Dinamani - விழுப்புரம் - https://www.dinamani.com/all-editions/edition-villupuram/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3185883 அனைத்துப் பதிப்புகள் விழுப்புரம் விழுப்புரம் ரயில் நிலையத்தில் உணவுப் பொருள்களுக்கு ரசீது வழங்கும் முறை தொடக்கம் DIN DIN Friday, July 5, 2019 08:39 AM +0530 விழுப்புரம் ரயில் நிலைய நடைமேடையில் விற்பனை செய்யப்படும் உணவுப் பொருள்களுக்கு ரசீது வழங்கும் நடைமுறை வியாழக்கிழமை தொடங்கப்பட்டது.
 ரயில் நிலையங்களில் பயணிகளின் தேவைக்காக தனியார் மூலமாக உணவகங்கள் நடத்தப்படுகின்றன. இதுபோன்ற உணவகங்களில் உணவுப் பொருள்கள் வாங்கும்போது ரசீதுகள் வழங்கப்படுகின்றன. ஆனால், இந்த உணவகங்களில் இருந்து கொண்டு செல்லப்பட்டு நடைமேடைகளில் விற்கப்படும் பொருள்களுக்கு ரசீதுகள் வழங்கப்படுவதில்லை. மேலும், அவ்வாறு விற்கப்படும் பொருள்களின் விலை அதிமாக இருப்பதாக புகார்கள் எழுந்தன.
 இந்த நிலையில், விழுப்புரம் ரயில் நிலையத்தில் நடைமேடைகளில் விற்பனை செய்யப்படும் உணவுப் பொருள்களுக்கு ரசீது வழங்கும் நடைமுறை வியாழக்கிழமை தொடங்கப்பட்டது. இதற்காக, ரயில் நிலையத்தில் அமைந்துள்ள உணவகத்திலிருந்து உணவுப் பொருள்களை விற்பனைக்கு கொண்டு செல்லும்போதே விற்பனையாளர்கள் ஒவ்வொரு பொருளுக்கும் ரசீதுகளை எடுத்துக்கொண்டு செல்கின்றனர். ஒரு காபி வாங்கினால், அதற்கான ரசீதை பயணிகளிடம் வழங்கி பணத்தைப் பெற்றுக்கொள்கின்றனர்.
 விழுப்புரம் ரயில் நிலையத்தில் ஒரு காபி ரூ.10-க்கும், டீ ரூ.5-க்கும், ஒரு லிட்டர் குடிநீர் பாட்டில் ரூ.15-க்கும் விற்பனை செய்யப்படுகின்றன. இதேபோன்று, வெஜ் பிரியாணி ரூ.45-க்கும், தயிர் சாதம் ரூ.17-க்கும் விற்பனை செய்யப்படுகின்றன.
 முதல்கட்டமாக, காபிக்கு மட்டும் ரசீது வழங்கப்பட்டது. வரும் நாள்களில் அனைத்து உணவுப் பொருள்களுக்கும் ரசீது வழங்கப்படும் என்று விற்பனையாளர்கள் தெரிவித்தனர்.

]]>
https://www.dinamani.com/all-editions/edition-villupuram/2019/jul/05/விழுப்புரம்-ரயில்-நிலையத்தில்-உணவுப்-பொருள்களுக்கு-ரசீது-வழங்கும்-முறை-தொடக்கம்-3185883.html
3185866 அனைத்துப் பதிப்புகள் விழுப்புரம் விழுப்புரத்தில் இன்று தனியார் வேலைவாய்ப்பு முகாம் DIN DIN Friday, July 5, 2019 08:29 AM +0530 விழுப்புரம் வேலைவாய்ப்பு அலுவலகத்தில் வெள்ளிக்கிழமை (ஜூலை 5) தனியார் வேலைவாய்ப்பு முகாம் நடைபெறுகிறது.
 இதுகுறித்து விழுப்புரம் மாவட்ட ஆட்சியரகம் வெளியிட்ட செய்திக் குறிப்பு:
 விழுப்புரம் மாவட்ட வேலைவாய்ப்பு அலுவலகத்தில் வாரந்தோறும் வெள்ளிக்கிழமைகளில் தனியார் வேலைவாய்ப்பு முகாம்கள் நடைபெற்று வருகின்றன.
 2018 ஏப்ரல் மாதம் முதல் நிகழாண்டு ஜூன் மாதம் வரையில் நடைபெற்ற முகாம்களில் 295 நிறுவனங்கள் மூலமாக 8,020 பேர் பணிக்குத் தேர்வு செய்யப்பட்டுள்ளனர்.
 தொடர்ந்து, இந்த வாரமும் வெள்ளிக்கிழமை (ஜூலை 5) காலை 10 மணி முதல் பிற்பகல் 2 மணி வரை தனியார் வேலைவாய்ப்பு முகாம் நடைபெறுகிறது. இதில், படித்த, வேலைவாய்ப்பற்ற இளைஞர்கள், இளம் பெண்கள் கலந்துகொண்டு தனியார் துறையில் பணி வாய்ப்பைப் பெற்றுக்கொள்ளலாம் என்று மாவட்ட ஆட்சியர் இல.சுப்பிரமணியன் தெரிவித்துள்ளார்.
 

]]>
https://www.dinamani.com/all-editions/edition-villupuram/2019/jul/05/விழுப்புரத்தில்-இன்று-தனியார்-வேலைவாய்ப்பு-முகாம்-3185866.html
3185865 அனைத்துப் பதிப்புகள் விழுப்புரம் உளுந்தூர்பேட்டை அருகே குளத்தில் கிடந்த பண பாதுகாப்புப் பெட்டகம் DIN DIN Friday, July 5, 2019 08:29 AM +0530 விழுப்புரம் மாவட்டம், உளுந்தூர்பேட்டை அருகே கோயில் குளத்தில் பண பாதுகாப்புப் பெட்டகம் ஒன்று உடைக்கப்பட்ட நிலையில் வியாழக்கிழமை கிடந்தது. இதை போலீஸார் கைப்பற்றி விசாரணை நடத்தி வருகின்றனர்.
 உளுந்தூர்பேட்டை அருகே பெரியசெவலை கிராமத்தில் உள்ள பெருமாள் கோயில் குளத்தில் வியாழக்கிழமை காலை இரும்பு பாதுகாப்புப் பெட்டகம் ஒன்று உடைக்கப்பட்ட நிலையில் கிடந்தது. தகவலறிந்த திருவெண்ணெய்நல்லூர் காவல் நிலைய உதவி ஆய்வாளர் அய்யனார் தலைமையிலான போலீஸார், அங்கு விரைந்து சென்று பெட்டகத்தை சோதனையிட்டனர்.
 அந்த பெட்டகத்தினுள் ரூ.2,000, ரூ.10 நோட்டுகள் தலா ஒன்றும், ரூ.30 சில்லறைக் காசுகளும், பித்தளையால் செய்யப்பட்ட புத்தர் சிலை ஒன்றும் இருந்தன.
 இந்த பாதுகாப்புப் பெட்டகம் வங்கி, அடகுக் கடைகள், நிதி நிறுவனங்கள், பெரிய கடைகள், பெரும் வணிகர்களின் வீடுகளில் பயன்படுத்தப்படுவது போன்று இருந்தது. ஆகையால், இந்தப் பெட்டத்தை வங்கி அல்லது
 அடகுக் கடையிலிருந்து மர்ம நபர்கள் திருடி உடைத்து, அதிலிருந்த பணம், பொருள்களை எடுத்துவிட்டு பெட்டகத்தை மட்டும் குளத்தில் வீசிச் சென்றிருக்கலாம் என்று போலீஸார் சந்தேகித்தனர்.
 மேலும், சுற்றுவட்டாரப் பகுதிகளில் பணப் பாதுகாப்புப் பெட்டகம் ஏதேனும் திருடப்பட்டதா என்றும் போலீஸார் விசாரித்தனர். ஆனால், அந்தப் பகுதியில் இதுபோன்ற திருட்டுச் சம்பவம் எதுவும் நடைபெற்றதாகத் தெரியவில்லை. இதைத் தொடர்ந்து, அந்த பாதுகாப்புப் பெட்டகத்தை போலீஸார் கைப்பற்றி, காவல் நிலையத்துக்கு கொண்டு சென்று தொடர் விசாரணை மேற்கொண்டுள்ளனர்.
 

