Dinamani - கடலூர் - https://www.dinamani.com/all-editions/edition-villupuram/cuddalore/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3158170 விழுப்புரம் கடலூர் மிகக் குறைந்த வாக்குகள் வித்தியாசத்தில் திருமாவளவன் வெற்றி DIN DIN Saturday, May 25, 2019 07:37 AM +0530 தமிழகத்தில் நடைபெற்ற மக்களவைத் தேர்தலில் சிதம்பரம் (தனி) தொகுதியில் போட்டியிட்ட விடுதலைச் சிறுத்தைகள் கட்சித் தலைவர் தொல்.திருமாவளவன் மிகக் குறைந்த வாக்குகள் வித்தியாசத்தில் வெற்றி பெற்றது தெரியவந்துள்ளது. இவர் அதிமுக வேட்பாளர் பொ.சந்திரசேகரனை விட 3,219 வாக்குகள் கூடுதலாகப் பெற்றார்.
சிதம்பரம் (தனி) மக்களவைத் தொகுதியில் 14,79,108 வாக்காளர்கள் உள்ளனர். இதில், 11,49,538 வாக்குகள் பதிவாகின. ஆண் வாக்காளர்கள் 7,36,655 பேரும், பெண் வாக்காளர்கள் 7,42,394 பேரும், இதர வாக்காளர்கள் 59 பேரும் வாக்களித்தனர். இது 77.72 சதவீதமாகும். இதில் பெண் வாக்காளர்கள் 80.24 சதவீதம் பேர் வாக்களித்தனர்.
இந்தத் தொகுதியில், திமுக கூட்டணியில் விடுதலை சிறுத்தைகள் கட்சித் தலைவர் தொல்.திருமாவளவன், அதிமுக வேட்பாளர் பொ.சந்திரசேகரன், அம்மா மக்கள் முன்னேற்ற கழகம் வேட்பாளர் ஆ.இளவரசன், மக்கள் நீதி மய்யம் வேட்பாளர் தி.ரவி, நாம் தமிழர் கட்சி வேட்பாளர் எம்.சிவஜோதி உட்பட 13 பேர் போட்டியிட்டனர்.
தொகுதியில் பதிவான வாக்குகள் அரியலூர் மாவட்டம், உடையார்பாளையம் அடுத்த தத்தனூர் மீனாட்சி ராமசாமி கலை மற்றும் அறிவியல் கல்லூரியில் எண்ணப்பட்டன. 
23 சுற்றுகள் முடிந்த நிலையில், தொல்.திருமாவளவன் 3,219 வாக்குகள் வித்தியாசத்தில் வெற்றிப் பெற்றதாக மாவட்ட தேர்தல் நடத்தும் அலுவலரும், ஆட்சியருமான மு.விஜயலட்சுமி வெள்ளிக்கிழமை அதிகாலை 2.30 மணியளவில் அறிவித்தார்.
இதையடுத்து கட்சி நிர்வாகிகள், கூட்டணி கட்சி நிர்வாகிகள் வாக்கு எண்ணும் மையத்தின் வெளியே பட்டாசு வெடித்தும், இனிப்புகளை வழங்கியும் கொண்டாடினர்.

]]>
https://www.dinamani.com/all-editions/edition-villupuram/cuddalore/2019/may/25/மிகக்-குறைந்த-வாக்குகள்-வித்தியாசத்தில்-திருமாவளவன்-வெற்றி-3158170.html
3158169 விழுப்புரம் கடலூர் கடலூர் தொகுதியை 5-ஆவது முறையாகக் கைப்பற்றிய திமுக DIN DIN Saturday, May 25, 2019 07:35 AM +0530 கடலூர் மக்களவைத் தொகுதியை 5-ஆவது முறையாக திமுக கைப்பற்றியது. 
இந்தத் தொகுதிக்கான தேர்தலில் 21 வேட்பாளர்கள் களத்தில் இருந்தனர். திமுக சார்பில் 
டி.ஆர்.வி.எஸ்.ரமேஷ், அதிமுக கூட்டணியில் பாமக சார்பில் இரா.கோவிந்தசாமி, அம்மா மக்கள் முன்னேற்றக் கழகம் சார்பில் காசி.தங்கவேல், நாம் தமிழர் கட்சி சார்பில் ர.சித்ரா, மக்கள் நீதி மய்யம் சார்பில் வி.அண்ணாமலை உள்ளிட்டோர் களத்தில் இருந்தனர்.
வாக்குப் பதிவு கடந்த ஏப்.18 ஆம் தேதி நடைபெற்றது.  இதில் வாக்களிக்க தகுதி பெற்றிருந்த 13,63,650 பேரில் 10,43,380 பேர் தங்களது வாக்கை செலுத்தினர். 1,499 வாக்குச் சாவடிகளில் இந்த தேர்தல் நடைபெற்றது. எனினும் பண்ருட்டி சட்டப் பேரவைத் தொகுதிக்கு உள்பட்ட திருவதிகையில் உள்ள வாக்குச் சாவடியில் (எண்: 210) அமமுக வேட்பாளரின் பரிசுப் பெட்டி சின்னத்துக்கான பொத்தான் சேதம் அடைந்தது. இதனால் அந்த வாக்குச் சாவடியில் கடந்த 19-ஆம் தேதி மறுவாக்குப் பதிவு நடைபெற்றது. 
வாக்குப் பதிவுக்கு பயன்படுத்தப்பட்ட மின்னணு இயந்திரங்கள் அனைத்தும் கடலூர் தேவனாம்பட்டினம் அரசு கல்லூரியில் 3 அடுக்கு பாதுகாப்புடன் வைக்கப்பட்டிருந்தன.  இந்த நிலையில், வாக்கு எண்ணிக்கை வியாழக்கிழமை காலை 8 மணிக்கு தொடங்கியது. முதலில் தபால் வாக்குகள் பிரிக்கப்பட்டு அவைகளின் செல்லத்தக்க தன்மை சோதிக்கப்பட்டது. 
4,639 தபால் வாக்குகள் எண்ணிக்கைக்கு ஏற்கப்பட்டன. அதனைத் தொடர்ந்து காலை 8.45 மணியளவில் போலீஸ் பாதுகாப்புடன், பாதுகாப்பு அறையில் இருந்து மின்னணு வாக்குப் பதிவு இயந்திரங்கள் எடுத்து வரப்பட்டு வாக்கு எண்ணிக்கை தொடங்கியது. கடலூர், பண்ருட்டி, குறிஞ்சிப்பாடி, நெய்வேலி, விருத்தாசலம், திட்டக்குடி ஆகிய 6 சட்டப் பேரவைத் தொகுதிகள் வாரியாக தொகுதிக்கு தலா 14 மேஜைகள் வீதம் அமைக்கப்பட்டு வாக்குகள் எண்ணப்பட்டன. 
முதல் சுற்று தொடங்கியது முதலே திமுக வேட்பாளர் ரமேஷ் முன்னிலை வகித்தார். வாக்கு எண்ணிக்கை 23 சுற்றுகள் வரை நீடித்த நிலையில் திமுக வேட்பாளர் ரமேஷ் மொத்தம் 5,22,160 வாக்குகளைப் பெற்றார். இவருக்கு அடுத்தபடியாக பாமக வேட்பாளர் இரா.கோவிந்தசாமி 3,78,177 வாக்குகளைப் பெற்றார். இதையடுத்து, டி.ஆர்.வி.எஸ்.ரமேஷ் 1,43,983 வாக்குகள் வித்தியாசத்தில் வெற்றி பெற்றதாக அறிவிக்கப்பட்டது. 
வாக்குகள் எண்ணிக்கை காலை 8 மணிக்கு தொடங்கிய நிலையிலும் முடிவுகள் அறிவித்திட மறுநாள் அதிகாலை 2 மணியானது. அதன்பிறகே வேட்பாளருக்கு வெற்றி பெற்றதற்கான சான்றிதழ் வழங்கப்பட்டது. 
அப்போது, திமுக மாவட்ட செயலர்களும் சட்டப் பேரவை உறுப்பினர்களுமான எம்.ஆர்.கே.பன்னீர்செல்வம், சி.வெ.கணேசன், சட்டப் பேரவை உறுப்பினர் சபா.ராஜேந்திரன், திமுக தேர்தல் பணிக்குழு செயலர் இள.புகழேந்தி ஆகியோருடன் வெற்றி பெற்றதற்கான சான்றிதழை ரமேஷ் பெற்றுக் கொண்டார். மாவட்ட ஆட்சியரும், தேர்தல் நடத்தும் அலுவலருமான வெ.அன்புச்செல்வன், தேர்தல் பார்வையாளர் (பொது) கணேஷ் பி.பாட்டீல் ஆகியோர் வெற்றி பெற்றதற்கான சான்றிதழை வழங்கினர்.  
இதுவரை நடைபெற்ற 17 மக்களவைத் தேர்தல்களில் கடலூர் தொகுதியை 5-ஆவது முறையாக தற்போது திமுக கைப்பற்றியுள்ளது 
குறிப்பிடத்தக்கது.

வேட்பாளர்கள் பெற்ற வாக்குகள்

மொத்த வாக்குகள்    13,63,650
பதிவான வாக்குகள்    10,43,380
டி.ஆர்.வி.எஸ்.ரமேஷ் (திமுக)    5,22,160
இரா.கோவிந்தசாமி (பாமக)    3,78,177
காசி.தங்கவேல் (அமமுக)    44,982
ர.சித்ரா (நாதக)    34,692
வி.அண்ணாமலை 
(மக்கள் நீதி மய்யம்)    23,713
குப்புசாமி 
(அகில ஊழல் தடுப்பு இயக்கம்)    7,540
சி.ஜெயபிரகாஷ் (பகுஜன் சமாஜ்)    2,827
செல்லதுரை 
(தமிழ்நாடு இளைஞர் கட்சி)    2,527
எம்.ரகுநாதன் 
(இளந்தமிழர் முன்னணி)    748
எஸ்.ராஜமோகன் (சுயே)    720
ஏ.மணிகண்டன் 
(பூர்வாஞ்சல் ஜனதா கட்சி)    638
எம்.பாவாடைராஜா 
(அகில இந்திய மக்கள் கழகம்)    459
கே.ராமன் (சுயே)    1,943 
டி.சங்கர் (சுயே)    2,860
எம்.சத்தியசீலன் (சுயே)    1,671
துரை.செந்தாமரைக்கண்ணன் (சுயே)    1,277
எஸ்.தனசேகரன் (சுயே)    3,296
ஏ.மாரிமுத்து (சுயே)    635
மூவேந்தன் (சுயே)    1,518
ஏ.ஜெயமணி (சுயே)    524
கே.ஹேமந்த்குமார் (சுயே)    1,350
நோட்டா    8,725
மொத்த வேட்பாளர்கள்    21
டெபாசிட் இழந்தவர்கள்    19

]]>
https://www.dinamani.com/all-editions/edition-villupuram/cuddalore/2019/may/25/கடலூர்-தொகுதியை-5-ஆவது-முறையாகக்-கைப்பற்றிய-திமுக-3158169.html
3158168 விழுப்புரம் கடலூர் அமைதியான வாக்கு எண்ணிக்கை DIN DIN Saturday, May 25, 2019 07:35 AM +0530 சிதம்பரம் மக்களவைத் தொகுதிக்கான வாக்கு எண்ணிக்கை அமைதியான முறையில் வெள்ளிக்கிழமை அதிகாலை வரை நடைபெற்றது. 
சிதம்பரம், புவனகிரி, காட்டுமன்னார்கோவில், ஜயங்கொண்டம், அரியலூர், குன்னம் ஆகிய 6 சட்டப் பேரவைத் தொகுதிகளை உள்ளடக்கிய சிதம்பரம் மக்களவை (தனி) தொகுதியில் பதிவான வாக்குகள் அரியலூரை அடுத்த தத்தனூர் மீனாட்சி ராமசாமி கலை மற்றும் அறிவியல் கல்லூரியில் வியாழக்கிழமை காலை 8 மணிக்கு எண்ணப்பட்டன. இதற்காக அந்தப் பகுதியில் பலத்த போலீஸ் பாதுகாப்பு போடப்பட்டு இருந்தது. திருச்சி-சிதம்பரம் சாலையில் வியாழக்கிழமை காலை முதல் முற்றிலும் போக்குவரத்து நிறுத்தப்பட்டது.
வாக்கு எண்ணிக்கை சரியாக காலை 8 மணிக்கு தொடங்கியது. முதலில் அஞ்சல் வாக்குகள் எண்ணப்பட்டன. அதனைத் தொடர்ந்து இயந்திரத்தில் பதிவான வாக்குகள் எண்ணும் பணி தொடங்கியது. ஒவ்வொரு சுற்றிலும் வாக்கு எண்ணிக்கை நிலவரம் அறிவிக்கப்பட்டது. ஒவ்வொரு மின்னணு வாக்குப் பதிவு இயந்திரத்திலிருந்தும் வாக்குகள் எண்ணப்படும்போது, அவை விடியோ கேமராவில் பதிவு செய்யப்பட்டன. முகவர்கள் பார்க்கும் விதமாக டி.வி.யிலும் காட்டப்பட்டது. இதனால் வாக்கு எண்ணும் அலுவலர்களுக்கும், முகவர்களுக்கும் இடையில் எந்த பிரச்னையும் எழாமல் சுமுகமாக வாக்கு எண்ணிக்கை நடைபெற்றது. 
வாக்கு எண்ணிக்கை 23 சுற்றுக்களாக எண்ணப்பட்டு, வெள்ளிக்கிழமை அதிகாலை 2.30 மணிக்கு விடுதலைச் சிறுத்தைகள் கட்சித் தலைவர் தொல்.திருமாவளவன் வெற்றி பெற்றதாக அறிவிக்கப்பட்டது. தோற்ற வேட்பாளர்கள் தங்களது தோல்வியை ஒப்புக்கொண்டு சென்றனர். யாரும் மறு எண்ணிக்கைக்கு வலியுறுத்தவில்லை. இதனால் வாக்கு எண்ணிக்கை அமைதியாகவே நடந்து முடிந்தது.
 

]]>
https://www.dinamani.com/all-editions/edition-villupuram/cuddalore/2019/may/25/அமைதியான-வாக்கு-எண்ணிக்கை-3158168.html
3158167 விழுப்புரம் கடலூர் சிவனடியார்கள் பேரணி DIN DIN Saturday, May 25, 2019 07:35 AM +0530 உழவாரப் பணியின் மேன்மை குறித்தும், தூய்மையை வலியுறுத்தியும் சிதம்பரத்தில் சிவனடியார்கள் பங்கேற்ற விழிப்புணர்வுப் பேரணி வெள்ளிக்கிழமை நடைபெற்றது.
சென்னை அம்பத்தூர் கோயில் சுத்தம் செய்யும் குழு மற்றும் உழவாரப் பணி குழு சார்பில் சிதம்பரம் நடராஜர் கோயில் ஆயிரங்கால் மண்டபத்தில் உழவாரப் பணி நடைபெற்றது. இந்தப் பணியில் சுமார் 300 சிவத் தொண்டர்கள் ஈடுபட்டனர். பின்னர், சிதம்பரம் நடராஜர் கோயிலில் இருந்து தொடங்கி திருமுறைகளை ஏந்தி நான்கு மாடவீதிகளில் பேரணி நடைபெற்றது. பேரணியில் சுமார் 300-க்கும் மேற்பட்ட சிவனடியார்கள், ஆன்மீக மெய்யன்பர்கள் பங்கேற்றனர்.
 

]]>
https://www.dinamani.com/all-editions/edition-villupuram/cuddalore/2019/may/25/சிவனடியார்கள்-பேரணி-3158167.html
3158166 விழுப்புரம் கடலூர் அரசியல் கட்சி வேட்பாளர்களை முந்திய நோட்டா ! DIN DIN Saturday, May 25, 2019 07:34 AM +0530 கடலூர் மக்களவைத் தொகுதியில் போட்டியிட்ட அரசியல் கட்சி வேட்பாளர்கள் சிலரை விட நோட்டா அதிக வாக்குகளைப் பெற்றது.
கடலூர் மக்களவை தொகுதிக்கான தேர்தல் முடிவுகளில் சில ஆச்சரியங்கள் அமைந்திருந்தன. கடலூர் தேவனாம்பட்டினம் அரசுக் கல்லூரியில் வாக்கு எண்ணிக்கை வியாழக்கிழமை  நடைபெற்றது. வாக்கு எண்ணிக்கை முடிவுகள் வெள்ளிக்கிழமை அதிகாலையில் அறிவிக்கப்பட்டன.  தேர்தலில் திமுக, பாமக, நாம் தமிழர், அமமுக, மக்கள் நீதிமய்யம் உள்பட மேலும் பல பதிவு பெற்ற அரசியல் கட்சியினரும், சுயேச்சைகளுமாக 21 பேர் களத்தில் இருந்தனர். 
தேர்தலில் போட்டியிடும் வேட்பாளர்களில் யாரையும் பிடிக்கவில்லையெனில் வாக்காளர்கள் தங்களது விருப்பத்தை தெரிவிப்பதற்காக "இவர்களில் யாருமில்லை' (நோட்டா) என்ற பெயரும் வாக்குப் பதிவு இயந்திரத்தில் கடைசியாக இடம் பெற்றது. அதன்படி, நடைபெற்ற தேர்தலில் 22 பெயர்கள் வேட்பாளர் பட்டியலில் இடம் பெற்றிருந்தன. முடிவுகள் அறிவிக்கப்பட்ட நிலையில் தபால் வாக்குகளில் பதிவான 65 வாக்குகளுடன் 8,725 வாக்குகளை நோட்டா பெற்றது. 
அதே நேரத்தில் இந்த எண்ணிக்கையை விட குறைவாக பகுஜன் சமாஜ் கட்சியின் வேட்பாளர் சி.ஜெயபிரகாஷ் (2,827), அகில ஊழல் தடுப்பு இயக்கத்தின் வேட்பாளர் குப்புசாமி (7,540), தமிழ்நாடு இளைஞர் கட்சியின் வேட்பாளர் செல்லதுரை (2,527), அகில இந்திய மக்கள் கழக வேட்பாளர் எம்.பாவாடைராஜா (459), பூர்வாஞ்சல் ஜனதா கட்சியின் வேட்பாளர் ஏ.மணிகண்டன் (638), இளந்தமிழர் முன்னணி கழக வேட்பாளர் எம்.ரகுநாதன் (748), சுயேச்சைகள் எஸ்.ராஜமோகன் (720), கே.ராமன் (1,943), டி.சங்கர் (2,860), எம்.சத்தியசீலன் (1,671), துரை.செந்தாமரைக்கண்ணன் (1,277), எஸ்.தனசேகரன் (3,296), ஏ.மாரிமுத்து (635), மூவேந்தன் (1,518), ஏ.ஜெயமணி (524), கே.ஹேமந்த்குமார் (1,350) ஆகியோர் வாக்குகளைப் பெற்றனர். இதில் பகுஜன் சமாஜ் கட்சி தேசியக் கட்சியாகவும், மற்ற கட்சிகள் பதிவு பெற்ற கட்சியாகவும் இருப்பது குறிப்பிடத்தக்கது.

]]>
https://www.dinamani.com/all-editions/edition-villupuram/cuddalore/2019/may/25/அரசியல்-கட்சி-வேட்பாளர்களை-முந்திய-நோட்டா--3158166.html
3158165 விழுப்புரம் கடலூர் தேர்தல் முடிவை வெளியிடுவதில் தாமதம் ஏன்? ச.முத்துக்குமார் DIN Saturday, May 25, 2019 07:34 AM +0530 கடலூர் மக்களவைத் தொகுதியில் வாக்கு எண்ணிக்கை முடிவுகள் வெளியிடுவதில் அதிக காலதாமதம் ஏற்பட்டதற்கு, தேர்தல் பணியில் ஈடுபட்டவர்கள் முறையான பயிற்சியோடு செயல்படாததே காரணம் எனக் கூறப்படுகிறது. 
கடலூர் மக்களவைத் தொகுதிக்கான தேர்தல் கடந்த ஏப்.18 ஆம் தேதி நடைபெற்ற நிலையில், வாக்கு எண்ணிக்கை தேவனாம்பட்டினம் அரசுக் கல்லூரியில் வியாழக்கிழமை நடைபெற்றது. 1,499 வாக்குச் சாவடிகளில் பதிவான வாக்குகள் மக்களவைத் தொகுதிக்கு உள்பட்ட கடலூர், பண்ருட்டி, விருத்தாசலம், திட்டக்குடி, நெய்வேலி, குறிஞ்சிப்பாடி ஆகிய 6 சட்டப் பேரவைத் தொகுதிகள் வாரியாக, தொகுதிக்கு தலா 14 மேஜைகள் வீதம் எண்ணப்பட்டன. வாக்கு எண்ணிக்கை பணியில் மேஜைக்கு 3 பேர் ஈடுபடுத்தப்பட்டனர்.
காலை 8 மணிக்கு தபால் மூலமாக பெறப்பட்ட வாக்குகள் எண்ணிக்கை தொடங்கும். அதன்பின்னர் 8.30 மணிக்கு மின்னணு வாக்குப் பதிவு இயந்திரத்தில் பதிவான வாக்குகள் எண்ணப்படுமென அறிவிக்கப்பட்டிருந்தது. ஆனால், தபால் வாக்குகள் எண்ணிக்கை பணியே 15 நிமிடம் தாமதமாகத்தான் தொடங்கியது. இதனால், மின்னணு வாக்குப் பதிவு எண்ணிக்கையும்  காலதாமதத்துடனேயே தொடங்கியது. ஒரு தொகுதிக்கு 14 மேஜைகள் அமைக்கப்பட்ட நிலையில் அதிகபட்சமாக விருத்தாசலம் சட்டப் பேரவைத் தொகுதியில் 282 வாக்குச் சாவடிகள் உள்ளதால் 21 சுற்றுகள் வரை  வாக்கு எண்ணிக்கை நடைபெறும் என்று தெரிவிக்கப்பட்டது. ஆனால், 23 சுற்றுகள் வரையில் வாக்கு எண்ணிக்கை நீடித்தது. குறைந்தபட்ச வாக்குச் சாவடியைக் கொண்ட கடலூர் சட்டப் பேரவைத் தொகுதியில் 17 சுற்றுகளில் வாக்குகள் எண்ணி முடிக்கப்பட வேண்டும். அதன்படி, மாலை 6.30 மணிக்குள் மின்னணு வாக்குப் பதிவு இயந்திரத்தில் பதிவான வாக்குகள் முழுமையாக எண்ணி முடிக்கப்பட்டன. ஆனால், அந்த தொகுதியில் 7 மின்னணு வாக்குப் பதிவு இயந்திரங்களில் பதிவான வாக்குகளை எண்ண முடியாத நிலை ஏற்பட்டது.
அதாவது, வாக்குப் பதிவு நடைபெற்ற நாளில் வாக்குப் பதிவு நிறைவுபெற்றவுடன் மின்னணு கட்டுப்பாட்டு இயந்திரத்தில் குளோஸ் (இப்ர்ள்ங்) என்ற பொத்தானை அழுத்த வேண்டும். அப்போதுதான் அந்த இயந்திரத்தில் எந்த நாளில், எத்தனை மணிக்கு வாக்குப் பதிவு முடிக்கப்பட்டது என்ற விவரம் தெரியவரும். வாக்கு எண்ணிக்கையின்போது ரிசல்ட் என்ற பொத்தானை அழுத்தினால் எப்போது வாக்குப் பதிவு நடைபெற்றது, வேட்பாளர்கள் விவரம் போன்றவையும் தெரியவரும். ஆனால், வாக்குப் பதிவுக்குப் பின்னர் இந்த பொத்தானை தேர்தல் அலுவலர் அழுத்தவில்லை. இதனால், ரிசல்ட் பொத்தானை அழுத்திய பின்னர் வாக்கு விவரம் தெரியவரவில்லை.
இவ்வாறு கடலூர் மக்களவைத் தொகுதி முழுவதும் 37 வாக்குப் பதிவு இயந்திரங்கள் இதுபோன்ற கோளாறை சந்தித்தன. இதனை எவ்வாறு சரிசெய்வது என்ற தொழில்நுட்ப விவரங்களை தேர்தல் பணியில் ஈடுபட்டிருந்தவர்கள் அறிந்திருக்கவில்லை. மேலும், இதுகுறித்து வேட்பாளர்களின் முகவர்களிடம் எடுத்துக் கூறி அவர்களிடம் எழுத்துப்பூர்வமான அனுமதி பெற்ற பிறகே வாக்கு எண்ணிக்கையை தொடங்க முடியும். 
ஆனால், இதனை எவ்வாறு வேட்பாளர்களிடம் தெரிவிப்பதென மாவட்ட நிர்வாகம் தயங்கியதால் சுமார் 3 மணி நேரம் வரை பழுதான இயந்திரத்திலுள்ள வாக்குகளை எண்ண முடியாமல் வாக்கு எண்ணிக்கை நிறுத்தப்பட்டது.  மேலும், சில வாக்குப் பதிவு மையங்களில், வாக்குப் பதிவு தொடங்குவதற்கு முன்பாக அந்த வாக்குச் சாவடியில் உள்ள வேட்பாளர்களின் முகவர்கள் மூலமாக 50 மாதிரி வாக்குகள் செலுத்தப்படும். இந்த வாக்குகளையும் அழிக்காமல் தொடர்ந்து வாக்குப் பதிவு நடைபெற்றதால் அதை எவ்வாறு கணக்கில் எடுத்துக் கொள்வது என்ற குழப்பமும் நீண்ட நேரம் நீடித்தது.
அதன்பின்னர், யாருக்கு வாக்களித்தோம் என்பதை தெரிவிக்கும் ஒப்புகைச் சீட்டு இயந்திரத்திலுள்ள (விவிபாட்) ஒப்புகைச் சீட்டுகளைக் கொண்டு குறிப்பிட்ட வாக்குச் சாவடிகளில் பதிவான வாக்குகள் எண்ணி முடிக்கப்பட்டன. இவ்வாறு, முறையாக பயிற்சி பெறாத அலுவலர்கள் மூலமாக தேர்தல் பணிகள் மேற்கொள்ளப்பட்டதால் இரவு 8.30 மணிக்குள் முடிக்கப்பட வேண்டிய தேர்தல் நடைமுறைகள் வெள்ளிக்கிழமை அதிகாலை 2.30 மணிக்கே நிறைவுபெற்றன.  இது வேட்பாளர்கள் மற்றும் முறையாக வாக்கு எண்ணிக்கையை முடித்த மற்ற ஊழியர்களையும் சோர்வடையச் செய்தது.

]]>
https://www.dinamani.com/all-editions/edition-villupuram/cuddalore/2019/may/25/தேர்தல்-முடிவை-வெளியிடுவதில்-தாமதம்-ஏன்-3158165.html
3158164 விழுப்புரம் கடலூர் நில உரிமையாளர்கள் - குத்தகைதாரர்கள் புதிய ஒப்பந்தம் மேற்கொள்ள அறிவுறுத்தல் DIN DIN Saturday, May 25, 2019 07:34 AM +0530 கட்டடம், நிலம் உரிமையாளர்கள் - குத்தகைதாரர்கள் புதிய ஒப்பந்தம் மேற்கொள்ள வேண்டுமென மாவட்ட ஆட்சியர் வெ.அன்புச்செல்வன் அறிவுறுத்தினார். 
இதுகுறித்து அவர் வெளியிட்ட செய்திக்குறிப்பு: தமிழக அரசு நில உடமைதாரர்கள், கட்டட உரிமையாளர்கள் மற்றும் குத்தகைதாரர்கள், வாடகைதாரர்களுக்கு இடையேயான உறவை மேம்படுத்திடவும், வாடகை ஒப்பந்தங்களிலான நிபந்தனைகள் மீறப்படாமல் பின்பற்றப்படுவதை உறுதி செய்திடவும், குத்தகை, வாடகை ஒப்பந்தங்களை எளிதாக மேற்கொள்ளவும் குத்தகை மற்றும் வாடகை நிர்ணயம் சட்டம்-1960ஐ உருவாக்கியிருந்தது. தற்போது இந்தச் சட்டத்தை ரத்து செய்து விட்டு பிப்.22-ஆம் தேதி முதல் தமிழ்நாடு நில உடைமைதாரர்கள் மற்றும் குத்தகைதாரர்கள் உரிமைகள் மற்றும் பொறுப்புகள் வரன்முறைச் சட்டம் 2017ஐ அமலாக்கம் செய்து வழிகாட்டு நெறிமுறைகளை வழங்கியுள்ளது. இந்தச் சட்டத்தின் பிரிவு 30-இன்படி கடலூர் மாவட்டத்தின் வருவாய் கோட்ட அலுவலர்களான சார்-ஆட்சியர்கள் அல்லது கோட்டாட்சியர்கள் தத்தமது கோட்ட எல்லைக்குள்ளான பகுதிகளில் அமைந்த கட்டடங்களின் பொருட்டு வாடகை ஒழுங்குமுறை அலுவலராக நிர்யணம் செய்யப்பட்டு ஆட்சியரால் ஆணையிடப்படுகிறது.
எனவே, கடலூர் மாவட்டத்திலுள்ள உடைமைதாரர்கள் மற்றும் குத்தகை, வாடகைதாரர்கள் தங்களது குத்தகை மற்றும் வாடகை ஒப்பந்தங்கள் தொடர்பான பதிவுகளை மேற்கொள்ள தமிழக அரசின் h‌t‌t‌p‌s://‌w‌w‌w.‌t‌e‌n​a‌n​c‌y.‌t‌n.‌g‌o‌v.‌i‌n என்ற இணையதளத்தில் தேவையான தரவுகளை பதிவேற்றம் செய்து உரிய அங்கீகாரத்தை பெற்றுக் கொள்ள வேண்டும் என்று ஆட்சியர் அதில் கேட்டுக்கொண்டுள்ளார்.

]]>
https://www.dinamani.com/all-editions/edition-villupuram/cuddalore/2019/may/25/நில-உரிமையாளர்கள்---குத்தகைதாரர்கள்-புதிய-ஒப்பந்தம்-மேற்கொள்ள-அறிவுறுத்தல்-3158164.html
3158163 விழுப்புரம் கடலூர் வைப்புத் தொகையை இழந்த 19 வேட்பாளர்கள் DIN DIN Saturday, May 25, 2019 07:33 AM +0530 கடலூர் மக்களவைத் தொகுதியில் போட்டியிட்ட 21 வேட்பாளர்களில் 19 பேர் வைப்புத் தொகையை இழந்தனர். 
 கடலூர் மக்களவைத் தொகுதிக்கான வாக்குப் பதிவு கடந்த ஏப்.18 ஆம் தேதி நடைபெற்றது. இந்தத் தேர்தலில் 21 வேட்பாளர்கள் களத்தில் இருந்தனர். தேர்தலில் போட்டியிட வேண்டுமெனில் பொதுப் பிரிவைச் சேர்ந்த ஒருவர் ரூ.25 ஆயிரத்தை வைப்புத் தொகையாக செலுத்த வேண்டும். தாழ்த்தப்பட்ட, பழங்குடியினத்தவர்கள் ரூ.10 ஆயிரம் வைப்புத் தொகையாக செலுத்திட வேண்டும்.
 வாக்குப் பதிவின்போது பதிவாகும் மொத்த வாக்குகளில் 6-இல் ஒரு பங்கு வாக்குகளைப் பெறுபவருக்கு மட்டுமே அவர் செலுத்திய வைப்புத் தொகை திருப்பி வழங்கப்படும். இந்த எண்ணிக்கையை எட்ட முடியாதவர்களின் வைப்புத் தொகை திரும்ப வழங்கப்பட மாட்டாது. இதன்படி, வாக்களிக்க தகுதிப் பெற்றிருந்த 13,63,650 பேரில் 10,43,380 பேர் தங்களது வாக்கைச் செலுத்தினர். தேர்தலில் பதிவான வாக்குகளை எண்ணும் பணி கடலூர் தேவனாம்பட்டினம் அரசு கலைக் கல்லூரியில் வியாழக்கிழமை நடைபெற்றது. 
23 சுற்றுகள் வரை வாக்குகள் எண்ணப்பட்டு வெள்ளிக்கிழமை அதிகாலையில் அதிகாரப்பூர்வமான முடிவுகள் அறிவிக்கப்பட்டன. 
இதில், திமுக வேட்பாளர் டி.ஆர்.வி.எஸ்.ரமேஷ் 5,22,160 வாக்குகள் பெற்று வெற்றி பெற்றார். அவருக்கு அடுத்த இடத்தில் பாமக வேட்பாளர் இரா.கோவிந்தசாமி 3,78,177 வாக்குகளைப் பெற்றார்.  வைப்புத் தொகையைப் பெறுவதற்கு 1,73,897 வாக்குகளைப் பெற வேண்டும். ஆனால், கடலூர் மக்களவைத் தொகுதியில் திமுக, பாமக வேட்பாளர்களைத் தவிர மற்ற எந்த வேட்பாளரும் இந்த எண்ணிக்கையை எட்டவில்லை. 
இதனால், அமமுக, நாம் தமிழர், மநீம மற்றும் பதிவு செய்யப்பட்ட சில அரசியல் கட்சிகள், சுயேச்சைகள் உள்பட 19 வேட்பாளர்களும் தங்களது வைப்புத் தொகையை இழந்தனர்.
 

]]>
https://www.dinamani.com/all-editions/edition-villupuram/cuddalore/2019/may/25/வைப்புத்-தொகையை-இழந்த-19-வேட்பாளர்கள்-3158163.html
3158161 விழுப்புரம் கடலூர் பயன்பாட்டுக்கு திறக்கப்படாத கழிப்பறைகள் DIN DIN Saturday, May 25, 2019 07:32 AM +0530 பண்ருட்டி நகரில் கட்டப்பட்ட நவீன கழிப்பறைகள் பயன்பாடின்றி உள்ளன. 
திறந்த வெளியை கழிப்பறையாகப் பயன்படுத்துவதைத் தடுக்கவும், சுகாதாரச் சீர்கேட்டை போக்கவும் நம்ம டாய்லெட் திட்டம் கொண்டுவரப்பட்டது. தமிழக உள்ளாட்சித் துறையின் நகராட்சி நிர்வாக ஆணையத்தின் நேரடிப் பார்வையில் இந்தத் திட்டம் செயல்படுத்தப்பட்டு வருகிறது. இந்தத் திட்டத்தின் கீழ் பண்ருட்டி நகராட்சிக்கு உள்பட்ட மணிநகரில் "நம்ம டாய்லெட்' கழிப்பறைகள் அமைக்கப்பட்டன. 
மக்கள் எளிதில் பயன்படுத்தக்கூடியதாகவும், சுற்றுச்சூழலை பாதிக்காத மற்றும் எளிதில் சுத்தம் செய்யும் வகையில் பைபர் மூலம் இந்தக் கழிப்பறைகள் அமைக்கப்பட்டன. தண்ணீர், மின் விளக்கு வசதிகளுடன் ஆண்கள், பெண்கள், மாற்றுத் திறனாளிகள் பயன்படுத்தும் வகையில் இந்தக் கழிப்பறைகள் அமைக்கப்பட்டுள்ளன. பல லட்சம் ரூபாய் மதிப்பில் கட்டமைக்கப்பட்ட இந்தக் கழிப்பறைகள், கட்டப்பட்டு சுமார் 4 ஆண்டுகளுக்கு மேலாகியும் இதுவரை பயன்பாட்டுக்கு கொண்டுவரப்படவில்லை. இதனால் கழிப்பறைகள் சிதலமடைந்து, அதைச் சுற்றியும் புதர் மண்டிக் காணப்படுகிறது. எனவே, இந்தக் கழிப்பறைகளை பொதுமக்களின் பயன்பாட்டுக்கு கொண்டு வரவேண்டும் என சமூக ஆர்வலர்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-villupuram/cuddalore/2019/may/25/பயன்பாட்டுக்கு-திறக்கப்படாத-கழிப்பறைகள்-3158161.html
3158160 விழுப்புரம் கடலூர் விடுதலைச் சிறுத்தைகள் கட்சியினர் கொண்டாட்டம் DIN DIN Saturday, May 25, 2019 07:32 AM +0530 மக்களவைத் தேர்தலில் விடுதலைச் சிறுத்தைகள் கட்சி வெற்றி பெற்றதைத் தொடர்ந்து, அந்தக் கட்சியினர் பொதுமக்களுக்கு இனிப்பு வழங்கி கொண்டாடினர்.
 மக்களவைத் தேர்தலில் சிதம்பரம் (தனி) தொகுதியில் விடுதலைச் சிறுத்தைகள் கட்சித் தலைவர் தொல்.திருமாவளவனும், விழுப்புரம் (தனி) தொகுதியில் துரை.ரவிக்குமாரும் போட்டியிட்டனர். வியாழக்கிழமை நடைபெற்ற வாக்கு எண்ணிக்கையில் இவர்கள் இருவரும் வெற்றி பெற்றனர். இதில், து.ரவிக்குமார் திமுக சின்னத்தில் போட்டியிட்டு வெற்றி பெற்றார்.
இருவரது வெற்றியைக் கொண்டாடும் வகையில் கடலூரில் அம்பேத்கர்  ஆட்டோ சங்க நிர்வாகிகள் திருப்பாதிரிபுலியூரில் மக்களவைத் தொகுதி செயலர் பா.தாமரைச்செல்வன் தலைமையில் வெள்ளிக்கிழமை பட்டாசு வெடித்து, பொதுமக்களுக்கு இனிப்பு வழங்கினர். நிகழ்ச்சியில் கடலூர் நகர செயலர் ஏ.ராஜதுரை,  ஆட்டோ சங்க நிர்வாகிகள் செந்தில், ஞானபிரகாஷ், குணசேகரன், கட்சியின் மாநில நிர்வாகிகள் செல்வ.புஷ்பலதா, த.ஸ்ரீதர், மொ.வீ.சக்திவேல், மாவட்ட அமைப்பாளர் தெ.செல்வம், நகர துணைச் செயலாளர் செங்கதிர் உள்ளிட்டோர் பங்கேற்றனர்.
 இதேபோல, கடலூர் மாவட்ட ஷேர் ஆட்டோ ஓட்டுநர்கள் மற்றும் உரிமையாளர்கள் நலச் சங்கத்தினரும் தொல்.திருமாவளவனின் வெற்றியைக் கொண்டாடினர். இந்தச் சங்கத்தின் காப்பாளராக தொல்.திருமாவளவன் இருந்து வருவது குறிப்பிடத்தக்கது. கடலூரில் சங்கத்தின் செயலர் டி.ராயர்ராஜாங்கம் தலைமையில் சங்க சட்ட ஆலோசகர் தி.ச.திருமார்பன் தலைமை தபால் நிலையம் அருகிலுள்ள அம்பேத்கர் சிலைக்கு மாலை அணிவித்தார். தொடர்ந்து பொதுமக்களுக்கு இனிப்புகள் வழங்கியும் கொண்டாடினர். சங்கர், ஏ.குமரன், பொருளாளர் ஜி.ஆசைத்தம்பி, துணை செயலர் ஜி.கோதண்டபாணி, சட்டப் பேரவை தொகுதி செயலர் மு.அறிவுடைநம்பி உள்ளிட்டோர் பங்கேற்றனர்.
பண்ருட்டி: பண்ருட்டியில் விசிக நகரச் செயலர் கார்த்தி தலைமையில் அந்தக் கட்சியினர் சென்னை சாலையில் உள்ள அம்பேத்கர் சிலைக்கு மாலை அணிவித்து மரியாதை செலுத்தினர். பின்னர், பட்டாசு வெடித்து பொதுமக்களுக்கு இனிப்பு வழங்கினர். நகரப் பொருளாளர் பகலவன், நிர்வாகிகள் வெங்கிடசாமி, கிருஷ்ணராஜ் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-villupuram/cuddalore/2019/may/25/விடுதலைச்-சிறுத்தைகள்-கட்சியினர்-கொண்டாட்டம்-3158160.html
3158159 விழுப்புரம் கடலூர் தாமிரக் கம்பி திருட்டு:  ஒருவர் கைது DIN DIN Saturday, May 25, 2019 07:32 AM +0530 என்எல்சி சுரங்கத்தில் தாமிரக் கம்பி திருடியவரை போலீஸார் வியாழக்கிழமை கைது செய்தனர். 
 நெய்வேலி என்எல்சி நிறுவனத்தில் சிஐஎஸ்எப் காவலராக ரமணா பணியாற்றி வருகிறார். 
இவர் வியாழக்கிழமை என்எல்சி சுரங்கம்-2 பிஎச்டி-66 பேனல் பாக்ஸ் பங்கர் அருகே பாதுகாப்புப் பணியில் ஈடுபட்டிருந்தார். அப்போது அங்கு 3 பைக்குகளில் வந்த 4 பேர் சுமார் ரூ.98 ஆயிரம் மதிப்புள்ள தாமிரக் கம்பிகளை திருடிக் கொண்டு தப்பிச் செல்ல முயன்றனர். அவர்களில் ஒருவர் பிடிபட்டார். எஞ்சிய 3 பேர் பைக்குகளை போட்டுவிட்டு தப்பியோடி  மறைந்தனர்.
இதுகுறித்து ரமணா, சுரங்கம்-2 ஜி.டபிள்யூ.சி. எலெக்ட்ரிக்கல் பிரிவு முதன்மை மேலாளர் சந்திரசேகரனுக்கு தகவல் அளித்தார். அவர் பிடிப்பட்ட நபரை மந்தாரக்குப்பம் காவல் நிலையத்தில் ஒப்படைத்தார். போலீஸார் விசாரணையில் பிடிபட்டவர் விருத்தாசலம் வட்டம், ஊ.மங்கலம் அஞ்சல், புதுதெற்கு வெள்ளூர் கிராமத்தைச் சேர்ந்த அப்துல் கலாம் மகன் சேட்டு முகமது (43) எனத் தெரியவந்தது. இவர் தாமிரக் கம்பி திருடிச் சென்றபோது பிடிபட்டதை ஒப்புக்கொண்டாராம். அவரை கைது செய்த போலீஸார், 3 பைக்குகளை பறிமுதல் செய்து தப்பியோடிய 3 பேரை தேடி வருகின்றனர்.

