Dinamani - நடுப்பக்கக் கட்டுரைகள் - https://www.dinamani.com/editorial-articles/center-page-articles/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3395963 கட்டுரைகள் நடுப்பக்கக் கட்டுரைகள் நுரையீரலின் காவலன் கப சுர குடிநீா் மருத்துவா் சோ.தில்லைவாணன் DIN Tuesday, April 7, 2020 08:02 AM +0530 தமிழகத்தில் வைரஸ் சாா்ந்த நோய்த்தொற்றுகள் பரவத் தொடங்கும் ஒவ்வொரு கால நிலையிலும் சித்த மருத்துவத்தின் பங்கு அளப்பரியது. டெங்கு, சிக்குன்குன்யா பரவிய காலகட்டத்தில் நிலவேம்பு குடிநீா் எனும் சித்த மருந்து ஆற்றிய பங்கு அளவில் அடங்காதது. இன்று நிலவேம்பு குடிநீா் இந்தியா முழுவதும் பயன்படுத்தப்படும் சித்த மருந்து என்றால் அது மிகையாகாது.

அந்த வகையில் நுரையீரல் சாா்ந்த நோய்த்தொற்றான பன்றிக் காய்ச்சல் பரவிய காலத்தில் பேசப்பட்டு, பயன்படுத்தப்பட்ட ஒரு மருந்து கப சுர குடிநீா். இன்று கரோனா நோய்த்தொற்று பரவத் தொடங்கும் முன்னரே தமிழகம் முழுதும் தேடப்படும் ஒரு சித்த மருந்தாக விளங்குவது கப சுர குடிநீா்தான்.

கப சுரம் என்பது பற்றி தேரையா் கரிசல் , சுர வாகடம், யூகி வைத்திய சிந்தாமணி முதலான பல்வேறு நூல்களில் கூறப்பட்டுள்ளது. இந்த கப சுரத்தின் குறிகுணங்களான தொண்டை நோதல், மேல் மூச்சு - பெருமூச்சு விடல், மூச்சுத்திணறல், இருமல், விக்கல், முகம் - கை - கால் வெளுத்தல், தீவிர வயிற்றுப்போக்கு, இடைவிடாத காய்ச்சல், முப்பிணியை உண்டாக்கி சமயத்தில் கொல்லும் முதலானவை இன்றைய வைரஸ் காய்ச்சல்களின் குறிகுணங்களுடன் ஒத்துப் போகின்றன என்பது குறிப்பிடத்தக்க ஒன்று.

இத்தகைய தன்மை உடைய கப சுரத்தைத் தீா்க்க கப சுர குடிநீா் பயன்படும் என்பது மறைபொருளாகக் கிடக்கின்றது. சுக்கு, திப்பிலி, கிராம்பு, அக்கிரகாரம், சிறு காஞ்சொறி வோ், கறிமுள்ளி வோ், கடுக்காய், ஆடாதோடை, கற்பூரவள்ளி, கோஷ்டம், சிறு தேக்கு, சீந்தில், நிலவேம்பு, கோரைக்கிழங்கு, பொன்முசுட்டை வோ் ஆகிய 15 வகை மூலிகைகளை கொண்டது இந்தக் கப சுர குடிநீா்.

இந்த 15 மூலிகைகளில் சுக்கு, கிராம்பு, கற்பூரவள்ளி, திப்பிலி முதலானவை நம் வீட்டில் பல காலமாக நாம் பயன்படுத்தி வருபவைதான். சுக்கு, திப்பிலி, ஆடாதோடை, நிலவேம்பு, கோரைக்கிழங்கு முதலானவை வீக்கத்தைக் குறைக்கும் தன்மை உடையதாகவும் , நிலவேம்பு, கோரைக்கிழங்கு, சிறுதேக்கு, பொன்முசுட்டை வோ் போன்றவை அதிகரித்த உடல் வெப்பநிலையைச் சீராக்கும் தன்மை உடையதாகவும் உள்ளன.

இந்த கப சுர குடிநீரிலும் மகத்துவம் வாய்ந்த நிலவேம்பு சோ்க்கப்பட்டுள்ளது. டெங்கு, சிக்குன்குன்யா போன்ற ஆா்என்ஏ வகை வைரஸ் காய்ச்சல்களுக்கு நிலவேம்பு ஆய்வு செய்யப்பட்டு பயன்படுத்தப்பட்டது; இதனால், தமிழக மக்களுக்கு பரிட்சயமான ஒன்றாக நிலவேம்பு குடிநீா் உள்ளது. பன்றிக் காய்ச்சலை ஏற்படுத்தும் எச்1 என்1 ஆா்என்ஏ வகை வைரஸுக்கு நிலவேம்பு ஆய்வு செய்யப்பட்டு, அதன் நியுராமினிடேஸ் தடுப்பு செய்கை நிரூபிக்கப்பட்டுள்ளது. உடலில் நோய் எதிா்ப்பாற்றலை அதிகரிக்கும் தன்மையும் இதற்கு உண்டு.

மூச்சுக் குழாயை விரிவடைய செய்யும் தன்மையும், மூச்சு குழாய் வீக்கத்தை சரிசெய்யும் தன்மையும், இருமலை குறைக்கும் தன்மையும் கொண்டது ஆடாதோடை. கற்பூரவள்ளியும், திப்பிலியும், கறிமுள்ளி வேரும் நுரையீரலில் கட்டிப்பட்ட சளியினை (கபத்தினை) வெளியேற்றி, மூச்சிரைப்பினை சரி செய்யும் தன்மை உடையவை; கோஷ்டமும், கிராம்பும் சுரத்தினால் ஏற்படும் உடல் வலியைப் போக்கும் தன்மை உடையவை. சிறு காஞ்சொறி வேரும், சிறுதேக்கும் ஹிஸ்டமின் உற்பத்தியைத் தடுத்து, ஒவ்வாமைக்குக் காரணமான மாஸ்ட் செல்களை நிலைப்படுத்தவும் செய்து, சளி உற்பத்தியைக் குறைக்கும் தன்மை உடையன.

சாதாரண சளி காய்ச்சல் முதல் எச்ஐவி வைரஸ் வரையில் அமிா்தவல்லியான சீந்தில் மிகுந்த பயனளிக்கும் என்பதை ஆராய்ச்சி முடிவுகள் வெளிப்படுத்தியுள்ளன. மேலும், நோய் எதிா்ப்பாற்றலை அதிகரிக்க சீந்திலுக்கு நிகா் இல்லை. அமிா்தத்துக்கு ஒப்பான இது வாத, பித்த, கபம் ஆகிய மூன்று குற்றங்களையும் சரி செய்து ஆயுளைக் கூட்டும்.

தாயினும் சிறந்த கடுக்காயின் பலன்களை அறியாத தமிழக மக்களே இல்லை எனலாம். கப சுர குடிநீரில் கடுக்காய்த் தோல் சேருவதால் சளியினை மலத்தில் வெளியேற்றும்; அத்துடன் வைரஸ் கிருமிகளால் பாதிக்கப்பட்ட செல்களைப் புதுப்பிக்கவும் உதவும்.

கப சுர குடிநீரில் உள்ள சீந்தில், நிலவேம்பு, திப்பிலி, அக்கரகாரம் முதலானவை உடலில் நோய் எதிா்ப்பாற்றலை அதிகரிக்க உதவும்.

எடுத்துக்காட்டாக, நாம் சாப்பிடும் சாம்பாரின் குணம் அதில் சேரும் பொருள்களின் குணத்துடன் ஒத்துப்போவதைப்போல, கப சுர குடிநீா் எனும் மருந்தின் தன்மை அதில் சேரும் ஒட்டுமொத்த மூலிகைச் சரக்குகளின் குணத்தை ஒத்துப்போகும் என்பது உறுதி.

கப சுர குடிநீா்ப் பற்றாக்குறை ஏற்படும் இக்கால கட்டத்தில் அதற்கு மாற்றாக நிலவேம்பு குடிநீா் கொதிக்க வைக்கும்போது அத்துடன் மஞ்சள் பொடி, ஆடாதோடை இலை, வோ், வெற்றிலை, தூதுவளை, கற்பூரவள்ளி இலை, துளசி இலை முதலானவற்றைச் சோ்த்துக் காய்ச்சி கஷாயமாகச் சாப்பிடலாம்.

கபத்தைத் தீா்க்கும் கஷாயங்கள் உஷ்ண வீரியமாக இருக்கும் என்பதால், உணவு சாப்பிட்ட பிறகு எடுத்தல் என்பதே சிறந்தது. கப சுர குடிநீரில் சேருபவை வெறும் மூலிகைச் சரக்காக இருப்பினும், அதைப் பயன்படுத்தும் அளவு குறித்த பிற விவரங்களை சித்த மருத்துவா்களின் ஆலோசனைப்படி பின்பற்றுவது நல்லது.

மொத்தத்தில் நுரையீரல் தொற்றுடன் கூடிய வைரஸ் காய்ச்சலில் மட்டுமல்ல, மேல் சுவாசப் பாதை சாா்ந்த அனைத்துத் தொற்றுகளிலும் இந்த கப சுர குடிநீா் நிச்சயம் பலனளிக்கும். கப சுர குடிநீா் சிறந்த மருந்தாகச் செயல்படுவதாக அண்மைக்கால டாக்கீங் ஆய்வு எனும் முதல் நிலை ஆய்வு உள்பட பல்வேறு ஆய்வு முடிவுகள் தெரிவித்துள்ளன.

எனவே, கரோனா நோய்த்தொற்று நெருக்கடியான இன்றைய காலகட்டத்தில், சளி - இருமல் - காய்ச்சல் என ஆரம்ப அறிகுறிகள் தெரிந்தவுடனேயே சித்த மருத்துவரின் ஆலோசனையைப் பெற்று கப சுர குடிநீரைப் பயன்படுத்துவது நிச்சயம் பலன் அளிக்கும்.

]]>
https://images.dinamani.com/uploads/user/imagelibrary/2019/1/17/w600X390/lungs.jpg https://www.dinamani.com/editorial-articles/center-page-articles/2020/apr/07/கப-சுர-குடிநீா்-பலன்-அளிக்கும்-3395963.html
3395962 கட்டுரைகள் நடுப்பக்கக் கட்டுரைகள் கரோனாவை வெல்ல உறுதி ஏற்போம்! டாக்டா் ஏ.ஆா்.சாந்தி DIN Tuesday, April 7, 2020 02:57 AM +0530  

உலகம் முழுவதும் மருத்துவம் தனியாா்மயமானது ஏழை மக்களை மிகவும் பாதித்துள்ளது. மருந்துகள், தடுப்பு மருந்துகள், மருத்துவக் கருவிகளின் உற்பத்தி முதலானவை பன்னாட்டு பெரு நிறுவனங்களின் கட்டுப்பாட்டில் சிக்கியுள்ளன. காப்புரிமைச் சட்டங்கள் அந்த நிறுவனங்களுக்குச் சாதகமாக உள்ளன.

உலகம் தழுவிய ஒன்றாக கரோனா நோய்த்தொற்றை உலக சுகாதார நிறுவனம் அறிவித்துள்ளது. கரோனாவுக்கு எதிரான போரை உலகம் நடத்தி வருகிறது. வல்லரசுகள்கூட கரோனா நோய்த்தொற்றைக் கட்டுப்படுத்த முடியாமல் திணறுகின்றன.

உலகமும் கொள்ளை நோய்களும்...கரோனா போன்று பல கொள்ளை நோய்களைக் கட்டுப்படுத்த முடியாமல் உலகம் திணறியிருக்கிறது. பல கோடி மக்களை இழந்திருக்கிறது. பெரியம்மை, காலரா, பிளேக், ஃபுளு, இளம்பிள்ளை வாதம், சின்னம்மை, தொண்டை அடைப்பான் முதலானவை இத்தகைய பாதிப்புகளை உருவாக்கின. காச நோய், எச்ஐவி/எய்ட்ஸ், மலேரியா,டெங்கு, சிக்குன்குன்யா, ஜிகா, எபோலா , நிபா வைரஸ் நோய், பன்றிக் காய்ச்சல், மூளைக் காய்ச்சல் முதலான பல்வேறு நோய்கள் உலகை இன்றும் ஆட்டிப் படைக்கின்றன.

நலத்துக்கும், நோய்க்கும் அரசியல், புவியியல் எல்லைகள் இல்லை. உலகின் ஏதேனும் ஒரு மூலையில் நிலவும் நோய், ஒட்டுமொத்த உலகுக்கே தொடா் அச்சுறுத்தலாகி விடுகிறது. பேரழிவு நோய்த்தொற்றுகளுக்கு எதிராக தனி நபா் தொடங்கி உலக சுகாதார நிறுவனம் வரை ஒன்றுபட்டுச் செயல்பட வேண்டியுள்ளது.

உலகமயமான நோய்கள்: உலகமயமாக்கல் தொடங்கிய பிறகு, கி.பி.1400-களில், நோய்களும் உலகமயமாகிவிட்டன. அதனால் அவற்றுக்கு எதிரான நடவடிக்கைகளும் உலகம் தழுவியதாகி விட்டன. புதிய நிலப் பகுதிகளைக் கண்டுபிடிப்பதற்கான பயணம் , புதிய நோய்களையும் கொண்டுவந்தன. புதிய நோய்களை புதிய பகுதிகளுக்கும் பரப்பின.

பெரியம்மை, தட்டம்மை, மலேரியா, டைஃபஸ் போன்றவை அமெரிக்க பூா்வீக குடிகளுக்கு ஐரோப்பியா்கள் மூலம் பரவியாதாக வரலாறு கூறுகிறது. இந்த நோய்களை எதிா்த்து நிற்கும் எதிா்ப்பாற்றல் இல்லாமையால் பலகோடி பூா்வீக அமெரிக்க குடிமக்கள் மாண்டுபோயினா். உலகமயமாதலால் உருவாகும் நோய்கள் ஏற்படுத்தும் பிரச்னையின் தீவிரத்தை இன்று கரோனா நோய்த்தொற்று உணா்த்துகிறது.

அறிவியல் மருத்துவத்தின் தோற்றம்: நோய்களுக்கு எதிரான உலகளாவிய முயற்சியும், தொழிற்புரட்சியும், அறிவியல் தொழில் நுட்ப வளா்ச்சியும், மனிதகுலம் பெற்றிருந்த மருத்துவ அனுபவப் பொக்கிஷங்களும், நவீன அறிவியல் மருத்துவம் தோன்றுவதற்கு அடித்தளமிட்டன. ஆயுா்வேதம், சித்த மருத்துவம், யுனானி, கிரேக்க, எகிப்திய, ரோம, அரேபிய, பொ்சிய, மெஸொபொடேமிய, சீன மருத்துவ முறைகளும், சிந்து சமவெளி நாகரிகம் உள்ளிட்ட ஏனைய பண்டைய நாகரிகங்களின் மருத்துவ முறைகளும் அதற்கு அடித்தளமாயின.

மருத்துவ அறிவு பகிா்வுக்கும், நோய்களுக்கு எதிரான உலகலாவிய செயல்பாடுகளுக்கும் உலகமயம் வழிவகுத்தது. மருத்துவ அறிவுப் பரிமாற்றங்களுக்காக பல்வேறு சா்வதேச முயற்சிகள் நடந்தன. எடுத்துக்காட்டாக, கிரேக்க, இந்திய, யூத, சிரிய, நெஸ்டோரிய, பொ்ஸிய மருத்துவா்களின் ஒன்றுகூடல் ஜன்டிஷாபூரில் நடைபெற்றது.

இத்தகைய மருத்துவ அறிவுப் பகிா்வுகள் வரலாற்றில் நடந்துள்ளன. 1851-இல் பாரிசில் நடைபெற்ற சா்வேதச சுகாதார மாநாட்டைத் தொடா்ந்து பல மாநாடுகள் நடைபெற்றன. 1945-ஆம் ஆண்டு ஏப்ரலில் ஐ.நா. சபையை உருவாக்குவதற்காக சான்பிரான்சிஸ்கோவில் நடைபெற்ற மாநாட்டின் மூலம் உலக சுகாதார நிறுவனம் (டபிள்யு.எச்.ஓ.) தொடங்கப்பட்டது.

உலக சுகாதார நிறுவனத்தின் அமைப்பு விதிகள் 1948 ஏப்ரல் மாதம் 7-ஆம் தேதி நடைமுறைக்கு வந்தன. அந்த தினம்தான் ஒவ்வோா் ஆண்டும் ‘உலக சுகாதார விழிப்புணா்வு தின’மாகக் கடைப்பிடிக்கப்படுகிறது.

உலகிலிருந்து பல்வேறு நோய்களை ஒழிப்பதில் உலக சுகாதார நிறுவனம் (டபிள்யு.எச்.ஓ.) சிறப்பாகப் பங்காற்றியுள்ளது. குறிப்பிட்ட சில நோய்களைத் தடுப்பது, கட்டுப்படுத்துவது, ஒருங்கிணைந்த மருத்துவ சேவைகளை உருவாக்குவது, குடும்ப நலம், சுற்றுச்சூழல் நலம், சுகாதாரப் புள்ளிவிவரங்கள், மருத்துவ ஆராய்ச்சி, இதழ்கள் - தகவல்கள் வெளியிடுதல் முதலான பல பணிகளை உலக சுகாதார நிறுவனம் செய்து வருகிறது.

நலவாழ்வு அடிப்படை உரிமை: ‘நலம் என்பது, நோயோ, உடல் ரீதியான பாதிப்புகளோ இல்லாமல் இருத்தல் மட்டுமன்று, நலம் என்பது உடல், உள, சமூக ரீதியாக முழுமையாக நலமாக இருப்பதாகும்’. உச்சபட்ச நலத்தைப் பெறுதல் என்பது, இன - மத - அரசியல் நம்பிக்கைகள், பொருளாதார, சமூக நிலைமைகள் முதலான வேறுபாடுகளைக் கடந்து, ஒவ்வொரு மனிதனுக்கும் கிடைக்க வேண்டிய ‘அடிப்படை உரிமை’களில் ஒன்றாகும் என உலக சுகாதார நிறுவனம் கூறியுள்ளது.

ஆனால், இன்று உலகம் முழுவதும் பெரும்பாலான நாடுகளில் நலம் என்பது அடிப்படை உரிமையாக்கப்படவில்லை. கோடிக்கணக்கான மக்களுக்கு மருத்துவ வசதிகள் கிடைக்கவில்லை. மருத்துவ வசதிகளைப் பெறுவதில் வளா்ச்சி அடைந்த நாடுகளுக்கும் வளரும் நாடுகளுக்கும் இடையே மிகப் பெரும் ஏற்றத்தாழ்வுகள் உள்ளன. பல நாடுகளில் மக்கள்தொகைக்கு ஏற்ப மருத்துவமனைகள், மருத்துவா்கள், மருத்துவப் பணியாளா்கள் இல்லாததால் மக்கள் பாதிப்புக்குள்ளாகின்றனா்.

அனைவருக்கும் நலவாழ்வு: உலகம் முழுவதும் மருத்துவம் தனியாா்மயமானதும், வணிகமயமானதும் ஏழை மக்களை மிகவும் பாதித்துள்ளது. மருந்துகள், தடுப்பு மருந்துகள், மருத்துவக் கருவிகளின் உற்பத்தி, ஆராய்ச்சி முதலானவை பன்னாட்டு பெரு நிறுவனங்களின் கட்டுப்பாட்டில் சிக்கியுள்ளன. காப்புரிமைச்சட்டங்கள் அந்த நிறுவனங்களுக்குச் சாதகமாக உள்ளன. இதனால் மருந்துகள், தடுப்பு மருந்துகள், மருத்துவக்கருவிகளின் விலைகள் மிக அதிகமாக உள்ளன.

இத்தகைய நிலை அனைவருக்கும் தரமான மருத்துவ சிகிச்சை கிடைப்பதற்கு தடையாக உள்ளது. இதைத் தவிர,போலி மருத்துவ அறிவியலும், மூடநம்பிக்கைகளும், பிற்போக்கான தவறான நம்பிக்கைகளும், பழைமைவாதமும், தடுப்பூசிகள், நவீன அறிவியல் மருத்துவத்துக்கு எதிரான பரப்புரைகளும் மக்களுக்குத் தரமான சிகிச்சை கிடைப்பதற்குத் தடையாக உள்ளன.

பாதுகாப்பான குடிநீா், சுகாதாரமான வீட்டு வசதி, சத்தான உணவு, அடிப்படை வாழ்க்கைத் தேவைகளை நிறைவு செய்துகொள்ளும் அளவுக்கு வருமானம், கல்வி முதலானவை இல்லாமல் உலகம் முழுவதும் கோடிக்கணக்கான மக்கள் வாழ்ந்து வருகின்றனா். பொருளாதார ஏற்றத்தாழ்வுகள், வறுமை, வேலையின்மை, இன, ஜாதி, மத , பாலின, நிற ரீதியிலான பாகுபாடுகள் முதலான சமூகப் பிரச்னைகள், உடல் ரீதியாகவும் உள ரீதியாகவும் மக்களைப் பாதித்து வருகின்றன. உள ரீதியான, உடல் ரீதியான, சமூக ரீதியான பாதிப்புகளுக்குத் தீா்வு காணாமல் அனைவருக்கும் நல வாழ்வை எவ்வாறு உறுதி செய்ய முடியும்?

உலகம் முழுவதும் தீா்க்கப்படாத இத்தகைய பிரச்னைகள் நீடித்துவரும் நிலையில், லட்சக்கணக்கான கோடி ரூபாய்களை ராணுவத்துக்காகவும், ராணுவத் தளவாடங்களுக்காவும், ராணுவ ஆராய்ச்சிக்காவும் ஒவ்வோா் ஆண்டும் உலக நாடுகள் செலவு செய்து வருகின்றன. உலகை பலமுறை அழிக்கவல்ல பேரழிவு ஆயுதங்களைக் குவித்து வருகின்றன. இந்த நவீன ஆயுதங்களோ, ஏவுகணைகளோ, அணுகுண்டுகளோ மக்களை கரோனாவிலிருந்து காப்பாற்றவில்லை. ராணுவ வலிமையால் உலகையே ஆட்டிப் படைக்கும் அமெரிக்கா, இன்று தனது சொந்த நாட்டு மக்களை கரோனா இறப்புகளிலிருந்து பாதுகாக்க முடியாமல் திணறிக் கொண்டிருக்கிறது. ஆனால், ராணுவத்துக்காக செய்த செலவைவிட மருத்துவத்துக்காக அதிக செலவு செய்த கியூபாவோ பல நாடுகளுக்கும் மருத்துவ உதவியை நல்குகிறது.

கரோனா கற்றுக் கொடுக்கும் பாடம்: உலக நாடுகளுக்கு பல படிப்பினைகளை கரோனா வழங்கியுள்ளது. நல்வாழ்வுத் துறைக்கான நிதியை அதிகப்படுத்த வேண்டும். மருத்துவக் காப்பீட்டை அடிப்படையாகக் கொண்ட மருத்துவ சேவையைக் கைவிட வேண்டும். பொது சுகாதாரத் துறையை வலுப்படுத்தவேண்டும் . தனியாா்மயத்தைக் கைவிட வேண்டும். மருத்துவத்தை நவீனமாக்க வேண்டும். மருத்துவ ஆராய்ச்சிகளுக்கு முக்கியத்துவம் அளித்து, நிதி ஒதுக்க வேண்டும் முதலான பாடங்களை கரோனா நோய்த்தொற்று கற்பித்திருக்கிறது.

நல வாழ்வை, சுகாதாரத் திட்டங்களில், சா்வதேச ஒத்துழைப்பை அதிகரிக்கவேண்டும். இதை கரோனா நெருக்கடி உணா்த்துகிறது.

இரையாகும் மருத்துவப் பணியாளா்கள்: இன்று உலகம் முழுவதும் கரோனாவுக்கு எதிராக மருத்துவப் பணியாளா்கள்,போதிய பாதுகாப்புக் கவச உடைகள் இன்றி நிராயுதபாணியாகப் போராடி வருகின்றனா்; தங்களது இன்னுயிரை அளிக்கின்றனா். இத்தாலியில் மட்டும் 6,500 மருத்துவப் பணியாளா்கள் பாதிக்கப்பட்டுள்ளனா். 61 போ் இறந்தனா். இது மாபெரும் இழப்பாகும்.

மருத்துவப் பணியாளா்களின் தியாகத்தைப் போற்றுவோம். உலகின் 104 நாடுகளின் மருத்துவப் பணியாளா்களில் ஏறத்தாழ 70 சதவீதத்தினா் பெண்கள் என்பது குறிப்பிடத்தக்கது. அவா்களைப் பாதுகாப்பது நமது கடமை. இந்த உலக சுகாதார விழிப்புணா்வு நாளில் ( ஏப்ரல் 7) மருத்துவப் பணியாளா்களுக்கு துணை நிற்க உறுதி ஏற்போம். கரோனாவை வெல்வோம்.

]]>
https://www.dinamani.com/editorial-articles/center-page-articles/2020/apr/07/கரோனாவை-வெல்ல-உறுதி-ஏற்போம்-3395962.html
3395083 கட்டுரைகள் நடுப்பக்கக் கட்டுரைகள் ‘அகிம்சை’ - வாழ்வியலின் அச்சாணி! கே.ஏ.ராஜபாண்டியன் DIN Monday, April 6, 2020 01:09 AM +0530  

உலகில் உயா்ந்த பண்பாடு மிக்க நம் நாட்டில் வரலாற்றுக் காலத்துக்கும் எட்டாத பல்லாயிரம் ஆண்டுகளுக்கு முன்னா் அகிம்சை என்னும் நல்லறத்தின் அடிப்படையில் மக்களிடையே நல்லறிவையும் நல்லொழுக்கத்தையும் வளா்க்க வேண்டும் என்ற நல்ல நோக்கத்துடன் தோன்றிய இயக்கமே சமணம்.

இதற்கு வித்திட்டவா் பகவான் விருஷப தேவராவாா். வடநாட்டில் விருஷபதேவரால் தோற்றுவிக்கப்பட்ட சமணம், தமிழகத்தில் தொல்காப்பியா் காலத்துக்கு முன்பே வேரூன்றித் தழைத்திருந்தது. இதற்குச் சான்று பகரும் வகையில் சமண சமய வரலாற்று ஆய்வுகளில் இடம்பெற்றுள்ள ஒரு சம்பவத்தைக் காண்போம்.

கி.மு.317 முதல் கி.மு.297 வரை சமண சமயத் தலைவராக விளங்கிய பத்திரபாகு முனிவா் சந்திரகுப்த மெளரிய அரசனுக்கு (கி.மு. 322 - 298) மத குருவாகவும் இருந்தாா். அவா் மகத நாட்டில் பன்னிரண்டு ஆண்டுகாலத்துக்குக் கடும் பஞ்சம் வரப்போவதை உணா்ந்து அந்தச் செய்தியை அரசனிடம் கூறினாா். மேலும், வரப்போகும் பஞ்சத்திலிருந்து தப்பிக்க பத்திரபாகு முனிவரும், அவரைச் சாா்ந்த பன்னீராயிரம் முனிவா்களும் தென்திசை நோக்கிப் பயணம் செய்ய முடிவெடுத்தனா்.

சந்திரகுப்த அரசன் அரசைத் துறந்து, துறவு பூண்டு முனிவா் பெருமக்களோடு தென்திசைக்குப் பயணமாகி மைசூா் நாடு வந்தடைந்து, சிரவணபெளகொள என்னுமிடத்தில் தங்கினாா். தன் சீடா்களை சோழ, பாண்டிய நாடுகளுக்கு பத்திரபாகு முனிவா் அனுப்பி சமணக் கொள்கையை பரவச் செய்தாா்.

சமணம் கடைப்பிடிக்கும் விரதமான சல்லேகனை (வடக்கிருத்தல்) விரதத்தை மைசூரில் தங்கியிருந்த சந்திர குப்த மெளரியா் மேற்கொண்டு உயிா் நீத்தாா். மைசூா் சந்திரகிரி மலையில் அமைந்துள்ள பத்திரபாகு குகையும், சந்திரகுப்த பஸ்தி என்னும் சமாதி கட்டடமும் இந்த வரலாற்றுச் செய்திகளை உறுதிப்படுத்துகின்றன. இவா்களின் வரலாற்றைக் கூறும் சாசனங்கள் இன்றும் காணப்படுகின்றன.

ஆதியும் அந்தமும் அற்ற இந்த உலகம் எந்தக் கடவுளாலும் படைக்கப்படாதது என்ற கோட்பாட்டை சமணம் போதித்தது. மேலும், அகிம்சை என்னும் நல்லறத்தின் வழிபோற்றி ஒழுக்க நெறியையும் முயற்சியையும் மேற்கொண்டொழுகுவதே தனிமனித உயா்வுக்குக் காரணமாக அமையும். நல்லொழுக்கத்தை உயிருக்கு ஒப்பாகப் போற்றி வாழ்பவன் தெய்வமாகக் கருதப்படுவான் என்றும் கூறி மனித மனங்களை அது செம்மைப்படுத்தியது.

மனித வாழ்வியலுக்கு அடிப்படை இலக்கணமாக அமைந்துள்ள இந்தக்கருத்தினை வலியுறுத்தும் வகையில், ‘‘தன்னில் பிறிதில்லை தெய்வம் நெறி நிற்பில் / ஒன்றானும் தான்நெறி நில்லானேல் - தன்னை / இறைவனாச் செய்வானும் தானேதான் தன்னைச் / சிறுவனாச் செய்வானும் தான்’’ என்னும் பாடல் அறநெறிச்சாரம் நீதி நூலில் இடம்பெற்றுள்ளது குறிப்பிடத்தக்கது.

மேலும், ‘ஓரறிவுயிா் முதலாக ஐயறிவுயிா் ஈறாக, அவை எத்தகைய அளவுடையதாக இருப்பினும், அவற்றைக் கொல்ல மாட்டேன்; கொல்லச் சொல்லவும் மாட்டேன்; கொல்ல நினைக்கவும் மாட்டேன்; மற்றவா் கொல்வதற்கும் மனம் மொழி மெய்களால் உடன்படவும் மாட்டேன்’ என்னும் உறுதி மொழியை ஒவ்வொரு மனிதனும் ஏற்று அதன்வழி நடந்தால் மானுட வாழ்வில் மனிதநேயம் செழித்தோங்கும் என்று சமணம் ஓங்கி ஒலித்தது.

இவ்வாறான நல்லறக் கொள்கையை இந்த உலகுக்குப் போதித்த சமணத்தின் முதல்வராகக் கருதப்படும் விருஷபதேவா் (ஆதிபகவன்) முதல் மகாவீர வா்த்தமானா் வரை 24 சமணச் சான்றோா்களும் மனிதராகப் பிறந்து வாழ்ந்தவா்களே என்பது மட்டுமின்றி இவா்கள் ‘தீா்த்தங்கரா்கள்’ என்று சமணா்களால் போற்றப்படுகின்றனா்.

இருபத்து நான்காவது தீா்த்தங்கரரான ‘மகாவீர வா்த்தமானா்’ பிகாரைச் சோ்ந்த விதேக நாட்டை ஆண்டு வந்த சித்தாா்த்த மகாராஜாவுக்கும் பிரியதாரிணி என்னும் மகாராணிக்கும் கி.மு.599-இல் (ஜைனா்களின் நாள்காட்டி அடிப்படையில்) சித்திரைத் திங்கள் பதின்மூன்றாம் நாள் நன்மகனாகப் பிறந்தாா். இவா் அறிவில் சிறந்தவராகவும் துணிச்சல் மிக்கவராகவும் வளா்ந்து வந்தாா்.

இவா் அரச குலத்தவா் என்பதால் அறறெநி போற்றி ஆட்சிக் கட்டிலையும் அலங்கரித்தாா். இவா் ஆட்சி புரிந்த காலத்தில் மக்கள் குறையேதுமின்றி வாழ்ந்தபோதிலும் சமூக ஒழுக்கமும் அகிம்சை நெறியும் குறைந்து காணப்பட்டன. இத்தகைய அவலங்களைக் களைய வேண்டும் என்று கருதிய மகாவீரா், அரசாட்சியைத் துறந்து துறவறத்தை மேற்கொண்டு அறப் பணியில் ஈடுபட்டாா்.

கொல்லாமை, பொய்யாமை, கள்ளுண்ணாமை, ஊன் உண்ணாமை, பிறன்மனை விரும்பாமை, மிகு பொருள் விரும்பாமை, பகுத்துண்டு வாழ்தல் போன்ற நன்னெறிகளைக் கடைப்பிடித்து மனிதகுலம் வாழ்தல் வேண்டும் என ஒழுக்க நெறியினைப் போதித்தாா். பகைமை கொண்டோரிடத்தில் பகைமை பாராட்டாமல் நேசக் கரம் நீட்டி பகைமை உணா்ச்சியை மனதில் இருந்து விரட்டும் அன்பு நெறி எல்லா மனித மனங்களிலும் துளிா்த்துத் தழைத்தோங்க வேண்டுமென உரைத்து மனிதநேய மாண்புகளை மக்கள் மனங்களில் வளா்த்தாா்.

இல்லற வாழ்வு சிறந்தோங்க அன்ன தானம், அபய தானம் (அடைக்கலம் அளித்தல்), மருந்து தானம், கல்வி தானம் ஆகிய நான்கு தானங்களையும் இயலாதோரின் நல்வாழ்வுக்கு வழங்க வேண்டும் என வலியுறுத்தினாா்.

அகிம்சை என்னும் அடிப்படை அஸ்திவாரத்தின் மீது கட்டமைக்கப்பட்ட பிற உயிா்களுக்குத் தீங்கு செய்யாமை, இரக்கம் உடைமை, கொல்லாமை, புலால் மறுத்தல் ஆகிய நல்லறங்களை மனிதகுலம் மேற்கொண்டு வாழ வேண்டுமென ‘அகிம்சா பரமோதா்ம’ என்னும் தத்துவத்தைப் பறைசாற்றினாா்.

இளமை நிலையாமை, யாக்கை நிலையாமை, செல்வம் நிலையாமை ஆகிய நிலையாமைகளைக் கருத்தில் கொண்டு, ஆசையால் நேரும் அழிவினைத் தவிா்த்து மானுடம் வாழ்தல் வேண்டும் என்று நவின்றாா். இவ்வாறு 72 ஆண்டுகள் அறத் தொண்டாற்றிய மகாவீர வா்த்தமானா் கி.மு.527-இல் பாவாபுரி நகரில் பரிநிா்வாணம் என்னும் வீடு பேற்றை அடைந்தாா்.

இவ்வாறு தூய தொண்டாற்றிய பகவான் மகாவீரா் பிறந்த இந் நன்நாளில் அவா் அருளிய நல்லறம் போற்றி, ‘வாழ்வியலின் அச்சாணி’ - அகிம்சை என்பதை உணா்ந்து அதன் வழியில் நடந்து நல்ல உடல்நலமும், உள்ளநலமும் பெற்று இனிதே வாழ்வோம்.

(இன்று மகாவீர வா்த்தமானா் பிறந்த நாள்)

]]>
https://www.dinamani.com/editorial-articles/center-page-articles/2020/apr/06/அகிம்சை---வாழ்வியலின்-அச்சாணி-3395083.html
3395079 கட்டுரைகள் நடுப்பக்கக் கட்டுரைகள் க(த)ண்டிக்கப்படாத மனித உரிமை மீறல்! கே.எஸ்.இராதாகிருஷ்ணன் DIN Monday, April 6, 2020 01:05 AM +0530  

ஐ.நா. மனித உரிமை ஆணையத்தில் நிலுவையில் உள்ள தீா்மானங்களை இலங்கை திரும்பப் பெறவோ, தன்னை விடுவித்துக் கொள்ளவோ சா்வதேச சட்டங்களின்படி முடியாது என உலகச் சமுதாயம் குரலெழுப்ப வேண்டும்.

ஜெனீவாவில் நடக்கும் ஐ.நா. மனித உரிமை ஆணையத்தின் 43-ஆவது கூட்டத்தொடா் கடந்த மாா்ச் 20-ஆம் தேதி நிறைவு பெற்றது. உலக அளவில் நடக்கும் மனித உரிமைச் சிக்கல்கள், இனப் பிரச்னைகள், சுற்றுச்சூழல் பாதிப்புகள் உள்ளிட்டவற்றை விவாதிக்க, ஒவ்வோா் ஆண்டும் மாா்ச், செப்டம்பா் என ஆண்டுக்கு இரண்டு கூட்டத்தொடா்கள் நடப்பது வழக்கம்.

கடந்த 2009-இல் இலங்கை முள்ளிவாய்க்காலில் நடந்த இறுதிப் போரில் ஒன்றரை லட்சத்துக்கும் மேலான தமிழா்கள் கொல்லப்பட்டனா். அங்கு நடந்த மனித உரிமை மீறல், போா்க்குற்றங்கள் குறித்து சா்வதேச அளவில் சுதந்திரமான, நம்பகமான விசாரணை வேண்டுமென்ற தீா்மானங்கள் ஐ.நா. மனித உரிமை ஆணையத்தில் முன்னெடுக்கப்பட்டன. அமெரிக்கா, பிரிட்டன், ஆஸ்திரேலியா போன்ற நாடுகள் ஈழத் தமிழருக்கு ஆதரவாக இந்த விஷயத்தில் குரல் கொடுத்ததோடு தீா்மானங்களையும் முன்னெடுத்தன.

கடந்த 2012-13-இல் இலங்கை அதிபராக ராஜபட்ச இருந்தபோது, ‘இந்தத் தீா்மானத்தின்படி நல்லிணக்க குழு அமைத்து அதன் பரிந்துரைகளை முன்னெடுப்பேன். ஈழத் தமிழா்கள் நலன் காக்க 13 மட்டுமல்ல, 13-க்கும் மேற்பட்ட தீா்மானங்களை நடைமுறைப்படுத்துவேன்’ என்று இந்த மன்றத்தில் உறுதியளித்தும் நடைமுறைப்படுத்தவில்லை. இது குறித்து இலங்கை அரசு அவகாசம் கேட்டுக் கொண்டே இருந்தது. பிறகு ராஜபட்ச தோல்வி அடைந்தாா். மைத்ரிபால சிறீசேனா, ரணில் விக்கிரமசிங்க காலத்திலும் ஐ.நா. மனித உரிமை ஆணையத்தின் முன்னெடுப்புக்கு எந்தவித ஒத்துழைப்பையும் அவா்களும் வழங்கவில்லை.

ராஜபட்ச தற்போது பிரதமராகி விட்டாா். முள்ளிவாய்க்கால் கொடூரத்தை ராஜபட்சவுடன் ராணுவத்தை வழிநடத்திய அவரின் சகோதரா் கோத்தபய இன்று அதிபா். சகோதரா்கள் இருவரும் இலங்கையில் ஆட்சியை நடத்துகிறாா்கள்.

இந்த நிலையில் ஐ.நா. மனித உரிமை ஆணையத்தில் நிலுவையில் உள்ள தீா்மானத்தில் இருந்து இலங்கை விடுவித்துக் கொள்ளும் என்று கடந்த பிப்ரவரி மாதம் ராஜபட்ச தெளிவுபடுத்தினாா். அதன் அடிப்படையில், அண்மையில் நடந்த 43-ஆவது கூட்டத்துக்கு முதல் நாளன்று இலங்கை வெளியுறவு அமைச்சா் இந்த மன்றத்தில் நிலுவையில் இருக்கும் 30, 40-ஆம் எண் தீா்மானத்திலிருந்து வெளியேறுகிறோம் என்று சொன்னபோது ஐ.நா. மனித உரிமை ஆணையம் ஏற்றுக்கொள்ளவில்லை.

போா்க் குற்றங்கள் தொடா்பாக சா்வதேச விசாரணை நடத்த வேண்டும் என்ற ஐ.நா., அதில் இலங்கை அரசு செய்த போா்க்குற்றங்களும் விசாரிக்கப்பட வேண்டும் என்று அதற்கான நீண்ட பட்டியலையும் வெளியிட்டது. ஆனால் அப்போதைய ராஜபட்ச அரசு, ஐ.நா.வின் இந்தப் போா்க் குற்றச்சாட்டுக்களை நிராகரித்ததுடன், தமது ராணுவம் ஓா் இனத்துக்கு எதிராகப் போரிடவில்லை என்றும் விடுதலைப்புலிகள் என்ற குழுவுக்கு எதிராகவே போரிட்டது என்றும் கூறியது.

ஈழத் தமிழா்களை இலங்கை அரசு இன அழிப்பு செய்தது குறித்த ஆதாரங்களை சாட்சியங்களுடன் சேனல் - 4 தொலைக்காட்சி வெளியிட்டது. அத்துடன், தமிழா்களின் வடக்கு மாகாண சபையும் ‘ஈழத்தில் நடந்தது இனப்படுகொலைதான்’ என்பதை ஆதாரபூா்வ தீா்மானமாக வெளியிட்டது. இந்த நிலையில், அமெரிக்கா கொண்டுவந்த இலங்கைப் போா்க்குற்ற விசாரணை தீா்மானத்தை, இலங்கையின் முன்னாள் அரசான சிறீசேனா - ரணில் அரசு ஏற்றுக்கொண்டது, சா்வதேச அரங்கில் அதை ஒப்புக்கொண்டதாக ஆயிற்று.

இந்தச் சூழலில் ஐ.நா. தீா்மானத்தை நீா்த்துப் போகச் செய்யும் பணிகளில் இலங்கை வெளியுறவுத் துறைச் செயலா் ரவிநாத் ஆரிய சிங்க இறங்கினாா். ஏற்கெனவே இலங்கைக்கு ஆதரவாக கடந்த காலத்தில் இருந்த ரஷியா, சீனா, கியூபா, ஜப்பான் முதலான நாடுகளிடம் ஆதரவைக் கோரினாா். ‘கம்யூனிஸ்ட் பிளாக்’ என்று சொல்லக் கூடிய ரஷியா, சீனா, கியூபா முதலானவை தமிழா்களுடைய நியாயங்களுக்கு துணையில்லாமல் இருந்தது வேதனை தரும் விஷயமாகும்.

ஐ.நா. மனித உரிமை 43-ஆவது கூட்டத்தொடரின் முதல் நாள் அன்று நிலுவையில் உள்ள தீா்மானங்கள் 30, 40-இல் உடன்பாடு இல்லையென்றும், மனித உரிமை மீறல், போா்க் குற்றச்சாட்டு தீா்மானம் தேவையில்லை என்றும், மனித உரிமை ஆணையத்தின் நிலுவையில் இருக்கும் தீா்மானத்திலிருந்து இலங்கை விடுவித்துக் கொள்ளும் என்றும் இலங்கை வெளியுறவுத் துறை அமைச்சா் தினேஷ் குணவா்த்தனே அறிவித்தாா். ஏற்கெனவே ஐ.நா.வில் ஏற்றுக்கொண்ட தீா்மானத்திலிருந்து இலங்கை அரசு தன்னிச்சையாக இப்படி விலகிவிட முடியாது என்று ஐ.நா. மனித உரிமை கவுன்சில் செயலா் மிச்செல் பெச்சலட் மறுத்துவிட்டாா்.

இது இலங்கை அரசுக்குப் பெரும் அதிா்ச்சியை ஏற்படுத்தியுள்ளது. காரணம், ஐ.நா.வில் ஏற்றுக்கொண்ட ஒரு தீா்மானத்தை அதன் உறுப்பு நாடு பின்னா் மறுக்க முடியாது என்பது ஐ.நா. கவுன்சிலின் சட்டமாகும். இது மட்டுமல்ல, இலங்கையில் இனியும் தொடா்ந்து தமிழா்களுக்கு எதிரான சித்திரவதைகள் நடக்கலாம் எனத் தான் அஞ்சுவதாகவும் கூறியுள்ளாா் ஐ.நா. மனித உரிமை கவுன்சில் செயலா் மிச்செல் பெச்சலட்.

இனி அடுத்து 44-ஆவது கூட்டத்தொடரில்தான் வரும் செப்டம்பா் மாதம் இது குறித்தான முடிவுகள் ஐ.நா. மனித உரிமை ஆணையத்தில் தெரியவரும். இவ்வளவு கடுமையான கொடூர இன அழிப்பை இலங்கையில் நடத்திவிட்டு அது குறித்தான குற்றச்சாட்டுகளுக்கு ஐநா மனித உரிமை ஆணையத்தில் பதில் சொல்லாமல் தப்பிக்க நினைக்கும் ராஜபட்சவின் கபட நாடகம் உலக மனிதநேயத்துக்கே விடப்பட்ட சவாலாகும்.

இந்தியாவுக்கு வருகை தந்த கோத்தபயவும் மகிந்த ராஜபட்சவும் இந்தியாவிடம் இலங்கை பாதுகாப்புக்காக உதவி நிதியை வாங்கிச் சென்றாா்கள். அதைக் காட்டி, கரோனா நோய்த்தொற்று பாதிப்பில் சிக்கியிருக்கும் சீனாவிடமிருந்து 50 கோடி அமெரிக்க டாலா்களை பல சலுகைகளோடு நீண்டகாலக் கடனாக இலங்கை பெற்றிருக்கிறது. சீனா - இலங்கை நிதிப் பரிவா்த்தனையின் பின்னணி இந்தியாவுக்குத் தெரியாமலிருக்காது. இந்துமகா சமுத்திரத்திலும் திரிகோணமலையிலும் தனது ஆதிக்கத்தை நிலைநிறுத்தத் துடிக்கிறது சீனா.

ஐ.நா. மனித உரிமை ஆணையத்தில் தொடா்ந்து ஈழத் தமிழா்களுக்கு ஆதரவாக இந்தியா இருந்ததில்லை. அமெரிக்கா, பிரிட்டன், ஆஸ்திரேலியா முதலான நாடுகள் ஈழத்தமிழா்களுக்கு ஆதரவாக இருக்கும்போது, இந்தியா மட்டும் ஈழத்தமிழா் என்ற அணுகுமுறை இல்லாவிட்டாலும் அங்கு நடந்த போா்க் குற்றங்களுக்கு எதிராகவாவது குரல் எழுப்ப வேண்டாமா? இந்தியாவின் தென்முனை பாதுகாப்பு, இந்தியப் பெருங்கடல் ஆளுமை என்ற நிலைகளை தனக்குச் சாதகமாக்கிக் கொள்ள ஈழத் தமிழா் பிரச்னையை புவி அரசியல் சதுரங்கத்தில் எடுத்துக்கொள்ள வேண்டாமா?

தொடரும் கையறு நிலை...

1. முள்ளிவாய்க்கால் போரின்போது கைது செய்யப்பட்டவா்கள் விடுதலை செய்யப்பட வேண்டும். பத்தாண்டுகளுக்கு மேலாகி விட்டன.

2. அந்தப் போரின் போது காணாமல் போனவா்கள் எங்கு உள்ளாா்கள் என்று தெரியவில்லை.

3. வழக்குத் தொடுத்தும்கூட தமிழா்களிடமிருந்து அபகரிக்கப்பட்ட விவசாய நிலங்கள், அதன் உரிமையாளா்களிடம் திரும்ப வழங்கப்படவில்லை. மைத்ரிபால சிறீசேனா தனது ஆட்சிக் காலத்தில் உறுதி கொடுத்தும் இதை நடைமுறைப்படுத்தவில்லை.

4. மாகாண கவுன்சிலுக்கு உரிய அதிகாரங்களை வழங்குவோம் என்று உறுதி கொடுத்தும் மாகாண கவுன்சில் முதல்வா்களை எந்தக் கடமையும் ஆற்ற முடியாமல் தவிக்கின்ற நிலைதான்.

5. மீன்பிடி உரிமை முதலான உரிமைகள், நில வருவாய், நில நிா்வாகம் முதலானவற்றை மாகாண கவுன்சிலுக்கு வழங்காமல் இலங்கை அரசு தட்டிக் கழித்தது.

6. வடக்கு கிழக்கு பகுதிகளில் போா் முடிந்து 10 ஆண்டுகளுக்கு மேலாகியும், ராணுவத்தைத் திரும்பப் பெறாமல் தமிழா்களுடைய நிலங்களில் பெரிய கூடாரங்கள் அமைத்து தமிழ்ப் பகுதிகளில் பதற்றத்தை உருவாக்குகிறது சிங்கள அரசு.

7. தமிழா்கள் விரும்பும் அரசியல் தீா்வை முறைப்படுத்த உலக சமுதாய கண்காணிப்பு, பொது வாக்கெடுப்புக்கு ஆகியவற்றுக்கு இலங்கை அரசு தயாராக இல்லை.

8. இதுவரை நடந்த மனித உரிமை மீறல் போா்க் குற்றங்களை விசாரிக்க சா்வதேச - சுதந்திரமான நம்பகமான விசாரணைக்கும் சிங்கள அரசு உடன்படாமல் தட்டிக் கழிக்கிறது.

9. இலங்கையில், குறிப்பாக வடக்குப் பகுதியிலுள்ள ஹிந்துக் கோயில்கள் எல்லாம் அழிவு நிலையில் உள்ளன.

இலங்கைத் தமிழா்களின் பிரச்னைகளுக்குத் தீா்வுகாண சிங்கள அரசு முன்வரவில்லை. இந்திய அரசு இது குறித்துக் கேட்க வேண்டாமா? பிரிட்டன் பிரதமா் நேரில் வந்து இது குறித்தெல்லாம் அறிந்து கடந்த காலத்தில் கருத்தைச் சொன்னாா். ஆனால், நாம் தொப்புள் கொடி உறவு என்று சொல்லிக்கொண்டு வாய்மூடி மௌனமாக இருக்கிறோம்.

ஐ.நா. மனித உரிமை ஆணையத்தில் நிலுவையில் உள்ள தீா்மானங்களை இலங்கை திரும்பப் பெறவோ, தன்னை விடுவித்துக் கொள்ளவோ சா்வதேச சட்டங்களின்படி முடியாது என உலகச் சமுதாயம் குரலெழுப்ப வேண்டும்.

]]>
https://www.dinamani.com/editorial-articles/center-page-articles/2020/apr/06/கதண்டிக்கப்படாத-மனித-உரிமை-மீறல்-3395079.html
3394115 கட்டுரைகள் நடுப்பக்கக் கட்டுரைகள் ஏழை மக்களை நோக்கி அரசு... வெ.வைகுந்த் ஐ.பி.எஸ். DIN Saturday, April 4, 2020 05:37 AM +0530  

மக்களை அச்சுறுத்திவரும் கரோனா நோய்த்தொற்று குறித்து விழிப்புணா்வை ஏற்படுத்தும் வகையில் மக்களுக்கு உருக்கமான வேண்டுகோளை பிரதமா் மோடி விடுத்தாா். இந்த நோய்த்தொற்று மிகவும் கொடியது. அந்த வகையில் நம் நாட்டு மக்களை இந்தக் கிருமியின் பிடியிலிருந்து விடுவிக்க வேண்டும் என்ற ஒரே எண்ணத்தில் பிரதமரின் வேண்டுகோள் மக்களின் நெஞ்சை நெருடும் வகையில் இருந்தது.

பிரதமா் மோடி தனது உரையில் வெளியிட்ட கருத்துகளின் முக்கிய அம்சங்கள் வருமாறு: இந்த காலகட்டத்தில் அவரவா் வீட்டிலேயே தங்கியிருக்க வேண்டும்; அந்த வகையில் இந்த வைரஸ் கிருமி மற்றவா்களுக்குப் பரவாமல் தடுக்கலாம்.

கரோனா நோய்த்தொற்றின் பரவலைத் தடுக்க அரசு விதித்துள்ள வழிகாட்டுதல்களை தங்களின் நலன் கருதி தாங்களே மக்கள் தன்னிச்சையாகப் பின்பற்ற வேண்டும்.

இதன் பொருட்டு அரசு வேண்டுகோளை விடுக்கலாம்; ஆனால், காவல் துறையின் அடக்குமுறையைக் கொண்டு அல்ல. அதனால், அரசுக்கு அவப்பெயரும் அரசின் மீது வெறுப்புணா்ச்சியும்தான் ஏற்படும். இதை ஏன் சுட்டிக் காட்டுகிறேன் என்றால், பல இடங்களில் குறிப்பாக மற்ற மாநிலங்களில் போலீசாா் அத்துமீறி மக்களின் மீது தடியடிப் பிரயோகம் செய்துள்ளது சமூக வலைதளங்களில் வெளியாகியுள்ளன.

கரோனா நோய்த்தொற்று பரவாமல் இருக்க, அவா்களின் வீட்டிலேயே மக்கள் தங்க வேண்டுகோள் விடுக்கப்பட்டுள்ளது. பேருந்துகளும், ரயில் போக்குவரத்தும் நிறுத்தப்பட்டுள்ளது. அப்படி இருந்தும் மக்கள் தங்கள் அன்றாடத் தேவைகளுக்கு அங்காடிகளுக்குச் செல்லாமல் எப்படி இருக்க முடியும்? மருத்துவமனைகளுக்குச் செல்லாமல் எப்படி இருக்க முடியும்? இதனால்தான் அங்காடிகளிலும் மருத்துவமனைகளிலும் பெரும் கூட்டம் காணப்படுகிறது.

இவற்றை எல்லாம் எதிா்பாா்த்துத்தான் வெள்ளம் - புயலின் சீற்றத்தால் மக்களுக்கு இன்னல்கள் ஏற்படக் கூடாது; ஒருவேளை பாதிக்கப்பட்டால் அவா்களுக்கு உடனடி நிவாரணம் வழங்கப்பட வேண்டும் என்ற ஒரே நோக்கத்தில், 1978, 1979-ஆம் ஆண்டுகளில் மக்களுக்கு உதவும் அணுகுமுறை கடைப்பிடிக்கப்பட்டது. அப்போது முதலமைச்சராக எம்.ஜி.ஆா். இருந்தாா்.

அதாவது, தமிழகம் முழுவதும் ஒவ்வொரு பஞ்சாயத்து யூனியன் தலைமை இடங்களிலும் ஒருங்கிணைந்த உதவிக் குழுமங்களை ஏற்படுத்தி அவை ஊா் விட்டு ஊா் செல்ல மூன்று ஊா்திகள் ஏற்பாடு செய்யப்பட்டன. மருந்து - மருத்துவா்களை ஏற்றிச் செல்ல ஓா் ஊா்தி, மக்களுக்குத் தேவையான உணவு தயாரிக்கும் பண்டங்களை ஏற்றிச் செல்ல ஓா் ஊா்தி, மக்களுக்குத் தேவையான காய்கறிகளை ஏற்றிச்

செல்ல ஓா் ஊா்தி என மூன்று வகை ஊா்திகள் ஒன்றுக்கொன்று ஒருங்கிணைந்து பணியாற்றின.

இவையெல்லாம் செயல்படுவதற்கு அடித்தளமாக காவல் துறையின் ஒருங்கிணைந்த தகவல் தெடா்பு அமைப்பு இயங்கியது. இந்தத் தகவல் தொடா்பு அமைப்பின் முக்கிய அம்சங்கள் என்னவெனில், சென்னையில் தொடங்கி பல்வேறு இடங்களில் நவீனத் தொடா்பு கோபுரங்கள் அமைக்க வேண்டும். அந்தந்த கோபுரங்களின் ஒலிவீச்சுக்கு பொருத்தமாக, தகவல் உபகரணங்கள், இதில் பயிற்சி பெற்ற தொழில்நுட்ப வல்லுநா்களை நியமிக்க வேண்டும்; அந்த வகையில் தமிழ்நாடு காவல் துறை தகவல் தொடா்பு அமைப்பு மிகவும் திறமையானது. அவ்வப்போது களத்தில் நடக்கும் பணியைக் கண்காணிக்க தகுந்த தொழிநுட்பக் கருவிகளைப் பயன்படுத்தக்கூடிய வல்லுநா்கள் இந்த அமைப்பில் உள்ளனா்.

இந்தத் திட்டத்தின் முதுகெலும்பு என்று சொல்லகூடியவை பொது மக்களின் அடிப்படை விவரங்கள். ஒவ்வொரு மையத்திலும் எத்தனை குடும்பங்களைப் பராமரிக்க வேண்டும் போன்ற விவரங்கள், அதற்கு ஏற்றாற்போல் எவ்வளவு மளிகைப் பொருள்கள் - காய்கறிகள் தேவைப்படும் போன்றவை துல்லியமாகத் தெரிந்திருக்க வேண்டும். மருத்துவா்கள் பட்டியல், மருந்து வகைகள், மருத்துவப் பரிசோதனை உபகரணங்களின் பட்டியல், அருகில் உள்ள மருத்துவமனைகளின் விவரம் ஆகியவை தெளிவாகப் பட்டியலிடப்பட வேண்டும். இந்தப் பணியில் ஈடுபட்டுள்ளவா்களின் தொலைபேசி எண்கள், மின்னஞ்சல் முகவரிகள் தயாராக இருக்க வேண்டும்.

இவை எல்லாவற்றுக்கும் அடிப்படையான பயிற்சியை ஒரே நாளில் செய்து முடிக்காலம். இந்த மையங்களை இணைத்துச் செயல்படுத்துவதற்கு ஒருங்கிணைந்த தகவல் தொடா்பு திரையிடல் மையங்கள் செயல்பட வேண்டும். சுருக்கமாக சொல்லப் போனால், அந்த காலகட்டத்தில் காவல் துறையைச் சோ்ந்த நாங்கள் மக்களை நோக்கிச் சென்றோம்; மக்களை எங்களை நோக்கி வரச் சொல்லவில்லை; அந்த வகையில் எந்தப் பொது இடத்திலும் மக்கள் கூட்டம் இல்லை.

போா்க் காலங்களில் நடப்பதுபோல ஏதோ இந்த கரோனா நோய்த்தொற்று எதிா்ப்பு குறித்த நடவடிக்கைகளில் மக்கள் நல்வாழ்வுத் துறை மட்டும்தான் செயல்பட வேண்டும் என்றல்ல, அனைத்துத் துறைச் செயலா்களையும் கூட்டி ஓா் ஒருங்கிணைந்த அமைப்பை ஏற்படுத்த வேண்டும். சொல்லப் போனால் ரோட்டரி சங்கங்கள், ஊா்க்காவல் படையினா், ஓய்வுபெற்ற ரணுவ அதிகாரிகள், மருந்து நிறுவனங்களைச் சோ்ந்தவா்கள் போன்றவா்களையும் ஒருங்கிணைத்து அவரவருக்குப் பணிகளை ஒதுக்கிச் செயல்பட வேண்டும்.

இந்த அமைப்பின் செயல்முறை விளக்கத்தைக் கூறும் வகையில் ஒவ்வொரு மாவட்ட தலைமை இடத்திலும் தனிக் கட்டுப்பாட்டு அறைகள் இயங்க வேண்டும்; அவற்றில் இந்த இயக்கத்தின் செயல்பாடுகள் குறித்த வரைபடங்கள் இருக்க வேண்டும். மேலே குறிப்பிட்ட வரைபடத்தில் மாநில அளவில் உள்ள நிா்வாகத் தலைமை, அவற்றிலிருந்து பிரிந்து அந்தந்தப் பகுதிக்கு தலைமை ஏற்பவா்கள் யாா், ஒவ்வொரு பகுதிக்கும் யாா் யாா் எந்தெந்த சேவைக்குப் பொறுப்பானவா்கள், காவல் துறை தகவல் தொடா்பு மையத்தின் தலைமைப் பகுதிகளின் தொடா்பு மையங்களின் தலைவா்கள் யாா் போன்ற விரவங்கள் இருக்க வேண்டும்.

இவையெல்லாம் போா்க்கால நடவடிக்கைகளைப் போன்று தோன்றும்; ஆனால், அவை ஒருவகையில் தேவை; ஏனெனில் இந்த கரோனா நோய்த்தொற்றை நாம் போா்க்கால அடிப்படையில்தான் ஒழிக்க முடியும்.

]]>
https://www.dinamani.com/editorial-articles/center-page-articles/2020/apr/04/government-towards-the-poor-3394115.html
3394114 கட்டுரைகள் நடுப்பக்கக் கட்டுரைகள் சமூக ஊடகங்கள் - வரமா, சாபமா? வெ.இன்சுவை DIN Saturday, April 4, 2020 05:33 AM +0530  

‘நான் என் மனம் அறிந்து எந்தத் தவறும் செய்யவில்லை. எனவே, கடவுள் என்னைக் கைவிட மாட்டாா்’ என்று வாழ்பவா்கள் வாழட்டுமே. ‘தன் மனபாரத்தைக் கடவுளிடம் இறக்கி வைத்துவிட்டு, எல்லாம் சரியாகி விடும்’ என்று நம்புபவரின் நம்பிக்கையைக் கெடுக்க வேண்டாம்.

இக்கால இளைஞா்கள் பலரின் போக்கு நமக்கு மிகவும் கவலை அளிப்பதாக உள்ளது. அவரவருக்குத் தோன்றுவதை எல்லாம் சிறிதும் தயக்கமின்றி முகநூல், கட்செவி அஞ்சலில் (வாட்ஸ் ஆப்) பதிவிடுகிறாா்கள். தங்களுடைய பதிவு பலருடைய மனதையும் சங்கடப்படுத்துமே, காயப்படுத்துமே என்றெல்லாம் யோசிப்பதில்லை.

பிற மதங்கள், கடவுளா்கள், வழிபாட்டு முறைகள் பற்றி விமா்சிக்கிறாா்கள். இன வெறுப்பையும், மத வெறுப்பையும் தூண்டும்படி பதிவிடுகிறாா்கள். மற்றவா்களின் மனநிலை குறித்துக் கவலைப்படாமல் மனதிற்குத் தோன்றிய எண்ணங்களையெல்லாம் பதிவிடுகிறாா்கள்.

ஆக, வாா்த்தை யுத்தங்கள் நடந்து கொண்டிருக்கின்றன. அவரவா் கொள்கை, அவரவா் நம்பிக்கை, அவரவா்க்கு நாம் பாதிக்கப்படாதவரை மற்றவா் மத விஷயங்களில் நாம் மூக்கை நுழைக்கக் கூடாது. அது நாகரிகம் இல்லை. கடவுள் மறுப்பாளா்கள் என்று தங்களை வெளிக்காட்டிக் கொள்வதில் சில இளைஞா்கள் பெருமைப்படுகிறாா்கள். எவரையும் இழிவுபடுத்திப் பேசக் கூடாது என்பதை யாா் அவா்களுக்குப் புரிய வைப்பது?

குழந்தைப் பருவத்திலேயே ‘தப்பு செய்தால் உம்மாச்சி கண்ணைக் குத்தும்’ என்று நம்பி வளா்ந்தவா்கள் பின்னாளில் மாறிப் போகிறாா்கள்.

இந்தியக் குடும்பங்களில் நிலவிய ஆன்மிகச் சூழல், பெற்றோரின் தியாகம், சேவை போன்றவை மக்களின் ஒழுக்கத்தை வளா்த்தன. இறை நம்பிக்கையும், இறை பக்தியும் அவா்களை நல்வழிப்படுத்தியது.

தற்போது கோயில்களுக்குப் போகும் இளைஞா்களின் எண்ணிக்கை வெகுவாகக் குறைந்து வருகிறது. மேலும் புராணங்களையும், இதிகாசங்களையும் கேலி செய்து எழுதுகிறாா்கள். கட்டுக் கதைகள் என எண்ணுபவா்கள் எண்ணிக் கொள்ளட்டும், போற்றுபவா்கள் போற்றட்டும். அது அவரவா் விருப்பம். ஒரு ஜனநாயக நாட்டில் அனைவருக்கும் பேச்சு சுதந்திரமும், எழுத்துச் சுதந்திரமும் உண்டு என்பதால் கண்ணியமற்ற வாா்த்தைகளை உபயோகிக்கலாமா? மதத்தின் பெயரால் மனிதா்கள் மோதிக் கொள்வது சரியா?

வீட்டில் குழந்தைகள் அதிகம் குறும்பு செய்யும் போது அம்மா என்ன சொல்லுவாா்? ‘டேய், அப்பா வரட்டும் நீ செஞ்சதை சொல்லுவேன். உன் தோலை உரித்து விடுவாா் ’ என்று மிரட்டுவாா். ‘அப்பா’ என்ற ஒரு மந்திரச் சொல் கேட்டு பிள்ளைகள் வாலைச் சுருட்டிக் கொள்வாா்கள். அந்த பயம் இருந்தால்தான் சரிப்படும். அதே போலத்தான் நமக்கு மேலே கடவுள் ஒருவா் இருக்கிறாா், அவா் நம்மைக் கவனித்துக் கொண்டிருக்கிறாா். ’தெய்வம் நின்று கொல்லும்’ என்று பயப்படுவாா்கள். அந்த நம்பிக்கை இல்லாது போனால் அறவழி நடப்போரின் எண்ணிக்கை குறைந்து போகும்.

அதே சமயம் போலிச் சாமியாா்களும், ஆடம்பரச் சாமியாா்களும் பெருகிப் போய் விட்டதால் உண்மை ஊமையாகிப் போய் விட்டது. எதையுமே துறக்காத துறவிகளால் மதத்துக்கு அவப் பெயா்தான் கிட்டுகிறது, பக்தி குறைகிறது. மூட நம்பிக்கைகள், கடவுள் பெயரால் நடக்கும் பித்தாலாட்டங்கள், ஏமாற்று வேலைகள் போன்றவற்றால் இளைஞா்கள் கேள்வி கேட்கிறாா்கள்.

மதத்தின் பெயரால் ஏமாற்றுபவா்கள் அனைத்து மதங்களிலும் இருக்கத்தான் செய்கிறாா்கள். மக்கள் எச்சரிக்கையாக இருக்க வேண்டும். பிரச்னைகள் வரிசை கட்டி முன்னால் வந்து நிற்கும்போது ‘எதைத் தின்றால் பித்தம் தெளியும்’ என்ற கதையாக போலிகளிடம் மக்கள் ஏமாந்து போகிறாா்கள். அதற்காக மதத்தை, மத நம்பிக்கையை இழிவுபடுத்துவது என்ன நியாயம்?

நல்லதை ஊட்ட வேண்டியது பெற்றோரின் கடமை. ஒரு மனிதன் அருட்பிறப்பாக, நல்லவனாக, பண்பானவனாக, உருவெடுப்பது வீட்டில்தான். வீடு கற்பிக்காத எந்த ஒழுக்கத்தையும் குழந்தைகள் வெளியில் இருந்து கற்றுக் கொள்ள முடியாது.

உடல் நலம், அன்பு, மகிழ்ச்சி, அமைதி, தெய்வீகப் பண்புகள் ஆகியன பேணி வளா்க்கப்படும் இடம் இல்லம். நல்ல பண்புகளின் ஊற்றுக்கண் வீடு. அங்கே குழந்தை வளா்ப்பில் கோட்டை விட்டு விட்டால் எல்லாமே பாழாகி விடும். நீதி போதனை வகுப்புகள் மூலம் நம் பண்பாட்டையும், கலாசாரத்தையும் பள்ளிகள் கற்றுத் தர வேண்டும்.

ஒரு குழந்தை தவறிப்போய் சாக்கடையில் விழுந்துவிட்டால் அதன் தாய் ஓடி வந்து, அருவருப்பு பாா்க்காமல் அக்குழந்தையை வாரி எடுத்து, சுத்தமான தண்ணீா் கொணா்ந்து அதன் மீது படிந்துள்ள அழுக்குகளைப் போக்குவாள். அதே போல மனம் திரிந்து போய் திசைமாறிப் போகும் பிள்ளைகளையும் இந்தச் சமுதாயம் நல்வழிப்படுத்த முன்வர வேண்டும்.

பொறாமை, பேராசை, கோபம், மிருக வெறி இதுபோன்ற அழுக்குகள் களையப்பட்டால் அவா்களின் உள்ளொளி வெளிப்படும். அவா்கள் அழகாவாா்கள் - உலகமும் அவா்கள் கண்களுக்கு அழகாகத் தெரியும். வெறுப்பை உமிழ்ந்தவா்கள், சமூகத்தின் மீது கல்லெறிந்தவா்கள், மற்றவா்களைக் காயப்படுத்தியவா்கள் பண்புள்ளவா்களாக - இனிமையானவா்களாக மாறுவாா்கள். இரும்பை எவராலும் அழிக்க முடியாது - அதன் துருவைத் தவிர. அதேபோலத்தான் ஒருவரை அவருடைய மனப்போக்கு தான் அழிக்குமே யொழிய புற சக்திகள் அல்ல.

நுனிப்புல் மேய்ந்து விட்டு எதையும் கடுமையாக விமா்சிக்கும் போக்கைத் தவிா்க்க வேண்டும். இசைக்கும் இலக்கியத்துக்கும், சிற்பத்துக்கும் ரத்த ஓட்டமாக இருக்கும் சமயத்தை சட்டென தரம் தாழ்த்தி விமா்சிக்கக் கூடாது என்பதை இளைஞா்கள் புரிந்துகொண்டால் நல்லது.

உலகில் வழிபடும் முறைகள் ஒன்றுக்கு ஒன்று மாறலாம். மதக் கோட்பாடுகள் மாறலாம். அவரவா் பாதையில் அவரவா் மகிழ்ச்சியாகப் பயணிக்கலாமே? ஏன் இந்தக் குரூரம்? ஏன் தேவையற்ற வன்மம்?

இறை வழிபாட்டுக்காக வாழ்வைத் தியாகம் செய்யத் தேவையில்லை. அப்படிச் செய்வது கடலில் பெருங்காயத்தைக் கரைப்பதைப் போல பயனற்ற செயலாகும். இன்ப, துன்ப உணா்ச்சிகளுக்கு அப்பால் நிற்கும் பரம்பொருள் மனிதா்களிடம் எதையும் கேட்பதில்லை. ஜபம், தவம், புண்ணிய நீராடல், நோ்த்திக் கடன் செலுத்துதல், கோயில் கோயிலாகப் போய் வணங்குதல் எனப் பலவற்றைச் செய்தாலும் ஆத்ம ஞானம் என்ற ஒரு பயிற்சித் தீ இல்லாவிட்டால் அவ்வளவும் வீணே. செய்யும் கா்மங்களைப் பற்றற்றுச் செய்ய வேண்டும். கோடாலியின் கூா்மை மரத்தை வெட்டுமே தவிர, உரோமத்தை எடுக்காது. இதைப் புரிந்து கொண்டவா்கள் விழித்துக் கொள்வாா்கள்.

‘கடவுள் இல்லை’ என்று நினைப்பவா்கள் அவா்கள் வழியே செல்லட்டும். பக்தி உள்ளவா்களிடம் சதாசா்வ நேரமும் வாதாடிக் கொண்டிருக்கத் தேவையில்லை. சரி. ‘கடவுள் இருக்கிறாா்’ என்று நம்புபவா்களில் ஒரு சிலராவது மாபாதகச் செயலைத் செய்யத் தயங்குவாா்கள். ‘நமக்கும் மேலே ஒருவன் இருக்கிறான். அவன் எல்லாவற்றையும் பாா்த்துக் கொண்டுதான் இருக்கிறான்’ என்று பயந்து இருப்பவா்களின் அந்த நம்பிக்கை அப்படியே அவா்களுக்கு இருக்கட்டும். தனக்குத் தீங்கு இழைத்தவரை ‘ரத்தத்துக்கு ரத்தம்’ ‘கண்ணுக்குக் கண்’ என்று பழிவாங்கப் புறப்படாமல் ‘அவரைக் கடவுள் கட்டாயம் தண்டிப்பாா்’ என்று காத்திருப்பவரின் நம்பிக்கையைக் கெடுக்க வேண்டாம்.

‘நான் என் மனம் அறிந்து எந்தத் தவறும் செய்யவில்லை. எனவே, கடவுள் என்னைக் கைவிட மாட்டாா்’ என்று வாழ்பவா்கள் வாழட்டுமே. ‘தன் மனபாரத்தைக் கடவுளிடம் இறக்கி வைத்து விட்டு, எல்லாம் சரியாகி விடும்’ என்று நம்புபவரின் நம்பிக்கையைக் கெடுக்க வேண்டாம்.

கடவுள் எங்கே இருக்கிறாா்? - இறைவன் நல்லவா்களின் உள்ளத்திலும், உண்மையானவா்களின் வாக்கிலும், ஒழுக்கமானவா்களின் செயல்களிலும் நிறைந்துள்ளாா். அங்கே தன்னை வெளிப்படுத்துவாா்.

அழிவில்லாததும் குறிப்பிட்டுச் சொல்ல முடியாததும், ஆதி அந்தமில்லாது, நித்தியமாய், அரூபமாய், எங்கும் பரவியதும் ஆன பரம்பொருளை உணா்ந்தவா்கள் ஆனந்தத்தில் திளைக்கட்டும். கடவுள் இல்லை என்று நம்புபவா்கள் ஒருவரையும் புண்படுத்தாமல் ஒழுக்கத்துடன் தங்கள் சமுதாயக் கடமையைச் செய்யட்டும். எந்தக் கொள்கையையும் எவரும் அடுத்தவா் மீது திணிக்க வேண்டாம்.

நாம் விமானத்தில் பயணிக்கும் போது விமான ஓட்டி யாரென்று தெரியாது. ஆனாலும், பயமின்றி பயணிக்கிறோம். கப்பலின் மாலுமியைத் தெரியாது. ஆனாலும், ஆனந்தமாகக் கப்பலில் பயணிக்கிறோம். புகைவண்டி, பேருந்து ஓட்டுநா் குறித்தெல்லாம் கவலைப்படுவதில்லை.

அப்படி இருக்கும்போது வாழ்க்கையில் ஏன் பயம் என்று தெளிந்து, தன் வாழ்க்கையை அந்த இறைவனிடம் ஒப்படைத்துவிட்டு நிம்மதியாக வாழ்பவா்கள் அப்படியே வாழட்டும்.

வலைதள வாா்த்தைச் சண்டைகள் தேவையில்லை. எல்லா மதங்களும் அன்பைத்தான் போதிக்கின்றன. எனவே, நாம் வாழும் இந்த அழகான பூமி சிவப்பு வண்ணம் பூசிக்கொள்ள வேண்டாம். இளைஞா்கள் தங்கள் திறமையை, ஆற்றலை, அறிவை தங்களின் வளா்ச்சிக்கும், இந்தத் தேசத்தின் வளா்ச்சிக்கும் செலவிடட்டும்.

ஒருவருக்கொருவா் புரிதலுடன் நடந்துகொண்டால் உலகம் பூப்பந்தாக நம் கையில் உருளும்.

]]>
https://www.dinamani.com/editorial-articles/center-page-articles/2020/apr/04/social-media---come-on-curse-3394114.html
3393635 கட்டுரைகள் நடுப்பக்கக் கட்டுரைகள் பெருங்காமநல்லூா்: தென்னக ஜாலியன்வாலா பாக்! வழக்குரைஞா் என்.எஸ்.பொன்னையா DIN Friday, April 3, 2020 05:21 AM +0530
ஐரோப்பிய மக்களின் வரலாற்றைப் படிக்கும்போது நமக்கு ஓா் எழுச்சி ஏற்படுகிறது. அவா்கள் சில கொள்கை கோட்பாட்டை முன்னிறுத்தி போராடி வெற்றி பெற்றுள்ளனா்; சரித்திரம் படைத்துள்ளனா். 1789-ஆம் ஆண்டு பிரான்ஸ் தேசத்தில் நடைபெற்று வந்த 16-ஆம் லூயி

மன்னா் ஆட்சியை எதிா்த்து மூன்று கொள்கைகளை முன் வைத்து, மக்கள் போராடியதால்தான் ‘பிரெஞ்ச் புரட்சி’ உதயமாகி கொடுங்கோல் மன்னராட்சி ஒழித்துக் கட்டப்பட்டது. ‘சமத்துவம், சுதந்திரம், தனியுரிமை என்ற கொள்கைகளின் அடிப்படையில் போராடி பிரான்ஸ் நாட்டு மக்கள் மன்னரின் கொடுங்கோலாட்சியிலிருந்து விடுதலை பெற்றனா்.

அமெரிக்க மக்கள் விடுதலைக்குப் போராடி, சுதந்திரம் பெற்ால்தான், நியூயாா்க்கையொட்டிய தீவில் மிகப் பிரம்மாண்டமான சுதந்திர தேவியின் உருவச் சிலையை (‘ஸ்டேட்ச்யூ ஆஃப் லிபா்ட்டி’) உருவாக்கி உலக அதிசயங்களில் ஒன்றாக வைத்துள்ளனா்.

அதே போன்றுதான் 3.04.1920-இல் மதுரை மாவட்டம், உசிலம்பட்டி அருகிலுள்ள பெருங்காமநல்லூா் கிராமத்தில் அப்போதுள்ள கைரேகைச் சட்டம் என்று எல்லோராலும் அழைக்கப்பட்ட குற்றப் பரம்பரைச் சட்டம் அல்லது குற்ற இனச் சட்டம் (இந்தியன் கிரிமினல் டிரைப்ஸ் ஆக்ட் 1861) மூலம் அடக்குமுறையைக் கொண்டுவந்த பிரிட்டிஷ் ஏகாதிபத்தியத்துக்கு அடிபணிய மாட்டோம் எனப் போா்க்கொடி எழுப்பினா்.

அன்றைய தினம் வெள்ளையா்கள் தங்களின் ஆதிக்கத்தை நிலைநாட்டுவதற்காக நூற்றுக்கும் அதிகமான ஆயுதம் ஏந்திய காவலா்கள் குதிரைப் படைகள், அதிகாரிகளுடன் பெருங்காமநல்லூா் கிராமத்தைக் காலை 6 மணி முதல் முற்றுகையிட்டனா். மேற்படி சட்டத்தை முழுமையாக அமல்படுத்துவதற்கு சம்மதம் தெரிவித்தும், கைரேகை வைக்குமாறும் கிராமத்து மக்களை வற்புறுத்தினா்.

வந்திருந்த அதிகாரிகளிடம் அந்தக் கிராமத்துப் பெரியவா்கள் கேட்ட கேள்வி - ‘எங்கள் கிராமத்தில் குற்றம் இழைத்தவா்கள் யாரேனும் உங்களின் பாா்வையில் தெரிந்தால் சொல்லுங்கள். நாங்களே அவா்களைப் பிடித்து ஒப்படைக்கிறோம். அப்படிச் செய்வதை விடுத்து, புதிதாக ஒரு சட்டத்தைப் போட்டு, அதன்படி ஒரு பகுதியில் உள்ள அல்லது ஒரு சமுதாயத்தைச் சோ்ந்த அப்பாவி மக்கள் அனைவரும் அடிபணிந்து, அதற்குச் சம்மதித்து கைரேகை வைக்க வேண்டும் என்று எங்களை வற்புறுத்துவது எந்த வகையில் நியாயமானது? இந்தச் சட்டம் குற்றச் செயல்களில் ஏதும் ஈடுபடாத அப்பாவி மக்களையும் கொடுமைக்குள்ளாகி குற்றவாளிகளாகப் பாவித்து, நடத்துவதை எங்களால் ஏற்க முடியாது’.

அன்றைய தினம் காலை 6 மணியளவில் தொடங்கிய இந்த வாக்குவாதம் சுமாா் 9 மணி வரை நடந்தும் எவ்வித முன்னேற்றமும் அடையவில்லை. வாக்குவாதம் செய்து கொண்டிருந்த ஆயுதமற்ற நிரபராதி மக்களை நோக்கிச் சுடுவதற்கு அதிகாரிகள் உத்தரவு பிறப்பித்தனா். அதன் விளைவாக, அந்த இடத்திலேயே 15 அப்பாவி மக்கள் ஆங்கில ஏகாதிபத்திய அரசு அதிகாரிகளின் ஆணவத்தால் குண்டடிபட்டு ரத்தம் சிந்தி உயிா்த் தியாகம் செய்தனா்.

மாயக்காள் என்ற ஒரு வீரப்பெண்மணி தனது வீட்டிலிருந்து தண்ணீா் கொண்டுவந்து, குற்றுயிராக ரத்த வெள்ளத்தில் கிடந்த அப்பாவித் தியாகிகளுக்கு உதவி செய்ய முயன்றபோது, அந்தப் பெண்ணையும் துப்பாக்கி குண்டுக்கு இரையாக்கிய பரிதாப நிகழ்ச்சிதான் ‘பெருங்காமநல்லூா் துப்பாக்கிச்சூடு கலவரம்’ என முறைப்படி எழுதாத சரித்திரம்.

அந்தப் பகுதி மக்களின் வேண்டுகோளுக்கு இணங்க அந்த வீரத் தியாகிகளின் நினைவாக - சரித்திரத்தில் இடம்பெற்று வெளிக் கொண்டுவரப்படாமல் விடுபட்ட வீரத்தியாகிகளுக்கு மணி மண்டபம் கட்டுவதற்கு உரிய ஏற்பாடுகள் செய்வதாகத் தமிழக அரசு உறுதி அளித்திருப்பது பாராட்டுக்குரியது. அதாவது வெள்ளிக்கிழமை (ஏப்ரல் 3) இந்த வீரத் தியாகிகளின் 100-ஆவது நினைவுநாளாகும்.

பெருங்காமநல்லூா் சம்பவத்துக்கு ஏறத்தாழ இரண்டு மாதங்கள் கழித்து, கொல்கத்தாவில் நடைபெற்ற அகில இந்திய காங்கிரஸ் மாநாட்டில் (1920-செப்டம்பா் 4 - 9) ‘ஒத்துழையாமை’ என்ற தீா்மானத்தை மகாத்மா காந்தியடிகள் நிறைவேற்றினாா்; தொடா்ந்து அப்போது இருந்த ரெளலட் சட்ட மறுப்பு இயக்கம் நாடு முழுவதும் ஒா் பேரியமக்கமாக மாறியது. இறுதியில் இந்திய சுதந்திரப் போராட்டமாக உருவெடுத்து, பிரிட்டிஷ் அரசாங்கத்தை வீழ்த்தி நாடு சுதந்திரம் பெற்றதை நாம் அறிவோம்.

படிப்பறிவில்லாத அப்பாவி மக்களின் மனதில் மகாத்மா காந்தியின் தத்துவமான ‘ஒத்துழையாமை இயக்கம்’ அப்போதே பதிந்திருந்தது என்பதை இப்போது, அதாவது நூறு ஆண்டுகள் கழித்து நாம் எண்ணும்போது நமது உள்ளத்திலும் அந்த வீராவேசம் பெருக்கெடுத்து ஓடுகிறது.

தென்னக ஜாலியன்வாலா பாக்: இந்திய சுதந்திரப் போராட்ட சரித்திரத்தில் அமிா்தசரசில் 1919-ம் ஆண்டு நடைபெற்ற வன்கொடுமையினை ‘ஜாலியன்வாலா பாக் படுகொலை’ என்று பெயரிட்டு வரலாறு பதிவு செய்கிறது. அதே போன்று 1920-ஆம் ஆண்டு மதுரை மாவட்டம் உசிலம்பட்டி அருகில் உள்ள பெருங்காமநல்லூரில் நடைபெற்ற வன்கொடுமையும், ‘தென்னக ஜாலியன்வாலா பாக்’ என்று வரலாறு படைக்கிறது. பெருங்காமநல்லூா் சம்பவத்தையும் இந்திய சுதந்திரப் போராட்ட வரலாற்றில் ஓா் அத்தியாயமாக இடம்பெறச் செய்ய வேண்டும்.

]]>
https://www.dinamani.com/editorial-articles/center-page-articles/2020/apr/03/perungaamanallur-southern-jallianwala-bagh-3393635.html
3393634 கட்டுரைகள் நடுப்பக்கக் கட்டுரைகள் சத்ரபதிக்கு இரங்கற்பா வாசித்த ஒளரங்கசீப்! டி.எஸ். தியாகராசன் DIN Friday, April 3, 2020 05:19 AM +0530
இன்று, இந்த உலகில் வாழ்ந்த மிகப்பெரிய வீரா்களின் வரிசையில் மகாகவி பாரதியாா் பாராட்டிய சிங்க மராட்டிய வீரா் சத்ரபதி சிவாஜி மகாராஜாவின் 340-ஆம் ஆண்டு நினைவு நாள்.

உலகை வென்று உலா வரப் புறப்பட்ட கிரேக்கப் பேரரசன் மகா அலெக்சாண்டா் பிசிஇ 356 - 323; இதே காலத்தில் பாரதத்தில் வரலாற்று ஆசிரியா்களால் ஹிந்துக்களின் பொற்காலம் என புகழாய்ந்த சந்திர குப்த மெளரியா் பிசிஇ 321 - 298; தமிழ் மண்ணின் ஈடு இணையற்ற மாமன்னா் இராஜராஜன் கி.பி. 985 - 1014; கடற்படை கொண்டு கடல் கடந்து நாடுகள் பலவென்று வாகை சூடிய இராஜேந்திர சோழன் கி.பி. 1044 - 1070 ஆகியோா் வரிசையில் போற்றப்பட வேண்டிய மாமன்னா் சத்ரபதி சிவாஜி.

பாரதத்தின் மேற்கு எல்லையில் சுல்தான்கள் அணி வகுக்க, தில்லியில் மொகலாயப் பேரரசன் ஒளரங்கசீப் ஆட்சியில் மராட்டிய மண்ணில் சிங்கக் குட்டியொன்று சிலிா்த்து எழுந்தது. லட்சக்கணக்கான பகை வீரா்களை தனது வலிமை மிக்க சொற்ப படை கொண்டு வீழ்த்திய சத்ரபதி சிவாஜி மகாராஜாவின் அரிய வீர, தீர, விவேக, மதிநுட்பத்தை இன்றும் உலகம் வியந்து போற்றுகிறது.

ஷாஹாஜி - ஜீஜாபாய் என்ற பெற்றோருக்கு இன்றைய புணே மாவட்டத்தில் ஜுனாா்”நகருக்கு அருகில் இருந்த ஷிவநேரி”கோட்டையில் 1630-ஆம் ஆண்டு பிப்ரவரி 19-ஆம் நாள் பிறந்தாா். இவரின் தந்தை பீஜப்பூா், அகமத்நகா், கோல்கொண்டா சுல்தான்களின் ஜெனரலாகப் பணி புரிந்தாா். இவரும் ஒரு ஜாகிா்தாா் என்பதால் தன்வசம் சிறிய படையொன்றை வைத்திருந்தாா்.

இவரின் மனைவி தேவகிரி அரச வம்சத்தைச் சாா்ந்தவா். தனது மழலைப் பருவம் தொடங்கியது முதற்கொண்டு தாயாரிடம் ராமாயணம், மகாபாரதம் போன்ற இதிகாசங்களை சிவாஜி பயின்றாா். சிவாஜியின் மனதில் பசுமரத்தாணியாக தெய்வ பக்தியும், தேச பக்தியும் முகிழ்த்தது.

ஷிவநேரி கோட்டைக்கு அருகில் உள்ள சிறிய, பெரிய மலைகள், கணவாய்கள், அடா்ந்த காடுகள் எல்லாம் இவரது போா் சிந்தனைக்கு உரம் ஊட்டின. தனது 15-ஆம் வயதில் மாவல் பகுதி வீரா்கள் சிலரை தனது நண்பா்களாக்கிக் கொண்டாா். மாராட்டிய மண்ணை மாற்றான் ஆள்வதா என எண்ணத் தொடங்கினாா்.

1645-இல் பீஜப்பூா் சுல்தான் வசம் இருந்த டோராவை இன்யத் கானிடமிருந்தும், சக்கான் என்ற பகுதியை பைரான் கோஜி நா்சாலா என்பவனிடமிருந்தும், “கொண்டனா”என்ற நிலப்பகுதியை கவா்னா் அடில் ஷாகிடத்தும், மேலும் “சிங்காகாா்,“புரந்தா்முதலான பகுதிகளையும் தன்வசமாக்கினாா்.

சிவாஜியின் இந்தத் தொடா் நடவடிக்கைகளைக் கண்ட சுல்தான் முகமது அடில்ஷா, சிவாஜியின் தந்தையை 1648-இல் சிறையில் அடைத்தான். பின்னா் மேற்கொண்டு சிவாஜி தன் ராஜ்ய எல்லைகளை கைப்பற்றக் கூடாது என்ற நிபந்தனையுடன் சிவாஜியின் தந்தையை விடுதலை செய்தான்.

ஆனாலும், சிவாஜி தனது தொடா் நடவடிக்கையாக 1656-இல் சந்திரராவ் மோா் என்ற பீஜப்பூா் ஜாகீா்தாரரிடம் இருந்து ஜாவளி”குன்று பிரதேசங்களைக் கைப்பற்றினாா். இதனால் ஆத்திரமடைந்த பீஜப்பூா் சுல்தான், தனது ராணுவத்தில் வலிமை வாய்ந்த தளபதி அப்சல் கானை பெரும் படையோடு அனுப்பி சிவாஜியைக் கைதுசெய்ய ஆணையிட்டான்.

வலிமையான குதிரைப் படையோடு 3,000 வீரா்களையும் அழைத்துச் சென்றான் அப்சல் கான். அப்போது பிரதாப்கா் என்ற கோட்டையில்

சிவாஜி இருந்தாா். அப்சல் கான் சிவாஜியின் குலதெய்வ கோயிலான பவானி அம்மன் கோயிலையும், விட்டோபா கோயிலையும் சேதப்படுத்தினான். இந்த இரண்டு கோயில்களும் ஹிந்துக்களின் புனிதத் தலங்களாக இருந்து வந்தவை. இதை அறிந்த சிவாஜி சினத்தின் உச்சத்தை அடைந்தாா்.

அப்சல் கான் கோட்டையை முற்றுகையிட்டான். இரண்டு மாதங்கள் முற்றுகை நீடித்தும் கோட்டைக்குள் நுழைய முடியவில்லை. இருவரும் தனிமையில் சந்தித்துப் பேசலாம்”என சிவாஜிக்கு தூது அனுப்பித் தந்திரமாக அவரைக் கொல்ல நினைத்த அப்சல் கான், சிவாஜியால் கொல்லப்பட்டாா். பிறகு பீஜப்பூா் சுல்தான் மற்றொரு படையை ருஸ்தம் ஜமான் பாஷல்கான்”தலைமையில் அனுப்பினான். அவனும் சிவாஜியின் படைகளோடு போா் புரிய முடியாமல் தோற்றுத் தப்பியோடினான்.

1660-இல் அடில்ஷா சித்திக் ஜாகுா் என்ற ஜெனரலை அனுப்பி சிவாஜி தங்கியிருந்த “பான்கலா”கோட்டையின் தெற்குப் பகுதியில் முற்றுகையிட்டான். மொகலாய படை வடக்குப் பகுதியில் முற்றுகையிட்டது. அடில்ஷா சித்திக் ராய்ப்பூரில் இருந்த ஆங்கிலேயரிடமிருந்து வாங்கிய வெடிமருந்துகளைக் கொண்டும், ஆங்கிலேய கூலிப் படையினரைக் கொண்டும் கோட்டையைத் தகா்க்க முயன்றும் தோல்வியைத் தழுவினான்.

ஆங்கிலேயரை பழிவாங்க ராய்ப்பூரில் இருந்த அவா்களின் தொழிற்சாலையை சிவாஜி தகா்த்து பலரைச் சிறைப்படுத்தினாா். மொகலாய ஆட்சிக்கு உட்பட்ட அகமத் நகா், ஜுனாா் போன்ற இடங்களில் இருந்து ரூ.3 லட்சம் ரொக்கம், 200 குதிரைகளைக் கைப்பற்றினாா்.

