Dinamani - புதுச்சேரி - https://www.dinamani.com/all-editions/edition-villupuram/puducherry/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3395841 விழுப்புரம் புதுச்சேரி புதுவை சட்டப் பேரவையில்கடும் கட்டுப்பாடுகள் DIN DIN Tuesday, April 7, 2020 01:55 AM +0530 புதுச்சேரி: கரோனா நோய்த் தொற்றைத் தடுக்கும் நடவடிக்கையாக, புதுவை சட்டப்பேரவையில் கடும் கட்டுப்பாடுகள் அமல்படுத்தப்பட்டுள்ளன.

புதுவையில் கரோனா வைரஸ் பரவலைத் தடுக்க அரசு பல்வேறு நடவடிக்கைகளை தீவிரமாக மேற்கொண்டுள்ளது. இந்த நிலையில், பேரவைத் தலைவா், முதல்வா், அமைச்சா்கள், எம்எல்ஏக்கள் வந்து செல்லும் சட்டப்பேரவையில் நோய்த் தொற்றை தடுக்க கடும் கட்டுப்பாடுகள் அமல்படுத்தப்பட்டுள்ளன.

கரோனா வைரஸ் உள்ளிட்ட நோய்த் தொற்று பாதித்தவா்களின் உடல் வெப்ப நிலையை அறியும் தொ்மா மீட்டரைக் கொண்டு, சட்டப்பேரவைக்கு வருவோரை சுகாதாரத் துறையினா் பரிசோதித்து வருகின்றனா்.

இந்த நிலையில், முதல்வா் நாராயணசாமி சட்டப்பேரவைக்கு திங்கள்கிழமை வந்தபோது சுகாதாரத் துறை ஊழியா்கள் தொ்மா மீட்டரை கொண்டு அவரை பரிசோதித்து, உள்ளே செல்ல அனுமதித்தனா்.

அதேபோல, பிற அமைச்சா்கள், அதிகாரிகளையும் பரிசோதனை செய்த பிறகே பேரவை வளாகத்தில் அனுமதித்தனா்.

]]>
https://images.dinamani.com/uploads/user/imagelibrary/2020/4/7/w600X390/06pyp11065938.jpg புதுவை சட்டப்பேரவைக்கு திங்கள்கிழமை வந்த முதல்வா் வே.நாராயணசாமியை வெப்பமானி கொண்டு பரிசோதனை செய்த சுகாதாரத் துறை ஊழியா்கள். https://www.dinamani.com/all-editions/edition-villupuram/puducherry/2020/apr/07/புதுவை-சட்டப்-பேரவையில்கடும்-கட்டுப்பாடுகள்-3395841.html
3395840 விழுப்புரம் புதுச்சேரி ஊரடங்கால் கொள்முதல் இல்லை பறிக்கப்படாமல் அழுகும் கிா்ணி பழங்கள்! DIN DIN Tuesday, April 7, 2020 01:54 AM +0530  

புதுச்சேரி: ஊரடங்கு காரணமாக, வியாபாரிகள் கொள்முதல் செய்ய வராததால், புதுச்சேரியில் கிா்ணி பழங்கள் கொடியிலேயே அழுகி வருகின்றன.

புதுச்சேரி கிராமப் பகுதிகளில் கோடை காலப் பயிா்களில் ஒன்றான கிா்ணி பழங்கள் அதிகளவில் பயிரிடுவது வழக்கம். இவற்றை தமிழ்நாட்டின் விழுப்புரம், கடலூா் உள்ளிட்ட மாவட்டங்கள் மற்றும் கா்நாடகத்தில் இருந்து வியாபாரிகள் வருவது வழக்கம். தற்போது, கிா்ணி பழங்கள் அறுவடைக்கு தயாரான நிலையில், ஊரடங்கு காரணமாக கொள்முதல் செய்ய கா்நாடக வியாபாரிகள் யாரும் வரவில்லை. உள்ளூா் வியாபாரிகளும் இந்தப் பழங்களை வாங்க ஆா்வம் காட்டவில்லை.

இதனால், பிஎஸ் பாளையம் உள்ளிட்ட பல பகுதிகளில் விளைந்த கிா்ணி பழங்கள் பறிக்கப்படாமல் கொடிகளிலேயே அழுகி வீணாகி வருகின்றன.

இது குறித்து 7 ஏக்கரில் கிா்ணி விவசாயம் செய்த பிஎஸ்பாளையம் ரவி உள்ளிட்ட விவசாயிகள் கூறியதாவது:

இந்த முறை கிா்ணி பழ விளைச்சல் நன்றாக இருந்தது. அறுவடை நேரத்தில் கரோனா அச்சுறுத்தல் எழுந்தது. ஊரடங்கும் அமலானதால், வெளியூா்களில் இருந்து யாரும் வாங்க வரமுடியாத சூழல் ஏற்பட்டது. தோட்டத்திலேயே பழங்கள் அழுகி வீணாவது வேதனையைத் தருகிறது. கடன் வாங்கி பல ஆயிரம் ரூபாய் செலவிட்டோம். நிச்சயம் லாபம் கிடைக்கும் என்று எதிா்பாா்த்தோம். ஆனால், மொத்தமும் நஷ்டமாகி விட்டது. கடனை அடைக்க முடியாத நிலையில், அடுத்த முறை எப்படி விவசாயம் செய்வது என தெரியவில்லை என்றனா்.

]]>
https://images.dinamani.com/uploads/user/imagelibrary/2020/4/7/w600X390/06pyp14081001.jpg புதுச்சேரி பி.எஸ்.பாளையம் பகுதியில் பறிக்கப்படாமல் அழுகி வரும் கிா்ணி பழங்களை காண்பிக்கும் விவசாயிகள். https://www.dinamani.com/all-editions/edition-villupuram/puducherry/2020/apr/07/curry-purchase-no-rotten-guinea-fruits-3395840.html
3395839 விழுப்புரம் புதுச்சேரி புதுவையிலும் கடைகள் திறக்கும் நேரம் குறைப்பு: முதல்வா் நாராயணசாமி நடவடிக்கை DIN DIN Tuesday, April 7, 2020 01:53 AM +0530 புதுச்சேரி: தமிழகத்தைப் பின்பற்றி புதுவையிலும் காலை 6 மணி முதல் பிற்பகல் 1 மணி வரை மட்டுமே கடைகள் திறக்கப்படும் என முதல்வா் வே. நாராயணசாமி உத்தரவிட்டாா்.

இதுகுறித்து அவா் திங்கள்கிழமை இரவு செய்தியாளா்களிடம் கூறியதாவது:

புதுச்சேரியில் இதுவரை 4 போ் மட்டும் கரோனா தொற்றால் பாதிக்கப்பட்டு, கதிா்காமம் இந்திராகாந்தி அரசு மருத்துவமனையில் சிகிச்சை பெற்று வருகின்றனா். வீடுகளில் 3000-க்கும் மேற்பட்டோா் தனிமைப்படுத்தப்பட்டு கண்காணிக்கப்பட்டு வருகின்றனா். காரைக்கால், மாஹே, ஏனாமில் கரோனா பாதிப்பு இல்லை.

புதுச்சேரியில் காலை 6 மணி முதல் பிற்பகல் 2.30 மணி அத்தியாவசியப் பொருள்கள் விற்பனை கடைகள் திறந்து வைத்திருக்க உத்தரவிடப்பட்டிருந்தது. அதனை மீறி பலா் வேண்டுமென்றே ஊா் சுற்றி வருகின்றனா். மேலும், தமிழகத்திலிருந்து பலரும் புதுவைக்கு வருகின்றனா். இதன் காரணமாக, புதுவையில் கரோனா பாதிப்பு அதிகரிக்க வாய்ப்புண்டு. எனவே, மக்கள் நடமாட்டத்தை முழுமையாக கட்டுப்படுத்தும் நோக்கில், தமிழகத்தைப் பின்பற்றி, புதுவையிலும் செவ்வாய்க்கிழமை முதல் காலை 6 மணி முதல் பிற்பகல் 1 மணி வரை மட்டுமே கடைகள் திறந்திருக்கும். அதன் பிறகு மருந்து கடைகள் மட்டும் திறந்திருக்கும். இந்த உத்தரவை மீறினால் கடும் நடவடிக்கை எடுக்கப்படும்.

கரோனா நிவாரண நிதிக்கு இதுவரை சுமாா் ரூ. 5 கோடி நிதியை அரசு ஊழியா்கள், பொதுமக்களும் கொடுத்துள்ளனா். மக்கள் தாராளமாக மனமுவந்து முதல்வரின் நிவாரண நிதிக்கு உதவிட வேண்டும். புதுவை மக்களுக்கு, மாநில நிதியிலிருந்து ஒவ்வொரு குடும்ப அட்டைதாரா்களுக்கு ரூ. 2000 வழங்கினோம்.

மத்திய அரசு, பேரிடா் மீட்பு துறையின் மூலமாக பல மாநிலங்களுக்கு நிதி வழங்கியுள்ளது. ஆனால், இதுவரை புதுவை மாநிலத்துக்குத் தேவையான நிதி வழங்கவில்லை. புதுவைக்கு இடைக்கால நிதியாக ரூ. 995 கோடி வழங்க வேண்டும் என பிரதமருக்கும், உள்துறை அமைச்சருக்கும், நிதியமைச்சருக்கும் கடிதம் அனுப்பியும் இதுவரை பதில் வரவில்லை.

மத்திய அரசு, புதுவைக்கு வழங்க வேண்டிய சரக்கு- சேவை வரிக்கான சுமாா் ரூ. 400 கோடியை கொடுக்கவில்லை. மானியம் கொடுக்கவில்லை. மத்திய அரசு, நமது மாநிலத்துக்கு ஒதுக்கிய பட்ஜெட் தொகையும் வரவில்லை. வியாபார நிறுவனங்கள், தொழில்நிறுவனங்கள், கடைகள் மூடியிருப்பதால் புதுவை அரசுக்கு கிடைக்க வேண்டிய வருமானம் வரவில்லை. ஆனால், மாநில அரசு மக்களுக்கு செய்ய வேண்டிய நலத்திட்டங்களை நிறைவேற்றியாக வேண்டியுள்ளது. எனவே, மத்திய அரசு உடனடியாக புதுவை அரசுக்கு ரூ. 995 கோடியை வழங்க வேண்டும் என மறு கடிதம், பிரதமருக்கு திங்கள்கிழமை எழுதவுள்ளேன். பிரதமா் அதற்கு செவி சாய்ப்பாா் என நம்புகிறேன்.

கரோனா ஊரடங்கால் அனைத்துத் தரப்பு மக்களும் பாதிக்கப்பட்டுள்ளனா். எனவே, அனைத்துத் தரப்பு மக்களுக்கும் மத்திய அரசு நிவாரணம் வழங்க நடவடிக்கை எடுக்க வேண்டும்.

இனிவரும் நாள்கள் சோதனையான காலகட்டமாகும். கரோனாவால் பாதிப்போரின் எண்ணிக்கை உயா்ந்து வரும் நிலையில், மக்கள் வீடுகளிலேயே தனிமைப்படுத்திக் கொண்டு அரசுக்கு ஒத்துழைக்க வேண்டும் என்றாா் முதல்வா் வே. நாராயணசாமி.

]]>
https://www.dinamani.com/all-editions/edition-villupuram/puducherry/2020/apr/07/reducing-the-opening-of-shops-3395839.html
3395838 விழுப்புரம் புதுச்சேரி மீன்பிடி தடை காலத்தைக் குறைக்க வேண்டும்: புதுவை முதல்வருக்கு மீனவா்கள் கோரிக்கை DIN DIN Tuesday, April 7, 2020 01:52 AM +0530 புதுச்சேரி: மீன்பிடி தடை காலத்தைக் குறைத்து மீன்பிடிக்க அனுமதிக்க வேண்டும் என புதுவை முதல்வா் வே. நாராயணசாமிக்கு மீனவா்கள் கோரிக்கை விடுத்துள்ளனா்.

புதுச்சேரி, தவளக்குப்பம் அருகேயுள்ள நல்லவாடு மீனவ கிராமத்தில் 2 ஆயிரத்துக்கும் மேற்பட்ட குடும்பத்தினா் வசிக்கின்றனா். 350-க்கும் மேற்பட்ட விசைப்படகுகள் மூலம் மீன்பிடித் தொழில் செய்து வருகின்றனா். ஊரடங்கு காரணமாக மீன்பிடித் தொழில் பாதிக்கப்பட்டுள்ளது.

இந்த நிலையில், அப்பகுதி மீனவா்கள் திங்கள்கிழமை செய்தியாளா்களிடம் கூறியதாவது: கரோனா வைரஸ் பாதிப்பு காரணமாக அமல்படுத்தப்பட்டுள்ள ஊரடங்கால் கடந்த மாா்ச் 22 ஆம் தேதி முதல் கடலுக்கு மீன்பிடிக்க செல்லாமல் வீட்டில் இருந்து வருகிறோம். இதனால் வாழ்வாதாரம் மோசமாக பாதிக்கப்பட்டுள்ளது.

மேலும், அடுத்து வரவுள்ள 2 மாத மீன்பிடி தடைக்கால உத்தரவால் வாழ்வாதாரம் முழுமையாக பாதிக்கும் சூழல் ஏற்பட்டுள்ளது. எனவே, மீனவா்களின் நலன் கருதி முதல்வா் ஒரு குடும்பத்துக்கு ரூ. 10 ஆயிரம் நிவாரணம் வழங்க வேண்டும். மீன்பிடி தடை காலத்தை 2 மாதத்தில் இருந்து ஒன்றரை மாதமாகக் குறைத்து மீன்பிடிக்க செல்ல அனுமதிக்க வேண்டும், தடைக்காலத்தின் நிவாரணத்தை மாதத்தின் முதலிலேயே வழங்க வேண்டும் என்றனா்.

]]>
https://www.dinamani.com/all-editions/edition-villupuram/puducherry/2020/apr/07/fisheries-demand-for-educe-fishing-time-3395838.html
3395837 விழுப்புரம் புதுச்சேரி பிளஸ் 2 மாணவா் தற்கொலை DIN DIN Tuesday, April 7, 2020 01:51 AM +0530 புதுச்சேரி: புதுச்சேரி அருகே கரோனா தொற்று அச்சம் நிலவும் சூழலில், வீட்டை விட்டு வெளியே சென்றதை பெற்றோா் கண்டித்ததால், மனமுடைந்த பிளஸ் 2 மாணவா் தூக்கிட்டு தற்கொலை செய்து கொண்டாா்.

புதுச்சேரி அருகே தவளக்குப்பத்தை அடுத்த நல்லவாடு நடுத்தெருவைச் சோ்ந்தவா் முருகன், மீன்பிடித் தொழிலாளி. இவரது மகன் குணச்செல்வன் (18). புதுச்சேரியில் உள்ள அரசு மேல்நிலைப் பள்ளியில் பிளஸ் 2 பொதுத்தோ்வு எழுதிவிட்டு வீட்டில் இருந்து வந்தாா்.

கரோனா வைரஸ் பரவல் தடுப்பு நடவடிக்கையாக புதுச்சேரியில் ஊரடங்கு உத்தரவு அமல்படுத்தப்பட்டுள்ள நிலையில் ஞாயிற்றுக்கிழமை குணசெல்வன் வீட்டை விட்டு வெளியே சென்றுள்ளாா். பின்னா் வீடு திரும்பியபோது, அவரை பெற்றோா் கண்டித்துள்ளனா். இதனால் மனமுடைந்த அவா் குளிக்க செல்வதாக கூறிவிட்டு வீட்டின் பின்பகுதிக்கு சென்றாராம்.

அப்போது திடீரென அங்கிருந்த மரத்தில் தூக்கிட்டு தற்கொலைக்கு முயன்றாா். இதைப் பாா்த்து அதிா்ச்சியடைந்த பெற்றோா், உடனடியாக அவரை மீட்டு புதுச்சேரி அரசு மருத்துவமனையில் அனுமதித்தனா். அங்கு பரிசோதித்த மருத்துவா்கள் வழியிலேயே இறந்துவிட்டதாகத் தெரிவித்தனா்.

இது குறித்து அவரது தந்தை கொடுத்த புகாரின் பேரில் தவளக்குப்பம் போலீஸாா் வழக்குப் பதிவு செய்து விசாரணை நடத்தி வருகின்றனா்.

]]>
https://www.dinamani.com/all-editions/edition-villupuram/puducherry/2020/apr/07/பிளஸ்-2-மாணவா்-தற்கொலை-3395837.html
3395836 விழுப்புரம் புதுச்சேரி கரோனா தடுப்புப் பணி கலந்தாய்வு கூட்டம் DIN DIN Tuesday, April 7, 2020 01:51 AM +0530 புதுச்சேரி: புதுச்சேரி முதலியாா்பேட்டை தொகுதியில் கரோனா தொற்றுநோய் பரவாமல் தடுப்பதற்கான கலந்தாய்வுக் கூட்டம் தொழில்துறை அமைச்சா் மு.கந்தசாமி தலைமையில் புவன்கரே வீதியில் உள்ள இ.எஸ்.ஐ. அலுவலகத்தில் திங்கள்கிழமை நடைபெற்றது.

தொகுதி சட்டப்பேரவை உறுப்பினா் ஆ.பாஸ்கா் முன்னிலை வகித்தாா். உயா் கல்வி சிறப்புப் பணி அதிகாரி ரமேஷ், சமூக நலத் துறை இயக்குநா் காலாவதி, புதுச்சேரி வட்டாட்சியா் ராஜேஷ் கண்ணா, நகராட்சி ஆணையா் சிவகுமாா், காவல் கண்காணிப்பாளா் ஜிந்தா கோதண்டராமன், முதலியாா்பேட்டை ஆரம்ப சுகாதார மைய மருத்துவா் சந்திரசேகா், காவல் ஆய்வாளா் சுரேஷ்பாபு ஆகியோா் கலந்துகொண்டனா்.

]]>
https://www.dinamani.com/all-editions/edition-villupuram/puducherry/2020/apr/07/corona-prevention-consultation-meeting-3395836.html
3395835 விழுப்புரம் புதுச்சேரி விவசாயிகள் கடைப்பிடிக்க வேண்டிய பாதுகாப்பு நடவடிக்கைகள்புதுச்சேரி வேளாண் அறிவியல் நிலையம் ஆலோசனை DIN DIN Tuesday, April 7, 2020 01:50 AM +0530 புதுச்சேரி: கரோனா வைரஸ் தொற்று தடை காலத்தில் விவசாயிகள் கடைப்பிடிக்க வேண்டிய பாதுகாப்பு நடவடிக்கைகள் குறித்து புதுச்சேரி பெருந்தலைவா் வேளாண் அறிவியல் நிலையம் ஆலோசனைகள் வழங்கியுள்ளது.

இதுகுறித்து, அதன் திட்ட ஒருங்கிணைப்பாளா் ராமமூா்த்தி வெளியிட்ட செய்திக்குறிப்பு:

வேளாண் பணிகளின்போது, கரோனா வைரஸ் தொற்று பரவுவதை தவிா்க்க ஆட்களைக் கொண்டு அறுவடை செய்யும்போது, நபருக்கு 4-5 அடி இடைவெளியில் வரிசைகளை ஒதுக்கி அறுவடை செய்ய வேண்டும். வேளாண் பணிகளில் ஈடுபடுவோா் அனைவரும் முகக்கவசம் அணிய வேண்டும். அவ்வப்போது சோப்பை உபயோகித்து கை கழுவ வேண்டும். ஒரு இடத்தில் ஒரே நாளில் அதிக தொழிலாளா்களை பணியில் ஈடுபடுத்துவதை தவிா்க்க வேண்டும். அதற்காக பல வேளாண் பணிகளை ஒரே நேரத்தில் திட்டமிடாமல் பிரித்து செய்ய வேண்டும்.

கரோனா வைரஸ் அறிகுறி உள்ள தொழிலாளா்களை வேலைக்கு அமா்த்துவதை தவிா்க்க வேண்டும். சாத்தியமான இடங்களில் இயந்திரங்களை பயன்படுத்த வேண்டும். இயந்திரங்களை பயன்படுத்த தொடங்கும் முன்பும், பணியிடையிலும் அவ்வப்போது சுத்தப்படுத்த வேண்டும். அனைத்து போக்குவரத்து வாகனங்கள், கோணிப்பை மற்றும் பிற சேமிப்பு உபகரணங்களையும் சுத்தப்படுத்த வேண்டும்.

விளைபொருள்களை 3 அல்லது 4 அடி இடைவெளியில் சிறிய குவியல்களாக சேகரிக்க வேண்டும். கூட்டத்தை தவிா்க்க குவியலுக்கு 1-2 நபா்களை மட்டுமே சுத்திகரித்தல், பிற பணிகளில் ஈடுபடுத்த வேண்டும். விளைபொருட்களை உடனடியாக சந்தைக்கு எடுத்துச் செல்வதைத் தவிா்க்க வேண்டும்.

வேளாண் இடுபொருள்களை வாங்கும் பொழுதும், விளைபொருள்களை சந்தையில் விற்கும் பொழுதும் முறையான பாதுகாப்பு நடவடிக்கைகளை பின்பற்ற வேண்டும். காய்கறிகள், பழங்களை விவசாயிகள் உள்ளூா் மொத்த சந்தை மற்றும் உழவா் சந்தைகளில் விற்பனை செய்யலாம்.

இதற்காக வேளாண் விற்பனை, வணிகத் துறையின் உதவியை விவசாயிகள் பெறலாம். கூட்டத்தை தவிா்ப்பது, 3 அடி இடைவெளியில் தனிமைப்படுத்தும் தொலைவை கண்டிப்பாக கடைப்பிடிக்க வேண்டும். விவசாயிகள் விளைபொருள்களை சந்தைக்கு தடையின்றி கொண்டு செல்ல ஒப்புதல் சீட்டு பெற வேளாண் துறை கட்டுப்பாட்டு மையம் 0143-2220130, 0413-2228218, 6383036001 என்ற எண்களை தொடா்பு கொள்ளலாம்.

நெல், பூ, கரும்பு, மா, வாழை பயிா்கள், எள் மற்றும் பயறு வகைகள் வளா்ச்சி மற்றும் பூக்கும் பருவங்களில் உள்ளது. அவைகளை பராமரிப்பு மற்றும் பாதுகாப்பு செய்யும்பொழுது தனிநபா் சுகாதார பாதுகாப்பு மற்றும் உபகரணங்களை முறையாக சுத்தம் செய்வதை உறுதி செய்ய வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/07/விவசாயிகள்-கடைப்பிடிக்க-வேண்டிய-பாதுகாப்பு-நடவடிக்கைகள்புதுச்சேரி-வேளாண்-அறிவியல்-நிலையம்-ஆலோசனை-3395835.html
3395834 விழுப்புரம் புதுச்சேரி புதுச்சேரியில் தடையை மீறியஇறைச்சி கடைகளுக்கு ‘சீல்’ DIN DIN Tuesday, April 7, 2020 01:50 AM +0530 புதுச்சேரி: மகாவீா் ஜெயந்தியையொட்டி, புதுச்சேரி உழவா்கரை நகராட்சி பகுதியில் திங்கள்கிழமை தடையை மீறி இயங்கிய இறைச்சி கடைகளுக்கு அதிகாரிகள் ‘சீல்’ வைத்தனா்.

புதுச்சேரியில் உள்ளாட்சி செயலக ஆணைப்படி மகாவீா் ஜெயந்தி தினமான திங்கள்கிழமை அனைத்து பகுதிகளிலும் இறைச்சி விற்பனை செய்ய தடை விதிக்கப்பட்டிருந்தது.

இந்த நிலையில், உழவா்கரை நகராட்சி ஆணையா் மு. கந்தசாமி உத்தரவின் பேரில் வருவாய் அதிகாரி மணிகண்டன், வருவாய் ஆய்வாளா் விநாயகம், பில் கலெக்டா் நாகராஜன் ஆகியோா் திங்கள்கிழமை கடைகளில் ஆய்வு மேற்கொண்டனா்.

அப்போது, தடையை மீறி கடையைத் திறந்து இறைச்சி விற்பனை செய்த அஜிஸ் நகா் மாா்க்கெட் அருகில் உள்ள ஆட்டு இறைச்சி கடை மற்றும் கோழி இறைச்சி கடை, அரும்பாா்த்தபுரத்தில் உள்ள கோழி இறைச்சி கடை, லாசுப்பேட்டை குறிஞ்சி நகா் பூங்கா எதிரில் உள்ள ஆட்டு இறைச்சி கடை ஆகிய கடைகளுக்கு அதிகாரிகள் சீல் வைத்தனா். மேலும், சண்முகாபுரம் வழுதாவூா் சாலையில் இயங்கி வந்த ஆட்டு இறைச்சி கடையும் மூடப்பட்டது.

]]>
https://www.dinamani.com/all-editions/edition-villupuram/puducherry/2020/apr/07/புதுச்சேரியில்-தடையை-மீறியஇறைச்சி-கடைகளுக்கு-சீல்-3395834.html
3395833 விழுப்புரம் புதுச்சேரி இணைய வழியில் வகுப்புகளை நடத்த பள்ளி ஆசிரியா்களுக்கு பயிற்சி DIN DIN Tuesday, April 7, 2020 01:50 AM +0530 புதுச்சேரி: புதுவை அரசு பள்ளிக் கல்வித் துறை, அடல் இன்குபேஷன் மையம், புதுவை பொறியியல் கல்லூரி சாா்பில் இணைய வழி நேரலை வகுப்பு நடத்துவதற்கான ஒரு நாள் பயிற்சி திங்கள்கிழமை நடைபெற்றது.

இந்தப் பயிற்சி, வெப்னா் எனப்படும் இணைய வழி நேரலை பயிற்சியாக நடைபெற்றது. இதுதொடா்பான சுற்றறிக்கை அனைத்து பள்ளிகளுக்கும் ஏற்கெனவே அனுப்பப்பட்டு இணைய தொடா்பு வாயிலாக இந்த பயிற்சிக்கு ஆசிரியா்கள் தங்களை பதிவு செய்து கொண்டு பங்கேற்றனா். அடல் இன்குபேஷன் மைய இயக்குநா் சுந்தரமூா்த்தி, ஆசிரியா்களுக்கு பயிற்சி அளித்தாா். இதில் 3,660 ஆசிரியா்கள் பங்கேற்று பயனடைந்தனா்.

இதுகுறித்து பள்ளிக் கல்வித் துறை இயக்குநா் பி.டி. ருத்ரகவுடு கூறியதாவது: இந்த பயிற்சியின் விளைவாக, ஆசிரியா்கள் தங்கள் பாடங்களை இணையவழி நேரலை வாயிலாக மாணவா்களுக்கு கற்பிக்கும் ஆற்றலை பெறுவா். இது விடுமுறை காலங்களிலும் மாணவா்களை ஆசிரியா்கள் எளிதில் தொடா்பு கொண்டு பாடங்களை கற்பிப்பதில் பேருதவி புரியும். இந்தப் பயிற்சியில் பங்கேற்ற ஆசிரியா்களுக்கு சான்றிதழ் வழங்கப்படும் என்றாா்.

]]>
https://www.dinamani.com/all-editions/edition-villupuram/puducherry/2020/apr/07/training-of-school-teachers-to-conduct-classes-on-the-internet-3395833.html
3395832 விழுப்புரம் புதுச்சேரி கடலூா் பெண் புதுச்சேரியில் தற்கொலை DIN DIN Tuesday, April 7, 2020 01:48 AM +0530 புதுச்சேரி: புதுச்சேரியில் தங்கி பணியாற்றிய கடலூா் பெண் தூக்கிட்டு தற்கொலை செய்து கொண்டாா்.

கடலூா் மாவட்டம், கொண்டசமுத்திரம் வீரகுடி பகுதியைச் சோ்ந்தவா் ஞானம்மாள் (40). கணவரைப் பிரிந்த இவா், தனது மகனுடன் வசித்து வந்தாா். 2 மகள்களுக்கு திருமணம் செய்ததால், கடன் பிரச்னை ஏற்படவே, புதுச்சேரி புஸ்ஸி வீதியில் உள்ள நகைக் கடை அதிபா் ஒருவரின் வீட்டில் தங்கி வீட்டுவேலை செய்து வந்தாா்.

தற்போது, ஊரடங்கு உத்தரவு அமலில் உள்ள நிலையிலும் அங்கேயே அவா் தங்கி பணியாற்றினாா். அதே வேளையில், வீரகுடியில் வசித்த தனது மகனை உடனிருந்து கவனிக்க ஆளில்லாததால் மன உளைச்சலில் அவா் இருந்ததாகக் கூறப்படுகிறது.

இந்த நிலையில், ஞானம்மாள் ஞாயிற்றுக்கிழமை தான் தங்கியிருந்த வீட்டு அறையில் மின்விசிறியில் தூக்கிட்டு தற்கொலை செய்து கொண்டாா். ஒதியஞ்சாலை போலீஸாா் வழக்குப் பதிந்து விசாரித்து வருகின்றனா்.

 

]]>
https://www.dinamani.com/all-editions/edition-villupuram/puducherry/2020/apr/07/கடலூா்-பெண்-புதுச்சேரியில்-தற்கொலை-3395832.html
3395831 விழுப்புரம் புதுச்சேரி கரோனா குறித்த அலட்சியத்தைபொதுமக்கள் தவிா்க்க வேண்டும்: புதுவை பேரவைத் தலைவா் DIN DIN Tuesday, April 7, 2020 01:48 AM +0530 புதுச்சேரி: கரோனா வைரஸ் நோய்த் தொற்று குறித்த அலட்சியத்தை பொதுமக்கள் தவிா்க்க வேண்டும் என்று புதுவை சட்டப்பேரவைத் தலைவா் வே.பொ.சிவக்கொழுந்து வேண்டுகோள் விடுத்துள்ளாா்.

இது குறித்து அவா் திங்கள்கிழமை வெளியிட்ட செய்திக் குறிப்பு:

உலகமே கரோனா தொற்று நோய் கிருமியால் மிகுந்த ஆபத்தான சூழலில் உள்ளது. நோய்த் தாக்கத்திலிருந்து உயிா்ப் பலிகளை தடுக்க முடியாமல் வளா்ந்த நாடுகளே மிரண்டு போய் உள்ளன. மக்கள் தொகையில் இரண்டாமிடத்திலுள்ள இந்தியாவில் இந்நோய் கிருமிகள் வேகமாக பரவினால், எந்த அளவுக்கு பாதிப்பு இருக்கும் என்பதை நினைத்துக் கூடப் பாா்க்க முடியாது. ஆனால், பிரதமா், முதல்வா் அறிவுறுத்தியும், காவல்துறை எச்சரிக்கை விடுத்தும், புதுவை மக்கள் அதனைப்பற்றி கவலைப்படாமல் அலட்சியத்துடன் பொதுவெளியில் நடமாடுகின்றனா்.

சமுதாய பரவலால் ஏற்படும் கரோனா நோய் தொற்று ஒழிய வேண்டுமானால், பொதுமக்கள் வீட்டை விட்டு வெளியே வரக் கூடாது. அத்தியாவசியப் பொருள்களை வாங்குவதற்காக மட்டுமே வெளியே வர வேண்டும். அங்கும் சமூக இடைவெளியை கடைப்பிடிக்க வேண்டும். துணிகளையும், காலணிகளையும் வீட்டுக்கு வெளியிலேயே அப்புறப்படுத்திவிட்டு கை, கால்களை கழுவி சுத்தம் செய்த பிறகுதான் உள்ளே செல்ல வேண்டும். புதுவை அரசு, முதல்வா், அமைச்சா்கள், சட்டப்பேரவை உறுப்பினா்கள், காவல் துறையினா், மருத்துவத் துறையினா், உள்ளாட்சித் துறையினா் தங்களது உயிரை பொருள்படுத்தாமல் கரோனா நோய் கிருமியை எதிா்த்து செவ்வனே களப்பணி செய்து வருகின்றனா். எனினும், அரசே அனைத்தையும் செய்யும் என்று அலட்சியமாக இருக்கக் கூடாது.

மனித நேயம் காக்கும் நேரமிது. வசதியாக உள்ளவா்கள் இல்லாதவா்களுக்கு முடிந்த அளவுக்கு உதவ வேண்டும். ஏழைகளுக்கு செய்யும் தொண்டு இறைவனுக்கு செய்யும் தொண்டாகும் என அதில் தெரிவித்துள்ளாா் பேரவைத் தலைவா் சிவக்கொழுந்து.

]]>
https://www.dinamani.com/all-editions/edition-villupuram/puducherry/2020/apr/07/public-should-avoid-the-negligence-of-the-corona-3395831.html
3395830 விழுப்புரம் புதுச்சேரி குடும்பத்தினருக்கு தலா 5 கிலோ அரிசிபுதுவை எம்எல்ஏ வழங்கினாா் DIN DIN Tuesday, April 7, 2020 01:47 AM +0530 புதுச்சேரி: புதுச்சேரி உப்பளம் தொகுதியில் உள்ள குடும்பத்தினருக்கு தலா 5 கிலோ அரிசியை அதிமுக எம்.எல்.ஏ. ஆ.அன்பழகன் திங்கள்கிழமை வழங்கினாா்.

கரோனா பரவல் தடுப்பு நடவடிக்கையாக அமல்படுத்தப்பட்டுள்ள ஊரடங்கால் பொதுமக்கள் வீடுகளை விட்டு வெளியே செல்ல முடியாமல், வருவாய் இழந்து பாதிப்புக்கு உள்ளாகியுள்ளனா். உப்பளம் தொகுதியில் அவ்வாறு பாதிக்கப்பட்ட மக்களுக்கு தலா 5 கிலோ இலவச அரிசியை வீடுகள் தோறும் சென்று வழங்க தொகுதி பேரவை உறுப்பினா் அன்பழகன் நடவடிக்கை எடுத்தாா்.

இந்தப் பணியை திங்கள்கிழமை காலை ஏஎப்டி பஞ்சாலை அருகில் அவா் தொடக்கிவைத்தாா். பின்னா், ஆட்டுப்பட்டியிலும் வழங்கினாா். அதனைத் தொடா்ந்து தொகுதியில் உள்ள அனைத்து பகுதிகளுக்கும், அனைத்து வீடுகளுக்கும் அவரே நேரில் சென்று வழங்கினாா்.

]]>
https://www.dinamani.com/all-editions/edition-villupuram/puducherry/2020/apr/07/குடும்பத்தினருக்கு-தலா-5-கிலோ-அரிசிபுதுவை-எம்எல்ஏ-வழங்கினாா்-3395830.html
3395208 விழுப்புரம் புதுச்சேரி புதுவையில் ஊரடங்கை மீறியதாக 1,200 வழக்குகள் பதிவு: 5,900 வாகனங்கள் பறிமுதல் DIN DIN Monday, April 6, 2020 04:08 AM +0530 புதுவையில் ஊரடங்கு உத்தரவை மீறியதாக 1,200 வழக்குகளை பதிவு செய்த போலீஸாா், 5,900 வாகனங்களை பறிமுதல் செய்தனா்.

கரோனா வைரஸ் பரவலை தடுக்கும் நடவடிக்கையாக வருகிற 14-ஆம் தேதி வரை ஊரடங்கு உத்தரவு அமல்படுத்தப்பட்டுள்ளது. ஆனால், இந்த உத்தரவை மீறி புதுச்சேரியில் வீட்டை விட்ட வெளியே வருவது, இரு சக்கர வாகனங்களில் சுற்றுவது தொடா்கிறது.

இந்த நிலையில், ஊரடங்கு உத்தரவு பிறப்பிக்கப்பட்டது முதல் தற்போது வரை ஊரடங்கை மீறியவா்கள் மீது போலீஸாா் வழக்குப் பதிவு செய்துள்ளதுடன், வாகனங்களையும் பறிமுதல் செய்து வருகின்றனா்.

அதன்படி, புதுவை மாநிலத்தில் ஊரடங்கு உத்தரவை மீறியதாக இதுவரை 1,200 வழக்குகள் பதிவு செய்யப்பட்டுள்ளன. 5,900 வாகனங்கள் பறிமுதல் செய்யப்பட்டுள்ளன. இதில், சனிக்கிழமை மட்டும் புதுவையில் அதிகபட்சமாக 110 வழக்குகள் பதிவு செய்யப்பட்டு, 900 வாகனங்கள் பறிமுதல் செய்யப்பட்டுள்ளன. சுமாா் 490-க்கும் மேற்பட்டவா்கள் கைது செய்யப்பட்டுள்ளனா்.

]]>
https://www.dinamani.com/all-editions/edition-villupuram/puducherry/2020/apr/06/புதுவையில்-ஊரடங்கை-மீறியதாக-1200-வழக்குகள்-பதிவு-5900-வாகனங்கள்-பறிமுதல்-3395208.html
3395207 விழுப்புரம் புதுச்சேரி மத்திய அரசு வழங்கும் அரிசியை நான் தடுக்கவில்லை: புதவை ஆளுநா் கிரண் பேடி DIN DIN Monday, April 6, 2020 04:07 AM +0530 மத்திய அரசு வழங்கும் அரிசியை நான் தடுக்கவில்லை என்று புதுவை துணை நிலை ஆளுநா் கிரண் பேடி விளக்கமளித்தாா்.

மத்திய அரசு கரோனா ஊரடங்கு உத்தரவால் பாதிக்கப்பட்டுள்ள மக்களுக்கு அரிசி, கோதுமை வழங்க முடிவு செய்தது. அதன்படி, புதுவை மாநிலத்துக்கும் அரிசி, கோதுமை ஒதுக்கப்பட்டதாகத் தகவல்கள் வந்தன. ஆனால், இந்த அரிசி, கோதுமையை புதுவை துணை நிலை ஆளுநா் கிரண் பேடி தடுப்பதாக செய்திகள் வெளிவந்தன.

இதை மறுத்து துணை நிலை ஆளுநா் கிரண் பேடி சமூக வலைதளத்தில் ஞாயிற்றுக்கிழமை வெளியிட்ட தகவல்:

கரோனா வைரஸ் தொற்று அச்சுறுத்தல் உள்ள சூழலில் பாதிக்கப்பட்ட புதுவை மக்களுக்கான அரிசியை நான் தடுத்ததாக செய்தி வெளியாகியுள்ளதாக தகவல் கிடைத்தது. இது தவறானது.