]]>
https://www.dinamani.com/all-editions/edition-villupuram/cuddalore/2019/may/25/தாமிரக்-கம்பி-திருட்டு--ஒருவர்-கைது-3158159.html
3158158 விழுப்புரம் கடலூர் வாக்கு எண்ணிக்கை நிறைவு: மின்னணு இயந்திரங்கள் அனுப்பிவைப்பு DIN DIN Saturday, May 25, 2019 07:32 AM +0530 வாக்கு எண்ணிக்கை நிறைவையடுத்து, மின்னணு வாக்குப் பதிவு இயந்திரங்கள் வட்டாட்சியர் அலுவலகங்களுக்கு கொண்டு செல்லப்பட்டன.
 கடலூர் மக்களவை தொகுதிக்கான வாக்குப் பதிவு கடந்த ஏப்.18 ஆம் தேதி 1,499 வாக்குச் சாவடிகளில் நடைபெற்றது. தேர்தலில் பதிவான வாக்குகள் கடலூர் தேவனாம்பட்டினம் அரசு கல்லூரியில் வியாழக்கிழமை எண்ணப்பட்டன. காலை 8 மணிக்குத் தொடங்கிய வாக்கு எண்ணிக்கை நடைமுறைகள் வெள்ளிக்கிழமை அதிகாலை 2 மணிக்கு முடிவுற்றன. இதன்பின்னர், வாக்கு எண்ணிக்கைக்கு பயன்படுத்தப்பட்ட மின்னணு வாக்குப் பதிவு இயந்திரங்களை சட்டப் பேரவைத் தொகுதிகள் வாரியாக அந்தந்த வட்டாட்சியர் அலுவலகங்களுக்கு கொண்டுசெல்லும் பணியில் ஊழியர்கள் ஈடுபட்டனர். வாக்கு எண்ணிக்கைக்குப் பின்னர் பாதுகாப்பு அறையில் வைக்கப்பட்டிருந்த இயந்திரங்களை வரிசை எண் முறைப்படி வாகனங்களில் ஏற்றிச் சென்றனர். இந்தப் பணிகள் சுமார் 2 மணி நேரம் நடைபெற்றது. 
 அந்தந்த வட்டாட்சியர் அலுவலகங்களில் குறிப்பிட்ட நாள்கள் வரை பாதுகாக்கப்படும் மின்னணு வாக்குப் பதிவு இயந்திரங்கள், அதன்பின்னர் விருத்தாசலத்தில் உள்ள அரசு சேமிப்பு கிடங்குக்கு அனுப்பி வைக்கப்படும். 
தேர்தல் தொடர்பாக ஏதேனும் வழக்குகள் தாக்கல் செய்யப்பட்டு மீண்டும் வாக்கு எண்ணிக்கை நடைபெற வேண்டிய சூழல் ஏற்பட்டால் இந்த இயந்திரங்கள் தொடர்ந்து விருத்தாசலத்தில் வைக்கப்படும். இல்லையெனில் தேர்தல் ஆணையத்தின் உத்தரவின்பேரில் தேவையான இடத்துக்கு மாற்றப்படுமென தேர்தல் ஆணைய வட்டாரங்கள் தெரிவித்தன.
 

]]>
https://www.dinamani.com/all-editions/edition-villupuram/cuddalore/2019/may/25/வாக்கு-எண்ணிக்கை-நிறைவு-மின்னணு-இயந்திரங்கள்-அனுப்பிவைப்பு-3158158.html
3157672 விழுப்புரம் கடலூர் கடலூர் தொகுதியில்  திமுக வேட்பாளர் வெற்றி DIN DIN Friday, May 24, 2019 07:31 AM +0530 கடலூர் மக்களவைத் தொகுதியில் திமுக வேட்பாளர் டி.ஆர்.வி.எஸ்.ரமேஷ் 1.43 லட்சம் வாக்குகள்  வித்தியாசத்தில் வெற்றி பெற்றார். 
இந்தத் தொகுதிக்கான வாக்கு எண்ணிக்கை கடலூர் தேவனாம்பட்டினம் அரசு கலைக் கல்லூரியில் வியாழக்கிழமை காலை தொடங்கியது. மொத்தமுள்ள 13,63,650 வாக்குகளில் 10,43,380 வாக்குகள் பதிவாகின. இதில் திமுக வேட்பாளர் டி.ஆர்.வி.எஸ்.ரமேஷ் 5,22,160 வாக்குகள் பெற்று வெற்றி பெற்றார். இவர், பாமக வேட்பாளர் இரா.கோவிந்தசாமியைவிட 1.43 லட்சம் வாக்குகள் அதிகம் பெற்றார். இரா.கோவிந்தசாமி 3,78,177 வாக்குகளும், அமமுக வேட்பாளர் காசி.தங்கவேல் 44,892 வாக்குகளும், நாம் தமிழர் கட்சியின் வேட்பாளர் ர.சித்ரா 34,692 வாக்குகளும் பெற்றனர். நோட்டாவுக்கு 8,725 வாக்குகள் பதிவாகின. மொத்தம் போட்டியிட்ட 21 வேட்பாளர்களில் பாமக வேட்பாளரை தவிர மற்ற 19 பேரும் வைப்புத் தொகையை இழந்தனர்.
 

]]>
https://www.dinamani.com/all-editions/edition-villupuram/cuddalore/2019/may/24/கடலூர்-தொகுதியில்--திமுக-வேட்பாளர்-வெற்றி-3157672.html
3157671 விழுப்புரம் கடலூர் சிதம்பரத்தில் திருமாவளவன் வெற்றி DIN DIN Friday, May 24, 2019 07:30 AM +0530 சிதம்பரம் மக்களவைத் தொகுதியில் விடுதலைச் சிறுத்தைகள் கட்சி வேட்பாளர் தொல்.திருமாவளவன் 3,219 வாக்குகள் வித்தியாசத்தில் வெற்றி பெற்றார். 
 சிதம்பரம் மக்களவைத் தொகுதிக்கான வாக்கு எண்ணிக்கை அரியலூர் மாவட்டம், உடையார்பாளையத்தை அடுத்த தத்தனூர் மீனாட்சி ராமசாமி கலை, அறிவியல்  கல்லூரியில் நடைபெற்றது. சிதம்பரம், புவனகிரி, காட்டுமன்னார்கோவில், ஜயங்கொண்டம், அரியலூர், குன்னம் ஆகிய 6 சட்டப் பேரவைத் தொகுதிகளை உள்ளடக்கிய சிதம்பரம் மக்களவைத் தொகுதியில் பதிவான வாக்குகள் இங்கு எண்ணப்பட்டன. காலை 8 மணிக்கு அஞ்சல் வாக்குகள் எண்ணப்பட்டு, அதனைத் தொடர்ந்து மின்னணு இயந்திரத்தில் பதிவான வாக்குகள் எண்ணப்பட்டன. 
 முதல் சுற்றில் விடுதலைச் சிறுத்தைகள் கட்சித் தலைவர் தொல்.திருமாவளவன் 25,323 வாக்குகளும், அதிமுக வேட்பாளர் பொ.சந்திரசேகர் 24270 வாக்குகளும் பெற்றனர். இதில் விசிக வேட்பாளர் தொல்.திருமாவளவன் அதிமுக வேட்பாளர் பொ.சந்திரசேகரைவிட 1,053 வாக்குகள் பெற்று முன்னிலை வகித்தார்.
 இரண்டாவது சுற்றில் அதிமுக வேட்பாளர் பொ.சந்திரசேகர் 49,149 வாக்குகளும், விசிக வேட்பாளர் தொல்.திருமாவளவன் 47,058 வாக்குகளும் பெற்றனர். இதில் தொல்.திருமாவளவனைவிட அதிமுக வேட்பாளர் பொ.சந்திரசேகர் 2,091 வாக்குகள் பெற்று முன்னிலை வகித்தார். 
தொடர்ந்து 9 சுற்றுகளிலும் அதிமுக வேட்பாளர் பொ.சந்திரசேகர் கணிசமான வாக்குகள் வித்தியாசத்தில் முன்னிலை வகித்தார். 10-ஆவது சுற்று முடிவில் அதிமுக வேட்பாளர் பொ.சந்திரசேகர் 2,38,717 வாக்குகளும், விசிக வேட்பாளர் தொல்.திருமாவளவன் 2,40,979 வாக்குகளும் பெற்றனர். இதில் சந்திரசேகரை விட 2,262 வாக்குகள் கூடுதல் பெற்று திருமாவளவன் முன்னிலை வகித்தார். 
 அதனைத் தொடர்ந்து 11 சுற்று முதல் 18-ஆவது சுற்றுவரை விசிக வேட்பாளர் தொல்.திருமாவளவனும், அதிமுக வேட்பாளர் பொ.சந்திரசேகரும் மாறி மாறி கணிசமான வாக்கு வித்தியாசத்தில் முன்னிலை வகித்து வந்தனர். 20- ஆவது சுற்றுவரை தொடர்ந்து இருவருக்கும் இழுபறி நிலையே நிடித்தது. 
 இந்த நிலையில் 21-ஆவது சுற்று முடிவில் அதிமுக வேட்பாளர் சந்திரசேகர் 4,82,815 வாக்குகளும், தொல்.திருமாவளவன் 4,90,150 வாக்குகளும் பெற்றனர். திருமாவளவன் 7,335 வாக்குகள் வித்தியாசத்தில் முன்னிலை வகித்தார். 
22ஆவது சுற்று முடிவில் சந்திரசேகரன் 4,89,196 வாக்குகள் பெற்றார். இந்த சுற்றில் தொல்.திருமாவளவன் 4,94,686 வாக்குகள் பெற்று 5,490 வாக்குகள் முன்னிலை வகித்தார். 
23-ஆவது சுற்று முடிவில் தொல்.திருமாவளவன் 4,97,211 வாக்குகளும், சந்திரசேகர் 4,94,527 வாக்குகளும் பெற்றனர். இந்தச் சுற்றில் 2,684 வாக்குகள் வித்தியாசத்தில் தொல்.
திருமாவளவன் முன்னிலை வகித்தார். 24-ஆவது சுற்றிலும் திருமாவளவன் முன்னிலை வகித்தார். இறுதிச் சுற்றான 25-ஆவது சுற்றில் தொல்.திருமாவளவன் 5,00,229 வாக்குகள் பெற்றார். அதிமுக வேட்பாளர் சந்திரசேகர் 4,97,010 வாக்குகள் பெற்றார். இதன்மூலம் தொல்.திருமாவளவன் 3,219 வாக்குகள் வித்தியாசத்தில் வெற்றி பெற்றார்.

]]>
https://www.dinamani.com/all-editions/edition-villupuram/cuddalore/2019/may/24/சிதம்பரத்தில்-திருமாவளவன்-வெற்றி-3157671.html
3157389 விழுப்புரம் கடலூர் கடலூர்: தபால் வாக்கில் நோட்டாவுக்கு 65 வாக்குகள் DIN DIN Friday, May 24, 2019 01:42 AM +0530 கடலூர் மக்களவைத் தொகுதியில் தபால் வாக்குகள் எண்ணப்பட்டதில் நோட்டாவுக்கு 65 வாக்குகள் கிடைத்தன.
தேர்தல் பணியில் ஈடுபடும் அரசு ஊழியர்கள், ஆசிரியர்கள், காவலர்களுக்கு தபால் முறையில் வாக்களிக்க வாய்ப்பு வழங்கப்படுகிறது. அதன்படி கடலூர் மக்களவைத் தொகுதியில் 5,926 பேருக்கு தபால் வாக்கு அளிக்கப்பட்டது. வியாழக்கிழமை காலை 8 மணி வரை வரப் பெற்ற தபால் வாக்குகள் எண்ணிக்கைக்கு எடுத்துக் கொள்ளப்பட்டன. அதன்படி 4,639 தபால் வாக்குகள் பெறப்பட்டு அவற்றை பிரிக்கும் பணி நடைபெற்றது. 
இரவு 9 மணியளவில் தபால் வாக்கு முடிவுகள் அறிவிக்கப்பட்டன. இதில் 65 வாக்குகள், "இவர்களில் எவருமில்லை' என்ற நோட்டாவுக்கு பதிவாகி இருந்தன.  தபால் வாக்குகளில் திமுக வேட்பாளர் ரமேஷ் 2,566 வாக்குகளும், பாமக வேட்பாளர் இரா.கோவிந்தசாமி 1,549 வாக்குகளும் பெற்றனர். 
அமமுக வேட்பாளர் காசி.தங்கவேல் 27, பகுஜன் சமாஜ் வேட்பாளர் ஜெயபிரகாஷ் 14, மக்கள் நீதி மய்யம் வேட்பாளர் வி.அண்ணாமலை 101, நாம் தமிழர் கட்சி வேட்பாளர் ர.சித்ரா 127, தமிழ்நாடு இளைஞர் கட்சி வேட்பாளர் செல்லதுரை, பூர்வாஞ்சல் ஜனதா வேட்பாளர் ஏ.மணிகண்டன், சுயேச்சை வேட்பாளர் கே.ராமன் ஆகியோர் தலா 2, அகில இந்திய மக்கள் கழகம் வேட்பாளர் எம்.பாவாடைராஜா, இளந்தமிழர் முன்னணி கழகம் எம்.ரகுநாதன், சுயேச்சைகள் எஸ்.ராஜ்மோகன், ஏ.மாரிமுத்து தலா 1 வாக்கு வீதம் பெற்றனர். 
178 வாக்குகள் செல்லாதவையாக அறிவிக்கப்பட்டன.

]]>
https://www.dinamani.com/all-editions/edition-villupuram/cuddalore/2019/may/24/கடலூர்-தபால்-வாக்கில்-நோட்டாவுக்கு-65-வாக்குகள்-3157389.html
3157388 விழுப்புரம் கடலூர் நுண் பார்வையாளர்கள் ஆய்வு DIN DIN Friday, May 24, 2019 01:41 AM +0530 கடலூரில் வாக்கு எண்ணிக்கை பணியை  நுண் பார்வையாளர்கள் ஆய்வு செய்தனர். 
கடலூர் மக்களவைத் தொகுதிக்கான வாக்கு எண்ணிக்கை கடலூர் தேவனாம்பட்டினம் அரசுக் கல்லூரியில் வியாழக்கிழமை நடைபெற்றது. வாக்கு எண்ணிக்கைக்கு சட்டப் பேரவைத் தொகுதி வாரியாக 2  நுண் பார்வையாளர்கள் நியமிக்கப்பட்டிருந்தனர். ஒரு வாக்கு எண்ணிக்கை மையத்தில் 14 மேஜைகள் அமைக்கப்பட்டு வாக்குகள் எண்ணிக்கை நடைபெற்ற நிலையில், எண்ணப்பட்ட மின்னணு இயந்திரங்களில், 2 இயந்திரங்களில் பதிவான வாக்குகளை நுண் பார்வையாளர்கள் நேரடியாக சரிபார்த்தனர். இவ்வாறு ஒவ்வொரு சுற்றிலும், அனைத்து வாக்கு எண்ணிக்கை மையங்களிலும் நுண் பார்வையாளர்கள் வாக்குப் பதிவு இயந்திரங்களில் பதிவாகியிருந்த வாக்குகளை சரிபார்த்தனர்.
 

]]>
https://www.dinamani.com/all-editions/edition-villupuram/cuddalore/2019/may/24/நுண்-பார்வையாளர்கள்-ஆய்வு-3157388.html
3157386 விழுப்புரம் கடலூர் குளவி கொட்டியதில் முகவர் காயம் DIN DIN Friday, May 24, 2019 01:41 AM +0530 வாக்கு எண்ணிக்கை பணியின் போது குளவி கொட்டியதில் முகவர் காயமடைந்தார்.
கடலூர் மக்களவைத் தொகுதியில் பதிவான வாக்குகள் எண்ணும் பணி கடலூர் தேவனாம்பட்டினம் அரசு கல்லூரியில் வியாழக்கிழமை நடைபெற்றது. குறிஞ்சிப்பாடி சட்டப் பேரவைத் தொகுதிக்கான வாக்குகள் எண்ணிக்கை நடைபெற்றது. இதில் 4-ஆவது சுற்றுக்கான வாக்கு எண்ணிக்கைக்காக மின்னணு வாக்குப் பதிவு இயந்திரங்கள் அலுவலர்களால் கொண்டுவரப்பட்டு அதற்கான மேஜைகளில் வைக்கப்பட்டன. இவற்றை வாக்கு எண்ணிக்கை அலுவலர் திறந்தபோது அதிலிருந்து திடீரென செங்குளவி வெளியேறியது. அந்தக் குளவி, வாக்கு எண்ணிக்கை முகவராக அமர்ந்திருந்த ஆலப்பாக்கம் அருகே உள்ள ஆணையம்பேட்டை பகுதியைச் சேர்ந்த த.ராஜேந்திரன் (57) என்பவரை கொட்டியது. இதில் அவரது முகம், உதடு வீங்கியது. இதையடுத்து அவர் 108 ஆம்புலன்ஸ் மூலமாக கடலூர் அரசு மருத்துவமனைக்கு கொண்டுசெல்லப்பட்டார். அங்கு சிகிச்சைக்கு பின்னர் வீடு திரும்பினார்.

]]>
https://www.dinamani.com/all-editions/edition-villupuram/cuddalore/2019/may/24/குளவி-கொட்டியதில்-முகவர்-காயம்-3157386.html
3157385 விழுப்புரம் கடலூர் ஆஞ்சநேயர் சிலைக்கு கும்பாபிஷேகம் DIN DIN Friday, May 24, 2019 01:41 AM +0530 பண்ருட்டி அருகே புதிதாக அமைக்கப்பட்ட 41 அடி உயர ராமபக்த ஆஞ்சநேயர் சிலைக்கு வியாழக்கிழமை கும்பாபிஷேகம் நடைபெற்றது. 
 பண்ருட்டி வட்டம், பூண்டி ஊராட்சிக்கு உள்பட்ட கட்டமுத்துப்பாளையம் கிராமத்தில் 41 அடி உயரம் கொண்ட ராமபக்த சாந்த ஆஞ்சநேயர் சிலை ரூ.20 லட்சத்தில் புதிதாக அமைக்கப்பட்டுள்ளது. 
இதற்கான கும்பாபிஷேகம் வியாழக்கிழமை காலை 9 மணியளவில் நடைபெற்றது. முன்னதாக, கஸ்தூரிரங்கன் பட்டாச்சாரியார் தலைமையில் யாக சாலை பூஜைகள் நடைபெற்றன. தொடர்ந்து, கலச நீர் ஊர்வலமாக கொண்டு செல்லப்பட்டு கும்பாபிஷேகம் நடத்தப்பட்டது. திரளான பக்தர்கள் கலந்துகொண்டு ஆஞ்சநேயரை வழிபட்டனர். 
ஏற்பாடுகளை விழாக் குழுவினர் மற்றும் கிராம மக்கள் செய்திருந்தனர்.

]]>
https://www.dinamani.com/all-editions/edition-villupuram/cuddalore/2019/may/24/ஆஞ்சநேயர்-சிலைக்கு-கும்பாபிஷேகம்-3157385.html
3157384 விழுப்புரம் கடலூர் முத்தாலம்மன் கோயில் கும்பாபிஷேகம் DIN DIN Friday, May 24, 2019 01:41 AM +0530 பண்ருட்டி அருகே சூரக்குப்பம் கிராமத்தில் அமைந்துள்ள முத்தாலம்மன் கோயிலில் வியாழக்கிழமை கும்பாபிஷேகம்  நடைபெற்றது.
இந்தக் கோயிலில் கும்பாபிஷேக விழாவையொட்டி கடந்த செவ்வாய்க்கிழமை காலை அனுக்ஞை, விக்னேஸ்வரம், கணபதி ஹோமத்துடன் பூஜைகள் தொடங்கின. அன்று மாலை வாஸ்து சாந்தி, பிரவேசபலி, மிருத்சங்கிரகனம், அங்கூர்பனம், ரக்ஷாபந்தனம், கும்ப அலங்காரம், கலாக்ஷனம், யாகசாலை பிரவேசம், முதல் கால பூர்ணாஹுதி ஆகியவை நடைபெற்றன. புதன்கிழமை காலை 2-ஆம் கால பூஜையும், மாலையில் 3-ஆம் கால பூஜையும், எந்திர ஸ்தானம், அஷ்டபந்தனம் மருந்து சாத்துதல், பூர்ணாஹுதி ஆகியவை நடைபெற்றன. 
வியாழக்கிழமை காலை 9 மணியளவில் 4-ஆம் கால யாக பூஜை, நாடி சந்தானம், பூர்ணாஹுதி, கடம் புறப்பாடு நடைபெற்றது. 
இதையடுத்து காலை 9:45 மணியளவில் செல்வ விநாயகர், ஜெகன்நாதீஸ்வரர் கோயிலிலும், தொடர்ந்து ஸ்ரீமுத்தாலம்மன் கோயிலிலும் கும்பாபிஷேகம் நடைபெற்றது. ஏற்பாடுகளை விழாக் குழுவினர் மற்றும் கிராம மக்கள் செய்திருந்தனர்.

]]>
https://www.dinamani.com/all-editions/edition-villupuram/cuddalore/2019/may/24/முத்தாலம்மன்-கோயில்-கும்பாபிஷேகம்-3157384.html
3157383 விழுப்புரம் கடலூர் கடலூர் தொகுதியில் சுற்று வாரியாக முன்னிலை வகித்த திமுக DIN DIN Friday, May 24, 2019 01:40 AM +0530 கடலூர் மக்களவைத் தொகுதிக்கான வாக்குகள் எண்ணிக்கையில் அனைத்து சுற்றுகளிலும் திமுக வேட்பாளர் முன்னிலை வகித்தார்.
 கடலூர் மக்களவைத் தொகுதிக்கான வாக்குகள் எண்ணிக்கை கடலூர் தேவனாம்பட்டினம் அரசு கல்லூரியில் வியாழக்கிழமை நடைபெற்றது. இதில், கடலூர், குறிஞ்சிப்பாடி, பண்ருட்டி, நெய்வேலி, விருத்தாசலம், திட்டக்குடி ஆகிய 6 சட்டப் பேரவைத் தொகுதிகள் வாரியாக வாக்குகள் எண்ணிக்கை நடைபெற்றது. ஒரு வாக்கு எண்ணிக்கை மையத்தில் 14 மேஜைகள் அமைக்கப்பட்டு வாக்குகள் எண்ணப்பட்டன. மின்னணு இயந்திரங்களில் பதிவான வாக்குகள் எண்ணிக்கை 15 நிமிடம் தாமதமாக 
காலை 8.45 மணிக்கு தொடங்கிய நிலையில் சுமார் 9.30 மணியளவில் முன்னிலை நிலவரம் தெரிய வந்தது.
 முதல் சுற்றில் 57,743 வாக்குகள் எண்ணப்பட்டதில் திமுக வேட்பாளர் டி.ஆர்.வி.எஸ்.ரமேஷ் 28,613 வாக்குகளைப் பெற்றார். பாமக வேட்பாளர் இரா.கோவிந்தசாமி 21,926 வாக்குகளைப் பெற்றார். முதல் சுற்றில் திமுக 6,687 வாக்குகள் முன்னிலை பெற்றது. அமமுக வேட்பாளர் காசி.தங்கவேல் 3,020, நாம் தமிழர் வேட்பாளர் ர.சித்ரா 1,311, மக்கள் நீதி மய்யம் வேட்பாளர் வி.அண்ணாமலை 543 வாக்குகளைப் பெற்றனர். நோட்டா 334 வாக்குகள் பெற்றது.
இரண்டாம் சுற்றில் திமுக வேட்பாளர் 57,490 வாக்குகளும், பாமக வேட்பாளர் 40,254 வாக்குகளும் பெற்றனர். வாக்கு வித்தியாசம் 17,236 ஆகும். மூன்றாம் சுற்றில் திமுக - 86,037, பாமக - 61,492 வாக்குகள் பெற்றன. நான்காம் சுற்றில் திமுக  1,13,351 வாக்குகளும், பாமக 83,266 வாக்குகளும், ஐந்தாம் சுற்றில் திமுக 1,42,852 வாக்குகளும், பாமக 99,561 வாக்குகளும், ஆறாவது சுற்றில் திமுக 1,68,967 வாக்குகளும், பாமக 1,20,246 வாக்குகளும் பெற்றன.
ஏழாவது சுற்றில் திமுக 1,96,397 வாக்குகளும், பாமக 1,40,018 வாக்குகளும் பெற்றன. எட்டாவது சுற்றில் திமுக  2,25,130 வாக்குகளும், பாமக 1,60,207 வாக்குகளும், ஒன்பதாம் சுற்றில் திமுக 2,53,317 வாக்குகளும், பாமக 1,82,437 வாக்குகளும், பத்தாவது சுற்றில் திமுக 2,81,255 வாக்குகளும், பாமக 2,05,533 வாக்குகளும் பெற்றன.
11-ஆவது சுற்றில் திமுக  3,09,043 வாக்குகளும், பாமக 2,25,744 வாக்குகளும், 12-ஆவது சுற்றில் திமுக 3,37,706 வாக்குகளும், பாமக 2,44,753 வாக்குகளும், 13-ஆவது சுற்றில் திமுக 3,63,822 வாக்குகளும், பாமக 2,62,553 வாக்குகளும், 14-ஆவது சுற்றில் திமுக 3,91,075 வாக்குகளும், பாமக 2,82,379 வாக்குகளும் பெற்றனர். 15-ஆவது சுற்றில் திமுக 4,18,588 வாக்குகளும், பாமக 3,02,331 வாக்குகளும், 16-ஆவது சுற்றில் திமுக 4,47,138 வாக்குகளும், பாமக 3,24,972 வாக்குகளும், 17-ஆவது சுற்றில் திமுக 4,66,930 வாக்குகளும், பாமக 3,41,592 வாக்குகளும் பெற்றனர். 17-ஆவது சுற்று முடிவில் திமுக வேட்பாளர் ரமேஷ் 1,25,338 வாக்குகளுடன் முன்னிலையில் தொடர்ந்தார்.
இரவு 9.30 மணிக்கு வெளியிடப்பட்ட 18-ஆவது சுற்று முடிவின்படி திமுக வேட்பாளர் 4,89,912 வாக்குகளும், பாமக வேட்பாளர் 3,55,397 வாக்குகளும், மநீம வேட்பாளர் 22,595, நாம் தமிழர் கட்சி வேட்பாளர் 32,628, அமமுக வேட்பாளர் 42,151 வாக்குகள் பெற்றனர். நோட்டா 8,222 வாக்குகளைப் பெற்றது.
 

]]>
https://www.dinamani.com/all-editions/edition-villupuram/cuddalore/2019/may/24/கடலூர்-தொகுதியில்-சுற்று-வாரியாக-முன்னிலை-வகித்த-திமுக-3157383.html
3157382 விழுப்புரம் கடலூர் உறுதிமொழி ஏற்புடன் வாக்குகள் எண்ணிக்கை தொடக்கம் DIN DIN Friday, May 24, 2019 01:40 AM +0530 கடலூர் மக்களவைத் தொகுதிக்கான வாக்குகள் எண்ணிக்கை உறுதிமொழி ஏற்புடன் நடைபெற்றது.
 கடலூர் மக்களவைத் தொகுதிக்கான வாக்கு எண்ணிக்கை கடலூர் தேவனாம்பட்டினம் அரசு கல்லூரியில் வியாழக்கிழமை நடைபெற்றது. முதலில் தபால் வாக்குகள் எண்ணப்பட்டன. காலை 8 மணிக்கு பதிலாக 15 நிமிடம் தாமதமாக வாக்கு எண்ணிக்கை தொடங்கியது. அதனைத் தொடர்ந்து மின்னணு வாக்குப் பதிவு இயந்திரங்களில் பதிவான வாக்குகள் எண்ணிக்கை தொடங்கியது. காலை 8.30 மணிக்கு பதிலாக 15 நிமிடம் காலதாமதமாக இந்தப் பணி தொடங்கியது. 
 முன்னதாக வாக்குச் சாவடி உதவி தேர்தல் நடத்தும் அலுவலர்கள் தேர்தல் உறுதிமொழியை வாசிக்க 
கட்சிகளின் முகவர்கள் அந்த உறுதிமொழியை ஏற்றனர். அதாவது, "தேர்தல் பணியில் எந்த குறுக்கீடும் இல்லாமல் சட்டத்தை மதித்து நடப்போம்' என்று கூறி உறுதி எடுத்துக் கொண்டனர். அதன் பின்னர் வாக்கு எண்ணிக்கை நடைபெற்றது.

]]>
https://www.dinamani.com/all-editions/edition-villupuram/cuddalore/2019/may/24/உறுதிமொழி-ஏற்புடன்-வாக்குகள்-எண்ணிக்கை-தொடக்கம்-3157382.html
3157381 விழுப்புரம் கடலூர் கணவர் மாயம்: மனைவி புகார் DIN DIN Friday, May 24, 2019 01:40 AM +0530 கணவர் மாயமானது குறித்து மனைவி காவல் துறையில் புகார் அளித்தார்.
பண்ருட்டி வட்டம், பெரியகாட்டுப்பாளையம் கிராமத்தைச் சேர்ந்த ராதாகிருஷ்ணன் மகன் பாரிவள்ளல் (28). பெங்களூரில் உள்ள ஐடி நிறுவனத்தில் பணியாற்றி வருகிறார். இவரது மனைவி ராகிணி (25). இவர்களுக்கு ஒரு குழந்தை உள்ளது. ரோகிணி தனது கணவர் பணியாற்றும் நிறுவனத்திலேயே பணியாற்றி வந்தாராம். இவர்களுக்குள் அடிக்கடி குடும்பத் தகராறு ஏற்பட்டு வந்ததாம். 
கடந்த நவம்பர் மாதம் பாரிவள்ளல் தனது சொந்த ஊருக்கு வந்தபோதும் தம்பதிக்கு இடையே தகராறு ஏற்பட்டதாம். இதையடுத்து வெளியே சென்ற பாரிவள்ளல் மீண்டும் வீட்டுக்கு திரும்பவில்லையாம். பல இடங்களில் அவரைத் தேடியும் காணவில்லையாம். இதுகுறித்து ராகிணி அளித்த புகாரின்பேரில் காடாம்புலியூர் போலீஸார் விசாரித்து வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/may/24/கணவர்-மாயம்-மனைவி-புகார்-3157381.html
3157380 விழுப்புரம் கடலூர் பாஜகவினர் கொண்டாட்டம் DIN DIN Friday, May 24, 2019 01:39 AM +0530 மக்களவைத் தேர்தலில் பாஜக வெற்றி பெற்றதை அடுத்து, கடலூரில் அந்தக் கட்சியினர் வியாழக்கிழமை பட்டாசு வெடித்து கொண்டாடினர்.
மாவட்ட துணைத் தலைவர் இரா.குணா தலைமையில் இனிப்பு வழங்கப்பட்டது. செய்தித் தொடர்பாளர் ஏ.எம்.வெங்கடேசன், மருத்துவப் பிரிவு தலைவர் வி.கணபதி, மாவட்ட செயலர் எல்.சிவா, ஒன்றிய தலைவர் ஆர்.நித்தியானந்தம், நகர பொதுச் செயலர் திருக்குமரன் உள்ளிட்டோர் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/may/24/பாஜகவினர்-கொண்டாட்டம்-3157380.html
3157379 விழுப்புரம் கடலூர் நாளை சத்திய தரும சாலையின் 153-ஆவது ஆண்டு தொடக்க விழா DIN DIN Friday, May 24, 2019 01:39 AM +0530 வடலூரில் அமைந்துள்ள சத்திய தரும சாலையின் 153-ஆவது ஆண்டு தொடக்க விழா சனிக்கிழமை நடைபெறுகிறது.
 வடலூரில் 23.5.1867 அன்று சத்திய தரும சாலையை வள்ளலார் என்று அழைக்கப்படும் ராமலிங்க அடிகளார் நிறுவினார். ஜீவகாருண்ய ஒழுக்கத்தை பறைசாற்றும் வகையில் சத்திய தரும சாலை ஏற்படுத்தப்பட்டது. இந்த தரும சாலையானது பலரது சகாயத்தாலேயே நடைபெற்று நிலைபெற வேண்டும் என்பதால், ஜீவதயவுடைய புண்ணியர்கள் பொருள் முதலியன உதவி செய்து, அதனால் வரும் லாபத்தை பாகஞ் செய்து கொள்ள வேண்டும் என்பது எங்களது கோரிக்கை என வள்ளலார் அறிவித்தார். 
அன்று முதல் சத்திய தரும சாலையில் தினசரி மூன்று வேளையும் சாதி, மதம், இனம், தேசம், நிறம் என எவ்வித பேதமும் இன்றி, இங்குவரும் அனைவருக்கும் அன்னதானம் வழங்கப்பட்டு வருகிறது. 
 சத்திய தரும சாலையின் 153-ஆவது ஆண்டு தொடக்க நாளன்று தரும சாலையில் அதிகாலை 5 மணிக்கு அகவற்பாராயணம், 7.30 மணிக்கு சன்மார்க்க கொடியேற்றுதல் நிகழ்வுகள் நடைபெற உள்ளன. தொடர்ந்து காலை 9 மணியளவில் தரும சாலையின் சிறப்புகள் குறித்த வில்லுப்பாட்டு இசை நிகழ்ச்சியும், அதைத் தொடர்ந்து ஜீவகாருண்ய ஒழுக்கம் - சத் விசாரமும் நடைபெறுகிறது. 
நண்பகல் 12 மணிக்கு தரும சாலை சிறப்பு சொற்பொழிவு, பிற்பகல் 2 மணிக்கு திருஅருள்பா இன்னிசை, பிற்பகல் 3 மணிக்கு திருஅருள்பா 6-ஆம் திருமுறை சத் விசாரம், மாலை 4 மணிக்கு சன்மார்க்க நெறி சத் விசாரம், மாலை 5 மணிக்கு நான்கு வகை ஒழுக்கம், 6 மணிக்கு வள்ளலார் அருளிய ஞானசரியை, இரவு 7 மணியளவில் திருஅருள்பா இன்னிசை நிகழ்ச்சி ஆகியவை நடைபெற உள்ளன. 
 விழாவுக்கான ஏற்பாடுகளை உதவி ஆணையர் கி.ரேணுகாதேவி, நிர்வாக அதிகாரி க.நாகராஜன் மற்றும் வள்ளலார் தெய்வ நிலையம் சார்பில் செய்யப்பட்டுள்ளது.
திருஅருள்பா இசை விழா: வடலூரில் திருஅருள்பா இசை விழா சனிக்கிழமை தொடங்கி 3 நாள்களுக்கு  நடைபெற உள்ளது.  வடலூரில் வள்ளலார் அமைத்த சத்திய ஞான சபையில், வடலூர் திருஅருள்பா இசை சங்கம் சார்பில் ஆண்டுதோறும் இசை விழா நடத்தப்படுவது வழக்கம். திருஅருள்பாவின் புகழை 
உலகம் முழுவதும் பரப்பும் நோக்கில் இந்த விழா நடத்தப்படுகிறது. அதன்படி நிகழாண்டுக்கான இசை விழா சனிக்கிழமை தொடங்கி 3 நாள்களுக்கு நடைபெற உள்ளது. 
 முதல் நாள் நிகழ்வு காலை 7 மணிக்கு மங்கள இசையுடன் தொடங்குகிறது. 8 மணியளவில் தரும சாலையில் சேர்ந்திசை வழிபாடு, 9.45 மணிக்கு தரும சாலையில் பஜனை செய்து திருவிளக்கு ஏந்தி விழா மேடை செல்லுதல் நிகழ்வு நடைபெறுகிறது. இசை சங்கச் செயலர் சு.அமுதவடிவு திருவிளக்கு ஏற்றுகிறார்.  தொடர்ந்து சங்கப் பொருளாளர் ராமானுஜம், செயலர் சரஸ்வதி சீனிவாசன் உள்ளிட்டோர் பங்கேற்கும் மகாமந்திர வழிபாடு நடைபெறுகிறது. தொடர்ந்து சன்மார்க்க அறிஞர்கள், பேராசிரியர்கள் சிறப்புரையாற்றுகின்றனர்.  இதேபோல ஞாயிறு, திங்கள்கிழமைகளில் காலை 6.30 மணியளவில் மங்கள இசையுடன் விழா தொடங்கி இரவு 10 மணி வரை நடைபெற உள்ளது. 
விழாவில் இசைக் கலைஞர்கள், பாடகர்கள், சன்மார்க்க அறிஞர்கள் பங்கேற்க உள்ளனர். இதற்கான ஏற்பாடுகளை திருஅருள்பா இசை சங்கம் செய்து வருகிறது.

