Dinamani - தொடர்கள் - https://www.dinamani.com/religion/religion-serials/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3081759 ஆன்மிகம் தொடர்கள் ஆலங்குடியும் அஷ்ட திக்கு கோயில்களும் - மினி தொடர் - பகுதி 2 - மருவத்தூர் ஆலயம் Wednesday, January 23, 2019 02:11 PM +0530 பல சிறப்புக்கள் கொண்ட ஆலங்குடியினை சுற்றி எட்டு திக்கிலும் சிறப்பான கோயில்கள் உள்ளன, இவை  அஷ்ட திக்கு பாலகர்கள் வழிபட்டவை. இவர்கள்  இறைவனை வழிபட்டு தம் பெயரால் தீர்த்தமும், சிவலிங்கமும் நிறுவி பூஜித்து தங்களுக்கு ஏற்பட்ட இடர்பாடுகள் நீங்கியும் பல நற்பேறுகளும்  பெற்றார்கள்

அதில் வடமேற்கு திக்கான வாயு திசையில் வாயு தேவனால் அமைக்கப்பட்டு பூசிக்கப்பட்ட லிங்கம் தான் இந்த மருவத்தூரில் கோயில்கொண்டிருக்கும் கைலாசநாதர்.

மருக்கம், மாருதம்   எனும் சொல்லுக்கு காற்று எனும் ஒரு பொருள் உண்டு. இதிலிருந்து திரிந்து வந்த ஒரு இடவாகுபெயரே மருவத்தூர் என்பதாகும். இறைவன் பெயர் கைலாசநாதர் என்பது பிற்காலத்தில் சோழர் திருப்பணியில் மாற்றப்பட்ட பெயராக இருக்கலாம். இவரின்  பழைய பெயர் மாருதீஸ்வரர் என்பதாக இருந்திருக்கலாம்.

கும்பகோணம் அருகில் உள்ள ஆவூர் – அவளிவநல்லூர் சாலையில் உள்ள விளத்தூர்-ல் இருந்து கிழக்கில் இரண்டு கிமி தூரத்திலும், ஹரித்துவாரமங்கலத்தில் இருந்து வடக்கில் மூன்று கிமி தூரத்திலும் உள்ளது மருவத்தூர். ஊரின் கிழக்கு பகுதியில் பெரிய குளத்தின் கரையில் கிழக்கு நோக்கிய பெரிய கோயிலாக உள்ளது சிவன்கோயில்.

இங்கு ஓர் சிவலிங்கத்தை பிரதிட்டை செய்து வாயு பகவான் வழிபட்டுள்ளார். இக்கோயில் 12 ம் நூற்றாண்டினை சார்ந்தது, அதிட்டானம் பிரஸ்தரம் வரை கருங்கல் பணியாக உள்ளது. கருவறை மூன்று கோட்டங்களை கொண்டதாக அமைந்துள்ளது. மூன்றிலும் மூர்த்திகள் உள்ளனர். இறைவி தெற்கு நோக்கி பெரியநாயகி எனும் பெயருடன் அருள்தரும் கோலம்.

வாயு பூசித்த இந்த தல இறைவனை புதன் அன்று காலை நேரத்தில் பூசித்தால் காற்று தொடர்பான காச நோய் மற்றும் நுரையீரல், இதய நோய்கள் நீங்க பெறலாம்.

ஏழாம் நூற்றாண்டில் சம்பந்த பெருமான் தல யாத்திரையாக அரித்துவாரமங்கலம் செல்லும்போது இவ்வூர் இறைவனை வழிபட்டார் என கூறுகின்றனர், எனினும் பதிகங்கள் ஏதும் கிடைக்கபரவில்லை

ராஜராஜ சோழனின் திருமந்திர ஓலை நாயகம் அமுதன் தீர்தங்கரானாலும், அதிராஜேந்திரனின் புறவரி தினைக்களத்து கண்காணிக்கையாக இருந்த நமிநாதன் அரங்கனாலும் கொடைகொடுக்கப்பட்டு வழிபாடு செய்யப்பட்ட சிறப்பு பெற்ற திருக்கோயில் ஆகும்.

தற்போது கோயில் பாலாலயம் எனப்படும் திருப்பணி துவக்க விழா நடைபெற்று பணிகள் நடைபெற்று வருகின்றன. இதற்க்கு முன்னர் அறுபது ஆண்டுகளின் முன்னர் கோயில் குடமுழுக்கு கண்டிருக்கிறது. முகப்பு மண்டபம் இடிந்து போய்விட தற்போது முழுமையாக பணிகள் செய்யப்பட்டு வருகின்றன.

