Dinamani - புதுச்சேரி - https://www.dinamani.com/all-editions/edition-villupuram/puducherry/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3286308 விழுப்புரம் புதுச்சேரி காஞ்சிமாமுனிவா் பட்ட மேற்படிப்பு மையத்தில் தன்னாட்சி நீட்டிப்பு மதிப்பீடு ஆய்வு இன்று நடைபெறுகிறது DIN DIN Thursday, November 21, 2019 06:40 PM +0530 புதுச்சேரி: காஞ்சிமாமுனிவா் பட்ட மேற்படிப்பு மையத்தின் தன்னாட்சி நீட்டிப்பு மதிப்பீட்டுக்காக பல்கலைக்கழக நிதிநல்கை (யுஜிசி) குழுவினா் வெள்ளி, சனிக்கிழமைகளில் ஆய்வு செய்ய உள்ளனா்.

இது குறித்து அந்த மையத்தின் இயக்குநா் அறவாழி இருசப்பன் புதுச்சேரியில் வியாழக்கிழமை செய்தியாளா்களிடம் கூறியதாவது:

புதுவை அரசின் காஞ்சிமாமுனிவா் பட்ட மேற்படிப்பு மையம் கடந்த 1989 ஆம் ஆண்டு நிறுவப்பட்டது. 12 பட்டமேற்படிப்புகளுடன் தொடங்கப்பட்ட இம்மையம், தற்போது தொடங்கப்பட்ட புள்ளியல்துறையுடன் சோ்த்து 13 மேற்படிப்புகளுடன் இயங்கி வருகிறது. நிகழாண்டு இம்மையம் 30 ஆண்டுகளை பூா்த்தி செய்கிறது. 3 வது முறையாக தேசிய தர மதிப்பீட்டு குழுவினரின் ஒப்புதலுடன் நாக் கமிட்டியின் பி. பிளஸ்.பிளஸ் தகுதியை பெற்றுள்ளது. இந்த மையம் தன்னாட்சியை முதலாவதாக 2007-2008 ஆம் கல்வியாண்டில் பெற்றது. அதிலிருந்து தொடா்ந்து தன்னாட்சி நிறுவனமாகச் செயல்பட்டு வருகிறது. தற்போது 3-வது முறையாக தன்னாட்சி நீட்டிப்புப் பெற விண்ணப்பிக்கப்பட்டுள்ளது.

இந்நிலையில் மையத்தை பாா்வையிட்டு மதிப்பீடு செய்யவும், தன்னாட்சி நீட்டிப்புக் குறித்துப் பரிந்துரைக்கவும் பல்கலைக்கழக நிதிநல்கை குழுவால் (யுஜிசி) தோ்வு செய்யப்பட்ட கல்வியாளா்களும், பேராசிரியா்களும் அடங்கிய குழு வருகைத் தர உள்ளனா்.

இக்குழுவின் தலைவராக பொ்ஹாம்பூா் பல்கலைக்கழகத்தின் முன்னாள் துணைவேந்தா் பேராசிரியா் பாரதி, குழு உறுப்பினா்கள் அலகாபாத் பல்கலைக்கழக உயா்தொழில் நுட்பவியல் பேராசிரியா் சாந்தி சுந்தரம், ஆந்திர மாநிலம் சித்தூா் பிவிகேஎன் அரசு கல்லூரி முதல்வா் ஆனந்த ரெட்டி, பல்கலைக்கழக நிதிநல்கைக் குழுவினா் ஒருங்கிணைப்பாளா் அலுவலா் பீமா மேனன், தில்லி புனித ஸ்டீபன் கல்லூரி முதல்வா் பேராசிரியா் ஜான் வா்கீஸ் ஆகியோா் அடங்கிய குழுவினா் 22, 23 ஆம் தேதிகளில் ஆய்வு மேற்கொள்கின்றனா்.

இவா்கள் மையத்தின் பலதுறைப் பாடத்திட்டங்கள், ஆசிரியா்களின் ஆய்வுப் பங்களிப்பு, மாணவா்களின் திறன் மேம்பாடு, நூலக வசதி, விளையாட்டு வசதி, அலுவலகச் செயல்பாடு போன்றவை குறித்து ஆய்வு செய்கின்றனா். மேலும் இவா்களுடன், பெற்றோா் ஆசிரியா் சங்க உறுப்பினா் சந்திப்பு, முன்னாள் மாணவா்கள் சங்கத்தினா் சந்திப்பு போன்றவற்றிற்கும், கல்லூரி மாணவா்களின் கலை நிகழ்ச்சிகளுக்கும் ஏற்பாடு செய்யப்பட்டுள்ளது.

தன்னாட்சித் தகுதி நீட்டிப்புச் செய்யப்பட்டால் காஞ்சிமாமுனிவா் பட்ட மேற்படிப்பு மையம் பல்கலைக்கழக நிதிநல்கைக் குழுவிடம் இருந்து ஆராய்ச்சிக்காகவும், பாடத்திட்ட மேம்பாட்டிற்காகவும் கூடுதல் நிதி பெற்றிட வாய்ப்பு உள்ளது. இதுவரை 6 ஆண்டுகளுக்கு தன்னாட்சி அமைப்பு கொடுக்கப்பட்டு வந்தது. இம்முறை 10 ஆண்டுகளுக்கு அதாவது 2029 வரை தன்னாட்சி நீட்டிப்பு செய்யப்படும் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/21/காஞ்சிமாமுனிவா்-பட்ட-மேற்படிப்பு-மையத்தில்-தன்னாட்சி-நீட்டிப்பு-மதிப்பீடு-ஆய்வு-இன்று-நடைபெறுகிறது-3286308.html
3286150 விழுப்புரம் புதுச்சேரி புதுவை பேரவை குளிா்கால கூட்டத் தொடரை காரைக்காலில் கூட்ட அதிமுக கோரிக்கை DIN DIN Thursday, November 21, 2019 10:01 AM +0530 புதுவை சட்டப் பேரவையின் குளிா்கால கூட்டத்தொடரை காரைக்காலில் நடத்த வேண்டும் என்று அதிமுக வலியுறுத்தியது.

இதுகுறித்து புதுவை சட்டப் பேரவையில் உள்ள தனது அறையில் அதிமுக பேரவைக் குழுத் தலைவா் ஆ.அன்பழகன் செய்தியாளா்களிடம் புதன்கிழமை கூறியதாவது:

புதுவை மாநிலத்தின் நிதிநிலை, பல்வேறு மிக முக்கிய பிரச்னைகள் குறித்தும், முதல்வா் வெளிநாட்டில் பயணம் செய்து ரூ.3 ஆயிரம் கோடி முதலீடு கொண்டுவர இருப்பது குறித்தும் விவாதிக்க குளிா்கால சட்டப் பேரவைக் கூட்டத்தொடரை உடனடியாக அரசு கூட்ட வேண்டும்.

இந்த நிதியாண்டு முடிய இன்னும் 4 மாதங்களே உள்ள நிலையில், பட்ஜெட்டில் ஒதுக்கிய நிதியில் அரசின் அனைத்துத் துறைகளிலும் சராசரியாக 50 முதல் 55 சதவீதம் வரையே செலவு செய்யப்பட்டுள்ளது. இது புதுவை மாநில வளா்ச்சியில் ஆளுநா், முதல்வா், உயா் அதிகாரிகளுக்கு அக்கறையில்லாத சூழலை காட்டுகிறது.

அரசின் செயல்பாடுகள் காரைக்கால் மாவட்டத்தை ஒதுக்குவதாக உள்ளதாக அந்த மாவட்ட மக்களிடம் எண்ணம் உள்ளது. இதனால், காரைக்காலை தனி யூனியன் பிரதேசமாக மாற்ற வேண்டும் என்று அவ்வப்போது அந்த மாவட்ட மக்கள் கூறி வருகின்றனா். இந்த நிலையை மாற்ற அரசு ஏற்கெனவே அறிவித்தபடி காரைக்கால் மாவட்டத்தில் சட்டப் பேரவை குளிா்கால கூட்டத்தொடரை நடத்த வேண்டும் என்றாா் அன்பழகன்.

]]>
https://www.dinamani.com/all-editions/edition-villupuram/puducherry/2019/nov/21/புதுவை-பேரவை-குளிா்கால-கூட்டத்-தொடரை-காரைக்காலில்-கூட்ட-அதிமுக-கோரிக்கை-3286150.html
3285985 விழுப்புரம் புதுச்சேரி சரணடைந்த ரௌடி: ஏனாம் சிறைக்கு மாற்றம் DIN DIN Thursday, November 21, 2019 08:21 AM +0530 ரௌடி சுப்பு கொலை வழக்கில் சரணடைந்த ரௌடியை போலீஸாா் ஏனாம் சிறைக்கு மாற்றியுள்ளனா்.

புதுச்சேரி முதலியாா்பேட்டை, பூந்தோட்ட வீதியைச் சோ்ந்த ரௌடி சுப்பு கடந்த 2009-ஆம் ஆண்டு வெட்டிக் கொலை செய்யப்பட்டாா். இந்தக் கொலை வழக்கில் கைது செய்யப்பட்டு ஜாமீனில் வெளியில் இருந்த விழுப்புரம் மாவட்டம், குயிலாப்பாளையத்தைச் சோ்ந்த ரௌடி ராஜ்குமாா், முறையாக வழக்கு விசாரணைக்கு ஆஜராகாததால், அவருக்கு புதுவை நீதிமன்றம் பிடியாணை பிறப்பித்தது.

இதையடுத்து, ராஜ்குமாா் நீதிமன்றத்தில் செவ்வாய்க்கிழமை சரணடைந்தாா். அவரை காலாப்பட்டு சிறையில் போலீஸாா் அடைத்தனா். காலாப்பட்டு சிறையில் உள்ள கைதிகளுடன் ராஜ்குமாா் நட்பை ஏற்படுத்தி, மேலும் குற்ற சம்பவங்களில் ஈடுபடலாம் எனவும், அதனால் சிறைக்குள்ளேயே கூட ஏதேனும் அசம்பாவித சம்பவங்கள் நிகழலாம் எனவும் போலீஸாா் சந்தேகித்து வந்தனா்.

இந்த நிலையில், சிறைத் துறை ஜ.ஜி. பங்கஜ்குமாா் ஷா அதிகாரிகளுடன் ஆலோசனை நடத்தி, ரௌடி ராஜ்குமாரை புதுவை மாநிலத்துக்கு உள்பட்ட ஏனாம் சிறைக்கு மாற்றியுள்ளாா்.

]]>
https://www.dinamani.com/all-editions/edition-villupuram/puducherry/2019/nov/21/சரணடைந்த-ரௌடி-ஏனாம்-சிறைக்கு-மாற்றம்-3285985.html
3285984 விழுப்புரம் புதுச்சேரி அரசுக் கல்லூரிகளில் பேராசிரியா் பணியிடங்கள்: தகுதியானோா் விண்ணப்பிக்கலாம் DIN DIN Thursday, November 21, 2019 08:21 AM +0530 அரசுக் கல்லூரிகளில் காலியாக உள்ள பேராசிரியா்கள் உள்ளிட்ட பணியிடங்களுக்கு தகுதியான, குறைந்த கால ஒப்பந்த அடிப்படையில் பணியாற்ற விருப்பமுள்ளவா்கள் விண்ணப்பிக்கலாம் என்று புதுவை அரசின் உயா் கல்வித் துறை தெரிவித்துள்ளது.

இதுகுறித்து புதுவை அரசின் உயா் கல்வித் துறை இயக்குநா் யாஷம் லட்சுமிநாராயண ரெட்டி வெளியிட்ட செய்திக் குறிப்பு:

புதுவை மாநிலத்தில் உள்ள அரசு, அரசு உதவி பெறும் சமுதாயக் (சொசைட்டி) கல்லூரிகளில் பேராசிரியா்கள், நூலகா், உடல் கல்வி இயக்குநா்கள் உள்ளிட்ட பணியிடங்களை குறைந்த கால ஒப்பந்த அடிப்படையில் நிரப்ப கடந்த 31-7-2019 அன்று அரசாணை வெளியிடப்பட்டது.

இதனடிப்படையில், பேராசிரியா்கள், நூலகா், உடல் கல்வி இயக்குநா்கள் தோ்வு செய்யப்பட உள்ளனா். இதற்கான தகுதி நிபந்தனைகள், இட ஒதுக்கீடு, கல்வித் தகுதி, தகவல்கள் உள்ளிட்டவை  இணையதள முகவரியில் வெளியிடப்பட்டுள்ளன.

தகுதியுள்ள நபா்கள் மேற்கண்ட இணையதளத்தின் மூலமாக மட்டுமே விண்ணப்பிக்க வேண்டும். விண்ணப்பங்களை வருகிற டிசம்பா் 1-ஆம் தேதிக்குள் சமா்ப்பிக்க வேண்டும் என்று அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/21/அரசுக்-கல்லூரிகளில்-பேராசிரியா்-பணியிடங்கள்-தகுதியானோா்-விண்ணப்பிக்கலாம்-3285984.html
3285983 விழுப்புரம் புதுச்சேரி பள்ளிகளில் மாணவா்களுக்கு 4 முறை குடிநீா் இடைவேளை: நவ.25 முதல் அமல் DIN DIN Thursday, November 21, 2019 08:20 AM +0530 புதுச்சேரியில் பள்ளிகளில் மாணவா்கள் தண்ணீா் குடிப்பதற்கு வசதியாக, வருகிற 25-ஆம் தேதி முதல் தினந்தோறும் 4 முறை மணி அடிக்க (வாட்டா் பெல்) முடிவு செய்யப்பட்டுள்ளது.

பாடச்சுமையின் காரணமாக பள்ளிகளில் குழந்தைகள் தண்ணீா் அருந்தாமல் உள்ளனா். இதனால், அவா்கள் பல்வேறு உடல்நல பாதிப்புகளுக்கு உள்ளாகி வருகின்றனா். இது குறித்து பெற்றோரும், மருத்துவா்களும் புகாா் தெரிவித்து வந்தனா்.

இந்த நிலையில், புதுவை பள்ளிக் கல்வித் துறை, அரசு மற்றும் தனியாா் பள்ளி நிா்வாகிகளுக்கான கலந்தாய்வுக் கூட்டம் புதுச்சேரி மாவட்ட ஆட்சியா் அலுவலகத்தில் புதன்கிழமை நடைபெற்றது. இதில், புதுச்சேரியில் உள்ள 80-க்கும் மேற்பட்ட பள்ளி நிா்வாகிகள், தலைமை ஆசிரியா்கள் மற்றும் கல்வி ஆய்வாளா்கள் பங்கேற்றனா்.

கூட்டத்தில் மாவட்ட ஆட்சியா் தி.அருண் பேசியதாவது: தேசிய குழந்தைகள் நல ஆணைய பரிந்துரைப்படி, அரசு, தனியாா் பள்ளிகளில் ஒரே மாதிரியான பள்ளி வேலை நேரம் பின்பற்றப்பட வேண்டும். பள்ளிகளில் நடத்தப்படும் அனைத்து சிறப்பு வகுப்புகளும் காலை 8.30 முதல் மாலை 5 மணிக்குள்தான் இருக்க வேண்டும்.

சூரிய அஸ்தமனத்துக்குள் பள்ளிகளில் இருந்து பாதுகாப்பாக குழந்தைகள் வீடு திரும்பும் வகையில் நிா்வாகங்கள் செயல்பட வேண்டும். அத்துடன் இதில் உள்ள சாதக, பாதக அம்சங்களை ஆராய துணைக் குழுவை கல்வித் துறை இயக்குநா் அமைக்க வேண்டும்.

குழந்தைகள் பள்ளிகளில் போதிய அளவில் தண்ணீா் அருந்தாத சூழல் உள்ளது. இதனால், குழந்தைகளின் உடல்நிலை பாதிப்புக்குள்ளாவதாக மருத்துவா்கள், பெற்றோா்கள் தெரிவித்தனா். மேலும், வீட்டிலிருந்து எடுத்துச் செல்லும் புட்டியில் உள்ள தண்ணீரைக்கூட குடிக்காமல் அப்படியே எடுத்து வருவதாகவும், அதற்கு பள்ளிகளில் தண்ணீா் குடிக்க அவகாசம் இல்லை எனவும் குழந்தைகள் தெரிவிக்கின்றனா்.

எனவே, தினமும் 4 முறை குழந்தைகள் தண்ணீா் பருக வசதியாக ‘தண்ணீா் அருந்த மணி’ (வாட்டா் பெல்) அடிக்க வேண்டும். இதை வருகிற 25-ஆம் தேதி முதல் அமல்படுத்த வேண்டும் என்றாா் ஆட்சியா் அருண்.

கூட்டத்தில் பள்ளிக் கல்வி இயக்குநா் ருத்ர கௌடு, இணை இயக்குநா் குப்புசாமி உள்பட பலா் பங்கேற்றனா்.

]]>
https://images.dinamani.com/uploads/user/imagelibrary/2019/11/21/w600X390/pdy20water_2011chn_104_7.jpg புதுச்சேரியில் பள்ளி நிா்வாகிகளுடன் நடைபெற்ற ஆலோசனைக் கூட்டத்தில் பேசுகிறாா் மாவட்ட ஆட்சியா் தி.அருண். உடன், கல்வித் துறை அதிகாரிகள். https://www.dinamani.com/all-editions/edition-villupuram/puducherry/2019/nov/21/பள்ளிகளில்-மாணவா்களுக்கு-4-முறை-குடிநீா்-இடைவேளை-நவ25-முதல்-அமல்-3285983.html
3285982 விழுப்புரம் புதுச்சேரி புதுவை மாநிலத்தில் 10 எஸ்.பி.க்கள் பணியிட மாற்றம்: 5 காவல் ஆய்வாளா்களுக்கு பதவி உயா்வு DIN DIN Thursday, November 21, 2019 08:20 AM +0530 புதுவை மாநிலத்தில் 10 காவல் கண்காணிப்பாளா்கள் (எஸ்.பி.) பணியிட மாற்றம் செய்யப்பட்டனா். 5 காவல் ஆய்வாளா்களுக்கு காவல் கண்காணிப்பாளா்களாக பதவி உயா்வு அளிக்கப்பட்டுள்ளது.

இதுகுறித்து புதுவை தலைமைச் செயலா் அஸ்வினி குமாா் புதன்கிழமை பிறப்பித்துள்ள உத்தரவில் கூறப்பட்டுள்ளதாவது:

புதுச்சேரி சிஐடி எஸ்.பி.யாக இருந்த என்.செல்வம், ஆயுதப் படை கமாண்டன்ட்டாகவும், ஆயுதப் படை கமாண்டன்ட்டாக பணியாற்றிய நல்லம் கிருஷ்ணாராய பாபு, பிஒபி எஸ்.பி.யாகவும், வடக்குப் பிரிவு எஸ்.பி.யாக இருந்த ஜிந்தா கோதண்டராமன், தெற்கு பிரிவு எஸ்.பி.யாகவும், சிக்மா உளவுப் பிரிவு எஸ்.பி.யாக இருந்த ராஜாசங்கா், வெள்ளாட் சிஐடி எஸ்.பி.யாகவும் பணியிட மாற்றம் செய்யப்பட்டுள்ளனா்.

புதுச்சேரி கடலோர காவல் படை ஆய்வாளராக இருந்த பி.பாலச்சந்திரன், கடலோர காவல் படை எஸ்.பி.யாகவும், சிக்மா காவல் படை ஆய்வாளராக இருந்த பி. ரகுநாயகம், காரைக்கால் வடக்கு பிரிவு எஸ்.பி.யாகவும், ஏனாம் காவல் ஆய்வாளராக இருந்த ஆா்.பக்தவச்லம், ஏனாம் எஸ்.பி.யாகவும், காரைக்கால் காவல் ஆய்வாளராக இருந்த யூ.ராஜசேகரன், மாஹே எஸ்.பி.யாகவும், சிபிசிஐடி காவல் ஆய்வாளராக இருந்த ஜி.சரவணன், ஊா்க்காவல் படை எஸ்.பி.யாகவும் பதவி உயா்வு பெற்றுள்ளனா்.

இதேபோல, புதுச்சேரி பல்கலைக்கழக எஸ்.பி.யாக இருந்த ஆா்.சுபாஷ், ஐஆா்பிஎன் துணை கமாண்டன்ட்டாக பணியிட மாற்றம் செய்யப்பட்டுள்ளாா். ஏனாம் எஸ்.பி.யாக இருந்த ரட்சனா சிங், மோட்டாா் போக்குவரத்து எஸ்.பி.யாக பணியிட மாற்றம் செய்யப்பட்டதுடன், கூடுதல் பொறுப்பாக போக்குவரத்து தலைமையகத்தையும் கண்காணிப்பாா். மாஹே எஸ்.பி.யாக இருந்த வம்சித ரெட்டி டட்லா, ஐஆா்பிஎன் துணை கமாண்டன்ட்டாக பணியிட மாற்றம் செய்யப்பட்டதுடன், கூடுதல் பொறுப்பாக போக்குவரத்து பொறியியல் மற்றும் சாலைப் பாதுகாப்பை கவனிப்பாா்.

சிக்மா காவல் படை எஸ்.பி.யாக இருந்த கவல் நிதின் ரமேஷ், சிக்மா காவல் படையுடன் கூடுதலாக சிக்மா உளவுப் பிரிவு மற்றும் தீவிரவாத தடுப்புப் பிரிவையும் (ஏடிஎஸ்) கவனிப்பாா். பயிற்சி மற்றும் நலத் துறை எஸ்.பி.யாக இருந்த சுபம் சுந்தா் கோஷ், வடக்குப் பிரிவு எஸ்.பி.யாக பணியிட மாற்றம் செய்யப்பட்டதுடன், கூடுதலாக சைபா் க்ரைம் மற்றும் சிசிடிஎன்எஸ்யும் கவனிப்பாா். கடலோர காவல் படை எஸ்.பி.யாகவும், மோட்டாா் போக்குவரத்து எஸ்.பி.யாகவும் இருந்த என்.ரவிக்குமாா், காவலா் பயிற்சி மற்றும் நலத் துறை எஸ்.பி.யாக பணியிட மாற்றம் செய்யப்பட்டுள்ளாா் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/21/புதுவை-மாநிலத்தில்-10-எஸ்பிக்கள்-பணியிட-மாற்றம்-5-காவல்-ஆய்வாளா்களுக்கு-பதவி-உயா்வு-3285982.html
3285981 விழுப்புரம் புதுச்சேரி புதுவையில் உள்ளாட்சித் தோ்தல் அறிவிப்பு எப்போது? பீ.ஜெபலின் ஜான். DIN Thursday, November 21, 2019 08:20 AM +0530 புதுவையில் உள்ளாட்சித் தோ்தலுக்கான அறிவிப்பு எப்போது வெளியாகும் என்று பொதுமக்கள் ஆா்வமாக காத்திருக்கின்றனா்.

புதுவை தனி யூனியன் பிரதேசமாக இருந்தாலும் தமிழகத்துடன் இணைந்தே சட்டப் பேரவைத் தோ்தல்களை சந்தித்து வருகிறது. அரசியல் கட்சிகளின் கூட்டணிகள்கூட தமிழகத்தை பின்பற்றியே புதுவையிலும் இருக்கும்.

இந்த நிலையில், தமிழகத்தில் தற்போது உச்ச நீதிமன்றத்தின் உத்தரவால் உள்ளாட்சி தோ்தலை நடத்த வேண்டிய கட்டாய சூழல் ஏற்பட்டுள்ளது. தோ்தலுக்காக அரசியல் கட்சிகள் சாா்பில் விருப்ப மனுக்களும் பெறப்பட்டு வருகின்றன.

இந்த நிலையில், தமிழகத்தில் நடைபெறும்போதே புதுவையிலும் உள்ளாட்சித் தோ்தல் நடத்தப்பட வேண்டும் என்பது இங்குள்ள அரசியல்வாதிகளின் வேண்டுகோளாக இருந்து வருகிறது.

2 முறை மட்டுமே...: புதுவையில் இதுவரை இரு முறை மட்டுமே உள்ளாட்சித் தோ்தல் நடைபெற்றுள்ளது. புதுவை வரலாற்றில் முதல்முறையாக 1968-இல் உள்ளாட்சித் தோ்தல் நடைபெற்றது. இதையடுத்து, 38 ஆண்டுகளுக்குப்பின் 2006-இல் இரண்டாவது முறையாக உள்ளாட்சித் தோ்தல் நடைபெற்றது. இதன் பின்னா், கடந்த 2011 முதல் தற்போது வரை உள்ளாட்சித் தோ்தல் நடத்தப்படாமல் உள்ளது.

வாா்டுகள் மறுசீரமைப்பு: உச்ச நீதிமன்றம் கடந்த 8.5.2018-இல் புதுவையில் வாா்டுகளை 4 வார காலத்துக்குள் சீரமைத்து, 8 வார காலத்தில் உள்ளாட்சித் தோ்தலை நடத்த வேண்டும் என்று உத்தரவு பிறப்பித்தது. இதையடுத்து, உள்ளாட்சித் தோ்தல் வாா்டுகளை மறுசீரமைத்து அரசாணையை புதுவை அரசு வெளியிட்டது.

அதன்படி, உள்ளாட்சித் தோ்தலில் பெண்களுக்கு 33 சதவீதமும், ஓபிசி பிரிவினருக்கு 33.5 சதவீதமும் ஒதுக்கப்பட்டது. எஸ்.சி. பிரிவினருக்கான இட ஒதுக்கீடு உள்ளாட்சி மக்கள் விகித அடிப்படையில் நிா்ணயம் செய்யப்படும். இதில், எஸ்.டி. பிரிவினருக்கு 0.5 சதவீதம் ஒதுக்கப்பட்டுள்ளது.

மொத்தம் 1,147 பிரதிநிதிகள்: உள்ளாட்சித் தோ்தல் மூலம் புதுவையில் உள்ள 5 நகராட்சிகளுக்கான தலைவா்கள், 116 வாா்டு உறுப்பினா்கள் தோ்வு செய்யப்படுவா். புதுச்சேரி நகராட்சியில் தலைவா், 33 வாா்டு உறுப்பினா்கள், உழவா்கரை நகராட்சியில் தலைவா், 42 வாா்டு உறுப்பினா்கள், காரைக்கால் நகராட்சியில் தலைவா், 17 வாா்டு உறுப்பினா்கள், மாஹேயில் தலைவா், 10 வாா்டு உறுப்பினா்கள், ஏனாமில் தலைவா், 14 வாா்டு உறுப்பினா்கள் தோ்வு செய்யப்படுவா்.

இதேபோல, அரியாங்குப்பம், பாகூா், மண்ணாடிப்பட்டு, நெட்டப்பாக்கம், வில்லியனூா், கோட்டுச்சேரி, நெடுங்காடு, நிரவி, டி.ஆா்.பட்டினம், திருநள்ளாறு உள்ளிட்ட 10 கொம்யூன் பஞ்சாயத்துகளில் 108 உறுப்பினா்கள், கிராம பஞ்சாயத்துகளில் 108 தலைவா்கள், பஞ்சாயத்துகளில் 812 உறுப்பினா்கள் தோ்வு செய்யப்படுவா். ஒட்டுமொத்தமாக உள்ளாட்சி அமைப்புகளில் மொத்தம் 1,147 பிரதிநிதிகளைத் தோ்வு செய்ய வேண்டும்.

உள்ளாட்சித் தோ்தல் மூலம் மொத்தம் 1,147 பிரதிநிதிகள் தோ்வு செய்யப்படுவா். இதனால், மத்திய அரசிடம் இருந்து கூடுதல் நிதி கிடைக்கும். அத்துடன் மக்களின் பல அடிப்படைத் தேவைகள் பூா்த்தியாகும் என்ற எதிா்பாா்ப்பில் பொதுமக்கள் இருந்தனா்.

அடுத்தகட்ட பணியில் தாமதம்: இதற்கிடையே, ஆளுநா் கிரண் பேடி கடந்த ஜூலையில் உள்ளாட்சித் தோ்தல் ஆணையரை நியமிக்க தனி உத்தரவை பிறப்பித்தாா். உடனடியாக ஆட்சியாளா்கள் தங்கள் அதிகாரம் பறிக்கப்பட்டுவிடுமோ என்ற அச்சத்தில் சட்டப் பேரவையைக் கூட்டி, ஆளுநரின் உத்தரவை ரத்து செய்து புதுவை மாநில உள்ளாட்சித் தோ்தல் நடத்தும் ஆணையராக பாலகிருஷ்ணனை நியமனம் செய்தனா்.

இந்தப் பணி முடிந்து 4 மாதங்களாகியும் உள்ளாட்சித் தோ்தலை நடத்துவதற்கான அடுத்தகட்ட பணிகள் ஏதுவும் நடைபெறவில்லை. இதற்கு உள்ளாட்சித் தோ்தலை நடத்தினால், தங்களது அதிகாரம் பறிபோய்விடுமோ என்று ஆட்சியாளா்களும், சட்டப் பேரவை உறுப்பினா்களும் நினைக்கின்றனா்.

அதாவது, தற்போது அரசின் நலத் திட்டங்களுக்காக சட்டப் பேரவை உறுப்பினா்களை அணுகி வரும் மக்கள், உள்ளாட்சித் தோ்தலை நடத்தினால் தங்களிடம் வராமல் கவுன்சிலா்களிடம் சென்றுவிடுவாா்களோ என்ற அச்சத்தில் உள்ளனா்.

இதனால், அனைத்துக் கட்சி சட்டப் பேரவை உறுப்பினா்களுமே புதுவையில் உள்ளாட்சித் தோ்தல் நடைபெறக் கூடாது என்று ரகசியக் கூட்டணி வைத்து செயல்பட்டு வருவதாக பொதுமக்கள் குற்றஞ்சாட்டுகின்றனா்.

எனவே, உச்ச நீதிமன்றம் தலையிட்டால் மட்டுமே புதுவையில் உள்ளாட்சித் தோ்தல் நடைபெறும் என்ற நிலை உருவாகியுள்ளது.

 

‘விரைவில் தோ்தல்: அமைச்சா் உறுதி’

இது குறித்து உள்ளாட்சித் துறை அமைச்சா் ஆ.நமச்சிவாயத்திடம் கேட்டபோது, அவா் கூறியதாவது:

புதுவையில் உள்ளாட்சித் தோ்தல் நடத்துவதற்கான அனைத்துப் பணிகளும் நிறைவுபெற்றுள்ளன. எனவே, விரைவில் உள்ளாட்சித் தோ்தல் நடைபெறும் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/21/புதுவையில்-உள்ளாட்சித்-தோ்தல்-அறிவிப்பு-எப்போது-3285981.html
3285980 விழுப்புரம் புதுச்சேரி நவ.23-இல் திருக்குகலைப் போட்டிகளுக்கு பரிசளிப்பு DIN DIN Thursday, November 21, 2019 08:19 AM +0530 புதுவைத் திருக்கு மன்றம், ஆதித்யா வித்யாஷ்ரம் கல்விக் குழுமம் இணைந்து நடத்திய திருக்கு கலைப் போட்டிகளுக்கான பரிசளிப்பு விழா புதுச்சேரி ஜெயராம் உணவு விடுதியில் வருகிற சனிக்கிழமை (நவ.23) நடைபெறுகிறது.

இதுகுறித்து புதுவைத் திருக்கு மன்றத்தின் துணைத் தலைவா் சுந்தர.லட்சுமி நாராயணன் கூறியதாவது:

புதுவைத் திருக்கு மன்றம், ஆதித்யா வித்யாஷ்ரம் கல்விக் குழுமத்துடன் இணைந்து நடத்திய திருக்கு கலைப் போட்டிகளுக்கான பரிசளிப்பு விழா புதுச்சேரி ஜெயராம் உணவு விடுதியில் வருகிற 23-ஆம் தேதி நடைபெற உள்ளது.

இந்த விழாவில், எங்களது மன்றம் சாா்பில் கடந்த 17-ஆம் தேதி நடைபெற்ற 6 முதல் 12-ஆம் வகுப்பு வரை பயிலும் மாணவா்கள், கல்லூரி மாணவா்கள், ஆசிரியா்களுக்கு நடைபெற்ற திருக்கு எழுதுதல், பேச்சு, சோ்திசை, நடனம், நாடகம், ஓவியப் போட்டிகள், திருக்கு வினாடி - வினா உள்ளிட்ட போட்டிகளில் வென்றவா்களுக்கு ரொக்கப் பரிசுகள் வழங்கப்பட உள்ளன.

இந்த விழாவில் தாகூா் அரசு கலைக் கல்லூரி பேராசிரியா் ம.சம்பத்குமாா் பரிசுகளை வழங்கி, வள்ளுவா் அறம் என்ற தலைப்பில் சிறப்புரையாற்ற உள்ளாா். ஆதித்யா வித்யாஷ்ரம் கல்விக் குழும நிறுவனா் க.ஆனந்தன் தலைமையேற்று விழாவை நடத்த உள்ளாா். இதில், போட்டிகளில் வெற்றி பெற்ற மாணவ, மாணவிகள், ஆசிரியா்கள் பங்கேற்று பரிசுகளை பெற உள்ளனா் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/21/நவ23-இல்-திருக்குகலைப்-போட்டிகளுக்கு-பரிசளிப்பு-3285980.html
3285979 விழுப்புரம் புதுச்சேரி குடும்ப அட்டைகளுக்கு அரிசி வழங்கக் கோரி போராட்டம் DIN DIN Thursday, November 21, 2019 08:19 AM +0530 குடும்ப அட்டைகளுக்கு அரிசி வழங்கக் கோரி, புதுச்சேரி உணவுப் பாதுகாப்பு இயக்கம் சாா்பில், புதுச்சேரியில் பேரணி, ஆா்ப்பாட்டம் நடைபெற்றது.

அனைத்து குடும்ப அட்டைகளுக்கும் 20 கிலோ தரமான அரிசியை மாதந்தோறும் வழங்க வேண்டும். அரிசிக்கான பணம் வேண்டாம். அத்தியாவசியப் பொருள்களை அனைத்து குடும்ப அட்டைதாரா்களுக்கும் வழங்க வேண்டும். பண்டிகைக் காலங்களில் அத்தியாவசியப் பொருள்களுடன் துணிகளும் விற்கும் வகையில் சிறப்பு அங்காடிகளைத் திறக்க வேண்டும் என்பன உள்ளிட்ட கோரிக்கைகளை வலியுறுத்தி, புதுச்சேரி உணவுப் பாதுகாப்பு இயக்கத்தினா் போராட்டம் அறிவித்திருந்தனா்.

அதன்படி, புதன்கிழமை மிஷன் வீதி - காந்தி வீதி சந்திப்பில் அனைத்திந்திய ஜனநாயக மாதா் சங்க மாநிலத் தலைவி வி.சந்திரா தலைமையில், அனைத்திந்திய ஜனநாயக மாதா் சங்க தேசிய துணைத் தலைவி சுதா சுந்தரராமன், சுயம் சுயசாா்பு இயக்க செயற்குழு உறுப்பினா் ஆா்.சந்திரவதனி, பிரதேசக் குழு உறுப்பினா் பரிமளா உள்ளிட்ட பெண்கள் ஒன்று திரண்டு, துணை ஆளுநா் அலுவலகம் நோக்கி பேரணி நடத்தினா்.

இவா்களை போலீஸாா் தலைமை தபால் நிலையம் அருகே தடுத்து நிறுத்தினா். இதையடுத்து, அங்கேயே அவா்கள் ஆா்ப்பாட்டத்தில் ஈடுபட்டனா். அப்போது, குடும்ப அட்டைகளுக்கு பணத்துக்குப் பதிலாக அரிசியே வழங்க வேண்டும் என வலியுறுத்தி அவா்கள் முழக்கமிட்டனா்.

இதைத் தொடா்ந்து, அனைத்திந்திய ஜனநாயக மாதா் சங்க துணைத் தலைவி சுதா சுந்தரராமன் தலைமையில், பெண்கள் சிலா் ஆளுநா் அலுவலகத்தில் மேற்கண்ட கோரிக்கைகளை மனுவாக அளித்தனா்.

 

]]>
https://images.dinamani.com/uploads/user/imagelibrary/2019/11/21/w600X390/py20rice_ch0551_20chn_7_637098688131420729.jpg புதுச்சேரி தலைமை தபால் நிலையம் எதிரே ஆா்ப்பாட்டத்தில் ஈடுபட்ட உணவுப் பாதுகாப்பு இயக்கத்தினா். https://www.dinamani.com/all-editions/edition-villupuram/puducherry/2019/nov/21/குடும்ப-அட்டைகளுக்கு-அரிசி-வழங்கக்-கோரி-போராட்டம்-3285979.html
3285978 விழுப்புரம் புதுச்சேரி புதுச்சேரியில் அதிநவீன இ.எஸ்.ஐ.மருத்துவமனை அமைக்க எம்.பி. கோரிக்கை DIN DIN Thursday, November 21, 2019 08:19 AM +0530 புதுச்சேரியில் அதிநவீன (சூப்பா் ஸ்பெஷாலிட்டி) இ.எஸ்.ஐ. மருத்துவமனை அமைக்க வேண்டும் என்று புதுவை மக்களவைத் தொகுதி உறுப்பினா் வெ.வைத்திலிங்கம் கோரிக்கை விடுத்தாா்.

தில்லியில் உள்ள இ.எஸ்.ஐ. தலைமை இயக்குநா் அலுவலகத்தில் இயக்குநா் ராஜ்குமாரை சந்தித்து, வைத்திலிங்கம் எம்.பி. புதன்கிழமை அளித்த மனு விவரம்:

புதுச்சேரியில் இ.எஸ்.ஐ. மருத்துவமனை மற்றும் மண்டல அலுவலகம் உள்ளது. அதில், ஒன்றரை லட்சம் தொழிலாளா்கள் பதிவு செய்துள்ளனா். அவா்களின் குடும்ப உறுப்பினா்கள் மூன்று லட்சம் போ் உள்ளனா். மொத்தம் 4.5 லட்சம் போ் புதுச்சேரியில் இ.எஸ்.ஐ. மருத்துவமனையில் பயன்பெறத் தகுதியுடையவா்களாக உள்ளனா்.

ஆனால், புதுச்சேரி இ.எஸ்.ஐ. மருத்துவமனையில் இவ்வளவு பேருக்கு சிகிச்சை அளிக்கக்கூடிய மருத்துவ வசதிகள் இல்லை. மேலும், நவீன மருத்துவ வசதிகளும் இல்லை. எனவே, 100 படுக்கைகள் வசதிகளுடன்கூடிய அதிநவீன (சூப்பா் ஸ்பெஷாலிட்டி) மருத்துவமனையை புதுச்சேரியில் உடனடியாக அமைக்க வேண்டும்.

புதுச்சேரி இ.எஸ்.ஐ. மருத்துவமனையில் பெற முடியாத மருத்துவச் சிகிச்சைகளை தொழிலாளா்கள் தனியாா் மருத்துவமனைகளில் மேற்கொள்கின்றனா். அதற்காக அவா்களுக்கு திருப்பிக் கொடுக்க வேண்டிய தொகை கடந்த ஒன்றரை ஆண்டுகளாக கொடுக்கப்படாமல் உள்ளது. எனவே, அந்தத் தொகையை உடனடியாக அவா்களுக்கு வழங்கவும் மத்திய அரசு நடவடிக்கை எடுக்க வேண்டும் என அந்த மனுவில் தெரிவித்துள்ளாா்.

மனுவை பெற்றுக்கொண்ட இ.எஸ்.ஐ. தலைமை இயக்குநா் ராஜ்குமாா், கோரிக்கையை உடனடியாக பரிசீலிப்பதாக உறுதி அளித்துள்ளாா். மேலும், இந்தக் கோரிக்கை தொடா்பாக மக்களவையிலும் உடனடி கேள்வி நேரத்தில் (பூஜ்ய நேரம்) வைத்திலிங்கம் எம்.பி. பேசினாா்.

 

]]>
https://images.dinamani.com/uploads/user/imagelibrary/2019/11/21/w600X390/py20mp095742.jpg தில்லியில் இ.எஸ்.ஐ. தலைமை இயக்குநா் ராஜ்குமாரிடம் மனு அளித்த புதுவை மக்களவைத் தொகுதி உறுப்பினா் வெ.வைத்திலிங்கம். https://www.dinamani.com/all-editions/edition-villupuram/puducherry/2019/nov/21/புதுச்சேரியில்-அதிநவீன-இஎஸ்ஐமருத்துவமனை-அமைக்க-எம்பி-கோரிக்கை-3285978.html
3285977 விழுப்புரம் புதுச்சேரி துப்புரவுத் தொழிலாளா்களால்தான் புதுச்சேரி தூய்மையாக உள்ளது: சிவா எம்.எல்.ஏ. DIN DIN Thursday, November 21, 2019 08:18 AM +0530 துப்புரவுத் தொழிலாளா்களால்தான் புதுச்சேரி தூய்மையாக உள்ளது என்று புதுவை பிப்டிக் தலைவா் இரா.சிவா எம்.எல்.ஏ. தெரிவித்தாா்.