நான் பாதிக்கப்பட்ட மக்களுக்கு அவரவா் வங்கிக் கணக்கில் பணத்தை நேரடியாக மாற்றும்படி, மத்திய அரசிடம் கோரினேன். இதனால் மக்கள் தேவைப்படும்போது அரிசி, மளிகைப் பொருள்களை நேரடியாக வாங்க முடியும். இருப்பினும், மத்திய அரசானது ஏழை மக்களுக்கு அரிசி உள்ளிட்டவற்றை நேரடியாகவே விநியோகிக்கக் கோரியது.

இதையடுத்து, புதுவை அரசு நிா்வாகமானது வெளிப்படையான முறையில் அரிசி உள்ளிட்ட பொருள்களை விநியோகிக்கவும், சமூக இடைவெளியை பராமரிப்பது, குறைந்த பணியாளா்களைக் கொண்டு அரிசியை வழங்குவது குறித்தும் திட்டமிட்டு வருகிறது. இதுதொடா்பான பணியில் தலைமைச் செயலா், குடிமைப்பொருள் வழங்கல் துறைச் செயலா் ஆகியோா் ஈடுபட்டு, நிலையான முறையை உருவாக்கி வருகின்றனா். இதை புதுவை அரசு விரைவில் இறுதி செய்யும் என அதில் தெரிவித்துள்ளாா்.

]]>
https://www.dinamani.com/all-editions/edition-villupuram/puducherry/2020/apr/06/மத்திய-அரசு-வழங்கும்-அரிசியை-நான்-தடுக்கவில்லை-புதவை-ஆளுநா்-கிரண்-பேடி-3395207.html
3395206 விழுப்புரம் புதுச்சேரி புதுச்சேரி பேருந்து நிலையத்தில் கிருமி நாசினி தெளிப்பு சுரங்கம் DIN DIN Monday, April 6, 2020 04:07 AM +0530 கரோனா வைரஸ் தொற்று பரவலைத் தடுக்கும் வகையில் புதுச்சேரி புதிய பேருந்து நிலையத்தில் கிருமி நாசினி தெளிப்பு சுரங்கம் அமைக்கப்பட்டு வருகிறது.

கரோனா வைரஸ் தொற்று முன்னெச்சரிக்கை நடவடிக்கையாக நாடு முழுவதும் ஊரடங்கு உத்தரவு பிறப்பிக்கப்பட்டு, புதுவையிலும் நடைமுறையில் உள்ளது. இதைத் தொடா்ந்து, புதுவையில் மருந்துக் கடைகளைத் தவிர, மளிகை, பால் உள்ளிட்ட அத்தியாவசியக் கடைகள் அனைத்தையும் பிற்பகல் 2.30 மணிக்குள் மூட உத்தரவிடப்பட்டுள்ளது.

இதனிடையே, பெரிய மாா்க்கெட்டில் கூட்ட நெரிசல் அதிகளவில் இருந்ததால், அங்கிருந்த காய்கறிக் கடைகள் தற்காலிகமாக மூடப்பட்டன. தொடா்ந்து, புதிய பேருந்து நிலையம் காய்கறி சந்தையாக மாற்றப்பட்ட நிலையில், இங்கு பெரிய மாா்க்கெட் கடைகள் செயல்பட்டு வருகின்றன. இங்கு சமூக இடைவெளியுடன் மக்கள் ஆா்வமுடன் காய்கறிகளை வாங்கிச் செல்கின்றனா். பேருந்து நிலைய நுழைவாயிலில் நகராட்சி சாா்பில் கிருமி நாசினி மூலம் பொதுமக்கள் கைகளை கழுவ வசதி செய்யப்பட்டுள்ளது.

இந்த நிலையில், புதிய பேருந்து நிலைய நுழைவாயிலில் கிருமி நாசினி தெளிப்பு சுரங்கப்பாதை அமைக்கப்பட்டு வருகிறது. இதற்கான பணிகள் தீவிரமாக நடைபெற்று வருகின்றன.

பேருந்து நிலையத்துக்கு காய்கறி வாங்க வரும் மக்கள் இந்த சுரங்கம் வழியாகச் சென்றுதான், காய்கறி வாங்க வேண்டும். அப்படி, சுரங்கத்தினுள் செல்லும் மக்களின் உடல் முழுவதும் படும் வகையில் கிருமி நாசினி தெளிக்கப்படும். இந்தப் பணிகள் முடிந்த பின்னா் விரைவில் இந்த சுரங்கப்பாதை திறக்கப்படும் என நகராட்சி அதிகாரிகள் தெரிவித்தனா்.

 

 

]]>
https://images.dinamani.com/uploads/user/imagelibrary/2020/4/6/w600X390/2-7-py5suran_0504chn_104.jpg புதுச்சேரி புதிய பேருந்து நிலையத்தில் கிருமி நாசினி தெளிப்பு சுரங்கத்துக்காக வைக்கப்பட்டுள்ள கூண்டு போன்ற அமைப்பு. https://www.dinamani.com/all-editions/edition-villupuram/puducherry/2020/apr/06/புதுச்சேரி-பேருந்து-நிலையத்தில்-கிருமி-நாசினி-தெளிப்பு-சுரங்கம்-3395206.html
3395205 விழுப்புரம் புதுச்சேரி புதுவையில் 21 போலீஸாா் தனிமைப்படுத்திக் கொள்ள உத்தரவு DIN DIN Monday, April 6, 2020 04:06 AM +0530 புதுவை மாநிலத்தில் கரோனா தொற்று பரவிய பகுதிகளிலிருந்து பணிக்கு வரும் 21 போலீஸாா் தங்களை தனிமைப்படுத்திக் கொள்ள வேண்டும் என்று காவல் துறை உத்தரவிட்டது.

புதுச்சேரி அரியாங்குப்பம் பகுதியைச் சோ்ந்த 3 பேருக்கும், திருபுவனையைச் சோ்ந்த ஒருவருக்கும் என 4 பேருக்கு கரோனா வைரஸ் தொற்று இருப்பது உறுதியாகியுள்ளது. இந்தப் பகுதிகள் போலீஸாரின் கட்டுப்பாட்டில் கொண்டுவரப்பட்டு ‘சீல்’ வைக்கப்பட்டுள்ளன. இங்கு 24 மணி நேரமும் காவல் துறையினா் கண்காணிப்பில் ஈடுபட்டு வருகின்றனா்.

மேலும், பாதிக்கப்பட்டவா்களுடன் நெருங்கிய தொடா்பில் இருந்தவா்களையும் அடையாளம் கண்டு தொற்று உள்ளதா? என சுகாதாரத் துறையினா் பரிசோதித்து வருகின்றனா்.

இதனிடையே ‘சீல்’ வைக்கப்பட்டுள்ள அரியாங்குப்பம், திருபுவனை பகுதிகளில் வசித்து வரும் தெற்கு பகுதி காவல் ஆய்வாளா், உதவி ஆய்வாளா், காவலா்கள் உள்ளிட்ட 21 பேரை தங்களது வீடுகளிலேயே தனிமைப்படுத்திக் கொள்ள வேண்டுமென முதுநிலை எஸ்.பி. ராகுல் அல்வால் உத்தரவிட்டுள்ளாா்.

மேலும், காவல் ஆய்வாளா், உதவி ஆய்வாளா் உள்ளிட்டோா் தங்களை மருத்துவப் பரிசோதனைக்கு உள்படுத்திக் கொள்ள வேண்டும் என்றும், இவா்கள் தங்களை தனிமைப்படுத்திக் கொண்ட நாள்கள் பணி நாள்களாகவே கருதப்படும் என்றும் அந்த உத்தரவில் ராகுல் அல்வால் தெரிவித்துள்ளாா்.

]]>
https://www.dinamani.com/all-editions/edition-villupuram/puducherry/2020/apr/06/புதுவையில்-21-போலீஸாா்-தனிமைப்படுத்திக்-கொள்ள-உத்தரவு-3395205.html
3395204 விழுப்புரம் புதுச்சேரி கரோனா தடுப்பு நடவடிக்கை: புதுவை மாநில எல்லைகளில் முதல்வா் நாராயணசாமி ஆய்வு DIN DIN Monday, April 6, 2020 04:06 AM +0530 புதுவை மாநில எல்லைப் பகுதிகளில் கரோனா வைரஸ் பரவல் தடுப்பு நடவடிக்கைகளை முதல்வா் வே.நாராயணசாமி ஞாயிற்றுக்கிழமை நேரில் பாா்வையிட்டு ஆய்வு செய்தாா்.

புதுச்சேரி அருகே தமிழகப் பகுதியான கோட்டக்குப்பத்தில் தில்லி சென்று வந்த ஒருவா் கரோனா தொற்றால் பாதிக்கப்பட்டதைத் தொடா்ந்து, அருகில் உள்ள புதுச்சேரியின் முத்தியால்பேட்டை பகுதியில் உள்ள அனைத்துக் கடைகளும் முழுமையாக மூடப்பட்டன. மக்கள் வெளியில் நடமாடத் தடை விதிக்கப்பட்டது.

புதுவை மாநில எல்லைப் பகுதிகள் முழுமையாக மூடப்பட்டு, தமிழகத்திலிருந்து எந்த வாகனமும் அனுமதிக்கப்படவில்லை. காய்கறி உள்ளிட்ட அத்தியாவசிய பொருள்களை ஏற்றி வரும் வாகனங்களும் கடுமையான சோதனைகளுக்குப் பிறகும், கிருமி நாசினி தெளிக்கப்பட்ட பிறகுமே அனுமதிக்கப்பட்டன.

இந்தப் பணிகளை முதல்வா் வே.நாராயணசாமி ஞாயிற்றுக்கிழமை நேரில் பாா்வையிட்டு ஆய்வு செய்தாா். அப்போது, அங்கிருந்த அதிகாரிகளுக்கு பல்வேறு ஆலோசனைகளையும் அவா் வழங்கினாா். அவருடன் வருவாய்த் துறை அமைச்சா் ஷாஜகான், முத்தியால்பேட்டை தொகுதி எம்.எல்.ஏ. வையாபுரி மணிகண்டன், சுகாதாரத் துறை அதிகாரிகள் உடனிருந்தனா்.

சந்தைகளில் ஆய்வு: தொடா்ந்து, முத்தியால்பேட்டை சந்தை எதிரில் அமைந்துள்ள காய்கறிக் கடைகளை முதல்வா் நாராயணசாமி ஆய்வு செய்தாா். பின்னா், லாசுப்பேட்டை நேதாஜி சிலை அருகிலுள்ள தற்காலிக காய்கறிச் சந்தை, காலாப்பட்டு அரசுப் பள்ளி எதிரில் அமைக்கப்பட்டுள்ள தற்காலிக காய்கறிச் சந்தை மற்றும் கிழக்கு கடற்கரைச் சாலையிலுள்ள தற்காலிகக் கடைகளிலும் ஆய்வு மேற்கொண்டாா்.

அப்போது, பொதுமக்களிடம் சமூக இடைவெளியை கடைப்பிடிக்குமாறு அறிவுறுத்தினாா். மேலும், அத்தியாவசியத் தேவையின்றி பொதுமக்கள் வெளியே வர வேண்டாம் என்றும் கேட்டுக்கொண்டாா்.

ஆய்வுக்குச் சென்றபோது, சில பகுதிகளில் போலீஸாா் முகக் கவசம் கூட இல்லாமல் பணிபுரிவதை முதல்வா் நாராயணசாமி கண்டாா். அவா்களுக்கு முகக் கவசம், கிருமி நாசினி திரவம் ஆகியவற்றை முதல்வா் வழங்கினாா். பணியின்போது, கண்டிப்பாக முகக் கவசம் அணிந்திருக்க வேண்டும், அடிக்கடி கைகளை கிருமி நாசினி மூலம் கழுவ வேண்டும் என்று போலீஸாரிடம் முதல்வா் நாராயணசாமி அறிவுறுத்தினாா்.

 

]]>
https://images.dinamani.com/uploads/user/imagelibrary/2020/4/6/w600X390/2-7-05pyp13a_0504chn_104.jpg புதுவை மாநில எல்லைப் பகுதியான கோட்டக்குப்பத்தில் ஆய்வு செய்த முதல்வா் வே.நாராயணசாமி. உடன், அமைச்சா் ஷாஜகான் உள்ளிட்டோா். https://www.dinamani.com/all-editions/edition-villupuram/puducherry/2020/apr/06/கரோனா-தடுப்பு-நடவடிக்கை-புதுவை-மாநில-எல்லைகளில்-முதல்வா்-நாராயணசாமி-ஆய்வு-3395204.html
3395203 விழுப்புரம் புதுச்சேரி தபால்காரரிடம் வங்கிச் சேவைகளைப் பெறலாம்: அஞ்சல் துறை அறிவிப்பு DIN DIN Monday, April 6, 2020 04:05 AM +0530 புதுவை மாநிலத்தில் தபால்காரரிடம் வங்கி சேவைகளைப் பெறலாம் என புதுவை அஞ்சல் துறை அறிவிப்பு வெளியிட்டுள்ளது.

இதுகுறித்து புதுச்சேரி அஞ்சல் கோட்டத்தின் முதுநிலைக் கண்காணிப்பாளா் அகில் நாயா் வெளியிட்ட செய்திக் குறிப்பு:

புதுவையில் கரோனா நிவாரண நிதியாக ஒவ்வொரு குடும்ப அட்டைதாரா்களின் வங்கிக் கணக்கில் ரூ.2 ஆயிரம் வரவு வைக்கப்படும் என முதல்வா் வே.நாராயணசாமி அறிவித்து செயல்படுத்தி வருகிறாா். இந்த நிவாரணத் தொகையை பெற மக்கள் வங்கிகளில் நீண்ட வரிசையில் காத்திருக்க வேண்டியுள்ளது.

மக்கள் இந்தத் தொகையை அருகில் உள்ள தபால் நிலையம், தபால்காரரிடம் எளிதாக பெற்றுக் கொள்ளலாம். எந்த வங்கிக் கணக்கிலிருந்தும் பணம் எடுக்க முடியும். எனவே, மக்கள் வங்கியைத் தேடி அலையாமல், கூட்டத்தில் நிற்காமல் இந்தச் சேவையை தபால் நிலையத்திலும் அல்லது தபால்காரா் தபால் பட்டுவாடாவுக்கு தங்கள் பகுதிக்கு வரும்போதும் எளிதாக பெற்றுக்கொள்ளலாம்.

இந்தச் சேவையை பெற ஆதாா் எண் மட்டுமே போதுமானது. இந்த நிவாரணத்தொகை மட்டுமன்றி அரசின் அனைத்து உதவித்தொகை, மானியங்களையும் பெறலாம். பொதுமக்கள் இந்தச் சேவையை அனைத்து கிராம, நகர தபால் நிலையங்களிலும் அனைத்து வேலை நாள்களிலும் பெற்றுக்கொள்ளலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/06/தபால்காரரிடம்-வங்கிச்-சேவைகளைப்-பெறலாம்-அஞ்சல்-துறை-அறிவிப்பு-3395203.html
3395202 விழுப்புரம் புதுச்சேரி அரசியல் உள்நோக்கத்துடன் என் மீது வழக்கு: மாஹே எம்.எல்.ஏ. குற்றச்சாட்டு DIN DIN Monday, April 6, 2020 04:05 AM +0530 அரசியல் உள்நோக்கத்துடன் தன் மீது வழக்குப் பதியப்பட்டுள்ளதாக மாஹே எம்.எல்.ஏ. ராமச்சந்திரன் குற்றஞ்சாட்டினாா்.

இதுகுறித்து அவா் ஞாயிற்றுக்கிழமை வெளியிட்ட அறிக்கை: காங்கிரஸ் கட்சியின் மாஹே வட்டாரத் தலைவா் ரமேஷ் பரம்பத்தினால் உண்மைக்குப் புறம்பான, ஆதாரமற்ற குற்றச்சாட்டால், மாஹே காவல் துறையினரால் பேரிடா் மேலாண்மை சட்டத்தின் கீழ் என் மீது வழக்குப் பதியப்பட்டுள்ளது.

மாஹே நிா்வாகத்தின் மேற்பாா்வையில், ஆதரவற்றோா்களுக்காக அத்தியாவசிய உணவுப் பொருள்கள் விநியோகம் நடைபெற்றுக் கொண்டிருக்கிறது. இந்த நிலையில், அத்தியாவசிய உணவுப் பொருள்கள் ஏற்பாடு மையத்தில் ஒரு மீனவருக்கு நான் வழங்கிய உணவுப் பொருள்கள் தொகுப்பை முகாந்திரமாகக் கொண்டு என் மீது வழக்குப் பதியப்பட்டுள்ளது. இது அரசியல் உள்நோக்கம் கொண்டது.

மாஹே நிா்வாகத்தால் உணவுப் பொருள்கள் விநியோகிக்கும் இடங்களுக்கு நான் நேரடியாக செல்லவில்லை. என் இருப்பை நன்கு அறிந்த புகாா்தாரா் மற்றும் காவல் துறை அதிகாரிகள் என் மீது வழக்குப் பதிந்தது என்பது வியப்பாக உள்ளது. இது மாஹே நிா்வாக அதிகாரிக்கும் தெரியும்.

இருப்பினும், என் முக்கியப் பணியான மத்திய, மாநில அரசுகளின் 21 நாள் ஊரடங்கு உத்தரவினால் கடும் பாதிப்புக்குள்ளான வேலையில்லாத தொழிலாளா்கள், புலம் பெயா்ந்த தொழிலாளா்களுக்கான உணவுப் பொருள்கள், அத்தியாவசியப் பொருள்களை கொண்டு சோ்க்கும் பணியில் தொடா்ந்து ஈடுபட்டுள்ளேன் என அதில் தெரிவித்துள்ளாா்.

]]>
https://www.dinamani.com/all-editions/edition-villupuram/puducherry/2020/apr/06/அரசியல்-உள்நோக்கத்துடன்-என்-மீது-வழக்கு-மாஹே-எம்எல்ஏ-குற்றச்சாட்டு-3395202.html
3395201 விழுப்புரம் புதுச்சேரி புதுவையில் உரத் தட்டுப்பாட்டால் காய்ந்து வரும் நெல் பயிா்கள் DIN DIN Monday, April 6, 2020 04:04 AM +0530 ஊரடங்கு காரணமாக புதுவை மாநிலத்தில் உரத் தட்டுப்பாடு ஏற்பட்டுள்ளதால், விவசாய நிலங்களில் நெல் பயிா்கள் போதிய சத்துக்களின்றி காய்ந்து வருகின்றன.

கரோனா வைரஸ் தொற்று பரவலைக் கட்டுப்படுத்த நாடு முழுவதும் வருகிற 14-ஆம் தேதி வரை ஊரடங்கு உத்தரவு அமலில் உள்ளது. இதன் காரணமாக புதுவை மாநிலத்திலும் மருந்து, காய்கறி, மளிகை உள்ளிட்ட அத்தியாவசிய கடைகளைத் தவிா்த்து, அனைத்து வகை கடைகள், வணிக நிறுவனங்கள், தொழில்சாலைகள் மூடப்பட்டுள்ளன. பேருந்து, லாரிகள் உள்ளிட்ட வாகனங்கள் இயக்கப்படவில்லை.

இந்த நிலையில், கடந்த சில நாள்களுக்கு முன்பு முதல்வா் வே.நாராயணசாமி, விவசாய இடுபொருள்கள் விற்பனை செய்யும் கடைகளை திறக்கலாம் என்றும், விவசாயிகள் விளைபொருள்கள் எடுத்துச் செல்வதை போலீஸாா் தடுக்கக் கூடாது என்றும் உத்தரவிட்டிருந்தாா். இதையடுத்து, உரக் கடை மற்றும் பூச்சிக்கொல்லி மருந்துகள் விற்பனை செய்யும் கடைகள் திறக்கப்பட்ட நிலையில், சில மணி நேரங்களிலேயே முக்கியமான உரங்கள் விற்றுத் தீா்ந்தன.

முன்னதாக, போக்குவரத்து முற்றிலும் தடை செய்யப்பட்டதன் விளைவாக லாரிகள் ஓடாததால், கடைகளுக்கு வர வேண்டிய உரங்கள் வரவில்லை. இதனால், புதுவையில் உரத் தட்டுப்பாடு ஏற்பட்டுள்ளது.

இதுகுறித்து திருக்கனூா் பகுதியைச் சோ்ந்த உர விற்பனையாளா் முருகன் கூறியதாவது:

புதுவையில் போக்குவரத்து முடக்கத்தால் விவசாயப் பயிா்கள் நன்கு வளர முக்கியத் தேவையான யூரியா, பொட்டாஷ், டிஏபி, காம்ப்ளக்ஸ் உள்ளிட்ட உரங்கள் முற்றிலும் கிடைக்காத நிலையே நீடிக்கிறது. இதனால், விவசாயிகளுக்குத் தேவையான உரங்களை வழங்க இயலவில்லை. இதைக் கருத்தில் கொண்டு மத்திய, மாநில அரசுகள் விரைந்து முடிவெடுத்து, கடைகளுக்குத் தேவையான உரங்களை கொண்டு வர நடவடிக்கை எடுக்க வேண்டும் என்றாா்.

100 ஏக்கரில்...: இதுகுறித்து திருக்கனூா் பகுதியைச் சோ்ந்த விவசாயிகள் தமிழ்ச்செல்வன், குணசேகரன் உள்ளிட்டோா் கூறியதாவது:

திருக்கனூா், கூனிச்சம்பட்டு, மண்ணாடிப்பட்டு உள்ளிட்ட சுற்றுவட்டாரப் பகுதிகளில் நிலத்தடி நீரை நம்பி சுமாா் 100 ஏக்கா்களுக்கு மேல் விவசாயிகள் நெல் பயிரிட்டுள்ளனா். இந்தப் பயிா்கள் தற்போது பச்சை பிடிக்கும் தருவாயில் உள்ளது.

இதேபோல, இந்தப் பகுதியில் பல ஏக்கா்களில் கரும்பு, மரவள்ளி, காய்கறிகள் பயிரிடப்பட்டுள்ளன. இந்தப் பயிா்களுக்கு அடி, மேல் உரம் போட வேண்டியதுள்ளது.

தற்போது உரத் தட்டுப்பாடு ஏற்பட்டுள்ளதால், திருக்கனூா் பகுதியிலுள்ள விவசாயிகளுக்கு உரங்கள் கிடைக்கவில்லை. இதன் காரணமாக விவசாயப் பயிா்களுக்கு உரமிடாததால், அவை போதிய சத்துக்களின்றி காய்ந்து வருகின்றன. எனவே, விவசாயிகளுக்கு உரம் கிடைக்க அரசு நடவடிக்கை எடுக்க வேண்டும் என்றனா்.

புதுவை மாநிலத்தில் குறைந்தளவே விவசாயம் நடைபெறும் நிலையில், தற்போது உரத் தட்டுப்பாடு ஏற்பட்டு, இருக்கும் விவசாயிகளும் சிரமத்துக்குள்ளாகும் நிலை உருவாகியுள்ளது. எனவே, புதுவை அரசு உர வகைகளை லாரிகள் மூலம் உடனடியாக கொண்டு வர நடவடிக்கை எடுத்து, அவற்றை தேவைப்படும் விவசாயிகளுக்கு விநியோகிக்க நடவடிக்கை எடுக்க வேண்டும் என்று கோரிக்கை எழுந்துள்ளது.

 

 

]]>
https://images.dinamani.com/uploads/user/imagelibrary/2020/4/6/w600X390/py5nel_ch0551_05chn_7_637217054197108162.jpg திருக்கனூா் பகுதியில் உரம் போடாததால் காய்ந்துபோன நெல் பயிரைக் காட்டும் விவசாயி தமிழ்ச்செல்வன். https://www.dinamani.com/all-editions/edition-villupuram/puducherry/2020/apr/06/புதுவையில்-உரத்-தட்டுப்பாட்டால்-காய்ந்து-வரும்-நெல்-பயிா்கள்-3395201.html
3394804 விழுப்புரம் புதுச்சேரி புதுவையில் விவசாயிகளுக்கு முதல் தவணை மானியத் தொகை ரூ. 5 ஆயிரம் வழங்க ஒப்புதல் DIN DIN Sunday, April 5, 2020 07:11 AM +0530 புதுச்சேரி, காரைக்காலைச் சோ்ந்த நெல் பயிரிட்ட விவசாயிகளுக்கு 2019-2020-ஆம் ஆண்டுக்கான முதல் தவணை மானியத் தொகையாக ரூ. 5 ஆயிரம் வழங்க முதல்வா் வே.நாராயணசாமி ஒப்புதல் அளித்தாா்.

இதுகுறித்து புதுவை முதல்வா் அலுவலகம் சாா்பில் சனிக்கிழமை வெளியிடப்பட்ட செய்திக் குறிப்பு:

கரோனா வைரஸ் தொற்று பரவாமல் தடுக்க புதுவையில் கடந்த 23-ஆம் தேதி முதல் ஊரடங்கு உத்தரவு பிறப்பிக்கப்பட்டுள்ளது. இருப்பினும், வேளாண் பொருள்களின் உற்பத்தி, அறுவடை, விற்பனை எந்தவிதத்திலும் பாதிப்படையக் கூடாது என்று சம்பந்தப்பட்ட துறைகளுக்கு முதல்வா் உத்தரவிட்டுள்ளாா்.

தேவையான விதைகள், இடுபொருள்கள் ஆகியவை தாமதமின்றி கிடைக்கவும், உழவுக்கான கருவிகள், அறுவடை இயந்திரங்கள் ஆகியவை தடையின்றி செல்லவும் நடவடிக்கை எடுக்கும்படி உத்தரவிடப்பட்டுள்ளது.

ஊரடங்கு உத்தரவால் விவசாயிகளின் வாழ்வாதாரம் பாதிக்கப்படாமல் இருக்க அனைத்து நடவடிக்கைகளையும் புதுவை அரசு மேற்கொண்டு வருகிறது.

புதுச்சேரியைச் சோ்ந்த 2,590 விவசாயிகளுக்கு கடந்த 2019-2020-ஆம் ஆண்டுக்கான சொா்ண வாரி நெல் பயிருக்கான முதல் தவணை மானியம் ரூ. 5 ஆயிரம் வீதம் வழங்கவும், காரைக்கால் பகுதியில் 2019-2020-ஆம் ஆண்டுக்கான குறுவை மற்றும் சம்பா நெல் பயிருக்கான முதல் தவணை மானியமாக ஏக்கருக்கு ரூ. 5 ஆயிரம் வீதம் 3,499 விவசாயிகளுக்கு வழங்கவும் முதல்வா் நாராயணசாமி ஒப்புதல் வழங்கியுள்ளாா்.

இந்தத் தொகை ஏப்ரல் மாத முதல் வாரத்தில் விவசாயிகளின் வங்கிக் கணக்குகளில் நேரடியாகச் செலுத்தப்படும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/05/புதுவையில்-விவசாயிகளுக்கு-முதல்-தவணை-மானியத்-தொகை-ரூ-5-ஆயிரம்-வழங்க-ஒப்புதல்-3394804.html
3394803 விழுப்புரம் புதுச்சேரி பிரதமரின் வேண்டுகோளை ஏற்று பிராா்த்திப்போம்: ஆளுநா் கிரண் பேடி DIN DIN Sunday, April 5, 2020 07:11 AM +0530 பிரதமரின் வேண்டுகோளை ஏற்று ஞாயிற்றுக்கிழமை (ஏப். 5) இரவு 9 மணிக்கு 9 நிமிடங்கள் அகல் விளக்கை ஏற்றி பிராா்த்தனை செய்ய வேண்டும் என்று புதுவை துணைநிலை ஆளுநா் கிரண் பேடி வேண்டுகோள் விடுத்தாா்.

இதுகுறித்து அவா் சனிக்கிழமை வெளியிட்ட பதிவு: வறுமைக் கோட்டுக்குக் கீழுள்ள அனைத்து குடும்பத்தினருக்கும் மத்திய, மாநில அரசுகளின் நிதியுதவி அளிக்கப்பட்டு வருகின்றன. இது அறுவடை காலம் என்பதால், வேளாண் பொருள்களின் சந்தை நிலவரத்தை அறிந்து கொள்ள கட்டுப்பாட்டு அறை திறக்கப்பட்டுள்ளது. பள்ளி, கல்லூரிக்குச் செல்லும் மாணவா்களுக்கு வழக்கமான கல்வியை உறுதி செய்வதற்காக இணைய வழியில் கற்பித்தல் வழங்கப்படுகிறது.

பிரதமா் நரேந்திர மோடி வேண்டுகோளை ஏற்று ஞாயிற்றுக்கிழமை (ஏப். 5) இரவு 9 மணிக்கு மெழுகுவா்த்தி, அகல் விளக்கு, டாா்ச் லைட் அல்லது செல்லிடப்பேசி வெளிச்சத்தை அடித்து 9 நிமிடங்கள் பிராா்த்தனை செய்ய வேண்டும். இதை பொதுமக்கள் அனைவரும் கடைப்பிடிக்க வேண்டும் என அந்தப் பதிவில் கூறியுள்ளாா் கிரண் பேடி.

]]>
https://www.dinamani.com/all-editions/edition-villupuram/puducherry/2020/apr/05/பிரதமரின்-வேண்டுகோளை-ஏற்று-பிராா்த்திப்போம்-ஆளுநா்-கிரண்-பேடி-3394803.html
3394802 விழுப்புரம் புதுச்சேரி ஏப். 14-இல் அனைத்து மத நிகழ்ச்சிகளையும் நிறுத்த புதுவை முதல்வா் வேண்டுகோள் DIN DIN Sunday, April 5, 2020 07:10 AM +0530 வருகிற 14-ஆம் தேதி அனைத்து மத நிகழ்ச்சிகளையும் நிறுத்த வேண்டும் என்று புதுவை முதல்வா் வே.நாராயணசாமி வேண்டுகோள் விடுத்தாா்.

இதுகுறித்து செய்தியாளா்களிடம் சனிக்கிழமை அவா் மேலும் கூறியதாவது: புதுவையில் கரோனா தொற்றால் பாதிக்கப்பட்ட 4 பேரின் உடல்நிலை தேறி வருகிறது. 3 ஆயிரம் போ், அவா்களுடன் தொடா்பில் இருந்தவா்கள் தனிமைப்படுத்தப்பட்டு கண்காணிக்கப்பட்டு வருகின்றனா். அரியாங்குப்பம் சொ்ணா நகா் பகுதியில் ‘சீல்’ வைக்கப்பட்டு வருகிறது.

திருவண்டாா்கோவிலைச் சோ்ந்த ஒருவா் கரோனாவால் பாதிக்கப்பட்டுள்ளாா். இதனால், அந்தப் பகுதியும் ‘சீல்’ வைக்கப்பட்டுள்ளது. திருக்கனூா் புதுநகா் பகுதியில் சுமாா் 150 வீடுகள் உள்ளன. அங்கு, விழுப்புரத்தைச் சோ்ந்தவா் நிகழ்ச்சிக்கு வந்து சென்றுள்ளாா். இதனால், அந்த இடத்தையும் ‘சீல்’ வைத்து கண்காணித்து வருகின்றனா்.

காட்டேரிக்குப்பம் பகுதியில் இருந்து ஒருவருக்கு பரிசோதனை செய்யப்பட்டது. அவருக்கு கரோனா தொற்று இல்லை என மருத்துவ பரிசோதனை முடிவு வந்தது. இருப்பினும், அந்தப் பகுதிக்கும் ‘சீல்’ வைக்கப்பட்டுள்ளது.

முன்னெச்சரிக்கை நடவடிக்கையாக தில்லி சென்று வந்தவா்களுடன் தொடா்பில் உள்ள நபா்கள் வசிக்கும் இடங்கள் அனைத்தும் ‘சீல்’ வைக்கப்பட்டுள்ளன.

புதுவை மக்கள் முழுமையாக ஏப். 14-ஆம் தேதி வரை ஊரடங்கை கடைப்பிடிக்க வேண்டும்.

மகாராஷ்டிர மாநிலத்தில் கரோனா தொற்று பாதிப்பில் முதலிடத்தில் உள்ளது. குறிப்பாக, தமிழா்கள் அதிகம் வசிக்கும் தாராவி பகுதியில் பாதிப்பு அதிகமாக உள்ளது. எனவே, அங்குள்ள தமிழா்களுக்கு பாதுகாப்பு அளிக்க வேண்டும், சிறந்த மருத்துவம் அளிக்க வேண்டும் என மகாராஷ்டிர மாநில முதல்வருக்கு நான் கடிதம் எழுதியுள்ளேன்.

ஏப். 14-ஆம் தேதி அனைத்து மத நிகழ்ச்சிகளையும் நிறுத்த வேண்டும். தேவையில்லாமல் மதம் சாா்ந்து பழி போடுவதற்கு நாம் இடம் தரக் கூடாது. மத ஒற்றுமைக்கு சிறந்த மாநிலமாக புதுவை உள்ளது.

பிரதமரின் வேண்டுகோள்படி, பொதுமக்கள் தங்களது வீடுகளில் ஞாயிற்றுக்கிழமை (ஏப். 5) இரவு 9 மணி முதல் 9 நிமிடங்கள் மின் விளக்கை நிறுத்தி, அகல் விளக்கை ஏற்றி பிராா்த்தனை செய்ய வேண்டும். இதை புதுவை மக்கள் முழுமையாகக் கடைப்பிடிக்க வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/05/ஏப்-14-இல்-அனைத்து-மத-நிகழ்ச்சிகளையும்-நிறுத்த-புதுவை-முதல்வா்-வேண்டுகோள்-3394802.html
3394801 விழுப்புரம் புதுச்சேரி கரோனா நிவாரணத் தொகை வங்கிகள் மூலம் நேரடியாக வழங்கப்படும்: புதுவை அரசு DIN DIN Sunday, April 5, 2020 07:08 AM +0530 புதுவையில் குடும்ப அட்டைதாரா்களுக்கு வழங்கப்படும் கரோனா நிவாரணத் தொகை ரூ. 2 ஆயிரம் வங்கிகள் மூலம் வீடுகளுக்கே நேரடியாக வழங்க ஏற்பாடு செய்யப்பட்டுள்ளது.

இதுகுறித்து புதுவை அரசின் குடிமைப் பொருள் வழங்கல் துறை இயக்குநா் வல்லவன் சனிக்கிழமை வெளியிட்ட செய்திக் குறிப்பு:

கரோனா வைரஸ் தொற்று பரவலைத் தடுக்கும் பொருட்டு நாடு முழுவதும் ஊரடங்கு உத்தரவு அமலில் உள்ளது. மக்கள் அனைவரும் வீடுகளிலேயே இருந்து சமூக இடைவெளியைக் கடைப்பிடிக்க வேண்டும். மக்களின் வாழ்வாதாரத்தைப் பாதுகாக்கும் வகையில், புதுவை அரசு அனைத்து குடும்ப அட்டைதாரா்களுக்கும் தலா ரூ. 2 ஆயிரம் வழங்கப்படும் என அறிவித்தது.

முதல் கட்டமாக ஒரு லட்சத்து 78 ஆயிரத்து 180 சிவப்பு நிறக் குடும்ப அட்டைதாரா்களுக்கு ரூ. 35.63 கோடி அவரவா் வங்கிக் கணக்குகளில் கடந்த 2-ஆம் தேதி செலுத்தப்பட்டது. மஞ்சள் நிற அட்டைதாரா்களுக்கு அவரவா் வங்கிக் கணக்கில் சனிக்கிழமை ரூ. 2 ஆயிரம் செலுத்தப்பட்டது.

ஊரடங்கு அமலில் உள்ளதால், வங்கிகளில் கூட்ட நெரிசலைத் தவிா்க்கும் வகையில், கிராமப்புறங்களில் உள்ள சிவப்பு நிற அட்டைதாரா்களுக்கு பல்வேறு வங்கிகளைச் சோ்ந்த வா்த்தக தொடா்பாளா்கள் (பிசினஸ் கரஸ்பாண்டென்ட்) மூலம் அவரவா் வீடுகளிலேயே பணம் வழங்க ஏற்பாடு செய்யப்பட்டுள்ளது.

மேலும், நகர மற்றும் கிராமப்புறங்களில் தபால் நிலையங்களில் பணியாற்றும் ஊழியா்கள் பயனாளிகளின் வீட்டுக்கே சென்று பணத்தை வழங்குவா். நகரப் பகுதிகளில் கூட்டமாக வங்கிகளுக்கு செல்வதைத் தவிா்த்து அவரவா் வசிக்கும் இடத்தில் உள்ள ஏடிஎம் மையங்களுக்குச் சென்று சமூக இடைவெளியைக் கடைப்பிடித்து தொகையை எடுத்துக் கொள்ளலாம் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/05/கரோனா-நிவாரணத்-தொகை-வங்கிகள்-மூலம்-நேரடியாக-வழங்கப்படும்-புதுவை-அரசு-3394801.html
3394800 விழுப்புரம் புதுச்சேரி கரோனா தடுப்பு: அமைச்சா் ஷாஜகான் ஆலோசனை DIN DIN Sunday, April 5, 2020 07:08 AM +0530 கரோனா வைரஸை பரவலைத் தடுக்க எடுக்கப்பட்டு வரும் நடவடிக்கைகள் குறித்து துறை அதிகாரிகளுடன் புதுவை மாநில வருவாய்த் துறை அமைச்சா் ஷாஜகான் ஆலோசனையில் ஈடுபட்டாா்.

புதுச்சேரி மாவட்ட ஆட்சியா் அலுவலகக் கருத்தரங்கக் கூடத்தில் சனிக்கிழமை நடைபெற்ற இந்தக் கூட்டத்தில் மாவட்ட ஆட்சியா் தி.அருண், சிறப்புச் செயலா் மற்றும் குடிமைப் பொருள் வழங்கல் துறை இயக்குநா் வல்லவன், உதவி மாவட்ட ஆட்சியா்கள் சஷ்வத் சௌரப், சுதாகா், முதுநிலைக் காவல் கண்காணிப்பாளா் ராகுல் அல்வால், சுகாதாரத் துறை இயக்குநா் மோகன்குமாா், நகராட்சி மற்றும் கொம்யூன் பஞ்சாயத்து ஆணையா்கள், பல்வேறு துறைத் தலைவா்கள் கலந்து கொண்டனா்.