]]>
https://www.dinamani.com/all-editions/edition-villupuram/cuddalore/2019/may/24/நாளை-சத்திய-தரும-சாலையின்-153-ஆவது-ஆண்டு-தொடக்க-விழா-3157379.html
3157377 விழுப்புரம் கடலூர் நெகிழிப் பொருள்கள் பறிமுதல் DIN DIN Friday, May 24, 2019 01:39 AM +0530 பண்ருட்டி நகரில் ஆய்வு செய்த சுகாதார ஆய்வாளர்கள் தடைச் செய்யப்பட்ட  நெகிழிப் பொருள்களை பறிமுதல் செய்தனர். 
 பண்ருட்டி நகராட்சி துப்புரவு அலுவலர் டி.சக்திவேல் தலைமையில் சுகாதார ஆய்வாளர்கள் ஆரோக்கியசாமி, திண்ணாயிரமூர்த்தி, கொளஞ்சி ஆகியோர் கடந்த ஒருவார காலமாக கடை வீதி உள்ளிட்ட இடங்களில் ஆய்வு செய்தனர். இதில் தடை செய்யப்பட்ட சுமார் 500 கிலோ நெகிழிப் பொருள்களை பறிமுதல் செய்தனர்.  
இதுகுறித்து, துப்புரவு அலுவலர் டி.சக்திவேல் கூறியதாவது: பண்ருட்டி நகரப் பகுதியில் மொத்த வியாபாரிகள் சிலர் மறைவிடத்தில் நெகிழிப் பொருள்களை பதுக்கி வைத்து வியாபாரிகளுக்கு விற்பனை செய்து வருகின்றனர். இதைக் கண்காணித்து அவ்வப்போது பறிமுதல் செய்து வருகிறோம். சுற்றுச்சூழல், சுகாதாரத்தை பாதுகாக்கவே நெகிழிப் பொருள்களுக்கு அரசு தடை விதித்துள்ளது. எனவே, நெகிழிப் பொருள்களை பயன்படுத்துவதை வியாபாரிகள், பொதுமக்கள் தவிர்க்க வேண்டும். பொதுமக்கள் கடை வீதிக்கு வரும்போது துணிப்பை கொண்டு வரவேண்டும். நகரில் கடந்த ஒரு வாரத்தில் மட்டும் 500  கிலோ நெகிழிப் பொருள்கள் பறிமுதல் செய்யப்பட்டுள்ளன என்றார் அவர்.

]]>
https://www.dinamani.com/all-editions/edition-villupuram/cuddalore/2019/may/24/நெகிழிப்-பொருள்கள்-பறிமுதல்-3157377.html
3157376 விழுப்புரம் கடலூர் சிதம்பரம் தொகுதி  வாக்கு எண்ணிக்கை விடியோவில் பதிவு DIN DIN Friday, May 24, 2019 01:38 AM +0530 சிதம்பரம் மக்களவைத் தொகுதி வாக்கு எண்ணிக்கை நடவடிக்கைகள் முழுமையாக விடியோவில் பதிவு செய்யப்பட்டன. வாக்கு எண்ணிக்கை மையத்துக்கு செல்லிடப்பேசிகளைக் கொண்டு செல்லத் தடை விதிக்கப்பட்டிருந்தது.
வாக்கு எண்ணிக்கையையொட்டி, வேட்பாளர்களின் முகவர்கள் காலை 7 மணிக்குள் வாக்கு எண்ணிக்கை மையத்துக்கு வந்தனர். அரியலூர், ஜயங்கொண்டம், குன்னம், சிதம்பரம், புவனகிரி, காட்டுமன்னார்கோவில் ஆகிய 6 சட்டப்பேரவைத் தொகுதிகளின் வாக்கு எண்ணிக்கை நடைபெறும் அறைக்குச் செல்லும் முகவர்கள், பிரதான நுழைவு வாயிலில் இருந்து விளையாட்டுத் திடல் வழியாக உள்ள பாதையிலும் வாக்கு எண்ணிக்கை அறைக்குச் செல்ல அனுமதிக்கப்பட்டனர்.
வாக்கு எண்ணிக்கை மையத்துக்குள் செல்லிடப்பேசி பயன்படுத்துவதற்கும், வாக்கு எண்ணிக்கை நடைபெறும் நேரத்தில் வாக்கு எண்ணிக்கை மையத்தில் இருந்து வெளியே சென்று வருவதற்கும் அனுமதிக்கப்படவில்லை. 
அஞ்சல் வாக்கு எண்ணிக்கை பணி காலை 8 மணிக்கு தொடங்கியது. சரியாக, 30 நிமிடங்களுக்குப் பின், மின்னணு வாக்கு எண்ணிக்கை இயந்திரங்களில் பதிவான வாக்கு எண்ணிக்கை தொடங்கியது. பாதுகாப்பு அறையில் வைத்திருந்த வாக்கு இயந்திரங்கள் முகவர்கள் முன்னிலையில் திறக்கப்பட்டு அங்கிருந்து வாக்கு எண்ணிக்கை நடைபெறும் மேஜைக்கு கொண்டு வரப்பட்டன.
 வாக்கு எண்ணிக்கை நடவடிக்கைகள் முழுமையாக விடியோவில் பதிவு செய்து கண்காணிக்கப்பட்டன. 
வேட்பாளர்களின் முகவர்கள் அவர்களுக்கு ஒதுக்கீடு செய்யப்பட்ட மேஜை முன் மட்டும் அமர்ந்து வாக்கு எண்ணிக்கையை கண்காணித்தனர்.
ஒவ்வொரு சட்டப்பேரவை தொகுதிக்கும் 14 மேஜைகள் அமைக்கப்பட்டு வாக்கு எண்ணிக்கை நடைபெற்றது. வாக்கு எண்ணிக்கையை கண்காணிக்க ஒவ்வொரு மேஜைக்கும் மத்திய அரசுப் பணியாளர் ஒருவர் நுண்பார்வையாளராக நியமிக்கப்பட்டிருந்தனர்.

]]>
https://www.dinamani.com/all-editions/edition-villupuram/cuddalore/2019/may/24/சிதம்பரம்-தொகுதி--வாக்கு-எண்ணிக்கை-விடியோவில்-பதிவு-3157376.html
3157373 விழுப்புரம் கடலூர் 37 மின்னணு இயந்திரங்களில் கோளாறு: வாக்கு எண்ணிக்கையில் தாமதம் DIN DIN Friday, May 24, 2019 01:34 AM +0530 கடலூர் மக்களவைத் தொகுதிக்கான வாக்கு எண்ணிக்கையின்போது 37  மின்னணு இயந்திரங்களில் கோளாறு ஏற்பட்டதால் வாக்கு எண்ணிக்கை பணியில் தாமதம் ஏற்பட்டது. 
கடலூர் மக்களவைத் தொகுதிக்கான வாக்கு எண்ணிக்கை கடலூர் தேவனாம்பட்டினம் அரசு கல்லூரியில் வியாழக்கிழமை நடைபெற்றது. மொத்தமுள்ள 1,499 வாக்குச் சாவடிகளில் பதிவான வாக்குகள் 6 சட்டப் பேரவைத் தொகுதிகள் வாரியாக எண்ணப்பட்டன. சட்டப் பேரவைத் தொகுதிக்கு 14 மேஜைகளில் வாக்கு எண்ணிக்கை நடைபெற்றது. அப்போது ஒவ்வொரு சட்டப் பேரவைத் தொகுதியிலும் பல மின்னணு வாக்குப் பதிவு இயந்திரங்களை கோளாறு காரணமாக திறக்க முடியவில்லை. கடலூர் சட்டப் பேரவைத் தொகுதியில் 7 மின்னணு வாக்குப் பதிவு இயந்திரங்கள் பழுதானது. குறிஞ்சிப்பாடி, நெய்வேலி, விருத்தாசலம் உள்பட அனைத்து தொகுதிகளிலும் மொத்தம் 37 மின்னணு வாக்குப் பதிவு இயந்திரங்கள் பழுது காரணமாக திறக்க முடியவில்லை. 
இதனால், அந்தந்த சுற்றுகளில் பழுதான இயந்திரங்களில் வாக்கு எண்ணிக்கை நிறுத்தி வைக்கப்பட்டது.
எனவே, 17-ஆவது சுற்று முடிவுகள் மாலை 7 மணியளவில் அறிவிக்கப்பட்ட நிலையில் 18-ஆவது சுற்று முடிவுகள் அறிவிக்க 2 மணி நேரத்துக்கு மேல் தாமதம் ஆனது. 21 சுற்றுகள் எண்ணப்பட வேண்டிய நிலையில் இரவு 10.30 மணி வரை 19-ஆவது சுற்று முடிவு தெரிவிக்கப்படவில்லை. 
இதுகுறித்து மாவட்ட ஆட்சியர் வெ.அன்புச்செல்வன் கூறியதாவது: சில வாக்கு எண்ணிக்கை மையங்களில் மின்னணு வாக்குப் பதிவு இயந்திரங்கள் பழுதால் அதிலுள்ள வாக்குகளை எண்ண முடியவில்லை. ஆனாலும், எத்தனை இயந்திரங்கள் பழுது என்ற விவரம் இல்லை.
பழுதான இயந்திரங்களில் பதிவான வாக்குகளுக்கு பதிலாக விவிபேட் இயந்திரத்தில் உள்ள ஒப்புகைச் சீட்டு எண்ணப்பட்டு அதிலுள்ள வாக்குகள் கணக்கில் எடுத்துக் கொள்ளப்படும் என்றார் ஆட்சியர்.

]]>
https://www.dinamani.com/all-editions/edition-villupuram/cuddalore/2019/may/24/37-மின்னணு-இயந்திரங்களில்-கோளாறு-வாக்கு-எண்ணிக்கையில்-தாமதம்-3157373.html
3157037 விழுப்புரம் கடலூர் கல்வி தகவல் மேலாண் திட்டத்தில் தனியார் பள்ளி விவரங்கள் சேகரிப்பு DIN DIN Thursday, May 23, 2019 08:18 AM +0530 கல்வி தகவல் மேலாண் திட்டத்தின் கீழ் தனியார் பள்ளிகளின் விவரங்கள் சேகரிக்கப்பட்டு, கணினியில் பதிவேற்றம் செய்யப்பட்டுள்ளது.
 தமிழகம் முழுவதும் உள்ள அனைத்து அரசு, அரசு உதவி பெறும் பள்ளிகளின் விவரங்கள், ஆசிரியர், மாணவர், பள்ளிக் கட்டடம், வசதிகள் குறித்த விவரங்களைக் கணினியில் பதிவேற்றம் செய்ய அரசு உத்தரவிட்டது.
 இதற்காக கல்வி தகவல் மேலாண்மை (உஙஐந) என்ற இணையதளம் உருவாக்கப்பட்டுள்ளது. இந்த தளத்தில் அனைத்து விவரங்களும் பதிவேற்றம் செய்யப்பட வேண்டும்.
 தொடர்ந்து, அந்தப் பள்ளியில் பணியில் உள்ள ஆசிரியரின் பிறந்த தேதி முதல் அவரது முழு விவரம், இதேபோல மாணவரின் பிறந்த தேதி, முகவரி, பெற்றோர் உள்ளிட்ட விவரங்களும் பதிவேற்றம் செய்யப்பட வேண்டும்.
 இந்தப் பணிகள் குறித்து மாவட்ட முதன்மைக் கல்வி அலுவலர் கா.பழனிசாமி கூறியதாவது: கல்வி தகவல் மேலாண்மை திட்டத்தில் அரசு, அரசு உதவி பெறும் பள்ளிகள் குறித்த விவரங்களைப் பதிவேற்றம் செய்யும் பணி மாவட்டத்தில் 98 சதவீதம் நிறைவு பெற்றுள்ளது.
 இதனால், நிகழ் ஆண்டுகளில் ஆசிரியர்களின் இட மாறுதல் கலந்தாய்வுக்கு அவர்கள் தனியாக விண்ணப்பிக்க வேண்டியதில்லை. தற்போது பதிவேற்றம் செய்யப்பட்ட விவரங்களைக் கொண்டே கலந்தாய்வுக்கு அழைக்கப்படுவர்.
 அரசுப் பள்ளிகளைத் தொடர்ந்து நர்சரி, மெட்ரிக், சிபிஎஸ்இ உள்ளிட்ட அனைத்து வகை தனியார் பள்ளிகளும் தங்களது முழு விவரங்களையும் இந்தத் திட்டத்தில் பதிவு செய்ய வேண்டும் என அரசு உத்தரவிட்டுள்ளது.
 இதற்காக மாவட்டத்தில் செவ்வாய், புதன்கிழமைகளில் 14 ஒன்றியங்களில் 25 பள்ளிகளில் முகாம் நடத்தி, தகவல் பதிவேற்றம் செய்யப்பட்டுள்ளது. இதில், பள்ளி தொடங்கப்பட்ட நாள், அனுமதி பெறப்பட்ட நாள், நிரந்தர அனுமதியா, தொடர் அனுமதியா, மாணவர்கள், ஆசிரியர்களின் எண்ணிக்கை உள்ளிட்ட விவரங்கள் பதிவு செய்யப்பட்டுள்ளன. இதன் மூலம் தனியார் பள்ளிகளின் அங்கீகாரம் குறித்த விவரங்களை தெரிந்து கொள்ளலாம்.
 மாவட்டக் கல்வி அலுவலர், வட்டாரக் கல்வி அலுவலர், ஒன்றிய வள மைய மேற்பார்வையாளர்கள், ஆசிரியர் பயிற்றுநர்கள் ஆகியோர் இந்தப் பதிவேற்றம் செய்யும் பணியில் ஈடுபடுத்தப்பட்டுள்ளனர். இவ்வாறு பதிவேற்றப்பட்ட தகவல்களை முதன்மைக் கல்வி அலுவலர்கள், மாநில பள்ளிக் கல்வித் துறை, மத்திய மனித வள மேம்பாட்டுத் துறையினர் பார்வையிட முடியும் என்றார் அவர்.
 
 
 
 

]]>
https://www.dinamani.com/all-editions/edition-villupuram/cuddalore/2019/may/23/கல்வி-தகவல்-மேலாண்-திட்டத்தில்-தனியார்-பள்ளி-விவரங்கள்-சேகரிப்பு-3157037.html
3157035 விழுப்புரம் கடலூர் கொத்தட்டை கூத்தாண்டவர் கோயில் திருவிழா DIN DIN Thursday, May 23, 2019 08:18 AM +0530 சிதம்பரத்தை அடுத்த கொத்தட்டை கூத்தாண்டவர் கோயில் திருவிழா செவ்வாய்க்கிழமை இரவு வெகு விமரிசையாக நடைபெற்றது.
 பரங்கிப்பேட்டை அருகே கொத்தட்டை கிராமத்தில் அமைந்துள்ள கூத்தாண்டவர் கோயிலில் ஆண்டுதோறும் சித்திரை மாத அமாவாசைக்கு பிறகு கொடியேற்றம் நடைபெற்று, பௌர்ணமி தினத்தில் திருநங்கைகள் திருவிழா நடைபெறும்.
 நிகழாண்டு திருவிழா மே 8-ஆம் தேதி கொடியேற்றத்துடன் தொடங்கியது. தொடர்ந்து அர்ச்சுணன் தபசு, திரவுபதி திருக்கல்யாணம், சுவாமி வீதி உலா உள்ளிட்ட நிகழ்ச்சிகள் நடைபெற்றன.
 திருவிழாவின் முக்கிய நிகழ்வான திருநங்கைகள் தாலி கட்டிக் கொள்ளும் நிகழ்ச்சி செவ்வாய்க்கிழமை இரவு நடைபெற்றது. நிகழ்ச்சியில் தில்லி, மும்பை, குஜராஜ், பெங்களூரு, புதுச்சேரி உள்ளிட்ட பல்வேறு மாநிலங்களிலிருந்தும், தமிழகத்தின் பல்வேறு மாவட்டங்களிலிருந்தும் திரளான திருநங்கைகள் பங்கேற்று கூத்தாண்டவரை வணங்கி, பூசாரி கையால் தாலி கட்டிக் கொண்டனர். முன்னதாக, கூத்தாண்டவர் கோயில் திருவிழா தொடக்க நிகழ்ச்சி மற்றும் அழகிப் போட்டி ஆகியவை நடைபெற்றன. விழாவை சிதம்பரம் தொகுதி சட்டப்பேரவை உறுப்பினர் கே.ஏ.பாண்டியன், சிதம்பரம் டி.எஸ்.பி. எஸ்.கார்த்திகேயன் ஆகியோர் குத்துவிளக்கேற்றி தொடக்கி வைத்தனர்.
 அழகிப் போட்டியில் 15-க்கும் மேற்பட்ட திருநங்கைகள் பங்கேற்றனர். இந்தப் போட்டியில் பழனியைச் சேர்ந்த தேன்மொழி முதல் பரிசையும், நாகூரைச் சேர்ந்த ரஃபியா இரண்டாவது பரிசையும், தஞ்சையைச் சேர்ந்த சந்தியா மூன்றாவது பரிசையும் பெற்றார். அழகிப் போட்டியில் வெற்றி பெற்றவர்களுக்கு கே.ஏ.பாண்டியன் எம்.எல்.ஏ. பரிசுகளை வழங்கினார்.
 தொடர்ந்து, திருநங்கைகள் பங்கேற்ற கும்மி, தப்பாட்டம், சிலம்பாட்டம், ஆடல், பாடல் உள்ளிட்ட நாட்டுப்புறக் கலை நிகழ்ச்சிகள் நடைபெற்றன.
 இதையடுத்து, புதன்கிழமை காலை தேரோட்டம் நடைபெற்றது. தேர் நிலையை அடைந்தவுடன் திருநங்கைகள் தாலியை அகற்றி, வெள்ளைச் சேலை அணிந்து, விதவைக் கோலம் பூண்டு தங்களது நேர்த்திக் கடனை செலுத்தினர். பின்னர், அரவான் களப்பலி நடைபெற்றது.
 
 

]]>
https://www.dinamani.com/all-editions/edition-villupuram/cuddalore/2019/may/23/கொத்தட்டை-கூத்தாண்டவர்-கோயில்-திருவிழா-3157035.html
3157033 விழுப்புரம் கடலூர் பாடலேசுவரர் கோயில் உண்டியல் காணிக்கை ரூ. 16.50 லட்சம் DIN DIN Thursday, May 23, 2019 08:18 AM +0530 பாடலேசுவரர் கோயில் உண்டியலில் காணிக்கையாக ரூ. 16.50 லட்சத்தை பக்தர்கள் செலுத்தியிருந்தனர்.
 கடலூர் திருப்பாதிரிபுலியூரில் பெரியநாயகி உடனுறை பாடலேசுவரர் கோயில் அமைந்துள்ளது. இந்தக் கோயிலில் பல்வேறு திருப்பணிகளுக்காகவும், காணிக்கை செலுத்துவதற்காகவும் அறநிலையத் துறை சார்பில், உண்டியல் வைக்கப்பட்டுள்ளது. இந்த உண்டியல் காணிக்கைகளை எண்ணும் பணி கோயில் செயல் அலுவலர் ப.முத்துலட்சுமி தலைமையில் செவ்வாய்க்கிழமை நடைபெற்றது.
 இதில், கோயில் ஊழியர்கள், தன்னார்வலர்கள் உள்பட 30 பேர் பங்கேற்று காணிக்கைப் பணத்தை எண்ணினர். இதில், ரூ. 16.66 லட்சம் பக்தர்களால் காணிக்கையாகச் செலுத்தப்பட்டிருந்தது. மேலும், 43 கிராம் தங்கம், 490 கிராம் வெள்ளியும் பக்தர்களால் காணிக்கையாகச் செலுத்தப்பட்டிருந்தது.
 
 
 
 

]]>
https://www.dinamani.com/all-editions/edition-villupuram/cuddalore/2019/may/23/பாடலேசுவரர்-கோயில்-உண்டியல்-காணிக்கை-ரூ-1650-லட்சம்-3157033.html
3157031 விழுப்புரம் கடலூர் குடிநீர் திருட்டு: மின் மோட்டார்கள் பறிமுதல் DIN DIN Thursday, May 23, 2019 08:17 AM +0530 குடிநீர் திருட்டில் பயன்படுத்தப்பட்ட மின் மோட்டார்களை அதிகாரிகள் புதன்கிழமை பறிமுதல் செய்தனர்.
 கடலூர் மாவட்டத்தில் நிலவி வரும் குடிநீர் தட்டுப்பாட்டைப் போக்க மாவட்ட நிர்வாகம் பல்வேறு நடவடிக்கை மேற்கொண்டு வருகிறது. இதற்காக, ஊராட்சி ஒன்றியம், நகராட்சி, பேரூராட்சிகள் அளவில் கண்காணிப்பாளர்கள் நியமிக்கப்பட்டு தனிக் குழு உருவாக்கப்பட்டுள்ளது. இந்தக் குழுவினர் மின் மோட்டார்கள் மூலம் குடிநீரை உறிஞ்சி வருபவர்களைக் கண்டறியும் பணியில் ஈடுபட்டு வருகின்றனர்.அதன்படி, புதன்கிழமை கடலூர் வட்டார வளர்ச்சி அலுவலர் கிருஷ்ணமூர்த்தி தலைமையில், மண்டல துணை வட்டார வளர்ச்சி அலுவலர்கள் சசிகலா, கங்கா, ஊராட்சி செயலர் வேல்முருகன் ஆகியோர் கடலூர் அருகே உள்ள பாதிரிக்குப்பம் ஊராட்சிக்கு உள்பட்ட விஜய லட்சுமி நகர், சண்முகா நகர் குடியிருப்பு பகுதிகளில் திடீர் சோதனை நடத்தினர்.
 அப்போது, பத்துக்கு மேற்பட்ட வீடுகளில் குடிநீர் குழாயில் மின் மோட்டார் பயன்படுத்தப்பட்டு குடிநீர் திருடப்பட்டது தெரிய வந்தது. இதைத் தொடர்ந்து அதிகாரிகள் அந்த மின் மோட்டார்களை பறிமுதல் செய்தனர்.
 

]]>
https://www.dinamani.com/all-editions/edition-villupuram/cuddalore/2019/may/23/குடிநீர்-திருட்டு-மின்-மோட்டார்கள்-பறிமுதல்-3157031.html
3157029 விழுப்புரம் கடலூர் குடிநீர்த் தேவையைச் சமாளிக்க ரூ. 23 கோடியில் 678 திட்டப் பணிகள்: மாவட்ட ஆட்சியர் தகவல் DIN DIN Thursday, May 23, 2019 08:17 AM +0530 கடலூர் மாவட்டத்தில் குடிநீர்த் தேவையைச் சமாளிக்க ரூ. 23 கோடியில் 678 திட்டப் பணிகளுக்கு அனுமதி வழங்கப்பட்டுள்ளதாக மாவட்ட ஆட்சியர் வெ.அன்புச்செல்வன் கூறினார்.
 இதுகுறித்து அவர் வெளியிட்ட செய்திக் குறிப்பு: கடலூர் மாவட்டத்தில் உள்ள அனைத்து ஊராட்சிகள் உள்ளிட்ட குக்கிராமப் பகுதிகளுக்கும் குடிநீர் தேவையை நிறைவு செய்ய 9,150 கைப்பம்புகள், 3,810 சிறு மின்விசைப் பம்புகள், 4,266 விசைப் பம்புகள் மற்றும் தமிழ்நாடு குடிநீர் வடிகால் வாரியம் மூலமாக 17 கூட்டுக் குடிநீர் திட்டங்கள் செயல்பாட்டில் இருந்து வருகிறது. இதன் மூலம் நாளொன்ருக்கு, நபருக்கு 55 லிட்டர் சீரான, சுகாதாரமான குடிநீர் வழங்கப்பட்டு வருகிறது. மேலும், கோடை காலத்தில் வறட்சியால் ஏற்படும் குடிநீர் பற்றாக்குறையைப் போக்க அத்தியாவசிய குடிநீர் பணிகளுக்காக கிராம ஊராட்சிகளில் ஊராட்சி ஒன்றிய பொது நிதியின் மூலம் ரூ.15.71 கோடியில் 211 குடிநீர் பணிகளும், 14 -ஆவது மாநில நிதிக்குழு மானியத் திட்டத்தின் கீழ் ரூ. 7.36 கோடியில் 467 குடிநீர் திட்டப் பணிகளைச் செயல்படுத்த அனுமதி வழங்கப்பட்டுள்ளது.
 எனவே, பொதுமக்கள் குடிநீரை சிக்கனமாகப் பயன்படுத்த வேண்டும். குடிநீர் குழாய்களில் தண்ணீர் கசிதல், குடிநீர் விநியோகத்தில் ஏற்படும் பழுதுகளை உடனுக்குடன் பொதுமக்கள் கட்டணமில்லா தொலைபேசி எண் 1800 425 1941 மூலம் தொடர்பு கொண்டு மாவட்ட குடிநீர் கண்காணிப்பு அறைக்குத் தெரிவிக்கலாம்.
 மேலும், அனைத்துப் பகுதிகளிலும் சீரான முறையில் குடிநீர் விநியோகம் செய்ய ஏதுவாக முறையற்ற குடிநீர் இணைப்புகளை கண்டறிந்து துண்டிப்பதுடன், பொது பகிர்மான குழாய்களில் மின் மோட்டார்களை பயன்படுத்தி குடிநீர் உறிஞ்சுவதைக் கண்டறிந்து, மின் மோட்டார்களை பறிமுதல் செய்ய சம்பந்தப்பட்ட உள்ளாட்சி அமைப்பு அலுவலர்கள் நடவடிக்கை எடுக்க உத்தரவிடப்பட்டுள்ளது.
 ஏரி, குளங்களில் உள்ள தண்ணீரை வணிக ரீதியாக விற்பனை செய்பவர்கள் மீது கடுமையான நடவடிக்கை எடுக்கப்படும் என அந்தச் செய்திக் குறிப்பில் மாவட்ட ஆட்சியர் கூறியுள்ளார்.
 

]]>
https://www.dinamani.com/all-editions/edition-villupuram/cuddalore/2019/may/23/குடிநீர்த்-தேவையைச்-சமாளிக்க-ரூ-23-கோடியில்-678-திட்டப்-பணிகள்-மாவட்ட-ஆட்சியர்-தகவல்-3157029.html
3157016 விழுப்புரம் கடலூர் கல்வி தகவல் மேலாண் திட்டத்தில் தனியார் பள்ளி விவரங்கள் சேகரிப்பு DIN DIN Thursday, May 23, 2019 08:15 AM +0530 கல்வி தகவல் மேலாண் திட்டத்தின் கீழ் தனியார் பள்ளிகளின் விவரங்கள் சேகரிக்கப்பட்டு, கணினியில் பதிவேற்றம் செய்யப்பட்டுள்ளது.
 தமிழகம் முழுவதும் உள்ள அனைத்து அரசு, அரசு உதவி பெறும் பள்ளிகளின் விவரங்கள், ஆசிரியர், மாணவர், பள்ளிக் கட்டடம், வசதிகள் குறித்த விவரங்களைக் கணினியில் பதிவேற்றம் செய்ய அரசு உத்தரவிட்டது.
 இதற்காக கல்வி தகவல் மேலாண்மை என்ற இணையதளம் உருவாக்கப்பட்டுள்ளது. இந்த தளத்தில் அனைத்து விவரங்களும் பதிவேற்றம் செய்யப்பட வேண்டும்.
 தொடர்ந்து, அந்தப் பள்ளியில் பணியில் உள்ள ஆசிரியரின் பிறந்த தேதி முதல் அவரது முழு விவரம், இதேபோல மாணவரின் பிறந்த தேதி, முகவரி, பெற்றோர் உள்ளிட்ட விவரங்களும் பதிவேற்றம் செய்யப்பட வேண்டும்.
 இந்தப் பணிகள் குறித்து கடலூர் மாவட்ட முதன்மைக் கல்வி அலுவலர் கா.பழனிசாமி கூறியதாவது: கல்வி தகவல் மேலாண்மை திட்டத்தில் அரசு, அரசு உதவி பெறும் பள்ளிகள் குறித்த விவரங்களைப் பதிவேற்றம் செய்யும் பணி மாவட்டத்தில் 98 சதவீதம் நிறைவு பெற்றுள்ளது.
 இதனால், நிகழ் ஆண்டுகளில் ஆசிரியர்களின் இட மாறுதல் கலந்தாய்வுக்கு அவர்கள் தனியாக விண்ணப்பிக்க வேண்டியதில்லை. தற்போது பதிவேற்றம் செய்யப்பட்ட விவரங்களைக் கொண்டே கலந்தாய்வுக்கு அழைக்கப்படுவர்.
 அரசுப் பள்ளிகளைத் தொடர்ந்து நர்சரி, மெட்ரிக், சிபிஎஸ்இ உள்ளிட்ட அனைத்து வகை தனியார் பள்ளிகளும் தங்களது முழு விவரங்களையும் இந்தத் திட்டத்தில் பதிவு செய்ய வேண்டும் என அரசு உத்தரவிட்டுள்ளது.
 இதற்காக மாவட்டத்தில் செவ்வாய், புதன்கிழமைகளில் 14 ஒன்றியங்களில் 25 பள்ளிகளில் முகாம் நடத்தி, தகவல் பதிவேற்றம் செய்யப்பட்டுள்ளது. இதில், பள்ளி தொடங்கப்பட்ட நாள், அனுமதி பெறப்பட்ட நாள், நிரந்தர அனுமதியா, தொடர் அனுமதியா, மாணவர்கள், ஆசிரியர்களின் எண்ணிக்கை உள்ளிட்ட விவரங்கள் பதிவு செய்யப்பட்டுள்ளன. இதன் மூலம் தனியார் பள்ளிகளின் அங்கீகாரம் குறித்த விவரங்களை தெரிந்து கொள்ளலாம்.
 மாவட்டக் கல்வி அலுவலர், வட்டாரக் கல்வி அலுவலர், ஒன்றிய வள மைய மேற்பார்வையாளர்கள், ஆசிரியர் பயிற்றுநர்கள் ஆகியோர் இந்தப் பதிவேற்றம் செய்யும் பணியில் ஈடுபடுத்தப்பட்டுள்ளனர். இவ்வாறு பதிவேற்றப்பட்ட தகவல்களை முதன்மைக் கல்வி அலுவலர்கள், மாநில பள்ளிக் கல்வித் துறை, மத்திய மனித வள மேம்பாட்டுத் துறையினர் பார்வையிட முடியும் என்றார் அவர்.
 
 
 

]]>
https://www.dinamani.com/all-editions/edition-villupuram/cuddalore/2019/may/23/கல்வி-தகவல்-மேலாண்-திட்டத்தில்-தனியார்-பள்ளி-விவரங்கள்-சேகரிப்பு-3157016.html
3157006 விழுப்புரம் கடலூர் தூத்துக்குடி துப்பாக்கிச்சூடு: முதலாமாண்டு நினைவு தினம் DIN DIN Thursday, May 23, 2019 08:13 AM +0530 தூத்துக்குடி துப்பாக்கிச் சூட்டில் உயிரிழந்தவர்களின் முதலாமாண்டு நினைவு தினம் புதன்கிழமை அனுசரிக்கப்பட்டது.
 தூத்துக்குடி ஸ்டெர்லைட் ஆலைக்கு எதிராக கடந்த ஆண்டு மே 22 -ஆம் தேதி நடைபெற்ற போராட்டத்தின் போது, போலீஸார் நடத்திய துப்பாக்கிச் சூட்டில் 13 பேர் உயிரிழந்தனர். இந்த துயர சம்பவத்தின் முதலாமாண்டு நினைவு தினம் கடலூரில் அனைத்து பொது நல இயக்கங்களின் கூட்டமைப்பு சார்பில் புதன்கிழமை அனுசரிக்கப்பட்டது.
 இந்திய கம்யூனிஸ்ட் கட்சி அலுவலகத்தில் நடைபெற்ற நிகழ்வுக்கு கூட்டமைப்பின் ஒருங்கிணைப்பாளர் வெண்புறா குமார் தலைமை வகித்தார். இணை ஒருங்கிணைப்பாளர்கள் எம்.சுப்புராயன், எஸ்.என்.கே.ரவி, ஆலோசகர் தி.ச.திருமார்பன், மக்கள் அதிகாரம் மண்டல ஒருங்கிணைப்பாளர் பாலு, மீனவர் பேரவையின் மாநிலச் செயலர் எஸ்.கெஜேந்திரன், இ.கம்யூ. நகரச் செயலர் ஜி.மணிவண்ணன் ஆகியோர் முன்னிலை வகித்தனர்.
 பல்வேறு பொது நல அமைப்புகளின் நிர்வாகிகள் ராயர் ராஜாங்கம், பருதிவாணன், தர்மராஜ், இரா.பாபு, கார்த்திகேயன், எம்.சாய்ராம், தருமர் உள்பட பலர் இரங்கல் உரையாற்றினர்.
 கூட்டத்தில் மே 22- ஆம் தேதியை உலக அளவில் மக்களுக்கு எதிரான கார்ப்பரேட் பயங்கரவாத ஒழிப்பு தினமாக அனுசரிக்க வேண்டும். துப்பாக்கிச் சூடு சம்பவத்தின் போது பொதுமக்கள் மீது போடப்பட்ட வழக்குகளை திரும்ப பெற வேண்டும். இந்தச் சம்பவத்துக்கு காரணமான காவல் துறை அதிகாரிகளை உடனடியாக பணி நீக்கம் செய்து அவர்கள் மீது கொலை வழக்குப் பதிவு செய்ய வேண்டும்.
 ஸ்டெர்லைட் ஆலையை நிரந்தரமாக மூட வேண்டும் என்பன உள்ளிட்ட தீர்மானங்கள் நிறைவேற்றப்பட்டன. முன்னதாக, கூட்டமைப்பினர் கைகளில் மெழுகுவர்த்தி ஏந்தி அஞ்சலி செலுத்தினர்.
 

]]>
https://www.dinamani.com/all-editions/edition-villupuram/cuddalore/2019/may/23/தூத்துக்குடி-துப்பாக்கிச்சூடு-முதலாமாண்டு-நினைவு-தினம்-3157006.html
3157004 விழுப்புரம் கடலூர் ஒப்புகைச் சீட்டுகள் எண்ணிக்கை: முடிவுகள் அறிவிப்பதில் தாமதம் ஏற்படும் DIN DIN Thursday, May 23, 2019 08:13 AM +0530 வாக்கு எண்ணிக்கையின் போது 30 விவிபாட் இயந்திரங்களின் ஒப்புகைச் சீட்டுகள் எண்ணப்படுவதால், முடிவுகள் அறிவிப்பதில் தாமதம் ஏற்படும்.
 கடலூர் மக்களவைத் தொகுதிக்கான வாக்கு எண்ணிக்கை வியாழக்கிழமை (மே 23) காலை 8 மணிக்கு தொடங்குகிறது. இந்தத் தொகுதிக்கு உள்பட்ட கடலூர், பண்ருட்டி, குறிஞ்சிப்பாடி, நெய்வேலி, விருத்தாசலம், திட்டக்குடி ஆகிய 6 சட்டப்பேரவைத் தொகுதிகள் வாரியாக வாக்குகள் எண்ணப்படும்.
 இதற்காக ஒவ்வொரு சட்டப்பேரவைத் தொகுதிக்கும் தலா 14 மேஜைகள் அமைக்கப்பட்டுள்ளன. ஒவ்வொரு சுற்றிலும் 14 மின்னணு வாக்குப் பதிவு இயந்திரங்கள் எடுக்கப்பட்டு அதில் பதிவான வாக்குகள் எண்ணி முடிவுகள் அறிவிக்கப்படும். சட்டப்பேரவைத் தொகுதி வாரியாக ஒரு சுற்று முடிவுற்ற பின்னரே, மறு சுற்றுக்கான வாக்கு எண்ணிக்கை தொடங்கும்.
 அதன்படி, திட்டக்குடியில் 18 சுற்றுகளும், விருத்தாசலத்தில் 21 சுற்றுகளும், நெய்வேலி, கடலூரில் தலா 17 சுற்றுகளும், பண்ருட்டி, குறிஞ்சிப்பாடியில் தலா 19 சுற்றுகளும் வாக்குகள் எண்ணப்படும்.
 அனைத்து சுற்றுகளும் முடிவடைந்த பின்னர், வழக்கமாக தேர்தல் முடிவுகள் முறைப்படி அறிவிக்கப்படும். ஆனால், இந்தத் தேர்தலில் புதிய நடைமுறையாக யாருக்கு வாக்களித்தோம் என்பதை தெரிவிக்கும் (விவிபாட்) இயந்திரத்தில் பதிவான வாக்குகளும் குறிப்பிட்ட அளவுக்கு எண்ணப்படுகிறது.
 அதாவது, ஒரு சட்டப்பேரவைத் தொகுதிக்கு தலா 5 விவிபாட் இயந்திரங்கள் குலுக்கல் முறையில் தேர்வு செய்யப்பட்டு, ஒப்புகைச் சீட்டுகள் எண்ணப்படும்.
 அவை வாக்குப் பதிவு இயந்திரத்தில் பதிவான வாக்குகளுடன் சரிபார்க்கப்படும். இதில், எவ்வித குழுப்பமும் இல்லாத பட்சத்தில் மட்டுமே வெற்றி பெற்றவர் குறித்த விவரம் அறிவிக்கப்படும்.
 அதனால், முடிவுகளை அறிவிப்பதில் சில மணி நேரம் காலதாமதம் ஏற்படும் என தேர்தல் ஆணைய வட்டாரங்கள் தெரிவித்தன.
 
 

]]>
https://www.dinamani.com/all-editions/edition-villupuram/cuddalore/2019/may/23/ஒப்புகைச்-சீட்டுகள்-எண்ணிக்கை-முடிவுகள்-அறிவிப்பதில்-தாமதம்-ஏற்படும்-3157004.html
3157003 விழுப்புரம் கடலூர் சிதம்பரம் தொகுதி வாக்கு எண்ணிக்கை: 23 சுற்றுகளாக எண்ணப்படுகிறது DIN DIN Thursday, May 23, 2019 08:13 AM +0530 சிதம்பரம் மக்களவைத் (தனி) தொகுதிகளுக்கான வாக்கு எண்ணிக்கை 23 சுற்றுகளாக எண்ணப்படுகிறது.
 சிதம்பரம் மக்களவைத் தொகுதிக்கு உள்பட்ட சிதம்பரம், புவனகிரி, காட்டுமன்னார்கோவில், ஜயங்கொண்டம், அரியலூர், குன்னம் ஆகிய 6 சட்டப்பேரவைத் தொகுதிகளில் கடந்த மாதம் 18-ஆம் தேதி தேர்தல் நடைபெற்றது.
 தேர்தலில் பயன்படுத்தப்பட்ட வாக்குப் பதிவு இயந்திரங்கள், விவிபாட் இயந்திரங்கள் அரியலூர் மாவட்டம், உடையார்பாளையத்தை அடுத்த தத்தனூர் மீனாட்சி ராமசாமி கலை -அறிவியல் கல்லூரியில் பலத்த பாதுகாப்புடன் வைக்கப்பட்டுள்ளன.
 இந்த நிலையில், வாக்கு எண்ணிக்கை வியாழக்கிழமை (மே 23) காலை 8 மணிக்கு தொடங்குகிறது. மாவட்டத் தேர்தல் அலுவலரும், ஆட்சியருமான மு.விஜயலட்சுமி இதற்கான முன்னேற்பாடு பணிகளை மேற்கொண்டு வருகிறார். வாக்கு எண்ணும் மையத்தில் ஒவ்வொரு அறையிலும் சட்டப்பேரவைத் தொகுதி வாரியாக 23 சுற்றுகள் வாக்குகள் எண்ணப்படுகிறது. வாக்கு எண்ணும் மையங்களில் 3 அடுக்கு பாதுகாப்பு போடப்பட்டுள்ளது.
 தண்ணீர் உள்ளிட்ட திரவப் பொருள்கள், பேனா, தீப்பெட்டி, லைட்டர், செல்லிடப்பேசி உள்ளிட்ட பொருள்களை உள்ளே கொண்டு செல்ல தடை விதிக்கப்பட்டுள்ளது. வாக்கு எண்ணிக்கை தொடங்கி, முடிவு அறிவிக்கப்படும் வரை அனைத்தும் விடியோ பதிவு செய்யப்படுகிறது.