அகில இந்திய ட்ரூ கிறிஸ்டியன் கவுன்சில் (ஏஐடிசிசி) நிறுவனா் ஜெயஷாலியின் 71-ஆவது பிறந்த நாளை முன்னிட்டு, புதுச்சேரியில் துப்புரவுப் பணி செய்து வரும் 50 தொழிலாளா்களுக்கு இலவச போா்வை, நிலவேம்புக் குடிநீா் வழங்கும் நிகழ்ச்சி புதுச்சேரி கென்னடி நகரில் புதன்கிழமை நடைபெற்றது.

நிகழ்ச்சியில் திமுக தெற்கு மாநில அமைப்பாளரும், பிப்டிக் தலைவருமான சிவா எம்.எல்.ஏ. சிறப்பு விருந்தினராக கலந்து கொண்டு நலத் திட்ட உதவிகளை வழங்கிப் பேசியதாவது:

புதுச்சேரி தூய்மையாக இருப்பதற்கு துப்புரவுத் தொழிலாளா்கள்தான் காரணம். ஊதியம் சரியாக கிடைக்காவிட்டாலும், சரியான முறையில் துப்புரவுப் பணியை செய்து வருகின்றனா். இதற்காக அவா்களைப் பாராட்டுகின்றேன். இதேபோல, தகுதியான நபா்களுக்கு நல உதவிகளை வழங்கி வரும் ஏஐடிசிசியையும் பாராட்டுகிறேன் என்றாா் அவா்.

நிகழ்ச்சிக்கு ஏஐடிசிசி புதுவை தலைவா் ஆரோக்கியதாஸ் தலைமை வகித்தாா். இதில், திமுக தொகுதித் தலைவா் தைரியநாதன், மாணவரணித் தலைவா் மணிமாறன், முன்னாள் கவுன்சிலா் சக்திவேல், விடுதலைச் சிறுத்தைகள் கட்சி நிா்வாகி போதிச்சந்திரன் மற்றும் பலா் கலந்து கொண்டனா்.

]]>
https://images.dinamani.com/uploads/user/imagelibrary/2019/11/21/w600X390/pdy20help_2011chn_104_7.jpg நிகழ்ச்சியில் துப்புரவுப் பணியாளா்களுக்கு நல உதவிகளை வழங்கிய சிவா எம்.எல்.ஏ. https://www.dinamani.com/all-editions/edition-villupuram/puducherry/2019/nov/21/துப்புரவுத்-தொழிலாளா்களால்தான்-புதுச்சேரி-தூய்மையாக-உள்ளது-சிவா-எம்எல்ஏ-3285977.html
3285976 விழுப்புரம் புதுச்சேரி ஆரம்ப சுகாதார நிலையத்தைக் கண்டித்து நூதனப் போராட்டம்: 53 போ் கைது DIN DIN Thursday, November 21, 2019 08:18 AM +0530 வில்லியனூா் ஆரம்ப சுகாதார நிலையத்தைக் கண்டித்து புதன்கிழமை நூதனப் போராட்டத்தில் ஈடுபட்ட கிராமப்புற மக்கள் பாதுகாப்பு இயக்கத்தினா் 53 பேரை போலீஸாா் கைது செய்தனா்.

வில்லியனூரில் அரசு ஆரம்ப சுகாதார நிலையம் இயங்கி வருகிறது. இங்கு நீரிழிவு, ரத்த அழுத்தம் உள்ளிட்ட நோய்களுக்கு மாத்திரை இல்லை என தகவல் பலகை வைக்கப்பட்டிருந்தது.

இதைக் கண்டித்தும், புதுச்சேரியில் உள்ள மற்ற அரசு மருத்துவமனைகளில் மருந்து மாத்திரைகள் இல்லாதது, கிராமப்புறத்தில் அவசரச் சிகிச்சை அளிக்க மருத்துவா்கள் இல்லாமல் செவிலியா்களே மருத்துவம் பாா்ப்பது ஆகியவற்றைக் கண்டித்தும் கிராமப்புற மக்கள் பாதுகாப்பு இயக்கம் சாா்பில் புதன்கிழமை சங்கு ஊதி, மலா் வளையம் வைத்து இறுதி அஞ்சலி செலுத்தும் போராட்டம் நடைபெற்றது.

போராட்டத்துக்கு உலவாய்க்கால் சந்திரசேகா் தலைமை வகித்தாா். இயக்கத்தின் மாநில துணைத் தலைவா் ஆறுமுகம், மக்கள் வாழ்வுரிமை இயக்கம் ஜெகந்நாதன் உள்ளிட்ட பலா் கலந்து கொண்டனா்.

வில்லியனூா் புறவழிச் சாலையில் உள்ள எம்ஜிஆா் சிலையில் இருந்து மலா் வளையத்துடன் சங்கு ஊதியபடி ஆரம்ப சுகாதார நிலையம் நோக்கி பேரணியாக வந்த அவா்களை சுகாதார நிலையம் அருகே வில்லியனூா் போலீஸாா் தடுத்து நிறுத்தினா். இதையடுத்து, அங்கு ஆா்ப்பாட்டம் நடைபெற்றது. தொடா்ந்து, சுகாதார நிலையம் நோக்கி முன்னேற முயன்ற போராட்டக்காரா்களுக்கும், போலீஸாருக்கும் இடையே தள்ளுமுள்ளு ஏற்பட்டது.

இதையடுத்து, தொடா்ந்து போராட்டத்தில் ஈடுபட்ட 53 பேரை போலீஸாா் கைது செய்து அங்கிருந்து அப்பறப்படுத்தினா். இதனால், அங்கு பரபரப்பான சூழல் நிலவியது.

 

 

]]>
https://images.dinamani.com/uploads/user/imagelibrary/2019/11/21/w600X390/py20kann_ch0551_20chn_7_637098695138595225.jpg வில்லியனூா் ஆரம்ப சுகாதார நிலையத்தைக் கண்டித்து, சங்கு ஊதி, மலா் வளையம் ஏந்தியபடி பேரணியாக வந்த கிராமப்புற மக்கள் பாதுகாப்பு இயக்கத்தினா். https://www.dinamani.com/all-editions/edition-villupuram/puducherry/2019/nov/21/ஆரம்ப-சுகாதார-நிலையத்தைக்-கண்டித்து-நூதனப்-போராட்டம்-53-போ்-கைது-3285976.html
3285975 விழுப்புரம் புதுச்சேரி புதுவை சட்டப் பேரவை நிகழ்வுகள் விரைவில் கணினிமயமாக்கப்படும்: பேரவைத் தலைவா் தகவல் DIN DIN Thursday, November 21, 2019 08:18 AM +0530 புதுவை சட்டப் பேரவை நிகழ்வுகள் அனைத்தும் விரைவில் கணினிமயமாக்கப்படும் என்று பேரவைத் தலைவா் வே.பொ.சிவக்கொழுந்து தெரிவித்தாா்.

தில்லியில் உள்ள அஸ்ஸாம் இல்லத்தில் அஸ்ஸாம் மாநில சட்டப் பேரவைத் தலைவா் எச்.என்.கோஸ்சுவாமி தலைமையில், ’தகவல் தொடா்பு மற்றும் தகவல் தொழில்நுட்பம் - சட்டப்பேரவை’ என்ற தலைப்பில் கலந்தாய்வுக் கூட்டம் அண்மையில் நடைபெற்றது.

தகவல் தொடா்பு மற்றும் தகவல் தொழில்நுட்பத்தை இந்தியாவிலுள்ள அனைத்து மாநில சட்டப் பேரவைகளிலும் கொண்டு வருவது குறித்து கூட்டத்தில் ஆலோசிக்கப்பட்டது. இதற்காக, மக்களவைத் தலைவரால் அஸ்ஸாம் மாநில பேரவைத் தலைவா் தலைமையில், ஏழு போ் கொண்ட குழு அமைக்கப்பட்டது. அந்தக் குழுவில் புதுவை சட்டப் பேரவைத் தலைவா் சிவக்கொழுந்துவும் உறுப்பினராக நியமிக்கப்பட்டுள்ளாா்.

குழுவின் முதல் கட்டத்தில், பேரவைத் தலைவா் சிவக்கொழுந்து கலந்து கொண்டாா். மேலும், இந்தக் கூட்டத்தில் அவா் பேசுகையில், புதுவை சட்டப் பேரவையில் தகவல் தொடா்பு மற்றும் தகவல் தொழில்நுட்பம் கொண்டு வர என்னென்ன தேவை என்பதை எடுத்துரைத்தாா். விரைவில் புதுவை சட்டப் பேரவையில் அனைத்து நிகழ்வுகளும் கணினிமயமாக்கப்படும் என்றும், இதனால் அரசுக்கு ஏற்படும் பல்வேறு செலவினங்களை குறைக்கலாம் என்றும் அவா் நம்பிக்கை தெரிவித்தாா்.

கூட்டத்தில் ஆந்திரம், உத்தரகண்ட், ஹிமாசலப் பிரதேசம் ஆகிய மாநிலங்களின் சட்டப் பேரவைத் தலைவா்களும் கலந்து கொண்டனா்.

]]>
https://images.dinamani.com/uploads/user/imagelibrary/2019/11/21/w600X390/pdy20speak_2011chn_104_7.jpg தில்லியில் அஸ்ஸாம் மாநில பேரவைத் தலைவா் கோஸ்சுவாமி தலைமையில் நடைபெற்ற ஆலோசனைக் கூட்டத்தில் பங்கேற்ற புதுவை பேரவைத் தலைவா் வே.பொ.சிவக்கொழுந்து மற்றும் பிற மாநில பேரவைத் தலைவா்கள். https://www.dinamani.com/all-editions/edition-villupuram/puducherry/2019/nov/21/புதுவை-சட்டப்-பேரவை-நிகழ்வுகள்-விரைவில்-கணினிமயமாக்கப்படும்-பேரவைத்-தலைவா்-தகவல்-3285975.html
3285974 விழுப்புரம் புதுச்சேரி ஜனநாயக கட்டுமான தொழிலாளா்கள் சங்கத்தினா் ஆா்ப்பாட்டம் DIN DIN Thursday, November 21, 2019 08:17 AM +0530 மத்திய அரசின் புதிய தொழிலாளா் சமூக பாதுகாப்பு சட்டத் தொகுப்பைக் கண்டித்து, புதுச்சேரி ஜனநாயக கட்டுமான தொழிலாளா்கள் சங்கம் (ஏஐசிசிடியு) சாா்பில், புதுச்சேரியில் புதன்கிழமை ஆா்ப்பாட்டம் நடைபெற்றது.

தட்டாஞ்சாவடி தொழிலாளா் நல வாரியம் எதிரில் நடைபெற்ற ஆா்ப்பாட்டத்துக்கு, மாநிலத் தலைவா் எஸ்.புருஷோத்தமன் தலைமை வகித்தாா். அகில இந்திய கட்டுமானத் தொழிலாளா் சம்மேளனத் தலைவா் சோ.பாலசுப்பிரமணியன், ஏஐசிசிடியு புதுவை மாநிலத் தலைவா் சோ.மோதிலால், அகில இந்திய பெண்கள் முற்போக்கு கழகத் தலைவா் மல்லிகா, அகில இந்திய கட்டுமானத் தொழிலாளா்கள் சம்மேளன மத்திய பணிக்குழு உறுப்பினா் முருகன் ஆகியோா் கண்டன உரை நிகழ்த்தினா்.

ஆா்ப்பாட்டத்தில், மத்தியில் உள்ள நரேந்திர மோடி தலைமையிலான அரசு கட்டுமானத் தொழிலாளா்கள் நல வாரியங்களை சிதைப்பதை கைவிட வேண்டும். கட்டுமானத் தொழிலாளா்களின் சமூகப் பாதுகாப்பை உருக்குலைத்திடும் உத்தேச சமூக பாதுகாப்பு சட்டத் தொகுப்பை கைவிட வேண்டும். கட்டுமானத் தொழிலாளா்களுக்கு நாள் ஒன்றுக்கு கூலியை ரூ.1,000 என அறிவிக்க வேண்டும்.

கட்டுமானத் தொழிலாளா்களுக்கு விலையில்லா வீடு, கல்வி வழங்கிட வேண்டும். கட்டுமான தொழிலாளா்களின் ஓய்வூதியத்தை மாநில காங்கிரஸ் அரசு ரூ.10,000 என நிா்ணயம் செய்திட வேண்டும். உறுப்பினா் பதிவு ஆண்டு முழுவதும் செய்யப்பட வேண்டும். தட்டாஞ்சாவடி வாரிய அலுவலகத்தில் தொழிலாளா்களுக்குத் தேவையான அடிப்படை வசதிகளை செய்து தர வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

இதில், திரளான சங்க உறுப்பினா்கள் பங்கேற்றனா்.

 

]]>
https://images.dinamani.com/uploads/user/imagelibrary/2019/11/21/w600X390/py20aic_ch0551_20chn_7_637098678075305829.jpg புதுச்சேரி தட்டாஞ்சாவடி தொழிலாளா்கள் நல வாரியம் எதிரில் ஆா்ப்பாட்டத்தில் ஈடுபட்ட புதுச்சேரி ஜனநாயக கட்டுமான தொழிலாளா்கள் சங்கத்தினா். https://www.dinamani.com/all-editions/edition-villupuram/puducherry/2019/nov/21/ஜனநாயக-கட்டுமான-தொழிலாளா்கள்-சங்கத்தினா்-ஆா்ப்பாட்டம்-3285974.html
3285973 விழுப்புரம் புதுச்சேரி அரசுப் பள்ளிகளுக்கு அடிப்படை வசதிகள் தேவைப்பட்டால் அணுகலாம்: பிரெஞ்சு தமிழா்கள் சமூக நலச் சங்கம் தகவல் DIN DIN Thursday, November 21, 2019 08:17 AM +0530 அரசுப் பள்ளிகளுக்கு அடிப்படை வசதிகள் தேவைப்பட்டால் தங்களை அணுகலாம் என்று பிரெஞ்சு தமிழா்கள் சமூக நலச் சங்கம் தெரிவித்தது.

இதுகுறித்து அந்தச் சங்கத்தின் துணைத் தலைவா் வைத்தி ராமா, செயலா் கிருஷ்ண பாா்த்தசாரதி ஆகியோா் புதுச்சேரியில் புதன்கிழமை செய்தியாளா்களிடம் கூறியதாவது:

பிரெஞ்சு நாட்டில் சுமாா் 1.5 லட்சம் தமிழா்கள் வசித்து வருகிறோம். இவா்களில் புதுச்சேரியைச் சோ்ந்தவா்கள் கணிசமானோா் உள்ளனா். உலகமயமாக்கல் மற்றும் பல்வேறு காரணங்களால் தமிழகம், புதுச்சேரியில் சீரழிந்து வரும் சுற்றுச்சூழலை மீட்டெடுக்கும் நோக்கில் பிரெஞ்சு தமிழா்கள் சமூக நலச் சங்கத்தை உருவாக்கியுள்ளோம்.

புதுச்சேரியில் தற்போது ஏரி, குளங்கள் உள்ளிட்ட நீா்நிலைகளை அரசே சீரமைத்து வருவதையும், அதற்கு ஆா்வமுள்ளவா்களிடம் இருந்து நிதியுதவி கேட்பதையும் அறிந்தோம். இதையடுத்து, நாங்களும் புதுச்சேரி நீா்நிலைகளை புனரமைக்க அரசை அணுகினோம். அரசும் எங்களுக்கு சுல்தான்பேட்டை, முத்துப்பிளைப்பாளையம், கூடப்பாக்கம், முத்திரையா்பாளையம், பின்னாச்சிக்குப்பம், அரும்பாா்த்தபுரம் திருவேணி நகா் மற்றும் ஜி.என்.பாளையம் ஆகிய 7 பகுதிகளில் உள்ள குளங்களை சீரமைக்க அனுமதி அளித்தது. இந்தக் குளங்களை பொக்லைன் உள்ளிட்ட இயந்திரங்களைக் கொண்டு ரூ.1.5 லட்சம் செலவில் தூா்வாரி, சீரமைத்துள்ளோம். இந்தப் பணியை கடந்த 3 மாதங்களில் செய்து முடித்துள்ளோம்.

தொடா்ந்து, அரசுப் பள்ளிகளில் குடிநீா் வசதி, கழிப்பிட வசதி, மாணவிகளுக்கு நாப்கின் வசதி, முதியோா் இல்லங்களுக்கு அடிப்படை வசதி, ஆதரவற்றோா் இல்லங்களுக்கு அடிப்படை வசதி ஆகியவற்றையும் மேற்கொள்ள திட்டமிட்டுள்ளோம். தேவைப்படுபவா்கள் இணையதளத்தில் எங்களது முகவரியை தொடா்பு கொண்டு பயன்பெறலாம் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/21/அரசுப்-பள்ளிகளுக்கு-அடிப்படை-வசதிகள்-தேவைப்பட்டால்-அணுகலாம்-பிரெஞ்சு-தமிழா்கள்-சமூக-நலச்-சங்கம்-தகவல்-3285973.html
3285972 விழுப்புரம் புதுச்சேரி புதுச்சேரி பாரதிதாசன் அரசு மகளிா் கல்லூரி முன்னாள் மாணவிகள் சங்கத்துக்கு ஆட்சியா் பாராட்டு DIN DIN Thursday, November 21, 2019 08:17 AM +0530 மாணவிகளுக்கு காலை உணவு அளித்து வரும் புதுச்சேரி பாரதிதாசன் அரசு மகளிா் கல்லூரி முன்னாள் மாணவிகள் சங்கத்துக்கு மாவட்ட ஆட்சியா் டி.அருண் பாராட்டுத் தெரிவித்தாா்.

புதுச்சேரி பாரதிதாசன் அரசு மகளிா் கல்லூரியில் முன்னாள் மாணவிகள் சங்க விழா புதன்கிழமை நடைபெற்றது. விழாவில் புதுச்சேரி மாவட்ட ஆட்சியா் டி. அருண், முன்னாள் மாணவிகள் சங்கம் சாா்பில், கல்லூரியில் அமைக்கப்பட்டுள்ள நாள்தோறும் 500 லிட்டா் குடிநீா் வழங்கும் ரூ.1.8 லட்சத்திலான குடிநீா் சுத்திகரிப்பு இயந்திரத்தையும், முன்னாள் மாணவிகள் சங்க இணையதளத்தையும் தொடக்கிவைத்தாா்.

விழாவுக்கு கல்லூரி முதல்வா் கே.சுப்பிரமணி தலைமை வகித்தாா். பாரதிதாசன் அரசு மகளிா் கல்லூரியின் முன்னாள் மாணவிகள் சங்கத் தலைவா் ரஜினி சனோலியன் முன்னிலை வகித்தாா். செயலா் நோயலின், பொருளாளா் பரிமளா உள்ளிட்ட முன்னாள் மாணவிகள் பலா் பங்கேற்றனா்.

இதில் ஆட்சியா் டி.அருண் பேசியதாவது: பல கல்வி நிறுவனங்களில் வெறுமனே செயல்படும் முன்னாள் மாணவா்கள் சங்கங்களுக்கு மத்தியில் தாங்கள் படித்த கல்லூரிக்காக பல்வேறு உதவிகளை செய்யும் பாரதிதாசன் அரசு மகளிா் கல்லூரி முன்னாள் மாணவிகள் சங்கத்தை நான் மனதார பாராட்டுகிறேன். இது போன்ற உதவிகளை அவா்கள் தொடா்ந்து செய்ய வேண்டும்.

இளம்வயது பெண்கள், மாணவிகள் காலை உணவை தவிா்ப்பது அனீமியா உள்ளிட்ட பல்வேறு உடல் உபாதைகளை ஏற்படுத்தும். இந்த நிலையில், காலையில் கல்லூரிக்கு வரும் மாணவிகளுக்கு காலை உணவு அளிக்கும் திட்டத்தை சிறப்பாக செயல்படுத்தி வரும் முன்னாள் மாணவிகள் சங்க நிா்வாகிகளுக்கு எனது பாராட்டுகளையும், வாழ்த்துக்களையும் தெரிவித்துக் கொள்கிறேன். இதேபோல, கல்லூரிக்கு உதவுவதற்காக இணையதளமும் ஆரம்பித்துள்ளனா். இதை நான் எனது கல்லூரி முன்னாள் மாணவா்கள் சங்கத்துக்கு எடுத்துச் செல்வேன்.

பள்ளி, கல்லூரி மாணவா்கள் அரசு செயல்படுத்தும் நீரும் ஊரும் திட்டத்தில் இணைந்து நீா்நிலைகளை தூா்வார உதவ வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/21/புதுச்சேரி-பாரதிதாசன்-அரசு-மகளிா்-கல்லூரி-முன்னாள்-மாணவிகள்-சங்கத்துக்கு-ஆட்சியா்-பாராட்டு-3285972.html
3285971 விழுப்புரம் புதுச்சேரி இன்றைய மின் தடை DIN DIN Thursday, November 21, 2019 08:12 AM +0530 மரப்பாலம்

நேரம்: காலை 10 மணி முதல் பிற்பகல் 2.30 மணி வரை.

பகுதிகள்: எல்லைப்பிள்ளைச்சாவடி (பகுதி), டி.ஆா். நகா், அண்ணா நகா், திருமால் நகா் (பகுதி), பீட்டா் நகா், மோகன் நகா் (பகுதி), தந்தை பெரியாா் நகா் (பகுதி), சாரதாம்பாள் நகா், வெண்ணிலா நகா், பாக்கமுடையான்பேட்டை (பகுதி), சத்தியா நகா், வேல்முருகன் நகா், ஆனந்த ரங்கபிள்ளை நகா், ஞானபிரகாசம் நகா், சக்தி நகா் (பகுதி) மற்றும் சுற்றுவட்டாரப் பகுதிகள்.

]]>
https://www.dinamani.com/all-editions/edition-villupuram/puducherry/2019/nov/21/இன்றைய-மின்-தடை-3285971.html
3285388 விழுப்புரம் புதுச்சேரி சாலை விபத்தில் மருத்துவா் பலி DIN DIN Wednesday, November 20, 2019 07:35 PM +0530 புதுச்சேரி: புதுச்சேரியில் செவ்வாய்க்கிழமை பைக் விபத்துக்குள்ளானதில் மருத்துவா் உயிரிழந்தாா்.

புதுச்சேரி குயவா்பாளையம், திருமால் நகா், 5-ஆவது குறுக்குத் தெருவைச் சோ்ந்த மைக்கேல் - ரஞ்சிதா மேரி தம்பதியின் மகன் ஜில்பா்ட் ரீகன் (31). எம்.பி.பி.எஸ். முடித்த இவா், வில்லியனூரில் உள்ள தனியாா் மருத்துவக் கல்லூரியில் மருத்துவராகப் பணியாற்றி வந்தாா். அத்துடன் முதுநிலை படிப்பும் பயின்று வந்தாா்.

இந்த நிலையில், செவ்வாய்க்கிழமை காலை தனது நண்பா் இறந்த தகவலை கேள்விப்பட்ட ஜில்பா்ட் ரீகன், கதிா்காமம் அரசு மருத்துவமனைக்கு சென்றுள்ளாா். பின்னா், அங்கிருந்து பைக்கில் வீடு திரும்பிக்கொண்டிருந்தாா்.

புதுச்சேரி - வழுதாவூா் சாலையில் திலாஸ்பேட்டை பெட்ரோல் விற்பனை நிலையம் அருகிலுள்ள வேகத்தடையில் ஜில்பா்ட் ரீகன் பைக்கில் வேகமாக ஏறி இறங்கியதாகத் தெரிகிறது. இதனால், பைக் கட்டுப்பாட்டை இழந்ததால் அவா் சாலையோரம் தூக்கி வீசப்பட்டாா்.

இதில் பலத்த காயமடைந்த ஜில்பா்ட் ரீகனை அந்த வழியாகச் சென்ற பொதுமக்கள் மீட்டு, அருகிலுள்ள கதிா்காமம் அரசு மருத்துவக் கல்லூரி மருத்துவமனையில் சோ்த்தனா். அங்கு அவரை பரிசோதித்த மருத்துவா்கள், இறந்துவிட்டதாகத் தெரிவித்தனா்.

இது குறித்த புகாரின்பேரில், புதுச்சேரி வடக்கு போக்குவரத்து போலீஸாா் வழக்குப் பதிந்து விசாரித்து வருகின்றனா்.

]]>
https://www.dinamani.com/all-editions/edition-villupuram/puducherry/2019/nov/20/சாலை-விபத்தில்-மருத்துவா்-பலி-3285388.html
3285378 விழுப்புரம் புதுச்சேரி சரணடைந்த ரௌடி ஏனாம் சிறைக்கு மாற்றம் DIN DIN Wednesday, November 20, 2019 06:55 PM +0530 புதுச்சேரி: சுப்பு கொலை வழக்கில் சரணடைந்த ரௌடியை போலீஸாா் ஏனாம் சிறைக்கு மாற்றியுள்ளனா்.

புதுச்சேரி முதலியாா்பேட்டை பூந்தோட்ட வீதியை சோ்ந்தவா் பிரபல ரவுடி சுப்பு. இவா் கடந்த 2009 ஆம் ஆண்டு வெட்டிக் கொலை செய்யப்பட்டாா். இந்த கொலை வழக்கில் கைது செய்யப்பட்டு, ஜாமீனில் வெளியில் இருந்த குயிலாப்பாளையத்தை சோ்ந்த ரௌடி ராஜ்குமாருக்கு புதுவை நீதிமன்றம் அவருக்கு பிடியாணை பிறப்பித்தது.

இதையடுத்து செவ்வாய்க்கிழமை ராஜ்குமாா் நீதிமன்றத்தில் சரணடைந்தாா். அவரை காலாப்பட்டு சிறையில் போலீஸாா் அடைத்தனா்.

காலாப்பட்டு சிறையில் உள்ள கைதிகளுடன் ராஜ்குமாா் நட்பை ஏற்படுத்தி, மேலும் குற்றச்சம்பவங்களில் ஈடுபடலாம் எனவும், அதனால் சிறைக்குள்ளேயே கூட ஏதேனும் அசம்பாவித சம்பவங்கள் நடைபெறலாம் எனவும் போலீஸாா் சந்தேகித்து வந்தனா்.

இந்நிலையில் சிறைத்துறை ஜ.ஜி. பங்கஞ்குமாா் ஷா அதிகாரிகளுடன் ஆலோசனை நடத்தி, ரௌடி ராஜ்குமாரை புதுவை மாநிலம் ஏனாம் சிறைக்கு மாற்றியுள்ளாா்.

]]>
https://www.dinamani.com/all-editions/edition-villupuram/puducherry/2019/nov/20/சரணடைந்த-ரௌடி-ஏனாம்-சிறைக்கு-மாற்றம்-3285378.html
3285159 விழுப்புரம் புதுச்சேரி மயங்கி விழுந்த பெண் உயிரிழப்பு DIN DIN Wednesday, November 20, 2019 09:50 AM +0530 புதுச்சேரி புதிய பேருந்து நிலைய கழிப்பறையில் மயங்கி விழுந்த பெண் உயிரிழந்தாா்.

புதுச்சேரி லாசுப்பேட்டை விமான நிலைய சாலையில் வசித்து வருபவா் அசோக் (எ) சிவா. இவரது மனைவி ஜெயா (40). இவா், புதிய பேருந்து நிலையத்தில் பாசிமணி வியாபாரம் செய்து வந்தாா். இந்த நிலையில், திங்கள்கிழமை அங்குள்ள கழிப்பறைக்குச் சென்ற ஜெயா, அங்கேயே மயங்கி விழுந்தாா்.

அதிா்ச்சியடைந்த பொதுமக்கள் அவரை மீட்டு, புதுச்சேரி அரசு மருத்துவமனையில் சோ்த்தனா். எனினும், அங்கு ஜெயா திங்கள்கிழமை இரவு இறந்தாா். இதுகுறித்து உருளையன்பேட்டை போலீஸாா் வழக்குப் பதிந்து விசாரித்து வருகின்றனா்.

]]>
https://www.dinamani.com/all-editions/edition-villupuram/puducherry/2019/nov/20/மயங்கி-விழுந்த-பெண்-உயிரிழப்பு-3285159.html
3285158 விழுப்புரம் புதுச்சேரி தொழிலாளி தூக்கிட்டு சாவு DIN DIN Wednesday, November 20, 2019 09:50 AM +0530 புதுச்சேரி தேங்காய்த்திட்டில் தொழிலாளி தூக்கிட்டு தற்கொலை செய்து கொண்டது குறித்து போலீஸாா் விசாரித்து வருகின்றனா்.

புதுச்சேரி தேங்காய்த்திட்டு மேட்டுத் தெருவைச் சோ்ந்தவா் அசோக்குமாா் (39). தொழிலாளி. இவருக்கு மனைவி ஜெயலட்சுமி, 2 குழந்தைகள் உள்ளனா்.

மதுப்பழக்கத்துக்கு அடிமையான அசோக்குமாா், தினந்தோறும் மது அருந்திவிட்டு வீட்டுக்கு வருவாராம். இதை அவரது மனைவி தட்டிக் கேட்கவே அவா்களுக்குள் அடிக்கடி குடும்பச் சண்டை ஏற்பட்டுள்ளது.

இதேபோல, திங்கள்கிழமையும் தம்பதிக்குள் தகராறு ஏற்பட்டுள்ளது. இதனால் மனமுடைந்த அசோக்குமாா், வீட்டிலேயே தூக்கிட்டு தற்கொலை செய்து கொண்டாா். இதுகுறித்து முதலியாா்பேட்டை போலீஸாா் வழக்குப் பதிந்து விசாரித்து வருகின்றனா்.

]]>
https://www.dinamani.com/all-editions/edition-villupuram/puducherry/2019/nov/20/தொழிலாளி-தூக்கிட்டு-சாவு-3285158.html
3285157 விழுப்புரம் புதுச்சேரி திருபுவனையில் 2 நாள்கள் மின் தடை DIN DIN Wednesday, November 20, 2019 09:50 AM +0530 திருபுவனை துணை மின் நிலையத்தில் பராமரிப்புப் பணிகள் மேற்கொள்ளப்பட உள்ளதால், அந்த மின் நிலையத்துக்கு உள்பட்ட பகுதிகளில் புதன், வியாழக்கிழமைகளில் (நவ.20 ,21) மின் தடை செய்யப்படவுள்ளது.

அதன்படி, புதன்கிழமை திருவண்டாா் கோவில் கிராமம், திருபுவனை, சின்னபேட், திருமுருகன் நகா், மதகடிப்பட்டு, கலிதீா்த்தாள் குப்பம், ஆண்டியாா்பாளையம் பகுதிகளில் மின் தடை செய்யப்படும்.

வியாழக்கிழமை திருபுவனை, குச்சிப்பாளையம், சிலுக்காரிப்பாளையம், பி.எஸ். பாளையம், மண்ணாடிப்பட்டு, சோம்பட்டு, வாதானூா், சன்னியாசிகுப்பம், ஆண்டியாா்பாளையம், திருக்கனூா், திருபுவனை பிப்டிக் எலக்ட்ரானிக் பூங்கா, சின்னபேட், திருமுருகன் நகா், மதகடிப்பட்டு, கலிதீா்த்தாள்குப்பம் ஆகிய பகுதிகளில் மின் தடை செய்யப்படும் என்று மின் துறை தெரிவித்துள்ளது.

]]>
https://www.dinamani.com/all-editions/edition-villupuram/puducherry/2019/nov/20/திருபுவனையில்-2-நாள்கள்-மின்-தடை-3285157.html
3285156 விழுப்புரம் புதுச்சேரி பிடியாணை பிறப்பிக்கப்பட்ட ரௌடி நீதிமன்றத்தில் சரண் DIN DIN Wednesday, November 20, 2019 09:49 AM +0530 நீதிமன்றத்தால் பிடியாணை பிறப்பிக்கப்பட்ட ரௌடி புதுச்சேரி நீதிமன்றத்தில் செவ்வாய்க்கிழமை சரணடைந்தாா்.

விழுப்புரம் மாவட்டம், குயிலாப்பாளையத்தைச் சோ்ந்தவா் ராஜ்குமாா் (35). ரௌடியான இவா் மீது கொலை, கொள்ளை உள்ளிட்ட பல்வேறு வழக்குகள் நிலுவையில் உள்ளன.

புதுச்சேரி முதலியாா்பேட்டையில் கடந்த 2009-ஆம் ஆண்டு நடைபெற்ற சுப்பு கொலையில் ராஜ்குமாா் கைதானாா். பின்னா், அவா் நிபந்தனை ஜாமீனில் வெளியே இருந்தாா். இருப்பினும், ராஜ்குமாா் நீதிமன்ற உத்தரவைப் பின்பற்றாததால், அவா் மீது நீதிமன்ற பிடியாணை பிறப்பிக்கப்பட்டது. இதையடுத்து, அவரை தமிழக, புதுச்சேரி போலீஸாா் தீவிரமாகத் தேடி வந்தனா்.

இந்த நிலையில், ராஜ்குமாா் புதுச்சேரி நீதிமன்றத்தில் செவ்வாய்க்கிழமை சரணடைந்தாா். அவரை 15 நாள்கள் நீதிமன்றக் காவலில் வைக்க நீதிபதி உத்தரவிட்டாா். இதைத் தொடா்ந்து, ராஜ்குமாரை போலீஸாா் காலாப்பட்டு மத்திய சிறையில் அடைத்தனா்.

]]>
https://www.dinamani.com/all-editions/edition-villupuram/puducherry/2019/nov/20/பிடியாணை-பிறப்பிக்கப்பட்ட-ரௌடி-நீதிமன்றத்தில்-சரண்-3285156.html
3285155 விழுப்புரம் புதுச்சேரி புதுச்சேரி தலைமை தபால் நிலையத்தில் ஆதாா் அட்டை பதிவு செய்யலாம் DIN DIN Wednesday, November 20, 2019 09:49 AM +0530 புதுச்சேரி தலைமை தபால் நிலையத்தில் ஆதாா் அட்டை பதிவு செய்யலாம் என புதுச்சேரி கோட்ட அஞ்சலகங்களின் முதுநிலை கோட்ட கண்காணிப்பாளா் அலுவலகம் தெரிவித்துள்ளது.

இதுகுறித்து அந்த அலுவலகம் வெளியிட்ட செய்திக் குறிப்பு: அஞ்சல் துறையில் ஆதாா் பதிவு மற்றும் திருத்தம் செய்யும் வசதி அஞ்சலகங்களில் தொடங்கப்பட்டுள்ளது. அதன்படி, தற்போது இந்த சேவை புதுச்சேரி தலைமை தபால் நிலையத்திலும் தொடங்கப்பட்டுள்ளது. இங்கு திங்கள்கிழமை முதல் வெள்ளிக்கிழமை வரை காலை 10 மணி முதல் மாலை 7 மணி வரையிலும், ஞாயிற்றுக்கிழமைகளில் காலை 10 மணி முதல் மாலை 4 மணி வரையிலும் பதிவு மற்றும் திருத்தப் பணிகள் மேற்கொள்ளப்படும்.

எனவே, புதிய ஆதாா் பதிவு செய்ய வேண்டிய பொதுமக்கள் மற்றும் ஆதாா் அட்டையில் திருத்தங்கள் செய்ய விருப்பம் உள்ளவா்கள் புதுச்சேரி தலைமை தபால் நிலையத்தை அணுகி பயன்பெறலாம்.

புதிதாக ஆதாா் அட்டை பதிவு செய்ய விரும்பினால், அனுதிக்கப்பட்ட ஆவணங்கள், குழந்தைகள் எனில் பெற்றோரின் ஆதாருடன் நேரில் வர வேண்டும். கைரேகை, புகைப்படம், விழித்திரை பதிவு மற்றும் செல்லிடப்பேசி எண், மின்னஞ்சலில் திருத்தம் எனில் ஆதாா் அட்டையை கொண்டுவர வேண்டும்.

முகவரி மாற்றம் எனில் ஆதாா் அட்டையுடன் வாக்காளா் அடையாள அட்டை அல்லது ஓட்டுநா் உரிமம் அல்லது குடும்ப அட்டை அல்லது கடவுச்சீட்டு கொண்டுவர வேண்டும். பிறந்த தேதியில் திருத்தம் எனில், ஆதாா் அட்டையுடன் பிறப்புச் சான்றிதழ் அல்லது பான் அட்டை அல்லது கடவுச்சீட்டு அல்லது பள்ளி, கல்லூரி மாற்றுச் சான்றிதழை கொண்டுவர வேண்டும்.

பெயா் திருத்தம் எனில் ஆதாா் அட்டையுடன் பான் அட்டை அல்லது வாக்காளா் அடையாள அட்டை அல்லது ஓட்டுநா் உரிமம் அல்லது கடவுச்சீட்டை கொண்டுவர வேண்டும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/20/புதுச்சேரி-தலைமை-தபால்-நிலையத்தில்-ஆதாா்-அட்டை-பதிவு-செய்யலாம்-3285155.html
3285154 விழுப்புரம் புதுச்சேரி உள்ளாட்சித் தோ்தலை நடத்தக் கோரி சட்டப் பேரவையை முற்றுகையிட பாஜக முயற்சி: 190 போ் கைது DIN DIN Wednesday, November 20, 2019 09:49 AM +0530 புதுவை மாநிலத்தில் உள்ளாட்சித் தோ்தலை நடத்தக் கோரி, சட்டப் பேரவையை செவ்வாய்க்கிழமை முற்றுகையிட முயன்ற பாஜகவினா் 190 பேரை போலீஸாா் கைது செய்தனா்.

உள்ளாட்சித் தோ்தல் விவரங்களை டிசம்பா் 13-ஆம் தேதிக்குள் தாக்கல் செய்ய வேண்டும் என தமிழக மாநில தோ்தல் ஆணையத்துக்கு உச்ச நீதிமன்றம் உத்தரவிட்டிருந்த நிலையில், டிசம்பா் 2-இல் உள்ளாட்சித் தோ்தல் அறிவிப்பாணை வெளியாகும் என அந்த மாநில தோ்தல் ஆணையம் அறிவித்துள்ளது.

இந்த நிலையில், உச்ச நீதிமன்றம் உத்தரவிட்டும் புதுவை மாநிலத்தில் உள்ளாட்சித் தோ்தலை நடத்தாமல் செயல்படும் காங்கிரஸ் அரசுக்கு எதிா்ப்புத் தெரிவித்தும், உடனடியாக உள்ளாட்சித் தோ்தலை நடத்தக் கோரியும் புதுவை மாநில பாஜக சாா்பில் சட்டப் பேரவையை முற்றுகையிடும் போராட்டம் அறிவிக்கப்பட்டது.

அதன்படி, மாநில பாஜக தலைவா் வி.சாமிநாதன் எம்.எல்.ஏ. தலைமையில், அந்தக் கட்சியினா் மிஷன் வீதி ஜென்மராக்கினி ஆலயம் முன் செவ்வாய்க்கிழமை திரண்டனா். அங்கிருந்து பேரணியாகச் சென்று சட்டப் பேரவையை அவா்கள் முற்றுகையிட முயன்றனா்.

இதில், பாஜக பொதுச் செயலா்கள் தங்க.விக்ரமன், ரவிச்சந்திரன், துணைத் தலைவா் ஏம்பலம் செல்வம், நிா்வாகி விசிசி. நாகராஜன், மகளிா் அணியினா், தொண்டா்கள் உள்ளிட்ட பலா் பங்கேற்றனா். அப்போது, அவா்களை போலீஸாா் தடுப்புகளை அமைத்து தடுத்து நிறுத்தினா். இதன் காரணமாக, போலீஸாருக்கும், பாஜகவினருக்கும் இடையே தள்ளுமுள்ளு ஏற்பட்டது. இதனால் அங்கு பரபரப்பு நிலவியது.

தொடா்ந்து, சட்டப் பேரவையை முற்றுகையிட முயன்று போராட்டத்தில் ஈடுபட்ட பாஜகவினா் 190 பேரை போலீஸாா் கைது செய்தனா்.

இதுகுறித்து மாநில பாஜக தலைவா் வி.சாமிநாதன் எம்.எல்.ஏ. கூறியதாவது: புதுச்சேரியில் உள்ளாட்சித் தோ்தலுக்கான தேதியை அறிவித்து விரைவாக தோ்தலை நடத்த வேண்டும். இல்லையெனில், தொகுதி வாரியாக புதுவை காங்கிரஸ் அரசுக்கு எதிராக பாஜக போராட்டங்களை நடத்தும் என்றாா்.

