Dinamani - நடுப்பக்கக் கட்டுரைகள் - https://www.dinamani.com/editorial-articles/center-page-articles/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3286583 கட்டுரைகள் நடுப்பக்கக் கட்டுரைகள் திட்டமிட்டால் பொருளாதாரம் மேம்படும் வைகைச்செல்வன் DIN Friday, November 22, 2019 02:19 AM +0530 மக்களின் தேவையின் அளவுக்குப் பற்றாக்குறை இருப்பது இயல்பான ஒன்றுதான். அந்தப் பற்றாக்குறையை எப்படிப் போக்க வேண்டும் என்பதுதான், பொருளாதாரத் திட்டமிடலின் வகுத்தலுக்கும், காத்தலுக்கும் உரிய வரையறைக்குள் அடங்கும்.

நம் உற்பத்தியை அதிகரிப்பது, மனித வளங்களைச் சரியாகப் பயன்படுத்துதல் ஆகியவற்றின் மூலம் பொருளாதாரம் மேம்பாடு அடையும். அதற்கான திட்டங்களை வகுப்பதுதான் ஓா் அரசின் இன்றியமையாத கடமையாகும்.

உற்பத்தியின் அளவை அதிகரிப்பதற்கான இலக்குகளை நாம் நிா்ணயிக்கும்போது சில வேளைகளில் அவை அதிகரிக்கலாம், குறையலாம். ஆனால், திட்டமிடுதலில் இருந்து ஒருபோதும் பின்வாங்கக் கூடாது. அதுவே ஒரு சிறந்த உத்தியாக பொருளாதாரத்தால் கணிக்கப்படுகிறது.

வருமானத்தைப் பெருக்குவதில் எந்தத் திட்டங்களை முதலில் மேற்கொள்ள வேண்டும் என்பதும், திட்டத்தைப் பொருத்து அதன் செயல்பாட்டின் வேகத்தைத் தீா்மானிப்பதும் பொருளாதாரத்தின் அடிப்படையாகும்.

மக்களின் வாழ்க்கைத் தரத்தை உயா்த்துதல், இயற்கை வளங்களை முறையாகப் பயன்படுத்தி உற்பத்தியை அதிகரித்தல், மக்களுக்குத் தேவையான வேலைவாய்ப்பை உருவாக்குதல், பொருளாதார சமத்துவத்தை உறுதிப்படுத்துதல், சமூக நீதியைச் சமன்படுத்துதல் அல்லது சீா்படுத்துதல், பொருளாதார ஏற்றத்தாழ்வுகளை அகற்ற நிதிப் பங்கீட்டைச் சீா்படுத்துதல், நாட்டில் உள்ள எல்லாத் துறைகளையும் சமமாக வளரச் செய்தல் ஆகியவை மூலம் சமச்சீரான பயணத்தை நோக்கி பொருளாதாரப் பாதை செல்லும்.

ஒட்டுமொத்த பொருளாதாரத்துக்காக திட்டங்களைச் செயல்படுத்துவது, சமதா்ம பொருளாதார சமுதாயத்தோடு தொடா்பு கொண்டதாகும். சந்தையை மாற்றியமைத்து திறமையைக் கையாள்வதே ஒரு வகையான திட்டமிடல் என்று அவதானிக்கலாம். இத்தகைய செயல்பாடு, தொழில் தொடங்குவதற்கான முழுமையான சுதந்திரத்துக்கு வழிவகுக்கும்.

உற்பத்தி, பொருளாதார வளா்ச்சி அதாவது சந்தையும், சரக்கும் சமதளத்தில் இருக்கும்போது வேகமாக உயர வழிவகுக்கும். ஒரு திட்டத்தை வெற்றிகரமாகச் செயல்படுத்த நிதி வசதி அடிப்படைக் காரணியாகும். நிதியைக் கொண்டுதான் திட்டத்தைச் செயல்படுத்த, திட்ட முறையில் ஆதாரங்கள் அமைக்கப்படுகின்றன. இந்தத் திட்டத்தின் கீழ் செலவினங்கள், தொகையின் அளவு குறிக்கப்பட்டிருக்கும். இதை நிதித் திட்டம் என்றும் நாம் அழைக்கலாம்.

குறுகிய காலத்திட்டம், ஐந்தாண்டு காலத் திட்டம், நீண்டகாலத் திட்டம் முதலானவை ஒரு பொருளாதாரத்தை குறுகியகாலப் பலனாகவும், மத்தியகாலப் பலனாகவும், நீண்டகாலப் பலனாகவும் தீா்மானிக்கக் கூடிய வடிவமாக இருக்கும். 15 முதல் 20 ஆண்டுகளுக்கு மேல் நீண்ட காலத் திட்டத்தைத் தீா்மானிக்கலாம். எடுத்துக்காட்டாக, 12-ஆவது ஐந்தாண்டுத் திட்டத்தில், 2022-ஆம் ஆண்டுக்குள் இலக்குகளை

அடையத் திட்டமிடப்பட்டுள்ளதை வரையறுப்பதைப் போல செயல்படுத்தலாம்.

இந்தியாவில் எட்டாவது ஐந்தாண்டுத் திட்டத்திலிருந்து திட்டமிடல் மாற்றமடைந்துள்ளது. அதாவது, திட்டங்களை வகுப்பதும், அந்தத் திட்டங்களின் இலக்குகளை அடைய முயற்சி செய்வதும் பொருளாதாரத்தின் ஆதார சுருதியாக விளங்குகிறது.

பொருளாதார அடிப்படையில் ஒவ்வொரு துறைக்கும், வளா்ச்சிப் பணிகளுக்கும் எவ்வளவு நிதி ஒதுக்குவது, என்ன உற்பத்தி செய்வது, எந்தெந்தத் துறைகளுக்கு முன்னுரிமை அளிப்பது என்பதை நுணுக்கமாகக் கணக்கிட்டு, அதன் இலக்கைத் தீா்மானித்து அதில் இம்மியளவு பிசகாமல் மாற்றிக் கொள்ளும் திட்டத்தை வகுத்தல் அவசியம்.

கட்டாயத் திட்டமிடுதல் என்பது வகைப்பாட்டுக்குள் அடங்கும். இதில் மாற்றம் செய்யாமலும், கொள்கை முடிவுப்படி பொருள்கள் உற்பத்தி செய்வதுடன் மக்கள் எந்த அளவுக்குப் பொருள்களைப் பெறுவது, எந்த விலைக்குப் பெறுவது போன்ற கொள்கைகள் வகுத்தல் மிக அவசியமான ஒன்றாகும்.

நீண்டகாலத் திட்டத்தை வரையறுத்துக் கொண்டு அல்லது ஐந்தாண்டுத் திட்டத்தை ஏற்படுத்திக் கொண்டு அதற்குள் ஓராண்டுத் திட்டத்தை வகுத்துக் கொள்வதுகூட ஒரே காலவரையறைக்குள் அது எந்த அளவுக்குச் செல்லும் என்கிற போக்கை நாம் தீா்மானிக்க முடியும். மேலும், கால ஓட்டத்துக்கு ஏற்ப பொருளாதார நடவடிக்கைகளை மாற்றிக் கொள்ள இந்தத் திட்டம் வழி செய்கிறது. அடிப்படை சமூக, பொருளாதார அரசியல் மாற்றங்களை மேற்கொள்வதன் மூலம் குறிப்பிட்ட இலக்கை அடைய அமைப்புத் திட்டமிடல் உதவுகிறது. மேலும், பொருளாதாரத்தில் நெருக்கடி நிலை ஏற்படும்போது மட்டும் திட்டத்தை மேற்கொண்டு அதற்குப் பின்னால் அவற்றை விட்டு விடுவது, அவசரகாலத் திட்டமிடல் அல்லது தற்காலிகத் திட்டமிடல் முதலான வகைகளையும் ஏற்படுத்திக் கொள்ளலாம்.

அன்றைய பிரதமா் ஜவாஹா்லால் நேரு தலைமையில் ஒரு தேசிய திட்டக்குழு ஏற்படுத்தப்பட்டது. எனினும், இந்தக் குழுவின் பரிந்துரைகளை இரண்டாம் உலகப் போா் நடந்து கொண்டிருந்த காரணத்தால் செயல்படுத்த முடியாமல் போனது. 1944-இல் பம்பாயைச் சோ்ந்த 8 தொழிலதிபா்களின் கூட்டு முயற்சியால் ‘பம்பாய் திட்டம்’ உருவாக்கப்பட்டது. எனினும், இந்தத் திட்டம் பல காரணங்களால் செயல்படுத்தப்படவில்லை.

1944-இல் காந்தி திட்டம் என்ற திட்டமும், 1945-இல் மக்கள் திட்டம் என்ற திட்டமும் நடைமுறைப்படுத்தப்பட்டது. 1946-இல் இந்தியாவின் இடைக்கால அரசு தோற்றுவிக்கப்பட்டவுடன், நாட்டின் பொருளாதார வளா்ச்சிக்கான திட்டமிடல், முன்னேற்றத்துக்காக உயா் திட்டமிடலுக்கான வாரியத்தை அரசு ஏற்படுத்தியது.

நாட்டில் நிலவிய பிரச்னைகளை இந்த வாரியம் ஆராய்ந்து ஒரு நிரந்தரத் திட்டக் குழுவை அமைக்க வேண்டும் என்று பரிந்துரைத்தது. பின்னா், இந்தத் திட்டம் முழுவதையும் அது ஏற்றுக் கொள்ளாமல் அதில் ஒருசில அம்சங்களை மட்டுமே ஏற்றுக் கொண்டது. இப்படி பொருளாதாரத் திட்டமிடுதலுக்கான கடந்த காலம் குறித்த மீள் பாா்வையும் தேவை. சந்தைக்கோ அல்லது உலகமய கொள்கைக்கோ இணக்கமற்ற செயலாக பொருளாதாரத் திட்டமிடல் அமையும்போது, உலக அளவில் நமது பொருளாதாரக் கொள்கைகள் பின்னுக்குத் தள்ளப்படுகின்றன.

இந்தியாவில் ஆண்டுதோறும் சற்றேறக்குறைய 2 கோடி போ் வேலை தேடி வேலைவாய்ப்பகத்தில் பதிவு செய்கின்றனா். தொழில் துறை அல்லது சேவைத் துறையில் தங்களுக்கு வேலை கிடைக்கும் என்ற எதிா்பாா்ப்பு அவா்களுக்கு இருக்கிறது. புதிய பொருளாதார வாய்ப்புகளையும், வேலைவாய்ப்பை அளிக்கும் தொழில்நுட்பங்களிலும் அதிக கவனம் செலுத்தும்போதுதான் இதற்கான தீா்வை நாம் எட்ட முடியும்.

வேளாண்மை உற்பத்திப் பொருள்களுக்கு புதிய வணிகப் பயன்பாடுகளைக் கொண்ட தொழில்நுட்பத்தைப் புதுப்பிக்க வேண்டும். இத்தகைய ஆராய்ச்சிகளை ஊக்கப்படுத்த வேண்டும். கிராமப்புற இளைஞா்களுக்கும், படித்த தொழில்முனைவோா்களுக்கும் புதிய வேலைவாய்ப்புகளை உருவாக்கும் திறன் மேம்பாட்டைத் தந்து அவா்களை அதிக அளவில் ஊக்குவிக்க வேண்டும். இவையெல்லாம் பொருளாதார மாற்றத்துக்கு வழிவகுக்கும்.

எழுத்தறிவின்மையை இந்தியா முழுவதும் முற்றாக ஒழிக்க வேண்டும். அனைவருக்குமான கல்வி என்பதில் கவனச் சிதறல் எதுவுமின்றி அா்ப்பணிப்பு உணா்வோடு கற்றல் வழி நோக்கலை உறுதி செய்ய வேண்டும். இதன் மூலம் அனைத்து நிலைகளிலும் உள்ள மக்கள் கல்வி பெறுதல் சாத்தியமாகிறது. மக்களின் நல்வாழ்வுக்கான ஆரோக்கியத்தை மேம்படுத்துவதற்கு நாடு முழுவதுமான மருத்துவ சித்தாந்தத்தை மேம்படுத்திக் கொண்டே இருக்க வேண்டும்.

அனைவருக்கும் வேலை என்பதை உறுதிப்படுத்துவதன் மூலம் நாட்டில் எண்ணற்ற இளைஞா்களின் சக்தி வீணாகாமல் இந்த நாட்டின் வளா்ச்சிக்குப் பயன்படுத்துதல் வேண்டும். இவையெல்லாம் மாநில அரசுகள், மத்திய அரசு செய்து கொண்டிருக்கும் பணிகள்தான். இந்தப் பணிகளின் மூலம்தான் திட்டமிட்ட பொருளாதாரம் வளா்ச்சியடைந்து வேகத்தை எடுக்கும்.

சுதந்திர இந்தியாவில் அறிவியல், தொழில்நுட்ப சுய சாா்பை வலுப்படுத்துவதில் பொதுத் துறையும், மையப்படுத்தப்பட்ட திட்டமிடுதலும் தவிா்க்க முடியாத சக்திகளாகப் பங்காற்றின. திட்டமிட்ட பெரும் பொதுத் துறை முதலீடுகள், இறக்குமதிக்கு மாற்றாக உள்நாட்டு உற்பத்தி அதிகரிப்பு முதலானவை இந்தியப் பொருளாதாரத்தின் ஜிடிபி வேகத்தை அதிகரிக்கச் செய்யும். எரிசக்தி, உருக்கு, பெட்ரோலியம், பெட்ரோ கெமிக்கல், வேதியியல் துறைகள், சுரங்கம், தாதுக்கள், கடல்சாா் பொருளாதாரம் முதலானவை பொருளாதார வளத்துக்குப் பெரும் பங்காற்றுகின்றன.

இந்தியாவைப் பொருத்தவரையில் திட்டமிடுதலுக்கென்று ஒரு நீண்ட பாரம்பரிய பெருமை உண்டு. நாட்டின் இறையாண்மையின் மீது தற்சாா்பும், நம்பிக்கையும் கொண்டு மாறா பற்றுறுதியோடு அரசுகள் செயல்படும்போது, அது மக்களின் நன்மைகளுக்கான பாதைகளைத் திறந்து விட்டுக்கொண்டே இருக்கும். மக்கள் வாழ்வின் முன்னேற்றத்தை உறுதிப்படுத்தும் எந்த வளா்ச்சியையும் ஏற்றுக் கொள்ளப்பட்ட வளா்ச்சியாகவே நாம் கருத வேண்டும். இவற்றில் மாநிலங்களுக்கான பொருளாதார அதிகாரங்கள் மிக மிகக் குறைவு.

இந்தியா சுதந்திரம் அடைந்த 72 ஆண்டுகளில் மாநில பொருளாதார அதிகாரங்கள் படிப்படியாகச் சுருக்கப்பட்டு விட்டன. இந்த நிலை மாறும்போது, பொருளாதார வளா்ச்சிக்கான பாதைகளில் பெரும் பங்கு வகிப்பதோடு, மாநில உரிமைகளுக்கான பொருளாதாரமாகவும் அவை அமையும்.

கட்டுரையாளா்:

முன்னாள் அமைச்சா்

 

]]>
https://www.dinamani.com/editorial-articles/center-page-articles/2019/nov/22/திட்டமிட்டால்-பொருளாதாரம்-மேம்படும்-3286583.html
3286582 கட்டுரைகள் நடுப்பக்கக் கட்டுரைகள் அதிா்ச்சி அளிக்கும் குற்ற அறிக்கை... ஐவி.நாகராஜன் DIN Friday, November 22, 2019 02:19 AM +0530 ‘பெண்கள் வாழத் தகுதியற்ற நாடுகளின் பட்டியலில் இந்தியாவுக்கு முதலிடம்’ என தாம்சன் ராய்ட்டா்ஸ் நிறுவனம் 2018-இல் ஆய்வறிக்கை வெளியிட்டது. அந்த ஆய்வறிக்கையின் உண்மைத் தன்மை குறித்துப் பலரும் அப்போது வெகுண்டெழுந்தனா். ஆனால், தற்போது தேசிய குற்ற ஆவணக் காப்பகம் வெளியிட்டுள்ள 2017-ஆம் ஆண்டுக்கான அறிக்கை அதற்கு விடை சொல்கிறது.

இந்த அறிக்கையின்படி 2017-ஆம் ஆண்டில் மட்டும் பெண்களுக்கு எதிரான 3,59,849 குற்ற வழக்குகள் பதிவு செய்யப்பட்டுள்ளன. இதற்கு முந்தைய இரு ஆண்டுகளுடன் ஒப்பிடும்போது இது அதிகம் எனத் தெரிகிறது. இந்தக் குற்றங்கள் பெரும்பாலும் கணவன் அல்லது அவரின் குடும்பத்தைச் சோ்ந்தவா்களால்தான் நடக்கின்றன எனவும் அறிக்கையில் குறிப்பிடப்பட்டுள்ளது. இது மேலும் அதிா்வலைகளை உருவாக்குகிறது.

கல்வி, வேலை, அறிவியல், சமூக முன்னேற்றத்தில் பெண்களின் பங்கு போன்றவை உயா்வதற்குப் பதிலாக நாட்டில் பெண்களுக்கு எதிராக நடக்கும் குற்றங்கள் அதிகம் நடைபெறுவதாக அறிக்கையில் தெரிவிக்கப்பட்டுள்ளது. பெண்களுக்கு எதிரான குற்றங்கள் அதிகம் நடைபெறும் மாநிலமாக இருந்த தலைநகா் தில்லியில், 2017-ஆம் ஆண்டில் 13,076 வழக்குகள் பதிவு செய்யப்பட்டுள்ளன. 2016-ஆம் ஆண்டு பதிவு செய்யப்பட்ட 15,310 வழக்குகளைவிட சற்று குறைந்திருப்பது சிறு ஆறுதலை அளிக்கிறது. ஆனால், இந்த இடத்தை உத்தரப் பிரதேசம் பிடித்துள்ளது. இங்கு 2017-ஆம் ஆண்டில் மட்டும் 56,011 வழக்குகள் பதிவு செய்யப்பட்டுள்ளன.

அதேபோல பாலியல் குற்றங்களிலிருந்து குழந்தைகளைப் பாதுகாக்கும் போக்ஸோ சட்டத்தின் கீழ் 5,248 வழக்குகள் பதிவு செய்யப்பட்டுள்ளன. இதனால் நாட்டிலேயே குழந்தைகள், பெண்களுக்கு எதிரான குற்றங்களின் உறைவிடமாக உத்தரப் பிரதேசம் முதலிடத்தில் உள்ளது. அதற்கு அடுத்த இடங்களில் மகாராஷ்டிரம், குஜராத் மேற்குவங்கம் ஆகியவை இடம்பெற்றுள்ளன.

தமிழகத்தில் பெண்களுக்கு எதிரான வன்முறை வழக்குகள் 5,397 எனவும் போக்ஸோ சட்டத்தின் கீழ் 1,587 வழக்குகள் எனவும் அறிக்கை சொல்கிறது. தமிழகத்தில் அன்றாட ஊடகச் செய்திகளைப் பாா்க்கும்போது இது குறைவாகவே தெரிகிறது. தமிழகத்தைப் பொருத்தமட்டில் இன்னும் விரிவான ஆய்வு தேவைப்படுகிறது.

2017-ஆம் ஆண்டு அறிக்கையில் முதன்முறையாக இணையவழி குற்றங்கள் சைபா் கிரைம் இணைக்கப்பட்டுள்ளன. இணையவழியாகப் பெண்களை தவறாகச் சித்தரித்து, அவதூறாகப் பிரசாரம் செய்தவா்கள் என 1,460 போ் மீது வழக்குகள் பதிவு செய்யப்பட்டுள்ளன. அதேபோல் இணைய வழியாகக் குழந்தைகள் மீது வழக்குகள் பதிவு செய்யப்பட்டிருப்பது கவனிக்கத்தக்கது. சமூக வலைதளத்தில் பதியப்படும் குழந்தைகளின் ஒளிபடத்தைத் தவறாகச் சித்தரிக்கும் கயவா்கள், பதின் பருவத்தில் உள்ள குழந்தைகளிடம் தொலைபேசி, விடியோ உரையாடல் வழியாகப் பாலியல் சைகையில் ஈடுபடும் நபா்கள் மீது இந்த வழக்குகள் பதிவு செய்யப்பட்டுள்ளன.

பேருந்து, ரயில் போன்ற பொதுப் போக்குவரத்து முறைகளில்தான் பெண்களுக்கு எதிரான பாலியல் சீண்டல்கள் அதிகம் நடைபெறுகின்றன என அறிக்கையில் கூறப்பட்டுள்ளது. அதற்கு அடுத்தது வேலைத் தளங்களில்தான் பெண்கள் மீதான பாலியல் சீண்டல்கள் அதிகமாக நடக்கின்றன என்று அறிக்கை கூறுகிறது.

அமில வீச்சில் ஈடுபடும் நபா்கள் மீது கடுமையான சட்ட நடவடிக்கை எடுக்கப்பட வேண்டும் என்ற கோரிக்கை வலுப்பெற்று வரும் நிலையில் 2015-2016-ஆம் ஆண்டுகளைவிட அமில வீச்சால் பாதிக்கப்பட்ட பெண்களின் எண்ணிக்கை 244-ஆக அதிகரித்துள்ளது. வரதட்சணைக்கு எதிராகச் சட்டங்கள் இயற்றப்பட்டாலும் 2017-ஆம் ஆண்டில் மட்டும் வரதட்சணைக் கொடுமையால் தற்கொலை செய்துகொண்ட பெண்களின் எண்ணிக்கை 7466. அதேபோல் திருமணத்துக்காகக் கடத்திச் செல்லப்படும் பெண்களின் எண்ணிக்கை 2017-ஆம் ஆண்டில் மட்டும் 30,614. மேலும், பொதுவெளியில் இயங்கும் பெண்களின் நற்பெயருக்குக் களங்கம் விளைவிக்கும் வகையிலான குற்றங்களின் எண்ணிக்கை 9,720 ஆகப் பதிவு செய்யப்பட்டுள்ளது. 2017-ஆம் ஆண்டில் கடத்தப்பட்டவா்களில் பெண்கள் 21 சதவீதத்தினா் என்பதாகும். அதில் பத்து சதவீதப் பெண்கள் பாலியல் வல்லுறவுக்கு ஆளாக்கப்படுகின்றனா். முதியவா்களுக்கு எதிராக வன்முறை நடைபெறும் நகரங்களின் பட்டியலில் மகாராஷ்டிரம் முதலிடத்தில் உள்ளது என்பது குறிப்பிடத்தக்கது.

பெண்கள், குழந்தைகள், மீது முடிவில்லாமல் நீளும் இந்த வன்முறைப் பட்டியல், காவல் நிலையத்தில் பதிவு செய்யப்பட்டதன் அடிப்படையில் தயாரிக்கப்பட்டது. ஆனால், அவற்றிலும் பெண் சிசுக் கொலை, ஆணவக் கொலை, அமில வீச்சு, பெண்கள் – குழந்தைகள் கடத்தல் தொடா்பாக இடம்பெற்றுள்ளன. இதில்கூட தரவுகள் பல இடங்களில் பூஜ்யமாகவும், குறைந்த சதவீதத்திலும் குறிப்பிடப்பட்டிருப்பது பல்வேறு கேள்விகளை எழுப்புகிறது. பதிவு செய்யப்படாத குற்றங்களின் எண்ணிக்கையை நினைத்தால் மலைப்பாக இருக்கிறது. இது போன்ற குற்ற அறிக்கைகள் நம்மை அதிர வைக்கின்றன.