]]>
https://www.dinamani.com/all-editions/edition-villupuram/cuddalore/2019/may/23/சிதம்பரம்-தொகுதி-வாக்கு-எண்ணிக்கை-23-சுற்றுகளாக-எண்ணப்படுகிறது-3157003.html
3157001 விழுப்புரம் கடலூர் எள் விலை மூட்டைக்கு ரூ. 2 ஆயிரம் சரிவு DIN DIN Thursday, May 23, 2019 08:12 AM +0530 எள் விலை மூட்டை ஒன்றுக்கு ரூ. 2 ஆயிரம் வரை வீழ்ச்சி அடைந்ததால் விவசாயிகள் கவலை அடைந்துள்ளனர்.
 குறிஞ்சிப்பாடி வட்டாரப் பகுதியில் எள் அறுவடை தொடங்கி, தற்போது தீவிரம் அடைந்து வருகிறது. இந்த நிலையில், கடந்த 2 வாரங்ககக்கு முன்னர் 80 கிலோ எடை கொண்ட எள் மூட்டை ஒன்று ரூ. 10 ஆயிரத்துக்கு விலை போன நிலையில், தற்போது மூட்டை ஒன்றுக்கு ரூ. 2 ஆயிரம் விலை சரிவு ஏற்பட்டுள்ளதால் விவசாயிகள் கவலை அடைந்துள்ளனர்.
 இதுகுறித்து அயன்குறிஞ்சிப்பாடி உழவர் மன்றத் தலைவர் ஆர்.கே.ராமலிங்கம் கூறியதாவது: 80 கிலோ எள் மூட்டை ஒன்று ரூ. 10 ஆயிரத்துக்கு விலை போனது. தற்போது ரூ. 2 ஆயிரம் சரிவு அடைந்து ரூ. 8 ஆயிரத்துக்கு கொள்முதல் செய்யப்படுகிறது. அதிகாரிகளும், உள்ளூர் வியாபாரிகளும் சிண்டிகேட் அமைத்து விலை குறைப்பு செய்கின்றனர். வெளியூர் வியாபாரிகளை ஏலத்தில் அனுமதிப்பதில்லை. இதனால்தான், எள் விலை சரிவு ஏற்பட்டுள்ளது என்றார்.
 இதுகுறித்து கடலூர் மாவட்ட ஒழுங்குமுறை விற்பனைக் கூட செயலர் தேவேந்திரன் கூறியதாவது: எள் அறுவடை தொடங்குவதற்கு முன்னர் மூட்டைக்கு ரூ. 10 ஆயிரம் விலை கிடைத்தது. தற்போது, எள் வரத்து அதிகரித்துள்ளது. இதனால், விலை சரிவடைந்தது. புதன்கிழமை குறிஞ்சிப்பாடி ஒழுங்குமுறை விற்பனைக் கூடத்துக்கு 150 மூட்டை எள் வந்தது. அதிகபட்சமாக ரூ. 8,209 விலை நிர்ணயம் செய்யப்பட்டது. விவசாயிகளின் வங்கிக் கணக்கில் நேரடியாகப் பணம் செலுத்துவதற்கான பணியை மேற்கொண்டு வருகிறோம். இந்தப் பணியை மிக விரைவில் முடிவடையும் என்றார் அவர்.
 கடலூர்: இதேபோல, விருத்தாசலம் ஒழுங்குமுறை விற்பனைக் கூடத்துக்கு புதன்கிழமை 850 எள் மூட்டைகள் விற்பனைக்காக கொண்டு வரப்பட்டன.
 இங்கு, கடந்த திங்கள்கிழமை 650 எள் மூட்டைகளும், செவ்வாய்க்கிழமை 400 மூட்டைகளும் வந்திருந்த நிலையில், புதன்கிழமை 850 மூட்டை எள் விற்பனைக்காக வந்திருந்தன. மூட்டை ஒன்று ரூ. 7,339 முதல் ரூ. 8,372 வரை விலை போனது. இதேபோல, மக்காச்சோளம், உளுந்து வரத்தும் அதிகரித்துள்ளது. புதன்கிழமை 120 மூட்டை மக்காச்சோளமும், 100 மூட்டை உளுந்து விற்பனைக்கு வந்திருந்தன. நெல் பல்வேறு ரகங்களில் 1,500 மூட்டைகள் விற்பனைக்கு வந்திருந்தன. சராசரியாக உளுந்து ரூ. 6,102, மக்காச்சோளம் ரூ. 2,244, தட்டைப் பயறு ரூ. 2,219, தேங்காய் பருப்பு ரூ. 5,449-க்கு விலை போனது. கம்பு, ராகி, தினை, வரகு ஆகியவை குறைந்த அளவிலேயே விற்பனைக்கு வந்திருந்தன.
 
 

]]>
https://www.dinamani.com/all-editions/edition-villupuram/cuddalore/2019/may/23/எள்-விலை-மூட்டைக்கு-ரூ-2-ஆயிரம்-சரிவு-3157001.html
3156999 விழுப்புரம் கடலூர் விசூர் ஊராட்சியில் அனுமதி பெறாத 43 குடிநீர் இணைப்புகள் துண்டிப்பு DIN DIN Thursday, May 23, 2019 08:12 AM +0530 பண்ருட்டி ஒன்றியம், விசூர் ஊராட்சியில் அனுமதி பெறாத 43 குடிநீர் இணைப்புகளை அதிகாரிகள் செவ்வாய்க்கிழமை கண்டறிந்து துண்டித்தனர்.
 பண்ருட்டி ஒன்றியம், விசூர் ஊராட்சியில் சுமார் 200-க்கும் மேற்பட்ட குடும்பத்தினர் வசித்து வருகின்றனர். அந்தப் பகுதியில் உள்ள இரண்டு மேல்நிலை நீர்த்தேக்கத் தொட்டிகள் மூலம் பொதுமக்களுக்கு ஊராட்சி நிர்வாகம் குடிநீர் விநியோகம் செய்து வருகிறது. அண்மைக் காலமாக குடியிருப்புகளுக்கு சீரான முறையில் குடிநீர் கிடைக்கவில்லை என்று புகார்கள் எழுந்தன.
 அதன் பேரில், அதிகாரிகள் வீசூர் ஊராட்சியில் ஆய்வு நடத்தினர். இதில், அனுமதி பெறாத 43 குடிநீர் இணைப்புகள் இருந்ததைக் கண்டறிந்தனர். மேலும், பலர் குடிநீரை திருடி தோட்டத்தில் உள்ள செடிகளுக்கும், விவசாயப் பாசனத்துக்கும் பயன்படுத்தியதும் தெரிய வந்தது.
 இதையடுத்து, செவ்வாய்க்கிழமை விசூர் ஊராட்சி பகுதியில் இருந்த அனுமதி பெறாத 43 குடிநீர் இணைப்புகள் துண்டிக்கப்பட்டன. இந்தப் பணியில் பண்ருட்டி வட்டார வளர்ச்சி அலுவலர் வி.ஆர்.சீனிவாசன், மண்டல துணை வட்டார வளர்ச்சி அலுவலர்கள் எஸ்.சந்தோஷ்குமார், வி.அலெக்ஸாண்டர், ஆர்.செல்வி, ஆர்.தமிழ்செல்வி, ஊராட்சிச் செயலர்கள் எஸ்.இளவரசன், டி.ராஜேந்திரன், ஆர்.தேவநாதன், கே.செல்வகுமார், ஜி.வடிவேல் ஆகியோர் ஈடுபட்டனர்.

]]>
https://www.dinamani.com/all-editions/edition-villupuram/cuddalore/2019/may/23/விசூர்-ஊராட்சியில்-அனுமதி-பெறாத-43-குடிநீர்-இணைப்புகள்-துண்டிப்பு-3156999.html
3156996 விழுப்புரம் கடலூர் ஹைட்ரோ கார்பன் திட்டம் குறித்து மக்களிடம் கருத்து கேட்க வேண்டும்: உ.வாசுகி DIN DIN Thursday, May 23, 2019 08:12 AM +0530 ஹைட்ரோ கார்பன் திட்டம் குறித்து மக்களிடம் கருத்து கேட்க வேண்டும் என்று மார்க்சிஸ்ட் கம்யூ. கட்சியின் மத்தியக் குழு உறுப்பினர் உ.வாசுகி வலியுறுத்தினார்.
 கடலூர் மாவட்டம், சிதம்பரம் அருகே உள்ள பி.முட்லூரில் மார்க்சிஸ்ட் கம்யூனிஸ்ட் கட்சி சார்பில், ஹைட்ரோ கார்பன் திட்ட எதிர்ப்பு குறித்த கலந்தாய்வுக் கூட்டம் புதன்கிழமை நடைபெற்றது.
 கட்சியின் மாவட்டச் செயற்குழு உறுப்பினர் எஸ்.ஜி. ரமேஷ்பாபு தலைமை வகித்தார். கட்சியின் மத்தியக் குழு உறுப்பினர் உ.வாசுகி சிறப்புரையாற்றினார். மாவட்டச் செயலர் டி.ஆறுமுகம், மாநிலக் குழு உறுப்பினர்கள் ஜி.மாதவன், மூசா, மாவட்ட செயற்குழு உறுப்பினர்கள் ஆர்.ராமச்சந்திரன், ஜி.ஆர். ரவிச்சந்திரன், ஒன்றியச் செயலர்கள் ஆர்.சதானந்தம் ப.வாஞ்சிநாதன், யு.மூர்த்தி, எம்.பி.தண்டபானி, ஜே.ராஜேஷ்கண்ணன், சிதம்பரம் நகரச் செயலர் எஸ்.ராஜா உள்ளிட்டோர் பேசினர்.
 கூட்டத்தில் கிராம சபைக் கூட்டங்களில் ஹைட்ரோ கார்பன் திட்டத்துக்கு எதிரான தீர்மானங்களைக் கொண்டு வருவது, மீனவக் கிராமங்கள் உள்ளிட்ட பாதிக்கபடும் பகுதிகளிலிருந்து எதிர்ப்புக் கடிதங்களை மத்திய சுற்றுச்சூழல், வனம் - பருவ மாற்றத் துறைக்கு அனுப்பிவைக்க ஏற்பாடுகளை மேற்கொள்வது, ஹைட்ரோ கார்பன் திட்டம் குறித்து விளக்குவது, வருகிற ஜூன் 7, 8 -ஆம் தேதிகளில் ஹைட்ரோ கார்பன் திட்டத்தால் பாதிக்கப்படும் பகுதிகள் பிரசார இயக்கம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.
 முன்னதாக, மார்க்சிஸ்ட் கம்யூ. கட்சியின் மத்தியக் குழு உறுப்பினர் உ.வாசுகி செய்தியாளர்களிடம் கூறியதாவது: தூத்துக்குடி துப்பாக்கிச் சூடு சம்பவத்தில், சிபிஐ 4 மாதங்களில் வழக்கை முடித்திருக்க வேண்டும். ஆனால், 9 மாதங்கள் ஆகியும் சம்பந்தபட்ட காவல் துறை, வருவாய்த் துறையினர் மீது நடவடிக்கை இல்லை.
 மக்கள் மீதே விசாரணை மேற்கொள்ளப்பட்டு வருகிறது. வழக்கை விரைவில் முடிக்க வேண்டும். பாதிக்கப்பட்ட மக்களுக்கு இழப்பீடு வழங்க வேண்டும்.
 ஹைட்ரோ கார்பன் திட்டத்தை நாங்கள் எதிர்கிறோம். இவ்வாறான திட்டங்களைக் கொண்டு வரும் போது, பொதுமக்களிடம் கருத்துக் கேட்புக் கூட்டம் நடத்துவதுதான் வாடிக்கை.
 ஹைட்ரோ கார்பன் திட்டம் குறித்து மார்க்சிஸ்ட் கம்யூ. கட்சி சார்பில், ஜூன் மாதம் 7, 8-ஆம் தேதிகளில் இரு சக்கர வாகன விழிப்புணர்வுப் பேரணி நடத்தப்படும் என்றார் அவர்.
 
 

]]>
https://www.dinamani.com/all-editions/edition-villupuram/cuddalore/2019/may/23/ஹைட்ரோ-கார்பன்-திட்டம்-குறித்து-மக்களிடம்-கருத்து-கேட்க-வேண்டும்-உவாசுகி-3156996.html
3156993 விழுப்புரம் கடலூர் பதற்றமான 247 இடங்களில் பலத்த போலீஸ் பாதுகாப்பு: மாவட்டக் காவல் கண்காணிப்பாளர் DIN DIN Thursday, May 23, 2019 08:11 AM +0530 வாக்கு எண்ணிக்கையை முன்னிட்டு, பதற்றமான 247 இடங்களில் போலீஸ் பாதுகாப்பு பலப்படுத்தப்பட்டுள்ளதாக மாவட்டக் காவல் கண்காணிப்பாளர் ப.சரவணன் தெரிவித்தார்.
 கடலூர் மக்களவைத் தொகுதிக்கான வாக்கு எண்ணிக்கை கடலூர் தேவனாம்பட்டினத்திலுள்ள அரசுக் கல்லூரியில் வியாழக்கிழமை (மே 23) நடைபெறுகிறது.
 தேர்தல் முடிவுகளைப் பொறுத்து சில இடங்களில் மோதல் ஏற்படுவதற்கு வாய்ப்பு இருப்பதாக உளவுத் துறை எச்சரித்துள்ளது.
 இதுதொடர்பாக மாவட்ட காவல் கண்காணிப்பாளர் ப.சரவணன் புதன்கிழமை செய்தியாளர்களிடம் கூறியதாவது:
 வாக்கு எண்ணிக்கையை முன்னிட்டு, வாக்கு எண்ணிக்கை மையம், வெளிப்புறப் பகுதிகளில் கூடுதல் கண்காணிப்பாளர் தலைமையில், 7 துணைக் கண்காணிப்பாளர்கள், 530 போலீஸார் பாதுகாப்புப் பணியில் ஈடுபடுத்தப்பட உள்ளனர். வாக்கு எண்ணிக்கை மையத்தில் 120 கண்காணிப்பு கேமராக்கள் பொருத்தப்பட்டு கட்டுப்பாட்டு அறை மூலம் கண்காணிக்கப்பட்டு வருகிறது.
 மாவட்டம் முழுவதும் 1,300 போலீஸார் பாதுகாப்பு பணியில் ஈடுபடவுள்ளனர். மேலும், அதிரடிப் படை 9 யூனிட், மத்திய பாதுகாப்பு படையினர் 90 பேர் பாதுகாப்பு பணியில் ஈடுபடுகின்றனர்.
 மாவட்டத்தில் பதற்றம் நிறைந்த பகுதிகளாகக் கண்டறியப்பட்டுள்ள 247 இடங்களில் போலீஸ் பாதுகாப்பு பலப்படுத்தப்பட்டுள்ளது.
 இரு சக்கர வாகனங்கள், 4 சக்கர வாகனங்கள் கொண்ட 120 ரோந்துப் படை அமைக்கப்பட்டு அவர்கள் 24 மணி நேரமும் ரோந்துப் பணியில் ஈடுபட அறிவுறுத்தப்பட்டுள்ளது. 32 இடங்களில் வாகனத் தணிக்கை மேற்கொள்ளப்படுகிறது.
 முன்னெச்சரிக்கை நடவடிக்கையாக 15 பேர் கைது செய்யப்பட்டுள்ளனர். 55 பேர் கண்காணிப்பு வளையத்திற்குள் உள்ளனர்.
 தேர்தல் முடிவுகள் தொடர்பாகவோ, பிற சமூகம், அரசியல் தலைவர்கள் குறித்து விமர்சித்தோ சமூக வலைத்தளங்களில் அவதூறு பரப்புபவர்களைக் கண்டறிந்து அவர்கள் மீது உரிய நடவடிக்கை எடுக்கப்படும்.
 எனவே, தேர்தல் சம்பந்தமாக பொய்யான செய்திகளை யாரும் பரப்பக் கூடாது என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/may/23/பதற்றமான-247-இடங்களில்-பலத்த-போலீஸ்-பாதுகாப்பு-மாவட்டக்-காவல்-கண்காணிப்பாளர்-3156993.html
3156389 விழுப்புரம் கடலூர் ஊரை விட்டு குடும்பத்தினர் ஒதுக்கப்பட்ட விவகாரம்: கடலூர் மாவட்ட ஆட்சியருக்கு மனித உரிமை ஆணையம் நோட்டீஸ் DIN DIN Wednesday, May 22, 2019 08:31 AM +0530 பாசார் கிராமத்தில் ஒரு குடும்பத்தினரை ஊரை விட்டு ஒதுக்கி வைத்த விவகாரம் தொடர்பாக அறிக்கை சமர்ப்பிக்குமாறு கடலூர் மாவட்ட ஆட்சியர், எஸ்.பி.க்கு மாநில மனித உரிமைகள் ஆணையம் நோட்டீஸ் அனுப்பியது.
 கடலூர் மாவட்டம், திட்டக்குடி அருகே உள்ள பாசார் கிராமத்தைச் சேர்ந்தவர் மருதமுத்து (60). கிராம முக்கியஸ்தரான இவர் கடந்த 19-ஆம் தேதி தனது மகன் செல்வேந்திரன் மற்றும் குடும்பத்தினருடன் தற்கொலை செய்துகொள்ளும் நோக்கத்தில் திட்டக்குடி காவல் துணைக் கண்காணிப்பாளர் அலுவலகத்துக்கு மண்ணெண்ணெய் கேனுடன் வந்தார். ஊரில் கோயில் திருவிழா நடத்தப்பட்டதில் கணக்கு கேட்ட விவகாரத்தில் தன்னை ஊரை விட்டு ஒதுக்கி வைத்து விட்டதாக கூறினார். பின்னர், துணைக் கண்காணிப்பாளர் பேச்சுவார்த்தை நடத்தி அவரை அனுப்பி வைத்தார்.
 இந்த நிலையில், இந்த வழக்கை மாநில மனித உரிமைகள் ஆணையம் தாமாக முன்வந்து விசாரணைக்கு எடுத்துக் கொண்டது. இதுதொடர்பாக, ஆணையம் சார்பில் மாவட்ட ஆட்சியர் மற்றும் காவல் கண்காணிப்பாளருக்கு நோட்டீஸ் அனுப்பி வைக்கப்பட்டுள்ளது. அதில், இந்த விவகாரம் தொடர்பாக இருவரும் தனித் தனியாக விசாரணை நடத்தி 4 வாரங்களுக்குள் அதுகுறித்த அறிக்கையை அனுப்பி வைக்க வேண்டும் என்று மாநில மனித உரிமைகள் ஆணையத்தின் உறுப்பினர் ஏ.சித்தரஞ்சன் மோகன்தாஸ் உத்தரவிட்டுள்ளார்.
 

]]>
https://www.dinamani.com/all-editions/edition-villupuram/cuddalore/2019/may/22/ஊரை-விட்டு-குடும்பத்தினர்-ஒதுக்கப்பட்ட-விவகாரம்-கடலூர்-மாவட்ட-ஆட்சியருக்கு-மனித-உரிமை-ஆணையம்-நோட்டீ-3156389.html
3156386 விழுப்புரம் கடலூர் வாக்குகள் எண்ணிக்கை மையத்தில் ஐ.ஜி. ஆய்வு DIN DIN Wednesday, May 22, 2019 08:30 AM +0530 மக்களவைத் தேர்தல் வாக்குகள் எண்ணிக்கை மையமான கடலூர் அரசுக் கல்லூரியில் காவல் துறை வடக்கு மண்டல ஐஜி பி.நாகராஜன் செவ்வாய்க்கிழமை ஆய்வு செய்தார்.
 மக்களவைத் தேர்தலில் கடலூர் தொகுதியில் பயன்படுத்தப்பட்ட மின்னணு வாக்குப் பதிவு இயந்திரங்கள் அனைத்தும் கடலூர், தேவனாம்பட்டினம் அரசு பெரியார் கலைக் கல்லூரி வாக்கு எண்ணிக்கை மையத்தில் வைக்கப்பட்டுள்ளன. இங்கு மூன்றடுக்கு போலீஸ் பாதுகாப்பு அளிக்கப்பட்டுள்ளது. வாக்கு எண்ணிக்கை வியாழக்கிழமை நடைபெற உள்ளது. இதையொட்டி, கடலூரில் உள்ள வாக்கு எண்ணிக்கை மையத்தில் மேற்கொள்ளப்பட வேண்டிய பாதுகாப்பு ஏற்பாடுகள் குறித்து ஆய்வு செய்வதற்காக காவல் துறையின் வடக்கு மண்டல தலைவர் பி.நாகராஜன் செவ்வாய்க்கிழமை கடலூர் வந்தார். பின்னர், வாக்கு எண்ணிக்கை மையத்துக்குச் சென்ற அவர், வாக்குப் பதிவு இயந்திரங்கள் வைக்கப்பட்டுள்ள அறைகள், வாக்கு எண்ணிக்கை நடைபெறும் அறை, தற்போது வழங்கப்பட்டுள்ள பாதுகாப்பு ஏற்பாடுகள், கல்லூரி நுழைவு வாயில்கள் உள்ளிட்டவை குறித்து ஆய்வு செய்தார்.
 தொடர்ந்து, பாதுகாப்பு ஏற்பாடுகள் குறித்து விழுப்புரம் சரக துணைத் தலைவர் சந்தோஷ்குமார், மாவட்ட காவல் கண்காணிப்பாளர் ப.சரவணன் ஆகியோருடன் ஆலோசனை நடத்தினார். ஆய்வின்போது, கூடுதல் காவல் கண்காணிப்பாளர் அசோக்குமார், துணைக் கண்காணிப்பாளர்கள் க.சாந்தி, ஸ்ரீதரன், நாகராஜன், லோகநாதன், இளங்கோவன், சரவணன் ஆகியோர் உடனிருந்தனர்.
 பாதுகாப்புப் பணியில் 528 போலீஸார்: கடலூரில் உள்ள வாக்கு எண்ணிக்கை மையம் மற்றும் அதன் சுற்றுவட்டாரப் பகுதிகளில் 528 போலீஸார் பாதுகாப்புப் பணியில் ஈடுபடுத்தப்பட உள்ளதாக காவல் துறை வட்டாரங்கள் தெரிவித்தன. அதன்படி, மாவட்ட காவல் கண்காணிப்பாளர் ப.சரவணன் தலைமையில், கூடுதல் காவல் கண்காணிப்பாளர் அசோக்குமார் மேற்பார்வையில் 7 துணைக் கண்காணிப்பாளர்கள், 29 ஆய்வாளர்கள், 66 உதவி ஆய்வாளர்கள், 225 காவலர்கள், 92 தமிழ்நாடு சிறப்பு பாதுகாப்பு படை காவலர்கள், 24 மத்திய பாதுகாப்பு படை காவலர்கள் உள்ளிட்டோர் பாதுகாப்பு பணியில் ஈடுபட உள்ளதாக அந்த வட்டாரங்கள் தெரிவித்தன.
 
 
 

]]>
https://www.dinamani.com/all-editions/edition-villupuram/cuddalore/2019/may/22/வாக்குகள்-எண்ணிக்கை-மையத்தில்-ஐஜி-ஆய்வு-3156386.html
3156369 விழுப்புரம் கடலூர் போக்சோ சட்டத்தின் கீழ் இளைஞர் கைது DIN DIN Wednesday, May 22, 2019 08:27 AM +0530 சிறுமிக்கு பாலியல் தொல்லை கொடுத்த இளைஞர் போக்சோ சட்டத்தின் கீழ் செவ்வாய்க்கிழமை கைது செய்யப்பட்டார்.
 ராமநத்தம் அருகே உள்ள எழுத்தூர் கிராமத்தைச் சேர்ந்தவர் ஆர்.ராஜ்குமார் (22). இவர் திங்கள்கிழமை அதே பகுதியைச் சேர்ந்த 10 வயது சிறுமியின் வீட்டுக்கு சென்று குடிநீர் கேட்டுள்ளார். சிறுமி குடிநீர் எடுக்க வீட்டுக்குள் சென்றபோது, அவரை பின்தொடர்ந்து சென்ற ராஜ்குமார், சிறுமிக்கு பாலியல் தொல்லை கொடுத்துள்ளார். சிறுமியின் கூச்சல் சத்தம் கேட்டு வந்த அவரது பாட்டி ராஜ்குமாரை விரட்டினார். இதையறிந்த சிறுமியின் தாயார், ராஜ்குமாரின் வீட்டுக்குச் சென்று தட்டிக் கேட்டுள்ளார். அப்போது அவரை ராஜ்குமார் அவதூறாகப் பேசியதோடு, கொலை மிரட்டல் விடுத்து தாக்கியதாகத் தெரிகிறது. இதுகுறித்து சிறுமியின் தாயார் ராமநத்தம் காவல் நிலையத்தில் திங்கள்கிழமை புகார் அளித்தார். அதன்பேரில், போலீஸார் சிறார்களுக்கு எதிரான பாலியல் வன்கொடுமை தடுப்புச் சட்டத்தின்கீழ் (போக்சோ) வழக்குப் பதிந்து ராஜ்குமாரை செவ்வாய்க்கிழமை கைது செய்தனர்.
 
 
 

]]>
https://www.dinamani.com/all-editions/edition-villupuram/cuddalore/2019/may/22/போக்சோ-சட்டத்தின்-கீழ்-இளைஞர்-கைது-3156369.html
3156366 விழுப்புரம் கடலூர் தீயணைப்பு செயல்முறை விளக்கம் DIN DIN Wednesday, May 22, 2019 08:26 AM +0530 வடலூர் வள்ளலார் குருகுலம் மேல்நிலைப் பள்ளி வளாகத்தில், தீயணைப்பு குறித்த செயல்முறை விளக்கப் பயிற்சி செவ்வாய்க்கிழமை அளிக்கப்பட்டது.
 வடலூர் ஓபிஆர் கல்வி நிறுவனங்களின் செயலர் ரா.செல்வராஜ் தலைமையில், குறிஞ்சிப்பாடி தீயணைப்பு மற்றும் மீட்புப் பணி நிலைய அலுவலர் கா.ராஜேந்திரன், முன்னணி தீயணைப்பாளர் எஸ்.சங்கர் ஆகியோர், தீயணைப்பு கருவியை பயன்படுத்தி தீயை எவ்வாறு கட்டுப்படுத்துவது, தீ பரவாமல் தடுப்பது எப்படி என்பது குறித்து அங்கு பணிபுரியும் பள்ளி ஆசிரியர்கள், அறிவியல் கல்லூரி, செவிலியர் கல்லூரி, ஆசிரியர் பயிற்சி பள்ளி விரிவுரையாளர்கள் மற்றும் ஊழியர்களுக்கு விளக்கம் அளித்தனர். பள்ளி தலைமையாசிரியர் எஸ்.இளங்கோவன் உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-villupuram/cuddalore/2019/may/22/தீயணைப்பு-செயல்முறை-விளக்கம்-3156366.html
3156364 விழுப்புரம் கடலூர் பயங்கரவாத எதிர்ப்பு தின உறுதியேற்பு DIN DIN Wednesday, May 22, 2019 08:26 AM +0530 முன்னாள் பிரதமர் ராஜீவ்காந்தி நினைவு தினத்தையொட்டி, பயங்கரவாத எதிர்ப்பு தின உறுதிமொழி செவ்வாய்க்கிழமை ஏற்கப்பட்டது.
 இந்தியாவின் முன்னாள் பிரதமர் ராஜீவ்காந்தி கடந்த 1991-ஆம் ஆண்டில் மனித வெடிகுண்டுத் தாக்குதலில் கொல்லப்பட்டார். பயங்கரவாதத்தால் நாட்டின் பிரதமர் உயிரிழந்ததைத் தொடர்ந்து, அவர் உயிர்நீத்த தினத்தில் பயங்கரவாத எதிர்ப்புத் தின உறுதிமொழி ஏற்கப்பட்டு வருகிறது. அதன்படி கடலூர் மாவட்ட ஆட்சியர் அலுவலகத்தில் மாவட்ட வருவாய் அலுவலர் (என்எல்சி-நிலம் கையகப்படுத்துதல்) மங்களம் தலைமையில் பயங்கரவாத எதிர்ப்புத் தின உறுதிமொழி எடுத்துக் கொள்ளப்பட்டது.
 அதேபோல மாவட்ட காவல் கண்காணிப்பாளர் அலுவலகத்தில் காவல் கண்காணிப்பாளர் ப.சரவணன் தலைமையில் காவலர்கள், அலுவலக பணியாளர்கள் இந்த உறுதிமொழியை எடுத்துக் கொண்டனர். கூடுதல் கண்காணிப்பாளர் அசோக்குமார் உள்ளிட்டோர் பங்கேற்றனர்.
 நேரு இளையோர் மையம், செஞ்சிலுவை சங்கம் சார்பில் கடலூரில் உள்ள செஞ்சிலுவை சங்க கட்டடத்தில் நடைபெற்ற உறுதிமொழியேற்பு நிகழ்ச்சிக்கு இளையோர் மைய மாவட்ட ஒருங்கிணைப்பாளர் எம்.ஹெலன்ராணி தலைமை வகித்தார். செஞ்சிலுவை சங்க மாநில துணைத் தலைவர் பாலசுப்பிரமணியம், பயங்கரவாதம் ஒழிப்போம் என்ற தலைப்பில் பேசினார். புகையிலை ஒழிப்பு இயக்க தலைவர் கலைவேந்தன், இக்னைட் மன்றத் தலைவர் மகேஷ், இளையோர் படைத் தொண்டர் கெளரி உள்ளிட்டோர் பங்கேற்றனர்.
 
 
 

]]>
https://www.dinamani.com/all-editions/edition-villupuram/cuddalore/2019/may/22/பயங்கரவாத-எதிர்ப்பு-தின-உறுதியேற்பு-3156364.html
3156362 விழுப்புரம் கடலூர் தகுதித் தேர்வு: ஆசிரியர்களுக்கு பயிற்சி DIN DIN Wednesday, May 22, 2019 08:26 AM +0530 ஆசிரியர் தகுதித் தேர்வில் வெற்றி பெறாமல் பணியில் உள்ளஆசிரியர்களுக்கான பயிற்சி முகாம் செவ்வாய்க்கிழமை தொடங்கியது.
 மத்திய அரசின் இலவச கட்டாயக் கல்வி உரிமைச் சட்டத்தின் கீழ் அனைத்து வகை பள்ளிகளிலும் ஆசிரியராக பணியில் சேர ஆசிரியர் தகுதித் தேர்வில் (டெட்) தேர்ச்சி பெற வேண்டும். அதன்படி தமிழகத்தில் ஆசிரியர் தேர்வு வாரியம் மூலம் தகுதித் தேர்வு நடத்தப்பட்டு வருகிறது. இந்தத் தேர்வில் தேர்ச்சி பெறுபவர்கள் மட்டுமே ஆசிரியர் பணியில் சேர முடியும்.
 வடலூரில் உள்ள மாவட்ட ஆசிரியர் கல்வி பயிற்சி நிறுவனத்தில், ஆசிரியர் தகுதித் தேர்வில் தேர்ச்சி பெறாமல் பணியில் உள்ள ஆசிரியர்களுக்கு பயிற்சி அளிக்கப்படுகிறது. திங்கள்கிழமை தொடங்கிய இந்த முகாமை வடலூர் ஆசிரியர் பயிற்சி நிறுவன முதல்வர் கலா தலைமை வகித்து தொடக்கி வைத்தார். துணை முதல்வர் சேவியர் முன்னிலை வகித்தார். ஆசிரியர் பயிற்சி நிறுவன பேராசிரியர்கள், விரிவுரையாளர்கள் பயிற்சி அளித்தனர். பயிற்சியில் அரசு உதவி பெறும் சிறுபான்மையின கல்வி நிறுவனத்தில் பணிபுரியும் ஆசிரியர்களை தவிர, அரசு உதவி பெறும் தனியார் பள்ளி ஆசிரியர்களுக்கு பயிற்சி அளிக்கப்படுகிறது. பயிற்சி வகுப்பில் 30-க்கும் மேற்பட்ட ஆசிரியர்கள் கலந்துகொண்டனர். இந்த முகாம் 10 வேலை நாள்களுக்கு நடைபெறுகிறது.
 

]]>
https://www.dinamani.com/all-editions/edition-villupuram/cuddalore/2019/may/22/தகுதித்-தேர்வு-ஆசிரியர்களுக்கு-பயிற்சி-3156362.html
3156361 விழுப்புரம் கடலூர் என்எல்சி 63-ஆவது உதய தின விழா DIN DIN Wednesday, May 22, 2019 08:25 AM +0530 என்எல்சி இந்தியா நிறுவனத்தின் 63-ஆவது உதய தின விழா நெய்வேலி லிக்னைட் அரங்கில் திங்கள்கிழமை மாலை கொண்டாடப்பட்டது.
 இந்த நிறுவனத்தின் சுரங்கப் பணிகள் 20.5.1957 அன்று அப்போதைய பிரதமர் ஜவாஹர்லால் நேருவால் நெய்வேலியில் தொடக்கி வைக்கப்பட்டது. அதை நினைவுகூரும் வகையிலும், முன்னாள் ஊழியர்களை கெளரவிக்கும் வகையிலும் 63-ஆவது உதய தின ஆண்டு விழா நடைபெற்றது. இதில், என்எல்சி முன்னாள் தலைவர் பி.சுரேந்தர்மோகன் சிறப்பு விருந்தினராகப் பங்கேற்று, லிக்னைட் அரங்கு வளாகத்தில் என்எல்சி இந்தியா நிறுவனக் கொடியை ஏற்றி வைத்தார். என்எல்சி தலைவர் ராகேஷ்குமார், இயக்குநர்கள் ஆர்.விக்ரமன், என்.என்.எம்.ராவ், பிரபாகர் சவுக்கி, சாஜி ஜான், கண்காணிப்புத் துறை தலைமை அதிகாரி டி.வெங்கடசுப்ரமணியன் உள்ளிட்டோர் முன்னிலை வகித்து பேசினர். இந்த நிகழ்வில் சிறப்பு விருந்தினர் பி.சுரேந்தர்மோகன் பேசுகையில், சிறப்புமிக்க இந்த நிறுவனம் ஆற்றல்மிக்க தனது தொழிலாளர்களால் இலக்குகளை எட்டி விரைவில் மகா ரத்னா தகுதியை அடைய வேண்டும் என்றார்.
 நிறுவனத் தலைவர் ராக்கேஷ்குமார் நிகழ்ச்சிக்கு தலைமை வகித்துப் பேசுகையில், தொடக்க நிலையில் பல சிரமங்களை சந்தித்த என்எல்சி நிறுவனம், தற்போது மிகப்பெரிய வளர்ச்சியைக் கண்டு நாடு முழுவதும் தனது செயல்பாடுகளை விரிவுப்படுத்தியுள்ளது. இன்றைய நிலையில் மணிக்கு சுமார் 49 லட்சம் யூனிட் மின் உற்பத்தி செய்யும் திறனைப் பெற்றுள்ளது என்றார் அவர்.
 விழாவில், என்எல்சி இந்தியா நிறுவனத்தில் பணிபுரிந்து சுமார் 25 ஆண்டுகளுக்கு முன்பு ஓய்வு பெற்றவர்களான எஸ்.வீரபத்ரன், டி.கே.கிருஷ்ணன், வி.கணேசன், என்.கலியபெருமாள், பர்ணபாஸ், லட்சுமி நாராயணன், டி.எக்ஸ்.ஆன்டனி, ஜி.தங்கவேலு, பி.மாரிமுத்து மற்றும் வி.என்.மூர்த்தி ஆகிய 10 முன்னாள் ஊழியர்களை நிறுவனத்தின் முன்னாள், இந்நாள் தலைவர்கள், இயக்குநர்கள் கெளரவித்து மரியாதை செய்தனர். மேலும், சிறந்த ஊழியர்கள், விளையாட்டுத் துறையில் சிறந்து விளங்கியவர்கள், தேசிய தரக்குழுப் போட்டிகளில் விருதுபெற்ற குழு உறுப்பினர்களுக்கு விருதுகள் வழங்கப்பட்டன.
 கட்டுரை, பேச்சுப் போட்டிகளில் வெற்றி பெற்றவர்களுக்கு பரிசுகள் வழங்கப்பட்டன. கற்றல் மற்றும் மேம்பாட்டுத் துறை பொதுமேலாளர் எஸ்.சண்முகசுந்தரம் நிகழ்ச்சிகளைத் தொகுத்து வழங்கினார். நகர நிர்வாகத் துறை தலைமைப் பொது மேலாளர் எஸ்.ஆர்.சேகர் நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/may/22/என்எல்சி-63-ஆவது-உதய-தின-விழா-3156361.html
3156359 விழுப்புரம் கடலூர் சிதம்பரம் நகரில் தொடரும் அவலம்: குடிநீரில் கலக்கும் கழிவு நீர்! DIN DIN Wednesday, May 22, 2019 08:25 AM +0530 சிதம்பரம் நகரில் குடிநீரில் கழிவு நீர் கலக்கும் பிரச்னை தொடர்வதால் பொதுமக்கள் அவதியுறுகின்றனர்.
 சிதம்பரம் நகராட்சியில் மொத்தம் 33 வார்டுகள் உள்ளன. இதில் பெரும்பாலான பகுதிகளில் விநியோகிக்கப்படும் குடிநீரில் கழிவுநீர் கலந்து வருவதாக தொடர்ந்து புகார் கூறப்படுகிறது. புதை சாக்கடை திட்டப் பணியின்போது சேதமடைந்த குடிநீர் குழாய்கள் வழியாக கழிவுநீர் கலப்பதாக பொதுமக்கள் கூறுகின்றனர். இதனால், தொற்று நோய் பரவ வாய்ப்புள்ளது. நீண்ட காலமாக இந்தப் பிரச்னை தொடரும்போதும் நகராட்சி நிர்வாகம் உரிய நடவடிக்கை எடுக்கவில்லை என பொதுமக்கள் புகார் கூறுகின்றனர். குறிப்பாக, சிதம்பரம் மாலைக்கட்டித் தெரு உள்ளிட்ட இடங்களில் நகராட்சி குடிநீர் குழாயில் கழிவுநீர் கலந்து வருகிறதாம். எனவே இதுகுறித்து சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

]]>
https://www.dinamani.com/all-editions/edition-villupuram/cuddalore/2019/may/22/சிதம்பரம்-நகரில்-தொடரும்-அவலம்-குடிநீரில்-கலக்கும்-கழிவு-நீர்-3156359.html
3156356 விழுப்புரம் கடலூர் பாடலீஸ்வரர் கோயிலில் வைகாசிப் பெருவிழா நிறைவு DIN DIN Wednesday, May 22, 2019 08:25 AM +0530 கடலூர் பாடலீஸ்வரர் கோயில் வைகாசிப் பெருவிழா செவ்வாய்க்கிழமை நிறைவு பெற்றது.
 கடலூர் திருப்பாதிரிபுலியூரில் பாடல் சிறப்பு பெற்ற பெரியநாயகி உடனுறை பாடலீஸ்வரர் கோயில் அமைந்துள்ளது. இந்தக் கோயிலில் வைகாசிப் பெருவிழா கடந்த மே 1-ஆம் தேதி வண்ணாரமாரியம்மன் திருவிழாவுடன் தொடங்கியது. தொடர்ந்து 9-ஆம் தேதி கொடியேற்றப்பட்டு 13 நாள் திருவிழாவாக நடைபெற்றது.
 விழாவின் 12-ஆம் நாளன்று திருஞானசம்பந்தர் ஞானப்பால் உண்ட ஐதீகம் வெகுசிறப்பாக கொண்டாடப்பட்டது. தனது 2 வயதில் தந்தையுடன் குளத்துக்கு நீராட சென்ற திருஞானசம்பந்தர் பசியால் அழுதுள்ளார். அப்போது, பார்வதி தேவி அவருக்கு வெள்ளிக் கிண்ணத்தில் பால் ஊட்டினார். இந்த நிகழ்வை தமிழகத்தில் சில கோயில்களில் மட்டுமே ஐதீக நிகழ்வாக நடத்துவது வழக்கம். அதில் திருப்பாதிரிபுலியூர் கோயிலும் ஒன்றாகும். அதன்படி, அன்று காலையில் ஞானப்பால் உண்ட ஐதீகமும், மாலையில் திருஞானசம்பந்தர் திருக்கல்யாணமும் பஞ்ச மூர்த்திகள் வீதி உலாவும் நடைபெற்றது. விழாவின் முக்கிய நிகழ்வான தேரோட்டம் கடந்த 17-ஆம் தேதி நடைபெற்றது. செவ்வாய்க்கிழமை ரிஷப வாகனத்தில் ஸ்ரீசண்டேஸ்வரர் வீதி உலாவுடன் விழா நிறைவுபெற்றது. விழாவுக்கான ஏற்பாடுகளை கோயில் செயல் அலுவலர் ப.முத்துலட்சுமி மற்றும் உற்சவதாரர்கள் செய்திருந்தனர்.
 சிங்கிரிகுடி கோயில்: இதேபோல, சிங்கிரிகுடியில் பிரசித்திபெற்ற லட்சுமி நரசிம்மசுவாமி கோயில் அமைந்துள்ளது. 16 திருக்கைகளுடன் உக்ர நரசிம்ம சுவாமி வீற்றிருக்கும் இந்தக் கோயிலில் பிரம்மோற்சவ விழா கடந்த 8-ஆம் தேதி தொடங்கியது. 20-ஆம் தேதி ஊஞ்சல் உற்சவத்துடன் விழா நிறைவுபெற்றது. இதற்கான ஏற்பாடுகளை இந்து சமய அறநிலையத் துறையினர் மற்றும் உற்சவதாரர்கள் செய்திருந்தனர்.
 