]]>
https://www.dinamani.com/all-editions/edition-villupuram/2019/jul/05/உளுந்தூர்பேட்டை-அருகே-குளத்தில்-கிடந்த-பண-பாதுகாப்புப்-பெட்டகம்-3185865.html
3185864 அனைத்துப் பதிப்புகள் விழுப்புரம் பொறுப்பேற்பு DIN DIN Friday, July 5, 2019 08:29 AM +0530 செஞ்சியை அடுத்த மேல்மலையனூர் ஸ்ரீஅங்காளம்மன் கோயில் இந்து சமய அறநிலையத் துறை புதிய உதவி ஆணையராக கே.ராமு வியாழக்கிழமை பொறுப்பேற்றார்.
 இவர், முன்னதாக கோவை மாவட்டம், தேக்கம்பட்டி ஸ்ரீவனபத்ரகாளியம்மன் கோயிலில் பணியாற்றினார். இதேபோல, மேல்மலையனூர் ஸ்ரீஅங்காளம்மன் கோயில் உதவி ஆணையராக இருந்த பிரகாஷ், தருமபுரி மாவட்ட இந்து சமய அறநிலையத் துறை உதவி ஆணையராக பணியிட மாறுதல் செய்யப்பட்டார்.
 

]]>
https://www.dinamani.com/all-editions/edition-villupuram/2019/jul/05/பொறுப்பேற்பு-3185864.html
3185863 அனைத்துப் பதிப்புகள் விழுப்புரம் இன்று அரசுத் திட்ட முகாம் DIN DIN Friday, July 5, 2019 08:28 AM +0530 விழுப்புரம் மாவட்டம், ஆலகிராமம், நாட்டார் மங்கலம் உள்ளிட்ட கிராமங்களில் அரசுத் திட்ட முகாம் வெள்ளிக்கிழமை (ஜூலை 5) நடைபெறுகிறது.
 இதுகுறித்து விழுப்புரம் மாவட்ட ஆட்சியரகம் வெளியிட்ட செய்திக் குறிப்பு:
 வருவாய்த் துறை சார்பில், வாரந்தோறும் வெள்ளிக்கிழமைகளில் கிராமங்களில் அரசுத் திட்ட முகாம் நடத்தப்பட்டு வருகிறது. அதன்படி, வெள்ளிக்கிழமை (ஜூலை 5) திண்டிவனம் வட்டத்தில் உள்ள ஆலகிராமம் (கிழக்கு), செஞ்சி வட்டத்தில் நாட்டார் மங்கலம், உளுந்தூர்பேட்டை வட்டத்தில் மடப்பட்டு, சங்கராபுரம் வட்டத்தில் வட செட்டியந்தல் ஆகிய கிராமங்களில் அரசுத் திட்ட முகாம் நடைபெறுகிறது. இந்த முகாமில், பொதுமக்கள் கலந்துகொண்டு கோரிக்கை மனுக்களை அளித்து பயன்பெறலாம் என்று தெரிவிக்கப்பட்டுள்ளது.
 
 

]]>
https://www.dinamani.com/all-editions/edition-villupuram/2019/jul/05/இன்று-அரசுத்-திட்ட-முகாம்-3185863.html
3185862 அனைத்துப் பதிப்புகள் விழுப்புரம் குடிநீர் பிரச்னை: கிராம மக்கள் மறியல் DIN DIN Friday, July 5, 2019 08:28 AM +0530 விக்கிரவாண்டி அருகே ராதாபுரத்தில் குடிநீர் பிரச்னையைத் தீர்க்க வலியுறுத்தி, பொதுமக்கள் வியாழக்கிழமை சாலை மறியலில் ஈடுபட்டனர்.
 விக்கிரவாண்டி அருகே ராதாபுரம் கிராமத்தில் வறட்சி காரணமாக குடிநீர்த் தட்டுப்பாடு நிலவி வருகிறது. இந்த நிலையில், கடந்த வாரம் புதிய ஆழ்துளைக் கிணறு மூலம் தண்ணீரை மேல்நிலை நீர்த்தேக்கத் தொட்டியில் ஏற்றி, ஒரு பகுதிக்கு அதிகாரிகள் விநியோகம் செய்தனர்.
 மேலும், அந்தப் பகுதி விவசாயி புண்ணியகோட்டி, தனது நிலத்திலிருந்து ராதாபுரம் பிரதான சாலையில் உள்ள மேல்நிலை நீர்த்தேக்கத் தொட்டிக்கு தண்ணீர் வழங்கி வந்தார். இதனால், பழைய நீர்த்தேக்கத் தொட்டி பகுதி மக்கள் பயன்பெற்று வந்தனர். இந்த நிலையில், பழைய நீர்த்தேக்கத் தொட்டி தெருவுக்குச் செல்லும் குடிநீரை நிறுத்தி, பிரதான சாலைப் பகுதிக்கு வழங்க வலியுறுத்தி, கிராம நிர்வாக அலுவலகம் எதிரே வியாழக்கிழமை அந்தப் பகுதி மக்கள் திரண்டனர். பின்னர், விழுப்புரம் - வழுதாவூர் சாலையில் காலிக் குடங்களுடன் அவர்கள் மறியலில் ஈடுபட்டனர்.
 தகவலறிந்த வட்டார வளர்ச்சி அலுவலர்கள் அறவாழி, நாராயணன், விக்கிரவாண்டி காவல் நிலைய உதவி ஆய்வாளர் சங்கர சுப்பிரமணியன், சேதுராமன் மற்றும் போலீஸார் விரைந்து சென்று பொதுமக்களிடம் பேச்சுவார்த்தை நடத்தினர். அப்போது, குடிநீர் பிரச்னையைத் தீர்க்க கூடுதலாக ஆழ்துளைக் கிணறுகள் விரைவாக அமைத்துத் தரப்படும் என்று அதிகாரிகள் உறுதியளித்தனர். இதை ஏற்று பொதுமக்கள் சாலை மறியலைக் கைவிட்டனர்.
 