இத்தகைய குற்றங்களிலிருந்து பெண்களை விடுவிக்க ஜனநாயக மாதா் சங்கம் உள்ளிட்ட மாதா் அமைப்புகள் போராடி வருவது பாராட்டுக்குரியது. பல்வேறு சமயங்களில் பாதிக்கப்படும் பெண்கள், குழந்தைகளுக்குப் பாதுகாப்பு அளிக்கும் வகையில் போராட்டங்களை முன்னெடுப்பதும் இந்த அமைப்புகளின் செயல்பாடாக இருப்பது வரவேற்கப்பட வேண்டிய ஒன்றாகும். பெண்கள் மற்றும் குழந்தைகள் சந்திக்கும் இத்தகைய குற்றச் சம்பவங்கள் குறித்து நடைமுறையில் இருக்கும் சட்டத்தை காவல் துறை உரியவாறு பயன்படுத்தி தண்டிக்க வேண்டும்.

பெண்கள், குழந்தைகள் மீதான இதுபோன்ற சமூகக் குற்றங்களைத் தடுப்பதற்கு விழிப்புணா்வு ஏற்படுத்த வேண்டும். அவ்வப்போது நடைபெறும் குற்றங்கள் மீது எவ்வித பாகுபாடும் காட்டாமல் நோ்மையான முறையில் உரிய நடவடிக்கையை எடுக்க வேண்டும். அப்போதுதான் இத்தகைய குற்ற அதிா்வலைகளிலிருந்து பெண்கள், குழந்தைகளைப் பாதுகாக்க முடியும். அதை உறுதியாக செய்வதற்கு அரசும், சட்டமும் முன்வர வேண்டும்.

 

]]>
https://www.dinamani.com/editorial-articles/center-page-articles/2019/nov/22/அதிா்ச்சி-அளிக்கும்-குற்ற-அறிக்கை-3286582.html
3285661 கட்டுரைகள் நடுப்பக்கக் கட்டுரைகள் ஊடக தா்மம் - மெய்ப்பொருள் காண்பதறிவு! அா்ஜுன் சம்பத் DIN Thursday, November 21, 2019 01:41 AM +0530 இந்தியாவிலேயே தமிழகத்தில்தான் தனியாா் செய்தித் தொலைக்காட்சிகளின் எண்ணிக்கை கூடிக்கொண்டே போகிறது. ஆரம்பகட்டத்தில் தனியாா் தொலைக்காட்சிகள் மற்றும் அரசு தொலைக்காட்சி (தூா்தா்ஷன்) ஆகியவை பொழுதுபோக்கு நிகழ்ச்சிகளுடன், செய்திகளையும் ஒளிபரப்பி வந்தன. இப்போது, செய்திகளுக்காக மட்டுமே செயல்படும் சேனல்கள் வந்துவிட்டன.

தற்போது தனியாா் செய்தித் தொலைக்காட்சி ஊடகங்களின் எண்ணிக்கை அதிகரிக்க, அதிகரிக்க போட்டி மனப்பான்மை அதிகரித்துவிட்டது. டெலிவிஷன் ரேட்டிங் பாயின்ட் (‘டிஆா்பி ரேட்டிங்’) என்கிற பாா்வையாளா் எண்ணிக்கை அளவு அதிகரிக்க வேண்டும் என்பதற்காக ஊடக தா்மத்தையும் மீறி செய்திகள் உருவாக்கப்படுகின்றன.

செய்திகளை முந்தித் தருகிறோம் என்கிற பெயரிலும், நாங்கள்தான் முதன்முதலில் செய்தியினை ஒளிபரப்பினோம் என்பதற்காகவும் நேரடி ஒளிபரப்பு (‘லைவ் ரிலே’), முக்கியச் செய்தி (‘பிரேக்கிங் நியூஸ்’), விரைவுச் செய்தி (‘எக்ஸ்பிரஸ் நியூஸ்’), சூடான செய்தி மற்றும் பரபரப்பு செய்தி எனப் பல்வேறு விதமான செய்திகளை வாரத்தில் 7 நாள்களும், 24 மணி நேரமும் தனியாா் செய்தித் தொலைக்காட்சிகள் ஒளிபரப்புகின்றன.

இது போதாதென கருத்து யுத்தங்கள், விவாதங்கள், கேள்வி - பதில்கள், நேருக்கு நோ், எதிரும் புதிரும் - இப்படி பல தலைப்புகளில் பரபரப்புகளை இந்தத் தொலைக்காட்சி சேனல்கள் உருவாக்கி வருகின்றன. ஜல்லிக்கட்டு ஆதரவு, ஸ்டொ்லைட் எதிா்ப்பு, மோடி எதிா்ப்பு ஆகியவற்றோடு அண்மைக்காலத்தில் ஆழ்துளைக் கிணற்றில் தவறி விழுந்து மரணமடைந்த சிறுவன் சுஜித் தொடா்பான செய்தி, திருவள்ளுவா் சிலை அவமதிப்பு செய்தி மற்றும் தற்போது சென்னை ஐஐடி வளாகத்தில் மாணவி பாத்திமா மரணச் செய்தி என தினசரி பரபரப்புச் செய்திகளுக்கும் பஞ்சமில்லை. சாதாரண நிகழ்வுகள்கூடப் பரபரப்புச் செய்திகளாக மாற்றப்படுகின்றன.

மக்களை எந்த நேரமும் பரபரப்பிலும், பதற்றத்திலும், பீதியிலுமே வைத்திருக்க இவா்கள் செய்யும் முயற்சி ஊடக தா்மத்தை மீறியதாகும். தூா்தா்ஷன் தவிா்த்து தனியாா் செய்தித் தொலைக்காட்சிகளுக்கு கட்சி சாா்புகள் உண்டு. ஒவ்வோா் அரசியல் கட்சிக்கும் ஒரு செய்தித் தொலைக்காட்சி உண்டு. அது மட்டுமல்லாமல் பன்னாட்டு நிறுவனங்களும், பெரு முதலாளிகளும் வியாபார நோக்கத்துடன் தங்களுக்கென சொந்தமாக செய்தித் தொலைக்காட்சிகளை நடத்தி வருகின்றனா்.

கட்சி சாா்பான செய்தித் தொலைக்காட்சியின் செய்திகளில், அவா்களின் கட்சிக் கருத்துகளையும், நிகழ்ச்சிகளையும் பிரதானப்படுத்தி செய்திகள் வெளியிடுகின்றனா். அத்துடன்கூட மாற்றுக்கருத்து உள்ளவா்களுக்கும், மாற்றுக் கட்சிக்காரா்களுக்கும் எதிரான செய்திகளும், கட்சிக் கண்ணோட்டத்தோடு உருவாக்கப்படுகின்றன. தனியாரால் நடத்தப்படுகின்ற செய்தித் தொலைக்காட்சிகளில் அவா்களின் தொழில் பாதுகாப்பு, தொழில் போட்டியாளா்களை விமா்சிக்கும் செய்திகள் வெளியிடப்படுகின்றன. நடுநிலையான செய்தித் தொலைக்காட்சி என்று ஒன்றை அடையாளம் காண்பதே மிகவும் சிரமமாக உள்ளது.

இது மட்டுமல்லாமல், தொலைக்காட்சிகளில் பணியாற்றும் செய்தி ஆசிரியா்கள், நிருபா்கள் ஆகியோா் சித்தாந்த சாா்புடையவா்களாகவும், இடதுசாரி மற்றும் வலதுசாரி சிந்தனையாளா்களாகவும், திராவிடக் கட்சிகளால் மூளை சலவை செய்யப்பட்டவா்களாகவும் இருந்து செய்திகளை உள்நோக்கத்துடன் உருவாக்கி ஒளிபரப்புகின்றனா். அண்மைக்காலமாக பொதுமக்கள் மத்தியில் செய்தித் தொலைக்காட்சி ஊடகங்களின் தாக்கம் மிக அதிகமாக உள்ளது.

செய்தித் தொலைக்காட்சிகள் பொது மக்கள் மத்தியில் கருத்து உருவாக்கம் செய்வதில் முக்கியப் பங்கு வகிக்கின்றன. மதிப்புமிக்க எந்தவொரு நபரையும் அல்லது நிறுவனத்தையும் களங்கப்படுத்திவிட முடியும். உதாரணமாக, நம்பி நாராயணன் போன்ற விஞ்ஞானிகள், அரசியல் கட்சித் தலைவா்கள், காவல் துறை அதிகாரிகள், அரசு அதிகாரிகள் ஆகியோா் பாதிக்கப்பட்டுள்ளனா். இந்திய ராணுவம்கூட இவா்களின் அவதூறு செய்திகளில் இருந்து தப்பியதில்லை.

மும்பை குண்டுவெடிப்புச் சம்பவத்தின்போது நேரடி செய்தி ஒளிபரப்பு காரணமாக அஜ்மல் கசாப் போன்றோரைப் பிடிப்பதற்கு காவல் துறையினா் சிரமப்பட வேண்டியிருந்தது. பல நேரங்களில் குற்றச் சம்பவம் நடந்த இடங்களில் புலனாய்வுக்கு இடையூறாக செய்தித் தொலைக்காட்சிகள் செயல்படுகின்றன. குற்றச் சம்பவங்களுக்கான தடயங்கள்கூட இவா்களின் செயல்பாட்டினால் கிடைக்காமல் போகின்றன.

அண்மையில் திருச்சி அருகே ஆழ்துளை குழாய்க் கிணற்றில் விழுந்த குழந்தை சுஜித் வில்சனை மீட்கும் சம்பவத்தை நேரடியாகக் காட்சிப்படுத்திய செய்தி ஊடகங்கள் மக்கள் மத்தியில் பரிதாப உணா்வையும், அனுதாப அலையையும் ஏற்படுத்தின. இதன் காரணமாக சம்பவம் நடைபெற்ற இடத்தில் மக்கள் கூடத் தொடங்கினா்.

இது சுஜித்தை மீட்க வந்த தீயணைப்புத் துறை, காவல் துறை, மத்திய பேரிடா் மேலாண்மைத் துறை மற்றும் துறைசாா் நிபுணா்கள் ஆகியவற்றைச் சாா்ந்தவா்களுக்கு மீட்புப் பணியில் பெரும் நிா்ப்பந்தத்தையும், பதற்றத்தையும் ஏற்படுத்தியது. தங்கள் பணிகளில் அவா்கள் முழுமையான கவனம் செலுத்திச் செயல்படுவதற்கு இடையூறாக இருந்தது.

சம்பவ இடத்தில் மீட்புப் பணிகள் குறித்த செய்திகளைச் சேகரித்து உடனுக்குடன் ஒளிபரப்பு செய்கிறோம் என்கிற நோக்கம் செய்தி ஊடகங்களுக்கு இருந்த அதே நேரத்தில், மீட்புப் பணிகளில் ஈடுபட்டவா்களின் கருத்துகளைக் கேட்டு ஒளிபரப்பினா். இதன் மூலம் விளம்பரப் பிரியா்களுக்கு தாங்களும் தங்களுடைய யோசனைகளையும் வெளிப்படுத்த வேண்டும் என்ற ஆசையை உருவாக்கினா். அனைத்து அரசியல் கட்சித் தலைவா்களும், சினிமா துறையை சாா்ந்தவா்களும் அங்கே சென்று கருத்துகளைத் தெரிவித்த வண்ணம் இருந்தனா்.

நேரலை ஒளிபரப்பில் இருந்த ஊடகங்கள் பரபரப்பிற்கு கொஞ்சமும் பஞ்சமில்லாமல் செய்திகளை ஒளிபரப்பின. அதே நேரத்தில் தொலைக்காட்சி நிறுவனங்கள் எந்தப் பரபரப்புக்கும் ஆளாகாமல் இந்த நேரடி ஒளிபரப்பிற்கு மத்தியில் இடையிடையே விளம்பரங்களையும் ஒளிபரப்பத் தவறவில்லை. தங்களது டிஆா்பி ரேட்டிங்கை அதிகரித்துக் கொள்ளவும், லாப நோக்கத்துடனும் விளம்பரங்களை ஒளிபரப்பின.

பொதுமக்கள் மத்தியில் ஏற்பட்ட அனுதாப அலையை தனது கட்சிக்குச் சாதகமான ஆதரவு அலையாக மாற்ற அனைத்துக் கட்சிகளும் முயற்சி செய்தன. பிரபலங்கள் தங்களது சமூக அக்கறையை வெளிப்படுத்த இதனை ஒரு வாய்ப்பாகவும் பயன்படுத்திக் கொண்டனா். இதன் விளைவு போட்டி போட்டுக்கொண்டு சுஜித் குடும்பத்துக்கு நிவாரணம் எனும் பெயரில் உதவித் தொகை வழங்கப்பட்டது.

எதிா்க்கட்சி ரூ.10 லட்சம் கொடுத்தால், ஆளுங்கட்சியும் தன் கணக்கில் ரூ.10 லட்சம், அரசாங்கத்தின் சாா்பில் ரூ.10 லட்சம் மற்றும் காங்கிரஸ் கட்சி சாா்பில் ரூ.10 லட்சம், தேமுதிக ரூ.1 லட்சம் என அனைத்து அரசியல் கட்சிகளும் லட்சக்கணக்கில் சுஜித் குடும்பத்துக்குப் பணத்தை வாரி வழங்கின.

இத்தகைய சம்பவம் வேறு நாட்டில் நடந்திருந்தால் தனது தோட்டத்தில் ஆழ்துளை குழாய்க் கிணற்றை மூடாமல் வைத்திருந்த குற்றத்தை செய்ததற்காகவும், குழந்தையைக் கவனமாகப் பாா்த்துக்கொள்ளாததற்காகவும் சுஜித்தின் தாய், தந்தையா் கைது செய்யப்பட்டிருப்பாா்கள். ஆனால், இங்கே செய்தித் தொலைக்காட்சிகள் ஏற்படுத்திய பரபரப்பு மற்றும் அனுதாப அலை காரணமாக கவனக்குறைவாக இருந்த சுஜித்தின் தாய், தந்தையருக்கு அரசு வேலை கொடுக்க வேண்டும் என்பது வரை கோரிக்கை எழுந்துள்ளது.

உயா் கல்வி நிறுவனமான சென்னை ஐ.ஐ.டி.-யில் நிகழ்ந்த மாணவி பாத்திமாவின் மரணம் என்பது கொலையா, தற்கொலையா என்பதைச் சட்டப்படி அரசின் புலன் விசாரணை அமைப்புகளும், நீதிமன்றமும்தான் தீா்மானிக்க வேண்டும். மாணவி பாத்திமாவின் மரணத்துக்கு நீதி வேண்டும். ஆனால், தனியாா் செய்தித் தொலைக்காட்சிகளே தங்கள் செய்திகளின் மூலம் விசாரணைகளைச் செய்கின்றன. தீா்ப்புகளை வழங்குகின்றன. இது ஆபத்தான போக்காகும்.

தனியாா் செய்தித் தொலைக்காட்சி நிறுவனங்களுக்கு, செய்தி தணிக்கைத் துறை என்ற ஒன்று கிடையாது. அதனால், தனியாா் செய்தித் தொலைக்காட்சி ஊடகங்கள் அவா்கள் எதைச் செய்தியாக்க நினைக்கிறாா்களோ, அதன் மூலம் எதனைச் சாதிக்க நினைக்கிறாா்களோ அதை நடத்திக் காட்டுகிறாா்கள்.

இத்தகைய தொலைக்காட்சிகளின் மீது இந்திய தொலைத் தொடா்பு ஒழுங்குமுறை ஆணையம் நடவடிக்கை எடுக்க முடியும். பொய்ச் செய்திகளை உருவாக்கி ஊா் முழுவதும் உலவ விட்டு, அதன் பின்னா் மறுப்புச் செய்திகளை அல்லது மன்னிப்புச் செய்திகளையும் வெளியிடுகிறாா்கள். ஆனால், பொய்ச் செய்திகளும், வதந்திகளும் போய் சோ்ந்த அளவுக்கு இவா்களின் மறுப்பும், மன்னிப்பும் மக்களிடையே சென்றடைவதில்லை.

தகவல் தொழில்நுட்பப் புரட்சி என்பது உண்மைச் செய்திகளுக்கும், வளா்ச்சித் திட்டங்களுக்கும் உறுதுணையாக இருக்க வேண்டும். மாறாக, வதந்திகளையும், பரபரப்புகளையும் உருவாக்கி தங்களது டிஆா்பி ரேட்டிங்கையும், லாபத்தையும் உயா்த்திக் கொள்ளும் உள்நோக்கத்துடன் செயல்படும் இத்தகைய செய்தித் தொலைக்காட்சிகளுக்குக் கடிவாளம் போடவேண்டும்.

காட்சி ஊடகங்களின் ராட்சத பலத்தைக் கட்டுப்படுத்த மத்திய, மாநில அரசுகள் புதிய சட்டங்களைக் கொண்டுவர வேண்டும். நடுநிலையான உண்மைச் செய்திகள் மக்களைச் சென்றடைய வேண்டும்.

கட்டுரையாளா்:

தலைவா், இந்து மக்கள் கட்சி.

]]>
https://www.dinamani.com/editorial-articles/center-page-articles/2019/nov/21/ஊடக-தா்மம்---மெய்ப்பொருள்-காண்பதறிவு-3285661.html
3285660 கட்டுரைகள் நடுப்பக்கக் கட்டுரைகள் வழிகாட்டும் வாழ்வு எஸ்ஏ. முத்துபாரதி DIN Thursday, November 21, 2019 01:41 AM +0530 ஆறாம் அறிவு என்கிற பகுத்தறிவு, கல்வியறிவு காரணமாக தனக்கான வாழ்க்கைத் துணையை தகுந்த ஏற்பாடுகள் மூலம் மனித இனம் தோ்வு செய்து ‘இல்லறம்’ என்ற ஒன்றைத் தொடங்குவதுதான் சிறந்த முறையாகப் பின்பற்றப்பட்டு வருகிறது.

முறையாக வாழ்க்கை அமைந்து எல்லாம் சரியாக இருந்தால் எந்தப் பிரச்னையும் இல்லை. பல ஆண்களுக்கும் சரி, சில பெண்களுக்கும் சரி சில நேரம் தங்கள் மனதில் எழும் ஒழுங்கற்ற எண்ணங்களினால் பிறருடன் முறையற்ற வழியில் சோ்ந்து இன்பம் அனுபவிக்க முயல்கின்றனா். இதில் சிலா் தாங்கள் செய்த தவறுக்கு சில சமயம் பிடிபட்டு ஏதாவது ஒருவழியில் தண்டனை பெற்று விடுகின்றனா். பிடிபடாத பலா் தண்டனையிலிருந்து தப்பித்துக் கொண்டே தவறுகளைத் தொடா்ந்து செய்கின்றனா்.

உடல் ரீதியாக ஆணைவிட வலிமை குறைந்தவராக பெண் இருப்பதும், நாட்டில் பல தலைமுறையாக பெண்ணினத்தை அடிமைப்படுத்தியே வைத்து வளா்த்து வந்ததும், அவா்களைப் பாதுகாப்பாக வளா்க்க வேண்டிய நிலை ஒவ்வொரு பெற்றோருக்கும் இருக்கிறது.

தனது குறிப்பிட்ட வயதுக்குப் பின்னா் தனக்கான வாழ்க்கைத் துணை தேடலுக்கு பெற்றோா் ஏற்றுக் கொண்ட சிரமங்கள் (சமூகப் பழக்கங்களாக வரதட்சணை, சீா் போன்றவை காரணமாக) பெண் குழந்தை பெறுவதையே பொதுவாக பெண் விரும்பாத நிலை இன்றைய சமுதாயத்தில் நிலவுகிறது. பெண் குழந்தைகளை வளா்ப்பதே பெற்றோா்களுக்கு மிகப் பெரிய சவாலாக உள்ளது. இதன் காரணமாக கரு உருவாகும்போதே நவீன வசதிகளுடன் கருவிலிருப்பது ஆணா, பெண்ணா என அறிந்து, சட்டவிரோதம் என்றாலும் பெண் என்றால் கருவைக் கலைத்து விடுவதும் நடந்துகொண்டுதான் இருக்கிறது.

ஆண் - பெண் பிறப்பு விகித வேறுபாடு சில சமூகக் குற்றங்களுக்கும் காரணியாகிறது. கல்வி, வேலைவாய்ப்பு, குடும்பச் சூழ்நிலை, குடும்ப உறுப்பினா்கள், குடும்பத்தின் வசதி முதலிய பல காரணிகள் வாழ்க்கைத் துணை தேடலின்போது முக்கிய அம்சங்களாக இருக்கின்றன. இதன் காரணமாக பலருக்கும் குறிப்பிட்ட வயது கடந்த பின்னரும் திருமணம் ஆகாமல் தள்ளிப் போய்க் கொண்டே இருப்பது

இன்றைய சமுதாயத்தின் முக்கியப் பிரச்னையாக உள்ளது.

இந்த நிலையில் தன்னுள் எழும் காமம் சாா்ந்த எண்ணங்களைஅடக்கத் தெரியாத ஆண், அதற்கு உண்டான முயற்சி செய்தலும் அல்லது வாய்ப்பு ( எதேச்சையாகவோ, திட்டமிட்டோ) ஏற்படுத்தி வன்முறையாக தனது ஆசையைத் தீா்த்துக்கொள்வதும் நடைபெறுகிறது. இது தனி மனித குற்றமாக இருப்பினும், சமூகத்தின் நிலைதான் இதற்குக் காரணம் என்பதைப் பலரும் ஏற்க மறுக்கின்றனா்.

ஆணுக்கு எழும் அதே பாலியல் எண்ணங்கள் பெண்ணுக்கும் எழத்தான் செய்யும். சமூக அமைப்பு காரணமாக, சமூகம் தனக்குத் தராத சுதந்திரம் காரணமாக அவள் தனது ஆசையை வெளிக்காட்ட இயலாமல் அடக்கிவைத்துக் கொண்டே இருக்கிறாள். அவளுக்கும் ஏதாவது வாய்ப்பு ஏற்படும்போது அதை நிறைவேற்ற முயன்று விடுவதும் நடந்துகொண்டுதான் உள்ளது.

சரி, இந்த மாதிரியான உடல் சாா்ந்த வன்முறைகள் நிகழாமல் இருக்க என்ன செய்ய வேண்டும் என்ற கேள்வி ஒவ்வொரு தலைமுறையிலும் எழுந்துகொண்டுதான் இருக்கிறது. பலரும் பல நேரங்களில் பாலியல் கல்வி குறித்த அவசியத்தை வலியுறுத்தி, பின்னா் அது அப்படியே கண்டுகொள்ளாமல் விடப்படுகிறது.

உண்மையில் சிறுவயதிலிருந்தே பாலியல் குறித்த கல்வி தருவது என்பதும், கல்வி முறைகளில் அடிப்படையான கல்வியறிவு, தொழிலறிவு, இயற்கை தத்துவ அறிவுஆகியவற்றுடன் ஒழுக்க பழக்க அறிவும் போதிக்கப்பட வேண்டும்.

குறிப்பிட்ட வயதில் ஒவ்வொரு மனிதனிடத்தில் ஏற்படும் உடல் நிலை மாற்றம், அதனால் ஏற்படும் மனநிலை மாற்றம் குறித்தும், பருவ வயது அடைந்த ஆண் - பெண் ஆகியோா் தங்களுக்கான வாழ்க்கைத் துணை அமையும் வரை கற்பொழுக்கம் காத்து வருதல் குறித்தும் இயல்பாகக் கற்றுத் தருவது என்பது இன்றைய காலத்தின் கட்டாயம்.

பெண்கள், பெண் குழந்தைகள், மாணவிகள் ஆகியோா் எளிதில் ஏமாற்றப்படுவதும், பாதிக்கப்பட்டால் வெளிப்படுத்தாத நிலை இருப்பதையும் குற்றம் செய்வோா் தங்களுக்குச் சாதகமாகப் பயன்படுத்திக் கொள்கின்றனா். பாலியல் குற்றங்களுக்கு மதம், இனம், ஜாதி ஆகியவை தேவையில்லை. மேலும், கற்பழிப்பு என்பது வயது வித்தியாசமின்றி சிறுமிகள் முதல் வயதானவா்கள் வரை நடைபெறுகிறது என்பது கொடுமையிலும் கொடுமை. இன்றைய இளைய தலைமுறை, குறிப்பாக பெண் குழந்தைகள் எப்போதும் எச்சரிக்கையோடு இருக்க வேண்டும், யாரையும் சந்தேகிக்க வேண்டும்.

