Dinamani - இந்தியா - https://www.dinamani.com/india/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3221172 இந்தியா ஜம்மு-காஷ்மீரில் கடந்த 10 நாட்களில் எந்த ஒரு உயிரிழப்பும் நடக்கவில்லை: ஆளுநர் பேச்சு  DIN DIN Sunday, August 25, 2019 07:03 PM +0530  

ஜம்மு: ஜம்மு-காஷ்மீரில் கடந்த பத்து நாட்களில் எந்த ஒரு உயிரிழப்பும் நடக்கவில்லை என்று பிரதேச  ஆளுநர் சத்தியபால் மாலிக் தெரிவித்துள்ளார்,

காஷ்மீர் மாநிலத்துக்கு சிறப்பு அந்தஸ்து வழங்கும் 370-வது சட்டப் பிரிவை ரத்து செய்தும், மாநிலத்தை 2 யூனியன் பிரதேசங்களாக பிரித்தும் மத்திய அரசு கடந்த 5-ந் தேதி அறிவிப்பை வெளியிட்டது. 

இதன் எதிரொலியாக மாநிலம் முழுவதும் அசாதாரண சூழ்நிலை நிலவியது. தகவல் தொடர்பு மற்றும் தொலை தொடர்பு வசதிகள் முழுமையாக துண்டிக்கப்பட்டன. பள்ளி, கல்லூரிகள் மூடப்பட்டன. மாநிலத்தில் அமல்படுத்தப்பட்ட பல்வேறு ஊரடங்கு கட்டுப்பாடுகள் காரணமாக அங்கு மக்களின் இயல்பு வாழ்க்கை கடுமையாக பாதிக்கப்பட்டது. தற்போதுதான் மிக மெதுவாக அங்கு இயல்பு நிலை திரும்பிவருகிறது.

இந்நிலையில் ஜம்மு-காஷ்மீரில் கடந்த பத்து நாட்களில் எந்த ஒரு உயிரிழப்பும் நடக்கவில்லை என்று பிரதேச  ஆளுநர் சத்தியபால் மாலிக் தெரிவித்துள்ளார்,

இதுதொடர்பாக அவர் கூறியதாவது:

ஜம்மு-காஷ்மீர் 10 நாட்களில் எந்தஒரு உயிரிழப்பு சம்பவமும் நடந்ததில்லை. தகவல்தொடர்பின்மை உயிரைக் காப்பாற்ற உதவினால், அதனால் என்ன தீங்கு? 

கடந்த காலத்தில் காஷ்மீரில் ஏதாவது ஒரு நெருக்கடியான நிலை நேரிட்டாலே சுமார் 50 பேர் முதல்வாரத்திலே உயிரிழக்கும் சம்பவம் நேரிட்டது. இப்போது இந்திய அரசு மனித உயிர்களை இழக்க கூடாது என்ற அணுகுமுறையை கையில் எடுத்துள்ளது.

10 நாட்களுக்கு மொபைல் போன்கள் சேவை மட்டும் இல்லாமல் இருக்கட்டும், மாநிலத்தில் மிக விரைவில் இயல்புநிலையை உறுதி செய்வோம்.

இவ்வாறு அவர் கூறியுள்ளார்.

]]>
jammukashmir, special status, curfew, communication services, internet blockade, stonepelting, death, safety measures, governor sathya pal malik, https://images.dinamani.com/uploads/user/imagelibrary/2019/8/13/w600X390/sathyapalmalik.jpg https://www.dinamani.com/india/2019/aug/25/jk-governor-sathyapal-malik-says-that-there-was-no-deatsh-on-the-valley-for-the-past-10-days-3221172.html
3221165 இந்தியா உ.பியில் திருநங்கைகளுக்கான முதல் கழிப்பறை! Muthumari IANS Sunday, August 25, 2019 05:52 PM +0530  

பிரதமர் நரேந்திர மோடியின் நாடாளுமன்றத் தொகுதியான வாரணாசியில் திருநங்கைகளுக்கான கழிப்பறை திறக்கப்படும் என்று அறிவிக்கப்பட்டுள்ளது. 

நாட்டின் மூன்றாம் பாலினமாக கருதப்படும் திருநங்கைகளுக்கு மத்திய அரசு அனைத்துத் துறைகளிலும் தற்போது முக்கியத்துவம் அளித்து வருகிறது. பல்வேறு மாநிலங்களிலும் அரசுத்துறைகளில் அவர்களுக்கு வேலைவாய்ப்பு வழங்கப்பட்டு வருகிறது. 

இந்த நிலையில், உத்தரப்பிரதேச மாநிலத்தில், பிரதமர் நரேந்திர மோடியின் நாடாளுமன்றத் தொகுதியான வாரணாசியில் திருநங்கைகளுக்கான கழிப்பறை திறக்கப்படும் என்று அறிவிக்கப்பட்டுள்ளது.

இந்திய மகளிர் கூடைப்பந்து அணியின் முன்னாள் கேப்டன் பிரசாந்தி சிங் மற்றும் முன்னாள் ஒலிம்பிக் வீரர் ராகுல் சிங் ஆகியோர் இதற்கான முயற்சியை மேற்கொண்டுள்ளனர்.

பல்வேறு கட்ட திட்டமிடலுக்கு பின்னர், திருநங்கைகளுக்கு ஒரு கழிப்பறை கட்ட முடிவு செய்துள்ளோம் என்றும், ஆகஸ்ட் 29ஆம் தேதி தேசிய விளையாட்டு தினமான அன்று இந்தத்  திட்டத்திற்கான கணக்கெடுப்பு தொடங்கும் என்றும் பிரசாந்தி சிங் தெரிவித்துள்ளார். 

வாரணாசி விளையாட்டு கூட்டமைப்பு இந்தத் திட்டத்தில் முழு ஒத்துழைப்பை வழங்குவதாகக் கூறியுள்ளது. அதிகபட்ச எண்ணிக்கையிலான திருநங்கைகள் கழிப்பறை வசதியை பயன்படுத்த வேண்டும் என்ற நோக்கத்தின் அடிப்படையில் அதற்கான இடங்கள் தேர்வு செய்யப்படும் என்று ராகுல் சிங் கூறினார். காந்தியடிகளின் பிறந்தநாளான அக்டோபர் 2 ஆம் தேதி இதற்கான கட்டுமானப் பணியைத் தொடங்க திட்டமிட்டுள்ளதாகவும் கூறினார். 

திருநங்கைகளுக்கு தனி கழிப்பறை வசதிகளை ஏற்படுத்தித் தர வேண்டும் என  உச்ச நீதிமன்றம் கடந்த 2014 ல் உத்தரவிட்டது. மைசூரு, போபால் மற்றும் நாக்பூரில் திருநங்கைகளுக்கென தனி கழிப்பறைகள் கட்டப்பட்டுள்ளது குறிப்பிடத்தக்கது. 

]]>
வாரணாசி, varanasi, Uttar Pradesh, திருநங்கை, toilet, கழிப்பறை , உத்தரப்பிரதேசம் https://images.dinamani.com/uploads/user/imagelibrary/2018/7/4/w600X390/transgenders_in_kerala.jpg https://www.dinamani.com/india/2019/aug/25/up-to-get-first-toilet-for-transgenders-3221165.html
3221164 இந்தியா காஷ்மீர் விவகாரத்தில் மனசாட்சிக்கு நான் பதில் சொல்லியாக வேண்டும்: அதிரவைத்த ஐ.ஏ.எஸ் அதிகாரியின் ராஜிநாமா  DIN DIN Sunday, August 25, 2019 05:30 PM +0530  

திருவனந்தபுரம்: காஷ்மீர் விவகாரத்தில் எனது மனசாட்சிக்கு நான் பதில் சொல்லியாக வேண்டும் என்று கூறி ஐ.ஏ.எஸ் அதிகாரி ஒருவர் தனது பதவியை ராஜிநாமா செய்திருப்பது அனைவரையும் வியப்பில் ஆழ்த்தியுள்ளது. 

யூனியன் பிரதேசமான தாத்ரா மற்றும் நாகர் ஹாவேலியில் முக்கிய அரசுத் துறைகளின்செயலாளர் பதவியில் இருப்பவர் கண்ணன் கோபிநாதன். என்ஜினியரிங் பட்டதாரியான இவர் கேரள மாநிலம் கோட்டயம் மாவட்டத்தை சேர்ந்தவர்.

இவர் சமீபத்தில் தனது பதவியை ராஜிநாமா செய்யப்போவதாக அறிவித்துள்ளார். அதற்கான காரணம் குறித்து அவர் கூறியிருப்பதுதான் பலரது கவனத்திற்கு உள்ளாகியுள்ளது. 

ஜம்மு-காஷ்மீரில் கடந்த 20 நாட்களுக்கும் மேலாக லட்சக்கணக்கான மக்களின் அடிப்படை உரிமைகள் பறிக்கப்பட்டுள்ளன. இது குறித்து நாட்டின் பெருவாரியான மக்கள் கவலை கொள்ளவில்லை. காஷ்மீரின் சிறப்பு அந்தஸ்தை ரத்து செய்த முடிவை வரவேற்கவும், எதிர்ப்பு தெரிவிக்கவும் அங்கு வாழும்  மக்களுக்கு உரிமை உண்டு

மக்களின் குரலாக இருப்பதற்காக தான் நாங்கள் பதவிக்கு வருகிறோம். ஆனால் இங்கு எங்கள் குரலே எங்களிடமிருந்து பறிக்கப்படுகிறது. நான் ஒருவன் பதவி விலகுவதால் காஷ்மீர் மக்களின் வாழ்வில் எந்த ஒரு மாற்றமும் நிகழப்போவதில்லை. ஏதோ ஒரு வகையில் இந்த அரசாங்கத்தின் ஒரு பகுதியாக இருப்பதை நான் விரும்பவில்லை. எனது மனசாட்சிக்கு நான் பதில் சொல்லியாக வேண்டும்.

இவ்வாறு அவர் தெரிவித்துள்ளார்.

தனது ராஜிநாமா கடிதத்தை மேலிடத்திற்கு அனுப்பியிருப்பதாகவும், அவர்களின் பதிலுக்காக காத்திருப்பதாகவும் அவர் தெரிவித்துள்ளார்.

முன்னதாக ஐ.ஏ.எஸ். அதிகாரி ஆவதற்கு முன்பு இவர் தனியார் தொண்டு நிறுவனங்களுடன் இணைந்து, சேரியில் வாழும் குழந்தைகளுக்கு இலவசமாக வகுப்புகள் எடுத்து வந்தார் என்பது குறிப்பிடத்தக்கது.

அதேபோல கடந்த ஆண்டு கேரளாவில் ஏற்பட்ட வெள்ளத்தின் போது, தனது அடையாளங்கள் எதையும் வெளிப்படுத்தாமல் நிவாரண பணிகளில் ஈடுபட்டு மக்களின் கவனத்தை இவர் கவர்ந்தார் என்பதும் குறிப்பிடத்தக்கது. 

]]>
kerala , kannan devanathan, Dadra and Nagar Haveli, government secretary, kashmir issue, resignation, protest, IAS https://images.dinamani.com/uploads/user/imagelibrary/2019/8/25/w600X390/kannan_gopinathan.jpg https://www.dinamani.com/india/2019/aug/25/ias-officer-quits-says-disturbed-over-restrictions-in-jk-3221164.html
3221161 இந்தியா திஹார் சிறையில் அதிர்ச்சி! கைதியின் வயிற்றில் இருந்து செல்போன் கண்டுபிடிப்பு! Muthumari IANS Sunday, August 25, 2019 04:28 PM +0530
திஹார் சிறைச்சாலையில் கைதி ஒருவரின் வயிற்றில் சிறிய மொபைல் போன் ஒன்று இருப்பது கண்டுபிடிக்கப்பட்டுள்ளது சிறைத்துறையினர் மத்தியில் அதிர்ச்சியை ஏற்படுத்தியுள்ளது. 

தில்லியின் மேற்குப் பகுதியில் உள்ள திஹார் சிறை தெற்கு ஆசியாவிலே மிகப்பெரிய சிறை ஆகும். அதிகமான கைதிகளைக் கொண்ட இந்த சிறையில், பாதுகாப்பும் பலமாகவே இருக்கும். இந்த நிலையில், திஹார் சிறையில் எண் 4ல் உள்ள கைதிகளில் ஒருவர், சிறிய மொபைல் போன் ஒன்றை விழுங்கியுள்ளார்.

இதனால் அவருக்கு உடல்நிலை சரியில்லாமல் போகவே, மருத்துவர்கள் வந்து சோதனை செய்ததில், அவரது வயிற்றில் சிறிய மொபைல் போன் இருப்பது தெரிய வந்துள்ளது. பின்னர் மருத்துவர்கள் அவரை வாந்தி எடுக்க வைத்து மொபைலை வெளியே எடுத்தனர். 

இதைவிட அதிர்ச்சிகரமான சம்பவம் ஒன்றும் இங்கே அரங்கேறியுள்ளது. இதேபோன்று மற்றொரு கைதி ஒருவர், நான்கு மைக்ரோ செல்போன்களை ஒரு பிளாஸ்டிக் கவரில் போட்டு விழுங்கியுள்ளார். பின்னர், மூன்று முறை அவரை வாந்தி எடுக்க வைத்து மருத்துவர்கள் செல்போனை வெளியே எடுத்தனர். 

இதைத்தொடர்ந்து, மீண்டும் அவருக்கு உடல்நிலை சரியில்லாமல் போகவே, மருத்துவர்கள் அல்ட்ரா சவுண்ட் சிகிச்சை மூலம் சோதித்ததில், அவரது மலக்குடலில் ஒரு செல்போன் சிக்கியிருப்பது தெரியவந்தது. பின்னர் அறுவை சிகிச்சை மூலமாக அந்த செல்போன் அகற்றப்பட்டது. 

முன்னதாக, கடந்த ஆகஸ்ட் 16 ஆம் தேதி, சிறைச்சாலையில் கைதிகள் தியானம் செய்யும் அறையில் மிகவும் அதிநவீன செல்போன் ஒன்று கண்டுபிடிக்கப்பட்டது. சிறையில் வி.ஐ.பி கைதிகள் இருப்பதால் செல்போன்களை உள்ளே கொண்டுவர சிலர் முயற்சி செய்து வருவதாக சிறைத்துறை அதிகாரிகள் தெரிவித்துள்ளனர். 

மேலும், சிறைக்குள் தகவல்தொடர்பு சாதனங்கள் இதுபோன்று மறைமுகமாக கடத்தப்படுவதாகவும், இதனைத் தடுக்க சிறைத்துறை அதிகாரிகள் நடவடிக்கை எடுத்து வருவதாகவும் டெல்லி சிறைச்சாலைகளின் புதிய இயக்குநர் ஜெனரல் சந்தீப் கோயல் தெரிவித்துள்ளார். 

]]>
Tihar , Delhi, டெல்லி, திஹார் ஜெயில் https://images.dinamani.com/uploads/user/imagelibrary/2018/9/12/w600X390/tiharjail.jpg https://www.dinamani.com/india/2019/aug/25/mobile-phones-find-new-routes-inside-delhis-tihar-jail-3221161.html
3221142 இந்தியா திருப்பி அனுப்பப்பட்ட நிலையிலும், காஷ்மீரின் சூழலை தெரிந்துகொண்ட ராகுல் காந்தி!  Muthumari ENS Sunday, August 25, 2019 03:00 PM +0530  

ஜம்மு காஷ்மீரில் இருந்து தில்லிக்குத் திரும்பிய ராகுல் காந்தி இருந்த விமானத்தில் காஷ்மீரியப் பெண் ஒருவர், அம்மாநிலத்தில் நிலவும் சூழல் குறித்து ராகுலிடம் எடுத்துரைத்தார். 

ஜம்மு காஷ்மீருக்கான சிறப்பு அந்தஸ்து ரத்து செய்யப்பட்டு, அந்த மாநிலம் ஜம்மு காஷ்மீர் மற்றும் லடாக் என இரண்டு யூனியன் பிரதேசங்களாக பிரிக்கப்படுவதாக கடந்த ஆகஸ்ட் 5ம் தேதி மத்திய அமைச்சர் அமித் ஷா நாடாளுமன்றத்தில் அறிவித்தார். அன்றைய தினம் முதல் காஷ்மீரில் அசாதாரண சூழ்நிலை நிலவி வருகிறது. 

ஜம்மு-காஷ்மீரில் நிலவும் சூழல் குறித்து ஆய்வு செய்வதற்காக சனிக்கிழமை அந்த மாநிலத்துக்குச் செல்ல முயன்ற காங்கிரஸ் முன்னாள் தலைவர் ராகுல் காந்தி உள்ளிட்ட எதிர்க்கட்சித் தலைவர்கள் அடங்கிய குழுவுக்கு அனுமதி மறுக்கப்பட்டு திருப்பி அனுப்பப்பட்டனர். 

தில்லியிலிருந்து சனிக்கிழமை பிற்பகலில் ஸ்ரீநகருக்கு புறப்பட்ட 12 பேர் கொண்ட அந்தக் குழுவில் காங்கிரஸ், மார்க்சிஸ்ட் கம்யூனிஸ்ட், இந்திய கம்யூனிஸ்ட், திமுக, தேசியவாத காங்கிரஸ், மதச்சார்பற்ற ஜனதா தளம், ராஷ்ட்ரீய ஜனதா தளம், திரிணமூல் காங்கிரஸ் ஆகிய 8 கட்சிகளைச் சேர்ந்த தலைவர்கள் இருந்தனர்.

ராகுல் காந்தி, குலாம் நபி ஆஸாத், திருச்சி சிவா, டி.ராஜா, சீதாராம் யெச்சூரி, சரத் யாதவ், மனோஜ் ஜா, மஜீத் மேமன் உள்ளிட்டோர் அடங்கிய அந்தக் குழு காஷ்மீர் தலைநகர் ஸ்ரீநகரில் உள்ள விமான நிலையத்தை சென்றடைந்த நிலையில், ஜம்மு-காஷ்மீர் நிர்வாகம் அவர்களை விமான நிலையத்திலிருந்து வெளியேற அனுமதிக்கவில்லை. 

காஷ்மீர் ஆளுநர் அழைப்பின் பேரிலேயே தாங்கள் வந்திருப்பதாக எதிர்க்கட்சித் தலைவர்கள் குழு தெரிவித்தபோதிலும், மாநில அரசு நிர்வாகம் அவர்களுக்கு அனுமதி மறுத்தது. அத்துடன், ஸ்ரீநகர் விமான நிலையத்திலிருந்து அவர்கள் மீண்டும் தில்லிக்கு திருப்பி அனுப்பப்பட்டனர்.

அவர்கள் ஸ்ரீநகரில் இருந்து தில்லிக்கு விமானத்தில் வந்த போது, விமானத்தில் இருந்த காஷ்மீரியப் பெண் ஒருவர் ராகுலிடம் வந்து காஷ்மீர் நிலை குறித்துப் பேசியுள்ளார்.

அவர், 'என்னுடைய குழந்தைகள் வீட்டை விட்டு வெளியே வர முடியாத சூழலில் உள்ளனர். என்னுடைய சகோதரர் இருதய நோயாளி. கடந்த 10 நாட்களாக அவருக்கு சிகிச்சை அளிக்க மருத்துவரை பார்க்க முடியாத சூழல் தான் காஷ்மீரில் நிலவுகிறது. நாங்கள் மிகவும் இக்கட்டான சூழ்நிலையில் இருக்கிறோம்' என்று கண்ணீர் மல்க தெரிவித்தார். இந்த விடியோவை காங்கிரஸ் கட்சியின் செய்தித்தொடர்பாளர் ராதிகா கேரா தனது ட்விட்டர் பக்கத்தில் வெளியிட்டுள்ளார்.

]]>
ஜம்மு காஷ்மீர் , Jammu kashmir, srinagar, Rahul gandhi, congress, ராகுல் காந்தி https://images.dinamani.com/uploads/user/imagelibrary/2019/8/25/w600X390/rahul-gandhi.jpg https://www.dinamani.com/india/2019/aug/25/kashmiri-woman-shares-jks-ordeal-with-rahul-gandhi-on-flight-3221142.html
3220715 இந்தியா ஜேட்லியின் பல பரிமாணங்கள்! DIN DIN Sunday, August 25, 2019 02:35 PM +0530  

பாஜக மூத்த தலைவர்களில் ஒருவரான அருண் ஜேட்லி (66), மாணவர் தலைவர், தேர்ந்த அரசியல்வாதி, மத்திய அமைச்சர், சிறந்த பேச்சாளர் என பல்வேறு பரிமாணங்களைக் கொண்டிருந்தார்.

நேரடியாக மக்களவைத் தேர்தலில் வெற்றி பெற முடியாவிட்டாலும், அரசியலில் உச்சம் தொட்டு, தனக்கென தனிமுத்திரை பதித்தவர் ஜேட்லி. முன்னாள் பிரதமர் வாஜ்பாய் அரசில் இருந்து தற்போதைய பிரதமர் நரேந்திர் மோடி தலைமையிலான அரசு வரையிலும், பல்வேறு துறைகளில் அமைச்சராகப் பொறுப்பு வகித்து சிறப்பாக செயலாற்றிய பெருமைக்குரியவர். கிரிக்கெட் மீது அதீத ஆர்வம் கொண்டிருந்த ஜேட்லி, தில்லி கிரிக்கெட் வாரியத்தின் தலைவராகவும் இருந்துள்ளார்.

நிதி, பாதுகாப்புத் துறை, பெருநிறுவனங்கள் விவகாரம், சட்டம், தொழில் துறை என பல்வேறு துறைகளின் அமைச்சராகப் பொறுப்பு வகித்தவர். 2009 முதல் 2014-ஆம் ஆண்டு வரை மாநிலங்களவையில் எதிர்க்கட்சித் தலைவராகவும், உச்சநீதிமன்றத்தின் மூத்த வழக்குரைஞராகவும் இருந்தவர். தில்லி பல்கலைக்கழகத்தில் படிக்கும் போதே அரசியல் ஆர்வம் கொண்டவராகத் திகழ்ந்தார். அப்போது, அகில பாரதிய வித்யார்த்தி பரிஷத்தில் (ஏபிவிபி) அங்கம் வகித்த ஜேட்லி, கடந்த 1974-இல் மாணவர் அமைப்பின் தலைவராக உயர்ந்தார்.

எமர்ஜென்ஸி சிறைவாசம்: கடந்த 1975-இல் இந்திராகாந்தி தலைமையிலான காங்கிரஸ் அரசு கொண்டு வந்த அவசர நிலையை எதிர்த்து நாடெங்கிலும் நடைபெற்ற கடுமையான போராட்டங்களில் அருண் ஜேட்லியும் பங்கேற்றார். இதனால், அப்போதைய அரசு, ஜேட்லியை கைது செய்து 19 மாதங்கள் சிறையில் அடைத்தது. ஜெயபிரகாஷ் நாராயண் உருவாக்கிய ஊழலுக்கு எதிரான அமைப்பிலும் ஜேட்லி ஈடுபட்டு பிரபலமானார். இதைத் தொடர்ந்து, அவரை மாணவர்கள் மற்றும் இளைஞர்கள் அமைப்பின் ஒருங்கிணைப்பாளராக ஜெயபிரகாஷ் நாராயண் நியமித்தார். மக்கள் உரிமைகளுக்காக அதிக ஈடுபாடு காட்டியவர் ஜேட்லி.

அரசியல் அறிமுகம்: அவசர நிலை முடிந்த பிறகு சிறையில் இருந்து வெளியே வந்த ஜேட்லி, ஜன சங்கத்தில் சேர்ந்து தனது அரசியல் வாழ்க்கையைத் தொடங்கினார். அவசர நிலைக்குப் பிறகு தேர்தலில் காங்கிரஸ் கட்சி படுதோல்வியைச் சந்தித்த நேரத்தில், லோக் தாந்திரிக் யுவ மோர்ச்சா அமைப்பின் ஒருங்கிணைப்பாளராகவும், அகில பாரதிய வித்யார்த்தி பரிஷத்தின் தில்லி பிரிவு தலைவராகவும், அனைத்து இந்தியச் செயலாளராகவும் பதவி வகித்து மக்களால் விரைவாக அறியப்பட்டார்.

அதன்பிறகு பாஜக உருவானதும், இளைஞர் அமைப்பின் தலைவராகவும், 1980-களில் அக்கட்சியின் தில்லி பிரிவின் செயலாளராகவும் ஜேட்லி பதவி வகித்தார். இதையடுத்து, பாஜகவில் படிப்படியாக வளர்ச்சியை நோக்கி முன்னேறிய ஜேட்லி, 1991-இல் கட்சியின் தேசிய செயற்குழு உறுப்பினரானார். சட்டம் பயின்ற அவர், மிகச் சிறந்த வழக்குரைஞராக இருந்தார். கடந்த 1987-இல் இருந்து பல்வேறு உயர்நீதிமன்றங்களில் வழக்குரைஞராகப் பணியாற்றிய அனுபவம் அவருக்கு உண்டு. இதன் காரணமாக கடந்த 1990-இல் ஜேட்லிக்கு மூத்த வழக்குரைஞராக பதவி உயர்வு அளித்தது தில்லி உயர்நீதிமன்றம்.

சொலிசிட்டர் ஜெனரல்: கடந்த 1989-இல் வி.பி.சிங் அரசில் அரசின் சொலிசிட்டர் ஜெனரலாக அருண் ஜேட்லி இருந்தார். அப்போது ராஜீவ் காந்தி சம்பந்தப்பட்ட போபர்ஸ் ஊழல் வழக்கின் ஆவணங்களைத் திறம்பட கையாண்ட பெருமை ஜேட்லிக்கு உண்டு. சரத் யாதவ், மாதவராவ் சிந்தியா, எல்.கே.அத்வானி ஆகியோர் சார்பாகவும் நீதிமன்றங்களில் அவர் வாதிட்டுள்ளார்.

1999 தேர்தல்: 1999 மக்களவைத் தேர்தலின்போது பாஜகவின் தலைமைச் செய்தித் தொடர்பாளராக ஜேட்லி இருந்தார். அப்போது, அந்தப் பதவியில் திறமையாகச் செயல்பட்டவராக அறியப்பட்டார். 1999-இல் வாஜ்பாய் தலைமையில் தேசிய ஜனநாயகக் கூட்டணி ஆட்சிக்கு வந்தது. அமைச்சரவையில் ஜேட்லிக்கு முக்கியப் பதவிகள் வழங்கப்பட்டன. குறிப்பாக தகவல் மற்றும் ஒலிபரப்புத் துறை அமைச்சராகவும் (தனிப் பொறுப்பு), முதன் முறையாக முதலீட்டு விலக்கல் அமைச்சகம் உருவாக்கப்பட்டு அதன் அமைச்சராகவும் ஜேட்லி நியமிக்கப்பட்டார். பாஜகவுடன் ஏற்பட்ட மனக் கசப்பால் ராம்ஜெத் மலானி அமைச்சர் பதவியை ராஜிநாமா செய்தபோது, கேபினெட் அமைச்சராக உயர்ந்து, சட்டம் மற்றும் நீதித் துறை, பெருநிறுவனங்கள் விவகாரத் துறை அமைச்சராக ஜேட்லி பதவி வகித்தார். 2004 மக்களவைத் தேர்தலில் பாஜக தோல்வி அடைந்ததால், மீண்டும் கட்சிப் பணிக்குத் திரும்பினார்.

எதிர்க்கட்சித் தலைவர்: கடந்த 2009-இல் மாநிலங்களவை எதிர்க்கட்சித் தலைவராக ஜேட்லி தேர்வு செய்யப்பட்டார். அதைத் தொடர்ந்து, கட்சிப் பொதுச் செயலாளர் பதவியை ராஜிநாமா செய்ததுடன், வழக்குரைஞர் பணி செய்வதையும் நிறுத்திக் கொண்டார். மாநிலங்களவையில் எதிர்க்கட்சித் தலைவராக இருந்தபோது, அப்போதைய காங்கிரஸ் அரசுக்கு சிம்ம சொப்பனமாகத் திகழ்ந்தார் ஜேட்லி.

 

மோடி ஆட்சியில் உச்சம் தொட்டவர்!

கடந்த 2014 மக்களவைத் தேர்தலில் பஞ்சாப் மாநிலம், அமிருதசரஸ் தொகுதியில் போட்டியிட்டு காங்கிரஸ் வேட்பாளர் அமரீந்தர் சிங்கிடம் ஜேட்லி தோல்விடைந்தார். இருப்பினும், மாநிலங்களவை உறுப்பினராகத் தேர்வு செய்யப்பட்டார். மத்தியில் பிரதமர் நரேந்திர மோடி தலைமையில் கடந்த 2014-இல் பாஜக ஆட்சி அமைத்தது. அது முதல் பிரதமர் மோடி மற்றும் பாஜக தலைவர் அமித் ஷாவுடன் நெருக்கமாக இருந்த மத்திய அமைச்சர்களில் முதன்மையாக இருந்தவர் ஜேட்லி. அதில் நிதி, பெருநிறுவனங்கள் விவகாரம், பாதுகாப்பு என முக்கியமான துறைகள் ஜேட்லிக்கு ஒதுக்கப்பட்டன. நிதியமைச்சராக முதலில் நியமிக்கப்பட்ட ஜேட்லி, மனோகர் பாரிக்கர் கோவா அரசியலுக்கு திரும்பிய சிறிது காலம், பாதுகாப்புத் துறை அமைச்சராகவும் இருந்தார். நிதியமைச்சராக இருந்த போது 4 பட்ஜெட்டுகளை ஜேட்லி தாக்கல் செய்துள்ளார்.

பிரதமர் மோடி தலைமையிலான அரசில் நிதியமைச்சராக ஜேட்லி இருந்த போது பல்வேறு முக்கிய நடவடிக்கைகள் எடுக்கப்பட்டன. ஊழலை ஒழிப்பது, கருப்புப் பணத்தை மீட்பது ஆகியவை தொடர்பான நடவடிக்கைகள் முன்னெடுக்கப்பட்டன. கடந்த 2016-இல் வருமானத்தை தாமாக முன்வந்து தெரிவித்து வருமான வரி செலுத்தும் திட்டம் அறிமுகப்படுத்தப்பட்டது. நாட்டையே அதிரவைத்த பணமதிப்பிழப்பு நடவடிக்கையை கடந்த 2016, நவம்பர் 8-இல் பிரதமர் மோடி அறிவித்தார். பயங்கரவாதம், கள்ளநோட்டு, ஊழல் ஆகியவற்றை ஒழிக்கும் நோக்கில் அந்த நடவடிக்கை எடுக்கப்பட்டதாக அரசுத் தரப்பில் தெரிவிக்கப்பட்டது. அந்த நடவடிக்கையும் நிதியமைச்சர் அருண் ஜேட்லியின் பதவிக் காலத்தில்தான் எடுக்கப்பட்டது.

இந்த பணமதிப்பிழப்பு நடவடிக்கையின் போது, புழக்கத்தில் இருந்த 500, 1,000 ரூபாய் நோட்டுகள் செல்லாது என அறிவிக்கப்பட்டு புதிய 2,000, 500 ரூபாய் நோட்டுகள் அறிமுகப்படுத்தப்பட்டன. இந்தத் திட்டத்தில் ஏராளமான குளறுபடிகளும், குழப்பங்களும் நிலவியதால், எதிர்க்கட்சிகளின் கடுமையான விமர்சனத்துக்கு நிதியமைச்சகமும், ரிசர்வ் வங்கியும் ஆளானது.

ஜேட்லி நிதியமைச்சராக இருந்த போதுதான் நாட்டின் மிகப்பெரிய வரிச் சீர்திருத்தமான சரக்கு, சேவை வரி (ஜிஎஸ்டி) கொண்டுவரப்பட்டது. இந்த வரி தொடர்பாகவும் பல்வேறு விமர்சனங்கள் எழுந்தன. இருந்த போதிலும், தனது சாதுர்யமான பேச்சுத் திறமையாலும், நிர்வாகத் திறமையாலும் ஜிஎஸ்டி வரியில் அடுத்தடுத்து பல்வேறு திருத்தங்களைக் கொண்டு வந்து நடைமுறைப்படுத்தினார்.

அண்மையில் மறைந்த பாஜக மூத்த தலைவரும், முன்னாள் மத்திய அமைச்சருமான சுஷ்மா ஸ்வராஜை போலவே, அருண் ஜேட்லியும் எல்.கே.அத்வானியுடன் நெருக்கமாக இருந்தவர். ஆனால், நரேந்திர மோடியுடனான அவரது நட்புதான் தில்லி அரசியலில் அவரை குறிப்பிடத்தக்க உயரத்தை அடைய வைத்தது. சுஷ்மா ஸ்வராஜை போலவே, வழக்குரைஞராக இருந்து அரசியல்வாதியாக உருமாறியவர். மேலும், சுஷ்மாவைப் போலவே அனைத்துக் கட்சித் தலைவர்கள் மத்தியிலும் நட்பு பாராட்டியவர் ஜேட்லி...!

]]>
https://images.dinamani.com/uploads/user/imagelibrary/2019/8/25/w600X390/arunjetly.jpg https://www.dinamani.com/india/2019/aug/25/ஜேட்லியின்-பல-பரிமாணங்கள்-3220715.html
3221134 இந்தியா இறுதிச் சடங்குகள்: நிகம்போத் காட் கொண்டு செல்லப்பட்ட அருண் ஜேட்லி உடல் DIN DIN Sunday, August 25, 2019 02:24 PM +0530  

பாஜக மூத்த தலைவரும், முன்னாள் மத்திய அமைச்சருமான அருண் ஜேட்லி (66) உடல்நலக் குறைவால் தில்லி எய்ம்ஸ் மருத்துவமனையில் சனிக்கிழமை காலமானார்.

பண்பட்ட, நாகரிகமிக்க அரசியல் தலைவராக விளங்கிய ஜேட்லியின் மறைவுக்கு, குடியரசுத் தலைவர் ராம்நாத் கோவிந்த், குடியரசு துணைத் தலைவர் வெங்கய்ய நாயுடு, பிரதமர் நரேந்திர மோடி, காங்கிரஸ் தலைவர் சோனியா காந்தி உள்ளிட்ட தலைவர்கள் இரங்கல் தெரிவித்துள்ளனர்.

அரசியல் தலைவர்களும், பொது மக்களும் அஞ்சலி செலுத்தும் வகையில், தில்லியிலுள்ள பாஜக தலைமை அலுவலகத்தில் அவரது உடல் ஞாயிற்றுக்கிழமை காலை வைக்கப்பட்டது.

மறைந்த அருண் ஜேட்லியின் இறுதிச் சடங்குகள், தில்லியிலுள்ள நிகம்போத் காட் பகுதியில் ஞாயிற்றுக்கிழமை பிற்பகலில் நடைபெறுகிறது. இதில் குடியரசுத் துணைத் தலைவர் வெங்கய்ய நாயுடு, மத்திய உள்துறை அமைச்சர் அமித் ஷா மற்றும் பாதுகாப்புத்துறை அமைச்சர் ராஜ்நாத் சிங் உள்ளிட்டோர் கலந்துகொண்டுள்ளனர்.

]]>
arun jaitley, Union minister, BJP leader, Mortal remains of Arun Jaitley, cremation, Nigambodh Ghat https://images.dinamani.com/uploads/user/imagelibrary/2019/8/25/w600X390/Mortal_remains_of_ArunJaitley_taken_to_Nigambodh_Ghat.jpg https://www.dinamani.com/india/2019/aug/25/mortal-remains-of-arun-jaitley-taken-to-nigambodh-ghat-3221134.html
3221129 இந்தியா 1,200 கி.மீ. தூரம், 90 மணிநேரம் இடைவிடாத சைக்கிள் பயணம்: இந்திய ராணுவ அதிகாரி மகத்தான சாதனை DIN DIN Sunday, August 25, 2019 01:44 PM +0530  

பிரான்ஸின் மிகப் பழமையான பாரம்பரியமிக்க சைக்கிள் பயணம் ஆகஸ்ட் 23-ஆம் தேதி தொடங்கி நடைபெற்றது. இதில் பாரீஸில் இருந்து புறப்பட்டு பிரெஸ்ட் சென்றடைந்து, பின்னர் மீண்டும் அங்கிருந்து பாரீஸ் வந்தடைய வேண்டும். இதன் தூரம் 1,200 கிலோ மீட்டர்கள் ஆகும். இம்முறை இதற்கான தொடக்கம் மற்றும் முடிவுக்கான மைய இடமாக ராம்பௌலெட் பகுதி தேர்வு செய்யப்பட்டது.

இதில், இந்திய ராணுவத்தின் லெப்டினன்ட் ஜெனரல் அனில் பூரி கலந்துகொண்டார். 56 வயதான ராணுவ அதிகாரி அனில், இந்த 1,200 கி.மீ. தூரத்தை ஆகஸ்ட் 23-ஆம் தேதி தொடங்கி தூக்கமின்றி 90 மணிநேரங்கள் இடைவிடாமல் இந்த சைக்கிள் பயணத்தை வெற்றிகரமாக முடித்தார். 

இதன்மூலம் பிரான்ஸின் புகழ்பெற்ற இந்த சைக்கிள் பயணத்தை வெற்றிகரமாக முடித்த முதல் இந்திய ராணுவ அதிகாரி எனும் சாதனையைப் படைத்தார். 

கடந்த 1931-ஆம் ஆண்டு முதல் நடைபெறும் இந்த பாரம்பரியமிக்க சைக்கிள் பயணத்தில் இதுவரை 31,125 பேர் வெற்றிகரமாக தங்கள் பயணத்தை நிறைவு செய்துள்ளனர். 

]]>
Indian Army, Lieutenant General, Anil Puri, France oldest cycling event, Anil Puri completes 1200 km long cycling event, Indian Army Lieutenant General https://images.dinamani.com/uploads/user/imagelibrary/2019/8/25/w600X390/Lieutenant_General_Anil_Puri.jpg https://www.dinamani.com/india/2019/aug/25/indian-army-lieutenant-general-officer-anil-puri-completes-1200-km-long-france-oldest-cycling-event-3221129.html
3221126 இந்தியா நெகிழிப் பயன்பாட்டை தவிர்க்க வேண்டும்: மனதின் குரலில் பிரதமர் மோடி DIN DIN Sunday, August 25, 2019 01:24 PM +0530  

மனதின் குரல் வானொலி நிகழ்ச்சியின் மூலம் நாட்டு மக்களுடன் பிரதமர் நரேந்திர மோடி ஞாயிற்றுக்கிழமை உரையாற்றினார். இது மோடி 2-ஆம் முறையாக பிரதமராக பதவியேற்ற பின்னர் நடைபெறும் 3-ஆவது நிகழ்ச்சியாகும். அதில் பேசியதாவது:

மிகப் பிரமாண்டமான திருவிழாவுக்காக இந்தியா தயாராகிக்கொண்டிருக்கிறது. இந்த திருவிழாவை இந்தியா மட்டுமல்லாமல் உலக நாடுகள் அனைத்தும் கொண்டாடும். ஆம், மகாத்மா காந்தியின் 150-ஆவது பிறந்த தினம் அக்டோபர் 2-ஆம் தேதி அனுசரிக்கப்படுகிறது. மகாத்மா காந்தி தென் ஆப்பிரிக்க மக்களின் சுதந்திரத்துக்காகவும் போராடியவர். ஏழைகளுக்காக தனது வாழ்வை அர்ப்பணித்தவர். தனது கொள்கைகளை வாழ்ந்து காட்டியவர். அதுவே சிறந்த முன் உதாரணம் ஆகும். என்றும் சத்தியத்தின் வழி நடந்தவர். அதேபோன்று சேவை மனப்பான்மை கொண்டவராகவும் திகழ்ந்தார். 

இந்த நாள் முதல் நாம் அனைவரும் நெகிழிப் பயன்பாட்டை முற்றிலும் தவிர்க்க முயற்சி எடுக்க வேண்டும். வணிகர்கள் அனைவரும் இயற்கையை பாதிக்காத பொருட்களை வாடிக்கையாளர்களுக்கு வழங்க முன்வர வேண்டும். நவீன காலப் பெண்கள் அனைவரும் முன்வந்து குழுக்களை உருவாக்கி செயல்பட வேண்டும். அதன்மூலம் நாட்டுக்கு சேவை செய்ய முன்வர வேண்டும். இதன்மூலம் நம்மால் நிறைய சாதிக்க இயலும். 

தற்போதைய காலச்சூழலில் ஏற்படும் பிரச்னைகளுக்கு கிருஷ்ணரின் வாழ்வில் இருந்து தீர்வு காண முடியும். யுகங்களுக்கு முந்தையது என்றாலும் கிருஷ்ணரின் நடவடிக்கைகள் தான் பல தலைமுறைகளுக்கு தேவையான அனைத்தையும் சரியாக பெற முன்னோடியாக திகழ்கிறது என்று தெரிவித்தார்.

மேலும், மேன் வெர்ஸஸ் வைல்ட் நிகழ்ச்சியில் நான் ஹிந்தியில் பேசியதை பியர் கிரில்ஸ் எவ்வாறு புரிந்துகொண்டார் என பலர் கேள்வி எழுப்பியுள்ளனர். அக்காட்சிகள் அனைத்தும் இருமுறை படமாக்கப்பட்டதா என்றும் கேள்வி எழுப்பினர். ஆனால், இதில் தொழில்நுட்பம் தான் எங்கள் இருவருக்கும் இடையில் பாலமாக அமைந்தது. பியர் கிரில்ஸ் தனது காதில் பொருத்தியிருந்த சிறிய மென்பொருள் சாதனம் ஒன்று, நான் பேசிய ஹிந்தியை ஆங்கிலத்தில் மொழியாக்கம் செய்தது என்ற சுவாரஸ்ய தகவலையும் பிரதமர் மோடி பகிர்ந்துகொண்டார்.

]]>
Prime Minister, Narendra Modi, Mann Ki Baat, radio broadcast https://images.dinamani.com/uploads/user/imagelibrary/2019/8/25/w600X390/modi_in_maan_ki_baath.jpg https://www.dinamani.com/india/2019/aug/25/prime-minister-narendra-modi-monthly-radio-broadcast-mann-ki-baat-3221126.html
3221125 இந்தியா ஜேட்லியின் உடலுக்கு தமிழக அரசியல் தலைவர்கள் அஞ்சலி! DIN DIN Sunday, August 25, 2019 01:16 PM +0530  

பாஜக மூத்தத் தலைவரும், முன்னாள் மத்திய அமைச்சருமான அருண் ஜேட்லியின் மறைவையடுத்து, டெல்லியில் பாஜக தலைமையகத்தில் வைக்கப்பட்டிருந்த அவரது உடலுக்கு தமிழக துணை முதல்வர் ஓ.பன்னீர் செல்வம் மற்றும் அமைச்சர்கள் ஜெயக்குமார் மற்றும் தங்கமணி ஆகியோர் அஞ்சலி செலுத்தினர். 

சுவாசப் பிரச்னை, சிறுநீரகப் பிரச்னை உள்ளிட்ட உடல்நலக் கோளாறுகள் காரணமாக தில்லி எய்ம்ஸ் மருத்துவமனையில் அருண் ஜேட்லி கடந்த 9-ஆம் தேதி அனுமதிக்கப்பட்டார். தீவிர சிகிச்சைப் பிரிவில் இருந்த அவருக்கு பல்வேறு துறைகளைச் சேர்ந்த மருத்துவர்கள் குழு, தொடர்ந்து சிகிச்சை அளித்து வந்தபோதிலும், அவை எதுவும் பலனளிக்காத நிலையில் சனிக்கிழமை நண்பகல் சிகிச்சை பலனின்றி உயிரிழந்தார். 

ஜேட்லியின் மறைவுக்கு, குடியரசுத் தலைவர் ராம்நாத் கோவிந்த், குடியரசு துணைத் தலைவர் வெங்கய்ய நாயுடு, பிரதமர் நரேந்திர மோடி, காங்கிரஸ் தலைவர் சோனியா காந்தி உள்ளிட்ட தலைவர்கள் இரங்கல் தெரிவித்துள்ளனர்.

இன்று காலை பாஜக தலைமையகத்தில் அவரது உடல் வைக்கப்பட்டிருந்தது. அப்போது, அதிமுக சார்பில் தமிழக துணை முதல்வர் ஓ.பன்னீர் செல்வம் மற்றும் அமைச்சர்கள் ஜெயக்குமார் மற்றும் தங்கமணி ஆகியோர் அஞ்சலி செலுத்தினர். மேலும், தமிழக பாஜக தலைவர் தமிழிசை சௌந்தரராஜனும் அஞ்சலி செலுத்தினார். 

ஜேட்லியின் குடும்பத்தினர் மற்றும் பாஜகவினருக்கு அதிமுக மற்றும் முதல்வர் எடப்பாடி பழனிச்சாமி சார்பில் ஆழ்ந்த இரங்கலை தெரிவித்துக்கொள்வதாக ஓபிஎஸ் தெரிவித்தார். 

மறைந்த அருண் ஜேட்லியின் இறுதிச் சடங்குகள், தில்லியிலுள்ள நிகம்போத் காட் பகுதியில் இன்று பிற்பகல் நடைபெற உள்ளது. 

]]>
ADMK, BJP, arun jaitley, பாஜக , அருண் ஜேட்லி, O Panneerselvam, டெல்லி https://images.dinamani.com/uploads/user/imagelibrary/2019/6/21/w600X390/ops.jpg https://www.dinamani.com/india/2019/aug/25/tn-political-leaders-pay-tribute-to-jaitley-3221125.html
3221122 இந்தியா போலீசாரை மிரட்டிய பத்திரிக்கையாளர்கள் 5 பேர் மீது வழக்குப்பதிவு!  IANS IANS Sunday, August 25, 2019 12:42 PM +0530  

பத்திரிக்கையாளர்கள் என்ற அடையாளத்தை பயன்படுத்தி போலீசாருக்கு தொல்லை கொடுத்தது மட்டுமின்றி, குற்றவாளிகளை காப்பாற்றும் செயலில் ஈடுபட்ட 5 பேர் மீதுகுண்டர்கள் மற்றும் சட்டவிரோத நடவடிக்கைகள் தடுப்புச் சட்டத்தின் கீழ் வழக்குப்பதிவு செய்யப்பட்டுள்ளது.

உத்தரப்பிரதேச மாநிலத்தைச் சேர்ந்த 5 பேர் பத்திரிக்கைத் துறையில் பணியாற்றி வருகின்றனர். இவர்கள் பத்திரிகைத்துறையை பயன்படுத்தி காவல்துறைக்கு அடிக்கடி தொல்லை கொடுத்து வந்துள்ளனர். அரசு அதிகாரிகள் மற்றும் காவல்துறையினரை தங்களது வேலைகளுக்காக பயன்படுத்தினர். 

மேலும், காவல்துறை வழக்குகளில் குற்றஞ்சாட்டப்பட்ட பலரை விடுவிக்க வேண்டும் என்றும் போலீசாரை வற்புத்தியுள்ளனர். இதையடுத்து மாவட்ட காவல்துறைக்கு இது தொடர்பாக தகவல் தெரிவிக்கப்பட்டு, ஐந்து பேரில் ஷில் பண்டிட், உதித் கோயல், சந்தன் ராய், நிதேஷ் பாண்டே ஆகிய நால்வரை போலீசார் கைது செய்துள்ளனர். மேலும், தப்பியோடிய ராமன் தாகூரை போலீசார் தீவிரமாகத் தேடி வருகின்றனர். ராமன் தாகூர் குறித்து தகவல் தெரிவித்தால் 25,000 வெகுமதி வழங்கப்படும் என்றும் அறிவிக்கப்பட்டுள்ளது. 

கைது செய்யப்பட்ட நால்வரும் தற்போது 4 நாட்கள் போலீஸ் காவலில் வைக்கப்பட்டுள்ளனர்.  அதன்பின்னர் மாஜிஸ்திரேட் முன்னிலையில் நீதிமன்றத்தில் ஆஜர்படுத்தப்படவுள்ளனர். 

பின்னர், போலீசார் நடத்திய விசாரணையில், குற்றம் சாட்டப்பட்டவர்கள் யாரும் அங்கீகாரம் பெற்ற பத்திரிகையாளர்கள் அல்ல என்று தெரிய வந்துள்ளது.

அதிகாரிகளின் பெயரை கெடுக்கும் விதமாக பத்திரிகையில் விமர்சனம் செய்வோம் என்றும் நொய்டா மற்றும் உத்தரப்பிரதேசத்தின் பிற பகுதிகளில் உள்ள காவல்துறையினரை இடமாற்றம் செய்வதில் சாதி சார்பு உள்ளது என்றும் அவர்கள் போலீசாரை மிரட்டியுள்ளனர். 

மேலும், ஐபிஎஸ் அதிகாரிகள் உள்பட அதிகாரிகள் குறித்து செய்தி இணையதளங்கள், சமூக ஊடகங்கள் மற்றும் வாட்ஸ்அப் ஆகியவற்றில் பரப்பிவிடுவோம் என்றும் எச்சரிக்கை விடுத்துள்ளனர். ஆனால், விசாரணை செய்த பின்னரே அவர்கள் அங்கீகாரம் பெற்ற பத்திரிகையாளர்கள் இல்லை என்று தெரிய வந்ததாக மூத்த போலீஸ் சூப்பிரண்டு வைபவ் கிருஷ்ணா தெரிவித்துள்ளார். 

]]>
UP, noida, நொய்டா, journalists, உத்தரப்பிரதேசம்  https://images.dinamani.com/uploads/user/imagelibrary/2017/3/30/w600X390/1_jail.jpg https://www.dinamani.com/india/2019/aug/25/5-journalists-booked-under-gangsters-act-3221122.html
3221117 இந்தியா ஜூனியர் மாணவர்களை மொட்டையடிக்க வைத்து ராக்கிங் செய்த சீனியர்ஸ் 7 பேர் சஸ்பெண்ட்! IANS IANS Sunday, August 25, 2019 11:44 AM +0530  

உத்தரப்பிரதேச மாநிலத்தில் உள்ள மருத்துவப் பல்கலைக்கழகத்தில் ஜூனியர் மாணவர்களை ராக்கிங் செய்த சீனியர் மாணவர்கள் 7 பேர் கல்லூரி நிர்வாகத்தால் சஸ்பெண்ட் செய்யப்பட்டுள்ளனர்.

உத்தரப்பிரதேச மாநிலத்தில் எடாவா என்ற மாவட்டத்தில் உத்தரப்பிரதேச மருத்துவப் பல்கலைக்கழகம்செயல்பட்டு வருகிறது. இந்தப் பல்கலைக்கழகத்தில் கடந்த வாரம் முதலாமாண்டு மாணவர்களுக்கான வகுப்புகள் தொடங்கின. அப்போது, முதலாமாண்டு மாணவர்கள் 150 பேருக்கு மொட்டையடித்து அவர்களை ஊர்வலமாக செல்லுமாறு சீனியர் மாணவர்கள் ராக்கிங் செய்துள்ளனர்.

மேலும், ஜூனியர் மாணவர்கள் தங்களுக்கு சல்யூட் அடிக்க வேண்டும் என்றும் சீனியர் மாணவர்கள்  வற்புறுத்தியுள்ளனர். இது தொடர்பான வீடியோ ஒன்று சமூக வலைத்தளங்களில் வைரலாக பரவி வந்தது. 

இந்த நிலையில், அந்த பல்கலைக்கழகத்தைச் சேர்ந்த சீனியர் மாணவர்கள் 7 பேர் இன்று சஸ்பெண்ட் செய்யப்பட்டுள்ளனர். மேலும், சஸ்பெண்ட் செய்யப்பட்ட 7 பேருக்கும் தலா ரூ.25,000 அபராதம் விதிக்கப்பட்டுள்ளது. இது தவிர இவர்கள் மீது காவல்துறையும் வழக்குப்பதிவு செய்ய இருக்கிறது. அதே போன்று ராக்கிங் செய்யத் தூண்டிய 150 சீனியர் மாணவர்களுக்கு தலா ரூ.5,000 அபராதம் விதிக்கப்பட்டுள்ளது. 

முதலாமாண்டு மாணவர்கள் ராக்கிங்-ஆல் பாதிக்கப்பட்டதை கல்லூரி நிர்வாகத்திடம் தெரிவிக்காத விடுதிக் காப்பாளரும், இந்த விசாரணை முடியும் வரை சஸ்பெண்ட் செய்யப்பட்டுள்ளார். கல்லூரியில் ராக்கிங் நடந்தால் அதுகுறித்து பாதிக்கப்பட்ட மாணவர்கள் புகார் அளிக்கலாம். ராக்கிங் புகார்களை விசாரிக்க தனிக்குழு ஒன்று அமைக்கப்பட்டுள்ளது. 

இவ்வாறு ராக்கிங் மீதான நடவடிக்கைகள் குறித்து கல்லூரி நிர்வாகம் தகவல் தெரிவித்துள்ளது. 

இதற்கிடையே, உத்தரப்பிரதேச முதல்வர் யோகி ஆதித்யநாத் மற்றும் இந்திய மருத்துவ கவுன்சில் தரப்பில் இருந்து பல்கலைக்கழகத்திற்கு விளக்கம் கேட்டு நோட்டீஸ் அனுப்பப்பட்டுள்ளது. மேலும், 24 மணி நேரத்தில் பல்கலைக்கழகம் விளக்கம் அளிக்கவில்லை என்றால் 1.5 கோடி வரையில் அபராதம் விதிக்கப்படும் என்றும் இந்திய மருத்துவ கவுன்சில் எச்சரிக்கை விடுத்துள்ளது குறிப்பிடத்தக்கது. 

]]>
UP, uttar pradesh, Ragging, UPUMS https://images.dinamani.com/uploads/user/imagelibrary/2012/9/20/16/w600X390/15ragging.jpg https://www.dinamani.com/india/2019/aug/25/7-up-medical-students-suspended-over-ragging-3221117.html
3220719 இந்தியா நெருக்கடி நிலையை எதிர்த்த முதல் சத்தியாகிரகி! DIN DIN Sunday, August 25, 2019 07:59 AM +0530  

நாட்டில் கடந்த 1975-ஆம் ஆண்டு நெருக்கடிநிலை பிரகடனப்படுத்தப்பட்டபோது, அதை எதிர்த்த முதல் சத்தியாகிரகி அருண் ஜேட்லியாவார்.

இந்திரா காந்தியின் ஆட்சியில், கடந்த 1975-ஆம் ஆண்டு ஜூன் 25-ஆம் தேதி, நாட்டில் நெருக்கடிநிலை பிரகடனப்படுத்தப்பட்டது. இதைத் தொடர்ந்து, நெருக்கடிநிலைக்கு எதிரான நிலை கொண்டவர்களைச் சேர்த்துக்கொண்டு போராட்டத்தில் குதித்தார், ஜேட்லி. அப்போது, பிரதமர் இந்திரா காந்தியின் உருவபொம்மையையும் அவர் எரித்தார். இதையடுத்து, கைது செய்யப்பட்ட அவர் 19 மாதங்கள் சிறைவாசம் அனுபவித்தார்.

