Dinamani - கடலூர் - https://www.dinamani.com/all-editions/edition-villupuram/cuddalore/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3100044 விழுப்புரம் கடலூர் மது விலக்கு விழிப்புணர்வுப் பேரணி DIN DIN Thursday, February 21, 2019 09:21 AM +0530 கடலூர் மாவட்ட ஒருங்கிணைந்த குழந்தைகள் வளர்ச்சித் திட்டம் சார்பில், மது விலக்கு விழிப்புணர்வுப் பேரணி கெங்கைகொண்டானில் திங்கள்கிழமை நடைபெற்றது.
கம்மாபுரம் வட்டார குழந்தைகள் வளர்ச்சித் திட்ட அலுவலர் உஷா தலைமை வகித்தார். மருத்துவர் ராமச்சந்திரன், நுகர்வோர் சங்கத் தலைவர் தங்கம் ஆகியோர் விளக்கவுரை ஆற்றினர். பவர் சிட்டி அரிமா சங்க மாவட்டத் தலைவர் லட்சுமி
நாராயணன், கெங்கைகொண்டான் பேரூராட்சி செயல் அலுவலர் சுந்தரமூர்த்தி ஆகியோர் முன்னிலை வகித்தனர்.
கெங்கைகொண்டான் அரசு ஆரம்ப சுகாதார வளாகத்திலிருந்து இந்தப் பேரணியை டி.ஆர்.எம்.சாந்தி கல்வி அறக்கட்டளை நிறுவனர் ராஜமாரியப்பன் கொடியசைத்து தொடக்கி வைத்தார். முக்கிய வீதிகள் வழியாகச் சென்ற பேரணி பாலாஜி நகர் அங்கன்வாடி மையத்தில் முடிவடைந்தது. பேரணியில் அங்கன்வாடிப் பணியாளர்கள், பள்ளி மாணவர்கள், மகளிர் பிரதிநிதிகள், அரிமா சங்கத்தினர், சமூக ஆர்வலர்கள் பங்கேற்றனர். சமூக ஆர்வலர் உன்னி கிருஷ்ணன், நூலகர் வேல்முருகன் ஆகியோர் பேரணியை வழிநடத்தினர். 
பேரணியில் பங்கேற்றவர்கள் மதுவிலக்கு விழிப்புணர்வு துண்டறிக்கைகளை பொதுமக்களிடம் வழங்கினர். மந்தாரக்குப்பம் காவல் ஆய்வாளர் மீனாள் பேரணியை முடித்து வைத்து நிறைவுரை ஆற்றினார்.

]]>
https://www.dinamani.com/all-editions/edition-villupuram/cuddalore/2019/feb/21/மது-விலக்கு-விழிப்புணர்வுப்-பேரணி-3100044.html
3100043 விழுப்புரம் கடலூர் வாக்காளர் பட்டியலில் பெயர் சேர்ப்பு: பிப்.23, 24-இல் சிறப்பு முகாம் DIN DIN Thursday, February 21, 2019 09:21 AM +0530 வாக்காளர் பட்டியலில் பெயர் சேர்த்திட வருகிற 23, 24 ஆகிய தேதிகளில் சிறப்பு முகாம் நடத்தப்படுகிறது.
மக்களவைத் தேர்தலை முன்னிட்டு, இந்திய தேர்தல் ஆணையம் அதற்கான அனைத்து நடவடிக்கைகளிலும் ஈடுபட்டு வருகிறது. முதல்கட்டமாக ஒரே இடத்தில் 3 ஆண்டுகளுக்கு மேல் பணியாற்றும் காவல் துறை, வருவாய்த் துறையினரை இடமாற்றம் செய்யும் பணி நடைபெற்று வருகிறது. அடுத்தகட்டமாக வாக்குச் சாவடி முகவர்களுக்கு பயிற்சி அளித்தல், மாதிரி வாக்குப் பதிவு ஆகிய பணிகளிலும் ஈடுபட்டு வருகிறது.
இந்த நிலையில், எந்த ஒரு வாக்காளரும் விடுபட்டுவிடக் கூடாது என்ற இலக்கை நோக்கி தேர்தல் ஆணையம் செயல்பட்டு வருகிறது. எனவே, அனைவரையும் வாக்காளர் பட்டியலில் சேர்த்திட சிறப்பு முகாம்கள் நடத்தப்படுகிறது. இதுதொடர்பாக மாவட்ட ஆட்சியர் வெ.அன்புச்செல்வன் வெளியிட்ட செய்திக்குறிப்பு: 
இந்திய தேர்தல் ஆணையம், சென்னை முதன்மை தேர்தல் அலுவலர்களின் அறிவுரைப்படி எதிர்வரும்  மக்களவை தேர்தலை கருத்தில் கொண்டு வாக்காளர் பட்டியலில் இதுவரை பெயர் சேர்க்காமல் உள்ளவர்களுக்கு மேலும் ஒரு வாய்ப்பு அளிக்கும் வகையில் வருகிற 23, 24 ஆகிய தேதிகளில் பெயர் சேர்ப்பு சிறப்பு முகாம் அனைத்து வாக்குச் சாவடி மையங்களிலும் நடைபெறுகிறது. இந்த வாய்ப்பை வாக்காளர்கள் முழுமையாக பயன்படுத்தி, தங்களது பெயரை வாக்காளர் பட்டியலில் சேர்த்து கொள்ள வேண்டும். எந்த ஒரு வாக்காளரும் விடுபடக் கூடாது என்ற இலக்கை கடலூர் மாவட்டத்தில் எய்திட பொதுமக்கள் ஒத்துழைப்பு நல்க வேண்டும் என அதில் ஆட்சியர் கேட்டுக்கொண்டுள்ளார்.
 

]]>
https://www.dinamani.com/all-editions/edition-villupuram/cuddalore/2019/feb/21/வாக்காளர்-பட்டியலில்-பெயர்-சேர்ப்பு-பிப்23-24-இல்-சிறப்பு-முகாம்-3100043.html
3100042 விழுப்புரம் கடலூர் மின்சாரம் பாய்ந்து பெண் சாவு DIN DIN Thursday, February 21, 2019 09:20 AM +0530 வயலில் அறுந்து கிடந்த மின் கம்பியை மிதித்த பெண் மின்சாரம் பாய்ந்ததில் உயிரிழந்தார்.
விருத்தாசலம் அருகே உள்ள தொழூர் கிராமத்தைச் சேர்ந்த பெரியசாமி மனைவி சரோஜா (55). இவர், திங்கள்கிழமை இரவு தனது வீட்டுக்கு பின்புறமுள்ள வயல்வெளிக்குச் சென்றார். அப்போது அங்கு அறுந்து கிடந்த மின் கம்பியை தெரியாமல் மிதித்ததாகத் தெரிகிறது. இதில், மின்சாரம் பாய்ந்ததில் சரோஜா நிகழ்விடத்திலேயே உயிரிழந்தார். 
வெளியே சென்ற சரோஜாவைக் காணவில்லை என அவரது உறவினர்கள் தேடிய நிலையில், செவ்வாய்க்கிழமை அதிகாலை வயல்வெளியில் இறந்து கிடந்ததை பாத்தனர். இதுதொடர்பாக கருவேப்பிலங்குறிச்சி போலீஸார் வழக்குப் பதிவுசெய்து, சரோஜாவின் சடலத்தை மீட்டு  உடல்கூறாய்வுக்காக விருத்தாசலம் அரசு மருத்துவமனைக்கு அனுப்பி வைத்தனர். மேலும், விசாரணை நடத்தி வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/feb/21/மின்சாரம்-பாய்ந்து-பெண்-சாவு-3100042.html
3100041 விழுப்புரம் கடலூர் பிப்.22-இல் விவசாயிகள் குறைதீர் கூட்டம் DIN DIN Thursday, February 21, 2019 09:20 AM +0530 கடலூர் மாவட்ட விவசாயிகள் குறைதீர்  கூட்டம் வருகிற 22-ஆம் தேதி கடலூரில் நடைபெறும் என மாவட்ட ஆட்சியர் வெ.அன்புச்செல்வன் தெரிவித்தார்.
இதுகுறித்து அவர் வெளியிட்ட செய்திக்குறிப்பு: பிப்ரவரி மாதத்துக்கான விவசாயிகள் குறைகேட்பு மற்றும் ஆலோசனைக் கூட்டம் வருகிற 22-ஆம் தேதி (வெள்ளிக்கிழமை) காலை 10.30 மணியளவில் கடலூர் மாவட்ட ஆட்சியர் அலுவலகத்தில் நடைபெறுகிறது. இந்தக் கூட்டத்தில், விவசாயிகள் தங்களது வேளாண்மை சார்ந்த குறைகளை தெரிவிக்க வாய்ப்பு வழங்கப்படும். 
அவ்வாறு கூட்டத்தில் பேச விரும்புவோர் தங்களது பெயர்களை காலை 10.30 மணிக்கு முன்பாக பதிவு செய்துக்கொள்ள வேண்டும். பதிவு செய்யாதவர்கள் தங்களது கோரிக்கையை மனுக்களாக வழங்கலாம். அதற்கு உரிய அலுவலர்கள் பதில் அளிப்பார்கள். 
எனவே, விவசாயிகள் இந்தக் கூட்டத்தை பயன்படுத்திக் கொள்ள வேண்டுமென ஆட்சியர் அதில் கேட்டுக்கொண்டுள்ளார்.

]]>
https://www.dinamani.com/all-editions/edition-villupuram/cuddalore/2019/feb/21/பிப்22-இல்-விவசாயிகள்-குறைதீர்-கூட்டம்-3100041.html
3100040 விழுப்புரம் கடலூர் கடலூரில் இலவச ஓவியப் பயிற்சி DIN DIN Thursday, February 21, 2019 09:20 AM +0530 கடலூர் அரசு அருங்காட்சியகத்தில் பள்ளி மாணவ, மாணவிகளுக்கான இலவச ஓவியப் பயிற்சி முகாம் திங்கள்கிழமை தொடங்கியது. 
முதல் நாளில் 30 மாணவ, மாணவிகள் ஓவிய பயிற்சியில் பங்கேற்ற நிலையில், செவ்வாய்க்கிழமை குறிஞ்சிப்பாடி அரசுப் பள்ளி உள்பட பல்வேறு பள்ளிகளைச் சேர்ந்த 43 பேர் பங்கேற்றனர். அவர்களுக்கு அருங்காட்சியக காப்பாட்சியர் செ.ஜெயரத்னா தலைமையில் ஓவியர் சு.மனோகரன் ஓவிய நுணுக்கங்கள் குறித்து பயிற்சி அளித்தார். அரிமா சங்க நிர்வாகி கே.திருமலை சிறப்பு பார்வையாளராக பங்கேற்றார். பறவைகள், இயற்கைக் காட்சிகள், மலர்கள், விலங்குகள் ஆகிய பிரிவுகளில் ஓவியங்களை எவ்வாறு வரைவது என்பதன் அடிப்படையில் இந்தப் பயிற்சி வழங்கப்படுகிறது. வருகிற 22-ஆம் தேதி வரை நடைபெறும் இந்தப் பயிற்சியில் 5 முதல் 7-ஆம் வகுப்பு வரை பயிலும் மாணவ, மாணவிகள் பங்கேற்கலாம்.  பயிற்சி காலை 10 மணி முதல் பகல் 12.30 மணி வரையில் நடைபெறும். 
பயிற்சி நிறைவில் மாணவர்களுக்கு சான்றிதழ், பரிசுகள் வழங்கப்படும் என தெரிவிக்கப்பட்டுள்ளது. பயிற்சியில் பங்கேற்க விரும்புவோர் 86106 27168 என்ற எண்ணைத் தொடர்புக் கொள்ளலாம்.

]]>
https://www.dinamani.com/all-editions/edition-villupuram/cuddalore/2019/feb/21/கடலூரில்-இலவச-ஓவியப்-பயிற்சி-3100040.html
3100039 விழுப்புரம் கடலூர் அ.தி.மு.க.வினர் அன்னதானம் DIN DIN Thursday, February 21, 2019 09:20 AM +0530 மாசிமகத்தை முன்னிட்டு கடலூரில் அதிமுகவினர் செவ்வாய்க்கிழமை அன்னதானம் வழங்கினர்.
தமிழக முன்னாள் முதல்வர் ஜெயலலிதா பிறந்த நட்சத்திரமான மாசிமகத்தை அதிமுகவினர் சிறப்பானதாக கருதி வருகின்றனர். இதனை முன்னிட்டு, மாசிமக தீர்த்தவாரி திருவிழாவில் பங்கேற்கும் பக்தர்களுக்கு கடலூரில் கிழக்கு மாவட்ட அதிமுக சார்பில் நகர அரங்கில் அன்னதானம் வழங்கப்பட்டது. நிகழ்ச்சிக்கு நகரச் செயலர் ஆர்.குமரன் தலைமை வகித்தார். அமைச்சர் எம்.சி.சம்பத்தின் மகள் திவ்யா அன்னதானத்தை தொடக்கி வைத்தார். 
மாநில மருத்துவரணித் தலைவர் கே.சீனுவாசராஜா, எம்ஜிஆர் மன்ற மாவட்ட செயலர் ஜி.ஜெ.குமார், ஜெயலலிதா பேரவை பொருளாளர் ஆறுமுகம், பேரவை நகரச் செயலர் வ.கந்தன், முன்னாள் கவுன்சிலர்கள் தமிழ்ச்செல்வன், மணி, அன்பு, ஒன்றிய முன்னாள் துணைச் செயலர் ஏழுமலை, நிர்வாகி பக்கிரி, மாவட்ட பிரதிநிதி வெங்கட்ராமன் உள்ளிட்டோர் பங்கேற்றனர். 
இதேபோல, மாவட்ட அவைத் தலைவர் கோ.அய்யப்பன் தலைமையில் கடற்கரைச் சாலையில் அன்னதானம் வழங்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/feb/21/அதிமுகவினர்-அன்னதானம்-3100039.html
3100038 விழுப்புரம் கடலூர் கால்நடைத் துறை பணியிடம்: பிப்.22-இல் நேர்காணல் கால்நடைத் துறை பணியிடம்: பிப்.22-இல் நேர்காணல் DIN DIN Thursday, February 21, 2019 09:19 AM +0530 கால்நடை பராமரிப்புத் துறையில் அறிவிக்கப்பட்டிருந்த 34  உதவியாளர் பணியிடங்களுக்கான நேர்காணல் வருகிற 22-ஆம் தேதி முதல் நடைபெறுமென மாவட்ட ஆட்சியர் வெ.அன்புச்செல்வன் தெரிவித்தார்.
இதுகுறித்து அவர் வெளியிட்ட செய்திக்குறிப்பு: கடலூர் மாவட்டத்தில் கால்நடை பராமரிப்புத் துறையில் காலியாக உள்ள 34 கால்நடை பராமரிப்பு உதவியாளர் பணியிடங்களுக்கு கடலூர் மாவட்டத்திலிருந்து விண்ணப்பித்தவர்களுக்கான நேர்காணல் தேர்வு நடைபெற உள்ளது. நேர்முகத் தேர்வில் கலந்துகொள்பவர்களுக்கு கால்நடைகளை நன்கு கையாளத் தெரிந்திருக்க வேண்டும். மிதிவண்டி நன்கு  ஓட்டத் தெரிந்திருக்க வேண்டும்.
இவர்களுக்கான நேர்காணல் கடலூர் புதுப்பாளையத்தில் உள்ள கால்நடை மருத்துவமனை வளாகத்தில் வருகிற 22-ஆம் தேதி முதல் மார்ச் 4-ஆம் தேதி வரை நடைபெறுகிறது. தகுதியுள்ள விண்ணப்பதாரர்களுக்கு அவர்கள் விண்ணப்பத்தில் குறிப்பிட்டிருந்த முகவரிக்கு நேர்காணலில் கலந்து கொள்வதற்கான நேர்முக அழைப்பாணை அஞ்சலில் அனுப்பப்பட்டுள்ளது. 
எனவே, நேர்முக தேர்வுக்கு வருவோர் தங்களது விண்ணப்பத்தில் தெரிவித்துள்ள தகுதிகளுக்கான அனைத்து மூல சான்றுகள், குடும்ப அட்டை, ஆதார அட்டை அசலுடன் தங்களுக்கு ஒதுக்கப்பட்ட தேதியில் கலந்து கொள்ள வேண்டும். 
நேர்முக அழைப்பாணை கிடைக்கப் பெறவில்லை எனில், விண்ணப்பதாரர்கள் தகுந்த ஆதாரங்களுடன் கடலூர் கால்நடை பராமரிப்புத் துறை, மண்டல இணை இயக்குநர் அலுவலகத்துக்கு நேரில் சென்று அதன் நகலை பெற்றுக் கொள்ளலாம் என ஆட்சியர் அதில் தெரிவித்துள்ளார்.

]]>
https://www.dinamani.com/all-editions/edition-villupuram/cuddalore/2019/feb/21/கால்நடைத்-துறை-பணியிடம்-பிப்22-இல்-நேர்காணல்-கால்நடைத்-துறை-பணியிடம்-பிப்22-இல்-நேர்காணல்-3100038.html
3100037 விழுப்புரம் கடலூர் ரூ.6,000 உதவித் தொகை திட்டம்: மாவட்ட ஆட்சியர் ஆய்வு DIN DIN Thursday, February 21, 2019 09:19 AM +0530 மத்திய அரசு சார்பில் விவசாயிகளுக்கு ரூ.6 ஆயிரம் வழங்கும் திட்டத்தில் பெறப்படும் விண்ணப்பங்கள் முறையாகக் கையாளப்படுகின்றனவா என மாவட்ட ஆட்சியர் வெ.அன்புச்செல்வன் செவ்வாய்க்கிழமை நேரில் ஆய்வு செய்தார்.
 பிரதமரின் கிஷான் சம்மான் நிதி திட்டத்தின்கீழ் 2 ஹெக்டேர் அல்லது 5 ஏக்கர் நிலம் உள்ள விவசாய குடும்பங்களுக்கு ஆண்டுக்கு தலா ரூ.6,000 மூன்று தவணைகளில் வழங்கப்படும்
என அறிவிக்கப்பட்டது. இதில், முதல் தவணை 2018-19-ஆம் நிதியாண்டின் அடிப்படையில் 1.12.2018 முதல் 31.03.2019 வரையிலான காலாண்டுக்கு வழங்கப்படும். 
 குறிஞ்சிப்பாடி வட்டாட்சியர் அலுவலகத்துக்கு செவ்வாய்க்கிழமை வந்த மாவட்ட ஆட்சியர் வெ.அன்புச்செல்வன், மேற்கூறிய திட்டத்தில் வட்டாட்சியரிடம் விண்ணப்பங்கள் வரப்பெற்றுள்ளதா என்றும், அவை உடனுக்குடன் கணினியில் பதிவேற்றம் செய்யப்படுகிறதா என்றும் ஆய்வு செய்தார். மேலும் இந்தப் பணிகளை விரைந்து முடிக்க வேண்டும் என்று வட்டாட்சியருக்கு அறிவுரை வழங்கினார். ஆய்வின்போது குறிஞ்சிப்பாடி வட்டாட்சியர் விஜயா உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/feb/21/ரூ6000-உதவித்-தொகை-திட்டம்-மாவட்ட-ஆட்சியர்-ஆய்வு-3100037.html
3100036 விழுப்புரம் கடலூர் என்.எல்.சி.யில் தேசியக் கருத்தரங்கம் DIN DIN Thursday, February 21, 2019 09:18 AM +0530 என்எல்சி இந்தியா நிறுவனம் சார்பில், கொள்முதல் துறையில் பின்பற்றப்படும் நவீன நடைமுறைகள் குறித்த 2 நாள் தேசியக் கருத்தரங்கம் நெய்வேலியில் உள்ள கற்றல் மற்றும் மேம்பாட்டு மையத்தில் அண்மையில் நடைபெற்றது.
என்எல்சி பொருள் மேலாண்மைத் துறையால் நடத்தப்பட்ட இந்தக் கருத்தரங்கில், என்எல்சி இந்தியா நிறுவனம் மற்றும் நாட்டின் பல்வேறு பகுதிகளில் உள்ள பொதுத் துறை நிறுவனங்களில் பணியாற்றும் 55 அதிகாரிகள் உள்ளிட்ட 200 பேர் பங்கேற்றனர்.
கருத்தரங்கை தொடக்கி வைத்த என்எல்சி இந்தியா தலைவர் ராகேஷ்குமார் பேசுகையில், நாட்டின் ஒட்டுமொத்த உள்நாட்டு உற்பத்தி அளவில் 20 சதவீதத்துக்கு அதிகமான தொகையானது பொருள்களை கொள்முதல் செய்ய பயன்படுத்தப்படுவதால், அந்தத் துறையில் நடைபெறும் செயல்கள் அனைத்தும் வெளிப்படைத் தன்மையுடன் அமைய வேண்டியதன் அவசியத்தை எடுத்துரைத்தார். மேலும், என்எல்சி நிறுவனம் தனது கொள்முதல், ஒப்பந்தத் துறைகளில் மின்னணு அடிப்படையிலான நடைமுறைகளை முழுவீச்சில் அமல்படுத்தியுள்ளதாகவும் தெரிவித்தார். 
இந்த  நிகழ்வில், மத்திய நிலக்கரி, சுரங்கத் துறை இணை அமைச்சர் ஹரிபாய் பார்திபாய் செüத்ரி, மத்திய நிலக்கரி அமைச்சக செயலர் சுமந்தா செüத்ரி, மத்திய அரசின் மின்னணு கொள்முதல் துறை தலைமைச் செயல் அதிகாரி ராதா சவ்கான் ஆகியோர் அனுப்பிய வாழ்த்துச் செய்திகள் வாசிக்கப்பட்டன. 
என்எல்சி இந்தியா நிறுவன திட்டம் மற்றும் செயலாக்கத் துறை இயக்குநர் நாதெள்ள நாக மகேஷ்வர்ராவ் கருத்தரங்கின் நோக்கம் குறித்து பேசினார். மின் துறை இயக்குநர் வி.தங்கப்பாண்டியன், சுரங்கத் துறை இயக்குநர் பிரபாகர் சவுக்கி ஆகியோர் தொடக்க விழாவில் பேசினர். முன்னதாக, பொருள் மேலாண்மைத் துறை பொது மேலாளர் எஸ்.நாகராஜன் வரவேற்றார்.  விழா மலரை என்எல்சி தலைவர் ராகேஷ் குமார் வெளியிட்டார்.
கருத்தரங்கில் அரசுத் துறைகள், நிறுவனங்களுக்கு தேவையான பொருள்களை கொள்முதல் செய்தல் தொடர்பான மத்திய அரசின் கொள்கைகள், வழிகாட்டுதல்கள், குறிப்பாக சிறு, குறு, நடுத்தர நிறுவனங்கள், இந்திய நிறுவனங்கள், புதிய நிறுவனங்களுக்கு வழங்க வேண்டிய முன்னுரிமைகள் குறித்து விவாதிக்கப்பட்டன.  
நிறைவு விழாவுக்கு, நிறுவன இயக்குநர் நாதள்ள நாக மகேஷ்வர் ராவ் தலைமை வகித்தார். நிறுவன தலைவர் ராகேஷ்குமார் சிறப்பு விருந்தினராகப் பங்கேற்றார். சிறப்பு விருந்தினராக பானுகுமார் பங்கேற்றார். கருத்தரங்கில் பல்வேறு நிறுவனங்களும் கண்காட்சி அரங்குகளை அமைத்திருந்தன.

]]>
https://www.dinamani.com/all-editions/edition-villupuram/cuddalore/2019/feb/21/என்எல்சியில்-தேசியக்-கருத்தரங்கம்-3100036.html
3100035 விழுப்புரம் கடலூர் கரும்பு நிலுவைத் தொகை கோரி விவசாயிகள் மறியல் DIN DIN Thursday, February 21, 2019 09:18 AM +0530 கரும்புக்கான நிலுவைத் தொகையை வழங்கக் கோரி, பெண்ணாடத்தில் விவசாயிகள் செவ்வாய்க்கிழமை சாலை மறியலில் ஈடுபட்டனர். 
பெண்ணாடத்தை அடுத்த இறையூரில் தனியார் சர்க்கரை ஆலை இயங்கி வருகிறது. இந்த ஆலைக்கு பெண்ணாடம், விருத்தாசலம், கருவேப்பிலங்குறிச்சி, திட்டக்குடி மற்றும் சுற்றுவட்டாரப் பகுதிகளைச் சேர்ந்த விவசாயிகள் கரும்பு வழங்கி வருகின்றனர். விவசாயிகள் அளித்த கரும்புக்கான பணத்தை வழங்காமல் ஆலை நிர்வாகம் இழுத்தடிப்பதாக புகார் எழுந்தது. மேலும், ஊழியர்களுக்கு  சம்பள பாக்கி நிலுவை, விவசாயிகளுக்கு பணம் நிலுவை உள்ளிட்ட காரணங்களால் நிகழ் பருவத்தில் அரவைப் பணிகள் தொடங்கவில்லையாம்.
முன்னதாக, கடந்த 13-ஆம் தேதி கரும்பு ஆலை அலுவலகத்தை விவசாயிகள் முற்றுகையிட்டு, 2017- 18-ஆம் ஆண்டுக்கான நிலுவைத் தொகையை வட்டியுடன் வழங்க வேண்டும், விவசாயிகளின் பெயரில் வங்கியில் ஆலை நிர்வாகம் வாங்கிய கடன் தொகையை ஆலை நிர்வாகமே செலுத்த வேண்டும் என்பன உள்ளிட்ட கோரிக்கைகளை வலியுறுத்தினர். அப்போது, ஆலை நிர்வாகத் தரப்பில் பேச்சுவார்த்தை நடத்தப்பட்டது. இதில், பிப்.19-ஆம் தேதி ஆலை நிர்வாகியை சந்தித்து, நிலுவைத் தொகை குறித்து பேசி முடிவு செய்யலாம் என உறுதியளிக்கப்பட்டதாம். அதன்படி, செவ்வாய்க்கிழமை கரும்பு விவசாயிகள் ஆலைக்கு வந்தனர். 
ஆனால், ஆலை நிர்வாகத்தினர் விவசாயிகளிடம் பேச்சுவார்த்தை நடத்த  முடியாது என தெரிவித்ததாகக் கூறப்படுகிறது. 
இனால், பொறுமையிழந்த விவசாயிகள் ஆலை மேலாளரிடம் வாக்குவாதத்தில் ஈடுபட்டனர். பின்னர், விருத்தாசலம் -  திட்டக்குடி சாலையில் சர்க்கரை ஆலை பேருந்து நிறுத்தத்தில் அமர்ந்து மறியலில் ஈடுபட்டனர். 
இதுகுறித்து தகவலறிந்த பெண்ணாடம் காவல் நிலை ஆய்வாளர் ரமேஷ்பாபு தலைமையிலான போலீஸார் விரைந்து வந்து, விவசாயிகளிடம் பேச்சுவார்த்தை நடத்தினர். அதில், ஆலை நிர்வாகியிடம் தெரிவித்து நிலுவைத் தொகை குறித்து பேசி முடிவு செய்யலாம் என உறுதியளித்தார். அதையேற்று, விவசாயிகள் கலைந்து சென்றனர். மறியலால் அந்தப் பகுதியில் சுமார் 30 நிமிடம் போக்குவரத்து பாதிக்கப்பட்டது.

]]>
https://www.dinamani.com/all-editions/edition-villupuram/cuddalore/2019/feb/21/கரும்பு-நிலுவைத்-தொகை-கோரி-விவசாயிகள்-மறியல்-3100035.html
3100034 விழுப்புரம் கடலூர் பொதுத் தேர்வு வழிகாட்டு விழா நிகழ்ச்சி DIN DIN Thursday, February 21, 2019 09:16 AM +0530 நெய்வேலி நகர கலை இலக்கிய சங்கமம் அமைப்பின் 29}ஆவது மாத இலக்கிய நிகழ்வை முன்னிட்டு, மாணவர்களுக்கு தேர்வு வழிகாட்டு நிகழ்ச்சியும், தமிழ்ச் சான்றோர் பிறந்த நாள் விழாவும் திங்கள்கிழமை நடைபெற்றன.
நெய்வேலி, வட்டம் 11}இல் உள்ள அரங்கில் நடைபெற்ற இந்த நிகழ்ச்சிக்கு, அமைப்பின் துணைப் பொதுச் செயலர் த.விஜயலட்சுமி தலைமை வகித்தார். மு.வே.கணேஷ் வரவேற்றார். க.நாராயணசாமி, வல்லம் துரை பக்கிரி, சு.சாமிதுரை ஆகியோர் முன்னிலை வகித்தனர். கருங்குழி ஏரிஸ் கலை, அறிவியல் கல்லூரி முதல்வர் ச.தியாகராஜன் சிறப்பு விருந்தினராப் பங்கேற்று, 10}ஆம் வகுப்பு, பிளஸ்2 அரசுப் பொதுத் தேர்வு எழுதவுள்ள மாணவர்கள்அதிக மதிப்பெண் பெறுவதற்கான வழிமுறைகளை விளக்கினார். பின்னர், தமிழ்ச் சான்றோர்கள் தேவநேயப் பாவாணர், ஓமந்தூர் ராமசாமி ரெட்டியார், நீதிக்கட்சித் தலைவர் ம.சிங்காரவேலர் ஆகியோரது உருவப் படங்களை திறந்து வைத்தார்.
நிகழ்வில், மு.புலேந்திரன், ச.சிவக்குமார்  மற்றும் 10}ஆம் வகுப்பு, பிளஸ் 2 மாணவர்கள் கலந்துகொண்டனர். நிகழ்ச்சிகளை வித்யா நடராசன் தொகுத்து வழங்கினார். என்.படைவீட்டான் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/21/பொதுத்-தேர்வு-வழிகாட்டு-விழா-நிகழ்ச்சி-3100034.html
3100033 விழுப்புரம் கடலூர் வீரட்டானேஸ்வரர் கோயிலில் பெளர்ணமி பூஜை DIN DIN Thursday, February 21, 2019 09:15 AM +0530 பண்ருட்டி, திருவதிகை வீரட்டானேஸ்வரர் கோயிலில் மாசி மாத பெளர்ணமி பூஜை செவ்வாய்க்கிழமை நடைபெற்றது. இதையொட்டி,  திரளான பக்தர்கள் மாட வீதியை வலம் வந்தனர்.

பண்ருட்டி, திருவதிகையில் தேவாரப் பாடல் பெற்ற பெரியநாயகி அம்பாள் உடனுறை வீரட்டானேஸ்வரர் கோயில் அமைந்துள்ளது. இந்தக் கோயிலில் ஒவ்வொரு மாதமும் பெளர்ணமி பூஜை  நடைபெற்று வருகிறது. மாசி மாத பெளர்ணமியை முன்னிட்டு செவ்வாய்க்கிழமை சிறப்பு பூஜைகள் நடைபெற்றன. 

மாலை 4 மணியளவில் பஞ்ச மூர்த்திகளுக்கு சிறப்பு அபிஷேக, ஆராதனை நடைபெற்றது. தொடர்ந்து மாலை 7 மணியளவில் பெரியநாயகி அம்பாள் சிறப்பு அலங்காரத்தில் குளக்கரை ஊஞ்சல் மண்டபத்தில் பக்தர்களுக்கு காட்சியளித்தார் (படம்). சிறப்பு பூஜையை முன்னிட்டு நூற்றுக்கணக்கான பக்தர்கள் மாட வீதியை 16 முறை வலம் வந்து சாமி தரிசனம் செய்தனர்.

]]>
https://www.dinamani.com/all-editions/edition-villupuram/cuddalore/2019/feb/21/வீரட்டானேஸ்வரர்-கோயிலில்-பெளர்ணமி-பூஜை-3100033.html
3100032 விழுப்புரம் கடலூர் பூதங்குடியில் காட்சியளித்த ஸ்ரீமுஷ்ணம் பூவராகப் பெருமாள் DIN DIN Thursday, February 21, 2019 09:15 AM +0530 ஸ்ரீமுஷ்ணம் பூவராகப் பெருமாள் தீர்த்தவாரிக்குச் செல்லும் வழியில் பூதங்குடி தீப்பாய்ந்த நாச்சியார் கோயிலில் சிறப்பு அலங்காரத்தில் காட்சியளித்தார். 

ஸ்ரீமுஷ்ணத்தில் அமைந்துள்ள கோயிலில் காட்சியளிக்கும் பூவராக பெருமாள், மாசிமகத்தை முன்னிட்டு பூதேவி, ஸ்ரீதேவியுடன் கிள்ளையில் தீர்த்தவாரி நடத்துவது வழக்கம். இதற்காக,  ஸ்ரீமுஷ்ணத்திலிருந்து திங்கள்கிழமை புறப்பட்ட பூவராகப் பெருமாள் செல்லும் வழியில் சேத்தியாத்தோப்பு அருகே அமைந்துள்ள பூதங்குடி தீப்பாய்ந்த நாச்சியார் கோயிலில்  காட்சியளிப்பது வழக்கம். 