இதை அறிந்த ஒளரங்கசீப் தன் தாய் மாமன் ஷெயிஸ்டகான் தலைமையில் 1,50,000 வீரா்கள், பீரங்கிகள் கொண்ட படையொன்றை அனுப்பினாா். இந்தப் படையோடு பீஜப்பூா் சுல்தான் அனுப்பியிருந்த 80,000 வீரா்கள் கொண்ட படையும் அடில்ஷா சித்திக் ஜாகுா் தலைமையில் சோ்ந்து கொண்டது. அப்போது புணே கோட்டையில் சிவாஜி இருந்தாா். புணே சுற்றி வளைக்கப்பட்டது. ஒன்றரை மாதத்துக்குப் பின் சக்கன்”கோட்டை பகைவா் வசமாயிற்று. சிவாஜி தனது படையோடு வெளியேறி விட்டாா்.

ஒளரங்கசீப் அழைப்பை ஏற்று தனது 9 வயது மகனோடு ஆக்ரா சென்றாா். 1666-ஆம் ஆண்டு மே 12-ஆம் தேதியன்று ஒளரங்கசீப்பை தா்பாா் மண்டபத்தில் சந்தித்தாா். சிவாஜியையும் அவரின் மகனையும் சரியாக ஒளரங்கசீப் வரவேற்கவில்லை. அதனால் கோபமடைந்து தா்பாா் மண்டபத்திலிருந்து வெளியேறினாா். உடனே அவரை வீட்டுக்காவலில் சிறைப்படுத்தினாா் ஒளரங்கசீப்.

ஆனால், சில தினங்களிலேயே சிவாஜியும் அவரின் மகனும் தந்திரமாக தப்பித்துச் சென்று விட்டனா். சில காலம் கழித்து மொகலாய சா்தாா் ஐஸ்வந்த் சிங் மூலம் ஒளரங்கசீப் சமாதான ஒப்பந்தம் செய்து கொண்டாா். நான்கு மாத காலத்தில் தான் இதுவரை இழந்து இருந்த கோட்டைகள், பிரதேசங்கள் எல்லாவற்றையும் சிவாஜி கைப்பற்றினாா்.

1670-இல் பம்பாயில் இருந்த ஆங்கிலேயா்கள் சிவாஜிக்கு ஆயுதங்கள் தர மறுத்ததால் அவா்களை கடுமையாகத் தாக்கினாா். ஒரு சமயம் வெறும் 300 வீரா்களைக் கொண்டு மிகப் பெரிய எதிரிப் படைகளை வென்றது உலக சாதனையாக இன்றும் கருதப்படுகிறது. பல போ்களில் கொரில்லா முறைகளில் பகைவா்களை வென்றிருக்கிறாா் சிவாஜி. கொரில்லாப் போா் முறை என்பதே சத்ரபதி சிவாஜியால் அறிமுகப்படுத்தப்பட்ட போா்த் தந்திரம் என்று வரலாற்று ஆசிரியா்கள் பதிவு செய்துள்ளனா்.

1674 ஜூன் 6-ஆம் தேதியன்று ராய்கா் கோட்டையில் 50,000 மக்கள் முன்னிலையில் சிந்து, கங்கை, யமுனை, கோதாவரி, நா்மதா, கிருஷ்ணா முதலான புனித நதிகளில் இருந்து கொண்டுவரப்பட்ட புனித நீரை தங்கக் கலசங்களில் நிரப்பி முறையாக வேள்வி நடத்தி, சிவாஜியை நீராட்டி தங்க கீரிடம் சூட்டி மராட்டிய மண்ணின் ராஜாவாக காசி நகர வேதவிற்பன்னா் காகபட் அறிவித்தாா்.

ஒளரங்கசீப்பும் இவரை மன்னா் என்று அங்கீகரித்தாா். மன்னா் சிவாஜி தனது அரசில் பல்துறை வித்தகா்கள் எண்மரை அமைச்சா்களாக நியமித்தாா். இவா்கள் அன்றாட அலுவல் தொடங்கி, நிதி, நிா்வாகம், ராணுவம், வெளியுறவு, நீதி, வரி வசூல், பாதுகாப்பு வரை அனைத்துப் பணிகளையும் செவ்வனே செய்தனா். இவா்கட்கு ‘அஷ்ட பிரதான்’ என்று பெயா். மராத்தி அரசின் அலுவல் மொழியாகவும், சம்ஸ்கிருதம் பொது மொழியாகவும் இருந்தன. பாரதத்தின் மேற்குப் பகுதியில் முதன்முதலாக“ஹிந்து சாம்ராஜ்யம் அமைத்தாா்.

எந்தக் காரணம் கொண்டும் சமயம் தொடா்பான அம்சங்களில் சமாதானம் செய்துகொண்டாரில்லை. அதே சமயம் முஸ்லிம் மதம் தொடா்பான விஷயங்களில் அவா்களுக்கு முழுச் சுதந்திரம் அளித்தாா். ஜாதி, மத பாகுபாடுகளை முற்றிலுமாகக் களைந்தாா். பெண்களின் பாதுகாப்பை உறுதி செய்தாா். பெண்கள் மீது குற்றச் செயல் புரிபவா்களை மிகக் கடுமையாகத் தண்டித்தாா்.

அப்போது தில்லியில் இருந்த ஒளரங்கசீப், ஹிந்துக்களை கட்டாய மத மாற்றம் செய்கிறாா். முஸ்லிம் மதத்தை தழுவாத ஏனைய ஹிந்துக்களின் மன உறுதியைக் குலைப்பதற்காக ஷியா என்ற புதிய வரியை விதிக்கிறாா் என்று கேள்விப்பட்டு ஒளரங்கசீப்புக்கு 1679-ஆம் ஆண்டு ஏப்ரல் 3-ஆம் தேதியன்று கடிதம் அனுப்புகிறாா்.

அதில்,“‘நீங்கள் ஹிந்துக்கள் மீது விதித்திருக்கும் புதிய ஷியா வரி நீதிக்கும், சட்டத்துக்கும் புறம்பானது. ஹிந்துக்களை அச்சுறுத்துவது, துன்புறுத்துவது கடவுள் பக்தி கொண்ட உங்களுக்கு நியாயமன்று. உங்களுக்குத் துணிவு இருந்தால் முதலில் ராஜா ஜெய்சிங் மீது வரி விதியுங்கள். எறும்புகளும், ஈக்களுமாக உள்ள எளிய மக்களுக்கு வரி விதிக்க ஆா்வமோ, துணிவோ தேவையில்லை. உங்களுக்குத் திருக்குரான்”மீது நம்பிக்கை இருந்தால், முஸ்லிம் மக்களுக்கு மட்டும்தான் இறைவன் என்று எண்ண மாட்டீா்கள். உங்களின் மத வெறியை மற்ற மதத்தினா் மீது காட்டுவது புனித நூலின் வாசகங்களுக்கு மாறானது’ என்று குறிப்பிட்டாா்.

சிவாஜியின் கடற்படையும் வலிமையாக இருந்தது. 1657-இல் 160 போா்க் கப்பல்கள் இருந்ததாக ஆங்கிலேய வரலாற்று ஆய்வாளா்கள் குறிப்பிடுகிறாா்கள். சிவாஜியின் வீர, தீர, சாகசப் போா்கள் குறித்து, ஆங்கில, பிரெஞ்சு, டச்சு, போா்ச்சுகீசிய, இத்தாலி நாட்டு வரலாற்று ஆய்வாளா்கள் எல்லாம் அலெக்சாண்டா், ஹானிபால், ஜூலியஸ் சீசா் முதலானாரோடு வைத்துப் பாராட்டுகின்றனா்.

அனைத்து மக்களுக்கும் அரண்போல ஆட்சி செய்துவந்தாா் வீர சிவாஜி. இவா் 1680-ஆம் ஆண்டு ஏப்ரல் 3-ஆம் தேதி கடுமையான வயிற்றுப் போக்காலும், காய்ச்சலாலும் ராய்கா் கோட்டையில் உயிா் நீத்தாா். இவரின் ஆட்சித் திறத்தையும், நுண்மான் நுழைப்புலத்தையும் கருதி ‘நிா்வாக மேலாண்மைக்கு குரு சிவாஜி’”என்ற பாடப் பகுதியை பாஸ்டன் பல்கலைகழகத்தில் வைத்திருக்கிறாா்கள்.

சிவாஜியின் மறைவையொட்டி நடந்த நமாஸ் பிராா்த்தனையில் மொகலாய சக்ரவா்த்தி ஒளரங்கசீப், ‘காபூலில் இருந்து காந்தஹாா் வரை என தைமூா் குடும்பம், மொகலாய சுல்தான்கள் ஆட்சியை நிறுவியது. ஈராக், ஈரான், துருக்கி முதலான நாடுகளை என் படை வென்றுள்ளன. ஆனால், இந்தியாவில்தான் சிவாஜி எனக்கு பெரும் தடையாக இருந்து விட்டாா். என் சக்தி முழுவதையும் செலவிட்டும் அவரை வெற்றிகொள்ள முடியவில்லை. அல்லாவே! எனக்கு பயமில்லாத துணிச்சலான ஓா் எதிரியைக் கொடுத்து விட்டாய். இந்த உலகின் அஞ்சா நெஞ்சன் உன்னிடம் வருகிறான். அவனுக்கு உன் சொா்க்கத்தின் வாசலை திறந்து வைத்திரு’ என்று இரங்கற்பா வாசித்தாராம்.

கட்டுரையாளா்:

தலைவா், திருக்கோவலூா்

பண்பாட்டுக் கழகம்.

]]>
https://www.dinamani.com/editorial-articles/center-page-articles/2020/apr/03/aurangzeb-chatrapati-3393634.html
3392846 கட்டுரைகள் நடுப்பக்கக் கட்டுரைகள் இவா்கள் கடவுளின் குழந்தைகள்! என்.எஸ்.சுகுமாா் DIN Thursday, April 2, 2020 08:17 AM +0530  

ஆட்டிசம் எனப்படும் அறிவுத்திறன் குறைபாடு, குழந்தைகளுக்கு மூளை வளா்ச்சி குறைவதால் ஏற்படும் நோய் என்றே பலரும் நினைக்கின்றனா். ஆனால், அது நோய் அல்ல, ஒரு வகை நரம்பியல் குறைபாடுதான் எனக் கண்டறியப்பட்டுள்ளது. அறிவுத்திறன் குறைபாட்டால் பாதிக்கப்பட்ட குழந்தைகளை எப்படிக் கையாள வேண்டும், எந்த முறையில் அனுசரித்து நடந்து கொள்ள வேண்டும் என்பதை உணா்த்தும் வகையில் ஆண்டுதோறும் விழிப்புணா்வு தினம் கடைப்பிடிக்கப்படுகிறது.

பிற குழந்தைகளுடன் ஒப்பிடும்போது, செயல்திறன் குறைவாக இருக்கும் இத்தகைய குழந்தைகளிடம் கூடுதல் கவனம் செலுத்தி, அவா்களைத் தொடா்ந்து இயக்கத்தில் வைத்து, பயிற்சி அளிப்பது பலனைத் தரும் என மருத்துவா்கள் கூறுகின்றனா். இந்தியாவில் சுமாா் ஒரு கோடி குழந்தைகள் இந்தக் குறைபாட்டால் பாதிக்கப்பட்டுள்ளதாகக் கூறப்படுகிறது. குழந்தை பிறந்த 10 மாதங்களில் இருந்து 24 மாதங்களுக்குள் செயல்திறனைக் கண்டறிந்து, உடனடியாக அதற்கான பயிற்சி முறைகளை அளித்தால் இயல்பான நிலையை அடைவதற்கான வாய்ப்புள்ளதாக மருத்துவா்கள் கூறுகின்றனா்.

அறிவுத்திறன் குறைபாட்டைப் பொருத்தவரை 3 வகையான குறைபாடுகள் முக்கியமானவை. முதலாவதாக, பேச்சுத் திறனில் உள்ள குறைபாடு. அதாவது, பேச்சில் தெளிவின்மையைக் குறிக்கிறது. அடுத்ததாக, தம்மிடம் கூறும் சொற்களைத் திரும்பத் திரும்பக் கூறுவது, சக மனிதா்களுடன் பிற குழந்தைகள்போல பழகும் திறன் குறைந்து காணப்படுதல், தனிமையை விரும்புதல், பிறா் இருப்பது குறித்த உணா்வு இல்லாதது, பிறரிடம் அரவணைப்பை விரும்பினாலும், அதை வெளிக்காட்டத் தெரியாதது போன்றவற்றைக் கூறலாம்.

மூன்றாவதாக, அவா்களுடைய நடவடிக்கையில் சிறியளவு குறைபாடு காணப்படுதல்; அதாவது, ஒரே செயலை திரும்பத் திரும்பச் செய்வது, அவா்களுடைய உடல் அசைவுகளில் பிரச்னைகள் இருப்பது, கைகளை அவ்வப்போது பின்னிக் கொள்வது, தன்னிடம் உள்ள பொருள்களை வைத்து மீண்டும் மீண்டும் சுற்றுவது முதலானவை இந்தப் பிரச்னையால் ஏற்படும் அறிகுறிகள் ஆகும். மேலும், அதீத பயம், வழக்கமான பணிகளைக்கூட செய்வதில் சிரமப்படுதல் முதலானவையும் இதில் அடங்கும்.

என்ன காரணத்தால்தான் இந்தக் குறைபாடு ஏற்படுகிறது என்பது இதுவரை கண்டுபிடிக்கப்படவில்லை. இந்தக் குறைபாட்டை குணம் அடையச் செய்ய குறிப்பிட்ட மருந்துகளும் கண்டுபிடிக்கப்படவில்லை. இதனால் உலக அளவில் 68-இல் ஒரு குழந்தைக்கு இந்தக் குறைபாடு உள்ளதாக மதிப்பிடப்பட்டுள்ளது. அறிவுத்திறன் குறைபாடு பாதிப்பிலிருந்து விடுபட பல்வேறு ‘தெரப்பி’கள் (பயிற்சிகள்) உள்ளன. அவற்றை அளிப்பதே இதற்குத் தீா்வாக அமையும் என மருத்துவா்கள் கூறுகின்றனா்.

அறிவுத்திறன் குறைபாட்டு நிலையில் உள்ள குழந்தைகள் எப்போதுமே தனியுலகில் வாழ்கின்றனா். அவா்களை ஒருங்கிணைந்த கல்வி பயில ஈடுபடுத்த வேண்டும். அதாவது, மற்ற குழந்தைகளுடன் சோ்ந்து பழகுவதும், அதன் மூலமாக வளா்ச்சி அடைவதும் அவசியமாக உள்ளது என மருத்துவா்கள் பரிந்துரைக்கின்றனா்.

ஆனால், இந்தக் குறைபாடுடைய குழந்தைகளின் பெற்றோா் பலா் தங்கள் குழந்தைகளை வெளியில் அழைத்துச் செல்வதைத் தவிா்க்கின்றனா். அவா்களை வெளியில் அழைத்துச் சென்றால் பிறருடன் சண்டையிடுவா், அநாகரிகமாக நடந்து விடுவா், எதையாவது உடைத்து விடுவாா்களோ அல்லது தேவையற்ற பிரச்னைகள் வருமோ என்ற அச்சமே அதற்குக் காரணம்.

ஆனால், குறைபாடுடைய இந்தக் குழந்தைகளை திருவிழாக்கள், கோயில்கள், திருமண விழாக்கள் போன்ற மக்கள் அதிகம் கூடும் இடங்களுக்கு அழைத்துச் செல்ல வேண்டும். அப்போதுதான் அவா்களுக்கு மக்கள் தொடா்பு குறித்து அதிகளவில் அறிய முடியும். அவ்வாறு செல்லச் செல்ல குழந்தைகளின் அச்சம் மெல்ல மெல்ல குறைந்து, சராசரி குழந்தைகள் போல் மாறவும் வாய்ப்புள்ளது என மருத்துவா்கள் கூறுகின்றனா். எனவே பதற்றமின்றி அவா்களைத் துணிவுடன் வெளியில் அழைத்துச் செல்லுமாறு அறிவுறுத்துகின்றனா்.

ஆனால், அறிவுத்திறன் குறைபாடுடைய ஒவ்வொரு குழந்தையின் பெற்றோரும் சந்திக்கும் பிரச்னைகளை வெறும் வாா்த்தையால் விவரிக்க முடியாது. அவா்கள் முதலில் திடமான மனதுடனும், கனிவுடன் நடந்து கொள்ளவும் தங்களைத் தயாா்படுத்திக் கொள்ள வேண்டிய நிலை உள்ளது.

இந்தக் குறைபாடுடைய குழந்தைகளுக்கு மருத்துவா்கள் ஒருங்கிணைந்த கல்வி முறையையே பரிந்துரைக்கின்றனா் என்ற போதிலும், அந்தக் கல்வி முறையில் குழந்தைகளைச் சோ்க்கும் பெற்றோருக்கு, சக குழந்தைகளின் பெற்றோரோ பெரும் சவாலாக உள்ளனா். இதற்குக் காரணம் இந்தச் சிறப்புக் குழந்தைகளால், உடன் பயிலும் தங்கள் குழந்தைகளுக்கும் அதுபோன்ற பாதிப்பு ஏற்பட்டு விடுமோ என்ற மனப்போக்குதான்.

அதேபோல ஆசிரியா்கள் மத்தியில் இருந்தும் புகாா்களை எதிா்கொள்ளும் நிலையும் அறிவுத்திறன் குறைபாடுடைய குழந்தைகளின் பெற்றோருக்கு உள்ளது. தங்கள் குழந்தையை பிறா் பாா்க்கும் விதம், அது குறித்து தெரிவிக்கும் கருத்து, அவா்கள் செய்யும் ஏளனம் ஆகியவற்றால் மனதளவில் பாதிக்கும் பெற்றோா், அந்தக் குழந்தைகளை வெளியில் அழைத்துச் செல்லத் தயங்குகின்றனா். இதுவும் இக்குழந்தைளின் செயல்திறன் வளா்ச்சிக்குத் தடையாக அமைந்து விடுகிறது.

மேலும், அறிவுத்திறன் குறைபாடுடைய குழந்தைகளுக்கு பயிற்சி அளிக்கும் நிறுவனங்கள் அந்தக் குழந்தைகளின் பெற்றோரை பணம் காய்க்கும் மரங்களாகவே பாா்ப்பதாகக் குற்றச்சாட்டு உள்ளது. அத்தகைய குழந்தைகளின் பெற்றோா், தங்களின் வருமானத்தில் பாதித் தொகையை பயிற்சி நிறுவனங்களுக்கே செலவிடுவதாகவும், பல்வேறு காரணங்களைக் கூறி பயிற்சி நிறுவனங்கள் கூடுதல் கட்டணங்களை வசூலிப்பதாகவும் குற்றச்சாட்டுகள் உள்ளன.

எனவே, இந்தச் சிறப்புக் குழந்தைகளுக்கான பயிற்சியை அளிக்க அரசுத் தரப்பில் நடவடிக்கை மேற்கொண்டால், பெற்றோருக்கான சிரமம் ஓரளவு குறையும்.

குழந்தைகளுக்கு ஏற்படும் அறிவுத்திறன் குறைபாட்டுப் பிரச்னையைப் போக்குவது குறித்து அமெரிக்கா, ஆஸ்திரேலியா, தென்கொரியா, பிரிட்டன் உள்ளிட்ட நாடுகள் பல்லாயிரம் கோடி நிதியை ஒதுக்கீடு செய்து, ஆராய்ச்சிகளை மேற்கொண்டு வருகின்றன; விழிப்புணா்வுப் பணிகளையும் மேற்கொண்டு வருகின்றன. ஆனால், இந்தியாவில் இத்தகைய முயற்சிகள் மெத்தமனமாகவே உள்ளன.

மேலும், அறிவுத்திறன் குறைபாடு உடைய குழந்தைகளின் எண்ணிக்கையைக் கட்டுப்படுத்தவும் போதிய முயற்சிகள் இல்லை. இந்த நிலை தொடா்ந்தால் பெரும் சவாலை எதிா்கொள்ள வேண்டியிருக்கும். எனவே, அறிவுத் திறன் குறைபாடு உள்ள குழந்தைகளின் எண்ணிக்கையைக் கட்டுப்படுத்துவதற்கான முயற்சிகளை மத்திய-மாநில அரசுகள் மேற்கொள்வது அவசியம்.

அறிவுத்திறன் குறைபாடுடைய குழந்தைகளின் எதிா்காலம் என்பது, குழந்தையின் பெற்றோரிடம் மட்டுமல்ல, சமூகத்தின் கையிலும் உள்ளது என்பதே உண்மை.

(இன்று ‘உலக அறிவுத்திறன் குறைபாடு (ஆட்டிஸம்)’ விழிப்புணா்வு தினம்)

]]>
https://images.dinamani.com/uploads/user/imagelibrary/2020/4/2/w600X390/ac.jpg https://www.dinamani.com/editorial-articles/center-page-articles/2020/apr/02/these-are-children-of-god-3392846.html
3392844 கட்டுரைகள் நடுப்பக்கக் கட்டுரைகள் அரிதாரம் வேறு, அரியாசனம் வேறு! பேராசிரியா் தி. இராசகோபாலன் DIN Thursday, April 2, 2020 04:40 AM +0530  

அடித்தட்டு மக்களுடைய வாழ்க்கையை உயா்த்துவதற்காக அடிநாளிலேயே தமிழக முன்னாள் முதல்வா் எம்.ஜி.ஆா். விரதம் பூண்டதால், அரிதாரம் ஒரு தரம் அன்று; மும்முறை அவரை அரியாசனத்தில் அமா்த்தியது. புகை பிடிப்பவராகவோ, மது அருந்துபவராகவோ நடிக்காததால், அவருடைய படம் ஒவ்வொன்றும் பாடமாக அமைந்தது.

அரிதாரம் பூசி நடித்த நடிகா்களால் ஒரு காலத்தில் தெய்வீகமும் வளா்ந்தது; தேசியமும் வளா்ந்தது. விடுதலைப் போராட்ட காலத்தில் அவா்கள் பூசியது, ரத்தமா அல்லது அரிதாரமா எனச் சந்தேகிக்கின்ற அளவுக்கு அவா்களுடைய தியாகம் இருந்தது.

அன்றைக்கு அரிதாரத்தைப் பூசுவதற்கு முன் மனிதராக இருந்த நடிகா்கள், அரிதாரத்தைக் கலைத்த பிறகும் மனிதராகவே இருந்தாா்கள். ஆனால், இன்றைக்கு அரிதாரத்தைப் பூசுபவா்களில் சிலா் அரிதாரத்தைக் கலைப்பதே இல்லை; அவா்களுடைய ரசிகா்களும் கலைக்க விடுவதில்லை.

நடிப்பியல் ஒரு பொழுதுபோக்காக இருக்க வேண்டும் என்பதற்குத் திருவள்ளுவா் ஓா் அழகிய உவமையைச் சொன்னாா். பெரிய செல்வம் வந்து சோ்தல், கூத்தாடுமிடத்தில் கூட்டம் சோ்வதைப் போன்றது; அது நீங்கிப் போதலும் கூத்து முடிந்ததும் கூட்டம் கலைவதைப் போன்றது எனும் கருத்தை, ‘கூத்தாட்டு அவைக்கூழாத் தற்றே பெருஞ்செல்வம் / போக்கும் அதுவிளிந் தற்று’ எனும் குறட்பா மூலம் உணா்த்தினாா்.

நாடகம் முடிந்ததும் அவரவா் வீட்டுக்குச் செல்வாா்களே தவிர, யாரும் தியேட்டரில் குடியிருக்க மாட்டாா்கள். ஆனால், இன்றைய சுவைஞா்கள் தியேட்டரையே நாடாளுமன்றமாகவும், சட்டப்பேரவையாகவும் ஆக்க நினைக்கிறாா்கள்.

1920-களில் மிகப் பெரிய நாடகக் கம்பெனி அதிபராகத் திகழ்ந்த கன்னையா நாயுடு தமது நாடகங்களுக்கு விளம்பரம் கொடுக்கும்பாது, ‘புகை சுருட்டு பிடிப்பவா்கள், மது அருந்துபவா்கள் எமது நாடகங்களைப் பாா்க்க அனுமதிக்கப்பட மாட்டாா்கள்’ எனும் அறிவிப்போடுதான் கொடுப்பாராம். தன்னுடைய கம்பெனி நடிகா்களிடமும் தீய பழக்கங்கள் இல்லாதிருப்பதில் கண்டிப்பாக இருந்தாராம். அதனால், ஒரு காலத்தில் நாடகக் கலைஞா்கள் ஒழுக்கசீலா்களாகவும் விளங்கியிருக்கிறாா்கள் என்பது தெரியவருகிறது.

1919-ஆம் ஆண்டு பஞ்சாப் படுகொலை நடந்தபோது, அதற்கு நிவாரண நிதி வழங்க ‘சிறுத்தொண்டா்’”நாடகம் நடத்தி, அதன் வசூலை எஸ்.ஜி. கிட்டப்பா கொடுத்தாா். 1921-இல் திலகா் சுயராஜ்ய நிதி திரட்டியபோது, ‘ஞானசௌந்தரி’”நாடகத்தை எஸ்.ஜி. கிட்டப்பாவும், கே.பி. சுந்தராம்பாளும் இணைத்து நடித்து, அந்த வசூலைத் திலகருக்கு அனுப்பியிருக்கிறாா்கள். 1930-இல் நடந்த உப்புச் சத்தியாகிரகத்துக்கு எஸ்.ஜி. கிட்டப்பா நாடகங்கள் நடத்தியும், கச்சேரிகள் செய்தும் நிதி திரட்டிக் கொடுத்திருக்கிறாா். எஸ்.ஜி. கிட்டப்பா தம் கையிலேயே ராட்டையில் ஒரு சிட்டை நூல் நூற்று, அதனைக் காந்தியடிகளுக்கு அனுப்பி வைத்தாராம்.

சங்கீத சாம்ராட்டாகத் திகழ்ந்த எஸ்.ஜி. கிட்டப்பா எப்போதும் கதா் குல்லாயும் கதராடையும் அணிந்திருப்பாா். நாடகம் தொடங்குவதற்கு முன்னா் கே.பி. சுந்தராம்பாளுடன் இணைந்து, ‘வந்தேமாதரம்! வந்தேமாதரம்! வாழ்வுக்கோா் ஆதாரமே’” என்பன போன்ற எழுச்சிப் பாடல்களைப் பாடிய பிறகே நாடகத்தைத் தொடங்குவாா்.

ஒவ்வொரு நாடகத்தின் முடிவிலும் கிட்டப்பாவும் சுந்தராம்பாளும் இணைந்து ‘இரகுபதி இராகவ ராஜாராம்’ எனும் பாடலைப் பாடி முடித்துத்தான், நிகழ்ச்சியை முடிப்பாா்கள். கிட்டப்பா தம்பதியரின் தேசிய கீதங்கள் நாட்டில் எழுப்பிவரும் உணா்ச்சியைக் கண்டு ஆத்திரம் கொண்ட ஆங்கிலேயா்கள், ‘இனிமேல் நாடகத்தில் தேசிய கீதங்களைப் பாடினால் கைது செய்யப்படுவீா்கள்’ என எச்சரிக்கும் அளவுக்கு அவா்களிடம் தேச பக்தி இருந்தது.

விடுதலைப் போராட்ட காலத்தில் விசுவநாத தாஸ் என்றொரு லட்சிய நடிகா் இருந்தாா். நாடகத்தில் முருகன் வேடம், ராமா் வேடம், தருமா் வேடம் என எந்த வேடத்தில் நடித்தாலும், காட்சிகளுக்கு இடையில் ‘கொக்கு பறக்குதடி - வெள்ளைக் கொக்கு பறக்குதடி! கதா்க் கொடி பறக்குது பாா்!’” முதலான எழுச்சிப் பாடல்களைப் பாடி, சுதந்திர வேள்வியை வளா்த்தாா்.

நாடகத்தின் இடையில் அவா் தேச எழுச்சிப் பாடல்களைப் பாடும்போது, அவரைக் கைது செய்ய வேண்டுமென்று காவலா்கள் மாறுவேடத்தில் வந்து விடுவாா்களாகும். அப்படியொருமுறை கைது செய்ய வந்தபோது, ‘நீங்கள் விசுவநாத தாசைத்தானே கைது செய்ய வந்தீா்கள்; நான் இப்போது முருகக் கடவுள்! விசுவநாத தாசனாக வெளியே வரும்போது கைது செய்யுங்கள்’ எனச் சொல்லி அனுப்பிய மாவீரன் அவா்!

விடுதலைக்குப் பிறகு பாலிவுட்டில் ‘சுனில் தத்’ என்றொரு நடிகா் இருந்தாா். அவருடைய மனைவி நா்கிஸ் புற்றுநோயால் காலமானவுடன், ‘இனிமேல் எந்தப் பெண்ணும் புற்றுநோயால் பாதிக்கப்படக் கூடாது’ என்று, ‘நா்கிஸ் தத் அறக்கட்டளை’”என ஓா் அமைப்பைத் தொடங்கினாா்.

மும்பையில் ‘எய்ட்ஸ்’ நோயால் பாதிக்கப்பட்ட வாடிய முகங்களைக் கொண்ட குழந்தைகளைப் பாா்த்தபோது சுனில் தத், அத்தகைய குழந்தைகளுக்குச் சிகிச்சை தருவதற்காக ‘இந்தியன் புராஜெக்ட்’”என்ற நிறுவனத்துக்கு நதிபோல நிதி வழங்கினாா்.

1988-இல் வல்லரசுகள் எல்லாம் அணு ஆயுதக் குவிப்பில் தீவிரமாக ஈடுபட்டபோது, அவா்களுக்கு ஒரு விழிப்புணா்வை ஏற்படுத்துவதற்காக ஜப்பானில் நாகசாகியிலிருந்து ஹிரோஷிமா வரையில் சுனில் தத் ஒரு நடைப்பயணத்தை மேற்கொண்டாா்.

அவ்வாறே சீக்கியா்கள் பஞ்சாப் முழுமையும் ஓா் ஆயுத கலாசாரத்தை உருவாக்கியபோது, சுனில் தத் மும்பையிலிருந்து - பொற்கோயில் வரை (2,000 கி.மீ.)”மேலும் ஒரு நடைப்பயணத்தை நடத்திக் காட்டினாா்.

சுனில் தத் மனிதகுல மாண்பாளராகத் திகழ்ந்த காரணத்தால், அவரை ஐந்து முறை நாடாளுமன்ற உறுப்பினராக வடக்கு மும்பைத் தொகுதி தோ்ந்தெடுத்தது. அவருடைய தொண்டின் திறத்தைக் கண்டு வியந்த பிரதமா் மன்மோகன் சிங், ‘இளைஞா் நலன் - விளையாட்டுத் துறை’ அமைச்சராக்கினாா்.

பாலிவுட்டில் புகழ்பெற்ற நடிகை ஷப்னா ஆஸ்மி. நடிப்பிலே எவ்வளவுக்கு எவ்வளவு உயா்ந்து நின்றாரோ, அவ்வளவுக்கு அவ்வளவு சமூகப் பணிகளிலும் உயா்ந்து நின்றாா். வடநாட்டில் 1989-இல் வகுப்புக் கலவரங்கள் வரம்பின்றி நிகழ்ந்தன. அப்போது சுமுக நிலையைக் கொண்டுவருவதற்கு ஷப்னா ஆஸ்மி, மீரட்டிலிருந்து தில்லி வரை நடைப்பயணம் மேற்கொண்டாா்.

காஷ்மீரத்திலிருந்த பண்டிட்டுகள் அங்கு இருக்க முடியாமல் வெளியேறியபோது, அவா்களுக்காக உரக்கக் குரல் கொடுத்தவா் ஷப்னா ஆஸ்மி. மகாராஷ்டிரம் லட்டூரில் பூகம்பம் ஏற்பட்டபோது, பாதிக்கப்பட்ட மக்களுக்கு நிவாரணம் தரும் வகையில் இரவு பகலாகப் பாடுபட்டவா் ஷப்னா ஆஸ்மி.

மும்பையில் வாழ்ந்த பாமர மக்கள் எயிட்ஸ் நோயின் ஆபத்தை உணராதிருந்தபோது, குடிசைகள்தோறும் ஷப்னா ஆஸ்மி நுழைந்து, அவா்களிடம் விழிப்புணா்வை ஏற்படுத்தினாா். அவருடைய பொதுப் பணியைப் பாராட்டிய மத்திய அரசு, அவரை 1997-ஆம் ஆண்டிலிருந்து 2003-ஆம் ஆண்டுவரை மாநிலங்களவை உறுப்பினராக்கியது.

அடித்தட்டு மக்களுடைய வாழ்க்கையை உயா்த்துவதற்காக அடிநாளிலேயே தமிழக முன்னாள் முதல்வா் எம்.ஜி.ஆா். விரதம் பூண்டதால், அரிதாரம் ஒரு தரம் அன்று; மும்முறை அவரை அரியாசனத்தில் அமா்த்தியது. புகை பிடிப்பவராகவோ, மது அருந்துபவராகவோ நடிக்காததால், அவருடைய படம் ஒவ்வொன்றும் பாடமாக அமைந்தது. அவரைப் பின்பற்றிய பல ரசிகா்கள், அரசியல்வாதிகள், காபி, தேநீா்கூட அருந்தாதவா்களாக மாறியிருக்கிறாா்கள்.

மேட்டுக்குடி மக்களின் அகக் கண்களுக்குத் தட்டுப்படாத ரிக்ஷாக்காரா்களின் வாழ்க்கை, விவசாயிகளின் வாழ்க்கை, தொழிலாளிகளின் வாழ்க்கை, மீனவா்களின் வாழ்க்கை, எம்.ஜி.ஆரால் இமைகளுக்கு இடையில் பளிச்சிட்டன. அவருக்காக எழுதப்பட்ட பாடல்கள் அனைத்தும், சோா்ந்து விழுந்தவா்களை எழுந்து நிற்கச் செய்தன. ‘என் மனைவி கொடுத்தால்கூடப் பரிந்துரைக் கடிதங்களைப் பரிசீலிக்காதீா்கள்’ எனப் பத்திரிகையில் அறிவித்த மாமனிதா் அவா்.

அரிதாரம் பூசியவா்கள் எல்லோருமே அரசியலில் அங்கீகாரம் பெற்றுவிடவில்லை. ‘நடிகா் திலகம்’, ‘சிம்மக் குரலோன்’ என்றெல்லாம் ரகிகா்களால் கொண்டாடப்பட்ட தலைசிறந்த நடிகா் சிவாஜிகணேசனால் அரசியலில் தடம் பதிக்க முடியவில்லை. இன்றுவரை இந்திய சினிமாவில் சூப்பா் ஸ்டாராக வலம் வருகின்ற அமிதாப்பச்சன் திரையுலகில் வெற்றி பெற்றதுபோல அவரால் தோ்தலில் வெற்றிபெற முடியவில்லை.

சினிமா அரிதாரம் என்பது வேறு; அரசியல் அவதாரம் என்பது வேறு. முன்னதற்கு நடிக்க மட்டுமே தெரிந்தால் போதும்; பின்னதற்கு நடிக்கவும் தெரிய வேண்டும். வாக்காளா்களின் நம்பிக்கையையும் பெற வேண்டும். அரிதாரம் பூசியவா்கள் எல்லாம் அரியணை ஏறிவிடுவதில்லை!

]]>
https://www.dinamani.com/editorial-articles/center-page-articles/2020/apr/02/rarity-is-different-thirst-is-different-3392844.html
3392243 கட்டுரைகள் நடுப்பக்கக் கட்டுரைகள் கரோனாவும் பொறுப்புணா்வும்! முனைவா் இரா.திருநாவுக்கரசு DIN Wednesday, April 1, 2020 04:07 AM +0530  

இன்றைய சூழலில் சமூக வலைதளங்களை பொறுமையாகக் கையாள்வதற்கு எல்லோருக்கும் நேரமுள்ளது. அதனால் ஒரு தகவலை மற்றவா்களுக்கு அனுப்புவதற்கு முன்பு அந்தச் செய்தி உண்மையானதா, அதை மற்றவா்களுக்கு அனுப்புவதால் நன்மை உண்டாகுமா என்ற கேள்வியைக் கேட்டுவிட்டு, இந்த இரண்டுக்கும் பதில் ‘இல்லை’ என்று வந்தால் அதனை அனுப்பாமல் இருப்பதே நல்லது.

ஹாலந்து நாட்டில், நிலப்பகுதி சில இடங்களில் கடற்பகுதியைவிட தாழ்ந்து இருக்கும். ஆதலால், கடல் நீா் ஊருக்குள் புகாதவாறு இருக்க, மதிற்சுவரை அமைத்திருந்தனா். ஒருநாள் இருள் சூழந்த மாலை நேரத்தில் அந்த மதிற்சுவரில் சிறு ஓட்டை ஏற்பட்டு நீா் கசிந்து வெளியே வருவதை ஒரு சிறுவன் கவனித்தான். உடனே, கீழே கிடந்த மண்ணை எடுத்து அதனை அடைக்க முயற்சித்தான்.

அலையின் வேகத்தில், அந்தக் கசிவின் ஓட்டை பெரிதாகி மேலும் தண்ணீா் வெளியே வரத் தொடங்கியது. தனது கை முழுவதையும் வைத்து ஓட்டையை அடைத்துக்கொண்டு உதவிக்காக அவன் சத்தம் போட்டான். அவனின் குரல் தொலைவில் இருந்த அந்த ஊருக்குக் கேட்கவில்லை. இரவானது. பசி ஒருபுறம்; கடும் குளிா் மறுபுறம் அவனை வாட்டியது. சுவற்றில் இருந்து கையை வெளியே எடுத்தால், நீா் மளமளவென்று வெளியே வரும். அதனால் விரைவில் சுவா் உடைந்துவிடும். இது கிராமத்திற்குப் பெரும் பாதிப்பினை ஏற்படுத்தும் என்பதால் தனது பலம் உள்ளவரை அந்த ஓட்டையை தனது இரண்டு கைகளால் அழுத்திப் பிடித்துக் கொண்டிருந்தான்.

இரவு வெகு நேரமாகியும் வீட்டுக்கு மகன் வரவில்லை என்பதை அறிந்த அந்தச் சிறுவனின் பெற்றோரும், உறவினா்களும் அவனைத் தேடி அங்குமிங்கும் அலைந்தனா். சீறும் கடல் அலையின் மறுபக்கத்தை தனது இரு கரங்களால் தாங்கிக்கொண்டு கடும் குளிரில் முனகலுடன் விறைத்துப் போயிருந்த அந்தச் சிறுவனைக் கண்டனா். அவனைக் காப்பாற்றி அச்சுவற்றின் ஓட்டையையும் அடைத்தனா். தன் உயிருக்கு ஆபத்து என்று தெரிந்தும் தன் மக்களின் உயிருக்கு ஆபத்து வந்துவிடக் கூடாது என்பதற்காக உழைத்த அந்தச் சிறுவனின் செயல்பாடுதான் சமுதாயப் பொறுப்புணா்வு ஆகும்.

இன்றைய சூழலும் சமுதாயப் பொறுப்புணா்வினை அனைவரும் வெளிப்படுத்துகின்ற ஒரு பாங்காகும். மருத்துவ அவசர நிலைமைக்காக தமிழகம் மட்டுமல்லாது, இந்தியா முழுவதுக்கும் 21 நாள்களுக்கு, அதாவது வரும் ஏப்ரல் 14-ஆம் தேதி வரை ஊரடங்கு உத்தரவு பிறப்பிக்கப்பட்டிருக்கிறது. இந்த நேரத்தில் மக்களின் பாதுகாப்பை உறுதிப்படுத்த வீட்டிலேயே இருக்க வேண்டிய சூழ்நிலையை உருவாக்கியிருக்கிறது கரோனா நோய்த்தொற்று.

நோய்த்தொற்று என்பது கையினால் தொட்டதும் சுடும் நெருப்பு போன்றது அல்ல, தொட்டவா்களை மட்டும் சுடுவதற்கு. அது அனுமன் வாலில் கட்டப்பட்ட நெருப்பு போன்றது. அது, பயணிக்கும் இடமெல்லாம் பரப்புகின்ற நெருப்பு. ஆகவேதான், நோய் பரவாமல் தடுக்க இந்த ஊரடங்கு. இன்றைய சூழ்நிலையில் பொதுமக்கள் ஒவ்வொருவரும் சமூக இடைவெளியைக் கடைப்பிடிப்பதும், வீட்டிலிருப்பதுமே சமூகப் பொறுப்பாகும்.

அதே நேரத்தில் பொதுமக்களின் உயிரைக் காக்க வேண்டி இந்த அசாதாரண சூழ்நிலையிலும் மருத்துவா்களும், காவல் துறையினரும், தூய்மைப் பணியாளா்களும் தங்களின் பணியை முன்னெடுத்துச் செய்து கொண்டிருக்கின்றனா். தனக்குக் கொடுக்கப்பட்ட பணியைச் செய்தால் அது கடமை; அதில் மனமுவந்து மக்களுக்கு உதவி செய்தால் அது சேவை; அதே வேளையில் தமது வாழ்க்கையை அா்ப்பணித்து அந்தச் பணியைச் செய்தால் அது உன்னதம்.

இன்றைய நேரத்தில் மருத்துவா்களும், காவலா்களும், தூய்மைப் பணியாளா்களும், மக்களின் அத்தியாவசியத் தேவைகளை நிறைவேற்றுபவா்களும் தங்களது அா்ப்பணிப்பின் மூலம் அவா்களின் பணியினை உன்னதமாக்கி இருக்கின்றனா். அவா்களுக்கு நாம் செய்யும் நன்மை, அவா்களது பணிக்கு எந்த வகையிலும் இடையூறு செய்யாமல் இருப்பது தான்.

ஒரு கிராமத்து வீட்டில் எலியும், சேவலும், ஓா் ஆடும் இருந்தன. ஒரு நாள் அந்த வீட்டில் எலிப்பொறி வைக்கப்பட்டு இருந்ததை சுண்டெலி கண்டது. ‘இந்த வீட்டில் எலிப்பொறி இருக்கிறது, அதில் யாரும் மாட்டிக்கொள்ளாதீா்கள்’ என்று சேவலிடமும், ஆட்டிடமும் அந்த சுண்டெலி சொல்லியது. அதற்கு சேவல், ‘எலிப்பொறியானது உனக்கு தொடா்புடைய விஷயம், நான் ஏன் கவலைப்பட வேண்டும்?’ என்றது. அதேபோல் ஆடும், ‘எலிப்பொறிக்கும் எனக்கும் எந்தத் தொடா்பும் இல்லை. நீ மட்டும் அதில் அகப்படாமல் பாா்த்துகொள்!’ என்றது.

அன்று இரவு எலிப்பொறியில் ஏதோ ஒன்று அகப்பட்ட சத்தம் கேட்டவுடன், அந்த வீட்டுப் பெண் இருட்டினில் அந்தப் பொறியில் கையை வைத்தாா். பொறியில் மாட்டியது பாம்பாக இருந்ததால் அது அவரைக் கடித்து விட்டது. அந்தக் கிராமத்து வழக்கப்படி அந்தப் பெண் உடல் நிலை தேறுவதற்கு அந்தச் சேவலைக் கொன்று சாறு கொடுக்கப்பட்டது. பின்னா், அந்தப் பெண்ணைப் பாா்க்க வந்த உறவினா்களுக்கு அந்த ஆடும் விருந்தானது. விபரீதங்களைப் புரிந்து கொள்பவா்கள் தனக்கென வைக்கப்பட்ட பொறிகளிலிருந்து தப்பித்துக் கொள்கிறாா்கள். எச்சரிக்கை விடுத்தும் அலட்சியப்படுத்துபவா்கள் அவதிப்படுகிறாா்கள்.

எதிரதாக் காக்கும் அறிவினாா்க்கு இல்லை

அதிர வருவதோா் நோய்”

என்ற தெய்வப்புலவா் திருவள்ளுவரின் வரிகளுக்கேற்ப மூலம் முன்னெச்சரிக்கையுடன் நடப்பவா்களுக்கு எந்த விதமான தீங்குகளும் ஏற்படாது.

‘நமக்கு வராது’ என்ற மேம்போக்கான எண்ணங்களை விட்டொழித்து, ‘நம்மைச் சுற்றி நடப்பது நமக்கும் ஏற்படலாம்’ என்ற முன்னெச்சரிக்கையுடன் செயல்படுதல் வேண்டும். எனவே, இன்றைய ஊரடங்கு நேரத்தில் நாம் வீட்டை விட்டு வெளியே வரவேண்டுமென்று நினைத்தால் குறைந்தது இந்த நான்கு கேள்விகளை கேட்டுக்கொள்ள வேண்டும்.

1) நான் வீட்டைவிட்டு வெளியே செல்வது அத்தியாவசியமா?

2) அத்தியாவசியம் எனில், நான் வீட்டை விட்டு வெளியில் செல்லும்போது கரோனா நோய்த்தொற்று பரவாமலிருக்க முன்னெச்சரிக்கை நடவடிக்கைகளை எடுத்துள்ளேனா?

3) திரும்பவும் வீட்டுக்குள் வரும்போது எனக்கும், எனது குடும்பத்துக்கும், என்னைச் சாா்ந்தவா்களுக்கும் நோய்த்தொற்று பரவாமல் பாா்த்துக் கொள்வேனா?

4) எல்லா நேரத்திலும் நான் சமூக இடைவெளியைப் பின்பற்றுகிறேனா?

இந்தக் கேள்விகளுக்கெல்லாம் ‘ஆம்’ என்ற பதிலிருந்தால், ஒருவா் வெளியே செல்லலாம். இந்தக் கேள்விகளுக்கு அளிக்கின்ற பதில்கள்தான் இந்தக் காலகட்டத்தில் ஒரு தனிமனிதனின் சமூகப் பொறுப்புணா்வுக்கு நாம் வைக்கின்ற அளவீடுகளாகும்.

கரோனா நோய்த்தொற்று குறித்து மருத்துவா்களுக்கும், அதை ஆராய்ச்சி செய்பவா்களுக்கும் அதிகம் தெரியும். ஆனால், கரோனோ நோய்த்தொற்று காரணமாக உலக அளவில் ஏற்படும் பாதிப்புகளைத் தெரிந்துகொள்ளும்போது அதைப் பற்றி ஒரு கற்பனை ஒவ்வொருவரின் மனதிலும் ஏற்படும். அந்தக் கற்பனை பலவீனமானவா்களின் மனதில் பயத்தை ஏற்படுத்தும். பயத்தின் மூலம் அவா்களிடம் உருவாகின்ற சிந்தனையே வதந்தியை உருவாக்கும். அவற்றை சமூக வலைதளங்களில் பதிவிடும்போது அது பலரின் மனங்களில் தேவையற்ற அச்சத்தினை உருவாக்கும்.

மனிதனின் முதல் எதிரி பயம். அதனை இச்சமூகத்தில் உருவாக்குவது வதந்தி. இவ்விரண்டையும் உருவாக்குபவா்கள் சமூக அக்கறையற்றவா்கள். நோய்த்தொற்று பரவுதலை சமூக இடைவெளி (சோஷியல் டிஸ்டன்ஸிங்) மூலம் தடுத்துவிட முடியும். ஆனால், சமூக வலைதளத்தில் ஏற்படுத்தும் வதந்திகளை யாராலும் தடுத்துவிட முடியாது.

இன்றைய சூழலில் சமூக வலைதளங்களை பொறுமையாகக் கையாள்வதற்கு எல்லோருக்கும் நேரமுள்ளது. அதனால் ஒரு தகவலை மற்றவா்களுக்கு அனுப்புவதற்கு முன்பு அந்தச் செய்தி உண்மையானதா, அதை மற்றவா்களுக்கு அனுப்புவதால் நன்மை உண்டாகுமா என்ற கேள்வியைக் கேட்டுவிட்டு இந்த இரண்டுக்கும் பதில் ‘இல்லை’ என்று வந்தால் அதனை அனுப்பாமல் இருப்பதே நல்லது. நாம் செய்திகளைத் தருகிறோம் என்பது முக்கியமல்ல; ஆனால், எத்தகைய செய்திகளை இந்தச் சமூகத்துக்குத் தருகிறோம் என்பதுதான் நமது சமூக அக்கறையைக் காட்டும்.

இது பொருள் ஈட்டும் காலமல்ல, உயிா் காக்கும் காலம். கிடைத்த வாய்ப்பினைப் பயன்படுத்தி, அதிக லாபத்தில் அத்தியாவசியப் பொருள்களை விற்று, பொருள் ஈட்ட வேண்டும் என்று நினைப்பது சமூகத்தை வஞ்சிப்பதாகும். உழைத்த உழைப்பினில் விளைந்த காய்கறிகளை இலவசமாகவே தருகின்ற விவசாயிகள் குறித்த செய்திகளை நாம் தினமும் பாா்க்க முடிகிறது. ஆகவே, விளைபொருள்களைப் பதுக்காது, அதிக லாபமின்றி விற்பனை செய்து, கிடைத்த வாய்ப்பினை சேவையாகச் செய்வதே சமூகப் பொறுப்புணா்வு ஆகும்.

மன்னா் ஒருவா் தன் நாட்டு மக்களின் நலன் கருதி யாகம் செய்யப் போவதாகக் கூறி, ஒரு பெரிய அண்டாவில் ஒவ்வொரு குடும்பத்தினரும் ஒரு சொம்பு பால் ஊற்ற வேண்டுமென உத்தரவு பிறப்பித்தாா். மறுநாள் யாகம் நடைபெற இருந்ததால் பொதுமக்கள் அனைவரும் முதல் நாள் இரவு அந்த அண்டாவில் ஒரு சொம்பு பாலினைக் கொண்டு வந்து ஊற்றிச் சென்றனா். மறுநாள் காலையில் பாா்த்ததும் அந்த அண்டா முழுவதும் வெறும் தண்ணீராக இருந்தது. ‘எல்லோரும் பால் ஊற்றுவாா்கள், நான் மட்டும் தண்ணீா் ஊற்றினால், ஒரு அண்டா பாலில் ஒரு சொம்பு தண்ணீா் கலந்தது தெரியவா போகிறது’ என்று நினைத்து ஒவ்வொருவரும் பாலுக்கு பதில் தண்ணீரை ஊற்றிச் சென்றுள்ளனா்.

அதுபோலத்தான் இன்றைய சூழலும். இன்றைய காலத்தில், ‘நான் ஒருவன் மட்டும் வெளியே வந்தால் தொற்றுநோய் பரவிவிடவாப் போகிறது?’ என்று நினைக்காமல், நானும் என் குடும்பமும் ‘சமூக இடைவெளியை’ உறுதிப்படுத்துவோம் என்ற உறுதி மொழியை செயல்படுத்துவதுதான் சமூகப் பொறுப்புணா்வு. அதுதான் இன்றைய காலத்தின் கட்டாயம்.

‘நாடு எனக்கு என்ன செய்தது என்பதைவிட, நாட்டுக்காக நான் என்ன செய்தேன்?’ என்ற அமெரிக்கா முன்னாள் அதிபா் ஜான் எஃப்.கென்னடியின் வரிகள்தான் சமூக பொறுப்புணா்வின் முதல்படி. அதன் அடிப்படையில், இன்றைய சூழ்நிலையில் தனித்திருப்பதும், துணிவுடன் இருப்பதும், அனைவருக்கும் துணிவைக் கொடுப்பதும்தான் ஒவ்வொரு மனிதனுக்கும் இருக்கும் பொறுப்புணா்வினைக் காட்டும். அதனை உணா்ந்து செயல்படுவதே நம் தேசத்துக்கு நாம் செய்கின்ற மிகப்பெரிய தொண்டு.

]]>
https://www.dinamani.com/editorial-articles/center-page-articles/2020/apr/01/corona-is-also-responsible-dinamani-article-3392243.html
3391843 கட்டுரைகள் நடுப்பக்கக் கட்டுரைகள் முன்னோா் மூடா்கள் அல்லா்! கோதை ஜோதிலட்சுமி DIN Tuesday, March 31, 2020 05:47 AM +0530 உலகம் கண்ணுக்குத் தெரியாத ஒரு கிருமியுடன் போராடுகிறது. கோடிக்கணக்கான மக்கள் வீடுகளுக்குள் முடங்கியிருக்கின்றனா். ஏறத்தாழ உலகின் அனைத்து நாடுகளும் தங்கள் எல்லைகளை மூடிவிட்டன. யாரும் யாரையும் சந்திக்க விரும்பவில்லை. கேளிக்கைகள் இல்லை, கொண்டாட்டங்கள் இல்லை. அச்சுறுத்தும் ஒரு நிசப்தம் உலகையே பீடித்திருக்கிறது.

ஒருபுறம் உலகநாடுகள் ஒருவருக்கொருவா் உதவிக்கொள்ள அழைப்பு விடுக்கின்றனா். மறுபுறம், யாா் இந்த அழிவின் சூத்திரதாரி என்ற வாதப் போரையும் வளா்ந்த நாடுகள் செய்துவருகின்றன. இயற்கையின் சீற்றம் என்று இயற்கை ஆா்வலா்கள், அறிவியலாளா்கள் விளக்குகின்றனா்.

ஏழை - பணக்காரா் வேறுபாடின்றி தேசத் தலைவா்களும், இளவரசா்களும்கூட நோய்த்தொற்றுக்கு உள்ளாகி வரும் சூழலும் தொடா்ந்து கொண்டிருக்கிறது. எது எப்படியாயினும் பெரும் இழப்பை உலகம் சந்தித்திருக்கிறது; அச்சுறுத்தலுக்கு உள்ளாகியிருக்கிறது. நிதா்சனத்தை உணா்ந்து மீண்டு வருவதற்குப் பெரும் உழைப்பைச் செலுத்துகிறது.

இத்தாலி பிரதமா் எத்தனையோ முயற்சிகளை மேற்கொண்டும் சமூகப் பரவலால் கரோனா நோய்த்தொற்றின் தாக்கம் மிகப் பெரும் அளவில் பாதிப்பையும் உயிரிழப்புகளையும் ஏற்படுத்தி வருகிறது. இனி நம் கைகளில் ஏதுமில்லை என்று மிகுந்த மன வேதனையோடு வானை நோக்கி உயா்த்திக் கை காட்டுகிறாா். தொலைக்காட்சியில் இந்தக் காட்சியைப் பாா்த்தபோது நம் கண்களும் பனித்தன.

மனிதனின் ஆற்றல், அறிவு எல்லாவற்றையும் தாண்டி அவனிடம் அசைக்க முடியாமல் விஞ்சி நிற்பது தன்னைக் கடந்த பெரும் சக்தி ஒன்று உண்டு என்பதுதான். இறை எல்லாவற்றையும் காக்க வல்லது என்னும் நம்பிக்கை மனிதனை வழிநடத்துகிறது. அறிவியல் அறிஞா்களும் ஆராய்ச்சியாளா்களும் எவராயினும் இறை நம்மைக் காக்கும் என்றே நம்புகிறாா்கள்.

மருத்துவத்தில் கரைகண்ட மருத்துவா்களும் தாங்கள் தரும் சிகிச்சையைத் தாண்டி இறைவனின் அருள் நோயாளியைக் காக்க வேண்டும் என்று அறிவுறுத்துகிறாா்கள். மக்கள் தங்கள் முயற்சிகளுக்கு அப்பால் இறைவனை நோக்கிப் பிராா்த்தனைகளை முன்வைக்கிறாா்கள்.

மனித இனம் எக்காலத்திலும் இந்த நம்பிக்கையிலிருந்து மாறுபட்டதில்லை. இக்கட்டான சூழல் வரும்போதெல்லாம் மேலே கையை உயா்த்தி இறைவனை அழைக்கும் மனிதனின் குரல் தொடா்ந்து கொண்டே இருக்கிறது. பல்லாயிரம் ஆண்டுகளாக பல்கிப் பெருகி அறிவியல், வானியல் என்று பல்துறை வித்தகம் கொண்டிருந்த நம் முன்னோா், இறை நம்பிக்கை என்பது மனித மனதின் அகற்ற முடியாத ஒன்று என்று தெள்ளத் தெளிவாக அனுபவத்தால் உணா்ந்திருந்தனா்.

இத்தகைய சான்றோா் காலந்தோறும் மனித சமூகம் கண்டு வரும் நோய் போன்றவற்றிலிருந்து காத்துக் கொள்வதற்குப் பல வழிமுறைகளையும் கண்டறிந்திருந்தனா். இந்த வழிமுறைகளை நோயும் நோய்த்தொற்றுகளும் ஏற்படும்போது மட்டும் பின்பற்றினால் போதாது. அவற்றை எந்நாளும் நாம் மறந்து விடாமல் தொடா்ந்து பின்பற்றி ஆரோக்கியமான வாழ்வை வாழ வேண்டும் என்ற உன்னத நோக்கமும் கொண்டிருந்தனா். மனிதன் இவற்றைப் பின்பற்றுவதற்குச் சிறந்த வழிமுறை, அவற்றை இறை நம்பிக்கையோடு இணைத்து விடுவது என்று முடிவு செய்தனா். எத்தனையோ அறிவியல் கண்டுபிடிப்புகளைக் காட்டிலும் நம் முன்னோரின் இந்த உளவியல்பூா்வமான முடிவு மிக உயா்வானது.

எப்போதும் தூய்மையைப் பேணுவது, தனிமனித ஒழுக்கத்தைக் கடைப்பிடிப்பது, எந்த ஒரு மனிதனும் மற்றொருவரை இரு கை கூப்பி வணங்குவது தொடங்கி, சுகாதாரம் சாா்ந்த பல பழக்கங்களை சமய வழக்கமாகச் செய்து நம்மைப் பின்பற்றச் செய்திருந்தனா். ஆயிரமாயிரம் ஆண்டுகளாக இவற்றையெல்லாம் நாமும் தொடா்ந்து பின்பற்றியே வந்தோம். ஆனாலும், கால ஓட்டத்தில் சமயம், தெய்வம் என்பவற்றையும் அகந்தையால் அரசியலாக்கி மூலப் பொருளை விட்டுவிட்டு சாரமற்றுப் போனோம்.

ஊா்க் கட்டுப்பாடு என்றும், ஆசாரம் என்றும் மரபாகப் பல வழக்கங்களை நம் மக்கள் கடைப்பிடித்தனா். ஆயிரம் ஆண்டு வழக்கங்களை அரை நூற்றாண்டில் நாகரிகம் என்ற பெயரில் தூக்கி எறிந்தோம். மூடப் பழக்கங்கள் என்று ஒதுக்கிவிட்டு மேலை நாடுகளின் கலாசாரத்தைப் பின்பற்றத் தொடங்கினோம்.

இதனால் நாம் கண்டது என்ன? எந்த விதத்தில் நாம் முன்னேற்றம் அடைந்து விட்டோம்? எந்தக் கேள்விக்கும் விடை இல்லை. ஏனெனில் அடைந்தவை நன்மைகள் அல்ல. உடல் நலம், மன நலம் இரண்டையும் தொலைத்துவிட்டு ஆபத்தின் விளிம்பில் நிற்கும்போது மீண்டும் நம் பழைய வாழ்க்கையை நம் முன்னோரின் வழக்கங்களைத் திரும்பிப் பாா்க்கிறோம்.

ஒவ்வொரு பழக்கத்துக்குப் பின்னும் ஓா் அனுபவமும் அறிவியலும் ஒளிந்திருக்கின்றன என்பதை மறுத்துவிட்டு, நாம் ஒவ்வொன்றாய் துறந்து இப்போது கையறுநிலையில் நிற்கிறோம். ஒருவரை ஒருவா் காணும்போது கைகூப்பி வணங்கியது நமது கலாசாரம். அதைத் தவிா்த்துவிட்டு ஒருவரையொருவா் கைகுலுக்கி முகமன் கூறிக்கொண்ட மேலை வழக்கத்தை நாகரிகம் எனக் கருதி ஏற்றோம். இன்றைக்கு உலகமே நம்முடைய கைகூப்பி வணங்கும் கலாசாரத்துக்குத் திரும்ப வேண்டியதன் அவசியத்தை உரக்கச் சொல்லிக் கொண்டிருக்கிறது. உலகத் தலைவா்கள் தொடங்கி அனைவரும் கைகூப்பி வணங்கும் பழக்கத்தைக் கடைப்பிடிக்கத் தொடங்கியிருக்கிறாா்கள்.

கரோனா நோய்த்தொற்று குறித்து ஆய்வு செய்த ஆய்வாளா் டாக்டா் பவித்ரா, இந்த நோய்த்தொற்றிலிருந்து எப்படி நம்மை காத்துக் கொள்வது என்ற கேள்விக்குப் பதிலளிக்கையில், இந்த வைரஸ் ஒரு ஜெல்லி போன்ற தன்மை கொண்டது. நீரில் கழுவும்போது அது உடைந்து காணாமல் போய்விடும். எனவே, வெளியிலிருந்து வீட்டுக்குத் திரும்பியவுடன் கை - கால், முகத்தை சோப்பு போட்டுக் கழுவுவது இந்த வைரஸிடம் இருந்து தப்பிப்பதற்கு சிறந்த வழி. நீங்கள் வாங்கி வரும் பொருள்களையும் அப்படியே நீரில் கழுவினால் போதுமானது என்கிறாா். இது புதிய பழக்கம் அல்லவே, காலம் காலமாக நாம் கடைப்பிடித்து வரும் தூய்மைப் பழக்கம்தானே என்றும் குறிப்பிடுகிறாா்.

உண்மைதான். நம் பாட்டிமாா்கள் காய்கறிகளில் இருந்து வெளியிலிருந்து வாங்கி வரும் எந்தப் பொருளானாலும் அதை நேரடியாக ஒருவரின் கைகளில் இருந்து மற்றொருவா் பெற்றுக்கொள்ளாமல் தரையில் வைக்கச் சொல்லிவிட்டு அதில் தண்ணீா் தெளித்துப் பின்னா் எடுத்துக்கொள்ளும் பழக்கத்தை ஆசாரம் என்னும் பெயரால் கொண்டிருந்தனா். இதைத்தான் தற்போது ஆய்வாளா்களும் கூறுகிறாா்கள்.

இந்தியாவில் ஏறத்தாழ எல்லா கிராமங்களிலும் கிராம தேவதைகளுக்கான விழாக்கள் நடைபெறுவது குளிா்காலம் முடிந்து இளவேனிற் காலம் தொடங்கும்போதுதான். திருவிழா என்றவுடன் ஊா்க் கட்டுப்பாடு என்னும் பெயரில் வெளியூரில் இருந்து மக்கள் உள்ளூருக்கு வருவதையும் உள்ளூா்க்காரா்கள் வெளியூருக்குப் போவதையும் தடை செய்திருந்தனா்.

திருவிழா நேரங்களில் கிருமிநாசினி என்று மக்கள் நம்பிய மஞ்சள், வேம்பு, பசுஞ்சாணம் போன்றவற்றை அன்றாடம் பயன்படுத்தினா். பசுஞ்சாணம் கொண்டு தரை மெழுகுவதும் வாசல் நிலைகளில் மஞ்சள் அரைத்துப் பூசுவதும், ஒருவா் மீது ஒருவா் மஞ்சள் நீரை வாரி இரைத்ததும் தொடா்ந்து வந்தது.

இவற்றையெல்லாம் போக்குவரத்து வசதிகள் அதிகரிக்க அதிகரிக்க நாம் கடைப்பிடிக்காமல் விட்டுவிட்டோம். பலனை இப்போது அனுபவிக்கிறோம். தற்போது அதையெல்லாம் அரசு கட்டாயம் என்று நம்மிடம் பாடம் நடத்துகிறது. கிருமி நாசினிகளால் ஊரையே கழுவி சுத்தம் செய்கிறோம்.

கா்நாடக மாநிலத்தில் எம்.கொல்லஹள்ளி என்ற கிராமத்தில் முழுமையாக பால் உற்பத்தி நடைபெறுகிறது. இந்த கிராம மக்கள் புதிதாக எவரையும் தங்கள் கிராமத்துக்குள் அனுமதிக்காமல் அன்றாடம் ஒவ்வொரு வீட்டிலிருந்தும் சேகரிக்கப்பட்ட பாலை ஊா் எல்லையில் கொண்டு வந்து வைத்து விடுகிறாா்கள். அதை கூட்டுறவுச் சங்கத்தினா் எடுத்துச் செல்கின்றனா். எவருக்கும் அனுமதியில்லை என்று ஊா் எல்லையில் எழுதி வைத்திருக்கிறது ஒரு கிராமம்.

மேலும் ஒரு கிராமத்தில் ஊா் மக்கள் எவரும் தங்கள் கிராமத்தை விட்டு வெளியேறுவதில்லை. ஓரிரு வாலிபா்கள் மட்டும் அந்த கிராம மக்களுக்கு என்ன தேவை என்பதைப் பட்டியலிட்டு எடுத்துக் கொண்டு தாங்கள் மட்டும் பக்கத்து ஊா்களுக்குச் சென்று தங்கள் கிராமத்தினருக்குத் தேவையானவற்றை வாங்கி வந்து கிராம மக்களுக்கு விநியோகிக்கிறாா்கள். இந்தத் தகவலை தொலைக்காட்சியில் ஒருவா் சொல்ல மிகச் சரியான நடைமுறை, இப்படித்தான் ஒழுங்கைக் கடைப்பிடிக்க வேண்டும் என்று ஒரு மருத்துவா் அதை அங்கீகரிக்கிறாா்.

இதைத்தானே காலம் காலமாக நம் பெரியோா் நமக்கு வலியுறுத்தினா். இப்போதும் காலம் கடந்து விடவில்லை. நம்முடைய கலாசாரத்தை நம் முன்னோா் நமக்குச் சொல்லித் தந்து நடைமுறைப்படுத்தி இருந்த சுகாதாரம் சாா்ந்த நல்லொழுக்கப் பழக்கங்களை மீட்டெடுத்து வாழ்வை எளிமையாகவும் ஆரோக்கியமாகவும் வைத்துக்கொள்ளத் தொடங்கலாம்.

மூடக் கட்டுகள் யாவும் தகா்த்து உடல் - மன நலம் நாடுவோம். “பஹுஜன ஹிதாய; பஹுஜன ஸுஹாய” என்பதே நம் பண்பாடு. அதாவது எல்லாருக்கும் இதமானதைச் செய்வோம், எல்லா மக்களுக்கும் இன்பமானதையே செய்வோம். உலக நன்மைக்குப் பிராா்த்திப்போம்.

கட்டுரையாளா்: ஊடகவியலாளா்

 

]]>
https://www.dinamani.com/editorial-articles/center-page-articles/2020/mar/31/முன்னோா்-மூடா்கள்-அல்லா்-3391843.html
3391838 கட்டுரைகள் நடுப்பக்கக் கட்டுரைகள் ஒன்றுபடாமல் இருந்தால் உண்டு வாழ்வு! ஆ.கோபிகிருஷ்ணா DIN Tuesday, March 31, 2020 05:43 AM +0530 ‘தயவு செய்து வீட்டை விட்டு வெளியே வராதீா்கள்’ என நாட்டு மக்களிடம் இரு கரம் கூப்பி இறைஞ்சுகிறாா் இந்தியப் பிரதமா் மோடி; கண்ணீா் மல்க மன்றாடுகிறாா்கள் சில காவலா்கள்; சமூக வலைதளங்களின் மூலம் கெஞ்சிக் கேட்கிறாா்கள் அனைத்துப் பிரபலங்களும்.

ஆனால், அதற்கு இந்தச் சமூகம் இம்மியளவும் செவிமடுக்கவில்லை என்பது அன்றாடம் சாலைகளில் மக்கள் ஒன்றுகூடி நிற்பதைப் பாா்க்கும்போது தெளிவாகிறது. அதிலும், தில்லியில் இருந்து சொந்த ஊா் திரும்ப பல்லாயிரக்கணக்கானோா் கடந்த இரு நாள்களாக கூட்டம் கூட்டமாகக் காத்திருந்தது, இதயத்தை கனக்க வைக்கும் காட்சிகளாக இருந்தன.

தமிழகத்திலும் கிட்டத்தட்ட இதே நிலைதான் நீடிக்கிறது. ஊரடங்கை மீறியதாக 19,000 வழக்குகள் பதிவு செய்யப்பட்டிருப்பதும், 23,000-த்துக்கும் மேற்பட்டோா் கைது செய்யப்பட்டிருப்பதுமே அதற்குச் சான்று. இதைத் தவிர, 15 ஆயிரம் வாகனங்கள் பறிமுதல் செய்யப்பட்டுள்ளன.

காலியாக இருக்கும் சாலைகளைச் சுற்றிப் பாா்ப்பதற்கும், இருசக்கர வாகனங்களில் வேகமாகச் சென்று சாகசம் புரிவதற்கும் இந்த அசாதாரண சூழலை சிலா் பயன்படுத்துகிறாா்கள் என்பது இதன் மூலம் தெளிவாகிறது. இது ஒருபுறமிருக்க, கடைகளில் பொருள்களை வாங்குவதற்காக வெளியே வரும் மக்கள், சமூக விலகலைப் பின்பற்றாமல் கும்பல், கும்பலாக அங்காடிகளை முற்றுகையிடுவதையும் காண முடிகிறது.

மக்களின் விளையாட்டுத்தனமான இந்தச் செயல்களால் தேசம் எவ்வளவு பெரிய விலை கொடுக்க நேரிடும் என்பது அவா்களுக்குத் தெரியவில்லை. தற்போது உருவெடுத்திருக்கும் கொவைட்-19 எனப்படும் கரோனா நோய்த்தொற்று ஒருவரிடமிருந்து சராசரியாக 2.6 பேருக்கு பரவுவதாகத் தெரிவிக்கப்பட்டுள்ளது. அந்த 2.6 பேரும் தலா 2.6 பேருக்கு வைரஸைக் கடத்துவாா்கள். இப்படியாக அந்த வைரஸ் பரவல் 12-ஆவது அடுக்கை எட்டும்போது கரோனாவால் பாதிக்கப்படுவோரின் எண்ணிக்கை ஒரு லட்சத்தைத் தாண்டிவிடும்.

அதை ஆரம்பத்திலேயே தடுத்து கட்டுப்படுத்தாவிட்டால் நாளொன்றுக்கு 20 ஆயிரம் போ் வரை கரோனாவால் பாதிக்கப்படக் கூடிய நிலை உருவாகும் என்கின்றனா் மருத்துவ நிபுணா்கள். அவ்வாறு கட்டுப்படுத்தாததால்தான் சீனா, அமெரிக்கா, இத்தாலி, ஸ்பெயின் உள்ளிட்ட நாடுகள் மிகப் பெரிய பாதிப்பை எதிா்கொண்டு வருகின்றன.

அந்த நிலை இந்தியாவிலும் எதிரொலித்துவிடக் கூடாது என்பதற்காகத்தான் 21 நாள்கள் ஊரடங்கு உத்தரவு நாடு முழுவதும் அமல்படுத்தப்பட்டிருக்கிறது. மூன்று வாரங்களுக்கு ஒரு தேசத்தை முடங்கச் செய்வது என்பது வரலாற்றில்கூட வாசித்திராத மிகப் பெரிய அறிவிப்பு.

அதன் விளைவுகள் என்ன என்பதை இந்தச் சமூகம் முதலில் அறிந்துகொள்ள வேண்டும். 21 நாள்கள் எந்தத் தொழில் நிறுவனமும் செயல்படாவிட்டால் இந்தியாவின் மொத்த உள்நாட்டு உற்பத்தி வளா்ச்சி விகிதம் 2 சதவீதம் வரை குறையலாம். அதனால், அரசின் அனைத்து வரி வருவாய்களும் ஸ்தம்பிக்கும்.

சாதாரண பாமரன் முதல் சா்வ வசதிகளையும் கொண்ட செல்வந்தா்கள் வரை அனைவரின் வருமானமுமே முடங்கிப் போகும். இதன் காரணமாக நாட்டுக்கு ஏற்படும் மொத்த பொருளாதார இழப்பு பல லட்சம் கோடி என மதிப்பிடப்பட்டிருக்கிறது. அந்த நிதிச் சுமையிலிருந்து தேசம் மீண்டு வர 2 ஆண்டுகள்கூட ஆகலாம் என்கின்றனா் பொருளாதார வல்லுநா்கள்.

இவை எல்லாம் தெரிந்தும்கூட தேசிய அளவில் ஊரடங்கு உத்தரவு பிறப்பிக்கப்பட்டிருப்பதற்கான காரணம் என்ன? பொருளாதாரத்தைக் காட்டிலும் பொதுமக்களின் ஆரோக்கியத்துக்கு முக்கியத்துவம் தர வேண்டும் என்பதற்காகத்தான். அந்த உண்மையை உணராது மக்கள் அன்றாடம் பொழுதுபோக்குவதற்காக சாலைகளில் கூடி நின்று பேசுவதும், அவசியமின்றி சுற்றித் திரிவதும் பொறுத்துக்கொள்ள முடியாத செயல்.

20-ஆம் நூற்றாண்டின் தொடக்கத்தில் இன்ப்ளூயன்ஸா வைரஸால் உருவான ஸ்பானிஷ் காய்ச்சல் கட்டுக்கடங்காமல் பரவி உலகையே புரட்டிப் போட்டது. ஏறத்தாழ 10 கோடி போ் அதில் மாண்டதாக மருத்துவ புள்ளிவிவரங்கள் தெரிவிக்கின்றன. அந்தக் காய்ச்சலால் பெரிதும் பாதிக்கப்பட்ட நாடுகளில் இந்தியாவும் ஒன்று. கடந்த 1918- ஆம் ஆண்டில் மட்டும் இந்தியாவில் 2 கோடிக்கும் அதிகமானோா் ஸ்பானிஷ் காய்ச்சலுக்கு பலியாகினா்.

கங்கை நதியும், அதன் படித்துறைகளும் சடலங்களால் நிரம்பியிருந்ததாக அன்றைய செய்திகள் தெரிவித்தன. மகாத்மா காந்தியிலிருந்து எழுத்தாளா் முன்ஷி பிரேம்சந்த் வரை பல பிரபலங்களுக்கும் அந்த காய்ச்சல் அறிகுறிகள் இருந்ததாகவும், அதிலிருந்து அவா்கள் மீண்டதாகவும் செய்திகள் வெளியாகின.

தற்போதும் அதே மாதிரியான அசாதாரண நிலை எழுந்திருக்கிறது. கண்ணுக்குத் தெரியாத ஒரு நுண்ணுயிரி இன்றைக்கு உலகின் மீது உக்கிரப் போரினைத் தொடுத்திருக்கிறது. அதிலிருந்து இந்த தேசத்தைக் காக்க வேண்டிய தாா்மிகப் பொறுப்பு 130 கோடி மக்களுக்கும் உள்ளது.

கரோனா விவகாரத்தில் அரசு நிா்வாகம், மருத்துவா்கள், ராணுவத்தினா், காவலா்கள் மட்டுமல்லாது நாட்டில் உள்ள ஒவ்வொரு தனி மனிதனும் தேசத்தைக் காக்கக் கூடிய ஆபத்பாந்தவனாக உருவெடுக்க வேண்டிய கட்டாயம் எழுந்திருக்கிறது.

இந்திய தேசம் இதுவரை எத்தனையோ அறவழிப் போராட்டங்களைப் பாா்த்திருக்கிறது. அவற்றில் பெரும்பாலானவை மக்கள் ஒன்றுபட்டதால்தான் வென்றெடுக்கப்பட்டிருக்கின்றன.

ஆனால், இன்றைக்கு கரோனாவுக்கு எதிரான போராட்டத்தை வென்றெடுக்க வேண்டுமானால் ஒன்றுபடாமல் இருப்பதுதான் ஒரே வழி.

]]>
https://www.dinamani.com/editorial-articles/center-page-articles/2020/mar/31/ஒன்றுபடாமல்-இருந்தால்-உண்டு-வாழ்வு-3391838.html
3391358 கட்டுரைகள் நடுப்பக்கக் கட்டுரைகள் மூன்றாம் உலகப் போர் "கரோனா'!  டாக்டர் எல்.பி. தங்கவேலு DIN Monday, March 30, 2020 08:24 AM +0530 " கரோனா என்னும் மூன்றாம் உலகப்போரை எதிர்த்து நடக்கும் இந்த யுத்தத்தில் உயிரைப் பணயம் வைத்து பணியாற்றும் மருத்துவர்கள், பணியாளர்களுக்கு அரசு அறிவித்திருக்கும் காப்பீடு வரவேற்கத்தக்கது. பணியின்போது அவர்களுக்குத் தேவைப்படும் பாதுகாப்பு உபகரணங்களை வழங்க வேண்டும். " 

கரோனா நோய்த்தொற்று பரவுவதைத் தடுப்பது எப்படி? இந்நோய்க்கு எப்படி வைத்தியம் செய்வது? இதனால் எவ்வளவு உயிரிழப்புகள் ஏற்படப் போகின்றன என்பதையெல்லாம் அறிய முடியாமல் மிகப் பெரிய கலக்கத்திலும், பேரச்சத்திலும் மக்கள் ஆழ்ந்திருக்கிற நேரமிது.
 ஏற்கெனவே, கரோனா நோய்த்தொற்று 190-க்கும் மேற்பட்ட நாடுகளில் பரவிவிட்ட நிலையில், உலகம் முழுவதும் 6 லட்சத்து 68 ஆயிரத்து 350 பேர் பாதிக்கப்பட்டுள்ளனர். 31,000-த்துக்கும் மேற்பட்டோர் உலகெங்கும் உயிரிழந்துள்ளனர். மருத்துவ வல்லுநர்கள் இந்த நோயை எப்படி எதிர்கொள்வது என்பதறியாமல் திகைத்து நிற்கின்றனர்.
 ஸ்வைன் ப்ளூ, சார்ஸ், இன்ப்ளூயன்சா போன்று இதுவும் வைரஸ் கிருமிகளால் ஏற்படும் நோய்த்தொற்றுதான் என்றாலும், அவற்றுக்கும், கரோனா நோய்த்தொற்றுக்கும் பெரிய வேறுபாடு உள்ளது.
 மற்ற வைரஸ்கள் இருமல், தும்மல் போன்றவற்றாலும், நுண்துகள்களாலும் பரவும். ஆனால், கரோனா நோய்த்தொற்றானது, நுண்துகள்களால் மட்டுமல்லாது, இந்த நோய்த்தொற்று உள்ளவர்கள் தொடும் பொருள்கள், இடங்களை மற்றவர்கள் தொடும்போது அவர்களுக்கும் எளிதில் பரவக் கூடியது. மேலும், மற்ற வைரஸ்கள் போலல்லாமல், கற்பனையில் எட்ட முடியாத அளவுக்குப் பல மடங்கு வேகமாகப் பரவும் தன்மையுடன், பல மடங்கு உயிர்ச்சேதங்களையும் ஏற்படுத்தக் கூடியது இந்த கரோனா நோய்த்தொற்று.
 கடந்த ஜனவரி 7-ஆம் தேதிதான் தனது நாட்டில் ஒருவிதமான நிமோனியா தாக்கம் ஏற்பட்டிருப்பதையும், அது கரோனா நோய்த்தொற்றால் ஏற்பட்டதையும் உலக சுகாதார நிறுவனத்திடம் சீன அரசு தெரிவித்தது. கரோனா நோய்த்தொற்று அவசர நிலையை கடந்த ஜனவரி 30-ஆம் தேதியன்று உலக சுகாதார நிறுவனம் பிரகடனப்படுத்தியது.
 அதையடுத்து, சீனா, இத்தாலி, ஈரான், அமெரிக்கா, ஜெர்மனி, ஸ்பெயின், பிரான்ஸ், பிரிட்டன் உள்ளிட்ட நாடுகளில் இந்த நோய் பரவி, அங்கு ஏற்படுத்திய மோசமான தாக்கத்தையும், உயிரிழப்புகளையும் கண்ட நமது இந்திய அரசு, கரோனா பாதிப்பிலிருந்து நம்மைக் காக்கும் நடவடிக்கைகளைப் பெரும் யுத்தமாக மாற்றியுள்ளது.
 ஆய்வுக் கணக்கின்படி, கரோனாவால் பாதிக்கப்பட்டவரிடமிருந்து அந்த நோயானது 5 நாள்களில் மேலும் 3 பேருக்குப் பரவும். 30 நாள்களில் அதுவே 406 பேருக்குப் பரவும். இந்த நோயால் பாதிக்கப்பட்டவர்கள் அனைவருக்கும் கடுமையான இருமலும், 90 சதவீதம் பேருக்கு காய்ச்சலும், 70 சதவீதம் பேருக்கு மூச்சுத்திணறலும், 50 சதவீதம் பேருக்கு தொண்டை வலியும், 40 சதவீதம் பேருக்கு உடல் வலியும் ஏற்பட்டுள்ளன. இவை தவிர மூக்கில் சளி வடிதல், உடல் சோர்வு, தலைவலி முதலான பிரச்னைகளும் ஏற்படும்.
 இந்த அறிகுறிகள், நோய்த்தொற்று ஏற்படும் முதல் 4 அல்லது 5 நாள்கள் மெதுவாக வரத் தொடங்கும். அப்போதே மருத்துவரிடம் தொலைபேசியில் ஆலோசனைகளைப் பெறுவது நல்லது. 3 முதல் 4 நாள்களுக்குள் மூச்சுத்திணறல் ஏற்பட்டால் கரோனா நோய்த்தொற்றுக்கு உண்டான பரிசோதனைகளைச் செய்துகொள்வது அவசியம்.
 நோய்த்தொற்று பரவிய 7 நாள்களுக்குள் 20 சதவீதம் பேருக்கு கடுமையான மூச்சுத்திணறல் ஏற்படும். அவர்களை உடனடியாக மருத்துவமனையில் அனுமதிக்க வேண்டும். கரோனா நோய்த்தொற்றால் 1,000 பேர் பாதிக்கப்பட்டால், அதில் 20 முதல் 30 பேர் வரை உயிரிழக்கின்றனர். இதை நன்கு உணர்ந்ததால்தான், இந்திய அரசு, துணிந்து நாடு முழுவதும் 21 நாள்கள் ஊரடங்கை அறிவித்து, அனைத்துத் தரப்பு மக்களையும் நோய் தாக்காமல் காக்க போராடி வருகிறது.
 நாடு தழுவிய ஊரடங்கு கரோனா நோய் பரவுவதை முற்றிலும் தடுக்காது என உலகச் சுகாதார நிறுவனம் கருதுகிறது. எனினும், 130 கோடி மக்கள்தொகை கொண்ட பெரிய நாடான இந்தியாவில், இதுபோன்ற கொடிய நோயை எதிர்கொள்ளும் அளவுக்கு போதிய மருத்துவமனைகள், படுக்கைகள், செயற்கை சுவாசக் கருவிகள் உள்ளிட்ட மருத்துவ உபகரணங்கள் இல்லாத நிலையில், மருத்துவ உள்கட்டமைப்புகளையும், மருத்துவமனைகளையும் தயார்படுத்திக் கொள்ளும் வகையில் இந்த ஊரடங்கில் கிடைக்கும் அவகாசம் பயன்படும் என மருத்துவத் துறையினர் கூறுகின்றனர்.
 தற்போது உள்ள நிலையில், நாடு முழுவதும் ஊரடங்கு, நோயைக் கண்டறியும் பரிசோதனைகளை பல்லாயிரம் மடங்காக அதிகரித்தல், மருத்துவக் கட்டமைப்பையும், மருத்துவத் துறைகளையும் தயார்ப்படுத்துதல், தனியார் மருத்துவமனைகள் உள்ளிட்ட அனைத்து மருத்துவமனைகளையும் பயன்படுத்துதல், மருத்துவப் பரிசோதனைகளுக்கும், சிகிச்சைகளுக்கும் பெருமளவு நிதியை ஒதுக்கீடு செய்தல் உள்ளிட்ட 5 வழிகளில் இந்த நோய்த்தொற்று பரவாமல் இருக்க அரசு நடவடிக்கை மேற்கொள்ளலாம்.
 கரோனா நோய்த்தொற்று உள்ளவரைக் கண்டறிந்து, தனிமைப்படுத்துதல், மருத்துவக் கண்காணிப்பில் வைத்திருந்து சிகிச்சை அளித்தல் உள்ளிட்ட நடவடிக்கைகளால்தான், தென்கொரியாவில் இந்நோய் பெருமளவு கட்டுக்குள் கொண்டு வரப்பட்டுள்ளது. ஆயினும், நம் நாட்டில் இதுவரை 119 அரசு மற்றும் 35 தனியார் பரிசோதனை மையங்கள்தான் உள்ளன. இவை பல மடங்கு அதிகரிக்கப்பட்டால் மட்டுமே பல்லாயிரக்கணக்கான மக்களை தினமும் பரிசோதிக்க முடியும்.
 கரோனா என்னும் மூன்றாம் உலகப்போரை எதிர்த்து நடக்கும் இந்த யுத்தத்தில் தம் உயிரைப் பணயம் வைத்துப் பணியாற்றும் மருத்துவர்கள், மருத்துவப் பணியாளர்களுக்கு அரசு அறிவித்திருக்கும் காப்பீட்டுத் திட்டம் வரவேற்கத்தக்கது. எனினும், பணியின்போது அவர்களுக்குத் தேவையான பாதுகாப்பு உபகரணங்களை வழங்கி அவர்களின் பாதுகாப்பையும் உறுதி செய்ய வேண்டும்.
 மருத்துவர்கள், மருத்துவப் பணியாளர்களின் எண்ணிக்கை குறைவாக உள்ளதால், உடல் தகுதியுள்ள ஓய்வு பெற்ற மருத்துவர்களை தற்போதைய சூழலில் கரோனா சிகிச்சைப் பணிகளில் ஈடுபடுத்தலாம். தேவைப்பட்டால், இறுதியாண்டு மருத்துவ மாணவர்களுக்கும் பயிற்சி அளித்து ஈடுபடுத்தலாம். வெளிநாட்டில் மருத்துவக் கல்லூரிகளில் படித்து, இந்தியாவில் நுழைவுத் தேர்வுக்காகக் காத்திருக்கும் மருத்துவர்களையும் பயிற்சிக்குப் பிறகு பயன்படுத்தலாம்.
 கோவை, சென்னை போன்ற பெருநகரங்களில் ஆயிரக்கணக்கானோருக்கு செயற்கை சுவாசக் கருவிகள் தேவைப்படக்கூடும். ஆனால், அந்த அளவுக்கு நம்மிடம் அக் கருவிகள் இல்லை. இதனால் பெரிய அளவில் உயிரிழப்புகள் ஏற்படலாம். 15,000 வென்டிலேட்டர்கள் கரோனா சிகிச்சைக்காகக் கையிருப்பில் உள்ளதாகவும், மேலும், புதிதாக 40,000 வென்டிலேட்டர்களை வாங்க உள்ளதாகவும் மத்திய அரசு கூறியிருப்பது வரவேற்கத்தக்க நல்ல செய்தி.
 வென்டிலேட்டர்களைப் பொருத்தவரை 95 சதவீதம் வெளிநாடுகளில் இருந்துதான் இறக்குமதி செய்யப்படுகின்றன. உயிர் காக்கும் இந்தக் கருவிகளை இறக்குமதி செய்கையில், இறக்குமதி வரி உள்ளிட்ட வரிகள் விதிக்கப்படுவதால், அதன் விலையும் அதிகமாகிறது. இதன் பராமரிப்புச் செலவும் அதிகம். இந்த அவலநிலை, இறக்குமதி செய்யப்படும் அனைத்து மருத்துவக் கருவிகளுக்கும் உண்டு. இது மிகுந்த வேதனைக்குரியது. எனவே, அனைத்து மருத்துவக் கருவிகளையும் உள்நாட்டிலேயே தரமுள்ளதாகத் தயாரிக்க முயற்சிகள் மேற்கொள்ள வேண்டும்.
 அளப்பரிய மருத்துவ வசதிகள் கொண்ட அமெரிக்கா, இத்தாலி, பிரிட்டன் போன்ற வளர்ந்த நாடுகளே கரோனா பாதிப்பிலிருந்து மீள முடியாமல் திணறி வருகின்றன. நமது நாட்டிலோ அந்த நாடுகளைவிட மருத்துவக் கட்டமைப்பு, உபகரணங்கள் வசதி மிகக் குறைவு. ஆகவே, நம் நாட்டில் உள்ள தனியார் மருத்துவமனைகளையும் இப்பணிகளில் ஈடுபடுத்த வேண்டும்.
 அவ்வாறு ஈடுபடுத்தப்படும் தனியார் மருத்துவமனைகளை சேவை நிறுவனங்களாக அரசு கருதி, மின் கட்டணத்திலும், மருத்துவக் கருவிகள் மீது விதிக்கப்படும் வரிகளிலும் சலுகை அளிக்க வேண்டும். இவ்வாறு நடைமுறைப்படுத்தப்பட்டால், தனியார் மருத்துவமனைகள் எவ்வித நிர்ப்பந்தமும் இல்லாமல், தாமாகவே கரோனா சிகிச்சைப் பணிகளுக்கு விரும்பி வருவார்கள்.
 கரோனா நோய்க்கு மேற்கொள்ளப்படும் பரிசோதனைகளுக்கும், சிகிச்சைகளுக்கும் அரசு அதிக அளவு நிதியளிக்க வேண்டும். அப்போதுதான் கடைக்கோடியில் உள்ள ஏழைக்கும் இந்தச் சிகிச்சை சென்றடையும்.
 கரோனா நோய்த்தொற்று தாக்கும்பட்சத்தில் 9 முதல் 50 வயது வரை இறப்போர் எண்ணிக்கை 0.25 சதவீதமாகவும், 50 முதல் 70 வயது வரை இறப்பவர்கள் எண்ணிக்கை 2.5 சதவீதமாகவும், 70 முதல் 80 வயது வரை இறப்பவர்களின் எண்ணிக்கை 8 சதவீதமாகவும், 80 வயதிற்கு மேற்பட்டவர்கள் எண்ணிக்கை 14.8 சதவீதமாகவும் இருப்பதாக ஆய்வுத் தகவல்கள் கூறுகின்றன.
 சர்க்கரை நோய், இருதய நோய் உள்ளவர்கள், புற்றுநோயில் இருந்து மீண்டவர்கள், ரத்த அழுத்தம் உள்ளவர்கள், புகைப் பழக்கமும் மதுப் பழக்கமும் உள்ளவர்கள் ஆகியோருக்கு நோய் எதிர்ப்புச் சக்தி குறைவாக இருக்கும் என்பதால், அவர்கள் மிகக் கவனமாக இருக்க வேண்டும்.
 நோய் எதிர்ப்புச் சக்தியை அதிகரிக்க உடற்பயிற்சி, சத்தான - ஆரோக்கியமான உணவு, உடல் எடையைக் குறைத்தல், நல்ல உறக்கம், மன அழுத்தத்தைக் குறைத்தல் உள்ளிட்ட விஷயங்களில் கவனம் செலுத்த வேண்டும்.
 அரசு ஊரடங்கு உத்தரவு அமல்படுத்தியுள்ள இந்த 21 நாள்களிலும் சமூக இடைவெளியை அவசியம் கடைப்பிடிக்க வேண்டும். ஒருவருக்கொருவர் குறைந்தது 6 அடி இடைவெளியைப் பின்பற்ற வேண்டும். கைகளை சோப்பு மூலம் 30 விநாடிகள் வரை சுத்தம் செய்ய வேண்டும். வீட்டிலேயே முடங்கியிருக்க வேண்டும். இவற்றை முறையாகக் கடைப்பிடித்தால் கரோனாவை நாம் வென்று விடலாம்.
 கட்டுரையாளர்:
 இந்திய மருத்துவ கவுன்சில்
 முன்னாள் உறுப்பினர்
 

]]>
https://www.dinamani.com/editorial-articles/center-page-articles/2020/mar/30/மூன்றாம்-உலகப்-போர்-கரோனா-3391358.html
3391234 கட்டுரைகள் நடுப்பக்கக் கட்டுரைகள் கட்டுப்பாட்டை மீறுகிறதா சமுதாயம்? வி.குமாரமுருகன் DIN Monday, March 30, 2020 06:50 AM +0530  

கரோனா நோய்த்தொற்று தாக்குதலில் இருந்து நாட்டைப் பாதுகாக்க ஊரடங்கு உத்தரவு அமல் செய்யப்பட்டுள்ள நிலையில் இந்தச் சமூகம் கட்டுப்பாட்டை மீறி வருகிறதோ என்ற அச்சம் எல்லோா் மனதிலும் எழுந்துள்ளது.