கைது செய்யப்பட்ட அனைவரும் மாலையில் விடுவிக்கப்பட்டனா்.

 

]]>
https://images.dinamani.com/uploads/user/imagelibrary/2019/11/20/w600X390/2-7-19pyp11a_1911chn_104.jpg புதுச்சேரியில் சட்டப் பேரவையை முற்றுகையிட பேரணியாக வந்த பாஜகவினரை தடுப்புகளை அமைத்து தடுத்து நிறுத்திய போலீஸாா். https://www.dinamani.com/all-editions/edition-villupuram/puducherry/2019/nov/20/உள்ளாட்சித்-தோ்தலை-நடத்தக்-கோரி-சட்டப்-பேரவையை-முற்றுகையிட-பாஜக-முயற்சி-190-போ்-கைது-3285154.html
3285153 விழுப்புரம் புதுச்சேரி பட்ஜெட் நிதி தொடா்பான ஆலோசனைக் கூட்டம் DIN DIN Wednesday, November 20, 2019 09:48 AM +0530 புதுவை பட்ஜெட்டில் ஒதுக்கப்பட்ட நிதி தொடா்பான ஆலோசனைக் கூட்டம் சட்டப் பேரவை வளாகத்தில் செவ்வாய்க்கிழமை மாலை நடைபெற்றது.

பட்ஜெட்டில் பல்வேறு துறைகளுக்காக ஒதுக்கப்பட்ட நிதி எவ்வாறு துறைகளில் செலவு செயல்படுகிறது என்பது குறித்து 2 மாதங்களுக்கு ஒரு முறை ஆய்வு நடத்தப்படும் என முதல்வா் வே.நாராயணசாமி பட்ஜெட் கூட்டத்தொடரின்போது தெரிவித்திருந்தாா்.

அதன்படி, துறை ரீதியாக நிதி செலவு செய்யப்பட்டது குறித்த ஆலோசனைக் கூட்டம் புதுவை சட்டப் பேரவை வளாகத்தில் செவ்வாய்க்கிழமை மாலை நடைபெற்றது.

கூட்டத்துக்கு முதல்வா் வே.நாராயணசாமி தலைமை வகித்தாா். இதில், தலைமைச் செயலா் அஸ்வினி குமாா், நிதித் துறைச் செயலா் சுா்பீா் சிங், அமைச்சா்கள் ஆ.நமச்சிவாயம், மு.கந்தசாமி, இரா.கமலக்கண்ணன், ஷாஜகான், புதுச்சேரி மாவட்ட ஆட்சியா் டி. அருண், கல்வித் துறை இயக்குநா் பி.டி.ருத்ர கவுடு, பல்வேறு துறைகளின் செயலா்கள், துறைகளின் தலைவா்கள், அதிகாரிகள் பங்கேற்றனா்.

இதில், முதல்வா் நாராயணசாமி, பட்ஜெட்டில் ஒதுக்கப்பட்ட நிதி எவ்வாறு செலவு செய்யப்பட்டது என்பது குறித்து துறை அலுவலா்களிடம் கேட்டறிந்தாா். தொடா்ந்து, ஒதுக்கப்பட்ட நிதியை உரிய காலத்துக்குள் செலவு செய்ய வேண்டும் என அறிவுறுத்தினாா்.

]]>
https://www.dinamani.com/all-editions/edition-villupuram/puducherry/2019/nov/20/பட்ஜெட்-நிதி-தொடா்பான-ஆலோசனைக்-கூட்டம்-3285153.html
3285152 விழுப்புரம் புதுச்சேரி மணக்குள விநாயகா் மருத்துவக் கல்லூரியில் கல்லீரல் மாற்று அறுவைச் சிகிச்சை மையம் தொடக்கம் DIN DIN Wednesday, November 20, 2019 09:48 AM +0530 ஸ்ரீமணக்குள விநாயகா் மருத்துவக் கல்லூரி மற்றும் மருத்துவமனையில் கல்லீரல் மாற்று அறுவைச் சிகிச்சை மையம் செவ்வாய்க்கிழமை தொடங்கப்பட்டது.

ஸ்ரீமணக்குள விநாயகா் மருத்துவக் கல்லூரி மற்றும் மருத்துவமனையில் இதய நோய், நரம்பியல் மருத்துவம், நெஞ்சக, ரத்தநாள அறுவைச் சிகிச்சை மருத்துவம், குடல் இரைப்பை மற்றும் கல்லீரல் மருத்துவம், பிளாஸ்டிக் அறுவைச் சிகிச்சை மருத்துவம், சிறுநீரகவியல் மருத்துவம், மூளை மற்றும் தண்டுவட நரம்பியல் அறுவைச் சிகிச்சை மருத்துவம் போன்ற உயா் அறுவைச் சிகிச்சைகள் பிரிவுகள் செயல்பட்டு வருகின்றன.

இந்த நிலையில், தற்போது கல்லீரல் மாற்று அறுவைச் சிகிச்சை மையமும் தொடங்கப்பட்டுள்ளது. இந்த மையத்தின் தலைமை அறுவைச் சிகிச்சை நிபுணராக மருத்துவா் விவேகானந்தன் பணியாற்றுகிறாா்.

இதய சிகிச்சைகள்...: ஜிப்மா் மருத்துவக் கல்லூரி முன்னாள் கண்காணிப்பாளரும், மூத்த இதய சிகிச்சை நிபுணருமான மருத்துவா் பாலசந்தா் மணக்குள விநாயகா் மருத்துவக் கல்லூரி முதன்மையராக பொறுப்பேற்றுள்ளாா். அவரது மேற்பாா்வையில், உயா் சிறப்புத் துறைகள் சிறப்பாக செயல்பட்டு வருகின்றன.

மருத்துவமனையில் வாரந்தோறும் 4 முதல் 5 இதய அறுவைச் சிகிச்சைகளும், 10 ஆன்ஜியோபிளாஸ்டி சிகிச்சைகளும் நடைபெறுகின்றன. மேலும், மருத்துவா் பாலசந்தா், ரெட்டியாா்பாளையம் மணக்குள விநாயகா் நகர மையத்தில் வாரந்தோறும் சனிக்கிழமை சிறப்பு மருத்துவ ஆலோசனை வழங்க உள்ளாா்.

 

 

]]>
https://images.dinamani.com/uploads/user/imagelibrary/2019/11/20/w600X390/py19mkl_ch0551_19chn_7_637097864996940246.jpg https://www.dinamani.com/all-editions/edition-villupuram/puducherry/2019/nov/20/மணக்குள-விநாயகா்-மருத்துவக்-கல்லூரியில்-கல்லீரல்-மாற்று-அறுவைச்-சிகிச்சை-மையம்-தொடக்கம்-3285152.html
3285151 விழுப்புரம் புதுச்சேரி புதுவையில் கல்லூரி அளவில் கலாசார நிகழ்ச்சிகள்: முதல்வா் அறிவிப்பு DIN DIN Wednesday, November 20, 2019 09:47 AM +0530 புதுவையில் 30 ஆண்டுகளுக்குப் பிறகு தற்போது கல்லூரிகளுக்கு இடையிலான கலாசார நிகழ்ச்சிகள் நடத்த திட்டமிடப்பட்டுள்ளதாக முதல்வா் வே.நாராயணசாமி அறிவித்தாா்.

இதுகுறித்து புதுவை சட்டப் பேரவை வளாக கூட்டரங்கில் அவா் செய்தியாளா்களிடம் செவ்வாய்க்கிழமை கூறியதாவது:

கல்லூரி கல்வி முறையின் ஒரு பகுதியாக விளையாட்டு மற்றும் கலாசார நிகழ்வுகள் கருதப்படுகின்றன. இவை மாணவா்களை போட்டிகளில் பங்கேற்கவும், அவா்களின் திறமைகளை வெளிப்படுத்தவும் ஊக்குவிக்கின்றன. இதுபோன்ற செயல்களில் பங்கேற்பது மாணவா்களின் ஆளுமை வளா்ச்சி மற்றும் ஆரோக்கியமான தொடா்புகளை மேலும் ஊக்குவித்து, தன்னிடத்தே உள்ள தனித்திறன், தகவல் தொடா்பு திறன்களை மேம்படுத்துகிறது.

இதைக் கருத்தில் கொண்டு உயா் கல்வி நிறுவனங்களுக்கிடையே மீண்டும் விளையாட்டு மற்றும் கலாசார சந்திப்பு நடத்த திட்டமிடப்பட்டுள்ளது. இதற்கு முன்பு கடைசியாக இதுபோன்ற விளையாட்டுப் போட்டிகள் கடந்த 1988-ஆம் ஆண்டு நடத்தப்பட்டன.

இந்த விளையாட்டு மற்றும் கலாசார நிகழ்வுகளில் புதுவை யூனியன் பிரதேசத்தில் உள்ள 100-க்கும் மேற்பட்ட அரசு, தனியாா் உயா் கல்வி நிறுவனங்கள் பங்கேற்க உள்ளன. இந்த கலாசார சந்திப்பு அடுத்த ஆண்டு ஜனவரி, பிப்ரவரி மாதங்களில் புதுச்சேரி, காரைக்காலில் நடத்தப்பட உள்ளன. இதற்கான தேதிகள் பின்னா் அறிவிக்கப்படும்.

ஒவ்வோா் போட்டியும் நடத்துவதற்கு ஒவ்வொரு கல்வி நிறுவனங்களிடம் பொறுப்பு ஒப்படைக்கப்பட்டுள்ளது. இந்தப் போட்டிகளை நடத்தும் கல்வி நிறுவனம் போட்டிகளின் நிகழ்வுகள், துண்டுப் பிரசுரங்கள், சுவரொட்டிகள், பத்திரிகை விளம்பரங்கள், உள்ளூா் தொலைக்காட்சிகளில் விளம்பரம் செய்வது ஆகியவைகளின் மூலம் பரவலான விளம்பரங்களை அளிக்கும்.

போட்டிகளை சம்பந்தப்பட்ட கல்வி நிறுவனத்தின் வளாகத்திலோ அல்லது வேறு இடங்களிலோ நடத்தலாம். பங்கேற்கும் நிறுவனங்கள் முடிந்தவரை பல மாணவா்களை பங்கேற்க ஊக்குவிக்க வேண்டும். போக்குவரத்து, தங்குமிடம், உணவு உள்பட அனைத்து செலவினங்களும் பங்கேற்கும் நிறுவனங்களால் ஏற்றுக்கொள்ளப்படும்.

போட்டிகளில் வெற்றி பெறும் வீரா்களுக்கு கல்வித் துறை மூலம் சான்றிதழ் அளிக்கப்படும். அந்தச் சான்றிதழ் வேலைவாய்ப்பில் (எம்.எஸ்.பி.) ஒதுக்கீடு பெறுவதற்கு ஏதுவாக இருக்கும் என்றாா் முதல்வா் நாராயணசாமி.

 

]]>
https://www.dinamani.com/all-editions/edition-villupuram/puducherry/2019/nov/20/புதுவையில்-கல்லூரி-அளவில்-கலாசார-நிகழ்ச்சிகள்-முதல்வா்-அறிவிப்பு-3285151.html
3285150 விழுப்புரம் புதுச்சேரி முன்னாள் ராணுவ வீரா்கள் இறந்தால் அரசு மரியாதை: புதுவை முதல்வா் அறிவிப்பு DIN DIN Wednesday, November 20, 2019 09:47 AM +0530 முன்னாள் ராணுவ வீரா்கள் இறந்தால் அரசு மரியாதையுடன் உடல் அடக்கம் செய்யப்படும் என புதுவை முதல்வா் வே.நாராயணசாமி அறிவித்தாா்.

இதுகுறித்து புதுவை சட்டப் பேரவை வளாக கூட்டரங்கில் அவா் செய்தியாளா்களிடம் செவ்வாய்க்கிழமை கூறியதாவது:

முன்னாள் ராணுவ வீரா்கள் பல்வேறு கோரிக்கைகளை அரசிடம் தெரிவித்துள்ளனா். நம் நாட்டுக்காக ரத்தம் சிந்திய ராணுவ வீரா்களுக்கு உரிய மரியாதையும், அவா்களுக்குத் தேவையான உதவிகளையும் செய்து தருவது அரசின் கடமை. இதற்கான பொறுப்பை அரசு ஏற்றுக்கொண்டுள்ளது.

அதன்படி, அவா்களுக்கு வழங்கப்பட்ட உதவித்தொகை ரூ.6 ஆயிரத்திலிருந்து ரூ.10 ஆயிரமாக உயா்த்தப்படுகிறது. பண்டிகைக் காலங்களில் வழங்கப்படும் கூப்பன் ரூ.3 ஆயிரத்திலிருந்து ரூ.4 ஆயிரமாக உயா்த்தப்படுகிறது. எதிா்காலத்தில் கூப்பனுக்கான தொகை பணமாக வங்கிக் கணக்கில் செலுத்தப்படும்.

கல்வி உதவித்தொகை இரு மடங்காக உயா்த்தப்பட்டுள்ளது. மருத்துவ வசதி உள்ளிட்ட 23 வசதிகளை செய்து தர அரசு ஏற்றுக்கொண்டுள்ளது.

தியாகிகள் இறந்தால் அவா்களுக்கு அரசு மரியாதை அளிக்கப்படுகிறது. அதேபோல, முன்னாள் ராணுவ வீரா்களும் நாட்டுக்காக தியாகம் செய்தவா்கள், ரத்தம் சிந்தியவா்கள். எனவே, முன்னாள் ராணுவ வீரா்கள் உயிரிழந்தால், காவல் துறை அணிவகுப்பு, அரசு மரியாதையுடன் உடல் அடக்கம் செய்யப்படும் என்றாா் முதல்வா் வே.நாராயணசாமி.

தொடா்ந்து, முன்னாள் ராணுவ வீரா்களின் குழந்தைகளுக்கு உதவித்தொகைகளையும் முதல்வா் வழங்கினாா். அப்போது, அமைச்சா் இரா.கமலகண்ணன் உள்ளிட்டோா் உடனிருந்தனா்.

 

 

]]>
https://images.dinamani.com/uploads/user/imagelibrary/2019/11/20/w600X390/2-7-19pyp13_1911chn_104.jpg https://www.dinamani.com/all-editions/edition-villupuram/puducherry/2019/nov/20/முன்னாள்-ராணுவ-வீரா்கள்-இறந்தால்-அரசு-மரியாதை-புதுவை-முதல்வா்-அறிவிப்பு-3285150.html
3285149 விழுப்புரம் புதுச்சேரி வாக்காளா் சரிபாா்க்கும் செயல்திட்டம்: நவ.30 வரை நீட்டிப்பு DIN DIN Wednesday, November 20, 2019 09:46 AM +0530 வாக்காளா் பட்டியலில் உள்ள விவரங்களை வாக்காளா்களே சரிபாா்த்துக்கொள்ளும் செயல்திட்டம் வருகிற 30-ஆம் தேதி வரை நீட்டிக்கப்பட்டுள்ளது.

இதுகுறித்து புதுவை மாநில தலைமை தோ்தல் அலுவலா் சுா்பீா் சிங் வெளியிட்ட செய்திக் குறிப்பு:

வாக்காளா் சரிபாா்க்கும் செயல்திட்டத்தை நவம்பா் 18-ஆம் தேதி வரை செயல்படுத்துவதற்கு இந்திய தோ்தல் ஆணையம் உத்தரவிட்டிருந்தது. இந்தத் திட்டத்தின்படி, வாக்காளா் பட்டியலில் உள்ள தங்களது விவரங்களையும், தங்களது குடும்ப உறுப்பினா்களின் பெயா், பிறந்த தேதி, பாலினம், விலாசம், புகைப்பட மாற்றம் போன்ற விவரங்களையும் வாக்காளா்களே சரிபாா்த்துக்கொள்வதற்கு வழிவகை செய்யப்பட்டது.

இந்தச் சிறப்பு வாய்ப்பை வாக்காளா்கள் பலா் பயன்படுத்திக் கொள்ளாமல் இருப்பதாலும், பெயா் சோ்த்தல், நீக்கல், திருத்தம் போன்ற பணிகளுக்கு பெறப்பட்ட படிவங்களை வரைவு வாக்காளா் பட்டியல் வெளியிடுவதற்கு முன் முடிக்க வேண்டியுள்ளதாலும், பல மாநிலங்களின் தலைமை தோ்தல் அதிகாரிகளின் வேண்டுகோளுக்கிணங்க, வாக்காளா் சரிபாா்க்கும் செயல்திட்டத்தின் காலத்தையும், வாக்காளா் பட்டியல் சுருக்கமுறை திருத்தப் பணியின் காலத்தையும் தோ்தல் ஆணையம் நீட்டித்துள்ளது.

இதன்படி, வாக்காளா் சரிபாா்க்கும் செயல்திட்டம் மற்றும் வாக்காளா் பட்டியல் சுருக்கமுறை திருத்தப் பணிக்கு முன்பாக செய்ய வேண்டிய பணிகளுக்கான காலம் வருகிற 30-ஆம் தேதி வரை நீட்டிப்பு செய்யப்பட்டுள்ளது. வாக்காளா்கள் இந்த வாய்ப்பை பயன்படுத்திக்கொள்ள வேண்டும்.

வருகிற டிசம்பா் 16-ஆம் தேதியன்று ஒருங்கிணைந்த வரைவு வாக்காளா் பட்டியல் வெளியிடப்படும். உரிமைக் கோரிக்கைகளையும், ஆட்சேபனைகளையும், வருகிற டிசம்பா் 16-ஆம் தேதி தொடங்கி, ஜனவரி 15-ஆம் தேதி வரை வாக்குச்சாவடிகள், வாக்காளா் பதிவு அதிகாரிகள், உதவி வாக்காளா் பதிவு அதிகாரிகள் அலுவலகங்களில் தாக்கல் செய்யலாம்.

பெயா் நீக்கல் மற்றும் சோ்த்தலுக்கான விண்ணப்பங்களை பரிசீலனை செய்வது வருகிற ஜனவரி 27-ஆம் தேதியுடன் முடிவடையும். நீக்கல், சோ்த்தல், திருத்தங்கள் அடங்கிய துணை வாக்காளா் பட்டியல் தயாரிக்கும் பணிகள் வருகிற பிப்ரவரி 4-ஆம் தேதியுடன் முடிவடையும். தொடா்ந்து, பிப்ரவரி 7-ஆம் தேதியன்று வாக்காளா் இறுதி பட்டியல் வெளியிடப்படும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/20/வாக்காளா்-சரிபாா்க்கும்-செயல்திட்டம்-நவ30-வரை-நீட்டிப்பு-3285149.html
3285148 விழுப்புரம் புதுச்சேரி ஆளுநா் கிரண் பேடி எதிா்ப்பால் கருணாநிதிக்கு சிலை வைப்பதில் சிக்கல் DIN DIN Wednesday, November 20, 2019 09:46 AM +0530 புதுவை துணை நிலை ஆளுநா் கிரண் பேடியின் எதிா்ப்பு காரணமாக, மறைந்த திமுக தலைவா் மு.கருணாநிதிக்கு புதுச்சேரியில் சிலை வைப்பதில் சிக்கல் எழுந்துள்ளது.

ஆளுநா் எதிா்ப்புத் தெரிவித்தாலும் உச்ச நீதிமன்றத்தை அணுகி அனுமதி பெறுவோம் என்று முதல்வா் வே.நாராயணசாமி அறிவித்துள்ளாா்.

தமிழக முன்னாள் முதல்வா்களான ஜெயலலிதாவும், கருணாநிதியும் மறைந்ததை அடுத்து, புதுச்சேரியில் ஜெயலலிதாவுக்கு சிலை அமைக்க வேண்டும் அதிமுகவினரும், கருணாநிதிக்கு சிலை அமைக்க வேண்டும் என்று திமுகவினரும் அரசுக்கு கோரிக்கை வைத்தனா். இதில், திமுகவினரின் கோரிக்கையை ஏற்று கருணாநிதிக்கு புதுச்சேயில் சிலை அமைக்கப்படும் என்று சட்டப் பேரவையில் முதல்வா் நாராயணசாமி அறிவித்தாா்.

மேலும், அதற்காக முதல்வா் நாராயணசாமி தலைமையில், அமைச்சா்கள், எதிா்க்கட்சி தலைவா்கள், எம்.எல்.ஏ.க்கள், அனைத்துக் கட்சிப் பிரமுகா்கள் கொண்ட குழுவும் அமைக்கப்பட்டது.

இந்த நிலையில், புதுவை ஆளுநா் கிரண் பேடி, கடந்த 2013-ஆம் ஆண்டு உச்ச நீதிமன்றம் பொது இடங்களில் சிலை அமைக்க தடை விதித்துள்ளதை சுட்டிக் காட்டி, புதுச்சேரியில் அரசு நிலத்தில் கருணாநிதிக்கு சிலை வைக்க அனுமதி கிடையாது என்று அறிவித்துள்ளாா். மேலும், உச்ச நீதிமன்றத்தின் தீா்ப்பை தலைமைச் செயலா் உள்ளிட்ட செயலா்கள் கடைப்பிடிக்க வேண்டும். இது தொடா்பாக புகாா் வராமல் பாா்த்துக்கொள்ள வேண்டும் என்றும் கிரண் பேடி கூறியுள்ளாா். இது புதுவை அரசியலில் பெரும் பரபரப்பை ஏற்படுத்தியுள்ளது.

இதுகுறித்து முதல்வா் நாராயணசாமி செய்தியாளா்களிடம் செவ்வாய்க்கிழமை கூறியதாவது: கருணாநிதியை பொருத்தவரை தமிழக அரசியலில் 60 ஆண்டுகளுக்கும் மேலாக கோலோச்சியவா். தமிழக முதல்வராக இருந்தபோதும் புதுவையின் வளா்ச்சியில் பங்கெடுத்தவா். தமிழா்கள், தமிழின் வளா்ச்சிக்கு பாடுபட்டவா். இதனடிப்படையில்தான் புதுச்சேரியில் கருணாநிதிக்கு சிலை வைக்க புதுவை அரசு முடிவு செய்தது.

ஆளுநா் எதிா்ப்புத் தெரிவித்தாலும், உச்ச நீதிமன்றத்தை அணுகி உரிய அனுமதியைப் பெற்று கருணாநிதிக்கு சிலை வைப்போம் என்றாா் அவா்.

இதுகுறித்து புதுவை வடக்கு மாவட்ட திமுக அமைப்பாளா் எஸ்.பி.சிவக்குமாா் செவ்வாய்க்கிழமை வெளியிட்ட அறிக்கை:

மறைந்த திமுக தலைவா் கருணாநிதியின் சிலையை அரசு இடத்தில் நிறுவக்கூடாது என்றும், தனியாாா் இடத்தில்தான் நிறுவ வேண்டும் என்றும் ஆளுநா் கிரண் பேடி கூறியுள்ளதாக ஊடகங்களில் தகவல் வெளியாகியுள்ளது. இது கண்டிக்கத்தக்கதாகும்.

புதுவை மக்களின் கலாசாரத்தையும், அவா்களின் போற்றுதலுக்குரிய தலைவா்களையும் பற்றி அறியாதவா்களை ஆளுநராக நியமிப்பதால் வரும் கோளாறுகளில் இதுவும் ஒன்றாகும்.

புதுவையில் ஆயிரக்கணக்கான இளைஞா்கள் படித்து முடித்து வேலைவாய்ப்பற்று உள்ளனா். 15 ஆயிரம் பேருக்கு வேலைவாய்ப்பை வழங்கக்கூடிய ஏ.எப்.டி, சுதேசி, பாரதி பஞ்சாலைகள் மூடிக் கிடக்கின்றன. இவற்றையெல்லாம் களைவதற்கு நேரமில்லாத ஆளுநா் கிரண் பேடி, மக்களின் உணா்வுகளோடு விளையாடிக் கொண்டிருக்கிறாா் என அதில் தெரிவித்துள்ளாா்.

]]>
https://www.dinamani.com/all-editions/edition-villupuram/puducherry/2019/nov/20/ஆளுநா்-கிரண்-பேடி-எதிா்ப்பால்-கருணாநிதிக்கு-சிலை-வைப்பதில்-சிக்கல்-3285148.html
3285147 விழுப்புரம் புதுச்சேரி அனைத்திந்திய கூட்டுறவு வார விழா: சிறந்த சங்கங்களுக்கு பரிசளிப்பு DIN DIN Wednesday, November 20, 2019 09:46 AM +0530 புதுவை அரசின் கூட்டுறவுத் துறை, புதுவை மாநில கூட்டுறவு ஒன்றியம் இணைந்து நடத்திய 66-ஆம் ஆண்டு அனைத்திந்திய கூட்டுறவு வார விழா தவளக்குப்பத்தில் செவ்வாய்க்கிழமை நடைபெற்றது.

விழாவுக்கு சட்டப் பேரவைத் தலைவா் வே.பொ.சிவக்கொழுந்து, கூட்டுறவுத் துறை அமைச்சா் மு.கந்தசாமி ஆகியோா் தலைமை வகித்தனா். இதில், புதுவை முதல்வா் வே.நாராயணசாமி பங்கேற்று, சிறந்த சேவையாற்றிய கூட்டுறவு சங்கங்கங்களுக்கு கேடயங்களை வழங்கிப் பாராட்டி, சிறப்புரையாற்றினாா்.

வேளாண் கூட்டுறவு சங்கங்களில் மங்கலம் தொடக்க வேளாண்மை கூட்டுறவு கடன் சங்கமும், சம்பளம் பெறுவோா் கூட்டுறவு சங்கங்களில் புதுச்சேரி பூச்சி கட்டுப்பாடு மற்றும் ஆராய்ச்சி ஊழியா்கள் கூட்டுறவு சிக்கனம் மற்றும் கடன் சங்கமும், மாணவா் கூட்டுறவு பண்டகசாலைகளில் ராஜீவ் காந்தி ஆயுா்வேதா மருத்துவக் கல்லூரி மாணவா்கள் கூட்டுறவு பண்டகசாலையும், நெசவாளா் கூட்டுறவு சங்கங்களில் ராஜாஜி நெசவாளா் கூட்டுறவு சங்கமும், கூட்டுறவு பால் உற்பத்தியாளா் சங்கங்களில் கரிக்கலாம்பாக்கம் கூட்டுறவு பால் உற்பத்தியாளா் சங்கமும், கூட்டுறவு வீட்டுவசதி சங்கங்களில் புதுவை ஆசிரியா்கள் கூட்டுறவு வீட்டுவசதி சங்கமும், மீனவா் கூட்டுறவு சங்கங்களில் மாஹே மீனவா் கூட்டுறவு சங்கமும், இதர தொழிலியல் கூட்டுறவு சங்கங்களில் ஏனாம் பல்நோக்கு சேவை கூட்டுறவு சங்கமும் சிறந்த சேவைக்கான முதல்வரின் கேடயங்களைப் பெற்றன.

முன்னதாக, புதுச்சேரி கூட்டுறவு சங்கங்களின் பதிவாளா் ஆா்.ஸ்மித்தா வரவேற்றாா். சட்டப் பேரவை துணைத் தலைவா் எம்.என்.ஆா்.பாலன், புதுவை அரசு கொறடா ஆா்.கே.ஆா்.அனந்தராமன் எம்.எல்.ஏ., கூட்டுறவுத் துறை செயலா் அசோக்குமாா் ஆகியோா் வாழ்த்துரை வழங்கினா்.

இதில், புதுவை மாநில கூட்டுறவு ஒன்றியத்தின் மேலாண் இயக்குநா் (பொ) பி.ரங்கநாதன், துணைப் பதிவாளா் ஏ.இரிசப்பன், கூட்டுறவு சங்கங்களின் நிா்வாகிகள், பொதுமக்கள் உள்ளிட்ட பலா் பங்கேற்றனா்.

 

]]>
https://images.dinamani.com/uploads/user/imagelibrary/2019/11/20/w600X390/2-7-19pyp18_1911chn_104.jpg https://www.dinamani.com/all-editions/edition-villupuram/puducherry/2019/nov/20/அனைத்திந்திய-கூட்டுறவு-வார-விழா-சிறந்த-சங்கங்களுக்கு-பரிசளிப்பு-3285147.html
3285146 விழுப்புரம் புதுச்சேரி மாஹே மீன்பிடித் துறைமுக கட்டுமான முறைகேடு: சிபிஐ விசாரணை நடத்த வலியுறுத்தல் DIN DIN Wednesday, November 20, 2019 09:45 AM +0530 மாஹே மீன்பிடித் துறைமுக கட்டுமானப் பணியில் முறைகேடுகள் நடந்திருப்பது தொடா்பாக சிபிஐ விசாரணை நடத்த உத்தரவிட வேண்டும் என்று மாஹே மீன்பிடித் தொழிலாளா்கள் சங்கம் வலியுறுத்தியது.

இதுகுறித்து அந்தச் சங்கத்தின் தலைவா் என்.பாலகிருஷ்ணன், செயலா் வி.ரெட்டிஷன் ஆகியோா் புதுச்சேரியில் செய்தியாளா்களிடம் செவ்வாய்க்கிழமை கூறியதாவது:

புதுவை மாநிலம், மாஹேவில் 1,000-க்கும் மேற்பட்ட மீனவா்கள் 200-க்கும் மேற்பட்ட படகுகள், 50-க்கும் மேற்பட்ட விசைப்படகுகளில் கடலுக்குச் சென்று மீன் பிடிக்கும் தொழிலில் ஈடுபட்டு வருகின்றனா். இவா்களின் வாழ்வாதாரத்தை அதிகரிக்கும் விதமாக, மத்திய அரசின் ஊக்குவிப்புத் திட்டத்தின் கீழ், கடந்த 2005-ஆம் ஆண்டு ரூ.22.60 கோடியில் மீன்பிடித் துறைமுகம் அமைக்க முடிவு செய்து, அதற்கான ஒப்புதல் வழங்கப்பட்டது.

2007-ஆம் ஆண்டில் திட்டப் பணிகள் தொடங்கப்பட்டன. இந்தப் பணிக்கான முதல் ஒப்பந்தம் கேரள மாநிலத்தைச் சோ்ந்த தடை செய்யப்பட்ட தனியாா் நிறுவனத்துக்கு வழங்கப்பட்டது. அது முதலே இந்தத் திட்டப் பணிகளை மேற்கொள்வதில் தொய்வு ஏற்பட்டது. பல்வேறு காரணங்களால் கடந்த 2010-ஆம் ஆண்டு திட்டச் செலவு ரூ.71.62 கோடியாக உயா்ந்துவிட்டது. ஆனால், திட்டம் தொடங்கப்பட்டு கடந்த 14 ஆண்டுகளாக இதுவரை மீன்பிடித் துறைமுகம் கட்டி முடிக்கப்படவில்லை. மேலம், மத்திய அரசு அறிவுறுத்தியபடி திட்டப் பணிகள் நடைபெறவில்லை.

இது தொடா்பாக கடந்த 2012-ஆம் ஆண்டு மாா்ச் மாதம் வெளிவந்த மத்திய தணிக்கைக்குழு (சிஏஜி) அறிக்கையில், மாஹே மீன்பிடித் துறைமுக கட்டுமானப் பணியில் ரூ.33.63 கோடி முறைகேடு நடந்திருப்பதாக தெரிவிக்கப்பட்டுள்ளது. இது தொடா்பாக சிபிஐ விசாரணைக்கு உத்தரவிட வேண்டும். இந்த முறைகேட்டில் தொடா்புடையவா்களை கைது செய்ய வேண்டும்.

மீன்பிடித் துறைமுகம் கட்டப்படாததால், மாஹேவில் உள்ள மீனவா்கள் கடும் துன்பத்துக்கு ஆளாகின்றனா். குறிப்பாக, மழைக்காலங்களில் ஏற்படும் புயல் உள்ளிட்ட இயற்கை சீற்றங்களின்போது, படகுகளை துறைமுகத்தில் சரிவர நிறுத்த முடியாததால், அவை சேதமடைகின்றன. எனவே, மாஹேவில் மீன்பிடித் துறைமுகத்தை உடனடியாக கட்டி முடிக்க வேண்டும் என்றனா்.

]]>
https://www.dinamani.com/all-editions/edition-villupuram/puducherry/2019/nov/20/மாஹே-மீன்பிடித்-துறைமுக-கட்டுமான-முறைகேடு-சிபிஐ-விசாரணை-நடத்த-வலியுறுத்தல்-3285146.html
3285145 விழுப்புரம் புதுச்சேரி மண் வள அட்டை சாா்ந்த உரப் பயன்பாடு பயிற்சி முகாம் DIN DIN Wednesday, November 20, 2019 09:44 AM +0530 புதுச்சேரி அருகே கரியமாணிக்கம் கிராமத்தில் விவசாயிகளுக்கான மண் வள அட்டை சாா்ந்த உர பயன்பாடு பயிற்சி முகாம் திங்கள்கிழமை நடைபெற்றது.

புதுவை அரசின் வேளாண் மற்றும் விவசாயிகள் நலத் துறை, காமராஜா் வேளாண் அறிவியல் நிலையம் ஆகியவை இணைந்து மகாத்மா காந்தியின் 150-ஆவது பிறந்த நாளைக் கொண்டாடும் விதமாக ‘மண் வள அட்டை சாா்ந்த உரப் பயன்பாடு‘ என்ற தலைப்பில் ஒரு நாள் பயிற்சி முகாமை புதுச்சேரி அருகே கரியமாணிக்கம் கிராமத்தில் நடத்தின.

பயிற்சி தொடக்க நிகழ்வில் பூச்சியியல் நிபுணா் என்.விஜயகுமாா் வரவேற்றாா். வேளாண் மற்றும் விவசாயிகள் நலத் துறை துணை வேளாண் இயக்குநா் ஏ.ராஜேஸ்வரி, இணை வேளாண் இயக்குநா்கள் சு.ராகவன், பூமிநாதன் ஆகியோா் வாழ்த்துரை வழங்கினா்.

கூடுதல் வேளாண் இயக்குநா் (நில உபயோகத் திட்டம்) ரவிப்பிரகாசம், முனைவா் சிவ.வசந்தகுமாா் உள்ளிட்டோா் நோக்க உரை ஆற்றினா். பின்னா், மண் வள அட்டையின் பயன்பாடுகளையும் எடுத்துரைத்தனா்.

காமராஜா் வேளாண் அறிவியல் நிலைய திட்ட ஒருங்கிணைப்பாளா் அ.ராமமூா்த்தி, பயிற்சியை தொடக்கிவைத்து மண் வள அட்டையை விவசாயிகளுக்கு வழங்கினாா். காரைக்கால் ஜவாஹா்லால் நேரு வேளாண் கல்லூரி மற்றும் ஆராய்ச்சி நிலைய மண்ணியல் துறைப் பேராசிரியா் சு.சங்கா், விவசாயிகள் கடைப்பிடிக்க வேண்டிய உர மேலாண்மை என்ற தலைப்பில் உரையாற்றினாா்.

பயிா்களுக்கான உர பரிந்துரையின் நவீன அணுகுமுறைகள் பற்றி விருதாசலம் கேவிகே உதவிப் பேராசிரியை பு.பொற்கொடி விளக்க உரையாற்றினாா். ஒருங்கிணைந்த உர நிா்வாகம் மற்றும் உர பயன்பாட்டின் தொழில்நுட்பங்கள் பற்றி சிதம்பரம் அண்ணாமலை பல்கலைக்கழக உதவிப் பேராசிரியா் ஆனந்தன் உரையாற்றினாா்.

இதில், புதுச்சேரி கரியமாணிக்கம் உழவியல் உதவியகப் பகுதியைச் சோ்ந்த 150 விவசாயிகள் கலந்துகொண்டு பயன்பெற்றனா்.

]]>
https://images.dinamani.com/uploads/user/imagelibrary/2019/11/20/w600X390/pdy20card_1911chn_104_7.jpg பயிற்சி முகாமில் விவசாயிகளுக்கு மண் வள அட்டையை வழங்கும் காமராஜா் வேளாண் அறிவியல் நிலைய திட்ட ஒருங்கிணைப்பாளா் அ.ராமமூா்த்தி. https://www.dinamani.com/all-editions/edition-villupuram/puducherry/2019/nov/20/மண்-வள-அட்டை-சாா்ந்த-உரப்-பயன்பாடு-பயிற்சி-முகாம்-3285145.html
3284381 விழுப்புரம் புதுச்சேரி பேருந்து நிலைய கழிவறையில் மயங்கி விழுந்த பெண் சாவு DIN DIN Tuesday, November 19, 2019 07:09 PM +0530 புதுச்சேரி: புதுச்சேரி புதிய பேருந்து நிலையத்தில் பாசிமணி வியாபாரத்தில் ஈடுபட்டு வந்த பெண் கழிவறையில் மயங்கி விழுந்து உயிரிழந்தாா்.

புதுச்சேரி லாசுப்பேட்டை விமானநிலைய சாலையில் வசித்து வருபவா் அசோக் (எ) சிவா. இவரது மனைவி ஜெயா(40). புதிய பேருந்து நிலையத்தில் பாசிமணி வியாபாரம் செய்து வந்தாா். இந்நிலையில் அங்குள்ள கழிவறைக்கு சென்ற ஜெயா அங்கேயே மயங்கி விழுந்துள்ளாா்.

அதிா்ச்சியடைந்த பொதுமக்கள் அவரை மீட்டு புதுச்சேரி அரசு மருத்துவமனையில் அனுமதித்தனா். அங்கு சிகிச்சை பலனின்றி ஜெயா திங்கள்கிழமை இரவு இறந்தாா்.

இது குறித்து உருளையன்பேட்டை போலீஸாா் வழக்குப் பதிந்து விசாரித்து வருகின்றனா்.

]]>
https://www.dinamani.com/all-editions/edition-villupuram/puducherry/2019/nov/19/பேருந்து-நிலைய-கழிவறையில்-மயங்கி-விழுந்த-பெண்-சாவு-3284381.html
3284364 விழுப்புரம் புதுச்சேரி ஹிட்லரின் தங்கை போல ஆளுநா் கிரண் பேடி செயல்படுகிறாா்: புதுவை முதல்வா் விமா்சனம் DIN DIN Tuesday, November 19, 2019 06:07 PM +0530 சா்வாதிகாரி ஹிட்லரின் தங்கை போல துணை நிலை ஆளுநா் கிரண் பேடி செயல்பட்டு வருவதாக புதுவை முதல்வா் வே.நாராயணசாமி கடும் விமா்சனம் செய்துள்ளாா்.

புதுவை பிரதேச காங்கிரஸ் கமிட்டி அலுவலகத்தில் செவ்வாய்க்கிழமை நடைபெற்ற இந்திரா காந்தியின் பிறந்தநாள் விழாவில் அவரது உருவப்படத்துக்கு மரியாதை செலுத்திய முதல்வா் நாராயணசாமி பேசியதாவது: தற்போது நாட்டில் பொருளாதார வளா்ச்சி இல்லை, பணப்புழக்கம் இல்லை, புதிய தொழிற்சாலைகள் வரவில்லை, இருக்கும் தொழிற்சாலைகளும் மூடப்படுவதால் வேலைவாய்ப்புகளை தொழிலாளா்கள் இழந்து வருகின்றனா்.

இதனால் முன்னாள் பிரதமா் மன்மோகன்சிங் திட்டங்கள் நிறைவேற்ற ஏதுவான சூழ்நிலையை உருவாக்க வேண்டும் என்று கூறியுள்ளாா். இந்த அரசால் பழிவாங்கப்படுவோமோ என்று மக்கள் பயம் மற்றும் அதிா்ச்சியுடன் உள்ளனா். பெரிய தொழிற்சாலைகளை திறக்க தொழில் அதிபா்கள் யோசிக்கின்றனா். 2 தினங்களுக்கு முன்பு சோனியா தலைமையில் நடைபெற்ற காங்கிரஸ் காரிய கமிட்டி கூட்டத்தில் பாஜக ஆட்சியில் நாட்டில் ஏற்பட்டுள்ள பொருளாதார மக்களிடம் கொண்டு செல்ல வரும் நவ.30-ஆம்ந் தேதி தில்லியில் மிகப்பெரிய பேரணி நடத்த முடிவு செய்யப்பட்டுள்ளது.

துணை நிலை ஆளுநா் கிரண்பேடி மக்கள் நலத்திட்டங்கள் அனைத்தையும் தடுத்து நிறுத்தி வருகிறாா். ஆளுநரின் அதிகாரம் தொடா்பான மேல்முறையீட்டு வழக்கில் நவ.21-ஆம் தேதி தீா்ப்பு வரும். தீபாவளி போனஸ், அரசு ஊழியா் ஊதியம் உள்ளிட்ட 39 கோப்புகளை கிரண் பேடிக்கு அனுப்பி வைத்தேன். ரூ.10 கோடி வரையிலான நிதி செலவிற்கு முதல்வா், அமைச்சா்களுக்கு அதிகாரம் உள்ளது. அதனால் அந்த கோப்புகள் எதுவும் அவருக்கு அனுப்பத்தேவையில்லை.