காந்தியடிகள் சொன்னதுபோல, பெண் குழந்தைகள் தங்கள் கையில் நகங்கள் வளா்த்துக்கொண்டு, தேவைப்படும் எதையும் ஆயுதமாகப் பயன்படுத்தி தாக்கி தப்பித்துக்கொள்ள வேண்டும். அதனால், எதிராளிக்கு ஏற்படும் எவ்வித ஆபத்தையும் பொருட்படுத்த வேண்டியதில்லை. தற்காப்புக் கலைகளைக் கற்றுக் கொண்டும் தங்களைக் காத்துக் கொள்ளலாம்.

ஒட்டுமொத்த சமூகமும் இப்படி இருக்கிறது என்றில்லை. அன்பும், பண்பும், பாசமும் கொண்ட மனிதா்கள் இருக்கிறாா்கள். எவ்வித எதிா்பாா்ப்பும், தேவைகளும் இன்றி உண்டான நட்புதான் சிறந்தது. தன்னம்பிக்கை அளிக்கும் நூல்களைப் படிக்க வேண்டும், மனதில் நல்ல எண்ணங்களை வளா்த்துக்கொள்ள வேண்டும்.

நட்பு வட்டத்தை விரிவாக்குவதோடு, படிப்பு தவிர விளையாட்டு, இசை, நடனம், ஓவியம் எனப் பலவித பொழுதுபோக்குகளில் மனதை ஈடுபடுத்துவதோடு, பிறருக்கும் கற்றுக் கொடுக்கலாம். பலரும் தங்களுக்கான வழிகாட்டுதல் இல்லாமலே வழிதவறிப் போகின்றனா். ஆண், பெண் பாகுபாடு என்பது நட்பு வட்டத்தில் இல்லை. இருந்தாலும், நட்பாக இருந்தாலும் எல்லை வகுத்துச் செயல்பட வேண்டும்.

குறிப்பிட்ட வயதுக்குப் பிறகு பெற்றோா், வயதில் பெரியவா்கள் கூறும் அறிவுரைகள், வழிகாட்டுதல்கள் மனதுக்கு விரோதமாகத் தெரியும். ஆனால், பெரியவா்களின் வழிகாட்டுதலை, ஆலோசனைகளை, அறிவுரைகளை வாழ்வியல் நெறிகளில் அக்கறையுள்ள இளைஞா்கள் நிச்சயம் பின்பற்றி தங்கள் வாழ்வில் முன்னேற்றம் அடைவாா்கள்.

]]>
https://www.dinamani.com/editorial-articles/center-page-articles/2019/nov/21/வழிகாட்டும்-வாழ்வு-3285660.html
3284658 கட்டுரைகள் நடுப்பக்கக் கட்டுரைகள் பகை வெல்ல நட்பு மலரட்டும்! டி.எஸ்.தியாகராசன் DIN Wednesday, November 20, 2019 01:06 AM +0530 இரண்டாவது உலகப் போரில் அதுவரை களம் இறங்காத அமெரிக்கா, “பெரல்” துறைமுகத்தில் இருந்த தனது நாட்டு கப்பல்களை வான்வழி தாக்குதல் நடத்தி முற்றாக அழித்த ஜப்பான் நாட்டின் மீது‘லிட்டில் பாய்’ என்று பெயா் கொண்ட அணுகுண்டுகளை வீசி ஜப்பானின் ஹிரோஷிமா, நாகசாகி நகரங்களை தரைமட்டமாக்கி போரில் தன்னை இணைத்துக் கொண்டது.

உலக வரலாற்றில் அணு ஆயுதத்தால் மனிதகுலம் சந்தித்த பேரழிவை முதலில் காட்டிய அமெரிக்கா, உலகப் போரை முடிவுக்குக் கொண்டு வந்தது. ஜப்பான் சரண் அடைந்தது. இதே நேரத்தில் ஜொ்மனியின் ஹிட்லா் படைகளும் ரஷியாவில் தோற்றன. ஹிட்லா் தற்கொலை செய்து கொண்டாா். அமெரிக்க அதிபா் பிராங்க்ளின் டி. ரூஸ்வெல்ட், பிரிட்டனின் வின்ஸ்டன் சா்ச்சில், ரஷியாவின் ஜோசப் ஸ்டாலின் ஆகியோா் உலகின் வெற்றி வீரா்களாக உலா வந்தனா்.

அமெரிக்க படைத் தளபதியிடம் ஜப்பான் ஒப்படைக்கப்பட்டது. ஜொ்மனி இரண்டாகப் பிரிக்கப்பட்டது. நேச நாடுகள் அளித்த பெருநிதியால் அமெரிக்கப் பொருளாதாரம் உச்சம் தொட்டது. உலக நாடுகள் இரு அணிகளாகப் பிரிந்தன. ஒன்று, அமெரிக்காவைப் பின் தொடரும் பொதுவுடைமை கொள்கையைத் தவிா்த்த நாடுகள். இரண்டு, ரஷியாவைப் பின்தொடா்ந்த பொதுவுடைமைக் கொள்கையைத் தழுவிய நாடுகள்.

1947-இல் இந்தியா சுதந்திரம் பெற்றதும், இந்த இரு நாடுகள் அணியில் சேராமல் எல்லா நாடுகளுக்கும் பொதுவான அணிசேராக் கொள்கையுடைய நாடுகளோடு பிரதமா் பண்டித நேரு சேர விரும்பினாா்.

எகிப்து அதிபா் நாசா், யுகோஸ்லேவியாவின் மாா்ஷல் டிட்டோ, பிரான்ஸ் அதிபா் டிகால், இந்தோனேஷிய அதிபா் சுகா்னோ ஆகியோா் நேருவோடு துணை நின்றனா். உலக மக்கள்தொகையில் மூன்றில் இரண்டு பங்கு நாடுகள், அதாவது 55 சதவீதம் ஆதரித்ததால் வளா்ந்த நாடுகளோடு மூன்றாவது உலக நாடுகளாக அணிசேரா நாடுகளை 1953-இல் ஐ.நா. சபை அங்கீகரித்தது.

1954-இல் கொழும்பில் சீனாவின் சூ-என்-லாய், நேரு இருவரும் கலந்து கொண்ட கூட்டத்தில் சீன - இந்திய நட்புறவு ‘பஞ்சசீலக் கொள்கை’ என அழைக்கப்படும் என்றாா் நேரு. 1. பரஸ்பரம் ஒவ்வொரு நாடும் மற்றொரு நாட்டின் ஒற்றுமை, இறையாண்மையை மதிக்க வேண்டும்; 2. பரஸ்பரம் ஒரு நாட்டை மற்றோரு நாடு ஆக்கிரமிப்பு செய்யக் கூடாது; 3. பரஸ்பரம் ஒவ்வொரு நாடும் பிற நாட்டின் உள் விவகாரங்களில் தலையிடக் கூடாது; 4. பரஸ்பரம் நாட்டின் வளா்ச்சிக்கு உதவும் வகையில் சமமாகப் பாவிப்பது; 5. பரஸ்பரம் அமைதியாக வாழ்வது.

படை நடத்தி மன்னராட்சியை வீழ்த்தி, மக்கள் குடியரசுக் கட்சியை நிறுவிய மாசே துங் சீனாவின் தலைவரானாா். முதன்முதலில் இந்தியாதான் புதிய சீனாவை அங்கீகாரம் செய்தது. 1950-இல் திபெத்தை சீனா வலிந்து கைப்பற்றியது. திபெத்தில் இருந்த புத்த மதத் தலைவா் தலாய்லாமாவுக்கு சீனாவின் கோபத்தைப் பொருட்படுத்தாது இந்தியா அடைக்கலம் கொடுத்தது. அதன் பிறகு, சீனாவின் போக்கு திசை மாறியது.

1962-ஆம் ஆண்டு தொடக்கம் வரை ‘இந்தியா-சீனா பாய், பாய்’ என்ற முழக்கம் கேட்ட நாட்டில், பகை மேகம் சூழத் தொடங்கியது. இந்திய-சீன எல்லை 3,225 கி.மீ. தொலைவுக்கும் மேலாக நீண்டுள்ளது. ஸ்விட்சா்லாந்து பிரதேச அளவு உள்ள அக்சாய்சீன் பகுதி உறைபனி மூடிய பகுதி. இமயமலைத் தொடா்களில் அருணாசலப் பிரதேசத்தில் உள்ள மலைச் சிகரங்கள் 23,000 அடி வரை உயா்ந்தவை. இந்தப் பகுதியில்தான் திபெத்தையும் இந்தப் பகுதியையும் இணைக்கும் ஒரு சாலையை சீனா அமைத்தது. 1962-இல் மெக்மேகன் எல்லைக்கோட்டைத் தாண்டி இந்திய காவல் துறை வீரா்களைக் கொன்றது.

இந்தியப் பிரஜையை சிறை பிடித்தது. பின்னா், முன்னெச்சரிக்கை எதுவும் இன்றி, ஒரே நேரத்தில் இந்திய எல்லைக்குள் இரு பகுதிகளில் இருந்து இருமுனைத் தாக்குதல் நடத்தியது. தகுந்த முன் ஏற்பாடுகள் கொண்டிராத நிலையில் இந்திய ராணுவம் பின் வாங்கியது. போரைத் தொடங்கிய சீனாவே 31 தினங்கள் கழித்து போா் நிறுத்தம் செய்தது. இந்தச் சமயத்தில் கியூபாவில், ரஷியாவும், அமெரிக்காவும் எதிா் எதிா் களத்தில் இருந்ததால் இந்த இரு வல்லரசு நாடுகளும் இந்தியாவுக்கு உதவ முன் வரவில்லை.

அண்மையில்கூட டோக்காலாம் பகுதியில் தனது படைகளை சீனா குவித்தபோது, இந்தியாவும் படைகளை களம் இறக்கியது. சீனாவின் எச்சரிக்கையைப் பொருட்படுத்தாது கடைசிவரை தன் படைகளைத் திரும்ப அழைக்காமல் தனது உறுதியை இந்தியா நிலைநிறுத்தியது. திபெத்தை சீனா கைப்பற்றிய போதும், சீனாவின் தியானன்மென் சதுக்க படுகொலை குறித்தும், அண்மையில் ஹாங்காங் போராட்டம் குறித்தும் இந்தியா கருத்து தெரிவிக்காமல் இருந்ததைக் குறிப்பிடாமல் இருக்க முடியாது.

ஆனால், சீன - பாகிஸ்தானின் பயங்கரவாதி ஹபீஸ் சையதுவை சா்வதேச பயங்கரவாதியாக ஐ.நா. சபை அறிவிக்க முன்வரும் போதெல்லாம் தனது வீட்டோ அதிகாரம் மூலம் தடுத்து விடுகிறது. மேலும், பாகிஸ்தானுக்குப் பல வழிகளில் பொருளாதார, ராணுவ உதவியை சீனா செய்து வருகிறது.

அமெரிக்க வா்த்தகச் சந்தையில் சீனாவின் உற்பத்திப் பொருள்கள் முதலிடம் வகிக்கின்றன. உலக தாராளமயமாக்கல் கொள்கையின் விளைவாக, நம் நாட்டிலும் குண்டூசி முதல் மின்னணுப் பொருள்கள், வீட்டு உபயோகப் பொருள்கள் என அனைத்திலும் சீனா முன்னிலை வகிக்கிறது.

உலகில் கொடிகட்டிப் பறக்கும் அமேசான் போன்ற நிறுவனங்கள் சீனாவில் காலூன்ற முடியாதபடி அலிபாபாவை உருவாக்கி விட்டாா்கள். முகநூல் ஆளுமை அங்கே செல்லுபடியாகவில்லை. சீனாவின் வீசாட் எனும் வலைதளம் 90 கோடி சீனா்களால் பயன்படுத்தப்படுகிறது.

ஒரே ஒரு செயலி மூலம் தங்களுக்கும், தங்களது தொழிலுக்கும் வேண்டிய அனைத்தையும் சீனா்கள் பெறலாம்; ஒவ்வொரு சீனரும் சராசரி 70 நிமிஷங்கள் இந்தச் செயலியைப் பயன்படுத்துகின்றனா். கூகுளுக்குப் பதில் ‘பையுடு’, யு-டியூப்புக்குப் பதில் ‘டெளடு யோகு’, கட்செவி அஞ்சலுக்கு (வாட்ஸ்ஆப்) பதில் ‘கியூ கியூ’ ஆகிய சமூக ஊடங்களை 87 கோடி சீனா்கள் பயன்படுத்துகின்றனா். இப்படி ராணுவம், தொழில், விஞ்ஞானம், வணிகம் எல்லாவற்றிலும் சீனா முன்னிலை வகிப்பதற்கு அதன் சா்வாதிகார ஆட்சி முறையே காரணம்.

பல வெளிநாடுகளில் பெரும் அளவில் சீனா முதலீடு செய்து அவா்களைத் தன் பக்கம் ஈா்த்துள்ளது. ரஷியாவில் மட்டும் 3 கோடி டாலா் (ரூ.

21 லட்சம் கோடி) அளவுக்கு சீனா முதலீடு செய்துள்ளது. பிரிட்டனில், எஃகு துறையில் பெரும்அளவில் முதலீடு கண்டு, அதனால்தான் இரண்டு ஆண்டுகளுக்கு முன்னா் சீனா அதிபருக்கு மிகப் பெரிய வரவேற்பை அந்த நாடு நல்கியது. தென்கிழக்கு ஆசியப் பிராந்தியத்தில் சீனாவின் ஆதிக்கத்தை வளரவிட்டால் ஆபத்து என்பதை உணா்ந்த இந்தியா, பக்கத்து நாடுகளான பூடான், நேபாளம், மோரீஷஸ், ஆப்கானிஸ்தான், மாலத்தீவுகள், மியான்மா், இலங்கை, வங்கதேசம், மங்கோலியா போன்ற நாடுகளுக்கு சீனாவைப்போல 13,000 கோடி டாலா்களை கடனாக வழங்கியுள்ளது.

ரஷியாவிலும் அண்மையில் 7,000 கோடிகளை இந்தியா முதலீடு செய்துள்ளது. வியத்நாம் கடற்பகுதியில் இந்திய கடற்படை தளத்தை அமைத்துள்ளது. தற்போது ஆசியான் அமைப்பில் முக்கியப் பங்காற்ற முனைந்துள்ளது.

2014-இல் பிரதமா் மோடி தொடங்கிய “‘கிழக்கில் செயல்படுவோம்’” என்ற கொள்கைத் திட்டப்படி பிலிப்பின்ஸ், தாய்லாந்து தைவான், ஹாங்காங், சிங்கப்பூா், மலேசியா, தென்கொரியா, வியத்நாம், கம்போடியா முதலிய நாடுகளுடன் நட்புறவை மேற்கொண்டு வருகிறது. இந்தியா விடுதலை பெற்ற நாள்முதல் சமாதானத்தையே விரும்பி வந்திருக்கிறது.

1962-க்கு முன்பு சீனாவுக்கும் இந்தியாவுக்கும் இடையே எல்லை பிரச்னை இல்லை என்று சீனா கூறிக்கொண்டே, தனது அரசின் அதிகாரப்பூா்வ வரைபடத்தில் ‘46,000 ஆயிரம் சதுர மைலுக்கு சீனாவின் நிலத்தை இந்தியா ஆக்கிரமிப்பு செய்துள்ளது’ என்று கூறியது. இன்னமும் இந்தியாவின் அருணாசலப் பிரதேசத்தை தன்னுடைய பிரதேசம் என்று சீனா கூறுவது மட்டுமல்லாது பல ஆயிரம் சதுர மைல் பகுதிகளை ஆக்கிரமித்துள்ளது. அவ்வப்போது தொடா் அத்துமீறல்களையும் நிகழ்த்துகிறது.

உலக அளவில் ரஷியா, அமெரிக்கா போன்ற வல்லரசு நாடுகளோடு நட்பு மூலம் பலமும், பயனும் பெற்று ஆசியாவின் தூரக் கிழக்கு நாடுகளுடன் கரம் கோத்து தன் வலிமையை நிலைநாட்ட பல வழிகளில் இந்தியா முனைகிறது.

இந்தியாவிலிருந்து சீனாவுக்குச் சுற்றுலா செல்வோா் அதிகம். அந்த நாளில் பாகியான், யுவான் சுவாங் முதலிய புகழ்பெற்ற சீன யாத்ரிகா்கள் இந்தியாவுக்கு வந்தனா். தட்சசீலம், நாளந்தா பல்கலைக்கழகங்களில் சீன நாட்டு மாணவா்கள் பல ஆண்டுகள் தங்கியிருந்து பயின்றனா். காஞ்சிபுரத்தைச் சோ்ந்த தா்ம பாலா், நாளந்தா பல்கலைக்கழகத்தின் துணைவேந்தராக இருந்தபோது அவரிடம் சீன மாணவா்கள் ‘தா்க்க சாத்திரம்’ கற்றனா் என்பது வரலாறு.

சீனாவுக்கு இந்தியா வழங்கிய அருட்கொடை பெளத்தம். மேலும், போதி தா்மரையும் வழங்கியது. இந்தியாவுக்கு சீனாவின் பொருளாதார உதவிகள் எதுவும் தேவையில்லை. அமெரிக்கா, சவூதி அரேபியாவுக்கு அடுத்ததாக பாகிஸ்தானுக்கு அதிக பொருளாதார உதவி செய்வது சீனாதான். உலக அரங்கில் பலமான நாடாக இந்தியா வளா்ந்து விடுமோ என்ற கவலையை சீனா விட்டு இரு நாடுகளும் ஒன்றிணைந்து செயல்படுமானால் உலகில் மதத் தீவிரவாதம், பயங்கரவாதம் போன்ற ‘கொடிய நோய்கள்’ முற்றிலும் அழிக்கப்படும்; கெட்ட போரிடும் உலகை வேரோடு சாய்த்து கெளதம புத்தரின் உண்மையான அன்பு, கருணையை உலகம் முழுவதும் பரப்பலாம்.

1,600 ஆண்டுகளுக்கும் முன்னதாக இருந்த இந்திய-சீன உறவுகள் மீண்டும் பலப்பட மாமல்லபுரம்-பிரிக்ஸ் மாநாடு சந்திப்புகள் உதவட்டும்.

பண்டித நேரு காலத்திய பகை, பிரதமா் மோடி காலத்தில் அழியட்டும்.

கட்டுரையாளா்:

தலைவா், திருக்கோவலூா் பண்பாட்டுக் கழகம்

]]>
https://www.dinamani.com/editorial-articles/center-page-articles/2019/nov/20/பகை-வெல்ல-நட்பு-மலரட்டும்-3284658.html
3283753 கட்டுரைகள் நடுப்பக்கக் கட்டுரைகள் ஆளுமையின் அடையாளம்! முனைவா் அ.பிச்சை DIN Tuesday, November 19, 2019 01:00 AM +0530 தேசத்துக்கு அரசியல் விடுதலை பெற்றுத் தந்தாா் மகாத்மா காந்தி. தேசத்தின் பொருளாதார விடுதலைக்கு அடித்தளம் அமைத்தாா் பண்டித ஜவாஹா்லால் நேரு. ‘இந்தியாவை ஒரு வலிமைமிகு தேசமாக உலகின்முன் நிறுத்தினாா் இந்திரா காந்தி’ என்கிறாா் புகழ் பெற்ற பத்திரிகையாளரும் முன்னாள் அமைச்சருமான எம்.ஜே.அக்பா்.

அண்ணல் காந்தி அனைவராலும் போற்றப்பட்டாா். ‘எனக்குப் பகைவா் என்று எவரும் இல்லை’ என்றாா் மகாத்மா. ஆனால், அவா் வாழ்வது தன் சித்தாந்தத்திற்கு ஆபத்து” என நினைத்த சிலரும் இருந்தாா்கள். அதில் ஒருவரின் குண்டுக்குப் பலியானாா் மகாத்மா காந்தி.

அனைவராலும் நேசிக்கப்பட்டாா் ஜவாஹா்லால் நேரு. ஒட்டுமொத்த இந்தியாவும் அவா் பின்னால் நின்றது. எதிா்ப்புக் குரல் எழுப்புவாா் எவருமில்லை.

முதல் இருவரிலிருந்து (மகாத்மா, ஜவாஹா்லால் நேரு) மூன்றாமவா் (இந்திரா காந்தி) வித்தியாசப்படுகிறாா். ஒரு சா்ச்சைக்குரிய தலைவராக வாழ்ந்தாா். இந்தியப் பிரதமா்களில் அதிகமான சவால்களைச் சந்தித்து, சமாளித்தவா், சாதனைகள் பல படைத்தவரும் அவரே.

செல்வம் மிக்க மோதிலால் நேருவின் பேத்தி, உலகத் தலைவராக உருவான நேருவின் மகள், முன்மாதிரி நாடாளுமன்ற உறுப்பினா் என்ற முத்திரை பதித்த பெரோஸ் காந்தியின் மனைவி ஆகிய சிறப்புகளை இயற்கையாகவே பெற்ற இந்திரா காந்தியின் வாழ்வு சோதனைகள் சூழ்ந்தது. போட்டிகள், பொறாமைகள், எதிா்ப்புகள் ஆகியவற்றை எதிா்கொள்வதாகவே அமைந்தது. இவற்றை அவா் எதிா்கொண்ட விதம் அனைவரையும் வியக்க வைத்தது.

அலாகாபாத் ஆனந்த பவனம் மாளிகையில் கமலா நேருவுக்கு 1917 நவம்பா் 19-ஆம் நாளன்று பிறந்த குழந்தைதான் இந்திரா பிரியதா்ஷினி நேரு. நான்கு வயதுக் குழந்தையாக இந்திரா காந்தி இருக்கும்போதே பண்டித நேரு சிறை சென்றாா். சிறையிலிருந்து திரும்பினால், வீட்டில் சக தலைவா்களுடன் கலந்துரையாடல், வெளியில் சென்றால் போராட்டம். இங்கிலாந்தில் ஆக்ஸ்போா்டு” பல்கலைக்கழகத்தில் படிக்க ஆசையோடு சென்றாா் இந்திரா. எடுத்த பாடங்களில் எல்லாம் தேறினாா். ஆனால் லத்தீன் மொழித் தோ்வில் தோற்றாா். பட்டம் ஏதும் பெறாமல் இந்தியா திரும்பினாா் இந்திரா காந்தி.

அதன் பிறகு ரவீந்திரநாத் தாகூரின் சாந்திநிகேதனில் சோ்ந்தாா்; இங்குதான் அவரது கல்வி வளா்ந்தது; அறிவாற்றல் மலா்ந்தது; ஆன்ம பலமும் துளிா் விட்டது. இசை, ஓவியம், கலை ஆகியவற்றில் ஈடுபாடும் வளா்ந்தது. பொதுச் சேவையில் புது வேகமும் பிறந்தது.

1959-ஆம் ஆண்டு அவரது 41-ஆவது வயதில், காங்கிரஸ் தலைவா் யு.என்.தேபரும் உள்துறை அமைச்சா் கோவிந்த வல்லப பந்த்தும், இந்திய தேசிய காங்கிரஸ் தலைவராக இந்திராவே வர வேண்டும் என்றாா்கள். இது விவாதத்துக்கு வந்தபோது, ‘நான் பிரதமராக இருக்கும்போது, என் மகள் காங்கிரஸ் தலைவராக வருவதை நான் விரும்பவில்லை’”என்றாா் பண்டித நேரு.

‘நான் அரசியலில் ஈடுபடுவதை என் தந்தை ஊக்குவிக்கவில்லை. அரசியல் கருத்துகளை என்னோடு பகிா்ந்து கொள்வதில்லை; அது எனக்கு அதிருப்தியையும், கவலையையும் அளித்தது’” என்கிறாா் இந்திரா காந்தி.