இது தொடர்பாக, பத்திரிகையாளர் சோனியா சிங் எழுதிய புத்தகம் ஒன்றில் அருண் ஜேட்லி கூறியுள்ளதாவது:

1975-ஆம் ஆண்டு ஜூன் 25-ஆம் தேதி நள்ளிரவில் நெருக்கடிநிலை அறிவிக்கப்பட்டது. அப்போதே, என்னைக் கைது செய்ய காவல் துறையினர் முயற்சித்தனர். ஆனால், அவர்களிடமிருந்து நான் தப்பித்து, நண்பர் ஒருவரின் வீட்டில் அடைக்கலம் புகுந்தேன். அடுத்த நாள் காலையில், எனது நண்பர்களைத் திரட்டி, அப்போதைய பிரதமர் இந்திரா காந்தியின் உருவ பொம்மையை எரித்தேன்.

அந்தச் சம்பவத்தைத் தொடர்ந்து, காவல் துறையினர் என்னைக் கைது செய்தனர். 1975-ஆம் ஆண்டு ஜூன் 26-ஆம் தேதி காலை நெருக்கடிநிலைக்கு எதிராக நடைபெற்ற ஒரே போராட்டம் அதுதான். எனவே, நியாயப்படி பார்த்தால், நான் தான் நெருக்கடிநிலையை எதிர்த்த முதல் சத்தியாகிரகி. இதையடுத்து, ஹரியாணா மாநிலத்திலுள்ள அம்பாலா சிறையில் அடைக்கப்பட்டேன்.

சிறையில் இருந்தபோது, எனது நண்பர்களும், குடும்பத்தினரும் ஏராளமான புத்தகங்களை எனக்கு அனுப்பிவைத்தனர். சிறை வளாகத்திலிருந்த நூலகத்திலும் புத்தகங்களை எடுத்துப் படித்தேன். அரசியல் நிர்ணய சபையில் மேற்கொள்ளப்பட்ட முழு விவாதங்களையும் அந்த சிறைவாசத்தின் போதுதான் படித்தேன். அதுவே புத்தகங்கள், எழுத்து மீதான ஈர்ப்பை அதிகப்படுத்தியது என்று அந்தப் புத்தகத்தில் ஜேட்லி பதிவு செய்துள்ளார்.

தேசிய நெருக்கடி காலகட்டத்தில், மாணவர் அமைப்பான அகில பாரதிய வித்யார்த்தி பரிஷத் (ஏபிவிபி) தலைவராகவும், தில்லி பல்கலைக்கழக மாணவர் சங்கத்தின் தலைவராகவும் அருண் ஜேட்லி இருந்தார்.

]]>
https://images.dinamani.com/uploads/user/imagelibrary/2014/2/14/3/w600X390/arunjetly.jpg https://www.dinamani.com/india/2019/aug/25/நெருக்கடிநிலையை-எதிர்த்த-முதல்-சத்தியாகிரகி-3220719.html
3220724 இந்தியா லடாக் மக்கள் அமைதியை விரும்புகின்றனர்: பாஜக எம்.பி. நாம்கியால்   DIN DIN Sunday, August 25, 2019 07:56 AM +0530  

"லடாக் மக்கள் அமைதியையே விரும்புகின்றனர்; அதே சமயம், போர் மூண்டால் அவர்கள் அதில் பின்வாங்க மாட்டார்கள்' என்று லடாக் தொகுதியின் பாஜக எம்.பி.யான ஜம்யாங் சேரிங் நாம்கியால் தெரிவித்தார்.

அண்மையில் ஜம்மு-காஷ்மீருக்கு சிறப்பு அந்தஸ்து அளிக்கும் அரசியல்சாசனத்தின் 370ஆவது பிரிவை ரத்து செய்யும் நடவடிக்கையை மத்திய அரசு எடுத்தபோது அதை ஆதரித்து நாம்கியால் மக்களவையில் பேசினார். அவரது பேச்சு பலரையும் ஈர்க்கும் வகையில் அமைந்திருந்தது. இதற்காக அவரை பிரதமர் மோடி, உள்துறை அமைச்சர் அமித் ஷா உள்ளிட்டோர் பாராட்டினர்.

இந்நிலையில், நாம்கியாலை பிடிஐ செய்தியாளர் பேட்டி கண்டார். அப்போது "எந்த நாட்டின் மீதும் முதலாவதாக அணு ஆயுதத்தைப் பயன்படுத்துவதில்லை என்ற கொள்கையை இந்தியா சூழ்நிலைக்கேற்ப மறுபரிசீலனை செய்யும்' என்று பாதுகாப்பு அமைச்சர் ராஜ்நாத் சிங் அண்மையில் கூறிய கருத்து குறித்து கேள்வி எழுப்பப்பட்டது. அதற்கு பதிலளித்து நாம்கியால் கூறியது:

கடந்த 1947-48, 1962, 1965, 1971, 1999 ஆகிய ஆண்டுகளில் இந்தியா நடத்திய போர்களில் லடாக் பிராந்தியம் பங்கேற்றது. இந்தப் போர்கள் காரணமாக லடாக் பிராந்தியத்தின் வளர்ச்சி பாதிக்கப்பட்டது. எல்லையில் தொடர்ச்சியாக நடைபெற்ற போர்களின் பாதிப்பை லடாக் பிராந்தியம் தாங்கிக் கொண்டது.

குளிர் நிறைந்த பாலைவனம் போன்ற இந்தப் பகுதி, போர்களால் ஏற்பட்ட சேதத்தில் இருந்து இன்னும் மீண்டு வர முடியவில்லை. எனவே லடாக் மக்கள் தற்போது அமைதியையே விரும்புகின்றனர். சிதைந்துபோன உள்கட்டமைப்பு வசதிகளை சீரமைக்க ஏராளமான முயற்சியும் கால அவகாசமும் தேவை.

அதே நேரத்தில் மத்திய அரசு எடுக்கும் எந்த முடிவையும் லடாக் வரவேற்கும். அண்டை நாடுகளுடனான பிரச்னைகளை அமைதியான முறையில் தீர்க்க வேண்டும் என்று கருதுகிறேன். எனினும், லடாக் மக்கள் உண்மையான தேசபக்தர்கள் என்பதால், இன்னொரு போர் மூளும்பட்சத்தில் அவர்கள் அதில் இருந்து பின்வாங்க மாட்டார்கள்.

அரசியல்சாசனத்தின் 370ஆவது பிரிவை நீக்கியதை பாகிஸ்தானும் சீனாவும் எதிர்ப்பதைப் பொருத்தவரை, இது நம் நாட்டின் உள்விவகாரம் என்பதே எனது பதில். இது இந்தப் பிராந்தியத்தின் வளர்ச்சியுடன் தொடர்புடையது. இது தொடர்பாக நமது அண்டை நாடுகள் அதிருப்தி அடைந்தால் அதற்கு நாம் ஏதும் செய்ய முடியாது என்றார் அவர்.

முன்னதாக, நாம்கியால் கருத்து தெரிவிக்கையில், "நாட்டின் முதல் பிரதமரான ஜவாஹர்லால் நேரு முன்னோக்கிய கொள்கையை உருவாக்கினார். நாம் சீனாவை நோக்கி அங்குலம் அங்குலமாக முன்னேற வேண்டும் என்று அக்கொள்கை கூறியது. ஆனால் அக்கொள்கையின் அமலாக்கத்தின்போது அது பின்தங்கிய கொள்கையாகி விட்டது. சீனப் படைகள் தொடர்ந்து நமது பகுதிக்குள் ஊடுருவிக் கொண்டிருந்தபோது, நாம் தொடர்ந்து பின்வாங்கிக் கொண்டிருந்தோம்.

இதுவே அக்சை சின் பகுதி முழுவதும் சீன ஆதிக்கத்தின் கீழ் இருப்பதற்குக் காரணம். மத்தியில் காங்கிரஸின் 55 ஆண்டுகால ஆட்சியின்போது பாதுகாப்புக் கொள்கைகளில் லடாக் பகுதிக்கு போதிய முக்கியத்துவம் அளிக்கப்படாத காரணத்தாலேயே சீனப் படைகள் டெம்சோக் கால்வாய் வரை வந்து விட்டன' என்று தெரிவித்திருந்தது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/8/25/w600X390/NAMGYAWKL.jpg https://www.dinamani.com/india/2019/aug/25/லடாக்-மக்கள்-அமைதியை-விரும்புகின்றனர்-பாஜக-எம்பி-நாம்கியால்-3220724.html
3220785 இந்தியா காஷ்மீருக்குள் செல்ல ராகுல் உள்ளிட்ட தலைவர்களுக்கு அனுமதி மறுப்பு    புதுதில்லி/ஸ்ரீநகர், DIN Sunday, August 25, 2019 07:53 AM +0530  

ஜம்மு-காஷ்மீரில் நிலவும் சூழல் குறித்து ஆய்வுசெய்வதற்காக சனிக்கிழமை அந்த மாநிலத்துக்கு செல்ல முயன்ற காங்கிரஸ் முன்னாள் தலைவர் ராகுல் காந்தி உள்ளிட்ட எதிர்க்கட்சித் தலைவர்கள் அடங்கிய குழுவுக்கு அனுமதி மறுக்கப்பட்டது.

தில்லியிலிருந்து சனிக்கிழமை பிற்பகலில் ஸ்ரீநகருக்கு புறப்பட்ட 11 பேர் கொண்ட அந்தக் குழுவில் காங்கிரஸ், மார்க்சிஸ்ட் கம்யூனிஸ்ட், இந்திய கம்யூனிஸ்ட், திமுக, தேசியவாத காங்கிரஸ், மதச்சார்பற்ற ஜனதா தளம், ராஷ்ட்ரீய ஜனதா தளம், திரிணமூல் காங்கிரஸ் ஆகிய 8 கட்சிகளைச் சேர்ந்த தலைவர்கள் இருந்தனர்.

ராகுல் காந்தி, குலாம் நபி ஆஸாத், திருச்சி சிவா, டி.ராஜா, சீதாராம் யெச்சூரி, சரத் யாதவ், மனோஜ் ஜா, மஜீத் மேமன் உள்ளிட்டோர் அடங்கிய அந்தக் குழு காஷ்மீர் தலைநகர் ஸ்ரீநகரில் உள்ள விமான நிலையத்தை பிற்பகலில் சென்றடைந்தனர். எனினும், ஜம்மு-காஷ்மீர் நிர்வாகம் அவர்களை விமான நிலையத்திலிருந்து வெளியேற அனுமதிக்கவில்லை.

காஷ்மீர் ஆளுநர் அழைப்பின் பேரிலேயே தாங்கள் வந்திருப்பதாக எதிர்க்கட்சித் தலைவர்கள் குழு தெரிவித்தபோதிலும், மாநில அரசு நிர்வாகம் அவர்களுக்கு அனுமதி மறுத்தது. அத்துடன், ஸ்ரீநகர் விமான நிலையத்திலிருந்து அவர்கள் மீண்டும் தில்லிக்கு திருப்பி அனுப்பப்பட்டனர்.

முன்னதாக, ஜம்மு-காஷ்மீர் அரசு, "அரசியல் கட்சித் தலைவர்கள் ஜம்மு-காஷ்மீர் வர வேண்டாம். காஷ்மீர் பள்ளத்தாக்கில் மெல்லத் திரும்பி வரும் இயல்பு நிலையும், அமைதியும், அவர்களது வரவால் பாதிக்கப்படும். காஷ்மீரின் பல இடங்களில் ஊரடங்கு உத்தரவு பிறப்பிக்கப்பட்டுள்ளதால், தலைவர்கள் அங்கு வருவது சட்டத்தை மீறிய செயலாக இருக்கும்' என்று வெள்ளிக்கிழமை கூறியிருந்தது.

இந்நிலையில், சனிக்கிழமை அங்கு சென்ற எதிர்க்கட்சித் தலைவர்கள் குழு ஸ்ரீநகருக்குள் அனுமதிக்கப்படாமல் விமான நிலையத்திலிருந்து திருப்பி அனுப்பப்பட்டுள்ளது. ஜம்மு-காஷ்மீருக்கான சிறப்பு அந்தஸ்து ரத்து செய்யப்பட்டு, அந்த மாநிலம் இரு யூனியன் பிரதேசங்களாக பிரிக்கப்பட்ட நாளில் இருந்து இதுவரை எந்த அரசியல் கட்சித் தலைவர்களும் அங்கு நுழைவதற்கு மத்திய அரசு அனுமதி அளிக்கவில்லை என்பது குறிப்பிடத்தக்கது.

"உரிமை பறிப்பு': ஜம்மு-காஷ்மீருக்குள் நுழைய அனுமதி மறுக்கப்பட்டது தொடர்பாக மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு வெளியிட்ட அறிக்கையில், "ஸ்ரீநகருக்குள் நுழைய எதிர்க்கட்சித் தலைவர்களுக்கு அனுமதி மறுக்கப்பட்டது, அரசமைப்புச் சட்டத்தால் உறுதி செய்யப்பட்ட உரிமையைப் பறிக்கும் நடவடிக்கையாகும். ஸ்ரீநகர் விமான நிலையத்தில் ஊடகங்களிடம் காவல்துறை முறைதவறி நடந்துகொண்டது' என்று கண்டனம் தெரிவிக்கப்பட்டுள்ளது.

"முரண்பட்ட செயல்': ஜம்மு-காஷ்மீருக்கு புறப்படும் முன்பாக காங்கிரஸ் மூத்த தலைவர் குலாம் நபி ஆஸாத் செய்தியாளர்களிடம் கூறுகையில், "மத்திய அரசு ஒருபுறம், ஜம்மு-காஷ்மீரில் இயல்பு நிலை நிலவுவதாகக் கூறுகிறது. ஆனால் மறுபுறம், அந்த மாநிலத்துக்குள் நுழைய யாருக்கும் அனுமதி அளிக்கப்படுவதில்லை. இதுபோன்ற முரண்பட்ட செயலை நாம் கண்டதில்லை. காஷ்மீரில் இயல்புநிலை இருந்தால், அங்கு அரசியல் தலைவர்கள் ஏன் வீட்டுக் காவலில் வைக்கப்பட வேண்டும்?' என்று கேள்வி எழுப்பினார்.

"அமைதியைக் குலைப்பது நோக்கமல்ல': தேசியவாத காங்கிரஸ் கட்சியின் மஜீத் மேமன் கூறுகையில், "காஷ்மீரில் அமைதியை சீர்குலைப்பது எங்கள் நோக்கமல்ல. அரசுக்கு எதிராக அல்லாமல், ஆதரவாகவே அங்கு செல்கிறோம். அங்குள்ள சூழலை ஆராய்ந்து அடுத்தகட்ட நடவடிக்கை தொடர்பாக அரசுக்கு பரிந்துரைகள் வழங்கவே காஷ்மீர் சென்றோம்' என்றார்.

கெலாட் கண்டனம்: ஜம்மு-காஷ்மீருக்குள் நுழைவதற்கு எதிர்க்கட்சித் தலைவர்கள் குழுவுக்கு மத்திய அரசு அனுமதி மறுத்ததற்கு ராஜஸ்தான் முதல்வர் அசோக் கெலாட் கண்டனம் தெரிவித்துள்ளார்.
 
 

]]>
https://images.dinamani.com/uploads/user/imagelibrary/2019/8/25/w600X390/RAHUL.jpg https://www.dinamani.com/india/2019/aug/25/காஷ்மீருக்குள்-செல்ல-ராகுல்-உள்ளிட்ட-தலைவர்களுக்கு-அனுமதி-மறுப்பு-3220785.html
3220784 இந்தியா அருண் ஜேட்லி மறைவு DIN DIN Sunday, August 25, 2019 07:51 AM +0530  

பாஜக மூத்த தலைவரும், முன்னாள் மத்திய அமைச்சருமான அருண் ஜேட்லி (66) உடல்நலக் குறைவால் தில்லி எய்ம்ஸ் மருத்துவமனையில் சனிக்கிழமை காலமானார்.

பண்பட்ட, நாகரிகமிக்க அரசியல் தலைவராக விளங்கிய ஜேட்லியின் மறைவுக்கு, குடியரசுத் தலைவர் ராம்நாத் கோவிந்த், குடியரசு துணைத் தலைவர் வெங்கய்ய நாயுடு, பிரதமர் நரேந்திர மோடி, காங்கிரஸ் தலைவர் சோனியா காந்தி உள்ளிட்ட தலைவர்கள் இரங்கல் தெரிவித்துள்ளனர்.

சுவாசப் பிரச்னை உள்ளிட்ட உடல்நலக் கோளாறுகள் காரணமாக தில்லி எய்ம்ஸ் மருத்துவமனையில் அருண் ஜேட்லி கடந்த 9-ஆம் தேதி அனுமதிக்கப்பட்டார். தீவிர சிகிச்சைப் பிரிவில் இருந்த அவருக்கு பல்வேறு துறைகளைச் சேர்ந்த மருத்துவர்கள் குழு, தொடர்ந்து சிகிச்சை அளித்து வந்தபோதிலும், அவை எதுவும் பலனளிக்கவில்லை.

கடந்த 2014-ஆம் ஆண்டிலிருந்தே அவ்வப்போது உடல்நலக் கோளாறுகளால் பாதிக்கப்பட்டார், ஜேட்லி. தில்லி எய்ம்ஸ் மருத்துவமனையில் கடந்த ஆண்டு மே மாதம் அவருக்கு சிறுநீரக மாற்று அறுவை சிகிச்சை மேற்கொள்ளப்பட்டது. இதனால், அலுவல்பூர்வ பணிகளில் இருந்து தற்காலிகமாக விலகிக் கொண்ட ஜேட்லி, கடந்த ஆண்டு ஆகஸ்ட் மாதத்திலிருந்து மீண்டும் அப்பணிகளைத் தொடங்கினார்.

மோசமடைந்த உடல்நிலை: தீவிர சிறப்பு சிகிச்சை அளிக்கப்பட்டபோதிலும், அவரது உடல்நிலை தொடர்ந்து மோசமடைந்து கொண்டே வந்தது. இதன் காரணமாக, 2019-20ஆம் நிதியாண்டுக்கான இடைக்கால நிதிநிலை அறிக்கையை அவருக்கு பதிலாக, இடைக்கால நிதியமைச்சராகப் பொறுப்பேற்ற பியூஷ் கோயல் தாக்கல் செய்தார். தனது உடல்நிலையைக் கருத்தில்கொண்டு, 2019-ஆம் ஆண்டு மக்களவைத் தேர்தலில் போட்டியிட விரும்பவில்லை என்று அவர் அறிவித்தார். தேர்தலுக்குப் பின், பிரதமர் மோடி தலைமையில் அமைந்த அரசில், அமைச்சர் பதவியை ஏற்கவும் அவர் மறுத்துவிட்டார்.

தலைமுறை மாற்றத்துக்கு வித்திட்டவர்: முன்னாள் பிரதமர் வாஜ்பாய், அத்வானி, முரளி மனோகர் ஜோஷி போன்ற மூத்த தலைவர்கள் வழிநடத்தி வந்த பாஜகவை, அடுத்த தலைமுறையினரின் கைகளில் கொண்டுசேர்த்ததில் அருண் ஜேட்லிக்கு முக்கியப் பங்குண்டு. ஜேட்லி நிதியமைச்சராக இருந்தபோதுதான், பணமதிப்பிழப்பு நடவடிக்கை, சரக்கு-சேவை வரி (ஜிஎஸ்டி) அமலாக்கம் போன்ற முக்கிய நடவடிக்கைகளை பிரதமர் மோடி தலைமையிலான மத்திய அரசு மேற்கொண்டது.

எதிர்க்கட்சியினரும் மதிப்பவர்: ஜேட்லி கடந்த 2000-ஆம் ஆண்டு முதல் மாநிலங்களவை எம்.பி. யாக இருந்துள்ளார். கட்சி வேறுபாடுகளின்றி அனைத்துக் கட்சிகளைச் சேர்ந்தவர்களாலும் மதிக்கப்படும் பெரும் அரசியல் தலைவராக அருண் ஜேட்லி விளங்கினார். முன்னாள் பிரதமர் வாஜ்பாய் தலைமையிலான ஆட்சியில் செய்தி மற்றும் ஒலிபரப்புத் துறை இணையமைச்சராகவும், சட்டத் துறை அமைச்சராகவும் அவர் பதவி வகித்துள்ளார்.

உண்மையான சாணக்கியர்: அருண் ஜேட்லியே பிரதமர் மோடியின் உண்மையான சாணக்கியராக விளங்கினார். கடந்த 2014-ஆம் ஆண்டு மக்களவைத் தேர்தலின்போது அமிருதசரஸில் நடைபெற்ற பிரசாரக் கூட்டத்தில், "விலைமதிப்புமிக்க வைரம்' என்று பிரதமர் மோடியே அவருக்குப் புகழாரம் சூட்டினார். 1990களில் இருந்தே மோடிக்கு பக்கபலமாக அருண் ஜேட்லி இருந்துள்ளார். ஆர்எஸ்எஸ் பிரசாரகராக இருந்த மோடி, பாஜக தேசிய பொதுச் செயலாளராக 1990களின் இறுதியில் நியமிக்கப்பட்டார். அப்போது, தில்லி அசோகா சாலையிலிருந்த ஜேட்லியின் குடியிருப்பிலேயே மோடி தங்கியிருந்தார்.

குஜராத்தில் அப்போதைய முதல்வர் கேஷுபாய் படேலை ஆட்சியில் இருந்து அகற்றி, மோடியை முதல்வராக்கியதில் ஜேட்லிக்கு முக்கியப் பங்குண்டு. சட்டத்தில் ஆழ்ந்த நிபுணத்துவம் பெற்ற அவர், கடந்த 2002-ஆம் ஆண்டு குஜராத் கலவரத்துக்குப் பிறகு, பல்வேறு சட்ட ஆலோசனைகளை மோடிக்கு வழங்கினார். அந்தச் சமயத்தில் பாஜகவின் பெரும்பாலான தலைவர்கள் மோடிக்கு எதிர்ப்பு தெரிவித்த போதிலும், ஜேட்லி அவருக்கு உறுதியாக ஆதரவு தெரிவித்தார்.

இந்திய சுதந்திரத்துக்கு முன்பு லாகூரில் மிகச் சிறந்த வழக்குரைஞராக இருந்த ஜேட்லியின் தந்தை, கடந்த 1947-இல் பிரிவினையின்போது அங்கிருந்து இந்தியாவுக்கு இடம்பெயர்ந்தார். தந்தையின் அடியொற்றி ஜேட்லியும் சட்டம் பயின்றார்.

அரசின் செயல்பாடுகளை எடுத்துரைப்பது, அரசின் சட்டங்கள் குறித்து தெரிவிக்கப்படும் எதிர்கருத்துகளுக்கு நேர்த்தியாக பதிலளிப்பது ஆகியவற்றுக்கு பரவலான பாராட்டுகளைப் பெற்றார்.

2019 மக்களவைத் தேர்தல் குழப்பவாதிகளுக்கும், ஸ்திரத்தன்மை பெற்றவர்களுக்கும் இடையேயான போட்டியாக இருக்கும் என்று தெரிவித்தது என ஜேட்லியின் சொல்வன்மைக்கு பல்வேறு உதாரணங்கள் தெரிவிக்கலாம்.
 மறைந்த ஜேட்லிக்கு மனைவி, மகள், மகன் உள்ளனர்.

 

இன்று உடல் தகனம்

மறைந்த அருண் ஜேட்லியின் இறுதிச் சடங்குகள், தில்லியிலுள்ள நிகம்போத் காட் பகுதியில் ஞாயிற்றுக்கிழமை பிற்பகலில் நடைபெறும் என்று பாஜக மூத்த தலைவர் சுதான்ஷு மிட்டல் தெரிவித்துள்ளார்.
 முன்னதாக, அரசியல் தலைவர்களும், பொது மக்களும் அஞ்சலி செலுத்தும் வகையில், தில்லியிலுள்ள பாஜக தலைமை அலுவலகத்தில் அவரது உடல் ஞாயிற்றுக்கிழமை காலை வைக்கப்படுகிறது.

தலைவர்கள் புகழஞ்சலி    

குடியரசுத் தலைவர் ராம்நாத் கோவிந்த்
சிறந்த நாடாளுமன்றவாதி; சவாலான பொறுப்புகளை நிறைவேற்றியவர்

குடியரசு துணைத் தலைவர் எம்.வெங்கய்ய நாயுடு
நாட்டுக்கு ஈடு செய்ய முடியாத இழப்பு

பிரதமர் நரேந்திர மோடி
மதிப்புமிக்க நண்பர்களில் ஒருவரை இழந்துவிட்டேன்

உள்துறை அமைச்சர் அமித் ஷா
கட்சியிலும், அரசியலிலும் அர்ப்பணிப்புடன் பணியாற்றியவர்

காங்கிரஸ் தலைவர் சோனியா காந்தி 
அருண் ஜேட்லி ஆற்றிய பணிகள், மக்கள் மனதில் என்றும் நீங்கா இடம்பெற்றிருக்கும்.

]]>
https://images.dinamani.com/uploads/user/imagelibrary/2019/8/25/w600X390/PRESIDENT.jpg https://www.dinamani.com/india/2019/aug/25/அருண்-ஜேட்லி-மறைவு-3220784.html
3220718 இந்தியா ஜேட்லிக்கு பல்வேறு தலைவர்கள் புகழஞ்சலி   DIN DIN Sunday, August 25, 2019 07:44 AM +0530  

பாஜக மூத்த தலைவரும், முன்னாள் மத்திய அமைச்சருமான அருண் ஜேட்லியின் மறைவுக்கு பாஜக மூத்த தலைவர் அத்வானி, காங்கிரஸ் தலைவர் சோனியா காந்தி உள்ளிட்டோரும், வழக்குரைஞர்கள் பலரும் இரங்கல் தெரிவித்துள்ளனர்.

பாஜக மூத்த தலைவர் அத்வானி: ""எனது மற்றொரு நெருங்கிய சகாவை இழந்ததில் பெரும் துயருற்றுள்ளேன். சட்டத்துறையில் புலமை பெற்று விளங்கிய அவர், மிகச் சிறந்த நாடாளுமன்ற உறுப்பினராகவும், சிறந்த நிர்வாகியாகவும் விளங்கினார். பாஜகவின் தொண்டராக பல ஆண்டுகள் இருந்துள்ளார். நான் பாஜக தலைவராக இருந்தபோது, கட்சியின் வியூகங்களை வகுக்கும் குழுவில் இணைந்த அவர், வெகு சீக்கிரத்தில் கட்சியின் முக்கியப் பொறுப்புகளை வகித்தார். பாஜகவுக்கு முக்கியப் பிரச்னைகள் நேரும்போது, கட்சியிலுள்ள அனைவரும் தீர்வுக்காக அவரையே சார்ந்திருப்போம். அரசியல் வேறுபாடின்றி நட்பு பாராட்டியவர் ஜேட்லி. உணவு விரும்பியான அவர், சிறந்த உணவகங்களை எனக்குப் பரிந்துரைக்க என்றும் மறந்ததில்லை''.

உச்சநீதிமன்றத் தலைமை நீதிபதி ரஞ்சன் கோகோய்: ""அருண் ஜேட்லியின் மறைவு, எனக்குத் தனிப்பட்ட இழப்பாகும்''.

காங்கிரஸ் தலைவர் சோனியா காந்தி: ""பொது வாழ்க்கையில் நீண்ட காலமாக ஈடுபட்டவர் அருண் ஜேட்லி. நாடாளுமன்ற உறுப்பினராகவும், மத்திய அமைச்சராகவும் அவர் ஆற்றிய பணிகள், மக்கள் மனதில் என்றும் நீங்கா இடம்பெற்றிருக்கும்''.

முன்னாள் குடியரசுத் தலைவர் பிரணாப் முகர்ஜி: ""ஆழ்ந்த அறிவாற்றல் பெற்று விளங்கிய அருண் ஜேட்லி, மற்ற அரசியல் தலைவர்களுக்கு சிறந்த உதாரணமாகவும் விளங்கினார்''.

சொலிசிட்டர் ஜெனரல் துஷார் மேத்தா: ""அருண் ஜேட்லியின் மறைவு, நாட்டுக்கும், அரசியலுக்கும், சட்டத்துறைக்கும் ஏற்பட்ட பெரும் இழப்பாகும். சட்டத்துறையில் சிறந்த புலமை பெற்று விளங்கிய அவர், எதிர்க்கட்சியினரும் ஏற்றுக்கொள்ளும் வகையில் அறிவுரைகளை வழங்கியுள்ளார்''.

மத்திய அரசின் தலைமை வழக்குரைஞர் கே.கே. வேணுகோபால்: ""சிறந்த வழக்குரைஞராகவும், அரசியல் தலைவராகவும் விளங்கிய ஜேட்லி, பாஜகவுக்கு ஏற்பட்ட பிரச்னைகளை சரிசெய்ததில் முக்கியப் பங்காற்றியவர். அவரது மறைவு நாட்டுக்கு மட்டுமல்லாமல், சட்டத்துறைக்கும், அரசியலுக்கும் பெரும் இழப்பு''.

காங்கிரஸ் மூத்த தலைவர் சசி தரூர்: ""எனது நண்பரின் மறைவு வருத்தத்தைத் தருகிறது. கட்சிரீதியாக வேறுபட்டிருந்த போதிலும், எங்களுக்குள் பரஸ்பர மரியாதை இருந்துவந்தது. ஜேட்லி நிதிநிலை அறிக்கையைத் தாக்கல் செய்தபோது, கருத்துமிக்க விவாதங்களை மேற்கொண்டுள்ளோம். அவரது மறைவு நாட்டுக்குப் பெரும் இழப்பு''.

ராஜஸ்தான் முதல்வர் அசோக் கெலாட்: ""ஜேட்லியின் மறைவு ஆழ்ந்த வருத்தத்தை ஏற்படுத்தியுள்ளது''.

பிகார் முதல்வர் நிதீஷ் குமார்: ""சிறந்த வழக்குரைஞராகவும், மத்திய அரசில் பல்வேறு துறை அமைச்சராகவும் பணியாற்றிய திறன் கொண்டவர் ஜேட்லி. அனைத்துக் கட்சியினராலும் மதிக்கப்பட்ட அரசியல் தலைவர் அவர்''.

மேற்கு வங்க முதல்வர் மம்தா பானர்ஜி: ""மிகச் சிறந்த நாடாளுமன்ற உறுப்பினராகவும், வழக்குரைஞராகவும் விளங்கியவர் ஜேட்லி. அரசியலில் பொது மக்களுக்கு அவர் ஆற்றிய பணிகள் மக்கள் மனதில் என்றும் நிலைத்திருக்கும்''.

ஒடிஸா முதல்வர் நவீன் பட்நாயக்: ""சட்டத்தில் ஆழ்ந்த புலமையும், சிறந்த நாடாளுமன்றவாதியாகவும் விளங்கியவர் ஜேட்லி. அரசியல் நிர்வாகத்தில் அவரது பங்களிப்புகள் அனைத்தும் முக்கியத்துவம் வாய்ந்தவை''.

மகாராஷ்டிர முதல்வர் தேவேந்திர ஃபட்னவீஸ்: ""ஜேட்லி போன்ற திறமையான நபர் இல்லாமல் போயிருந்தால், சரக்கு-சேவை வரியை (ஜிஎஸ்டி) நடைமுறைப்படுத்தியிருக்க முடியாது. அவர் எப்போதும் ஊக்கமளித்துக்கொண்டே இருப்பார்''.

தமிழக முதல்வர் எடப்பாடி, கே. பழனிசாமி, கர்நாடக முதல்வர் எடியூரப்பா, ஆந்திர முதல்வர் ஜெகன்மோகன் ரெட்டி, மத்தியப் பிரதேச முதல்வர் கமல் நாத், பஞ்சாப் முதல்வர் அமரீந்தர் சிங், காங்கிரஸ் மூத்த தலைவரும், வழக்குரைஞருமான கபில் சிபல் உள்ளிட்டோரும், பல்வேறு வழக்குரைஞர்கள் சங்கங்களும் ஜேட்லியின் மறைவுக்கு இரங்கல் தெரிவித்துள்ளனர்.

]]>
https://images.dinamani.com/uploads/user/imagelibrary/2018/2/3/w600X390/arunjetly.jpg https://www.dinamani.com/india/2019/aug/25/ஜேட்க்கு-பல்வேறு-தலைவர்கள்-புகழஞ்சலி-3220718.html
3220786 இந்தியா கடலோரப் பகுதிகளில் உஷார் நிலையில் கடற்படை: பயங்கரவாதிகள் ஊடுருவல் எதிரொலி  கொச்சி/கோவை, DIN Sunday, August 25, 2019 03:01 AM +0530 தமிழகத்தில் பயங்கரவாதிகள் ஊடுருவி இருப்பதாக உளவுத் துறை எச்சரிக்கை விடுத்ததை அடுத்து, கடலோரப் பகுதிகளில் கடற்படை வீரர்கள் உஷார் நிலையில் உள்ளனர்.
 இதனை கேரள மாநிலம், கொச்சியில் பாதுகாப்புத் துறை செய்தித்தொடர்பாளர் ஒருவர், செய்தியாளர்களிடம் சனிக்கிழமை தெரிவித்தார். கேரள மாநிலம் முழுவதும் பலத்த பாதுகாப்புப் பணியில் ஈடுபடுமாறு மாவட்ட காவல்துறைத் தலைவர்களுக்கு அந்த மாநில காவல் துறை டிஜிபி லோக்நாத் பெஹேரா உத்தரவிட்டுள்ளார்.
 தமிழகத்தில் விநாயகர் சதுர்த்தி விழாவை சீர்குலைக்கும் நோக்கத்தில் லஷ்கர்-இ-தொய்பா அமைப்பைச் சேர்ந்த 6 பயங்கரவாதிகள் இலங்கை வழியாக தமிழகத்துக்குள் நுழைந்துள்ளதாகவும், இந்தக் குழுவில் ஒருவர் பாகிஸ்தானைச் சேர்ந்தவர், மற்ற 5 பேரும் இலங்கையைச் சேர்ந்த முஸ்லிம்கள் எனவும் தமிழக காவல் துறை டிஜிபிக்கு மத்திய உளவுத் துறை வியாழக்கிழமை எச்சரிக்கை விடுத்தது.
 "பயங்கரவாதிகள், ஹிந்து மத அடையாளங்களைத் தரித்து மாறுவேடங்களில் நடமாடத் திட்டமிட்டுள்ளனர். இக்குழுவினர் தற்போது கோவையில் தங்கியுள்ளனர். அதில் ஒருவரது பெயர் இலியாஸ் அன்வர் எனத் தெரியவந்துள்ளது' என்றும் உளவுத் துறை தகவல் தெரிவிக்கிறது. இதைத் தொடர்ந்து தமிழகத்தின் அனைத்து முக்கிய நகரங்களும் உஷார்படுத்தப்பட்டுள்ளன. குறிப்பாக கோவையில் பாதுகாப்பு கூடுதலாகப் பலப்படுத்தப்பட்டுள்ளது.
 மாநகரக் காவல் ஆணையர் சுமித் சரண் உத்தரவுப்படி, கண்காணிப்பைத் தீவிரப்படுத்த அதிவிரைவுப் படை போலீஸார், தமிழ்நாடு சிறப்புக் காவல் படை, மாநகர போலீஸார் என 2 ஆயிரம் பேர் பாதுகாப்புப் பணியில் ஈடுபடுத்தப்பட்டனர். புறநகரங்களில் இருந்து மாநகருக்குள் நுழையும் 10-க்கும் மேற்பட்ட சோதனைச் சாவடிகளில் கார், லாரி உள்ளிட்ட அனைத்து வாகனங்களும் தீவிரச் சோதனைக்கு உட்படுத்தப்பட்டு, அதன் பிறகே அனுமதிக்கப்படுகின்றன. கோவை மாநகரில் உள்ள விடுதிகளில் போலீஸார் விடியவிடிய தீவிர சோதனை மேற்கொண்டனர்.
 கோவையில் கோனியம்மன் கோயில், இஸ்கான் கோயில், ஈச்சனாரி, புரூக்பீல்டு, சரவணம்பட்டி புரோசோன்மால், ரயில் நிலையம், ரெட்பீல்டு, சாய்பாபா காலனி உள்ளிட்ட நகரின் முக்கியப் பகுதிகளில் அதிவிரைவுப் படை போலீஸார் துப்பாக்கிகளுடன் தீவிர கண்காணிப்பில் ஈடுபட்டனர்.
 வெளியூர்களில் இருந்து கோவைக்கு வந்த விரைவு, அதிவிரைவு ரயில்கள், விமானங்களில் பயணிகளின் உடைமைகள், பார்சல்களில் மோப்ப நாய்களைக் கொண்டு கமாண்டோ படை வீரர்கள் தீவிர சோதனை நடத்தினர்.
 இருவரிடம் விசாரணை: தமிழகத்துக்குள் பயங்கரவாதிகள் ஊடுருவுவதற்கு கேரள மாநிலம், திருச்சூரைச் சேர்ந்த அப்துல் காதர் என்பவர் உதவி செய்வதாகக் கிடைத்த தகவலின் படி, கோவையில் இருந்து தனிப்படை போலீஸார் திருச்சூருக்கு சனிக்கிழமை விரைந்தனர். அங்கு, அப்துல் காதர் வீட்டில் அவரது பெற்றோர் மட்டுமே இருந்தனர். அவர் தலைமறைவாகிவிட்டது தெரியவந்தது. இலங்கைக் குண்டுவெடிப்பு சம்பவத்தில் தொடர்புடையவராகக் கருதப்படும் அப்துல் காதரிடம் செல்லிடப்பேசியில் தொடர்புகொண்டு பேசியதாக கோவை, உக்கடம் பகுதியைச் சேர்ந்த ஜாஹிர், கேரளத்தைச் சேர்ந்த சித்திக் ஆகிய இருவரை சந்தேகத்தின் பேரில் பிடித்து கோவை, காருண்யா நகர் காவல் நிலையத்தில் வைத்து போலீஸார் விசாரித்து வருகின்றனர். இதில் சித்திக் சென்னையில் உள்ள தனியார் நிறுவனத்தில் வேலை செய்து வருவதாகத் தெரிகிறது. கேரளம் செல்வதற்காக சனிக்கிழமை கோவை வந்தபோது போலீஸார் அவரை மடக்கிப் பிடித்தனர்.
 கொச்சியில் ஒருவர் கைது: இதற்கிடையே லஷ்கர்-இ-தொய்பா அமைப்புடன் தொடர்பில் இருந்ததாக கேரள மாநிலம், கொச்சியைச் சேர்ந்த அப்துல் காதர் ரஹீம் என்பவரை போலீஸார் கைது செய்துள்ளதாகக் கூறப்படுகிறது.
 தமிழகம் முழுவதும் பாதுகாப்பு பலப்படுத்தப்பட்டு, தொடர் சோதனைகள் நடத்தப்பட்டு வருவதாக அதிகாரிகள் தெரிவித்தனர்.
 
 
 

]]>
https://images.dinamani.com/uploads/user/imagelibrary/2019/8/25/w600X390/COMMANDO.jpg https://www.dinamani.com/india/2019/aug/25/கடலோரப்-பகுதிகளில்-உஷார்-நிலையில்-கடற்படை-பயங்கரவாதிகள்-ஊடுருவல்-எதிரொலி-3220786.html
3220783 இந்தியா ஜேட்லி மறைவுக்கு மத்திய அமைச்சர்கள் இரங்கல்   DIN DIN Sunday, August 25, 2019 02:55 AM +0530 முன்னாள் மத்திய நிதியமைச்சர் அருண் ஜேட்லியின் மறைவுக்கு மத்திய அமைச்சர்கள் அமித் ஷா, ராஜ்நாத் சிங், நிர்மலா சீதாராமன், ஸ்மிருதி இரானி உள்ளிட்டோர் இரங்கல் தெரிவித்துள்ளனர்.
 அமித் ஷா (உள்துறை அமைச்சர்): ஏழைகளின் நலனுக்கான பிரதமரின் தொலைநோக்குப் பார்வையை செயல்படுத்தியதன் மூலமும், இந்தியாவை உலகின் வேகமான பொருளாதார நாடாக இடம் பெறச் செய்வதிலும் அருண் ஜேட்லி ஒரு அழிக்க முடியாத அடையாளத்தை விட்டுவிட்டுச் சென்றுள்ளார். தனித்துவமிக்க அனுபவம், அரிதான திறன்களுடன் கட்சியிலும் அரசியலிலும் பல்வேறு பொறுப்புகளை திறம்பட ஆற்றியுள்ளார். சிறந்த பேச்சாளர்; அர்ப்பணிப்புமிக்க ஆர்வலர். அவர் நாட்டின் நிதியமைச்சர், பாதுகாப்பு அமைச்சர், மாநிலங்களவையில் எதிர்க்கட்சித் தலைவர் என பல முக்கியப் பொறுப்புகளை வகித்தவர்.
 மக்கள் நலன் சார்ந்தவராகவும், சாமானிய மனித நலத்தை எப்போதும் சிந்திப்பவராகவும் இருந்தவர்.
 அவருடைய ஒவ்வொரு முடிவும், அது கருப்புப் பணத்தின் மீதான நடவடிக்கையாக இருந்தாலும் சரி அல்லது ஒரே தேசம், ஒரே வரி எனும் ஜிஎஸ்டி வரிக் கனவை செயல்படுத்துவதாக இருந்தாலும் சரி, பணமதிப்பிழப்பு நடவடிக்கையாக இருந்தாலும் இத்தரத்தை பிரதிபலிப்பதாக அமைந்திருந்தது. எளிமை மற்றும் உணர்வுப்பூர்வ ஆளுமைக்காக தேசம் அவரை எப்போதும் நினைவுகூரும். அவருடைய மறைவு எனக்கு தனிப்பட்ட இழப்பாகும். நான் கட்சியின் மூத்த தலைவரை மட்டும் இழக்கவில்லை. பல ஆண்டுகளாக ஆதரவும், வழிகாட்டுதலும் அளித்து வந்த குடும்ப உறுப்பினரை இழந்துள்ளேன். இன்றைக்கு அவரது பிரிவு நாட்டு அரசியலிலும், பாஜகவிலும் ஒரு வெற்றிடத்தை ஏற்படுத்தியிருக்கிறது. அந்த இடத்தை விரைவில் நிரப்ப வாய்ப்பில்லை.
 ராஜ்நாத் சிங் (பாதுகாப்புத் துறை அமைச்சர்): நாட்டின் பொருளாதாரத்தை சிரமமான நிலையில் இருந்து மீட்டு சரியான பாதைக்கு மீண்டும் இட்டுச் சென்றதற்காக ஜேட்லி எப்போதும் நினைவுகூரப்படுவார்.
 நிர்மலா சீதாராமன் (நிதி அமைச்சர்): அருண் ஜேட்லியின் இழப்பை வார்த்தைகளால் விவரிக்க இயலாது. அவர் நம்மில் பலருக்கும் வழிகாட்டியாகவும், ஆதரவாகவும், பலமாகவும் இருந்தார். அவரிடமிருந்து நாம் பலவற்றைக் கற்றுக் கொண்டுள்ளோம். அவர் நல்ல இதயமுள்ள நபர். யாருக்கும் எப்போதும் உதவக் கூடியவர். அவரது நுண்ணறிவு, புத்திசாலித்தனம், ஆழமான அறிவு ஒப்பற்றது.
 ராம் விலாஸ் பாஸ்வான் (உணவுத் துறை அமைச்சர்): சிறந்த தலைவர்களில் ஒருவராகவும், நல்ல மனிதராகவும் திகழ்ந்தவர். அவரை இழந்துவாடும் அவரது குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்.
 ஸ்மிருதி இரானி (மகளிர், குழந்தைகள் நலத் துறை அமைச்சர்): தேசத்திற்காகவும், அமைப்புக்காகவும் அர்ப்பணிப்புடன், ஆர்வத்துடன் பணியாற்றிய திடமிக்க தலைவர். சிறந்த பேச்சாற்றல் மிக்கவர்.
 ஹர்சிம்ரத் கௌர் பாதல் (உணவு பதப்படுத்துதல் துறை அமைச்சர்): அருண் ஜேட்லி நம் எல்லோருக்கும் ஒரு வெற்றிடத்தை விட்டுச் சென்றுள்ளார். ஒரு புகழ்பெற்ற நாடாளுமன்றவாதி, தொலைநோக்குப் பார்வைமிக்கவர். மக்கள் நலனுக்காகவும், நாட்டின் நிர்மாணத்திற்காகவும் தனது உறுதியான முயற்சிகள் மூலம் மக்களின் மரியாதையை வென்றவர்.
 
 

]]>
https://images.dinamani.com/uploads/user/imagelibrary/2015/11/1/1/w600X390/jetly.jpg https://www.dinamani.com/india/2019/aug/25/ஜேட்லி-மறைவுக்கு-மத்திய-அமைச்சர்கள்-இரங்கல்-3220783.html
3220782 இந்தியா தாக்குதல் அச்சுறுத்தல்: எல்லையில் உஷார் நிலையில் பாதுகாப்புப் படை   DIN DIN Sunday, August 25, 2019 02:52 AM +0530 எல்லை தாண்டிய வகையில் பயங்கரவாதிகள் தாக்குதல் நடத்தும் அச்சுறுத்தல் இருப்பதாக, ஜம்மு-காஷ்மீர் எல்லைப் பகுதிகளில் பணியில் ஈடுபட்டுள்ள பாதுகாப்புப் படையினர் உஷார் படுத்தப்பட்டுள்ளனர்.
 இதுதொடர்பாக ஜம்மு-காஷ்மீர் அரசு முதன்மைச் செயலரும், மாநில அரசின் செய்தித் தொடர்பாளருமான ரோஹித் கன்சால் சனிக்கிழமை கூறியதாவது: ஜம்மு-காஷ்மீரில் எல்லை தாண்டிய வகையில் பயங்கரவாதிகள் தாக்குதல் நடத்துவதற்கான அச்சுறுத்தல் தொடர்ந்து வருகிறது. எனவே, மாநிலத்தின் எல்லைக் கட்டுப்பாட்டுக் கோட்டுப் பகுதியிலும், சர்வதேச எல்லைப் பகுதியிலும் பணியில் ஈடுபட்டுள்ள பாதுகாப்புப் படையினர் உஷார் நிலையில் வைக்கப்பட்டுள்ளனர்.
 காஷ்மீர் பள்ளத்தாக்குப் பகுதியில் 69 காவல் நிலையங்களுக்கு உள்பட்ட சரகங்களில் பகல் நேரங்களில் கட்டுப்பாடுகள் தளர்த்தப்பட்டுள்ளன. அதேபோல், ஜம்மு பகுதியிலும் 81 காவல் நிலையங்களுக்கு உள்பட்ட சரகங்களில் கட்டுப்பாடுகள் தளர்த்தப்பட்டுள்ளன என்று ரோஹித் கன்சால் கூறினார்.
 

]]>
https://www.dinamani.com/india/2019/aug/25/தாக்குதல்-அச்சுறுத்தல்-எல்லையில்-உஷார்-நிலையில்-பாதுகாப்புப்-படை-3220782.html
3220780 இந்தியா உ.பி.: மாணவர்களைக் கடுமையாக தண்டித்த ஆசிரியர் பணிநீக்கம்   DIN DIN Sunday, August 25, 2019 02:51 AM +0530 உத்தரப் பிரதேச மாநிலம், முசாஃபர்நகர் மாவட்டத்தில் பள்ளி மாணவர்களுக்கு கடுமையான தண்டனை அளித்த காரணத்துக்காக ஆசிரியர் ஒருவர் பணிநீக்கம் செய்யப்பட்டார். மற்றொரு ஆசிரியர் பணியிடைநீக்கம் செய்யப்பட்டார்.
 இதுதொடர்பாக அதிகாரிகள் சனிக்கிழமை கூறியதாவது:
 முசாஃபர்நகர் மாவட்டம், மோர்னா கிராமத்தில் உள்ள மகரிஷி சுக்தேவ் பள்ளியில் படிக்கும் மாணவர்கள் சிலர் கடந்த 20-ஆம் தேதி பள்ளிக்கு காலம் தவறி வந்தனர். அதற்காக அந்தப் பள்ளியின் ஆசிரியர்கள், மாணவர்களை பிரம்பால் கடுமையாக அடித்தனர். அதையடுத்து, அவர்களுக்கு உடல் ரீதியான தண்டனை வழங்கப்பட்டது.
 இந்தச் சம்பவம் தொடர்பான விடியோ காட்சி சமூக வலைதளத்தில் வேகமாகப் பரவி பரபரப்பை ஏற்படுத்தியதையடுத்து, அந்த ஆசிரியர்கள் மீது நடவடிக்கை எடுக்கப்பட்டது. சஞ்சு செளதரி என்ற ஆசிரியர் பணியில் இருந்து நீக்கப்பட்டார். அவருடன் பணியாற்றும் ரவி குமார் என்ற ஆசிரியர் பணியிடை நீக்கம் செய்யப்பட்டார். அந்தப் பள்ளி தலைமை ஆசிரியரின் பணிப் பதிவேட்டில் இதுதொடர்பாக புகார் வாக்கியம் குறிப்பிடப்பட்டுள்ளது என்று அதிகாரிகள் கூறினர்.

]]>
https://www.dinamani.com/india/2019/aug/25/உபி-மாணவர்களைக்-கடுமையாக-தண்டித்த-ஆசிரியர்-பணிநீக்கம்-3220780.html
3220779 இந்தியா ஜம்மு-காஷ்மீர் ஊராட்சி ஒன்றியங்களுக்கு விரைவில் தேர்தல்: நிர்வாகம் முடிவு   DIN DIN Sunday, August 25, 2019 02:50 AM +0530 ஜம்மு-காஷ்மீர் மாநிலத்தில் ஊராட்சி ஒன்றியங்களுக்கு விரைவில் தேர்தல் நடத்துவதற்கு முடிவு செய்யப்பட்டுள்ளது என்று அந்த மாநில அரசு அதிகாரி ஒருவர் கூறினார்.
 இதுகுறித்து ஜம்மு-காஷ்மீர் முதன்மைச் செயலர் ரோஹித் கன்சால் கூறுகையில், "ஊராட்சி ஒன்றியங்களுக்கு விரைவில் தேர்தல் நடத்தலாம் என்று முடிவு செய்யப்பட்டுள்ளது.
 இந்தத் தேர்தல் மூலம் ஊராட்சி ஒன்றியங்களை செயல்பட வைக்க முடியும்' என்றார்.
 ஜம்மு-காஷ்மீர் ஊரக வளர்ச்சித் துறை செயலர் ஷீதல் நந்தா கூறுகையில், "மாநிலம் முழுவதும் 316 ஊராட்சி ஒன்றியங்களுக்கு தேர்தல் நடத்த முடிவு செய்யப்பட்டுள்ளது. செப்டம்பர் மாதத்துக்குள் தேர்தல் நடத்தி முடிக்கப்படும்' என்றார்.
 ஜம்மு-காஷ்மீரில் நகர்ப்புற உள்ளாட்சித் தேர்தல் கடந்த ஆண்டு நடைபெற்றது. பஞ்சாயத்துத் தேர்தல் கடந்த 2011ஆம் ஆண்டு நடைபெற்றது.
 ஜம்மு-காஷ்மீருக்கு அளிக்கப்பட்டு வந்த சிறப்பு அந்தஸ்து பிரிவு ரத்து செய்யப்பட்டதை அடுத்து படிப்படியாக பதற்ற சூழல் நீங்கி காஷ்மீர் பள்ளத்தாக்குப் பகுதியில் முன்னேற்றம் ஏற்பட்டு வருகிறது என்று அதிகாரிகள் கூறினர்.
 

]]>
https://www.dinamani.com/india/2019/aug/25/ஜம்மு-காஷ்மீர்-ஊராட்சி-ஒன்றியங்களுக்கு-விரைவில்-தேர்தல்-நிர்வாகம்-முடிவு-3220779.html
3220778 இந்தியா கிருஷ்ண ஜயந்தி கொண்டாட்டம்: இரு பிரிவினரிடையே ஏற்பட்ட மோதலில் 5 பேர் காயம் DIN DIN Sunday, August 25, 2019 02:50 AM +0530 உத்தரப் பிரதேச மாநிலம், பரேலியில் கிருஷ்ண ஜயந்தி ஊர்வலத்தின்போது, இரு பிரிவினரிடையே ஏற்பட்ட மோதலில் 2 பெண்கள் உள்பட 5 பேர் காயமடைந்தனர்.
 கிருஷ்ண ஜயந்தி பண்டிகையையொட்டி, பரேலியை அடுத்த மக்ரி மவாதா கிராமத்தில் கிருஷ்ணர் ஊர்வலம் வெள்ளிக்கிழமை நடைபெற்றது. முஸ்லிம் மக்கள் பெரும்பான்மையாக உள்ள அந்த கிராமத்தில் ஊர்வலத்தின்போது, இரு தரப்பினருக்கிடையே மோதல் ஏற்பட்டது.
 இதுதொடர்பாக காவல் துறை அதிகாரி ஒருவர் சனிக்கிழமை கூறியதாவது:
 மக்ரி மவாதா கிராமத்தில் கிருஷ்ண ஜயந்தியையொட்டி, ஊர்வலம் நடைபெற்றது. ஊர்வலம் முடிவடையும் நேரத்தில் வெள்ளிக்கிழமை பிற்பகல் ஒரு பிரிவைச் சேர்ந்த சிலர், மற்றொரு பிரிவினர் மீது கல் வீசித் தாக்குதல் நடத்தினர். அதையடுத்து இரு தரப்பினருக்கும் இடையே மோதல் மூண்டது. துப்பாக்கி உள்ளிட்ட ஆயுதங்களைக் கொண்டு இரு தரப்பினரும் ஒருவரை ஒருவர் தாக்கிக் கொண்டனர். இந்த மோதலில் 2 பெண்கள் உள்பட 5 பேர் காயமடைந்தனர். அவர்கள் அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளனர்.
 தகவலறிந்து சம்பவ இடத்துக்கு விரைந்து வந்த காவல் துறையினர், விரைவில் நிலைமையை கட்டுக்குள் கொண்டு வந்தனர்.
 சம்பவ இடத்தை மாவட்ட காவல் கண்காணிப்பாளர் சனிக்கிழமை பார்வையிட்டார். அசம்பாவிதங்கள் ஏதும் மீண்டும் நிகழாமல் தடுக்க அந்தப் பகுதியில் காவல் துறையினர் குவிக்கப்பட்டுள்ளனர்.
 இந்த சம்பவம் குறித்து விசாரணை நடைபெற்று வருகிறது. மோதலுக்கு காரணமானவர்களைக் கண்டறிந்து அவர்கள் மீது நடவடிக்கை எடுக்கப்படும் என்று அந்த அதிகாரி கூறினார்.