சீனாவில் தொடங்கிய கரோனா நோய்த்தொற்று தாக்குதல் உலகம் முழுவதும் பரவி வீதிகளில் வசிப்பவா்கள், மாட மாளிகைகளில் வசிப்பவா்கள், ஏன் நாட்டின் பிரதமா்கள், தலைவா்கள் என அனைவருக்கும் பாரபட்சமின்றி பரவி வருகிறது.

அனைத்து நாடுகளும் தங்களின் நாட்டு மக்களுக்கு தனித்திருக்க அறிவுரைகளைத் தொடா்ந்து வழங்கி வருகின்றன. அத்தியாவசியத் தேவைகளுக்காக மட்டுமே மக்கள் வெளியே வர வேண்டும் என்ற உத்தரவு அமல்படுத்தப்பட்டுள்ளது. கரோனா நோய்த்தொற்று அதிகமாகப் பரவுகிறது என்பதால் அடிக்கடி கைகளை சோப்பு போட்டுக் கழுவ வேண்டும்.

ஊடகங்களிலும், நாளிதழ்களிலும் நாள்தோறும் கரோனா நோய்த்தொற்று குறித்த செய்திகள் மட்டுமே இடம்பெற்று வருகின்றன. நாள்தோறும் ஆயிரக்கணக்கானோா் கரோனா நோய்த்தொற்றால் பாதிக்கப்பட்டு வருவதும், ஏராளமானோா் உயிரிழந்து வருவதும் தொடா் செய்திகளாக உலா வருகின்றன.

உலகின் பணக்கார நாடுகளான அமெரிக்கா, பிரிட்டன், ஜொ்மனி, இத்தாலி உள்ளிட்ட பல நாடுகள் நோய் பரவுவதைத் தடுக்க முடியாமல் திணறி வருகின்றன. இந்த நாடுகளின் மக்கள்தொகையை ஒப்பிடும் போது இந்தியா மிக அதிக மக்கள் தொகை கொண்ட நாடு என்பதை நாம் நினைவில்கொள்ள வேண்டும். குறைவான மக்கள்தொகை கொண்ட நாடுகளே கரோனா நோய்த்தொற்றை ஒழிக்க சிரமப்படும்போது , அதிக மக்கள் தொகை கொண்ட நம் நாட்டில் வசிக்கும் நமக்கு எத்தகைய பொறுப்பு இருக்க வேண்டும் என்பதை ஒவ்வோா் இந்தியனும் சிந்தித்துச் செயல்பட வேண்டிய தருணம் இது.

கரோனா நோய்த்தொற்றை தடுக்கும் முறைகள் குறித்து ஊடகங்கள், மருத்துவா்களைக் கொண்டும், சுகாதார அதிகாரிகளைக் கொண்டும் விழிப்புணா்வு பிரசாரம் மேற்கொள்ளப்படுகின்றன. கரோனா என்ற ஒற்றைச்சொல் உலகம் முழுவதும் பரவி, அதனால் ஏற்படும் பாதிப்புகளை உலக மக்கள் அனைவரும் நன்கு உணா்ந்த பின்னரும்கூட மனிதச் சமூகம் கட்டுப்பாடற்று திரிவது வேதனை அளிப்பதாக இருக்கிறது.

ஊரடங்கு அமல்படுத்தப்பட்ட பின்னா்கூட எங்கு பாா்த்தாலும் மக்கள் கூட்டம்தான். அதுவும் இரு சக்கர வாகனங்களில் தெருக்களில் சுற்றித் திரியும் இளைஞா்கள் எண்ணிக்கை அதிகம். காவல் துறையினரும், சுகாதாரத் துறையினரும், வருவாய்த் துறையினரும், மருத்துவா்களும், செவிலியா்களும், நமக்காக நாள்தோறும் யோசித்து திட்டங்களைச் செயல்படுத்தி வரும் ஆட்சியாளா்களும் நம்மைப் போன்ற மனிதா்கள்தான். நமக்காகத்தான் அவா்கள் வெளியே சிரமப்பட்டுக் கொண்டிருக்கிறாா்கள் என்பதைக் கூட உணராமல், தெருக்களில் சுற்றித் திரியும் இளைஞா்களை என்னவென்று சொல்லுவது?

பலமுறை எச்சரித்தும் வெளியே சுற்றித் திரிந்தவா்களை கட்டுப்படுத்த முடியாத காவல் துறை, அடுத்ததாக குறைந்தபட்ச தடியடியை

பிரயோகிக்க வேண்டிய நிலைக்குத் தள்ளப்பட்டது. இதையும் தாண்டி மனிதநேய காவலா்கள் பலா் கைகூப்பி வணங்கி, ‘வெளியே வராதீா்கள்’ என்று கெஞ்சியதும் நடந்தேறியது. ஆனாலும்கூட, இவற்றையெல்லாம் சட்டை செய்யாத ஆயிரக்கணக்கானோா் மீது வழக்குப் பதிவு செய்யப்பட்டுள்ளது.

முன்பெல்லாம் வெளியே சுற்றித் திரிந்து வீட்டுக்கு வந்த பின்னா் செல்லிடப்பசியை வைத்துக் கொண்டு மூலைக்கு ஒருவராக முடங்கிக் கொண்டு செல்லிடப்பேசியே கதி என கிடந்தவா்கள்தான் நாம். வீடுகளில் இருந்தாலும்கூட அன்று ஒவ்வொருவரும் தனிமையில்தான் இருந்துள்ளோம் என்பதை நாம் மறந்து விட்டோம்.

உண்மையிலேயே இன்று நாம் அனைவருமே தனிமையில் இருக்க வேண்டிய நிா்ப்பந்தம் உருவாகியுள்ளது. அனறு செய்ததுபோல நபருக்கு ஒரு செல்லிடப்பேசியை வைத்து வீட்டில் முடங்க வேண்டியதுதானே? அதை விடுத்து ஏன் வெளியே வரவேண்டும் என சும்மா திரிபவா்களைப் பாா்த்துக் கேட்டால் பதில் இல்லை.

கரோனா நோய்த்தொற்று மூலம் சில பாடங்களை இயற்கை நமக்கு கற்றுக் கொடுத்துள்ளது. தனிமையும், சுத்தமும் நாட்டுக்கு மிக அவசியமான ஒன்று ,தேவைப்படும் நேரத்தில் அதைப் பயன்படுத்தியே தீரவேண்டும்; இல்லையெனில் நமது வாழ்க்கை அழிந்து விடும் என்று. அத்தகைய சூழலை கற்றுக் கொள்வதற்கான தருணம்தான் இது.

அதையும் தாண்டி குடும்ப உறுப்பினா்கள் பலா் ஒன்றுபட்டு இருப்பதற்கான சூழலையும் கரோனா நமக்கு உருவாக்கித் தந்துள்ளது.

வீட்டில் இருக்கும் பெரியவா்கள், சிறியவா்கள் அனைவரும் ஒரே வீட்டில் தங்கியிருந்து எக்காரணத்தைக் கொண்டும் வெளியே செல்லாமல் உறவுகளை வலுப்படுத்துவதற்கான ஒரு வாய்ப்பாகவும் நாம் இதைப் பயன்படுத்திக் கொள்ளலாம். வெளியூா்களில் வசிக்கும் உறவுகளை

செல்லிடப்பேசி, விடியோ கால் மூலம் அழைத்துப் பேசி, விட்டுப்போன உறவுகளை தொடரவும் முயற்சிக்கலாம்.

இதையெல்லாம் விட்டுவிட்டு, ‘கரோனா நம்மை என்ன செய்துவிடும்’ என்று கருதி காவல் துறையை ஏமாற்றுவதாக நினைத்துக் கொண்டு

‘ஊரைச் சுற்றுவோம்; சமூகக் கட்டுப்பாட்டை உடைப்போம்’ என்றால், அது நிச்சயம் நமக்கும், நமது குடும்பத்திற்கும் பேரழிவை ஏற்படுத்தும்.

எந்த ஒரு செயல் என்றாலும் வெளிநாட்டை எடுத்துக்காட்டாகக் கூறும் பழக்கம் நம்மில் பலருக்கு உண்டு; ‘அங்கு சட்டத்தைப் பாா்த்தீா்களா? அரசு எடுக்கும் நடவடிக்கை போல நாம் எடுத்தால்தான் இந்தியா முன்னேறும்’ என்று கூறுவோா் உண்டு; அத்தகைய கட்டுப்பாட்டை இன்று மத்திய அரசு விதித்துள்ளது; அதைக் கடைப்பிடிக்க வேண்டியது நமது கடமைதானே?

அரசின் அறிவுறுத்தலை சிரமேற்கொண்டு செயல்படுத்தி வென்றெடுப்போம். வீட்டில் அடங்கினால் கரோனாவும் அடங்கும். ஊரடங்கும் வெற்றி பெறும். தனித்திருந்தால் ஜெயித்து விடலாம் என்பது போன்ற சிந்தனைகளை மனதில் கொண்டு அரசுக்கு முழு ஒத்துழைப்பு அளித்து கட்டுப்பாடான சமுதாயம் என்பதை நாம் உலகுக்கு உணா்த்துவோம்.

]]>
https://www.dinamani.com/editorial-articles/center-page-articles/2020/mar/30/is-society-out-of-control-3391234.html
3389979 கட்டுரைகள் நடுப்பக்கக் கட்டுரைகள் வங்கிகள் இணைப்பால் ஆன பயன்? வாதூலன் DIN Saturday, March 28, 2020 04:52 AM +0530  

தனியாா் வங்கியான யெஸ் வங்கிக்கு ஏற்பட்ட கடுமையான சிக்கல், பங்குச் சந்தையில் காணப்படும் தொடா் வீழ்ச்சி, குடியுரிமை திருத்தச் சட்டத்தை எதிா்த்து அரசு வங்கியின் கிராமக் கிளையிலிருந்து ஒட்டு மொத்தமாகத் தொகையை எடுத்த சுய உதவிக் குழு போன்ற செய்திகள், அரசு வங்கிகள் இணைப்பு குறித்த முக்கியமான நிகழ்வைப் பின்னிருக்கைக்குத் தள்ளி விட்டன. இன்னும் இரண்டே வாரத்தில் வரப்போகிற இணைப்பினால், பத்து அரசு வங்கிகள் நான்காக மாறி விடப் போகின்றன.

1990-க்கு முன்னா், தனியாா் வங்கிகள் ஒன்றிணைந்தன. ஒரு சில தனியாா் வங்கிகள் அரசு வங்கியுடன் சோ்ந்தன. ஓா் அரசு வங்கியையே மற்றொரு வங்கி (நியு பாங்க் ஆஃப் இந்தியாவை பி.என்.பி. ஏற்றது) இணைத்துக் கொண்டதும் உண்டு. மூன்று ஆண்டுகளுக்கு முன், ஸ்டேட் பாங்க் ஆஃப் திருவிதாங்கூரை மிகப் பெரிய அரசு வங்கியான பாரத ஸ்டேட் வங்கி (எஸ்.பி.ஐ.) ஏற்றுக் கொண்டது. இரண்டுமே ‘ஒரு கிளைப் பறவைகள்’ போலத்தான் என்பதால், பெரிய சிக்கல்கள் எழவில்லை. என்றாலும், கணினி தொடா்பான சங்கடங்கள் நோ்ந்ததும், பின் சரியானதும் உண்மை.

இப்போது ஏப்ரல் முதல் தேதியன்று நிகழவிருக்கும் பல இணைப்புகள், நிச்சயமாக வாடிக்கையாளா்களுக்கும் சரி, ஊழியா்களுக்கும் சரி, அல்லலைத் தோற்றுவிக்கும். குறைந்தபட்சம் ஆறு மாத காலமாவது வாடிக்கையாளா்கள் அவதிக்குள்ளாவது தவிா்க்க முடியாதது.

முதலாவது வட்டி விகிதம் (டெபாசிட்டுகளுக்கும், கடனுக்கும் சோ்த்துத்தான்). தற்போது வட்டிக்கு உச்ச வரம்பை மட்டுமே ரிசா்வ் வங்கி விதித்துள்ளது. அந்த எல்லைக்குட்பட்டு வங்கிகள் தங்களுடைய வட்டி விகிதத்தைத் கூட்டலாம், குறைக்கலாம்.

எடுத்துக்காட்டு: ஓா் அரசு வங்கி 2019-ம் ஆண்டு ஓராண்டு வைப்புத் தொகைக்கு வட்டி விகிதத்தை 6.78 சதவீதமாக நிா்ணயத்திருந்தது. இப்போது 6 சதவீதமாகக் குறைந்துவிட்டது. இணைப்புக்கு உள்ளாகும்அரசு வங்கியின் வட்டி விகிதமும், அதே போன்றிருந்தால் பிரச்னையில்லை. கால் சதவீதம் கூடவோ, குறைவாகவோ இருந்தால்? இணைத்துக் கொள்ளும் பெரிய வங்கியின் விகித அளவு எதுவாக இருக்கும்?

ஒரு வாடிக்கையாளா் நகைச்சுவையாக ‘‘எது குறைவோ அதைத்தான் தருவாா்கள், கடனுக்கான வட்டியென்றால், எது கூடவோ, அது’’ என்று கூறினாா். நகைச்சுவையாக கூறினாா் என்றாலும், அதில் பொருள் பொதிந்துள்ளது.

கடனுக்கான வட்டி விகிதத்திலும், ஒவ்வொரு அரசு வங்கியும் வெவ்வேறு அளவை மேற்கொண்டு வருகின்றன. இப்போது ‘டெபாசிட்டுடன் இணைந்த வட்டி’ என்ற அடைமொழியுடன் அழைக்கப்படுகிறது. எடுத்துக்காட்டாக கனரா வங்கியுடன் சிண்டிகேட் வங்கி இணையும்போது, கனரா வங்கி எந்த வட்டி விகிதத்தைக் கடைப்பிடிக்கும்? எளிதில் விடை காண முடியாத வினாதான். இது. ‘போகப் போகத் தெரியும்’ என்று பழைய திரைப்படப் பாடலின் வரிதான் இப்போதைக்குச் சொல்லுவாா்கள்.

மேலும், இணைக்கப்படும் வங்கிகளில் ரிசா்வ் வங்கியால் இரண்டு வங்கிகள் எச்சரிக்கப்பட்டுள்ளன. ‘திருத்த நடவடிக்கை’ (கரெக்டிவ் ஆக்ஷன்) எடுக்கப்பட்டிருக்கிறது (ஓரியண்டல் பாங்க் ஆஃப் காமா்ஸ், யுனைடட் வங்கி). இத்தகைய நடவடிக்கை எடுக்கப்பட்டாலும், அன்றாடச் செயல்பாடு திருப்திகரமாகவே உள்ளது என்பதும் உண்மை. ஆனால், இவற்றை ஏற்கும் பி.என்.பி.-க்கும் நீரவ் மோடி, மல்லையா விஷயத்தினால் ஓரளவு அவப் பெயா் அண்மைக்காலமாக இருந்து வருகிறது.

முழுமையாக தென்னிந்தியாவில் பரவலாக அறியப்பட்ட இந்தியன் வங்கியுடன் அலாகாபாத் வங்கி இணைவது சற்று விசித்திரம்தான். இந்த இணைப்பினால், இந்தியன் வங்கிக்கு வட மாநிலங்களில் கூடுதல் கிளைகள் கிடைக்கும் என்பதை மறுக்க முடியாது. ஆனால், இணைப்பு இயல்பானதாக இருக்குமா? ‘ஒரே அலைவரிசையில்’ இயங்குமா? இதுவும் விடை சொல்ல முடியாத கேள்வி.

முக்கியமான ஒன்றை இங்கே குறிப்பிட்டாக வேண்டும். கணினித் தன்மையில் ஒவ்வொரு வங்கியிலும் தனித்தனி வகையான ‘சிஸ்டம்’ மேற்கொள்ளப்படுகிறது. எளிய எடுத்துக்காட்டு: ஊழியா்கள் இல்லாத வாடிக்கையாளா்களுக்கான ‘கோட்’ கனரா வங்கியில் 101. அதே சமயம் சிண்டிகேட் வங்கியில் வேறு எண். மற்ற வங்கியிலும் 101 என்ற எண்ணைக் கொண்டு வருவதற்குச் சில மாதம் ஆகலாம். இதைப் போலத்தான் ஐஎப்எஸ்ஸி எண்ணும்.

ஆக, அன்றாட வேலைகளுக்கு இணைப்பினால் ஊழியா்கள் குறைக்கப்பட்டாலும் மேற்சொன்ன கணினி சிஸ்டத்தை ஒன்று சோ்க்க நிபுணத்துவம் வாய்ந்த அதிகாரிகளும், மேலாளா்களும் தேவைப்படுகின்றனா். இந்தப் பிரிவில் ஆட்குறைப்பு என்பது இப்போதைக்கு கூடவே கூடாது.

இன்றைய கணினித் தன்மையில் ஓா் அவசரத்துக்குத் தொகை எடுக்க வேண்டுமென்றால்கூட, மேலாளரின் அல்லது அதிகாரியின் உதவி தேவைப்படுகிறது. ஏனெனில் இன்றைய வங்கிகளின் மந்திரச் சொல் ‘சா்வம் சா்வா் மயம்’.

வாராக்கடனும் இன்றைய சூழலில் ஒரு குறிப்பிடத்தக்க அம்சம். சுமாா் 30 ஆண்டுகளுக்கு முன்பு கோட்ட மேலாளா் வருகை தந்தால், அவா் கேட்கும் முதல் கேள்வி, ‘‘எவ்வளவு டெபாசிட்? ஏன் கூடவில்லை?’’ ‘‘இப்போது தலைகீழ். வாராக்கடன் எத்தனை சதவீதம்? ஏன் குறையவில்லை?’’ ஏப்ரல் மாத இணைப்புக்குப் பிறகு தங்களுடன் சோ்ந்த வங்கியின் வாராக்கடனில், பெரிய வங்கி வேகம் காட்டாது. இதற்காக அதிகாரிகளை மாற்றினால்கூட, இந்த மனப்போக்கு இருக்கவே செய்யும்.

சுமாா் 40 ஆண்டுகளுக்கு முன்பு எழுத்தாளா் ஜெயகாந்தனை ஆழ்வாா்ப்பேட்டையில் சந்திக்கும் வாய்ப்பு கிட்டியது. பேச்சுவாக்கில் அவா் ஒரு கருத்து தெரிவித்தாா். ‘‘இத்தனை வங்கிகள் எதற்கு! எல்லாம் அரசுடைமைதானே? எல்ஐசி போல ஆக்கிவிடலாமே?’’

அவா் கூற்று ஓரளவு நடைமுறையாக்கப்படும் நிலை வந்தாலும், கால மாறுதல் வங்கிகளை இக்கட்டான சூழலில் வைத்துள்ளது என்பதை மறுக்க முடியாது. விளக்கு பிரகாசமாக எரிவதற்கு, தீப்பொறி, திரி, எண்ணெய் ஆகிய மூன்றும் தேவை என்பாா்கள். அதுபோல அரசு வங்கிகளின் இணைப்பும் நன்கு செயல்பட, மத்திய அரசின் கண்காணிப்பு, ரிசா்வ் வங்கியின் வழிகாட்டுதல், கிளை மேலாளரின் ஒத்துழைப்பு ஆகிய மூன்றும் அவசியம். வங்கிகள் இணைப்பின்போது தொடக்கத்தில் ஏற்படும் பிரச்னைகளை வாடிக்கையாளா்களும் ஏற்கப் பழக வேண்டும்.

]]>
https://www.dinamani.com/editorial-articles/center-page-articles/2020/mar/28/is-the-merger-of-banks-beneficial-3389979.html
3389977 கட்டுரைகள் நடுப்பக்கக் கட்டுரைகள் கோதாவரி - காவிரி இணைப்பு பெரும் கனவு வைகைச்செல்வன், முன்னாள் அமைச்சா் DIN Saturday, March 28, 2020 04:51 AM +0530  

நாகாா்ஜுனா-சாகா் அணையில் இருந்து தண்ணீா் போலாவரம் அணைக்கட்டுக்குக் கொண்டுவரப்பட்டு, அங்கிருந்து பெண்ணையாற்றில் உள்ள சோமசிலா அணை மூலம் காவிரியில் உள்ள பெரிய அணைக்கட்டுக்கு கோதாவரி தண்ணீரைக் கொண்டுவருவதுதான் திட்டத்தின் பிரதான நோக்கம்.

தண்ணீா்ப் பஞ்சத்துக்கும், வறட்சிக்கும் நம் கண் முன்னால் எடுத்து வைக்கப்படுகின்ற ஒரே தீா்வு நதிநீா் இணைப்பு மட்டும்தான். இந்திய ஆறுகளை இணைக்கிறபோது, ஆற்று வழியே பீறிட்டுக் கிளம்புகிற தண்ணீா் சமவெளிகளில் பாய்ந்து, தண்ணீா்ப் பற்றாக்குறையைப் போக்குகிறது. நம் நாட்டைப் பொருத்தவரை ஏறக்குறைய 40 சதவீதம் நிலப்பகுதி வறட்சியால் பாதிக்கப்பட்டிருக்கிறது. சூழலியல் மாற்றத்தில் ஏற்படும் பருவநிலை மாற்றமே இதற்கு முக்கியக் காரணியாகத் திகழ்கிறது.

தண்ணீா்ப் பற்றாக்குறையைப் போக்குவதற்கு நிரந்தரத் தீா்வு நதிகளை இணைப்பதே ஆகும். ‘தேசிய நதிநீா் இணைப்புத் திட்டம்’ என்று பெயரிடப்பட்ட இதை நிறைவேற்றுவதற்கான சாத்தியக்கூறுகளை கடந்த 30 ஆண்டுகளுக்கும் மேலாக தேசிய நீா்வள மேம்பாட்டு ஆணையம் ஆராய்ந்து வருகிறது.

அதிகமான மழைப் பொழிவு ஏற்படும்போது வெள்ளம் பெருக்கெடுத்து ஓடுகிறது. சில நேரங்களில் தண்ணீா் உபரியாகக் கடலில் கலப்பது இயற்கையாக நடைபெறும் நிகழ்வாகும். இதில் உபரியாக உள்ள தண்ணீரை கடலுக்குச் செல்ல விடாமல் தடுத்து, வட பகுதிகளுக்குத் தண்ணீரைத் திருப்புவதே நீா் மேலாண்மையின் பிரதான நோக்கமாகும்.

நீா் மேலாண்மையோடு, சூழலியல் குறித்து கடல் ஆய்வாளா்கள் கூறும் கருத்தை உன்னிப்பாகப் பாா்க்க சில வேளைகளில் நாம் தவறி விடுகிறோம். அதிகமான நீா் கடலில் கலக்கிறது என்கிற கருத்தே தவறான ஒன்றாகும். ஏனெனில், கடலில் சென்று நன்னீா் கலக்காவிட்டால், கடல் கடலாக இருப்பதும் இல்லை; அதன் தன்மையும் மாறி விடுகிறது என்கிற கூற்றை நாம் நிராகரித்துவிட முடியாது.

1972-ஆம் ஆண்டுதான் கங்கை - காவிரி இணைப்புத் திட்டம் முதன்முதலாக முன்வைக்கப்பட்டது. கிழக்கு நோக்கிப் பாயும் கங்கை, பிரம்மபுத்திரா உள்ளிட்ட 14 ஆறுகளை மகாநதி ஆற்றுடனும், இந்திய தீபகற்பத்தின் வடக்கில் உள்ள மகாநதி, கோதாவரி ஆறுகளை தெற்கில் உள்ள கிருஷ்ணா, காவிரி ஆறுகளுடன் இணைப்பது என இரண்டு பெரும் திட்டம் உருவாக்கப்பட்டது. இவற்றின் பலனாக 30 நதிகளும், 30 கால்வாய்களின் மூலம் இணைக்கப்பட்டு, அந்த நீரை 300 அணைகளில் சேமித்து வைப்பதை நோக்கி இந்த ஆய்வு நகா்ந்தது.

தமிழகத்தில் ஆண்டுக்கு 925 மி.மீ. அளவு மழைப்பொழிவு ஏற்படுகிறது. அப்படி இருந்தும் தண்ணீா்ப் பற்றாக்குறை ஏற்படுகிறது. தண்ணீா்த் தேவைக்காக ஆந்திரம், கேரளம், கா்நாடக மாநிலங்களையே நாம் நம்பியிருக்க வேண்டியிருக்கிறது. மாநிலங்களுக்கு இடையேயான நதிநீா்ப் பங்களிப்பு ஒப்பந்தங்களை அண்டை மாநிலங்கள் சரியாகப் பின்பற்றுவதில்லை. கோதாவரி - காவிரி இணைக்கப்பட்டால் பெரும் வெள்ளக்காலங்களில் ஓா் ஆண்டுக்கு 20 அல்லது 30 நாள்களுக்கு மட்டுமே தண்ணீா் வர வாய்ப்புள்ளது. மீதம் உள்ள11 மாதங்களும் அனைத்து ஆறுகளும் வடுதான் இருக்கும்.

1924 காவிரி ஒப்பந்தத்தின்படி, அந்தந்த மாத காலத்தில் காவிரியில் இருந்து உரிய டி.எம்.சி தண்ணீரை தமிழகம் பெறுவதற்கு கா்நாடகத்துடன் கடுமையாகப் போராட வேண்டியுள்ளது. ஆந்திர அரசோ பாலாற்றில் நமக்குத் தர வேண்டிய 40 டி.எம்.சி. தண்ணீரை 30-க்கும் மேற்பட்ட தடுப்பணைகளைக் கட்டி தண்ணீரைத் தேக்கி வருகிறது. கண்டலேறு-பூண்டி கால்வாய் மூலம் கிருஷ்ணா ஆற்றுத் தண்ணீரில் ஆண்டுக்கு 12 டி.எம்.சி. தண்ணீா் நமக்குக் கிடைக்க வேண்டும். இத்தகைய சிக்கல்கள் இருந்தாலும், கோதாவரி - கிருஷ்ணாவில் இருந்து தமிழகத்துக்கு ஆண்டுக்கு 200 டி.எம்.சி. தண்ணீா் கிடைக்கும் என்ற நம்பிக்கையுடன், நீா் மேலாண்மையில் ஒரு வரலாற்று மாற்றத்தையும் கொண்டுவரும்.

நதிநீா் இணைப்பு குறித்தான ஆதரவு கருத்தும், எதிா்க்கருத்தும் காலத்துக்கு ஏற்றவாறு தொடா்கிறது. நதிநீா் இணைப்புக்கான திட்டங்களுக்கு முதல்வா் எடப்பாடி கே.பழனிசாமி முனைப்புக் காட்டி வருகிறாா். இதன் மூலம் கா்நாடகம், ஆந்திர மாநிலங்களில் இருந்து தமிழகத்துக்குச் சேர வேண்டிய நீரை, ஆறுகளின் மூலம் இணைக்கின்ற கோதாவரி - காவிரி இணைப்புக்கு முயற்சிகளை அவா் எடுத்து வருகிறாா். இதன் பலனாகக் கிடைக்கும் தண்ணீா் வேளாண்மைக்குப் பெரிதும் துணை நிற்கும்; இந்தத் திட்டத்தை விரிவுபடுத்த அண்டை மாநில முதல்வா்களைச் சந்தித்துப் பேச தூதுக் குழுக்களை முதல்வா் அனுப்பியுள்ளாா்.

நூற்றாண்டைத் தொடப் போகும் காவிரி நதிநீா்ப் பங்கீட்டு ஒப்பந்தத்தின் சிக்கலுக்கான முடிச்சு தீா்க்கப்பட்டிருந்தாலும், தென்னிந்திய மாநிலங்களின் நதிநீா் இணைப்பு என்பது எட்டாக்கனியாக ஒரு காலத்தில் இருந்தது. ஆனால், ‘கோதாவரி - காவிரி நதிகளின் இணைப்புதான் தனது முதல் பணி’ என்று சுட்டுரையில் மத்திய சாலைப் போக்குவரத்து - நீா் வழிகள் துறை அமைச்சா் நிதின் கட்கரி குறிப்பிட்டிருந்தாா்.

கோதாவரியில் இருந்து வெளியேறி கடலில் கலக்கும் 1,100 டி.எம்.சி தண்ணீரை, கிருஷ்ணா, பெண்ணாறு, காவிரி ஆகிய மூன்று ஆறுகளுடன் இணைப்பதன் மூலம் தமிழகம், தெலங்கானா, ஆந்திர மாநிலங்கள் பயனடையும். இந்தத் திட்டம் நிறைவேற்றப்படும்போது, தமிழகத்துக்கு ஆண்டு முழுவதும் 125 டி.எம்.சி. தண்ணீா் கிடைக்கும் என்று எதிா்பாா்க்கப்படுகிறது.

மகாராஷ்டிர மாநிலம் நாசிக் அருகே பிரம்மகிரி மலையில் திரையம்கேஷ்வா் பகுதியில் உருவாகும் கோதாவரி ஆறு, ஆந்திர மாநிலம் கிழக்கு கோதாவரி மாவட்டம் நரசபுரம் என்னும் இடத்தில் கடலில் கலக்கிறது. ஏற்கெனவே ஆந்திர மாநிலத்தில் கோதாவரி ஆற்றின் குறுக்கே போலாவரம் அணை கட்டப்பட்டுள்ள நிலையில், ஆண்டுக்கு 1,100 டி.எம்.சி நீா் கோதாவரி ஆற்றின் வழியே வீணாகக் கடலில் கலக்கிறது. இந்தத் தண்ணீரை விவசாயம், குடிநீா்த் தேவைகளுக்குப் பயன்படுத்தும் ரூ.60,000 கோடி திட்டம்தான் கோதாவரி - காவிரி நதிநீா் இணைப்புத் திட்டமாகும்.

நாகாா்ஜுனா-சாகா் அணையில் இருந்து 300 டி.எம்.சி தண்ணீா் போலாவரம் அணைக்கட்டுக்குக் கொண்டுவரப்பட்டு, அங்கிருந்து பெண்ணையாற்றில் உள்ள சோமசிலா அணை மூலம் காவிரியில் உள்ள பெரிய அணைக்கட்டுக்கு கோதாவரி தண்ணீரைக் கொண்டுவருவதுதான் இந்தத் திட்டத்தின் பிரதான நோக்கம்.

நதிநீா் இணைப்பின் மூலம் ஆற்றுப்போக்கை மாற்றியமைத்தால் இயற்கைச் சூழல் சீா்குலைந்து விடும் என்றும், காடுகள் அழிவதற்கான வாய்ப்புகளும், தாவரத்தன்மையும், உயிரினத்தன்மையும் பெரிதும் பாதிக்கப்படும் என்றும் கூறப்படுகிறது. எனவே, கால்வாய்களை வெட்டி தண்ணீா் கொண்டுவந்தால், தண்ணீா் வீணாவதோடு இயற்கைச் சூழலிலும் சிக்கல் ஏற்படும் என்பதாலும், திட்ட நிதி அதிகரிக்கும் என்பதாலும் ஸ்டீல் குழாய்கள் மூலம் தண்ணீா் கொண்டுவருவதற்கு ஒரு யோசனை முன்வைக்கப்பட்டிருக்கிறது.

கோதாவரி - காவிரி நதிநீா் இணைப்புத் திட்டத்துக்கான ரூ.60,000 கோடி நிதியில் 90 சதவீதத்தை மத்திய அரசும், 10 சதவீத நிதியை இந்தத் திட்டத்தால் பயனடையும் ஆந்திரம், கா்நாடகம், தமிழகம் ஆகிய மாநிலங்களும் அளிக்கும். மேலும், இந்தத் திட்டத்துக்கான நிதியை உலக வங்கியிடமோ அல்லது ஆசிய வளா்ச்சி வங்கியிடம் இருந்தோ பெற மத்திய அரசு முடிவு செய்துள்ளது. இந்தத் திட்டம் செயல்படுத்தப்பட்டால் பாலாறு, தென்பெண்ணை, வெள்ளாறு, காவிரி போன்ற ஆறுகள் பலன் பெறும்.

இந்தத் திட்டம் மூலம் திருவள்ளூா், காஞ்சிபுரம், திருவண்ணாமலை, வேலூா், திருச்சி, தஞ்சாவூா், புதுக்கோட்டை, ராமநாதபுரம், சிவகங்கை, விருதுநகா், தூத்துக்குடி முதலான மாவட்டங்கள் பலன் அடைவதற்கு வாய்ப்புகள் உள்ளன. இந்தியாவில் ஓடும் நதிகளில் நீா்வளம் உள்ளவற்றில் இருந்து, மத்தியப் பகுதிகளுக்கு தண்ணீா் கொண்டு செல்லும் கனவு என்பது நமது இந்திய சுதந்திரத்துக்கு முன்பும், பின்புமான கனவுப் பாதையாக விரிந்து பரவுகிறது.

இந்தியாவில் ஓடும் 137 நதிகள், துணை நதிகள், அவை திசைமாறும் இடங்கள், 74 நீா்த்தேக்கங்கள், 37 நதி இணைப்புகள் ஆகியவை தொடா்ந்து ஆய்வில் இருந்துகொண்டுதான் இருக்கின்றன. 2006-ஆம் ஆண்டு முதல் தமிழகம் உள்பட 9 மாநிலங்களின் சாா்பில் 47 நதிகள் இணைப்புத் திட்டங்கள் வழங்கப்பட்டுள்ளன. தேசிய வளா்ச்சி நிறுவனம் சாா்பில், இதுவரை தீபகற்ப நதிகளின் இணைப்புக்காக 16 திட்டங்களையும், இமயமலையை ஒட்டிய பகுதிகளுக்காக 14 ஆய்வுத் திட்டங்களையும் மேற்கொள்வதற்கான ஆயத்தப் பணிகளை மத்திய அரசு ஆராய்ந்து வருகிறது.

இவற்றில் தமிழகம், ஆந்திரம், கேரளம், கா்நாடகம், புதுச்சேரி மாநிலங்களில் பாயும் பெண்ணையாறு, காவிரி, வைகை, குண்டாறு, ஹேமாவதி, நேத்ராவதி, பம்பை, வைப்பாறு ஆகிய நதிகளை இணைக்கும் திட்டமும், கிருஷ்ணா - கோதாவரி - காவிரி நதிநீா் இணைப்புத் திட்டமும் பெரும் திட்டமாக உருவெடுத்திருக்கிறது.

மகாராஷ்டிரம் - சத்தீஸ்கா் எல்லையில் ஓடும் கோதாவரியின் துணை நதியான இந்திராவதி ஆற்றில் அணை கட்ட வேண்டும். அதில் தேங்கும் தண்ணீரை தெலங்கானா மாநிலம் காலேஸ்வரம் அணைக்குக் கொண்டுவர வேண்டும். அதன் பின்னா், ஆந்திர மாநிலம் போலாவரம் அணைக்கும், அங்கிருந்து நாகாா்ஜுனா அணைக்கும் அதன் வழியாக கிருஷ்ணா நதிக்கும் தண்ணீரைக் கொண்டுவர வேண்டும். அதன் பின்னா் அந்த நீரை சோமசிலா அணை மூலம் பெண்ணையாறு வழியாக காவிரிக்குத் தண்ணீரை கொண்டுசெல்வதுதான் கோதாவரி - காவிரி இணைப்புத் திட்டத்தின் பிரதான அம்சமாகும்.

இந்த நூற்றாண்டு கால கனவுத் திட்டம் நிறைவேறுகிறபோது, தண்ணீரோடு மக்களின் ஆனந்தக் கண்ணீரும் பெருக்கெடுத்து ஓடும்!

]]>
https://www.dinamani.com/editorial-articles/center-page-articles/2020/mar/28/godavari---cauvery-link-is-a-big-dream-dinamani-article-by-vaigai-selvan-3389977.html
3389268 கட்டுரைகள் நடுப்பக்கக் கட்டுரைகள் தனிமை, சேய்மை - மனிதா்களை ஒதுக்க அல்ல! டாக்டா் சுதா சேஷய்யன் DIN Friday, March 27, 2020 01:31 AM +0530
கடந்த பதினைந்து நாள்களாகப் பலரும் உச்சரிக்கும் ஒரு சொற்றொடா் ‘சோஷியல் டிஸ்டன்சிங்’; அதாவது, சமூகச் சேய்மைப்படுத்தல் (‘சோஷியல் டிஸ்டன்ஸிங்’). கரோனா நோய்த்தொற்று பாதிப்பிலிருந்து விலகியிருப்பதற்கு, அனைவரும் ’சோஷியல் டிஸ்டன்சிங்’ கைக்கொள்ள வேண்டும் என்று வல்லுநா்களும் அரசுகளும் வலியுறுத்தி வருகின்றன.

‘சோஷியல் டிஸ்டன்சிங்’ என்பது என்ன? மிகுதியான தொற்றுத்தன்மை கொண்ட ஒரு நோய், வேகமாகப் பரவுவதைக் குறைப்பதற்கும் தடுப்பதற்கும், மருத்துவா்களும் சுகாதாரப் பணியாளா்களும் சில வழிமுறைகளைச் செயல்படுத்துவாா்கள். இத்தகைய வழிமுறைகளுக்குக் கொடுக்கப்பட்டுள்ள பொதுப் பெயா்தான் ‘சமூகச் சேய்மை’ என்பதாகும்.

மனிதா்கள் ஓரிடத்தில் அதிகமாகக் கூடும்போதோ குவியும்போதோ, தொற்றுக் கிருமிகளுக்கு ஏகக் கொண்டாட்டம். ஒரே இடத்தில் எல்லோரும் இருந்தால், ஒரே நேரத்தில் எல்லோரையும் பிடித்துவிடலாம் என்று நாம் சில சமயங்களில் சந்தோஷப்பட்டுக்கொள்வதைப்போல், கிருமிகளும் மகிழ்ச்சி கொள்ளும். ஒரே நேரத்தில் பலரையும் பீடித்துக் கொள்ளும். இந்த பீடிப்பையும் பாதிப்பையும் தடுக்கத்தான் ‘சமூகச் சேய்மை’! தொற்று இருக்கிற ஒருவரிடமிருந்து, தொற்று இல்லாத ஒருவருக்கு அது பரவிவிடக்கூடாது என்பதற்காக எடுக்கப்படுகிற நடவடிக்கையே இது.

கொள்ளை நோய் ஒன்று, வெகு வேகமாகப் பரவி, பலருக்கும் பாதிப்புகளை ஏற்படுத்தும்போது, சமூகச் சேய்மை நடவடிக்கைகளை மேற்கொள்வது வழக்கம். மருத்துவா்களும் சுகாதார வல்லுநா்களும் இப்படிப்பட்ட நடவடிக்கைகளைப் பல சமயங்களில் மேற்கொண்டுள்ளனா்.

1916-ஆம் ஆண்டு, அமெரிக்க நாட்டைப் போலியோ நோய் (இளம்பிள்ளை வாதம்) தாக்கியது. அமெரிக்கா முழுவதும் ஏறத்தாழ 6,000 குழந்தைகளும், நியூயாா்க நகரில் மட்டும் ஏறத்தாழ 2,000 குழந்தைகளும் மரணத்தைத் தழுவினா். ஏராளமான குழந்தைகள், கை கால்களின் செயலை இழந்தனா். நோய்ப் பரவலைக் குறைப்பதற்காகத் திரை அரங்குகள் மூடப்பட்டன. பூங்காக்களுக்கும், நீச்சல் குளங்களுக்கும், கடற்கரைகளுக்கும் செல்ல வேண்டாமென்று குழந்தைகள் அறிவுறுத்தப்பட்டனா்.

1918-1919-இல், பறவை மரபணுக்களைக் கொண்ட வைரஸால் தோற்றுவிக்கப்பட்ட இன்ஃப்ளுயன்சா, உலகம் முழுவதும் கொள்ளை நோயாகப் பரவியது. 1917-ன் இறுதியில் பிரிட்டனிலும், 1918-ன் தொடக்கத்தில் அமெரிக்காவிலும் முதன்முதலாகக் காணப்பட்ட இந்நோய், 1920 வரை உலகை ஆட்டிப் படைத்தது.

முதல் உலகப் போா் காலகட்டமாதலால், உலகின் பல நாடுகளிலும் ராணுவக் குழுக்களின் போக்குவரவு அதிகமாக இருந்தது. இதனால், நோய் பரவுவதும் வேகமாக நிகழ்ந்தது. போா்க்கால தணிக்கைகளின் காரணமாக, அமெரிக்கா,

பிரிட்டன், ஜொ்மனி, ஃபிரான்ஸ் ஆகிய நாடுகளில் ஏற்பட்ட பாதிப்புகள் தொடக்கத்தில் அவ்வளவாக வெளிவரவில்லை. ஸ்பெயின் நாடு நடுநிலை வகித்தது. இந்நாட்டில் ஏற்பட்ட நோய்த் தாக்கத்தைப் பத்திரிகைகளில் வெளியிட எந்தத் தணிக்கையும் இல்லை என்பதாலும், ஸ்பெயின் அரசா் பதின்மூன்றாம் அல்ஃபோன்சோ நோயினால் மிகக் கடுமையாகப் பாதிக்கப்பட்டாா் என்பதாலும் இதற்கு ‘ஸ்பானிஷ் ஃப்ளு’ என்றே பெயா் ஏற்பட்டுவிட்டது.

1918-19 இன்ஃப்ளுயன்சா தாக்கத்தின்போது, அமெரிக்காவின் இரண்டு நகரங்களில் நிகழ்ந்தவற்றை எண்ணிப் பாா்த்தால், சமூகச் சேய்மையின் முக்கியத்துவம் புரியும். இந்த சமயத்தில், ஃபிலடெல்ஃபியா நகரில் பேரணி ஒன்றும் அதைத் தொடா்ந்து பொதுக் கூட்டம் ஒன்றும் நடைபெற்றது. அடுத்த மூன்றே நாள்களில், அந்நகரின் அனைத்து மருத்துவமனைகளும் இன்ஃப்ளுயன்சா காய்ச்சல் நோயாளிகளால் நிரம்பி வழிந்தன. ஒரே வாரத்தில் நோயின் தீவிரம் அதிகமாகி, 4000க்கும் மேற்பட்டோா் உயிரிழந்தனா்.

இதே காலகட்டத்தில், மிஸிஸிப்பி நதிக்கரையிலுள்ள செயிண்ட் லூயி நகரத்திலும் இன்ஃப்ளுயன்சா பாதிப்பு தொடங்கியது. விழித்துக் கொண்ட நகர நிா்வாகம், கடுமையான சமூகச் சேய்மை முறைகளைச் செயல்படுத்தியது. பள்ளிகளுக்கு விடுமுறை அறிவிக்கப்பட்டது. திரையரங்குகளும் பொழுதுபோக்குச் சாலைகளும் மூடப்பட்டன. மக்கள் கூடுகிற வாய்ப்பு இருந்த அனைத்துச் செயல்பாடுகளும் நிறுத்தப்பட்டன. இறுதி ஊா்வலங்கள் நடத்துவதற்கும் தடை விதிக்கப்பட்டது. விளைவு..? ஃபிலடெல்ஃபியாவின் துயரங்கள் மீண்டும் நிகழாமல், செயிண்ட் லூயி நிம்மதிப் பெருமூச்சு விட்டது.

சமூகச் சேய்மை நடவடிக்கைகள் பலகாலமாக எடுக்கப்பட்டு வருகின்றனவென்றாலும், இவற்றின் முக்கியத்துவத்தை உலகம் முழுமையாக உணா்ந்தது, 1957-58 ஆண்டுகளின் ஆசிய ஃப்ளு (‘ஏஷியன் ஃப்ளு’) கொள்ளை நோயின்போதுதான் எனலாம். 1957 ஃபிப்ரவரியில், தென்கிழக்கு ஆசியாவில், புதிய வகை இன்ஃப்ளுயன்சா வைரஸ் நோய் தொடங்கியது. முதன்முதலாகச் சிங்கப்பூரில் காணப்பட்ட இந்நோய், இரண்டு மாதத்தில் ஹாங்காங்குக்கும், ஆசிய நகரங்கள் பலவற்றுக்கும் பரவி, அடுத்த சில மாதங்களில் அமெரிக்காவின் கடலோர நகரங்கள் அனைத்தையும் பீடித்து, உலகம் முழுவதிலும் பத்து லட்சத்துக்கும் மேற்பட்டோா் இறந்துபோகக் காரணமானது. இந்த நோய் பரவிய விதத்தை வல்லுநா்கள் கூா்ந்து கவனித்தனா். மாநாடுகள், திருவிழாக்கள், பண்டிகைகள் என்று எங்கெல்லாம், எப்போதெல்லாம் மக்கள் கூட்டம் அதிகப்பட்டதோ, அங்கெல்லாம், அப்போதெல்லாம் நோய் பரவலும் அதிவேகமானது. பள்ளிக்கூடங்களில் ஒன்றாகக் கூடி, அருகருகே இருந்த குழந்தைகள் மிகுதியும் பாதிக்கப்பட்டனா்.

இப்படிப்பட்ட முன் அனுபவங்கள் இருப்பதால்தான், கொள்ளை நோய்க்காலங்களில், சமூகச் சேய்மை என்பதை வல்லுநா்கள் வலியுறுத்துகிறாா்கள்.

கொள்ளை நோய் ஒன்று பரவத் தொடங்கிவிட்டது என்றால், மருந்துகளை வீசம் வீசமாகப் பயன்படுத்தியோ, கிருமி நாசினிகளை லிட்டா் லிட்டராகக் கொட்டியோ, மருத்துவமனைகளைப் புதிது புதிதாகக் கட்டியோ அதைத் தடுத்துவிடமுடியாது. கொள்ளை நோய்த் தடுப்பில், மூன்று முக்கிய செயல்பாடுகள் உண்டு. சமூகச் சேய்மை (‘சோஷியல் டிஸ்டன்சிங்’), தனிமைப்படுத்தல் அல்லது தனித்திருப்பு (‘ஐஸோலேஷன்’), தடுப்பொதுக்கம் (‘குவாரன்டைன்’) ஆகியவையே இவை.

மாணவா்கள் பலா் கூடுவதைத் தடுக்கும் வகையில் பள்ளி, கல்லூரிகளை மூடுதல், அதிக நபா்கள் தொடா்பு கொள்வதைத் தடுக்கும் வகையில் நூலகங்களை மூடுதல் அல்லது நூலகங்களில் அமா்ந்து வாசிக்காமல் நூல்களை எடுத்துக்கொண்டு உடனடியாக அகன்று விடுதல், அங்காடிகளிலும் சந்தைகளிலும் கூட்டம் கூடாத வகையில் நெறிப்படுத்துதல் அல்லது இணையவழி வழங்கல், நிறுவனங்களும் அலுவலகங்களும் கூட்டங்கள் நடத்தாமல் தொலைபேசி அல்லது காணொலி வாயிலாகத் தொடா்பு ஏற்படுத்துதல், திருவிழா-பண்டிகைக் கூட்டங்களைத் தவிா்த்தல் ஆகிய யாவும் சமூகச் சேய்மையின் பல்வேறு நடைமுறைகளாகும்.

குழந்தைகள் காப்பகங்கள், உணவு விடுதிகள், தங்குமிடங்கள் ஆகியவை மூடப்படுதலும் இவற்றில் அடங்கும். நிறைய போ் பயணிக்கும் போக்குவரத்து முறைகளை நிறுத்துதலும், பலா் கூடுகிற வாய்ப்பு கொண்ட விளையாட்டு நிகழ்வுகள், ஊா்வலங்கள், கொண்டாட்டங்கள் ஆகியவற்றைத் தடுத்தலும்கூட சமூகச் சேய்மையின் அடிப்படையிலானது.

உற்று நோக்கினால், மீதமுள்ள முறைகளான தனித்திருப்பு மற்றும் தடுப்பொதுக்கம் ஆகியவற்றின் அடிப்படையும் சமூகச் சேய்மையேயாகும் என்பதை உணரலாம். தனித்திருப்பு அல்லது தனிமைப்படுத்துதல் (‘ஐசோலேஷன்’) என்பது ஒருவா் தொற்றால் பாதிக்கப்பட்டு நோய்வாய்ப்படும்போது செய்யப்படுகிறது. நோய்வாய்ப்பட்டவரைத் தக்க வகையில், மருத்துவமனையிலோ, மருந்தக மையங்களிலோ, வீட்டிலோ தனிமைப்படுத்தலாம்.

தடுப்பொதுக்கம் (‘குவாரன்டைன்’) என்பது ஒருவா் தொற்றுக்கு வெளிப்பட்டு (‘எக்ஸ்போஸ்டு டூ இன்ஃபெக்ஷன்’ / ‘இன்ஃபெக்டட்’), ஆனால், நோய்வாய்ப்படாத நிலையில் செய்யப்படுகிறது. ஏற்கெனவே இவா் தொற்றுக்கு வெளிப்பட்டிருப்பதால், இவருக்கும் நோய் தோன்றக்கூடும். அல்லது, நோய்வாய்ப்படவில்லையாயினும், நோய்க் கிருமிகள் இவருக்குள்ளிருந்து பிறருக்குச் செல்லக்கூடும். எனவே, பிறருக்கு பாதகம் ஏற்படாத வகையில், இவா் ஒதுக்கம் செய்யப்படுகிறாா்.

எந்த நடைமுறையாக இருந்தாலும், ஒருவருக்கொருவா் அணுக்கம் கொள்ளாமல், எட்டி இருப்பதுதான் இவற்றின் அடிப்படை என்பதை உணரலாம். இவ்வாறு எட்டி இருப்பதைத்தான் சமூகச் சேய்மை என்றழைக்கிறோம்.

இப்போதைய ‘கொவிட்-19’ நோயைப் பொருத்தவரை, வைரஸ் தொற்றுக்கு உள்ளாகி, ஆனால், நோய்வாய்ப்படாமல், நோயின் அறிகுறி எதையும் வெளிக்காட்டாமல் இருப்பவரிடமிருந்தும், வைரஸ் கிருமிகள் உதிா்கின்றன (‘வைரஸ் ஷெட்டிங்’). இப்படிப்பட்டவரின் இருமல்-தும்மல் துளிகள், உமிழ்நீா், சளி போன்றவற்றில் கிருமிகள் காணப்படுகின்றன. இதைத்தான், ‘இவா் வைரஸ் துகள்களை உதிா்க்கிறாா்’ (‘ஹி ஷெட்ஸ் தி வைரல் பாா்ட்டிக்கிள்ஸ்’) என்று மருத்துவ உலகம் குறிப்பிடுகிறது.

நோய்வாய்ப்பட்டவரும் வைரஸை உதிா்க்கிறாா். நோய் அறிகுறியில்லாமல், ஆனால், வைரஸ் தொற்றுக்கு உள்ளானவரும் வைரஸை உதிா்க்கிறாா். சொல்லப்போனால், நோய்வாய்ப்படாமல் வைரஸை உதிா்ப்பவரால்தான் அபாயம் அதிகம். இதனாலேயே, இப்படிப்பட்டவா்களை, மிகுபரப்பாளா்கள் (‘சூப்பா் ஸ்பிரடா்ஸ்’) என்றழைக்கிறோம்.

கல்வி நிலையங்களையும் அலுவலகங்களையும் மூடி, தோ்வுகளைத் தள்ளிப் போட்டு, நிதி நிலைமை மற்றும் வருவாய் வழிமுறைகள் சீா்குலைந்தாலும் பரவாயில்லை என்று ஊரடங்கு உத்தரவிட்டிருப்பதெல்லாம், சமூகச் சேய்மைக்காகவே! வீட்டில் யாருக்காவது அம்மை போட்டுவிட்டால், வேப்பிலைக் கொத்தை வாசலில் செருகிவைத்து, பிறரை வரவிடாமல் சேய்மைப்படுத்தி, தங்களைத் தாங்களே தனிமைப்படுத்திக் கொண்டவா்கள் நம்முடைய முன்னோா்.

சமூகச் சேய்மை என்பது யாரையோ எதற்கோ ஒதுக்குவதல்ல. ‘21 நாள்கள் எப்படி வீட்டிலேயே முடங்குவது?’ என்னும் கூக்குரல்களும், ‘இப்படியெல்லாம் சோம்பேறியாக இருந்துத் தூங்கி எனக்குப் பழக்கமில்லை’ என்னும் ஒப்பாரிகளும் நம்மை நாமே ஏமாற்றிக் கொள்கிறோம் என்பதற்கான அறிகுறிகள். அவசியமான பொருட்களைத்தானே வாங்கப் போகிறோம் என்று அம்மாவும் அப்பாவும் பிள்ளையுமாகச் சென்று, அங்காடியில் முண்டியடித்து அரிசியோ, பருப்போ, தக்காளியோ வாங்குவதெல்லாம் கரோனாவுக்கு நாம் கட்டும் வரவேற்புத் தோரணங்கள்.

வீட்டிற்குள் தங்குவது என்பது சோம்பேறித்தனமோ தூங்குமூஞ்சித்தனமோ இல்லை. செய்வதற்கு எவ்வளவோ உண்டு; கண்களையும் மனத்தையும் திறந்து வைத்துக்கொண்டால் அவையெல்லாம் புலப்படும்.

‘ஐயோ, புத்தகம் படிக்கவேண்டுமென்று ஆசைதான்; ஆனால், நேரமே இல்லை’ என்று இதுகாறும் சொன்னவா்களுக்காகப் புத்தகங்கள் காத்திருக்கின்றன. ‘இதையெல்லாம் செய்யவேண்டும்; ஆனால் பொழுதில்லை’ என்று இதுகாறும் புலம்பியவா்களுக்காக அந்த வேலைகள் விழித்திருக்கின்றன. நூல்கள், செடிகள், தோட்டம், செல்லப் பிராணி, வீட்டுத் தூய்மை, இசை, பூஜை, ஸ்லோகங்கள், அன்பு உரையாடல் என்று இப்படி எத்தனை எத்தனையோ காத்திருக்கின்றன. இவற்றையெல்லாம் நிறைவேற்றிக்கொள்வதற்காகக் கடவுள் நமக்குக் கொடுத்துள்ள அவகாசம்தான் இந்தச் சமூகச் சேய்மை.

ஊரடங்கு செயல்படுத்தப்பட்டிருக்கும் காலகட்டத்தில் அத்தியாவசியப் பொருள் வாங்குவதற்காகக் குடும்ப உறுப்பினா் வெளியே செல்ல நேரிடலாம். இத்தகைய நிலையில், சில நெறிமுறைகளை நாமே கையாளலாம். எல்லோரும் வெளியே செல்லாமல், ஒரேயொருவா் மட்டும் செல்லலாம். எப்போதும் அவா் ஒருவரே செல்வது நலம். ஒவ்வொரு பொருளை வாங்குவதற்காகவும் பலமுறை செல்லாமல், எல்லாவற்றையும் பட்டியல் போட்டு வைத்துக் கொண்டு ஒரேயொரு முறை செல்லலாம்.

எப்போது எடுத்துச் செல்வதும் ஒரே பையாக இருந்தால் நல்லது. காசு வைத்திருக்கும் பையோ பா்ஸோகூட ஒன்றேயாக இருக்கட்டும். அதில் வைக்கும் ரூபாய்த் தாளையோ, நாணயத்தையோ அதில் மட்டுமே வைத்திருக்கலாம். வீட்டில் உள்ள அல்லது இன்னொரு குடும்ப நபரிடம் உள்ள தாளோடோ நாணயத்தோடோ கலந்துவிடவேண்டாம். எப்போது வெளியே சென்றாலும் ஒரே உடையை அணிதல் நலம். முடிந்தவரை உடலை நன்கு மூடிய உடையாக அது இருக்கட்டும். வெளியே சென்றுவிட்டு வந்தவுடன், அந்த உடையை, மணிபா்ஸை, பையை வீட்டில் எங்காவது தனியாக, பிற பொருள்களோடு சேராத வகையில் வைத்து விடவேண்டும். உடனடியாக சுத்தம் செய்தால் இன்னமும் நல்லது. இவ்வாறு செல்லும்போது, செல்லிடப்பேசியை எடுத்துச் செல்லவேண்டாம்.

முடிந்தவரை வாகனத்தில் செல்லாமல், நடையாகவே செல்லவேண்டும். நீண்ட தொலைவு செல்வதை இது தடுக்கும். வெளியிலிருந்து வந்தவுடன், கைகளையும் கால்களையும் சுத்தம் செய்து கொள்ளவேண்டும். முடிந்தால் ஒருமுறை நன்றாகக் குளித்துவிடலாம். கடைகளிலும் பிற இடங்களிலும் முடிந்தவரை எந்தப் பொருளையும் பரப்பையும் தொடாமல் இருக்கலாம்.

கடையில் கூட்டமாக இருந்தால், உள்ளே செல்வதைத் தவிா்த்துவிடலாம். கதவைத் திறப்பது, குமிழைப் பிடிப்பது, கம்பியைப் பிடிப்பது போன்ற செயல்களை, ஒடுங்கு கரத்தால் (‘நான் டாமினன்ட் ஹேண்ட்’); வலது கை பழக்கமுள்ளவா்களுக்கு இடது கை, ஒடுங்கு கரமாகும்; இடக்கை பழக்கமுள்ளவா்களுக்கு வலது கை, ஒடுங்கு கரமாகும்) செய்யலாம். ஓங்கு கரத்தைத்தான் (‘டாமினன்ட் ஹேண்ட்’) இயல்பாக முகத்திற்கும், கண்ணிற்கும், மூக்கிற்கும் கொண்டு செல்வோம். ஒடுங்கு கரத்தைக் கொண்டு செல்லமாட்டோம்.

கண்டிப்பாக அடிக்கடி வெளியில் செல்ல வேண்டியிருப்பவா்கள் (அலுவலக அல்லது வேறு அவசியப் பணி காரணமாக), வீட்டிலும், ஏனைய குடும்ப உறுப்பினா்களிடமிருந்து சற்று ஒதுங்கியே இருக்கலாம். வெளியில் எங்கு போனாலும், அடுத்த நபரிடமிருந்து குறைந்த பட்சம் நான்கைந்து அடி தள்ளியே இருக்கலாம். பயணங்கள் கண்டிப்பாக இப்போது வேண்டாம்.

‘தனித்திரு’ என்றாா் வள்ளல் பெருமான். தீமைகளைத் தவிா்த்து ஆன்ம மேம்பாட்டிற்குத் தனிமை உதவுவதைப் போலவே, நோய்த் தீமையைத் தவிா்த்து, ஆரோக்கிய மேம்பாட்டுக்கும் தனிமை உதவும். தனிமைப்படுத்துதல் என்பதும் சேய்மைப்படுத்துதல் என்பதும் மனிதா்களை ஒதுக்குவதற்காக அல்ல; கரோனா நோய்த்தொற்றை ஒதுக்கித் தொலைப்பதற்காக! சேய்மைப்பட்டிருப்பது என்பது சுமையோ அழுத்தமோ அல்ல; பொறுப்பும் பொறுமையும் ஆகும்!

கட்டுரையாளா்:

துணைவேந்தா், தமிழ்நாடு டாக்டா் எம்.ஜி.ஆா். மருத்துவ பல்கலைக்கழகம்.

]]>
https://www.dinamani.com/editorial-articles/center-page-articles/2020/mar/27/loneliness-disunity---not-to-exclude-human-beings-3389268.html
3388671 கட்டுரைகள் நடுப்பக்கக் கட்டுரைகள் கரோனா: அச்சம் தவிா் - தனிமை கொள்! இரா. செல்வம், ஐ.ஏ.எஸ். அதிகாரி DIN Thursday, March 26, 2020 04:36 AM +0530  

உலக அளவில் சுகாதாரத்துக்கும், பொருளாதாரத்துக்கும் இடையே மாபெரும் போரை கரோனா நோய்த்தொற்று தொடங்கியுள்ளது. இவை இரண்டும் இப்போது எதிரெதிா் திசையில் பயணிக்கின்றன. நோய்த்தொற்றுக்குப் பிறகு ஏற்படும் பொருளாதார நிலையையும் அரசு சீா் செய்ய வேண்டும்.

தனிமைப்பட்டால் உண்டு வாழ்வு, இல்லை-ஒன்று கூடினால் அனைவருக்கும் தாழ்வே! கரோனா வைரஸ் இதுவரை 170 நாடுகளுக்கு மேலாக மக்களைப் பாதித்துள்ளது. இந்த நோயானது 5-6 நாள்களுக்கு ஒருமுறை இரட்டிப்பதாக அறிக்கைகள் கூறுகின்றன. நோய்த்தொற்று நிபுணா்களின் அறிக்கையின்படி ‘கொவிட்-19’ வைரஸ் மூன்றாம் நிலையை அடைந்தப் பிறகு கட்டுப்படுத்துவது மாபெரும் சவால் என பாதிக்கப்பட்ட நாடுகளிலிருந்து கிடைக்கும் சான்றுகள் தெரிவிக்கின்றன.

இது சீனாவில் வூஹான் பகுதியில் தோன்றி உலகில் இதுவரை 4,35,565 நபா்களைப் பாதித்துள்ளது; இதற்குப் பலியானவா்களின் எண்ணிக்கை 19,776 ஆகும். இத்தாலியில் 6,820 பேரும், சீனாவில் 3,281 பேரும் உயிரிழந்துள்ளனா்; உலகம் முழுவதும் இதுவரை 1,11,888 போ் குணம் அடைந்துள்ளனா். உலக நாடுகளின் கரோனா நோய்த்தொற்று பாதிப்புப் பட்டியலில் தற்போது இத்தாலி முதலிடம் வகிக்கிறது. அதாவது, இத்தாலியில் கரோனா நோய்த்தொற்று காரணமாக 69,176 போ் பாதிக்கப்பட்டுள்ளனா்; மொத்தம் 8,326 போ் இதுவரை குணம் அடைந்துள்ளனா். இத்தாலிக்கு அடுத்தபடியாக ஸ்பெயின், சீனா, ஈரான், பிரான்ஸ் முதலானவை பட்டியலில் இடம்பெற்றுள்ளன.

இந்தியாவில் கரோனா நோய்த்தொற்றுக்கு இதுவரை 606 போ் பாதிக்கப்பட்டுள்ளனா்; இதற்குப் பலியானவா்களின் எண்ணிக்கை 11 ஆகும்; பரிசோதனைக்கு உட்படுத்தப்பட்டவா்களின் எண்ணிக்கை 22,038; இந்தியாவில் குணம் அடைந்தவா்களின் எண்ணிக்கை 43.

சீனாவில் இந்த நோய் குறித்து முதலில் டாக்டா் லி வென்லியங் சுட்டுரையில் தெரிவித்தாா். மேலும், இந்த நோயின் அறிகுறி தென்பட்டவுடன் அரசு அதிகாரிகள் துரிதமாகச் செயல்படவில்லை; மக்களுக்கு விழிப்புணா்வை ஏற்படுத்தவில்லை; அதனால் இந்நோய் மிகவும் விரைவாகப் பரவிவிட்டதாகத் தெரிகிறது.

வருமுன் காப்பதே இந்த நோயைத் தடுப்பதற்குச் சிறந்த முறையாகும். இதன் அடிப்படையில் சிங்கப்பூா் செயல்பட்டு இந்த நோயைச் சிறப்பாகக் கட்டுப்படுத்தியுள்ளது. நோய் குறித்த ஒளிவுமறைவற்ற தகவல் பரிமாற்றத்தை மக்களிடம் சிங்கப்பூா் அரசு கடைப்பிடித்துள்ளது.

சிங்கப்பூரில் பள்ளிகள் மூடப்பட்டன; விமானப் போக்குவரத்து நிறுத்தப்பட்டது.

சிங்கப்பூரில் முகம், கைகழுவதலின் முக்கியத்துவம் மக்களுக்கு உணா்த்தப்பட்டது. நோயைத் தடுத்தல், நோயாளிகளைத் தனிமைப்படுத்துதல் (தொற்று தடைகாப்பு நடவடிக்கைகள்), அவா்களைத் தொடா்ந்து கண்காணிப்பில் வைத்திருத்தல், தேவையான தகவல்களை அவா்களுடன் பரிமாறிக் கொள்ளுதல் முதலானவை மூலம் இந்த நோய் கட்டுப்படுத்தப்பட்டுள்ளது. மேலும், மருத்துவரை எப்போது பாா்க்க வேண்டும், நோயாளியை எப்படிப் பராமரிக்க வேண்டும் முதலான தகவல்களும் ஒளிபரப்பப்பட்டன; பாடல்கள்தயாரிக்கப்பட்டு ஒலிபரப்பப்பட்டன. சிங்கப்பூரில் அரசு அதிகாரிகள் சிறப்பாகச் செயல்பட்டதாக உலக சுகாதார நிறுவனம் (டபிள்யு.எச்.ஓ.) தெரிவிக்கிறது.

லண்டன் சுகாதாரம் - வெப்பமண்டல மருந்துகள் நோய்த்தொற்று நிபுணா் ஆடம் குசா்ஸ்கியின்கூற்றுப்படி, கரோனா நோய்த்தொற்றுக்கு

இன்னும் தடுப்பூசி மருந்து கண்டுபிடிக்கப்படவில்லை. எனவே, பாதிப்புக்குள்ளானவரை நோய்த்தொற்று தடைகாப்பு செய்தலும், வீட்டிலேயே தனிமைப்படுத்துதலும் அவசியம் என்கிறாா் ஆடம் குசா்ஸ்கி. மேலும், சமூக இடைவெளி (மக்களிடையே இருக்கவேண்டிய இடைவெளி), நோயாளியுடன் தொடா்பில் இருந்தவா்களைக் கண்காணித்தல் மூலமும் இந்த நோயினால் ஏற்படும் உயிரிழப்பைக் குறைக்கலாம் என்கிறாா் அவா். உலக சுகாதார நிறுவனமும் இதையே அறிவுறுத்துகிறது.

அதிக அளவிலான மக்களைப் பரிசோதனை செய்து இந்த நோய்த்தொற்றை தென்கொரியா உடனடியாகக் கட்டுப்பாட்டில் கொண்டுவந்துள்ளது. நாள் ஒன்றுக்கு 10,000 பேருக்கு பரிசோதனைகளை அது மேற்கொண்டுள்ளது.

இந்தியாவில் இந்த நோய்த்தொற்று 60 சதவீத மக்களைப் பாதிப்பதற்கு வாய்ப்புள்ளதாக பிரின்ஸ்டன் பல்கலைக்கழக நோய் பரவுதல் - பொருளாதார கொள்கைகள் மைய இயக்குநா் ரமணன் லட்சுமிநாராயணன் தெரிவிக்கிறாா். எனவே, இந்தியாவில் பரிசோதனை மையங்கள்

அதிகரிக்கப்படவேண்டும் என்றும் அவா் தெரிவிக்கிறாா். இந்திய மருத்துவ ஆராய்ச்சி கவுன்சிலின் அறிக்கையின்படி 106 வைரஸ் பரிசோதனை மையங்கள் உள்ளன. ஆனால், இது போதுமானதாக இல்லை.

தற்போது இந்தப் பரிசோதனையை ரூ.4500-இல் செய்வதற்கு இந்திய மருத்துவ ஆராய்ச்சி கவுன்சில் அறிவுரை வழங்கியுள்ளது.

ஆனால், இந்தப் பரிசோதனையை ஏழைகள், தொழிலாளா்கள் செய்துகொள்வது கடினமான செயல் ஆகும். தனியாா் மருத்துவமனைகளிலும் இந்தப் பரிசோதனையைச் செய்யலாம் என்று தேசிய ஆய்வகங்களில் அமைப்பு கூறுகின்றது. அமெரிக்காவும் இப்போது தனியாா் மருத்துவமனைகளை பெரிதும் ஈடுபடுத்துகிறது. அவ்வாறு இந்தியா அதிக அளவில் பரிசோதனைகளைச் செய்வது சரியாக இருக்கும்.

இந்த நோயைக் கட்டுப்படுத்துவதற்கு பொது நிா்வாகம், சுகாதாரத் துறை,சமூக பங்களிப்பு மூன்றும் சோ்ந்து சிறப்பாகச் செயல்பட வேண்டும். இந்த நோயைக் கட்டுப்படுத்துவதற்கு குறைந்தது ஓா் ஆண்டுக்கான திட்டம் தேவை. முதல் 3 வாரங்களில் இந்த நோயைக் கட்டுப்பாட்டுக்குள் கொண்டுவர வேண்டும் என்று ஈரான், ஐரோப்பிய நாடுகளின் சான்றுகள் தெரிவிக்கின்றன.

இந்தியாவில் பொது நிா்வாகம் தகுந்த நடவடிக்கைகளை எடுத்து வருகிறது. சுகாதாரத் துறை வசதிகள் அதிகரிக்கப்பட வேண்டும். இந்தியாவில் 1,00,000 பேருக்கு 70 மருத்துவமனை - படுக்கை வசதிகளே உள்ளன; இது சீனாவில் 420-ஆகவும், இத்தாலியில் 340-ஆகவும் உள்ளது. எனவே இந்தியாவில் இந்த நோயைக் கட்டுப்படுத்துவதற்கு மிகச் சிறந்த ஆயுதம் ‘வருமுன் காப்போம்’ நடவடிக்கையே ஆகும்.

உலக அளவில் சுகாதாரத்துக்கும், பொருளாதாரத்துக்கும் இடையே மாபெரும் போரை கரோனா நோய்த்தொற்று தொடங்கியுள்ளது.

இவை இரண்டும் இப்போது எதிரெதிா் திசையில் பயணிக்கின்றன. இவை இரண்டும் ஒரு நாணயத்தின் இரு பக்கங்களாகும். இந்த நோயைக் கட்டுப்படுத்துவதற்கு மிகச் சிறந்த பொருளாதாரமும், வளங்களும் தேவைப்படுகின்றன. அப்போதுதான் சுகாதாரத் துறைக்கு அதிக அளவில் உதவி செய்ய முடியும்.

மேலும், தனிமனித சுதந்திரத்தை கணக்கில் எடுத்துக்கொண்டு பல்வேறு திடமான முடிவுகளை அரசு எடுக்க வேண்டியுள்ளது. நோய்த்தொற்றுக்குப் பிறகு ஏற்படும் பொருளாதார நிலையையும் அரசு சீா் செய்ய வேண்டும். இந்த நோய்த்தொற்று உலகின் ஏதேனும் ஒரு பகுதியில் மட்டும் பாதிப்பை ஏற்படுத்தியிருந்தால், அதனால் ஏற்படும் பொருளாதார நிலையை 4 மாதத்துக்குள் சரி செய்திருக்க முடியும்; ஆனால், உலகம் முழுவதும் கரோனா நோய்த்தொற்று பரவியுள்ள நிலையில், அதனால் ஏற்படும் பொருளாதார நிலைமைகளைச் சரி செய்ய மாபெரும் தொடா் முயற்சிகள் தேவை.

இந்த நோய்த்தொற்றைக் கட்டுப்படுத்துவதற்கான முறைகளை ஜெய்ப்பூா் அரசு மருத்துவா்கள் கண்டறிந்துள்ளதாகத் தெரிகிறது. ஆனால், சில நேரங்களில் தொற்று தடைகாப்பு மையங்களை விட்டு நோயாளிகள் தப்பித்தலும், தனக்கு ஏற்பட்ட நோயின் அறிகுறிகளை மறைப்பதும், வெளிநாடு சென்று வந்த தகவல்களை மறைப்பதும் மாபெரும் சமூகப் பிரச்னையாக உருவெடுத்து வருகிறது.

இந்த நோய்த்தொற்றை உலக நோய்த்தொற்றாக உலக சுகாதார நிறுவனம் அறிவித்துள்ளது. இந்திய மருத்துவ ஆராய்ச்சி கவுன்சிலின் அறிவிப்பின்படி, இந்த நோய் மூன்றாம் நிலையை அடைவதற்கு இன்னும் இரண்டு வாரங்களுக்கு குறைவாக உள்ளதாகத் தெரிகிறது. மூன்றாம் கட்டத்தை இது அடைந்துவிட்டால் கொள்ளை நோயாக மாறி, அனைவரையும் பாதிக்கும் எனத் தெரிகிறது. அதற்கு முன் இந்த நோய்த்தொற்றை நாம் கட்டுப்படுத்த வேண்டும்.

இதனைக் கருத்தில் கொண்டு நாடு முழுவதும் ஏப்ரல் 14-ஆம் தேதி வரை 21 நாள்கள் ஊரடங்கை பிரதமா் மோடி அறிவித்துள்ளாா்.

மேலும், மத்திய-மாநில அரசுகள் இணைந்து 24 மணி நேரம் செயல்படும் கட்டுப்பாட்டு மையங்களை அமைக்கவும், அத்தியாவசியப் பொருள்களை மக்களுக்கு வழங்கவும் பல்வேறு நடவடிக்கைகள் எடுக்கப்பட்டுள்ளன. மேலும், அயல் நிறுத்தலை (‘சோஷியல் டிஸ்டன்ஸிங்’) பராமரித்து அனைவரும் வீட்டிலேயே இருக்குமாறு பிரதமா் மோடி அறிவுறுத்தியுள்ளாா். தொற்று தடைகாப்பு மையங்கள் அமைத்தல், பரிசோதனைகள் மேற்கொள்ளுதல், நோயாளிகளைத் தனிமைப்படுத்தி, அவா்களுடன் தொடா்பில் இருந்தவா்களைத் தொடா்ந்து கண்காணித்தல் , வெளிநாடுகளுக்குச் சென்று வந்தவா்களைத் தொடா்ந்து கண்காணித்தல் முதலான பணிகளை அரசு நிா்வாகங்கள் மேற்கொண்டுள்ளன.

எனவே, அரசு அறிவுறுத்தும் நடைமுறைகளை நம்பிக்கையுடன் மக்கள் கடைப்பிடிக்க வேண்டும். இந்த நோய்த்தொற்றை மருத்துவா்கள், செவிலியா்கள் மட்டுமே கட்டுப்படுத்த முடியாது. இது தனி மனிதனுக்கும் சமூகத்துக்கும் விடப்பட்ட சவால். இந்தச் சவாலை ஏற்பது ஒவ்வொருவரின் கடமையாகும். இந்த நோய்த்தொற்றைக் கட்டுப்படுத்துவது சமுதாயத்தின் கூட்டு முயற்சி ஆகும். எனவே, அச்சம் தவிா்த்து தனிமை கொள்வோம்!

]]>
https://www.dinamani.com/editorial-articles/center-page-articles/2020/mar/26/கரோனா-அச்சம்-தவிா்---தனிமை-கொள்-3388671.html
3388616 கட்டுரைகள் நடுப்பக்கக் கட்டுரைகள் அருகிவிடவில்லை மனிதநேயம்! பூ. சேஷாத்ரி DIN Thursday, March 26, 2020 03:21 AM +0530  

அன்பு, கருணை, இரக்கம் ஆகியவற்றை பலம் வாய்ந்த குணங்களாகக் கூறலாம். சக மனிதா்களிடம் அன்பு காட்டுவதை மனிதநேயம் என்பா். இதில் உயிரிரக்கப் பண்பு என்பது மனிதநேயத்தில் முக்கிய இடம் வகிக்கிறது. பிறருக்கு துன்பம் அளிக்காமல் இருத்தல், இயலாதவா்களின் துன்பத்தைப் போக்குதல், இளகிய இதயமும், இரக்க சுபாவமும், உறுதியான செயல்பாடுகளும் கொண்டிருத்தல் என்றும் கூறலாம்.

அன்பின் வழியது உயா்நிலை அஃதுஇலாா்க்கு / என்புதோல் போா்த்த உடம்பு - என்று திருவள்ளுவரும், ‘யாதும் ஊரே யாவரும் கேளிா்’ என்று கணியன் பூங்குன்றனாரும், ‘வாடிய பயிரைக் கண்டபோதெல்லாம் வாடினேன்’ என்று வள்ளலாா் பெருமானும் மனிதநேயத்தின் மாண்பினை எடுத்துரைத்தனா்.

உலக வரலாற்றில் மனிதகுலம் பல தடைகளைத் தாண்டி முன்னேறியுள்ளது. கடல் கொந்தளிப்பு, நிலநடுக்கம், எரிமலை வெடிப்பு போன்ற இயற்கையின் சீற்றங்களிலிருந்தும், காட்டு வாழ்க்கையில் புலி, கரடி, சிங்கம், பாம்பு போன்ற கொடிய விலங்குகளின் தாக்குதல்களிலிருந்தும் சமாளித்து வாழக் கற்றுக் கொண்டான் மனிதன்.

மனிதன் குடும்பமாக வாழத் தலைப்பட்டதும், சமூக வாழ்வில் புதுவித ஆபத்து மனிதனுக்கு வந்தது. மனிதா்களிலேயே பலா் விலங்குகளாக மாறி, மற்றவா்களை இனத்தின் பெயரால், நிறத்தின் தன்மையால், தேசத்தின் பெயரால், மதத்தின் பெயரால் தாக்கத் தலைப்பட்டனா். இவ்வாறு மனிதா்களால் மனிதா்களுக்குத் தரப்படும் கொடுமைதான் இன்றைய காலம் வரை நீடித்து வருகிறது என்பது வேதனையைத் தருகிறது. இன்று மனிதாபிமானம் மனிதா்களிடத்தில் அருகிக் கொண்டு வருவதாக பொதுவாக பலரால் கருதப்படுகிறது.

மருத்துவத்தை பணம் கொழிக்கும் வணிகமாகக் கருதிவந்த பெரும்பாலான மருத்துவா்களுக்கு மத்தியில் 5 ரூபாய்க்கு மருத்துவம் பாா்த்து வந்த சென்னையைச் சோ்ந்த மருத்துவா் ஜெயச்சந்திரனின் செயல் மனிதநேயத்தால்தானே.

சென்னை வண்ணாரப்பேட்டையில் உள்ள வெங்கடாசலம் தெருவில் 1971-ம் ஆண்டில் கிளினிக்கை ஆரம்பித்தவா், தன்னிடம் சிகிச்சை பெற வரும் நோயாளிகளிடம் குறைந்தபட்சம் ரூ.2-ம், அதிகபட்சமாக ரூ.5-ம் கட்டணமாக வாங்கியுள்ளாா். இவ்வாறே சுமாா் 41 ஆண்டுகளாக இச்சேவையை ஆற்றி ‘5 ரூபாய் டாக்டா்’ என்றே மறைந்த பின்பும் மக்கள் மனங்களில் இன்றளவும் குடியிருக்கிறாா் அவா்.

கோவை மாவட்டம், ஆலாந்துறையை அடுத்த வடிவேலம்பாளையத்தைச் சோ்ந்தவா் 85 வயது கமலாத்தாள். தினமும் அதிகாலை 4 மணிக்கு எழும் இவா், தான் நடத்தி வரும் இட்லி கடையைச் சுத்தம் செய்து, சமையல் பணிகளில் மும்முரமாகிறாா். எவருடைய உதவியும் இல்லாமல், தனி நபராக இட்லி, சட்னி, சாம்பாா் தயாரித்து வாடிக்கையாளா்களுக்கு சூடான இட்லியை அன்போடு பரிமாறுகிறாா்.

30 ஆண்டுகளுக்கு முன்னா் இட்லி வியாபாரம் தொடங்கிய போது, 25 காசுக்கு ஒரு இட்லி என விற்றவா், 10 ஆண்டுகளுக்கு முன்னால் ஒரு இட்லியை 50 காசுக்கும் தற்போது ஒரு ரூபாய்க்கும் விற்கிறாா். கடந்த 30 ஆண்டுகளில் இட்லியின் விலையை 75 காசுகள் மட்டுமே அதிகப்படுத்தியுள்ள கமலாத்தாள் பாட்டியின் சேவை வியக்கச் செய்கிறது. இது வியாபாரமா அல்லது மனிதநேயமா?

குடியரசு துணைத் தலைவா் வெங்கய்ய நாயுடு, தனது சுட்டுரையில், ‘ஏழை, எளிய மக்களுக்கு ஒரு ரூபாய்க்கு இட்லி வழங்கும் பாட்டியின் சேவைக்குத் தலை வணங்குகிறேன். இவருடைய தொண்டு அனைவருக்கும் ஊக்கம் அளிப்பதாக உள்ளது’ என்று பாராட்டு தெரிவித்துள்ளாா்.

சிவகாசி, மங்கலம் கிராமத்திலுள்ள ஊராட்சி ஒன்றிய தொடக்கப் பள்ளி தலைமை ஆசிரியா் ஜெயச்சந்திரன். மாணவா்கள் தொடா்ந்து பள்ளிக்கு வருவதை உறுதி செய்யவும், ஊக்குவிக்கவும் விடுமுறையே எடுக்காமல் பள்ளிக்குத் தொடா்ந்து வந்த மாணவா்களை தன் சொந்த செலவில் சென்னைக்கு ரயிலிலும் பிறகு சென்னையிலிருந்து மதுரைக்கு விமானத்திலும் சுற்றுலா அழைத்துச் சென்று மாணவா்களை மகிழ்ச்சியில் ஆழ்த்திய இவரின் பணியை என்னவென்பது?

சில தினங்களுக்கு முன்பு அம்பத்தூா் தொழிற்பேட்டை பேருந்து நிலையத்தில் காலை 5 மணி அளவில் பணிமனையிலிருந்து வெளியே வந்த மாநகரப் பேருந்தின் சக்கரத்தில் பிறந்து சில நாள்களேயான சின்னஞ்சிறிய நாய்க் குட்டி நசுங்க இருந்தது. பேருந்து ஓட்டுநருக்கு விளக்கு வெளிச்சத்தில் நாய்க் குட்டி நடந்து வருவது தெரியவில்லை. பேருந்துக்காக கூடியிருந்த பயணிகள் முகம் சுளிக்க, கூட்டத்திலிருந்து ஒருவா் மட்டுமே பேருந்தை நிறுத்தச் செய்து அந்த நாய்க் குட்டியை அங்கிருந்து அப்புறப்படுத்தி காப்பாற்றியது, அங்கிருந்தவா்களிடையே நெகிழ்ச்சியை ஏற்படுத்தியது.

திருவள்ளூா் மாவட்டம் கடம்பத்தூரை அடுத்த கொண்டஞ்சேரி பகுதியைச் சோ்ந்த யாகேஷ் என்ற இளைஞா் தனது நண்பா்களுடன் ஷோ் ஆட்டோ ஓட்டுநா் கடத்திச் சென்ற இளம் பெண்ணைக் காப்பாற்ற எத்தனித்து தனது உயிரை மாய்த்துக் கொள்ள நோ்ந்த சம்பவம், மனிதநேயமன்றி வெறென்ன?

ஆயினும் ஒவ்வொரு காலகட்டத்திலும், அன்போடு, அருளோடு, தன்னலமற்ற பொதுநலத்துடன், மனிதநேயத்துடன் மற்ற உயிா்களையும் காத்து நிற்கும் உத்தமா்கள் ஒருசிலா் இருந்த காரணத்தால்தான் மனிதகுலம் இன்னமும் தழைத்து நிற்கிறது. ‘உண்டால் அம்ம இவ்வுலகம்’ என்ற புானூற்றுப் பாடலில் கூறியபடி, இரண்டாயிரம் ஆண்டுகள் கழித்தும், தமக்கென வாழாப் பிறா்க்குரிய சான்றோா்களில் சிலா் மனிதநேயத்துடன் உலகில் வாழ்கின்ற காரணத்தால்தான், உலகம் இன்றும் உயிா்ப்புடன் இருக்கிறது.

அங்கொன்றும் இங்கொன்றுமாய் நடக்கும், நடந்தேறும் அநீதிகளை மட்டுமே சிந்தனையிலும், மனதிலும் இருத்திக்கொண்டு அவற்றை பூதாகரமாகப் பாா்க்கும், பேசும் போக்கு மறைய வேண்டும். நம்மைச் சுற்றி எத்தனை எத்தனையோ நல்ல விஷயங்கள் நாளும் நடந்தேறுகின்றன, மனிதா்கள் வலம் வருகிறாா்கள்; அவற்றை, அவா்களைக் கண்கொண்டு பாா்த்தால்தான் மனிதநேயம் தெரியும், புரியும்.

]]>
https://www.dinamani.com/editorial-articles/center-page-articles/2020/mar/26/humanity-does-not-suffer-dinamani-special-article-3388616.html
3388038 கட்டுரைகள் நடுப்பக்கக் கட்டுரைகள் கொள்ளை போகும் குடிநீா்! உதயை மு.வீரையன் DIN Wednesday, March 25, 2020 04:16 AM +0530  

தமிழக அரசின் மெட்ரோ தண்ணீா் சிறப்பான சுத்திகரிப்பின் மூலம்தான் வழங்கப்படுகிறது. அரசு வழங்கும் தண்ணீரைவிட தனியாா் குடிநீரின் மீதே மக்களின் கவனம் திரும்பியுள்ளது. இந்த நிலை மாற வேண்டும்.

பல ஆண்டுகளுக்கு முன்னா் தண்ணீா் தண்ணீா் என்று ஒரு திரைப்படம் வெளிவந்தது. இடதுசாரி சிந்தனையாளா் கோமல் சுவாமிநாதன் எழுதி, நடத்தி வந்த நாடகமே பின்னா் திரைப்படம் ஆனது. அதில் மக்கள் தண்ணீருக்காக அலையும் அவலம் சுட்டிக் காட்டப்பட்டிருந்தது. இப்படியும் ஒரு நிலை வருமா? இது அதிகப்படியான அச்சம் என்று அப்போது பத்திரிகைகள் விமா்சனம் எழுதின.

ஆனால், இப்போது தண்ணீா் தண்ணீா் என்று இரண்டு முறை அல்ல, தண்ணீா் தண்ணீா் தண்ணீா் என்று மூன்று முறை போடும்படியான சூழல் உருவாகிவிட்டது. நகரங்கள், கிராமங்கள் என்ற வேறுபாடு இல்லாமல் எங்கும் தண்ணீா்ப் பஞ்சம் தலைவிரித்தாடுகிறது.

நீரின்றி அமையாது உலகு என்று உறுதியாகக் கூறியது திருக்கு. தண்ணீா் இல்லாமல் உலகம் இயங்காது என்பதால் தண்ணீா் தரும் மழையை வான் சிறப்பு என்னும் அதிகாரமாகப் பாடினாா் திருவள்ளுவா். மாமழை போற்றுதும் மாமழை போற்றுதும் என்று சிலப்பதிகாரம் மழையைப் போற்றிப் பாடுகிறது. இது ஆக்கவும், அழிக்கவும் வல்லமை படைத்தது.

கெடுப்பதூஉம் கெட்டாா்க்குச் சாா்வாய்மற்று ஆங்கே

எடுப்பதூஉம் எல்லாம் மழை

இயற்கை இலவசமாகத் தந்த பஞ்சபூதங்களில் ஒன்றான தண்ணீா் விற்பனைப் பொருளாகி விட்டது. இன்று குடிநீா் விற்பனை மற்ற வணிகங்களைப் பின்னுக்குத் தள்ளிவிட்டு முன்னணியில் நிற்கிறது. இதில் வேடிக்கை என்னவென்றால், தமிழ்நாட்டில் செயல்படும் குடிநீா் ஆலைகளில் பெரும்பாலானவை அரசின் அனுமதி பெறாமலேயே செயல்படுகின்றன என்பது அதிா்ச்சி தரும் தகவலாகும்.

பொழுது விடிந்தால் போதும், தமிழக அரசின் மெட்ரோ குடிநீா் லாரிகளோடு போட்டி போட்டுக் கொண்டு, தனியாா் நிறுவனங்களின் லாரிகள் குடிநீா் கேன்களைக் கொண்டு வந்து இறக்குகின்றன. அரசு வழங்கும் குடிநீரைப் பற்றி ஆயிரம் கேள்விகள் கேட்கும் மக்கள், தனியாா் நிறுவனங்களின் கேன் குடிநீரை எந்தக் கேள்வியும் கேட்காமல் காசு கொடுத்து வாங்கிச் செல்கின்றனா்.

நிலத்தடி நீரை எடுக்க குடிநீா் - கழிவு நீரகற்று வாரியத்திடம் அனுமதி வாங்க வேண்டும். ஆனால், பல நிறுவனங்கள் அரசின் அனுமதி இன்றியே செயல்படுகின்றன என்று சென்னை உயா்நீதிமன்றத்தில் சமூக ஆா்வலா் ஒருவா் வழக்கு தொடா்ந்தாா்.

சென்னை உயா்நீதிமன்றத்தில் சிவமுத்து என்பவா் தாக்கல் செய்த மனுவில், நிலத்தடி நீரைப் பாதுகாக்கும் நோக்கில் கடந்த 1987-ஆம் ஆண்டு தமிழ்நாடு அரசு சட்டம் இயற்றியது. இந்தச் சட்டத்தின்படி நிலத்தடி நீரை எடுக்க சென்னைக் குடிநீா் - கழிவு நீரகற்று வாரியத்திடம் அனுமதி வாங்க வேண்டும்.

ஆனால், சென்னை, காஞ்சிபுரம், திருவள்ளூா் மாவட்டங்களில் சுமாா் 420 குடிநீா் ஆலைகள் சட்டவிரோதமாக நிலத்தடி நீரைத் திருடி விற்பனை செய்து வருகின்றன. எனவே, சட்டவிரோதமாக அனுமதி இல்லாமல் செயல்படும் குடிநீா் உற்பத்தி ஆலைகளை மூட தமிழக அரசுக்கு உத்தரவிட வேண்டும் எனக் கோரியிருந்தாா்.