வேலூர் நடராஜ சுவாமிகள் இதற்க்கான முயற்சியில் ஈடுபட்டுள்ளார். உள்ளூர் மக்களும் தங்களுக்கான பங்களிப்பினை செய்து வருகின்றனர். , எனினும் இது விவசாய பகுதியாதலால் பெரிய அளவில் அவர்களால் கொடுக்க இயலாத நிலையில் குடமுழுக்கு வரும்   விளம்பி வருடம் –

பங்குனி 27 ஏப்ரல்  10  புதன் கிழமை நடைபெற தேதி குறிக்கப்பட்டு  உள்ளது. பணிகள் தொய்வடைந்துள்ள நிலையில் கிராம மக்கள் உங்கள் அனைவரின் பங்களிப்பினை எதிர்பார்க்கின்றனர். குறைவான தொகையே ஆயினும் கொடுத்து வாழ்த்துவோம். 

கடம்பூர் விஜயன் - 9842676797

]]>
https://www.dinamani.com/religion/religion-serials/2019/jan/23/ஆலங்குடியும்-அஷ்ட-திக்கு-கோயில்களும்---மினி-தொடர்மருவத்தூர்-ஆலயம்-3081759.html
3070944 ஆன்மிகம் தொடர்கள் ஆலங்குடியும் அஷ்ட திக்கு கோயில்களும் - மினி தொடர் கடம்பூர் விஜயன் Friday, January 4, 2019 02:10 PM +0530 கும்பகோணம்- மன்னார்குடி சாலையில் வலங்கைமான் அடுத்து 18 வது கிமி ல் உள்ளது ஆலங்குடி திருத்தலம். இத்தலம் ஆறாம் நூற்றாண்டில் சம்பந்தரால் பாடப்பெற்றது என்பதால் இது 1500 ஆண்டுகட்குமேல் பழமையானது என அறியலாம்.

தேவர்களைக் காக்க ஆலகால விஷத்தை இறைவன் குடித்ததால் ஆலங்குடி என்று பெயர் வந்தது. இவ்வூரில் விஷத்தால் எவர்க்கும் எவ்விதத் தீங்கும் உண்டாவதில்லை என்று சொல்லப்படுகிறது. கருநிறமுள்ள பூளைச் செடியைத் தலவிருட்சமாகக் கொண்டுள்ளதால் திருஇரும்பூளை என்றும், அழைக்கப்படுகிறது.

காளமேகப் புலவர் பாடல் ஆலங்குடி தலத்தைப் பற்றி அற்புதமாக பாடியுள்ளார். “ஆலங்குடியானை ஆலாலம் உண்டானை ஆலங் குடியான் என்று ஆர் சொன்னார் – ஆலம் குடியானேயாகில் குவலயத்தோரெல்லாம் மடியாரோ மண் மீதினில்”.  என்று பாடி இந்த ஆலயத்தின் பெருமையை உலகரியசெய்கிறார்.

இந்த தலத்தில் இறைவன் ஆபத்சகாயேஸ்வரர் என்று அழைக்கப்படுகிறார்.. இறைவியின் பெயர் ஏலவார்குழலி

தேவர்களும் அசுரர்களும் பாற்கடலை கடைய வாசுகி என்ற பாம்பை கயிறாகவும், மந்தார மலையை மத்தாகவும் கொண்டு கடைந்தனர். அப்போது அந்தப் பாம்பு வலி பொறுக்காமல் கக்கிய ஆலகால விஷத்தை , சிவபெருமான் உலகத்தை காக்கும் பொருட்டு உட்கொண்டார். விஷத்தை அருந்தி உலகைக் ஆபத்தில் இருந்து காத்ததால் இறைவன்  ஆபத்சகாயேஸ்வரர் அழைக்கப் படுகிறார்.

முசுகந்தன் என்ற சோழ மன்னன், கோவில் கட்டுவதற்காக தனது மந்திரி அமுதோகரிடம் பணம் கொடுத்தான். ஆனால் மந்திரியோ மன்னன் கொடுத்த பணத்தை பயன்படுத்தாமல் தனது பணத்தை பயன்படுத்தி கோவில் கட்டினான். பின்னர் மன்னன் வந்து கோவில் கட்டிய புண்ணியத்தில் பங்கு கேட்க, மந்திரி மறுத்துவிட்டார். இதனால் கோபமடைந்த மன்னன் மந்திரியின் தலைய வெட்ட வாளை எடுத்து ஓங்க இறைவன் தோன்றி அமுதோகரை தன்னுடன் சேர்த்துக்கொண்டதே இக்கோவில் வரலாறாகும்.

