Dinamani - கடலூர் - https://www.dinamani.com/all-editions/edition-villupuram/cuddalore/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3219440 விழுப்புரம் கடலூர் பள்ளிகளில் கிருஷ்ண ஜயந்தி விழா DIN DIN Friday, August 23, 2019 08:00 AM +0530 காட்டுன்னார்கோவிலில் உள்ள ஜி.கே. மெட்ரிக் மேல்நிலைப் பள்ளியில் கிருஷ்ண ஜயந்தி விழா வியாழக்கிழமை கொண்டாடப்பட்டது.
விழாவுக்கு கல்விக் குழுமத் தலைவர் ஜி.குமாரராஜா தலைமை வகித்தார். நிர்வாக இயக்குநர் ஜி.கே.அருண் முன்னிலை வகித்தார். விழாவை முன்னிட்டு கிருஷ்ணர், ராதை வேடமணிந்து வந்த மாணவ, மாணவிகள் கிருஷ்ணர் கதைகளை நடித்துக் காட்டினர். சிறப்பாக நடித்த மாணவர்களுக்கு கல்விக் குழுமத் தலைவர் 
ஜி.குமாரராஜா பரிசுகளை வழங்கிப் பாராட்டினார். 
கடலூர்: இதேபோல, கடலூர் மஞ்சக்குப்பத்தில் உள்ள ஸ்ரீமகரிஷி வித்யா மந்திர் மெட்ரிக் பள்ளியில் நடைபெற்ற கோகுலாஷ்டமி விழாவில் 30 மாணவ, மாணவிகள் கிருஷ்ணர், ராதை வேடமணிந்து வந்து மாறுவேடப் போட்டியில் கலந்து கொண்டனர். அவர்களுக்கு சிறப்பு விருந்தினராகப் பங்கேற்ற அரிமா சங்க நிர்வாகி கே.திருமலை, மகாலட்சுமி ஐ.டி.ஐ. நிறுவனர் சி.ஆர்.ராகவ்தினேஷ் ஆகியோர் பரிசுகளை வழங்கிப் பாராட்டினர். முன்னதாக, பள்ளித் தலைமை ஆசிரியர் உஷாராணி வரவேற்றார். ஆசிரியை ல.பிரேமலதா நன்றி கூறினார்.

]]>
https://www.dinamani.com/all-editions/edition-villupuram/cuddalore/2019/aug/23/பள்ளிகளில்-கிருஷ்ண-ஜயந்தி-விழா-3219440.html
3219439 விழுப்புரம் கடலூர் கேபிள் இணைப்புகள் துண்டிப்பால் 50 ஆயிரம் பேர் பாதிப்பு: ஆபரேட்டர்கள் மனு DIN DIN Friday, August 23, 2019 07:59 AM +0530 கேபிள் இணைப்புகள் துண்டிப்பால் 50 ஆயிரம் பேர் பாதிக்கப்பட்டுள்ளதாக ஆபரேட்டர்கள் ஆட்சியரிடம் மனு அளித்தனர்.
தமிழக கேபிள் டி.வி. ஆபரேட்டர்கள் பொதுநலச் சங்கத்தின் கடலூர் மாவட்டத் தலைவர் ஆர்.ஆனந்தன் தலைமையில், கேபிள் ஆபரேட்டர்கள் வியாழக்கிழமை மாவட்ட ஆட்சியர், மாவட்ட வருவாய் அலுவலரை சந்தித்து அளித்த மனு விவரம்:
மத்திய அரசின் அனுமதி பெற்று டிசிசிஎல் என்ற டிஜிட்டல் சிக்னல் பெற்று, கடலூர் மாவட்டத்தில் கேபிள் டி.வி. ஒளிபரப்பு செய்யப்பட்டு வருகிறது. இதற்காக, பிஎஸ்என்எல் மற்றும் தனியார் நிறுவனங்களின் தொலைத்தொடர்பு சாதனங்களை வாடகை பெற்று பயன்படுத்தி வருகிறோம். இந்த நிலையில், எவ்வித முன்னறிவிப்பும் இல்லாமல் புதன்கிழமை சிக்னல்கள் துண்டிக்கப்பட்டன. இதனால், மாவட்டம் முழுவதும் சுமார் 50 ஆயிரம் கேபிள் டி.வி. சந்தாதாரர்கள் பாதிக்கப்பட்டுள்ளனர். எனவே, இதுதொடர்பாக நடவடிக்கை எடுத்து சிக்னலை தங்குதடையின்றி வழங்க நடவடிக்கை எடுக்க வேண்டும் என அதில் கூறப்பட்டுள்ளது. சங்கத்தின் மாவட்டப் பொருளாளர் கதிர்காமன், துணைச் செயலர் ஆனந்தராஜ், நிர்வாகிகள் செந்தில், சிவலிங்கம், பாண்டியன், ஜோதி உள்ளிட்டோர் உடனிருந்தனர்.


 

]]>
https://www.dinamani.com/all-editions/edition-villupuram/cuddalore/2019/aug/23/கேபிள்-இணைப்புகள்-துண்டிப்பால்-50-ஆயிரம்-பேர்-பாதிப்பு-ஆபரேட்டர்கள்-மனு-3219439.html
3219438 விழுப்புரம் கடலூர் அண்ணாமலைப் பல்கலை.யில் கிராமப்புற சமூக ஈடுபாடு குறித்த மேம்பாட்டுப் பயிற்சி முகாம் DIN DIN Friday, August 23, 2019 07:59 AM +0530 சிதம்பரம் அண்ணாமலைப் பல்கலைக்கழகம், மகாத்மா காந்தி தேசிய ஊரகக் கல்வி நிறுவனம் ஆகியவை சார்பில், பல்கலைக்கழகப் பேராசியர்களுக்கான கிராமப்புற சமூக 
ஈடுபாடு குறித்த மேம்பாட்டுப் பயிற்சி முகாம் கல்வியியல் துறையில் புதன்கிழமை தொடங்கியது.
5 நாள்கள் நடைபெறும் இந்த முகாமின் தொடக்க விழாவுக்கு கல்வியியல் துறைத் தலைவர் ஆர்.பாபு தலைமை வகித்தார். மொழியியல் புல முதல்வர் மற்றும் ஆட்சிமன்றக் குழு உறுப்பினர் வி.திருவள்ளுவன் பயிற்சி முகாமைத் தொடக்கிவைத்து உரையாற்றினார். கல்வியியல் புல முதல்வர் ஆர்.ஞானதேவன் சிறப்புரையாற்றினார். திண்டுக்கல் காந்தி கிராமப் பல்கலைக்கழகத்தைச் சேர்ந்த பேராசிரியர் ஜி.பழனிதுரை, கிராமப்புற சமூக ஈடுபாடு குறித்தும், பல்கலைக்கழக ஆசிரியர்களின் பங்கு குறித்தும் எடுத்துரைத்தார்.  மகாத்மா காந்தி தேசிய ஊரகக் கல்வி நிறுவனத்தைச் சேர்ந்த நவீன்குமார் கலந்து கொண்டு பயிற்சி குறித்து பேசினார்.  விழா ஏற்பாடுகளை முனைவர் எஸ்.வீணா, கே.பிரவீணா ஆகியோர் செய்திருந்தனர். ஒருங்கிணைப்பாளர் எஸ்.வீணா வரவேற்றார். ஓ.பிரவீணா நன்றி கூறினார். இந்தப் பயிற்சி முகாமில் பல்வேறு துறைகளைச் சேர்நத 25-க்கும் மேற்பட்ட பேராசிரியர்கள் கலந்து கொண்டனர். 
 

]]>
https://www.dinamani.com/all-editions/edition-villupuram/cuddalore/2019/aug/23/அண்ணாமலைப்-பல்கலையில்-கிராமப்புற-சமூக-ஈடுபாடு-குறித்த-மேம்பாட்டுப்-பயிற்சி-முகாம்-3219438.html
3219437 விழுப்புரம் கடலூர் ரெளடி கொலை வழக்கில் 33 பேர் கைது DIN DIN Friday, August 23, 2019 07:59 AM +0530 சிதம்பரத்தில் ரெளடி வெடிகுண்டு வீசி கொல்லப்பட்ட வழக்கில் 33 பேரை போலீஸார் கைது செய்தனர்.
சிதம்பரத்தில் ரெளடி க.பாண்டியன் (35), நாட்டு வெடிகுண்டு வீசியும், அரிவாளால் வெட்டியும் கொலை செய்யப்பட்டார். இதைத் தொடர்ந்து, மாவட்டத்தில் ரெளடிகள் பட்டியலை தயார் செய்து, அவர்களை கைது செய்ய மாவட்டக் காவல் கண்காணிப்பாளர் ம.ஸ்ரீஅபிநவ் உத்தரவிட்டார். இதையடுத்து, தொடர் குற்ற நடவடிக்கையில் ஈடுபட்டவர்களின் பெயர் பட்டியல் தயாரிக்கப்பட்டது.
இவர்களில் 33 பேர் புதன், வியாழக்கிழமைகளில் கைது செய்யப்பட்டனர். இவர்களில் கட்டையன் (எ) ராஜேந்திரனை (41) மந்தாரக்குப்பம் போலீஸாரும், சிறுதொண்டமாதேவி சாமிநாதனை (27) காடாம்புலியூர் போலீஸாரும், பெரியகாட்டுச்சாகையைச் சேர்ந்த ராஜ்குமார் (எ) படையப்பாவை (38) குள்ளஞ்சாவடி போலீஸாரும் கைது செய்தனர். 
இதேபோல, சங்கரை (23) அண்ணாமலை நகர் போலீஸாரும், சரவணனை (39) சேத்தியாத்தோப்பு போலீஸாரும், டோனா (எ)  சூர்யாவை (24) காட்டுமன்னார்கோவில் போலீஸாரும், ராமமூர்த்தியை கடலூர் புதுநகர் போலீஸாரும் கைது செய்தனர். இதேபோல, மாவட்டம் முழுவதும் 33 பேரை போலீஸார் கைது செய்தனர்.
 

]]>
https://www.dinamani.com/all-editions/edition-villupuram/cuddalore/2019/aug/23/ரெளடி-கொலை-வழக்கில்-33-பேர்-கைது-3219437.html
3219436 விழுப்புரம் கடலூர் சேத்தியாத்தோப்பில் 75 மி.மீ. மழை DIN DIN Friday, August 23, 2019 07:59 AM +0530 கடலூர் மாவட்டத்தில் கடந்த ஒரு வாரமாக பரவலாக மழை பெய்து வருகிறது. குறிப்பாக, இரவு நேரங்களில் மழை பெய்து வருகிறது. வியாழக்கிழமை காலை 8.30 மணி வரையான 24 மணி நேரத்தில் மாவட்டத்தில் அதிகபட்சமாக சேத்தியாத்தோப்பில் 75.2 மில்லி மீட்டர் மழை பதிவானது.
இதேபோல, கீழச்செருவாய் 69, விருத்தாசலம் 65, வானமாதேவி 63, சிதம்பரம் 62.2, காட்டுமன்னார்கோயில் 62, பெலாந்துறை 59.4, குப்பநத்தம் 56.2, மே மாத்தூர் 56, லால்பேட்டை, குறிஞ்சிப்பாடி தலா 55, வேப்பூர் 50, காட்டுமயிலூர் 48, புவனகிரி 44, ஆட்சியர் அலுவலகம் 42, வடக்குத்து 38, ஸ்ரீமுஷ்ணம் 37.1, அண்ணாமலை நகர் 32.3, கொத்தவாச்சேரி, பண்ருட்டி தலா 30, குடிதாங்கி 20, லக்கூர், பரங்கிப்பேட்டை தலா 16, தொழுதூர் 11 மி. மீட்டர் மழை பதிவானது.

]]>
https://www.dinamani.com/all-editions/edition-villupuram/cuddalore/2019/aug/23/சேத்தியாத்தோப்பில்-75-மிமீ-மழை-3219436.html
3219435 விழுப்புரம் கடலூர் 683 கிராம ஊராட்சிகளில் நாளை கிராம சபைக் கூட்டம்: மாவட்ட ஆட்சியர் DIN DIN Friday, August 23, 2019 07:58 AM +0530 கடலூர் மாவட்டத்தில் உள்ள 13 ஊராட்சி ஒன்றியங்களைச் சேர்ந்த 683 கிராம ஊராட்சிகளில் சனிக்கிழமை (ஆக. 24) சிறப்பு கிராம சபைக் கூட்டத்தை நடத்த வேண்டும் என மாவட்ட ஆட்சியர் வெ.அன்புச்செல்வன் உத்தரவிட்டார்.
இதுகுறித்து வியாழக்கிழமை அவர் வெளியிட்ட செய்திக் குறிப்பு: 
கடலூர் மாவட்டத்தில் அனைத்து ஊராட்சி ஒன்றியத்துக்கு உள்பட்ட 683 கிராம ஊராட்சிகளிலும் சிறப்பு கிராம சபைக் கூட்டத்தை சனிக்கிழமை (ஆக. 24) நடத்த வேண்டும். இதில், பொதுமக்கள் அனைவரும் கலந்து கொள்ள வேண்டும்.
கூட்டத்தில் நீர் பாதுகாப்பு, மழைநீர் சேகரிப்பு, பாரம்பரியமிக்க, இதர நீர் நிலைகள், ஏரிகளைப் புனரமைத்தல், ஆழ்துளைக் கிணறுகள் பராமரிப்பு, நீர்வடிப் பகுதி மேம்பாடு, தீவிர காடு வளர்த்தல் ஆகிய தலைப்புகளில் விவாதித்து தீர்வுகாண வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/cuddalore/2019/aug/23/683-கிராம-ஊராட்சிகளில்-நாளை-கிராம-சபைக்-கூட்டம்-மாவட்ட-ஆட்சியர்-3219435.html
3219434 விழுப்புரம் கடலூர் குழந்தைகள் அறிவியல் மாநாட்டையொட்டி வழிகாட்டி ஆசிரியர்களுக்கான பயிற்சி முகாம் DIN DIN Friday, August 23, 2019 07:58 AM +0530 தமிழ்நாடு அறிவியல் இயக்கம் சார்பில் துளிர் இல்ல தொடக்க விழா, மாவட்ட அளவிலான வழிகாட்டி ஆசிரியர்களுக்கான பயிற்சி முகாம் ஆகியவை நெய்வேலி வட்டம் 11-இல்  உள்ள பழுப்பு நிலக்கரி அரங்கில் புதன்கிழமை நடைபெற்றது.
இந்திய அரசின் அறிவியல் தொழில்நுட்பத் துறையும், மத்திய அறிவியல் தொழில்நுட்ப தகவல் பரிமாற்றக் குழுவும் இணைந்து ஆண்டுதோறும் பள்ளி மாணவ, மாணவிகளுக்கான தேசிய குழந்தைகள் அறிவியல் மாநாட்டை நடத்தி வருகிறது. 
நிகழாண்டு "தூய்மையான, 
பசுமையான மற்றும் ஆரோக்கியமான தேசத்துக்கான அறிவியல் தொழில்நுட்பம் - புத்தாக்கம்' என்ற கருப்பொருளில் நாடு முழுவதும் மாணவர்கள் ஆய்வுகளைத் தொடங்கியுள்ளனர். 
வருகிற டிசம்பர் இறுதியில் நடைபெறவுள்ள அறிவியல் மாநாட்டில் மிகச் சிறந்த ஆய்வுகள் தெரிவு செய்யப்பட்டு, "இளநிலை விஞ்ஞானி' பட்டம் வழங்கப்படும்.
இதையொட்டி, வழிகாட்டி ஆசிரியர்களுக்கான பயிற்சி முகாம் நெய்வேலியில் நடைபெற்றது. தமிழ்நாடு அறிவியல் இயக்க புரவலரும், என்எல்சி இந்தியா நிறுவன நிதித் துறை முதன்மைப் பொது மேலாளருமான எஸ்.மதிவாணன் தலைமை வகித்தார். செயலர் மோகன் வரவேற்றார். என்எல்சி இந்தியா நிறுவனத்தின் மனித வளத் துறை செயல் இயக்குநர் என்.சதீஷ் பாபு நிகழாண்டுக்கான 30 துளிர் இல்லங்களைத் தொடக்கி வைத்து சிறப்புரையாற்றினார். நிகழ்ச்சியை மாவட்டத் துணைத் தலைவர் ராணி தொகுத்து வழங்கினார்.
என்எல்சி பள்ளிகளின் கல்வித் துறை செயலர் எஸ்.விநாயகமூர்த்தி, மாவட்டக் கல்வி அதிகாரி ஆர்.ராஜ சுந்தரி, ஓ. பி.ஆர். கல்வி நிறுவனங்களின் தாளாளர் ரா.செல்வராஜ்,  மாநிலச் செயலர் ஸ்டீபன் நாதன் ஆகியோர் வாழ்த்திப் பேசினர். நிகழ்ச்சியில் தேசிய அறிவியல் தின போட்டிகளில் வெற்றி பெற்ற மாணவிகளுக்கு பரிசுகள் வழங்கப்பட்டன.
என்சிஎஸ்சி மாநிலக் கருத்தாளர் எஸ்.பாலகுருநாதன், மாநில பொதுச் செயலர் எஸ்.சுப்பிரமணி, மாவட்டக் கருத்தாளர் தெரசா கேத்தரின், மாவட்டச் செயலர் ஆர்.தாமோதரன் ஆகியோர் பல்வேறு தலைப்புகளில் பயிற்சிகளை வழங்கினர்.  கடலூர், விருத்தாசலம், சிதம்பரம், வடலூர் பகுதிகளைச் சேர்ந்த பள்ளிகளில் பணியாற்றும் அறிவியல் ஆசிரியர்கள் கலந்து கொண்டனர். 
நிகழ்ச்சி ஏற்பாடுகளை தமிழ்நாடு அறிவியல் இயக்க நிர்வாகிகள் பேபி மாலா, சசிகலா, விஜயகுமார் உள்ளிட்டோர் செய்திருந்தனர். என்சிஎஸ்சி மாவட்ட ஒருங்கிணைப்பாளர்  ஆ.ஆரோக்கியதாஸ் அனைத்து வேலைகளையும் ஒருங்கிணைத்தார். வடலூர் கல்வி அதிகாரி சந்திரலேகா நிறைவுரையாற்றினார். மாவட்டத் தலைவர் வி.என்.சுப்ரமணியன் நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/23/குழந்தைகள்-அறிவியல்-மாநாட்டையொட்டி-வழிகாட்டி-ஆசிரியர்களுக்கான-பயிற்சி-முகாம்-3219434.html
3219433 விழுப்புரம் கடலூர் நிலக்கடலையில் உயர் விளைச்சல் பெறுவதற்கான தொழில்நுட்பப் பயிற்சி DIN DIN Friday, August 23, 2019 07:58 AM +0530 விருத்தாசலம் வட்டம், அரசகுழி கிராமத்தில் நிலக்கடலையில் உயர் விளைச்சல் பெறுவதற்கான தொழில்நுட்பங்கள் குறித்த பயிற்சி வியாழக்கிழமை நடைபெற்றது.
தமிழ்நாடு வேளாண்மைப் பல்கலைக்கழகம், வேளாண்மை அறிவியல் நிலையத்தின் கீழ், வெள்ளாறு துணை வடிகால் பகுதியில் நீர்வள நிலவள திட்டத்தின் கீழ் நடைபெற்ற பயிற்சியை வேளாண்மை அறிவியல் நிலையத்தின் திட்ட ஒருங்கிணைப்பாளர் சு.கண்ணன் தொடக்கிவைத்துப் பேசினார். உதவிப் பேராசிரியர்  க.நடராஜன் 
தரமான விதைகளைத் தேர்வு செய்வது எப்படி, உயர் விளைச்சல் தரக்கூடிய ரகங்கள், விதை நேர்த்தி, உற்பத்தி குறித்து பயிற்சியளித்தார். 
உதவிப் பேராசிரியர்(உழவியல்) க.வேங்கடலட்சுமி நிலத்தைப் பண்படுத்துதல், உர மேலாண்மை குறித்த தொழில்நுட்பங்களை விளக்கினார். முனைவர் சு.மருதாசலம் நிலக்கடலையில் ஒருங்கிணைந்த பூச்சி  நோய் மேலாண்மை குறித்து செயல் விளக்கம் மூலம் விளக்கினார். 
பயிற்சியில் பார்த்தீனியம் களைக் கட்டுப்பாடு குறித்த விழிப்புணர்வு, மத்திய அரசின் நீர் சேமிப்புத் திட்டம் ஆகியவை குறித்து விவசாயிகளுக்கு விரிவாக எடுத்துரைக்கப்பட்டது. பயிற்சியில் 40-க்கும் மேற்பட்ட விவசாயிகள் கலந்து கொண்டு பயனடைந்தனர்.

]]>
https://www.dinamani.com/all-editions/edition-villupuram/cuddalore/2019/aug/23/நிலக்கடலையில்-உயர்-விளைச்சல்-பெறுவதற்கான-தொழில்நுட்பப்-பயிற்சி-3219433.html
3219432 விழுப்புரம் கடலூர் உள்ளூர் திட்டக் குழும அலுவலகத்தை முற்றுகையிட்ட பொது நல இயக்கத்தினர்! DIN DIN Friday, August 23, 2019 07:57 AM +0530 கடலூர் உள்ளூர் திட்டக் குழும அலுவலகத்தை  அனைத்துப் பொதுநல இயக்கங்களின் கூட்டமைப்பினர் வியாழக்கிழமை முற்றுகையிட்டனர்.
கடலூர் புதுப்பாளையத்தில் உள்ளூர் திட்டக் குழு உதவி இயக்குநர் அலுவலகம் செயல்பட்டு வருகிறது. இந்த அலுவலகத்தில் கடந்த 3 மாதங்களாக உதவி இயக்குநர் பணியில் இல்லையாம். எனவே, கடலூர் அனைத்துப் பொதுநல இயக்கங்களின் கூட்டமைப்பினர் வியாழக்கிழமை திட்டக் குழு அலுவலகத்தை அதன் ஒருங்கிணைப்பாளர் வெண்புறா சி.குமார் தலைமையில் முற்றுகையிட்டனர். மேலும், அவர்கள் தங்களது சட்டையில் கோரிக்கை அட்டையை அணிந்து முழக்கமிட்டனர்.
பின்னர், அவர்கள் அளித்த மனு விவரம்: கடலூரில் கெடிலம் ஆறு அருகே உள்ள படை வீரர் மாளிகையில் விதிகளை தளர்த்தி ஜவுளிக் கடை நடத்துவதைத் தடுக்க வேண்டும். நகரின் பல்வேறு பகுதிகளில் கட்டப்பட்ட திருமண மண்டபங்கள், வணிக வளாகங்களில் 
போதுமான வாகன நிறுத்த வசதி இல்லை. இதனால், போக்குவரத்து நெரிசல் ஏற்படுகிறது. இதுதொடர்பாக உரிய நடவடிக்கை எடுக்க வேண்டும் என அந்த மனுவில் வலியுறுத்தியிருந்தனர்.
போராட்டத்துக்கு அந்தக் கூட்டமைப்பின் இணை ஒருங்கிணைப்பாளர்கள் எம்.குருராமலிங்கம், எம்.சுப்புராயன், கே.சிவாஜி கணேசன் ஆகியோர் முன்னிலை வகித்தனர். இந்திய கம்யூ. மாவட்ட செயலர் எம்.சேகர், நகரச் செயலர் ஜி.மணிவண்ணன் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/23/உள்ளூர்-திட்டக்-குழும-அலுவலகத்தை-முற்றுகையிட்ட-பொது-நல-இயக்கத்தினர்-3219432.html
3219431 விழுப்புரம் கடலூர் மின் பாதை அமைக்கும் பணிக்கு எதிர்ப்பு : குடும்ப, ஆதார் அட்டைகளை ஒப்படைத்த பொதுமக்கள் DIN DIN Friday, August 23, 2019 07:57 AM +0530 குறிஞ்சிப்பாடி அருகே மின் பாதை அமைக்கும் பணிக்கு எதிர்ப்புத் தெரிவித்த பகுதியில் வியாழக்கிழமை வட்டாட்சியர் ஆய்வு செய்த போது, குடும்ப அட்டை, ஆதார் அட்டைகளை வட்டாட்சியர் வாகனத்தின் மீது வைத்து பொதுமக்கள் எதிர்ப்புத் தெரிவித்தனர்.
குறிஞ்சிப்பாடி வட்டம், ஆடூர் அகரம் (கண்ணாடி) அருகே துணை மின் நிலையம் அமைக்கப்பட்டு வருகிறது. 95 சதவீதப் பணிகள் முடிவடைந்த நிலையில், தற்போது குறிஞ்சிப்பாடி துணை மின் நிலையத்தில் இருந்து ஆடூர் அகரம் துணை மின் நிலையத்துக்கு சுமார் 170-க்கும் மேற்பட்ட மின் கம்பங்கள் நிறுவப்பட்டு, மின் பாதை அமைத்து வருகின்றனர்.
செவ்வாய்க்கிழமை, குறிஞ்சிப்பாடி வட்டம், விருப்பாச்சி ஊராட்சி, மேலக்காலனி அருகே மின் ஊழியர்கள் மின் பாதை அமைக்கும் பணியில் ஈடுபட்ட போது, அங்கு வந்த மேலக்காலனி பொதுமக்கள் தங்கள் பகுதி வழியாக உயர் அழுத்த மின் பாதையை அமைக்கக் கூடாது எனக் கூறி பணியைத் தடுத்து நிறுத்தினர்.
இதுகுறித்து தகவலறிந்த குறிஞ்சிப்பாடி செயற்பொறியாளர் எம்.சி.கண்ணகி உள்ளிட்ட அதிகாரிகள் வந்து பேச்சுவார்த்தை  நடத்தினர். பின்னர், வியாழக்கிழமை வட்டாட்சியர் அலுவலகத்தில் பேசி தீர்வு காணலாம் எனக் கூறியதையடுத்து கலைந்து சென்றனர்.
இந்த நிலையில், மின் பாதை செல்லும் இடத்தைப் பார்வையிட குறிஞ்சிப்பாடி வட்டாட்சியர் உதயகுமார், மின்சார வாரிய உதவி மின் பொறியாளர் உள்ளிட்டோர் வந்தனர். அப்போது, இந்தத் திட்டத்தைத் தடை செய்யக் கூடாது. பாதுகாப்பான முறையில் ரப்பர் டியூப் போடப்பட்ட மின் கம்பிகள் பொருத்தப்படும். இதனால், ஆபத்து ஏற்படாது எனக் கூறினார். 
இதை ஏற்காத அந்தப் பகுதி மக்கள் எதிர்ப்புத் தெரிவித்ததுடன், தங்களது குடும்ப அட்டை, ஆதார் அட்டைகளை ஒப்படைப்பதாகக் கூறி, வட்டாட்சியர் வாகனத்தின் மீது வைத்தனர். இதையடுத்து, வெள்ளிக்கிழமை (ஆக. 23) பேசி தீர்வு காணலாம் எனக் கூறியதையடுத்து அனைவரும் கலைந்து சென்றனர்.
 

]]>
https://www.dinamani.com/all-editions/edition-villupuram/cuddalore/2019/aug/23/மின்-பாதை-அமைக்கும்-பணிக்கு-எதிர்ப்பு--குடும்ப-ஆதார்-அட்டைகளை-ஒப்படைத்த-பொதுமக்கள்-3219431.html
3219430 விழுப்புரம் கடலூர் பனை விதைகள் நடவுப் பணி DIN DIN Friday, August 23, 2019 07:56 AM +0530 திட்டக்குடி வட்டம், முருகன்குடி கிராமத்தில் உள்ள வெள்ளாற்றங்கரையில் செந்தமிழ் மரபு வழி வேளாண் நடுவம் சார்பில் பனை விதைகள் நடும் நிகழ்வு அண்மையில் நடைபெற்றது. 
நிகழ்ச்சிக்கு, ஒருங்கிணைப்பாளர் கண்ணதாசன் தலைமை வகித்தார். முருகன்குடி கிளை கனரா வங்கி மேலாளர் அரிபிரசாத் சிறப்பு அழைப்பாளராக பங்கேற்று பனை விதைகளை நடும் பணியை தொடக்கி வைத்தார். தொடர்ந்து, ஊரக வேலை உறுதித் திட்ட பணியாளர்கள் மூலம் பனை விதைகள் நடப்பட்டன. 
நிகழ்வில், செந்தமிழ் மரபு வழி வேளாண் நடுவத்தின் பொறுப்பாளர்கள், கிராம மக்கள் பங்கேற்றனர்.

]]>
https://www.dinamani.com/all-editions/edition-villupuram/cuddalore/2019/aug/23/பனை-விதைகள்-நடவுப்-பணி-3219430.html
3219429 விழுப்புரம் கடலூர் நஷ்ட ஈடு வழங்காததால் காப்பீட்டு நிறுவனத்தில் ஜப்தி DIN DIN Friday, August 23, 2019 07:56 AM +0530 நஷ்ட ஈடு வழங்காத காப்பீட்டு நிறுவனத்தை ஜப்தி செய்ய நீதிமன்றம் உத்தரவிட்டது.
கடலூர் வில்வநகரைச் சேர்ந்தவர் கி.பெருமாள், தேசிய மாணவர் படை அலுவலகத்தில் அலுவலக உதவியாளராக பணியாற்றி வந்தார். இவர், கடந்த 6.10.2000 அன்று தனது மோட்டார் சைக்கிளில் கடலூர் கடற்கரைச் சாலையில் சென்ற போது, கார் மோதியதில் காயமடைந்தார். மருத்துவமனையில் அனுமதிக்கப்பட்ட நிலையில், அவர் உயிரிந்தார். 
எனவே, விபத்து இழப்பீடு கோரி அவரது மனைவி சாந்தி கடலூர் முதன்மை மாவட்ட நீதிமன்றத்தில் வழக்குத் தொடுத்தார். இதில், சாந்தி குடும்பத்தினருக்கு வட்டியுடன் சேர்த்து ரூ. 22.40 லட்சத்தை வழங்க வேண்டும் என 2008 -ஆம் ஆண்டு நீதிமன்றம் உத்தரவிட்டது. 
ஆனால், இந்தத் தொகை வழங்கப்படாததைத் தொடர்ந்து, நீதிமன்றத்தில் வழக்குத் தொடுக்கப்பட்டது.
இதையடுத்து, உரிய இழப்பீட்டுத் தொகையை வழங்காத காப்பீட்டு நிறுவனத்தை ஜப்தி செய்ய நீதிமன்றம் உத்தரவிட்டது.
இதைத் தொடர்ந்து, கடலூர் மஞ்சக்குப்பத்திலுள்ள அரசுடைமையாக்கப்பட்ட காப்பீட்டு நிறுவனத்தில் வியாழக்கிழமை முதுநிலை கட்டளை நிறை வேற்றுபவர் ஆர்.ஜெயக்குமார் மற்றும் சாந்தி தரப்பினர் சென்று ஜப்தி நடவடிக்கையில் ஈடுபட்டனர்.