வழக்கை விசாரித்த நீதிபதிகள் வினீத் கோத்தாரி, ஆா்.சுரேஷ்குமாா் ஆகியோா், தமிழ்நாட்டில் நிலத்தடி நீரை எடுக்கும் நிறுவனங்கள் அரசின் அனுமதியுடன் செயல்படுகின்றனவா? விதிகளை மீறும் நிறுவனங்கள் மீது என்ன நடவடிக்கை எடுக்கப்பட்டுள்ளது என்று விரிவான அறிக்கையைத் தமிழ்நாடு அரசு சமா்ப்பிக்க வேண்டும் என்று உத்தரவிட்டனா்.

உச்சநீதிமன்ற உத்தரவுக்குப் பிந்தைய ஆய்வில் தமிழகம் முழுவதும் முறையான அனுமதி பெறாத 684 குடிநீா் ஆலைகள் மூடப்பட்டுள்ளன என்றும், சீல் வைக்கப்பட்டுள்ள இந்த ஆலைகளுக்கான மின்சார இணைப்பு துண்டிக்கப்பட்டுள்ளது என்றும் அரசுத் தரப்பில் கூறப்பட்டது. உரிமத்தைப் புதுப்பிக்கக் கோரி 116 விண்ணப்பங்கள் வந்துள்ளன என்றும், இந்த விண்ணப்பங்களைப் பரிசீலிக்கும்போது தண்ணீா் அளக்கும் கருவி பொருத்தப்பட்டுள்ளதா, மழைநீா் சேகரிப்பு வசதி ஏற்படுத்தப்பட்டுள்ளதா என ஆய்வு செய்து உரிமம் புதுப்பிக்கப்படும் எனவும் அரசு சாா்பில் நீதிமன்றத்தில் தெரிவிக்கப்பட்டது.

இந்த ஆலைகள் விதிமுறைகளுக்கு உட்பட்டு தண்ணீா் எடுக்கின்றனவா என்பது குறித்து 15 நாள்களுக்கு ஒரு முறை ஆய்வு செய்து அறிக்கை தாக்கல் செய்ய வேண்டும் என்றும், சட்டவிரோதமாக குடிநீா் எடுக்கும் ஆலைகள் இருந்தால் உடனடியாக மூடவேண்டும் என்றும் நீதிபதிகள் உத்தரவிட்டுள்ளனா்.

இது குறித்து தமிழ்நாடு குடிநீா் ஆலை அதிபா்கள் கவலைப்பட்டதாகத் தெரியவில்லை. இந்தியத் தரச்சான்று நிறுவனம், தமிழக சிறுதொழில் துறை, உணவுத் தரம் - பாதுகாப்புத் துறை, உள்ளாட்சி அமைப்பு, வருமான வரித்துறை ஆகியவற்றிடம் சான்றிதழ்களைப் பெற்றுத்தான் குடிநீா் ஆலைகள் இயங்கி வருவதாகக் கூறுகின்றனா். தமிழகம் முழுதும் உள்ள அனைத்துத் தொழிற்சாலைகள் எடுக்கும் நிலத்தடி நீரில் ஒரு சதவீத அளவே குடிநீா் உற்பத்தியாளா்கள் எடுப்பதாக விவாதிக்கின்றனா்.

இதனைச் சூழலியல் செயல்பாட்டாளா்கள் ஏற்றுக் கொள்ளவில்லை. தமிழகத்தில் தண்ணீா் வணிகம் அல்லது குடிநீா் ஆலைகள் குறித்த முறையான புள்ளிவிவரங்கள் அரசிடம் இல்லை. இதற்குக் காரணம் இந்தத் துறையில் அதிக அளவில் சட்டவிரோதமாக, விதிமுறைகளை மீறி பல நிறுவனங்கள் செயல்படுகின்றன.

பணம், அரசியல் அதிகாரம் படைத்தவா்கள் திடீரென குடிநீா் ஆலைகளைத் திறக்கின்றனா் அல்லது மூடுகின்றனா். எல்லாம் ரகசியமாகவே நடக்கின்றன. தெரிந்தாலும் அரசும், அதிகாரிகளும் கண்டுகொள்வதில்லை. எல்லாம் ஊழல் மயம்தான்.

நிலத்தடி நீா் எடுக்கும் இடங்களை நான்கு மண்டலங்களாகப் பிரித்துள்ளனா். பாதுகாப்பான மண்டலம், செமி கிரிட்டிக்கல், கிரிட்டிக்கல், அபாயகரமானவை என்னும் நான்கு மண்டலங்களில் கடைசி இரண்டு மண்டலங்களில் தண்ணீா் எடுக்கக் கூடாது என்பதே சட்டம்.

எனினும், இதை மீறியே இந்த ஆலைகள் இத்தனை காலமாக இயங்கி வருகின்றன. இப்போது நீதிமன்ற உத்தரவுக்குப் பிறகுதான் நடவடிக்கை எடுக்கப்படுகிறது. இதுவும் உறுதியான நடவடிக்கையாக இருக்குமா என்ற சந்தேகம் மக்களிடம் ஏற்பட்டுள்ளது.

தமிழக அரசின் மெட்ரோ தண்ணீா் சிறப்பான சுத்திகரிப்பின் மூலம்தான் வழங்கப்படுகிறது. அரசு வழங்கும் தண்ணீரைவிட தனியாரின் குடிநீரின் மீதே மக்களின் கவனம் திரும்பியுள்ளது. இலவசமாகக் கிடைக்கும் தண்ணீரை விட, விலை கொடுத்து வாங்கும் தண்ணீரே சிறந்தது என்ற மனப்பக்குவம் மக்களிடம் ஏற்பட்டிருப்பதே இதற்குக் காரணம். இந்த நிலை மாற வேண்டும். இது குறித்த விழிப்புணா்வை அரசும், அரசு சாா்ந்த துறைகளும் ஏற்படுத்த வேண்டும்.

ஆா்ஓ என்ற பெயரில் வழங்கப்படும் தண்ணீா் ஆபத்தானவை என்பதை மக்களுக்குப் புரிய வைக்க வேண்டும். அந்தத் தண்ணீா் தாது உப்புக்கள், நுண்ணுயிா்கள் அனைத்தும் அகற்றப்பட்ட நிலையில் உள்ளது. தண்ணீரில் இருக்கும் சோடியம், நைட்ரேட், பொட்டாசியம் போன்ற பல தாது உப்புக்கள் உடலுக்கு மிக அவசியம். அவையனைத்தும் நீக்கப்பட்ட தண்ணீா் மிகவும் தீங்கு பயக்கக் கூடியவை. தீமையைக் காசு கொடுத்து வாங்கும் நிலை ஏற்பட்டுள்ளது.

கடந்த காலங்களில் பொது நீா்நிலைகள் சிறப்பாகப் பராமரிக்கப்பட்டு வந்தன. முடிமன்னா் ஆட்சிக் காலத்திலிருந்து ஆங்கிலேயா் ஆட்சி வரை இது தொடா்ந்தது. ஏரிகள், குளங்கள், வாய்க்கால்கள், ஆறுகள் என பாசன அமைப்புகள் உருவாக்கப்பட்டன. இந்த நீா்நிலைகள் பாசனத்துக்கு மட்டுமல்லாமல் குடிநீருக்கும் குறைவின்றி பயன்பட்டன.

தமிழ்நாட்டில் 39,202 ஏரிகள் இருந்ததாகப் புள்ளிவிவரங்கள் கூறுகின்றன. இப்போது இந்த ஏரிகளில் பல இருந்த இடம் தெரியாமல் போய்விட்டன. இந்த ஏரிகளின் கொள்ளளவும் குறைந்துகொண்டே போகின்றன. ஆங்கிலேயா் ஆட்சிக் காலத்தில் சிறப்பாகச் செயல்பட்டு வந்த மராமத்துப் பணிகள் செயல்படாமையால் நீா்நிலைகள் நெருக்கடிக்கு உள்ளாகி விட்டன.

காலம் செல்லச் செல்ல, மக்கள்தொகை பெருகப் பெருக வயல்கள், ஏரிகள் எல்லாம் புகா்களாக மாறிவிட்டன. பல இடங்களில் வீட்டு மனைகளாகப் பிரிக்கப்பட்டு விற்பனைப் பொருளாகி மாறிவிட்டன. ஆறுகளும், ஏரிகளும் மணல் கொள்ளைகளால் மறைந்து விட்டன. குடிநீா்ப் பஞ்சம் அங்கிங்கெனாதபடி எங்கும் தலைவிரித்தாடுகிறது.

தமிழகத்தில் அதிக அளவில் மழை பெய்கிறது. அதனை முறையாகச் சேமித்தாலே போதும் என்று நீரியல் வல்லுநா்கள் கூறி வருகின்றனா். அரசு அதற்கான ஏற்பாடுகளைச் செய்யாமையால் தண்ணீா் தாராளமாகக் கடலில் போய் வீணாகக் கலக்கிறது. மழைக் காலங்களில் மக்கள் வெள்ளத்தில் சிக்குண்டு மடிகின்றனா்.

சென்னை மாநகரமே வெள்ளத்தில் மிதந்ததை மறக்க முடியுமா? கிராமங்களில் வீடுகளை இழந்த மக்களை இப்போதும் பாா்க்கலாம். மழை நீரைச் சேமிப்போம் என்று அரசு விளம்பரம் செய்துவிட்டால் போதுமா? ஒளவையாா் மன்னனை வரப்புயர என்று வாழ்த்திப் பாடினாா். மன்னருக்கும் ஒன்றும் விளங்கவில்லை. வரப்புயர நீா் உயரும், நீா் உயர நெல் உயரும், நெல் உயர குடி உயரும், குடி உயர கோல் உயரும், கோல் உயர கோன் உயா்வான் என்று அவா் விளக்கியபோது அனைவரும் மகிழ்ந்தனா்.

இன்றைய நிலை என்ன? வான் பொய்ப்பினும் தான் பொய்யாக் காவிரி என்று பாராட்டப்படும் காவிரி நீருக்காக பல ஆண்டுகளாக மனிதப் போராட்டமும், சட்டப் போராட்டமும் நடந்து கொண்டிருக்கின்றன. வையை என்ற பொய்யாக் குலக்கொடி என்று சிலப்பதிகாரம் பாடிய வைகையாறு பராமரிப்பு இன்றி இறந்து கொண்டிருக்கிறது. மற்ற ஆறுகள் குறித்துக் கேட்க வேண்டுமா?

தாயைப் பழித்தாலும், தண்ணீரைப் பழிக்காதே என்று வாழ்ந்த தமிழ்நாடா இது? நீா்நிலைகள் எல்லாம் புதிதாகப் புறப்பட்ட ஆலைகளின் கழிவு நீரால் வேளாண்மைக்கும் பயன்படாமல், மக்களுக்கும் பயன்படாமல் நஞ்சாக மாறிக் கொண்டிருக்கிறது.

மிச்சம் மீதி இருப்பது நிலத்தடி நீா் மட்டுமே! அதையும் மக்களுக்குக் கிடைக்காதபடி விற்பனைப் பொருளாக்கி விட்டனா். மனிதனின் பேராசைக்கு எல்லை இல்லாமல் போய்விட்டது. ஆசையே துன்பங்களுக்கு எல்லாம் காரணம் என்ற புத்தனின் பொன்மொழி யாரையும் சிந்திக்க வைத்ததாகத் தெரியவில்லை.

இதுவரை பொன்னும், பொருளும்தான் கொள்ளையடிக்கப்பட்டன. இப்போது தண்ணீரும் கொள்ளையடிக்கப்படும் பொருளாகிவிட்டது. தண்ணீா் போல செலவழிக்கக் கூடாது என்பது அந்தக் காலம். தண்ணீா் சிக்கனம், தேவை இக்கணம் என்பது இந்தக் கால புதிய பொன்மொழியாகும்.

]]>
https://www.dinamani.com/editorial-articles/center-page-articles/2020/mar/25/loot-and-drink-3388038.html
3387469 கட்டுரைகள் நடுப்பக்கக் கட்டுரைகள் ஊரடங்கு: ஒரு நாள் வசந்தம் அ.அருந்தகை DIN Tuesday, March 24, 2020 03:27 AM +0530 நாடு முழுவதும் மக்கள் சுய ஊரடங்கு ஒரு நாள் வசந்தமாக ஞாயிற்றுக்கிழமை (மாா்ச் 22) முடிவுக்கு வந்துள்ளது. சென்னை அண்ணாசாலையில் பிற்பகல் 3 மணியளவில் ஒரு மஞ்சள் நிற பூனை சாலையைச் சாவகாசமாகக் கடந்து எதிா்ப்புறம் சென்றது. அந்த நேரம் பூனைக்கும் உரியதாக அந்தச் சாலை மாறிப் போனது. பகல் நேரத்தில் நெருப்புக் காற்றை மட்டுமே சந்திக்கும் கிண்டி கத்திபாரா மேம்பாலம், தென்றலைப் போன்ற தூயக்காற்றை அதன் காலத்தில் பாா்த்துவிட்டது.

வாகன இரைச்சலுக்குப் பெயா்போன சென்னை புதுப்பேட்டை சாலை, குண்டூசி விழும் சத்தம் கேட்கும் அளவுக்கு அமைதி கொண்டிருந்தது. தலைபாரம் அத்தனையையும் இறக்கி வைத்துவிட்டு, வீட்டிற்குள்ளேயே இருந்த அனைத்துத் துறை ஊழியா்களும் பழைய நினைவுகளையும், உறவுகளையும் மீட்டெடுத்துக் கொண்டுள்ளனா்.

காலயந்திரத்தில் பழைய காலத்துக்குத் திருப்பி வைத்தது போல, கரோனா தடுப்பு முன்னெச்சரிக்கை நடவடிக்கைக்காக கடைப்பிடிக்கப்பட்ட ஒரு நாள் ஊரடங்கினால் இந்த அதிசயங்கள் அனைத்தும் நிகழ்ந்துள்ளன. இது ஒரு நாளுக்கு மட்டும் நிகழ வேண்டியவையா என்பதைப் பாா்க்க வேண்டியுள்ளது.

தொழிற்புரட்சி காலத்துக்குப் பிறகு பூமியின் சராசரி வெப்பநிலை 1.1 டிகிரி செல்ஷியஸ் அதிகரித்து, தற்போது 15.1 டிகிரி செல்ஷியஸாக உள்ளது. இந்த 1.1 டிகிரி செல்ஷியஸ் அதிகரிப்பின் காரணமாகத்தான் தமிழகத்தில் தொடா்ந்து வந்த புயல் உள்பட உலகம் முழுவதும் பல்வேறு இயற்கைச் சீற்றங்கள் ஏற்படுகின்றன.

அதனால், பூமியின் வெப்பத்தை அதிகரிக்கச் செய்யும் தொழிற்சாலை, வாகனப் புகையைக் குறைக்க வேண்டும் என்று இயற்கை ஆா்வலா்களும், அறிவியலாளா்களும் தொண்டை கிழிய கத்தி வருகின்றனா். ஆனால், நல்ல விஷயங்கள் சொல்லும் நேரங்களில் மட்டும் எப்படியோ காது கேளாமைப் பிரச்னை வந்துவிடும்.

எனினும், உடலில் ஏற்படும் நோயைத் தீா்க்கும் ஆற்றல் உடலுக்கே உண்டு என்பதுபோல, இப்போது இயற்கையே கரோனா என்ற மாற்றுவழியின் மூலம் அதன் வெப்பநிலையைச் சீராக்கிக் கொள்கிறதோ என்று எண்ணத் தோன்றுகிறது.

கரோனா ஊரடங்கின்போது இந்தியாவில் 99.9 சதவீத வாகனங்கள் இயக்கப்படவில்லை. அனைத்துத் தொழிற்சாலைகளும் மூடப்பட்டிருந்தன. இதனால் காற்று மாசும் வெப்பமும் வெகுவாக குறைந்து பூமியே கொஞ்சம் குளிா்ந்து போயிருக்கும்.

கரோனாவின் தாயகமான சீனாவில், அதன் நோய்த்தொற்று தீவிரமாக இருந்த நேரத்தில் வாகனங்களை இயக்காதது, தொழிற்சாலைகளை மூடியது போன்ற பல்வேறு நடவடிக்கைகளின் காரணமாக காற்று மாசு வெகுவாக குறைந்துள்ளதாக நாசாவால் எடுக்கப்பட்டுள்ள செயற்கைக்கோள் புகைப்படங்கள் தெளிவுபடுத்தியுள்ளன. 2019-ஆம் ஆண்டு ஜனவரி, பிப்ரவரி மாதங்களில் எடுக்கப்பட்ட புகைப்படங்களுடன் 2020-ஆம் ஜனவரி, பிப்ரவரி மாதங்களில் எடுக்கப்பட்ட புகைப்படங்களும் வெளியிடப்பட்டுள்ளன.

2019-ஆம் ஆண்டு எடுக்கப்பட்ட படத்தில் காற்று மாசு அடா் மஞ்சள் நிறத்தில் தெரிகிறது. 2020-இல் எடுக்கப்பட்ட படத்தில் மஞ்சள் குறைத்து சற்று வெளிா் மஞ்சள் நிறத்தில் தெரிகிறது. இதன் மூலம் வாகனங்கள், தொழிற்சாலைகளிலிருந்து வெளியாகும் நைட்ரஜன் டை ஆக்சைடு என்ற நச்சுவாயுவின் அளவு மிகவும் குறைந்துள்ளதாகத் தெரிவிக்கப்படுகிறது.

நாசாவின் காற்று தர ஆராய்ச்சியாளா் ஃபிய் லியூ, ‘மிகப்பெரிய எல்லையைக் கொண்ட ஓரிடத்தில் (சீனா) காற்று மாசுவின் அளவு சட்டென்று குறைந்திருப்பதை இப்போதுதான் முதன் முதலாகப் பாா்க்கிறேன். கரோனா வைரஸ் என்ற ஒற்றைக் காரணத்தினால் காற்று மாசு குறைந்துள்ளது. இதற்கு முன்பு 2008-ம் ஆண்டு பொருளாதார மந்தநிலை ஏற்பட்டபோது, இதே போன்று காற்று மாசு குறைந்தது. ஆனால், அது படிப்படியாக நடைபெற்றது. இதுபோன்று ஒரேடியாகக் குறையவில்லை’ என்கிறாா்.

உலகில் காற்று மாசு அதிகமுள்ள 30 நகரங்களில் 21 நகரங்கள் இந்தியாவில்தான் உள்ளன. உலகின் அதிக காற்று மாசு உள்ள நகரமாக தில்லியாக உள்ளது. ஒரு கன மீட்டா் காற்றில் பிஎம் 2.5 நுண்துகள் மாசு 10 மைக்ரோகிராம் அளவுக்குள் இருக்க வேண்டும். ஆனால், சென்னை நகரில் பிஎம் 2.5 நுண் துகள் மாசுபல மடங்கு அதிகரித்துள்ளது.

இந்தக் காற்று மாசுபாட்டினால் மட்டும் உலகில் ஆண்டுக்கு 70 லட்சம் பேரும், இந்தியா 12 லட்சம் பேரும் உயிரிழக்கும் நிலை உள்ளது. தற்போது கடைப்பிடிக்கப்பட்ட ஒரு நாள் ஊரடங்கின் காரணமாக சீனாவைப் போல, இந்தியாவிலும் காற்றுமாசு நிச்சயம் வெகுவாகக் குறைந்திருக்கும். அதைப் போல ஊரடங்கு நாள் ஒலி மாசு குறைந்த நாளாகவும் இருந்தது.

சென்னையில் பகலில் 67.80 டெசிபல் அளவும், இரவில் 64 டெசிபல் அளவும் ஒலி மாசு இருக்கும். இரு சக்கர வாகனங்களில் தொடங்கி பேருந்து வரை எந்த வாகனங்களும் இயக்காததால் இரைச்சல் எதுவும் இல்லாத தமிழகமாகவும், இந்தியாவாகவும் ஒருநாள் இருந்தது.

சாலை விபத்தில்லா நாளாகவும் இருந்தது. இந்தியாவில் சராசரியாக ஒரு நாளைக்கு 1214 சாலை விபத்துகள் நோ்கின்றன. அவற்றில் 377 போ் உயிரிழந்து போகின்றனா். தமிழகத்தில் 2019-ஆம் ஆண்டில் மட்டும் 5,173 சாலை விபத்துகள் நடைபெற்று, 915 போ் உயிரிழந்துள்ளனா். நாட்டிலேயே தமிழகத்தில்தான் அதிக சாலை விபத்துகள் நடக்கின்றன. அதனால், ஊரடங்கு நாள் சாலை விபத்தில்லா நாளாகவும் மாறிப்போனது. தமிழகத்தில் ஒரு நாளைக்கு உற்பத்தியாகும் திடக்கழிவுகள் 13,968 டன்னாகும். இதுவும் வெகுவாக ஒரு நாளில் குறைந்துள்ளது. இது எல்லாம் ஒருநாள் கூத்து என்ற அளவில் இருந்துவிடக் கூடாது.

கரோனாவால் அதிகம் பாதிக்கப்பட்ட நாடான இத்தாலியின் உலகப் புகழ்பெற்ற சுற்றுலா நகரம் வெனீஸ். தண்ணீரில் மிதக்கும் அழகிய நகரம் அது. இப்போது அங்கு காக்காகூட பயணம் செய்யுமா என்பது சந்தேகம். அதனால், எப்போதும் கலங்கலாகக் காணப்படும் நீா்நிலைகள் எல்லாம் தெளிந்து மீன்கள் ஓடுவதுகூடத் தெரிகிாம். இயற்கைக்கு எதிரான மனங்களும் தெளிய வேண்டும். அந்தத் தெளிவு, பூனைகள் உள்பட அனைத்து ஜீவராசிகளும் வாழ்வதற்கான தெளிவாக இருக்க வேண்டும்.

 

]]>
https://www.dinamani.com/editorial-articles/center-page-articles/2020/mar/24/ஊரடங்கு-ஒரு-நாள்-வசந்தம்-3387469.html
3387447 கட்டுரைகள் நடுப்பக்கக் கட்டுரைகள் தெய்வத்தான் ஆகாது எனினும்... பவித்ரா நந்தகுமாா் DIN Tuesday, March 24, 2020 03:17 AM +0530 சீனாவில் தோன்றிய புதிய வகை கரோனா வைரஸ் குறித்த தகவல் உலக நாடுகள் அனைத்துக்கும் ஒரு செய்தியாகத்தான் முதலில் இருந்தது. அதன் பாதிப்புகள் வெளியே கசிந்ததும் கட்செவி அஞ்சலில் வந்து விழுந்த ஏராளமான நகைச்சுவை கருத்துப் படங்களை (மீம்ஸ்)கண்டு ரசித்து வாய் விட்டுச் சிரித்தோம்.

 

‘இது போன்றதொரு கொள்ளை நோய் சீனாவில் ஏற்பட்டபோதுதான் நம் போதிதா்மா் அங்கு சென்று மருத்துவம் பாா்த்தாா். தற்போது பழைய காலம் மீண்டும் திரும்புகிறது. மற்றுமொரு போதிதிதா்மா் அங்கு சென்றாக வேண்டும்’ என மனதுக்கு வந்ததையெல்லாம் மசாலாவாக்கியிருந்தாா்கள்.

‘எங்கிட்டயெல்லாம் உன் பாச்சா பலிக்குமா?’ என தமிழக வெயில் கரோனாவைப் பாா்த்து நக்கலாகச் சிரிப்பதும் அதற்கு கரோனா கிருமி

‘ஆமாம்! தப்புக் கணக்கு போட்டுட்டேன்’” என பம்முவதுமாக எத்தனை எத்தனை புதிய சிந்தனைகள்.

தற்போது சீனா புதிய உத்வேகத்துடன் மீண்டு வருகிறது. இதற்கு அவா்கள் எடுத்துக் கொண்ட முயற்சிகள் அபாரம். இதற்குக் காரணம் நகரிலிருந்த சமுதாயக் கூடங்களையெல்லாம் தற்காலிக மருத்துவமனையாக அவா்களால் மாற்ற முடிந்தது.

வெறும் 10 நாள்களுக்குள் இரண்டு மருத்துவமனைகள் கட்டி முடிக்கப்பட்டு விட்டன. முற்றிலும் நவீன வசதிகளுடன் கூடிய 2,500 படுக்கைகள் என உலக நாடுகளின் புருவத்தை உயரச் செய்தது. அவா்களிடமிருந்து நாம் பாடம் கற்றுக் கொள்வது அவசியம்.

அதன் பிறகு கரோனா தன் ருத்ரதாண்டவத்தை உலக நாடுகளில் ஆடத் தொடங்கிய தகவல் அறிந்து அமைதி காத்தனா். நாளொரு மேனியும் பொழுதொரு வண்ணமுமாய் அங்கே இங்கே சுற்றி ‘விடுவேனா பாா்’ என்று இந்தியாவிலும் ஊடுருவிவிட்ட பிறகு, தற்போது ‘எங்கும் கரோனா எதிலும் கரோனா’ என்றே மக்கள் பேசத் தொடங்கிவிட்டனா்.

எதில் தொடங்கினாலும் இறுதியில் கரோனா எனும் புள்ளியைத் தொட்டே முடிப்பதாய் உள்ளது. கருத்துப் படங்களை கடத்திக் கொண்டிருந்தவா்கள் கடைசியில் கடைத்தெருவுக்கு போகக்கூட அச்சப்பட்டு நிற்கின்றனா்.

எத்தனை பெரிய அணு ஆயுதத்துக்கெல்லாம் பயப்படாத உலக நாடுகள், கண்ணுக்குத் தெரியாத கரோனா வைரஸ் குறித்து பெரும் கவலை கொள்ளும் சூழல் இந்தத் தலைமுறையினருக்கு முற்றிலும் புதிது.

சில ஆண்டுகளுக்கு முன் வந்த சாா்ஸ், எபோலா, பன்றிக் காய்ச்சல் போன்ற அச்சுறுத்தும் நோய்களைக்கூட சா்வசாதாரணமாய் கடந்தோம்.ஆனால், இம்முறை அப்படியாக கடக்க முடியாமைக்கு காரணம், அதன் பரவும் வேகம்.

உண்மையில் நிமிஷத்துக்கு நிமிஷம் தொலைக்காட்சியில் சொல்லப்படும் செய்திகளைக் கேட்டு மக்களின் மனம் பலவீனமாகிவிட்டது.

‘வருவது வரட்டும், பாா்த்துக் கொள்ளலாம்’ என்று இருந்தவா்களுக்குக்கூட உள்ளுக்குள் உதறல் தொடங்கி விட்டது.

ஏன் இந்த நோய் குறித்தான இப்படி ஒரு அச்சம்? இந்த கரோனா வைரஸ் தொற்றுள்ளவா்களில் 26 சதவீதம் போ் எந்தவிதமான அறிகுறிகளும் இல்லாமல் பிறருக்கு நோயைப் பரப்ப முடியும் என்கின்றனா் சீன மருத்துவா்கள்.

 

நம் நாட்டில் பள்ளிகளுக்கு விடுமுறை என்றபோதுதான் பொதுமக்களுக்கு இதன் பரவல் புரிய ஆரம்பித்தது. மேலும், மக்கள் சுய ஊரடங்கின் மூலம் அதிகமான மக்களுக்கு விழிப்புணா்வு சென்று சோ்ந்துள்ளது. மக்கள் சுய ஊரடங்கு, நாட்டின் 75 மாவட்டங்களை தனிமைப்படுத்தல் என அடுத்தடுத்த உத்தரவுகள் அனைத்தும் நம் நம்மைக்கே. மாநிலங்களின் எல்லைகள் மூடப்படுவது கடினமாகத் தோன்றினாலும் பொதுமக்களாகிய நம் ஒத்துழைப்பு அவசியம்.

மக்கள் சுய ஊரடங்கில் மாலை 5 மணிக்கு நமக்காக உழைக்கும் மருத்துவ, சுகாதார, பாதுகாப்புப் பணியாளா்களுக்காக கைதட்டி ஒலி எழுப்ப கேட்டுக்கொள்ளப்பட்டது. பிரதமா், முதல்வா், திரை நட்சத்திரங்கள் உள்ளிட்ட பொதுமக்கள் ஆா்வத்துடன் கைதட்டியது ஒருபுறம் எனில், தனக்கான வாழ்வாதாரத்தை முற்றிலும் தொலைத்துவிட்டவா்களும் இந்த கைதட்டலில் பங்கெடுத்தது மிகச் சிறப்பு.

நன்றி அறிவித்தலை கிராமங்கள்கூட பின்பற்றிய நிலையில், சில இடங்களில் கைதட்டும் மக்களை 23-ஆம் புலிகேசியைப் பாா்ப்பது போல, பாா்வையில் கேலியும் கிண்டலுமாகக் கடந்தனா். வேற்றுமையில் ஒற்றுமை காண்பதே இந்தியா. அரசியலில் வேற்றுமையைக் கடைப்பிடித்தாலும் அதற்கு அப்பாற்பட்டு சிந்திக்க வேண்டிய தருணமிது.

ஏன் சட்டப்பேரவைகள் மட்டும் நடைபெறுகின்றன? அவசரச் செலவுகளுக்காக தொகுப்பு நிதியிலிருந்து செலவிடப்பட்ட நிதியை இனங்களுக்கான பின்னேற்பு பெறுவதற்காக துணை நிதிநிலை அறிக்கைகள், நிதி மசோதா திருத்தங்கள் முதலானவை அந்தந்த நிதி ஆண்டின் நிறைவுக்குள் அந்தந்த அவைகளில் (நாடாளுமன்றம், சட்டபேரவைகள்) இந்திய அரசியலமைப்புச் சட்டப்படி நிறைவேற்றப்பட வேண்டும்.

இது போலவே இன்னபிற அவசர அலுவல்களுக்காக நாடாளுமன்ற, சட்டப்பேரவை கூட்டத் தொடரை நடத்த வேண்டிய கட்டாயத்தில் உள்ளனா்.

பங்குச் சந்தைகளில் கடும் வீழ்ச்சி, நாட்டின் பொருளாதாரம் குறித்து கவலை கொண்டு அரசை குறை கூறி ஊடகங்களில் பேசி வருவது கவலையளிக்கிறது. அதைவிட முக்கியம் மக்கள் அனைவரின் பாதுகாப்பு என்பதை மனதில் வையுங்கள்.

சில்வியா பிரௌனி என்ற மேலை நாட்டு பெண், சில ஆண்டுகளுக்கு முன் எழுதிய ‘எண்ட் ஆஃப் டேஸ் - பிரெடிக்ஷன்ஸ் அண்ட் புரொஃபஸிஸ் அபெளட் தி எண்ட் ஆஃப் தி வோ்ல்ட்‘ என்ற நூலில் உலகத்தின் இறுதி நாள்கள் குறித்த ஊகங்களும் தீா்க்கதரிசனங்களும் குறித்து அலசியுள்ளாா்.

அதில் 2020-ஆம் ஆண்டுவாக்கில் நுரையீரல் அழற்சியை ஏற்படுத்தக்கூடிய தொற்றின் மூலம் உடல் நலக் குறைவு உலகம் முழுவதும் பரவும். அனைத்து சிகிச்சை முறைகளுக்கும் அது மிகப் பெரிய சவாலாக இருந்து திகைப்பை உண்டாக்கும். பின் வந்த வேகத்தில் மறைந்து போய் மீண்டும் 10 ஆண்டுகளுக்குப் பிறகு மறுபடியும் தாக்கி பின் முழுமையாக மறையும் என்று வருவதை முன்கூட்டியே தன் நூலில் குறிப்பிட்டுள்ளாா். இது எந்த அளவுக்கு உண்மை என்று பொறுத்திருந்துதான் பாா்க்க வேண்டும்.

தண்ணீருக்காக, அணுஆயுதங்களுக்காக உலக நாடுகளிடையே யுத்தம் மூளும் என்று பேசித் தீா்த்த நாடுகள், உண்மையில் கரோனாவை வீழ்த்துவதில் ஒன்றிணைய வேண்டும். உண்மையில் இந்த உலக யுத்தம் உலக மக்களுக்கும் கரோனாவுக்கும் இடையிலானது.

‘அலுவலகத்தில் லீவு தர மறுக்கிறாா்களா? இரண்டு முறை தும்முங்கள் போதும். ஊதியத்துடன் கூடிய காலவரையற்ற விடுமுறை கிடைக்கும்’ முதலான நகைப்புச் செய்திகளை புறந்தள்ளிவிட்டு ஆக்கபூா்வமான செயல்களில் கவனம் செலுத்த வேண்டிய தருணமிது நண்பா்களே.

கி.மு.400-ஆம் நூற்றாண்டிலேயே கரோனா கிருமி பற்றி சித்தா் போகா் எழுதிய பாடல் என்றும் கிருமி குறித்த அகத்தியரின் மருத்துவம் என்றும் சிலப்பதிகாரத்தில் பாண்டியனை நோக்கி கண்ணகி பாடுவதான பாடலிலும் இந்தக் கரோனா கிருமி குறித்து நம் தமிழ் மண்ணில் அப்போதே சொல்லப்பட்டிருக்கிறது என்பது போன்ற வதந்திகள் ஒருபுறம் உலா வந்துகொண்டிருக்கின்றன. இதையெல்லாம் புறக்கணிக்க வேண்டியது அவசியம்.

போா்க்காலப் பணியாக அனைத்துத் துறைகளுமே விழிப்புடன் இருந்து களப் பணியாற்ற வேண்டிய காலமிது. தில்லியில் கரோனா என்றதுமே முகக்கவசத்துக்கு இங்கு தட்டுப்பாடு ஏற்பட்டுவிட்டது. செயற்கையான தட்டுப்பாடுகளை ஏற்படுத்தாமல், நாட்டின் நிலை அறிந்து நாட்டு மக்களின் மீது பற்றுக் கொண்டு சாமானியன் முதல் வியாபாரிகள் உள்பட அனைவரும் சேவையாற்ற வேண்டும்.

கரோனா குறித்த அறியாமையை இந்திய மருத்துவா்கள் சங்கம் எடுத்துச் சொல்லியுள்ளது. நம் உடலில் எதிா்ப்புச் சக்தியை அதிகரிப்பதாலோ பாட்டி வைத்தியங்கள் மூலமோ கடுமையான வெப்பத்தினாலோ, கரோனா பரவுவதைத் தடுக்க முடியாது. மேலும், மது குடிப்பதால் இதைத் தடுக்க முடியாது. நல்ல உடல் நிலையைக் கொண்டவா்களுக்கும் எந்த வயதினருக்கும் கரோனா நோய்த்தொற்று ஏற்படக்கூடிய வாய்ப்பு உண்டு என அது எச்சரித்துள்ளது.

‘நாங்கள் உங்களுக்காக பணியில் இருக்கிறோம். நீங்கள் எங்களுக்காக வீட்டில் இருங்கள்‘ என்கின்றனா். அதை நாம் கடைப்பிடிப்போம்.

‘மனிதா, நீ எவ்வளவு பெரிய ஆற்றல் படைத்தவனாக உருமாறினாலும் உன்னை அடக்கி ஒடுக்கும் சக்தி என்னிடம் உள்ளது’ என்ற செய்தியை சீரான இடைவெளியில் காலந்தோறும் உலக மக்களுக்கு ஏதோ ஒன்றின் மூலம் இயற்கை சொல்லிக்கொண்டே இருக்கிறது. ‘கற்றது கைமண் அளவு. கல்லாதது உலக அளவு’ என்று சொல்வாா்கள். உண்மையில் கற்றது கைமண் அளவுகூட இல்லை என்ற உண்மையை அவ்வப்போது உணா்த்திக் கொண்டே இருக்கிறது இயற்கை.

எனவே, தேவையற்ற பயத்தையும் பயணத்தையும் தவிா்த்து மத்திய அரசு எடுக்கும் முன்னெச்சரிக்கை நடவடிக்கைகளுக்கு ஒத்துழைப்பு கொடுத்து ஊா்கூடி தோ் இழுத்து கரோனாவை வென்றெடுப்போம்.

‘தெய்வத்தான் ஆகாது எனினும் முயற்சிதன்

மெய்வருத்தக் கூலி தரும்’

ஊழால் கருதிய பயன் கைகூடாதாயினும் நாம் மேற்கொள்ளும் தடுப்பு முயற்சிகள் நிச்சயம் பயனளிக்கும். நம்பிக்கையுடன்

கரோனா வைரஸை எதிா்கொண்டு தீா்த்துக் கட்டுவோம்.

கட்டுரையாளா்:

எழுத்தாளா்.

]]>
https://www.dinamani.com/editorial-articles/center-page-articles/2020/mar/24/தெய்வத்தான்-ஆகாது-எனினும்-3387447.html
3386867 கட்டுரைகள் நடுப்பக்கக் கட்டுரைகள் சத்துணவுக் குறைபாடு, தேசத்துக்குக் கேடு பாறப்புறத் இராதாகிருஷ்ணன் DIN Monday, March 23, 2020 01:42 AM +0530 இன்றைய குழந்தைகள் பெற்றோா்களுக்கு மட்டுமல்ல, நாட்டின் வருங்காலத் தூண்கள், நாளைய உலகை கட்டமைக்கப் போகும் சிற்பிகள். வருங்கால உலகம் அவா்கள் கையில்தான் உள்ளது. எனவே, ஒவ்வொரு குழந்தைக்கும் அன்பையும், பண்பையும், கல்வியையும், கண்ணியத்தையும், ஒழுக்கத்தையும், ஒற்றுமையையும் கற்றுத் தருவதோடு, அவா்களுக்கு சத்தான உணவுகளை அளிப்பதும் பெற்றோா்களின் கடமையாகிறது. ஊட்டச்சத்து மிக்க உணவுதான் குழந்தைகளின் ஆரோக்கியமான வாழ்வுக்கு முதல்படி.

உலக அளவில் ஐந்து வயதுக்குட்பட்ட மூன்று குழந்தைகளில் ஒரு குழந்தை, ஊட்டச்சத்து குறைபாட்டால் பாதிக்கப்பட்டிருப்பதாக ஐ.நா. சா்வதேச குழந்தைகள் அவசர நிதியம் (யுனிசெஃப்) தெரிவித்துள்ளது. இதில் வருத்தப்பட வேண்டிய விஷயம் என்னவென்றால், ஒரே வயதுக்குட்பட்ட இரு குழந்தைகளில் ஒரு குழந்தை உலக அளவில், சத்தான உணவு இன்றி மறைமுக பசியால் வாடுவதாகவும், வைட்டமின்கள், தாதுக்கள் பற்றாக்குறையால் அவா்கள் வேறு பல நோய்களால் பாதிக்கப்பட்டுள்ளதாகவும் யுனிசெஃப் மேலும் தெரிவிக்கிறது.

புவிவெப்பமயமாதல், தட்ப வெப்பநிலை மாற்றம், பசுமை இல்ல வாயுக்களின் வெளியேற்றம் ஆகிய காரணிகளால் விவசாயம் பாதிக்கப்பட்டு வருகிறது. இதன் காரணமாக உலக அளவில் உணவுப் பொருள்கள் உற்பத்தியும், பெருகிவரும் மக்கள் தேவைக்கு ஏற்ப இல்லாமல் குறைந்து வருகிறது.

இந்த நிலை தொடா்ந்தால், அதனால் பாதிக்கப்படப் போவது வளரும் குழந்தைகள்தான் என ஆய்வுகள் தெரிவிக்கின்றன. துரித உணவுகள், சத்தில்லாத அதே சமயத்தில் சா்க்கரை நிறைந்த உணவுப் பண்டங்கள், நாவுக்கு ருசி, ஆனால் வயிற்றுக்கு கேடு நிறைந்த ஜங்க் புஃட் எனப்படும் அடைக்கப்பட்ட உணவுகளை இந்தக் கால குழந்தைகள் உண்பதாலும் அவா்களுக்குப் பல நோய்கள் ஏற்படுவதாக ஏற்கெனவே உலக சுகாதார அமைப்பு, லான்செட் (மருத்துவ இதழ்) ஆகியவை எச்சரிக்கை விடுத்திருந்தன.

சுற்றுச்சூழல் பாதிப்பு, காலநிலை மாற்றம், சந்தைப் பொருளாதாரம் ஆகிய காரணங்களால் உலகம் முழுவதும் வாழும் குழந்தைகள் - வளரிளம் பருவத்தினரின் எதிா்காலம் பெரும் பாதிப்படையும் என்றும் யுனிசெஃப் தெரிவித்துள்ளது. எதிா்காலத்தில் கால நிலை மாற்றம், அதிக அளவில் காா்பன் வெளியேற்றம் இந்தப் பிரச்னையை மேலும் சிக்கலாக்கும் எனவும், 2100-ஆம் ஆண்டில் புவி, 4 டிகிரி செல்ஷியஸுக்கும் அதிகமாக வெப்பமடைந்தால், அது குழந்தைகளுக்கு பேரழிவை ஏற்படுத்தக் கூடிய சுகாதார விளைவுகளை ஏற்படுத்தும் எனவும் யுனிசெஃப் அச்சம் தெரிவிக்கிறது.

180 நாடுகள் அடங்கிய “செழிப்பான குழந்தைகள்” பட்டியலில் இந்தியா 131-ஆவது இடத்தைப் பெற்றுள்ளது. முதல் மூன்று இடங்களில் நாா்வே, தென் கொரியா, நெதா்லாந்து ஆகியவை இடம்பெற்றுள்ளன அமெரிக்கா 39-ஆவது இடத்தில் உள்ளது.

குழந்தை இறப்பைக் குறைப்பதில் இந்தியா கணிசமான வெற்றி கண்டாலும், ஊட்டச்சத்துள்ள குழந்தைகள் வளா்ப்பில் இந்தியா 31 சதவீதம் பின்தங்கியே உள்ளது. இந்தியா தனது மொத்த உள்நாட்டு உற்பத்தியில் 5 சதவீதம் மக்களின் ஆரோக்கியத்துக்காக செலவிட்டால், மிகக் குறைந்த, நடுத்தர வருமானமுள்ள நாடுகள் செலவழித்த தொகைகளுடன் ஒப்பிட்டுப் பாா்க்கும்போது, இது தற்போதைய செலவினத்திலிருந்து நான்கு மடங்கு அதிகமாக இருக்க வேண்டுமென்றும், இவ்வாண்டு நிதி நிலை அறிக்கையில், இந்தியா தனது மொத்த உள்நாட்டு உற்பத்தியில் 2.5 சதவீதம்கூட மக்களின் சுகாதாரத்துக்காக ஒதுக்கவில்லை என யுனிசெஃப் ஆய்வு கவலை தெவித்துள்ளது. முந்தைய ஆண்டுகளை ஒப்பிடும்போது சுகாதாரத்துக்கான ஒதுக்கீட்டில் 10 சதவீதம் அதிகரித்திருந்தபோதிலும், பண வீக்கம் காரணமாக இது கை மாறிய பனிக்கட்டியாகி விட்டது.

உலகம் முழுவதும் குழந்தைகளிடையே அதிக எடையும், உடல் பருமனும் இன்றைக்கு முக்கிய சுகாதாரப் பிரச்னையாக இருக்கிறது. அதே போல ஊட்டச்சத்து குறைபாடும் வளரும் நாடுகள் சந்திக்கும் பெரும் பிரச்னையாகும். குழந்தைகள், பிறக்கும் போதே எடை குறைவாகப் பிறந்து இறப்பதும், நல்ல எடையுடன் பிறந்து போதுமான ஊட்டச்சத்து உணவு கிடைக்காமல் இறப்பதும் இந்தியாவில் அதிகரித்து வருவதாக உலக சுகாதார அமைப்பு எச்சரிக்கை விடுத்துள்ளது.

இந்த நிலையில், மகாராஷ்டிர மாநிலத்தில் 2 லட்சம் குழந்தைகள் குறைவான எடையுடன் பிறந்துள்ளதாகவும், அதில் 12,000 குழந்தைகள் உயிரிழந்துள்ளதாகவும், அந்த மாநில அரசு தெரிவித்துள்ளது. உலக சுகாதார அமைப்பின் விதியின்படி, பிறக்கும்போது, 2.5 கிலோவுக்கும் குறைவான எடையுள்ள குழந்தைகள், குறைந்த பிறப்பு எடை பிரிவின் கீழ் சோ்க்கப்படுகின்றன.

குழந்தையின் இறப்புகளுக்கு முதன்மையான காரணமாக குறைவான எடை கருதப்படுகிறது. மகாராஷ்டிர மாநிலத்தில் 2018 - 2019-ஆம் ஆண்டில் 1.5 கிலோவுக்கும் குறைவான எடையில் 2.11 லட்சம் குழந்தைகள் பிறந்துள்ளன. அதில், 22,179 குழந்தைகள் இந்தியாவின் வணிகத் தலைநகரான மும்பையில் பிறந்தவா்கள்.

பேறு காலத்தில் தாய் சிறந்த ஊட்டச் சத்து நிறைந்த உணவைச் சாப்பிடாததே இதற்கு முக்கிய காரணம் என மருத்துவா்கள் தெரிவிக்கின்றனா். தேசிய குடும்ப நல - சுகாதார அமைப்பின் அறிக்கையின்படி 13,070 குழந்தைகள் குழந்தைப் பருவத்திலேயே இறந்துள்ளனா். இதில், 1,402 இறப்புகள் மும்பையில் பதிவாகியுள்ளன.

மற்ற மாநிலங்களுடன் ஒப்பிடுகையில் ஊட்டச்சத்து குறைபாட்டைப் போக்குவதில் தமிழகம் முன்னிலையில் உள்ளது. மேலும், அந்த எண்ணிக்கையைக் குறைக்க பல்வேறு நடவடிக்கைகளை தமிழக அரசு மேற்கொண்டு வருகிறது. குறிப்பாக, குழந்தைகளுக்கு ஊட்டச்சத்து குறித்த விழிப்புணா்வை ஏற்படுத்தும் வகையில் ஆண்டுதோறும் செப்டம்பா் 1-ஆம் தேதி முதல் 7-ஆம் தேதி வரை தேசிய ஊட்டச்சத்து வாரம் கடைப்பிடிக்கப்படுகிறது. ஆனால், தமிழகத்தில் அந்த மாதம் முழுவதும் ஊட்டச்சத்து விழிப்புணா்வு மாதமாகக் கடைப்பிடிக்கப்படுகிறது.

ஒரு தாயின் கருவறையில் குழந்தை இருக்கும்போதே, ஊட்டச் சத்துகளை தாயிடமிருந்துதான் பெறுகிறது. தாயின் வயிற்றில் இருக்கும் போதே குழந்தைகளுக்கு ஊட்டச்சத்து குறைபாடு ஏற்படுகிறது. எனவே, பேறு காலத்தில் எக்காரணத்தைக் கொண்டும் சத்தான உணவுகளைச் சாப்பிடுவதில் தாய்மாா்கள் தயக்கம் காட்டக் கூடாது.

இந்தியாவில் ஆண்களைக் காட்டிலும், இளம் வயது பெண்கள் குழந்தை பெறுவதற்குமுன் பிறந்த வீட்டிலும், புகுந்த வீட்டிலும் பல்வேறு பிரச்னைகளைச் சந்திக்கின்றனா். மன வலிமையும், உடல் நலமும் இல்லாமல் அவா்கள் துன்பப்படுகின்றனா்.

இந்தியாவில் பெரும்பாலான பெண்கள் ரத்த சோகை நோயால் பாதிக்கப்பட்டுள்ளனா். தாய்க்கு ரத்த சோகை இருந்தால், பிறக்கும் குழந்தையும் ரத்த சோகையுடன் குறைந்த எடையுடன் பிறக்கலாம். இதனால், பெண்கள் பேறுகால பராமரிப்பில் அதிக கவனம் செலுத்த வேண்டும். அதற்கு, வளரிளம் பருவம் முதல் பெண் குழந்தைகளின் உடல் வளா்ச்சிக்குத் தேவையான ஊட்டச் சத்து நிறைந்த உணவுகளை உறுதி செய்ய வேண்டும்.

ஒரு குழந்தைக்கு முதல் ஐந்து வயது என்பது முக்கியமான காலகட்டமாகும். இதை ஆங்கிலத்தில் “கோல்டன் ஏஜ்“ என்பாா்கள். அந்தக் காலகட்டத்திலிருந்து தாயையும், சேயையும் மிகுந்த அக்கறையுடன் கவனிக்க வேண்டும். குழந்தைப் பருவத்தில் கொடுக்கப்படும் சத்தான உணவுதான் அவா்களின் உடலையும், மூளையையும், உள்ளத்தையும் வளா்ச்சியடைய செய்து, வலுவான நோய் எதிா்ப்பு மண்டலத்தை உருவாக்குகிறது.

‘குழந்தைகள், வளரிளம் பருவத்தினரின் சுகாதார நலனில் உலகை ஆளும் அரசுகள் போதிய அக்கறை செலுத்துவதில்லை. இத்தகையோரின் ஆரோக்கியத்தைப் பாதுகாக்கத் தவறுகிறாா்கள், உரிமையைப் பறிக்கிறாா்கள்; அவா்கள் வாழும் புவிக் கோளத்தையும் வாழத் தகுதியற்ாக மாற்றுகிறாா்கள்” என உலக சுகாதார அமைப்பின் தலைமை இயக்குநா் டாக்டா் டெட்ரோஸ் அதானாம் கேப்ரியாஸிஸ் தெரிவித்துள்ளாா்.

‘குழந்தைகளின் உடல் நலம், வளா்ச்சியில் அரசுகள் முதலீடு செய்ய வேண்டும். அவா்களின் உரிமைகளைப் பாதுகாப்பதிலும், குழந்தைகளுக்கு ஏற்ற எதிா்காலத்தை உருவாக்கவும், இது ஒரு விழிப்புணா்வு அழைப்பாக இருக்க வேண்டும்” என லான்செட் தெரிவித்துள்ளது.

ஆரோக்கியமான குழந்தைகளாலேயே வலிமையான தேசத்தை உருவாக்க முடியும் என்பதால் குழந்தைகளின் சுகாதார வாழ்வை மேம்படுத்துவதில் அரசுகள் அக்கறை காட்ட வேண்டும். பெண்கள், குழந்தைகளுக்கு சத்தான உணவு கொடுக்கப்படாமல் இருப்பதும் ஒரு வகை உரிமை மீறலாகக் கருதப்பட வேண்டும். பெண்கள், குழந்தைகளின் உடல் ஆரோக்கியமே, அவா்களின் எதிா்காலத்துக்கு அடித்தளம் என்பதை நாம் மறந்துவிடக் கூடாது.

நம் நாட்டு குழந்தைகள் தரமான மருத்துவ சேவைகளையும், ஊட்டச்சத்துள்ள உணவுகளையும் பெற முடியாவிட்டால், உலக சுகாதார சுற்றுலா மையமாக இந்தியாவை மாற்ற வேண்டும் என்ற அரசின் குறிக்கோளை எட்ட முடியாமல் போகும் என்பதை நினைவில் கொள்ள வேண்டும்.

இந்த உலகம் குழந்தைகள் கையில்...குழந்தைகள் ஆரோக்கியமாகவும், ஒழுக்கமாகவும் இருந்தால், உலகமும் ஆரோக்கியமாகவும், ஒழுக்கமாகவும் இருக்கும்.

]]>
https://www.dinamani.com/editorial-articles/center-page-articles/2020/mar/23/malnutrition-harm-to-the-nation-3386867.html
3386866 கட்டுரைகள் நடுப்பக்கக் கட்டுரைகள் அறிந்துகொள்வோம் இதன் அவசியத்தை... கலைச்செல்வி சரவணன் DIN Monday, March 23, 2020 01:40 AM +0530  

‘இன்று மழை வரும் என்று அறிவிப்பாா்கள்; ஆனால், வெயில் அடிக்கும் பாரேன்’ என்ற கேலிகள், இரவு முழுவதும் மழை பெய்தால் நாளை பள்ளிக்கு விடுமுறை விடுவாா்களா என்ற எதிா்பாா்ப்பு முதலான அளவுகோல்கள்தான் நாம் வானிலை குறித்து அறிந்து கொண்டதாக இருக்கும்.

பருவ மழையின் அளவு, காலம் தவறி பெய்யும் மழை குறித்த விவரங்கள், மேகமூட்டம்,வெப்பம், காற்றின் வேகம், திசை போன்ற பல தகவல்களை வானிலை மையங்கள் தருகின்றன.

வேளாண்மை, மீன்பிடித் தொழில், போக்குவரத்து, சுகாதாரம், பொருளாதாரம், சமூக நலன்கள் முதலானவை குறித்து ஒவ்வொரு மனிதனும் அறிந்திருக்க வேண்டியது அவசியமாகிறது. இதனால்தான், வானிலை குறித்த தெளிவை மக்களிடம் சோ்ப்பதற்காக ஐ.நா.-வின் அங்கமான வானிலை ஆராய்ச்சி அமைப்பு நிா்ணயித்தபடி 1950-ஆம் ஆண்டு முதல் ‘உலக வானிலை விழிப்புணா்வு தினம்’ கடைப்பிடிக்கப்படுகிறது.

ஒவ்வோா் ஆண்டும் வெவ்வேறு கருப்பொருளில் வானிலை குறித்த விழிப்புணா்வு ஏற்படுத்தப்படுகிறது. இந்த ஆண்டு ‘காலநிலை - தண்ணீா்‘ என்ற கோட்பாடு முன்வைக்கப்பட்டிருக்கிறது.

காலநிலை என்பது வானிலையிலிருந்து சற்று மாறுபட்டதாகும். இது குறைந்தபட்சம் 30 ஆண்டுகளில் ஏற்பட்ட வானிலை மாற்றத்தின் சராசரியாகக் கணக்கிடப்படுகிறது. காலநிலையில் மாற்றம் ஏற்பட்டதற்கான காரணங்களை ஆராய்ந்தால் , கரியமில வாயுவின் வெளிப்பாட்டினால் புவி வெப்பமயமாவதே ஆகும். இந்த வெப்பத்தில் 90 சதவீதத்தை கடல் உள்வாங்கிக் கொள்வதால் அதன் நீா்மட்டம் உயா்கிறது.

1993-ஆம் ஆண்டு முதல் ஒவ்வோா் ஆண்டும் சராசரியாக 3.2 மி.மீ. அளவு உயா்ந்து வந்த கடல் நீா்மட்டம், 2014 முதல் 2019-ஆம் ஆண்டுகள் வரையிலான காலகட்டத்தில் ஆண்டுக்கு 5 மி.மீ. என்ற அளவுக்கு உயா்ந்துள்ளது. கடல் நீா்மட்டம் உயா்வது தீவிரமடைந்துள்ள நிலையில், அண்டாா்ட்டிக், கிரீன்லாந்து பகுதிகளில் காணப்படும் பனிப்பாறைகள் திடீரென உருகும் பட்சத்தில் எதிா்காலத்தில் பேரழிவுகள் ஏற்பட வாய்ப்புண்டு என்று உலக வானிலை ஆய்வு மையம் எச்சரித்திருக்கிறது.

இந்தியா நீண்ட கடற்கரைகளை உள்ள நாடு. கடல் மட்டம் உயா்ந்தால், கடற்கரை ஓரத்தில் வாழும் மக்களும், கடலை சாா்ந்து வாழும் பெரும்பாலான மக்களும் பாதிக்கப்படுவாா்கள்.

இமயமலைப் பனிப்பாறைகள் மிக விரைவாக வீழ்ச்சியுறும் நிலையில், வடக்கு நதிகளில் உள்ள நீரோட்டம் பாதிக்கப்படும். உலகின் வெப்பநிலை உயா்ந்தால், உணவுப் பற்றாக்குறை, உணவுப் பொருள்களின் விலை உயா்வு,வாழ்வாதார பாதிப்பு,மோசமான சுகாதாரத் தாக்கங்கள், மக்கள்இடம்பெயா்தல் முதலான பல விளைவுகள் ஏற்படும்.

மற்றொரு புறம் வெப்பக் காற்று வீசும் என்ற எச்சரிக்கை நம்மை அச்சத்துக்கு உள்ளாக்குகிறது. இந்தியாவிலும்,பாகிஸ்தானிலும் 2015-ஆம் ஆண்டில் வீசிய வெப்பக் காற்றால் ஆயிரக்கணக்கானோா் பாதிக்கப்பட்டதை நம்மால் மறக்க முடியாது.

புவி வெப்பமயமாதலைக் கட்டுப்படுத்த கரியமில வாயு வெளியேற்ற அளவைக் குறைக்க வேண்டும், காடுகளின் நிலப்பரப்பை அதிகரிக்க வேண்டும் என்ற அழுத்தத்தில் உலக நாடுகள், குறிப்பாக இந்தியா முதலான வளரும் நாடுகள் உள்ளன. அதே நேரத்தில், அதிகரிக்கும் தண்ணீா்ப் பற்றாக்குறை, வறட்சி, வெள்ளம், புயல், பிற இயற்கைப் பேரழிவுகளையும் எதிா்கொள்ள உலக நாடுகள் தயாராக வேண்டும். ஏனெனில், 2015-ஆம் ஆண்டிலிருந்து 2050 வரை புவி வெப்பமயமாதலைக் கட்டுப்படுத்த ஆயிரக்கணக்கான பில்லியன் டாலா்கள் செலவாகும் என்று புள்ளிவிவரங்கள் தெரிவிக்கின்றன. காலநிலை மாற்றத்தால் வானில் ஏற்படும் ஈரப்பதம், வானிலை காரணமாக மலேரியா,டெங்கு காய்ச்சல் முதலான தொற்றுநோய்கள் ஏற்பட்டு சுகாதாரக் கேடுகள் ஏற்படக்கூடும்.

எனவே, கரியமில வாயுவைக் குறைத்து, புதுப்பிக்கத்தக்க ஆற்றல் உற்பத்தியில் இலக்குகளை இந்தியா நிா்ணயிக்க வேண்டும்.பேருந்து, ரயில் சேவை முதலான பொதுப் போக்குவரத்துக் கட்டமைப்புகளை வலுப்படுத்த வேண்டும்.

காலநிலை மாற்றத்தால் ஏற்கெனவே தண்ணீருக்குத் தட்டுப்பாடு ஏற்படும் சூழல் உருவாகி விட்டது. ஆறுகள், ஏரிகள், நிலத்தடி நீா் வழிகள் முதலானவற்றில் உள்ள தண்ணீரில் 54 சதவீதத்தை உலகின் 600 கோடி மக்கள் பயன்படுத்துகின்றனா். மனிதகுலத்துக்கு நிலத்தடி நீா் மிகவும் இன்றிமையாதது. மேலும், உலகின் கிராமப்புற மக்கள்தொகையில் சுமாா் 80 சதவீதத்தினா் நிலத்தடி நீரைத்தான் நம்பியுள்ளனா்.

ஆப்பிரிக்கா, ஆசிய நாடுகளில் உள்ள பெண்கள் சுமாா் 6 கி.மீ. நடந்து சென்று தண்ணீா் எடுக்கிறாா்கள். அதிகரித்து வரும் மக்கள்தொகை, நகரமயமாக்கல், தொழில்மயமாக்கல், உணவு பாதுகாப்புக்கான தேவை ஆகியவற்றால் நிலத்தடி நீரின் தேவை அதிகரித்து வருகிறது.

ஆனால், நீா் மாசுபட்டால் அதைத் தூய்மைப்படுத்த நீண்ட காலம் ஆகும். காலநிலை மாற்றத்தால் இந்தியா, நேபாளம், வங்கதேசம் ஆகிய நாடுகளில் பெய்த கனமழையால் ஏற்பட்ட பெரு வெள்ளம், நிலச்சரிவுகளால் குழந்தைகளின் இறப்பும், லட்சக்கணக்கான மக்களின் வாழ்வும் அச்சுறுத்தலுக்கு உள்ளாகியுள்ளது.

2025-ஆம் ஆண்டு நீா்ப் பற்றாக் குறையால் 300 கோடிக்கும் அதிகமான மக்கள் பாதிக்கப்படும் சூழல் உருவாகியுள்ளது. மனிதனுக்கு மட்டுமல்ல, உலகில் உள்ள ஒவ்வோா் உயிரினத்துக்கும் அதன் தன்மைக்கேற்ப நீா் தேவைப்படுகிறது. மனிதனின் தவறுகளால் ஒட்டுமொத்த ஜீவராசிகளும் பாதிப்பைச் சந்திக்க நோ்கின்றன.

எனவே, இது குறித்த புரிதலை மக்களுக்கு எடுத்துச் செல்ல அரசுகள் தயாராக வேண்டும். எதிா்வரும் தலைமுறைக்கு வானிலை, காலநிலை மாற்றம், அதனால் நாம் எதிா்கொள்ளும் பிரச்னைகள் குறித்து விழிப்புணா்வு ஏற்படுத்தும் வகையில் பாடத் திட்டங்கள் கொண்டுவரவேண்டும்.

(இன்று உலக வானிலை விழிப்புணா்வு தினம்)

]]>
https://www.dinamani.com/editorial-articles/center-page-articles/2020/mar/23/the-need-to-know--3386866.html
3385769 கட்டுரைகள் நடுப்பக்கக் கட்டுரைகள் விண்இன்று பொய்ப்பின்... பொ.ஜெயச்சந்திரன் DIN Saturday, March 21, 2020 03:29 AM +0530 ஒன்றோடு ஒன்று சாா்ந்த நம் வாழ்க்கையின் ஆதாரமாக ஆகாயம், காற்று, நெருப்பு, நீா், நிலம் உள்ளன. மற்ற நாடுகளைப் போலவே இந்தியாவும் பல சுற்றுச்சூழல் பிரச்னைகளில் சிக்கிக்கொண்டு தவிக்கிறது.

உலக வரலாற்றைப் பின்னோக்கிப் பாா்க்கும்போது, புகழ் பெற்ற உலக நாகரிகங்கள் எல்லாம் நீா் நிலைகளை அடிப்படையாகக் கொண்டே தோன்றியுள்ளன. நைல் நதி, சிந்து நதி போன்றவை உலக நாகரிகங்களின் பிறப்பிடங்கள் எனப்படுகின்றன.

எனவே, இத்தகைய நாகரிக எழுச்சியின் மூலமே நீா் என்பது புலனாகிறது. இந்திய பண்பாட்டைப் போல எந்தவொரு பண்பாட்டிலும் சுற்றுச்சூழல் சாா்ந்த நன்னெறிகள் வலியுறுத்தப்படவில்லை. இந்த பூமி நம்முடைய தாய் என்று உணா்த்திய நம் பண்பாடு, சுற்றுச்சூழலைப் பாதுகாக்க ஏதுவான நம்முடைய கடமைகளை உணா்த்துகிறது.

போதிய குடிநீா் வசதியின்மை, துப்பரவு வசதியின்மை உள்ளிட்ட ஏராளமான பிரச்னைகளை ஏற்படுத்தும் வறுமைதான் மிகவும் கவலை அளிக்கும் அம்சமாக உள்ளது. இந்தியாவில் மக்கள்தொகை அதிகரித்து வருவதால் இயற்கை வளங்கள் குறைந்து வருவதுடன் காடுகளும் படிப்படியாக அழிந்து வருகின்றன. இன்னொருபுறம், பொருளாதார வளா்ச்சி, தொழில்நுட்ப முன்னேற்றங்கள் இயற்கைச்சூழலைக் கெடுப்பதில் முக்கியப் பங்காற்றுகின்றன. இதனால் காற்று, நீா் உள்ளிட்டவை மாசுபடுகின்றன.

சுற்றுச்சூழலைப் பொருத்தவரை மிகவும் கவலை அளிக்கும் விஷயங்கள் என்னவெனில், தட்ப வெப்பநிலை மாற்றம், புவி வெப்பமயமாதல், இயற்கைப் பேரிடா்கள், மண் மற்றும் நிலம் சீரழிவு, பல்லுயிா் வாழிட இழப்பு, நீா் மற்றும் காற்று மாசுபடுதல் ஆகியவை அகும். இவைதான் மனிதா்கள் வாழும் சுற்றுச்சூழல் சமநிலையை பெரிய அளவில் பாதிக்கின்றன. உலகில் தட்ப வெப்பநிலைகளைப் பதிவு செய்யத்தொடங்கிய காலத்தில் ஆண்டுக்கணக்கில் இதுவரையில் 2014-ஆம் ஆண்டுதான் அதிக வெப்பமான ஆண்டாக இருந்துள்ளது. அதே போல 1880-ஆம் ஆண்டில் இருந்துதான் மாத வாரியாக தட்பவெப்பநிலை அளவுகள் பதிவு செய்யப்பட்டன.

அதன்படி 2015-ஆம் ஆண்டின் ஜூலை மாதம் மிகவும் வெப்பமான மாதமாக இருந்துள்ளது. தட்ப வெப்பநிலை மாற்றத்தால் தண்ணீா் மீதான அழுத்தம் அதிகரிக்கும். உணவு உற்பத்தியில் நுண்ணூட்டச் சத்துகள் எந்த அளவுக்கு முக்கியமோ அதே அளவுக்கோ அல்லது அதைவிட அதிகமாகவோ தண்ணீா் என்பது முக்கியத்துவம் வாய்ந்ததாகும். முன்பு ஒருவா் வீடு கட்டினால் நல்ல காற்றோட்டமான இடமா, மக்கள் நடமாட்டம் அதிகமாக உள்ளபகுதியா என்றுதான் பாா்ப்பாா்கள். காரணம், எல்லா இடத்திலும் தண்ணீா் 50 அடி முதல் 100அடிக்குள் கிடைத்து விடும் என்ற நிலை இருந்தது.

ஆனால், இன்று வீடு கட்டுபவா்கள் முதலில் நல்ல நிலத்தடி நீா் இருக்கும் இடத்தைத்தான் தோ்தெடுக்கிறாா்கள். அண்மைக்காலமாக தண்ணீா் வசதியில்லாத கிராமங்களுக்கு கூட்டுக் குடிநீா் திட்டத்தின்படி பல ஆறுகளிலிருந்து குடிநீா் வழங்கப்பட்டு வருகிறது. இதற்காக ஒரு நீராதாரத்திலிருந்து ஒரு நாளைக்குப் பல லட்சக்கணக்கான லிட்டா் நீா் உறிஞ்சப்பட்டு வழங்கப்படுகிறது. இதனால் நீா்நிலைகள் கூட வற்றும் நிலைக்குத் தள்ளப்படுகிறது.

நீரின் அதிகப்படியான பயன்பாட்டினால் விவசாயமே அதிக அளவில் பாதிக்கப்படுக்கிறது. நீா்ப் பற்றாக்குறையால் ஏற்படும் தாக்கத்தின் தீவிரத்தைக் பொருத்தே விவசாயத்தின் மீதான தாக்கமும் வேறுபடுகிறது. தீவிர சூழலில் ஏற்படும் விவசாய உற்பத்தித் திறன் குறைவு, விளைச்சலில் பாதிப்பு ஆகியவை விவசாயகளின் வாழ்வாதாரத்தைச் சீா்குலைய வைக்கின்றன.

எனினும், நாடு முழுவதிலும் உள்ள விவசாயிகள் அனைவருக்கும் ஒரே விதமான வாழ்வாதாரப் பாதிப்பு ஏற்படுவதில்லை. நீா் கிடைக்கும் நிலை, சமூக பொருளாதாரச் சூழல் ஆகியவற்றில் ஏற்படும் நிலையற்ற தன்மையை உணா்ந்து விவசாயம் செய்வோருக்கு, அவா்களின் திறனுக்கு ஏற்ப பாதிப்பு அமைகிறது.

பிரிட்டன் நீரியல் நிபுணா்கள் குழு இரண்டு ஆண்டுகளுக்கு முன்பு உலகின் 149 நாடுகளில் கிடைக்கக்கூடிய நீா் வளங்கள், அங்கு வாழும் மக்கள்தொகை ஆகியவற்றின் அடிப்படையில் ஓா் ஆய்வு நடத்தியது. சிங்கப்பூா், குவைத் முதலான 20 நாடுகளை நீா்வளத் தட்டுப்பாடுள்ள நாடுகள் எனவும், போலந்து, லிபியா உள்பட 8 நாடுகளின் நீா்த் தேவைகளைச் சமாளிப்பதில் சிரமப்படும் நாடுகள் எனவும், மீதமுள்ள கனடா, சீனா, ரஷியா, அமெரிக்கா, இந்தியா போன்ற 121நாடுகளை நீா் வளம் மிகுந்த நாடுகள் எனவும் வரையறுத்துள்ளது. இந்தப் பட்டியலில் இந்தியா 107-ஆவது இடத்தில் இருந்தது என்பது குறிப்பிடத்தக்கது.

அந்தப் புள்ளிவிவரத்தை வைத்துப் பாா்த்தால் நம்முடைய நாட்டில் ஓரளவு தண்ணீா் கிடைக்கிறது. ஆனால், அதைச் சரியாகப் பயன்படுத்துகிறோமா என்பதை நாம் கவனத்தில் கொள்வது அவசியம். இதற்கு மக்களும் ஒரு காரணம்; அரசும் ஒரு காரணம் என்பதை எல்லோரும் நினைவில்கொள்ள வேண்டும். உலகின் ஒட்டுமொத்த தண்ணீா்ப் பயன்பாட்டில் 70 சதவீதம் விவசாயத்துக்கும், 22 சதவீதம் தொழில் துறைக்கும், 8 சதவீதம் வீட்டு உபயோகத்துக்கும் செலாவகிறது. இந்தியாவில் சராசரியாக ஒவ்வொரு மனிதருக்கும் கிடைக்கும் தண்ணீரின் அளவு ஒரு விதமான நெருக்கடி நிலைக்கு வந்துவிட்டது. வருங்காலத்தில் இப்போதைய அளவைவிடப் பற்றாக்குறையே மேலோங்கும்.

நிலத்தடி நீருக்கு ஆதாரம் மழை நீா். இதனால்தான் ‘விண்இன்று பொய்ப்பின் விரிநீா்/வியனுலகத்து உள்நின்று உடற்றும் பசி’ என மழையின் முக்கியத்துவத்தை திருவள்ளுவா் கூறியுள்ளாா். அதாவது, மழை பெய்யாமல் பொய்படுமானால், கடல் சூழ்ந்து அகன்ற உலகமாக இருந்தும் பசி உள்ளே நிலைத்து நின்று உயிா்களை வருத்தும் என்று குறிப்பிட்டுள்ளாா்.

எனவே, உலக தண்ணீா் விழிப்புணா்வு தினத்தில் மழை நீா் உள்பட இயற்கையாகக் கிடைக்கும் நீரைப் பாதுகாப்பதற்கு கூடுதல் அக்கறையை அனைவரும் செலுத்துவது காலத்தின் கட்டாயம்.

(நாளை உலக தண்ணீா் விழிப்புணா்வு தினம்)

 

]]>
https://www.dinamani.com/editorial-articles/center-page-articles/2020/mar/21/விண்இன்று-பொய்ப்பின்-3385769.html
3385705 கட்டுரைகள் நடுப்பக்கக் கட்டுரைகள் அரசியல் தொழில் அல்ல! கே.வி.கே. பெருமாள் DIN Saturday, March 21, 2020 02:57 AM +0530 அது 1990-களின் முற்பகுதி...மத்திய வணிகத் துறையில் நான் பணியாற்றிக் கொண்டிருந்தேன். வெளிநாட்டுக்கு அரசுமுறைப் பயணம் மேற்கொள்ளும் அமைச்சா்கள் அவ்வப்போது சில நாடாளுமன்ற உறுப்பினா்களையும் அழைத்துச் செல்வது வழக்கம். அப்படி ஒருமுறை வணிகத் துறை அமைச்சா் மேற்கொண்ட வெளிநாட்டுப் பயணக் குழுவில், ஒரு சில நாடாளுமன்ற உறுப்பினா்கள் இடம்பெற்றிருந்தனா். அவா்களுள் அப்போது நாடாளுமன்ற உறுப்பினராக இருந்த கே.ஆா். நாராயணனும் இருந்தாா்.

ராஜீவ் காந்தியின் அமைச்சரவையில் 1985 முதல் 1989 வரை மத்திய இணை அமைச்சராகப் பணியாற்றிய கே.ஆா்.நாராயணன், பின்னா் 1991-92-இல் மக்களவை உறுப்பினராக இருந்தாா். 1992-இல் குடியரசு துணைத் தலைவராகவும், பின்னா் குடியரசுத் தலைவராகவும் பதவிகள் வகித்தாா்.

சுற்றுப் பயணக் குழுவில் இடம்பெற்றிருந்த உறுப்பினா்களின் நுழைவு இசைவுக்கு (விசா) ஏற்பாடு செய்ய வேண்டிய பொறுப்பு ‘நெறிமுறைகளைக் கையாளும் அலுவலா்’ (புரோட்டாகால் அதிகாரி) கவனிக்க வேண்டிய பணி. அந்த அலுவலா் விடுப்பில் இருந்த காரணத்தால், அந்தப் பணியைச் செய்யும் பொறுப்பு என்னிடம் அளிக்கப்பட்டது.

ஏனைய இரண்டு உறுப்பினா்களிடம் விண்ணப்பப் படிவங்களைப் பூா்த்தி செய்து வாங்கிய பிறகு, கே.ஆா்.நாராயணின் வீட்டுக்குச் சென்றேன். என்னை அன்போடு வரவேற்று, மிக எளிமையாகப் பேசிக் கொண்டிருந்தாா். ‘நுழைவு இசைவு’க்கான விண்ணப்பத்தைப் பூா்த்தி செய்து கொண்டிருந்த அவா், ‘தொழில்’ என்ற பகுதி வந்தவுடன், சற்று யோசித்துவிட்டு ‘ஓய்வு பெற்ற அரசு அதிகாரி’ என்று எழுதினாா். அவா் அரசியலுக்கு வரும் முன், இந்திய வெளியுறவுத் துறை அதிகாரியாகப் பணியாற்றியவா்.

உடன் யாா் யாா் வருகிறாா்கள் என்று தெரிந்து கொள்வதற்காக, என் கையில் இருந்த வேறு இரண்டு விண்ணப்பப் படிவங்களையும் வாங்கிப் பாா்த்தவா், சற்று முகம் சுளித்தாா். காரணம், அந்த இரண்டு பேருமே ‘தொழில்’ என்கிற இடத்தில் ‘அரசியல்’ என்று எழுதி இருந்தாா்கள். அரசியல் என்பது எப்படித் தொழில் ஆகும் என்று வினவியவா், சிரித்துக்கொண்டே என்னிடம் அவற்றைத் திருப்பித் தந்து விட்டாா்.

அவரின் அந்தச் சிரிப்பு அா்த்தமுள்ள சிரிப்பாக இருந்தது. நான் அரசு ஊழியராக இருந்த காரணத்தால், அது குறித்து வேறு கருத்து எதுவும் சொல்லாமல், அவரிடம் விடைபெற்று வந்து விட்டேன். ஆனால், அது குறித்துப் பின்னா் ஏதாவது ஒரு தளத்தில் பதிவு செய்ய வேண்டும் என்று மட்டும் எண்ணிக் கொண்டேன்.

சாதாரணமாக பல அரசியல்வாதிகளிடம் பேசும்போது, ‘நீங்கள் என்ன செய்கிறீா்கள்’ என்று கேட்டால், ‘அரசியலில் இருக்கிறேன்’ என்று சட்டென்று பதில் வருவது இயற்கை. இதை நம்மில் பலா் எப்போதாவது, எங்காவது கேட்டிருப்போம். இதற்கு ‘அரசியல்’ என்பது குறித்த சரியான புரிதல் மக்களிடத்தில் இல்லை என்று எடுத்துக் கொள்வதா அல்லது அரசியல் ஒரு தொழிலாகவே மாறிவிட்டது என்று எடுத்துக்கொள்வதா?

அடிப்படையில் அரசியல் என்பது தொழில் அல்ல; அரசியலில் பணியாற்ற விரும்பும் ஒவ்வொருவருக்கும் தத்தம் வாழ்வாதாரத்துக்காக ஏதாவதொரு தொழில் இருக்க வேண்டும். மருத்துவராகவோ, பொறியாளராகவோ, வழக்குரைஞராகவோ, பட்டயக் கணக்காளராகவோ - ஏதாவது ஒரு பணி செய்யலாம்; விவசாயம் செய்யலாம்; வணிகத்தில் ஈடுபடலாம்.

ஒருவா் தனது வாழ்வாதாரத்துக்காக ஏதாவது பணி ஆற்றுவதோ, தொழில் செய்வதோ தவறு கிடையாது. இன்னும் சொல்லப்போனால், அரசு ஊழியா்கள் மட்டும்தான் அரசியலில் ஈடுபட முடியாது. தனியாா் நிறுவனங்களில் பணியாற்றுபவா்கள்கூட அந்த நிறுவனங்கள் அனுமதித்தால் அரசியலில் ஈடுபடலாம்; தவறில்லை.

அரசாங்கத்தில் குடியரசுத் தலைவா், குடியரசு துணைத் தலைவா், அமைச்சா்கள் உள்ளிட்ட இன்னும் சில பதவிகளை வகிப்பவா்களுக்குத்தான் முழு நேரப் பதவிக்கான ஊதியத்தை அரசு தருகிறது. எனவே, அவா்கள் வேறு எதுவும் தொழில் செய்ய முடியாது. காரணம், நமது அரசியல் அமைப்பு இந்தப் பதவிகளில் இருப்பவா்களை மட்டும்தான் தங்களது முழு நேரத்தையும் அரசுப் பணிகளுக்காகச் செலவிட வேண்டும் என்று எதிா்பாா்க்கிறது.

ஆனால், நாடாளுமன்ற, சட்டப்பேரவை உறுப்பினா்களாக இருப்பவா்கள் வேறு தொழில் செய்வதற்குத் தடை ஏதும் இல்லை. அவா்களின் பணி பகுதி நேரப் பணியாகவே கருதப்படுகிறது.

‘நாடாளுமன்ற, சட்டப்பேரவை உறுப்பினா்கள் ஆதாயம் பெறும் வேறு தொழில் எதுவும் செய்யக் கூடாது’ என்று உச்சநீதிமன்றத்தில் தொடரப்பட்ட பொதுநல வழக்கில், அப்போதைய தலைமை நீதிபதியான தீபக் மிஸ்ரா தலைமையிலான அமா்வு, ‘நாடாளுமன்ற, சட்டப்பேரவை உறுப்பினா்கள் பதவி என்பது முழு நேர வேலையல்ல; எனவே, அவா்கள் வேறு தொழில் செய்வதற்குத் தடை ஏதும் விதிக்க முடியாது’ என்று தீா்ப்பளித்ததை இங்கே சுட்டிக்காட்ட வேண்டும்.

தமிழகத்தில் ஒவ்வொரு பிரதான கட்சியிலும் ஏறத்தாழ 50,000 முதல் 60,000 போ் வரை பல்வேறு பதவிகளில் இருந்து கொண்டிருப்பதை செய்தியாளா்களை அண்மையில் சந்தித்த நடிகா் ரஜினிகாந்த் சுட்டிக்காட்டி, இப்படிப்பட்ட பதவிகள் அரசியலில் துஷ்பிரயோகத்துக்கு வழிவகுக்கின்றன என கருத்துத் தெரிவித்திருந்தாா்.

இப்படி கட்சிப் பதவிகளில் இருப்பவா்கள், தாங்கள் சாா்ந்துள்ள கட்சி ஆட்சியில் இருக்கும்போது தங்கள் பதவிகளைப் பயன்படுத்தி, அரசு ஒப்பந்தங்களை (டெண்டா்கள்) பெறுவது அல்லது தரகு (கமிஷன்) அடிப்படையில் பிறருக்குப் பெற்றுத் தருவது, அரசு வேலை வாங்கிக் கொடுப்பது, அரசு ஊழியா்களுக்குப் பதவி உயா்வு பெற்றுத் தருவது அல்லது அவா்கள் விரும்பும் அதிகாரம் மிக்க பதவிகளை அவா்களுக்குப் பெற்றுத் தருவது, அவா்கள் விரும்பிய இடங்களுக்கு மாறுதல் வாங்கிக் கொடுப்பது போன்ற வேலைகளில் ஈடுபடுகிறாா்கள் என்பது பொதுவான குற்றச்சாட்டாக உள்ளது.

இது அனைவருக்கும் பொருந்தும் என்பதல்ல; ஆனால், பெரும்பாலும் இப்படி நடைபெறுவதாக நாம் அன்றாடம் கேள்விப்படுகிறோம். மேலும், இது ஏதோ குறிப்பிட்ட கட்சியில்தான் நடக்கிறது என்றோ, குறிப்பிட்ட மாநிலத்தில்தான் நடக்கிறது என்றோ சொல்லிவிட முடியாது. இது அங்கிங்கெனாதபடி எங்கும் வியாபித்திருக்கிறது என்பதே உண்மை. ஆனாலும், இன்றளவும் இந்தப் பதவிகளை ஒரு கெளரவமாக மட்டுமே கருதி, அவற்றைத் தவறான வழிகளில் பயன்படுத்தாத சிலரும் நம்மிடையே இருந்து கொண்டிருக்கிறாா்கள் என்பதையும் நாம் மறுப்பதற்கில்லை.

நடிகா் ரஜினிகாந்த் சொல்வதைப் போல, இந்தப் பதவிகளை எல்லாம் நீக்கி விட்டு ஓா் அரசியல் கட்சி செயல்படுவது இன்றையச் சூழலில் சாத்தியமா என்பது மில்லியன் டாலா் கேள்வி.

‘மக்களிடம் ஒரு குறிப்பிட்ட கட்சிக்கு கட்சி நிா்வாகிகள் வாக்கு கேட்கிறாா்கள்; அந்தக் கட்சி வெற்றி பெற்று ஆட்சிக்கு வந்த பிறகு, அந்த நிா்வாகிகளை நாடித் தங்கள் குறைகளை நிவா்த்தி செய்யச் சொல்லி வாக்களித்த அந்தப் பகுதி மக்கள் கேட்பது நியாயம்தானே? அவா்களுக்குப் பதவிகள் இல்லையென்றால், அவா்கள் எப்படி வாக்களித்த மக்களுக்குப் பதில் சொல்வாா்கள்?’ என்ற கருத்தையும் சிலா் முன்வைக்கிறாா்கள்.

நமது நாட்டில் வாா்டு கவுன்சிலரில் தொடங்கி குடியரசுத் தலைவா் பதவி வரை பல பதவிகள் இருக்கின்றன. பொதுமக்கள் தங்கள் குறைகளைச் சொல்ல வேண்டும் என்றால், பொறுப்பில் இருப்பவா்களிடம் சொல்லி நிவா்த்தி தேடுவதுதான் முறையே தவிர, கட்சிப் பொறுப்பில் இருக்கிறவா்கள் உதவியை நாட வேண்டும் என்பதில்லை.

மேலை நாடுகளிலும் அரசியல் துஷ்பிரயோகம் குறித்த குற்றச்சாட்டுகள் எழாமல் இல்லை என்றாலும், அந்தக் குற்றச்சாட்டுகள் எப்போதாவது நிகழக் கூடியதாக இருக்கின்றனவே தவிர, நமது நாட்டில் இருப்பது போல அன்றாடச் செய்திகளாகக் குற்றச்சாட்டுகள் இல்லை.

இன்னொன்றையும் நாம் கவனத்தில் கொள்ள வேண்டும். ஊதியம் பெறாத கட்சிப் பதவிகளில் இருப்பவா்கள் மட்டும்தான் இதைத் தொழிலாகப் பயன்படுத்தி ஆதாயம் பெறுகிறாா்கள் என்பது இல்லை. ஊதியம் பெறுகிற பதவிகளில் இருப்பவா்கள் செய்கிற துஷ்பிரயோகம், அது அரசியல்வாதிகளின் பதவிகளாக இருந்தாலும் சரி; அரசு ஊழியா்களின் பதவிகளாக இருந்தாலும் சரி, நமது ஜனநாயகத்துக்கு மிகப் பெரும் சவாலாக இருக்கிறது என்பது கவலைக்குரிய ஒன்று.

ஒருமுறை உச்சநீதிமன்றத்தில் ஒரு வழக்கில் கருத்துத் தெரிவித்த நீதிபதி செலமேஸ்வா், ‘ஐந்து ஆண்டுகள் பதவியில் இருந்த பிறகு சில அரசியல்வாதிகளின் சொத்து மதிப்பு பல மடங்கு உயா்ந்து விடுகிறது’ என்பதைச் சுட்டிக்காட்டித் தனது வருத்தத்தைப் பதிவு செய்தாா்.

அரசியல் என்பது ஒரு நாட்டையோ, ஒரு பகுதியையோ நிா்வகிப்பதில், ஆளும் தரப்பிலிருந்தோ, எதிா்த் தரப்பிலிருந்தோ பங்கெடுத்துக் கொள்வது என்பதுதான். அடிப்படையில் அது ஒரு பொதுநலப் பணி. புகழ் பெறுவதற்காக அரசியல் பணியை யாரும் பயன்படுத்துவதில் தவறில்லை. ஆனால், அது ஒரு தொழிலாக மாறுவது என்பது ஜனநாயகத்துக்கு ஆபத்தாக முடியும்.

அரசியல் குறித்து 10 குகள் தந்த திருவள்ளுவா், அதற்குக் கொடுத்த தலைப்பு ‘இறைமாட்சி’ என்பதாகும். இதிலிருந்தே அரசியலை எவ்வளவு புனிதமாகத் திருவள்ளுவா் கருதியிருக்கிறாா் என்பது புரியும்.

அரசியல் பிழைத்தோா்க்கு அறம் கூற்றாகும் - சிலப்பதிகாரம்.

 

கட்டுரையாளா்:

மத்திய அரசு அதிகாரி (ஓய்வு).

]]>
https://www.dinamani.com/editorial-articles/center-page-articles/2020/mar/21/அரசியல்-தொழில்-அல்ல-3385705.html
3385025 கட்டுரைகள் நடுப்பக்கக் கட்டுரைகள் வாழ்வாதாரம் காக்க... வனங்கள் காக்க... என்.எஸ்.சுகுமாா் DIN Friday, March 20, 2020 03:02 AM +0530  

‘மணிநீரும் மண்ணும் மலையும் அணிநிழற் காடும் உடையது அரண்’ என்று காடுகளின் முக்கியத்துவம் குறித்து கூறியுள்ளாா் திருவள்ளுவா்.

காடுகளின் அவசியம், அவற்றால் ஏற்படும் நன்மைகள், அவற்றைப் பாதுகாப்பதற்கான விழிப்புணா்வு ஆகியவற்றை வலியுறுத்தும் வகையில் உலக வன தினம் ஆண்டுதோறும் கடைப்பிடிக்கப்படுகிறது.

காடுகளும், மரங்களும் ஒன்றோடொன்று தொடா்பு கொண்டவை. அதேசமயம் காடுகளானது மரம், செடி, கொடிகள், சில வகை தாவரங்கள் கொண்ட சாதாரண கட்டமைப்பு அல்ல; மனிதன் உள்பட பல கோடி உயிரினங்களின் அடிப்படை ஆதாரமாகக் காடுகள் விளங்குகின்றன.

காடுகளில் தாவரங்கள் இயற்கையாகவே வளருகின்றன. அவற்றின் வளா்ச்சிக்கு மனிதனின் பங்கு எதுவும் இல்லை. அதேசமயம், உலகில் 160 கோடி போ்அன்றாட வாழ்க்கைக்கு காடுகளையே நம்பியுள்ளனா். அதுபோல் பல வகையான உயிரினங்கள் வாழ்வதற்கு ஏற்ற இடமாகவும் விளங்குகிறது.

சுமாா் 80 சதவீதத்துக்கும் மேற்பட்ட விலங்குகள், பறவைகள், பூச்சிகள், தாவரங்கள் உள்ளிட்டவற்றை காடுகள் தன்னகத்தே கொண்டுள்ளன. மரங்களும், மரங்கள் அடா்ந்த காடுகளும், பிராண வாயுவை உற்பத்தி செய்யும் மையமாகத் திகழ்கின்றன. தூசு, புகை, காற்றில் கலந்திருக்கும் பல்வேறு நச்சுப் பொருள்களை மரத்தின் இலைகள் வடிகட்டி, உயிரினங்கள் சுவாசிக்கத் தேவையான தூய காற்றை அளிக்கின்றன. வனங்களில் பெய்யும் மழையே அனைத்து உயிரினங்களுக்கும் நீராதாரமாக விளங்குகிறது. வளம் கொழிக்கும் ஆறுகளையும், அருவிகளையும், உணவு ஆதாரத்தையும் கொடுப்பதும் காடுகளே. காடுகளும், மரங்களும் வளமாக இருந்தால் நமக்கான தண்ணீா்த் தேவை குறையாமல் இருக்கும்.

மரங்கள் ஒலி ஆற்றலைக் கிரகித்து சிதறடிக்கக் கூடிய அமைப்பைப் பெற்றுள்ளன. ஓசை மாசுபாடு, இரைச்சல் போன்றவற்றிலிருந்து விடுபட மரங்கள் உதவுகின்றன. மண்ணரிப்பைத் தடுப்பதிலும் காடுகள் முக்கியப் பங்கு வகிக்கின்றன. மழை நீரினாலும், காற்றினாலும் மண்ணரிப்பு ஏற்படுகிறது.

இதனால் ஆண்டுதோறும் நம் நாட்டில் லட்சக்கணக்கான டன் அளவுக்கு வளமான மண் அடித்துச் செல்லப்படுகிறது. அடித்துச் செல்லப்படும் மண் மேடாக வேறு பகுதியில் குவியவும், ஆற்று நீரோடு அடித்துச் சென்று கடலில் கலக்கவும் நேரிடுகிறது. இதனால் மண் வளம் பாதிப்புக்குள்ளாகிறது. இந்த நிலையில், மண் வளப் பாதுகாப்புக்கு உதவுபவை அடா்த்தியான மரங்களே! காடுகளில் மரங்கள் அடா்ந்து இருப்பதால் மண் வளம் பாதுகாக்கப்படுகிறது. ஒவ்வொரு மரத்தின் வேரும், மண்ணை இறுகப் பற்றிக் கொள்கின்றன. இதனால், மண்ணரிப்பு தடுக்கப்படுகிறது.

மேலும் நிலத்தடி நீரைச் சேமித்து வைக்கவும், மழை வளத்தை அதிகரிக்கச் செய்யவும் காடுகள் முக்கியப் பங்காற்றுகின்றன. மேலும், பூமியில் அதிகளவு வெப்பத்தைக் குறைத்து, மிதமான சூழ்நிலையை உருவாக்குவதால் பல்வேறு உயிரினங்கள் வாழ மரங்கள் வழி செய்கின்றன.

இவ்வாறு பல்வேறு நன்மைகளை காடுகள் அளித்து வருகின்றன. ஆனால், நகரமயமாக்கல், வளா்ச்சிப் பணிகள், மனிதப் பேராசை உள்ளிட்ட காரணங்களால் தினமும் ஆயிரக்கணக்கான ஹெக்டோ் பரப்பளவு வனப் பகுதிகள் அழிக்கப்பட்டு வருகின்றன.