அதன்படி, திங்கள்கிழமை எழுந்தருளிய பூதேவி, ஸ்ரீதேவி சமேத பூவராகப் பெருமாளுக்கு பால், வெண்ணெய், இளநீர், சந்தனம், மஞ்சள், தேன் உள்ளிட்ட பொருள்களால் அபிஷேகம் செய்யப்பட்டது. தொடர்ந்து மலர், ஆபரண அலங்காரம் செய்து மகா தீபாராதனை நடைபெற்றது. 

இந்த நிகழ்வைக் காண சுற்றுப்புற பகுதி மக்கள் திரளானோர் குவிந்தனர். பின்னர் பூவராக பெருமாள் தீர்த்தவாரிக்காக கிள்ளைக்கு இரவில் புறப்பட்டுச் சென்றனர். விழாவுக்கான ஏற்பாடுகளை பூதங்குடி தீப்பாய்ந்த நாச்சியார் கோயில் பரம்பரை அறங்காவலர் ஜெ.மோகனசுந்தரம் மற்றும் அறங்காவலர்கள் செய்திருந்தனர்.

]]>
https://www.dinamani.com/all-editions/edition-villupuram/cuddalore/2019/feb/21/பூதங்குடியில்-காட்சியளித்த-ஸ்ரீமுஷ்ணம்-பூவராகப்-பெருமாள்-3100032.html
3099971 விழுப்புரம் கடலூர் மாசிமக தீர்த்தவாரி கோலாகலம் DIN DIN Thursday, February 21, 2019 08:48 AM +0530 கடலூர் தேவனாம்பட்டினம் கடற்கரையில் மாசிமக தீர்த்தவாரி செவ்வாய்க்கிழமை நடைபெற்றது. இதில் திருக்கோவிலூர் உலகளந்த பெருமாள் தீர்த்தவாரி பக்தர்களின் கவனத்தை ஈர்த்தது. 
மாசி மாதத்தில் கோயில்களில் சிறப்பு விழாக்கள் நடைபெறுவது வழக்கம். இந்த விழாவில் உற்சவர்கள் புனித நதிகளில் நீராடுவது முக்கிய நிகழ்வாகும். கடலூர் தேவனாம்பட்டினம் கடற்கரையில் மாசி மகத்தன்று உற்சவ மூர்த்திகளின் தீர்த்தவாரி கோலாகலமாக நடைபெறும். 
அதன்படி, செவ்வாய்க்கிழமை திருப்பாதிரிப்புலியூர் பெரியநாயகி சமேத பாடலேஸ்வரர், திருமானிக்குழி அம்புதாட்சி சமேத வாமனபுரீஸ்வரர், திருவந்திபுரம் செங்கமலத்தாயார் சமேத தேவநாதசுவாமிகள், வரதராஜ சுவாமிகள், வண்டிப்பாளையம் சுப்பிரமணிய சுவாமிகள், வெள்ளப்பாக்கம், குணமங்கலம் மாரியம்மன் கோயில்கள் உள்பட 100}க்கும் மேற்பட்ட  கோயில்களில் இருந்தும் உற்சவ மூர்த்திகள் மேளதாளம், பேண்டுவாத்தியம், தாரை தப்பட்டை முழங்க ஊர்வலமாகக் கொண்டு வரப்பட்டு தேவனாம்பட்டினம் கடலில் தீர்த்தவாரி நடைபெற்றது. 
திருக்கோவிலூர் உலகளந்தப் பெருமாள்: விழாவில், முக்கிய நிகழ்வாக 6 ஆண்டுகளுக்குப் பிறகு திருக்கோவிலூர் உலகளந்தப் பெருமாள் தங்கப் பல்லக்கில் எழுந்தருளி, திருப்பாதிரிபுலியூர் வரதராஜப் பெருமாள், திருவந்திபுரம் மணவாள மாமுனிகளுடன் தீர்த்தவாரி மேற்கொண்டார். உலகளந்த பெருமாளை தரிசிப்பதற்காகவே ஆயிரக்கணக்கான பக்தர்கள் குடும்பத்துடன் மாசி மகத்துக்கு வந்திருந்தனர். 
கடலில் வேதபாராயணங்களோடு உலகளந்த பெருமாள் உற்சவருக்கு தீர்த்தவாரி நடைபெற்றது. அப்போது, பக்தர்களும் புனித நீராடி வழிபட்டனர். இவ்வாறு அனைத்து உற்சவர்களும் தீர்த்தவாரிக்குப் பிறகு சிறப்பு பூஜையுடன் தங்களது திருக்கோயில்களுக்கு திரும்பினர். 
இதேபோல, கடலூர் துறைமுகம் பச்சையாங்குப்பம் பகுதியில் செல்லும் பரவனாற்றில் பச்சையாங்குப்பம், குடிகாடு, காரைக்காடு, வைரங்குப்பம், மாலுமியார்பேட்டை, மணக்குப்பம், பொன்னையாங்குப்பம், சுத்துக்குளம், ஈசனார்குப்பம், செம்மங்குப்பம், மதுக்கரை உள்ளிட்ட 18 கிராமங்களில் இருந்து கொண்டு வரப்பட்ட அம்மன் கோயில் உற்சவர்கள் தீர்த்தவாரி மேற்கொண்டனர்.
மேலும், பொதுமக்கள் கடலில் நீராடி, தங்களது மூதாதையர்களுக்கு தர்பணம் கொடுத்தனர். மாசிமகத்தை முன்னிட்டு தேவனாம்பட்டினம், பச்சையாங்குப்பம் பகுதிகளுக்கு தமிழ்நாடு அரசுப் போக்குவரத்துக் கழகம் சார்பில் சிறப்புப் பேருந்துகள் இயக்கப்பட்டன. 
காவல் துறை துணைக் கண்காணிப்பாளர் சாந்தி தலைமையில் பாதுகாப்பு ஏற்பாடுகள் செய்யப்பட்டிருந்தன. வழிநெடுகிலும் பக்தர்களுக்கு பல்வேறு அமைப்புகள் சார்பில் அன்னதானம், நீர்மோர் வழங்கப்பட்டது.

]]>
https://www.dinamani.com/all-editions/edition-villupuram/cuddalore/2019/feb/21/மாசிமக-தீர்த்தவாரி-கோலாகலம்-3099971.html
3098779 விழுப்புரம் கடலூர் மாணவர்களுக்கு ரோல்பால் போட்டி DIN DIN Tuesday, February 19, 2019 08:55 AM +0530 கடலூர் மாவட்ட சாய்ஜி ரோல்பால் மாணவர் சங்கம் சார்பில் பள்ளி மாணவர்களுக்கான மாவட்ட அளவிலான ரோல்பால் போட்டி (படம்) அண்மையில் நடைபெற்றது. 

விருத்தாசலம் ஜெயப்பிரியா வித்யாலயா சிபிஎஸ்இ பள்ளியில் நடைபெற்ற இந்தப் போட்டியை, பள்ளி தாளாளர் சி.ஆர்.ஜெயசங்கர் தலைமை வகித்து தொடக்கி வைத்தார். இதில், மாவட்டத்தின் பல்வேறு பகுதிகளிலிருந்தும் 100-க்கும் மேற்பட்ட மாணவ, மாணவிகள் பங்கேற்று விளையாடினர். 

மாவட்ட ரோல்பால் சங்கத் தலைவர் லெட்சுமணராஜ், செயலர் கோவிந்தராஜ், பள்ளி முதல்வர் ஸ்ரீலதா, நிர்வாக அலுவலர் சேதுராமன், மக்கள்-தொடர்பு அலுவலர் ஞானப்பிரகாசம் ஆகியோர் கலந்து கொண்டனர். இந்தப் போட்டியானது ஏசியா புக் ஆப் ரெக்கார்டு மற்றும் இந்தியா புக் ஆப் ரெக்கார்டு பதிவுக்காக இந்தியா முழுவதும் ஒரே நேரத்தில் நடத்தப்பட்டது.

]]>
https://www.dinamani.com/all-editions/edition-villupuram/cuddalore/2019/feb/19/மாணவர்களுக்கு-ரோல்பால்-போட்டி-3098779.html
3098778 விழுப்புரம் கடலூர் வடலூரை புனித தலமாக அறிவிக்கக் கோரி மனு DIN DIN Tuesday, February 19, 2019 08:55 AM +0530 கடலூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற பொதுமக்கள் குறைதீர் நாள் கூட்டத்தில், இந்து மக்கள் கட்சியின் மாவட்டத் தலைவர் ஆர்.எஸ்.தேவா தலைமையில் அந்தக் கட்சியினர் வள்ளலார் வேடம் அணிந்தும், அவரது திருஉருவப் படத்தை கையில் ஏந்தியும் வந்து மனு அளித்தனர். 

அந்த மனுவில் தெரிவித்துள்ளதாவது: வடலூரில் வள்ளலாரின் சத்திய ஞான திருச்சபை அமைந்துள்ளது. இந்து சமய அறநிலையத் துறையின் கட்டுப்பாட்டில் இயங்கி வரும் இந்தத் திருத்தலத்தை அரசு புனித தலமாக அறிவிக்க வேண்டும்  என மனுவில் வலியுறுத்தினர்.

]]>
https://www.dinamani.com/all-editions/edition-villupuram/cuddalore/2019/feb/19/வடலூரை-புனித-தலமாக-அறிவிக்கக்-கோரி-மனு-3098778.html
3098777 விழுப்புரம் கடலூர் ஆதிதிராவிடர் நலத் துறை அலுவலகம் முற்றுகை DIN DIN Tuesday, February 19, 2019 08:54 AM +0530 இலவச வீட்டுமனை பட்டா வழங்கக் கோரி விருத்தாசலத்தில் ஆதிதிராவிடர் நலத் துறை அலுவலகத்தை பொதுமக்கள் திங்கள்கிழமை முற்றுகையிட்டனர். 

திட்டக்குடி வட்டம், போத்திரமங்கலம் ஊராட்சியில் ஆதிதிராவிடர் இனத்தவர்கள் ஆயிரத்துக்கும் மேற்பட்டோர் வசித்து வருகின்றனர். இவர்கள் கடந்த 50 ஆண்டுகளாக குடியிருக்க போதுமான இடமின்றி, ஒரே வீட்டில் 8 முதல்10 பேர் வரை வசித்து வருகின்றனராம். எனவே, ஆதிதிராவிடர் நலத் துறையின் மூலம் அரசு இலவச வீட்டு மனை பட்டா வழங்க வேண்டும் என வலியுறுத்தி வருகின்றனர். இதுதொடர்பாக கடந்த 3 ஆண்டுகளாக பல்வேறு போராட்டங்களிலும் ஈடுபட்டும், மாவட்ட ஆட்சியரிடம் மனு அளித்தும் எவ்வித நடவடிக்கையும் எடுக்கப்படவில்லையாம். 

இதனால் சம்பந்தப்பட்ட ஆதிதிராவிட நலத் துறையை கண்டித்து விருத்தாசலம் சார்-ஆட்சியர் அலுவலகம் முன் உண்ணாவிரதப் போராட்டம் நடத்தப்போவதாக அறிவித்திருத்தனர். அதன்படி திங்கள்கிழமை விருத்தாசலம் சார்-ஆட்சியர் அலுவலகம் முன் கிராமமக்கள் திரண்டனர். ஆனால், அலுவலகத்தில் சார்-ஆட்சியர் இல்லாததால் அவரது நேர்முக உதவியாளரிடம் மனு அளித்தனர். பின்னர், விருத்தாசலம் ஆதிதிராவிடர் நலத் துறை வட்டாட்சியரிடம் மனு அளிக்க சென்றனர். அங்கும் வட்டாட்சியர் இல்லாததால் அலுவலகத்தை முற்றுகையிட்டு அதிகாரிகளிடம் வாக்குவாதத்தில் ஈடுபட்டனர். பின்னர், அலுவலகத்தில் கோரிக்கை மனுவை அளித்துச் சென்றனர்.

]]>
https://www.dinamani.com/all-editions/edition-villupuram/cuddalore/2019/feb/19/ஆதிதிராவிடர்-நலத்-துறை-அலுவலகம்-முற்றுகை-3098777.html
3098776 விழுப்புரம் கடலூர் சிதம்பரத்தில் நாளை திமுக ஆர்ப்பாட்டம் DIN DIN Tuesday, February 19, 2019 08:54 AM +0530 சிதம்பரம் நகராட்சி நிர்வாகத்தைக் கண்டித்து திமுக சார்பில் புதன்கிழமை (பிப்.20) ஆர்ப்பாட்டம் நடைபெறும் என அந்தக் கட்சியின் நகரச் செயலர் கே.ஆர்.செந்தில்குமார் தெரிவித்தார்.

 இதுகுறித்து அவர் வெளியிட்ட அறிக்கை: 

சிதம்பரம் நகராட்சி, தமிழ்நாடு குடிநீர் வடிகால் வாரியத்தால் சிதம்பரம் நகரில் மேற்கொள்ளப்பட்ட புதைச் சாக்கடை திட்டத்தில் முறைகேடு, குடிநீரில் கலக்கும் கழிவுநீர், குண்டும், குழியுமான சாலைகள், வீட்டுவரி உயர்வு, ஆக்கிரமிப்பு என்ற பெயரில் 300 வீடுகளை இடித்தது ஆகியவற்றைக் கண்டித்து நகர திமுக சார்பில் சிதம்பரம் வடக்குரத வீதி தலைமை தபால் நிலையம் முன் ஆர்ப்பாட்டம் புதன்கிழமை நடைபெறுகிறது. ஆர்ப்பாட்டத்தில் கட்சியினர், பொதுமக்கள் திரளாகக் கலந்துகொள்ள வேண்டும் என அதில் கேட்டுக்கொண்டுள்ளார்.

]]>
https://www.dinamani.com/all-editions/edition-villupuram/cuddalore/2019/feb/19/சிதம்பரத்தில்-நாளை-திமுக-ஆர்ப்பாட்டம்-3098776.html
3098775 விழுப்புரம் கடலூர் பயங்கரவாத தாக்குதலில் உயிர்நீத்த வீரர்களுக்கு அஞ்சலி DIN DIN Tuesday, February 19, 2019 08:53 AM +0530 காஷ்மீரில் அண்மையில் நடைபெற்ற பயங்கரவாத தாக்குதலில் உயிரிழந்த 40-க்கும் மேற்பட்ட சிஆர்பிஎஃப் வீரர்களுக்கு கடலூர் மாவட்டத்தில் பல்வேறு பகுதிகளில் அஞ்சலி செலுத்தப்பட்டு வருகிறது. 
"கடலூர் மக்களின் மெüன அஞ்சலி' என்ற பெயரில் கடலூரில் திங்கள்கிழமை நடைபெற்ற மௌன அஞ்சலி பேரணியில் பொதுமக்கள் திரளானோர் தேசியக்கொடியேந்தி கலந்துகொண்டனர்.
வடலூர்: காஷ்மீரில் பயங்கரவாத தாக்குதலில் உயிர்நீத்த வீரர்களுக்கு அஞ்சலி செலுத்தும் நிகழ்ச்சி, வடலூர் கருங்குழி ஏரிஸ் கல்லூரியில் திங்கள்கிழமை நடைபெற்றது. கல்லூரி முதல்வர் எஸ்.தியாகராஜன், தொழில்நுட்பக் கல்லூரி முதல்வர் ஜி.கணேசன் ஆகியோர்  முன்னிலை வகித்தனர். நிகழ்ச்சியில் கல்லூரிப் பேராசிரியர்கள், அலுவலர்கள், மாணவர்கள்  கலந்துகொண்டு மெழுகுவர்த்தி ஏந்தி மெüன அஞ்சலி செலுத்தினர்.
சிதம்பரம்: இதேபோல, சிதம்பரம் வீனஸ் குழுமப் பள்ளிகளில் வீரர்களுக்கு நினைவஞ்சலி செலுத்தும் நிகழ்ச்சி திங்கள்கிழமை நடைபெற்றது. வீனஸ் மெட்ரிக் மேல்நிலைப் பள்ளியில், அதன் தாளாளர் எஸ்.குமார் தலைமையில், முதல்வர் ரூபியாள்ராணி முன்னிலையில் மாணவர்கள் மெழுகுவர்த்தி ஏந்தி அஞ்சலி செலுத்தினர். கல்வி ஒருங்கிணைப்பாளர் மகேஷ் சுந்தர் கவிதாஞ்சலி செலுத்தினார். உயிர் நீத்த வீரர்களின் தியாகம் குறித்து ஆசிரியர்கள் சிறப்புரையாற்றினர். நிகழ்ச்சிக்கான ஏற்பாடுகளை உடல்கல்வி ஆசிரியர்கள் செய்திருந்தனர்.
காஷ்மீரில் உயிர்நீத்த வீரர்களுக்கு சிதம்பரம் நகர பாஜக சார்பில்  மௌன அஞ்சலி செலுத்தப்பட்டது. சிதம்பரம் மேலரத வீதியில் நடைபெற்ற நிகழ்ச்சிக்கு நகர தலைவர்  எஸ்.கனகசபை தலைமை வகித்தார். மாவட்ட  பாஜக முன்னாள் ராணுவ பிரிவு  தலைவர் கேப்டன் ஜி.பாலசுப்பிரமணியன் முன்னிலை வகித்தார். நிகழ்ச்சியில், வீரமரணமடைந்த வீரர்களுக்கு மலர் தூவி மௌன அஞ்சலி செலுத்தப்பட்டது. ஜே.பி.பாலசுப்பிரமணியன், எஸ்.சண்முகம், பாலா ரவி, எஸ்.நாகேஸ்வரன், லட்சுமணன், டி.பாண்டியன்,  ஜே.நாகராஜன், ஜி.வெற்றிவேல், டி.கே.வைத்தியலிங்கம்,  நடராஜன் உள்ளிட்டோர் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/feb/19/பயங்கரவாத-தாக்குதலில்-உயிர்நீத்த-வீரர்களுக்கு-அஞ்சலி-3098775.html
3098774 விழுப்புரம் கடலூர் 5 மாவட்ட பாஜக நிர்வாகிகள் கூட்டம் DIN DIN Tuesday, February 19, 2019 08:53 AM +0530 மக்களவைத் தேர்தலை முன்னிட்டு பாரதிய ஜனதா கட்சியின் கடலூர் கிழக்கு, மேற்கு, விழுப்புரம் கிழக்கு, மேற்கு, கள்ளக்குறிச்சி மாவட்ட நிர்வாகிகள் ஆலோசனைக் கூட்டம் கடலூரில் திங்கள்கிழமை மாலை நடைபெற்றது. 
 கூட்டத்துக்கு கடலூர் கிழக்கு மாவட்டத் தலைவர் கிருஷ்ணமூர்த்தி தலைமை வகித்தார்.  மாவட்ட பொதுச் செயலர்கள் செந்தாமரைக் கண்ணன், கோவிந்தராஜன், எஸ்.சிவக்குமார் ஆகியோர் முன்னிலை வகித்தனர். மாநில பொதுச் செயலர் கருப்பு முருகானந்தம் சிறப்புரையாற்றினார்.
கூட்டத்தில், வருகிற 24-ஆம் தேதி மனதின் குரல் என்றத் தலைப்பில் பிரதமர் பேசும் நிகழ்ச்சியை அனைத்து மக்களும் கேட்கும் வகையில் கட்சியினர் உரிய ஏற்பாடுகளை செய்ய வேண்டும். வரும் 26-ஆம் தேதி மத்திய அரசின் திட்டத்தினால் பயனடைந்தவர்களின் வீடுகளில் தாமரை சின்னம் கோலமிடுதல் மற்றும் விளக்கு ஏற்றுதல் நிகழ்ச்சியை நடத்துதல், 28-ஆம் தேதியன்று மண்டலம் வாரியாக நிர்வாகிகளை சந்திக்கும் நிகழ்ச்சியில் பிரதமர் மோடி உரையாற்றுகிறார். இதற்கான ஏற்பாடுகளை செய்வது, 
மார்ச் 2-ஆம் தேதி சட்டப் பேரவை தொகுதி வாரியாக மோட்டார் சைக்கிள் பேரணி நடத்துவது  என்பன உள்ளிட்ட முடிவுகள் எடுக்கப்பட்டன. 
 மாவட்டத் தலைவர்கள் விநாயகர், தாமோதரன், கோட்ட பொறுப்பாளர்கள் சுகுமார், அருள், முன்னாள் மாவட்டத் தலைவர் தேவ.சரவணசுந்தரம், நெசவாளர் அணி மாநில செயலர் அய்யப்பன்ரவி, கடலூர் கிழக்கு மாவட்ட நிர்வாகிகள் ஏ.எம்.வெங்கடேசன், ஆர்.குணா, பொன்னிரவி உள்ளிட்டோர் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/feb/19/5-மாவட்ட-பாஜக-நிர்வாகிகள்-கூட்டம்-3098774.html
3098773 விழுப்புரம் கடலூர் சிறுமி பாலியல் வன்கொடுமை: மாதர் சங்கத்தினர் சாலை மறியல் DIN DIN Tuesday, February 19, 2019 08:53 AM +0530 சிறுமி பாலியல் வன்கொடுமை செய்யப்பட்ட சம்பவத்தில் தொடர்புடைய அனைவரையும் கைதுசெய்யக் கோரி, குமாரகுடியில் மாதர் சங்கத்தினர் திங்கள்கிழமை சாலை மறியலில் ஈடுபட்டனர். 

சேத்தியாதோப்பு அருகே உள்ள கிராமத்தை சேர்ந்த 13-வயது சிறுமியை அதே ஊரை சேர்ந்த 3 பேர் அண்மையில் பாலியல் வன்கொடுமை செய்தனராம். இதில் பாதிக்கப்பட்ட சிறுமி மருத்துவமனையில் சிகிச்சை பெற்று வருகிறார். இந்த வழக்கில் ஒருவரை மட்டுமே காவல் துறையினர் கைது செய்துள்ளனர். வழக்கில் தொடர்புடைய மற்ற இருவரையும் உடனடியாக கைதுசெய்யக் கோரி இந்திய ஜனநாயக மாதர் சங்கத்தினர் கும்பகோணம்- சேத்தியாதோப்பு தேசிய நெடுஞ்சாலையில் குமாரகுடியில் சாலை மறியலில் ஈடுபட்டனர்.

போராட்டத்துக்கு சங்கத்தின் மாவட்டச் செயலர் தேன்மொழி தலைமை வகித்தார்.  மறியலால் அந்தப் பகுதியில் சுமார் 30 நிமிடம் போக்குவரத்து பாதிக்கப்பட்டது. 

இதுகுறித்து தகவல் அறிந்த திருமுட்டம் வட்டாட்சியர் புகழேந்தி மற்றும் காவல் துறையினர் விரைந்து வந்து பேச்சுவார்த்தை நடத்தினர். இதையடுத்து சாலை மறியல் கைவிடப்பட்டது.

]]>
https://www.dinamani.com/all-editions/edition-villupuram/cuddalore/2019/feb/19/சிறுமி-பாலியல்-வன்கொடுமை-மாதர்-சங்கத்தினர்-சாலை-மறியல்-3098773.html
3098772 விழுப்புரம் கடலூர் ரூ.2 ஆயிரம் சிறப்பு நிதி: ஆட்சியரகத்தில் குவிந்த மனுக்கள் DIN DIN Tuesday, February 19, 2019 08:52 AM +0530 தமிழக அரசு அறிவித்துள்ள ரூ.2 ஆயிரம் சிறப்பு நிதி உதவி கோரி கடலூர் மாவட்ட ஆட்சியர் அலுவலகத்தில் திங்கள்கிழமை திரளானோர் மனு அளித்தனர்.

தமிழகத்தில் வறுமைக் கோட்டுக்கு கீழ் வாழும் கிராமப்புற, நகர்ப்புற ஏழைகள், குறிப்பாக விவசாயத் தொழிலாளர்கள், பல்வேறு தொழில்களில் ஈடுபட்டுள்ள தொழிலாளர்களின் குடும்பங்களுக்கு ஒரு முறை சிறப்பு நிதி உதவியாக தலா ரூ.2 ஆயிரம் வழங்கப்படும் என தமிழக முதல்வர் எடப்பாடி கே.பழனிசாமி அண்மையில் அறிவித்தார். 

இதற்கான பயனாளிகளை கண்டறிவது தொடர்பாக மாவட்ட நிர்வாகம் குழு அமைத்து கணக்கெடுப்பு நடத்தி வருகிறது. இதில், ஏற்கெனவே அரசிடம் உள்ள வறுமைக் கோட்டுக்குக் கீழ் உள்ளவர்களின் புள்ளி விவரங்களை சரிபார்த்து, அதனை "இ-மதி' என்ற இணையதளத்தில் பதிவேற்றம் செய்து, அதன் பின்னர் பயனாளிகளின் வங்கிக் கணக்கில் நேரடியாகப் பணம் செலுத்தப்படும்.

இந்த நடைமுறைகள் தற்போது தொடங்கியுள்ள நிலையில், இந்தத் திட்டத்தில் தங்களின் பெயர் சேர்க்கப்பட்டுள்ளதா, விடுபட்டுள்ளதா என்ற விவரத்தை பொதுமக்களால் அறிந்துகொள்ள முடியவில்லை. இதனை, சிலர் தங்களுக்கு சாதகமாகப் பயன்படுத்திக்கொண்டு குறிப்பிட்ட சிலரது பெயர்கள் விடுபட்டிருப்பதாகவும், மாவட்ட ஆட்சியரகத்தில் புகார் அளித்து தங்களது பெயர்களை சேர்த்துக் கொள்ளலாம் என்றும் தெரிவித்து வருகின்றனர்.

இந்த நிலையில், கடலூர் மாவட்ட ஆட்சியர் அலுவலகத்தில் பொதுமக்கள் குறைதீர் நாள் கூட்டம் திங்கள்கிழமை நடைபெற்றது. இதில், வழங்கப்பட்ட மனுக்களில் சிறப்பு நிதி உதவி கோரி வரப்பெற்ற மனுக்களே அதிகம் என தெரிவிக்கப்பட்டது. பல்வேறு கிராமங்களிலிருந்தும் கூட்டம், கூட்டமாக வந்த பொதுமக்கள் இந்த மனுக்களை அளித்தனர். அவர்களில் பெரும்பாலானவர்கள் தாங்கள் வறுமைக் கோட்டுக்கு கீழ் இருப்பதாகவும், ஆனால், கணக்கெடுப்பில் தங்களது பெயர் விடுபட்டிருப்பதாகவும் தெரிவித்தனர்.

வழக்கமாக பொதுமக்கள் குறைதீர் நாள் கூட்டத்தில் 300 மனுக்கள் வரை பெறப்படும் நிலையில், திங்கள்கிழமை கூடுதலாக 150 மனுக்கள் பெறப்பட்டன. இந்த எண்ணிக்கை வரும் வாரங்களில் மேலும் அதிகரிக்கக் கூடுமென அரசுத் துறையினர் தெரிவித்தனர்.

தர்னா: புவனகிரி வட்டம், காட்டுக்கூடலூர் கிராமத்தினர் வறுமைக் கோட்டுக்கு கீழ் உள்ளோர் பட்டியலில் தங்களது பெயர் விடுபட்டுள்ளதாகக் கூறி ஆட்சியர் அலுவலக வளாகத்தில் தர்னாவில் ஈடுபட்டதால் பரபரப்பு ஏற்பட்டது.

]]>
https://www.dinamani.com/all-editions/edition-villupuram/cuddalore/2019/feb/19/ரூ2-ஆயிரம்-சிறப்பு-நிதி-ஆட்சியரகத்தில்-குவிந்த-மனுக்கள்-3098772.html
3098771 விழுப்புரம் கடலூர் நுண் உயிரியல் துறையில் ஆசிரியர் பற்றாக்குறை: அரசுக் கல்லூரி மாணவர்கள் போராட்டம் DIN DIN Tuesday, February 19, 2019 08:49 AM +0530 கடலூர் அரசுக் கல்லூரியின் நுண் உயிரியல் துறையில் ஆசிரியர் பற்றாக்குறை உள்ளதாகக் கூறி மாணவர்கள் வகுப்புகளை புறக்கணித்து உள்ளிருப்புப் போராட்டத்தில் திங்கள்கிழமை ஈடுபட்டனர்.
கடலூர் தேவனாம்பட்டினத்தில் பெரியார் அரசு கலைக் கல்லூரி இயங்கி வருகிறது. இந்தக் கல்லூரியில் நுண் உயிரியல் துறை கடந்த 5 ஆண்டுகளுக்கு முன்பு தொடங்கப்பட்டது.
 இந்தத் துறையில் சுமார் 200 மாணவ, மாணவிகள் பயின்று வருகின்றனர். நுண் உயிரியல் துறை தொடங்கப்பட்டது முதல் இந்தத் துறையில் 2 பேராசிரியர்கள் மட்டுமே பாடம் கற்பித்து வருகின்றனராம். பல பாடங்களுக்கு பேராசிரியர்கள் நியமிக்கப்படவில்லையாம். மேலும் இந்தத் துறைக்கு மிக அவசியமான ஆய்வுக் கூடமும் இதுவரை அமைக்கப்படவில்லையாம். இதுபோன்ற காரணங்களால் கடந்த 5 ஆண்டுகளில் இந்தத் துறை மாணவர்கள் பலர் தேர்வுகளில் தோல்வியை சந்தித்து வருகின்றனராம். 
இந்த நிலையில், நுண் உயிரியல் துறை மாணவர்கள் தங்களது கோரிக்கைகளை வலியுறுத்தி திங்கள்கிழமை வகுப்புகளை புறக்கணித்து உள்ளிருப்புப் போராட்டத்தில் ஈடுபட்டனர். இதுகுறித்து மாணவர்கள் தரப்பில் தெரிவித்ததாவது: ஆய்வுக் கூடம் இல்லாததால் செய்முறைத் தேர்வில் வெற்றி பெறுவது கடினமாக உள்ளது. 
இந்த நிலையில் ஏப்ரல் முதல் வாரத்தில் செய்முறை தேர்வும், தொடர்ந்து பருவ தேர்வுகளும் தொடங்க உள்ளன. போதிய ஆசிரியர்கள் மற்றும் ஆய்வுக்கூடம் இல்லாத நிலையில் எங்களின் எதிர்காலம் கேள்விக்குறியாகியுள்ளது. 
இதுதொடர்பாக பலமுறை போராட்டங்கள் நடத்தியும் நடவடிக்கை எடுக்கப்படவில்லை. தற்போது மீண்டும் போராட்டம் நடத்தும் நிலைக்கு தள்ளப்பட்டுள்ளோம் என்றனர். இவர்களுக்கு மற்றத் துறை மாணவர்களும் ஆதரவு தெரிவித்தனர். 
இதையடுத்து கல்லூரி முதல்வர் ப.ரா.ராஜ்குமார் மற்றும் பேராசிரியர்கள் மாணவர்களிடம் பேச்சுவார்த்தை நடத்தினர். ஆசிரியர்கள் பற்றாக்குறையை ஒரு வாரத்துக்குள் சரி செய்வதாகவும், ஆய்வுக் கூடத்துக்கும் ஏற்பாடு செய்வதாகவும் உறுதி அளித்ததன் பேரில் மாணவர்கள் போராட்டத்தை விலக்கிக் கொண்டனர்.

]]>
https://www.dinamani.com/all-editions/edition-villupuram/cuddalore/2019/feb/19/நுண்-உயிரியல்-துறையில்-ஆசிரியர்-பற்றாக்குறை-அரசுக்-கல்லூரி-மாணவர்கள்-போராட்டம்-3098771.html
3098770 விழுப்புரம் கடலூர் விபத்தில் தொழிலாளி சாவு DIN DIN Tuesday, February 19, 2019 08:49 AM +0530 வடலூரை அடுத்துள்ள கருங்குழி கிராமம், முருகன் கோயில் தெருவைச் சேர்ந்தவர் திருவாதிரை (40). என்எல்சி இந்தியா நிறுவன ஒப்பந்தத் தொழிலாளி.