]]>
https://www.dinamani.com/india/2019/aug/25/கிருஷ்ண-ஜயந்தி-கொண்டாட்டம்-இரு-பிரிவினரிடையே-ஏற்பட்ட-மோதலில்-5-பேர்-காயம்-3220778.html
3220777 இந்தியா பொருளாதாரத்தை உயர்த்த மத்திய அரசு மேற்கொண்ட நடவடிக்கைகள் முழுமையற்றவை: காங்கிரஸ் விமர்சனம்   DIN DIN Sunday, August 25, 2019 02:49 AM +0530 சீர்குலைந்து மோசமான நிலையில் உள்ள நாட்டின் பொருளாதாரத்தை உயர்த்துவதற்கு மத்திய அரசு மேற்கொண்ட நடவடிக்கைகள், "அரைகுறையானவை மற்றும் முழுமையற்றவை' என்று காங்கிரஸ் விமர்சித்துள்ளது.
 கடந்த 5 ஆண்டுகளில் இல்லாத அளவுக்கு நாட்டின் பொருளாதார வளர்ச்சி சரிந்துள்ளதாக விமர்சனங்கள் எழுந்த நிலையில், வங்கிகளுக்கு கூடுதல் மூலதனமாக ரூ. 70 ஆயிரம் கோடியை உடனடியாக வழங்குவது, ஸ்டார்ட் அப் நிறுவனங்களுக்கு வரி விலக்கு, உள்நாட்டு முதலீட்டு நிறுவனங்களுக்கு விதிக்கப்பட்டிருந்த கூடுதல் வரி வாபஸ் உள்ளிட்ட பல அறிவிப்புகளை மத்திய நிதியமைச்சர் நிர்மலா சீதாராமன் வெள்ளிக்கிழமை வெளியிட்டார்.
 அதைக் குறிப்பிட்டு காங்கிரஸ் தலைமை செய்தித் தொடர்பாளர் ரண்தீப் சுர்ஜேவாலா சுட்டுரையில் சனிக்கிழமை வெளியிட்ட பதிவில் கூறியிருப்பதாவது:
 பிரதமர் நரேந்திர மோடி ஆட்சியில் நாட்டின் பொருளாதாரம் மிகப்பெரும் சரிவைச் சந்தித்ததுடன், மந்த நிலையிலும் உள்ளது. மத்திய அரசு மேற்கொண்ட நடவடிக்கைகளால் நாட்டின் பொருளாதாரம் மோசமான நிலையில் உள்ள நிலையில், அவர்கள் மேற்கொண்ட நடவடிக்கைகளில் சிலவற்றையே நிர்மலா சீதாராமன் திரும்பப் பெற்றுள்ளார்.
 பாஜக ஆட்சியினால் பொருளாதாரம் சீர்குலைந்ததை வெறும் அரைகுறை அறிவிப்புகளால் நிர்மலா சீதாராமன் மறைக்கப் பார்க்கிறார் என்றார் ரண்தீப் சுர்ஜேவாலா.
 

]]>
https://www.dinamani.com/india/2019/aug/25/பொருளாதாரத்தை-உயர்த்த-மத்திய-அரசு-மேற்கொண்ட-நடவடிக்கைகள்-முழுமையற்றவை-காங்கிரஸ்-விமர்சனம்-3220777.html
3220776 இந்தியா "ககன்யான்' திட்டம்: ரஷிய விண்வெளி ஆய்வு மையத்தில் 4 இந்திய வீரர்களுக்கு பயிற்சி DIN DIN Sunday, August 25, 2019 02:49 AM +0530 விண்வெளிக்கு முதல் முறையாக மனிதர்களை அனுப்பும் இந்தியாவின் "ககன்யான்' திட்டத்துக்காக, ரஷியாவின் விண்வெளி ஆய்வு மையத்தில் இந்திய விண்வெளி வீரர்கள் 4 பேருக்கு பயிற்சி அளிக்கப்படவுள்ளது.
 இந்தியாவின் தேசிய பாதுகாப்பு ஆலோசகர் அஜித் தோவல், ரஷிய விண்வெளி ஆராய்ச்சி நிறுவனமான ராஸ்காஸ்மோஸின் தலைமை இயக்குநர் டிமிட்ரி ரோகோஸினை, மாஸ்கோவில் கடந்த 21-ஆம் தேதி சந்தித்து பேச்சு நடத்தியதை அடுத்து இந்த அறிவிப்பு வெளியிடப்பட்டுள்ளது.
 இதுதொடர்பாக, "ராஸ்காஸ்மோஸ்' வெளியிட்ட அறிக்கையின்படி, ரஷியாவில் உள்ள யூரி ககாரின் விண்வெளி வீரர்கள் பயிற்சி மையத்தில் இந்திய வீரர்களுக்கு பயிற்சி அளிக்கப்படவுள்ளது.
 இதுதொடர்பான ஒப்பந்தம் இந்திய விண்வெளி ஆராய்ச்சி நிறுவனத்துக்கும் (இஸ்ரோ), ரஷிய விண்வெளி ஆராய்ச்சி நிறுவனத்தின் அங்கமான கிளாவ்காஸ்மோஸுக்கும் இடையே கடந்த ஜூன் 27-ஆம் தேதி கையெழுத்தானது.
 ககன்யான் திட்டத்துக்கான இந்திய வீரர்களை தேர்வு செய்து, சோதித்து, அவர்களுக்குப் பயிற்சியளித்து தகுதிப்படுத்த கிளாவ்காஸ்மோஸ் உதவுகிறது.
 மேலும், ககன்யான் திட்டத்துக்காக வழங்கப்படவுள்ள விண்வெளி வீரர்களுக்கான உடை, விண்வெளி ஓடத்தில் பொருத்தப்படும் இருக்கைகள், அதில் பொருத்தப்படும் கண்ணாடிகள் தொடர்பாக இந்தியா-ரஷியா இடையே பேச்சுவார்த்தை நடைபெற்றது.
 விண்வெளிப் பயணத்துக்குப் பிறகு பூமிக்குத் திரும்பும் வீரர்கள் குழுவை மீட்பதற்கான கட்டமைப்பு, வீரர்களை சுமந்து செல்லும் ஜிஎஸ்எல்வி மார்க் 3 ராக்கெட்டுக்கான சோதனை முறைகள் ஆகியவை தொடர்பான தொழில்நுட்பங்களை பகிர்ந்துகொள்வது குறித்த ஒப்பந்தங்கள் ஆகஸ்ட் இறுதிக்குள்ளாக மேற்கொள்ளப்படவுள்ளது. செயற்கைகோள் வழிகாட்டுதல், இயந்திர தொழில்நுட்பம் ஆகியவை தொடர்பாகவும் ரஷியா-இந்தியா இடையே ஆலோசனை நடத்தப்பட்டது.
 மருத்துவர்களுக்கு பயிற்சி:
 ககன்யான் திட்டத்தில் பங்கேற்கும் இந்திய விண்வெளி மருத்துவக் குழுவுக்கான பயிற்சியை பிரான்ஸ் விண்வெளி ஆராய்ச்சி நிறுவனமான "சிஎன்இஎஸ்' வழங்கவுள்ளது. இதற்கான அறிவிப்பு, பிரதமர் நரேந்திர மோடியின் சமீபத்திய பிரான்ஸ் சுற்றுப்பயணத்தின்போது வெளியிடப்பட்டது.
 

]]>
https://www.dinamani.com/india/2019/aug/25/ககன்யான்-திட்டம்-ரஷிய-விண்வெளி-ஆய்வு-மையத்தில்-4-இந்திய-வீரர்களுக்கு-பயிற்சி-3220776.html
3220775 இந்தியா மேற்கு வங்க பேரவை இடைத் தேர்தல்: இடதுசாரிகள்-காங்கிரஸ் கூட்டணி அமைக்க சோனியா காந்தி ஒப்புதல் DIN DIN Sunday, August 25, 2019 02:47 AM +0530 மேற்கு வங்கத்தில் விரைவில் நடைபெற உள்ள மூன்று சட்டப் பேரவைத் தொகுதிகளுக்கான இடைத் தேர்தலில் இடதுசாரிக் கட்சிகளுடன் கூட்டணி அமைத்துப் போட்டியிட காங்கிரஸ் தலைவர் சோனியா காந்தி ஒப்புதல் அளித்துள்ளதாக தகவல்கள் தெரிவிக்கின்றன.
 மேற்கு வங்க சட்டப் பேரவையில் தற்போது மூன்று இடங்கள் காலியாக உள்ளன. அவற்றில் காளியாகஞ்ச் தொகுதியின் எம்எல்ஏவாக இருந்த காங்கிரûஸச் சேர்ந்த பரமார்த்தநாத் ராய் இறந்ததால் அந்த இடம் காலியானது. அதேபோல், கரக்பூர் தொகுதி எம்எல்ஏவாக இருந்த மாநில பாஜக தலைவர் திலீப் கோஷ், மேதினிபூர் மக்களவைத் தொகுதியில் போட்டியிட்டு வெற்றி பெற்றதையடுத்து, எம்எல்ஏ பதவியை ராôஜிநாமா செய்தார். கரீம்பூர் தொகுதி எம்எல்ஏவாக இருந்த திரிணமூல் காங்கிரஸ் பிரமுகர் மஹுவா மொய்த்ரா, கிருஷ்ணாநகர் மக்களவைத் தொகுதியில் இருந்த எம்.பி.யாகத் தேர்ந்தெடுக்கப்பட்டால் எம்எல்ஏ பதவியை ராஜிநாமா செய்தார். இந்த இருவரின் ராஜிநாமாவால் கரக்பூர், கரீம்பூர் தொகுதிகள் காலியாக உள்ளன.
 இந்நிலையில், மேற்கு வங்க காங்கிரஸ் தலைவர் சோமன் மித்ராவுடன் அக்கட்சியின் தேசியத் தலைவர் சோனியா காந்தி தில்லியில் வெள்ளிக்கிழமை இரவு ஆலோசனை நடத்தினார். அப்போது, இந்த மூன்று தொகுதி இடைத்தேர்தல் குறித்தும், கட்சி விவகாரங்கள் குறித்தும் அவர் விவாதித்தார். இது குறித்து காங்கிரஸ் வட்டாரங்கள் கூறியதாவது:
 மேற்கு வங்கத்தில் காலியாக உள்ள மூன்று சட்டப் பேரவைத் தொகுதிகளில் இடதுசாரிகளுடன் கூட்டணி அமைத்துப் போட்டியிடும் முடிவை மாநில காங்கிரஸ் தலைமை எடுத்தது. ராகுல் காந்தி கட்சித் தலைவர் பதவியை ராஜிநாமா செய்தபோது இம்முடிவு எடுக்கப்பட்டது. இந்த முடிவுக்கு கட்சியின் இடைக்காலத் தலைவரான சோனியா காந்தி தற்போது ஒப்புதல் அளித்துள்ளார். அதன்படி காளியாகஞ்ச் மற்றும் கரக்பூர் தொகுதிகளில் காங்கிரஸ் கட்சி போட்டியிடும். கரீம்பூர் தொகுதியில் இடதுசாரி முன்னணி சார்பில் மார்க்சிஸ்ட் கம்யூனிஸ்ட் கட்சி போட்டியிடும்.
 மேற்கு வங்கத்தில் பாஜகவின் எழுச்சியைத் தடுக்க அனைத்து எதிர்க்கட்சிகளும் ஒன்றுசேர வேண்டும் என்று திரிணமூல் காங்கிரஸ் அண்மையில் அழைப்பு விடுத்திருந்த நிலையில், இடதுசாரிகளுடன் காங்கிரஸ் கூட்டணி அமைத்துப் போட்டியிட சோனியா ஒப்புதல் அளித்துள்ளது முக்கியத்துவம் பெறுகிறது. சோனியாவுக்கு திரிணமூல் காங்கிரஸ் தலைவர் மம்தா பானர்ஜியுடன் நல்லுறவு உள்ளபோதிலும், கூட்டணிக்கு இடதுசாரிகளை அவர் தேர்வு செய்துள்ளார்.
 இதற்கு, வரும் 2021ஆம் ஆண்டு நடைபெற உள்ள மேற்கு வங்க சட்டப் பேரவைத் தேர்தலில் காங்கிரஸ் கட்சி, திரிணமூல் காங்கிரஸ் அரசை எதிர்த்தே போட்டியிட வேண்டியிருக்கும் என்பதும் ஒரு காரணமாகும். எனவே, பாஜகவை எதிர்க்கிறோம் என்ற பெயரில் எங்களால் திரிணமூல் காங்கிரஸுடன் அணிசேர்ந்து விட முடியாது என்று காங்கிரஸ் வட்டாரங்கள் தெரிவித்தன.
 இந்த ஆண்டு நடைபெற்ற மக்களவைத் தேர்தலில் மேற்கு வங்கத்தில் காங்கிரஸ் கட்சி படுதோல்வியடைந்தது. எனவே, பேரவை இடைத் தேர்தலில் இடதுசாரிகளுடன் கூட்டணி அமைத்துப் போட்டியிட அக்கட்சி முடிவு செய்துள்ளது. ஏற்கெனவே, மேற்கு வங்கத்தில் கடந்த 2016 சட்டப் பேரவைத் தேர்தலில் இந்த இரு கட்சிகளும் இணைந்து போட்டியிட்டன. எனினும், இந்தக் கூட்டணியால் திரிணமூல் காங்கிரஸின் அமோக வெற்றியைத் தடுத்து நிறுத்த முடிய வில்லை என்பது குறிப்பிடத்தக்கது.
 
 
 
 

]]>
https://images.dinamani.com/uploads/user/imagelibrary/2018/2/7/w600X390/Sonia_Gandhi_PTI.jpg https://www.dinamani.com/india/2019/aug/25/மேற்கு-வங்க-பேரவை-இடைத்-தேர்தல்-இடதுசாரிகள்-காங்கிரஸ்-கூட்டணி-அமைக்க-சோனியா-காந்தி-ஒப்புதல்-3220775.html
3220774 இந்தியா பயங்கரவாத அமைப்புடன் தொடர்பு?: கேரளத்தில் ஒருவர் கைது   DIN DIN Sunday, August 25, 2019 02:46 AM +0530 கேரள மாநிலம், கொச்சியில் பயங்கரவாத அமைப்புகளுடன் தொடர்புடையதாக சந்தேகத்தின் அடிப்படையில் ஒருவர் கைது செய்யப்பட்டார்.
 இலங்கையில் இருந்து தமிழகத்துக்கு லஷ்கர்-ஏ-தொய்பா பயங்கரவாதிகள் ஊடுருவியதாக உளவுத் துறை தகவல் கிடைத்த நிலையில், அவர்கள் ஊடுருவதற்கு திருச்சூர் மாவட்டத்தைச் சேர்ந்த ஒருவர் உதவியதாக தகவல்கள் வெளியாகின. அதன் அடிப்படையில் அந்த நபர் கைது செய்யப்பட்டுள்ளார்.
 இதுதொடர்பாக காவல் துறையினர் எந்த தகவலும் தெரிவிக்கவில்லை. எனினும், கொச்சியில் உள்ள நீதிமன்றத்தில் இருந்து ஒரு நபரை காவல் துறையினர் அழைத்துச் செல்வதாக கேரள ஊடகங்களில் விடியோ வெளியானது.
 இதுகுறித்து கைது செய்யப்பட்டவரின் வழக்குரைஞர் சனிக்கிழமை கூறியதாவது:
 திருச்சூர் மாவட்டத்தைச் சேர்ந்த அந்த நபர், பஹ்ரைனில் இருந்து 2 நாள்களுக்கு முன்புதான் இந்தியா வந்தடைந்தார். அவரையும், மற்றொரு பெண்ணையும் பயங்கரவாத அமைப்புகளுடன் தொடர்புடையவர்கள் என்று காவல் துறையினர் கைது செய்தனர். தனது அடையாள அட்டை தவறாகப் பயன்படுத்தப்பட்டுள்ளதாகவும், தனக்கும், பயங்கரவாதிகள் ஊடுருவியதற்கும் எவ்விதச் சம்பந்தமும் இல்லை என்றும் அவர் தெரிவித்தார். அதையடுத்து அவர் குற்றவாளி இல்லை என்பதை நிரூபிப்பதற்காக நீதிமன்றத்தில் மனு தாக்கல் செய்துள்ளோம் என்று வழக்குரைஞர் கூறினார்.
 இதனிடையே, கொச்சியில் உள்ள காவல் துறை விருந்தினர் மாளிகையில் அவரிடம் விசாரணை நடைபெற்று வருவதாக காவல் துறை வட்டாரங்கள் தெரிவித்தன.

]]>
https://www.dinamani.com/india/2019/aug/25/பயங்கரவாத-அமைப்புடன்-தொடர்பு-கேரளத்தில்-ஒருவர்-கைது-3220774.html
3220749 இந்தியா நிரந்தரத் தலைநகர் இல்லாத ஆந்திர மாநிலம்  - எம்.ஆர்.சுரேஷ்குமார் -திருப்பதி, DIN Sunday, August 25, 2019 02:21 AM +0530 சென்னை மாகாணத்தில் இருந்து கடந்த 1953-ஆம் ஆண்டு அக்டோபர் ஒன்றாம் தேதி நாட்டின் முதல் மொழிவாரி மாநிலமாகப் பிரிக்கப்பட்டது முதல், ஆந்திர மாநிலம் நிரந்தரத் தலைநகரம் இல்லாத மாநிலமாக தவித்து வருகிறது.
 ஆந்திர மக்களின் பல்வேறு போராட்டங்களுக்குப் பின்னர், சென்னை மாகாணத்தின் ஒரு பகுதியாக இருந்த ஆந்திரம், நாட்டின் முதல் மொழிவாரி மாநிலமாக கடந்த 1953-ஆம் ஆண்டு அக்டோபர் 1-ஆம் தேதி பிரிக்கப்பட்டு, தனி மாநிலமாக உருவானது.
 ஆந்திர மாநிலம் ஏற்படுத்தப்பட்ட பின், ராயலசீமா பகுதி மக்களின் கோரிக்கைக்கு ஏற்ப கர்னூலை மாநிலத் தலைநகராகக் கொண்டு ஆந்திர மாநிலம் நாட்டின் முதல் மொழிவாரி மாநிலம் என்ற பெருமையுடன் செயல்பட்டு வந்தது.
 இந்நிலையில், தெலுங்கு பேசும் மக்கள் பெருவாரியாக இருக்கும் மற்றொரு மாநிலமாக அப்போது வரை இருந்த தற்போதைய தெலங்கானா மாநிலமும் ஆந்திர மாநிலத்துடன் இணைக்கப்பட்டு, கடந்த 1956-ஆம் ஆண்டு நவம்பர் முதல் தேதி ஆந்திர பிரதேச மாநிலம் அமைக்கப்பட்டபோது, ஹைதராபாத் ஆந்திர பிரதேசத்தின் தலைநகரமானது.
 கடந்த 2014 ஜூன் மாதம் ஆந்திரம், தெலங்கானா மாநிலப் பிரிவினைக்குப் பின்னர், ஆந்திர முதல்வர் ஆன சந்திரபாபு நாயுடு குண்டூர் மாவட்டத்தில் உள்ள அமராவதியை ஆந்திர மாநிலத்தின் தலைநகராக அறிவித்து ஆட்சி நடத்தி வந்தார்.
 அமராவதிக்கு எதிர்ப்பு: அமராவதியை ஆந்திர மாநிலத் தலைநகரமாக சந்திரபாபு நாயுடு விடுத்த அறிவிப்புக்கு அப்போதைய மாநில எதிர்க்கட்சியான ஒய்.எஸ்.ஆர். காங்கிரஸ் கட்சி கடும் எதிர்ப்புத் தெரிவித்து வந்தது.
 இந்நிலையில், கடந்த சட்டப்பேரவைத் தேர்தலில் வெற்றி பெற்று ஆந்திரத்தில் ஒய்எஸ்ஆர் காங்கிரஸ் கட்சி ஆட்சிப் பொறுப்பை ஏற்றது.
 தொடர்ந்து, அக்கட்சித் தலைவர் ஜெகன் மோகன் ரெட்டி ஆந்திர முதல்வராக பொறுப்பேற்றார்.
 சந்திரபாபு நாயுடு ஆந்திர முதல்வராக இருந்த 5 ஆண்டுகாலத்தில் அவருடைய முழு கவனமும் தலைநகர் அமராவதியை அபிவிருத்தி செய்வதிலேயே இருந்தது. ஆனால், ஜெகன்மோகன் ரெட்டி முதல்வரான பின் தலைநகர் அமராவதியில் நடைபெற்று வந்த அபிவிருத்தி பணிகள் அனைத்தும் முடங்கின.
 மக்களின் வரிப்பணம் விரயம்: இந்நிலையில், ஆந்திர மாநிலத்தின் நகராட்சிகள் மற்றும் நகரங்கள் அபிவிருத்தித் துறை அமைச்சர் சத்யநாராயணா விஜயவாடாவில் அளித்த பேட்டி ஒன்றில், தலைநகர் அமராவதி பாதுகாப்பான பகுதி கிடையாது.
 அமராவதிக்கு வெள்ள ஆபத்து ஏற்பட வாய்ப்புகள் உள்ளன. அமராவதியில் நடைபெறும் தலைநகர கட்டுமானப் பணிகளுக்கு ஒன்றுக்கு இரண்டாகச் செலவு செய்யும் நிலை உள்ளது. இதனால் மக்களின் வரிப்பணம் விரயமாகிறது.
 எனவே ஆந்திர மாநிலத்துக்கு வேறு ஒரு தலைநகரை தேர்வு செய்யும் பணி பற்றிய ஆலோசனை நடைபெற்று வருகிறது. புதிய தலைநகரம் எது என்பது குறித்து முதல்வர் ஜெகன்மோகன் ரெட்டி விரைவில் அறிவிப்பார் என்று கூறி பரபரப்பை ஏற்படுத்தி இருக்கிறார்.
 3 தலைநகரம் கண்ட ஆந்திரம்: ஆரம்பத்தில் சென்னை மாகாணமாக இருந்து, பின்னர் கர்னூல், அடுத்து ஹைதராபாத், மூன்றாவதாக அமராவதி என்று இதுவரை மூன்று தலைநகரங்களைப் பார்த்த ஆந்திர மாநிலம், தற்போது நான்காவது தலைநகரத்தை நோக்கி பயணிக்கத் தொடங்கியுள்ளது.
 திருப்பதியை தலைநகராக்கக் கோரிக்கை: ஆந்திர அமைச்சரின் புதிய அறிவிப்பு காரணமாக, மாநிலத்தில் இருக்கும் பல்வேறு பகுதியினரும், ஆந்திரத் தலைநகரைத் தங்கள் பகுதிக்கு கொண்டு வரவேண்டும் எனக் கோரிக்கை விடுத்து வருகின்றனர்.
 இதனால், ஆந்திர மாநிலத்தின் அடுத்த தலைநகர் எது என்பது குறித்து முதல்வரின் அதிகாரபூர்வ அறிவிப்பு வரும் வரை ஆந்திரத்தில் புதிய தலைநகரம் அமைப்பது குறித்த போராட்டங்கள் நடைபெறுவதற்கான வாய்ப்புகள் ஏற்பட்டுள்ளன.
 இந்நிலையில், திருப்பதி மக்களவைத் தொகுதியின் முன்னாள் உறுப்பினர் சிந்தா மோகன், பல்வேறு வகையான உள்கட்டமைப்பு வசதிகளுடன் கூடிய திருப்பதியை ஆந்திரத்தின் தலைநகராக அறிவிக்க வேண்டும் என்று கோரிக்கை விடுத்துள்ளார்.
 
 

]]>
https://images.dinamani.com/uploads/user/imagelibrary/2019/8/25/w600X390/AP.jpg https://www.dinamani.com/india/2019/aug/25/நிரந்தரத்-தலைநகர்-இல்லாத-ஆந்திர-மாநிலம்-3220749.html
3220747 இந்தியா உண்டியல் காணிக்கை ரூ.3.06 கோடி   DIN DIN Sunday, August 25, 2019 02:18 AM +0530 திருமலை ஏழுமலையான் கோயில் உண்டியல் காணிக்கை வெள்ளிக்கிழமை ரூ. 3.06 கோடி வசூலானதாக தேவஸ்தானம் தெரிவித்தது.
 திருமலை ஏழுமலையானைத் தரிசிக்க வரும் பக்தர்கள் காணிக்கைகளை கோயிலுக்குள் உள்ள உண்டியலில் செலுத்தி வருகின்றனர். அவற்றை தேவஸ்தானம் தினந்தோறும் கணக்கிட்டு, வங்கிகளில் வரவு வைத்து வருகிறது. அதன்படி, வெள்ளிக்கிழமை பக்தர்கள் உண்டியலில் செலுத்திய காணிக்கைகளைக் கணக்கிட்டதில், தேவஸ்தானத்துக்கு ரூ. 3.06 கோடி வருவாய் கிடைத்ததாக அதிகாரிகள் தெரிவித்தனர்.
 78,020 பக்தர்கள் தரிசனம்
 ஏழுமலையானை வெள்ளிக்கிழமை முழுவதும் 78,020 பக்தர்கள் தரிசனம் செய்தனர். இவர்களில் 27,189 பக்தர்கள் முடி காணிக்கை செலுத்தினர். சனிக்கிழமை காலை நிலவரப்படி, வைகுண்டம் காத்திருப்பு அறையில் உள்ள 19 அறைகளில் பக்தர்கள் ஏழுமலையான் தரிசனத்துக்காக காத்திருந்தனர். அவர்கள் 10 மணி நேரம் காத்திருந்து ஏழுமலையானைத் தரிசித்தனர். நேர ஒதுக்கீடு டோக்கன், ரூ. 300 விரைவு தரிசனம், திவ்ய தரிசன பக்தரகள் 3 மணி நேரத்தில் ஏழுமலையானை தரிசித்துத் திரும்பினர்.
 வெள்ளிக்கிழமை முழுவதும் திருப்பதியில் உள்ள கோவிந்தராஜ சுவாமி கோயிலில் 13,283 பக்தர்களும், சீனிவாசமங்காபுரம் கல்யாண வெங்கடேஸ்வர சுவாமி கோயிலில் 7,001 பக்தர்களும், திருச்சானூர் பத்மாவதி தாயார் கோயிலில் 18,206 பக்தர்களும், அப்பளாயகுண்டாவில் உள்ள பிரசன்ன வெங்கடேஸ்வர சுவாமி கோயிலில் 1,417 பக்தர்களும், கபிலேஸ்வர சுவாமி கோயிலில் 2,765 பக்தர்களும் தரிசனம் செய்துள்ளதாக தேவஸ்தான மக்கள் தொடர்புத் துறை அதிகாரி ரவி தெரிவித்தார்.
 

]]>
https://images.dinamani.com/uploads/user/imagelibrary/2018/12/9/w600X390/tpr.jpg https://www.dinamani.com/india/2019/aug/25/உண்டியல்-காணிக்கை-ரூ306-கோடி-3220747.html
3220723 இந்தியா காஷ்மீரில் பெரும்பாலான பகுதிகளில் கட்டுப்பாடுகள் நீக்கம் DIN DIN Sunday, August 25, 2019 01:29 AM +0530 சிறப்பு அந்தஸ்து ரத்து செய்யப்பட்டதையடுத்து, காஷ்மீர் பள்ளத்தாக்கில் கடும் கட்டுப்பாடுகள் விதிக்கப்பட்டிருந்த நிலையில், பெரும்பாலான பகுதிகளில் அமலில் இருந்த கட்டுப்பாடுகள் சனிக்கிழமை நீக்கப்பட்டன.
 ஜம்மு-காஷ்மீருக்கு சிறப்பு அந்தஸ்து வழங்கி வந்த அரசமைப்புச் சட்டத்தின் 370-ஆவது பிரிவை நீக்கிய பிறகு, அங்கு கடும் கட்டுப்பாடுகளையும், தடைகளையும் மத்திய அரசு விதித்தது; முன்னாள் முதல்வர்கள் மெஹபூபா முஃப்தி, ஒமர் அப்துல்லா ஆகியோர் வீட்டுக் காவலில் வைக்கப்பட்டனர்.
 தொலைபேசி சேவைகளுக்கும், இணையதளச் சேவைகளுக்கும், செய்தி தொலைக்காட்சிகளுக்கும் தடை விதிக்கப்பட்டது. அதன் பின்னர், காஷ்மீரில் படிப்படியாக கட்டுப்பாடுகள் தளர்த்தப்பட்டு வந்தன.
 எனினும், காஷ்மீரில் வெள்ளிக்கிழமை தொழுகைக்கு பின்னர் பிரச்னை ஏற்பட்டதாலும், பிரிவினைவாதிகள் போராட்டத்துக்கு அழைப்பு விடுத்திருந்ததாலும் அங்கு மக்கள் நடமாட்டத்துக்கு தடை விதிக்கப்பட்டது.
 இந்நிலையில், காஷ்மீரின் பெரும்பாலான பகுதிகளில் கட்டுப்பாடுகள் நீக்கப்பட்டன. இதுதொடர்பாக அதிகாரிகள் சனிக்கிழமை கூறியதாவது:
 பாதுகாப்பு கருதி, காஷ்மீரில் பாதுகாப்புப் படையினர் ரோந்துப் பணியில் ஈடுபட்டு வந்தாலும், மக்கள் சுதந்திரமாக நடமாடலாம் என்று அறிவிக்கப்பட்டது. எனினும், ஓரிடத்தில் இருந்து மற்றொரு இடத்துக்கு செல்வதற்கு மக்கள் தங்களது அடையாள அட்டையை பாதுகாப்புப் படையினரிடம் காண்பிக்க வேண்டும். அதைப் பாதுகாப்புப் படையினர் பரிசோதித்த பின்னரே மக்கள் வீட்டை விட்டு வெளியேற அனுமதிக்கப்படுவார்கள்.
 பெரும்பாலான இடங்களில் சாலைகளில் வைக்கப்பட்டிருந்த தடுப்பு அரண்கள் நீக்கப்பட்டன. சில இடங்களில் உள்ள சாலைகளில் மட்டும் தடுப்பு அரண்கள் வைக்கப்பட்டுள்ளன.
 காஷ்மீரில் கடந்த நாள்களை ஒப்பிடும்போது, சனிக்கிழமை மக்கள் நடமாட்டமும், வாகனப் போக்குவரத்தும் அதிகரித்து காணப்பட்டது. அலுவலகம் செல்பவர்கள் எண்ணிக்கையும் கணிசமாக அதிகரித்திருந்தது. எனினும், அரசுப் பேருந்துகள் இயக்கப்படவில்லை. சந்தைகள், வர்த்தக நிறுவனங்கள், கடைகள் உள்ளிட்டவை மூடப்பட்டிருந்தன. ஸ்ரீநகரில் லால் செளக் உள்ளிட்ட சில இடங்களில் மட்டும் ஒரு சில கடைகள் திறக்கப்பட்டிருந்தன என்று அதிகாரிகள் கூறினர்.

]]>
https://www.dinamani.com/india/2019/aug/25/காஷ்மீரில்-பெரும்பாலான-பகுதிகளில்-கட்டுப்பாடுகள்-நீக்கம்-3220723.html
3220722 இந்தியா சத்தீஸ்கரில் 5 மாவோயிஸ்டுகள் சுட்டுக் கொலை DIN DIN Sunday, August 25, 2019 01:29 AM +0530 சத்தீஸ்கர் மாநிலம், நாராயண்பூர் மாவட்டத்தில் ஐந்து மாவோயிஸ்டுகளை பாதுகாப்புப் படையினர் சனிக்கிழமை சுட்டுக்கொன்றனர்.
 இது தொடர்பாக, காவல் துறைத் தலைமை இயக்குநர் டி.எம். அவஸ்தி, ராய்ப்பூரில் செய்தியாளர்களிடம் கூறியதாவது: நாராயண்பூர் மாவட்டத்தின் துர்பேடா கிராமத்திலுள்ள வனப்பகுதியில் மாவோயிஸ்டுகள் பதுங்கியிருப்பதாகவும், அங்கு அவர்களின் பயிற்சி முகாம் ஒன்று செயல்பட்டு வருவதாகவும் பாதுகாப்புப் படையினருக்கு ரகசியத் தகவல் கிடைத்தது. இதையடுத்து, அப்பகுதியில் சனிக்கிழமை காலை 6 மணியளவில் பாதுகாப்புப் படையினரும், ரிசர்வ் காவல் படையினரும் தேடுதல் வேட்டையில் ஈடுபட்டனர்.
 அப்போது, அங்குப் பதுங்கியிருந்த மாவோயிஸ்டுகள், பாதுகாப்புப் படையினரை நோக்கி துப்பாக்கியால் சுடத் தொடங்கினர். இதையடுத்து, அவர்களை நோக்கி பாதுகாப்புப் படையினர் பதில் தாக்குதல் நடத்தினர். இரு தரப்பினருக்குமிடையேயான துப்பாக்கிச் சண்டை ஒன்றரை மணிநேரம் நீடித்தது. இதில், மாவோயிஸ்டுகள் 5 பேர் கொல்லப்பட்டனர். மற்ற மாவோயிஸ்டுகள் அடர்ந்த வனப்பகுதிக்குள் தப்பியோடி விட்டனர்.
 அவர்கள் பதுங்கியிருந்த இடத்திலிருந்து துப்பாக்கிகள், வெடிபொருள்கள் உள்ளிட்டவை கைப்பற்றப்பட்டன. மாவோயிஸ்டுகளுடனான துப்பாக்கிச் சண்டையில் மாவட்ட ரிசர்வ் படை காவலர்கள் இருவர் காயமடைந்தனர். அவர்கள் மருத்துவமனையில் சிகிச்சை பெற்று வருகின்றனர் என்றார் டி.எம். அவஸ்தி.

]]>
https://www.dinamani.com/india/2019/aug/25/சத்தீஸ்கரில்-5-மாவோயிஸ்டுகள்-சுட்டுக்-கொலை-3220722.html
3220721 இந்தியா உ.பி.: முத்தலாக் கூறி விவாகரத்து செய்தவர் கைது DIN DIN Sunday, August 25, 2019 01:28 AM +0530 உத்தரப் பிரதேசத்தில் மூன்று முறை "தலாக்' (முத்தலாக்) கூறி மனைவியை விவாகரத்து செய்த கணவர் போலீஸாரால் கைது செய்யப்பட்டார்.
 இதுகுறித்து போலீஸார் சனிக்கிழமை தெரிவித்ததாவது:
 முஸாபர்நகர் மாவட்டத்தைச் சேர்ந்தவர் ஆஸ் முகமது. இவர் கடந்த 17-ஆம் தேதி மூன்று முறை தலாக் கூறி தனது மனைவியை விவாகரத்து செய்தார். இது தொடர்பாக, அவரது மனைவி மண்டி காவல் நிலையத்தில் புகார் அளித்தார்.
 இதையடுத்து, ஆஸ் முகமதுவின் உறவினர்கள் நான்கு பேர் அந்த பெண்ணின் வீட்டுக்குச் சென்று மிரட்டல் விடுத்ததுடன் அடித்து உதைத்தனர்.
 இந்த நிலையில், ஆஸ் முகமது வெள்ளிக்கிழமை கைது செய்யப்பட்டார். அவரது மனைவி வீட்டுக்கு சென்று அடிதடியில் ஈடுபட்ட உறவினர்கள் நான்கு பேர் மீதும் வழக்கு தொடரப்பட்டுள்ளது.
 இதே மாவட்டத்தில் காம்பூர் கிராமத்தில், முத்தலாக் கூறி மனைவியை விவாகரத்து செய்தது தொடர்பாக மற்றொருவரின் மீதும் வெள்ளிக்கிழமை வழக்கு பதியப்பட்டது. மேலும், அந்தப் பெண்ணை தாக்கியது தொடர்பாக அவரது சகோதரி மற்றும் சகோதரியின் கணவர் மீதும் வழக்கு பதியப்பட்டுள்ளது. இதுதொடர்பாக, விசாரணை நடைபெற்று வருகிறது. ஆனால், கைது நடவடிக்கை இன்னும் எடுக்கப்படவில்லை என்று போலீஸார் தெரிவித்தனர்.
 திருமணமான முஸ்லிம் பெண்களின் உரிமையைப் பாதுகாக்கும் வகையில் முத்தலாக் தடைச் சட்டத்தை மத்திய அரசு அண்மையில் கொண்டு வந்தது. இந்த சட்டத்தின்படி, முத்தலாக் கூறி மனைவியை விவாகரத்து செய்யும் கணவருக்கு சிறைத் தண்டனை விதிக்க முடியும்.
 
 
 

]]>
https://www.dinamani.com/india/2019/aug/25/உபி-முத்தலாக்-கூறி-விவாகரத்து-செய்தவர்-கைது-3220721.html
3220720 இந்தியா 370-ஆவது பிரிவு நீக்கப்பட்டதால் இந்தியாவுடன் காஷ்மீர் ஒருங்கிணைந்தது: அமித் ஷா DIN DIN Sunday, August 25, 2019 01:28 AM +0530 அரசமைப்புச் சட்டத்தின் 370-ஆவது பிரிவு நீக்கப்பட்டதால், இந்தியாவுடன் ஜம்மு-காஷ்மீரை ஒருங்கிணைப்பது முழுமை பெற்றுள்ளது என்று மத்திய உள்துறை அமைச்சர் அமித் ஷா கூறினார்.
 ஹைதராபாதில் உள்ள சர்தார் வல்லபபாய் படேல் தேசிய போலீஸ் அகாதெமியில் இளம் ஐபிஎஸ் அதிகாரிகளுக்கான பயிற்சி நிறைவு விழா சனிக்கிழமை நடைபெற்றது. இதில், மத்திய உள்துறை அமைச்சர் அமித் ஷா கலந்து கொண்டு, பயிற்சிக்காலத்தில் சிறப்பாக செயல்பட்ட இளம் ஐபிஎஸ் அதிகாரிகளைப் பாராட்டி கெளரவித்தார். விழாவில் அவர் பேசியதாவது:
 பிரதமர் மோடியின் தலைமையில் நடைபெறும் ஆட்சியில், ஜம்மு-காஷ்மீருக்கு சிறப்பு அந்தஸ்து வழங்கிய அரசமைப்புச் சட்டத்தின் 370-ஆவது பிரிவை மத்திய அரசு நீக்கியது. இதனால், ஜம்மு-காஷ்மீர், இந்தியாவின் ஒருங்கிணைந்த பகுதியானது.
 அரசமைப்புச் சட்டத்தின் 370-ஆவது பிரிவு இன்னும் நீடிக்குமானால், ஜம்மு-காஷ்மீரை இந்தியாவுடன் முழுமையாக ஒன்றிணைக்க முடியாது.
 இந்தியா சுதந்திரம் அடைந்தபோது தனித்தனியாக இருந்த 630 சமஸ்தானங்களை இந்தியாவுடன் இணைத்தவர் நாட்டின் முதல் உள்துறை அமைச்சரான சர்தார் வல்லபபாய் படேல். அவர்தான், நிஜாமின் கட்டுப்பாட்டில் இருந்த ஹைதராபாதை காவல் துறை உதவியுடன் அதிரடி நடவடிக்கை எடுத்து இந்தியாவுடன் இணைத்தார். இந்த நேரத்தில் அவருக்கு மரியாதை செலுத்த கடமைப்பட்டிருக்கிறேன். இறுதியில், அவர் இந்தியாவுடன் ஜம்மு-காஷ்மீரை ஒன்றிணைக்கத் தவறிவிட்டார். இதனால், ஏதோ ஒன்று குறைந்தது போலவே ஒவ்வொருவரும் உணர்ந்து வந்தனர். ஜம்மு-காஷ்மீரை இந்தியாவுடன் ஒருங்கிணைத்ததன் மூலம் அந்த இழப்பு சரிசெய்யப்பட்டு விட்டது.
 இந்த தேசமானது, பயங்கரவாதம், போதைப்பொருள் கடத்தல், இணையவழிக் குற்றங்கள் என பல்வேறு வழிகளில் சவால்களை எதிர்கொண்டுள்ளது. உள்நாட்டுப் பாதுகாப்பை உறுதிசெய்யாவிட்டால் வளர்ச்சியை ஏற்படுத்த முடியாது. அடுத்த 5 ஆண்டுகளில் நாட்டின் பொருளாதாரத்தை ரூ.350 லட்சம் கோடியாக உயர்த்துவதற்கு பிரதமர் மோடி இலக்கு நிர்ணயித்துள்ளார். அந்த இலக்கை எட்டுவதற்கான பாதையில் ஐபிஎஸ் அதிகாரிகளாகிய நீங்கள் பயணிக்க வேண்டும்.
 மேலும், அரசமைப்புச் சட்டத்தின் சாரத்தை முழுமையாகப் பின்பற்றி அச்சமின்றி பணியாற்ற வேண்டும். இதுவே ஒரு ஐபிஎஸ் அதிகாரியின் மிகப்பெரிய தகுதி என்றார் அமித் ஷா.
 இந்தப் பயிற்சி முகாமில் 12 பெண் அதிகாரிகள் உள்பட 92 அதிகாரிகள் பயிற்சியை நிறைவு செய்தனர். இவர்களைத் தவிர, பூடானில் இருந்து 6 பேர், நேபாளத்தில் இருந்து 5 பேர் என 11 வெளிநாட்டு காவல் துறை அதிகாரிகள் இந்தப் பயிற்சியில் கலந்து கொண்டனர்.
 
 

]]>
https://images.dinamani.com/uploads/user/imagelibrary/2019/8/25/w600X390/POLICE_AMIT.jpg https://www.dinamani.com/india/2019/aug/25/370-ஆவது-பிரிவு-நீக்கப்பட்டதால்-இந்தியாவுடன்-காஷ்மீர்-ஒருங்கிணைந்தது-அமித்-ஷா-3220720.html
3220717 இந்தியா மதிப்புமிக்க நண்பர்களில் ஒருவரை இழந்துவிட்டேன்: பிரதமர் இரங்கல்   DIN DIN Sunday, August 25, 2019 01:25 AM +0530 முன்னாள் மத்திய நிதியமைச்சர் அருண் ஜேட்லி மறைவுக்கு இரங்கல் தெரிவித்துள்ள பிரதமர் நரேந்திர மோடி, "மதிப்புமிக்க நண்பர்களில் ஒருவரை இழந்துவிட்டேன்' என்று குறிப்பிட்டுள்ளார்.
 அரசு முறைப் பயணமாக ஐக்கிய அரபு அமீரகம் (யுஏஇ) சென்றிருந்த நிலையில், ஜேட்லியின் மறைவு குறித்து அறிந்த பிரதமர் மோடி சுட்டுரையில் இரங்கல் பதிவை வெளியிட்டுள்ளார்.
 அவர் கூறியுள்ளதாவது:
 அருண் ஜேட்லி எனது மதிப்புமிக்க நண்பர்களில் ஒருவர். மிகவும் நுண்ணறிவு மிக்கவர். விஷயங்களைப் புரிந்து கொள்வதில் நுட்பமானவர். அவர் தனது முழு வாழ்க்கையிலும் மிகுந்த நகைச்சுவை உணர்வுடன் வாழ்ந்தவர். புத்திகூர்மைமிக்கவர். கவர்ச்சிகர ஆளுமை மிக்கவர். சமூகத்தின் அனைத்துத் தரப்பு மக்களாலும் போற்றப்பட்டவர். பன்முகத் தன்மை கொண்டவர். நாட்டின் அரசியலமைப்பு, வரலாறு, பொதுக் கொள்கை, ஆளுகை, நிர்வாகம் ஆகியவை குறித்து ஆழ்ந்த அறிவு கொண்டிருந்தார்.
 தற்போது பல மகிழ்ச்சிகர நினைவுகளுடன் நம்மை விட்டுப் பிரிந்து சென்றுள்ளார். அவரது பிரிவு நிச்சயம் நமக்கு இழப்பாகும். அவரது நீண்ட கால அரசியல் வாழ்வில் பல்வேறு அமைச்சரவைப் பொறுப்புகளை வகித்துள்ளார். அதன் மூலம் இந்தியாவின் பொருளாதார வளர்ச்சிக்கு போற்றத்தக்க பங்களிப்பை நல்கியுள்ளார். நமது நாட்டின் பாதுகாப்புத் திறன்களை பலப்படுத்துதல், மக்களுக்கு உகந்த சட்டங்களை உருவாக்குதல், இதர நாடுகளுடன் வர்த்தகத்தை மேம்படுத்துதல் போன்ற தளங்களிலும் அவரது பங்களிப்பு போற்றத்தக்கது. பாஜகவுக்கும், ஜேட்லிக்கும் இடையே உடைக்க முடியாத பிணைப்பு இருந்தது. தீவிரமிக்க மாணவர் தலைவராக, அவசரநிலைக் காலத்தின் போது நமது ஜனநாயகத்தை பாதுகாப்பதில் முன்னின்று செயல்பட்டவர். பாஜகவின் மிகவும் விருப்பத்திற்குரிய நபராக உருவானார். அது கட்சியின் திட்டங்கள், சித்தாந்தங்கள் சமூகத்தின் பரந்த பரப்பில் சென்றைடைய உதவியாக இருந்தது. அவர் ஒரு சிறந்த அரசியல்வாதி, புத்திசாலி, சட்ட நுணுக்கம் அறிந்தவர். அவரது மறைவு மிகவும் வருத்தம் அளிப்பதாக உள்ளது. அவரது மனைவி சங்கீதா, மகன் ரோஹன் ஆகியோருடன் பேசினேன். எனது இரங்கலையும் தெரிவித்தேன் என்று தனது பதிவில் பிரதமர் மோடி தெரிவித்துள்ளார்.
 பயணத்தை ரத்து செய்ய இருந்த பிரதமர்
 மூன்று நாடுகளுக்கான சுற்றுப் பயணத்தில் இருக்கும் பிரதமர் நரேந்திர மோடி, அருண் ஜேட்லியின் மறைவை அடுத்து தனது பயணத்தை பாதியில் ரத்து செய்துவிட்டு அவருக்கு அஞ்சலி செலுத்தவும், இறுதிச்சடங்கில் கலந்துகொள்ளவும் இந்தியா திரும்பி வருவதாக இருந்தார் என்று மத்திய அரசு வட்டாரங்கள் தெரிவித்தன.
 "அபுதாபியில் இருந்து ஜேட்லியின் மனைவி, மகன் ஆகியோருடன் பிரதமர் மோடி தொலைபேசியில் தொடர்பு கொண்டு பேசினார். ஜேட்லியின் மறைவுக்கு தனது ஆழ்ந்த இரங்கலை தெரிவித்தார். அப்போது, வெளிநாட்டுப் பயணத்தை பாதியில் ரத்து செய்துவிட்டு வர வேண்டாம் என்று பிரதமரிடம் அவர்கள் இருவரும் கேட்டுக் கொண்டனர்.
 அதையடுத்து பிரதமர் மோடி தனது வெளிநாட்டுப் பயணத்தை தொடர முடிவு செய்தார்' என அந்த வட்டாரங்கள் தெரிவித்தன.
 
 

]]>
https://images.dinamani.com/uploads/user/imagelibrary/2019/5/8/w600X390/modia1.jpg https://www.dinamani.com/india/2019/aug/25/மதிப்புமிக்க-நண்பர்களில்-ஒருவரை-இழந்துவிட்டேன்-பிரதமர்-இரங்கல்-3220717.html
3220716 இந்தியா சிறந்த நாடாளுமன்றவாதி: குடியரசுத் தலைவர் இரங்கல்   DIN DIN Sunday, August 25, 2019 01:23 AM +0530 முன்னாள் மத்திய அமைச்சர் அருண் ஜேட்லி மறைவுக்கு குடியரசுத் தலைவர் ராம்நாத் கோவிந்த் இரங்கல் தெரிவித்துள்ளார்.
 இது தொடர்பாக அவர் சுட்டுரையில் வெளியிட்ட இரங்கல் பதிவில் கூறியிருப்பதாவது: அருண் ஜேட்லியின் மறைவு மிகுந்த கவலையை அளிக்கிறது. அவர் ஒரு திறமையான வழக்குரைஞர். சிறந்த நாடாளுமன்றவாதி. புகழ்பெற்ற அமைச்சராக இருந்தவர்.
 அவர் சமநிலை, ஆர்வம், ஆழ்ந்த புரிதலுடன் மிகுந்த சவாலான பொறுப்புகளை நிறைவேற்றுவதில் தனித்துவமிக்க திறன்களைக் கொண்டிருந்தார். அவரது மறைவானது நமது பொது வாழ்க்கையிலும், நமது அறிவுசார் சூழல் அமைப்பிலும் ஒரு பெரும் வெற்றிடத்தை ஏற்படுத்தியிருக்கிறது. அவரது குடும்பத்தினருக்கும், சகாக்களுக்கும் இரங்கலைத் தெரிவித்துக்கொள்கிறேன் என்று தெரிவித்துள்ளார்.
 

]]>
https://images.dinamani.com/uploads/user/imagelibrary/2017/8/26/w600X390/ramnath.jpg https://www.dinamani.com/india/2019/aug/25/சிறந்த-நாடாளுமன்றவாதி-குடியரசுத்-தலைவர்-இரங்கல்-3220716.html
3220708 இந்தியா 11 மாநிலங்களில் வெள்ள பாதிப்புகளை ஆராய்கிறது மத்தியக் குழு   DIN DIN Sunday, August 25, 2019 01:19 AM +0530 அஸ்ஸாம், கேரளம் உள்ளிட்ட 11 மாநிலங்களில் பெய்த கடும் மழை மற்றும் வெள்ளம் காரணமாக ஏற்பட்ட பாதிப்புகளைப் பார்வையிடுவதற்கு பல்வேறு அமைச்சகத்தின் அதிகாரிகள் அடங்கிய குழுவை உள்துறை அமைச்சகம் அனுப்பியுள்ளது.
 அண்மையில் பெய்த கனமழை காரணமாக கடுமையாக பாதிக்கப்பட்ட அஸ்ஸாம், மேகாலயம், திரிபுரா, பிகார், உத்தரகண்ட், ஹிமாசலப் பிரதேசம், குஜராத், ராஜஸ்தான், மகாராஷ்டிரம், கர்நாடகம், கேரளம் ஆகிய மாநிலங்களுக்கு மத்தியக் குழுவை அனுப்பும் முடிவு, தில்லியில் மத்திய உள்துறை அமைச்சர் அமித் ஷா தலைமையில் கடந்த 20-ஆம் தேதி நடைபெற்ற உயர்நிலைக் குழுக் கூட்டத்தில் எடுக்கப்பட்டது. 11 மாநிலங்களிலும் வெள்ளத்தால் ஏற்பட்ட சேதங்களைப் பார்வையிட்டு, அந்தக் குழு மத்திய அரசிடம் அறிக்கை தாக்கல் செய்யும்.
 இது தொடர்பாக மத்திய உள்துறை அமைச்சகம் சனிக்கிழமை வெளியிட்ட அறிக்கையில் குறிப்பிடப்பட்டுள்ளதாவது:
 உள்துறை, வேளாண்துறை, நிதித்துறை, சாலைப் போக்குவரத்துத் துறை, ஊரக மேம்பாட்டுத் துறை, நீர்வளத் துறை (ஜல சக்தி), எரிசக்தித் துறை உள்ளிட்ட அமைச்சகங்களைச் சேர்ந்த
 அதிகாரிகள் அடங்கிய குழு கர்நாடகத்தில் ஏற்பட்ட வெள்ள பாதிப்புகளை சனிக்கிழமை பார்வையிட்டது. இக்குழுவுக்கு மத்திய உள்துறை அமைச்சகத்தின் கூடுதல் செயலர் பிரகாஷ் தலைமை தாங்கினார்.
 அப்போது, கனமழையால் ஏற்பட்ட வெள்ள பாதிப்புகள் குறித்தும், மாநில அரசால் மேற்கொள்ளப்பட்ட மீட்புப் பணிகள் குறித்தும் அந்தக் குழு தீவிர ஆய்வு மேற்கொண்டது. மாநிலங்களில் ஏற்பட்ட வெள்ள பாதிப்புகள் குறித்து மாநில அரசு அறிக்கை தாக்கல் செய்த பிறகு, இதே மத்தியக் குழு அங்கு மீண்டும் ஆய்வு நடத்தும். அதையடுத்து, அந்த மாநிலத்துக்கு அளிக்க வேண்டிய நிதியுதவிகள் குறித்து முடிவெடுக்கப்படும் என்று அந்த அறிக்கையில் குறிப்பிடப்பட்டுள்ளது.
 
 

]]>
https://www.dinamani.com/india/2019/aug/25/11-மாநிலங்களில்-வெள்ள-பாதிப்புகளை-ஆராய்கிறது-மத்தியக்-குழு-3220708.html
3220700 இந்தியா ஜம்மு-காஷ்மீரில் பத்திரிகையாளர்கள் மீதான தடை: உச்சநீதிமன்றம் தலையிட பிரஸ் கவுன்சில் மனு DIN DIN Sunday, August 25, 2019 01:18 AM +0530 ஜம்மு-காஷ்மீரில் பத்திரிகையாளர்களுக்குத் தடை விதிக்கப்பட்டுள்ள விவகாரத்தில், உச்சநீதிமன்றம் தலையிட வேண்டுமென்று இந்திய பிரஸ் கவுன்சில் (பிசிஐ) மனு தாக்கல் செய்துள்ளது.
 ஜம்மு-காஷ்மீருக்கு சிறப்பு அந்தஸ்து அளித்து வந்த 370-ஆவது சட்டப்பிரிவை நீக்கி குடியரசுத் தலைவர் ராம்நாத் கோவிந்த், கடந்த 5-ஆம் தேதி உத்தரவு பிறப்பித்தார். அந்த உத்தரவுக்கும், ஜம்மு-காஷ்மீரை இரு யூனியன் பிரதேசங்களாகப் பிரிப்பதற்கும் நாடாளுமன்றம் ஒப்புதல் அளித்தது.
 இதையடுத்து, அங்கு கடுமையான கட்டுப்பாடுகளையும், தடைகளையும் மத்திய அரசு விதித்தது; முன்னாள் முதல்வர்கள் வீட்டுக் காவலில் வைக்கப்பட்டனர். தொலைபேசி சேவைகளுக்கும், இணையதள சேவைகளுக்கும், செய்தி தொலைக்காட்சிகளுக்கும் தடை விதிக்கப்பட்டது.
 இந்நிலையில், அங்கு பத்திரிகையாளர்களுக்கு விதிக்கப்பட்டுள்ள தடைகளை நீக்கக் கோரி "காஷ்மீர் டைம்ஸ்' பத்திரிகையின் ஆசிரியர் அனுராதா பாசின் உச்சநீதிமன்றத்தில் மனு தாக்கல் செய்திருந்தார். அதில், "அரசமைப்புச் சட்டத்தின் 19 (1) (ஏ) பிரிவு, கருத்து தெரிவிக்கும் உரிமையை அளிக்கிறது. இது பத்திரிகையாளர்களுக்கு அடிப்படையாகும். ஜம்மு-காஷ்மீரில் இந்த உரிமை பறிக்கப்பட்டுள்ளது. மேலும், அரசமைப்புச் சட்டத்தின் 14 மற்றும் 21-ஆவது சட்டப்பிரிவுகளில் அளிக்கப்பட்டுள்ள உரிமைகளும் மறுக்கப்பட்டுள்ளன. அன்றாட நிகழ்வுகளைத் தெரிந்து கொள்வதற்கான உரிமையும் காஷ்மீர் பள்ளத்தாக்கு மக்களுக்கு மறுக்கப்பட்டுள்ளது' என்று அவர் குறிப்பிட்டிருந்தார்.
 இந்நிலையில், இது தொடர்பாக இந்திய பிரஸ் கவுன்சில் புதிய மனு ஒன்றை உச்சநீதிமன்றத்தில் சனிக்கிழமை தாக்கல் செய்தது. அதில் கூறப்பட்டுள்ளதாவது:
 ஜம்மு-காஷ்மீரில் விதிக்கப்பட்டுள்ள கட்டுப்பாடுகளுக்கு பிசிஐ ஆதரவளிக்கிறது. இக்கட்டான சூழலில் பத்திரிகைகளுக்கு கட்டுப்பாடுகள் விதிக்கப்படுவது அவசியமாகும். எனினும், அனுராதா பாசின் தாக்கல் செய்துள்ள மனுவில், மக்களின் அடிப்படை உரிமைகள் பாதிக்கப்பட்டுள்ளதாகக் குற்றம்சாட்டியுள்ளார். இதுவும் முக்கியமான பிரச்னையாகும்.
 எனவே, இந்த விவகாரத்தில் உச்சநீதிமன்றம் தலையிட்டு தகுந்த தீர்வு காண வேண்டும். இந்த வழக்கின்போது, எங்கள் தரப்பு வாதங்களைத் தெரிவிக்கத் தயாராக உள்ளோம் என்று அந்த மனுவில் தெரிவிக்கப்பட்டுள்ளது.