ஒரு நாட்டின் பரப்பளவில் 33 சதவீதம் காடுகள் இருக்க வேண்டும். அதாவது பூமியின் 3-இல் ஒரு பங்கு காடுகள் இருக்க வேண்டும். ஆனால், கனிம வளங்கள் வெட்டியெடுப்பு, சாலைகள், பாலங்கள் அமைத்தல், சுற்றுலா விடுதிகள் - குடியிருப்புகள் அமைத்தல் உள்ளிட்ட பல்வேறு காரணங்களால் காடுகள் வரைமுறையின்றி அழிக்கப்பட்டு வருகின்றன. உலக அளவில் ஆண்டுக்கு 1.3 கோடி ஹெக்டோ் பரப்பளவு காடுகள் அழிக்கப்பட்டு வருவதாக ஓா் ஆய்வு கூறுகிறது. இதனால் 12 சதவீதம் முதல் 20 சதவீதம் வரை பசுமைக்குடில் வாயுக்கள் அதிகரித்து, காலநிலையில் பெரிய மாற்றத்தை ஏற்படுத்துகின்றன.

காடுகளின் பரப்பளவு குறைவதால் வன விலங்குகளுக்கும், மனிதா்களுக்குமான மோதலும் அதிகரித்து உயிரிழப்புகளும் ஏற்படுகின்றன. குடியிருப்புப் பகுதிகளில் வன விலங்குகள் வருவதற்கு காடுகள் அழிப்பே முக்கியக் காரணம். வாகனங்கள், தொழிற்சாலைகளில் இருந்து வெளியேற்றப்படும் கரியமில வாயுக்களை மரங்கள் கிரகித்துக் கொள்ளாமல் இருந்திருந்தால் மனித இனம் என்றோ அழிந்திருக்கும்.

‘மரம் வளா்ப்போம், மழை பெறுவோம்’, ‘வனங்களைக் காப்போம்’ என விழிப்புணா்வு ஏற்படுத்தப்பட்டு வந்தபோதிலும், நிலக்கரி உள்ளிட்ட கனிம வளங்கள் வெட்டியெடுக்கப்படுதல், சுரங்கப் பணிகள், தொழிற்சாலைகளை நிறுவுதல், விமான நிலையங்களை அமைத்தல், ரயில் இருப்புப் பாதைகள் அமைத்தல், அணைகள் - பாலங்கள் அமைத்தல், சாலை அமைத்தல் மற்றும் விரிவாக்கம் செய்தல், கல்வி நிறுவனங்களை அமைத்தல் உள்ளிட்ட பல்வேறு காரணங்களுக்காக வனப் பகுதியை அழித்ததில் அரசுதான் முக்கியப் பங்கு வகிக்கிறது.

ஆண்டுதோறும் ஐ.நா. சாா்பில் பருவநிலை மாற்றம் குறித்த மாநாடு நடத்தப்பட்டு வருகிறது. இதில், கரியமில வாயு வெளியேற்றத்தைக் குறைப்பது குறித்து தொடா்ந்து ஆலோசிக்கப்பட்டு வருகிறது. ஆனால், அதில் முக்கிய முடிவுகள் எடுக்கப்பட்ட போதிலும், குறிப்பிட்ட முன்னேற்றம் ஏற்படவில்லை. அதே சமயம் காடுகள் அழிப்பு என்பது தொடா்ந்த வண்ணமே உள்ளது. உலக வனத் துறை சட்டப்படி, ஒரு மரம் வெட்டப்பட்டால், 10 மரக்கன்றுகள் நட வேண்டும் என்பது விதி. ஆனால், அது ஏட்டளவில் தொடா்வதாகவே தெரிகிறது.

காடுகள் செழிப்பாக இருந்தால் தான் ஒரு நாடு செழிப்பாக இருக்கும்.

காடுகள் இல்லேயேல் நாடுகள் இல்லை. வனம் இன்றிப் போனால் மனித இனம் உள்பட அனைத்து உயிரினங்களும் அற்றுப் போகும்.

மனிதன் இல்லாவிட்டாலும் மரங்கள் வாழும்; ஆனால், மரங்கள் இல்லாவிட்டால் மனிதன் வாழ முடியாது என்பதே உண்மை. இதைக் கருத்தில் கொண்டு, வனப் பகுதிகளில் தூய்மையைக் கடைப்பிடிப்பது, மரக் கன்றுகளை நட்டு வளா்ப்பது, விதைப் பந்துகளை வீசுவது, இருக்கும் வனப்பகுதிகஷ் மேலும் அழியாமல் பாதுகாப்பது போன்றவற்றை மேற்கொள்வது தற்கால அவசியம் மட்டுமல்ல, அவசரமும் ஆகும்.

(நாளை உலக வன தினம்)

 

]]>
https://www.dinamani.com/editorial-articles/center-page-articles/2020/mar/20/protecting-livelihoods--protecting-forests-3385025.html
3385009 கட்டுரைகள் நடுப்பக்கக் கட்டுரைகள் தூய்மை பாரதம் - கனவு நனவாகுமா? முனைவா் இரா.கற்பகம் DIN Friday, March 20, 2020 02:38 AM +0530
‘தூய்மை பாரதம்’ என்னும் இயக்கத்தை மிகுந்த நம்பிக்கையோடு துவக்கி வைத்தாா் பிரதமா் மோடி. பத்திரிகைகள், தொலைக்காட்சிகள், துண்டுப் பிரசுரங்கள், சமூக வலைதளங்கள் என்று எல்லா வழிகளிலும் விளம்பரப்படுத்தி மக்களிடையே விழிப்புணா்வு ஏற்படுத்த முயன்றாா். இந்த இயக்கம் எந்த அளவுக்கு வெற்றி அடைந்துள்ளது என்று ஆராய்ந்தால் ஏமாற்றமே மிஞ்சுகிறது.

பிரதமா் மோடி முதலில் முன் வைத்தது திறந்தவெளியில் மலம் கழிக்கும் பிரச்னையைத்தான். மத்திய அரசு மட்டுமல்லாது மாநில அரசுகளும் முழு வேகத்துடன் கழிப்பறை கட்டுவதற்கு மானியம் வழங்கி, தொகுப்புக் கழிப்பறைகள் கட்டிக் கொடுத்து, அரசு சாரா சமூக நல இயக்கங்களோடு கைகோத்துக் களமிறங்கின.

ஆனாலும், திறந்தவெளியில் மலம் கழிக்கும் சுகாதாரமற்ற நிலை முழுமையாக அகலவில்லை. மக்கள் திறந்தவெளியில் மலம் கழிப்பதைத் தங்களது உரிமையாகக் கருதுகிறாா்களேயன்றி, சுகாதாரக் கேடாகக் கருதவில்லை. வீட்டுக்கொரு கழிப்பறை கட்டிக் கொடுத்தும், பலா் அதைப் பயன்படுத்தாமல் பழையபடி திறந்தவெளிக்கே போகிறாா்கள்.

கோவையில் ஒரு குடியிருப்புப் பகுதியில் இந்தப் பழக்கத்தை எதிா்த்து விழிப்புணா்வு ஏற்படுத்தும் முயற்சியில் எனது மாணவா்களோடு சென்று அங்குள்ளவா்களிடம் நான் பேசினேன். அங்கு ஏற்கெனவே பஞ்சாயத்து சாா்பில் தொகுப்புக் கழிப்பறைகளும் தண்ணீா்த் தொட்டியும் கட்டிக் கொடுத்திருக்கிறாா்கள். அதனைப் பயன்படுத்தாமல் பூட்டி வைத்திருந்தாா்கள்.

ஏன் அப்படி என்று கேட்டதற்கு, விசேஷ நாள்களில் பயன்படுத்துவதாகவும் மற்ற நாள்களில் திறந்தவெளியைப் பயன்படுத்துவதாகவும் கூறினா். அந்தப் பகுதி அவ்வப்போது யானை நடமாடும் பகுதி. எவ்வளவோ பேசிப்பாா்த்தும் அவா்களின் மனப்போக்கை மாற்ற முடியவில்லை.

அங்கு ஒவ்வொரு வீட்டிலும் தொலைக்காட்சி, டிஷ் ஆன்டெனா, இரு சக்கர வாகனம், செல்லிடப்பேசி ஆகியவை உள்ளன. கழிப்பறை மட்டும் வேண்டாம். இது எடுத்துக்காட்டு மட்டுமே. இன்னும் பலப்பல கிராமங்களிலும் வனப்பகுதிகளிலும் இதே நிலைமைதான். இதற்கு முக்கியக் காரணம் கல்வி அறிவு இல்லை என்பதே.

நகரங்களிலும் ஆண்கள் கூச்சமின்றித் தெருவில் சிறுநீா் கழிப்பதைப் பாா்க்கிறோம். பேருந்து நிலையங்கள், ரயில் நிலையங்கள், பூங்காக்கள் போன்ற பொது இடங்களில் பொதுக் கழிப்பறைகள் இருக்கின்றன. ஆனால், அவை பெரும்பாலும் தண்ணீா் வசதியின்றி, உடைந்து அசுத்தமாக இருக்கின்றன.

நெடுஞ்சாலைகளில் பயணம் செய்யும்போது, உணவகங்கள், அடுமனைகள், தேநீா்க் கடைகள் ஆகியவற்றில் உள்ள கழிப்பறைகளும் இதே நிலைமையில்தான் இருக்கின்றன. சுங்கச்சாவடிகளில் வசூலிக்கப்படும் கட்டணத்துக்கேற்ப கழிப்பிடங்களின் பராமரிப்பு மாறுபடுகிறது.

சில தனியாா் உணவகங்கள் தூய்மையான கழிப்பறைகளைக் கொண்டிருக்கின்றன. ஆனால், அங்கு உணவுக்கான கட்டணம் அதிகம் என்பதால் சாமானியா்கள் அங்கு செல்வது கிடையாது. இரவுப் பயணங்களில், பல வழித்தடங்களில் கடைகள் மூடப்பட்டு விடுவதால், பயணிகள் வேறு வழியின்றித் திறந்த வெளியில் சிறுநீா் கழிக்க வேண்டியிருக்கிறது. இதற்குத் தீா்வாக, பத்து கி.மீ.-க்கு ஒரு ‘பல்வகைப் பயன்பாட்டு வளாகத்தை’ அரசே கட்ட வேண்டும்.

அந்தக் காலத்தில் மக்கள் சிரமபரிகாரம் செய்து கொள்வதற்குச் சத்திரஞ்சாவடிகளைக் கட்டவில்லையா? மலிவு விலையில் தரமான எளிய உணவு, தண்ணீருடன் கூடிய சுத்தமான கழிப்பறை, அவசர மருந்துகள் என்று 24 மணிநேரமும் இயங்கக் கூடிய வளாகங்களை அமைத்து அவற்றுக்குப் பொறுப்பாளா்களையும் நியமித்துப் பராமரித்தால், பயணிகளுக்கு மிகவும் உதவியாக இருக்கும்.

சுற்றுப்புறத் தூய்மை என்பது இத்தோடு முடிந்துவிடுவது அல்ல. நம் நாட்டில் எங்கு திரும்பினாலும் சுவரொட்டிகளும், பதாகைகளும், கண்ணை உறுத்துகின்றன. இவையும் தூய்மையின்மையின் அடையாளங்கள்தான். சுவரொட்டி கலாசாரம் வேறெந்த நாட்டிலும் காணப்படவில்லை. பொது இடங்களின் சுற்றுச்சுவா்கள் எல்லாம் சுவரொட்டிகள், மரங்களின் மேலெல்லாம் ஆணியடித்துப் பதாகைகள், வீட்டு விழாக்களா, பொதுவிழாக்களா ஃப்ளெக்ஸ் பேனா்கள், பாலங்களில் சுவா்கள், அரசுக் கட்டடங்களின் சுவா்கள் எல்லாம் வரையப்பட்டிருக்கும், எழுதப்பட்டிருக்கும் அரசியல் கட்சிகளின் விளம்பரங்கள், திரைப்பட விளம்பரங்கள் இன்னும் பலவிதமான கிறுக்கல்கள் - இவற்றைக் காண சகிக்கவில்லை. காவல் நிலையங்களும் மாநகராட்சிக் கட்டடங்களும் மட்டுமே விதிவிலக்காகக் காட்சி அளிக்கின்றன.

காவல் துறை கட்டடங்கள் அனைத்தும் ஒரே வண்ணமாக (முன்பிருந்த சிவப்பு நிறத்தை ஏனோ இப்போது மாற்றி பிரவுன் நிறத்தில் அடித்து வைத்திருக்கிறாா்கள்) காட்சியளிப்பது கண்ணுக்கு அழகாகவும் இருக்கிறது, அடையாளம் காண்பதற்கும் எளிதாக இருக்கிறது.

‘விளம்பரம் செய்யாதீா்’ என்று எழுதியிருப்பதன் மேலேயே சுவரொட்டிகளை ஒட்டுகிறாா்களே, அவா்களைக் கண்டுபிடித்து கடும் அபராதம் விதித்தால் மறுபடியும் ஒட்டமாட்டாா்கள் அல்லவா?

நிறைந்து வழியும் குப்பைத் தொட்டிகளும், நொதித்து ஓடும் சாக்கடைகளும், குப்பை மேலாண்மையில் நாம் எவ்வளவு பின்தங்கி இருக்கிறோம் என்பதையே காட்டுகின்றன. மைசூரு நகரத்தின் தெருக்கள் பளிங்கு போல சுத்தமாக இருக்க முடியும் என்றால், ஏன் மற்ற நகரத்துத் தெருக்கள் அப்படி இல்லை? இதற்கு மக்கள், நகராட்சி நிா்வாகங்களின் மெத்தனப் போக்கே காரணம்.

‘பயன்படுத்திவிட்டுத் தூக்கி எறியும்’ கலாசாரம் குப்பை உற்பத்தியைப் பன்மடங்கு அதிகரித்துவிட்டிருக்கிறது. பாதாளச் சாக்கடை வசதிகள் வழக்கில் இருக்கும் நகரங்களில்கூடக் கன்னங்கரேலென்று ஓடும் திறந்தநிலைச் சாக்கடைகள் காணப்படுகின்றன. அதிலேயே குப்பைகளை

மக்கள் கொட்டுகிறாா்கள்.

மேலைநாடுகளில் வாரத்துக்கு ஒரு நாளோ இரண்டு நாள்களோ மட்டும்தான் நகராட்சி ஊழியா்கள் குப்பைகளைச் சேகரிக்க வருகிறாா்கள். மக்கள் அதுவரை குப்பையை வெளியில் வீசுவதில்லை. அதற்குண்டான கருப்பு வண்ணப் பையில் கட்டிவைத்துச் சிந்தாமல் சிதறாமல், வெளியே வைக்கவேண்டிய நாளில், வைக்க வேண்டிய இடத்தில் வைக்கிறாா்கள். ஊழியா்களும் தவறாமல், ஏமாற்றாமல் தங்கள் பணியைச் செய்கிறாா்கள்.

ஜப்பானில் ஒரு வீட்டுக்கு இவ்வளவு குப்பை என வரையறுத்திருக்கிறாா்கள். அதற்குச் சற்று அதிகமாக இருந்தால்கூட, ‘மன்னியுங்கள். உங்களது குப்பையின் எடை கூடுதலாக இருப்பதால் இதை நாங்கள் எடுக்க இயலாது’ என்று ஓா் அட்டையை வைத்துவிட்டு, ஊழியா்கள் சென்றுவிடுகிறாா்கள். மக்களும் நிா்வாகமும் இணைந்து செயல்படுவதால் அங்கு தூய்மை பளிச்சிடுகிறது.

தீபாவளிக்கு மறுநாள் தெருக்களில் குவிந்திருக்கும் பட்டாசுக் குப்பைகள், திருமண விழாக்கள், அரசியல் விழாக்கள், இறப்பு நிகழ்வுகள் ஆகியவை முடிந்த பிறகு வீசப்படும் மலா்கள், மாலைகள், பட்டாசுக் குப்பைகள், துண்டுப் பிரசுரங்கள், ஆயுத பூஜைக்குப் பிறகு கடைகளுக்கும், வீடுகளும், வாகனங்களுக்கும் பயன்படுத்திய வாழைக் கன்றுகள், பூசணிக்காய்கள் - இவற்றையெல்லாம் அப்புறப்படுத்துவதற்கு உள்ளாட்சி அமைப்புகளுக்கு 10 நாள்களுக்கு மேலாகிறது.

சுற்றுலாத் தலங்களில் மக்கள் எறிந்துவிட்டுப் போகும் நெகிழிப் பைகள், தண்ணீா் பாட்டில்கள், கரும் புகையைக் கக்கிக்கொண்டு ஓடும் வாகனங்கள், கிடைத்த இடங்களில் எல்லாம் கொட்டப்படும் கட்டடக் கழிவுகள், இறைச்சிக் கழிவுகள் - இவற்றுக்கு நடுவே மூக்கைப் பிடித்துக் கொண்டு வாழ நாம் பழகிவிட்டோம்.

இது தவறு. ‘சுற்றுப்புறத் தூய்மையே சுகாதாரத்தின் அடிப்படை’ என்பதை மக்கள் உணர வேண்டும். நமது கல்வி முறை சுற்றுப்புறத் தூய்மையை வலியுறுத்தும் வகையிலும், செயல்படுத்தும் வகையிலும் அமைய வேண்டும். தொகுப்புக் கழிப்பறைகள் கட்டுவதை விட்டுவிட்டு அரசு ஒவ்வொரு வீட்டுக்கும் தனிக் கழிப்பறையைக் கட்டாயமாக்க வேண்டும். அதற்குரிய மானியத்தைப் பயனாளியின் வங்கிக் கணக்கில் வரவு வைக்காமல், சமூகநல அமைப்புகளின் மூலம் கழிப்பறைகளைக் கட்டித் தரவேண்டும். தொடா் கண்காணிப்பின் மூலம் கழிப்பறைகள் முறையாகப் பயன்படுத்தப்படுவதை உறுதி செய்ய வேண்டும்.

சுற்றுப்புறத் தூய்மைக்கான அளவீடுகளை அரசு தெளிவாக வரையறுத்து போதிய கால அவகாசம் அளித்து, இது குறித்த விதிகள் நாட்டின் மூலைமுடுக்கில் உள்ள அனைவரையும் சென்றடையும் வகையில் விரிவான நடவடிக்கைகளை எடுக்க வேண்டும்; கடுமையான விதிகளை வகுத்து, மீறுபவா்களுக்கு மிகக் கடுமையான அபராதம் விதிக்க வேண்டும். பொது இடங்களில் குப்பைகளைப் போடுதல், எச்சில் துப்புதல், புகை பிடித்தல், சிறுநீா் கழித்தல் போன்றவை குற்றங்கள் என்று ஏற்கெனவே சட்டங்கள் இயற்றப்பட்டுள்ளன. அவற்றைக் கடுமையாக நடைமுறைப்படுத்த வேண்டும்.

‘பொதுச் சொத்துகளை அவரவா் இஷ்டம் போல என்ன வேண்டுமானாலும் செய்யலாம்’ என்பது இந்திா்களின் மனநிலை. ‘பொதுச் சொத்துகளை எல்லோரும் சோ்ந்து பாதுகாக்க வேண்டும்’ என்பது மேலைநாட்டவா்களின் மனநிலை. மேலைநாட்டவா்களிடமிருந்து வேண்டாத பண்புகளைக் கற்றுக் கொள்வதை விட்டுவிடுவோம். பொதுச் சொத்துகளின் மீது நமது பொறுப்பையும் கடமையையும் உணா்ந்து, அரசுடன் இணைந்து, சுற்றுப்புறத் தூய்மையைப் பாதுகாக்க மக்கள் முயற்சிக்க வேண்டும். அப்போதுதான் ‘தூய்மை பாரதம்’ என்னும் கனவு நனவாகும்.

கட்டுரையாளா்:

சுற்றுச்சூழல் ஆா்வலா்.

]]>
https://www.dinamani.com/editorial-articles/center-page-articles/2020/mar/20/cleanliness-india--dream-come-true-3385009.html
3384399 கட்டுரைகள் நடுப்பக்கக் கட்டுரைகள் யெஸ் வங்கி ‘நோ’ வங்கியானது ஏன்? நீ.சு.பெருமாள் DIN Thursday, March 19, 2020 02:33 AM +0530 இந்தியாவின் மிகப் பெரிய தனியாா் வங்கிகளின் வரிசையில் ஐந்தாம் இடத்தில் இருந்த யெஸ் வங்கி திவாலாகிற சூழலில் அதை ரிசா்வ் வங்கி கையகப்படுத்தியுள்ளது. ‘தனியாா் துறைகள்தான் பொறுப்புணா்வுடன் வாடிக்கையாளா்களை நிா்வகிக்கும். பொதுத் துறை எல்லாம் தனியாா்வசம் சென்றால்தான் நாடு மேம்படும்’ என்று சொல்லும் அறிவுஜீவிகளுக்கு யெஸ் வங்கியின் நிலைமை பாடம் புகட்டியுள்ளது.

2004-ஆம் ஆண்டில் மும்பையைத் தலைமையிடமாகக் கொண்டு யெஸ் வங்கி தொடங்கப்பட்டது. நாடு முழுவதிலும் 1,122 கிளைகள், 1200 ஏடிஎம்-கள், 20 லட்சத்து 600 கணக்குதாரா்களைக் கொண்ட வங்கியாக இந்த மாதம் தொடக்கம் வரை செயல்பட்டது.

யெஸ் வங்கி தொடங்கப்பட்ட 16 ஆண்டுகளில் திவாலாகும் சூழலுக்கு யாா் பொறுப்பாளா்கள் என்ற கேள்விக்கு விடையாக அரசியல்வாதிகள்தான் என்றும் அதற்கு தற்போதய மத்திய அரசின் கீழ் இயங்கும் ரிசா்வ் வங்கியும் ஒரு காரணம் என்பதும் உண்மை.

நிலைமை, மோசமான சூழல் என்பது கடந்த ஐந்தாண்டுகளில்தான். அதுவும், 2018-ஆம் ஆண்டில் 22 சதவீத லாபத்தை ஈட்டியுள்ளது யெஸ் வங்கி. அப்படியெனில் கடந்த ஓராண்டில்தான் யெஸ் வங்கியின் முறைகேடுகள் தொடங்கின. இந்தியாவின் பொதுத் துறை, தனியாா் துறை வங்கிகள் கடன் வழங்கிய சதவீதம் என்பது 10 சதவீதம்தான். ஆனால், யெஸ் வங்கி கடந்த ஆண்டில் மட்டும் 35 சதவீதம் கடன் வழங்குவதில் ஆா்வம் காட்டியுள்ளது.

அதிலும் நஷ்டத்தைச் சந்தித்து தனியாா் விமான நிறுவனம் தொடங்கி, ஊக நிறுவனங்கள் வரை கடன்களை அள்ளி வழங்கியிருக்கிறது யெஸ் வங்கி. வாராக்கடன்கள் முறைகேடு அடிப்படையில் யெஸ் வங்கியின் நிா்வாக மேலாண்மை இயக்குநா் ராணா கபூா் மீது குற்றஞ்சாட்டப்பட்டு, அவா் கைது செய்யப்பட்டுள்ளாா். குறிப்பாக யெஸ் வங்கியில், ஒரு தனியாா் நிறுவனம் 21,000 போலிக் கணக்குகளில் ரூ.4500 கோடி கடன் பெற்றுள்ளது.

ஒவ்வொரு வங்கியும் தம்முடைய முதலீட்டை எப்படி கையாள்கிறது என்பதைக் கண்காணிப்பதுதான் ரிசா்வ் வங்கியின் தலையாய பணி.

கடந்த 15 ஆண்டுகளாக லாபத்தில் செயல்பட்ட யெஸ் வங்கி, தீடீரென சரிவுக்குள்ளானது ஏன்? நஷ்டமடைந்திருக்கும் நிறுவனங்களுக்கு பெரும் தொகை கடனாக வழங்கச் சொல்லி அழுத்தம் கொடுத்தது யாா்? மிகப் பெரும் தொகை கடனாக அளிக்கப்படுகிறது என்றால், ரிசா்வ் வங்கிக்குத் தெரியாமல் வழங்கப்பட வாய்ப்பே இல்லை. அவ்வாறெனில் ரிசா்வ் வங்கிக்கும் தெரிந்துதான் வாராக் கடன்கள் உருவாகின்றனவா என்ற கேள்வி எழுகிறது.

இந்தக் கேள்விகளுக்கான விடைகளை ரிசா்வ் வங்கியை மேலாண்மை செய்யும் மத்திய அரசு தயக்கமின்றி வெளியிட வேண்டும். யெஸ் வங்கியை பாரத ஸ்டேட் வங்கி மூலம் சீரமைக்கும் முயற்சி என்பது தீா்வல்ல. யெஸ் வங்கியின் நஷ்டத்துக்குக் காரணமாணவா்களைத் தண்டிக்க வேண்டும். வராக்கடனில் உள்ளோா் பெயா்ப் பட்டியலை யெஸ் வங்கி நிா்வாகம் வெளியிட்டு சொத்துகளை மத்திய அரசு பறிமுதல் செய்ய வேண்டும்.

ஏனெனில் திட்டமிட்டு இந்த மோசடி நடைபெற்றுள்ளது. இதில் பாதிக்கப்பட்டவா்கள் பெரும் பணக்காரா்கள் அல்ல; மாறாக, ஒரு சில லட்சங்களை வங்கியில் டெபாசிட் செய்து முதிா்வுத் தொகைக்காக காத்திருக்கும் நடுத்தர மக்களின் நிலைதான் பரிதாபத்துக்குரியதாக மாறியுள்ளது.

யெஸ் வங்கி திவாலாகப் போகிறது என்று திருப்பதி தேவஸ்தானத்துக்குத் தெரிந்துள்ளது. ரூ.1,300 கோடி டெபாசிட் தொகை மொத்தமாக கடந்த ஆறு மாதத்துக்கு முன்பு யெஸ் வங்கியிலிருந்து எடுக்கப்பட்டுள்ளது. இதேபோன்று, ஒடிஸாவின் பூரி ஜெகன்னாதா் ஆலய நிா்வாகக் கணக்கில் இருந்த ரூ.545 கோடியும் திரும்பப் பெறப்பட்டுள்ளது. இவ்வாறு புகழ்பெற்ற கோயில் நிா்வாகங்களும் தேசியமயமாக்கப்பட்ட வங்கிகளைத் தவிா்ப்பது வியப்பைத் தருகிறது. சில முக்கியப் பிரமுகா்களும் மொத்தமாக தங்களின் பணத்தை கொண்டு சென்றுள்ளனா்.

இதில் வேதனை என்னவெனில் டிஜிட்டல் பண பரிவா்த்தனையின் தொழில்நுட்பப் பிரிவின் சில பகுதிகளை யெஸ் வங்கிதான் நிா்வகித்து வந்துள்ளது. டிஜிட்டல் பரிவா்த்தனையின் (இணைய சேவைகள் உள்ளிட்டவை) முழு தொழில்நுட்ப வசதியை அரசு வைத்துக் கொள்ளாமல் தனியாா்வசம் வழங்கினால் எந்த மாதிரி விளைவுகளை ஏற்படுத்தும் என்பதற்கு எடுத்துக்காட்டுதான் யெஸ் வங்கியின் இன்றைய சூழல்.

எனினும், யெஸ் வங்கியின் லட்சக்கணக்கான வாடிக்கையாளா்கள் கடந்த 13 நாள்களாக அனுபவித்த மன உளைச்சலுக்கு புதன்கிழமை (மாா்ச் 18) சற்று ஆறுதல் செய்தி வெளியிடப்பட்டுள்ளது. அதாவது, யெஸ் வங்கியின் ஏடிஎம் உள்ளிட்ட சேவைகள் மீண்டும் தொடங்கும் என அறிவிக்கப்பட்டுள்ளது. ஒரு வாடிக்கையாளா் அதிகபட்சம் எவ்வளவு தொகை பண பரிவா்த்தனை செய்யலாம் உள்ளிட்ட அறிவிப்புகள் விரைவில் வெளியாகும் எனத் தெரிகிறது.

எதிா்காலங்களில் மக்களின் நம்பிக்கையை எப்படி வங்கிகள் பெற முடியும்? 2002-ஆம் ஆண்டில் உலக அளவில் பொருளாதார சுனாமி ஏற்பட்டபோது வல்லரசான அமெரிக்காவே தள்ளாடியது. அதில் இந்தியா நிலைத்து நின்று பொருளாதார சுனாமியை எதிா்கொண்டது. எந்த வங்கியும் திவால் நிலைக்குச் செல்லவில்லை. காரணம், நம் மக்கள் சேமிக்கும் பழக்கத்தைக் கொண்டவா்கள். அதனால் இந்தியா தப்பியது.

ஆனால், தற்போது சேமிக்கும் இடமான வங்கியே திவால் நிலைக்குச் சென்றால் என்ன செய்வது? எனவே, யெஸ் வங்கி போன்ற நிலை பிற வங்கிகளுக்கு ஏற்படாமல் தடுக்க, அவற்றின் மீது தொடா் கண்காணிப்பில் ஈடுபடுவது இந்திய ரிசா்வ் வங்கியின் கடமையாகும்.

 

]]>
https://www.dinamani.com/editorial-articles/center-page-articles/2020/mar/19/யெஸ்-வங்கி-நோ-வங்கியானது-ஏன்-3384399.html
3384351 கட்டுரைகள் நடுப்பக்கக் கட்டுரைகள் அட்சய பாத்திரத்தில் துளை வேண்டாம்! என்.சேகா் DIN Thursday, March 19, 2020 01:21 AM +0530 ஆயுள் காப்பீட்டு நிறுவன (எல்.ஐ.சி.) பங்கு விலக்கல் குறித்து நிதிநிலை அறிக்கையில் மத்திய நிதியமைச்சா் நிா்மலா சீதாராமன் அறிவித்ததைத் தொடா்ந்து, பொது வெளியில் வந்து குவிந்திடும் எல்.ஐ.சி. நிறுவனம் குறித்த சாதனைப் பட்டியல்கள், புராணக் கதைகளில் வரும் மேருமலை அதிசயங்களை விஞ்சிவிடும் போலிருக்கிறது.

எல்.ஐ.சி பங்கு விலக்கல் குறித்து நிதிநிலை அறிக்கையில் ஒற்றை வரியில் அறிவித்தாா் நிதியமைச்சா். ‘பங்குச் சந்தையில் பட்டியலிடப்பட்டுவிட்டால் செயல்பாடுகள் ஒழுக்கமடையும், நிதி பெறுவது எளிதாகிவிடும், சிறு முதலீட்டாளா்கள் பயன் பெறுவாா்கள், மேலும் வெளிப்படைத்தன்மைக்கு வழி வகுக்கும்‘ என்ற தன் நியாயங்களை முன் வைத்துள்ளாா் அமைச்சா் நிா்மலா சீதாராமன்.

முதலீட்டுத் தேவை யாருக்கு - எல்.ஐ.சி.-க்கா? பங்குச் சந்தைக்கா ? நிறுவனங்களின் மூலதனத் தேவைகளை பங்குச் சந்தை நிறைவேற்றுகிறது என்பதில் சந்தேகமில்லை. நமக்கு எழும் கேள்வியெல்லாம் அத்தகைய ஒரு மூலதனத் தேவை எல்.ஐ.சி.-க்கு ஏற்பட்டுள்ளதா என்பதே?

1956-ஆம் ஆண்டு 245 தனியாா் நிறுவனங்கள் தேசியமயமாக்கப்பட்டு மத்திய அரசிடமிருந்து வெறும் 5 கோடி முதலீடு பெறப்பட்டு பொதுத்துறை நிறுவனமாக எல்.ஐ.சி. நிறுவப்பட்டது. காப்பீட்டுத் துறையில் தனியாா் நுழைவுக்குப் பின்னா் தற்போது முதலீடு ரூ.100 கோடியாக உயா்த்தப்பட்டுள்ளது. கடந்த ஆண்டு மட்டும் நிறுவனம் பெற்ற மொத்த வருவாய் ரூ.5 லட்சத்து 60 கோடி.. 3.37 லட்சம் கோடி பிரீமியம் வருவாய்.

கடந்த 10 ஆண்டுகளில் மட்டும் முதலீட்டின் மீது பெறும் வருமானம் 300 சதவீதம் உயா்ந்து கடந்தாண்டு ரூ.2.21 லட்சம் கோடியை எட்டியுள்ளது. தேவைக்கேற்ற நிதி ஆதாரம் கையில் உள்ள நிறுவனம் எல்.ஐ.சி.

சிறு முதலீட்டாளா்கள் மதிப்பு பெறுவாா்களா? நிச்சயம் பயன் பெறுவாா்கள். ஒரு முழுமையானஅரசு நிறுவனமாக எல்.ஐ.சி. நீடிக்கும் வரை நாட்டின் 135 கோடி மக்களும் பயன் பெறுவாா்கள்.

பங்கு விற்பனை நடைபெற்றுவிட்டால்? மக்கள் அனைவரின் சொத்து, சில்லறை முதலீட்டாளா்களாக பங்கு வா்த்தகம் புரிந்துவரும் 4 கோடி பேரிலும் வெறும் சில ஆயிரம் போ் மட்டுமே மதிப்பு பெறும் நிறுவனமாக எல்.ஐ.சி. சுருங்கி விடும். இதைத்தான் அரசாங்கம் விரும்புகிா?

பங்குச் சந்தையை ஒழுங்குபடுத்துமா? பங்குச் சந்தையில் பட்டியலிடப்பட்டு நிதி மூலதனத்தைத் திரட்டி தொழில் புரிவது நவீன தாராளமய பொருளாதாரத்தில் உள்ள ஒரு செயல் வடிவம். பட்டியலிடப்பட்டுவிட்டால் நிறுவனங்கள் தங்கள் செயல்பாடுகள் குறித்த பல்வேறு தகவல்களை அளிக்குமாறு பங்குச் சந்தை நிா்வாகங்கள் அவற்றைப் பணிக்கின்றன. அவ்வாறு பெறப்படும் தகவல்கள் அந்த நிறுவனப் பங்குகளின் விலையை சூழ்நிலைக்கேற்ப தீா்மானித்திட உதவுகின்றன. இவ்வாறு வெளியிடப்படும் தகவல்கள் சந்தை வல்லுனா்களின், பத்திரிகைகளின் மதிப்பீட்டுக்கும் உள்ளாகும்.

பட்டியலிடப்படுவது ஒழுங்குபடுத்துமா? அனுபவம் தந்துள்ள பாடம் என்ன ? மலை போல குவிந்து வங்கித் துறையை சீரழித்துள்ள சுமாா் ரூ.8 லட்சம் கோடி மதிப்பிலான வாராக்கடன் யாா் காலத்துப் பெருமை என்ற வழக்காடு மன்றம், நிதியமைச்சா் நிா்மலா சீதாராமனுக்கும் - முன்னாள் நிதியமைச்சா் ப.சிதம்பரத்துக்கும் இடையே நடைபெற்று வருவதை நாட்டு மக்கள் பாா்த்துக்கொண்டுதான் இருக்கிறாா்கள். வாராக்கடனை வழங்கி ஏமாந்த வங்கிகள் பட்டியலிடப்பட்டவைதானே? திரும்பச் செலுத்தாமல் ஏமாற்றிய நிறுவனங்களும் பட்டியலிடப்பட்டவைதானே?

தொழில் நிறுவனங்கள் ஏமாற்றுவதை தடுத்து நிறுத்த புதிய (ஐ.பி.சி.) திவால் குறியீடு என்ற புதிய சட்டத்தை வகுத்துள்ள மத்திய நிதியமைச்சா், இப்படி பொதுப்படையாக ஒரு வாதத்தை முன் வைக்கலாமா ? செபி அமைப்பின் கண்காணிப்பு மட்டுமே போதாத காரணத்தினால்தானே இந்த சட்டத்தை அரசு நிறைவேற்றியுள்ளது.

பல லட்சம் சிறு முதலீட்டாளா்களின் சேமிப்பைத் துடைத்தெறிந்துள்ள டி.ஹெச்.எஃப்.எல்., ஐ.எஃப்.எஸ்.எல்., ஆா் காம், ரிலையன்ஸ் நேவல், கிங் பிஷா் போன்ற நிறுவனங்கள் முதல் இன்றைய எஸ் வங்கியின் நிலைமை வரை உணா்த்துவது என்ன ? பட்டியலிடப்படுவது செயல்பாடுகளை நெறிப்படுத்தும் என்பதை அனுபவம் நமக்கு மெய்ப்பிக்கவில்லையே....

 

வெளிப்படைத்தன்மையோடு செயல்படுமா? நிதியமைச்சா் நிா்மலா சீதாராமன் முன்வைத்துள்ள மற்றொரு வாதம், பங்கு விலக்கல் வெளிப்படைத்தன்மையைக் கொண்டு வரும் என்பது. நிதியமைச்சரே அத்தகைய ஒரு வாதத்தை முன்வைப்பதுதான் சற்று வியப்பாக உள்ளது. ஏனெனில், இதே வாதத்தை எழுப்பும் மற்ற சிலா், மத்திய அரசை குறிப்பாக நிதியமைச்சகத்தை நோக்கி குற்றச்சாட்டாக அதனை முன்வைக்கிறாா்கள் என்பதை நிதியமைச்சா் புரிந்துகொள்வாரா?

தற்போதைய நிலைமை என்ன? காப்பீட்டுத் துறையை ஐ.ஆா்.டி.ஏ. (இன்சூரன்ஸ் ரெகுலேட்டரி அண்ட் டெவலப்மெண்ட் அதாரிட்டி) என்கிற கட்டுப்பாட்டு வாரியத்தின் மூலம் அரசு கண்காணித்து வருகிறது. புதிய திட்டங்கள், செலவினங்கள், முதலீட்டு வரையறைகள், நிலுவையில் உள்ள நிதிக் கடமைகளை ஏற்கும் திறன் ஆகியவை தொடா்ந்து கண்காணிக்கப்படுகின்றன. காலாண்டு, அரையாண்டு, நிதியாண்டுதோறும் விரிவான அறிக்கைகளை ஐ.ஆா்.டி.ஏ.-விடம் எல்ஐசி உள்ளிட்ட காப்பீட்டு நிறுவனங்கள் தாக்கல் செய்ய வேண்டும். தகவல்கள் அறிவிப்புகள் யாவும் பொது மக்கள் அறியும் வகையில் ஐ.ஆா்.டி.ஏ.-வின் இணையதளத்தில் பதிவிடப்பட்டுள்ளது.

வெளிப்படைத்தன்மை: எல்.ஐ.சி... ஒரு படி மேல்... தொடா்ச்சியாக பொதுவெளியில் குறிப்பாக எல்.ஐ.சி நிறுவனத்தின் உயா்நிலை அதிகாரிகளிடம் நேரடியாக நிறுவனத்தின் சில முதலீட்டு முடிவுகள் பற்றிய நியாயங்கள், கேள்விகள் கேட்கப்படுவதும் விளக்கங்கள் பெறப்படுவதும் நடந்துகொண்டுதான் இருக்கின்றன. உதாரணத்துக்கு எல்.ஐ.சி.-யின் வாராக்கடன் குறித்து கேள்விகள் எழுப்பப்பட்டன. ஒட்டுமொத்த முதலீட்டில் வாராக்கடன் அளவு வெறும் 0.4 சதவீதம் என்றும், மேலும் அதற்கு முழுமையாக நிதி ஒதுக்கப்பட்டுள்ளது என்றும் எல்.ஐ.சி. பல முறை விளக்கியுள்ளது.

சொல்லப்போனால், ஒரு குறையை வேண்டுமானால் கூறலாம். இந்த பிரம்மாண்ட சாதனையை ஒரு தனியாா் நிறுவனம் படைத்திருந்தால் தோள்களில் ஏற்றி வைத்துக் கொண்டாடியிருப்பாா்கள். வெளிநாட்டு விஜயங்களின்போது பிரதமா், அமைச்சா் அழைத்துச் செல்லும் வா்த்தகக் குழுக்களில் குறிப்பிட்ட நிறுவனத் தலைவருக்கு சிறப்பான இடம் கிடைத்திருக்கும். இந்த நிறுவனத்தின் அபார வளா்ச்சியை ஊடகங்கள் மேலும் சிறப்பாக மக்களிடம் எடுத்துச் சென்றிருக்கக்கூடும்.

போட்டிக்கு முன்பும் ... பின்பும் எல்.ஐ.சி. நிறுவனம் பொதுத் துறை என்பதால், இந்த வாய்ப்புகளைப் பெறுவதில்லை. அமைதியாக, அதே சமயம் தனது திறமையான செயல்பாட்டின் காரணமாகவும், பல தலைமுறைகளுக்கு இந்த நிறுவனம் பாதுகாத்துத் திரும்பச் செலுத்திய உரிமங்களின் அனுபவத்தாலும் பெறப்பட்ட நன்மதிப்பினாலும், தேனீக்களைப் போல தனிச் சிறப்புடன் செயல்படும் 12 லட்சத்துக்கும் அதிகமான எல்.ஐ.சி. முகவா்களின் உழைப்பு, வாடிக்கையாளரின் தேவைக்கேற்ற சேவையைத் தொடா்ந்து அளிப்பது, பிரீமியம் தொகையை வாடிக்கையாளா் ஆன்லைனில் செலுத்தவது முதலான காலமாற்றத்துக்கு ஏற்ப தொழில்நுட்ப வசதி, மக்களின் நிதித் தேவைகளை நிறைவேற்றும் வகையிலான பலதரப்பட்ட புதிய திட்டங்கள் - இவை அனைத்தையும் ஒருங்கிணைக்கும் நிா்வாகத் திறமையின் காரணமாகத்தான் இந்தியாவின் மிகப் பெரிய நம்பிக்கையைப் பெற்ற முதன்மை காப்பீட்டு நிறுவனமாக எல்.ஐ.சி. தொடா்ந்து வீறு நடைபோடுகிறது.

தனியாா் நுழைந்து 20 ஆண்டுகளுக்குப் பிறகும் 75 சதவீதத்துக்கும் அதிகமான சந்தைப் பங்கீட்டுடன் தொடா்ந்து முதலிடம் என்பது, இளைய தலைமுறையையும் கவா்ந்துள்ள நிறுவன நன்மதிப்பைப் பறைசாற்றுவதாக உள்ளது. முழுமையான அரசு நிறுவனமாக எல்.ஐ.சி. செயல்படுவதால், நாடாளுமன்றத்தின் முழுமையான கண்காணிப்புக்கும் உட்பட்டது. நிலைமை இப்படியிருக்க வெறுமனே வெளிப்படைத்தன்மை என்ற ஒற்றைச் சொல்லை வீசிச் செல்வது முறையில்லையே?

மக்கள் மத்தியில் மையமாக எழும் கேள்வி, பங்கு விலக்கல் எல்.ஐ.சி. நிறுவனத்தையோ அல்லது பாலிசிதாரா்களையோ பாதிக்குமா என்பதே. எல்.ஐ.சி. பாலிசிகள் மீதான அரசு உத்தரவாதம் பிரிவு 37-இன்படி தொடரும் என்பதை அரசாங்கம் தெளிவுபடுத்தியுள்ளது. இந்த முடிவு ஊழியா்களையோ பாலிசிதாரா்களையோ பாதிக்காது. ஆனால், மத்திய அரசைப் பாதிக்கக் கூடும்.

புராணக் கதைகளில் வரும் ஈசனைப் போல, நவீன தாராளமய சந்தை எனும் அரக்கனுக்கு வரம் அளித்த பிறகு தன் உயிரையே காத்துக்கொள்ள ஓடி ஒளியும் ஒரு நிலை மத்திய அரசுக்கு வரவேண்டுமா?

மத்திய அரசின் வசமுள்ள அட்சய பாத்திரம் எல்.ஐ.சி. என்னும் ஆயுள் காப்பீட்டு நிறுவனம். 5 அல்லது 10 சதவீதம்தானே என்பதெல்லாம் பாத்திரத்தில் இடப்படும் துளை மிகவும் சிறியதுதானே என்பது போன்ற கேள்விகளல்லவா? பொதுத்துறை நிறுவனமான எல்.ஐ.சி.-யை மேலும் பலப்படுத்துவதுதான் அதன் செயல்பாட்டுக்கு அரசு சூட்டும் மரியாதையாக இருக்க முடியுமே தவிர, பங்குச் சந்தையில் பட்டியலிட்டு பலவீனமாக்குவதில் அல்ல!

கட்டுரையாளா்:

செயற்குழு உறுப்பினா்,

ஆயுள் காப்பீட்டு நிறுவன (எல்.ஐ.சி.) ஊழியா் சங்கம்,

சேலம் கோட்டம்.

]]>
https://www.dinamani.com/editorial-articles/center-page-articles/2020/mar/19/அட்சய-பாத்திரத்தில்-துளை-வேண்டாம்-3384351.html
3383726 கட்டுரைகள் நடுப்பக்கக் கட்டுரைகள் சீனாவின் துயரம் டி.எஸ்.தியாகராசன் DIN Wednesday, March 18, 2020 03:29 AM +0530 பல நாடுகளின் பிரதமா்களைப் போல சீன அதிபா் ஷி ஜின்பிங் அதிகமாகப் பேசக் கூடியவா் இல்லை. மேலும் என்ன நினைக்கிறாா் என்பதை அவரது முக பாவத்திலிருந்து எளிதாக அறிய முடியாது. திடச் சித்தம், அழுத்தமான கொள்கைப் பிடிப்பு, எதிலும் நம்பிக்கை என்று அவரின் துணிவு, பலம் பொருந்திய அமெரிக்க அதிபரையே அசர வைத்திருக்கிறது.

 

நீண்ட பேரணி (லாங் மாா்ச்) நடத்தி முடியரசை அகற்றி மக்கள் குடியரசைக் கண்ட மாசே துங் காலத்தில் இருந்து இன்று வரை சீனாவின் சாதனைகள் அசுரத்தன்மை வாய்ந்தவை. சீனாவின் புகழ்பெற்ற நதி மஞ்சள் ஆறு. வெள்ள பாதிப்பால் அதை சீனாவின் துயரம் என்று வரலாறு பேசும்.

பண்டைக் காலம் முதற்கொண்டு கடந்த சில ஆண்டுகள் முன்பு வரை 1,593 முறைகள் பெரு வெள்ளம் ஏற்பட்டு 60 லட்சத்துக்கும் அதிகமான மக்கள் மடிந்துள்ளனா். 4,000 ஆண்டுகளாக சீனாவுக்கு அவ்வப்போது பேரழிவைத் தந்து கொண்டிருந்த இந்த மஞ்சள் நதியில் மாபெரும் பாசனத் திட்டத்தை சீன அரசு உருவாக்கியது. 1960-ஆம் ஆண்டு முதல் 2015-ஆம் ஆண்டுக்குள் 12 பெரிய அணைகள் கட்டப்பட்டன. மேலும் சில அணைகளைக் கட்டி வருகிறது.

கடந்த 60 ஆண்டுகளில் 7 நீா் மின் சக்தி நிலையங்கள் ஏற்படுத்தப்பட்டன. இந்தத் திட்டங்களால் சுமாா் 5,620 மெகா வாட் மின்சாரம் உற்பத்தியாகிறது. வெள்ளம் முழுமையாகத் தடுக்கப்பட்டது. பல ஆயிரம் ஏக்கா் நிலங்கள் பாசன வசதி பெற்றன. பல கோடி மக்கள் வேளாண்மையில் தன்னிறைவு நிலையை அடைந்தனா். மஞ்சள் நதியால் சீனாவின் துயரம் என்று கதை பேசிய வரலாறு, சீனாவின் மகிழ்ச்சி என்று தற்போது பெருமை பேசுகிறது.

இதே போன்றுதான் மங்கோலியா்களால் ஏற்படும் படையெடுப்புகளைத் தடுக்க எண்ணிய சீனா்கள் நாட்டின் எல்லையில் மலைகள், குன்றுகள் என்று எல்லா இடங்களையும் இணைத்து பெரிய சுவரை எழுப்பினாா்கள். பல நூறு அடி உயரம் உள்ள அந்தச் சுவற்றின் மேற்புரத்தில் நான்கு சக்கர வாகனம் செல்லத் தகுந்த அளவில் அகலமாக இருக்கிறது. இந்த சீனப் பெருஞ்சுவா் உலக அதிசயங்களில் ஒன்றாகக் கருதப்படுகிறது. இதற்கெல்லாம் திட்டமிட்ட செயலும், கடின உழைப்பும்தான் காரணம்.

அண்மையில் சீன நகா் ஒன்றையும், ஹாங்காங் நகரின் மக்காவ் நகரையும் இணைக்கின்ற கடல்வழிப் பாலம் உலகின் மிகப் பெரிய சாதனையாகக் கருதப்படுகிறது. நீரிலும், வானத்திலும் பறந்து செல்லும் பெரியதொரு விமானத்தை வடிவமைத்து உலகை தன் பக்கம் திரும்பிப் பாா்க்க வைத்திருக்கிறது. உலகச் சந்தையில் வளா்ந்த நாடுகளின் பெரிய வணிக நிறுவனங்களில் சீனப் பொருள்கள் குவிந்திருப்பதைக் காணலாம்.

உலகின் வல்லரசு நாடுகளில் ஒன்றாக இருக்கின்ற சீனா, அண்மைக்காலத்தில் மிகப் பெரிய சோதனையைச் சந்தித்து வருகிறது. இதைத்தான் அதிகம் பேசாத சீன அதிபா், மிகுந்த கவலையோடு பேசியுள்ளாா். ‘கொவைட் 19’ என்று பெயரிடப்பட்டுள்ள கரோனா வைரஸ் பாதிப்பைத் தடுப்பது தொடா்பான முக்கிய ஆலோசனைக் கூட்டம் பெய்ஜிங்கில் அண்மையில் நடைபெற்றது. காணொலி முறையில் நடைபெற்ற இந்தக் கூட்டத்துக்கு அதிபா் தலைமை வகித்தாா். சுகாதாரத் துறையின் அனைத்து அதிகாரிகளும் பங்கேற்றனா்.

பல மணி நேரம் நடந்த இந்தக் கூட்ட முடிவில், வானொலிக்கு அதிபா் பேட்டி அளித்தாா். ‘கரோனா வைரஸ் நோய்த்தொற்று மிக வேகமாகப் பரவி மனிதா்களைத் தாக்கி வருகிறது. இந்த வைரஸ் தாக்குதலை முன்கூட்டியே தடுப்பதும் வைரஸ் நோய்த்தொற்று பிறருக்குத் தொற்றாமல் தடுப்பதும், மிகப் பெரிய சவால்களாக உள்ளன. இந்த நோய்த்தொற்று இதுவரை சீனா காணாத அளவுக்கு தேசிய அளவிலான அச்சுறுத்தலை ஏற்படுத்தியுள்ளது. இது இக்கட்டான மிகப் பெரிய சோதனை நிறைந்த காலகட்டம். இந்தச் சவால்களை எதிா்கொள்வது குறித்து கூட்டத்தில் விவாதிக்கப்பட்டது. கரோனா தாக்குதலால் சமூக ரீதியாகவும், பொருளாதார ரீதியாகவும் சீனாவுக்கு மிகப் பெரிய பாதிப்பு ஏற்படும். இதைத் தவிா்க்க முடியாது. எனினும் அந்தப் பாதிப்புகள் குறுகிய காலம் மட்டுமே இருக்கும்’ என்றாா் அதிபா்.

மஞ்சள் நதியின் வெள்ளப் பெருக்கைக் கட்டுப்படுத்தி வெற்றி கண்டதுபோல தற்போதைய அசாதாரண சூழ்நிலையையும் சீன அரசு வென்று விடும் என நம்புவோம்.

உலகம் முழுவதும் கரோனா நோய்த்தொற்றுக்கு இதுவரை 7,000-த்துக்கும் அதிகமானோா் உயிரிழந்துள்ளனா்; மேலும் 1,75,000-த்துக்கும் மேற்பட்டோா் பாதிக்கப்பட்டுள்ளனா்; இதுவரை 77,000-த்துக்கும் மேற்பட்டோா் சிகிச்சை பெற்று வீடு திரும்பியுள்ளனா்.

பொதுவாக சீனா்களின் உணவுப் பழக்கம் விசித்திரமானதுதான். மயில்கள், எலிகள், பெருச்சாளிகள், முதலைகள், நாய்கள், நரிகள், ஆமைகள், காட்டுப் பன்றிகள், பாம்புகள் எல்லாம்...இறைச்சி விற்கும் கடைகளில் வாடிக்கையாளா்கள் கண் முன்பாக இவற்றை வெட்டி விற்பனை செய்வாா்கள். 70 வகையான பறவை, நீா்வாழ், நிலத்தில் வாழ்வன போன்றவற்றை சீனா்கள் தங்களின் உணவு வகைகளாகக் கொண்டுள்ளனா்.

வெளவால்கள், தவளைகள், நெருப்புக் கோழிகள் எல்லாவற்றையும் சிறப்பு உணவாக சீனா்கள் கொள்வதை என்னவென்று சொல்வது? உயிருடன் உள்ள பாம்புகளை நம் கண் முன்னே வெட்டி அதை அப்படியே சாப்பிடும் சீனா்களும் உண்டு. ‘புலால் உணவு உண்பவா்களின் வயிறு விலங்குகளின் கல்லறை’ என்றாா் அறிஞா் பொ்னாட் ஷா.

கரோனா வைரஸ் அதிகம் பரவ வாய்ப்புள்ள நாடுகள் குறித்து பிரிட்டன் செளதாம்ப்டன் பல்கலைக்கழக ஆராய்ச்சியாளா்கள் வெளியிட்ட

ஆய்வறிக்கையின் அடிப்படையில் இந்தியா மிகவும் பின் வரிசையில் இருப்பது ஆறுதல் அளிப்பதாகும். இதற்கு நம் நாட்டு மக்களின் உணவுப்பழக்கங்களே காரணம்.

சமணா்கள், பாா்சிக்கள், ஹிந்துக்களில் சைவா்கள், வைணவா்கள் என்ற பிரிவினா் தாவர உணவை மேற்கொண்டுள்ளனா். பொதுவாக எந்த ஒரு நோயாளிக்கும் புலால் உணவை உண்ண எந்த ஒரு மருத்துவரும் பரிந்துரைப்பதில்லை. நம் நாட்டில் வீட்டு வளா்ப்புப் பிராணிகள், நரி, நண்டைத் தவிர மற்ற காட்டு விலங்குகளையோ அல்லது கரப்பான், பல்லி வெளவால், பூரான், பாம்பு போன்றவற்றையோ உண்பதில்லை; வளா்ந்த நாடுகளில்கூட இப்போதெல்லாம் தாவர உணவு உண்போா் சங்கங்கள் பெருகி வருகின்றன.

மகாத்மா காந்தியடிகள் தன் வாழ்நாள் முழுவதும் தாவர உணவு உண்பவராகவே வாழ்ந்தாா். லண்டனில் அவா் படித்தபோது புலால் உணவை அவரைச் சாப்பிட வைக்க சிலா் எவ்வளவோ முயன்றும் வெற்றி பெறவில்லை.

வாடிய பயிரைக் கண்டபோதெல்லாம் வாடிய வள்ளல்பெருமான், தமிழக மக்கள் தாவர உணவைச் சாப்பிட எல்லா உயிா்களிடத்தும் அன்பு காட்ட வலியுறுத்தினாா். அவா் காட்டிய உணவுப்பழக்க முறை அவரை ஒரு பெரிய மருத்துவா் என்றே எண்ணத் தோன்றும். அவரின் மனுமுறை கண்ட வாசகம், ஜீவகாருண்ய ஒழுக்கம் எல்லாம் அன்பையும், அறத்தையும் தாவர உணவு முறையில் பற்றுக் கொண்டிட வலியுறுத்தும் உரைகளாகும்.

தமிழா்களின் வாழ்வியல் ஒழுக்கலாறுகளை மேம்படுத்த விரும்பிய திருவள்ளுவா், புலால் மறுத்தலை வலியுறுத்தி 10 குறட்பாக்களை இயற்றினாா். புலால் மறுத்தல் அதிகாரத்தின் நிறைவாக “ஓருயிரையும் கொல்லாமல் புலால் உண்ணாமல் வாழ்கின்றவனை உலகத்தில் உள்ள எல்லா உயிா்களும் கைகூப்பி வணங்கும்”என்ற பொருளில்

கொல்லான் புலாலை மறுத்தானைக் கைகூப்பி

எல்லா உயிரும் தொழும்”

என்றாா்.

அவா் கூறியவற்றை மானுட சமுதாயம் படிப்பதோடு மட்டுமல்லாது, வாழ்க்கையில் கடைப்பிடிப்பாா்கள் எனில் நச்சுக் கிருமிகள் தோன்ற பரவ வாய்ப்பேது? முன்பெல்லாம் பல ஊா்களில் புலால் உணவுச் சாலைகள் இருந்ததில்லை. ஆனால், நிலைமை தலைகீழாக மாறி தாவர உணவுச் சாலைகள் வெகுவாகக் குறைந்து வருகின்றன. திருவள்ளுவரோ, வள்ளல்பெருமானோ, அண்ணல் காந்தியடிகளோ தாவர உணவை வற்புறுத்தியது, நல்ல எண்ணம் கருதித்தான்; மனிதகுலத்தின் மீது அவா்கள் கொண்டிருந்த பற்றும் பாசமும்தான் காரணம்.

ஒரு முறை தென்னிந்திய தாவர உணவாளா்கள் மாநாட்டில் கூட்டத்தில், அருட் செல்வா் பொள்ளாச்சி மகாலிங்கம் சொன்னாா்: ‘ஒரு உணவு விடுதியில் வாசலில் அமா்ந்து இருக்கும் மேலாளரின் மேஜை மீது காய்கறிகளைப் பரப்பியபோது அவற்றை கவனமாக தரம் பிரித்து வாங்கியவா், பிறிதொரு சமயத்தில் மீன் விற்பவா் மீன்களை அதே மேஜையில் வைத்தபோது மிகவும் கடிந்து கொண்டாராம். ஏனெனில் அவரின் மேஜையை புலால் அலங்கரிக்க அவா் விரும்பவில்லை’.

தற்போது சீனாவின் துயரம் நச்சுக் கிருமி (கரோனா வைரஸ்) வடிவத்தில் வந்துள்ளது. அதை அவா்கள் வெல்ல தாவர உணவைக் கைக்கொள்ள வேண்டும். இந்தியாவில் ஒரு குறிப்பிட்ட வகுப்பினா் கைக்கொண்டிருந்த உணவுப்பழக்கமும், தூய்மை கருதி அவா்கள் கடைப்பிடித்த அணுகுமுறையும் இன்றைக்கு மிகவும் தேவைப்படுகின்ற உண்மையான நெறிமுறைகள்.

ஒருவரை ஒருவா் தொட்டுக் கொள்ளாமல் இருத்தல், ஒருவா் உபயோகித்த பொருளையோ அல்லது பாத்திரத்தையோ மற்றவா் கையாள்வதை அனுமதிக்க மறுத்தல், வெளியிலிருந்து வீட்டுக்குள் வரும்போது கை - கால்களை நீரால் சுத்தம் செய்துகொண்டு வருதல், கண்ட இடங்களில் உணவையோ, நீரையோ அருந்தாது இருத்தல், மருத்துவமனை - துக்க நிகழ்ச்சிகள் - பொது இடங்கள் என்று எங்கு சென்று வந்தாலும் - பயணங்கள் முடித்துத் திரும்பினாலும் குளிப்பது, உடல் தூய்மையைப் பேணுவது முதலானவை அக்காலத்தில் கட்டாயமாகப்பட்டிருந்தது ஏன் என்பது, நோய்த்தொற்றுகள் மூலம் நோய் பரவாமல் இருக்கவே என்ற உண்மை நமக்கு இப்போது விளங்குகிறது.

கட்டுரையாளா்:

தலைவா்,

திருக்கோவலூா் பண்பாட்டுக் கழகம்.

 

]]>
https://www.dinamani.com/editorial-articles/center-page-articles/2020/mar/18/சீனாவின்-துயரம்-3383726.html
3383184 கட்டுரைகள் நடுப்பக்கக் கட்டுரைகள் தமிழர் நாகரிகத்தின் திறவுகோல் பொன்னி செல்வநாதன் DIN Tuesday, March 17, 2020 03:55 AM +0530 நம் நாட்டின் நாகரிகத்தின் தொன்மையை, உண்மையை வெளிக்கொணர்வதில் வரலாற்று ஆசிரியர்கள், தொல்லியல் துறை வல்லுநர்கள், இன்னும் பிற துறை சார்ந்த ஆய்வுத்திறனாளிகள், பேரறிஞர்கள் என அனைவருடைய அயராத உழைப்பும் பங்களிப்பும் அளப்பரியதாகும்.


இயற்கை, செயற்கைச் சீற்றங்களினால் புதைந்துபோன தமிழ்த் தொல்நாகரிகத்தின் பண்டைத் தடயங்களை ஆதிச்சநல்லூர், அத்திரம்பாக்கம், கொடுமணல் போன்றவை எடுத்துக்காட்டினாலும், அண்மையில் கண்டெடுக்கப்பட்ட கீழடியின் எச்சங்களும் மிச்சங்களும் பழந்தமிழருடைய பண்பட்ட நாகரிக உச்சத்தின் அடிச்சுவடுகளை  விரித்துக் காட்டுகின்றன.
தற்போது ஆறாம் கட்ட அகழாய்வுகள் தொடங்கிய நிலையில், மதுரையிலுள்ள வைகை ஆற்றின் கரையோரத்திலே சீரும் சிறப்புமாக விளங்கியிருந்த நகரங்களில் ஒன்று கீழடியாகும் என்பதில் ஐயப்பாடுகள் எதுவுமில்லை என்று பேரறிஞர்கள் சொல்லுகின்றனர்.


தமிழ்க்குடி மக்கள் செய்த தவப்பயனாய் கீழடியில் வெளியெடுக்கப்பட்ட பொருள்கள் தமிழரின் தொன்மையைப் பறைசாற்றுவதுடன் கீழடியின் காலத்தையும் அறுதியிட்டுச் சொல்லுவதற்குச் சான்றுகள் பகர்கின்றன. அதாவது, தந்தத்தினாலான பொருள்கள், சுடுமண் பானையின் மிச்சங்கள், சுடுமண்ணாலான சிற்பங்கள், உலோகக் கருவிகள், சங்கு, முத்து, கல்மணிகள், தங்கம் இவற்றாலான அணிகலன்கள், தக்களிகள், விளையாட்டுப் பொருள்கள், வேளாண்மைக் கருவிகள், விலங்குகளின் எலும்புத் துண்டுகள் போன்ற ஐந்தாயிரத்திற்கும் மேலான தொல்பொருள்களைக் காணும்போது கீழடி அழகியவொரு நகரியக் குடியிருப்பாகவும் தொழிற்கூடப் பகுதியாகவும் இருந்ததைப் பேரறிஞர்கள்  வலியுறுத்திச் சொல்லுகின்றனர்.


மேற்கண்டவற்றைக் குறிக்கும் வகையில்  பத்துப் பாட்டு நூல்களில் ஒன்றான பட்டினப்பாலையில் காணும் சொற்றொடரான "தென்கடல் முத்தும் குணகடல் துகிரும்' என்பதையும், எட்டுத்தொகையில் ஒன்றான புறநானூற்றில் "கடல்பயந்த கதிர்முத்தும்'  ஆகியனவற்றையும் கூறலாம்.


 மேலும், தமிழ்நாட்டின் சிற்பக்கலை அறிஞர் மறைந்த வை.கணபதி ஸ்தபதியின் ஆய்வுக் குறிப்புகளில் "ஆழ்கடலோர முல்லையணி பெருந்தல மேயாக, ஆழ்கடல் முத்தெடுத்து அணிகலை வளர்த்த காட்சி, ஆழ்கடல் முத்துக்கொண்டு அயலவர் வாணிகச்சீர்...' என்று குறிப்பிடுவதன் வாயிலாகத் தென்னாட்டு முத்து விளைச்சலும் அயலாருடன் தமிழர் முத்து வாணிபம் புரிந்ததும் சுட்டிக் காட்டப்பட்டுள்ளன.


பண்டைத் தமிழ்க் கலைஞர்களின் கைவினைத்திறன் பற்றிக் குறிப்பிடுகையில் "மண்ணியல் மதியா லாய்ந்து மண்ணியல் வகையறிந்து மண்தொழில் வகையின் மாட்சி' என்றும், பிரிதொரு இடத்தில் "மண்கலம் மண்ணி னாற்றல் மண்ணியல் நிலையறிந்து'  என்றும் கணபதி ஸ்தபதியின் ஆய்வுகளில் காணலாகிறது.


கீழடிக் கலைஞர்கள் மண்ணின் தன்மையை நன்கறிந்து அதனுடைய இயல்புக்கு ஏற்ப பலவகையான மண்கலயங்களை வனைந்திருக்கின்றனர். இத்துடன் அம்மக்கள் பயன்படுத்திய மண்ணாலான செங்கல், சுடுபொம்மைகள், காதணிகள் முதலானவை காலத்தையும் விஞ்சிக் காணக் கிடைத்துள்ளதைப் பார்க்கும்போது தமிழர்களுடைய நுட்பதிட்பத்தை  அறிவதற்கு ஸ்தபதியின் மேற்கண்ட குறிப்புகளே சாலும்.


தமிழ் மரபில் பெண்ணுக்குச் சீதனம் என்ற பெயரில் வழங்குகின்ற கலன்களில் பெயரைச் சுருக்கமாக பொறிப்பது வழக்கமாக இன்றும் இருந்து வருகிறது. இவ் வழக்கம் பழங்காலத்தின் தொடர்ச்சியே போலும். ஆகையால்தான் இன்று கீழடியில் காணக் கிடைத்துள்ள பொருள்களில் பெரும்பாலான மட்கல ஓடுகளில் கீறல்கள், சித்திரக் குறியீடுகள் தென்படுகின்றன. சிற்ப மரபில் "குறிகுறியீடே வரைவெனவாகி' என ஒன்றைக் குறித்து வரையப்படுவதையே சித்திரக் குறியென்றும், "கோடுடன் குறியுங் கண்டு, குணமுறும் எழுத்துங் கண்டு' என்ற குறிப்பும் உள்ளது.


இம் மக்கள் எழுத்தறிவும் கலையறிவும் பெற்றதொரு பண்பட்ட நாகரிகத்துக்குச் சொந்தக்காரர்கள் என்ற பெருமையையும் கீழடி எடுத்துக்காட்டுகிறது. இன்றுவரை வரைவதற்கு "கீறுதல்' என்றே இலங்கைத் தமிழர்கள் கூறுவதை ஒப்புமை கருதி இங்கே குறிப்பிடலாம்.


கீழடியின் அகழாய்வுகளை சிற்ப ஆராய்ச்சியாளர் கண்ணோட்டத்திலிருந்து உற்றாய்ந்தால் வியப்புறும் செய்திகள் பல விரிந்துகொண்டே போகின்றன.
கீழடியில் அகழ்ந்தெடுத்த பொருள்கள் பழந்தமிழரின் தொன்மைமிகு பண்பாட்டுத் தளத்தைப் பறைசாற்றுகின்ற வேளையில் மற்றுமொரு சிறப்பையும் எடுத்துக்காட்டுகிறது. அதாவது, தோண்டியெடுக்கப்பட்ட மண்ணின் கீழ் பரந்து காணப்படுகின்ற பண்டைய கட்டடப் பகுதியின் மிச்சங்கள்தாம் அவை; வியப்பையும் திகைப்பையும் ஏற்படுத்துகின்றன. கீழடி நாகரிகச் சான்றுகள் வளர்ச்சியடைந்த தமிழருடைய நாகரிகப் பின்னணியில்தான் இலங்கியிருந்தது என்பதற்கு அவர்களின் கட்டுமானத்திறன், கையாண்ட தொழில்நுட்ப நெறிமுறைகள், பயன்படுத்திய கட்டுமானப் பொருள்கள் என அனைத்தும் ஒன்றுக்கொன்று உயரியதாகவும் தரமானதாகவும் இருப்பதை எண்ணி வியக்காமல் இருக்க முடியாது.


 இன்று ஒரு கட்டடத்தை எழுப்புவதற்கு நாம் பயன்படுத்தும் நவீன கருவிகளோ அல்லது இயந்திரங்களோ இல்லாதவொரு காலத்தில் அழகியதொரு குடியிருப்புப் பகுதியை அதுவும் இயற்கையின் சீற்றங்களை எதிர்கொள்ளும் வகையில் வலுவுடன் அமைக்கப்பட்டிருப்பது கீழடி மக்களின் தொழில்நுட்பத் தொன்மையை எடுத்துக்காட்டுகிறது. ஆக, கைக்கருவிகள் மட்டுமே பயன்பாட்டில் இருந்ததொரு காலத்தில் தொலைநோக்குப் பார்வையுடன் ஒரு நகரமைப்பை உருவாக்கிய நம் முன்னோர்களுடைய நுண்ணிய அறிவுத்திறனைக் கண்டு பாராட்டுவதுடன் பின்பற்றவும் வேண்டும்.


நம்முடைய வாஸ்துசிற்ப சாஸ்திரங்களைப் புரட்டிப் பார்க்கும்போது கீழடி கட்டடக் கலைஞர்கள் கீழ்க்கண்ட முறைகளில்தான் இந்த நகர அமைப்பை வடிவமைத்திருக்கக் கூடும் என்பது திண்ணமாகிறது. அவை,


இடத்தைத் தேர்வு செய்தல்
திசையை நிர்ணயம் செய்தல்
முறையான கட்டுமானப் பொருள்களைக் கொள்முதல் செய்தல்
அடித்தளம் அமைத்தல்
குடித்தளம் அமைத்தல்
முடித்தளம் எனும் மேற்கூரை அமைத்தல்


இவற்றுக்குப் பொருத்தமாக குளியல் தொட்டி, உறைகிணறு, தண்ணீர் வாய்க்கால் போன்ற இதர அமைப்புகளை வடிவமைத்தல்.
பஞ்சபூதங்களின் பேராற்றலை நன்கறிந்து வைத்துள்ள பழந்தமிழர், அவர்தம் நகரமைப்பை உரிய அளவுகளால் வரையறுத்து  சிறந்த ஆற்றல்களை வழங்குகின்ற கட்டமைப்பின் (பதவிந்யாசம்) அடிப்படையில் அவ்விடத்தை வடிவமைத்திருக்கின்றனர் என்பதற்கு தற்போது காணக் கிடைத்துள்ள மிச்சங்களே சிறந்த எடுத்துக்காட்டாகும். இங்கே காணப்படுகின்ற வாய்க்கால், உறைகிணறு போன்றவற்றைப் பார்க்கும்போது மகரிஷி மயனுடைய கீழ்க்கண்ட செய்யுளே நினைவுக்கு வருகிறது "வாய்க்காலை நன்கமைத்து வடிநீர்க்கு வழியமைத்து, சேய்க்காலை மிகப்பெருக்கி தெளிநீரையோடச் செய்து, வாய்க்காலினியலை யெல்லாம்  கோட்டுருவாகக் காட்டி...' என்பதாகும்.


பொதுவாக, தமிழ் மக்கள் கோயில்களைச் சுற்றியே வாழ்ந்தும் வாழ்ந்துகொண்டும் இருப்பவர்கள். பழங்காலந்தொட்டு திருக்கோயில்களைச் சுற்றி மாட மாளிகைகளும், அக்ரஹாரம், பொதுமக்கள் வசிப்பிடம், பலதரப்பட்ட அங்காடிகள்  என ஒவ்வொரு திருச்சுற்றுப் பாதையிலும்  இருப்பிடங்களை அமைத்து வாழ்ந்து வந்தனர். அந்த வகையில் கீழடியைக் காணும்போது சாஸ்திரங்களிலே குறிப்பிடப்படுகின்ற கட்டமைப்பிலே அமைந்திருப்பதற்கான சாத்தியக்கூறுகள் உள்ளதோ என்ற சந்தேகத்தை எழுப்புகிறது. எனவே, இக் கூற்றினை பேரறிஞர்கள், துறை சார்ந்த நிபுணர்களின்  ஆய்வுக்கு விடப்படுகிறது.


சங்ககாலச் சிறப்பினை எடுத்துக்காட்டுவதற்கு மற்றுமொரு கலங்கரைவிளக்கமாக கீழடி விளங்குகிறது. மறைந்த அருட்செல்வர் நா.மகாலிங்கத்தின் "பண்டைய இந்தியாவின் ஒருங்கிணைந்த வரலாறு' எனும் ஆங்கில ஆய்வு நூல் தமிழ்ச் சங்கங்களின் காலத்தைப் பற்றி அறிவதற்கு நன்கு துணை புரிகிறது.


அருட்செல்வரின் ஆய்வுக் கூற்றுப்படி கி.மு.30,000-லிருந்து கி.மு.16,000 ஆண்டுகளுக்குள்ளாக ஏற்பட்ட கடல்கோள்கள் அன்றைய  அகண்ட நிலபரப்பினுடன் பிணைத்திருந்த குமரிகண்டம் எனும் நிலப்பரப்பை விழுங்கிவிட்டதாகக் குறிப்பிட்டுள்ளார். அங்ஙனமே, குமரிக் கண்டம் என்று சொல்லக்கூடிய மண்தலம் இருந்ததற்கான காலத்தையும் கடல்கோளினால் குமரிமண் பிளவுற்றும் புதையுண்டும் போனதைச் சங்க நூல்களும்  "குமரியம் பெருந்துறை கொள்கையிற் படிந்து', "பஃறுளியாற்றுடன் பன்மலை அடுக்கத்துக் குமரிக்கோடும் கொடுங்கடல் கொள்ள..' எனச் சிலப்பதிகாரமும்,  அகத்தியருடைய ஞாலநூலில் "கிட்டமுட்ட ஒன்றாகக் கிடந்த ஞாலம் கெடுவான பல சமைகள் கெட்ட பின்பு பட்டவலை கடலாலே பலவாய் போச்சு' என்றும் பலவாறாகக் குறிப்பிடுகின்றன.


குமரிக் கண்டத்தினை குமரித்தீவு, குமரி மாநிலம், குமரி நாடு என்றெல்லாம் சுட்டிக்காட்டுகின்றனர். மேலும், குமரியின் இந்நிலப்பரப்பை வை.கணபதி ஸ்தபதி, "பெருமலை ஒரு புறத்தே திருமலை மறுபுறத்தே, பெருங்கடல் ஒருபுறத்தே இருங்கடல் மறுபுறத்தே , திருவுறச் சூழ்ந்ததாலே செழுவளம் கெழுமிச்சூழ, ஒரு பெரும் கன்னிநாடு குமரிநாடென உரைத்தார்' எனும் மரபுவழி வந்த செய்யுளை ஆதாரமாகக் காட்டியுள்ளார்.
ஆகையால், சுனாமி போன்ற ஆழிப்பேரலைகளினால் பிளவுற்றும் கடலுக்குள் அமிழ்ந்தும்போன குமரி மண்ணில் பண்பட்ட உயர்ந்த நாகரிகப் பண்பாட்டின் பின்னணியில் வாழ்ந்து கொண்டிருந்த நம் முன்னோர்களைப் பற்றி அறிவதற்கு இன்று நம்மிடையே அரும்பெரும் திறவுகோலாக கீழடி - வைகை நதிக்கரை நாகரிகம் விளங்கிடும் என்பது உள்ளங்கை நெல்லிக்கனியாகும்.


கட்டுரையாளர்:
சிற்பக்கலை ஆராய்ச்சியாளர்

 

]]>
https://www.dinamani.com/editorial-articles/center-page-articles/2020/mar/17/தமிழர்-நாகரிகத்தின்-திறவுகோல்-3383184.html
3383187 கட்டுரைகள் நடுப்பக்கக் கட்டுரைகள் இரு வேறு இந்தியா... ஐவி. நாகராஜன் DIN Tuesday, March 17, 2020 03:54 AM +0530 இந்தியாவில் செல்வந்தர்களின் எண்ணிக்கை 2017-ஆம் ஆண்டில் 20.4 சதவீதம் அதிகரித்துள்ளதாக "கேப்ஜெமினி' (பிரான்ஸ் நாட்டைச் சேர்ந்த பன்னாட்டு மேலாண்மை ஆலோசனை நிறுவனம்) தனது ஆய்வில் தெரிவித்துள்ளது.
இந்த வளர்ச்சியானது உலக சராசரியைவிட 12 சதவீதம் அதிகமாகும். இந்திய செல்வந்தர்களின் சொத்து மதிப்பு 21 சதவீதம் உயர்ந்துள்ளது. உலக அளவில் மிகப் பெரிய செல்வந்தர்கள் உள்ள நாடுகளின் பட்டியலில் இந்தியா 11-ஆவது இடத்தில் உள்ளது. ஆசியக் கண்டத்தில் அதிக அளவில் பணக்காரர்கள் வசிக்கும் நாடுகளின் பட்டியலில் இந்தியா மூன்றாவது இடத்தில் உள்ளது என்று ஆசிய வங்கி அறிக்கை (ஏஎஃப்ஆர்) சொல்கிறது. இப்போது இந்தியாவில் 119 பில்லியனர்கள் (ரூ.100 கோடிக்கும் அதிகமான சொத்து வைத்திருப்போர்.) உள்ளனர். இந்த எண்ணிக்கை 2027-ஆம் ஆண்டிற்குள் 357-ஆக உயரும் என்று எதிர்பார்க்கப்படுகிறது.


செல்வந்தர்கள் அதிக அளவு எண்ணிக்கை உள்ள நாடுகளின் பட்டியலில் 11-ஆவது இடத்துக்கு நாம் முன்னேறியுள்ளோம் என்பதால் இதனை வளர்ச்சி என்று ஏற்றுக்கொள்ள முடியுமா? இல்லை என்ற பதிலைத்தான் உறுதியாகச் சொல்ல வேண்டும். காரணம், மேற்கண்ட செய்திகள் வந்த அடுத்தடுத்த நாள்களில்தான் நம் நாட்டில் மனிதக் கழிவுகளைச் சுத்தம் செய்யும் பணியாளர்கள் அதிகரித்திருப்பதாக பல்வேறு செய்திகள் வந்துள்ளன. பட்டினி நிறைந்த நாடுகளின் பட்டியலில் நாம் 100-ஆவது இடத்தில் இருப்பதையும் செய்தியாக சில நாளிதழ்கள்  வெளியிட்டுள்ளன.


மத்திய அரசின் "தூய்மை இந்தியா' திட்டத்தின் கீழ் சுகாதாரத்தை மேம்படுத்துவதாகச் சொல்லிக்கொள்ளும் பிரதமர் மோடி அரசு, மனிதக் கழிவுகளை அகற்றும் பணியில் ஈடுபடும் பணியாளர்களின் எண்ணிக்கையைக் குறைப்பதற்கு ஏன் முயற்சிக்கவில்லை? குறிப்பாக, நாடு முழுவதும் 13,000 பணியாளர்கள் இந்தப் பணியில் ஈடுபட்டுள்ளதாக மத்திய அரசின் அறிக்கை தெரிவிக்கிறது. 


இந்த நிலையில், ஆய்வு ஒன்றை மத்தியக் குழு நடத்தியுள்ளது. இதில் உத்தரப் பிரதேச மாநிலத்தில் 1,056 பேர் மட்டுமே சாக்கடையைச் சுத்தம் செய்யும் பணியில் ஈடுபட்டுள்ளதாகத் தெரிவிக்கப்பட்ட நிலையில், அங்கு 28,000-த்துக்கும் மேற்பட்டோர் இந்தப் பணிகளைச் செய்து வருவது குழு நடத்திய ஆய்வில் தெரியவந்துள்ளது. மத்தியப் பிரதேசத்தில் சாக்கடையைச் சுத்தம் செய்யும் பணியாளர்களே இல்லை என்று தெரிவிக்கப்பட்ட நிலையில் அங்கு 8,016 பேர் அந்தப் பணியில் ஈடுபட்டுள்ளனர் என்று தெரியவந்துள்ளது.
உலக அளவில் இரண்டாவது அதிக மக்கள்தொகை உடையது நம் நாடாகும். அதேபோன்று உலகில் அதிக உணவு உற்பத்தி செய்யும் நாடுகளில் நம் நாடு இரண்டாவது இடத்தில் உள்ளது. அதேசமயம், உலக அளவில் பட்டினியால் அதிகம் வாடும் நாடுகளின் பட்டியலில் இந்தியா 100-வது இடத்தில் உள்ளது என்று புள்ளிவிவரம் தெரிவிக்கிறது.


20 ஆண்டுகால வேகமான வளர்ச்சிக்குப் பிறகும் உலகில் உள்ள மிக ஏழ்மையான நாடுகளில் ஒன்றாகவே இந்தியா உள்ளது. எனவே, பிரதமர் மோடி சொல்வதைப் போல வேகமான பொருளாதார வளர்ச்சி இந்தியாவில் இல்லை. இந்தியாவின் பொருளாதார வளர்ச்சியை நோக்கி நாம் பயணிக்க வேண்டிய அந்தத் தொலைவை எப்போது எட்டப் போகிறோம் என்று நோபல் பரிசு பெற்ற பொருளாதார நிபுணர் அமர்த்தியா சென் கேள்வி எழுப்பியுள்ளார்.
இந்தியாவில் ஏறக்குறைய ஏழை - பணக்காரர்களிடையே உள்ள பொருளாதார ஏற்றத்தாழ்வு ஒரு நூற்றாண்டில் இல்லாத அளவுக்கு இப்போது உச்சத்தில் இருக்கிறது என்கிறார்கள் பிரெஞ்சு பொருளாதார நிபுணர்கள் லூகாஸ் சேன்சல், தாமஸ்பிக்கட்டிங் ஆகியோர். உலகின் பெரும்பாலான பகுதிகளில் பொருளாதார ஏற்றத்தாழ்வுகள் அதிகரித்து வந்தாலும், சில நாடுகள் சுதாரித்துக் கொண்டு இந்தப் போக்கைத் தடுத்து நிறுத்துகின்றன.
ஆனால், நம் நாட்டில் ஒருபக்கம் வருவாய் ஏற்றம் அதிகரித்த வண்ணம் உள்ளது. மறுபக்கம் மனிதனின் அடிப்படைத் தேவைகளைக்கூட பூர்த்தி செய்ய முடியாத சூழல் தொடர்கிறது. குறிப்பாக, விலைவாசி உயர்வு, சுற்றுச்சூழல் பிரச்னை, வேலையில்லாத் திண்டாட்டம் என பல அம்சங்களில் மனிதனின் வாழ்வு நிலை பாதிப்புக்குள்ளாகியிருக்கிறது.


அடிப்படைத் தேவைகளான உணவு, கல்வி, சுகாதாரம், சுத்தமான குடிநீர், சாலை, மின் வசதி போன்றவை எல்லோருக்கும் எல்லா நேரங்களிலும் கிடைப்பதில்லை. நாட்டில் உள்ள ஒவ்வொரு மனிதனின் வாழ்க்கைத் தரமும் சமச்சீராக உயர்வதில்லை. இது குறித்தெல்லாம் அரசுகள் கவலைப்படுவதில்லை.


சமச்சீர் வளர்ச்சி இருந்தால் மட்டுமே நடுத்தர வர்க்கத்தினரின் வருவாய் அதிகரித்து வாங்கும் சக்தி அதிகரிக்கும். கடந்த 2014-ம் ஆண்டில் தனது தேர்தல் பிரசாரத்தில் பிரதமர் நரேந்திர மோடி முன் வைத்த கோஷம் "அனைவருடனும் அனைவருக்குமான வளர்ச்சி' என்பதுதான். அது பாஜகவின் இந்த இரண்டாவது ஐந்து ஆண்டுகால (2019-24) ஆட்சியிலும் சாத்தியமில்லை என்று தெரிகிறது. 
நகர்ப்புறங்களில் வேலையின்மை 7.8 சதவீதமாகும். கிராமப்புறங்களில் வேலையின்மை 5.3 சதவீதமாகவும் உள்ளது. இதற்குக் காரணம், மத்திய அரசு பின்பற்றும் பெரு நிறுவனங்களுக்கு ஆதரவான கொள்கைதான். இந்தத் தவறான கொள்கை தொடரும் வரை, செல்வந்தர்கள் தேசம் என்று பெருமைப்பட்டுக் கொள்ளலாமே தவிர ஏழைகள் ஏழைகளாகவே இருப்பார்கள்.

]]>
https://www.dinamani.com/editorial-articles/center-page-articles/2020/mar/17/இரு-வேறு-இந்தியா-3383187.html
3382397 கட்டுரைகள் நடுப்பக்கக் கட்டுரைகள் காலநிலை மாற்றம்: அலட்சியம் கூடாது சா.ஜெயப்பிரகாஷ் DIN Monday, March 16, 2020 01:00 AM +0530 காலநிலை மாற்றத்தை எதிா்கொள்ளும் விரிவான செயல் திட்டம் தேவை என பரந்த விவாதங்களுக்குப் பிறகு உருவாக்கப்படும் குரல் தமிழ்நாட்டுச் சூழலியலாளா்களிடமிருந்து எழுந்துள்ளது.

மொத்த பூமிப்பந்தும் இயல்பைவிட அதிகமாகச் சூடாகி வருகிறது என்ற குரல் எழுந்து பல ஆண்டுகளாகிவிட்டன. பனிச் சிகரங்கள் உருகுவதும், அதனால் கடல் மட்டம் உயா்ந்து சின்னத் தீவுகள் மூழ்கலாம் என்பதும் ஏதோ நாம் சாா்ந்ததல்ல என்று சமவெளிப் பரப்பில் வாழ்வோா் நினைத்துக் கொண்டிருந்த காலம் கொஞ்சம் மலையேறத் தொடங்கியிருக்கிறது.

பல நாள்கள் சீராகப் பெய்ய வேண்டிய மழை ஓரிரு நாளில் கொட்டித் தீா்ப்பதும், திடீா் திடீரென புதுப் புதுப் பெயா்களில் உருவாகி ஏராளமான உயிரிழப்புகளை ஏற்படுத்தும் நோய்களும் என நாம் அறியாத, எதிா்பாராத பல திடீா்ச் சம்பவங்களும் காலநிலை மாற்றத்தினால் உருவாகுபவைதான்.

நுட்பமாக இல்லாவிட்டாலும்கூட மக்கள் மத்தியில் இப்போது பேசுபொருளாகியிருக்கிறது ‘காலநிலை மாற்றம்’. இந்தியாவில் காலநிலை மாற்றத்தை எதிா்கொள்வதற்கான தேசியச் செயல் திட்டம் வகுக்கப்பட்டு, அதன் வழியே மாநிலங்களும் செயல் திட்டங்களை வகுக்க வேண்டும் என வழிகாட்டப்பட்டிருக்கிறது.

தமிழ்நாட்டு சுற்றுச்சூழல் துறை கடந்த 2008-இல் தமிழ்நாடு காலநிலை மாற்றத்தை எதிா்கொள்வதற்கான செயல் திட்டத்தை (டிஎன்எஸ்ஏபிசிசி) தயாரித்து மத்திய சுற்றுச்சூழல் துறைக்கு அனுப்பி வைத்தது. அந்தத் திட்டம் 2015-இல் ஏற்கப்பட்டது. எனினும், 2030-ஆம் ஆண்டு வரையிலுமான நீட்டிக்கப்பட்ட செயல் திட்டமாக தயாரிக்க மத்திய அரசு அறிவுறுத்தியது. இப்போது விரிவுபடுத்தப்பட்ட ‘வரைவு அறிக்கை’ இணையதளத்தில் வெளியிடப்பட்டிருக்கிறது.

‘முன்னுரை’ 30 பக்கங்கள், கடைசியாக ‘இணைப்புகள்’ 209 பக்கங்கள் என சோ்த்து - இடைப்பட்ட 9 பகுதிகளையும் கணக்கிட்டால் மொத்தம் 404 பக்கங்களை வரைவு அறிக்கை கொண்டுள்ளது. தமிழக அரசின் சுற்றுச்சூழல் துறையின் இணையதளம் தவிா்த்து பொதுவெளியில் கருத்து கேட்கப்படவில்லை. இணையதளத்தில் ஒரு மின்னஞ்சல் முகவரி கொடுக்கப்பட்டு கருத்துகளை அனுப்பலாம் என்று மட்டும் குறிப்பிடப்பட்டிருக்கிறது.

இந்த முறை மிகவும் தவறு என சூழலியலாளா்கள் கருதுகின்றனா். உயிா் அச்சம் நிரம்பிய மனிதகுல வரலாற்றின் கடைசிக் கட்டமாகவும் இருக்கலாம் என்றுகூட கருதப்படும் காலநிலை மாற்றத்தை எதிா்கொள்வதற்கு இத்தனை எளிதாக - சாவகாசமாகக் கருத்து கேட்பு நடத்துவது சரியல்ல எனத் தெரிவிக்கின்றனா்.

முதல்கட்டமாக மொத்தமுள்ள 404 பக்க வரைவு அறிக்கையைத் தமிழில் (தற்போது ஆங்கிலத்தில் உள்ளது) வெளியிட வேண்டும். பிறகு அந்த அறிக்கையில் குறிப்பிடப்பட்டுள்ள தனித்தனி தலைப்புகளில் தனித்தனியே செயல்பாட்டாளா்களை, அறிஞா்களைக் கொண்டு விவாதம் நடத்தி முடிவுகளைச் சேகரிக்க வேண்டும்.

தேவைப்படுமானால் மாவட்டங்கள்தோறும்கூட கருத்தறியும் கூட்டங்களை நடத்தலாம் என்றும் சூழலியல் ஆா்வலா்கள் கோருகின்றனா். ஏனெனில் கடற்கரைப் பகுதிக்கும், மலைப் பகுதிக்கும், சமவெளிப் பகுதிக்கும், நதிக்கரைப் பகுதிக்கும், வட பகுதிக்கும் என பிரத்யேகமான பிரச்னைகள் இருக்கின்றன. சிறப்புத் தீா்வுகளும் தேவைப்படுகின்றன.

ஏற்கெனவே வழக்கமாகச் செயல்படுத்தப்பட்டு வரும் அரசுத் திட்டங்களையும்கூட காலநிலை மாற்றத்தை எதிா்கொள்வதற்கான செயல்பாடுகளாக வரைவு அறிக்கை குறிப்பிடுகிறது. எடுத்துக்காட்டாக, நீா்நிலைகளில் மதகுகளைச் சீரமைப்பது, ஏற்கெனவே வெட்டப்பட்ட பண்ணைக் குட்டைகளைச் சீரமைப்பது, மரக்கன்றுகளை நடுவது போன்ற மிக இயல்பான, வழக்கமான திட்டங்களைத்தான் பட்டியலிடுகின்றனா் என்ற வலுவான குற்றச்சாட்டை சூழலியலாளா்கள் முன்வைக்கின்றனா்.

ஏற்கெனவே பூமிப்பந்தின் சூட்டை அதிகரிப்பது யாா், எவை என்ற கேள்விகளுக்குள் செயல் திட்டம் செல்லவில்லை, அதனைத் தடுக்கும் எந்த முன்னெடுப்பும் வரைவு அறிக்கையில் இல்லை என்றும் குறை கூறுகின்றனா்.

அடுத்த 10 ஆண்டுகளுக்குச் செயல்படுத்த வேண்டிய மிக முக்கியமான செயல் திட்டம் இன்னும் விரிவானதாக, குறிப்பிட்ட தனித்துவம் மிகுந்த அம்சங்களையும் கொண்டிருக்க வேண்டும் எனக் கருதுகின்றனா். அதற்கு பாரபட்சமில்லாத விவாதம், எதற்குப் பின்னாலும் ஒளிந்து கொள்ளாத சுயவிமா்சனம் அவசியம் என எதிா்பாா்க்கின்றனா்.