ஞாயிற்றுக்கிழமை பணிக்குச் சென்று திரும்பியவர், வடலூர் அந்தோணியார் தெருவில் வசிக்கும் ஜான்பீட்டர் (47) என்பவருடன், சேத்தியாதோப்பு சாலையில் மாதா கோயில் அருகே நின்று பேசிக்கொண்டிருந்தாராம். அப்போது, வடலூரிலிருந்து சேத்தியாதோப்பு நோக்கிச் சென்ற டிராக்டர் மோதியதில் திருவாதிரை நிகழ்விடத்திலேயே உயிரிழந்தார். விபத்தில் காயமடைந்த ஜான்பீட்டர் கடலூர் அரசு மருத்துவமனையில் சிகிச்சை பெற்று வருகிறார். இதுகுறித்து வடலூர் போலீஸார் விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/19/விபத்தில்-தொழிலாளி-சாவு-3098770.html
3098769 விழுப்புரம் கடலூர் உபரி மின் சக்தி விற்பனை: தேசிய புனல் மின் நிறுவனத்துடன் என்எல்சி புரிந்துணர்வு ஒப்பந்தம் DIN DIN Tuesday, February 19, 2019 08:49 AM +0530 வடக்கு, வடகிழக்கு மாநிலங்களில் உபரியாக உள்ள மின் சக்தியை தென் மாநிலங்களுக்கு விற்பனை செய்யும் வகையில், தேசிய புனல் மின் நிறுவனத்துடன் என்எல்சி இந்தியா நிறுவனம் திங்கள்கிழமை புரிந்துணர்வு ஒப்பந்தம் மேற்கொண்டது. 
கடலூர் மாவட்டம், நெய்வேலியில் அமைந்துள்ள பொதுத் துறை நிறுவனமான என்எல்சி இந்தியாவும், மற்றொரு பொதுத் துறை நிறுவனமான தேசிய புனல்மின் நிறுவனமும் இணைந்து வடக்கு மற்றும் வடகிழக்கு மாநிலங்களில் உபரியாக உள்ள மின் சக்தியை, தென் இந்தியாவில் தேவைப்படும் நிறுவனங்களுக்கு விற்பனை செய்ய திட்டமிட்டுள்ளன.  
இதன்படி, என்எல்சி இந்தியா நிறுவன மின் நிலையங்கள், தேசிய புனல் மின் நிலையத்தின் மின் நிலையங்களில் உபரியாக உள்ள மின் சக்தியை நாட்டின் தென் பகுதியில் தேவைப்படும் நுகர்வோருக்கு குறைந்த விலையில் விற்பனை செய்வதற்காக சென்னையில்  நடைபெற்ற நிகழ்ச்சியில் புரிந்துணர்வு ஒப்பந்தம் மேற்கொள்ளப்பட்டது. 
என்எல்சி இந்தியா நிறுவன வர்த்தகத் துறை செயல் இயக்குநர் எ.கணேசன், தேசிய புனல் மின் நிறுவன நிதித் துறை தலைமைப் பொது மேலாளர் டி.சக்கரவர்த்தி ஆகியோர் இந்த ஒப்பந்தத்தில் கையெழுத்திட்டனர். இந்த நிகழ்ச்சியில், என்எல்சி இந்தியா நிறுவனத் தலைவர் ராகேஷ்குமார், மனிதவளத் துறை இயக்குநர் ஆர்.விக்ரமன், திட்டம் மற்றும் செயலாக்கத் துறை இயக்குநர் நாதள்ளா நாக மகேஷ்வர்ராவ் ஆகியோர் காணொலி காட்சி மூலம் இணைந்து கொண்டனர். இந்த ஒப்பந்தம் மூலம் இரு நிறுவனங்களின் வர்த்தகம் மேம்படும் என
எதிர்பார்க்கப்படுகிறது.

]]>
https://www.dinamani.com/all-editions/edition-villupuram/cuddalore/2019/feb/19/உபரி-மின்-சக்தி-விற்பனை-தேசிய-புனல்-மின்-நிறுவனத்துடன்-என்எல்சி-புரிந்துணர்வு-ஒப்பந்தம்-3098769.html
3098768 விழுப்புரம் கடலூர் பொதுமக்கள் குறைதீர் கூட்டம் DIN DIN Tuesday, February 19, 2019 08:48 AM +0530 கடலூர் மாவட்ட ஆட்சியர் அலுவலகத்தில் பொதுமக்கள் குறைதீர் நாள் கூட்டம் திங்கள்கிழமை நடைபெற்றது.
கூட்டத்துக்கு, மாவட்ட வருவாய் அலுவலர் ரா.ராஜகிருபாகரன் தலைமை வகித்தார். கூட்டத்தில் குடும்ப அட்டை, முதியோர் உதவித் தொகை, வறுமைக் கோட்டுக்கு கீழ் உள்ளோருக்கான ரூ.2 ஆயிரம் நிதிஉதவி உள்ளிட்ட பல்வேறு கோரிக்கைகள் அடங்கிய 458 மனுக்கள் வழங்கப்பட்டன. 
உலக எய்ட்ஸ் தினத்தை முன்னிட்டு "மீம்ஸ்' உருவாக்கும் போட்டி மாநில அளவில் நடைபெற்றது. இதில் 1,165 "மீம்ஸ்'கள் வரப்பெற்றதில், 100 மீம்ஸ் புகைப்படங்கள் தேர்ந்தெடுக்கப்பட்டன. இந்தப் போட்டியில் கடலூர் மாவட்டத்தில் மொத்தம் 4 பேர் வெற்றி பெற்றனர். அவர்களுக்கு குறைதீர் கூட்டத்தில் பாராட்டுச் சான்றிதழ் வழங்கப்பட்டது. 
மேலும், ஒருங்கிணைந்த கல்வித் திட்டம் சார்பில் நடத்தப்பட்ட பேச்சு, ஓவியம், கட்டுரைப் போட்டிகளில் வெற்றி பெற்ற மாணவர்களுக்கு பரிசுத் தொகை, பாராட்டுச் சான்றிதழ் வழங்கப்பட்டது. மாற்றுத் திறனாளிகள் நலத் துறை சார்பில் வங்கி கடன் மானியமாக ரூ.10 ஆயிரம் வீதம் 14 பயனாளிகளுக்கும், மூன்று சக்கர சைக்கிள் மொத்தம் ரூ.22,500 மதிப்பில் மூன்று பேருக்கும், சக்கர நாற்காலி ரூ.6,500 மதிப்பீட்டிலும் 18 பயனாளிகளுக்கும் வழங்கப்பட்டது. 
கூட்டத்தில் தனித் துணை ஆட்சியர் (ச.பா.தி) .எஸ்.பரிமளம், மாவட்ட மாற்றுத் திறனாளிகள் நல அலுவலர் வ.சீனிவாசன், மாவட்ட மேலாளர் (தாட்கோ) ராஜலட்சுமி உள்ளிட்ட அனைத்துத் துறை அலுவலர்களும் கலந்து கொண்டனர்.

]]>
https://www.dinamani.com/all-editions/edition-villupuram/cuddalore/2019/feb/19/பொதுமக்கள்-குறைதீர்-கூட்டம்-3098768.html
3098767 விழுப்புரம் கடலூர் ஓய்வூதியர் கூட்டமைப்பு கூட்டம் DIN DIN Tuesday, February 19, 2019 08:48 AM +0530 தமிழ்நாடு அனைத்து ஓய்வூதியர் சங்கங்களின் கூட்டமைப்பின் கடலூர், விழுப்புரம், விருத்தாசலம் மாவட்ட நிர்வாகிகள் ஆலோசனைக் கூட்டம் கடலூரில் அண்மையில் நடைபெற்றது. 
கூட்டத்துக்கு, மின்வாரிய  ஓய்வூதியர் சங்க மாவட்ட பொருளாளர் ஏ.எஸ்.ராமலிங்கம் தலைமை வகித்தார். மாவட்ட செயலர் ஆர்.மனோகரன் கருத்தரங்கு  தொடர்பான அறிக்கையை முன்வைத்தார். 
மாநிலச் செயலர் டி. புருஷோத்தமன்  சிறப்புரையாற்றினார். 
கூட்டத்தில், விழுப்புரம் மாவட்ட கூட்டமைப்பு செயலர் அய்யாக்கண்ணு, மின்வாரிய ஓய்வுபெற்றோர் நல அமைப்பின் செயலர் என்.புருஷோத்தமன், மாநில போக்குவரத்துக் கழக ஓய்வு பெற்றோர் அமைப்பின் தலைவர் ஜி.ராமச்சந்திரன், நிர்வாகிகள், ஆர்.முருகையன், எ.சகாதேவன் உள்ளிட்டோர் பேசினார் .
 கூட்டத்தில், கடலூர், விழுப்புரம் மாவட்டங்களை சேர்ந்த ஓய்வூதியர்கள் பங்கேற்கும் மண்டல கருத்தரங்கை வருகிற மார்ச் 16-ஆம் தேதி நடத்துவது. கோரிக்கைகளை வலியுறுத்தி போராட்டத்தில் ஈடுபட்ட ஜாக்டோ-ஜியோ கூட்டமைப்பு தலைவர்களுடன் அரசு பேச்சுவார்த்தை நடத்தி பிரச்னைகளுக்கு தீர்வு காண வேண்டும். ஆசிரியர்கள், அரசு ஊழியர்கள் மீது பதிவு செய்யப்பட்ட வழக்குகளை ரத்து செய்ய வேண்டும் ஆகிய தீர்மானங்கள் நிறைவேற்றப்பட்டன. முன்னதாக, சங்கத்தின் மாவட்ட தலைவர் கோ.பழனி வரவேற்றார்.

]]>
https://www.dinamani.com/all-editions/edition-villupuram/cuddalore/2019/feb/19/ஓய்வூதியர்-கூட்டமைப்பு-கூட்டம்-3098767.html
3098766 விழுப்புரம் கடலூர் மாவட்ட அளவிலான போட்டிகள்: அண்ணாமலைப் பல்கலை. முதலிடம் DIN DIN Tuesday, February 19, 2019 08:48 AM +0530 கடலூர் மாவட்ட அளவிலான போட்டிகளில் சிதம்பரம் அண்ணாமலைப் பல்கலைக்கழக மாணவர்கள் முதலிடம் பெற்றனர். 
கடலூர் மாவட்ட காவல் துறை நடத்திய மனித உரிமைகள் வார விழாவில் பேச்சு, கவிதை, கட்டுரை, ஓவியம், நடனம் மற்றும் பாட்டுப் போட்டிகள் அண்மையில் நடைபெற்றன. இதில் கடலூர் மாவட்டத்தின் பல்வேறு கல்லூரிகளில் பயிலும் மாணவர்கள் கலந்து கொண்டனர்.  இந்தப் போட்டிகளில் சிதம்பரம் அண்ணாமலைப் பல்கலைக்கழக மாணவர்கள் முதலிடம் பெற்றனர். இவர்களுக்கு வெற்றிக் கோப்பை, சான்றிதழ்களை காவல் துறை உதவி கண்காணிப்பாளர்  
பி.பழனி வழங்கினார். 
பரிசு பெற்ற மாணவர்களுக்கு பல்கலைக்கழக பதிவாளர் எம்.ரவிச்சந்திரன் பாராட்டு தெரிவித்தார். அப்போது என்எஸ்எஸ் திட்ட ஒருங்கிணைப்பாளர் பி.செளந்தரபாண்டியன், திட்ட அலுவலர் டி.ராமநாதன் ஆகியோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/feb/19/மாவட்ட-அளவிலான-போட்டிகள்-அண்ணாமலைப்-பல்கலை-முதலிடம்-3098766.html
3098765 விழுப்புரம் கடலூர் வறுமைக்கோடு பட்டியலில் முறைகேடு: மறு கணக்கெடுப்பு நடத்தக் கோரி மார்க்சிஸ்ட் மனு DIN DIN Tuesday, February 19, 2019 08:48 AM +0530 வறுமைக் கோட்டுக்கு கீழ் உள்ளோர் குறித்த பட்டியல் தயாரிப்பில் முறைகேடு நடைபெறுவதால், மறு கணக்கெடுப்பு நடத்த வேண்டும் என மார்க்சிஸ்ட் கம்யூனிஸ்ட் கட்சியினர் சிதம்பரம் உதவி ஆட்சியர் அலுவலகத்தில் மனு அளித்தனர். 
இதுதொடர்பாக அந்தக் கட்சியின் பரங்கிப்பேட்டை ஒன்றிய செயலர் ரமேஷ்பாபு தலைமையில் பரங்கிப்பேட்டை, பெரிய மதகு, அகரம் ஆகிய கிராமங்களைச் சேர்ந்த மக்கள் அளித்த மனு விவரம்: தமிழக அரசு வறுமைக் கோட்டுக்குக் கீழே உள்ள குடும்பங்களுக்கு சிறப்பு நிதியாக தலா ரூ.2,000 வழங்கப்படும் என அறிவித்தது. 2011-ஆம் ஆண்டு எடுக்கப்பட்ட வறுமைக்கோடு பட்டியல் அடிப்படையில் சிறப்பு நிதியானது செலுத்தப்படுவதாக அறிவிக்கப்பட்டுள்ளது. 
இதற்கான கணக்கெடுப்புப் பணியின்போது முறைகேடு நடைபெற்றதை மார்க்சிஸ்ட் கம்யூனிஸ்ட் உள்ளிட்ட பல்வேறு கட்சிகளும் சுட்டிகாட்டியுள்ளன. பரங்கிப்பேட்டை பேரூராட்சி உள்ளிட்ட பல்வேறு கிராமங்களில் உண்மையாகவே ஏழ்மை நிலையில் உள்ள குடும்பங்களுக்கு இந்த நிதி கிடைக்க எந்த ஏற்பாடும் இல்லை. ஆனால், தகுதியற்றவர்களை பட்டியலில் சேர்க்க முயற்சி நடைபெற்றுள்ளது.  எனவே இதுதொடர்பாக மறு கணக்கெடுப்பு நடத்தி, வறுமையில் வாழும் மக்களுக்கு அரசின் நிதியுதவி கிடைக்க உரிய நடவடிக்கை எடுக்க வேண்டும் என அந்த மனுவில் குறிப்பிட்டுள்ளனர். 
பரங்கிப்பேட்டை பேரூராட்சி மன்ற முன்னாள் உறுப்பினர் அருள்முருகன், மார்க்சிஸ்ட் கம்யூனிஸ்ட் கட்சியின் நகரச் செயலர் வேல்முருகன், ஒன்றியக் குழு உறுப்பினர்கள் விஜய், அசன் முகமது மன்சூர், சமூக ஆர்வலர்கள் கவுஸ், கிளைச் செயலர்கள் பாலமுருகன், பாண்டியன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/feb/19/வறுமைக்கோடு-பட்டியலில்-முறைகேடு-மறு-கணக்கெடுப்பு-நடத்தக்-கோரி-மார்க்சிஸ்ட்-மனு-3098765.html
3098764 விழுப்புரம் கடலூர் வீரட்டானேஸ்வர் கோயிலில் நடராஜருக்கு சிறப்பு அபிஷேகம் DIN DIN Tuesday, February 19, 2019 08:47 AM +0530 பண்ருட்டி திருவதிகை வீரட்டானேஸ்வரர் கோயிலில் சிவகாமசுந்தரி உடனுறை நடராஜருக்கு திங்கள்கிழமை சிறப்பு அபிஷேகம் நடைபெற்றது.

இந்தக் கோயிலில், சிவகாமசுந்தரி உடனுறை நடராஜருக்கு சந்நிதி அமைந்துள்ளது. இங்கு நடராஜப் பெருமானுக்கு ஆண்டுதோறும் 6 அபிஷேகங்கள் நடைபெறுவது வழக்கம். அதன்படி, மாசி மாதம் பெளர்ணமிக்கு முதல் நாள் வரும் சதுர்த்தசி திதியை முன்னிட்டு திங்கள்கிழமை மாலை 5 மணியளவில் சிவகாமசுந்தரி உடனுறை நடராஜப் பெருமானுக்கு சிறப்பு அபிஷேகம் நடைபெற்றது. தொடர்ந்து இரவு 7 மணியளவில் சிறப்பு தீபாராதனை நடைபெற்றது. 

மாடவீதி வலம் செல்ல உகந்த நேரம்:  

திருவதிகை வீரட்டானேஸ்வரர் கோயிலில் ஒவ்வொரு மாதமும் பெளர்ணமி தினத்தன்று பக்தர்கள் மாடவீதியை வலம் வருகின்றனர். அதன்படி, மாசி மாத பெளர்ணமி நாளான செவ்வாய்க்கிழமை மாட வீதியில் வலம் செல்ல உகந்த நேரத்தை கோயில் நிர்வாகம் அறிவித்துள்ளது. அதன்படி, மாலை 6 மணிமுதல் பக்தர்கள் மாட வீதியை 16 முறை வலம் வரலாம். இரவு 7 மணி முதல் 12 மணி வரை ஊஞ்சல் உற்சவமும், இரவு 11 மணிமுதல் 12 மணி வரை சுவாமி, அம்மனுக்கு சிறப்பு அபிஷேகம், தீபாராதனையும் நடைபெறும் என அறிவிக்கப்பட்டுள்ளது.

]]>
https://www.dinamani.com/all-editions/edition-villupuram/cuddalore/2019/feb/19/வீரட்டானேஸ்வர்-கோயிலில்-நடராஜருக்கு-சிறப்பு-அபிஷேகம்-3098764.html
3098763 விழுப்புரம் கடலூர் விருத்தாசலத்தில் திடீர் மழை: 10 ஆயிரம் நெல் மூட்டைகள் சேதம்! DIN DIN Tuesday, February 19, 2019 08:46 AM +0530  

கடலூர்: கடலூர் மாவட்டம், விருத்தாசலம் பகுதியில் திங்கள்கிழமை அதிகாலை பெய்த திடீர் மழையால் ஒழுங்குமுறை விற்பனைக் கூடத்தில் வைக்கப்பட்டிருந்த சுமார் 10 ஆயிரம் நெல் மூட்டைகள் சேதமடைந்தன.

விருத்தாசலத்தில் ஒழுங்குமுறை விற்பனைக் கூடத்துக்கு, விருத்தாசலம், மங்கலம்பேட்டை, கம்மாபுரம், ஸ்ரீமுஷ்ணம் உள்ளிட்ட பல்வேறு பகுதிகளில் இருந்தும், விழுப்புரம், சேலம், அரியலூர் உள்ளிட்ட மாவட்டங்களைச் சேர்ந்த விவசாயிகளும் தாங்கள் விளைவித்த நெல், கம்பு, மணிலா, மக்காச்சோளம், உளுந்து உள்ளிட்ட உணவு தானியங்களை விற்பனைக்கு கொண்டு வருவது வழக்கம்.

தற்போது சம்பா பருவம் என்பதால் சராசரியாக தினசரி 20 ஆயிரம் மூட்டைகள் வரை நெல் வரத்து உள்ளது. 

கடந்த வெள்ளிக்கிழமை வரை கொண்டுவரப்பட்ட நெல் மூட்டைகள், சனி, ஞாயிற்றுக் கிழமைகளில் விற்பனை நடைபெறாததால் கிடங்கினுள்ளும், திறந்தவெளியிலும் அடுக்கி வைக்கப்பட்டிருந்தன.

இந்த நிலையில் விருத்தாசலம் பகுதியில் திங்கள்கிழமை அதிகாலையில் திடீரென மழை பெய்தது. இதனால் விருத்தாசலம் ஒழுங்குமுறை விற்பனைக் கூடத்தில் திறந்தவெளியில் வைத்திருந்த நெல் மூட்டைகள், கிடங்கினுள் வைத்திருந்த மூட்டைகள் என சுமார் 10 ஆயிரம் நெல் மூட்டைகள் நனைந்தன. 
அதிகாலையில் மழை பெய்ததாலும், விவசாயிகள் பலர் தங்களது வீடுகளில் இருந்ததாலும் அவற்றை தார்பாய் போட்டு மூட முடியாமல் போனது. மழையில் நனைந்ததால் நெல் மூட்டைகள் போதிய விலைக்கு கொள்முதல் ஆகுமா என்ற ஐயப்பாடு விவசாயிகள் மத்தியில் எழுந்துள்ளது. இதனால், விவசாயிகள் கவலை அடைந்துள்ளனர். 

எனவே, பல அடுக்கு கிடங்கு கட்டடப் பணியை விரைந்து முடிக்கவேண்டும் என ஒழுங்கு முறை விற்பனைக் கூட நிர்வாகத்துக்கு விவசாயிகள்  கோரிக்கை விடுத்துள்ளனர்.

சாக்குத் தட்டுப்பாடு 

கடலூர் மாவட்டத்தில் தற்போது சம்பா பருவத்துக்கான நெல் அறுவடைப் பணி நடைபெற்று வருவதால் நேரடி நெல் கொள்முதல் நிலையங்களை அரசு திறந்துள்ளது.

ஆனால், அறுவடை செய்த நெல்லை வாங்குவதற்கு கொள்முதல் நிலையங்களுக்கு போதுமான சாக்குகள் வழங்கப்படாததால் விவசாயிகள் சுமார் 5 நாள்கள் வரை காத்திருக்கும் நிலை ஏற்பட்டுள்ளது. எனவே, தேவையான சாக்குகளை வழங்கவும் விவசாயிகள் கோரிக்கை விடுத்துள்ளனர்.

]]>
https://www.dinamani.com/all-editions/edition-villupuram/cuddalore/2019/feb/19/விருத்தாசலத்தில்-திடீர்-மழை-10-ஆயிரம்-நெல்-மூட்டைகள்-சேதம்-3098763.html
3098156 விழுப்புரம் கடலூர் அரசுப் பள்ளிக்கு கல்வி சீர்வரிசை DIN DIN Monday, February 18, 2019 09:01 AM +0530 எல்லப்பன்பேட்டையில் உள்ள அரசு ப் பள்ளிக்கு கல்வி சீர்வரிசைப் பொருள்கள் வழங்கும் விழா அண்மையில் நடைபெற்றது.
குறிஞ்சிப்பாடி வட்டம், எல்லப்பன்பேட்டையில் அரசு ஊராட்சி ஒன்றிய நடுநிலைப் பள்ளி  செயல்பட்டு வருகிறது. இந்தப் பள்ளியில் 150-க்கும் மேற்பட்ட மாணவர்கள் படித்து வருகின்றனர். இந்தப் பள்ளிக்கு தேவையான மேசை, நாற்காலி, அலமாரி, தலைவர்களின் உருவப் படம், சுவர் கடிகாரம், குடங்கள் உள்பட சுமார் ரூ.25 ஆயிரம் மதிப்புள்ள பொருள்களை  கிராம மக்கள் கல்வி சீர்வரிசையாக வழங்க, வட்டார கல்வி அலுவலர்கள் சவுரிமுத்து, மன்னர் மன்னன், செல்வி ஆகியோர் பெற்றுக்கொண்டனர். 
 பள்ளி தலைமை ஆசிரியை தமிழ்திலகம், கிராம கல்விக் குழுத் தலைவர் மணி, பள்ளி மேலாண்மைக் குழுத் தலைவர் ஷகிலாமேரி, அனைவருக்கும் கல்வி இயக்க வட்டாரக் கல்வி மேற்பார்வையாளர் கிருஷ்ணா, புஷ்பசவுரிராஜன் உள்ளிட்டோர் கலந்துகொண்டனர். மேலும், பள்ளி விரிவாக்கத்துக்ôக கிராம கல்விக்குழு சார்பில் 60 சென்ட் நிலம் தானமாக வழங்கப்பட்டது. பள்ளி உதவி தலைமை ஆசிரியர் ராயப்பன் நிகழ்ச்சியை ஒருங்கிணைத்தார்.

]]>
https://www.dinamani.com/all-editions/edition-villupuram/cuddalore/2019/feb/18/அரசுப்-பள்ளிக்கு-கல்வி-சீர்வரிசை-3098156.html
3098154 விழுப்புரம் கடலூர் என்எல்சி அதிகாரி தற்கொலை DIN DIN Monday, February 18, 2019 09:01 AM +0530 நெய்வேலியில் என்எல்சி அதிகாரி தற்கொலை செய்துகொண்டார். 
நெய்வேலி, வட்டம்-24, சுரங்கச் சாலை பகுதியைச் சேர்ந்தவர் ராமமூர்த்தி (58). என்எல்சி சுரங்கம் 1-இல் பொறியாளராகப் பணிபுரிந்து வந்தார். மருத்துவமனையில் இருதய அறுவை சிகிச்சை செய்துகொண்ட இவர் கடந்த ஜன.28-ஆம் தேதி வீடு திரும்பினார். இந்த நிலையில், கடந்த 15-ஆம் தேதி இரவு வீட்டில் அனைவரும் தூங்கிக்கொண்டிருந்தனராம். அப்போது, அவரது மனைவி பிரியதர்ஷினி எழுந்து பார்த்தபோது ராமமூர்த்தி தூக்கிட்ட நிலையில் இறந்திருந்தாராம். சம்பவத்துக்கான காரணம் குறித்து நெய்வேலி நகரிய போலீஸார் விசாரித்து வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/feb/18/என்எல்சி-அதிகாரி-தற்கொலை-3098154.html
3098152 விழுப்புரம் கடலூர் கெடிலம் ஆற்றுச் சாலையை விரைந்து அமைக்க கோரிக்கை DIN DIN Monday, February 18, 2019 09:01 AM +0530 கெடிலம் ஆற்றுச் சாலையை விரைந்து அமைக்க வேண்டுமென அமைச்சர் எம்.சி.சம்பத்திடம் கோரிக்கை விடுக்கப்பட்டது. 

கடலூர் அனைத்து பொதுநல இயக்கங்களின் கூட்டமைப்பினர் தமிழக தொழில் துறை அமைச்சர் எம்.சி.சம்பத்தை கடலூரில் சனிக்கிழமை சந்தித்தனர். அப்போது, அவர்கள் கூறியதாவது: கடலூர் கெடிலம் ஆற்றையொட்டி கம்மியம்பேட்டை இணைப்புச் சாலை ரூ.1.10 கோடியில் புதிதாக அமைத்துத் தரப்படும் என சட்டப் பேரவையில் முதல்வர் அறிவித்தார். இந்த அறிவிப்பு வெளிவந்து பல மாதங்களாகியும் எவ்வித நடவடிக்கையும் எடுக்கப்படவில்லை. எனவே, இந்தப் பணிகளை விரைந்து தொடங்கி பொதுமக்களுக்கு தரமான சாலை கிடைக்க நடவடிக்கை எடுக்க வேண்டுமென கூட்டமைப்பினர் வலியுறுத்தினர்.

இதையடுத்து, நெடுஞ்சாலைத் துறை அலுவலர்களை அமைச்சர் தொடர்பு கொண்டு விவரத்தை கேட்டறிந்தார். 

கம்மியம்பேட்டை சுரங்கப் பாதை பணியுடன் சேர்த்து இந்தச் சாலை அமைக்கப்படுமென தெரிவிக்கப்பட்டது. அதனை ஏற்க மறுத்த பொது நல இயக்க கூட்டமைப்பினர், அந்த திட்டத்தோடு இணைத்து சாலைப் பணியை மேற்கொள்ள 4 ஆண்டுகள் பிடிக்கும். எனவே, உடனடியாக தனித் திட்டமாக சாலையை புதிதாக அமைத்துத் தர வேண்டுமென வலியுறுத்தினர்.  இது தொடர்பாக முதல்வருடன் பேசி தீர்வு காண்பதாக அமைச்சர் எம்.சி.சம்பத் உறுதியளித்தார்.

கூட்டமைப்பின் ஒருங்கிணைப்பாளர் வெண்புறா குமார், வழக்குரைஞர் தி.ச.திருமார்பன், இணை ஒருங்கிணைப்பாளர் எம்.குருராமலிங்கம், து.துரைவேலு,  எஸ்என்கே.ரவி, கே.தர்மராஜ், உள்ளிட்டோர் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/feb/18/கெடிலம்-ஆற்றுச்-சாலையை-விரைந்து-அமைக்க-கோரிக்கை-3098152.html
3098150 விழுப்புரம் கடலூர் உயிர்நீத்த வீரர்களுக்கு அஞ்சலி DIN DIN Monday, February 18, 2019 09:00 AM +0530 காஷ்மீரில் பயங்கரவாத தாக்குதலில் உயிரிழந்த 40-க்கும் மேற்பட்ட சிஆர்பிஎஃப் வீரர்களுக்கு கடலூரில் அனைத்து குடியிருப்போர் நலச் சங்கம் சார்பில் மெழுகுவர்த்தி ஏந்தி சனிக்கிழமை அஞ்சலி செலுத்தப்பட்டது.
தலைமை தபால் நிலையம் அருகே நடைபெற்ற இந்த நிகழ்ச்சியில், கூட்டமைப்புத் தலைவர் பி.வெங்கடேசன், துணைப் பொதுச் செயலர் டி.புருஷோத்தமன், நிர்வாகிகள் ஆதவன், இளங்கோவன், கிருஷ்ணமூர்த்தி, காசிநாதன் உள்ளிட்டோர் பங்கேற்றனர்.
மௌன அஞ்சலி: கடலூர் மாவட்ட சுதந்திரப் போராட்ட தியாகிகள் மற்றும் வாரிசுகள் சங்கத்தின் ஆலோசனைக் கூட்டம் கடலூர் நேரு பவனில் ஞாயிற்றுக்கிழமை நடைபெற்றது. இந்தக் கூட்டத்தில், காஷ்மீரில் பயங்கரவாத தாக்குதலில் உயிரிழந்த வீரர்களுக்கு, சுதந்திரப் போராட்ட தியாகிகளும், அவர்களது வாரிசுகளும் மெழுகுவர்த்தி ஏந்தி மெளன அஞ்சலி செலுத்தினர். சங்கத்தின் பொதுச் செயலர் விஜயலட்சுமி, தியாகிகள் ஏகாம்பரம், காரையூசுப், துணைத் தலைவர் சாந்திவரதன் உள்ளிட்டோர் பங்கேற்றனர். நாட்டின் இறையாண்மையைப் பாதுகாக்க மத்திய அரசு உறுதியான நடவடிக்கை எடுக்க வேண்டுமென அவர்கள் தெரிவித்தனர்.

]]>
https://www.dinamani.com/all-editions/edition-villupuram/cuddalore/2019/feb/18/உயிர்நீத்த-வீரர்களுக்கு-அஞ்சலி-3098150.html
3098148 விழுப்புரம் கடலூர் கூழாங்கல் கடத்த முயன்ற 2 பேர் கைது DIN DIN Monday, February 18, 2019 09:00 AM +0530 பண்ருட்டி அருகே கூழாங்கல் கடத்த முயன்ற இருவரை போலீஸார் சனிக்கிழமை கைது செய்தனர்.

பண்ருட்டி வட்டம், காடாம்புலியூர் காவல் நிலைய எல்லைக்குள்பட்ட பகுதிகளில் கூழாங்கல் படிமங்கள் உள்ளன. இங்குள்ள கூழாங்கற்களை சிலர் கடத்தி விற்பனை செய்வதாக புகார் எழுந்தது. பண்ருட்டியைச் சேர்ந்த அரிராமச்சந்திரன் என்பவருக்கு செம்மேடு கிராமத்தில் சொந்தமாக நிலம் உள்ளது. 

இந்த நிலத்தில் உள்ள கூழாங்கற்களை மர்ம நபர்கள் அனுமதியின்றி சலித்து கடத்துவதாக போலீஸாருக்கு தகவல் கிடைத்தது. இதையடுத்து காடாம்புலியூர் காவல் ஆய்வாளர் மலர்விழி மற்றும் போலீஸார் சம்பவ இடத்துக்கு விரைந்தனர். அப்போது, அங்கு லாரியில் கூழாங்கற்கள் ஏற்றிக்கொண்டிருந்ததாக உளுந்தூர்பேட்டை மணிகண்டன் (38), வீரப்பெருமாநல்லூர் கணபதி (33) ஆகியோரை கைது செய்தனர். மேலும், லாரியில் 500 பைகளில் ஏற்றப்பட்டிருந்த கூழாங்கற்களை லாரியுடன் பறிமுதல் செய்தனர்.  இதுதொடர்பாக நிலத்தின் உரிமையாளர் அரிராமச்சந்திரன், சாட்டமாம்பட்டு கிராமத்தைச் சேர்ந்த கங்காசலம் ஆகியோரை போலீஸார் தேடி வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/18/கூழாங்கல்-கடத்த-முயன்ற-2-பேர்-கைது-3098148.html
3098146 விழுப்புரம் கடலூர் ஆரம்ப சுகாதார நிலையத்தை தரம் உயர்த்தக் கோரி மனு DIN DIN Monday, February 18, 2019 08:59 AM +0530 கடலூர் முதுநகரில் உள்ள அரசு ஆரம்ப சுகாதார நிலையத்தை தரம் உயர்த்தக் கோரி தராசு மக்கள் மன்றத்தினர் மாவட்ட ஆட்சியரிடம் மனு அளித்தனர். 