]]>
https://www.dinamani.com/india/2019/aug/25/ஜம்மு-காஷ்மீரில்-பத்திரிகையாளர்கள்-மீதான-தடை-உச்சநீதிமன்றம்-தலையிட-பிரஸ்-கவுன்சில்-மனு-3220700.html
3220462 இந்தியா மேற்கு வங்கத்தில் இடதுசாரியுடன் கூட்டணி: சோனியா காந்தி ஒப்புதல் என தகவல் DIN DIN Saturday, August 24, 2019 08:25 PM +0530
மேற்கு வங்கத்தில் வரவிருக்கும் சட்டப்பேரவை இடைத்தேர்தலில் இடதுசாரியுடன் கூட்டணி வைக்க காங்கிரஸ் இடைக்காலத் தலைவர் சோனியா காந்தி ஒப்புதல் அளித்துள்ளதாக தகவல் வெளியாகியுள்ளது. 

மேற்கு வங்க மாநிலத்தில் காலியாகவுள்ள 3 சட்டப்பேரவைத் தொகுதிகளுக்கு இடைத்தேர்தல் வரவுள்ளது. இந்த சூழலில் காங்கிரஸ் கட்சிக்கு தேசியத் தலைவர் இல்லாத காரணத்தினால், காங்கிரஸ் கட்சியின் மேற்கு வங்க மாநிலத் தலைமை இடதுசாரியுடன் கூட்டணி வைக்க முடிவு செய்துள்ளது. இதையடுத்து, காங்கிரஸ் கட்சியின் இடைக்காலத் தலைவராக சோனியா காந்தி நியமிக்கப்பட்டார். 

இந்நிலையில், மேற்கு வங்க மாநில காங்கிரஸ் தலைவர் சோமென் மித்ராவுடன் சோனியா காந்தி வெள்ளிக்கிழமை இரவு ஆலோசனை நடத்தினார். இதுகுறித்து பேசிய மித்ரா, "வரவிருக்கும் சட்டப்பேரவை இடைத்தேர்தலில் இடதுசாரி முன்னணியுடனான கூட்டணி குறித்து சோனியா காந்தியிடம் தெரிவிக்கப்பட்டது. இடதுசாரி முன்னணி ஒப்புக்கொண்டால் இரண்டு கட்சிகளும் அங்கு கூட்டணி அமைக்கலாம் என்று அவர் எங்களிடம் தெரிவித்தார்" என்றார். 

மேற்கு வங்க மாநிலத்தில் பாஜகவின் ஆதிக்கத்தைத் தடுப்பதற்காக எதிர்க்கட்சிகள் அனைத்தும் ஒன்றிணைய வேண்டும் என்று திரிணமூல் காங்கிரஸ் கட்சி அண்மையில் தெரிவித்திருந்தது. இந்தச் சூழலில் காங்கிரஸ் கட்சி எடுத்துள்ள இந்த முடிவு முக்கியத்துவம் பெறுகிறது. 

இதுகுறித்து காங்கிரஸ் மூத்த தலைவர் ஒருவர் தெரிவிக்கையில், 

"2021 சட்டப்பேரவைத் தேர்தலில் திரிணமூல் காங்கிரஸ் கட்சிக்கு எதிராகவே களமிறங்க வேண்டும். அதனால், பாஜகவை எதிர்ப்பதற்காக திரிணமூல் காங்கிரஸ் கட்சியுடன் இணைய முடியாது. திரிணமூல் காங்கிரஸ் தலைவர் மம்தா பானர்ஜியுடன் நல்லுறவில் இருந்தாலும், சோனியா காந்தி கூட்டணி வைப்பதற்கு இடதுசாரி முன்னணியைத் தேர்வு செய்திருப்பதன் மூலம் இது தெளிவாக தெரிகிறது" என்றார். 

3 சட்டப்பேரவைத் தொகுதிகளுக்கான இடைத்தேர்தலில் காங்கிரஸ் இரண்டு இடங்களிலும், மார்க்சிஸ்ட் கம்யூனிஸ்ட் ஒரு இடத்திலும் போட்டியிடும் என்று எதிர்பார்க்கப்படுகிறது.

கடந்த மக்களவைத் தேர்தலில் பாஜக மற்றும் திரிணமூல் காங்கிரஸ் கட்சிகளே மொத்தமுள்ள 42 இடங்களில் 40 இடங்களில் வெற்றி பெற்றன. 2014 மக்களவைத் தேர்தலில் வெறும் 2 இடங்களில் வென்ற பாஜக இந்த முறை 18 இடங்களில் வெற்றி பெற்று அம்மாநிலத்தில் நல்ல அடித்தளத்தை அமைத்துள்ளது என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2019/8/24/w600X390/Sonia_Gandhi.jpg கோப்புப்படம் https://www.dinamani.com/india/2019/aug/24/sonia-gandhi-gives-nod-to-left-congress-alliance-in-bengal-3220462.html
3219833 இந்தியா ராமாயணத் தலங்களுக்கு சுற்றுலா: ரயில்வே மீண்டும் அறிமுகம் DIN DIN Saturday, August 24, 2019 03:55 PM +0530
ராமபிரானுடன் தொடர்புடைய இடங்களுக்கு சுற்றுலா செல்லும் திட்டத்தை ரயில்வே நிர்வாகம் இந்த ஆண்டும் அறிவித்துள்ளது.

கடவுள் ராமருடன் தொடர்புடைய, ராமாயணத்தில் வரும் இடங்களுக்கு சுற்றுலா செல்லும் திட்டத்தை கடந்த ஆண்டு ஐஆர்சிடிசி அறிவித்தது. இதற்காக சிறப்பு சுற்றுலா ரயில்கள் ஏற்பாடு செய்யப்பட்டன. கடந்த ஆண்டு டிசம்பரில் இந்த சுற்றுலா பயணம் நடைபெற்றது. கடந்த ஆண்டு இந்தத் திட்டம் வெற்றியடைந்ததையடுத்து இந்த ஆண்டும் அந்தத் திட்டத்தை ஐஆர்சிடிசி மீண்டும் அறிமுகப்படுத்தியுள்ளது.

இதுதொடர்பாக அதிகாரிகள் வெள்ளிக்கிழமை கூறியதாவது:
கடவுள் ராமருடன் தொடர்புடைய இந்தியப் பகுதிகள் மற்றும் இலங்கைக்கு சுற்றுலா அழைத்துச் செல்லும் திட்டம் கடந்த ஆண்டு அறிமுகப்படுத்தப்பட்டது. இந்தியாவில் உள்ள பகுதிகள் சிறப்பு சுற்றுலா ரயில்கள் மூலமும், இலங்கைக்கு விமானம் மூலமும் சுற்றுலா அழைத்துச் செல்லப்படும். கடந்த ஆண்டு இந்தத் திட்டம் தொடங்கியபோது, சுற்றுலாப் பயணிகளின் கூட்டம் அலைமோதியது. அதனால் இந்த ஆண்டும் இந்த சுற்றுலாத் திட்டத்தை அறிமுகப்படுத்தவுள்ளோம். 

ராமருடன் தொடர்புடைய  இடங்களை பார்வையிட விரும்பும் பயணிகள் இதற்கு விண்ணப்பிக்கலாம். இந்தியாவில் உள்ள ராமாயணத் தலங்களை மட்டும் பார்வையிடுவதற்கு சுற்றுலாக் கட்டணமாக ஒரு நபருக்கு ரூ. 16, 065 செலுத்த வேண்டும். 16 பகல், 17 இரவுகள் இந்த சுற்றுலா அழைத்துச் செல்லப்படும். இலங்கையையும் பார்வையிட விரும்புபவர்கள், ஒரு நபருக்கு ரூ. 36,950 கட்டணமாக செலுத்த வேண்டும்.

ராமாயண யாத்திரை என்று அழைக்கப்படும் சுற்றுலா ரயில் நவம்பர் 3-ஆம் தேதி ராஜஸ்தான் தலைநகர் ஜெய்ப்பூரில் புறப்படவுள்ளது. ராமாயணா விரைவு ரயில் என்று அழைக்கப்படும் இரண்டாவது ரயில், நவம்பர் 18-ஆம் தேதி மத்தியப் பிரதேசத்தின் இந்தூரில் புறப்படவுள்ளது.

அதற்கடுத்த மாதங்களில் மதுரையில் இருந்து ஒரு ரயிலை இயக்க திட்டமிட்டு வருகிறோம் என்று அதிகாரிகள் கூறினர்.

இந்த ராமாயணத் தலங்கள் சுற்றுலா மூலமாக இந்தியாவில் உள்ள ராமஜென்மபூமி, அயோத்தி அனுமன் கோயில், வாராணசி, பிகாரில் உள்ள சீதை கோயில், திரிவேணி சங்கமம், பிரயாகையில் உள்ள பரத்வாஜ ஆசிரமம், ஹம்பி, ராமேஸ்வரத்தில் உள்ள சிவன் கோயில் ஆகியவையும், இலங்கையில், சீதை கோயில், சிவன் கோயில் உள்ளிட்டவற்றையும் சுற்றுலாப் பயணிகள் பார்வையிடலாம்.

]]>
https://images.dinamani.com/uploads/user/imagelibrary/2019/8/24/w600X390/irctc.jpg https://www.dinamani.com/india/2019/aug/24/ராமாயணத்-தலங்களுக்கு-சுற்றுலா-ரயில்வே-மீண்டும்-அறிமுகம்-3219833.html
3220419 இந்தியா பணமதிப்பிழப்பு, ஜிஎஸ்டி மட்டுமல்ல.. அருண் ஜேட்லியின் சாதனைகள் பல! DIN DIN Saturday, August 24, 2019 03:07 PM +0530
மோடியின் முந்தைய மத்திய அமைச்சரவையில் மத்திய நிதித்துறை அமைச்சராக இருந்தபோது அருண் ஜேட்லி செய்த பல நடவடிக்கைகள், மீண்டும் மத்தியில் மோடி ஆட்சி அமைய உதவியது என்று சொன்னால் அதுமிகையில்லை.

பொருளாதார அளவில் பல்வேறு சீர்திருத்த நடவடிக்கைகளை எடுத்தவர் அருண் ஜேட்லி. மோடியின் ஆட்சி காலத்தில் எடுக்கப்பட்ட பொருளாதார நடவடிக்கைகளின் முதுகெலும்பாக இருந்தவரும் அருண் ஜேட்லிதான்.

அதில் சில குறிப்பிடத்தக்க விஷயங்கள் இதோ..

ஆண்டு தோறும் பொது பட்ஜெட் என்றாலே அது பிப்ரவரி மாதம் கடைசி நாளில் தாக்கல் செய்யப்பட்டு வந்தது. ஆனால் அந்த நடைமுறையை மாற்றி, பட்ஜெட் தாக்கல் செய்வதை பிப்ரவரி 1ம் தேதிக்கு மாற்றியவர் அருண் ஜேட்லி.

இந்தியா முழுக்க ஒரு விஷயம் அதிர்வலையை ஏற்படுத்தியது என்றால் அது பணமதிப்பிழப்பு நடவடிக்கைதான். ரூ.1000 மற்றும் ரூ.500 நோட்டுகள் இனி செல்லாது என்று மோடி அறிவித்த பிறகு நாடு சந்தித்த பல இன்னல்களையும், கடினமான காலத்திலும் நாட்டின் நிதித் துறை அமைச்சராக இருந்து கடினமான சூழ்நிலையை கவனமாகக் கையாண்டவர் அருண் ஜேட்லி.

இந்தியாவின் பொருளாதாரத்தை உயர்த்த, அந்நிய நேரடி முதலீடுகளை கவர பல்வேறு உத்திகளைக் கையாண்டார்.

வாராக் கடனை கண்காணித்து அதனைக் குறைத்து பொதுத் துறை வங்கிகள் லாபத்தில் இயங்க நடவடிக்கை எடுத்தவர் அருண் ஜேட்லி.

காங்கிரஸ் ஆட்சிக் காலத்தில் பரிசீலிக்கப்பட்ட ஜிஎஸ்டி வரி முறையை துணிச்சலோடு அறிமுகப்படுத்தி, பல்வேறு தரப்பின் ஆலோசனைகளைப் பெற்று படிப்படியாக அதனை சீர்படுத்தியவர் அருண் ஜேட்லி. 

நாடு முழுக்க ஒரே முறையிலான வரி விதிப்பு முறையை அறிமுகப்படுத்தி, அதன் சாதக, பாதகங்கள் அனைத்தையும் ஒரு கட்டுப்பாட்டில் கொண்டு வந்தார்.

பான் மற்றும் வங்கிக் கணக்குகளுடன் ஆதார் எண்ணை இணைத்தது, வரி செலுத்த ஆதார் எண்ணை இணைப்பது அவசியமாக்கப்பட்டதும் இவர் நிதித்துறை அமைச்சராக இருந்த காலத்திலேயே.

இதுமட்டுமா? நிதித்துறை சட்டம் இயற்றியது  என பொருளாதாரத்தை  மேம்படுத்த அனைத்து வழிகளையும் மேற்கொண்டவர் அருண் ஜேட்லி என்பது குறிப்பிடத்தக்கது.
 

]]>
அருண் ஜேட்லி, Achievements Of Arun Jaitley , arun jaitley tenure, arun jaitley death news, arun jaitley dead, arun jaitley latest news, RIP arun jaitley https://images.dinamani.com/uploads/user/imagelibrary/2019/8/24/w600X390/ArunJaitleydeath.jpg https://www.dinamani.com/india/2019/aug/24/பணமதிப்பிழப்பு-ஜிஎஸ்டி-மட்டுமல்ல-அருண்-ஜேட்லியின்-சாதனைகள்-பல-3220419.html
3220414 இந்தியா காங்கிரஸை விமர்சித்த ஜேட்லியின் கடைசி ட்வீட் என்ன தெரியுமா? DIN DIN Saturday, August 24, 2019 03:01 PM +0530  

முன்னாள் மத்திய நிதியமைச்சர் அருண் ஜேட்லி (66), உடல்நலக் குறைவு காரணமாக தில்லி எய்ம்ஸ் மருத்துவமனையில் சனிக்கிழமை காலமானார். பாஜக-வின் மாணவர் பிரிவான ஏபிவிபி-யில் இருந்து படிப்படியாக மத்திய அமைச்சர் வரை உயர்ந்த ஜேட்லி மறைவுக்கு அனைத்து கட்சிகளைச் சேர்ந்த அரசியல் தலைவர்கள் உட்பட அனைவரும் அஞ்சலி செலுத்தி வருகின்றனர்.

இந்நிலையில், சமூக வலைதளங்களில் எப்போதும் உயிர்ப்புடன் இருந்த அருண் ஜேட்லி, கடைசியாக காங்கிரஸ் கட்சி மீதான தனது விமர்சனத்தை ட்விட்டரில் பதிவு செய்திருந்தது தற்போது நினைவுகூரப்பட்டு வருகிறது. அதில்,

காங்கிரஸ் கட்சி தற்போது தலையில்லாமல் (தலைமை) செயல்பட்டு வருகிறது. அது நாட்டு மக்களிடம் இருந்து அக்கட்சியை மேலும் அந்நியப்படுத்தி வருகிறது. புதிய இந்தியா எப்போதோ பிறந்துவிட்டது. ஆனால், காங்கிரஸ் கட்சி அதனை இப்போது வரை உணரவில்லை. 

அதிலும், கடைசி இடத்துக்கு செல்லும் போட்டியில் காங்கிரஸ் கட்சி முனைப்புடன் செயல்பட்டு அதில் வெற்றியும் பெற்றுவிட்டது என காட்டமாக விமர்சித்திருந்தார். 

]]>
arun jaitley, Arun Jaitley Twitter, Arun Jaitley on Congress, Arun Jaitley slams Congress, arun jaitley news, arun jaitley last tweet, arun jaitley last tweet on congress, headless chicken tweet on congress, arun jaitley latest news, arun jaitley passes a https://images.dinamani.com/uploads/user/imagelibrary/2019/8/24/w600X390/arunjaitley.jpg https://www.dinamani.com/india/2019/aug/24/arun-jaitleys-last-tweet-on-congress-party-slams-it-as-a-headless-chicken-3220414.html
3220416 இந்தியா மதிப்புமிக்க நண்பரை இழந்துவிட்டேன்: பிரதமர் மோடி புகழஞ்சலி DIN DIN Saturday, August 24, 2019 02:55 PM +0530  

முன்னாள் மத்திய நிதியமைச்சர் அருண் ஜேட்லி (66), உடல்நலக் குறைவு காரணமாக தில்லி எய்ம்ஸ் மருத்துவமனையில் சனிக்கிழமை காலமானார். 

அருண் ஜேட்லியின் மறைவு மூலம் மதிப்புமிக்க நண்பரை இழந்துவிட்டதாக பிரதமர் நரேந்திர மோடி இரங்கல் தெரிவித்தார். ஐக்கிய அரபு அமீரகத்துக்கு அரசு முறைப் பயணமாகச் சென்றுள்ள பிரதமர் மோடி, ஜேட்லி குடும்பத்தினருடன் தொலைபேசியில் தொடர்புகொண்டு வருத்தங்களை பகிர்ந்துகொண்டார்.

அருண் ஜேட்லி இரங்கல் செய்தியில் பிரதமர் நரேந்திர மோடி பகிர்ந்துகொண்டதாவது,

அருண் ஜேட்லி மிகச் சிறந்த மனிதர், நகைச்சுவை உணர்வு அதிகம் கொண்டவர். அவருடைய மறைவின் மூலம் நான் எனது மதிப்புமிக்க நண்பரை இழந்துவிட்டேன். ஒவ்வொரு விவகாரத்திலும் அவருக்கு இருக்கும் தெளிவு பிரமிக்க வைக்கும். அவருடைய தலைசிறந்த வாழ்வின் மூலம் பல நல்ல தருணங்களை நம்மிடையே விட்டுச் செல்கிறார். நாம் அவரை நிச்சயம் இழக்கிறோம்.

பொது வாழ்வில் எப்போதும் அக்கறை கொண்டவர். நாட்டின் பொருளாதாரத்தையும், ராணுவத்தையும் பலப்படுத்த தேவையான முக்கிய நடவடிக்கைகளை மேற்கொண்டவர். மக்களுக்கான எளிமையான திட்டங்களை ஏற்படுத்தியவர். அந்நிய நாடுகளுடனான வர்த்தகத்தை மேம்படுத்தியவர்.

பாஜக-வையும், அருண் ஜேட்லியையும் எப்போதும் பிரிக்க முடியாது. எப்போதும் பாஜக-வின் முகங்களில் ஒருவராக திகழ்ந்தவர். இளமைப் பருவத்திலேயே எழுச்சிமிகு மாணவர் தலைவராக உருவெடுத்து, அவசர நிலை பிரகடனத்தின் போது அதை எதிர்த்து போராடி ஜனநாயகத்தை பாதுகாத்தவர்.

பாஜக-வின் கொள்கைகளையும், சித்தாந்தங்களையும் மக்களிடம் எளிய முறையில் எடுத்துச் சென்றவர். பலதரப்பட்ட சமூகங்களிலும் பாஜக-வை கொண்டு சேர்த்தவர் என்று புகழாரம் சூட்டினார்.

]]>
Narendra Modi, prime minister, arun jaitley, valued friend, Narendra Modi condolences Arun Jaitley, Narendra Modi on Arun Jaitley, arun jaitley latest news, arun jaitley health, arun jaitley death news, arun jaitley dead, arun jaitley health update, ar https://images.dinamani.com/uploads/user/imagelibrary/2019/8/24/w600X390/modi-1.jpg https://www.dinamani.com/india/2019/aug/24/prime-minister-narendra-modi-described-arun-jaitley-as-a-valued-friends-expressed-his-condolences-3220416.html
3220413 இந்தியா அரசியல் 'சாணக்கியர்' அருண் ஜேட்லி மறைவு: வாழ்க்கை சொல்லும் வரலாறு! DIN DIN Saturday, August 24, 2019 02:37 PM +0530
முன்னாள் மத்திய நிதித் துறை அமைச்சர் அருண் ஜேட்லி உடல்நலக் குறைவு காரணமாக எய்ம்ஸ் மருத்துவமனையில் இன்று காலமானார். அவருக்கு வயது 66.

சுவாசப்பிரச்னை உள்ளிட்ட உடல்நலக் கோளாறுகள் காரணமாக தில்லி எய்ம்ஸ் மருத்துவமனையில் அருண் ஜேட்லி கடந்த 9-ஆம் தேதி அனுமதிக்கப்பட்டார். அவருக்கு பல்வேறு துறைகளைச் சேர்ந்த மருத்துவர்கள் குழு, தொடர்ந்து சிகிச்சை அளித்து வந்த நிலையில், சிகிச்சை பலனின்றி அருண் ஜேட்லி இன்று பிற்பகல் 12.07 மணிக்கு காலமானதாக மருத்துவமனை தரப்பில் தெரிவிக்கப்பட்டது.

1952ம் ஆண்டு பிறந்தவர் அருண் ஜேட்லி. நரேந்திர மோடியின் முதல் ஐந்தாண்டு கால ஆட்சியில் நாட்டின் உயிர் நாடியாக இருந்தவர்களில் இவரும் ஒருவர்.

இவருக்கு சங்கீதா என்ற மனைவியும் ரோஹன் மற்றும் சோனாலி என்ற பிள்ளைகளும் உள்ளனர்.

விலை உயர்ந்த கைக்கடிகாரங்களை சேமிப்பதில் ஆர்வம் கொண்டிருந்த அருண் ஜேட்லி, வழக்குரைஞராக இருந்து, அரசியலில் ஈடுபட்டு, பாஜகவின் மிக முக்கியத் தலைவர்களில் ஒருவராக உயர்ந்தவர். தேர்தல்களின் போது அருண் ஜேட்லி வகுக்கும் பல வியூகங்கள் இதுவரை தோல்வியடைந்ததில்லை என்றாலும், 2014ம் ஆண்டு மக்களவைத் தேர்தலில் அவரையே மக்கள் தோற்கடித்தனர் என்பதுதான் விநோதம்.

2014 - 2019ம் ஆண்டில் மத்திய நிதித் துறை அமைச்சராகவும், வாஜ்பாய் தலைமையிலான அமைச்சரவையில் மத்திய சட்டத் துறை அமைச்சராகவும் பணியாற்றியவர். மோடியின் முந்தைய ஆட்சி காலத்தில் அனைத்து பட்ஜெட்டுகளையும் அருண் ஜேட்லியே தாக்கல் செய்தார். உடல் நலக் குறைவு காரணமாக 2019 இடைக்கால பட்ஜெட்டை மட்டும் அவர் தாக்கல் செய்யவில்லை. அவருக்கு பதில் நிதித்துறைப் பொறுப்பு வகித்த பியூஷ் கோயல் இடைக்கால பட்ஜெட்டை தாக்கல் செய்தார்.

பணமதிப்பிழப்பு, ஜிஎஸ்டி தாக்கல், பட்ஜெட் தாக்கல் செய்வதை பிப்ரவரி 1ம் தேதிக்கு மாற்றியது என அவர் நிதித்துறை அமைச்சராக பதவிவகித்தக் காலத்தில் மிகப்பெரிய கடினமான முடிவுகளை அறிவித்து, நிலைமையை சரியாகக் கையாண்டவர் என்பது குறிப்பிடத்தக்கது.

அகில பாரதிய மாணவர் அமைப்பில் மாணவர்கள் தலைவராக இருந்த அருண் ஜேட்லி, இந்தியாவில் அவசரநிலை பிரகடனத்தின் போது கைது செய்யப்பட்ட முக்கியத்தலைவர்களில் ஒருவர். 19 மாதங்கள் சிறைவாசத்துக்குப் பிறகு வெளியே வந்த அருண் ஜேட்லி பாஜகவில் இணைந்து தீவிர அரசியலில் ஈடுபட்டார்.

தில்லி பல்கலைக்கழகத்தில் சட்டம் பயின்றார். வழக்குரைஞராக தனது பணியைத் தொடங்கிய அருண் ஜேட்லி, இந்தியாவிலேயே மிகக் குறைந்த வயதில் மத்திய அரசின் வழக்குரைஞராக பதவி வகித்தவர் என்ற பெருமையை வி.பி. சிங் ஆட்சி காலத்தில் பெற்றார்.

1999ம் ஆண்டு பாஜக பதவிக்கு வந்த போது, சட்டத்துறை அமைச்சராகவும், மத்திய வர்த்தகத் துறை அமைச்சராகவும் பதவிகளை அலங்கரித்துள்ளார்.

அருண் ஜேட்லி பாஜகவின் பொதுச் செயலாளராக இருந்தபோது தான்  மோடியுடன் நெருக்கம் ஏற்பட்டது.

2004ம் ஆண்டு பாஜக ஆட்சியை இழந்த பிறகு, ஒரு எதிர்க்கட்சியாக பாஜகவை முன்னிலைப் படுத்தியவர் அருண் ஜேட்லி. கட்சியின் செய்தித் தொடர்பாளராகவும், மாநிலங்களவை எதிர்க்கட்சித் தலைவராகவும் இருந்தவர். அந்த சமயத்தில் ஒரு எதிர்க்கட்சித் தலைவராக அவரது பேச்சு நிதானமாகவும், ஒவ்வொரு வார்த்தையையும் வலிமை மிகுந்ததாக எடுத்து வைத்த விதம் அவை உறுப்பினர்களை மட்டுமல்ல, பொதுமக்களையும், ஊடகங்களையும் வெகுவாகவே கவர்ந்தது. ஒரு எதிர்க்கட்சித் தலைவராக அருண் ஜேட்லி மிகச் சிறந்த பணியை மேற்கொண்டார்.

அந்த அனுபவமே, மோடியின் ஆட்சி மத்தியில் அமைந்த போது, அரசு எடுக்கும் மிக முக்கிய கொள்கை முடிவுகளின் போது எதிர்க்கட்சியினர் தொடுக்கும் பல்வேறு கேள்விக் கணைகளையும் அவர் அதே பொறுமையுடன் எதிர்கொண்டு சாமர்த்தியமாக பதில் அளிக்கும் திறமையைக் கொடுத்தது.

பாஜகவுக்கு அமித் ஷாவுக்கு முன்பிருந்தே ஒரு சாணக்கியராக திகழ்ந்தவர் அருண் ஜேட்லி என்றே அரசியலை உற்று கவனித்து வருவோர் கூறுகிறார்கள்.

ஊடகங்களைப் பொறுத்தவரை அருண் ஜேட்லி வெகு எளிதாகக் கையாளக் கூடியவரகாவும், அவ்வப்போது ஊடகங்களை சந்தித்து தகவல்களை பரிமாறிக் கொள்பவராகவுமே இருந்துள்ளார். தனது கட்சியின் கருத்தை, மத்திய அரசின் நிலைப்பாட்டை ஊடகத்தினருக்கு எளிதாக விளக்கி, அனைத்துக் கேள்விகளுக்கும் பொறுமையோடு பதில் சொல்லும் விதம் வேறு எந்த தலைவருக்கும் வாய்க்கப்பெறாத திறனாகவே இதுவரை கருதப்படுகிறது.

எப்போதுமே தன்னை ஒரு மிகப்பெரிய தலைவர் போல காட்டிக் கொள்ளாத அருண் ஜேட்லி, 2014ம் ஆண்டு மோடி அலை அடித்தும் கூட மக்களவைத் தேர்தலில் தோல்வி அடைந்து மாநிலங்களவை உறுப்பினராக தேர்வு பெற்றவர்.

சமீபகாலமாக உடல் நலக் குறைவு காரணமாக, 2019ம் ஆண்டு மக்களவைத் தேர்தலில் போட்டியிடாமல் தவிர்த்தார். தனது உடல்நலனைக் கவனிக்கப் போவதாகவும் அறிவித்து ஓய்வு எடுத்து வந்தார்.

இந்த நிலையில், சிறுநீரகப் பிரச்னை காரணமாக ஆகஸ்ட் 9ம்தேதி அருண் ஜேட்லி எய்ம்ஸ் மருத்துவமனையில் அனுமதிக்கப்பட்டார். தொடர்ந்து சிகிச்சை அளித்தும், சிகிச்சை பலனின்றி ஆகஸ்ட் 24ம் தேதி உயிரிழந்தார்.
 

]]>
law minister, Union minister, arun jaitly, BJP General Secretary https://images.dinamani.com/uploads/user/imagelibrary/2019/8/24/w600X390/Arun_Jaitley_pass.jpg https://www.dinamani.com/india/2019/aug/24/அரசியல்-சாணக்கியர்-அருண்-ஜேட்லி-மறைவு-வாழ்க்கை-சொல்லும்-வரலாறு-3220413.html
3220407 இந்தியா நீதிமன்ற கார் ஓட்டுநரின் மகன் சிவில் நீதிபதித் தேர்வில் வெற்றி பெற்று சாதனை ANI ANI Saturday, August 24, 2019 12:49 PM +0530
இந்தூர்: மத்தியப் பிரதேச மாநிலம் இந்தூர் மாவட்ட நீதிமன்ற நீதிபதியாக இருப்பவரின் மகன் சேட்டன் பஜத், சிவில் நீதிபதிகளுக்கான தேர்வில் வெற்றி பெற்று நீதிபதியாக உயர்ந்துள்ளார்.

இந்த உயரத்துக்கு வர முக்கியக் காரணமே எனது தந்தை கோவர்தன்லால் பஜத்தான் என்று கூறும் சேட்டன், நீதிமன்றத்தில் அவர் ஓட்டுநராக பணியாற்றுவதன் மூலம் நீதித் துறையின் மீது எனக்கு ஓர் ஈர்ப்பு ஏற்பட்டது, அந்த ஈர்ப்பு இன்று சாதனையாகியுள்ளது என்கிறார்.

எப்போதுமே நான் நீதிபதியாக வேண்டும் என்றே நினைத்துக் கொண்டிருந்தேன். தற்போது அந்த எண்ணம் ஈடேறியுள்ளது. நான் எனது பணியை மிகச் சிறப்பாகவும், நேர்மையுடனும் செய்வேன். சமூகத்துக்கு ஒரு முன்னுதாரணமாக இருப்பேன் என்கிறார் பெருமிதத்துடன்.

ஒரு நாளைக்கு 12 முதல் 13 மணி நேரம் தொடர்ந்து படிப்பேன் என்று கூறியிருக்கும் சேட்டன், காலை 8 மணிக்கு நூலகம் சென்றுவிட்டால் இரவு 9 அல்லது 10 மணிக்குத்தான் வீட்டுக்கு வருவேன். நான் இரவு வீட்டுக்கு வரும் போது எனது குடும்பத்தினர் என்னுடன் சேர்ந்து உணவருந்த காத்திருப்பார்கள் என்று புன்னகையோடு கூறுகிறார்.

எனது மகன் அடைந்த சாதனையை நினைத்து நாங்கள் பெருமையும், மகிழ்ச்சியும் அடைகிறோம் என்று கூறுகிறார்கள் அவர்களது பெற்றோர்.
 

]]>
https://images.dinamani.com/uploads/user/imagelibrary/2019/8/24/w600X390/chetan.jpg https://www.dinamani.com/india/2019/aug/24/நீதிமன்ற-கார்-ஓட்டுநரின்-மகன்-சிவில்-நீதிபதித்-தேர்வில்-வெற்றி-பெற்று-சாதனை-3220407.html
3220406 இந்தியா முன்னாள் மத்திய நிதியமைச்சர் அருண் ஜேட்லி உடல் நலக் குறைவால் காலமானார் PTI PTI Saturday, August 24, 2019 12:43 PM +0530
புது தில்லி: எய்ம்ஸ் மருத்துவமனையில் சிகிச்சை பெற்று வந்த முன்னாள் மத்திய நிதித்துறை அமைச்சர் அருண் ஜேட்லி இன்று காலமானார். அவருக்கு வயது 66.

உடல்நலக் குறைவு காரணமாக தொடர் சிகிச்சையில் இருந்து வந்த அருண் ஜேட்லி, இன்று சிகிச்சை பலனின்றி உயிரிழந்ததாக மருத்துவமனை தரப்பில் தெரிவிக்கப்பட்டுள்ளது.

சுவாசப்பிரச்னை உள்ளிட்ட உடல்நலக் கோளாறுகள் காரணமாக தில்லி எய்ம்ஸ் மருத்துவமனையில் அருண் ஜேட்லி கடந்த 9-ஆம் தேதி அனுமதிக்கப்பட்டார். அவருக்கு பல்வேறு துறைகளைச் சேர்ந்த மருத்துவர்கள் குழு, தொடர்ந்து சிகிச்சை அளித்து வந்தது.

தீவிர சிகிச்சைப் பிரிவில் வைக்கப்பட்டிருந்த அவருக்கு செயற்கை சுவாசக் கருவிகள் பொருத்தப்பட்டு தொடர் கண்காணிப்பில் வைக்கப்பட்டிருந்தார். இந்த நிலையில்  நேற்று அவரது உடல்நிலை மோசமடைந்ததாக எய்ம்ஸ் மருத்துவமனை தகவல் தெரிவித்திருந்த நிலையில், இன்று அவர் உயிரிழந்ததாக செய்திகள் வெளியாகியுள்ளன. 

பிரதமர் நரேந்திர மோடி தலைமையிலான பாஜகவின் ஆட்சியில் கடந்த 2014-ஆம் ஆண்டு முதல் 2019-ஆம் ஆண்டு வரை மத்திய நிதித்துறை அமைச்சராக பதவி வகித்தவர் அருண் ஜேட்லி. அவ்வப்போது ஏற்பட்ட உடல்நலக் கோளாறுகளால் வெளிநாட்டிலும், தில்லி எய்ம்ஸ் மருத்துவமனையிலும் அவர் சிகிச்சை பெற்று வந்தார்.  உடல் நலக் குறைபாடு காரணமாகவே அவர் கடந்த மக்களவைத் தேர்தலில் போட்டியிடாமல் தவிர்த்தார்.

ஆகஸ்ட் 9ம் தேதி முதல் எய்ம்ஸ் மருத்துவமனையில் தொடர் சிகிச்சையில் இருந்த அவரது உடல்நிலை வெள்ளியன்று மிக மோசமான நிலையை அடைந்ததாகக் கூறப்பட்டது. இந்த நிலையில், அவர் சிகிச்சை பலனின்றி இன்று உயிரிழந்தார்.
 

]]>
AIIMS, Former union minister, Arun Jaitley https://images.dinamani.com/uploads/user/imagelibrary/2019/2/14/w600X390/Arun_Jaitley.jpg https://www.dinamani.com/india/2019/aug/24/former-union-minister-arun-jaitley-dies-aiims-3220406.html
3220404 இந்தியா ரூ.5,000 கோடிக்கு எரிபொருள் கட்டண பாக்கி வைத்திருக்கும் ஏர் இந்தியா! PTI PTI Saturday, August 24, 2019 12:18 PM +0530
புது தில்லி: கடந்த எட்டு மாதங்களாக எரிபொருள் கட்டண பாக்கியை செலுத்தாமல், ஏர் இந்தியா நிறுவனம் ரூ.5,000 கோடியை நிலுவை வைத்திருப்பதாக இந்தியன் ஆயிர் கார்ப்பரேஷன் குற்றம்சாட்டியுள்ளது.

நிலுவைத் தொகையை வசூலிக்க கடுமையான நடவடிக்கை எடுத்திருக்கும் இந்தியன் ஆயில் கார்ப்பரேஷன், பாரத் பெட்ரோலியம் கார்ப்பரேஷன், ஹிந்துஸ்தான் பெட்ரோலியம் ஆகியவை, கடந்த வியாழக்கிழமை முதல் இந்தியாவில் உள்ள 6 முக்கிய விமான நிலையங்களில் ஏர் இந்தியா விமானங்களுக்கு எரிபொருள் வழங்குவதை நிறுத்தியுள்ளன.

அதாவது கொச்சி, புனே, பாட்னா, ராஞ்சி, விசாகப்பட்டினம், மொஹாலி ஆகிய விமான நிலையங்களில் ஏர் இந்தியா விமானங்களுக்கு எரிபொருள் வழங்கும் சேவையை பெட்ரோலியம் நிறுவனங்கள் நிறுத்திவிட்டன.

பெட்ரோலியம் நிறுவனங்கள் இணைந்து கூட்டாக இந்த முடிவை எடுத்துள்ளன. சுமார் 8 மாதங்களாக எரிபொருள் கட்டணத்தை செலுத்தாததால், இன்னும் 3 மாதங்களுக்குள் ரூ.5000 கோடியை செலுத்த வேண்டும் என்று பெட்ரோலியம் நிறுவனங்கள் ஏர் இந்தியாவுக்கு காலக்கெடுவும் நிர்ணயித்துள்ளன.

இது குறித்து ஏர் இந்தியாவுக்கு கடிதம் வாயிலாகவும் எண்ணெய் நிறுவனங்கள் தெரிவித்துள்ளன.
 

]]>
https://images.dinamani.com/uploads/user/imagelibrary/2019/7/10/w600X390/airindia.jpg https://www.dinamani.com/india/2019/aug/24/air-india-owes-rs-5000-crore-in-fuel-dues-3220404.html
3220394 இந்தியா காஷ்மீரை நோக்கி புறப்பட்டது எதிர்க்கட்சித் தலைவர்கள் குழு: பரபரப்பு அதிகரிப்பு DIN DIN Saturday, August 24, 2019 11:38 AM +0530
புது தில்லி: ஜம்மு-காஷ்மீரை நோக்கி எதிர்க்கட்சித் தலைவர்கள் குழு தங்களது பயணத்தைத் தொடங்கியிருப்பதால், புது தில்லி மற்றும் ஸ்ரீநகரில் பரபரப்பு ஏற்பட்டுள்ளது.

காங்கிரஸ் கட்சியின் முன்னாள் தலைவர் ராகுல் காந்தி, சீதாரம் யெச்சூரி (மார்க்சிஸ்ட் கம்யூனிஸ்ட்), டி.ராஜா (இந்திய கம்யூனிஸ்ட்), திருச்சி சிவா (திமுக), மனோஜ் ஜா (ராஷ்ட்ரீய ஜனதா தளம்), தினேஷ் திரிவேதி (திரிணமூல் காங்கிரஸ்) ஆகியோர் சனிக்கிழமை பிற்பகல் தில்லியில் இருந்து விமானத்தில் ஸ்ரீநகர் புறப்பட்டுச் சென்றனர். இதற்காக அவர்கள் புது தில்லி விமான நிலையத்துக்கு வருகை தந்தனர். இதனால் புது தில்லி விமான நிலையத்தில் பரபரப்பு ஏற்பட்டது.

திமுக, காங்கிரஸ் உள்ளிட்ட எதிர்க்கட்சித் தலைவர்கள் குழு, இன்று அங்கு நேரில் சென்று காஷ்மீர் மக்களை சந்திக்கவுள்ளதாக அறிவித்தனர். காங்கிரஸ் கட்சியின் முன்னாள் தலைவர் ராகுல் காந்தியும் எதிர்க்கட்சித் தலைவர்கள் குழுவுடன் காஷ்மீர் புறப்பட்டார்.

இவர்கள் புது தில்லி விமான நிலையத்திலேயே தடுத்து நிறுத்தப்படுவார்கள் என்று எதிர்பார்க்கப்பட்ட நிலையில், ஸ்ரீநகர் செல்லும் விமானத்தில் அவர்கள் புறப்பட்டனர். இதையடுத்து அவர்கள் ஸ்ரீநகர் விமான நிலையத்தில் தடுத்து நிறுத்தப்படுவார்கள் என்று எதிர்பார்க்கப்படுகிறது.

தற்போதைய நிலைமையில் ஜம்மு-காஷ்மீருக்கு எதிர்க்கட்சித் தலைவர்கள் வர வேண்டாம் என்று அறிவுறுத்தி அந்த மாநில அரசு நிர்வாகம் அறிக்கை வெளியிட்டிருந்தது.  எதிர்க்கட்சித் தலைவர்களின் வருகை காஷ்மீர் பள்ளத்தாக்கில் படிப்படியாக திரும்பிவரும் அமைதியையும், இயல்பு வாழ்க்கையையும் பாதிக்க காரணமாகிவிடும். கட்டுப்பாடுகள் விதிக்கப்பட்டுள்ள பகுதியில் அவர்கள் செல்ல முயற்சி செய்வதும் விதிமீறலாகும் என்று தெரிவிக்கப்பட்டிருந்தது குறிப்பிடத்தக்கது.

காஷ்மீரில் நிலைமை சீராகிவிட்டதாக மத்திய அரசு கூறி வரும் நிலையில், எதற்காக எங்களை அனுமதிக்க முடியாது என்றும் எதிர்க்கட்சிகள் கேள்வி எழுப்பியுள்ளனர்.

ஜம்மு-காஷ்மீருக்கு வழங்கப்பட்ட சிறப்பு அந்தஸ்தை மத்திய அரசு நீக்கிய பிறகு, சட்டம்-ஒழுங்கை கருத்தில் கொண்டு அந்த மாநிலத்தில் பல்வேறு கட்டுப்பாடுகள் விதிக்கப்பட்டுள்ளன.

இதுகுறித்து தகவலறிந்த வட்டாரங்கள் கூறியதாவது:
காங்கிரஸ், திமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட், ராஷ்ட்ரீய ஜனதா தளம், தேசியவாத காங்கிரஸ், திரிணமூல் காங்கிரஸ் ஆகிய கட்சிகளின் மூத்த தலைவர்கள் ஜம்மு-காஷ்மீருக்குச் சென்று அந்த மாநில மக்களை சந்திக்கவுள்ளனர். காங்கிரஸ் கட்சியின் மூத்த தலைவர்களான குலாம் நபி ஆஸாத், ஆனந்த் சர்மா ஆகியோருடன் ராகுலும் புறப்பட்டுச் சென்றுள்ளார்.

அனுமதி கிடைத்தால் ஜம்மு-காஷ்மீரின் பல்வேறு பகுதிகளுக்கும் அவர்கள் செல்ல தயாராக இருப்பதாகத் தெரிகிறது.

சமூக வலைதளமான சுட்டுரையில் திரிணமூல் காங்கிரஸ் வெள்ளிக்கிழமை வெளியிட்ட பதிவில், கட்சியின் மூத்த தலைவர் தினேஷ் திரிவேதி, எதிர்க்கட்சிகளின் முக்கியப் பிரமுகர்களுடன் ஸ்ரீநகருக்கு சனிக்கிழமை செல்கிறார். சிறப்பு அந்தஸ்து ரத்து செய்யப்பட்டதை அடுத்து, அந்த மாநிலத்தின் நிலைமையை ஆய்வு செய்ய எதிர்க்கட்சியின் முக்கியத் தலைவர்கள் அங்கு செல்கின்றனர் என்று குறிப்பிடப்பட்டிருந்தது.

ஜம்மு-காஷ்மீரில் சிறப்பு அந்தஸ்து ரத்துக்குப் பிறகு, எதிர்க்கட்சித் தலைவர்களை அந்த மாநிலத்துக்குச் செல்ல மத்திய அரசு அனுமதிக்கவில்லை.

ஸ்ரீநகர், ஜம்முவில் குலாம் நபி ஆஸாத் தடுத்து நிறுத்தப்பட்டார். டி.ராஜா, ஸ்ரீநகர் விமான நிலையம் வரை சென்று அனுமதி கிடைக்காத காரணத்தால் திரும்பினார். எந்தவொரு நிபந்தனையும் இல்லாமல் எப்போதும் காஷ்மீர் மக்களை சந்திக்க முடியும்? என்று அந்த மாநில ஆளுநர் சத்யபால் மாலிக்கிடம் ராகுல் காந்தி சமீபத்தில் கேட்டிருந்தார் என்பது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/8/24/w600X390/rahul_flight.jpg https://www.dinamani.com/india/2019/aug/24/காஷ்மீரை-நோக்கி-புறப்பட்டது-திர்க்கட்சித்-தலைவர்கள்-குழு-பரபரப்பு-அதிகரிப்பு-3220394.html
3220383 இந்தியா அருண் ஜேட்லியின் உடல்நிலை மோசமடைந்தது: எய்ம்ஸ் தகவல் PTI PTI Saturday, August 24, 2019 11:12 AM +0530
புது தில்லி: முன்னாள் மத்திய நிதித்துறை அமைச்சர் அருண் ஜேட்லியின் உடல்நிலை வெள்ளியன்று மிகவும் மோசமடைந்ததாக எய்ம்ஸ் மருத்துவமனை தகவல்கள் தெரிவிக்கின்றன.

சுவாசப்பிரச்னை உள்ளிட்ட உடல்நலக் கோளாறுகள் காரணமாக தில்லி எய்ம்ஸ் மருத்துவமனையில் அருண் ஜேட்லி கடந்த 9-ஆம் தேதி அனுமதிக்கப்பட்டார். அவருக்கு பல்வேறு துறைகளைச் சேர்ந்த மருத்துவர்கள் குழு, தொடர்ந்து சிகிச்சை அளித்து வருகிறது. தீவிர சிகிச்சைப் பிரிவில் வைக்கப்பட்டுள்ள அவருக்கு செயற்கை சுவாசக் கருவிகள் பொருத்தப்பட்டுள்ளதாக மருத்துவர்கள் தெரிவித்தனர்.

அவரது உடல்நிலை குறித்து அதிகாரப்பூர்வ அறிக்கை எதையும் மருத்துவமனை வெளியிடவில்லை. 

எனினும் அருண் ஜேட்லிக்கு உயிர்காக்கும் கருவி பொருத்தப்பட்டிருப்பதாகவும், வியாழனன்று அவருக்கு டயாலிசிஸ் செய்யப்பட்டதாகவும் மருத்துவமனை தகவல்கள் தெரிவித்தன.

உடல்நலக் குறைவால் தில்லி எய்ம்ஸ் மருத்துவமனையில் அனுமதிக்கப்பட்டுள்ள பாஜக மூத்த தலைவரும், முன்னாள் மத்திய அமைச்சருமான அருண் ஜேட்லியின் உடல்நிலை குறித்து பாஜக மூத்த தலைவர் அத்வானி, உத்தரப் பிரதேச ஆளுநர் ஆனந்தி பென் படேல் உள்ளிட்டோர் கேட்டறிந்தனர்.  நேற்று உமா பாரதி மருத்துவமனைக்கு வந்து அருண் ஜேட்லியின் உடல்நிலையை கேட்டறிந்தார்.

பிரதமர் நரேந்திர மோடி தலைமையிலான பாஜகவின் ஆட்சியில் கடந்த 2014-ஆம் ஆண்டு முதல் 2019-ஆம் ஆண்டு வரை மத்திய நிதித்துறை அமைச்சராக பதவி வகித்தார் அருண் ஜேட்லி. அவ்வப்போது ஏற்பட்ட உடல்நலக் கோளாறுகளால் வெளிநாட்டிலும், தில்லி எய்ம்ஸ் மருத்துவமனையிலும் அவர் சிகிச்சை பெற்று வந்தார். 

இந்த நிலையில், அவரது உடல்நிலை வெள்ளியன்று மிக மோசமான நிலையை அடைந்ததாகவும் மருத்துவமனை தகவல்கள் தெரிவிக்கின்றன.

]]>
Former Finance Minister , Arun Jaitley, health deteriorates, AIIMS sources, All India Institute of Medical Sciences, L K Advani https://images.dinamani.com/uploads/user/imagelibrary/2019/8/16/w600X390/Arun_Jaitleyhealthcondition.jpg https://www.dinamani.com/india/2019/aug/24/arun-jaitleys-health-deteriorates-aiims-sources-3220383.html
3219926 இந்தியா பொதுத் துறை வங்கிகளுக்கு ரூ.70,000 கோடி நிதியுதவி: நிர்மலா சீதாராமன் DIN DIN Saturday, August 24, 2019 05:19 AM +0530
நாட்டின் பொருளாதார நிலை தொடர்பாக பல்வேறு விமர்சனங்கள் எழுந்துள்ள நிலையில், பொதுத் துறை வங்கிகள் கடன் அளிப்பதை அதிகரிக்கவும், பணப்புழக்கத்தை மேம்படுத்தவும் ரூ.70,000 கோடி கூடுதல் மூலதன நிதி உடனடியாக வழங்கப்படும் என்று மத்திய நிதியமைச்சர் நிர்மலா சீதாராமன் தெரிவித்துள்ளார்.

இதுதவிர, பொருளாதார வளர்ச்சிக்கு உத்வேகம் அளிப்பதற்கான பல்வேறு அறிவிப்புகளையும் அவர் வெளியிட்டுள்ளார்.
தில்லியில் செய்தியாளர்களுக்கு வெள்ளிக்கிழமை பேட்டியளித்த நிர்மலா சீதாராமன், இதுதொடர்பாக மேலும் கூறியதாவது:

ரிசர்வ் வங்கி அறிவித்துள்ள வட்டி விகிதங்கள் குறைப்பின் பயன்களை, வாடிக்கையாளர்களுக்கு வழங்க வங்கிகள் முடிவு செய்துள்ளன. இதனால், வீடு, வாகனம், இதர சில்லறை கடன்களுக்கான வட்டி குறையும்.
பொதுத் துறை வங்கிகளுக்கு ரூ.70,000 கோடி கூடுதல் மூலதன நிதி உடனடியாக வழங்கப்படும். இந்த நடவடிக்கை, நாட்டின் நிதி கட்டமைப்பில் கூடுதலாக ரூ.5 லட்சம் கோடி பணப்புழக்கத்தை உருவாக்கும் என்று எதிர்பார்க்கிறோம்.
கடன் வாங்கியவர்கள், கடனை திருப்பிச் செலுத்திய 15 நாள்களுக்குள் அவர்களது ஆவணங்கள் திருப்பியளிக்கப்படுவது உறுதி செய்யப்படும். இதன் மூலம் கடன் வாங்கியவர்கள் எதிர்கொள்ளும் இடர்பாடுகள் குறைக்கப்படுவதுடன், வெளிப்படைத் தன்மையையும் உறுதி செய்ய முடியும்.
வீட்டுவசதி நிதி நிறுவனங்களுக்கு, தேசிய வீட்டுவசதி வங்கியின் மூலம் கூடுதலாக ரூ.20,000 கோடி ஆதரவு நிதி வழங்கப்படும்.  இதன் மூலம் வீட்டுவசதி நிதி நிறுவனங்களுக்கான மொத்த ஆதரவு நிதி ரூ.30,000 கோடியாக அதிகரிக்கும். கடன் அளிக்கும் நடைமுறைகளை எளிமைப்படுத்துவதற்காக, வங்கி சாராத நிதி நிறுவனங்கள் மற்றும் ஆதார் தொடர்பான விதிமுறைகளில் உரிய மாற்றங்கள் செய்ய முடிவு செய்யப்பட்டுள்ளது என்றார் அவர்.

30 நாள்களுக்குள் ஜிஎஸ்டி நிலுவை தொகை: சிறு, குறு, நடுத்தர தொழில்துறை நிதிப் பற்றாக்குறையை எதிர்கொண்டுள்ள நிலையில், சரக்கு-சேவை வரியில் (ஜிஎஸ்டி) அந்த நிறுவனங்களுக்கு திருப்பியளிக்க வேண்டிய நிலுவைத் தொகை 30 நாள்களுக்குள் வழங்கப்படும் என்ற அறிவிப்பை நிர்மலா சீதாராமன் வெளியிட்டுள்ளார்.
இதுதொடர்பாக அவர் மேலும் கூறுகையில், சிறு, குறு, நடுத்தர தொழில் நிறுவனங்களுக்கு திருப்பியளிக்கப்படும் ஜிஎஸ்டி தொகை, இனி வரும் காலங்களில் விண்ணிப்பித்த 60 நாள்களுக்குள் கிடைக்க நடவடிக்கை எடுக்கப்படும். சிறு, குறு, நிறுவனங்களுக்கு கடன் கிடைப்பதை எளிமைப்படுத்துவது, பொருள்களை சந்தைப்படுத்துவது, தொழில்நுட்பங்களின் பயன்பாடு ஆகியவை தொடர்பாக யு.கே.சின்ஹா குழு அளித்த பரிந்துரைகள் மீதான முடிவு 30 நாள்களுக்குள் எடுக்கப்படும். சிறு, குறு, நடுத்தர தொழில்களுக்கான வரையறையை எளிமைப்படுத்தும் வகையில், இதுதொடர்பான சட்டத்தில் திருத்தம் செய்வது குறித்து மத்திய அரசு  பரிசீலித்து வருகிறது என்றார்.

ஸ்டார்ட்-அப் நிறுவனங்களுக்கு வரி விலக்கு
தொழில்துறை மற்றும் உள்நாட்டு வர்த்தக ஊக்குவிப்பு துறையில் பதிவு செய்துள்ள ஸ்டார்ட்-அப் நிறுவனங்கள் திரட்டும் மூலதனத்துக்கு விதிக்கப்பட்ட வருமான வரி (ஏஞ்சல் வரி) நீக்கப்படுகிறது. அந்த நிறுவனங்கள் எதிர்கொள்ளும் பிரச்னைகளுக்கு தீர்வு காண்பதற்காக, மத்திய நேரடி வரிகள் வாரியத்தின்கீழ் தனி பிரிவு ஏற்படுத்தப்படும்.

முதலீட்டு நிறுவனங்களுக்கான வரி உயர்வு வாபஸ்
வெளிநாட்டு, உள்நாட்டு முதலீட்டு நிறுவனங்கள், பங்குச் சந்தையில் ஈட்டும் ஆதாயங்களுக்கு விதிக்கப்பட்ட கூடுதல் வரி உயர்வு திரும்பப் பெறப்படுகிறது.  மனைவணிக துறையில் மிகப் பெரிய அறிவிப்பு அடுத்த வாரம் வெளியிடப்பட உள்ளது. மேலும், பல்வேறு துறைகளில் அடுத்தடுத்து அறிவிப்புகள் வெளிடப்படும்.