]]>
https://www.dinamani.com/all-editions/edition-villupuram/cuddalore/2019/aug/23/நஷ்ட-ஈடு-வழங்காததால்-காப்பீட்டு-நிறுவனத்தில்-ஜப்தி-3219429.html
3219428 விழுப்புரம் கடலூர் வணிகர்களுக்கு பாதிப்பில்லாமல் 4 வழிச்சாலையை அமைக்க வலியுறுத்தல் DIN DIN Friday, August 23, 2019 07:56 AM +0530 வணிகர்களுக்கு எந்தவித பாதிப்பும் இல்லாமல் 4 வழிச்சாலையை அமைக்க வேண்டும் என நெல்லிக்குப்பம் வர்த்தகர்கள் சங்கம் வலியுறுத்தியது.
கடலூர் முதல் மடப்பட்டு வரை 4 வழிச்சாலை அமைக்கும் பணி நடைபெற்று வருகிறது. இந்த நிலையில், நெல்லிக்குப்பம் நகர அனைத்து தொழில் வர்த்தகர்கள் சங்கத்தின் தலைவர் எச்.நாசர்அலி, செயலர் ஜெ.ராமலிங்கம் உள்ளிட்ட நிர்வாகிகள் புதன்கிழமை கடலூரில் உள்ள மாநில நெடுஞ்சாலைத் துறைப் பிரிவு பொறியாளரை சந்தித்து மனு அளித்தனர். அந்த மனுவில் கூறியிருப்பதாவது: 
கடலூர் - மடப்பட்டு வரை 4 வழிச்சாலை அமைக்கப்படுவதையும் நெல்லிக்குப்பம், பட்டாம்பாக்கம், பண்ருட்டி ஆகிய ஊர்களின் வடக்குப் பகுதியில் புறவழிச் சாலைகளாக அமைவதையும் சங்கத்தின் சார்பில் வரவேற்கிறோம். இந்தச் சாலையை ஏற்கெனவே உள்ள செயல்திட்ட வடிவத்தின்படி அமைக்க வேண்டும் என வலியுறுத்துகிறோம். அதாவது, திட்டமிட்டபடி மருதாடு பகுதியிலிருந்து  மேல்பட்டாம்பாக்கம் வரை செல்லும் வகையில் அமைக்க வேண்டும். 
இந்தத் திட்டத்தை மாற்றி, நெல்லிக்குப்பம் நகரப் பகுதி வழியாக சாலையை விரிவாக்கம் செய்தால், சுமார் 1,200 சிறு கடைகள் பாதிக்கப்படும். இந்தக் கடைகள் அனைத்தும் அங்குள்ள மக்களின் வாழ்வாராத்தை நம்பியே உள்ளது. எனவே, சிறு வணிகர்களின் நலன் கருதியும், அவர்களின் வாழ்வாதாரத்தைக் கருத்தில் கொண்டும் 4 வழிச்சாலையை அமைக்க வேண்டும் என அதில் கூறப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/aug/23/வணிகர்களுக்கு-பாதிப்பில்லாமல்-4-வழிச்சாலையை-அமைக்க-வலியுறுத்தல்-3219428.html
3219427 விழுப்புரம் கடலூர் தலைமைக் காவலருக்கு கொலை மிரட்டல்:  3 பேர் மீது வழக்கு DIN DIN Friday, August 23, 2019 07:55 AM +0530 பண்ருட்டி அருகே பெண் தலைமைக் காவலரை தாக்கி, கொலை மிரட்டல் விடுத்த 3 பேரை போலீஸார் தேடி வருகின்றனர்.
பண்ருட்டி அனைத்து மகளிர் காவல் நிலையத்தில் தலைமைக் காவலராகப் பணியாற்றி வருபவர் ரமணி (46). இவரது குடும்ப நண்பரான பண்ருட்டி வட்டம், சின்னபுறங்கனி கிராமத்தைச் சேர்ந்த சந்திரசுதாகர், கடந்த 2 ஆண்டுகளுக்கு முன்பு ரமணியின் கணவரிடம் ரூ. 2 லட்சம் கடன் பெற்றாராம். இதை இதுவரை திருப்பித் தரவில்லையாம்.
இந்த நிலையில், புதன்கிழமை ரமணியை செல்லிடப்பேசி மூலம் சந்திரசுதாகரின் மனைவி கவிதா தொடர்பு கொண்டு பணம் தருவதாக வரவழைத்தாராம். சின்னப்புறங்கனி மழலையர் பள்ளி அருகே வந்த ரமணியை, சந்திரசுதாகர், விஜயகுமார், கவிதா ஆகியோர் தாக்கி, கொலை மிரட்டல் விடுத்து தப்பிச் சென்றனராம். 
இதுகுறித்து ரமணி அளித்த புகாரின் பேரில், காடாம்புலியூர் போலீஸார் வழக்குப் பதிவு செய்து, 3 பேரைத் தேடி 
வருகின்றனர்.

]]>
https://www.dinamani.com/all-editions/edition-villupuram/cuddalore/2019/aug/23/தலைமைக்-காவலருக்கு-கொலை-மிரட்டல்--3-பேர்-மீது-வழக்கு-3219427.html
3219426 விழுப்புரம் கடலூர் ஆசிரியர்களுக்கு பணியிடைப் பயிற்சி DIN DIN Friday, August 23, 2019 07:55 AM +0530 பண்ருட்டி வட்டம், பணிக்கன்குப்பத்தில் இயங்கும் செயின்ட் பால் பப்ளிக் பள்ளி ஆசிரியர்களுக்கு பணியிடை பயிற்சி முகாம் அண்மையில் நடைபெற்றது. 
 முகாமுக்கு, பள்ளித் தாளாளர் ஏ.கிருபாகரன் தலைமை வகித்தார். கல்வி ஆலோசகர் வி.சூரியசேகர் முன்னிலை வகித்தார். சென்னை ரீச் பிகைண்ட் நிறுவனர் பிரியங்கா பங்கேற்று மாணவர்களின் பார்த்தல், கேட்டல், உணர்தல் ஆகிய திறன்களை உளவியல் ரீதியாக எவ்வாறு கையாள வேண்டுமென பயிற்சி அளித்தார். நிகழ்ச்சிக்கான ஏற்பாடுகளை பள்ளி முதல்வர் ஆர்.விஜயா செய்திருந்தார்.

]]>
https://www.dinamani.com/all-editions/edition-villupuram/cuddalore/2019/aug/23/ஆசிரியர்களுக்கு-பணியிடைப்-பயிற்சி-3219426.html
3219425 விழுப்புரம் கடலூர் மணல் கடத்தியவர் தடுப்புக் காவலில் கைது DIN DIN Friday, August 23, 2019 07:55 AM +0530 மணல் கடத்தலில் ஈடுபட்டவர் தடுப்புக் காவல் சட்டத்தின் கீழ் கைது செய்யப்பட்டார்.
வேப்பூர் அருகேயுள்ள ஐவதுகுடியின் கிராம நிர்வாக அலுவலர் சின்னராஜா, உதவியாளர் மாணிக்கம் ஆகியோர் கடந்த மாதம் 31- ஆம் தேதி சமத்துவபுரம் அருகே கண்காணிப்புப் பணியில் ஈடுபட்டிருந்தனர். அப்போது, அந்த வழியாகச் சென்ற லாரியை மடக்கி, சோதனை செய்த போது அதில் உரிய அனுமதியில்லாமல் மணல் ஏற்றிச் செல்வது தெரிய வந்தது.
இதையடுத்து, லாரியில் இருந்த விழுப்புரம் மாவட்டம், கள்ளக்குறிச்சி அருகேயுள்ள கூத்தக்குடியைச் சேர்ந்த அ.ஆறுமுகம் (39), கிராம நிர்வாக அலுவலருக்கு கொலை மிரட்டல் விடுத்து அங்கிருந்து தப்பினார். 
இதுகுறித்து சின்னராஜா அளித்த புகாரின் பேரில், வேப்பூர் காவல் ஆய்வாளர் வழக்குப் பதிவு செய்து விசாரித்தார்.
இதில், ஆறுமுகத்தின் மீது விழுப்புரம் மாவட்டம், வரஞ்சரம் காவல் நிலையத்தில் மணல் கடத்தல் வழக்குகள் நிலுவையில் இருப்பது தெரிய வந்தது. இவரது குற்றச் செய்கையைக் கட்டுப்படுத்தும் பொருட்டு, தடுப்புக் காவலில் கைது செய்ய  மாவட்ட ஆட்சியருக்கு காவல் கண்காணிப்பாளர் ம.ஸ்ரீஅபிநவ் பரிந்துரைத்தார். 
அதன் பேரில், அதற்கான உத்தரவை மாவட்ட ஆட்சியர் வெ.அன்புச்செல்வன் வியாழக்கிழமை வழங்கினார். இதைத் தொடர்ந்து, ஆறுமுகம் குண்டர் தடுப்புக் காவல் சட்டத்தின் கீழ் கைது செய்யப்பட்டார்.
 

]]>
https://www.dinamani.com/all-editions/edition-villupuram/cuddalore/2019/aug/23/மணல்-கடத்தியவர்-தடுப்புக்-காவலில்-கைது-3219425.html
3219424 விழுப்புரம் கடலூர் மத்திய அரசின் அடையாள அட்டைக்கு 267 மாற்றுத் திறனாளிகள் விண்ணப்பம் DIN DIN Friday, August 23, 2019 07:54 AM +0530 மாற்றுத் திறனாளிகளுக்கான மத்திய அரசின் தனித்துவம் வாய்ந்த அடையாள அட்டையைப் பெறுவதற்காக, குறிஞ்சிப்பாடியில் அண்மையில் நடைபெற்ற முகாமில் 267 பேர் விண்ணப்பித்தனர். 
 நாடு முழுவதும் மாற்றுத் திறனாளிகள் பற்றிய புள்ளி விவரங்களை சேகரிக்கவும், அரசின் திட்டங்களை அவர்களுக்கு எளிதில் கொண்டு செல்லும் நோக்கிலும், மாற்றுத் திறனாளிகளுக்கு தனித்துவம் வாய்ந்த அடையாள அட்டை வழங்கும் திட்டம் மத்திய அரசால் அமலில் உள்ளது. மாற்றுத் திறனாளிகள் உரிமைகள் சட்டம் 2016-இல் அறிவிக்கப்பட்ட 21 வகையான மாற்றுத் திறனாளிகளுக்கும் இந்த தனித்துவம் வாய்ந்த அடையாள அட்டை வழங்கப்படுகிறது.  
 இந்த அட்டையைப் பெறுவதற்கான விண்ணப்பங்கள் மாவட்ட மாற்றுத் திறனாளிகள் நல அலுவலகத்தில் பெறப்பட்டு பதிவு செய்யப்படுகிறது. இதற்கான சிறப்பு முகாம் குறிஞ்சிப்பாடியில், வட்டார வளர்ச்சி அலுவலகத்தில் செவ்வாய்க்கிழமை நடைபெற்றது. மாவட்ட மாற்றுத் திறனாளிகள் நல அலுவலர் வ.சீனிவாசன் தலைமையில், கேட்டல் மற்றும் பேச்சுப் பயிற்சியாளர் ஏ.சுபப்பிரியா உள்ளிட்டோர் மாற்றுத் திறனாளிகளிடம் இருந்து விண்ணப்பங்களை பெற்றனர். 
காலை 10 மணி முதல் மதியம் 2 மணி வரை நடைபெற்ற முகாமில் 267 மாற்றுத் திறனாளிகள் விண்ணப்பித்தனர்.
 

]]>
https://www.dinamani.com/all-editions/edition-villupuram/cuddalore/2019/aug/23/மத்திய-அரசின்-அடையாள-அட்டைக்கு-267-மாற்றுத்-திறனாளிகள்-விண்ணப்பம்-3219424.html
3219423 விழுப்புரம் கடலூர் பல்கலை.யில் நாட்டிய சங்கமம் DIN DIN Friday, August 23, 2019 07:54 AM +0530 சிதம்பரம் அண்ணாமலைப் பல்கலைக்கழகத்தில் 90-ஆம் ஆண்டு விழாவின் சிறப்பு நிகழ்ச்சியாக இசைத் துறை சார்பில், நாட்டிய சங்கமம் நிகழ்ச்சி டெக் பார்க் அரங்கில் வியாழக்கிழமை நடைபெற்றது.
பல்கலைக்கழகப் பதிவாளர் என்.கிருஷ்ணமோகன் தலைமை வகித்து, நாட்டிய சங்கமம் நிகழ்ச்சியைத் தொடக்கிவைத்துப் பேசினார். நுண்கலைப் புல முதல்வர் கே.முத்துராமன் வரவேற்றார். நிகழ்ச்சியில் வினிதா ஸ்ரீநந்தனின் மோகினி ஆட்டமும், ஜாய் கிருஷ்ணனின் கேரள நடனமும், சஹானா ராகவேந்திரா மையாவின் ஒடிஸி நடனமும், அனுபமா மோகனின் குச்சுப்புடி நடனமும், லட்சுமி நாராயண ஜனாவின் கதக் நடனமும் நடைபெற்றன.
நிகழ்ச்சி ஏற்பாடுகளை உதவிப் பேராசிரியர்கள் கே.சிவலோகநாதன், முனைவர் ஆ.எஸ்தர் பிரதீபா ஆகியோர் செய்திருந்தனர். பல்வேறு துறைகளைச் சேர்ந்த பேராசிரியர்கள், மாணவ, மாணவிகள் கலந்து கொண்டனர். இசைத் துறைத் தலைவர் ஆர்.கே.குமார் நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/23/பல்கலையில்-நாட்டிய-சங்கமம்-3219423.html
3219422 விழுப்புரம் கடலூர் ப.சிதம்பரம் கைதைக் கண்டித்து காங்கிரஸார் ஆர்ப்பாட்டம் DIN DIN Friday, August 23, 2019 07:53 AM +0530 முன்னாள் மத்திய அமைச்சர் ப.சிதம்பரத்தின் கைதைக் கண்டித்து, கடலூர் மற்றும் சிதம்பரத்தில் காங்கிரஸ் கட்சியினர் வியாழக்கிழமை ஆர்ப்பாட்டத்தில் ஈடுபட்டனர்.
காங்கிரஸ் கட்சியைச் சேர்ந்த மூத்தத் தலைவர் ப.சிதம்பரம். இவர், கடந்த 2007- ஆம் ஆண்டு மத்திய நிதியமைச்சராக இருந்த போது, ஐஎன்எக்ஸ் மீடியா என்ற நிறுவனம் ரூ. 305 கோடி வெளிநாட்டு நிதியைப் பெற்றது. 
இந்த நிதியைப் பெறுவதற்காக மத்திய நிதியமைச்சகத்தின் கீழ் இயங்கும் அந்நிய முதலீட்டு மேம்பாட்டு வாரியத்தை முறைகேடாகப் பயன்படுத்தியதாக இவர் மீது சி.பி.ஐ. 
குற்றஞ்சாட்டி, கடந்த 2017-ஆம் ஆண்டில் வழக்குப் பதிவு செய்தது. 
இதைத் தொடர்ந்து, புதன்கிழமை இரவு அவரை சி.பி.ஐ. அதிகாரிகள் கைது செய்தனர்.
இதைக் கண்டித்து, கடலூர் வடக்கு மாவட்ட காங்கிரஸ் கட்சி சார்பில், கடலூரில் தலைமை தபால் நிலையம் அருகே ஆர்ப்பாட்டம் நடைபெற்றது. 
ஆர்ப்பாட்டத்துக்கு கட்சியின் மாநிலப் பொதுக்குழு உறுப்பினர் என்.குமார் தலைமை வகித்தார். வட்டத் தலைவர்கள் ராதாகிருஷ்ணன், சீத்தாராமன், நகரத் தலைவர்கள் திலகர், முருகன், சாக்ரடீஸ், குள்ளப்பிள்ளை, நகரச் செயலர் பி.ஜி.கோபால் ஆகியோர் முன்னிலை வகித்தனர். 
கட்சியின் மாநிலப் பொதுக்குழு உறுப்பினர்கள் சாந்திராஜ், கிருஷ்ணமூர்த்தி, சுந்தரமூர்த்தி, மாவட்டத் துணைத் தலைவர் வி.முருகன், ரங்கமணி உள்ளிட்டோர் மத்திய அரசுக்கு எதிராகவும், ப.சிதம்பரத்தை விடுவிக்க வலியுறுத்தியும் முழக்கங்களை எழுப்பினர்.
இதேபோல, திட்டக்குடியிலும் காங்கிரஸ் நிர்வாகி அன்பரசு தலைமையில், அந்தக் கட்சியினர் ஆர்ப்பாட்டத்தில் ஈடுபட்டனர். உரிய அனுமதியில்லாமல் போராட்டம் நடத்தியதாக போலீஸார் அவர்களை கைது செய்தனர்.
சிதம்பரம்: சிதம்பரம் கஞ்சித்தொட்டி அருகே நடைபெற்ற சாலை மறியல் போராட்டத்துக்கு கட்சியின் நகரத் தலைவர் பழனி தலைமை வகித்தார்.  மாநிலப் பொதுக்குழு உறுப்பினர்கள் பி.பி.கே.சித்தார்த்தன், ஜெயச்சந்திரன், வெங்கடேசன், மாநிலத் துணைத் தலைவர் செந்தில்குமார், பரங்கிப்பேட்டை வட்டாரத் தலைவர் சுந்தர்ராஜன் ஆகியோர் முன்னிலை வகித்தனர். கட்சி நிர்வாகிகள் ரவிச்சந்திரன், சத்தியமூர்த்தி, கட்டாரி சந்திரசேகர் உள்ளிட்டோர் கலந்து கொண்டனர். தகவலறிந்த சிதம்பரம் நகரக் காவல் ஆய்வாளர் சி.முருகேசன் தலைமையி லான போலீஸார், மறியலில் ஈடுபட்ட 20 பேரை கைது செய்தனர். பின்னர், அவர்கள் விடுவிக்கப்பட்டனர்.
 

]]>
https://www.dinamani.com/all-editions/edition-villupuram/cuddalore/2019/aug/23/பசிதம்பரம்-கைதைக்-கண்டித்து-காங்கிரஸார்-ஆர்ப்பாட்டம்-3219422.html
3218716 விழுப்புரம் கடலூர் சிதம்பரத்தில் நாட்டு வெடிகுண்டு வீசி ரெளடி கொலை DIN DIN Thursday, August 22, 2019 07:52 AM +0530 சிதம்பரத்தில் நாட்டு வெடிகுண்டு வீசி ரெளடி கொலை செய்யப்பட்டார்.
சிதம்பரம் அண்ணாமலை நகர் கலுங்குமேட்டைச் சேர்ந்த கலியபெருமாள் மகன் பாண்டியன் (35) . ரெளடியான இவர் மீது கொலை, வழிப்பறி உள்ளிட்ட 8 வழக்குகள் நிலுவையில் உள்ளன. இவர், சிதம்பரம் ராஜா முத்தையா மருத்துவக் கல்லூரி மருத்துவமனையில் தனியார் ஆம்புலன்ஸை ஓட்டி வந்தாராம்.
இந்த நிலையில், செவ்வாய்க்கிழமை இரவு 10.30 மணிக்கு பாண்டியனும், மற்றொரு ஆம்புலன்ஸ் ஓட்டுநரான மணிகண்டனும் ராஜா முத்தையா மருத்துவக் கல்லூரிக்குச் செல்லும் சாலையில் உள்ள உணவகம் ஒன்றில் சாப்பிட்டுக் கொண்டிருந்தனராம். அப்போது, இரு சக்கர வாகனத்தில் அங்கு வந்த 30 வயது மதிக்கத்தக்க இரு இளைஞர்கள் உணவகத்தில் புகுந்து, நாட்டு வெடிகுண்டை பாண்டியன் மீது வீசினராம்.
இதனால், பலத்த காயமடைந்த அவரை அரிவாளால் வெட்டி விட்டு, அவர்கள் இருவரும் அங்கிருந்து தப்பிச் சென்றனர்.
தகவலறிந்த கடலூர் மாவட்டக் காவல் கண்காணிப்பாளர் ஸ்ரீஅபிநவ், சிதம்பரம் காவல் துணைக் கண்காணிப்பாளர் எஸ்.கார்த்திகேயன், அண்ணாமலை நகர் போலீஸார் சம்பவ இடத்துக்குச் சென்று விசாரணை நடத்தினர். பின்னர், பாண்டியனின் சடலத்தை மீட்டு, உடல்கூறு ஆய்வுக்காக அரசு மருத்துவமனைக்கு அனுப்பி வைத்தனர். 
இதுதொடர்பாக அண்ணாமலை நகர் போலீஸார் வழக்குப் பதிவு செய்து, கொலையாளிகள் இருவரையும் தேடி வருகின்றனர்.
தனிப் படை அமைப்பு: கொலைக் குற்றவாளிகளைப் பிடிக்க காவல் ஆய்வாளர்கள் கே.அம்பேத்கர், அமுதா, சி.முருகேசன், காவல் உதவி ஆய்வாளர் சுரேஷ்முருகன் ஆகியோர் கொண்ட தனிப் படை அமைக்கப்பட்டுள்ளதாக சிதம்பரம் காவல் துணைக் கண்காணிப்பாளர் எஸ்.கார்த்திகேயன் தெரிவித்தார்.

]]>
https://www.dinamani.com/all-editions/edition-villupuram/cuddalore/2019/aug/22/சிதம்பரத்தில்-நாட்டு-வெடிகுண்டு-வீசி-ரெளடி-கொலை-3218716.html
3218715 விழுப்புரம் கடலூர் ராமேசுவரத்திலிருந்து கடலூர் வழியாக ஹைதராபாதுக்கு சிறப்பு ரயில் DIN DIN Thursday, August 22, 2019 07:52 AM +0530 ராமேசுவரத்திலிருந்து கடலூர் வழியாக ஹைதராபாதுக்கு சிறப்பு ரயில் இயக்கப்படவுள்ளதாக ரயில்வே நிர்வாகம் தெரிவித்தது.
இதுகுறித்து தெற்கு ரயில்வே நிர்வாகம் சார்பில் வெளியிடப்பட்ட  செய்திக் குறிப்பு:
ராமேசுவரத்திலிருந்து ஹைதராபாதுக்கு கடலூர் வழியாக சிறப்பு ரயில் (எண். 07686) வருகிற 25- ஆம் தேதி முதல் இயக்கப்படுகிறது. இந்த ரயில் ராமேசுவரத்தில் காலை 5 மணிக்குப் புறப்பட்டு, மறுநாள் காலை 11 மணிக்கு ஹைதராபாதைச் சென்றடையும்.
இந்த ரயிலில் முன்பதிவு இரண்டாம் வகுப்பு பெட்டிகள் 12, குளிர்சாதனப் பெட்டி முதல் வகுப்பு - 1, மூன்றாம் வகுப்பு குளிர்சாதனப் பெட்டிகள் 3, முன்பதிவில்லா பெட்டிகள் 2 உள்ளன.
ராமேசுவரத்திலிருந்து ஆகஸ்ட்  25-ஆம் தேதி, செப்டம்பர் 1, 8, 15, 22, 29 -ஆம் தேதிகளிலும், அக்டோபர் 6, 13, 20, 27 ஆகிய தேதிகளிலும் புறப்பட்டுச் செல்கிறது.
இந்த ரயில் மண்டபம், ராமநாதபுரம், பரமக்குடி, மானாமதுரை, மதுரை, கொடைக்கானல் சாலை, திண்டுக்கல், திருச்சி, தஞ்சாவூர், கும்பகோணம், மயிலாடுதுறை, சிதம்பரம், திருப்பாதிரிபுலியூர், விழுப்புரம், திருவண்ணாமலை, வேலூர் கன்டோன்மென்ட், காட்பாடி, ரேணிகுண்டா, கூடூர், நெல்லூர், ஓங்கோல், தெனாலி, குண்டூர், மிரலயகுடா, நலங்கொண்டா, செகந்திராபாத் ஆகிய ரயில் நிலையங்களில் நின்று செல்லும். இந்த ரயிலுக்கான முன்பதிவு நடைபெற்று வருகிறது என அதில் தெரிவிக்கப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/aug/22/ராமேசுவரத்திலிருந்து-கடலூர்-வழியாக-ஹைதராபாதுக்கு-சிறப்பு-ரயில்-3218715.html
3218714 விழுப்புரம் கடலூர் காளியம்மன் கோயில் பால்குட ஊர்வலம் DIN DIN Thursday, August 22, 2019 07:52 AM +0530 பண்ருட்டி, தட்டாஞ்சாவடி காளியம்மன் கோயில் 61-ஆவது ஆண்டு செடல், சாகை வார்த்தல் பிரம்மோத்ஸவத்தின் 7-ஆம் நாளான புதன்கிழமை பால்குட ஊர்வலம் நடைபெற்றது.
இந்து சமய அறநிலையத் துறையின் கீழ் இயங்கும் இந்தக் கோயிலில் ஆண்டுதோறும் 10 நாள்கள் பிரம்மோத்ஸவம் நடைபெறுவது வழக்கம்.  நிகழாண்டுக்கான பிரம்மோத்ஸவ விழா கடந்த 15-ஆம் தேதி கொடியேற்றத்துடன் தொடங்கியது. அன்று முதல் நாள்தோறும் சிறப்பு பூஜைகள் நடைபெற்று வருகின்றன. 7-ஆம் நாளான புதன்கிழமை காலை 8 மணி அளவில் "பெளர்ணமி இளைஞர்' குழுவினரால் பால்குட ஊர்வலம் நடைபெற்றது. இதில், நூற்றுக்கணக்கான பக்தர்கள் பால்குடம் சுமந்து வந்து காளியம்மனுக்கு அபிஷேகம் செய்தனர். 
இதைத் தொடர்ந்து, மாலை 6 மணி அளவில் அலங்கரிக்கப்பட்ட முத்துப் பல்லாக்கில் அம்மன் வீதி உலா நடைபெற்றது. வெள்ளிக்கிழமை (ஆக. 23) 12 மணிக்கு செடல் உத்ஸவமும், 4.30 மணியளவில் திருத்தேரோட்டமும் நடைபெற உள்ளது. 
நிகழ்ச்சி ஏற்பாடுகளை தட்டாஞ்சாவடி நகர வாசிகள், கோயில் நிர்வாகத்தினர் செய்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/aug/22/காளியம்மன்-கோயில்-பால்குட-ஊர்வலம்-3218714.html
3218713 விழுப்புரம் கடலூர் திருக்குறளை தேசிய நூலாக அறிவிக்கக் கோரி ஐந்தாம் உலகத் தமிழ்ச் சங்கம் வேண்டுகோள் DIN DIN Thursday, August 22, 2019 07:51 AM +0530 திருக்குறளை தேசிய நூலாக அறிவிக்க வேண்டும் என ஐந்தாம் உலகத் தமிழ்ச் சங்கம் வேண்டுகோள் விடுத்தது.
இதுதொடர்பாக, அந்தச் சங்கத்தின் நிறுவனர் தலைவர் இராம.முத்துக்குமரனார் அண்மையில் சென்னையில் தமிழ் வளர்ச்சித் துறை அமைச்சர் மாஃபா பாண்டியராஜனை சந்தித்து அளித்த மனு விவரம்:
உலக மக்களுக்காகவே இயற்றப்பட்ட நூல் திருக்குறள். ஜாதி, மதம், மொழி, இனம், நாடு தவிர்த்து எழுதப்பட்ட இந்க நூல் உலகின் அறநூலாகவும், உலகப் பொதுமறையாகவும் போற்றப்படுகிறது. எனவே, திருக்குறளை தமிழக அரசு தேசிய நூலாக அறிவிக்க வேண்டும். உலகத் தமிழ் மாநாடு நடத்துவது போல, ஆண்டுதோறும் உலகத் திருக்குறள் மாநாட்டை அரசே முன்னின்று நடத்த முன் வர வேண்டும். இந்தக் கோரிக்கைகளை தமிழறிஞர்கள் தொடர்ந்து வலியுறுத்தி வருவதால், இதுகுறித்து தமிழக அரசு விரைந்து நடவடிக்கை எடுக்க வேண்டும் என அந்த மனுவில் கூறப்பட்டுள்ளது. மனு அளிப்பின் போது எழுத்தாளர் டெய்சிமாறன், தமிழ் ஆர்வலர்கள் த.ஞானவேல், மோ.வேம்பு, கார்த்திக் ஆகியோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/aug/22/திருக்குறளை-தேசிய-நூலாக-அறிவிக்கக்-கோரி-ஐந்தாம்-உலகத்-தமிழ்ச்-சங்கம்-வேண்டுகோள்-3218713.html
3218712 விழுப்புரம் கடலூர் நிலக்கடலையில் மேம்படுத்தப்பட்ட உற்பத்தி, அறுவடை பின்சார் தொழில்நுட்பப் பயிற்சி DIN DIN Thursday, August 22, 2019 07:51 AM +0530 விருத்தாசலம் வேளாண்மை அறிவியல் நிலையத்தில், நிலக்கடலையில் மேம்படுத்தப்பட்ட உற்பத்தி, அறுவடை பின்சார் தொழில்நுட்பங்கள் குறித்த பயிற்சி புதன்கிழமை நடைபெற்றது.
அறிவியல் நிலைய திட்ட ஒருங்கிணைப்பாளர் சு.கண்ணன் வரவேற்றார். கோவை தமிழ்நாடு வேளாண்மைப் பல்கலைக்கழக விதை மைய இயக்குநர்  சுந்தரேஸ்வரன் தலைமை வகித்து, தொழில்நுட்பக் கையேடு, செய்தி மடலை வெளியிட்டு விவசாயிகளுக்கு மரக்கன்றுகளை வழங்கினார்.
கோவை விதை மைய பேராசிரியர் ச.சுந்தரலிங்கம், திண்டிவனம் எண்ணெய் வித்துக்கள் ஆராய்ச்சி நிலைய பேராசிரியர் வைத்தியநாதன், விருத்தாசலம் மண்டல ஆராய்ச்சி நிலைய பேராசிரியர் மோதிலால் ஆகியோர் வாழ்த்திப் பேசினர்.
வேளாண்மை துறை உதவிப் பேராசிரியர் க.நடராஜன் நிலக்கடலையில் விதை உற்பத்தி குறித்தும், உதவிப் பேராசிரியர் சு.மருதாசலம் விதை உற்பத்தியில நோய், பூச்சி நிர்வாகம் குறித்தும், திண்டிவனம் விவசாயி ப.சேதுராமன் இனக் கவர்ச்சி பொறி, விளக்குப் பொறி மூலம் பூச்சி மேலாண்மை குறித்தும் தொழில்நுட்ப உரையாற்றினார். அறிவியல் நிலைய விஞ்ஞானிகள் க.வேங்கடலட்சுமி, ம.பாலரூபினி ஆகியோர் பயிற்சியை ஒருங்கிணைத்தனர். பயிற்சியில் கடலூர் மாவட்டத்தைச் சேர்ந்த 85-க்கும் மேற்பட்ட விவசாயிகள் கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/22/நிலக்கடலையில்-மேம்படுத்தப்பட்ட-உற்பத்தி-அறுவடை-பின்சார்-தொழில்நுட்பப்-பயிற்சி-3218712.html
3218711 விழுப்புரம் கடலூர் நாட்டு ரக நெல் பயிர்களை நடவு செய்த வேளாண் மாணவிகள்! DIN DIN Thursday, August 22, 2019 07:50 AM +0530 சிதம்பரம் அருகே கே.ஆடூர்  கிராமத்தில் அண்ணாமலைப் பல்கலைக்கழக வேளாண் புல இறுதியாண்டில் பயிலும் மாணவிகள் கிராமத்தில் தங்கி பயிற்சி பெறும் திட்டத்தின் கீழ், பல்வேறு விவசாயப் பணிகளை மேற்கொண்டு வருகின்றனர்.
அந்த வகையில், 
கே.ஆடூரில் உள்ள இயற்கை விவசாயி செந்தில்குமார் என்பவரது நிலத்தில் கருப்புக் கவுணி, மாப்பிள்ளை சம்பா, காட்டுயானம் உள்ளிட்ட நாட்டு ரக நெல் பயிர்களை நடவு செய்தனர். மேலும், அந்தக் கிராமத்தில் விவசாயிகளிடையே இயற்கை விவசாயம் குறித்து அவர்கள் விழிப்புணர்வை ஏற்படுத்தினர்.
கடலூர்: இதேபோல, வேளாண் புலம் இறுதியாண்டு பி-22 பிரிவு மாணவர்கள் விரிவுரையாளர் டார்லிங்சுஜி தலைமையில், குறிஞ்சிப்பாடி வட்டம், அன்னதானம்பேட்டை கிராமத்தில் கடந்த ஜூலை 4 -ஆம் தேதி முதல் தங்கியிருந்து புதன்கிழமை வரை பயிற்சி பெற்றனர். 
முகாமில், வயல்களுக்குச் சென்று விவசாயிகளுடன் கலந்துரையாடி பயிற்சி பெறுதல், அவர்களுக்கு வேளாண் தொழில்நுட்பங்கள் தொடர்பாக விளக்குதல், கால்நடை மருத்துவ முகாம் நடத்துதல் உள்ளிட்ட பல்வேறு வேளாண்மைப் பணிகளில் ஈடுபட்டனர்.
நெய்வேலி: குறிஞ்சிப்பாடி ஒன்றியம், நயினார்குப்பம் கிராமத்தில் தங்கிப் பயிற்சி பெற்று வரும் வேளாண் புல மாணவர்கள், விவசாயிகளுக்கு தேவையான நவீன தொழில்நுட்பங்களையும், துணைத் தொழிலான கால்நடைகள் வளர்ப்பு குறித்தும் ஆலோசனை வழங்கி வருவதுடன், நெல் பயிர் செய்யப்பட்ட வயல்களில் வேலை ஆள்களுடன் சேர்ந்து, களையெடுக்கும் பயிற்சியில் ஈடுபட்டனர்.