 

]]>
https://www.dinamani.com/all-editions/edition-villupuram/2019/jul/05/குடிநீர்-பிரச்னை-கிராம-மக்கள்-மறியல்-3185862.html
3185861 அனைத்துப் பதிப்புகள் விழுப்புரம் காணை ஒன்றியத்தில் வளர்ச்சிப் பணிகள்: ஆட்சியர் ஆய்வு DIN DIN Friday, July 5, 2019 08:28 AM +0530 விழுப்புரம் அருகே காணை ஊராட்சி ஒன்றியத்தில் நடைபெற்று வரும் வளர்ச்சித் திட்டப் பணிகளை மாவட்ட ஆட்சியர் இல.சுப்பிரமணியன் வியாழக்கிழமை நேரில் பார்வையிட்டு, ஆய்வு செய்தார்.
 அப்போது, வட்டார வளர்ச்சி அலுவலகத்தில் நடைபெற்ற ஆய்வுக் கூட்டத்தில், பிரதமரின் வீடு வழங்கும் திட்டம், முதல்வரின் பசுமை வீடு திட்டம், தூய்மை பாரத இயக்கத் திட்டம், தேசிய ஊரக வேலை உறுதித் திட்டம், சாலை மேம்பாட்டுத் திட்டம், குடிநீர்த் திட்டப் பணிகளின் நிலை குறித்து கேட்டறிந்தார்.
 ஊரகப் பகுதிகளில் ஏற்படும் தண்ணீர் பற்றாக்குறையை போக்கவும், குடிநீர் பிரச்னைகள் ஏற்படாமல் ஆரம்ப நிலையிலேயே தவிர்த்திடவும், குடிநீர் விநியோகத்தில் ஏற்படும் மின் மோட்டார் பழுது, நீர்மட்டம் கீழே செல்வது, மின் இணைப்புகள் பழுது போன்றவற்றை உடனுக்குடன் சீர் செய்ய வேண்டும்.
 தனி நபர் இல்லங்களில் கழிப்பறைகள் கட்டுவதற்கான தேவையை உருவாக்குவது, கழிப்பறைகள் தொடர்ந்து பயன்பாட்டில் இருப்பதை கண்காணிப்பது குறித்து ஆட்சியர் அறிவுரைகளை வழங்கினார். பின்னர், காணை ஒன்றியம், மல்லிகைப்பட்டு ஊராட்சியில் ரூ.9 லட்சத்தில் புதிதாக அமைக்கப்பட்டு வரும் திறந்தவெளிக் கிணற்றையும், அரியலூர் திருக்கை ஊராட்சியில் ரூ.4.31 லட்சத்தில் புதிதாக அமைக்கப்பட்டுள்ள திறந்தவெளிக் கிணற்றையும், சூரப்பட்டு ஊராட்சியில் பொதுநிதித் திட்டம் 2018 - 19ன் கீழ், ரூ.4.99 லட்சத்தில் புதிதாக அமைக்கப்பட்டுள்ள புதிய ஆழ்துளைக் குழாய், மின் மோட்டார் மற்றும் பிரதான குழாய்கள் விரிவாக்கப் பணிகளையும், சிறுவாளை ஊராட்சியில் தேசிய ஊரக வேலைத் திட்டத்தில் ரூ9.97 லட்சத்தில் புதிதாக அமைக்கப்பட்டு வரும் திறந்தவெளிக் கிணற்றையும் மாவட்ட ஆட்சியர் இல.சுப்பிரமணியன் பார்வையிட்டு ஆய்வு செய்தார்.
 திட்டப் பணிகளை குறைகளின்றி, விரைந்து முடிக்க அவர் உத்தரவிட்டார்.
 மாவட்ட ஆட்சியரின் நேர்முக உதவியாளர் மஞ்சுளா, ஊரக வளர்ச்சித் துறை செயற்பொறியாளர் சுந்தரேசன், ஊராட்சி உதவி இயக்குநர் ஜோதி, வட்டார வளர்ச்சி அலுவலர்கள் கேசவலு, இந்திராணி உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-villupuram/2019/jul/05/காணை-ஒன்றியத்தில்-வளர்ச்சிப்-பணிகள்-ஆட்சியர்-ஆய்வு-3185861.html
3185860 அனைத்துப் பதிப்புகள் விழுப்புரம் தலைமை ஆசிரியர் பணியிடை நீக்கம் DIN DIN Friday, July 5, 2019 08:27 AM +0530 விழுப்புரம் மாவட்டம், சின்னசேலம் அருகே பணி நேரத்தில் சொந்த வேலைக்காக வெளியே சென்ற அரசுப் பள்ளித் தலைமை ஆசிரியர் பணியிடை நீக்கம் செய்யப்பட்டார்.
 சின்னசேலம் அருகேயுள்ள பங்காரம் கிராமத்தில் ஊராட்சி ஒன்றிய தொடக்கப் பள்ளி இயங்கி வருகிறது. இந்தப் பள்ளியின் தலைமை ஆசிரியர் சண்முகம் புதன்கிழமை பள்ளி வேலை நேரத்தின்போது, பணியில் இல்லாமல் வெளியே சென்றதாகத் தெரிகிறது.
 இதனிடையே, கள்ளக்குறிச்சி கல்வி மாவட்ட அலுவலர் கார்த்திகா புதன்கிழமை திடீரென அந்தப் பள்ளிக்கு ஆய்வுக்காகச்சென்றார்.
 அப்போது, பள்ளியில் இல்லாத தலைமை ஆசிரியர் சண்முகம், வருகைப் பதிவேட்டில் கையொப்பமிட்டு விட்டு வெளியில் சென்றிருந்தது தெரிய வந்தது. இதுதொடர்பாக, பள்ளி ஆசிரியர்கள், மாணவர்களிடம் மாவட்டக் கல்வி அலுவலர் விசாரித்தபோது, பணி நேரத்தில் தலைமை ஆசிரியர் சொந்த வேலைக்காக வெளியே சென்றிருந்ததை உறுதிப்படுத்தினார். இதையடுத்து, தலைமை ஆசிரியர் சண்முகத்தை பணியிடை நீக்கம் செய்து மாவட்டக் கல்வி அலுவலர் கார்த்திகா உத்தரவிட்டார்.
 