கடலூர் துறைமுகம் பகுதியில் இயங்கி வரும் தராசு மக்கள் மன்றத்தின் மாவட்ட செயலர் து.துரைவேலு மாவட்ட ஆட்சியர் அலுவலகத்தில் அண்மையில் அளித்த மனு: கடலூர் முதுநகர் கிளைவ் வீதியில் நகர ஆரம்ப சுகாதார நிலையம் உள்ளது. 

இந்த சுகாதார நிலையத்தை நகரப் பகுதி மட்டுமின்றி அருகிலுள்ள மீனவ கிராமத்தினரும் பயன்படுத்தி வருகின்றனர். ஆனால், போதுமான படுக்கை வசதி, மருத்துவர்கள் இல்லாததால் பொதுமக்களுக்கு சிரமம் ஏற்பட்டு வருகிறது. எனவே, இதனை முழுநேர அரசு மருத்துவமனையாக தரம் உயர்த்த  வேண்டும் என்ற கோரிக்கை நீண்ட காலமாக உள்ளது. இந்தக் கோரிக்கையை நிறைவேற்ற வலியுறுத்தி மன்றம் சார்பில், கடலூர் பொதுநல இயங்கங்களின் கூட்டமைப்புடன் இணைந்து சுமார் 2 ஆயிரம் பொதுமக்களிடம் கையெழுத்து பெறப்பட்டுள்ளது. எனவே, பொதுமக்களின் கோரிக்கையை நிறைவேற்றும் வகையில் இந்த மருத்துவமனையை தரம் உயர்த்த வேண்டும் என்று அந்த மனுவில் வலியுறுத்தப்பட்டது. 

மனுவைப் பெற்றுக் கொண்ட மாவட்ட ஆட்சியர் இதன் மீது உறுதியான நடவடிக்கை எடுப்பதாக உறுதியளித்ததாக துரைவேலு கூறினார். பொதுநல கூட்டமைப்பு ஒருங்கிணைப்பாளர் வெண்புறா குமார், மாற்றுத் திறனாளி நலச் சங்கத் தலைவர் சையது முஸ்தபா, பேருந்து நிலைய சிறு பழ வியாபாரிகள் சங்க தலைவர் சுகுமாறன், தராசு மக்கள் மன்ற நிர்வாகிகள் முத்து, கோவிந்தராஜ் உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/feb/18/ஆரம்ப-சுகாதார-நிலையத்தை-தரம்-உயர்த்தக்-கோரி-மனு-3098146.html
3098142 விழுப்புரம் கடலூர் இளைஞர் மன்றங்களுக்கு விளையாட்டு உபகரணங்கள் அமைச்சர் வழங்கினார் DIN DIN Monday, February 18, 2019 08:58 AM +0530 கடலூர் மாவட்ட நேரு இளையோர் மையம் சார்பில் மாவட்ட அளவிலான கலை விழா, இளைஞர் மற்றும் மகளிர் மன்றங்களுக்கு விளையாட்டு உபகரணங்கள் வழங்குதல், மாவட்ட அளவிலான இளையோர் நாடாளுமன்றம் ஆகிய நிகழ்ச்சிகள் கடலூரில் சனிக்கிழமை நடைபெற்றன. 
மாவட்ட இளைஞர் ஒருங்கிணைப்பாளர் மா.ஹெலன்ராணி தலைமை வகித்தார். தமிழக தொழில் துறை அமைச்சர் எம்.சி.சம்பத் சிறப்பு அழைப்பாளராகப் பங்கேற்று, நேரு இளையோர் மையத்துடன் இணைந்து சிறப்பாக செயலாற்றி வரும் 40 இளையோர் மன்றங்களுக்கு கிரிக்கெட், கேரம், கையுந்துப் பந்து உள்ளிட்ட விளையாட்டு  உபகரணங்களை வழங்கி சிறப்புரையாற்றினார்.
 தொடர்ந்து மாவட்ட கலை விழாவில் முதல் 3 இடங்களைப் பிடித்த கலைக் குழுவினருக்கு பரிசு, சான்றிதழ், கேடயங்களை வழங்கினார். மேலும், இளையோர் மையம் மூலமாக நடத்தப்பட்ட திறன் மேம்பாட்டு பயிற்சிகளான தையல், அழகுக்கலை பயிற்சி முடித்தவர்களுக்கு அதற்கான சான்றிதழையும் அமைச்சர் வழங்கினார்.
 நிகழ்ச்சியில் மாவட்ட விளையாட்டு மற்றும் இளைஞர் நல அலுவலர் மா.ராஜா, தூய்மை பாரத ஒருங்கிணைப்பாளர் ரா.ச.வேலுமணி ஆகியோர் வாழ்த்துரை வழங்கினர். கடலூர் நகர்மன்ற முன்னாள் தலைவர் 
ஆர்.குமரன், முன்னாள் துணைத் தலைவர் ஜி.ஜெ.குமார், கவுன்சிலர்கள் வ.கந்தன், தமிழ்ச்செல்வன், அதிமுக நிர்வாகி ஏழுமலை மற்றும் 400-க்கும் மேற்பட்ட இளைஞர்கள் பங்கேற்றனர். முன்னதாக இளையோர் மைய கணக்காளர் கே.புஷ்பலதா வரவேற்க, தேசிய இளையோர் சேவை தொண்டர் ஜி.கிரிஜா நன்றி 
கூறினார்.
 

]]>
https://www.dinamani.com/all-editions/edition-villupuram/cuddalore/2019/feb/18/இளைஞர்-மன்றங்களுக்கு-விளையாட்டு-உபகரணங்கள்-அமைச்சர்-வழங்கினார்-3098142.html
3098139 விழுப்புரம் கடலூர் கல்லூரி மாணவர்களுக்கு தொழில்முனைவோர் பயிற்சி DIN DIN Monday, February 18, 2019 08:58 AM +0530 விருத்தாசலம் கொளஞ்சியப்பர் அரசு கலைக் கல்லூரியில், தமிழ்நாடு அரசு தொழில் முனைவோர் மேம்பாடு மற்றும் புத்தாக்க நிறுவனம் சார்பில் மாணவர்களுக்கான விழிப்புணர்வு முகாம் அண்மையில் நடைபெற்றது. இதில், தேர்வு செய்யப்பட்ட 100 மாணவர்களுக்கு ஒருநாள் பயிற்சி அளிக்கப்பட்டது. 
 முன்னோடி வங்கி மாவட்ட முன்னாள் மேலாளர் ம.மனோகரன்,  பயிற்சியின் நோக்கம் குறித்து மாணவர்களிடம் எடுத்துரைத்தார். அவர் பேசியதாவது: மாணவர்கள் தங்களது திறமையை வளர்த்துக் கொள்வதற்கு சுயதொழில் நல்ல உந்துசக்தியாக இருக்கும். மத்திய அரசின் முத்ரா திட்டத்தின்கீழ் எவ்வித பிணையும் இல்லாமல் ரூ.10 லட்சம் வரை கடனுதவி வழங்கப்படுகிறது. எனவே, மாணவர்கள் இதனைப் பயன்படுத்தி சுயதொழில், பண்ணை சார்ந்த தொழில்கள், கோழி வளர்ப்பு, ஆடு வளர்ப்பு மற்றும் பல்வேறு சிறு தொழில்களை செய்து தங்களது வாழ்க்கையை மேம்படுத்தலாம் என்றார்.
சென்னை தொழில் முனைவோர் மேம்பாடு நிறுவன ஒருங்கிணைப்பாளர் அ.சிவனேசன் பேசுகையில், வேளாண் சார்ந்த துறைகளில் உள்ள வேலை வாய்ப்புகள் பற்றி எடுத்துக்கூறினார்.  தொழில் மைய மாவட்ட மேலாளர் அ.மாயத்தேவர், சென்னை தொழில் முனைவோர் ஒருங்கிணைப்பாளர் கணேசன், கல்லூரி முதல்வர் வேலு, துணை முதல்வர் மதிவாணன், பேராசிரியை முத்தழகி, துறைத் தலைவர் செந்தில்குமார் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-villupuram/cuddalore/2019/feb/18/கல்லூரி-மாணவர்களுக்கு-தொழில்முனைவோர்-பயிற்சி-3098139.html
3098138 விழுப்புரம் கடலூர் நெய்வேலியில் மினி மாரத்தான் போட்டி: என்எல்சி சார்பில் நடைபெற்றது DIN DIN Monday, February 18, 2019 08:58 AM +0530 நெய்வேலியில் என்எல்சி இந்தியா நிறுவனம் சார்பில், நிறுவன ஊழியர்களின் உடல் நலனை மேம்படுத்தும் நோக்கில்  மினி மாரத்தான் போட்டி ஞாயிற்றுக்கிழமை நடைபெற்றது.
 நெய்வேலி பாரதி விளையாட்டு அரங்கில் நடைபெற்ற இந்த நிகழ்ச்சிக்கு என்எல்சி நிறுவனத் தலைவர் ராகேஷ்குமார் தலைமை  வகித்து, மாரத்தான் போட்டியை கொடியசைத்து தொடக்கி வைத்தார். மாவட்ட ஆட்சியர் வெ.அன்புச்செல்வன், என்எல்சி இந்தியா நிறுவன திட்டம் மற்றும் செயலாக்கத் துறை இயக்குநர் நாதெள்ள நாகமகேஷ்வர் ராவ், சுரங்கத் துறை இயக்குநர் பிரபாகர் சவுக்கி ஆகியோர் முன்னிலை வகித்தார். 
இந்த நிகழ்ச்சியில், காஷ்மீரில் பயங்கரவாதத் தாக்குதலில் உயிர் தியாகம் செய்த சிஆர்பிஎஃப் வீரர்களுக்கு அஞ்சலி செலுத்தப்பட்டது. மேலும், அந்த வீரர்களுக்காக மினி மாரத்தான் ஓட்டம் அர்ப்பணிக்கப்பட்டது.
ஓட்டப் போட்டியில் 
என்எல்சி இந்தியா நிறுவனத் தலைவர், மாவட்டஆட்சியர், நிறுவனன, இயக்குநர்கள், மூத்த விளையாட்டு வீரர்கள், மாணவர்கள், பொதுமக்கள் உள்ளிட்ட சுமார் 2,500 பேர் பங்கேற்றனர். 5 கி.மீ. தொலைவு நடைபெற்ற இந்த ஓட்டப் போட்டி மீண்டும் பாரதி விளையாட்டரங்கில் நிறைவு பெற்றது.
முன்னதாக சிவகாசியைச் சேர்ந்த மூத்த தடகள வீரர் டி.டி.ராஜேந்திரன் உரையாற்றினார். ஓட்டப் போட்டியில் சர்வதேச, தேசிய விளையாட்டுப் போட்டிகளில் இந்தியா மற்றும் தமிழகம் சார்பில் பங்கேற்று வரும் என்எல்சி இந்தியா நிறுவன மூத்த விளையாட்டு வீரர்கள், வீராங்கனைகள் டெஸி ஜோசப், லாலி ஜோசப், ஆனந்த், தீபா, ஜெம்மா ஜோசப், முரளிதரன், முத்துக்குமார், சசிகலா, சாந்திமோல், ராஜன்பாபு உள்ளிட்டோர்  
கலந்துகொண்டனர்.
 

]]>
https://www.dinamani.com/all-editions/edition-villupuram/cuddalore/2019/feb/18/நெய்வேலியில்-மினி-மாரத்தான்-போட்டி-என்எல்சி-சார்பில்-நடைபெற்றது-3098138.html
3098136 விழுப்புரம் கடலூர் என்எல்சி இயக்குநருக்கு சிறப்பு விருது DIN DIN Monday, February 18, 2019 08:57 AM +0530 என்எல்சி இந்தியா நிறுவன மனித வளத் துறை இயக்குநர் ஆர்.விக்ரமனுக்கு உலக மனிதவள மேம்பாட்டு அமைப்பு சிறப்பு விருதை வழங்கியது.
இந்த அமைப்பு சார்பில் சிறந்த பொதுத் துறை நிறுவனங்கள், அதன் அதிகாரிகளுக்கு விருது வழங்கும் விழா மும்பையில் சனிக்கிழமை நடைபெற்றது. இந்த விழாவில், 57 நாடுகளை சேர்ந்த சுமார் 1,900 மனிதவள நிபுணர்கள் பங்கேற்றனர். விழாவில் என்எல்சி இந்தியா நிறுவன மனித வளத் துறை இயக்குநர் ஆர்.விக்ரமனுக்கு, பொதுத் துறையில் பணிபுரிந்து வரும் பெருமைமிக்க மனித வளத் துறை தலைமை அதிகாரிக்கான விருது வழங்கப்பட்டது. இந்த விருதை ஹெச்.ஆர்.டி. இந்தியா நிறுவன தலைமை செயல் அதிகாரி சித்தார்த்த பாண்டே வழங்க ஆர்.விக்ரமன் பெற்றுக்கொண்டார். பின்னர், ஆர்.விக்ரமன் தனது ஏற்புரையில், பொதுத் துறை நிறுவனங்களின் விழுமியங்களையும், என்எல்சி இந்தியா நிறுவனம் அந்த விழுமியங்களின் அடிப்படையிலான கொள்கைகளை உருவாக்கி வருவதையும் குறிப்பிட்டு பேசினார். மேலும், பொதுத் துறை நிறுவனங்கள் சந்திக்கும் சவால்கள், நீடித்த வளர்ச்சியைப் பெறுவதற்கான வழிமுறைகளை எடுத்துரைத்தார்.
 விழாவில், என்எல்சி இந்தியா நிறுவனத்துக்கு இடைநிலை அதிகாரிகளுக்கு சிறப்பான பயிற்சித் திட்டங்களை அறிமுகம் செய்த நிறுவனத்துக்கான விருது, சிறப்பான வகையில் பழகுநர் பயிற்சி வழங்கிய நிறுவனத்துக்கான விருது என மேலும் 2 விருதுகள் வழங்கப்பட்டன.

]]>
https://www.dinamani.com/all-editions/edition-villupuram/cuddalore/2019/feb/18/என்எல்சி-இயக்குநருக்கு-சிறப்பு-விருது-3098136.html
3098135 விழுப்புரம் கடலூர் பிப்.22-இல் ஆண்களுக்கான நவீன கருத்தடை முகாம் DIN DIN Monday, February 18, 2019 08:57 AM +0530 கடலூர் மாவட்ட குடும்ப நலச் செயலகம் சார்பில் புதுச்சத்திரம் அரசு ஆரம்ப சுகாதார நிலையத்தில் ஆண்களுக்கான நவீன கருத்தடை முகாம் வருகிற 22-ஆம் தேதி (வெள்ளிக்கிழமை) நடைபெற உள்ளது. 
 இந்த முகாமில் பங்கேற்று கருத்தடை செய்துகொள்பவர்களுக்கு ரூ.1,100, அழைத்து வருபவர்களுக்கு ஊக்கத் தொகையாக ரூ.200 வழங்கப்படும். ஆண்களுக்கான நவீன கருத்தடை மிகவும் எளிதானதாகும். கத்தியின்றி, அறுவையின்றி, ரத்தமின்றி ஒரு சில நிமிடங்களில் செய்யப்படுவது. மருத்துவமனையில் தங்க வேண்டிய அவசியமில்லை. சிகிச்சை முடிந்த 2 மணி நேரத்தில் வீடு திரும்பலாம். பெண்களுக்கு செய்யப்படும் குடும்ப நல கருத்தடை முறையை விட மிகவும் எளிதானது. எனவே, புதுச்சத்திரம் மற்றும் அதனைச் சுற்றியுள்ள பகுதிகளைச் சேர்ந்தவர்கள் இந்த முகாமில் பங்கேற்கலாம் என மருத்துவம் ஊரக நலப் பணிகள் இணை இயக்குநர் அலுவலகம் வெளியிட்ட செய்திக்குறிப்பில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/feb/18/பிப்22-இல்-ஆண்களுக்கான-நவீன-கருத்தடை-முகாம்-3098135.html
3098132 விழுப்புரம் கடலூர் வட்டார போட்டிகளில் வென்ற மாணவர்களுக்கு பரிசு DIN DIN Monday, February 18, 2019 08:57 AM +0530 கட்டாயக் கல்வி குறித்த வட்டார அளவிலான  போட்டிகளில் வெற்றி பெற்ற மாணவ, மாணவிகளுக்கு பரிசு வழங்கப்பட்டது.
ஒருங்கிணைந்த கல்வித் திட்டம் சார்பில், பெண் கல்வியின் முக்கியத்துவம், இலவச மற்றும் கட்டாயக் கல்வி உரிமைச் சட்டம் மற்றும் சுற்றம்- சுகாதாரம் குறித்த விழிப்புணர்வை பள்ளி மாணவர்களிடம் ஏற்படுத்தும் நோக்கில் பள்ளிகளில் பேச்சு, ஓவியம், கட்டுரைப் போட்டிகள் நடைபெற்றன. இதில் பள்ளி அளவில் முதலிடம் பிடித்த மாணவ, மாணவிகளுக்கு குமராட்சி வட்டார அளவில் போட்டிகள் நடைபெற்றன. இதில் முதல் 3 இடங்களைப் பிடித்த மாணவ, மாணவிகளுக்கு குமராட்சி வட்டார வள மைய அலுவலகத்தில் பரிசுகள் வழங்கப்பட்டன.  நிகழ்ச்சியில், வட்டார வளமைய மேற்பார்வையாளர் ரா.பாலமுருகன், வட்டாரக் கல்வி அலுவலர்கள் டி.தமிழ்மணி, ஜெயக்குமார் ஜான்சன், ராஜசேகர் மற்றும் ஆசிரியப் பயிற்றுநர்கள் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/feb/18/வட்டார-போட்டிகளில்-வென்ற-மாணவர்களுக்கு-பரிசு-3098132.html
3098131 விழுப்புரம் கடலூர் வடலூர் சத்திய ஞான சபையில் மாசி மாத ஜோதி தரிசனம் DIN DIN Monday, February 18, 2019 08:57 AM +0530 வடலூர் சத்திய ஞான சபையில் மாசி மாத ஜோதி தரிசனம் ஞாயிற்றுக்கிழமை நடைபெற்றது. 
 வடலூரில் வள்ளலார் நிறுவிய சத்திய ஞான சபையில் ஒவ்வொரு மாதமும், பூச நட்சத்திரத்தில் ஜோதி தரிசன விழா நடைபெற்று வருகிறது. 
அதன்படி, மாசி மாத பூச நட்சத்திரத்தையொட்டி ஞாயிற்றுக்கிழமை காலை தரும சாலையில் திருஅருள்பா முற்றோதல் மற்றும் அகவல் பாடப்பட்டது.
 சத்திய ஞான சபையில் இரவு 7.45 மணி முதல் 8.45 மணி வரை 6 திரைகளை நீக்கி ஜோதி தரிசனம் நடைபெற்றது. விழாவில், வடலூர் மற்றும் சுற்றுவட்டாரப் பகுதிகளில் இருந்து சன்மார்க்க அன்பர்கள், பொதுமக்கள் திரளாகக் கலந்துகொண்டு ஜோதி தரிசனம் செய்தனர். செயல் அலுவலர் க.நாகராஜன், கணக்கர் ப.ஞானப்பிரகாசம் ஆகியோர் ஏற்பாடுகளை செய்திருந்தனர்.


 

]]>
https://www.dinamani.com/all-editions/edition-villupuram/cuddalore/2019/feb/18/வடலூர்-சத்திய-ஞான-சபையில்-மாசி-மாத-ஜோதி-தரிசனம்-3098131.html
3098129 விழுப்புரம் கடலூர் வரதராஜப் பெருமாள் கோயிலில் தீர்த்தவாரி விழா இன்று தொடக்கம்: திருக்கோவிலூர் உலகளந்தப் பெருமாள் பங்கேற்பு DIN DIN Monday, February 18, 2019 08:56 AM +0530 கடலூர் திருப்பாதிரிபுலியூரில் அமைந்துள்ள பாடல்பெற்ற தலமான வரதராஜப் பெருமாள் கோயிலில் மாசி மகம் தீர்த்தவாரி திருவிழா திங்கள்கிழமை தொடங்குகிறது. 

இந்த விழாவில் மாசிமகம் தீர்த்தவாரிக்காக திருக்கோவிலூர் ஸ்ரீதேவி, பூதேவி சமேத ஸ்ரீஉலகளந்தப் பெருமாள் என்ற தேகளீசப் பெருமாள் கடந்த 14-ஆம் தேதி புறப்பட்டார். அவர், குன்னத்தூர், பெண்ணைவலம், பெரியசெவலை, ஆனைவாரி, வீரப்பார், சேமக்கோட்டை, அங்குசெட்டிபாளையம், திருவதிகை, மேல்பட்டாம்பாக்கம், வாழப்பட்டு, திருக்கண்டேஸ்வரம், நெல்லிக்குப்பம், பில்லாலி வழியாக வருகை தந்து திங்கள்கிழமை மாலை திருப்பாதிரிபுலியூர் வரதராஜப் பெருமாள் சந்நிதியில் எழுந்தருளுகிறார். அப்போது, பூர்ண கும்ப மரியாதையுடன் எதிர்கொண்டு உலகளந்தப் பெருமாளை, வரதராஜப் பெருமாள் தனது சந்நிதிக்கு அழைத்து வருகிறார். செவ்வாய்க்கிழமை அதிகாலை 5 மணிக்கு இருவரும் மணவாள மாமுனிகளுடன் தேவனாம்பட்டினம் கடற்கரைக்குச் சென்று 8 மணிக்கு தீர்த்தவாரி நடைபெறுகிறது. தொடர்ந்து, விசேஷ திருமஞ்சனம் நடத்தப்படுகிறது.  இந்த விழாவில் திருக்கோவிலூர் உலகளந்தப் பெருமாள் 6 ஆண்டுகளுக்குப் பிறகு பங்கேற்கிறார். 

புதன்கிழமை (பிப்.20) காலை 7 மணிக்கு உலகளந்தப் பெருமாள் தங்க கருட வாகனத்திலும், வரதராஜப் பெருமாள் சேஷ வாகனத்திலும் திருப்பாதிரிபுலியூர், திருவந்திபுரத்தில் ராஜ வீதியுலா நடைபெறும். 21-ஆம் தேதி காலை 6 மணிக்கு உலகளந்தப் பெருமாள் திருக்கோவிலூர் புறப்பட்டுச் செல்கிறார். எனவே, இந்த நிகழ்வுகளில் பக்தர்கள் பங்கேற்க வேண்டுமென செயல் அலுவலர் ப.முத்துலட்சுமி வேண்டுகோள் விடுத்துள்ளார். 

]]>
https://www.dinamani.com/all-editions/edition-villupuram/cuddalore/2019/feb/18/வரதராஜப்-பெருமாள்-கோயிலில்-தீர்த்தவாரி-விழா-இன்று-தொடக்கம்-திருக்கோவிலூர்-உலகளந்தப்-பெருமாள்-பங்கேற-3098129.html
3098126 விழுப்புரம் கடலூர் பாரம்பரிய நெல் ரகம் பாதுகாப்பாளர் விருது: கரைமேடு கிராமத்தில் அறுவடைப் போட்டி DIN DIN Monday, February 18, 2019 08:56 AM +0530 பாரம்பரிய நெல் ரகங்கள் பாதுகாப்பாளர் விருதுக்கான அறுவடைப் போட்டி கரைமேடு கிராமத்தில் நடைபெற்றது. 
பாரம்பரிய நெல் ரகங்களை பாதுகாக்கவும், அந்த வகை நெல் ரகங்களை பயிரிடும் விவசாயிகளை ஊக்கப்படுத்தும் வகையிலும் தமிழக அரசின் வேளாண்மைத் துறை சார்பில் பாரத ரத்னா டாக்டர் எம்.ஜி.ஆர். பாரம்பரிய நெல் ரகம் பாதுகாப்பாளர் விருது வழங்கப்பட்டு வருகிறது. 
இதில் விவசாயிகளுக்கு முதல் பரிசாக ரூ.1 லட்சம், 2-ஆம் பரிசாக ரூ.75 ஆயிரம், மூன்றாம் பரிசாக ரூ.50 ஆயிரம் வழங்கப்படுகிறது. 
இதனை முன்னிட்டு பயிர் விளைச்சல் அறுவடை போட்டி மற்றும் வயல் தின விழா கடலூர் வட்டாரம், கரைமேடு கிராமத்தில் அண்மையில் நடைபெற்றது. இங்கு விவசாயி செ.சுப்பையா 3 ஏக்கர் பரப்பில் பாரம்பரிய நெல் ரகமான மாப்பிள்ளை சம்பா சாகுபடி செய்துள்ளார். 
இவர் தமிழக அரசு அறிவித்துள்ள பாரம்பரிய நெல் வகை பாதுகாப்பாளர் விருதுக்கான சிறப்பு பயிர் விளைச்சல் போட்டிக்கு பதிவு செய்துள்ளார். இவரது வயலில் அறுவடைப் பணிகள் நடைபெற்றன.   இதில், சென்னை வேளாண்மை இயக்குநரின் பிரதிநிதியாக புதுக்கோட்டை மாவட்ட வேளாண்மை துணை இயக்குநர் (மாநில திட்டம்) எட்வர்டு சிங் நடுவராகப் பங்கேற்றார். கடலூர் வேளாண்மை இணை இயக்குநர் சி.அண்ணாதுரை போட்டிக்கான வழிமுறைகள் குறித்து விளக்கினார். 
கடலூர் வேளாண்மை உதவி இயக்குநர் சு.பூவராகன் பயிர் விளைச்சல் போட்டி அறுவடைக்கான முன்னேற்பாடுகளை செய்ததுடன் அறுவடை இயந்திரம் தருவித்து அறுவடை பணிகள் மேற்கொள்ளப்பட்டு எடை இடப்படுவதை ஒருங்கிணைத்தார். 
நிகழ்ச்சிக்கான ஏற்பாடுகளை உதவி வேளாண்மை அலுவலர் ரஜினிகாந்த், அட்மா திட்ட தொழில்நுட்ப மேலாளர் இளங்கோவன், உதவி தொழில்நுட்ப மேலாளர்கள் அருண்ராஜ், கண்ணன் ஆகியோர் செய்திருந்தனர்.  இதேபோல, பதிவு செய்த விவசாயிகளின் வயலில் நடுவரின் கண்காணிப்பில் அறுவடை நடைபெறும். அறுவடை முடிவுகள் தொகுக்கப்பட்டு, சென்னை வேளாண்மை இயக்குநரகத்துக்கு அனுப்பப்படும். 
பின்னர் மாநிலம் முழுவதும் புள்ளி விவரங்களை சேகரித்து பரிசு அறிவிக்கப்படும் என தெரிவிக்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/feb/18/பாரம்பரிய-நெல்-ரகம்-பாதுகாப்பாளர்-விருது-கரைமேடு-கிராமத்தில்-அறுவடைப்-போட்டி-3098126.html
3098124 விழுப்புரம் கடலூர் நாட்டுக்கோழி வளர்ப்பு பயிற்சி DIN DIN Monday, February 18, 2019 08:56 AM +0530 நாட்டுக்கோழி வளர்ப்பு குறித்த விவசாயிகளுக்கான பயிற்சி முகாம் கடலூர் செம்மண்டலத்திலுள்ள பயிற்சி மையத்தில் அண்மையில் நடைபெற்றது. 
கடலூர் கால்நடை மருத்துவப் பல்கலைக்கழக பயிற்சி மற்றும் ஆராய்ச்சி மையம், நபார்டு வங்கி நிதி உதவியுடன் நடைபெற்ற இந்த முகாமில், தேர்ந்தெடுக்கப்பட்ட 30 விவசாயிகளுக்கு 3 நாள் பயிற்சி வழங்கப்பட்டது. 
பயிற்சியில், கடலூர் கால்நடை மருத்துவப் பல்கலைக்கழக பயிற்சி மற்றும் ஆராய்ச்சி மைய தலைவர் ந.வேங்கடபதி, உதவி பேராசிரியர் பி.முரளி, விழுப்புரம் கால்நடை மருத்துவப் பல்கலைக்கழக பயிற்சி மற்றும் ஆராய்ச்சி மைய தலைவர் முத்துசாமி ஆகியோர் நாட்டுக்கோழி வளர்ப்பு முறை குறித்து பயிற்சி அளித்தனர். 
 மேலும், மாவட்டத்திலுள்ள முன்னோடி நாட்டுக்கோழி பண்ணைக்குச் சென்று பார்வையிட்டு கலந்துரையாடல் செய்யப்பட்டது. கடலூர், நபார்டு வங்கியின் மாவட்ட மேலாளர் ஹரிஹரபுத்திரன், நபார்டு வங்கியின் திட்டங்கள் பற்றி விளக்கினர். இந்தியன் வங்கி முதுநிலை மேலாளர் ஜெகநாதன் வங்கியின் செயல்பாடுகள், கடனுதவி பெறுவதற்கான வழிமுறைகள் பற்றி எடுத்துரைத்தார்.   முகாம் நிறைவு நிகழ்ச்சியில் கடலூர் கால்நடை பராமரிப்புத் துறை இணை இயக்குநர் முருகேசன்  பங்கேற்று, கால்நடை துறையிலுள்ள திட்டங்கள் குறித்து விவரித்தார். மேலும், பயிற்சியில் பங்கேற்ற  விவசாயிகளுக்கும் சான்றிதழ் வழங்கினார்.

]]>
https://www.dinamani.com/all-editions/edition-villupuram/cuddalore/2019/feb/18/நாட்டுக்கோழி-வளர்ப்பு-பயிற்சி-3098124.html
3098122 விழுப்புரம் கடலூர் சிவன் கோயில்களில் பிரதோஷ வழிபாடு DIN DIN Monday, February 18, 2019 08:55 AM +0530 சிவன் கோயில்களில் மாசி மாத பிரதோஷ வழிபாடு ஞாயிற்றுக்கிழமை மாலை நடைபெற்றது.
பண்ருட்டி திருவதிகையில் அமைந்துள்ள பெரியநாயகி உடனுறை வீரட்டானேஸ்வரர் கோயிலில் மாசி மாத பிரதோஷத்தை முன்னிட்டு பரிவார மூர்த்திகளுக்கு சிறப்பு அபிஷேகம் நடைபெற்றது. மாலையில் சிவன், அம்பாள், நந்தி தேவனுக்கு மூலிகை திரவியங்களால் சிறப்பு அபிஷேக ஆராதனை நடைபெற்றது. நந்திதேவர் வெள்ளிக் கவச சிறப்பு அலங்காரத்தில் பக்தர்களுக்கு காட்சியளித்தார். இதனைதொடர்ந்து தீபாராதனை நடைபெற்றது. 
பின்னர் சிவபெருமான், அம்பாள் ரிஷப வாகனத்தில் உள் புறப்பாடு நடைபெற்றது. திரளாக பக்தர்கள் கலந்து கொண்டனர். இதேபோல, மாவட்டத்திலுள்ள மற்ற சிவன் கோயில்களிலும் பிரதோஷ வழிபாடு நடைபெற்றது.
 

]]>
https://www.dinamani.com/all-editions/edition-villupuram/cuddalore/2019/feb/18/சிவன்-கோயில்களில்-பிரதோஷ-வழிபாடு-3098122.html
3098120 விழுப்புரம் கடலூர் ஸ்டெர்லைட் வழக்கில் இன்று தீர்ப்பு: தூத்துக்குடியில் 160 கர்ப்பிணிகளுக்கு சமுதாய வளைகாப்பு DIN DIN Monday, February 18, 2019 08:55 AM +0530 விருத்தாசலத்தில் நடைபெற்ற சமுதாய வளைகாப்பு விழாவில் 160 கர்ப்பிணிகளுக்கு சீர்வரிசை பொருள்களை அமைச்சர் எம்.சி.சம்பத் வழங்கினார்.

ஒருங்கிணைந்த குழந்தைகள் வளர்ச்சித் திட்டத்தின் கீழ் சமுதாய வளைகாப்பு விழா விருத்தாசலத்தில் ஞாயிற்றுக்கிழமை நடைபெற்றது. விழாவுக்கு மாவட்ட ஆட்சியர் வெ.அன்புச்செல்வன் தலைமை வகித்தார். விழாவில், மாநில தொழில் துறை அமைச்சர் எம்.சி.சம்பத் பங்கேற்று, 160 கர்ப்பிணிகளுக்கு சமுதாய வளைகாப்பு சீர்வரிசை பொருள்களை வழங்கினார். பின்னர் அமைச்சர் பேசியதாவது: 

கருவுற்ற தாய்மார்கள் ஆரோக்கியத்துடன் இருக்க வேண்டும் என்பதற்காக கர்ப்ப காலத்தில் சத்துமாவு, ஊட்டச் சத்து ஆகியவற்றை அங்கன்வாடிப் பணியாளர்கள் மூலம் வழங்கிட முன்னாள் முதல்வர் ஜெயலலிதா ஏற்பாடு செய்தார். அதிமுக அரசானது பெண்களின் முன்னேற்றத்துக்காக பாடுபடும் அரசாக உள்ளதால்தான் தொட்டில் குழந்தை திட்டம், டாக்டர் முத்துலட்சுமி ரெட்டி மகப்பேறு நிதியுதவி திட்டத்தில் ரூ.12 ஆயிரத்தை ரூ.18 ஆயிரமாக உயர்த்தி வழங்குதல் உள்ளிட்ட திட்டங்கள் செயல்படுத்தப்பட்டு வருகின்றன.