]]>
https://www.dinamani.com/all-editions/edition-villupuram/cuddalore/2019/aug/22/நாட்டு-ரக-நெல்-பயிர்களை-நடவு-செய்த-வேளாண்-மாணவிகள்-3218711.html
3218710 விழுப்புரம் கடலூர் பத்திரப் பதிவுத் துறையில் முறைகேடு: பொதுநல இயக்கக் கூட்டமைப்பு குற்றச்சாட்டு DIN DIN Thursday, August 22, 2019 07:50 AM +0530 பத்திரப் பதிவுத் துறையில் முறைகேடு நடைபெறுவதாக கடலூர் அனைத்துப் பொதுநல இயக்கங்களின் கூட்டமைப்பு குற்றஞ்சாட்டியது. 
இந்தக் கூட்டமைப்பின் ஆலோசனைக் கூட்டம், அதன் ஒருங்கிணைப்பாளர் சி.குமார் தலைமையில் கடலூரில் திங்கள்கிழமை நடைபெற்றது. இணை ஒருங்கிணைப்பாளர்கள் குரு.ராமலிங்கம், எம்.சுப்புராயன், எஸ்.என்.கே.ரவி ஆகியோர் முன்னிலை வகித்தனர். இந்திய கம்யூனிஸ்ட் கட்சியின் மாவட்டச் செயலர் எம்.சேகர், தமிழக அரசுப் பணியாளர்கள் சங்கத்தின் சிறப்புத் தலைவர் கு.பாலசுப்ரமணியன் ஆகியோர் சிறப்பு அழைப்பாளர்களாக பங்கேற்றனர்.
கூட்டத்தில், கடலூர், சிதம்பரம், விருத்தாசலம், விழுப்புரம், திண்டிவனம், கள்ளக்குறிச்சி ஆகிய பகுதிகளைக் கொண்ட பத்திரப் பதிவு மண்டலத்தின் தலைமையிடமான கடலூரில் செயல்பட்டு வரும் பதிவுத் துறை மண்டல அலுவலகத்தில் பல்வேறு முறைகேடுகள் நடைபெறுகின்றன. மனைகளை அங்கீகாரம் செய்வதில் சந்தை மதிப்பைவிட குறைவாக மதிப்பீடு செய்து அரசுக்கு கடந்த 2 ஆண்டுகளில் ரூ.2 ஆயிரம் கோடி வரை இழப்பீடு ஏற்படுத்தப்பட்டுள்ளது. எனவே, இதுகுறித்து விசாரித்து தமிழக அரசு உரிய நடவடிக்கை எடுத்து வெள்ளை அறிக்கை வெளியிட வேண்டும். 
கடலூர் நகராட்சிப் பகுதிகளில் விதிகளுக்கு புறம்பாக கட்டப்பட்டுள்ள வணிக வளாகங்கள் மீது நடவடிக்கை எடுக்க வேண்டும். இதுதொடர்பாக வருகிற 23-ஆம் தேதி உள்ளூர் திட்டக்குழும அலுவலகத்தில் மனு அளிப்பது. கம்மியம்பேட்டை இணைப்புச் சாலையில் ஏற்படும் விபத்துகளை தடுத்திட முன்னாள் படை வீரர் மாளிகை முன்புறமுள்ள ஆக்கிரமிப்புகளை அகற்ற வேண்டும் என்பன உள்ளிட்ட தீர்மானங்கள் நிறைவேற்றப்பட்டன. கூட்டத்தில், பல்வேறு அமைப்புகளின் நிர்வாகிகளான து.பாலு, ஆர்.ஜெயக்குமார், ஜி.சுகுமார், வி.பாபு, டி.ராயர்ராஜாங்கம், ஏ.கிருஷ்ணமூர்த்தி, மு.கார்த்திகேயன், சி.ஏ.தாஸ் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-villupuram/cuddalore/2019/aug/22/பத்திரப்-பதிவுத்-துறையில்-முறைகேடு-பொதுநல-இயக்கக்-கூட்டமைப்பு-குற்றச்சாட்டு-3218710.html
3218709 விழுப்புரம் கடலூர் இமயமலையில் தீபமேற்றும் திரிக்கு வடலூர் ஞானசபையில் சிறப்பு வழிபாடு DIN DIN Thursday, August 22, 2019 07:50 AM +0530 இமயமலையில் ஜோதி பருவதம் என்ற இடத்தில் அமைந்துள்ள வள்ளலார் கோயிலில் தீபம் ஏற்றப் பயன்படுத்தப்படும் திரிக்கு, வடலூரில் உள்ள வள்ளலார் ஞானசபையில் அண்மையில் சிறப்பு வழிபாடு நடைபெற்றது.
உத்தரகண்ட் மாநிலம், இமயமலைப் பகுதியில் ஜோதிபருவதம் என்ற இடத்தில் வள்ளலார் கோயில் அமைந்துள்ளது. இது கடல் மட்டத்தில் இருந்து 2,200 அடி உயரத்தில் அமைந்துள்ளது. இந்தக் கோயிலில் திருஞானானந்தா சுவாமிகள் தலைமையில், கடந்த 18 ஆண்டுகளாக வள்ளலாரின் ஜோதி ஏற்றப்பட்டு வருகிறது.
நிகழாண்டும்  30 பேர் கொண்ட குழுவினர் அண்மையில் இமயமலைக்குப் புறப்பட்டனர். முன்னதாக, இந்தக் குழுவினர் வடலூரில் உள்ள ஞானசபை, தருமசாலை ஆகிய இடங்களில் ஜோதி பருவதத்தில் தீபம் ஏற்றப் பயன்படுத்தப்படும் திரிக்கு சிறப்பு வழிபாடு நடத்தினர்.
நிகழ்ச்சிக்கு ஞானாலய வள்ளலார் கோட்ட நிறுவனர் திருஞானானந்தா சுவாமிகள் தலைமை வகித்தார். வடலூர் தொழிலதிபர் டி.ஆர்.எம்.ராஜாமரியப்பன், நெய்வேலி ஆனந்தன் ஆகியோர் முன்னிலை வகித்தனர். இந்தக் குழுவினர் ஹரித்துவார், பத்ரிநாத், ரிஷிகேஷ் உள்ளிட்ட இடங்களில் தவம், தியானம், சத்சங்கம் ஆகியவற்றை மேற்கொள்ளவுள்ளனர்.
 

]]>
https://www.dinamani.com/all-editions/edition-villupuram/cuddalore/2019/aug/22/இமயமலையில்-தீபமேற்றும்-திரிக்கு-வடலூர்-ஞானசபையில்-சிறப்பு-வழிபாடு-3218709.html
3218708 விழுப்புரம் கடலூர் 5-ஆவது தமிழ் மனித வள மேலாண்மை மாநாடு: என்.எல்.சி. அதிகாரி பங்கேற்பு DIN DIN Thursday, August 22, 2019 07:49 AM +0530 மாமல்லபுரத்தில் நடைபெற்ற 5-ஆவது தமிழ் மனித வள மேலாண்மை மாநாட்டில் என்.எல்.சி. இந்தியா நிறுவனத்தின் மனித வளத் துறை இயக்குநர் ஆர்.விக்ரமன் கலந்து கொண்டார்.
தமிழகம், புதுவையில் உள்ள மனித வளக் குழுமங்கள், மதுரை சமூக அறிவியல் கல்லூரியின் முன்னாள் மாணவர்கள் இணைந்து நடத்திய மனித வளத் துறை தொடர்பான மாநாடு மாமல்லபுரத்தில் கடந்த 10, 11-ஆம்  தேதிகளில் நடைபெற்றது. இதில், நாட்டின் பல்வேறு பகுதிகளிலிருந்து சுமார் 400 மனித வள மேம்பாட்டு நிபுணர்கள், கல்வியாளர்கள் கலந்து கொண்டனர்.
தமிழ்மொழிக்கு முக்கியத்துவம் வழங்கப்பட்டு, மனித வளத் துறை தொடர்பான அனைத்துக் கருத்துகளும் தமிழில் உரையாடப்பட்டன.
மாநாட்டின் தொடக்க நாள் விழாவில் சென்னை உயர் நீதிமன்றத்தின் முன்னாள் நீதிபதி சந்துரு சிறப்பு விருந்தினராகக் கலந்து கொண்டு விழாப் பேருரையாற்றினார். இதைத் தொடர்ந்து, பல்வேறு அமர்வுகளில் விவாதங்கள், கருத்துப் பறிமாற்றங்கள்,  சொற்பொழிவுகள், கலை நிகழ்ச்சிகள் நடைபெற்றன. மாநாட்டில் "நீயா நானா முதல் நீயும் நானும் வரை' என்ற தலைப்பில் நடைபெற்ற கருத்துப் பறிமாற்ற அமர்வில், பல்வேறு புகழ்பெற்ற நிறுவனங்களின் மனித வளத் துறை உயரதிகாரிகள், தொழிற்சங்கத் தலைவர்கள் தங்களது கருத்துகளைப் பறிமாறிக் கொண்டனர்.
இந்த அமர்வில் பேசிய என்.எல்.சி. இந்தியா நிறுவனத்தின் மனித வளத் துறை இயக்குநர் ஆர்.விக்ரமன், நிறுவனங்களில் உன்னதமான தொழில் உறவைப் பராமரிக்க உதவிடும் உயரிய மனித வள மேலாண்மை யுக்திகள் குறித்து விளக்கினார்.
நிகழ்ச்சியில் ஐஎன்டியுசி தொழிற்சங்கத்தின் அமைப்புச் செயலர் ஆர்.குப்புசாமி, சிஐடியூ தொழிற்சங்கத்தின் மாநிலப் பொதுச் செயலர் எ.செளந்தரராஜன், தமிழக அரசின் முன்னாள் கூடுதல் தொழிலாளர் நல ஆணையர் ராஜா, அசோக் லைலேண்ட் நிறுவன மனித வளத் துறை தலைமை அதிகாரி எம்.செல்லமுத்து, தேசிய பணியாளர் மேலாண்மை நிலைய சென்னை மையத்தின் கூடுதல் செயலர் டி.ஏ.மேத்யூ குணசீலன் ஆகியோர் கலந்து கொண்டனர்.

]]>
https://www.dinamani.com/all-editions/edition-villupuram/cuddalore/2019/aug/22/5-ஆவது-தமிழ்-மனித-வள-மேலாண்மை-மாநாடு-என்எல்சி-அதிகாரி-பங்கேற்பு-3218708.html
3218707 விழுப்புரம் கடலூர் குடிமராமத்துப் பணிகள்: மாவட்ட ஆட்சியர் ஆய்வு DIN DIN Thursday, August 22, 2019 07:49 AM +0530 பண்ருட்டி, கம்மாபுரம் ஊராட்சி ஒன்றியங்களில் நடைபெற்று வரும் குடிமராமத்துப் பணிகளை மாவட்ட ஆட்சியர் வெ.அன்புச்செல்வன் புதன்கிழமை நேரில் ஆய்வு செய்தார்.
பொதுமக்கள், விவசாயிகள் பயன்பெறும் வகையில், தமிழகம் முழுவதும் உள்ள நீர்நிலைகளைத் தூர்வார அரசு உத்தரவிட்டதைத் தொடர்ந்து, கடலூர் மாவட்டம் முழுவதும் குடிமராமத்துப் பணிகள் நடைபெற்று வருகிறன. 
கடலூர் மாவட்டத்தில் ஊரக வளர்ச்சித் துறையின் சார்பில், 80 சிறுபாசனக் குளங்கள், 1,363 குளம், குட்டைகள் தூர்வாரப்பட உள்ளன. இந்தப் பணிகளை விரைந்து முடிக்க நடவடிக்கை எடுக்கப்பட்டு வருகிறது.
அதன்படி, பண்ருட்டி வட்டம், எருமநாயக்கன்பாளையம் பிடாரியம்மன் கோவில் குளம், பூண்டி ஊராட்சி கட்டமுத்துபாளையம் குளம், அண்ணாகிராமம் ஊராட்சி ஒன்றியம், கொரத்தி ஏரி ஆகியவற்றைத் தூர்வாரும் பணியை மாவட்ட ஆட்சியர் வெ.அன்புச்செல்வன் புதன்கிழமை பார்வையிட்டு ஆய்வு செய்தார். 
மேலும், கம்மாபுரம் ஊராட்சி ஒன்றியம், இருப்பு ஊராட்சியில் கொல்லன் குளம் ஏரியை தூர்வாரும் பணியைப் பார்வையிட்டு, அங்கு மரக்கன்றுகளை நட்டார். 
தொடர்ந்து, செம்பியனார் ஏரியை தூர்வாரும் பணியை அவர் தொடக்கி வைத்தார்.
ஆய்வின் போது மாவட்ட ஊரக வளர்ச்சி முகமைத் திட்ட இயக்குநர் பூ.காஞ்சனா, செயற்பொறியாளர் செந்தில்குமார், பண்ருட்டி வட்டாட்சியர் கீதா, விருத்தாசலம் வட்டாட்சியர் கவியரசு உள்ளிட்ட அலுவலர்கள் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/aug/22/குடிமராமத்துப்-பணிகள்-மாவட்ட-ஆட்சியர்-ஆய்வு-3218707.html
3218706 விழுப்புரம் கடலூர் மின் பணியாளர்களுக்கு பாதுகாப்பு விழிப்புணர்வுப் பயிற்சி DIN DIN Thursday, August 22, 2019 07:49 AM +0530 பண்ருட்டி கோட்ட மின் வாரிய பணியாளர்களுக்கு மின் பாதுகாப்பு விழிப்புணர்வுப் பயிற்சி வகுப்பு செவ்வாய்க்கிழமை நடைபெற்றது.
பண்ருட்டி கோட்டச் செயற்பொறியாளர் எஸ்.பழனிராஜீ தலைமையில், உதவி செயற்பொறியாளர்கள் ஆர்.செந்தில்குமார் (நகரம்), மு.வள்ளி (கிராமம் வடக்கு), அனைத்துப் பிரிவு உதவி, இளமின் பொறியாளர்கள் கலந்து கொண்டு, களப் பணியாளர்கள் கடைப்பிடிக்க வேண்டிய பாதுகாப்பு விதிமுறைகள், மின் நுகர்வோர்களுக்கு அறிவுறுத்த வேண்டிய பாதுகாப்பு அம்சங்கள் குறித்து விளக்கினர். 
முகாமில் 220 பணியாளர்கள் கலந்து கொண்டனர். உதவி மின் பொறியாளர் வி.பிரகாஷ் (கிராமம் வடக்கு) நன்றி கூறி
னார்.

]]>
https://www.dinamani.com/all-editions/edition-villupuram/cuddalore/2019/aug/22/மின்-பணியாளர்களுக்கு-பாதுகாப்பு-விழிப்புணர்வுப்-பயிற்சி-3218706.html
3218705 விழுப்புரம் கடலூர் திருட்டில் ஈடுபட்டு வந்த இருவர் கைது DIN DIN Thursday, August 22, 2019 07:49 AM +0530 பல்வேறு பகுதிகளில் திருட்டில் ஈடுபட்டு வந்த இருவரை போலீஸார் புதன்கிழமை கைது செய்தனர்.
கடலூர் மாவட்டத்தின் பல்வேறு பகுதிகளில் நடைபெற்ற குற்ற வழக்குகளில் தொடர்புடையவர்களை விரைந்து பிடிக்க டெல்டா பிரிவு காவல் துறையினருக்கு மாவட்டக் காவல் கண்காணிப்பாளர் ம.ஸ்ரீஅபிநவ் உத்தரவிட்டார். இதைத் தொடர்ந்து காவல் உதவி ஆய்வாளர் நடராஜன் தலைமையிலான டெல்டா காவல் துறையினர் விசாரணை மேற்கொண்டு, பல்வேறு பகுதிகளில் திருட்டில் ஈடுபட்டதாக அரியலூர் மாவட்டம், மேலநெடுவாயைச் சேர்ந்த ரா.சிவசுப்ரமணியன் (42), அண்ணங்காரகுப்பத்தைச் சேர்ந்த து.தாஸ் ஆகியோரை அண்மையில் பிடித்தனர். பிடிபட்ட இருவரும் ஸ்ரீமுஷ்ணம் காவல் நிலையத்துக்கு உள்பட்ட பகுதிகளில் திருட்டில் ஈடுபட்டதும், இவர்கள் மீது வழக்குகள் நிலுவையில் உள்ளதும் தெரிய வந்தது.  இதையடுத்து, இருவரையும் கைது செய்த போலீஸார் அவர்களிடமிருந்து 90 கிராம் தங்க நகைகளைப் பறிமுதல் செய்தனர். 

]]>
https://www.dinamani.com/all-editions/edition-villupuram/cuddalore/2019/aug/22/திருட்டில்-ஈடுபட்டு-வந்த-இருவர்-கைது-3218705.html
3218704 விழுப்புரம் கடலூர் மாற்றுத் திறனாளிகள் மருத்துவ முகாம்  நிறுத்திவைப்பு: மாவட்ட ஆட்சியர் DIN DIN Thursday, August 22, 2019 07:48 AM +0530 மாற்றுத் திறனாளிகள் மருத்துவ முகாம் நிறுத்தி வைக்கப்பட்டுள்ளதாக மாவட்ட ஆட்சியர் வெ.அன்புச்செல்வன் தெரிவித்தார்.
கடலூர் மாவட்ட தலைமை மருத்துவமனையில் மாதத்தின் முதல், மூன்றாம் புதன்கிழமைகளில் நான்கு சிறப்பு மருத்துவர்களைக் கொண்டு ஒற்றைச் சாரள முறையில் மாற்றுத் திறனாளிகளுக்கான அடையாள அட்டை வழங்கும் பணி நடைபெற்று வருகிறது. கடந்த வாரம் புதன்கிழமை நடைபெற்ற முகாமில் மருத்துவர்கள் பங்கேற்காததால், மாற்றுத் திறனாளிகள் போராட்டத்தில் ஈடுபட்டனர்.
இந்த நிலையில், இந்த முகாம் புதன்கிழமை நடைபெறவில்லை. இதுகுறித்து மாவட்ட ஆட்சியர் வெ.அன்புச்செல்வன் வெளியிட்ட செய்திக் குறிப்பில் கூறியிருப்பது: மாற்றுத் திறனாளிகள் மருத்துவ முகாம் நிர்வாகக் காரணங்களால் தற்காலிகமாக நிறுத்தி வைக்கப்பட்டுள்ளது. இந்த முகாம் மீண்டும் நடைபெறுவது குறித்து செய்தித் தாள்களில் அறிவிப்பு வெளியிடப்படும் என அதில் கூறப்பட்டுள்ளது.
 

]]>
https://www.dinamani.com/all-editions/edition-villupuram/cuddalore/2019/aug/22/மாற்றுத்-திறனாளிகள்-மருத்துவ-முகாம்--நிறுத்திவைப்பு-மாவட்ட-ஆட்சியர்-3218704.html
3218703 விழுப்புரம் கடலூர் அரசு உதவித் தொகைக்காக 2 குழந்தைகளுடன் அலையும் பெண் DIN DIN Thursday, August 22, 2019 07:48 AM +0530 விபத்தில் கணவர் உயிரிழந்த நிவையில், அரசின் உதவித் தொகைக்காக பெண் ஒருவர் 2 குழந்தைகளுடன் அலைந்து வருகிறார். 
குறிஞ்சிப்பாடி ஒன்றியம், தோப்புக்கொல்லை கிராமத்தைச் சேர்ந்த ராஜேந்திரன் மகள் திலகவதி (25). இவர், அதே பகுதியைச் சேர்ந்த முருகன் என்பவரை காதலித்து திருமணம் செய்துகொண்டாராம். இவர்களுக்கு ஆண், பெண் என 2 குழந்தைகள் உள்ளனர். சத்திரம் பகுதியில் உள்ள உணவகத்தில் முருகன் பணியாற்றி வந்தார். கடந்த சில மாதங்களுக்கு முன்னர் விபத்தில் சிக்கி முருகன் உயிரிழந்தார். 
இந்த நிலையில், அரசு உதவித் தொகை வழங்கக் கோரி, குறிஞ்சிப்பாடி வட்டாட்சியர் அலுவலகத்துக்கு தனது 2 குழந்தைகளுடன் திலகவதி செவ்வாய்க்கிழமை வந்தார். அவர் கூறியதாவது: உறவினர்களின் ஆதரவில்லாத நிலையில், 2 குழந்தைகளுடன் வசித்து வருகிறேன். எனவே, அரசு உதவித் தொகை வேண்டி விண்ணப்பித்து 4 மாதங்கள் கடந்தும் இதுவரை எந்த பதிலும் கிடைக்கவில்லை என்றார் அவர். 
இதுகுறித்து வட்டாட்சியர் உதயகுமார் கூறியதாவது: விண்ணப்பம் மீதான விசாரணை நடைபெறுகிறது. அதன் முடிவில் உரிய நடவடிக்கை எடுக்கப்படும் என்றார்.

]]>
https://www.dinamani.com/all-editions/edition-villupuram/cuddalore/2019/aug/22/அரசு-உதவித்-தொகைக்காக-2-குழந்தைகளுடன்-அலையும்-பெண்-3218703.html
3218702 விழுப்புரம் கடலூர் தலித்துகள் வசிக்கும் குடியிருப்பில் உள்ள  ஆக்கிரமிப்பை அகற்றக் கோரி விடுதலைச் சிறுத்தைகள் மனு DIN DIN Thursday, August 22, 2019 07:48 AM +0530 கொத்தட்டை கிராமத்தில் தலித் மக்கள் வசிக்கும் குடியிருப்பில் உள்ள ஆக்கிரமிப்பை அகற்றக் கோரி, மாவட்டக் காவல் கண்காணிப்பாளரிடம், விடுதலைச் சிறுத்தைகள் கட்சி
யினர் புதன்கிழமை மனு அளித்தனர்.
இதுதொடர்பாக அந்தக் கட்சியின் மாநில அமைப்புச் செயலர் தி.ச.திருமார்பன், மண்டலச் செயலர் சு.திருமாறன், கொத்தட்டை கிராம மக்கள் ஆகியோர் கடலூரில் மாவட்டக் காவல் கண்காணிப்பாளர் அலுவலகத்தில் அளித்த மனு விவரம்:
புவனகிரி வட்டம், கொத்தட்டை கிராமத்தில் 21 தலித்துகளுக்கு கடந்த 1984- ஆம் ஆண்டு இலவச வீட்டுமனைப் பட்டா வழங்கப்பட்டது. ஆனால், அந்த இடத்தை அங்குள்ள சிலர் ஆக்கிரமித்துள்ளனர். இதுதொடர்பாக கடந்த 30 ஆண்டுகளாக மனுக்கள் அளித்தும், காவல் துறையினர் நடவடிக்கை எடுக்கவில்லை.
எனவே, சுதந்திர தினத்தன்று கருப்புக் கொடி கட்டும் போராட்டம் அறிவிக்கப்பட்டது. இந்த நிலையில், பேச்சுவார்த்தையின் அடிப்படையில் போராட்டம் கைவிடப்பட்டது. ஆனாலும், எந்த நடவடிக்கையும் எடுக்கப்படவில்லை. மழை, வெயில் காலங்களில் அந்த 21 குடும்பத்தினரும் வசிக்கப் போதுமான பாதுகாப்பில்லாத குடிசைகளில் வாழ்ந்து வருகின்றனர். எனவே, வருகிற 26- ஆம் தேதி கொத்தட்டையிலிருந்து ஊர்வலமாகப் புறப்பட்டு, ஆட்சியர் அலுவலகத்தில் மனு அளித்துவிட்டு, அங்கேயே குடிசை அமைக்க உள்ளனர். இந்த ஊர்வலத்துக்கு அனுமதி வழங்க வேண்டும் என அதில் கூறப்பட்டிருந்தது.
இந்த மனுவைப் பெற்றுக் கொண்ட மாவட்டக் காவல் கண்காணிப்பாளர் ம.ஸ்ரீஅபிநவ் பேச்சுவார்த்தை நடத்தி, ஆக்கிரமிப்பை அகற்ற உரிய பாதுகாப்பு அளிக்கப்படும் என உறுதியளித்தார். இதைத் தொடர்ந்து, போராட்டத்தை தற்காலிகமாக ஒத்திவைப்பதாக அவர்கள் தெரிவித்தனர்.

]]>
https://www.dinamani.com/all-editions/edition-villupuram/cuddalore/2019/aug/22/தலித்துகள்-வசிக்கும்-குடியிருப்பில்-உள்ள--ஆக்கிரமிப்பை-அகற்றக்-கோரி-விடுதலைச்-சிறுத்தைகள்-மனு-3218702.html
3218701 விழுப்புரம் கடலூர் கீழச்செருவாயில் 72 மி.மீ. மழை DIN DIN Thursday, August 22, 2019 07:48 AM +0530 கடலூர் மாவட்டம்,  கீழச்செருவாயில் 72 மி.மீ. மழை பதிவானது.
வளிமண்டலத்தில் ஏற்பட்டுள்ள மேலடுக்குச் சுழற்சி காரணமாக தமிழகத்தில் மழை பெய்யும் என வானிலை ஆய்வு மையம் தெரிவித்திருந்தது. அதன்படி, கடலூர் மாவட்டத்தில் கடந்த சில நாள்களாகவே பரவலாக மழைப் பெய்து வருகிறது. பெரும்பாலும் இரவு நேரங்களில் தொடங்கும் மழை அதிகாலை வரை விட்டுவிட்டுப் பெய்து வருகிறது. 
இந்த நிலையில், புதன்கிழமை காலை 8.30 மணி வரையான 24 மணி நேரத்தில் அதிகபட்சமாக கீழச்செருவாயில் 72 மி.மீட்டர் மழை பதிவானது. இதேபோல, தொழுதூர், வேப்பூரில் தலா 65, காட்டுமயிலூர் 63, பெலாந்துறை 50, குப்பநத்தம் 39.2, ஸ்ரீமுஷ்ணம் 30.2, புவனகிரி 29, குறிஞ்சிப்பாடி 25, சிதம்பரம் 23.8, கொத்தவாச்சேரி 22, அண்ணாமலை நகர் 20.6, பரங்கிப்பேட்டை 19, சேத்தியாத்தோப்பு 12.2, லால்பேட்டை 10, விருத்தாசலம் 9.2, காட்டுமன்னார்கோவில் 8, மேமாத்தூர் 4 மில்லி மீட்டர் மழை பதிவானது. இந்த நிலையில், புதன்கிழமை மாலை 5.30 மணியளவில் கடலூரில் அடர்ந்த மேக மூட்டம் காணப்பட்டு, சிறிது நேரம் மழை பெய்தது.
 

]]>
https://www.dinamani.com/all-editions/edition-villupuram/cuddalore/2019/aug/22/கீழச்செருவாயில்-72-மிமீ-மழை-3218701.html
3218700 விழுப்புரம் கடலூர் பண்ணுருட்டி செந்தமிழ்ச் சங்கக் கூட்டம் DIN DIN Thursday, August 22, 2019 07:47 AM +0530 பண்ணுருட்டி செந்தமிழ்ச் சங்கத்தின் 85-ஆவது மாத அமர்வுக் கூட்டம் திருவதிகையில் அண்மையில் நடைபெற்றது.
கூட்டத்துக்கு, சங்கத்தின் கெளரவத் தலைவர் ப.ச.வைரக்கண்ணு தலைமை வகித்தார். முத்துக்குமரப்பன், மனோகர், குருதண்டபாணி, கிருஷ்ணமூர்த்தி, சுப்பிரமணியன், புலவர் நட.ராஜேந்திரன் ஆகியோர் முன்னிலை வகித்தனர். சங்கச் செயலர் சொ.முத்துக்குமார் வரவேற்றார். சங்கத் தலைவர் சுந்தரபழனியப்பன் தொடக்கவுரை நிகழ்த்தினார்.  பின்னர், அவர் எழுதிய, "கூடி விளையாடு வா... பா...' என்ற நூல் வெளியிடப்பட்டது. நூலை தமிழ்நாடு முற்போக்கு எழுத்தாளர் கலைஞர்கள் சங்கத்தின் மாவட்டச் செயலர் கடலூர் பால்கி வெளியிட, முதல் பிரதியை சங்கத்தின் புரவலர் சந்தானம் ஐயர்  பெற்றுக்கொண்டார். செய்தித் தொடர்பாளர் கவிதை கணேசன் நூல் நயம் குறித்துப் பேசினார். 
நெய்வேலி இலக்கியச் சங்க ஒருங்கிணைப்பாளர் புலேந்திரன் தலைமையில் கவிஞர்கள் அரங்க.கிருஷ்ணன், கோபாலகிருஷ்ணன், அரி, பா.லட்சுமி, கோ.வி.மகாவிஷ்ணு, கோ.நாகராஜன், யோகேஷ் ஆகியோர் கவிதை வாசித்தனர். 
கவிஞர் வல்லம் கோவி வாழ்த்துரை வழங்கினார். மாத வரவு-செலவு கணக்கை சங்க பொருளாளர் வினோத் சமர்ப்பித்தார். பள்ளி மாணவிகள் பல்வேறு தலைப்புகளில் பேசினர்.
 

]]>
https://www.dinamani.com/all-editions/edition-villupuram/cuddalore/2019/aug/22/பண்ணுருட்டி-செந்தமிழ்ச்-சங்கக்-கூட்டம்-3218700.html
3218699 விழுப்புரம் கடலூர் பள்ளிகளுக்கு அழுகல் முட்டைகள் விநியோகம் DIN DIN Thursday, August 22, 2019 07:47 AM +0530 பண்ருட்டி வட்டத்தில்  உள்ள அரசுப் பள்ளிகளுக்கு தொடர்ந்து அழுகல் முட்டைகள் வழங்கப்படுவதாக ஆசிரியர்கள், மாணவர்கள் புகார் கூறினர்.
பண்ருட்டி வட்டத்தில் உள்ள தொடக்க, நடுநிலை, உயர்நிலை, மேல்நிலைப் பள்ளிகளில் ஆயிரக்கணக்கான மாணவர்கள் படித்து வருகின்றனர். இவர்களுக்கு மதிய உணவுடன், முட்டை வழங்கப்படுகிறது. இந்தப் பள்ளிகளுக்கு பண்ருட்டி ஊராட்சி ஒன்றிய அலுவலகத்தில் இருந்து முட்டைகள் விநியோகம் செய்யப்படுகிறதாம்.
இந்த நிலையில், கடந்த 2 வாரமாக பள்ளிகளுக்கு விநியோகிக்கப்படும் முட்டைகளில், அழுகல்  முட்டைகள் கலந்து வருவதாகவும், இதனால் மாணவர்களுக்கு பாதிப்பு ஏற்படுவதாகவும் ஆசிரியர்கள் குற்றஞ்சாட்டினர். இதனிடையே, புதன்கிழமை விநியோகிக்கப்பட்ட முட்டைகளில் பல முட்டைகள் அழுகியிருந்தனவாம். இதுகுறித்து அதிகாரிகளுக்கு தகவல் அளிக்கப்பட்டது. இதைத் தொடர்ந்து, மாணவர்களுக்கு முட்டை வழங்கப்படவில்லை.
கடலூர்: இதேபோல, திட்டக்குடியை அடுத்த மேலாதனூர் ஊராட்சி ஒன்றிய நடுநிலைப் பள்ளிக்கு புதன்கிழமை வழங்கப்பட்ட முட்டைகளும் அழுகியிருந்தனவாம்.
இதையறிந்த அந்தப் பள்ளியின்  தலைமை ஆசிரியை ராதாபாய்,  முட்டைகளை வழங்காமல் நிறுத்தி வைத்தார். மக்கள்பாதை அமைப்பைச் சார்ந்த தன்னார்வலர்கள் அளித்த தகவலின் பேரில், திட்டக்குடி வட்டாட்சியர் புகழேந்தி, வருவாய் ஆய்வாளர் குமரன் ஆகியோர் பள்ளிக்குச் சென்று முட்டைகளை ஆய்வு செய்தனர். 
இதுகுறித்து ஊராட்சி ஒன்றிய அலுவலகத்துக்கும், வட்டாரக் கல்வி அலுவலகத்துக்கும் தகவல் தெரிவிக்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/aug/22/பள்ளிகளுக்கு-அழுகல்-முட்டைகள்-விநியோகம்-3218699.html
3218698 விழுப்புரம் கடலூர் அண்ணாமலைப் பல்கலை.யில் மத நல்லிணக்க நாள் உறுதிமொழியேற்பு DIN DIN Thursday, August 22, 2019 07:47 AM +0530 சிதம்பரம் அண்ணாமலைப் பல்கலைக்கழக சாஸ்திரி அரங்கில் மத நல்லிணக்க நாள் உறுதிமொழி ஏற்பு நிகழ்ச்சி செல்வாய்க்கிழமை நடைபெற்றது.
நிகழ்ச்சியில் பல்கலைக்கழகத் துணைவேந்தர் வே.முருகேசன் மத  நல்லிணக்க நாள் உறுதி மொழியை வாசிக்க, பல்கலைக்கழகப் பேராசிரியர்கள், ஊழியர்கள் அனைவரும் உறுதிமொழி ஏற்றனர். 
நிகழ்ச்சிக்கு  பல்கலைக்கழகப் பதிவாளர் என்.கிருஷ்ண
மோகன் முன்னிலை வகித்தார். தேர்வுக் கட்டுப்பாட்டு அதிகாரி வி.செல்வநாராயணன், தொலைதூரக் கல்வி இயக்கக இயக்குநர் எம்.அருள், புல முதல்வர்கள், துறைத் தலைவர்கள், பல்கலைக்
கழக அதிகாரிகள், ஆசிரியர்கள், ஊழியர்கள், மாணவ, மாணவிகள் கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/22/அண்ணாமலைப்-பல்கலையில்-மத-நல்லிணக்க-நாள்-உறுதிமொழியேற்பு-3218698.html
3218169 விழுப்புரம் கடலூர் ஆகஸ்ட் 22 மின் தடை DIN DIN Wednesday, August 21, 2019 09:15 AM +0530 கடலூர் 
நேரம்: காலை 9 மணி முதல் மாலை 5.30 மணி வரை.
இடங்கள்: கடலூர் புதுநகர், பாரதிசாலை, செம்மண்டலம், கோண்டூர், சாவடி, நெல்லிக்குப்பம், நத்தப்பட்டு, குமாரபுரம், கங்கணாங்குப்பம், வரக்கால்பட்டு, ராமாபுரம், பில்லாலி, அழகியநத்தம், திருவந்திபுரம், எஸ்.புதூர், அருங்குணம், நத்தம், திருமானிக்குழி, சுந்தரவாண்டி, பெத்தாங்குப்பம் மற்றும் அதன் சுற்றுவட்டாரப் பகுதிகள்.