]]>
https://www.dinamani.com/all-editions/edition-villupuram/2019/jul/05/தலைமை-ஆசிரியர்-பணியிடை-நீக்கம்-3185860.html
3185859 அனைத்துப் பதிப்புகள் விழுப்புரம் ஏடிஎம் மையத்தில் கிடைத்த ரூ.10 ஆயிரத்தை காவல் நிலையத்தில் ஒப்படைத்த முதியவர் DIN DIN Friday, July 5, 2019 08:27 AM +0530 விழுப்புரம் மாவட்டம், செஞ்சியில் உள்ள ஏடிஎம் மைய இயந்திரத்தில் வேறொரு வாடிக்கையாளரின் பணம் ரூ.10 ஆயிரம் வந்ததையடுத்து, அந்தப் பணத்தை முதியவர் ஒருவர் காவல் நிலையத்தில் ஒப்படைத்தார்.
 செஞ்சி - திருவண்ணாமலை சாலையில் உள்ள தேசியமயமாக்கப்பட்ட வங்கியின் ஏடிஎம் மையத்தில் வியாழக்கிழமை அடையாளம் தெரியாத நபர் ஒருவர் பணம் எடுக்கச் சென்றார். பணஅட்டையின் மூலம் இயந்திரத்தில் பணத்தை எடுக்க முயன்ற அவர், பணம் வர தாமதமானதையடுத்து, பணம் வராது என்று சென்று விட்டார். அதே ஏடிஎம் மையத்தில் செஞ்சி வட்டம், பாலப்பட்டு கிராமத்தைச் சேர்ந்த ஏழுமலை (61) பணம் எடுக்கச் சென்றார். அப்போது, அவரது பண அட்டையை இயந்திரத்தில் செலுத்தியவுடன்
 ரூ.10 ஆயிரம் வந்தது. அந்தப் பணத்தை எடுத்துக் கொண்டு செஞ்சி காவல் நிலையத்துக்கு எழுமலை சென்றார. அங்கிருந்த காவல் உதவி ஆய்வாளர் ராஜேஷிடம் விவரத்தைக் கூறி பணத்தை ஒப்படைத்தார்.
 நேர்மையாக செயல்பட்ட ஏழுமலையை காவல் துறையினர் மற்றும் பொதுமக்கள் பாராட்டினர்.
 

]]>
https://www.dinamani.com/all-editions/edition-villupuram/2019/jul/05/ஏடிஎம்-மையத்தில்-கிடைத்த-ரூ10-ஆயிரத்தை-காவல்-நிலையத்தில்-ஒப்படைத்த-முதியவர்-3185859.html
3185858 அனைத்துப் பதிப்புகள் விழுப்புரம் கிடப்பில் போடப்பட்ட தார்ச்சாலைப் பணிகள்: 5 கிராம மக்கள் அவதி DIN DIN Friday, July 5, 2019 08:26 AM +0530 முகையூர் அருகே புதிய தார்ச்சாலைப் பணிகளுக்கு ஜல்லிக் கற்கள் கொட்டப்பட்டு, 6 மாதங்களாக சாலைப்பணிகள் கிடப்பில் போடப்பட்டுள்ளதால், 5 கிராம மக்கள் அவதிப்பட்டு வருகின்றனர்.
 திருக்கோவிலூர் அருகே முகையூரிலிருந்து கண்டாச்சிபுரம் செல்லும் தார்ச்சாலை நீண்டகால பயன்பாட்டால் சேதமடைந்திருந்தது. இதில், இடையே உள்ள சத்தியகண்டநல்லூர் கிராமத்திலிருந்து காரணைபெரிச்சானூர் வரை 3 கி.மீ. தொலைவுக்கு தார்ச்சாலை அமைக்க மணம்பூண்டி வட்டார வளர்ச்சித் துறையினர் நடவடிக்கை எடுத்தனர்.
 இதற்காக, கடந்த 6 மாதங்களுக்கு முன்பு சாலையை தோண்டி, சீரமைப்புப் பணியைத் தொடங்கினர். சாலையில் கிராவல் நிரப்பி முதல்கட்ட பணியை மேற்கொண்டனர். இதன் பிறகு, தார்ச்சாலை அமைக்கும் பணியை மேற்கொள்ளாமல் கிடப்பில் போட்டிருந்தனர். மீண்டும் கடந்த மாதம் தார்ச்சாலைக்காக கருங்கல் ஜல்லிகளை கொண்டு வந்து 3 கி.மீ. தொலைவுக்கும் சாலையில் பரப்பிய நிலையில், தார்ச்சாலை போடுவதற்கான நடவடிக்கை எடுக்காமல் கிடப்பில் போட்டுள்ளனர். இதேபோல, காரணைபெரிச்சானூர் - சித்தேரிப்பட்டு - ஆயந்தூர் இடையிலான சாலைப் பணிகளும் 6 மாதங்களாக கிடப்பில் போடப்பட்டுள்ளன.
 இதுகுறித்து அந்தப் பகுதியில் கூறியதாவது:
 சத்தியகண்டநல்லூர் - காரணைபெரிச்சானூர் இடையே 3 கி.மீ. தொலைவுக்கு தார்ச்சாலை அமைக்க ஜல்லியை கொட்டி வைத்துள்ளனர். இதனால், வாகனங்கள் சென்றுவரவும், பொதுமக்கள் நடந்து செல்லவும் மிகுந்த வேதனையாக உள்ளது.
 விழுப்புரத்திலிருந்தும், திருக்கோவிலூர் பகுதியிலிருந்தும் 2 அரசுப் பேருந்துகள் தினசரி 6 முறை காரணைபெரிச்சானூருக்கு இயக்கப்பட்டு வருகின்றன. ஆனால், சாலை சரியில்லாததால், இந்தப் பேருந்துகள் வந்து செல்வதற்கு தாமதமாகிறது.
 இதேபோல, காரணைபெரிச்சானூர் - சித்தேரிப்பட்டு - ஆயந்தூர் இடையே 3 கி.மீ. தொலைவுக்கு தார்ச்சாலை போடுவதற்காக ஜல்லிக் கற்களை கொட்டப்பட்டு, பணிகள் நடைபெறாமல் உள்ளன.
 இரு மார்க்கங்களிலும் சாலைப்பணிகள் கிடப்பில் போடப்பட்டுள்ளதால், இந்தச் சாலையை பயன்படுத்தி வரும் 5 கிராம மக்கள் அவதிப்பட்டு வருகின்றனர். ஒப்பந்ததாரர்களிடம் கேட்டபோது, வேறு இடத்தில் பணி நடப்பதால், அது முடிந்ததும் சாலை அமைக்கப்படும் எனக் கூறி காலம் கடத்தி வருகின்றனர்.
 எனவே, சத்தியகண்டநல்லூர் - காரணைபெரிச்சானூர், காரணைபெரிச்சானூர் - சித்தேரிப்பட்டு - ஆயந்தூர் இடையிலான தார்ச்சாலைப் பணிகளை விரைந்து முடிக்க அதிகாரிகள் நடவடிக்கை எடுக்க வேண்டும் என்றனர்.
 