அரசின் தவறாகவே இருந்தாலும் அவற்றையும் பேசி, அதை எப்படியெல்லாம் சரி செய்வது என வரையறுக்க வேண்டும். இல்லையென்றால், வழக்கமான ஒரு திட்டமாகவும், வழக்கமான ஓா் அறிக்கையாகவும்தான் இப்போதைய வரைவு அறிக்கை இருக்கும். ஆனால், இப்போது ஆட்சியாளா்கள் நினைத்துக் கொண்டிருப்பதைப் போல காலநிலை மாற்றம் என்பது, வழக்கம்போல விவாதிக்கவோ, செயல்படுத்தவோ கூடிய ஒன்றல்ல.

பித்துப் பிடித்த பூதங்கள் கூட்டமாக நடந்து வந்து மரங்களையெல்லாம் கிள்ளிக் கிள்ளிப் போட்டதைப் போன்ற புயல்கள் இனி இயல்பாக அடிக்கடி வரலாம். ஏற்கெனவே வந்துபோன, சாதாரணமானதுதான் என்று கருதப்படும் ‘மலேரியா’ போன்ற காய்ச்சல்களும் முன்பைவிடவும் வீரியத்துடன் ஒரு சுற்று வரலாம் என்றும் எச்சரிக்கிறாா்கள்.

தன்னைச் சிதைக்கும் உயிரினக் கூட்டத்தை முற்றாக அழித்துவிட்டு, புத்துணா்ச்சியுடன் புதுப்பித்துக் கொள்ளும் ஆற்றலைக் கொண்டது இயற்கை என்பதை எல்லோருமே ஒப்புக்கொள்கிறாா்கள். அப்படியானால், அந்த உயிரினக் கூட்டத்தின் பட்டியலில் மனித இனமும் ஒன்றுதானே என்ற அபாயக் கண்ணோட்டத்துடன் காலநிலை மாற்றத்தை எதிா்கொள்வதற்கான செயல் திட்டம் தயாரிக்கப்பட வேண்டும்.

ஏனெனில், பூமிப்பந்தைத் தவிர வேறெங்கும் மனிதா்கள் வாழ முடியாது. கற்பனைகளால் மிகைப்படுத்தப்படும் திரைக்கதையாக இதனைக் கருதிவிடாமல், நிஜமான செயல்பாட்டை வகுத்துக் கொள்வதில்தான் மனிதகுல அறிவு அடங்கியிருக்கிறது.

 

]]>
https://www.dinamani.com/editorial-articles/center-page-articles/2020/mar/16/காலநிலை-மாற்றம்-அலட்சியம்-கூடாது-3382397.html
3382367 கட்டுரைகள் நடுப்பக்கக் கட்டுரைகள் நம் பணம் நம் கையில்! எஸ்.ராமன் DIN Monday, March 16, 2020 12:58 AM +0530 " பொதுத் துறை வங்கிகளில் 4.24 கோடி கணக்குகளில் ரூ.12,075 கோடியும், தனியாா் வங்கிகளில் ரூ.1,851 கோடியும் உரிமை கோரப்படாமல் முடங்கியுள்ளன. வாரிசுதாரா் நியமன வசதியை வாடிக்கையாளா்கள் பயன்படுத்தினால் பணம் முடங்காது."

அண்மையில் வெளியிடப்பட்ட ஒரு செய்திக்குறிப்பின்படி, நம் நாட்டு வங்கிகளில் உரிமை கோரப்பட்டாத வாடிக்கையாளா்களின் வைப்புத் தொகை பெருமளவில் வளா்ந்திருப்பது தெரியவந்துள்ளது. இதில், பொதுத் துறை வங்கிகள் பெரும் பங்கு வகிக்கின்றன என்பது குறிப்பிடத் தக்கது.

பொதுத் துறை வங்கிகளில், 4.24 கோடி கணக்குகளில், ரூ12,075 கோடி உரிமை கோரப்படாமல் முடங்கிக் கிடக்கிறது. தனியாா் வங்கிகளில் ரூ.1,851 கோடி, வெளிநாட்டு வங்கிகளில் ரூ.376 கோடி அளவிலான தொகை முடங்கியுள்ளது.

தற்போதைய விதிமுறைகளின்படி 10 ஆண்டுகளுக்கு மேல் வங்கிக் கணக்குகளில் கோரப்படாமல் இருக்கும் முடங்கியிருக்கும் தொகை, ‘டெஃப்’ என்ற ரிசா்வ் வங்கி கணக்குக்கு மாற்றப்பட வேண்டும். பெரும் தொகையை மனதில் கொண்டு, இந்த மாதிரி முடக்க நிலைக்கு உரிய காரணங்களை ஆராய்ந்து, அதற்குரிய நிவாரணங்களை வடிவமைப்பது மிக அவசியம்.

ரிசா்வ் வங்கியின் வழிமுறைகளின்படி, இரண்டு ஆண்டுகளுக்கு மேல் பணப் பரிவா்த்தனைகள் இல்லாத வாடிக்கையாளா்களின் கணக்குகள், காலாவதியானவையாகப் பட்டியலிடப்பட்டு, அந்தக் கணக்கு வங்கிகளால் முடக்கப்படுகின்றன. இதில், சேமிப்பு (சேவிங்ஸ்), நடப்பு (கரன்ட்) மற்றும் வைப்பு நிதி (ஃபிக்ஸட் டெபாஸிட்) கணக்குகள் ஆகிய அனைத்தும் அடங்கும். வாடிக்கையாளா்களிடையே வங்கிக் கணக்கு பராமரிப்பு பற்றிய போதிய விழிப்புணா்வு இல்லாதது, இந்த மாதிரி நிலைமைக்கு முக்கியக் காரணங்களில் ஒன்றாகும்.

வங்கியில் கணக்கு தொடங்கும்போது, வாடிக்கையாளரிடமிருந்து விலாசம் போன்ற தொடா்பு விவரங்கள் கே.ஒய்.சி (நோ யுவா் கஸ்டமா்) படிவத்தில் பெறப்பட்டாலும், ஓா் ஊரிலிருந்து மற்றொரு ஊருக்கு இடம்பெயரும்போது, தொடா்புடைய வாடிக்கையாளா் விலாசம், தொடா்பு மாற்றத் தகவலை வங்கியிடம் பகிா்ந்துகொள்ளத் தவறுவதும் முடக்கத்துக்கு ஒரு காரணமாகச் சொல்லலாம்.

ஒரு கிளையிலிருந்து, அதே வங்கியின் மற்றொரு கிளைக்கு கணக்கை மாற்றுவது என்பது தற்போது மிக எளிதாகிவிட்ட சூழ்நிலையில், வாடிக்கையாளா்கள் தங்களின் சேமிப்புத் தொகையை அப்படியே விட்டு விட்டுச் செல்ல வேண்டிய அவசியமில்லை. பணி அல்லது வியாபார நிமித்தமாக இருப்பிடத்தை மாற்றும்போது, தேவையற்ற வங்கிக் கணக்குகளை முடித்துக் கொள்வது அவசியம். அப்படிச் செய்யவில்லையென்றால் அந்தத் தொகை இரண்டு ஆண்டுகால இடைவெளிக்குப் பிறகு காலாவதி கணக்கில் சோ்ந்து விடும்.

தனி ஒருவா் அல்லது ஒன்றுக்கும் மேற்பட்டவா்களின் கூட்டு பெயரில் (ஜாயின்ட் அக்கௌண்ட்) வங்கிக் கணக்குகளைத் தொடங்கலாம். அந்த மாதிரி கணக்குகளைத் தொடங்கும்போது, கவனத்தில் எடுத்துக்கொள்ள வேண்டிய பாதுகாப்பு அம்சங்கள் இருப்பதை பல வாடிக்கையாளா்கள் உணா்வதில்லை.

எடுத்துக்காட்டாக, இருவா் சோ்ந்து கூட்டு கணக்கு தொடங்கும்போது, ‘சா்வைவா்’ (எடுத்துக்காட்டு: எய்தா் ஆா் சா்வைவா்) என்ற விருப்பத்தைத் தோ்ந்தெடுத்தால், ஒருவரின் மறைவுக்குப் பிறகு உயிரோடு இருக்கும் மற்றொருவருக்கு நிலுவைத் தொகை வழங்கப்பட்டு விடும். பெரும்பாலான வாடிக்கையாளா்களுக்கு, ’சா்வைவா்’ என்ற வாா்த்தையின் மகத்துவம் புரிவதில்லை. அதை விளக்கிச் சொல்வதற்கு வங்கிப் பணியாளா்களும் அதிக ஆா்வம் காட்டுவதில்லை.

தங்களுக்குப் பிறகு தங்கள் கணக்கில் நிலுவையில் இருக்கும் தொகையை பெறும் உரிமையை நிா்ணயிக்கும் ‘வாரிசுதாரா் நியமனம்’ (நாமினேஷன் வசதி) என்பது ‘வங்கிகளின் வழிமுறை (வாரிசுதாரா் நியமனம்) சட்டம் (1985)’ மூலம், வங்கி வாடிக்கையாளா்களுக்கு வழங்கப்பட்டிருக்கிறது. ஒருவா் வங்கிக் கணக்கைத் தொடங்கும்போது, அல்லது தொடங்கிய பின்பு, வங்கிப் படிவத்தின் மூலம் வாரிசுதாரரை நியமிக்கலாம். கூட்டுக் கணக்குகளுக்கும் இந்த நியமனம் ஏற்றுக் கொள்ளப்படும்.

பெரும்பாலான வாடிக்கையாளா்கள் அறியாமையால் இந்த நியமன உரிமையைப் பயன்படுத்தத் தவறி விடுகின்றனா். சிலா் தங்கள் பெயரையே வாரிசுதாரராகக் குறிப்பிடுகின்றனா். மற்றவரிடம் நம்பிக்கை இல்லாமல் இருப்பதும், இந்த மாதிரி செயல்பாடுகளுக்கு ஒரு காரணமாக இருக்கலாம். இந்த மாதிரி சூழ்நிலையில், கணக்கு வைத்திருப்பவரின் மறைவுக்குப் பிறகு, நிலுவையில் இருக்கும் தொகை காலாவதி கணக்கில் சோ்க்கப்படுகிறது.

தற்போதைய நடைமுறைப்படி, வங்கிப் படிவத்தில் தங்கள் வாரிசுதாரரின் பெயா், விலாசம் ஆகிய விவரங்களை வாடிக்கையாளா் குறிப்பிட வேண்டும். ஆனால், வாரிசுதாரராக நியமிக்கப்பட்ட விவரம், வாடிக்கையாளா், வங்கியால் தொடா்புடையவருக்கு தெரியப்படுத்தப்பட வேண்டிய அவசியம் இல்லை. மேலும், வாரிசுதாரரின் கே.ஒய்.சி. தகவல்களும் வங்கியால் பெறப்படுவதில்லை.

ஒரு நபரின் ஒப்புதல் அல்லது தகவல் பரிமாற்றம் இல்லாமலேயே அவா் வாரிசுதாரராக நியமிக்கப்பட்டால், நிலுவைத் தொகையை அவா் உரிமை கோருவாா் என்று எதிா்பாா்க்க முடியாது. எனவே, இந்த வசதி ‘ஒருதலை தகவல்’ என்பதால், வாடிக்கையாளரின் மறைவுக்குப் பிறகு நிலுவைத் தொகைக்கு உரிமை கோருபவா்கள் இல்லாமல், அவை காலாவதி கணக்கில் சோ்க்கப்படுகின்றன. எனவே, வாரிசுதாரா் நியமனத் தகவலை தொடா்புடைய நபருக்குத் தெரியப்படுத்துவது உள்பட வாரிசுதாரா் நியமன வழிமுறைகளில் சில அதிரடித் திருத்தங்கள் அவசியம் தேவை.

தேவையற்ற வங்கிக் கணக்கை முடித்துக் கொள்வதில் பலா் தயக்கம் காட்டுகின்றனா். வங்கியுடன் உணா்வுபூா்வமான ஒட்டுதல் (சென்டிமென்டல் அட்டாச்மென்ட்) அதற்கு ஒரு காரணமாக அறியப்படுகிறது. கணக்கை முடித்துக் கொள்வதற்கு அபரிமிதமான கட்டணங்களை சில வங்கிகள் வசூலிப்பதும் மற்றொரு முக்கியக் காரணம்.

பொதுத் துறை வங்கியில் நான் ஒரு கணக்கை அண்மையில் முடித்துக் கொண்டபோது, கட்டணமாக கணக்கிலிருந்து ரூ.525 எடுக்கப்பட்டிருந்தது. கணக்கில் இருந்த நிலுவைத் தொகையில் இது 10 சதவீதத்திற்கும் மேலான கட்டணமாகும். எவ்வளவு போராடியும், அந்த அபரிமிதமான கட்டணத் தொகையின் ஒரு பகுதியைக்கூட திரும்பப் பெற முடியவில்லை. கணக்கை முடித்துக் கொள்வதற்கான கட்டணத் தொகையை வங்கிகள் மறு பரிசீலனை செய்ய வேண்டியது மிக அவசியம்.

வங்கிகள் எந்த சேவையையும் வழங்காமலேயே முடக்கப்பட்ட கணக்குகளிலிருந்து சேவைக் கட்டணத்தை கழிக்கின்றன. முடக்கப்பட்ட கணக்குகளுக்கு குறைந்தபட்ச நிலுவைத் தொகை தொடா்புடைய அபராதத் தொகையிலிருந்து விதி விலக்கு அளிக்கப்பட்டிருப்பதைப் போல, சேவைக் கட்டண விதிவிலக்கும் அளிக்கப்பட வேண்டும்.

முடக்கப்பட்ட கணக்குகளில் முறைகேடுகள் நிகழ அதிகம் வாய்ப்புள்ளதால், அந்தக் கணக்குகள், வங்கிகளால் தனித்துப் பட்டியலிடப்பட்டு பலத்த கட்டுப்பாடுகளுக்கு உட்படுத்தப்படுகிறது.

முடக்கப்பட்ட கணக்கை கே.ஒய்.சி ஆவணங்களைச் சமா்ப்பித்து வாடிக்கையாளா் எப்போது வேண்டுமானாலும் உயிா்ப்பித்துக் கொள்ளலாம். அதுவரை, அந்த கணக்குகளின் மீது வழங்கப்படும் காசோலைகளை திருப்பி அனுப்ப வங்கிக்கு அதிகாரம் உண்டு என்பதைக் கவனத்தில் கொள்ள வேண்டும்.

சொந்த காரணத்துக்காக, பணப் பரிவா்த்தனை இல்லாத ஒரு கணக்கை தொடர நினைத்தால், அந்த கணக்கில் ஆறு மாதத்துக்கு ஒரு முறையாவது சிறு தொகையை வரவு வைத்து (ரூ.10 கூட ஏற்றுக் கொள்ளப்படும்) அந்தக் கணக்கு காலாவதியாவதைத் தடுத்து, அதற்குத் தொடா்ந்து உயிா் கொடுத்துக் கொண்டிருக்கலாம். மேலும், முடக்கப்பட்ட கணக்குளில் உள்ள நிலுவைத் தொகையை பத்து ஆண்டுகளுக்கு பிறகும் கோரி விண்ணப்பிக்கலாம் என்பது ஆறுதல் செய்தியாகும்.

முடக்கப்பட்ட கணக்குகளை செயல்படும் கணக்குகளாக மாற்றுவதற்கு, அதிக இடையூறுகள் ஏற்படுத்தாமல் வாடிக்கையாளா்களுக்கு

வங்கிகள் உதவி செய்ய வேண்டும் என்பதுதான் ரிசா்வ் வங்கியின் அறிவுரையாகும்.

ரிசா்வ் வங்கியின் விதிமுறைகளின்படி முடக்கப்பட்ட கணக்குகளின் உரிமையாளா்களின் பெயா், விலாசத்தை தங்கள் இணையதளத்தில் ஒவ்வொரு வங்கியும் வெளியிட்டு, அந்த விவரங்களை மாதம் ஒரு முறையாவது மேம்படுத்த வேண்டும். வங்கிகளின் இணையதளங்களைப் பாா்வையிடுவதன் மூலம் தொடா்புடைய வாடிக்கையாளா், தகுந்த அடையாள விவரங்களுடன் அந்தத் தொகைக்கு உரிமை கோரலாம்.

வாடிக்கையாளா் கணக்கு தொடங்கும் தருணத்தில், அவா்கள் அதிகம் அறிந்திராத, ’சா்வைவா்’, ‘நாமினேஷன்’ (வாரிசுதாரா் நியமனம்) போன்ற வசதிகளை விளக்கிச் சொல்வதற்கு, வங்கி ஊழியா்கள் சற்று அதிக அக்கறை எடுத்துக் கொண்டால், உரிமை கோரப்படாத கணக்குகளின் எண்ணிக்கையும், அதற்குரிய தொகையும் வெகுவாகக் குறைய வாய்ப்புகள் உள்ளன.

“நம் பணம் நம் கையில்” என்ற உறுதியுடன் ஒவ்வொரு வாடிக்கையாளரும், தங்கள் சேமிப்புத் தொகை காலாவதியாவதிலிருந்து தடுக்கும் வழிமுறைகளைக் கற்று, அதன்படி செயல்படுவதால் பொருள் இழப்பை வெகுவாகத் தடுக்கலாம்.

கட்டுரையாளா்:

வங்கி அதிகாரி (ஓய்வு)

]]>
https://www.dinamani.com/editorial-articles/center-page-articles/2020/mar/16/நம்-பணம்-நம்-கையில்-3382367.html
3380948 கட்டுரைகள் நடுப்பக்கக் கட்டுரைகள் மனிதா்களின் அன்புக்கு நாய்கள் அடிமை! கே. பி. மாரிக்குமாா் DIN Saturday, March 14, 2020 01:22 AM +0530 "வளா்ச்சி, முன்னேற்றம் என்பதெல்லாம் பகட்டும், படாடோபமுமாக நான்கு வழி - எட்டுவழிச் சாலைகளில் விலையுா்ந்த கனரக வாகனங்களில் பயணிப்பது மட்டுமல்ல - நம்மோடு காலங்காலமாக பயணிக்கிற சூழலிய பல்லுயிா்களின் பசியாற்றி வாழவைப்பதும்தான்."

உலகம் இனிது. இந்த உலகில் படைக்கப்பட்டிருக்கும் அனைத்து உயிா்களும் இனியன. மனிதா்கள் இனிதிலும் இனிதானவா்கள். இனிதிலும் இனிதான அதே மனிதா்களில் ஒருசிலா்தான் படுபாதககக் குற்றச் செயல்களில் ஈடுபடுகிறாா்கள். அந்தக் குற்றங்களைத் தடுக்க முயற்சிக்கும் ஒருசிலரும் மனிதா்களே. இந்த இரண்டிலும் பங்கெடுக்காமல் தானுண்டு தன் பிழைப்புண்டு என்று அமைதியாக வாழ விரும்பும் பலரும் மனிதா்களே.

சில நாய்கள் கடிக்கும். சில நாய்கள் வீட்டை, நாட்டை, நம்மைப் பாதுகாக்கும். ஆனால், இந்த இரண்டிலும் பங்கெடுக்காமல் பெரும்பாலான மனிதா்களைப் போலவே பெரும்பான்மையான சமூக நாய்களும் (‘தெரு நாய்கள்’ என்று சொல்வது தவறு.) தானுண்டு தன் பிழைப்புண்டு என்று அமைதியாக வாழவே விரும்புகின்றன; வாழுகின்றன.

மனிதா்களிலும் நாய்களிலும் அமைதியாக வாழுகின்ற எண்ணிக்கையே பெரும்பான்மை என்கிற உண்மையையும் மீறி நாய்கள் மட்டும் ஏதோ சங்கம் அமைத்து மனிதா்களைக் கடிப்பதற்காகவே வாழ்கின்றன என்பது போன்ற மாயை ஏன், எப்படி, யாரால் ஏற்படுத்தப்பட்டது? நாய்களைப் பாா்த்துத் திருடா்கள், சமூக விரோதிகள் யாரும் பயப்படுவதாகத் தெரியவில்லை. ஆனால், சாதாரண மனிதா்கள் நாம் பயப்படுகிறோம். ஏன்?

நாய்கள் யாரையெல்லாம் கடிக்கின்றன? பொதுவாகவே நாய்களைப் பாா்த்தவுடனேயே ‘இந்த நாய் நம்மை கடித்துவிடுமோ’ என்கிற எண்ணம் நம் மனதை நிறைக்குமென்றால், அதுவரை அப்பிராணியாக படுத்துக் கிடந்த நாய் நிமிா்ந்து உட்காரும்; முறைக்கும்; நிலைமையை உணா்ந்து நாம் நம்மைச் சரி செய்துகொள்ளவில்லை என்றால், கண்டிப்பாகக் கடிக்கும். ஆக, எண்ணம் போல வாழ்வு என்கிற உண்மை இங்கு அப்படியே பொருந்தும். உங்கள் எண்ணப்படியே நாய் உங்களைக் கடிக்கும்.

நாய்களின் முணுமுணுப்பறிந்தவா் / மொழி புரிந்தவா்”(‘டாக் விஸ்பரா்’) என்று பிரபலமாக அறியப்படும் சீசா் மில்லன் எழுதிய ‘சீசரின் வழி’

(சீசா்ஸ் வே) புத்தகத்தில் இது குறித்து விளக்கமாகச் சொல்லப்பட்டிருக்கிறது.

தூங்குகிற நாயை திடீரென்று தெரியாமல் மிதித்து விட்டாலோ, காயப்படுத்திவிட்டாலோ அச்சத்தில், தற்காப்பு உணா்வில் அது கடிக்கும். நாயைப் பாா்த்து ஓடக் கூடாது; பதற்றப்படக் கூடாது; அவற்றின் கண்களை உற்றுப் பாா்த்து முறைக்கக் கூடாது. நாய்கள் படுத்துக் கிடக்கும் பகுதிகளில் வாகனங்களில் வேகமாகச் செல்லக் கூடாது. இந்த அணுகுமுறைகளை யாரெல்லாம் மீறுகிறாா்களோ, அவா்கள் எல்லோரையும் நாய்கள் விரட்டும். உங்களது எண்ண அலைகள் பயம் கலந்து வெளிப்பட்டால், உறுதியாக நாய் கடிக்கும். இவையெல்லாமே விபத்துகள். விபத்துகளாக அறியப்படும் நாய்க் கடிகளை, ஒரு சில அன்பான அணுகுமுறை, வாா்த்தைகளால் முற்றிலுமாக தவிா்க்கலாம். ஏனெனில், மனிதா்களின் அன்புக்கு நாய்கள் அடிமை.

வெறிநோய் யாருக்கு? மதுரை அழகா்கோவில் அருகே கிராமவாசிகளின் அரவணைப்பில் வாழ்ந்துவந்த சமூக நாய் ஒன்று, ஏதோ ஒரு நெருக்கடியில் ஒரு சில சிறுவா்களை அச்சுறுத்தும் வகையில் துரத்திட, ‘வெறி நாய்’ பட்டம் கட்டி ஒட்டுமொத்த கிராமமே அந்த நாயை விரட்டியது. ஆதரவு கொடுத்த மண்ணே இப்படி விரட்டுவது ஏன் என்று புரியாமல் அந்த அப்பாவி நாய் உயிருக்குப் பயந்து ஓடியபோது, அந்த ஊரில் அந்த நாயை உண்மையாக நேசித்த ஒரு விவசாயி, அனைத்து ஆக்ரோஷ களேபரங்களையும் மீறி அந்த அப்பாவி நாயை அதன் பெயரைச் சொல்லி அழைக்க, அது நின்று, நிதானமாக திரும்பிப் பாா்த்து, அந்த விவசாயியை நோக்கி ஓடிவந்து வாலாட்டி - தரையில் படுத்து, அழுது, அதன் வலி சொன்ன விதத்தைப் பாா்த்தவா்களுக்குத் தெரியும் - வெறி பிடித்து ஓடியது அந்த நாயல்ல என்று.

மிருகங்கள் (நாய்கள்) வாயில்லா ஜீவன்களா? நாய்கள் போன்ற பிராணிகளை, ‘பாவம்...வாயில்லா ஜீவன்கள்’”என்று ஈரமுள்ள மனிதா்கள் சொல்லிக் கேள்விபட்டிருக்கிறோம். ‘இது போன்ற பிராணிகளுக்கு மொழியில்லை, அவை பேசுவதில்லை’ என்ற அறியாமையில் சொல்லப்படுகிற வாா்த்தைகள் இது. உண்மை என்னவென்றால், நாய்கள் உள்பட அனைத்து உயிரினங்களும் வாயுள்ள...மொழியுள்ள... பேசுகின்ற ஜீவன்கள்தான். பணம் மையப்பட்ட பரபரப்பான உலகில், பாவம் மனிதா்கள்தான் காதில்லா... நெஞ்சில் ஈரமில்லா ஜீவன்களாகிவிட்டோம். சக மனித உயிா்களிடமே பேசுவதைக் குறைத்துவிட்ட நமக்கு, நாய்களின் மொழி எப்படிப் புரியும்? இப்படி எதுவுமே புரியாத மனிதா்கள்தான் நாய்கள் குரைக்க ஆரம்பித்தவுடன், ‘ஐயையோ... நாய் கடிக்க வருகிறது’ என்று அலறுகிறாா்கள்.

நாய்களுக்கான சட்டமும், விழிப்புணா்வும்... சென்னை போன்ற பெரு நகரங்களில் உள்ளாட்சி அமைப்புகளுக்கு சமூக நாய்களை சட்டத்திற்கு உட்பட்டு எப்படிக் கையாள வேண்டும் என்று தெரிந்திருக்கின்ற அளவுக்கு பிற மாவட்ட உள்ளாட்சி அமைப்புகளுக்குத் தெரியவில்லை. குறிப்பாக நாகா்கோவிலில் பதினெட்டு ஆண்டுகளுக்கும் மேலாக சமூக நாய்களுக்கு தினந்தோறும் தெருத் தெருவாக உணவளித்து வந்த ஓா் ஆா்வலரையும் அவரின் மிதிவண்டியையும் நாகா்கோவில் மாநகராட்சி ஆணையா் காவல்துறையினரிடம் பிடித்துக் கொடுத்த சம்பவமும், மதுரை போன்ற மாநகரங்களில் ‘நாய்கள் தொந்தரவு’ என்று பொதுமக்களிடமிருந்து வரும் புகாா்களுக்கு உடனடி நடவடிக்கை எடுப்பதுபோல ஒரு தோற்றத்தை ஏற்படுத்திக் கொண்டு இன்றுவரை சமூக நாய்களை வேட்டையாடுகிற போக்கும் நீடிக்கிறது.

உச்சநீதிமன்ற வழிகாட்டுதலைக் கடைப்பிடிப்பதில் என்ன சிக்கல்? உச்சநீதிமன்ற வழிகாட்டுதலின்படி, சமூக நாய்களைப் பிடித்து அதற்குரிய தடுப்பூசிகளை போட்டு, கருத்தடை சிகிச்சைகளை செய்து எந்தத் தெருவில் நாய்கள் பிடிக்கப்பட்டதோ அதே பகுதியில் நான்கு நாள்களுக்குள் மீண்டும் விட்டுவிடவேண்டும். ஆனால், இந்த விதிமுறைகள் எல்லாம் பல உள்ளாட்சிகளில் வரைமுறையில்லாமல் மீறப்படுகின்றன.

சமூக, பிராணிகள் நல ஆா்வலா்களும், சமூக நாய்களின் பாதுகாப்பு அமைப்புகளின் கண்காணிப்பு, வேண்டுகோளையும் மீறி நாய்கள் பிடிப்பதில் விதிமுறைகள் மீறப்படுவதற்கு பின்னால் பெரிய வணிக நோக்கங்களும் முறைகேடுகளும் இருப்பதற்கான சாத்தியங்கள் நிறையவே இருக்கின்றன. இன்றும் தமிழகத்தில் பல உணவகங்களில் நாய் மாமிசம் பரிமாறப்பட்ட செய்தியும், தென்னை மரங்களின் நல்ல விளைச்சலுக்கு நாய்களை உரமாக்கி பயன்படுத்தும் வழக்கத்தையும், மீன் பண்ணைகளுக்கு உணவாக நாய்கள் இரையாவதையும் நாம் இங்கு நினைவுபடுத்த கடமைப்பட்டிருக்கிறோம்.

மதுரையில் பிரபல பாண்டி முனீசுவரா் கோவில்... இன்று கல்யாணம், காதுகுத்து, மொட்டைபோடுதல், மொய் விருந்து போன்ற விசேஷ நாட்களில் பலியிடப்படும் ஆடுகள், கோழிகளுக்கு பலிபீடங்களாக இருப்பதைவிட புறக்கணிக்கப்படும் சமூக நாய்களை காவு கொடுக்கும் ஒரு ஸ்தலமாக மாறி வருகிறது. இருபது... முப்பது ஆண்டுகளுக்கு முன் ஆதரவற்ற நாய்களை பாண்டி கோவிலில் கொண்டுபோய் விடும் பழக்கம் இருந்ததில் இருந்த நியாயம் இன்றில்லை. காரணம், அன்று இந்தப் பகுதி ஒரு சிறு வனமாக இருந்தது. சாலைகள் இன்றி, வாகனங்கள் அரிதாக வந்து, பலியிடப்பட்ட கால்நடைகளின் மீந்துபோன உணவுகளைச் சாப்பிட்ட புறக்கணிக்கப்பட்ட நாய்கள் பசியின்றி வாழ்ந்திருக்கலாம்.

ஆனால், இன்று நெடுஞ்சாலையாக இருக்கும் பாண்டி கோவில் நான்கு வழிச்சாலையில் தினந்தோறும் பல சமூக நாய்களும், வீட்டில் வளா்த்து கைவிடப்படும் நாய்களும், அந்த பாண்டி முனியே சாட்சி என்று சொல்லிக் கொண்டே கோயில் முன் உள்ள சாலைகளில் செல்லும் வாகனங்களால் அடித்து நசுக்கிக் கொல்லப்படுகின்றன. பிராணிகள் நல ஆா்வலா்களோ, அமைப்புகளோ, மதுரை மாநகராட்சியோ இந்தக் கொடுமைக்கெதிராக இதுவரை சுட்டுவிரலைக் கூட அசைக்கவில்லை.

மேலே சுட்டிக்காட்டப்பட்டுள்ள அனைத்து அத்துமீறல்களும், மக்களின் பொதுபுத்தியில் உள்ள ‘நாய்கள் கடிக்கும்’ என்கிற தவறான பீதியை மூலதனமாக கொண்டே நடக்கிறது.

உணவுக்காக மனிதா்கள் காத்திருக்கும் பொல்லாத காலம் இது. இதுவரை மனிதா்கள் வீசி எறிந்த மீதி உணவுகளை உண்டு சுற்றித் திரிந்த சமூக நாய்கள், இனிமேல் அந்த மீந்துபோன அல்லது கெட்டுப்போன உணவைக்கூட வீதிகளில் எதிா்பாா்க்க முடியாத பேரவலம் ஒன்று நிகழ்ந்துகொண்டிருக்கிறது. ஸோமாட்டா, ஸ்விக்கி, உபா் ஈட்ஸ் போன்ற உணவு விநியோகம் செய்யும் நிறுவனங்களின் அபார வளா்ச்சியால், நகரங்களில் துரித உணவுகளை இவா்களிடம் செயலி வழியாகச் சொல்லிவிட்டு காத்திருந்து விழுங்கும் மனிதா்கள், மிச்சம் - மீதி என்று தங்களுக்கு வைத்து விடுவாா்கள் என்று சமூக நாய்கள் எதிா்பாா்க்க முடியாது.

வளா்ச்சி, முன்னேற்றம் என்பதெல்லாம் பகட்டும், படாடோபமுமாக நான்கு வழி - எட்டுவழிச் சாலைகளில் விலையுா்ந்த கனரக வாகனங்களில் பயணிப்பது மட்டுமல்ல - நம்மோடு காலங்காலமாக பயணிக்கிற சூழலிய பல்லுயிா்களின் பசியாற்றி வாழவைப்பதும்தான். அப்படி பல்லாயிரம் ஆண்டுகளாக மானுட சமூகத்தோடு பயணித்திட்ட ‘சமூக நாய்’களை பட்டினியில் அலையவிட்டு, ‘நாய்கள் கடிக்கின்றன’ என்று மட்டும் பேசும் நாம் யாா்?

கட்டுரையாளா்:

ஒருங்கிணைப்பாளா்,

‘நன்றி மறவேல்’ - புறக்கணிக்கப்பட்ட

சமூக நாய்களின் பாதுகாப்பிற்கான கூட்டமைப்பு.

 

]]>
https://www.dinamani.com/editorial-articles/center-page-articles/2020/mar/14/மனிதா்களின்-அன்புக்கு-நாய்கள்-அடிமை-3380948.html
3380947 கட்டுரைகள் நடுப்பக்கக் கட்டுரைகள் சிலரின் அலட்சியம்...பலருக்குச் சோகம் எஸ். ஸ்ரீதுரை DIN Saturday, March 14, 2020 01:21 AM +0530 கடந்த பிப்ரவரி மாதத்தில் இந்தியா முழுவதும் ஆங்காங்கே மிகப் பெரிய சாலை விபத்துகள் சில நிகழ்ந்துள்ளன. பிப்ரவரி தேதி 3-ஆம் தேதி மகாராஷ்டிராவில் நடைபெற்ற சாலை விபத்தில் 10 போ் உயிரிழந்துள்ளனா்; கடந்த மாதம் 15-ஆம் தேதி கா்நாடகாவின் உடுப்பி அருகே நடைபெற்ற விபத்தில் ஒன்பது போ் பலி; 16-ஆம் தேதி மும்பையில் நிகழ்ந்த விபத்தில் இறந்தவா்களின் எண்ணிக்கை ஏழு. கடந்த மாதம் 20-ஆம் தேதி தமிழகத்தின் திருப்பூா் அருகே நடைபெற்ற கோர விபத்து 19 பேரை பலி கொண்டது.

ஒன்றிரண்டு நபா்களை காவு வாங்கிய விபத்துகளின் பட்டியல் இன்னும் நீளம். மொத்தத்தில், கடந்த பிப்ரவரி மாதத்தை விபத்துகளின் மாதம் என அழைக்கலாம் என்றே தோன்றுகிறது. பிப்ரவரி மாதத்துக்குக் குறைவில்லாமல் தற்போது மாா்ச் மாதத்திலும் பெரிய விபத்துகள் நடைபெறத்தான் செய்கின்றன.

வீட்டை விட்டுப் பிரயாணம் செல்லுகின்ற ஒவ்வொருவரும் பாதுகாப்பாக வீடு திரும்புவது இன்றைய காலகட்டத்தில் கேள்விக்குறியாகியுள்ளது. திட்டமிடாத அவசரப் பயணங்கள், வாகன முதலாளிகளின் பேராசை, வாகன ஓட்டிகளின் அலட்சியம், சாலை விதிகளை மீறுவது, தகுதி இல்லாதோா்கூட வாகனம் ஓட்டும் உரிமம் பெறுவது என சாலை விபத்துகளுக்கான காரணங்களை அடுக்கிக் கொண்டே போகலாம்.

வெகு விரைவாக ஓடும் வாகனங்களின் வரவும் இன்னொரு காரணம். 100 கி.மீ. வேகத்துக்கும் அதிகமாக நெடுஞ்சாலைகளில் விரையும் வாகனங்களை ஓட்டுபவா்களால் சட்டென்று சாலையில் ஏதாவது குறுக்கிட்டால், வாகனத்தை உடனடியாக நிறுத்த முடியாமல் விபத்துகளில் சிக்க நேரிடுகிறது.

சரக்கு லாரி , வாடகை காா் உரிமையாளா்கள் ஆகியோரில் ஒரு சிலா் தங்களிடம் பணிபுரியும் ஓட்டுநா்கள் போதிய ஓய்வெடுக்கும் முன்பே மீண்டும் அவா்களை வாகனத்தை இயக்கச் சொல்வதுண்டு. தேவையான ஓய்வும் உறக்கமும் இல்லாமல் தொடா்ந்து வாகனங்களை இயக்க வேண்டிய ஓட்டுநா்கள் சிறிது கண்ணயா்ந்தாலும் அது பெரிய விபத்துக்குக் காரணமாகி விடுகிறது.

குடும்பத்தினருடன் வெளியூா் செல்வதற்காகத் தனியாா் நிறுவனங்களின் காா்களில் செல்லும்போது, நமது காரை இயக்கும் ஓட்டுநா் தங்களது முதலாளியின் வற்புறுத்தலால் தொடா்ந்து வாகனங்களை இயக்க வேண்டி இருப்பதாகக் கூறுவதை நாம் அவ்வப்போது கேட்கலாம்.

கா்நாடகத்தில் பதின்மூன்று பேரை பலிகொண்ட விபத்துக்குக் காரணமான வாகனத்தின் ஓட்டுநா் சற்றுத் தூங்கியதால்தான் அந்தக் கோர விபத்து நிகழ்ந்ததாகச் செய்திகள் கூறுகின்றன.

ஒருமுறை எங்கள் குடும்ப நிகழ்வு ஒன்றுக்காக நீண்ட தொலைவுப் பயணம் மேற்கொண்டபோது, எங்களுடைய ஓட்டுநா் ஓய்வு தேவை என்று கூறியபோதெல்லாம் சாலையோரமாகச் சிறிது நேரம் காரை நிறுத்திவிட்டு ஓய்வெடுத்த பிறகே இயக்கச் சொன்னோம். அவ்வப்போது தேநீா், குளிா்பானம் போன்றவற்றை அருந்தி புத்துணா்வு பெற்ற பிறகே அவா் வாகனத்தை இயக்கச் சம்மதித்தோம். இதன் காரணமாக, எங்களது பயணத்தில் சுமாா் இரண்டு மணி நேரம் தாமதம் ஏற்பட்டாலும், விபத்துக்கு வாய்ப்பிலாத ஒரு பயணத்தைச் செய்து முடித்தோம் என்ற பெருமிதம் ஏற்பட்டது.

சாலை விதிகளைச் சரிவரக் கடைப்பிடிக்காமல், பிற வாகனங்களை எப்படியாவது முந்திச் செல்ல விரைகின்ற நபா்களாலும், நெடுஞ்சாலைகளைப் பந்தயச் சாலைகளாக நினைத்துக்குக் கொள்பவா்களாலும் பல வாகன விபத்துகள் ஏற்படுகின்றன. இத்தகையோா் தாங்களும் விபத்துக்குள்ளாகி, மற்றவா்களையும் விபத்துக்குள்ளாக்கி விடுகின்றனா்.

நம் நாட்டில் சாலை விரிவாக்கப் பணிகள் நடைபெறும் அதே வேளையில், அதை முறியடிக்கும் வகையில் அச்சாலைகளில் பயணிக்கும் வாகனங்களின் எண்ணிக்கை அசுர வேகத்தில் அதிகரித்து வருகிறது. இதனால் இயல்பாகவே நமது சாலைகள் பலவற்றிலும் போக்குவரத்து நெரிசல் அரங்கேறுகிறது. நெரிசல்களால் தங்களது பயணம் தாமதப்படுவதாகக் கருதித் தங்கள் வாகனத்தின் வேகத்தை அதிகப்படுத்துவோா், ஏதோ ஒரு விதத்தில் சாலைவிபத்துக்குக் காரணமாகி விடுகிறாா்கள்.

நம் நாட்டில் பிறந்த மனிதா்களில் எவா் ஒருவரின் வாழ்வும் இகழத்தக்கதல்ல. இந்த தேசத்தின் நலவாழ்வுக்கு ஒவ்வொருவரின் உழைப்பும் தேவையாயிருக்கிறது. உடலுழைப்பாலும், அறிவுத் தேடலாலும் நமது தேசத்தைக் கட்டமைக்கும் சக்திவாய்ந்த ஒவ்வொரு குடிமகனும் நீண்ட நாள் உடல் நலத்துடன் வாழ வேண்டியது அவசியம். அநியாய பலிவாங்கும் ஒவ்வொரு சாலை விபத்தும் இந்த தேசத்தின் முன்னேற்றத்துக்கு எதிரான நிகழ்வு என்றே கூற வேண்டும்.

விபத்துகளில் உயிரிழப்பவா்கள், உடல் உறுப்பை இழப்பவா்கள், அவா்களை நம்பிவாழும் குடும்ப உறுப்பினா்கள் என்று பல்வேறு தரப்பினரின் எதிா்காலத்தை ஒவ்வொரு விபத்தும் கேள்விக்குறியாக்கி விடுகிறது.

வாகனங்களை ஓட்டும் ஒவ்வொருவரும் தங்கள் குடும்பத்தினரை நினைத்துப் பாா்க்க வேண்டும். மேலும், தங்களால் ஒரு விபத்து நோ்ந்தால் அதில் பாதிக்கப்படக் கூடியவா்களையும், அவா்களது குடும்பத்தினரின் நிலைமையையும் சிந்தித்துப் பாா்க்க வேண்டும். இவ்விதம் சிந்திக்க முடிந்தால், ‘தாமதமான பயணத்தைக் காட்டிலும் பாதுகாப்பான பயணமே சிறந்தது’ என்பதை மனதார உணா்ந்து விபத்தில்லாமல் வாகனங்களை இயக்க முனைவாா்கள்.

தரமான சாலைக் கட்டமைப்புகளை ஏற்படுத்துவது மத்திய - மாநில அரசுகளின் பொறுப்பாகும். கடுமையான ஓட்டுநா் விதிமுறைகளை வகுத்து, ஊழலுக்கு இடம் தராமல் அவற்றை அமல்படுத்துவது அதிகாரிகளின் கடமை. அதே சமயம் சாலை விதிகளுக்கு வாகன ஓட்டிகள் மதிப்பளிப்பதுடன், பொதுமக்களும் பதற்றமில்லாத பயணத் திட்டங்களை வகுத்துக்கொள்ள வேண்டும்.

ஊா்கூடித் தோ் இழுத்தால் மட்டுமே விபத்தில்லா சாலைப் பயணம் இனி சாத்தியமாகும்.

 

]]>
https://www.dinamani.com/editorial-articles/center-page-articles/2020/mar/14/சிலரின்-அலட்சியம்பலருக்குச்-சோகம்-3380947.html
3380093 கட்டுரைகள் நடுப்பக்கக் கட்டுரைகள் நிரந்தர அதிபர்!  எஸ். ராஜாராம் DIN Friday, March 13, 2020 02:38 AM +0530 ரஷிய அதிபர் விளாதிமீர் புதின் நாட்டின் நிரந்தர அதிபராக இருப்பதற்கான திட்டத்தைச் செயல்படுத்தத் தொடங்கிவிட்டார். அவர் மேலும் இருமுறை அதாவது 2036-ஆம் ஆண்டு வரை அதிபர் பதவியில் நீடிக்க வகை செய்யும் அரசியலமைப்புச் சட்டத் திருத்தத்துக்கு நாடாளுமன்றம் ஒப்புதல் அளித்திருப்பதிலிருந்து அத்திட்டம் பாதியளவு வெற்றி பெற்றிருக்கிறது.
 தொடர்ந்து 2-ஆவது முறையாகவும், மொத்தத்தில் 4-ஆவது முறையாகவும் அதிபராக இருக்கும் புதினின் பதவிக் காலம் 2024-ஆம் ஆண்டு நிறைவடைகிறது. அந்நாட்டு அரசியலமைப்புச் சட்டப்படி தொடர்ந்து இரண்டு முறைக்கு மேல் அதிபர் பதவியில் நீடிக்க முடியாது என்பதால், 2024-க்குப் பின்னர் அதிபர் தேர்தலில் புதின் போட்டியிட முடியாத நிலை உருவானது. ஆதலால், அவரது அரசியல் எதிர்காலம் என்னவாகும் என்கிற கேள்வி எழுந்த நிலையில்தான், கடந்த ஜனவரி மாதம் "அரசியலமைப்புச் சட்டத் திருத்தம்' என்கிற பெயரில் தனது திட்டத்தை முன்வைத்தார் புதின். அதன்படி, பிரதமரைத் தேர்ந்தெடுக்கும் அதிகாரம் இனி அதிபருக்குப் பதிலாக நாடாளுமன்றத்துக்கு மாற்றப்படும்; மாகாண கவுன்சில் எனப்படும் அமைப்பு, கூடுதல் அதிகாரங்களுடன் வலுப்படுத்தப்படும் என்பன உள்ளிட்ட அம்சங்கள் புதினின் திட்டத்தில் இடம்பெற்றன. மேலும் பல அம்சங்களை அரசியலமைப்புச் சட்டத் திருத்தத்தில் சேர்ப்பதற்காக ஒரு குழுவையும் புதின் அமைத்தார்.
 இதைத் தொடர்ந்து, பிரதமர் மெத்வதேவ் ராஜிநாமா செய்ததும், புதிய பிரதமராக மிகயீல் மிஷுஸ்டின் நியமிக்கப்பட்டதும் மிகப் பெரிய திட்டம் புதினின் மனதில் இருப்பதை உறுதி செய்தன. அதிபராக முடியாத சூழலில், நாட்டின் அதிகாரத்தை மாகாண கவுன்சிலுக்கு கொடுத்து அதற்கு தலைவராவார் அல்லது அதிபரின் அதிகாரத்தை நாடாளுமன்றத்துக்கும் பிரதமருக்கும் மாற்றி, 2024-இல் மீண்டும் பிரதமர் பதவியைக் கைப்பற்றுவார் என்கிற எதிர்பார்ப்பு ஏற்பட்டது. ஆனால், அதிபர் பதவியிலேயே தொடர்வதற்கான திட்டத்தைத்தான் புதின் மனதில் வைத்திருந்தார் என்பது இப்போது தெரியவந்துள்ளது.
 அதன்படி, 2024-ஆம் ஆண்டு நடைபெறவுள்ள அதிபர் தேர்தலில் புதின் மீண்டும் போட்டியிட வகை செய்யும் சட்டத் திருத்த மசோதா தாக்கல் செய்யப்பட்டு நாடாளுமன்ற மக்களவையில் நிறைவேற்றப்பட்டுள்ளது. 450 உறுப்பினர்கள் கொண்ட மக்களவையில் இந்த மசோதாவுக்கு ஆதரவாக 383 வாக்குகள் கிடைத்தன. எதிராக ஒரு வாக்குகூட பதிவாகவில்லை. 43 பேர் வாக்களிப்பை புறக்கணித்தனர். 24 பேர் அவைக்கு வரவில்லை. இதேபோல் 160 உறுப்பினர்கள் கொண்ட மேலவையும் இச்சட்டத் திருத்த மசோதாவுக்கு ஆதரவு தெரிவித்தது. அடுத்ததாக புதினின் ஆதரவாளர்கள் எதிர்பார்ப்பதுபோல இந்த சட்டத் திருத்தத்துக்கு அரசியல் சாசன நீதிமன்றமும் அங்கீகாரம் அளிக்கும் என்றே தெரிகிறது. அதன் பிறகு இந்த சட்டத் திருத்தம் மீது நாடு தழுவிய வாக்கெடுப்பு நடத்தப்படும்.
 இவையெல்லாம் புதினின் திட்டப்படி நடந்தால் 2024 மற்றும் 2030-ஆம் ஆண்டு அதிபர் தேர்தலிலும் அவர் போட்டியிட்டு வெற்றி பெற்று 2036 வரை அதிபர் பதவியில் நீடிக்க முடியும். தற்போது 67 வயதாகும் புதின், தனது 83-ஆவது வயது வரை நிரந்தர அதிபராக பதவி வகிக்கலாம்.
 அதிபர் தேர்தலில் போட்டியிடுவதற்கான காலவரம்பு மாற்றம்தான் என்பதுபோல இந்தச் சட்டத் திருத்தம் பொதுவாகக் கூறப்பட்டாலும், அதிபர் புதினுக்காகத்தான் இந்த திருத்தம் என்பது எல்லோருக்கும் தெரிந்த உண்மை. "அதிபர் புதின் ரஷியாவை முழங்கால்களிலிருந்து உயர்த்தியவர். மேலும், உலகின் சிறந்த தலைவர்களில் ஒருவராகக் கருதப்படுபவர்' என மேலவையில் நடைபெற்ற வாக்கெடுப்பின்போது அவைத் தலைவர் வாலன்டினா மெத்வியெங்கோ கூறியதிலிருந்து இதை அறியலாம்.
 1999-ஆம் ஆண்டு பிரதமரான புதின், பிரதமர், அதிபர் என சுமார் 20 ஆண்டுகளுக்கும் மேலாக ரஷியாவின் அதிகார சக்தியாக வலம் வருகிறார். முதல் இருமுறை அதிபர் பதவியிலிருந்த பின்னர், அரசியலமைப்புச் சட்டம் அனுமதிக்காததால் 3-ஆவது முறையாக அதிபர் தேர்தலில் போட்டியிட இயலாமல் பிரதமர் பதவியைக் கைப்பற்றினார். அப்போது அதிபரின் அதிகாரங்கள் அனைத்தும் சட்டத் திருத்தம் மேற்கொள்ளப்படாமலேயே புதினின் கைக்கு வந்தன. இடையில் பிரதமராக 4 ஆண்டுகள் இருந்தவர், அதன் பிறகு மீண்டும் தொடர்ந்து இருமுறை அதிபராக இருந்து வருகிறார். இம்முறை சட்டத் திருத்தத்தின் மூலம் தனது அதிபர் பதவியை தொடரும் முயற்சியை வலுப்படுத்தியுள்ளார்.
 இந்த மாற்றங்கள் அனைத்தும் புதினுக்காக என்பதையும் தாண்டி, நாட்டின் முன்னேற்றத்துக்காக, மேலை நாடுகளின் பல்வேறு தந்திரங்களையும் முறியடித்து நாட்டின் நிலைத்தன்மைக்காக என்கிற பிம்பத்தை புதினின் ஆதரவாளர்கள் கட்டமைத்து வருகின்றனர். "அதிபர் தேர்தலில் போட்டியிடுவதற்கான கால வரம்பை இப்போது விலக்கிக்கொண்டாலும், ரஷியாவில் அரசியல் முதிர்ச்சி ஏற்படும்போது, இந்தக் கால வரம்புக்கு ஆதரவளிப்பேன்' என்கிறார் புதின்.
 மோசமான பொருளாதாரம், அரசின் ஊழல் மீதான மக்களின் நீண்டநாள் கோபம் போன்ற காரணங்கள் இருந்தாலும் புதின் இன்றும் ரஷியாவின் மதிப்புமிக்க தலைவராகவே தொடர்கிறார். அவரைத் தாண்டி புதிய அதிபரை நினைத்துக்கூடப் பார்க்க இயலாத நிலைதான் மக்கள் மனதில் இருக்கிறது. அதிபர் பதவியில் போட்டியிடுவதற்கான காலவரம்பை விலக்கும் சட்டத் திருத்தம் தொடர்பான ஏப்ரல் 22-ஆம் தேதி மக்கள் வாக்கெடுப்பும் அதேநிலையைத்தான் பிரதிபலிக்குமா என்பதைப் பொறுத்திருந்து பார்ப்போம்.
 
 
 

]]>
https://www.dinamani.com/editorial-articles/center-page-articles/2020/mar/13/நிரந்தர-அதிபர்-3380093.html
3380085 கட்டுரைகள் நடுப்பக்கக் கட்டுரைகள் போராட்டங்கள் எழுப்பும் சில கேள்விகள்! கோதை ஜோதிலட்சுமி DIN Friday, March 13, 2020 01:22 AM +0530 பிகாா் மாநிலம் சம்பரன் மாவட்டத்தில் 1918- 19-இல் மகாத்மா காந்தியடிகள் போராட்டங்களை மேற்கொண்டாா். சம்பரன் மாவட்டத்தில் ஒப்பந்தத் தொழிலாளா்களின், நிலமற்ற ஏழை விவசாயிகளின் பிரச்னைகளைக் கேள்வியுற்ற மகாத்மா காந்தி, அந்தப் பகுதியில் இருந்த கிராமங்களுக்கும், சிற்றூா்களுக்கும் சென்று அவா்களுக்காகப் போராடுவது என்று முடிவு செய்தாா். அரசுக்கு வரி செலுத்தாமல் இருக்க முடிவு செய்து, அதை விவசாயிகளைக் கொண்டு செயல்படுத்தவும் செய்தாா்.

போராட்டத்தை மேற்கொண்டபோது காந்தியடிகள் செய்த காரியங்கள் என்ன தெரியுமா? அந்தப் பகுதியில் ஓா் ஆசிரமத்தை ஏற்படுத்திக் கொண்டு அந்த மக்களுக்கு அதிகாலையில் பிராா்த்தனை, பின்னா் தங்கள் வேலைகளைத் தாங்களே செய்து கொள்வது குறித்த பயிற்சி, தூய்மையின் அவசியம் அது குறித்த விழிப்புணா்வு ஆகியவற்றை ஏற்படுத்தியதோடு அப்பகுதியை மகாத்மா காந்தியடிகளும் அவரின் ஆதரவாளா்களும் இணைந்து அன்றாடம் தூய்மைப்படுத்தினா். போராட்டத்தின் மிகப் பெரிய பகுதியாக இந்தத் தூய்மைப்படுத்தல் பணி இருந்தது.

காந்தியின் வரிகொடா போராட்டம் என்பது மட்டுமல்ல, அறப்போரும் அப்பகுதி மக்களிடையே விழிப்புணா்வை ஏற்படுத்தியது. தூய்மைப் பணியில் அனைவரையும் ஈடுபடுத்தி அந்தப் பகுதி மக்களுக்கு புதிய சூழலை அமைத்துக் கொடுத்தாா். இன்னும் சில இடங்களில் போராட்டம் தீவிரப்படுத்தப்பட வேண்டும் என்று மகாத்மா விரும்பியபோது, அவா் கைக்கொண்டது மற்றுமொரு முறை உண்ணாவிரதப் போராட்டம். இதனால் சிறை சென்றும் அவதியுற்றாா். இந்தப் போராட்டத்தைத்தான் அறவழிப் போராட்டம் என்று வரலாறு சொல்லிக் கொண்டிருக்கிறது. இந்தியத் திருநாட்டில் மகாத்மா நமக்குக் கற்றுத் தந்தது இதைத்தான்.

இந்த வழிகாட்டுதல்களும் போதனைகளும் கிடைக்கப் பெற்று ஒரு நூற்றாண்டுகூட கடந்து விடவில்லை. இன்றைக்கும் தேசத்தின் பல பகுதிகளில் பல காரணங்களுக்காகப் போராட்டங்கள் நடைபெற்ற வண்ணமே இருக்கின்றன. உரிமைக்காகப் போராடுவது எல்லாக் காலத்திலும் ஏற்றுக் கொள்ளக்கூடியதே என்றாலும், இந்த உரிமைப் போராட்டங்கள் எழுப்பும் சில கேள்விகளையும் முன்வைக்காமல் இருக்க முடியவில்லை.

அந்நியா் ஆட்சியில் அரசுக்கு எதிரான போராட்டங்கள் புரிந்துகொள்ளக் கூடியவை. அதே நேரத்தில் ஜனநாயக நாட்டில் முன்வைக்கப்படும் போராட்டங்கள் நீதித் துறையின் மீதும் ஜனநாயகத்தின் மீதுமே நம்பிக்கையற்ற தன்மையை வெளிப்படுத்துகின்றன. வாழ்வாதாரம் பாதிக்கப்படும் சூழல் ஏற்படுவதால் போராட்டம் நடத்துவதாகப் போராட்டக்காரா்கள் குறிப்பிடுகிறாா்கள். இதிலே ஆழ்ந்து சிந்திக்க வேண்டிய சில அம்சங்கள் உள்ளன.

சுதந்திரமான நீதித் துறை செயல்பாடு இருக்கும்போது போராட்டக்காரா்கள் ஏன் தெருவுக்கு வந்து போராட நினைக்கிறாா்கள்? நீதித் துறையின்பால் இவா்களுக்கு நம்பிக்கை இல்லையா? நீதித் துறையின் மீது நம்பிக்கை இல்லாத நிலையில் போராட்டங்களை ஒருங்கிணைக்கும் அமைப்புகள் எப்படி வழக்குப் பதிவு செய்கிறாா்கள்? நீதித் துறையின்பால் இவா்களுக்கு நம்பிக்கை இருந்து வழக்குப் பதிவு செய்த பின், ஏன் அதன் தீா்ப்பு வரும் வரை பொறுமை காக்க இயலவில்லை? நீதிமன்றங்களில் வழக்குகள் இருக்கும்போது அது குறித்த போராட்டங்களைத் தொடங்குவது நீதித் துறையை அவமதிப்பதாகாதா? நீதித் துறைக்கு அழுத்தம் கொடுப்பதாகாதா?

அறவழிப் போராட்டம் என்று கூறுவோரின் பல போராட்டங்கள் கலவரத்தில் அல்லது வன்முறையில் முடிவதைப் பாா்க்கிறோம். அறவழியில் போராடுகிறோம் என்று சொல்லிக்கொள்ளும் அமைப்புகள் கலவரங்கள் அல்லது வன்முறை ஏற்படும்போது ஆயுதங்களைக் கையில் எடுக்கிறாா்கள். இந்த ஆயுதங்களை அவா்களுக்குத் தருவது யாா்?

அண்மையில் நடைபெற்ற தில்லி கலவரம் அல்லது தூத்துக்குடி கலவரம் என நாட்டின் எந்தப் பகுதியிலும் போராட்டங்கள் கலவரமாக மாறும்போது பெட்ரோல் குண்டுகள் பயன்பாட்டைப் பாா்க்கிறோம். வாழ்வாதாரத்துக்காக போராடும் அப்பாவி பொதுமக்கள், அவா்களின் குடும்பத்தினா் பெட்ரோல் குண்டுகளை எங்கிருந்து பெறுகிறாா்கள்? ஒருவேளை பெட்ரோல் குண்டுகளை அவா்கள் பயன்படுத்தவில்லை எனில், அவா்களிடையே ஊடுருவி பெட்ரோல் குண்டுகளைப் பயன்படுத்தும் சமூக விரோதிகள்தான் யாா்?

இத்தகைய சமூக விரோத சக்திகள் எப்படி போராட்டக் களத்துக்குள் வருகிறாா்கள்? யாா் இவா்களை அங்கே கொண்டுவந்து சோ்க்கிறாா்கள்? இவா்களால் பாதுகாப்புப் பணியில் ஈடுபடும் காவலா்கள், ஏதுமறியாத பொதுமக்கள் உயிா்ப் பலியாகி விடுகிறாா்களே, இதற்கு யாா் பொறுப்பு? இந்தக் கேள்விகளுக்கெல்லாம் எந்த அப்பாவிப் போராட்டக்காரா்கள் அல்லது போராட்டங்களை ஒருங்கிணைக்கும் அமைப்புகள் பதில் சொல்லப் போகின்றன?

போராட்டங்கள் ஏன் வீதிகளில் நடத்தப்படுகின்றன? ஏன் தனிப்பட்ட இடங்களைப் போராட்டக்காரா்கள் தோ்வு செய்வதில்லை? தங்கள் உரிமைக்காகப் போராடும் மக்களுக்கு உள்ள சுதந்திரம் ஏனையோருக்கும் இருக்கிறதுதானே? நாள்கணக்கில் வாரக்கணக்கில் போராட்டம் நடத்துவோா் போக்குவரத்தை ஸ்தம்பிக்கச் செய்வதும், இதனால் அன்றாடம் உழைத்துப் பிழைக்கும் மக்கள் அவதிக்குள்ளாவதும், பள்ளிக்குச் செல்லும் குழந்தைகள் அன்றாடம் பயத்தோடு இந்தப் போராட்டத்தைக் கடப்பதும் அறவழிப் போராட்டக்காரா்களுக்கு சம்மதம் தானா?

போராட்டம் நடைபெறும் குடியிருப்புப் பகுதிகளில் வசிக்கும் முதியோா்களும் நோயாளிகளும் இந்த நாட்டின் குடிமக்கள்தானே? அவா்களை மன உளைச்சலுக்கு உள்ளாக்குவதும் கோஷமிட்டு தொந்தரவு செய்வதும் நியாயம்தானா? அறவழிப் போராட்டக்காரா்கள் என்று தங்களை அறிவித்துக் கொள்வோா் மனசாட்சி இதற்கு பதில் சொல்லுமா?

நாடு முழுவதும் குடியுரிமை திருத்தச் சட்டத்துக்கு எதிரான போராட்டங்கள் நடைபெற்று வருகின்றன. இதையெல்லாம் முடிவுக்குக் கொண்டுவரக் கோரி தாக்கல் செய்யப்பட்ட வழக்குகளும் அந்தந்த மாநில உயா்நீதிமன்றங்களிலும் உச்சநீதிமன்றத்திலும் நடைபெற்று வருகின்றன. பொதுமக்களுக்கு இடையூறான பகுதிகளில் போராட்டங்கள் நடத்த அரசு தடை விதித்துள்ள போதிலும் அந்தத் தடைகளையும் மீறி போராட்டங்களைப் பொதுவெளியில் நடத்துவது அரசுக்கு எதிரான செயல்பாடு அல்லவா? அனுமதி மறுக்கப்படும் இடங்களில் அத்துமீறுவதை அறவழி என்று யாா் கற்றுத் தந்தது?

இத்தகைய சட்டத்துக்குப் புறம்பான நடவடிக்கைகளை மேற்கொள்ள இவா்களுக்கு ஊக்கம் தருவது யாா்? போராட்டங்கள் ஏற்படுத்தும் விளைவுகள் எத்தனை சாமானியா்களைப் பாதிக்கின்றன? இதற்கெல்லாம் பொறுப்பேற்கப் போவது யாா்?

தொடா்ந்து பல போராட்டங்கள் மாதக்கணக்கில் நடக்கின்றன. 100 நாள்கள் பொதுமக்கள் போராட்டம் நடத்தினாா்கள் என்ற செய்தி பெருமைக்குரியதாக ஊடகங்களில் விவாதிக்கப்படுகின்றன. பொதுமக்கள் நடத்தும் போராட்டங்கள் சாமானிய மக்களின் மனதிலும் பல கேள்விகளை எழுப்புகின்றன.

ஒரு நடுத்தரக் குடும்பத்தில் கணவன்-மனைவி இருவருமே ஏதோ ஒரு விதத்தில் தங்கள் உழைப்பைச் செலுத்தினால்தான் குடும்பத்தை ஓரளவுக்குத் தரமாக நடத்திச் செல்ல முடியும். ஆணும் பெண்ணும் உழைக்கும் குடும்பங்களில் ஒரு மாதத்தில் வீட்டு வாடகை, மின்சாரக் கட்டணம், எரிபொருள் செலவு, பள்ளிக் கட்டணம், தொலைபேசிக் கட்டணம் என்று தவிா்க்கவே முடியாத பல அடிப்படைச் செலவுகள் இருக்கின்றன. மத்தியதர குடும்பத்தில் இவற்றைச் சமாளிப்பதற்கு குடும்ப உறுப்பினா்கள் படும் பாடு சொல்லி முடியாது.

இந்தியாவில் நடுத்தர அல்லது அடிமட்ட மக்களின் வாழ்க்கை நிலை இப்படி இருக்கும் சூழலில் போராட்டங்களில் குடும்பத்தோடு ஈடுபடும் போராட்டக்காரா்களின் வீடுகளுக்கு எப்படி வாடகை தருகிறாா்கள்? மின் கட்டணத்தை எவ்வாறு கட்டுகிறாா்கள்? தங்கள் பிள்ளைகளின் பள்ளிப் படிப்புக்கான செலவினை எப்படிச் சமாளிக்கிறாா்கள்?

பெரும்பாலும் பெண்கள் தன் குடும்பம் தன்மக்கள் மற்றவை எதுவாயினும் அதற்குப் பின்னரே என்று செயல்படுபவா்கள். இந்தத் தாய்மாா்கள் மாதக்கணக்கில் போராட்டக் களத்தில் அமா்ந்திருந்தால் இவா்களின் மேற்கண்ட செலவுகளைச் சமாளித்தது எப்படி? யாா் இதற்குத் துணை நிற்கிறாா்கள்? தன் குழந்தையின் பள்ளி செலவைவிட போராட்டம் எந்தத் தாய்க்கு முதன்மையானதாகத் தோன்றுகிறது? அல்லது அந்தக் குழந்தைகள் எல்லாம் கல்வியில் இடைநிற்றலை சந்தித்தாா்களா? எனில், அது குறித்த விவாதங்களை ஊடகங்களும் பொதுமக்களும் ஏன் மேற்கொள்ளவில்லை?

எல்லாவற்றுக்கும் மேலாக மற்றொரு பிரம்மாண்ட கேள்வி முன் நிற்கிறது. மாதக்கணக்கில் ஓரிடத்தில் போராடிக் கொண்டிருக்கும் அனைவருக்கும் உணவு, தண்ணீா் போன்ற அடிப்படை வசதிகளைச் செய்து தருவது யாா்? போராட்டங்களை ஒருங்கிணைக்கும் அமைப்புகள் எங்கிருந்து செலவு செய்கிறாா்கள்? அதை எப்படி தணிக்கை செய்கிறாா்கள்? அரசின் கவனத்திற்கு இந்த கணக்குகள் எப்படி போய்ச் சோ்கின்றன?

போராட்டக் களங்களைத் தோ்ந்தெடுப்போா் ஏன் மேல்தட்டு மக்கள் வசிக்கும் பகுதிகளைத் தோ்ந்தெடுக்காமல் அடித்தட்டு மக்கள், அன்றாடம் உழைத்துப் பிழைக்கும் மத்தியதர மக்கள் வாழும் பகுதிகளைத் தோ்ந்தெடுக்கிறாா்கள்? இதன் பின்னிருக்கும் காரணம் அல்லது உளவியல் என்ன?

போராட்டங்களால் இன்னல்களைச் சந்திக்கும் சாமானியா்கள் மனதில் எழும் இத்தகைய கேள்விகள் வெறுப்பும் ஆவேசமும் கொள்ளச் செய்யும்; இது அமைதியைச் சீா்குலைக்கும்; அதையே அண்மையில் நடைபெற்ற கலவரங்கள் நமக்குக் காட்டுகின்றன.

ஜனநாயகத்திலும் நீதித் துறையிலும் நம்பிக்கை கொண்டு நமது உரிமைகளை நிலைநிறுத்திக் கொள்வது அமைதியான வாழ்வுக்கும், தேசத்தின் வளா்ச்சிக்கும் அடிப்படை என்பதைப் போராட்டத்தில் ஈடுபடுவோா் எவராயினும் உணர வேண்டியது அவசியம்.

கட்டுரையாளா்:

ஊடகவியலாளா்

 

]]>
https://www.dinamani.com/editorial-articles/center-page-articles/2020/mar/13/போராட்டங்கள்-எழுப்பும்-சில-கேள்விகள்-3380085.html
3379298 கட்டுரைகள் நடுப்பக்கக் கட்டுரைகள் சிறுநீரகங்கள் காத்தால் நீங்கள் புத்திசாலி! பேராசிரியா் தி.ஜெயராஜசேகா் DIN Thursday, March 12, 2020 01:11 AM +0530 உலகளவில் 85 கோடி மக்களுக்கு பற்பல காரணங்களால் சிறுநீரக நோய்கள் இருப்பதாக மதிப்பிடப்பட்டுள்ளது. உலகம் முழுவதும் நாள்பட்ட சிறுநீரக நோய்கள் ஆண்டுக்கு குறைந்தபட்சம் 24 லட்சம் இறப்புகளை ஏற்படுத்துகின்றன. இறப்புக்கான ஆறாவது மிகப் பெரிய காரணமாக சிறுநீரக நோய்கள் உள்ளன.

இந்தியாவில் நாள்பட்ட சிறுநீரக நோய்கள் 10 லட்சம் மக்கள்தொகையில் 800 பேரையும், இறுதிக் கட்ட சிறுநீரக நோய்கள் 10 லட்சம் மக்கள்தொகையில் 1,51,232 பேரையும் பாதிக்கிறது.

இந்திய சுகாதார அமைச்சகத்தின் மதிப்பீட்டின்படி ஆண்டொன்றுக்கு நடைபெறவேண்டிய ஒன்று முதல் இரண்டு லட்சம் சிறுநீரக மாற்று அறுவை சிகிச்சைகளுக்கு சுமாா் 5,000 சிறுநீரக உறுப்பு கொடையாளா்கள் மட்டுமே உள்ளனா். இந்தியாவில் தற்போது 1,200 சிறுநீரகவியல் மருத்துவ வல்லுநா்கள், 3,300 டயாலிசிஸ் நிலையங்கள், தொடா் புறநோயாளிகளுக்கான ‘பெரிடோனியல் டயாலிஸிஸ்’ சிகிச்சை முறையில் 9,000 நோயாளிகள் உள்ளனா்.

இந்தியாவில் சுமாா் 2,20,000 பேருக்கு சிறுநீரக மாற்று அறுவை சிகிச்சை தேவைப்படும் நிலையில் இந்தியாவில் அங்கீகரிக்கப்பட்ட 250 சிறுநீரக மாற்று அறுவை சிகிக்சை மையங்களில் சுமாா் 7,500 அறுவை சிகிச்சைகள் நடைபெறுகின்றன; சுமாா் 90 சதவீதம் உயிருள்ளவா்களிடமிருந்தும், 10 சதவீதம் இறந்தவா்களிடமிருந்தும் கொடையாக சிறுநீரகம் பெறப்படுகிறது.

இந்தியாவில் கடந்த 10 ஆண்டுகளில் சிறுநீரகங்கள் தொடா்பான நோய்களின் பாதிப்பு சுமாா் இரு மடங்காக அதிகரித்துள்ளது. இந்திய மருத்துவ ஆராய்ச்சி கவுன்சில் தரவுகளின்படி, நகா்ப்புற வயது வந்தோரில் சா்க்கரை நோய், உயா் ரத்த அழுத்த நோய் பாதிப்பு 20 சதவீதமாக உயா்ந்துள்ளது. இந்தியாவில் பல்வேறு வாழ்க்கை முறை நோய்கள் அதிகரித்து வருவதால், சிறுநீரக நோய்களின் தாக்கமும் கடந்த 10 ஆண்டுகளில் இரண்டு மடங்காக அதிகரித்துள்ளது.

மருத்துவரின் ஆலோசனையின்றி கடைகளில் வாங்கும் மருந்துகள், சிறுநீரகங்களுக்கு தீங்கு விளைவிக்கும் தொற்றல்லாத நோய்களின் (சா்க்கரை நோய், உயா் ரத்த அழுத்தம்) தாக்கம் சுமைகளை அதிகரிப்பதுடன் சிறுநீரக நோய்களையும் உருவாக்குகின்றன. நாள்பட்ட சிறுநீரக நோய்கள் உருவாக்கும் ஆபத்து ஆண்களைப் போலவே பெண்களிடமும் அதிகமாக இருப்பினும், இந்தியாவில் டயாலிசிஸ் சிகிச்சை தேவைப்படும் பெண்களின் எண்ணிக்கை, ஆண்களின் எண்ணிக்கையைவிடக் குறைவு. நம் நாட்டில் கா்ப்பகால சிறுநீரக நோய்கள் தாய் இறப்புக்கு ஒரு முக்கியக் காரணமாகும்.

திடீா் எடை அதிகரிப்பு, ரத்த சோகை, பலவீனம், சோா்வு, தொடா் சிறுநீா்த் தொற்று போன்றவை குழந்தைகளுக்கான சிறுநீரக நோய்களின் ஆரம்ப அறிகுறிகள் எனக் கூறும் மருத்துவா்கள், அதைக் கவனிக்கும் பொறுப்பும் கடமையும் பெற்றோருடையது எனவும் அறிவுறுத்துகின்றனா். உடற்பயிற்சியின்மை, துரித உணவு, குறைந்த அளவு நீா் பருகுதல் போன்றவை குழந்தைகளின் சிறுநீரகங்களைப் பாதிக்கும் முக்கியக் காரணிகளாகும்.

கேரளத்தைப் போன்று மாணவா்கள் பகலில் போதுமான அளவு தண்ணீா் குடிப்பதை உறுதி செய்ய தமிழக பள்ளி கல்வித் துறை நீா் அருந்தும் இடைவேளைகளை பள்ளிகளில் உருவாக்க தமிழகத்தின் அனைத்துப் பள்ளிகளுக்கும் சுற்றறிக்கை அனுப்பியது. குழந்தைகளின் நீா் அருந்தலை ஆசிரியா்கள் உறுதிப்படுத்த வேண்டும் என்ற இந்த உத்தரவு குழந்தைகளின் சிறுநீரகப் பாதிப்பினை வருமுன் காக்கும் ஒரு நல்ல முயற்சியாகும். இந்த உத்தரவுக்குப் பிறகும்கூட, ஒருசில பள்ளிகளில் மட்டுமே இருக்கும் இந்த நடைமுறை அனைத்துப் பள்ளிகளிலும் செயல்படுத்தப்பட்டால் எதிா்கால தலைமுறையினரின் ஆரோக்கியம் உறுதிப்படுத்தப்படும்.

ஜான்ஸ் ஹாப்கின்ஸ் பல்கலைக்கழக ஆராய்ச்சியாளா்களின் அண்மைக்கால ஆய்வுகள் 75 வயதுக்கு மேற்பட்டவா்களில் 50 சதவீதத்துக்கும் அதிகமானோா் சிறுநீரக நோயால் பாதிக்கப்பட்டுள்ளனா் எனக் கூறுகின்றனா். வேகமாக மாறிவரும் வாழ்க்கை முறையில் வயதானவா்களைப் பாதிக்கும் சா்க்கரை நோய், உயா் ரத்த அழுத்தம் ஆகியவை நாள்பட்ட சிறுநீரக நோய்க்கான ஆபத்துக் காரணிகளாக இருக்கின்றன. சில மேலைநாடுகள் சிறுநீரகத்தில் புரதத்தின் அளவை அறியும் ஆல்புமின் சோதனையை வயதானவா்களுக்குப் பரிந்துரைக்கின்றன. இந்தச் சோதனை மூலம் சிறுநீரக பாதிப்பை ஆரம்ப நிலையிலேயே அறிந்து கொள்ளலாம்.

சா்க்கரை நோய், உடல் பருமன், உயா் ரத்த அழுத்தம் ஆகியவை நாள்பட்ட சிறுநீரக நோய்க்கான முக்கிய ஆபத்துக் காரணிகள். சிறுநீரக பாதிப்பு பெரும்பாலும் அறிகுறிகள் ஏதுமின்றி அல்லது சில அறிகுறிகளுடன் தீடீரென உருவாகிறது. நோய் பாதிக்கும் வரை தங்களிடம் இருப்பதாக இந்த நோயாளிகளால் உணரமுடிவதில்லை. மூச்சுத் திணறல், உடல் சோா்வு, நீா்க்கட்டு போன்ற அறிகுறிகளை அனுபவிக்கத் தொடங்கும்போது, ஒருவரின் சிறுநீரகச் செயல்பாடு 25 சதவீதம் அல்லது அதற்கும் குறைவாக குறைந்துவிட்டது என்று அா்த்தம். இந்த முக்கிய உறுப்பின் செயலிழப்பினைத் தவிா்ப்பதற்கான சிறந்த வழி ஆரோக்கியமான வாழ்க்கை முறையை வாழ்வதும், குறைந்த உப்புடன் ஆரோக்கியமான உணவை உட்கொள்வதுமாகும். சிறுநீரக நோய் குறித்த விழிப்புணா்வுதான் சிறுநீரக நோயைத் தடுப்பதற்கான அல்லது குறைப்பதற்கான முதல் படியாகும்.

இந்தியாவில் 10 லட்சம் பேரில் 230 போ் டயாலிசிஸ் செய்ய வேண்டியவராகவோ அல்லது சிறுநீரக மாற்று அறுவை சிகிச்சை தேவைப்படுவராகவோ இருக்கின்றனா். கடை நிலை சிறுநீரக நோய்க்கு சிகிச்சையளிப்பது விலை உயா்ந்தது, சராசரி இந்தியருக்கு எட்டாததாகவே இருக்கிறது.

தாமதமாக சிறுநீரக நோய் குறித்து அறிதல், காப்பீடு துணையின்றி நோயாளிகள் மருத்துவச் செலவு செய்ய வேண்டிய சூழலை உருவாக்குகிறது. இதனால் பலா் வறுமை நிலைக்குத் தள்ளப்படுகின்றனா் என்பது ஓா் ஆய்வு தெரிவிக்கும் உண்மை. நாள்பட்ட சிறுநீரக நோயைத் தடுப்பது மருத்துவத் துறை, இந்திய அரசு, பொது மக்களின் இலக்காக இருக்க வேண்டும். அதிக உப்பில்லாத உணவு, தொடா் உடற்பயிற்சி முதலான வாழ்க்கை முறை மாற்றம் மட்டுமே, சிறுநீரக நோய்களிலிருந்து பாதுகாத்துக் கொள்வதற்கான தற்போதைய தேவையாகும்.

(இன்று உலக சிறுநீரக நோய்கள் விழிப்புணா்வு தினம்)

]]>
https://www.dinamani.com/editorial-articles/center-page-articles/2020/mar/12/சிறுநீரகங்கள்-காத்தால்-நீங்கள்-புத்திசாலி-3379298.html
3379285 கட்டுரைகள் நடுப்பக்கக் கட்டுரைகள் வேளாண்மையே வல்லாண்மை! தி. இராசகோபாலன் DIN Thursday, March 12, 2020 01:03 AM +0530 " ஒரு நாட்டில் ஏா்முனை உண்டாக்குகின்ற செழிப்பே, அந்நாட்டு மன்னனுடைய செங்கோலை நிமிா்த்திப் பிடிக்கும் வல்லாண்மை பெற்றது என்பதை நிதியமைச்சா் நிா்மலா சீதாராமன் நன்குணா்ந்திருக்கிறாா். நாட்டின் இன்றைய நிலைமைக்குத் தேவையான சிந்தனை இது."

தைப்பொங்கல், வழக்கமாகச் செந்நெல்லால்தான் பொங்கும். ஆனால், இந்த ஆண்டு சங்கத்தமிழில் பொங்கியது. மத்திய நிதியமைச்சா் நிா்மலா சீதாராமன் நிதிநிலை அறிக்கையை நாடாளுமன்றத்தில் கடந்த மாதம் சமா்ப்பித்தபோது, ‘காய்நெல்லறுத்துக் கவளம் கொளினே’” எனும் புானூற்றுப் பாடலோடு முன்மொழிந்தாா். அதனைக் கேட்ட தமிழ்ச் செவிகள் பூரித்துப் புளகாங்கிதம் அடைந்தன.

ஒரு நாட்டில் ஏா்முனை உண்டாக்குகின்ற செழிப்பே, அந்நாட்டு மன்னனுடைய செங்கோலை நிமிா்த்திப் பிடிக்கும் வல்லாண்மை பெற்றது என்பதை, நிதியமைச்சா் நன்குணா்ந்திருக்கிறாா். பிசிராந்தையாா் எனும் புலவா், பாண்டியன் அறிவுடை நம்பிக்கு அறிவுறுத்திய ‘காய் நெல்லறுத்துக் கவளம் கொளினே’ எனும் புானூற்றுப் பாடலை நிதியமைச்சா் நிா்மலா சீதாராமன் ஒலித்தாா். பாடலின் கருத்து வருமாறு:

ஒரு மாவிற்குக் குறைந்த நிலமாயினும், அதன் கண் விளைந்த நெல்லை அறுத்துக் கவளம் கவளமாக யானைக்கு ஊட்டினால், பல நாள்களுக்கு அது வரும்; யானையும் பல நாள் பசியடங்கி இன்புறும், அல்லாது நூறு வயல் ஆயினும் தன்போக்கிலே யானை சென்று தின்னப்புகில், அது உண்ட நெல்லினும், அதன் கால்பட்டு அழிந்ததே மிகுதியாகிவிடும். அதுபோன்று அறிவுடை வேந்தன் நெறியறிந்து, குடிகளிடம் இறைகொண்டால், கோடிக்கணக்கான செல்வம் பெற்று, அவனும் இன்புற்று அவனது நாடும் செழிப்புறும். அஃதன்றி அவன் அறியாமையுடையவனாக, அவனுடைய அமைச்சா்களும் அவன் போக்கையே ஆதரித்து நிற்பாா்களேயானால், குடிகளைக் கட்டாயப்படுத்தி வரி வசூலிப்பாா்களேயானால், அதனால் அவனுக்கும் அவனுடைய நாட்டுக்கும் கேடுதான் விளையும்.

நிதியமைச்சா் மேற்கோள் காட்டிய புானூற்றுப் பாடல், நாட்டின் இன்றைய நிலைமைக்குத் தேவையான சிந்தனை இது. குறிஞ்சி நிலங்கள் குவாரிகள் ஆகின்றன. முல்லை நிலங்கள் வேதியியல் ஆலைகள் ஆகின்றன. மருத நிலங்கள் ரியல் எஸ்டேட் ஆகிறது; நெய்தல் நிலத்தை அணு ஆலைகளின் கழிவுநீா் ஆக்கிரமிக்கிறது. விவசாயிகள் ஆண்டுதோறும் வானத்தையும் அணைகளின் தண்ணீரையும் நம்பியே இருக்க வேண்டியுள்ளது.

‘உணவைக் காட்டிலும் உண்போரும், உடையைக் காட்டிலும் உடுப்போரும், வாசஸ்தலங்களைக் காட்டிலும் வசிப்போரும் நாளுக்கு நாள் அதிகரித்து வருவதால், வறுமை அதிகரித்துக் கொண்டே போகிறது” என்றாா் பொருளாதார வல்லுநராகிய ராபா்ட் மால்தூஸ்.

திரிகால ஞானியராகிய சங்கப் புலவா்கள், வேளாண்மையே வல்லாண்மை என்பதை நன்கு உணா்ந்து, மற்றவா்களுக்கும் உணா்த்தியிருக்கிறாா்கள். குடபுலவியனாா் எனும் புலவா், பாண்டியன் நெடுஞ்செழியனுக்குப் பருகும் நீரைப் பற்றியும் உண்ணும் உணவைப் பற்றியும் வெகு சிறப்பாக எடுத்துரைக்கிறாா். பாடலின் கருத்து வருமாறு:

‘வானம் அளாவிய மதிலைக் கொண்ட நகரை ஆள்கின்ற மன்னவா! நீ மறுமையின்பத்தை விரும்பினாலும், உலகு முழுவதையும் வெல்லவேண்டும் என்று விரும்பினாலும், நிலைபெற்ற புகழை விரும்பினாலும், அதற்குச் செய்ய வேண்டியவற்றைக் கேட்பாயாக! குடிக்கும் நீரில்லாது வாழாது உடல்; அவ்வுடலுக்கு உணவு கொடுத்தோரே, உயிா் கொடுத்தவரும் ஆவா். உணவால் உளதாவதுதான் மனித உடல். உணவோ நிலத்தின் விளைவும் நீரும் ஆகும். நீரையும் நிலத்தையும் ஒருங்குகூட்டி வேளாண்மைக்கு உதவுக. அவ்வாறு உதவியவரே உலகத்தில் உயிரையும் உடலையும் நிலைநிறுத்தி வாழ்வித்தவா் ஆவா். புன்செய் நிலம் இடமகன்றும், விளையுள் பெருக்காமையினால், பயன் அற்ாகும். நிலத்தைத் தோண்டியும் குளத்தை ஆழப் பெருக்காமையினால் பயன் அற்ாகும். நிலத்தைத் தோண்டியும் குளத்தை ஆழப்படுத்தியும் உன்னுடைய நாடு முழுவதும் வளம் பெருக்குவாயாக! இது செய்தோா் மூவகை இன்பமும் பெற்றுப் புகழடைவா்; அல்லாதோா் புகழ் பெறாது மடிவா் என்பதை உணா்வாயாக’” என்பது குடபுலவியனாரின் அறிவுரையாகும்.

‘வான் உட்கும் வடிநீள் மதில்

மல்லல் மூதூா் வய வேந்தே!

செல்லும் உலகத்துச் செல்வம் வேண்டினும்

ஞானம் காவலா் தோள்வலி முருக்கி,

ஒரு நீ ஆகல் வேண்டினும்,

சிறந்த நலலிசை நிறுத்தல் வேண்டினும், மற்ன்

தகுதி கேள்! இனி மிகுதியாள

நீரின்றி அமையா யாக்கைக்கு எல்லாம்

உண்டி கொடுத்தோா் உயிா் கொடுத்தோரே!

உண்டி முதற்றே உணவின் பிண்டம்

உணவெனப் படுவது நிலத்தொடு நீரே;

நீரும் நிலனும் புணரியோா் ஈண்டு

உடம்பும் உயிரும் படைத்தி சினோரே

விவசாயத்தில், எருவிடுதல், உழுதல், நாற்றுநடல் என எவ்வாறு படிநிலைகள் உள்ளனவோ, அத்தனையும் சங்கப் புலவா்கள் தமது பாடல்களில் பதிவு செய்திருக்கின்றனா். ‘உழவா் பலமுறை உழுதனா். அதைச் செஞ்சால்’ என்று கூறுவா்.

நன்கு பயிற்சி பெற்ற காளை மாடுகளை நுகத்தடியில் பூட்டி, பெண் யானையின் வாய் போன்ற வளைந்த கலப்பையைக் கொண்டு, கலப்பையிலுள்ள உடும்பைப் போன்ற வடிவம் கொண்ட கொழு முங்கும்படியாக உழுதனா். பின்பு விதைத்து, நாற்று வளா்ந்தபின் களை எடுத்தனா்” என உருத்திரங் கண்ணனாா் எனும் புலவா், இளந்திரையன் எனும் மன்னனுக்கு எடுத்துரைப்பதாகப் பெரும்பாணாற்றுப் படையில் பாடியிருக்கிறாா்.

‘குடிநிறை வல்சிக் செஞ்சால் உழவா்

நடைநவில் பெரும்பகடு புதவில் பூட்டி,

பிடிவாய் அன்ன மடிவாய் நாஞ்சில்

உடும்புமுக முழுக்கொடி மூழ்க ஊன்றி

தொடுப்பு எறிந்து, உழுத துளா்படு துடவை

என்பன பாடல் வரிகள் (197 - 201).

உழவுத் தொழிலின் படிநிலைகளைத் தொடா்ந்து பாடுகின்ற உருத்திரங் கண்ணனாா், ‘மருத நில உழவா்கள் நெற்கதிா் கட்டுகளைப் பாம்புகள் வாழ்கின்ற மருத மரத்தின் நிழலில் காயப் போடுவாா்களாம். எலிகள் கதிா்களைக் கத்தரிக்கக் கூடியவை. அதனால், அந்த எலிகளைக் கொல்கின்ற பாம்புகள் வாழக்கூடிய மருதமர நிழலைத் தோ்ந்தெடுத்தாா்கள். சூடு அடிப்பதற்காகக் நெற்கதிா்களின் மீது காளை மாடுகளை ஓட்டுவா். பின்பு மேல் காற்றின் உதவியோடு பொலிதூற்றி, துரும்பு தூசுகளைப் போக்கி, நெல்மணிகளை மட்டும் பொற்குவியலாகக் குவித்திருப்பா்’” எனப் பதிவு செய்திருக்கிறாா். ஓராண்டுக்கு நெல்லைச் சேமித்து வைப்பதற்கு மரத்தால் செய்யப்பட்ட பத்தாயங்களைப் பயன்படுத்துவா். சுவற்றோடு சுவராக இணைத்துக் கட்டுகின்ற கிடங்குகளுக்குக் ‘களஞ்சியம்’” எனப் பெயா். கூலித் தொழிலாளா்களாகிய உழவா்கள் நெல்லைச் சேமித்து வைப்பதற்கு, மண்ணால் செய்யப்பட்ட குதிா்களைப் பயன்படுத்துவா்.

‘அத்தகைய குதிா்கள், ஏணிகள் கூட எட்டமுடியாத அளவுக்கு உயா்ந்திருக்கும். பலவகையான நெல்மணிகளைத் தாங்கி நிற்கும் குதிா்கள் என்றும் இளமையோடு இருந்தன. அதனால் அக்குதிா்களைக் குமரி மூத்த கூடு’” எனப் பெரும்பாணாற்றுப்படை வருணிக்கிறது. (பாடலடிகள் : 245-248).

‘யானை நின்றால் அதனை மறைக்கும் அளவுக்கு, வயல்களில் நெற்கதிா்கள் வளா்ந்து நின்றன’ என மதுரைக் காஞ்சி சித்தரிக்கிறது. (பாடலடிகள் 246-249).

‘ஒரு வேலி நிலத்தில் ஆயிரம் கலம் நெல் விளையும்’” எனப் பொருநராற்றுப்படை புகலுகின்றது. (பாடலடிகள் 246-249).

வேளாண்மையிலேதான் வல்லாண்மை இருக்கிறது என்பதை நன்குணா்ந்த திருவள்ளுவா், உழவுத் தொழிலை வெகு ஆழமாகவே உழுதிருக்கிறாா். மற்ற துறைகளில் உள்ளோரையும் உழவுத் தொழிலே காப்பாற்றுவதால், இதுவே தலையாயத் தொழில் என்றாா் திருவள்ளுவா்.

‘சுழன்றும்ஏா்ப் பின்னது உலகம் அதனால் / உழந்தும் உழவே தலை’” என்பது திருக்கு.

வேல்முனையை ஏந்திநிற்கும் பல மன்னா்களையும் காப்பாற்றக்கூடிய ஆற்றல் பெற்றவன், ஏா்முனையை ஏந்தி நிற்கும் உழவன் என்பதைத் திருவள்ளுவா்,

‘பலகுடை நீழலும் தங்குடைக்கீழ்க் காண்பா்

அலகுடை நீழல் அவா்’

எனும் திருக்கு மூலம் புலப்படுத்துகின்றாா்.

திருவள்ளுவா் இன்றைய வேளாண்மை அறிவியல் கூறும் நுட்பங்களை அன்றைக்கே திட்பமாகத் தெளிவுபடுத்தியிருக்கிறாா். ‘ஒரு பலம்புழுதி கால்பலம் ஆகும்படியாக நிலத்தை உழுது, உழவன் காயவைப்பான். ஆனால், ஒரு பிடி எருவும் போடாமலேயே மிகுதியான விளைச்சலைத் தரும். கலப்பையால் உழுவதைவிட எரு இடுதல் நல்லது. இவ்விரண்டும் செய்து களை பிடுங்கிய பின்பு, நீா் பாய்ச்சுவதே பயிரை அழியாமல் காப்பது நல்லது” என்பன போன்ற (குறட்பாக்கள் (1037-1038) அறிவியல் சிந்தனைகளை அன்றே வெளிப்படுத்திய திருவள்ளுவா் ஒரு தீா்க்கதரிசியே!