]]>
https://www.dinamani.com/all-editions/edition-villupuram/cuddalore/2019/aug/21/ஆகஸ்ட்-22-மின்-தடை-3218169.html
3218168 விழுப்புரம் கடலூர் சிதம்பரம் கோயில் குளம் ஆக்கிரமிப்புகள் அகற்றம் DIN DIN Wednesday, August 21, 2019 09:14 AM +0530 சிதம்பரம் நடராஜர் கோயில் தெப்பக்குளமான ஞானப்பிரகாசர் குளக்கரையிலிருந்த ஆக்கிரமிப்பு வீடுகள் போலீஸாரின் பாதுகாப்புடன் செவ்வாய்க்கிழமை அகற்றப்பட்டன.
சிதம்பரம் கனகசபை நகரில் நடராஜர் கோயில் தெப்பக்குளமான ஞானப்பிரகாசர் குளம் அமைந்துள்ளது. இந்தக் குளத்தின் கரைப் பகுதியை ஆக்கிரமித்து பல வீடுகள் கட்டப்பட்டிருந்தன. மேலும், குளமும் தூர்ந்துபோனதால் கடந்த 20 ஆண்டுகளாக தெப்ப உற்சவம் நடைபெறவில்லை. 
இந்த நிலையில், சென்னை உயர் நீதிமன்றம் மேற்கூறிய ஆக்கிரமிப்பு வீடுகளை அகற்ற உத்தரவிட்டது. இதையடுத்து, வீடுகளை காலி செய்ய வலியுறுத்தி, நகராட்சி நிர்வாகம் சார்பில் ஆக்கிரமிப்பாளர்களுக்கு  நோட்டீஸ் வழங்கப்பட்டது. ஆனால், வீடுகளை யாரும் காலி செய்யவில்லையாம். 
இதையடுத்து, மாவட்ட ஆட்சியர் வெ.அன்புச்செல்வன் உத்தரவின் பேரில், சிதம்பரம் வட்டாட்சியர் ஹரிதாஸ் தலைமையில், நகராட்சி ஆணையர் பி.வி.சுரேந்திரஷா முன்னிலையில் செவ்வாய்க்கிழமை பொக்லைன் இயந்திரம் மூலம் சுமார் 59 ஆக்கிரமிப்பு வீடுகள் அகற்றப்பட்டன. சமூக ஆர்வலர் மு.செங்குட்டுவன் உள்ளிட்டோர் பங்கேற்றனர். 
சிதம்பரம் டிஎஸ்பி எஸ்.கார்த்திகேயன் தலைமையில், காவல் ஆய்வாளர்கள் சி.முருகேசன், கே.அம்பேத்கர், அமுதா மற்றும் 50-க்கும் மேற்பட்ட போலீஸார் பாதுகாப்புப் பணியில் ஈடுபட்டனர். நகராட்சி வருவாய் ஆய்வாளர் சரவணக்குமார், நகரமைப்பு அலுவலர் மற்றும் நகராட்சி ஊழியர்கள் ஆக்கிரமிப்பு வீடுகளை அகற்றினர். அகற்றப்பட்ட வீடுகளின் உரிமையாளர்களுக்கு மாற்று இடம் வழங்குவதற்கான டோக்கன்கள் வழங்கப்பட்டன. 
இதேபோல, ஓமக்குளம், நாகச்சேரி குளத்தின் ஆக்கிரமிப்புகளும் விரைவில் அகற்றப்படும் என வட்டாட்சியர் தெரிவித்தார்.

]]>
https://www.dinamani.com/all-editions/edition-villupuram/cuddalore/2019/aug/21/சிதம்பரம்-கோயில்-குளம்-ஆக்கிரமிப்புகள்-அகற்றம்-3218168.html
3218167 விழுப்புரம் கடலூர் போலி விதைகளை விற்றால் உரிமம் ரத்து: துணை இயக்குநர் எச்சரிக்கை DIN DIN Wednesday, August 21, 2019 09:14 AM +0530 சட்டத்துக்குப் புறம்பாக போலி விதைகளை விற்பனை செய்வோரின் விதை விற்பனை உரிமம் நிரந்தரமாக ரத்து செய்யப்படும் என விழுப்புரம் விதை ஆய்வு துணை இயக்குநர் ஜெ.மல்லிகா தெரிவித்தார்.
இதுகுறித்து அவர் வெளியிட்ட செய்திக்குறிப்பு: கடலூர் மாவட்டத்தில் நெல் (சம்பா), மானாவாரி பயிர்களான பருத்தி, மக்காச்சோளம் ஆகியவற்றின் விதைப்பு பணிகள் தொடங்கி உள்ளன. உரிமம் பெற்ற விற்பனையாளர்கள், உரிமத்தின் மேற்குறிப்பு செய்துள்ள இடங்களில் மட்டுமே விதை இருப்பு வைத்து, விநியோகம் மேற்கொள்ள வேண்டும். விற்பனை உரிமம், விதை இருப்பு, விலை விவர பலகையை  பார்வைக்கு வைக்க வேண்டும். விதை கொள்முதல் பட்டியல், பகுப்பாய்வு முடிவுகள், வெளி மாநில நெல் விதைக்கு படிவம்-2, தனியார் தர பதிவுச் சான்றிதழ், இருப்புப் பதிவேடு ஆகியவற்றை பராமரிக்க வேண்டும்.
விதைக் குவியல்களைப் பெற்றவுடன் கடலூர் விதை பரிசோதனை நிலையத்துக்கு விதை மாதிரிகளை அனுப்பி, மாதிரி ஒன்றுக்கு ரூ.30 வீதம் ஆய்வுக் கட்டணம் செலுத்தி விதை பரிசோதனை அறிக்கையைப் பெற்று பராமரிக்க வேண்டும். 
விவசாயிகள் உரிமம் பெற்ற விதை விற்பனை நிலையங்களில் விதைக் குவியலுக்கான சான்று அட்டை, ரகம், நிலை, உற்பத்தியாளர் முகவரி, காலாவதி நாள் உள்ளிட்ட விவரங்களை பரிசோதித்த பின்னர், உரிய விற்பனை ரசீதுடன் விதைகளை வாங்க வேண்டும். 
விதையின் தரத்தை உறுதிப்படுத்த விதை ஆய்வுத் துறையினர் தொடர் கண்காணிப்பில் ஈடுபட்டு வரும் நிலையில், விவசாயிகள் விழிப்புடன் செயல்பட வேண்டும். உரிமம் இல்லாமல் கிராமங்களில் உள்ளூர் நபர்களோ, வியாபாரிகளோ, வெளியாள்களோ விதைகளை விற்றால் அதை வாங்கி ஏமாற வேண்டாம்.
சட்டத்துக்குப் புறம்பாக விதைகள் விற்கப்படுமாயின், அவை தரமற்ற, முளைப்புத் திறன் குறைந்ததாக இருக்க வாய்ப்புள்ளது. மேலும், அவை பருவத்தில் பூக்காமல், கதிர் வராமல் மகசூலில் கடும் பாதிப்பை ஏற்படுத்தும் போலி விதைகள் ஆகும். 
அவ்வாறான விதைக் குவியல்களை விற்றால், அந்த இடத்தின் பொறுப்பு நபர், விற்பனையாளர் மற்றும் நிறுவனங்களின் மீது விதைகள் கட்டுப்பாட்டு ஆணை 1983-ன் படி நீதி மன்ற நடவடிக்கை மேற்கொள்ளப்பட்டு, 7 ஆண்டுகள் வரை சிறை தண்டனை பெற்றுத்தரப்படும். மேலும், சம்பந்தப்பட்ட விதை விற்பனையாளரின் உரிமம் நிரந்தரமாக ரத்து செய்யப்படும் என அதில் தெரிவித்துள்ளார்.

]]>
https://www.dinamani.com/all-editions/edition-villupuram/cuddalore/2019/aug/21/போலி-விதைகளை-விற்றால்-உரிமம்-ரத்து-துணை-இயக்குநர்-எச்சரிக்கை-3218167.html
3218166 விழுப்புரம் கடலூர் அண்ணாமலைப் பல்கலை.யில் வேதியியல் மன்றம் தொடக்கம் DIN DIN Wednesday, August 21, 2019 09:14 AM +0530 சிதம்பரம் அண்ணாமலைப் பல்கலைக்கழக அறிவியல் புல வேதியியல் துறையில் வேதியியல் மன்றம் தொடக்க விழா செவ்வாய்க்கிழமை நடைபெற்றது.
பல்கலைக்கழகத் துணைவேந்தர் வே.முருகேசன் பங்கேற்று, வேதியியல் மன்றத்தை தொடக்கி வைத்தார். அவர் பேசுகையில், மாணவர்கள் வாழ்வில் சிறந்த நிலையை அடைவதற்கு பேராசிரியர்களை பயன்படுத்திக்கொள்ள வேண்டும். மேலும், பல்கலைக்கழகத்தில் உள்ள ஆய்வகங்கள், நூலக வசதிகளையும் முழுமையாக பயன்படுத்திக்கொள்ள வேண்டும் என்றார்.  அறிவியல் புல முதல்வர் எஸ்.கபிலன் தனது வாழ்த்துரையில், வேதியியல் துறையில் பல்வேறு உலகத் தரமிக்க சாதனங்கள் உள்ளதாகவும், இந்த வசதிகளை மாணவர்களும், ஆராய்ச்சியாளர்களும் முழுமையாக பயன்படுத்திக் கொள்ள வேண்டும் என்றும் கேட்டுக்கொண்டார். 
வேதியியல் துறைத் தலைவர் கே.ஆர்.சங்கரன் தனது தலைமையுரையில், வேதியியல் துறை மாணவர்கள் கல்வி பயிலும்போதே N​ET, ​S​ET,CS​IR  போன்ற தகுதித் தேர்வுகளுக்கு தங்களைத் தயார்படுத்திக்கொள்ள வேண்டும் என்று கேட்டுக் கொண்டார்.  

]]>
https://www.dinamani.com/all-editions/edition-villupuram/cuddalore/2019/aug/21/அண்ணாமலைப்-பல்கலையில்-வேதியியல்-மன்றம்-தொடக்கம்-3218166.html
3218165 விழுப்புரம் கடலூர் நாளை மாற்றுத் திறனாளிகள் குறைதீர் கூட்டம் DIN DIN Wednesday, August 21, 2019 09:13 AM +0530 கடலூர் மாவட்டத்தில் உள்ள மாற்றுத் திறனாளிகளுக்கான சிறப்பு குறைதீர் நாள் கூட்டம் வியாழக்கிழமை (ஆக. 22) மாலை 4 மணியளவில் நடைபெற உள்ளதாக மாவட்ட ஆட்சியர் வெ.அன்புச்செல்வன் தெரிவித்தார். 
இதுதொடர்பாக அவர் வெளியிட்ட செய்திக்குறிப்பு: இந்தக் கூட்டத்தில், மாற்றுத் திறனாளிகள் தங்களது கோரிக்கை மனுக்களை நேரில் அளிக்கலாம். கோரிக்கை மனுக்கள் அனைத்தும் சம்பந்தப்பட்ட அலுவலர்களால் பரிசீலிக்கப்பட்டு தகுதியின் அடிப்படையில் உதவிகள் அளிக்கப்படும். எனவே, இந்த வாய்ப்பை மாவட்டத்திலுள்ள அனைத்து மாற்றுத் திறனாளிகளும் பயன்படுத்திக்கொள்ள வேண்டும் என்று ஆட்சியர் கேட்டுக்கொண்டுள்ளார்.
 

]]>
https://www.dinamani.com/all-editions/edition-villupuram/cuddalore/2019/aug/21/நாளை-மாற்றுத்-திறனாளிகள்-குறைதீர்-கூட்டம்-3218165.html
3218164 விழுப்புரம் கடலூர் தேர்த் திருவிழா பிரச்னை: பேச்சுவார்த்தையில் உடன்பாடு DIN DIN Wednesday, August 21, 2019 09:13 AM +0530 தேர்த் திருவிழாவின்போது ஏற்பட்ட பிரச்னைக்கு பேச்சுவார்த்தையில் சுமுக உடன்பாடு ஏற்பட்டது. 
திட்டக்குடி அருகே உள்ள வையங்குடி கிராமத்தில் நடைபெற்ற கோவில் தேர்த்திருவிழாவை தொடர்ந்து, இருதரப்பினரிடையே மோதல் ஏற்பட்டது. இதுகுறித்து திட்டக்குடி வட்டாட்சியர் அலுவலகத்தில் வட்டாட்சியர் புகழேந்தி முன்னிலையில் செவ்வாய்க்கிழமை அமைதி பேச்சுவார்த்தை நடைபெற்றது. இதில், மண்டல துணை வட்டாட்சியர் எழில்வளவன், திட்டக்குடி காவல் நிலைய ஆய்வாளர் ஸ்ரீப்ரியா, ஆவினங்குடி உதவி ஆய்வாளர் கிருஷ்ணமூர்த்தி, வருவாய்ஆய்வாளர் குமரன், கிராம நிர்வாக அலுவலர் கலைவாணி மற்றும் இருதரப்பு பொதுமக்கள் பங்கேற்றனர். 
இந்தக் கூட்டத்தில், வையங்குடி கிராமத்தில் கடந்த 12-ஆம் தேதி நடந்த நிகழ்வுகளை மறந்து இருதரப்பினரும் சுமுகமாக இருப்பது, முரண்பாடுகள் ஏற்பட்டால் வட்டாட்சியர் அல்லது காவல் துறையினரின் கவனத்துக்கு கொண்டு சென்று தீர்வு காண்பது என தீர்மானிக்கப்பட்டது. அமைதிக் கூட்டத்தில் எடுக்கப்பட்ட முடிவுகளை இருதரப்பினரும் ஏற்றுக்கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/21/தேர்த்-திருவிழா-பிரச்னை-பேச்சுவார்த்தையில்-உடன்பாடு-3218164.html
3218163 விழுப்புரம் கடலூர் தொழுதூரில் 43 மி.மீ. மழை DIN DIN Wednesday, August 21, 2019 09:13 AM +0530 கடலூர் மாவட்டத்தில் அதிகபட்சமாக தொழுதூரில் 43 மி.மீ. மழை செவ்வாய்க்கிழமை பதிவானது. 
மாவட்டத்தில் கடந்த சில நாள்களாக பரவலாக மழை பெய்து வருகிறது. அதன்படி திங்கள்கிழமை இரவிலும் மாவட்டத்தில் மழை பெய்தது. செவ்வாய்க்கிழமை காலை 8.30 மணி வரையிலான கடந்த 24 மணி நேரத்தில் மாவட்டத்தில் அதிகபட்சமாக தொழுதூரில் 43 மில்லி மீட்டர் மழை பதிவானது. 
மற்ற பகுதிகளில் பெய்த மழையளவு விவரம் (மில்லி மீட்டரில்) வருமாறு: மேமாத்தூர் 37, வேப்பூர் 29, காட்டுமயிலூர் 28, புவனகிரி 20, கீழச்செருவாய் 19, வானமாதேவி 18, கடலூர், சேத்தியாத்தோப்பு தலா 15, அண்ணாமலை நகர் 13.4, சிதம்பரம் 11.8, பண்ருட்டி 9, ஸ்ரீமுஷ்ணம் 8.1, குடிதாங்கி 7.5, குறிஞ்சிப்பாடி 7, பெலாந்துறை 5.5, குப்பநத்தம் 2.4, கொத்தவாச்சேரி, வடக்குத்து தலா 2, விருத்தாசலம் 1 மி.மீ. வீதம் மழை பதிவானது.
 

]]>
https://www.dinamani.com/all-editions/edition-villupuram/cuddalore/2019/aug/21/தொழுதூரில்-43-மிமீ-மழை-3218163.html
3218162 விழுப்புரம் கடலூர் மத நல்லிணக்க உறுதிமொழி ஏற்பு DIN DIN Wednesday, August 21, 2019 09:13 AM +0530 கடலூரில் மாவட்ட எஸ்பி தலைமையில் மத நல்லிணக்க உறுதிமொழி செவ்வாய்க்கிழமை ஏற்கப்பட்டது. 
முன்னாள் பிரதமர் ராஜீவ் காந்தியின் பிறந்த தினம், மத நல்லிணக்க உறுதிமொழி ஏற்பு தினமாகக் கடைப்பிடிக்கப்பட்டு வருகிறது. அதன்படி, கடலூர் மாவட்ட காவல் கண்காணிப்பாளர் அலுவலகத்தில், மாவட்ட காவல் கண்காணிப்பாளர் ம.ஸ்ரீஅபிநவ் தலைமையில் காவல் துறையினர் மற்றும் அமைச்சுப் பணியாளர்கள் மத நல்லிணக்க உறுதிமொழி ஏற்றனர்.  நிகழ்ச்சியில், கூடுதல் கண்காணிப்பாளர் அசோக்குமார், தனிப் பிரிவு ஆய்வாளர் சுரேஷ்கண்ணன், ஆய்வாளர்கள் ஈஸ்வரி, தீபா, விஜயகுமார் உள்ளிட்டோர் பங்கேற்றனர்.
அரசுக் கல்லூரி: இதேபோல, கடலூர் தேவனாம்பட்டினத்திலுள்ள அரசு பெரியார் கலைக் கல்லூரியில், கல்லூரி முதல்வர் ப.குமரன் தலைமையில் பேராசிரியர்கள், மாணவ, மாணவிகள் சாதி, மத வன்முறைகளுக்கு எதிராக நல்லிணக்க உறுதிமொழி ஏற்றனர்.
 

]]>
https://www.dinamani.com/all-editions/edition-villupuram/cuddalore/2019/aug/21/மத-நல்லிணக்க-உறுதிமொழி-ஏற்பு-3218162.html
3218161 விழுப்புரம் கடலூர் புதிய கல்விக் கொள்கைக்கு எதிராக 6,400 கையொப்பம் DIN DIN Wednesday, August 21, 2019 09:12 AM +0530 புதிய வரைவு கல்விக் கொள்கைக்கு எதிராக 6,400 கையொப்பங்கள் பெறப்பட்டு மத்திய அரசுக்கு அனுப்பி வைக்கப்பட்டன. 
கல்வித் திட்டத்தில் மாற்றம் ஏற்படுத்தும் வகையில் மத்திய அரசால் புதிய வரைவு தேசிய கல்விக் கொள்கை வெளியிடப்பட்டது. 
இந்தக் கல்விக் கொள்கையை பல்வேறு அமைப்பினரும் எதிர்த்து வருகின்றன. அதன்படி, கடலூர் அனைத்து குடியிருப்போர் நலச் சங்கங்களின் கூட்டமைப்பினர் இந்த கல்விக் கொள்கையை எதிர்த்து பொதுமக்களிடம் கையெழுத்து இயக்கம் நடத்தினர். 
அதன்படி, தேசிய கல்வி கொள்கையை திரும்பப் பெற வேண்டும் என்று வலியுறுத்தி கடலூர் நகராட்சிப் பகுதியில் 6,400 பேரிடம் கையெழுத்து பெறப்பட்டது.  இவ்வாறு பெறப்பட்ட கையெழுத்துகள் கொண்ட ஆவணங்கள் மத்திய மனவள மேம்பாட்டு அமைச்சகத்துக்கு அனுப்பி வைக்கப்பட்டன. 
பொதுமக்களின் உணர்வுகளுக்கு மதிப்பளித்து மத்திய அரசு தனது வரைவு தேசிய கல்விக் கொள்கையை திரும்பப் பெற வேண்டும் என்று கடலூர் அனைத்து குடியிருப்போர் நலச் சங்கங்களின் கூட்டமைப்பின் பொதுச் செயலர் மு.மருதவாணன், மத்திய மத்திய மனவள மேம்பாட்டு அமைச்சருக்கு அனுப்பியுள்ள கடிதத்தில் தெரிவித்துள்ளார்.
 

]]>
https://www.dinamani.com/all-editions/edition-villupuram/cuddalore/2019/aug/21/புதிய-கல்விக்-கொள்கைக்கு-எதிராக-6400-கையொப்பம்-3218161.html
3218160 விழுப்புரம் கடலூர் மின் பாதைப் பணி தடுத்து நிறுத்தம் DIN DIN Wednesday, August 21, 2019 09:12 AM +0530 குறிஞ்சிப்பாடி அருகே மின் பாதை அமைக்கும் பணியை பொதுமக்கள் செவ்வாய்க்கிழமை தடுத்து நிறுத்தினர்.
மத்திய அரசின் தினதயாள் உபத்யாயா கிராம ஜோதி யோஜனா திட்டத்தின்கீழ், குறிஞ்சிப்பாடி வட்டம், ஆடூர் அகரம் (கண்ணாடி) அருகே துணை மின் நிலையம் அமைக்கப்பட்டு வருகிறது. 
இதில் 95 சதவீதப் பணிகள் முடிவடைந்த நிலையில், தற்போது, குறிஞ்சிப்பாடி துணை மின் நிலையத்தில் இருந்து ஆடூர் அகரம் துணை மின் நிலையத்துக்கு சுமார் 170-க்கும் மேற்பட்ட மின்கம்பங்கள் நிறுவி மின்பாதை அமைத்து வருகின்றனர்.
செவ்வாய்க்கிழமை, குறிஞ்சிப்பாடி வட்டம், விருப்பாச்சி ஊராட்சி, மேலக்காலனி அருகே மின் ஊழியர்கள் மின் பாதை அமைக்கும் பணியில் ஈடுபட்டனர். அப்போது, அங்கு வந்த மேலக்காலனி பொதுமக்கள் சிலர், தங்கள் பகுதி வழியாக உயர் அழுத்த மின் பாதை அமைக்கக் கூடாது எனக்கூறி பணியை தடுத்து நிறுத்தினர். 
இதுகுறித்து தகவல் அறிந்த குறிஞ்சிப்பாடி செயற்பொறியாளர் எம்.சி.கண்ணகி, உதவி மின் பொறியாளர்கள் கே.சண்முகநாதன் (வடக்கு கிராமம்), ரவி (நகரம்) மற்றும் போலீஸார் பொதுமக்களிடம் பேச்சு வார்த்தை நடத்தினர். இதையடுத்து வியாழக்கிழமை வட்டாட்சியர் அலுவலகத்தில் பேச்சு வார்த்தை நடத்தப்படும் என தெரிவிக்கப்பட்டதைத் தொடர்ந்து அனைவரும் கலைந்துச் சென்றனர்.
 

]]>
https://www.dinamani.com/all-editions/edition-villupuram/cuddalore/2019/aug/21/மின்-பாதைப்-பணி-தடுத்து-நிறுத்தம்-3218160.html
3218159 விழுப்புரம் கடலூர் தொழிற்சங்கத்தினர் போராட்டம் வாபஸ் DIN DIN Wednesday, August 21, 2019 09:12 AM +0530 கடலூரில் தொழிலாளர் உதவி ஆணையர் அலுவலகத்தில் காத்திருப்புப் போராட்டத்தில் ஈடுபட்ட தொழிற்சங்கத்தினர் தங்களது போராட்டத்தை விலக்கிக் கொண்டு, அடுத்தகட்டப் போராட்டத்தை அறிவித்தனர். 
கடலூர் சிப்காட் வளாகத்தில் செயல்பட்டு வரும் 2 தொழிற்சாலைகள் தங்களது ஊழியர்களுக்கு வழங்குவதாக அறிவித்த ஊதிய உயர்வை முறைப்படி வழங்கவில்லையாம். இதுகுறித்து கேள்வி எழுப்பிய சங்க நிர்வாகி பணியிலிருந்து நீக்கப்பட்டாராம். இதனால், 
இந்த நிறுவனங்களுக்கும் தொழிற்சங்கத்தினருக்கும் இடையே அண்மையில் தகராறு ஏற்பட்டது. 
இதையடுத்து, இந்திய கம்யூனிஸ்ட் கட்சியின் மாவட்ட செயலர் எம்.சேகர், தமிழக வாழ்வுரிமைக் கட்சியின் மாவட்டச் செயலர் 
த.ஆனந்த், மாநில இளைஞரணிச் செயலர் அ.செந்தில் மற்றும் தொழிற்சங்க நிர்வாகிகள் திங்கள்கிழமை மாவட்ட ஆட்சியர், மாவட்ட எஸ்பி அலுவலகங்களில் மனு அளித்தனர். இதுதொடர்பாக, செம்மண்டலத்தில் உள்ள உதவி தொழிலாளர் ஆணையர் அலுவலகத்தில் நடைபெற்ற பேச்சுவார்த்தையில் உடன்பாடு ஏற்படாதைத் தொடர்ந்து அன்று மதியம் முதல் நள்ளிரவு வரை காத்திருப்புப் போராட்டத்தில் ஈடுபட்டனர். நள்ளிரவுக்குப் பின்னர் கடலூர் முதுநகர் காவல் ஆய்வாளர் ம.பால்சுதர், தொழிலாளர் உதவி ஆணையர் ராஜசேகர் ஆகியோர் தொழிற்சங்கத்தினரிடம் பேச்சுவார்த்தை நடத்தினர். இதில், மாவட்ட காவல் கண்காணிப்பாளரைச் சந்தித்து, போராட்டம் நடத்துவதற்கு விதிக்கப்பட்ட தடையை விலக்குவது குறித்து பேசுவதென முடிவெடுக்கப்பட்டது. 
இதுகுறித்து எம்.சேகர் கூறியதாவது: பேச்சுவார்த்தையில் உடன்பாடு ஏற்பட்டதையடுத்து காத்திருப்புப் போராட்டம் கைவிடப்பட்டது. எனினும், வருகிற 23-ஆம் தேதி முதுநகரில் குடும்பத்தினருடன் ஆர்ப்பாட்டம் நடத்த உள்ளோம். அந்த ஆர்ப்பாட்டத்தில் அடுத்தகட்ட போராட்டம் குறித்து அறிவிக்கப்படும் என்றார் அவர்.
 

]]>
https://www.dinamani.com/all-editions/edition-villupuram/cuddalore/2019/aug/21/தொழிற்சங்கத்தினர்-போராட்டம்-வாபஸ்-3218159.html
3218158 விழுப்புரம் கடலூர் மரக்கிளை முறிந்ததில் கோயில் சேதம் DIN DIN Wednesday, August 21, 2019 09:11 AM +0530 பண்ருட்டியில் மரக் கிளை முறிந்து விழுந்ததில் கோயில் சேதமடைந்தது.
பண்ருட்டி, மேலப்பாளையத்தில் ஓசூரம்மன் மற்றும் பெரியாண்டவர் கோயில் அமைந்துள்ளது. இந்தக் கோயில் வளாகத்தில் நூற்றாண்டைக் கடந்த பெரிய அரச மரம் உள்ளது. கடந்த ஞாயிற்றுக்கிழமை இரவு பெய்த பலத்த மழையின்போது, அரச மரத்தின் பெரிய கிளை முறிந்து விழுந்ததில், அந்த மரத்தின் கீழ் அமைந்திருந்த பெரியாண்டவர் கோயிலின் கூரை சேதமடைந்தது. இதையடுத்து, மரக் கிளையை அகற்றும் பணி நடைபெற்று வருகிறது.

]]>
https://www.dinamani.com/all-editions/edition-villupuram/cuddalore/2019/aug/21/மரக்கிளை-முறிந்ததில்-கோயில்-சேதம்-3218158.html
3218157 விழுப்புரம் கடலூர் நாளை அரசுத் துறை அலுவலர்கள் குறைதீர் கூட்டம் DIN DIN Wednesday, August 21, 2019 09:11 AM +0530 அரசுத் துறை அலுவலர்களுக்கான குறைதீர் கூட்டம் வியாழக்கிழமை (ஆக. 22) நடைபெற உள்ளதாக மாவட்ட ஆட்சியர் வெ.அன்புச்செல்வன் தெரிவித்தார்.
இதுகுறித்து அவர் வெளியிட்ட செய்திக்குறிப்பு: கடலூர்  மாவட்டத்தில் பணிபுரியும் அனைத்துத் துறை அலுவலர்களின் குறைகளைத் தீர்க்கும் வகையில் வருகிற 22-ஆம் தேதி மாலை 5.30 மணியளவில் குறைதீர்வு கூட்டம் மாவட்ட ஆட்சியர் தலைமையில் நடைபெறுகிறது. ஒவ்வொரு மாதமும் மூன்றாம் வியாழக்கிழமையன்று மாலை 5.30 மணியளவில் இந்தக் கூட்டம் நடத்தப்படும். 
கூட்டத்தில் பணியாளர்கள் தங்களது கோரிக்கைகளை எழுத்து மூலம் அளித்து பயன்பெறலாம். கூட்டம் நடப்பதாக அறிவிக்கப்பட்ட நாள் விடுமுறை நாளாகவோ, வேறு ஏதும் காரணமாகவோ கூட்டம் நடத்த இயலாத நிலையில் அடுத்து வரும் பணி நாளில், குறைதீர்வுக் கூட்டம் நடத்தப்படும் என்று ஆட்சியர் அதில் தெரிவித்துள்ளார்.

]]>
https://www.dinamani.com/all-editions/edition-villupuram/cuddalore/2019/aug/21/நாளை-அரசுத்-துறை-அலுவலர்கள்-குறைதீர்-கூட்டம்-3218157.html
3218156 விழுப்புரம் கடலூர் பள்ளியில் முப்பெரும் விழா DIN DIN Wednesday, August 21, 2019 09:10 AM +0530 காட்டுமன்னார்கோவிலில் உள்ள ஜி.கே.மெட்ரிக் மேல்நிலைப் பள்ளியின் 25-ஆம் ஆண்டு (வெள்ளி) விழாவையொட்டி, நவீன தங்கும் விடுதி திறப்பு, மலர் வெளியீடு மற்றும் இலக்கிய மன்ற விழா ஆகிய முப்பெரும் விழா நடைபெற்றது. 
விழாவுக்கு கல்விக் குழுமத் தலைவர் ஜி.குமாரராஜா தலைமை வகித்தார். விடுதியை முன்னாள் அமைச்சர் எம்.ஆர்.கே.பன்னீர்செல்வம் திறந்து வைத்து சிறப்புரையாற்றினார். கல்விக் குழும மருத்துவ ஆலோசகர் ஆர்.வீரநாராயணன் முன்னிலை வகித்தார். நிர்வாக இயக்குநர் ஜி.கே.அருண் வரவேற்றார். விழாவில் எம்.ஆர்.கே. பொறியியல் கல்லூரி தலைவர் எம்.ஆர்.கே.பி. கதிரவன், பள்ளித் தாளாளர் தமிழ்ச்செல்வி குமாரராஜா, கல்விக் குழும இயக்குநர்கள் ஜி.கே.அகிலன், மருத்துவர் ஐஸ்வரியா அருண், ஜெயப்பிரியா குழுமத் தலைவர்ஆர்.ஜெய்சங்கர், ஐ.ஜெகன், ஓய்வு பெற்ற தலைமை ஆசிரியர்கள் ஜி.சின்னமணி, பி.வெங்கடாஜலபதி,டி.பழனிசாமி உள்பட பலர் கலந்துகொண்டனர். 
விழாவில், "அறிவியல் வருகையால் மாணவர்களின் ஆற்றல் வளர்கிறதா? தளர்கிறதா? என்ற தலைப்பில் பேராசிரியர் கு.ஞானசம்பந்தம் தலைமையில் பட்டிமன்றம் நடைபெற்றது. மாணவ, மாணவிகளின் கலை நிகழ்ச்சிகளும் நடைபெற்றன. முடிவில் பள்ளி முதல்வர் கே.பார்த்திபன் நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/21/பள்ளியில்-முப்பெரும்-விழா-3218156.html
3218155 விழுப்புரம் கடலூர் ராஜீவ் காந்தி பிறந்த நாள்: காங்கிரஸார் ரத்த தானம் DIN DIN Wednesday, August 21, 2019 09:09 AM +0530 முன்னாள் பிரதமர் ராஜீவ் காந்தியின் பிறந்த நாளை முன்னிட்டு, கடலூர் வடக்கு மாவட்ட காங்கிரஸ் சார்பில், கடலூர் அரசு தலைமை மருத்துவமனையில் ரத்த தான முகாம் செவ்வாய்க்கிழமை நடைபெற்றது. 
முகாமுக்கு, மாநில பொதுக்குழு உறுப்பினர் என்.குமார் தலைமை வகித்தார். மாவட்டத் தலைவர் எம்.ஆர்.ராதாகிருஷ்ணன் முகாமை தொடக்கி வைத்து ரத்தம் தானம் வழங்கினார். இதனைத் தொடர்ந்து காங்கிரஸ் நிர்வாகிகள் சுமார் 50 பேர் ரத்தம் தானம் செய்தனர். 
இதேபோல, அகில இந்திய காங்கிரஸ் கமிட்டி உறுப்பினர் ஏ.எஸ்.சந்திரசேகரன் தலைமையில் கடலூர் ஆல்பேட்டையில் உள்ள செவித்திறன் குறைபாடுடையோர் பள்ளியில் ராஜீவ்காந்தி பிறந்த நாள் விழா கொண்டாடப்பட்டது. மாணவ, மாணவிகளுக்கு இனிப்பு, கல்வி உபகரணங்கள் வழங்கப்பட்டன. பிற்படுத்தப்பட்டோர் பிரிவுத் தலைவர் டி.ராமராஜ், நிர்வாகிகள் தாமோதரன், பெருமாள், அர்ஜூனன், ராஜேந்திரன் உள்ளிட்டோர் பங்கேற்றனர்.