ஒவ்வொரு கர்ப்பிணியும் ஆரோக்கியமான குழந்தையை ஈன்றெடுக்க கர்ப்ப காலத்தில் கடைப்பிடிக்க வேண்டிய சுகாதார நடைமுறை, ஊட்டச்சத்து உணவு முறை, மருத்துவப் பரிசோதனைகளின் அவசியம், கர்ப்ப காலத்தில் செய்யக்கூடியவை, செய்யக் கூடாதவை, குழந்தை பராமரிப்பு ஆகியவை குறித்து தெரிந்துகொள்ள வேண்டும் என்றார் அமைச்சர். 

விழாவில் விருத்தாசலம் சார்-ஆட்சியர் எம்.எஸ்.பிரசாந்த் வாழ்த்துரை வழங்கினார். வட்டார மருத்துவ அலுவலர் இ.வளர்மதி, நல்லூர் ஒருங்கிணைந்த குழந்தைகள் வளர்ச்சித் திட்ட அலுவலர் வே.உஷா மற்றும் அங்கன்வாடி பணியாளர்கள் கலந்து கொண்டனர்.

முன்னதாக, ஒருங்கிணைந்த குழந்தைகள் வளர்ச்சித் திட்ட அலுவலர் த.பழனி வரவேற்க, விருத்தாசலம் ஒருங்கிணைந்த குழந்தைகள் வளர்ச்சி திட்ட அலுவலர் எல்.மலர்விழி நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/18/ஸ்டெர்லைட்-வழக்கில்-இன்று-தீர்ப்பு-தூத்துக்குடியில்-160-கர்ப்பிணிகளுக்கு-சமுதாய-வளைகாப்பு-3098120.html
3097677 விழுப்புரம் கடலூர் ராமசாமி படையாச்சியார் நினைவு மண்டபப் பணி: அமைச்சர் ஆய்வு DIN DIN Sunday, February 17, 2019 05:53 AM +0530
கடலூரில் ராமசாமி படையாச்சியார் நினைவு மண்டபப் பணிகளை அமைச்சர் எம்.சி.சம்பத் சனிக்கிழமை ஆய்வு செய்தார்.
 சுதந்திரப் போராட்ட வீரரும், முன்னாள் அமைச்சருமான ராமசாமி படையாச்சியாருக்கு தமிழக அரசு சார்பில் கடலூர் மஞ்சக்குப்பத்தில் நினைவு மண்டபம் கட்டப்பட்டு வருகிறது. தமிழக முதல்வர் எடப்பாடி கே.பழனிசாமி கடந்த செப்டம்பர் மாதம் காணொலிக் காட்சி மூலமாக இந்தப் பணிக்கு அடிக்கல் நாட்டினார். அதனைத் தொடர்ந்து கட்டுமானப் பணிகள் பொதுப் பணித் துறை மூலமாக நடைபெற்று வருகிறது.
 ரூ.2.15 கோடியில் அமைக்கப்பட்டு வரும் நினைவு மண்டபத்தில் ராமசாமி படையாச்சியாரின் 8 அடி உயர முழு உருவச்சிலை, பூங்கா ஆகியவை அமைய உள்ளது. இந்தப் பணிகளை மாநில தொழில் துறை அமைச்சர் 
எம்.சி.சம்பத்  சனிக்கிழமை நேரில் பார்வையிட்டு ஆய்வு செய்தார். மேலும், இந்தப் பணிகள் குறித்து பொதுப் பணித் துறை உதவி செயற்பொறியாளர் கெளதமன், உதவி பொறியாளர் பாலாஜி ஆகியோருடன் கலந்தாலோசித்தார். பின்னர், பணிகளை விரைந்து முடிக்க பொதுப் பணித் துறையினருக்கு அறிவுறுத்தினார். 
 அப்போது, கடலூர் நகர்மன்ற முன்னாள் தலைவர் 
ஆர்.குமரன், முன்னாள் துணைத் தலைவர் ஜி.ஜெ.குமார், அதிமுக ஒன்றியச் செயலர் இராம.பழனிச்சாமி, பேரவை பொருளாளர் ஆறுமுகம், நகர ஜெயலலிதா பேரவை செயலர் வ.கந்தன், முன்னாள் கவுன்சிலர்கள் தமிழ்ச்செல்வன், மணி, அன்பு, ஒன்றிய முன்னாள் துணை செயலர் ஏழுமலை உள்ளிட்டோர் உடனிருந்தனர்.
 நினைவு மண்டப  கட்டுமானப் பணிகள் 90 சதவீதம் வரை முடிவடைந்துள்ள நிலையில், அழகுபடுத்தும் பணிகளும், சிலை அமைக்கும் பணியும் நடைபெற உள்ளது. இந்தப் பணிகளும் ஒரு வாரத்துக்குள் முடிவடையும் நிலையில் பிப்ரவரி இறுதிக்குள் நினைவு மண்டபத்தின் திறப்பு விழா நடத்துவதற்கு மாவட்ட நிர்வாகம் உத்தேசித்துள்ளதாக தகவல்கள் 
தெரிவிக்கின்றன.
 

]]>
https://www.dinamani.com/all-editions/edition-villupuram/cuddalore/2019/feb/17/ராமசாமி-படையாச்சியார்-நினைவு-மண்டபப்-பணி-அமைச்சர்-ஆய்வு-3097677.html
3097676 விழுப்புரம் கடலூர் உயிரிழந்த வீரர்களுக்கு அஞ்சலி DIN DIN Sunday, February 17, 2019 05:53 AM +0530
காஷ்மீரில் பயங்கரவாதத் தாக்குதலில் உயிரிழந்த சிஆர்பிஎஃப் வீரர்களுக்கு பண்ருட்டியில் சனிக்கிழமை அஞ்சலி செலுத்தப்பட்டது.
 காஷ்மீரில் கடந்த 14-ஆம் தேதி நடைபெற்ற பயங்கரவாத தாக்குதலில், மத்திய ரிசர்வ் போலீஸ் படையினர் 40-க்கும் மேற்பட்டோர் வீரமரணம் அடைந்தனர். இவர்களுக்கான அஞ்சலி கூட்டம் பண்ருட்டியில் நடைபெற்றது. மாவட்ட தொழில் வர்த்தக சங்கத் தலைவர் டி.சண்முகம் தலைமையில் 300-க்கும் மேற்பட்டோர் பேருந்து நிலையம் நுழைவு வாயில் அருகே மெழுகுவர்த்தி ஏந்தி மெளன அஞ்சலி செலுத்தினர்.
 பண்ருட்டி தாலுகா அனைத்து வியாபாரிகள் சங்கங்களின் சம்மேளன பொதுச் செயலர் மோகனகிருஷ்ணன் தலைமையில், இந்து சமுதாய ஆன்மிக அறக்கட்டளையின் மாவட்டச் செயலர் சி.ராஜேந்திரன் முன்னிலையில் பாஜக உள்ளிட்ட அமைப்பினர் 200-க்கும் மேற்பட்டோர், பண்ருட்டி படைவீட்டம்மன் கோயிலில் இருந்து அமைதி ஊர்வலமாக வந்து, அன்னை இந்திரா காந்தி சாலையில் மலர் தூவி மெளன அஞ்சலி செலுத்தினர்.
 பண்ருட்டி பேருந்து நிலையத்தில் உதவி காவல் ஆய்வாளர் சந்திரன் தலைமையில், போலீஸார், பொதுமக்கள் அஞ்சலி செலுத்தினர். பண்ருட்டி நான்கு முனைச் சந்திப்பில் பத்திரிகையாளர்கள் சார்பில் மெழுகுவார்த்தி ஏற்றி அஞ்சலி செலுத்தப்பட்டது. இதில், பண்ருட்டி வட்டாட்சியர் எம்.ஆறுமுகம், மண்டல துணை வட்டாட்சியர் தனபதி, போக்குவரத்து போலீஸார் பங்கேற்றனர்.  பண்ருட்டி அரசு மேல்நிலைப் பள்ளி தேசிய மாணவர் படை சார்பில் என்சிசி அலுவலர் ஏ.ராஜா தலைமையில் என்சிசி மாணவர்கள் அஞ்சலி 
செலுத்தினர்.
 

]]>
https://www.dinamani.com/all-editions/edition-villupuram/cuddalore/2019/feb/17/உயிரிழந்த-வீரர்களுக்கு-அஞ்சலி-3097676.html
3097675 விழுப்புரம் கடலூர் புதுவையிலிருந்து கொண்டு வரப்படும் நெகிழிப் பொருள்களைக் கட்டுப்படுத்துவோம்: மாவட்ட ஆட்சியர் DIN DIN Sunday, February 17, 2019 05:53 AM +0530
புதுவையிலிருந்து கடலூர் மாவட்டத்துக்கு கொண்டுவரப்படும் நெகிழிப் பொருள்களைக் கட்டுப்படுத்த நடவடிக்கை எடுக்கப்படுமென மாவட்ட ஆட்சியர் வெ.அன்புச்செல்வன் கூறினார்.
 கடந்த ஜன. 1-ஆம் தேதி முதல் தமிழகத்தில் 14 வகையான நெகிழிப் (பிளாஸ்டிக்) பொருள்களுக்கு மாநில அரசு தடை விதித்தது. கடலூர் மாவட்டத்திலும் இந்தத் தடை உத்தரவு அமல்படுத்தப்பட்ட நிலையில், தொடர் கண்காணிப்பு இல்லாததால் மீண்டும் நெகிழிப் பொருள்களின் பயன்பாடு அதிகரித்துள்ளது. பேருந்து நிலையக் கடைகள், பெட்டிக் கடைகள், தரைக் கடைகளில் நெகிழிப் பொருள்களின் பயன்பாடு அதிகமாக இருப்பதோடு, நெகிழிப் பொருள்களை விற்பனை செய்யும் பெரிய அளவிலான கடைகளிலும் அதன் விற்பனை தடையின்றி நடைபெற்று வருகிறது.
 இதுகுறித்து மாவட்ட ஆட்சியர் வெ.அன்புச்செல்வன் கூறியதாவது: மாவட்டத்தில் நெகிழிப் பொருள்களின் பயன்பாடு கட்டுப்படுத்தப்பட்டுள்ளது. 
அவ்வப்போது சோதனைகள் நடத்தியும், தனிக் குழுக்கள் அமைத்தும் கடைகளில் நெகிழிப் பைகளை பறிமுதல் செய்துள்ளோம். ஆனாலும், இந்தப் பணியில் இடையில் தொய்வு ஏற்பட்டது. தற்போது, புதுவையிலிருந்து கடலூர் மாவட்டத்துக்கு கொண்டுவரப்படும் நெகிழிப் பைகளை தடுக்கும் நடவடிக்கையை தீவிரப்படுத்தி வருகிறோம் என்றார் ஆட்சியர்.
 அவர் மேலும் கூறியதாவது: 5 ஏக்கருக்கும் குறைவாக நிலம் வைத்துள்ள விவசாயிகளுக்கு ஆண்டுக்கு ரூ. 6 ஆயிரம் வழங்கும் மத்திய அரசு திட்டம், மாநிலத்தில் வறுமைக் கோட்டுக்கு கீழுள்ள குடும்பங்களுக்கு சிறப்பு நிதியாக ரூ.2 ஆயிரம் வழங்கப்படும் திட்டங்களில் பயனாளிகளைக் கண்டறிந்து, அவர்களது வங்கிக் கணக்கில் இம்மாத இறுதிக்குள்ளாக பணத்தை செலுத்தும் வகையில் நடவடிக்கை எடுக்கப்பட்டு வருகிறது. இதற்காக பயனாளிகளை தேர்வு செய்யும் பணியில் வருவாய் துறை, ஊரக வளர்ச்சித் துறை, அங்கன்வாடி பணியாளர்கள், சத்துணவுப் பணியாளர்கள், மகளிர் திட்ட களப் பணியாளர்கள் ஒருங்கிணைந்து ஈடுபட்டு வருகின்றனர்.
 இதில் முதல்கட்டமாக அரசின் சிறப்பு நிதி பெறுவோருக்கான பட்டியல் தயாரிக்கப்படுகிறது. அதன்படி மாவட்டத்தில் உள்ள 8 லட்சம் குடும்ப அட்டைதாரர்களில் வறுமைக் கோட்டுக்கு கீழுள்ளவர்களின் குடும்பங்கள் அடையாளம் காணப்படும். அதேபோல மாவட்டத்தில் உள்ள சுமார் 3 லட்சம் விவசாயிகளில் சிறு, குறு விவசாயிகள் அடையாளம் காணப்பட்டு வருகின்றனர். இதன்படி  தெரிவு செய்யப்பட்ட விவசாயிகளின் வீடுகளுக்கே சென்று விண்ணப்பம் அளித்து பூர்த்திசெய்து பெறும் பணியும் வேகமாக நடைபெறுகிறது. இந்த மாதத்துக்குள்ளாக பயனாளிகளுக்கு உதவித் தொகையை வழங்கவும் திட்டமிட்டிருப்பதாக ஆட்சியர் தெரிவித்தார்.
 

]]>
https://www.dinamani.com/all-editions/edition-villupuram/cuddalore/2019/feb/17/புதுவையிலிருந்து-கொண்டு-வரப்படும்-நெகிழிப்-பொருள்களைக்-கட்டுப்படுத்துவோம்-மாவட்ட-ஆட்சியர்-3097675.html
3097674 விழுப்புரம் கடலூர் பண்ருட்டி அரசு மகளிர் பள்ளியை தரம் உயர்த்த நடவடிக்கை: பள்ளிக் கல்வித் துறை அமைச்சர் உறுதி DIN DIN Sunday, February 17, 2019 05:52 AM +0530
பண்ருட்டியில் இயங்கி வரும் அரசு மகளிர் உயர்நிலைப் பள்ளியை வரும் கல்வியாண்டில் மேல்நிலைப் பள்ளியாக தரம் உயர்த்த அரசு நடவடிக்கை மேற்கொள்ளும் என பள்ளிக் கல்வித் துறை அமைச்சர் கே.ஏ.செங்கோட்டையன் கூறினார். 
 தமிழக சட்டப் பேரவையில் அண்மையில் கேள்வி நேரத்தின்போது பண்ருட்டி தொகுதி எம்எல்ஏ சத்தியா பன்னீர்செல்வம் பேசுகையில், பண்ருட்டியில் தொடங்கப்பட்டுள்ள அரசுப் மகளிர் உயர்நிலைப் பள்ளியில் 300 மாணவிகள் படித்து வருகின்றனர். இங்கு நிகழ் கல்வியாண்டில் பத்தாம் வகுப்பு பயின்று வரும் மாணவிகள் வருகிற 2019-20-ஆம் கல்வியாண்டில் பிளஸ்1 வகுப்பை அதே பள்ளியில் பயிலும் வகையில் மேல்நிலைப் பள்ளியாக தரம் உயர்த்த வேண்டும் என கோரிக்கை விடுத்தார்.
 இதற்கு பதிலளித்து அமைச்சர் கே.ஏ.செங்கோட்டையன் பேசுகையில், பண்ருட்டியில் உள்ள மகளிர் உயர்நிலைப் பள்ளியை மேல்நிலைப் பள்ளியாக தரம் உயர்த்த அரசு நடவடிக்கை மேற்கொள்ளும் என்று தெரிவித்தார்.
 

]]>
https://www.dinamani.com/all-editions/edition-villupuram/cuddalore/2019/feb/17/பண்ருட்டி-அரசு-மகளிர்-பள்ளியை-தரம்-உயர்த்த-நடவடிக்கை-பள்ளிக்-கல்வித்-துறை-அமைச்சர்-உறுதி-3097674.html
3097673 விழுப்புரம் கடலூர் பண்ருட்டியில் தொடரும் மணல் கடத்தல்! DIN DIN Sunday, February 17, 2019 05:52 AM +0530
பண்ருட்டி பகுதியில் மணல் கடத்தல் தொடர்வதாகவும், இதை அதிகாரிகள் கண்டுகொள்வதில்லை என்றும் சமூக ஆர்வலர்கள் புகார் கூறுகின்றனர். 
கடலூர் மாவட்டத்தில் மணல் தட்டுப்பாடு நிலவுகிறது. இதைப் பயன்படுத்தி நீர்நிலைகளில் இருந்து மணல் கடத்தப்பட்டு விற்கப்படுவதும் அதிகரித்துள்ளதாக புகார் எழுந்துள்ளது. குறிப்பாக பண்ருட்டி பகுதியில் மணல் கடத்தல் அதிகரித்துள்ளது. பண்ருட்டி நகரின் தென்பகுதியில் கெடிலம் ஆறும், வடபகுதியில் தென்பெண்ணை ஆறும் செல்கிறது. 
இந்த ஆறுகளின் கரையோர கிராமங்களில் மணல் திருட்டு அதிகளவில் நடைபெறுவதாக புகார் எழுந்துள்ளது. இதுதவிர நீர்வரத்து ஓடைகள், விவசாய நிலங்களின் கீழ் மணல் வளம் நிறைந்த பகுதிகளில் இருந்தும் மணல் கடத்தப்படுகிறது.  
ஆறுகளில் இருந்து மாட்டு வண்டிகளில் அள்ளப்பட்டு வரும் மணல் ஆங்காங்கே மறைவான பகுதிகளில் குவித்து வைக்கப்பட்டு இரவு நேரங்களில் லாரிகள் மூலம் கடத்தப்பட்டு விற்பனை செய்யப்படுவதாக அந்தப் பகுதி மக்கள் கூறுகின்றனர். இதில் ஆற்று மணல், விவசாய நிலத்திலிருந்து தோண்டி எடுக்கப்படும் மணலுக்கு தனித் தனி விலை நிர்ணயம் செய்து விற்பனை செய்கின்றனராம். 
திருட்டு மணல் ஒரு யூனிட் ரூ.10,000-க்கு விற்பனை செய்யப்படுவதாகவும் கூறுகின்றனர். பண்ருட்டி பகுதியில் மாட்டு வண்டிகள் மூலம் கொண்டுவரப்படும் செம்மண் நிறம் கொண்ட மணல் ஒரு வண்டி ரூ.2 ஆயிரம் முதல் ரூ.2,500 வரை விற்பனை செய்யப்படுகிறதாம்.
இதுகுறித்து சமூக ஆர்வலர் ஒருவர் கூறியதாவது: பண்ருட்டி காவல் சரகத்தில் கண்டரக்கோட்டை, புலவனூர் பகுதிகளிலும், புதுப்பேட்டை காவல் சரகத்தில் அக்கடவல்லி, காடாம்புலியூர் காவல் சரகத்தில் செம்மேடு, விசூர் பகுதிகளிலும் மணல் திருட்டு அதிகளவில் நடைபெறுகிறது. 
சிறிய கட்டுமானப் பணிகளுக்காக மாட்டு வண்டியில் மணல் கொண்டுவந்தால் துரத்திப் பிடிக்கும் காவல் துறையினர், மணல் கடத்தும் லாரிகளை கண்டுகொள்ளாதது வியப்பாக உள்ளது. காவல் துறை, வருவாய்த் துறை மற்றும் பொதுப் பணித் துறையில் சில அதிகாரிகளின் ஆதரவோடு மணல் கடத்தல் அமோகமாக நடைபெறுகிறது. இதுகுறித்து மாவட்ட நிர்வாகம் உடனடியாக நடவடிக்கை எடுக்க வேண்டும்.
மேலும், மாட்டு வண்டிகளுக்கான மணல் குவாரியை விரைந்து அமைத்து மணல் தட்டுப்பாட்டை போக்கவும், கட்டுமானத் தொழிலாளர்களின் வாழ்வாதாரத்தைப் பாதுகாக்கவும் உரிய நடவடிக்கை எடுக்க வேண்டும் என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/feb/17/பண்ருட்டியில்-தொடரும்-மணல்-கடத்தல்-3097673.html
3097672 விழுப்புரம் கடலூர் விலையில்லா ஆடுகள் வழங்கும் திட்டம்: பயனாளிகள் தேர்வில் அதிருப்தி: கிராம மக்கள் சாலை மறியல் DIN DIN Sunday, February 17, 2019 05:52 AM +0530
காட்டுமன்னார்கோவில் அருகே அரசின் விலையில்லா ஆடுகள் வழங்கும் திட்டத்தில் பயனாளிகள் தேர்வில் முறைகேடு நடைபெறுவதாகக் கூறி, கிராம மக்கள் சாலை மறியலில் ஈடுபட்டனர். 
 குமராட்சி ஒன்றியத்துக்கு உள்பட்ட மெய்யாத்தூர் கிராமத்தில் தமிழக அரசின் விலையில்லா ஆடுகள் வழங்கும் திட்டத்துக்கான பயனாளிகள் தேர்வுப் பட்டியல் தயாரிக்கும் பணி நடைபெற்று வருகிறது. 
இதில் வறுமைக் கோட்டுக்கு கீழே உள்ள பயனாளிகளை தவிர்த்துவிட்டு, கடந்த ஆண்டு இந்தத் திட்டத்தில் ஆடுகள் பெற்றவர்கள் மற்றும் தகுதியற்றவர்களை தேர்வு செய்ததாகக் கூறப்படுகிறது. 
 இதுதொடர்பாக அந்த கிராம மக்கள் மார்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினர் தேன்மொழி தலைமையில், குமராட்சி கடைவீதியில் சிதம்பரம் - காட்டுமன்னார்கோவில் தேசிய நெடுஞ்சாலையில் மறியல் போராட்டத்தில் வெள்ளிக்கிழமை ஈடுபட்டனர். 
 மாவட்ட செயற்குழு உறுப்பினர் ராமச்சந்திரன், தேன்மொழி, மாவட்டக் குழு கற்பனைச் செல்வம், ஒன்றிய செயலர் மூர்த்தி, ஒன்றியக்குழு உறுப்பினர்கள் மாசிலாமணி, மணிவண்ணன் உள்ளிட்டோர் கலந்துகொண்டனர். மறியலால் அந்தப் பகுதியில் சுமார் 20 நிமிடம் போக்குவரத்து பாதிக்கப்பட்டது. 
 இதுகுறித்து தகவல் அறிந்த காவல் துறையினர் மற்றும் ஒன்றிய வட்டார வளர்ச்சி அதிகாரிகள் நிகழ்விடத்துக்கு வந்து கிராம மக்களிடம் பேச்சுவார்த்தை நடத்தினர். இதையடுத்து போராட்டம் தற்காலிகமாக கைவிடப்பட்டது. தொடர்ந்து  நடைபெற்ற பேச்சுவார்த்தையில், பயனாளிகள் தேர்வுப் பட்டியலை மறு ஆய்வு செய்து, தகுதியுள்ள நபர்களுக்கு அரசின் விலையில்லா ஆடுகள் வழங்க முடிவு செய்யப்பட்டது.
 

]]>
https://www.dinamani.com/all-editions/edition-villupuram/cuddalore/2019/feb/17/விலையில்லா-ஆடுகள்-வழங்கும்-திட்டம்-பயனாளிகள்-தேர்வில்-அதிருப்தி-கிராம-மக்கள்-சாலை-மறியல்-3097672.html
3097671 விழுப்புரம் கடலூர் பர்னஸ் எண்ணெயில் தண்ணீர் கலப்பு: போலீஸார் வழக்கு DIN DIN Sunday, February 17, 2019 05:52 AM +0530 நெய்வேலியில் புதிய அனல் மின் நிலையத்துக்கு கொண்டு வரப்பட்ட பர்னஸ் எண்ணெயில் தண்ணீர் கலந்தது தொடர்பாக போலீஸார் வழக்குப் பதிவு செய்தனர்.
 நெய்வேலி என்எல்சி நிறுவனத்தில் 1,000 மெகாவாட் திறன்கொண்ட புதிய அனல்மின் நிலையம் கட்டுமானப் பணி முடிவடையும் தருவாயில் உள்ளது. இந்த அனல்மின் நிலையத்துக்கு சென்னை பெட்ரோலியம் கார்பரேஷன் நிறுவனத்தில் இருந்து பர்னஸ் எண்ணெய்  கொள்முதல் செய்யப்படுவதாகக் கூறப்படுகிறது.
 டேங்கர் லாரிகள் மூலம் கொண்டுவரப்படும் பர்னஸ் எண்ணெயில் தண்ணீர் கலந்து கொண்டு வரப்படுவதாக மத்திய தொழிலகப் பாதுகாப்புப் படையினருக்கு (சிஐஎஸ்எப்) ரகசிய தகவல் கிடைத்ததாம். 
இந்த நிலையில், கடந்த 13-ஆம் தேதி நெய்வேலி புதிய அனல்மின் நிலையத்துக்கு பர்னஸ் எண்ணெய் ஏற்றி வந்த லாரியை, சிஐஎஸ்எப் ஆய்வாளர் எஸ்.சரவணன் ஆய்வு செய்தார். அதில், 5 பிரிவுகளாக பிரிக்கப்பட்டிருந்த டேங்கரின் 3-ஆவது பிரிவு தொட்டியில் பர்னஸ் எண்ணெய்யுடன் தண்ணீர் கலந்து கொண்டு வந்தது தெரியவந்ததாம். சோதனையின்போது டேங்கர் லாரி ஓட்டுநர் ராஜ்குமார் தப்பியோடிவிட்டார். இதுகுறித்து சிஐஎஸ்எப் ஆய்வாளர் எஸ்.சரவணன் அளித்த புகாரின் பேரில் தெர்மல் போலீஸார் வழக்குப் பதிவு செய்து விசாரித்து வருகின்றனர்.
 

]]>
https://www.dinamani.com/all-editions/edition-villupuram/cuddalore/2019/feb/17/பர்னஸ்-எண்ணெயில்-தண்ணீர்-கலப்பு-போலீஸார்-வழக்கு-3097671.html
3097670 விழுப்புரம் கடலூர் பொறுப்பேற்பு DIN DIN Sunday, February 17, 2019 05:52 AM +0530
சிதம்பரம் நகர காவல் நிலைய சட்டம்-ஒழுங்கு உதவி ஆய்வாளராக எம்.சுரேஷ்முருகன்  வெள்ளிக்கிழமை பொறுப்பேற்றார். இவர் இதற்கு முன்னர் விழுப்புரம் மாவட்டத்தில் பணியாற்றினார். ஏற்கெனவே இங்கு உதவி ஆய்வாளராகப்  பணியாற்றிய நாகராஜ், விழுப்புரம் மாவட்டத்துக்கு மாற்றப்பட்டார்.
 

]]>
https://www.dinamani.com/all-editions/edition-villupuram/cuddalore/2019/feb/17/பொறுப்பேற்பு-3097670.html
3097669 விழுப்புரம் கடலூர் ரூ.2 ஆயிரம் உதவித் தொகை கணக்கெடுப்பில் அதிருப்தி: விவசாயத் தொழிலாளர்கள் போராட்டம் DIN DIN Sunday, February 17, 2019 05:51 AM +0530
வறுமைக் கோட்டுக்கு கீழ் உள்ளவர்களுக்கு ரூ.2 ஆயிரம் அரசு உதவித் தொகை வழங்குவதற்கான கணக்கெடுப்பில் முறைகேடு நடைபெறுவதாகக் கூறி, விவசாயத் தொழிலாளர்கள் சங்கத்தினர் சனிக்கிழமை போராட்டத்தில் ஈடுபட்டனர். 
வறுமைக் கோட்டுக்கு கீழ் உள்ள குடும்பங்களுக்கு தலா ரூ.2 ஆயிரம் வழங்கப்படும் என தமிழக அரசு அண்மையில் அறிவித்தது. இந்த அறிவிப்பின்கீழ், திருமுட்டம் வட்டம், ஆதிவராகநல்லூர் கிராமத்தில் பயனாளிகள் பட்டியல் தயாரிப்புக்கான கணக்கெடுப்பு பணி நடைபெற்று வருகிறது. இதில் முறைகேடு நடைபெறுவதாகக் கூறி அகில இந்திய விவசாயத் தொழிலாளர்கள் சங்கத்தினர் ஆதிவராகநல்லூரில் வறுமை ஒழிப்பு சங்க கட்டடத்தை சனிக்கிழமை முற்றுகையிட்டனர். இந்தப் போராட்டத்தில் விவசாயத் தொழிலாளர்கள் சங்க மாவட்டச் செயலர் பிரகாஷ், மாவட்டக் குழு உறுப்பினர் ஆதிமூலம், மார்க்சிஸ்ட் கம்யூனிஸ்ட் கட்சியின் வட்டக் குழு உறுப்பினர்  தேவேந்திரன் மற்றும் பொதுமக்களும் கலந்துகொண்டனர். 
 போராட்டம் குறித்து சங்கத்தினர் கூறியதாவது: 2008-ஆம் ஆண்டு கணக்கெடுப்பின்படி 
வறுமைக் கோட்டுக்கு கீழ் உள்ளோர் பட்டியலில்  நிலம் உள்ளவர்கள், மாடி வீடு வைத்திருப்போர் உள்ளிட்டோரது பெயர்களும் உள்ளன. 
ஆனால், இதனடிப்படையில் தயாரிக்கப்படும் பயனாளிகள் பட்டியலில் உண்மையில் வறுமைக் கோட்டுக்கு கீழ் உள்ளவர்கள், ஏழை விவசாய கூலித் தொழிலாளர்கள் முற்றிலும் புறக்கணிக்கப்பட்டுள்ளனர். இதை அரசுக்கு உணர்த்தவே போராட்டத்தில் ஈடுபட்டோம் என்று தெரிவித்தனர்.
 

]]>
https://www.dinamani.com/all-editions/edition-villupuram/cuddalore/2019/feb/17/ரூ2-ஆயிரம்-உதவித்-தொகை-கணக்கெடுப்பில்-அதிருப்தி-விவசாயத்-தொழிலாளர்கள்-போராட்டம்-3097669.html
3097668 விழுப்புரம் கடலூர் உலகத் திறனாளர்களை கண்டறியும் விளையாட்டுப் போட்டி: 1,400 மாணவ, மாணவிகள் பங்கேற்பு DIN DIN Sunday, February 17, 2019 05:51 AM +0530
கடலூர் மாவட்டத்தில் நடைபெற்ற உலகத் திறனாளர்களைக் கண்டறியும் விளையாட்டுப் போட்டியில் 1,400 மாணவ, மாணவிகள் பங்கேற்றனர்.
பள்ளி மாணவர்களிடம் விளையாட்டுத் திறனை ஊக்குவித்து, அதில் சிறந்து விளங்குவோரை உலக அளவிலான போட்டிகளில் பங்கேற்க வைக்கும் வகையில் தமிழக அரசால் உலகத் திறனாளர்களை கண்டறியும் விளையாட்டுப் போட்டிகள் நடத்தப்பட்டு வருகின்றன. 6, 7, 8-ஆம் வகுப்பு படிக்கும் மாணவ, மாணவிகளுக்கு இந்தப் போட்டி நடத்தப்படுகிறது.
அதன்படி, கடலூர் மாவட்டத்தில் விருத்தாசலம் கல்வி மாவட்டத்துக்கான போட்டிகள் விருத்தாசலத்திலுள்ள மினி விளையாட்டு அரங்கில் அண்மையில் நடைபெற்றன. இதேபோல, கடலூர் அண்ணா விளையாட்டரங்கில் கடலூர் கல்வி மாவட்டத்துக்கான போட்டிகள் நடைபெற்றன. 100மீ, 200மீ, 400மீ ஓட்டம், நீளம் தாண்டுதல், உயரம் தாண்டுதல், குண்டு எறிதல் ஆகிய பிரிவுகளில் தனித் தனியாக போட்டிகள் நடத்தப்பட்டன. 
இரண்டு இடங்களிலும் நடைபெற்ற போட்டிகளிலும் மொத்தம் 1,400 மாணவ, மாணவிகள் ஆர்வமுடன் பங்கேற்று விளையாடினர். 
இதுகுறித்து மாவட்ட விளையாட்டு அலுவலர் மா.ராஜா கூறியதாவது: போட்டிகளில் முதல் 3 இடங்களைப் பெறுவோருக்கு ரொக்கப் பரிசும், அடுத்த இடங்களைப் பிடிக்கும் 7 பேருக்கு சான்றிதழும் வழங்கப்படும். அனைவருக்கும் ஊக்க உதவித் தொகை வழங்கப்பட்டது. இவர்கள் மண்டல அளவிலான போட்டிகளில் பங்கேற்க அழைத்துச் செல்லப்படுவார்கள். மேலும், இவர்களுக்கு தமிழ்நாட்டில் உள்ள விளையாட்டு பள்ளி, விடுதி, அகாதெமி சேர்க்கைக்கான தேர்வுக்கும் முன்னுரிமை வழங்கப்படும். 
மேலும், இந்தப் போட்டிகளில் பேட்டரி டெஸ்டில் தேர்வானவர்கள் மட்டுமே பங்கேற்க முடியும். எனினும், கடந்த ஆண்டை விட அதிக எண்ணிக்கையிலான மாணவ, மாணவிகள் போட்டியில் பங்கேற்றுள்ளனர் என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/feb/17/உலகத்-திறனாளர்களை-கண்டறியும்-விளையாட்டுப்-போட்டி-1400-மாணவ-மாணவிகள்-பங்கேற்பு-3097668.html
3097667 விழுப்புரம் கடலூர் கஞ்சா வைத்திருந்ததாக இளைஞர் கைது DIN DIN Sunday, February 17, 2019 05:51 AM +0530
கஞ்சா வைத்திருந்ததாக இளைஞர் ஒருவரை மந்தாரக்குப்பம் போலீஸார்  கைது செய்தனர்.
நெய்வேலி அருகே உள்ள மந்தாரக்குப்பம் பகுதியில் கஞ்சா விற்பனை நடைபெறுவதாக போலீஸாருக்கு  ரகசிய தகவல் கிடைத்தது. அதன்பேரில், மந்தாரக்குப்பம் காவல் ஆய்வாளர் மீனாள் பேருந்து நிலையத்தில் ரோந்துப் பணியில் ஈடுபட்டார். அப்போது அங்கு சந்தேகத்துக்கு இடமான வகையில் நின்றிருந்த இளைஞரைப் பிடித்து விசாரணை நடத்தினார். அந்த இளைஞரை சோதனை செய்ததில் 200 கிராம் கஞ்சா வைத்திருந்தது தெரியவந்ததாம். விசாரணையில் அவர் மந்தாரக்குப்பம் ஐடிஐ நகரைச் சேர்ந்த பாண்டியன் மகன் தேவா (26) எனத் தெரியவந்தது. போலீஸார் அவரை கைது செய்தனர்.