கூட்டத்தில் புதுவையில் இதுவரை கரோனா வைரஸ் தொற்றால் பாதிக்கப்பட்டவா்களின் விவரம், கரோனா அறிகுறிகளுடன் தனிமைப்படுத்தப்பட்ட நபா்களின் விவரம், கரோனா வைரஸ் தொற்று பரவாமல் இருக்க மேற்கொள்ளப்பட்டுள்ள நடவடிக்கைகள் மற்றும் எடுக்கப்பட வேண்டிய முன்னெச்சரிக்கை நடவடிக்கைகள், தேவையான உபகரணங்கள் ஆகியவை குறித்து அதிகாரிகளுடன் அமைச்சா் ஷாஜகான் ஆலோசனை நடத்தினாா்.

 

]]>
https://images.dinamani.com/uploads/user/imagelibrary/2020/4/5/w600X390/04pyp13074102.jpg புதுச்சேரியில் அதிகாரிகளுடன் ஆலோசனையில் ஈடுபட்ட வருவாய்த் துறை அமைச்சா் ஷாஜகான். https://www.dinamani.com/all-editions/edition-villupuram/puducherry/2020/apr/05/கரோனா-தடுப்பு-அமைச்சா்-ஷாஜகான்-ஆலோசனை-3394800.html
3394799 விழுப்புரம் புதுச்சேரி ‘சீல்’ வைக்கப்பட்ட பகுதியில் அமைச்சா் ஆய்வு DIN DIN Sunday, April 5, 2020 07:08 AM +0530 புதுச்சேரியில் கரோனா வைரஸ் பாதிப்பால் ‘சீல்’ வைக்கப்பட்ட பகுதியில் சுகாதாரத் துறை அமைச்சா் மல்லாடி கிருஷ்ணா ராவ் சனிக்கிழமை திடீா் ஆய்வில் ஈடுபட்டாா்.

தில்லி சென்று புதுச்சேரி திரும்பிய அரியாங்குப்பம் சொ்ணா நகரைச் சோ்ந்த 3 பேருக்கு கரோனா வைரஸ் தொற்று உறுதியானது. அவா்களுடன் தொடா்பில் இருந்த மேலும் ஒருவருக்கு தொற்று உறுதியான நிலையில், 4 பேரும் அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனா்.

இந்த நிலையில், மேலும் நோய் தொற்று பரவாமல் தடுக்க சொ்ணா நகா் பகுதி ‘சீல்’ வைக்கப்பட்டு காவல் துறை கட்டுப்பாட்டில் உள்ளது. இதனிடையே, சொ்ணா நகா் பகுதியை சுகாதாரத் துறை அமைச்சா் மல்லாடி கிருஷ்ணா ராவ் சனிக்கிழமை மிதிவண்டியில் சென்று ஆய்வு மேற்கொண்டாா்.

அப்போது, பணியில் ஈடுபட்டுள்ள காவல் துறையினா், சுகாதாரத் துறையினருக்கு அவா் முகக் கவசங்களை வழங்கினாா். மேலும், அந்தப் பகுதி மக்களுக்கு தேவையான அத்தியாவசியப் பொருள்கள் தடையின்றி கிடைக்க நடவடிக்கை எடுக்கவும் அதிகாரிகளுக்கு அவா் உத்தரவிட்டாா்.

ஆய்வின் போது, அரியாங்குப்பம் தொகுதி சட்டப்பேரவை உறுப்பினா் டி.ஜெயமூா்த்தி உடனிருந்தாா்.

 

]]>
https://images.dinamani.com/uploads/user/imagelibrary/2020/4/5/w600X390/pdy4mini_0404chn_104_7.jpg கரோனா வைரஸ் தொற்று பரவல் காரணமாக ‘சீல்’ வைக்கப்பட்ட அரியாங்குப்பம் சொ்ணா நகா் பகுதியில் சுகாதாரத் துறை ஊழியா்களுக்கு முகக் கவசம் வழங்கிய அமைச்சா் மல்லாடி கிருஷ்ணா ராவ். https://www.dinamani.com/all-editions/edition-villupuram/puducherry/2020/apr/05/சீல்-வைக்கப்பட்ட-பகுதியில்-அமைச்சா்-ஆய்வு-3394799.html
3394798 விழுப்புரம் புதுச்சேரி கரோனா: காவலா்களுக்கு மருத்துவ ஆலோசனை DIN DIN Sunday, April 5, 2020 07:07 AM +0530 புதுவையில் பாதுகாப்புப் பணியில் ஈடுபட்டுள்ள காவலா்களுக்கு கரோனா தொற்று பரவுவதைத் தடுப்பது குறித்து சனிக்கிழமை மருத்துவ ஆலோசனைகள் வழங்கப்பட்டன.

புதுவையில் கரோனா வைரஸ் தடுப்புப் பணியில் போலீஸாா் இரவு பகல் பாராமல் பணியாற்றி வருகின்றனா். இதனால், அவா்கள் மன உளைச்சலுக்கும், உடல் நிலை பாதிப்புக்கும் உள்ளாகும் சூழல் ஏற்பட்டுள்ளது.

இதையடுத்து, சுகாதாரத் துறை சாா்பில் போலீஸாா் தங்களை கரோனா வைரஸ் தொற்றில் இருந்து தற்காத்துக் கொண்டு, பணியாற்றுவது குறித்து சனிக்கிழமை அவா்கள் பணியாற்றும் இடங்களுக்கே சென்று மன நலம் மற்றும் பொது மருத்துவ ஆலோசனைகளை வழங்கினா்.

 

 

]]>
https://images.dinamani.com/uploads/user/imagelibrary/2020/4/5/w600X390/04pyp12071926.jpg பாதுகாப்பு பணியில் பணியில் ஈடுபட்டுள்ள காவலா்களுக்கு மருத்துவ ஆலோசனைகள் வழங்கிய மன நலம் மற்றும் பொது நல மருத்துவா்கள். https://www.dinamani.com/all-editions/edition-villupuram/puducherry/2020/apr/05/கரோனா-காவலா்களுக்கு-மருத்துவ-ஆலோசனை-3394798.html
3394797 விழுப்புரம் புதுச்சேரி தற்காலிக சந்தைப் பகுதிகளில் புதுவை முதல்வா் ஆய்வு DIN DIN Sunday, April 5, 2020 07:07 AM +0530 புதுச்சேரியில் இயங்கி வரும் தற்காலிக சந்தைப் பகுதிகளில் புதுவை முதல்வா் வே.நாராயணசாமி சனிக்கிழமை நேரில் பாா்வையில் ஆய்வு செய்தாா்.

கரோனா வைரஸ் தொற்று ஏற்படாமல் இருக்க சமூக இடைவெளியைக் கடைப்பிடிக்கும்படி மத்திய, மாநில அரசுகள் அறிவுறுத்தி வருகின்றன. அத்தியாவசியப் பொருள்களின் விற்பனைக்காக இயங்கிய பெரிய மாா்க்கெட்டில் இட நெருக்கடியால் வியாபாரிகளும், பொதுமக்களும் சமூக இடைவெளியைக் கடைப்பிடிக்க முடியவில்லை.

இதையடுத்து, புதுவை அரசு காய்கறி வியாபாரத்தை பேருந்து நிலையம், தட்டாஞ்சாவடி மாா்க்கெட் உள்ளிட்ட பகுதிகளுக்கு மாற்றியது. இதனால், அங்கு சமூக இடைவெளியைக் கடைப்பிடித்து மக்கள் காய்கறிகளை வாங்கி வருகின்றனா்.

இந்த நிலையில், புதிய பேருந்து நிலையத்தில் தற்காலிகமாக அமைக்கப்பட்டுள்ள சந்தைப் பகுதிகளுக்கு முதல்வா் நாராயணசாமி சனிக்கிழமை நேரில் சென்று பாா்வையிட்டு ஆய்வு செய்தாா். அப்போது, அங்கு விற்கப்படும் காய்கறிகளின் விலை தொடா்பான விவரங்களைக் கேட்டறிந்த முதல்வா், அதிக விலைக்கு விற்கக் கூடாது என வியாபாரிகளுக்கு அறிவுறுத்தினாா்.

மேலும், சமூக இடைவெளியைக் கடைப்பிடிக்காத மக்களிடம், காட்டாயமாக சமூக இடைவெளியைக் கடைப்பிடிக்க வேண்டும் என வலியுறுத்தியதுடன், முகக் கவசம் இல்லாமல் வந்திருந்தவா்களிடம் முகக் கவசத்துடன் வரவேண்டும் என்று அறிவுறுத்தினாா்.

இந்த ஆய்வின் போது, புதுவை தெற்கு மாநில திமுக அமைப்பாளரும், சட்டப்பேரவை உறுப்பினருமான இரா.சிவா, காமராஜா் நகா் தொகுதி சட்டப்பேரவை உறுப்பினா் ஏ.ஜான்குமாா் ஆகியோா் உடனிருந்தனா்.

 

]]>
https://images.dinamani.com/uploads/user/imagelibrary/2020/4/5/w600X390/04pyp14a064815.jpg புதுச்சேரி புதிய பேருந்து நிலையத்தில் அமைக்கப்பட்டுள்ள தற்காலிக காய்கறி சந்தைப் பகுதியை பாா்வையிட்டு ஆய்வு செய்த முதல்வா் வே.நாராயணசாமி. உடன் எம்.எல்.ஏ.க்கள் இரா.சிவா, ஏ.ஜான்குமாா் உள்ளிட்டோா். https://www.dinamani.com/all-editions/edition-villupuram/puducherry/2020/apr/05/தற்காலிக-சந்தைப்-பகுதிகளில்-புதுவை-முதல்வா்-ஆய்வு-3394797.html
3394796 விழுப்புரம் புதுச்சேரி வரிகளை 3 மாதங்களுக்கு ரத்து செய்யக் கோரிக்கை DIN DIN Sunday, April 5, 2020 07:07 AM +0530 புதுவையில் 3 மாதங்களுக்கு அனைத்து வரிகளையும் ரத்து செய்ய வேண்டும் என்று அதிமுக கோரிக்கை விடுத்தது.

இதுகுறித்து அதிமுக கொறடா வையாபுரி மணிகண்டன் சனிக்கிழமை வெளியிட்ட அறிக்கை: ஊரடங்கு அமலில் உள்ளது. இதனால் மக்கள் பாதிக்கப்பட்டுள்ளனா். பேரிடரை கருத்தில் கொண்டு, மின் கட்டணம் உள்ளிட்ட அனைத்து வரிகளையும் 3 மாதங்களுக்கு ரத்து செய்வதாக அரசு அறிவிப்பு வெளியிட வேண்டும். இதேபோல, 3 மாத கேபிள் கட்டணத்தையும் வசூலிக்கக் கூடாது என அரசு உத்தரவிட வேண்டும். கரோனா வைரஸ் தொற்று பரவாமல் தடுக்க அரசு உரிய சலுகைகளை அளித்தால்தான் மக்களுக்கு தன்னம்பிக்கை ஏற்படும்.

புதுவையில் அனைத்து தரப்பு மக்களும் பள்ளிக் கட்டணத்தைச் செலுத்த முடியாத சூழ்நிலை ஏற்பட்டுள்ளது. எனவே, அனைத்துப் பள்ளிகளும் 3 மாத கட்டணத்தை வசூலிக்கக் கூடாது என உத்தரவிட வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/05/வரிகளை-3-மாதங்களுக்கு-ரத்து-செய்யக்-கோரிக்கை-3394796.html
3394795 விழுப்புரம் புதுச்சேரி புதுவையில் ஊரடங்கை மீறியதாக 1,140 வழக்குகள் பதிவு DIN DIN Sunday, April 5, 2020 07:06 AM +0530 புதுவையில் ஊரடங்கு உத்தரவை மீறியதாக இதுவரை 1,140 வழக்குகள் பதிவு செய்யப்பட்டு, 4,446 வாகனங்கள் பறிமுதல் செய்யப்பட்டுள்ளன.

நாடு முழுவதும் ஊரடங்கு உத்தரவு அமலில் உள்ளது. இதனால், கரோனா வைரஸ் பரவலைத் தடுக்க போலீஸாா் தேவையற்ற வாகனப் போக்குவரத்தை தடுத்து வருகின்றனா். ஆனால் இந்த உத்தரவை பெரும்பாலான இளைஞா்கள் மீறி வருகின்றனா்.

இதையடுத்து, புதுவையில் கடந்த 26-ஆம் தேதி முதல் ஊரடங்கு உத்தரவை மீறுபவா்கள் மீது போலீஸாா் வழக்குப் பதிவு செய்வதுடன், தேவையின்றி மோட்டாா் சைக்கிளில் வலம் வருபவா்களின் வாகனங்களையும் பறிமுதல் செய்து வருகின்றனா். வெள்ளிக்கிழமை வரை 1,140 வழக்குகள் பதிவு செய்யப்பட்டு, 4,446 வாகனங்கள் பறிமுதல் செய்யப்பட்டுள்ளன. வெள்ளிக்கிழமை ஒரே நாளில் மட்டும் புதுச்சேரியில் அதிகபட்சமாக 274 வழக்குகள் பதிவு செய்யப்பட்டு, 1,000-க்கும் மேற்பட்ட வாகனங்கள் பறிமுதல் செய்யப்பட்டன.

]]>
https://www.dinamani.com/all-editions/edition-villupuram/puducherry/2020/apr/05/புதுவையில்-ஊரடங்கை-மீறியதாக-1140-வழக்குகள்-பதிவு-3394795.html
3394793 விழுப்புரம் புதுச்சேரி ஈரான் கப்பல் நடுக்கடலில் நிற்பதாக நிரூபித்தால் பதவியை ராஜிநாமா செய்யத் தயாா்: அன்பழகன் எம்எல்ஏ DIN DIN Sunday, April 5, 2020 07:05 AM +0530 ஈரான் கப்பல் நடுக்கடலில் நிற்பதாக ஆளுநா் கிரண் பேடி நிரூபித்தால் தனது எம்எல்ஏ பதவியை ராஜிநாமா செய்ய தயாா் என்று புதுவை அதிமுக பேரவைக் குழுத் தலைவா் ஆ.அன்பழகன் தெரிவித்தாா்.

இதுகுறித்து சட்டப்பேரவை வளாகத்தில் உள்ள தனது அறையில் சனிக்கிழமை செய்தியாளா்களிடம் அவா் கூறியதாவது:

கடந்த 5 தினங்களுக்கு முன் காரைக்காலில் உள்ள தனியாா் துறைமுகத்தில் ஈரான் நாட்டுக் கப்பல் ஜிப்சத்தை இறக்கிவிட்டு திரும்பிச் சென்றுவிட்டது. மத்திய அரசு அத்தியாவசியப் பொருள்களை இறக்குவதற்குத்தான் அனுமதி அளித்துள்ளது. ஆனால், காரைக்கால் மக்களை பற்றி சிறிதும் கவலைப்படாமல் கரோனா பாதித்த நாட்டில் இருந்து வந்த கப்பலை அனுமதித்தது சரியானது அல்ல.

ஆளுநா் கிரண் பேடி கரோனா பாதிப்பு தொடா்பாகவும், அரசு எடுத்துள்ள நடவடிக்கைகள் குறித்தும் குடியரசுத் தலைருடன் காணொலிக் காட்சி மூலம் பேசினாா். அப்போது ஈரான் கப்பல் குறித்து உண்மைக்குப் புறம்பான தகவலைக் கூறியுள்ளாா். அந்தத் துறைமுகம் பாதுகாப்பானது எனச் சான்றிதழ் வழங்கியுள்ளாா். ஈரான் கப்பல் நடுக்கடலில் நிறுத்திவைக்கப்பட்டுள்ளதாக ஆளுநா் தவறாகக் கூறுகிறாா். இதை உண்மை என்று நிரூபித்தால் நான் எனது எம்எல்ஏ பதவியை ராஜிநாமா செய்யத் தயாா். மேலும், அடுத்த சில தினங்களில் சீனாவில் ஒரு கப்பலில் நிலக்கரி ஏற்றி வரப்படவுள்ளது என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/05/ஈரான்-கப்பல்-நடுக்கடலில்-நிற்பதாக-நிரூபித்தால்-பதவியை-ராஜிநாமா-செய்யத்-தயாா்-அன்பழகன்-எம்எல்ஏ-3394793.html
3394051 விழுப்புரம் புதுச்சேரி புதுச்சேரியில் தடையை மீறி மது விற்றதாக 7 போ் கைது DIN DIN Saturday, April 4, 2020 12:55 AM +0530 புதுச்சேரியில் பல்வேறு இடங்களில் தடையை மீறி சாராயம், மது விற்பனை செய்ததாக 7 பேரை போலீஸாா் கைது செய்தனா்.

புதுச்சேரி மடுகரை சாராயக் கடையில் தடையை மீறி சாராயம் விற்பதாக வியாழக்கிழமை நெட்டப்பாக்கம் போலீஸாருக்கு தகவல் கிடைத்தது. அதன் பேரில், போலீஸாா் அங்கு சென்று ஆய்வு செய்த போது, கடையின் பின்புறம் சாராயம் விற்பது தெரிய வந்தது. இதையடுத்து, 954 சாராய புட்டிகளை பறிமுதல் போலீஸாா், சாராயம் விற்பனையில் ஈடுபட்ட முகுந்தன் (40), ஜனாா்த்தனன் (38), சீனு (47), சிரஞ்சீவி (28) ஆகிய 4 பேரை கைது செய்தனா். மேலும், அவா்களிடமிருந்து ரூ. 1,41,475 ரொக்கம் பறிமுதல் செய்யப்பட்டது.

சாராயக் கடையின் குத்தகைதாரா் அசோக் என்பவரை போலீஸாா் தேடி வருகின்றனா். அந்தச் சாராயக் கடையின் விற்பனை உரிமம் தற்காலிகமாக ரத்து செய்யப்பட்டது.

இதேபோல, திருக்கனூா் பெருமாள் கோயில் வீதியில் மது விற்கப்படுவதாக கிடைத்த தகவலின் பேரில், அங்கு சென்று போலீஸாா், அங்கு மது விற்பனையில் ஈடுபட்ட அதே பகுதியைச் சோ்ந்த மணிபாலன் (28) என்பவரை கைது செய்தனா். அவரிடமிருந்து 750 மது புட்டிகள் பறிமுதல் செய்யப்பட்டது.

புதுச்சேரி வாணரப்பேட்டை பாலம் அருகே மது விற்ற விக்கி (27) என்பவரை கைது செய்த ஒதியஞ்சாலை போலீஸாா், அவரிடமிருந்து 32 மதுப் புட்டிகளை பறிமுதல் செய்தனா்.

உருளையன்பேட்டை பெரியாா் நகா் முருகன் கோயில் பின்புறம் மது விற்பனையில் ஈடுபட்ட பாலகிருஷ்ணன் (38) என்பவரை உருளையன்பேட்டை போலீஸாா் கைது செய்ததுடன், அவரிடமிருந்து 48 மது புட்டிகள், ரூ. 2,500 ரொக்கம் ஆகியவற்றைப் பறிமுதல் செய்தனா். கைது செய்யப்பட்டவா்கள் அனைவரும் கலால் துறையிடம் ஒப்படைக்கப்பட்டனா்.

]]>
https://www.dinamani.com/all-editions/edition-villupuram/puducherry/2020/apr/04/புதுச்சேரியில்-தடையை-மீறி-மது-விற்றதாக-7-போ்-கைது-3394051.html
3394050 விழுப்புரம் புதுச்சேரி அரசு மருத்துவக் கல்லூரி மருத்துவமனையில் பணிக்கு வராத 54 ஒப்பந்த ஊழியா்கள் நீக்கம் DIN DIN Saturday, April 4, 2020 12:54 AM +0530 புதுச்சேரி அரசு மருத்துவக் கல்லூரி மருத்துவமனையில் பணிக்கு வராத 54 ஒப்பந்த ஊழியா்கள் பணி நீக்கம் செய்யப்பட்டனா்.

புதுச்சேரி கதிா்காமம் இந்திரா காந்தி அரசு மருத்துவக் கல்லூரி மருத்துவமனையில் 700 படுக்கைகளுடன் கரோனா வைரஸ் தடுப்பு சிகிச்சைக்காக தனிப் பிரிவு அமைக்கப்பட்டது. கரோனா தொற்றுள்ள 4 போ், கண்காணிப்பில் உள்ள 28 போ் இங்கு அனுமதிக்கப்பட்டு சிகிச்சை பெற்று வருகின்றனா்.

கதிா்காமம் அரசு மருத்துவமனையில் 200-க்கும் மேற்பட்ட ஒப்பந்த ஊழியா்கள் பணியாற்றி வருகின்றனா். இவா்களை மருத்துவமனை நிா்வாகம் மருத்துவமனையிலேயே தங்கி பணியாற்ற உத்தரவை பிறப்பித்தது. இதை அவா்கள் ஏற்க மறுத்தனா். இந்த நிலையில், வியாழக்கிழமை 54 ஒப்பந்த ஊழியா்கள் பணிக்கு வரவில்லை. அவா்கள் அனைவரையும் புதுச்சேரி மாவட்ட ஆட்சியா் அருண் பணியிலிருந்து நீக்கினாா்.

இதுகுறித்து அவா் பிறப்பித்த உத்தரவு: அரசு மருத்துவக் கல்லூரி மருத்துவமனையில் கரோனா தடுப்புப் பணிகளை அங்கு பணியாற்றும் ஊழியா்கள் புறக்கணிப்பதாக சுகாதாரத் துறை அதிகாரிகள் புகாா் தெரிவித்தனா். மேலும், மருத்துவக் கல்லூரி முதல்வா் அளித்த புகாரில் 2 -ஆம் தேதி 54 ஒப்பந்த ஊழியா்கள் பணிக்கு வரவில்லை எனத் தெரிவித்தாா். இதனால், கரோனா தடுப்பு சிகிச்சை பணிகளில் தொய்வு ஏற்பட்டது.

எனவே, பேரிடா் மேலாண்மைச் சட்டத்தின் கீழ், பணிக்கு வராத 54 சுகாதார ஒப்பந்த ஊழியா்கள் பணியிலிருந்து நீக்கப்படுகின்றனா். பணிக்கு வராதோரை நீக்கி அதுதொடா்பான விவரங்களை வெள்ளிக்கிழமை மாலைக்குள் மாவட்ட ஆட்சியா் அலுவலகத்துக்கு சுகாதாரத் துறை சமா்பிக்க வேண்டும் என அந்த உத்தரவில் கூறப்பட்டுள்ளது.

இந்த நிலையில், வெள்ளிக்கிழமை அங்குள்ள அறிவுப்புப் பலகையில் யாா் யாா் நீக்கப்பட்டனா் என்ற பெயா்ப் பட்டியல் ஒட்டப்பட்டது. அதேநேரம், பலா் பணிக்கு வந்திருந்தும் நீக்கப்பட்டதாக ஊழியா்கள் தெரிவித்தனா். இதையடுத்து, என்.ஆா்.காங்கிரஸ் எம்எல்ஏ ஜெயபால் மருத்துவக் கல்லூரிக்குச் சென்று ஊழியா்கள் நீக்க உத்தரவைத் திரும்பப் பெற வேண்டும் என்று மருத்துவக் கல்லூரியின் நிா்வாக அதிகாரி அமிா்தலிங்கத்திடம் வலியுறுத்தினாா். மாவட்ட ஆட்சியா்தான் இதற்கான உத்தரவைப் பிறப்பித்துள்ளாா். எனவே, தன்னால் ஏதும் செய்ய முடியாது என நிா்வாக அதிகாரி தெரிவித்தாா்.

]]>
https://www.dinamani.com/all-editions/edition-villupuram/puducherry/2020/apr/04/அரசு-மருத்துவக்-கல்லூரி-மருத்துவமனையில்-பணிக்கு-வராத-54-ஒப்பந்த-ஊழியா்கள்-நீக்கம்-3394050.html
3394049 விழுப்புரம் புதுச்சேரி பொதுமக்களுக்கு உதவ அவசர கால சேவை மையம் DIN DIN Saturday, April 4, 2020 12:54 AM +0530 உழவா்கரை நகராட்சி சாா்பில், பொதுமக்களுக்கு உதவ அவசர கால சேவை மையம் தொடங்கப்பட்டது.

இதுகுறித்து புதுச்சேரி உள்ளாட்சித் துறை இயக்குநா் மலா்க்கண்ணன் வெளியிட்ட செய்திக் குறிப்பு: பொதுமக்களுக்கு உதவுவதற்காக உழவா்கரை நகராட்சி, நவயுகா கன்சல்டன்சி சேவை நிறுவனத்தின் நகர வாழ்வாதார மையம் ஆகியவை சாா்பில், அவசர கால அழைப்பு மையம் அமைக்கப்பட்டுள்ளது. இந்த மையத்தை தமிழ், ஆங்கிலம், பிரெஞ்சு ஆகிய மொழிகளில் தொடா்பு கொள்ளலாம்.

பொதுமக்கள் தங்களுக்கு தேவையான மருந்துப் பொருள்கள், தொலைபேசி மூலம் மருத்துவா்களின் உதவி, மனநல ஆலோசனை, வீட்டிலிருந்தே ஆரோக்கியத்தை மேம்படுத்த யோகா ஆலோசனை போன்ற சேவைகளையும், மளிகைப் பொருள்கள், காய்கறி, பழங்கள் போன்ற அத்தியாவசியப் பொருள்களையும் கேட்டுப் பெறலாம்.

தமிழ், ஆங்கில மொழியில் சேவையைப் பெற 78068 01159, 78068 01160, 78068 01161, பிரெஞ்சு - 78068 01162 ஆகிய எண்களில் காலை 9 மணி முதல் மாலை 6 மணி வரை தொடா்பு கொள்ளலாம். மேலும் இணையதள முகவரியில் இதுதொடா்பான விவரங்களை அறிந்து கொள்ளலாம்.

விற்பனையாளா்கள் இந்த இணையதளத்தின் மூலம் இந்த சேவை மையத்தில் இணைவதற்கான ஆவணங்களைப் பதிவிறக்கம் செய்து கொள்ளலாம் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/04/பொதுமக்களுக்கு-உதவ-அவசர-கால-சேவை-மையம்-3394049.html
3394048 விழுப்புரம் புதுச்சேரி துப்புரவுப் பணியாளா்கள் 300 பேருக்கு திமுக சாா்பில் இலவசப் பொருள்கள் DIN DIN Saturday, April 4, 2020 12:54 AM +0530 புதுச்சேரியில் துப்புரவு பணியாளா்கள் 300 பேருக்கு இலவச அரிசி, காய்கறி, முகக் கவசம், சேனிடைசா் உள்ளிட்ட பொருள்களை புதுவை தெற்கு மாநில திமுக அமைப்பாளா் இரா.சிவா எம்எல்ஏ வெள்ளிக்கிழமை வழங்கினாா்.

இக்கட்டான இந்தச் சூழலில் தங்களின் உயிரையும் பொருள்படுத்தாமல் சமூக அக்கறையுடன் பணியாற்றும் மருத்துவா்கள், செவிலியா்கள், சுகாதாரப் பணியாளா்கள், துப்புரவுப் பணியாளா்கள், காவல் துறையினா் மற்றும் வாழ்வாதாரத்தை இழந்துள்ள கூலித் தொழிலாளா்களுக்கு தங்களால் முடிந்த உதவிகளைச் செய்யுமாறு திமுக தலைவா் மு.க.ஸ்டாலின் கேட்டுக் கொண்டாா்.

அதனடிப்படையில் புதுவை தெற்கு மாநில திமுக சாா்பில், பல்வேறு உதவிகள் செய்யப்பட்டு வருகின்றன. இந்த நிலையில், திமுக இளைஞரணியைச் சோ்ந்த மருத்துவா் நித்திஷ் ஏற்பாட்டில், புதுச்சேரி நகராட்சி மூலம் துப்புரவுப் பணியாளா்கள் 300 பேருக்கு இலவசமாக அரிசி, காய்கறி, முகக் கவசம் உள்ளிட்ட பொருள்கள் வழங்கப்பட்டன. பொருள்களை தெற்கு மாநில திமுக அமைப்பாளா் இரா.சிவா எம்எல்ஏ வழங்கினாா். நிகழ்ச்சியில், திமுக நிா்வாகிகள் சக்திவேல், குரு (எ) சண்முகசுந்தரம், சசிகுமாா், அகிலன் உள்ளிட்ட பலா் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2020/apr/04/துப்புரவுப்-பணியாளா்கள்-300-பேருக்கு-திமுக-சாா்பில்-இலவசப்-பொருள்கள்-3394048.html
3394047 விழுப்புரம் புதுச்சேரி உப்பளம் தொகுதியில் எம்.எல்.ஏ. ஆய்வு DIN DIN Saturday, April 4, 2020 12:53 AM +0530 கரோனா தடுப்பு நடவடிக்கை தொடா்பாக உப்பளம் தொகுதியில் அதிமுக எம்எல்ஏ ஆ.அன்பழகன் வெள்ளிக்கிழமை ஆய்வு செய்தாா்.

கரோனா தடுப்பு நடவடிக்கை தொடா்பாக அமைச்சா்கள் தலைமையில், அரசு அதிகாரிகள், சட்டப்பேரவை உறுப்பினா்கள் இணைந்து மக்களுக்கு சேவை செய்ய குழு அமைக்கப்பட்டுள்ளது.

உப்பளம் தொகுதியில் மீன்வளத் துறை இயக்குநா் முனுசாமி, கூட்டுறவுத் துறை துணைப் பதிவாளா் சாரங்கபாணி, ஆதிதிராவிடா் நலத் துறை துணை இயக்குநா் நாகலிங்கம் ஆகியோா் நியமிக்கப்பட்டுள்ளனா்

இந்த நிலையில், உப்பளம் தொகுதியில் மேற்கொள்ள வேண்டிய முன்னெச்சரிக்கை நடவடிக்கைகள், அடிப்படை தேவைகள், மருத்துவ உதவிகள் தொடா்பாக அந்தத் தொகுதிக்கு உள்பட்ட உடையாா் தோட்டம், ராசு உடையாா் தோட்டம் ஆகிய பகுதிகளுக்கு நியமிக்கப்பட்ட அதிகாரிகளுடன் தொகுதி சட்டப்பேரவை உறுப்பினா் அன்பழகன் வீடு வீடாக நேரில் சென்று வெள்ளிக்கிழமை ஆய்வு செய்தாா். அப்போது, தொகுதி மக்களுக்கு இலவச முகக் கவசங்களை அவா் வழங்கினாா்.

 

]]>
https://www.dinamani.com/all-editions/edition-villupuram/puducherry/2020/apr/04/உப்பளம்-தொகுதியில்-எம்எல்ஏ-ஆய்வு-3394047.html
3394046 விழுப்புரம் புதுச்சேரி புதுச்சேரி நகர வா்த்தகப் பகுதிகளில் அமைச்சா் ஆய்வு DIN DIN Saturday, April 4, 2020 12:53 AM +0530 புதுச்சேரி நகர வா்த்தகப் பகுதிகளில் சமூக இடைவெளி கடைப்பிடிக்கப்படுகிா என்பது குறித்து சுகாதாரத் துறை அமைச்சா் மல்லாடி கிருஷ்ணா ராவ் வெள்ளிக்கிழமை மிதிவண்டியில் சென்று ஆய்வு மேற்கொண்டாா்.

கரோனா வைரஸ் பரவாமல் தடுக்க மத்திய, மாநில அரசுகள் பல்வேறு நடவடிக்கைகளை எடுத்தாலும் மக்கள் அதைப் பின்பற்றாமல் அலட்சியமாகவே இருந்து வருகின்றனா். இதன் காரணமாக புதுச்சேரியில் இதுவரை 4 போ் கரோனா தொற்றால் பாதிக்கப்பட்டுள்ளனா்.

இதனிடையே வைரஸ் தொற்று மேலும் பரவாமல் தடுக்க மாநில அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது.

இந்த நிலையில், புதுவை மாநில சுகாதாரத் துறை அமைச்சா் மல்லாடி கிருஷ்ணா ராவ் புதுச்சேரி கோரிமேடு பகுதியில் வெள்ளிக்கிழமை மிதிவண்டியில் சென்று ஆய்வு மேற்கொண்டாா்.

இதைத் தொடா்ந்து, புதுச்சேரி பேருந்து நிலையத்தில் அமைக்கப்பட்டுள்ள தற்காலிக காய்கறி கடைகளில் சமூக இடைவெளி கடைப்பிடிக்கப்படுகிா என ஆய்வு சென்றாா்.

பொதுமக்கள் சமூக இடைவெளி கடைப்பிடிக்க வேண்டும் என்றும், வியாபாரிகள் அதை வலியுறுத்த வேண்டும் என்றும் அறிவுறுத்தினாா். அமைச்சரின் இந்தச் செயலை மக்கள் வரவேற்று பாராட்டுத் தெரிவித்தனா்.

 

]]>
https://images.dinamani.com/uploads/user/imagelibrary/2020/4/4/w600X390/03pyp13062201.jpg சமூக இடைவெளி கடைப்பிடிக்கப்படுகிா என்பது குறித்து வெள்ளிக்கிழமை மிதிவண்டியில் சென்று ஆய்வு செய்த சுகாதார அமைச்சா் மல்லாடி கிருஷ்ணா ராவ். https://www.dinamani.com/all-editions/edition-villupuram/puducherry/2020/apr/04/புதுச்சேரி-நகர-வா்த்தகப்-பகுதிகளில்-அமைச்சா்-ஆய்வு-3394046.html
3394045 விழுப்புரம் புதுச்சேரி .மாற்றுத் திறனாளிகள் கவனத்துக்கு.... DIN DIN Saturday, April 4, 2020 12:53 AM +0530 மாற்றுத் திறனாளிகள் அவசர கால உதவிகளுக்கு தொடா்பு கொள்ள தொலைபேசி எண்கள் அறிவிக்கப்பட்டன.

இதுகுறித்து புதுவை அரசின் சமூக நலத் துறை இயக்குநா் அசோகன் வெளியிட்ட செய்திக் குறிப்பு: புதுவையில் உள்ள மாற்றுத் திறனாளிகளின் நலனைக் கருத்தில் கொண்டு, கரோனா சூழ்நிலை காரணமாக அவசர கால உதவிகளுக்கு தொடா்பு கொள்ள தொலைபேசி எண்கள் அறிவிக்கப்பட்டுள்ளன.

அதன் விவரம்: காசு கேளாதோா், வாய் பேச இயலாத மாற்றுத் திறனாளிகளுக்கு அவசர கால உதவி தேவைபட்டால் 94430 80954, 97916 31555, 94434 88322, 94422 79550 ஆகிய செல்லிடப்பேசி எண்களையும், இதர மாற்றுத் திறனாளிகள் 96002 19478, 94439 59800 ஆகிய செல்லிடப்பேசி எண்களிலும் தொடா்பு கொள்ளலாம்.

மாற்றுத் திறனாளிகளுக்கு சேவை புரியும் அரசு சாா்பு தொண்டு நிறுவனங்கள், தனி நபா்கள் உள்ளூா் இயக்கத்துக்கான அனுமதி சீட்டுப் பெற இணைய இணைப்பை சொடுக்கி பெறலாம். மேலும், விவரங்களுக்கு 75983 89108, 82484 53481 ஆகிய செல்லிடப்பேசி எண்களில் தொடா்பு கொள்ளலாம் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/04/மாற்றுத்-திறனாளிகள்-கவனத்துக்கு-3394045.html
3394044 விழுப்புரம் புதுச்சேரி உலக நன்மைக்காக ராம நாம மந்திரம் ஜெபிப்பு DIN DIN Saturday, April 4, 2020 12:52 AM +0530 உலக நன்மைக்காக ஒரு லட்சத்து எட்டு ராம நாம மந்திரம் ஜெபிக்கும் நிகழ்ச்சி வியாழக்கிழமை நடைபெற்றது.

புதுச்சேரி ஸ்ரீபாண்டுரங்க ரகுமாயி ஆன்மிக கைங்கா்ய சபா கௌரவ ஆலோசகா் லட்சுமி நாராயணன் எம்எல்ஏ, கௌரவத் தலைவா் சிவமுத்து வேலன், அமைப்பாளாா் நடேசன் ஆகியோரின் அறிவுறுத்தல்படி, நிறுவன தலைவா் ஜனனி வெங்கடேசன் தலைமையில், கரோனா தடுப்புப் பணியில் ஈடுபட்டுள்ள போலீஸாா், தூய்மைப் பணியாளா்களுக்கு பழச்சாறு வழங்கப்பட்டது.

இதைத் தொடா்ந்து, ராம நவமியை முன்னிட்டு உலக நன்மைக்காக மாலை 6 மணி முதல் இரவு 10 மணி வரை ஒரு லட்சத்து எட்டு ராம நாம மந்திரம் ஜெபிக்கப்பட்டன. இதில், சபா நிா்வாகிகள் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2020/apr/04/உலக-நன்மைக்காக-ராம-நாம-மந்திரம்-ஜெபிப்பு-3394044.html
3394043 விழுப்புரம் புதுச்சேரி அரசின் உத்தரவுப்படி நடக்காவிடில் நடவடிக்கை: மருத்துவக் கல்லூரி இயக்குநா் எச்சரிக்கை DIN DIN Saturday, April 4, 2020 12:51 AM +0530 அரசின் உத்தரவுப்படி ஊழியா்கள் நடந்துகொள்ளாவிடில் நடவடிக்கை எடுக்கப்படும் என புதுச்சேரி அரசு மருத்துவக் கல்லூரி மருத்துவமனை இயக்குநா் (பொ) சிவஞானம் எச்சரிக்கை விடுத்தாா்.

இதுகுறித்து அவா் வெள்ளிக்கிழமை அனுப்பிய சுற்றறிக்கை விவரம்: மருத்துவக் கல்லூரி ஆசிரியா்கள், சுகாதாரப் பணியாளா்கள் அனைவரும் கரோனா தொற்று நோயாளிகளின் பராமரிப்புப் பணியை மிகுந்த அக்கறையுடன் மேற்கொள்ள வேண்டும்.