 

]]>
https://www.dinamani.com/all-editions/edition-villupuram/cuddalore/2019/aug/21/ராஜீவ்-காந்தி-பிறந்த-நாள்-காங்கிரஸார்-ரத்த-தானம்-3218155.html
3218154 விழுப்புரம் கடலூர் விலை சரிவால் விற்பனைக் கூடத்துக்கு நெல் வரத்து குறைவு DIN DIN Wednesday, August 21, 2019 09:09 AM +0530 நெல் விலை சரிவால், விருத்தாசலம் விற்பனைக் கூடத்துக்கு நெல் வரத்து குறைந்துள்ளது. 
 கடலூர் மாவட்டத்தில் சுமார் 2 லட்சம் ஹெக்டேர் பரப்பளவில் நெல் விவசாயம் நடைபெற்று வருகிறது. கடந்த சில வாரங்களாக நெல் அறுவடைப் பணிகள் நடைபெற்று வரும் நிலையில், விருத்தாசலத்தில் உள்ள ஒழுங்குமுறை விற்பனைக் கூடத்துக்கு கடந்த வாரம் சுமார் 10 ஆயிரம் நெல் மூட்டைகள் வரத்து இருந்தது. பின்னர், அது 8 ஆயிரம் மூட்டைகளாக சரிந்தது. 
 கடந்த 16-ஆம் தேதி 4,500 நெல் மூட்டைகள் விற்பனைக்கு வந்த நிலையில், 19-ஆம் தேதி 4 ஆயிரம் மூட்டைகள் வந்தன. இந்த நிலையில், செவ்வாய்க்கிழமை நெல் வரத்து 1,500 மூட்டைகளாக சரிந்தது. 
இதில், பிபிடி ரகம் 50 மூட்டைகள், ஏஎஸ்டி-16 ரகம் 1,050 மூட்டைகள், ஏடிடி-43 ரகம் 400 மூட்டைகள் வரத்து இருந்தது. பிபிடி ரகம் அதிகபட்சமாக மூட்டை ரூ.1,896-க்கும், குறைந்தபட்சமாக ரூ.1,759-க்கும் விற்பனையானது. 
ஏஎஸ்டி ரகம் அதிகபட்சமாக ரூ.1,268-க்கும், குறைந்தபட்சமாக 1,163-க்கும், ஏடிடி ரகம் அதிகபட்சமாக ரூ.1,349க்கும், குறைந்தபட்சமாக ரூ.1,206-க்கும் விற்பனையானது.
 இதுகுறித்து அகரம் ஆலம்பாடி உழவர் மன்றத் தலைவர் ஏ.எஸ்.வி.வேல்முருகன் கூறியதாவது: சேத்தியாத்தோப்பில் ரூ.3.30 கோடியில் அமைக்கப்பட்ட ஒழுங்குமுறை விற்பனைக் கூடம் செயல்படாததால் சுற்றுவட்டாரப் பகுதியைச் சேர்ந்தவர்கள் விருத்தாசலம் விற்பனைக் கூடத்துக்கு நெல் மூட்டைகளை கொண்டு வருகின்றனர். 
ஆனால், விற்பனைக் கூடத்தில் கிடைக்கும் விலையை விட, வியாபாரிகள் கிராமங்களுக்கு வந்து 
நல்ல விலைக்கு வாங்கிச் செல்கின்றனர். மூட்டைகள் ஏற்று, இறக்கு கூலி, சாக்கு வாடகை, வண்டி வாடகை, விற்பனைக் கூடத்தில் மூட்டையை மாற்றுவதற்கு கட்டணம் உள்ளிட்ட செலவுகளை சமாளித்து கொண்டு வரப்படும் அனைத்து ரகங்களுக்கும் உயர்ந்தபட்ச விலை கிடைப்பதில்லை. 
 உதாரணத்துக்கு, விற்பனைக் கூடத்தில் மூட்டை ரூ.1,268-க்கு எடுக்கப்படும் ஏஎஸ்டி ரகத்தை வியாபாரிகள் அந்தந்த கிராமங்களிலேயே வந்து ரூ.1,200 வரை விலைக்கு வாங்குகிறார்கள். இதுவே விவசாயிகளுக்கு ஓரளவு லாபமாக  உள்ளது. 
எனவே, விவசாயிகளுக்கு லாபம் கிடைக்கும் வகையில் சேத்தியாத்தோப்பு ஒழுங்குமுறை விற்பனைக் கூடத்தை செயல்படுத்த வேண்டும். 
தற்போது, கருவேப்பிலங்குறிச்சி, ஸ்ரீமுஷ்ணம் பகுதிகளில் அறுவடை முடிந்து, சேத்தியாத்தோப்பு சுற்றுவட்டாரப் பகுதியில்தான் அறுவடை நடைபெற்று வருகிறது. எனவே, விருத்தாசலம் விற்பனைக் கூடத்துக்கு நெல் வரத்து குறைந்துள்ளது என்று கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/21/விலை-சரிவால்-விற்பனைக்-கூடத்துக்கு-நெல்-வரத்து-குறைவு-3218154.html
3218153 விழுப்புரம் கடலூர் நகைக் கடையில் திருட்டு: 2 பெண்கள் கைது DIN DIN Wednesday, August 21, 2019 09:08 AM +0530 கடலூர் மாவட்டம், பண்ருட்டியில் நகைக் கடையில் நகை திருடியதாக 2 பெண்களை போலீஸார் திங்கள்கிழமை கைது செய்தனர்.
 பண்ருட்டி, மேலப்பாளையத்தில் வசிப்பவர் ப.தேவநாதன் (46). இவர், ராஜாஜி சாலையில் நகைக் கடை நடத்தி வருகிறார். கடந்த ஜூலை 31-ஆம் தேதி இவரது கடையில் இருப்பு நகைகளை சரிபார்த்தபோது மோதிரம், தோடு ஆகியவை காணாதது தெரியவந்தது. இதையடுத்து, கடையில் இருந்த கண்காணிப்புக் கேமரா பதிவுகளை ஆய்வு செய்ததில், கடக்கு வந்திருந்த 2 பெண்கள் மீது சந்தேகம் ஏற்பட்டது.
 இதுகுறித்து ப.தேவநாதன் அளித்த புகாரின்பேரில் பண்ருட்டி போலீஸார் வழக்குப் பதிவு செய்தனர். ஆய்வாளர் ப.சண்முகம் தலைமையில் தனிப்படை அமைத்து விசாரணை நடைபெற்றது. இந்த நிலையில், பண்ருட்டி பேருந்து நிலையத்தில் திங்கள்கிழமை மாலை சந்தேகத்துக்கு இடமான வகையில் நின்றிருந்த 2 பெண்களை போலீஸார் பிடித்து, 
காவல் நிலையத்துக்கு அழைத்து வந்து விசாரணை நடத்தினர். 
 விசாரணையில் அவர்கள் வேலூர் மாவட்டம், திருப்பத்தூர் வட்டத்தைச் சேர்ந்த பழனிசாமி மனைவி செல்வி (45), கிருஷ்ணகிரி மாவட்டம், கள்ளாவி, துரைசாமி நகரைச் சேர்ந்த பெருமாள் மனைவி ரத்னா என்ற ரத்தினம் (45) ஆகியோர் எனவும், இருவரும் உறவினர்கள் என்பதும் தெரியவந்தது. மேலும், தீவிர விசாரணையில், நகைக்கடையில் திருடியதையும்,  பேருந்து நிலையத்தில் பயணிகளிடம் இருந்தும் நகை திருடியதை ஒப்புக்கொண்டனராம். இதையடுத்து இருவரிடம் இருந்தும் சுமார் 12 பவுன் நகைகளை போலீஸார் பறிமுதல் செய்தனர். பின்னர், இருவரையும் கைது செய்து கடலூர் மத்திய சிறையில் அடைத்தனர். 
கைதான பெண்கள் மீது வேலூர், சேலம், தருமபுரி உள்ளிட்ட காவல் நிலையங்களில் திருட்டு வழக்குகள் நிலுவையில் இருப்பது குறிப்பிடத்தக்கது.
 

]]>
https://www.dinamani.com/all-editions/edition-villupuram/cuddalore/2019/aug/21/நகைக்-கடையில்-திருட்டு-2-பெண்கள்-கைது-3218153.html
3217630 விழுப்புரம் கடலூர் மானிய விலையில் வேளாண் கருவிகள் DIN DIN Tuesday, August 20, 2019 10:38 AM +0530 விவசாயிகள் மானிய விலையில் வேளாண் கருவிகளை பெற்று பயனடையுமாறு மாவட்ட ஆட்சியர் வெ.அன்புச்செல்வன் அழைப்பு விடுத்தார். 
இதுகுறித்து அவர் வெளியிட்ட செய்திக் குறிப்பு: விவசாயத்தில் வேலையாள் பற்றாக்குறையை நிவர்த்தி செய்து, குறித்த காலத்தே பண்ணைப்பயிர் சாகுபடி செய்திட ஏதுவாகவும், விவசாயிகளின் நிகர லாபத்தை உயர்த்திடவும் வேளாண்மை இயந்திரமயமாக்கும் திட்டம் தமிழகத்தில் வேளாண்மைப் பொறியியல் துறை மூலம் செயல்படுத்தப்பட்டு வருகிறது. 
இந்தத் திட்டத்தில், தனிப்பட்ட விவசாயிகளுக்கு மானிய விலையில் வேளாண் இயந்திரங்கள், கருவிகள் வழங்குதல், வாடகைக்கு வழங்கும் மையங்கள் அமைத்தல் முதலான பணிகள் ரூ.11.09 கோடியில் செயல்படுத்தப்பட
வுள்ளன.  
விவசாயிகள் உழவன் செயலியில் பதிவு செய்து, மத்திய அரசின் இணையதளம் (‌w‌w‌w.​a‌g‌r‌i‌m‌e​c‌h‌i‌n‌e‌r‌y.‌n‌i​c.‌i‌n) மூலம் நேரடியாக மானியம் பெறலாம். டிராக்டர், நாற்று நடவு இயந்திரம், வைக்கோல் கட்டும் இயந்திரம், அறுவடை இயந்திரம், பவர் டில்லர், விசைக் களையெடுப்பான், புதர் அகற்றும் கருவி,  சுழல்கலப்பை (ரோட்டவேட்டர்), கொத்துக் கலப்பை உள்ளிட்ட அனைத்து இயந்திரங்களுக்கும் மொத்த விலையில் 50 சதவீதம் அல்லது அரசால் நிர்ணயம் செய்யப்பட்ட அதிகபட்ச மானியத் தொகை இவற்றில் எது குறைவோ, அந்தத் தொகை வழங்கப்படும்.
அதிக விலையுள்ள வேளாண் இயந்திரங்கள் குறைந்த வாடகைக்கு கிடைக்கும் வகையில், முன்னோடி விவசாயிகள், விவசாய சுய உதவிக் குழுக்கள் மற்றும் தொழில் முனைவோர்களுக்கு ரூ.25 லட்சம் மதிப்புடைய வாடகை மையங்கள் அமைக்க 40 சதவீதம் அல்லது அதிகபட்சமாக ரூ.10 லட்சம் வரை மானியமாக வழங்கப்படும். 
பண்ணை சக்தி குறைவாக உள்ள மாவட்டங்களைச் சேர்ந்த கிராமங்களில் 8 உறுப்பினர்கள் கொண்ட விவசாயக் குழுக்களுக்கு ரூ.10 லட்சத்தில் வாடகை மையங்கள் அமைக்க ரூ.8 லட்சம் வரை மானியம் வழங்கப்படுகிறது. கரும்பு சாகுபடிக்கு ஏற்ப வேளாண் இயந்திரங்கள் மற்றும் கருவிகள் வாங்குவதற்கு வாடகை மையங்களுக்கு ரூ.60 லட்சம் வரை மானியம் வழங்கப்படுகிறது. 
கூடுதல் விவரங்களுக்கு வேளாண்மை பொறியியல் துறையின் உதவி செயற்பொறியாளர்களை கடலூர் -94426 13678, சிதம்பரம்- 88383 45464, விருத்தாசலம்-92451 38050 ஆகிய எண்களில் தொடர்பு கொள்ளலாம் என்று ஆட்சியர் அதில் தெரிவித்துள்ளார்.
 

]]>
https://www.dinamani.com/all-editions/edition-villupuram/cuddalore/2019/aug/20/மானிய-விலையில்-வேளாண்-கருவிகள்-3217630.html
3217580 விழுப்புரம் கடலூர் மலட்டாறை தூர்வாரக் கோரி ஆர்ப்பாட்டம் DIN DIN Tuesday, August 20, 2019 10:22 AM +0530 மலட்டாறை தூர்வாரக் கோரி, தமிழ்நாடு விவசாயிகள் சங்கத்தினர் பண்ருட்டி வட்டாட்சியர் அலுவலக வளாகத்தில் திங்கள்கிழமை ஆர்ப்பாட்டத்தில் ஈடுபட்டனர். 
சங்கத்தின் அண்ணாகிராமம் ஒன்றியக்குழு சார்பில் நடைபெற்ற இந்த ஆர்ப்பாட்டத்துக்கு, ஒன்றியத் தலைவர் பி.காந்தி தலைமை வகித்தார். ஒன்றியச் செயலர் கே.முருகன், பொருளாளர் சி.எம்.கே.பச்சையப்பன், கரும்பு விவசாயிகள் சங்கத் துணைத் தலைவர் பி.ஆதவன், மாட்டுவண்டி தொழிலாளர்கள் சங்கத் தலைவர் சி.பரசுராமன் ஆகியோர் முன்னிலை வகித்தனர். 
அகில இந்திய விவசாயிகள் சங்க மாவட்டச் செயலர் ஜி.மாதவன் கண்டன உரை நிகழ்த்தினார். விவசாய சங்க மாவட்டப் பொருளாளர் எஸ்.தட்சிணாமூர்த்தி, விவசாயத் தொழிலாளர்கள் சங்க மாவட்டத் தலைவர் எஸ்.கே.ஏழுமலை, விவசாயிகள் சங்க முன்னாள் ஒன்றியச் செயலர் ஆர்.லோகநாதன், கரும்பு விவசாயிகள் சங்க மாநிலக்குழு உறுப்பினர் பி.தென்னரசு ஆகியோர் கோரிக்கைகளை வலியுறுத்திப் பேசினர். பி.ராமானுஜம், சம்பத், கே.காளிதாஸ் உள்ளிட்டோர் கலந்துகொண்டனர்.
ஆர்ப்பாட்டத்தில், 60-க்கும் மேற்பட்ட கிராமங்களின் நிலத்தடி நீர்மட்டம் உயரும் வகையில் மலட்டாறை தூர்வார ஒதுக்கிய நிதியை பயன்படுத்தி உடனடியாக அந்தப் பணியை தொடங்க வேண்டும். 
விழுப்புரம் மாவட்டம், அரசூர் அருகே தடுப்பணை, ஷட்டர் அமைத்து மலட்டாறில் தண்ணீரை திருப்பிவிட வேண்டும். கோரை ஆற்றில் ஆக்கிரமிப்புகளை அகற்ற வேண்டும். பெண்ணை ஆற்றில் இருந்து கடலில் கலக்கும் உபரி நீரை மலட்டாறில் திருப்பிவிட வேண்டும். 
திருத்துறையூர், ஒறையூரில் மலட்டாற்றின் குறுக்கே பாலம் கட்டுமானப் பணியை தொடக்க வேண்டும். கயப்பாக்கம், திருத்துறையூர் ஏரி வாய்க்கால் ஆக்கிரமிப்புகளை அகற்ற வேண்டும் ஆகிய கோரிக்கைகளை வலியுறுத்தினர். 
ஆர்ப்பாட்டத்தில் பங்கேற்ற விவசாயிகள் பட்டை நாமம் வரைந்த அட்டைகளை ஏந்தியபடி முழக்கமிட்டனர்.
 

]]>
https://www.dinamani.com/all-editions/edition-villupuram/cuddalore/2019/aug/20/மலட்டாறை-தூர்வாரக்-கோரி-ஆர்ப்பாட்டம்-3217580.html
3217579 விழுப்புரம் கடலூர் ஆகஸ்ட் 21 மின் தடை DIN DIN Tuesday, August 20, 2019 10:22 AM +0530 சேத்தியாத்தோப்பு 
நேரம்: காலை 9 மணி முதல் மாலை 5 மணி வரை.
இடங்கள்: சேத்தியாத்தோப்பு, பின்னலூர், எறும்பூர், ஒரத்தூர், சோழத்தரம், பாளையங்கோட்டை, கொழை, ராமாபுரம், கொண்டசமுத்திரம், வானமாதேவி, அறந்தாங்கி, 
சித்தமல்லி, மஞ்சக்கொல்லை, மிராளூர், மருதூர், பி.உடையூர் மற்றும் அதைச் சுற்றியுள்ள பகுதிகள்.
வளையமாதேவி 
நேரம்: காலை 9 மணி முதல் மாலை 5 மணி வரை. 
இடங்கள்: வளையமாதேவி, முகந்தெரியான்குப்பம், பெருவரப்பூர், சிறுவரப்பூர், கோட்டுமுளை, ஒட்டிமேடு, பெருந்துறை, ப.புத்தூர், சாத்தப்பாடி, விளக்கப்பாடி, தட்டானோடை, அகரஆலம்பாடி, பி.ஆதனூர், உ.அகரம், தர்மநல்லூர், கத்தாழை, மும்முடிசோழகன், முத்துகிருஷ்ணாபுரம் மற்றும் அதைச் சுற்றியுள்ள பகுதிகள்.
கீழக்குப்பம்
நேரம்: காலை 9 மணி முதல் மாலை 5 மணி வரை.
இடங்கள்: மருங்கூர், சொரத்தூர், நடுக்குப்பம், முத்தாண்டிக்குப்பம், பேர்பெரியான்குப்பம், வல்லம், காட்டுக்கூடலூர், காடாம்புலியூர், புறங்கணி, காட்டாண்டிக்குப்பம், அழகப்பசமுத்திரம், மேலிருப்பு, கீழிருப்பு, காட்டுப்பாளையம், ஆத்திரிக்குப்பம், மாம்பட்டு,  மாருதி நகர் (கீழக்கொல்லை), கே.எஸ்.கே.நகர், அண்ணாகிராமம், சீனிவாசா அவென்யூ, காந்திகிராமம், சக்தி நகர், அசோக் நகர், ராமமூர்த்தி நகர், அருள்பெருஞ்சோதி நகர், கீழக்கொல்லை, மறுசீரமைப்பு மையம், இந்திரா நகர், வி.புதூர்.

வடலூர்
நேரம்:  காலை 9 மணி முதல் மாலை 5 மணி வரை.
இடங்கள்: வடக்குத்து, கீழூர், இந்திராநகர், ஆபத்தாணபுரம், வடலூர், எல்லப்பன்பேட்டை, மேட்டுக்குப்பம், கங்கைகொண்டான், வடக்கு மேலூர், அரசுப் பண்ணைக் 
கழகம், முத்தாண்டிக்குப்பம், சொரத்தூர் மற்றும் சுற்று வட்டாரப் பகுதிகள்.
 

]]>
https://www.dinamani.com/all-editions/edition-villupuram/cuddalore/2019/aug/20/ஆகஸ்ட்-21-மின்-தடை-3217579.html
3217577 விழுப்புரம் கடலூர் ஆகஸ்ட் 20 மின் தடை DIN DIN Tuesday, August 20, 2019 10:21 AM +0530 ரெட்டிச்சாவடி
நேரம்: காலை 9 மணி முதல் மாலை 5 மணி வரை.
இடங்கள்: நல்லாத்தூர், செல்லஞ்சேரி, கீழ்குமாரமங்கலம், நல்லவாடு, காட்டுப்பாளையம், ராசாபாளையம், புதுபூஞ்சோலைக்குப்பம், தென்னம்பாக்கம், சந்திக்குப்பம், ரெட்டிச்சாவடி, காரணப்பட்டு, புதுக்கடை, குட்டியாங்குப்பம், மதலப்பட்டு, இருசாம்பாளையம், கிளிஞ்சிக்குப்பம், புதுக்குப்பம், 
தூக்கணாம்பாக்கம், சிங்கிரிக்குடி மற்றும் அதன் சுற்றுவட்டாரப் பகுதிகள்.

]]>
https://www.dinamani.com/all-editions/edition-villupuram/cuddalore/2019/aug/20/ஆகஸ்ட்-20-மின்-தடை-3217577.html
3217576 விழுப்புரம் கடலூர் சிஐடியூ தொழிற்சங்கத்தினர் ஆர்ப்பாட்டம் DIN DIN Tuesday, August 20, 2019 10:21 AM +0530 கடலூரில் உள்ள மண்டல போக்குவரத்து பணிமனை முன் தமிழ்நாடு அரசு போக்குவரத்து ஊழியர் சங்கத்தினர் (சிஐடியூ) திங்கள்கிழமை ஆர்ப்பாட்டத்தில் ஈடுபட்டனர். 
 அரசுப் போக்குவரத்துக் கழகத்தில் வரவுக்கும் செலவுக்குமான வித்தியாசத்தை சரி செய்ய வேண்டும். 2003-ஆம் ஆண்டுக்குப் பிறகு பணியில் சேர்ந்தவர்களுக்கு ஓய்வூதியத்தை உறுதிப்படுத்த வேண்டும். 240 நாள்கள் பணி முடித்த ஓட்டுநர், நடத்துநர்களை உடனடியாக நிரந்தரம் செய்ய வேண்டும் உள்ளிட்ட கோரிக்கைகளை வலியுறுத்தி, 14-ஆவது ஊதிய ஒப்பந்த கோரிக்கை மனு அளிக்கும் ஆர்ப்பாட்டத்தை கடலூரில் உள்ள மண்டல போக்குவரத்து பணிமனை முன் சிஐடியூ தொழிற்சங்கத்தினர் திங்கள்கிழமை நடத்தினர். ஆர்ப்பாட்டத்துக்கு கடலூர் கிளைத் தலைவர் ஏ.ஜான்விக்டர் தலைமை வகித்தார். 
ஆர்ப்பாட்டத்தில் சங்கத்தினர் திரளானோர் கலந்துகொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/20/சிஐடியூ-தொழிற்சங்கத்தினர்-ஆர்ப்பாட்டம்-3217576.html
3217575 விழுப்புரம் கடலூர் பேராசிரியைகள் தர்னா DIN DIN Tuesday, August 20, 2019 10:21 AM +0530 கடலூரில் கல்லூரி பேராசிரியைகள் வகுப்புகளை புறக்கணித்து திங்கள்கிழமை தர்னாவில் ஈடுபட்டனர். 
 கடலூரில் கந்தசாமி நாயுடு மகளிர் கலைக் கல்லூரி செயல்பட்டு வருகிறது. இந்தக் கல்லூரியில் 40 பேராசிரியைகள், 17 அலுவலக பணியாளர்கள் பணியாற்றி வருகின்றனராம். இவர்களுக்கு கடந்த சில மாதங்களாக ஊதியம் மிகவும் கால தாமதமாக வழங்கப்பட்டு வந்ததாம். குறிப்பாக கடந்த ஜூலை மாதத்துக்கான ஊதியம் இதுவரை வழங்கப்படவில்லையாம். 
எனவே, ஊதியத்தை உடனடியாக வழங்க வலியுறுத்தி பேராசிரியைகள் திங்கள்கிழமை வகுப்புகளை புறக்கணித்தனர். பின்னர், தங்களது கோரிக்கையை வலியுறுத்தி கல்லூரி நுழைவு வாயில் முன் அமர்ந்து தர்னாவில் ஈடுபட்டனர். 
இதனால், கல்லூரியில் வகுப்புகள் நடைபெறவில்லை.
 

]]>
https://www.dinamani.com/all-editions/edition-villupuram/cuddalore/2019/aug/20/பேராசிரியைகள்-தர்னா-3217575.html
3217574 விழுப்புரம் கடலூர் சிதம்பரம் அரசுக் கல்லூரியில் புதிய பாடப் பிரிவுகளுக்கு அனுமதி DIN DIN Tuesday, August 20, 2019 10:20 AM +0530 சிதம்பரம் அருகே உள்ள சி.முட்லூர் அரசு கலைக் கல்லூரியில் புதிய பாடப் பிரிவுகளுக்கு அரசு அனுமதி அளித்துள்ளதாக கல்லூரி முதல்வர் ந.சாந்தி தெரிவித்தார்.
 இதுகுறித்து அவர் வெளியிட்ட செய்திக்குறிப்பு: சிதம்பரம் அரசு கலைக் கல்லூரியில் 2019-20-ஆம் கல்வி ஆண்டில் இளநிலை பிரிவில் இளம் அறிவியல், விலங்கியல் பாடப்பிரிவு தொடங்க தமிழக அரசால் அனுமதி அளிக்கப்பட்டுள்ளது. 
 இந்தப் பிரிவில் தமிழ் வழியில் சேர்ந்து பயில ஆர்வமுள்ள மாணவ, மாணவிகளுக்கு சேர்க்கைக்கான விண்ணப்பம் ஆக.20-ஆம் தேதி முதல் 22-ஆம் தேதி வரை கல்லூரி அலுவலகத்தில் விற்பனை செய்யப்படும். விண்ணப்பத்தின் விலை ரூ.50. 
 ஆதிதிராவிடர், பழங்குடியினர் மற்றும் அருந்ததியர் பிரிவு மாணவ, மாணவிகள் இளநிலை விலங்கியல் பாடப் பிரிவில் மட்டும் சேர்க்கைக்கு தங்களது சாதிச் சான்று நகலை சமர்ப்பித்து இலவசமாக விண்ணப்பத்தை பெற்றுக்கொள்ளலாம். பூர்த்தி செய்த விண்ணப்பங்கள் வந்து சேர வேண்டிய கடைசி நாள் 22-8-2019. மாணவர் சேர்க்கைக்கான கலந்தாய்வு வருகிற 27-ஆம் தேதி காலை 10 மணியளவில்  நடைபெறும்.

]]>
https://www.dinamani.com/all-editions/edition-villupuram/cuddalore/2019/aug/20/சிதம்பரம்-அரசுக்-கல்லூரியில்-புதிய-பாடப்-பிரிவுகளுக்கு-அனுமதி-3217574.html
3217573 விழுப்புரம் கடலூர் ஓய்வுபெற்ற அலுவலர்கள் சங்கக் கூட்டம் DIN DIN Tuesday, August 20, 2019 10:20 AM +0530 தமிழக ஓய்வுபெற்ற அலுவலர்கள் சங்கத்தின் மாதாந்திர சிறப்புக் கூட்டம் கடலூரில் அண்மையில் நடைபெற்றது. 
கூட்டத்துக்கு, சங்கத்தின் மாநிலத் தலைவர் த.சண்முகசுந்தரம் தலைமை வகித்தார். மாநில பொதுச் செயலர் பாபு.சுப்பிரமணியம் கூட்ட நடவடிக்கைகள் குறித்தும், பொருளாளர் இர.திருநாவுக்கரசு வரவு-செலவு கணக்கையும் தாக்கல் செய்து பேசினர். உதவி பொதுச் செயலர் எம்.தண்டபாணி தீர்மானங்களை வாசித்தார். 
அதன்படி, ஓய்வூதியர்களின் குறைகளை தீர்க்கும் வகையில் 3 மாதங்களுக்கு ஒருமுறை தமிழகத்திலுள்ள ஓய்வூதியர் சங்க மாநில நிர்வாகிகளை அழைத்து சென்னையில் தலைமைச் செயலர் தலைமையில் கூட்டம் நடத்த வேண்டும். மாவட்ட, வட்ட கருவூலகங்கள் மூலமாக ஓய்வூதியர்கள், குடும்ப ஓய்வூதியர்களுக்கு வழங்கப்படும் அடையாள அட்டையில் சம்பந்தப்பட்ட அலுவலரின் கையொப்பம் இல்லாமல் இருப்பதை சரி செய்து வழங்க வேண்டும். மத்திய அரசின் ஓய்வூதியர்களுக்கு வழங்கப்படுவது போல மருத்துவப் படியாக தலா ரூ.ஆயிரம் வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
கூட்டத்தில் நிர்வாகிகள் ஆர்.ராதாகிருஷ்ணன், ஆர்.ஜேக்கப், பி.விஸ்வநாதன், ஆர்.ராமதாசு, ஆர்.சரஸ்வதி, காந்திமதி உள்ளிட்டோர் பங்கேற்றனர். 
முன்னதாக செயற்குழு உறுப்பினர் ராமலிங்கம் வரவேற்க, துணைச் செயலர் செந்தாமரைக்கண்ணன் நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/20/ஓய்வுபெற்ற-அலுவலர்கள்-சங்கக்-கூட்டம்-3217573.html
3217572 விழுப்புரம் கடலூர் ஏரியை தூர்வாரக் கோரி போராட்டம் DIN DIN Tuesday, August 20, 2019 10:20 AM +0530 ஆக்கிரமிப்பு அகற்றப்பட்ட ஏரியை உடனடியாக தூர்வாரக் கோரி, கோடங்குடியில் பொதுமக்கள் திங்கள்கிழமை போராட்டத்தில் ஈடுபட்டனர்.
 திட்டக்குடி அருகே உள்ள கோடங்குடியில் 144 ஏக்கர் பரப்பளவில் ஏரி அமைந்துள்ளது. இந்த ஏரியை சிலர் ஆக்கிரமித்து விவசாயம் செய்து வந்தனர். இதையடுத்து அதே ஊரைச் சேர்ந்த சிலர் ஆக்கிரமிப்பை அகற்றக்கோரி போராட்டங்களை நடத்தினர். மேலும், கிராம மக்கள் சார்பில் சென்னை உயர் நீதிமன்றத்தில் வழக்கு தொடுக்கப்பட்டது.
 வழக்கை விசாரித்த நீதிமன்றம் 2016-ஆம் ஆண்டு ஆக்கிரமிப்புகளை அகற்ற உத்தரவிட்டது. இதையடுத்து,  வருவாய்த் துறையினர் ஆக்கிரமிப்பை அகற்றினர். ஆனால், ஏரியை தூர்வாராததால் மீண்டும் ஏரி ஆக்கிரமிப்புக்கு உள்ளாகும் நிலை ஏற்பட்டது. மேலும், ஆக்கிரமிப்பாளர்களுக்கு ஆதரவாக பொதுப் பணித் துறையினர் செயல்படுவதாக புகார் எழுந்தது.
 இந்த நிலையில், ஏரியை முழுமையாக தூர்வார வலியுறுத்தி கோடங்குடி கிராமமக்கள் 100-க்கும் மேற்பட்டோர் திங்கள்கிழமை ஏரி அருகே காத்திருப்புப் போராட்டத்தில் ஈடுப்பட்டனர். 
அவர்களிடம் வருவாய் துறையினர், காவல் துறையினர் பேச்சுவார்த்தை நடத்தினர். அப்போது, விரைவில் ஏரி தூர்வாரப்படும் என உறுதி அளிக்கப்பட்டது. இதையடுத்து பொதுமக்கள் கலைந்து சென்றனர்.
 