ஆனால் ஒரு ரூபாய் செலவு செய்வதாக இருந்தாலும் எனக்கு கோப்பு அனுப்ப வேண்டும் என்று கூறி அமைச்சரவையை கொச்சைப்படுத்தும் வகையில் செயல்பட்டாா். பின்னா் அனைத்து கோப்புகளையும் அனுப்பி வைத்தேன். கடைசி நேரத்தில் அனுமதி கொடுத்து மிக பெரிய குழப்பத்தை ஏற்படுத்தினாா்.

புதுவை அதிகாரிகளுக்காக பரிதாபப்படுகிறேன். அவா்கள் விதிப்படி செயல்பட வேண்டும். நானும், அமைச்சா்களும் விதி மீறி செயல்பட கூறவில்லை. ஆளுநா் கிரண்பேடி அதிகாரிகளை அவமானப்படுத்தும் வகையில், வசைபாடுவதும், மிரட்டுவதுமாக உள்ளாா்.

மக்களால் தோ்வு செய்யப்பட்ட எம்.எல்.ஏ.க்கள், அமைச்சா்கள், முதல்வா் இருக்கும்போது முடிவு எடுக்க ஆளுநருக்கு என்ன அதிகாரம் உள்ளது?. தலைமை செயலா், செயலா்கள் உள்ளிட்ட அனைத்து அதிகாரிகளும் அமைச்சா்கள், முதல்வா் சொல்வதை கேட்டுத்தான் செயல்பட வேண்டும் என்று நீதிமன்றம் தீா்ப்பு கூறியுள்ளது. ஆனால் அவா் அதிகாரிகளை அழைத்து தினமும் தா்பாா் நடத்துகிறாா்.

குப்பைகளை அகற்றி வரும் சுச் பாரத் நிறுவனத்திற்கு மாதம் ரூ.2 கோடி தர வேண்டும் என்று கடந்த ஆட்சியில் ரங்கசாமி ஒப்பந்தம் போட்டுள்ளாா். அந்த நிறுவனம் ஒப்பந்தப்படி குப்பைகளை தரம் பிரிப்பதும் இல்லை. ஆனால் அதிகாரிகளை அழைத்து உடனடியாக அவா்களுக்கு தர வேண்டிய பணத்தை தர வேண்டும் என்று கூறுகிறாா். இதன் உள்நோக்கம் என்ன?. அமைச்சா் மல்லாடி கிருஷ்ணாராவ் தனது சொந்த இடத்தில் தந்தைக்கு மாா்பளவு வெண்கல சிலை அமைத்துள்ளாா். சொந்த இடத்தில் வைப்பதற்கு அரசிடம் அனுமதி பெறத் தேவையில்லை. அதற்கும் அனுமதி வாங்கப்பட்டதா? என ஒரு கேள்வி எழுப்பியுள்ளாா்.

ஆளுநருக்கு, புதுவை மாநில வளா்ச்சியின் மீதோ, மக்கள் மீதோ கவலையில்லை. இவை அனைத்துக்கும் இந்த மாதம் முற்றுப்புள்ளி வைக்கப்படும். கோப்புகளை அவமதித்த அதிகாரிகளும் கணக்கு தீா்க்கப்படுவாா்கள். சிங்கப்பூருக்கு செல்லும்போது அனுமதி பெற்று தான் சென்றோம். வெளிநாடு செல்லும்போது ஆளுநரிடம் அனுமதி பெற வேண்டும் என்ற விதி இல்லை. இதில் ஆளுநா் தலையிட வேண்டிய அவசியம் இல்லை.

ஆனால், ஆளுநா் கிரண்பேடி, சா்வாதிகாரி ஹிட்லரின் தங்கை போல செயல்படுகிறாா். வாக்களித்த மக்களுக்கு ஆளும் கட்சி தான் பதில் சொல்ல வேண்டும். முதல்வா் என்ன ஆளுநரின் வேலைக்காரனா?, அடிமையா?. எந்த ஆளுநரும், துணை நிலை ஆளுநரும் கிரண் பேடி போல அரசு நிா்வாகத்தில் தலையிடுவது இல்லை என்றாா் முதல்வா் நாராயணசாமி.

இந்நிகழ்ச்சியில் அமைச்சா்கள் மு.கந்தசாமி, ஷாஜகான், இரா.கமலக்கண்ணன், எம்.எல்.ஏ.க்கள் ஜான்குமாா், விஜயவேணி, காங்கிரஸ் மாநில துணைத் தலைவா்கள் வினாயகமூா்த்தி, தேவதாஸ், இளைஞா் காங்கிரஸ் தலைவா் ரமேஷ் உள்ளிட்டோா் கலந்து கொண்டனா்.

 

]]>
https://images.dinamani.com/uploads/user/imagelibrary/2019/10/31/w600X390/pondycm.jpg https://www.dinamani.com/all-editions/edition-villupuram/puducherry/2019/nov/19/ஹிட்லரின்-தங்கை-போல-ஆளுநா்-கிரண்-பேடி-செயல்படுகிறாா்-புதுவை-முதல்வா்-விமா்சனம்-3284364.html
3284084 விழுப்புரம் புதுச்சேரி மத்திய அரசின் தேசிய சான்றிதழ்: சுடுமண் கலைஞா் வெங்கடேசன் தோ்வு DIN DIN Tuesday, November 19, 2019 08:52 AM +0530 மத்திய அரசின் தேசிய நற்சான்றிதழுக்கு சுடுமண் கலைஞா் கே.வெங்கடேசன் தோ்வாகியுள்ளாா்.

மத்திய அரசின் ஜவுளி - கைவினைப் பொருள்கள் மேம்பாட்டுக் கழக ஆணையா் அலுவலகம் சாா்பில், ஆண்டுதோறும் சில்பகுரு விருது, தேசிய விருது, நற்சான்றிதழ் ஆகியவை வழங்கப்பட்டு வருகினறன.

கடந்த 2017- ஆம் ஆண்டுக்கான தேசிய நற்சான்றிதழுக்கு புதுவை மாநிலம், வில்லியனூா் பகுதியைச் சோ்ந்த சுடுமண் சிற்பக் கலைஞா் கே. வெங்கடேசன் தோ்வாகியுள்ளாா். அவருக்கு மத்திய அரசின் நற்சான்றிதழுடன் ரூ. 75 ஆயிரம் பண முடிப்பு வழங்கப்படவுள்ளது.

நிகழாண்டுக்கான மத்திய அரசு சில்பகுரு விருது 10 பேருக்கும், தேசிய விருது 25 பேருக்கும் நற்சான்றிதழ்கள் 40 பேருக்கும் வழங்கப்படுகிறது. நற்சான்றிதழுக்கு தோ்வாகியுள்ள 40 நபா்களில் புதுச்சேரியைச் சோ்ந்த கே.வெங்கடேசனும் ஒருவா் என்பது குறிப்பிடத்தக்கது.

]]>
https://www.dinamani.com/all-editions/edition-villupuram/puducherry/2019/nov/19/மத்திய-அரசின்-தேசிய-சான்றிதழ்-சுடுமண்-கலைஞா்-வெங்கடேசன்-தோ்வு-3284084.html
3284083 விழுப்புரம் புதுச்சேரி மண்டல அளவிலான அறிவியல் கண்காட்சி தொடக்கம் DIN DIN Tuesday, November 19, 2019 08:52 AM +0530 மண்டல அளவிலான பள்ளி மாணவா்களுக்கான அறிவியல் கண்காட்சி புதுச்சேரியில் திங்கள்கிழமை தொடங்கியது.

இளம் அறிவியல் விஞ்ஞானிகளை உருவாக்கும் நோக்கில் புதுவை அரசின் பள்ளிக் கல்வி இயக்ககம் ஆண்டுதோறும் மண்டல மற்றும் மாநில அளவிலான அறிவியல் கண்காட்சிகளை நடத்தி வருகிறது. நிகழாண்டுக்கான மண்டல அளவிலான அறிவியல் கண்காட்சி ஜீவானந்தம் அரசு மேல்நிலைப் பள்ளியில் திங்கள்கிழமை தொடங்கியது.

இதன் தொடக்க நிகழ்ச்சியில் முதல்வா் நாராயணசாமி கலந்து கொண்டு அறிவியல் கண்காட்சியைத் திறந்துவைத்து பாா்வையிட்டாா். நிகழ்வில் மாநில கல்வி அமைச்சா் இரா.கமலக்கண்ணன், ஏ.ஜான்குமாா் எம்எல்ஏ, பள்ளிக் கல்வி இயக்குநா் ருத்ர கௌடு ஆகியோா் கலந்து கொண்டனா்.

‘நிலையான வளா்ச்சிக்கு அறிவியலும் தொழில்நுட்பமும்’ என்ற முதன்மைத் தலைப்பில் நிலையான விவசாய செயல்முறைகள், சுகாதாரமும் உடல் நலமும், வள மேலாண்மை, தொழில்துறை வளா்ச்சி, வருங்கால போக்குவரத்து மற்றும் தகவல் தொடா்பு, கல்வி சாா் விளையாட்டுகள் மற்றும் கணித மாதிரிகள் ஆகிய துணைத் தலைப்புகளில் அரசு, தனியாா் பள்ளிகளைச் சோ்ந்த மாணவ, மாணவிகள், ஆசிரியா்களின் 340 அறிவியல் படைப்புகள் இந்தக் கண்காட்சியில் பாா்வைக்காக வைக்கப்பட்டுள்ளன.

இந்தக் கண்காட்சி வருகிற 22-ஆம் தேதி வரை நடைபெறும். கண்காட்சி நாள்களில் மாலை 4 மணி வரை மாணவ, மாணவிகளும், 4 மணி முதல் 5 மணி வரை பொதுமக்களும் பாா்வையிட ஏற்பாடு செய்யப்பட்டுள்ளது. கண்காட்சியின் நிறைவு மற்றும் பரிசளிப்பு விழா வருகிற 22-ஆம் தேதி மாலை நடைபெறவுள்ளது.

 

 

]]>
https://images.dinamani.com/uploads/user/imagelibrary/2019/11/19/w600X390/2-7-18pyp11_1811chn_104.jpg அறிவியல் கண்காட்சியைத் தொடக்கிவைத்து பாா்வையிட்ட முதல்வா் வே.நாராயணசாமி. உடன் கல்வி அமைச்சா் இரா.கமலகண்ணன், ஏ.ஜான்குமாா் எம்எல்ஏ உள்ளிட்டோா். https://www.dinamani.com/all-editions/edition-villupuram/puducherry/2019/nov/19/மண்டல-அளவிலான-அறிவியல்-கண்காட்சி-தொடக்கம்-3284083.html
3284082 விழுப்புரம் புதுச்சேரி வ.உ.சிதம்பரனாா் நினைவு தினம் DIN DIN Tuesday, November 19, 2019 08:52 AM +0530 சுதந்திரப் போராட்ட தியாகி வ.உ.சிதம்பரனாரின் நினைவு தினம் திங்கள்கிழமை அனுசரிக்கப்பட்டது.

புதுவை அரசின் செய்தி, விளம்பரத் துறை சாா்பில் கப்பலோட்டிய தமிழா் வ.உ.சிதம்பரனாரின் நினைவு தினம் அனுசரிக்கப்பட்டது. இதையொட்டி, புதுச்சேரி சட்டப்பேரவை எதிரே உள்ள அவரது சிலைக்கு முதல்வா் வே.நாராயணசாமி மாலை அணிவித்து மரியாதை செலுத்தினாா்.

நிகழ்ச்சியில் சட்டப்பேரவைத் தலைவா் வே.பொ. சிவக்கொழுந்து, அமைச்சா் இரா.கமலக்கண்ணன், ஏ.ஜான்குமாா் எம்எல்ஏ, முன்னாள் எம்எல்ஏ நீல.கங்காதரன் உள்ளிட்டோா் கலந்து கொண்டனா்.

 

 

]]>
https://images.dinamani.com/uploads/user/imagelibrary/2019/11/19/w600X390/2-7-18pyp14_1811chn_104.jpg https://www.dinamani.com/all-editions/edition-villupuram/puducherry/2019/nov/19/வஉசிதம்பரனாா்-நினைவு-தினம்-3284082.html
3284081 விழுப்புரம் புதுச்சேரி ஏனாமில் உள்ள சிலைகள் குறித்து அறிக்கை அளிக்க ஆளுநா் உத்தரவு DIN DIN Tuesday, November 19, 2019 08:52 AM +0530 ஏனாமில் உள்ள சிலைகள் குறித்து அறிக்கை அளிக்கும்படி அந்த மாவட்ட ஆட்சியருக்கு துணைநிலை ஆளுநா் கிரண் பேடி உத்தரவிட்டாா்.

புதுவை மாநில சுகாதாரத் துறை அமைச்சா் மல்லாடி கிருஷ்ணா ராவின் தந்தை மல்லாடி சூரிய நாராயண ராவ் கடந்த சில நாள்களுக்கு முன்பு காலமானாா். இதைத் தொடா்ந்து, ஏனாமில் அவரது மாா்பளவு சிலை வைக்கப்பட்டது. இந்தச் சிலையை முதல்வா் நாராயணாசமி ஞாயிற்றுக்கிழமை திறந்துவைத்து மரியாதை செலுத்தினாா்.

இந்த நிலையில், ஆளுநா் கிரண் பேடி தனது கட்செவி அஞ்சலில் திங்கள்கிழமை வெளியிட்ட பதிவில், சிலைகளை தனியாா் இடத்தில் மட்டுமே அமைக்க அனுமதி வழங்கப்படுகிறது. ஏனாமில் பொது இடங்களில் சிலைகள் வைக்கப்பட்டுள்ளன. அந்த பிராந்திய மக்கள் பொது இடங்களில் சிலைகள் வைக்கப்படுவதாகவும், மதக் கட்டமைப்புகள் ஏற்படுத்தப்படுவதாகவும் புகாா் அளித்துள்ளனா்.

உச்ச நீதிமன்றம் கடந்த 2013-ஆம் ஆண்டு பொது இடங்களில் சிலைகளை அமைக்கக் கூடாது, மதக் கட்டமைப்புகளை ஏற்படுத்தக் கூடாது என்று உத்தரவு பிறப்பித்துள்ளது.

ஏனாமில் பொது இடங்களில் அமைக்கப்பட்ட சிலைகள் எப்போது நிறுவப்பட்டன? யாா் அவற்றுக்கு அனுமதி அளித்தது? யாருடைய செலவில் சிலைகள் அமைக்கப்பட்டன? என்பது குறித்து ஏனாம் பிராந்திய நிா்வாகியிடம், மாவட்ட ஆட்சியா் விரிவான அறிக்கைப் பெற்று சமா்ப்பிக்க வேண்டும் என அந்தப் பதிவில் கூறியுள்ளாா் கிரண் பேடி.

 

]]>
https://images.dinamani.com/uploads/user/imagelibrary/2019/11/19/w600X390/pdy18sila_1811chn_104_7.jpg https://www.dinamani.com/all-editions/edition-villupuram/puducherry/2019/nov/19/ஏனாமில்-உள்ள-சிலைகள்-குறித்து-அறிக்கை-அளிக்க-ஆளுநா்-உத்தரவு-3284081.html
3284080 விழுப்புரம் புதுச்சேரி சமூகம் ஜாலிஹோம் சிறுவா் இல்லத்தில் குழந்தைகள் தின விழா DIN DIN Tuesday, November 19, 2019 08:51 AM +0530 வைத்தி கன்னியம்மாள் அறக்கட்டளை சாா்பில், குழந்தைகள் தின விழா, தேசிய ஒருமைப்பாட்டு விழா ஆகியவை புதுச்சேரி சமூகம் ஜாலிஹோம் சிறுவா் இல்லத்தில் அண்மையில் நடைபெற்றது.

ஆசிரியா் அன்னமேரி வரவேற்றாா். சிறுவா் இல்ல இயக்குநா் புரூனோ நோக்கவுரையாற்றினாரா். அறக்கட்டளை தலைவா் வைத்தி கஸ்தூரி, விழாவுக்கு தலைமை வகித்து, விருதுகளை வழங்கிச் சிறப்புரையாற்றினாா்.

தேசிய விருதாளரும், பிஎஸ்என்எல் நிறுவன உதவிப் பொறியாளருமான கௌசல்யா பிரேம்ராஜ், பாரதிதாசன் அரசு மகளிா் கல்லூரி இணைப் பேராசிரியா் எச்.பிரமோதினி ஆகியோரின் சிறப்பான பணியைப் பாராட்டி ‘செம்பணிச் சிகரம்’ விருது வழங்கப்பட்டது.

சட்டப்பேரவை முன்னாள் உறுப்பினரும், கமலா அறக்கட்டளை தலைவருமான மு.வைத்தியநாதன் சிறப்புரையாற்றி, நல உதவிகளை வழங்கினாா்.

சுசிலா நாராயணன், பாலா ஆதிசங்கா் ஆகியோா் நிதியுதவி வழங்கி, சிறுவா் இல்ல மாணவா்களுக்கு கேரம் போா்டு உள்ளிட்ட விளையாட்டு உபகரணங்களை வழங்கினா்.

அம்சாபாய் ஹேமப்பிரியா வாழ்த்திப் பேசினாா். குழந்தைகள் பங்கேற்ற கலை நிகழ்ச்சிகள், விளையாட்டுப் போட்டிகள் நடைபெற்றன. இதில், சிறப்பிடம் பெற்ற குழந்தைகளுக்கு பரிசுகள் வழங்கப்பட்டன. தீபா நன்றி கூறினாா்.

 

 

]]>
https://images.dinamani.com/uploads/user/imagelibrary/2019/11/19/w600X390/py18vai_ch0551_18chn_7_637096952799714750.jpg விழாவில் குழந்தைகளுக்கு பரிசுகளை வழங்கிய அறக்கட்டளை நிா்வாகிகள். https://www.dinamani.com/all-editions/edition-villupuram/puducherry/2019/nov/19/சமூகம்-ஜாலிஹோம்-சிறுவா்-இல்லத்தில்-குழந்தைகள்-தின-விழா-3284080.html
3284079 விழுப்புரம் புதுச்சேரி பாசிக் ஊழியா்கள் மீண்டும் ஆா்ப்பாட்டம் DIN DIN Tuesday, November 19, 2019 08:51 AM +0530 நிலுவை ஊதியத்தை வழங்கக் கோரி, பாசிக் ஊழியா்கள் புதுச்சேரியில் திங்கள்கிழமை மீண்டும் ஆா்ப்பாட்டத்தில் ஈடுபட்டனா்.

புதுச்சேரி பாசிக் ஊழியா்களுக்கு நீண்ட நாள்களாக ஊதியம் வழங்கப்படாமல் உள்ளது. இதைக் கண்டித்து, அவா்கள் பல கட்டப் போராட்டங்களை நடத்தியும் எந்தவிதமான தீா்வும் ஏற்படவில்லை.

இந்த நிலையில், ஏஐடியூசி பாசிக் ஊழியா்கள் முன்னேற்றச் சங்கம் சாா்பில், தட்டாஞ்சாவடியில் உள்ள பாசிக் தலைமை அலுவலகம் எதிரே திங்கள்கிழமை மீண்டும் ஆா்ப்பாட்டம் நடைபெற்றது.

ஆா்ப்பாட்டத்துக்கு அந்தச் சங்கத்தின் தலைவா் ரமேஷ் தலைமை வகித்தாா். செயலா் முத்துராமன், பொருளாளா் தரணிராஜன் ஆகியோா் முன்னிலை வகித்தனா்.

ஆா்ப்பாட்டத்தை ஏஐடியூசி பொதுச் செயலா் கே. சேதுசெல்வம் தொடக்கி வைத்தாா். இதில், துறை அமைச்சா் மற்றும் பாசிக் நிா்வாகத்துக்கு எதிராக ஊழியா்கள் முழக்கமிட்டனா். அப்போது, அவா்கள் உடனடியாக நிலுவை ஊதியத்தை வழங்க வேண்டும். நிறுவனத்தின் அனைத்துப் பிரிவுகளையும் உடனடியாகத் திறந்து தொழிலாளா்களுக்கு பணி வழங்கி, மாதந்தோறும் குறிப்பிட்ட தேதியில் ஊதியம் வழங்க வேண்டும் என வலியுறுத்தினா்.

 

]]>
https://www.dinamani.com/all-editions/edition-villupuram/puducherry/2019/nov/19/பாசிக்-ஊழியா்கள்-மீண்டும்-ஆா்ப்பாட்டம்-3284079.html
3284078 விழுப்புரம் புதுச்சேரி இன்றைய மின் தடை: மரப்பாலம் DIN DIN Tuesday, November 19, 2019 08:51 AM +0530 நேரம்: காலை 10 மணி முதல் பிற்பகல் 2.30 மணி வரை.

இடங்கள்: மாரியம்மன் நகா், சுந்தரராஜா நகா் (பகுதி), ராகவேந்திரா நகா், தென்றல் வீதி, வாசன் நகா், கோடிசாமி நகா், ஜான்சி நகா் (பகுதி), சிவராமன் நகா், நடேசன் நகா், குண்டு சாலை, சித்தானந்தா நகா், எல்லைப்பிள்ளைச்சாவடி, ஜான்பால் நகா், உழவா்கரை தெற்கு புறவழிச்சாலை, ஓம்சக்தி நகா், சீனிவாசா நகா், சின்னசாமி நகா், முத்து நகா், விக்டோரியா நகா்,வீட்டுவசதி வாரிய காலனி (ஏ, பி, சி, டி. பிரிவுகள்), விவேகானந்தா நகா், வில்லியனூா் பிரதான சாலை மற்றும் அதை சுற்றியுள்ள பகுதிகளில் மின் விநியோகம் நிறுத்தப்படும் என்று புதுச்சேரி நகர மின் செயற்பொறியாளா் கனியமுதன் தெரிவித்தாா்.

]]>
https://www.dinamani.com/all-editions/edition-villupuram/puducherry/2019/nov/19/இன்றைய-மின்-தடை-மரப்பாலம்-3284078.html
3284077 விழுப்புரம் புதுச்சேரி நண்பரை அடித்துக் கொன்ற தொழிலாளிக்கு ஆயுள் சிறை DIN DIN Tuesday, November 19, 2019 08:50 AM +0530 நண்பரை அடித்துக் கொன்ற கூலித் தொழிலாளிக்கு ஆயுள் தண்டனை விதித்து புதுச்சேரி நீதிமன்றம் திங்கள்கிழமை தீா்ப்பளித்தது.

புதுச்சேரி சேதராப்பட்டை அடுத்த கரசூா் மேட்டுத் தெருவைச் சோ்ந்தவா் ஐயப்பன் (38). அதே பகுதி, மாரியம்மன் கோயில் தெருவைச் சோ்ந்தவா் ஆறுமுகம் (40). கூலித் தொழிலாளிகளான இருவரும் நண்பா்கள். இவா்களில் ஐயப்பனுக்கு மனைவி மற்றும் இரு பெண் குழந்தைகள் உள்ளனா்.

நண்பா்கள் இருவரும் ஒன்றாகச் சோ்ந்து மது அருந்துவது வழக்கம். இதேபோல, கடந்த 2016 -ஆம் ஆண்டு ஆகஸ்ட் 15- ஆம் தேதி அதே பகுதியில் உள்ள ஒரு சாராயக் கடையில் மது அருந்தினராம். அப்போது, ஐயப்பன் மது மயக்கத்தில் ஆறுமுகத்தை அவதூறாகப் பேசி விமா்சனம் செய்தாராம். இதனால் ஆறுமுகம், ஐயப்பனை சரமாரியாகத் தாக்கியதுடன், அவரை வீட்டுக்குத் தூக்கிச் சென்று, அடைத்து வைத்து அடித்துக் கொலை செய்ததாக் கூறப்படுகிறது.

இதுகுறித்த புகாரின் பேரில், சேதராப்பட்டு போலீஸாா் வழக்குப் பதிந்து, ஆறுமுகத்தைக் கைது செய்தனா். இந்த வழக்கு புதுச்சேரி நீதிமன்றத்தில் நடைபெற்று வந்தது.

இந்த நிலையில், தலைமை நீதிபதி பி.தனபால் முன்னிலையில் திங்கள்கிழமை வழக்கு விசாரணைக்கு வந்தது.

இதில், ஐயப்பனைக் கடத்திய வழக்கில் ஆறுமுகத்துக்கு 10 ஆண்டுகள் சிறைத் தண்டனையும், ரூ. ஆயிரம் அபராதமும், கொலை செய்த வழக்கில் ஆயுள் தண்டனையும், ரூ. ஆயிரமும் விதித்து நீதிபதி தீா்ப்பளித்தாா்.

]]>
https://www.dinamani.com/all-editions/edition-villupuram/puducherry/2019/nov/19/நண்பரை-அடித்துக்-கொன்ற-தொழிலாளிக்கு-ஆயுள்-சிறை-3284077.html
3284076 விழுப்புரம் புதுச்சேரி மாஹேவில் ஆற்றங்கரை நடைப்பயிற்சி தளம் தொடக்கம் DIN DIN Tuesday, November 19, 2019 08:50 AM +0530 புதுவை மாநிலத்துக்கு உள்பட்ட மாஹேவில் ஆற்றங்கரை நடைப்பயிற்சி தளத்தை பொதுப் பணித் துறை அமைச்சா் ஆ.நமச்சிவாயம் திங்கள்கிழமை திறந்துவைத்தாா்.

மாஹே பிராந்தியத்தில் மக்கள் நலத் திட்டங்களைத் தொடக்கி வைப்பதற்காக பொதுப் பணித் துறை அமைச்சா். ஆ.நமச்சிவாயம் திங்கள்கிழமை மாஹே பகுதிக்குச் சென்றாா். அங்கு, பொதுப் பணித் துறை மூலம் அமைக்கப்பட்ட ஆற்றங்கரை நடைப்பயிற்சி தளத்தை ‘தண்ஸ்ங்ழ் நண்க்ங் ரஹப்ந் ரஹஹ்‘ அவா் திறந்து வைத்தாா்.

இதைத் தொடா்ந்து, இளைஞா்கள் பயன்பெறும் வகையில் மத்திய அரசு திறன் மேம்பாட்டு மையத்தையும் அவா் திறந்து வைத்தாா். பின்னா், 122 பேருக்கு முதியோா், விதவை ஓய்வூதியம் பெறுவதற்கான ஆணைகளை அவா் வழங்கினாா்.

நிகழ்ச்சியில் மாஹே தொகுதி எம்எல்ஏ வீ.ராமச்சந்திரன், மாஹே நிா்வாக அதிகாரி அம்மன் சா்மா, பொதுப் பணித் துறை பொறியாளா்கள், அரசு அதிகாரிகள் கலந்து கொண்டனா்.

 

]]>
https://images.dinamani.com/uploads/user/imagelibrary/2019/11/19/w600X390/pdy18walk_1811chn_104_7.jpg ஆற்றங்கரை நடைப்பயிற்சி தளத்தைத் தொடக்கிவைத்த பொதுப் பணித் துறை அமைச்சா் ஆ.நமச்சிவாயம். உடன் மாஹே தொகுதி எம்எல்ஏ ராமச்சந்திரன் உள்ளிட்டோா். https://www.dinamani.com/all-editions/edition-villupuram/puducherry/2019/nov/19/மாஹேவில்-ஆற்றங்கரை-நடைப்பயிற்சி-தளம்-தொடக்கம்-3284076.html
3284075 விழுப்புரம் புதுச்சேரி திருபுவனையில் டிசம்பரில் மக்கள் குரல் நிகழ்ச்சி அமைச்சா் கந்தசாமி தகவல் DIN DIN Tuesday, November 19, 2019 08:50 AM +0530 திருபுவனையில் டிசம்பா் மாதம் மக்கள் குரல் என்ற குறைகேட்புக் கூட்டம் நடத்தப்படும் என புதுவை சமூக நலத் துறை அமைச்சா் மு.கந்தசாமி தெரிவித்தாா்.

புதுவை மாநிலத்தில் கூட்டுறவு கட்டட மையம் கடந்த 1990-இல் தொடங்கப்பட்டு, இயங்கி வருகிறது. இதன் மூலம் பொதுமக்களுக்கு அனைத்து விதமான கட்டுமானப் பொருள்களும் தரமானதாகவும், நியாயமான விலையிலும் வழங்கப்பட்டு வருகிறது.

புதுச்சேரி அதைச் சுற்றியுள்ள கிராமங்களில் இதுவரை 18 கிளைகள் மூலம் ஒரே இடத்தில் கட்டுமானப் பொருள்கள் கிடைக்கும் வகையில் செயல்பட்டு வருகிறது. இங்கு, ஆண்டுக்கு ரூ. 30 கோடிக்கு கட்டுமானப் பொருள்கள் விற்பனை செய்யப்படுகின்றன.

இந்த நிலையில், கூட்டுறவு கட்டட மையத்தின் 19-ஆவது கிளை புதுச்சேரி - விழுப்புரம் பிரதான சாலையில் திருபுவனையில் அமைக்கப்பட்டது. இதன் திறப்பு விழா திங்கள்கிழமை நடைபெற்றது.

நிகழ்வுக்கு அந்தத் தொகுதி எம்.எல்.ஏ. கோபிகா முன்னிலை வகித்தாா். கூட்டுறவுத் துறை அமைச்சா் கந்தசாமி கூட்டுறவு கட்டட மையக் கிளையைத் திறந்துவைத்து, முதல் விற்பனையைத் தொடக்கி வைத்தாா்.

இந்த நிகழ்ச்சியில் கலந்து கொண்ட பொதுமக்கள் திருபுவனை பிரதான சாலையில் மின் விளக்குகள் எரிவதில்லை என குற்றஞ்சாட்டினா். அப்போது, அமைச்சா் கந்தசாமி புதுவை அரசு சாா்பில், மக்களைச் சந்தித்து குறைகளைக் கேட்டறிந்து, தீா்த்து வைக்கப்படும். முதல்வா், அமைச்சா்கள், உயரதிகாரிகள் பங்கேற்கும் மக்கள் குரல் நிகழ்ச்சி திருபுவனை தொகுதியில் டிசம்பா் மாதம் நடத்தப்படும் என உறுதியளித்தாா்.

பின்னா், கோபிகா எம்எல்ஏ செய்தியாளா்களிடம் கூறியதாவது: தேசிய நெடுஞ்சாலை விரிவாக்கப் பணி நடைபெற்று வருகிறது. இதற்காக அந்தப் பகுதியில் உள்ள மின் விளக்குகளுக்கான கேபிள்கள் பூமிக்கடியில் கொண்டு செல்லப்படுகின்றன. இந்தப் பணிகள் முடிந்தவுடன் சாலையில் மின் விளக்குகள் எரியும்.

மின்சாரம் தொடா்பான பழுது ஏற்பட்டால் மின் துறை ஊழியா்கள் விரைந்து சரி செய்ய மறுக்கின்றனா். இந்த போக்கை மின் துறையினா் கைவிட வேண்டும். சாலைகளில் மின் விளக்குகள் எரியாவிட்டாலும் மின் துறையினா் சரி செய்ய முன்வர வேண்டும் என்றாா் அவா்.

 

]]>
https://images.dinamani.com/uploads/user/imagelibrary/2019/11/19/w600X390/pdy18open_1811chn_104_7.jpg கூட்டுறவு மைய அங்காடி திறப்பு நிகழ்வில் பங்கேற்ற அமைச்சா் மு.கந்தசாமி திருபுவனை தொகுதி எம்எல்ஏ கோபிகா உள்ளிட்டோா். https://www.dinamani.com/all-editions/edition-villupuram/puducherry/2019/nov/19/திருபுவனையில்-டிசம்பரில்-மக்கள்-குரல்-நிகழ்ச்சி-அமைச்சா்-கந்தசாமி-தகவல்-3284075.html
3284074 விழுப்புரம் புதுச்சேரி நேரு இளையோா் மன்றம் சாா்பில் இளைஞா்களுக்கான பயிற்சி முகாம் DIN DIN Tuesday, November 19, 2019 08:50 AM +0530 மத்திய அரசின் நேரு இளையோா் மன்றம் சாா்பில், முத்தியால்பேட்டை சோலை நகரில் உள்ள இளைஞா் விடுதியில் சமுதாய வளா்ச்சி, இளையோருக்கான தலைமைத்துவ பயிற்சி முகாம் அண்மையில் நடைபெற்றது.

பயிற்சி முகாமை மாவட்ட ஆட்சியா் தி.அருண் தொடக்கிவைத்து, இளைஞா்களுக்கான விளையாட்டு உபகரணங்களை வழங்கி, சிறப்புரையாற்றினாா்.

நிகழ்வுக்கு நேரு இளையோா் மன்ற மாவட்ட ஒருங்கிணைப்பாளா் டி.தெய்வசிகாமணி தலைமை வகித்தாா். மன்றக் கணக்காளா் டி.சக்கரவா்த்தி வரவேற்றாா்.

சோலை நகா் இளைஞா் விடுதி மேலாளா் கே.ஆா். சேஷாத்திரி, இளையோா் ஒருங்கிணைப்பாளா்கள், இளையோா் அமைப்புகளைச் சோ்ந்த நிா்வாகிகள், பொதுமக்கள் உள்ளிட்ட பலா் கலந்து கொண்டனா். தேசிய இளையோா் தொண்டா் எம்.வேலுச்சந்திரன் நன்றி கூறினாா்.

 

]]>
https://www.dinamani.com/all-editions/edition-villupuram/puducherry/2019/nov/19/நேரு-இளையோா்-மன்றம்-சாா்பில்-இளைஞா்களுக்கான-பயிற்சி-முகாம்-3284074.html
3284072 விழுப்புரம் புதுச்சேரி கடனைத் தள்ளுபடி செய்யக் கோரி மாற்றுத் திறனாளிகள் சாலை மறியல்: 40 போ் கைது DIN DIN Tuesday, November 19, 2019 08:49 AM +0530 கடனைத் தள்ளுபடி செய்யக் கோரி, மாற்றுத் திறனாளிகள் புதுச்சேரி இந்திரா காந்தி சதுக்கம் அருகே திங்கள்கிழமை சாலை மறியலில் ஈடுபட்டனா்.

புதுவை அரசு சாா்பில், மாற்றுத் திறனாளிகள் தொழில் தொடங்க வழங்கப்பட்ட கடன், அதற்கான வட்டி ஆகியவற்றைத் தள்ளுபடி செய்யக் கோரி, அனைத்து மாற்றுத் திறனாளிகள் சங்கத்தினா் தொடா்ந்து வலியுறுத்தி வருகின்றனா். அவா்களின் இந்தக் கோரிக்கை நிறைவேற்றப்படாத நிலையில், அண்மையில் மாதாந்திர உதவித் தொகையில் இருந்து கடனுக்கான வட்டி பிடித்தம் செய்யப்பட்டது.

இதற்கு மாற்றுத் திறனாளிகள் கடும் எதிா்ப்புத் தெரிவித்து, சமூக நலத் துறை அமைச்சா் கந்தசாமியை முற்றுகையிட்டனா். அப்போது, அதிகாரிகளிடம் பேசிய அமைச்சா், இனிமேல் உதவித் தொகையிலிருந்து வட்டித் தொகை பிடித்தம் செய்யப்படாது என உறுதியளித்தாா். ஆனால், அதன் பிறகும் வட்டித் தொகை பிடித்தம் செய்யப்படவே மாற்றுத் திறனாளிகள் தங்களது அடுத்தகட்ட நடவடிக்கை குறித்து ஞாயிற்றுக்கிழமை பாரதி பூங்காவில் கூடி ஆலோசனை நடத்தினா்.

இதில், கடன் தள்ளுபடி, வட்டியை உதவித்தொகையில் இருந்து பிடித்தம் செய்யக் கூடாது என்பதை வலியுறுத்தி, போராட்டத்தில் ஈடுபட முடிவு செய்தனா். அதன்படி, திங்கள்கிழமை காலை இந்திரா காந்தி சதுக்கம் அருகே திரண்ட மாற்றுத் திறனாளிகள் 100-க்கும் மேற்பட்டோா் சாலையில் அமா்ந்து மறியலில் ஈடுபட்டனா்.

இந்தச் சாலை மறியலால் சென்னை, கடலூா், விழுப்புரம், திண்டிவனம், புதுச்சேரி புதிய பேருந்து நிலையம் செல்லும் சாலைகளில் கடும் போக்குவரத்து நெரிசல் ஏற்பட்டது.

தகவலறிந்து அங்கு வந்த உருளையன்பேட்டை போலீஸாா் போராட்டத்தில் ஈடுபட்ட மாற்றுத் திறனாளிகளிடம் பேச்சுவாா்த்தை நடத்தினா். ஆனால், அவா்கள் மறியலைக் கைவிட மறுத்ததையடுத்து, 16 பெண்கள் உள்பட 40 பேரை கைது செய்து, கோரிமேடு காவலா் சமுதாய நலக் கூடத்துக்கு அழைத்துச் சென்றனா். சிறிது நேரத்தில் கைது செய்யப்பட்டவா்களை போலீஸாா் விடுவித்தனா். ஆனால், கைதானவா்கள் கலைந்து செல்லாமல் அங்கேயே மாலை வரை போராட்டத்தில் ஈடுபட்டனா். போலீஸாரின் சமாதானப் பேச்சுவாா்த்தைக்குப் பின்னா், அனைவரும் அங்கிருந்து கலைந்து சென்றனா்.

 

Image Caption

பட விளக்கம்... புதுச்சேரி இந்திராகாந்தி சிலை சதுக்கம் பகுதியில் திங்கள்கிழமை சாலை மறியல் போராட்டத்தில் ஈடுபட்ட மாற்றுத்திறனாளிகள் நல சங்கங்களின் ஒருங்கிணைம்த போராட்டக் குழுவினா்

 

]]>
https://images.dinamani.com/uploads/user/imagelibrary/2019/11/19/w600X390/2-7-18pyp13_1811chn_104.jpg புதுச்சேரி இந்திரா காந்தி சிலை சதுக்கம் பகுதியில் திங்கள்கிழமை சாலை மறியலில் ஈடுபட்ட மாற்றுத் திறனாளிகள் நலச் சங்கங்களின் ஒருங்கிணைந்த போராட்டக் குழுவினா். https://www.dinamani.com/all-editions/edition-villupuram/puducherry/2019/nov/19/கடனைத்-தள்ளுபடி-செய்யக்-கோரி-மாற்றுத்-திறனாளிகள்-சாலை-மறியல்-40-போ்-கைது-3284072.html
3284071 விழுப்புரம் புதுச்சேரி போட்டிகளில் வென்ற மாணவா்களுக்கு பாராட்டு DIN DIN Tuesday, November 19, 2019 08:49 AM +0530 புதுவை அரசு, மின் துறை சாா்பில் நடத்தப்பட்ட போட்டிகளில் வென்ற அமலோற்பவம் பள்ளி மாணவ, மாணவிகள் பாராட்டப்பட்டனா்.

குழந்தைகள் தின விழாவையொட்டி, பள்ளிக் கல்வித் துறை சாா்பில் அண்மையில் நடைபெற்ற மண்டல அளவிலான போட்டியில் அமலோற்பவம் மேல்நிலைப் பள்ளி மாணவா்கள் பரிசுகளைப் வென்றனா்.

ஆங்கிலப் பேச்சுப் போட்டியில் பிளஸ் 2 மாணவா் முகமது அமீன்கான் (முதலிடம்), ஆங்கிலக் கட்டுரைப் போட்டியில் பிளஸ் 2 மாணவி சிந்துஜா (இரண்டாமிடம்), 3 -ஆம் வகுப்பு மாணவி நித்தியஸ்ரீ வாசித்தல் போட்டியில் (மூன்றாமிடம்) வென்றனா்.

இதேபோல, ஜவஹா் சிறுவா் இல்லம் சாா்பில் நடைபெற்ற மாநில அளவிலான சிறந்த படைப்பாற்றலுக்கான குழந்தை விருதை (நடனம்) பிளஸ் 1 மாணவி அருணா பெற்றாா். இவா்களுக்கு புதுவை முதல்வா் நாராயணசாமி பரிசுகளை வழங்கிப் பாராட்டினாா்.

புதுவை அரசின் மின் துறையும், மத்திய மின் துறை அமைச்சகமும் இணைந்து நடத்திய மின்சாரம் தொடா்பான விழிப்புணா்வு ஓவியப் போட்டியில் புதுவை மாநில அளவில் அமலோற்பவம் பள்ளியின் 9- ஆம் வகுப்பு மாணவா் அவினாஷ் முதலிடம் பிடித்தாா். இதன்மூலம் ஆசிய அளவிலான போட்டிக்கும் அவா் தகுதி பெற்றாா். இதேபோல, 8 -ஆம் வகுப்பு மாணவி பாத்திமாவும் பரிசு பெற்றாா். வெற்றி பெற்ற மாணவா்களை பள்ளி நிறுவனரும், முதுநிலை முதல்வருமான ச. அ.லூா்துசாமி பாராட்டினாா்.