 

]]>
https://www.dinamani.com/all-editions/edition-villupuram/cuddalore/2019/may/22/பாடலீஸ்வரர்-கோயிலில்-வைகாசிப்-பெருவிழா-நிறைவு-3156356.html
3156355 விழுப்புரம் கடலூர் வாக்குகள் எண்ணிக்கைக்கு ஏற்பாடுகள் தயார்: மாவட்ட ஆட்சியர் DIN DIN Wednesday, May 22, 2019 08:24 AM +0530 வாக்குகள் எண்ணிக்கான ஏற்பாடுகள் தயார் நிலையில் இருப்பதாக மாவட்ட ஆட்சியர் வெ.அன்புச்செல்வன் கூறினார்.
 கடலூர் மக்களவைத் தொகுதிக்கான வாக்குப் பதிவு கடந்த ஏப்.18-ஆம் தேதி நடைபெற்ற நிலையில், வாக்குகள் எண்ணிக்கை தேவனாம்பட்டினம் அரசுக் கல்லூரியில் வியாழக்கிழமை (மே 23) நடைபெறுகிறது. இங்கு, 1,499 வாக்குச் சாவடிகளில் பயன்படுத்தப்பட்ட மின்னணு வாக்குப் பதிவு இயந்திரங்கள் மூன்றடுக்கு பாதுகாப்புடன் வைக்கப்பட்டுள்ளன.
 இந்த நிலையில், வாக்கு எண்ணிக்கை மையத்தையும், வாக்கு எண்ணிக்கை நடைபெற உள்ள அறையையும் மாவட்ட ஆட்சியரும், தேர்தல் நடத்தும் அலுவலருமான வெ.அன்புச்செல்வன், தேர்தல் பொது பார்வையாளர் கணேஷ் பி.பாட்டீல் ஆகியோர் செவ்வாய்க்கிழமை நேரில் பார்வையிட்டு ஆய்வு செய்தனர்.
 பின்னர், செய்தியாளர்களிடம் மாவட்ட ஆட்சியர் கூறியதாவது: வாக்கு எண்ணிக்கைக்கான அனைத்து ஆயத்தப் பணிகளும் மேற்கொள்ளப்பட்டு தயார் நிலையில் உள்ளோம். கடலூர் மக்களவைத் தொகுதிக்குள்பட்ட கடலூர், பண்ருட்டி, குறிஞ்சிப்பாடி, நெய்வேலி, விருத்தாசலம், திட்டக்குடி ஆகிய 6 சட்டப் பேரவைத் தொகுதிகள் வாரியாக தனித் தனியாக வாக்கு எண்ணிக்கை நடைபெறுகிறது. ஒரு வாக்கு எண்ணிக்கை மையத்தில் 14 மேஜைகள் அமைக்கப்பட்டு வாக்கு எண்ணிக்கை நடைபெறும். இந்தப் பணிகளை கண்காணிக்க ஒரு உதவி தேர்தல் நடத்தும் அலுவலர் வாக்கு எண்ணிக்கை மையத்தில் இடம் பெறுவார்.
 ஒவ்வொரு வாக்கு எண்ணிக்கை மையத்திலும் ஒரு வேட்பாளருக்கு 15 முகவர்கள் வீதம் 90 பேரும், தபால் வாக்கு எண்ணும் இடத்தில் 2 பேரும் அனுமதிக்கப்படுவார்கள்.
 மேலும், தலைமை முகவருக்கும் அனுமதி வழங்கப்படும். இவர்கள் அனைவரும் முறையாக அனுமதி அட்டை பெற்ற பிறகே வாக்கு எண்ணிக்கை மையத்துக்குள் அனுமதிக்கப்படுவார்கள். செல்லிடப்பேசி கொண்டு வருவதற்கு அனுமதி கிடையாது. வாக்கு எண்ணிக்கையை குறித்துக் கொள்வதற்கான எழுதுபொருள் கூட மாவட்ட தேர்தல் ஆணையத்தால்தான் வழங்கப்படும்.
 வாக்கு எண்ணிக்கை நடைபெறும் 194 மேஜைகளில் கண்காணிப்புக் கேமராக்கள் பொருத்தப்பட்டுள்ளன.
 இந்த கேமராக்களில் பதிவாகும் காட்சிகள் அனைத்தும் கட்டுப்பாட்டு அறை மூலமாக கண்காணிக்கப்படும். தேர்தல் பாதுகாப்புப் பணியில் 528 போலீஸார் ஈடுபடுத்தப்படுகிறார்கள் என்றார் ஆட்சியர்.
 இதைத் தொடர்ந்து சார் -ஆட்சியர்கள், வட்டாட்சியர்கள் பதவி அளவிலான, தொகுதி அளவிலான தேர்தல் நடத்தும் அலுவலர்கள், உதவித் தேர்தல் நடத்தும் அலுவலர்களுக்கான கூட்டம் நடைபெற்றது.
 சென்னையிலிருந்து மாநில தேர்தல் ஆணையம் காணொலிக் காட்சி மூலம் இந்தக் கூட்டத்தை நடத்தி, வாக்கு எண்ணிக்கையின்போது மேற்கொள்ள வேண்டிய பணிகள் குறித்து விளக்கப்பட்டது.
 
 
 

]]>
https://www.dinamani.com/all-editions/edition-villupuram/cuddalore/2019/may/22/வாக்குகள்-எண்ணிக்கைக்கு-ஏற்பாடுகள்-தயார்-மாவட்ட-ஆட்சியர்-3156355.html
3156334 விழுப்புரம் கடலூர் லாரி மோதியதில் இளைஞர் சாவு DIN DIN Wednesday, May 22, 2019 08:20 AM +0530 குறிஞ்சிப்பாடி அருகே டேங்கர் லாரி மோதியதில் இளைஞர் செவ்வாய்க்கிழமை உயிரிழந்தார்.
 சிதம்பரம் வட்டம், சிவபுரி அஞ்சல், புளியடித்தெருவைச் சேர்ந்த ராஜேந்திரன் மகன் சின்னதுரை (24), சென்னையில் தனியார் நிறுவனத்தில் கார் ஓட்டுநராகப் பணியாற்றி வந்தார். இவர் சென்னையில் இருந்து சொந்த ஊருக்கு அரசுப் பேருந்தில் வந்தார். குறிஞ்சிப்பாடி அடுத்துள்ள கொத்தவாச்சாவடி சோதனைச் சாவடி அருகே இறங்கி தனது வீட்டுக்குச் செல்வதற்காக சாலை ஓரம் செவ்வாய்க்கிழமை
 நடந்து சென்றுள்ளார். அப்போது, எதிர் திசையில் புவனகிரியில் இருந்து வந்த டேங்கர் லாரி சின்னதுரை மீது மோதியதில் அவர் நிகழ்விடத்திலேயே உயிரிழந்தார். இதுகுறித்து குறிஞ்சிப்பாடி போலீஸார் விசாரணை நடத்தி வருகின்றனர்.
 
 
 

]]>
https://www.dinamani.com/all-editions/edition-villupuram/cuddalore/2019/may/22/லாரி-மோதியதில்-இளைஞர்-சாவு-3156334.html
3156332 விழுப்புரம் கடலூர் புதிய கல்வித் தொலைக்காட்சியை பள்ளிகளில் பார்க்க ஏற்பாடு: மாவட்ட முதன்மைக் கல்வி அலுவலர் DIN DIN Wednesday, May 22, 2019 08:20 AM +0530 புதிய கல்வித் தொலைக்காட்சி சேனல் ஒளிபரப்பை பள்ளிகளிலேயே மாணவர்கள் பார்த்திடும் வகையில் ஏற்பாடு செய்யப்பட்டுள்ளதாக மாவட்ட முதன்மைக் கல்வி அலுவலர் கா.பழனிசாமி கூறினார்.
 ஒன்றாம் வகுப்பு முதல் பிளஸ்2 வரையிலான பாடங்கள், கல்வி தொடர்பாக நிபுணத்துவம் பெற்ற ஆசிரியர்களைக் கொண்டு நடத்தப்படும் வகுப்புகள், மாணவர்களின் திறனை வெளிப்படுத்துதல், மாணவ விஞ்ஞானிகளின் புதிய கண்டுபிடிப்புகளை மாணவர்களிடம் எடுத்துச் செல்லும் வகையில் தமிழக பள்ளிக் கல்வித் துறையானது தனியாக தொலைக்காட்சி சேனலை உருவாக்கி உள்ளது. இதை மாணவர்கள் பள்ளிகள், வீடுகளில் பார்க்க முடியும்.
 அரசு கேபிள் நிறுவன அலைவரிசை எண் 200-இல் இந்த சேனலை வருகிற ஜுன் மாதம் முதல் மாணவர்கள் காணலாம்.
 புதிய கல்வித் தொலைக்காட்சி சேனல் ஒளிபரப்பை பார்க்கும் வகையில் உரிய ஏற்பாடுகளை செய்து வைத்திருக்குமாறு பள்ளிக் கல்வி இயக்குநர் அனைத்து மாவட்ட முதன்மைக் கல்வி அலுவலர்களுக்கும் சுற்றறிக்கை அனுப்பியுள்ளார். இதுதொடர்பாக கடலூர் மாவட்ட முதன்மை கல்வி அலுவலர் கா.பழனிசாமி கூறியதாவது:
 கடலூர் மாவட்டத்தில் அரசு, அரசு உதவி பெறும் தொடக்கப் பள்ளிகள் 1089, நடுநிலைப் பள்ளிகள் 331, உயர்நிலைப் பள்ளிகள் 148, மேல்நிலைப் பள்ளிகள் 144 உள்ளன. இவற்றில் தொடக்கப் பள்ளிகளை தவிர அனைத்து பள்ளிகளிலும் தொலைக்காட்சி பெட்டி வசதி உள்ளது. அவை பழுதடைந்திருந்தால் உடனடியாக சரி செய்து கேபிள் இணைப்பு பெறுமாறு அறிவுறுத்தப்பட்டுள்ளது.
 தொடக்கப் பள்ளிகளில் தொலைக்காட்சி பெட்டிகள் இல்லாமல் உள்ளது. இதுதொடர்பாக தொடக்கப் பள்ளிகள் இயக்குநர் உரிய நிதி ஒதுக்கி உத்தரவு பிறப்பித்தவுடன் அனைத்து பள்ளிகளுக்கும் கேபிள் இணைப்புடன் கூடிய தொலைக்காட்சி பெட்டிகள் வாங்கப்படும். ஜுன் மாதம் ஒளிபரப்பப்படும் புதிய கல்வி சேனலை மாவட்டத்தில் அனைத்து மாணவர்களும் பார்க்க ஏற்பாடுகள் செய்யப்பட்டுள்ளன என்றார் அவர்.
 அவர் மேலும் கூறுகையில், அரசு, அரசு உதவிபெறும் பள்ளிகளில் 1 முதல் பிளஸ்2 வகுப்பு வரை பயிலும் 4.42 லட்சம் மாணவர்களுக்கு புதிய பாட புத்தகங்கள், பாடக் குறிப்பேடுகள் பள்ளி திறக்கும் நாளான ஜுன் 3-ஆம் தேதியே வழங்க நடவடிக்கை எடுக்கப்பட்டுள்ளது.
 பள்ளிகள் திறப்புக்கு முன்பாக வருகிற 27-ஆம் தேதி அனைத்து தலைமை ஆசிரியர்களின் ஆலோசனைக் கூட்டம் முதன்மை கல்வி அலுவலர் தலைமையில் நடைபெற உள்ளது என்றார் அவர்.
 
 

]]>
https://www.dinamani.com/all-editions/edition-villupuram/cuddalore/2019/may/22/புதிய-கல்வித்-தொலைக்காட்சியை-பள்ளிகளில்-பார்க்க-ஏற்பாடு-மாவட்ட-முதன்மைக்-கல்வி-அலுவலர்-3156332.html
3156329 விழுப்புரம் கடலூர் ஏழை மாணவருக்கு கல்வி உதவித்தொகை DIN DIN Wednesday, May 22, 2019 08:19 AM +0530 சிதம்பரம் ராமசாமி செட்டியார் நகர மேல்நிலைப் பள்ளியில், சென்ட்ரல் ரோட்டரி சங்கம் சார்பில் ஏழை மாணவருக்கு கல்வி உதவித் தொகை வழங்கும் நிகழ்ச்சி செவ்வாய்க்கிழமை நடைபெற்றது.
 நிகழ்ச்சியில் கடலூர் கொத்தட்டை பகுதியை சார்ந்த ஆட்டோ ஓட்டுநரின் மகன் அஜயின் பிளஸ்1 கல்வி கட்டணத்தை, பள்ளி தலைமை ஆசிரியர் கே.செல்வக்குமாரிடம், சங்கத் தலைவர் எம்.தீபக்குமார் வழங்கினார் (படம்). நிகழ்ச்சியில் மூத்த உறுப்பினர்கள் பி.பன்னீர் செல்வம், ஏ. அஷ்ரப் அலி , மாணவர் அஜய், அவரது தந்தை குமார் ஆகியோர் பங்கேற்றனர்.
 மேலும் சிதம்பரம் மாலைக்கட்டித் தெருவில் கோடை காலத்தையொட்டி பொதுமக்களுக்கு நீர்மோர் வழங்கப்பட்டு வருகிறது. இதன் 50-ஆவது நாளை கொண்டாடும் வகையில் பொதுமக்களுக்கு நீர்மோருடம் நுங்கு, சர்பத் வழங்கப்பட்டது. நிகழ்ச்சியை அரிமா மாவட்ட வருங்கால ஆளுநர் பெரி. ராசி முருகப்பன் தொடக்கி வைத்தார்.

]]>
https://www.dinamani.com/all-editions/edition-villupuram/cuddalore/2019/may/22/ஏழை-மாணவருக்கு-கல்வி-உதவித்தொகை-3156329.html
3156327 விழுப்புரம் கடலூர் விவசாயிகள் சங்கக் கூட்டம் DIN DIN Wednesday, May 22, 2019 08:19 AM +0530 வெலிங்டன் நீர்த்தேக்க பாசன சிறு, குறு விவசாயிகள் சங்கத்தின் செயற்குழுக் கூட்டம் திட்டக்குடியில் செவ்வாய்க்கிழமை நடைபெற்றது.
 கூட்டத்துக்கு, சங்கத் தலைவர் தயா.பேரின்பம் தலைமை வகித்தார். நிர்வாகிகள் பாண்டுரெங்கன், பழனிசாமி ஆகியோர் முன்னிலை வகித்தனர். கூட்டத்தில், ஹைட்ரோ கார்பன் திட்டத்தை உடனடியாக கைவிட வேண்டும். கடலூர், அரியலூர் மாவட்டங்களில் காற்று மாசுபாடு, நிலத்தடி நீரின் தன்மை குறித்தும், நீர் மட்டம் குறித்தும் அரசு வெள்ளை அறிக்கை வெளியிட வேண்டும். வெளியிடாத பட்சத்தில் அரியலூர், கடலூர் மாவட்ட விவசாயிகள், பொதுமக்களை திரட்டி போராட்டம் நடத்துவது உள்ளிட்ட தீர்மானங்கள் நிறைவேற்றப்பட்டன.
 
 

]]>
https://www.dinamani.com/all-editions/edition-villupuram/cuddalore/2019/may/22/விவசாயிகள்-சங்கக்-கூட்டம்-3156327.html
3156325 விழுப்புரம் கடலூர் மின் கட்டணம்: அலைக்கழிக்கப்படும் மக்கள்  நமது நிருபர்,சிதம்பரம் DIN Wednesday, May 22, 2019 08:19 AM +0530 சிதம்பரம் மின் நிலையத்தில் மின் கட்டணம் செலுத்தவரும் மக்கள் அலைக்கழிக்கப்படுவதாகப் புகார் எழுந்துள்ளது.
 சிதம்பரம் நகர் பகுதியில் வசிப்போர் இரட்டைப்படை மாதங்களிலும், புறநகர் பகுதிகளில் வசிப்போர் ஒற்றைப்படை மாதங்களிலும் மின் கட்டணம் செலுத்தி வருகின்றனர். சிதம்பரம் மின் வாரிய அலுவலகத்துக்கு மின் கட்டணம் செலுத்த செல்லும்போது, பெரும்பாலான நேரங்களில் இணையம் செயல்படவில்லை என கூறப்படுவதாக பொதுமக்கள் புகார் தெரிவிக்கின்றனர். இதனால் மக்கள் பல மணி நேரம் காத்திருக்கும் நிலை ஏற்படுகிறது. இதனால் பெரும்பாலோர் கட்டணத்தைச் செலுத்தாமல் ஏமாற்றத்துடன் திரும்பிச் செல்லும் நிலை ஏற்படுகிறது.
 இதுகுறித்து பொதுமக்கள் மேலும் கூறியதாவது: சிதம்பரம் மின்வாரிய அலுவலகத்தில் 5-க்கும் மேற்பட்ட கணினிகள் உள்ளன. இவையனைத்தும் பல ஆண்டுகளுக்கு முன் வாங்கப்பட்டவை என்பதால் பழுது என்ற நிலையிலேயே உள்ளன. மேலும் மின் நுகர்வோர் குறைகேட்பு கூட்டம் நடத்த அதிகாரிகள் ஆர்வம் காட்டுவதில்லை. எனவே, மக்களின் சிரமத்தை உணர்ந்து இணைய குறைபாடுகளை சரிசெய்ய வேண்டும். புதிய கணினிகளை நிறுவி மின் கட்டணம் வசூலிக்கவும், மாதந்தோறும் மின் நுகர்வோர் கூட்டத்தை நடத்த நடவடிக்கை எடுக்க வேண்டும் என கோரிக்கை விடுத்தனர்.
 

]]>
https://www.dinamani.com/all-editions/edition-villupuram/cuddalore/2019/may/22/மின்-கட்டணம்-அலைக்கழிக்கப்படும்-மக்கள்-3156325.html
3156321 விழுப்புரம் கடலூர் ராஜீவ் காந்தி நினைவு தினம்: காங்கிரஸார் மரியாதை  கடலூர்/நெய்வேலி, DIN Wednesday, May 22, 2019 08:18 AM +0530 முன்னாள் பிரதமர் ராஜீவ் காந்தி நினைவு தினத்தையொட்டி, கடலூர் மாவட்டத்தில் அவருக்கு காங்கிரஸார் செவ்வாய்க்கிழமை மரியாதை செலுத்தினர்.
 முன்னாள் பிரதமர் ராஜீவ் காந்தி 1991-ஆம் ஆண்டு படுகொலை செய்யப்பட்டார். அவரது நினைவு தினத்தை பயங்கரவாத எதிர்ப்பு உறுதிமொழி ஏற்பு தினமாக காங்கிரஸார் கடைப்பிடித்து வருகின்றனர். அதன்படி, கடலூர் மாவட்ட காங்கிரஸ் சார்பில் கடலூரில் காமராஜர் சிலை முன் ராஜீவ் காந்தி உருவப் படம் செவ்வாய்க்கிழமை அமைக்கப்பட்டது. அந்தப் படத்துக்கு வட்டாரத் தலைவர் ரமேஷ்ரெட்டியார் தலைமையில், மாநில பொதுக்குழு உறுப்பினர் என்.குமார் மாலை அணிவித்து மரியாதை செலுத்தினார்.
 தொடர்ந்து, மாவட்ட பொதுச் செயலர் க.ரமேஷ் பயங்கரவாத எதிர்ப்பு உறுதிமொழியை வாசிக்க மாவட்ட பொதுச் செயலர்கள் கிஷோர்குமார், ரவிக்குமார், காமராஜ், முருகன், ராஜேஷ், மணி, நகரச் செயலர்கள் கோபால், ராஜேந்திரன், சங்கர், வட்டார துணைத் தலைவர் ஜி.ராஜேந்திரன் உள்ளிட்டோர் உறுதிமொழி ஏற்றனர்.
 திட்டக்குடி: திட்டக்குடி நகர காங்கிரஸ் சார்பில் திட்டக்குடி பேருந்து நிலையம் அருகே நடைபெற்ற நிகழ்ச்சிக்கு, மூத்த தலைவர் வேலுசடையப்பன் தலைமை வகித்தார். ராஜீவ் காந்தி உருவப் படத்துக்கு மாலை அணிவித்து, பயங்கரவாத எதிர்ப்பு உறுதிமொழி ஏற்றனர். நிகழ்ச்சியில் மாவட்ட காங்கிரஸ் செயலர் ராஜேந்திரன், பிற்பட்டோர் அணி மாநில துணைச் செயலர் வெங்கடேஷ்வரன் நிர்வாகிகள் சின்னசாமி, அன்பரசு உள்ளிட்டோர் கலந்து கொண்டனர்.
 நெல்லிக்குப்பம்: நெல்லிக்குப்பம் அருகே கொங்கராயனூரில் ராஜீவ்காந்தி உருவ சிலைக்கு மாவட்ட மகளிரணி தலைவி கலைச்செல்வி தலைமையில், அகில இந்திய காங்கிரஸ் கமிட்டி உறுப்பினர் ஏ.எஸ்.சந்திரசேகரன் மாலை அணிவித்து மரியாதை செலுத்தினார். மீனவர் பிரிவு தலைவர் கார்த்திகேயன், மாநில மகளிரணி துணைத் தலைவி அமுதா, நிர்வாகிகள் ராமதுரை, ராஜாராம் உள்ளிட்டோர் பங்கேற்றனர்.
 புதுப்பேட்டை: பண்ருட்டி அருகே புதுப்பேட்டையில் நடைபெற்ற நினைவு தின நிகழ்ச்சிக்கு இளைஞர் காங்கிரஸ் தலைவர் டி.விஜய் தலைமை வகித்தார்.
 தமிழ்நாடு காங்கிரஸ் கமிட்டி பொதுக்குழு உறுப்பினர் ஏ.எஸ்.இளஞ்செழியன் கலந்துகொண்டு ராஜீவ் காந்தி, இந்திரா காந்தி உருவ சிலைகளுக்கு மாலை அணிவித்தார். பின்னர், பயங்கரவாத, மதவாத எதிர்ப்பு உறுதிமொழி ஏற்கப்பட்டது. முன்னாள் நகரத் தலைவர் மணி, மாவட்டச் செயலர் பாஸ்கர், ஆர்.நடராஜன், ஜி.கந்தசாமி, பழனிவேல், அன்பழகன் உள்ளிட்டோர் கலந்துகொண்டனர்.
 பேரணிக்கு அனுமதி மறுப்பு
 ராஜீவ் காந்தி நினைவு தினத்தை முன்னிட்டு கடலூர் மாவட்ட காங்கிரஸார் கடலூர் பேருந்து நிலையம் அருகிலிருந்து மாலையில் பேரணியாக புறப்பட்டு, தலைமை தபால் நிலையம் அருகே அஞ்சலி மற்றும் உறுதிமொழி ஏற்கும் நிகழ்ச்சிக்கு ஏற்பாடு செய்திருந்தனர். ஆனால், தற்போது தேர்தல் நடத்தை விதிகள் அமலில் இருப்பதால் கட்சிக் கொடியுடன் பேரணியாக செல்லக் கூடாது என காவல் துறையினர் மறுப்பு தெரிவித்தனர். இதுதொடர்பாக இருதரப்பினர் இடையே பேச்சுவார்த்தை நடைபெற்றது. பின்னர், பேருந்து நிலையம் அருகே கட்சியினர் உறுதிமொழி ஏற்று கலைந்துச் சென்றனர்.
 
 

]]>
https://www.dinamani.com/all-editions/edition-villupuram/cuddalore/2019/may/22/ராஜீவ்-காந்தி-நினைவு-தினம்-காங்கிரஸார்-மரியாதை-3156321.html
3072414 விழுப்புரம் கடலூர் திரு‌ப்​பாவை பு‌த்​த​க‌ம் விநி​யோ​க‌ம் DIN DIN Tuesday, May 21, 2019 04:20 PM +0530 கட​லூ‌ர் பிரா​ம​ண‌ர் ச‌ங்​க‌ம் சா‌ர்​பி‌ல் மாணவ, மாண​வி​க​ளு‌க்கு திரு‌ப்​பாவை, திரு​ù‌வ‌ம்​பாவை, திரு​ப‌ள்​ளி​ù‌ய​ழு‌ச்சி பாட‌ல்​க‌ள் அட‌ங்​கிய பு‌த்​த​க‌ங்​க‌ள் வழ‌ங்​கு‌ம் நிக‌ழ்‌ச்சி அ‌ண்​û‌ம​யி‌ல் நû‌ட​ù‌ப‌ற்​ற‌து. 
தமி‌ழ்​நாடு பிரா​ம​ண‌ர் ச‌ங்​க‌த்​தி‌ன் கட​லூ‌ர் ம‌ஞ்​ச‌க்​கு‌ப்​ப‌ம் கிளை சா‌ர்​பி‌ல் நû‌ட​ù‌ப‌ற்ற‌ இ‌ந்த நிக‌ழ்‌ச்​சி‌க்கு மாநில செய​ல‌ர் கே.தி​ரு​மலை தலைமை வகி‌த்​தா‌ர். நி‌ர்​வாகி சீனு​வா​ச‌ன் மு‌ன்​னிலை வகி‌த்​தா‌ர்.  சிற‌‌ப்பு விரு‌ந்​தி​ன‌​ராக மரு‌த்​து​வ‌ர் நாரா​ய​ண‌ன் ப‌ங்​கேற்று மாணவ, மாண​வி​க​ளு‌க்கு திரு‌ப்​பாவை, திரு​ù‌வ‌ம்​பாவை பு‌த்​த​க‌ங்​களை வழ‌ங்​கி‌ப் பேசி​னார். ஞான‌​ú‌ச​கர குரு‌க்​க‌ள், ஓ‌ய்​வு​ù‌ப‌ற்ற‌ தலைமை ஆசி​ரி​ய‌ர் சேது​மா​த​வ‌ன் ஆகி​யோ‌ர் திரு‌ப்​பாவை, திரு​ù‌வ‌ம்​பாவை, திரு‌ப்​ப‌ள்​ளி​ù‌ய​ழு‌ச்சி பு‌த்​த​க‌ங்​க​ளி‌ன்  சிற‌‌ப்​பு‌க்​களை எடு‌த்​து​û‌ர‌த்​த​ன‌‌ர். சாவடி கிû‌ள‌த் தலை​வ‌ர் வர​த​ரா​ஜ‌‌ன், கண​பதி சிவா‌ச்​சா​ரி​யா‌ர், ராம‌ன், மைதிலி, வைú‌தகி உ‌ள்​ளி‌ட்​டோர் ப‌ங்​கேற்​ற‌​ன‌‌ர். மு‌ன்​ன‌​தாக, கிளை பொது‌ச் செய​ல‌ர் எ‌ஸ்.​ப​ர​கா​ல​ரா​மா​னு​ஜ‌‌ம் வர​வேற்க, நி‌ர்​வாகி கோத‌ண்​ட​ரா​ம‌ன் ந‌ன்றி கூ​றி​னார்.

]]>
https://www.dinamani.com/all-editions/edition-villupuram/cuddalore/2019/jan/07/திருப்​பாவை-புத்​த​கம்-விநி​யோ​கம்-3072414.html
3096203 விழுப்புரம் கடலூர் "போக்úஸா' சட்டம் குறித்து விழிப்புணர்வு முகாம் DIN DIN Tuesday, May 21, 2019 04:00 PM +0530 கடலூர் மாவட்டச் சட்டப் பணிகள் ஆணைக் குழு, விருத்தாசலம் வட்டச் சட்டப் பணிகள் குழு இணைந்து நடத்திய பாலியல் குற்றங்களில் இருந்து குழந்தைகளைப் பாதுகாக்கும் தடைச் சட்டம் (போக்úஸா) குறித்த விழிப்புணர்வு முகாம் விருத்தாசலம் அரசு பெண்கள் மேல்நிலைப் பள்ளி வளாகத்தில் வியாழக்கிழமை நடைபெற்றது.

நிகழ்ச்சிக்கு தலைமை வகித்த கடலூர் மகளிர் நீதிமன்ற மாவட்ட நீதிபதி டி.லிங்கேஸ்வரன் பேசியதாவது:
நாட்டிலேயே கடலூர் மாவட்டத்தில்தான் குழந்தை திருமணங்கள் அதிக அளவில் நடைபெறுகின்றன. குழந்தைகளின் உற்றார், உறவினர்களால்தான் அதிக திருமணங்கள் நடைபெறுகின்றன. பெண் குழந்தைகள் அனைவரிடத்திலும் எச்சரிக்கையாக இருக்க வேண்டிய சூழல் நிலவுகிறது. குற்றங்களைக் குறைக்க செல்லிடப்பேசி பயன்பாட்டைக் குறைக்க வேண்டும் என்றார் அவர். தொடர்ந்து, அவர் "போக்úஸா' சட்டம் குறித்த விளக்க உரையாற்றினார்.
நிகழ்ச்சியில் விருத்தாசலம் முதன்மை சார்பு நீதிபதி ஜெ.தமிழரசி வரவேற்றார். 
பெண்கள் பள்ளி தமிழாசிரியை கே.தமிழரசி அறிமுக உரையாற்றினார். கூடுதல் மாவட்ட அமர்வு நீதிபதி எம்.இளவரசன் பல்வேறு சட்டங்கள் குறித்து விளக்கவுரையாற்றினார். கடலூர் சார்பு நீதிபதி என்.சுந்தரம் சட்டப் பணிகள் குறித்துப் பேசினார்.
விருத்தாசலம் முதன்மை மாவட்ட உரிமையியல் நீதிபதி எஸ்.முத்துமுருகன், கூடுதல் மாவட்ட உரிமையியல் நீதிபதி எஸ்.சுப்ரமணி, பார் அசோசியேஷன் தலைவர்கள் எஸ்.ரெங்கநாதன், எம்.கே.அருள்குமார், அட்வகேட் அசோசியேஷன் தலைவர் ஆர்.ஸ்ரீநிவாசன் ஆகியோர் வாழ்த்திப் பேசினர். பள்ளித் தலைமை ஆசிரியை ஆர்.சுகந்தி நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/feb/15/போக்ஸா-சட்டம்-குறித்து-விழிப்புணர்வு-முகாம்-3096203.html
3149781 விழுப்புரம் கடலூர் திருப்பாதிரிபு−யூர் கோயில் அருகே ஆக்கிரமிப்புகள் அகற்றம் DIN DIN Tuesday, May 21, 2019 03:59 PM +0530
திருப்பாதிரிபுலியூர் பாடலேசுவரர் கோயில் பகுதியில் ஆக்கிரமிப்புகளை அகற்றுவது தொடர்பாக போலீஸாருடன் கடைக்காரர்கள் வாக்குவாதத்தில் ஈடுபட்டனர்.
கடலூர் திருப்பாதிரிபுலியூரில் பாடலேசுவரர் கோயில் அமைந்துள்ளது. இந்தக் கோயிலில் தற்போது வைகாசி பெருவிழா நடைபெற்று வரும் நிலையில், தினமும் காலை, இரவு வேளைகளில் சுவாமி வீதி உலாவும், வருகிற 17- ஆம் தேதி தேராட்டமும் நடைபெற உள்ளது.
இதையொட்டி, கோயிலின் முன்பகுதி உள்பட தேரோடும் வீதிகளில் உள்ள ஆக்கிரமிப்புகளை அகற்றுமாறு மாவட்ட நிர்வாகத்திடம் கோயில் செயல் அலுவலர் ப.முத்துலட்சுமி வேண்டுகோள் விடுத்தார். 
இதையடுத்து, கடலூர் நகராட்சி ஊழியர்கள், திருப்பாதிரிபுலியூர் காவல் துறையினர் சனிக்கிழமை காலை கோயில் கோபுரம் எதிரே உள்ள தரைக்கடைகள், சிறிய அளவிலான பெட்டிக் கடைகள் உள்பட  சுமார் 20 கடைகளை அப்புறப்படுத்தும் முயற்சியில் ஈடுபட்டனர். இதற்கு கடைக்காரர்கள் எதிர்ப்புத் தெரிவித்தனர். 
சுமார் 20 ஆண்டுகளாக அந்தப் பகுதியில் கடை நடத்தி வருவதாகவும், திடீரென இடத்தை காலி செய்யுமாறு கூறக் கூடாது எனவும், மேலும் கோயில் பூஜை சம்பந்தமான பொருள்களை மட்டுமே விற்பனை செய்வதாகவும் அவர்கள் கூறினர். எனினும், ஆக்கிரமிப்புகள் அகற்றப்படுவதில் நிர்வாகம் உறுதியாக இருந்ததால், கடைக்காரர்கள் தரையில் அமர்ந்து தர்னாவில் ஈடுபட்டனர். 
இதனால், காலை உத்ஸவத்தில் வீதி உலா சென்று கோயிலுக்குத் திரும்பிய சுவாமி கோயிலுக்குள் நுழைய முடியாத நிலை ஏற்பட்டது. இதையடுத்து,  ஆக்கிரமிப்புகளை அகற்றுவது தொடர்பாக மாவட்ட ஆட்சியரிடம்தான் முறையிட்டு தீர்வுகாண வேண்டும் எனக் கூறிய காவல் துறையினர் ஆக்கிரமிப்புகளை அகற்றினர். இதையடுத்து, சுவாமி பல்லக்குடன் கோயிலுக்குள் சென்றது.

]]>
https://www.dinamani.com/all-editions/edition-villupuram/cuddalore/2019/may/12/திருப்பாதிரிபுயூர்-கோயில்-அருகே-ஆக்கிரமிப்புகள்-அகற்றம்-3149781.html
3155881 விழுப்புரம் கடலூர் காட்டுமன்னார்கோவில் அருகே ஐ.எஸ். அமைப்புடன் தொடர்புடைய இளைஞர் வீட்டில் என்.ஐ.ஏ. சோதனை DIN DIN Tuesday, May 21, 2019 08:43 AM +0530 கடலூர் மாவட்டம், காட்டுமன்னார்கோவில் அருகே ஐ.எஸ். பயங்கரவாத அமைப்புடன் தொடர்புடையதாகக் கருதப்படும் இளைஞரின் வீட்டில் தேசிய புலனாய்வு அமைப்பினர் (என்.ஐ.ஏ) திங்கள்கிழமை சோதனை மேற்கொண்டனர்.
 காட்டுமன்னர்கோவில் அருகே லால்பேட்டை அமானி தெருவைச் சேர்ந்த சாதுல்லா மகன் முஹமது ரஷித் (22). சென்னையில் உள்ள கல்லூரியில் எம்.எஸ்சி. வேதியியல் படித்துள்ளார். இவரது தந்தை சாதுல்லா துபையில் வேலை செய்து வருகிறார்.
 ராமநாதபுரம் மாவட்டம், கீழக்கரையில் ஐ.எஸ். அமைப்பில் இணைய வேண்டும் என்ற துண்டு பிரசுரத்தை முஹமது ரஷித் ஒட்டியதாகக் கூறப்படுகிறது. இதுதொடர்பாக போலீஸார் வழக்குப் பதிந்து முஹமது ரஷித்தை கண்காணித்து வந்த நிலையில், அவர் திடீரென கடந்த ஏப்.14- ஆம் தேதி துபை சென்றுவிட்டார்.
 இந்த நிலையில், கேரள மாநிலம், கொச்சியைச் சேர்ந்த தேசிய புலனாய்வு அமைப்பினர் 5 பேர் டிஎஸ்பி ஷாகுல் ஹமீது தலைமையில் நீதிமன்ற உத்தரவின்படி லால்பேட்டையில் உள்ள முஹமது ரஷித்தின் வீட்டில் திங்கள்கிழமை காலை 5.45 மணியளவில் திடீர் சோதனையில் ஈடுட்டனர். காலை 10 மணி வரை இந்தச் சோதனை நீடித்தது. அப்போது, 7 செல்லிடப்பேசிகள், 2 மடிக் கணினிகள், 2 ஹார்டு டிஸ்க்குகள், சிம் கார்டு, வங்கிக் கணக்கு புத்தகம் உள்ளிட்ட 19 பொருள்களைப் பறிமுதல் செய்தனர்.
 இவற்றை ஆய்வுக்கு உள்படுத்திய பிறகே கூடுதல் தகவல்களைப் பெற முடியும் எனக் கூறப்படுகிறது.
 சோதனையின்போது துபையில் உள்ள முஹமது ரஷித் மற்றும் அவரது தந்தையிடம் தேசிய புலனாய்வு அமைப்பினர் செல்லிடப்பேசி மூலம் தொடர்பு கொண்டு பேசினர். அப்போது, முஹமது ரஷித் சென்னை கிண்டியில் உள்ள தேசிய புலனாய்வு அமைப்பின் அலுவலகத்தில் செவ்வாய்க்கிழமை (மே 21) ஆஜராக வேண்டும் என அந்த அமைப்பினர் கூறினர்.
 இதுகுறித்து காவல் துறை தரப்பில் தெரிவிக்கப்பட்டதாவது:
 முஹமது ரஷித் கட்செவி அஞ்சல் குழு (வாட்ஸ்-அப்) மூலம் ஐ.எஸ். அமைப்பினருடன் தொடர்பு வைத்துள்ளார். அவர் 2 முறை கட்செவி அஞ்சல் வாயிலாக அந்த அமைப்பினரின் கூட்டங்களில் பங்கேற்றுள்ளார் என்று தெரிவித்தனர்.
 இலங்கையில் நிகழ்த்தப்பட்ட குண்டு வெடிப்பு சம்பவத்தில் தொடர்புடைய பயங்கரவாதிகள் கேரள மாநிலத்தில் தங்கியிருப்பதாக கிடைத்த தகவலின் அடிப்படையில், முஹமது ரஷித் அங்கு சென்று வந்தாகவும், இதன் காரணமாகவே அவரது வீட்டில் சோதனை நடைபெற்றதாகவும் கூறப்படுகிறது.
 இந்தச் சோதனையையொட்டி, சேத்தியாதோப்பு டிஎஸ்பி ஜவஹர்லால் தலைமையில் 50-க்கும் மேற்பட்ட போலீஸார் லால்பேட்டையில் பாதுகாப்புப் பணியில் ஈடுபட்டனர்.
 