]]>
https://www.dinamani.com/all-editions/edition-villupuram/cuddalore/2019/aug/20/ஏரியை-தூர்வாரக்-கோரி-போராட்டம்-3217572.html
3217571 விழுப்புரம் கடலூர் பால் விலை உயர்வு: சமாஜ்வாதி கட்சி வரவேற்பு DIN DIN Tuesday, August 20, 2019 10:19 AM +0530 தமிழக அரசு பால் கொள்முதல், விற்பனை விலையை உயர்த்தியதற்கு தமிழ்நாடு சமாஜ்வாதி கட்சி வரவேற்பு தெரிவித்தது.
இதுகுறித்து அந்தக் கட்சியின் மாநிலத் தலைவர் இளங்கோயாதவ் வெளியிட்ட அறிக்கை: தமிழகத்தில் கால்நடை தீவனங்களின் விலை கடுமையாக உயர்ந்துள்ளதால், பால் கொள்முதல் விலையை உயர்த்த வேண்டும் என முதல்வரிடம் பால் உற்பத்தியாளர்கள் கோரி வந்தனர். 
அவர்களது நலனைக் கருத்தில்கொண்டு பால் கொள்முதல் விலையை உயர்த்தி தமிழக அரசு அறிவித்துள்ளது. அதன்படி ஒரு லிட்டர் பசும்பால் கொள்முதல் விலை ரூ.28-லிருந்து 
ரூ.32-ஆகவும், ஒரு லிட்டர் எருமைப் பால் விலை ரூ.35-லிருந்து ரூ.42-ஆகவும் உயர்த்தப்பட்டது. ஆவின் பால் விலை லிட்டருக்கு ரூ.6 உயர்த்தப்பட்டுள்ளது. இதை சமாஜ்வாதி கட்சி வரவேற்கிறது என அதில் தெரிவித்துள்ளார்.
 

]]>
https://www.dinamani.com/all-editions/edition-villupuram/cuddalore/2019/aug/20/பால்-விலை-உயர்வு-சமாஜ்வாதி-கட்சி-வரவேற்பு-3217571.html
3217570 விழுப்புரம் கடலூர் தொழிற்சங்கத்தினர் காத்திருப்புப் போராட்டம் DIN DIN Tuesday, August 20, 2019 10:19 AM +0530 கடலூர் தொழிலாளர் உதவி ஆணையர் அலுவலகத்தில் தொழிற்சங்கத்தினர் திங்கள்கிழமை இரவு காத்திருப்பு போராட்டத்தில் ஈடுபட்டதால் பரபரப்பு ஏற்பட்டது.
 கடலூர் சிப்காட் வளாகத்தில் செயல்பட்டு வரும் 2 நிறுவனங்களுக்கும், தொழிற்சங்கத்தினருக்கும் இடையே அண்மையில் தகராறு ஏற்பட்டது. 
இதையடுத்து, தொழிலாளர்கள்  ஆலையின் முன் போராட்டம் நடத்தக் கூடாதென குறிப்பிட்ட நிறுவனம் நீதிமன்றம் மூலமாக தடை உத்தரவு பெற்றது. இந்த நிலையில், ஆலையிலிருந்து 200மீ. தொலைவுக்கு அப்பால் போராட்டம் நடத்துவதற்கு போலீஸார் அனுமதி வழங்கவில்லையாம். 
 இதுதொடர்பாக இந்திய கம்யூனிஸ்ட் கட்சியின் (சேகர் பிரிவு) மாவட்டச் செயலர் எம்.சேகர், தமிழக வாழ்வுரிமைக் கட்சியின் மாவட்டச் செயலர் த.ஆனந்த், மாநில இளைஞரணிச் செயலர் அ.செந்தில், இந்திய கம்யூனிஸ்ட் கட்சியின் நகரச் செயலர் ஜி.மணிவண்ணன் மற்றும் தொழிற்சங்க நிர்வாகிகள் திங்கள்கிழமை மாவட்ட ஆட்சியர், மாவட்ட காவல் கண்காணிப்பாளர் அலுவலகங்களில் மனு அளித்தனர்.
 இந்தப் பிரச்னை தொடர்பாக செம்மண்டலத்தில் உள்ள உதவி தொழிலாளர் ஆணையர் அலுவலகத்தில் பேச்சுவார்த்தை நடத்தப்படுமென ஆட்சியர் தெரிவித்தார். 
அதன்படி, நடைபெற்ற பேச்சுவார்த்தையில் பங்கேற்ற ஒரு நிறுவனத்தினர், தங்களது முடிவை மாலை 6 மணிக்கு தெரிவிப்பதாக கூறிவிட்டுச் சென்றனராம். ஆனால், அதன்படி அந்த நிறுவனம் செயல்படவில்லையாம். இதைக் கண்டித்து தொழிற்சங்கத்தினர் தொழிலாளர் உதவி ஆணையர் அலுவலகத்தில் 
காத்திருப்புப் போராட்டத்தில் ஈடுபட்டதால் அந்தப் பகுதியில் பரபரப்பு ஏற்பட்டது.

]]>
https://www.dinamani.com/all-editions/edition-villupuram/cuddalore/2019/aug/20/தொழிற்சங்கத்தினர்-காத்திருப்புப்-போராட்டம்-3217570.html
3217569 விழுப்புரம் கடலூர் குடிநீரில் கலக்கும் கழிவுநீர்: கிராம மக்கள் ஆர்ப்பாட்டம் DIN DIN Tuesday, August 20, 2019 10:19 AM +0530 கொட்டாரம் கிராமத்தில் குடிநீரில் கழிவுநீர் கலந்து வருவதாகக் கூறி பொதுமக்கள் திங்கள்கிழமை ஆர்ப்பாட்டத்தில் ஈடுபட்டனர்.
 திட்டக்குடி வட்டம், கொட்டாரம் கிராமத்தில் சுமார் ஆயிரம் குடும்பத்தினர் வசித்து வருகின்றனர். இந்தக் கிராமத்தில் கடந்த 6 மாதங்களாக குடிநீர்த் தட்டுப்பாடு நிலவி வந்ததாம். இதையடுத்து கிராம மக்கள் புகார் அளித்ததைத் தொடர்ந்து, ஊராட்சி நிர்வாகத்தினர் குழாய்களை சரிசெய்து குடிநீர் விநியோகித்தனர். இருப்பினும், கடந்த 2 நாள்களாக குடிநீரில் கழிவுநீர் கலந்து வருவதாகக் கூறப்படுகிறது. 
இந்த நீரை பருகியவர்களில் பலர் உடல்நிலை பாதிக்கப்பட்டு, திட்டக்குடி அரசு மருத்துவமனையில் சிகிச்சைப் பெற்றனராம். இதுகுறித்து மங்களூர் வட்டார வளர்ச்சி அலுவலகத்தில் புகார் அளித்தும் நடவடிக்கை எடுக்கப்படவில்லையாம். 
 இதனால் ஆத்திரமடைந்த கிராம மக்கள் கழிவுநீர் கலந்த குடிநீருடன் திங்கள்கிழமை ஆர்ப்பாட்டத்தில் ஈடுபட்டனர். இதுகுறித்து தகவலறிந்து நிகழ்விடத்துக்கு வந்த வட்டார வளர்ச்சி அலுவலர்கள் சங்கர், விஜயா மற்றும்  ஆவினங்குடி காவல் துறையினர் கிராம மக்களிடம் பேச்சுவார்த்தை நடத்தினர். 
சுகாதாரமான குடிநீர் வழங்கப்படும் என அவர்கள் உறுதி அளித்ததைத் தொடர்ந்து கிராம மக்கள் கலைந்து சென்றனர்.

]]>
https://www.dinamani.com/all-editions/edition-villupuram/cuddalore/2019/aug/20/குடிநீரில்-கலக்கும்-கழிவுநீர்-கிராம-மக்கள்-ஆர்ப்பாட்டம்-3217569.html
3217568 விழுப்புரம் கடலூர் இந்திய கம்யூனிஸ்ட் பேரணி DIN DIN Tuesday, August 20, 2019 10:19 AM +0530 ஹைட்ரோ கார்பன் திட்டத்தை கைவிட வலியுறுத்தி இந்திய கம்யூனிஸ்ட் கட்சி சார்பில் பேரணி நடைபெற்றது. 
காவிரி டெல்டா மாவட்டங்களில் ஹைட்ரோ கார்பன் எடுக்கும் திட்டத்தை மத்திய அரசு நிரந்தரமாக தடை செய்து அரசாணை வெளியிட வேண்டும். 
இதுதொடர்பாக தமிழக அரசு சட்டப் பேரவையில் தீர்மானம் நிறைவேற்ற வேண்டும். அதில், காவிரி டெல்டாவை பாதுகாக்கப்பட்ட வேளாண் மண்டலமாக அறிவிக்க வேண்டும் ஆகிய கோரிக்கைகளை வலியுறுத்தி இந்திய கம்யூனிஸ்ட் கட்சியினர் கையெழுத்து இயக்கம் நடத்தினர். அவ்வாறு பெறப்பட்ட கையெழுத்துகளை மாவட்ட ஆட்சியர் மூலமாக தமிழக முதல்வருக்கு அனுப்பும் வகையில் கோரிக்கை சாசன மனு கொடுக்கும் இயக்கத்தை அறிவித்தனர். 
 அதன்படி, கட்சியின் மாவட்ட செயலர் பி.துரை தலைமையில் அந்தக் கட்சியினர் கடலூரில் தலைமை தபால் நிலையம் அருகே திங்கள்கிழமை காலையில் கூடினர். பின்னர், கோரிக்கை மனுக்கள் அடங்கிய பெட்டியை தலையில் சுமந்தவாறும், ஹைட்ரோ கார்பன் திட்டத்தை ரத்து செய்ய வலியுறுத்தும் கோரிக்கை அட்டைகளை கழுத்தில் அணிந்தவாறும் அங்கிருந்து பேரணியாக புறப்பட்டு மாவட்ட ஆட்சியர் அலுலவகம் சென்றனர். அங்கு கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர். பின்னர், மாவட்ட ஆட்சியரை சந்தித்து கோரிக்கை மனுவை அளித்தனர்.
 மாநில செயற்குழு உறுப்பினர் டி.எம்.மூர்த்தி, மாநில நிர்வாகக்குழு உறுப்பினர் டி.மணிவாசகம், மாவட்ட துணைச் செயலர் 
வி.குளோப் உள்ளிட்டோர் பங்கேற்றனர்.
 

]]>
https://www.dinamani.com/all-editions/edition-villupuram/cuddalore/2019/aug/20/இந்திய-கம்யூனிஸ்ட்-பேரணி-3217568.html
3217567 விழுப்புரம் கடலூர் உலக ஒளிப்பட தின விழா DIN DIN Tuesday, August 20, 2019 10:18 AM +0530 பண்ருட்டி அரசு மேல்நிலைப் பள்ளியில், ராஜா ரவிவர்மா மாணவர் ஓவிய நுண்கலை மன்றம் சார்பில் உலக ஒளிப்பட தின விழா திங்கள்கிழமை நடைபெற்றது. 
விழாவுக்கு, பள்ளித் தலைமை ஆசிரியர் ஜி.பூவராகமூர்த்தி தலைமை வகித்தார். பண்ருட்டி ஓ.கே. நினைவு புகைப்படம்  மற்றும் ஒளிப்படக் கலைஞர்கள் சங்கத் தலைவர் மாதவன், மாணவர்களின்  ஒளிப்படக் கண்காட்சியை திறந்து வைத்தார். 
இதில், செல்லிடப்பேசி மூலம் மாணவர்களால் எடுக்கப்பட்ட சிறந்த ஒளிப்படங்கள் இடம்பெற்றிருந்தன. மாணவர் ஹரிநாத் வரவேற்றார். போட்டியில் வெற்றி பெற்ற மாணவர்களுக்கு பரிசுகள்,  சான்றிதழ்கள் வழங்கப்பட்டன. பள்ளியின் ஆசிரியர் சங்கச் செயலர் லட்சுமிகாந்தன், என்எஸ்எஸ் அலுவலர் மோகன் குமார், புகைப்பட சங்கச் செயலர் கோபி, பொருளாளர் ரத்தினவேல் உள்ளிட்டோர் கலந்துகொண்டனர்.கடலூர் போட்டோகிராபி கிளப் இணைச் செயலர் ஜாபர்சன் மாணவர்களுக்கு பயிற்சி அளித்தார். பள்ளி வளாகத்தில் 30 மரக்கன்றுகள் நடப்பட்டன.
ஓவிய ஆசிரியர் முத்துக்குமரன் நிகழ்ச்சியை தொகுத்து வழங்கினார். பள்ளியில் மாணவர் போட்டோகிராஃபி கிளப் தொடங்கப்பட்டது. மாணவர் சத்குரு பரமாத்மா நன்றி கூறினார்.
 

]]>
https://www.dinamani.com/all-editions/edition-villupuram/cuddalore/2019/aug/20/உலக-ஒளிப்பட-தின-விழா-3217567.html
3217566 விழுப்புரம் கடலூர் சிதம்பரம் கோயிலில்  நாட்டிய நிகழ்ச்சி DIN DIN Tuesday, August 20, 2019 10:18 AM +0530 சிதம்பரம் நடராஜர் கோயிலில் வெளிநாடு, வெளி மாநில மாணவிகள் பங்கேற்ற நாட்டிய நிகழ்ச்சி  ஞாயிற்றுக்கிழமை நடைபெற்றது.
இந்தக் கோயிலில் உள்ள ஆயிரம்கால் மண்டபத்தில் கேரளத்தைச் சேர்ந்த மாணவிகள், சவூதி அரேபியா நாட்டைச் சேர்ந்த மாணவிகள் மற்றும்  பல்வேறு பகுதிகளில் 
இருந்து வந்த நாட்டியக் கலைஞர்கள் நாட்டிய அஞ்சலி செலுத்தினர். இவர்கள் கதக், பரதம், தில்லானா, ஜெதிஸ்வரம் உள்ளிட்ட நாட்டிய நிகழ்ச்சிகளை நிகழ்த்தினர். நிகழ்ச்சியை சிதம்பரம் அண்ணாமலைப் பல்கலைக்கழக இசைக் கல்லூரி முதல்வர் முத்துராமன் தலைமை வகித்து தொடக்கி வைத்தார். திரளானோர் பார்த்து ரசித்தனர்.
 

]]>
https://www.dinamani.com/all-editions/edition-villupuram/cuddalore/2019/aug/20/சிதம்பரம்-கோயிலில்--நாட்டிய-நிகழ்ச்சி-3217566.html
3217564 விழுப்புரம் கடலூர் பொதுமக்கள் குறைதீர் கூட்டம் DIN DIN Tuesday, August 20, 2019 10:18 AM +0530 கடலூர் மாவட்ட ஆட்சியர் அலுவலகக் கூட்டரங்கில் பொதுமக்கள் குறைதீர் கூட்டம், மாவட்ட ஆட்சியர் வெ.அன்புச்செல்வன் தலைமையில் திங்கள்கிழமை நடைபெற்றது. 
கூட்டத்தில்,  பொதுமக்கள் சார்பில் மொத்தம் 201 மனுக்கள் அளிக்கப்பட்டன. இந்த மனுக்கள் மீது விரைந்து நடவடிக்கை எடுத்து அதன் விவரங்களை மனுதாரர்களுக்கு தெரிவிக்க வேண்டுமென ஆட்சியர் உத்தரவிட்டார். மேலும், மாற்றுத் திறனாளிகளுக்கு  ஒதுக்கப்பட்ட இடத்துக்குச் சென்ற ஆட்சியர் அவர்களிடம் மனுக்களை பெற்றுக் கொண்டார்.
கூட்டத்தில், பல்வேறு அரசு அலுவலகங்களில் பணிபுரிந்து ஓய்வுபெற்ற ஓய்வூதியதாரர்கள் தாங்கள் பெற்ற மருத்து சிகிச்சைக்கான செலவினத் தொகையை மீளப்பெற விண்ணப்பம் அளித்ததன் பேரில் 4 ஓய்வூதியதாரர்களுக்கு மொத்தம் ரூ.1.80 லட்சம் திரும்ப வழங்கப்பட்டது.

]]>
https://www.dinamani.com/all-editions/edition-villupuram/cuddalore/2019/aug/20/பொதுமக்கள்-குறைதீர்-கூட்டம்-3217564.html
3217563 விழுப்புரம் கடலூர் ஜி.கே.மூப்பனார் பிறந்தநாள் விழா DIN DIN Tuesday, August 20, 2019 10:17 AM +0530 சிதம்பரத்தில் ஜி.கே.மூப்பனாரின்  89-ஆவது பிறந்த நாள் விழா திங்கள்கிழமை நடைபெற்றது.
சிதம்பரம் நகர தமிழ் மாநில காங்கிரஸ் சார்பில் மேலவீதி மணிக்கூண்டு அருகே நடைபெற்ற இந்த நிகழ்வுக்கு, நகர தமாகா தலைவர் தில்லை ஆர்.மக்கீன் தலைமை வகித்தார். மாநில பொதுக்குழு உறுப்பினர் ஜெமினி  எம்.என்.ராதா வரவேற்றார். மாவட்ட இளைஞரணி தலைவர் கே.ரஜினிகாந்த், மாவட்ட தொண்டர் அணி தலைவர் தில்லை கோ. குமார் மாவட்ட துணைத் தலைவர்கள் ராஜா சம்பத்குமார், கே.நாகராஜ், மாவட்ட மகளிரணித் தலைவர் கே.ராஜலட்சுமி ஆகியோர் முன்னிலை வகித்தனர். விழாவில் மூப்பனார் உருவப் படத்துக்கு கடலூர் மத்திய மாவட்ட தமாகா தலைவர்  எஸ் புரட்சிமணி மாலை அணிவித்து 89 பேருக்கு வேட்டி, சேலைகளை வழங்கினார். மாநில பொதுச் செயலர் ஏ.எஸ் வேல்முருகன் மூப்பனார் உருவப் படத்துக்கு மாலை அணிவித்து இனிப்பு வழங்கினார்.
நிகழ்ச்சியில் நகர தமாகா துணைத் தலைவர்கள் ஆர்.சம்பந்தமூர்த்தி, ஆறுமுகம், இளங்கோ, பொருளாளர் சம்பந்தம், எஸ்.எஸ்.நடராஜ், பொதுச் செயலர்கள் குமார்,  டி.பட்டாபிராமன், மாநில எஸ்சி, எஸ்டி பிரிவு பொதுச் செயலர் எம்.கே.பாலா உள்ளிட்டோர் கலந்துகொண்டனர். இளைஞரணி மாவட்ட செயலர் நீலா நன்றி கூறினார். விழாவில், 500 பேருக்கு அன்னதானம் வழங்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/aug/20/ஜிகேமூப்பனார்-பிறந்தநாள்-விழா-3217563.html
3217562 விழுப்புரம் கடலூர் "பசுமைச் சூழலையும் என்எல்சி ஏற்படுத்துகிறது' DIN DIN Tuesday, August 20, 2019 10:17 AM +0530 என்எல்சி இந்தியா நிறுவனம் பழுப்பு நிலக்கரியை உற்பத்தி செய்வதுடன், பசுமைச் சூழலையும் ஏற்படுத்தி வருவதாக சென்னை மண்டல சுரங்கப் பாதுகாப்புத் துறை துணை இயக்குநர் ரகுபதி பெத்தி ரெட்டி பாராட்டு தெரிவித்தார்.
 சென்னை, சேலம், திருச்சி, நெய்வேலி, திருநெல்வேலி ஆகிய 5 மண்டலங்களில் உள்ள சுமார் 675 சுரங்கங்களில் மண்டல அளவிலான பாதுகாப்பு வார விழா நடைபெற்று வருகிறது. இதேபோல, நெய்வேலியில் 58-ஆவது மண்டல அளவிலான சுரங்கப் பாதுகாப்பு வாரவிழா கடந்த 12-ஆம் தேதி தொடங்கி நடைபெற்று வந்தது. இதன் நிறைவு விழா மத்திய சுரங்க பாதுகாப்பு  இயக்ககத்தின் ஆதரவுடன் என்எல்சி இந்தியா நிறுவனம், தமிழ்நாடு சுரங்கப் பாதுகாப்பு 
சங்கம்  சார்பில், நெய்வேலி பழுப்பு நிலக்கரி அரங்கில் ஞாயிற்றுக்கிழமை நடைபெற்றது.
 நிகழ்ச்சிக்கு என்எல்சி இந்தியா நிறுவனத்தின் மனித வளத் துறை இயக்குநர் ஆர்.விக்ரமன் தலைமை வகித்தார். அவர் பேசியதாவது: ஆசியாவின் மிகப்பெரிய மின்  உற்பத்திப் பிரிவுகளைக் கொண்ட நெய்வேலி புதிய அனல்மின் நிலையமானது, எவ்வித விபத்தும் நிகழாமல் கட்டி முடிக்கப்பட்டுள்ளது. விபத்துகளை தடுக்க பல்வேறு நடவடிக்கைகளை மேற்கொண்டபோதிலும், பெரும்பாலான விபத்துகளுக்கு மனிதர்களின் கவனக் குறைவே காரணமாகிவிடுகிறது என்றார் அவர்.
 தலைமை விருந்தினராகப் பங்கேற்ற மத்திய சுரங்கப் பாதுகாப்பு இயக்ககத்தின் சென்னை மண்டல துணை இயக்குநர் ரகுபதி பெத்தி ரெட்டி பேசியதாவது: விபத்தில்லா உற்பத்தியே அரசின் நோக்கமாக உள்ளது. பாதுகாப்பு சாதனங்கள் பல நேரங்களில் தேவையற்ற சுமையாக தெரியலாம். இருப்பினும், அவற்றை அணிந்து பணியாற்றுவதே விபத்தில்லா உற்பத்திக்கு காரணமாக அமையும். சுரங்கங்களில் பழுப்பு நிலக்கரி எடுத்த பின்னர் அவற்றை மீண்டும் நிரப்பி விவசாய நிலமாக மாற்றி பராமரித்து வருவதன் மூலம் என்எல்சி நிறுவனம் பசுமைச் சூழலையும் ஏற்படுத்துகிறது என்றார் அவர்.
 சுரங்கத் துறை இயக்குநர் பிரபாகர் செளக்கி  வாழ்த்துரை வழங்கி பேசியதாவது: என்எல்சி இந்தியா நிறுவனத்தில் உலகின் அதி நவீன தொழில்நுட்பங்கள் பயன்படுத்தப்படுகின்றன. ஊழியர்கள் 
பாதுகாப்பின் அவசியத்தை உணர்ந்து செயல்படுவதே சிறந்த பாதுகாப்பு மேலாண்மை என்றார் அவர்.
நிகழ்ச்சியில், கண்காணிப்புத் துறை தலைமை அதிகாரி டி.வெங்கடசுப்ரமணியன், இரண்டாம் சுரங்க தலைமைப் பொதுமேலாளர் ஜெகதீஷ் சந்திர மஜீம்தார், பாதுகாப்புத் துறை பொது மேலாளர் நீரஜ்குமார், தமிழ்நாடு சுரங்கப் பாதுகாப்பு சங்கத் தலைவர் ஆர்.ஏ.கிருஷ்ணகுமார், தமிழ்நாடு சுரங்கப் பாதுகாப்பு சங்கச் செயலர்  பி.ராமசாமி ஆகியோரும் பேசினர். 
பாதுகாப்புக் கண்காட்சி: விழாவை முன்னிட்டு பழுப்பு நிலக்கரி அரங்கில் அமைக்கப்பட்டிருந்த பாதுகாப்பு கண்காட்சியை சுரங்க அதிகாரிகள், தொழிலாளர்கள் பார்வையிட்டனர். மேலும், போட்டிகளில் வென்றவர்களுக்கு பரிசுகள் வழங்கப்பட்டன. 
விபத்தின்றி பணியாற்றியதற்காக நெய்வேலி இரண்டாம் சுரங்கத்தினருக்கு ஒட்டுமொத்த செயல்பாடுகளுக்கான முதல் பரிசு வழங்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/aug/20/பசுமைச்-சூழலையும்-என்எல்சி-ஏற்படுத்துகிறது-3217562.html
3217561 விழுப்புரம் கடலூர் தீ விபத்தில் 25 ஆடுகள், 2 மாடுகள் பலி DIN DIN Tuesday, August 20, 2019 10:17 AM +0530 கடலூர் மாவட்டம், விருத்தாசலம் அருகே ஞாயிற்றுக்கிழமை இரவு ஏற்பட்ட தீ விபத்தில் 25 ஆடுகள், 2 மாடுகள் கருகி உயிரிழந்தன.
 விருத்தாசலம் அருகே உள்ள ஆலிச்சிக்குடி கிராமத்தைச் சேர்ந்தவர் கொளஞ்சியான். விவசாயம் செய்துவரும் இவர், கால்நடைகளையும் வளர்த்து வருகிறார். வீட்டின் அருகே உள்ள கொட்டகையில் ஞாயிற்றுக்கிழமை தனது 25 ஆடுகள், 2 மாடுகளை கட்டியிருந்தார். இரவு 10 மணியளவில் கொட்டகையில் திடீரென  தீப் பிடித்தது. அந்தப் பகுதியினர் தீயை உடனடியாகக் கட்டுப்படுத்த முயன்றும் முடியவில்லை. கொட்டகை முழுவதும் தீ பரவியதில் 25 ஆடுகள், 2 மாடுகளும் கருகி உயிரிழந்தன. மேலும், அங்கு 5 மூட்டைகளில் வைத்திருந்த நெல்லும் சேதமடைந்தது. 
 இதுகுறித்து தகவலறிந்த விருத்தாசலம் தீயணைப்புத் துறையினர் நிகழ்விடத்துக்கு வந்து தீயைக் கட்டுப்படுத்தினர். இதுதொடர்பாக கருவேப்பிலங்குறிச்சி போலீஸார் வழக்குப் பதிவு செய்து, தீ 
விபத்துக்கான காரணம் குறித்து விசாரித்து வருகின்றனர்.


 

]]>
https://www.dinamani.com/all-editions/edition-villupuram/cuddalore/2019/aug/20/தீ-விபத்தில்-25-ஆடுகள்-2-மாடுகள்-பலி-3217561.html
3216772 விழுப்புரம் கடலூர் மண்ணின் வளத்தை மேம்படுத்தும் பசுந்தாள் உர விதைகளை விநியோகிக்க அரசுக்கு விவசாயிகள் கோரிக்கை DIN DIN Monday, August 19, 2019 09:55 AM +0530 விவசாய நிலங்களின் மண் வளத்தை மேம்படுத்த பசுந்தாள் உர விதைகளை தமிழக அரசு விநியோகிக்க வேண்டும் என விவசாயிகள் கோரிக்கை விடுத்தனர்.
விளை நிலங்களில் பயிர் சாகுபடிக்கு தழைச் சத்து, மணிச் சத்து, சாம்பல் சத்து ஆகியவை அவசியமானது. மண் வளம் பெருகவும், அதிக மகசூல் பெறவும் முக்கியப் பங்கு வகிப்பது பசுந்தாள் உரம் மற்றும் பசுந்தழை உரங்களாகும். கடந்த காலங்களில் சிறு, குறு விவசாயிகளில் பெரும்பாலோர் பசுந்தாள் உரத்தை நாடாமல் பசுந்தழைகளை உரமாக பெரிதும் பயன்படுத்தி வந்தனர். குறிப்பாக, வீட்டுத் தோட்டத்திலும், தோட்டத்து வேலிகளிலும் வளர்க்கப்பட்ட பூவரசு, வேம்பு, புங்கை, நொச்சி, நொனா, ஆடுதொடா, வாகை, ஒதியம் ஆகிய மரங்களின் கிளைகளை ஆடி, ஆவணி மாதங்களின் தொடக்கத்தில் வெட்டி அதன் இலைகளை நிலத்தில் பரப்புவர். பின்பு நிலத்தை உழவு செய்து மரங்களின் இலைகளை மக்கச் செய்வதன் மூலம் அவை பசுந்தழை உரமாக பயன்பட்டது.
பெரிய விவசாயிகள் தங்களது தேவைக்கேற்ப பசுந்தாள் உர விதைகளை நிலத்தில் விதைப்பர். பசுந்தாள் உரமாக தக்கைப் பூண்டு, சணப்பை, கொழிஞ்சி, அகத்தி, சீமை அகத்தி போன்ற பயிர்களை வளர்த்து, 40}ஆவது நாளில் மடக்கி உழவு செய்து சேற்றுக்குள் மக்கச் செய்து பலனடைந்து வந்தனர். 
பசுந்தாள் உரப் பயிர்கள் காற்றில் உள்ள ஈரத்தை உறிஞ்சி, அதில் உள்ள பெரும்பாலான தழைச் சத்தை உள்வாங்கி, வேர் முடிச்சுகளின் வழியாக மண்ணில் சேர்ப்பதால் விளை நிலத்தின் வளம் பெருகும். 
மேலும், தொடர் மழை, வெள்ளக் காலங்களில் நிலத்தில் உள்ள தண்ணீரை வடியச் செய்யும்போது, மண் அரிப்பைத் தடுத்து, தழைச் சத்தை பாதுகாத்து பயிர்களின் நிலைப்புத் தன்மையும் காக்கப்படும்.  தவிர, பயிர்களுக்கு மேலுரமாக அளிக்கப்படும் நுண்ணூட்டச் சத்துகளை உறிஞ்சி, தன்வசம் சேமித்து வைத்து பயிருக்குத் தேவைப்படும்போது வேரின் வழியாக அளிக்கும் தன்மை கொண்டது. பயிர்கள் நன்கு வளரவும், பச்சயத்தை தொடர்ந்து பாதுகாக்கவும், மண்ணில் கரிமப் பொருளை அதிகரிக்கவும் பயன்படுகிறது. குறுகிய, நடுத்தர காலப் பயிர்கள், ஆண்டு பயிர்களை விளைவிக்கும் நிலங்களில் மண் பிடிப்பு பயிராகவும், நிழல் பயிராகவும், மூடு பயிராகவும், தீவனப் பயிராகவும் பசுந்தாள் உரப் பயிர்கள் சாகுபடி செய்யப்படுகின்றன. 
கடந்த சில ஆண்டுகளாக நிலவும் ஆள் பற்றாக்குறை பிரச்னை, போதிய மழையின்மை, அவ்வப்போது ஏற்படும் புயல் உள்ளிட்ட பல்வேறு காரணங்களால் மரங்களின் எண்ணிக்கை குறைந்துவிட்டது. இதனால், பசுந்தழைகளின் பயன்பாடு முற்றிலும் இல்லாமல் போனது. 
மேலும், பசுந்தாள் உரங்களுக்கான விதை உற்பத்தியில் வேளாண் துறையும், விவசாயிகளும் போதிய கவனம் செலுத்தாததால் அதற்கு பற்றாக்குறை ஏற்பட்டு, தனியார் வியாபாரிகளிடம் வாங்கி பயன்படுத்த வேண்டிய கட்டாயம் உருவாகியுள்ளது. குறிப்பாக, கர்நாடகம், ஆந்திரம் மாநிலங்களில் உற்பத்தி செய்யப்படும் பசுந்தாள் உரங்களின் விதைகள் தனியார் கடைகளில் கிலோ ரூ.110 முதல் விற்பனை செய்யப்படுகிறது. 
இதுகுறித்து காவிரி விவசாயிகள் வாழ்வாதாரப் பாதுகாப்பு சங்கத்தின் பொதுச் செயலர் பெ.ரவீந்திரன் கூறியதாவது: மேட்டூர் அணை திறக்கப்பட்ட நிலையில், அதன்மூலம் கிடைக்கும் நீரைக் கொண்டு, ஒரு போக சாகுபடி செய்ய வேண்டிய கட்டாயம் உள்ளது.  மேலும், வெப்பச் சலனத்தால் பெய்யும் மழையின் ஈரத்தைப் பயன்படுத்தி பசுந்தாள் உரங்களின் விதைகளை நடவு செய்து, பராமரித்து, பின்னர், உழவு செய்து பயிர்களை நடவு செய்தால் கூடுதல் மகசூல், அதிக வருவாய் கிடைக்க வாய்ப்புள்ளது. பசுந்தாள் உரங்களைப் பயன்படுத்துவதன் மூலம் ரசாயன உரங்களின் தேவை குறையும். மண் வளம் பாதுகாக்கப்படும். 
பெரும்பாலான விவசாயிகளின் தேவைக்கேற்ப பண்ணைகளில் நெல் விதைகளை உற்பத்தி செய்ய முடியாத நிலையில், தற்போது விவசாயிகள் தனியார் விதை நிறுவனங்களை நாடிச் செல்கின்றனர். மேலும், டெல்டா மாவட்டங்களில் உள்ள பெரும்பாலான வேளாண் துறை பண்ணைகளில் அமைக்கப்பட்டுள்ள ஆழ்துளைக் கிணறுகள் மூலம் பயன்படுத்தப்படும்  தண்ணீரின்  தன்மை  மாறியுள்ளது.  எனவே, தமிழக அரசு ஒவ்வொரு மாவட்டத்திலும் வேளாண் துறைக்குச் சொந்தமான  விதை நெல் உற்பத்தி பண்ணைகளில் பசுந்தாள் உரம் விதைகளின் உற்பத்தியை உருவாக்கத் திட்டம் கொண்டுவர வேண்டும். 
உதாரணமாக, கடலூர் மாவட்டத்தில் உள்ள மிராளூர் விதைப் பண்ணை, மஞ்சக்கொல்லை விதைப் பண்ணை, நெய்வேலி விதைப் பண்ணை ஆகியவற்றில் ஏதேனும் ஒரு பண்ணையை தேர்வு செய்து, 60 நாள்கள் சாகுபடி காலமாகக் கொண்ட பசுந்தாள் உரங்களின் விதைகளை உற்பத்தி செய்தால், மாவட்ட விவசாயிகளின் தேவையை முழுமையாக பூர்த்தி செய்ய முடியும். 
தற்போது, கடலூர் மாவட்டத்தில் பரவலாக மழை பெய்துள்ளது. மேட்டூர் அணையிலிருந்து திறக்கப்பட்ட தண்ணீர் கடைமடை பாசனப் பகுதிகளை அடைய 30 முதல்  35 நாள்களாகும். தற்போது, நிலத்தில் உள்ள ஈரப் பதத்தைப் பயன்படுத்தி பசுந்தாள் உர விதைகளை விதைத்தால் சாகுபடியை சிறப்பாக மேற்கொள்ள முடியும். ஆனால், விவசாயிகளுக்குத் தேவையான பசுந்தாள் உர விதைகள் கிடைக்காத நிலை உள்ளது.  
தமிழகத்தில் ரசாயன உரங்களை அதிகளவில் பயன்படுத்தியதால் மலடான மண்ணின் தன்மையை மாற்றவும், இயற்கை விவசாயத்தை ஊக்குவிக்கும் வகையிலும் பசுந்தாள் உர விதைகள் உற்பத்தியில் தமிழக அரசு கவனம் செலுத்த  வேண்டும்.  
இந்த விதைகளை உற்பத்தி செய்யும் விவசாயிகளை ஊக்குவிக்க உதவிகரமான திட்டத்தையும் அரசு செயல்படுத்த வேண்டும் என்று அவர் கேட்டுக்கொண்டார்.
 