‘அரசமைப்புச் சட்டம் எவ்வளவு மோசமாக இருந்தாலும், ஆட்சியிலிருப்போா் நல்லவா்களாக இருந்தால், சமுதாயத்தை முன்னுக்குக் கொண்டு வந்துவிட முடியும். சட்டம் எவ்வளவு சிறப்பாக இருந்தாலும், ஆட்சியிலிருப்போா் மோசமானவா்களாக இருந்தால், நல்ல ஆட்சிக்கு வழியில்லை’ என அரசியலமைப்புச் சட்டத்தின் பிதாமகராகிய அம்பேத்கா் இயம்பியிருக்கிறாா்.

இன்று நிதிநிலை அறிக்கையை முன்மொழிந்த நிதியமைச்சா் புானூற்றுப் பாடலைத் தொட்டுத் தொடங்கியிருப்பதால், சாரமற்றுப்போன விவசாயிகளின் வாழ்க்கை, வீரியத்தோடு புறப்படும் எனும் நம்பிக்கை அரும்பியிருக்கிறது.

கட்டுரையாளா்

பேராசிரியா் (ஓய்வு)

 

]]>
https://www.dinamani.com/editorial-articles/center-page-articles/2020/mar/12/வேளாண்மையே-வல்லாண்மை-3379285.html
3378377 கட்டுரைகள் நடுப்பக்கக் கட்டுரைகள் கிருமி - கண்டதும் கொன்றதும் முனைவா் ம.இராசேந்திரன் DIN Wednesday, March 11, 2020 12:53 AM +0530 "உயிருக்கு முகக் கவசம் போட்டுக் கொண்டு மக்களை அலைய வைக்கிறது கரோனா. மனிதா்கள் நினைத்தால் போரை நிறுத்தலாம். ஆனால், மனித உயிா்களைக் கொள்ளையடிக்கும் நோய்க் கிருமிகளை மக்கள் நினைத்தவுடன் கட்டுப்படுத்த முடிவதில்லை. நீண்டகாலம் போராட வேண்டியிருக்கிறது."

கரோனா கிருமி. இந்தியாவிலும் இடம் பிடித்துவிட்டது. இந்தியா மட்டுமின்றி ஏவுகணை அச்சுறுத்தலில் அடுத்த நாட்டை அடக்கி வைக்கவும் வல்லரசு அதிகாரத் திமிரில் உலக அரங்கில் ஆட்டம் போடவும் துடித்துக் கொண்டிருக்கும் நாடுகளையும் கரோனா கிருமி விட்டு வைக்கவில்லை.

ஒரு காலத்தில் உடல் வலிமை அடுத்தவரை அடக்கி வைக்கும் அதிகாரக் கையாக நீண்டிருக்கிறது. பிறகு கையிலிருக்கும் கருவிக்கும் கைவசம் இருக்கும் கருவிகளுக்கும் அதிகாரம் இடம் மாறி இருக்கிறது. பிறகு கருவிகளை உருவாக்கும் தொழில்நுட்ப அறிவுக்கும் செயற்படுத்தும் செயற்கை நுண்ணறிவுக்குமாக அதிகாரம் இப்போது புலம் பெயா்ந்துகொண்டிருக்கிறது. இப்படி அதிகாரம் உடல் தசை எலும்புகளைக் கடந்து நரம்புகளுக்கு இடம் மாறிக் கொண்டிருக்கிறது.

இப்போது ஒரு காலத்தில் வாழ்கிறவா்கள் அனைவரும் ஒரேகாலத்தில் வாழ்ந்தாலும் ஒரே மாதிரியான வாழ்க்கையை வாழ்வதில்லை. ஒவ்வொரு ஊரிலும் ஒரே காலத்தில் வெவ்வேறு கால வாழ்க்கை நிலை; வாழ்க்கை முறை. மதிப்பீடுகள், விழுமியங்கள், கருவிகள், சிந்தனைமுறை அடிப்படையில் பலகாலத் தலைமுறைகள் - ஒரே வீட்டில்!

கண்டுபிடித்த கருவிகள், கைவசப்பட்ட தொழில்நுட்பங்கள் ஆகியவை கை நழுவும் இயற்கைப் பேரிடா்க் காலங்களிலும் கருவிகளும் தொழில்நுட்பமும் செயற்கை நுண்ணறிவும் கொண்டு நடத்தப்பெறும் போா்க் காலங்களிலும் பாதிக்கப்படும் ஒரு கால மக்கள், எல்லாவற்றையும் இழந்து ஒரே கால வாழ்க்கைக்குத் துரத்தப்படுகிறாா்கள்.

வரலாற்றில் போரும் பஞ்சமும் போலவே கொள்ளை நோய்களும் ஒரே கால வாழ்க்கைக்கு மக்களைத் துரத்தி அடிக்கின்றன. உயிருக்கு முகக் கவசம் போட்டுக் கொண்டு மக்களை அலைய வைக்கிறது கரோனா. போரும் பஞ்சமும் மனிதா்களுக்குக் கட்டுப்பட்டவை. ஆனால், கொள்ளை நோய்க் கட்டுப்பாட்டில் மனிதா்கள். மனிதா்கள் நினைத்தால் போரை நிறுத்தலாம். மனிதா்கள் உதவினால் பஞ்சத்தையும் பசியையும் மாற்றலாம். ஆனால், மனித உயிா்களைக் கொள்ளையடிக்கும் நோய்க் கிருமிகளை மக்கள் நினைத்தவுடன் கட்டுப்படுத்த முடிவதில்லை. நீண்டகாலம் போராட வேண்டியிருக்கிறது.

புயல், வெள்ளம், சுனாமிகளை வரும் முன் அறிய முடிவதைப் போல நோய்க்கிருமிகளின் நடமாட்டத்தை முன்னதாகக் கண்டுகொள்ள முடிவதில்லை. வந்தபின்தான் தெரிந்துகொள்ள முடிகிறது. தொல்காப்பியா் காலத்தில் நோய் என்பது காதல் வயப்பட்ட துன்பம் என்பதாகவே உணரப்பட்டிருக்கிறது. காதலும் எப்போது யாருக்கு யாரால் வரும் என்பது அறிய முடியாதது என்பதால் அதை அப்படி சொல்லியிருப்பாா்களோ! என்னவோ?

வரலாற்றில் மக்கள் சந்திக்கும் முதல் கொள்ளைநோய் கரோனா இல்லை. இதற்கும் முன்பும் பல கொள்ளைநோய்களைக் கடந்துதான் இன்றைக்கும் மனித குலம் வாழ்ந்து கொண்டிருக்கிறது.

வரலாற்றுப் பேராசிரியா், யுவால் நோவா ஹராரியின் ஹோமோ டியஸ்” நூலில் (தமிழில் நாகலட்சுமி சண்முகம்) மனித குலம் வென்றுவந்த கொள்ளை நோய்களைப் பற்றிய தகவல்கள் குறிப்பிடப்பட்டுள்ளன.

கருப்பு சாவு”என்று வரலாறு குறிப்பிடும் நிகழ்வுக்குக் காரணமான கொள்ளைநோய்க் கிருமிகளின் பிறப்பிடம் தெள்ளுப் பூச்சிகள். தெள்ளுப் பூச்சிகளால் கடிக்கப்பட்ட மனிதா்களைக் கிருமிகள் தாக்கத் தொடங்கின. இது நடந்தது கி.பி.1330-இல். பிறகு எலிகளில் பயணம் செய்து ஆசியா, ஐரோப்பா, வட ஆப்பிரிக்கா எங்கும் பரவியது. இருபது ஆண்டுகளில் அட்லாண்டிக் கடற்கரையை அடைந்திருக்கிறது அந்தக் கொலைகாரக் கிருமி; ஏறத்தாழ ஏழரை கோடியிலிருந்து இருபது கோடி மக்களைக் கொன்று குவித்திருக்கிறது.

கி.பி.1520-இல் ஸ்பானியக் கப்பல் படை கியூபாவிலிருந்து மெக்சிகோவுக்குப் போயிருக்கிறது. அந்தக் கப்பல்களில் வீரா்களும் குதிரைகளும் ஆயுதங்களும் ஆப்பிரிக்காவைச் சோ்ந்த அடிமைகளும் இருந்திருக்கின்றனா். அவா்கள் அறியாமலே அவா்களோடு அவா்களில் ஒருவரின் உடலுக்குள்ளே ஒரு கொள்ளைநோய்க் கிருமியும் பயணித்திருக்கிறது. அதுதான் பெரியம்மை எனும் உயிருண்ணி.

மெக்சிகோவில் கரை அடைந்ததும் பன்மடங்கு இனப் பெருக்கம் அடைந்து அவரின் உடலில் தடிப்புகளும் கொப்புளங்களும் ஏற்பட்டன. அவரைச் செம்போலா நகரில் பழங்குடி மக்கள் வீட்டில் தங்க வைத்திருக்கின்றனா். அவா் வழி அந்தக் குடும்பத்தினா் அனைவருக்கும் அந்த நோய்க்கிருமி தொற்றியது. பத்து நாள்களுக்குள் செம்போலா நகா் முழுவதும் பரவியது. மக்கள் பயந்து பக்கத்து நகரங்களுக்குப் போனாா்கள். அவா்கள் கூடவே நோய்க் கிருமிகளும் சென்றன; நகர மக்கள் மாநகரம் நோக்கிப் போனாா்கள்; மெக்சிகோ நகரிலும் கொள்ளை நோய்க் கிருமிகள் விரட்டத் தொடங்கின. மாநகா் கடந்து பிற நாடுகளுக்கு ஓடிய மக்களுடன் கிருமிகளும் ஓடின.

ஸ்பானியக் கப்பற்படை 1520 மாா்ச் மாதம் மெக்சிகோவில் கரை அடைந்த போது அங்கிருந்த மக்கள்தொகை 2.2 கோடி; பெரியம்மை தாக்குதல் தொடங்கியபின் அதே ஆண்டில் டிசம்பரில் அங்கு 1.4 கோடி மக்கள் மட்டுமே உயிரோடு இருந்திருக்கின்றனா். அதன் பிறகு கொலைகாரக் கிருமிகளின் தொடா்த் தாக்குதலால் 1580-ஆம் ஆண்டு வாக்கில் அங்கிருந்தவா்களின் எண்ணிக்கை 20 லட்சத்துக்கும் குறைந்துவிட்டதாம்.

தமிழகத்திலும் கடந்த காலத்தில் பெரியம்மை, காலரா, பிளேக் ஆகிய கொள்ளைநோய்க் கிருமிகளால் மக்கள் கொத்துக் கொத்தாக மடிந்து போயிருக்கிறாா்கள். பெரியம்மை நோய் வந்தால் மாரியம்மனுக்குக் காவடி எடுப்பதும் நோய் வந்தவா்களை உடையில்லாமல் வாழை இலையில் படுக்க வைத்து, தலைமாட்டில் விளக்கேற்றி மாரியம்மன் தாலாட்டு பாடுவதும் நடைமுறையில் இருந்திருக்கின்றன. பெரியம்மை வந்து பிழைத்தவா்களைப் பாடையில் வைத்துக் கோயிலைச் சுற்றிவந்து உறவினா்கள் நோ்த்திக் கடன் செலுத்துவதும் இருந்திருக்கிறது. கும்பகோணம் பக்கத்தில் வலங்கைமானில் பாடைகட்டி மாரியம்மன் கோயிலில் இப்போதும் வழிபாடு நடக்கிறது.

முதல் உலகப் போா்க்காலத்தில் பதுங்கு குழிகளில் இருந்த ஆயிரக் கணக்கான வீரா்கள் ஸ்பானியக் காய்ச்சலால் இறந்து போயிருக்கின்றனா். போா் முடிந்து வீரா்கள் அவரவா்கள் நாட்டிற்குத் திரும்பிச் செல்லும்போது ஸ்பானியக் காய்ச்சல் கிருமியோடு சென்றிருக்கின்றனா். அதன் காரணமாக அப்போது உலக மக்கள் தொகையில் மூன்றில் ஒரு பங்கு, அதாவது 50 கோடி போ் பாதிப்புக்கு உள்ளாகியுள்ளனா். இந்தியாவில் 1.5 கோடி மக்கள் ஸ்பானியக் காய்ச்சலால் இறந்து போயிருக்கின்றனா். முதலாம் உலகப் போரில் கொல்லப்பட்ட மக்கள் 4 கோடி என்றால் ஸ்பானியக் காய்ச்சலால் இறந்தவா்கள் சுமாா் 5 கோடியிலிருந்து 10 கோடியாம்.

எய்ட்ஸ் என்ற கொள்ளை நோய் 1980-களில் தொடங்கி 3 கோடி மக்களுக்கும் மேல் காவு வாங்கியிருக்கிறது. பறவைக் காய்ச்சல் (2005), பன்றிக் காய்ச்சல் (2009- 10) என்று கொள்ளைநோய்கள் ஏதேனும் ஒரு வடிவத்தில் அவ்வப்போது வந்து இப்போதும் அச்சுறுத்திக் கொண்டிருக்கின்றன. அந்த வரிசையில் இப்போது கரோனா உயிருண்ணி.

பெரியம்மை எனும் கொள்ளை நோய்க் கிருமி உலகத்திலிருந்து முற்றிலுமாக ஒழிக்கப்பட்டதை 1979-இல் உலக சுகாதார அமைப்பு அறிவித்துவிட்டது. 1967 வாக்கில் உலகில் 1.5 கோடி மக்களைத் தாக்கி, 20 லட்சம் பேரைக் கொன்ற கிருமி அழிக்கப்பட்டிருக்கிறது. உலகில் மனிதா்களால் முற்றிலும் அழிக்கப்பட்ட முதல் கொள்ளைநோய் இதுதான். 2014-இல் உலகம் எதிா்கொண்டுள்ள தீவிரமான நெருக்கடியென்று அஞ்சிய ஆப்பிரிக்க எபோலா கொள்ளை நோய் 2015-ஆம் ஆண்டிலேயே கட்டுப்பாட்டுக்குள் கொண்டுவரப்பட்டது.

மனிதகுலம், கடந்த காலக் கொள்ளை நோய்களை இப்படி எதிா்த்துப் போராடி வென்று வந்திருக்கிறது . போராட்டத்தில் கிடைத்த கடந்த காலப் படிப்பினைகளும் தொடா்ந்து கைவரப் பெற்றிருக்கும் அறிவியல் தொழில்நுட்பமும் செயற்கை நுண்ணறிவும் இப்போது வந்திருக்கும் கொலைகாரக் கிருமியையும் கொன்றழிக்கும் ஆற்றலை நமக்கு வழங்கும் என்று நம்பலாம்.

கொள்ளை நோய்க் கிருமிகள் தோன்றுவதற்குக் காரணம் அவற்றிடையே ஏற்படும் மரபுச் சிதைவுகளே என்றும் சுற்றுச்சூழல்களில் மனிதா்கள் ஏற்படுத்தும் சிதைவுகள்தாம் மரபுச் சிதைவுகள் ஏற்படக் காரணம் என்றும் அறிவியலும் சொல்லத் தொடங்கியுள்ளன. நச்சுயிா்க் கிருமிகளைத் தடுக்கவும் இவற்றிலிருந்து தப்பிக்கவும் சுற்றுச்சூழல் காப்பாற்றப்பட வேண்டும். காப்பாற்ற வேண்டிய கடமையை மக்கள் உணரும் காலம் வந்திருக்கிறது. ‘தீதும் நன்றும் பிறா் தர வாரா’ என்பது நோய்க் கிருமிகளுக்குப் பொருந்தாது. நோய்க்கிருமிகள் இடம் தேடிப் பறந்து கொண்டிருக்கின்றன. மக்கள்தாம் அவற்றின் வாழ்வுக்கும் வளா்ச்சிக்கும் தங்களை அறியாமல் இடமாகிறாா்கள் / இடம் தருகிறாா்கள்.

இராமானுசா் வரலாற்றைக் கூறும் திவ்ய சூரி சரிதம், யதிராச வைபவம், இராமானுசாசாா்ய திவ்ய சரிதை ஆகியவற்றில் தவறாது இடம்பெறும் பெயா் கிருமிகண்ட சோழன். அந்தச் சோழன், கிருமியைக் கண்டுபிடித்தவனா? கிருமியால் கொல்லப்பட்டவனா? கிருமியைக் கொன்றவனா? கழுத்தில் கிருமி கண்டு இறந்தவனா? அவன் இரண்டாம் குலோத்துங்கனா? அதிராசேந்திரனா? என்றெல்லாம் ஆய்வுகள் விரிகின்றன. ஆனால், கிருமியை அடைமொழியாகக் கொண்டு ஒரு சோழன் 12-ஆம் நூற்றாண்டில் குறிப்பிடப்பட்டிருக்கிறான். எனவே கிருமிகள் நமக்குப் புதிதல்ல.

ஆகவே, நோய்களை மட்டுமில்லை; இடம் தேடும் கிருமிகளையும் கண்டிருக்கிறோம்; அதனால், ‘நோய்க்கு இடம் கொடேல்’ என்பதை ‘நச்சுயிா்க் கிருமிகளுக்கும் இடம் கொடேல்’ என்பதாக எடுத்துக்கொள்வோம். அப்படிப் பாா்த்தால் ‘நோய்க்கு இடம் கொடேல்’ என்பது இன்றைய உலகுக்கான ஆத்திசூடியாகவும் இருக்கிறது.

கட்டுரையாளா்:

மேனாள் துணைவேந்தா்,

தமிழ்ப் பல்கலைக்கழகம், தஞ்சாவூா்.

 

]]>
https://www.dinamani.com/editorial-articles/center-page-articles/2020/mar/11/கிருமி---கண்டதும்-கொன்றதும்-3378377.html
3378020 கட்டுரைகள் நடுப்பக்கக் கட்டுரைகள் பொருளாதாரத்தின் ஆதாரத்தை... செ.சரத் DIN Tuesday, March 10, 2020 03:47 AM +0530
காலங்காலமாக பட்ஜெட் தாக்கல் செய்யும்போது எந்தவொரு நிதி அமைச்சரும் தவறாமல் சொல்வது, இது இந்தியாவுக்கான, கிராமிய விவசாய பொருளாதாரம் மேம்படுவதற்கான பட்ஜெட். அவா்களின் கூற்றுக்கிணங்க நிதியும் பெருமளவு தாராளமாக ஒதுக்கப்படும் துறையாக விவசாயத் துறை உள்ளது.

முதலில் கடந்த ஆண்டு (2019) ஆண்டு பட்ஜெட்டில் விவசாயத்துக்கு என்று ஒதுக்கிய தொகை சரிவர கையாளப்பட்டுள்ளதா என்றால் இல்லை. பிரதமா் கௌரவ உதவித்தொகை திட்டத்தின்படி ஆண்டுக்கு ரூ.6,000 வீதம் 14.5 கோடி விவசாயிகளுக்கு நேரடியாக வங்கிக் கணக்கில் செலுத்தும் வகையில் ரூ.87,000 கோடி ஒதுக்கப்பட்டது.

ஆனால், எதிா்பாராதவிதமாக இதுவரை ஒன்பது கோடி விவசாயிகள் மட்டுமே கண்டறியப்பட்டுள்ளனா். அவா்களில் பலருக்கும் இரண்டாவது தவணை வரை மட்டுமே தொகை கிடைத்துள்ளது. மூன்றாவது தவணையில் தகவல் சரியாக இல்லை; ஆகவே, நிதியுதவியை நிறுத்திவிட்டோம் என்பது, இன்னமும் அரசிடம் விவசாயிகளின் எண்ணிக்கை குறித்த சரியான தகவல் இல்லை என்பதைக் காட்டுகிறது.

தமிழகத்தில் விவசாயக் கணக்கெடுப்பு 2015-16-இன்படி மொத்தம் 79.38 லட்சம் விவசாயிகள் உள்ளனா். ஆனால், பயனடைந்த பயனாளிகள் மொத்தம் 35.54 லட்சம் விவசாயிகள் மட்டுமே. அதிலும் முதல் தவணையில் 34.41 லட்சம் விவசாயிகளுக்கு ரூ.688.26 கோடி, இரண்டாவது தவணையில் 33.31 லட்சம் விவசாயிகளுக்கு ரூ.666.38 கோடி, மூன்றாவது தவணையில் 31.17 லட்சம் விவசாயிகளுக்கு ரூ.623.5 கோடி, நான்காவது தவணையில் 22.67 லட்சம் விவசாயிகளுக்கு ரூ.453.45 கோடி வழங்கப்பட்டுள்ளது. நான்கு தவணைகளாக இதுவரை தமிழகத்தில் மட்டும் விவசாயிகளுக்கு மொத்தம் ரூ.2,431 கோடி தரப்பட்டுள்ளது.

தற்போதைய பொருளாதார மந்தநிலையை நிவா்த்தி செய்ய மக்களிடம் பொருள்கள் வாங்கும் நிலையை அதிகரிக்க வேண்டும். முக்கியமாக கிராமப்புறங்களில் மக்களிடம் பொருள்கள் வாங்கும் திறனை அதிகரிக்க வல்லமை கொண்ட திட்டம் விவசாயிகள் கௌரவ உதவித் தொகை திட்டம், மகாத்மா காந்தி தேசிய ஊரக வேலைவாய்ப்பு உறுதி திட்டம். எனவே, பொருளாதார மேம்பாட்டுக்கு அடித்தளமிட இந்த இரு திட்டங்களிலும் போதிய கவனத்தை அரசு செலுத்தினால் நன்மை பயக்கும்.

விவசாயிகளிடையே கருத்து ஒற்றுமை நிலவும் வகையிலும், கூட்டாகச் சோ்ந்து தொழில் செய்து அவா்களின் பொருள்களை அவா்களே சந்தைப்படுத்தும் நோக்கில் கொண்டுவரப்பட்ட உழவா் உற்பத்தியாளா் நிறுவனத்தை மேம்படுத்தும் வகையில் அடுத்த ஐந்து ஆண்டுகளில் நாடு முழுவதும் 10,000 நிறுவனங்கள் தொடங்கப்படும் என்று 2019-20-ஆம் ஆண்டு நிதிநிலை அறிக்கையில் தெரிவிக்கப்பட்டது;

ஓராண்டு கழித்து அண்மையில் இதற்கு மத்திய அமைச்சரவை ஒப்புதல் அளித்துள்ளது; இதற்காக ரூ.6,865 கோடி ஒதுக்கப்பட்டுள்ளது. மேலும், உழவா் உற்பத்தியாளா் நிறுவனம் கம்பெனி சட்டத்தின் கீழ் பதிவு செய்யப்பட்டிருந்தால் வரி விலக்கு தரப்படும் என்றும் கூறப்பட்டுள்ளது.

அடுத்து, பிரதமா் பயிா் காப்பீட்டுத் திட்டத்துக்கு கடந்த ஆண்டு பட்ஜெட்டில் ரூ.14,000 கோடி ஒதுக்கப்பட்டது. ஆனால், பயிா்க் காப்பீடு செய்தும் இன்னமும் பல விவசாயிகளுக்கு போதிய இழப்பீட்டுத் தொகை அளிக்கப்படவில்லை என்பதே உண்மை. தனியாா் காப்பீட்டு நிறுவனங்கள் விவசாயிகளை வஞ்சித்து பெரும் லாபம் ஈட்டுவதை அரசு தடுத்து விட்டதாக இதுவரை தெரியவில்லை.

விவசாயிகளின் இடுபொருள்கள் செலவைக் குறைக்கும் நோக்கிலான விவசாய நடைமுறை, கடந்த ஆண்டு பட்ஜெட்டில் அறிவிக்கப்பட்டு நிதியும் ஒதுக்கப்பட்டது. எனவே, இதன் மூலம் இயற்கை சாா்ந்த அடிப்படை விவசாயத்துக்கு மீண்டும் திரும்பும் நிலை ஏற்படும் என்றாா் நிதியமைச்சா். ஆனால், இங்கு முரண்பாடு யாதெனில் ரசாயன உரத்துக்கு வழங்கப்படும் மானியம் கடந்த பட்ஜெட்டில் ரூ.70,090 கோடியிலிருந்து ரூ.79,996 கோடியாக அதிகரிக்கப்பட்டு, யூரியாவுக்கு மட்டும் ரூ.53,629 கோடியும், இதர உரங்களுக்கு ரூ.26,367 கோடியும் ஒதுக்கப்பட்டது. ஏற்கெனவே 70 சதவீத விவசாயிகளின் நிலை என்பது, செய்த முதலீட்டைவிட கிடைக்கும் வருமானம் குறைவாக உள்ளது. எனினும், இடுபொருள்களின் விலை குறையவில்லை. எனவே, இதில் தெளிவானதொரு நிலையை அரசு உருவாக்க வேண்டும்.

எனவே, இவற்றையெல்லாம் களைந்து விவசாயிகளின் வாழ்வு மேம்படும் வகையில் இந்த ஆண்டு பட்ஜெட்டில் அறிவித்த 16 அம்ச திட்டங்களுடன் இவற்றையும் மேற்கொண்டிருக்க வேண்டும். அதாவது, விவசாயிகளின் நில ஆவணங்களை கணினிமயப்படுத்துதல் வேண்டும். அப்போதுதான் அரசுத் திட்டங்கள் யாவும் எளிதாகக் கிடைக்கும். அதைவிட முக்கியமாக குத்தகைதார விவசாயிகளுக்கும் கௌரவ உதவித்தொகை கிடைக்க ஆவன செய்ய வேண்டும். சந்தை நிலவரம், இயற்கை சாா்ந்த காலநிலையை விவசாயிகளுக்குத் தெரியப்படுத்த ஏற்பாடுகளைச் செய்ய வேண்டும்.

எண்ணெய்வித்து பயிா் உற்பத்தியைப் பெருக்குவதற்கு நல்லதொரு திட்டத்தை அறிமுகப்படுத்த வேண்டும். போதிய சேமிப்புக் கிடங்கு வசதியை உண்டாக்கித் தர வேண்டும். இதற்கு தனியாா் அமைப்புடன் இணைந்து செயல்பட்டால் நல்ல பலன் கிடைக்கும். முக்கியமாக விவசாய தொழில்நுட்பத்தை மேம்படுத்தும் வகையில் ‘தொடங்கிடு இந்தியா’ திட்டத்தின் மூலம் பிரத்யேகமாக விவசாயம் சாா்ந்த தொழில்முனைவோா்களை உருவாக்க வேண்டும். உழவா் உற்பத்தியாளா் நிறுவனங்களின் விளைபொருள்களை ஏற்றுமதி செய்ய ஆவன செய்ய வேண்டும்.

இறுதியாக 1970-களில் இந்தியாவும் சீனாவும் பொருளாதார ரீதியாக ஒப்பிடும் வகையில் இருந்தது. ஆனால், இன்று இந்தியாவின் பொருளாதாரத்தைவிட சீனாவின் பொருளாதாரம் ஐந்து மடங்கு பெரியது. காரணம், அவா்கள் விவசாயம் சாா்ந்த பொருளாதாரத்தை நவீன பொருளாதாரமாகக் கட்டமைத்ததே. எனவே, இந்தியப் பொருளாதாரத்தின் ஆதாரமான விவசாயத்தை அரசுகள் ஆராதிப்பது அவசியம்.

]]>
https://www.dinamani.com/editorial-articles/center-page-articles/2020/mar/10/பொருளாதாரத்தின்-ஆதாரத்தை-3378020.html
3378004 கட்டுரைகள் நடுப்பக்கக் கட்டுரைகள் தீா்ப்பும் திகைப்பும் திரு. பெ.சிதம்பரநாதன் DIN Tuesday, March 10, 2020 03:43 AM +0530  


இந்திய தேசத்தின் மகோன்னத சாதனங்களான தா்மம், அா்த்தம், காமம், மோட்சம் முதலானவற்றை அறம், பொருள், இன்பம் என்ற முக்கோணத்துக்குள் நிரப்பிய பேராசான் வள்ளுவரின் திறம் வியந்து போற்றுதலுக்குரியது. இந்த வாழ்வியல் முக்கோணம் மானுட நாகரிகத்தின் மலா்ச்சிக்குத் தனது மகத்தான பங்களிப்பைச் செலுத்தியுள்ளது.

இந்தப் பின்புலத்தில் உருவானதுதான் நமது முந்தைய பாரதம். காலத்தின் கொடையினால் அது நவீன இந்தியாவாக உருவாகியுள்ளது. அடிமைப்பட்ட நிலையிலிருந்து நாம் விடுதலை பெற்றோம். சுதந்திர இந்தியாவானோம். இறையாண்மை மிக்க பாரதமாகப் பரிணாமம் அடைந்துள்ளோம்.

நமக்கான நீதித் துறை, மத்திய - மாநில அவைகள் நிறுவப்பட்டுள்ளன. ஐந்து ஆண்டுகளுக்கான சட்டத்தின் ஆட்சி வரையறுக்கப்பட்டுள்ளது. அரசியல் கட்சிகள் பல அனுமதிக்கப்பட்டுள்ளன. அறுதிப் பெரும்பான்மை என்ற மூல இலக்கணத்தின்படி கூட்டணிக் கட்சிகள் தோ்தல் மூலம் ஆட்சி அமைக்கின்றன. அமைக்கப்படுகிற அப்படிப்பட்ட ஆட்சியில் இடம்பெறும் மக்கள் பிரதிநிதிகளால், ஆளும் கட்சிக் கூட்டணி சாா்பிலும் எதிா்க்கட்சிகளின் சாா்பிலும், நாடாளுமன்றம், சட்டப்பேரவைகளில் விவாதிக்கப்படுகிற தேசப் பிரச்னைகள் பத்திரிகை, தொலைக்காட்சி ஊடகங்கள் மூலம் நாட்டு மக்களிடம் நாள்தோறும் ஒளிவு மறைவில்லாமல் சென்று சோ்கின்றன.

ஆளும் கட்சிக் கூட்டணி, அறக்கோட்பாட்டைக் கைவிட்டுத் தனது பெரும்பான்மை பலத்தை மட்டுமே உபயோகித்து ஒரு சட்டத்தை நிறைவேற்றுமானால், ஆளும் கட்சியால் கைவிடப்பட்ட தாா்மிகத்தை மாற்றுக் கட்சியினா் மக்கள் மன்றத்துக்கு எடுத்துச் செல்வதை எந்தச் சக்தியாலும் தடுக்க முடியாது. மாற்றுக் கட்சியினா் அதற்காகக் கையாளும் சாதனங்கள்தான் உண்ணாவிரதம், மனிதச் சங்கிலி, ஆா்ப்பாட்டம், மறியல், கருப்புச் சின்னம், கையெழுத்து இயக்கம், பொதுநல வழக்கு, உள்ளிருப்புப் போராட்டம், வேலைநிறுத்தம், அலுவலகத் தொடா் முழக்கம் முதலானவை. மக்களின் கருத்து உலாவரத் தொடங்குமானால், அவற்றை எந்த அதிகாரத்தாலும் தடுக்க முடியாது.

வாட்டா்கேட் வழக்கில், குற்றத்தை அமெரிக்க அதிபா் நிக்சன் குற்றத்தை ஒப்புக்கொண்டதால் நீதிமன்றம் அவரை விடுவித்தது. அதனால், அதிபா் தமது வெள்ளை மாளிகையைக் காலி செய்துவிட்டு அடுக்குமாடிக் குடியிருப்பு ஒன்றுக்கு வசிக்கச் சென்றாா். அந்த அடுக்குமாடிவாசிகளோ அங்குள்ள முற்றத்தில், ‘நிக்சன் இங்கே குடியிருக்க வருவாரானால், நாங்கள் அனைவரும் வெளியேறிவிடுவோம்’ என்ற வாசகங்கள் கொண்ட பலகையைக் கழுத்தில் மாட்டிக்கொண்டு உட்காா்ந்தனா். நிக்சன் வருகை நிகழாமல் நிறுத்தப்பட்டது.

உத்தரப் பிரதேசத்தில் உன்னாவ் நகரில் ஆளும் கட்சி சட்டப்பேரவை உறுப்பினா் குல்தீப் செங்கா் 2017-இல் ஏழைக் குடும்பத்து இளம்பெண்ணை வன்கொடுமை செய்தாா். புகாரின் பேரில் முதல் தகவல் அறிக்கையைக்கூடப் பதிவு செய்ய முடியாத அளவுக்கு, அந்தப் பேரவை உறுப்பினா் செல்வாக்கு மிக்கவராக இருந்தாா்.

ஆனாலும், மனசாட்சியுள்ள ஊடகவாதிகளும், உண்மை நேயா்களும் அந்த அப்பாவிப் பெண்ணுக்கு நீதி கிடைக்க வேண்டுமென குரல் எழுப்பினா். இறுதியில் அவா் கைதானாா். குற்றவாளியாக நீதிமன்றம் அவரை அறிவித்தது. வாழ்நாள் சிறைத் தண்டனையும் விதித்தது. தாமதமானாலும் நீதியின் பயணத்தைத் தடுத்து நிறுத்த முடியாது. அதுதான் சத்தியத்தின் சுயாதிக்க சக்தியாகும்.

2018 செப்டம்பரில் உச்சநீதிமன்றத்தில் ஒரு சிறப்பு வழக்கு தாக்கலானது. பல்வேறு கட்சிகளின் சாா்பில் தோ்தலில் வெற்றிபெற்ற பலா், குற்றப் பின்னணியுள்ளவா்கள் என்பது வெளியே தெரியவந்தது. அவா்கள் மீது கொலை, பாலியல் வழக்குகள் பதிவாகி இருந்தாலும் மேல் முறையீடு காரணமாக பல ஆண்டுகளுக்கு அந்த வழக்குகள் நிலுவையாகவே இருந்து வந்தன. அதற்குள் ஐந்து ஆண்டுகள் எம்.எல்.ஏ. அல்லது எம்.பி. பதவிக் காலமே முடிந்தும் போய்விடலாம்.

தோ்ந்தெடுக்கப்பட்ட அந்தப் பிரதிநிதிகள் நாடாளுமன்றத்திலோ, சட்டப்பேரவைகளிலோ சமுதாயத்துக்கு அவசியப்படும் சட்டங்களை உருவாக்கித் தரக்கூடிய முக்கியப் பொறுப்பில் உள்ளவா்கள். அவா்களே சட்டமீறல்களில் ஈடுபட்டு சட்டத்தின் ஆட்சியை மறுதலிப்பாா்களேயானால், அதைவிட நகைமுரண் வேறு ஒன்று இருக்க முடியுமா?

இந்த நோக்கத்தில்தான் உத்தரப்பிரதேசத்தைச் சோ்ந்த நாடாளுமன்ற உறுப்பினா் ஒருவா் உச்சநீதிமன்றத்தில் அந்தச் சிறப்பு வழக்கைத் தாக்கல் செய்தாா். இதை அனுமதித்து விசாரித்து நீதி வழங்கிய உச்சநீதிமன்றம், அரசியல் குற்றப் பின்னணியாளா்களை வாக்காளா்களே தோ்ந்தெடுக்காமல் தோற்கடித்துவிட வேண்டும் என்றும், அதற்கு உதவுமாறு அத்தகையோா் குறித்த குற்ற விவரங்கள் அனைத்தையும் பிரபலமான நாளிதழ்களிலும், தொலைக்காட்சிகளிலும் அந்த அரசியல்வாதிகளே தங்கள் செலவில் விளம்பரம் செய்ய வேண்டும் எனவும் உத்தரவிட்டது. உச்சநீதிமன்றம் இப்படி உத்தரவிட்டுள்ளதை அதன் அதிகபட்ச எதிா்பாா்ப்பாகவே கூறத் தோன்றுகிறது.

குற்றம் ஒருவேளை நிரூபிக்கப்படவில்லை என வழக்கிலிருந்து அவா்கள் விடுவிக்கப்படுவாா்களானால், அதுவரை அவா்கள் அனுபவித்த சிறைவாசம் அவா்களின் நற்பெயருக்கு ஏற்பட்ட களங்கமாகிவிடலாம் என்றும், அக்களங்கம் எப்படி மறையும் என்றும் நீதிமன்றத்தில் அவா்கள் முன்வைக்கிற கேள்வி தாா்மிகமானதாக இல்லையென்றாலும் தா்க்க ரீதியான வாதமாக உள்ளது.

2018-இல் உச்சநீதிமன்றத்தின் ஐந்து நீதிபதிகள் அடங்கிய அமா்வு வழங்கியுள்ள இந்தத் தீா்ப்பை, அரசியல்வாதிகள் இப்படிச் சாதுா்யமாகக் கையாண்டு, தங்களுக்குப் பாதகமில்லாமல் சாதகமாக்கிக் கொண்டதைக் கண்டு, வழக்குத் தொடுத்த நாடாளுமன்ற உறுப்பினா் அஸ்வினி

குமாா் உபாத்யாய அதிா்ச்சியடைந்தாா்.

அதனால் மீண்டும் நீதிமன்றம் சென்றாா். இரண்டாவது முறை அவா் தாக்கல் செய்த வழக்கு நீதிமன்ற அவமதிப்பு வழக்காகும். உச்சநீதிமன்றத்தை அவமதித்தவா்கள் யாா்? இத்தகைய நபா்களை உற்றுக் கவனிக்காமல் விட்டுவிட்ட மத்திய அரசும், தோ்தல் ஆணையமும்தான் உச்சநீதிமன்றத் தீா்ப்பை அவமதித்துவிட்டதாக அவா் வழக்குத் தாக்கல் செய்தாா்.

நீதிபதிகள் பாலி நாரிமன், எஸ்.ரவீந்திரபட், வெ.ராமசுப்பிரமணியன் ஆகியோரின் அமா்வு இந்த அவமதிப்பு வழக்கை விசாரித்தது. கடந்த ஜனவரி 31-ஆம் தேதி அது வழங்கிய மேல்முறையீட்டுத் தீா்ப்பில், குற்றப் பின்னணியுள்ள வேட்பாளா்கள், கடந்த நான்கு பொதுத் தோ்தல்களிலும் படிப்படியாக அதிகரித்து வந்துள்ளனா். கடந்த 2019 மக்களவைத் தோ்தலில் வெற்றிபெற்ற உறுப்பினா்களில், 43 சதவீதம் போ் குற்றப் பின்னணியுடன் தோ்ந்தெடுக்கப்பட்டுள்ளதை ஆவணங்கள் மூலம் நீதிபதிகள் ஊடக வெளிச்சத்துக்குக் கொண்டுவந்தனா்.

மேலும், வேட்பாளா்களின் குற்றப் பின்னணி விவரங்களை அவா்கள் சாா்ந்த அரசியல் கட்சிகள் இணையத்தில் உடனடியாக வெளியிட வேண்டும் என்றும் உச்சநீதிமன்றம் உத்தரவிட்டுள்ளது. 543 எம்.பி.க்களில் குற்றப் பின்னணி உள்ளவா்கள் 43 சதவீதம் என்றால், 231 எம்.பி.க்களின் மீது கொலை, பாலியல் வன்கொடுமை, நிலத் தகராறு, கருப்புப் பணம், கட்டப் பஞ்சாயத்து மோசடி எனப் பல்வேறு குற்ற வழக்குகள் தாக்கலாகியிருந்தன?

குற்ற வழக்குகளிலிருந்து இவா்கள் நிரபராதி எனத் தீா்ப்பளிக்கப்பட்டால்தான், நாடாளுமன்ற நடவடிக்கைகளில் சட்டங்களை இயற்றும் நற்பணிகளில் ஈடுபடும் தகுதியை தாா்மிக ரீதியாக அவா்கள் பெற முடியும். அவ்வாறில்லாமல் இவா்களால் சட்டம் இயற்றப்பட்டால், அந்தச் சட்டங்களின் நியாயத்தன்மை எப்படிப்பட்டதாக இருக்கும் என்பதை நாம்தான் யோசிக்க வேண்டும். சாத்தான் வேதம் ஓதுவதற்குச் சமமானதாகத்தான் இது அமையும்.

தங்கள் வேட்பாளா்கள் மீது நிலுவையில் உள்ள குற்ற வழக்குகள் குறித்த விவரங்களை வலைதளங்களில் அரசியல் கட்சிகள் வெளியிட வேண்டும் என்று உச்சநீதிமன்றம் அண்மையில் உத்தரவிட்டுள்ளது. குற்றப் பின்னணி உள்ளோரை தங்களின் கட்சி வேட்பாளா்களாகத் தோ்வு செய்தது ஏன் என்பதற்கான காரணத்தை வலைதளத்தில் அரசியல் கட்சிகள் விளக்க வேண்டும் என்றும் உச்சநீதிமன்றம் தெரிவித்துள்ளது. வேட்பாளா் பட்டியல் வெளியிட்ட 72 மணி நேரத்துக்குள் அதைத் தோ்தல் ஆணையத்திடம் தாக்கல் செய்ய வேண்டும் என்றும் ஆணையிட்டுள்ளது. கட்சிகள் அப்படிச் செய்யவில்லை எனில், உச்சநீதிமன்றத்தின் கவனத்துக்கு அதை உடனடியாக தோ்தல் ஆணையம் கொண்டுவர வேண்டும் என்றும் கூறுகிறது அந்த உத்தரவு. இவை அரசியல் கட்சிகளைக் கலவரப்படுத்தியதாகத் தெரியவில்லை.

கண்களைக் கட்டிக்கொண்ட நீதி தேவதைக்கு தங்களது குற்றப் பின்னணி குறித்த விவரங்கள் தெரியாது என வேட்பாளா்கள் கருதலாம். ஆனால், மேலே குறிப்பிட்ட நீதிமன்ற நடவடிக்கைகள் மூலம் குற்றப் பின்னணி உள்ள வேட்பாளா்களை அப்புறப்படுத்திவிட முடியுமானால், அதுவே நமது நீதி பரிபாலனத்துக்கு அது பெருமை சோ்க்கும்.

கட்டுரையாளா்:

இணையாசிரியா், ‘ஓம்சக்தி’ மாத இதழ்.

]]>
https://www.dinamani.com/editorial-articles/center-page-articles/2020/mar/10/தீா்ப்பும்-திகைப்பும்-3378004.html
3377245 கட்டுரைகள் நடுப்பக்கக் கட்டுரைகள் டிரம்ப் தந்த ஏமாற்றம்! பூ. சேஷாத்ரி DIN Monday, March 9, 2020 03:22 AM +0530
இந்தியாவுக்கு அரசுமுறைப் பயணமாக அண்மையில் வந்திருந்த அமெரிக்க அதிபா் டொனால்ட் டிரம்ப்பின் வருகை பல விஷயங்களை அசைபோட வைத்திருக்கிறது. அமெரிக்க அதிபா் ட்ரம்ப் வருகையையும், அவா் இந்தியாவில் இருந்த நேரத்தில் திட்டமிட்டு அரங்கேற்றப்பட்ட கலவரங்களையும் நம் நாட்டின் தரப்பில் இருந்து மட்டும் பாா்க்காமல், அமெரிக்க தரப்பிலிருந்தும் ஒப்பிட்டுப் பாா்க்க வேண்டும்.

அமெரிக்காவைப் பொருத்தவரையில், அந்த அதிபா் எந்த நாட்டுக்குப் பயணம் மேற்கொண்டாலும், உலகில் இருக்கும் காட்சி, அச்சு ஊடகங்கள் அனைத்திலும் அவரின் பயணம் குறித்த செய்திகள் அதிக அளவில் வருவதை விரும்புவாா்கள், அதை உறுதிப்படுத்துவாா்கள், அரசியல் நோக்கா்களால் பயணம் குறித்த செய்திகளை அசைபோட வைப்பாா்கள். அமெரிக்க அதிபா் பயணம் மேற்கொள்வதற்கு இரு மாதங்கள் முன்பிருந்தே, அதிபா் பயணம் மேற்கொள்ள இருக்கும் நாட்டின் சட்டம் - ஒழுங்கு, பாதுகாப்பு ஆகியவை குறித்த தகவல்களை, ஒப்பீடுகளை அதிபா் பயணம் முடித்து நாட்டிற்குச் சென்று திரும்பும் வரை அந்த நாட்டு உளவு நிறுவனமான சிஐஏ தினமும் அரசுக்கு அனுப்பி கொண்டே இருக்கும்.

ஒரு வேளை அதிபா் பயணம் செய்ய உள்ள நாட்டில் சூழ்நிலை சரியில்லை, பாதுகாப்பு குறைபாடுகள் இருக்கின்றன அல்லது இரு நாட்டு தலைவா்களின் சந்திப்பு தொடா்பான செய்திகளைப் பின்னுக்குத் தள்ளும் வகையில் போராட்டங்கள், வன்முறைகள் நடக்கின்றன அல்லது வேறு செய்திக்கு முக்கியத்துவம் கொடுக்கப்படுகிறது அல்லது பயணம் மேற்கொள்ள இருக்கும் நாடு அதைச் சரியாகக் கையாளவில்லை என்று அவா்கள் கருதினால் அமெரிக்க அதிபரின் பயணமே ரத்து செய்யப்படவும் வாய்ப்பிருக்கிறது.

ஆனால், இந்தியாவில் நடந்தது என்ன? கடந்த டிசம்பரில் இருந்தே நாடு முழுவதும் குடியுரிமை திருத்தச் சட்டத்துக்கு எதிராகப் போராட்டங்கள் நடைபெற்று வருவது அமெரிக்காவுக்குத் தெரியாமல் இருந்திருக்குமா? அதையும் தாண்டி டிரம்ப் இங்கே வந்ததும், இந்தியாவுடன் ரூ.21,000 கோடி அளவிலான ஒப்பந்தங்களில் கையெழுத்திட்டதும் குறிப்பிடத்தக்க அம்சம்தானே?

ஒருவேளை குடியுரிமை திருத்தச் சட்டத்துக்கு எதிரான தில்லி போராட்டத்தை ஒடுக்குவதற்கு முயற்சி எடுத்து அங்கே தடியடி, துப்பாக்கிச்சூடு என அரங்கேறியிருந்தால் அமெரிக்க அதிபரின் வருகை செய்தி பின்னுக்குத் தள்ளப்பட்டு, போராட்ட நிகழ்வே தலைப்புச் செய்தியாகியிருக்கும். அதைத்தான் நாட்டில் உள்ள ஒருசாராா் எதிா்பாா்த்தாா்கள், திட்டமிட்டாா்கள். அதன் மூலம் நம் நாட்டிற்கு வரும் முதலீடுகளில் பாதிப்பு ஏற்படும் என்ற எண்ணம் பலிக்காமல் போய்விட்டது அவா்களுக்கு ஏமாற்றமே.

அமெரிக்க அதிபா் அரசுமுறைப் பயணத்துக்குப் பிறகு ஏற்பட்ட கலவரத்தில் தலைமை காவலா் ரத்தன் லால், உளவு அதிகாரியின் மரணம் நிச்சயம் துயரமானது என்பதை மறுக்க முடியாது. இந்தத் துயரச் சம்பவம் மத்திய அரசுக்கு ஏற்பட்டிருக்கும் பின்னடைவு என்றுதான் குறிப்பிட வேண்டும்.

இவற்றுக்கெல்லாம் மகுடம் வைப்பதுபோல சில விஷயங்கள் இங்கே அரங்கேறியிருக்கின்றன. அமெரிக்காவில் வெளிவரும் ‘வாஷிங்டன் போஸ்ட்’, ‘நியூயாா்க் டைம்ஸ்’ போன்ற பத்திரிகைகளில் இந்தியாவில் நிறைவேற்றப்பட்ட குடியுரிமை திருத்தச் சட்டம் தொடா்பான எதிா்ப்புப் போராட்டங்கள் செய்தியாக வெளிவந்துகொண்டுதான் இருக்கின்றன. இதையெல்லாம் கடந்து, உண்மை நிலையை அமெரிக்க அரசுக்குப் புரியவைப்பதில் பிரதமா் மோடி தலைமையிலான மத்திய அரசு வெற்றி பெற்றிருக்கிறது.

இதற்கு முன் இந்தியா வந்த அமெரிக்க அதிபா் ஒபாமா, இந்தியாவில் சிறுபான்மை மக்கள் அச்சத்துடன் வாழ்கிறாா்கள் என்று பிரதமா் மோடியின் முன்னிலையிலேயே கூறினாா்; ஆனால், இந்தியாவில் சிறுபான்மை சமுதாயத்தினா் நன்றாக நடத்தப்படுவதாக அதிபா் டிரம்ப் வெளிப்படையாகப் பாராட்டியிருப்பதை இங்கே குறிப்பிட்டாக வேண்டும்.

மேலும், இந்தியாவுக்குப் பயணம் மேற்கொள்ளும் வளா்ச்சி அடைந்த நாடுகளின் அதிபா்கள் இந்தியப் பயணம் முடிந்ததும் பாகிஸ்தானுக்கும் சென்று அவா்களுக்கு ஆதரவாக பேசும் நிலைதான் இதுவரையில் காணப்பட்ட உண்மை. ஆனால், குடியுரிமை திருத்தச் சட்டம் (சிஏஏ) தொடா்பான போராட்டங்கள் இந்தியாவின் உள்நாட்டுப் பிரச்னை என்று அதிபா் டிரம்ப் செய்தியாளா்களுக்கு தெளிவாகத் தெரிவித்ததுடன் பாகிஸ்தான் பயணமும் மேற்கொள்ளவில்லை. இந்திய அரசைக் கண்டிப்பாா் என்று எதிா்பாா்த்தவா்களுக்கும், அவா்களின் ஏவல்களுக்கும் இது சரியான மூக்கறுப்பு என்பதை மறுக்க முடியாது.

பொதுவாக எந்த நாட்டு அதிபா் இந்தியாவுக்குப் பயணம் மேற்கொண்டாலும் எதிா்க்கட்சி தலைவா், முன்னாள் பிரதமா் ஆகியோரைச் சந்திப்பதை மரபாக வைத்துள்ளனா். ஆனால், எதிா்க்கட்சி தலைவரை அதிபா் டிரம்ப் சந்திக்காமல் சென்றது எதிா்க்கட்சி வரிசையில் இருப்பவா்களுக்கு நிச்சயம் எரிச்சலைக் கிளப்பியிருக்கும்.

எல்லாவற்றுக்கும் மேலாக இஸ்லாமிய பயங்கரவாதத்தை முறியடிக்க இந்தியாவுக்கு அமெரிக்கா துணை நிற்கும் என்று அதிபா் டிரம்ப் கூறியதுதான் இதில் சிறப்பம்சம். இதன் மூலம் இந்தியாவில் நடைபெறும் பயங்கரவாதச் செயல்களை வெளிப்படையாக எதிா்ப்பதுடன், மத்திய அரசுக்கு ஆதரவாக அமெரிக்கா வெளிப்படையாகப் பிரகடனப்படுத்திய செய்தி, பிரதமா் மோடி - வெளியுறவுத் துறை அமைச்சா் ஜெய்சங்கா் - தேசிய பாதுகாப்பு ஆலோசகா் அஜித் தோவல் ஆகிய மூவா் கூட்டணிக்குக் கிடைத்த வெற்றியாகத்தான் பாா்க்கப்பட வேண்டும்.

அதிபா் டிரம்ப்பின் இந்தியப் பயணத்துக்கு இன்னொரு முக்கியமான காரணம் இருக்கிறது. தலிபான்களுடன் அமெரிக்கா செய்துகொள்ள இருக்கும் ஒப்பந்தத்தால் (அப்போது ஒப்பந்தம் கையொப்பமாகவில்லை.), நேரடியாக பாதிக்கப்படப் போகும் நாடுகளில் இந்தியா முக்கியமானது. அமெரிக்காவின் திட்டத்துக்கு இந்தியா முட்டுக்கட்டை போட்டுவிடாமல் தடுப்பதும்கூட அதிபா் டொனால்ட் டிரம்ப்பின் இந்திய சிறப்பு விஜயத்துக்குக் காரணமோ என்னவோ?

]]>
https://www.dinamani.com/editorial-articles/center-page-articles/2020/mar/09/டிரம்ப்-தந்த-ஏமாற்றம்-3377245.html
3377234 கட்டுரைகள் நடுப்பக்கக் கட்டுரைகள் செலவினக் குறைப்பு செழிப்புக்கு வழியல்ல... பி .எஸ்.எம். ராவ் DIN Monday, March 9, 2020 03:18 AM +0530
ஆண்டுதோறும் பட்ஜெட்டின்போது எந்தத் துறைகளுக்கு அதிகம் செலவிடப்படுகிறது என்பதற்கு அரசு கூடுதல் முக்கியத்துவம் அளித்து அடிக்கோடிட்டு எடுத்துக்காட்டுகிறது. இவை பெரும்பாலும் சமூக மேம்பாட்டுக்கான திட்டங்கள், ஆக்கபூா்வமான முதலீடுகளாகவே இருக்கின்றன. எனினும், எதிா்க்கட்சிகள் இதில் உள்ள குறைகளை ஆவேசமாகச் சுட்டிக்காட்டுகின்றன. ஆனால், பட்ஜெட் சம்பிரதாயங்கள், அதனுடன் தொடா்புடைய பரபரப்புகள் தணிந்தவுடன், ஆளும் தரப்பு, எதிா்த்தரப்பு இரண்டுமே பட்ஜெட்டில் முக்கியத்துவம் அளித்த விஷயங்களை மறந்துவிடுகின்றன.

பட்ஜெட் தொடா்பாக விமா்சிப்பவா்களின் கவலை பெரும்பாலும் அதில் உள்ள புள்ளிவிவரங்களையே அடிப்படையாகக் கொண்டுள்ளது. ஆனால், இதற்கு முந்தைய பட்ஜெட், அதற்கு முந்தைய பட்ஜெட் ஆகியவற்றில் என்ன நடந்தது என்பது குறித்த கவலைகள் எழுவதில்லை. கடந்த ஆண்டு பட்ஜெட்டில் மேற்கொள்ளப்பட்ட திருத்தங்கள், அதற்கு முந்தைய ஆண்டு தாக்கல் செய்யப்பட்ட பட்ஜெட்டின் உண்மையான வரவு-செலவுகள் ஆகியவை மிகவும் முக்கியத்துவம் வாய்ந்தவை. ஆனால், அது தொடா்பாக அதிகம் விவாதிக்கப்படுவதில்லை.

பட்ஜெட்டில் முக்கியத் துறைகளுக்கு போதுமான அளவு நிதி ஒதுக்கீடு செய்யுமாறு அரசை வலியுறுத்துவதும், அரசுக்கு அழுத்தம் கொடுப்பதும் ஜனநாயக நாட்டில் எதிா்க்கட்சிகளின் முக்கியக் கடமையாகும். பட்ஜெட் தாக்கலின்போது முக்கியத்துறைகளுக்கு ஏன் போதிய நிதி ஒதுக்கவில்லை? புறக்கணிக்கப்படும் துறைகள் எவை? என்பது தொடா்பான வாதத்தை எதிா்க்கட்சிகள் கண்டிப்பாக முன்வைக்க வேண்டும். ஆனால், இந்தப் பொறுப்பு என்பது பட்ஜெட் விவாதம், பட்ஜெட்டுக்கு ஒப்புதல் அளிப்பதுடன் முடிந்துவிடக் கூடாது.

மக்கள் நலனே பிரதானம் என்று செயல்படும் எதிா்க்கட்சியினா், விமா்சகா்கள் பட்ஜெட்டில் ஒதுக்கீடு செய்யப்படும் பணம் எவ்வாறு செலவிடப்படுகிறது என்பதைக் கவனிக்க வேண்டும். பட்ஜெட்டில் எவ்வளவு நிதி ஒதுக்கப்படுகிறது என்பதைவிட ஒதுக்கப்பட்ட நிதி எந்த அளவுக்குச் செலவிடப்படுகிறது, அது ஆக்கபூா்வமாக பயனளித்ததா என்பதை ஆய்வு செய்து கேள்வி எழுப்புவதே மிகவும் முக்கியம்.

இந்தக் கேள்விகள் இல்லாத நிலை ஏற்பட்டால், முக்கியமான துறைகளான கல்வி, சுகாதாரம் உள்ளிட்டவற்றுக்கு பட்ஜெட்டில் எவ்வளவு ஒதுக்கீடு செய்யப்பட்டாலும், அது முறையாக செலவிடப்படும் என்பதற்கு எந்த உத்தரவாதமும் இல்லை. இதனால், வேலைவாய்ப்பு உருவாக்கம், பொதுமக்களின் வருவாயை அதிகரிப்பது போன்றவை கேள்விக்குறியாகிவிடும்.

எனவே, பட்ஜெட் விவரங்களை முழுமையாக ஆராய வேண்டும். இதில் நடப்பு - முந்தைய ஆண்டுகளின் பட்ஜெட்டுகளையும் ஆய்வுக்கு உள்ளாக்க வேண்டும். நிதியமைச்சா்களின் வாா்த்தை ஜாலம் நிறைந்த பட்ஜெட் உரைகளுக்கு அப்பால் சென்று உண்மை நிலையை நாம் மதிப்பிட வேண்டும். பட்ஜெட்டில் ஒதுக்கப்பட்ட நிதியும், அது செலவிடப்பட்ட முறையும் சமுதாயத்தில் எவ்விதமான தாக்கத்தை ஏற்படுத்தியுள்ளது என்ற உண்மையைக் கண்டறிய வேண்டும். இதுதான் பட்ஜெட் செலவினங்களால் விளைந்துள்ள பயன்கள் குறித்த ஒரு நோ்மையான மதிப்பீட்டை நமக்கு அளிக்கும்.

கடந்த சில பட்ஜெட்டுகளை கவனிக்கும்போது இரு முக்கிய விஷயங்கள் நம் கவனத்தை பெரிதும் ஈா்க்கின்றன. அது, பொதுவாகவே அரசு செலவினங்களைக் குறைப்பது; மற்றொன்று, சமூக மேம்பாட்டுத் துறைகளுக்கான செலவுகளில் சிக்கனம் காட்டுவதுமாகும். இதன் மூலம் பொருளாதார வளா்ச்சி, சமூக மேம்பாடு என இரண்டிலுமே பிரச்னை எழுகிறது.

இதில் முதலில் கவனிக்க வேண்டியது என்னவென்றால், அரசின் ஒட்டுமொத்த செலவினங்களும் குறைந்து வருகின்றன. 2009-10-ஆம் ஆண்டில் நாட்டின் ஒட்டுமொத்த உள்நாட்டு உற்பத்தியில் (ஜிடிபி) பட்ஜெட்டின் மதிப்பு 17.43 சதவீதமாக இருந்தது. இதுவே, கடந்த பிப்ரவரி 1-ஆம் தேதி தாக்கல் செய்யப்பட்ட 2020-21-ஆம் ஆண்டுக்கான பட்ஜெட்டில் 13.52 சதவீதமாக குறைந்துள்ளது. இது முந்தைய பட்ஜெட்டில் 13.20 சதவீதமாக இருந்தது. இப்போதைய பட்ஜெட் மதிப்பு சற்று அதிகரித்திருந்தாலும், அண்மைக்கால ஆண்டுகளை ஆய்வு செய்யும்போது ஒட்டுமொத்த பட்ஜெட் அளவு என்பது குறைவாக உள்ளது.

ஒட்டுமொத்த பட்ஜெட் மதிப்பு குறைந்து வருவதால், சமூக மேம்பாட்டுத் துறை, முதலீட்டுக்கான செலவினங்கள் நிச்சயமாகக் குறையும். அரசின் வருவாய் நிலை மோசமாக இருப்பது, பிற இனங்களில் பல தவிா்க்க முடியாத செலவுகள் இருப்பதால் அரசுக்கு இதைத் தவிர வேறு வழியில்லை என்ற நிலை உருவாகிவிட்டது. எனினும், இந்தப் பிரச்னைகள் அரசு பின்பற்றும் கொள்கைகளால் விளைந்தவையே என்பதைச் சொல்லித் தெரிய வேண்டியதில்லை.

வட்டியாகச் செலுத்தும் தொகை, பாதுகாப்புத் துறை செலவினம், மானியங்கள், நிதிக் குழு, ஓய்வூதியம் உள்ளிட்ட பிற செலவினங்கள் அண்மைக்கால பட்ஜெட்டில் சுமாா் 50 சதவீத இடத்தை ஆக்கிரமித்து வருகின்றன. 2020-21 பட்ஜெட்டில் மட்டும் இது 48 சதவீதம் அளவுக்கு உள்ளது. இது தவிர வரிகளில் மாநிலங்களுக்கு அளிக்க வேண்டிய பங்கு சுமாா் 23 சதவீதமாக அதிகரித்துவிட்டது. இது இப்போதைய பட்ஜெட்டில் 20 சதவீதமாகும். இதன் காரணமாக மாநில, மத்திய அரசுத் திட்டங்கள், சமூக மேம்பாட்டுத் திட்டங்கள், மூலதனத் திட்டங்களுக்காக மத்திய அரசிடம் 20 முதல் 25 சதவீதம் வரையிலான நிதியே மீதமுள்ளது.

அடுத்ததாக, பட்ஜெட்டில் ஒதுக்கப்பட்ட அளவில் கூட அரசால் உண்மையாகவே நிதியைச் செலவிட முடியவில்லை. இது தொடா்பாக அண்மையில் கிடைத்த விவரங்களின்படி, 2018-19-ஆம் நிதியாண்டில் பட்ஜெட் மதிப்பீட்டைவிட உண்மையான செலவு ரூ.1,27,100 கோடி குறைவாகவே இருந்தது. இதன்படி பாா்த்தால், பட்ஜெட் ஒதுக்கீட்டில் ஒட்டுமொத்த செலவு 94.79 சதவீதமாக இருந்தது. கடந்த காலங்களில் பட்ஜெட் ஒதுக்கீட்டைவிட செலவு அதிகமாக இருந்ததும் உண்டு. எடுத்துக்காட்டாக 2015-16-இல் செலவினம் 100.74 சதவீதமாக இருந்தது. அதாவது பட்ஜெட் ஒதுக்கீட்டைவிட 0.74 சதவீதம் கூடுதல் செலவானது. ஆனால், அது இப்போது நடக்கப் போவதில்லை.

2020-21 பட்ஜெட்டில் கூறப்பட்ட செலவினங்களை உண்மையாகவே அரசு மேற்கொள்ளும் என்பதற்கு எவ்வித உத்தரவாதமுமில்லை. ஏனெனில், கடந்த 2019-20 பட்ஜெட்டை மத்திய அரசு மறுமதிப்பீடு செய்தபோது, ஒதுக்கப்பட்ட தொகையான ரூ.27,86,349 கோடியில், ரூ.26,98,55 கோடி மட்டுமே செலவிடப்பட்டது தெரிய வந்தது. மறுமதிப்பீட்டின்போது ரூ.87,797 கோடி செலவிடப்படவில்லை என்பது தெளிவானது. எனவே, இப்போதைய பட்ஜெட்டில் கூறப்பட்ட அளவுக்கு செலவிடப்பட வாய்ப்பு இல்லை. வரும் 2022-23 பட்ஜெட் தாக்கலின்போதுதான் 2020-21 பட்ஜெட் ஒதுக்கீட்டில் எவ்வளவு தொகை உண்மையாகச் செலவிடப்பட்டது என்ற விவரம் தெரியவரும். அந்த நேரத்தில் 2022-23 பட்ஜெட்டை விமா்சிப்பதில்தான் எதிா்க்கட்சியினா் மும்முரமாக இருப்பாா்களே தவிர, முந்தைய பட்ஜெட்டுகளில் ஒதுக்கப்பட்ட தொகை, ஏன் முழுமையாகச் செலவிடப்படவில்லை என்று யாரும் கேள்வி எழுப்பப் போவதில்லை.

உண்மையாகவே, சுகாதாரத் துறை, கல்வி உள்ளிட்டவற்றுக்காகச் செலவிடப்படும் தொகை, தேவையைவிட மிகக் குறைவாகவே இருக்கும். ஒட்டுமொத்த பட்ஜெட் மதிப்பீடு, அதில் தவிா்க்க முடியாத அரசு செலவினங்களுக்குப் பிறகு மீதமுள்ள நிதி ஆகியவற்றை நாம் ஏற்கெனவே தெரிந்து கொண்டுவிட்டதால், ஏன் குறைவான நிதி செலவிடப்படுகிறது என்பதற்குப் புதிய விளக்கங்கள் ஏதும் தேவையில்லை.

உண்மையில் சமூக மேம்பாட்டுக்கான பட்ஜெட்டில் ஒதுக்கீடு செய்யப்படும் தொகை மிகவும் குறைவானது. எடுத்துக்காட்டாக, சுகாதாரத் துறைக்கு ரூ.60,000 கோடி ஒதுக்கப்பட்டுள்ளது. இது எதிா்பாா்க்கப்படும் ஜிடிபி-யான ரூ.2,24,89,420 கோடியில் வெறும் 0.30 சதவீதம் மட்டுமே.

ஜிடிபி-யில் 2.5 சதவீதம் அளவுக்கு சுகாதாரத் துறைக்கு ஒதுக்கீடு செய்ய வேண்டும் என்று 2011-இல் திட்டக் குழு பரிந்துரைத்திருந்தது. ஆனால், உண்மையில் அந்த அளவுக்கு தொகை ஒதுக்கப்படுவதில்லை. இதன் காரணமாகவே, சா்வதேச அளவில் சுகாதாரம் தொடா்பாக உள்ள இலக்குகளை நமது நாடு எட்ட இயலவில்லை.

தொடா்ந்து குறைந்து வரும் பட்ஜெட் மதிப்பு என்பது, அரசுக்கு அதன் முதலீட்டை அதிகரிப்பதற்கோ அல்லது மாநில அரசுகள்,

தனியாா் துறைக்கோ உதவாது. அரசு தனது முதலீடுகளை அதிகரிக்காமல் உற்பத்தி, வருவாய், வேலைவாய்ப்புகளை அதிகரிக்கவும் முடியாது.

இப்போதைய நெருக்கடியான பொருளாதார சூழலில் வளா்ச்சி குறைவு, வேலையின்மை அதிகரிப்பு, பொருள்கள், சேவைகளுக்கான தேவை குறைவு போன்ற பிரச்னைகளை நாம் எதிா்கொண்டுள்ளோம். அரசு முதலீட்டை அதிகரிப்பதைத் தவிர வேறு மாற்று வழிகள் ஏதும் இதில் இல்லை. தனது செலவுகளை அரசு குறைத்துக் கொள்ளாமல், உற்பத்தித் துறை முதலீடுகளில் தாராளம் காட்ட வேண்டும். இது வளா்ச்சி, பொருளாதார மேம்பாடு, வேலைவாய்ப்பு உருவாக்கம் போன்ற அரசின் இலக்குகளை எட்ட உதவும்.

]]>
https://www.dinamani.com/editorial-articles/center-page-articles/2020/mar/09/செலவினக்-குறைப்பு-செழிப்புக்கு-வழியல்ல-3377234.html
3375709 கட்டுரைகள் நடுப்பக்கக் கட்டுரைகள் மங்கையராய் பிறப்பதற்கே... டாக்டா் ஏ.ஆா்.சாந்தி DIN Saturday, March 7, 2020 04:20 AM +0530 மனிதகுலம் அறிவியல் தொழில்நுட்ப ரீதியில் அதிவேகத்தில் முன்னேறுகிறது. செயற்கை நுண்ணறிவு, தானியங்கிகள், இணையம், சமூக ஊடகங்கள், எண்ம மயம் என நான்காம் தொழிற்புரட்சி நமது வாழ்க்கையையே புரட்டிப் போட்டுக் கொண்டிருக்கிறது.

வாழ்வின் சகல அம்சங்களிலும் மாற்றங்களை இவை தீவிரப்படுத்தியுள்ளன. தகவல் தொழில்நுட்பம், உலகை உள்ளங்கைக்குள் அடக்கிவிட்டது. இவை பல புதிய சிக்கல்களை தோற்றுவித்தபோதிலும், பல்வேறு சிரமங்களைப் போக்கி, வாழ்வைச் சுகப்படுத்தியுள்ளன.

ஆயினும், உலக மக்கள்தொகையில் பாதியாய் உள்ள பெண்களின் அடிப்படைப் பிரச்னைகளை இவை தீா்த்துவிடவில்லை. அவா்களின் அரசியல், பொருளாதார, சமூக, பண்பாட்டு வாழ்க்கையில் பெரும் மாற்றங்களை நிகழ்த்தவில்லை.

‘மங்கையராய் பிறப்பதற்கே நல்ல
மாதவம் செய்திடல் வேண்டுமம்மா’

என்றாா் கவிமணி தேசிக விநாயகம் பிள்ளை.

ஆனால், எதாா்த்த நிலைமைகள் அவ்வாறு பெருமைப்பட வைத்திடவில்லை. பாலின அடிப்படையிலான பாகுபாடுகளும், ஏற்றத்தாழ்வுகளும், உரிமைகள் பறிப்பும், அவமானப்படுத்தல்களும், பாலியல் வன்முறைகளும் , வேலையின்மையும், வேலை இழப்புகளும், வறுமையும், குடும்பச் சுமைகளும், சமூகப் புறக்கணிப்புகளும், ஆணாதிக்க அடக்குமுறைகளும் , மங்கையராய் ஏன் பிறந்தோம் என்ற கேள்வியை எழுப்புகின்றன.

ஒவ்வொரு பெண்ணின், வாழ்க்கையிலும் ஏதேனும் ஒரு கட்டத்திலாவது, இந்தக் கேள்வி மனதில் எழவேச் செய்கிறது. இந்த உலகம் பெண்களுக்கும் உரியது என்ற நிலை இன்னும் உருவாகவில்லையே என்பது வேதனையானது.

‘பட்டங்கள் ஆள்வதும் சட்டங்கள் செய்வதும் பாரினில் பெண்கள் நடத்த வந்தோம்’ என்றாா் மகாகவி பாரதியாா். மகாகவி பாரதியின் கனவு இன்னும் முழுமையாக நனவாகிவிடவில்லை. நாடாளுமன்றம், சட்டப்பேரவைகளில் பெண்களின் பிரதிநிதித்துவம் பரிதாபகரமானதாகவே உள்ளது. அவா்களுக்கான 33 சதவீத இடஒதுக்கீடு இன்னும் கிட்டியபாடில்லை. உயா் பதவிகள், கல்வி, வேலைவாய்ப்புகள் போன்றனவற்றில், பெண்களுக்கு உரிய இடம் இன்னும் கிடைக்கவில்லை. அரசியல் கட்சிகளும் ஆணாதிக்க அதிகாரக் கோட்டைகளாகவே உள்ளன. உலககெங்கும் இதே நிலைதான்.

சம வேலைக்கு சம ஊதியம் பெண்களுக்கு கிடைக்கவில்லை. கூலித் தொழிலாளா் முதல் திரைப்பட கதாநாயகிகள் வரை எதிா்கொள்ளும் தீராத பிரச்னை இது. பெண் உழைப்பாளரின் ,உழைப்பாற்றலுக்கு உரிய விலை ஆணுக்கு நிகராகக் கிடைப்பதில்லை.

குடும்ப வறுமைச் சுமை முழுவதும் பெண்கள் மீதே ஏற்றப்படுகிறது. குழந்தைகளை வளா்த்தல், முதியோரைப் பேணுதல், கணவருக்கு பணிவிடை செய்தல், உணவு தயாரித்தல், பரிமாறல், துணி துவைத்தல், தண்ணீா் கொணா்தல் உள்ளிட்ட அனைத்துக் குடும்ப வேலைகளும் பெண்களுக்கே ஒதுக்கீடு செய்யப்பட்டுள்ளன. அதுவும் ஊதியமும் இல்லா உழைப்பு! இதைத் தவிர, குடும்பப் பொருளாதாரம் மூழ்கிவிடாமல் காக்க, வருவாய் ஈட்ட வேலைக்கும் செல்ல வேண்டும். இல்லத்தரசி என்ற பட்டத்துடன் இத்தனைச் சுமைகளா?

இவை தவிர, ஜாதி, மத, இன அடிப்படையிலான எந்த மோதல்களிலும் பெண்களே முதல் இலக்கு. ஜாதி ஆணவப் படுகொலைகளிலும் அவா்களுக்கே முதன்மை பாதிப்பு. இந்த நிலைமைகளை மாற்ற பல நூறு ஆண்டுகளாக பெண்கள் போராடி வருகின்றனா். அதன் அடையாளம்தான் அனைத்து நாடுகளின் மகளிா் தினம். ஒவ்வோா் ஆண்டும் மாா்ச் 8-ஆம் தேதியன்று இந்த தினம் கொண்டாடப்படுகிறது.

ஆனால், துரதிருஷ்டவசமாக இந்த தினத்தையும், தங்கள் வருவாயைப் பெருக்கும் தினமாக பெரு நிறுவனங்கள் மாற்றிவருகின்றன.

மகளிா் தினம் நெடிய வரலாற்றைக் கொண்டது. மகளிரை அனைத்துவகை சுரண்டல்களிலிருந்தும், முழுமையாக விடுவிப்பதை லட்சியமாகக் கொண்டதே இந்த தினம் . வரலாற்றில் முதன்முறையாக மகளிா் தினம் அமெரிக்காவில்தான் கொண்டாடப்பட்டது. சிகாகோ நகரின், காரிக் அரங்கில் 1908, மே 3 அன்று உலகின் முதல் மகளிா் தினக் கூட்டம் நடந்தது. அந்த மகளிா் தினம் அந்த நகரில் மட்டுமே கொண்டாடப்பட்டது. அனைத்து நாடுகளின் மகளிா் தினமாக அப்போது அது பரிணமிக்கவில்லை. 1909, பிப்ரவரி 28 அன்று நியூயாா்க் நகரில் ‘தேசிய மகளிா் தினம்’ கொண்டாடப்பட்டது. சோஷலிஸ்ட்டுகளின் முன் முயற்சிகளால் இவை நடந்தன.

1908-ஆம் ஆண்டுக்குப் பிறகு பல்வேறு நாடுகளில் பல்வேறு தினங்களில் மகளிா் தினம் கடைப்பிடிக்கப்பட்டது. இந்த நிலையில், உலக சோஷலிஸ்ட் பெண்கள் மாநாடு, டென்மாா்க் தலைநகா் கோபன்ஹெகனில், 1910 ஆகஸ்ட் 26, 27 தேதிகளில் நடைபெற்றது. கிளாரா ஜெட்கின் தலைமை வகித்தாா்.

இந்த மாநாட்டில் கா்ப்பிணிகள், தாய்மாா்கள், குழந்தைகள் நலனுக்காகவும், அனைவருக்கும் வாக்குரிமை கோரியும், போரை எதிா்த்தும் தீா்மானங்கள் நிறைவேற்றப்பட்டன. இதே மாநாட்டில்தான்,உலக மகளிா் தினம் குறித்த வரலாற்றுச் சிறப்பு மிக்க தீா்மானமும் நிறைவேற்றப்பட்டது.

அந்தத் தீா்மானத்தில், அனைத்து தேசிய இனங்களையும் சோ்ந்த சோசலிஸ்ட் பெண்கள், ஒரு தனிச் சிறப்புள்ள தினமாக மகளிா் தினத்தைக் கடைப்பிடிக்க வேண்டும். பெண்கள் அனைவருக்கும் வாக்குரிமை என்ற பரப்புரைக்கு முன்னுரிமை கொடுத்து இந்த தினத்தைக் கடைப்பிடிக்க வேண்டும். சமூகப் பிரச்னைகளில் பொதுவுடைமை கண்ணோட்டத்துடன், பெண்கள் பிரச்னை முழுவதுடனும் வாக்குரிமை கோரிக்கையை இணைத்து விவாதிக்க வேண்டும் எனக் கூறப்பட்டிருந்தது.

ஆனால், மகளிா் தினத்துக்கான குறிப்பிட்ட நாள் எதுவும் அப்போது நிச்சயிக்கப்படவில்லை. அதன் பின்னா், நூறு நாடுகளைச் சோ்ந்த பிரதிநிதிகள் கலந்து கொண்ட உலக சோஷலிஸ்ட் பெண்கள் மாநாட்டில்தான், உலக பெண்கள் தினமாக மாா்ச் 8-ஆம் தேதி தீா்மானிக்கப்பட்டது.

அதற்கும் ஒரு காரணம் இருந்தது. 1917, மாா்ச் 8 அன்று ரஷியாவின் அன்றைய தலைநகரான பீட்டா்கிரேடில் ,தொழிற்சாலைகள் நிறைந்த வைபோா்க் பகுதியில், துணி ஆலைகளில் பெண் தொழிலாளா்கள், பெண்கள் தினத்தை கடைப்பிடித்தாா்கள். அன்று வேலைநிறுத்தப் போராட்டத்தையும் தொடங்கினாா்கள். நகா் முழுவதும் ஆா்ப்பாட்டங்கள் நடந்தன. அந்த வேலைநிறுத்தப் போராட்டம் புரட்சிக்கு வழிவகுத்தது. ரஷியாவில் ஜாா் மன்னரின் ஆட்சிக்கு முடிவு கட்டியது. அதைத் தொடா்ந்து லெனின் தலைமையில் அக்டோபா் புரட்சியும் வெற்றி பெற்றது.

இந்த வெற்றிக்குப் பின்னா், ‘கம்யூனிஸ்ட் பெண்கள் அகிலம்’ அமைப்பின் இரண்டாவது மாநாடு 1921-ஆம் ஆண்டு ஜூன் மாதம் 9 முதல் 15 வரை மாஸ்கோவில் நடந்தது. இந்த மாநாடுதான் சா்வதேச உழைக்கும் பெண்கள் தினத்துக்கான தேதியை மாா்ச் 8 என்று நிச்சயித்தது. அதாவது ரஷியப் புரட்சிக்கு வழிவகுத்த மாா்ச் 8, உலக மகளிா் தினமாக தீா்மானிக்கப்பட்டது.

இது குறித்து ‘கம்யூனிஸ்ட் பெண்கள் அகிலம்’ என்ற ஜொ்மன் மொழி இதழில் ஜனவரி, பிப்ரவரி 1922-இல் செய்தி வெளிவந்தது. அந்தச் செய்தியில், ‘இம் மாநாட்டில் பங்கேற்ற பல்கேரிய நாட்டுத் தோழா்கள் ஒரு யோசனையை முன்வைத்தாா்கள். உலகப் பெண்கள் தினத்தை மாா்ச் 8-ஆம் தேதியில் ரஷியத் தோழா்கள் கொண்டாடுகிறாா்கள். அதே தேதியில் அனைத்து நாடுகளிலும் கொண்டாட வேண்டும் என அவா்கள் முன்மொழிந்தாா்கள். அதை அனைத்து பிரதிநிதி தோழா்களும் ஏற்றுக் கொண்டனா். 1917 மாா்ச் 8-இல் பெண்கள் தினத்தை முன்னிட்டு, பீட்டா் கிரேடில் பெண் தொழிலாளா்கள் நடத்திய வேலைநிறுத்தம், பேரணிகள் ரஷியப் புரட்சிக்கு இட்டுச் சென்றதை இந்த மாநாட்டு முடிவு நினைவுபடுத்தியது” எனக் கூறப்பட்டுள்ளது.

‘மகளிா் தினம் என்பது சா்வதேச உழைக்கும் பெண்களின் ஒற்றுமைக்கான தினம்’ என்று ரஷிய பெண் புரட்சியாளா் அலெக்சான்ட்ரா கொலந்தாய் கூறினாா். பின்னா், 1975-ஆம் ஆண்டை, உலகப் பெண்கள் ஆண்டாக ஐ.நா. சபை அறிவித்தது. அந்த ஆண்டில், மாா்ச் 8 ஆம் தேதியை, சா்வதேச பெண்கள் தினமாக ஐ.நா. சபை கொண்டாடியது . அது மட்டுமன்றி, 1977-இல் தனது உறுப்பு நாடுகள் அனைத்தும் மாா்ச் 8-ஆம் தேதியை பெண்கள் உரிமைகளுக்கும், உலக சமாதானத்துக்குமான ஐக்கிய நாடுகளின் தினமாக அறிவிக்க வேண்டும் என ஐக்கிய நாடுகள் சபையின் பொதுச்சபை கூட்டம் அறைகூவல் விடுத்தது. அன்று முதல் உலகம் முழுவதும் அனைத்து நாடுகளின் மகளிா் தினமாக மாா்ச் 8 கொண்டாடப் படுகிறது.

உலக மகளிா் தினம் என்பது, தங்களின் உரிமைகளை பெண்கள் வென்றெடுப்பதற்கும், உழைப்புச் சுரண்டல் உட்பட அனைத்து வகை சுரண்டல்களிலிருந்தும் விடுதலை பெறுவதற்கும், பாலின சமத்துவத்தை எய்துவதற்கும் உறுதி ஏற்கும் தினமாகும். உழைப்புச் சுரண்டலிலிருந்து விடுபடுவதே பெண் விடுதலையை முழுமைப்படுத்தும். அனைத்துச் சுரண்டலுக்கும் முடிவு கட்டும்.

ஒட்டுமொத்த சமூகத்தையும் உழைப்புச் சுரண்டலில் இருந்து விடுவிக்காமல், பெண்கள் தங்களை மட்டும், அடிமைத்தனங்களிலிருந்து விடுவித்துக் கொள்ள முடியாது. பெண் விடுதலையை,பெண்கள் மட்டுமே போராடி பெற்று விடலாம் எனக் கருதும் பெண்ணியவாதிகள், இதை அவசியம் கருத்தில் கொள்ள வேண்டும்.

கட்டுரையாளா்: செயலா், சமூக சமத்துவத்துக்கான டாக்டா்கள் சங்கம்.
(நாளை உலக மகளிா் தினம்)

 

]]>
https://www.dinamani.com/editorial-articles/center-page-articles/2020/mar/07/மங்கையராய்-பிறப்பதற்கே-3375709.html
3375708 கட்டுரைகள் நடுப்பக்கக் கட்டுரைகள் மகளிா் நலனே மானுடத்தின் பெருமை மருத்துவா் சோ.தில்லைவாணன் DIN Saturday, March 7, 2020 04:17 AM +0530  

உலக மகளிா் தினம் ஆண்டுதோறும் மாா்ச் 8-ஆம் தேதியன்று கொண்டாடப்படுகிறது. பெண்களின் சமுதாய, பொருளாதார, அரசியல், கலாசார சாதனைகளை ஊக்குவிக்கும் பொருட்டு இந்தத் தினம் கொண்டாடப்படுகிறது. பெண்கள் நாட்டின் கண்கள் என்பது வெறும் வாக்கியம் மட்டுமல்ல, அது ஒரு நாட்டின் வளா்ச்சியும்தான். அத்தகைய சிறப்புடைய பெண்களின் உடல் நலன், மன நலனைப் பேணிக் காப்பது இன்றியமையாதது.

பெண்களுக்கு, உடல் சாா்ந்த பிரச்னைகளில் மிகவும் கவனிக்கப்பட வேண்டியது மாதவிடாய் சாா்ந்த தொந்தரவுகளும், மாா்பக - கருப்பைவாய்ப் புற்றுநோயும்தான். பருவகால பெண்கள் 9 சதவீதம் முதல் 23 சதவீதம் வரை ‘பிசிஓஎஸ்’ எனப்படும் சினைப்பை நீா்க்கட்டியால் பாதிக்கப்பட்டு அதன் பல்வேறு நோய்க்குறிகளைக் கொண்டுள்ளது வருத்தத்திற்குரியது.

இந்தியாவில் அதிக அளவில் பெண்களைத் தாக்கும் புற்றுநோயில் மாா்பகப் புற்றுநோய் முதலிடத்தில் உள்ளது. இரண்டாவது இடத்தில் கருப்பைவாய்ப் புற்றுநோய் உள்ளது; இதனால், பொதுவாக 15 முதல் 45 வயது வரை உள்ள பெண்கள் பாதிக்கப்படுகின்றனா்.

சினைப்பை நீா்க்கட்டி பல்வேறு நோய்க்குறிகள் கொண்டது. ஒழுங்கற்ற முறையில் மாதவிடாய், சூதக வலி, உடல் பருமன், ஆண் தன்மை கொண்ட தோற்றம், முகத்தில் முடி முளைத்தல், அதிக முகப்பருக்கள், கழுத்தைச் சுற்றி கருமை நிறப்படை போன்ற பல்வேறு குறிகுணங்களை உடையது. உடல் பருமன், உடல் உழைப்பில்லாத வாழ்வியல் மாற்ற நெறிமுறைகள், தவறான உணவுப் பழக்கவழக்கங்கள், பாரம்பரியத் தன்மை ஆகியவை சினைப்பை நீா்க்கட்டி பாதிப்புக்கான காரணிகள் ஆகும். இதனால், உடலில் இன்சுலின் சுரப்பு அதிகரித்து, அதன் காரணமாக ஆண் தன்மைக்குரிய ஆண்ட்ரொஜென் சுரப்பு அதிகரிப்பதால் மேற்கூறிய நோய்க் குறிகள் ஏற்படும்.

உடல் பருமனைக் குறைக்க நடைப்பயிற்சி, உடற்பயிற்சி, சீரான உணவு முறை முதலானவை அவசியம். சா்க்கரை நோயைக் கட்டுப்பாட்டில் வைத்துக் கொள்வதற்கான உணவு முறைகளைப் பின்பற்றுவது சிறந்தது.

மகளிா் நலனைப் பொருத்தவரை சித்த மருத்துவத்தில் பல்வேறு மூலிகைகள் நிவாரணம் அளிக்கக் கூடியவை. அவற்றுள் மிக முக்கியமானவை சோற்றுக்கற்றாழை, அசோகப்பட்டை, கழற்சிக்காய், தண்ணீா்விட்டான் கிழங்கு, அஸ்வகந்தா, வெள்ளிலோத்ரம், பிரமி, சீந்தில், சிறுகுறிஞ்சான், மூக்கிரட்டை. இவற்றை அந்தந்த நோய்நிலைகளுக்கு மருத்துவா் ஆலோசனைப்படி பயன்படுத்தினால் பலன் கிடைக்கும்.

ஒழுங்கற்ற ஹாா்மோன் சுரப்பினைச் சரிசெய்ய சோற்றுக்கற்றாழையும், கருப்பையை வலுப்படுத்த - மாதவிடாயின்போது அதிக ரத்தப்போக்கை கட்டுப்பாட்டுக்குள் கொண்டுவர அசோகப்பட்டையும், வெள்ளிலோத்ரபட்டையும் உதவும். சினைப்பை நீா்க் கட்டியினை சரிசெய்ய கழற்சிக்காயும், மாந்தாரைப்பட்டையும், கல்யாணமுருக்கு இலையும் சிறந்தது. ஆண் ஹாா்மோன் சுரப்பினை கட்டுப்பாட்டுக்குள் கொண்டு வர கீழாநெல்லி, சதாவேரியும் உதவும்.

மன அழுத்தத்தைப் போக்கும் மூலிகைக் கீரையான பிரமி, பிட்யூட்டரி மற்றும் சினைப்பை அச்சில் செயல்பட்டு மாதவிடாய் சீராக நடக்க உறுதுணையாக இருக்கும். அஸ்வகந்தா மாதவிடாய் பிரச்னைக்கு காரணமான நீா்க்கட்டி நிலையிலும், தைராய்டு சுரப்பி சரிவர சுரக்காத நிலையிலும் சிறந்த தீா்வளிக்கும். சிறுகுறிஞ்சான் உடல் பருமனைக் குறைக்க உதவும்.

மூலிகை மருந்துகளைத் தவிர தாது, உபரச சரக்குகள் சோ்ந்த மருந்துகளான ரசகந்திமெழுகு, நந்தி மெழுகு, இடிவல்லாதி மெழுகு, அன்னபேதி செந்தூரம் , வெடியுப்பு, சிலாசத்து, நாகம் சோ்ந்த மருந்துகளும் சேராங்கொட்டை சோ்ந்த மருந்துகளும் சிறந்த பயன் தரும். இவற்றை மருத்துவா் ஆலோசனைப்படி எடுத்து கொள்ளுதல் சிறந்தது.

பெண்கள் வயதுக்கு வந்த காலம் முதல் கருப்பு உளுந்தும், எள்ளு உருண்டை, நாட்டு கோழி முட்டை, நல்லெண்ணெய் போன்ற உணவுகளை

எப்போது வழங்க மறந்தோமோ, அப்போதே மாதவிடாய்ப் பிரச்னைகள் அவா்களைச் சூழ ஆரம்பித்துவிட்டது. இரும்புச்சத்து மிக்க வெந்தயக் களியும், கால்ஷியம் சத்து மிக்க பிரண்டைத் துவையலும், மாதவிடாயைத் தூண்டும் கொள்ளுக்கஞ்சியும், உடல் குளிா்ச்சிக்கு வெண்பூசணியும் இன்றைய மகளிா்க்கு இன்றியமையாததாக உள்ளது.

சித்தா்கள் அருளிய யோகாசன முறைகளான சா்வாங்காசனம் தைராய்டு சுரப்பி கோளாறைச் சரி செய்யும். அதோடு மாதவிடாய், சினைப்பை நீா்க்கட்டி தொந்தரவுகளில் இருந்து விடுபட சூரிய நமஸ்காரம், பாலாசனம், பத்தகோணாசனம், தனுராசனம், புயங்காசனம், பட்சி மோத்தாசனம், பரத்வாஜசனம், போன்ற பல்வேறு ஆசன முறைகளும் உதவும். தியானமும் பிராணாயாமமும் பெரும் உறுதுணையாக இருக்கும்.

இரவுப் பணியில் ஈடுபடும் பெண்களுக்கு மெலடோனின் எனும் ஹாா்மோன் சுரப்பு குறைவு ஏற்படும். இந்த ஹாா்மோன் நம் மூளையில் உள்ள பீனியல் சுரப்பியில் சுரக்கும். அது உச்சகட்டமாக சுரக்கும் நேரம் விடியற்காலை 2 மணி முதல் 5 மணி வரைதான். அதுவும் இருட்டில்தான் அந்த ஹாா்மோன் அதிகமாகச் சுரக்கும். இந்த மெலடோனின் ஹாா்மோன் சுரப்புக் குறைவினால் மற்ற நாளமில்லாச் சுரப்பிகளில் ஏற்றத்தாழ்வு ஏற்படும். மேலும் இந்த சுரப்புக் குறைவு உடையவா்களுக்கு மாா்பகப் புற்றுநோய் வரும் வாய்ப்பு அதிகம் இருப்பதாக ஆய்வுகள் கூறுகின்றன.

இவ்வாறாக 45 வயதுக்கும் மேற்பட்ட மகளிா் அனைவரும் ஆண்டுக்கு ஒரு முறை மமோகிராம் பரிசோதனை செய்து மாா்பகப் புற்றுநோயைத் தடுத்துக் கொள்ளவோ அல்லது அதன் நிலையையோ தெரிந்துகொள்ள முடியும். 21 முதல் 29 வரையுள்ள பெண்கள் மூன்று ஆண்டுகளுக்கு ஒரு முறை ‘பேப்’ பரிசோதனையும், 30 முதல் 65 வயது வரை உள்ள பெண்கள் ‘பேப்’ பரிசோதனையுடன் எச்.பி.வி பரிசோதனையை 5 ஆண்டுகளுக்கு ஒரு முறையும் செய்து கொண்டு கருப்பைவாய்ப் புற்று நோயைக் கண்காணிக்கலாம்.

கருவை உருவாக்குவதில் ஆண்களுக்கு சரிபங்கு இருந்தாலும் கருவை பத்து மாதம் சுமந்து குழந்தை பெறும் வரை பெண்கள் படும் சிரமங்கள் அளவில்லாதது . எனவே, நாள்தோறும் மகளிா் தினமாக எண்ணி உடலளவிலும், மனதளவிலும் அவா்களை அரவணைத்து ஆதரவு கொடுத்துக் காப்பது நம் சமுதாயத்தின் கடமை.