ஆட்டோமொபைல் துறைக்கு...
ஆட்டோமொபைல் துறைக்கு உத்வேகம் அளிக்கவும், வாகனங்களுக்கான தேவையை அதிகரிப்பதற்கும் பல்வேறு அறிவிப்புகள் வெளியிடப்பட்டுள்ளன. இதுதொடர்பாக நிர்மலா சீதாராமன் கூறியதாவது:


அனைத்து அரசு துறைகளிலும் பழைய வாகனங்களுக்கு மாற்றாக புதிய வாகனங்கள் வாங்குவதற்கு விதிக்கப்பட்டிருந்த தடை நீக்கப்படும். வாகனங்களுக்கான தேவையை அதிகரிக்க பல்வேறு நடவடிக்கைகள் பரிசீலிக்கப்பட்டு வருகின்றன. அதன் ஒரு பகுதியாக, பழைய வாகனங்களை பயன்பாட்டிலிருந்து நீக்குவதற்கான கொள்கையை உருவாக்க ஆலோசிக்கப்பட்டு வருகிறது.

வாகனப் பதிவு கட்டண உயர்வு ஒத்திவைப்பு: வரும் 2020-ஆம் ஆண்டு மார்ச் மாதத்துக்குள் வாங்கப்படும் பிஎஸ்-4 தரத்திலான வாகனங்கள், அவை பதிவு செய்யப்படும் காலம் முழுமைக்கும் இயங்க அனுமதிக்கப்படும். வாகனங்களுக்கான பதிவுக் கட்டணத்தை உயர்த்தும் முடிவு, அடுத்த ஆண்டு ஜூன் மாதம் வரை ஒத்திவைக்கப்படுகிறது என்றார் அவர்.

வரி வசூலில் கெடுபிடியை தடுக்க..
வருமான வரி வசூலில் கெடுபிடியையும், முறைகேடுகளையும் தடுக்கும் வகையில், இனி வருமான வரி நோட்டீஸ்கள், உத்தரவுகள் ஆகியவை ஒருங்கிணைக்கப்பட்ட அமைப்பின் வாயிலாக அளிக்கப்படும். அதிகாரிகளால் அளிக்கப்படும் தனிப்பட்ட நோட்டீஸ்கள், கடிதங்கள் செல்லாதவையாக கருதப்படும். இதேபோல், நிறுவனங்களுக்கான சமூக பொறுப்புடைமை தொடர்பான விதிமுறை மீறல்கள் குற்றச் செயல்களாக கருதப்பட மாட்டாது.

பெரும் செல்வந்தர்களுக்கான வரி உயர்வில் மாற்றம் இல்லை

2019-20-ஆம் ஆண்டுக்கான மத்திய பட்ஜெட்டில், ஆண்டுக்கு ரூ.2 கோடி முதல் ரூ.5 கோடி வரை வருமானம் உள்ளவர்களுக்கான கூடுதல் வரி 15-இல் இருந்து 25 சதவீதமாகவும், ரூ.5 கோடிக்கு மேல் வருமானம் உள்ளவர்களுக்கான  கூடுதல் வரி 15-இல் இருந்து 37 சதவீதமாகவும் அதிகரிக்கப்பட்டிருந்தது.
இந்த வரி உயர்வு தற்போதைய சூழலில் மறுஆய்வு செய்யப்படமாட்டாது; 2022-ஆம் ஆண்டில்தான் மறுஆய்வு செய்யப்படும் என்று நிர்மலா சீதாராமன் வெள்ளிக்கிழமை தெரிவித்தார். 
 

]]>
https://images.dinamani.com/uploads/user/imagelibrary/2019/8/24/w600X390/nirmala1.jpg https://www.dinamani.com/india/2019/aug/24/பொதுத்-துறை-வங்கிகளுக்கு-ரூ70000-கோடி-நிதியுதவி-நிர்மலா-சீதாராமன்-3219926.html
3219851 இந்தியா இந்தியா-பிரான்ஸ் இடையே 4 ஒப்பந்தங்கள் கையெழுத்து DIN DIN Saturday, August 24, 2019 05:17 AM +0530
பிரதமர் நரேந்திர மோடி பிரான்ஸ் சுற்றுப் பயணம் சென்ற நிலையில், இந்தியா-பிரான்ஸ் இடையே தகவல் தொழில்நுட்பம், விண்வெளி உள்ளிட்ட 4 துறைகளில் புரிந்துணர்வு ஒப்பந்தங்கள் வியாழக்கிழமை கையெழுத்தாகின. 

மூன்று நாடுகளுக்கான சுற்றுப் பயணத்தில் இருக்கும் பிரதமர் நரேந்திர மோடி, முதல்கட்டமாக பிரான்ஸுக்கு வியாழக்கிழமை சென்றார். அங்கு பாரீஸ் நகரில் உள்ள வரலாற்றுச் சிறப்பு மிக்க ஷான்டிலி மாளிகையில் அதிபர் இமானுவல் மேக்ரானை சந்தித்துப் பேசினார். இந்தியா-பிரான்ஸ் இடையேயான இருதரப்பு உறவு குறித்து இரு தலைவர்களும் சுமார் 90 நிமிடங்கள் பேச்சு நடத்தினர். 

அதையடுத்து இரு நாட்டு குழுக்கள் அளவிலான பேச்சுவார்த்தை நடைபெற்றதைத் தொடர்ந்து, இந்தியா-பிரான்ஸ் இடையே திறன்மேம்பாடு, வான்போக்குவரத்து, தகவல் தொழில்நுட்பம், விண்வெளி ஆகிய 4 துறைகளில் புரிந்துணர்வு ஒப்பந்தங்கள் கையெழுத்தாகின. அதைத் தொடர்ந்து பிரதமர் மோடி, அதிபர் மேக்ரான் கூட்டாக செய்தியாளர்களை சந்தித்தனர். 
அப்போது அதிபர் மேக்ரான் பேசுகையில், ஜம்மு-காஷ்மீர் விவகாரத்தில் சமீபத்தில் இந்தியா மேற்கொண்ட முடிவு தொடர்பாக பிரதமர் மோடி விளக்கினார். 
அந்த விவகாரம் இந்தியாவின் இறையாண்மைக்கு உள்பட்டதாகும். காஷ்மீர் விவகாரத்துக்கு இந்தியா-பாகிஸ்தான் இருதரப்பு பேச்சுவார்த்தை மூலம் தீர்வு காண வேண்டும் என்றும், இந்த விவகாரத்தில் இதர நாடுகள் தலையிடக் கூடாது என்றும் பிரதமர் மோடியிடம் கூறினேன் என்றார். 

பின்னர் பிரதமர் மோடி பேசுகையில், பயங்கரவாதத்தை தடுப்பது, பாதுகாப்பு ஆகிய விவகாரங்களில் இந்தியா-பிரான்ஸ் இடையேயான ஒத்துழைப்பு விரிவுபடுத்தப்படும். இரு நாடுகளுமே அவ்வப்போது பயங்கரவாதத்தை எதிர்கொண்டுள்ளன. 
பருவநிலை மாற்றம், சுற்றுச்சூழல், தொழில்நுட்பத்தை உள்ளடக்கிய வளர்ச்சி போன்ற சவால்களை இந்தியாவும்-பிரான்ஸும் ஒன்றாக எதிர்கொள்கின்றன என்றார். 
இருவரும் கூட்டாக வெளியிட்டுள்ள அறிக்கையில், இந்தியாவிலும், பிரான்ஸிலும் நிகழ்த்தப்பட்ட பயங்கரவாதத் தாக்குதல்களுக்கு கண்டனம் தெரிவித்த இரு தலைவர்களும், பயங்கரவாதச் செயல்களை எந்த வடிவிலும் சகித்துக்கொள்ள இயலாது என்று கூறினர். சர்வதேச அளவில் பயங்கரவாதத்துக்கு எதிராக இந்தியா முன்னெடுக்கும் நடவடிக்கைகளுக்கு ஒத்துழைக்க அதிபர் மேக்ரான் ஒப்புதல் தெரிவித்தார்.
பாதுகாப்புத் துறையில் பரஸ்பரம் ஒத்துழைப்பு வழங்க இரு தலைவர்களும் ஒப்புக்கொண்டனர். இரு நாடுகளைச் சேர்ந்த நிறுவனங்கள் பரஸ்பரம் வர்த்தகம் மற்றும் முதலீடு செய்வதில் இருக்கும் பிரச்னைகளுக்குத் தீர்வு காணும் நடவடிக்கைகளை வலுப்படுத்த ஒப்புக்கொள்ளப்பட்டது என்று கூறப்பட்டுள்ளது. 

பிரதமர் எட்வர்டுடன் சந்திப்பு: பிரான்ஸ் பிரதமர் எட்வர்ட் சார்லஸ் பிலிப்பை பிரதமர் நரேந்திர மோடி வெள்ளிக்கிழமை சந்தித்து பேசினார். 
இதுகுறித்து சுட்டுரையில் பதிவிட்ட பிரதமர் மோடி, இந்தியா-பிரான்ஸ் இடையேயான இருதரப்பு உறவின் அனைத்து விவகாரங்கள் குறித்தும் இருவரும் பேச்சுவார்த்தை நடத்தினோம் என்று கூறியுள்ளார். 

யுனெஸ்கோ தலைமையகத்தில்: பின்னர் யுனெஸ்கோ தலைமையகத்துக்குச் சென்று, அதன் தலைமை இயக்குநர் ஆட்ரி அஸுலேவுடன் உரையாடிய பிரதமர் மோடி, பின்னர் இந்திய சமூகத்தினரிடையே பேசியதாவது: 
புதிய இந்தியாவை கட்டமைப்பதற்காகவே இந்தியர்கள் மீண்டும் பாஜகவை வெற்றிபெறச் செய்துள்ளனர். ஊழல், மக்கள் பணம் சுரண்டப்படுவது, பயங்கரவாதம் போன்றவை முன்னெப்போதும் இல்லாத வகையில் கட்டுப்படுத்தப்பட்டுள்ளன. 
முத்தலாக்குக்கு தடை, ஜம்மு-காஷ்மீருக்கான சிறப்பு அந்தஸ்து ரத்து போன்ற முக்கிய நடவடிக்கைகள் தற்போது மேற்கொள்ளப்பட்டுள்ளன. பருவநிலை மாற்றம் தொடர்பான இலக்குகளை இந்தியா அடுத்த ஒன்றரை ஆண்டுகளில் எட்டிவிடும். 2025-ஆம் ஆண்டுக்குள்ளாக காசநோய் இல்லாத நாடாக இந்தியா மாறும் என்று பிரதமர் மோடி பேசினார். 

ஐக்கிய அரபு அமீரகம் பயணம்: பிரான்ஸ் பயணத்தை வெற்றிகரமாக நிறைவு செய்த பிரதமர் மோடி, அங்கிருந்து ஐக்கிய அரபு அமீரகத்துக்கு வெள்ளிக்கிழமை புறப்பட்டுச் சென்றார்.


 

]]>
https://images.dinamani.com/uploads/user/imagelibrary/2019/8/24/w600X390/modi.jpg பிரான்ஸ் தலைநகர் பாரீஸில், அந்நாட்டு பிரதமர் எட்வர்ட் சார்லஸ் பிலிப்பை அவரது இல்லத்தில் வெள்ளிக்கிழமை சந்தித்த பிரதமர் நரேந்திர மோடி. https://www.dinamani.com/india/2019/aug/24/இந்தியா-பிரான்ஸ்-இடையே-4-ஒப்பந்தங்கள்-கையெழுத்து-3219851.html
3219849 இந்தியா பொருளாதார மந்த நிலையை அரசு ஆலோசகர்களே ஒப்புக் கொண்டனர்: ராகுல் காந்தி DIN DIN Saturday, August 24, 2019 05:16 AM +0530
நாட்டின் பொருளாதாரம் மோசமான நிலையில் உள்ளது என்பதை மத்திய அரசின் பொருளாதார ஆலோசகர்களே ஒப்புக் கொண்டு விட்டனர்; கஷ்டப்படும் மக்களுக்கு நிதியுதவி அளித்து பொருளாதாரத்தின் நிலையை மத்திய அரசு உயர்த்த வேண்டும் என்று காங்கிரஸ் முன்னாள் தலைவர் ராகுல் காந்தி தெரிவித்துள்ளார்.

இதுதொடர்பாக ராகுல் காந்தி சுட்டுரையில் வெள்ளிக்கிழமை வெளியிட்ட பதிவில் கூறியிருப்பதாவது: மத்திய அரசு மேற்கொண்ட நடவடிக்கைகளால் நாட்டின் பொருளாதாரம் சரிவில் உள்ளது என்று காங்கிரஸ் நீண்ட காலமாக கூறி வந்தது. ஆனால் மத்திய அரசு அதற்கு மறுப்பு தெரிவித்து வந்தது. 
இந்நிலையில், நாட்டின் பொருளாதாரம் சீர்குலைந்து மிகவும் மோசமான நிலையில் உள்ளதை மத்திய அரசின் பொருளாதார ஆலோசகர்களே இறுதியாக ஒப்புக் கொண்டுவிட்டனர். அதனால், பொருளாதாரத்தை உயர்த்துவதற்கு நாங்கள் கூறும் ஆலோசனைகளை மத்திய அரசு ஏற்க வேண்டும். பேராசையோடு இல்லாமல், ஏழை மக்களிடம் இருந்த பெற்ற பணத்தை அவர்களுக்கே திருப்பிக் கொடுக்க வேண்டும் என்று தெரிவித்துள்ளார். 

]]>
https://images.dinamani.com/uploads/user/imagelibrary/2019/6/29/w600X390/ragul.jpg https://www.dinamani.com/india/2019/aug/24/பொருளாதார-மந்த-நிலையை-அரசு-ஆலோசகர்களே-ஒப்புக்-கொண்டனர்-ராகுல்-காந்தி-3219849.html
3219850 இந்தியா கடந்த 70 ஆண்டுகளில் காணாத கடுமையான பொருளாதார சூழலை அரசு எதிர்கொண்டுள்ளது : நீதி ஆயோக் துணைத் தலைவர் DIN DIN Saturday, August 24, 2019 05:16 AM +0530
இந்தியாவில் தற்போது காணப்படும் பொருளாதார மந்த நிலை கடந்த 70 ஆண்டுகளில் அரசு எதிர்கொள்ளாதது என நீதி ஆயோக்கின் துணைத் தலைவர் ராஜீவ் குமார் தெரிவித்துள்ளார்.

இதுகுறித்து அவர் மேலும் கூறியுள்ளதாவது:
அரசு கடந்த 70 ஆண்டுகளில் சந்திக்காத கடுமையான பொருளாதாரச் சூழலை தற்போது எதிர்கொண்டுள்ளது. கடுமையான நிதி நெருக்கடி நிலைமை நிதித் துறை முழுவதையுமே வெகுவாக பாதிப்புக்குள்ளாக்கியுள்ளது.
நிதி ஸ்திரத்தன்மையில் ஏற்பட்டுள்ள பாதிப்பை போக்கவும், பொருளாதார வளர்ச்சியை மந்தகதியிலிருந்து மீட்கவும் பல்வேறு நடவடிக்கைகளை மேற்கொள்ள மத்திய அரசு பரிசீலித்து வருகிறது. 
கடந்த சில மாதங்களாக ரிசர்வ் வங்கி எடுத்த பல்வேறு சீரிய முயற்சிகளால் ரொக்க கையிருப்பு நிலை நிலைத்தன்மை உடையதாக மாறியுள்ளது. மேலும், பொதுத் துறை வங்கிகளும், வங்கி சாரா நிதி நிறுவனங்களுக்கு தேவையான நிதி வசதியை உருவாக்கி தருவதில் முன்னுரிமையுடன் செயல்பட்டு வருகின்றன.
பொருளாதார மந்த நிலையை எதிர்கொள்வதற்கு மத்திய அரசு பல்வேறு திட்டங்களை செயல்படுத்த தீவிரமாக ஆலோசித்து வருகிறது என்றார் அவர்.

ரூபாய் மதிப்பில் முன்னேற்றம்: அந்நியச் செலாவணி சந்தையில் வெள்ளிக்கிழமை நடைபெற்ற வர்த்தகத்தில் டாலருக்கு நிகரான ரூபாய் மதிப்பில் வீழ்ச்சி ஏற்பட்ட போதிலும், பின்னர் முன்னேற்றம் கண்டது.
ரூபாயின் மதிப்பு வியாழக்கிழமை வர்த்தகத்தில் எட்டு மாதங்களில் இல்லாத அளவுக்கு 26 காசுகள் குறைந்து 71.81-ஆனது. இந்த நிலையில், வெள்ளிக்கிழமை அந்நியச் செலாவணி சந்தையில் தொடக்கத்தின்போது ரூபாயின் மதிப்பு ரூ.71.93 ஆக காணப்பட்டது. இது, ஒருகட்டத்தில் 72.05 வரை சரிவடைந்தது. நடப்பாண்டில் முதல் முறையாக ரூபாயின் மதிப்பு 72-ஐ தாண்டி வீழ்ச்சி கண்டது இதுவே முதல் முறை என்பது குறிப்பிடத்தக்கது.  இருப்பினும், சர்வதேச சந்தையில் கச்சா எண்ணெய் விலை குறைவு, டாலர் வரத்து அதிகரிப்பு உள்ளிட்ட காரணங்களால் வர்த்தகத்தின் இறுதியில் ரூபாயின் மதிப்பு 15 காசுகள் அதிகரித்து 71.66-ஆக எழுச்சி கண்டது. 
 

]]>
https://images.dinamani.com/uploads/user/imagelibrary/2019/8/24/w600X390/Rajiv-Kumar.jpg https://www.dinamani.com/india/2019/aug/24/கடந்த-70-ஆண்டுகளில்-காணாத-கடுமையான-பொருளாதார-சூழலை-அரசு-எதிர்கொண்டுள்ளது--நீதி-ஆயோக்-துணைத்-தலைவர்-3219850.html
3219847 இந்தியா பிரதமர் மோடிக்கு உரிய அங்கீகாரம்: ஜெய்ராம் ரமேஷ் கருத்துக்கு காங்கிரஸ் தலைவர்கள் ஆதரவு DIN DIN Saturday, August 24, 2019 05:15 AM +0530
பிரதமர் நரேந்திர மோடியின் நல்ல பணிகளை அங்கீகரிக்காமல் எதிர்க்கட்சிகள் அவரை எதிர்கொள்ள இயலாது என்று காங்கிரஸ் மூத்த தலைவர் ஜெய்ராம் ரமேஷ் தெரிவித்துள்ள கருத்துக்கு, அக்கட்சித் தலைவர்கள் சிலர் ஆதரவு தெரிவித்துள்ளனர். 

தில்லியில் வியாழக்கிழமை புத்தக வெளியீட்டு நிகழ்ச்சி ஒன்றில் பேசிய ஜெய்ராம் ரமேஷ், நரேந்திர மோடியின் ஆட்சி முற்றிலும் எதிர்மறையானது அல்ல; மோடியின் நல்ல பணிகளை அங்கீகரிக்காமல், தொடர்ந்து விமர்சிப்பதன் மூலம் மட்டுமே அவரை எதிர்கொள்ள இயலாது என்று பேசியிருந்தார். 

இந்நிலையில், அவரது இந்தக் கருத்துக்கு காங்கிரஸ் கட்சியின் அபிஷேக் சிங்வி, சசி தரூர், சர்மிஷ்டா முகர்ஜி ஆகியோர் ஆதரவு தெரிவித்துள்ளனர். 
இதுதொடர்பாக சுட்டுரையில் பதிவிட்டுள்ள அபிஷேக் மனு சிங்வி, மோடியை விமர்சிக்க மட்டுமே செய்வது தவறு என்று எப்போதும் கூறி வருகிறேன். அவ்வாறு செய்வதன் மூலம் ஒரு வகையில் எதிர்க்கட்சிகள் மோடிக்கு உதவியே செய்கின்றன. ஒரு செயல்; அது நல்லதா, கெட்டதா என்பதை பிரச்னையின் அடிப்படையை வைத்து தீர்மானிக்க வேண்டும். மாறாக, அதைச் செய்பவர் யார் என்பதை வைத்து தீர்மானிக்கக் கூடாது. மோடி கொண்டுவந்த திட்டங்களில் வீடுகளுக்கான சமையல் எரிவாயு இணைப்புத் திட்டம் நிச்சயமாகவே நல்லதொரு திட்டமாகும் என்றார். 

அதேபோல், சசி தரூர் வெளியிட்டுள்ள சுட்டுரைப் பதிவில், நரேந்திர மோடி நல்ல விஷயங்களைக் கூறினாலோ, செய்தாலோ அதைப் பாராட்ட வேண்டும் என்று கடந்த 6 ஆண்டுகளாகவே கூறி வருகிறேன். அப்போது தான் அவர் தவறு செய்யும்போது நாம் முன் வைக்கும் விமர்சனங்களுக்கு நம்பகத்தன்மை இருக்கும் என்று கூறியிருந்தார். 

குடியரசு முன்னாள் தலைவர் பிரணாப் முகர்ஜியின் மகள் சர்மிஷ்டா முகர்ஜி, அபிஷேக் சிங்வியின் கருத்தை வரவேற்று கூறுகையில், தாங்கள் கூறியது உண்மை. தேசத்தை கட்டமைக்கும் பணியை அடுத்தடுத்து அமையும் அரசுகள் மேற்கொள்கின்றன. மோடியும், அவரது சகாக்களும் இதை புரிந்துகொள்வார்கள் என நம்புகிறேன்  என்று கூறியுள்ளார். 

எதிர்ப்பு: ஜெய்ராம் ரமேஷின் கருத்துக்கு எதிர்ப்பு தெரிவித்துள்ள காங்கிரஸ் மூத்த தலைவர் கே.கே. திவாரி, சுய பிரசாரத்தில் ஈடுபடும் தலைவர்கள் சிலர் தேர்தலில் போட்டியிடாமல் மாநிலங்களவையில் அடைக்கலம் தேடிவிட்டார்கள். அவர்கள் கட்சி நிர்வாகத்தை கைப்பற்றிவிட்டார்கள் என்று கூறியுள்ளார்.
 

]]>
https://images.dinamani.com/uploads/user/imagelibrary/2018/7/13/w600X390/sasitharur1.JPG https://www.dinamani.com/india/2019/aug/24/பிரதமர்-மோடிக்கு-உரிய-அங்கீகாரம்-ஜெய்ராம்-ரமேஷ்-கருத்துக்கு-காங்கிரஸ்-தலைவர்கள்-ஆதரவு-3219847.html
3219843 இந்தியா வெளிநாட்டு நிறுவனங்களால் உள்நாட்டு உற்பத்தியாளர்கள் பாதிக்கப்படக் கூடாது: நிர்மலா சீதாராமன் DIN DIN Saturday, August 24, 2019 05:14 AM +0530
வெளிநாட்டு நிறுவனங்களால் உள்நாட்டு உற்பத்தியாளர்கள் பாதிக்கப்படாமல் இருப்பதற்கான நடவடிக்கைகளை மேற்கொள்ளுமாறு இந்தியத் தொழில்போட்டிகள் ஆணையத்துக்கு (சிசிஐ) மத்திய நிதி மற்றும் பெருநிறுவன விவகாரங்கள் துறை அமைச்சர் நிர்மலா சீதாராமன் வலியுறுத்தியுள்ளார்.

உள்நாட்டு உற்பத்தியாளர்களைப் பாதிக்கும் வகையிலான நேர்மையற்ற வணிக நடைமுறைகளை இந்தியத் தொழில்போட்டிகள் ஆணையம் கண்காணித்து வருகிறது. டிஜிட்டல் வர்த்தகம் தொடர்பான பல்வேறு வழக்குகளையும் அந்த ஆணையம் விசாரித்து தீர்வு கண்டு வருகிறது. இந்நிலையில், ஆணையத்தின் 10-ஆம் ஆண்டு விழா தில்லியில் வெள்ளிக்கிழமை நடைபெற்றது.

இதில் கலந்து கொண்ட நிர்மலா சீதாராமன் பேசியதாவது:
தொழில்நுட்ப வளர்ச்சிக்கு ஏற்ப வர்த்தக நடைமுறைகளும் மேம்பட்டு வருகின்றன. ஒரு நாட்டின் வரையறுக்கப்பட்ட எல்லை மட்டும் நிறுவனங்களுக்கிடையேயான தொழில்போட்டியை நிர்ணயித்துவிடாது. தற்போதைய காலகட்டத்தில் நாடுகளின் எல்லை கடந்து வர்த்தகம் வளர்ந்து வருகிறது.
இதன் காரணமாக, வெளிநாட்டு நிறுவனங்களால் உள்நாட்டு உற்பத்தியாளர்கள் பாதிக்கப்படுவதற்கு அதிக வாய்ப்புகள் இருக்கின்றன. இதைக் கருத்தில்கொண்டு, இந்தியத் தொழில்போட்டிகள் ஆணையம் தானாக முன்வந்து, இது தொடர்பாக விசாரணை மேற்கொள்ள வேண்டும். உள்நாட்டு உற்பத்தியாளர்கள் பாதிக்கப்படாமல் இருப்பதற்கான நடவடிக்கைகளை சிசிஐ மேற்கொள்ள வேண்டும்.
இந்த விவகாரத்தில், மத்திய அரசு எடுக்க வேண்டிய நடவடிக்கைகள் குறித்த அறிவுறுத்தல்களையும் சிசிஐ வழங்கலாம் என்றார் நிர்மலா சீதாராமன். இந்த நிகழ்ச்சியில், மத்திய நிதி மற்றும் பெருநிறுவன விவகாரங்கள் துறை இணையமைச்சர் அனுராக் தாக்குர், சிசிஐ தலைவர் அசோக் குமார் குப்தா உள்ளிட்டோரும் பங்கேற்றனர்.

 

]]>
https://images.dinamani.com/uploads/user/imagelibrary/2019/8/24/w600X390/nirmala.jpg இந்தியத் தொழில்போட்டிகள் ஆணையத்தின் 10-ஆம் ஆண்டு விழாவில் பங்கேற்ற மத்திய நிதியமைச்சர் நிர்மலா சீதாராமனுக்கு வாழ்த்து தெரிவித்த ஆணையத்தின் தலைவர் அசோக் குமார் குப்தா.  https://www.dinamani.com/india/2019/aug/24/வெளிநாட்டு-நிறுவனங்களால்-உள்நாட்டு-உற்பத்தியாளர்கள்-பாதிக்கப்படக்-கூடாது-நிர்மலா-சீதாராமன்-3219843.html
3219844 இந்தியா காஷ்மீர் விவகாரத்தை அதிபர் டிரம்ப் உன்னிப்பாக கவனித்து வருகிறார்: வெள்ளை மாளிகை அதிகாரி DIN DIN Saturday, August 24, 2019 05:14 AM +0530
அமெரிக்க அதிபர் டொனால்ட் டிரம்ப், ஜம்மு-காஷ்மீர் விவகாரத்தை உன்னிப்பாக கவனித்து வருவதாகவும், இந்த விவகாரத்தில் மத்தியஸ்தம் செய்ய அவர் தயாராக இருப்பதாகவும் வெள்ளை மாளிகை அதிகாரி ஒருவர் தெரிவித்துள்ளார்.

ஜம்மு-காஷ்மீருக்கு அளித்து வந்த சிறப்பு அந்தஸ்தை மத்திய அரசு கடந்த 5-ஆம் தேதி நீக்கியது. இதையடுத்து, ஜம்மு-காஷ்மீர் விவகாரத்தில் அமெரிக்கா உள்ளிட்ட உலக நாடுகள் மீண்டும் கவனம் செலுத்தத் தொடங்கியுள்ளன. ஜம்மு-காஷ்மீர் விவகாரத்தில், இந்தியாவுக்கும் பாகிஸ்தானுக்கும் இடையே சமரசத்தை ஏற்படுத்துவதற்காக மத்தியஸ்தம் செய்ய பிரதமர் நரேந்திர மோடி கோரிக்கை விடுத்ததாக அதிபர் டிரம்ப் கடந்த மாதம் தெரிவித்திருந்தது, பெரும் சர்ச்சையை ஏற்படுத்தியது.

இதையடுத்து, காஷ்மீர் விவகாரத்தில் மத்தியஸ்தம் செய்யவோ அல்லது அந்தப் பிரச்னையைத் தீர்ப்பதற்குத் தேவையான நடவடிக்கைகளை எடுக்கவோ தயாராக இருப்பதாக அவர் மீண்டும் கடந்த செவ்வாய்க்கிழமை தெரிவித்திருந்தார். இந்நிலையில், வெள்ளை மாளிகை அதிகாரி ஒருவர் செய்தியாளர்களிடம் வியாழக்கிழமை கூறியதாவது:

ஜம்மு-காஷ்மீர் விவகாரத்தையும், அங்கு நிலவி வரும் சூழலையும் அதிபர் டிரம்ப் உன்னிப்பாக கவனித்து வருகிறார். ஜம்மு-காஷ்மீரில் நிலவும் நிலையில்லாத் தன்மை குறித்தும் அவர் ஆராய்ந்து வருகிறார். அந்தப் பிராந்தியத்தில் அமைதி ஏற்பட வேண்டும் என்பதே அமெரிக்காவின் விருப்பமாகும். 

இந்த விவகாரத்தில் மத்தியஸ்தம் செய்ய இந்தியாவும் பாகிஸ்தானும் அதிபர் டிரம்ப்பிடம் கோரிக்கை விடுத்தால், அதை ஏற்க அவர் தயாராக உள்ளார். ஆனால், மத்தியஸ்தம் தொடர்பாக இந்தியா எந்தவித கோரிக்கையையும் தற்போது வரை விடுக்கவில்லை. பிரான்ஸில் நடைபெறவுள்ள ஜி-7 நாடுகளின் உச்சிமாநாட்டில், பிரதமர் மோடியிடம் காஷ்மீர் விவகாரம் குறித்த தன்னுடைய நிலைப்பாட்டை அதிபர் டிரம்ப் தெரிவிக்க வாய்ப்பிருக்கிறது.
அப்போது, ஜம்மு-காஷ்மீர் பிரச்னையைத் தீர்ப்பதற்கு எடுக்க வேண்டிய நடவடிக்கைகள் குறித்தும், அங்குள்ள மக்களின் உரிமைகளை மீட்டெடுப்பது தொடர்பாகவும் பிரதமர் மோடியிடம் அவர் பேச்சுவார்த்தை நடத்துவார் என்று எதிர்பார்க்கிறோம். இந்த விவகாரத்தில், சம்பந்தப்பட்ட தரப்புகளுடன் பேச்சுவார்த்தை மூலம் தீர்வு காணும்படி அதிபர் டிரம்ப் வலியுறுத்துவார் என்றும் எதிர்பார்க்கப்படுகிறது.

ஜம்மு-காஷ்மீர் விவகாரத்தில் பாகிஸ்தானுக்கும் தகுந்த ஆலோசனைகளை அதிபர் டிரம்ப் வழங்கி வருகிறார். இந்நிலையில், ஜி-7 மாநாட்டில் இரு நாட்டுத் தலைவர்களுக்கு இடையேயான சந்திப்பை எதிர்நோக்கிக் காத்திருக்கிறோம் என்றார் அந்த அதிகாரி.
பிரான்ஸில் வரும் 25, 26 ஆகிய தேதிகளில் நடைபெறவுள்ள ஜி-7 மாநாட்டில் பிரதமர் மோடி சிறப்பு அழைப்பாளராகக் கலந்துகொள்கிறார். அங்கு அதிபர் டிரம்ப்பை அவர் சந்தித்துப் பேசவுள்ளார்.
 

]]>
https://images.dinamani.com/uploads/user/imagelibrary/2019/3/13/w600X390/whitehouse.jpg https://www.dinamani.com/india/2019/aug/24/காஷ்மீர்-விவகாரத்தை-அதிபர்-டிரம்ப்-உன்னிப்பாக-கவனித்து-வருகிறார்-வெள்ளை-மாளிகை-அதிகாரி-3219844.html
3219857 இந்தியா கர்நாடகத்தில் ஆட்சி மாற்றம்: தேவெ கெளடா குற்றச்சாட்டில் உண்மையில்லை DIN DIN Saturday, August 24, 2019 05:14 AM +0530
கர்நாடகத்தில் குமாரசாமி தலைமையிலான மஜத-காங்கிரஸ் கூட்டணி அரசு கவிழ்ந்ததற்கு நான்தான் (சித்தராமையா) காரணம் என முன்னாள் பிரதமர் தேவெ கெளடா கூறுவது ஆதாரமற்ற,  அரசியல் லாபத்துக்கான குற்றச்சாட்டு என்றார் முன்னாள் முதல்வர் சித்தராமையா.

இதுகுறித்து பெங்களூரில் வெள்ளிக்கிழமை செய்தியாளர்களிடம் அவர் கூறியது:  

முன்னாள் பிரதமர் எச்.டி.தேவெ கெளடா என்மீது அபாண்டமான குற்றச்சாட்டுகளைச் சுமத்தியுள்ளார். அதில் எள்ளளவும் உண்மையில்லை. 
 பாஜக ஆட்சியில் ஜனநாயகத்தையும், அரசியலமைப்புச் சட்டத்தையும் பாதுகாக்க அனைத்து மதச்சார்பற்ற சக்திகளும் ஒன்றிணைந்து போராட்டம் நடத்த வேண்டிய காலகட்டத்தில் இருக்கிறோம்.   மதவாத சக்திகளை எதிர்கொள்வதற்கு மதச்சார்பற்ற சக்திகள் ஒன்றுபட வேண்டும். 
இந்தச் சூழ்நிலையில், முன்னாள் பிரதமர் எச்.டி.தேவெ கெளடா என் மீது பொய்யான, ஆதாரமற்ற, அரசியல் தீயநோக்கம் கொண்ட குற்றச்சாட்டுகளைக் கூறியிருக்கிறார்.

குமாரசாமி தலைமையிலான கூட்டணி அரசு கவிழ்வதற்கு நான்தான் காரணம்;  குமாரசாமி முதல்வராக இருப்பதை என்னால் சகித்துக்கொள்ள முடியவில்லை;  குமாரசாமியை முதல்வராக்க கட்சி மேலிடம் முடிவு செய்ததை என்னால் ஏற்றுக்கொள்ளமுடியவில்லை;  எடியூரப்பா முதல்வரானால், நான் எதிர்க்கட்சித் தலைவராகலாம் என்று சதி செய்தேன் என்று எச்.டி.தேவெ கெளடா கூறியுள்ளார்.

பாஜகவை ஆட்சி அமைக்கவிடாமல் தடுப்பதே என் நோக்கமாக இருந்தது.  குமாரசாமி முதல்வராக ஆதரவளிக்க காங்கிரஸ் மேலிடம் முடிவு செய்தபோது, அந்த முடிவை தலைவணங்கி ஏற்றுக் கொண்டேன். 14 மாதங்கள் குமாரசாமி தலைமையிலான கூட்டணி அரசுக்கு முழு ஒத்துழைப்பு அளித்துள்ளேன்.  
ஆட்சி நிர்வாகத்தில் நான் தலையிட்டதே கிடையாது. கூட்டணி அரசு கவிழ்வதற்கு எச்.டி.தேவெ கெளடா, எச்.டி.குமாரசாமி, எச்.டி.ரேவண்ணா ஆகியோர் காரணம் என்று எம்எல்ஏக்கள்,  அப்போதைய அமைச்சர்கள் தெரிவித்தனர், நான் கூறவில்லை.  தொகுதி வளர்ச்சிக்கு ஒத்துழைப்பு அளிக்காததால் எம்எல்ஏக்கள் அதிருப்தியானார்களின் தன்னிச்சையான முடிவு,  அமைச்சர்கள் மற்றும் எம்எல்ஏக்களின் நம்பிக்கையை தக்கவைத்துக் கொள்ளாததுதான் ஆட்சி கவிழ முக்கிய காரணம். 

அரசியல் ஆதாயத்துக்காக எச்.டி.தேவெ கெளடா என்மீது பழிசுமத்துகிறார்.
காங்கிரஸ் சட்டப்பேரவைக் குழுத் தலைவரான என்னை ஒருங்கிணைப்புக் குழு தலைவராக நியமித்தனர்.  ஒருங்கிணைப்புக் குழுவில் எடுத்த முடிவுகளை குமாரசாமி நிறைவேற்றவில்லை.  கூட்டணி அரசைக் காப்பாற்ற கடைசிவரை தீவிரமாக முயற்சித்தோம். பாஜக ஆட்சி அமைத்துவிடக் கூடாது என்பதால் தீவிரமாக முயற்சித்தோம்.

எடியூரப்பா முதல்வரானால் எதிர்க்கட்சித் தலைவராகிவிடலாம் என்று நான் ஆட்சிக் கவிழ்ப்பில் ஈடுபட்டதாக எச்.டி.தேவெகெளடா கூறியிருக்கிறார். 
முதல்வராக ஆட்சியைக் கவிழ்க்கலாம், எதிர்க்கட்சித் தலைவராக ஆட்சியைக் கவிழ்ப்பார்களா? பதவியைத் தேடி அலைந்தவன் நான் அல்ல. பதவிக்காக ஆட்சியைக் கவிழ்க்கும் மலிவான அரசியலில் ஈடுபடுபவன் நான் அல்ல. ராமகிருஷ்ண ஹெக்டே, எஸ்.ஆர்.பொம்மை, தரம்சிங் ஆகியோரின் ஆட்சியைக் கவிழ்த்தது தேவெ கெளடாதானே.

கர்நாடகத்தில் பாஜக ஆட்சிக்கு வருவதற்கு எச்.டி.தேவெ கெளடாதான் காரணம்.  20 மாதங்கள் எடியூரப்பாவை முதல்வராக்கியிருந்தால், கர்நாடகத்தில் பாஜக வளர்ந்திருக்காது. மக்களவைத் தேர்தலில் மஜதவும், காங்கிரஸும் தோழமையாக மோதலாம் என்று கூறியிருந்தேன்.
தேவெ கெளடா யாரையும் வளர விட மாட்டார்.  கூட்டணி அரசு கவிழ்வதற்கு நான் காரணம் என்று எச்.டி.தேவெ கெளடா கூறியுள்ள குற்றச்சாட்டில் உண்மையில்லை.  எனது அரசியல் வாழ்க்கையை முடிப்பதற்காக இதுபோன்ற குற்றச்சாட்டுகளைக் கூறியிருக்கிறார். 
மஜதவுடனான காங்கிரஸ் கூட்டணி தொடருமா? என்பதை கட்சி மேலிடம்தான் முடிவு செய்யும். எடியூரப்பா தலைமையிலான பாஜக அரசு எத்தனை நாள்களுக்கு நீடிக்கும் என்று கூற முடியாது.  ஆனால், அரசு நீண்ட நாள்களுக்கு நீடிப்பது கடினம் என்றார்.

]]>
https://images.dinamani.com/uploads/user/imagelibrary/2016/11/10/w600X390/sidharamaya.jpg https://www.dinamani.com/india/2019/aug/24/கர்நாடகத்தில்-ஆட்சி-மாற்றம்-தேவெ-கெளடா-குற்றச்சாட்டில்-உண்மையில்லை-3219857.html
3219924 இந்தியா ஏர்செல்-மேக்சிஸ் வழக்கில் ப.சிதம்பரத்தை கைது செய்ய இடைக்காலத் தடை DIN DIN Saturday, August 24, 2019 04:26 AM +0530
ஏர்செல்-மேக்சிஸ் ஒப்பந்த வழக்கில் ப.சிதம்பரம், அவரது மகனும், எம்.பி.யுமான கார்த்தி சிதம்பரம் ஆகியோரைக் கைது செய்வதற்கான இடைக்காலத் தடையை செப்டம்பர் 3-ஆம் தேதி வரை நீட்டித்து, தில்லி சிறப்பு நீதிமன்றம் வெள்ளிக்கிழமை உத்தரவிட்டது.
கடந்த 2006-ஆம் ஆண்டில் மத்திய நிதியமைச்சராக ப.சிதம்பரம் பதவி வகித்தபோது, மலேசியாவைச் சேர்ந்த மேக்சிஸ் நிறுவனம், ஏர்செல் நிறுவனத்தில் ரூ.3,500 கோடி முதலீடு செய்தது. இந்த முதலீடு, பொருளாதார விவகாரங்களுக்கான மத்திய அமைச்சரவைக் குழுவின் அனுமதி பெறாமல் மேற்கொள்ளப்பட்டதாகவும், இதற்கு கார்த்தி சிதம்பரம் உதவியதாகவும், அதற்குப் பிரதிபலனாக அவரது நிறுவனங்களுக்கு லஞ்சப் பணம் கைமாறியதாகவும் குற்றச்சாட்டு எழுந்தது.
இதுதொடர்பாக, சிபிஐ அமைப்பும், அமலாக்கத் துறையும் வழக்குப் பதிவு செய்து விசாரணை மேற்கொண்டு வருகின்றன. இந்த வழக்கில் தங்களுக்கு முன்ஜாமீன் கோரி ப.சிதம்பரம், கார்த்தி சிதம்பரம் ஆகியோர் தாக்கல் செய்துள்ள மனுவை, தில்லி சிபிஐ சிறப்பு நீதிமன்றம் விசாரித்து வருகிறது. 
இந்நிலையில், சிறப்பு நீதிமன்ற நீதிபதி ஓ.பி.சைனி முன் வெள்ளிக்கிழமை மீண்டும் விசாரணை நடைபெற்றது. அப்போது, ப.சிதம்பரம் சம்பந்தப்பட்டுள்ள ஐஎன்எக்ஸ் மீடியா முறைகேடு வழக்கின் விசாரணை உச்சநீதிமன்றத்தில் நிலுவையில் உள்ளதால், ஏர்செல்-மேக்சிஸ் வழக்கின் விசாரணையை ஒத்திவைக்கக் கோரி சிபிஐ, அமலாக்கத் துறை சார்பில் கோரிக்கை வைக்கப்பட்டது. இதையடுத்து நீதிபதி, இந்த வழக்கின் விசாரணையை ஒத்திவைக்க சிபிஐயும், அமலாக்கத் துறையும் மீண்டும் மீண்டும் கோருவது இக்கட்டான சூழலை ஏற்படுத்தி வருகிறது. கடந்த ஓராண்டாக இதே நடைமுறையை சிபிஐயும், அமலாக்கத் துறையும் கடைப்பிடித்து வருகின்றன. மனுதாரர்களின் முன்ஜாமீன் குறித்து செப்டம்பர் 3-ஆம் தேதி உத்தரவு பிறப்பிக்கப்படும். அதுவரை அவர்களைக் கைது செய்யத் தடை விதிக்கப்படுகிறது என்றார்.
 

]]>
https://images.dinamani.com/uploads/user/imagelibrary/2019/8/24/w600X390/Chidambaram.jpg https://www.dinamani.com/india/2019/aug/24/ஏர்செல்-மேக்சிஸ்-வழக்கில்-பசிதம்பரத்தை-கைது-செய்ய-இடைக்காலத்-தடை-3219924.html
3219890 இந்தியா ஜேட்லியின் உடல்நலம் விசாரித்தார் உமா பாரதி DIN DIN Saturday, August 24, 2019 02:41 AM +0530 தில்லி எய்ம்ஸ் மருத்துவமனையில் சிகிச்சைப் பெற்றுவரும் முன்னாள் நிதி அமைச்சர் அருண் ஜேட்லியின் உடல்நலம் குறித்து முன்னாள் மத்திய அமைச்சர் உமா பாரதி வெள்ளிக்கிழமை விசாரித்தார்.
உடல் நலக் குறைவால் கடந்த 9-ஆம் தேதி எய்ம்ஸ் மருத்துவமனையில் ஜேட்லி அனுமதிக்கப்பட்டார். அவருக்கு மருத்துவர்கள் தொடர்ந்து சிகிச்சை அளித்து வருகின்றனர். முன்னதாக, பாஜக மூத்த தலைவர் எல்.கே.அத்வானி, உத்தரகண்ட் முதல்வர் திரிவேந்திர சிங் ராவத், உத்தரப் பிரதேச ஆளுநர் ஆனந்திபென் படேல், பிகார் துணை முதல்வர் சுஷீல் குமார் மோடி, பாஜக மூத்த தலைவர் மேனகா காந்தி உள்ளிட்டோர் ஜேட்லியின் உடல்நலம் குறித்து விசாரித்தனர்.

]]>
https://www.dinamani.com/india/2019/aug/24/ஜேட்லியின்-உடல்நலம்-விசாரித்தார்-உமா-பாரதி-3219890.html
3219837 இந்தியா ஜம்மு-காஷ்மீருக்கு எதிர்க்கட்சித் தலைவர்கள் இன்று பயணம் DIN DIN Saturday, August 24, 2019 02:41 AM +0530 ஜம்மு-காஷ்மீருக்கு எதிர்க்கட்சித் தலைவர்கள் சனிக்கிழமை சென்று அந்த மாநில மக்களை சந்திக்கவுள்ளதாகத் தகவல்கள் தெரிவிக்கின்றன. காங்கிரஸ் கட்சியின் முன்னாள் தலைவர் ராகுல் காந்தியும் அங்கு செல்வார் என்று எதிர்பார்க்கப்படுகிறது.
ஜம்மு-காஷ்மீருக்கு வழங்கப்பட்ட சிறப்பு அந்தஸ்தை மத்திய அரசு நீக்கிய பிறகு, சட்டம்-ஒழுங்கை கருத்தில் கொண்டு அந்த மாநிலத்தில் பல்வேறு கட்டுப்பாடுகள் விதிக்கப்பட்டுள்ளன.
இதுகுறித்து தகவலறிந்த வட்டாரங்கள் கூறியதாவது:
காங்கிரஸ், திமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட், ராஷ்ட்ரீய ஜனதா தளம், தேசியவாத காங்கிரஸ், திரிணமூல் காங்கிரஸ் ஆகிய கட்சிகளின் மூத்த தலைவர்கள் ஜம்மு-காஷ்மீருக்குச் சென்று அந்த மாநில மக்களை சந்திக்கவுள்ளனர். காங்கிரஸ் கட்சியின் மூத்த தலைவர்களான குலாம் நபி ஆஸாத், ஆனந்த் சர்மா ஆகியோருடன் ராகுலும் செல்வார் என்று எதிர்பார்க்கப்படுகிறது.
சீதாரம் யெச்சூரி (மார்க்சிஸ்ட் கம்யூனிஸ்ட்), டி.ராஜா (இந்திய கம்யூனிஸ்ட்), திருச்சி சிவா (திமுக), மனோஜ் ஜா (ராஷ்ட்ரீய ஜனதா தளம்), தினேஷ் திரிவேதி (திரிணமூல் காங்கிரஸ்) ஆகியோர் சனிக்கிழமை பிற்பகல் தில்லியில் இருந்து விமானத்தில் ஸ்ரீநகர் செல்கின்றனர். அனுமதி கிடைத்தால் ஜம்மு-காஷ்மீரின் பல்வேறு பகுதிகளுக்கும் அவர்கள் செல்ல தயாராக இருப்பதாகத் தெரிகிறது என்று அந்த வட்டாரங்கள் தெரிவித்தன.
சமூக வலைதளமான சுட்டுரையில் திரிணமூல் காங்கிரஸ் வெள்ளிக்கிழமை வெளியிட்ட பதிவில், கட்சியின் மூத்த தலைவர் தினேஷ் திரிவேதி, எதிர்க்கட்சிகளின் முக்கியப் பிரமுகர்களுடன் ஸ்ரீநகருக்கு சனிக்கிழமை செல்கிறார். சிறப்பு அந்தஸ்து ரத்து செய்யப்பட்டதை அடுத்து, அந்த மாநிலத்தின் நிலைமையை ஆய்வு செய்ய எதிர்க்கட்சியின் முக்கியத் தலைவர்கள் அங்கு செல்கின்றனர் என்று குறிப்பிடப்பட்டிருந்தது.
ஜம்மு-காஷ்மீரில் சிறப்பு அந்தஸ்து ரத்துக்குப் பிறகு, எதிர்க்கட்சித் தலைவர்களை அந்த மாநிலத்துக்குச் செல்ல மத்திய அரசு அனுமதிக்கவில்லை.
ஸ்ரீநகர், ஜம்முவில் குலாம் நபி ஆஸாத் தடுத்து நிறுத்தப்பட்டார். டி.ராஜா, ஸ்ரீநகர் விமான நிலையம் வரை சென்று அனுமதி கிடைக்காத காரணத்தால் திரும்பினார். எந்தவொரு நிபந்தனையும் இல்லாமல் எப்போதும் காஷ்மீர் மக்களை சந்திக்க முடியும்? என்று அந்த மாநில ஆளுநர் சத்யபால் மாலிக்கிடம் ராகுல் காந்தி சமீபத்தில் கேட்டிருந்தார்.
எதிர்க்கட்சித் தலைவர்கள் வரவேண்டாம்: காஷ்மீர் அரசு
தற்போதைய நிலைமையில் ஜம்மு-காஷ்மீருக்கு எதிர்க்கட்சித் தலைவர்கள் வர வேண்டாம் என்று  அறிவுறுத்தி அந்த மாநில அரசு நிர்வாகம் அறிக்கை வெளியிட்டுள்ளது.
 எதிர்க்கட்சித் தலைவர்களின் வருகை காஷ்மீர் பள்ளத்தாக்கில் படிப்படியாக திரும்பிவரும் அமைதியும், இயல்பு வாழ்க்கையும் பாதிக்க காரணமாகிவிடும். கட்டுப்பாடுகள் விதிக்கப்பட்டுள்ள பகுதியில் அவர்கள் செல்ல முயற்சி செய்வதும் விதிமீறலாகும் என்று தெரிவிக்கப்பட்டுள்ளது.
 

]]>
https://images.dinamani.com/uploads/user/imagelibrary/2019/7/6/w600X390/ragul.jpg https://www.dinamani.com/india/2019/aug/24/ஜம்மு-காஷ்மீருக்கு-எதிர்க்கட்சித்-தலைவர்கள்-இன்று-பயணம்-3219837.html
3219889 இந்தியா பட்காம்: விமானப் படை ஹெலிகாப்டரை தாக்கியது இந்திய ஏவுகணைதான்: விசாரணையில் உறுதி DIN DIN Saturday, August 24, 2019 02:40 AM +0530
ஜம்மு-காஷ்மீர் மாநிலம், பட்காமில் கடந்த பிப்ரவரி மாதம் இந்திய விமானப் படைக்கு சொந்தமான ஹெலிகாப்டரை தாக்கியது, இந்திய ஏவுகணைதான் என்பது விசாரணையில் உறுதியாகியுள்ளது.
முன்னதாக, புல்வாமா பயங்கரவாத தாக்குதலுக்கு பதிலடியாக, பாகிஸ்தானின் பாலாகோட் பகுதியில் கடந்த பிப்ரவரி 26-ஆம் தேதி இந்திய விமானப் படை அதிரடி தாக்குதல் நடத்தி, ஜெய்ஷ்-ஏ-முகமது பயங்கரவாத முகாம்களை அழித்தது. இதற்கு மறுநாள், இந்திய பகுதிக்குள் தாக்குதல் நடத்த பாகிஸ்தான் போர் விமானங்கள் முயற்சித்தன. அந்த முயற்சியை, இந்திய விமானப் படை முறியடித்தது.
இதனிடையே, பட்காம் பகுதியில் இந்திய விமானப் படைக்கு சொந்தமான எம்ஐ-17 ரக ஹெலிகாப்டர் விழுந்து நொறுங்கியது. இதில் 6 ராணுவ வீரர்களும், பொதுமக்களில் ஒருவரும் உயிரிழந்தனர். முதலில் இச்சம்பவம் விபத்தாக இருக்கலாம் என கருதப்பட்டது. ஆனால், இந்திய வான்பாதுகாப்பு அமைப்பால் தவறுதலாக தாக்கப்பட்டு, ஹெலிகாப்டர் விழுந்து நொறுங்கியது பின்னர் தெரியவந்தது.
இதுதொடர்பாக, இந்திய விமானப் படை தரப்பில் உயர்நிலை விசாரணை நடத்தப்பட்டது. இந்திய ஏவுகணை தாக்கியே ஹெலிகாப்டர் விழுந்து நொறுங்கியது விசாரணையில் உறுதி செய்யப்பட்டுள்ளது. இந்த சம்பவத்துக்கு பொறுப்பான ஒரு உயரதிகாரி உள்பட 4 அதிகாரிகள் கண்டறியப்பட்டுள்ளனர். அவர்களுக்கு எதிராக கடுமையான நடவடிக்கை எடுக்கப்படவுள்ளதாக ராணுவ வட்டாரங்கள் தெரிவித்தன.
 

]]>
https://www.dinamani.com/india/2019/aug/24/பட்காம்-விமானப்-படை-ஹெலிகாப்டரை-தாக்கியது-இந்திய-ஏவுகணைதான்-விசாரணையில்-உறுதி-3219889.html
3219888 இந்தியா முத்தலாக் தடைச் சட்டத்துக்கு எதிரான மனு: மத்திய அரசுக்கு உச்சநீதிமன்றம் நோட்டீஸ் DIN DIN Saturday, August 24, 2019 02:40 AM +0530
முத்தலாக் கூறி விவாகரத்து செய்வதை தண்டனைக்குரிய குற்றமாக அறிவித்து கொண்டுவரப்பட்ட சட்டத்தை எதிர்த்து தாக்கல் செய்யப்பட்ட மனு மீது பதிலளிக்குமாறு மத்திய அரசுக்கு உச்சநீதிமன்றம் நோட்டீஸ் அனுப்பியுள்ளது.
உடனடியாக மூன்று முறை தலாக் (முத்தலாக்) கூறி விவாகரத்து செய்யும் நடைமுறையை கிரிமினல் குற்றமாக்க வகைசெய்யும் முஸ்லிம் பெண்கள் (திருமண உரிமைப் பாதுகாப்பு) மசோதா நாடாளுமன்றத்தில் அண்மையில் நிறைவேற்றப்பட்டது. இதன்படி முத்தலாக் கூறி விவாகரத்து செய்யும் நபருக்கு 3 ஆண்டுகள் வரை சிறைத்தண்டனை வழங்க முடியும். இந்த சட்டத்துக்கு குடியரசுத் தலைவர் ராம்நாத் கோவிந்த் ஒப்புதல் அளித்ததையடுத்து இந்த மசோதா சட்டமாக நடைமுறைக்கு வந்தது.
இந்நிலையில், இந்தச் சட்டம், அரசமைப்புச் சட்டத்தின் விதிகளை மீறுவதாகவும், இது சட்டவிரோதமானது என்று அறிவிக்குமாறும் உச்சநீதிமன்றத்தில் முஸ்லிம் அமைப்புகள் சார்பாக மனுக்கள் தாக்கல் செய்யப்பட்டன.
இந்த மனுக்கள் தொடர்பான விசாரணை உச்சநீதிமன்ற நீதிபதிகள் என்.வி. ரமணா மற்றும் அஜய் ரஸ்தோகி ஆகியோர் அடங்கிய அமர்வு முன் வெள்ளிக்கிழமை நடைபெற்றது. அப்போது மனுதாரர் சார்பாக வாதாடிய மூத்த வழக்குரைஞர் சல்மான் குர்ஷித் கூறுகையில், முஸ்லிம் பெண்களிடம் அவர்களது கணவர்கள் தலாக் என்று அடுத்தடுத்து மூன்று முறை கூறி விவாகரத்து செய்யும் நடைமுறை செல்லாது என்று உச்சநீதிமன்றம் கடந்த 2017-ஆம் ஆண்டு தீர்ப்பளித்தது. அவ்வாறு இருக்கும்போது, முத்தலாக் கூறும் நடைமுறையை எதற்காக தண்டனைக்குரிய குற்றமாக மாற்ற வேண்டும். எனவே, முத்தலாக் கூறுவதை தண்டனைக்குரிய குற்றமாக அறிவித்தது குறித்து உச்சநீதிமன்றம் ஆய்வு செய்ய வேண்டும் என்றார்.
இதையேற்ற நீதிபதிகள், முத்தலாக் கூறி விவாகரத்து செய்யும் நடைமுறையால் முஸ்லிம் பெண்களின் உரிமைகள் பறிக்கப்படுகிறதா என்று ஆய்வு செய்ய வேண்டும். இந்தச் சட்டம் குறித்து நாங்கள் ஆய்வு செய்கிறோம் என்று கூறினர். அதையடுத்து, இந்த மனு குறித்து மத்திய அரசு பதிலளிக்குமாறு நோட்டீஸ் அனுப்ப நீதிபதிகள் உத்தரவிட்டனர்.