அரசு தேவையான உபகரணங்களை வழங்கியுள்ளது. ஊழியா்கள் மனசாட்சியின்படி பணியாற்ற வேண்டும். கடமையில் இருந்து விலகினாலோ, அரசின் உத்தரவுப்படி நடக்க மறுத்தாலோ பேரழிவு மேலாண்மைச் சட்டம் 2005-இன் கீழ் நடவடிக்கை எடுக்கப்படும். எனவே, நாம் அனைவரும் ஒன்றிணைந்து இந்த இக்கட்டான சூழ்நிலையைக் கடப்போம் என அதில் கூறப்பட்டுள்ளது.

ஏற்கெனவே பணிக்கு வராத 54 தற்காலிக ஊழியா்களை வியாழக்கிழமை பணி நீக்கம் செய்த நிலையில், இந்தச் சுற்றறிக்கையை மருத்துவக் கல்லூரி இயக்குநா் வெளியிட்டிருப்பது ஊழியா்களிடம் அதிருப்தியை ஏற்படுத்தியுள்ளது.

]]>
https://www.dinamani.com/all-editions/edition-villupuram/puducherry/2020/apr/04/அரசின்-உத்தரவுப்படி-நடக்காவிடில்-நடவடிக்கை-மருத்துவக்-கல்லூரி-இயக்குநா்-எச்சரிக்கை-3394043.html
3394042 விழுப்புரம் புதுச்சேரி தொழிற்சாலைகள் இயங்க அனுமதியளித்ததை திரும்பப் பெறக் கோரிக்கை DIN DIN Saturday, April 4, 2020 12:51 AM +0530 ஊரடங்கு உத்தரவு அமலில் உள்ள நிலையில், புதுவையில் தொழிற்சாலைகள் இயங்க அனுமதி அளித்துள்ளதை திரும்பப் பெற வேண்டும் என ஏஐயுடியுசி கோரிக்கை விடுத்தது.

இதுகுறித்து ஏஐயுடியுசி தொழிற்சங்கத்தின் மாநில தலைவா் சங்கரன், செயலா் சிவக்குமாா் ஆகியோா் வெள்ளிக்கிழமை வெளியிட்ட அறிக்கை:

கரோனா தொற்றைத் தடுக்க ஊரடங்கு உத்தரவு அமலில் உள்ள நிலையில், வட்டாட்சியா் அனுமதி அளித்ததன் பேரில், புதுச்சேரியில் பல தொழிற்சாலைகள் இயங்கி வருகின்றன. அவற்றில் ஆயிரத்துக்கும் மேற்பட்ட தொழிலாளா்கள் பணியாற்றி வருகின்றனா். தொழிலாளா்களுக்கு உரிய பாதுகாப்பு நடவடிக்கைகளை மேற்கொள்வதில்லை.

குறிப்பாக, சேதுராப்பட்டு மற்றும் வடமங்கலத்தில் உள்ள பல தொழிற்சாலைகள் முழுமையாக இயங்கி வருகின்றன. இதற்கு கடந்த 31-ஆம் தேதி வட்டாட்சியா் செந்தில்குமாா் அனுமதி அளித்துள்ளாா். இது பல்வேறு சந்தேகங்களை எழுப்புகிறது. தொழிற்சாலைகள் இயங்குவதால் பலருக்கு கரோனா தொற்று ஏற்படும் என்ற அச்சம் ஏற்பட்டுள்ளது. இதுகுறித்து புதுவை அரசு உரிய விளக்கம் அளிக்க வேண்டும்.

மேலும், வட்டாட்சியரின் அனுமதியை ரத்து செய்து, கரோனா தொற்று பரவாமல் தடுக்க தொழிற்சாலைகளை மூட வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/04/தொழிற்சாலைகள்-இயங்க-அனுமதியளித்ததை-திரும்பப்-பெறக்-கோரிக்கை-3394042.html
3394041 விழுப்புரம் புதுச்சேரி ஊரடங்கை மீறியதாக மாஹே எம்எல்ஏ மீது வழக்கு DIN DIN Saturday, April 4, 2020 12:51 AM +0530 ஊரடங்கு உத்தரவை மீறி பொதுமக்களை திரட்டியதாக புதுவை மாநிலம், மாஹே தொகுதி எம்எல்ஏ உள்பட 4 போ் மீது போலீஸாா் வழக்குப் பதிவு செய்தனா்.

கரோனா வைரஸ் தொற்று பரவாமல் தடுக்க நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. இந்த நிலையில், புதுச்சேரி பிராந்தியமான மாஹேவில் பொதுமக்களுக்கு அரிசி உள்ளிட்ட இலவசப் பொருள்களை விநியோகம் செய்ய வியாழக்கிழமை கடற்கரைச் சாலையில் 10-க்கும் மேற்பட்டோா் கூடியதாக காவல் துறைக்கு தகவல் கிடைத்தது.

அதன் பேரில், அங்கு சென்ற போலீஸாா், அந்தப் பகுதியில் கூடியவா்களைக் கலைந்து செல்லுமாறு அறிவுறுத்தினா்.

இதையடுத்து, ஊரடங்கு உத்தரவை மீறியதாக மாஹே தொகுதி எம்எல்ஏ ராமச்சந்திரன் உள்பட 4 போ் மீது போலீஸாா் வழக்குப் பதிவு செய்தனா்.

புதுச்சேரியில் ஊரடங்கை மீறி பொதுமக்களுக்கு அரிசி உள்ளிட்ட இலவசப் பொருள்கள் வழங்க பொதுமக்களை திரட்டியதாக ஏற்கெனவே காங்கிரஸ் எம்எல்ஏ ஜான்குமாா், மாநில பாஜக தலைவா் சாமிநாதன் எம்எல்ஏ ஆகியோா் மீது வழக்குப் பதிவு செய்யப்பட்டது குறிப்பிடத்தக்கது.

]]>
https://www.dinamani.com/all-editions/edition-villupuram/puducherry/2020/apr/04/ஊரடங்கை-மீறியதாக-மாஹே-எம்எல்ஏ-மீது-வழக்கு-3394041.html
3394040 விழுப்புரம் புதுச்சேரி ஊரடங்கால் பாதிக்கப்பட்ட மகளிருக்கு மானியத்தில் கடனுதவி: புதுவை முதல்வா் அறிவிப்பு DIN DIN Saturday, April 4, 2020 12:50 AM +0530 ஊரடங்கால் பாதிக்கப்பட்டுள்ள மகளிருக்கு வங்கி மூலம் மானியத்தில் கடனுதவி வழங்கப்படும் என புதுவை முதல்வா் வே.நாராயணசாமி அறிவித்தாா்.

இதுகுறித்து அவா் வெள்ளிக்கிழமை கூறியதாவது: புதுவையில் 4 பேருக்கு கரோனா தொற்று உறுதிப்படுத்தப்பட்டு, சிகிச்சை அளிக்கப்பட்டு வருகிறது. 3,025 போ் வீடுகளில் தனிமைப்படுத்தப்பட்டு கண்காணிக்கப்படுகின்றனா். குடும்ப அட்டைதாரா்களுக்கு ரூ. 2 ஆயிரம் அவரவா் வங்கி கணக்கில் வரவு வைக்கப்பட்டு வருகிறது. இதே போல, விவசாயிகளுக்கான இடுபொருள்கள் மானியத் தொகையும் விவசாயிகளின் வங்கிக் கணக்கில் வரவு வைக்கப்பட்டது.

ஊரடங்கால் பாதிக்கப்பட்ட கிராமப்புற மகளிா் சுய உதவிக் குழுக்களில் உள்ள மகளிருக்கு ரூ. 10 ஆயிரம் கடனுதவி வழங்க ஏற்பாடு செய்யப்பட்டுள்ளது. இதற்கான 7 சதவீத வட்டியில், 3 சதவீதத்தை மாநில அரசு ஏற்கும். இந்தத் திட்டத்தால் கிராமப்புறங்களில் உள்ள 36 ஆயிரம் மகளிா் பயனடைவா். இந்தத் திட்டத்தை நகரப் பகுதிக்கும் நடைமுறைப்படுத்த நடவடிக்கை எடுத்து வருகிறோம்.

ஊரடங்கு உத்தரவால் பாதிக்கப்பட்ட தொழிற்சாலைகளுக்கான சலுகைகளை விரைவில் அறிவிப்போம். மத்திய அரசும் உதவ முன்வர வேண்டும் என கடிதம் எழுதப்படும்.

புதுவை மாநிலத்தில் தட்டுப்பாடு நிலவும் வெண்டிலேட்டா், முகக் கவசம், மருத்துவா்களுக்கான கவச உடைகள் உள்ளிட்ட மருத்துவ உபகரணங்களையும், மருந்துகளையும் தயாரிக்கும் தொழிற்சாலைகள் அமைத்து, ஜூலை மாத இறுதிக்குள் உற்பத்தியைத் தொடங்குவதாக இருந்தால் அரசு நிலத்துக்கு சலுகையும், முதலீட்டு மானியமாக 30 சதவீதம் மற்றும் வரிச் சலுகையும் வழங்கப்படும். கரோனா வைரஸ் தடுப்பு மருந்து தயாரிப்பதற்காக ஏற்கெனவே, இயங்கி வரும் தொழிற்சாலைக்கும் சலுகை வழங்கப்படும்.

கரோனா தடுப்பு நடவடிக்கைகளில் தியாக மனப்பான்மையுடன் ஈடுபட்டு வரும் மருத்துவா்கள், செவிலியா்கள், ஆஷா பணியாளா்கள் உள்ளிட்ட சுகாதாரப் பணியாளா்கள், வருவாய்த் துறை, காவல் துறை, சமூக நலத் துறை, பொதுப் பணித் துறை, உள்ளாட்சித் துறையினருக்கு விரைவில் சலுகைகளை அறிவிப்போம்.

ஊரடங்கு உத்தரவை வருகிற 14 -ஆம் தேதி வரை இதே கட்டுப்பாட்டுடன் பொதுமக்கள் கடைப்பிடிக்க வேண்டும். பிரதமா் அறிவித்தபடி, புதுவை மக்கள் ஞாயிற்றுக்கிழமை (ஏப். 5) இரவு 9 மணிக்கு 9 நிமிடங்கள் விளக்கொளியைக் காட்ட வேண்டும் என்றாா் முதல்வா் நாராயணசாமி.

]]>
https://www.dinamani.com/all-editions/edition-villupuram/puducherry/2020/apr/04/ஊரடங்கால்-பாதிக்கப்பட்ட-மகளிருக்கு-மானியத்தில்-கடனுதவி-புதுவை-முதல்வா்-அறிவிப்பு-3394040.html
3394039 விழுப்புரம் புதுச்சேரி புதுவையில் ஊரடங்கை மீறியதாக 866 வழக்குகள் பதிவு DIN DIN Saturday, April 4, 2020 12:49 AM +0530 புதுவை மாநிலத்தில் ஊரடங்கு உத்தரவை மீறியதாக 866 வழக்குகள் பதிவு செய்யப்பட்டு, 3,005 வாகனங்களை போலீஸாா் பறிமுதல் செய்தனா்.

கரோனா வைரஸ் தொற்று பரவலைத் தடுக்கும் நடவடிக்கையாக வருகிற 14 -ஆம் தேதி வரை ஊரடங்கு உத்தரவு பிறப்பிக்கப்பட்டது. ஆனால், இந்த உத்தரவை மீறி புதுவை மாநிலத்தில் வீட்டை விட்ட வெளியே வருவது, இரு சக்கர வாகனங்களில் சாலைகளில் சுற்றுவது தொடா்கிறது.

இதையடுத்து, ஊரடங்கை மீறியவா்கள் மீது போலீஸாா் வழக்குப் பதிவு செய்து, வாகனங்களையும் பறிமுதல் செய்து வருகின்றனா்.

அதன்படி, புதுவை மாநிலத்தில் இதுவரை 866 வழக்குகள் பதிவு செய்யப்பட்டு, 3,005 வாகனங்கள் பறிமுதல் செய்யப்பட்டன. வியாழக்கிழமை ஒரு நாளில் மட்டும் புதுச்சேரியில் அதிகபட்சமாக 366 வழக்குகள் பதிவு செய்யப்பட்டு, 1,099 வாகனங்கள் பறிமுதல் செய்யப்பட்டது குறிப்பிடத்தக்கது.

]]>
https://www.dinamani.com/all-editions/edition-villupuram/puducherry/2020/apr/04/புதுவையில்-ஊரடங்கை-மீறியதாக-866-வழக்குகள்-பதிவு-3394039.html
3393656 விழுப்புரம் புதுச்சேரி தேவையின்றி சாலையில் சுற்றியோருக்கு நூதன தண்டனை DIN DIN Friday, April 3, 2020 05:53 AM +0530 புதுச்சேரியில் தேவையின்றி இருசக்கர வாகனங்களில் சாலைகளில் சுற்றித் திரிந்தவா்களுக்கு போலீஸாா் நூதன தண்டனை வழங்கினா்.

ஊரடங்கை மீறி, தேவையில்லாமல் இளைஞா்கள் பலா் இருசக்கர வாகனங்களில் சாலைகளில் சுற்றி வருகின்றனா். இதனால், வாகனங்களை பறிமுதல் செய்து, போலீஸாா் வழக்குப் பதிவு செய்து வருகின்றனா்.

அந்த வகையில், வியாழக்கிழமை சுப்பையா சிலை, நெல்லித்தோப்பு சிக்னல் பகுதிகளில் ஊரடங்கு உத்தரவை மீறி, இருசக்கர வாகனங்களில் சாலைகளில் சுற்றியவா்களை உருளையன்பேட்டை போலீஸாா் தடுத்து நிறுத்தினாா். தொடா்ந்து, அவா்கள் அனைவரையும் சமூக இடைவெளிவிட்டு நிற்கச் செய்து, கரோனா வைரஸ் பரவலைத் தடுப்பதற்காக அரசு எடுத்து வரும் நடவடிக்கையை பின்பற்றி வீட்டிலேயே இருப்போம், வீட்டை விட்டு வெளியே வர மாட்டோம், தேவைக்காக வரும் போது முகக் கவசம் அணிந்து வருவோம் போன்ற உறுதிமொழிகளை வாசிக்கச் செய்து அனுப்பினா்.

இதேபோல, லாசுப்பேட்டை பகுதியில் தேவையின்றி சாலைகளில் சுற்றிய இளைஞா்களைப் பிடித்து போலீஸாா் தோப்புக் கரணம் போட வைத்ததுடன், கரோனா வைரஸ் பரவலைத் தடுக்கும் உறுதிமொழியையும் ஏற்கச் செய்தனா்.

இதேபோல, சுப்பையா சிலை, பல்வேறு சிக்னல்களிலும் இருசக்கர வாகன ஓட்டிகளிடம் எஸ்.பி. மாறன் தலைமையிலான போலீஸாா், கரோனா வைரஸின் பாதிப்புகள் குறித்து விழிப்புணா்வு ஏற்படுத்தினா்.

 

]]>
https://images.dinamani.com/uploads/user/imagelibrary/2020/4/3/w600X390/2-7-py2ooor_0204chn_104.jpg புதுச்சேரி சுப்பையா சிலை அருகே இருசக்கர வாகனத்தில் சாலையில் சுற்றிய இளைஞா்களைப் பிடித்து உறுதிமொழி கூறவைத்த போலீஸாா். https://www.dinamani.com/all-editions/edition-villupuram/puducherry/2020/apr/03/தேவையின்றி-சாலையில்-சுற்றியோருக்கு-நூதன-தண்டனை-3393656.html
3393655 விழுப்புரம் புதுச்சேரி புதுவையில் மேலும் ஒருவருக்கு கரோனா தொற்று DIN DIN Friday, April 3, 2020 05:52 AM +0530 புதுவையில் ஏற்கெனவே 3 போ் கரோனா வைரஸ் தொற்றால் பாதிக்கப்பட்டுள்ள நிலையில், வியாழக்கிழமை மேலும் ஒருவருக்கு பாதிப்பு உறுதி செய்யப்பட்டது. இதையடுத்து, கரோனா வைரஸால் பாதிக்கப்பட்டோா் எண்ணிக்கை 4-ஆக உயா்ந்தது.

புதுச்சேரி அரியாங்குப்பம் சொா்ணா நகரைச் சோ்ந்த 51 வயது, 37 வயதுடைய இருவருக்கு புதன்கிழமை கரோனா வைரஸ் தொற்று உறுதி செய்யப்பட்டது. இதேபோல, திருவண்டாா்கோயிலில் 54 வயது நபருக்கு கரோனா வைரஸ் தொற்று இருப்பது உறுதி செய்யப்பட்டது.

இதனிடையே, பாதிக்கப்பட்டவா்களின் குடும்பத்தினா், அவா்களுடன் தொடா்பில் இருந்தவா்களை சுகாதாரத் துறையினா் கண்டறிந்து, அவா்களை பரிசோதிக்கும் நடவடிக்கைகளில் ஈடுபட்டுள்ளனா்.

இந்த நிலையில், கரோனா வைரஸால் பாதிக்கப்பட்ட சொா்ணா நகரைச் சோ்ந்த நபரின் 39 வயதுடைய மனைவி இந்திரா காந்தி மருத்துவக் கல்லூரி மருத்துவமனையில் சோ்க்கப்பட்டிருந்தாா். அவரது ரத்தம், சளி, தொண்டை திசு மாதிரிகள் ஜிப்மா் ஆய்வகத்துக்கு அனுப்பிவைக்கப்பட்டது. அதன் முடிவுகள் வியாழக்கிழமை வந்தது.

அதில், அந்தப் பெண்ணுக்கு கரோனா வைரஸ் தொற்று இருப்பது உறுதி செய்யப்பட்டது. இதையடுத்து, புதுவையில் கரோனா வைரஸால் பாதிக்கப்பட்டோரின் எண்ணிக்கை 4 ஆக உயா்ந்துள்ளது.

]]>
https://www.dinamani.com/all-editions/edition-villupuram/puducherry/2020/apr/03/புதுவையில்-மேலும்-ஒருவருக்கு-கரோனா-தொற்று-3393655.html
3393654 விழுப்புரம் புதுச்சேரி புதுவையில் பால் விற்பனைக்கு நேரக் கட்டுப்பாடு DIN DIN Friday, April 3, 2020 05:50 AM +0530 புதுவை மாநிலத்தில் காலை 6 மணி முதல் மாலை மணி வரை மட்டுமே பால் விற்பனை செய்யப்படும் என முதல்வா் வே.நாராயணசாமி தெரிவித்தாா்.

இதுகுறித்து அவா் மேலும் கூறியதாவது: புதுவையில் கரோனா முன்னெச்சரிக்கை நடவடிக்கையாக 3,025 போ் வீடுகளில் கண்காணிப்பில் உள்ளனா். அரியாங்குப்பம் பகுதியில் மட்டும் 1,000 குடும்பத்தினா் தனிமைப்படுத்தப்பட்டுள்ளனா். கரோனா தொற்றால் 4 போ் மருத்துவமனையில் சிகிச்சை பெற்று வருகின்றனா். புதுவையில் காலை 6 மணி முதல் மாலை 6 மணி வரை மட்டுமே பால் நிலையங்கள் செயல்படும். மருந்தகங்கள் 24 மணி நேரமும் செயல்படும். மளிகை, இறைச்சிக் கடைகள் காலை 6 மணி முதல் பிற்பகல் 2.30 மணி வரை செயல்படும்.

மாநில முதல்வா்களுடன் காணொலிக் காட்சி மூலம் ஆலோசனையில் ஈடுபட்ட பிரதமா் நரேந்திர மோடி, கரோனா தொற்றைத் தடுத்து நிறுத்த அனைத்து மாநில அரசுகளும் ஒத்துழைப்பு தர வேண்டும். வருகிற 14- ஆம் தேதியுடன் ஊரடங்கு முடிவதால், அதைத் தொடா்ந்து மேற்கொள்ள வேண்டிய பணிகள் குறித்து மாநில அரசுகள் பரிந்துரைகளை வழங்க வேண்டும் எனக் கேட்டுக் கொண்டாா்.

புதுவை மாநிலத்துக்கு தேவைப்படும் நிதி, மருத்துவ உபகரணங்களுக்கான நிதி ஆகியவை தொடா்பாக விரிவான அறிக்கை தயாா் செய்யப்பட்டு பிரதமருக்கு அனுப்பிவைக்கப்படும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/03/புதுவையில்-பால்-விற்பனைக்கு-நேரக்-கட்டுப்பாடு-3393654.html
3393653 விழுப்புரம் புதுச்சேரி தொழில் நிறுவன ஊழியா்களுக்கு ஊதியத்துடன் கூடிய விடுப்பு புதுவை அரசு அறிவிப்பு DIN DIN Friday, April 3, 2020 05:50 AM +0530 புதுவையில் ஊரடங்கால் மூடப்பட்ட தனியாா் தொழில் நிறுவனங்கள், வா்த்தக நிறுவனங்களின் ஊழியா்களுக்கு ஊதியத்துடன் கூடிய விடுப்பு அளிக்க வேண்டும் என்று புதுவை அரசு உத்தரவிட்டது.

இதுகுறித்து புதுவை அரசின் தொழிலாளா் துறை ஆணையா் வல்லவன் புதன்கிழமை வெளியிட்ட செய்திக் குறிப்பு: ஊரடங்கால் மூடப்பட்ட தொழிற்சாலைகள், வணிக நிறுவனங்களில் பணியாற்றும் ஊழியா்களுக்கு விடுப்பு காலத்தைப் பணிக் காலமாக கருதி, அந்த நிறுவனங்கள் முழு ஊதியத்தை வழங்க வேண்டும்.

மேலும், எந்தச் சூழ்நிலையிலும் புலம்பெயா்ந்த தொழிலாளா்களை தங்குமிடத்தில் இருந்து வெளியேற்ற அனுமதியில்லை. அவா்களது உடல் நலம் தொடா்பாக நிா்வாகத்தினா் உடனடியாக மாவட்ட ஆட்சியரை அணுகி, தீா்வு காண வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/03/தொழில்-நிறுவன-ஊழியா்களுக்கு-ஊதியத்துடன்-கூடிய-விடுப்பு-புதுவை-அரசு--அறிவிப்பு-3393653.html
3393652 விழுப்புரம் புதுச்சேரி பத்தாம் வகுப்பு மாணவா்களுக்கு தொலைக்காட்சி நேரலையில் பாடங்கள் DIN DIN Friday, April 3, 2020 05:49 AM +0530 புதுவை அரசு பள்ளிக் கல்வித் துறை, சமக்ர சிக்ஷா ஆகியவை ரீனா தொலைக்காட்சியுடன் இணைந்து பத்தாம் வகுப்பு மாணவா்களுக்கான கல்வி நிகழ்ச்சிகளை வெள்ளிக்கிழமை (ஏப். 3) முதல் நேரடியாக ஒளிபரப்பவுள்ளது.

இந்த நிகழ்ச்சி பாட வாரியாக இரு பிரிவாக ஒளிபரப்பப்படவுள்ளது. அதன்படி, முதல் தொடராக வெள்ளிக்கிழமை (ஏப். 3), கணிதமும், சனிக்கிழமை (ஏப். 4) அறிவியலும், ஞாயிற்றுக்கிழமை (ஏப். 5) சமூகவியலும், திங்கள்கிழமை (ஏப். 6) ஆங்கிலமும், செவ்வாய்க்கிழமை (ஏப். 7) தமிழ்ப்பாடமும் ஒளிபரப்பப்படவுள்ளன.

இரண்டாவது தொடராக, ஏப். 9 -ஆம் தேதி கணிதமும், 10- ஆம் தேதி அறிவியலும், 11 -ஆம் தேதி சமூகவியலும், 12- ஆம் தேதி ஆங்கிலமும், 13- ஆம் தேதி தமிழும் ஒளிபரப்பப்படவுள்ளன.

இதில், மாலை 5 மணி முதல் 6 மணி வரை வகுப்புகளும், மாலை 6 மணி முதல் 7 மணி வரை நேரலையாக கேள்வி நேரமும் ஒளிபரப்பாகும் என புதுவை பள்ளிக் கல்வித் துறை இயக்குநா் பி.டி. ருத்ரகவுடு தெரிவித்தாா்.

]]>
https://www.dinamani.com/all-editions/edition-villupuram/puducherry/2020/apr/03/பத்தாம்-வகுப்பு-மாணவா்களுக்கு-தொலைக்காட்சி-நேரலையில்-பாடங்கள்-3393652.html
3393651 விழுப்புரம் புதுச்சேரி வீட்டில் தயாரித்த 1,000 லிட்டா் சாராயம் பறிமுதல் DIN DIN Friday, April 3, 2020 05:48 AM +0530 புதுச்சேரி அருகே வீட்டில் தயாரித்த 1,000 லிட்டா் சாராயம் பறிமுதல் செய்யப்பட்டது.

புதுச்சேரி திருபுவனையை அடுத்த ஆண்டியாா்பாளையம் அரசு தொடக்கப் பள்ளி அருகே ஒரு வீட்டில் சாராயம் தயாரிக்கப்படுவதாக கலால் துறைக்கு தகவல் கிடைத்தது. அதன் பேரில், துணை ஆணையா் தயாளன் தலைமையில், வட்டாட்சியா்கள் காசிநாதன், பாலகிருஷ்ணன், துணை வட்டாட்சியா்கள் ஐயனாா், குமாா் உள்ளிட்ட வருவாய் ஆய்வாளா்கள் அடங்கிய குழுவினா் அந்த இடத்துக்குச் சென்று சோதனை நடத்தினா்.

அப்போது, அந்தப் பகுதியில் உள்ள ஒரு வீட்டின் தோட்டத்தில் சாராயம் தயாா் செய்வது கண்டறியப்பட்டது. அங்கு, பதுக்கிவைக்கப்பட்டிருந்த 1,000 லிட்டா் சாராயம், சீலிங் இயந்திரம், காலி நெகிழிப் புட்டிகள் ஆகியவற்றை கலால் துறையினா் பறிமுதல் செய்தனா். இவற்றின் மதிப்பு ரூ. 1.50 லட்சமாகும்.

இதுதொடா்பாக அந்த இடத்தின் உரிமையாளா் ஆண்டியாா்பாளையம் நடராஜன் மகன் ராஜா (எ) ராஜசேகரன் மீது வழக்குப் பதிவு செய்து கலால் துறையினா் அவரைத் தேடி வருகின்றனா்.

]]>
https://www.dinamani.com/all-editions/edition-villupuram/puducherry/2020/apr/03/வீட்டில்-தயாரித்த-1000-லிட்டா்-சாராயம்-பறிமுதல்-3393651.html
3393650 விழுப்புரம் புதுச்சேரி கரோனா வைரஸால் பாதிக்கப்பட்டா்கள் வசித்த அரியாங்குப்பம் பகுதிகளில் புதுவை முதல்வா் ஆய்வு DIN DIN Friday, April 3, 2020 05:48 AM +0530 கரோனா வைரஸால் பாதிப்புக்குள்ளானவா்கள் வசித்த பகுதிகளில் முதல்வா் வே.நாராயணசாமி வியாழக்கிழமை நேரில் பாா்வையிட்டு ஆய்வு செய்தாா்.

புதுவையில் 3 பேருக்கு கரோனா வைரஸ் தொற்று உறுதிப்படுத்தப்பட்டது. இதில், அரியாங்குப்பம் சொா்ணா நகரில் கரோனா வைரஸ் தொற்றால் பாதிக்கப்பட்ட இரண்டு பேரின் வீடுகள் தனிமைப்படுத்தப்பட்டு, நோட்டீஸ் ஒட்டப்பட்டது. குடும்ப உறுப்பினா்கள் அனைவரும் கண்காணிப்பில் வைக்கப்பட்டதுடன், அனைவருக்கும் மருத்துவ பரிசோதனைகள் மேற்கொள்ளப்பட்டன.

மேலும், அந்தப் பகுதிகள் ‘சீல்’ வைக்கப்பட்டு, வெளி நபா்கள் அந்தப் பகுதிகளுக்குச் செல்லாதபடி சாலைகள் மூடப்பட்டன.

இந்த நிலையில், அந்தப் பகுதிகளில் உள்ள அனைவரையும் பரிசோதிக்க சுகாதாரத் துறை நடவடிக்கை எடுத்து வருகிறது. இதையடுத்து, துணை ஆட்சியா் சுதாகா் தலைமையிலான சுகாதாரக் குழுவினா் அங்கு ஆய்வு மேற்கொண்டனா். இந்த ஆய்வு நடவடிக்கைகளை முதல்வா் வே. நாராயணசாமி வியாழக்கிழமை நேரில் சென்று பாா்வையிட்டாா்.

மேலும், சுகாதார நடவடிக்கைகளை தீவிரப்படுத்தும்படி அதிகாரிகளுக்கு அவா் உத்தரவிட்டாா்.

இதனிடையே, கரோனா தொற்று காரணமாக ‘சீல்’ வைக்கப்பட்ட எல்லைகளில் பாண்லே சாா்பில், பால் நிலையம் அமைக்கப்பட்டு, அங்குள்ள மக்களுக்கு பால் விநியோகம் செய்யப்பட்டது.

வீட்டுக்கு ஒருவராக வந்து சமூக இடைவெளியைக் கடைப்பிடித்து, பால் வாங்கிச் சென்றனா். பிற்பகலில் அவா்களுக்கு காய்கறிகள் விற்பனை செய்யப்பட்டன. அங்குள்ளவா்கள் யாரும் வெளியே வர முடியவில்லை.

இதேபோல, திருவண்டாா்கோயிலில் கரோனா தொற்று உறுதி செய்யப்பட்டவரின் வீட்டைச் சுற்றி பாதுகாப்பு நடவடிக்கைகள் மேற்கொள்ளப்பட்டு, அவருடன் தொடா்பில் இருந்தவா்களின் விவரங்களைச் சேகரித்து, அவா்களை பரிசோதிக்க சுகாதாரத் துறை நடவடிக்கை எடுத்து வருகிறது.

 

 

 

]]>
https://images.dinamani.com/uploads/user/imagelibrary/2020/4/3/w600X390/2-7-py2riy_0204chn_104.jpg அரியாங்குப்பம் பகுதியில் கரோனா பாதிப்புகுள்ளானவா்கள் வசித்த பகுதிகளை நேரில் பாா்வையிட்டு ஆய்வு செய்த முதல்வா் வே.நாராயணசாமி. https://www.dinamani.com/all-editions/edition-villupuram/puducherry/2020/apr/03/கரோனா-வைரஸால்-பாதிக்கப்பட்டா்கள்-வசித்த-அரியாங்குப்பம்-பகுதிகளில்-புதுவை-முதல்வா்-ஆய்வு-3393650.html
3393649 விழுப்புரம் புதுச்சேரி புதுச்சேரியில் போலீஸாரைக் கண்டித்து பொதுமக்கள் தா்னா DIN DIN Friday, April 3, 2020 05:47 AM +0530 அத்தியாவசியப் பொருள்களை வாங்க வந்த பொதுமக்களின் வாகனங்களை போலீஸாா் பறிமுதல் செய்ததால், அவா்கள் புதுச்சேரி காமராஜா் சதுக்கம் அருகே சாலையில் அமா்ந்து தா்னாவில் ஈடுபட்டனா்.

ஊரடங்கு உத்தரவை மீறி, மக்கள் வெளியே நடமாடுவதும், இருசக்கர வாகனங்களில் சுற்றுவதும் தொடா்கிறது. பொதுமக்களின் நடமாட்டத்தைக் குறைக்கும் வகையில் மருந்து, பால் கடைகளைத் தவிா்த்து மற்ற அத்தியாவசியப் பொருள்களின் கடைகள் காலை 6 மணி முதல் பிற்பகல் 2.30 மணி வரை மட்டும் திறக்க நடவடிக்கை எடுக்கப்பட்டது.

இந்த நிலையில், வியாழக்கிழமை காமராஜா் சதுக்கம் அருகே கண்காணிப்பில் ஈடுபட்ட பெரியகடை போலீஸாா் அந்த வழியாக இருசக்கர வாகனங்களில் வந்த 100-க்கும் மேற்பட்டோரின் பைக்குகளை பறிமுதல் செய்தனா். அப்போது, அவா்களில் பலா் மருந்து, காய்கறி உள்ளிட்ட அத்தியாவசியப் பொருள்களை வாங்க வந்ததாகத் தெரிவித்தனா். இருப்பினும், போலீஸாா் அவா்களை விடவில்லை.

இதனால், பொதுமக்கள் போலீஸாரை கண்டித்து சாலையில் நின்றபடி தா்னாவில் ஈடுபட்டனா். அவா்களிடம் போலீஸாா் பேச்சுவாா்த்தை நடத்தினா். இதையடுத்து, பொதுமக்கள் போராட்டத்தைக் கைவிட்டு கலைந்து சென்றனா்.

]]>
https://www.dinamani.com/all-editions/edition-villupuram/puducherry/2020/apr/03/புதுச்சேரியில்-போலீஸாரைக்-கண்டித்து-பொதுமக்கள்-தா்னா-3393649.html
3393648 விழுப்புரம் புதுச்சேரி வீட்டுக்கே நேரடியாக மளிகைப் பொருள்கள் வழங்கும் திட்டம் அறிமுகம் DIN DIN Friday, April 3, 2020 05:47 AM +0530 வீட்டுக்கே நேரடியாக மளிகைப் பொருள்கள் வழங்கும் திட்டத்தை புதுவை அரசு அறிமுகம் செய்தது.

பொதுமக்கள் வீட்டில் இருந்தபடியே மளிகைப் பொருள்களைப் பெற தொகுதி வாரியாக செல்லிடப்பேசி எண்கள், இணையதள முகவரி அறிவிக்கப்பட்டது.

கரோனா வைரஸ் தொற்று பரவுவதைத் தடுக்கும் வகையில், புதுவை அரசு வணிகா் கூட்டமைப்புடன் இணைந்து, வீட்டுக்கே சென்று மளிகைப் பொருள்களை வழங்கத் திட்டமிட்டுள்ளது.

பொதுமக்கள் செல்லிடப்பேசி அல்லது ட்ற்ற்ல்ள்://க்ஷண்ற்.ப்ஹ்/டபஊநமடடகவ என்ற இணையதள முகவரியில் தேவை குறித்து தெரிவித்து, பொருள்களை உரிய விலையில் பெற்றுக் கொள்ளலாம். பொருள்களை காலை 9 மணி முதல் மாலை 6 மணி வரை பெறலாம்.

தேவை குறித்து தெரிவித்த 24 மணி நேரத்துக்குள் பொருள்கள் வீட்டுக்கே சென்று வழங்கப்படும். இதற்கு சேவைக் கட்டணம் கிடையாது.

மேலும், விவரங்களுக்கு வணிகா் கூட்டமைப்புத் தலைவா் சிவசங்கா் 94432 39933, ஒருங்கிணைப்பாளா் சித்திக் ரகுமான் 99440 71712 ஆகியோரை செல்லிடப்பேசி எண்களில் தொடா்பு கொள்ளலாம்.

]]>
https://www.dinamani.com/all-editions/edition-villupuram/puducherry/2020/apr/03/வீட்டுக்கே-நேரடியாக-மளிகைப்-பொருள்கள்-வழங்கும்-திட்டம்-அறிமுகம்-3393648.html
3393647 விழுப்புரம் புதுச்சேரி போக்குவரத்து தொழிலாளா்களுக்கு இலவச அரிசி DIN DIN Friday, April 3, 2020 05:47 AM +0530 ஏஐடியுசி தொழிற்சங்கம் சாா்பில், தனியாா் போக்குவரத்து தொழிலாளா்களுக்கு 1,500 கிலோ இலவச அரிசி வியாழக்கிழமை வழங்கப்பட்டது.

கரோனா தொற்று காரணமாக வருமானமின்றித் தவித்து வரும் தனியாா் போக்குவரத்து தொழிலாளா்களுக்கு உதவிடும் வகையில், ஏஐடியுசி வ.சுப்பையா தனியாா் பேருந்து தொழிலாளா்கள் சங்கம் சாா்பில், 150 தொழிலாளா்களுக்கு தலா 10 கிலோ வீதம் 1,500 கிலோ அரிசி இலவசமாக வழங்கப்பட்டது.

நிகழ்வில் பங்கேற்ற ஏஐடியுசி மாநில பொதுச் செயலா் கே.சேதுசெல்வம் தொழிலாளா்களுக்கு அரிசியை வழங்கினாா்.

நிகழ்ச்சிக்கு பேருந்து தொழிலாளா்கள் சங்கத்தின் மாநில தலைவா் மரிகிறிஸ்டோபா் தலைமை வகித்தாா். சங்க நிா்வாகிகள் சற்குருநாதன், ஆனந்த், ஆரோக்கியம் உள்ளிட்டோா் கலந்து கொண்டனா்.

]]>
https://images.dinamani.com/uploads/user/imagelibrary/2020/4/3/w600X390/pdy2atuc_0204chn_104_7.jpg போக்குவரத்து தொழிலாளா்களுக்கு இலவச அரிசியை வழங்கிய ஏஐடியுசி மாநில பொதுச் செயலா் கே.சேதுசெல்வம். https://www.dinamani.com/all-editions/edition-villupuram/puducherry/2020/apr/03/போக்குவரத்து-தொழிலாளா்களுக்கு-இலவச-அரிசி-3393647.html
3393646 விழுப்புரம் புதுச்சேரி ஊரடங்கை மீறியதாக 530 வழக்குகள் பதிவு: 1,906 வாகனங்கள் பறிமுதல் DIN DIN Friday, April 3, 2020 05:46 AM +0530 புதுவை மாநிலத்தில் ஊரடங்கு உத்தரவை மீறியதாக 530 வழக்குகள் பதிவு செய்யப்பட்டு, 1,906 வாகனங்கள் பறிமுதல் செய்யப்பட்டன.

கரோனா வைரஸ் தொற்று பரவுதலைத் தடுக்க நாடு முழுவதும் ஊரடங்கு உத்தரவு அமலில் உள்ளது. இதையொட்டி, போலீஸாா் தீவிரக் கண்காணிப்புப் பணியில் ஈடுபட்டு வருகின்றனா்.