கணவா் பெரோஸ் காந்தியும் ‘நீ நல்ல குடும்பத் தலைவியாக இருந்தால் போதும்’ என்றாா். ஆனால், இந்திராவோ, “‘இந்தியாவே எனது குடும்பம்; இந்தியக் குடும்பத்தின் தலைவி ஆவேன் நான்’ என முடிவெடுத்தாா்.

அவசரநிலைப் பிரகடனத்தை அறிவிப்பதற்கு ஊக்குவித்தவா் அவரது இளைய மகன் சஞ்சய் காந்தி. ‘இன்னும் 20 ஆண்டுகளுக்கு அவசரநிலை நீடித்தால் இந்தியா வளமான தேசமாக, உலக வல்லரசாக உருவெடுக்கும்’ என்றாா் சஞ்சய் காந்தி. அவா் கருத்தைப் புறந்தள்ளிவிட்டு, அவசர நிலையை நீக்கி அதிரடியாக ஆணை பிறப்பித்தாா். தோ்தலையும் அறிவித்தாா் இந்திரா காந்தி. தந்தையானாலும், கணவா் ஆனாலும், மகன் என்றாலும் அவா்கள் கருத்துகளைக் கேட்டாரே தவிர, தனக்குச் “சரி” எனப் பட்டதைத்தான் செய்தாா்.

அவசர நிலையை ரத்து செய்து அறிவிப்பு வந்தபோது ஜெயபிரகாஷ் நாராயண் அதிா்ச்சியோடு கூறினாா். ‘இந்திரா அதிசயிக்கத்தக்க துணிச்சலைக் காட்டி விட்டாா். அவா் எடுத்த மிகப் பெரிய முடிவு இது’ எனப் பாராட்டினாா்.

லால் பகதூா் சாஸ்திரியின் எதிா்பாராத மரணத்தால், இந்திரா காந்திக்கு பிரதமா் பதவி எளிதாகக் கிடைத்தது. ஆனால், கட்சியின் மூத்த தலைவா்களோ, இனிமேல் கூட்டுத் தலைமைதான் நாட்டை வழி நடத்த வேண்டும் என்றனா். ஆனால் இந்திராவோ, ‘அது நாடாளுமன்ற ஜனநாயகத்துக்கு ஏற்புடையதல்ல; தோ்ந்தெடுக்கப்பட்ட பிரதமருக்கு அது தடைக்கல்லாகும்’ என்றாா். இறுதியில் மூத்த தலைவா்களோடு மோதல் உருவானது. முடிவில் காங்கிரஸ் இரண்டாக உடைந்தது.

காங்கிரஸ் கட்சியில் சிலா், எதிா்க்கட்சிகள், ஊடகங்களைச் சோ்ந்த அனைத்துத் தரப்பினரும் அவரை எதிா்த்தனா். மூத்த தலைவா்களை ஒதுக்கினாா் இந்திரா காந்தி. இளம் தலைமுறையினரை இழுத்தாா். கட்சியை உடைத்தாா். வங்கிகள் தேசியமயம், மன்னா் மானிய ஒழிப்பு, வறுமை ஒழிப்பு போன்ற திட்டங்கள் மூலம் எதிா்க்கட்சிகளின் வாயை அடைத்தாா். பத்திரிகையாளா்களின் பாராட்டைப் பெற்றாா். தன் தனிப் பாணியைச் செயலாற்றும் திறமையை வெளிப்படுத்தினாா்.

‘நான் ஒரு சாதாரணப் பெண் அல்ல; நான் ஒரு இந்தியப் பிரஜை, இந்தியாவின் முதல் பணியாள்’ என முழங்கினாா் இந்திரா காந்தி. சீன அரசோ இந்தியா மீது சீறிப்பாய எப்போதும் தயாராக இருந்தது. அமெரிக்கா, சீனா ஆகிய இரு நாடுகளுமே பாகிஸ்தானின் பாதுகாப்பாளா் ஆனாா்கள். இந்தியாவின் எதிரி ஆனாா்கள்.

சிறையில் அடைக்கப்பட்ட முஜிபுா் ரஹ்மானை விடுவிக்க வேண்டும் என்று ஐ.நா. சபையில் இந்தியா தீா்மானம் கொண்டுவந்தது. ஆனால், அமெரிக்காவும், சீனாவும் தனது தடை உரிமை வாக்கால் (வீட்டோ பவா்) அதைத் தோற்கடித்தன. வெகுண்டெழுந்த இந்திரா காந்தி, தனது தன்னம்பிக்கையைத் தளமாகக் கொண்டு, ரஷியாவின் நட்பைத் துணையாகக் கொண்டு, வங்கதேசத்தை சுதந்திர நாடாக்கினாா். முஜிபுா் ரஹ்மானை சிறையிலிருந்து மீட்டெடுத்தாா். புதிய தேசத்தின் பிரதமராக்கினாா்.

வங்கதேசப் போா் வெற்றிக்குப் பிறகு, அமெரிக்க அதிபா் நிக்சனுக்கு இந்திரா காந்தி 15.12.1971 அன்று எழுதிய கடிதத்தில், ‘வங்கதேசத்தின் எந்தப் பகுதியையும் இந்தியா கேட்கவில்லை. மேற்கு பாகிஸ்தானின் எந்தப் பகுதியையும் நாங்கள் கேட்கவில்லை. நாங்கள் விரும்புவதெல்லாம் பாகிஸ்தானுடன் நிலையான நட்பையும், நீடிக்கும் அமைதியையுமே’ என்றாா்.

அதற்குப் பிறகு இந்தியாவுக்கு வருகை தந்து இந்திராவைச் சந்தித்த அதிபா் நிக்சனின் வெளியுறவுத் துறை ஆலோசகா் கிஸ்ஸிங்கா், ‘நீங்கள் எஃகு நகங்கள் கொண்ட வெண் புறா’” எனப் புகழ்ந்தாா்.

இந்தியப் பிரதமா்களில் குற்றவாளிக் கூண்டில் நிறுத்தப்பட்டு, குறுக்கு விசாரணைக்கு உட்படுத்தப்பட்டவரும், சிறையில் அடைக்கப்பட்டவரும், அதனை நெஞ்சுரத்தோடு சந்தித்தவரும் ஒருவரே; அவா் இந்திரா காந்தியே. தான் நம்பிக்கை வைத்த பாதுகாவலா்களாலேயே கொடூரமாகச் சுடப்பட்டு, மரணத்தைச் சந்தித்த பிரதமரும் இந்திரா காந்தியே.

1977-ஆம் ஆண்டு தோ்தல் தோல்விக்குப் பின் 1980-இல் வெற்றி பெற்று பிரதமா் பதவி ஏற்றபோது, நீங்கள் மறுபடியும் இந்தியாவின் தலைவா் ஆகிவிட்டீா்களே என நிருபா் ஒருவா் கேட்க, “‘எப்போதுமே இந்தியாவின் தலைவா் நான்தான்’” எனத் தன்னம்பிக்கையோடு பதில் சொன்னவா் இந்திரா காந்தி.

பகைமை எவ்வளவு இருந்தாலும் பண்போடு பேசும் குணம் கொண்டவா். பதவியை இழந்த பின்பும், மொராா்ஜி தேசாய் குறித்துப் பிறரிடம் பேசும்போது ‘மொராா்ஜிபாய்’” என்றும், தன்னை விட்டு விலகிச் சென்ற ஜகஜீவன்ராமை ‘பாபுஜி’” என்றும்தான் அழைப்பாராம்.

இந்திரா காந்தி சந்தித்த சோதனைகளைப் பாருங்கள். தனது 12-ஆவது வயதில் அழகிய ஆனந்த பவனம் மாளிகையை காங்கிரஸுக்கு கொடுத்த பின்பு, வேறு புதிய சிறிய மாளிகைக்கு மகிழ்ச்சியோடு சென்றாா்; 19-ஆவது வயதில் தன் அன்புத் தாயின் மரணம்; 43-ஆவது வயதில் கணவா் பெரோஸ் காந்தியின் மரணம்; 47-ஆவது வயதில் தந்தை பண்டித நேருவின் மரணம்; தனது 60-ஆவது வயதில் தனக்குத் துணை நின்ற அன்பு மகன் சஞ்சய் காந்தியின் மரணம்; செல்வாக்கின் உச்சியில் இருந்தபோது தனது 67-ஆவது வயதில் (1984) காவலா்களால் சுட்டுக் கொலை.

துயரங்கள் அவரைத் தொடா்ந்தன. தனது மரணத்திற்கு சில நாள்களுக்கு முன், ‘என் தந்தை நேருவைப் போல் நோய்வாய்ப்பட்டு, துன்பப்பட்டு இறக்க விரும்பவில்லை. மகாத்மா காந்தியைப்போல் நானும் நடக்கும்போதே மரணிக்க விரும்புகிறேன். அதையே எதிா்பாா்க்கிறேன்’ என்றாா் இந்திரா காந்தி. அவா் நினைத்தது நடந்தது. ஆனால், அவருக்கு நிகழ்ந்ததுபோல் எவருக்கும் துயரங்கள் தொடரக் கூடாது.

(இன்று முன்னாள் பிரதமா் இந்திரா காந்தியின் பிறந்த நாள்)

 

]]>
https://www.dinamani.com/editorial-articles/center-page-articles/2019/nov/19/ஆளுமையின்-அடையாளம்-3283753.html
3283752 கட்டுரைகள் நடுப்பக்கக் கட்டுரைகள் கிடைக்கும் வேலையை விரும்பினால்... முனைவா் என்.பத்ரி DIN Tuesday, November 19, 2019 01:00 AM +0530 ‘இன்றைய வேலையை நேற்றைய கருவி கொண்டு செய்யும் சமூகம் முன்னேறுவது கடினம்’ என்பாா் கல்வியாளா் வா.செ. குழந்தைசாமி. ஆனால், வளா்ந்துவரும் அறிவியல் தொழில்நுட்பம் வேலைவாய்ப்புகளைப் பறிக்கின்றன என்ற குற்றச்சாட்டும் உள்ளது.

தற்போது நகரம், கிராமம் என்ற வேறுபாடில்லாமல் வேலைவாய்ப்பின்மை எல்லோரையும் அச்சுறுத்துகிறது. அதிலும், கல்வியறிவு பெற்றோரிடம் வேலைவாய்ப்பின்மை அதிகரிப்பது ஒரு வகையில் விரக்தி மனப்பான்மையை உண்டாக்குகிறது. வேலைவாய்ப்பகம் என்ற ஓரிடம் இன்றைய இளைய தலைமுறையினருக்கு அறிமுகமே இல்லாமல் போய்க்கொண்டிருக்கிறது. கல்வியை மனிதவளம் என்று அணுகும் நாடுகளில் இந்தியாவுக்கு முக்கியமான இடம் உண்டு. இன்றைய வேலையின்மைக்கான காரணிகளைப் பாா்ப்போம்.

இந்தியாவை உயிா்ப்பிப்பதில் கிராமங்கள் முக்கியப் பங்கு வகிக்கின்றன. கிராமங்களுடன் பிரிக்க இயலாத ஒன்று விவசாயம். ஆனால் அந்த விவசாயத் தொழிலில் விவசாயிகளின் தற்போதைய நிலை மிகவும் கவலைக்குரியது. கிராமங்களில் முப்போகம் விவசாயம் செய்த காலம் போய், விவசாயம் செய்வோரை விரல் விட்டு எண்ணிவிடும் அளவுக்கு சிரமமான காலமாகி வருகிறது. இவ்வாறு செய்யப்படும் விவசாயத்திலும் அனைத்துப் பணிகளும் இயந்திரமயமாகி உள்ளன. இந்தப் போக்கு விவசாயத் தொழிலில் வேலைவாய்ப்பை பெரும் அளவு பறிப்பதாக உள்ளது.

இது ஒருபக்கம் என்றால், விவசாய விளை நிலங்கள் விலைக்குப் போவதும், அவ்வாறு விற்பதன் மூலம் கிடைக்கும் பணத்துடன் நகரங்களுக்கு கிராம மக்கள் இடம்பெயா்வதும் நடைபெறுகிறது. இவ்வாறு இடம்பெயா்வோா், நகா்ப்புற வேலையின்மையினை அதிகரிப்போராக மாறுகின்றனா்.

மத்திய அரசால் சிறப்பான முறையில் நடத்தப்பட்டு வரும் அனைவருக்கும் கல்வி இயக்கம், இடைநிலைக் கல்வித் திட்டம் போன்றவை பள்ளிகளில் மாணவா்களின் சோ்க்கை விகிதத்தைக் கூட்டி இடைநிற்றலைக் குறைத்து அனைவரும் பள்ளிக் கல்வியை எட்டும் அளவுக்கு சாதனை படைத்து வருகிறது. இது ஒருபுறம் மகிழ்ச்சியான விஷயம் என்றால், மறுபுறம் கல்வியில் தோ்ச்சி பெறும் மாணவா்களில் எத்தனை போ் உயா் கல்வியினை அடைகின்றனா்? அவ்வாறு சிரமப்பட்டு உயா் கல்வியினை அடைவோரில், எத்தனை போ் தாம் பயின்ற கல்விக்குத் தொடா்புடைய பணிகளைப் பெறுகின்றனா் என்பதும் கேள்விக்குறியே.

படித்த படிப்புக்கும் அவா்கள் மேற்கொள்ளும் பணிகளுக்கும் இடையே இடைவெளி அதிகரித்திருப்பதும் ஒரு வகையில் கவலைக்குரியது. பல இடங்களில் திருமண வீடுகள், சிறப்பு நிகழ்ச்சிகளில் செய்யப்பட்ட சமையலைப் பரிமாறும் வேலை, உணவகங்களில் பொறியியல் பட்டதாரிகளும், பட்டதாரிகளும் பணியாற்றுவதை நம்மால் பாா்க்க முடிகிறது. அதற்காக இது போன்ற பணிகள் செய்யக்கூடாத பணிகள் என்பதல்ல. இந்தப் பணிகளுக்கு இந்த அளவிலான கடினமான பட்டங்கள் அவசியமா என்ற கேள்வி எழுகிறது.

உலகமயமாக்கத்தின் தாக்கம் மக்களின் அனைத்துப் பரிமாணங்களிலும் பாதிப்பைச் செலுத்தி வருவது கண்கூடு. கிராமப்புறங்களில் சா்வசாதாரணமாக எளிமையான வாழ்க்கையை மேற்கொண்டிருந்தோரை வசதியான வாழ்க்கைக்கான கனவு காண வைக்கிறது உலகமயமாக்கம். இதனால், சமுதாயத்தில் குற்றங்கள் பெருகுகின்றன.

ஆனால், அதே நேரம் உலகமயமாக்கத்தின் சாதகமான கூறு தொழிற்சாலைகள் பெருக்கம். பல்வேறு பன்னாட்டு நிறுவனங்களும் நமது நாட்டில் பல்வேறு வகையான தொழிலகங்களைத் தொடங்கியுள்ளன. இந்த வகையான தொழிலகங்களுக்கு சாதாரண உழைப்பாளா்களின் தேவையும் கூடுதலாக உள்ளது.

இவ்வாறான தொழிலகப்பெருக்கம் தமக்குத் தேவையான உழைப்பை கிராமங்களிலிருந்து பெற முனைவதும் இதனால் கிராமப்புற வேலைவாய்ப்புகள் அதிகரிப்பதும் ஒரு வகையில் ஆறுதலான விஷயம். இவ்வாறான தொழிற்சாலைகள் கடைக்கோடி கிராமங்களுக்குக்கூட வாகனங்களை அனுப்பி பல்வேறு இடங்களுக்கு கிராமத்து உழைப்பாளா்களை இட்டுச் செல்வதும் நடக்கிறது.

இது ஒரு வகையில் சாதகமானது என்றாலும், நகருக்குச் சென்று வரும் கிராமத்தினா் அனைத்து விதமான நகரமயக் கூறுகளையும் கொண்டுவந்து கிராமங்களுக்கும் நகரங்களுக்கும் வேற்றுமையில்லாதவாறு சூழல் மாசையும் மனமாசையும் நிரப்புகிறாா்கள். சரி என்னதான் செய்யலாம்?

இன்றைய மாணவா்களே எதிா்கால உழைப்பு சக்தி. அந்த வகையில் மாணவா்கள் படிக்கும் காலத்திலேயே தமது எதிா்காலம் குறித்த சரியான பாா்வையோடு தம்மைத் தயாா்படுத்திக்கொள்ளவேண்டும். அயல்நாடுகளை பலவிதங்களில் பிரதி எடுக்கும் நாம், இளைஞா்களின் கல்வி, வேலைவாய்ப்பு போன்ற விஷயங்களில் பிரதி எடுக்கத் தவறுகிறோம் அல்லது நாம் நமது இளைஞா்களைப் பயிற்றுவிக்கத் தவறுகிறோம்.

ஐரோப்பிய நாடுகளில் பட்ட மேற்படிப்பு மேற்கொள்வோரில் பலரும் பகுதி நேரமாக ஏதாவது ஒரு தொழிலைச் செய்து பொருள் ஈட்டுகின்றனா். இதன் மூலம் படிக்கும்போதே தனது கால்களில் நிற்கத் தொடங்குகின்றனா். இது ஒருவகையில் அவா்களின் தன்னம்பிக்கை பெருகவும் உதவுகிறது. இந்திய இளைஞா்களும் இத்தகைய முனைப்பைப் பெறுதல் அவசியம்.

கல்வி பெறும்போதே நாம் எத்தகைய கல்வியைக் கற்கிறோம்; இதற்கான எதிா்கால வேலைவாய்ப்பு எப்படி இருக்கும்? அவ்வாறான எதிா்காலச் சவால்களுக்கு ஈடு கொடுக்கும் வகையில் தாம் எவ்வாறு தகவமைய வேண்டும் என்ற எண்ணத்தோடு கல்வியைப் பூா்த்தி செய்ய வேண்டும். இன்றைக்கு இணையமும் கணினியும் இல்லாமல் எதுவும் செயல்படாது என்ற அளவுக்கு இவை இரண்டும் ஆட்சி செய்து வருகின்றன.

படிக்கும் காலத்தில் சமூக இணையதளங்களில் தமது நேரத்தைச் செலவிடும் அளவுக்கு, கணினி கல்வி சாா்ந்த திறன்களைப் பெறுவதற்கு நமது இளைஞா்கள் செலவிடுவதில்லை என்ற கருத்தும் உள்ளது. வங்கிகள் தரும் வாய்ப்புகளையும் மாணவா்கள் நன்கு பயன்படுத்திக் கொள்ள வேண்டும். எதிா்பாா்க்கும் வேலை கிடைக்கும் வரை காத்திருக்காமல், கிடைக்கும் வேலையில் சோ்ந்து அனுபவம், திறன்களை வளா்த்துக்கொள்ள வேண்டும். எதிா்கால இளைஞா்களை சிந்தித்துச் செயல்படச் செய்வதுதான், தற்போது நம் அனைவரின் முன் உள்ள சவாலும் கடைமையும் ஆகும்.

 

]]>
https://www.dinamani.com/editorial-articles/center-page-articles/2019/nov/19/கிடைக்கும்-வேலையை-விரும்பினால்-3283752.html
3282816 கட்டுரைகள் நடுப்பக்கக் கட்டுரைகள் தமிழா்களின் வரலாற்றுப் புதையல்! முனைவா் சொ.அருணன் DIN Monday, November 18, 2019 01:43 AM +0530 வரலாறு என்பதற்கு வந்த வழி என்பதே பொருள். நதிமூலம் என்பது மரபு. மனித நாகரிகம் ஆற்றினை மையப்படுத்தியே வளா்ந்தது என்பதை இந்தச் சொல்லே குறிக்கிறது. உலகின் பெருநாகரிகங்களாகிய மெசபடோமிய நாகரிகம் யூப்ரடீஸ் - டைகிரிஸ் நதிக் கரைகளிலும், ஹரப்பா நாகரிகம் சிந்துநதிக் கரையிலும் சீன நாகரிகம் மஞ்சள் நதிக் கரையிலும் தோன்றியவையே.

ஆனால், அந்த வரிசையில் சேராமல் போனவை தென்னிந்தியாவில் சிறப்புற்று விளங்கிய காவிரியும், ‘ஆற்றுப் பெருக்கற்று அடிசுடும் நாட்களிலும் ஊற்றுப் பெருக்கால் உலகூட்டும்’ என்று போற்றப்பட்ட வைகையும் ஆகும்.

சீதையைத் தேடி வானரங்களை அனுப்பிய சுக்ரீவன், நதிகளின் வரிசையை வைத்தே வழிகாட்டி விளக்குகிறான். அதில் நருமதா, கோதாவரி, வரதா முதலிய நதிகளோடு, “தேவரம்பையா்கள் வந்து நீராடுகின்ற திவ்வியமான தெளிந்த நீரையுடைய அழகிய காவிரி நதியையும் குறிப்பிடுகிறான். “நாயகனிடத்தில் போகும் பெண்ணைப் போல, சமுத்திரத்தினிடத்திற் சென்று விழும் தாமிரவருணி நதியைப் பற்றியும் கூறுகிறான். ஏனோ வைகையைப் பற்றி அவன் குறிப்பிடவில்லை. ஆனால், “முத்தாலும் மணியாலும் அலங்கரிக்கப்பட்ட அழகிய பொன்மயமான பாண்டிய நாட்டின் கதவைக் காண்பீா்கள்”என்று பாண்டிய தேசத்தைக் குறிப்பிடுகிறான். வால்மீகியின் ராமாயண காலத்தைப் பற்றி ஆராய்ந்த பண்டாரக்கா் கி.மு.700 என்று வரையறை செய்கிறாா்.

மகாபாரதத்தில் பாண்டவா் ஐவருள் ஒருவனாகிய அருச்சுனன், பாண்டிய மன்னன் மகளை மணந்து கொண்டான் எனவும், பாரதப் போரில் பாண்டவா்களுக்காகத் துரோணரோடு பாண்டிய மன்னன் போரிட்டான் எனவும் குறிப்புகள் கூறுகின்றன.

பாண்டிய நாட்டின் புகழுக்கும் வளத்துக்கும் காரணமாக மட்டுமின்றி ஒரு பெரிய நகர நாகரிகத்திற்கும் வைகை நதி மூலமாயிருந்தது என்பதனைப் பரிபாடல் தெளிவாக உணா்த்துகிறது. பரிபாடலின் இலக்கணமே ‘மலையும் யாறும் ஊரும் வருணிக்கப்படுவதுதான்’ என்கிறாா் இளம்பூரணா். பேராசிரியரும் “மலை விளையாட்டு, புனல் விளையாட்டு முதலியவற்றால் இந்தப் பாடல் வரும்” என்கிறாா்.

மெளரிய இராஜதந்திரி சாணக்கியா் தனது அா்த்தசாஸ்திரத்தில் பாண்டிய நாட்டு முத்துக்களின் பெருமையைப் பற்றி வியந்து பேசுகிறாா். அசோகரது கி.மு. 3-ஆம் நூற்றாண்டுக் கல்வெட்டுகளிலும் பாண்டியா் குறித்த செய்திகள் உள்ளன. இலங்கையின் பழைய வரலாற்றைப் பற்றிப் பேசும் மகாவம்சம் மதுரையின் பெருமை பாடுகிறது. வடமொழியின் மகாகவியான காளிதாசரும் பாண்டிய நாடு குறித்துப் பதிவு செய்துள்ளாா்.

கி.மு. 3-ஆம் நூற்றாண்டில் கிரேக்க நாட்டுத் தூதுவராக வந்த மெகஸ்தனிஸ், தான் எழுதிய இண்டிகா என்னும் நூலில் பாண்டியனின் மகளான பண்டேயா குறித்தும் அவளுக்குத் தெற்குக் கடலோரத்தில் இருந்த 365 ஊா்கள் உடைய நாட்டையும் சுட்டி அந்த ஊா்களின் வளமையையும் குறிப்பிட்டுள்ளாா். பாண்டியா்களின் வரலாற்று வளமைக்குப் 10 செப்பேடுகள் ஆதாரங்களாக உள்ளன.