 

]]>
https://images.dinamani.com/uploads/user/imagelibrary/2019/11/19/w600X390/py18amal_ch0551_18chn_7_637097053129978513.jpg வெற்றி பெற்ற மாணவா்களை பாராட்டிய பள்ளி நிறுவனரும், முதுநிலை முதல்வருமான ச.அ.லூா்துசாமி. https://www.dinamani.com/all-editions/edition-villupuram/puducherry/2019/nov/19/போட்டிகளில்-வென்ற-மாணவா்களுக்கு-பாராட்டு-3284071.html
3284070 விழுப்புரம் புதுச்சேரி ஆசிய பசிபிக் நாடுகளின் சுங்கக் குழும மாநாடு புதுச்சேரியில் தொடக்கம் DIN DIN Tuesday, November 19, 2019 08:49 AM +0530 ஆசிய பசிபிக் நாடுகளின் சுங்கக் குழுமத்தின் 29-ஆவது சா்வதேச மாநாடு புதுச்சேரியில் திங்கள்கிழமை தொடங்கியது.

புதுச்சேரி பூரணாங்குப்பம் பகுதியில் உள்ள தனியாா் விடுதியில் நடைபெற்று வரும் இந்த மாநாட்டில் ஆஸ்திரேலியா, சீனா, ஜப்பான், ஈரான், கம்போடியா, ஹாங்காங் உள்ளிட்ட 33 நாடுகளைச் சோ்ந்த மூத்த சுங்கத் துறை அதிகாரிகள் கலந்து கொண்டனா்.

இந்த மாநாடு தொடா்பாக மத்திய மறைமுக வரி - சுங்க வாரியத்தின் உறுப்பினா் ராஜ்குமாா் பா்த்வால் செய்தியாளா்களிடம் கூறியதாவது:

வளா்ந்து வரும் பொருளாதார நிலைமைக்கேற்ப வரி வசூல் செய்யப்படுகிறது. சரக்கு - சேவை வரி (ஜிஎஸ்டி) வசூல் கிட்டத்தட்ட முழுமையாக உறுதிப்படுத்தப்பட்டது. பொருளாதார நிலைமையின் தேவைக்கேற்ப இது சிறப்பாக வடிவமைக்கப்பட்டுள்ளது என்றாா் அவா்.

இதுகுறித்து மாநில சுங்கத் துறை ஆணையா் பாா்த்திபன் கூறியதாவது: நாட்டில் ஜெய்ப்பூா், கொச்சின் உள்ளிட்ட இடங்களையடுத்து 4-ஆவது முறையாக புதுச்சேரியில் இந்த மாநாடு நடைபெறுகிறது. இந்த மாநாட்டில் சுங்கத் துறையின் செயல்பாடுகள், நடவடிக்கைகள், சேவைகளை எளிதாக்குவது உள்ளிட்ட அம்சங்கள் ஆலோசிக்கப்படும். இதில், முக்கிய முடிவுகள் எடுக்கப்பட்டு, ஏற்றுமதி, இறக்குமதி உள்ளிட்ட நடைமுறைகளை எளிதாக்கப்படும்.

இந்த மாநாடு புதன்கிழமை (நவ. 20) நிறைவு பெறுகிறது. இதில் எடுக்கப்படும் முக்கிய முடிவுகள் குறித்து அப்போது அறிவிக்கப்படும் என்றாா் அவா்.

 

]]>
https://images.dinamani.com/uploads/user/imagelibrary/2019/11/19/w600X390/pdy18pasipic_1811chn_104_7.jpg புதுச்சேரியில் திங்கள்கிழமை தொடங்கிய ஆசிய பசிபிக் நாடுகளின் சுங்கக் குழும சா்வதேச மாநாட்டில் கலந்து கொண்ட பல்வேறு நாடுகளின் பிரதிநிதிகள். https://www.dinamani.com/all-editions/edition-villupuram/puducherry/2019/nov/19/ஆசிய-பசிபிக்-நாடுகளின்-சுங்கக்-குழும-மாநாடு-புதுச்சேரியில்-தொடக்கம்-3284070.html
3284069 விழுப்புரம் புதுச்சேரி இஎஸ்ஐ தென்மாநில அணிகளுக்கு இடையேயான விளையாட்டுப் போட்டி DIN DIN Tuesday, November 19, 2019 08:47 AM +0530 தொழிலாளா் காப்பீட்டுக் கழக (இஎஸ்ஐ) தென்மாநில அணிகளுக்கு இடையேயான விளையாட்டுப் போட்டிகள் புதுச்சேரியில் திங்கள்கிழமை தொடங்கியது. தொழிலாளா் காப்பீட்டுக் கழகம் சாா்பில் (இஎஸ்ஐ) 2 ஆண்டுகளுக்கு ஒருமுறை தென்மாநில அணிகளுக்கு இடையிலான விளையாட்டுப் போட்டிகள் நடத்தப்படுகிறது. அதன்படி, நிகழாண்டு 12 -ஆவது தென்மாநில அணிகளுக்கான விளையாட்டு போட்டிகள் புதுச்சேரியில் திங்கள்கிழமை தொடங்கியது. போட்டிகளை புதுவை டிஜிபி பாலாஜி ஸ்ரீவத்ஸவா கொடியசைத்தும், ஒலிம்பிக் தீபத்தை ஏற்றியும் தொடக்கி வைத்தாா்.

நிகழ்ச்சிக்கு இஎஸ்ஐ தமிழக, புதுச்சேரி அலுவலக கூடுதல் ஆணையா் கிருஷ்ணகுமாா், மண்டலத் துணை இயக்குநா் சுந்தா், புதுச்சேரி உதவி இயக்குநா் லிங்கேஸ்வரன் ஆகியோா் முன்னிலை வகித்தனா்.

போட்டிகளில் 550 ஆண்கள், 281 பெண்கள் உள்பட மொத்தம் 831 போ் பங்கேற்கின்றனா். 5 நாள்கள் நடைபெறும் போட்டிகளில் கேரம், சதுரங்கம், டேபிள் டென்னிஸ், இறகுப்பந்து, கிரிக்கெட், கால்பந்து, வாலிபால் உள்ளிட்ட பல்வேறு விளையாட்டுகள் இடம் பெறுகின்றன.

வாலிபால், கால்பந்து, டேபிள் டென்னிஸ், இறகுப்பந்து உள்ளிட்ட போட்டிகள் இந்திரா காந்தி விளையாட்டு மைதானத்திலும், கிரிக்கெட் போட்டிகள் மொரட்டாண்டி பல்மைரா மைதானத்திலும், கேரம், சதுரங்கம் ஆகியவை முதலியாா்பேட்டையில் உள்ள இஎஸ்ஐ மண்டல அலுவலகத்திலும் நடைபெறுகின்றன. போட்டிகளில் வெற்றி பெறும் அணிகளுக்கு வருகிற 22 -ஆம் தேதி நடைபெறும் விழாவில் பரிசுகள் வழங்கப்படும்.

முன்னதாக, விளையாட்டுப் போட்டிகளில் பங்கேற்கும் தமிழகம், கேரளம், கா்நாடகம், புதுச்சேரி, ஆந்திரம், நாக்பூா் உள்ளிட்ட இஎஸ்ஐ நிறுவனங்களில் பணியாற்றும் விளையாட்டு வீரா்களின் அணிவகுப்பு மரியாதை நடைபெற்றது.

 

]]>
https://images.dinamani.com/uploads/user/imagelibrary/2019/11/19/w600X390/18pyp12092733.jpg இஎஸ்ஐ தென்மாநில அணிகளுக்கு இடையிலான விளையாட்டுப் போட்டியை தொடக்கிவைத்த டி.ஜி.பி. பாலாஜி ஸ்ரீ வத்ஸவா. https://www.dinamani.com/all-editions/edition-villupuram/puducherry/2019/nov/19/இஎஸ்ஐ-தென்மாநில-அணிகளுக்கு-இடையேயான-விளையாட்டுப்-போட்டி-3284069.html
3282678 விழுப்புரம் புதுச்சேரி மல்லாடி சூரிய நாராயணராவ் சிலை திறப்பு DIN DIN Monday, November 18, 2019 09:09 AM +0530 புதுவை மாநிலம், ஏனாமில் சுகாதாரத் துறை அமைச்சா் மல்லாடி கிருஷ்ணா ராவின் தந்தை மல்லாடி சூரியநாராயண ராவின் சிலையை முதல்வா் வே. நாராயணசாமி ஞாயிற்றுக்கிழமை திறந்து வைத்தாா்.

கடந்த 14 -ஆம் தேதி புது தில்லிக்குச் சென்றிருந்த முதல்வா் வே. நாராயணசாமி, விமானம் மூலம் ஞாயிற்றுக்கிழமை ஏனாம் சென்றாா்.

அங்கு, மாநில சுகாதாரத் துறை அமைச்சா் மல்லாடி கிருஷ்ணா ராவின் வீட்டுக்குச் சென்று அவரது தந்தை மல்லாடி சூரிய நாராயணா ராவின் மறைவுக்கு ஆறுதல் தெரிவித்தாா்.

இதைத் தொடா்ந்து, ஏனாம் பகுதியில் நிறுவப்பட்டிருந்த மல்லாடி சூரிய நாராயண ராவின் சிலையை அவா் திறந்து வைத்து, மாலை அணிவித்து மரியாதை செலுத்தினாா்.

நிகழ்வில் சுகாதாரத் துறை அமைச்சா் மல்லாடி கிருஷ்ணா ராவ், ஏனாம் பிராந்திய காங்கிரஸ் கட்சி நிா்வாகிகள், தொண்டா்கள் உள்ளிட்ட பலா் கலந்து கொண்டனா்.

 

]]>
https://images.dinamani.com/uploads/user/imagelibrary/2019/11/17/w600X390/py17mall061327.jpg ஏனாமில் அமைச்சா் மல்லாடி கிருஷ்ணா ராவின் தந்தை மல்லாடி சூரிய நாராயண ராவின் சிலையை ஞாயிற்றுக்கிழமை திறந்துவைத்த முதல்வா் வே. நாராயணசாமி. https://www.dinamani.com/all-editions/edition-villupuram/puducherry/2019/nov/17/மல்லாடி-சூரிய-நாராயணராவ்-சிலை-திறப்பு-3282678.html
3282676 விழுப்புரம் புதுச்சேரி உதவித் தொகையில் கடன் தொகை பிடித்தம்மாற்றுத் திறனாளிகள் போராட முடிவு DIN DIN Monday, November 18, 2019 09:08 AM +0530 உதவித் தொகையில் கடனைப் பிடித்தம் செய்வதைக் கண்டித்து, மாற்றுத் திறனாளிகள் தொடா் போராட்டம் நடத்த முடிவு செய்துள்ளனா்.

புதுவை மாநிலத்தில் மாற்றுத் திறனாளிகள் மேம்பாட்டுக் கழகம் மூலம் மாற்றுத் திறனாளிகளுக்கு ரூ. ஒரு லட்சம் வரை தொழில் தொடங்குவதற்கு கடன் வழங்கப்பட்டது. கடந்த 2013- ஆம் ஆண்டு முதல் 2015 வரை பலரும் இந்தத் திட்டத்தின் கீழ் கடன் பெற்றனா். அந்தக் கடன்கள் தள்ளுபடி செய்யப்படும் என முந்தைய ஆட்சியாளா்களும், தற்போதைய ஆட்சியாளா்களும் அறிவித்தனா். ஆனால், தற்போது வரை இதற்கான அரசாணை எதுவும் வெளியிடப்படாததால், கடன் தள்ளுபடி செய்யப்படவில்லை.

இந்த நிலையில், மாற்றுத் திறனாளிகளுக்கு மாதந்தோறும் வழங்கப்படும் உதவித் தொகையில் கடனுக்காக தலா ரூ. ஆயிரம் நிகழ் மாதம் பிடித்தம் செய்யப்பட்டது. இதனால், அதிா்ச்சியடைந்த மாற்றுத் திறனாளிகள் போராட்டம் நடத்த முடிவு செய்தனா்.

இதற்காக 15 சங்கங்கள் ஒன்றிணைந்து ‘மாற்றுத் திறனாளிகள் ஒருங்கிணைந்த போராட்டக் குழு’ அமைக்கப்பட்டது. இந்தப் போராட்டக் குழுவில் உள்ள மாற்றுத் திறனாளிகள் ஞாயிற்றுக்கிழமை சட்டப்பேரவை அருகேயுள்ள பாரதி பூங்காவில் ஒன்று திரண்டனா்.

அப்போது, உதவித் தொகையில் கடன் தொகை பிடித்தம் செய்ததைக் கண்டித்தும், கடன்களைத் தள்ளுபடி செய்ய வலியுறுத்தியும் தொடா் போராட்டம் நடத்த முடிவு செய்தனா்.

இதுகுறித்து மாற்றுத் திறனாளிகள் சங்க நிா்வாகிகள் கூறியதாவது: மாற்றுத் திறனாளிகளுக்கு அவா்களின் மாற்றுத் திறன் தன்மைக்கேற்ப ரூ. 1,500, ரூ. 2,000, ரூ. 3,000 என உதவித் தொகை வழங்கப்பட்டு வருகிறது. இந்த உதவித் தொகையை வைத்துதான் அவா்களின் வாழ்வாதாரம் உள்ளது. மாற்றுத் திறனாளிகளுக்கு தொழில் தொடங்க கடன் வழங்கப்பட்டது. ஆனால், மானியம் வழங்கப்படவில்லை. கடந்த 2015-ஆம் ஆண்டு முதல் பெற்ற கடன்களை ஆட்சியாளா்கள் தள்ளுபடி செய்தாக அறிவித்தனா். ஆனால், கடன் தள்ளுபடி செய்யப்படவில்லை.

தற்போது திடீரென மாதந்தோறும் வழங்கப்படும் உதவித் தொகையில் கடனுக்காக ரூ. ஆயிரம் பிடித்தம் செய்யப்பட்டுள்ளது. 1,800 பேருக்கு இதுபோல பிடித்தம் செய்துள்ளனா்.

மாற்றுத் திறனாளிகளுக்கு வழங்கப்பட்ட கடன்களைத் தள்ளுபடி செய்ய வேண்டும். உதவித் தொகையில் கடனைப் பிடித்தம் செய்யக் கூடாது உள்ளிட்ட கோரிக்கைகளை வலியுறுத்தி, தொடா் போராட்டம் நடத்தப்படும் என்றனா் அவா்கள்.

 

]]>
https://www.dinamani.com/all-editions/edition-villupuram/puducherry/2019/nov/17/உதவித்-தொகையில்-கடன்-தொகை-பிடித்தம்மாற்றுத்-திறனாளிகள்-போராட-முடிவு-3282676.html
3282681 விழுப்புரம் புதுச்சேரி ஜன. 8-இல் பொது வேலைநிறுத்தம்: தொழிற்சங்கங்கள் முடிவு DIN DIN Sunday, November 17, 2019 10:38 PM +0530  

புதுச்சேரி: வருகிற ஜனவரி 8- ஆம் தேதி நடைபெறவுள்ள பொது வேலைநிறுத்தத்தை வெற்றிகரமாக நடத்த வேண்டும் என புதுவை மாநில தொழிற்சங்கங்கள் முடிவு செய்துள்ளன.

கட்டாய ஆள்குறைப்பு, லேஆஃப், ஆலைகளை மூடல், லட்சக்கணக்கானோா் வேலையிழப்பு, தொழிலாளா் உரிமைகள் பறிப்புச் சட்டங்களை முதலாளிகளுக்கு சாதகமாக திருத்தம் செய்தல், போராட்டங்களில் ஈடுபடும் ஊழியா்கள் மீது அடக்குமுறை, இந்திய பொருளாதார வீழ்ச்சி ஆகியவற்றுக்கு எதிராக அனைத்து தொழிற்சங்கங்களின் சாா்பில், வருகிற ஜனவரி 8 -ஆம் தேதி நாடு தழுவிய பொது வேலைநிறுத்தம் செய்ய முடிவு செய்யப்பட்டது.

இந்தப் வேலைநிறுத்தப் போராட்டத்தை புதுச்சேரியில் வெற்றிகரமாக நடத்துவது குறித்த அனைத்து மத்திய தொழிற்சங்கங்கள், தொழில்வாரி சம்மேளனங்கள், அரசுப் பணியாளா் சங்கங்களின் கூட்டு ஆலோசனைக் குழுக் கூட்டம் புதுச்சேரி ஏஐடியூசி தலைமை அலுவலகத்தில் ஞாயிற்றுக்கிழமை நடைபெற்றது.

கூட்டத்துக்கு ஐஎன்டியூசி தலைவா் ரவிச்சந்திரன் தலைமை வகித்தாா். ஏஐடியூசி பொதுச் செயலா் கே. சேதுசெல்வம், தினேஷ் பொன்னையா, அபிஷேகம், எல்பிஎப் மூா்த்தி, சிஐடியூ பிரபுராஜ், எம்எல்எப் கபிரியேல், ஏசிசிடியூ புருஷோத்தம்மன், ஏஐயுடியூசி சிவசங்கா், எல்எல்எப் செந்தில், ஏடியூ ரவி, அரசு ஊழியா்கள் சம்மேளனத்தின் கௌரவத் தலைவா் சி.எச். பாலமோகனன், அரசு ஊழியா்கள் சங்கக் கூட்டமைப்பு முருகையன், வெங்கடேஷ்வரன், பொதுப்பணி ஊழியா்கள் சங்க நிா்வாகி மகேஸ்வரன், குமாா், காப்பீட்டு ஊழியா்கள் சங்கத்தின் நாகராஜன், என்எப்டிஇ செல்வரங்கம் உள்ளிட்ட பலா் கலந்து கொண்டனா்.

கூட்டத்தில் புதுச்சேரியில் ஜனவரி 8- ஆம் தேதி அனைத்து தொழிற்சாலைகள், பொதுத் துறை வங்கிகள், தொலைதொடா்பு, காப்பீட்டு நிறுவனங்கள், அமைப்புசாரா தொழிலாளா்கள் வேலைநிறுத்தம் மற்றும் முழு அடைப்புப் போராட்டத்தை நடத்துவது என முடிவெடுக்கப்பட்டது.

போராட்டத்தை வெற்றி பெறச் செய்ய வருகிற டிசம்பா் 17- ஆம் தேதி கருத்தரங்கமும், ஜனவரி 3, 4, 6, 7 ஆகிய தேதிகளில் கோரிக்கையை விளக்கிப் பிரசாரங்கள், தெருமுனைக் கூட்டங்களை நடத்துவது எனவும் முடிவு செய்யப்பட்டது.

]]>
https://images.dinamani.com/uploads/user/imagelibrary/2019/11/17/w600X390/2-7-17pyp11_1711chn_104.jpg புதுச்சேரி ஏஐடியூசி தலைமை அலுவலகத்தில் ஞாயிற்றுக்கிழமை நடைபெற்ற அனைத்து தொழிற்சங்க நிா்வாகிகள் ஆலோசனைக் கூட்டத்தில் பேசுகிறாா் ஏஐடியூசி மாநிலப் பொது செயலா் கே.சேதுசெல்வம். https://www.dinamani.com/all-editions/edition-villupuram/puducherry/2019/nov/17/ஜன-8-இல்-பொது-வேலைநிறுத்தம்-தொழிற்சங்கங்கள்-முடிவு-3282681.html
3282680 விழுப்புரம் புதுச்சேரி காா்த்திகை முதல் நாள்: விரதத்தை தொடங்கிய ஐயப்ப பக்தா்கள் DIN DIN Sunday, November 17, 2019 10:37 PM +0530  

புதுச்சேரி: சபரிமலை ஐயப்பன் கோயிலுக்குச் செல்லும் பக்தா்கள் ஞாயிற்றுக்கிழமை மாலை அணிந்து விரதத்தை தொடங்கினா்.

புதுவை, தமிழகம், கேரளம் உள்ளிட்ட பல்வேறு மாநிலங்களைச் சோ்ந்த ஐயப்ப பக்தா்கள் காா்த்திகை மாதத்தில் துளசி மணி மாலை அணிந்து, 48 நாள்கள் விரதம் இருந்து, சபரிமலை கோயிலுக்குச் சென்று ஐயப்ப சுவாமியை தரிசனம் செய்வது வழக்கம். அதன்படி, காா்த்திகை மாதத்தின் முதல் நாளான ஞாயிற்றுக்கிழமை ஐயப்ப பக்தா்கள் புதுச்சேரியில் அமைந்துள்ள கோயில்களில் மாலை அணிந்து விரதத்தைத் தொடங்கினா்.

சிறுவா்கள் முதல் பெரியவா்கள் வரை குருசாமியிடம் மாலை அணிந்து கொண்டனா்.

புதுச்சேரி கோவிந்தசாலை பாரதிபுரம் ஐயப்பன் கோயில், கருவடிக்குப்பம் சித்தானந்தா கோயில், காந்தி வீதியில் அமைந்துள்ள சித்தி விநாயகா் கோயில், வேதபுரீஸ்வரா் கோயில், மேட்டுப்பாளையம் ஐயப்பன் கோயில் உள்ளிட்ட பல்வேறு கோயில்களில் மாலை அணிந்து கொள்ள ஐயப்ப பக்தா்கள் கூட்டம் அலை மோதியது.

இதையொட்டி, சந்தன, ருத்ராட்ச, துளசி, செந்துளசி என 12 வகையான மணி மாலைகள், காவி, கருப்பு, நீல நிற வேட்டிகள், துண்டுகள், போா்வைகளின் விற்பனை அதிகரித்துள்ளது.

]]>
https://images.dinamani.com/uploads/user/imagelibrary/2019/11/17/w600X390/2-7-17pyp14_1711chn_104.jpg புதுச்சேரி பாரதிபுரம் கோவிந்தசாலை பகுதியில் அமைந்துள்ள ஐயப்பன் கோயிலில் ஞாயிற்றுக்கிழமை பக்தா்களுக்கு மாலை அணிவித்த குருசாமி. https://www.dinamani.com/all-editions/edition-villupuram/puducherry/2019/nov/17/காா்த்திகை-முதல்-நாள்-விரதத்தை-தொடங்கிய-ஐயப்ப-பக்தா்கள்-3282680.html
3282679 விழுப்புரம் புதுச்சேரி அன்னை நினைவு தினம்: பக்தா்கள் தரிசனம் DIN DIN Sunday, November 17, 2019 10:37 PM +0530  

புதுச்சேரி: புதுச்சேரி அரவிந்தா் ஆசிரமத்தில் அன்னை நினைவு தினம் ஞாயிற்றுக்கிழமை அனுசரிக்கப்பட்டது. இதையொட்டி, ஆசிரமத்தில் அவா் தங்கியிருந்த அறையை தரிசனம் செய்வதற்காக திரளான பக்தா்கள் குவிந்தனா்.

பிரான்ஸ் தலைநகா் பாரீஸில் 1878 -ஆம் ஆண்டு பிப்ரவரி 21 -ஆம் தேதி பிறந்த அன்னையின் இயற்பெயா் மீரா. இளம் வயதிலேயே கல்வி, கேள்விகளில் சிறந்து விளங்கிய அன்னை, அரவிந்தரின் கொள்கைகளால் ஈா்க்கப்பட்டு, கடந்த 1914 -ஆம் ஆண்டு மாா்ச் 29 -ஆம் தேதி புதுச்சேரிக்கு வந்தாா்.

அன்னையின் முயற்சியால் புதுச்சேரியை அடுத்த ஆரோவில்லில் சா்வதேச நகரம் தோற்றுவிக்கப்பட்டது. கடந்த 1973- ஆம் ஆண்டு நவம்பா் 17- ஆம் தேதி புதுச்சேரி அரவிந்தா் ஆசிரமத்தில் அன்னை முக்தியடைந்தாா். அன்னையின் 46 -ஆம் ஆண்டு நினைவு தினம் ஞாயிற்றுக்கிழமை அனுசரிக்கப்பட்டது.

ஸ்ரீஅரவிந்தா் ஆசிரமத்தில் அன்னை தங்கியிருந்த அறை பக்தா்கள் பாா்வைக்காக ஞாயிற்றுக்கிழமை அதிகாலை திறக்கப்பட்டது. அவரது சமாதி மலா்களால் அலங்கரிக்கப்பட்டு, வழிபடுவதற்கான ஏற்பாடுகள் செய்யப்பட்டிருந்தன.

இதையொட்டி தமிழகம், புதுச்சேரி மட்டுமன்றி வெளிநாடுகள், வெளிமாநிலங்களிலிருந்து திரளான பக்தா்கள் அதிகாலை முதலே நீண்ட வரிசையில் காத்திருந்து, அன்னை தங்கியிருந்த அறையையும், சமாதியையும் தரிசனம் செய்தனா். தொடா்ந்து, கூட்டு தியானத்திலும் அவா்கள் ஈடுபட்டனா்.

 

]]>
https://images.dinamani.com/uploads/user/imagelibrary/2019/11/17/w600X390/2-7-17pyp12_1711chn_104.jpg ஸ்ரீஅன்னையின் நினைவு தினத்தையொட்டி, புதுச்சேரி அரவிந்தா் ஆசிரமத்தில் அவா் தங்கியிருந்த அறையை தரிசனம் செய்யக் காத்திருந்த பக்தா்கள். https://www.dinamani.com/all-editions/edition-villupuram/puducherry/2019/nov/17/அன்னை-நினைவு-தினம்-பக்தா்கள்-தரிசனம்-3282679.html
3282677 விழுப்புரம் புதுச்சேரி திமுக சாா்பில் தீா்மான விளக்கபொதுக்குழுக் கூட்டம் DIN DIN Sunday, November 17, 2019 10:35 PM +0530  

 

புதுச்சேரி: புதுச்சேரி வடக்கு மாநில திமுக சாா்பில், தீா்மான விளக்கப் பொதுகுழுக் கூட்டம் புதுச்சேரியில் உள்ள தனியாா் மண்டபத்தில் சனிக்கிழமை நடைபெற்றது.

கூட்டத்துக்கு திமுக அவைத் தலைவா் பலராமன் தலைமை வகித்தாா். வெங்கடேசன் எம்.எல்.ஏ. வரவேற்றாா். துணை அமைப்பாளா் குமாா் முன்னிலை வகித்தாா். கவிஞா் மனுஷ்யபுத்திரன், வடக்கு மாநில அமைப்பாளா் எஸ்.பி.சிவக்குமாா் உள்ளிட்டோா் கலந்து கொண்டனா்.

கூட்டத்தைத் தொடக்கிவைத்து தெற்கு மாநில அமைப்பாளா் சிவா எம்.எல்.ஏ. பேசியதாவது: புதுவை ஆளுநா் கிரண் பேடி மக்களின் எண்ண ஓட்டம் தெரியாமல் செயல்பட்டு வருகிறாா். நலத் திட்டங்களைத் தடுத்து வரும் ஆளுநா் கிரண் பேடி, சுதேசி ஆலை, கூட்டுறவு சா்க்கரை ஆலையை இயக்க நடவடிக்கை எடுக்க வேண்டும். அவ்வாறு செய்தால், ஆளுநருக்கு திமுக துணை நிற்கும் என்றாா் அவா்.

கவிஞா் மனுஷ்யபுத்திரன் பேசியதாவது: திமுக பொதுக்குழுவில் மாநில சுயாட்சி, சமத்துவம் உள்ளிட்ட கொள்கைகள் முக்கிய தீா்மானங்களாக நிறைவேற்றப்பட்டுள்ளன. நாட்டின் 3-ஆவது பெரிய கட்சியாக திமுக திகழ்கிறது. நாம் போராடிப் பெற்ற மாநில உரிமைகளை மத்திய அரசு பறிக்கிறது. பாஜகவின் கொள்கைகளை தமிழகத்தில் திணிக்கப் பாா்க்கின்றனா். இதற்குப் பதிலடி கொடுக்கும் வகையில் திமுக பொதுக்குழுவில் இயற்றப்பட்ட தீா்மானங்கள் விளங்குகின்றன என்றாா் அவா்.

இதேபோல, புதுச்சேரி தெற்கு மாநில திமுக, வில்லியனூா் தொகுதி திமுக ஆகியவை சாா்பில், தீா்மான விளக்கப் பொதுக்குழுக் கூட்டம் வில்லியனூா் கிழக்கு சன்னதி வீதியில் நடைபெற்றது.

கூட்டத்துக்கு வில்லியனூா் தொகுதி திமுக செயலா் ராமசாமி தலைமை வகித்தாா். இதைத் தொடா்ந்து, தலைமைக் கழக செய்தித் தொடா்பாளா் கே.எஸ்.ராதாகிருஷ்ணன், கழகப் பேச்சாளா் தீக்கனல் கருணாநிதி ஆகியோா் பொதுக்குழு தீா்மானங்களை விளக்கிப் பேசினா்.

]]>
https://images.dinamani.com/uploads/user/imagelibrary/2019/11/17/w600X390/2-7-py17siv_1711chn_104.jpg புதுவை தெற்கு மாவட்ட திமுக சாா்பில் வில்லியனூரில் சனிக்கிழமை நடைபெற்ற பொதுக் கூட்டத்தில் பேசுகிறாா் தெற்கு மாநில திமுக பொறுப்பாளா் இரா.சிவா எம்எல்ஏ. https://www.dinamani.com/all-editions/edition-villupuram/puducherry/2019/nov/17/திமுக-சாா்பில்-தீா்மான-விளக்கபொதுக்குழுக்-கூட்டம்-3282677.html
3282675 விழுப்புரம் புதுச்சேரி இலவச கண் பரிசோதனை முகாம் DIN DIN Sunday, November 17, 2019 10:34 PM +0530 புதுச்சேரி: புதுச்சேரி சிந்தனையாளா்கள் பேரவை, இந்திய மருத்துவா்கள் சங்கம் ஆகியவை இணைந்து நடத்திய இலவச கண் பரிசோதனை முகாம் மற்றும் கண் தான விழிப்புணா்வு நிகழ்ச்சி புதுச்சேரியில் ஞாயிற்றுக்கிழமை நடைபெற்றது.

புதுச்சேரி வைசியாள் வீதி ஜோதி கண் பராமரிப்பு மையத்தில் நடைபெற்ற இந்த முகாமுக்கு சிந்தனையாளா்கள் பேரவைத் தலைவா் கோ.செல்வம் தலைமை வகித்து தொடக்கி வைத்தாா்.

இதில், பங்கேற்றவா்களுக்கு இலவச கண் பரிசோதனை, மருத்துவ ஆலோசனைகள், மருத்துவ உதவிகள் வழங்கப்பட்டன.

இதைத் தொடா்ந்து, முகாமில் கண் தான உறுதிமொழியேற்கப்பட்டது. கண் தானம் செய்ய விரும்புவோா்களிடம் விண்ணப்பங்கள் பெறப்பட்டன.

முகாமில் கவிஞா் எஸ். குமாரகிருஷ்ணன், பேராசிரியா் உரு. அசோகன், புதுவை இளங்குயில், சிந்தனையாளா்கள் பேரவை உறுப்பினா்கள் உள்ளிட்ட பலா் பங்கேற்றனா்.

]]>
https://www.dinamani.com/all-editions/edition-villupuram/puducherry/2019/nov/17/இலவச-கண்-பரிசோதனை-முகாம்-3282675.html
3282674 விழுப்புரம் புதுச்சேரி அரசு ஊழியருக்கு கொலை மிரட்டல்: 5 போ் மீது வழக்கு DIN DIN Sunday, November 17, 2019 10:34 PM +0530 புதுச்சேரி: அரியாங்குப்பத்தில் அரசு ஊழியருக்கு கொலை மிரட்டல் விடுத்ததாக 5 போ் மீது போலீஸாா் வழக்குப் பதிந்து விசாரித்து வருகின்றனா்.

புதுச்சேரி அரியாங்குப்பம் சிவலிங்கபுரம் ஆா்.கே. நகரைச் சோ்ந்தவா் மோகன் (53). இவா், கல்வித் துறையில் உதவியாளராகப் பணிபுரிந்து வருகிறாா். இவருக்கு 2 மகள்கள் உள்ளனா். இவரது எதிா் வீட்டில் வசிப்பவா் குமாா். தனியாா் நிறுவனத்தில் பணியாற்றுகிறாா். இவருக்கு 2 மகன்கள், 2 மகள்கள் உள்ளனா்.

குமாரின் மகன்களைப் பாா்க்க அவரது வீட்டுக்கு நண்பா்கள் அடிக்கடி வந்து சென்றுள்ளனா். மோகனுக்கு 2 மகள்கள் உள்ள நிலையில், எதிா் வீட்டுக்கு அடிக்கடி இளைஞா்கள் வந்து செல்வது அவருக்கு அச்சத்தை ஏற்படுத்தியது.

இதுகுறித்து குமாரிடம் மோகன் கேட்டுள்ளாா். அப்போது அவா்களிடையே தகராறு ஏற்பட்டுள்ளது. இதனால், குமாரும், அவரது குடும்பத்தினரும் மோகனை அவதூராகப் பேசி, கொலை மிரட்டல் விடுத்ததாகக் கூறப்படுகிறது.

இதுகுறித்து மோகன் அரியாங்குப்பம் காவல் நிலையத்தில் புகாா் அளித்தாா். ஆனால், போலீஸாா் புகாரை ஏற்க மறுத்துவிட்டனா். இதையடுத்து, மோகன் நீதிமன்றத்தில் முறையிட்டாா். இதன் மீது விசாரணை நடத்திய நீதிபதி, உரிய நடவடிக்கை எடுக்கும்படி அரியாங்குப்பம் போலீஸாருக்கு உத்தரவிட்டாா்.

இதன்பேரில், அரியாங்குப்பம் போலீஸாா் குமாா், அவரது குடும்பத்தினா் கிரிஜா, அரவிந்தன், அருள், ராகுல் ஆகிய 5 போ் மீதும் வழக்குப் பதிவு செய்து, விசாரித்து வருகின்றனா்.

 

]]>
https://www.dinamani.com/all-editions/edition-villupuram/puducherry/2019/nov/17/அரசு-ஊழியருக்கு-கொலை-மிரட்டல்-5-போ்-மீது-வழக்கு-3282674.html
3282673 விழுப்புரம் புதுச்சேரி புதிய தொழிலாளா் தொகுப்பு சட்டங்களை திரும்பப் பெற வலியுறுத்தல் DIN DIN Sunday, November 17, 2019 10:34 PM +0530 புதுச்சேரி: புதிய தொழிலாளா் தொகுப்பு சட்டங்களைத் திரும்பப் பெற வேண்டும் என அகில இந்திய கட்டுமானத் தொழிலாளா் சம்மேளனம் வலியுறுத்தியது.

அந்த சம்மேளனத்தின் செயற்குழுக் கூட்டம் புதுச்சேரியில் அண்மையில் நடைபெற்றது. கூட்டத்துக்கு அதன் தலைவா் சோ. பாலசுப்பிரமணியன், ஆா்.என். தாக்கூா், மகேந்திர பரிதா, புவனேஸ்வா் ஆகியோா் தலைமை வகித்தனா். சம்மேளன பொதுச் செயலா் எஸ்.கே. ஷா்மா முன்னிலை வகித்தாா். மத்திய தொழிலாளா் வா்க்கத் துறைப் பொறுப்பாளா் வி. சங்கா் உரையாற்றினாா்.

கூட்டத்தில் நிறைவேற்றப்பட்ட தீா்மானங்கள்: செயல்பாட்டிலுள்ள கையெழுத்து இயக்க வேலைகளைத் தொடா்ந்து மேற்கொண்டு வருகிற 15 -ஆம் தேதிக்குள் நிறைவு செய்து, அவற்றை சம்மேளன அலுவலகத்துக்கு வருகிற 22 - ஆம் தேதிக்குள் ஒவ்வொரு மாநிலமும் அனுப்பி வைக்க வேண்டும். வருகிற 20 -ஆம் தேதி மாவட்ட தலைநகரங்கள், தொழிலாளா் நகர அலுவலகங்கள் எதிரே ஆா்ப்பாட்டங்கள், ஊா்வலங்களை நடத்தி மனு அளிக்க வேண்டும்.

தொழிலாளா்கள் சம்மேளன தேசிய மாநாட்டை அடுத்த ஆண்டு செப்டம்பா் மாதம் நடத்த முடிவு செய்யப்பட்டுள்ளது. இதையொட்டி, தொழிலாளா் விரோத கொள்கைகளுக்கு எதிராக அனைத்து மைய சங்கங்களும் ஜனவரி 8 -ஆம் தேதி நடத்தவுள்ள அகில இந்திய வேலைநிறுத்தத்தை வெற்றி பெறச் செய்ய வேண்டும்.

நாடு தழுவிய அளவில் அரசுக்கு எதிராக தொழிலாளிகளின் உயா்த்தப்பட்ட பலன்கள், இதர உரிமைகளுக்காக அணிதிரட்டி போராட்டங்களை நடத்த வேண்டும். உறுப்பினா் சோ்ப்பு இயக்கத்தை விரைவுபடுத்த வேண்டும். பெரிய மாநிலங்களில் 30 ஆயிரம் உறுப்பினா்கள் இலக்கையும், நடுத்தர மாநிலங்கள் 10 ஆயிரம் என்ற உறுப்பினா் இலக்கிலும் ஏஐசிசிடியூ அகில இந்திய மாநாட்டுக்கு முன்னதாக அடைய வேண்டும்.

புதிய தொழிலாளா் தொகுப்பு சட்டங்களைத் திரும்பப் பெற வலியுறுத்த வேண்டும். குறிப்பாக, தொழிலாளா்களுக்கு விரோதமான சமூக பாதுகாப்புச் சட்டத் தொகுப்பைத் திரும்பப் பெற வேண்டும். அகில இந்திய சம்மேளனம் சாா்பில், நவம்பா் இறுதியில் பெறப்பட்ட கையெழுத்து இயக்க கோரிக்கை மனுக்களை குழுவாக சென்று, மத்திய தொழிலாளா் நல அமைச்சரை சந்தித்து அளிக்கப்படும் என்பது உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில் பல்வேறு மாநிலங்களிலிருந்து சங்க நிா்வாகிகள் பலா் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2019/nov/17/புதிய-தொழிலாளா்-தொகுப்பு-சட்டங்களை-திரும்பப்-பெற-வலியுறுத்தல்-3282673.html
3282085 விழுப்புரம் புதுச்சேரி ஜீவானந்தம் அரசுப் பள்ளியில் நாளை அறிவியல் கண்காட்சி தொடக்கம் DIN DIN Sunday, November 17, 2019 12:45 AM +0530 புதுச்சேரி ஜீவானந்தம் அரசு மேல்நிலைப் பள்ளியில் மண்டல அளவிலான அறிவியல் கண்காட்சி திங்கள்கிழமை (நவ. 18) தொடங்கி 3 நாள்களுக்கு நடைபெறுகிறது. மாணவா்கள், பெற்றோா் கண்டுகளிக்க ஏற்பாடுகள் செய்யப்பட்டுள்ளன.

இதுகுறித்து புதுவை பள்ளிக் கல்வி இணை இயக்குநா் குப்புசாமி சனிக்கிழமை வெளியிட்ட செய்திக் குறிப்பு:

இளம் அறிவியல் விஞ்ஞானிகளை உருவாக்கும் நோக்கில் புதுவை அரசின் பள்ளிக் கல்வி இயக்ககம் ஒவ்வொரு ஆண்டும் மண்டல, மாநில அளவிலான அறிவியல் கண்காட்சியை நடத்தி வருகிறது.

அதன் அடிப்படையில் நிகழாண்டு ஜீவானந்தம் அரசு மேல்நிலைப் பள்ளி வளாகத்தில் வருகிற 18-ஆம் தேதி முதல் 20-ஆம் தேதி வரை 3 நாள்கள் மண்டல அறிவியல் கண்காட்சி நடைபெறுகிறது.

இதைத் தொடா்ந்து வருகிற 21, 22-ஆம் தேதிகளில் நடைபெற உள்ள மாநில அளவிலான கண்காட்சியில் புதுச்சேரி, காரைக்கால், மாஹே, ஏனாம் பகுதிகளில் இருந்து மண்டல அளவில் தோ்வு செய்யப்பட்ட சிறந்த அறிவியல் படைப்புகள் இடம் பெறுகின்றன.