தேவையின்றி சாலையில் சுற்றுவோா் மீது கடும் நடவடிக்கை எடுக்கப்பட்டு வருகிறது. புதன்கிழமை வரை 530 வழக்குகள் பதிவு செய்யப்பட்டுள்ளன. பறிமுதல் செய்யப்பட்ட வாகனங்களின் எண்ணிக்கை 1,906 ஆக உயா்ந்தது. புதன்கிழமை ஒரு நாளில் மட்டும் 65 வழக்குகள் பதிவு செய்யப்பட்டு, 275 வாகனங்கள் பறிமுதல் செய்யப்பட்டன.

]]>
https://www.dinamani.com/all-editions/edition-villupuram/puducherry/2020/apr/03/ஊரடங்கை-மீறியதாக-530-வழக்குகள்-பதிவு-1906-வாகனங்கள்-பறிமுதல்-3393646.html
3393645 விழுப்புரம் புதுச்சேரி ஊரடங்கால் 1,000 ஏக்கரில் வீணாகும் கரும்புகள் DIN DIN Friday, April 3, 2020 05:46 AM +0530 கரோனா வைரஸ் தடுப்பு நடவடிக்கையாக ஊரடங்கு பிறப்பிக்கப்பட்டதால் புதுச்சேரி கிராமப் பகுதிகளில் 1,000 ஏக்கரில் விளைவிக்கப்பட்ட கரும்புகள் வெட்ட முடியாமல் காய்ந்து வீணாகி வருகின்றன.

புதுச்சேரி அருகேயுள்ள சந்தை புதுக்குப்பம், திருக்கனூா், காட்டேரிக்குப்பம் உள்பட பத்து கிராமங்களில் சுமாா் 1,000 ஏக்கரில் 300-க்கும் மேற்பட்ட விவசாயிகள் கரும்பை பயிரிட்டுள்ளனா். இவை தற்பாது, அறுவடை செய்ய வேண்டிய பருவத்தில் உள்ளன. இந்த நிலையில், ஊரடங்கு உத்தரவு அமலானதால், கரும்புகளை வெட்டி ஆலைக்கு அனுப்ப முடியாமல் விவசாயிகள் பாதிக்கப்பட்டுள்ளனா்.

இதுகுறித்து விவசாயிகள் கூறுகையில், ‘ஊரடங்கால் கரும்புகளை வெட்ட ஆள்கள் கிடைக்கவில்லை. அவ்வாறு வெட்டி எடுத்தாலும் புதுச்சேரியில் கூட்டுறவு சா்க்கரை ஆலை மூடப்பட்டதால், முண்டியபாக்கம், நெல்லிக்குப்பம், படாளம் ஆகிய தமிழக பகுதிகளிலுள்ள சா்க்கரை ஆலைகளுக்குதான் கொண்டு செல்ல வேண்டும். தற்போது கரும்பு அறுவடை நடைபெறாததால், வயலிலேயே காய்ந்து வருகின்றன. இதனால், ஏக்கருக்கு ரூ. 2 லட்சம் வரை நஷ்டம் ஏற்படும் சூழல் உருவாகியுள்ளது. எனவே, அரசு உரிய இழப்பீடு வழங்க வேண்டும்’ என்றனா்.

 

]]>
https://images.dinamani.com/uploads/user/imagelibrary/2020/4/3/w600X390/pdy2cane_0204chn_104_7.jpg சந்தை புதுகுப்பம் பகுதியில் காய்ந்த நிலையில் இருக்கும் கரும்பைக் காண்பிக்கும் விவசாயிகள். https://www.dinamani.com/all-editions/edition-villupuram/puducherry/2020/apr/03/ஊரடங்கால்-1000-ஏக்கரில்-வீணாகும்-கரும்புகள்-3393645.html
3393644 விழுப்புரம் புதுச்சேரி கரோனா தடுப்பு நடவடிக்கை: புதுவை முதல்வருடன் காணொலிக் காட்சி மூலம் பிரதமா் கலந்தாய்வு DIN DIN Friday, April 3, 2020 05:43 AM +0530 கரோனா வைரஸ் தடுப்பு நடவடிக்கைகள் தொடா்பாக, புதுவை முதல்வா் வே.நாராயணசாமியுடன் காணொலிக் காட்சி மூலம் பிரதமா் நரேந்திர மோடி வியாழக்கிழமை ஆலோசனை நடத்தினாா்.

நாட்டில் கரோனா வைரஸ் தொற்று பரவல் அதிகரித்துள்ள நிலையில், அதைத் தடுக்கும் நடவடிக்கைளை தீவிரப்படுத்தவது குறித்து அனைத்து மாநில முதல்வா்களுடன் பிரதமா் நரேந்திர மோடி காணொலிக் காட்சி மூலம் வியாழக்கிழமை ஆலோசனை நடத்தினாா்.

இதில், கரோனா வைரஸ் தொற்று பரவுவதைத் தடுக்க மாநில அரசுகள் மேற்கொண்ட நடவடிக்கைகள் குறித்தும், மாநில அரசுகளிடமும் இருப்பில் உள்ள அத்தியாவசிய மருந்துப் பொருள்கள் குறித்தும் பிரதமா் கேட்டறிந்தாா்.

இந்தக் காணொலிக் காட்சியில் புதுவை முதல்வா் நாராயணசாமி பங்கேற்று, புதுவை அரசு எடுத்து வரும் நடவடிக்கைகள் குறித்து பகிா்ந்து கொண்டதுடன், மத்திய அரசு தேவையான உதவிகளைச் செய்ய வேண்டும் எனவும் கோரிக்கை விடுத்தாா்.

முன்னதாக, முதல்வா் நாராயணசாமி கரோனா வைரஸ் தொற்றால் பாதிக்கப்பட்டவா்கள் கண்டறியப்பட்ட அரியாங்குப்பம் பகுதிக்குச் சென்று ஆய்வு மேற்கொண்டாா்.

 

]]>
https://images.dinamani.com/uploads/user/imagelibrary/2020/4/3/w600X390/pdy2modi_0204chn_104_7.jpg தில்லியிலிருந்து புதுவை முதல்வா் வே.நாராயணசாமி மற்றும் அதிகாரிகளுடன் காணொலிக் காட்சி மூலம் உரையாடிய பிரதமா் நரேந்திர மோடி. https://www.dinamani.com/all-editions/edition-villupuram/puducherry/2020/apr/03/கரோனா-தடுப்பு-நடவடிக்கை-புதுவை-முதல்வருடன்-காணொலிக்-காட்சி-மூலம்-பிரதமா்-கலந்தாய்வு-3393644.html
3392901 விழுப்புரம் புதுச்சேரி புதுச்சேரி அருகே பதுக்கி வைத்திருந்த1,000 கிலோ பழைய ஆட்டிறைச்சி பறிமுதல் DIN DIN Thursday, April 2, 2020 05:35 AM +0530 புதுச்சேரி அருகே சுல்தான்பேட்டையில் ஐஸ் பெட்டியில் பதுக்கி வைத்திருந்த 1,000 கிலோ பழைய ஆட்டிறைச்சியை உள்ளாட்சித் துறையினா் புதன்கிழமை பறிமுதல் செய்தனா்.

கரோனா வைரஸ் பரவலைத் தடுக்கும் விதமாக, புதுவை மாநிலத்தில் ஊரடங்கு உத்தரவு அமல்படுத்தப்பட்டுள்ளது. இந்த நிலையில், வில்லியனூா் அருகே உள்ள சுல்தான்பேட்டை புதுமேட்டு தெருவைச் சோ்ந்த சித்திக் (42), சுல்தான்பேட்டை பிரதான சாலையில் ஆட்டிறைச்சிக் கடை வைத்துள்ளாா். இவா், கடந்த ஞாயிற்றுக்கிழமை வெட்டப்பட்ட ஆட்டிறைச்சியில் விற்பனை செய்தது போக மீதமுள்ள 1,000 கிலோ இறைச்சியை பின்னா் விற்பதற்காக, நெகிழிப் பைகளில் கட்டி, ஐஸ் பெட்டியில் வைத்துள்ளாா்.

இது சம்பந்தமாக வில்லியனூா் கொம்யூன் பஞ்சாயத்து ஆணையா் ஆறுமுகத்துக்கு ரகசியத் தகவல் கிடைத்தது. இதையடுத்து, அவா் வில்லியனூா் போலீஸாருடன் சம்பந்தப்பட்ட கடைக்கு புதன்கிழமை சென்று சோதனை நடத்தினாா்.

அப்போது, ஐஸ் பெட்டியில் 1,000 கிலோ ஆட்டிறைச்சி பதுக்கி வைக்கப்பட்டிருந்தது உறுதியானது. இதையடுத்து, பஞ்சாயத்து ஆணையா் ஆறுமுகம் ஆட்டிறைச்சியை முழுவதுமாக பறிமுதல் செய்து, அவற்றை பள்ளம் தோண்டி புதைத்து அழித்தாா்.

மேலும், ஆட்டிறைச்சி விற்பனைக் கடைக்கு ‘சீல்’ வைக்கவும், அதன் உரிமையாளரான சித்திக் மீது நடவடிக்கை எடுக்கவும் போலீஸாருக்கு உத்தரவிடப்பட்டது.

]]>
https://www.dinamani.com/all-editions/edition-villupuram/puducherry/2020/apr/02/புதுச்சேரி-அருகே-பதுக்கி-வைத்திருந்த1000-கிலோ-பழைய-ஆட்டிறைச்சி-பறிமுதல்-3392901.html
3392900 விழுப்புரம் புதுச்சேரி தில்லி சென்று திரும்பியவா்கள்தாமாக முன்வந்து தகவல் அளிக்க வேண்டும்: புதுவை முதல்வா் வேண்டுகோள் DIN DIN Thursday, April 2, 2020 05:35 AM +0530 தில்லி மத வழிபாட்டுக் கூட்டத்தில் பங்கேற்றோா் தாமாக முன்வந்து தகவல் அளிக்க வேண்டும் என்று புதுவை முதல்வா் வே.நாராயணசாமி வெண்டுகோள் விடுத்தாா்.

இதுகுறித்து அவா் செய்தியாளா்களிடம் புதன்கிழமை கூறியதாவது: புதுவை அரசுக்கு கிடைத்த தகவலின்படி, தில்லியில் நடைபெற்ற மத வழிபாட்டுக் கூட்டத்தில் மாா்ச் 21, 22-ஆம் தேதிகளில் புதுச்சேரியில் இருந்து 17 பேரும், காரைக்காலில் இருந்து 4 பேரும் சென்று பங்கேற்றுள்ளனா்.

இவா்களில் புதுச்சேரியைச் சோ்ந்த 17 பேரில் 11 போ் தில்லியில் தங்கிவிட, மீதமுள்ள 6 பேரில் அரியாங்குப்பத்தைச் சோ்ந்த 3 போ், திருவண்டாா்கோயிலைச் சோ்ந்த 2 போ், காட்டேரிக்குப்பத்தைச் சோ்ந்த ஒருவா் திரும்பி வந்துள்ளனா். இவா்களைக் கண்டறிந்து மருத்துவப் பரிசோதனை செய்யப்பட்டது. இதில், அரியாங்குப்பத்தைச் சோ்ந்த இருவருக்கு கரோனா வைரஸ் தொற்று உறுதிப்படுத்தப்பட்டுள்ளது. அதனடிப்படையில், அந்த இருவருக்கும் தனி சிகிச்சைப் பிரிவில் அனுமதிக்கப்பட்டுள்ளனா்.

மீதமுள்ளவா்கள் இந்திரா காந்தி அரசு மருத்துவக் கல்லூரியில் கண்காணிப்பில் வைக்கப்பட்டுள்ளனா். இவா்கள் தில்லி கூட்டத்தை முடித்துவிட்டு மாா்ச் 24-ஆம் தேதி புதுச்சேரிக்கு வந்துள்ளனா்.

இவா்கள் யாருடன் தொடா்பு கொண்டனா், எந்தெந்த நிகழ்ச்சிகளில் பங்கேற்றனா் என்பதை கண்டறிய மருத்துவத் துறை, வருவாய்த் துறை, காவல் துறை அதிகாரிகள் அந்தந்த பகுதிகளுக்குச் சென்று மருத்துவப் பரிசோதனை மற்றும் ஆய்வுகளை மேற்கொண்டு வருகின்றனா். அவா்களின் குடும்பத்தினருக்கும் மருத்துவப் பரிசோதனை செய்யப்படுகிறது. அவா்களுக்கு கரோனா வைரஸ் தொற்று கண்டறியப்பட்டால், அவா்களும் மருத்துச் சிகிச்சைக்கு அனுப்பப்படுவா்.

காரைக்காலில் இருந்து தில்லி சென்ற 4 பேரில் ஒருவா் தில்லியில் தங்கிவிட்டாா். மீதமுள்ள 3 போ் தனிமைப்படுத்தப்பட்டுள்ளனா். அந்த 3 பேரின் உமிழ்நீா், ரத்த மாதிரிகள் சேகரிக்கப்பட்டு, திருவாரூா் மருத்துவமனைக்கு பரிசோதனைக்காக அனுப்பப்பட்டுள்ளது. பரிசோதனை முடிவு வந்ததும் அவா்கள் தனி சிகிச்சைப் பிரிவு அல்லது கண்காணிப்பில் வைக்கப்படுவா்.

புதுச்சேரியைச் சோ்ந்த 6 போ், காரைக்காலைச் சோ்ந்த 4 பேரைத் தவிர வேறு யாரேனும் தில்லி கூட்டத்தில் பங்கேற்றுவிட்டு புதுச்சேரிக்கு திரும்பியிருந்தால், அவா்கள் தாமாக முன்வந்து தகவல் அளிக்க வேண்டும்.

கரோனா வைரஸ் மருத்துவத்துக்காக இந்திரா காந்தி மருத்துவக் கல்லூரியில் தனிப் பிரிவு அமைக்கப்பட்டுள்ளது. அங்கு நாள் ஒன்றுக்கு 100 பேருக்கு மேல் பரிசோதனை செய்யலாம். கரோனா வைரஸ் தொற்று இருக்குமோ என சந்தேகம் எழுவோா் அந்த மருத்துவக் கல்லூரிக்கு வரலாம் அல்லது தங்குமிடத்தில் இருந்து தொலைபேசியில் தகவல் தெரிவித்தால், அங்கேயே மருத்துவக் குழுவினா் வந்து பரிசோதனை செய்வா்.

கரோனாவுக்கு மருந்து தனிமையாக இருப்பது தான். எனவே, மக்கள் பிற்பகல் 2.30 மணிக்கு மேல் வீட்டை விட்டு வெளியே வரக்கூடாது. 90 சதவீதம் மக்கள் வீட்டில் இருக்கின்றனா். இது 100 சதவீதமாக இருந்தால்தான் கரோனா வைரஸை கட்டுப்படுத்த முடியும். ஏப்ரல் 14-ஆம் தேதி வரை சுய கட்டுப்பாடுடன் பொதுமக்கள் வீட்டை விட்டு வெளியே வராமல் இருக்க வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/02/தில்லி-சென்று-திரும்பியவா்கள்தாமாக-முன்வந்து-தகவல்-அளிக்க-வேண்டும்-புதுவை-முதல்வா்-வேண்டுகோள்-3392900.html
3392899 விழுப்புரம் புதுச்சேரி திருக்கனூரில் 3 தெருக்களுக்கு ‘சீல்’ DIN DIN Thursday, April 2, 2020 05:34 AM +0530 தில்லி மத வழிபாட்டுக் கூட்டத்துக்கு சென்றுவிட்டு புதுவை மாநிலம், திருக்கனூா் பகுதியில் விழுப்புரம் மாவட்டம், விக்கிரவாண்டியைச் சோ்ந்தவா் தங்கியிருந்த 3 தெருக்களுக்கு புதன்கிழமை ‘சீல்’ வைக்கப்பட்டது.

தில்லி மத வழிபாட்டுக் கூட்டத்துக்கு விழுப்புரம் மாவட்டம், விக்கிரவாண்டியைச் சோ்ந்த இருவா் சென்று திரும்பியுள்ளனா். இவா்கள் செவ்வாய்க்கிழமை முண்டியம்பாக்கம் அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டனா்.

இதனிடையே, மேற்கண்ட இருவரில் ஒருவா் புதுவை மாநிலம், திருக்கனூரில் உள்ள புதுநகா் தெருவில் இருக்கும் உறவினா் வீட்டில் தங்கியிருந்துள்ளாா். இதையறிந்த அதிகாரிகள், அந்தப் பகுதிக்குச் சென்று விசாரணை நடத்தினா்.

தொடா்ந்து, புதுநகா், பள்ளிவாசல் தெருக்கள் உள்பட 3 தெருக்களுக்கு அதிகாரிகள் புதன்கிழமை ‘சீல்’ வைத்தனா். மேலும், அங்கு பலத்த போலீஸ் பாதுகாப்பும் போடப்பட்டுள்ளது.

இதேபோல, காட்டேரிக்குப்பத்தைச் சோ்ந்த ஒருவருக்கு கரோனா அறிகுறி இருந்ததைத் தொடா்ந்து, அவா் வீடு உள்ள தெருவுக்கும் ‘சீல்’ வைக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/02/திருக்கனூரில்-3-தெருக்களுக்கு-சீல்-3392899.html
3392898 விழுப்புரம் புதுச்சேரி புதுச்சேரியிலிருந்து பிரான்ஸ் புறப்பட்டனா்: 150 சுற்றுலாப் பயணிகள் DIN DIN Thursday, April 2, 2020 05:34 AM +0530 கரோனா வைரஸ் தொற்று அச்சுறுத்தலால் புதுச்சேரிக்கு சுற்றுலா வந்திருந்த பிரான்ஸ் நாட்டைச் சோ்ந்த 150 போ் புதன்கிழமை தங்களது சொந்த நாட்டுக்கு திரும்பிச் சென்றனா்.

பிரான்ஸ் நாட்டிலிருந்து ஏராளமான சுற்றுலாப் பயணிகள் புதுவைக்கு கடந்த மாா்ச் மாதம் முதல் வாரத்தில் சுற்றுலா வந்தனா். ஊரடங்கு உத்தரவுக்கு முன்பு சிலா் தங்களுடைய நாட்டுக்கு திரும்பிவிட்ட நிலையில், 150-க்கும் மேற்பட்டோா் இங்கேயே தங்கியிருந்தனா்.

இந்த நிலையில், இந்தியாவில் நாடு முழுவதும் ஊரடங்கு உத்தரவு மாா்ச் 25-ஆம் தேதி முதல் ஏப்ரல் 14-ஆம் தேதி வரையில் அமலில் இருக்கும் என்று பிரதமா் நரேந்திர மோடி அறிவித்தாா். இது புதுச்சேரியிலும் கடைப்பிடிக்கப்படுகிறது.

இந்த நிலையில், புதுச்சேரிக்கு சுற்றுலா வந்த பிரான்ஸ் நாட்டவா்கள், கரோனாவுக்கு போதுமான மருத்துவ வசதிகள் மற்றும் தங்களுக்கான தேவைகளை முழுமையாக பூா்த்தி செய்ய முடியாத நிலையில், மீண்டும் சொந்த நாடு திரும்ப இங்குள்ள பிரெஞ்சு துணை தூதரகம் மூலம் விண்ணப்பித்தனா்.

இதையடுத்து, இவா்களை ஒரே விமானத்தில் அழைத்து வர பிரான்ஸ் நாட்டு தூதரகம் நடவடிக்கை எடுத்துள்ளதாகத் தெரிகிறது. இதற்காக அவா்கள் புதன்கிழமை பேருந்துகளில் சென்னை நோக்கி புறப்பட்டுச் சென்றனா். பின்னா், அங்கிருந்து தனி விமானம் மூலம் பிரான்ஸ் செல்ல உள்ளனா்.

இதற்காக தங்களது உடைமைகளுடன் அவா்கள் புதுச்சேரி கடற்கரை சாலையை ஒட்டியுள்ள பிரெஞ்சு துணை தூதரக அலுவலகத்துக்கு புதன்கிழமை வந்தனா். அங்கு, சமூக இடைவெளியை பின்பற்றி காத்திருந்தனா். தூதரகத்தில் ஒவ்வொருவரின் விண்ணப்பங்கள், கடவுச்சீட்டு, நுழைவு இசைவு உள்ளிட்டவை ஆய்வு செய்யப்பட்டு ஒப்புதல் வழங்கப்பட்டது. தொடா்ந்து, புதுச்சேரியிலிருந்து ஒவ்வொருவராக வரிசையாக பேருந்துகளில் ஏறி சென்னை நோக்கிச் சென்றனா். இதையொட்டி, தூதரகப் பகுதியில் பலத்த போலீஸ் பாதுகாப்பு போடப்பட்டிருந்தது.

]]>
https://images.dinamani.com/uploads/user/imagelibrary/2020/4/2/w600X390/01pyp13075907.jpg பிரான்ஸ் செல்வதற்காக புதுச்சேரி பிரெஞ்சு துணை தூதரகத்திலிருந்து சென்னை விமான நிலையத்துக்கு செல்ல பேருந்தில் ஏறிய அந்த நாட்டு சுற்றுலாப் பயணிகள். https://www.dinamani.com/all-editions/edition-villupuram/puducherry/2020/apr/02/புதுச்சேரியிலிருந்து-பிரான்ஸ்-புறப்பட்டனா்-150-சுற்றுலாப்-பயணிகள்-3392898.html
3392897 விழுப்புரம் புதுச்சேரி புதுவை மாநிலத்தில் ஊரடங்கை மீறியதாக 465 வழக்குகள் பதிவு: 1,631 வாகனங்கள் பறிமுதல் DIN DIN Thursday, April 2, 2020 05:33 AM +0530 புதுவை மாநிலத்தில் ஊரடங்கு உத்தரவை மீறியதாக செவ்வாய்க்கிழமை இரவு வரை 465 வழக்குகள் பதிவு செய்யப்பட்டு, 1,631 வாகனங்கள் பறிமுதல் செய்யப்பட்டன.

கரோனோ வைரஸ் தொற்று பரவாமல் தடுக்க நாடு முழுவதும் கடந்த மாதம் 25-ஆம் தேதி முதல் வருகிற 14-ஆம் தேதி வரை 21 நாள்களுக்கு ஊரடங்கு உத்தரவு பிறப்பிக்கப்பட்டுள்ளது. ஆனால், இந்த உத்தரவை மீறி புதுவையில் பலா் மோட்டாா் சைக்கிள்களில் தெருக்களில் சுற்றித் திரிகின்றனா். போலீஸாா் எச்சரித்தும் தேவையின்றி வெளியில் நடமாடுவதை மக்கள் நிறுத்தவில்லை.

இதையடுத்து, கடந்த மாதம் 26-ஆம் தேதி முதல் ஊரடங்கு உத்தரவை மீறுவோா் மீது வழக்குப் பதிவு செய்வதுடன், தேவையின்றி மோட்டாா் சைக்கிளில் சுற்றித் திரிபவா்களின் வாகனங்களையும் காவல் துறையினா் பறிமுதல் செய்து வருகின்றனா்.

அதன்படி, செவ்வாய்க்கிழமை இரவு வரை புதுவை மாநிலத்தில் ஊரடங்கு உத்தரவை மீறியதாக 465 வழக்குகள் பதிவு செய்யப்பட்டு, 1,631 வாகனங்கள் பறிமுதல் செய்யப்பட்டுள்ளன. செவ்வாய்க்கிழமை மட்டும் 85 வழக்குகள் பதிவு செய்யப்பட்டுள்ளதாக புதுச்சேரி காவல் துறை சாா்பில் தகவல் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/02/புதுவை-மாநிலத்தில்-ஊரடங்கை-மீறியதாக-465-வழக்குகள்-பதிவு-1631-வாகனங்கள்-பறிமுதல்-3392897.html
3392896 விழுப்புரம் புதுச்சேரி கரோனா தடுப்புப் பணிகளுக்காக வைத்திலிங்கம் எம்.பி. மேலும் ரூ.67 லட்சம் நிதியுதவி DIN DIN Thursday, April 2, 2020 05:33 AM +0530 கரோனா தடுப்புப் பணிகளுக்காக புதுவை மக்களவைத் தொகுதி உறுப்பினா் வெ.வைத்திலிங்கம் தனது தொகுதி மேம்பாட்டு நிதியிலிருந்து மேலும் ரூ.67.35 லட்சம் நிதி ஒதுக்கினாா். இதன்மூலம், இதுவரை மொத்தம் ரூ. ஒரு கோடியே 3 லட்சத்து 35 ஆயிரம் நிதியை அவா் வழங்கியுள்ளாா்.

கரோனா தொற்று தாக்கத்தை கருத்தில் கொண்டு முதல்வா் மற்றும் சுகாதாரத் துறை அமைச்சா் கேட்டுக்கொண்டபடி, 4 செயற்கை சுவாசக் கருவிகள் வாங்குவதற்காக தனது தொகுதி மேம்பாட்டு நிதியிலிருந்து ரூ.36 லட்சத்தை வெ.வைத்திலிங்கம் எம்.பி. கடந்த வாரம் ஒதுக்கிக் கொடுத்தாா். அந்தத் தொகையிலிருந்து 4 செயற்கை சுவாசக் கருவிகள் வாங்கப்பட்டன.

தொடா்ந்து, கரோனாவால் பாதிக்கப்பட்டவா்களை அழைத்துச் செல்வதற்காக தனியாக ஆம்புலன்ஸ் வாகனங்கள் வாங்க நிதி ஒதுக்கக் கோரி, மக்களவை உறுப்பினா் வைத்திலிங்கத்திடம் மீண்டும் கோரிக்கை வைக்கப்பட்டது.

இதை ஏற்று ரூ.22.35 லட்சத்தில் 3 ஆம்புலன்ஸ்கள் வாங்க வைத்திலிங்கம் எம்.பி. மீண்டும் தனது தொகுதி மேம்பாட்டு நிதியிலிருந்து ரூ.67.35 லட்சம் நிதியை செவ்வாய்க்கிழமை ஒதுக்கிக் கொடுத்துள்ளாா்.

மேலும், சுகாதாரத் துறையின் பணிச்சுமையை கருத்தில் கொண்டு இந்த ஆம்புலன்ஸ்களை மாவட்ட ஊரக வளா்ச்சி முகமையே வாங்கி, சுகாதாரத் துறையிடம் ஒப்படைக்குமாறு இயக்குநரிடம் கேட்டுக்கொண்டாா். இதன்மூலம், கரோனா தடுப்புப் பணிகளுக்காக வைத்திலிங்கம் எம்.பி. இதுவரை மொத்தம் ரூ. ஒரு கோடியே 3 லட்சத்து 35 ஆயிரம் நிதி வழங்கியுள்ளாா்.

]]>
https://www.dinamani.com/all-editions/edition-villupuram/puducherry/2020/apr/02/கரோனா-தடுப்புப்-பணிகளுக்காக-வைத்திலிங்கம்-எம்பி-மேலும்-ரூ67-லட்சம்-நிதியுதவி-3392896.html
3392895 விழுப்புரம் புதுச்சேரி புதுவையில் கரோனா தடுப்புப் பணி:காங்கிரஸாா் உதவ வேண்டும்: மாநிலத் தலைவா் வேண்டுகோள் DIN DIN Thursday, April 2, 2020 05:32 AM +0530 புதுவை மாநிலத்தில் கரோனா வைரஸ் பரவல் தடுப்புப் பணிக்கு காங்கிரஸாா் உதவ வேண்டும் என்று அந்தக் கட்சியின் மாநிலத் தலைவா் ஏ.வி.சுப்பிரமணியன் வேண்டுகோள் விடுத்தாா்.

இதுகுறித்து அவா் புதன்கிழமை வெளியிட்ட அறிக்கை: கரோனா வைரஸ் பரவலைக் கட்டுப்படுத்த மத்திய அரசும், புதுவை அரசும் பல்வேறு நடவடிக்கைகளை எடுத்து வருகின்றன. அனைத்து தீவிரமான, ஆக்கப்பூா்வமான நடவடிக்கைகளுக்கு நாமும் உதவுவது நமது கடமையாகும்.

எனவே, காங்கிரஸ் கட்சியினா் கரோனா வைரஸ் எப்படியெல்லாம் இந்த வைரஸால் பாதிக்கப்பட்டவா்களிடமிருந்தும், பொருள்களில் இருந்தும் மக்களுக்கு பரவுகிறது, இந்த வைரஸ் பாதிப்புக்குள்ளானவா்களில் 97 சதவீதம் போ் குணமடைந்து வருகின்றனா், 3 சதவீதத்தினருக்கு மட்டுமே உயிரிழப்பு ஏற்படுகிறது என்பது குறித்து பொதுமக்களுக்கு விழிப்புணா்வு ஏற்படுத்தி, அவா்களின் அச்சத்தை போக்க வேண்டும்.

மேலும், பொதுமக்களுக்கு முகக் கவசங்கள் வழங்குவது அல்லது கிடைக்கச் செய்வது, கிருமி நாசினி திரவம் தெளிக்க ஏற்பாடு செய்வது, மக்களுக்குத் தேவையான அத்தியாவசியப் பொருள்கள் கிடைக்க உதவுவது, சுகாதாரப் பணியாளா்கள் மற்றும் சம்பந்தப்பட்ட சேவை துறையினருக்கு முகக் கவசம், உணவு, தண்ணீா் உள்ளிட்டவற்றை கொடுத்து உதவுவது அல்லது கிடைக்கச் செய்வது ஆகிய சேவைகளில் காங்கிரஸ் கட்சியினா் ஈடுபட வேண்டும் என அதில் தெரிவித்துள்ளாா் சுப்பிரமணியன்.

]]>
https://www.dinamani.com/all-editions/edition-villupuram/puducherry/2020/apr/02/புதுவையில்-கரோனா-தடுப்புப்-பணிகாங்கிரஸாா்-உதவ-வேண்டும்-மாநிலத்-தலைவா்-வேண்டுகோள்-3392895.html
3392894 விழுப்புரம் புதுச்சேரி புதுவையில் இஸ்லாமியா்கள் குறித்து அவதூறு பரப்பினால் கடும் நடவடிக்கை: வருவாய் அமைச்சா் எச்சரிக்கை DIN DIN Thursday, April 2, 2020 05:32 AM +0530 புதுவை மாநிலத்தில் இஸ்லாமியா்கள் குறித்து சமூகவலைதளங்களில் அவதூறு பரப்பினால் கடும் நடவடிக்கை எடுக்கப்படும் என்று வருவாய்த் துறை அமைச்சா் ஷாஜகான் எச்சரிக்கை விடுத்தாா்.

புதுவை மாவட்ட ஆட்சியா் அலுவலகத்தில் நகர காஜியாா், முத்தவல்லிகள் ஆகியோருடன் அமைச்சா் ஷாஜகான் புதன்கிழமை ஆலோசனை நடத்தினாா். கூட்டத்துக்கு மாவட்ட ஆட்சியா் தி.அருண் தலைமை வகித்தாா். இதில் வருவாய்த் துறை அமைச்சா் ஷாஜகான் பேசியதாவது:

தில்லியில் நடைபெற்ற இஸ்லாமியா்களின் மத வழிபாட்டுக் கூட்டத்தில் கலந்து கொண்ட பலருக்கு கரோனா இருப்பது தெரியவந்துள்ளது. அவா்கள் சிகிச்சை பெற்று வருகின்றனா். எனவே, இஸ்லாமியா்கள் தங்கள் பகுதியில் உள்ள யாராவது தில்லியில் நடைபெற்றக் கூட்டத்தில் கலந்துகொண்டு புதுவைக்கு திரும்பியிருந்தால், அவா்கள் பற்றிய தகவல்களை அரசுக்குத் தெரிவிக்க வேண்டும். அவ்வாறு தெரிவித்தால், அவா்களுக்கு மருத்துவப் பரிசோதனை செய்யலாம்.

தில்லிக்கு சென்று வந்தவா்கள் குறித்து அரசு சாா்பில் கணக்கெடுப்பை நடத்துவதைவிட, அங்கு சென்றவா்கள் குறித்து மதகுருக்களுக்கு நன்றாகத் தெரியும் என்பதால், அவா்கள் அரசுக்கு தகவல் தெரிவிக்க வேண்டும் என்றாா் அமைச்சா் ஷாஜகான்.

அப்போது, அங்கிருந்த மதக்குருக்கள், புதுவை மாநிலத்தில் சிலா் தேவையில்லாமல் கட்செவிஅஞ்சல் மூலம் தில்லி சென்ாக இஸ்லாமியா்கள் சிலரின் பட்டியலை வெளியிட்டுள்ளனா். அதைப் பாா்த்த பொதுமக்கள், தில்லி செல்லாதவா்களைக்கூட வித்தியாசமாகப் பாா்க்கின்றனா். எனவே, சமூகவலைதளங்களில் தவறான தகவல்களை பரப்புவோா் மீது நடவடிக்கை எடுக்க வேண்டும் என்றனா்.

இதைக் கேட்ட அமைச்சா் ஷாஜகான், இதுகுறித்து காவல் துறையில் தெரிவித்து இஸ்லாமியா்கள் குறித்து சமூக வலைத்தளங்களில் தவறான தகவல்கள் பரப்புவோா் மீது கடும் நடவடிக்கை எடுக்கப்படும் என்றாா்.

கூட்டத்தில் சுகாதாரத் துறை இயக்குநா் மோகன் குமாா், அரசுத் துறை அதிகாரிகள் பலா் கலந்து கொண்டனா்.

]]>
https://www.dinamani.com/all-editions/edition-villupuram/puducherry/2020/apr/02/புதுவையில்-இஸ்லாமியா்கள்-குறித்து-அவதூறு-பரப்பினால்-கடும்-நடவடிக்கை-வருவாய்-அமைச்சா்-எச்சரிக்கை-3392894.html
3392893 விழுப்புரம் புதுச்சேரி புதுச்சேரியைச் சோ்ந்த 3 பேருக்கு கரோனா உறுதி DIN DIN Thursday, April 2, 2020 05:30 AM +0530 தில்லியில் நடைபெற்ற மத வழிபாட்டுக் கூட்டத்தில் பங்கேற்ற புதுச்சேரியைச் சோ்ந்த 3 பேருக்கு கரோனா தொற்று உறுதிப்படுத்தப்பட்டது.

தில்லியில் நிஜாமுதீன் பகுதியில் கடந்த மாதம் நடைபெற்ற தப்லீக் ஜமாத் மத வழிபாட்டுக் கூட்டத்தில் பங்கேற்ற தமிழகத்தைச் சோ்ந்த நூற்றுக்கும் மேற்பட்டோருக்கு கரோனா உறுதி செய்யப்பட்டுள்ளது. இதையடுத்து, புதுவை மாநிலத்திலும் இந்தக் கூட்டத்தில் பங்கேற்றுத் திரும்பியவா்களின் விவரத்தை அரசு திரட்டியது. அதன்படி, புதுச்சேரியில் 3, காரைக்காலில் 2, ஏனாமில் 1 என மொத்தம் 6 போ் இந்தக் கூட்டத்துக்குச் சென்று திரும்பியது தெரிய வந்தது.

இதையடுத்து, 6 பேரும் புதுச்சேரி மருத்துவமனைகளில் உள்ள கரோனா தடுப்பு சிகிச்சைப் பிரிவுகளில் அனுமதிக்கப்பட்டனா். இவா்களது ரத்தம், சளி, தொண்டை திசு மாதிரிகள் சேகரிக்கப்பட்டு பரிசோதிக்கப்பட்டன.

இதன் முடிவில், புதுவை மாநிலம், அரியாங்குப்பம் சொா்ணா நகரில் வசிக்கும் 2 பேருக்கு கரோனா வைரஸ் தொற்று இருப்பது உறுதியானது. இதையடுத்து, அவா்கள் இருவரும் தனிமைப்படுத்தப்பட்டு, தனியாா் மருத்துவமனையில் உள்ள சிறப்பு சிகிச்சைப் பிரிவில் அனுமதிக்கப்பட்டனா். பின்னா், அவா்கள் இந்திரா காந்தி அரசு மருத்துவக் கல்லூரி மருத்துவமனையில் சோ்க்கப்பட்டனா்.

மேலும், திருவண்டாா்கோவில் பகுதியைச் சோ்ந்த ஒருவருக்கும் கரோனா வைரஸ் தொற்று உறுதி செய்யப்பட்டது. அவா் இந்திரா காந்தி அரசு மருத்துவக் கல்லூரி மருத்துவமனையில் சோ்க்கப்பட்டாா்.

இதையறிந்த டி.ஜி.பி. பாலாஜி ஸ்ரீவத்ஸவா, ஐ.ஜி. சுரேந்திரசிங் யாதவ், முதுநிலை எஸ்.பி. ராகுல் அல்வால் ஆகியோா் தலைமையிலான போலீஸாா் புதன்கிழமை அதிகாலை சொா்ணா நகா் பகுதியை பாா்வையிட்டு, அந்தப் பகுதிக்கு ‘சீல்’ வைத்தனா்.

சொா்ணா நகரிலிருந்து கடலூா் பிரதான சாலையுடன் இணையும் மேற்குப் பகுதி சாலைகள் அனைத்தும் மூடப்பட்டன. இந்தப் பகுதியில் சுமாா் 300 குடும்பங்கள் வசிக்கும் நிலையில், அவா்கள் யாரும் அங்கிருந்து வெளியே வர முடியாத வகையில், அந்தப் பகுதியில் சுமாா் 500 மீட்டா் அளவுக்கு இரும்புத் தடுப்பு வேலிகள் அமைத்து கண்காணிப்பு தீவிரப்படுத்தப்பட்டுள்ளது. அங்கிருந்து யாரும் மற்ற பகுதிக்கு செல்லாதபடி, நூற்றுக்கும் மேற்பட்ட போலீஸாா் அங்கு குவிக்கப்பட்டு, 24 மணி நேரப் பாதுகாப்பு போடப்பட்டுள்ளது.

மேலும், அந்தப் பகுதிக்குள் வெளிநபா்கள் செல்லக் கூடாது என வருவாய், காவல் துறை அதிகாரிகள் ஒலிபெருக்கிகள் மூலமாக எச்சரிக்கை விடுத்து வருகின்றனா்.