 

]]>
https://www.dinamani.com/all-editions/edition-villupuram/2019/jul/05/கிடப்பில்-போடப்பட்ட-தார்ச்சாலைப்-பணிகள்-5-கிராம-மக்கள்-அவதி-3185858.html
3153848 அனைத்துப் பதிப்புகள் விழுப்புரம் வாக்கு எண்ணும் பணியாளர்களுக்குப் பயிற்சி DIN DIN Saturday, May 18, 2019 08:02 AM +0530 விழுப்புரம் மக்களவை (தனி) தொகுதியில் வாக்கு எண்ணிக்கையில் ஈடுபட உள்ள பணியாளர்களுக்கான பயிற்சி வகுப்பு வெள்ளிக்கிழமை நடைபெற்றது.
 தமிழகத்தில் கடந்த ஏப்.18-ஆம் தேதி நடைபெற்ற மக்களவைத் தேர்தலுக்கான வாக்கு எண்ணிக்கை வருகிற 23-ஆம் தேதி நடைபெறுகிறது. இதில், விழுப்புரம் மக்களவை (தனி) தொகுதிக்கான வாக்கு எண்ணிக்கைப் பணிகள் குறித்து விழுப்புரம் மாவட்ட ஆட்சியர் அலுவலகத்தில் மாவட்ட தேர்தல் அலுவலர் இல.சுப்பிரமணியன் தலைமையில் பயிற்சி அளிக்கப்பட்டது.
 இதில், வாக்கு எண்ணிக்கையில் ஈடுபடும் மேற்பார்வையாளர்கள், உதவியாளர்களுக்கு வாக்கு எண்ணிக்கையின்போது கடைப்பிடிக்கப்படும் வழிமுறைகள் குறித்து பயிற்சி அளிக்கப்பட்டது. மாவட்ட வருவாய் அலுவலர் ஆர்.பிரியா, அனைத்து உதவி தேர்தல் நடத்தும் அலுவலர்கள், மாவட்ட ஆட்சியரின் நேர்முக உதவியாளர் (தேர்தல்) வீ.பிரபாகர் உள்ளிட்டோர் கலந்து கொண்டனர்.
 

]]>
https://www.dinamani.com/all-editions/edition-villupuram/2019/may/18/வாக்கு-எண்ணும்-பணியாளர்களுக்குப்-பயிற்சி-3153848.html
3153847 அனைத்துப் பதிப்புகள் விழுப்புரம் சிறுகடம்பூர் ரேணுகாம்பாள் கோயில் தீமிதி திருவிழா DIN DIN Saturday, May 18, 2019 08:02 AM +0530 செஞ்சி சிறுகடம்பூர் வடக்கு பார்த்த அம்மன் (எ)ரேணுகாம்பாள் கோயில் பிரமோத்ஸவ விழாவின் 9-ஆம் நாளான வெள்ளிக்கிழமை தீமிதி திருவிழா நடைபெற்றது.
 விழாவையொட்டி, வெள்ளிக்கிழமை காலை செஞ்சி மாரியம்மன் கோயில் குளக்கரையில் இருந்து சக்தி கிரகம் ஜோடித்து எடுத்து வரப்பட்டு ரேணுகாம்பாள் கோயிலை அடைந்தது.
 பின்னர், அம்மனுக்கு சிறப்பு அபிஷேகம், ஆராதனைகள் நடைபெற்றன. அம்மன் மடியில் நெருப்பு கட்டி வழிபாடு செய்தனர். இதனைத் தொடர்ந்து, விரதம் கடைப்பிடித்து வந்த ஏராளமான பெண்களும், ஆண்களும் தீ மிதித்து வேண்டுதலை நிறைவேற்றினர். ஏற்பாடுகளை சிறுகடம்பூர் கிராம மக்கள் செய்திருந்தனர்.
 

]]>
https://www.dinamani.com/all-editions/edition-villupuram/2019/may/18/சிறுகடம்பூர்-ரேணுகாம்பாள்-கோயில்-தீமிதி-திருவிழா-3153847.html
3153846 அனைத்துப் பதிப்புகள் விழுப்புரம் மானிய விலையில் தீவனம் வழங்க பால் உற்பத்தியாளர்கள் கோரிக்கை DIN DIN Saturday, May 18, 2019 08:01 AM +0530 விழுப்புரம், கடலூர் மாவட்ட கூட்டுறவு பால் உற்பத்தியாளர்களுக்கு தமிழக அரசு மானிய விலையில் அமுல்டன் தீவனம் வழங்க வேண்டும் என கோரிக்கை விடுக்கப்பட்டது.
 விழுப்புரத்தில் உள்ள விழுப்புரம், கடலூர் மாவட்ட கூட்டுறவு பால் உற்பத்தியாளர் ஒன்றியத்தில் (ஆவின் பால் பண்ணை) வெள்ளிக்கிழமை ஆய்வு மேற்கொண்ட பால்வளத் துறை ஆணையர் காமராஜிடம், தமிழ்நாடு பால் உற்பத்தியாளர்கள் நலச் சங்கத்தினர் மாவட்டத் தலைவர் வே.அரிகரன் தலைமையில் அளித்த கோரிக்கை மனு:
 தமிழகத்தில் உள்ள பால் உற்பத்தியாளர்களுக்கு மாநில அரசு அமுல்டன் தீவனத்தை கிலோ ஒன்றுக்கு ரூ.5 வீதம் மானியமாக வழங்க வேண்டும். விழுப்புரம் மாவட்டத்தில் வறட்சி நிலவி வரும் நிலையில், கிராம கூட்டுறவு பால் உற்பத்தியாளர்கள் சங்கங்களுக்கு பால் தரம் அறியும் சாதனத்தையும் 100 சதவீதம் மானிய விலையில் உடனே வழங்க வேண்டும்.
 டி.ஆர்.டி.ஏ. திட்டத்தின் கீழ் சில்வர் பால் கேன்கள் மற்றும் எடை இயந்திரங்களை முழுமையாக மானியத்தில் வழங்க வேண்டும். தேசிய பால்வளத் துறை ஆணையம் (என்.டி.டி.பி) திட்டத்தின் கீழ், பி.டி.எஸ். கன்று வளர்ப்புத் திட்டம் தற்போது விழுப்புரம் மாவட்டத்தில் நிறுத்தி வைக்கப்பட்டுள்ளது. இதனை மீண்டும் செயல்படுத்த வேண்டும். பால் உற்பத்தியாளர்களுக்கான பால் பணப் பட்டுவாடாவை தடையின்றி உடனுக்குடன் வழங்க நடவடிக்கை எடுக்க வேண்டும் ஆகிய கோரிக்கைகளை முன்வைத்தனர்.
 அப்போது, பால் வளத் துறை துணைப் பதிவாளர் நாகராஜ் சிவக்குமார், விழுப்புரம் ஆவின் பொது மேலாளர் வசந்தகுமார் உள்ளிட்டோர் உடனிருந்தனர்.
 

