி ஒன்றிய நடுநிலைப் பள்ளி, அருப்புக்கோட்டை மேலரத வீதி நகராட்சி நடுநிலைப் பள்ளி, அருப்புக்கோட் டை மதுரை சாலை நகராட்சி நடுநிலைப் பள்ளி ஆகியன தேர்வு செய்யப்பட்டுள்ளன. 
நரிக்குடி ஒன்றியத்தில் சேதுராயனேந்தல் ஊராட்சி ஒன்றிய நடுநிலைப் பள்ளி, தச்சனேந்தல் ஊராட்சி ஒன்றிய நடுநிலைப் பள்ளி மற்றும் மேலப்பருத்தியூர், மினாக்கு ளம், செல்லையாபுரம், கல்லங்குடி, உடையசேர்வைக்காரன்பட்டி, வீர.ஆலங்குளம் மதலான ஊர்களை சேர்ந்த ஊராட்சி ஒன்றிய நடுநிலைப் பள்ளிகள் தேர்வு செய்யப்பட்டுள்ளன. அதேபோல், திருச்சுழி அருகே எர்ரம்பட்டி ஊராட்சி பள்ளி, ஸ்ரீவில்லிபுத்தூர் ஒன்றியத்தில் சாமிநாதபுரம், இனாம்கரிசல்குளம், நாகபாளையம், சொக்கலாம்பட்டி ஊராட்சி ஒன்றிய நடுநிலைப் பள்ளிகள், ஊரணிபட்டி நகர்மன்ற நடுநிலைப் பள்ளி, கிருஷ்ணன்கோவில் தெரு நகர்மன்ற நடுநிலைப் பள்ளி ஆகியவை தேர்வு பெற்றுள்ளன. 
மேலும், ராஜபாளையம் ஒன்றியத்தில் தெற்குவெங்காநல்லூர் மற்றும் ஆசிலாபுரம் ஊராட்சி ஒன்றிய நடுநிலைப் பள்ளிகளும், விருதுநகர் ஒன்றியத்தில் விருதுநகர் நகராட்சி முஸ்லீம் நடுநிலைப் பள்ளி, மருளூத்து ஊராட்சி ஒன்றிய நடுநிலைப் பள்ளிகளை தேர்வு செய்துள்ளனர். காரியாபட்டி ஒன்றியத்தில் அரசகுளம், சோலகவுண்டன்பட்டி, மேலத்துக்கன்குளம் ஊராட்சி ஒன்றிய நடுநிலைப் பள்ளிகளும், சாத்தூர் ஒன்றியத்தில் நம்பிராஜபுரம் ஊராட்சி ஒன்றிய நடுநிலைப் பள்ளிகள் தேர்வு செய்யப்பட்டுள்ளன. அதேபோல், சிவகாசி ஒன்றியத்தில் ஊராம்பட்டி, அய்யனார்புரம் காலனி, வடபட்டி, வெள்ளையாபுரம், செங்கமலநாச்சியார்புரம், மத்தியசேனை, சித்தமநாயக்கன்பட்டி, குமிலங்குளம், ரெங்கபாளையம் ஊராட்சி ஒன்றிய நடுநிலைப் பள்ளிகள் தேர்வாகி உள்ளன. 
வத்திராயிருப்பு ஒன்றியத்தில் நெடுங்குளம் ஊராட்சி ஒன்றிய நடுநிலைப் பள்ளியும், வெம்பக்கோட்டை ஒன்றியத்தில் துரைச்சாமிபுரம், கோட்டைபட்டி, மஞ்சளோ டைபட்டி முதலான ஊர்களில் உள்ள ஊராட்சி ஒன்றிய நடுநிலைப் பள்ளிகள் என மொத்தம் 39 பள்ளிகளில் மழலையர் (எல்கேஜி, யுகேஜி) வகுப்புகள் பொங்கல் பண்டிகை முடிந்து ஜனவரி 21 ஆம் தேதிக்கு பின்னர் நடத்த திட்டமிட்டுள்ளனர். இப் பள்ளிகளில் நடுநிலை ,ஆரம்பப் பள்ளிகளில் உள்ள உபரி ஆசிரியைகளை நியமிக்க நடவடிக்கை எடுக்கப்பட்டு வருகிறது. இக்குழந்தைகளுக்கு பாடம் நடத்தும் முறை குறித்த பயிற்சியும் சம்பந்தப்பட்ட ஆசிரியைகளுக்கு வழங்கப்பட உள்ளது என மாவட்ட கல்வித் துறை அலுவலர்கள் தரப்பில் தெரிவித்தனர்.

]]>
https://www.dinamani.com/all-editions/edition-madurai/virudhunagar/2019/jan/11/விருதுநகர்-மாவட்டத்தில்-39-அரசு-பள்ளிகளில்-மழலையர்-வகுப்புகள்-தொடங்க-நடவடிக்கை-3074634.html