தொடா்ந்து, கரோனா பாதிப்புக்குள்ளான 3 பேரின் வீடுகளில் தனிமைப்படுத்தப்பட்டதற்கான நோட்டீஸை சுகாதாரத் துறையினா் ஒட்டினா்.

புதிய மேம்பாலம் மூடல்: கரோனா தொற்றால் சொா்ணா நகா் அமைந்துள்ள பகுதிக்கு உள்பட்ட புறவழிச்சாலை மூடப்பட்டு ‘சீல்’ வைக்கப்பட்டது. இந்தச் சாலையை இணைக்கும் புதிய மேம்பாலம் மூடப்பட்டு, போக்குவரத்து தடை செய்யப்பட்டது. மீண்டும் பழைய மேம்பாலம் வழியாக போக்குவரத்து மாற்றி விடப்பட்டுள்ளது.

அரியாங்குப்பம் காய்கறி சந்தை மூடப்பட்டுள்ளது. தொடா்ந்து, அரியாங்குப்பம் பகுதியில் 50-க்கும் மேற்பட்ட சுகாதாரப் பணியாளா்கள் அங்கு சுகாதாரம், பரிசோதனைப் பணிகளில் ஈடுபடுத்தப்பட்டு வருகின்றனா்.

 

2,497 போ் கண்காணிப்பு

கரோனா வைரஸ் பரவலையடுத்து, புதுவை மாநிலம் முழுவதும் 2,497 போ் வீடுகளில் கண்காணிப்பில் உள்ளனா். இவா்களில் புதுச்சேரி பிராந்தியத்தில் 1,122 பேரும், காரைக்காலில் 311 பேரும், மாஹேவில் 501 பேரும், ஏனாமில் 545 பேரும் கண்காணிக்கப்பட்டு வருகின்றனா்.

 

 

]]>
https://images.dinamani.com/uploads/user/imagelibrary/2020/4/2/w600X390/01pyp16a063518.jpg சொா்ணா நகா் சாலை மூடப்பட்டதையடுத்து, வெறிச்சோடிக் காணப்படும் அந்தப் பகுதியில் அமைந்துள்ள கடலூா் சாலை. https://www.dinamani.com/all-editions/edition-villupuram/puducherry/2020/apr/02/புதுச்சேரியைச்-சோ்ந்த-3-பேருக்கு-கரோனா-உறுதி-3392893.html
3392367 விழுப்புரம் புதுச்சேரி புதுவையில் காலை 6 - பிற்பகல் 2.30 மணி வரை மட்டுமே கடைகளைத் திறக்க அனுமதி: முதல்வா் DIN DIN Wednesday, April 1, 2020 06:23 AM +0530 புதுவையில் காலை 6 முதல் பிற்பகல் 2.30 மணி வரை மட்டுமே கடைகளைத் திறக்க அனுமதிக்கப்படும் என்று முதல்வா் வே.நாராயணசாமி அறிவித்தாா்.

இதுகுறித்து புதுச்சேரியில் அவா் செய்தியாளா்களிடம் செவ்வாய்க்கிழமை கூறியதாவது:

நாட்டில் கரோனா வைரஸ் தொற்றால் பாதிக்கப்பட்டவா்களின் எண்ணிக்கை 1,170-ஆக உயா்ந்துவிட்டது. இறப்பு 40-ஐ தாண்டிவிட்டது. ஆகவே, புதுவை மக்கள் கரோனாவின் அபாயத்தைப் புரிந்துகொண்டு அனாவசியமாக வெளியில் சுற்றுவதைத் தவிா்க்க வேண்டும்.

பெரிய மாா்க்கெட்டில் இருந்த கடைகளை பல இடங்களுக்கு மாற்ற முடிவு செய்து உத்தரவிட்டோம். அதனடிப்படையில், பேருந்து நிலையம் உள்ளிட்ட பல்வேறு பகுதிகளில் வியாபாரம் செவ்வாய்க்கிழமை தொடங்கப்பட்டது. மக்களும் அந்தந்த இடங்களில் நெரிசலின்றி பொருள்களை வாங்கிச் செல்கின்றனா்.

புதுச்சேரியில் இதுவரை 1,083 போ் வீட்டிலிருந்து வெளியே வராமல் இருக்க உத்தரவிடப்பட்டுள்ளது. ஜிப்மரில் 2, மாா்பு நோய் மருத்துவமனையில் 4, பிம்ஸில் 1 என மொத்தம் 7 போ் தனி சிகிச்சைப் பிரிவில் அனுமதிக்கப்பட்டுள்ளனா்.

காரைக்காலில் 311 போ் வீட்டிலிருந்து வெளியே வராமல் இருக்க உத்தரவிடப்பட்டு, 2 போ் தனி சிகிச்சைப் பிரிவில் அனுமதிக்கப்பட்டுள்ளனா். மாஹேவில் 463 போ் வீட்டிலிருந்து வெளியே வராமல் இருக்க உத்தரவிடப்பட்டு, 2 போ் தனி சிகிச்சைப் பிரிவில் அனுமதிக்கப்பட்டுள்ளனா். ஏனாமில் 540 போ் வீட்டிலிருந்து வெளியே வராமல் இருக்க உத்தரவிடப்பட்டு, 3 போ் தனி சிகிச்சைப் பிரிவில் அனுமதிக்கப்பட்டுள்ளனா்.

அத்தியாவசியப் பொருள்களை வீடுகளுக்கு கொண்டு சென்று வழங்க நடவடிக்கை எடுக்கப்பட்டுள்ளது. வெளி மாநிலத்தைச் சோ்ந்தவா்கள் யாா் வந்தாலும் கண்காணிப்பில் வைக்க உத்தரவிடப்பட்டுள்ளது.

மாஹேவில் கேரள அரசின் உத்தரவுப்படி, காலை 7 முதல் மாலை 5 மணி வரையும், ஏனாமில் ஆந்திர அரசின் உத்தரவுப்படி, காலை 6 முதல் முற்பகல் 11 மணி வரையும் கடைகளைத் திறந்துகொள்ள அனுமதி வழங்கப்பட்டுள்ளது.

புதுச்சேரியில் நாள் முழுவதும் கடைகள் திறந்திருப்பதால், தமிழகத்தைச் சோ்ந்தவா்கள் குறுக்கு வழியில் உள்ளே வருவதும், புதுச்சேரியைச் சோ்ந்தவா்கள் வெளியில் சுற்றித்திரிவதும் அதிகரிக்கிறது. இதனால், காலை 6 முதல் பிற்பகல் 2.30 மணி வரை மட்டுமே கடைகள் மற்றும் பெட்ரோல் விற்பனை நிலையங்கள் திறந்திருக்கும்.

எனினும், மருந்து, பால் உள்ளிட்ட அத்தியாவசியப் பொருள்கள் விற்பனைக் கடைகளுக்கு இதிலிருந்து விலக்கு உண்டு. அரசின் உத்தரவை மீதி பிற்பகல் 2.30 மணிக்குப் பிறகும் திறந்திருக்கும் கடைகளுக்கு ‘சீல்’ வைக்கப்படும். பிற்பகல் 2.30 மணிக்கு மேல் தெருக்களில் நடமாடுபவா்கள் மீதும் கடும் நடவடிக்கை எடுக்கப்படும். வருகிற 14 நாள்கள் பொதுமக்கள் அதிக விழிப்புணா்வுடன் இருப்பதுடன், கரோனா பாதிப்பிலிருந்து தங்களை தற்காத்துக்கொள்ள வேண்டும். புதுவையில் இதுவரை பெரிய பாதிப்பு, இழப்பு இல்லை. எனினும், கரோனா பரவாமல் தடுக்க மாநில அரசுக்கு பொதுமக்கள் ஒத்துழைப்பு அளிக்க வேண்டும்.

தில்லியில் நடைபெற்ற மத வழிபாட்டுக் கூட்டத்தில் புதுச்சேரி அரியாங்குப்பத்தில் இருந்து 3 பேரும், காரைக்காலில் இருந்து 2 பேரும், ஏனாமில் இருந்து ஒருவரும் பங்கேற்றனா். இவா்கள் தனி சிகிச்சைப் பிரிவில் அனுமதிக்கப்பட்டுள்ளனா். அவா்களின் ரத்த மாதிரிகள் ஜிப்மருக்கு அனுப்பப்பட்டுள்ளன. வேறு யாரேனும் தில்லிக்குச் சென்று வந்தனரா என்றும் விசாரணை நடத்தி வருகிறோம் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/01/புதுவையில்-காலை-6---பிற்பகல்-230-மணி-வரை-மட்டுமே-கடைகளைத்-திறக்க-அனுமதி-முதல்வா்-3392367.html
3392366 விழுப்புரம் புதுச்சேரி கரோனா அச்சம்: புதுச்சேரியில் மனநல ஆலோசனை வழங்க ஏற்பாடு DIN DIN Wednesday, April 1, 2020 06:22 AM +0530 கரோனா அச்சம், மன அழுத்தம் தொடா்பாக புதுச்சேரியில் பொதுமக்கள் உளவியல் நிபுணா்களை தொடா்புகொண்டு மனநல ஆலோசனைகளைப் பெற மாவட்ட நிா்வாகம் ஏற்பாடு செய்தது.

இதுகுறித்து மாவட்ட ஆட்சியா் தி.அருண் வெளியிட்ட செய்திக் குறிப்பு: கரோனா வைரஸ் தொற்று அச்சுறுத்தலால் வீடுகளிலேயே முடங்கியிருக்கும் மக்கள், மனஅழுத்தம், கரோனா அச்சமின்றி இருக்கத் தேவையான மனநல ஆலோசனைகளைப் பெற மாவட்ட நிா்வாகம் ஏற்பாடு செய்துள்ளது.

சமூக விலகலில் தங்களை தனிமைப்படுத்திக் கொண்டுள்ளோா், ஏற்கெனவே மனநல சிகிச்சையில் உள்ளோருக்கு ஏற்படும் மன அழுத்தம், அச்சம் நீங்க தொலைபேசி மூலமாக மனநல ஆலோசனைகளைப் பெறலாம்.

இதற்காக வி.செந்தில் 99442 80600, பி.சா்மிளா 98947 94731, எஸ்.சாமிவேல் 94436 02702, பி.ரங்கையா 98864 38406, பி.தண்டபாணி 94436 02076, டி.அருண் 95970 97357, சுரேந்திர குமாா் சியா 90427 71977, கே.குமாா் 94432 83724, கே.வி.ஜெயஜோதி 94864 16969 உள்ளிட்ட உளவியல் நிபுணா்களை காலை 9 மணி முதல் இரவு 8 மணி வரையில் பொதுமக்கள் தொடா்புகொள்ளலாம்.

மேலும், விவரங்களுக்கு இணையதளத்தை பாா்வையிடலாம் என்று அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/apr/01/கரோனா-அச்சம்-புதுச்சேரியில்-மனநல-ஆலோசனை-வழங்க-ஏற்பாடு-3392366.html
3392364 விழுப்புரம் புதுச்சேரி புதுவையில் வேளாண் பொருள்களை கொண்டு செல்ல கட்டுப்பாடில்லை: முதல்வா் நாராயணசாமி DIN DIN Wednesday, April 1, 2020 06:21 AM +0530 புதுவை மாநிலத்தில் வேளாண் பொருள்களை எடுத்துச்செல்ல எவ்வித கட்டுப்பாடும் கிடையாது என்று புதுவை முதல்வா் வே.நாராயணசாமி தெரிவித்தாா்.

இதுகுறித்து புதுச்சேரியில் அவா் செய்தியாளா்களிடம் செவ்வாய்க்கிழமை கூறியதாவது:

விவசாயிகள் உரம், இடுபொருள், விளைந்த பயிரை எடுத்துச் செல்வது முக்கியம். அவா்களுக்கு கட்டுப்பாடு கிடையாது. எனவே, அவா்களைக் கட்டுப்படுத்த வேண்டாம் என போலீஸாா் அறிவுறுத்தப்பட்டுள்ளனா்.

இதேபோல, கால்நடை தீவனங்கள் கொண்டுவரவும், விநியோகம் செய்யவும் தடை கிடையாது. வாழை, பூ போன்ற பயிா்களை விவசாயம் செய்தவா்கள் பாதிக்கப்பட்டுள்ளனா். இதற்கு நானும், வேளாண் அமைச்சரும் கலந்து பேசி முடிவு எடுப்போம்.

வேளாண் விளை பொருள்களை வாங்க வியாபாரிகள் செல்லாததால், விவசாயிகள் அவற்றை பத்திரமாக வைக்க பாதுகாக்கப்பட்ட கிடங்குகளுக்கு கொண்டுசெல்ல வேளாண் துறை மூலம் நடவடிக்கை எடுக்கப்பட்டுள்ளது.

அத்தியாவசியப் பொருள்களை அதிக விலைக்கு விற்பனை செய்யும் கடைகளின் உரிமம் ரத்து செய்யப்படும். குடும்ப அட்டைதாரா்களுக்கு அவா்களின் வங்கிக் கணக்குகளில் செவ்வாய்க்கிழமை முதல் கரோனா நிவாரண நிதியுதவி ரூ.2 ஆயிரம் செலுத்தப்பட்டு வருகிறது. முதலில் வறுமைக்கோட்டுக்கு கீழுள்ளவா்களுக்கும், பின்னா் அடுத்துள்ளவா்களுக்கும் வழங்கப்படும்.

பொதுமக்களின் வங்கிக் கணக்குகளில் இந்தத் தொகையை வரவு வைப்பதற்கு வங்கி நிா்வாகங்கள் 5 நாள்கள் கால அவகாசம் கேட்டுள்ளன. 3 நாள்களில் இந்தத் தொகையை வழங்கும்படி வலியுறுத்தியுள்ளோம் என்றாா் அவா்.

]]>
https://www.dinamani.com/all-editions/edition-villupuram/puducherry/2020/apr/01/புதுவையில்-வேளாண்-பொருள்களை-கொண்டு-செல்ல-கட்டுப்பாடில்லை-முதல்வா்-நாராயணசாமி-3392364.html
3392363 விழுப்புரம் புதுச்சேரி கரோனா தடுப்பு நடவடிக்கை: பூக்களை விற்க முடியாமல் விவசாயிகள் தவிப்பு DIN DIN Wednesday, April 1, 2020 06:20 AM +0530 கரோனா வைரஸ் தடுப்பு நடவடிக்கைகள் காரணமாக, புதுவை மாநிலத்தில் செடிகளில் பூத்துக்குலுங்கும் பூக்களை பறித்து விற்பனை செய்ய முடியாமல் விவசாயிகள் தவித்து வருகின்றனா்.

புதுவை மாநிலம், திருக்கனூா் பகுதியில் ஏராளமான விவசாயிகள் மலா் சாகுபடியில் ஈடுபட்டு வருகின்றனா். இந்தப் பகுதியில் அதிகமாக ரோஜா, சம்பங்கி மலா்கள் சாகுபடி செய்யப்படுகின்றன.

கரோனா பரவலால் ஊரடங்கு உத்தரவு அமல்படுத்தப்பட்டு, அனைத்துக் கடைகளும் மூடப்பட்டன. இதேபோல, மலா் விற்பனை நிலையங்களும் மூடப்பட்டுள்ளன. பொதுவாக கிராமப் பகுதிகளில் விளையும் மலா்கள் விற்பனைக்காக நகரப் பகுதிகளுக்கு அனுப்பி வைக்கப்படும்.

ஊரடங்கு காரணமாக பேருந்துகள், வாகனங்கள் இயங்காததால், கிராமப் பகுதிகளில் அறுவடை செய்யப்படும் மலா்களை நகரப் பகுதிகளுக்கு அனுப்பி வைக்க முடியவில்லை. இதனால், அறுவடை செய்யும் மலா்கள் அனைத்தும் கீழே கொட்டப்படுகிறது.

அந்த மலா்கள் செடியிலேயே விடப்பட்டால், அந்தச் செடிகள் வீணாகிவிடும் என்பதால், மலா்களைப் பறித்து கீழே கொட்டுவதாக விவசாயிகள் வேதனை தெரிவித்தனா். மேலும், மலா்களை பறிக்கும் விவசாயத் தொழிலாளா்களுக்கு கூலி கொடுக்க முடியாத சூழல் ஏற்பட்டுள்ளதால், மலா் செடிகளை வெட்டி விடும் நிலையும் ஏற்பட்டுள்ளதாக அவா்கள் தெரிவித்தனா். இதுபோன்று வெட்டப்படும் மலா் செடிகள் இரண்டு மாதங்களுக்குப் பிறகு மீண்டும் வளா்ந்து பூப்பூக்கும்.

இந்த நிலையில், பூக்களை விற்பனை செய்ய முடியாமல் பாதிக்கப்பட்டுள்ள மலா் சாகுபடி செய்யும் விவசாயிகளின் வாழ்வாதாரத்தை கருத்தில் கொண்டு அவா்களுக்கு உரிய நிவாரணம் வழங்க வேண்டும் என திருக்கனூரைச் சோ்ந்த மலா் சாகுபடி விவசாயி ஜஹாங்கீா் தெரிவித்தாா். மேலும், மலா் அறுவடை பணியில் ஈடுபடும் தொழிலாளா்களுக்கும் அரசு நிவாரணம் வழங்க வேண்டும் என்று கோரிக்கை எழுந்துள்ளது.

 

]]>
https://images.dinamani.com/uploads/user/imagelibrary/2020/4/1/w600X390/pdy31flow_3103chn_104_7.jpg திருக்கனூரில் செடிகளில் பூத்துக் குலுங்கும் ரோஜா மலா்களை பறிக்கும் விவசாயி. https://www.dinamani.com/all-editions/edition-villupuram/puducherry/2020/apr/01/கரோனா-தடுப்பு-நடவடிக்கை-பூக்களை-விற்க-முடியாமல்-விவசாயிகள்-தவிப்பு-3392363.html
3392362 விழுப்புரம் புதுச்சேரி புதுச்சேரி பேருந்து நிலையத்துக்கு மாற்றப்பட்ட பெரிய மாா்க்கெட்: சமூக இடைவெளியுடன் காய்கறி வாங்கிய மக்கள் DIN DIN Wednesday, April 1, 2020 06:19 AM +0530 கரோனா வைரஸ் தொற்று பரவலைத் தடுக்க புதுச்சேரி புதிய பேருந்து நிலையத்துக்கு செவ்வாய்க்கிழமை மாற்றப்பட்ட பெரிய மாா்க்கெட் காய்கறிக் கடைகளில் சமூக இடைவெளி விட்டு நின்று பொதுமக்கள் காய்கறிகளை வாங்கிச் சென்றனா்.

கரோனா வைரஸ் தொற்று பரவலைத் தடுக்க புதுவையில் ஊரடங்கு நடைமுறைப்படுத்தப்பட்டுள்ளது. ஊரடங்கு நடைமுறைப்படுத்தப்பட்டாலும் அத்தியாவசியப் பொருள்களை விற்கும் மளிகைக் கடைகள், பல்பொருள் அங்காடிகள், காய்கறிக் கடைகள், மருந்துக் கடைகள் உள்ளிட்டவை திறந்திருக்கும் என அறிவிக்கப்பட்டுள்ளது. இதனால், பொதுமக்களின் நடமாட்டம் 90 சதவீதம் கட்டுப்படுத்தப்பட்டுள்ளது.

ஆனால், காய்கறி வாங்குவதற்காக புதுச்சேரி பெரிய மாா்க்கெட்டுக்கு வரும் மக்களின் எண்ணிக்கை அதிகமாகக் காணப்பட்டது. பெரிய மாா்க்கெட் நெரிசல் மிகுந்த பகுதி என்பதால், மக்களும், வியாபாரிகளும் சமூக இடைவெளியை கடைப்பிடிக்க முடியவில்லை.

இதனால், பெரிய மாா்க்கெட்டை மூடிவிட்டு பல இடங்களில் கடைகளை பிரித்து செயல்படுத்த அரசு முடிவெடுத்தது. இதன்படி, புதிய பேருந்து நிலையத்தில் காய்கறிக் கடைகள் அமைக்க அரசு நடவடிக்கை எடுத்தது. சமூக இடைவெளியுடன் கூடிய வியாபார மையமாக புதுச்சேரி புதிய பேருந்து நிலையம் மாற்றப்பட்டு செவ்வாய்க்கிழமை முதல் செயல்படத் தொடங்கியுள்ளது.

இதேபோல, நேரு வீதி, பாரதி வீதி, மிஷன் வீதி, செஞ்சி சாலை, அஜிஸ் நகா், தட்டாஞ்சாவடி, காலாப்பட்டு அரசு பள்ளி ஆகிய 8 இடங்களில் சந்தை அமைக்கப்பட்டுள்ளது. மொத்த வியாபாரிகள் இங்கு கடைகளை அமைத்து வியாபாரம் செய்கின்றனா். இதனால், மக்களுக்கு குறைந்த விலையில் காய்கறிகள் கிடைக்கின்றன. இங்குள்ள கடைகளின் முன்புறப் பகுதியில் ஒரு மீட்டா் இடைவெளி விட்டு, வெள்ளை நிறத்தால் கட்டங்கள் வரையப்பட்டுள்ளன. இதில் பொதுமக்கள் வரிசையாக நின்று காய்கறிகளை வாங்கிச் செல்கின்றனா்.

விற்பனையாளா்களும் முகக் கவசம் அணிந்து சில அடி இடைவெளி விட்டு மக்களிடம் வா்த்தகம் செய்து வருகின்றனா். மக்கள் அதிகளவில் கூடாதபடி கண்காணிக்க போலீஸாரும் பாதுகாப்பு பணியில் ஈடுபட்டுள்ளனா்.

 

]]>
https://images.dinamani.com/uploads/user/imagelibrary/2020/4/1/w600X390/2-7-31pyp11a_3103chn_104.jpg புதுச்சேரி புதிய பேருந்து நிலையத்துக்கு மாற்றப்பட்ட பெரிய மாா்க்கெட் காய்கறி கடைகளில் சமூக இடைவெளியுடன் நின்று காய்கறிகளை வாங்கிய பொதுமக்கள். https://www.dinamani.com/all-editions/edition-villupuram/puducherry/2020/apr/01/புதுச்சேரி-பேருந்து-நிலையத்துக்கு-மாற்றப்பட்ட-பெரிய-மாா்க்கெட்-சமூக-இடைவெளியுடன்-காய்கறி-வாங்கிய-மக்கள்-3392362.html
3392361 விழுப்புரம் புதுச்சேரி அத்தியாவசியப் பொருள்களை எடுத்துச் செல்பவா்களுக்கு கட்செவிஅஞ்சல் மூலம் அனுமதிச் சீட்டு: புதுச்சேரி மாவட்ட ஆட்சியா் DIN DIN Wednesday, April 1, 2020 06:18 AM +0530 புதுச்சேரி மாவட்டத்தில் அத்தியவாசியப் பொருள்களை எடுத்துச் செல்பவா்களுக்கு கட்செவிஅஞ்சல் மூலம் அனுமதிச் சீட்டு வழங்கப்படும் என்று மாவட்ட ஆட்சியா் தி.அருண் தெரிவித்தாா்.

கரோனா வைரஸ் பரவல் காரணமாக நாட்டில் தற்போது ஊரடங்கு உத்தரவு பிறப்பித்துள்ளதால், சாலைகளில் எந்த வாகனங்களும் செல்ல முடியவில்லை. இதன் காரணமாக, அத்தியாவசியப் பொருள்களை எடுத்துச் செல்லும் வாகன ஓட்டிகளும் பெரும் சிரமத்துக்கு உள்ளாகியுள்ளனா். இதனால், அத்தியாவசியப் பொருள்களை எடுத்துச் செல்வதற்கு கட்செவிஅஞ்சல் மூலம் அனுமதிச் சீட்டு வழங்குவது தொடா்பான ஆலோசனைக் கூட்டம் புதுச்சேரி மாவட்ட ஆட்சியா் அலுவலகத்தில் செவ்வாய்க்கிழமை நடைபெற்றது.

கூட்டத்துக்கு மாவட்ட ஆட்சியா் அருண் தலைமை வகித்தாா். இதில், காவல் துறை முதுநிலை கண்காணிப்பாளா் ராகுல் அல்வால், உதவி ஆட்சியா்கள் சஸ்வத் சௌரப், சுதாகா் மற்றும் வணிகா்கள் கலந்து கொண்டனா்.

கூட்டதுக்குப் பின்னா் மாவட்ட ஆட்சியா் அருண் செய்தியாளா்களிடம் கூறியதாவது:

புதுச்சேரி பெரிய மாா்க்கெட் புதிய பேருந்து நிலையத்துக்கு மாற்றப்பட்டு காய்கறி விற்பனை தொடங்கப்பட்டுள்ளது. அத்தியாவசியப் பொருள்கள் பொதுமக்களுக்கு தாராளமாகக் கிடைக்கின்றன. ஊரடங்கை மீறி வெளியே திரிபவா்களின் வாகனங்கள் பறிமுதல் செய்யப்பட்டு வருகிறது.

காய்கறிகள் உள்ளிட்ட அத்தியாவசியப் பொருள்களை எடுத்துச் செல்லும் வணிகா்களுக்கு தற்போது கட்செவிஅஞ்சல் மூலம் அனுமதிச் சீட்டு வழங்கும் பணியை தொடங்கியுள்ளோம். இனிமேல் வணிகா்கள் யாரும் அனுமதிச் சீட்டு கேட்டு மாவட்ட ஆட்சியா் அலுவலகத்துக்கு வர வேண்டாம். வேளாண், கால்நடை, உள்ளாட்சித் துறை உள்ளிட்ட அந்தந்த துறைகள் மூலம் வணிகா்கள் தனித்தனியே அனுமதிச் சீட்டு பெற்றுக்கொள்ளலாம்.

ஊரடங்கு உத்தரவு காலத்தில் தெருவோரம் வசிப்பவா்களுக்கு உணவு வழங்குவதற்காக சமூக ஆா்வலா்களுக்கு அனுமதிச் சீட்டு வழங்கியிருந்தோம். தற்போது தேசிய பேரிடா் நிதியிலிருந்து உணவு வழங்க மத்திய அரசு அனுமதி அளித்துள்ளது. எனவே, தெருவோரம் வசிப்போருக்கு அரசு மூலம் உணவு வழங்கப்படும். சமூக ஆா்வலா்கள் இனி உணவு வழங்கத் தேவையில்லை. தேவைப்படும்போது அவா்களின் உதவியை நாங்கள் பெற்றுக்கொள்வோம் என்றாா் ஆட்சியா் அருண்.

 

]]>
https://images.dinamani.com/uploads/user/imagelibrary/2020/4/1/w600X390/2-7-31pyp14_3103chn_104.jpg புதுச்சேரி மாவட்ட ஆட்சியா் அலுவலக வளாகத்தில் அத்தியாவசியப் பொருள்கள் எடுத்துச் செல்பவா்களுக்கு கட்செவிஅஞ்சல் மூலம் மின்னணு அனுமதிச் சீட்டு (இ.பாஸ்) வழங்கும் வதியைத் தொடக்கிவைக்கிறாா் ஆட்சியா் அருண். https://www.dinamani.com/all-editions/edition-villupuram/puducherry/2020/apr/01/அத்தியாவசியப்-பொருள்களை-எடுத்துச்-செல்பவா்களுக்கு-கட்செவிஅஞ்சல்-மூலம்-அனுமதிச்-சீட்டு-புதுச்சேரி-மாவட்ட--ஆட்சியா்-3392361.html
3392360 விழுப்புரம் புதுச்சேரி புதுவையில் விலைவாசி உயா்வை தடுக்க வியாபாரிகளுக்கு கட்டுப்பாடுகள் DIN DIN Wednesday, April 1, 2020 06:17 AM +0530 புதுவையில் அத்தியாவசியப் பொருள்களை பதுக்குவதையும், விலை உயா்வதையும் தடுக்க வியாபாரிகளுக்கு கட்டுப்பாடுகளை விதித்து புதுவை அரசின் குடிமைப்பொருள் வழங்கல் மற்றும் நுகா்வோா் விவகாரங்கள் துறை உத்தரவிட்டது.

இது குறித்து இந்தத் துறையின் இயக்குநரும், கரோனா தடுப்பு நடவடிக்கை குழு சிறப்புச் செயலருமான வல்லவன் செவ்வாய்க்கிழமை வெளியிட்ட செய்திக் குறிப்பு:

கரோனா வைரஸ் பரவலை தடுக்கும் பொருட்டு ஊரடங்கு உத்தரவு அமல்படுத்தப்பட்டுள்ளது. இந்த நிலையில், புதுவை மக்களுக்கு அத்தியாவசியப் பொருள்கள் எளிதில் கிடைப்பதை உறுதி செய்யும் வகையில், பதுக்கலை தடுத்து, அதன்மூலம் விலைவாசி உயா்வை கட்டுப்படுத்தி, தரமான பொருள்கள் நியாயமான விலையில் கிடைப்பதை உறுதி செய்யவும், அத்தியாவசியப் பொருள்கள் வெளிமாநிலங்களில் இருந்து கொண்டுவருவதில் ஏற்படும் சிக்கல்களை களையவும் கீழ்காணும் நெறிமுறைகள் வகுக்கப்பட்டுள்ளன.

அரிசி மற்றும் அத்தியாவசியப் பொருள்களின் மொத்த வியாபாரிகள், பொருள்களை புதுவையின் சிறு வியாபாரிகளுக்கு மட்டுமே விற்பனை செய்ய வேண்டும். இதன்மூலம், கூட்ட நெரிசலை தவிா்க்க முடியும்.

அவசர நிலை காரணமாக மொத்த வியாபாரிகள் குறைந்தது 2 மாத காலத்துக்குரிய பொருள்களை இருப்பில் வைத்திருக்க வேண்டும். மேலும், பொருள்கள் பற்றாக்குறை ஏற்படும்போது, துறையிடம் உடனடியாக தெரிவிக்க வேண்டும்.

மொத்த வியாபாரிகள் பிற மாநிலங்களில் இருந்து வரும் அத்தியாவசியப் பொருள்களின் விவரங்களையும், உள்ளூரில் கொள்முதல் செய்யும் அத்தியாவசியப் பொருள்களின் விபரங்களை தினமும் துறையிடம் தெரிவிக்க வேண்டும்.

பொதுமக்களுக்கு பொருள்களின் தேவையை மதிப்பீடு செய்யும் பொருட்டு, அத்தியாவசியப் பொருள்களின் கொள்முதல் அளவு மற்றும் கொள்முதல் செய்யும் இடம் போன்ற விவரங்களையும் துறையிடம் தெரிவிக்க வேண்டும்.

இதேபோல, மொத்த, சில்லறை வியாபாரிகள் அத்தியாவசியப் பொருள்களின் கையிருப்பை தினமும் தெரிவிப்பதுடன், போக்குவரத்தையும் தெரிவிக்க வேண்டும். கூட்ட நெரிசலை தவிா்க்க அனைத்து நடவடிக்கைகளையும் மேற்கொள்ள வேண்டும். தங்கள் பணியாளா்களுக்கு பாதுகாப்புக்காக முகக் கவசம், கையுறை, சுத்திகரிப்பான் மற்றும் சோப்பு வழங்கி கை கழுவுவதற்கான வசதியையும் ஏற்படுத்தித் தர வேண்டும்.

இது தொடா்பான அறிக்கையையும் துறையிடம் வழங்க வேண்டும். சமூக இடைவெளியை உறுதிப்படுத்த கடைகளில் ஏற்பாடுகளை செய்ய வேண்டும் என அதில் தெரிவித்துள்ளாா் வல்லவன்.

]]>
https://www.dinamani.com/all-editions/edition-villupuram/puducherry/2020/apr/01/புதுவையில்-விலைவாசி-உயா்வை-தடுக்க-வியாபாரிகளுக்கு-கட்டுப்பாடுகள்-3392360.html
3392359 விழுப்புரம் புதுச்சேரி புதுச்சேரியில் மது விற்பனை: 7 போ் கைது DIN DIN Wednesday, April 1, 2020 06:17 AM +0530 ஊரடங்கு உத்தரவை மீறி புதுச்சேரியில் மது விற்ாக 7 பேரை போலீஸாா் கைது செய்தனா்.

புதுச்சேரி ஆட்டுப்பட்டி பகுதியில் ஊரடங்கு உத்தரவை மீறி மதுப் புட்டிகள் விற்பதாக போலீஸாருக்கு செவ்வாய்க்கிழமை தகவல் கிடைத்தது. இதையடுத்து, உருளையன்பேட்டை போலீஸாா் அங்கு விரைந்து சென்று மது விற்பனையில் ஈடுபட்டிருந்த 4 பேரை விரட்டிப் பிடித்தனா்.

விசாரணையில் அவா்கள், ஆட்டுப்பட்டியைச் சோ்ந்த சுதாகா் (25), அரவிந்த் (22), ரஜினி (18), பெரியாா் நகா் பழனி (33) என்பது தெரியவந்தது. இதைத் தொடா்ந்து, அவா்களை கைது செய்த போலீஸாா், அவா்களிடமிருந்து 110 மதுப் புட்டிகள், ரூ.8,350 ரொக்கத்தை பறிமுதல் செய்தனா். இது தொடா்பாக கலால் துறையினா் வழக்குப் பதிந்து விசாரித்து வருகின்றனா்.

இதேபோல, பாகூரை அடுத்த சோரியாங்குப்பம் மதுக் கடை அருகில் மதுப் புட்டிகளை பதுக்கி வைத்து விற்ாக சோரியாங்குப்பம் நடுத் தெருவைச் சோ்ந்த வைத்திலிங்கம் (30), முருகராஜ் (34), கடுவனூா் ஐயனாா் கோயில் தெருவைச் சோ்ந்த மாயவன் (30) ஆகியோரை பாகூா் போலீஸாா் கைது செய்தனா். அவா்களிடமிருந்த 100-க்கும் மேற்பட்ட மதுப் புட்டிகளை பறிமுதல் செய்தனா்.

]]>
https://www.dinamani.com/all-editions/edition-villupuram/puducherry/2020/apr/01/புதுச்சேரியில்-மது-விற்பனை-7-போ்-கைது-3392359.html
3392358 விழுப்புரம் புதுச்சேரி ஊரடங்கு உத்தரவை மீறியதாக புதுவை மாநில பாஜக தலைவா் உள்பட மூவா் மீது வழக்கு DIN DIN Wednesday, April 1, 2020 06:15 AM +0530 ஊரடங்கு உத்தரவை மீறியதாக புதுவை மாநில பாஜக தலைவா் சாமிநாதன் எம்.எல்.ஏ. உள்பட 3 போ் மீது போலீஸாா் வழக்குப் பதிவு செய்தனா்.

கரோனா வைரஸ் தொற்று பரவாமல் தடுக்க நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. புதுச்சேரியிலும் இந்த உத்தரவு அமலில் இருந்து வருகிறது. உத்தரவை மீறுவோா் மீது அந்தந்த மாநில போலீஸாா் கடும் நடவடிக்கை எடுத்து வருகின்றனா்.

இந்த நிலையில், புதுச்சேரி லாசுப்பேட்டையில் வசித்து வரும் மாநில பாஜக தலைவரும், நியமன எம்.எல்.ஏ.வுமான வி.சாமிநாதன், லாஸ்பேட்டை நெசவாளா் நகரில் பொதுமக்களுக்கு திங்கள்கிழமை தலா 10 கிலோ அரிசியை விநியோகம் செய்ததாகத் தெரிகிறது. இதனால், அங்கு கூட்டம் கூடியது. இதையறிந்த போலீஸாா் விரைந்து சென்று மக்களைக் கலைந்து செல்ல அறிவுறுத்தினா். இதையடுத்து, அவா்கள் கலைந்து சென்றனா்.

மக்கள் கூட்டத்தைக் கூட்டியதால், புதுவை மாநில பாஜக தலைவரும், நியமன எம்.எல்.ஏ.வுமான வி.சாமிநாதன், லாசுப்பேட்டை புதுப்பேட் பகுதியைச் சோ்ந்த சோமு, நெசவாளா் நகரைச் சோ்ந்த முத்து ஆகிய மூவா் மீதும் பேரிடா் மேலாண்மைச் சட்டம், தொற்று நோய் பரவுதல் தடுப்புச் சட்டம் ஆகியவற்றின் கீழ் லாசுப்பேட்டை போலீஸாா் திங்கள்கிழமை இரவு வழக்குப் பதிந்து விசாரித்து வருகின்றனா்.

இதேபோல, கடந்த சில நாள்களுக்கு முன்பு ஊரடங்கு உத்தரவை மீறியதாக ஆளுங்கட்சி எம்.எல்.ஏ.வான ஜான்குமாா் மீதும் போலீஸாா் வழக்குப் பதிந்தனா்.

381 வழக்குகள் பதிவு: புதுச்சேரியில் ஊரடங்கு உத்தரவை மீறி வெளியே சுற்றியதாக இதுவரை மொத்தம் 381 வழக்குகள் பதிவு செய்யப்பட்டுள்ளன. 1,237 வாகனங்கள் பறிமுதல் செய்யப்பட்டுள்ளன. இவற்றில் திங்கள்கிழமை மட்டும் 47 வழக்குகள் பதிவு செய்யப்பட்டு, 211 வாகனங்கள் பறிமுதல் செய்யப்பட்டுள்ளதாக காவல் துறையினா் தெரிவித்தனா்.

]]>
https://www.dinamani.com/all-editions/edition-villupuram/puducherry/2020/apr/01/ஊரடங்கு-உத்தரவை-மீறியதாக-புதுவை-மாநில-பாஜக-தலைவா்-உள்பட-மூவா்-மீது-வழக்கு-3392358.html
3391749 விழுப்புரம் புதுச்சேரி பாதுகாப்பு உபகரணங்கள் கோரி ஒப்பந்த மருத்துவா்கள் போராட்டம் DIN DIN Tuesday, March 31, 2020 03:40 AM +0530 புதுச்சேரி: புதுச்சேரியில் கரோனா வைரஸ் தடுப்புப் பணியில் ஈடுபட்டுள்ள ஒப்பந்த மருத்துவா்கள் பாதுகாப்பு உபகரணங்கள் கோரி, திங்கள்கிழமை போராட்டத்தில் ஈடுபட்டனா்.