நற்றிணை, புானூறு, பரிபாடல் போன்றவற்றிலும், திருமுருகாற்றுப்படை, மதுரைக்காஞ்சி போன்ற பத்துப்பாட்டு நூல்களிலும் பாண்டிய நாட்டு மக்களின் பழக்க வழக்கங்கள், வா்த்தகம், கலையுணா்ச்சி போன்ற அரிய செய்திகள் கிடைக்கின்றன.

இவ்வாறு இலக்கிய, புராண, அயல்நாட்டாா், கல்வெட்டுக் குறிப்புகளையே சான்றுகளாகக் கொண்டு பழந்தமிழரின் வாழ்வைக் கற்பனையாகவே ஊகித்துவந்த நமக்கு, கீழடியின் சான்றுகள் ஒரு தொன்மை நகரக் குடியிருப்பு, தொழிற்கூடப் பகுதி என உறுதி கூறுகின்றன.

கீழடி ஆய்வில் பெறப்பட்ட 5820 அரிய பொருள்களில் செங்கல் கட்டுமானங்கள், சுடுமண் உறை கிணறுகள், விரல்களால் புனையப்பட்ட மழைநீருக்கான ஓடுகள், தங்க அணிகலன்கள் என இவை ஒரு பொற்காலத்தை மெய்ப்பிக்கின்றன.

இவையாவற்றிலும் சிறப்பு, அந்தப் பொருள்களில் காணப்படும் தமிழ் எழுத்துகளும் ஓவியங்களும்தான். இவை 35 செ.மீ. ஆழத்தில் எடுக்கப்பட்டவை. இந்தக் கரிம மாதிரிகளில் ஆறு மட்டும் அமெரிக்காவின் பீட்டா பகுப்பாய்வுச் சோதனைக்குள்ளாகித் தங்களின் வயதை கி.மு.500 என்று சான்று பெற்று வந்துள்ளன.

கீழடியில் கிடைத்த விலங்குகளின் 70 எலும்புத் துண்டு மாதிரிகள் புணேயிலுள்ள டெக்கான் கல்லூரியின் அறிவியல் ஆய்வுக்குட்படுத்தப்பட்டதில் அவை திமிலுடைய காளை, வெள்ளாடு, எருமை, கலைமான், மயில், காட்டுப் பன்றி ஆகியவற்றினுடையவை என அடையாளம் காணப்பட்டுள்ளன. ஆற்றங்கரையோர மருத நிலத்து உயிரினங்கள் இவை என்பதோடு வேளாண்மைக்கும் பேருதவி புரிந்தவை என ஆய்வு முடிவுகள் தெரிவிக்கின்றன. இது பழந்தமிழரின் விருந்திருக்க உண்ணாத வேளாண் வாழ்வுக்குச் சான்று.

இரண்டாம் கட்ட ஆய்வில் கிடைத்த சுவா்ச் செங்கற்களும், கூரை ஓடுகளும் அக்காலத் தமிழரின் கட்டடக் கலைக்குச் சான்று கூறுகின்றன. உடைந்த பானைகளிலும் ஓடுகளிலும் கிடைத்துள்ள தமிழ் எழுத்துகளில் காணப்படும் ஆதன் என்னும் பெயா் நம்மைச் சிந்திக்க வைக்கிறது.

கீழடியில் பல்வேறு வண்ண வடிவங்களிலும் கண்ணாடி, பேஸ்ட், ஸ்படிகம், அகேட், பெயின்ஸ் காா்னீலியன், சுடுமண் ஆகியவற்றால் செய்யப்பட்ட 2,301 மணிகள் கண்டெடுக்கப்பட்டுள்ளன. இவை நுட்பமான கலைநயமுடையவை; பல வண்ணமுடைய வட்டச் சில்லுகளும் கிடைத்துள்ளன.

வரலாற்றுக் காலச் சதுரங்கக் காய்களைப் போலான இரு வகைப்பட்ட மண்ணால் உருவாக்கிய 26 பொருள்கள் கிடைத்துள்ளன. இவை யாவும் சுட்ட மண்ணால் செய்யப்பட்ட கருநிறத்தவை என்னும்போது பழந்தமிழரின் நுண்ணறிவு வியக்க வைக்கிறது. இதனை உறுதிப்படுத்தும் வகையில் இரும்பாலான ஆணிகள், துண்டுக் கத்திகள் உடன் கிடைத்துள்ளன. இவற்றின் எண்ணிக்கை 50-ஐ நெருங்குகின்றன. இவற்றில் அடையாளம் காண முடியாதவை தனி.

சுடுமண்ணால் செய்யப்பட்ட இரு காதணிகளும் கிடைத்துள்ளன. நுட்பத்தையும் அழகையும் ஒருசேர வெளிப்படுத்தும் 14 காதணிகள் காலத்தைத் திருப்புகின்றன. அக்காலம் பொற்காலம் என்பதை நிறுவுவதைப் போல, உடைந்த பொன்னணிகலன்களும் கிடைத்துள்ளன.

தொன்மைத் தமிழ்ப் பண்பாட்டுப் புதையலைத் தன்னுள் கொண்டிருந்த கீழடி, அருங்காட்சியகத்தின் வழியாகத் தலைமுறைக்கும் பாடங்கூறும். இன்னும் தொடா்கிற ஆய்வுகளில் கீழடி மேலெழுந்தால் பழந்தமிழா்களின் பண்பாட்டு வரலாறு வானத்தைத் தொடும்.

]]>
https://www.dinamani.com/editorial-articles/center-page-articles/2019/nov/18/தமிழா்களின்-வரலாற்றுப்-புதையல்-3282816.html
3282815 கட்டுரைகள் நடுப்பக்கக் கட்டுரைகள் வறுமை ஒழிப்பு எட்டாக்கனி அல்ல! இரா.செல்வம் DIN Monday, November 18, 2019 01:42 AM +0530  

அபிஜித் பானா்ஜி, எஸ்தா் டஃப்லோ, மைக்கேல் கிரெமா் ஆகிய மூவரும் 2019-ஆம் ஆண்டு பொருளாதாரத்துக்கான நோபல் பரிசைப் பெற்றுள்ளனா். வளா்ச்சி சாா்ந்த பொருளாதாரத்தில் வறுமையை ஒழிப்பது தொடா்பான ஆராய்ச்சியை இவா்கள் மேற்கொண்டுள்ளனா். அபிஜித் பானா்ஜி அமெரிக்கவாழ் இந்தியா் ஆவாா். அவரது மனைவி எஸ்தா் டஃப்லோ இளம் வயதில் நோபல் பரிசைப் பெற்றுள்ளாா். மூவரும் அப்துல் லத்தீப் ஜமீல் வறுமை (ஒழிப்பு) நடவடிக்கை ஆய்வகத்தில் பணி புரிகிறாா்கள். இது மாசாசூசெட்ஸ் தொழில்நுட்ப நிலையம் ( எம்ஐடி) பாஸ்டனில் (அமெரிக்கா) அமைந்துள்ளது.

திறமையை அழிக்கும் ஆயுதம் வறுமை என்கிறாா் பொருளாதார நிபுணா் அமா்த்தியா சென். படிப்பறிவு இல்லாமல் வறுமை செய்து விடும். மேலும், ஓா் உலக விளையாட்டு வீரா் உருவாவதைக்கூட சரியான உணவின்மை தடுக்கும். எனவே, இங்கு அனைவரிடமும் தொக்கி நிற்கும் கேள்வியானது, வறுமையை ஒழிப்பதற்கான சரியான வழிமுறை என்ன என்பதே.

ஆசியா, ஆப்பிரிக்கா, லத்தீன் அமெரிக்கா போன்ற நாடுகளில் 70 கோடிக்கும் அதிகமான மக்கள் வறுமையினால் இன்றைக்கும் வாடுகின்றனா். வறுமை ஒழிப்பு என்பது அனைத்து நாடுகளுக்கும் மாபெரும் சவாலாக அமைந்துள்ளது. வறுமையை ஒழிப்பதற்காக பல நாடுகளும் வெவ்வேறு திட்டங்களை நடைமுறைப்படுத்துகின்றன.

இந்தியாவும் பல்வேறு முறைகளில் வறுமையை ஒழிப்பதற்குத் தொடா்ந்து முயற்சிகளை மேற்கொண்டு வருகிறது. இந்தியாவில் 30 கோடி மக்கள் இன்னும் வறுமைக்கோட்டில் இருப்பதாக அறிக்கைகள் தெரிவிக்கின்றன. இந்தியாவில் மத்திய அரசு மட்டும், ஓா் ஆண்டுக்கு மூன்று லட்சம் கோடிகள் (ஜிடிபி-இல் சுமாா் 2 சதவீதம்) வறுமை ஒழிப்புக்காக செலவிடுகிறது. அதற்கு மேல், மாநில அரசுகளும் வறுமை ஒழிப்புக்கான பல்வேறு திட்டங்களை நிறைவேற்றி வருகின்றன.

இருப்பினும், உலக அளவிலும், இந்திய அளவிலும் வறுமை ஒழிப்புத் திட்டங்கள் எதிா்பாா்க்கப்பட்ட விளைவுகளை ஏற்படுத்தவில்லை எனத் தகவல்கள் தெரிவிக்கின்றன. இதில், அரசின் நிதி விரயமாவதுடன்,குறிப்பிட்ட காலத்துக்குள் தேவையான பயனாளிகள் பயன் பெறுவதில்லை எனவும் தெரிகிறது.

மேலும், இந்தத் திட்டங்களை நடைமுறைப்படுத்துவதில் பல்வேறு சிக்கல்கள் எழுந்த வண்ணம் உள்ளன. இந்தியாவில் மத்திய, மாநில அரசுகள் பெரும்பாலும் நிதி, எண்ணிக்கையின் அடிப்படையில் இலக்குகளை நிா்ணயித்துத் திட்டங்களை நடைமுறைப்படுத்துகின்றன.

இந்த முறையில் திட்டங்கள், அதற்கான குறிக்கோள்களை எட்டுவது கிடையாது. எடுத்துக்காட்டாக, சில மாநிலங்களில் ஆசிரியா்கள், புத்தகங்கள், தளவாடப் பொருள்கள், அடிப்படை வசதிகள் இல்லாமல், பள்ளிகளுக்கு கட்டடங்கள் மட்டும் அரசியல் விளம்பரத்துக்காக தேவையற்ற இடங்களில் எழுப்பப்பட்டு வருகிறது. இங்கு பெரும்பாலும் ஆசிரியா்கள் பள்ளிகளுக்குச் செல்வதில்லை. சில இடங்களில் போதுமான அளவுக்கு மாணவா்களும் இருப்பதில்லை. இதன் மூலம் அரசின் நிதி விரயமாவதுடன் கல்விக்கான குறிக்கோளையும் இந்தத் திட்டங்கள் எட்டுவதில்லை.

எனவே, வறுமை ஒழிப்புத் திட்டங்களை எவ்வாறு திட்டமிட்டு நடைமுறைப்படுத்த வேண்டும் என்று இந்தப் பொருளாதார நிபுணா்கள் உலக அளவில் ஆய்வுகளை மேற்கொண்டனா். இதைக் கண்டறிவதற்கு கட்டுப்பாட்டுடன் கூடிய ஒன்றுக்கொன்று தொடா்பற்ற பரிசோதனைகளை (ரேண்டமைஸ்டு கண்ட்ரோல் டிரையல்ஸ் ) அவா்கள் நடத்தினா்.

ஒரு குழுவினா் பயனாளிகள், மற்ற குழுவினா் பயன் பெறாதோா். எனவே, இவா்கள் பரிசோதனையின் அடிப்படையில் திட்டமிட்டு, அந்தத் திட்டங்களை நடைமுறைப்படுத்த வழிவகை செய்தனா். இதற்காக குஜராத், மகாராஷ்டிரம், பஞ்சாப் போன்ற மாநிலங்களில் அவா்கள்

ஆய்வுகளை மேற்கொண்டனா். வதோதரா, மும்பையில் மாணவா்களுக்கு தனிப்பட்ட முறையில், கணக்குப் பாடங்கள் ‘பிரதான்’ என்ற அரசு சாரா நிறுவனத்தின் உதவியுடன் கற்பிக்கப்பட்டது. குறிப்பாக, பல்வேறு பள்ளிகளில் உள்ள 2 ,3 ,5-ஆம் வகுப்பு மாணவா்களுக்கு தனிப்பட்ட முறையில் கணிதம் கற்பிக்கப்பட்டது.

இது வெவ்வேறு பள்ளிகளில், பல்வேறு வகுப்பிலுள்ள மாணவா்களை, ஒரு பாடத்தில் சம நிலையில் கொண்டுவருவதற்குப் பெரிதும் உதவியுள்ளது. இது ஆசிரியா்களுக்கும் சரியான முறையில் பாடங்களைக் கற்பிப்பதற்கு உதவியாக அமைந்தது. இதன் மூலம் 50 லட்சத்துக்கும் மேலான இந்திய மாணவா்கள் பயன் அடைந்ததாக நோபல் அறிக்கை கூறுகிறது.

அதேபோல் பஞ்சாப் மாநிலத்தில் ‘நீா் சேமித்து நிதி ஈட்டுதல்’ என்ற திட்டத்தின் மூலம் விவசாயிகள் பயன் அடைந்ததாக அறியப்படுகிறது. இந்தத் திட்டத்தில், மோட்டாரின் மூலமான மின் நீா்ப் பாசனத்துக்கு, விவசாயிகளுக்கு, மாத மின் கட்டணத் தொகை வழங்கப்பட்டது. இதன் மூலம் தங்களுக்கு வழங்கப்படும் நிதியைச் சேமிப்பதற்கு, அவா்கள் குறைந்த அளவே மின்சக்தியை பயன்படுத்தியுள்ளனா். இதனால், அவா்கள் தேவையான அளவுக்கே தண்ணீரைப் பயிா்களுக்குப் பயன்படுத்தியதாகத் தெரிகிறது.

இவ்வாறு செய்ததன் மூலம், மின் சக்தியைச் சேமித்ததுடன், பூமியிலிருந்து உறிஞ்சப்படும் தண்ணீரும் சேமிக்கப்பட்டுள்ளது. கரம் ஜீத் சிங் ராய் என்ற விவசாயி, மாதமொன்றுக்கு ரூ.12,904 சேமித்ததாகத் தெரிகிறது. இந்தத் திட்டத்தை இதே முறையில் நடைமுறைப்படுத்தினால் மாபெரும் பொருளாதார மாற்றங்களைக் கொண்டுவர முடியுமென நோபல் குழு முடிவுக்கு வந்துள்ளது. இந்தத் திட்டத்தை மற்ற மாநிலங்களும் செயல்படுத்தலாம்.

ஆனால், இவா்களின் பரிசோதனைகளின் அடிப்படையில், திட்டங்களை நடைமுறைப்படுத்துவதிலும் பல சிக்கல்கள் உள்ளதாகத் தெரிகிறது. பல்வேறு திட்டங்களை நடைமுறைப்படுத்துவது மாநிலங்கள்தோறும்,மாவட்டங்கள்தோறும் இடத்துக்கு இடம் வேறுபடுகின்றன.

அதாவது, ஓா் இடத்தில் வெற்றி பெறும் திட்டம், மற்ற இடத்தில் அதே முறையில் வெற்றி பெறுவதில்லை. எடுத்துக்காட்டாக, உதய்ப்பூரில் (ராஜஸ்தான்) குழந்தைகளுக்கு இலவச தடுப்பூசி வழங்குவதற்கு முதலில், அதிக அளவில் தாய்மாா்கள் வரவில்லை; பிறகு, குழந்தைகளுக்குத் தடுப்பூசி போடும் போது ஒரு கிலோ பருப்பு இலவசமாக வழங்கப்பட்டது; இதனால், அனைத்துப் பெண்களும் வந்தனா். இதன் மூலம் தடுப்பூசி போட்டுக் கொண்ட குழந்தைகளின் எண்ணிக்கை அதிகரித்துள்ளது.

அதே மாநிலத்தில் மற்ற இடங்களில் இலவசமாக பருப்பு வழங்காமலேயே, குழந்தைகளுக்குத் தடுப்பூசி போடுவதற்கு தாய்மாா்கள் அதிகமாக வந்தனா். சில இடங்களில், இலவச தடுப்பூசியுடன் வீட்டுக்குத் தேவையான பருப்புகளை வழங்கும்போது அனைத்துப் பெண்களும் குழந்தைகளுக்கு தடுப்பூசி போடுவதற்கு வந்துள்ளனா். அவா்களுக்கு வழங்கப்பட்ட பருப்பானது, ஓா் ஊக்குவிப்பு சக்தியாகச் செயல்பட்டு, மனநிலையில் மாற்றத்தைக் கொண்டு வந்ததாக அறியப்படுகிறது.

இப்போது மத்திய, மாநில அரசுகள் பல்வேறுத் திட்டங்களில், பயனாளிகளுக்கு நேரடியாகச் சலுகைகளை வழங்குகின்றன. குறிப்பாக, இந்தியாவில் மகாத்மா காந்தி ஊரக வேலைவாய்ப்புத் திட்டம் நேரடியாக பயனாளிகளுக்கான உதவித் தொகையை வழங்குகிறது. இது மாபெரும் சமூக, பொருளாதார மாற்றங்களைக் கொண்டு வந்துள்ளது.

பிரதமரின் சுகாதாரத் திட்டம், தூய்மை இந்தியா திட்டம், பல ஊரக வளா்ச்சித் திட்டங்களும் இதே முறையில் நடைமுறைப்படுத்தப்படுகின்றன. தமிழ்நாடு, ஆந்திரம், மத்தியப் பிரதேசம் போன்ற மாநிலங்களில் நீண்ட நாள்கள் நடைமுறையிலிருக்கும் மதிய உணவுத் திட்டம், பள்ளிக்கு மாணவா்கள் செல்வதை அதிகரித்துள்ளதாக அறிக்கைகள் தெரிவிக்கின்றன.

இதே முறையில் பயிா்களுக்கான உரங்களை வாங்குவதற்கு விவசாயிகளுக்கு குறிப்பிட்ட தொகையை ஓா் ஆண்டுக்கோ அல்லது ஆறு மாத காலத்துக்கோ அரசு வழங்கலாம். இந்த முறையில் விவசாயிகள் தங்களுக்கு வழங்கப்பட்ட தொகையை முழுவதுமாக உரங்கள் வாங்குவதற்குப் பயன்படுத்தாமல் சேமிப்பாா்கள். இதன் மூலம் விவசாயிகள் பணத்தைச் சேமிப்பதுடன் குறைந்த அளவு உரங்களை வயல்களில் இடலாம். இதன் மூலம் இயற்கையான மண்ணின் தன்மை பாதுகாக்கப்படும் என வேளாண் பொருளாதார நிபுணா் அசோக் குலாட்டி தெரிவிக்கிறாா்.

இந்தப் பரிசோதனை முறைகளை மேலும் பயன்படுத்தி சுகாதாரம், குடும்பக் கட்டுப்பாடு, கல்வி, வேளாண்மை, கடன் வழங்குதல், சமூகநலத் திட்டங்கள், அனைத்துத் திட்டங்களையும் சரியான முறையில் நடைமுறைப்படுத்தலாம். இது மத்திய, மாநில அரசுகளுக்கு மாபெரும் திட்டமிடும் கருவியாக அமையும். இந்தத் திட்டங்களை எவ்வாறு ஒருங்கிணைக்க வேண்டும் என்பதையும், அவை எவ்வாறு நடைமுறைப்படுத்தப்பட வேண்டும் என்பதையும் தரவுகளின் மூலம் கண்டறிய வேண்டும்.

பல நேரங்களில் தவறான எண்ணங்களோ அல்லது ஊழலோ தவறான கொள்கைகளுக்கு வழி வகுப்பதில்லை. தெளிவற்ற சிந்தனைகளும், சிறந்த மாதிரிகளை அடையாளம் காணாமல் இருப்பதும் கொள்கைகளைத் தோல்வி அடையச் செய்கின்றன. எனவே, தரவுகளின் அடிப்படையில் திட்டங்களைச் செயல்படுத்த வேண்டும். இது பல்வேறு நடைமுறைச் சிக்கல்களைத் தீா்க்கும். பயனாளிகளும் குறுகிய காலத்தில் பயனடைவாா்கள். இந்த முறையில் ஊழல்களும் மாபெரும் அளவில் குறைக்கப்படலாம் என அறிக்கைகள் தெரிவிக்கின்றன. இதனால் நாட்டில் குறுகிய காலத்தில் சமூக பொருளாதார வளா்ச்சி ஏற்படுத்தப்பட்டு வறுமை மாபெரும் அளவில் குறைவதற்கு வழி பிறக்கும்.

கட்டுரையாளா்: ஐ.ஏ.எஸ். அதிகாரி

 

]]>
https://www.dinamani.com/editorial-articles/center-page-articles/2019/nov/18/வறுமை-ஒழிப்பு-எட்டாக்கனி-அல்ல-3282815.html
3280930 கட்டுரைகள் நடுப்பக்கக் கட்டுரைகள் தன்னம்பிக்கையே மகிழ்ச்சியின் வித்து! வெ.இன்சுவை DIN Saturday, November 16, 2019 12:50 AM +0530 ‘கடன் சுமை காரணமாக மனைவி, குழந்தைகளுக்கு விஷம் கொடுத்துக் கொன்று விட்டு தானும் தற்கொலை’ என்ற செய்தியை அடிக்கடி பாா்க்கிறோம். ‘அன்றலா்ந்த மலா்களைப் போல அழகாக இருக்கும் அந்தக் குழந்தைகளைக் கொல்ல எப்படித்தான் மனசு வந்ததோ’ எனத் தோன்றியது. விவரமறியாத சிறிய குழந்தையாக இருந்தால், தன் அப்பா தன்னைக் கொல்லவே குளிா்பானம் கொடுக்கிறாா் என்று அறியாமல் மகிழ்வுடன் அதை வாங்கிப் பருகி, பின் மடிந்து போகும். ஆனால், 17, 13 வயதான பெண் குழந்தைகளை அவா்களின் தந்தை இவ்வாறு கொன்றதைப் படித்தபோது மனம் வேதனைப்பட்டது.

ஒன்றும் அறியா பிஞ்சுகள் அல்ல அவா்கள், விவரம் தெரிந்த பிள்ளைகள். அப்பா கொடுத்தது விஷம் என்று தெரிந்து எடுத்துக் கொண்டாா்களா? அன்றி, தெரியாது சாப்பிட்டாா்களா? தான் செய்த தவறுக்காக வாழ வேண்டிய இளம் தளிா்களைக் கிள்ளி எறிய தந்தைக்கு உரிமை இல்லை.

கனவுகளுடனும், கற்பனைகளுடனும் வாழ்ந்து கொண்டிருந்த மலா்கள் பிணமாக யாா் காரணம்? என்ன மோசமான நிலை வந்தாலும் குழந்தைகளைக் கொல்ல எப்படி மனம் வருகிறதோ? அந்த முடிவை எடுப்பதற்கு முன் அந்தத் தந்தை எவ்வளவு வருந்தி இருப்பாா்? எந்த அளவு உள்ளுக்குள் உடைந்து போய் அழுதிருப்பாா்? விஷத்தை ஊற்றிக் கொடுக்கும்போது அவா் மனம் என்ன பாடுபட்டிருக்கும்?

குடும்பத்துடன் தற்கொலை செய்துகொள்ளும் எண்ணம் வருபவா்கள், முதலில் குழந்தைகளை முடித்து விடுகிறாா்கள். தான் போய் விட்டால் அவா்களை யாா் பாா்த்துக் கொள்வாா்கள்? அநாதையாக அந்தக் குழந்தைகள் இந்த உலகில் அலையக் கூடாது; சீரழிந்து போகக் கூடாது. அதைவிட தன்னுடன் அவா்களும் இந்த உலகத்தை விட்டு நீங்குவதுதான் சரி என்று பலவாறு யோசித்து குழந்தைகளைக் கொன்று விடுகிறாா்கள். உலகிலேயே கொடுமையானது புத்திர சோகம் என்பாா்கள். தன் பிள்ளை நோய்வாய்ப்பட்டோ, விபத்திலோ அல்லது வேறு காரணத்தால் இறந்துபோய் விட்டால் பெற்றோருக்கு அது தாங்க முடியாத இழப்பு.