]]>
https://www.dinamani.com/all-editions/edition-villupuram/2019/may/18/மானிய-விலையில்-தீவனம்-வழங்க-பால்-உற்பத்தியாளர்கள்-கோரிக்கை-3153846.html
3153845 அனைத்துப் பதிப்புகள் விழுப்புரம் டெங்கு தினம்: உறுதிமொழி ஏற்பு DIN DIN Saturday, May 18, 2019 08:01 AM +0530 எடுத்தவாய்நத்தம் அரசு ஆரம்ப சுகாதார நிலையத்தில் டெங்கு தினம் வியாழக்கிழமை கடைப்பிடிக்கப்பட்டது. இதையடுத்து, மருத்துவமனை வளாகத்தில் மருத்துவர்கள், செவிலியர்கள், சுகாதாரப் பணியாளர்கள் உறுதிமொழி ஏற்றனர்.
 நிகழ்ச்சிக்கு மருத்துவ அலுவலர் சிந்துஜா தலைமை வகித்தார். சுகாதார ஆய்வாளர் பாலமுருகன் வரவேற்றார். டெங்கு காய்ச்சல் குறித்து இளநிலை பூச்சியியல் வல்லுவர் சரவணன், வட்டார சுகாதார மேற்பார்வையர் மகாலிங்கம், மருத்துவர் சாரா, மேற்பார்வையாளர் சுந்தர்பாபு உள்ளிட்டோர் விளக்கிக் கூறினர். இதையடுத்து, அனைவருக்கும் நிலவேம்புக் குடிநீர் வழங்கப்பட்டது.
 முன்னதாக, டெங்கு ஒழிப்பு குறித்து மருத்துவர்கள், செவிலியர்கள், பணியாளர்கள், மஸ்தூர் ஊழியர்கள் உறுதிமொழி ஏற்றனர். நிகழ்ச்சியில் கிராம மக்கள் உள்பட பலர் கலந்து கொண்டனர்.
 
 
 

]]>
https://www.dinamani.com/all-editions/edition-villupuram/2019/may/18/டெங்கு-தினம்-உறுதிமொழி-ஏற்பு-3153845.html
3153844 அனைத்துப் பதிப்புகள் விழுப்புரம் மாஷபுரீஸ்வரர் கோயில் தேரோட்டம் DIN DIN Saturday, May 18, 2019 08:01 AM +0530 உளுந்தூர்பேட்டையை அடுத்த உளுந்தாண்டார் கோயில் கிராமத்தில் அமைந்துள்ள ஸ்ரீலோகாம்பிகை வலமுறை மாஷபுரீஸ்வரர் கோயில் தேரோட்டம் வெள்ளிக்கிழமை நடைபெற்றது.
 உளுந்தூர்பேட்டை பேரூராட்சிக்கு உள்பட்டது உளுந்தாண்டர்கோயில் கிராமம். இந்த ஊரில் வரலாற்று சிறப்புமிக்க மாஷபுரீஸ்வரர் கோயில் அமைந்துள்ளது. இந்தக் கோயிலில் தேர்த் திருவிழா கடந்த 10 நாள்களுக்கு முன்பு கொடியேற்றத்துடன் தொடங்கியது.
 விழாவின் முக்கிய நிகழ்வான தேரோட்டம் வெள்ளிக்கிழமை நடைபெற்றது. இதையொட்டி, லோகாம்பிகை வலமுறை மாஷபுரீஸ்வரருக்கு அபிஷேகம், ஆராதனைகள் நடைபெற்றன. பின்னர், லோகாம்பிகை வலமுறை மாஷபுரீஸ்வரர் தேரில் எழுந்தருளினர்.
 தேரை உளுந்தூர்பேட்டை விநாயகா கல்விக் குழும அறக்கட்டளைத் தலைவர் நமச்சிவாயம் குமரகுரு, முன்னாள் ஒன்றியக் குழு துணைத் தலைவர் இரா.சாய்ராம், முன்னாள் பேரூராட்சி மன்றத் தலைவர் க.ஜெயசங்கர் ஆகியோர் வடம் பிடித்து இழுத்து தொடக்கிவைத்தனர். இதைத் தொடர்ந்து, கிராமத்திலுள்ள முக்கிய வீதிகள் வழியாக தேர் சென்றது.
 விழாவில் உளுந்தூர்பேட்டை, உளுந்தாண்டார்கோயில், செம்மணங்கூர், புதூர், நகர், அரளி, பாண்டூர் உள்பட 50-க்கும் மேற்பட்ட கிராம மக்கள் கலந்துகொண்டனர்.
 
 