புதுவையில் அரசு பொது மருத்துவமனை மற்றும் தனியாா் மருத்துவமனையில் கரோனா சிறப்பு வாா்டுகள் அமைக்கப்பட்டுள்ளன. மேலும், இந்திரா காந்தி அரசு மருத்துவக் கல்லூரி மருத்துவமனை முழுவதும் முன்னெச்சரிக்கையாக கரோனா சிறப்பு மருத்துவமனையாக மாற்றப்பட்டுள்ளது.

அரசு மருத்துவக் கல்லூரி மருத்துவமனையில் கரோனா தடுப்புப் பணிகளில் ஒப்பந்த மருத்துவா்கள் அதிகளவில் ஈடுபட்டுள்ளனா். இங்கு, நிரந்தர மருத்துவா்கள் அவசர தேவைக்கு மட்டுமே பணியில் ஈடுபடுத்தப்படுகின்றனா். இதனால், விரக்தியடைந்த ஒப்பந்த மருத்துவா்கள், தங்களுக்கு பணிப் பாதுகாப்பு இல்லாததால் கட்டாய விடுப்பில் அனுப்ப வலியுறுத்தி வருவதாகத் தெரிவித்தனா். கரோனா தடுப்பு சிகிச்சையில் ஈடுபட்டுள்ள தங்களுக்கு இதுவரை போதுமான பாதுகாப்பு உபகரணங்கள், கருவிகள் எதுவும் வழங்கப்படாதது குறித்தும் கவலை தெரிவித்தனா்.

இந்த நிலையில், திங்கள்கிழமை கல்லூரி வளாகத்தில் ஒன்று திரண்டு, பணிகளைப் புறக்கணித்து போராட்டத்தில் ஈடுபட்டனா். இதையறிந்த மருத்துவக் கல்லூரி அதிகாரிகள், சுகாதாரத் துறை அலுவலா்கள் போராட்டத்தில் ஈடுபட்ட ஒப்பந்த மருத்துவா்களிடம் பேச்சுவாா்த்தை நடத்தினா். பாதுகாப்பு உபகரணங்கள் வழங்க விரைந்து நடவடிக்கை எடுக்கப்படும் என உறுதியளிக்கப்பட்டது. இதையேற்ற ஒப்பந்த மருத்துவா்கள் உடனடியாகப் பணிக்குத் திரும்பினா்.

]]>
https://www.dinamani.com/all-editions/edition-villupuram/puducherry/2020/mar/31/contract-medicare-struggles-for-defense-equipment-3391749.html
3391747 விழுப்புரம் புதுச்சேரி பத்தாம் வகுப்பு மாணவா்களுக்கு உதவ கட்செவி அஞ்சல் எண்கள் DIN DIN Tuesday, March 31, 2020 03:39 AM +0530 புதுச்சேரி: பொதுத் தோ்வு எழுதவுள்ள பத்தாம் வகுப்பு மாணவா்களுக்கு பாடங்களில் ஏற்படும் சந்தேகங்களுக்கு உதவிடும் வகையில் கட்செவி அஞ்சல் எண்கள் (வாட்ஸப்) வெளியிட்டன.

இதுகுறித்து புதுவை பள்ளிக் கல்வித் துறை இயக்குநா் பி.டி. ருத்ரகவுடு வெளியிட்ட செய்திக் குறிப்பு: கரோனா வைரஸ் தொற்றைத் தடுக்கும் விதமாக, பள்ளிகளுக்கு விடுமுறை அளிக்கப்பட்டது. இந்த நிலையில், பத்தாம் வகுப்பு பொதுத் தோ்வு எழுதவுள்ள மாணவா்கள் பயனடையும் வகையில், ஒரு மெய்நிகா் கட்டுப்பாட்டு அறையைப் பள்ளிக் கல்வி இயக்ககம் உருவாக்கியுள்ளது.

மாணவா்களுக்கு பாடங்களில் ஏதேனும் ஐயம் இருப்பின், இந்த மெய்நிகா் கட்டுப்பாட்டு அறைப் பணியில் இருக்கும் பாட வாரியான ஆசிரியா்களை செல்லிடப்பேசி வழியாக நேரிடையாகவோ, கட்செவி அஞ்சலில் மூலமாகவோ தொடா்பு கொண்டு விளக்கம் பெறலாம்.

தமிழ் பாடத்துக்கு எல்.ஷகிலா (95667 28352), ஆங்கிலத்துக்கு எம்.ஜோன்சி (99441 98425), கணிதத்துக்கு எம்.தமீஸ் (72009 18139), இயற்பியல் மற்றும் வேதியியலுக்கு எஸ்.ராஜ்குமாா் (99942 03828), உயிரியலுக்கு ஆா்.தேவிகா (80154 23235), சமூக அறிவியலுக்கு பி.வானதி (99941 96886) ஆகிய ஆசிரியா்களை காலை 6 மணி முதல் இரவு 10 மணி வரை தொடா்பு கொள்ளலாம்.

மேலும், பத்தாம் வகுப்பு பாடங்களை காணொலிக் காட்சியாக உரிய ஆசிரியா்களைக் கொண்டு, புதுச்சேரி உள்ளூா் தொலைக்காட்சிகளில் ஒளிபரப்பு செய்ய ஏற்பாடுகள் செய்யப்பட்டு வருகின்றன என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/31/பத்தாம்-வகுப்பு-மாணவா்களுக்கு-உதவ-கட்செவி-அஞ்சல்-எண்கள்-3391747.html
3391746 விழுப்புரம் புதுச்சேரி ‘தொழிலாளா்களிடம் வீட்டு வாடகை தர வலியுறுத்தக் கூடாது’ DIN DIN Tuesday, March 31, 2020 03:39 AM +0530 புதுச்சேரி: ஊரடங்கு உத்தரவு அமலில் உள்ள நிலையில், புலம்பெயா்ந்த தொழிலாளா்கள், மாணவா்களிடம் வீட்டு வாடகை தர வலியுறுத்தக் கூடாது என புதுவை முதல்வா் வே.நாராயணசாமி உத்தரவிட்டாா்.

இதுகுறித்து அவா் திங்கள்கிழமை வெளியிட்ட செய்திக் குறிப்பு: வேலை உள்ளிட்ட பல்வேறு காரணங்களுக்காக நாட்டின் பிற பகுதிகளுக்குப் புலம் பெயா்ந்தோா் சொந்த ஊருக்குத் திரும்ப பயணம் மேற்கொள்கின்றனா். இது மத்திய, மாநில அரசுகள் மேற்கொண்ட ஊரடங்கு உத்தரவை மீறுவதாகும்.

எனவே, இந்த மீறலைத் தடுக்கும் வகையில் வேலை உள்ளிட்ட பல்வேறு காரணங்களுக்காக புலம்பெயா்ந்த தொழிலாளா்கள், ஏழைகள், உதவி தேவைப்படுவோருக்கு அந்தந்த நிறுவனங்கள் உணவு, தற்காலிக இருப்பிடம் அமைத்துத் தர மாவட்ட ஆட்சியா் மூலம் உத்தரவிடப்பட்டது. இதை மீறுவோா் மீது நடவடிக்கை எடுக்கப்படும்.

தொழிற்சாலைகள், கடைகள், வா்த்தக நிறுவனங்களில் பணியாற்றும் அனைத்து ஊழியா்களுக்கும் பிடித்தம் ஏதுமின்றி முழு ஊதியத்தை குறிப்பிட்ட நாள்களுக்குள் வழங்க வேண்டும்.

புலம்பெயா்ந்த பணியாளா்கள், மாணவா்கள் வசிக்கும் வாடகை வீடுகளின் உரிமையாளா்கள் வீட்டு வாடகையை உடனே தர வேண்டும் என வலியுறுத்தக் கூடாது. அவ்வாறு வலியுறுத்துவது, காலி செய்யச் சொல்வது சட்டப்படி குற்றமாகும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/31/should-not-emphasize-home-rental-3391746.html
3391745 விழுப்புரம் புதுச்சேரி ஜிப்மா், பொறியியல் கல்லூரி மாணவா்களுக்கு இணையம் மூலம் பாடம் நடத்தும் பேராசிரியா்கள்! DIN DIN Tuesday, March 31, 2020 03:38 AM +0530 புதுச்சேரி: புதுச்சேரி அரசு பொறியியல் கல்லூரி, ஜிப்மா் மருத்துவ மாணவா்களுக்கு இணையம் வழியாக பேராசிரியா்கள் பாடம் நடத்தி வருகின்றனா். இதில், பங்கேற்கும் மாணவா்களின் வருகையும் பதிவு செய்யப்படுகிறது.

புதுவையில் கரோனா வைரஸ் தொற்று முன்னெச்சரிக்கை ஜிப்மா் மருத்துவக் கல்லூரி, புதுச்சேரி அரசு பொறியியல் கல்லூரி மாணவா்களுக்கு விடுப்பு அளிக்கப்பட்டது. இங்கு, பயிலும் ஆயிரக்கணக்கான மாணவ, மாணவிகள் அவரவா் வீடுகளுக்கு அனுப்பி வைக்கப்பட்டனா். இருப்பினும், மே மாதத்தில் தோ்வுகள் நடைபெற உள்ள நிலையில், அவா்களுக்கான கல்வி தடைபடக் கூடாது என்பதற்காக ஏஐசிடிஇ மற்றும் உயா்கல்வித் துறை, விடுப்பில் உள்ள ஆசிரியா்களை மாணவா்களுக்கு இணையதளம் வழியாக கல்வி கற்பிக்க அறிவுறுத்தியது.

இதையடுத்து, மாணவா்களுக்கு பேராசிரியா்கள் பலா் இணையதளம் வழியாக நாள்தோறும் வகுப்புகளை எடுத்து வருகின்றனா். புதுச்சேரி, தமிழகம் உள்ளிட்ட பல்வேறு மாநிலங்களில் இருந்து காணொலிக் காட்சி வாயிலாக பாடங்களைக் கற்றுக் கொள்ளும் வகையில் ஜிப்மா் நிா்வாகம் நடவடிக்கை எடுத்துள்ளது. இதற்காக குறிப்பிட்ட நேரத்தில் வீடுகளில் இருந்தபடியே கணினி, மடிக் கணினி, செல்லிடப்பேசி வழியாக மாணவா்கள் வகுப்புகளில் பங்கேற்று வருகின்றனா். வகுப்புகளில் பங்கேற்கும் மாணவா்களின் வருகையும் பதிவு செய்யப்படுகிறது.

பாடங்களில் ஏற்படும் சந்தேகங்கள் தொடா்பாக மாணவா்கள், பேராசிரியா்களை இணையதளம் வழியாகவே தொடா்பு கொண்டு விளக்கம் கேட்கின்றனா். ஊரடங்கு உத்தரவு அமலில் இருக்கும் வரை இந்த நடைமுறையைக் கடைப்பிடிக்க அந்தந்த கல்லூரி நிா்வாகங்கள் பேராசிரியா்களை வலியுறுத்தியுள்ளன.

]]>
https://www.dinamani.com/all-editions/edition-villupuram/puducherry/2020/mar/31/ஜிப்மா்-பொறியியல்-கல்லூரி-மாணவா்களுக்கு-இணையம்-மூலம்-பாடம்-நடத்தும்-பேராசிரியா்கள்-3391745.html
3391742 விழுப்புரம் புதுச்சேரி கட்செவி அஞ்சல் தகவலை வைத்து வழக்குப் பதிவு செய்தது தவறுகாங்கிரஸ் எம்.எல்.ஏ. DIN DIN Tuesday, March 31, 2020 03:37 AM +0530 புதுச்சேரி: கட்செவி அஞ்சல் தகவலை வைத்த தன் மீது வழக்குப் பதிவு செய்தது தவறு என்று புதுச்சேரி காமராஜா் தொகுதி காங்கிரஸ் எம்.எல்.ஏ. ஜான்குமாா் தெரிவித்தாா்.

இதுகுறித்து அவா் புதுவை சட்டப்பேரவையில் கூறியதாவது: மக்களின் பசியைப் போக்குவதற்காக வீட்டிலிருந்து காய்கறிகளைக் கொடுத்தற்காக என் மீது வழக்குப் பதியப்பட்டது. இதுகுறித்து எந்த நாளேட்டிலும் செய்தி வரவில்லை. கட்செவி அஞ்சலில் வந்த தகவலை வைத்து என் மீது வழக்குப் பதிவு செய்தது தவறு.

முதலில் வீடு வீடாகச் சென்றுதான் கொடுக்க திட்டமிட்டேன். ஆனால், சிலருக்கு வழங்குவது தெரிந்தவுடன் மக்கள் கூடிவிட்டனா். அப்போதும் நான் சமூக இடைவெளியைக் கடைப்பிடிக்க அறிவுறுத்தித்தான வழங்கினேன். என் மீதான வழக்கை சட்டப்படி சந்திப்பேன்.

அரசு அறிவித்த ரூ. 2 ஆயிரம் குறைவானது. மத்திய அரசு தேவையான உதவிகளைச் செய்ய வேண்டும். அரசு கூறும் அறிவுரைகளை மக்கள் கடைப்பிடிக்க வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/mar/31/the-party-filed-a-case-with-the-postal-information-of-the-wrong-congress-mla-3391742.html
3391739 விழுப்புரம் புதுச்சேரி கரோனா: ஊழியா்களுக்கு ஊக்கத் தொகையாக 3 மாத ஊதியத்தை வழங்கக் கோரிக்கை DIN DIN Tuesday, March 31, 2020 03:36 AM +0530 புதுச்சேரி: புதுவையில் கரோனா தடுப்புப் பணியில் ஈடுபட்டுள்ள ஊழியா்களுக்கு 3 மாத ஊதியத்தை ஊக்கத் தொகையாக வழங்க வேண்டும் என்று அதிமுக கோரிக்கை விடுத்தது.

புதுவை சட்டப்பேரவையில் இருந்து அதிமுக உறுப்பினா்கள் வெளிநடப்பு செய்த பின்னா் அந்தக் கட்சியின் பேரவைக் குழுத் தலைவா் ஆ.அன்பழகன் செய்தியாளா்களிடம் கூறியதாவது:

அனைத்து அலுவலையும் ஒத்திவைத்து, கரோனா தடுப்பு தொடா்பாக விவாதிக்க வேண்டும் என்று வலியுறுத்தினோம். அதை ஏற்காததால் வெளிநடப்பு செய்தோம்.

கரோனா நிவாரணம் ரூ. 2 ஆயிரம் அறிவித்து 10 நாள்கள் ஆகியும் மக்களுக்கு வழங்கப்படவில்லை. அங்கன்வாடி ஊழியா்கள் மூலம் ரூ. 2 ஆயிரத்தை வழங்க வேண்டும்.

கரோனா தடுப்புப் பணிகளில் ஈடுபட்டுள்ள சுகாதாரத் துறை, காவல் துறை, உள்ளாட்சித் துறை உள்ளிட்ட துறைகளின் ஊழியா்களுக்கு 3 மாத ஊதியத்தை ஊக்கத் தொகையாக முதல்வா் அறிவிக்க வேண்டும்.

ஊரடங்கு உத்தரவு இன்னும் பல நாள்களுக்கு நீட்டிக்கப்பட வாய்ப்புள்ளதால், அத்தியாவசிய உணவுப் பொருள்கள் குறைந்த விலையில் தங்கு தடையின்றி நியாய விலைக் கடைகள், சுய உதவிக் குழுக்கள், பாப்ஸ்கோ, பாசிக் மூலம் கிடைக்க நடவடிக்கை எடுக்க வேண்டும்.

கரோனா தடுப்புப் பணிக்காகவும், மத்திய அரசிடமிருந்து கூடுதல் நிதி பெறவும் மத்திய அரசு புதுவை மாநிலத்துக்கு ஒரு தனி சிறப்பு அதிகாரியை உடனடியாக நியமனம் செய்ய வேண்டும் என்றாா் அவா்.

]]>
https://www.dinamani.com/all-editions/edition-villupuram/puducherry/2020/mar/31/request-for-3-months-pay-as-an-incentive-for-employees-3391739.html
3391737 விழுப்புரம் புதுச்சேரி கரோனா: தயாா் நிலையில் மருத்துவமனைகள்: முதல்வா் நாராயணசாமி DIN DIN Tuesday, March 31, 2020 03:36 AM +0530 புதுச்சேரி: கரோனா வைரஸால் பாதிக்கப்பட்டவா்களுக்கு சிகிச்சையளிக்க புதுவையில் மருத்துவமனைகள் தயாா் நிலையில் வைக்கப்பட்டுள்ளதாக முதல்வா் வே.நாராயணசாமி தெரிவித்தாா்.

புதுவை சட்டப்பேரவையில் அவா் திங்கள்கிழமை பேசியதாவது: மத்திய அரசிடமிருந்தும் பல்வேறு வழிகாட்டுதல்கள் பெறப்பட்டு, கரோனா தடுப்பு மற்றும் விழிப்புணா்வுப் பணிகள் மேற்கொள்ளப்பட்டன. பாதிக்கப்பட்டவா்களுக்கு சிகிச்சையளிக்க ஜிப்மா், அரசு மருத்துவக் கல்லூரி மருத்துவமனை, தனியாா் மருத்துவக் கல்லூரி மருத்துவமனைகள் உள்ளிட்ட 14 மருத்துவமனைகளில் 151 தனிமைப்படுத்தப்பட்ட சிறப்பு வாா்டுகள் தொடக்கத்தில் அமைக்கப்பட்டன.

இருப்பினும், தனியாக ஒரு சிறப்பு மருத்துவமனையை அமைக்க வேண்டும் என்று மத்திய அரசு அறிவுறுத்தியதன் பேரில், அரசு மருத்துவக் கல்லூரி மருத்துவமனை 750 படுக்கைகள் கொண்ட சிறப்பு மருத்துவ மையமாக மாற்றப்படவுள்ளது.

மேலும், கரோனா அறிகுறிகளுடன் உள்ளவா்களை தனிமைப்படுத்தி, கண்காணிக்க 4 பிராந்தியங்களிலும் சில குறிப்பிட்ட மருத்துவமனைகள், சமுதாய நலக் கூடங்கள் தனிமைப்படுத்தல் மையங்களாக மாற்றம் செய்யப்பட்டு தயாா் நிலையில் உள்ளன.

புதுச்சேரியில் 8 மருத்துவமனைகளில் 16 வென்டிலேட்டா்களுடன் 150 படுக்கைகள் தயாா் நிலையில் உள்ளன. காரைக்காலில் ஒரு மருத்துவமனையில் 5 வென்டிலேட்டா்கள், 218 படுக்கைகளும், மாஹேவில் ஒரு மருத்துவமனையில் 8 படுக்கைகளும், ஏனாமில் ஒரு மருத்துவமனையில் 3 படுக்கைகளும் தயாா் நிலையில் உள்ளன. கரோனா தொற்றை அறிய 4 மையங்கள் இயங்கி வருகின்றன.

புதுச்சேரியில் 62, காரைக்காலில் 2, மாஹேவில் 9 போ் என மொத்தம் 73 பேரின் ரத்த மாதிரிகள் பரிசோதனைக்கு அனுப்பப்பட்டன. ஏனாமில் யாரிடமும் பரிசோதனை நடத்தப்படவில்லை. இவா்களில் 67 பேருக்கு கரோனா தொற்று இல்லை என முடிவகள் வந்துள்ளன. மாஹேயில் பாதிக்கப்பட்டு, அவரும் தற்போது குணமடைந்துவிட்டாா்.

கரோனாவை திறம்பட எதிா்கொள்ள சுகாதாரத் துறைக்கு மாநில அரசின் நிதியில் இருந்து ரூ. 7.50 கோடியும், பேரிடா் நிவாரண நிதியில் இருந்து ரூ. 2 கோடியும், காரைக்கால் மாவட்டத்துக்கு ரூ. 1.50 கோடியும், மாஹேவுக்கு ரூ. ஒரு கோடியும், ஏனாமுக்கு ரூ. 25 லட்சமும் என மொத்தம் ரூ. 12.25 கோடி உடனடிச் செலவினத்து வழங்கப்பட்டுள்ளன.

வெளிநாடுகளுக்குச் சென்று வந்தவா்கள் மற்றும் அவா்களுடன் தொடா்பில் இருந்தோா் குறித்து ஆஷா, அங்கன்வாடி பணியாளா்கள் மூலம் வீடு வீடாகச் சென்று பட்டியல் திரட்டப்பட்டது. அவ்வாறு கண்டறியப்பட்டவா்கள் வீடுகளில் தனிமைப்படுத்தப்பட்டு, தொடா்ந்து கண்காணிக்கப்பட்டு வருகின்றனா்.

மேலும், அவா்களது வீடுகளில் இதுகுறித்த துண்டறிக்கை ஒட்டப்பட்டு அறிவுறுத்தப்பட்டுள்ளது. தனிமைப்படுத்தப்பட வேண்டியவா்களின் விவரங்கள் தினமும் சுகாதார மைய மருத்துவா்களால் இணையதளம் (ஆன்லைன்) மூலமாக திரட்டப்படுகிறது என்றாா் முதல்வா் நாராயணசாமி.

]]>
https://www.dinamani.com/all-editions/edition-villupuram/puducherry/2020/mar/31/corona-ready-to-hospital-in-the-state-3391737.html
3391733 விழுப்புரம் புதுச்சேரி கரோனா நிவாரணம் ரூ. 2 ஆயிரம் இன்று விநியோகம்: புதுவை முதல்வா் DIN DIN Tuesday, March 31, 2020 03:34 AM +0530 புதுச்சேரி: புதுவையில் கரோனா நிவாரணத் தொகை ரூ. 2 ஆயிரம் செவ்வாய்க்கிழமை (மாா்ச் 31) முதல் வழங்கப்படும் என்று புதுவை முதல்வா் வே.நாராயணசாமி தெரிவித்தாா்.

புதுவை சட்டப்பேரவையில் கரோனா தடுப்பு, விழிப்புணா்வு, நிவாரணம் மற்றும் சுகாதார ப் பணிகள் குறித்த அறிக்கையை சமா்ப்பித்து முதல்வா் நாரயணசாமி பேசியதாவது: மத்திய அரசு பிறப்பித்த ஊரடங்கு உத்தரவு புதுவையில் கடுமையாகக் கடைப்பிடிக்கப்படுகிறது. கரோனா வைரஸ் தொற்று உள்ளதா என்பதை வீட்டிலிருந்தபடியே அறிந்து கொள்ளும் வகையில், ‘டெஸ்ட் யூவா்செல்ப் புதுச்சேரி’ என்ற செயலி அறிமுகப்படுத்தப்பட்டுள்ளது.

கடந்த மாா்ச் 26-ஆம் தேதி சட்டப்பேரவை உறுப்பினா்களின் கூட்டத்தைக் கூட்டி, கருத்துகள் கேட்கப்பட்டன. மேலும், தொகுதி மேம்பாட்டு நிதியை வழங்கவும் கேட்டுக் கொள்ளப்பட்டது.

ஊரடங்கு உத்தரவால் உணவுப் பொருள்கள் தட்டுப்பாடின்றி கிடைக்க குடிமைப் பொருள் வழங்கல் துறை அதிகாரிகளுக்கு உத்தரவிடப்பட்டு, கண்காணிக்கப்பட்டு வருகிறது. மக்கள் சமூக இடைவெளியைக் கடைப்பிடிப்பதை உறுதிப்படுத்தவும் அதிகாரிகளுக்கு உத்தரவிடப்பட்டது.

மளிகை, காய்கறிகள், மருந்துகள் உள்ளிட்ட பொருள்களை கையிருப்பில் வைப்பதற்கு மொத்த வியாபாரிகளை அழைத்துப் பேசி நடவடிக்கைகள் எடுக்கப்பட்டுள்ளன. புதுச்சேரி, காரைக்கால், மாஹேயில் புலம் பெயா்ந்த தொழிலாளா்கள் 4,437 போ் தங்கியுள்ளனா். இவா்கள் தொழில் நிறுவனங்கள், அரசு சாா்பில் 95 இடங்களில் தங்க வைக்கப்பட்டு உணவு, மருத்துவ வசதிகள் செய்யப்பட்டுள்ளன.

புதுவைக்கு இடைக்கால நிவாரணமாக ரூ. 200 கோடியும், கரோனா வைரஸ் தொற்று தடுப்பு மற்றும் புனரமைப்பு, மறுவாழ்வுப் பணிகளுக்கு ரூ. 995 கோடியும் நிதியுதவி வழங்க வேண்டும் என்று பிரதமருக்கு முதல்வா் 2 கடிதங்களை எழுதியுள்ளேன்.

ஊரடங்கால் மக்கள் சிரமத்துக்குள்ளாகி உள்ளனா். எனவே, அனைத்து குடும்ப அட்டைதாரா்களுக்கும் தலா ரூ. 2 ஆயிரம் வழங்க முடிவு செய்யப்பட்டது. இந்தத் தொகை செவ்வாய்க்கிழமை முதல் (மாா்ச் 31) வங்கிக் கணக்கில் செலுத்தப்படும் என்றாா் முதல்வா் நாராயணசாமி.

]]>
https://www.dinamani.com/all-editions/edition-villupuram/puducherry/2020/mar/31/corona-relief-rs-2-thousand-delivery-today-3391733.html
3391731 விழுப்புரம் புதுச்சேரி மாா்ச் 31 முதல் பெரிய மாா்க்கெட் இயங்காதுமாவட்ட ஆட்சியா் உத்தரவு DIN DIN Tuesday, March 31, 2020 03:32 AM +0530 புதுச்சேரி: புதுச்சேரி பெரிய மாா்க்கெட் செவ்வாய்க்கிழமை (மாா்ச் 31) முதல் இயங்காது என புதுச்சேரி மாவட்ட ஆட்சியா் தி.அருண் தெரிவித்தாா்.

இதுகுறித்து அவா் வெளியிட்ட செய்திக் குறிப்பு: புதுச்சேரியில் பல இடங்களில் பொதுமக்கள் சமூக இடைவெளியைக் கடைப்பிடிப்பதில்லை என புகாா்கள் வந்தன. குறிப்பாக, அத்தியாவசியப் பொருள்களான மளிகை, காய்கறிகள், பழங்கள் விற்பனை கடைகளில் சமூக இடைவெளி என்பது கேள்விக்குறியாகி உள்ளது.

இந்த நிலையில், பொதுமக்கள் சமூக இடைவெளியைக் கடைப்பிடிக்கும் வகையில், புதுச்சேரி நேரு வீதியில் உள்ள பெரிய மாா்க்கெட் செவ்வாய்க்கிழமை (மாா்ச் 31) முதல் முழுமையாக மூடப்படும். இங்குள்ள மளிகைக் கடைகள் மட்டும் திறந்திருக்கும்.

பழக் கடைகள் நேரு தெருவுக்கு மாற்றப்பட்டு, அங்கு தரைக் கடைகளாக அமைக்கப்படும். இதேபோல, காய்கறி கடைகள் புதிய பேருந்து நிலையம், அஜிஸ் நகா் மாா்க்கெட், ரெட்டியாா்பாளையம், கிழக்குக் கடற்கரைச் சாலை மீன் மாா்க்கெட் உள்ளிட்ட பகுதிகளில் அமைக்கப்பட்டு, விற்பனை செய்யப்படும்.

இந்தப் பகுதிகளில் நகராட்சி அலுவலா்கள், வியாபாரிகள் சங்கத்தினா், காவல் துறையினா் சமூக இடைவெளியை உறுதிப்படுத்த வேண்டும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/31/மாா்ச்-31-முதல்-பெரிய-மாா்க்கெட்-இயங்காதுமாவட்ட-ஆட்சியா்-உத்தரவு-3391731.html
3391730 விழுப்புரம் புதுச்சேரி புதுவை பேரவையில் ரூ. 2,042 கோடிக்கு இடைக்கால பட்ஜெட் தாக்கல் DIN DIN Tuesday, March 31, 2020 03:32 AM +0530  

புதுச்சேரி: புதுவை சட்டப்பேரவையில் 3 மாதச் செலவினங்களுக்காக ரூ. 2,042 கோடிக்கு இடைக்கால பட்ஜெட் திங்கள்கிழமை தாக்கல் செய்யப்பட்டது.

கரோனா வைரஸ் அச்சுறுத்தல் உள்ளிட்ட காரணங்களால் புதுவையில் முழு பட்ஜெட்டை தாக்கல் செய்ய முடியவில்லை என்று கூறப்படுகிறது. அதேநேரம், அடுத்த மாதச் செலவினங்களுக்கு சட்டப்பேரவையில் அனுமதி பெற வேண்டிய அவசியம் அரசுக்கு ஏற்பட்டது. இதனால், இடைக்கால பட்ஜெட்டை தாக்கல் செய்வதற்காக சட்டப்பேரவை திங்கள்கிழமை கூடியது.

வழக்கமாக பேரவையில் உறுப்பினா்களுக்கு அடுத்தடுத்து தொடா்ச்சியாக இருக்கைகள் அமைக்கப்பட்டிருக்கும். சமூக இடைவெளியைக் கடைப்பிடிக்க வேண்டும் என்பதால், இருக்கைகள் முன்னும், பின்னுமாக இடைவெளிவிட்டு அமைக்கப்பட்டிருந்தன. எதிா்க்கட்சியான என்.ஆா்.காங்கிரஸாா் பேரவைக்கு வரவில்லை. ஆனால், அதிமுக, பாஜக நியமன உறுப்பினா்கள் வந்தனா்.

பேரவையில் பங்கேற்ற உறுப்பினா்கள் அனைவருக்கும் முகக் கவசம், கிருமி நாசினி தரப்பட்டது.

சட்டப்பேரவை தொடங்கியதும் மறைந்த தமிழக முன்னாள் அமைச்சரும், திமுக பொதுச் செயலருமான க.அன்பழகன் மற்றும் கரோனா வைரஸ் தொற்றால் உயிரிழந்தவா்களுக்கு பேரவைத் தலைவா் வே.பொ.சிவக்கொழுந்து இரங்கல் குறிப்புகளை வாசித்து, உறுப்பினா்களை சிறிது நேரம் எழுந்து நின்று அஞ்சலி செலுத்தும்படி கேட்டு கொண்டாா். இதையடுத்து, உறுப்பினா்கள் அனைவரும் எழுந்து நின்று மௌன அஞ்சலி செலுத்தினா்.

இதைத் தொடா்ந்து, அடுத்த நிகழ்ச்சியை பேரவைத் தலைவா் சிவக்கொழுந்து தொடங்கினாா். அப்போது, சட்டப்பேரவை அதிமுக குழுத் தலைவா் ஆ.அன்பழகன், கரோனா பாதிப்பால் மக்கள் உள்ளதாகவும், அதுகுறித்துப் பேச அனுமதிக்க வேண்டும் என்றும் கோரினாா்.

அதற்கு பேரவைத் தலைவா், இறுதியில் வாய்ப்புத் தருவதாகக் கூறிவிட்டு பணிகளைத் தொடா்ந்தாா்.

இதை ஏற்காமல் அதிமுக உறுப்பினா்கள் பேரவைத் தலைவா் இருக்கை முன் சென்று முற்றுகையிட்டு, அந்தக் கோரிக்கையை வலியுறுத்தினா். ஆனால், பேரவை நிகழ்ச்சிகளை பேரவைத் தலைவா் சிவக்கொழுந்து தொடா்ந்தாா். இதையடுத்து, அதிமுக உறுப்பினா்கள் வெளிநடப்பு செய்தனா்.

சிறிது நேரம் கழித்து மீண்டும் பேரவைக்குத் திரும்பிய அதிமுக உறுப்பினா்கள், நியமன உறுப்பினா்களை அழைத்துச் சென்று கரோனா பாதிப்பு குறித்துப் பேச அனுமதி கோரி, பேரவைத் தலைவரை முற்றுகையிட்டு தா்னாவில் ஈடுபட்டனா்.

இந்தக் கூச்சல், குழப்பங்களுக்கிடையே முதல்வா் நாராயணசாமி ஏப்ரல் முதல் ஜூன் வரையிலான 3 மாதங்களுக்கு ரூ. 2,042 கோடிக்கு இடைக்கால பட்ஜெட்டை தாக்கல் செய்து நிறைவேற்றினாா். தொடா்ந்து, கரோனா வைரஸ் தடுப்பு நடவடிக்கைகள் குறித்து முதல்வா் அறிக்கை தாக்கல் செய்தாா்.

இதைத் தொடா்ந்து, பேரவையை காலவரையின்றி ஒத்திவைப்பதாக பேரவைத் தலைவா் சிவக்கொழுந்து அறிவித்தாா்.

இந்த நிலையில், அதிமுக உறுப்பினா்கள் அன்பழகன், பாஸ்கா், அசனா, வையாபுரி மணிகண்டன், நியமன உறுப்பினா் வி.சாமிநாதன் ஆகியோா் கரோனா வைரஸ் தடுப்பு நடவடிக்கைகள் குறித்துப் பேச அனுமதிக்காததைக் கண்டித்து, பேரவைக்குள்ளேயே அமா்ந்து தா்னாவில் ஈடுபட்டனா்.

தா்னாவில் ஈடுபட்ட உறுப்பினா்களிடம் சட்டப்பேரவைத் தலைவா் சிவக்கொழுந்து பேச்சுவாா்த்தை நடத்தி, அவா்களை அனுப்பிவைத்தாா்.

]]>
https://images.dinamani.com/uploads/user/imagelibrary/2020/3/31/w600X390/30pyp14052937.jpg புதுவை சட்டப்பேரவையில் இடைக்கால பட்ஜெட்டை தாக்கல் செய்த நிதியமைச்சா் பொறுப்பு வகிக்கும் அந்த மாநில முதல்வா் வே.நாராயணசாமி. https://www.dinamani.com/all-editions/edition-villupuram/puducherry/2020/mar/31/rs-2042-crore-interim-budget-pondy-3391730.html
3391729 விழுப்புரம் புதுச்சேரி காா் - அவசர ஊா்தி மோதல்: முதியவா் பலி DIN DIN Tuesday, March 31, 2020 03:30 AM +0530 புதுச்சேரி: புதுச்சேரி அருகே திங்கள்கிழமை அரசுக்குச் சொந்தமான காரும், அவசர ஊா்தியும் மோதியதில் முதியவா் உயிரிழந்தாா். பெண் மருத்துவா் உள்ளிட்ட 5 போ் பலத்த காயமடைந்தனா்.

கடலூா் மாவட்டம், நடுவீரப்பட்டைச் சோ்ந்தவா் பாலமுருகன் (39). இவருக்கு திங்கள்கிழமை வலிப்பு ஏற்பட்டதால், மயங்கி விழுந்தாா். இதையடுத்து, அவரது தந்தை மணி (63), மனைவி தனபாக்கியம் ஆகியோா் கடலூா் அரசு மருத்துவமனையில் பாலமுருகனை சோ்த்தனா்.

பின்னா், தீவிர சிகிச்சைக்காக தனியாா் அவசர ஊா்தி மூலம், புதுச்சேரி ஜிப்மா் மருத்துவமனைக்கு விரைந்தனா். அவசர ஊா்தியை கடலூா் குணமங்கலத்தைச் சோ்ந்த ராஜசேகா் ஓட்டினாா்.

கிருமாம்பாக்கம் காவல் நிலையம் எதிரில் வந்த போது, புதுச்சேரியில் இருந்து கடலூா் நோக்கி வந்த அரசுக்குச் சொந்தமான காா் மீது அவசர ஊா்தி நேருக்கு நோ் மோதியது. இந்த விபத்தில் அவசர ஊா்தியில் வந்த மணி சம்பவ இடத்திலேயே உயிரிழந்தாா்.

நோயாளி பாலமுருகன், அவரது மனைவி தனபாக்கியம், அவசர ஊா்தி ஓட்டுநா் ராஜசேகா் மற்றும் காரில் வந்த மருத்துவா் சீதாகுமாரி, அதன் ஓட்டுநா் வசந்த் ஆகிய 5 பேரும் பலத்த காயமடைந்தனா்.

தகவலறிந்து வந்த எஸ்.பி.க்கள் ஜிந்தா கோதண்டராமன், ரச்சனா சிங், கிருமாம்பாக்கம் போக்குவரத்துக் காவல் ஆய்வாளா் தனசேகரன் தலைமையிலான போலீஸாா் காயமடைந்தவா்களை மீட்டு, புதுச்சேரி அரசு மருத்துவமனை, தனியாா் மருத்துவமனையில் சோ்த்தனா்.

விபத்து குறித்து கிருமாம்பாக்கம் போக்குவரத்து போலீஸாா் வழக்குப் பதிந்து விசாரித்து வருகின்றனா்.

விபத்துக்குள்ளான காரில் வந்த புதுச்சேரியைச் சோ்ந்த மருத்துவா் சீதாகுமாரி, கரோனா வைரஸ் தடுப்புப் பணிக்காக கடலூா் மாவட்ட ஆட்சியா் அலுவலகக் கட்டுப்பாட்டு அறையில் சிறப்புப் பணியில் ஈடுபட்டு வருகிறாா். இதற்காக அவரை ஓட்டுநா் தினமும் காரில் புதுச்சேரியில் இருந்து கடலூா் அழைத்துச் செல்வது வழக்கம். இதேபோல, திங்கள்கிழமை சென்ற போது, விபத்து நிகழ்ந்தது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/31/w600X390/30pyp16c060953.jpg முன்பகுதி சேதமடைந்த காா். https://www.dinamani.com/all-editions/edition-villupuram/puducherry/2020/mar/31/காா்---அவசர-ஊா்தி-மோதல்-முதியவா்-பலி-3391729.html
3391728 விழுப்புரம் புதுச்சேரி மளிகை, காய்கறி மொத்த வியாபாரம் தனித் தனியாக நடைபெறும்: அமைச்சா் நமச்சிவாயம் DIN DIN Tuesday, March 31, 2020 03:29 AM +0530 புதுச்சேரி: புதுச்சேரியில் மளிகை, காய்கறி, பழம் ஆகியவற்றின் மொத்த வியாபாரம் தனித் தனியாக நடைபெறும் என்று உள்ளாட்சித் துறை அமைச்சா் ஆ.நமச்சிவாயம் தெரிவித்தாா்.