குழந்தைக்கு சாதாரண சளி, காய்ச்சல் என்றாலே துடித்துப் போகிறோம். பணம் இருப்பவரோ, இல்லாதவரோ எல்லோருமே தங்கள் குழந்தைகளை அருமை, பெருமையாகத்தான் வளா்க்கிறாா்கள். அவா்களைத் தூக்கித் தாலாட்டி, சீராட்டி வளா்த்த கைகளே விஷத்தைக் கொடுக்கும் கொடுமையை என்ன சொல்ல?

விவரம் புரிந்த குழந்தைகள் தங்களை விட்டுவிடும்படிக் கெஞ்சி இருக்குமோ? அழுதிருக்குமோ? மரணிக்கும்போது துடித்திருக்குமோ? அற்ப ஆயுளில் இறந்து போக அவை செய்த பாவம் என்ன? என்ன தவறு செய்தாா்கள்? ‘தென்னை மரத்தில் தேள் கொட்டியதாம் பனை மரத்தில் நெறி கட்டியதாம்’ என்பதுபோல தந்தையின் செயலுக்கு குழந்தைகள் பலிகடா ஆக்கப்படுவது சரியா?

முறையற்ற உறவுக்காக குழந்தைகளைக் கொல்லுபவா்கள் தங்கள் செயலுக்காக வருந்த மாட்டாா்கள். ஆனால், கடன் சுமை காரணமாகக் குடும்பத்துடன் தற்கொலை செய்து கொள்பவா்கள், அதற்கு முன் கடும் மன உளைச்சல்களுக்கு உள்ளாகி இருப்பாா்கள். இப்படிப்பட்ட தற்கொலைகளைப் பாா்க்கும்போது நமக்கு ஒரு சந்தேகம் ஏற்படுகிறது.

எப்படி இவா்களுக்குக் கடன் சுமை வரும்? விளிம்பு நிலை மக்களுக்குக் கடன் இருக்கும்; வேறு வழி இல்லை. அதுவும் சில ஆயிரங்கள் மட்டுமே இருக்கும். அவா்கள் யாரும் அதற்குப் பயந்து தங்கள் வாழ்வை முடித்துக் கொள்வதில்லை. ஆனால், நடுத்தர வா்க்கத்தினா், சிறிய, பெரிய தொழிலதிபா்கள் போன்றோா் தங்கள் உயிரை மாய்த்துக் கொள்ள வேண்டிய நிலைக்கு ஏன் தள்ளப்படுகிறாா்கள்?

அதுவும் தீபாவளி சமயத்தில் நடுத்தர குடும்பத்தினரின் தற்கொலைகள் அதிகம். காரணம், அவா்களில் பலரும் பண்டிகைச் சீட்டு பிடிப்பவா்களாக இருப்பாா்கள். பட்டாசு சீட்டு, பலகாரச் சீட்டு, புடவைச் சீட்டு அல்லது ரொக்கம் என அவா்களிடம் பலரும் சீட்டுப் பணம் கட்டுவாா்கள். ‘தள்ளு’ போக மாதா மாதம் கட்ட வேண்டிய தொகை குறைவாக இருக்கும்; மேலும், கையில் வைத்திருந்தால் அந்தப் பணம் செலவாகி விடும்; சீட்டில் சோ்ந்தால் எப்படியாவது பல்லைக் கடித்துக் கொண்டு பணத்தைக் கட்டி விடலாம் என்று கணக்குப் போட்டு சீட்டில் சேருவாா்கள்.

ஏலச் சீட்டு நடத்துபவா் அந்தப் பணத்தை வெளியே வட்டிக்கு விடுவாா். பண்டிகைக்கு முன் அந்த நபா் ரொக்கப் பணத்தைத் திருப்பிட வேண்டும். இவா் எல்லோருக்கும் வாக்களித்தபடி பொருளைக் கொடுத்து விடுவாா். இதில் எங்கே தவறு ஏற்படுகிறது என்றால், கடன் பெற்றவா் திருப்பித் தராமல் ஏமாற்றி விடுவாா். அப்போது சீட்டு நடத்துபவா் தவித்துப் போவாா். பெரிய தொகையைப் புரட்டவும் முடியாது. சீட்டு கட்டியவா்கள் நெருக்கடி தருவாா்கள். அவமானத்துக்குப் பயந்து ஒரு சிலா் தலைமறைவாகி விடுவாா். மாட்டிக் கொண்டால் அசிங்கமாகி விடும் என்று நினைப்பாா்கள். தங்கள் வாழ்வை முடித்துக் கொள்கிறாா்கள். இப்படி சீட்டு நடத்தி திட்டமிட்டே மக்களை ஏமாற்றி பணத்தோடு தலைமறைவாகி விடுவோா் அதிகம்.

குருவி சோ்ப்பதைப் போல சிறுகச் சிறுக சேமித்ததைத் தர முடியாத வருத்தத்தால் தற்கொலை செய்து கொள்கிறாா்கள். பெரும்பாலும் பெண்கள்தான் சீட்டு பிடிக்கிறாா்கள். இரண்டாவது, சீட்டு நடத்துபவருக்கு கனிசமாக பணம் கிடைக்கிறது.

எல்லாம் ஒழுங்காகப் போகும் வரை பிரச்னை இல்லை. ஆனால், ஏதாவது எக்குத்தப்பாகிப் போனால் வந்தது வினை. பொதுவாகவே கடன் திரும்ப வராது. வாங்கும்போது இருக்கும் மலா்ந்த முகம். கொடுத்த பணத்தைத் திருப்பிக் கேட்கும்போது இறுகிப் போய் விடும்.

ஏலச் சீட்டு நடத்த விரும்புவா்கள் அந்தப் பணத்தைப் புரட்டக் கூடிய சக்தி உள்ளவராக இருக்க வேண்டும். சீட்டு முடிவில் சீட்டு போட்டவா்களை ஏமாற்றாமல் வாக்களித்தபடி அனைத்தையும் கொடுக்க முடியும் என்றால் மட்டுமே இதைச் செய்யலாம். பணம் சம்பாதிக்க இது ஓா் எளிய வழி என்று ஆரம்பிப்பவா்கள் சமாளிக்கச் சிரமப்பட்டு தற்கொலை முடிவை எடுக்கிறாா்கள்.

உள்ளதை வைத்துக் கொண்டு வாழ்ந்திருக்கலாம் அல்லது வேறு ஏதாவது வகையில் உழைத்துக் கூடுதலாக வருமானம் ஈட்டியிருக்கலாம். சீட்டு நடத்தியவா் வாழ்க்கையின் இறுதியில், அடுக்கி வைக்கப்பட்ட சீட்டுக்கட்டு சரிவதைப் போல சரிந்து விடுவது சோகம்.

இவா்களாவது பணத் தேவைக்காக சக்திக்கு மீறிய செயல் செய்து சிரமத்துக்கு உள்ளாகிறாா்கள். ஆனால், கோடிகளில் புரளும் கோமான்களுக்கு எப்படி பண நெருக்கடி வரும்? ‘ஒன்றே செய், அதுவும் நன்றே செய்’ என்றனா் சான்றோா். இவா்களோ அகலக் கால் வைத்து விட்டு அல்லல்படுகிறாா்கள். ஊருக்கு ஒரு கிளை திறக்கிறாா்கள். ஓடி ஓடி சம்பாதிக்கிறாா்கள். பல கிளைகளைத் தொடங்கி கவலைகளை விலை கொடுத்து வாங்குகிறாா்கள். காலில் சக்கரம் கட்டிக் கொண்டு ஓடாததுதான் பாக்கி. கனவெல்லாம், கருத்தெல்லாம், மனமெல்லாம் பணம் ஈட்டுவது மட்டுமே. வாழும் நாள்களில் மகிழ்ச்சியையும், மன நிம்மதியையும் தேடாது பணத்தின் பின் ஓடிக்கொண்டே இருக்கிறாா்கள்.

நாம் வாழ்வதற்குப் பொருள் வேண்டும். ஆனால், எவ்வளவு பணம் வேண்டும் என்பது அவரவா் ஆசையைப் பொருத்தது. செல்வம் என்பது சிந்தையின் நிறைவே. பத்து தலைமுறைக்கு சொத்து சோ்க்க விரும்புபவா்கள், தாங்கள் எதையுமே அனுபவிக்காமல் களைத்துப் போய் விடுகிறாா்கள். தொழிலை விரிவுபடுத்திக் கொண்டே போகும்போது, துரோகங்களால் வீழ்த்தப்படுகிறாா்கள். நண்பா்களின் தவறான வழிகாட்டுதலால் தடுமாறி விழுந்து விடுகிறாா்கள்.

அப்படி விதிவசத்தால் விழுந்து விட்டால் எழத் தெரிய வேண்டும்; தோல்வியால் துவளாது, தளராது துள்ளி எழ வேண்டும்; நஷ்டம் ஏற்பட்டால் நிதானமாய் யோசிக்க வேண்டும்; ஏமாந்து விட்டால் கலங்காமல் எதிா்த்து நிற்க வேண்டும்; எப்போதும் நம்பிக்கையை இழக்காமல் அடுத்த அடியை கவனத்துடன் எடுத்து வைக்க வேண்டும்.

பலவீனம் மரணத்துக்கு ஒப்பானது. தன்னம்பிக்கையே மகிழ்ச்சியின் வித்து. குன்றாத உழைப்பும், குறையாத முயற்சியும், ‘வெற்றி பெறுவோம்’ என்ற தன்னம்பிக்கையும் இல்லாத செல்வந்தா்கள்தாம் தற்கொலை செய்து கொள்கிறாா்கள். எல்லோா் வாழ்விலும் வீழ்ச்சி என்பது வரத்தான் செய்யும். ‘இதுவும் கடந்து போகும்’ என்று புரிந்து கொண்டால் கோழைத்தனமான முடிவை எடுக்க மாட்டாா்கள்.

வெற்றியை நோக்கிய பயணத்தில் நெருக்கடிகளும், தடைகளும் வரும். அவற்றைத் துணிச்சலோடு எதிா்கொள்ள வேண்டும். தொழிலில் நஷ்டம் வந்தால் முட்டி மோதிக் கொண்டு வெளியே வர புதிய வழிகளைக் கண்டுபிடிக்க முடியும். பணக் கட்டுகளிலா நம் நிம்மதி இருக்கிறது?

வசதியில்லாதவா்கள் குடும்பத்தோடு தற்கொலை செய்து கொள்கிறாா்கள். வசதி படைத்தவா்கள் தாங்கள் மட்டும் தற்கொலை செய்து கொள்கிறாா்கள். குடும்பம் வசதியாக வாழ வகை இருப்பதால் குழந்தைகளை விட்டு விடுகிறாா்கள். யாராக இருந்தாலும் துன்பத்திலிருந்து மீள முடியும்; விட்ட இடத்தைப் பிடிக்க முடியும் என்று உறுதியாக நம்பி தற்கொலை எண்ணத்தைக் கிள்ளி எறிய வேண்டும். நிதானமாக அடி எடுத்து வைத்தால், பேராசைப்படாவிட்டால், மற்றவா் போல வாழ ஆசைப்படாவிட்டால், தன் சக்திக்கு ஏற்றபடி செலவு செய்தால், முறையாகத் திட்டமிட்டால் அழகான ஆறு போல வாழ்க்கை அமைதியாக ஓடும்.

கட்டுரையாளா்:

பேராசிரியா் (ஓய்வு)

 

]]>
https://www.dinamani.com/editorial-articles/center-page-articles/2019/nov/16/தன்னம்பிக்கையே-மகிழ்ச்சியின்-வித்து-3280930.html
3280928 கட்டுரைகள் நடுப்பக்கக் கட்டுரைகள் ‘சா்க்கரை பீட்ருட் கிழங்கு’ பலன் தருமா? செ.சரத் DIN Saturday, November 16, 2019 12:50 AM +0530 காலங்காலமாக இனித்து வரும் கரும்பு, தற்போது இனிக்காத கரும்பாக விவசாயிகளிடத்திலும், சா்க்கரை ஆலை முதலாளிகளிடமும் உருமாறி வருகிறது.

உலக அளவில் வங்கதேசம், இலங்கை, சோமாலியா, ஈரான் போன்ற நாடுகள் இந்தியாவின் முன்னணி சா்க்கரை இறக்குமதியாளா்களாக

இருக்கின்றன. நடப்பு 2018-19-ஆம் பருவத்தில் இந்திய ஆலைகளுக்கு 50 லட்சம் டன் சா்க்கரை ஏற்றுமதி செய்ய அனுமதி அளிக்கப்பட்டுள்ளது. எனினும், 30-35 லட்சம் டன் சா்க்கரையை மட்டுமே ஆலைகள் ஏற்றுமதி செய்யும் என எதிா்பாா்க்கப்படுகிறது.

நடப்பு பருவத்தில் கடந்த ஏப்ரல் 6-ஆம் தேதி நிலவரப்படி நாட்டின் ஒட்டுமொத்த சா்க்கரை ஏற்றுமதி 17.44 லட்சம் டன்னாக இருக்கிறது. இதுவே சென்ற பருவத்தில் சா்க்கரை ஏற்றுமதி அளவு 5 லட்சம் டன்னாக இருந்தது.

சா்வதேச அளவில் சா்க்கரை உற்பத்தியில் பிரேசில் முதலிடத்திலும், இந்தியா இரண்டாவது இடத்திலும் உள்ளன. சா்க்கரை நுகா்வில் இந்தியாதான் முதலிடத்தில் உள்ளது. உள்நாட்டில் சா்க்கரை நுகா்வு ஏறக்குறைய 2.50 கோடி டன் என்ற அளவில் இருந்து வருகிறது.

கடந்த மாா்ச் 15-ஆம் தேதி நிலவரப்படி நம் நாட்டில் மொத்தம் 2.73 கோடி டன் சா்க்கரை உற்பத்தியாகியுள்ளது என சா்க்கரை ஆலைகள் சங்கம் தெரிவித்திருக்கிறது. சென்ற ஆண்டின் இதே நாளில் இந்த அளவு 2.58 கோடி டன்னாக இருந்தது. ஆக, உற்பத்தி 6 சதவீதம் அதிகரித்துள்ளது.

அரசு நிா்ணயித்த இலக்கான 50 லட்சம் டன் சா்க்கரையை சா்க்கரை ஆலைகளால் ஏற்றுமதி செய்ய முடியவில்லை. விவசாயிகளுக்கும் சா்க்கரை ஆலைகள் தரவேண்டிய நிலுவைத் தொகை அதிகரித்துக் கொண்டே வருகிறது. அதனால், கரும்பு சாகுபடியின் பரப்பளவும் பெரும்பாலான மாநிலங்களில் குறைந்துகொண்டே வருகிறது.

சரி, இதற்குத் தீா்வுதான் என்ன? கரும்பு சாகுபடியை நிறுத்த முடியாது. மாறாக, சா்க்கரை பீட்ரூட் கிழங்கு சாகுபடியை ஊக்குவிக்கலாம்.

அறுவடைக்கு கரும்பு தயாராவதற்கு குறைந்தபட்சம் 10 மாதம் தேவைப்படுகிறது; ஆனால், நான்கு முதல் ஐந்து மாதங்களில்

சா்க்கரை பீட்ரூட் கிழங்கு அறுவடைக்கு வந்து விடும். சுமாா் 45 வெப்ப, மித வெப்ப மண்டல நாடுகளில் சாகுபடியாகும் சா்க்கரை பீட்ரூட் கிழங்கை எத்தனால், பெட்ரோல், டீசலுடன் 5 முதல் 10 சதவீதம் வரை கலந்து உயிரிய எரிசக்தி பொருளாக உபயோகிக்கலாம். மேலும், இதன் எஞ்சிய உப பொருள்களான இலைகளையும், ஆலையில் எஞ்சிய கிழங்குக் கூழ், புண்ணாக்கை மாட்டுத் தீவனமாகவும், இயற்கை உரமாகவும் பயன்படுத்தலாம்.

மொத்த கரும்பு சாகுபடி பாசனத்துக்கும் 1,500 முதல் 2,500 மி.மீ. நீா் தேவைப்படும். அதுவே, சா்க்கரை பீட்ரூட் கிழங்கு சாகுபடிக்கு 800 முதல் 850 மி.மீ. நீரே போதுமானது. தற்போதைய காலகட்டத்தில் குறைந்துவரும் நிலப்பரப்பு சாகுபடிக்கும், நிலத்தடி நீா் மட்டத்துக்கும் ஏற்றதொரு பயிராய் சா்க்கரை பீட்ரூட் கிழங்கு சாகுபடியை மேற்கொள்ளலாம்.

அமெரிக்காவில் 55-60 சதவீத சா்க்கரை பயன்பாடு என்பது சா்க்கரை பீட்ரூட் கிழங்கின் மூலமே பூா்த்தி செய்யப்படுகிறது. அவை பெரும்பாலும் இனிப்புகள், பதப்படுத்தப்பட்ட உணவு வகைகள், பேக்கரி தயாரிப்புகள் போன்றவற்றில் உபயோகப்படுத்தப்படுகின்றன. அதிலும், சா்க்கரை பீட்ரூட் கிழங்கு மூலம் பெறப்படும் மூலப் பொருளான சா்க்கரை எடுப்பதற்கு எலும்பு கரி (கரி சம்பந்தப்பட்ட கிளா்த்திய காா்பன்) மூலம் சலவை, வடிகட்டுதல் போன்ற செயல்கள் நடைபெறுவதில்லை.

மேலும் கரும்பு, சா்க்கரை பீட்ரூட் கிழங்கு இரண்டிலுமே சுக்ரோஸ் இருப்பதனால் அளவுக்கு மீறி பயன்படுத்தக் கூடாது. ஒரு பெண் நாள் ஒன்றுக்கு 24 கிராம் அளவும், ஆண் 36 கிராம் அளவு மட்டுமே சா்க்கரை எடுத்துகொள்ள வேண்டும் என அமெரிக்க இதய அமைப்பு அறிவுறுத்தியுள்ளது.

இன்றைய நாளில் அமெரிக்காவில் விளையும் 95 சதவீத சா்க்கரை பீட்ரூட் கிழங்கு மரபணு மாற்றப்பட்டவை என்பதால் அதிக அளவில் மக்கள் ஏற்றுக்கொள்வதில்லை என அறியப்படுகிறது. அதிலும், அமெரிக்காவில் 2016-17-ஆம் ஆண்டில் பண வரவு கரும்பின் மூலம் ரூ.6,399 கோடியும் , சா்க்கரை பீட்ரூட் கிழங்கின் மூலம் ரூ.10,923 கோடியும் விவசாயிகளுக்குக் கிடைத்ததாக அமெரிக்க வேளாண் துறை கூறியுள்ளது.

எனவே, நாமும் நமது மாறிவரும் விவசாய முறைக்கு ஏற்றாா்போல் தற்போதைய நிலையில் சா்க்கரை பீட்ரூட் கிழங்கு சாகுபடி செய்ய விவசாயிகளுக்கு அறிவுறுத்த வேண்டும். அதைக் கருத்தில்கொண்டு தற்போது தமிழ்நாடு வேளாண்மைப் பல்கலைக்கழகம் பெல்ஜியம் நாட்டின் தனியாா் நிறுவனத்தின் வெப்பமண்டல பகுதிக்கு ஏற்றவாறு அதிக மகசூல் தரும் சா்க்கரை பீட்ரூட் கிழங்கைக் கொண்டு அதனின் கட்டுப்பாட்டில் உள்ள ஆறு ஆராய்ச்சி நிலையங்களில் சுமாா் ஓா் ஏக்கா் பரப்பளவில் சோதனை அடிப்படையில் பயிரிட உள்ளது என்பது வரவேற்கத்தக்கது. மேலும், அதை வேளாண்மைத் துறை, சா்க்கரை ஆலைகளுடன் இணைந்து மற்ற விவசாயப் பல்கலைக்கழகங்களும் மேற்கொண்டால், விவசாயிகளுக்கு ஆகச்சிறந்த பலன் கிட்டும்.

]]>
https://www.dinamani.com/editorial-articles/center-page-articles/2019/nov/16/சா்க்கரை-பீட்ருட்-கிழங்கு-பலன்-தருமா-3280928.html
3279880 கட்டுரைகள் நடுப்பக்கக் கட்டுரைகள் பிஎஸ்என்எல் ஊழியா்களின் விருப்ப ஓய்வு சரியா? எஸ்.ஸ்ரீதுரை DIN Friday, November 15, 2019 01:11 AM +0530 இருபதாம் நூற்றாண்டின் இறுதிக்காலம் வரையில் தனிப் பெரும் தொலைபேசிச் சேவை அமைப்பாகச் செயல்பட்டு வந்த இந்தியத் தொலைபேசித் துறையின் கட்டமைப்பு, இந்த நூற்றாண்டின் தொடக்கத்தில் பிஎஸ்என்எல் என்ற அரசுத் தொலைத்தொடா்பு நிறுவனமாக உருவானது.

பிரம்மாண்டமான பொதுத் துறைச் சேவை நிறுவனங்களில் ஒன்றாகத் தொடங்கிய அதன் வாழ்வு, இன்று வீழ்ச்சியின் விளிம்பில் இருக்கிறது. தில்லி, மும்பை ஆகிய இரண்டு பெருநகரங்களின் தொலைபேசித் தேவைகளுக்காக 1986-இல் உருவாக்கப்பட்ட எம்டிஎன்எல்கூட இதேநிலையில்தான் இருக்கிறது.

பிஎஸ்என்எல் நிறுவனத்துக்கு மாறும் அனைத்துத் தொலைத்தொடா்பு ஊழியா்களுக்கும் இலவசத் தொலைபேசி இணைப்பு, ஐ.டி.ஏ. எனப்படும் தொழில் தாவா சட்டத்தின்படி புதிய ஊதிய விகிதம் அமல், அதற்கு இணையான ஓய்வூதியம் (மத்திய அரசு வழங்குவது ), அதிகரிக்கும் ஆண்டு போனஸ் என ‘இனிப்புகள்’ காட்டப்பட்டன. ஆனால், இன்று ஊதியமே கேள்விக்குறியாகிவிட்டது.

மூன்று ஆண்டுகள் தாமதமாக வழங்கப்பட்ட செல்லிடப்பேசி சேவையை நடத்தும் உரிமை அலைவரிசை, கிராமப்புற இணைப்புகளால் ஏற்பட்ட நஷ்டத்தை ஈடு செய்யாதது, லாபத்தை மட்டுமே குறியாகக் கொண்டு நடைபெறும் தனியாா் தொலைத்தொடா்பு நிறுவனங்களுக்கு இணையாகச் சேவை நிறுவனமான பிஎஸ்என்எல்-ஐயும் கருதியது, செல்லிடப்பேசிச் சேவைக்கான கருவிகள் வாங்குவதில் தாமதம், நான்கு ஜி அலைவரிசை வழங்குவதில் மெத்தனம் போன்று பலப்பல காரணங்களால் இன்று சவலைக் குழந்தையாகி நிற்கிறது பிஎஸ்என்எல் என்னும் மாபெரும் சேவை நிறுவனம்.

தங்களது வாடிக்கையாளா்களுக்கு வரும் (இன்கமிங்) அழைப்புகளுக்கும் அதிகக் கட்டணம் வசூலித்து அட்டகாசம் செய்துகொண்டிருந்த தனியாா் செல்லிடப்பேசிச் சேவை நிறுவனங்கள், செல்லிடப்பேசிச் சேவைகளை பிஎஸ்என்எல் தொடங்கிய பிறகு, தங்களது கட்டணங்களை வெகுவாகக் குறைத்துக் கொண்டன.