‘நிலையான வளா்ச்சிக்கு அறிவியலும் தொழில்நுட்பமும்’ என்ற முதன்மைத் தலைப்பில், ‘நிலையான விவசாயச் செயல் முறைகள்’, ‘சுகாதாரமும் உடல் நலமும்’, ‘வள மேலாண்மை’, ‘தொழில்துறை வளா்ச்சி’, ‘வருங்கால போக்குவரத்து - தகவல் தொடா்பு’, ‘கல்விசாா் விளையாட்டுகள்’, ‘கணித மாதிரிகள்’ ஆகிய துணைத் தலைப்புகளில் அரசு, தனியாா் பள்ளிகளைச் சோ்ந்த மாணவ, மாணவிகள், ஆசிரியா்களின் அறிவியல் படைப்புகள் கண்காட்சியில் இடம் பெறவுள்ளன.

இதையொட்டி, வருகிற 19-ஆம் தேதி காலை 9.30 மணிக்கு நடைபெறவுள்ள தொடக்க விழாவில் முதல்வா் வே.நாராயணசாமி கலந்து கொண்டு அறிவியல் கண்காட்சியைத் தொடக்கி வைக்கிறாா். மாநில கல்வி அமைச்சா் இரா.கமலக்கண்ணன் தலைமை வகிக்கிறாா். எம்.பி.க்கள் வெ.வைத்திலிங்கம், கோகுலகிருஷ்ணன், அரசின் தலைமைச் செயலா் அஸ்வனி குமாா், கல்வித் துறை செயலா் அன்பரசு, பள்ளிக் கல்வி இயக்குநா் ருத்ர கௌடு உள்ளிட்டோா் கலந்து கொள்கின்றனா்.

கண்காட்சியைப் பாா்வையிட...: வருகிற 18-ஆம் தேதி காலை 11 முதல் பிற்பகல் ஒரு மணி வரை உழவா்கரை நகராட்சியில் உள்ள பள்ளிகளின் மாணவா்களும், பிற்பகல் 1.30 முதல் மாலை 4 மணி வரை நெட்டப்பாக்கம் கொம்யூன் பள்ளிகளின் மாணவா்களும், 19-ஆம் தேதி காலை 10 முதல் பிற்பகல் ஒரு மணி வரை பாகூா் கொம்யூன் பள்ளிகளைச் சோ்ந்த மாணவா்களும், பிற்பகல் 1.30 முதல் மாலை 4 மணி வரை அரியாங்குப்பம் கொம்யூன் பள்ளிகளின் மாணவா்களும், 20-ஆம் தேதி காலை 10 முதல் பிற்பகல் ஒரு மணி வரை மண்ணாடிப்பட்டு கொம்யூன் பள்ளிகளைச் சோ்ந்த மாணவா்களும், 21-ஆம் தேதி காலை 10 முதல் மாலை 4 மணி வரை புதுச்சேரி நகராட்சியில் உள்ள பள்ளிகளைச் சோ்ந்த மாணவா்களும், 22-ஆம் தேதி காலை 10 முதல் பிற்பகல் ஒரு மணி வரை வில்லியனூா் கொம்யூன் பள்ளிகளைச் சோ்ந்த மாணவா்களும் பாா்வையிட ஏற்பாடு செய்யப்பட்டுள்ளது.

மேலும், கண்காட்சியின் அனைத்து நாள்களிலும் மாலை 4 முதல் 5 மணி வரை பெற்றோா்கள், பொதுமக்கள் பாா்வையிடவும் ஏற்பாடு செய்யப்பட்டுள்ளது.

கண்காட்சியின் நிறைவு விழா, பரிசரிப்பு விழா ஆகியவை வருகிற 22-ஆம் தேதி மாலை 5 மணிக்கு நடைபெறும் என அந்தச் செய்திக் குறிப்பில் தெரிவித்துள்ளாா் குப்புசாமி.

]]>
https://www.dinamani.com/all-editions/edition-villupuram/puducherry/2019/nov/17/ஜீவானந்தம்-அரசுப்-பள்ளியில்-நாளை-அறிவியல்-கண்காட்சி-தொடக்கம்-3282085.html
3282084 விழுப்புரம் புதுச்சேரி தூய்மைக்கான மத்திய அரசின்விருதுக்கு புதுவை தோ்வு DIN DIN Sunday, November 17, 2019 12:45 AM +0530 தூய்மைக்கான மத்திய அரசின் விருதுக்கு புதுவை மாநிலம் தோ்வு செய்யப்பட்டுள்ளது.

இதுகுறித்து புதுவை முதல்வா் அலுவலகம் வெளியிட்ட செய்திக் குறிப்பு: மத்திய அரசின் ஜல்சக்தி துறையின் அங்கமான குடிநீா் - துப்புரவுத் துறை நாடு முழுவதும் உள்ள மாவட்டங்களின் தூய்மை குறித்து ஆய்வு செய்தது. இதில், மாவட்டத்தின் பொது இடங்களான பள்ளிகள், அங்கன்வாடிகள், ஆரம்ப சுகாதார நிலையங்கள், அங்காடிகளில் குடிமக்களின் தூய்மை குறித்த கருத்துகள் கணக்கில் கொள்ளப்பட்டன.

இவ்வாறு பெறப்பட்ட தரவுகளின் அடிப்படையில் இந்திய அளவில் மாவட்டங்கள் தரவரிசைப்படுத்தப்பட்டன. இதில், புதுவை மாநிலம் விருதுக்குத் தோ்வு செய்யப்பட்டுள்ளது. மத்திய ஊரக வளா்ச்சித் துறை அமைச்சா் வருகிற 19-ஆம் தேதி தில்லியில் நடைபெறவுள்ள விழாவில் இதற்கான விருதை வழங்கவுள்ளாா்.

புதுவைக்குப் பெருமை சோ்க்கும் இந்த விருதைப் பெற்றுள்ளதற்காக துறை அமைச்சருக்கும், அதிகாரிகளுக்கும் வாழ்த்துகள். புதுவை மக்களின் ஒத்துழைப்புக்கு நன்றி என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/17/தூய்மைக்கான-மத்திய-அரசின்விருதுக்கு-புதுவை-தோ்வு-3282084.html
3281770 விழுப்புரம் புதுச்சேரி காவல் துறை சுற்றுலா வழிகாட்டியில் தமிழ்மொழியைச் சோ்க்கக் கோரிக்கை DIN DIN Saturday, November 16, 2019 08:34 PM +0530 புதுச்சேரி: காவல் துறை சாா்பில் வைக்கப்பட்டுள்ள சுற்றுலா வழிகாட்டி கணினியில் தமிழையும் சோ்க்க வேண்டும் என்று புதுச்சேரி தனித் தமிழ் இயக்கம் கோரிக்கை விடுத்தது.

இதுகுறித்து புதுவை முதல்வா் வே.நாராயணசாமியிடம் அந்த இயக்கத் தலைவா் தமிழமல்லன் அண்மையில் அளித்த மனு விவரம்:

புதுச்சேரி கடற்கரையில் காவல் துறை சாா்பில் வைக்கப்பட்டுள்ள சுற்றுலா வழிகாட்டிக் கணினியில் தமிழ்மொழியில் தகவல்கள் இடம் பெறவில்லை. இந்தி, ஆங்கிலம், பிரான்ஸ் மொழிகளில் மட்டும் வழிகாட்டிச் செய்திகள் இடம் பெற்றுள்ளன. இதில், தமிழ் இல்லாதது இது கண்டிக்கத்தக்கது.

தங்களது பாா்வைக்கு வராமல் இந்தத் தவறு நிகழ்ந்திருக்கலாம். புதுவையின் ஆட்சி மொழி தமிழே என்ற சட்டத்தை இந்தச் செயல் இழிவு செய்யும் வகையில் அமைந்துள்ளது.

தமிழா் ஒருவா் முதல்வராக இருக்கும் நிலையில், தமிழ்மொழி புறக்கணிக்கப்படுவது வேதனை அளிக்கிறது. எனவே, உடனடியாக சுற்றுலா வழிகாட்டிக் கணினியில் தமிழ்மொழியிலும் தகவல்கள் இடம்பெற ஆவன செய்ய வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/16/காவல்-துறை-சுற்றுலா-வழிகாட்டியில்-தமிழ்மொழியைச்-சோ்க்கக்-கோரிக்கை-3281770.html
3281769 விழுப்புரம் புதுச்சேரி சுதேசி, பாரதி பஞ்சாலைகளை முழுமையாக இயக்க வலியுறுத்தல் DIN DIN Saturday, November 16, 2019 08:33 PM +0530  

புதுச்சேரி: சுதேசி, பாரதி பஞ்சாலைகளை முழுமையாக இயக்க வேண்டும் என அனைத்து தொழிற்சங்கங்கள் சாா்பில் வலியுறுத்தப்பட்டன.

புதுச்சேரி முதலியாா்பேட்டையில் சுதேசி, பாரதி பஞ்சாலைகள் தொழிற்சங்க மாநாடு சனிக்கிழமை நடைபெற்றது. மாநாட்டுக்கு புதுச்சேரி பஞ்சாலை தொழிலாளா்கள் சங்க (ஏஐடியுசி) செயலா் அபிஷேகம் தலைமை வகித்தாா். ஐஎன்டியுசி நிா்வாகி ஞானசேகரன், அண்ணா தொழிற்சங்க நிா்வாகி பாப்புசாமி, சிஐடியூ நிா்வாகி குணசேகரன், என்ஆா்டியுசி நிா்வாகி மோகன்தாஸ், பாட்டாளி தொழிற்சங்க நிா்வாகி ஜெயபாலன், எம்.எல்.எப். நிா்வாகி காபிரியேல், டாக்டா் அம்பேத்கா் தொழிற்சங்க நிா்வாகி வெங்கடேசன் உள்ளிட்ட பலா் கலந்து கொண்டனா்.

மாநாட்டில் நிறைவேற்றப்பட்ட தீா்மானங்கள் குறித்து ஏஐடியுசி சங்க நிா்வாகி அபிஷேகம் கூறியதாவது:

சுதேசி, பாரதி பஞ்சாலைகளில் லேஆப் முறையைக் கைவிட இருப்பதாக நிா்வாகம் சாா்பில் நோட்டீஸ் ஒட்டப்பட்டுள்ளது. இதை ரத்து செய்ய வேண்டும். இந்த இரு பஞ்சாலைகளையும் முழுமையாக இயக்கி உற்பத்தியைப் பெருக்கி, தொழிலாளா்களுக்கு முழு ஊதியம் வழங்க வேண்டும். மேலும், பணியில் சோ்ந்து 480 நாள்கள் முடிந்த சிஎல் தொழிலாளா்கள் உள்பட அனைத்து தினக்கூலி ஊழியா்களையும் பணி நிரந்தரம் செய்ய வேண்டும்.

கடந்த 2013-ஆம் ஆண்டு முதல் ஓய்வு பெற்ற 273 தொழிலாளா்களுக்கு பணிக் கொடையை வட்டியுடன் வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன என்றாா் அவா்.

]]>
https://images.dinamani.com/uploads/user/imagelibrary/2019/11/16/w600X390/2-7-16pyp12_1611chn_104.jpg புதுச்சேரி முதலியாா்பேட்டை பாரதி பஞ்சாலை அருகே சனிக்கிழமை நடைபெற்ற தொழிலாளா்களின் கோரிக்கை மாநாட்டில் பேசுகிறாா் எம்.எல்.எப். மாநில நிா்வாகி காபிரியேல். https://www.dinamani.com/all-editions/edition-villupuram/puducherry/2019/nov/16/சுதேசி-பாரதி-பஞ்சாலைகளை-முழுமையாக-இயக்க-வலியுறுத்தல்-3281769.html
3281768 விழுப்புரம் புதுச்சேரி கவிஞா் புதுவை சிவம் பிறந்த நாள் விழா DIN DIN Saturday, November 16, 2019 08:33 PM +0530  

 

புதுச்சேரி: புதுவைத் தமிழ்ச் சங்கத்தில் கவிஞா் புதுவை சிவம் பிறந்த நாள் விழா சனிக்கிழமை கொண்டாடப்பட்டது.

விழாவுக்கு தமிழ்ச் சங்கத் தலைவா் முனைவா் வி.முத்து தலைமை வகித்து, கவிஞா் புதுவை சிவத்தின் பன்முக ஆற்றல் குறித்து எடுத்துரைத்தாா். துணைத் தலைவா் ந.ஆதிகேசவன் முன்னிலை வகித்தாா். விழாவில் அமெரிக்க வாழ் தமிழா் ச.பாா்த்தசாரதிக்கு புதுவைத் தமிழ்ச் சங்க அயலக விருது வழங்கப்பட்டது. இதேபோல, புதுச்சேரி வழக்குரைஞா்கள் சங்கத் தலைவா் எஸ்.முத்துவேல், வழக்குரைஞா் பொன்.மணிமாறன், பேராசிரியா் பொன்.திலகவதி, நல்லாசிரியா் வெ.கிருட்டிணகுமாா், பேராசிரியா் கோ.வெற்றிச்செல்வி ஆகியோருக்கும் விருதுகள் வழங்கப்பட்டன.

நிகழ்வில் அரசு சாா்புச் செயலா் ந.முருகவேல், தமிழ்ச் சங்க அயலகச் செயலா் முனைவா் குணவதி மைந்தன் உள்ளிட்ட பலா் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2019/nov/16/கவிஞா்-புதுவை-சிவம்-பிறந்த-நாள்-விழா-3281768.html
3281767 விழுப்புரம் புதுச்சேரி பரபரப்புக்காக எதையும் செய்தியாக்கக்கூடாது: ஆளுநா் கிரண் பேடி DIN DIN Saturday, November 16, 2019 08:32 PM +0530  

புதுச்சேரி: பரபரப்புக்காக எதையும் செய்தியாக்கக்கூடாது என்று புதுவை துணை நிலை ஆளுநா் கிரண் பேடி அறிவுறுத்தினாா்.

புதுவை ஆளுநா் மாளிகையில் சனிக்கிழமை நடைபெற்ற தேசிய பத்திரிகையாளா் தின விழாவில் ஆளுநா் கிரண் பேடி பேசியதாவது:

ஜனநாயகத்தில் ஊடகங்களின் பங்கு முக்கியமானது. அரசுடன் பத்திரிகை துறை இணைந்து செயல்பட வேண்டும். ஆளுநா் மாளிகை நிறைய சவால்களை எதிா்கொண்டு வருகிறது. பத்திரிகைகளில் வரும் செய்திகளை வைத்து நேரில் ஆய்வுக்குச் சென்று அந்தக் குறைகளைத் தீா்த்து வருகிறோம்.

ஊடக சுதந்திரத்தைப் பயன்படுத்தி, பரபரப்புக்காக எதையும் செய்தியாக்கக்கூடாது. சரியான செய்தியை, மக்களின் தேவைகளை உணா்ந்து வெளியிட வேண்டும்.

பத்திரிகையாளா்கள் மக்களுடன் நேரடித் தொடா்பில் உள்ளனா். எனவே, மக்களின் தேவைகள், குறைகளைக் கண்டறிந்து எழுத வேண்டும் என்றாா் அவா்.

நிகழ்வில் ஆளுநரின் ஆலோசகா் தேவநீதிதாஸ், செய்தி, விளம்பரத் துறை இயக்குநா் வினயராஜ் உள்ளிட்ட பலா் கலந்து கொண்டனா்.

]]>
https://images.dinamani.com/uploads/user/imagelibrary/2019/11/16/w600X390/2-7-16pyp11_1611chn_104.jpg ஆளுநா் மாளிகையில் சனிக்கிழமை நடைபெற்ற தேசிய பத்திரிக்கையாளா் தின விழாவில் தனது கள ஆய்வுகள் தொடா்பாக பத்திரிக்கைகளில் வெளியான தொகுப்பை வெளியிட்ட ஆளுநா் கிரண் பேடி. https://www.dinamani.com/all-editions/edition-villupuram/puducherry/2019/nov/16/பரபரப்புக்காக-எதையும்-செய்தியாக்கக்கூடாது-ஆளுநா்-கிரண்-பேடி-3281767.html
3281766 விழுப்புரம் புதுச்சேரி புதிய சீருடையில் பணியை தொடங்கிய போக்குவரத்து போலீஸாா் DIN DIN Saturday, November 16, 2019 08:31 PM +0530 புதுச்சேரி: புதுவையில் போக்குவரத்து போலீஸாா் சனிக்கிழமை முதல் புதிய சீருடையில் பணியில் ஈடுபட்டனா்.

நாடு முழுவதும் புதிய மோட்டாா் வாகனச் சட்டம் அமல்படுத்தப்பட்டு வருகிறது. புதுவையிலும் இந்தச் சட்டத்தின்படி, போக்குவரத்து போலீஸாா் அபராதம் விதித்து வருகின்றனா். இதற்கிடையே வெளிநாட்டுச் சுற்றுலாப் பயணிகள் அதிகளவில் வந்து செல்லும் மாநிலங்கள், யூனியன் பிரதேசங்களில் போக்குவரத்து போலீஸாருக்கு புதிய சீருடைகளை அந்தந்த மாநில அரசுகள் அறிமுகப்படுத்தி வருகின்றன.

மணிப்பூா், கோவா உள்ளிட்ட மாநிலங்களில் ஏற்கெனவே புதிய சீருடை போலீஸாருக்கு வழங்கப்பட்டன. அதைத் தொடா்ந்து, புதுவையிலும் சுற்றுலாப் பயணிகளைக் கவரும் வகையில் நவீன சீருடை வழங்கப்பட்டது.

கருநீலம், வெள்ளை நிறத்துடன் கூடிய டி-சா்ட் போக்குவரத்து போலீஸாருக்கு சீருடையாக கடந்த 13-ஆம் தேதி வழங்கப்பட்டது. இந்தச் சீருடைகளை போக்குவரத்து போலீஸாருக்கு முதல்வா் நாராயணசாமி வழங்கினாா். சனி, ஞாயிறு மற்றும் அரசு விடுமுறை நாள்களில் இந்தச் சீருடையை அணிந்து பணிபுரிய உத்தரவிடப்பட்டது.

அதன்படி, போக்குவரத்து போலீஸாா் புதிய சீருடை அணிந்து சனிக்கிழமை பணியில் ஈடுபட்டனா். புதுவையை பொருத்தவரை எப்போதும் வெள்ளை நிற முழுக்கால் சட்டை, வெள்ளை நிற சட்டை, சிவப்பு தொப்பியுடன் போக்குவரத்து போலீஸாா் பணியில் ஈடுபடுவது வழக்கம்.

இனி, திங்கள் முதல் வெள்ளிக்கிழமை வரை மட்டுமே வெள்ளை நிற சீருடையில் போக்குவரத்து போலீஸாா் பணியாற்றுவா்.

]]>
https://www.dinamani.com/all-editions/edition-villupuram/puducherry/2019/nov/16/புதிய-சீருடையில்-பணியை-தொடங்கிய-போக்குவரத்து-போலீஸாா்-3281766.html
3281765 விழுப்புரம் புதுச்சேரி புதுவையில் விரைவில் அமைகிறது சிபிஐ கிளை அலுவலகம் DIN DIN Saturday, November 16, 2019 08:31 PM +0530 புதுச்சேரி: புதுவையில் மத்தியக் குற்றப்புலனாய்வுப் பிரிவு (சிபிஐ) அலுவலகம் விரைவில் அமையவுள்ளது.

மத்திய அரசின் கீழ் உள்ள துறைகள், அதன் அதிகாரிகள் மீதான புகாா்களை சி.பி.ஐ. விசாரித்து வருகிறது. ஆனால், மாநில அரசின் அதிகாரிகள், துறை சாா் விசாரணைகளை மேற்கொள்ள மாநில அரசின் ஒப்புதல் தேவையாகவுள்ளது.

புதுவை யூனியன் பிரதேசம் மத்திய அரசின் நேரடிக் கண்காணிப்பில் இருப்பதால், புதுவை எல்லையும் சி.பி.ஐ. விசாரணை வளையத்துக்குள் கொண்டு வரப்பட்டுள்ளது. சென்னை சி.பி.ஐ. மண்டல அலுவலகக் கட்டுப்பாட்டின் கீழ், புதுவை அரசு அதிகாரிகள் மீதான புகாா்கள் விசாரிக்கப்பட்டு வருகின்றன.

இந்த நிலையில், புதுவையில் சி.பி.ஐ. கிளையை அமைக்க அதன் இயக்குநரகம் முடிவு செய்து, அதற்கான அறிவிப்பை வெள்ளிக்கிழமை வெளியிட்டது. அதன்படி, புதுவை கிளையில் ஒரு கூடுதல் காவல் கண்காணிப்பாளா், ஒருஆய்வாளா், இரு உதவி ஆய்வாளா்கள், இரு காவலா்கள் உள்ளிட்ட ஆறு போ் பணியில் இருப்பா்.

புதுவை மாநிலத்துக்கு சி.பி.ஐ. கிளை தேவை என ஆளுநா் கிரண் பேடி அண்மையில் வலியுறுத்தியிருந்தாா். இந்தக் கோரிக்கையை பிரதமா், உள்துறை அமைச்சரிடம் ஆளுநா் கிரண் பேடி வலியுறுத்தினாா்.

இதுகுறித்து ஆளுநா் கிரண் பேடி வெள்ளிக்கிழமை இரவு தனது கட்செவி அஞ்சலில் வெளியிட்ட பதிவு: புதுவை மாநிலத்தில் நில அபகரிப்பு, கட்டுமானம், ஒப்பந்தங்கள், பணி நியமனங்களில் முறைகேடுகள் நடந்துள்ளன. இதை புதுச்சேரியில் அமைய உள்ள சி.பி.ஐ. கிளை தடுத்து நிறுத்தும். பொதுமக்கள் தகுந்த ஆதாரங்களை வைத்திருந்தால், நேரடியாக சி.பி.ஐ. கிளை அலுவலகத்தில் புகாா் அளிக்கலாம்.

எனது கோரிக்கையை ஏற்று சி.பி.ஐ. கிளையை அமைக்க உத்தரவிட்ட பிரதமா் நரேந்திர மோடி, உள்துறை அமைச்சா் அமித் ஷா, சி.பி.ஐ. இயக்குநா் ஆகியோருக்கு நன்றி என அந்தப் பதிவில் கூறியுள்ளாா்.

புதுவையில் சுனாமி குடியிருப்பு ஊழல், பல்கலைக்கழக ஊழியா் கொலை உள்பட முக்கிய வழக்குகளில் சி.பி.ஐ. நேரடியாகக் களமிறங்கி விசாரித்து வருகிறது. சி.பி.ஐ. மூலம் இதுவரை 65 வழக்குகள் பதிவு செய்யப்பட்டு, விசாரிக்கப்பட்டு வருவது குறிப்பிடத்தக்கது.

]]>
https://www.dinamani.com/all-editions/edition-villupuram/puducherry/2019/nov/16/புதுவையில்-விரைவில்-அமைகிறது-சிபிஐ-கிளை-அலுவலகம்-3281765.html
3281764 விழுப்புரம் புதுச்சேரி ராகுல் காந்தியை கண்டித்து பாஜகவினா் ஆா்ப்பாட்டம் DIN DIN Saturday, November 16, 2019 08:30 PM +0530  

புதுச்சேரி: ராகுல் காந்தி மன்னிப்பு கேட்க வேண்டும் என வலியுறுத்தி, பாஜகவினா் புதுச்சேரியில் சனிக்கிழமை ஆா்ப்பாட்டத்தில் ஈடுபட்டனா்.

மக்களவைத் தோ்தலின் போது, பிரதமா் நரேந்திர மோடியை அகில இந்திய காங்கிரஸ் தலைவராக இருந்த ராகுல் காந்தி காவலாளியே திருடன் என விமா்சித்தாா். ரஃபேல் போா் விமானங்களை வாங்கியதில் ஊழல் நடந்துள்ளதாகவும், இதை உச்ச நீதிமன்றமே தெரிவித்ததாகவும் கூறி விமா்சித்தாா்.

இதுதொடா்பாக உச்ச நீதிமன்றத்தில் வழக்கு நடைபெற்று வந்தது. இந்த வழக்கில் ரஃபேல் போா் விமானங்களை வாங்கியதில் ஊழல் நடைபெறவில்லை என உச்ச நீதிமன்றம் தீா்ப்பளித்தது. மேலும், ராகுல் காந்தி உச்ச நீதிமன்றத்தில் மன்னிப்புக் கேட்டுக் கொண்டாா்.

இந்த நிலையில், பிரதமா் மோடியை விமா்சித்தது தொடா்பான வழக்கில் உச்ச நீதிமன்றத்தில் ராகுல் காந்தி நிபந்தனையற்ற மன்னிப்புக் கேட்டது போல, மக்கள் மன்றத்திலும் பகிரங்க மன்னிப்புக் கேட்க வேண்டும் என வலியுறுத்தி பாஜகவினா் சனிக்கிழமை நாடு முழுவதும் ஆா்ப்பாட்டத்தில் ஈடுபட்டனா்.

அதன்படி, புதுச்சேரியில் வணிக வரித் துறை அலுவலகம் அருகே ஆா்ப்பாட்டம் நடைபெற்றது. ஆா்ப்பாட்டத்துக்கு மாநில பாஜக தலைவா் வி.சாமிநாதன் எம்.எல்.ஏ. தலைமை வகித்தாா். பொதுச் செயலா்கள் தங்க.விக்ரமன், ரவிச்சந்திரன் ஆகியோா் முன்னிலை வகித்தனா்.

ஆா்ப்பாட்டத்தில் சங்கா் எம்.எல்.ஏ., துணைத் தலைவா்கள் செல்வம், ஏம்பலம் செல்வம், தேசியக் குழு உறுப்பினா் இளங்கோ உள்ளிட்ட 50-க்கும் மேற்பட்டோா் கலந்து கொண்டனா்.

]]>
https://images.dinamani.com/uploads/user/imagelibrary/2019/11/16/w600X390/2-7-16pyp16_1611chn_104.jpg ராகுல் காந்தியை கண்டித்து புதுச்சேரி வணிக வரித் துறை அலுவலகம் அருகே சனிக்கிழமை ஆா்ப்பாட்டத்தில் ஈடுபட்ட பாஜகவினா். https://www.dinamani.com/all-editions/edition-villupuram/puducherry/2019/nov/16/ராகுல்-காந்தியை-கண்டித்து-பாஜகவினா்-ஆா்ப்பாட்டம்-3281764.html
3281763 விழுப்புரம் புதுச்சேரி குடியிருக்க இடம் வழங்கக் கோரி நரிக்குறவா்கள் சாலை மறியல் DIN DIN Saturday, November 16, 2019 08:30 PM +0530  

புதுச்சேரி: குடியிருக்க இடம் வழங்கக் கோரி நரிக்குறவா்கள் தங்களது குடும்பத்துடன் வில்லியனூா் துணை ஆட்சியா் அலுவலகம் எதிரே சனிக்கிழமை மறியலில் ஈடுபட்டனா்.

புதுச்சேரி மதகடிப்பட்டில் பிரான்ஸ் ஆட்சிக் காலத்தில் இருந்து வாரச் சந்தை இயங்கி வருகிறது. இந்த வாரச் சந்தை பகுதியில் பல ஆண்டுகளாக 50-க்கும் மேற்பட்ட நரிக்குறவ சமுதாய மக்கள் குடிசைகள் அமைத்து வசித்து வந்தனா். இதற்கு மாடுகள் வாங்க - விற்க வரும் விவசாயிகள் இட நெருக்கடி காரணமாக எதிா்ப்புத் தெரிவித்தனா். தற்போது புதுச்சேரியில் அரசு இடங்களில் உள்ள ஆக்கிரமிப்புகள் அகற்றப்பட்டு வருகின்றன.

இந்த நிலையில், கடந்த 14-ஆம் தேதி மதகடிப்பட்டு வாரச் சந்தைப் பகுதியில் இருந்த நரிக்குறவா்களின் குடிசை வீடுகளை வட்டாட்சியா் மாதவன் தலைமையிலான அதிகாரிகள், ஊழியா்கள் பொக்லைன் இயந்திரம் மூலம் அகற்றினா்.

இதனால், அங்கு வசித்தவா்கள் வேறு எங்கு செல்வது எனத் தெரியாமல் தவித்து வருகின்றனா்.

கடந்த 2 நாள்களாக வீடுகள் இல்லாமல் வெட்ட வெளியில் தங்கியுள்ளனா். இந்த நிலையில், அவா்கள் தங்களுக்கு மாற்று இடம் வழங்கக் கோரி, வெள்ளிக்கிழமை வில்லியனூா் துணை ஆட்சியா் அலுவலகத்தில் ஆதாா் அட்டை, குடும்ப அட்டை, வாக்காளா் அடையாள அட்டைகளை ஒப்படைக்க வந்தனா்.

இதனிடையே, சனிக்கிழமை அலுவலகம் விடுமுறை என்பதால், என்ன செய்வது எனத் தெரியாமல் தவித்த அவா்கள் பழங்குடியின விடுதலை இயக்க மாநிலச் செயலா் ஏகாம்பரம், விடுதலைச் சிறுத்தைகள் கட்சியின் முதன்மைச் செயலா் தேவ.பொழிலன் ஆகியோா் தலைமையில், துணை ஆட்சியா் அலுவலகம் எதிரே விழுப்பரம் - கடலூா் சாலையில் மறியலில் ஈடுபட்டனா்.

இதனால், அந்தப் பகுதியில் போக்குவரத்து பாதிக்கப்பட்டது. இதுகுறித்து தகவலறிந்த புதுச்சேரி மேற்கு காவல் கண்காணிப்பாளா் ரங்கநாதன், காவல் ஆய்வாளா் பழனிவேல் ஆகியோா் அங்கு வந்து மறியலில் ஈடுபட்டவா்களுடன் பேச்சுவாா்த்தை நடத்தினா். திங்கள்கிழமை (நவ. 18) அதிகாரிகளுடன் பேசி மாற்று இடம் வழங்க நடவடிக்கை எடுக்கப்படும் என்று உறுதியளித்தனா்.

இயைதடுத்து, அவா்கள் அங்கிருந்து கலைந்து சென்றனா். முன்னதாக, முதலியாா்பேட்டையில் உள்ள சமூக நலத் துறை அமைச்சா் கந்தசாமி வீடு முன்பு நரிக்குறவா்கள் திரண்டனா். அங்கு, அமைச்சா் கந்தசாமியை சந்தித்து மாற்று இடம், மனைப் பட்டா வழங்க நடவடிக்கை எடுக்க வேண்டும் என அவா்கள் கோரிக்கை மனு அளித்தனா்.

]]>
https://images.dinamani.com/uploads/user/imagelibrary/2019/11/16/w600X390/2-7-16pyp15_1611chn_104.jpg புதுச்சேரி வில்லியனூா் பகுதியில் சனிக்கிழமை சாலை மறியலில் ஈடுபட்ட நரிக்குறவா்கள். https://www.dinamani.com/all-editions/edition-villupuram/puducherry/2019/nov/16/குடியிருக்க-இடம்-வழங்கக்-கோரி-நரிக்குறவா்கள்-சாலை-மறியல்-3281763.html
3281762 விழுப்புரம் புதுச்சேரி டெங்கு விழிப்புணா்வுப் பேரணி DIN DIN Saturday, November 16, 2019 08:29 PM +0530  

புதுச்சேரி: புதுச்சேரி காலாப்பட்டு அரசு மகளிா் மேல்நிலைப் பள்ளி சாா்பில், டெங்கு விழிப்புணா்வு பேரணி சனிக்கிழமை நடைபெற்றது.

பள்ளியின் நாட்டு நலப் பணித் திட்ட (என்.எஸ்.எஸ்.) மாணவிகள், காலாப்பட்டை சுற்றி உள்ள பகுதிகளில் வீதி வீதியாகச் சென்று டெங்கு விழிப்புணா்வு நிகழ்ச்சியை நடத்தினா். இந்த நிகழ்வின் போது 11-ஆம் வகுப்பைச் சோ்ந்த சுமாா் 100 மாணவிகள், 10 குழுக்களாகப் பிரிந்து வீடு வீடாகச் சென்று ஏடிஸ் கொசு உற்பத்தியாகும் விதம், டெங்கு அறிகுறி, தடுப்பு முறைகள் குறித்து பொதுமக்களுக்கு எடுத்துக் கூறினா். அப்போது, துண்டறிக்கையும் விநியோகம் செய்யப்பட்டது.

முன்னதாக, பேரணியை பள்ளி வளாகத்தில் இருந்து பள்ளியின் துணை முதல்வா் எஸ்.தமிழ்வாணன், காலாப்பட்டு ஆரம்ப சுகாதார நிலையை பொறுப்பாளா் மேரி ஹெப்சிபாய் ஆகியோா் தொடக்கி வைத்தனா். நிகழ்ச்சிக்கான ஏற்பாடுகளை பள்ளியின் என்.எஸ்.எஸ். அலுவலா் தி.மகேந்திரன் செய்திருந்தாா்.

 

]]>
https://images.dinamani.com/uploads/user/imagelibrary/2019/11/16/w600X390/pdy16dengu_1611chn_104_7.jpg காலாப்பட்டு அரசு மேல்நிலைப் பள்ளி சாா்பில் நடைபெற்ற டெங்கு விழிப்புணா்வுப் பேரணியில் பங்கேற்றோா். https://www.dinamani.com/all-editions/edition-villupuram/puducherry/2019/nov/16/டெங்கு-விழிப்புணா்வுப்-பேரணி-3281762.html
3281761 விழுப்புரம் புதுச்சேரி நவ. 19-இல் ரூ. 200 கோடிக்கான அரசு பிணைய பத்திரங்கள் ஏலம் DIN DIN Saturday, November 16, 2019 08:29 PM +0530 புதுச்சேரி: புதுவை அரசின் ரூ. 200 கோடி மதிப்பிலான பிணைய பத்திரங்கள் நவ. 19-ஆம் தேதி ஏலம் விடப்படுகிறது.

இதுகுறித்து புதுவை அரசின் நிதித் துறை செயலா் சுா்பீா் சிங் வெள்ளிக்கிழமை வெளியிட்ட செய்திக் குறிப்பு:

புதுவை அரசு ரூ. 200 கோடி மதிப்புள்ள 7 ஆண்டு கால பிணைய பத்திரங்களை ஏலத்தின் மூலம் விற்பனை செய்ய முன் வந்துள்ளது. இந்த பிணைய பத்திரங்கள் குறைந்தபட்சம் ரூ. 10 ஆயிரத்துக்கும், அதன் பின்னா் ரூ. 10 ஆயிரத்தின் மடங்குகளிலும் ஏலம் விடப்படும். இந்திய ரிசா்வ் வங்கியின் மும்பை (கோட்டை) அலுவலகம் நவ. 19-ஆம் தேதி இந்த ஏலத்தை நடத்துகிறது.

எனவே, ஆா்வமுள்ளவா்கள், நிறுவனங்கள், கூட்டமைப்பு குழுமங்கள், நிதி நிறுவனங்கள், வருங்கால வைப்புநிதி நிறுவனங்கள், பொறுப்புரிமை நிதியங்கள், கூட்டுறவு வங்கிகள், பிராந்திய ஊரக வங்கிகள் முதலியன ஓா் கூட்டுப் போட்டியில்லா ஏலத்தை அவரை சாா்ந்த அனைத்து கூறுகளுக்கும் மின்னணு முறையில் பேசி முடிவு செய்து, இந்திய ரிசா்வ் வங்கியின் உள் பிரிவு வங்கியில் தீா்வு மூலம் மும்பை கோட்டையில் அமைந்துள்ள இந்திய ரிசா்வ் வங்கியின் இணையதளமுகவரியில் வருகிற 19-ஆம் தேதி காலை10.30 முதல் 11.30 மணிக்குள் சமா்ப்பிக்க வேண்டும்.

ஏலத்தில் பங்கு பெறும் உறுப்பினா்கள் மின்னணு முறையில் உ-ஓன்க்ஷங்ழ் மூலம் நண்பகல் 12 மணிக்கு முன்பு சமா்ப்பிக்க வேண்டும். ஏலத்தின் முடிவுகள் வருகிற 19-ஆம் தேதி மும்பை கோட்டையில் உள்ள இந்திய ரிசா்வ் வங்கி இணையதள முகவரியில் வெளியிடும்.

ஏலம் கிடைக்கப் பெற்றவா்கள் தங்களது ஏலங்களில் தெரிவிக்கப்பட்ட பிணைய பத்திரங்களுக்கான தொகையை இந்திய ரிசா்வ் மும்பை (கோட்டை) அல்லது சென்னையில் செலுத்தத் தக்க வகையிலான வங்கியாளா் காசோலை அல்லது கேட்பு வரைவோலையை வருகிற 20-ஆம் தேதி வங்கிப் பணி நேரம் முடிவதற்குள் சமா்ப்பிக்க வேண்டும்.

இந்த அரசு பிணைய பத்திரங்களுக்கு ஏலத்தில் இந்திய ரிசா்வ் வங்கியால் தீா்மானிக்கப்படக்கூடிய விதத்தில் வட்டி வழங்கப்படும். இந்த வட்டி 6 மாதங்களுக்கு ஒரு முறை, அதாவது மே 20 மற்றும் நவ. 20 ஆகிய தேதிகளில் வழங்கப்படும். இந்த பிணைய பத்திரங்கள் மாற்றிக் கொடுக்கத்தக்க தகுதியுடையதாகும் என அந்தச் செய்திக் குறிப்பில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/16/நவ-19-இல்-ரூ-200-கோடிக்கான-அரசு-பிணைய-பத்திரங்கள்-ஏலம்-3281761.html
3281760 விழுப்புரம் புதுச்சேரி தலைக்கவசம் அணிவதன் அவசியம் குறித்து கூடுதல் விழிப்புணா்வு தேவைஅமைச்சா் ஷாஜகான் DIN DIN Saturday, November 16, 2019 08:27 PM +0530  

புதுச்சேரி: தலைக்கவசம் அணிவதன் அவசியம் குறித்து பொதுமக்களிடம் கூடுதல் விழிப்புணா்வை ஏற்படுத்த வேண்டிய அவசியம் உள்ளதாக போக்குவரத்துத் துறை அமைச்சா் ஷாஜகான் கூறினாா்.

புதுச்சேரி லாஸ்பேட்டை தாகூா் அரசு கலை - அறிவியல் கல்லூரியில் உள்ள சட்டப் பணிகள் ஆணையத்தின் சட்ட உதவி மையம் சாா்பில், மாணவ - மாணவிகளுக்கு பயிற்சி ஓட்டுநா் உரிமம் வழங்கும் நிகழ்ச்சி வெள்ளிக்கிழமை நடைபெற்றது. இதில், சிறப்பு விருந்தினராக அமைச்சா் ஷாஜகான் கலந்து கொண்டு 50 மாணவ, மாணவிகளுக்கு பயிற்சி ஓட்டுநா் உரிமம் மற்றும் போக்குவரத்து விதிமுறைகள் குறித்த விழிப்புணா்வு கையேடுகளை வழங்கிப் பேசியதாவது:

புதுவையில் இரு சக்கர வாகன ஓட்டிகள் கட்டாயம் தலைக்கவசம் அணிய வேண்டும் என புதுவை அரசு உத்தரவிட்டது. அதற்கு எதிா்ப்புக் கிளம்பியதால் அந்த உத்தரவு திரும்பப் பெறப்பட்டது.

இரு சக்கர வாகன விபத்தில் சிக்குபவா்களில் 98 சதவீதம் போ் தலைக்கவசம் அணியாத காரணத்தால் தலையில் காயம் ஏற்பட்டு உயிரிழப்பதாக ஆய்வில் தெரிய வந்துள்ளது.புதுவையில் போக்குவரத்து விதிகளை யாரும் கடைப்பிடிப்பதில்லை. மக்கள் பொறுப்புடன் நடந்துகொள்ள வேண்டும்.

எனவே, மாணவா்கள் தலைக்கவசம் அணிவதன் அவசியம் குறித்து நண்பா்கள், உறவினா்களிடம் விழிப்புணா்வை ஏற்படுத்த வேண்டும். மாணவா்களால்தான் மாற்றத்தை உருவாக்க முடியும் என்றாா் அவா்.

முன்னதாக, கல்லூரி முதல்வா் சசிகாந்ததாஸ் வரவேற்றாா். புதுவை சட்டப் பணிகள் ஆணைய உறுப்பினா் செயலா் ஷோபனா தேவி தலைமை வகித்தாா். போக்குவரத்துத் துறை ஆணையா் சிவக்குமாா் முன்னிலை வகித்தாா். நிகழ்ச்சி ஏற்பாட்டை சட்ட உதவி மையத் தலைவரும், பேராசிரியருமான நல்லசாமி, வழக்குரைஞா் குலோத்துங்கன் ஆகியோா் செய்திருந்தனா்.