 

ஒரு முறை திருவாரூரை ஆட்சி புரிந்த சோழ மன்னன் இங்கிருந்த சுந்தரர் சிலையின் அழகை கண்டு அதனை திருவாரூருக்கு எடுத்துச் செல்ல முயற்சித்தான். இதனை அறிந்த கோவில் அர்ச்சகர் அச்சிலையை குழந்தையாக பாவித்து அதற்கு அம்மை நோய் தாக்கி இருப்பதாக கூறி மறைத்து வைத்து சிலையை காப்பாற்றினார். இப்பொழுதும் அந்த சிலையில் அம்மைத் தழும்புகள் இருப்பதைக் காணலாம். 

விசுவாமித்திரர்,  முசுகுந்தர், வீரபத்திரர் போன்ற பலர் வழிபட்ட சிறப்புடையது இக்கோவில். 

இங்கு கோவிலைச் சுற்றி அகழி போன்ற அமைப்பு உள்ளது இதனை செயற்கைக்கோள் படத்தில் தெளிவாக காணலாம். இதுவே அமிர்தபுஷ்கரிணி தீர்த்தம் எனப்படுகிறது., கோவிலின் கிழக்கில் சக்ர தீர்த்தம் அமைந்துள்ளது.

சுந்தரர் இத்தலத்திற்கு வரும்போது வெட்டாற்று வெள்ளப் பெருக்கில் ஆபத்சகாயரே ஓடக்காரராக வந்து கரையேற்றிக் காட்சிதந்தார் என்பது தல வரலாறு. ஓடம் நிலைதடுமாறிப் பாறையில் மோதியபோது காத்தவிநாயகர் கலங்காமல் காத்த பிள்ளையார் என வழங்கப்படுகிறார்.

இத்தலம் திருவிடைமருதூர் தலத்தின் தட்சணாமூர்த்தி இருப்பிடமாக கருதப்படுவதால் இங்கு தட்சணாமூர்த்தி சிறப்பு. பிற கோயில்களில் காண இயலாத தட்சணாமூர்த்தி உற்சவ விக்ரகம் உள்ளது இவர் தேரில் திருவீதி உலாவும் காண்கிறார்.

கோயிலின் தென்புறம் ஐந்து நிலை ராஜ கோபுரமும், கிழக்கில் சற்று குறுகிய ஐந்து நிலை கோபுரம் உள்ளது. கிழக்கில் சப்தகன்னி சன்னதி ஒன்றும் உள்ளது. கோபுர வாயிலில் கலங்காமல் காத்த விநாயகர் சன்னதி உள்ளது. உட்பிரகாரத்தில் காசி விஸ்வநாதர், விசாலாட்சி, நால்வர் சப்த லிங்கங்கள் உள்ளன.

இங்கு அகத்தியரை வழிபட்ட பின்னரே முருகனை வழிபடவேண்டும். பேய் பிசாசு பயங்களையும் இம் முருகப்பெருமான் போக்கியருள்வார்.

இப்படி பல சிறப்புக்கள் கொண்ட ஆலங்குடியினை சுற்றி எட்டு திக்கிலும் சிறப்பான கோயில்கள் உள்ளன, அவையே அஷ்ட திக்கு பாலகர்கள் வழிபட்டவை. இவர்கள்  இறைவனை வழிபட்டு தம் பெயரால் தீர்த்தமும், சிவலிங்கமும் நிறுவி பூஜித்து தங்களுக்கு ஏற்பட்ட இடர்பாடுகள் நீங்கியும் பல நற்பேறுகளும்  பெற்றார்கள்.

நாமும் இந்த அஷ்ட திக்கு பாலகர்கள் வழிபட்ட தலங்களின்  இறைவனை வணங்கி நாமும் வாழ்வில் எல்லா நலனும் பெறுவோம்.

அஷ்ட திக்கு பாலகர்கள் யார்?

இந்திரன்,அக்னி நிருதி, யமன், வருணன் வாயு குபேரன், ஈசானன் இவர்களே எட்டு திக்கிலும் பூமியை  தாங்கி ஆட்சி செய்கின்றனர்.