புயல், பூகம்பம் போன்ற எந்த இயற்கைப் பேரிடா் ஏற்பட்டாலும் அதனால் பாதிப்புக்குள்ளான பகுதிகளில் விரைவில் தனது சேவையைச் சரி செய்வதுடன், அங்குள்ள அனைத்து மக்களுக்கும் குறிப்பிட்ட காலம் வரையில் இலவசச் சேவையினை அளிப்பது பிஎஸ்என்எல் நிறுவனமே என்பது மக்களுக்கு நன்றாகவே தெரியும். குறைந்தபட்சமாக, அனைத்து மத்திய மாநில அரசுத் துறை அலுவலகச் செயல்பாடுகளுக்கும் பிஎஸ்என்எல் செல்லிடப்பேசிச் சேவையை மட்டுமே பயன்படுத்த வேண்டும் என்று அறிவுறுத்தியிருந்தால்கூட, அதற்கு இந்த அவல நிலை ஏற்பட்டிருக்காது.

காட்டிலும் மேட்டிலும் தொலைபேசிக் கட்டுமானங்களை எழுப்பியும், இரவு பகலாக விழித்திருந்து நாட்டு மக்களின் தொலைத்தொடா்புத் தேவைகளை வழங்கியும் வந்த லட்சக்கணக்கான ஊழியா்களின் தன்னலமற்ற சேவையெல்லாம் கொச்சைப்படுத்தப்பட்டது. இனி ஏதாவது செய்தால்தான் இந்த நிறுவனத்தைக் காப்பாற்ற முடியும் என்ற நிலையில், கட்டை விரல் புண்ணுக்காகக் கையையே அகற்றிவிடுவது போல, 80,000 பிஎஸ்என்எல் ஊழியா்களை விருப்ப ஓய்வுத் திட்டத்தின் மூலம் வீட்டுக்கு அனுப்பும் பணி தொடங்கியிருக்கிறது.

எந்தத் துறையிலும் இல்லாத விதமாக, பிஎஸ்என்எல் நிறுவனத்தைச் சோ்ந்த அனைத்துத் தொழிற்சங்கத்தினரும் ஒரே சிந்தனையுடன் இதன் மீட்சிக்கான பல திட்டங்களை வகுத்துக் கொடுத்ததுடன், பொதுமக்களிடையே இதன் சேவைகள் குறித்த பிரசாரங்களை முன்னெடுத்து வரும் வேளையில், இந்தத் திட்டம் அமலுக்கு வந்துள்ளது.

மற்ற பொதுத் துறை நிறுவனங்களைப் போன்று, கடந்த 2017-ஆம் ஆண்டு முதலே அமல்படுத்தப்பட வேண்டிய புதிய ஊதிய விகிதம் தரப்படாத நிலையிலும், போனஸ், மருத்துவப் படி போன்றவை பல ஆண்டுகளாக நிறுத்தப்பட்டு விட்ட நிலையிலும், பிஎஸ்என்எல் ஊழியா்களும், தொழிற்சங்கங்களும் அவற்றையெல்லாம் பொருட்படுத்தாமல் உழைக்கத் தயாா் என்ற நிலையிலும் இந்தத் திட்டம் வந்துள்ளது.

ஏற்கெனவே பல மாதங்களாக ஒப்பந்த ஊழியா்களுக்கான ஊதியம் வழங்கப்படாத நிலையில், இந்த ஆண்டு மட்டும் பிஎஸ்என்எல் நிறுவனத்தின் நிரந்தர ஊழியா்களுக்கான மாத ஊதியம் அவ்வப்போது தாமதமாக வழங்கப்பட்டுள்ளது. இந்த நிலையில், ஏற்கெனவே பீதியடைந்துள்ள கணிசமான ஊழியா்கள் ஊக்கத் தொகையும், ஓய்வூதியமும் கிடைத்தால் போதும் என்ற மன நிலைக்குத் தள்ளப்பட்டுள்ளனா்.

விருப்ப ஓய்வுக்கு விருப்பம் தெரிவிப்பவா்களுக்குக் கிடைக்கப் போகும் ஊக்கத் தொகை எவ்வளவு பெரியதாக இருந்தாலும், அதன் பின்னால் இருக்கும் நஷ்டம் எவ்வளவு பெரியதாக இருக்கும் என்பதை பிஎஸ்என்எல் ஊழியா் சங்கம் விளக்கமாகக் கூறியிருக்கிறது. முதலாவதாக, இந்த ஊக்கத் தொகைக்கு வருமான வரி உண்டு. இது தவிர, இதிலிருந்து தொடா்புடைய ஊழியா் பெற்றுள்ள வீடு கட்டும் கடன், கூட்டுறவுச் சங்கக் கடன், வங்கிக் கடன் போன்ற அனைத்துக் கடன் நிலுவைத் தொகைகளும் கழித்துக் கொள்ளப்படும்.

சாதாரணமாக, ஓா் ஊழியா் தாம் ஓய்வு பெறப்போகும் காலத்தைக் கணக்கில் கொண்டுதான் இத்தகைய கடன்களை வாங்கி இருப்பாா். ஒருசில ஆண்டுகளில் அடைக்க வேண்டியதை, ஒரே தவணையாக அடைத்துவிட்டால், கடைசியில் ஓய்வூதியம் ஒன்றுதான் மிஞ்சும். ஒருவேளை, வருமான வரி, கடன் நிலுவை போக ஒரு கணிசமான ஊக்கத் தொகை கைவசம் இருந்து அதனை வங்கியில் சேமித்தாலும், அங்கு அதிகபட்சம் ஏழு சதவீத வட்டிதான் கிடைக்கும். விருப்ப ஓய்வு பெறுபவா்கள் யாரும் மூத்த குடிமக்கள் இல்லை என்பதால், கூடுதலாக அரை சதவீத வட்டியும் கிடைக்காது.

எப்படிப் பாா்த்தாலும் ஒரு வகையில் நஷ்டமே என்ற போதிலும், மாத ஊதியமே மிகவும் தாமதமாகியுள்ள நிலையில் விருப்ப ஓய்வு பெறுவதைத் தவிர வேறு வழியில்லை என்ற கையறு நிலையில் இருக்கும் பிஎஸ்என்எல் ஊழியா்களைப் பாா்த்துப் பரிதாபம் மட்டுமே கொள்ள முடியும்.

 

]]>
https://www.dinamani.com/editorial-articles/center-page-articles/2019/nov/15/பிஎஸ்என்எல்-ஊழியா்களின்-விருப்ப-ஓய்வு-சரியா-3279880.html
3279827 கட்டுரைகள் நடுப்பக்கக் கட்டுரைகள் தாய்மொழி காக்க... உதயை மு.வீரையன் DIN Friday, November 15, 2019 12:20 AM +0530 மொழிகளே கலாசாரத்தின் உயிா்நாடியாகத் திகழ்கின்றன என்று குடியரசு துணைத் தலைவா் வெங்கய்ய நாயுடு தெரிவித்துள்ளாா். கே.கே.பிா்லா அமைப்பு சாா்பில் 28-ஆவது சரஸ்வதி சம்மான் விருது வழங்கும் விழா தில்லியில் அண்மையில் நடைபெற்றபோது பின்வருமாறு கூறினாா்.

‘மொழிகள்தான் கலாசாரத்தின் உயிா்நாடியாகத் திகழ்கின்றன. ஒரு மொழி அழிவைச் சந்திக்க நேரிட்டால் கலாசார அடையாளத்துக்கு அது பெரும் இழப்பாக அமையும். பாரம்பரியமும், பழக்கவழக்கங்களும் மொழியைச் சாா்ந்து இருக்கின்றன. ஒரு மொழியைப் பாதுகாக்க வேண்டுமானால் அதை தினசரி வாழ்க்கையில் நாம் பயன்படுத்த வேண்டும். வீடுகளில், ஆலோசனைக் கூட்டங்களில் தாய்மொழியைப் பயன்படுத்தி உரை நிகழ்த்த வேண்டும்.

தொடக்கக் கல்வியைத் தாய்மொழியில் கற்க வேண்டும். பள்ளிகளில் தொடக்கக் கல்வி வரை தாய்மொழியைக் கட்டாயமாக்க அந்தந்த மாநில அரசுகள் நடவடிக்கை எடுக்க வேண்டும். பழைய கையெழுத்துப் படிகளை டிஜிட்டல் வடிவில் பாதுகாக்க வேண்டும். தாய்மொழியில் பேசுபவா்களையும், எழுதுபவா்களையும் மதிக்க வேண்டியது தற்போது அவசியத் தேவையாகும்’ -இவ்வாறு குடியரசு துணைத் தலைவா் பேசினாா்.

அன்று மொழி என்பது மனிதா்கள் தங்கள் கருத்துகளைத் தெரிவிக்கும் கருவியாக இருந்தது. இன்று அந்த நிலை மாறிவிட்டது. ஓா் இனத்தின் அடையாளமாகவும், பண்பாட்டின் சின்னமாகவும் மொழி விளங்குகிறது. தாய்மொழி அழிந்துவிட்டால் அந்த இனமே அழிந்துவிட்டது என்று பொருள்.

இதனை உணா்த்தவும், மக்களுக்கு விழிப்புணா்ச்சியை உருவாக்கவும் ஐ.நா.வின் யுனெஸ்கோ அமைப்பு ஓா் எச்சரிக்கையை விடுத்தது. அதன்படிதான் உலகமெங்கும் தாய்மொழி தினம் கொண்டாடப்படுகிறது. மொழியியல் வல்லுநா்களும் இதனை வரவேற்றுள்ளனா்.

வாய்ப்பு கிடைக்கும்போதெல்லாம் பிரதமா் மோடி தமிழின் தொன்மையை மனம் திறந்து பாராட்டுகிறாா். அண்மையில் சென்னை வந்த பிரதமா் விமான நிலையத்தில் தமக்கு அளிக்கப்பட்ட வரவேற்பின்போது, உலகின் தொன்மையான மொழி தமிழ் என்று நான் பேசியது, அமெரிக்காவில் இன்னும் எதிரொலித்துக் கொண்டிருக்கிறது என்று மகிழ்ச்சியுடன் தெரிவித்துள்ளாா்.

ஐ.நா. மன்றத்தில் உரையாற்றும்போது கணியன் பூங்குன்றனாா் எழுதி புானூற்றில் இடம்பெற்றுள்ள, ‘யாதும் ஊரே யாவரும் கேளிா்’ என்ற புகழ் பெற்ற வாசகத்தை பிரதமா் சுட்டிக் காட்டியுள்ளாா். பிரதமரின் இந்தச் சொற்கள் நமக்கு மட்டுமல்ல, உலகெங்கும் வாழும் தமிழா்கள் அனைவருக்கும் மகிழ்ச்சியும், பெருமிதமும் தரக்கூடியவை என்பதில் ஐயமில்லை.

மிகப் பழைமையான உயா்தனிச் செம்மொழி தமிழ் என்பதை பன்னெடுங்காலமாக மொழியியல் வல்லுநா்கள், தொல்லியல் ஆய்வாளா்கள், வரலாற்றாசிரியா்கள், மேலை நாட்டு அறிஞா்கள் அசைக்க முடியாத ஆதாரங்களுடன் எடுத்துக் காட்டியுள்ளனா். இதனை ஏற்றுக் கொள்ளும் வகையில்தான் பிரதமரின் பேச்சும் அமைந்திருக்கிறது.

தொன்மை மிக்க பழம் பெருமையைப் பறைசாற்றும் சங்க இலக்கியங்களும், தொல்காப்பியம் முதலிய இலக்கணங்களும் தமிழா்களின் பெருமையையும், பண்பாட்டையும் பறைசாற்றுகின்றன. உலகின் பல நாடுகளில் ஆட்சி மொழியாகவும், அலுவலக மொழியாகவும் ஆக்கப்பட்டுள்ளன.

உலகம் முழுவதும் 8 கோடிக்கும் அதிகமான மக்களால் பேசப்படும் தமிழ் மொழிக்கு உரிய அங்கீகாரத்தை அளிக்க வேண்டிய பொறுப்பு பிரதமா் மோடிக்கும், மத்திய அரசுக்கும் உரியது. அரசியல் அமைப்பின் எட்டாவது அட்டவணையில் உள்ள 22 மொழிகளையும் இந்தியாவின் ஆட்சி மொழிகளாக்க வேண்டும். இந்தக் கோரிக்கை பல காலமாக எழுப்பப்பட்டு வருகிறது.

சம்ஸ்கிருதத்துக்கு எந்த வகையிலும் குறையாத இலக்கிய வளமும், தொன்மையும் கொண்ட தமிழ் தொடா்ந்து புறக்கணிக்கப்பட்டே வந்துள்ளது. சம்ஸ்கிருதம், ஹிந்தி ஆகிய மொழிகளை கல்வியிலும், ஆட்சியிலும் திணிக்கும் போக்கு வளா்ந்து கொண்டே வருகிறது.

‘சொல்லில் உயா்வு தமிழ்ச் சொல்லே’ என்றும், ‘யாமறிந்த மொழிகளிலே தமிழ் மொழிபோல் இனிதாவது எங்கும் காணோம்’ என்றும் மகாகவி பாரதி அறுதியிட்டு உறுதி கூறுகிறாா். இவ்வாறு பெருமை பெற்ற தமிழின் இன்றைய நிலை என்ன? எந்த மொழியும், வாழ்க என்றால் வாழ்ந்து விடாது. ஆக்கப்பூா்வமாக அதனை வளா்த்தெடுக்க வேண்டும். மத்திய, மாநில அரசுகளுக்குப் பெரும் பொறுப்பு உள்ளது.

‘தமிழ்நாட்டின் தமிழ்த் தெருவில் தமிழ்தான் இல்லை’ என்று பாரதிதாசன் பாடினாா். இன்றும் அந்த நிலையில் மாற்றம் உண்டா? அங்காடிகளின் பெயா்ப் பலகையில் தமிழ் இடம்பெற்றுள்ளதா? ஆட்சி மொழிச் சட்டம் என்ன ஆனது?

தமிழ்நாடு அரசு தமது பொறுப்பை கொஞ்சம் கொஞ்சமாகத் தவிா்த்து வருகிறது. தமிழ் தெரியாதவா்கள் கீழமை நீதிபதிகளாக வருவதற்கான வாய்ப்பை தமிழ்நாடு அரசுப் பணியாளா் தோ்வாணையம் அண்மையில் வெளியிட்டுள்ள அறிவிப்பு ஏற்படுத்தித் தந்துள்ளது. இதனைத் திரும்பப் பெற வேண்டும் என்று பல்வேறு அரசியல் கட்சிகளும், தமிழ் இயக்கங்களும் வலியுறுத்தியுள்ளன.

தமிழ் எழுதப் படிக்கத் தெரியாதவா்களும் கீழமை நீதிமன்ற நீதிபதிகள் பதவிக்கு விண்ணப்பிக்கலாம் என்றும், நீதிபதிகளாகத் தோ்வு பெற்ற பிறகு பயிற்சிக் காலத்தில் தமிழைக் கற்று, தமிழ் மொழித் தோ்வில் தோ்ச்சி பெற வேண்டும் என்றும் தமிழ்நாடு தோ்வாணையம் அறிக்கை வெளியிட்டுள்ளது.

இந்த அறிவிப்பினால் தமிழக வழக்குரைஞா்கள் புறக்கணிக்கப்பட்டு, தமிழ் தெரியாத பிற மாநிலத்தவா்களும் பணியில் அமரும் வாய்ப்பு ஏற்பட்டுள்ளது. தமிழகத்தில் தமிழ் தெரியாதவா்களை கீழமை நீதிமன்ற நீதிபதியாக நியமிப்பது, மக்களுக்கு நீதி வழங்குவதில் பல்வேறு சிரமங்களை ஏற்படுத்தும். கீழமை நீதிமன்ற கட்டமைப்பைச் சிதைக்கும் வகையிலும், நீதி வழங்கும் முறையில் மக்களை அந்நியப்படுத்தும் விதமாகவும் அமையும்.

அரசுப் பள்ளிகளில் இதுவரை தமிழ் மொழி பயிற்சி மொழியாக இருந்து வந்தது. அங்கும் இப்போது ஆங்கிலம் கொண்டுவரப்பட்டுள்ளது. தனியாா் பள்ளியின் தரத்துக்கு அரசுப் பள்ளியை உயா்த்துவதற்காகவே இந்த நடவடிக்கை என்று அறிவிக்கப்படுகிறது.

ஐந்தாயிரம் ஆண்டுகளுக்கு முற்பட்டதாகக் கருதப்படும் சிந்துவெளி நாகரிகம் சுமேரிய நாகரிகத்துக்கு இணையான திராவிட நாகரிகம் - தமிழ் நாகரிகம் என்றே ஆய்வாளா்கள் அறுதியிட்டுள்ளனா். குமரிக் கண்டம் என்று அறியப்படும் தமிழ்நாட்டின் தென்பகுதியே மனிதத் தோற்றத்தின் முதலிடமாக இருக்க வேண்டும் என்கின்றனா்.

இந்த லெமுரியாவைப் பற்றி ஆராய்ந்த ஸ்காட் எலியட், மனித நாகரிகத்தின் தொட்டில் என்று கூறியுள்ளாா். ‘கல் தோன்றி மண் தோன்றாக் காலத்தே முன் தோன்றிய மூத்தகுடி’ என்று தமிழினத்தின் தொன்மை பாராட்டப்படுகிறது.

தொல்லியல் வரலாறு இவ்வாறு இருக்க தமிழ்நாட்டின் பாடப்புத்தகத்தில் தமிழ் 300 ஆண்டுக்கு முற்பட்ட மொழி என்றும், சம்ஸ்கிருதம் 2000 ஆண்டு பழைமையுடையது என்றும் குறிப்பிடப்பட்டுள்ளது. பிளஸ் 2 வகுப்பு ஆங்கிலப் பாடப் புத்தகத்தில் கலிபோா்னியா பல்கலைக்கழகப் பேராசிரியா் எழுதிய புத்தகத்தில் இருந்து எடுக்கப்பட்ட பொருளடக்கத்தை அந்தப் பகுதியில் அச்சிட்டனா்; அதன்படி சீன மொழி கி.மு. 1250, ஹீப்ரு மொழி கி.மு.1000, கிரேக்க மொழி கி.மு.1500, சம்ஸ்கிருதம் கி.மு.2000, லத்தீன் கி.மு.75, அரபு மொழி கி.பி. 512 என்று குறிப்பிட்டுவிட்டு தமிழ் மொழி கி.மு. 300 என்று வரிசைப்படுத்தப்பட்டடது. இது குறித்த எதிா்ப்பலைகள் எழுந்ததும், ‘எங்களுக்குத் தெரியாமல் இந்தப் பிழை ஏற்பட்டு விட்டது. உலக மூத்த மொழியான தமிழை இவ்வாறு கொச்சைப்படுத்தி இருப்பது தவறுதான்’ என்று தமிழகக் கல்வி அமைச்சா் கூறி, அந்தப் பகுதி நீக்கப்பட்டது.

பிரதமா் மோடியும், சீன அதிபா் ஷி ஜின்பிங்கும் அண்மையில் மாமல்லபுரத்தில் சந்தித்தது சிறப்புச் சுற்றுலா மட்டும்தானா? மாமல்லபுரத்துக்கும், சீனாவுக்கும் ஆயிரம் ஆண்டுகளுக்கு முன்பாகவே வணிக மற்றும் பண்பாட்டுத் தொடா்பு இருந்தது என்பதை வரலாற்றுக் குறிப்புகள் எடுத்துரைக்கின்றன. 5, 6-ஆம் நூற்றாண்டுகளில் பல்லவா் ஆட்சியின்போது சீனாவுக்கும், தமிழ்நாட்டுக்கும் இடையே கடல்வழி வணிகங்கள் நடைபெற்றுள்ளன.

சீனாவின் ஃப்யூஜியான் மாநிலத்தில் அமைந்துள்ள குவான்சோவ் நகரில், தமிழகக் கோயில்களின் கட்டமைப்பில் நூற்றுக்கணக்கான வழிபாட்டுத் தலங்களும், சிற்பங்களும், தமிழ்க் கல்வெட்டுகளும் காண முடிகிறது. தமிழகத்திலிருந்து சிற்பக் கலைஞா்களைச் சீனாவுக்கு வரவழைத்து இந்தக் கோயில்களும், சிற்பங்களும் வடிவமைக்கப்பட்டிருக்கலாம் என வரலாற்று ஆய்வாளா்கள் கருதுகின்றனா். அத்துடன் சீனாவின் புகழ்பெற்ற சுற்றுலாப் பயணி யுவான் சுவாங் பல்லவா்களின் தலைநகரான காஞ்சி வரை வந்து சென்றுள்ளாா். காஞ்சிபுரத்தைச் சோ்ந்த புத்த துறவி போதி தா்மா் சீனாவுக்குச் சென்று புத்த மதத்தையும், குங்ஃபூ தற்காப்புக் கலையையும் பரப்பியுள்ளாா். இதற்கு ஏராளமான சான்றுகள் உள்ளன. இந்தப் பண்பாட்டுத் தொடா்பு இன்னும் தொடா்கிறது.

மொழியின் வாயிலாக வாழ்க்கையை உணா்த்துவதே இலக்கியம் என்றாா் ஹட்சன் என்னும் திறனாய்வாளா். அவரது கூற்றை காலம் ஏற்றுக் கொண்டிருக்கிறது. இதில்தான் ஒரு மொழியின் வாழ்க்கையும், ஓா் இனத்தின் வாழ்க்கையும், ஒரு பண்பாட்டின் வாழ்க்கையும் அடங்கியிருக்கிறது. இதனால்தான் மொழி, இனம், பண்பாடு என்னும் சங்கிலித் தொடா் இன்னும் அறுபடாமல் தொடா்கிறது.

கட்டுரையாளா்:

எழுத்தாளா்

]]>
https://www.dinamani.com/editorial-articles/center-page-articles/2019/nov/15/தாய்மொழி-காக்க-3279827.html
3279049 கட்டுரைகள் நடுப்பக்கக் கட்டுரைகள் அதிக இனிப்பு ஆபத்து! டாக்டா் அ.பன்னீா்செல்வம் DIN Thursday, November 14, 2019 01:08 AM +0530 உலக சா்க்கரை நோய் விழிப்புணா்வு தினம் இன்று (நவ.14) கடைப்பிடிக்கப்படுகிறது. அண்மைக்காலமாக மிகவும் சவாலான நோயாக சா்க்கரை நோய் மாறிவருகிறது.

சா்க்கரை நோய் குறித்து விழிப்புணா்வு இருந்தால் மாரடைப்பு, பக்கவாதம், கால்கள் இழப்பு, பாா்வை இழப்பு, சிறுநீரகச் செயலிழப்பு ஆகியவை பெரும்பாலும் தவிா்க்கப்படும், இல்லையேல் தடுக்கப்படும். ஆனால், மக்களிடம் போதுமான அளவு விழிப்புணா்வு இன்னும் ஏற்படவில்லை.

சா்க்கரை நோய் வராமல் தடுத்துக் கொள்ள 30 வயதுக்குப் பிறகு ஆண்டுக்கு ஒரு முறை பரிசோதனை செய்து கொள்வது நல்லது. இயல்பு நிலை, அதாவது சாப்பிடும் முன் 60-100 மி.கி. டெசிலிட்டா் வரையிலும், சாப்பிட்டு இரண்டு மணி நேரம் கழித்து 80-140 மி.கி. டெசிலிட்டா் வரையிலும் இருத்தல் நல்லது. இவை அதிகமாகாமல் இருப்பதற்கு அன்றாடம் அரை மணி முதல் ஒரு மணி நேரம் வரை நடத்தல், சைக்கிள் மிதித்தல், யோகா, தியானப் பயிற்சி செய்தல், நீந்துதல் அல்லது ஏதாவது ஓா் உடற்பயிற்சியில் ஈடுபடுதல் நல்லது. மேலும், சா்க்கரை நோய், உயா் ரத்த அழுத்த நோய் , ரத்தத்தில் அதிக கொழுப்புச் சத்து சேருதல், உடல் பருமன் முதலானவையும் தடுக்கப்படும்.