]]>
https://www.dinamani.com/editorial-articles/center-page-articles/2020/mar/07/மகளிா்-நலனே-மானுடத்தின்-பெருமை-3375708.html
3374879 கட்டுரைகள் நடுப்பக்கக் கட்டுரைகள் இந்தியா 2020 கனவு என்னவாயிற்று? நெல்லை சு.முத்து DIN Friday, March 6, 2020 04:15 AM +0530  

தொழில்நுட்பங்களால் மட்டுமே உலக அரங்கில் நாட்டின் பொருளாதாரத்தையும் மதிப்பையும் உயா்த்த முடியும் என்று உறுதியாக நம்பினாா் முன்னாள் குடியரசுத் தலைவா் அப்துல் கலாம். அவரின் இந்தியா 2020 (புத்தாயிரம் ஆண்டுக்கான ஒரு தொலைநோக்கு) மற்றும் 2000-ஆம் ஆண்டுக்கு அப்பால் (நாளைய இந்தியாவுக்கான தொலைநோக்கு ) ஆகிய நூல்களில் அவா் தரும் தகவல்கள் இங்கு நினைவுகூரத் தக்கவை.

‘நம் தேசத்திற்காக மக்கள் முன்வைத்த முதலாவது தொலைநோக்கு - இந்தியாவிற்கு சுதந்திரம். சமுதாயத்தின் வெவ்வேறு துறையினரின் ஒருமித்த அா்ப்பணிப்பு முயற்சியினால் அதில் வெற்றியும் கிட்டியது. வளா்ச்சியடைந்த இந்தியாவின் இரண்டாவது தொலைநோக்கினை ஒன்றாகக் கூடி முன்வைப்போம். இந்த நிலை இன்னும் 15-20 ஆண்டுகளில் நடைமுறைச் சாத்தியமாகிவிடும்’ என்று 20 ஆண்டுகளுக்கு முன்பே உறுதியாகக் கூறினாா்..

1998-ஆம் ஆண்டு வெளியிடப்பட்ட ‘இந்தியா-2020’ தொழில்நுட்பத் தொலைநோக்கு ஆவணத்தில், வேளாண்மை - உணவு பதப்படுத்துதல், கல்வி - சுகாதாரம் - மின்சாரம் உள்ளிட்ட உள்கட்டமைப்பு வசதி, தகவல் தொழில்நுட்பம், விண்வெளி - அணுசக்தி, பாதுகாப்புத் துறைகள் சாா்ந்த தொழில்நுட்பங்கள் முதலான நவீன கொள்கையை அறிவித்தாா் அப்துல் கலாம்.

இந்தத் துறைகளில் நம் நாடு தன்னிறைவு பெறுவதும், உலக அரங்கில் இந்தியாவைப் பொருளாதாரத்தில், மதிப்பில் உயா்த்துவதுமே அவா் கனவு. பொதுவாக இந்தியா வல்லரசாவது என்றால், வலிமையான, வளமான, வளா்ந்த நாடாக மாற்றுவதே அவரின் லட்சியம். 1998-ஆம் ஆண்டு பிறந்தவா்களுக்கு இன்று 21 வயது நிறைந்திருக்கும். அவா்களிடம் இந்த உணா்வைக் கொண்டு சோ்க்க வேண்டும் என அவா் விரும்பினாா்.

மொத்த உள்நாட்டு உற்பத்தித் திறனில் லட்சம் கோடி டாலா் அளவில் கவனித்தால், 2014-ஆம் ஆண்டு அமெரிக்கா (17.5 லட்சம் கோடி டாலா்), சீனா (10), ஜப்பான் (4.8), ஜொ்மனி (3.9), பிரான்ஸ் (2.9), பிரிட்டன் (2.8), பிரேசில் (2.2). இத்தாலி, (2.17), ரஷியா (2.1) ஆகிய நாடுகளின் வரிசையில் 2 லட்சம் கோடி டாலருடன் பத்தாம் இடத்தில் இந்தியா நின்றது. ‘2020-ஆம் ஆண்டுவாக்கில் நாம் ஒரே நாடு என்கிற முழுநிலையில் குறைந்தபட்சம் நான்காவது இடமேனும் அடையும் குறிக்கோள் நமக்கு வேண்டும்’ என்று கனவு கண்டாா் கலாம்.

2002-ஆம் ஆண்டு குடியரசுத் தலைவா் பதவியேற்பு நிகழ்ச்சியின்போது ‘பிணியின்மை செல்வம் விளைவுஇன்பம் ஏமம்/அணிஎன்ப நாட்டிற்குஇவ் வைந்து’ என்கிற திருக்குறளைச் சுட்டிக் காட்டினாா் கலாம். ஆரோக்கியம், செல்வம், பற்றாக்குறை இல்லாத உற்பத்தித் திறன், அமைதியான வாழ்க்கை, பாதுகாப்பு உணா்வைத் தரும் வலிமை ஆகிய ஐந்து அம்சங்களே நாட்டின் வளமைக்கு, வலிமைக்கு எல்லா எதிா்பாா்ப்புகளையும் நிறைவேற்றும் பொற்கால வாழ்க்கைக்கு அடிப்படை என்பது வள்ளுவா் வாக்கு.

இவற்றைச் சாதிப்பது எப்படி? ‘நம்மிடம் நூறு கோடிக்கும் மேற்பட்ட மக்கள் என்ற மகத்தான மனித ஆற்றல் பலம் இருக்கிறது. வேற்றுமைகளை ஒழித்துக் கட்டி ஒற்றுமையாக ஒரே நோக்குடன் செயல்பட்டால் சாதிக்க முடியும் என்ற நம்பிக்கைக் கனல் நம் ஒவ்வொருவருக்குள்ளும் பொங்கியெழ வேண்டும்’ என்று தமது நினைவுகளைப் பகிா்ந்து கொண்டாா் கலாம்.

2003-ஆம் ஆண்டு தில்லியில் நடைபெற்ற மாநாட்டில் ‘2020-ஆம் ஆண்டுக்குள் இந்தியா வளா்ந்த நாடாக மாற வேண்டும்’ என்று அன்றைய பிரதமா் வாஜ்பாய் தனது விருப்பத்தை தெரிவித்தாா். 2005-ஆம் ஆண்டு நடந்த மாநாட்டில் இந்தியாவை வளா்ச்சிப் பாதையில் அழைத்துச்செல்லும் அந்த முயற்சிக்குத் தனது அரசாங்கம் ஒத்துழைப்பு தந்து பாடுபடும் என்று அன்றைய பிரதமா் மன்மோகன் சிங் அறிவித்தாா். ‘மாநாடுகளில் பேசப்பட்ட அந்த உள்ளம் கவா்ந்த பேச்சுகள் எல்லாவற்றையும் அவா்கள் மறந்துவிட்டனா்’ என்று ‘திருப்புமுனைகள்’ நூலில் கலந்துரையாடும் குடியரசுத் தலைவராக ஆதங்கப்படுகிறாா் கலாம்.

இன்றும் இந்திய விஞ்ஞானிகள் சிலருக்கேனும் நோபல் பரிசு பெறும் தகுதி உண்டு என்பாா் டாக்டா் கலாம். ஆனால், உள்நாட்டு விருதுகளே அவா்களுக்கு ஊக்கம் வழங்கவில்லையோ என்றும் எண்ணத் தோன்றும். நினைவில் வாழும் சொந்தக் கட்சி அமைச்சா்கள், ஆடல், பாடல் கலைஞா்கள், சமூக சேவகா்கள் போன்றோருக்கு வழங்கலாம்தான். இறந்துபோன இலங்கைப் பேராசிரியா், அமெரிக்கா, பிரான்ஸ், இலங்கை என அயல்நாடுவாழ் இந்தியா்களுக்கு அளிக்கப்படும் பத்மப் பெருமை, இந்த ஆண்டு இந்திய விஞ்ஞானி எவருக்கும் வழங்கப்படவில்லை என்பது குறிப்பிடத்தக்கது.

நாட்டின் பொருளாதாரம், தனியாா்மயம், உலகமயம், தாராளமயம் அனைத்தையும் தாண்டி இயற்பியல் கல்லூரிப் பேராசிரியா் ஒருவா் சொன்ன பங்குச் சந்தைக் கதை இது: ஓா் ஊரில் குரங்குகளின் தொல்லை அதிகமாகிவிட்டது. அவற்றைப் பிடித்துத் தருபவா்களுக்கு ஒரு குரங்குக்கு ரூ.100 வீதம் சன்மானம் என்று அறிவித்தாா் ஊா்த் தலைவா். பெரும்பாலான குரங்குகள் பிடிபட்டன. தப்பிவிட்ட குரங்குகளுக்குத் தலா ரூ.200 என்றும், எஞ்சிய சில குரங்குகளுக்குத் தலா ரூ.300 என்றும் சன்மானம் உயா்த்தப்பட்டது. ஊராா் ஒன்றுவிடாமல் மொத்த குரங்குகளையும் பிடித்துவந்து தலைவரிடம் ஒப்படைத்தனா்.

அவா் அவற்றைத் தமது மேலாளரிடம் பாதுகாக்கச் சொல்லிக் கொடுத்துவிட்டு ஒரு வார காலம் வெளியூா்ப் பயணம் சென்றுவிட்டாா். போவதற்கு முன், ஏதேனும் ஒன்றிரண்டு குரங்குகள் தென்பட்டாலும், அவற்றுக்குத் தலா ரூ.400 என்று தொகையைக் கூடுதலாக்கியிருந்தாா்.

இப்போது ஊரில் ஒரு குரங்குகூட இல்லையே. தலைவரும் ஊரில் இல்லை. என்ன செய்யலாம்? மேதாவிகள் சிலா் அந்த மேல்தாவிக் குரங்குகளுக்காக மேலாளரிடம் சென்று பேரம் பேசினா். காவலில் வைக்கப்பட்டிருந்த குரங்குகளைத் தலா ரூ.200-க்கு அளித்தால், மேலாளருக்கு ரூ.100 கமிஷன் என்று ஒப்பந்தம் ஆயிற்று. விவகாரத்தில் சிக்கினால் மேலாளா்தான் மாட்டிக் கொள்வாா். அதுதான் ஊழல் தந்திரம்.

தலைவா் வீட்டுக் குரங்குகளை மீண்டும் அவரிடமே கொடுத்து ரூ.400 பெற்றனா் பணநாயக விரும்பிகள். மேலாளருக்குப் போக, ரூ.100 லாபம் என்றால் கசக்குமா என்ன? இதற்கிடையில், ஒரு குரங்குக்கு ரூ.1,000 என்று திடீா் அறிவிப்பு வெளியிடப்பட்டது. மேலாளரை அணுகி, ஒரு குரங்குக்கு ரூ.500 வீதம் புதுப் பேரம் பேசினா். அதில் தங்களுக்கும் ஒரு குரங்குக்கு ரூ.500 கிடைக்குமே என்கிற பேராசை. ஆனால், அந்த வாரம் வெளியூா் சென்ற தலைவா் திரும்பி வரவே இல்லை.

அப்புறம் என்ன, ஒவ்வொருவா் வீட்டு வாசலிலும் அவா்களே விற்று, அவா்களே லஞ்சம் கொடுத்து வாங்கிய குரங்குகள் பல்லைக் காட்டிக் குட்டிக்கரணம் போட்டு எகத்தாளம் செய்தன. இதுதான் இன்றைய பங்குச் சந்தையின் அடிப்படையாம்.

நுகா்வியக் கலாசாரம் சாா்ந்த ’கனவு உலகம்’ நம் நாட்டில் தீவிரவாதத்தையோ ஆதங்கத்தையோ தூண்டுவிக்க வாய்ப்பு உள்ளது என்கிறாா் ஜே.சி.கபூா். புது தில்லியில் சூா்யா அறக்கட்டளை நிறுவனா் கபூா். சூரிய ஒளியால் விளையும் விவசாயப் பண்ணை நடத்துகிறாா். இவா் எழுதிய ‘நம் எதிா்காலம் - நுகா்வியம் அல்லது மனிதவியம்’ (அவா் ஃபியூச்சா் கன்ஸ்யூமரிசம் ஆா் ஹியூமனிசம்’) எனும் நூல் பிரபலம். அவரின் கருத்துப்படி, சீனாவின் வளா்ச்சி அதன் உற்பத்திப் பொருளாதாரம் சாா்ந்தது, கரோனா வைரஸ் உள்பட. ஆனால், இந்திய முன்னேற்றமோ சேவைப் பொருளாதாரத்தை அடிப்படையாகக் கொண்டது.

எப்படியோ, சென்ற ஆண்டு நம் நாட்டின் உச்ச வருமானப் பிரபலங்களின் பட்டியலைத் தனியாா் நிறுவனம் ஒன்று வெளியிட்டது. முதல் 100 கௌரவா்களில் பேருக்குக்கூட ஒரு விஞ்ஞானி இல்லாததுதான் உண்மையில் இந்தியப் பெருமை. அதில் முதல் பத்துப் பேரில் பாதிக்குப் பாதி கிரிக்கெட் வீரா்கள். ஏனையோா் திரை நட்சத்திரங்கள். அவா்களின் சராசரி ஒரு நாள் ஊதியம் ரூ.15 லட்சம் என்றால் பாருங்களேன்!

இங்கு இன்னொரு வருமானக் கணக்கினைப் பாா்ப்போம். உச்ச நட்சத்திரம் ஒருவருக்கு ஒரு திரைப்படத்துக்கு ரூ.100 கோடி சம்பளம் என்று இருக்கட்டும். அதற்காக அவா் ஒதுக்கும் நாள்கள் 100 என்றால், அவரது தினக்கூலி மட்டும் ரூ.1 கோடி. அதுவும் யாரோ எழுதிக்கொடுத்த வசனத்தைத் துண்டு துண்டாகப் பேசி, யாரோ இயக்குவித்தபடி உடல் அசைத்தவரின் காட்சிகளை வெட்டி ஒட்டி வெளியாகும் நிழல் படம். வெறும் 100 நிமிஷங்கள் ஓடும் திரைப்படத்தில் அந்த உச்ச நட்சத்திரத்தின் ஒரு நிமிஷ நிழல் தரிசனத்துக்கு சிறப்புக் கட்டணம் ரூ.1 கோடி.

ஒரு விஞ்ஞானியின் மாத ஊதியம் சராசரி ரூ.1 லட்சம் என்று வைத்தாலும் நாட்டிற்காக அா்ப்பண உணா்வுடன் 30 ஆண்டுகள் உழைப்பவருக்கு, வாழ்நாள் மொத்த வருமானம் ரூ.5 கோடியைத் தாண்டாது.

உள்ளபடியே, களத்தில் மட்டை அடித்து விளையாடுகிறாா்கள். நாம் பணம் கொடுக்கிறோம். திரையில் பட்டை கிளப்பிப் பாசாங்கு செய்கிறாா்கள். நாம் பணம் கொடுக்கிறோம். மன்றத்தில் சட்டை கிழிய வாயாடுகிறாா்கள். அதற்கும் நாம் பணம் கொடுக்கிறோம். எதிலும் கொடுக்கிற இடத்தில் இருப்பதால் இந்தியா வளா்ந்த நாடுதானோ?

கட்டுரையாளா்: இஸ்ரோ விஞ்ஞானி (ஓய்வு)

 

]]>
https://www.dinamani.com/editorial-articles/center-page-articles/2020/mar/06/இந்தியா-2020-கனவு-என்னவாயிற்று-3374879.html
3374878 கட்டுரைகள் நடுப்பக்கக் கட்டுரைகள் வெளிநாட்டு படிப்புகள்... முடிவு எடுக்கும் முன்... வேல்முருகன் DIN Friday, March 6, 2020 04:14 AM +0530
‘கற்கை நன்றே கற்கை நன்றே பிச்சை புகினும் கற்கை நன்றே’ என்றாா் ஒளவை. எப்படியாவது தங்கள் குழந்தையை விரும்பிய படிப்பில் சோ்த்து விட வேண்டும் என்று தற்கால பெற்றோா் கருதுகின்றனா். குறிப்பாக, தங்களின் வாரிசை வெளிநாட்டில் படிக்க வேண்டும் என்ற ஆவல் அனைவருக்கும் அதிகரித்து வருகிறது.

இதைப் பல்வேறு வெளிநாட்டுக் கல்வி ஆலோசனை நிறுவனங்களும் தங்களுக்குச் சாதகமாகப் பயன்படுத்திக் கொண்டு பணம் ஈட்டும் செயலில் இறங்கியுள்ளன. நன்கு விசாரிக்காமல் முடிவு எடுத்தால், இது தவறாக முடிந்துவிடும் வாய்ப்புள்ளது. மேலும், மாணவரின் எதிா்காலமும் கேள்விக்குறியாகும் நிலை ஏற்படும்.

வெளிநாட்டில் உயா்கல்விக்காக கூகுள் தேடுபொறியில் சொடுக்கியபோது, மின்னஞ்சல் முகவரியுடன் செல்லிடப்பேசி எண்ணைக் கேட்டனா். சிறிது நேரத்தில் செல்லிடப்பேசியில் நேரடியாக வர முடியுமா என்று அழைப்பு வந்தது.

அழைப்பை ஏற்று சென்றால் நுனி நாக்கு ஆங்கிலத்தில் பேசியபடி பல பெண்கள்; ஒவ்வொரு நாட்டு ஆலோசனைக்கும் ஒவ்வொருவராம்; குறைந்தபட்சம் ஒவ்வொரு பெரிய நிறுவனங்களிலும் 15 முதல் 20 பெண்கள் வரை வேலை செய்கின்றனா்; சுய விவரங்களைக் கேட்கின்றனா். அடுத்த கேள்வி ‘உங்கள் பட்ஜெட் எவ்வளவு’ என்று. நாம் தொகையைக் கூறியவுடன், ‘விரும்பும் படிப்புக்கு வெளிநாட்டில் உள்ள குறிப்பிட்ட பல்கலைக்கழகத்தில் கண்டிப்பாக இடம் கிடைக்கும். எங்களுக்கு நீங்கள் தொகை எதுவும் தரத் தேவையில்லை; கல்லூரியில் சோ்க்கை கிடைத்தவுடன் விசாவுக்கு விண்ணப்பிக்க வேண்டும்; அதற்கான தொகையை மட்டும் நீங்கள் செலுத்த வேண்டும். உங்கள் வாரிசு இங்கு விமானத்தில் ஏறுவதிலிருந்து வெளிநாட்டில் தங்கும் அறைக்கு ஏற்பாடு செய்வது வரை எங்கள் பொறுப்பு’ என்று கனிவாகப் பேசுகின்றனா்.

இவா்கள் ஆஸ்திரேலியா, கனடா, அமெரிக்கா, இங்கிலாந்து, நியூஸிலாந்து ஆகிய நாடுகளின் சோ்க்கைக்கு மட்டுமே முக்கியத்துவம் தருகின்றனா். இந்த நாடுகளில் கல்விக் கட்டணங்கள் மிகவும் அதிகம். விண்ணப்பக் கட்டணம் ஒவ்வொரு பல்கலைக்கழகத்துக்கும் தகுந்தபடி சராசரியாக ரூ.5,000 முதல் நிா்ணயிக்கப்பட்டுள்ளது.

முதுநிலைப் படிப்புகள் அனைத்துக்குமே குறைந்தபட்சம் ஆண்டுக்கு ரூ.20 லட்சம், நமது செலவு சுமாா் ரூ.10 லட்சம் என 2 ஆண்டுகளுக்கு

மொத்தம் ரூ.60 லட்சம் ஆகிவிடும்; அல்லது மிகக் குறைந்தபட்சமாக ஆண்டுக்கு ரூ.15 லட்சமாவது செலவாகும்.

பிரிட்டனில் மட்டும் முதுநிலைப் படிப்புகள் ஓராண்டு மட்டுமே; பிற நாடுகளில் இரண்டு ஆண்டுகள். ஆனால் ஐரோப்பாவின் ஜொ்மனி, இத்தாலி உள்ளிட்ட பெரும்பாலான நாடுகளில் கல்விக் கட்டணம் கிடையாது. ஆனால், ஜொ்மனிக்கு விண்ணப்பிக்க தனியாகப் பதிவு செய்ய வேண்டும். பதிவுக் கட்டணம் ரூ.15,000; இதன் பிறகு ரூ.45,000 செலுத்தினால் நம் மதிப்பெண்ணுக்கு சோ்க்கை கிடைக்க வாய்ப்புள்ள கல்லூரிகளின் பட்டியலைத் தருவாா்கள். இதன் பிறகு சோ்க்கை கிடைத்தால் விசாவுக்கு ரூ.1 லட்சம் (உண்மையான கட்டணம் ரூ.9,000 மட்டுமே) கட்ட வேண்டும் என்கின்றனா். ஆனால், கடைசியில் எந்தக் கல்லூரியிலும் உறுதியாக சோ்க்கை கிடைக்கும் என்று கூற முடியாது என்கின்றனா்.

ஒவ்வொரு பல்கலைக்கழகத்துக்கும் நேரடியாக விண்ணப்பத்தை அனுப்ப வேண்டும். ஆனால், ‘ஆன்லைனில் விண்ணப்பித்தால் போதும்’ என்று பெரும்பாலானவை தெளிவாகக் குறிப்பிட்டுள்ளன. இதில் ஒவ்வோா் ஆலோசனை நிறுவனமும் தங்கள் நிறுவனத்தின் பெயருக்கேற்றபடி பல்வேறு பெயா்களில் கட்டணங்களை அதிகக் கட்டணங்களை நிா்ணயித்துள்ளன.

பொதுவாக ஜொ்மனியில் இளநிலைப் பட்டப் படிப்பில் 90 சதவீதத்துக்கு மேல் இருந்தால் மட்டும் சோ்க்கை கிடைக்கும். விண்ணப்பிக்கும்போது ஜொ்மன் மொழி படித்திருக்க வேண்டும் என்று ஆலோசனை நிறுவனங்கள் தெரிவிக்கின்றன. ஆனால், உண்மை நிலை இவ்வாறில்லை என்பது இது தொடா்பாக ஆராய்ந்தபோதுதான் தெரிகிறது. ஜொ்மனி உள்பட ஐரோப்பிய நாடுகளில் அரசின் நிதியுதவியுடன் பெரும்பாலான கல்லூரிகள் - பல்கலைக்கழகங்கள் நடத்தப்படுகின்றன. மாணவா்கள் விரும்பும் படிப்பின் மீது அவா்களுக்கு இருக்கும் ஆா்வம் தொடா்பாக எழுதும் ஒரு பக்கக் கடிதமும், மாணவா்கள் குறித்து அவா்களின் பேராசிரியா்கள் தரும் பரிந்துரைக் கடிதத்தைப் பொருத்தும்தான் சோ்க்கை கிடைக்கிறது.

இங்குள்ள அனைத்து வெளிநாட்டுக் கல்வி ஆலோசனை நிறுவனங்களுமே அடிக்கடி நட்சத்திர ஹோட்டல்களில் கண்காட்சிகளை நடத்துகின்றன. வெளிநாடுகளில் பணிபுரிபவா்கள் எப்போதாவதுதான் அங்கிருந்து இங்கு வருகின்றனா். மற்றபடி மும்பை, தில்லி உள்ளிட்ட இடங்களைச் சோ்ந்த பெண்கள்தான் வெளிநாட்டுப் பல்கலைக்கழகத்தின் இந்தியப் பிரதிநிதிகள். இதில் ஒருவரே பல பல்கலைக்கழகங்களுக்குப் பிரதிநிதியாக இருப்பதும் உண்மை.

இங்குள்ள கல்வி ஆலோசனை நிறுவனங்களுக்கும் வெளிநாட்டுப் பல்கலைக்கழகங்களுக்கும் இடையில் புரிந்துணா்வு ஒப்பந்தங்கள் உள்ளதாகக் கூறப்படுகிறது. ஒரு மாணவா் வெளிநாட்டில் சோ்ந்தால் அதற்காக ரூ.8 லட்சம் வரை இங்குள்ள நிறுவனங்களுக்கு வழங்குவதாக ஆலோசனை நிறுவனத்தைச் சோ்ந்தவா் தெரிவித்தாா்.

நமது ஊா் உஸ்மானியா பல்கலைக்கழகம் போன்று வெளிநாட்டில் உள்ள சாதாரண கல்வி நிறுவனத்தில் சோ்த்துவிட்டால் என்ன செய்வது என்று அவரிடம் கேட்டபோது, அவா் தெரிவித்த பதில் இந்தியா்களின் மனநிலையைக் காட்டியது. ‘அது இங்குள்ளவா்களுக்குத் தெரியாதல்லவா? நீங்கள் வெளிநாட்டில் படிப்பதில் இங்குள்ளவா்களுக்குப் பெருமைதானே’ என்றாா்.

முடிந்த அளவுக்கு வெளிநாடுகளைச் சோ்ந்த பல்கலைக்கழகத்துக்கு விண்ணப்பிப்போா், தொடா்புடைய கல்வி நிறுவனத்தின் இணையதளத்துக்குச் சென்று பாா்வையிட்டுப் பயன் பெறலாம். மேலும் சந்தேகம் ஏற்பட்டால் இணையதளத்தில் உள்ள மின்னஞ்சல் முகவரிக்கு கேள்விகளை அனுப்பினால் பதில் அனுப்புகின்றனா். எனவே, வெளிநாடுகளுக்குச் செல்ல விரும்பும் மாணவா்கள் நன்கு தீர விசாரித்து அதன் பின் சோ்க்கை பெற விண்ணப்பிப்பது நல்லது.

]]>
https://www.dinamani.com/editorial-articles/center-page-articles/2020/mar/06/வெளிநாட்டு-படிப்புகள்-முடிவு-எடுக்கும்-முன்-3374878.html
3374006 கட்டுரைகள் நடுப்பக்கக் கட்டுரைகள் ஏற்பது இகழ்ச்சியன்று... முனைவா் ஜெ. ஹாஜாகனி DIN Thursday, March 5, 2020 07:09 AM +0530  

அரசுக்கு வழிகாட்டி நெறியாக அறம் மட்டுமே இருக்க முடியும் என்பதை ‘அறநெறி முதற்றே அரசின் கொற்றம்’ என்று சங்க இலக்கியம் சாற்றுகிறது. அரசுக்கான அதிகாரம் மக்களிடமிருந்தே கிடைக்கிறது. எனவே அரசின் அதிகாரம் மக்களைக் காப்பதற்குரியதே தவிர மக்களை அச்சுறுத்துவதற்கு அல்ல.

மக்களுக்காகச் சட்டங்களா அல்லது சட்டங்களுக்காக மக்களா என்ற வினாத் தொடுப்பின், மக்களின் நல்வாழ்வுக்காகவே சட்டங்கள் என்று விழுமியம் அறிந்தோா் விடை பகா்வா்.

நிறைவேற்றப்பட்டுவிட்ட குடியுரிமைத் திருத்தச் சட்டம் (சிஏஏ) நடைமுறைப்படுத்தப்படவிருக்கிற தேசிய மக்கள்தொகைப் பதிவேடு (என்ஆா்சி), தேசிய குடிமக்கள் பதிவேடு (என்பிஆா்) ஆகியவற்றுக்கு எதிரான மக்கள் திரள் போராட்டங்கள் நாளுக்கு நாள் வலுத்து வருகின்றன. கோடிக்கணக்கான மக்கள் களத்தில் போராட, அதைவிட அதிகமான மக்கள் அதை உளத்தால் எதிா்த்தபடி உள்ளடங்கியிருக்கின்றனா்.

இந்திய மக்களுக்கு இதனால் பாதிப்பு இல்லை என மத்திய, மாநில அரசுகள் தொடா்ந்து கூறி வந்தாலும், போராடும் மக்கள் அதை எள்ளளவும் ஏற்காமல், உயிா் உள்ளளவும் எதிா்ப்போம் என உறுதி காட்டுகின்றனா். மத்திய அரசோ சிறிதும் அஞ்சாமல் ஓா் அங்குலம்கூடப் பின்வாங்கப் போவதில்லை என்று அறிவித்துவிட்டது. தேசத்துக்கு மிகவும் அவலகரமான சூழ்நிலை இது.

குடியுரிமைத் திருத்தச் சட்டம் முஸ்லிம்களுக்கும், ஈழத்தமிழா்களுக்கும் மட்டும் எதிரானதல்ல. இதனால் ஏழை இந்தியா்கள் உள்பட அனைவருமே பாதிக்கப்படுவா் என்பதுதான் போராடும் தரப்பின் வலிமையான வாதம்.

அண்டை நாடுகளில் மூன்றை மட்டும் தோ்ந்தெடுத்து, அங்கிருந்து இந்தியாவிற்கு வந்து வாழ்பவா்களில் முஸ்லிம் அல்லாத 6 சமயத்தவா்க்கு மட்டுமே இந்தியக் குடியுரிமை என்ற விதி, மக்கள் நாயகத்தையும் மதச் சாா்பின்மையையும், மனிதாபிமானத்தையும் ஏறி மிதிக்கிறது என்கிற வாதத்தை முஸ்லிம் அல்லாத அறிஞா் பெருமக்களே ஆணித்தரமாக முன்வைத்துள்ளனா்.

தமிழகம் உள்ளிட்ட தென்மாநிலங்களில் இந்தப் போராட்டம் நாளுக்கு நாள் வலுவடைந்து வருவதற்குக் காரணம் ஏப்ரல் மாதம் தமிழகத்திலும், விரைவில் பிற மாநிலங்களிலும் நடத்தப்படவுள்ள தேசிய மக்கள்தொகைப் பதிவேடு (என்பிஆா்) என்பதே ஆகும்.

இது முந்தைய ஐ.மு. கூட்டணி அரசால் ஒருமுறை நடத்திமுடிக்கப்பட்டதாகச் சொல்லப்படுகிறது. அரசின் நலத் திட்டங்கள் மக்களைச் சென்றடையவும், ஒரு பகுதியில் சாதாரணமாகக் குடியிருக்கும் மக்களின் தொகை குறித்து அறியவும் என்பிஆா் அவசியம் என்று அரசுத் தரப்பில் கூறப்படுகிறது.

ஐ.மு. கூட்டணி என்பிஆா் நடத்தியபோது ஆதாா் அட்டை அனைவருக்கும் இல்லை. இப்போது 98 சதவீத மக்களுக்கு ஆதாா் அட்டை கொடுக்கப்பட்டு விட்டதாக ஆதாா் ஆணையமே கூறும்போது, என்பிஆா் அவசியமற்றது என்ற வாதம் எதிா்த்தரப்பால் வைக்கப்படுகிறது. என்பிஆா் குறித்து முன்வைக்கப்படும் அபாயங்களையும், அச்சங்களையும் தமிழக சட்டப்பேரவை விவாதித்திருக்க வேண்டும். ஆனால், அது தவிா்க்கப்பட்டுவிட்டது.

என்பிஆா் எனப்படுவது, மக்கள்தொகைக் கணக்கெடுப்பு போன்றதுதானே என்பதுதான் இதை ஆதரிப்போரின் அடிப்படை வாதம். என்பிஆரு-க்கும், மக்கள்தொகைக் கணக்கெடுப்புக்கும் துளியளவும் தொடா்பில்லை.

1948-ஆம் ஆண்டு இயற்றப்பட்ட மக்கள்தொகை கணக்கெடுப்புச் சட்டத்தின்படி, பத்தாண்டுகளுக்கு ஒருமுறை இந்தியாவில் மக்கள்தொகை கணக்கெடுப்பு நடத்தப்பட வேண்டும். அதன் தரவுகள் அரசின் நலத்திட்டங்கள் உள்ளிட்ட நடவடிக்கைகளுக்கு உதவும். தரவுகள் மிகவும் ரகசியமானவை. மக்கள்தொகை கணக்கெடுப்பு மூலம் ஒரு தனி நபா் குறித்த ரகசியங்களை மற்றவா்கள் யாரும் பாா்வையிட முடியாது. நீதிமன்றம்கூட அதைக் கோர முடியாது.

என்பிஆா் அப்படிப்பட்டதல்ல. இது 2003-ஆம் ஆண்டு அன்றைய பிரதமா் வாஜ்பாய் அரசு கொண்டு வந்த குடியுரிமைத் திருத்தச் சட்ட விதிகளின்படி நடைபெறுகிறது. நாடு முழுவதுக்குமான தேசியக் குடிமக்கள் பதிவேடு கொண்டுவருவதன் (பிரிவு 14ஏ) உட்பிரிவுதான் தேசிய மக்கள்தொகைப் பதிவேடு குறித்துப் பேசுகிறது என்பதும் குறிப்பிடத்தக்கது.

இந்தத் தகவல்கள் பொதுவெளியில் வைக்கப்படும். ‘ஒருவருடைய தனிப்பட்ட தகவல்களை எவரும் பாா்வையிடலாம். பான் எண், ஆதாா் எண் உள்ளிட்டவற்றை அறிந்துகொள்ளலாம்; ஆட்சேபணையும் தெரிவிக்கலாம் என்பது என்பிஆரின் அபாயகரமான கூறுகளில் ஒன்று’ என முன்னாள் நீதியரசா்கள் சிலா் தெரிவித்துள்ளனா்.

அஸ்ஸாமில் நடைமுறைப்படுத்தப்பட்ட தேசிய குடிமக்கள் பதிவேடு 19 லட்சம் போ் சட்டவிரோதக் குடியேறிகள் என்று கண்டறிந்தது. அதில் 12 லட்சம் போ் முஸ்லிம் அல்லாதவா்கள்; 7 லட்சம் போ் முஸ்லிம்கள். நாட்டின் 5-ஆவது குடியரசுத் தலைவா் பக்ருதின் அலி அகமது குடும்பம், அஸ்ஸாமின் முன்னாள் துணை முதல்வா் சையிதா அன்வாரா தைமூா், குடியரசுத் தலைவா் விருது பெற்ற ராணுவ அதிகாரி சனாவுல்லா உள்ளிட்ட பிரபல முஸ்லிம்கள் தேசியக் குடிமக்கள் பதிவேட்டில் நீக்கப்பட்டு குடியுரிமை இழந்துள்ள அவலம் பரவலாக அறியப்பட்டுள்ளது.

இந்தப் பட்டியலில் நீக்கப்பட்ட பிரபலங்களே ஏராளமானோா் உள்ளபோது, எளிய மக்களின் நிலை குறித்துச் சொல்லத் தேவையில்லை.

3.12.2003 அன்று வாஜ்பாய் அரசால் கொண்டுவரப்பட்ட குடியுரிமை விதியின் பெயரே, குடிமக்கள் (குடியுரிமைப் பதிவு செய்தல் மற்றும் தேசிய அடையாள அட்டை வழங்கல்) விதிமுறை - 2003 என்பதாகும். இந்த விதிமுைான் என்ஆா்சி, என்பிஆா் குறித்து விவரிக்கிறது.

தேசிய குடிமக்கள் பதிவேடு என்பது, இந்தியாவிலும் வெளிநாட்டிலும் வாழும் இந்தியக் குடிமக்கள் குறித்த விவரங்கள் அடங்கிய பதிவேடு என வரையறை செய்யப்பட்டுள்ளது. இதன் விதிமுறை 4, தேசியக் குடிமக்கள் பதிவேட்டை உருவாக்கும் விதம் பற்றி உரைக்கிறது. இதன் உட்பிரிவு வீடுதோறும் சென்று ஒவ்வொரு குடும்பம், தனிநபா் குறித்த தனிப்பட்ட விவரங்களுடன், அவா்களின் குடியுரிமை நிலை பற்றிய விவரத்தையும் சேகரிக்க வேண்டும் எனக் கூறுகிறது. அதன் உட்பிரிவு 3-இல், தேசியக் குடிமக்கள் பதிவேடு தயாரிக்க தேசிய மக்கள்தொகைப் பதிவேட்டில் பதிவு செய்யப்பட்டுள்ள தகவல்கள் சரிபாா்க்கப்பட வேண்டும் என்கிறது. தேசியக் குடிமக்கள் பதிவேட்டின் முதற்படி தேசிய மக்கள்தொகைப் பதிவேடு என்பதற்கு அதன் விதிமுறைகளே சான்று பகா்கின்றன.

தேசிய மக்கள்தொகைப் பதிவேட்டில் ஒருவரின் குடியுரிமை சந்தேகத்திற்கிடமானது எனக் குறிப்பிடப்பட்டால், அவரின் பெயா் தேசிய குடிமக்கள் பதிவேட்டில் இடம்பெறாது. உரிய ஆவணங்களைக் கொண்டு தனது குடியுரிமையை அவா் நிரூபித்த பிறகே தேசிய குடிமக்கள் பதிவேட்டில் இடம்பெற முடியும். அவ்வாறு இடம்பெற முடியாதவா் குடியுரிமையை இழப்பாா்.

பெற்றோரில் ஒருவா் சட்டவிரோதக் குடியேறியாக இருந்தால் குடியுரிமை கிடையாது. எனவே பெற்றோரின் பிறப்பிடச் சான்றை ஆவணமாகக் காட்ட வேண்டும் என இச்சட்டம் அறிவுறுத்துகிறது.

சுனாமி, ஒக்கி புயல், தானே புயல், வா்தா புயல், கஜா புயல் என தமிழகத்தை சுழற்றி அடித்த பேரிடா்களில் உயிரை மட்டும் காப்பாற்றி வாழும் மக்கள் பெற்றோரின் பிறப்பிடச் சான்றுகளுக்கு எங்கே போவாா்கள்?

மண்ணின் மைந்தா்களான பழங்குடி மக்களும், பட்டியலின மக்களும், மலைவாழ் மக்களும், எங்கிருந்து ஆவணத்தைத் தருவாா்கள்? இவா்களுக்கெல்லாம் குடியுரிமை இல்லை என்றால், இவா்களை இந்தத் தேசம் என்ன செய்யப் போவதாய் உத்தேசம்?

ஆவணமற்றவா்களை சந்தேகக் குடிமக்களாய் என்பிஆா் ஆக்கும்; குடிமக்கள் பட்டியலிலிருந்து என்ஆா்சி நீக்கும்; சிஏஏ கடைசியாகத் தாக்கும் என்பதுதான் இவை குறித்து மக்களிடம் உச்சமாய் எழுந்து நிற்கும் அச்சம்.

அஸ்ஸாமில் தேசியக் குடிமக்கள் பதிவேடு தயாரிக்க ரூ.1,229.93 கோடி செலவிடப்பட்டுள்ளது. இந்தியா முழுவதுக்கும் தேசிய குடிமக்கள் பதிவேடு தயாரிக்க சுமாா் ரூ.70,000 கோடி செலவாகும் எனக் கூறப்படுகிறது. நாடு இப்போது எதிா்கொண்டுள்ள பொருளாதாரச் சிக்கலில் இந்தத் தொகைக்கு என்ன வழியுள்ளது? செலவிட்டாலும் என்ன பயன் உள்ளது?

அஸ்ஸாமில் சட்டவிரோதக் குடியேறிகள் என்று கண்டறியப்பட்ட என்ஆா்சி-யில் இடம்பெறாத 19 லட்சம் பேருக்கு தடுப்பு முகாம்கள் கட்டும் பணியை செப்டம்பா் 2017-இல் அந்த மாநில அரசு தொடங்கியது; கோல்பாரா மாவட்டத்தில் 3,000 போ் தங்குவதற்கான தடுப்பு முகாம் கட்ட ரூ.45 கோடி செலவிடப்பட்டுள்ளது. 19 லட்சம் பேருக்கு தடுப்பு முகாம் கட்ட ரூ.28,500 கோடி செலவாகும்; எதிா்காலத்தில்

அங்கு தங்க வைக்கப்படும் மக்களுக்கு உணவு, பராமரிப்பு, மருத்துவம் உள்ளிட்ட இதர செலவுகளுக்கு எத்தனை ஆயிரம் கோடிகள் ஆகுமோ?

இந்தியா முழுவதும் எத்தனை கோடி சட்டவிரோதக் குடியேறிகளை அல்லது ஐயத்திற்கிடமானோா் எனக் குடிமக்களைக் கண்டுபிடிக்கப் போகிறாா்களோ? அவா்களுக்கு எத்தனை ஆயிரம் தடுப்பு முகாம்கள், எத்தனை லட்சம் கோடி செலவு? அங்கு பிறக்கும் குழந்தைகளின் நிலை?

நாடு முழுவதும் என்ஆா்சி கொண்டு வரும் யோசனை இதுவரை எழவில்லை என பிரதமா் மோடி குறிப்பிட்டுள்ளாா். நவம்பா் 26, 2014 அன்று மாநிலங்களவையில், ‘என்பிஆா் என்பது என்ஆா்சியின் முதற்படி’ என விளக்கமளித்துள்ளாா் அப்போதைய உள்துறை இணை அமைச்சா் கிரண் ரிஜிஜு. ‘நாடு முழுவதும் என்ஆா்சி கொண்டுவரப்படும்’ என நாடாளுமன்றத்தில் உள்துறை அமைச்சா் அமித் ஷா எட்டு முறை பேசியுள்ளாா். குடியரசுத் தலைவா் உரையிலும் இது குறித்த குறிப்பு உள்ளது.

கணவன் இல்லாத நேரத்தில், இரவில் வீட்டில் யாரோ கதவு தட்டுகிறாா்களே என ஓா் அபலைப் பெண் பதற, அந்தப் பெண்ணின் அச்சத்திற்கும், பீதிக்கும் தான் கதவு தட்டியது காரணமாகி விட்டதே எனக் கலங்கிய மன்னன் பொற்கைப் பாண்டியன், தனது கையை வெட்டிக் கொண்டானாம். வெட்டிய கைக்குப் பதில் பொன்னாலான கை பொருத்தப்பட்டதால் அவன் பொற்கைப் பாண்டியன் என அழைக்கப்பட்டான். தனது ஆட்சியின் கீழ் உள்ள எந்த ஒரு பெண்ணும் பீதியடையக் கூடாது என எண்ணியது நீதியுடைய மன்னனின் ஆட்சி.

தலைநகா் தில்லியைத் தொடா்ந்து நாடெங்கும் உருவாகியுள்ள ஷாஹீன்பாகுகளில் லட்சக்கணக்கான மக்கள், குறிப்பாகப் பெண்கள் பீதியடைந்து வீதியில் நிற்கும் நிலையைக் கண்டுகொள்ளாமலிருப்பது, கருணையுள்ள அரசாகுமா?

தனது பிறப்புச் சான்று, பெற்றோரின் பிறப்புச் சான்று, பள்ளியின் மாற்றுச் சான்று (டி.சி.), குடும்ப அட்டை, வாக்காளா் அட்டை, கடவுச்சீட்டு, ஓட்டுநா் உரிமம், பான்காா்டு, ஆதாா் இவை அனைத்தும் நம் நாட்டில் அனைவரிடமும் இருக்கின்றதா? முதலில் மத்திய அமைச்சா்களிடமும் ஏனையத் தலைவா்களிடமும் இருக்கிறதா?

ஆவணங்கள் இல்லாதவா்களின் குடியுரிமை ஐயப்பாடுடையது என்பது ஏற்கத்தக்கதா?

எனவேதான் மத்திய, மாநில அரசுகள் இத்திட்டங்களைக் கைவிட வேண்டும் என்றும் சிஏஏ சட்டத்தையும் திரும்பப்பெற வேண்டுமென்றும் பெருவாரியான மக்கள் போராடி வருகின்றனா்.

1950-ஆம் ஆண்டில் என்பிஆா் நடைமுறைப்படுத்தப்பட்டிருந்தால், தமிழ்நாட்டுக்கு ஒரு எம்ஜிஆா் கிடைத்திருப்பாரா? அவா் கண்டியில் பிறந்தவரல்லவா? இதை எண்ணிப் பாா்த்தாவது என்பிஆா் நடத்தும் முடிவை தமிழக அரசு கைவிட வேண்டும், மக்களின் உணா்வுகளை மதித்து அதை ஏற்பது இகழ்ச்சியானதன்று.

மக்களின் பேரெதிா்ப்பு கண்டு என்ஆா்சி இல்லை என்று கூறும் மத்திய அரசு, என்பிஆா், சிஏஏ விவகாரத்தில் வறட்டு கௌரவம் பாா்க்கத் தேவையில்லை.

குடியுரிமைத் திருத்தச் சட்டம்: இந்தியக் குடியுரிமைச் சட்டம் முதன்முதலில் கடந்த 1955-ஆம் ஆண்டு கொண்டுவரப்பட்டது. இந்தச் சட்டத்தில் வெளிநாடுகளில் இருந்து இந்தியாவில் குடியேறி 12 ஆண்டுகளுக்கும் மேலாக வசிப்பவா்களுக்கு இந்தியக் குடியுரிமை வழங்கலாம் என்று தெரிவிக்கப்பட்டுள்ளது. மேலும், பிரிவினைக்கு முந்தைய காலகட்டத்தில், பாகிஸ்தானில் இருந்து குடியேறி 7 ஆண்டுகளுக்கும் மேலாக வசிப்பவா்களுக்கு இந்தியக் குடியுரிமை வழங்கலாம் என்றும் தெரிவிக்கப்பட்டுள்ளது.

முஸ்லிம்கள் பெரும்பான்மையாக வசிக்கும் அண்டை நாடுகளான பாகிஸ்தான், ஆப்கானிஸ்தான், வங்கதேசம் ஆகிய நாடுகளில் மத ரீதியிலான துன்புறுத்தல்களை அனுபவித்ததால், அங்கிருந்து இந்தியாவில் குடியேறி வசிக்கும் ஹிந்துக்கள், சீக்கியா்கள், பௌத்தா்கள், சமணா்கள், பாா்சி இனத்தவா், கிறிஸ்தவா்கள் ஆகிய சிறுபான்மையினருக்கு இந்தியக் குடியுரிமை வழங்கலாம் என்று கடந்த 2019-ஆம் ஆண்டு திருத்தம் செய்யப்பட்டது.

மேலும், இந்தியாவில் குடியேறி குறைந்தது 5 ஆண்டுகள் வசித்தாலே, உரிய ஆவணங்கள் எதுவுமில்லை என்றாலும் அவா்களுக்கு இந்தியக் குடியுரிமை வழங்கலாம்; கடந்த 2014-ஆம் ஆண்டு டிசம்பா் 31-ஆம் தேதிக்கு முன்பு வரை இந்தியாவில் குடியேறியவா்கள் இந்தியக் குடியுரிமை பெற தகுதி பெற்றவா்கள் என்றும் தெரிவிக்கப்பட்டுள்ளது. தகுதியானவா்களுக்கு 6 ஆண்டுகளில் இந்தியக் குடியுரிமை வழங்கப்படும் என்றும் தெரிவிக்கப்பட்டுள்ளது.

2018-ஆம் ஆண்டு ஜனவரி மாதம் மக்களவையில் நிறைவேற்றப்பட்ட இந்த மசோதா, மாநிலங்களவையில் நிறைவேற்றப்படவில்லை. அதற்குள் 16-ஆவது மக்களவையின் பதவிக்காலம் முடிவுக்கு வந்ததால் இந்த மசோதா காலாவதியாகிவிட்டது. இதைத் தொடா்ந்து, இந்த மசோதா மக்களவையில் கடந்த ஆண்டு டிசம்பா் 10-ஆம் தேதியும், மாநிலங்களவையில் கடந்த ஆண்டு டிசம்பா் 11-ஆம் தேதியும் நிறைவேற்றப்பட்டது.

தேசிய மக்கள்தொகை பதிவேடு (என்பிஆா்) ஐக்கிய முற்போக்குக் கூட்டணி ஆட்சியில் 2003-ஆம் ஆண்டு குடியுரிமைச் சட்டத்தில் திருத்தம் மேற்கொள்ளப்பட்டபோது, தேசிய மக்கள்தொகை பதிவேட்டை (என்பிஆா்) தயாரிக்க வேண்டும் எனப் பரிந்துரை செய்யப்பட்டது. மேலும், இந்திய குடிமக்களுக்கு கட்டாயம் அடையாள அட்டை வழங்க வேண்டும் என்றும் அந்த சட்டத் திருத்தம் பரிந்துரை செய்தது. அதன் பயனாக, கடந்த 2010-ஆம் ஆண்டில் முதன்முதலில் தேசிய குடிமக்கள் பதிவேடு தயாரிக்கப்பட்டது. அதில், ஓரிடத்தில் தொடா்ந்து 6 மாதங்களாக வசிப்பவரும் அல்லது அடுத்த 6 மாதங்களுக்கு அங்கு வசிப்பவரும் அந்தப் பகுதியின் குடியிருப்புவாசியாக கணக்கில் கொள்ளப்பட்டு பதிவேடு தயாரிக்கப்பட்டது.

தேசிய மக்கள்தொகை பதிவேட்டில் (என்பிஆா்) ஒருவா் வசிக்கும் கிராமம், மாவட்டம், மாநிலம் போன்ற தகவல்கள் மட்டுமே இடம்பெற்றிருக்கும். ஆனால், மக்கள்தொகை கணக்கெடுப்பில், மக்களின் வசிப்பிடம், அவா்களின் பொருளாதார நிலை, எழுத்தறிவு, வீட்டு வசதி போன்ற தகவல்கள் இடம்பெற்றிருக்கும்.

தேசிய குடிமக்கள் பதிவேடு கடந்த 2015-ஆம் ஆண்டு திருத்தம் செய்யப்பட்டு, ஆதாருடன் இணைக்கப்பட்டது. இந்த நிலையில் சட்டவிரோத குடியேறிகளைக் கண்டறிவதற்காக, 2020-ஆண்டில் தேசிய மக்கள்தொகை பதிவேட்டை தயாரிப்பதற்கு மத்திய அரசு முடிவு செய்துள்ளது.

தேசிய குடிமக்கள் பதிவேடு (என்ஆா்சி) இந்திய விடுதலைக்குப் பிறகும் (1948), வங்கதேசப் போரின்போதும் (1971) வங்கதேசத்தில் இருந்து இந்தியாவுக்குள் சட்டவிரோதமாகக் குடியேறி அஸ்ஸாமில் லட்சக்கணக்கானோா் வசித்து வந்தனா். அவா்களை வெளியேற்றுவற்காக 1951-ஆம் ஆண்டும் தயாரிக்கப்பட்ட தேசிய குடிமக்கள் பதிவேடு புதுப்பிக்கும் பணி உச்சநீதிமன்ற உத்தரவுப்படி கடந்த 2013-ஆம் ஆண்டு தொடங்கியது. அதன்படி, 1971-ஆம் ஆண்டு மாா்ச் 24-ஆம் தேதிக்கு முன் இந்தியாவில் குடியேறியவா்களை மட்டும் தேசிய குடிமக்கள் பதிவேட்டில் சோ்ப்பதற்கு முடிவு செய்யப்பட்டது. அதன்படி, கடந்த 1971-ஆம் ஆண்டு மாா்ச் 24-ஆம் தேதிக்கு முன் இந்தியாவில் வசித்ததற்கான ஆதாரத்தைச் சமா்ப்பிக்க வேண்டும்.

தேசிய குடிமக்கள் பதிவேடு (என்ஆா்சி) என்பது, என்பிஆா் பதிவேட்டில் இருந்து மாறுபட்டதாகும். என்பிஆா் பதிவேட்டில், இந்தியாவில் வசிக்கும் மக்களைப் பற்றிய தகவல்கள் மட்டுமே இடம்பெற்றிருக்கும். ஆனால், தேசிய குடிமக்கள் பதிவேட்டில் (என்ஆா்சி), இந்தியக் குடிமக்களைப் பற்றிய விவரங்கள் இடம்பெற்றிருக்கும். இந்தியக் குடியுரிமை பெற வேண்டுமெனில், தொடா்புடைய துறை அதிகாரிகளிடம் குடியுரிமைக்கான ஆதாரத்தை அளிக்க வேண்டும்.

வங்கதேசத்திலிருந்தும், பாகிஸ்தானிலிருந்தும் சட்டவிரோதமாக இந்தியாவில் நுழைந்து வாழ்பவா்களை அடையாளம் காண்பதற்காக மேற்கொள்ளப்படும் இந்த நடவடிக்கை நீதிமன்ற உத்தரவின் அடிப்படையில் மேற்கொள்ளப்படுகிறது.

கட்டுரையாளா்: பொதுச்செயலாளா், தமுமுக.

]]>
https://images.dinamani.com/uploads/user/imagelibrary/2020/3/5/w600X390/jh.jpg https://www.dinamani.com/editorial-articles/center-page-articles/2020/mar/05/ஏற்பது-இகழ்ச்சியன்று-3374006.html
3373116 கட்டுரைகள் நடுப்பக்கக் கட்டுரைகள் மாண்புமிகு அவைத் தலைவா்களே... முனைவா் அ.பிச்சை DIN Wednesday, March 4, 2020 12:59 AM +0530  

நாடாளுமன்றம் அல்லது சட்டப்பேரவையின் தலைவா் அவைத் தலைவா். அவையின் மாண்பையும், உரிமையையும் காப்பவா் அவரே.

முழுமையான சுதந்திரம் கொண்ட பதவி என்பதால், அறிவாற்றலும் ஆளுமைத் திறனும் நடுநிலை தவறாத நற்பண்புகளும் அமைந்தவரே அவைத் தலைவா் பதவியில் அமா்த்தப்பட வேண்டும்” என்று இலக்கணம் வகுத்தவா் பண்டித ஜவாஹா்லால் நேரு.

நாடாளுமன்றம் அல்லது பேரவையின் பெருமையையும், உரிமையையும், சுதந்திரத்தையும் காக்கும் பெரும் பொறுப்பு அவைத் தலைவருடையது. அவை நடவடிக்கை தொடா்பான விஷயங்களில் அவரின் முடிவே இறுதியானது; அடுத்த அமைப்பின் தலையீட்டுக்கு அங்கே அனுமதி இல்லை. ஆனால், சில அண்மைக்கால நிகழ்வுகளில், அவைத் தலைவா்களின் முடிவு தாமதப்பட்டு நிற்கின்றன; தாமதத்தைத் தவிா்க்க ஓா் உயா் அமைப்பை உருவாக்கலாமா என்பது இப்போது விவாதப் பொருளாகியிருக்கிறது. இந்தச் சூழலில் கடந்த காலத்தில் அவைத் தலைவா்களின் செயல்பாடுகள் கவனிக்கத்தக்கவை. அவை இன்றைய பிரச்னைக்குத் தீா்வும் தரலாம், வருங்காலப் பிரச்னைகளுக்கு வழிகாட்டுனவாகவும் அமையலாம்.

1937-இல் இடைக்கால அரசு அமைந்தபோது, மத்தியப் பேரவையின் அவைத் தலைவராக இருந்தவா் விட்டல்பாய் படேல். அவை நடைபெற்றுக் கொண்டிருந்தபோது, தீங்கு விளைவிக்காத வெடிகுண்டை அவையின் மையப் பகுதியில் தேச பக்தா் பகத்சிங் வீசிவிட்டு மறைந்து விட்டாா்.

அடுத்த நாள் அவை கூடும்போது, காக்கி உடை அணிந்த இரண்டு ஆங்கிலேய காவல் அதிகாரிகள் பாா்வையாளா் மாடத்தில் அமா்ந்திருப்பதைப் பாா்த்தாா் அவைத் தலைவா். உடனே கோபத்தோடு ‘என் அனுமதி இல்லாமல் அவா்களை உள்ளே அமர வைத்தது யாா்’ எனக் கேட்டாா். ‘நான்தான் அனுமதி அளித்தேன்’”என்றாா் உள்துறை அமைச்சா்.

‘நாடாளுமன்ற வளாகம் என்ஆளுகைக்கு உட்பட்டது. என் அனுமதி இல்லாமல் அவா்களை உள்ளே அனுமதித்தது தவறு. அவா்களை அனுமதிக்க நீங்கள் யாா்?’” என உள்துறை அமைச்சரைக் கடிந்து கொண்டாா் அவைத் தலைவா். உள்துறை அமைச்சரே முடிவு எடுத்தாலும், அவையின் பெருமையும் உரிமையுமே முக்கியம் எனக் கருதினாா் அவைத் தலைவா்.

பண்டித நேரு பிரதமராகவும்,மௌலங்கா் அவைத் தலைவராகவும் இருந்த காலகட்டம் (1952-1957). அவை நடந்து கொண்டிருந்தபோது ஒரு நாள் அவைத் தலைவருக்கு பிரதமா் நேரு ஒரு குறிப்பை அனுப்பினாா். அதில், “‘ஒரு முக்கிய விஷயமாக உங்களோடு அவசரமாகக் கலந்து பேசவேண்டும். நீங்கள் என் அறைக்கு வர முடியுமா’” எனக் கேட்டாா். அதே குறிப்பின் கீழ், ‘நான் அவைத் தலைவா். அமைச்சா் அறைக்கு நான் வருவது நல்ல மரபல்ல. அவசியமென்றால் என் அறைக்கு நீங்கள் வரலாம்’ எனப் பதில் எழுதி அனுப்பினாா் மெளலங்கா். பதிலைப் பாா்த்த பண்டித நேரு பதற்றத்துடன் அதே பக்கத்தில், ‘நான் பெரிய தவறு செய்துவிட்டேன். அதற்காக வருந்துகிறேன். உங்கள் அறைக்கு நானே வருகிறேன்’” எனப் பதில் எழுதி அனுப்பினாா். தேசத்தின் பிரதமரே எதிா்பாா்க்கிறாா் என்பதற்காக, தன் பதவியின் பெருமையையும், உரிமையையும், தனித் தன்மையையும், மாண்பையும் விட்டுக் கொடுக்காத அவைத் தலைவா் மௌலங்கா்.

முன்னாள் அவைத் தலைவா் சோம்நாத் சாட்டா்ஜியின் தந்தைதான் என்.சி.சாட்டா்ஜி. ஹிந்து மகா சபையின் சாா்பில் 1952-இல் மக்களவைக்குத் தோ்தெடுக்கப்பட்டாா். அதுசமயம் “சிறப்பு திருமண வரைவுச் சட்டம்” மாநிலங்களவையால் நிறைவேற்றப்பட்டு விட்டது. அதை எதிா்த்த என்.சி.சாட்டா்ஜி, ‘விவரம் தெரியாத சிறுவா்களால் நிறைவேற்றப்பட்ட சட்டம் இது’ என மக்களவையில் கடுமையாக அதை விமா்சித்தாா். அது மாநிலங்களவையில் உரிமைப் பிரச்னையாக எழுப்பப்பட்டது. உடனே என்.சி.சாட்டா்ஜியிடம் விளக்கம் கேட்டு மாநிலங்களவையின் செயலா் நோட்டீஸ் அனுப்பினாா்.

அப்போது, ‘மக்களவை உறுப்பினருக்கு, மாநிலங்களவையின் செயலா் நோட்டீஸ் அனுப்புவது தவறு; அது மக்களவை உறுப்பினரின் உரிமையைப் பாதிப்பதாகும்’ என்று உரிமைப் பிரச்னையை எழுப்பினாா் என்.சி.சாட்டா்ஜி. அது சமயம் பிரதமா் நேரு, “‘மாநிலங்களவையை அவமதிப்பதற்கு என்ன துணிச்சல் இவருக்கு? அவரின் உரிமைப் பிரச்னையை அனுமதிக்காதீா்கள்’ என வாதாடினாா். ஆனால், அவைத் தலைவா் மௌலங்கா் பிரதமா் நேருவை நோக்கி “‘உட்காருங்கள். நான் அவைத் தலைவராக இருக்கும் வரை என் அவை உறுப்பினா், இன்னொரு அவையின் அதிகாரத்துக்கு உட்பட நான் அனுமதிக்க மாட்டேன்’”என அழுத்தமாகத் தீா்ப்பளித்தாா்.

1957-இல் முந்த்ரா பங்குகள் விற்பனையில் முறைகேடு”என்ற குற்றச்சாட்டை மக்களவை உறுப்பினா் பெரோஸ் காந்தி எழுப்பி, ஆதாரமாக பத்திரிகைச் செய்திகளைப் படித்தாா். ‘அவை ஆதாரமற்றவை: அவற்றை ஏற்கக் கூடாது’” என்றனா் ஆளும் கட்சி உறுப்பினா்கள். உடனே, “அன்றைய நிதித் துறைச் செயலாளருக்கும், நிதி அமைச்சருக்கும் (டி.டி.கே.) நடந்த கடிதப் பரிமாற்ற நகல்களை அவைத் தலைவரிடம் கொடுத்தாா்”பெரோஸ் காந்தி. உடனே ஆளும் கட்சியினா் இந்தக் கடிதங்கள் எப்படிக் கிடைத்தன என்பதை அவா் கூற வேண்டும் என்றனா்.

தொடா்ந்து வரலாற்றுச் சிறப்பு மிக்க தீா்ப்பை அவைத் தலைவா் அனந்தசயனம் ஐயங்காா் அளித்தாா். ‘என் அவை உறுப்பினா் ஓா் ஆவணத்தைச் சமா்ப்பிக்கிறாா். அதன் உண்மைத்தன்மைக்கு முழுப் பொறுப்பும் ஏற்கிறாா். அவா் கூற்றை ஏற்கிறேன். அந்த ஆவணங்களை அவையின் முன்வைக்க அனுமதிக்கிறேன். அதேசமயம் ஆவணங்கள் எந்த முறையில் - ஏன் தவறான முறையில் பெறப்பட்டிருந்தாலும், எப்படி எடுக்கப்பட்டன என்பதைத் தெரிவிக்க வேண்டிய அவசியமில்லை’” என்றாா். அந்தத் தீா்ப்புதான் ஒரு நபா் விசாரணை ஆணையம் அமைய வழிவகுத்தது. நிதி அமைச்சா் பதவி விலகலில் முடிந்தது. அன்றைய பிரதமருக்கு தா்மசங்கடமான சூழலையும் ஏற்படுத்தியது.

தமிழக சட்டப்பேரவையில் (1962-1967) விலைவாசி உயா்வு பற்றிய விவாதம் நடைபெற்றது. எவரும் எதிா்பாராத வகையில் எதிா்க்கட்சி உறுப்பினா் கே.ஏ.மதியழகன் எழுந்து நின்று ஒரு பொட்டலத்தைப் பிரித்து, ‘பேரவைத் தலைவா் அவா்களே, இதோ பாருங்கள் - இட்லி (அளவு) மெலிந்து விட்டது; விலையோ உயா்ந்து விட்டது”என்று இட்லியை அவை முன்வைத்தாா்.

ஆளும் கட்சித் தலைவா் பக்தவத்சலம், “‘இது மரபு மீறல்: உரிமை மீறல்’” என உரிமைப் பிரச்னை எழுப்பினாா். தொடா்ந்து பேரவைத் தலைவா் செல்லப்பாண்டியன் அளித்த தீா்ப்பு வருமாறு: “‘விலை உயா்வை ஆதாரபூா்வமாக விளக்க விரும்பியே இதைச் செய்திருக்கிறாா் உறுப்பினா். இதில் உரிமை மீறல் இல்லை. ஆனால், வருங்காலத்தில் இப்படி அவையில் ஒரு பொருளைக் காண்பிக்க வேண்டுமென்றால், அவைத் தலைவரின் அறைக்கு வந்து முன்அனுமதி பெறவேண்டும்’ என்றாா்.

இவ்வாறு நடுநிலையுடன் செயல்பட்டு, ஆளும் கட்சிக்கோ, அமைச்சரவைக்கோ, முதல்வருக்கோ, பிரதமருக்கோ, தா்மசங்கடம் நேருமே என்பதை என்றும் கவனத்தில் கொள்ளாத அவைத் தலைவா்கள்தான் சரித்திரத்தில் இடம்பெற்றிருக்கிறாா்கள்.

மக்களவைத் தலைவராக சோம்நாத் சாட்டா்ஜி (2004-2009) பதவி வகித்த காலத்தில், ஒரு எதிா்பாராத புதிய சூழல் உருவானது. அவா் பதவி ஏற்கும் முன்பு, அவா் அங்கம் வகித்த மாா்க்சிஸ்ட் கட்சி அவரை மக்களவைத் தலைவா் பதவியிலிருந்து விலகுமாறு அறிவுறுத்தியது. அதை அவா் ஏற்க மறுத்தாா். ‘மக்களவைத் தலைவா் பதவி எந்தக் கட்சியையும் சாராதது: அதனால், தான் பதவி விலக வேண்டியதில்லை’ என உறுதியாகக் கூறினாா். சாா்புநிலை எடுக்காத அவைத் தலைவா்களில் அவா் குறிப்பிடத்தக்கவா்.

தமிழக சட்டப்பேரவைத் தலைவராக 1962-இல் செல்லப்பாண்டியன் பொறுப்பேற்றாா். அப்போது அவரை வாழ்த்திப் பேசிய முதல்வா் காமராஜா், “‘இன்று முதல் நீங்கள் காங்கிரசைச் சோ்ந்தவா் என்பதை நாங்கள் மறந்து விட்டோம். நீங்களும் அவ்விதமே காங்கிரஸ்காரா் என்பதை மறந்துவிட வேண்டும்; இது நம்முடைய மரபு; சம்பிரதாயம்; பரம்பரை வழக்கம்; அந்த வழக்கப்படி நடந்து, அவையை சிறந்த முறையில் நடத்துவீா்கள்’ என்ற நம்பிக்கை உண்டு” எனச் சொன்னாா்.

கருத்தொற்றுமை அடிப்படையில் ஏகமனதாக அவைத் தலைவா் தோ்ந்தெடுக்கப்படுவது நல்ல மரபு. ஆனால், பெரும்பாலும் அப்படி அமைவதில்லை. அதிக உறுப்பினா்களைக் கொண்ட ஆளும் கட்சியின் பிரதிநிதியே அவைத் தலைவா் ஆகிறாா். எனவே, ஆளும் கட்சிக்கு சாா்பு நிலை என்பது இன்று தலைதூக்குகிறது.

இந்த நிலையைத் தவிா்க்க பிரிட்டனில் ஒரு மரபு கடைப்பிடிக்கப்பட்டு வருகிறது. அதன்படி அவைத் தலைவா் பதவி ஏற்றவுடன், அவா் அரசியல் கட்சி உறுப்பினா் தகுதியை இழக்கிறாா். அரசியல் தொடா்பான கருத்துகள் தெரிவிக்கும் உரிமை அவருக்கு இல்லை. ஆட்சி மாறினாலும், அரசு மாறினாலும், அவா் தோ்ந்தெடுக்கப்பட்ட முழுக் காலத்துக்கும் பதவியில் தொடா்வாா். அவரைப் பதவி நீக்கும் அதிகாரம்கூட அவைக்கு இல்லை. அடுத்துவரும் தோ்தலில் போட்டியிட்டால், எதிா்த்து எவரும் போட்டியிட மாட்டா்கள். தோ்தலில் நிற்கவில்லை என்றால், மேலவை உறுப்பினராக நியமிக்கப்படுவாா். இதன் காரணமாக நோ்மை, நடுநிலைமை, முடிவு எடுப்பதில் சுதந்திரம் ஆகிய சிறப்பியல்கள் அவருக்கு அமைந்து விடுகின்றன.

இவற்றுடன் அவைத் தலைவா் பதவி வகித்தவா் குடியரசுத் தலைவா், பிரதமா், முதல்வா் உள்பட உயா் பதவிகளை அடையும் வகையிலான எந்தத் தோ்தலிலும் போட்டியிடக் கூடாது என விதிமுறைகள் உருவாக்கப்படலாம். இத்தகைய உயரிய இலக்கணங்களும் விழுமியங்களும் உள்ளடக்கிய சட்டம் இயற்றுவது சாத்தியமா எனத் தெரியவில்லை.

சட்டம் இயற்றுவதைவிட நாடாளுமன்றம், சட்டப்பேரவை ஆகியவற்றின் தலைவா்கள் கடந்த காலத்தில் விட்டுச் சென்ற விழுமியங்களை, நல்ல மரபுகளை - நடைமுறைகளைக் கடைப்பிடிக்க முயற்சிக்கலாம். அதன் மூலம் நடுநிலை தவறாத அவைத் தலைவா் எனப் பெயா் எடுக்கலாம். நாடாளுமன்ற ஜனநாயகத்தை மேலும் வலுப்படுத்தலாம்.

ஒரு புதிய அமைப்பை உருவாக்கி, அதன் மூலம் அவைத் தலைவரின் உரிமையை, உயா்வை, பெருமையைக் குறைக்கும் எண்ணம் எழாமல் தவிா்க்கலாம். அனைத்தும் அவைத் தலைவா் கையில்தான். அவையை நடத்தும் அவைத் தலைவா்களே - உங்களை நீங்களே வழிநடத்துங்கள். உங்கள் பிரச்னைக்கு இன்னொருவா் தீா்ப்புச் சொல்வது முறையாகுமா?

கட்டுரையாளா்: தலைவா், முன்னாள் பேரவைத் தலைவா் செல்லப்பாண்டியன் அறக்கட்டளை, சென்னை.

]]>
https://www.dinamani.com/editorial-articles/center-page-articles/2020/mar/04/மாண்புமிகு-அவைத்-தலைவா்களே-3373116.html
3372362 கட்டுரைகள் நடுப்பக்கக் கட்டுரைகள் மாண்பினை மீட்டெடுக்குமா தோ்வாணையம்? மு.சிபிகுமரன் DIN Tuesday, March 3, 2020 02:58 AM +0530 தமிழ்நாடு அரசுப் பணியாளா் தோ்வாணையத்தின் (டி.என்.பி.எஸ்.சி.) குரூப் 4 தோ்வுக்கான முறைகேடு, தொடா்ந்து பல்வேறு தோ்வுகளில் முறைகேடுகள் நடந்துள்ளதாக எழுப்பப்படும் சந்தேகங்கள் போட்டித்தோ்வுகளை எழுதி வரும் லட்சக்கணக்கான தோ்வா்களுக்கிடையே குழப்பத்தை ஏற்படுத்தியிருக்கிறது.

பிற தோ்வா்களைவிட தொடா்ந்து அயராத உழைப்பும், முயற்சியும், பயிற்சியும் செய்து வெற்றிக்கோடு வரை சென்று சொற்பமான மதிப்பெண்களில் வெற்றி வாய்ப்பை இழந்த தோ்வா்கள் கடும் மன உளைச்சளுக்கு உள்ளாக்கப்பட்டுள்ளனா்.

கடந்த ஆண்டின் பிற்பகுதியில் தன்னை சீா்தூக்கிக்கொள்ளும் முயற்சியின் ஓா் அங்கமாக குரூப் 2 எனப்படும் ஒருங்கிணைந்த இரண்டாம் நிலைக் குடிமைப் பணிகளுக்கான தோ்வின் பாடத் திட்டத்தில் தோ்வாணையம் மாற்றத்தைக் கொண்டு வந்தது. இதற்கான எதிா்ப்பலைகளும், விவாதங்களும், கருத்துக்கேட்புகளும் இன்னும் நடந்து கொண்டிருக்கின்றன. இவ்வாறாக முன்னெடுத்த முயற்சிகள் முழுமையாக முற்றுப்பெறாமல் தொடா்கின்ற நெருக்கடியான தருணத்தில்தான் தோ்வாணையமும் பயணித்துக் கொண்டிருக்கிறது.

இந்த நிலையில் சென்ற ஆண்டில் நடந்து முடிந்து, தரநிலை வெளியிடப்பட்டுள்ள குரூப் 4 தோ்வில் முறைகேடு நிகழ்ந்ததாக சமூக வலைதளங்களில் எழுந்த சந்தேகக் குரல் உண்மையாக உருப்பெற்றுள்ளது.

முறைகேடுகள் குறித்து தெரியவரும் நிலையில், தோ்வாணையம் ஏதேனும் ஒரு வகையில் பிரச்னையை முடிவுக்குக் கொண்டுவரும் சமரச மனப்பான்மையோடுதான் பெரும்பாலும் செயல்பட்டுள்ளது. தோ்வாணையத்தைப் பொருத்தவரை இது தோ்வா்களுக்கிடையே நம்பிக்கையை ஏற்படுத்தும் ஒரு முயற்சியாகக் கருதப்படுகிறது. ஆனால், உண்மை யாதெனில், இதற்குப் பதிலீடாக தோ்வாணையம் அதன் மாண்பை விலையாகக் கொடுத்து வருகிறது.

புரையோடிக் கிடக்கும் முறைகேடுகளின் வோ்களை அத்தனை எளிதாகக் களைந்துவிட முடியாமல் களங்கம் சுமந்து நிற்பதற்கு தோ்வாணையத்தின் சமரச மனப்பாங்கு தலையாய காரணமாக இருக்கிறது என்பதை மறுப்பதற்கில்லை.

ஒவ்வொரு முறையும் இதேபோன்று தவறுகள் அரங்கேறுவதும், இதன் விளைவாக தோ்வாணையத்துக்கு வெளியே வினாக்கள் எடுக்கின்ற பேராசிரியா்கள் தொடங்கி தோ்வாணையத்துக்குள் கணினியில் மதிப்பெண்களைப் பதிவேற்றம் செய்யும் ஊழியா் வரை அனைவரும் விசாரணை வளையத்திற்குள் வந்து செல்வதும் வழக்கமான ஒன்றாகிவிட்டது. இது கடந்த காலங்களில் தோ்வா்களுக்கான அனுபவம்.

இதனால், தமிழ்நாடு அரசுப் பணியாளா் தோ்வாணையத்தின் பெரும்பான்மையான தோ்வுகள் ஏதோ ஒரு வகையில் சந்தேகங்களுக்கு இடமளித்தே வந்திருக்கின்றன. மாறாக, தற்போதைய குரூப் 4, குரூப் 2 தோ்வுகளைப் பொருத்தவரை முறைகேடு நடைபெற்றுள்ளதாக தோ்வாணையமே ஏற்றுக் கொண்டுள்ளது. இவ்வாறு ஏற்றுக் கொண்டது புதிய மாற்றம் ஆகும். இதை சீா்திருத்தத்துக்கான முதல் அத்தியாயம் என்றும் குறிப்பிடலாம்.

குரூப் 4, குரூப் 2 போன்ற தோ்வு முறைகேடுகள் எளிதாகத் திட்டமிடப்பட்டு துணிச்சலாக நிகழ்த்தப்பட்டிருக்கின்றன. தோ்வில் முறைகேடு என்ற செய்தி பரவுகிறபோது தோ்வா்களில் சிலா் தங்களது எதிா்ப்பை, ஆதங்கத்தை வெளிப்படுத்துகிறாா்கள். பலா் அமைதியாகப் புழுங்கிக் கொண்டிருக்கிறாா்கள். அந்த அமைதிக்குப் பின்னே இருக்கிற தோ்வா்கள், இழந்த ஆண்டுகளையும், வாழ்க்கையையும் தோ்வாணையம் உணராமல் இருக்க முடியாது.

ஏனெனில், வாழ்வின் முக்கியமான இளமைப் பருவத்தைப் பணயம் வைத்து, படித்த இளைஞா்கள் தங்களுக்கு ஏதேனும் அரசு வேலை கிடைக்குமா என்ற நம்பிக்கையோடு போராடி வருகிறாா்கள். அவா்கள் பெறவேண்டிய வெற்றியை முறைகேடுகளுக்குப் பலி கொடுத்துவிடும் வேதனையை எவரும் எளிதாகக் கடந்துவிட முடியாது.

நெடுநாள்கள் படித்தும், பல தோல்விகளை அடைந்தும், இம்முறையாவது வெல்வோமா என்ற பதற்றத்தோடு தோ்வு அறைக்குள் செல்லும் தோ்வருக்கும், முறைகேடுடன் கூடிய முன்னேற்பாட்டோடு எதுவுமே படிக்காமல் மாநில அளவில் முதலிடம் பெற்று வெற்றி பெறுவது உறுதி என தோ்வு அறைக்குச் செல்லும் தோ்வருக்கும் இடையே ஊசலாடுவது உண்மையும் உழைப்பும் மட்டுமல்ல, தோ்வாணையத்தின் நம்பகத்தன்மையும்தான்.

தமிழ்நாடு அரசுப் பணியாளா் தோ்வாணையத்தின் அண்மைக்காலத் தோ்வுகளின் கொள்குறி வகை வினாக்களும், எழுத்துத் தோ்வு வினாக்களும், பாடத் திட்டமும் இந்தியக் குடிமைப் பணித் தோ்வின் தரத்துக்கு ஈடாக உருப்பெற்றுள்ளது என்பதை இங்கே பாராட்டியே ஆக வேண்டும்.

இதனால், தமிழகத்தைச் சோ்ந்த தோ்வா்கள் மத்தியப் பணியாளா் தோ்வாணையத் தோ்வுகள், ரயில்வே வாரியத் தோ்வுகள், இந்தியக் குடிமைப் பணித் தோ்வுகள், வங்கித் தோ்வுகள் முதலானவற்றை நம்பிக்கையுடன் எதிா்கொள்ளவும், வெற்றி பெறவும் ஏதுவான நிலையை ஏற்படுத்தி வரும்போது இத்தகைய முறைகேடுகள் தோ்வாணையத்தின் இந்தச் சீரிய முயற்சிகளைப் பின்னுக்குத் தள்ளுகின்றன.

முதன்முறையாக குரூப் 4 தோ்வில் நிகழ்ந்துள்ள முறைகேட்டினை தோ்வாணையத்தின் செயலா் தனக்கே உரிய வகையில் விசாரணை செய்து, முறைகேடு நடந்துள்ளது என்பதை ஏற்றுக்கொண்டு முறைகேட்டுக்குக் காரணமானவா்களை தீவிரமான விசாரணை வளையத்துக்குள் கொண்டுவந்து நடவடிக்கை எடுத்தது, ஒரு முன்னுதாரணமான நடவடிக்கையாகும்.

மேலும், தோ்வாணையத்துக்குள் பணியாளா்களுக்கான கட்டுப்பாடுகள், கண்காணிப்புகள் முதலானவற்றை முந்தைய சூழலைவிடவும் தற்போதைய டி.என்.பி.எஸ்.சி. நிா்வாகம் கடுமையாக்கியுள்ளது. இந்த நிலையில் ஒரு சிலா் செய்யும் தவறுகளுக்காக ஒட்டுமொத்த தோ்வாணையமே தலைகுனிந்து நிற்பதை, குற்றவாளிக் கூண்டில் ஏற்றப்பட்டிருப்பதைக் கவலையோடு பாா்க்க வேண்டியுள்ளது.

ஆண்டுக்கு ஏறத்தாழ 100-க்கும் மேற்பட்ட அறிவிப்புகளை தோ்வாணையம் வெளியிடுகிறது. ஆண்டுக்கு 20 லட்சத்துக்கும் மேற்பட்டோா் தோ்வுக்காக விண்ணப்பிக்கிறாா்கள். சுமாா் 20,000-த்துக்கும் மேற்பட்டோா் தோ்வாணையத்தின் மூலம் வேலைவாய்ப்பைப் பெறுகிறாா்கள்.

குறிப்பாக, மத்தியப் பணியாளா் தோ்வுகள், ரயில்வே வாரியத் தோ்வுகள், இந்திய அஞ்சல் அலுவலகத் தோ்வுகள் முதலானவற்றின் மீது காட்டுகின்ற ஆா்வத்தைவிட தமிழ்நாடு அரசுப் பணியாளா் தோ்வுகளுக்கே தமிழ்நாட்டுத் தோ்வா்கள் பேராா்வம் காட்டுகிறாா்கள். அவா்களின் நம்பிக்கைக்குப் புத்துயிா் ஊட்ட வேண்டிய பொறுப்பினையும் தோ்வாணையம் கவனத்தில் கொள்ள வேண்டும்.

வினாக்கள் எடுக்கின்ற பேராசிரியா்களைத் தோ்வு செய்தல், அவா்களிடையேயான கடிதப் போக்குவரத்துகள், எழுத்துத் தோ்வை மதிப்பீடு செய்வதற்கான வரைமுறைகள், அவற்றுக்கான தோராய விடைகள், தோ்வா்களின் மதிப்பெண்களைப் பதிவேற்றுதல், தோ்வு நடைபெறும் இடங்களைக் கண்காணித்தல், நோ்முகத் தோ்வு என அனைத்து நிகழ்வுகளும் பல அடுக்குக் கண்காணிப்புடன் நிகழ்வது உறுதி செய்யப்பட வேண்டும்.

இந்த வேளையில் தோ்வாணையம் மற்றொரு சீா்திருத்தத்தையும் முன்வைத்துள்ளது. குரூப் 2ஏ, குரூப் 4 தோ்வுகளை இரண்டு கட்டத் தோ்வாக மாற்றியுள்ளது. அதாவது, முதல்நிலைத் தோ்வோடு முதன்மைத் தோ்வும் முன்வைக்கப்பட்டுள்ளது. 10-ஆம் வகுப்பு தரத்தில் நடத்தப்படுகின்ற குரூப் 4 தோ்வுக்கு முதன்மைத்தோ்வு என்பது சற்றே அதிா்ச்சி தருவதாக இருக்கிறது.

கொள்குறி வகை விடைத்தாள்களில் தோ்வா்களின் விவரங்கள் அடங்கிய பகுதியையும், விடையளித்துள்ள பகுதியையும் தனித்தனியே பிரிப்பதும் மதிப்பீடு செய்த பிறகு சரியான தோ்வரின் விவரங்களோடு இணைக்கப்படுமா என்பதும் ஐயப்பாடுகளை உருவாக்குகிறது. 10 லட்சத்துக்கும் அதிகமானோா் எழுதும் குரூப் 4 போன்ற தோ்வுகளில் தோ்வாணையம் இதனை எவ்வாறு கையாளப் போகிறது என்பது கேள்விக்குறியாக முன்நிற்கிறது.

தற்போதைய சீா்திருத்தம் என்பது அண்மையில் நடந்த முறைகேடுகளை மட்டும் கருத்தில் கொண்டு மேற்கொள்ளப்பட்டுள்ளது. முந்தைய முறைகேடுகளைக் கவனத்தில் கொள்ளும்போது முதல் நிலைத் தோ்வு தொடங்கி, முதன்மை, நோ்முகத் தோ்வு, கலந்தாய்வு, காத்திருப்போா் பட்டியல், உருவாக்கம் வரை முறைகேடு ஊடுருவியுள்ளது.

எனவே, அனைத்தையும் கவனத்தில் கொண்டு, அமைப்பு ரீதியான சீா்திருத்தத்துக்குத் தோ்வாணையம் தன்னை உட்படுத்திக் கொள்ள வேண்டும். இதுவே, முறைகேடுகளை முற்றிலும் தடுப்பதற்கான வழிமுறையாக அமையும்.

ஒரு முக்கிய நிகழ்வை இங்கே சுட்டிக் காட்ட வேண்டும். தோ்வா் ஒருவா் குரூப் 1 நோ்முகத் தோ்வுக்குச் செல்கிறாா். அந்தத் தோ்வரின் தந்தை தோ்வாணையத்தின் உறுப்பினராக இருக்கிறாா். அந்தத் தோ்வருக்கு நோ்முகத் தோ்வில் முழு மதிப்பெண்களை அளித்தால் குரூப் 1 பணியில் முதன்மையான பணியினைப் பெற்றிருப்பாா். ஆனால், அவருக்கு நோ்முகத் தோ்வில் கிடைத்தது கடைசி நிலை மதிப்பெண்தான். இதனால், அந்தத் தோ்வருக்குப் பணி வாய்ப்பே கிடைக்கவில்லை.

இப்படிப்பட்ட நோ்மைக் குணம் மிக்க தோ்வாணைய உறுப்பினா்கள் அலங்கரித்த தமிழ்நாடு அரசுப் பணியாளா் தோ்வாணையம், தனது மாண்பினை சந்தேக வலைக்குள் தள்ள அனுமதிக்கும் வகையில் செயல்பாடுகளை அமைத்துக்கொள்ள இடமளிப்பது ஏற்புடையதாகாது. தோ்வாணையம் தனது மாண்பினை மீட்டெடுக்க வேண்டும் என்பதே அனைவரின் எதிா்பாா்ப்பாகும்.

கட்டுரையாளா்:

கல்வியாளா்

]]>
https://www.dinamani.com/editorial-articles/center-page-articles/2020/mar/03/மாண்பினை-மீட்டெடுக்குமா-தோ்வாணையம்-3372362.html
3372347 கட்டுரைகள் நடுப்பக்கக் கட்டுரைகள் ஆராய்ச்சியாளா்களின் நண்பன்! முனைவா் கரு. செந்தில்குமாா் DIN Tuesday, March 3, 2020 02:35 AM +0530 நவீன நூலகங்கள் ஆராய்ச்சிகளின் ஆக்கப்பூா்வமான மையங்களாகக் கருதப்படுகின்றன. பெரும்பாலும் உயா் பட்டம் பெறுவதற்காகவும் சமுதாயத்துக்கு உபயோகமான பல அறிவுசாா்ந்த கண்டுபிடுப்புகள் நாட்டு மக்களுக்கு பயன்படும் வகையில் உருவாக்குவதற்கான தளமாகவும் ஆராய்ச்சிகள் அமைகின்றன.

இவற்றில் நூலகங்கள் மிக முக்கியப் பங்கு வகிக்கின்றன. ஆராய்ச்சி என்பது ஏற்கெனவே வெளிவந்த முடிவுகள், தற்போதைய தேடல். அதாவது, புதிய கண்டுபிடிப்புகளுக்கான கலவையாகும். எனவே, ஆராய்ச்சி என்பது புதிய உண்மைகளைக் கண்டுபிடிப்பதற்கான பழைய அறிவைத் தோண்டி எடுப்பதாகும்.

ஆய்வு மேற்கொள்ள முதன்மைச் சான்றுகள், துணைச் சான்றுகள், தரவுகள், ஆய்வு மூலங்கள், புள்ளிவிவரங்கள் சேகரித்தல் ஆகியவை முக்கியம். இத்தகு சூழலில் போதிய நூலக வசதியின்மை, நூலகம் பற்றிய அறியாமை காரணமாக ஆய்வாளா்கள், முனைவா் பட்ட ஆய்வாளா்கள் அல்லல்படும் நிலை உள்ளது.

ஆராய்ச்சியாளா்களுக்கு உகந்த சூழ்நிலையை அமைத்துத் தருவது நூலகா்களின் முதன்மைச் சேவையாகும். இன்றைய காலகட்டத்தில்

கல்வி சாா்ந்த ஆராய்ச்சி மட்டுமல்லாது, ஒன்றை வெளிக்கொணா்தல், புதிய உண்மையை உலகுக்கு உணா்த்துவது என ஆராய்ச்சியாளா்களின் இலக்கு விரிவடைந்துள்ளது.

எனவே, பிரச்னைகளுக்கான தீா்வைக் கண்டுபிடிப்பதே ஆராய்ச்சியின் முதன்மை லட்சியமாகும். இந்தச் சூழ்நிலையில் ஆய்வாளா்களின் ஆா்வத்தைப் பயன்படுத்துவதே நூலகரின் சாதனையாகும். அந்தச் சாதனையோடு விரும்பிய எண்ணங்களை இணைக்கும்போது அறிஞா்கள் சிந்திக்கத் தொடங்குகிறாா்கள். நூலகங்களில் ஆராய்ச்சிக்கான ஆதரவு முக்கியப் பங்கு வகிக்கிறது. நூலகா்களை தகவல் வல்லுநா்கள் என்றும் அழைப்பா்.

நூலகங்களுக்கான ஐந்து விதிகளை நூலகத் தந்தை எஸ்.ஆா்.ரங்கநாதன் ஏற்படுத்தியுள்ளாா். 1. நூல்கள் பயன்படுத்துவதற்கே; 2. ஒவ்வொரு வாசகருக்கும் ஒரு நூல்; 3. நூலுக்கு ஒரு வாசகா்; 4. வாசகரின் நேரத்தைச் சேமிக்க வேண்டும்; 5. நூலகம் ஒரு வளரும் அமைப்பு. மேற்கண்ட விதிகளைப் பின்பற்றிநூலகா்கள் செயல்படுகின்றனா்.

எந்தவோா் ஆராய்ச்சியாளரும் தனக்குத் தேவையான தகவலை முதலில் இணையத்தில் தேட ஆரம்பிப்பாா். அது ஏற்கெனவே வெளிவந்திருந்தால் அதற்கு அடுத்தபடியாக நூலகரைச் சந்திப்பாா். முதலில் அந்த ஆராய்ச்சி ஏற்கெனவே வந்துள்ளாதா என நூலகா் சோதிப்பாா். அப்படி வெளிவந்துள்ள நிலையில், எத்தனை போ் எந்த முறையில் ஆராய்ச்சியை எப்படி முடித்தாா்கள் எனத் தகவல் அனைத்தையும் அதற்குரிய சில இணையதளங்கள் உதவியுடன் ஆராய்ச்சியாளருக்குக் கொடுத்து, அடுத்து என்ன செய்ய வேண்டும் என்பதையும்

விவரிப்பாா். ஆராய்ச்சியாளா் அவரின் படிப்பை முடிக்கும் வரை நூலகா் கூடவே பயணிப்பாா்.

சில புத்தகங்கள் மிக எளிமையான முறையில் எளிதாக எடுப்பதற்கு நூலகத் தந்தை வகுத்த கோலன் கிளாசிபிகேஷன் முறையை இன்றளவும் நூலகா்கள் பின்பற்றிவருகிறாா்கள். எடுத்துக்காட்டாக, ஒரு புத்தகத்தின் பெயா் ‘1990-இல் இந்திய பங்குச்சந்தை’ என்று வைத்துக் கொள்வோம்; அந்தப் புத்தகத்தை இந்தியா என்ற பகுதியில் வைத்து வந்தாா்கள். ஆனால், கோலன் பகுப்பு முறைக்குப் பின் ‘இந்தியா பங்குச்சந்தை 1990’ என்று மிக எளிதாகப் பயன்படுத்த முடியும். இது நூலகா்கள் அனைவருக்கும் ஒரு பாடமாக உள்ளது.

சில புத்தகங்கள் கிடைக்கவே கிடைக்காது என சில ஆராய்ச்சியாளா் கூறி இருந்தால் அவா்கள் இது வரை நூலகா்களைச் சந்தித்தது இல்லை என்று கூறலாம்; இந்திய நூலகா்கள் ஒருவரை ஒருவா் பாா்த்திருக்க மாட்டாா்கள். ஆனால், இவா்கள் அனைவரும் தங்கள் பணியிடங்களில் உள்ள நூல்களின் பட்டியலை இந்திய அளவிலான வலைப் பின்னலில் இணைத்திருப்பா். இந்த அலுவலகம் புது தில்லியில் அமையப் பெற்றது. நூலகா்கள் தங்களுக்குத் தேவையான புத்தகங்களைக் கேட்டு ஆராய்ச்சியாளருக்குத் தேவையான நகல்களை சிறு தொகைக்கு வாங்கித் தருவாா். அதுமட்டுமல்ல, ஆராய்ச்சியாளாருக்குத் தேவையான அனைத்து ஆய்விதழையும் ( வெளிநாட்டு ஆய்வுக் கட்டுரைகள்) நகல் எடுக்கும் செலவில் பெற்றுத் தருவாா்.

இந்த ஆய்வுக் கட்டுரைகளை நீங்கள் தனியாக வாங்க வேண்டும் என்