 

]]>
https://www.dinamani.com/all-editions/edition-villupuram/cuddalore/2019/may/21/காட்டுமன்னார்கோவில்-அருகே-ஐஎஸ்-அமைப்புடன்-தொடர்புடைய-இளைஞர்-வீட்டில்-என்ஐஏ-சோதனை-3155881.html
3155879 விழுப்புரம் கடலூர் ரயில்வே மஸ்தூர் சங்கத்தினர் ஆர்ப்பாட்டம் DIN DIN Tuesday, May 21, 2019 08:42 AM +0530 கோரிக்கையை வலியுறுத்தி, கடலூரில் ரயில்வே மஸ்தூர் சங்கத்தினர் திங்கள்கிழமை ஆர்ப்பாட்டத்தில் ஈடுபட்டனர்.
 கடலூர் - விழுப்புரம் ரயில் பாதையில் கம்மியம்பேட்டை குப்பை கிடங்கு அருகே உள்ள ரயில்வே கேட்டில் பணியில் இருந்தவர் கணேஷ்பாபு. இவர் ஞாயிற்றுக்கிழமை இரவு பணியில் இருந்தார். அப்போது அந்த வழியாக வாகனத்தில் வந்தவர்கள் உடனடியாக கேட்டை திறக்குமாறு கூறி அவரை திட்டி, மிரட்டி தாக்கியதாகக் கூறப்படுகிறது. இந்தச் செயலில் ஈடுபட்டவர்களை உடனடியாக கைது செய்ய வலியுறுத்தியும், அடிக்கடி கேட் கீப்பர்கள் மிரட்டலுக்கு ஆளாக்கப்பட்டு வருவதால் சம்பந்தப்பட்ட ரயில்வே கேட்டை மூட வலியுறுத்தியும் சதன் ரயில்வே மஸ்தூர் யூனியனின் கடலூர் கிளை சார்பில் கடலூர் முதுநகரில் உள்ள ரயில்வே நிர்ந்தர இருப்புப் பாதை பொறியாளர் அலுவலகம் முன் திங்கள்கிழமை கண்டன ஆர்ப்பாட்டம் நடைபெற்றது.
 ஆர்ப்பாட்டத்துக்கு கிளைச் செயலர் சுந்தரராஜன் தலைமை வகித்தார். உதவி தலைவர் தயாளன் முன்னிலை வகித்தார். மத்திய சங்க செயல் தலைவர் பழனிவேல் உள்பட பலர் கலந்து கொண்டனர்.
 
 

]]>
https://www.dinamani.com/all-editions/edition-villupuram/cuddalore/2019/may/21/ரயில்வே-மஸ்தூர்-சங்கத்தினர்-ஆர்ப்பாட்டம்-3155879.html
3155878 விழுப்புரம் கடலூர் வாக்கு எண்ணிக்கை: நுண்பார்வையாளர்களுக்கு பயிற்சி DIN DIN Tuesday, May 21, 2019 08:42 AM +0530 கடலூர் மக்களவைத் தொகுதி தேர்தலுக்கான வாக்கு எண்ணிக்கை வருகிற 23-ஆம் தேதி நடைபெறுவதை முன்னிட்டு, நுண்பார்வையாளர்களுக்கான பயிற்சி முகாம், நெய்வேலி ஜவஹர் அறிவியல் கல்லூரி வளாகத்தில் திங்கள்கிழமை நடைபெற்றது.
 முகாமுக்கு, தேர்தல் பொறுப்பு அலுவலரும், என்எல்சி பள்ளிக் கல்வித் துறைச் செயலருமான விநாயகமூர்த்தி தலைமை வகித்தார். சிறப்பு அழைப்பாளராக கடலூர் மக்களவைத் தொகுதி தேர்தல் பொது பார்வையாளர் கணேஷ் பி.பாட்டீல் கலந்து கொண்டு பேசினார்.
 முகாமில், உதவி தேர்தல் நடத்தும் அலுவலர் மங்களநாதன், நெய்வேலி ஜவஹர் கல்லூரி செயலரும், துணைப் பொது மேலாளருமான அப்துல் காதர், கல்லூரி முதல்வர் சந்திரசேகர், வட்டாட்சியர்கள் அரங்கநாதன், சையத் அப்துல், உதயகுமார், வருவாய் ஆய்வாளர் கெüரி, கிராம நிர்வாக அலுவலர் பாலமுருகன் மற்றும் வாக்குச் சாவடி நிலை அலுவலர்கள்கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/may/21/வாக்கு-எண்ணிக்கை-நுண்பார்வையாளர்களுக்கு-பயிற்சி-3155878.html
3155877 விழுப்புரம் கடலூர் புத்தக வெளியீட்டு விழா DIN DIN Tuesday, May 21, 2019 08:42 AM +0530 எழுத்தாளர் தில்லையாடி ராஜா எழுதிய "என் வாசிப்பில் நாவல்கள் சில' என்ற புத்தகத்தின் வெளியீட்டு விழா தமிழ்நாடு அரசு அனைத்து துறை ஓய்வூதியர் சங்கம் சார்பில் கடலூரில் ஞாயிற்றுக்கிழமை நடைபெற்றது.
 விழாவுக்கு, சங்கத்தின் மாவட்டச் செயலர் ஆர்.மனோகரன் தலைமை வகித்தார். மாநில துணைத் தலைவர் ஆர்.ஜோதி நூலை வெளியிட மருத்துவர் ப.அருண்பிரசாத், சங்க மாநில செயலர் தி.புருஷோத்தமன் ஆகியோர் பெற்றுக் கொண்டனர். எழுத்தாளர் செய்யாறு நாராயணன், ச.சிவராமன், பேராசிரியர் ஜானகி ராஜா ஆகியோர் நூலின் சிறப்பை விவரித்து உரையாற்றினர்.
 இதனைத் தொடர்ந்து எழுத்தாளர் தில்லையாடி ராஜா தனது ஏற்புரையில், இந்திரா பார்த்தசாரதியின் குருதிப்புனல், சோலைசுந்தரபெருமாளின் சென்னல் உள்பட 9 நாவல்கள் குறித்து இந்த நூலை எழுதியுள்ளேன். இதற்காக, நான் பல நூல்களை படித்து குறிப்பெடுத்து அதில் உள்ள சாதக பாதகங்களை எனது நூலில் பதிவு செய்துள்ளேன். மனிதனுக்கு சுவாசித்தல் எவ்வளவு முக்கியமோ அதைவிட வாசித்தல் மிக முக்கியம் என்று கூறினார். முன்னதாக, தமிழ்நாடு முற்போக்கு எழுத்தாளர் கலைஞர்கள் சங்கம் ச.பிரவின் வரவேற்க, மாவட்ட செயலர் பால்கி தொகுத்து வழங்கிட, ஓய்வூதியர் சங்க மாவட்ட இணை செயலாளர் என்.காசிநாதன் நன்றி கூறினார்.
 
 

]]>
https://www.dinamani.com/all-editions/edition-villupuram/cuddalore/2019/may/21/புத்தக-வெளியீட்டு-விழா-3155877.html
3155876 விழுப்புரம் கடலூர் மதுப் புட்டிகள் கடத்தல்: ஒருவர் கைது DIN DIN Tuesday, May 21, 2019 08:41 AM +0530 புதுச்சேரியில் இருந்து மதுப் புட்டிகள், சாராயம் கடத்தியதாக ஒருவரை போலீஸார் கைது செய்தனர்.
 புதுவையில் இருந்து பண்ருட்டிக்கு மதுப் புட்டிகள் கடத்தப்படுவதாக போலீஸாருக்கு ரகசிய தகவல் கிடைத்தது. இதையடுத்து, பண்ருட்டி காவல் ஆய்வாளர் ப.சண்முகம் தலைமையில் போலீஸார் தீவிர கண்காணிப்புப் பணியில் ஈடுபட்டனர். பண்ருட்டி வட்டம், பூங்குணம் ஊராட்சி, பாரதி நகர் அருகே வேகமாகச் சென்ற சிறிய சரக்கு வாகனத்தை போலீஸார் மறித்து சோதனையிட முயன்றனர். அப்போது, அந்த வாகன ஓட்டுநர் தப்பியோடிவிட்டார். இதையடுத்து அந்த வாகனத்தில் இருந்த மற்றொருவரை போலீஸார் மடக்கி பிடித்தனர். வாகனத்தை சோதனையிட்டதில் தலா 90 மில்லி அளவுள்ள 500 மதுப் புட்டிகள் 60 லிட்டர் சாராயம் இருந்தது தெரிய வந்தது.
 பிடிபட்ட நபரிடம் விசாரணை நடத்தியதில், அவர் விழுப்புரம் மாவட்டம், மேட்டுப்பாளையம், பிள்ளையார் கோயில் தெருவைச் சேர்ந்த கலியமூர்த்தி மகன் கபிலன் (32) எனவும், புதுச்சேரியில் இருந்து பண்ருட்டிக்கு மதுப் புட்டிகள் கடத்தி வந்ததையும் ஒப்புக்கொண்டார். இதையடுத்து சரக்கு வாகனம், மதுப் புட்டிகள், சாராயத்தை போலீஸார் பறிமுதல் செய்தனர். இதன் மதிப்பு சுமார் ரூ.5 லட்சம் என கணக்கிடப்பட்டுள்ளது. மேலும், தப்பியோடிய புதுவை மாநிலம் மடுகரை, முருகன் கோயில் தெருவைச் சேர்ந்த கிருஷ்ணன் மகன் குமார் என்பவரை போலீஸாó தேடி வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/may/21/மதுப்-புட்டிகள்-கடத்தல்-ஒருவர்-கைது-3155876.html
3155875 விழுப்புரம் கடலூர் உள்ளாட்சித் தேர்தல்: கூடுதலாக 11 வாக்குச் சாவடிகள் DIN DIN Tuesday, May 21, 2019 08:41 AM +0530 கடலூர் மாவட்டத்தில் உள்ளாட்சி தேர்தலுக்காக கூடுதலாக 11 வாக்குச் சாவடிகள் அமைக்கப்படும் என தெரிவிக்கப்பட்டது.
 தமிழகத்தில் உள்ளாட்சித் தேர்தலை நடத்திடும் வகையில் கடலூர் மாவட்ட நிர்வாகத்தால் அண்மையில் வாக்குச் சாவடிகள் விவரம் வெளியிடப்பட்டது. அதன்படி, மாவட்டத்தில் 3,538 இடங்களில் வாக்குச் சாவடிகள் அமைக்கப்படுகின்றன. கடலூர், சிதம்பரம் மக்களவைத் தொகுதிக்கு 2,300 இடங்களில் மட்டுமே வாக்குச் சாவடிகள் அமைக்கப்பட்டிருப்பது குறிப்பிடத்தக்கது.
 இந்த நிலையில், வாக்குச்சாவடிகள் அமைப்பது தொடர்பாக பொதுமக்கள் தங்களது கருத்துக்களை தெரிவிக்கலாம் என்று மாவட்ட நிர்வாகம் சார்பில் அறிவிப்பு வெளியிடப்பட்டிருந்தது. அதன்படி, வாக்குச் சாவடியை மாற்றி அமைத்தல், கூடுதல் வாக்குச் சாவடி அமைத்தல் தொடர்பாக 40 மனுக்கள் பெறப்பட்டதாக உள்ளாட்சிக்கான தேர்தல் பிரிவு அலுவலர் அ.ராஜேந்திரன் கூறினார்.
 இதுகுறித்து அவர் மேலும் கூறியதாவது: பெறப்பட்ட 40 மனுக்களில் 33 மனுக்கள் ஏற்கப்பட்டன. 7 மனுக்கள் தள்ளுபடி செய்யப்பட்டன.
 ஊரகப் பகுதிகளில் ஆயிரம் வாக்காளர்களுக்கு ஒரு வாக்குச் சாவடி வீதம் அமையும் வகையில் 2,883 வாக்குச் சாவடிகளும், நகரப் பகுதிகளில் 1,200 வாக்காளர்களுக்கு ஒரு வாக்குச் சாவடி வீதம் 359 வாக்குச் சாவடிகளும் அமைக்கப்படுகின்றன. பேரூராட்சிகளிலும் 1,200 வாக்காளருக்கு ஒரு வாக்குச்சாவடி வீதம் 296 வாக்குச் சாவடிகள் அமைகின்றன.
 கூடுதல் வாக்காளர்கள் இருப்பதால் கடலூர் பாதிரிக்குப்பத்திலும், கம்மாபுரத்திலும் ஒரு வாக்குச் சாவடியில் ஆண்கள், பெண்கள் தனித் தனியாக வாக்களிக்க வாக்குப் பதிவு மையம் அமைக்கப்படுகிறது.
 இதேபோல, கடலூர் நகராட்சிக்குள்பட்ட 9 இடங்களில் 1,200-க்கும் அதிகமான வாக்குகள் இருப்பதால் ஆண், பெண்களுக்கு தனித்தனியாக கூடுதலாக 9 வாக்குப் பதிவு மையங்கள் உருவாக்கப்பட்டுள்ளது.
 மாவட்டத்தில் மொத்தம் 5 நகராட்சிகள், 16 பேரூராட்சிகள், 14 ஊராட்சி ஒன்றியங்கள், 683 ஊராட்சிகளுக்கு தேர்தல் நடத்தப்பட வேண்டி உள்ளது. இதில், ஊராட்சி ஒன்றியத்துக்குள்பட்ட
 ஊராட்சகளில் பழைய முறையிலான காகிதத்தில் வாக்களிக்கும் முறையும், நகராட்சி, பேரூராட்சிகளில் மின்னணு வாக்குப் பதிவு இயந்திரமும் பயன்படுத்தப்படுகிறது என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/may/21/உள்ளாட்சித்-தேர்தல்-கூடுதலாக-11-வாக்குச்-சாவடிகள்-3155875.html
3155874 விழுப்புரம் கடலூர் வாக்கு எண்ணிக்கைக்கு வரும் வாகனங்களில் கட்சிக் கொடி கட்டக் கூடாது: மாவட்ட ஆட்சியர் DIN DIN Tuesday, May 21, 2019 08:41 AM +0530 வாக்கு எண்ணிக்கைக்கு வரும் வாகனங்களில் கட்சிக் கொடி கட்டக் கூடாதென மாவட்ட ஆட்சியர் வெ.அன்புச்செல்வன் கூறினார்.
 கடலூர் மக்களவைத் தொகுதிக்கான வாக்குப் பதிவு கடந்த ஏப்.18 ஆம் தேதி நடைபெற்றது. 1,499 வாக்குப் பதிவு மையங்களில் நடைபெற்ற வாக்குப் பதிவின் போது 10,38,112 பேர் வாக்களித்தனர்.
 வாக்கு எண்ணிக்கை வருகிற 23-ஆம் தேதி கடலூர் தேவனாம்பட்டினம் அரசு கல்லூரியில் நடைபெறுகிறது.
 இதனை முன்னிட்டு மாவட்ட ஆட்சியர் வெ.அன்புச்செல்வன் செய்தியாளர்களிடம் கூறியதாவது:
 வாக்கு எண்ணிக்கை பணியில் 500 பணியாளர்கள் ஈடுபடுத்தப்படுகிறார்கள். 6 சட்டப் பேரவைத் தொகுதிகள் வாரியாக வாக்கு எண்ணிக்கை நடைபெறும். ஒரு சட்டப் பேரவைத் தொகுதிக்கு 14 மேஜைகள் வீதம் அமைக்கப்படும்.
 ஒரு மேஜையில் வாக்கு எண்ணும் பணியில் 3 ஊழியர்கள் ஈடுபடுவார்கள். ஒவ்வொரு சட்டப் பேரவைத் தொகுதிக்கும் தலா ஒரு உதவி தேர்தல் நடத்தும் அலுவலர், உதவியாளர், நுண் பார்வையாளர்கள் நியமிக்கப்படுவார்கள்.
 வாக்குப் பதிவு இயந்திரத்தை எடுத்துச் செல்லும் பணிக்கான ஒரு மேஜைக்கு 5 பேர் பணியமர்த்தப்படுவார்கள். மீதமுள்ளவர்கள் வாக்கு எண்ணிக்கை பணிக்கு தேர்ந்தெடுக்கப்பட்டு மாற்று பணியாளராக இருப்பு வைத்திருக்கப்படுவார்கள்.
 வாக்கு எண்ணிக்கை மையத்துக்குள் வேட்பாளர் சார்பாக நியமிக்கப்படும் முகவர்கள் காலை 7.30 மணிக்குள் தங்களுக்கான அடையாள அட்டையுடன் ஆஜராக வேண்டும். செல்லிடப்பேசி, எளிதில் தீப்பற்றக்கூடிய பொருள்கள், கூர்மையான பொருள்களை எடுத்து வர அனுமதி கிடையாது.
 காலை 8 மணிக்கு தபால் வாக்குகள் எண்ணப்பட்டு, 8.30 மணிக்கு மின்னணு வாக்குப் பதிவு இயந்திரத்தில் பதிவான வாக்குகள் எண்ணப்படும்.
 தேர்தல் முடிவுகளை சுற்று வாரியாக அறிவித்திட ஏற்பாடு செய்யப்பட்டுள்ளது.
 வாக்கு எண்ணிக்கை மையத்துக்கு வெளியில் நிற்கும் பொதுமக்களுக்கு கேட்கும் வகையில் ஒலிபெருக்கி மூலமாக சுற்றுவாரியாக வாக்கு விவரம் அறிவிக்கப்படும்.
 எனவே, வாக்கு எண்ணிக்கை மையத்துக்கு வரும் அரசியல் கட்சியினர் தங்களது வாகனங்களில் கண்டிப்பாக கட்சியின் கொடி கட்டியிருக்கக் கூடாது. அதேபோல வளாகத்துக்குள் பட்டாசு வெடிப்பதும் தடை செய்யப்பட்டுள்ளது.
 வாக்கு எண்ணிக்கை மையமானது தற்போது மத்திய ரிசர்வ் படை, தமிழக சிறப்பு காவல்படை, கடலூர் மாவட்ட போலீஸார் ஆகிய மூன்றடுக்கு பாதுகாப்புடன் பாதுகாக்கப்பட்டு வருகிறது என்றார் ஆட்சியர்.
 

]]>
https://www.dinamani.com/all-editions/edition-villupuram/cuddalore/2019/may/21/வாக்கு-எண்ணிக்கைக்கு-வரும்-வாகனங்களில்-கட்சிக்-கொடி-கட்டக்-கூடாது-மாவட்ட-ஆட்சியர்-3155874.html
3155873 விழுப்புரம் கடலூர் கூடுதலாக மணல் குவாரிகள் திறக்க லாரி உரிமையாளர்கள் ஆட்சியரிடம் மனு DIN DIN Tuesday, May 21, 2019 08:40 AM +0530 மணல் தட்டுப்பாட்டைப் போக்கிட கூடுதலாக குவாரிகள் திறக்கப்படுவதோடு, அந்தந்த மாவட்டங்களைச் சேர்ந்த லாரிகளுக்கு முன்னுரிமை அளிக்க வேண்டுமென கடலூர் மாவட்ட அனைத்து வகை லாரி உரிமையாளர்கள் சங்கங்களின் கூட்டமைப்பினர் மாவட்ட ஆட்சியரிடம் மனு அளித்தனர்.
 இதுதொடர்பாக அந்தக் கூட்டமைப்பின் மாநில தலைவர் எஸ்.யுவராஜ் மற்றும் மாவட்ட நிர்வாகிகள் கடலூர் மாவட்ட ஆட்சியரிடம் திங்கள்கிழமை அளித்த மனு: கடலூர் மாவட்டத்தில் சுமார் 2,500 மணல் லாரிகள் இயங்கி வருகின்றன.
 மணல் தொழிலை நம்பி சுமார் 2 லட்சம் குடும்பத்தினர் உள்ளனர். தற்போது மணல் ஏற்றுவதற்கு இணையம் (ஆன்-லைன்) மூலமாக பதிவு செய்ய வேண்டியுள்ள நிலையில், பதிவு செய்து 5 மாதங்கள் வரை காத்திருக்க வேண்டிய நிலை உள்ளது. கடந்த 2 ஆண்டுகளாக இணைய பதிவு முறையில் லாரிகளுக்கு உரிய மணல் கிடைக்கவில்லை.
 அதேநேரத்தில் ஒரு லாரிக்கு ஆண்டுக்கு சாலை வரியாக ரூ.15 ஆயிரம், காப்பீட்டுத் தொகையாக ரூ.50 ஆயிரம், வாகனத் தணிக்கை செலவாக ரூ.50 ஆயிரம் செலவிட வேண்டியுள்ளது.
 மேலும், லாரிக்கான மாத தவணை, பராமரிப்புச் செலவு, ஓட்டுநர் ஊதியம் ஆகியவையும் வழங்க வேண்டியுள்ளது. இதனால், மணலை மட்டுமே நம்பியிருக்கும் டிப்பர் லாரி உரிமையாளர்கள் தொழில் செய்ய முடியாமல் லாரிகளை விற்பனை செய்யும் நிலைக்கு தள்ளப்பட்டுள்ளனர்.
 மணல் தட்டுப்பாட்டால் கட்டுமானத் தொழிலும், லாரி சார்ந்த தொழில்களும் பாதிக்கப்பட்டுள்ளன. மேலும், மணல் விலையும் அதிகமாக உயர்ந்துள்ளது. எனவே, கடலூர் மாவட்டத்தில் இயங்கும் குவாரிகளில் 50 சதவீதத்தை கடலூர் மாவட்ட லாரிகளுக்கு முன்னுரிமை அடிப்படையில் வழங்க வேண்டும். ஒவ்வொரு மாவட்டத்திலும் கூடுதலாக மணல் குவாரிகளை திறந்து சீரான மணல் விற்பனையை உறுதிப்படுத்த வேண்டுமென அந்த மனுவில் வலியுறுத்தினர்.
 இதுகுறித்து யுவராஜ் கூறியதாவது: இந்தப் பிரச்னையை சென்னையில் உள்ள மணலுக்கான திட்ட இயக்குநரிடம் பரிந்துரைப்பதாகவும், கடலூர் மாவட்ட அளவிலான பிரச்னையை பொதுப் பணித் துறை கண்காணிப்பு பொறியாளர் மூலமாக தீர்த்துவைக்க நடவடிக்கை எடுப்பதாகவும் ஆட்சியர் உறுதியளித்துள்ளார் என்றார் அவர்.
 மாவட்ட ஒருங்கிணைப்பாளர் ஆர்.செங்குட்டுவன், செயலர் கே.ராஜசேகர் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-villupuram/cuddalore/2019/may/21/கூடுதலாக-மணல்-குவாரிகள்-திறக்க-லாரி-உரிமையாளர்கள்-ஆட்சியரிடம்-மனு-3155873.html
3155872 விழுப்புரம் கடலூர் கடலூர் மாவட்டத்தில் 5,966 தபால் வாக்குகள் பதிவு DIN DIN Tuesday, May 21, 2019 08:40 AM +0530 கடலூர் மாவட்டத்தில் 5,966 தபால் வாக்குகள் பதிவாகி உள்ளதாக தேர்தல் ஆணைய வட்டாரங்கள் தெரிவித்தன.
 கடலூர் மக்களவைத் தொகுதிக்கான வாக்குப் பதிவு கடந்த ஏப்.18 ஆம் தேதி நடைபெற்றது. இந்தத் தேர்தலில் பணியாற்றிய அரசு ஊழியர்கள், காவல் துறையினருக்கு தபால் வாக்குகள் வழங்கப்பட்டது. தேர்தல் பணியில் ஈடுபடுபவர்கள் இந்த வாக்கை உரிய ஆவணங்களை சமர்ப்பித்து பெற்று அதனை உரிய உறைகளில் செலுத்தி ஒப்படைக்க வேண்டும்.
 அதன்படி மாவட்டத்தில் கடலூர், சிதம்பரம் மக்களவைத் தொகுதிகளில் மொத்தம் 15,875 பேர் தேர்தல் பணியில் ஈடுபடுத்தப்பட்டனர். இவர்களில் 9,667 பேர் முறையான ஆவணங்களை அளித்ததன் பேரில் அவர்களுக்கு தபால் வாக்குகள் வழங்கப்பட்டும், அனுப்பியும் வைக்கப்பட்டுள்ளன.
 மேலும், மக்களவைத் தொகுதிக்கு உள்பட்ட பகுதியில் பணியாற்றும் அலுவலர்கள் பணிச்சான்று ஆணை பெற்று அதே தொகுதிக்குள் தங்களது வாக்கைச் செலுத்துவதற்கும் ஏற்பாடு செய்யப்பட்டிருந்தது. அதன்படி, மாவட்டத்தில் 5,923 பேர் தாங்கள் பணியாற்றிய வாக்குச் சாவடிகளிலேயே தங்களது வாக்கைச் செலுத்தினர். இந்திய ராணுவம், எல்லையோர காவல் படைகளில் பணியாற்றுவோருக்கு 388 தபால் வாக்குகள் வழங்கப்பட்டுள்ளன.
 தேர்தல் பணியில் ஈடுபடுவோர் தங்களது தபால் வாக்கைச் செலுத்துவதற்கு 2 முறை நேரடியாக வாக்களிக்க ஏற்பாடு செய்யப்பட்டிருந்தது. மேலும், அவர்கள் வாக்கைச் செலுத்தி தபாலில் அனுப்பி வைக்கவும் வசதி செய்யப்பட்டிருந்தது. திங்கள்கிழமை வரையிலான கால அவகாசத்தில் 5,745 பேர் தங்களது தபால் வாக்கைச் செலுத்தி உள்ளனர்.
 இதில், 4,045 பேர் கடலூர் மக்களவைத் தொகுதிக்கான வாக்கைச் செலுத்தி உள்ளனர். மேலும், இந்திய ராணுவம், எல்லையோர காவல் படைகளில் பணியாற்றும் 221 பேர் தபால் வாக்கைச் செலுத்தியுள்ளனர்.
 தபால் வாக்குகள் அனைத்தும் தற்போது மாவட்ட ஆட்சியர் அலுவலகத்தில் பாதுகாக்கப்பட்டு வருகிறது. தபாலில் அனுப்பப்படும் தபால் வாக்குகள் அனைத்தும் தினந்தோறும் மாவட்ட தலைமை தபால் நிலையத்தில் சேகரிக்கப்பட்டு அதற்கான அலுவலர் மூலமாக மாவட்ட ஆட்சியர் அலுவலகத்திற்கு அனுப்பி வைக்கப்படும். இந்த வாக்குகள் வரும் 23-ஆம் தேதியன்று எண்ணப்படும். தபால் வாக்குகள் எண்ணிக்கை தொடங்கும் காலை 8 மணிக்குள் வரும் தபால் வாக்குகள் மட்டுமே எண்ணிக்கைக்கு சேர்க்கப்படும் என்றும் தெரிவிக்கப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/may/21/கடலூர்-மாவட்டத்தில்-5966-தபால்-வாக்குகள்-பதிவு-3155872.html
3155871 விழுப்புரம் கடலூர் திமுக கூட்டணி 39 தொகுதிகளில் வெற்றி பெறும்: தொல்.திருமாவளவன் DIN DIN Tuesday, May 21, 2019 08:39 AM +0530 தமிழகம், புதுவையில் 39 தொகுதிகளில் திமுக கூட்டணி வெற்றிபெறும் என நம்புவதாக விடுதலைச் சிறுத்தைகள் கட்சித் தலைவர் தொல்.திருமாவளவன் கூறினார்.
 அயோத்திதாச பண்டிதர் பிறந்தநாளை முன்னிட்டு, கடலூர் மாவட்டம், சிதம்பரம் தெற்குரத வீதியில் உள்ள விடுதலைச் சிறுத்தைகள் கட்சி அலுவலகத்தில் அவரது உருவப் படத்துக்கு தொல்.திருமாவளவன் திங்கள்கிழமை மாலை அணிவித்து மரியாதை செலுத்தினார்.
 பின்னர் அவர் செய்தியாளர்களிடம் கூறியதாவது:
 பொதுவாக கருத்து கணிப்புகளில் எனக்கு பெரிய அளவில் நம்பிக்கை இல்லை. தமிழகத்தில் மோடி எதிர்ப்பு அலை வீசுகிறது. அதிமுக - பாஜக கூட்டணியை மக்கள் கடுமையான விமர்சனம் செய்து வருகின்றனர்.
 அதற்கேற்ற வகையில் வாக்களித்துள்ளார்கள். தேசிய அளவிலும் இதேபோன்ற மனநிலை மக்களிடம் உள்ளது.
 தமிழகத்தைப் பொருத்தவரை கருத்துக் கணிப்பு முடிவுகள், திமுக கூட்டணிக்கு சாதகமாக கூறப்படுகிறது. இந்தக் கூட்டணி தேர்தல் நடைபெற்ற புதுச்சேரி உள்பட 39 தொகுதிகளிலும் வெற்றி பெறும். மே 23-ஆம் தேதி ராகுல் காந்தி தலைமையில் மதச் சார்பற்ற கட்சிகளின் கூட்டம் தில்லியில் நடைபெற உள்ளது.
 மக்களின் வாழ்வாதாரத்தை அழிக்கும் ஹைட்ரோ கார்பன் திட்டம் தமிழகத்தை பாலைவனமாக்கிவிடும். இதற்கான உரிமையை வேதாந்தா நிறுவனத்துக்கு மோடி அரசு வழங்கியுள்ளது.
 இந்தத் திட்டத்துக்கு எதிராக கூட்டணிக் கட்சிகளுடன் ஆலோசித்து மக்களைத் திரட்டி போராட்டம் நடத்த உள்ளோம் என்றார் அவர். அப்போது, கட்சியின் கடலூர் மாவட்டச் செயலர் பால.அறவாழி, மக்களவை தொகுதிச் செயலர்கள் வ.க.செல்லப்பன் (சிதம்பரம்), பா.தாமரைச்செல்வன் (கடலூர்) உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/may/21/திமுக-கூட்டணி-39-தொகுதிகளில்-வெற்றி-பெறும்-தொல்திருமாவளவன்-3155871.html
3155867 விழுப்புரம் கடலூர் இன்றைய மின்தடை DIN DIN Tuesday, May 21, 2019 08:37 AM +0530 இரட்டணை
 நேரம்: காலை 9 மணி முதல் மாலை 5 மணி வரை.
 இடங்கள்: இரட்டணை, கொள்ளார், வல்லம், தீவனூர், கீழ்பாப்பாம்பாடி, மொடையூர், வடசிறுவலூர், வெள்ளிமேடுபேட்டை.
 

]]>
https://www.dinamani.com/all-editions/edition-villupuram/cuddalore/2019/may/21/இன்றைய-மின்தடை-3155867.html
3155866 விழுப்புரம் கடலூர் பெண் உதவி ஆய்வாளர் தற்கொலை முயற்சி DIN DIN Tuesday, May 21, 2019 08:37 AM +0530 கடலூர் மாவட்டம், நெய்வேலியில் பெண் உதவி ஆய்வாளர் விஷம் சாப்பிட்டு தற்கொலைக்கு முயன்றார்.
 விழுப்புரம் மாவட்டம், திருக்கோவிலூர் வட்டம், அம்மன்கொல்லைமேடு கிராமத்தைச் சேர்ந்தவர் மணிமேகலை (26). திருமணமான இவர், கணவரிடமிருந்து விவாகரத்து பெற்றார். இவருக்கு 3 வயதில் குழந்தை உள்ளது. மக்களவைத் தேர்தலை முன்னிட்டு விழுப்புரம் மாவட்டத்தில் இருந்து கடலூர் மாவட்டம், நெய்வேலி நகரியம் காவல் நிலையத்துக்கு பணியிடமாற்றம் செய்யப்பட்டு அங்கு பணிபுரிந்து வருகிறார். இதற்காக நெய்வேலி ஆர்ச் கேட் எதிரே உள்ள இந்திரா நகரில் வாடகை வீட்டில் தனது தாய், குழந்தையுடன் வசித்து வருகிறார்.
 இந்த நிலையில், மணிமேகலை திருக்கோவிலூரில் வசிக்கும் தனது உறவினர் வடிவேல் என்பவருடன் நெருங்கிப் பழகினார். இவர்கள் இருவரும் திருமணம் செய்துகொள்ள திட்டமிட்டிருந்ததாகவும் கூறப்படுகிறது. இந்த நிலையில், கடந்த ஞாயிற்றுக்கிழமை இரவு மணிமேகலை செல்லிடப்பேசி மூலம் வடிவேலுடன் பேசினாராம். அப்போது வடிவேலு தனக்கு வேலை உள்ளதால் பிறகு பேசுவதாகக் கூறி தொடர்பை துண்டித்துவிட்டாராம்.
 இதனால், மனமுடைந்த மணிமேகலை, தனது வீட்டில் எலி மருந்து சாப்பிட்டு தற்கொலைக்கு முயன்றார். இதை வடிவேலுவிடம் தொடர்புகொண்டு தெரிவித்தாராம்.
 இதுகுறித்து நெய்வேலி நகரிய காவல் நிலையத்துக்கு வடிவேல் தகவல் தெரிவித்துள்ளார்.
 இதையடுத்து நிகழ்விடத்துக்கு சென்ற போலீஸார், அங்கு மயங்கிய நிலையில் இருந்த மணிமேகலையை மீட்டு வடலூரில் உள்ள தனியார் மருத்துவமனையில் சேர்த்தனர்.
 பின்னர் அவர் தீவிர சிகிச்சைக்காக விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். சம்பவம் குறித்து போலீஸார் விசாரித்து வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/may/21/பெண்-உதவி-ஆய்வாளர்-தற்கொலை-முயற்சி-3155866.html
3155853 விழுப்புரம் கடலூர் பாதுகாப்பு படை வீரர் மீது கல்வீச்சு: இருவர் கைது DIN DIN Tuesday, May 21, 2019 08:27 AM +0530 என்எல்சி சுரங்கத்தில் பாதுகாப்புப் பணியிலிருந்த வீரர் மீது கல்வீசியது தொடர்பாக இருவரை போலீஸார் ஞாயிற்றுக்கிழமை கைது செய்தனர்.
 நெய்வேலி வட்டம் 22-இல் வசிப்பவர் பூரண சந்திரா (53). என்எல்சி இந்தியா நிறுவனத்தில் பாதுகாப்புப் படை வீரராக பணியாற்றி வருகிறார். இவர், கடந்த 16-ஆம் தேதி என்எல்சி சுரங்கம் 1-ஏ கன்வேயர் யார்டு பகுதியில் உள்ள கோபுரத்தில் பணியில் ஈடுபட்டிருந்தார். அப்போது சுரங்கப் பகுதியில் நுழைந்த இருவர் அங்கிருந்த பொருள்களை திருட முயன்றனராம். பூரண சந்திரா அவர்களை பிடிக்க முயன்றார். அப்போது, மர்ம நபர்கள் இருவரும் பூரண சந்திரா மீது கற்களை வீசி தாக்கிவிட்டு தப்பியோடினர். இதில் காயமடைந்த பூரண சந்திரா என்எல்சி பொது மருத்துவமனையில் சிகிச்சை பெற்றார்.
 இதுகுறித்த புகாரின் பேரில், நெய்வேலி நகரிய போலீஸார் வழக்குப் பதிவு செய்து விசாரணை நடத்தி வந்தனர். விசாரணையில் வடலூரை அடுத்துள்ள சித்தாலிக்குப்பம் காளியம்மன் கோவில் தெருவைச் சேர்ந்த ராஜகோபால் மகன் ரவி (45), வடலூரை அடுத்த கல்லுக்குழியைச் சேர்ந்த கலியபெருமாள் மகன் மணிகண்டன் (37) ஆகியோருக்கு தொடர்பு இருப்பது தெரியவந்தது. இதையடுத்து அவர்கள் இருவரையும் நெய்வேலி நகரிய போலீஸார் கைது செய்தனர்.
 