]]>
https://www.dinamani.com/all-editions/edition-villupuram/cuddalore/2019/feb/17/கஞ்சா-வைத்திருந்ததாக-இளைஞர்-கைது-3097667.html
3097666 விழுப்புரம் கடலூர் சரநாராயணப் பெருமாள் கோயிலில்திருக்கோவிலூர் உலகளந்த பெருமாள் DIN DIN Sunday, February 17, 2019 05:51 AM +0530 கடலூரில் நடைபெறும் மாசிமகம் தீர்த்தவாரிக்கு செல்லும் வழியில் திருக்கோவிலூர் உலகளந்த பெருமாள், பண்ருட்டி சரநாராயணப் பெருமாள் கோயிலில் சனிக்கிழமை இரவு எழுந்தருளினார். 
கடலூர் தேவனாம்பட்டினம் கடற்கரையில் வருகிற 19-ஆம் தேதி மாசிமகத் திருவிழா நடைபெற உள்ளது. இந்த விழாவில் 6 ஆண்டுகளுக்கு பிறகு திருக்கோவிலூர் உலகளந்த பெருமாள் தீர்த்தவாரி செய்து அருள்பாலிக்க உள்ளார். இதையொட்டி, கடந்த 14-ஆம் தேதி திருக்கோவிலூரில் இருந்து தங்கப் பல்லக்கில் ஸ்ரீதேவி, பூதேவி சமேதராக உலகளந்த பெருமாள் புறப்பட்டார். சுமார் 200 கி.மீ. தொலைவு பயணிக்கும் அவரை ஸ்ரீபாதம் தாங்கிகள் 42 பேர்  தங்களது தோளில் சுமந்து கால்நடை பயணமாக வருகின்றனர். வழியில் சுமார் 46 இடங்களில் விசேஷ மண்டகப்படிகள் நடைபெறுகின்றன. சனிக்கிழமை காலை அங்குசெட்டிப்பாளையத்துக்கு வருகை தந்த பெருமாளை பக்தர்கள் வழிபட்டனர். தொடர்ந்து, திருவதிகை சரநாராயணப் பெருமாள் கோயிலுக்கு இரவு 8 மணியளவில் திருக்கோவிலூர் உலகளந்த பெருமாள் வருகை தந்தார். இதையொட்டி சிறப்பு பூஜை, மண்டகப்படிகள் நடத்தப்பட்டன. திரளான பக்தர்கள் பெருமாளை தரிசித்தனர். தொடர்ந்து, ஞாயிற்றுக்கிழமை  மேல்பட்டாம்பாக்கம், வாழப்பட்டு, திருக்கண்டேஸ்வரம் வழியாக பெருமாள்  தீர்த்தவாரிக்கு செல்கிறார்.
 

]]>
https://www.dinamani.com/all-editions/edition-villupuram/cuddalore/2019/feb/17/சரநாராயணப்-பெருமாள்-கோயிலில்திருக்கோவிலூர்-உலகளந்த-பெருமாள்-3097666.html
3097665 விழுப்புரம் கடலூர் கூட்டுறவு விற்பனைச் சங்க புதிய கட்டடம் திறப்பு DIN DIN Sunday, February 17, 2019 05:50 AM +0530
சிதம்பரம் வேளாண்மை உற்பத்தியாளர்கள் கூட்டுறவு விற்பனை சங்கத்தின் காட்டுமன்னார்கோவில் கிளைக்கு புதிய அலுவலகக் கட்டடம், பாதுகாப்பு பெட்டகம் திறப்பு விழா சனிக்கிழமை நடைபெற்றது. 
விழாவுக்கு காட்டுமன்னார்கோவில் தொகுதி எம்எல்ஏ  என்.முருகுமாறன் தலைமை வகித்துப் பேசினார். கூட்டுறவு விற்பனை மேலாண் இயக்குநர் எஸ்.பாலகிருஷ்ணன் முன்னிலை வகித்தார். கூட்டுறவு சங்க மண்டல இணைப் பதிவாளர்  எஸ்.இளஞ்செல்வி வரவேற்றார். சிறப்பு அழைப்பாளராக கடலூர் மக்களவை தொகுதி உறுப்பினர் ஏ.அருண்மொழித்தேவன் பங்கேற்று, புதிய அலுவலகக் கட்டடத்தை திறந்து வைத்து பேசினார்.
விழாவில் சிதம்பரம் தொகுதி எம்எல்ஏ கே.ஏ.பாண்டியன், சிதம்பரம் வேளாண்மை உற்பத்தியாளர்கள் கூட்டுறவு விற்பனை சங்கத் தலைவர் டேங்க் ஆர்.சண்முகம், செயலர் ரவிச்சந்திரன், கூட்டுறவாளர் முத்தையா பிள்ளை, கூட்டுறவு சார்-பதிவாளர் செல்வகுமாரன், கூட்டுறவு வங்கித் தலைவர் குமார், மேலாளர் திருமாவளவன் உள்ளிட்டோர் பங்கேற்றனர். சிதம்பரம் சரக துணைப் பதிவாளர் பி.வெங்கடாஜலபதி நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/feb/17/கூட்டுறவு-விற்பனைச்-சங்க-புதிய-கட்டடம்-திறப்பு-3097665.html
3097664 விழுப்புரம் கடலூர் சாட்டமாம்பட்டு கிராமத்தில் குடிநீர்த் தட்டுப்பாடு! DIN DIN Sunday, February 17, 2019 05:50 AM +0530
பண்ருட்டி அருகே சாட்டமாம்பட்டு கிராமத்தில் நிலவும் குடிநீர்த் தட்டுப்பாட்டால் கிராம மக்கள் அவதிப்படுகின்றனர். 
பண்ருட்டி ஒன்றியம், கீழ்மாம்பட்டு ஊராட்சிக்கு உள்பட்டது சாட்டமாம்பட்டு கிராமம். இங்கு 400-க்கும் மேற்பட்ட குடும்பத்தினர் வசித்து வருகின்றனர். இவர்களின் குடிநீர்த் தேவைக்காக அங்குள்ள ஊராட்சி ஒன்றிய தொடக்கப் பள்ளி வளாகத்தில் ஆழ்துளைக் கிணறு அமைத்து, மேல்நிலை நீர்த்தேக்கத் தொட்டி மூலம் தண்ணீர் விநியோகம் செய்யப்பட்டு வந்தது. 
இந்த நிலையில், கடந்த ஓராண்டுக்கு முன்னர் ஆழ்துளைக் கிணறு பழுதடைந்துவிட்டதாம். ஆழ்துளை கிணற்றை பழுது நீக்கம் செய்ய முடியாத நிலையில், ஊராட்சி நிர்வாகம் அந்தப் பணியை கிடப்பில் போட்டுவிட்டது.
புதுப்பாளையம் செல்லும் வழியில் உள்ள ஆழ்துளைக் கிணறு மூலம் மந்தகோட்ட காலனி,  வடக்குத் தெரு காலனி பகுதிகளுக்கு குடிநீர் வழங்கப்பட்டு வந்தது. அந்த ஆழ்துளைக் கிணறுடன் குழாய் பொருத்தி சாட்டமாம்பட்டு கிராமத்துக்கு குடிநீர் விநியோகம் செய்யப்பட்டது.
ஆனால், இதில் விநியோகிக்கப்படும் நீரானது கிராம மக்களின் தேவைக்குப் போதவில்லை. சில இடங்களில் குழாய் செல்லும் வழித் தடத்தில் பள்ளம் தோண்டி தண்ணீர் பிடிப்பதாகவும், சிலர் வீடுகளில் மின்  மோட்டாரைப் பயன்படுத்தி தண்ணீரை உறிஞ்சுவதாகவும் புகார்கள் எழுந்தன. இதுபோன்ற காரணங்களால் குடிநீர்த் தட்டுப்பாடு நாளுக்கு நாள் அதிகரிப்பதாக கிராம மக்கள் புகார் கூறுகின்றனர். குடிநீர்த் தேவைக்காக தினந்தோறும் நீண்ட தூரம் நடந்து சென்று வயல்களில் தண்ணீர் பிடித்து வருகின்றனராம்.
இதுகுறித்து பண்ருட்டி வட்டார வளர்ச்சி அலுவலர் (கி.ஊ) குமரன் கூறியதாவது: சாட்டமாம்பட்டு கிராமத்தில் உள்ள ஆழ்துளைக் கிணறு பழுதடைந்துவிட்டது. எனவே, புதிய ஆழ்துளைக் கிணறு அமைக்க நிர்வாக அனுமதிக்காக மாவட்ட ஆட்சியர் அலுவலகத்துக்கு கடிதம் அனுப்பப்பட்டுள்ளது. 
அனுமதி விரைவில் கிடைக்கும் என எதிர்பார்கிறோம். அதன்பிறகு பொது நிதியில் புதிய ஆழ்துளைக் கிணறு அமைத்து தண்ணீர் தட்டுப்பாடு நீக்கப்படும் என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/feb/17/சாட்டமாம்பட்டு-கிராமத்தில்-குடிநீர்த்-தட்டுப்பாடு-3097664.html
3097663 விழுப்புரம் கடலூர் போட்டித் தேர்வு:  1,963 பேர் பங்கேற்பு DIN DIN Sunday, February 17, 2019 05:50 AM +0530
இந்து சமய அறநிலையத் துறையில் செயல் அலுவலர் பதவிக்கான (குரூப்-7) போட்டித் தேர்வை தமிழ்நாடு அரசுப் பணியாளர் தேர்வாணையம் அறிவித்தது. இந்தத் தேர்வு கடலூர் மாவட்டத்தில் 10 மையங்களில் சனிக்கிழமை நடைபெற்றது. 
இந்தத் தேர்வை 1,963 பேர் எழுதினர். காலையில் 10 மணி முதல் பகல் 1 மணி வரையிலும், பிற்பகல் 2.30 மணி முதல் மாலை 4.30 மணி வரையிலும் தேர்வுகள் நடைபெற்றன. 
இந்தத் தேர்வுகளை மாவட்ட வருவாய் அலுவலர் இரா.ராஜகிருபாகரன் ஆய்வு செய்தார். ஞாயிற்றுக்கிழமை குரூப்-8 பிரிவுகளுக்கான தேர்வு நடைபெறுகிறது. 
இந்தத் தேர்வை 4 ஆயிரம் பேர் எழுத உள்ளதாக தகவல் தெரிவிக்கப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/feb/17/போட்டித்-தேர்வு--1963-பேர்-பங்கேற்பு-3097663.html
3097662 விழுப்புரம் கடலூர் ரூ.6 ஆயிரம் ஊக்க நிதி: விவசாயிகள் விண்ணப்பிக்கலாம் DIN DIN Sunday, February 17, 2019 05:50 AM +0530
மத்திய அரசு வழங்கும் ஊக்க நிதியைப் பெற  விவசாயிகள் விண்ணப்பிக்கலாம் எந மாவட்ட ஆட்சியர் வெ.அன்புச்செல்வன் தெரிவித்தார்.
இதுகுறித்து அவர் வெளியிட்ட செய்திக்குறிப்பு: பிரதம மந்திரியின் விவசாயிகள் ஊக்க நிதித் (கிஸான் சம்மான்) திட்டத்தின் கீழ், 5 ஏக்கர் வரை விவசாய நிலமுள்ள சிறு, குறு விவசாய குடும்பங்களின் வருமானம், வாழ்வாதாரத்தை மேம்படுத்துவதற்கு உறுதுணையாக ரூ.6 ஆயிரம் நிதி உதவி வழங்கப்படுகிறது. இந்த நிதி விவசாயிகளின் வங்கிக் கணக்கில் நேரடியாக 3 தவணைகளாக வழங்கப்படும். இந்த நிதியை வழங்கிட தகுதியான சிறு, குறு விவசாய குடும்ப பயனாளிகளை கணக்கெடுக்கும் பணி நடைபெற்று வருகிறது. 
இந்தப் பணியில் அந்தந்த கிராம நிர்வாக அலுவலர்கள், பஞ்சாயத்து செயலர், சத்துணவு மைய பொறுப்பாளர்கள், அங்கன்வாடிப் பணியாளர்கள், உதவி வேளாண்மை அலுவலர்கள், உதவி தோட்டக்கலை அலுவலர்கள் ஆகியோர் ஈடுபடுத்தப்பட்டுள்ளனர். 5 ஏக்கர் வரை விவசாய நிலமுள்ள, இந்தத் திட்டத்தின் கீழ் நிதியுதவி பெற தகுதியான சிறு, குறு விவசாயிகள் தங்களுக்கு இந்தத் திட்ட நிதியானது தவறாது வழங்கப்படுவதற்கு ஏதுவாக தங்களுடைய ஆதார் எண், தேசியமயமாக்கப்பட்ட வங்கியில் உள்ள சேமிப்புக் கணக்கு எண், புதிய குடும்ப அட்டை எண், விவசாய நிலப் பட்டா எண் போன்ற ஆவணங்களையும், இந்தத் திட்டத்தின்கீழ் நிதியுதவி பெற தகுதியான விவசாயி என்பதற்கான கையொப்பமிட்ட சுய உறுதிமொழி படிவத்தையும் வழங்க வேண்டும். 
 இந்த ஆவணங்களை தங்கள் வீடுகளுக்கு வரும் கணக்கெடுப்பு அலுவலர்களிடம் வழங்க வேண்டும். இந்தத் திட்டத்தில் தகுதியுள்ள அனைத்து சிறு, குறு விவசாயிகளும் சேர்ந்து பயனடைய வேண்டும். மேலும், கணக்கெடுக்கும் பணியாளர்களுக்கு முழு ஒத்துழைப்பு வழங்க வேண்டும் என்று ஆட்சியர் அதில் கேட்டுக்கொண்டுள்ளார்.
 

]]>
https://www.dinamani.com/all-editions/edition-villupuram/cuddalore/2019/feb/17/ரூ6-ஆயிரம்-ஊக்க-நிதி-விவசாயிகள்-விண்ணப்பிக்கலாம்-3097662.html
3097661 விழுப்புரம் கடலூர் தொழில் முனைவோர் பயிற்சிக் கருத்தரங்கம் DIN DIN Sunday, February 17, 2019 05:50 AM +0530
கடலூர் தேவனாம்பட்டினத்தில் உள்ள பெரியார் அரசு கலைக் கல்லூரியில் சமூகப் பணியியல் துறை சார்பில், தமிழ்நாடு அரசின் தொழில் முனைவோருக்கான பயிற்சிக் கருத்தரங்கம் அண்மையில் நடைபெற்றது. 
கல்லூரி மாணவர்களிடம் தொழில் தொடங்கும் எண்ணத்தை ஊக்குவிக்கும் வகையில் நடைபெற்ற இந்த நிகழ்ச்சியை கல்லூரி முதல்வர் ப.ரா.ராஜகுமார் தொடக்கி வைத்து சிறப்புரையாற்றினார். அவர் பேசியதாவது: 
மாணவர்கள் தங்களது கல்வியை முடித்த பின்பு வேலை தேடிச் செல்லாமல் தொழில் முனைவோர்களாக மாற வேண்டும். உள்ளூரில் கிடைக்கும் இயற்கை வளங்களைப் பயன்படுத்தி தொழில் தொடங்கி மற்றவர்களுக்கு வேலைவாய்ப்பை அளிக்க வேண்டும் என்றார் அவர். தமிழ்த் துறைத் தலைவர் பா.குமரன் சிறப்புரையாற்றினார். கருத்தரங்கில் 200-க்கும் மேற்பட்ட மாணவ, மாணவிகள் பயிற்சி பெற்றனர். முன்னதாக, சமூகப் பணியியல் துறைத் தலைவர் ஜான்சூசை ரொசாரியோ வரவேற்றுப் பேசினார்.
 

]]>
https://www.dinamani.com/all-editions/edition-villupuram/cuddalore/2019/feb/17/தொழில்-முனைவோர்-பயிற்சிக்-கருத்தரங்கம்-3097661.html
3097658 விழுப்புரம் கடலூர் 20 தொழில் நிறுவனங்களுக்கு விரைவில் அடிக்கல் DIN DIN Sunday, February 17, 2019 05:49 AM +0530
தமிழகத்தில் 20 புதிய தொழில் நிறுவனங்களுக்கு இந்த மாதம் அடிக்கல் நாட்டப்பட உள்ளது என மாநில தொழில் துறை அமைச்சர் எம்.சி.சம்பத் கூறினார்.
 தமிழக     அரசு      சார்பில் 2-ஆவது உலக முதலீட்டாளர்கள் மாநாடு கடந்த ஜன.23, 24-ஆம் தேதிகளில் சென்னையில் நடைபெற்றது. 
இந்த மாநாட்டில் 304 புரிந்துணர்வு ஒப்பந்தங்கள் மேற்கொள்ளப்பட்டு ரூ.3,431 லட்சம் கோடிக்கு முதலீடுகள் ஈர்க்கப்பட்டுள்ளதாக தகவல் தெரிவிக்கப்பட்டது. இந்த நிலையில், மாநில தொழில் துறை அமைச்சர் எம்.சி.சம்பத் கடலூரில் சனிக்கிழமை மாலை செய்தியாளர்களிடம் கூறியதாவது: 
 உலக முதலீட்டாளர்கள் மாநாட்டில் புரிந்துணர்வு ஒப்பந்தம் மேற்கொள்ளப்பட்ட நிறுவனங்களுடன் தொடர்ந்து இணைப்பில் உள்ளோம். 20 நிறுவனங்களுக்கு ஒரு ஐஏஎஸ் அதிகாரி வீதம் நியமிக்கப்பட்டு, தொழில் தொடங்குவதற்கான வாய்ப்புகளை அதிகரித்து வருகிறோம். இந்த மாதம் (பிப்.) இறுதிக்குள் 20 புதிய நிறுவனங்கள் தங்களது தொழில் நிறுவனங்களை தமிழகத்தில் அமைக்க உள்ளன. காணொலிக் காட்சி மூலம் அந்த நிறுவனங்களுக்கு முதல்வர் அடிக்கல் நாட்ட உள்ளார். தொழில் தொடங்கும் நிறுவனங்களுக்கு வழங்குவதற்காக நிலங்கள் தயார் நிலையில் உள்ளன.  கடலூர் மாவட்டத்தில் என்ஓசிஎல் நிறுவனம் பெட்ரோலியம் சுத்திகரிக்கும் நிலையம் தொடங்குகிறது. சன்மார் நிறுவனமும் தொழில் தொடங்குகிறது. 
திருவண்ணாமலை மாவட்டம், செய்யாறில் தனியார் காலணி தயாரிப்பு தொழில்சாலையை தொடங்கி பெண்களுக்கு வேலைவாய்ப்பு அளித்ததால் அங்கு சட்டம்-ஒழுங்கு பிரச்னை குறைந்துள்ளது. எனவே, தொழில் நிறுவனங்கள் மூலம் பெண்களுக்கு அதிகளவில் வேலைவாய்ப்பு வழங்கிட நடவடிக்கை எடுத்து வருகிறோம் என்றார் அமைச்சர்.
 

]]>
https://www.dinamani.com/all-editions/edition-villupuram/cuddalore/2019/feb/17/20-தொழில்-நிறுவனங்களுக்கு-விரைவில்-அடிக்கல்-3097658.html
3096913 விழுப்புரம் கடலூர் ஆண் சடலம் மீட்பு DIN DIN Saturday, February 16, 2019 09:29 AM +0530 பண்ருட்டி அருகே அழுகிய நிலையில் ஆண் சடலம் வெள்ளிக்கிழமை மீட்கப்பட்டது. 

பண்ருட்டி வட்டம், புதுப்பேட்டை காவல் சரகம், அக்கடவல்லி கிராமத்தைச் சேர்ந்தவர் ராமகிருஷ்ணன் (60). இவருக்கு சொந்தமான கரும்புத் தோட்டம் அதே பகுதியில் உள்ளது. இந்த வயலில் 40 வயது மதிக்கத்தக்க ஆண் சடலம் அழுகிய நிலையில் வெள்ளிக்கிழமை கிடந்தது. இறந்தவர் சிமென்ட் வண்ண அரைக்கை சட்டையும், பட்டாபட்டி அரைக்கால் சட்டையும் அணிந்திருந்தார். 

இவர் யார்? எந்த ஊர் என்ற விவரம் தெரியவில்லை. இதுகுறித்து புதுப்பேட்டை போலீஸார் விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/16/ஆண்-சடலம்-மீட்பு-3096913.html
3096912 விழுப்புரம் கடலூர் மணல் கடத்தல்: வாகனம் பறிமுதல் DIN DIN Saturday, February 16, 2019 09:29 AM +0530 பண்ருட்டி வட்டம், புதுப்பேட்டை காவல் சரகம், அக்கடவல்லி தென்பெண்ணை ஆற்றில் இருந்து மணல் கடத்தப்படுவதாக போலீஸாருக்கு தகவல் கிடைத்தது. இதையடுத்து, புதுப்பேட்டை காவல் உதவி ஆய்வாளர் செல்வம் தலைமையில் போலீஸார் அந்தப் பகுதியில் ரோந்துப் பணியில் ஈடுபட்டனர். 

அப்போது, அக்கடவல்லி தென்பெண்ணை ஆற்றில் மணல் அள்ளிய சிறிய சரக்கு வாகனத்தை பறிமுதல் செய்தனர். தப்பியோடிய அந்த வாகன ஓட்டுநர் அக்கடவல்லியைச் சேர்ந்த செல்வம், வாகன உரிமையாளர் பல்லவராயநத்தம் கிராமத்தைச் சேர்ந்த சுமித்ரா ஆகியோரை தேடி வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/16/மணல்-கடத்தல்-வாகனம்-பறிமுதல்-3096912.html
3096911 விழுப்புரம் கடலூர் முத்தாலம்மன் கோயில் தேரோட்டம் DIN DIN Saturday, February 16, 2019 09:28 AM +0530 கடலூர் திருப்பாதிரிபுலியூர் முத்தாலம்மன் கோயில் திருவிழாவில் வெள்ளிக்கிழமை தேரோட்டம் நடைபெற்றது.
இந்தக் கோயிலில் தேரோட்ட விழா விக்னேஸ்வர பூஜையுடன் கடந்த 6-ஆம் தேதி தொடங்கியது. விழாவில் வெள்ளிக்கிழமை தேரோட்டம் நடைபெற்றது. இதனை முன்னிட்டு காலையில் சக்தி கரகம் கொண்டுவரப்பட்டது. தொடர்ந்து, பக்தர்கள் தங்களது வேண்டுதலை நிறைவேற்றும் வகையில் செடல் போட்டு வழிபாடு நடத்தினர். பின்னர், அலங்கரிக்கப்பட்ட திருத்தேரில் முத்தாலம்மன் வீற்றிருந்தார்.
அப்போது, பக்தர்கள் சக்தி கோஷத்துடன் திருத்தேரை வடம் பிடித்து இழுத்தனர். முக்கிய வீதிகள் வழியாக தேரோட்டம் நடைபெற்றபோது பக்தர்கள் தேங்காய் உடைத்தும், பூஜை பொருள்களை வைத்தும் வழிபட்டனர். அதனைத் தொடர்ந்து தேர் நிலையை அடைந்து படி பூஜை நடைபெற்றது. விழாவில் திரளான பக்தர்கள் பங்கேற்று வழிபாடு நடத்தினர். வருகிற 22-ஆம் தேதி உதிரவாய் துடைத்தலுடன் விழா நிறைவடைகிறது.

]]>
https://www.dinamani.com/all-editions/edition-villupuram/cuddalore/2019/feb/16/முத்தாலம்மன்-கோயில்-தேரோட்டம்-3096911.html
3096910 விழுப்புரம் கடலூர் போக்சோ சட்டத்தில் இளைஞர் கைது DIN DIN Saturday, February 16, 2019 09:28 AM +0530 றுமிக்கு பாலியல் தொல்லை அளித்தது தொடர்பாக போக்சோ சட்டத்தின் கீழ் இளைஞர் கைதுசெய்யப்பட்டார்.
 திட்டக்குடியை அடுத்த வடகரை கிராமத்தைச் சேர்ந்த முருகையன் மகன் மணிகண்டன் (25). இவர் 5 வயது சிறுமியை பாலியல் வன்புணர்ச்சி செய்ததாக அந்தச் சிறுமியின் பெற்றோர் விருத்தாசலம் அனைத்து மகளிர் காவல் நிலையத்தில் வெள்ளிக்கிழமை புகார் அளித்தனர். 
இதையடுத்து, சிறார்களுக்கு எதிரான பாலியல் வன்முறை தடுப்புச் சட்டத்தின் (போக்சோ) கீழ் வழக்குப் பதிவு செய்த காவல் ஆய்வாளர் கிருபாலட்சுமி, மணிகண்டனை கைது செய்து கடலூர் சிறையில் அடைத்தார்.

]]>
https://www.dinamani.com/all-editions/edition-villupuram/cuddalore/2019/feb/16/போக்சோ-சட்டத்தில்-இளைஞர்-கைது-3096910.html
3096909 விழுப்புரம் கடலூர் அதிமுக நிர்வாகிகள் கூட்டம் DIN DIN Saturday, February 16, 2019 09:28 AM +0530 கடலூர் மேற்கு மாவட்ட அதிமுக நிர்வாகிகள் ஆலோசனைக் கூட்டம்  சிதம்பரத்தில் வெள்ளிக்கிழமை நடைபெற்றது.
ஜெயலலிதா பிறந்தநாள் விழா, மக்களவை தேர்தல் பணிகள் குறித்தும் நடைபெற்ற இந்தக் கூட்டத்துக்கு மாவட்ட அவைத் தலைவர் எம்.எஸ்.என்.குமார் தலைமை வகித்தார். அமைப்புச் செயலர் என்.முருகுமாறன் எம்எல்ஏ, குமராட்சி ஒன்றிய கழக செயலர் கே.ஏ.பாண்டியன் எம்எல்ஏ, மா.சந்திரகாசி எம்.பி, முன்னாள் அமைச்சர் செல்வி ராமஜெயம் ஆகியோர் முன்னிலை வகித்துப் பேசினர். சிதம்பரம் நகரச் செயலர் ஆர்.செந்தில்குமார் வரவேற்றார்.
கூட்டத்தில் மேற்கு மாவட்ட செயலர் ஏ.அருண்மொழிதேவன் எம்.பி. பங்கேற்று சிறப்புரையாற்றினார். அவர் பேசியதாவது: மறைந்த முன்னாள் முதல்வர் ஜெயலலிதா பிறந்தநாளை (பிப்.24) முன்னிட்டு மாவட்டம் முழுவதும் கட்சி புதிய கொடிகளை ஏற்ற வேண்டும். மக்களவை தேர்தலில் தொண்டர்கள் கவனமுடன் பணியாற்றி கடலூர் மேற்கு மாவட்டத்தில் 100 சதவீத வெற்றியை பெற்று தர வேண்டும் என்றார். 
கூட்டத்தில், ஜெயலலிதாவின் பிறந்தநாளை சிறப்பாகக் கொண்டாடுவது, மக்களவைத் தேர்தலில் கடலூர் மேற்கு மாவட்டத்தில் உள்ள தொகுதிகளில் போட்டியிடும் கட்சி மற்றும் கூட்டணி வேட்பாளர்களை அதிக வாக்குகள் வித்தியாசத்தில் வெற்றி பெற வைப்பது என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில் கட்சியின் கொள்கை பரப்பு துணைச் செயலர் பு.தா.இளங்கோவன், மாவட்ட இணைச் செயலர் செஞ்சி லெட்சுமி, துணைச் செயலர் தேன்மொழி காத்தவராயசாமி, ஒன்றியச் செயலர்கள் மருதை முனுசாமி, கந்தசாமி, ராஜெந்திரன் உள்ளிட்டோர் பங்கேற்றனர். மாவட்ட பாசறை செயலர் டேங்க் ஆர்.சண்முகம் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/16/அதிமுக-நிர்வாகிகள்-கூட்டம்-3096909.html
3096908 விழுப்புரம் கடலூர் விசிக ஆர்ப்பாட்டம் DIN DIN Saturday, February 16, 2019 09:27 AM +0530 விடுதலைச் சிறுத்தைகள் கட்சியின் திருவாரூர் மாவட்டம், முத்துப்பேட்டை ஒன்றியச் செயலர் செல்வசூரன், சென்னையைச் சேர்ந்த மாவட்ட துணை அமைப்பாளர் சுரேஷ்குமார் ஆகியோர் கொலை செய்யப்பட்டதைக் கண்டித்து, விருத்தாசலம் அடுத்த மங்கலம்பேட்டையில் அந்தக் கட்சியினர் வெள்ளிக்கிழமை ஆர்ப்பாட்டத்தில் ஈடுபட்டனர்.   ஆர்ப்பாட்டத்துக்கு, நகரச் செயலர் அம்பேத்கர் தலைமை வகித்தார். மாநில சமூக ஊடக மைய துணைச் செயலர் ராஜ்குமார், விருத்தாசலம் ஒன்றிய செயலர் சுப்புஜோதி ஆகியோர் கண்டன உரையாற்றினர். மாவட்ட துணை அமைப்பாளர்கள் மாய.சிந்தனைச்செல்வன், துரைமுருகன்,  புரட்சிமணி உள்ளிட்டோர் கலந்துகொண்டனர். நகர துணைச் செயலர் தனகுமார் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/16/விசிக-ஆர்ப்பாட்டம்-3096908.html
3096907 விழுப்புரம் கடலூர் ஐஏஎஸ் அகாதெமி தொடக்கம் DIN DIN Saturday, February 16, 2019 09:27 AM +0530 மக்கள் பாதை இயக்கம் சார்பில் நேர்மை ஐஏஎஸ் அகாதெமி என்ற இலவச பயிற்சி மையம்  கடலூரில் அண்மையில் தொடங்கப்பட்டது. 

மாவட்ட காவல் கண்காணிப்பாளர் ப.சரவணன் பயிற்சி மையத்தை தொடக்கி வைத்து பேசினார் (படம்). மாவட்ட அலுவலக அறையை மக்கள் பாதை இயக்கத் தலைவர் செ.நாகல்சாமி திறந்து வைத்துப் பேசினார். தொடர்ந்து வள்ளலார் கூடம், தியாகி அஞ்சலையம்மாள் கூடம், ராஜாதித்த சோழன் கூடம், அப்துல்கலாம் கூடம், திருவள்ளுவர் கூடம் போன்ற அறைகள் சிறப்பு விருந்தினர்களால் திறந்து வைக்கப்பட்டன.  நிகழ்ச்சியில் கடலூர் வட்டாட்சியர் பா.சத்தியன், தறிதிட்டம் மாநில ஒருங்கிணைப்பாளர் சி.சண்முகம், கடலூர் அனைத்து குடியிருப்போர் நலச் சங்க பொதுச் செயலர் மு.மருதவாணன், மருத்துவர் ப.கிருஷ்ணகிஷோர், வேதியியல் துறை விஞ்ஞானி ரா.ஆனந்தராஜ், வேலூர் மண்டல மக்கள் பாதை இயக்க ஒருங்கிணைப்பாளர் ஜெ.சி.புஷ்பராஜ் உள்ளிட்டோர் கலந்து கொண்டனர்.