கிழக்கு - இந்திரன்

தென்கிழக்கு – அக்னி

தெற்கு யமன்

தென்மேற்கு நிருதி

மேற்கு வருணன்

வடமேற்கு வாயு

வடக்கு குபேரன்

வடகிழக்கு ஈசானன்

இதுவே இவர்களின் திக்குகள் .  இப்படி இவர்கள் வழிபட்ட திக்கு இறைவர்களை அவர்களுக்குரிய காயத்ரி மந்திரத்தினை சொல்லி வழிபடும்போது அஷ்ட திக்கு புருஷர்களின் அருளும் நமக்கு கிடைத்து விடும் என்பதில் ஐயமில்லை. 

அஷ்ட்ட திக்கு பாலகர்கள்  உருவாக்கி வழிபட்ட கோயில்கள் ஒவ்வொன்றாய் இனி பார்ப்போம். 

கடம்பூர் விஜயன்

]]>
https://www.dinamani.com/religion/religion-serials/2019/jan/04/ஆலங்குடியும்-அஷ்ட-திக்கு-கோயில்களும்---மினி-தொடர்-3070944.html
2736 ஆன்மிகம் தொடர்கள் முத்து மாரியம்மன் கோயில் திருவிழா dn Thursday, July 28, 2016 12:50 PM +0530 உத்தரமேரூர் வட்டம், திருப்புலிவனத்தில் முத்து மாரியம்மன் கோயில் 3-ஆம் ஆண்டு திருவிழா ஞாயிற்றுக்கிழமை நடைபெற்றது.
விழாவையொட்டி, அம்மனுக்கு கூழ்வார்த்தல், மகா அபிஷேகம், பால்குட ஊர்வலம், அன்னதானம், தீ மிதி திருவிழா, குளக்கரையில் இருந்து நீர் திரட்டுதல் மற்றும் சிறப்பு அலங்காரத்தில் ஸ்ரீ முத்து மாரியம்மன் திருவீதி உலா நடைபெற்றது.
இதில் திரளான பக்தர்கள் கலந்துகொண்டு அம்மனை வழிபட்டனர். விழாவுக்கான ஏற்பாடுகளை கோயில் நிர்வாகிகள் எஸ்.அழகரசன், எம்.மணி, ஜி.வீரராகவன், எம்.கோதண்டன் ஆகியோர் செய்திருந்தனர்.
 

]]>
https://www.dinamani.com/religion/religion-serials/2016/jul/28/முத்து-மாரியம்மன்-கோயில்-திருவிழா-2736.html
2725 ஆன்மிகம் தொடர்கள் ஆடியில் எந்த அம்மனை வணங்கினால் பிரச்னைகள் தீரும்? dn Thursday, July 28, 2016 12:21 PM +0530 தமிழ் மாதங்கள் ஒவ்வொன்றுக்கும் ஒவ்வொரு சிறப்புகள் உள்ளன. எனினும் இவை அனைத்தைக் காட்டிலும் ஆடி மாதம் மிகவும் சிறப்பு வாய்ந்ததாகக் கருதப்படுகிறது. ஆடி மாதம் அம்மனுக்கு உரியது.

ஆடி மாத அம்மன் வழிபாடு என்பது தமிழர்களின் பாரம்பரியத்தோடு ஒட்டி வந்த ஒன்று. ஆடி மாதம் முழுவதும் கோவிலுக்கு சென்று அம்மனை வழிபட உகந்தது. ஆடி மாதத்தில் எந்த
அம்மனை வணங்கினால் என்ன பிரச்னைகள் தீரும் என்பதை பற்றி பார்ப்போம்.

விருதுநகர்: இருக்கன்குடி மாரியம்மன் சிவாம்சம் கொண்டவள். கருவறையில் தேவிக்கு முன் சிங்கத்திற்குப் பதிலாக நந்தி வீற்றருள்கிறார். கண் நோய் உள்ளோர் தேவிக்கு அபிஷேகம் செய்த நீரால் கண்களைக் கழுவ கண் நோய் நீங்கும்.

மதுரை: சோழவந்தானில் ஜெனகை மாரியம்மன் கோயிலில் வழங்கும் பிரசாதமான தீர்த்தத்தை அருந்த அம்மை நோயால் பாதிக்கப்பட்டவர்களுக்கு உடனே குணமாகும்.

மதுரை: எல்லீஸ் நகரில் அருளும் தேவி கருமாரியம்மனை வணங்கினால் நினைத்தது நிறைவேறும். அனைத்து மதத்தினரும் இந்த அன்னையை வழிபட்டு நலம் பெறலாம்.