 

]]>
https://www.dinamani.com/all-editions/edition-villupuram/cuddalore/2019/may/21/பாதுகாப்பு-படை-வீரர்-மீது-கல்வீச்சு-இருவர்-கைது-3155853.html
3155852 விழுப்புரம் கடலூர் பெண் உதவி ஆய்வாளர் தற்கொலை முயற்சி DIN DIN Tuesday, May 21, 2019 08:27 AM +0530 கடலூர் மாவட்டம், நெய்வேலியில் பெண் உதவி ஆய்வாளர் விஷம் சாப்பிட்டு தற்கொலைக்கு முயன்றார்.
 விழுப்புரம் மாவட்டம், திருக்கோவிலூர் வட்டம், அம்மன்கொல்லைமேடு கிராமத்தைச் சேர்ந்தவர் மணிமேகலை (26). திருமணமான இவர், கணவரிடமிருந்து விவாகரத்து பெற்றார். இவருக்கு 3 வயதில் குழந்தை உள்ளது. மக்களவைத் தேர்தலை முன்னிட்டு விழுப்புரம் மாவட்டத்தில் இருந்து கடலூர் மாவட்டம், நெய்வேலி நகரியம் காவல் நிலையத்துக்கு பணியிடமாற்றம் செய்யப்பட்டு அங்கு பணிபுரிந்து வருகிறார். இதற்காக நெய்வேலி ஆர்ச் கேட் எதிரே உள்ள இந்திரா நகரில் வாடகை வீட்டில் தனது தாய், குழந்தையுடன் வசித்து வருகிறார்.
 இந்த நிலையில், மணிமேகலை திருக்கோவிலூரில் வசிக்கும் தனது உறவினர் வடிவேல் என்பவருடன் நெருங்கிப் பழகினார். இவர்கள் இருவரும் திருமணம் செய்துகொள்ள திட்டமிட்டிருந்ததாகவும் கூறப்படுகிறது. இந்த நிலையில், கடந்த ஞாயிற்றுக்கிழமை இரவு மணிமேகலை செல்லிடப்பேசி மூலம் வடிவேலுடன் பேசினாராம். அப்போது வடிவேலு தனக்கு வேலை உள்ளதால் பிறகு பேசுவதாகக் கூறி தொடர்பை துண்டித்துவிட்டாராம். இதனால், மனமுடைந்த மணிமேகலை, தனது வீட்டில் எலி மருந்து சாப்பிட்டு தற்கொலைக்கு முயன்றார். இதை வடிவேலுவிடம் தொடர்புகொண்டு தெரிவித்தாராம்.
 இதுகுறித்து நெய்வேலி நகரிய காவல் நிலையத்துக்கு வடிவேல் தகவல் தெரிவித்துள்ளார்.
 இதையடுத்து நிகழ்விடத்துக்கு சென்ற போலீஸார், அங்கு மயங்கிய நிலையில் இருந்த மணிமேகலையை மீட்டு வடலூரில் உள்ள தனியார் மருத்துவமனையில் சேர்த்தனர். பின்னர் அவர் தீவிர சிகிச்சைக்காக விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். சம்பவம் குறித்து போலீஸார் விசாரித்து வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/may/21/பெண்-உதவி-ஆய்வாளர்-தற்கொலை-முயற்சி-3155852.html
3155851 விழுப்புரம் கடலூர் கிணற்றில் தவறி விழுந்த ஓட்டுநர் பலி DIN DIN Tuesday, May 21, 2019 08:27 AM +0530 வடலூர் அருகே ஞாயிற்றுக்கிழமை குளிக்கச் சென்ற ஓட்டுநர் கிணற்றில் தவறி விழுந்து உயிரிழந்தார்.
 வடலூரை அடுத்துள்ள ஆபத்தாரணபுரம் அம்பேத்கர் நகரைச் சேர்ந்தவர் பிரபாவதி (33). இவரது கணவர் தட்சிணாமூர்த்தி (35), சிறிய சரக்கு வாகன ஓட்டுநர். இவர்களுக்கு 2 குழந்தைகள் உள்ளனர். ஞாயிற்றுக்கிழமை மாலை தட்சிணாமூர்த்தி வீட்டின் எதிரே உள்ள கிணற்றில் குளிக்கச் சென்றார். அப்போது, கிணற்றிலிருந்து தண்ணீர் இறைக்கும்போது தவறி கிணற்றுக்குள் விழுந்து உயிரிழந்தார்.
 இதுகுறித்து தகவல் அறிந்த குறிஞ்சிப்பாடி தீயணைப்பு படை வீரர்கள் விரைந்து வந்து கிணற்றில் இருந்து தட்சிணாமூர்த்தியின் சடலத்தை மீட்டனர். வடலூர் போலீஸார் சடலத்தை உடல்கூறாய்வுக்காக குறிஞ்சிப்பாடி அரசு மருத்துவமனைக்கு அனுப்பி வைத்தனர்.
 
 
 
 

]]>
https://www.dinamani.com/all-editions/edition-villupuram/cuddalore/2019/may/21/கிணற்றில்-தவறி-விழுந்த-ஓட்டுநர்-பலி-3155851.html
3155850 விழுப்புரம் கடலூர் 7 பேர் விடுதலை விவகாரம்: வாலிபர் சங்கத்தினர் போராட்டம் DIN DIN Tuesday, May 21, 2019 08:27 AM +0530 பேரறிவாளன் உள்பட 7 பேரையும் விடுதலை செய்யக் கோரி, இந்திய ஜனநாயக வாலிபர் சங்கம் சார்பில் தமிழக ஆளுநருக்கு கடிதம் அனுப்பும் போராட்டம் திங்கள்கிழமை நடைபெற்றது.
 முன்னாள் பிரதமர் ராஜீவ் காந்தி கொலை வழக்கில் சிறையில் உள்ள பேரறிவாளன், சாந்தன், முருகன் உள்ளிட்ட 7 பேரையும் அரசியலமைப்பு சட்டம் 161 மூலம் விடுதலை செய்யக் கோரி சிதம்பரம் அருகே உள்ள பரங்கிப்பேட்டையில் இந்தப் போராட்டம் நடைபெற்றது. இந்திய ஜனநாயக வாலிபர் சங்கம் சார்பில் நடைபெற்ற இந்த நிகழ்வுக்கு, சங்கத்தின் மாவட்டத் தலைவர் காந்தி தலைமை வகித்தார். மாவட்டச் செயலர் கிருஷ்ணன், ஒன்றிய செயலர் ஆழ்வார், நிர்வாகிகள் முரளி, சிவலோகம், சாரதி, விஜய் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-villupuram/cuddalore/2019/may/21/7-பேர்-விடுதலை-விவகாரம்-வாலிபர்-சங்கத்தினர்-போராட்டம்-3155850.html
3155849 விழுப்புரம் கடலூர் மானிய விலையில் ஜிப்சம் உரம் வழங்கப்படுமா? ஜி.சுந்தரராஜன் DIN Tuesday, May 21, 2019 08:26 AM +0530 கடலூர் மாவட்டத்தில் கருகும் குறுவை நெல் பயிர்களைக் காப்பாற்ற தமிழக அரசு மானிய விலையில் ஜிப்சம் உரம் வழங்க வேண்டும் என விவசாயிகள் எதிர்பார்க்கின்றனர்.
 கடலூர் மாவட்டமானது காவிரி டெல்டா மற்றும் டெல்டா அல்லாத பாசனப் பகுதிகளைக் கொண்டதாகும். இவ்விரு பகுதிகளிலும் ஆண்டுதோறும் சுமார் ஒரு லட்சம் ஏக்கர் பரப்பளவில் குறுவை நெல் சாகுபடி நடைபெறுவது வழக்கம். அதாவது, டெல்டா பாசனப் பகுதியில் சுமார் 25,000 ஏக்கர்களிலும், டெல்டா அல்லாத பாசனப் பகுதியில் சுமார் 75,000 ஏக்கர்களிலும் குறுவை சாகுபடி நடைபெறும்.
 இந்த மாவட்டத்தில் குறுவை நெல் சாகுபடி முழுவதும் நிலத்தடி நீரை நம்பியே மேற்கொள்ளப்படுகிறது. நிகழாண்டு மாவட்டத்தில் ஆழ்துளைக் கிணறுகளில் மின் மோட்டார்களை கொண்டு நிலத்தடி நீரை இறைத்து பெரும்பாலான விவசாயிகள் குறுவை பருவ நெல் சாகுபடி செய்துள்ளனர். நெல் நடவு செய்த வயல்களில் தினமும் தண்ணீர் விட்டு பயிர்களைக் காப்பாற்ற வேண்டிய கட்டாயச் சூழல் ஏற்பட்டுள்ளது. கோடை வெயிலின் தாக்கம் அதிகமாக உள்ள சூழ்நிலையில், ஒரு நாள் தண்ணீர் விடவில்லை என்றாலும் பயிர்கள் கருகும் அபாயம் உள்ளது. மேலும், கடந்த ஆண்டு பருவ மழை போதிய அளவில் பெய்யாததால், நிலத்தடி நீர்மட்டம் வெகுவாகச் சரிந்து, போதிய தண்ணீர் கிடைக்காமல் விவசாயிகள் பாதிக்கப்படும் நிலை ஏற்பட்டுள்ளது.
 இதுபோன்ற காலங்களில் மண்ணில் ஈரப் பதத்தை குறிப்பிட்ட கால அளவுக்கு பாதுகாக்க ஜிப்சம் உரம் பயன்படுத்தப்பட்டு வருகிறது. இதற்காக, தமிழக அரசு விவசாயிகளின் வேண்டுகோளுக்கு ஏற்ப ஜிப்சம் உரத்தை 50 சதவீத மானியத்தில் வழங்கியது. இதை தற்போது உடனடியாக வழங்க வேண்டும் என விவசாயிகள் எதிர்பார்க்கின்றனர்.
 இதுகுறித்து தமிழ்நாடு விவசாயிகள் சங்கங்களின் கூட்டியக்க மாநிலச் செயலர் பெ.ரவீந்திரன் கூறியதாவது: சமீப ஆண்டுகளாக விவசாயிகளுக்குத் தேவையான ஜிப்சம் உரத்தை வேளாண் துறையினர் அவர்களுக்கு நேரடியாக வழங்குவதில்லை. மேலும், வேளாண் துறை மூலம் வழங்கப்படும் இடுபொருள்கள் அனைத்துக்கும் பின்னேற்பு மானியம் வழங்கும் நடைமுறை கடைப்பிடிக்கப்படுகிறது. இதனால், ஜிப்சம் உள்ளிட்ட அனைத்து இடுபொருள்களும் வேளாண் துறை மூலம் நேரடியாக வழங்கப்படுவதில்லை.
 அரசு அறிவிக்கும் சிறப்பு தொகுப்புத் திட்டம் மூலம் விவசாயிகள் தங்களுக்குத் தேவையான இடுபொருள், உரங்களை கடைகளில் வாங்கி பயன்படுத்திக் கொள்ள வேண்டும்.
 பின்னர், அந்தப் பொருள்களுக்கான ரசீதை வேளாண் துறையிடம் ஒப்படைத்து பின்னேற்பு மானியம் பெற்றுக் கொள்வது தற்போதைய நடைமுறையாக உள்ளது.
 ஜிப்சம் உரம் விலை உயர்வால் அதை வாங்குவதை விவசாயிகள் பெருமளவில் தவிர்த்து வருகின்றனர். தற்போது நிலத்தடி நீர்மட்டம் சரிவால் போதிய தண்ணீர் கிடைக்கவில்லை.
 கோடை வெயிலின் தாக்கத்தால் குறுவை நெல் பயிர்கள் கருகும் அபாயம் உள்ளது. எனவே, தமிழக அரசு குறுவை சிறப்பு தொகுப்புத் திட்டத்தை அறிவித்து, வேளாண் துறை டெப்போக்கள் மூலம் 50 சதவீத மானியத்தில் விவசாயிகளுக்கு ஜிப்சம் உரம் வழங்க வேண்டும். கருகும் குறுவை நெல் பயிர்களைக் காப்பாற்ற வேண்டும் என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/may/21/மானிய-விலையில்-ஜிப்சம்-உரம்-வழங்கப்படுமா-3155849.html
3155838 விழுப்புரம் கடலூர் திமுக கூட்டணி 39 தொகுதிகளில் வெற்றி பெறும்: தொல்.திருமாவளவன் DIN DIN Tuesday, May 21, 2019 05:51 AM +0530 தமிழகம், புதுவையில் 39 தொகுதிகளில் திமுக கூட்டணி வெற்றிபெறும் என நம்புவதாக விடுதலைச் சிறுத்தைகள் கட்சித் தலைவர் தொல்.திருமாவளவன் கூறினார். 
 அயோத்திதாச பண்டிதர்  பிறந்தநாளை முன்னிட்டு, கடலூர் மாவட்டம், சிதம்பரம் தெற்குரத வீதியில் உள்ள விடுதலைச் சிறுத்தைகள் கட்சி அலுவலகத்தில் அவரது உருவப் படத்துக்கு தொல்.திருமாவளவன் திங்கள்கிழமை மாலை அணிவித்து மரியாதை செலுத்தினார். பின்னர் அவர் செய்தியாளர்களிடம் கூறியதாவது: பொதுவாக கருத்து கணிப்புகளில் எனக்கு 
பெரிய அளவில் நம்பிக்கை இல்லை. தமிழகத்தில் மோடி எதிர்ப்பு அலை வீசுகிறது. அதிமுக - பாஜக கூட்டணியை மக்கள் கடுமையான விமர்சனம் செய்து வருகின்றனர். 
அதற்கேற்ற வகையில் வாக்களித்துள்ளார்கள். தேசிய அளவிலும் இதேபோன்ற மனநிலை மக்களிடம் உள்ளது.  தமிழகத்தைப் பொறுத்தவரை கருத்துக் கணிப்பு முடிவுகள் திமுக கூட்டணிக்கு சாதகமாகக் கூறப்படுகிறது. இந்தக் கூட்டணி தேர்தல் நடைபெற்ற புதுச்சேரி உள்பட 39 தொகுதிகளிலும் வெற்றி பெறும். மே 23-ஆம் தேதி ராகுல் காந்தி தலைமையில் மதச் சார்பற்ற கட்சிகளின் கூட்டம் தில்லியில் நடைபெற உள்ளது.    மக்களின் வாழ்வாதாரத்தை அழிக்கும் ஹைட்ரோ கார்பன் திட்டம் தமிழகத்தை பாலைவனமாக்கிவிடும். இதற்கான உரிமையை வேதாந்தா நிறுவனத்துக்கு மோடி அரசு வழங்கியுள்ளது. இந்தத் திட்டத்துக்கு எதிராக கூட்டணிக் கட்சிகளுடன் ஆலோசித்து மக்களைத் திரட்டி போராட்டம் நடத்த உள்ளோம் என்றார் அவர்.  அப்போது, கட்சியின் கடலூர் மாவட்டச் செயலர் பால.அறவாழி, மக்களவை தொகுதிச் செயலர்கள் வ.க.செல்லப்பன் (சிதம்பரம்), பா.தாமரைச்செல்வன் (கடலூர்) உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/may/21/திமுக-கூட்டணி-39-தொகுதிகளில்-வெற்றி-பெறும்-தொல்திருமாவளவன்-3155838.html
3155124 விழுப்புரம் கடலூர் முறைகேடாக குடிநீர் எடுப்பு: 35 மின் மோட்டார்கள் பறிமுதல் DIN DIN Monday, May 20, 2019 08:55 AM +0530 வடலூர் பேரூராட்சியில் முறைகேடாக மின் மோட்டார்களைப் பயன்படுத்தி குடிநீர் எடுத்ததாக 35 மோட்டார்களை அதிகாரிகள் பறிமுதல் செய்தனர்.
கடலூர் மாவட்டம், வடலூர் பேரூராட்சிப் பகுதிகளில் சுமார் 10 ஆயிரம் வீடுகள் உள்ளன.  40 ஆயிரத்துக்கும் மேற்பட்டோர் வசித்து வருகின்றனர். இவர்களுக்கான குடிநீர்த் தேவையை நிறைவு செய்ய பேரூராட்சி நிர்வாகம் 27 மேல்நிலை நீர்தேக்கத் தொட்டிகள் மற்றும் 13 ஆழ்துளைக் கிணறுகள் மூலம் நேரடியாக குடிநீர் விநியோகம் செய்து வருகிறது.
 கோடையில் ஏற்படும் குடிநீர்த் தட்டுப்பாட்டைப் போக்க பேரூராட்சி நிர்வாகம் பல்வேறு நடவடிக்கைகளை எடுத்து வருகின்றன. பேரூராட்சி அலுவலர்கள் கடந்த ஒரு வாரமாக வீடு வீடாகச் சென்று ஆய்வு செய்தனர். அப்போது, சுமார் 50 வீடுகளில் அனுமதி இல்லாமல் குடிநீர் இணைப்பு பெற்றிருந்தது கண்டுபிடிக்கப்பட்டு உடன் இணைப்புகள் துண்டிக்கப்பட்டன. மேலும், 35 வீடுகளில் குடிநீர் குழாயில் நேரடியாக மின் மோட்டாரை பொருத்தி குடிநீர் உறிஞ்சப்படுவது தெரிய வந்தது. இதையடுத்து அந்த மின் மோட்டார்களை அதிகாரிகள் பறிமுதல் செய்தனர்.
 முறைகேடாக குடிநீர் இணைப்பு பெற்றவர்கள், மின் மோட்டாரை பயன்படுத்தி குடிநீர் உறிஞ்சியவர்கள் மீது சட்டப்படி நடவடிக்கை எடுக்கப்படும் என அதிகாரிகள் தெரிவித்தனர்.


 

]]>
https://www.dinamani.com/all-editions/edition-villupuram/cuddalore/2019/may/20/முறைகேடாக-குடிநீர்-எடுப்பு-35-மின்-மோட்டார்கள்-பறிமுதல்-3155124.html
3155123 விழுப்புரம் கடலூர் மண்ணெண்ணெய் கேனுடன் டி.எஸ்.பி.யிடம் புகார் கொடுக்க வந்த குடும்பத்தினர் DIN DIN Monday, May 20, 2019 08:55 AM +0530 மண்ணெண்ணெய் கேனுடன் டிஎஸ்பி அலுவலகத்தில் புகார் கொடுக்க வந்த குடும்பத்தினரால் ஞாயிற்றுக்கிழமை பரபரப்பு ஏற்பட்டது.
கடலூர் மாவட்டம், திட்டக்குடியை அடுத்த பாசார் கிராமத்தைச் சேர்ந்தவர் மருதமுத்து (60). கிராம முக்கியஸ்தராக இருந்து வந்தார். இவர் ஞாயிற்றுக்கிழமை மகன் செல்வேந்திரன் மற்றும் குடும்பத்தினருடன் திட்டக்குடி காவல் துணைக் கண்காணிப்பாளர் அலுவலகத்துக்கு வந்தார். அப்போது, மண்ணெண்ணெய் கேனை எடுத்து வந்ததோடு, தனது மனுவின் மீது உரிய நடவடிக்கை எடுக்காவிட்டால், குடும்பத்துடன் தீக்குளித்து தற்கொலை செய்துகொள்ளப் போவதாக மிரட்டல் விடுத்தார்.
இதையடுத்து, பாதுகாப்புப் பணியில் இருந்த போலீஸார் அவரிடம் சமாதானம் பேசி துணைக் கண்காணிப்பாளர் குணசேகரனிடம் அழைத்துச் சென்றனர். அவர், அவரிடம் விசாரணை நடத்தி மனுவைப் பெற்றுக் கொண்டார். 
மருதமுத்து அளித்த மனுவில் கூறியிருப்பதாவது: 
சில ஆண்டுகளுக்கு முன்பு பாசார் கிராமத்தில் பொதுமக்களிடம் பணம் வசூலித்து திருவிழா நடத்தினர். திருவிழா குறித்த கணக்கு வழக்குகளை கேட்டதால், மற்ற முக்கியஸ்தர்களுடன் மனவருத்தம் ஏற்பட்டது. இதனால், எனது குடும்பத்தை பொதுவிழாக்களில் சேர்க்காமல் தள்ளிவைத்தனர். தற்போது கிராமத்தில் திருவிழா நடத்த பொதுக்கூட்டம் நடத்தினர். அப்போது, எனது குடும்பத்தினரை ஒதுக்கி வைத்தது குறித்து கேட்ட போது வாக்குவாதம் ஏற்பட்டது. இதுகுறித்து வேப்பூர் காவல் நிலையத்தில் புகார் அளித்தோம். ஆனால், காவல்துறை நடவடிக்கை எடுக்கவில்லை. 
எனவே, இந்தப் புகார் குறித்து விசாரித்து உரிய நடவடிக்கை எடுக்க வேண்டும் என்று மனுவில் குறிப்பிட்டிருந்தார்.
மருதமுத்து குடும்பத்தினரின் இந்த நடவடிக்கையால் அலுவலகத்தில் பரபரப்பு ஏற்பட்டது.

]]>
https://www.dinamani.com/all-editions/edition-villupuram/cuddalore/2019/may/20/மண்ணெண்ணெய்-கேனுடன்-டிஎஸ்பியிடம்-புகார்-கொடுக்க-வந்த-குடும்பத்தினர்-3155123.html
3155122 விழுப்புரம் கடலூர் உப்பனாற்றில் ஆக்கிரமிப்புகள் அகற்றப்படுமா? ஜி.சுந்தரராஜன் DIN Monday, May 20, 2019 08:55 AM +0530 சிதம்பரம் நகரின் வடிகால் ஆறாக உள்ள உப்பனாறு ஆக்கிரமிக்கப்பட்டு, சுருங்கி கழிவு நீர் கலந்து தேங்கி நிற்கிறது. மழைக் காலங்களில் மாரியப்பா நகர் உள்ளிட்ட பல்வேறு நகர்களில் நீர்புகுந்து பாதிப்பை ஏற்படுத்தும்  இந்த ஆற்றில் ஆக்கிரமிப்புகளை அகற்ற வேண்டும் என பொதுமக்கள் கோரிக்கை விடுத்துள்ளனர்.
சிதம்பரம் அருகே உப்பூர் பஞ்சாயத்துக்கு உள்பட்ட மாரியப்பா நகரில் உசுப்பு உப்பனாறு தொடங்கி பிச்சாவரத்தில் கடலில் கலக்கிறது. 
கடந்த சில ஆண்டுகளுக்கு முன்பு விசாலமான இந்த உப்பனாற்றில் பொதுமக்கள் குளிக்கவும், துணி துவைக்கவும் பயன்படுத்தி வந்தனர். 
ஆனால் தற்போது பலர் இந்த உப்பனாற்று வாய்க்காலை ஆக்கிரமித்து வீடுகள் கட்டியும், கழிப்பறைகள் அமைத்தும் கழிவு நீரை உப்பனாற்று வாய்க்காலில் விட்டு வருகின்றனர்.
 ஆக்கிரமிப்பு செய்ததால் இந்த உப்பனாறு வாய்க்கால் தனது முழு பரப்பளவையும் இழந்து ஒரு சிறிய வாய்க்கால் போல காட்சியளிக்கிறது. இன்னும் சில ஆண்டுகளில் அந்த இடத்தில் உப்பனாறு இருந்ததற்கான அடையாளமே தெரியாது என அப்பகுதி மக்கள் தெரிவிக்கின்றனர்.
அந்தப் பகுதியைச் சேர்ந்த சில சமூக ஆர்வலர்கள் உசுப்பூர் கிராம சபைக்  கூட்டத்தில் ஆக்கிரமிப்புகளை அகற்றி வாய்க்காலை சுத்தம் செய்யவேண்டும் என வலியுறுத்தியும் நடவடிக்கை எடுக்கப்படவில்லை. நீர்நிலை ஆக்கிரமிப்புகளை அகற்ற வேண்டும் என்று உச்சநீதிமன்றம், உயர்நீதிமன்றம் உத்தரவிட்டும்  மாரியப்பா நகர் உப்பனாறு வாய்க்காலில் ஆக்கிரமிப்புகள் அகற்றப்படவில்லை.
பல்வேறு பிரமுகர்களின் செல்வாக்கோடு ஆக்கிரமிப்பு செய்யப்பட்டுள்ளது. பாலாற்றில் இருந்து பிரியும் இந்த உப்பனாறு பிச்சாவரத்தில் கலக்கிறது. ஆனால் முழுக்க முழுக்க கழிவுநீர் தான் இதில் செல்கிறது. மேலும், இந்த ஆற்றில் புதர் மண்டிக் கிடக்கிறது.
உப்பனாற்றின் இரு புறமும் ஆக்கிரமிக்கப்பட்டு வீடுகள், கழிப்பறைகள் கட்டப்பட்டுவிட்டன. இதனால், குறுகிய வாய்க்காலில் தண்ணீர் செல்ல வழியின்றி மாரியப்பா நகர் பகுதி ஒவ்வொரு ஆண்டும் மழைக் காலத்தில் கடுமையாக பாதிக்கப்படுகிறது. இதுகுறித்து அதிகாரிகளுக்கு தெரிந்தும் எந்தவித நடவடிக்கையும் எடுப்பதில்லை. 
எனவே, ஆக்கிரமிப்புகளை அகற்றி வாய்க்காலின் முழு கொள்ளளவுக்கு நீர் செல்ல கடலூர் மாவட்ட நிர்வாகம் நடவடிக்கை எடுக்கவேண்டும். இடிந்து கிடக்கும் படித்துறைகளை செப்பனிட்டு பயன்பாட்டுக்கு கொண்டு வர வேண்டும் என மாரியப்பநகர் பொதுமக்கள் கோரிக்கை விடுத்துள்ளனர்
 

]]>
https://www.dinamani.com/all-editions/edition-villupuram/cuddalore/2019/may/20/உப்பனாற்றில்-ஆக்கிரமிப்புகள்-அகற்றப்படுமா-3155122.html
3155121 விழுப்புரம் கடலூர் சிங்கிரிகுடி கோயிலில் ஆதிதிராவிடர்களுக்கான உற்சவம் DIN DIN Monday, May 20, 2019 08:54 AM +0530 கடலூர் அருகே உள்ள சிங்கிரிகுடி கோயிலில் ஆதிதிராவிடர்களுக்கான உற்சவம் சனிக்கிழமை நடைபெற்றது.
கடலூர் வட்டம், சிங்கிரிகுடியில் புகழ்பெற்ற லட்சுமி நரசிம்ம சுவாமி கோயில் அமைந்துள்ளது. பதினாறு கைகளுடன் உக்கிர நரசிம்மராக காட்சியளிப்பார். இக்கோயிலின் பிரம்மோற்சவம் கடந்த 9-ஆம் தேதி கொடியேற்றத்துடன் தொடங்கியது.
இந்த நிலையில், தாழ்த்தப்பட்டவர்கள் ஒரு நாள் உற்சவம் நடத்திட நாள் ஒதுக்கீடு செய்ய வேண்டும் என வலியுறுத்தப்பட்டு வந்தது. இதுதொடர்பாக பேச்சுவார்த்தை நடத்தப்பட்டு 2013-ஆம் ஆண்டிலேயே அதற்கான அனுமதி வழங்கப்பட்டது. எனினும், உற்சவம் நடத்த அனுமதிக்கப்படவில்லை. 
இந்த நிலையில், தற்போது நடைபெறும் விழாவில் தங்களுக்கு உற்சவ நாள் ஒதுக்க வேண்டும் என ஆதிதிராவிடர்கள் சார்பில் வலியுறுத்தப்பட்டதைத் தொடர்ந்து மீண்டும் பேச்சுவார்த்தை நடைபெற்றது. இதில், பாண்டிச்சேரி பிரெஞ்சு மானியத்தினர் நடத்தி வரும் 6-ஆம் நாள் உற்சவம் ஒதுக்கீடு செய்யப்பட்டது.  இதற்கான ஏற்பாடுகளை ஆதிதிராவிடர்கள் செய்து வந்த நிலையில், ஏற்கெனவே உற்சவ நாள் பெற்றவர்கள் தங்களுக்கு நீதிமன்றம் அனுமதி வழங்கியுள்ளதால் தங்களது நாளை விட்டுத்தர இயலாது என தெரிவித்தனர்.
இதனால், மீண்டும் பேச்சுவார்த்தை நடத்தப்பட்டு  தேரோட்டத்துக்கு அடுத்த நாளான 10-ஆம் நாள் திருவிழா ஒதுக்கீடு செய்யப்பட்டது. 
சிங்கிரிகுடி கிராமவாசிகள் சார்பில் நடத்தப்படும் இந்த உற்சவம் மாற்றப்பட்டது.
இதன்படி, சனிக்கிழமை காலை மட்டையடி உற்சவமும், நாச்சியார் ஸம்வாதம், துவாதச ஆராதனை ஆகியவையும், மாலையில் திருமஞ்சனம், இரவில் இந்திர விமானத்தில் சுவாமி வீதியுலா, புராணம் வாசித்தல் ஆகிய நிகழ்வுகள் நடைபெற்றன.
இதில், உற்சவம் பெறுவதற்காக தொடர்ந்து முயற்சித்து வந்த அவ்வூரைச் சேர்ந்த ராமச்சந்திரன், விடுதலைச்சிறுத்தைகள் கட்சியின் கடலூர் நாடாளுமன்ற தொகுதி செயலர் பா.தாமரைச்செல்வன், மாநில அமைப்புச் செயலர் தி.ச.திருமார்பன், நிர்வாகி சா.மாரிமுத்து, சிங்கிரிகுடி கிராம நாட்டாண்மை மனோகர் ரமேஷ், ஜெயக்குமார், விஜயன், சேகர், மணிபாலன் உள்ளிட்டோர் பங்கேற்று மரியாதை ஏற்றனர்.


 

]]>
https://www.dinamani.com/all-editions/edition-villupuram/cuddalore/2019/may/20/சிங்கிரிகுடி-கோயிலில்-ஆதிதிராவிடர்களுக்கான-உற்சவம்-3155121.html
3155120 விழுப்புரம் கடலூர் 21 மாத நிலுவைத் தொகையை வழங்க வேண்டும்: ஓய்வூதியர் சங்கம் வலியுறுத்தல் DIN DIN Monday, May 20, 2019 08:54 AM +0530 ஏழாவது ஊதியக்குழுவின் பரிந்துரைப்படி 21 மாதங்களுக்கான நிலுவைத் தொகையை வழங்க வேண்டும் என ஓய்வூதியர்கள் வலியுறுத்தியுள்ளனர்.
கடலூர் மாவட்ட தமிழ்நாடு ஓய்வூதியர்கள் சங்கத்தின் பொதுக்குழுக் கூட்டம் மாவட்டத் தலைவர் ந.பாண்டியன் தலைமையில் கடலூரில் அண்மையில் நடைபெற்றது. பொருளாளர் எஸ்.சண்முகம் வரவு-செலவு அறிக்கை தாக்கல் செய்தார். 
நிர்வாகிகள் கலைமணி, முனுசாமி, ஜெயக்குமார், லலிதா, ஜே.பி.லூர்துசாமி, வாசு, குணசேகரன் ஆகியோர் பேசினர்.
கூட்டத்தில், இலங்கையில் நடைபெற்ற தாக்குதலுக்கு கண்டனமும், உயிரிழந்தவர்களது குடும்பத்தினருக்கு இரங்கலையும் தெரிவிப்பது, 7-ஆவது ஊதியக் குழுவின் பரிந்துரையின்படி 21 மாத நிலுவைத் தொகையை வழங்க வேண்டும். மத்திய அரசு அலுவலர்களுக்கு 3 சதவீதம் அகவிலைப்படி வழங்கியது போன்று மாநில அரசும் ஓய்வூதியர்களுக்கும் உடனே வழங்க வேண்டும் எனபன உள்ளிட்ட தீர்மானங்கள் நிறைவேற்றப்பட்டன.
நிர்வாகிகள் கிருஷ்ணமூர்த்தி, வைத்தீஸ்வரன், ராஜதுரை, சண்முகம், அரசன், காமராஜ் உள்ளிட்டோர் பங்கேற்றனர். முன்னதாக, மாவட்டச் செயலர் த.கண்ணன் வரவேற்று பேசினார்.
 

]]>
https://www.dinamani.com/all-editions/edition-villupuram/cuddalore/2019/may/20/21-மாத-நிலுவைத்-தொகையை-வழங்க-வேண்டும்-ஓய்வூதியர்-சங்கம்-வலியுறுத்தல்-3155120.html
3155119 விழுப்புரம் கடலூர் மறு வாக்குப்பதிவை வெப் கேமரா மூலம் கண்காணித்த ஆட்சியர் DIN DIN Monday, May 20, 2019 08:54 AM +0530 மறுவாக்குப்பதிவு நடைபெற்ற மையம் வெப் கேமரா மூலம் கண்காணிக்கப்படுவதை மாவட்ட ஆட்சியர் தனது அலுவலகத்தில் இருந்து ஆய்வு செய்தார்.
கடலூர் மக்களவைத் தொகுதிக்கான தேர்தல் ஏப்.18 ஆம் தேதி 1,499 வாக்குப்பதிவு மையங்களில் நடைபெற்றது. பண்ருட்டி சட்டப்பேரவைத் தொகுதி திருவதிகையில் எண்.210 வாக்குச்சாவடியில் அமமுக வேட்பாளருக்கு வாக்கை செலுத்த முடியாத அளவுக்கு பொத்தான் பொருத்தவில்லை. 
இதனால், அந்த வாக்குச்சாவடியில் ஏற்பட்ட பிரச்னையைத் தொடர்ந்து மறு வாக்குப்பதிவு அறிவிக்கப்பட்டது. அதன்படி, ஞாயிற்றுக்கிழமை மறுவாக்குப் பதிவு நடைபெற்றது. 
இந்த வாக்குச்சாவடியை கண்காணிக்கும் பொருட்டு வாக்குச்சாவடிக்குள் 3 வெப் கேமராக்கள் பொருத்தப்பட்டிருந்தன. வாக்குப் பதிவு செய்யும் அறை, வாக்குப்பதிவு மையத்தின் நுழைவுவாயில், வாக்குப்பதிவு மையத்தின் முகப்பு ஆகிய இடங்களில் கேமராக்கள் பொருத்தப்பட்டு அவற்றை மாவட்ட ஆட்சியர் அலுவலகத்திலிருந்து கண்காணிக்கும் வகையில் ஏற்பாடு செய்யப்பட்டிருந்தது. 
அதன்படி, 3 வெப்கேமராக்களில் பதிவானவை மாவட்ட ஆட்சியர் அலுவலகத்திலிருந்து ஆட்சியரின் நேர்முக உதவியாளர் (பொது) ச.சந்தோஷினிசந்திரா தலைமையில் கண்காணிக்கப்பட்டன. 
மேலும், வட்டாட்சியர்கள் ப.பாலமுருகன், அன்பழகன் உள்ளிட்டோரும் இப்பணியில் ஈடுபடுத்தப்பட்டு வெப்கேமரா பதிவுகளை பார்வையிட்டனர்.
வெப்கேமரா பதிவுகளையும், அதனை கண்காணிக்கும் பணிகளையும் மாவட்ட ஆட்சியர் வெ.அன்புச்செல்வன் ஆய்வு செய்தார். மாவட்ட வருவாய் அலுவலர் இரா.ராஜகிருபாகரன் உடனிருந்தார்.
கடந்த ஏப்.18-ஆம் தேதி நடைபெற்ற வாக்குப்பதிவின் போது 6 சட்டப்பேரவைத் தொகுதிகளில் பதற்றமானவை மற்றும் முக்கிய மையங்களில் நடைபெற்ற வாக்குப்பதிவுகளும் இதேபோன்று முறையில் வெப்கேமரா பொருத்தப்பட்டு கண்காணிக்கப்பட்டது குறிப்பிடத்தக்கது.
 

]]>
https://www.dinamani.com/all-editions/edition-villupuram/cuddalore/2019/may/20/மறு-வாக்குப்பதிவை-வெப்-கேமரா-மூலம்-கண்காணித்த-ஆட்சியர்-3155119.html
3155118 விழுப்புரம் கடலூர் மின்னணு வாக்குப்பதிவு  இயந்திரத்துக்கு சீல் வைப்பு DIN DIN Monday, May 20, 2019 08:54 AM +0530 மறுவாக்குப்பதிவு நிறைவு பெற்றதையடுத்து கடலூரில் உள்ள அரசுக் கல்லூரியில் மின்னணு வாக்குப்பதிவு இயந்திரம் பாதுகாப்புடன் சீல் வைக்கப்பட்டது.
கடலூர் மக்களவைத் தொகுதியில் பண்ருட்டி சட்டப்பேரவைத் தொகுதி திருவதிகை வாக்குச்சாவடி எண்.210-இல் ஞாயிற்றுக்கிழமை மறுவாக்குப்பதிவு நடைபெற்றது. 
மொத்தம் உள்ள 657 வாக்காளர்களில் 434 பேர் தங்களது வாக்கை செலுத்தினர். இது 66.51 சதவீதமாகும்.
இந்த நிலையில், வாக்குப்பதிவிற்குப் பின்னர் மின்னணு வாக்குப்பதிவு இயந்திரம், யாருக்கு வாக்களித்தோம் என்பதை காட்டும் இயந்திரம், கட்டுப்பாட்டு இயந்திரம் ஆகியவை வேட்பாளர்களின் முகவர்கள் முன்னிலையில் சீல் வைக்கப்பட்டன. 
பின்னர், போலீஸ் பாதுகாப்புடன் ஜிபிஎஸ் கருவி பொருத்தப்பட்ட வாகனத்தில் ஏற்றப்பட்டு கடலூர் தேவனாம்பட்டினத்திலுள்ள வாக்கு எண்ணிக்கை மையமான அரசு கலைக் கல்லூரிக்கு கொண்டு செல்லப்பட்டது. அங்கு மற்ற மின்னணு வாக்குப்பதிவு இயந்திரங்கள் மூன்றடுக்கு பாதுகாப்புடன் பாதுகாக்கப்பட்டு வருவது குறிப்பிடத்தக்கது.
அனைத்துக் கட்சி பிரமுகர்கள் முன்னிலையில் மாவட்ட தேர்தல் நடத்தும் அலுவலர் வெ.அன்புச்செல்வன் மற்றும் தேர்தல் பார்வையாளர் தலைமையில் பண்ருட்டி சட்டப்பேரவைத் தொகுதிக்கான மின்னணு வாக்குப்பதிவு இயந்திர கட்டுப்பாட்டு கருவி வைக்கப்பட்டுள்ள அறைக்கான சீல் அகற்றப்பட்டது. பின்னர், திருவதிகையில் பயன்படுத்தப்பட்ட மின்னணு வாக்குப்பதிவு இயந்திரம் பாதுகாப்புடன் வைக்கப்பட்டு மீண்டும் சீல் வைக்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/may/20/மின்னணு-வாக்குப்பதிவு-இயந்திரத்துக்கு-சீல்-வைப்பு-3155118.html
3155117 விழுப்புரம் கடலூர் லாரி மோதியதில் பெண் சாவு DIN DIN Monday, May 20, 2019 08:53 AM +0530 விருத்தாசலத்தில் மொபெட் மீது லாரி மோதியதில் பெண் உயிரிழந்தார்.
விருத்தாசலத்தைச் சேர்ந்தவர் செல்வராஜ், திட்டக்குடி அரசுப் போக்குவரத்துக் கழக பணிமனையில் நடத்துநராகப் பணிபுரிகிறார். இவர், ஞாயிற்றுக்கிழமை மனைவி செல்வராணியை (48) மொபெட்டில் அழைத்துக் கொண்டு, சித்தேரிக்குப்பத்தில் வசிக்கும் தனது சகோதரியை பார்க்கச் சென்றார்.
செல்லும் வழியில் விருத்தாசலத்தில் தனியார் பள்ளி அருகே சென்றபோது, பின்னால் வந்த லாரி மொபெட் மீது மோதியதாகத் தெரிகிறது. இதில் செல்வராணி சம்பவ இடத்திலேயே உயிரிழந்தார். செல்வராஜ் காயங்களுடன் மீட்கப்பட்டு விருத்தாசலம் அரசு மருத்துவமனையில் அனுமதிக்கப்பட்டார். 
தகவலறிந்த விருத்தாசலம் போலீஸார் செல்வராணியின் உடலை மீட்டு உடற்கூறாய்வுக்காக விருத்தாசலம் அரசு மருத்துவமனைக்கு அனுப்பிவைத்தனர்.

]]>
https://www.dinamani.com/all-editions/edition-villupuram/cuddalore/2019/may/20/லாரி-மோதியதில்-பெண்-சாவு-3155117.html
3155116 விழுப்புரம் கடலூர் வீரட்டானேஸ்வரர் கோயிலில் மாவட்ட எஸ்.பி. தரிசனம் DIN DIN Monday, May 20, 2019 08:53 AM +0530 திருவதிகை வீரட்டானேஸ்வரர் கோயிலில் கடலூர் மாவட்ட காவல் கண்காணிப்பாளர் ப.சரவணன் ஞாயிற்றுக்கிழமை சுவாமி தரிசனம் செய்தார்.
பண்ருட்டி அருகே திருவதிகையில் பாடல் பெற்ற தலமான பெரியநாயகி உடனுறை வீரட்டானேஸ்வரர் கோயில் அமைந்துள்ளது. இக்கோயிலை தரிசனம் செய்ய மாவட்ட காவல் கண்காணிப்பாளர் ப.சரவணன் ஞாயிற்றுக்கிழமை வருகை தந்தார். அவருக்கு கோயில் நிர்வாகம், குருக்கள் மற்றும் பணியாளர்கள் சிறப்பான வரவேற்பு அளித்தனர்.
பின்னர், அவர் வீரட்டானேஸ்வரர், அம்பாள் உள்ளிட்ட சன்னிதிகளுக்குச் சென்று சுவாமி தரிசனம் செய்தார்.