]]>
https://images.dinamani.com/uploads/user/imagelibrary/2019/7/26/w600X390/muthalak.jpg https://www.dinamani.com/india/2019/aug/24/முத்தலாக்-தடைச்-சட்டத்துக்கு-எதிரான-மனு-மத்திய-அரசுக்கு-உச்சநீதிமன்றம்-நோட்டீஸ்-3219888.html
3219858 இந்தியா காஷ்மீரில் அமைதி நிலவுகிறது: அதிகாரிகள் தகவல் DIN DIN Saturday, August 24, 2019 01:25 AM +0530
ஜம்மு-காஷ்மீர் மாநிலம், ஸ்ரீநகரில் வெள்ளிக்கிழமை சில இடங்களில் மட்டும் போராட்டம் நடைபெற்றது என்றும் பெரும்பாலான பகுதிகளில் அமைதியான சூழல் காணப்படுகிறது என்றும் அதிகாரிகள் தெரிவித்தனர்.
இதுகுறித்து அவர்கள் மேலும் கூறியதாவது:
ஸ்ரீநகரின் சௌரா பகுதியில் வெள்ளிக்கிழமை தொழுகைக்கு பிறகு, 300 பேர் போராட்டத்தில் ஈடுபட்டனர். அவர்களை தடியடி நடத்தி பாதுகாப்புப் படையினர் கலைத்தனர். ஸ்ரீநகர், காஷ்மீர் பள்ளத்தாக்குப் பகுதியில் மீண்டும் கட்டுப்பாடுகள் அமல்படுத்தப்பட்டன. தற்போது அமைதியான சூழல் நிலவி வருகிறது. பல்வேறு இடங்களில் பாதுகாப்புப் படையினர் குவிக்கப்பட்டுள்ளனர் என்று அதிகாரிகள் தெரிவித்தனர்.
முன்னதாக, ஜம்மு-காஷ்மீருக்கு வழங்கப்பட்ட சிறப்பு அந்தஸ்து ரத்து செய்யப்பட்டதற்கு எதிர்ப்பு தெரிவித்து போராட்டத்தில் ஈடுபட முன்வருமாறு பிரிவினைவாதத் தலைவர்கள் அழைப்பு விடுத்திருந்தனர்.
சிறப்பு அந்தஸ்து ரத்து செய்தது முதல், முன்னெச்சரிக்கை நடவடிக்கையாக ஜம்மு-காஷ்மீரில் இணையச் சேவை துண்டிக்கப்பட்டுள்ளது. ஜம்மு-காஷ்மீர் முன்னாள் முதல்வர்கள் ஓமர் அப்துல்லா, மெஹபூபா முஃப்தி ஆகியோர் வீட்டுக் காவலில் வைக்கப்பட்டுள்ளனர்.


 

]]>
https://images.dinamani.com/uploads/user/imagelibrary/2019/8/24/w600X390/kashmir.jpg ஸ்ரீ கிருஷ்ண ஜயந்தியையொட்டி,  ஜம்முவில் உள்ள ரகுநாதர் கோயிலில்  வெள்ளிக்கிழமை பாதுகாப்புப் பணியில் ஈடுபட்ட துப்பாக்கிய ஏந்திய போலீஸார். https://www.dinamani.com/india/2019/aug/24/காஷ்மீரில்-அமைதி-நிலவுகிறது-அதிகாரிகள்-தகவல்-3219858.html
3219856 இந்தியா பதற்றமான சூழல் இருந்தாலும் கர்தார்பூர் வழித்தடத்தை திறக்கத் தயாராக உள்ளோம்: பாகிஸ்தான் DIN DIN Saturday, August 24, 2019 01:23 AM +0530
ஜம்மு-காஷ்மீர் விவகாரம் தொடர்பாக இந்தியாவுடனான உறவில் பதற்றம் நிலவினாலும், கர்தார்பூர் வழித்தடத்தை திறக்கத் தயாராகவே உள்ளோம். கர்தார்பூருக்கு சீக்கியர்களை வரவேற்கிறோம் என்று பாகிஸ்தான் கூறியுள்ளது. 
பாகிஸ்தானுடனான பேச்சுவார்த்தைக்காக ஆப்கானிஸ்தான் எம்.பி.க்கள், அதிகாரிகள் அடங்கிய குழு வெள்ளிக்கிழமை இஸ்லாமாபாத் வந்தது. அந்தக் குழுவினருடனான பேச்சுவார்த்தையின்போது பாகிஸ்தான் வெளியுறவுத் துறை அமைச்சர் ஷா மெஹ்மூத் குரேஷி மேற்கண்டவாறு கூறியுள்ளார். 
இதுதொடர்பாக அவர் மேலும் பேசியதாவது: 
இந்தியாவுடனான உறவில் பதற்றம் நிலவினாலும், கர்தார்பூர் வழித்தட விவகாரத்துடன் அதை தொடர்புபடுத்த விரும்பவில்லை. கர்தார்பூர் வழித்தடத்தை திறக்கத் தயாராகவே உள்ளோம். பாபா குரு நானக்கின் 550-ஆவது பிறந்த தின கொண்டாட்டத்துக்காக கர்தார்பூருக்கு சீக்கிய யாத்ரீகர்களை வரவேற்கிறோம். 
அதேவேளையில், இந்தியாவுடனான பதற்றமான சூழல் எந்த விதத்திலும் ஆப்கானிஸ்தானுடனான பாகிஸ்தானின் உறவை பாதிக்காது. ஆப்கானிஸ்தானுடனான எல்லை மூடப்படாது; வர்த்தகமும் நிறுத்தப்படாது. நரேந்திர மோடியின் முரண்பட்ட நடவடிக்கைகளுக்காக ஆப்கானிஸ்தான் ஏன் பாதிக்கப்பட வேண்டும்? 
இந்தியாவுடனான உறவில் பதற்றம் நிலவினாலும், ஆப்கானிஸ்தானுடனான உறவில் பாகிஸ்தான் கவனமுடன் செயல்பட்டு வருகிறது. காஷ்மீர் விவகாரம் மிகப்பெரிய கவனச் சிதறலாக இருந்தாலும், ஆப்கானிஸ்தானுடனான உறவில் எவ்வாறு செயல்பட வேண்டும் என்பதில் நாங்கள் தெளிவாக இருக்கிறோம். 
ஆப்கானிஸ்தானுடன் நல்லுறவையும், அதனுடன் இணைந்து செயல்படுவதையுமே பாகிஸ்தான் விரும்புகிறது. ஆப்கானிஸ்தான் அதிபர் தேர்தலில் நாங்கள் தலையிட விரும்பவில்லை. அந்நாட்டில் யார் ஆட்சிக்கு வந்தாலும், அவர்களோடு இணைந்து பணியாற்றுவோம் என்று ஷா மெஹ்மூத் குரேஷி கூறினார். 
பாகிஸ்தானின் பஞ்சாப் மாகாணத்தில் உள்ள கர்தார்பூரில் சீக்கிய மதத்தை தோற்றுவித்த பாபா குரு நானக்கின் குருத்வாரா உள்ளது. அங்கு இந்திய சீக்கிய யாத்ரீகர்கள் பயணிக்கும் விதமாக இந்தியாவின் பஞ்சாப் மாநிலத்தில் உள்ள குருதாஸ்பூரில் இருந்து, பாகிஸ்தானின் கர்தார்பூருக்கு சிறப்பு வழித்தடம் அமைக்கப்பட்டு வருகிறது. இந்த வழித்தடத்தை இந்தியா-பாகிஸ்தான் அரசுகள் இணைந்து அமைத்து வருகின்றன.
 

]]>
https://www.dinamani.com/india/2019/aug/24/பதற்றமான-சூழல்-இருந்தாலும்-கர்தார்பூர்-வழித்தடத்தை-திறக்கத்-தயாராக-உள்ளோம்-பாகிஸ்தான்-3219856.html
3219855 இந்தியா பாபர் மசூதி இடிப்பு விவகாரம்: உ.பி. அரசுக்கு உச்சநீதிமன்றம் உத்தரவு DIN DIN Saturday, August 24, 2019 01:22 AM +0530
கடந்த 1992ஆம் ஆண்டு பாபர் மசூதி இடிப்பு வழக்கை விசாரித்துவரும் சிறப்பு நீதிபதியின் பதவிக் காலத்தை நீட்டித்து 2 வாரங்களுக்குள் உத்தரவிடுமாறு உத்தரப் பிரதேச அரசுக்கு உச்சநீதிமன்றம் உத்தரவிட்டுள்ளது.
இந்த வழக்கை விசாரித்துவரும் சிறப்பு நீதிபதி, தனக்கு பாதுகாப்பு வழங்கப்பட வேண்டும் என்பது உள்பட 5 கோரிக்கைகளை குறிப்பிட்டு உச்சநீதிமன்றத்துக்கு கடந்த மாதம் 27ஆம் தேதி கடிதம் எழுதியிருந்தார்.
இதை விசாரித்த உச்சநீதிமன்ற நீதிபதிகள் ஆர்.எஃப்.நாரிமன், சூர்ய காந்த் தலைமையிலான அமர்வு, உத்தரப் பிரதேச அரசின் சார்பில் ஆஜரான மூத்த வழக்குரைஞர் ஐஸ்வர்யா பதியிடம், சிறப்பு நீதிபதியின் 5 கோரிக்கைகளையும் பரிசீலிக்க வேண்டும். 9 மாதங்களுக்குள் பாபர் மசூதி இடிப்பு வழக்கில் தீர்ப்பு வழங்க வேண்டும். செப்டம்பர் 30ஆம் தேதியுடன் ஓய்வு பெறவுள்ள நீதிபதி, இந்த வழக்கில் தீர்ப்பு வழங்குவதற்காகவே பதவி நீட்டிப்பு செய்யப்பட்டுள்ளார். இதுதொடர்பான உத்தரவை உத்தரப் பிரதேச அரசு 2 வாரங்களுக்குள் வெளியிட வேண்டும் என்று தெரிவித்தது.
பாபர் மசூதி இடிப்பு வழக்கில் பாஜக மூத்த தலைவர்கள் எல்.கே.அத்வானி, எம்.எம்.ஜோஷி, உமா பாரதி ஆகியோர் குற்றம்சாட்டப்பட்டுள்ளனர்.
இந்த வழக்கில், குற்றம்சாட்டப்பட்ட கிரிராஜ் கிஷோர், விசுவ ஹிந்து பரிஷத் அமைப்பின் தலைவர் அசோக் சிங்கல், விஷ்ணு ஹரி டால்மியா ஆகியோர் விசாரணையின்போது உயிரிழந்துவிட்டனர்.
 

]]>
https://images.dinamani.com/uploads/user/imagelibrary/2019/8/7/w600X390/supreme.jpg https://www.dinamani.com/india/2019/aug/24/பாபர்-மசூதி-இடிப்பு-விவகாரம்-உபி-அரசுக்கு-உச்சநீதிமன்றம்-உத்தரவு-3219855.html
3219854 இந்தியா உ.பி.: பல் மருத்துவர் மீது முத்தலாக் வழக்கு DIN DIN Saturday, August 24, 2019 01:21 AM +0530
உத்தரப் பிரதேச மாநிலம், முசாஃபர்நகரில் தனது மனைவிக்கு உடனடியாக முத்தலாக் கூறிய விவகாரம் தொடர்பாக பல் மருத்துவர் ஒருவர் மீது வழக்குப் பதிவு செய்யப்பட்டுள்ளது.
உடனடியாக மூன்று முறை தலாக் கூறி விவாகரத்து செய்யும் நடைமுறையைச் சட்டவிரோதமாக்கும் நோக்கில், முத்தலாக் தடை மசோதாவை மத்திய அரசு அண்மையில் நிறைவேற்றியது. இந்நிலையில், முசாஃபர்நகர் பகுதியிலுள்ள முஸ்தாஃபாத் கிராமத்தில் பல் மருத்துவராகப் பணியாற்றி வரும் தஹீர் ஹாசன் என்பவர் தனது மனைவி சாயீரா பானுவுக்கு கடந்த ஏப்ரல் மாதம் 16-ஆம் தேதி மூன்று முறை தலாக் கூறி விவாகரத்து செய்வதாகக் கூறியுள்ளார்.
இதையடுத்து, முஸ்லிம் பெண்கள் திருமண உரிமை பாதுகாப்புச் சட்டத்தின் கீழ் மாண்டி காவல் நிலையத்தில் தஹீர் ஹாசன் மீது வியாழக்கிழமை வழக்குப் பதிவு செய்யப்பட்டது. திருமணத்தின்போது வாக்களித்திருந்த வரதட்சிணையை சாயீரா பானு குடும்பத்தினர் அளிக்காததையடுத்து, தஹீர் ஹாசன் தனது மனைவியை விவாகரத்து செய்ததாகக் காவல் துறையினரின் தரப்பில் தெரிவிக்கப்பட்டது.
மகாராஷ்டிரத்தில் மற்றொரு வழக்கு: உடனடியாக மூன்று முறை தலாக் கூறி விவாகரத்து செய்தது தொடர்பாக, மகாராஷ்டிர மாநிலம், அகோலா மாவட்டத்தில் முகமது ஜாபர் என்பவர் மீது வழக்குப் பதிவு செய்யப்பட்டுள்ளது.
இது தொடர்பாக, அவரது மனைவி பாலாபூர் காவல் நிலையத்தில் புகார் அளித்தார். அதில் அவர் கூறியுள்ளதாவது:
எனக்கும் எனது கணவருக்கும் கடந்த 2013-ஆம் ஆண்டு திருமணம் ஆனது. இந்நிலையில், பல்வேறு விவகாரங்கள் தொடர்பாக எங்களிருவருக்கும் பிரச்னை எழுந்தது. இதனால், எனது பெற்றோரின் வீட்டுக்குத் திரும்பிச் செல்லுமாறு என் கணவரும் அவரது குடும்பத்தினரும் வற்புறுத்தி, சித்திரவதை செய்தனர். 
கடந்த 21-ஆம் தேதி பாலாபூர் காவல் நிலையத்தில் எங்களிருவரிடையே சமாதானப் பேச்சுவார்த்தை நடைபெற்றது. அதிலும் சமாதானம் அடையாத என் கணவர், என்னிடம் 3 முறை தலாக் கூறி விவாகரத்து செய்துவிட்டார் என்று அந்தப் புகாரில் கூறப்பட்டுள்ளது.
இதைத் தொடர்ந்து, முகமது ஜாபர் மீதும், அவரது குடும்பத்தினர் 4 பேர் மீதும் முஸ்லிம் பெண்கள் திருமண உரிமை பாதுகாப்புச் சட்டத்தின் கீழ் காவல் துறையினர் வழக்குப் பதிவு செய்தனர்.
 

]]>
https://www.dinamani.com/india/2019/aug/24/உபி-பல்-மருத்துவர்-மீது-முத்தலாக்-வழக்கு-3219854.html
3219853 இந்தியா கருப்புப் பட்டியலில் பாகிஸ்தான்: ஆசிய-பசிபிக் குழு நடவடிக்கை DIN DIN Saturday, August 24, 2019 01:21 AM +0530
பயங்கரவாதக் குழுக்களுக்கு நிதி கிடைப்பதை தடுக்க தவறியதற்காக, பாகிஸ்தானை கருப்புப் பட்டியலில் சேர்த்து, சர்வதேச பயங்கரவாத நிதி தடுப்பு அமைப்பின் (எஃப்ஏடிஎஃப்) செயல்படும் ஆசிய-பசிபிக் குழு நடவடிக்கை மேற்கொண்டுள்ளது.
இதுதொடர்பாக இந்திய வெளியுறவுத் துறை அதிகாரிகள் கூறியதாவது:
41 உறுப்பினர்களைக் கொண்ட ஆசிய பசிபிக் குழுவின் மாநாடு, ஆஸ்திரேலியாவின் கான்பெரா நகரில் கடந்த வியாழன், வெள்ளி ஆகிய இரு தினங்கள் நடைபெற்றது. இந்த மாநாட்டில், இந்தியா சார்பில் மத்திய உள்துறை, வெளியுறவுத் துறை மற்றும் நிதித் துறை அதிகாரிகள் பங்கேற்றனர். பாகிஸ்தான் தரப்பில் அந்நாட்டு தேசிய வங்கியின் ஆளுநர் தலைமையிலான குழு பங்கேற்றது.
பயங்கரவாத குழுக்களுக்கு நிதி கிடைப்பதை தடுப்பதற்காக, ஆசிய-பசிபிக் குழுவால் 40 விதிமுறைகள் நிர்ணயிக்கப்பட்டுள்ளன. அவற்றில், 32 விதிமுறைகளை பாகிஸ்தான் கடைப்பிடிக்கவில்லை என்பது விவாதங்களின் முடிவில் உறுதி செய்யப்பட்டது. லஷ்கர்-ஏ-தொய்பா, ஜெய்ஷ்-ஏ-முகமது உள்ளிட்ட பயங்கரவாத குழுக்களுக்கு நிதி கிடைப்பதை தடுக்க தவறியதற்காக, ஆசிய-பசிபிக் குழுவின் கருப்புப் பட்டியலில் பாகிஸ்தான் சேர்க்கப்பட்டது என்று அதிகாரிகள் தெரிவித்தனர்.
ஏற்கெனவே, எஃப்ஏடிஎஃப்-இன் கண்காணிக்கப்படும் நாடுகள் பட்டியலில் பாகிஸ்தான் உள்ளது. இந்த அமைப்பின் மாநாடு, பிரான்ஸ் தலைநகர் பாரீஸில் வரும் அக்டோபரில் நடைபெறவுள்ளது. இந்த அமைப்பு, பாகிஸ்தானுக்கான 27 அம்ச செயல்திட்டத்தை ஏற்கெனவே நிர்ணயித்துள்ளது. இந்த செயல்திட்டத்தை நிறைவேற்றுவதற்கான காலக்கெடு அக்டோபருடன் முடிவடைகிறது. செயல்திட்டத்தை பூர்த்தி செய்யாத பட்சத்தில், எஃப்ஏடிஎஃப்-இன் கருப்புப் பட்டியலிலும் பாகிஸ்தான் சேர்க்கப்படும். இதன் மூலம், உலக வங்கி, சர்வதேச செலாவணி நிதியம் உள்ளிட்ட சர்வதேச அமைப்புகளிடமிருந்து நிதியுதவி பெறுவதில் பாகிஸ்தானுக்கு சிக்கல் ஏற்படும்.
முன்னதாக, எஃப்ஏடிஎஃப்-இன் கண்காணிக்கப்படும் நாடுகள் பட்டியலில் பாகிஸ்தான் கடந்த ஆண்டு ஜூனில் சேர்க்கப்பட்டது. மேலும், 24 அம்ச செயல்திட்டமும் நிர்ணயிக்கப்பட்டது. இதைத்தொடர்ந்து, கடந்த ஆண்டு அக்டோபரிலும், கடந்த பிப்ரவரியிலும் நடைபெற்ற எஃப்ஏடிஎஃப் கூட்டங்களின்போது, பாகிஸ்தானின் செயல்பாடுகள் தொடர்பாக மறுஆய்வு செய்யப்பட்டது. எனினும், கண்காணிக்கப்படும் நாடுகள் பட்டியலிலேயே தொடர்ந்து பாகிஸ்தான் வைக்கப்பட்டுள்ளது.
 

]]>
https://www.dinamani.com/india/2019/aug/24/கருப்புப்-பட்டியலில்-பாகிஸ்தான்-ஆசிய-பசிபிக்-குழு-நடவடிக்கை-3219853.html
3219852 இந்தியா கடந்த ஜூனில் 12.19 லட்சம் புதிய வேலைவாய்ப்புகள் DIN DIN Saturday, August 24, 2019 01:21 AM +0530
கடந்த ஜூன் மாதம் 12.19 லட்சம் புதிய வேலைவாய்ப்புகள் உருவாக்கப்பட்டுள்ளதாக தொழிலாளர் அரசு காப்பீட்டு கழகத்தின் (இஎஸ்ஐசி) மூலம் தெரியவந்துள்ளது.
இதுகுறித்து தேசியப் புள்ளியியல் அலுவலகம் வெளியிட்ட அறிக்கையில் கூறப்பட்டுள்ளதாவது:
2018-2019 காலகட்டத்தில், 1.49 கோடி புதிய தொழிலாளர்கள் இஎஸ்ஐசியில் பதிவு செய்துள்ளனர்.  தொழிலாளர் வருங்கால வைப்பு நிதி (இபிஎஃப்ஓ), ஓய்வூதிய நிதி ஒழுங்குமுறை மற்றும் வளர்ச்சி ஆணையம் ஆகியவற்றிலும் அதிக எண்ணிக்கையில் தொழிலாளர்கள் பதிவு செய்துகொண்டுள்ளனர்.
வருங்கால வைப்பு நிதி அமைப்பில் ஜூன் மாதம் மட்டும் 12.36 லட்சம் பேர் பதிவு செய்துள்ளனர். கடந்த மே மாதம் இந்த அமைப்பில் 8.56 லட்சம் பேர் பதிவு செய்துள்ளனர் என்று அந்த அறிக்கையில் தெரிவிக்கப்பட்டுள்ளது.
 

]]>
https://www.dinamani.com/india/2019/aug/24/கடந்த-ஜூனில்-1219-லட்சம்-புதிய-வேலைவாய்ப்புகள்-3219852.html
3219848 இந்தியா மாநிலங்களவை உறுப்பினராக மன்மோகன் சிங் பதவியேற்பு DIN DIN Saturday, August 24, 2019 01:14 AM +0530
முன்னாள் பிரதமர் டாக்டர் மன்மோகன் சிங், ஆறாவது முறையாக மாநிலங்களவை உறுப்பினராக வெள்ளிக்கிழமை பதவியேற்றுக் கொண்டார்.
 86 வயதாகும் மன்மோகன் சிங்கிற்கு மாநிலங்களவைத் தலைவர் எம். வெங்கய்ய நாயுடு தனது அலுவலக அறையில் பதவிப் பிரமாணம் செய்துவைத்தார். இந்நிகழ்வில் மாநிலங்களவை பாஜக குழுத் தலைவர் தாவர் சந்த் கெலாட், காங்கிரஸ் தலைவர் சோனியா காந்தி, ராகுல் காந்தி, மாநிலங்களவை எதிர்க்கட்சித் தலைவர் குலாம் நபி ஆசாத், துணைத் தலைவர் ஆனந்த் சர்மா, அகமது பட்டேல், ராஜஸ்தான் மாநில முதல்வர் அசோக் கெலாட், துணை முதல்வர் சச்சின் பைலட் மற்றும் சில பாஜக தலைவர்கள் கலந்து கொண்டனர்.
 இந்நிகழ்ச்சிக்குப் பிறகு எம். வெங்கய்ய நாயுடு தனது சுட்டுரைப் பக்கத்தில், மன்மோகன் சிங் பதவியேற்பு நிகழ்வு தொடர்புடைய புகைப்படங்களுடன் வெளியிட்டிருந்த பதிவில், எனது அறையில் மாநிலங்களவை உறுப்பினராக முன்னாள் பிரதமர் டாக்டர் மன்மோகன் சிங்கிற்கு பதவிப் பிரமாணம் செய்துவைத்தேன் என்று குறிப்பிட்டிருந்தார். இந்த பதவியேற்பின் போது மன்மோகன் சிங்கின் மனைவி குர்சரண் கௌரும் உடனிருந்தார். 
மன்மோகன் சிங் ராஜஸ்தானில் இருந்து மாநிலங்களவைக்குத் தேர்ந்தெடுக்கப்பட்டுள்ளார். அவருக்கு எதிராக வேட்பாளரை பாஜக நிறுத்தாததால், அவர் போட்டியிட்டின்றித் தேர்ந்தெடுக்கப்பட்டார். 
ராஜஸ்தானில் இருந்து மாநிலங்களவை உறுப்பினராக இருந்த பாஜக எம்பி மதன் லால் ஷைனி மறைவைத் தொடர்ந்து, அந்த இடம் காலியானது. அந்த மாநிலத்தில் கடந்த ஆண்டு நடைபெற்ற சட்டப்பேரவைத் தேர்தலுக்குப் பிறகு ஆட்சியில் அமர்ந்துள்ள காங்கிரஸுக்கு அந்த இடம் சென்றது. இதைத் தொடர்ந்து, ஆகஸ்ட் 18-ஆம் அந்த பதவிக்கு இடைத்தேர்தல் நடைபெற்றது. 
மாநிலங்களவை உறுப்பினராக இருந்த மன்மோகன் சிங்கின் பதவிக் காலம் ஜூன் 14-ஆம் தேதி முடிவடைந்தது. அவர் முன்னர் அஸ்ஸாம் மாநிலத்தில் இருந்து எம்பியாக தேர்வாகியிருந்தார். கடந்த 28 ஆண்டுகளாக அவர் எம்பியாக இருந்து வருகிறார். 
இந்நிலையில், தற்போது ராஜஸ்தானில் இருந்து எம்பியாக பதவியேற்றுள்ளார். மாநிலங்களவைக்கு 1991, 1995, 2001, 2007, 2013 ஆகிய ஆண்டுகளில் தேர்ந்தெடுக்கப்பட்டிருந்தார். 1998-2004-இன் போது மாநிலங்களவையில் எதிர்க்கட்சித் தலைவராகவும் இருந்தார். 2004 முதல் 2014-ஆம் ஆண்டு வரை அவர் பிரதமராக இருந்தார்.
மாநிலங்களவையில் தற்போதைய உறுப்பினர்கள் ராம்ஜேத்மலானி (96), மோதிலால் வோரா (91), சி.பி. தாக்குர் (88) ஆகியோருக்குப் பிறகு நான்காவது மூத்த உறுப்பினராக மன்மோகன் சிங் உள்ளார். 79 வயதாகும் மகேந்திர பிரசாத் மாநிலங்களவையில் ஏழாவது முறையாகவும், ராம் ஜேத்மலானி ஆறாவது முறையாகவும், மோதிலால் வோரா நான்காவது முறையாகவும் உறுப்பினராக இருப்பதாக அதிகாரிகள் தெரிவித்தனர்.


 

]]>
https://images.dinamani.com/uploads/user/imagelibrary/2019/8/24/w600X390/manmohan.jpg மாநிலங்களவை உறுப்பினராக வெள்ளிக்கிழமை பதவியேற்று கொண்ட மன்மோகன் சிங். உடன். சோனியா காந்தி, குர்சரண் கௌர். https://www.dinamani.com/india/2019/aug/24/மாநிலங்களவை-உறுப்பினராக-மன்மோகன்-சிங்-பதவியேற்பு-3219848.html
3219846 இந்தியா 15 சிபிஐ  அதிகாரிகளுக்கு  மத்திய உள்துறை அமைச்சர் பதக்கம் DIN DIN Saturday, August 24, 2019 01:12 AM +0530
வழக்கு விசாரணைகளில் சிறப்பாகச் செயல்பட்டதற்காக 15 சிபிஐ அதிகாரிகளுக்கு மத்திய உள்துறை அமைச்சரின் பதக்கம் அறிவிக்கப்பட்டுள்ளது.
விசாரணைகளில் சிறப்பான செயல்பாட்டுக்கான மத்திய உள்துறை அமைச்சர் பதக்கம் வழங்கும் நடைமுறை கடந்த ஆண்டு அறிமுகப்படுத்தப்பட்டது. மாநிலங்கள் மற்றும் யூனியன் பிரதேசங்களின் காவல் துறை, மத்திய காவல் துறை, ஆயுதப் படை, சிறப்புப் பணியில் ஈடுபடும் பாதுகாப்புப் படை, விசாரணை அமைப்புகள் ஆகியவற்றில் பணியாற்றுபவர்களுக்கு இந்தப் பதக்கம் வழங்க முடிவு செய்யப்பட்டது. 
பணியில் சிறப்பாகச் செயல்படும் அதிகாரிகளை ஊக்குவிக்கும் வகையிலும், குற்ற விசாரணைகளின் தரத்தை அதிகரிப்பதையும் நோக்கமாகக் கொண்டு இந்தப் பதக்கம் வழங்க மத்திய அரசு முடிவு செய்தது.
இந்நிலையில், 2019-ஆம் ஆண்டில் மத்திய உள்துறை அமைச்சர் பதக்கம் பெறுபவர்களின் பட்டியலை அரசு வெளியிட்டது. அதன்படி, நாடு முழுவதும் உள்ள 96 காவல் துறை அதிகாரிகளுக்கு சிறப்பானச் செயல்பாட்டுக்கான மத்திய உள்துறை அமைச்சர் பதக்கம் வழங்கப்படவுள்ளது. அதில் 15 சிபிஐ அதிகாரிகளும் இடம் பெற்றுள்ளனர்.
இதுதொடர்பாக சிபிஐ அதிகாரி ஒருவர் வெள்ளிக்கிழமை கூறியதாவது:
பணியில் சிறப்பாகச் செயல்பட்ட அலோக் குமார் சிங் (தில்லி), பிரஜேஷ் குமார் (பெங்களூரு), சித்தரஞ்சன் தாஸ் (கொல்கத்தா) உள்பட 7  காவல் துறையின் சிபிஐ பிரிவு துணைக் கண்காணிப்பாளர்களுக்கும், சுபாஷ் சந்தர் (சண்டீகர்), சந்தோஷ் குமார் சிங் (போபால்), மனோஜ் குமார் (தில்லி) உள்பட 5 சிபிஐ பிரிவு ஆய்வாளர்களுக்கும், சுப்ரமணியம் (பெங்களூரு), வி.விவேகானந்த சுவாமி (ஹைதராபாத்) உள்பட 3 சிபிஐ பிரிவு உதவி ஆய்வாளர்களுக்கும் மத்திய உள்துறை அமைச்சர் பதக்கம் அறிவிக்கப்பட்டுள்ளது என்று அந்த அதிகாரி கூறினார்.

]]>
https://www.dinamani.com/india/2019/aug/24/15-சிபிஐ--அதிகாரிகளுக்கு--மத்திய-உள்துறை-அமைச்சர்-பதக்கம்-3219846.html
3219845 இந்தியா இந்தியா-அமெரிக்கா இடையேயான ஒத்துழைப்பு: இருதரப்பு உயர்நிலைக் குழு பேச்சுவார்த்தை DIN DIN Saturday, August 24, 2019 01:12 AM +0530
இந்தியா-அமெரிக்கா இடையேயான பாதுகாப்பு மற்றும் வெளியுறவுக் கொள்கை தொடர்பான உறவில் இருதரப்பு ஒத்துழைப்பு குறித்து இருநாட்டு உயர்நிலைக் குழு விரிவாக பேச்சுவார்த்தை நடத்தியது. 
கடந்த ஆண்டு செப்டம்பர் மாதம் இரு நாட்டு பாதுகாப்புத் துறை மற்றும் வெளியுறவுத் துறை அமைச்சர்கள் இடையே நடைபெற்ற 2+2 பேச்சுவார்த்தையின் தொடர்ச்சியாக இந்தப் பேச்சுவார்த்தை நடைபெற்றது. 
இதுதொடர்பாக இந்திய வெளியுறவு அமைச்சகம் சார்பில் கூறப்பட்டதாவது: 
அமெரிக்காவின் கலிஃபோர்னியா மாகாணத்தில் உள்ள மான்டெரே நகரில் இந்திய-அமெரிக்க உயர்நிலைக் குழு பேச்சுவார்த்தை நடத்தியது. 
இந்தியக் குழுவில் வெளியுறவுத் துறை இணைச் செயலர் கெளரங்கலால் தாஸ், பாதுகாப்புத் துறை இணைச் செயலர் வி. ஆனந்தராஜன் ஆகியோர் இடம்பெற்றிருந்தனர். அமெரிக்க குழுவில் தெற்கு மற்றும் மத்திய ஆசிய விவகாரங்களுக்கான வெளியுறவுத் துறை துணைச் செயலர் (பொறுப்பு) ஆலிஸ் வெல்ஸ், இந்திய-பசிபிக் பாதுகாப்பு விவகாரங்களுக்கான பாதுகாப்புத் துறை துணைச் செயலர் ராண்டல் ஷ்ரிவர்  ஆகியோர் பங்கேற்றிருந்தனர். 
இந்த உயர்நிலைக் குழு கூட்டத்தில், பிராந்திய ரீதியிலான மாற்றங்கள் குறித்து பேச்சு நடத்தப்பட்டது. மேலும், சுதந்திரமான, வெளிப்படையான, அனைவரையும் உள்ளடக்கிய, அமைதியான இந்திய-பசிபிக் பிராந்தியத்தை ஏற்படுத்துவதற்கான முயற்சிகளை மேற்கொள்ள பரஸ்பரம் ஒப்புக் கொள்ளப்பட்டது. 
மேலும், முதல்கட்ட 2+2 பேச்சுவார்த்தைக்குப் பிறகு பாதுகாப்பு மற்றும் வெளியுறவுக் கொள்கைகள் தொடர்பான இருதரப்பு உறவில் ஏற்பட்டுள்ள வளர்ச்சி குறித்து இந்திய-அமெரிக்க குழுவினர் பேச்சு நடத்தினர். 
இரு நாடுகளுக்குமான பொது நலன் அடிப்படையில் பாதுகாப்பு மற்றும் வெளியுறவுத் துறையில் பரஸ்பர அளிக்கும் ஒத்துழைப்பை மேலும் விரிவுபடுத்துவதற்கான வாய்ப்புகள் குறித்தும் பேச்சு நடத்தப்பட்டது என்று இந்திய வெளியுறவு அமைச்சகம் கூறியுள்ளது. 
இந்தியா-அமெரிக்கா இடையே 2+2 பேச்சுவார்த்தை மேற்கொள்வதென, கடந்த 2017 ஜூன் மாதம் பிரதமர் நரேந்திர மோடி அமெரிக்காவுக்கு மேற்கொண்ட பயணத்தின்போது ஒப்புக்கொள்ளப்பட்டது.  
அதன்படி, இரு நாட்டு பாதுகாப்புத் துறை மற்றும் வெளியுறவுத் துறை அமைச்சர்கள் இடையேயான பேச்சுவார்த்தை கடந்த செப்டம்பர் மாதம் நடைபெற்றது. 2-ஆம் கட்ட 2+2 பேச்சுவார்த்தையானது, அடுத்த இரு மாதங்களில் வாஷிங்டனில் நடைபெறவுள்ளது.
 

]]>
https://www.dinamani.com/india/2019/aug/24/இந்தியா-அமெரிக்கா-இடையேயான-ஒத்துழைப்பு-இருதரப்பு-உயர்நிலைக்-குழு-பேச்சுவார்த்தை-3219845.html
3219842 இந்தியா 5 கோடி வேலை வாய்ப்புகளை உருவாக்க வேண்டும்: மத்திய அமைச்சர் நிதின் கட்கரி DIN DIN Saturday, August 24, 2019 01:10 AM +0530
நாட்டின் பொருளாதாரத்தை ரூ.350 லட்சம் கோடியாக உயர்த்துவதற்கு சிறு, குறு, நடுத்தர தொழில் நிறுவனங்கள் துறையில் புதிதாக 5 கோடி வேலைவாய்ப்புகள் உருவாக்கப்பட வேண்டும் என்று மத்திய அமைச்சர் நிதின் கட்கரி கூறினார்.
சிறு, குறு, நடுத்தர தொழில் நிறுவனங்கள் துறையின் சர்வதேச மாநாடு, தில்லியில் வெள்ளிக்கிழமை நடைபெற்றது. இந்த மாநாட்டில் மத்திய சாலைப் போக்குவரத்து துறை அமைச்சரும், சிறு, குறு, நடுத்தர தொழில்கள் நிறுவனங்கள் துறை அமைச்சருமான நிதின் கட்கரி கலந்து கொண்டு பேசினார். அவர் பேசியதாவது:
நாட்டின் மொத்த உள்நாட்டு உற்பத்தியில் சிறு, குறு, நடுத்தர தொழில் நிறுவனங்கள் 29 சதவீதம் பங்களிப்பு செலுத்துகின்றன. அண்மைக் காலங்களில், இந்தத் துறையில் 11 கோடி வேலை வாய்ப்புகள் உருவாக்கப்பட்டுள்ளன.
இந்நிலையில், வரும் 2024-ஆம் ஆண்டுக்குள் நாட்டின் பொருளாதாரத்தை ரூ.350 லட்சம் கோடியாக உயர்த்த வேண்டும் என்று பிரதமர் மோடி இலக்கு நிர்ணயித்துள்ளார். அந்த இலக்கை எட்டுவதற்கு நாட்டின் மொத்த உள்நாட்டு உற்பத்தியில், சிறு, குறு, நடுத்தர தொழில் நிறுவனங்கள் 50 சதவீதம் பங்களிப்பு செலுத்த வேண்டும்.
மேலும், வேலையின்மை என்ற மிகப்பெரிய சவாலை நாம் எதிர்கொண்டுள்ளோம். பிரதமரின் பொருளாதார இலக்கை எட்டுதற்கு இன்னும் 5 ஆண்டுகளில் இந்தத் துறையில் கூடுதலாக 5 கோடி வேலைவாய்ப்புகள் உருவாக்கப்பட வேண்டும்.
சீனாவின் பொருளாதார வளர்ச்சியில் அலிபாபா இணைய வர்த்தக நிறுவனம், முக்கியப் பங்காற்றி வருகிறது. அதேபோல், இந்தியாவுக்கென புதிதாக இணையவழி வர்த்தக நிறுவனத்தை உருவாக்குவற்காக, மத்திய வர்த்தகத் துறை அமைச்சகத்தின் கீழ் இயங்கும் இணையவழி சந்தை அமைப்புடன் (அரசு இ-மார்க்கெட்) சிறு, குறு, நடுத்தர தொழில் நிறுவனங்கள் துறை அமைச்சகம் கையெழுத்திட்டுள்ளது. அந்த வலைதளம் விரைவில் அறிமுகம் செய்யப்படும் என்றார் அவர்.
 

]]>
https://images.dinamani.com/uploads/user/imagelibrary/2019/8/22/w600X390/nithingatkari.jpg https://www.dinamani.com/india/2019/aug/24/5-கோடி-வேலை-வாய்ப்புகளை-உருவாக்க-வேண்டும்-மத்திய-அமைச்சர்-நிதின்-கட்கரி-3219842.html
3219841 இந்தியா சமாஜவாதி கட்சியின் அனைத்து அமைப்புகளும் கலைப்பு: அகிலேஷ் யாதவ் அதிரடி DIN DIN Saturday, August 24, 2019 01:09 AM +0530
உத்தரப் பிரதேசத்தில் சமாஜவாதி கட்சியின் அனைத்து அமைப்புகளையும் அக்கட்சியின் தலைவர் அகிலேஷ் யாதவ் ஒட்டுமொத்தமாக வெள்ளிக்கிழமை கலைத்தார். எனினும், கட்சியின் மாநில தலைவர் நரேஷ் உத்தமை மட்டும் அவர் நீக்கவில்லை.
இதுதொடர்பாக அக்கட்சியின் மூத்த தலைவர் ஒருவர் பிடிஐ செய்தியாளர்களிடம் கூறுகையில், சமாஜவாதி கட்சியின் மாநில நிர்வாகிகள், மாவட்ட நிர்வாகிகள் என அனைவரும் பதவிநீக்கம் செய்யப்பட்டனர். இளைஞர் அமைப்புகள் உள்பட அனைத்து நிர்வாக அமைப்புகளையும் அகிலேஷ் யாதவ் கலைத்து விட்டார். எனினும், கட்சியின் மாநிலத் தலைவர் பதவியை அகிலேஷ் யாதவ் கலைக்கவில்லை. மாநிலத் தலைவர் நரேஷ் உத்தம் அந்தப் பதவியில் அப்படியே தொடர்வார். அனைத்து அமைப்புகளுக்கும் புதிய நிர்வாகிகள் விரைவில் நியமிக்கப்படுவர் என்றார்.
முன்னதாக, மக்களவைத் தேர்தல் முடிவுகள் வெளியானதற்கு அடுத்த நாளில், கட்சியின் அனைத்து செய்தித் தொடர்பாளர்களையும் அகிலேஷ் பதவி நீக்கம் செய்தார். தற்போது, அனைத்து நிர்வாக அமைப்புகளையும் கலைத்துள்ளார்.
கடந்த 2014-ஆம் ஆண்டு நடைபெற்ற மக்களவைத் தேர்தலில் 5 இடங்களில் மட்டுமே சமாஜவாதி வெற்றி பெற்றிருந்தது. இந்நிலையில், நடந்து முடிந்த மக்களவைத் தேர்தலில், உத்தரப் பிரதேசத்தில் பகுஜன் சமாஜ் கட்சியுடன் கூட்டணி அமைத்து அக்கட்சி போட்டியிட்டது. எனினும், அகிலேஷின் எந்த உத்திகளும் பலனளிக்கவில்லை. இந்த முறையும் வெறும் 5 இடங்களில் மட்டுமே சமாஜவாதி கட்சி வெற்றி பெற்றது. அதிலும், அகிலேஷ் யாதவின் மனைவி டிம்பிள் யாதவும் தேர்தலில் தோல்வியைத் தழுவியது, அக்கட்சிக்கு பெருத்த ஏமாற்றமாக இருந்தது.  
இந்நிலையில், 2022-ஆம் ஆண்டு உத்தரப் பிரதேசத்தில் நடைபெறவுள்ள சட்டப் பேரவைத் தேர்தலைக் கருத்தில் கொண்டு, கட்சியை மறுசீரமைக்கும் நோக்கத்தில் அனைத்து நிர்வாக அமைப்புகளையும் அகிலேஷ் யாதவ் அதிரடியாக கலைத்து விட்டதாக கட்சி வட்டாரங்கள் தெரிவிக்கின்றன.
 

]]>
https://images.dinamani.com/uploads/user/imagelibrary/2018/6/7/w600X390/akilesh.jpg https://www.dinamani.com/india/2019/aug/24/சமாஜவாதி-கட்சியின்-அனைத்து-அமைப்புகளும்-கலைப்பு-அகிலேஷ்-யாதவ்-அதிரடி-3219841.html
3219840 இந்தியா திருமலை: ரூ.5.15 கோடி சில்லறை நாணயங்கள் வங்கியில் டெபாசிட் DIN DIN Saturday, August 24, 2019 01:09 AM +0530
திருமலை திருப்பதி தேவஸ்தானத்தில் நிலுவையில் உள்ள சில்லறை நாணயங்கள் ரூ.5.15 கோடியை பல வங்கிகளில் தேவஸ்தானம் டெபாசிட் செய்துள்ளது.
திருமலை ஏழுமலையானுக்கு பக்தர்கள் உண்டியலில் செலுத்தும் காணிக்கைகளை தேவஸ்தானம் சில்லறை நாணயங்கள், ரூபாய் நோட்டுகள் என பிரித்து ரூபாய் நோட்டுகளை நேரடியாக வங்கியில் டெபாசிட் செய்து வருகிறது. சில்லறை நாணயங்கள் மட்டும் திருப்பதியில் உள்ள தேவஸ்தான அலுவலகக் கருவூலத்தில் பாதுகாக்கப்பட்டு வருகிறது. 
சில்லறை நாணயங்களை வங்கி ஏற்றுக் கொள்ள மறுப்புத் தெரிவித்ததால் அவை பல ஆண்டுகளாக வங்கியில் டெபாசிட் செய்யப்படாமல் நிலுவையில் வைக்கப்பட்டு வருகிறது. தற்போது அவை ரூ.20 கோடியை எட்டியுள்ளது. 
இதுகுறித்து அறிந்த தேவஸ்தான சிறப்பு அதிகாரி தர்மாரெட்டி சில்லறை நாணயங்களை ஏற்கும் வங்கிகளில் அதே அளவில் பணம் வரவு வைக்கப்படும் என்று அறிவித்ததைத் தொடர்ந்து வங்கிகள் சில்லறை நாணயங்களை ஏற்றுக் கொள்ள முன்வந்தன. 
அதன்படி வியாழக்கிழமை ரூ.5.15 கோடி மதிப்புள்ள சில்லறை நாணயங்கள் வங்கிகளில் டெபாசிட் செய்யப்பட்டுள்ளது. மீதம் உள்ள சில்லறை நாணயங்களும் விரைவில் வங்கிகளில் டெபாசிட் செய்யப்படும் என்று தேவஸ்தானம் தெரிவித்துள்ளது.
 

]]>
https://images.dinamani.com/uploads/user/imagelibrary/2019/8/1/w600X390/tirumala.jpg https://www.dinamani.com/india/2019/aug/24/திருமலை-ரூ515-கோடி-சில்லறை-நாணயங்கள்-வங்கியில்-டெபாசிட்-3219840.html
3219839 இந்தியா மத்திய ராணுவப் படைத்தளத்தின் போர்த்திறன் மேம்பட்டுள்ளது: ராஜ்நாத் சிங் DIN DIN Saturday, August 24, 2019 01:08 AM +0530
ராணுவத்தின் பிரிவுகளில் ஒன்றான மத்தியப் படைத்தளம் மற்றும் கோர்க்கா ரைஃபிள் பிரிவுகளின் போர்த்திறன் மேம்பட்டுள்ளது என்று பாதுகாப்புத் துறை அமைச்சர் ராஜ்நாத் சிங் தெரிவித்துள்ளார்.
உத்தரப் பிரதேச மாநிலத் தலைநகர் லக்னெளவில் உள்ள மத்திய ராணுவப் படைத்தளத்தின் தலைமையகத்தை ராஜ்நாத் சிங் வெள்ளிக்கிழமை பார்வையிட்டார். இது தொடர்பாக, ராணுவ அதிகாரி ஒருவர் கூறியதாவது:
மத்தியப் படைத்தளத்தின் போர்த்திறன் மேம்பட்டுள்ள விதம் குறித்து ராஜ்நாத் சிங்கிடம் விளக்கப்பட்டது. 
அது தொடர்பாக, அவர் மகிழ்ச்சி தெரிவித்தார். படைத் தளத்தில் உள்ள வீரர்களின் நலனுக்காக எடுக்கப்பட்டு வரும் நடவடிக்கைகள் குறித்தும் அவரிடம் எடுத்துரைக்கப்பட்டது. அதற்கு அவர் தனது திருப்தியை வெளிப்படுத்தினார்.
கோர்க்கா ரைஃபிள் படையைச் சேர்ந்த 11 பிரிவுகளின் செயல்பாட்டை அவர் பார்வையிட்டார். அப்போது, பல்வேறு ராணுவப் பயிற்சிகளை படைவீரர்கள் செய்துகாட்டினர். இதையடுத்து, அவர்களுடன் ராஜ்நாத் சிங் உரையாடினார். 
பின்னர், போர் வீரர்களின் நினைவிடமான ஸ்மிரிதிகாவுக்குச் சென்று, அவர் அஞ்சலி செலுத்தினார் என்று அந்த அதிகாரி தெரிவித்தார்.


 

]]>
https://images.dinamani.com/uploads/user/imagelibrary/2019/8/24/w600X390/rajnath.jpg உத்தரப் பிரதேச மாநிலத் தலைநகர் லக்னெளவிலுள்ள ஸ்மிரிதிகா போர் நினைவிடத்தில் வெள்ளிக்கிழமை அஞ்சலி செலுத்திய பாதுகாப்புத் துறை அமைச்சர் ராஜ்நாத் சிங். https://www.dinamani.com/india/2019/aug/24/மத்திய-ராணுவப்-படைத்தளத்தின்-போர்த்திறன்-மேம்பட்டுள்ளது-ராஜ்நாத்-சிங்-3219839.html
3219838 இந்தியா ப.சிதம்பரத்தின் மேல்முறையீட்டு மனு: விசாரணையை ஒத்திவைத்தது உச்சநீதிமன்றம் DIN DIN Saturday, August 24, 2019 01:07 AM +0530
ஐஎன்எக்ஸ் மீடியா முறைகேடு வழக்கில் சிபிஐ அதிகாரிகளால் கைது செய்யப்பட்டுள்ள காங்கிரஸ் மூத்த தலைவரும், முன்னாள் மத்திய அமைச்சருமான ப.சிதம்பரம் தாக்கல் செய்த மேல்முறையீட்டு மனுக்கள் மீதான விசாரணையை உச்சநீதிமன்றம் வரும் 26-ஆம் தேதிக்கு ஒத்திவைத்துள்ளது.
அதுவரை ப.சிதம்பரத்தைக் கைது செய்ய அமலாக்கத் துறைக்கு உச்சநீதிமன்றம் இடைக்காலத் தடை விதித்துள்ளபோதும், அவரைக் காவலில் எடுத்து விசாரிக்க சிபிஐ சிறப்பு நீதிமன்றம் உத்தரவிட்டது தொடர்பான மேல்முறையீடு மீது எதுவும் தெரிவிக்கவில்லை. 
ஐஎன்எக்ஸ் மீடியா வழக்கில் தன்னைக் கைது செய்வதற்கு எதிராக முன்ஜாமீன் கோரி தில்லி உயர்நீதிமன்றத்தில் ப.சிதம்பரம் மனு தாக்கல் செய்திருந்தார். அவருக்கு முன்ஜாமீன் அளிக்க அமலாக்கத் துறை மற்றும் சிபிஐ ஆகியவை கடும் எதிர்ப்பு தெரிவித்தன. இதை ஆராய்ந்த தில்லி உயர்நீதிமன்றம், அவரது மனுவைக் கடந்த 20-ஆம் தேதி நிராகரித்தது. 
இதை எதிர்த்து, உச்சநீதிமன்றத்தில் ப.சிதம்பரத்தின் சார்பில் மேல்முறையீடு செய்யப்பட்டது. இதை அவசர வழக்காக விசாரிக்க கடந்த 21-ஆம் தேதி உச்சநீதிமன்றம் மறுத்ததையடுத்து, அன்றிரவு சிபிஐ அதிகாரிகளால் ப.சிதம்பரம் கைது செய்யப்பட்டார். இதைத் தொடர்ந்து, தில்லியிலுள்ள சிபிஐ சிறப்பு நீதிமன்றத்தில் அவர் வியாழக்கிழமை ஆஜர்படுத்தப்பட்டார்.
அப்போது, ப.சிதம்பரத்தை வரும் 26-ஆம் தேதி காவலில் வைத்து விசாரிக்க சிபிஐக்கு சிறப்பு நீதிமன்றம் அனுமதி வழங்கியது. இந்நிலையில், ப.சிதம்பரம் தன்னைக் கைது செய்யத் தடை விதிக்கக் கோரி தாக்கல் செய்திருந்த மேல்முறையீட்டு மனுக்கள் மீதான விசாரணை, உச்சநீதிமன்ற நீதிபதிகள் ஆர். பானுமதி, ஏ.எஸ். போபண்ணா ஆகியோர் அடங்கிய அமர்வு முன் வெள்ளிக்கிழமை நடைபெற்றது.
ஆதாரங்கள் உள்ளன: அமலாக்கத் துறை தரப்பில் ஆஜரான சொலிசிட்டர் ஜெனரல் துஷார் மேத்தா வாதிட்டதாவது:
பணமோசடி வழக்குகளிலேயே இது மிகவும் முக்கியத்துவமான வழக்காகும். மனுதாரர் (ப.சிதம்பரம்) பணமோசடியில் ஈடுபட்டு, உள்நாட்டில் மட்டுமல்லாமல் வெளிநாடுகள் பலவற்றிலும் சட்டவிரோதமாக சொத்துகளைச் சேர்த்து வைத்துள்ளார். அதற்கான ஆதாரங்களை அமலாக்கத் துறை சேகரித்துள்ளது. 
இந்த வழக்கில் அரசுத் தரப்பு அப்ரூவராக மாறிய இந்திராணி முகர்ஜி பல முக்கியத் தகவல்களை சிபிஐயிடம் தெரிவித்துள்ளார். அவரும், அவரது கணவர் பீட்டர் முகர்ஜியும், தங்களது நிறுவனத்துக்கு வெளிநாட்டு முதலீடு மேம்பாட்டு வாரியத்தின் (எஃப்ஐபிபி) ஒப்புதலைப் பெறுவதற்காக சிதம்பரத்தைச் சந்திக்கச் சென்றுள்ளனர். அதற்குக் கைமாறாக, தனது மகன் கார்த்தி சிதம்பரத்தின் நிறுவனத்துக்கு உதவுமாறு சிதம்பரம் அவர்களிடம் தெரிவித்துள்ளார். இந்த வாக்குமூலத்தை சிபிஐ பதிவு செய்துள்ளது.
போலியாகத் தொடங்கப்பட்ட நிறுவனங்கள் மூலம் பல கோடி ரூபாய் பரிமாற்றம் செய்யப்பட்டுள்ளது. இது தொடர்பான விவரங்களைப் பெறுவதற்கு மனுதாரரைக் காவலில் எடுத்து விசாரிக்க வேண்டியது அவசியமாகும். எனவே, அவருக்கு முன்ஜாமீன் அளிக்கக் கூடாது.
சிபிஐ அதிகாரிகளால் மனுதாரர் ஏற்கெனவே கைது செய்யப்பட்டுள்ளார். அவரை வரும் 26-ஆம் தேதி காவலில் வைத்து விசாரிக்க சிறப்பு நீதிமன்றம் அனுமதியளித்துள்ளது. இதன் காரணமாக, அமலாக்கத் துறை அதிகாரிகள் வரும் திங்கள்கிழமை வரை அவரைக் கைது செய்ய முடியாது. எனவே, அமலாக்கத் துறை சார்பில் பதிவு செய்யப்பட்டுள்ள வழக்கில் அவருக்கு முன்ஜாமீன் வழங்கக் கூடாது என்றார் துஷார் மேத்தா.
ஒருபக்கச் சார்பில்...: மனுதாரர் தரப்பில் ஆஜரான மூத்த வழக்குரைஞர்கள் கபில் சிபல், அபிஷேக் சிங்வி ஆகியோர், மனுதாரரைக் கைது செய்வதற்குத் தடை விதிக்க வேண்டுமென வாதிட்டனர். அப்போது அவர்கள், மனுதாரரைக் காவலில் வைத்து விசாரிப்பதற்கு அனுமதி அளித்துள்ள சிபிஐ சிறப்பு நீதிமன்றத்தின் உத்தரவை எதிர்த்து தனியாக மனு ஒன்றைத் தாக்கல் செய்துள்ளோம். மனுதாரருக்கு முன்ஜாமீன் அளிக்கும் விவகாரத்தில், அமலாக்கத் துறை தாக்கல் செய்த பிரமாணப் பத்திரத்தை மட்டும் அடிப்படையாகக் கொண்டு தில்லி உயர்நீதிமன்றம் உத்தரவு பிறப்பித்துள்ளது. அதில் தெரிவிக்கப்பட்டுள்ள தகவல்களை அப்படியே நகலெடுத்து நீதிமன்றம் தனது உத்தரவில் வழங்கியுள்ளது. எங்கள் தரப்பு பிரமாணப் பத்திரத்தைத் தாக்கல் செய்ய நீதிமன்றம் போதிய காலஅவகாசம் அளிக்கவில்லை என்றனர்.
விசாரணை ஒத்திவைப்பு: இரு தரப்பு வாதங்களையடுத்து நீதிபதிகள் கூறுகையில், ஐஎன்எக்ஸ் மீடியா முறைகேடு தொடர்பான வழக்கில் குற்றஞ்சாட்டப்பட்டுள்ள மற்றொரு நபர் (கார்த்தி சிதம்பரம்) பிணையில் இருப்பதைக் கருத்தில் கொண்டோம். அடுத்த உத்தரவு பிறப்பிக்கப்படும் வரை மனுதாரரை (ப.சிதம்பரம்) அமலாக்கத் துறையினர் கைது செய்யக் கூடாது. இது தொடர்பாக வரும் 26-ஆம் தேதிக்குள் அமலாக்கத் துறை பதிலளிக்கலாம். வழக்கின் விசாரணையை அன்றைய தினத்துக்கு ஒத்திவைக்கிறோம் என்றனர்.
 