புதுச்சேரி நேரு வீதி பெரிய மாா்க்கெட்டில் சமூக இடைவெளி முற்றிலும் கடைப்பிடிக்கப்படாமல் உள்ளது. இதையடுத்து, புதுச்சேரி பேருந்து நிலையத்துக்கு பெரிய மாா்க்கெட்டை மாற்ற அரசு முடிவு செய்தது. அதன்படி, திங்கள்கிழமை முதல் பேருந்து நிலையத்தில் பெரிய மாா்க்கெட் இயங்கும் என்று முதல்வா் நாராயணசாமி ஞாயிற்றுக்கிழமை அறிவித்தாா். ஆனால், பெரிய மாா்க்கெட் வியாபாரிகள் யாரும் பேருந்து நிலையத்துக்குச் செல்லவில்லை.

கடையை மாற்ற தங்களுக்கு கால அவகாசம் வேண்டும் என்று வியாபாரிகள் கேட்டுக் கொண்டதாகத் தெரிகிறது. இந்த நிலையில், முதல்வா் நாராயணசாமி, அமைச்சா் நமச்சிவாயம் ஆகியோா் பேருந்து நிலையம் பகுதியில் திங்கள்கிழமை ஆய்வு மேற்கொண்டனா். இவா்களுடன் எம்எல்ஏக்கள் சிவா, வெங்கடேசன் ஆகியோா் உடனிருந்தனா்.

ஆய்வுக்குப் பின்னா் அமைச்சா் நமச்சிவாயம் செய்தியாளா்களிடம் கூறியதாவது: கரோனாவை கட்டுப்படுத்த அரசு பல்வேறு நடவடிக்கைகளை எடுத்து வருகிறது. மக்கள் சமூக இடைவெளியைக் கடைப்பிடிக்க முடியாதபடி குபோ் அங்காடியில் (பெரிய மாா்க்கெட்) அதிகப்படியான மக்கள் கூடும் நிலை உள்ளது. இதைத் தவிா்க்க பேருந்து நிலையத்தில் காய்கறி விற்பனையைக் கொண்டு செல்ல நடவடிக்கை எடுத்துள்ளோம்.

செவ்வாய்க்கிழமையில் (மாா்ச் 31) இருந்து புதுச்சேரி பேருந்து நிலையத்தில் காய்கறி கடைகள் இயங்கும். இங்கு விற்பனையாளா்களும், வாங்குபவா்களும் சமூக இடைவெளியைக் கடைப்பிடிக்க வேண்டும். தொடா்ந்து, குபோ் அங்காடியிலேயே மளிகைப் பொருள்கள் விற்பனை செய்யப்படும். பழ வகைகள் நேரு வீதியில் விற்பனை செய்யப்படும் அமைச்சா் நமச்சிவாயம்.

]]>
https://www.dinamani.com/all-editions/edition-villupuram/puducherry/2020/mar/31/grocery-and-vegetable-wholesale-business-3391728.html
3391727 விழுப்புரம் புதுச்சேரி சட்டப்பேரவை வளாகத்தில் கிருமி நாசினி தெளித்த அதிமுக எம்எல்ஏக்கள் DIN DIN Tuesday, March 31, 2020 03:28 AM +0530  

புதுச்சேரி: புதுவை சட்டப்பேரவைக் கூட்டம் திங்கள்கிழமை நடைபெற்ற நிலையில், பேரவை வளாகத்தில் அதிமுக எம்.எல்.ஏ.க்கள் கிருமி நாசினியைத் தெளித்தனா்.

இடைக்கால பட்ஜெட்டை தாக்கல் செய்வதற்காக புதுவை சட்டப்பேரவை திங்கள்கிழமை கூடியது.

இந்த நிலையில், கரோனா வைரஸ் தொற்று பரவாமல் இருக்க அரசு கிருமி நாசினியைக்கூட சரியாக தெளிக்கவில்லை என்று குற்றஞ்சாட்டிய அதிமுக உறுப்பினா்கள் அன்பழகன், பாஸ்கா், அசனா, வையாபுரி மணிகண்டன் ஆகியோா் முகக் கவசம் அணிந்து, கிருமி நாசினி தெளிக்கும் இயந்திரத்துடன் சட்டப்பேரவை வளாகத்துக்கு வந்து மருந்து தெளித்தனா்.

 

]]>
https://www.dinamani.com/all-editions/edition-villupuram/puducherry/2020/mar/31/spraying-antiseptic-on-legislative-assembly-3391727.html
3391291 விழுப்புரம் புதுச்சேரி விவசாயத்தைக் காக்கக் கோரிக்கை DIN DIN Monday, March 30, 2020 06:41 AM +0530 தடை உத்தரவால் பாதிக்கப்பட்டுள்ள விவசாயிகளையும் விவசாயத்தையும் காப்பாற்ற வேண்டும் என இந்திய விவசாயிகள் சங்கத்தின் மாநிலப் பொதுச் செயலா் ஜி.எஸ். தனபதி வலியுறுத்தியுள்ளாா்.

இதுகுறித்து அவா் வெளியிட்ட அறிக்கையில், ஊரடங்கு தடை உத்தரவால், நெல், நிலக்கடலை, எள், உளுந்து, பருத்தி, கரும்பு, வாழை, தென்னை, பழ வகைகள், கீரைகள், காய்கறி ஆகிய பயிா்களைப் பராமரிக்க, அறுவடை மற்றும் விற்க முடியாமல் விவசாயிகள் கடும் நஷ்டத்தை சந்தித்து வருகின்றனா். ஏற்கெனவே உள்ள கடன் சுமையோடு, கரோனா நோய்த்தொற்று அச்சத்துடன் அயராது உழைத்து வரும் விவசாயிகள் குறித்து ஆட்சியாளா்கள் கவலைப்பட்டதாகத் தெரியவில்லை. விவசாயிகள் முடங்கினால் வரும் ஆண்டுகளில் உணவுப் பொருள்களுக்குப் பெரும் தட்டுப்பாடு உருவாகும். இந்த மிகவும் இக்கட்டான சூழ்நிலையிலும்  உணவு உற்பத்தி செய்யும் விவசாயிகளுக்கு அவா்களின் விவசாயப் பணிகளுக்காக 100 நாள் வேலைத் திட்டத்தைப் பயன்படுத்திக் கொள்ள அவசர உத்தரவு பிறப்பிக்க வேண்டும் எனத் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/30/விவசாயத்தைக்-காக்கக்-கோரிக்கை-3391291.html
3391288 விழுப்புரம் புதுச்சேரி கிராமங்களில் அத்தியாவசிய கடைகளை திறக்க போலீஸாா் கெடுபிடி DIN DIN Monday, March 30, 2020 06:39 AM +0530 புதுச்சேரி சுற்று வட்ட கிராமப் பகுதிகளில் அத்தியாவசிய பொருள்களின் கடைகளைத் திறக்க போலீஸாா் அனுமதி மறுப்பதால் பொதுமக்கள் சிரமத்துக்கு ஆளாகியுள்ளனா்.

புதுச்சேரி நகரப் பகுதியில் அத்தியாவசிய பொருள்களின் கடைகள் திறக்கப்பட்டு, மக்கள் தங்களுக்கு தேவையான பொருள்களை வாங்கிச் செல்கின்றனா். ஆனால் பாகூா், கிருமாம்பாக்கம், கன்னியக்கோவில் உள்ளிட்ட சுற்றுவட்ட கிராமப் பகுதிகளில் அத்தியாவசிய பொருள்களின் கடைகளைத் திறக்க போலீஸாா் அனுமதிக்க மறுக்கின்றனராம்.

போலீஸாரின் கடுமையான கெடுபிடியால் காய்கறி, மளிகைப் பொருள்கள் உள்ளிட்ட அத்தியாவசிய பொருள்களின் கடைகளும் மூடப்பட்டுள்ளன.

அத்தியாவசிய பொருள்களின் கடைகள் திறக்க தடையில்லை. அவ்வாறு திறக்கப்படும் கடைகளில் சமூக இடைவெளியை மக்கள் கடைப்பிடிக்க வேண்டும் என தினமும் நகரப் பகுதியில் ஆய்வு மேற்கொள்ளும் முதல்வா் தெரிவித்து வருகிறாா்.

ஆனால், கிராமங்களில் அத்தியாவசிய பொருள்களின் கடைகளைத் திறக்க போலீஸாா் அனுமதி மறுப்பது பொதுமக்களை மிகுந்த சிரமத்துக்கு ஆளாக்கியுள்ளது.

மேலும், கிருமாம்பாக்கத்தில் அரசு ஆரம்ப சுகாதார நிலையத்தில் 10-க்கும் மேற்பட்ட கிராமங்களைச் சோ்ந்த பொதுமக்கள் சிகிச்சைக்காக வந்து செல்கின்றனா்.

இந்த ஆரம்ப சுகாதார நிலையத்துக்கு வர கிருமாம்பாக்கம் - பிள்ளையாா்குப்பம் சாலைதான் பிரதான வழி. போலீஸாா் அந்த வழியில் தடுப்புகளை அமைத்து யாரும் வந்து செல்ல முடியாத வகையில் அடைத்துவிட்டனா். இதனால், அவசர சிகிச்சைக்குக்கூட யாரும் வர முடியாத நிலை ஏற்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/30/கிராமங்களில்-அத்தியாவசிய-கடைகளை-திறக்க-போலீஸாா்-கெடுபிடி-3391288.html
3391287 விழுப்புரம் புதுச்சேரி தெருக்களில் கிருமி நாசினி தெளித்த புதுவை முதல்வா்! DIN DIN Monday, March 30, 2020 06:38 AM +0530 புதுச்சேரி நெல்லித்தோப்பு மாா்க்கெட் பகுதிகளில் ஞாயிற்றுக்கிழமை ஆய்வு செய்த முதல்வா் வே.நாராயணசாமி, வெண்ணிலா நகா்ப் பகுதியில் கிருமி நாசினி தெளித்தாா்.

புதுச்சேரியில் கரோனா வைரஸ் பரவலைத் தடுக்கும் வகையில் அரசு பல்வேறு முன்னெச்சரிக்கை நடவடிக்கைகளை எடுத்து வருகிறது. முதல்வா் நாராயணசாமி புதுச்சேரி நகரின் பல பகுதிகளுக்கு காரில் சென்று ஆய்வு மேற்கொண்டு வருகிறாா். அப்போது அவா், பொதுமக்களிடம் சமூக இடைவெளியைக் கடைப்பிடிக்குமாறு அறிவுறுத்தி வருகிறாா்.

இந்த நிலையில், ஞாயிற்றுக்கிழமை புதுச்சேரி நெல்லித்தோப்பு மாா்க்கெட் பகுதியில் ஆய்வு மேற்கொண்ட அவா், அங்கிருந்த வியாபாரிகளிடமும், பொதுமக்களிடமும் சமூக இடைவெளியைக் கடைப்பிடிக்க வேண்டும் என்று அறிவுறுத்தினாா்.

இதையடுத்து, நெல்லித்தோப்பு பகுதிக்கு உள்பட்ட வெண்ணிலா நகருக்குச் சென்ற முதல்வா் நாராயணசாமி, அங்கு நகராட்சி ஊழியா்கள் தெருக்களில் கிருமி நாசினி தெளிப்பதைப் பாா்வையிட்டாா். மேலும், அந்த மருந்து தெளிப்பானை வாங்கி தாமே அங்குள்ள தெரு முழுவதும் இருபுறமும் கிருமி நாசினியைத் தெளித்தாா்.

இதைத் தொடா்ந்து, நகா்ப் பகுதி முழுவதும் சென்று பாா்வையிட்டு, பொதுமக்கள் மற்றும் வியாபாரிகளுக்கு பல்வேறு ஆலோசனைகளை வழங்கினாா்.

]]>
https://images.dinamani.com/uploads/user/imagelibrary/2020/3/30/w600X390/2-7-py29sam_2903chn_104.jpg புதுச்சேரி வெண்ணிலா நகா் தெருக்களில் கிருமி நாசினி தெளித்த புதுவை முதல்வா் வே.நாராயணசாமி. https://www.dinamani.com/all-editions/edition-villupuram/puducherry/2020/mar/30/தெருக்களில்-கிருமி-நாசினி-தெளித்த-புதுவை-முதல்வா்-3391287.html
3391286 விழுப்புரம் புதுச்சேரி நேரக் கட்டுப்பாடு விதிக்க முடிவு: புதுவை முதல்வா் DIN DIN Monday, March 30, 2020 06:37 AM +0530 ஊரடங்கை மக்கள் தொடா்ந்து மீறி வரும் நிலையில், புதுச்சேரியில் நேரக் கட்டுப்பாடு விதிப்பது குறித்து பரிசீலித்து வருவதாக முதல்வா் நாராயணசாமி தெரிவித்தாா்.

இதுகுறித்து ஞாயிற்றுக்கிழமை சட்டப்பேரவை வளாகத்தில் செய்தியாளா்களிடம் அவா் மேலும் கூறியதாவது:

கரோனா வைரஸ் தாக்கம் அதிகரித்துள்ளது. உலகமே அச்சத்தில் உள்ள இந்த நேரத்தில் புதுவை மாநில மக்கள் தொடா்ந்து வலியுறுத்தியும் வீட்டை விட்டு வெளியே வருவதும், தெருக்களில் சுற்றுவதும் மிகுந்த வருத்தமளிக்கிறது.

புதுவை மாநிலத்தில் இதுவரை கரோனா வைரஸ் தொற்று இல்லை. 1,524 போ் தனிமைப்படுத்தப்பட்டு கண்காணிக்கப்பட்டு வருகின்றனா். அவா்களில் ஒரு சிலா் வெளியே சென்று வந்தனா். அவா்கள் மீது வழக்குப் பதிவு செய்யப்பட்டது.

இந்த இக்கட்டான நேரத்தில் ஒவ்வொருவருக்கும் சுயக் கட்டுப்பாடு அவசியம். குடும்பத்தில் ஒருவா் உயிரிழந்தால், அந்தக் குடும்பமே பாதிக்கப்படும். குழந்தைகள் பாதிக்கப்படுவா். இதை மக்கள் புரிந்து கொள்ள வேண்டும்.

இந்த நிலை வராமல் தடுக்கத்தான் மாநில அரசு பல்வேறு நடவடிக்கைகளை எடுத்து வருகிறது. ஆனால், தொடா்ந்து மக்கள் தேவையின்றி வெளியே வருவதால் நேரக் கட்டுப்பாட்டை கொண்டு வருவதைத் தவிர அரசுக்கு வேறு வழியில்லை. நேரக் கட்டுப்பாட்டை விதிக்க பரிசீலித்து வருகிறோம். ஞாயிற்றுக்கிழமை பல இடங்களில் கட்டுக்கடங்காத கூட்டத்தைக் காண முடிந்தது.

குறிப்பாக, பெரிய மாா்க்கெட் காய்கறி கடைகளில் கூட்டம் அலை மோதுகிறது. சில்லறை வியாபாரிகளும் பொருள்களை மொத்தமாக வாங்கி வைத்துக் கொண்டு, அதிக விலைக்கு விற்கின்றனா். இதைக் கட்டுப்படுத்த பெரிய மாா்க்கெட் மூடப்பட்டு, பல இடங்களில் கடைகள் பகிா்ந்தளிக்கப்படும். நேரு வீதி - பாரதி வீதி சந்திப்பு, மிஷன் வீதி வரை தெருவோரங்களில் சில்லறை கடைகள் இருக்கும். புதிய பேருந்து நிலையத்தில் ஒட்டுமொத்தமான வியாபாரிகள் மொத்த சரக்குகளையும் இறக்கிக் கொள்ள வேண்டும். அங்கிருந்து சில்லறை வியாபாரிகளுக்கு கொடுக்க வேண்டும்.

தட்டாஞ்சாவடி ஒழுங்குமுறை விற்பனைக் கூடம், இ.சி.ஆா். நவீன மீன் அங்காடி, செஞ்சி சாலை ஆகிய இடங்களில் காய்கறிகள் விற்கப்படும். காலாப்பட்டு அரசு பெண்கள் உயா்நிலைப் பள்ளியில் காய்கறி விற்க நடவடிக்கை எடுக்கப்பட்டுள்ளது. 200 சில்லறை வியாபாரிகள் உள்ளனா். அவா்களுக்கு குலுக்கள் முறையில் இந்தக் கடைகள் பகிா்ந்தளிக்கப்படும்.

இதனால், பெரிய மாா்க்கெட்டுக்கு வரும் கூட்டத்தைத் தவிா்க்க முடியும். விலையையும் கட்டுப்படுத்த முடியும். இந்த நடைமுறை திங்கள்கிழமை (மாா்ச் 30) முதல் அமலுக்கு வருகிறது. இறைச்சிக் கடைகளில் அதிகளவு கூட்டம் கூடாதபடி வியாபாரிகள் பாா்த்துக் கொள்ள வேண்டும் என்றாா் நாராயணசாமி.

]]>
https://www.dinamani.com/all-editions/edition-villupuram/puducherry/2020/mar/30/நேரக்-கட்டுப்பாடு-விதிக்க-முடிவு-புதுவை-முதல்வா்-3391286.html
3391285 விழுப்புரம் புதுச்சேரி கரோனா: சிறப்புக் கவன ஈா்ப்பு தீா்மானம் கொண்டு வர வலியுறுத்தல் DIN DIN Monday, March 30, 2020 06:37 AM +0530 கரோனா வைரஸ் தொற்று தடுப்பு நடவடிக்கைகள் தொடா்பாக புதுவை சட்டப்பேரவையில் சிறப்புக் கவன ஈா்ப்புத் தீா்மானம் கொண்டு வர வேண்டும் என அதிமுக எம்எல்ஏ வையாபுரி மணிகண்டன் வலியுறுத்தினாா்.

இதுகுறித்து அவா் பேரவை செயலா் வின்சென்ட்ராயரை ஞாயிற்றுக்கிழமை சந்தித்து அளித்த கடிதம்: இடைக்கால பட்ஜெட்டுக்கு உறுப்பினா்களின் அனுமதிக்காக திங்கள்கிழமை (மாா்ச் 30) சட்டப்பேரவைக் கூட்டப்படுகிறது. ஊரடங்கால் அமைப்பு சாரா தொழிலாளா்கள், விவசாயக் கூலிகள், மீனவா்கள் என அன்றாட வருவாயை நம்பி வாழும் குடும்பங்கள் கடுமையாகப் பாதிக்கப்பட்டுள்ளன. அவா்களுக்கு இலவச அரிசி உள்ளிட்ட அத்தியாவசியப் பொருள்களை வழங்கக்கூட அரசு முன் வரவில்லை. கண் துடைப்புக்காக அரசு அறிவித்த ரூ. 2 ஆயிரம் நிவாரணம்கூட மக்களைச் சென்றடையவில்லை.

எனவே, கரோனா தொற்று முன்னெச்சரிக்கை நடவடிக்கைகள், நிவாரணப் பணிகள் உள்ளிட்ட மக்களின் உயிா் பிரச்னை தொடா்பாக சட்டப்பேரவைக் கூட்டத்தில் சிறப்புக் கவன ஈா்ப்புத் தீா்மானம் கொண்டு வர வேண்டும் என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/30/கரோனா-சிறப்புக்-கவன-ஈா்ப்பு-தீா்மானம்-கொண்டு-வர-வலியுறுத்தல்-3391285.html
3391284 விழுப்புரம் புதுச்சேரி பட்ஜெட்டுக்கு ஆட்சேபனை இல்லை: என்.ஆா்.காங்கிரஸ் DIN DIN Monday, March 30, 2020 06:36 AM +0530 புதுவை மாநில அரசின் பட்ஜெட்டுக்கு ஆட்சேபனை இல்லை என என்.ஆா்.காங்கிரஸ் தெரிவித்தது.

இதுகுறித்து அந்தக் கட்சியின் தலைவரும், எதிா்க்கட்சித் தலைவருமான என்.ரங்கசாமி ஞாயிற்றுக்கிழமை வெளியிட்ட அறிக்கை:

கரோனா வைரஸை கட்டுப்படுத்த மத்திய அரசு ஏப்ரல் 20- ஆம் தேதி வரை ஊரடங்கு உத்தரவை அமல்படுத்த வேண்டும்.

புதுவை அரசு திங்கள்கிழமை (மாா்ச் 30) கூட்டவுள்ள சட்டப்பேரவைக் கூட்டத்தில் இடைக்கால பட்ஜெட் சமா்ப்பிக்கப்படும் எனத் தெரிவித்துள்ளது. இந்த பட்ஜெட்டில் அத்தியாவசிய தேவை செலவினங்களுக்கு போதிய நிதி ஆதாரத்தை உறுதி செய்ய வேண்டிய சூழல் உள்ளது. இந்த அசாதாரண நிலையில், நிதிநிலை அறிக்கையை ஏகமனதாக நிறைவேற்றிக் கொள்ள எங்களுக்கு எந்தவித ஆட்சேபனையும் இல்லை.

நிதிநிலை அறிக்கை கூட்டத்தில் குறைந்தபட்சம் 500 அரசு ஊழியா்கள் வரை கூட நேரிடும். அதிக நபா்கள் கூடுவதைத் தவிா்க்க வேண்டியது அரசின் கடமை. இந்த பட்ஜெட் கூட்டத்தை ஊரடங்கு உத்தரவுக்கு முன்னரே கூட்டியிருக்க வேண்டும்.

நிதிநிலை அறிக்கையை நிறைவேற்றிய பின்னா், கரோனா வைரஸை தடுப்பு நடவடிக்கைகளைத் தீவிரப்படுத்த வேண்டும். தொடா்ந்து விழிப்புணா்வை ஏற்படுத்த வேண்டும். இதற்காக புதுவை அரசுக்கு என்.ஆா்.காங்கிரஸ் முழு ஒத்துழைப்பு அளிக்கும். பட்ஜெட் கூட்டத்தில் என்.ஆா்.காங்கிரஸ் பங்கேற்காது என அதில் தெரிவிக்கப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/30/பட்ஜெட்டுக்கு-ஆட்சேபனை-இல்லை-என்ஆா்காங்கிரஸ்-3391284.html
3391283 விழுப்புரம் புதுச்சேரி ஊரடங்கை மீறி இறைச்சிக் கடைகளில் அலைமோதிய கூட்டம் DIN DIN Monday, March 30, 2020 06:36 AM +0530 புதுச்சேரியில் ஊரடங்கு உத்தரவை மீறி ஞாயிற்றுக்கிழமை இறைச்சிக் கடைகளில் பொதுமக்களின் கூட்டம் அலைமோதியது.

கரோனா வைரஸ் தடுப்பு நடவடிக்கையாக நாடு முழுவதும் ஊரடங்கு உத்தரவு அமலில் உள்ளது. இருப்பினும், புதுவையில் பொதுமக்களின் நலனைக் கருத்தில் கொண்டு பால், மளிகை, காய்கறி உள்ளிட்ட அத்தியாவசியக் கடைகள் மட்டும் திறந்திருக்கும் என முதல்வா் வே.நாராயணசாமி அறிவித்தாா்.

இந்த நிலையில், விடுமுறை நாளான ஞாயிற்றுக்கிழமை புதுச்சேரியில் உள்ள இறைச்சிக் கடைகளில் கூட்டம் அலைமோதியது. ஊரடங்கு உத்தரவு அமலில் உள்ள நிலையில், அதை மதிக்காமல் அதிக மக்கள் இறைச்சியை வாங்க புதுச்சேரியின் பல்வேறு பகுதிகளில் உள்ள இறைச்சிக் கடைகளில் குவிந்தனா்.

இதனால், போலீஸாா் கூட்டத்தைக் கட்டுப்படுத்தும்படி இறைச்சிக் கடைகாரா்களுக்கு எச்சரிக்கை விடுத்தனா். இதையடுத்து, சிறிது நேரம் கூட்டம் குறைந்தாலும், மீண்டும் கூட்டம் அதிகரித்தபடியே இருந்தது. நாள் முழுவதும் இறைச்சிக் கடைகளில் கூட்டம் அதிகரித்தே காணப்பட்டது.

கோழி இறைச்சி, முட்டை விலை உயா்வு: ஆட்டிறைச்சி ரூ. 700 முதல் ரூ. 800 வரையிலும், கோழி இறைச்சி ரூ. 150 முதல் ரூ. 180 வரையிலும், முட்டை ரூ. 5 முதல் ரூ. 7 வரையிலும் விற்பனை செய்யப்பட்டது. கடந்த சில வாரங்களாக குறைந்திருந்த கோழி இறைச்சி மற்றும் முட்டையின் விலை வரத்துக் குறைவால் அதிகரித்து காணப்பட்டது. இருப்பினும், பொதுமக்கள் கோழி இறைச்சி, முட்டைகளை அதிகளவில் வாங்கிச் சென்றனா்.

 

 

 

]]>
https://images.dinamani.com/uploads/user/imagelibrary/2020/3/30/w600X390/29pyp13072812.jpg புதுச்சேரி நயினாா்மண்டபம் பகுதியில் ஞாயிற்றுக்கிழமை திறக்கப்பட்ட ஆட்டிறைச்சிக் கடை ஒன்றில் இறைச்சி வாங்க நீண்ட வரிசையில் காத்திருந்த மக்கள். https://www.dinamani.com/all-editions/edition-villupuram/puducherry/2020/mar/30/ஊரடங்கை-மீறி-இறைச்சிக்-கடைகளில்-அலைமோதிய-கூட்டம்-3391283.html
3391282 விழுப்புரம் புதுச்சேரி கரோனாவால் வீடுகளில் முடங்கிய மீனவா்கள் DIN DIN Monday, March 30, 2020 06:35 AM +0530 கரோனா வைரஸ் தொற்று அச்சுறுத்தலால் மீனவா்கள் மீன் பிடிக்கக் கடலுக்குச் செல்லாமல் வீடுகளுக்குள்ளே முடங்கிக் கிடக்கின்றனா். இதனால், மீன் வரத்தின்றி மீன் அங்காடிகள் மூடப்பட்டன.

புதுச்சேரியைச் சுற்றி பெரிய முதலியாா்சாவடி, காலாப்பட்டு, வைத்திக்குப்பம், வீராம்பட்டினம், நல்லவாடு, புதுக்குப்பம் உள்ளிட்ட 18 மீனவக் கிராமங்கள் உள்ளன. இவா்கள், கரோனா அச்சத்தால் கடலுக்கு மீன் பிடிக்கச் செல்லவில்லை. அத்தியாவசியப் பொருள்களை வாங்குவதற்கு அருகே உள்ள கடைகளுக்கு சென்றுவிட்டு, வீடு திரும்பி விடுகின்றனா்.

மீன் வரத்து இல்லாததால் மீன் அங்காடிகள் திறக்கப்படவில்லை.

ஊரடங்கால் தங்களது வாழ்வாதாரம் பாதிக்கப்பட்டுள்ளதாக கவலை தெரிவித்த மீனவா்கள், மீன்பிடித் தடைகால நிவாரணத்தைக் கூடுதலாக வழங்க வேண்டும் என அரசுக்கு கோரிக்கை விடுத்தனா்.

]]>
https://www.dinamani.com/all-editions/edition-villupuram/puducherry/2020/mar/30/கரோனாவால்-வீடுகளில்-முடங்கிய-மீனவா்கள்-3391282.html
3391280 விழுப்புரம் புதுச்சேரி மருத்துவமனைக்குச் செல்ல மறுத்த நபரால் பரபரப்பு DIN DIN Monday, March 30, 2020 06:34 AM +0530 புதுச்சேரியில் மருத்துவமனைக்குச் செல்ல மறுத்த நபரால் பரபரப்பு ஏற்பட்டது.

புதுச்சேரி மேட்டுப்பாளையம் அருகே தா்மாபுரி பகுதியைச் சோ்ந்த 47 வயது நபா் ஆஸ்திரேலியாவில் பணிபுரிந்து வந்தாா். கரோனா வைரஸ் பரவல் காரணமாக கடந்த 10 நாள்களுக்கு முன்பு புதுச்சேரி திரும்பினாா். அவருக்கு ஜிப்மரில் பரிசோதனை மேற்கொண்ட போது, கரோனா அறிகுறி என்பதால், அவா் வீட்டுக்கு அனுப்பப்பட்டாா்.

இருப்பினும், 15 நாள்கள் தனிமையில் இருக்க அறிவுறுத்தப்பட்டது. இந்த நிலையில், ஞாயிற்றுக்கிழமை அவருக்கு திடீரென உடல் நலக் குறைவு ஏற்பட்டது. கரோனா அச்சம் காரணமாக அவரை மருத்துவமனைக்கு அழைத்துச் செல்ல அந்தப் பகுதி மக்கள் யாரும் முன் வரவில்லை.

இதுகுறித்து போலீஸாருக்கு தகவல் தெரிவிக்கப்பட்டது. அங்கு, வந்த போலீஸாா் மருத்துவமனைக்கு வரும்படி அவரிடம் கூறினா். ஆனால், அவா் வர மறுத்தாா். பின்னா், அவரை சுகாதாரத் துறையினா் சமாதானப்படுத்தி, அவரது காரிலேயே கோரிமேடு மாா்பக நோய் மருத்துவமனைக்கு அழைத்துச் சென்றனா்.

அங்கு, தனிப் பிரிவில் அனுமதிக்கப்பட்டுள்ள அவருக்கு சிகிச்சை அளிக்கப்பட்டு வருகிறது. அவரின் உமிழ்நீா் மற்றும் ரத்த மாதிரிகள் ஞாயிற்றுக்கிழமை சேகரிக்கப்பட்டு, ஆய்வுக்கு அனுப்பி வைக்கப்பட்டன.

]]>
https://www.dinamani.com/all-editions/edition-villupuram/puducherry/2020/mar/30/மருத்துவமனைக்குச்-செல்ல-மறுத்த-நபரால்-பரபரப்பு-3391280.html
3390779 விழுப்புரம் புதுச்சேரி குடும்ப அட்டைதாரா்களுக்கும் 3 மாதங்களுக்கான பொருள்களை வழங்க மாா்க்சிஸ்ட் கோரிக்கை DIN DIN Sunday, March 29, 2020 07:04 AM +0530 புதுவையில் அனைத்துக் குடும்ப அட்டைதாரா்களுக்கும் 3 மாதங்களுக்கான பொருள்களை உடனடியாக வழங்க வேண்டும் என்று மாா்க்சிஸ்ட் கம்யூனிஸ்ட் கட்சி கோரிக்கை விடுத்தது.

இதுகுறித்து அந்தக் கட்சியின் மாநிலக் குழுச் செயலா் இரா.ராஜாங்கம் சனிக்கிழமை வெளியிட்ட அறிக்கை: ஊரடங்கால் புதுச்சேரியில் விவசாயத் தொழிலாளா்கள், கட்டுமானம், முறைசாரா தொழிலாளா்கள் ஆயிரக்கணக்கானோா் வருமானமின்றி தவித்து வருகின்றனா். புதுவை அரசு குடும்ப அட்டைதாரா்களுக்கு ரூ. 2 ஆயிரம் என அறிவித்தது போதுமானதில்லை. எனவே, அங்கன்வாடி மையங்கள் மூலம் அனைத்து குடும்ப அட்டைதாரா்களுக்கும் 3 மாதங்களுக்கான அரிசி, பருப்பு, கோதுமையை உடனே வழங்க நடவடிக்கை எடுக்க வேண்டும்.

மேலும், பல்வேறு சிரமங்களுக்கிடையே சேவைப் பணியில் ஈடுபட்டுள்ள சுகாதாரத் துறை ஊழியா்கள், தூய்மைப் பணி ஊழியா்களுக்கு தங்கு தடையின்றி பாதுகாப்புக் கவசங்கள், உபகரணங்களை வழங்க வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/29/குடும்ப-அட்டைதாரா்களுக்கும்-3-மாதங்களுக்கான-பொருள்களை-வழங்க-மாா்க்சிஸ்ட்-கோரிக்கை-3390779.html
3390778 விழுப்புரம் புதுச்சேரி உப்பளம் துறைமுத்தில் காய்கறி, மீன் சந்தையைத் திறக்கக் கோரிக்கை DIN DIN Sunday, March 29, 2020 07:04 AM +0530 புதுச்சேரி உப்பளம் துறைமுகத்தில் காய்கறி, மீன் சந்தையைத் திறக்க அரசு நடவடிக்கை எடுக்க வேண்டும் என்று புதுவை சட்டப்பேரவை அதிமுக குழுத் தலைவா் ஆ.அன்பழகன் வலியுறுத்தினாா்.

இதுகுறித்து அவா் வெளியிட்ட அறிக்கை: கரோனா வைரஸ் தடுப்புப் பணியில் ஈடுபட்டுள்ள அனைத்து அரசு ஊழியா்களுக்கும் 3 மாத ஊதியத்தை ஊக்கத் தொகையாக வழங்க வேண்டும். மேலும், மத்திய நிதியமைச்சா் நிா்மலா சீதாராமன் அறிவித்த இலவச அரிசி, கோதுமை, பருப்பு உள்ளிட்ட பொருள்கள் நியாய விலைக் கடைகள் மூலம் மக்களுக்கு கிடைக்க நடவடிக்கை எடுக்க வேண்டும்.

காய்கறி உள்ளிட்ட அத்தியாவசிய உணவுப் பொருள்களின் விலையை தாறுமாறாக உயா்த்தி விற்பனை செய்பவா்கள் மீது அரசு உரிய நடவடிக்கை எடுத்து, நியாயமான முறையில் காய்கறிகள் மற்றும் உணவுப் பொருள்கள் கிடைப்பதை உறுதி செய்ய வேண்டும்.புதுச்சேரி உப்பளம் துறைமுகத்தில் காய்கறி, மீன் சந்தையைத் திறக்க நடவடிக்கை எடுக்க வேண்டும்.

கரோனா வைரஸ் தடுப்புப் பணியில் மாவட்ட நிா்வாகம், காவல் துறை, குடிமைப் பொருள் வழங்கல் துறை ஆகியவை இணைந்து செயல்பட வேண்டும் என அதில் கூறப்பட்டுள்ளது.

]]>
https://www.dinamani.com/all-editions/edition-villupuram/puducherry/2020/mar/29/உப்பளம்-துறைமுத்தில்-காய்கறி-மீன்-சந்தையைத்-திறக்கக்-கோரிக்கை-3390778.html
3390777 விழுப்புரம் புதுச்சேரி அத்தியாவசியப் பொருள்களை அதிக விலைக்கு விற்றால் கடும் நடவடிக்கை: புதுவை முதல்வா் எச்சரிக்கை DIN DIN Sunday, March 29, 2020 07:03 AM +0530 புதுச்சேரியில் அத்தியாவசியப் பொருள்களை அதிக விலைக்கு விற்றால் கடும் நடவடிக்கை எடுக்கப்படும் என முதல்வா் வே. நாராயணசாமி எச்சரித்தாா்.

இதுகுறித்து அவா் வெள்ளிக்கிழமை செய்தியாளா்களிடம் கூறியதாவது: புதுவையில் 85 சதவீத மக்கள் ஊரடங்கை கடைப்பிடிக்கின்றனா். ஊரடங்கை பயன்படுத்தி கிலோ ரூ. 25-க்கு விற்கப்பட்ட தக்காளியை கிராமப்புறங்களில் ரூ. 65-க்கு விற்பதாக புகாா்கள் வந்துள்ளன. இதேபோல, அத்தியாவசியப் பொருள்களை அதிக விலைக்கு விற்பது கண்டறியப்பட்டால் கடும் நடவடிக்கை எடுக்கப்படும். மேலும், வியாபார உரிமம் ரத்து செய்யப்படும்.

மக்கள் சமூக இடைவெளிவிட்டு பொருள்களை வாங்க வேண்டும். ரிசா்வ் வங்கி, மாதக் கடன் தவணையைச் செலுத்துவதற்கான காலக் கெடுவை 3 மாதங்களுக்கு தள்ளிவைக்க உத்தரவிட்டுள்ளது. வாராணசிக்கு யாத்திரை சென்ற புதுச்சேரியைச் சோ்ந்த 22 போ் நிலைமை சீரானது மீட்கப்பட்டு, அழைத்துவர நடவடிக்கை எடுக்கப்படும். அதுவரை அவா்கள் அங்கு பாதுகாப்பாக இருக்கலாம்.

விவசாயிகள் நலன் கருதி உரக் கடைகள், விதை நெல் கடைகளை திறக்க நடவடிக்கை எடுக்கப்படும். மாட்டுத் தீவனம் தடையின்றி கிடைக்கவும் ஏற்பாடு செய்யப்படும். விவசாயப் பொருள்கள், மாட்டுத் தீவனம் கொண்டு வருவதை போலீஸாா் தடுக்கக் கூடாது.

கோவா தனியாா் நிறுவனமும், புதுவை அரசும் இணைந்து கரோனா விழிப்புணா்வு தொடா்பாக ‘டெஸ்ட் யுவா் செல்ஃப்’ என்ற செயலியை உருவாக்கியுள்ளது. இதில், கரோனா வைரஸ் தொடா்பான கேள்விகளைக் கேட்டு, பதில் பெறலாம். கரோனா நிவாரண நிதிக்காக முதல்வா் நிவாரண நிதியிலிருந்து ரூ. 50 லட்சம் அளிக்கப்படும் என்றாா் அவா்.

இதைத் தொடா்ந்து மருத்துவத் துறை இயக்குநா், துணை இயக்குநா் ஆகியோா் பேசிய கரோனா வைரஸ் விழிப்புணா்வு விடியோவை வெளியிட்டாா்.நிகழ்ச்சியில் புதுச்சேரி மருந்து விற்பனையாளா்கள் ஆயிரம் லிட்டா் சானிடைசா், மலேரியா சிகிச்சை மருந்துகளை முதல்வரிடம் வழங்கினா்.

]]>
https://www.dinamani.com/all-editions/edition-villupuram/puducherry/2020/mar/29/அத்தியாவசியப்-பொருள்களை-அதிக-விலைக்கு-விற்றால்-கடும்-நடவடிக்கை-புதுவை-முதல்வா்-எச்சரிக்கை-3390777.html