]]>
https://www.dinamani.com/all-editions/edition-villupuram/cuddalore/2019/may/20/வீரட்டானேஸ்வரர்-கோயிலில்-மாவட்ட-எஸ்பி-தரிசனம்-3155116.html
3155115 விழுப்புரம் கடலூர் டென்னிஸ் பந்து கிரிக்கெட்: கோவை அணி வெற்றி DIN DIN Monday, May 20, 2019 08:52 AM +0530 கடலூரில் நடைபெற்ற மாநில அளவிலான டென்னிஸ் பந்து கிரிக்கெட் போட்டியில் கோவை அணி வெற்றி பெற்றது.
தமிழ்நாடு டென்னிஸ் கிரிக்கெட் சங்கம் சார்பில் மாநில அளவிலான 2-ஆவது சீனியர் பிரிவு டென்னிஸ் பந்து கிரிக்கெட் போட்டி கடலூரில் கடந்த 17-ஆம் தேதி தொடங்கியது. 
இதில், கடலூர், திருவண்ணாமலை, காஞ்சிபுரம், சென்னை, கன்னியாகுமரி,  மதுரை, திருநெல்வேலி, கோவை, தஞ்சாவூர், நாகப்பட்டினம், திருச்சி ஆகிய மாவட்டங்களைச் சேர்ந்த அணிகள் பங்கேற்றன. 
லீக் சுற்றுகள் அடிப்படையில் நடைபெற்ற போட்டிகளில் முதல் 4 இடங்களைப் பெற்ற அணிகள் அரையிறுதிக்கு முன்னேறின. அதனைத் தொடர்ந்து நடைபெற்ற போட்டியில் கன்னியாகுமரி, கோவை அணிகள் இறுதிப்போட்டிக்கு தகுதி பெற்றன. 
ஞாயிற்றுக்கிழமை நடைபெற்ற இறுதிப்போட்டியில் முதலில் ஆடிய கன்னியாகுமரி அணி 12 ஓவர்களில் அனைத்து விக்கெட்டுகளையும் இழந்து 44 ரன்கள் மட்டுமே எடுத்தது. அடுத்து ஆடிய கோவை அணி 5 ஓவர்களில் ஒரு விக்கெட் இழப்புக்கு 45 ரன்கள் எடுத்து வெற்றி பெற்றது.
தொடர்ந்து நடைபெற்ற பரிசளிப்பு விழாவுக்கு சங்கத்தின் கடலூர் மாவட்டத் தலைவர் கோபால்மகிஜா தலைமை வகித்தார். 
கடலூர் மாவட்ட விளையாட்டு அலுவலர் மா.ராஜா கலந்துகொண்டு வெற்றி பெற்ற கோவை அணிக்கு முதல் பரிசு வழங்கினார்.  திருவண்ணாமலை, சென்னை அணிகள் 3-ஆவது இடத்தைப் பிடித்தன. இந்த அணிகளுக்கும் பரிசு வழங்கப்பட்டது.
தொடரின் சிறந்த வீரராகவும், சிறந்த பேட்ஸ்மேனாகவும் கோவை வீரர் எஸ்.மதன்குமார், சிறந்த பந்து வீச்சாளராக கன்னியாகுமரி அணி வீரர் சந்தானம் தேர்ந்தெடுக்கப்பட்டனர். 
நிகழ்ச்சியில் சங்கத்தின் மாநில பொதுச்செயலர் சு.ராமராஜ், மாவட்ட சேர்மன் ராமலிங்கம், மாவட்டத் தலைவர் அருமைசெல்வம், பொருளாளர் ராஜ்மோகன் உள்ளிட்டோர் கலந்துகொண்டனர்.
 

]]>
https://www.dinamani.com/all-editions/edition-villupuram/cuddalore/2019/may/20/டென்னிஸ்-பந்து-கிரிக்கெட்-கோவை-அணி-வெற்றி-3155115.html
3155114 விழுப்புரம் கடலூர் புரட்சிகர சோசலிஸ்ட் கட்சிக் கூட்டம் DIN DIN Monday, May 20, 2019 08:52 AM +0530 புரட்சிகர சோசலிஸ்ட் கட்சியின் கடலூர் மாவட்டக்குழுக் கூட்டம் வடலூரில் சனிக்கிழமை நடைபெற்றது.
அக்கட்சியின் மாவட்டக்குழு உறுப்பினர் எம்.ஜி.ராமச்சந்திரன் தலைமை வகித்தார். ஜி.பாரதி, பாலசுந்தரம் ஆகியோர் முன்னிலை வகித்தனர். 
மாவட்டச் செயலர் சி.கலியமூர்த்தி சிறப்புரையாற்றினார். மக்கள் ஜனநாயக குடியரசுக் கட்சியின் மாவட்டச் செயலர் த.கருணாநிதி, ஐக்கிய பொதுவுடமைக் கட்சியின் மாவட்டச் செயலர் நா.ராமலிங்கம் ஆகியோர் வாழ்த்திப் பேசினர். 
சுற்றுச்சூழலைக் கெடுத்து, விளைநிலங்களை பாழாக்கி, மாவட்டத்தை பாலை வனமாக்கும் திட்டமான ஹைட்ரோ கார்பன் திட்டத்தை செயல்படுத்தும் முயற்சியைக் கண்டித்தும், திட்டத்தை கைவிட வலியுறுத்தியும் ஜூன் 6-ஆம் தேதி சிதம்பரத்தில் ஆர்ப்பாட்டம் நடத்துவது என கூட்டத்தில் தீர்மானித்தனர். எ.ராமலிங்கம் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/may/20/புரட்சிகர-சோசலிஸ்ட்-கட்சிக்-கூட்டம்-3155114.html
3155113 விழுப்புரம் கடலூர் வேணுகோபால சுவாமி  கோயிலில் கருட சேவை DIN DIN Monday, May 20, 2019 08:52 AM +0530 நெல்லிக்குப்பம் வேணுகோபால சுவாமி கோயிலில் கருட சேவை உற்சவம் சனிக்கிழமை இரவு நடைபெற்றது.
நெல்லிக்குப்பம் காந்தி வீதியில் ராதா ருக்மணி சமேத  வேணுகோபால சுவாமி கோயில் அமைந்துள்ளது. 
இக்கோயிலில் வைகாசி மாத விசாக நட்சத்திரத்தை முன்னிட்டு சனிக்கிழமை காலை 6 மணிக்கு சுவாமிக்கு சிறப்பு திருமஞ்சனம், மகா தீபாராதனை நடைபெற்றது. 
அதனைத் தொடர்ந்து அன்னதானம் நடைபெற்றது. மாலை 6 மணியளவில் வேணுகோபால சுவாமி கருட வாகனத்தில் எழுந்தருளி வீதி உலா நடைபெற்றது. 
நிகழ்ச்சியில் திரளான பக்தர்கள் கலந்துகொண்டு சுவாமி தரிசனம் செய்தனர்.

]]>
https://www.dinamani.com/all-editions/edition-villupuram/cuddalore/2019/may/20/வேணுகோபால-சுவாமி-கோயிலில்-கருட-சேவை-3155113.html
3155112 விழுப்புரம் கடலூர் பண்ருட்டி திருவதிகை வாக்குச்சாவடியில் மறு வாக்குப்பதிவு: 16.5%  குறைவு DIN DIN Monday, May 20, 2019 08:51 AM +0530 கடலூர் மக்களவைத் தொகுதி, பண்ருட்டி சட்டப்பேரவைத் தொகுதிக்கு உள்பட்ட திருவதிகை வாக்குச்சாவடி மையத்தில் ஞாயிற்றுக்கிழமை நடைபெற்ற மறு வாக்குப்பதிவில் 437 பேர் வாக்களித்தனர். இது 66.5 சதவீத வாக்குப்பதிவாகும். கடந்த வாக்குப்பதிவில் பதிவான வாக்குகளை விட 16.5 சதவீதம் குறைவாகும்.
கடலூர் மக்களவைத் தொகுதிக்கான தேர்தல் ஏப்.18-ஆம் தேதி நடைபெற்றது. அதிமுக கூட்டணி சார்பில் பாமக வேட்பாளர் 
இரா.கோவிந்தசாமி, திமுக வேட்பாளராக டி.ஆர்.வி.
ஸ்ரீரமேஷ், அமமுக வேட்பாளராக காசி.தங்கவேல் உள்ளிட்டோர் போட்டியிட்டனர்.
அன்றைய தினம் பண்ருட்டி சட்டப்பேரவைத் தொகுதிக்கு உள்பட்ட திருவதிகை  டி.என்.பாவாடை பிள்ளை நகராட்சி உயர்நிலைப் பள்ளி வாக்குச்சாவடி மையம் எண் 210-இல் வாக்குப்பதிவு நடைபெற்றது. இதன் மொத்த வாக்காளர்கள் 657 பேர். நண்பகல் நேரத்தில் வாக்களிக்கச் சென்ற ஒருவர், மின்னணு வாக்குப் பதிவு இயந்திரத்தில் அம்மா மக்கள் முன்னேற்றக் கழக வேட்பாளர் காசி.தங்கவேலுக்கான பரிசுப் பெட்டி சின்னத்துக்கு எதிரே பொத்தான் இல்லை என தேர்தல் அலுவலரிடம் புகார் தெரிவித்தார்.
இதையடுத்து, இந்த வாக்குச் சாவடியில் மறு வாக்குப் பதிவு நடத்த வேண்டும் என வேட்பாளர் காசி.தங்கவேல் மாவட்ட ஆட்சியரிடம் வலியுறுத்தினார். இந்த நிலையில், குறிப்பிட்ட வாக்குச் சாவடியில் மே 19-ஆம் தேதி மறு வாக்குப்பதிவு நடத்தப்படும் என தேர்தல் ஆணையம் அறிவித்தது.
அதன்படி, ஞாயிற்றுக்கிழமை மறு வாக்குப்பதிவு நடைபெறுவதற்கான ஏற்பாடுகளை மாவட்ட நிர்வாகம் செய்தது. சனிக்கிழமை மாலை கட்சிப் பிரதிநிதிகள் முன்னிலையில் வாக்குப்பதிவு இயந்திரங்கள் சரிபார்க்கப்பட்டு வாக்குச்சாவடி மையத்துக்கு அனுப்பி வைக்கப்பட்டன.
குறிப்பிட்டபடி ஞாயிற்றுக்கிழமை காலை 7 மணிக்கு மறுவாக்குப்பதிவு தொடங்கியது. மாவட்ட காவல் கண்காணிப்பாளர் ப.சரவணன் தலைமையில் ஆயுதம் தாங்கிய போலீஸார் உள்பட சுமார் 100 போலீஸார் பாதுகாப்புப் பணியில் ஈடுபட்டிருந்தனர்.
மாலை 6 மணி வரை நடைபெற்ற வாக்குப்பதிவில்  ஆண்கள் 191 பேர், பெண்கள் 246 பேர் என மொத்தம் 437 பேர் வாக்களித்தனர். வாக்குப்பதிவு சதவீதம் 66.5 ஆகும். முன்னதாக நடைபெற்ற வாக்குப்பதிவைக் காட்டிலும் 16.5 சதவீதம் குறைவு ஆகும்.
பின்னர், வேட்பாளர்கள்  முன்னிலையில் தேர்தல் நடத்தும் அதிகாரிகள் வாக்குப்பதிவு இந்திரத்தை சீல் வைத்தனர். தொடர்ந்து போலீஸ் பாதுகாப்புடன் கடலூரில் உள்ள வாக்கு எண்ணும் மையத்துக்கு அனுப்பி வைத்தனர்.

]]>
https://www.dinamani.com/all-editions/edition-villupuram/cuddalore/2019/may/20/பண்ருட்டி-திருவதிகை-வாக்குச்சாவடியில்-மறு-வாக்குப்பதிவு-165--குறைவு-3155112.html
3154601 விழுப்புரம் கடலூர் கை மூட்டு அறுவைச் சிகிச்சையின்போது சிஐஎஸ்எப் வீரர் உயிரிழப்பு DIN DIN Sunday, May 19, 2019 09:49 AM +0530 கடலூர் மாவட்டம், நெய்வேலி என்எல்சி பொது மருத்துவமனையில் கை மூட்டு அறுவைச் சிகிச்சையின்போது சிஐஎஸ்எப் வீரர் திடீரென உயிரிழந்தார்.
கன்னியாகுமரி மாவட்டத்தைச் சேர்ந்தவர் அஸ்வியம் (38). மத்திய தொழிலகப் பாதுகாப்புப் படை வீரரான இவர், நெய்வேலி என்எல்சி இந்தியா நிறுவனத்தில் பணியாற்றி வந்தார். நெய்வேலி வட்டம் 15-இல் உள்ள என்எல்சி நிறுவன ஊழியர்கள் குடியிருப்பில் தனது மனைவி தமிழ்செல்வி மற்றும் இரண்டு குழந்தைகளுடன் வசித்து வந்தார்.
கடந்த 3 வாரங்களுக்கு முன்பு பைக்கில் இருந்து தவறி கீழே விழுந்த அஸ்வியத்தின் வலது கை முட்டியில் காயம் ஏற்பட்டது. இதற்காக நெய்வேலியில் உள்ள என்எல்சி பொது மருத்துவமனையில் சிகிச்சை பெற்று வந்தார்.
ஆனால், கை முட்டியில் தொடர்ந்து வலி இருந்ததால் மீண்டும் மருத்துவமனையை அணுகினார். இதையடுத்து, அறுவைச் சிகிச்சை செய்ய வேண்டும் என மருத்துவர்கள் ஆலோசனை கூறினராம். இதன்படி, என்எல்சி பொது மருத்துவமனையில்  அஸ்வியத்தின் வலது கையில் வெள்ளிக்கிழமை அறுவைச் சிகிச்சை மேற்கொள்ளப்பட்டது. அதன்பிறகு, வெளியே வந்த மருத்துவர்கள் அஸ்வியம் இறந்துவிட்டதாக தெரிவித்தனர்.
தகவலறிந்த நெய்வேலி நகரிய போலீஸார் விரைந்து வந்து, அஸ்வியத்தின் சடலத்தை பெற்று உடல்கூறாய்வுக்காக கடலூர் அரசு மருத்துவமனைக்கு அனுப்பி வைத்தனர். மேலும், சம்பவம் குறித்து விசாரணை நடத்தி வருகின்றனர்.
மருத்துவர்களின் தவறான சிகிச்சையால்தான் அஸ்வியம் உயிரிழந்ததாக அவரது உறவினர்கள் குற்றஞ்சாட்டினர்.
 

]]>
https://www.dinamani.com/all-editions/edition-villupuram/cuddalore/2019/may/19/கை-மூட்டு-அறுவைச்-சிகிச்சையின்போது-சிஐஎஸ்எப்-வீரர்-உயிரிழப்பு-3154601.html
3154600 விழுப்புரம் கடலூர் ஹைட்ரோ கார்பன் திட்டத்தை தடுத்து நிறுத்த வலியுறுத்தி சிதம்பரம் நடராஜர் கோயிலில் விவசாயிகள் வழிபாடு DIN DIN Sunday, May 19, 2019 09:49 AM +0530 ஹைட்ரோ கார்பன் திட்டத்துக்கு எதிர்ப்புத் தெரிவித்து வரும் விவசாயிகள், சிதம்பரம் நடராஜர் கோயிலில் சுவாமியிடம் சனிக்கிழமை முறையீடு செய்து வழிபட்டனர்.
கடலூர், நாகை மாவட்டங்களில் ஹைட்ரோ கார்பன் எடுக்கும் திட்டத்தை ரத்து செய்ய வலியுறுத்தி, சிதம்பரத்தில் அனைத்து விவசாய சங்க நிர்வாகிகள், சமூக ஆர்வலர்கள், சுற்றுச்சூழல் ஆர்வலர்கள் பங்கேற்ற ஒருங்கிணைந்த ஆலோசனைக் கூட்டம் சனிக்கிழமை நடைபெற்றது. 
கூட்டத்துக்கு சுற்றுச்சூழல் ஆர்வலர் எஸ்.ரவீந்திரன் தலைமை வகித்துப் பேசியதாவது:
கடலூர் மாவட்டத்தில் சிதம்பரம், புவனகிரி, காட்டுமன்னார்கோவில், பிச்சாவரம் பகுதிகளில் ஹைட்ரோ கார்பன் எடுப்பதற்காக 274 கிணறுகள் தோண்டப்பட உள்ளன. இதனால், இந்தப் பகுதியில் விவசாயம், நிலத்தடி நீர் முற்றிலும் பாதிக்கப்படும். 
குறிப்பாக, பிச்சாவரத்தில் உள்ள அலையாத்தி (மாங்குரோவ்) காடுகள் முற்றிலும் அழியும் நிலை உருவாகியுள்ளது. 
சிதம்பரம் நடராஜர் கோயிலின் ஸ்தல விருட்சமான மூலிகை குணம் கொண்ட தில்லைமரமும் இந்தத் திட்டத்தால் அழியும் வாய்ப்புள்ளது.
எனவே கடலூர், நாகை மாவட்டங்களில் ஹைட்ரோ கார்பன் எடுக்கும் திட்டத்தை கைவிட 
வலியுறுத்தி விழிப்புணர்வு பிரசாரம், போராட்டங்களை நடத்த முடிவு செய்துள்ளோம் என்றார் அவர்.
கூட்ட முடிவில் விவசாயிகள், சமூக ஆர்வலர்கள், சுற்றுச்சூழல் ஆர்வலர்கள் சுமார் 50 பேர் இணைந்து ஊர்வலமாகச் சென்று  நடராஜர் கோயிலை அடைந்தனர். அங்கு, கோயிலின் ஸ்தல விருட்சமான தில்லைமரம் அழிவதை தடுத்து நிறுத்த வலியுறுத்தி அதன் கிளைகளை  தட்டில் வைத்து நடராஜப் பெருமானிடம் முறையிட்டு வழிபட்டனர். பொது தீட்சிதர்கள் தில்லைமரத்தின் கிளைகளை நடராஜப் பெருமானிடம் வைத்து பூஜை செய்து விவசாயிகளுக்கு பிரசாதம் வழங்கினர்.
முன்னதாக, கூட்டத்தில் விவசாய சங்கத் தலைவர்கள் கே.வி.இளங்கீரன், கார்மாங்குடி வெங்கடேசன், சேத்தியாத்தோப்பு வெங்கடேசன், தமிழ்நாடு விவசாயிகள் சங்கம் சார்பில் பி.கற்பனைச்செல்வம், தமிழக உழவர் முன்னணி சார்பில் ஆ.குபேரன், கணேசன், சமூக ஆர்வலர்கள் நீதிமணி, பெரியார் செல்வம் உள்ளிட்டோர் பங்கேற்று பேசினர்.
 

]]>
https://www.dinamani.com/all-editions/edition-villupuram/cuddalore/2019/may/19/ஹைட்ரோ-கார்பன்-திட்டத்தை-தடுத்து-நிறுத்த-வலியுறுத்தி-சிதம்பரம்-நடராஜர்-கோயிலில்-விவசாயிகள்-வழிபாடு-3154600.html
3154599 விழுப்புரம் கடலூர் வாக்கு எண்ணிக்கை: முன்னேற்பாடுகள்  தீவிரம் DIN DIN Sunday, May 19, 2019 09:49 AM +0530 கடலூர் மக்களவைத் தொகுதியில் வாக்கு எண்ணிக்கைக்கான முன்னேற்பாடுகள்   தீவிரமாக நடைபெற்று வருகின்றன.
 தமிழகத்தில் மக்களவைத் தேர்தலுக்கான வாக்குப் பதிவு கடந்த ஏப்.18-ஆம் தேதி நடைபெற்றது. இதில், கடலூர் மக்களவைத் தொகுதியில் உள்ள கடலூர், பண்ருட்டி, நெய்வேலி, குறிஞ்சிப்பாடி, விருத்தாசலம், திட்டக்குடி ஆகிய சட்டப் பேரவைத் தொகுதிகளில் வாக்குப் பதிவுக்கு பயன்படுத்தப்பட்ட மின்னணு இயந்திரங்கள் கடலூர் பெரியார் அரசு கலைக் கல்லூரி வாக்கு எண்ணிக்கை மையத்தில் 3 அடுக்கு பாதுகாப்புடன் வைக்கப்பட்டுள்ளன.
 வாக்கு எண்ணிக்கை வருகிற 23-ஆம் தேதி நடைபெற உள்ளது. கடலூர் தொகுதியில்வாக்கு எண்ணும் பணிக்காக 102 தேர்தல் மேற்பார்வையாளர்கள், 102 உதவியாளர்கள் என மொத்தம் 204 பேர் பணியமர்த்தப்பட்டுள்ளனர். இவர்கள் வாக்கு எண்ணிக்கை நாளன்று மேற்கொள்ள வேண்டிய பணிகள் குறித்த பயிற்சி வகுப்பு கடலூர் மாவட்ட ஆட்சியர் வெ.அன்புச்செல்வன் தலைமையில், மாவட்ட ஆட்சியரக வளாகத்தில் வெள்ளிக்கிழமை அளிக்கப்பட்டது.
 இந்த நிலையில், கடலூர் பெரியார் அரசுக் கலைக் கல்லூரியில் வாக்கு எண்ணிக்கைக்கு தேவையான உபகரணங்கள் வந்திறங்கின. கடலூர் மக்களவைத் தொகுதிக்கு உள்பட்ட 6 சட்டப் பேரவைத் தொகுதிகளுக்கான வாக்குகள் தனித் தனி அறைகளில் எண்ணப்பட உள்ளன.  இதற்காக ஒவ்வொரு அறையிலும் சுமார் 14 மேஜைகள் அமைக்கப்பட உள்ளன. இதை கண்காணித்திட (சிசிடிவி)  கேமராக்கள் பொருத்தும் பணியும் நடைபெற்று வருகிறது. 
இந்தப் பணிகள் அனைத்தும் வருகிற 20-ஆம் தேதிக்குள் நிறைவடையும் என அதிகாரி ஒருவர் தெரிவித்தார். வாக்கு எண்ணிக்கைக்கான முன்னேற்பாடு பணிகளை மாவட்ட ஆட்சியர் வெ.அன்புச்செல்வன் ஆய்வு செய்தார்.

]]>
https://www.dinamani.com/all-editions/edition-villupuram/cuddalore/2019/may/19/வாக்கு-எண்ணிக்கை-முன்னேற்பாடுகள்--தீவிரம்-3154599.html
3154598 விழுப்புரம் கடலூர் வைகாசி விசாக காவடி உற்சவம் DIN DIN Sunday, May 19, 2019 09:48 AM +0530 வடலூர் அருகே கருங்குழியில் அமைந்துள்ள அருளருள் பாலமுருகன் கோயிலில் 33-ஆம் ஆண்டு வைகாசி விசாக காவடி உற்சவம் சனிக்கிழமை நடைபெற்றது.
முன்னதாக, கடந்த 16-ஆம் தேதி கொடியேற்றத்துடன் விழா தொடங்கியது. இதையடுத்து, விழா நாள்களில் சுவாமிக்கு சிறப்பு அபிஷேக, ஆராதனையும், மாலையில் அன்னதானமும் நடைபெற்றன.
விழாவின் 3-ஆம் நாளான சனிக்கிழமை வைகாசி விசாகத்தை முன்னிட்டு, காலையில் சுவாமிக்கு சிறப்பு அபிஷேக, ஆராதனை நடைபெற்றது. காலை 9 மணியளவில் கருங்குழி மேட்டுக்குப்பம் தீஞ்சுவை நீரோடையில் இருந்து காவடி, பால்குடம் ஊர்வலம் புறப்பட்டது. முக்கிய வீதிகள் வழியாகச் சென்ற ஊர்வலம் கோயிலை அடைந்தது. இதில் திரளான பக்தர்கள் காவடி, பால்குடம் சுமந்து வந்தனர். பின்னர் முருகப் பெருமானுக்கு பாலபிஷேகம் செய்து நேர்த்திக் கடன் செலுத்தினர். இரவில் பாலமுருகன் சுவாமி வீதியுலா நடைபெற்றது. ஏற்பாடுகளை விழாக் குழுவினர் செய்திருந்தனர்.
 

]]>
https://www.dinamani.com/all-editions/edition-villupuram/cuddalore/2019/may/19/வைகாசி-விசாக-காவடி-உற்சவம்-3154598.html
3154597 விழுப்புரம் கடலூர் ஆறுமுகனார் நூற்றாண்டு விழா கூட்டம் DIN DIN Sunday, May 19, 2019 09:48 AM +0530 விடுதலைப் போராட்ட வீரர் கூ.ஆறுமுகனாரின் நூற்றாண்டு விழா ஒருங்கிணைப்புக் குழுக் கூட்டம் சிதம்பரம் அண்ணாமலைப் பல்கலைக்கழக விருந்தினர் விடுதியில் அண்மையில் நடைபெற்றது.
கூட்டத்துக்கு, முன்னாள் எம்பி ஏ.முருகேசன் தலைமை வகித்தார். கே.பி.எஸ்.மணி, கனிவண்ணன், க.திருவள்ளுவன் ஆகியோர் முன்னிலை வகித்தனர். அண்ணாமலைப் பல்கலைக்கழக முன்னாள் துணைப் பதிவாளர் ஏ.ஆர்.அன்புகாந்தி வரவேற்றார். 
அவர் பேசுகையில், புலவர் கூ.ஆறுமுகனார் நூற்றாண்டு விழாவை சிறப்பாகக் கொண்டாடுவது என்றும், அவரது சம காலத்தில் வாழ்ந்த சமுதாய தலைவர்களின் உருவப் படங்களை நூற்றாண்டு விழாவில் திறந்து வைப்பது எனவும் முடிவு செய்யப்பட்டுள்ளதாக தெரிவித்தார். 
கூட்டத்தில் முன்னாள் தலைமை ஆசிரியர் அம்பிகாபதி, ஜோதிமணி, திருப்பனந்தாள் புரட்சிமணி, கவிஞர் நாரண மணிவண்ணன், புலவர் மு.வரதராஜன், பேராசிரியர் தெய்வநாயகம், வெங்கடாஜலம், பெர்னாட்ஷா, செல்லப்பா குமார் உள்ளிட்டோர் பங்கேற்று பேசினர். பேராசிரியர் ஆறு.அன்புஅரசன் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/may/19/ஆறுமுகனார்-நூற்றாண்டு-விழா-கூட்டம்-3154597.html
3154596 விழுப்புரம் கடலூர் வீரட்டானேஸ்வரர் கோயிலில் பெளர்ணமி பூஜை DIN DIN Sunday, May 19, 2019 09:48 AM +0530 பண்ருட்டி, திருவதிகை வீரட்டானேஸ்வரர் கோயிலில் வைகாசி மாத பெளர்ணமி பூஜை சனிக்கிழமை நடைபெற்றது. 
இந்தக் கோயிலில் ஒவ்வொரு மாதமும் பெளர்ணமி பூஜை சிறப்பாக நடைபெறுவது வழக்கம். அதன்படி, வைகாசி மாத பெளர்ணமியை முன்னிட்டு சனிக்கிழமை சிறப்பு பூஜைகள் நடைபெற்றன. மாலை 4 மணியளவில் பஞ்ச மூர்த்திகளுக்கு சிறப்பு அபிஷேக, ஆராதனை நடத்தப்பட்டது. 
 தொடர்ந்து மாலை 7 மணியளவில் பெரியநாயகி அம்பாள் சிறப்பு அலங்காரத்தில் குளத்து மண்டபத்தில்  ஊஞ்சலில் பக்தர்களுக்கு காட்சியளித்தார். மாலை 6 மணி முதல் நூற்றுக்கணக்கான பக்தர்கள் மாட வீதியை 16 முறை வலம் வந்தனர்.

]]>
https://www.dinamani.com/all-editions/edition-villupuram/cuddalore/2019/may/19/வீரட்டானேஸ்வரர்-கோயிலில்-பெளர்ணமி-பூஜை-3154596.html
3154595 விழுப்புரம் கடலூர் வதிஷ்டபுரம் பெருமாள் கோயில் தேரோட்டம் DIN DIN Sunday, May 19, 2019 09:48 AM +0530 திட்டக்குடி அருகே வதிஷ்டபுரத்தில் அமைந்துள்ள திருமகிழ்ந்தவள்ளி சமேத ரங்கநாதசுவாமி கோயில் தேரோட்டம்  சனிக்கிழமை நடைபெற்றது.
இந்த கோயிலில் வைகாசி விசாக பிரம்மோத்ஸவ விழா கடந்த 
10-ஆம் தேதி கொடியேற்றத்துடன் தொடங்கியது. 
பெருமாள் விழா நாள்களில் ரங்கநாயகி தாயார், வெங்கடாஜலபதி, காளிங்கநர்த்தனம், சரஸ்வதி, லட்சுமி, மோகினி மற்றும் வெண்ணெய்தாழி கிருஷ்ணன் ஆகிய அலங்காரங்களில் காட்சியளித்தார். 
மாலையில் பல்வேறு வாகனங்களில் வீதியுலா வந்தார். விழாவில் கடந்த 16-ஆம் தேதி திருக்கல்யாணம்  நடைபெற்றது. பிரமோத்ஸவத்தின் முக்கிய நிகழ்வான தேரோட்டம் சனிக்கிழமை மாலை நடைபெற்றது. பெருமாள் திருத் தேரில் எழுந்தருளி மாட வீதிகளில் வலம் வந்தார். திரளான பக்தர்கள் கலந்துகொண்டு தேரை வடம் பிடித்து இழுத்தனர். முக்கிய வீதிகள் வழியாகச் சென்ற தேர் மீண்டும் நிலையை அடைந்தது.  
 விழாவில், ஞாயிற்றுக்கிழமை காலை 8 மணியளவில் தீர்த்தவாரி மகா அபிஷேகமும், மாலை 3 மணியளவில் துவாதச ஆராதனம், புஷ்பயாகமும், இரவு 7 மணிக்கு புஷ்ப பல்லக்கில் வீதி உலா ஆகியவை நடைபெற உள்ளன. திங்கள்கிழமை காலை 8 மணியளவில் விடையாற்றி உற்சவம் நடைபெறுகிறது. விழாவுக்கான ஏற்பாடுகளை கோயில் நிர்வாகத்தினர் மற்றும் ஊர் முக்கியஸ்தர்கள் செய்துள்ளனர்.
 

]]>
https://www.dinamani.com/all-editions/edition-villupuram/cuddalore/2019/may/19/வதிஷ்டபுரம்-பெருமாள்-கோயில்-தேரோட்டம்-3154595.html
3154594 விழுப்புரம் கடலூர் பண்ருட்டி வாக்குச் சாவடியில் இன்று மறுவாக்குப் பதிவு DIN DIN Sunday, May 19, 2019 09:47 AM +0530 கடலூர் மாவட்டம், பண்ருட்டியில் ஒரு வாக்குச் சாவடியில் ஞாயிற்றுக்கிழமை மறு வாக்குப் பதிவு நடைபெறுகிறது. 
கடலூர் மக்களவைத் தொகுதி தேர்தலில் அதிமுக கூட்டணி சார்பில் பாமக வேட்பாளர் இரா.கோவிந்தசாமி, திமுக வேட்பாளராக டி.ஆர்.வி.ஸ்ரீரமேஷ், அமமுக வேட்பாளராக காசி.தங்கவேல் உள்ளிட்டோர் போட்டியிடுகின்றனர். 
இந்த தொகுதிக்கான வாக்குப் பதிவு கடந்த ஏப்.18-ஆம் தேதி நடைபெற்றது. அன்றைய தினம் பண்ருட்டி சட்டப் பேரவை தொகுதிக்கு உள்பட்ட திருவதிகை,  டி.என்.பாவாடைபிள்ளை நகராட்சி உயர்நிலைப் பள்ளியில் வாக்குச் சாவடி எண் 210-இல் வாக்குப் பதிவு நடைபெற்றது. பகல் 12.30 மணியளவில் வாக்களிக்கச் சென்ற ஒருவர், மின்னணு இயந்திரத்தில் அம்மா மக்கள் முன்னேற்றக் கழக வேட்பாளர் காசி.தங்கவேலுக்கான பரிசுப் பெட்டி சின்னத்துக்கு எதிரே பொத்தான் இல்லை என தேர்தல் அலுவலரிடம் புகார் தெரிவித்தார். இதையடுத்து, இந்த வாக்குச் சாவடியில் மறு வாக்குப் பதிவு நடத்த வேண்டும் என வேட்பாளர் காசி.தங்கவேல் மாவட்ட ஆட்சியரிடம் வலியுறுத்தி
னார். 
இந்த நிலையில், குறிப்பிட்ட வாக்குச் சாவடியில் மே 19-ஆம் தேதி மறு வாக்குப் பதிவு நடத்தப்படும் என தேர்தல் ஆணையம் அறிவித்தது. அதன்படி ஞாயிற்றுக்கிழமை மறு வாக்குப் பதிவு நடைபெற உள்ளது. இதற்கான ஏற்பாடுகளை மாவட்ட நிர்வாகம் செய்துள்ளது. இந்த வாக்குச் சாவடியின்கீழ் மொத்தம் 657 வாக்காளர்கள் உள்ளனர். 
சனிக்கிழமை மாலை 3 மணியளவில் மாவட்ட ஆட்சியர் வெ.அன்புச்செல்வன், தேர்தல் பொதுப் பார்வையாளர் கணேஷ் பி.பாட்டீல், காவல் துறை பார்வையாளர் தேவராஜ், மாவட்ட வருவாய் அலுவலர் ராஜகிருபாகரன், வாக்குப் பதிவு இயந்திர பொறுப்பு அலுவலர் வைத்தியநாதன், உதவி தேர்தல் நடத்தும் அலுவலர் ராஜஸ்ரீ, பண்ருட்டி வாட்டாட்சியர் கீதா, அமமுக வேட்பாளர் காசி.தங்கவேல் மற்றும் இதர கட்சிகளின் பிரதிநிதிகள் பண்ருட்டி வட்டாட்சியர் அலுவலகத்துக்கு வந்தனர். 
அங்கு, அரசியல் கட்சி பிரதிநிதிகள் முன்னிலையில், 5 வாக்குப் பதிவு இயந்திரங்கள் தேர்வு செய்யப்பட்டு, போலீஸ் பாதுகாப்புடன் வாக்குப் பதிவு மையத்துக்கு அனுப்பி வைக்கப்பட்டன. 
இதுகுறித்து மாவட்ட ஆட்சியர் வெ.அன்புச்செல்வன் கூறியதாவது: 
குறிப்பிட்ட வாக்குச் சாவடியில் ஞாயிற்றுக்கிழமை காலை 7 மணி முதல் மாலை 6 மணி வரை வாக்குப் பதிவு நடைபெறும். வாக்குப் பதிவுக்கு ஒரு இயந்திரமே போதுமானது என்றாலும் முன்னெச்சரிக்கை நடவடிக்கையாக கூடுதலாக 4 இயந்திரங்கள் கொண்டு செல்லப்பட்டுள்ளன. 
மாவட்டத்தில் ஓர் இடத்தில் மட்டும்தான் மறுவாக்குப் பதிவு நடைபெறுவதால் பாதுகாப்பில் பிரச்னை ஏதும் இருக்காது. ஆயுதம் தாங்கிய போலீஸார் உள்ளிட்ட 50 பேர் பாதுகாப்புப் பணியில் ஈடுபட்டுள்ளனர். பொதுப் பார்வையாளர்கள் உள்ளிட்ட அதிகாரிகளின் நேரடிக் கண்காணிப்பில் வாக்குப் பதிவு நடைபெறும் என்றார் ஆட்சியர்.
 

]]>
https://www.dinamani.com/all-editions/edition-villupuram/cuddalore/2019/may/19/பண்ருட்டி-வாக்குச்-சாவடியில்-இன்று-மறுவாக்குப்-பதிவு-3154594.html
3154593 விழுப்புரம் கடலூர் சிதம்பரம் நகராட்சி ஆணையர் வீட்டின் மீது பாட்டில் வீச்சு DIN DIN Sunday, May 19, 2019 09:47 AM +0530 சிதம்பரம் நகராட்சி ஆணையரின் வீட்டின் மீது மர்ம நபர்கள் வெள்ளிக்கிழமை இரவு பாட்டில்களை வீசியதால் பரபரப்பு ஏற்பட்டது.
 சிதம்பரம் நகராட்சி ஆணையராகப் பணியாற்றி வருபவர் சுரேந்திரஷா. இவர், வெள்ளிக்கிழமை இரவு கனகசபை நகரில் உள்ள நகராட்சி குடியிருப்பில் தங்கியிருந்தார். இரவு 8.30 மணியளவில் அங்குவந்த மர்ம நபர்கள் இவரது வீட்டின் முன்  சோடா பாட்டில்களை வீசிவிட்டு தப்பிச் சென்றனர். 
 இதுகுறித்து சுரேந்திரஷா சிதம்பரம் நகர காவல் நிலையத்தில் புகார் அளித்தார். அதன்பேரில் நகர காவல் ஆய்வாளர் சி.முருகேசன் தலைமையிலான போலீஸார் சம்பவத்தில் தொடர்புடையோர் குறித்து விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/may/19/சிதம்பரம்-நகராட்சி-ஆணையர்வீட்டின்-மீது-பாட்டில்-வீச்சு-3154593.html
3154592 விழுப்புரம் கடலூர் வரதட்சிணை கொடுமை:  விரிவுரையாளர் கைது DIN DIN Sunday, May 19, 2019 09:46 AM +0530 வரதட்சிணை கேட்டு மனைவியை கொடுமை செய்ததாக தனியார் கல்லூரி விரிவுரையாளரை போலீஸார் வெள்ளிக்கிழமை கைது செய்தனர். 
 கடலூரை அடுத்துள்ள காராமணிக்குப்பம், ராஜாராம் நகரில் வசிப்பவர் சண்முகவேல். இவரது மகள் மகேஸ்வரிக்கும் (26), பண்ருட்டியை அடுத்துள்ள கட்டியாம்பாளையம் கிராமத்தைச் சேர்ந்த தேவநாதன் மகன் பெரியழகன் (32) என்பவருக்கும் 17.6.2018 அன்று  திருமணம் நடைபெற்றது. பெரியழகன் கடலூரில் உள்ள தனியார் கல்லூரியில்  விரிவுரையாளராகப் பணியாற்றி வருகிறார். 
 இந்த நிலையில், 20 சவரன் தங்க நகை, கார் வேண்டும் எனக் கேட்டு மகேஸ்வரியை அவரது கணவர் பெரியழகன்,  மாமியார் செந்தாமரை, மாமனார் தேவநாதன் மற்றும் நாராயணன்  
ஆகியோர்  உடல் மற்றும் மனதளவில் கொடுமைப்படுத்தினராம். இதுகுறித்து மகேஸ்வரி அளித்த புகாரின்பேரில்  போலீஸார் பெரியழகனை வெள்ளிக்கிழமை கைது செய்தனர். மேலும், தலைமறைவான செந்தாமரை, தேவநாதன், நாராயணன் ஆகியோரை தேடி வருகின்றனர்.

]]>
https://www.dinamani.com/all-editions/edition-villupuram/cuddalore/2019/may/19/வரதட்சிணை-கொடுமை-விரிவுரையாளர்-கைது-3154592.html