]]>
https://www.dinamani.com/all-editions/edition-villupuram/2019/may/18/மாஷபுரீஸ்வரர்-கோயில்-தேரோட்டம்-3153844.html
3153843 அனைத்துப் பதிப்புகள் விழுப்புரம் பள்ளி வாகனங்களை கூட்டாய்வுக் குழு ஆய்வு DIN DIN Saturday, May 18, 2019 08:01 AM +0530 விழுப்புரம் மாவட்டத்தில் உள்ள பள்ளிகளின் வாகனங்களை கூட்டாய்வுக் குழுவினர் வெள்ளிக்கிழமை ஆய்வு செய்தனர்.
 விழுப்புரம் பெருந்திட்ட வளாக மைதானத்தில் மாவட்ட ஆட்சியர் இல.சுப்பிரமணியன் தலைமையில் இந்தக் குழுவினர் பள்ளி வாகனங்களை நேரில் ஆய்வு செய்தனர். அப்போது, ஆட்சியர் கூறியதாவது: தமிழ்நாடு மோட்டார் வாகன சிறப்பு விதிகளின்படி ஆண்டுதோறும் பள்ளி வாகனங்களை கோட்டாட்சியர் தலைமையில், குழு உறுப்பினர்களான வட்டாரப் போக்குவரத்து அலுவலர், காவல் துணைக் கண்காணிப்பாளர், முன்மைக் கல்வி அலுவலர், மாவட்ட கல்வி அலுவலர், மோட்டார் வாகன ஆய்வாளர்கள் ஆகியோர் கொண்ட குழு கூட்டாய்வு செய்து வருகிறது.
 அந்த வகையில், நிகழாண்டு மாவட்டத்தில் உள்ள 1,083 பள்ளி வாகனங்களுக்கான கூட்டாய்வுக்கு தற்போது தொடங்கியுள்ளது. இதில், பள்ளி வாகனங்கள் தரமாக உள்ளதா என குழு ஆய்வு செய்து சான்றிதழ் வழங்கும். குறைகள் கண்டுபிடிக்கப்படும் வாகனங்களில் ஒருவார காலத்தில் அந்தக் குறைகளை நிவர்த்தி செய்து மீண்டும் ஆய்வுக்கு உள்படுத்திய பிறகே சான்றிதழ் வழங்கப்படும்.
 சிறிய பழுது இருந்தாலும் வாகனத்தை இயக்கக்கூடாது. அந்தப் பழுதை நிவர்த்தி செய்த பிறகே வாகனங்களை இயக்க வேண்டும். பள்ளி வாகன ஓட்டுநர்கள், உதவியாளர்கள் இந்தப் பணிகளை சிறப்பாக செய்ய வேண்டும். குழந்தைகளை இறக்கிவிட்ட பிறகு வாகனத்தின் முன்பும், பின்பும் குழந்தைகள் நிற்கின்றனரா என உதவியாளர் முலம் உறுதி செய்த பின்னரே வாகனத்தை இயக்க வேண்டும் என்றார் ஆட்சியர்.
 முதல் நாளில் 157 வாகனங்களுக்குச் சான்று: விழுப்புரம் வட்டாரப் போக்குவரத்துத் துறை எல்லைக்குள் 283 பள்ளிகளின் வாகனங்களுக்கு அனுமதி அளிக்கப்பட்டு இயக்கப்படுகின்றன. வெள்ளிக்கிழமை நடந்த முதல்கட்ட ஆய்வில் 172 வாகனங்கள் பங்கேற்றன. கூட்டாய்வு குழுவினர் ஆய்வு செய்ததில் 157 வாகனங்களுக்கு சான்றளிக்கப்பட்டன. 15 வாகனங்களில் குறைபாடுகள் கண்டறியப்பட்டு திருப்பி அனுப்பப்பட்டன. ஒருவார காலத்துக்குள் அனைத்து வாகனங்களையும் தயார் செய்து சான்று பெற அறிவுறுத்தப்பட்டது.
 ஆய்வில், கூடுதல் காவல் கண்காணிப்பாளர் சி.முகிலன், கோட்டாட்சியர் குமரவேல், வட்டாரப் போக்குவரத்து அலுவலர் ந.பாலகுருநாதன், முதன்மைக் கல்வி அலுவலர் கே.முனுசாமி, மாவட்ட கல்வி அலுவலர் எ.ஆனந்தன், கல்வி அலுவலரின் நேர்முக உதவியாளர் கே.காளிதாஸ், வட்டாரப் போக்குவரத்து ஆய்வாளர்கள் பி.பெரியசாமி, து.கவிதா, நா.பிரான்சிஸ் போக்குவரத்து காவல் ஆய்வாளர் லட்சுமணன் மற்றும் வாகன ஓட்டுநர்கள் பங்கேற்றனர். இதேபோல, திண்டிவனம், உளுந்தூர்பேட்டை வட்டாரப் போக்குவரத்து துறை மூலம் அந்தந்த பகுதி வாகனங்கள் ஆய்வுக்கு உள்படுத்தப்பட உள்ளன.
 பாதுகாப்பு விழிப்புணர்வுப் பயிற்சி: ஆய்வையொட்டி, பள்ளி வாகன ஓட்டிகள், உதவியாளர்களுக்கு விழிப்புணர்வு நிகழ்ச்சிகள் நடைபெற்றன. விழுப்புரம் தீயணைப்புத் துறை சார்பில், தீயணைப்பானை பயன்படுத்தி வாகனங்களில் தீ விபத்தை தடுப்பது குறித்து செயல் விளக்கம் அளிக்கப்பட்டது. தொடர்ந்து, 108 அவசர ஊர்தி மையத்தினர் சார்பில் விபத்து தடுப்பு குறித்த விழிப்புணர்வு நிகழ்ச்சி நடத்தப்பட்டது.
 
 
 

]]>
https://www.dinamani.com/all-editions/edition-villupuram/2019/may/18/பள்ளி-வாகனங்களை-கூட்டாய்வுக்-குழு-ஆய்வு-3153843.html
3101806 அனைத்துப் பதிப்புகள் விழுப்புரம் தேர்தல் கூட்டணிக்காக பாமக ஒருபோதும் கொள்கையை விட்டுக் கொடுத்ததில்லை: ச.ராமதாஸ் DIN DIN Sunday, February 24, 2019 01:12 AM +0530
தேர்தல் கூட்டணிக்காக பாமக ஒருபோதும் கொள்கையை விட்டுக் கொடுத்ததில்லை என்று அந்தக் கட்சியின் நிறுவனர் ச.ராமதாஸ் கூறினார். 
மக்களவைத் தேர்தலில் அதிமுக-பாஜக கூட்டணியில் பாமக இணைந்துள்ள நிலையில், அந்தக் கட்சியின் சிறப்பு பொதுக் குழுக் கூட்டம் விழுப்புரம் மாவட்டம், வானூர் அருகேயுள்ள தனியார் மண்டபத்தில் சனிக்கிழமை நடைபெற்றது.
 இதில், பாமக நிறுவனர் ச.ராமதாஸ் பேசியதாவது: 
மக்களவைத் தேர்தலில் அதிமுகவுடன் பாமக அமைத்திருப்பது இயற்கையான கூட்டணி. இந்தக் கூட்டணி 40 தொகுதிகளிலும் வெற்றி பெற கடுமையாக உழைக்க வேண்டும்.  
தமிழகத்தில் 3-ஆவது பெரிய கட்சியாக பாமக வளர்ந்துள்ளது. கூட்டணியில் பாமகவுக்கு 7 மக்களவைத் தொகுதிகள்,  ஒரு மாநிலங்களவை இடம் ஒதுக்கப்பட்டுள்ளதால் பலர் பொறாமைப்படுகின்றனர். கூட்டணியைப் பொருத்தமட்டில், யார் முதுகிலும் பாமக குத்தியதும் இல்லை, காலை வாரியதுமில்லை. கட்சி தொடங்கிய போதும், கூட்டணி வைத்தபோதும், கொள்கையை பாமக ஒருபோதும் விட்டுக்கொடுத்ததில்லை. கொள்கையில் பாமக தேக்கு மரம்.  கூட்டணியின்போது நாணலாக வளைவோம். ஆனால், கொள்கையைக் கைவிட்டு ஒரு போதும் கூட்டணி பேசுவதில்லை. 
கூட்டணி பேச்சுவார்த்தையின் போது, 10 அம்சக் கோரிக்கைகளை பாமக முன்வைத்தது பற்றி, வேறு கட்சியினர் எவரும் பேசமாட்டார்கள். பேரறிவாளன் உள்ளிட்ட 7 தமிழர்கள் விடுதலைக்கு ஏற்கெனவே அரசுக்கு அழுத்தம் கொடுத்துள்ளோம்.  இதனிடையே, அற்புதம்மாள் தைலாபுரம் தோட்டத்துக்கு வந்து முறையிட்டார். முதல்வர் வரும்போது இந்த விவகாரத்தில் அழுத்தம் தரக் கூறினார். 7 தமிழர்களை விடுதலை செய்யக் கோரி நடைபெறவுள்ள மனிதச் சங்கிலி போராட்டத்துக்கு, தொண்டர்கள் முழு ஆதரவு தர வேண்டும். அதற்கு முன்பே, விடுதலை செய்ய வலியுறுத்தவும் முனைப்பாக உள்ளோம். 
பாமக தொண்டர்கள் கண்ணியமான, வளர்ச்சிக்கான அரசியலை புரிந்து கொள்ள வேண்டும். தேர்தல் பிரசாரத்தில் யாரையும் குறை கூற வேண்டாம்.  பலர் புழுதி வாரித் தூற்றினாலும், பதில் பேச வேண்டாம்.  கோபமின்றி,  நேர்மறையான பிரசார பணிகளைச் செய்யுங்கள். ராமதாஸ் ஒரு சமூகப் போராளி. சிறப்பாகக் கட்சியை நடத்துகிறார். அந்தக் கட்சியை குறை சொல்ல யாருக்கும் உரிமை இல்லை என மதிமுக பொதுச் செயலர் வைகோ பேசியிருப்பது ஆறுதல் தருகிறது.  எதிர்வரும் மக்களவைத் தேர்தல் மட்டுமன்றி,  21 சட்டப் பேரவைத் தொகுதிகளுக்கான இடைத் தேர்தலிலும் நமது கூட்டணி வெற்றி பெற வேண்டும். தொடர்ந்து, உள்ளாட்சித் தேர்தலிலும் கைகோத்து பலமாகச் செயல்படுவோம். 
நம்மை யார் தூற்றினாலும் கவலைப்பட வேண்டாம்,  தேர்தல் முடிந்த பிறகு நாகரிகமாக  அவர்களுக்கு பதில் சொல்வோம் என்றார் ச.ராமதாஸ்.
 