]]>
https://images.dinamani.com/uploads/user/imagelibrary/2019/8/1/w600X390/supremecourt.jpg https://www.dinamani.com/india/2019/aug/24/பசிதம்பரத்தின்-மேல்முறையீட்டு-மனு-விசாரணையை-ஒத்திவைத்தது-உச்சநீதிமன்றம்-3219838.html
3219836 இந்தியா எல்லையில் பாக். அத்துமீறல்: இந்திய வீரர் பலி DIN DIN Saturday, August 24, 2019 01:05 AM +0530
ஜம்மு-காஷ்மீரில் எல்லைக் கட்டுப்பாட்டுக் கோட்டுப் பகுதியில் பாகிஸ்தான் ராணுவத்தினர் அத்துமீறி துப்பாக்கிச் சூடு நடத்தியதில் இந்திய வீரர் ஒருவர் உயிரிழந்தார்.
இதுகுறித்து பாதுகாப்புப் படை அதிகாரி ஒருவர் கூறியதாவது: ரஜெளரி மாவட்டத்தில் நெளஷேரா செக்டாருக்கு உள்பட்ட கல்சியா கிராமத்தில் உள்ள ராணுவ நிலை அருகே ரஜீப் தாபா(34) என்ற ராணுவ வீரர் கண்காணிப்புப் பணியில் ஈடுபட்டிருந்தார். வெள்ளிக்கிழமை அதிகாலை எல்லைக் கோட்டுக்கு அப்பால் இருந்து பாகிஸ்தான் படையினர் துப்பாக்கிச் சூடு நடத்தினர். இதில், பலத்த காயமடைந்த ரஜீப் தாபா உடனடியாக மருத்துவமனைக்கு அழைத்துச் செல்லப்பட்டார். எனினும், சிகிச்சை பலனின்றி அவர் உயிரிழந்தார்.
பாகிஸ்தான் படையினரின் தாக்குதலுக்கு இந்திய ராணுவத்தினர் தக்க பதிலடி கொடுத்தனர். இருப்பினும், பாகிஸ்தான் தரப்பில் யாரேனும் உயிரிழந்தார்களா என்று உடனடியாகத் தெரியவில்லை.
ரஜீப் தாபா, மேற்கு வங்க மாநிலத்தின் ஜல்பைகுரி மாவட்டத்தில் உள்ள மெச்பாரா கிராமத்தைச் சேர்ந்தவர். இவருக்கு குஷ்பு மங்கர் தாபா என்ற மனைவி இருக்கிறார் என்றார் அந்த அதிகாரி.
கடந்த ஆகஸ்ட் 17-ஆம் தேதிக்குப் பிறகு, ரஜெளரி, பூஞ்ச் மாவட்டங்களில் பாகிஸ்தான் படையினர் சிறிய ரக பீரங்கி குண்டுகளைக் கொண்டு அத்துமீறி தாக்குதல் நடத்துவது, இது நான்காவது சம்பவமாகும். 
இந்த சம்பவங்களில் இதுவரை 3 ராணுவ வீரர்கள் உள்பட 4 பேர் உயிரிழந்துவிட்டனர்.
 

]]>
https://www.dinamani.com/india/2019/aug/24/எல்லையில்-பாக்-அத்துமீறல்-இந்திய-வீரர்-பலி-3219836.html
3219835 இந்தியா காஷ்மீர் முன்னாள் ஐஏஎஸ் அதிகாரியை தடுத்து நிறுத்திய விவகாரம்: செப்.3-இல் தில்லி உயர்நீதிமன்றம் விசாரணை DIN DIN Saturday, August 24, 2019 01:04 AM +0530
தில்லி விமான நிலையத்தில் ஜம்மு-காஷ்மீரைச் சேர்ந்த முன்னாள் ஐஏஎஸ் அதிகாரி ஷா ஃபசலை அதிகாரிகள் தடுத்து நிறுத்தியதற்கு எதிராகத் தாக்கல் செய்யப்பட்ட மனுவை தில்லி உயர்நீதிமன்றம், வரும் செப்டம்பர் 3-ஆம் தேதி விசாரிக்கவுள்ளது.
தில்லியில் இருந்து துருக்கி வழியாக அமெரிக்கா செல்வதற்காக, தில்லி விமான நிலையத்துக்கு ஷா ஃபசல் கடந்த 13-ஆம் தேதி இரவு வந்தார். அவரை, விமான நிலைய அதிகாரிகள் தடுத்து நிறுத்தி, ஸ்ரீநகருக்கு திருப்பி அனுப்பி வைத்தனர். பின்னர், அவரை ஜம்மு-காஷ்மீர் போலீஸார், பொது அமைதி பாதுகாப்புச் சட்டத்தின் கீழ் வீட்டுக் காவலில் வைத்தனர்.
இந்நிலையில், ஷா ஃபசலின் நெருங்கிய நண்பர் முகமது ஹுசைன் காதர் என்பவர், தில்லி உயர்நீதிமன்றத்தில் ஆட்கொணர்வு மனுவைத் தாக்கல் செய்துள்ளார். அதில் அவர் கூறியிருப்பதாவது: அமெரிக்காவில் உள்ள ஹார்வர்டு பல்கலைக்கழகத்தில் மேற்படிப்பு படிக்கச் சென்ற தனது நண்பர் ஷா ஃபசலை விமான நிலைய அதிகாரிகள் சட்டவிரோதமாக தடுத்து நிறுத்தி, திருப்பி அனுப்பினர். ஷா ஃபசலை அவர்கள் வேறு எங்கும் ஆஜர்படுத்தாமல், உடனடியாகத் திருப்பி அனுப்பிய விதம், அவரைக் கடத்தியதுபோன்றே உள்ளது. வீட்டுக் காவலில் இருக்கும் அவரை நீதிமன்றத்தில் ஆஜர்படுத்த வேண்டும் என்று அந்த மனுவில் தெரிவித்துள்ளார்.
இந்த மனு, நீதிபதிகள் மன்மோகன், சங்கீதா திங்க்ரா ஆகியோரைக் கொண்ட அமர்வு முன் வெள்ளிக்கிழமை விசாரணைக்கு வந்தது. மனுவை வரும் செப்டம்பர் 3-ஆம் தேதி விசாரணைக்கு எடுத்துக் கொள்வதாக நீதிபதிகள் தெரிவித்தனர். ஷா ஃபசலை அவரது மனைவி, மகன், பெற்றோர் சந்திப்பதற்கு அனுமதி அளிக்க வேண்டும் என்று மனுதாரர் விடுத்த கோரிக்கையை நீதிபதிகள் ஏற்றுக் கொண்டனர். 
அதே நேரத்தில், அவர்கள் அனைவரையும் ஒரே நேரத்தில் சந்திப்பதற்கு அனுமதிக்க முடியாது என்று நீதிபதிகள் தெரிவித்தனர்.
அண்மையில் தனது பதவியை ராஜிநாமா செய்த ஷா ஃபசல், ஜம்மு-காஷ்மீர் மக்கள் இயக்கம் என்ற பெயரில் புதிய அரசியல் கட்சியைத் தொடங்கினார். 
ஜம்மு-காஷ்மீருக்கு சிறப்பு அந்தஸ்து ரத்து செய்யப்பட்டபோது அதை எதிர்த்து, மத்திய அரசைக் கடுமையாக விமர்சித்தார். சிறப்பு அந்தஸ்து ரத்து செய்யப்பட்டபோது, வீட்டுக் காவலில் வைக்கப்பட்டிருந்த அரசியல் தலைவர்களில் இவரும் ஒருவர்  என்பது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/3/30/w600X390/Delhi-High-Court.jpg https://www.dinamani.com/india/2019/aug/24/காஷ்மீர்-முன்னாள்-ஐஏஎஸ்-அதிகாரியை-தடுத்து-நிறுத்திய-விவகாரம்-செப்3-இல்-தில்லி-உயர்நீதிமன்றம்-விசார-3219835.html
3219834 இந்தியா இடுப்பு மூட்டு பாதிப்பு: பாதிக்கப்பட்டவர்களுக்கு ஜான்சன் & ஜான்சன் இழப்பீடு DIN DIN Saturday, August 24, 2019 01:04 AM +0530
உத்தரபிரதேசத்தில் ஜான்சன் & ஜான்சன் நிறுவனத்தின் ஏஎஸ்ஆர் செயற்கை மூட்டுகளால் பாதிக்கப்பட்ட மூன்று பேருக்கு தலா ரூ.25 லட்சத்தை அந்நிறுவனம் இழப்பீடாக வழங்கியுள்ளது.
இதுகுறித்து அம்மாநிலத்தின் மருந்து உரிமம் மற்றும் கட்டுப்பாட்டு அதிகாரியான ஏ.கே.ஜெயின் கூறியுள்ளதாவது:
ஜான்சன் & ஜான்சன் நிறுவனத்தின் ஏஎஸ்ஆர் வகை செயற்கை மூட்டுகளை பயன்படுத்தி இடுப்பு எலும்பு மாற்று அறுவை சிகிச்சை செய்து கொண்ட மூன்று பேருக்கு உடல் நலக் குறைவு ஏற்பட்டது. அதையடுத்து, அவர்களுக்கு நடத்தப்பட்ட பரிசோதனையில் அந்த நிறுவனம் தயாரித்து அளித்த செயற்கை மூட்டுகளில் பிரச்னை இருப்பது தெரியவந்தது. பாதிக்கப்பட்ட மூன்று பேருக்கும் மீண்டும் இடுப்பு எலும்பு மாற்று அறுவை சிகிச்சை மேற்கொள்ளப்பட்டது.
ஜான்சன் & ஜான்சன் நிறுவனத்தின் தயாரிப்பை பயன்படுத்தி பாதிக்கப்பட்ட மூன்று பேருக்கும் தலா ரூ.25 லட்சத்தை அந்த நிறுவனம் இழப்பீடாக வழங்கியுள்ளது. மாநில அரசின் மருந்து கட்டுப்பாட்டு துறையை பொருத்தமட்டில் இதுவரையில் இதுபோன்ற புகார்களுக்கு உடனடியாக நடவடிக்கை எடுக்கப்பட்டு வருகிறது என்றார் அவர்.
ஜான்சன் & ஜான்சன் நிறுவனத்தின் ஏஎஸ்ஆர் வகை செயற்கை மூட்டுகளை பயன்படுத்தி அறுவை சிகிச்சை செய்து கொண்ட 67 பேருக்கு பாதிப்பு ஏற்பட்டதைத் தொடர்ந்து அவர்களுக்கு மீண்டும் அறுவை சிகிச்சை செய்ய வேண்டிய கட்டாயம் ஏற்பட்டது. இது, தொடர்பாக தொடரப்பட்ட வழக்கில் ஜான்சன் & ஜான்சன் நிறுவனம் பாதிக்கப்பட்டவர்களுக்கு தலா ரூ.25 லட்சம் இடைக்கால நிவாரணத் தொகை வழங்க வேண்டும் என தில்லி உயர்நீதிமன்றம் கடந்த மே மாதத்தில் உத்தரவிட்டிருந்தது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/8/24/w600X390/johnson.jpg https://www.dinamani.com/india/2019/aug/24/இடுப்பு-மூட்டு-பாதிப்பு-பாதிக்கப்பட்டவர்களுக்கு-ஜான்சன்--ஜான்சன்-இழப்பீடு-3219834.html
3219832 இந்தியா ஜெட் ஏர்வேஸ் நிறுவனர் நரேஷ் கோயலுக்கு சொந்தமான இடங்களில் அமலாக்கத் துறை சோதனை DIN DIN Saturday, August 24, 2019 01:02 AM +0530
அந்நியச் செலாவணி சட்டத்தை மீறியதாக, ஜெட் ஏர்வேஸ் நிறுவனர் நரேஷ் கோயலுக்குச் சொந்தமான இடங்களில் அமலாக்கத் துறையினர் வெள்ளிக்கிழமை சோதனை நடத்தினர்.
நரேஷ் கோயலுக்குச் சொந்தமாக தில்லி மற்றும் மும்பையில் உள்ள இடங்களில் இந்தச் சோதனை நடைபெற்றது. 
இதுகுறித்து அமலாக்கத் துறை அதிகாரி ஒருவர் கூறியதாவது:
ஜெட் ஏர்வேஸ் விமான நிறுவனத்தின் நிதி நிர்வாகத்தில் மிகப்பெரிய அளவில் முறைகேடுகள் நடைபெற்றுள்ளதாக பெருநிறுவனங்கள் துறை அமைச்சகம் கடந்த ஜூலை மாதம் அறிக்கை வெளியிட்டது. அந்த அறிக்கையை அடிப்படையாகக் கொண்டு, ஜெட் ஏர்வேஸ் நிறுவனம் அந்நியச் செலாவணி சட்ட விதிகளை மீறியதற்கான கூடுதல் ஆதாரங்களைத் திரட்டுவதற்காக, அதன் நிறுவனர் நரேஷ் கோயலுக்குச் சொந்தமான இடங்களில் அமலாக்கத் துறை சோதனை நடத்தியுள்ளது. 
தில்லியிலும், மும்பையிலும் அவருக்குச் சொந்தமான 10-க்கும் மேற்பட்ட இடங்களில் இந்தச் சோதனை நடைபெற்றது என்றார் அந்த அதிகாரி.
ஜெட் ஏர்வேஸ் நிறுவனத்தின் தலைவராக இருந்த நரேஷ் கோயல் கடந்த மார்ச் மாதம் தனது பொறுப்பில் இருந்து விலகினார். முழு வீச்சுடன் இயங்கி வந்த அந்த விமான நிறுவனம், நிதி நெருக்கடி காரணமாக, கடந்த ஏப்ரல் 17-ஆம் தேதியுடன் தனது சேவையை நிறுத்திக் கொண்டது.
தற்போது, திவால் சட்டத்தின் கீழ், அந்த விமான நிறுவனத்தின் சொத்துகளை விற்பனை செய்து, வங்கிகளில் வாங்கிய கடனைத் திருப்பிச் செலுத்துவதற்கான பணிகள் நடைபெற்று வருகின்றன.
 

]]>
https://www.dinamani.com/india/2019/aug/24/ஜெட்-ஏர்வேஸ்-நிறுவனர்-நரேஷ்-கோயலுக்கு-சொந்தமான-இடங்களில்-அமலாக்கத்-துறை-சோதனை-3219832.html
3219831 இந்தியா மேற்கு வங்கம்: கோயில் கூட்ட நெரிசலில் சிக்கி நால்வர் சாவு DIN DIN Saturday, August 24, 2019 01:02 AM +0530
மேற்கு வங்க மாநிலம், வடக்கு 24 பர்கானா மாவட்டத்தில் உள்ள கோயிலில் வெள்ளிக்கிழமை ஏற்பட்ட கூட்ட நெரிசலில் 4 பேர் உயிரிழந்தனர். 20-க்கும் மேற்பட்டோர் காயமடைந்தனர். 
உயிரிழந்தவர்கள் குடும்பத்துக்கு தலா ரூ.5 லட்சம், பலத்த காயமடைந்தவர்களுக்கு ரூ.1 லட்சம், லேசான காயமடைந்தவர்களுக்கு தலா ரூ.50,000 இழப்பீடு வழங்கப்படும் என்று முதல்வர் மம்தா பானர்ஜி அறிவித்துள்ளார். 
விபத்து காயமடைந்து சிகிச்சை பெற்றுவருவோரை மருத்துவமனையில் சந்தித்த பிறகு அவர் செய்தியாளர்களிடம் கூறியதாவது: 
லோக்நாத் பிரம்மச்சாரியின் பிறந்த தினத்தை முன்னிட்டு ஒவ்வொரு ஆண்டும், வடக்கு 24 பர்கானா மாவட்டத்தில் உள்ள கசுவா லோக்நாத் கோயிலுக்கு பக்தர்கள் அதிகமாக வருவார்கள். அந்த வகையில் இந்த ஆண்டும் லோக்நாத் கோயிலுக்கு வெள்ளிக்கிழமை லட்சக்கணக்கான பக்தர்கள் வந்திருந்தனர். 
அப்போது திடீரென அங்கு பலத்த மழை பெய்யத் தொடங்கியது. இதனால், கோயிலுக்கு வரும் பாதையில் மூங்கில் கொண்டு அமைக்கப்பட்டிருந்த தற்காலிக கடைகளில் மக்கள் ஒதுங்கினர். 
அங்கு கூடியவர்களின் கூட்டம் அதிகமாக இருந்தது. இந்நிலையில், மழை காரணமாக அந்த மூங்கில் கட்டுமான கடைகள் சரிந்தன. அந்தக் கடைகள் மிகவும் குறுகலான சாலையில் இருந்ததால் மூங்கில் கட்டுமானம் சரிந்ததை அடுத்து அங்கிருந்து வெளியேற முயன்ற கூட்டத்தினரிடையே நெரிசல் ஏற்பட்டது. 
அப்போது அருகில் இருந்த கோயிலின் குளத்தில் சிலர் விழுந்தனர். இதனால் அந்தப் பகுதியில் கூச்சல் குழப்பம் ஏறப்பட்டது. 
இந்த சம்பவத்தில் மூவர் உயிரிழந்துவிட்டனர். 20-க்கும் மேற்பட்டவர்கள் காயமடைந்தனர். காயமடைந்தவர்களுக்கு தேசிய மருத்துவக் கல்லூரி மருத்துவமனையில் சிகிச்சை அளிக்கப்பட்டு வருகிறது. காயமடைந்தவர்கள் அனுமதிக்கப்பட்டுள்ள பராசத் மருத்துவமனை, ஆர்.ஜி. கர் மருத்துவக் கல்லூரி மருத்துவமனைகளுக்கு அமைச்சர்கள் அனுப்பி வைக்கப்பட்டுள்ளனர். 
சம்பவ இடத்தில் காவல்துறையினர் தலைமையில் மீட்புப் பணிகள் துரிதமாக மேற்கொள்ளப்பட்டு, சூழ்நிலை இயல்பாகியுள்ளது என்று முதல்வர் மம்தா பானர்ஜி கூறினார். 
கசுவா லோக்நாத் கோயிலில் மாநில அரசு போதிய ஏற்பாடுகளைச் செய்யாததே இந்த விபத்துக்கு காரணம் என்று மாநில பாஜக தலைவர் திலீப் கோஷ் விமர்சித்துள்ளார்.
 

]]>
https://www.dinamani.com/india/2019/aug/24/மேற்கு-வங்கம்-கோயில்-கூட்ட-நெரிசலில்-சிக்கி-நால்வர்-சாவு-3219831.html
3219830 இந்தியா கடன் கொடுக்க மறுத்த வங்கி: சிறுநீரகத்தை விற்க தயாரான விவசாயி DIN DIN Saturday, August 24, 2019 01:01 AM +0530
உத்தரபிரதேசத்தில் விவசாயி ஒருவருக்கு கடன் கொடுக்க வங்கிகள் மறுத்ததையடுத்து, அவர் தனது சிறுநீரகத்தை விற்க தயார் என கூறி போஸ்டர் அடித்து ஒட்டியுள்ளது பரபரப்பை ஏற்படுத்தியுள்ளது.
ஷஹாரன்பூர் மாவட்டத்தில் உள்ள சத்தார் சாலி கிராமத்தைச் சேர்ந்தவர் ராம்குமார் (30). விவசாயியான இவர் பிரதமரின் கௌசல் விகாஸ் யோஜனா திட்டத்தின் (பிஎம்கேவிஒய்) கீழ் பால்பண்ணை தொழில் நடத்த கடன் கோரி பொதுத் துறை வங்கிகளில் விண்ணப்பித்திருந்தார். ஆனால், இவரது விண்ணப்பத்தை நிராகரித்த வங்கிகள், கடன் கொடுக்க மறுப்பு தெரிவித்து விட்டன. இதனால் விரக்தியடைந்த ராம்குமார், தனது ஒரு சிறுநீரகத்தை விற்று பணம் திரட்ட தயாராக இருப்பதாக ஊர் முழுவதும் போஸ்டர் அடித்து ஒட்டியுள்ளார். 
இதுகுறித்து ராம்குமார் கூறியதாவது:
பிஎம்கேவிஒய் சான்றிதழை காட்டிய போதும் ஒரு பொதுத் துறை வங்கி கூட கடன் கொடுக்க முன்வரவில்லை. உறவினர்களிடம் கடன் வாங்கிதான் பண்ணை தொடங்குவதற்கான மேற்கூரை அமைக்கும் பணிகளில் ஈடுபட்டிருந்தேன். ஆனால்,  தற்போது உறவினர்கள், கொடுத்த பணத்தை அதற்கான வட்டியுடன் சேர்த்துக் கேட்டு நெருக்கடி கொடுக்கத் தொடங்கி விட்டனர். இந்த நிலையில், நான் பெரிதும் நம்பியிருந்த வங்கியும் கைவிட்டு விட்டது.
இதனால், வேறு வழி இல்லாத சூழலில்தான் சிறுநீரகத்தை விற்று கடனை அடைக்கும் நிலைக்கு தள்ளப்பட்டுள்ளேன் என்றார்.
இச்சம்பவம் குறித்து ஷஹாரன்பூர் ஆணையர் சஞ்சய் குமார் கூறுகையில், இந்த விவகாரத்தில் முறையான விசாரணை நடத்திய பிறகே வங்கிகள் ஏன் ராம் குமாருக்கு கடன் கொடுக்க மறுத்தன என்பது குறித்த முழுமையான விவரம் தெரியவரும். இப்பிரச்னையை தீர்க்க உரிய நடவடிக்கை எடுக்கப்படும் என்றார் அவர்.
 

]]>
https://www.dinamani.com/india/2019/aug/24/கடன்-கொடுக்க-மறுத்த-வங்கி-சிறுநீரகத்தை-விற்க-தயாரான-விவசாயி-3219830.html
3219809 இந்தியா புதிய இந்தியாவைக் கட்டமைப்பதற்காகவே இந்த மகத்தான வெற்றி: பிரான்ஸில் பிரதமர் மோடி உரை DIN DIN Friday, August 23, 2019 10:59 PM +0530
புதிய இந்தியாவைக் கட்டமைப்பதற்காகவே மக்கள் எங்களுக்கு இந்த மகத்தான வெற்றியை தந்துள்ளனர் என்று பிரதமர் மோடி பிரான்ஸில் உரையாற்றியுள்ளார். 

யுனெஸ்கோ தலைமையகத்தில் இந்திய வம்சாவளியினர் மத்தியில் பிரதமர் மோடி இன்று (வெள்ளிக்கிழமை) உரையாற்றினார். அப்போது பேசிய அவர், 

"இந்தியாவில் தற்காலிகம் என்பதற்கே இடமே இல்லை. மகாத்மா காந்தி, கௌதம புத்தர், ராமர், கிருஷ்ணர் உள்ளிட்டோர் வாழ்ந்த மண்ணில், 125 கோடி மக்கள் இருக்கும் நாட்டில் தற்காலிகமான ஒன்றை 70 ஆண்டுகளாக நீக்க முடியவில்லை. இதை எண்ணி அழுவதா அல்ல சிரிப்பதா என்று தெரியவில்லை. 

இந்தியா, பிரான்ஸ் உறவுக்கு உங்களுடைய பங்களிப்பு மிக முக்கியமானது. பிரான்ஸில் நீங்கள்தான் இந்தியாவின் குரல், பிரதிநிதிகள், அடையாளம். இதை நீங்கள் மேலும் வலிமை பெறச் செய்வீர்கள் என்று நான் நம்புகிறேன். உங்களுடைய சாதனைகள் எங்களை பெருமையடையச் செய்கிறது. பிரான்ஸ் நாடாளுமன்றத்தில் நிறைய இந்தியர்கள் உறுப்பினர்களாக உள்ளீர்கள். உங்களது இந்திய அடையாளத்தையும் இழக்காமல், பிரான்ஸ் நாட்டின் சட்டங்களையும், கலாச்சாரத்தையும் படித்து உள்வாங்கியிருப்பது மகிழ்ச்சியளிக்கிறது. 

130 கோடி இந்திய மக்கள் வளர்ச்சியை நோக்கி தங்களது பயணத்தைத் தொடங்கியுள்ளனர் என்பதை நான் இன்று உறுதிபடத் தெரிவிப்பேன். புதிய இந்தியாவைக் கட்டமைப்பதற்காகவே மக்கள் எங்களுக்கு மகத்தான வெற்றியை தந்துள்ளனர். வெறும் அரசாங்கத்தை நடத்துவதற்காக இந்த தீர்ப்பை அவர்கள் அளிக்கவில்லை. 

எங்களுடைய ஆட்சியின் 100 நாள் என்கிற மைல்கல் வரவுள்ளது. பொதுவாக ஒரு அரசின் முதல் 50 முதல் 75 நாட்கள் திட்டமிடுவதற்கும், வாழ்த்து பெறுவதற்கும் ஒதுக்கப்படும். ஆனால், நாங்கள் அதில் ஈடுபடவில்லை. 

விநாயகர் சதுர்த்தியின்போது பிரான்ஸ் குட்டி இந்தியாவாக மாறி வருவதாகக் கேள்விபட்டேன். விரைவில் "கணபதி பப்பா" என்கிற முழக்கத்தை நாம் கேட்போம். 

இருநாடுகளுக்கு இடையிலான நட்புறவு சுயநலம் சார்ந்ததாக அல்லாமல் சமத்துவம் மற்றும் சகோதரத்துவத்தின் அடிப்படையிலான நட்புறவாக உள்ளது" என்றார்.

]]>
https://images.dinamani.com/uploads/user/imagelibrary/2019/8/23/w600X390/modi.gif கோப்புப்படம் https://www.dinamani.com/india/2019/aug/23/புதிய-இந்தியாவைக்-கட்டமைப்பதற்காகவே-இந்த-மகத்தான-வெற்றி-பிரான்ஸில்-பிரதமர்-மோடி-உரை-3219809.html
3219805 இந்தியா ராகுல் காந்தி உள்ளிட்ட எதிர்கட்சித் தலைவர்கள் நாளை ஸ்ரீநகர் பயணம்?  DIN DIN Friday, August 23, 2019 09:47 PM +0530  

புது தில்லி: ராகுல் காந்தி உள்ளிட்ட எதிர்கட்சித் தலைவர்கள் நாளை ஸ்ரீநகருக்கு பயணம் செய்ய உள்ளதாக தகவல்கள் வெளியாகியுள்ளது.

அரசியல் சட்டப்பிரிவு 370-ன் வழியாக காஷ்மீருக்கு  வழங்கப்பட்டு வந்த சிறப்பு அந்தஸ்தை சமீபத்தில் ரத்து செய்த இந்தியா, அத்துடன் அம்மாநிலத்தை இரண்டு யூனியன் பிரதேசங்களாகவும் பிரித்துள்ளது. மத்திய பாஜக அரசின் இந்த நடவடிக்கைக்கு காங்கிரஸ் உள்ளிட்ட எதிர்க்கட்சிகள் கடும் எதிர்ப்பு தெரிவித்து வருகிறது.

அறிவிப்பிற்குப் பிறகு காஷ்மீரின் நிலவரத்தை நேரில் பார்த்து அறிவதற்காக சென்ற குலாம் நபி ஆசாத் உள்ளிட்ட பல்வேறு எதிர்க்கட்சி தலைவர்கள் காஷ்மீருக்கு சென்றனர். அப்போது அவர்களை மேற்கொண்டு செல்ல விடாமல் ஸ்ரீநகர் விமான நிலையத்திலேயே அதிகாரிகள் தடுத்து நிறுத்தி தில்லிக்கு திருப்பி அனுப்பினர்.

இந்நிலையில், காங்கிரஸ் முன்னாள் தலைவர் ராகுல் காந்தி, குலாம் நபி, மார்க்சிஸ்ட் கட்சியின்  சீதாராம் யெச்சூரி உள்ளிட்ட  எதிர்க்கட்சி தலைவர்கள் ஸ்ரீநகருக்கு சனிக்கிழமையன்று  செல்கின்றனர் என தகவல் வெளியானது.

இவர்களுடன் காங்கிரசின் ஆனந்த் சர்மா, சிபிஐ கட்சியின் ராஜா, ராஷ்ட்ரீய ஜனதா தளத்தின் மனோஜ் ஜா உள்ளிட்ட பல்வேறு கட்சியினர் உடன் செல்கின்றனர் என தகவல் தெரிவிக்கப்பட்டு உள்ளது.         

]]>
jammu kashmir, kashmir issue, BJP, congress, opposition leaders, rahul gandhi, gulam nabi azad, sreenagar vist, CPI-M, sitaram yechury, https://images.dinamani.com/uploads/user/imagelibrary/2019/8/21/w600X390/rahul.jpg https://www.dinamani.com/india/2019/aug/23/opposition-leaders-including-rahul-yechury-planned-to-visit-sree-nagar-on-saturday-3219805.html
3219798 இந்தியா ஜிஎஸ்டி வரி விதிப்பு முறை விரைவில் எளிமையாக்கப்படும்: மத்திய நிதியமைச்சர் நிர்மலா சீதாராமன் அறிவிப்பு  DIN DIN Friday, August 23, 2019 06:45 PM +0530  

புது தில்லி: ஜிஎஸ்டி வரி விதிப்பு முறை விரைவில் எளிமையாக்கப்படும் என்பது உள்ளிட்ட பல புதிய அறிவிப்புகளை தில்லியில் வெள்ளியன்று நடந்த செய்தியாளர் சந்திப்பில்  மத்திய நிதியமைச்சர் நிர்மலா சீதாராமன் வெளியிட்டுள்ளார்.

நாட்டில் ஆட்டோ மொபைல் உள்ளிட்ட பல துறைகளில் வளர்ச்சி குறைந்து பொருளாதார மந்தநிலை நிலவுவதாக கருத்துக்கள் நிலவிவரும் வேளையில், தில்லியில் வெள்ளியன்று  மத்திய நிதியமைச்சர் நிர்மலா சீதாராமன் செய்தியாளர்களை சந்தித்தார். அப்போது அவர் பேசியதன் முக்கிய அம்சங்ககள் பின்வருமாறு:

அமெரிக்கா மற்றும் சீனா இடையே நிலவும் வர்த்தக யுத்தத்தால் உலக அளவில் பொருளாதார வளர்ச்சி மந்தமான சூழல் நிலவுகிறது. எனவே இந்தியா போன்ற வளரும் பொருளாதார நாட்டில் மட்டும் இந்த சிக்கல் என்பது இல்லை.

இந்த சூழலின் காரணமாக  உலகப் பொருளாதார வளர்ச்சி விகிதம் 3.2 சதவீதத்தில் இருந்து குறைக்கப்படலாம்..

இந்நிலையில் உலக பொருளாதார வளர்ச்சி விகிதத்தை  காட்டிலும் இந்தியாவின் பொருளாதார வளர்ச்சி விகிதம் நன்றாகவே உள்ளது. இன்னும் கூறுவதானால் பிற நாடுகளுடன் ஒப்பிடுகையில் இந்தியாவின் பொருளாதார நிலவரம் சிறப்பாக உள்ளது.

வரிவிதிப்பு முறையில் சீர்திருத்தங்களை பொறுத்தமட்டில் வரும் அக்டோபர் 1-ம் தேதியில் இருந்து, வரி தொடர்பாக கொடுக்கப்படும் அனைத்து நோட்டீஸ்கள் மீதும், சம்பந்தப்பட்டவர்களிடம் இருந்து பதில் வந்த மூன்றே மாதத்தில் நடவடிக்கை எடுப்பதை உறுதி செய்வோம்..

கடந்த 2014ல் மத்திய அரசு நிதிச் சீர்திருத்தங்களுக்கு முக்கியத்துவம் கொடுத்து வருகிறது. அதன் அடுத்தபடியாக ஜி.எஸ். டி வரிவிதிப்பு முறை இன்னும் எளிமையாக்கப்படும்.இதுதொடர்பாக ஜி.எஸ்.டி கவுன்சிலோடு வரும் ஞாயிற்றுக்கிழமை கலந்தாலோசித்து , பணம் திரும்ப செலுத்தும் முறையில் உள்ள சிக்கல்கள் களையப்படும்.

அடுத்ததாக கார்ப்பரேட் நிறுவனங்களின் CSR விதிமீறல்கள் கிரிமினல் குற்றமாக கருதப்படாது ; சிவில் நடவடிக்கையாக எடுத்துக் கொள்ளப்பட்டு நடவடிக்கைகள் மேற்கொள்ளப்படும்.

நாட்டில் ஊழல் பொதுத்துறை வங்கிகளின் மறுமூலதனத்துக்காக அரசு சார்பில் இருந்து ரூ.70, 000 கோடி உடனடியாக ஒதுக்க நடவடிக்கை எடுக்கபப்டும்.

அதேபோல் வங்கிகளிலிருந்து கடன்பெற்றவர்கள் கடனைத் திரும்ப செலுத்திய 15 நாள்களுக்குள் கடன் வாங்கியவரின் ஆவணங்களை வங்கிகள் திரும்ப ஒப்படைக்க வேண்டும் என்பது நடைமுறைப்படுத்தப்படும்.

ஒரே தவணையில் கடனை திரும்ப செலுத்தும் முறையில் வெளிப்படைத் தன்மை கொண்டு வரப்பட்டு, குறு, சிறு, நடுத்தர வர்த்தக நிறுவனங்களுக்கு வங்கிகள் உதவ வேண்டும் என்பது முதன்மையாக அறிவுறுத்தப்படும். .

புதிதாக 'ஸ்டார்ட் அப்' நிறுவனங்கள் துவங்க பலரிடம் இருந்து பெறப்படும் பணத்துக்கு இதுவரை வசூலிக்கப்பட்டு வந்த Angel Tax எனப்படும் முதலீட்டு வரி ரத்து செய்யப்படுகிறது.

சிறு,குறு நிறுவனங்களுக்கு திரும்ப செலுத்தாமல் நிலுவையில் உள்ள அனைத்து ஜி.எஸ்.டி தொகையும் 30 நாள்களுக்குள் திரும்ப செலுத்தப்படும், இனிவரும் காலங்களில் நிலுவை தொகை 60 நாள்களில் நிறுவனங்களுக்குத் திரும்ப செலுத்தப்படும்.

வாகன, வீட்டுக் கடன் வட்டி விகிதத்தை, ரிசர்வ் வங்கியின் கடன் வட்டி விகிதத்தோடு இணைத்து EMI-களை குறைக்க வேண்டும்.

2020 மார்ச் 31க்கு முன் வாங்கப்படும் பி.எஸ்-4 வாகனங்கள் தொடர்ந்து இயங்க அனுமதிக்கப்படும் .

இனி வங்கிகளில் ஒருமுறைக்கு மேல் ஆதாரை கொண்டு வருமாறு வாடிக்கையாளர்களை கட்டாயப்படுத்தக் கூடாது என்று அறிவுறுத்தப்படும்.

இவ்வாறு அவர் பல்வேறு கருத்துக்களை தெரிவித்துள்ளார். 

]]>
finance minister nirmaa seetharaman, economic slowdown, announcements, GST, angel tax, CSR, home loan, vehicle loan, https://images.dinamani.com/uploads/user/imagelibrary/2019/7/6/w600X390/nirmala.jpg https://www.dinamani.com/india/2019/aug/23/gst-return-methods-will-be-made-easier-says-finance-minister-nirmala-seetharaman-in-delhi-3219798.html
3219796 இந்தியா காஷ்மீருக்காக ஆப்கானிஸ்தானில் இருந்து பயங்கரவாதிகளை வரவழைத்திருக்கும் பாகிஸ்தான்: தகவல் DIN DIN Friday, August 23, 2019 06:15 PM +0530
புது தில்லி: காஷ்மீரில் தாக்குதல் நடத்துவதற்காக, தங்களிடம் போதிய பயங்கரவாதிகள் இல்லாத நிலையில், ஆப்கானிஸ்தானிடம் இருந்து பாகிஸ்தான் 100க்கும் மேற்பட்ட பயங்கரவாதிகளை வாங்கியிருப்பதாக தகவல்கள் தெரிவிக்கின்றன.

இந்திய - பாகிஸ்தான் எல்லையில் பதற்றமான சூழ்நிலையை உருவாக்க வேண்டும் என்பதற்காக, ஏற்கனவே, எல்லைக் கட்டுப்பாட்டுக் கோட்டுப் பகுதியில் லஷ்கர் - இ - மொஹம்மது அமைப்பைச் சேர்ந்த 15 பயங்கரவாதிகள் தயார் நிலையில் வைக்கப்பட்டுள்ளதாக புலனாய்வுத் துறை தெரிவித்துள்ளது.

தற்போது கிடைத்திருக்கும் புலனாய்வுத் தகவல்களின் அடிப்படையில், இந்தியாவின் முக்கிய நகரங்களில் அடுத்த சில வாரங்களில் பாகிஸ்தானைச் சேர்ந்த பயங்கரவாதிகள் தாக்குதல் நடத்த வாய்ப்பிருப்பதாகக் கூறப்படுகிறது.

காஷ்மீர் விவகாரத்தால், இந்தியாவில் போர்ப் பதற்றம் உருவாகியிருப்பதாகவும், அதன் காரணமாகவே இந்தியாவில் மிகப் பெரிய பயங்கரவாத தாக்குதல்கள் நடப்பதாகவும் உலக நாடுகள் நம்ப வேண்டும் என்பதற்காக, பாகிஸ்தான் கடுமையாக பணியாற்றி வருகிறது.

இதற்காக, ஆப்கானிஸ்தானில் இருந்து 100க்கும் மேற்பட்ட பயங்கரவாதிகளை பாகிஸ்தான் வரவழைத்திருப்பதாகவும் உறுதி செய்யப்பட்ட புலனாய்வுத் தகவல்கள் தெரிவித்திருப்பதாக இந்திய ராணுவம் தரப்பில் கூறப்படுகிறது.

ஏற்கனவே இதனை உறுதிபடுத்தும் வகையில், காஷ்மீர் விவகாரத்தால் இந்தியாவில் புல்வாமா போன்ற பயங்கரவாதத் தாக்குதல்கள் நடத்தப்படலாம் என்று பாகிஸ்தான் பிரதமர் இம்ரான் கான் முன்னெச்சரிக்கையைப் போல பயங்கரவாதிகளுக்கு வாய்மொழியாக உத்தரவு பிறப்பித்திருந்தது குறிப்பிடத்தக்கது.

பாகிஸ்தான் பிரதமர் அன்று சொன்னதை நிரூபிக்கவே, ஆப்கானிஸ்தானில் இருந்து பயங்கரவாதிகள் வரவழைக்கப்பட்டிருப்பதாகவும் அந்த தகவல்கள் சுட்டிக்காட்டுகின்றன.
 

]]>
https://images.dinamani.com/uploads/user/imagelibrary/2019/8/23/w600X390/Militants.jpg https://www.dinamani.com/india/2019/aug/23/காஷ்மீருக்காக-ஆப்கானிஸ்தானில்-இருந்து-பயங்கரவாதிகளை-வரவழைத்திருக்கும்-பாகிஸ்தான்-தகவல்-3219796.html
3219795 இந்தியா அமலாக்கத்துறை வழக்கில் சிதம்பரத்துக்குக் கிடைத்தது இடைக்கால ஜாமீன் DIN DIN Friday, August 23, 2019 06:05 PM +0530
ஐஎன்எக்ஸ் மீடியா வழக்கில் அமலாக்கத் துறை கைது செய்வதில் இருந்து தப்பிக்க சிதம்பரம் தாக்கல் செய்த முன்ஜாமீன் மனுவை விசாரித்த உச்ச நீதிமன்றம், அவரை ஆகஸ்ட் 26ம் தேதி வரை கைது செய்ய இடைக்காலத் தடை விதித்துள்ளது.

உச்ச நீதிமன்றத்தில் அமலாக்கத்துறைக்கு எதிராக சிதம்பரம் சார்பில் தாக்கல் செய்த மனு இன்று விசாரணைக்கு வந்த போது, சிதம்பரம் தரப்பில் ஆஜரான மூத்த வழக்குரைஞர் கபில் சிபல், அமலாக்கத் துறை அளித்த வாதங்களை அப்படியே தில்லி நீதிமன்றம் கட் அன்ட் பேஸ்ட் செய்துவிட்டது. நீதிமன்றங்கள் இவ்வாறு செய்தால் எங்கு சென்று நாங்கள் நிவாரணம் பெறுவது? அதுவும் இந்த  உத்தரவை தில்லி உயர் நீதிமன்றம் 7 மாதங்களுக்குப் பிறகு பிறப்பித்துள்ளது என்று வாதிட்டார்.

வழக்கை விசாரித்த உச்ச நீதிமன்றம், ப. சிதம்பரத்தை ஆகஸ்ட் 26ம் தேதி வரை கைது செய்ய அமலாக்கத் துறைக்குத் தடை விதித்து, விசாரணையை திங்கட்கிழமைக்கு ஒத்தி வைத்தார்.

ஏற்கனவே சிபிஐக்கு எதிராக சிதம்பரம் தரப்பில் தாக்கல் செய்யப்பட்ட முன் ஜாமீன் மனுவையும் உச்ச நீதிமன்றம் திங்கட்கிழமைக்கு ஒத்தி வைத்துள்ளது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/8/23/w600X390/chidambaram3.jpg https://www.dinamani.com/india/2019/aug/23/அமலாக்கத்துறை-வழக்கில்-சிதம்பரத்துக்குக்-கிடைத்தது-இடைக்கால-ஜாமீன்-3219795.html
3219792 இந்தியா ஆக.,26 வரை உத்தரவு பிறப்பிக்க முடியாது: சிதம்பரத்தின் முன்ஜாமீன் மனு திங்களுக்கு ஒத்திவைப்பு DIN DIN Friday, August 23, 2019 05:08 PM +0530
புது தில்லி: ஐஎன்எக்ஸ் மீடியா வழக்கில் சிதம்பரம் கைது செய்யப்பட்டு சிபிஐ காவலில் வைக்கப்பட்டிருப்பதால், அவரது முன் ஜாமீன் மனுவை திங்கட்கிழமைக்கு உச்ச நீதிமன்றம் ஒத்திவைத்தது.

முன்னாள் மத்திய அமைச்சர் ப. சிதம்பரத்தின் முன் ஜாமீன் மனு தில்லி உயர் நீதிமன்றத்தில் தள்ளுபடி செய்யப்பட்டதால், உச்ச நீதிமன்றத்தில் மேல்முறையீடு செய்யப்பட்டது.

இந்த மனுவை அவசர வழக்காக விசாரிக்க மறுத்துவிட்ட உச்ச நீதிமன்றம், வெள்ளிக்கிழமை விசாரிப்பதாகப் பட்டியலிட்டிருந்தது. அதே சமயம், புதன்கிழமை இரவு சிதம்பரம் சிபிஐ அதிகாரிகளால் கைது செய்யப்பட்டார்.

இன்று இந்த மனு விசாரணைக்கு வந்த போது, ஐஎன்எக்ஸ் மீடியா வழக்கில் கைது செய்யப்பட்ட சிதம்பரத்துக்கு ஆகஸ்ட் 26ம் தேதி வரை சிபிஐ சிறப்பு நீதிமன்றம் சிபிஐ காவல் பிறப்பித்த நிலையில், அதுவரை எந்த உத்தரவும் பிறப்பிக்க முடியாது எனக் கூறி, சிதம்பரத்தின் மேல்முறையீட்டு மனு மீதான விசாரணையை ஆகஸ்ட் 26ம் தேதிக்கு ஒத்திவைத்தது.
 

]]>
https://images.dinamani.com/uploads/user/imagelibrary/2019/1/16/w600X390/cbi-mainFF01.jpg https://www.dinamani.com/india/2019/aug/23/ஆக26-வரை-உத்தரவு-பிறப்பிக்க-முடியாது-சிதம்பரத்தின்-முன்ஜாமீன்-மனு-திங்களுக்கு-ஒத்திவைப்பு-3219792.html
3219790 இந்தியா வங்கியில் கடன் கிடைக்காததால் கிட்னியை விற்க முன்வந்த விவசாயி! Muthumari ENS Friday, August 23, 2019 05:07 PM +0530 உத்தரப்பிரதேச மாநிலத்தைச் சேர்ந்த ஒருவர் வங்கியில் கடன் கேட்டு கிடைக்காததால் தனது கிட்னியை விற்க முன்வந்துள்ள அவலநிலை ஏற்பட்டுள்ளது.  

உத்தரப்பிரதேச மாநிலத்தில் சஹாரன்பூர் மாவட்டத்தைச் சேர்ந்த ராம் குமார் என்பவர் ஒரு விவசாயி. இவர், பிரதான் மந்திரி கவுசல் விகாஸ் யோஜனா திட்டத்தின் கீழ், பால் பண்ணை குறித்து பயின்று அதற்கானச் சான்றிதழும் பெற்றுள்ளார். தொடர்ந்து, அருகில் உள்ள வங்கியில் தனியே பால் பண்ணை தொடங்குவதற்கு கடன் கேட்டு விண்ணப்பித்துள்ளார். ஆனால், அவருக்கு வங்கியில் கடன் கிடைக்கவில்லை. 

பின்னர், வேறு வழியின்றி உறவினர்களிடம் கடன் வாங்கி தனியாக பால் பண்ணை ஒன்றை வைத்துள்ளார். சில ஆடுகளையும் வாங்கி பராமரித்து வந்தார். ஆனால், எதிர்பார்த்த அளவு அதில் வருமானம் கிடைக்கவில்லை. உறவினர்கள் பணம் கேட்க ஆரம்பித்தனர். 

இதற்கிடையே, அவர் பல்வேறு வங்கிகளில் கடன் கேட்டு விண்ணப்பித்தார். அதுவும் வெற்றி பெறாத சமயத்தில், வேறு வழியில்லாமல் தனது கிட்னியை விற்க முன்வந்துள்ளார். இதுகுறித்து அவர் சுவரொட்டி விளம்பரமும் வெளியிட்டுள்ளார். தான் தனது கிட்னியை விற்கத் தயாராக இருப்பதாகவும், விருப்பமுள்ளவர்கள் தொடர்பு கொள்ளலாம் என்றும் சுவரொட்டியில் குறிப்பிட்டுள்ளார். 

இதையறிந்த காவல்துறையினர், ராம் குமாரிடம் வந்து விசாரணை நடத்தினர். மேற்குறிப்பிட்ட அனைத்து விபரங்களையும் ராம் குமார் போலீசாரிடம் கூறியுள்ளார். 

பின்னர் சஹாரன்பூர் கமிஷனர் சஞ்சய் குமார் கூறுகையில், 'ராம் குமார் வங்கியில் கடன் கேட்டு கிடைக்காதது தற்போது தான் தெரிய வந்துள்ளது. அதுமட்டுமின்றி, கிட்னியை விற்பது சட்டப்படி குற்றம் என்று அவருக்கு தெரியவில்லை. அதுகுறித்து நாங்கள் அவருக்கு விளக்கமளித்துள்ளோம். மேலும், அவர் விண்ணப்பத்த வங்கிகளில் அவருக்கு என்ன காரணத்தினால் கடன் மறுக்கப்பட்டது என்பது குறித்து விசாரித்து தீர்வு காண நடவடிக்கை எடுக்கப்படும்' என்று தெரிவித்தார். 

]]>
UP, uttar pradesh, உத்தரப்பிரதேசம், விவசாயி, Farmer, SAHARANPUR https://images.dinamani.com/uploads/user/imagelibrary/2016/11/23/w600X390/TN_farmers.jpg https://www.dinamani.com/india/2019/aug/23/denied-loan-by-banks-uttar-pradesh-farmer-puts-up-kidney-for-sale-3219790.html
3219791 இந்தியா சிபிஐ காவலை ரத்து செய்யக் கோரி உச்ச நீதிமன்றத்தில் ப.சிதம்பரம் புதிய மனு  DIN DIN Friday, August 23, 2019 05:05 PM +0530  

புது தில்லி: தனக்கு விதிக்கப்பட்ட ஐந்து நாள் சிபிஐ காவலை ரத்து செய்யக் கோரி உச்ச நீதிமன்றத்தில் முன்னாள் மத்திய அமைச்சர் ப.சிதம்பரம் புதிய மனு ஒன்றினைத் தாக்கல் செய்துள்ளார்.

ஐஎன்எக்ஸ் மீடியா முறைகேடு வழக்கில் காங்கிரஸ் மூத்த தலைவரும், முன்னாள் மத்திய அமைச்சருமான ப.சிதம்பரம், தில்லியில் சிபிஐ அதிகாரிகளால் வியாழன் இரவு கைது செய்யப்பட்டார். 

முன்னதாக, கடந்த செவ்வாய்க்கிழமை மாலையிலிருந்து, அவரை கைது செய்வதற்கான முயற்சிகளில் சிபிஐ-யும், அமலாக்கத் துறையும் ஈடுபட்டிருந்தன. எனினும், ப.சிதம்பரம் எங்கிருக்கிறார்? என்ற கேள்வி நிலவி வந்த சூழலில், தில்லியில் உள்ள காங்கிரஸ் தலைமை அலுவலகத்தில் புதன்கிழமை இரவில் அவர் செய்தியாளர்களை சந்தித்தார். பின்னர், அங்கிருந்து புறப்பட்டு, தில்லியின் ஜோர்பாக் பகுதியிலுள்ள தனது வீட்டுக்கு வந்தார். அவரை பின்தொடர்ந்து, அவரது வீட்டுக்கு வந்த சிபிஐ அதிகாரிகள், வீட்டின் வெளிக்கதவை தட்டினர். கதவு திறக்கப்படாததை அடுத்து, மதில் சுவரில் ஏறிக் குதித்து அதிகாரிகள் உள்ளே சென்றனர். 

பின்னர் பரபரப்பான சூழலில், ப.சிதம்பரத்தை கைது செய்த சிபிஐ அதிகாரிகள், அவரை ராம் மனோகர் லோஹியா மருத்துவமனைக்கு சோதனைக்கு அழைத்துச் சென்றனர். மருத்துவ பரிசோதனைக்குப் பிறகு, சிபிஐ தலைமை அலுவலகத்துக்கு அவர் அழைத்துச் செல்லப்பட்டார். அதன் பிறகு சிபிஐ சிறப்பு நீதிமன்றத்தில் அவரை ஆஜர்படுத்தினர். 

இதையடுத்து, முன்னாள் மத்திய அமைச்சருமான ப.சிதம்பரத்தை 5 நாள் சிபிஐ காவலில் விசாரிக்க தில்லி சிறப்பு நீதிமன்றம் அனுமதி வழங்கியது. காவல் முடிந்தவுடன் சிதம்பரத்தை வரும் திங்களன்று ஆஜர்படுத்த நீதிமன்றம் சி.பி.ஐக்கு உத்தரவிட்டுள்ளது. 

இந்நிலையில் தனக்கு விதிக்கப்பட்ட ஐந்து நாள் சிபிஐ காவலை ரத்து செய்யக் கோரி உச்ச நீதிமன்றத்தில் முன்னாள் மத்திய அமைச்சர் ப.சிதம்பரம் புதிய மனு ஒன்றினைத் தாக்கல் செய்துள்ளார்.

]]>
former minister p.chidambaran, INX media case, CBi custody, new pettion, supreme court, https://images.dinamani.com/uploads/user/imagelibrary/2019/8/23/w600X390/pchidambaraminxmediacaselive.jpg https://www.dinamani.com/india/2019/aug/23/former-minister-pchidambaram-files-a-new-pettion-n-sc-against-his-cbi-custody-3219791.html
3219778 இந்தியா காஷ்மீர் எல்லையில் பாகிஸ்தான் மீண்டும் தாக்குதல்: இந்திய வீரர் வீரமரணம் DIN DIN Friday, August 23, 2019 02:08 PM +0530 காஷ்மீர் மாநில எல்லையில் பாகிஸ்தான் ராணுவம் நடத்திய தாக்குதலில் இந்திய வீரர் ஒருவர் வீரமரணம் அடைந்தார். 

ஜம்மு-காஷ்மீருக்கு அளிக்கப்பட்ட சிறப்பு அந்தஸ்தை இந்தியா அண்மையில் ரத்து செய்தது. இதனால் இந்தியா-பாகிஸ்தான் இடையே பதற்றம் உருவாகியுள்ளது. எல்லைப் பகுதியில் இரு நாடுகளும் படைகளைக் குவித்துள்ளன. 

இந்நிலையில் காஷ்மீருக்கான சிறப்பு அந்தஸ்தை மத்திய அரசு நீக்கியதையடுத்து காஷ்மீர் எல்லையில் பாகிஸ்தான் ராணுவம் தொடர்ந்து அத்துமீறி தாக்குதல் நடத்தி வருகிறது. இதற்கு இந்திய தரப்பிலும் தக்க பதிலடி கொடுக்கப்பட்டு வருகிறது. 

இந்நிலையில் காஷ்மீரின் ரஜோரி மாவட்டம், நௌசெரா எல்லைப் பகுதியில் பாகிஸ்தான் ராணுவம் இன்று மீணடும் தாக்குதல் நடத்தியது. இதில் இந்திய வீரர் ஒருவர் வீரமரணம் அடைந்தார். இதனால் அந்தப் பகுதியில் பதற்றம் நிலவி வருகிறது. 

கடந்த ஒரு வாரத்தில் மட்டும் பாகிஸ்தான் ராணுவம் நடத்திய அத்துமீறிய தாக்குதல்களுக்கு இந்திய வீரர்கள் 3 பேர் உயிரிழந்திருப்பது குறிப்பிடத்தக்கது. 
 