]]>
https://www.dinamani.com/all-editions/edition-villupuram/cuddalore/2019/aug/19/மண்ணின்-வளத்தை-மேம்படுத்தும்-பசுந்தாள்-உர-விதைகளை-விநியோகிக்க-அரசுக்கு-விவசாயிகள்-கோரிக்கை-3216772.html
3216771 விழுப்புரம் கடலூர் பால் கொள்முதல் விலையை குறைக்க வேண்டும்: தமிழிசை செளந்தரராஜன் DIN DIN Monday, August 19, 2019 09:54 AM +0530 தமிழக அரசு பால் கொள்முதல் விலையை பாதியாகக் குறைக்க வேண்டும் என்று பாஜக மாநிலத் தலைவர் தமிழிசை செளந்தரராஜன் கூறினார்.
கடலூர் மாவட்டத்தில் கட்சியின் புதிய உறுப்பினர் சேர்க்கைப் பணிகளை ஆய்வு செய்வதற்காக, கடலூர் அருகேயுள்ள நெல்லிக்குப்பத்துக்கு ஞாயிற்றுக்கிழமை வந்த அவர், செய்தியாளர்களிடம் கூறியதாவது: 
பாஜகவுக்கு தமிழ்நாட்டில் 14 லட்சம் உறுப்பினர்கள் என்ற எண்ணிக்கையை நோக்கிச் சென்றுகொண்டிருக்கிறோம். ஆரோக்கியமான அரசியல் நிலவ வேண்டும் என்பதே எங்களது நோக்கம். ஆனால், தமிழக முதல்வர் பாதுகாப்பு அதிகாரி இல்லாமல் தனியாகச் சென்று மக்களை சந்திக்க முடியுமா என்று திமுக தலைவர் மு.க.ஸ்டாலின் சவால் விடுகிறார். அவரால், துண்டுச் சீட்டு இல்லாமல் பேச முடியுமா என்று பதிலுக்கு சவால் விட்டால் நன்றாக இருக்காது. காமராஜரை விமர்சித்து அரசியல் செய்த திமுகவினர்தான் மூப்பனார் பிரதமராவதையும், அப்துல் கலாம் மீண்டும் குடியரசுத் தலைவர் ஆவதையும்  தடுத்தனர். 
பால் கொள்முதல் விலை உயர்வைக் கண்டிக்கும் மு.க.ஸ்டாலின் தான், கொள்முதல் விலையை உயர்த்த வேண்டும் என்று ஏற்கெனவே கோரிக்கை வைத்தவர். தமிழகத்தில் பால் உற்பத்தியில் 4.5 லட்சம் விவசாயிகள் ஈடுபட்டுள்ளனர். ஒரே நேரத்தில் 6 ரூபாய் வரை உயர்த்தியதற்கு பதிலாக பாதியாகக் குறைக்கலாம். மீதமுள்ளவற்றை அரசு மானியமாக வழங்கலாம். சத்துணவுடன் அனைத்து மாணவர்களுக்கும் பால் வழங்க வேண்டும் என்று ஏற்கெனவே வலியுறுத்தி உள்ளோம். இதனால், 46 லட்சம் குழந்தைகளுக்கு பால் வழங்க முடியும்.
ஜம்மு } காஷ்மீர் பிரச்னையில் திமுக எடுத்திருக்கும் நிலைப்பாட்டால் அந்தக் கட்சியும், அதன் கூட்டணிக் கட்சிகளும் தேசிய அரசியலில் தனிமைப்படுத்தப்படும் என்றார் தமிழிசை செளந்தரராஜன்.

]]>
https://www.dinamani.com/all-editions/edition-villupuram/cuddalore/2019/aug/19/பால்-கொள்முதல்-விலையை-குறைக்க-வேண்டும்-தமிழிசை-செளந்தரராஜன்-3216771.html
3216770 விழுப்புரம் கடலூர் துணை வட்டாட்சியர்கள் பணியிட மாற்றம் DIN DIN Monday, August 19, 2019 09:54 AM +0530 கடலூர் மாவட்டத்தில் நிர்வாக ரீதியாக துணை வட்டாட்சியர்கள் அளவில் 27 பேர் பணியிட மாற்றம் செய்யப்பட்டனர்.
கடலூர் மாவட்டத்தில் பல்வேறு நிலைகளில் பணியாற்றி வரும் தனி வட்டாட்சியர்கள், துணை வட்டாட்சியர்களை இடமாற்றம் செய்து மாவட்ட நிர்வாகம் உத்தரவிட்டுள்ளது. அதன்படி, பேரிடர் மேலாண்மைப் பிரிவு தனி வட்டாட்சியர் எம்.சரஸ்வதி, தமிழ்நாடு அரசு மாநில வாணிபக் கழகத்தின் கிடங்கு மேலாளராக நியமிக்கப்பட்டுள்ளார். அங்கு பணியாற்றிய எஸ்.ஆனந்த் தனிபேரிடர் மேலாண்மை பிரிவுக்கு தனி வட்டாட்சியராக நியமிக்கப்பட்டுள்ளார்.
இதேபோல, பண்ருட்டி, சிதம்பரம், வேப்பூர், ஸ்ரீமுஷ்ணம், விருத்தாசலம், கடலூர் ஆகிய வட்டங்களின் தேர்தல் துணை வட்டாட்சியர்கள் பல்வேறு பகுதிகளுக்கு இடமாற்றம் செய்யப்பட்டுள்ளனர்.
திட்டக்குடி வட்ட வழங்கல் அலுவலர் எஸ்.எழில்வளவன், திட்டக்குடியின் மண்டல துணை வட்டாட்சியராகவும், புவனகிரி வட்ட வழங்கல் அலுவலர் கே.சங்கர், புவனகிரி மண்டல துணை வட்டாட்சியராகவும் மாற்றப்பட்டுள்ளனர். இவ்வாறு மொத்தம் 27 பேர் இடமாற்றம் செய்யப்பட்டுள்ளனர்.
இதேபோல, முதுநிலை வருவாய் ஆய்வாளர்கள் 7 பேருக்கு துணை வட்டாட்சியர்களாக பதிவு உயர்வு அளிக்கப்பட்டுள்ளது. இதில், பண்ருட்டி வட்ட முதுநிலை வருவாய் ஆய்வாளர் வி.கெளரி, பண்ருட்டி வட்ட வழங்கல் அலுவலராக நியமிக்கப்பட்டார். கடலூர் முதுநிலை வருவாய் ஆய்வாளர் கே.சுமதி ஸ்ரீமுஷ்ணம் வட்ட வழங்கல் அலுவலராக நியமிக்கப்பட்டுள்ளனர்.
 

]]>
https://www.dinamani.com/all-editions/edition-villupuram/cuddalore/2019/aug/19/துணை-வட்டாட்சியர்கள்-பணியிட-மாற்றம்-3216770.html
3216769 விழுப்புரம் கடலூர் சிவன் கோயிலில் உழவாரப் பணி DIN DIN Monday, August 19, 2019 09:54 AM +0530 சிதம்பரம் அப்பர் உழவாரப் பணி மன்றம் சார்பில் மயிலாடுதுறை அருகே உள்ள ஸ்ரீதேவநாயகி சமேத ஸ்ரீராஜராஜேஸ்வரர் சிவன் கோயிலில் உழவாரப் பணி ஞாயிற்றுக்கிழமை நடைபெற்றது.
இந்த நிகழ்வில், மன்ற நிர்வாகிகள் என்.காளிதாஸ், நடராஜன், சூரியநாராயணன், கண்ணன், முத்தையன், ராமநாதன், சேகர், ஜோதி மகாலிங்கம், ராமச்சந்திரன், புவனா உள்ளிட்ட 50}க்கும் மேற்பட்ட சிவனடியார்கள் பங்கேற்று, கோயில் வளாகத்தில் இருந்த செடி, கொடிகள், முள்புதர்களை அகற்றினர். மேலும் கோயில் வளாகத்தையும், அனைத்து சன்னிதிகளையும் நீரால் கழுவி சுத்தம் செய்தனர். 
உழவாரப் பணியை முன்னிட்டு சிவபூஜை, திருமுறை முற்றோதல், மாகேஸ்வரபூஜை, சிறப்பு அபிஷேக, ஆராதனை ஆகியவை நடைபெற்றன. உழவாரப் பணிக்கான ஏற்பாடுகளை மன்றச் செயலர் வீ.சந்திரசேகரன் செய்திருந்தார்.
 

]]>
https://www.dinamani.com/all-editions/edition-villupuram/cuddalore/2019/aug/19/சிவன்-கோயிலில்-உழவாரப்-பணி-3216769.html
3216768 விழுப்புரம் கடலூர் அரசுப் பள்ளியில்  கண்ணொளி காப்போம் முகாம் DIN DIN Monday, August 19, 2019 09:53 AM +0530 மங்கலம்பேட்டை அரசு ஆண்கள் மேல்நிலைப் பள்ளியில், மங்கலம்பேட்டை மேம்படுத்தப்பட்ட அரசு ஆரம்ப சுகாதார நிலையம் சார்பில் பள்ளி சிறார் கண்ணொளி காப்போம் திட்டத்தின் கீழ் கண் பரிசோதனை முகாம் சனிக்கிழமை நடைபெற்றது. 
முகாமுக்கு, பள்ளித் தலைமை ஆசிரியர் (பொ) சுரேஷ்குமார் தலைமை வகித்தார். கண் மருத்துவ உதவியாளர் கே.எஸ்.நடராஜன் பங்கேற்று, 857 மாணவர்களுக்கு கண் பரிசோதனை செய்தார். இதில், 61 மாணவர்களுக்கு கண்ணில் குறைபாடுகள் கண்டறியப்பட்டது. இதையடுத்து, அந்த மாணவர்களுக்கு தமிழக அரசின் இலவச கண் கண்ணாடிகள் வழங்க பரிந்துரை செய்யப்பட்டது. முகாமில் பள்ளி ஆசிரியர்கள், மாணவர்கள் உள்பட பலர் கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/19/அரசுப்-பள்ளியில்--கண்ணொளி-காப்போம்-முகாம்-3216768.html
3216766 விழுப்புரம் கடலூர் நகைக் கடையில் திருட்டு DIN DIN Monday, August 19, 2019 09:53 AM +0530 நகைக் கடையில் நான்கரை பவுன் நகைகளை திருடிய பெண்ணை போலீஸார் தேடி வருகின்றனர்.
பண்ருட்டி மேலபாளையம் தெருவைச் சேர்ந்தவர் ப.தேவநாதன் (46). ராஜாஜி சாலையில் நகைக்கடை நடத்தி வருகிறார். இவரது கடையில் இருப்புகளை சரிபார்த்த போது நான்கரை பவுன் நகை குறைந்தது தெரியவந்ததாம். இதையடுத்து, கடையில் உள்ள கண்காணிப்பு கேமரா பதிவுகளை ஆராய்ந்தபோது கடந்த 31}ஆம் தேதி கடைக்கு வந்த பெண் 2 பவுன் மோதிரம், இரண்டரை பவுன் தோடு, ஜிமிக்கி ஆகியவற்றை திருடியது தெரியவந்தது. இதுதொடர்பாக தேவநாதன் அளித்த புகாரின் பேரில் பண்ருட்டி போலீஸார் ஞாயிற்றுக்கிழமை வழக்குப் பதிவு செய்து விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/aug/19/நகைக்-கடையில்-திருட்டு-3216766.html
3216765 விழுப்புரம் கடலூர் காவலர் தேர்வு பயிற்சி முகாம் DIN DIN Monday, August 19, 2019 09:53 AM +0530 நாம் தமிழர் கட்சியின் பண்ருட்டி சட்டப் பேரவைத் தொகுதி மாணவர் பாசறை சார்பில் காவலர் தேர்வுக்கான இலவச பயிற்சி முகாம், மாதிரித் தேர்வு, பரிசளித்தல் நிகழ்வு சனிக்கிழமை நடைபெற்றது. 
பண்ருட்டியிலுள்ள கட்சி அலுவலகத்தில் நடைபெற்ற இந்த நிகழ்ச்சியில் சுமார் 30 மாணவ,  மாணவிகள் பங்கேற்றனர். பயிற்சி ஆசிரியர்கள் ஜோதி, ராமச்சந்திரன், கலிவரதன் ஆகியோர் காவலர் தேர்வு குறித்து மாணவர்களுக்கு பயிற்சி அளித்தனர். மாணவர்களுக்கு மதிய உணவு வழங்கப்பட்டது. மாலையில் நடைபெற்ற மாதிரி தேர்வில் அதிக மதிப்பெண் பெற்றவர்களுக்கு கட்சியின் தொகுதிச் செயலர் அ.வெற்றிவேலன் பரிசு வழங்கினார். நகரச் செயலர் வேல்முருகன், பண்ருட்டி நகர பொருளாளர் நிஜாமுதீன், புதுச்சேரி தொழிலாளர் பாசறை செயலர் ரமேஷ் ஆகியோர் வாழ்த்துரை வழங்கினர்.

]]>
https://www.dinamani.com/all-editions/edition-villupuram/cuddalore/2019/aug/19/காவலர்-தேர்வு-பயிற்சி-முகாம்-3216765.html
3216764 விழுப்புரம் கடலூர் அழுகிய நிலையில் கிடந்த ஒப்பந்ததாரர் சடலம் DIN DIN Monday, August 19, 2019 09:53 AM +0530 கடலூரில் ஒப்பந்ததாரர் சடலம் அவரது வீட்டில் அழுகிய நிலையில் மீட்கப்பட்டது.
கடலூர் மஞ்சக்குப்பத்தைச் சேர்ந்தவர் மா.வேணுகோபால் (73), ஒப்பந்தப் பணிகள் மேற்கொண்டு வந்தார். இவரது மகன், மகள் ஆகியோர் சென்னையில் தங்கிவிட இவர் மட்டும் கடலூரில் வசித்து வந்தார். இவர் உடல்நலம் குன்றிய நிலையில் இருந்ததாகக் கூறப்படுகிறது. இந்த நிலையில், கடந்த சனிக்கிழமை இவரது வீட்டிலிருந்து துர்நாற்றம் வீசியது. இதுகுறித்து கடலூர் புதுநகர் போலீஸாருக்கு அந்தப் பகுதியினர் தகவல் தெரிவித்தனர். 
இதையடுத்து போலீஸார் விரைந்து வந்து வீட்டுக்குள் சென்று பார்த்தனர். அப்போது, வேணுகோபால் படுக்கையில் சடலமாக கிடந்தார். சடலம் அழுகிய நிலையில் இருந்தது. அவர் உயிரிழந்து ஒரு வாரம் ஆகியிருக்கலாம் எனக் கூறப்படுகிறது. 
இதுகுறித்து, சென்னை குரோம்பேட்டையில் வசிக்கும் அவரது மகள் சுதா கொடுத்த புகாரின் பேரில் போலீஸார் வழக்குப் பதிவு செய்து சடலத்தை கைப்பற்றி உடல்கூறாய்வுக்காக கடலூர் அரசு மருத்துவமனைக்கு அனுப்பி வைத்தனர்.
 

]]>
https://www.dinamani.com/all-editions/edition-villupuram/cuddalore/2019/aug/19/அழுகிய-நிலையில்-கிடந்த-ஒப்பந்ததாரர்-சடலம்-3216764.html
3216763 விழுப்புரம் கடலூர் பைக்குகள் மோதல்: தொழிலாளி பலி DIN DIN Monday, August 19, 2019 09:52 AM +0530 பைக்குகள் மோதிக்கொண்ட விபத்தில் தொழிலாளி ஞாயிற்றுக்கிழமை உயிரிழந்தார். 
காட்டுமன்னார்கோவில் அருகே உள்ள பரிவிளாகத்தைச் சேர்ந்தவர் மு.மணி (49). விவசாய கூலித் தொழிலாளி. இவர் ஞாயிற்றுக்கிழமை பைக்கில் காட்டுமன்னார்கோவில் } சிதம்பரம் சாலையில் மெய்யாத்தூர் அருகே சென்றுகொண்டிருந்தார். அப்போது, பின்னால் வந்த மற்றொரு பைக் மணி சென்ற பைக் மீது மோதியது. இந்த விபத்தில் பலத்த காயமடைந்த மணியை அருகிலிருந்தவர்கள் மீட்டு சிதம்பரம் ராஜா முத்தையா மருத்துவக் கல்லூரி மருத்துவமனையில் சேர்த்தனர். அங்கு அவர் உயிரிழந்தார். இதுகுறித்து அவரது மனைவி சாமுண்டீஸ்வரி (42) அளித்த புகாரின் பேரில் குமராட்சி போலீஸார் வழக்குப் பதிந்து விசாரித்து வருகின்றனர்.

]]>
https://www.dinamani.com/all-editions/edition-villupuram/cuddalore/2019/aug/19/பைக்குகள்-மோதல்-தொழிலாளி-பலி-3216763.html
3216762 விழுப்புரம் கடலூர் சிறுமியை பலாத்காரம் செய்தவர் தடுப்புக் காவலில் கைது DIN DIN Monday, August 19, 2019 09:52 AM +0530 சிறுமியை பாலியல் பலாத்காரம் செய்தவர் தடுப்புக் காவலில் கைதுசெய்யப்பட்டார். 
காட்டுமன்னார்கோவில் சி.அரசூரைச் சேர்ந்தவர் க.செல்வகாந்தன் (49). அந்தப் பகுதியில் சிறிய அளவிலான கடை நடத்தி வந்தார். இவர், சம்பவத்தன்று கடைக்கு வந்த மனநலம் பாதித்த சிறுமியை பாலியல் பலாத்காரம் செய்தார். 
இதுகுறித்து, சிறுமியின்தாயார் அளித்த புகாரின் பேரில் சேத்தியாத்தோப்பு போலீஸார் வழக்குப்பதிவு செய்து செல்வகாந்தனை கைது செய்து கடலூர் மத்திய சிறையில் அடைத்தனர்.
 இந்த நிலையில், செல்வகாந்தனின் குற்றச் செய்கையைக் கட்டுப்படுத்தும் வகையில் அவரை குண்டர் தடுப்புக் காவல் சட்டத்தின் கீழ் கைது செய்ய வேண்டுமென மாவட்ட ஆட்சியருக்கு காவல் கண்காணிப்பாளர் ம.ஸ்ரீஅபிநவ் பரிந்துரைத்தார். அதன்பேரில், அதற்கான உத்தரவை மாவட்ட ஆட்சியர் வெ.அன்புச்செல்வன் வெளியிட்டார். 
இதையடுத்து, செல்வகாந்தன் குண்டர் தடுப்புக் காவல் சட்டத்தின் கீழ் கைது செய்யப்பட்டார். அவரை ஓராண்டுக்கு சிறையில் அடைத்து வைப்பதற்கான உத்தரவு மத்திய சிறை நிர்வாகத்திடம் ஞாயிற்றுக்கிழமை வழங்கப்பட்டது.

]]>
https://www.dinamani.com/all-editions/edition-villupuram/cuddalore/2019/aug/19/சிறுமியை-பலாத்காரம்-செய்தவர்-தடுப்புக்-காவலில்-கைது-3216762.html
3216761 விழுப்புரம் கடலூர் எரிவாயு பாதுகாப்பு விழிப்புணர்வு முகாம் DIN DIN Monday, August 19, 2019 09:52 AM +0530 சிதம்பரம் அருகே உள்ள குமாரமங்கலம் கிராமத்தில் இன்டேன் எரிவாயு நிறுவனம் சார்பில் எரிவாயு பாதுகாப்பு விழிப்புணர்வு முகாம்  சனிக்கிழமை நடைபெற்றது. 
முகாமில், சுபம் எரிவாயு நிறுவன நிர்வாக இயக்குநர்கள் எஸ்.புகழேந்தி, ஜே.கே.சித்தார்த்தன் ஆகியோர் முன்னிலை வகித்தனர். சரவணன் நவநீதகிருஷ்ணன்  தலைமை வகித்தார். முகாமில் பொதுமக்கள், இன்டேன் எரிவாயு நிறுவன வாடிக்கையாளர்கள் கலந்து கொண்டனர். 
முகாமில், எரிவாயு உருளையை பாதுகாப்பாக பயன்படுத்தும் முறை, எரிவாயு கசிவு ஏற்பட்டால் செய்ய வேண்டிய முன்னெச்சரிக்கை நடவடிக்கைகள் உள்ளிட்டவை குறித்து செயல் விளக்கம் அளிக்கப்பட்டது. 
முகாமில் முத்துகந்தசாமி, மயில்வாகனன், ராஜேந்திரன், ரஞ்சித்குமார், நடராஜன், மோகன், பார்த்திபன், இளங்கோ, அருண்குமார், சுபம் எரிவாயு நிறுவன மேலாளார் ஆனந்த், ராகுல்காந்தி, ராஜா, மணிமாறன், புருஷோத்தமன் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-villupuram/cuddalore/2019/aug/19/எரிவாயு-பாதுகாப்பு-விழிப்புணர்வு-முகாம்-3216761.html
3216760 விழுப்புரம் கடலூர் மாற்றுத் திறனாளிகளுக்கு அடையாள அட்டை வழங்கும்  முகாம் இன்று தொடக்கம் DIN DIN Monday, August 19, 2019 09:51 AM +0530 மாற்றுத் திறனாளிகளுக்கு அடையாள அட்டை வழங்கும் முகாம் திங்கள்கிழமை (ஆக. 19) தொடங்குகிறது என மாவட்ட ஆட்சியர் வெ.அன்புச்செல்வன் தெரிவித்தார். 
இதுகுறித்து அவர் வெளியிட்ட செய்திக்குறிப்பு: மாற்றுத் திறனாளிகள் பற்றிய புள்ளி விவரங்களை சேகரிக்கவும், அரசின் திட்டங்களை அவர்களுக்கு எளிதில் கொண்டுசெல்லும் நோக்கத்திலும் அவர்களுக்கு தனித்துவம் வாய்ந்த அடையாள அட்டை (மஈஐஈ) வழங்கும் திட்டம் மத்திய அரசால் கொண்டுவரப்பட்டு, மாநில அரசால் செயல்படுத்தப்பட்டு வருகிறது. 
இந்தத் திட்டத்தை கடலூர் மாவட்டத்தில் விரைந்து செயல்படுத்தும் வகையில் அனைத்து வட்டார வளர்ச்சி அலுவலகங்களிலும் அடையாள அட்டைக்காக பதிவு செய்ய ஏதுவாக விண்ணப்பங்கள் பெறுவதற்கான சிறப்பு முகாம்கள் நடைபெறவுள்ளன. 
இதன்படி, திங்கள்கிழமை (ஆக. 19) விருத்தாசலம் வட்டார வளர்ச்சி அலுவலகத்தில் காலை 10 மணி முதல் பிற்பகல் 2 மணி வரை முகாம் நடைபெறுகிறது. செவ்வாய்க்கிழமை குறிஞ்சிப்பாடி வட்டார வளர்ச்சி அலுவலகத்திலும், 22}ஆம் தேதி காட்டுமன்னார்கோவில், 26} ஆம் தேதி அண்ணாகிராமம், 27}ஆம் தேதி மங்களுர், 28}ஆம் தேதி பண்ருட்டி, 29}ஆம் தேதி நல்லூர், 30}ஆம் தேதி புவனகிரி வட்டார வளர்ச்சி அலுவலகத்தில் முகாம் நடைபெறுகிறது.
இந்த முகாம் செப்.3}ஆம் தேதி கம்மாபுரம், 5}ஆம் தேதி பரங்கிப்பேட்டை, 9}ஆம் தேதி கீரப்பாளையம், 11}ஆம் தேதி குமராட்சி, 12}ஆம் தேதி கடலூர் வட்டார வளர்ச்சி அலுவலகத்தில் நடைபெற உள்ளது.
இதுவரை பதிவு மேற்கொள்ளாத மாற்றுத் திறனாளிகள் இந்த சிறப்பு முகாமில் பதிவு செய்திட பாஸ்போட் அளவு வண்ண புகைப்படம்}1, அடையாளம் மற்றும் இருப்பிட ஆதாரமாக ஆதார் அட்டை, குடும்ப அட்டை, வாக்காளர் அடையாள அட்டை, பான் கார்டு ஆகியவற்றில் தெளிவான இரண்டு சான்றுகளின் நகல், வழங்கப்பட்டுள்ள தேசிய அடையாள அட்டை மற்றும் மருத்துவ சான்றின் அசல், நகலுடன் முகாமில் பங்கேற்க வேண்டும் என ஆட்சியர் அதில் தெரிவித்
துள்ளார்.

]]>
https://www.dinamani.com/all-editions/edition-villupuram/cuddalore/2019/aug/19/மாற்றுத்-திறனாளிகளுக்கு-அடையாள-அட்டை-வழங்கும்--முகாம்-இன்று-தொடக்கம்-3216760.html
3216759 விழுப்புரம் கடலூர் நீர்நிலை ஆக்கிரமிப்பு அகற்றத்தால் பாதிக்கப்படுவோருக்கு மாற்று ஏற்பாடு: மாவட்ட ஆட்சியர் DIN DIN Monday, August 19, 2019 09:51 AM +0530 நீர்நிலை ஆக்கிரமிப்புகளை அகற்றுவதால் பாதிக்கப்படும் ஏழைகளுக்கு மாற்று  ஏற்பாடு செய்து தரப்படும் என்று மாவட்ட ஆட்சியர் வெ.அன்புச்செல்வன் கூறினார்.
கடலூர் மஞ்சக்குப்பத்தில் பழைய மாவட்ட ஆட்சியரகம் உள்ளது. இங்கு ஆங்கிலேயர் ஆட்சிக் காலத்தில் 21 சென்ட் பரப்பில் குளம் அமைக்கப்பட்டது. இந்தக் குளத்தில் மழைநீரை சேகரிக்க ஏற்பாடு செய்யப்பட்டிருந்தது. தற்போது மாவட்டம் முழுவதும் ஏரி, குளங்கள் உள்ளிட்ட நீர்நிலைகளை தூர்வாருவதற்கு மாவட்ட நிர்வாகம் முன்னுரிமை அளித்து வருகிறது. அதன்படி, இந்தக் குளத்தையும் தூர்வாரும் வகையில் மாவட்ட ஆட்சியர் வெ.அன்புச்செல்வன் ஞாயிற்றுக்கிழமை அந்த குளத்தை நேரில் பார்வையிட்டு ஆய்வு செய்தார். பின்னர் அவர் செய்தியாளர்களிடம் கூறியதாவது: 
நீர்நிலைகளில் ஆக்கிரமிப்புகளை அகற்றி அவற்றை தூர்வாருவதை மக்கள் இயக்கமாக மாற்றிடும் வகையில் மாவட்ட நிர்வாகம் சார்பில் கடலூர் மாவட்ட நீர்வள இயக்கம் தொடங்கப்பட்டுள்ளது. இதன்படி, ஆன்மிக நகரான சிதம்பரத்தில் உள்ள 14 கோயில் குளங்களை தனியார் தொண்டு நிறுவனத்துடன் இணைந்து தூர்வார நடவடிக்கை எடுக்கப்பட்டுள்ளது. மேலும், 5 நகராட்சிகள், பேரூராட்சிகளிலும் அவற்றின் கட்டுப்பாட்டிலுள்ள நீர்நிலைகளை கணக்கெடுத்து தூர்வார நடவடிக்கை எடுக்கப்பட்டுள்ளது. 
நீர்நிலைகளை ஆக்கிரமித்து வீடு கட்டியிருப்போரை அங்கிருந்து அகற்றும்போது, அவர்களது வறுமை நிலையையும் கணக்கில் எடுத்துக் கொள்கிறோம். அவர்கள் வறுமைக் கோட்டுக்கு கீழ் இருந்தால் மாற்று இடம் அல்லது குடிசை மாற்று வாரியம் மூலமாக வீடு கட்டித்தர நடவடிக்கை எடுக்கப்படும். இதன்படி, மாவட்டத்தில் நிகழாண்டில் 3 ஆயிரம் பேருக்கு வீடு அல்லது வீட்டுமனைப் பட்டா வழங்கிட இலக்கு நிர்ணயித்துள்ளோம். குடிசை மாற்று வாரியம் மூலமாக அடுக்குமாடி குடியிருப்பு அமைக்க நடவடிக்கை எடுக்கப்பட்டுள்ளது.
மாவட்ட நிர்வாகம் சார்பில் குடிமராமத்து பணிகள், ஊராட்சி நிர்வாகங்கள் சார்பில் நீர்நிலைகளை சீரமைக்கும் பணிகள் நடைபெற்று வருகின்றன. எனவே, பொதுமக்களும் தங்களது வீடுகளில் மழைநீர் சேகரிப்பு அமைப்பை ஏற்படுத்தி தண்ணீரை சேகரிக்க வேண்டும் என்றார் அவர்.
ஆய்வின்போது, சார்}ஆட்சியர் கே.எம்.சரயூ, கடலூர் வட்டாட்சியர் கே.செல்வகுமார், நகராட்சி ஆணையர் ப.அரவிந்த்ஜோதி உள்ளிட்டோர் உடனிருந்தனர்.

]]>
https://www.dinamani.com/all-editions/edition-villupuram/cuddalore/2019/aug/19/நீர்நிலை-ஆக்கிரமிப்பு-அகற்றத்தால்-பாதிக்கப்படுவோருக்கு-மாற்று-ஏற்பாடு-மாவட்ட-ஆட்சியர்-3216759.html
3216758 விழுப்புரம் கடலூர் கண் தானம் DIN DIN Monday, August 19, 2019 09:51 AM +0530 சீர்காழி அருகே உள்ள வாங்கல் கிராமத்தைச் சேர்ந்த வேதரத்தினம் (75), சிதம்பரம் ராஜா முத்தையா மருத்துவக் கல்லூரி மருத்துவமனையில் காலமானார். இவரது கண்கள் சிதம்பரம் தன்னார்வ ரத்த தானக் கழகம் சார்பில் தானமாகப் பெறப்பட்டு புதுச்சேரி அரவிந்த் கண் மருத்துவமனைக்கு அனுப்பி வைக்கப்பட்டன. இதற்கான ஏற்பாடுகளை ரத்த தானக் கழகத் தலைவர் ராமச்சந்திரன், உறுப்பினர் முத்துக்குமார் ஆகியோர் செய்தனர்.
 