]]>
https://www.dinamani.com/all-editions/edition-villupuram/2019/feb/24/தேர்தல்-கூட்டணிக்காக-பாமக-ஒருபோதும்-கொள்கையை-விட்டுக்-கொடுத்ததில்லை-சராமதாஸ்-3101806.html
3101805 அனைத்துப் பதிப்புகள் விழுப்புரம் அதிமுக-பாஜக கூட்டணியில் பாமக இடம் பெற்றது ஏன்?: அன்புமணி விளக்கம் DIN DIN Sunday, February 24, 2019 01:12 AM +0530
தமிழகத்தின் முன்னேற்றத்துக்கான இலக்கை அடைவதற்காகவே,  அதிமுக-
பாஜக கூட்டணியில் தங்களது கட்சி சேர்ந்துள்ளதாக பாமக இளைஞர் அணித் தலைவர் அன்புமணி ராமதாஸ் தெரிவித்தார்.
பாமக சிறப்பு பொதுக் குழுக் கூட்டம் விழுப்புரம் மாவட்டம்,  வானூர் அருகே பட்டானூரில் உள்ள தனியார் மண்டபத்தில் சனிக்கிழமை நடைபெற்றது. அந்தக் கட்சியின் தலைவர் ஜி.கே.மணி தலைமை வகித்தார். கூட்டத்தில் இளைஞரணித் தலைவர் அன்புமணி ராமதாஸ் எம்பி பேசியதாவது: 
பாமகவின் தேர்தல் கூட்டணி முடிவை சிலர் விமர்சிக்கிறார்கள். நமது நோக்கம் தமிழகம் முன்னேற வேண்டும். பதவிக்கு வருவதன் மூலம்தான் நமது இலக்கை எட்ட முடியும்.  புகையிலைக்கு எதிராக தொடர்ந்து போராடி வந்தோம். பதவிக்கு வந்த பிறகே பொது இடங்களில் புகை பிடிக்கக் கூடாது என்று ஆணையிட முடிந்தது.
2011-ஆம் ஆண்டு தனித்துப் போட்டி என முடிவெடுத்து அதை தைரியமாகச் செயல்படுத்தினோம். இந்த தைரியம் தமிழகத்தில் எந்தக் கட்சிக்கும் இல்லை. பூரண மதுவிலக்கை தொடர்ந்து வலியுறுத்தினோம்.  இதனை அனைத்துக் கட்சித் தலைவர்களும் ஏற்றுக் கொண்டனர்.  
பாமக தனித்துப் போட்டியிடும் என்று அறிவித்து கடந்த காலங்களில் தேர்தலைச் சந்தித்தோம். 6 சதவீத வாக்குகள் கிடைத்தன. நமது இலக்கை அடைய சூழலுக்கேற்ப வியூகங்களை அமைக்க வேண்டும். அந்த அடிப்படையில்தான், தற்போதைய கூட்டணி முடிவை எடுத்துள்ளோம்.  
பாமக எந்தக் கொள்கையையும் விட்டுக் கொடுக்காமல் 10 அம்சக் கோரிக்கைகளை முன்வைத்துதான் அதிமுக கூட்டணியில் இணைந்தது. 
அதிமுகவுடன் இணைந்து, இந்தக் கோரிக்கைகளுக்கு குரல் கொடுத்தால்,  மத்திய அரசு நிறைவேற்றும் என்றார் அன்புமணி ராமதாஸ்.
தீர்மானங்கள்:  தமிழ்நாடு, புதுச்சேரியில் உள்ள 40 மக்களவைத் தொகுதிகளிலும் அதிமுக-பாமக-பாஜக கூட்டணி வெற்றிபெற மூன்று மடங்கு உழைக்க வேண்டும்.
மாநில உரிமைகளை மீட்டெடுக்கவும்,  தமிழகத் திட்டங்களை அதிக எண்ணிக்கையில் போராடிப் பெறவும், பாமகவுக்கு அதிக எண்ணிக்கையில் உறுப்பினர்களை மக்களவைக்கு அனுப்புவது அவசியம் என்பதால்,  ஒத்தக் கருத்துடைய கட்சிகளுடன் கூட்டணி அமைத்துள்ளோம். தமிழகத்தின் நலனைக் கருத்தில் கொண்டு, அதிமுகவுடன் பாமக கூட்டணி அமைத்துள்ளது. இதில் பாஜகவும் இணைந்துள்ளது.
கூட்டணிக்கான முன்நிபந்தனையாக காவிரி பாசன மாவட்டங்களை பாதுகாக்கப்பட்ட வேளாண் மண்டலங்களாக அறிவிக்க வேண்டும். நீர்ப்பாசனத் திட்டங்கள்,  சாதிவாரி மக்கள் தொகைக் கணக்கெடுப்பு, 7 தமிழர்கள் விடுதலை, படிப்படியாக மது விலக்கை ஏற்படுத்தும் நோக்கில் 500 மதுக் கடைகளை மூடுதல், மணல் குவாரிகளை படிப்படியாக மூடுதல், மேக்கேதாட்டு அணை கட்டும் கர்நாடகத்தின் முயற்சியை முறியடித்தல், பயிர்க் கடனைத் தள்ளுபடி செய்தல், மருத்துவப் படிப்புக்கு நீட் தேர்வை ரத்து செய்தல் உள்ளிட்ட 10 அம்சக் கோரிக்கைகளை நிறைவேற்ற மத்திய,  மாநில அரசுகளை வலியுறுத்தி தீர்மானங்கள் நிறைவேற்றப்பட்டன.
 

]]>
https://www.dinamani.com/all-editions/edition-villupuram/2019/feb/24/அதிமுக-பாஜக-கூட்டணியில்-பாமக-இடம்-பெற்றது-ஏன்-அன்புமணி-விளக்கம்-3101805.html