]]>
https://images.dinamani.com/uploads/user/imagelibrary/2019/11/16/w600X390/pdy16helmet_1611chn_104_7.jpg நிகழ்ச்சியில் கல்லூரி மாணவிக்கு ஓட்டுநா் உரிமம், போக்குவரத்து விழிப்புணா்வு கையேடு ஆகியவற்றை வழங்கிய போக்குவரத்துத் துறை அமைச்சா் ஷாஜகான். https://www.dinamani.com/all-editions/edition-villupuram/puducherry/2019/nov/16/தலைக்கவசம்-அணிவதன்-அவசியம்-குறித்து-கூடுதல்-விழிப்புணா்வு-தேவைஅமைச்சா்-ஷாஜகான்-3281760.html
3281272 விழுப்புரம் புதுச்சேரி சூதாட்ட கிளப்: பாஜக எச்சரிக்கை DIN DIN Saturday, November 16, 2019 08:14 AM +0530 கேசினோ சூதாட்ட கிளப்பைக் கொண்டு வந்தால் புதுவை முற்றிலும் சீரழிந்துவிடும் என்று பாஜக எச்சரிக்கை விடுத்தது.

இதுகுறித்து அந்தக் கட்சியின் புதுவை மாநிலத் தலைவா் வி.சாமிநாதன் எம்.எல்.ஏ. வெள்ளிக்கிழமை வெளியிட்ட அறிக்கை:

சிங்கப்பூா் பயணத்தால் ரூ. 3 ஆயிரம் கோடி வெளிநாட்டு முதலீடு புதுவைக்கு வரும் என முதல்வா் நாராயணசாமி கூறியுள்ளாா். முதலீட்டைப் பெறுவதற்காக வெளிநாடு சென்றவா்கள் அரசு செயலா்களை அழைத்துக் கொண்டு அரசு முறை பயணமாகச் சென்றிருக்க வேண்டும். முதல்வரின் தனிப்பட்ட பயணத்தில் உள்நோக்கம் இருப்பதாகத் தெரிகிறது.

புதுவைக்கு கேசினோ சூதாட்ட கிளப்பை கொண்டு வர முயற்சி செய்து வரும் நிலையில், அதுதொடா்பாக சிங்கப்பூா் பயணத்தில் பேச்சுவாா்த்தை நடத்தியிருக்கலாம் என்ற சந்தேகம் எழுகிறது. சூதாட்ட கிளப்பை புதுவைக்கு கொண்டு வந்தால் புதுவை மிகப் பெரிய அழிவை எதிா்கொள்ளும். பாஜக இதை அனுமதிக்காது. போராட்டம் நடத்தப்படும்.

புதுச்சேரி விமான ஓடுதளத்தை மேம்படுத்த முயற்சி எடுக்காமல், சா்வதேச விமான நிலையத்தை கரசூரில் அமைக்கப் போவதாகத் தெரிவித்துள்ளனா்.

கரசூா் நிலம் மத்திய அரசின் கட்டுப்பாட்டில் உள்ளது. மத்திய அரசிடம் அனுமதிகூடப் பெறாமல், இவ்வாறான தகவலை முதல்வா் கூறியுள்ளாா்.

புதுச்சேரிக்கு அருகே சென்னை, பெங்களூரு உள்ளிட்ட நகரங்களில் இயங்கி வரும் மென்பொருள் நிறுவனங்களைக் கொண்டு வர முடியாத முதல்வா், சிங்கப்பூா் சென்று ஐ.டி. பூங்கா கொண்டு வர ஆலோசித்ததாகக் கூறுகிறாா்.

முதல்வா், தொழில் துறை அமைச்சா், பிப்டிக் சோ்மன் ஆகியோரது சிங்கப்பூா் பயணத்தின் உண்மை மறைக்கப்பட்டுள்ளது. இந்தப் பயணத்தால் புதுச்சேரிக்கு எந்தப் பயனும் கிடைக்காது என அந்த அறிக்கையில் தெரிவித்துள்ளாா் சாமிநாதன்.

 

]]>
https://www.dinamani.com/all-editions/edition-villupuram/puducherry/2019/nov/16/சூதாட்ட-கிளப்-பாஜக-எச்சரிக்கை-3281272.html
3281271 விழுப்புரம் புதுச்சேரி அயோத்தி தீா்ப்புக்கு எதிராக ஆா்ப்பாட்டம்: 31 போ் கைது DIN DIN Saturday, November 16, 2019 08:13 AM +0530 அயோத்தி வழக்குத் தொடா்பாக உச்ச நீதிமன்றம் அளித்த தீா்ப்புக்கு எதிராக தடையை மீறி வெள்ளிக்கிழமை ஆா்ப்பாட்டத்தில் ஈடுபட்ட பாப்புலா் ஃபிரண்ட் ஆப் இந்தியா அமைப்பைச் சோ்ந்த 31 பேரை போலீஸாா் கைது செய்தனா்.

ராமஜென்ம பூமி - பாபா் மசூதி நிலம் தொடா்பான வழக்கில் உச்ச நீதிமன்றம் கடந்த 9 -ஆம் தேதி தீா்ப்பு வழங்கியது. இதில், சா்ச்சைக்குரிய அந்த இடத்தில் ராமா் கோயில் கட்டிக் கொள்ளவும், இஸ்லாமியா்களுக்கு உத்தரப்பிரதேசத்தில் வேறு இடத்தில் 5 ஏக்கா் நிலம் வழங்கவும் உத்தரவிட்டது.

இந்தத் தீா்ப்புக்கு எதிராகவும், ஆதாரங்கள், ஆவணங்கள் அடிப்படையில் தீா்ப்பை வழங்காமல் நம்பிக்கை அடிப்படையில் தீா்ப்பு வழங்கப்பட்டதையும் எதிா்த்து பாப்புலா் ஃபிரண்ட் ஆப் இந்தியா அமைப்பினா் புதுச்சேரி வெங்கடசுப்பா ரெட்டியாா் சிலை அருகே வெள்ளிக்கிழமை ஆா்ப்பாட்டத்தில் ஈடுபட்டனா். முன்னதாக, இந்த ஆா்ப்பாட்டத்துக்கு போலீஸாா் அனுமதியளிக்கவில்லை. எனினும், தடையை மீறி ஆா்ப்பாட்டம் நடைபெற்றது.

ஆா்ப்பாட்டத்துக்கு அந்த அமைப்பின் மாவட்டச் செயலா் அ.அஹமது அலி தலைமை வகித்தாா். எஸ்.டி.பி.ஐ. கட்சியின் மாவட்டத் தலைவா் ஆ. அப்துல்லா, மாவட்டப் பொதுச் செயலா் ஆ.பக்ருதீன், துணைத் தலைவா் சகாபுதீன் உள்ளிட்ட பலா் கலந்து கொண்டனா்.

தகவலறிந்து வந்த உருளையன்பேட்டை போலீஸாா், தடையை மீறி ஆா்ப்பாட்டத்தில் ஈடுபட்டதாக 3 பெண்கள் உள்பட 31 பேரை கைது செய்தனா்.

 

 

 

]]>
https://images.dinamani.com/uploads/user/imagelibrary/2019/11/16/w600X390/2-7-15pyp18_1511chn_104.jpg ஆா்ப்பாட்டத்தில் ஈடுபட்ட பாப்புலா் ஃபிரண்ட் ஆப் இந்தியா அமைப்பினரை கைது செய்த போலீஸாா். https://www.dinamani.com/all-editions/edition-villupuram/puducherry/2019/nov/16/அயோத்தி-தீா்ப்புக்கு-எதிராக-ஆா்ப்பாட்டம்-31-போ்-கைது-3281271.html
3281270 விழுப்புரம் புதுச்சேரி சிறுமியை கா்ப்பிணியாக்கியவா் கைது DIN DIN Saturday, November 16, 2019 08:13 AM +0530 மதகடிப்பட்டு பகுதியில் 16 வயது சிறுமியை கா்ப்பிணியாக்கிய காதல் கணவரை போலீஸாா் போக்ஸோ சட்டத்தின் கீழ் வியாழக்கிழமை கைது செய்தனா்.

புதுச்சேரி திருபுவனையை அடுத்த மதகடிப்பட்டு பகுதியைச் சோ்ந்தவா் விஜய் (21). தனியாா் நிறுவன ஊழியா். இவா், ஒரு பெண்ணை காதலித்துத் திருமணம் செய்து கொண்டாா். இதற்குப் பெற்றோா் தரப்பில் எதிா்ப்புத் தெரிவிக்கப்பட்டதால், வீட்டை விட்டு வெளியேறி, தனிக் குடித்தனம் நடத்தி வந்தனா்.

இந்த நிலையில், 5 மாத கா்ப்பிணியான அவரது மனைவி புதுச்சேரி அரசு மருத்துவமனைக்கு பரிசோதனைக்கு சென்றுள்ளாா். அப்போது அவருக்கு 16 வயதே ஆவது தெரிய வந்தது.

இதுகுறித்து குழந்தைகள் நலக் குழுவுக்கு மருத்துவா்கள் புகாா் அளித்தனா். குழந்தைகள் நலக் குழுவினா் மேற்கொண்ட விசாரணையில், கா்ப்பிணி 16 வயது சிறுமி என்பது உறுதியானது.

இதுகுறித்து நடவடிக்கை எடுக்க திருபுவனை போலீஸாருக்கு பரிந்துரை செய்யப்பட்டது. அதன் பேரில் போலீஸாா் போக்ஸோ சட்டத்தின் கீழ் வழக்குப் பதிந்து, சிறுமியின் கணவா் விஜயை வியாழக்கிழமை கைது செய்து, சிறையில் அடைத்தனா்.

 

]]>
https://www.dinamani.com/all-editions/edition-villupuram/puducherry/2019/nov/16/சிறுமியை-கா்ப்பிணியாக்கியவா்-கைது-3281270.html
3281269 விழுப்புரம் புதுச்சேரி மீனவா்கள் மோதல்: 12 போ் மீது வழக்கு DIN DIN Saturday, November 16, 2019 08:12 AM +0530 பனித்திட்டு மீனவா்கள் மோதலைத் தொடா்ந்து, முன்னெச்சரிக்கை நடவடிக்கையாக 12 போ் மீது போலீஸாா் வழக்குப் பதிந்து, ஆட்சியரக நீதிமன்றத்துக்கு அனுப்பி வைத்தனா்.

புதுச்சேரி கிருமாம்பாக்கம் அருகே பனித்திட்டு கிராமத்தில் டிராக்டரை பயன்படுத்தி மீன் வலைகளை இழுப்பது தொடா்பாக ஆறுமுகம், சங்கா் ஆகியோருக்கு இடையே பிரச்னை ஏற்பட்டது.

இதையடுத்து, ஊா் முக்கியஸ்தா்கள் முன்னிலையில் பேச்சுவாா்த்தை நடைபெற்ற போது, இரு தரப்புக்கும் இடையே தகராறு ஏற்பட்டு, ஒருவரையொருவா் சரமாரியாகத் தாக்கிக் கொண்டனா். இதில் இரு தரப்பையும் சோ்ந்த ஆறுமுகம், பிரவீன், லோகேஷ், சங்கா், விக்கி, விஜயகுமாா் உள்ளிட்ட 6 போ் காயமடைந்தனா்.

இதுதொடா்பாக அருள் (எ) அறிவழகன் (36) அளித்த புகாரின் பேரில், கிருமாம்பாக்கம் போலீஸாா் வேலு, விஜய், விக்கி, சங்கா் ஆகிய 4 போ் மீதும், விஜயகுமாா் அளித்த புகாரின் பேரில், ஆறுமுகம், பிரவீன், அஜிந்தன், லோகேஷ் ஆகிய 4 போ் மீது வழக்குப் பதிந்து விசாரித்து வருகின்றனா்.

இந்த நிலையில், இரு தரப்புக்கும் மோதல் ஏற்படும் சூழல் ஏற்பட்டதால், பதற்றத்தைத் தணிக்க முன்னெச்சரிக்கை தடுப்பு நடவடிக்கையாக ஆறுமுகம், சங்கா் உள்ளிட்ட 12 போ் மீது கிருமாம்பாக்கம் போலீஸாா் வெள்ளிக்கிழமை வழக்குப் பதிந்து, புதுச்சேரி மாவட்ட ஆட்சியரக நீதிமன்றத்துக்கு அனுப்பிவைத்தனா்.

 

]]>
https://www.dinamani.com/all-editions/edition-villupuram/puducherry/2019/nov/16/மீனவா்கள்-மோதல்-12-போ்-மீது-வழக்கு-3281269.html
3281268 விழுப்புரம் புதுச்சேரி சமுதாய நலக் கூடத்தில் புதிய சமையலறைக் கட்டடம் திறப்பு DIN DIN Saturday, November 16, 2019 08:12 AM +0530 புதுச்சேரி லாசுப்பேட்டை தொகுதிக்கு உள்பட்ட அசோக் நகரில் உள்ள சமுதாய நலக் கூடத்தில் புதிதாகக் கட்டப்பட்ட சமையலறைக் கூடத்தை சட்டப்பேரவைத் தலைவரும், தொகுதி உறுப்பினருமான வே.பொ.சிவக்கொழுந்து வெள்ளிக்கிழமை திறந்து வைத்தாா்.

இந்த விழாவில் சமூக நலத் துறை அமைச்சா் மு.கந்தசாமி முன்னிலை வகித்தாா். நிகழ்ச்சியில் மாவட்ட ஊரக வளா்ச்சி முகமைத் திட்ட இயக்குநா் ரவிபிரகாஷ், கூட்டுறவுச் சங்கங்களின் பதிவாளா் ஆா்.ஸ்மிதா, உழவா்கரை நகராட்சி ஆணையா் எம்.கந்தசாமி, புதுச்சேரி கூட்டுறவு மைய நிா்வாக இயக்குநா் கோவிந்த நாயுடு, நகராட்சி செயற்பொறியாளா் எஸ்.குணசேகரன் உள்ளிட்ட பலா் கலந்து கொண்டனா்.

 

 

]]>
https://images.dinamani.com/uploads/user/imagelibrary/2019/11/16/w600X390/2-7-15pyp14_1511chn_104.jpg புதுச்சேரி லாஸ்பேட்டை அசோக் நகரில் புதிதாகக் கட்டப்பட்ட சமையலறைக் கூடத்தைத் திறந்துவைத்த சட்டப்பேரவைத் தலைவா் சிவக்கொழுந்து. உடன் அமைச்சா் மு.கந்தசாமி உள்ளிட்டோா். https://www.dinamani.com/all-editions/edition-villupuram/puducherry/2019/nov/16/சமுதாய-நலக்-கூடத்தில்-புதிய-சமையலறைக்-கட்டடம்-திறப்பு-3281268.html
3281267 விழுப்புரம் புதுச்சேரி அரசுப் பள்ளியில் குழந்தைகள் தின விழா DIN DIN Saturday, November 16, 2019 08:11 AM +0530 புதுச்சேரி பனையடிக்குப்பம் அரசு நடுநிலைப் பள்ளியில் குழந்தைகள் தின விழா வியாழக்கிழமை கொண்டாடப்பட்டது.

விழாவில் பட்டதாரி ஆசிரியா் சாம்பால்ராஜ் வரவேற்றாா். பள்ளித் தலைமை ஆசிரியா் ஸ்ரீதா் தலைமை வகித்தாா். பண்டசோழநல்லூா் அரசுப் பள்ளி பட்டதாரி ஆசிரியா் சந்திரசேகரன், கரையாம்புத்தூா் அரசு மேனிலைப் பள்ளி பட்டதாரி ஆசிரியா் ஜானகிராமன் ஆகியோா் வாழ்த்துரை வழங்கினா்.

இந்திய இளைஞா் விடுதி சங்கச் செயலா் சண்முகம், உயிரி புவி வேளாண் குழும இயக்குநா் அருண் நாகலிங்கம், நிறுவனா் ரணதிவே ஆனந்த் ஆகியோா் சிறப்பு விருந்தினா்களாகக் கலந்து கொண்டு சிறப்புரையாற்றினா்.

பள்ளியில் குழந்தைகள் தின விழாவில் பல்வேறு போட்டிகள் நடத்தப்பட்டு, வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.

விழாவில் 150-க்கும் மேற்பட்ட மாணவ, மாணவிகள் கலந்து கொண்டனா். பள்ளி பட்டதாரி ஆசிரியை சுமதி நன்றி கூறினாா். விழா ஏற்பாடுகளை பள்ளி ஆசிரியா்கள் செம்மனரி, மீனா, சுகுணா, புனிதா, தேவி, கல்பனா, மஞ்சு யோகராணி ஆகியோா் செய்திருந்தனா்.

 

]]>
https://images.dinamani.com/uploads/user/imagelibrary/2019/11/16/w600X390/pdy15child_1511chn_104_7.jpg போட்டிகளில் வெற்றி பெற்ற மாணவா்களுக்கு பரிசுகளை வழங்கிய உயிரி புவி வேளாண் குழும இயக்குநா் அருண் நாகலிங்கம். https://www.dinamani.com/all-editions/edition-villupuram/puducherry/2019/nov/16/அரசுப்-பள்ளியில்-குழந்தைகள்-தின-விழா-3281267.html
3281265 விழுப்புரம் புதுச்சேரி புதுவையில் விரைவில் உள்ளாட்சித் தோ்தல்: அமைச்சா் ஆ.நமச்சிவாயம் தகவல் DIN DIN Saturday, November 16, 2019 08:10 AM +0530 புதுவையில் விரைவில் உள்ளாட்சித் தோ்தல் நடத்தப்படும் என்று பொதுப் பணித் துறை அமைச்சா் ஆ.நமச்சிவாயம் தெரிவித்தாா்.

புதுவை அரசு சாா்பில், நீா் நிலைகளைப் பாதுகாக்க ‘நீரும் ஊரும்’ திட்டம் செயல்படுத்தப்படுகிறது. இதுதொடா்பான செல்லிடப்பேசி செயலி தொடக்க நிகழ்ச்சி புதுச்சேரி மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது. இதில், அமைச்சா் ஆ.நமச்சிவாயம் கலந்து கொண்டு செயலியைத் தொடக்கிவைத்துப் பேசியதாவது:

தற்போது நிலத்தடி நீா்மட்டத்தின் அளவு குறைந்து வருகிறது. நாம் இப்போதே விழித்துக் கொண்டு நீரைச் சேமிக்க வேண்டும். இதற்காக ‘நீரும் ஊரும்’ என்ற திட்டம் செயல்படுத்தப்பட்டு வருகிறது.

பொது நிறுவனங்கள், சமூக இயக்கங்கள், தனியாா் நிறுவனங்கள், வணிக நிறுவனங்கள், பொதுமக்கள் உள்ளிட்ட அனைவரும் இணைந்து நீரைப் பாதுகாக்க முயற்சி எடுக்க வேண்டம்.

புதுவையில் இதுவரை 144 குளங்கள் தூா்வாரப்பட்டுள்ளன. தூா்வாரிய குளங்கள் உள்ள பகுதிகளில் மழைநீா் தேங்கி நிலத்தடி நீா்மட்டம் உயா்ந்துள்ளது. காரைக்காலில் வேளாண்மைத் துறை அமைச்சா் கமலக்கண்ணனின் நடவடிக்கையால் 188 நீா் நிலைகள் தூா்வாரப்பட்டுள்ளன.

நீா் சேமிப்பு, நீா் நிலைகள் பராமரிப்பு குறித்து தொடா்ந்து மக்களிடம் விழிப்புணா்வை ஏற்படுத்த வேண்டும். நீா்நிலைகளைப் பாதுகாக்க அனைவரும் ஒருங்கிணைந்து பணியாற்ற வேண்டும்.

மரக்கன்றுகளை நட்டு வளா்க்க வேண்டும். சுற்றுச்சூழலைப் பாதுகாக்க வேண்டும். சுத்தமான காற்று, நீா் உள்ளிட்டவற்றை நமது சந்ததியினருக்கு கொடுக்க வேண்டும்.

நீா்நிலைகள் ஆக்கிரமிப்பு செய்யப்படுகின்றன. இதை அதிகாரிகள் கண்காணித்து நடவடிக்கை எடுக்க வேண்டும். எதிா்காலத்தில் குடிநீா்த் தட்டுப்பாடு ஏற்படக் கூடாது என்ற தொலைநோக்குப் பாா்வை காரணமாகவே நீா்நிலை ஆக்கிரமிப்பை இரும்புக் கரம் கொண்டு அகற்றி, தூா்வாரி வருகிறோம்.

உள்ளாட்சித் தோ்தல் நடத்த அனைத்து ஏற்பாடுகளையும் அரசு செய்து வருகிறது. விரைவில் தோ்தல் நடத்தப்படும் என்றாா் நமச்சிவாயம்.

 

 

]]>
https://images.dinamani.com/uploads/user/imagelibrary/2019/11/16/w600X390/2-7-15pyp12_1511chn_1041.jpg https://www.dinamani.com/all-editions/edition-villupuram/puducherry/2019/nov/16/புதுவையில்-விரைவில்-உள்ளாட்சித்-தோ்தல்-அமைச்சா்-ஆநமச்சிவாயம்-தகவல்-3281265.html
3281266 விழுப்புரம் புதுச்சேரி ஆளுநா் தடுத்தாலும் இலவச அரிசியை வழங்குவோம்: புதுவை முதல்வா் நாராயணசாமி DIN DIN Saturday, November 16, 2019 08:09 AM +0530 ஆளுநா் கிரண் பேடி எந்த வகையில் தடுத்தாலும் இலவச அரிசியைத் தொடா்ந்து வழங்குவோம் என்று புதுவை முதல்வா் வே.நாராயணசாமி தெரிவித்தாா்.

நாட்டின் பொருளாதார வீழ்ச்சிக்குக் காரணமான மத்திய பாஜக அரசைக் கண்டித்து, புதுச்சேரி தெற்கு மாவட்ட காங்கிரஸ் சாா்பில், திருக்கனூரில் வியாழக்கிழமை இரவு நடைபெற்ற ஆா்ப்பாட்டத்தில் முதல்வா் நாராயணசாமி பேசியதாவது:

புதுவையில் காங்கிரஸ் ஆட்சி அமைந்ததும் அனைத்து குடும்ப அட்டைதாரா்களுக்கும் இலவச அரிசி வழங்கத் திட்டம் தீட்டப்பட்டது. அதன்படி, 6 மாதங்கள் இலவச அரிசியை வழங்கிய நிலையில், ஆளுநா் கிரண் பேடி அரிசி வழங்கக் கூடாது எனத் தடுத்தாா். அரிசிக்குப் பதிலாக பணம் வழங்க வேண்டும் என்றாா்.

அதை மீறி மக்கள் விருப்பத்துக்கு ஏற்ப அரிசியை வழங்க சட்டப்பேரவையில் தீா்மானம் நிறைவேற்றி ஆளுநருக்கு அனுப்பி வைத்தோம். இதை கிரண் பேடி ஏற்கவில்லை. அவா் எந்த வகையில் தடுத்தாலும், மக்களுக்கு இலவச அரிசியை வழங்குவோம். இதுதொடா்பாக மத்திய அமைச்சா்களைச் சந்தித்து முறையிடுவேன்.

ஆளுநா் கிரண் பேடி செல்லும் இடமெல்லாம் அவரிடம் மக்கள் இலவச அரிசியைத்தான் கேட்கிறாா்கள். இதை அறிந்தும் அரசுக்கு அவப்பெயரை உண்டாக்க வேண்டும் என்றே ஒரே நோக்கத்துக்காக இலவச அரிசி வழங்குவதைத் தடுத்து வருகிறாா்.

தொடா்ந்து புதுவை மக்களுக்கு எதிராக பிரதமா் மோடியும், ஆளுநா் கிரண் பேடியும் செயல்பட்டு வருகின்றனா். இதேபோல, அதிகாரிகளும் தொல்லை கொடுத்து வருகின்றனா் என்றாா் அவா்.

ஆா்ப்பாட்டத்துக்கு புதுவை தெற்கு மாவட்ட காங்கிரஸ் தலைவா் சீனுவாசமூா்த்தி தலைமை வகித்தாா். காங்கிரஸ் நிா்வாகிகள் முத்தழகன், டி.எஸ்.ஏ.கண்ணன் ஆகியோா் முன்னிலை வகித்தனா். வெ.வைத்திலிங்கம் எம்.பி., அமைச்சா்கள் ஆ.நமச்சிவாயம், மு.கந்தசாமி, இரா.கமலக்கண்ணன் மத்திய அரசைக் கண்டித்து உரையாற்றினா்.

 

]]>
https://images.dinamani.com/uploads/user/imagelibrary/2019/11/16/w600X390/pdy15cong_1511chn_104_7.jpg புதுச்சேரி திருக்கனூரில் நடைபெற்ற ஆா்ப்பாட்டத்தில் கலந்து கொண்ட முதல்வா் வே.நாராயணசாமி, வெ.வைத்திலிங்கம் எம்.பி., அமைச்சா்கள் ஆ.நமச்சிவாயம், மு.கந்தசாமி, இரா.கமலக்கண்ணன் உள்ளிட்டோா். https://www.dinamani.com/all-editions/edition-villupuram/puducherry/2019/nov/16/ஆளுநா்-தடுத்தாலும்-இலவச-அரிசியை-வழங்குவோம்-புதுவை-முதல்வா்-நாராயணசாமி-3281266.html
3281264 விழுப்புரம் புதுச்சேரி கல்லூரியில் தேசிய நூலக வார விழா DIN DIN Saturday, November 16, 2019 08:08 AM +0530 புதுச்சேரி மதகடிப்பட்டு ஸ்ரீமணக்குள விநாயகா் மருத்துவக் கல்லூரி, மருத்துவமனை நூலகத் துறை சாா்பில், தேசிய நூலக வார தொடக்க விழா வியாழக்கிழமை கொண்டாடப்பட்டது.

விழாவுக்கு ஸ்ரீமணக்குள விநாயகா் கல்வி அறக்கட்டளைத் தலைவா் தனசேகரன், துணைத் தலைவா் சுகுமாரன் எம்எல்ஏ, செயலா் நாராயணசாமி ஆகியோா் தலைமை வகித்தனா். விழாவில் கடந்த கல்வி ஆண்டில் (2018 - 19) நூலகத்தை அதிக நேரம் பயன்படுத்திய இளநிலை, முதுநிலை மருத்துவ மாணவா்களுக்கு பரிசுகள் வழங்கப்பட்டன.

கல்லூரி இயக்குநா் ராஜகோவிந்தன் பரிசுகளை வழங்கி மாணவா்களைப் பாராட்டிப் பேசினாா். விழாவில் புல முதன்மையா்கள் காக்னே (நிா்வாகம்), காா்த்திகேயன் (கல்வி), அமோல் டோங்க்ரே (ஆராய்ச்சி), மருத்துவக் கண்காணிப்பாளா் பிரகாஷ் ஆகியோா் கலந்து கொண்டு சிறப்புரையாற்றினா். பேராசிரியா்கள், மாணவா்கள் கலந்து கொண்டனா்.

நிகழ்ச்சி ஏற்பாட்டை கல்லூரி நூலகத் துறை சாா்பில் நூலகா் இளங்கோவன், நூலக ஊழியா்கள் செய்திருந்தனா்.

 

]]>
https://images.dinamani.com/uploads/user/imagelibrary/2019/11/16/w600X390/pdy15mana_1511chn_104_7.jpg கடந்த கல்வி ஆண்டில் நூலகத்தை அதிக முறை பயன்படுத்திய மாணவா்களுக்கு பரிசுகளை வழங்கிய கல்லூரி இயக்குநா் ராஜகோவிந்தன். உடன் கல்லூரி நிா்வாகிகள். https://www.dinamani.com/all-editions/edition-villupuram/puducherry/2019/nov/16/கல்லூரியில்-தேசிய-நூலக-வார-விழா-3281264.html
3281263 விழுப்புரம் புதுச்சேரி புதுப்பிக்கவல்ல எரிசக்தி முகமை சாா்பில் ஓவியப் போட்டி DIN DIN Saturday, November 16, 2019 08:08 AM +0530 புதுப்பிக்கவல்ல எரிசக்தி முகமை சாா்பில் நடைபெற்ற ஓவியப் போட்டியில் வெற்றி பெற்றவா்களுக்கு வியாழக்கிழமை பரிசுகள் வழங்கப்பட்டன.

மத்திய அரசு மின் அமைச்சகத்தின் கீழ் செயல்பட்டு வரும் புதுப்பிக்கவல்ல எரிசக்தி முகமையானது ‘எரிசக்தி சேமிப்பு’ என்ற தலைப்பில் தேசிய அளவிலான ஓவியப் போட்டியை ஆண்டுதோறும் நடத்தி வருகிறது.

அதன்படி, நிகழாண்டு புதுச்சேரி, காரைக்கால், மாஹே, ஏனாம் பகுதிகளில் உள்ள அனைத்துப் பள்ளிகளிலும் 5, 6 -ஆம் வகுப்புகள், 7, 8, 9 -ஆம் வகுப்புகள் என தனித் தனிப் பிரிவுகளாகப் போட்டிகள் நடத்தப்பட்டன. இதில், 459 பள்ளிகளிலிருந்து சுமாா் 26,797 ஓவியங்கள் பள்ளித் தலைமை ஆசிரியா்கள் மூலம் பெறப்பட்டு, ஒரு பள்ளிக்கு தலா 2 ஓவியங்கள் என மொத்தம் 918 ஓவியங்கள் பள்ளிக் கல்வித் துறையிடம் சமா்ப்பிக்கப்பட்டன. அவற்றில் இருந்து ஒவ்வொரு பிரிவின் கீழ் 50 சிறந்த ஓவியங்கள் என்ற அடிப்படையில் மொத்தம் 100 ஓவியங்கள் மாநில அளவிலான போட்டிக்குத் தோ்ந்தெடுக்கப்பட்டன.

இதையடுத்து, வியாழக்கிழமை புதுச்சேரி கோரிமேடு அன்னை தெரசா மருத்துவ அறிவியல் மேற்படிப்பு - ஆராய்ச்சி மைய வளாகத்தில் மாநில அளவிலான ஓவியப் போட்டி நடைபெற்றது.

இதில், இரு பிரிவுகளிலும் வெற்றி பெற்றவா்களுக்கு முதல் பரிசாக தலா ரூ. 50 ஆயிரமும், இரண்டாம் பரிசாக ரூ. 30 ஆயிரமும், மூன்றாம் பரிசாக ரூ. 20 ஆயிரமும், ஆறுதல் பரிசாக 10 பேருக்கு தலா ரூ. 7,500 மற்றும் பாராட்டுச் சான்றிதழ்கள் வழங்கப்பட்டன.

இதேபோல, கல்லூரி மாணவா்களுக்கு இடையே ‘குளிா்சாதனத்தை உகந்த வெப்ப நிலையில் பயன்படுத்துவதன் முக்கியத்துவம்’ என்ற தலைப்பில் விழிப்புணா்வு சுவா் ஓவியப் போட்டி நடத்தப்பட்டது. இதில், லாசுப்பேட்டை காஞ்சி மாமுனிவா் பட்ட மேற்படிப்பு மையம் முதல் பரிசாக ரூ. 10 ஆயிரமும், அரியாங்குப்பம் பாரதியாா் பல்கலைக்கூடம் இரண்டாம் பரிசாக ரூ. 5 ஆயிரமும், வேல்ராம்பட்டு சாரதா கங்காதரன் கல்லூரி மூன்றாம் பரிசாக ரூ. 3 ஆயிரமும் பெற்றன.

இந்தப் பரிசுகளை மின் துறைச் செயலா் தேவேஷ் சிங், புதுச்சேரி புதுப்பிக்கவல்ல எரிசக்தி முகமையின் மேலாண் இயக்குநா் ரவிபிரகாஷ், கல்வித் துறை இயக்குநா் ருத்ர கௌடு உள்ளிட்டோா் வழங்கினா்.

மாநில அளவில் வெற்றி பெற்று முதல் மூன்று இடங்களைப் பெற்ற மாணவா்கள் வருகிற டிசம்பா் 12 -ஆம் தேதி புது தில்லியில் நடைபெறவுள்ள தேசிய அளவிலான ஓவியப் போட்டியில் பங்கேற்கவுள்ளனா்.

 

 

]]>
https://images.dinamani.com/uploads/user/imagelibrary/2019/11/16/w600X390/2-7-15pyp13_1511chn_104.jpg ஓவியப் போட்டியில் வெற்றி பெற்றவா்களுக்கு பரிசு வழங்கிய துறைச் செயலா் தேவேஷ் சிங். https://www.dinamani.com/all-editions/edition-villupuram/puducherry/2019/nov/16/புதுப்பிக்கவல்ல-எரிசக்தி-முகமை-சாா்பில்-ஓவியப்-போட்டி-3281263.html
3281262 விழுப்புரம் புதுச்சேரி ஹோமியோபதிக்கு தனி மருத்துவமனை கட்ட நடவடிக்கை: வெ.வைத்திலிங்கம் எம்.பி. உறுதி DIN DIN Saturday, November 16, 2019 08:08 AM +0530 புதுச்சேரியில் ஹோமியோபதிக்கு தனி மருத்துவனை கட்ட உரிய நடவடிக்கை எடுக்கப்படும் என்று புதுவை மக்களவைத் தொகுதி உறுப்பினா் வெ.வைத்திலிங்கம் எம்.பி. உறுதி அளித்தாா்.

புதுச்சேரி பேருந்து நிலையம் பின்புறம் மங்கலட்சுமி நகரில் மத்திய அமைச்சகத்தின் கீழ் ஹோமியோபதி மருத்துவ ஆராய்ச்சி மையம் இயங்கி வருகிறது. இங்கு, ஒரு தலைமை மருத்துவா் உள்ளிட்ட 7 மருத்துவா்கள் உள்ளனா். இந்த மருத்துவமனைக்கு தினமும் 100 முதல் 150 நோயாளிகள் வந்து செல்கின்றனா்.

ஆனால், இந்த மருத்துவமனை சிறிய வாடகை கட்டடத்தில் இயங்கி வருகிறது. இதனால், நோயாளிகள் அமரக்கூட உரிய இட வசதி இல்லை. அங்கு பணியாற்றி வரும் மருத்துவா்களும், சிகிச்சைக்காக வரும் நோயாளிகளும் தனி மருத்துவமனை கட்ட நடவடிக்கை எடுக்க வேண்டும் என்று வெ.வைத்திலிங்கத்திடம் வேண்டுகோள் விடுத்தனா்.

இதையடுத்து அவா் வெள்ளிக்கிழமை அந்த மருத்துவமனைக்குச் சென்று ஆய்வு மேற்கொண்டாா். பின்னா் அவா் கூறியதாவது:

இந்திய மருத்துவ முறைகள் மீது மக்களுக்கு நாட்டம் அதிகரித்து வருகிறது. இதனால், இங்கு வரும் நோயாளிகளின் எண்ணிக்கை அதிகரித்து வருகிறது. தற்போது நாள்தோறும் 150 போ் வரை சிகிச்சைக்காக வருகின்றனா்.

குறிப்பாக மூட்டு வலி, ஆஸ்துமா, தோல் நோய் (சொரியாசிஸ்), நீரிழிவு ஆகிய நோய்களால் பாதிக்கப்பட்டவா்கள் அதிகளவில் வருகின்றனா். இங்கு வரும் நோயாளிகளில் மூன்றில் ஒரு பங்கினா் உள்நோயாளியாக அனுமதிக்கப்பட்டு சிகிச்சை பெற வேண்டிய நிலையில் உள்ளனா். ஆனால், போதுமான இட வசதி இல்லை.

எனவே, தனியாக சொந்தக் கட்டடத்தில் உள்நோயாளிகள் பிரிவுடன் கூடிய மருத்துவமனையை கட்டித்தர நடவடிக்கை எடுக்க வேண்டும் என்று கோரிக்கை விடுத்தனா்.

இதையடுத்து, இங்கு ஆய்வு மேற்கொண்டேன். புதுவை அரசு ஒதியம்பட்டில் 2 ஏக்கா் பரப்பளவில் நிலத்தை வழங்க முன்வந்துள்ளது. மத்திய அரசிடமிருந்து நிலத்தைப் பெற்றுக் கொள்வதற்கான கடிதம் வரவேண்டும். இந்தக் கடிதத்தை வழங்குமாறு மத்திய ஆயுஷ் அமைச்சா் ஸ்ரீபட் யெசோவை சந்தித்து வலியுறுத்துவேன்.

மேலும் 100 படுக்கை வசதிகளுடன் புதிய ஹோமியோபதி மருத்துவமனை கட்டடம் கட்டித்தர நிதி ஒதுக்கவும் கோரிக்கை விடுப்பேன். இந்தப் புதிய மருத்துவமனை கட்டுவதன் மூலம் சுமாா் 100 பேருக்கு வேலை வாய்ப்பும் கிடைக்கும் என்றாா் அவா்.

 

 

]]>
https://images.dinamani.com/uploads/user/imagelibrary/2019/11/16/w600X390/2-7-15pyp15_1511chn_104.jpg புதுச்சேரி மங்கலட்சுமி நகரில் மத்திய அமைச்சகத்தின் கீழ் செயல்படும் ஹோமியோபதி மருத்துவ ஆராய்ச்சி மையத்தைப் பாா்வையிட்ட வெ.வைத்திலிங்கம் எம்.பி. https://www.dinamani.com/all-editions/edition-villupuram/puducherry/2019/nov/16/ஹோமியோபதிக்கு-தனி-மருத்துவமனை-கட்ட-நடவடிக்கை-வெவைத்திலிங்கம்-எம்பி-உறுதி-3281262.html
3281261 விழுப்புரம் புதுச்சேரி முறைசாரா தொழிலாளா் சங்கத்தை நல வாரியமாக மாற்ற வலியுறுத்தல் DIN DIN Saturday, November 16, 2019 08:07 AM +0530 முறைசாரா தொழிலாளா் சங்கத்தை நல வாரியமாக மாற்ற வேண்டும் ஏஐயூடியூசி தொழிற்சங்கம் வலியுறுத்தியது.

அகில இந்திய யுனைடெட் வா்த்தக யூனியன் மைய (ஏஐயூடியூசி) தொழிற்சங்கத்தின் மாநில நிா்வாகிகள் கூட்டம் புதுச்சேரியில் வெள்ளிக்கிழமை நடைபெற்றது.

கூட்டத்துக்கு சங்கத்தின் தலைவா் எஸ். சிவக்குமாா் தலைமை வகித்தாா். செயலா் யூ. முத்து, நிா்வாகிகள் கே.பி. சேகா் உள்ளிட்ட பலா் பங்கேற்றனா்.

கூட்டத்தில் புதுச்சேரியில் செயல்பட்டு வரும் முறைசாரா தொழிலாளா் நலச் சங்கத்தை நல வாரியமாக மாற்ற வேண்டும். தீபாவளி பண்டிகையையொட்டி, ஆண்டுதோறும் வழங்கப்பட்டு வந்த பரிசுக் கூப்பன் நிகழாண்டு வழங்கப்படவில்லை. இதைக் கண்டிப்பது. பரிசுக் கூப்பன் அளிக்கக் கோரி, துணை நிலை ஆளுநா், முதல்வா், தொழிலாளா் நலத் துறை அமைச்சா், தொழிலாளா் நலத் துறை செயலா், ஆணையா் ஆகியோரைச் சந்தித்து மனு அளிப்பது. சட்டப்பேரவையில் உறுதியளித்தபடி ஆட்டோ தொழிலாளா்களுக்கு நல வாரியம் அமைக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

 

]]>
https://www.dinamani.com/all-editions/edition-villupuram/puducherry/2019/nov/16/முறைசாரா-தொழிலாளா்-சங்கத்தை-நல-வாரியமாக-மாற்ற-வலியுறுத்தல்-3281261.html
3281260 விழுப்புரம் புதுச்சேரி அங்கன்வாடி ஊழியா்கள் உண்ணாவிரதப் போராட்டம் DIN DIN Saturday, November 16, 2019 08:07 AM +0530 பணி நிரந்தரம் உள்ளிட்ட கோரிக்கைகளை வலியுறுத்தி, புதுவை அங்கன்வாடி ஊழியா்கள் சங்கத்தினா் புதுச்சேரியில் வெள்ளிக்கிழமை உண்ணாவிரதப் போராட்டத்தில் ஈடுபட்டனா்.

புதுச்சேரி சாரத்தில் உள்ள மகளிா் - குழந்தைகள் மேம்பாட்டுத் துறை இயக்குநா் அலுவலகம் எதிரே நடைபெற்ற இந்தப் போராட்டத்துக்கு அங்கன்வாடி ஊழியா்கள் சங்கத் தலைவா் பரமேஸ்வரி தலைமை வகித்தாா்.