]]>
ceasefire, pakistan, indianarmy, soldier https://images.dinamani.com/uploads/user/imagelibrary/2019/8/23/w600X390/kashmir.jpg https://www.dinamani.com/india/2019/aug/23/காஷ்மீர்-எல்லையில்-பாகிஸ்தான்-மீண்டும்-தாக்குதல்-இந்திய-வீரர்-வீரமரணம்-3219778.html
3219774 இந்தியா சப்பாத்திக்கு தொட்டுக்க உப்பா? உத்தரப்பிரதேச மதிய உணவில் சிறார்களுக்குக் கிடைக்கும் ஊட்டச்சத்து! DIN DIN Friday, August 23, 2019 01:15 PM +0530
சிறார்களுக்கு ஊட்டச்சத்துள்ள உணவு கொடுக்க வேண்டும் என்று நாடு முழுவதும் அறிமுகப்படுத்தப்பட்டதுதான் மதிய உணவு திட்டம்.

ஆனால், இப்போது சில மாநிலங்களில் கொடுக்கப்படும் மதிய உணவு, அறிமுகப்படுத்தப்பட்டதன் நோக்கத்தை நிறைவேற்றுகிறதா என்று பார்த்தால் இல்லை என்று தான் சொல்லத்தோன்றும்.

அதாவது, உத்தரப்பிரதேசத்தில் மிர்ஸாபூர் மாவட்டத்தில் உள்ள அரசு துவக்கப் பள்ளி ஒன்றில், சிறுவர், சிறுமிகளுக்கு தினமும் தலா ஒரு சப்பாத்தியும், அதற்கு தொட்டுக் கொள்ள உப்பும் கொடுக்கப்பட்டுள்ள செய்தி ஊடகங்களில் வைரலாகியுள்ளது.

பள்ளி வளாகத்தில் அமர்ந்து ரொட்டியை உப்பில் தொட்டுக் கொண்டு சிறார்கள் சாப்பிடும் விடியோ சமூக வலைத்தளங்களில் வைரலாகப் பரவி வருகிறது.

ஆனால் பள்ளி வளாகத்தில் இருக்கும் மதிய உணவுப்பட்டியலோ பருப்பு, சாதம், ரொட்டி, காய்கறிகள் என்று நீண்டிருக்கிறது. அதுமட்டுமா, வாரத்தில் சில நாட்கள் மட்டும் சிறார்களுக்கு பாலும், பழமும் வழங்கப்படுவதாகக் குறிப்பிடப்பட்டுள்ளது.

இது பற்றி, சிறார்களின் பெற்றோர் தங்களது அடையாளத்தை வெளியிட விரும்பாமல் கூறியிருக்கும் தகவல் என்னவென்றால், பெரும்பாலான நாட்களில் சிறார்களுக்கு ரொட்டியும் தொட்டுக் கொள்ள உப்பும், சில நாட்களில் சாதமும் அதற்கு தொட்டுக் கொள்ள உப்பும்தான் அளிக்கப்படுகிறது.

யாராவது முக்கியப் பிரமுகர்கள் வந்தால் மட்டுமே குழந்தைகளுக்கு பால் மற்றும் உரிய உணவு வழங்கப்படுகிறது என்கிறார்கள் செய்வதறியாது.

இது குறித்து மாவட்ட நீதிபதி அனுராக் பட்டேலிடம் முறையிட்டதில், இது உண்மை என்று தெரியவந்தால், விசாரணைக்கு உத்தரவிடப்படும். இதற்கு முதற்கட்டமாக ஆசிரியர்களும், மதிய உணவு நிர்வாகிகளுமே காரணமாக இருப்பார்கள் என்று கண்டறியப்பட்டுள்ளது. இருவருமே பணியிடை நீக்கம் செய்யப்படுவார்கள் என்று தெரிவித்தார்.

 

உத்தரப்பிரதேசத்தில் உள்ள அரசுப் பள்ளிகளில் பயிலும் 1.5 லட்சம் மாணவ, மாணவிகளுக்கு மதிய உணவு வழங்கப்படுகிறது. இந்த திட்டத்தின் மூலம் சுமார் 1 கோடி குழந்தைகள் பயனடைகிறார்கள் என்றும் தெரிவிக்கப்பட்டுள்ளது.

அதாவது ஆண்டுக்கு குறைந்தபட்சம் 200 நாட்களாவது மாணவ, மாணவிகளுக்கு மதிய உணவு வழங்கப்பட வேண்டும். மதிய உணவு என்பது பிள்ளைகளுக்கு தலா 450 கலோரிகள் நிறைந்த உணவாக இருக்க வேண்டும் என்பது கட்டாயம். அதில் 12 கிராம் அளவுக்கு புரோட்டீன் இருக்க வேண்டும் என்பது கட்டாயம்.

ஆனால், ஒரு சப்பாத்தி மற்றும் ஒரு டேபிள் ஸ்பூன் உப்பில் இவ்வளவும் இருக்கிறதா என்பதை ஆராய்ச்சி செய்துதான் பார்க்க வேண்டும்.
 

]]>
UP primary school, salt and roti, Midday Meal , District Magistrate, midday meal scheme https://images.dinamani.com/uploads/user/imagelibrary/2019/8/23/w600X390/midday_meal.JPG https://www.dinamani.com/india/2019/aug/23/up-primary-school-serves-roti-with-salt-for-nutritious-mid-day-meal-3219774.html
3219768 இந்தியா மாநிலங்களவை எம்.பி.யாக பதவியேற்றார் மன்மோகன் சிங் DIN DIN Friday, August 23, 2019 12:29 PM +0530 மாநிலங்களவை எம்.பி.யாக முன்னாள் பிரதமரும், காங்கிரஸ் மூத்த தலைவருமான மன்மோகன் சிங் இன்று பதவியேற்றுக்கொண்டார். 

ராஜஸ்தானில் இருந்து மாநிலங்களவைக்கு தேர்வாகியிருந்த பாஜக மாநிலத் தலைவர் மதன் லால் சைனி கடந்த ஜூன் மாதம் காலமானார். அதையடுத்து காலியான அந்தப் பதவிக்கு இடைத்தேர்தல் நடத்த திட்டமிடப்பட்டது. இந்தத் தேர்தலில் காங்கிரஸ் சார்பில் போட்டியிடுவதற்காக கடந்த 13-ஆம் தேதி மன்மோகன் சிங் வேட்பு மனு தாக்கல் செய்தார். ராஜஸ்தான் சட்டப்பேரவையில் காங்கிரஸுக்கு பெரும்பான்மை இருந்ததால், மன்மோகன் சிங் வெற்றி பெறுவது உறுதியாக இருந்தது. 

அதுமட்டுமின்றி, அவரை எதிர்த்துப் போட்டியிடுவதற்காக பாஜக சார்பில் வேட்பாளர் நிறுத்தப்படவில்லை. அதையடுத்து இந்த இடைத்தேர்தலில் போட்டியின்றி மன்மோகன் சிங் தேர்வு செய்யப்பட்டுள்ளதாக அறிவிக்கப்பட்டது. இதற்கான அறிவிப்பை சட்டப் பேரவை செயலரும், தேர்தல் அதிகாரியுமான பிரமிள் குமார் மாத்தூர் வெளியிட்டார்.இந்நிலையில் மாநிலங்களவை எம்.பி.யாக முன்னாள் பிரதமரும், காங்கிரஸ் மூத்த தலைவருமான மன்மோகன் சிங் இன்று பதவியேற்றுக்கொண்டார். 

கடந்த 1991-ஆம் ஆண்டு முதல் 2019 வரை அஸ்ஸாமில் இருந்து தொடர்ந்து 5 முறை மாநிலங்களவைக்கு மன்மோகன் சிங் தேர்வு செய்யப்பட்டார். இதில் 1998 முதல் 2004 வரை மாநிலங்களவை எதிர்க்கட்சித் தலைவராக அவர் இருந்துள்ளார். 2004 முதல் 2014-ஆம் ஆண்டு வரை தொடர்ந்து இரு முறை பிரதமராக அவர் பதவி வகித்துள்ளார். இந்த ஆண்டு ஜூன் 14-ஆம் தேதியோடு அவரது எம்.பி. பதவிக்காலம் நிறைவுற்றது. 

அஸ்ஸாம் சட்டப் பேரவையில் காங்கிரஸ் கட்சிக்கு போதிய எம்எல்ஏக்களின் பலம் இல்லாததால், ராஜஸ்தானில் இருந்து மாநிலங்களவை எம்.பி.யாக மன்மோகன் சிங் தேர்வு செய்யப்பட்டார் என்பது குறிப்பிடத்தக்கது. 

]]>
Former Prime Minister , Rajya Sabha member, Manmohan Singh https://images.dinamani.com/uploads/user/imagelibrary/2019/8/23/w600X390/manmohan.jpg https://www.dinamani.com/india/2019/aug/23/மாநிலங்களவை-எம்பியாக-பதவியேற்றார்-மன்மோகன்-சிங்-3219768.html
3219766 இந்தியா மேற்கு வங்கத்தில் கோயில் சுவர் இடிந்து விழுந்ததில் 4 பக்தர்கள் உயிரிழப்பு DIN DIN Friday, August 23, 2019 12:01 PM +0530 மேற்கு வங்கத்தில் கோயில் சுவர் இடிந்து விழுந்ததில் 4 பக்தர்கள் உயிரிழந்தனர். 

மேற்கு வங்க மாநிலம், வடக்கு 24 பர்கானாவின் கச்சுவா என்ற இடத்தில் உள்ள கோயிலில் கிருஷ்ண ஜெயந்தியை முன்னிட்டு பக்தர்கள் இன்று காலை திரண்டனர். அப்போது கோயிலின் சுவர் திடீரென இடிந்து விழுந்தது. 

இந்த சம்பவத்தில் 4 பக்தர்கள் உயிரிழந்தனர். 27 பேர் காயமடைந்த நிலையில் மருத்துவமனையில் சிகிச்சைப் பெற்று வருகின்றனர். விபத்து தொடர்பாக விசாரணை நடைபெற்று வருகிறது. 

இதனிடையே கோயில் சுவர் இடிந்து உயிரிழந்தோரின் குடும்தாருக்கு தலா ரூ.5 லட்சமும், காயமடைந்தவர்களுக்கு தலா ஒரு லட்சமும் வழங்கப்படும் என அம்மாநில முதல்வர் மம்தா பானர்ஜி அறிவித்துள்ளார். 

]]>
https://images.dinamani.com/uploads/user/imagelibrary/2019/8/23/w600X390/wb.jpg https://www.dinamani.com/india/2019/aug/23/மேற்கு-வங்கத்தில்-கோயில்-சுவர்-இடிந்து-விழுந்ததில்-4-பக்தர்கள்-உயிரிழப்பு-3219766.html
3219761 இந்தியா முத்தலாக் தடை மசோதாவிற்கு எதிரான வழக்கில் பதிலளிக்குமாறு மத்திய அரசுக்கு உச்சநீதிமன்றம் நோட்டீஸ் DIN DIN Friday, August 23, 2019 11:32 AM +0530 முத்தலாக் தடை மசோதாவிற்கு எதிராக தாக்கல் செய்யப்பட்ட மனுக்கள் மீது பதிலளிக்க மத்திய அரசுக்கு உச்சநீதிமன்றம் நோட்டீஸ் அனுப்ப உத்தரவிட்டது. 

இஸ்லாமியப் பெண்களுக்கு விவாகரத்து அளிக்க சிலர் முத்தலாக் நடைமுறையை கடைப்பிடித்து வருகின்றனர். இந்த நடைமுறையை சட்டவிரோதமானது என்று உச்சநீதிமன்றம் அறிவித்தது.

இருப்பினும், அந்த நடைமுறை தொடர்ந்து கடைப்பிடிக்கப்பட்டு வருவதாக அரசுக்கு புகார்கள் வந்தன.  எனவே, சட்டரீதியில் முத்தலாக் நடைமுறைக்கு தடை விதிக்கும் வகையில், முத்தலாக் தடை மசோதாவை நாடாளுமன்றத்தில் மத்திய அரசு அண்மையில் நிறைவேற்றியது. 

இந்நிலையில் முத்தலாக் தடை மசோதாவிற்கு எதிராக உச்சநீதிமன்றத்தில் மனுக்கள் தாக்கல் செய்யப்பட்டன. இம்மனுக்கள் உச்சநீதிமன்றத்தில் இன்று விசாரணைக்கு வந்தது. அப்போது இதுதொடர்பாக பதிலளிக்க மத்திய அரசுக்கு உச்சநீதிமன்றம் நோட்டீஸ் அனுப்ப உத்தரவிட்டது.
 

]]>
https://images.dinamani.com/uploads/user/imagelibrary/2019/6/21/w600X390/supremeCourt1.jpg https://www.dinamani.com/india/2019/aug/23/முத்தலாக்-தடை-மசோதாவிற்கு-எதிரான-வழக்கில்-பதிலளிக்குமாறு-மத்திய-அரசுக்கு-உச்சநீதிமன்றம்-நோட்டீஸ்-3219761.html
3219475 இந்தியா ப.சிதம்பரம் கைது விவகாரம்: காங்கிரஸின் குற்றச்சாட்டு அடிப்படையற்றது; மத்திய அமைச்சர் சதானந்த கெளடா DIN DIN Friday, August 23, 2019 08:42 AM +0530 முன்னாள் மத்திய அமைச்சர் ப.சிதம்பரம் கைது விவகாரத்தில் காங்கிரஸின் குற்றச்சாட்டு அடிப்படையற்றது என்று மத்திய ரசாயனத் துறை அமைச்சர் சதானந்த கெளடா தெரிவித்தார்.
 இதுகுறித்து பெங்களூரில் வியாழக்கிழமை செய்தியாளர்களிடம் அவர் கூறியது: காங்கிரஸ் முன்னாள் மத்திய அமைச்சர் ப.சிதம்பரம் கைதுசெய்யப்பட்டுள்ளதை காங்கிரஸ் கடுமையாக விமர்சித்துள்ளது. சிபிஐ, அமலாக்கத் துறை போன்ற விசாரணை அமைப்புகள் மூலம் ப.சிதம்பரம் தவறாக கையாளப்படுகிறார் என்று காங்கிரஸ் கூறியுள்ளது. இந்த விவகாரத்தில் காங்கிரஸின் குற்றச்சாட்டு அடிப்படை ஆதாரமற்றது. மேலும், அது போன்ற நடவடிக்கைகளில் ஈடுபட வேண்டிய அவசியம் பாஜக அரசுக்கு இல்லை.
 முந்தைய காங்கிரஸ் ஆட்சி காலங்களில்தான் விசாரணை அமைப்புகள் தவறாக பயன்படுத்தப்பட்டன. காங்கிரஸ் ஆட்சியில் என்ன செய்தார்களோ, அது தற்போது நிகழ்வதால் அக்கட்சியினர் அச்சத்தில் உறைந்துள்ளனர். சிதம்பரமும், அவரது மகன் கார்த்திக் ஆகியோருக்கு எதிரான வழக்கு குறித்து மக்கள் அனைவரும் நன்கு அறிந்துவைத்துள்ளனர்.
 அரசியல் பழிவாங்குவது எங்கள் நோக்கமாக இருந்திருந்தால், ஏற்கெனவே நாங்கள் செய்திருப்போம். தற்போது எல்லாம் முடிந்துவிட்டது. நாங்கள் அறுதிப்பெரும்பான்மை பலத்துடன் ஆட்சியில் இருக்கிறோம். பாஜகவுக்கு மக்கள் அளித்துள்ள ஆதரவு பன்மடங்கு பெருகியுள்ளது. எனவே, அரசியல் பழிவாங்கலில் ஈடுபட வேண்டிய அவசியம் எங்களுக்கு இல்லை.
 காங்கிரஸ் கட்சி தங்கள் கெளரவத்தை காப்பாற்றிக் கொள்வதற்காக பாஜக அரசுமீது அடிப்படையில்லாத குற்றச்சாட்டுகளைக் கூறிவருகிறது. அண்மையில் நடந்த மக்களவைத் தேர்தலில் மக்கள் பாஜகவை ஆதரித்துள்ளனர். நாடாளுமன்றத்துக்கு வெளியே பிரதமர் மோடி தலைமையிலான மத்திய பாஜக அரசுக்கு மக்களிடையே நல்ல செல்வாக்கு உள்ளது. பிறகட்சிகளைச் சேர்ந்த தலைவர்கள் பாஜகவில் இணைந்து வருகிறார்கள். எனவே, பாஜக மீது காங்கிரஸ் ஆதாரமில்லாத குற்றச்சாட்டை கூறிவருகிறது என்றார்.
 

]]>
https://images.dinamani.com/uploads/user/imagelibrary/2019/8/23/w600X390/sadanandagowda.jpg https://www.dinamani.com/india/2019/aug/23/பசிதம்பரம்-கைது-விவகாரம்-காங்கிரஸின்-குற்றச்சாட்டு-அடிப்படையற்றது-மத்திய-அமைச்சர்-சதானந்த-கெளடா-3219475.html
3219142 இந்தியா மோடியை அங்கீகரிக்காமல் அவரை எதிர்கொள்ள இயலாது: காங்கிரஸ் மூத்த தலைவர் ஜெய்ராம் ரமேஷ் DIN DIN Friday, August 23, 2019 05:30 AM +0530
நரேந்திர மோடியின் ஆட்சி முற்றிலும் எதிர்மறையானது அல்ல; அவரது பணிகளை அங்கீகரிக்காமல், விமர்சிப்பதால் மட்டுமே எதிர்க்கட்சிகள் அவரை எதிர்கொள்ள இயலாது என்று காங்கிரஸ் மூத்த தலைவர் ஜெய்ராம் ரமேஷ் கூறினார். 

தில்லியில் வியாழக்கிழமை நடைபெற்ற புத்தக வெளியீட்டு நிகழ்ச்சி ஒன்றில் இதுதொடர்பாக அவர் பேசியதாவது: 
நரேந்திர மோடி அரசின் பணிகளை நாம் அங்கீகரிக்க வேண்டிய நேரம் இது. கடந்த 2014 முதல் 2019-ஆம் ஆண்டு வரையில் அவர் தலைமையிலான மத்திய அரசு மேற்கொண்ட நடவடிக்கைகளின் காரணமாகவே 30 சதவீத வாக்குகளுடன் அவர் மீண்டும் ஆட்சியில் அமர வைக்கப்பட்டுள்ளார். 
மக்களுடன் தன்னை எளிதாக தொடர்புபடுத்திக் கொள்ளும் முறையில் நரேந்திர மோடி செயல்படுகிறார். இதற்கு முன்பு எவரும் செய்யாமல், தற்போது அவரால் மேற்கொள்ளப்பட்டு, மக்களால் அங்கீகரிக்கப்பட்ட அவரது பணிகளை நாமும் அங்கீகரிக்க வேண்டும். இல்லையேல், நம்மால் அவரை எதிர்கொள்ள இயலாது. அதேபோல், எப்போதும் அவரை விமர்சிப்பதால் மட்டுமே அவரை எதிர்கொண்டுவிட முடியாது. 
அதற்காக மோடியை அனைவரும் கைதட்டிப் பாராட்ட வேண்டும் என்று கூறவில்லை. அரசு நிர்வாகத்தில், குறிப்பாக நிதி நிர்வாகம் உள்ளிட்ட விவகாரங்களில் அவரது தனித்தன்மையான நடவடிக்கைகளை அரசியல் வட்டாரங்கள் குறைந்தபட்சம் அங்கீகரிக்கவாவது வேண்டும். மோடி அரசின் அரசியல் நிர்வாகம் என்பது வேறானது. ஆனால், அவரது அரசின் நிதி நிர்வாகம் முற்றிலும் மோசமானது அல்ல. 

மோடியின் நிர்வாக முறையில் உருவாக்கப்பட்டுள்ள சமூக உறவுகள் முற்றிலும் வித்தியாசமானவை. இதற்கு உதாரணமாக, வீடுகளுக்கு சமையல் எரிவாயு இணைப்பு வழங்கும் திட்டம் மோடிக்கு எத்தகைய அளவு வெற்றியைத் தந்தது என்று குறிப்பிடலாம். 
அரசியல் வட்டாரத்தில் இருக்கும் நாம் அனைவரும் அவரது 2-3 திட்டங்கள் குறித்து நகைத்து வந்த நிலையில், இந்த சமையல் எரிவாயு இணைப்புத் திட்டம் கோடிக்கணக்கான பெண்களிடையே மோடிக்கு நன்மதிப்பை பெற்றுத் தந்ததாக தேர்தல் காலகட்ட ஆய்வுகள் தெரிவிக்கின்றன. அதனாலேயே 2014-இல் இல்லாத வகையிலான வெற்றியை, 2019-இல் அவர் பெற்றுள்ளார். 
எனவே, அவரது திட்டங்கள் எல்லாம் மாயை போன்றவை, தவறானவை என்று நாம் கூறிக்கொண்டிருந்தால், மோடியை எதிர்கொள்ள இயலாது. தேர்தல் பிரசாரத்தின்போது விவசாயிகள் பிரச்னை குறித்து எதிர்க்கட்சிகள் பிரசாரம் செய்தோம். விவசாயிகள் பிரச்னையில் இருப்பதை மக்கள் உணர்ந்திருந்தாலும், அதற்கு அவர்கள் மோடியை பொறுப்பாளியாகப் பார்க்கவில்லை. அதன் பலனை நாம் தேர்தல் முடிவுகளில் கண்டோம். மோடிக்கு எது இத்தகைய மதிப்பளிக்கிறது என்பதை நாம் புரிந்துகொள்ள வேண்டும் என்றார் ஜெய்ராம் ரமேஷ்.

]]>
https://images.dinamani.com/uploads/user/imagelibrary/2019/8/23/w600X390/jairam.jpg https://www.dinamani.com/india/2019/aug/23/மோடியை-அங்கீகரிக்காமல்-அவரை-எதிர்கொள்ள-இயலாது-காங்கிரஸ்-மூத்த-தலைவர்-ஜெய்ராம்-ரமேஷ்-3219142.html
3219228 இந்தியா ப.சிதம்பரத்துக்கு ஆக.26 வரை சிபிஐ காவல் DIN DIN Friday, August 23, 2019 05:29 AM +0530
ஐஎன்எக்ஸ் மீடியா முறைகேடு வழக்கில் காங்கிரஸ் மூத்த தலைவர் ப.சிதம்பரத்துக்கு ஆகஸ்ட் 26-ஆம் தேதி வரை சிபிஐ காவல் விதித்து தில்லி சிபிஐ சிறப்பு நீதிமன்றம் வியாழக்கிழமை உத்தரவிட்டது. 

இந்த வழக்கில் சிதம்பரத்தை காவலில் எடுத்து விசாரிக்க வேண்டியது நியாயமானது எனவும் நீதிமன்றம் தெரிவித்தது. 
இந்த வழக்கை விசாரித்த சிறப்பு நீதிபதி அஜய் குமார், சிபிஐ காவலின்போது விதிகளின்படி 48 மணி நேரத்துக்கு ஒருமுறை சிதம்பரத்துக்கு மருத்துவப் பரிசோதனை மேற்கொள்ள வேண்டும். மேலும், காவலில் இருக்கும் சிதம்பரத்தை அவரது குடும்பத்தினரும், வழக்குரைஞரும் தினமும் அரைமணி நேரம் சந்திக்க அனுமதி அளிக்க வேண்டும் என்று சிபிஐக்கு அறிவுறுத்தினார். 
முன்னதாக, பலத்த பாதுகாப்புடன் நீதிமன்றத்தில் ஆஜர்படுத்தப்பட்ட சிதம்பரம், சிபிஐ காவலுக்கு நீதிபதி உத்தரவிட்டதை அடுத்து சிபிஐ குழுவினரால் உடனடியாக நீதிமன்ற வளாகத்திலிருந்து அழைத்துச் செல்லப்பட்டார். 

சிபிஐ மற்றும் சிதம்பரம் தரப்பு வாதங்களை சிறப்பு நீதிபதி அஜய் குமார் சுமார் ஒன்றரை மணி நேரம் கேட்டறிந்தார். சிபிஐ தரப்பில் சொலிசிட்டர் ஜெனரல் துஷார் மேத்தாவும், சிதம்பரம் தரப்பில் வழக்குரைஞர்கள் கபில் சிபல், அபிஷேக் சிங்வியும் ஆஜராகி வாதாடினர். 

சிபிஐ காவல் அவசியம்: சிபிஐ சார்பாக துஷார் மேத்தா வாதாடியதாவது: 
ஐஎன்எக்ஸ் மீடியா வழக்கில் மிகப்பெரிய அளவில் நடைபெற்றுள்ள சதியை வெளிக்கொண்டுவர வேண்டியுள்ளது. வழக்கின் மூலம் வரை சென்று விசாரிக்க வேண்டிய தேவை இருப்பதால், சிதம்பரத்தை காவலில் எடுத்து விசாரிப்பது அவசியமாகும். 
முன்னதாக, சிதம்பரத்தின் மகன் கார்த்தி சிதம்பரம் கூட இந்த வழக்குக்காக காவலில் எடுத்து விசாரிக்கப்பட்டுள்ளார். 
வழக்கு விசாரணைக்கு சிதம்பரம் தகுந்த ஒத்துழைப்பு அளிப்பதில்லை. விசாரணையின்போது அவர் அளிக்கும் பதில்களும் மழுப்பலாகவே உள்ளன. இந்த வழக்கில் சிதம்பரத்திடம் இருந்து சிபிஐ வலுக்கட்டாயமாக வாக்குமூலம் பெறவில்லை. ஆனால், வழக்கின் வேர் வரை சென்று விவரங்களை அறிவதற்கு சிபிஐக்கு உரிமை உள்ளது.
மிகவும் புத்திசாலியாக இருக்கும் சிதம்பரம், வழக்குக்கு தகுந்த ஒத்துழைப்பு அளிக்காமல் போகும் நிலை உள்ளது. வழக்கு தொடர்பான சில உண்மைகளை திறந்த நீதிமன்றத்தில் கூற இயலாது. பிணையில் வெளிவர முடியாத கைது ஆணையின் அடிப்படையில் சிதம்பரம் கைது செய்யப்பட்டுள்ளார்.  சில ஆவணங்களை அடிப்படையாகக் கொண்டு சிதம்பரத்தை விசாரிக்க வேண்டியுள்ளது என்று துஷார் மேத்தா வாதாடினார்.

சிபிஐ காவல் அவசியமில்லை: சிபிஐ தரப்பு வாதத்துக்கு எதிர்ப்பு தெரிவித்து சிதம்பரம் தரப்பில் மூத்த வழக்குரைஞர் கபில் சிபல் வாதாடியதாவது: சிதம்பரத்தின் மகனான கார்த்தி சிதம்பரம் உள்ளிட்ட, ஐஎன்எக்ஸ் மீடியா வழக்கில் குற்றம்சாட்டப்பட்டுள்ள நபர்கள் ஏற்கெனவே ஜாமீனில் வெளியில் உள்ளனர். 

வழக்கு விசாரணை குறித்து சிபிஐ கூறுவதை அப்படியே உண்மையாக எடுத்துக்கொள்ள இயலாது. 
முன்னதாக, தாம் கைது செய்யப்படும்போது, கடந்த 24 மணி நேரமாக தாம் உறங்கவில்லை என்பதால், வியாழக்கிழமை காலையில் தன்னை காவலில் எடுக்குமாறு சிபிஐ அதிகாரிகளிடம் சிதம்பரம் கூறினார். ஆனால் அதை ஏற்காத சிபிஐ அதிகாரிகள் இரவிலேயே அவரை கூட்டிச் சென்றனர். 
வழக்கு தொடர்பான ஆவணம் சிதம்பரத்திடம் இருப்பதாக குற்றம்சாட்டும் சிபிஐ, அதை சமர்ப்பிக்குமாறு சிதம்பரத்துக்கு கடிதம் எழுதியிருக்கலாம். இந்த வழக்கில் இன்னும் குற்றப்பத்திரிகை தாக்கல் செய்யப்படவில்லை என்று கபில் சிபல் வாதாடினார். 

தப்பிச் செல்லும் எண்ணம் இல்லை: சிதம்பரம் தரப்பில் ஆஜரான மற்றொரு வழக்குரைஞரான அபிஷேக் எம். சிங்வி வாதாடியதாவது: 
வழக்கு விசாரணையை எதிர்கொள்ளாமல் வெளிநாட்டுக்கு தப்பியோடும் எண்ணம் சிதம்பரத்துக்கு இல்லை. இந்த வழக்கில் அப்ரூவராக மாறியுள்ள இந்திராணி முகர்ஜியின் வாக்குமூலம் அடிப்படையிலேயே சிபிஐ இந்த வழக்கை பதிவு செய்துள்ளது. 
சிதம்பரத்தின் பதில்கள் மழுப்பலாக உள்ளது என்ற அடிப்படையில் அவரை காவலில் எடுத்து விசாரிக்க சிபிஐ அனுமதி கோர இயலாது. இந்த வழக்கில் ஆதாரங்களை அழிக்க முயன்றதாக சிபிஐ தரப்பிலிருந்து எந்தவொரு குற்றச்சாட்டும் இல்லை. சிதம்பரம் புதன்கிழமை கைது செய்யப்பட்டது முதல் சிபிஐ அவரிடம் பழைய கேள்விகளையே கேட்டு வருகிறது என்று அபிஷேக் சிங்வி வாதாடினார்.

நியாயமானது: இருதரப்பு வாதங்களைப் பதிவு செய்துகொண்ட நீதிபதி, வழக்கின் உண்மைகளையும், சூழ்நிலைகளையும் கருத்தில் கொண்டால், சிதம்பரத்துக்கு சிபிஐ காவல் விதிப்பது நியாயமானது எனத் தெரிகிறது. எனவே, வரும் 26-ஆம் தேதி வரை அவருக்கு சிபிஐ காவல் விதிக்கப்படுகிறது என்று உத்தரவிட்டார். 

சிதம்பரம் விளக்கம் தர அனுமதி: முன்னதாக, சிதம்பரம் தன் தரப்பு வாதங்களை தானே முன்வைப்பதற்கு நீதிமன்றத்தில் அனுமதி கோரினார். அதற்கு சிபிஐ தரப்பு கடும் எதிர்ப்பு தெரிவித்தபோதும், நீதிமன்றம் சிதம்பரத்துக்கு அனுமதி வழங்கியது. 
அப்போது சிதம்பரம், 2018 ஜூன் 6-ஆம் தேதி முதல் முறையாக சிபிஐ விசாரணைக்கு அழைத்தது. அப்போது ஆஜராகி அனைத்து கேள்விகளுக்கும் பதிலளித்தேன். 
எனக்கு வெளிநாட்டில் வங்கிக் கணக்கு உள்ளதா எனக் கேட்டார்கள். இல்லை என்றேன். எனது மகன் கார்த்தி சிதம்பரத்துக்கு அத்தகைய வங்கிக் கணக்கு இருக்கிறதா என்று கேட்டார்கள். ரிசர்வ் வங்கி அனுமதியுடன் அவர் வைத்திருப்பதாகக் கூறினேன் என்று கூறினார்.

விசாரணை அதிகாரி மாற்றம்: சிதம்பரத்துடன் தொடர்புடைய ஐஎன்எக்ஸ் வழக்கை விசாரித்து வந்த அமலாக்கத் துறை அதிகாரி ராகேஷ் அஹுஜா, தில்லி காவல்துறை பணிக்கு மாற்றப்பட்டுள்ளார்.  அமலாக்கத் துறையில் ராகேஷ் அஹுஜாவின் பணிக்காலம் 3 வாரங்களுக்கு முன்பாகவே நிறைவடைந்ததாகவும், அதனால் அவர் காவல்துறை பணிக்கு மாற்றப்பட்டதாகவும் அமலாக்கத் துறை விளக்கமளித்துள்ளது. 

நாற்காலியை தவிர்த்த சிதம்பரம்: 
முன்னதாக, சிபிஐ சிறப்பு நீதிமன்றத்தில் வியாழக்கிழமை விசாரணையின்போது, சிதம்பரம் குற்றவாளிக் கூண்டில் அமைதியாக நீண்டநேரம் நின்றிருந்தார். 
சிபிஐ மற்றும் சிதம்பரம் தரப்பு வாதங்கள் சுமார் ஒன்றரை மணி நேரம் நீடித்தது. எனவே, சிதம்பரம் அமர்ந்துகொள்வதற்காக அவருக்கு நாற்காலி வழங்கப்பட்டது. எனினும் அவர், வேண்டாம்; நன்றி என்று கூறி அந்த நாற்காலியை தவிர்த்தார்.

வழக்கு விவரம்: கடந்த 2007-ஆம் ஆண்டில் மத்திய நிதியமைச்சராக ப.சிதம்பரம் பதவி வகித்தபோது, ஐஎன்எக்ஸ் மீடியா நிறுவனம் ரூ.305 கோடி வெளிநாட்டு நிதியைப் பெற்றது. இந்த நிதியைப் பெறுவதற்காக, மத்திய நிதியமைச்சகத்தின் கீழ் இயங்கும் அந்நிய முதலீட்டு மேம்பாட்டு வாரியம் முறைகேடாக அனுமதி வழங்கியதாகக் குற்றச்சாட்டு எழுந்தது. இதில், ஐஎன்எக்ஸ் மீடியா நிறுவனத்துக்கு   கார்த்தி சிதம்பரம் உதவியதாகவும் குற்றச்சாட்டு எழுந்தது.
இதுதொடர்பாக, சிபிஐ கடந்த 2017-ஆம் ஆண்டு வழக்குப்பதிவு செய்து விசாரித்து வருகிறது. இந்த வழக்கின் அடிப்படையில், சட்டவிரோத பணப்பரிவர்த்தனை தடுப்புச் சட்டத்தின் கீழ் அமலாக்கத் துறையும் கடந்த 2018-இல் வழக்குப்பதிவு செய்து விசாரணை மேற்கொண்டுள்ளது. 

உச்சநீதிமன்றத்தில் இன்று விசாரணை

ஐஎன்எக்ஸ் வழக்கில் தாம் கைது செய்யப்படாமலிருக்க தடை கோரி சிதம்பரம் தரப்பில் உச்சநீதிமன்றத்தில் தாக்கல் செய்யப்பட்ட மேல்முறையீட்டு மனு மீது வெள்ளிக்கிழமை விசாரணை நடைபெறுகிறது. 
முன்னதாக, இந்த வழக்கில் சிபிஐ தன்னைக் கைது செய்யாமலிருப்பதற்காக முன்ஜாமீன் கோரி தில்லி உயர்நீதிமன்றத்தில் ப.சிதம்பரம் மனு தாக்கல் செய்திருந்தார். ஆனால், அவரது மனுவை கடந்த செவ்வாய்க்கிழமை (ஆக.20) தில்லி உயர்நீதிமன்றம் தள்ளுபடி செய்தது. இதையடுத்து அந்த உத்தரவுக்கு எதிராக உச்சநீதிமன்றத்தில் சிதம்பரத்தின் சார்பில் மேல்முறையீடு செய்யப்பட்டது.  ஆனால், அந்த மேல்முறையீட்டு மனுவை புதன்கிழமை கவனத்தில் கொண்ட உச்சநீதிமன்றம், அதை அவசர வழக்காக விசாரிக்க இயலாது என்று கூறியதுடன், அதுதொடர்பான விசாரணையை வெள்ளிக்கிழமைக்கு பட்டியலிட்டது. இதையடுத்து புதன்கிழமை இரவில் சிபிஐ அதிகாரிகள் சிதம்பரத்தை கைது செய்தனர்.


 

]]>
https://images.dinamani.com/uploads/user/imagelibrary/2019/8/23/w600X390/chidambaram.jpg சிபிஐ சிறப்பு நீதிமன்ற விசாரணைக்குப் பிறகு ப.சிதம்பரத்தை அழைத்துவரும் அதிகாரிகள். https://www.dinamani.com/india/2019/aug/23/பசிதம்பரத்துக்கு-ஆக26-வரை-சிபிஐ-காவல்-3219228.html
3219139 இந்தியா சென்னை -சேலம் 8 வழிச்சாலை திட்டம் தேசிய முக்கியத்துவம் வாய்ந்தது: உச்சநீதிமன்றத்தில் நெடுஞ்சாலை ஆணையம் வாதம் DIN DIN Friday, August 23, 2019 05:00 AM +0530
சென்னை - சேலத்தை  இணைக்கும் ரூ. 10 ஆயிரம் கோடியிலான 8 வழிச்சாலை பசுமை வழித்தடத் திட்டம் தேசிய முக்கியத்துவம் வாய்ந்ததாகும். அதைக் கருத்தில் கொள்ளாமல் கையகப்படுத்தப்பட்ட நிலங்களுக்கான ஆணைகளை ரத்து செய்து சென்னை உயர்நீதிமன்றம் உத்தரவிட்டுள்ளது என்று உச்சநீதிமன்றத்தில் தேசிய நெடுஞ்சாலை ஆணையத்தின் சார்பில் வாதிடப்பட்டது.

சென்னை உயர்நீதிமன்றம் பிறப்பித்த உத்தரவுக்கு எதிராக தேசிய நெடுஞ்சாலை ஆணையம் உச்சநீதிமன்றத்தில் மேல்முறையீட்டு மனு தாக்கல் செய்துள்ளது. அத்துடன் 35 நில உரிமையாளர்களும், பாமக இளைஞர் அணித் தலைவர் அன்புமணி ராமதாஸும் மனுக்களைத் தாக்கல் செய்துள்ளனர்.

இந்த மனுக்கள் மீதான விசாரணை உச்சநீதிமன்ற நீதிபதி என்.வி. ரமணா, எம்.எம். சந்தானகௌடர், அஜய் ரஸ்தோகி ஆகியோர் அடங்கிய அமர்வு முன் வியாழக்கிழமை நடைபெற்றது. அப்போது, தேசிய நெடுஞ்சாலை ஆணையத்தின் சார்பில் ஆஜரான சொலிசிட்டர் ஜெனரல் துஷர் மேத்தா, மத்திய அரசின் பாரத்மாலா பரியோஜனா திட்டத்தின் கீழ் செயல்படுத்தப்படும் சேலம் எட்டு வழிச்சாலை திட்டத்தால் சுமார் 2 மணி பயண நேரம் குறையும். இந்தத் திட்டத்தைச் செயல்படுத்த சுற்றுச்சூழல் அனுமதி பெற்ற பின்பு தான் நிலம் கையகப்படுத்தப்பட வேண்டும் என்று சென்னை உயர்நீதிமன்றம் தெரிவித்துள்ளது. இது குதிரைக்கு முன் வண்டியைச் செலுத்துவதற்கு சமமாகும். அதேநேரத்தில், இந்தத் திட்டம் செயல்படுத்துவதற்கு முன்பு சுற்றுச்சூழல் அனுமதி பெறுவதில் எந்தப் பிரச்னையும் இல்லை என்றார்.

அப்போது எதிர்மனுதாரர் சார்பில் ஆஜரான வழக்குரைஞர், முதலில் இந்தத் திட்டம் சென்னை - மதுரைக்கு இடையே செயல்படுத்தப்படுவதாக இருந்தது. பின்னர் சென்னை - சேலத்துக்கு மாற்றப்பட்டது என்றார்.
இரு தரப்பு வாதங்களையும் கேட்ட நீதிபதிகள், இந்த விவகாரத்தில் சுற்றுச்சூழல் அனுமதி, திட்டத்தின் இடம் மாற்றம் ஆகிய இரண்டும் முக்கியத்துவம் பெறுகிறது. அதே நேரத்தில் சென்னை - சேலம் 8 வழிச்சாலைத் திட்டம் மத்திய அரசின் பாரத்மாலா திட்டத்தின் கீழ் வரவில்லை என்று சென்னை உயர்நீதிமன்றம் உத்தரவில் குறிப்பிட்டுள்ளது. இவை அனைத்துக்கும் தேசிய நெடுஞ்சாலை ஆணையம் விளக்கமளிக்க வேண்டும் என்று உத்தரவிட்டு வழக்கின் அடுத்த விசாரணையை செப்டம்பர் 4ஆம் தேதிக்கு நீதிபதிகள் ஒத்திவைத்தனர்.
அப்போது குறுக்கிட்ட சொலிசிட்டர் ஜெனரல் துஷர் மேத்தா, இந்தத் திட்டம் தேசிய முக்கியத்துவம் வாய்ந்தது. அதைக் கருத்தில் கொள்ளாமல் சென்னை உயர்நீதிமன்றம் திட்டத்துக்காக கையகப்படுத்தப்பட்ட நிலங்களுக்கான ஆணைகளை ரத்து செய்து உத்தரவிட்டுள்ளது என்றார்.
 

]]>
https://images.dinamani.com/uploads/user/imagelibrary/2019/8/14/w600X390/supreme1.jpg https://www.dinamani.com/india/2019/aug/23/சென்னை--சேலம்-8-வழிச்சாலை-திட்டம்-தேசிய-முக்கியத்துவம்-வாய்ந்தது-உச்சநீதிமன்றத்தில்-நெடுஞ்சாலை-ஆணைய-3219139.html
3219188 இந்தியா ஆர்ப்பாட்டம் இல்லாமல் இரண்டு ஆர்ப்பாட்டங்கள்! DIN DIN Friday, August 23, 2019 05:00 AM +0530 மிகவும் பெரிய அளவில் நடத்தப்படும் என்று எதிர்பார்த்த இரண்டு ஆர்ப்பாட்டங்கள் பெயருக்கு நடத்தப்பட்டு கலைந்திருக்கின்றன. திமுகவால் முன்மொழியப்பட்ட காஷ்மீர் குறித்த தில்லி ஆர்ப்பாட்டமும், முன்னாள் மத்திய அமைச்சர் ப. சிதம்பரம் கைது செய்யப்பட்டதைக் கண்டித்து தமிழகம் முழுவதும் நடைபெற்ற காங்கிரஸ் ஆர்ப்பாட்டமும் முழுமனதுடனும் ஆர்வத்துடனும் நடத்தப்படவில்லை என்பதுதான் உண்மை.

காஷ்மீரில் தடுப்புக் காவலில் வைக்கப்பட்டுள்ள அரசியல் கட்சித் தலைவர்களை விடுவிக்க வலியுறுத்தி தில்லி ஜந்தர் மந்தரில் வியாழக்கிழமை பெரிய எதிர்பார்ப்புடன் திமுகவால் முன்மொழியப்பட்ட 15 எதிர்க்கட்சிகளின் ஆர்ப்பாட்டத்தில் கட்சிகளின் தலைவர்கள் கலந்துகொண்டார்களே தவிர, தொண்டர்கள் விரல் விட்டு எண்ணக்கூடிய அளவில்தான் வந்திருந்தனர்.

ஜம்மு-காஷ்மீரில் வீட்டுக் காவலில் சிறை வைக்கப்பட்டுள்ள அம்மாநிலத்தின் முன்னாள் முதல்வர்கள் ஃபரூக் அப்துல்லா, உமர் அப்துல்லா, மெஹபூபா முப்தி மற்றும் அரசியல் கட்சித் தலைவர்களை விடுவிக்கக் கோரி அண்மையில் திமுக தலைவர் மு. க. ஸ்டாலின் தலைமையில் எதிர்க்கட்சிகள் பங்கேற்கும் மாபெரும் ஆர்ப்பாட்டம் தில்லியில் நடத்தப்படும் என்று அறிவிக்கப்பட்டது.
இந்த ஆர்ப்பாட்டத்தை காங்கிரஸ் உள்ளிட்ட தேசிய கட்சிகள் ஏற்பாடு செய்யத் தயக்கம் காட்டிய நிலையில், திமுக முன்னின்று நடத்த முற்பட்டது.

தில்லி ஜந்தர் மந்தரில் வியாழக்கிழமை காலை 11 மணிக்கு இந்த ஆர்ப்பாட்டம் நடைபெற்றது. இந்த ஆர்ப்பாட்டத்திற்கு தலைமை தாங்குவதாக இருந்த திமுக தலைவர் மு.க. ஸ்டாலின் கலந்துகொள்ளவில்லை. அதற்குப் பதிலாக திமுக நாடாளுமன்ற குழுத் தலைவர் டி.ஆர். பாலு தலைமையில் நடந்த ஆர்ப்பாட்டத்தில் காங்கிரஸ், மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி உள்ளிட்ட கட்சித் தலைவர்கள் பங்கேற்றனர். அந்தக் கட்சிகளைச் சேர்ந்த எம்.பி.க்களும் கலந்து கொண்டனர். ஆனால், பிரம்மாண்டமாக எதிர்பார்க்கப்பட்ட இந்த ஆர்ப்பாட்டத்தில், பங்கேற்க எதிர்க்கட்சிகளைச் சேர்ந்த தொண்டர்கள் சொற்ப அளவிலேயே வந்திருந்தனர்.

திமுக கூட்டணியில் அங்கம் வகிக்கும் விடுதலைச் சிறுத்தைகள் கட்சித் தலைவர் திருமாவளவன் பங்கேற்காதது வியப்பைஅளித்தது. 
நாடாளுமன்ற கூட்டத்தொடரின் போது காஷ்மீர் விவகாரத்தை முன்வைத்து காங்கிரஸ், திமுக, கம்யூனிஸ்ட் உள்ளிட்ட எதிர்க்கட்சிகள் கடும் எதிர்ப்பை காட்டி அமளியில் ஈடுபட்ட நிலையில், அந்தக் கட்சிகளின் சார்பில் நாட்டின் தலைநகரான தில்லியில் நடத்தப்பட்ட ஆர்ப்பாட்டத்தில் கட்சித் தொண்டர்கள் பெருமளவில் கலந்து கொள்ளாதது அரசியல் வட்டாரத்தில் ஆச்சரியத்தை ஏற்படுத்துவதாக அமைந்தது.

காங்கிரஸ் ஆர்ப்பாட்டம்
முன்னாள் மத்திய அமைச்சர் ப.சிதம்பரம் கைது செய்யப்பட்டதைக் கண்டித்து தமிழகம் முழுவதும் நடைபெற்ற ஆர்ப்பாட்டத்தில் திமுகவினர் பங்கேற்கவில்லை என்பதோடு தமிழக காங்கிரஸின் முக்கியத் தலைவர்களும் பங்கேற்கவில்லை. 
மத்திய பாஜக ஆட்சியின் செயல்பாடுகளைத் தொடர்ந்து விமர்சித்து வந்ததன் காரணமாகத்தான் ஐ.என்.எக்ஸ். வழக்கில் தீவிரம் காட்டப்பட்டு சிபிஐயால் 
ப.சிதம்பரம் கைது செய்யப்பட்டுள்ளார் என்று ஒரு தரப்பினர்  கூறி வருகின்றனர். 

இந்த நேரத்தில் அவருக்கு ஆதரவாக இருக்க வேண்டிய கூட்டணிக் கட்சிகளும், சொந்தக் கட்சியும்கூட அவருக்கு எதிரான மனநிலையிலேயே இருந்து வருகின்றன என்பதுதான் பலருக்கு ஆச்சரியத்தை ஏற்படுத்தியது.
புதன்கிழமை இரவு 7 மணியளவில் ப.சிதம்பரம் கைது செய்யப்பட்ட நிலையில், வியாழக்கிழமை பகல் ஒரு மணியளவிலேயே  மு.க.ஸ்டாலின் தனது கண்டனத்தைப் பதிவு  செய்தார். மேலும் சிதம்பரம் கைது செய்யப்பட்டதைக் கண்டித்து காங்கிரஸ் சார்பில் தமிழகம் முழுவதும் நடைபெற்ற போராட்டத்தில் திமுகவினர் எவரும் பங்கேற்கவில்லை என்பதோடு போராட்டத்துக்கு தார்மிக ஆதரவு கூட தெரிவிக்கவில்லை. 
ப.சிதம்பரம் கைது செய்யப்பட்டதைக் கண்டித்து தமிழகம் முழுவதும் வியாழக்கிழமை ஆர்ப்பாட்டம் நடைபெறும் என்று தமிழ்நாடு காங்கிரஸ் கமிட்டித் தலைவர் கே.எஸ்.அழகிரி அறிவித்தார்.

அப்படி அறிவித்த கே.எஸ்.அழகிரி, ஆர்ப்பாட்டத்தில் பங்கேற்காமல் காஷ்மீர் விவகாரம் தொடர்பாக தில்லியில் எம்.பி.க்கள் நடத்திய ஆர்ப்பாட்டத்தில் பங்கேற்றார். முக்கியமான காங்கிரஸ் தலைவர்கள் தில்லியில்  நடைபெறும் ராஜீவ் காந்தியின் 75-ஆவது பிறந்தநாள் விழாவுக்கு சென்றுவிட்டிருந்த நிலையில், தமிழகத்தில் ப. சிதம்பரத்துக்கு ஆதரவான போராட்டத்தை தலைமை தாங்கி நடத்துவதற்குக்கூட யாரும் இருக்கவில்லை.

சத்தியமூர்த்திபவனில் தமிழக காங்கிரஸ் முன்னாள் தலைவர் குமரி அனந்தன் தலைமையில் ஆர்ப்பாட்டம் நடைபெற்றது. இதில் முக்கியத் தலைவர்கள் யாருமே பங்கேற்கவில்லை.  ஈ.வி.கே.எஸ்.இளங்கோவன், கே.வீ.தங்கபாலு, சுதர்சன  நாச்சியப்பன், பீட்டர் அல்போன்ஸ் என்று பெரிய தலைவர்கள் எவருமே பங்கேற்கவில்லை. தொண்டர்களும் நூறு பேருக்கும் குறைவாகத்தான் காணப்பட்டனர். 

திமுக அறிவிக்கும் எல்லா ஆர்ப்பாட்டங்களிலும் தவறாமல் கலந்துகொள்ளும் காங்கிரஸ் கட்சியின் ஆர்ப்பாட்டங்களில் திமுக பங்கு பெறாமல் ஒதுங்கியிருப்பது காங்கிரஸ் தொண்டர்கள் மத்தியில் கடும் அதிருப்தியை ஏற்படுத்தியிருக்கிறது. ப. சிதம்பரத்துக்கு ஆதரவாக நடந்த ஆர்ப்பாட்டத்தில் திமுகவும், ஏனைய கூட்டணி கட்சியினரும் கலந்துகொள்ளாதது ஆர்ப்பாட்டத்தில் கலந்துகொண்ட தொண்டர்களால் பரவலாக விமர்சிக்கப்பட்டது.
இரண்டு ஆர்ப்பாட்டங்கள் ஆர்ப்பாட்டமே இல்லாமல் திமுகவாலும், காங்கிரஸாலும் காதும் காதும் வைத்ததுபோல் நடத்தப்பட்டன!

ஜம்மு-காஷ்மீர் விவகாரம் தொடர்பாக, தில்லி ஜந்தர் மந்தரில் எதிர்க்கட்சிகளின்  ஆர்ப்பாட்டத்தில் பங்கேற்ற குலாம்நபி ஆசாத், சரத் யாதவ், சீதாராம் யெச்சூரி, பிருந்தா காரத், டி. ராஜா, டி.ஆர். பாலு, சு. திருநாவுக்கரசர், கே.எஸ். அழகிரி, டி.கே. ரங்கராஜன், நவாஸ் கனி, திருச்சி சிவா, கணேச மூர்த்தி  உள்ளிட்டோர்.


 

]]>
https://images.dinamani.com/uploads/user/imagelibrary/2019/8/23/w600X390/chenn.jpg ப.சிதம்பரம் கைது செய்யப்பட்டதைக் கண்டித்து  சென்னை சத்தியமூர்த்தி பவனில் வியாழக்கிழமை ஆர்ப்பாட்டத்தில் ஈடுபட்ட காங்கிரஸார். https://www.dinamani.com/india/2019/aug/23/ஆர்ப்பாட்டம்-இல்லாமல்-இரண்டு-ஆர்ப்பாட்டங்கள்-3219188.html
3219184 இந்தியா நீரவ் மோடியின் நீதிமன்றக் காவல் செப்.19 வரை நீட்டிப்பு DIN DIN Friday, August 23, 2019 04:59 AM +0530
இந்திய அரசால் பொருளாதாரக் குற்றவாளி என்று அறிவிக்கப்பட்ட வைர வியாபாரி நீரவ் மோடியின் நீதிமன்றக் காவலை செப்.19 வரை நீட்டித்து பிரிட்டன் நீதிமன்றம் வியாழக்கிழமை உத்தரவிட்டது.

இந்தியாவில் பதிவு செய்யப்பட்ட வழக்கின் கீழ் கடந்த மார்ச் மாதம் கைது செய்யப்பட்ட நீரவ் மோடி, லண்டனின் வாண்ட்ஸ்வர்த் சிறையில் நீதிமன்றக் காவலில் வைக்கப்பட்டுள்ளார். அவரை நாடு கடத்த வேண்டும் என்று இந்திய அரசு சார்பில் மனு தாக்கல் செய்யப்பட்டுள்ளது. இந்நிலையில் சிறையில் உள்ள அவரிடம் வழக்கமான காணொலி விசாரணை வியாழக்கிழமை நடைபெற்றது.

அப்போது சிறையில் இருந்த நீரவ் மோடியிடம் நீதிபதி டான் இக்ரம் கூறியது: நாடு கடத்தும் மனு மீதான விசாரணை தேதிகள் தற்போது முடிவாகவில்லை. விசாரணைக் கைதியுடனான வழக்கமான அடுத்த காணொலி விசாரணை செப்.19 தேதி நடைபெறும். அப்போது நாடு கடத்தும் வழக்கு விசாரணை தேதிகள் அறிவிக்கப்படும். அதுவரை நீதிமன்றக் காவல் நீடிக்கும் என்றார்.
நீரவ் மோடியை நாடு கடத்தக் கோரி இந்திய அரசு தாக்கல் செய்த மனுவின் விசாரணை அடுத்த ஆண்டு மே மாதம் நடைபெற வாய்ப்புள்ளது. ஐந்து நாள்களில் வழக்கு விசாரணை நடத்தி முடிக்கத் திட்டமிடப்பட்டுள்ளது. அது தொடர்பான அட்டவணை அடுத்த ஆண்டு பிப்ரவரியில் முடிவாக வாய்ப்புள்ளது என்று நீதிமன்ற வட்டாரங்கள் தெரிவித்தன.
நீரவ் மோடி கைதான பிறகு அவர் தாக்கல் செய்த 5 ஜாமீன் மனுக்களும் தள்ளுபடி செய்யப்பட்டுள்ளன. ஜாமீன் பெற்ற பிறகு, சாட்சியங்களைக் கலைக்கவும் அவர் தப்பியோடித் தலைமறைவாகிவிடவும் வாய்ப்புள்ளது என்று அவரது ஜாமீன் மனுவை விசாரித்த நீதிபதி இங்ரிட் சிம்லர் தனது தீர்ப்பில் தெரிவித்திருந்தார்.

]]>
https://images.dinamani.com/uploads/user/imagelibrary/2019/3/21/w600X390/NIRAVMODI.jpg https://www.dinamani.com/india/2019/aug/23/நீரவ்-மோடியின்-நீதிமன்றக்-காவல்-செப்19-வரை-நீட்டிப்பு-3219184.html