]]>
https://www.dinamani.com/all-editions/edition-villupuram/cuddalore/2019/feb/16/ஐஏஎஸ்-அகாதெமி-தொடக்கம்-3096907.html
3096906 விழுப்புரம் கடலூர் கோயில் இடிப்புக்கு எதிர்ப்பு: நெடுஞ்சாலைத் துறை அலுவலகம் முற்றுகை DIN DIN Saturday, February 16, 2019 09:27 AM +0530 கோயில் இடிக்கப்பட்டதைக் கண்டித்து, கடலூரில் உள்ள நெடுஞ்சாலைத் துறை அலுவலகத்தை பொதுமக்கள் வெள்ளிக்கிழமை முற்றுகையிட்டனர்.

புவனகிரி வட்டம், பு.முட்லூர் காந்திநகரில் அரசு புறம்போக்கு நிலம் உள்ளது. இங்கு கன்னியம்மன் கோயில் அமைந்திருந்தது. சுமார் 100 ஆண்டுகள் பழைமையான இந்தக் கோயிலை ஆதிதிராவிடர் சமுதாய மக்கள் வழிபட்டு, நிர்வகித்து வந்தனர். நெடுஞ்சாலை ஓரமாக இருந்த இந்தக் கோயிலை  காவல் துறையினரின் பாதுகாப்போடு நெடுஞ்சாலைத் துறையினர் அண்மையில் இடித்து அப்புறப்படுத்தினராம்.

இந்தக் கோயில் தொடர்பாக அதே பகுதியைச் சேர்ந்தவர் பரங்கிப்பேட்டை நீதிமன்றத்தில் வழக்கு தொடுத்திருந்த நிலையில், கோயிலுக்கு சம்பந்தப்பட்டவர்களை வழக்கில் சேர்க்காமலும், நீதிமன்ற தீர்ப்பு குறித்து எவ்விதத்  தகவலும் தெரிவிக்காமலும் கோயிலை  இடித்துவிட்டனராம். வருகிற 18-ஆம் தேதி மாசிமக திருவிழா நடத்துவதற்கு ஏற்பாடுகள் செய்யப்பட்டிருந்த நிலையில் கோயில் இடிக்கப்பட்டுள்ளதாம். எனவே, இதனைக் கண்டித்து அந்தப் பகுதி மக்கள் வெள்ளிக்கிழமை கடலூரில் உள்ள தேசிய நெடுஞ்சாலை பொறியாளர் அலுவலகத்தை முற்றுகையிட்டனர். ஆனால், அப்போது அலுவலகத்தில் பொறியாளர் இல்லாததால் திருப்பாதிரிபுலியூர் காவல் ஆய்வாளர் உதயகுமார் பொதுமக்களிடம் பேச்சுவார்த்தை நடத்தினார். 

இதையடுத்து, விடுதலைச் சிறுத்தைகள் கட்சியின் மாநில அமைப்புச் செயலர் தி.ச.திருமார்பன் தலைமையில் பொதுமக்கள் மாவட்ட ஆட்சியரை சந்தித்து மனு அளித்தனர். 

அப்போது, மண்டலச் செயலர் சு.திருமாறன், சிதம்பரம் மக்களவை தொகுதிச் செயலர் வ.க.செல்லப்பன், பேச்சாளர் புரட்சிகதிர், ஊர் நிர்வாகி ரா.சுந்தர்ராஜன் உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/feb/16/கோயில்-இடிப்புக்கு-எதிர்ப்பு-நெடுஞ்சாலைத்-துறை-அலுவலகம்-முற்றுகை-3096906.html
3096905 விழுப்புரம் கடலூர் பள்ளி மாணவர்களுக்கு இலவச ஓவியப் பயிற்சி DIN DIN Saturday, February 16, 2019 09:26 AM +0530 கடலூர் அரசு தலைமை மருத்துவமனை எதிரே அமைந்துள்ள அரசு அருங்காட்சியகத்தில் பள்ளி மாணவ, மாணவிகளுக்கு இலவச ஓவியப் பயிற்சி அளிக்கப்பட உள்ளதாக அருங்காட்சியக காப்பாட்சியர் செ.ஜெயரத்னா தெரிவித்தார். 
 இதுகுறித்து அவர் வெளியிட்ட செய்திக்குறிப்பு: வருகிற 18-ஆம் தேதி முதல் 22-ஆம் தேதி வரை நடைபெறும் இந்தப் பயிற்சியில் 5 முதல் 7-ஆம் வகுப்பு வரை பயிலும் மாணவ, மாணவிகள் பங்கேற்கலாம். பயிற்சியின் நிறைவில் சான்றிதழ், பரிசுகள் வழங்கப்படும். 
பயிற்சி வகுப்பு காலை 10 மணி முதல் பகல் 12.30 மணி வரை நடைபெறும். பயிற்சியில் பங்கேற்க விரும்புவோர் கூடுதல் விவரங்களுக்கு 86106 27168 என்ற எண்ணை தொடர்புக் கொள்ளலாம் என அதில் தெரிவித்துள்ளார்.
 

]]>
https://www.dinamani.com/all-editions/edition-villupuram/cuddalore/2019/feb/16/பள்ளி-மாணவர்களுக்கு-இலவச-ஓவியப்-பயிற்சி-3096905.html
3096904 விழுப்புரம் கடலூர் 10-ஆம் வகுப்பு தேர்வுக்கான விடைத்தாள் திருத்தும் மையம் 3-ஆக உயர்வு DIN DIN Saturday, February 16, 2019 09:26 AM +0530 கடலூர் மாவட்டத்தில் 10-ஆம் வகுப்பு தேர்வுக்கான விடைத்தாள் திருத்தும் மையங்களின் எண்ணிக்கை 3-ஆக அதிகரிக்கப்பட்டுள்ளது. 
 தமிழகம் முழுவதும் 2018-19-ஆம் கல்வி ஆண்டுக்கான பொதுத் தேர்வுகள் வருகிற மார்ச் மாதம் தொடங்குகின்றன. அதன்படி, மார்ச் 1 முதல் 19-ஆம் தேதி வரை பிளஸ்-2 தேர்வும், மார்ச் 6 முதல் 22-ஆம் தேதி வரை பிளஸ்-1 தேர்வும், மார்ச் 14 முதல் 29-ஆம் தேதி வரை பத்தாம் வகுப்பு பொதுத் தேர்வுகளும் நடைபெறுகின்றன. கடலூர் மாவட்டத்தில் இந்தத் தேர்வுகளை சுமார் 90 ஆயிரம் மாணவ, மாணவிகள் எழுத உள்ளனர். 
தேர்வு விடைத்தாள்கள் தமிழகம் முழுவதும் பிரித்து அனுப்பப்பட்டு திருத்தப்படும். 
 பத்தாம் வகுப்பு தேர்வை பொறுத்தவரை கடலூர் மாவட்டத்தில் 418 பள்ளிகளிலிருந்து சுமார் 36 ஆயிரம் மாணவ, மாணவிகள் எழுத உள்ளனர். எனவே, இந்த விடைத் தாள்களை திருத்துவதற்கு கூடுதல் மையம் மாவட்டத்தில் ஏற்படுத்த வேண்டுமென அரசுக்கு கோரிக்கை விடுக்கப்பட்டது. 
இதனைத் தொடர்ந்து நிகழ் கல்வியாண்டில் கூடுதலாக ஒரு மையத்தை ஒதுக்கீடு செய்து அரசு அறிவிப்பு வெளியிட்டுள்ளது.  அதன்படி, கடலூர் மாவட்டத்தில் ஏற்கெனவே செயல்பட்டு வரும் கடலூர் குமாரபுரம் கிருஷ்ணசாமி மெட்ரிக். பள்ளி மையம், விருத்தாசலம் பெரியவடவாடி செந்தில் மெட்ரிக். பள்ளி மையம் ஆகியவற்றுடன் கூடுதலாக சிதம்பரம் வீனஸ் மெட்ரிக். பள்ளியானது புதிய விடைத்தாள் திருத்தும் மையமாக சேர்க்கப்பட்டுள்ளது. 
இதனால், சிதம்பரம் கல்வி மாவட்டம் மற்றும் சுற்றுவட்டாரப் பகுதியைச் சேர்ந்த ஆசிரியர்கள் சிதம்பரத்திலேயே விடைத்தாள் திருத்தும் பணியை மேற்கொள்ள முடியும் என தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/cuddalore/2019/feb/16/10-ஆம்-வகுப்பு-தேர்வுக்கான-விடைத்தாள்-திருத்தும்-மையம்-3-ஆக-உயர்வு-3096904.html
3096903 விழுப்புரம் கடலூர் கோயில் குளம் ஆக்கிரமிப்பு: சிவனடியார்கள் சிறப்பு பூஜை DIN DIN Saturday, February 16, 2019 09:26 AM +0530 திட்டக்குடி சிவன் கோயில் குளம் ஆக்கிரமிப்பை அகற்றக் கோரி, பண்ருட்டி திருவதிகை வீரட்டானேஸ்வரர் கோயிலில் சிவனடியார்கள் வெள்ளிக்கிழமை சிறப்பு பூஜை நடத்தினர்.
திட்டக்குடியில் வைத்தியநாதசுவாமி கோயில் அமைந்துள்ளது. இந்து சமய அறநிலையத் துறை கட்டுப்பாட்டின்கீழ் உள்ள இந்தக் கோயிலுக்குச் சொந்தமான திருக்குளம் ஆக்கிரமிக்கப்பட்டுள்ளது. எனவே, கோயில் குளம் ஆக்கிரமிப்பை அகற்ற வேண்டும், குளத்தை தூர்வாரி தெப்பத் திருவிழாவை நடத்த வேண்டும் என வலியுறுத்தி, திட்டக்குடியைச் சேர்ந்த சிவனடியார்கள் 50}க்கும் மேற்பட்டோர் திருவதிகை வீரட்டானேஸ்வரர் கோயிலில் வெள்ளிக்கிழமை திரண்டனர். அவர்கள் 
அந்தக் கோயில் குளத்தில் 108 குடங்களில் தண்ணீர் எடுத்து கொண்டு வந்து மூலவர் சிவபெருமானுக்கு அபிஷேகம் செய்தனர். 
தங்களது, கோரிக்கை நிறைவேற சிறப்பு வழிபாடு நடத்தினர். 
நிகழ்ச்சியில் இந்து மக்கள் கட்சியின் மாவட்டத் தலைவர் ஆர்.எஸ்.தேவா உள்ளிட்டோர் கலந்துகொண்டனர்.

]]>
https://www.dinamani.com/all-editions/edition-villupuram/cuddalore/2019/feb/16/கோயில்-குளம்-ஆக்கிரமிப்பு-சிவனடியார்கள்-சிறப்பு-பூஜை-3096903.html
3096902 விழுப்புரம் கடலூர் அண்ணாமலைப் பல்கலை.யில் பயிலரங்கம் DIN DIN Saturday, February 16, 2019 09:25 AM +0530 சிதம்பரம் அண்ணாமலைப் பல்கலைக்கழக கல்வியியல் துறையில், "ஆன்லைன் வலைதளங்கள், கல்விக்கான பொது கருத்தகங்களைப் பயன்படுத்தி, மெல்லக் கற்போருக்கான கற்பித்தல், கற்றல் மற்றும் மதிப்பீட்டை மேற்கொள்ளுதல்'  என்ற தலைப்பில் 3 நாள் பயிலரங்கம் அண்மையில் நடைபெற்றது.
பல்கலைக்கழக மானியக் குழுவின்  சிறப்பு  உதவித் திட்டத்தின் நிதி நல்கையின் கீழ் நடைபெற்ற இந்த நிகழ்வுக்கு, கல்வியியல் துறைத் தலைவர் ஆர்.பாபு  தலைமை வகித்தார். கல்வியியல் புல முதல்வரும், ஒருங்கிணைப்பாளருமான ஆர்.ஞானதேவன் பயிலரங்கை தொடக்கி  வைத்துப் பேசினார் (படம்). 
துணை  ஒருங்கிணைப்பாளர் பி.என்.நடராஜ், உதவிப் பேராசிரியர்கள் எஸ்.மணிவண்ணன், எஸ்.வெங்கட்டராமன்,  ஜி.கண்ணன் ஆகியோர் ஏற்பாடுகளை செய்திருந்தனர். பயிலரங்கில் கடலூர், நாகப்பட்டினம் மாவட்டங்களைச் சேர்ந்த பள்ளி ஆசிரியர்கள்,  ஆராய்ச்சி மாணவர்கள் கலந்துகொண்டு பயிற்சி பெற்றனர்.

]]>
https://www.dinamani.com/all-editions/edition-villupuram/cuddalore/2019/feb/16/அண்ணாமலைப்-பல்கலையில்-பயிலரங்கம்-3096902.html
3096901 விழுப்புரம் கடலூர் என்எல்சி இயக்குநருக்கு சர்வதேச விருது DIN DIN Saturday, February 16, 2019 09:25 AM +0530 மனித வளத் துறைக்கு ஆற்றிவரும் பங்களிப்பை கௌரவிக்கும் வகையில் என்எல்சி இந்தியா நிறுவனத்தின் மனித வளத் துறை இயக்குநர் ஆர்.விக்ரமனுக்கு சர்வதேச விருது வெள்ளிக்கிழமை வழங்கப்பட்டது. 
 மனித வளத் துறையில் சிறந்து விளங்கும் நிபுணர்களையும், நிறுவனங்களின் உயர் அதிகாரிகளையும் கௌரவிக்கும் வகையில்  உலக மனிதவள மேம்பாட்டு அமைப்பானது தொடர்ந்து விருதுகளை வழங்கி வருகிறது. அந்த வகையில், இந்த அமைப்பு சார்பில் 27}ஆவது விருது வழங்கும் மாநாடு மும்பையில் வெள்ளிக்கிழமை நடைபெற்றது. இந்த நிகழ்வில்,  என்எல்சி இந்தியா நிறுவனத்தின் மனித வளத் துறை இயக்குநர் ஆர்.விக்ரமன் மனித வளத் துறைக்கு ஆற்றிவரும் பங்களிப்பை கௌரவிக்கும் வகையில் அவருக்கு விருது வழங்கப்பட்டது.     என்எல்சி இந்தியா நிறுவனத்தின் நோக்கங்களையும், இலக்குகளையும் எட்டுவதற்கான பணிகளை முடுக்கிவிடுதல், பணியாளர்களின் பங்களிப்பை அதிகரிக்கும் வகையில் அவர்களை மேம்படுத்துவது தொடர்பான நிறுவனத்தின் கொள்கைகளை முறைப்படுத்துதல், தலைமைப் பண்புமிக்க உயர் அதிகாரிகளை உருவாக்குவதல் உள்ளிட்ட காரணங்களுக்காக இந்த விருதுக்கு ஆர்.விக்ரமன் தேர்வு செய்யப்பட்டதாக தெரிவிக்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/feb/16/என்எல்சி-இயக்குநருக்கு-சர்வதேச-விருது-3096901.html
3096900 விழுப்புரம் கடலூர் பயங்கரவாதத் தாக்குதலில் உயிரிழந்த வீரர்களுக்கு அஞ்சலி DIN DIN Saturday, February 16, 2019 09:18 AM +0530 காஷ்மீரில் பயங்கரவாதத் தாக்குதலில் உயிரிழந்த சிஆர்பிஎஃப் வீரர்களுக்கு கடலூர் மாவட்டத்தில் வெள்ளிக்கிழமை அஞ்சலி செலுத்தப்பட்டது.

காஷ்மீரில் மத்திய ரிசர்வ் போலீஸ் படையினர் மீது பயங்கரவாதியால் வியாழக்கிழமை நிகழ்த்தப்பட்ட தற்கொலைத் தாக்குதலில் 40}க்கும் மேற்பட்ட வீரர்கள் வீரமரணமடைந்தனர். இவர்களது மறைவுக்கு அஞ்சலி செலுத்தும் வகையில் கடலூரில் அனைத்து பொதுநல இயக்கங்களின் கூட்டமைப்பு சார்பில் வீரவணக்க இரங்கல் கூட்டம் வெள்ளிக்கிழமை மாலை நடைபெற்றது. காமராஜர் சிலை முன் நடைபெற்ற இந்தக் கூட்டத்துக்கு கூட்டமைப்பின் ஒருங்கிணைப்பாளர் வெண்புறா குமார் தலைமை வகித்தார். இணை ஒருங்கிணைப்பாளர்கள் எம்.குருராமலிங்கம், எஸ்.என்.கே.ரவி, எம்.சுப்புராயன், கே.சிவாஜிகணேசன் ஆகியோர் முன்னிலை வகித்தனர்.

இந்திய கம்யூனிஸ்ட் கட்சியின் மாவட்ட செயலர் எம்.சேகர், விசிக மாநில அமைப்புச் செயலர் தி.ச.திருமார்பன், தராசு மக்கள் மன்றம் து.துரைவேலு, பேராசிரியர் அ.அர்த்தநாரி உள்ளிட்டோர் இரங்கல் உரை நிகழ்த்தினர். பயங்கரவாத தாக்குதலில் உயிரிழந்த ராணுவ வீரர்களுக்கு மெழுகுவர்த்தி ஏந்தி மெüன அஞ்சலி செலுத்தப்பட்டது.

இந்தக் கூட்டத்தில், பயங்கரவாத செயல்களுக்கு ஊக்கமளிக்கும் பாகிஸ்தானுக்கு ராணுவ தாக்குதல் மூலமாக பதிலடி கொடுக்க வேண்டும் உள்ளிட்ட தீர்மானங்கள் நிறைவேற்றப்பட்டன. கூட்டத்தில், பல்வேறு சங்கங்களின் நிர்வாகிகளான மு.கார்த்திகேயன், இரா.பாபு, தாஸ், கஜேந்திரன், சாய்ராம், க.தர்மராஜ், ஆர்.ராஜசேகர், என்.கஞ்சமலை உள்ளிட்டோர் பங்கேற்றனர்.

சிதம்பரம்: இதேபோல, சிதம்பரம் தெற்குரத வீதியில் விஸ்வ ஹிந்து பரிஷத் சார்பில், பயங்கரவாத தாக்குதலில் உயிரிழந்த ராணுவ வீரர்களுக்கு அஞ்சலி செலுத்தப்பட்டது. அமைப்பின் நகரத் தலைவர் தண்டபாணி தலைமை வகித்தார். மாவட்ட தலைவர் ஜோதிகுருவாயுரப்பன் முன்னிலை வகித்தார். நிகழ்ச்சியில் பயங்கரவாத எதிர்ப்பு உறுதிமொழி ஏற்கப்பட்டது. நிகழ்ச்சியில் பாரத யுவ பரிஷத் தலைவர் பாண்டியன், பஜ்ரங்தல் குருமூர்த்தி உள்ளிட்டோர் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/feb/16/பயங்கரவாதத்-தாக்குதலில்-உயிரிழந்த-வீரர்களுக்கு-அஞ்சலி-3096900.html
3096899 விழுப்புரம் கடலூர் விபச்சித்து முனிவருக்கு காட்சியளித்த பழமலைநாதர் DIN DIN Saturday, February 16, 2019 09:17 AM +0530 விருத்தாசலத்தில் விபச்சித்து முனிவருக்கு பழமலைநாதர் காட்சியளிக்கும் விழா வெள்ளிக்கிழமை நடைபெற்றது.

விருத்தாசலத்தில் பாடல் தலமான விருத்தாம்பிகை - பாலாம்பிகை உடனுறை விருத்தகிரீஸ்வரர் கோயில் அமைந்துள்ளது. இந்தக் கோயிலின் மாசிமக பெருவிழா கொடியேற்றத்துடன் அண்மையில் தொடங்கியது. வெள்ளிக்கிழமை 6}ஆம் நாள் திருவிழா நடைபெற்றது. இதில், மாசிமகத்தின் முக்கிய நிகழ்ச்சியான, விபச்சித்து முனிவருக்கு விருத்தகிரீஸ்வரர் காட்சியளிக்கும் நிகழ்வு நடைபெற்றது. ஆண்டுக்கு ஒரு முறை மட்டுமே வெளியே வரும் விருத்தகிரீஸ்வரர் பழமலைநாதராக விபச்சித்து முனிவருக்கு காட்சியளிப்பதற்காக மட்டுமே வருவது குறிப்பிடத்தக்கது. 

அதன்படி, வெள்ளிக்கிழமை சிறப்பு அலங்காரத்தில் விருத்தகிரீஸ்வரர், விருத்தாம்பிகை } பாலாம்பிகை ஆகியோர் காட்சியளித்தனர். அதனைத் தொடர்ந்து மகா தீபாராதனை காட்டப்பட்டு வெள்ளி ரிஷப வாகனத்தில் பழமலைநாதர் எழுந்தருளினார். பின்னர் ஆலயத்தை சுற்றி சுவாமி வீதி உலா வந்தார். அப்போது, விபச்சித்து முனிவர் எதிர்சேவையாற்றி தரிசனம் செய்தார். இந்த நிகழ்வை திரளான பக்தர்கள் தரிசித்து வழிபட்டனர். விழாவின் மற்றொரு முக்கிய நிகழ்வான திருத்தேரோட்டம் வருகிற 18}ஆம் தேதி நடைபெறுகிறது.

]]>
https://www.dinamani.com/all-editions/edition-villupuram/cuddalore/2019/feb/16/விபச்சித்து-முனிவருக்கு-காட்சியளித்த-பழமலைநாதர்-3096899.html
3096239 விழுப்புரம் கடலூர் 81 காவல் உதவி ஆய்வாளர்கள் பணியிட மாற்றம் DIN DIN Friday, February 15, 2019 08:47 AM +0530 கடலூர் மாவட்டத்தில் 81 காவல் உதவி ஆய்வாளர்கள் பணியிட மாற்றம் செய்யப்பட்டனர்.
மக்களவைத் தேர்தல் தேதி விரைவில் அறிவிக்கப்பட உள்ள நிலையில், அதற்கான முன்னேற்பாடு நடவடிக்கைகளைத் தேர்தல் ஆணையம் தீவிரப்படுத்தி வருகிறது. அதன்படி, காவல் துறை உள்ளிட்ட அனைத்து அரசுத் துறைகளிலும் மூன்று ஆண்டுகள் ஒரே மாவட்டத்திலும், இதேபோல, சொந்த மாவட்டத்தில் பணியாற்றும் அலுவலர்கள், அதிகாரிகளை பணியிட மாற்றம் செய்ய தேர்தல் ஆணையம் உத்தரவிட்டது.
இந்த நிலையில், விழுப்புரம் காவல் சரகத்துக்கு உள்பட்ட கடலூர், விழுப்புரம் மாவட்டங்களில் மூன்று ஆண்டுகளுக்கு மேல் பணியாற்றி வரும் காவல் உதவி ஆய்வாளர்களையும், சொந்த மாவட்டங்களைச் சேர்ந்த காவல் உதவி ஆய்வாளர்களையும் பணியிட மாற்றம் செய்து விழுப்புரம் சரக டி.ஐ.ஜி. சந்தோஷ் குமார் உத்தரவு பிறப்பித்தார். அதன்படி, கடலூர் மாவட்டத்தில் 46 காவல் நிலையங்கள் 6 அனைத்து மகளிர் காவல் நிலையங்கள், சிறப்புக் காவல் பிரிவுகளில் பணியாற்றி வரும் 81 காவல் உதவி ஆய்வாளர்களை விழுப்புரம் மாவட்டத்துக்கு பணியிட மாற்றம் செய்தார். 
இதேபோல, விழுப்புரம் மாவட்டத்தை சேர்ந்த 89 காவல் உதவி ஆய்வாளர்களை கடலூர் மாவட்டத்துக்கு பணியிட மாற்றம் செய்து டி.ஐ.ஜி. உத்தரவிட்டார்.

]]>
https://www.dinamani.com/all-editions/edition-villupuram/cuddalore/2019/feb/15/81-காவல்-உதவி-ஆய்வாளர்கள்-பணியிட-மாற்றம்-3096239.html
3096237 விழுப்புரம் கடலூர் தொழில் முனைவோருக்கான விழிப்புணர்வு நிகழ்ச்சி DIN DIN Friday, February 15, 2019 08:46 AM +0530 சிதம்பரம் அருகே சி.முட்லூரில் உள்ள அரசுக் கலைக் கல்லூரியில் தொழில் முனைவோர் மேம்பாடு - புத்தாக்க நிறுவனம் சார்பில், இறுதியாண்டு பயிலும் மாணவர்களுக்கான தொழில் முனைவோர் விழிப்புணர்வு நிகழ்ச்சி புதன்கிழமை நடைபெற்றது.

நிகழ்ச்சியில் முனைவர் ஆர்.அறிவழகன் வரவேற்றார். கல்லூரி முதல்வர் என்.சாந்தி சிறப்புரையாற்றினார். பேராசிரியர் புகுத்தெழினி, ஆர்.கவிதா, ஆரோக்கியசாமி உள்ளிட்டோர் பங்கேற்றுப் பேசினர். பேராசிரியர் ஆர்.பன்னீர்செல்வம் நன்றி கூறினார். நிகழ்ச்சியில் கல்லூரி மாணவ, மாணவிகள் 100 பேர் கலந்து கொண்டு பயனடைந்தனர்.

]]>
https://www.dinamani.com/all-editions/edition-villupuram/cuddalore/2019/feb/15/தொழில்-முனைவோருக்கான-விழிப்புணர்வு-நிகழ்ச்சி-3096237.html
3096233 விழுப்புரம் கடலூர் சர்வதேச வாய், முகம், தாடை அறுவைச் சிகிச்சை நிபுணர்கள் தினம் DIN DIN Friday, February 15, 2019 08:46 AM +0530 சிதம்பரம் அண்ணாமலைப் பல்கலைக்கழக ராஜா முத்தையா பல் மருத்துவக் கல்லூரியில் சர்வதேச வாய், முகம், தாடை அறுவைச் சிகிச்சை நிபுணர்கள் தினம் புதன்கிழமை கொண்டாடப்பட்டது.
இந்தச் சங்கம் ஐம்பது ஆண்டுகளுக்கு முன்பு உருவாக்கப்பட்டது. வாய், முகம், தாடை அறுவை சிகிச்சை  தந்தை பேராசிரியர் ஜின்வாலா, ராஜா முத்தையா பல் மருத்துவக் கல்லூரியின் முதல் தலைவர் பி.சீனிவாசன் உள்ளிட்ட பலர்  இந்தச் சங்கம் வளரக் காரணமாக விளங்கினர். 
தற்போது, 20 -க்கும் மேற்பட்ட கிளைகள்,  4 ஆயிரத்துக்கும் மேற்பட்ட உறுப்பினர்கள் இந்தச் சங்கத்தில் உள்ளனர்.
அண்ணாமலைப் பல்கலைக்கழகத்தின் 90-ஆவது ஆண்டை முன்னிட்டு, பல் மருத்துவத் துறை நிபுணர்கள் நடத்தும் பல்வேறு நிகழ்ச்சிகளில், பிப்ரவரி 13- ஆம் தேதி சர்வதேச வாய், முகம், தாடை அறுவை சிகிச்சை நிபுணர்கள் தினமாக கொண்டாடப்பட்டது.
இந்தத் துறை சார்ந்த அறுவை  சிகிச்சை தலைவர் ஏ.தங்கவேலு, பல் மருத்துவக் கல்லூரி முதல்வர் கே.ராஜசிகாமணி ஆகியோர் விழாவைத் தொடக்கிவைத்தனர். பல்கலை. பதிவாளர் எம்.ரவிச்சந்திரன் தலைமை விருந்தினராகப் பங்கேற்று, குத்துவிளக்கேற்றி நிகழ்ச்சியைத் தொடக்கி வைத்துப் பேசினார். 
ராஜா முத்தையா மருத்துவக் கல்லூரி முதல்வர் டி.ராஜ்குமார், துணை முதல்வர் எஸ். ந.செந்தில்குமார் ஆகியோர் சிறப்பு விருந்தினர்களாகப் பங்கேற்று பேசினர். கெüரவ விருந்தினர்களாக, ராஜா முத்தையா பல் மருத்துவக் கல்லூரியின் முன்னாள் மாணவர்களான சென்னை காட்டாங்குளத்தூர் எஸ்.ஆர்.எம் பல் மருத்துவக் கல்லூரி முதல்வர் விவேக் நாராயனன், அகில இந்திய வாய், முகம், தாடை அறுவை சிகிச்சை நிபுணர்கள் சங்க தமிழ்நாடு கிளையின் செயலர் ராம்குமார் ஆகியோர் பங்கேற்று இளநிலை,  முதுநிலை மாணவ, மாணவிகளிடையே விரிவுரையாற்றினர்.
மேலும், இளநிலை, முதுநிலையில் முதல் மதிப்பெண் பெற்ற மாணவர்களைப் பாராட்டி, சான்றிதழ், நினைவுப் பரிசுகள் வழங்கப்பட்டன. தொடர்ந்து, வேளாண் கல்லூரி மாணவர் சபரிநாதன், முதுநிலை பல் மருத்துவக் கல்லூரி மாணவர்களுடன் வேளாண் கல்லூரியிலும், பொறியியல் கல்லூரியிலும் வாய்ப் புற்று நோய், புகைப் பிடித்தல், தலைக் கவசத்தின் முக்கியத்துவம் குறித்து விளக்கும் வகையில் விழிப்புணர்வு நாடகத்தை நடத்தினர். 

]]>
https://www.dinamani.com/all-editions/edition-villupuram/cuddalore/2019/feb/15/சர்வதேச-வாய்-முகம்-தாடை-அறுவைச்-சிகிச்சை-நிபுணர்கள்-தினம்-3096233.html
3096231 விழுப்புரம் கடலூர் நிர்வாகி நியமனம் DIN DIN Friday, February 15, 2019 08:45 AM +0530 தமிழக மக்கள் ஜனநாயகக் கட்சியின் மாநில நிர்வாகக் குழு உறுப்பினராக, கடலூர் மாவட்டம், பண்ருட்டியைச் சேர்ந்த கே.அஜீஸ் கான் நியமிக்கப்பட்டார். இதற்கான உத்தரவை அந்தக் கட்சியின் தலைவர் கே.எம்.சரீப் வியாழக்கிழமை வழங்கினார்.

]]>
https://www.dinamani.com/all-editions/edition-villupuram/cuddalore/2019/feb/15/நிர்வாகி-நியமனம்-3096231.html
3096229 விழுப்புரம் கடலூர் சாலைப் பாதுகாப்பு வார விழா DIN DIN Friday, February 15, 2019 08:45 AM +0530 வடலூர், கருங்குழி ஏரிஸ் மகளிர் கலை, அறிவியல் கல்லூரியில் சாலைப் பாதுகாப்பு வார விழா அண்மையில் நடைபெற்றது.

நிகழ்ச்சிக்கு கல்லூரி முதல்வர் எஸ்.தியாகராஜன் தலைமை வகித்தார். தொழில்நுட்பக் கல்லூரி முதல்வர் ஜி.கணேசன் முன்னிலை வகித்தார். வடலூர் காவல் ஆய்வாளர் க.அம்பேத்கார் சிறப்பு விருந்தினராகக் கலந்து கொண்டு பேசினார். 

பின்னர், சாலைப் பாதுகாப்பு குறித்த வினாக்களுக்கு விடையளித்த மாணவர்களுக்கு பரிசுகள் வழங்கப்பட்டன. போக்குவரத்துக் காவல் உதவி ஆய்வாளர் ஆர்.வெங்கடேசன், கே.தனசேகரன் ஆகியோர் வாழ்த்திப் பேசினர். நிகழ்ச்சியை நாட்டு நலப்பணித் திட்டம், இளைஞர் செஞ்சிலுவை சங்கம், குடிமக்கள் நுகர்வோர் மன்ற மாணவர்கள் இணைந்து நடத்தினர்.