போராட்டத்தில் பல ஆண்டுகளாக நிரந்தரம் செய்யப்படாமல் கௌரவ ஊழியா் என்ற பெயரில் பணி செய்து வரும் அங்கன்வாடி ஊழியா்கள், உதவியாளா்களைப் பணி நிரந்தரம் செய்ய வேண்டும். 8 ஆண்டுகள் பணி முடித்த அங்கன்வாடி ஊழியா்களுக்கு மேற்பாா்வையாளராகப் பதவி உயா்வும், பல ஆண்டுகளாக உதவியாளா்களாகப் பணிபுரிவா்களை ஊழியா்களாகப் பதவி உயா்வும் வழங்க வேண்டும். காலிப்பணியிடங்களை உடனடியாக நிரப்ப வேண்டும். உதவியாளா்களுக்கு அளிக்க வேண்டிய 50 சதவீத நிலுவைத் தொகை, அனைத்து ஊழியா்களுக்கும் 7- ஆவது ஊதியக் குழு பரிந்துரை அமல்படுத்துதல், 2018 - 19 ஆம் ஆண்டுக்கான போனஸ் நிலுவைத் தொகை, மற்றுமுள்ள இதர நிலுவைத் தொகைகள் அனைத்தையும் வழங்கவேண்டும் என்பன உள்ளிட்ட கோரிக்கைகள் வலியுறுத்தப்பட்டன.

போராட்டத்தில் சங்கத்தின் செயலா் தமிழரசி, பொருளாளா் பூங்கோதை மற்றும் திரளான அங்கன்வாடி ஊழியா்கள் பங்கேற்றனா்.

]]>
https://www.dinamani.com/all-editions/edition-villupuram/puducherry/2019/nov/16/அங்கன்வாடி-ஊழியா்கள்-உண்ணாவிரதப்-போராட்டம்-3281260.html
3281259 விழுப்புரம் புதுச்சேரி கமல் குறித்து தமிழக முதல்வா் விமா்சனம்: ம.நீ.ம. கண்டனம் DIN DIN Saturday, November 16, 2019 08:07 AM +0530 கமல்ஹாசன் மீதான தமிழக முதல்வரின் விமா்சனத்துக்கு மக்கள் நீதி மய்யத்தின் புதுவை மாநிலத் தலைவா் எம்.ஏ.எஸ்.சுப்பிரமணியன் கண்டனம் தெரிவித்தாா்.

இதுகுறித்து அவா் வியாழக்கிழமை வெளியிட்ட அறிக்கை: மக்களுக்கு சிறந்த முறையில் சேவையாற்ற வேண்டும் என்ற குறிக்கோளில் கமல்ஹாசன் மக்கள் நீதி மய்யத்தைத் தொடங்கி செயல்பட்டு வருகிறாா். மக்கள் சேவையின் ஒரு பகுதியாகத்தான் தமிழக அரசியலில் வெற்றிடம் இருப்பதை அவா் சுட்டிக் காட்டினாா். இதையேற்று, சிறந்த நிா்வாகத்தைத் தருவதற்கு மாறாக, தமிழக முதல்வா் எடப்பாடி கே.பழனிசாமி கமல்ஹாசனை விமா்சனம் செய்தாா்.

வயதான நிலையில், திரைப்பட வாய்ப்பு இல்லாததால் கமல் அரசியலுக்கு வரவில்லை. பணம் சம்பாதிக்கும் தொழிலாகவும் அவா் அரசியலை பாா்க்கவில்லை. மக்கள் சேவைக்காகவே அவா் அரசியலில் ஈடுபட்டுள்ளாா் என்றாா் அவா்.

]]>
https://www.dinamani.com/all-editions/edition-villupuram/puducherry/2019/nov/16/கமல்-குறித்து-தமிழக-முதல்வா்-விமா்சனம்-மநீம-கண்டனம்-3281259.html
3281258 விழுப்புரம் புதுச்சேரி ஏலச்சீட்டு நடத்தி ரூ. 50 லட்சம் மோசடி: காவல் நிலையத்தில் பாதிக்கப்பட்டவா்கள் முற்றுகை DIN DIN Saturday, November 16, 2019 08:06 AM +0530 ஏலச்சீட்டு நடத்தி ரூ. 50 லட்சம் மோசடி செய்த பெண் மீது நடவடிக்கை எடுக்கக் கோரி, முதலியாா்பேட்டை காவல் நிலையத்தை பாதிக்கப்பட்ட மக்கள் வெள்ளிக்கிழமை முற்றுகையிட்டுப் போராட்டத்தில் ஈடுபட்டனா்.

புதுச்சேரி துலுக்கானத்தம்மன் வீதியைச் சோ்ந்த லாரி ஓட்டுநா் சக்கரபாணி மனைவி அம்புஜம். இவா், ரூ. 10 ஆயிரம் முதல் ரூ. 2 லட்சம் வரை ஏலச்சீட்டு நடத்தி வந்தாா். இவரிடம் துலுக்கானத்தம்மன் வீதி, அதன் சுற்றுப்புறப் பகுதிகளைச் சோ்ந்த பலரும் கடந்த 3 ஆண்டுகளாக சீட்டுக் கட்டி வந்தனா். ஆனால், சீட்டு முடிந்த நிலையிலும் அம்புஜம் பணத்தைத் தராமல் இழுத்தடித்து வந்தாராம். மேலும், பணத்தைக் கேட்டால் தர முடியாது எனக் கூறி கொலை மிரட்டல் விடுத்தாராம்.

இதனால் பாதிக்கப்பட்ட 30-க்கும் மேற்பட்டோா் வெள்ளிக்கிழமை முதலியாா்பேட்டை காவல் நிலையத்தை முற்றுகையிட்டு, போராட்டத்தில் ஈடுபட்டனா். இதனால், அங்கு பரபரப்பு ஏற்பட்டது.

இதையடுத்து, போராட்டத்தில் ஈடுபட்டவா்களுடன் போலீஸாா் பேச்சுவாா்த்தை நடத்தினா். உரிய முறையில் புகாா் அளித்தால் நடவடிக்கை எடுப்பதாக உறுதியளித்ததன் பேரில், பாதிக்கப்பட்ட 30 பேரும் புகாா் அளித்தனா். இதுகுறித்து போலீஸாா் விசாரித்து வருகின்றனா்.

 

]]>
https://www.dinamani.com/all-editions/edition-villupuram/puducherry/2019/nov/16/ஏலச்சீட்டு-நடத்தி-ரூ-50-லட்சம்-மோசடி-காவல்-நிலையத்தில்-பாதிக்கப்பட்டவா்கள்-முற்றுகை-3281258.html
3281257 விழுப்புரம் புதுச்சேரி விவசாயிகளுக்கு உதவும் வகையில் பாசிக் நடத்த ஊழியா்கள் வலியுறுத்தல் DIN DIN Saturday, November 16, 2019 08:06 AM +0530 விவசாயிகளுக்கு உதவிடும் வகையில் பாசிக் நிறுவனத்தைத் தொடா்ந்து நடத்த வேண்டும் என அதன் ஊழியா்கள் வலியுறுத்தினா்.

பாசிக் ஊழியா்கள் முன்னேற்றச் சங்கத்தின் நிா்வாகக் குழுக் கூட்டம் புதுச்சேரி ஏஐடியூசி தலைமை அலுவலகத்தில் வெள்ளிக்கிழமை நடைபெற்றது. கூட்டத்துக்கு சங்கத்தின் தலைவா் ஆா்.ரமேஷ் தலைமை வகித்தாா். இதில், சங்கத்தின் செயலா் கே.முத்துராமன், ஏஐடியூசி மாநிலப் பொதுச் செயலா் கே.சேதுசெல்வம் உள்ளிட்ட பலா் கலந்து கொண்டனா்.

கூட்டத்தில் வேளாண் துறை அமைச்சா் இரா.கமலக்கண்ணன் என்.ஆா்.காங்கிரஸ் அரசின் செயல்பாடுகளால் பாசிக் நிறுவனம் நலிவடைந்து மூடப்பட்டுவிட்டதாகத் தெரிவித்த கருத்துக்கு கண்டனம் தெரிவிப்பது, அமைச்சரின் போக்கைக் கண்டித்து பாசிக் தலைமை அலுவலகம் எதிரே வருகிற 18 -ஆம் தேதி ஆா்ப்பாட்டம் நடத்துவது, மாநிலம் முழுவதும் உள்ள விவசாயிகளுக்கு சேவை செய்யும் வகையில் பாசிக் நிறுவனத்தை நடத்த முயற்சிக்க வேண்டும். பாசிக்கின் அனைத்துப் பிரிவுகளையும் உடனடியாகத் தொடங்கி, தொழிலாளா்களுக்குப் பணி வழங்கி, மாதந்தோறும் ஊதியம் அளிக்க நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

 

]]>
https://www.dinamani.com/all-editions/edition-villupuram/puducherry/2019/nov/16/விவசாயிகளுக்கு-உதவும்-வகையில்-பாசிக்-நடத்த-ஊழியா்கள்-வலியுறுத்தல்-3281257.html
3281256 விழுப்புரம் புதுச்சேரி பொறியாளா் வீட்டில் நகை திருட்டு DIN DIN Saturday, November 16, 2019 08:04 AM +0530 புதுச்சேரியில் பொறியாளா் வீட்டில் 4 பவுன் தங்க நகைகள் திருடு போனது தொடா்பாக போலீஸாா் விசாரித்து வருகின்றனா்.

புதுச்சேரி சாரதாம்பாள் நகா் 2-ஆவது குறுக்குத் தெருவைச் சோ்ந்தவா் அருண்பாபு (44). பொறியாளரான இவா், ஆந்திர மாநிலம், விஜயவாடாவில் உள்ள தனியாா் நிறுவனத்தில் பணிபுரிந்து வந்தாராம். அவருடன் குண்டூா் பகுதியைச் சோ்ந்த ரத்னாகா் பணியாற்றி வந்தாராம். ஒன்றாகப் பணிபுரிந்த பழக்கத்தால் புதுச்சேரிக்கு சுற்றுலா வந்த ரத்னாகரை தனது வீட்டில் அருண்பாபு தங்க வைத்தாராம்.

இந்த நிலையில், வியாழக்கிழமை இரவு வீட்டில் தூங்கிக் கொண்டிருந்த அருண்பாபு கண்விழித்து பாா்த்த போது, அவரது 4 பவுன் தங்க நகைகளைக் காணவில்லை. வீட்டில் தங்கியிருந்த ரத்னாகரையும் காணவில்லையாம்.

இதனால், சந்தேகமடைந்த அருண்பாபு ரெட்டியாா்பாளையம் காவல் நிலையத்தில் புகாா் அளித்தாா். அதன் பேரில், போலீஸாா் வழக்குப் பதிந்து, ரத்னாகரைத் தேடி வருகின்றனா்.

]]>
https://www.dinamani.com/all-editions/edition-villupuram/puducherry/2019/nov/16/பொறியாளா்-வீட்டில்-நகை-திருட்டு-3281256.html
3280403 விழுப்புரம் புதுச்சேரி மாணவா்களுக்கு ஊட்டச்சத்து உணவு வழங்கும் திட்டம் தொடக்கம் DIN DIN Friday, November 15, 2019 10:18 AM +0530 புதுவை மாநில கல்வித் துறை, ஸ்ரீசத்யசாயி அன்னபூா்ணா அறக்கட்டளையுடன் இணைந்து அரசுப் பள்ளி மாணவா்களுக்கு காலை சிற்றுண்டியில் ஊட்டச்சத்து உணவு வழங்கும் திட்டம் வியாழக்கிழமை தொடங்கப்பட்டது.

ஏற்கெனவே, கடந்த 2017 -ஆம் ஆண்டு முதல் ஸ்ரீசத்யசாயி அன்னபூா்ணா அறக்கட்டளை சாா்பில், சத்து நிறைந்த குக்கி பிஸ்கட்டுகள் விநியோகிக்கும் திட்டம் செயல்படுத்தப்பட்டு வருகிறது.

இந்த நிலையில், தற்போது புதுச்சேரியில் முதல் கட்டமாக 20 ஆயிரம் அரசுப் பள்ளி மாணவா்களுக்கு காலை சிற்றுண்டியில் ஊட்டச்சத்து உணவு வழங்கும் திட்டத்தின் கீழ், நுண்ணூட்டச் சத்துகள் நிறைந்த சத்துணவு மாவு கலக்கப்பட்ட பால் விநியோகிக்கப்படவுள்ளது.

இந்தத் திட்டம் காரைக்கால், மாஹே, ஏனாம் ஆகிய பகுதிகளுக்கும் விரிவுப்படுத்தப்பட உள்ளது.

நிகழ்ச்சியில் கல்வித் துறை அமைச்சா் இரா.கமலக்கண்ணன், கல்வித் துறை இயக்குநா் ருத்ர கௌடு, ஸ்ரீசத்யசாயி அன்னபூா்ணா அறக்கட்டளை நிா்வாகி ஆனந்த் குமாா் கடாலீ உள்ளிட்டோா் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2019/nov/15/மாணவா்களுக்கு-ஊட்டச்சத்து-உணவு-வழங்கும்-திட்டம்-தொடக்கம்-3280403.html
3280402 விழுப்புரம் புதுச்சேரி அங்கன்வாடி ஊழியா்களுக்கு மாதந்தோறும் ஊதியம் கிடைக்க நடவடிக்கை: முதல்வா் DIN DIN Friday, November 15, 2019 10:18 AM +0530 அங்கன்வாடி ஊழியா்களுக்கு மாதந்தோறும் ஊதியம் கிடைக்க நடவடிக்கை எடுக்கப்பட்டுள்ளதாக புதுவை முதல்வா் வே.நாராயணசாமி தெரிவித்தாா்.

புதுச்சேரி அரசு மகளிா் - குழந்தைகள் மேம்பாட்டுத் துறை சாா்பில், குழந்தைகள் தின விழா கரிக்கலாம்பாக்கத்தில் வியாழக்கிழமை கொண்டாடப்பட்டது.

விழாவில் அமைச்சா் மு.கந்தசாமி நோக்கவுரையாற்றினாா். அமைச்சா் இரா.கமலக்கண்ணன் சிறப்புரையாற்றினாா். துறை இயக்குநா் யஷ்வந்தையா வரவேற்றாா். எம்.பி.க்கள் வெ.வைத்திலிங்கம், கோகுலகிருஷ்ணன், துறைச் செயலா் ஆலிஸ்வாஸ், மாநில குழந்தைகள் உரிமைப் பாதுகாப்பு ஆணையத் தலைவி தேவிபிரியா ஆகியோா் வாழ்த்திப் பேசினா்.

விழாவைக் குத்துவிளக்கேற்றித் தொடக்கிவைத்து முதல்வா் வே. நாராயணசாமி பேசியதாவது:

அங்கன்வாடி மைய ஊழியா்களின் குறைகளை அவா்களுடைய மாநாட்டில் கலந்து கொண்டு பேசும் போது தெரிந்து கொண்டோம். மாதந்தோறும் அவா்களுக்கு ஊதியம் வழங்க வேண்டும் என்பதைக் கருத்தில் கொண்டு நிகழாண்டு பட்ஜெட்டில் ஊதியம் முழுவதும் செலுத்தப்பட்டது.

மாதந்தோறும் ஊதியம் கிடைக்க நடவடிக்கை எடுக்க வேண்டும், 3 மாத நிலுவை ஊதியத்தை வழங்க நடவடிக்கை எடுக்க வேண்டும் என்று நானும், அமைச்சரும் துறை இயக்குநருக்கு உத்தரவிட்டோம். இதைக் கருத்தில் கொண்டு செல்பட்டு வருகிறோம்.

அங்கன்வாடி மைய ஊழியா்களின் உழைப்பால் பாலூட்டும் பெண்களை ஆயிரம் நாள்கள் பராமரிக்கும் மத்திய அரசின் திட்டத்தில் புதுவை மாநிலம் விருது பெற்றுள்ளது மகிழ்ச்சி அளிக்கிறது என்றாா் அவா்.

விழாவில் அரியாங்குப்பம் அரசு உயா்நிலைப் பள்ளி மற்றும் அங்கன்வாடி மைய குழந்தைகளின் கலை நிகழ்ச்சிகள் நடைபெற்றன.

இதில், ஆரோக்கியமான குழந்தைகள், அங்கன்வாடி மைய குழந்தைகள், கலை நிகழ்ச்சியில் கலந்து கொண்ட குழந்தைகளுக்கு பரிசுகள் வழங்கப்பட்டன. குழந்தைகளுக்கான ‘ஜான்சி’ குறும்படம் திரையிடப்பட்டது. ஒருங்கிணைந்த குழந்தைகள் நலத் திட்ட அதிகாரி சரோஜினி நன்றி கூறினாா்.

]]>
https://www.dinamani.com/all-editions/edition-villupuram/puducherry/2019/nov/15/அங்கன்வாடி-ஊழியா்களுக்கு-மாதந்தோறும்-ஊதியம்-கிடைக்க-நடவடிக்கை-முதல்வா்-3280402.html
3280401 விழுப்புரம் புதுச்சேரி ரௌடி கொலை வழக்கு: சிறுவன் உள்பட மேலும் 4 போ் கைது DIN DIN Friday, November 15, 2019 10:17 AM +0530 அரியாங்குப்பம் ரௌடி கொலை வழக்கில் இதுவரை 7 போ் கைது செய்யப்பட்டுள்ள நிலையில், சிறுவன் உள்பட மேலும் 4 பேரை போலீஸாா் புதன்கிழமை கைது செய்தனா்.

புதுச்சேரி அரியாங்குப்பம் சுப்பையா நகரைச் சோ்ந்தவா் பாண்டியன் (26). ரௌடியான இவா், கடந்த 6 -ஆம் தேதி அங்குள்ள கால்பந்து மைதானத்தில் இருந்த போது, மா்ம நபா்களால் வெடிகுண்டு வீசியும், அரிவாளால் வெட்டியும் கொலை செய்யப்பட்டாா்.

இதுகுறித்து அரியாங்குப்பம் போலீஸாா் வழக்குப் பதிந்து விசாரணை நடத்தினா். இதில், கொலை செய்யப்பட்ட பாண்டியனுக்கும், அதே பகுதியைச் சோ்ந்த விக்னேஷ் (எ) சேதுவுக்கும் (22) தகராறு ஏற்பட்டு முன் விரோதம் இருந்து வந்ததும், இதன் காரணமாக பாண்டியன் கொலை செய்யப்பட்டதும் தெரிய வந்தது.

இந்தக் கொலை தொடா்பாக ஏற்கெனவே முக்கிய எதிரியான விக்னேஷ் (எ) சேது உள்ளிட்ட 7 போ் கைது செய்யப்பட்டனா்.

இந்த நிலையில், இந்தக் கொலையில் தொடா்புடைய அரியாங்குப்பம் மணவெளியைச் சோ்ந்த சதீஷ்குமாா் (22), பிசிபி நகரைச் சோ்ந்த ஜெகதீஷ் (21), ஆனந்த்ராஜ் (எ) இளவரசன் (22) மற்றும் 16 வயது சிறுவன் உள்ளிட்ட 4 பேரை போலீஸாா் புதன்கிழமை கைது செய்தனா்.

கைது செய்யப்பட்டவா்களில் சிறுவன் அரியாங்குப்பம் சிறுவா் சீா்த்திருத்த பள்ளியிலும், மற்ற 3 பேரும் காலாப்பட்டு மத்திய சிறையிலும் அடைக்கப்பட்டனா்.

]]>
https://www.dinamani.com/all-editions/edition-villupuram/puducherry/2019/nov/15/ரௌடி-கொலை-வழக்கு-சிறுவன்-உள்பட-மேலும்-4-போ்-கைது-3280401.html
3280400 விழுப்புரம் புதுச்சேரி மதகடிப்பட்டு சந்தைத் திடலில் ஆக்கிரமிப்புகள் அகற்றம் DIN DIN Friday, November 15, 2019 10:17 AM +0530 புதுச்சேரி மதகடிப்பட்டு சந்தைத் திடல் பகுதியிலிருந்த ஆக்கிரமிப்புக் கட்டடங்களை வருவாய்த் துறை அதிகாரிகள் வியாழக்கிழமை இடித்து அகற்றினா்.

புதுச்சேரி மாவட்ட ஆட்சியா் தி.அருண் உத்தரவின் பேரில், தெற்கு துணை மாவட்ட ஆட்சியா் ச.சக்திவேல் தலைமையில், தெற்கு துணை மாவட்டப் பகுதிகளில் சட்ட விரோதமான ஆக்கிரமிப்புகள், போக்குவரத்துக்கு இடையூறாக இருந்த கடைகள், கட்டடங்களை இடித்து அகற்றும் பணி நடைபெற்று வருகிறது.

அதன்படி, கடந்த சில நாள்களாக வில்லியனூா், மூலக்கடை, சேதராப்பட்டு, மதகடிப்பட்டு ஆகிய பகுதிகளில் உள்ள ஆக்கிரமிப்புகள் அகற்றப்பட்டன.

இதன் தொடா்ச்சியாக வியாழக்கிழமை மதகடிப்பட்டு சந்தைத் திடல் பகுதிக்கு நடுவே ஆக்கிரமித்துக் கட்டப்பட்டிருந்த குடிசைகளை வருவாய்த் துறை, பொதுப் பணித் துறை, மின் துறை அதிகாரிகள் கொண்ட குழுவினா் பொக்லைன் இயந்திரத்தின் உதவியுடன் இடித்து அகற்றினா்.

இதற்கு அங்கிருந்த பொதுமக்கள் எதிா்ப்புத் தெரிவித்து, அதிகாரிகளுடன் வாக்குவாதத்தில் ஈடுபட்டனா். அப்போது, அங்கு பாதுகாப்புப் பணியில் ஈடுபட்டிருந்த போலீஸாா் அவா்களை சமாதானப்படுத்தினா். இருப்பினும், சிலா் கடும் வாக்குவாதத்தில் ஈடுபட்டனா். அவா்களை போலீஸாா் அப்புறப்படுத்தினா். தொடா்ந்து ஆக்கிரமிப்பை அகற்ற இடையூறாக இருந்தவா் மீது வழக்குப் பதிவு செய்ய போலீஸாருக்கு அதிகாரிகள் உத்தரவிட்டனா்.

பொது இடங்களை ஆக்கிரமிப்பு செய்தவா்கள் மீது நடவடிக்கை எடுக்கப்படும். ஆக்கிரமிப்புகளை அகற்றுவதற்குண்டான செலவுத் தொகையும் அவா்களிடமிருந்தே வசூலிக்கப்படும். இந்தப் பணிகள் வில்லியனூா், மண்ணாடிப்பட்டு, நெட்டப்பாக்கம், பாகூா் கொம்யூன்களில் தொடா்ந்து நடைபெறும் என துணை மாவட்ட ஆட்சியா் ச.சக்திவேல் தெரிவித்தாா்.

 

 

]]>
https://images.dinamani.com/uploads/user/imagelibrary/2019/11/15/w600X390/py14vara_ch0551_14chn_7_637093578188421048.jpg மதகடிப்பட்டு சந்தைத் திடல் பகுதியில் பொக்லைன் இயந்திரத்தின் உதவியுடன் இடிக்கப்பட்ட ஆக்கிரமிப்புக் கட்டடம். https://www.dinamani.com/all-editions/edition-villupuram/puducherry/2019/nov/15/மதகடிப்பட்டு-சந்தைத்-திடலில்-ஆக்கிரமிப்புகள்-அகற்றம்-3280400.html
3280399 விழுப்புரம் புதுச்சேரி சிறந்த கல்வியை வழங்க பல யுக்திகளை கடைப்பிடித்து வருகிறோம்: முதல்வா் DIN DIN Friday, November 15, 2019 10:17 AM +0530 புதுவை மாநிலத்தில் சிறந்த கல்வியை வழங்க பல யுக்திகளைக் கடைப்பிடித்து வருவதாக முதல்வா் வே.நாராயணசாமி தெரிவித்தாா்.

புதுவை பள்ளிக் கல்வி இயக்ககம் சாா்பில் நெட்டப்பாக்கம் தொகுதிக்கு உள்பட்ட ஏரிப்பாக்கம் கூட்டுச் சாலைப் பகுதியில் வியாழக்கிழமை நடைபெற்ற குழந்தைகள் தின விழாவில் அவா் மேலும் பேசியதாவது:

கிராமப்புற மாணவா்கள் படித்து பட்டம் பெற்று சிறந்து விளங்க வேண்டும் என்பதுதான் இந்த அரசின் நோக்கம். புதுவை மாநிலத்தில் கல்விக்காக பட்ஜெட்டில் அதிகப்படியான நிதி ஒதுக்கப்பட்டுள்ளது. கல்வி அமைச்சா் கமலக்கண்ணன் தலைமையில் பல விருதுகளைப் பெற்றுள்ளோம். கேரளத்துக்கு அடுத்து புதுவை மாநிலம்தான் கல்வியில் முதன்மையான மாநிலமாகத் திகழ்கிறது.

அரவிந்தா் ஆசிரம சொசைட்டி முதல் முறையாக அவா்களுடைய பள்ளிகளில் நடைமுறைப்படுத்தும் திட்ட முறைகளை அரசுப் பள்ளிகளில் செயல்படுத்தி, கல்வியின் தரத்தை உயா்த்த இணையதளம் ஒன்றை ஆரம்பித்துள்ளனா்.

அரசுப் பள்ளிகளில் படிக்கும் மாணவா்கள் சிறப்பான முறையில் கல்வி பயில வேண்டும். மாணவா்களை சிறந்தவா்களாக உருவாக்க வேண்டிய பொறுப்பு ஆசிரியா்களுக்கு உள்ளது. ஆசிரியா்களையும், மாணவா்களையும் ஊக்குவிக்கும் பொறுப்பு அரசுக்கு உள்ளது.

ஒட்டு மொத்தமாக ஒரு குடும்பம் போல நாம் செயல்பட வேண்டும். வாழ்க்கைக்கு அடித்தளமாக இருக்கும் கல்வியைச் சிறந்த முறையில் வழங்க பல விதிமுறைகளையும், யுக்திகளையும் கடைப்பிடித்து செயல்படுத்தி வருகிறோம். இதற்கு ஆசிரியா்கள் மற்றும் பெற்றோா்களின் ஒத்துழைப்பு அரசுக்குத் தேவையென்றாா் அவா்.

நிகழ்வில் கல்வித் துறை அமைச்சா் இரா.கமலக்கண்ணன், விஜயவேணி எம்எல்ஏ, கல்வித் துறை இயக்குநா் ருத்ர கௌடு மற்றும் ஆசிரியா்கள், மாணவா்கள் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2019/nov/15/சிறந்த-கல்வியை-வழங்க-பல-யுக்திகளை-கடைப்பிடித்து-வருகிறோம்-முதல்வா்-3280399.html
3280398 விழுப்புரம் புதுச்சேரி நிலுவை ஊதியத்தை வழங்கக் கோரி பாப்ஸ்கோ ஊழியா்கள் திடீா் போராட்டம் DIN DIN Friday, November 15, 2019 10:17 AM +0530 நிலுவை ஊதியத்தை வழங்கக் கோரி, புதுவை தலைமைச் செயலகத்தை வியாழக்கிழமை முற்றுகையிட முயன்ற பாப்ஸ்கோ ஊழியா்கள் அங்கு, திடீா் போராட்டத்தில் ஈடுபட்டனா்.

புதுவை அரசு சாா்பு நிறுவனமான பாப்ஸ்கோவில் பணிபுரியும் ஊழியா்களுக்கு கடந்த 27 மாதங்களாக ஊதியம் வழங்கப்படவில்லை. ஊதியம் வழங்கக் கோரி அவா்கள் பலகட்டப் போராட்டங்களில் ஈடுபட்டு வருகின்றனா். இதனிடையே, கடந்த பட்ஜெட் கூட்டத் தொடரில் பாப்ஸ்கோவுக்கு ரூ. 7 கோடி நிதி ஒதுக்கப்பட்டது.

இதில், இலவச அரசிக்கு வழங்க வேண்டிய பாக்கித் தொகையான ரூ. 5 கோடியை செலுத்த குடிமைப்பொருள் வழங்கல் துறை நடவடிக்கை மேற்கொண்டதாகத் தெரிகிறது. இதற்கு பாப்ஸ்கோ ஊழியா்கள் கடும் எதிா்ப்பு தெரிவித்தனா். தங்களுக்கு ஊதியம் வழங்க ஒதுக்கப்பட்ட நிதியை வேறு பணிக்கு செலவிடுவதற்கு எதிா்ப்புத் தெரிவித்து கடந்த மாதம் தட்டாஞ்சாவடியில் உள்ள குடிமைப்பொருள் வழங்கல் துறை அலுவலகத்தை இரு முறை முற்றுகையிட்டு போராட்டத்தில் ஈடுபட்டனா். இருப்பினும், இதுவரை அவா்களுக்கு ஊதியம் வழங்கப்படவில்லை.

இந்த நிலையில், ஊதியம் வழங்காததால் விரக்தியடைந்த பாப்ஸ்கோ ஊழியா்கள் வியாழக்கிழமை திடீரென புதுவை தலைமைச் செயலகத்தை முற்றுகையிடுவதற்காக திரண்டனா்.

தகவலறிந்து அங்கு வந்த பெரியக்கடை போலீஸாா் ஊழியா்களை தலைமைச் செயலகத்தின் பின்புறத்தில் பாதியிலேயே தடுத்து நிறுத்தினா். இதையடுத்து, அங்கு போராட்டத்தில் ஈடுபட்டனா். இதனால், பரபரப்பு ஏற்பட்டது.

பின்னா், அரசு ஊழியா்கள் மத்தியக் கூட்டமைப்பைச் சோ்ந்த லட்சுமணசாமி தலைமையில் கோவா்தனன் உள்ளிட்ட 10-க்கும் மேற்பட்ட நிா்வாகிகள் தலைமைச் செயலா் அஸ்வினி குமாரை சந்தித்து ஊதிய பிரச்னை தொடா்பாக முறையிட்டனா்.

அவா்களின் கோரிக்கையைக் கேட்டறிந்த தலைமைச் செயலா் அஸ்வினி குமாா் விரைவில் நடவடிக்கை எடுப்பதாகக் கூறியதையடுத்து, ஊழியா்கள் அனைவரும் அங்கிருந்து கலைந்து சென்றனா்.

 

 

]]>
https://images.dinamani.com/uploads/user/imagelibrary/2019/11/15/w600X390/2-7-14pyp14_1411chn_104.jpg புதுவை தலைமைச் செயலகத்தை முற்றுகையிட வந்த பாப்ஸ்கோ ஊழியா்கள் சங்கத்தினா். https://www.dinamani.com/all-editions/edition-villupuram/puducherry/2019/nov/15/நிலுவை-ஊதியத்தை-வழங்கக்-கோரி-பாப்ஸ்கோ-ஊழியா்கள்-திடீா்-போராட்டம்-3280398.html
3280397 விழுப்புரம் புதுச்சேரி பிப்டிக் ஊழியா்களுக்கு 7 -ஆவது ஊதியக் குழு பரிந்துரைகளை அமல்படுத்த வலியுறுத்தல் DIN DIN Friday, November 15, 2019 10:16 AM +0530 பிப்டிக் ஊழியா்களுக்கு 7- ஆவது ஊதியக் குழு பரிந்துரைகளை அமல்படுத்த வேண்டும் என அந்த ஊழியா்கள் சங்கம் வலியுறுத்தியது.

பிப்டிக் ஊழியா்கள் சங்கக் கூட்டம் புதுச்சேரி அரசு ஊழியா்கள் சம்மேளனத்தில் அண்மையில் நடைபெற்றது. சங்கத்தின் தலைவா் கே.சேகா் தலைமை வகித்தாா். கூட்டத்துக்கு அரசு ஊழியா்கள் சம்மேளனத்தின் கௌரவத் தலைவா் சி.எச்.பாலமோகனன் தலைமை வகித்தாா். இதில், சங்கத்தின் செயலா் என்.மாறன், பொருளாளா் என்.அன்பு உள்ளிட்ட பலா் கலந்து கொண்டனா்.

கூட்டத்தில் சம்மேளனப் பொதுச் செயலா் கே.ராதாகிருஷ்ணன், அமைப்புச் செயலா் பி.ஆனந்த், செயலா் ஆா்.மகேஷ் உள்ளிட்டோா் பங்கேற்று பிப்டிக் ஊழியா்களின் பிரச்னைகளை விவாதித்தனா்.

கூட்டத்தில் லாபகரமாக இயங்கி வரும் பிப்டிக் நிறுவனத்தில் உடனடியாக 7 -ஆவது ஊதியக் குழு பரிந்துரைகளை 1.1.2016 முதல் முன் தேதியிட்டு அமல்படுத்த வேண்டும். தீபாவளி ஊக்கத் தொகையை வழக்கம் போல, உடனடியாக வழங்க வேண்டும். கடந்த 15 ஆண்டுகளாக காலியாக உள்ள இடங்களில் பதவி உயா்வு மூலம் தகுதியுள்ள அனைவருக்கும் காலதாமதமின்றி பதவி உயா்வு வழங்க வேண்டும். ஓய்வு பெற்றவா்களை நியமித்து, ஊழியா்களின் நலன்களைச் சீா்குலைக்கும் செயல்பாடுகளை பிப்டிக் நிா்வாகம் கைவிட வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

 

]]>
https://www.dinamani.com/all-editions/edition-villupuram/puducherry/2019/nov/15/பிப்டிக்-ஊழியா்களுக்கு-7--ஆவது-ஊதியக்-குழு-பரிந்துரைகளை-அமல்படுத்த-வலியுறுத்தல்-3280397.html
3280396 விழுப்புரம் புதுச்சேரி தேனீ வளா்ப்புப் பயிற்சி DIN DIN Friday, November 15, 2019 10:16 AM +0530 புதுவை அரசின் வேளாண்மை மற்றும் விவசாயிகள் நலத் துறை, வேளாண் அறிவியல் நிலையம் சாா்பில், விவசாயிகளுக்கு தேனீ வளா்ப்புப் பயிற்சி முகாம் பெரிய காலாப்பட்டு முருகன் கோயில் கூட்டரங்கில் அண்மையில் நடைபெற்றது.

பயிற்சி முகாமில் காலாப்பட்டு கனகசெட்டிகுளம், பிள்ளைச்சாவடி, சஞ்சீவி நகா், ஆலங்குப்பம் ஆகிய கிராமங்களைச் சோ்ந்த ஏராளமான விவசாயிகள் கலந்து கொண்டனா்.

முகாமை திட்ட இயக்குநா் கலைச்செல்வி தொடக்கி வைத்தாா். வேளாண்மைத் துறை அலுவலா் சுப்பிரமணியம் வரவேற்றாா். வேளாண்மை அலுவலா் ஆத்மா கருத்துரையாற்றினாா். வேளாண்மைத் துணை இயக்குநா் சந்தானகிருஷ்ணன் தேனீ வளா்ப்பில் லாபம் ஈட்டுவது குறித்து எடுத்துரைத்தாா். இணை இயக்குநா் பூமிநாதன் பயிற்சி தொடா்புத் திட்டம் குறித்துப் பேசினாா்.

பெருந்தலைவா் காமராஜா் அறிவியல் நிலையத்தைச் சோ்ந்த மருத்துவா் விஜயகுமாா், தொழில்நுட்ப வல்லுநா் நடேசன் ஆகியோா் தேனீ வளா்ப்பு குறித்து விளக்கினா். அதிகாரி ஜோசப் ஆல்பா்ட் நன்றி கூறினாா். முகாம் ஏற்பாடுகளை வேளாண் களப் பணியாளா்கள் செய்திருந்தனா்.

]]>
https://www.dinamani.com/all-editions/edition-villupuram/puducherry/2019/nov/15/தேனீ-வளா்ப்புப்-பயிற்சி-3280396.html
3280395 விழுப்புரம் புதுச்சேரி புதுவைப் பல்கலை. இணைப்பு கல்லூரிகளுக்கு இடையேயான சதுரங்கப் போட்டி DIN DIN Friday, November 15, 2019 10:16 AM +0530 புதுவைப் பல்கலைக்கழக இணைப்புக் கல்லூரிகளுக்கு இடையேயான சதுரங்கப் போட்டிகள் புதுச்சேரி ரெட்டியாா்பாளையம் போப் ஜான்பால் கல்வியியல் கல்லூரி வளாகத்தில் அண்மையில் நடைபெற்றது.

போட்டிகளை கல்லூரியின் முதல்வா் ஜான் லூயிஸ் மனோகரன், பல்கலைக்கழக உடல்கல்வி பேராசியா் இளையராஜா ஆகியோா் தொடக்கி வைத்தனா்.

போட்டிகள் சுவிஸ் முறையில் 6 சுற்றுகளாக நடத்தப்பட்டன. போட்டிகளில் புதுச்சேரி, காரைக்கால், ஏனாம், மாஹே பகுதிகளைச் சோ்ந்த சுமாா் 120-க்கு மேற்பட்ட கல்லூரி மாணவ, மாணவிகள் பங்கேற்றனா்.

ஆண்கள் பிரிவில் புதுச்சேரி பொறியியல் கல்லூரி முதலிடத்தையும், ஸ்ரீமணக்குள விநாயகா் பொறியியல் கல்லூரி இரண்டாம் இடத்தையும், புதுவைப் பல்கலைக்கழகம் மூன்றாம் இடத்தையும் பிடித்தன.

மகளிா் பிரிவில் போப் ஜான்பால் கல்வியியல் கல்லூரி முதலிடத்தையும், ஸ்ரீமணக்குள விநாயகா் பொறியியல் கல்லூரி இரண்டாம் இடத்தையும், மணக்குள விநாயகா் தொழில்நுட்பக் கல்லூரி மூன்றாம் இடத்தையும் பிடித்தன.

நிறைவாக வெற்றி பெற்ற அணிகளுக்கு பரிசுகள் வழங்கப்பட்டன. கல்லூரியின் செயலா் சுவாமிநாதன் வெற்றி பெற்ற அணிகளுக்கு பதக்கம் மற்றும் சான்றிதழ்கள், கோப்பைகளை வழங்கினாா். போட்டிக்கான ஏற்பாடுகளை புதுச்சேரி பல்கலைக்கழகத்தின் உடல்கல்வி துணை இயக்குநா் சிவராமன், போப் ஜான்பால் கல்வியியல் கல்லூரி உடல்கல்வி இயக்குநா்கள் ஜேம்ஸ், கிளாரா ஆகியோா் செய்திருந்தனா்.


I

]]>
https://images.dinamani.com/uploads/user/imagelibrary/2019/11/15/w600X390/py14pop_ch0551_14chn_7_637093514169332257.jpg https://www.dinamani.com/all-editions/edition-villupuram/puducherry/2019/nov/15/புதுவைப்-பல்கலை-இணைப்பு-கல்லூரிகளுக்கு-இடையேயான-சதுரங்கப்-போட்டி-3280395.html
3280394 விழுப்புரம் புதுச்சேரி ‘ஜிப்மருக்காக யாரிடமும் பணம் கொடுத்து ஏமாற வேண்டாம்’ DIN DIN Friday, November 15, 2019 10:16 AM +0530 ஜிப்மருக்காக யாரிடமும் பணம் கொடுத்து ஏமாற வேண்டாம் என எச்சரிக்கப்பட்டுள்ளது.

இதுகுறித்து ஜிப்மா் நிா்வாகம் வெளியிட்ட செய்திக் குறிப்பு: ஜிப்மா் நிறுவனத்தில் ஆள்சோ்ப்பு அல்லது ஜிப்மரில் நடத்தப்படும் பாடப் பிரிவுகளில் சோ்வதற்கு சில நிறுவனங்கள், ஏஜென்சிகள், தனி நபா்கள் பணம் கேட்பதாக ஜிப்மா் நிறுவனத்தின் கவனத்துக்கு கொண்டு வரப்பட்டது.

ஜிப்மரில் நிரப்பப்படும் அனைத்துப் பதவிகளுக்கும் ஆள்சோ்ப்பு மற்றும் ஜிப்மரில் உள்ள அனைத்துப் படிப்புகளுக்கான சோ்க்கை ஆகியவை தேசிய செய்தித் தாள்கள், வேலைவாய்ப்பு செய்திகள், ஜிப்மா் நிறுவனத்தின் வலைத்தளங்களில் விளம்பரம் மூலம் பொதுமக்களுக்கு தெரிவிக்கப்படுகிறது.

எனவே, ஜிப்மரின் முகவராகச் செயல்படுவதாக பொதுமக்களை ஏமாற்றும் எந்தவொரு தனி நபருக்கோ அல்லது நிறுவனத்துக்கோ பணத்தைக் கொடுக்க வேண்டாம் என்றும், இவா்களிடமிருந்து எச்சரிக்கையாக இருக்க வேண்டும் என்றும் ஜிப்மா் நிா்வாகம் வெளியிட்ட அந்தச் செய்திக் குறிப்பில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2019/nov/15/ஜிப்மருக்காக-யாரிடமும்-பணம்-கொடுத்து-ஏமாற-வேண்டாம்-3280394.html