புதுக்கோட்டை: நார்த்தாமலையில் முத்து மாரியம்மன் திருவருள் புரிகிறாள். இங்கு அக்கினி காவடி எடுத்தால் தீராத நோய் தீரும். மழலை வரம் வேண்டுவோர் கரும்புத் தொட்டில் கட்டலாம்.

ஊட்டி: மகாமாரி, மகாகாளி இருவரும் ஒரே கருவறையில் அருள்கின்றனர். இங்குள்ள காட்டேரியம்மன் சந்நிதியில் மந்திரித்துத் தரும் முடிக்கயிறு, தோஷங்கள், நோய்கள், பில்லி, சூனியங்களை விலக்குகின்றது.

நாமக்கல்: ராசிபுரத்தில் நித்யசுமங்கலி மாரியம்மனை தரிசிக்கலாம். வருடம் முழுவதும் அம்பிகையின் எதிரே சிவாம்சமான கம்பம் நடபட்டிருப்பதால் இப்பெயர் வந்தது. ஐப்பசி மாதம் புதுக் கம்பம் நடும்போது தயிர்சாதம் நிவேதிப்பர். அந்த தயிர்சாத பிரசாதத்தை உண்பவர்களுக்கு அடுத்த வருடமே மழலைப் பேறு கிட்டும்.

கோவை: கோவையில் ஆட்சிபுரியும் தண்டு மாரியம்மன், குடும்ப பிரச்னையை தீர்த்து அருள்வதாக ஐதீகம்.

]]>
https://www.dinamani.com/religion/religion-serials/2016/jul/28/ஆடியில்-எந்த-அம்மனை-வணங்கினால்-பிரச்னைகள்-தீரும்-2725.html
2686 ஆன்மிகம் தொடர்கள் சிதம்பரம் ஸ்ரீநடராஜர் கோயிலில் லட்சம் ருத்ர பாராயணம் dn Wednesday, July 27, 2016 12:54 PM +0530 சிதம்பரம் ஸ்ரீநடராஜர் கோயிலில் முதன்முறையாக ருத்ர மந்திரத்தை லட்சம் முறை ஓதும் லட்ச ருத்ர பாராயணம், கோடி வில்வ அர்ச்சனை வரும் 28-ஆம் தேதி முதல் செப்டம்பர் 15 வரை நடைபெற உள்ளது.

சென்னை கார்ப்பரேட் கிளினிக் நிறுவன நிர்வாக இயக்குர் பி.ராமகிருஷ்ணன் உபயதாரராகப் பொறுப்பேற்று நடத்தும் சிறப்பு வழிபாடு குறித்து ஸ்ரீநடராஜர் கோயில் தீட்சிதர்கள் என்.பி.பட்டு தீட்சிதர், எஸ்.ராஜா சோமசேகர தீட்சிதர் ஆகியோர் கூறியதாவது:

பொதுவாக ஸ்ரீநடராஜ பெருமானுக்கு இதுவரை ஏகாதச ருத்ரம், மஹா ருத்ரம், அதி ருத்ரம் ஆகிய பாராயணங்கள் மேற்கொள்ளப்பட்டு வந்தன.
தற்போது முதன்முதலாக லட்சம் முறை ருத்ர மந்திரத்தை பாராயணம் செய்யும் லட்ச ருத்ர பாராயணம் வரும் ஜூலை 28-ஆம் தேதி தொடங்கி செப்டம்பர் 15-ஆம் தேதி வரை நடைபெற உள்ளது.

தினமும் 100 தீட்சிதர்கள் இணைந்து காலை 9 மணி முதல் 12 மணி வரைக்கும், மாலையில் 5 மணி முதல் 8 மணி வரை பாராயணம் செய்வதன் மூலம் 1,08,900 பாராயணம் செய்யத் திட்டமிடப்பட்டுள்ளது.

நாள்தோறும் ருத்ர மந்திரம் ஓதும் வேளையில் 100 பேர் கோடி வில்வ அர்ச்சனை செய்ய ஏற்பாடுகள் செய்யப்பட்டுள்ளன என்று அவர்கள் தெரிவித்தனர்.

]]>
சிதம்பரம் https://www.dinamani.com/religion/religion-serials/2016/jul/27/சிதம்பரம்-ஸ்ரீநடராஜர்-கோயிலில்-லட்சம்-ருத்ர-பாராயணம்-2686.html