நிகழ்ச்சியில் பேராசிரியர்கள், மாணவர்கள், அலுவலர்கள், ஓட்டுநர்கள் கலந்துகொண்டனர். நாட்டு நலப்பணித் திட்ட அலுவலர் ஆர்.வேல்முருகன் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/15/சாலைப்-பாதுகாப்பு-வார-விழா-3096229.html
3096226 விழுப்புரம் கடலூர் ஆயுதம் பதுக்கியதாக தவாக பிரமுகர் கைது DIN DIN Friday, February 15, 2019 08:44 AM +0530 ஆயுதம் பதுக்கி வைத்திருந்ததாக தவாக பிரமுகர் கைது செய்யப்பட்டார்.
விழுப்புரம் மாவட்டம், சின்னகள்ளிப்பட்டைச் சேர்ந்தவர் சுப்ரமணியன் மகன் ஆறுமுகம் (39). தமிழக வாழ்வுரிமைக் கட்சியின் நிர்வாகியான இவர், கடலூர் சாவடி வைஷ்ணவி தோட்டத்தில் வசித்து வருகிறார். இவரது வீட்டில் ஆயுதங்கள் பதுக்கி வைத்திருப்பதாக டெல்டா பிரிவு போலீஸாருக்கு தகவல் கிடைத்தது. 
இதைஉறுதிப்படுத்திய போலீஸார் இதுகுறித்து புதுநகர் காவல் துறையினருக்கு தகவல் தெரிவித்தனர். இதையடுத்து, வியாழக்கிழமை கடலூர் புதுநகர் காவல் ஆய்வாளர் த.கி.சரவணன் தலைமையிலான போலீஸார் அவரது வீட்டுக்குச் சென்று சோதனையிட்டனர். 
அப்போது, வீட்டின் பின்புறத்தில் பதுக்கி வைத்திருந்த 5 கத்திகள், 6 இரும்புக் குழாய்கள் இருப்பது தெரிய வந்தது. இதையடுத்து, அவரை ஆயுதங்கள் தடைச் சட்டத்தின் கீழ் கைது செய்து, ஆயுதங்களை பறிமுதல் செய்தனர்.
 

]]>
https://www.dinamani.com/all-editions/edition-villupuram/cuddalore/2019/feb/15/ஆயுதம்-பதுக்கியதாக-தவாக-பிரமுகர்-கைது-3096226.html
3096224 விழுப்புரம் கடலூர் பணியிடை நீக்கம் செய்யப்பட்ட 78 ஆசிரியர்களுக்கு மீண்டும் பணி DIN DIN Friday, February 15, 2019 08:44 AM +0530 ஜாக்டோ - ஜியோ போராட்டத்தில் பங்கேற்று, பணியிடை நீக்கம் செய்யப்பட்ட 78 ஆசிரியர்களுக்கு வியாழக்கிழமை மீண்டும் பணி வழங்கப்பட்டது.
போராட்டத்தில் ஈடுபட்டதாக தமிழகம் முழுவதும் 1,584 ஆசிரியர்கள் தற்காலிகப் பணியிடை நீக்கம் செய்யப்பட்டனர். 
கடலூர் மாவட்டத்தில் தொடக்க, நடுநிலைப் பள்ளிகள் அளவில் ஆசிரியர்கள், தலைமை ஆசிரியர்கள் என 39 பேரும், உயர்நிலை, மேல்நிலைப் பள்ளிகள் அளவில் 39 பேரும் தற்காலிகப் பணியிடை நீக்கம் செய்யப்பட்டனர்.
இந்த நிலையில், இந்த பணியிடை நீக்க உத்தரவை தமிழக அரசு ரத்து செய்து புதன்கிழமை அறிவிப்பு வெளியிட்டது. இதைத் தொடர்ந்து, தொடக்க, நடுநிலைப் பள்ளி ஆசிரியர்கள் 39 பேருக்கும் அந்தந்த கல்வி மாவட்ட அளவில் மாவட்ட கல்வி அலுவலர்கள் மீண்டும் பணி செய்வதற்கான பணி ஆணையை வியாழக்கிழமை வழங்கினர். 
உயர்நிலை, மேல்நிலைப் பள்ளி ஆசிரியர்கள் 39 பேருக்கு முதன்மைக் கல்வி அலுவலர் கா.பழனிச்சாமி வியாழக்கிழமை பணி ஆணை வழங்கினார்.
இதுகுறித்து அவர் கூறியதாவது: பணியிடை நீக்க காலத்தில் காலியிடத்தில் வேறு ஆசிரியர்கள் நியமனம், இட மாறுதல் கோருவோருக்கு பணியிட மாற்றம் வழங்க அரசு உத்தரவிட்டிருந்தது. ஆனால், கடலூர் மாவட்டத்தில் அவ்வாறு யாரும் கோராததால், தற்போது பணி ஆணை வழங்கப்பட்டவர்களுக்கு மீண்டும் அந்தந்தப் பள்ளிகளிலேயே பணி வழங்கப்பட்டுள்ளது. இது அரசு எடுக்கும் அடுத்தக்கட்ட நடவடிக்கைக்கு உள்பட்டது என்ற விதியின் அடிப்படையிலேயே பணி வழங்கப்பட்டுள்ளது என்றார் அவர்.

]]>
https://www.dinamani.com/all-editions/edition-villupuram/cuddalore/2019/feb/15/பணியிடை-நீக்கம்-செய்யப்பட்ட-78-ஆசிரியர்களுக்கு-மீண்டும்-பணி-3096224.html
3096222 விழுப்புரம் கடலூர் மாவட்டக் கல்வி அலுவலர்கள் நியமனம் DIN DIN Friday, February 15, 2019 08:44 AM +0530 கடலூர் மாவட்டத்துக்கு 4 கல்வி அலுவலர்கள் நியமனம் செய்யப்பட்டனர்.
கடலூர் வருவாய் மாவட்டக் கல்வித் துறையைப் பொருத்தவரை கடலூர் மற்றும் விருத்தாசலம் கல்வி மாவட்டங்களாக இருந்தன. பின்னர், கடலூர், விருத்தாசலம், வடலூர், சிதம்பரம் கல்வி மாவட்டங்களாக மாற்றி அமைக்கப்பட்டு, 4 கல்வி மாவட்டங்கள் இயங்கி வருகிறது. புதிய கல்வி மாவட்டங்களாகப் பிரிக்கப்பட்ட போதும், மாவட்டக் கல்வி அலுவலர்கள் நியமிக்கப்படாமல் பொறுப்பு அலுவலர்கள் நியமிக்கப்பட்டிருந்தனர். இந்த நிலையில், புதிய கல்வி மாவட்ட அலுவலர்கள் நியமிக்கப்பட்டனர்.
அதன்படி, கடலூர் மாவட்டக் கல்வி அலுவலராக ஒருங்கிணைந்த கல்வித் திட்டம் (ஆர்எம்எஸ்ஏ) கூடுதல் திட்ட ஒருங்கிணைப்பாளர் ப.சுந்தரமூர்த்தி நியமிக்கப்பட்டார். தற்போது பொறுப்பு வகித்து வரும் என்.ஜி.செல்வராஜ் பதவி உயர்வு பெற்று அரியலூர் மாவட்டக் கல்வி அலுவலராகப் பொறுப்பேற்றுள்ளார்.
விருத்தாசலம் கல்வி மாவட்ட அலுவலர் பொறுப்பிலிருக்கும் வேப்பூர் தலைமை ஆசிரியர் செல்வகுமார் அதிலிருந்து விடுவிக்கப்பட்டு, கன்னியாகுமரி மாவட்டம், பால்குளம் அரசு உயர்நிலைப் பள்ளித் தலைமை ஆசிரியர் கே.ராமச்சந்திரன் நாயர் பதவி உயர்வில் அந்தப் பொறுப்பை ஏற்றுள்ளார்.
வடலூர் கல்வி மாவட்ட அலுவலராக கடலூர் மாவட்டம், திருவாமூர் அரசு உயர்நிலைப் பள்ளி தலைமை ஆசிரியர் எம்.ரோஸ் பதவி உயர்வு பெற்று பொறுப்பேற்கிறார். இந்தப் பொறுப்பை வகித்து வந்த வடலூர் மகளிர் மேல்நிலைப் பள்ளித் தலைமை ஆசிரியர் திருமுகம் மீண்டும் அதே பணியிடத்துக்குச் செல்கிறார்.
சிதம்பரம் கல்வி மாவட்டத்தின் பொறுப்பு அலுவலரான வெங்கனூர் அரசு உயர்நிலைப் பள்ளித் தலைமை ஆசிரியர் சுவாமிமுத்தழகன் மீண்டும் பள்ளிப் பொறுப்புக்குச் செல்கிறார். அவருக்குப் பதிலாக விழுப்புரம் மாவட்டம், நயினார்பாளையம் அரசு உயர்நிலைப் பள்ளி தலைமை ஆசிரியர் ஆர்.ராஜேந்திரன் அந்தப் பொறுப்புக்கு நியமிக்கப்பட்டார்.

]]>
https://www.dinamani.com/all-editions/edition-villupuram/cuddalore/2019/feb/15/மாவட்டக்-கல்வி-அலுவலர்கள்-நியமனம்-3096222.html
3096220 விழுப்புரம் கடலூர் வேளாண் அறிவியல் நிலையத்தில் ஆலோசனைக் குழுக் கூட்டம் DIN DIN Friday, February 15, 2019 08:43 AM +0530 விருத்தாசலம் வேளாண் அறிவியல் நிலையத்தில் 22-ஆவது அறிவியல் ஆலோசனைக் குழுக் கூட்டம் புதன்கிழமை நடைபெற்றது.
கூட்டத்தில்  தமிழ்நாடு வேளாண்மைப் பல்கலைக்கழக விரிவாக்கக் கல்வி இயக்குநர் எம்.ஜவஹர்லால் தலைமை வகித்து, சிறப்புரையாற்றினார். வேளாண் அறிவியல் நிலைய திட்ட ஒருங்கிணைப்பாளர் எஸ்.கண்ணன் வரவேற்றார். ஆடுதுறை, தமிழ்நாடு நெல் ஆராய்ச்சி நிலைய இயக்குநர் வி.அம்பேத்கர், ஹைதராபாத், வேளாண் தொழில்நுட்பப் பயன்பாட்டு ஆராய்ச்சி நிறுவனம் (பத்தாவது மண்டலம்), முதன்மை விஞ்ஞானி ஆ.பாஸ்கரன் ஆகியோர் சிறப்பு விருந்தினராகக் கலந்து கொண்டு பேசினர்.
தமிழ்நாடு வேளாண்மைப் பல்கலைக்கழகத்தின் கீழ் இயங்கும் கரும்பு ஆராய்ச்சி நிலைய பேராசிரியர் ம.ஜெயசந்திரன், மண்டல ஆராய்ச்சி நிலைய பேராசிரியர் அ.மோதிலால், பாலூர் காய்கறி ஆராய்ச்சி நிலையம், கால்நடை துறை, வனத் துறை, பொறியியல் துறை, மீன்வளத் துறை, பட்டு வளர்ச்சித் துறை, அகில இந்திய வானொலி நிலையம் (புதுச்சேரி) உள்ளிட்ட பல்வேறு துறைகளைச் சேர்ந்த அதிகாரிகள் கலந்து கொண்டு ஆலோசனைகளை வழங்கினர். கூட்டத்தில் நிகழாண்டுக்கான திட்ட அறிக்கை, கடந்த ஆண்டு பரிந்துரைக்கப்பட்ட ஆலோசனைகள் மீது எடுக்கப்பட்ட நடவடிக்கைகள் குறித்து அறிக்கைகள் சமர்ப்பிக்கப்பட்டன.வேளாண் அறிவியல் நிலைய விஞ்ஞானிகள், மாவட்டத்தில் உள்ள முன்னோடி விவசாயிகள் உள்ளிட்ட பலர் கலந்து கொண்டனர். நிகழ்ச்சியின் சிறப்பு அம்சமாக பதிப்புகளை வெளியிட்டு, சாதனை விவசாயிகள் கௌரவிக்கப்பட்டனர். முனைவர் கே.நடராஜன் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/15/வேளாண்-அறிவியல்-நிலையத்தில்-ஆலோசனைக்-குழுக்-கூட்டம்-3096220.html
3096218 விழுப்புரம் கடலூர் சிறு, குறு விவசாயிகளுக்கு ரூ. 6 ஆயிரம் விண்ணப்பிக்க விவசாயிகள் ஆர்வம் DIN DIN Friday, February 15, 2019 08:43 AM +0530 சிறு, குறு விவசாயிகளுக்கு ரூ. 6 ஆயிரம் உதவித் தொகை வழங்கும் மத்திய அரசின் திட்டத்துக்கு விண்ணப்பிக்க  விவசாயிகள் ஆர்வம் காட்டி வருகின்றனர்.
மத்திய அரசு கடந்த 1- ஆம் தேதி, தாக்கல் செய்த இடைக்கால நிதிநிலை அறிக்கையில், முக்கிய அம்சமாக 5 ஏக்கருக்கு குறைவாக நிலம் வைத்திருக்கும் விவசாயிகளுக்கு ஆண்டுக்கு ரூ. 6 ஆயிரம் உதவித் தொகை வழங்கப்படும் என அறிவித்தது.

இந்த உதவித் தொகை ரூ. 2 ஆயிரம் வீதம் மூன்று தவணைகளில் வழங்கப்படும். நாடு முழுவதும் 12 கோடி விவசாயிகள் பயனடையும் வகையிலான இந்தத் திட்டத்துக்கு முதல் கட்டமாக ரூ. 20 ஆயிரம் கோடியை மத்திய அரசு ஒதுக்கீடு செய்தது.
இதில், முதல் தவணைத் தொகையை மார்ச் மாதத்திலேயே வழங்கும் வகையில், நடவடிக்கை எடுக்கப்பட்டு வருகிறது. இதற்காக, வருவாய், ஊரக வளர்ச்சித் துறையினர் கணக்கெடுப்புப் பணியில் ஈடுபட்டு வருகின்றனர். 
இதுகுறித்து வருவாய்த் துறையினர் கூறியதாவது: கடலூர் மாவட்டத்தில் சுமார் 3 லட்சம் சிறு, குறு விவசாயிகள் உள்ளனர். இவர்களில் முறையாக பட்டா வைத்திருப்பவர்களுக்கு உதவித் தொகை வழங்கப்படும். இவர்களிடமிருந்து விண்ணப்பங்கள் பெறப்பட்டு வருகிறது. இதற்காக, வருவாய்த் துறை, ஊரக வளர்ச்சித் துறையினர், அங்கன்வாடி பணியாளர்கள், கிராம உதவியாளர்கள் உள்ளிட்டோர் விவசாயிகளின் வீடுகளுக்கே சென்று விண்ணப்பங்களை நேரடியாக வழங்கி வருகின்றனர். இதுகுறித்து விழிப்புணர்வும் ஏற்படுத்தப்பட்டு வருகிறது. 
மேலும், ஆட்டோக்களில் ஒலி பெருக்கி மூலமாக விவசாயிகளுக்கு அறிவிப்பு வெளியிட்டு வருகிறோம். இதுவரை சுமார் 60 ஆயிரம் விண்ணப்பங்கள் பெறப்பட்டுள்ளன. இந்த விண்ணப்பங்களைச் சரி பார்த்து, அவர்களது வங்கிக் கணக்கு விவரங்களை உறுதி செய்து, பணம் செலுத்த நடவடிக்கை எடுத்து வருகிறோம். விவசாயிகளும் ஆர்வத்துடன் விண்ணப்பங்களை அளித்து வருகின்றனர்.
இந்தத் திட்டத்தில் பயனடைய விரும்பும் விவசாயிகளிடம் 23 கேள்விகள் கேட்கப்படும் வகையில் விண்ணப்பம் வழங்கப்பட்டு வருகிறது. அதில், பெயர், நிலத்தின் அளவு, பட்டா எண், நிலத்தின் வகைப்பாடு, மொத்த நிலத்தின் அளவு, அதன் பட்டா எண், வருமான வரி செலுத்துபவரா, ஆதார் எண் உள்ளிட்ட விவரங்கள் சேகரிக்கப்படுகின்றன. இந்த விவரங்களின் அடிப்படையில் பணம் வழங்கப்படும். எனவே, இதுவரை விண்ணப்பத்தை நிறைவு செய்து வழங்காத விவசாயிகள் உடனடியாக அந்தந்த கிராம நிர்வாக அலுவலர் அலுவலகங்களில் விண்ணப்பங்களை வழங்கலாம் என்றனர் அவர்கள்.
 

]]>
https://www.dinamani.com/all-editions/edition-villupuram/cuddalore/2019/feb/15/சிறு-குறு-விவசாயிகளுக்கு-ரூ-6-ஆயிரம்-விண்ணப்பிக்க-விவசாயிகள்-ஆர்வம்-3096218.html
3096207 விழுப்புரம் கடலூர் மாதிரி வாக்குப் பதிவு விழிப்புணர்வு முகாம் DIN DIN Friday, February 15, 2019 08:39 AM +0530 விருத்தாசலத்தை அடுத்த மங்கலம்பேட்டை அரசு ஆண்கள் மேல்நிலைப் பள்ளியில், வாக்குப் பதிவு இயந்திரம், அதை உறுதி செய்யும் இயந்திரம் தொடர்பான செயல் விளக்க விழிப்புணர்வு முகாம் நல்லூர் துணை வட்டார வளரச்சி அலுவலர் (கிராம ஊராட்சி) பாபு தலைமையில் வியாழக்கிழமை நடைபெற்றது. 
முகாமில் மங்கலம்பேட்டை காவல் ஆய்வாளர் ரவிச்சந்திரன், நல்லூர் கூட்டுறவு சார்-பதிவாளர் கஜேந்திரன், கிராம நிர்வாக அலுவலர் தமிழரசன் உள்ளிட்டோர் கலந்து கொண்டனர்.
இந்த முகாமில் வாக்குப்பதிவு இயந்திரத்தில் வாக்காளர்கள் எவ்வாறு வாக்களிக்க வேண்டும். தாங்கள் விரும்பிய சின்னத்துக்கு அளித்த வாக்கை, வாக்காளர்கள் உறுதி செய்து கொள்ளும் வகையில், வாக்குப்பதிவு இயந்திரத்தின் அருகே வைக்கப்பட்டுள்ள வாக்குப்பதிவை உறுதி செய்யும் இயந்திரத்தில் பார்த்து எவ்வாறு உறுதி செய்து கொள்ள வேண்டும் என்பது குறித்து, மாதிரி வாக்குப்பதிவு நடத்தி செயல் விளக்கம் அளித்தனர்.
இதில், பொதுமக்கள், அரசியல் கட்சியினர் பங்கேற்று மாதிரி வாக்குப்பதிவு இயந்திரத்தில் வாக்களித்தனர்.
 

]]>
https://www.dinamani.com/all-editions/edition-villupuram/cuddalore/2019/feb/15/மாதிரி-வாக்குப்-பதிவு-விழிப்புணர்வு-முகாம்-3096207.html
3096206 விழுப்புரம் கடலூர் தீ விபத்தில் கூரை வீடு சேதம் DIN DIN Friday, February 15, 2019 08:39 AM +0530 கடலூர் அருகே தீ விபத்தில் கூரை வீடு எரிந்து சேதமடைந்தது.
கடலூர் அருகே நல்லாத்தூர் கணபதி நகரைச் சேர்ந்தவர் பன்னீர்செல்வம். இவர், தனது சிறிய ரக சரக்கு வாகனத்தை வைக்கோல் பாரத்துடன் புதன்கிழமை இரவு வீட்டின் முன்பு நிறுத்தி வைத்திருந்தாராம். இந்த நிலையில், நள்ளிரவில் வாகனத்திலிருந்த வைக்கோல் தீப்பிடித்து எரிந்ததாம். இதைப் பார்த்த அந்தப் பகுதியினர் தண்ணீரை ஊற்றி தீயை அணைக்க முயன்றனர்.
அப்போது, தீ வேகமாகப் பரவி, அந்தப் பகுதியைச் சேர்ந்த விவசாயக் கூலித் தொழிலாளி ஏழுமலையின் (65) குடிசை வீடு எரிந்தது. தகவலறிந்த கடலூர் தீயணைப்பு நிலைய வீரர்கள், நிலைய அலுவலர் சீனுவாசன் தலைமையில் விரைந்து வந்து தீயை அணைந்தனர். எனினும், கூரை வீடு முற்றிலும் எரிந்து சேதமடைந்தது. வைக்கோலில் ஏற்பட்ட தீயை அணைத்து வாகனத்தை மீட்டனர். 
இதுகுறித்து தூக்கணாம்பாக்கம் காவல் துறையினர் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/15/தீ-விபத்தில்-கூரை-வீடு-சேதம்-3096206.html
3096203 விழுப்புரம் கடலூர் "போக்úஸா' சட்டம் குறித்து விழிப்புணர்வு முகாம் DIN DIN Friday, February 15, 2019 08:38 AM +0530 கடலூர் மாவட்டச் சட்டப் பணிகள் ஆணைக் குழு, விருத்தாசலம் வட்டச் சட்டப் பணிகள் குழு இணைந்து நடத்திய பாலியல் குற்றங்களில் இருந்து குழந்தைகளைப் பாதுகாக்கும் தடைச் சட்டம் (போக்úஸா) குறித்த விழிப்புணர்வு முகாம் விருத்தாசலம் அரசு பெண்கள் மேல்நிலைப் பள்ளி வளாகத்தில் வியாழக்கிழமை நடைபெற்றது.

நிகழ்ச்சிக்கு தலைமை வகித்த கடலூர் மகளிர் நீதிமன்ற மாவட்ட நீதிபதி டி.லிங்கேஸ்வரன் பேசியதாவது:
நாட்டிலேயே கடலூர் மாவட்டத்தில்தான் குழந்தை திருமணங்கள் அதிக அளவில் நடைபெறுகின்றன. குழந்தைகளின் உற்றார், உறவினர்களால்தான் அதிக திருமணங்கள் நடைபெறுகின்றன. பெண் குழந்தைகள் அனைவரிடத்திலும் எச்சரிக்கையாக இருக்க வேண்டிய சூழல் நிலவுகிறது. குற்றங்களைக் குறைக்க செல்லிடப்பேசி பயன்பாட்டைக் குறைக்க வேண்டும் என்றார் அவர். தொடர்ந்து, அவர் "போக்úஸா' சட்டம் குறித்த விளக்க உரையாற்றினார்.
நிகழ்ச்சியில் விருத்தாசலம் முதன்மை சார்பு நீதிபதி ஜெ.தமிழரசி வரவேற்றார். 
பெண்கள் பள்ளி தமிழாசிரியை கே.தமிழரசி அறிமுக உரையாற்றினார். கூடுதல் மாவட்ட அமர்வு நீதிபதி எம்.இளவரசன் பல்வேறு சட்டங்கள் குறித்து விளக்கவுரையாற்றினார். கடலூர் சார்பு நீதிபதி என்.சுந்தரம் சட்டப் பணிகள் குறித்துப் பேசினார்.
விருத்தாசலம் முதன்மை மாவட்ட உரிமையியல் நீதிபதி எஸ்.முத்துமுருகன், கூடுதல் மாவட்ட உரிமையியல் நீதிபதி எஸ்.சுப்ரமணி, பார் அசோசியேஷன் தலைவர்கள் எஸ்.ரெங்கநாதன், எம்.கே.அருள்குமார், அட்வகேட் அசோசியேஷன் தலைவர் ஆர்.ஸ்ரீநிவாசன் ஆகியோர் வாழ்த்திப் பேசினர். பள்ளித் தலைமை ஆசிரியை ஆர்.சுகந்தி நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/feb/15/போக்úஸா-சட்டம்-குறித்து-விழிப்புணர்வு-முகாம்-3096203.html
3096197 விழுப்புரம் கடலூர் புத்தாக்க அறிவியல் கண்காட்சியில் 300 படைப்புகள் DIN DIN Friday, February 15, 2019 08:37 AM +0530 தமிழ்நாடு அறிவியல் - தொழில்நுட்ப மையம், பள்ளிக் கல்வித் துறை ஆகியவை இணைந்து, கடலூர் வருவாய் மாவட்ட அளவிலான புத்தாக்க அறிவியல் கண்காட்சியை கடலூர் வேணுகோபாலபுரம் அரசு மகளிர் பள்ளியில் பிப்ரவரி 12, 13- ஆம் தேதிகளில் நடத்தியது. 
இந்தக் கண்காட்சியில், மத்திய அரசிடமிருந்து ரூ. 10 ஆயிரம் பரிசு பெற்ற 300 மாணவர்கள் தங்களது படைப்புகளைக் காட்சிக்காக வைத்திருந்தனர்.
கண்காட்சியா மாவட்ட முதன்மைக் கல்வி அலுவலர் கா.பழனிசாமி தொடக்கிவைத்தார். இதில், போக்குவரத்து பிரச்னை, மழைநீர் சேகரிப்பு, தொழில்சாலை கழிவிலிருந்து மின்சாரம் தயாரிப்பு, சூரிய ஒளியிலிருந்து மின்சாரம் உள்ளிட்ட 300 தலைப்புகளில் அறிவியல் படைப்புகள் காட்சிப்படுத்தப்பட்டிருந்தன. 
இந்தப் படைப்புகளிலிருந்து 30 சிறந்த படைப்புகள் தேர்ந்தெடுக்கப்பட்டு, மாநில அளவிலான புத்தாக்க அறிவியல் கண்காட்சியில் பங்கேற்க அனுப்பி வைக்கப்படும். அதில் தேர்ந்தெடுக்கப்படும் படைப்புகள், தேசிய அளவிலான போட்டிக்கு அனுப்பிவைக்கப்படும்.
நிகழ்வில் பங்கேற்ற தமிழ்நாடு அறிவியல் மையக் கணினிப் பொறியாளர் கே.கோமதி, தேசிய கண்டுபிடிப்பு நிறுவனத்தின் இணை ஆராய்ச்சியாளர் கிரிஸ் மேத்யூ ஆகியோர் மாணவர்களின் அறிவியல் படைப்புகளை மதிப்பீடு செய்து, மாவட்ட அளவிலான சிறந்த 3 படைப்புகளுக்கு பரிசுகளை வழங்கினர். கண்காட்சி ஏற்பாடுகளை அதன் ஒருங்கிணைப்பாளர் எஸ்.லியோனார்டு ஜானி செய்திருந்தார்.

]]>
https://www.dinamani.com/all-editions/edition-villupuram/cuddalore/2019/feb/15/புத்தாக்க-அறிவியல்-கண்காட்சியில்-300-படைப்புகள்-3096197.html
3096194 விழுப்புரம் கடலூர் தடுப்புக் காவல் சட்டத்தின் கீழ் சாராய வியாபாரி கைது DIN DIN Friday, February 15, 2019 08:36 AM +0530 தடுப்புக் காவல் சட்டத்தின் கீழ் சாராய வியாபாரி வியாழக்கிழமை கைது செய்யப்பட்டார்.
விருத்தாசலம் மதுவிலக்கு அமல்பிரிவு காவல் ஆய்வாளர் சுஜாதா தலைமையிலான காவலர்கள் கடந்த 26- ஆம் தேதி திட்டகுடி வட்டம், கொரக்கவாடி- வடகரபூண்டி காட்டுப்பாதை ஓடை அருகே கண்காணிப்புப் பணியில் ஈடுபட்டிருந்த போது, அந்தப் பகுதியில் 10 கேன்களில் மொத்தம் 300 லிட்டர் எரிசாராயம் வைத்திருந்ததாக கொரக்கவாடியைச் சேர்ந்த த.ஜெயபாலை (43) கைது செய்தனர்.
இவர் மீதான விசாரணையில், விருத்தாசலம் மதுவிலக்கு காவல் நிலையத்தில் 3 வழக்குகள், ராமநத்தம் காவல் நிலையத்தில் 2 வழக்குகள் நிலுவையில் இருப்பது தெரிய வந்தது. 
இதையடுத்து, அவரது குற்றச் செய்கையைக் கட்டுப்படுத்தும் வகையில், குண்டர் தடுப்புக் காவல் சட்டத்தில் கைது செய்ய மாவட்ட ஆட்சியருக்கு மாவட்டக் காவல் கண்காணிப்பாளர் ப.சரவணன் பரிந்துரைத்தார். 
அதன் பேரில், ஜெயபாலை ஓராண்டுக்கு சிறையில் அடைக்கும் வகையில், தடுப்புக் காவல் சட்டத்தின் கீழ் கைது செய்வதற்கான உத்தரவை மாவட்ட ஆட்சியர் வெ.அன்புச்செல்வன் வழங்கினார். இதையடுத்து, ஜெயபால் கடலூர் மத்திய சிறையில் 
அடைக்கப்பட்டார்.

]]>
https://www.dinamani.com/all-editions/edition-villupuram/cuddalore/2019/feb/15/தடுப்புக்-காவல்-சட்டத்தின்-கீழ்-சாராய-வியாபாரி-கைது-3096194.html
3096192 விழுப்புரம் கடலூர் பள்ளி ஆண்டு விழா DIN DIN Friday, February 15, 2019 08:36 AM +0530 சிதம்பரம் ஸ்ரீ குருஞானசம்பந்தர் மிஷன் மெட்ரிக் மேல்நிலைப் பள்ளியில் 18-ஆவது ஆண்டு விழா புதன்கிழமை நடைபெற்றது.
விழாவில் பள்ளித் தாளாளர் ஆர்.எம்.சுவேதகுமார் வரவேற்றார். பள்ளி முதல்வர் ஏ.பட்டாபிராமன் ஆண்டறிக்கை சமர்ப்பித்தார். பள்ளிக் குழுத் தலைவர் கே.முத்துக்குமரன் தலைமை வகித்துப் பேசினார். பள்ளிக் குழு ஆலோசகர் ஆர்.கே.கணபதி போட்டிகளில் வெற்றி பெற்ற மாணவ, மாணவிகளுக்கு பரிசுகள், சான்றிதழ்களை வழங்கிப் பேசினார். பள்ளியின் பொருளாளர் ஏ.சி.பி ரத்தினசுப்பிரமணியன் வாழ்த்திப் பேசினார்.
விழா நிகழ்ச்சியை ஆசிரியை டி.ராஜேஸ்வரி தொகுத்து வழங்கினார். ஆசிரியர் எம்.பிரபாகரன் நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/feb/15/பள்ளி-ஆண்டு-விழா-3096192.html
3096188 விழுப்புரம் கடலூர் மண் சரிந்ததில் மாணவர் சாவு DIN DIN Friday, February 15, 2019 08:35 AM +0530 பண்ருட்டி அருகே ஏரியில் பள்ளம் தோண்டிய போது, மண் சரிந்து விழுந்ததில் தொழில் பயிற்சிப் பள்ளி மாணவர் உயிரிழந்தார்.
பண்ருட்டி வட்டம், அங்குசெட்டிப்பாளையம், மாரியம்மன் கோயில் தெருவில் வசிக்கும் வெங்கடாஜலத்தின் மகன் வி.செந்தமிழ்செல்வன் (19). 
இவர், விழுப்புரம் மாவட்டம், திருநாவலூரில் உள்ள தனியார் தொழில் பயிற்சிப் பள்ளியில் படித்து வந்தார். 
இந்த நிலையில், வீட்டு உபயோகத்துக்காக மண் அள்ள அருகே உள்ள ஏரிக்கு நண்பர்கள் சந்தோஷ்குமார், விஜி, புஷ்பநாதன் ஆகியோருடன் சென்றாராம். வியாழக்கிழமை அதிகாலை ஏரியில் பள்ளம் தோண்டி மண்ணை அள்ளிக் கொண்டிருந்த போது, எதிர்பாராத விதமாக மேலே இருந்த மண் மேடு சரிந்து விழுந்ததில் செந்தமிழ்செல்வன் அதில் புதையுண்டார். 
உடனிருந்த நண்பர்கள், உறவினர்கள் மண் மேட்டை அகற்றி, செந்தமிழ்செல்வனை சடலமாக மீட்டனர்.  இதுகுறித்து புதுப்பேட்டை போலீஸார் வழக்குப் பதிந்து, விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/feb/15/மண்-சரிந்ததில்-மாணவர்-சாவு-3096188.html
3095632 விழுப்புரம் கடலூர் கண் தானம் DIN DIN Thursday, February 14, 2019 08:57 AM +0530 பண்ருட்டி, பிருந்தாவன் நகரைச் சேர்ந்த ஆர்.வேலப்பசெட்டியார் (65) புதன்கிழமை காலமானார். இவரது கண்களை தானமாக வழங்க குடும்பத்தினர் முன்வந்தனர். இதையடுத்து புதுச்சேரி அரவிந்த் கண் மருத்துவமனை மருத்துவக் குழுவினர் கண்களை தானமாகப் பெற்றனர். இதற்கான ஏற்பாடுகளை பண்ருட்டி ரோட்டரி சங்கத் தலைவர் டி.சண்முகம் உள்ளிட்டோர் செய்திருந்தனர்.

]]>
https://www.dinamani.com/all-editions/edition-villupuram/cuddalore/2019/feb/14/கண்-தானம்-3095632.html