]]>
https://www.dinamani.com/all-editions/edition-villupuram/cuddalore/2019/aug/19/கண்-தானம்-3216758.html
3216757 விழுப்புரம் கடலூர் தொடர் மழையால் குளிர்ச்சியான சூழல் DIN DIN Monday, August 19, 2019 09:50 AM +0530 மாவட்டத்தில் அதிகபட்சமாக கடலூரில் 55.8 மி.மீ. மழை ஞாயிற்றுக்கிழமை பதிவானது.
 கடலூர் மாவட்டத்தில் கடந்த 2 நாள்களாக தொடர்ந்து மழை பெய்து வருகிறது. சனிக்கிழமை இரவிலும் மாவட்டத்தின் பெரும்பாலான பகுதிகளில் மழை பெய்தது. ஞாயிற்றுக்கிழமை காலை 8.30 மணி வரையிலான கடந்த 24 மணி நேரத்தில் மாவட்டத்தில் அதிகபட்சமாக கடலூரில் 55.8 மில்லி மீட்டர் மழை பதிவானது. மற்ற பகுதிகளில் பதிவான மழையளவு விவரம்  (மில்லி மீட்டரில்) வருமாறு: பரங்கிப்பேட்டை 39, குடிதாங்கி 29.5, குப்பநத்தம் 28.8, குறிஞ்சிப்பாடி 17, விருத்தாசலம் 15, கொத்தவாச்சேரி, வானமாதேவி தலா 12, பண்ருட்டி 10, வடக்குத்து 7, பெலாந்துறை 4.4, மேமாத்தூர், சிதம்பரம், அண்ணாமலை நகர் தலா 1. 
 சேத்தியாத்தோப்பு, காட்டுமன்னார்கோவில், தொழுதூர் உள்ளிட்ட பகுதிகளில் மழை பதிவாகவில்லை. கடலூரில் ஞாயிற்றுக்கிழமை காலையிலும் மிதமான அளவில் மழை பெய்தது. இதனால், குளிர்ச்சியான சூழல் நிலவியது.
 

]]>
https://www.dinamani.com/all-editions/edition-villupuram/cuddalore/2019/aug/19/தொடர்-மழையால்-குளிர்ச்சியான-சூழல்-3216757.html
3215913 விழுப்புரம் கடலூர் பேருந்து விபத்தில் பெண் பலி: 13 பேர் காயம் DIN DIN Sunday, August 18, 2019 03:19 AM +0530
கடலூர் மாவட்டம், வடலூரில் தனியார் பேருந்து சாலை மைய தடுப்புக் கட்டையில் சனிக்கிழமை அதிகாலையில் மோதியதில் பெண் உயிரிழந்தார். 13 பேர் காயமடைந்தனர். 
 பட்டுக்கோட்டையில் இருந்து விருத்தாசலம், வடலூர், பண்ருட்டி வழியாக சென்னைக்கு செல்லும் தனியார் சொகுசுப் பேருந்து வெள்ளிக்கிழமை இரவு புறப்பட்டது. பேருந்தை பட்டுக்கோட்டையைச் சேர்ந்த வீரராகவன் மகன் ராஜா (35) என்பவர் ஓட்டி வந்தார். இந்தப் பேருந்தில் 26 பேர் பயணம் செய்தனர்.
 சனிக்கிழமை அதிகாலை 2.30 மணியளவில் வடலூர் வள்ளலார் குருகுலம் மேல்நிலைப் பள்ளி அருகே பேருந்து வந்தபோது, ஓட்டுநரின் கட்டுப்பாட்டை இழந்து சாலையின் மையத்திலிருந்த தடுப்புக் கட்டையில் மோதி கவிழ்ந்தது. இந்த விபத்தில் பேருந்திலிருந்து வெளியே வீசப்பட்ட தஞ்சாவூர் மாவட்டம், பேராவூரணி வட்டம், வீரியம்கோட்டையை சேர்ந்த அசோகன் மகள் ஹரணி (24) நிகழ்விடத்திலேயே உயிரிழந்தார்.  மேலும், பேருந்தில் பயணம் செய்த ராஜா (42), பத்மா (53), ஹரிபிரசாந்த் (37), உமாபதி (44), செல்வி (55), மல்லிகா (57), ஆயிஷா (23), சிவக்கார் (37), இளங்கோ (56), நிஷரத் அகமது (57), தமிழரசன் (17), வெங்கடேசன் (35), சிவராமன் (23) ஆகியோர் காயமடைந்தனர். இவர்களை வடலூர் போலீஸார்  பொதுமக்கள் உதவியுடன் மீட்டு குறிஞ்சிப்பாடி அரசு மருத்துவமனைக்கு அனுப்பி வைத்தனர். பலத்த காயமடைந்த 6 பேர் தீவிர சிகிச்சைக்காக கடலூர் அரசு மருத்துவமனைக்கு அனுப்பி வைக்கப்பட்டனர். 
விபத்து குறித்து வடலூர் போலீஸார் விசாரணை நடத்திவருகின்றனர்.

]]>
https://www.dinamani.com/all-editions/edition-villupuram/cuddalore/2019/aug/18/பேருந்து-விபத்தில்-பெண்-பலி-13-பேர்-காயம்-3215913.html
3215910 விழுப்புரம் கடலூர் பொருளாதார மேம்பாடு: வங்கி அதிகாரிகள் ஆலோசனை DIN DIN Sunday, August 18, 2019 03:19 AM +0530
கடலூர், விழுப்புரம் (கள்ளக்குறிச்சி) மாவட்டங்களின் இந்தியன் வங்கி அதிகாரிகள் பங்கேற்ற ஆலோசனைக் கூட்டம் கடலூரில் சனிக்கிழமை நடைபெற்றது. 
மத்திய அரசின் நிதிசார் சேவைகள் துறை, பொதுத் துறை வங்கிகளின் சீர்திருத்த நடவடிக்கைகளின் ஒரு பகுதியாகவும், நாட்டின் பொருளாதாரத்தை ரூ.360 லட்சம் கோடியாக மேம்படுத்தவும், இதற்கான புதிய உத்திகளை வங்கி அதிகாரிகளின் மூலம் கேட்டறியும் வகையிலான கூட்டங்கள் நாடு முழுவதும் நடைபெற்று வருகின்றன.
 இதன் ஒரு பகுதியாக கடலூர் மற்றும் விழுப்புரம் (கள்ளகுறிச்சி) மாவட்ட இந்தியன் வங்கி அதிகாரிகளின் ஆலோசனைக் கூட்டம் கடலூரில் இந்தியன் வங்கி மண்டல அலுவலகத்தில் வங்கியின் சென்னை களப் பொதுமேலாளர் கே.சந்திராரெட்டி தலைமையில் நடைபெற்றது. மண்டல மேலாளர் பி.விஜயலஷ்மி முன்னிலை வகித்தார். மண்டல துணை மேலாளர் பி.சேகர் மற்றும் வங்கி மேலாளர்கள் கலந்து கொண்டனர்.
 கூட்டத்தில், மத்திய அரசின் முன்னுரிமைத் திட்டங்களான ஸ்டான்ட் அப் இந்தியா, முத்ரா கடன், விவசாயக் கடன், விவசாயிகள் வருமானத்தை இரட்டிப்பாக்குதல், மகளிர் முன்னேற்றம், அனைவருக்கும் வங்கி சேவைகள், பணமில்லா மற்றும் டிஜிட்டல் பரிவர்த்தனைகள் உள்பட 16 தலைப்புகளில் விரிவான ஆலோசனை நடைபெற்றது.
 இந்திய அரசின் பொருளாதாரக் கொள்கைகளை பின்பற்றும் வண்ணம், பல யுக்திகளும், யோசனைகளும் எட்டப்பட்டன. அதன்படி கடலூர், விழுப்புரம் மாவட்டங்களில் செயல்படுத்தக்கூடியவற்றை உடனடியாக அமல்படுத்துவது. வரும் 23-ஆம் தேதி புதுச்சேரியில் இதுபோன்ற ஆலோசனைக் கூட்டத்தை நடத்துவது என்று முடிவு எடுக்கப்பட்டது.
 

]]>
https://www.dinamani.com/all-editions/edition-villupuram/cuddalore/2019/aug/18/பொருளாதார-மேம்பாடு-வங்கி-அதிகாரிகள்-ஆலோசனை-3215910.html
3215909 விழுப்புரம் கடலூர் பொருளாதார மேம்பாடு: வங்கி அதிகாரிகள் ஆலோசனை DIN DIN Sunday, August 18, 2019 03:18 AM +0530
கடலூர், விழுப்புரம் (கள்ளக்குறிச்சி) மாவட்டங்களின் இந்தியன் வங்கி அதிகாரிகள் பங்கேற்ற ஆலோசனைக் கூட்டம் கடலூரில் சனிக்கிழமை நடைபெற்றது. 
 மத்திய அரசின் நிதிசார் சேவைகள் துறை, பொதுத் துறை வங்கிகளின் சீர்திருத்த நடவடிக்கைகளின் ஒரு பகுதியாகவும், நாட்டின் பொருளாதாரத்தை ரூ.360 லட்சம் கோடியாக மேம்படுத்தவும், இதற்கான புதிய உத்திகளை வங்கி அதிகாரிகளின் மூலம் கேட்டறியும் வகையிலான கூட்டங்கள் நாடு முழுவதும் நடைபெற்று வருகின்றன.
 இதன் ஒரு பகுதியாக கடலூர் மற்றும் விழுப்புரம் (கள்ளகுறிச்சி) மாவட்ட இந்தியன் வங்கி அதிகாரிகளின் ஆலோசனைக் கூட்டம் கடலூரில் இந்தியன் வங்கி மண்டல அலுவலகத்தில் வங்கியின் சென்னை களப் பொதுமேலாளர் கே.சந்திராரெட்டி தலைமையில் நடைபெற்றது. மண்டல மேலாளர் பி.விஜயலஷ்மி முன்னிலை வகித்தார். மண்டல துணை மேலாளர் பி.சேகர் மற்றும் வங்கி மேலாளர்கள் கலந்து கொண்டனர்.
 கூட்டத்தில், மத்திய அரசின் முன்னுரிமைத் திட்டங்களான ஸ்டான்ட் அப் இந்தியா, முத்ரா கடன், விவசாயக் கடன், விவசாயிகள் வருமானத்தை இரட்டிப்பாக்குதல், மகளிர் முன்னேற்றம், அனைவருக்கும் வங்கி சேவைகள், பணமில்லா மற்றும் டிஜிட்டல் பரிவர்த்தனைகள் உள்பட 16 தலைப்புகளில் விரிவான ஆலோசனை நடைபெற்றது.
 இந்திய அரசின் பொருளாதாரக் கொள்கைகளை பின்பற்றும் வண்ணம், பல யுக்திகளும், யோசனைகளும் எட்டப்பட்டன. அதன்படி கடலூர், விழுப்புரம் மாவட்டங்களில் செயல்படுத்தக்கூடியவற்றை உடனடியாக அமல்படுத்துவது. 
வரும் 23-ஆம் தேதி புதுச்சேரியில் இதுபோன்ற ஆலோசனைக் கூட்டத்தை நடத்துவது என்று முடிவு எடுக்கப்பட்டது.

]]>
https://www.dinamani.com/all-editions/edition-villupuram/cuddalore/2019/aug/18/பொருளாதார-மேம்பாடு-வங்கி-அதிகாரிகள்-ஆலோசனை-3215909.html
3215581 விழுப்புரம் கடலூர் "புதிய க‌ல்​வி‌க் கொள்கையால் பேரா​ப‌த்து' DIN DIN Saturday, August 17, 2019 10:27 AM +0530 மத்திய அரசின் புதிய கல்விக் கொள்கையால் பேராபத்து ஏற்படும் என்று மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினர் உ.வாசுகி கூறினார்.
 இந்தக் கட்சியின் 100-ஆவது ஆண்டு விழாவை முன்னிட்டு வாழ்வுரிமை, கருத்துரிமைப் பாதுகாப்பு மாநாடு, மாவட்டக் கட்சி வரலாறு நூல் வெளியீடு மற்றும் மக்கள் ஒற்றுமை கலை இரவு ஆகிய முப்பெரும் விழா வருகிற 24-ஆம் தேதி கடலூரில் நடைபெற உள்ளது. 
இந்த நிகழ்ச்சிக்கான ஏற்பாடுகள் குறித்து ஆய்வு செய்வதற்காக கட்சியின் மத்தியக் குழு உறுப்பினர் உ.வாசுகி வெள்ளிக்கிழமை கடலூர் வந்தார். அப்போது அவர் செய்தியாளர்களிடம் கூறியதாவது: 
 காவிரி டெல்டா பாசனப் பகுதிகளை அழிக்க மத்திய, மாநில அரசுகள் மேற்கொண்டு வரும் ஹைட்ரோ கார்பன் திட்ட நடவடிக்கைகள் வேதனை அளிக்கிறது. எனவே அந்தத் திட்டத்துக்கு எதிரான போராட்ட நடவடிக்கைகளை தீவிரப்படுத்த உள்ளோம்.
 கிராமப்புற மக்களின் வாழ்வாதாரத்துக்கு உறுதுணையாக உள்ள 100 நாள் வேலை உறுதித் திட்டத்தையும் மத்திய அரசு சீர்குலைக்கும் வகையில்  செயல்படுகிறது. 
இந்தத் திட்டத்துக்கான நிதியில் ரூ.ஆயிரம் கோடியை குறைத்துள்ளது. மாநில அரசின் உரிமைகளை பறித்துவரும் மத்திய அரசை எதிர்த்து குரல் எழுப்ப தமிழக அரசு தயங்குகிறது.   கஸ்தூரிரங்கன் தலைமையிலான குழு புதிய கல்விக் கொள்கையை வரைவு செய்ய 2 ஆண்டுகள் எடுத்துக்கொண்டது. அதன்மீது ஆய்வு செய்ய மத்திய அரசு 3 மாதங்களை எடுத்துக் கொண்டது. தற்போது பொதுமக்களிடமிருந்து கருத்துகளையும், விமர்சனங்களையும் முன்வைக்க போதிய அவகாசம் வழங்கவில்லை. 
புதியக் கல்விக் கொள்கையை அவசர, அவசரமாக நடைமுறைப்படுத்த முயல்வதன் மூலம் பேராபத்து உருவாகவுள்ளது.  ஜம்மு - காஷ்மீரில் சட்டப் பிரிவு 370 மற்றும் 35ஏ பிரிவுகளை நீக்கியதன் மூலம் அந்த மாநில மக்களின் உணர்வுகளை மத்திய அரசு படுகொலை செய்துள்ளது என்றார் அவர்.
 அப்போது, கட்சியின் மாவட்டச் செயலர் டி.ஆறுமுகம், மாநிலக்குழு உறுப்பினர் கோ.மாதவன், மாவட்ட செயற்குழு உறுப்பினர் ரவிச்சந்திரன் ஆகியோர் உடனிருந்தனர்.
 

]]>
https://www.dinamani.com/all-editions/edition-villupuram/cuddalore/2019/aug/17/புதிய-க‌ல்​வி‌க்-கொள்கையால்-பேரா​ப‌த்து-3215581.html
3215168 விழுப்புரம் கடலூர் சவ குளிர்சாதனப் பெட்டியில் மின் கசிவால் 28 பேர் காயம் DIN DIN Saturday, August 17, 2019 06:55 AM +0530 கடலூர் மாவட்டம், பண்ருட்டி அருகே விபத்தில் உயிரிழந்தவர்களின் சடலங்கள் வைக்கப்பட்டிருந்த குளிர்சாதனப் பெட்டிகளில் ஏற்பட்ட மின் கசிவால் 28 பேர் வெள்ளிக்கிழமை காயமடைந்தனர்.
 பண்ருட்டி வட்டம், காடாம்புலியூர், காந்தி நகர், புதுகாலனியைச் சேர்ந்தவர்கள் சக்தி சிவகண்ணன் (17), சந்தோஷ்குமார் (17). இவர்கள் இருவரும் அங்குள்ள அரசு மாதிரிப் பள்ளியில் பிளஸ் 2 படித்து வந்தனர். வியாழக்கிழமை காலை இருவரும் அந்தப் பகுதியில் பைக்கில் சென்றபோது, எதிரே வந்த அரசுப் பேருந்து மோதியதில் உயிரிழந்தனர். இதையடுத்து, மாணவர்களின் உறவினர்கள், விடுதலைச் சிறுத்தைகள்கட்சியினர் விபத்து நிவாரணம் வழங்கக் கோரி சாலை மறியலில் ஈடுபட்டனர். இதுதொடர்பாக பண்ருட்டி வட்டாட்சியர் அலுவலகத்தில் வட்டாட்சியர் கீதா தலைமையில் 
வெள்ளிக்கிழமை அமைதிக் கூட்டம் நடைபெற்றது. இதில், தீர்வு காணப்பட்டதைத் தொடர்ந்து மாணவர்களின் சடலங்களை உறவினர்கள் பெற்றுச்சென்றனர். 
 விபத்தில் உயிரிழந்த 2 மாணவர்களின் சடலங்களும் அவரவரது வீட்டில் சவ குளிர்சாதன மின் பெட்டியில் வைக்கப்பட்டிருந்தன. இரு இடங்களிலும் அந்தப் பெட்டிகளிலிருந்து மின்சாரம் கசிந்ததில் 26 பெண்கள் உள்பட 28 பேர் காயமடைந்தனர். இதையடுத்து அவர்கள் பண்ருட்டி அரசு மருத்துவமனையில் சேர்க்கப்பட்டனர். பலத்த காயமடைந்த ஜெயம் (62) என்பவர் தீவிர சிகிச்சைக்காக கடலூர் அரசு மருத்துவமனைக்கு கொண்டு செல்லப்பட்டார். இரண்டு குளிர்சாதன சவப் பெட்டிகளுக்கும் மின் இணைப்பு கொடுத்ததில் ஏற்பட்ட தவறே மின் கசிவுக்குக் காரணம் எனக் கூறப்படுகிறது.

]]>
https://www.dinamani.com/all-editions/edition-villupuram/cuddalore/2019/aug/17/சவ-குளிர்சாதனப்-பெட்டியில்-மின்-கசிவால்-28-பேர்-காயம்-3215168.html
3215167 விழுப்புரம் கடலூர் "புதிய கல்விக் கொள்கையால் பேராபத்து' DIN DIN Saturday, August 17, 2019 06:54 AM +0530 மத்திய அரசின் புதிய கல்விக் கொள்கையால் பேராபத்து ஏற்படும் என்று மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினர் உ.வாசுகி கூறினார்.
 இந்தக் கட்சியின் 100-ஆவது ஆண்டு விழாவை முன்னிட்டு வாழ்வுரிமை, கருத்துரிமைப் பாதுகாப்பு மாநாடு, மாவட்டக் கட்சி வரலாறு நூல் வெளியீடு மற்றும் மக்கள் ஒற்றுமை கலை இரவு ஆகிய முப்பெரும் விழா வருகிற 24-ஆம் தேதி கடலூரில் நடைபெற உள்ளது. 
இந்த நிகழ்ச்சிக்கான ஏற்பாடுகள் குறித்து ஆய்வு செய்வதற்காக கட்சியின் மத்தியக் குழு உறுப்பினர் உ.வாசுகி வெள்ளிக்கிழமை கடலூர் வந்தார். அப்போது அவர் செய்தியாளர்களிடம் கூறியதாவது: 
 காவிரி டெல்டா பாசனப் பகுதிகளை அழிக்க மத்திய, மாநில அரசுகள் மேற்கொண்டு வரும் ஹைட்ரோ கார்பன் திட்ட நடவடிக்கைகள் வேதனை அளிக்கிறது. எனவே அந்தத் திட்டத்துக்கு எதிரான போராட்ட நடவடிக்கைகளை தீவிரப்படுத்த உள்ளோம்.
 கிராமப்புற மக்களின் வாழ்வாதாரத்துக்கு உறுதுணையாக உள்ள 100 நாள் வேலை உறுதித் திட்டத்தையும் மத்திய அரசு சீர்குலைக்கும் வகையில்  செயல்படுகிறது. 
இந்தத் திட்டத்துக்கான நிதியில் ரூ.ஆயிரம் கோடியை குறைத்துள்ளது. மாநில அரசின் உரிமைகளை பறித்துவரும் மத்திய அரசை எதிர்த்து குரல் எழுப்ப தமிழக அரசு தயங்குகிறது.   கஸ்தூரிரங்கன் தலைமையிலான குழு புதிய கல்விக் கொள்கையை வரைவு செய்ய 2 ஆண்டுகள் எடுத்துக்கொண்டது. அதன்மீது ஆய்வு செய்ய மத்திய அரசு 3 மாதங்களை எடுத்துக் கொண்டது. தற்போது பொதுமக்களிடமிருந்து கருத்துகளையும், விமர்சனங்களையும் முன்வைக்க போதிய அவகாசம் வழங்கவில்லை. 
புதியக் கல்விக் கொள்கையை அவசர, அவசரமாக நடைமுறைப்படுத்த முயல்வதன் மூலம் பேராபத்து உருவாகவுள்ளது.  ஜம்மு - காஷ்மீரில் சட்டப் பிரிவு 370 மற்றும் 35ஏ பிரிவுகளை நீக்கியதன் மூலம் அந்த மாநில மக்களின் உணர்வுகளை மத்திய அரசு படுகொலை செய்துள்ளது என்றார் அவர்.
 அப்போது, கட்சியின் மாவட்டச் செயலர் டி.ஆறுமுகம், மாநிலக்குழு உறுப்பினர் கோ.மாதவன், மாவட்ட செயற்குழு உறுப்பினர் ரவிச்சந்திரன் ஆகியோர் உடனிருந்தனர்.
 

]]>
https://www.dinamani.com/all-editions/edition-villupuram/cuddalore/2019/aug/17/புதிய-கல்விக்-கொள்கையால்-பேராபத்து-3215167.html
3215166 விழுப்புரம் கடலூர் அறிவியல் கண்காட்சி DIN DIN Saturday, August 17, 2019 06:54 AM +0530 கடலூர் மஞ்சக்குப்பம் புனித வளனார் மேல்நிலைப் பள்ளியில் வெள்ளிக்கிழமை அறிவியல் கண்காட்சி நடைபெற்றது. 
மாணவர்களிடையே அறிவியல் ஆர்வத்தை உருவாக்கவும், இளம் விஞ்ஞானிகளை கண்டறியவும், பள்ளிகள் தோறும் அறிவியல் கண்காட்சி நடத்திட பள்ளிக் கல்வித் துறை உத்தரவிட்டுள்ளது. அதன்படி நடைபெற்ற இந்தக் கண்காட்சியில் 6 முதல் பிளஸ்2 வகுப்பு வரையிலான மாணவர்கள் ஆர்வமுடன் பங்கேற்றனர். அறிவியல் கோட்பாடுகள்,  நவீன விவசாயம், டிஜிட்டல் இந்தியா, நீர் சேமிப்பு உள்ளிட்ட தலைப்புகளில் சுமார் 350 மாணவர்கள் மொத்தம் 175 பொருள்களை காட்சிப்படுத்தினர்.
பள்ளி முதல்வர் அருள்நாதன் அடிகளார் தலைமை வகித்தார். அறிவியல் கழக ஒருங்கிணைப்பாளர் மரியசேவியர் வரவேற்றார். மாவட்டக் கல்வி அலுவலர் சுந்தரமூர்த்தி கண்காட்சியை தொடக்கி வைத்து பார்வையிட்டார். ஒவ்வொரு காட்சி பொருளுக்கும் மாணவர்கள் உரிய விளக்கம் அளித்தனர். 
கண்காட்சியை 5 ஆயிரத்துக்கும் மேற்பட்ட மாணவர்கள் பார்வையிட்டனர். 
சிறந்த அறிவியல் காட்சிப் பொருள்களை அறிவியல்  ஆசிரியர்கள் குழு தேர்வு செய்தது. ஒரு வகுப்புக்கு மூன்று பரிசுகள் வீதம் என மொத்தம் 21  மாணவர்கள் தேர்வு செய்யப்பட்டு பரிசுகள் வழங்கப்பட்டன.

]]>
https://www.dinamani.com/all-editions/edition-villupuram/cuddalore/2019/aug/17/அறிவியல்-கண்காட்சி-3215166.html
3215165 விழுப்புரம் கடலூர் குடிநீரில் விஷம்: பொதுமக்கள் மறியல் DIN DIN Saturday, August 17, 2019 06:53 AM +0530 குடிநீரில் விஷம் கலந்தது தொடர்பாக நடவடிக்கை எடுக்கக் கோரி பொதுமக்கள் சாலை மறியலில் ஈடுபட்டனர்.
 விருத்தாசலம் அருகே உள்ள டி.வி.புத்தூர் கிராமத்தில் இரு தினங்களுக்கு முன்பு விநியோகிக்கப்பட்ட குடிநீரில் விஷம் கலந்திருந்ததாக புகார் எழுந்தது. 
இந்த நிரைப் பருகியவர்களுக்கு உடல்நலக் குறைவு ஏற்பட்டது. இதில் பாதிக்கப்பட்ட மாணவ, மாணவிகள் உள்பட 36 பேர் விருத்தாசலம் அரசு மருத்துவமனையில் அனுமதிக்கப்பட்டனர். இந்த நிலையில் குடிநீர் தொட்டியில் நச்சுப் பொருளை கலந்தது குறித்து வழக்குப் பதிவுசெய்து, சம்பந்தப்பட்ட நபரை கைது செய்ய வேண்டுமென அப்பகுதியினர் வலியுறுத்தி வந்தனர்.  சம்பவம் நடைபெற்று இரு தினங்களுக்கு மேலாகியும், நச்சுப் பொருள் கலந்த நபர் குறித்து விசாரணை நடத்தாத போலீஸாரைக் கண்டித்தும், கருவேப்பிலங்குறிச்சி பகுதியில் விருத்தாசலம் - திட்டக்குடி சாலையில் வேகத் தடை அமைக்க வலியுறுத்தியும் அப்பகுதி மக்கள் கருவேப்பிலங்குறிச்சி பேருந்து நிறுத்தம் அருகே வெள்ளிக்கிழமை சாலை மறியலில் ஈடுபட்டனர். இவர்களிடம் கருவேப்பிலங்குறிச்சி போலீஸார் பேச்சுவார்த்தை நடத்தியதை தொடர்ந்து அனைவரும் கலைந்து சென்றனர்.

]]>
https://www.dinamani.com/all-editions/edition-villupuram/cuddalore/2019/aug/17/குடிநீரில்-விஷம்-பொதுமக்கள்-மறியல்-3215165.html
3215164 விழுப்புரம் கடலூர் புனித விண்ணேற்பு அன்னை தேர் பவனி DIN DIN Saturday, August 17, 2019 06:53 AM +0530 பண்ருட்டி அருகே பணிக்கன்குப்பத்தில் அமைந்துள்ள புனித விண்ணேற்பு அன்னை ஆலய விழாவில் வியாழக்கிழமை இரவு தேர் பவனி நடைபெற்றது.
இந்த ஆலயத்தில் 119-ஆவது ஆண்டுப் பெருவிழாவை முன்னிட்டு கடந்த 6-ஆம் தேதி கொடியேற்றம் நடைபெற்றது. நிகழ்ச்சியில், பணிக்கன்குப்பம் பங்குத் தந்தை மரிய ஆனந்தராஜ், ஆஸ்திரேலிய பங்குத் தந்தை வின்சர் ஆகியோர் பங்கேற்று கொடியேற்றினர். அதைத் தொடர்ந்து ஒவ்வொரு நாளும் காலையில் திருப்பலி, மாலையில் நவநாள் திருப்பலி, திவ்ய நற்கருணை உள்ளிட்டவை நடைபெற்று வந்தன.  விழாவின் முக்கிய நிகழ்வான தேர்பவனி வியாழக்கிழமை இரவு நடைபெற்றது. மின் விளக்குகளால் அலங்கரிக்கப்பட்ட தேரில் விண்ணேற்பு அன்னை எழுந்தருளி முக்கிய வீதிகளில் வலம் வந்து மீண்டும் ஆலயத்தை அடைந்தார்.  முன்னதாக காலையில் ஆயர் அந்தோணிசாமி பீட்டர் அமீர் தலைமையில் கூட்டுத் திருப்பலி நடைபெற்றது. 
 

]]>
https://www.dinamani.com/all-editions/edition-villupuram/cuddalore/2019/aug/17/புனித-விண்ணேற்பு-அன்னை-தேர்-பவனி-3215164.html
3215163 விழுப்புரம் கடலூர் வாடகைக்கு வேளாண் இயந்திரங்கள்: மாவட்ட ஆட்சியர் DIN DIN Saturday, August 17, 2019 06:53 AM +0530 கடலூர் மாவட்டத்தில் உள்ள  வேளாண் இயந்திர வாடகை மையங்களில் டெல்டா விவசாயிகள் வேளாண் இயந்திரங்களை பெற்று பயன்பெறலாம் என்று மாவட்ட ஆட்சியர் வெ.அன்புச்செல்வன் தெரிவித்தார்.
 இதுகுறித்து அவர் வெளியிட்ட செய்திக்குறிப்பு: கடலூர் மாவட்டத்தில் வேளாண் பொறியியல் துறை மூலமாக கடலூர், சிதம்பரம், விருத்தாசலம் உபகோட்டங்களில் 10 உழுவை இயந்திரங்கள், கல்டிவேட்டர், சுழல்கலப்பை, லேசர் லெவலர் மற்றும் இதர துணைக் கருவிகள் ஒரு மணி நேரத்துக்கு ரூ.340  என்ற வாடகை விகிதத்தில் வாடகைக்கு தயார் நிலையில் உள்ளன. 
 எனவே, கடலூர் மாவட்ட விவசாயிகள் இந்த  வேளாண் இயந்திரங்களை வாடகைக்குப் பெற்று பயனடையலாம். கூடுதல் விவரங்களுக்கு வேளாண்மை பொறியியல்  துறை உதவி செயற்பொறியாளர்களை சிதம்பரம்  (04144-232707), விருத்தாசலம் ( 04143-238242), கடலூர் (04142-292779  )ஆகிய எண்களில்  தொடர்பு கொள்ளலாம் என்று அதில் ஆட்சியர் தெரிவித்துள்ளார்.
 

]]>
https://www.dinamani.com/all-editions/edition-villupuram/cuddalore/2019/aug/17/வாடகைக்கு-வேளாண்-இயந்திரங்கள்-மாவட்ட-ஆட்சியர்-3215163.html
3215162 விழுப்புரம் கடலூர் கடலூர் அரசுக் கல்லூரியில்  2 புதிய பாடப் பிரிவுகள் DIN DIN Saturday, August 17, 2019 06:53 AM +0530 கடலூர்  தேவனாம்பட்டினம், அரசு பெரியார் கலைக் கல்லூரியில் 2 புதிய பாடப் பிரிவுகள் தொடங்கப்பட்டுள்ளதாக அந்தக் கல்லூரி முதல்வர் ப.குமரன் தெரிவித்தார்.
இந்தக் கல்லூரியில் இளநிலை படிப்பில் 19 பாடப் பிரிவுகள் நடத்தப்பட்டு வருகின்றன. கல்லூரியில் முதலாமாண்டு மாணவர்கள் சேர்க்கை முடிவுற்ற நிலையில் தற்போது இளநிலையில் பி.பி.ஏ., பி.எஸ்.சி. (உளவியல்) ஆகிய பாடப் பிரிவுகளை தொடங்க திருவள்ளுவர் பல்கலைக்கழகம் அனுமதி வழங்கி உள்ளதாக கல்லூரி முதல்வர் ப.குமரன் கூறினார். அவர் மேலும் கூறியதாவது: 
இந்த பாடப் பிரிவுகளில் நிகழ் கல்வியாண்டு முதல் வகுப்புகள் நடத்தப்படுகிறது. எனவே, இந்த பாடப் பிரிவுகளுக்கான விண்ணப்பங்கள் வருகிற 20-ஆம் தேதி முதல் விநியோகிக்கப்படுகிறது.
ஏற்கெனவே விண்ணப்பித்து இடம் கிடைக்காதவர்கள் புதியதாக விண்ணப்பிக்க வேண்டாம். விண்ணப்பிக்காதவர்கள் மட்டும் புதியதாக விண்ணப்பிக்கலாம். பாடப் பிரிவுகளுக்கான கலந்தாய்வில் அனைவரும் பங்கேற்கலாம் என்று தெரிவித்தார்.
 

]]>
https://www.dinamani.com/all-editions/edition-villupuram/cuddalore/2019/aug/17/கடலூர்-அரசுக்-கல்லூரியில்--2-புதிய-பாடப்-பிரிவுகள்-3215162.html