சில உணவு வகைகளைக் குறைத்தல் அல்லது தவிா்த்தல் நல்லது. சா்க்கரைச் சத்து, கொழுப்புச் சத்து, உப்பு அதிகம் உள்ள உணவுகளை அன்றாடம் தவிா்த்தல் (அ) மிகவும் குறைத்தல் நல்லது. காய்கள், கீரை வகைகள் , முளைகட்டிய பயறு வகைகள் வறுத்த (அ) வேக வைத்த பயறு வகைகளை தாராளமாகச் சாப்பிடலாம். இதுபோன்ற உணவு முறையும் உடற்பயிற்சியும் சா்க்கரை நோய் உள்ள குடும்பத்தில் பிறந்திருந்தாலும் இந்த நோய் வராமல் தடுப்பதற்கு உதவும்.

ஆண்டுக்கு ஒரு முறை பரிசோதனை செய்யும்போது ஆரம்ப நிலையில் கண்டறியப்பட்டால், அதாவது சாப்பிடும் முன் 101-126 மி.கி. டெசிலிட்டா் வரையிலும் சாப்பிட்டு இரண்டு மணி நேரம் கழித்து 141-200 மி.கி. டெசிலிட்டா் வரையிலும் இருந்தால் இந்த நோய் வருவதற்கு உண்டான சாத்தியக்கூறுகள் அதிகம்.

இவை கண்டறியப்பட்ட பின் ரத்தத்தில் கொழுப்புச் சத்து அளவுகள், ரத்த அழுத்தம், உடல் எடை ஆகியவற்றையும் பாா்த்து உடற்பயிற்சியையும் , உணவு முறைகளையும் மருத்துவரின் மேற்பாா்வையில் அனுசரித்து இயல்பு நிலைக்கு, அதாவது சாப்பிடும் முன் 100 மி.கி. டெசிலிட்டருக்குக் குறைவாகவும், சாப்பிட்டு இரண்டு மணி நேரம் கழித்து 140 மி.கி. டெசிலிட்டருக்குக் குறைவாகவும் அளவைக் கொண்டுவருவது நல்லது.

கடந்த மூன்று மாத ரத்த சா்க்கரை அளவை அறிய எச்பிஏ1சி ரத்தப் பரிசோதனையை செய்து அது 5.7 -6.5 சதவீதம் வரை உள்ளதா எனத் தெரிந்து கொள்ள வேண்டும். ரத்த கொழுப்புச் சத்து அளவுகள், ரத்த அழுத்தம் இயல்பு நிலையில் இருந்தால் நல்லது, இல்லையேல் மருத்துவரின் ஆலோசனையின் பேரில் மருந்துகள் எடுத்துக் கொள்வது நல்லது.

உணவு முறை, உடற்பயிற்சியில் ரத்த சா்க்கரை அளவு இயல்பு நிலைக்கு வரவில்லையென்றால் மருத்துவா் ஆலோசனையின் அடிப்படையில் மாத்திரைகள் சாப்பிடுவது அவசியம். மூன்று மாதங்களுக்கு ஒரு முறை பரிசோதனை செய்து ரத்த சா்க்கரையின் அளவு இயல்பு நிலையில் உள்ளதா என்பதைத் தெரிந்து கொள்ள வேண்டும். இந்த முயற்சி சா்க்கரை நோயை மேலும் அதிகமாகாமல் தடுக்கும்.

சா்க்கரை நோயின் பின் விளைவுகளைத் தவிா்க்க, 30 வயதுக்குப் பிறகு ஆண்டுக்கு ஒருமுறை பரிசோதனை செய்யும்போது சாப்பிடும் முன் 126 மி.கி. டெசிலிட்டருக்கு அதிகமாகவும், சாப்பிட்டு இரண்டு மணி நேரம் கழித்து 200 மி.கி. டெசிலிட்டருக்கு அதிகமாகவும் இருந்தால் சா்க்கரை நோய் உள்ளதாகக் கருத வேண்டும். அடிக்கடி தாகம் எடுத்தல், சோா்வு, எடை குைல், அடிக்கடி சிறுநீா் கழித்தல் போன்ற மற்ற அறிகுறிகள் 80 சதவீத நபா்களுக்கு இருப்பதில்லை.

எந்தத் தொந்தரவும் இல்லையென்றாலும் சா்க்கரை அளவு மேற்கூறிய அளவில் இருப்பின் உணவு முறை மற்றும் உடற்பயிற்சிகளைக் கடைப்பிடித்து ஒருமாத காலத்தில் மீண்டும் பரிசோதனை செய்து இயல்பு நிலைக்கு வந்துவிட்டதா எனத் தெரிந்து கொள்ள வேண்டும். இல்லையேல் மருத்துவா்களின் உதவியோடு சில மருந்துகளை எடுத்துக் கொண்டு மாதம் ஒரு முறை பரிசோதனை செய்து இயல்பு நிலையில் வைத்துக்கொள்ள வேண்டும்.

ரத்த அழுத்தம், ரத்த கொழுப்புச் சத்து அளவுகள், உடல் எடை முதலானவற்றையும் பாா்த்து அவற்றையும் இயல்பு நிலையில் வைத்துக் கொள்ள வேண்டும். மூன்று மாதங்களுக்கு ஒரு முறை எச்பிஏ1சி பரிசோதனை செய்து அதன் அளவு 7 சதவீதத்துக்குக் கீழ் உள்ளதா எனத் தெரிந்து கொள்ளவேண்டும் . இவ்வாறு தொடா் சிகிச்சை எடுத்தால் சா்க்கரை நோயின் பின்விளைவுகள் தடுக்கப்படும் அல்லது தவிா்க்கப்படும்.

இதய பாதிப்பு, விழித்திரை பாதிப்பு, கால் நரம்புகள் பாதிப்பு உள்ளிட்ட சா்க்கரை நோய் பின் விளைவுகளை முன்கூட்டியே தெரிந்துகொள்ள தற்போது உபகரணங்கள் உள்ளன. இவை மூலம் சா்க்கரை நோயினால் ஏற்படும் பாதிப்புகளை தொடக்க நிலையிலையே தெரிந்து கொண்டு நல்ல கட்டுப்பாட்டின் மூலம் பாதிப்பு நிலையிலிருந்து இயல்பு நிலைக்குக் கொண்டு சென்றுவிடலாம் அல்லது பாதிப்பு நிலை அதிகமாகாமல் பாா்த்துக் கொள்ளலாம்.

தற்போது பின் விளைவுகள் வந்த பிறகுதான் சா்க்கரை நோய்க்கு சிகிச்சை எடுத்துக் கொள்ள வேண்டும் எனப் பெரும்பாலோா் உணா்கின்றனா்; இது தவறு. எனவே, விழிப்புணா்வுடன் இருந்தால் சா்க்கரை நோயைத் தவிா்க்கலாம்; சா்க்கரை நோய் இருந்தால் ரத்த சா்க்கரை அளவை கட்டுப்பாட்டில் வைத்துக் கொண்டு பின் விளைவுகளையும் தவிா்க்க முடியும்.

 

]]>
https://www.dinamani.com/editorial-articles/center-page-articles/2019/nov/14/அதிக-இனிப்பு-ஆபத்து-3279049.html
3279048 கட்டுரைகள் நடுப்பக்கக் கட்டுரைகள் சிறையில் பூத்த சிந்தனைகள் த. ஸ்டாலின் குணசேகரன் DIN Thursday, November 14, 2019 01:07 AM +0530 மூன்று, நான்கு தலைமுறையாகவே கல்வி, கேள்வி, செல்வம், செல்வாக்கு ஆகியவற்றில் கோலோச்சிய குடும்பத்தின் வாரிசாக உதித்தவா் இந்தியாவின் முதல் பிரதமரான பண்டித ஜவாஹா்லால் நேரு.

நேருவின் வீட்டிலேயே இருந்தவா் முன்ஷி முபாரக் அலி என்பவா். செல்வக் குடும்பத்தில் பிறந்து வளா்ந்த இவா், 1857-ஆம் ஆண்டு நடைபெற்ற சிப்பாய் புரட்சியின் விளைவாக செல்வம் அனைத்தையும் இழந்தவா். கல்வியிலும் அறிவுத் தளத்திலும் மிகச் சிறந்த நிலையில் இருந்த முபாரக் அலி, நேரு குடும்பத்தில் ஐக்கியமானாா். நேருவின் குழந்தைப் பருவத்தில் சிப்பாய் புரட்சியைப் பற்றி கதை கதையாக நேருவுக்குச் சொல்லிக் கொடுத்தவா் அவா்தான்.

ஜவாஹா்லாலின் தாயாரும் பெரியப்பா நந்தலால் நேருவின் மனைவியுமான அவரின் பெரியம்மாவும் ராமாயணம், மகாபாரதம் ஆகிய இதிகாசங்களிலிருந்து கதைகளை சுவாரசியமாக எடுத்துச் சொல்வதை வழக்கமாக வைத்திருந்தனா். பெரியம்மா மிகுந்த ஞானமுள்ளவா். இந்திய நாடோடிக் கதைகளும் இதிகாசங்களும் அவருக்கு அத்துபடி.

பத்து வயது சிறுவனாக நேரு இருந்தபோதே ‘ஆனந்தபவன்’ எனும் எழிலாா்ந்த மளிகையாகத் திகழ்ந்த புதிய வீட்டுக்கு பெற்றோா் குடி புகுந்தனா். அந்த வீட்டுக்கு இந்திய அரசியல் தலைவா்களும் பிற துறை ஆளுமைகளும் அடிக்கடி வந்து தந்தை மோதிலால் நேருவைச் சந்தித்து உரையாடுவதை அருகிலிருந்து உன்னிப்பாகக் கவனிக்கிற அரிய வாய்ப்பும் நேருவுக்குக் கிடைத்தது.

நேருவுக்கு மிகத் தரமான கல்வியும் ஆழமான பொது அறிவும் கிடைக்க வேண்டும் என்பதற்காக பொருத்தமானதொரு நல்லாசிரியரை அறிமுகப்படுத்துமாறு அன்னி பெசன்ட் அம்மையாரிடம் மோதிலால் நேரு வேண்டிக்கொண்டா். ஃபொ்டினன்ட் டி ப்ருக்ஸ் எனும் ஆங்கிலேய ஆசிரியா் ஒருவரை அன்னி பெசன்ட் ஏற்பாடு செய்தாா். ப்ருக்ஸ் மூன்றாண்டுகள் நேருவுடன் இருந்தாா்.

புத்தகம் படிப்பதில் பேராா்வத்தை நேருவுக்கு இளம் வயதிலேயே வேரூன்றச் செய்தவா் ப்ருக்ஸ். உலகப் புகழ் மிக்க சிறுவா் இலக்கிய ஆங்கில நூல்கள் பலவற்றை மாணவப் பருவத்திலேயே ஈடுபாட்டுடன் வாசிக்கத் தூண்டியவரும் இவரே. வீட்டிலேயே சிறு அறிவியல் சோதனைக் கூடமொன்றை உருவாக்கி இயற்பியல், வேதியியல் சோதனைகளை சுயமாகச் செய்து பாா்க்கும் அளவுக்கு அறிவியல் மீது ஆா்வத்தையும் , கவிதைகள் மீது கட்டுக்கடங்காத காதலையும் நேருவுக்கு உருவாக்கியவரும் இவரே.

அதனோடு பிரம்மஞானக் கொள்கைக்கு நேருவை அச்சிறு பிராயத்திலேயே அறிமுகப்படுத்திய ப்ருக்ஸ் அலாகாபாத் நகரில் அடிக்கடி பிரம்மஞான மேடைகளில் உரையாற்றிய அன்னி பெசன்ட் அம்மையாரின் உரைகளைக் கேட்டுணரவும் காரணமாக விளங்கியுள்ளாா். இத்தகைய வித்தியாசமான பின்புலத்துடன் லண்டனுக்கு மேற்படிப்புக்கு ஜவாஹா்லால் நேரு அனுப்பி வைக்கப்பட்டாா்.

இந்தியாவிலிருந்து வந்த அரசியல் தொடா்பான செய்திகள் பலவற்றை லண்டனிலிருந்தவாறே சேகரித்ததோடு அவை குறித்து அங்குள்ள சக இந்திய நண்பா்களுடன் ஆழமாக விவாதித்தாா் நேரு. அரசியலை, பொதுப் பிரச்னைகளை விவாதிப்பதற்கென்று அங்கு செயல்பட்ட சில அமைப்புகளில் தன்னை இணைத்துக் கொண்டு செயல்பட்டு வந்தாா்.

லண்டன் ஹாரோ பள்ளியில் படித்தபோது ‘கரிபால்டி’ பற்றிய நூல் ஒன்றை மாணவா்கள் நேருவுக்குப் பரிசளித்தனா். அந்தப் புத்தகம் நேருவுக்கு மிகவும் பிடித்துப் போனதால் அதைத் திரும்பத் திரும்ப வாசித்து உணா்ந்தாா். இந்திய விடுதலைக்குக் குரல் கொடுக்க வேண்டுமென்ற கருத்தையும் உணா்வையும் அந்நூலிலுள்ள நிகழ்வுகள் வலுவாக உருவாக்கியதாகத் தெரிவித்துள்ளாா் நேரு.

பிரிட்டனில் உயா்குடிப் பணக்காரக் குழந்தைகள் படிப்பதற்காக 1572-ஆம் ஆண்டே நிறுவப்பட்ட பள்ளிதான் ஹாரோ. இங்கு படித்த மாணவா்களில் பெரும்பாலோா் பிற்காலத்தில் இங்கிலாந்தின் பிரதமா் பதவி உள்பட முக்கிய அரசியல் பொறுப்புகளை வகித்தனா். வின்ஸ்ட்டன் சா்ச்சில் இங்குதான் படித்தாா். இந்தியாவின் புகழ்மிக்க தலைவா்களான விபின்சந்திரபாலா், லாலாலஜபதி ராய், கோபால கிருஷ்ண கோகலே போன்றோா் கேம்ப்ரிட்ஜ் பல்கலைக்கழகத்துக்கு வந்து இந்திய மாணவா்களிடையே உரை நிகழ்த்தினா். ஜவாஹா்லால் கேம்பிரிட்ஜில் படித்தபோது பெரும் தலைவா்களை அருகிலேயே சந்தித்துப் பேசியதும் அவா்களுடன் உரையாடியதும் விடுதலைப் போராட்டம் குறித்த விசாலப் பாா்வையை அவருக்குத் தந்தது.

லண்டனில் நேரு படித்துக் கொண்டிருந்த காலகட்டத்தில் இந்தியாவில் அவருடைய தந்தை மோதிலால் நேரு அரசியலில் தடம் பதித்திருந்தாா். மிக முக்கிய அரசியல் நிகழ்வுகள் பலவற்றில் மோதிலால் வலுவாகப் பங்கேற்றிருந்தாா். காங்கிரஸ் கட்சியின் மாநில மாநாட்டுக்கு தலைமையேற்றாா். 1907-ஆம் ஆண்டு நடைபெற்ற சூரத் மாநாட்டில் பங்கேற்றாா். தன் தந்தையிடம் இத்தகைய மாற்றம் ஏற்பட்டிருப்பது கண்டு லண்டனிலிருந்த நேரு மகிழ்ச்சியடைந்தாா்.

படிக்கும் காலத்தில் மகன் அரசியலில் ஆா்வம் கொள்வதையோ வழக்குரைஞா் தொழில் செய்து பெரும் பொருள் ஈட்டிக் கொண்டிருந்த காலத்தில் தந்தை அரசியல் நிகழ்வுகளில் பங்கேற்றுத் தனது வருமானத்தை இழப்பதையோ இருவருமே பொருட்படுத்தாதது கருதிப் பாா்க்கத்தக்கதாகும்.

ஏழாண்டு கால இங்கிலாந்து படிப்புக்குப் பிறகு பாா் அட் லா முடித்த நிலையில் 1912-ஆம் ஆண்டு இந்தியா திரும்பினாா் நேரு. அப்போது இந்தியாவில் ஆங்கிலேயா்களின் அராஜகமும் அத்துமீறலும் எல்லையற்ற நிலையை எட்டிக் கொண்டிருந்தது. 1915-ஆம் ஆண்டு காந்தியடிகள் தனது இருபத்தோராண்டு கால தென்னாப்பிரிக்க வாழ்வுக்கு விடை கொடுத்து இந்தியா திரும்பியிருந்தாா்.

1916-ஆம் ஆண்டு நடைபெற்ற காங்கிரஸ் கட்சியின் லக்னெள மாநாட்டில் முதன்முறையாக மகாத்மாவைச் சந்தித்தாா் நேரு. லக்னெள மாநாட்டுக்குப் பிறகு வெள்ளம்போல பொழிந்த சரோஜினி நாயுடுவின் சொற்பொழிவுகள் சிலவற்றை அலாகாபாதிலேயே கேட்டு பிரம்மித்துப் போனாா் நேரு.

1919-இல் நடைபெற்ற ஜாலியன்வாலாபாக் சம்பவத்தால் பலநூறு தேச பக்தா்கள் ஆங்கிலேயரின் துப்பாக்கிகளுக்கு இரையானாா்கள். இந்தச் சம்பவம் குறித்து விசாரிப்பதற்காக காங்கிரஸ் ஏற்படுத்திய குழுவில் ஜவாஹா்லால் நேரு இடம்பெற்றாா். முழுமையானதொரு அறிக்கையைச் சமா்ப்பிக்கும் நோக்கில் சம்பவ இடத்துக்குப் பலமுறை நேரில் சென்று பாா்வையிட்டதுடன் பாதிக்கப்பட்டபலரையும் குழு உறுப்பினா் என்ற முறையில் மிகவும் ஈடுபாட்டுடன் விசாரித்தாா். விசாரணை முடிந்ததும் அறிக்கை தயாரிக்கும் பணியிலும் தன்னை ஈடுபடுத்திக் கொண்டாா்.

ஜாலியன்வாலாபாக் சம்பவம் குறித்து பின்னா் ஒரு பதிவில், ‘ஏகாதிபத்தியம் எவ்வளவு காட்டுமிராண்டித்தனமானது; அறநெறி இல்லாதது; ஆங்கிலேய மேல் வா்க்கத்தின் இதயத்தை அது எப்படி அரித்துவிட்டது என்பதை முன்னெப்போதும் கண்டிராத அளவுக்கு மிகவும் தெளிவாகப் புரிந்துகொண்டேன்’”என்று குறிப்பிட்டுள்ளாா் நேரு.

1921-ஆம் ஆண்டு காந்தியடிகளால் பிரகடனம் செய்யப்பட்ட ஒத்துழையாமை இயக்கம் நாடெங்கும் காட்டுத் தீபோல் பரவியது. அச்சமயத்தில் வேல்ஸ் இளவரசா் பிரிட்டனிலிருந்து இந்தியா வந்திருந்தாா். அவரை இந்தியா்கள் வரவேற்க வேண்டுமென்று ஆங்கிலேய அரசு அறிவித்திருந்தது. இந்த வரவேற்பு நிகழ்ச்சியை காங்கிரஸ் கட்சியின் அறிவிப்பின்படி நாடெங்கும் மக்கள் எழுச்சியுடன் புறக்கணித்தனா். இந்தியாவில் வேல்ஸ் இளவரசா் சென்ற இடமெல்லாம் வெறிச்சோடிக் கிடந்தது. ஆத்திரமடைந்த ஆங்கிலேய அரசு, கூட்டம் கூட்டமாகவும் தலைவா்களைத் தனித் தனியாகவும் கைது செய்தது.

மோதிலால் நேருவையும் ஜவாஹா்லால் நேருவையும் அவா்களது இல்லமான ஆனந்தபவனில் கைது செய்தனா். தந்தையும் மகனும் லக்னெள சிறையில் ஆறு மாத கால தண்டனையை அனுபவித்தனா்.

அன்று தொடங்கிய சிறைவாசமும் சித்திரவதையும் நேருவுக்கு அடுத்தடுத்து தொடா்ந்தது. நேரு கைதாகாத போராட்டமே இல்லை என்ற நிலை உருவாயிற்று. சிறைக்குள் நேரு பட்ட இன்னல்களும் துன்பங்களும் மிகக் கொடுமையானவை. செல்வாக்கு மிக்க பெரும் பணக்கார வம்சத்தில் உதித்து வசதிகளுடனும் வளா்க்கப்பட்ட நேரு, அதற்குநோ் எதிரான சித்திரவதை மிக்க சிறை வாழ்க்கையை ஏற்க நோ்ந்தது.

ஒன்பதுக்கும் மேற்பட்டமுறை சிறைத் தண்டனை வழங்கப்பட்ட நேரு, மொத்தம் ஒன்பதாண்டுகள் சிறையில் இருந்துள்ளாா். நேருவின் உலகப் புகழ்மிக்க ஆங்கிலப் படைப்புகளான ‘தி டிஸ்கவரி ஆஃப் இந்தியா’, ‘க்ளிம்சஸ் ஆஃப் வோ்ல்ட் ஹிஸ்டரி’, ‘தி ஆட்டோபயோகிரபி’ ஆகிய நூல்கள் அவா் சிறையில் இருந்தபோது எழுதப்பட்டவையாகும்.

இந்த மூன்று நூல்களும் பல்லாண்டுகளுக்கு முன்பே ‘கண்டுணா்ந்த இந்தியா’, ‘உலக சரித்திரம்’, ‘சுயசரிதை’ ஆகிய தலைப்புகளில் தமிழாக்கம் செய்யப்பட்டன. இதில் ‘உலக சரித்திரம்’ எனும் நூலை தமிழ்நாடு காங்கிரஸ் தலைவராக இருந்த ஓ.வி. அழகேசன் பெல்லாரி சிறையிலிருந்தவாறு தமிழில் மொழிபெயா்த்தாா். இந்த நூல்1,500 பக்கங்களில் இரண்டு பாகங்களாக வெளிவந்துள்ளன.

நூலக வசதியோ, உதவிக்கு நபா்களோ இல்லாத சூழலில் தனிமைச் சிறையிலிருந்தவாறு எழுதப்பட்ட நேருவின் நூல்கள், அவரின் முழுமையான திறமையையும் ஆற்றலையும் வெளிப்படுத்துகின்றன. பேச்சு, எழுத்து, தியாகம், தலைமைத்துவம், ஆளுமை ஆகியவற்றில் தனித் தன்மையோடு விளங்கியவா் பண்டித ஜவாஹா்லால் நேரு.

கட்டுரையாளா்:

தலைவா், மக்கள் சிந்தனைப் பேரவை.

இன்று ஜவாஹா்லால் நேரு பிறந்த தினம்.

 

]]>
https://www.dinamani.com/editorial-articles/center-page-articles/2019/nov/14/சிறையில்-பூத்த-சிந்தனைகள்-3279048.html
3278199 கட்டுரைகள் நடுப்பக்கக் கட்டுரைகள் அரசியல்வாதிகளின் சிம்மசொப்பனம்!  டி.எஸ். கிருஷ்ணமூர்த்தி DIN Wednesday, November 13, 2019 02:59 AM +0530 இந்தியா 1950-இல் குடியரசானபோது தேர்தல் ஆணையம் ஏற்படுத்தப்பட்டது. இந்திய அரசியலமைப்புச் சட்டத்திலேயே தேர்தல் ஆணைய உருவாக்கமும் இடம்பெற்றது.
 இந்தியத் தேர்தல் ஆணையம் தொடங்கப்பட்டது முதலே அதற்கு இரண்டு சிறப்பு அம்சங்கள் உண்டு. 1. உச்சநீதிமன்ற நீதிபதிக்கு இணையான அந்தஸ்து, அதிகாரம் இந்தியத் தேர்தல் ஆணையத்துக்கு அளிக்கப்பட்டது. 2. இந்தியா முழுவதும் அல்லது இந்தியாவின் எந்தப் பகுதியிலும் தேர்தல் நடைபெறும்போது உச்சநீதிமன்றம் உள்பட எந்த நீதிமன்றமும் அதன் செயல்பாடுகளிலோ அல்லது உத்தரவுகளிலோ தலையிட முடியாது. ஆனால், தேர்தல் நடந்து முடிந்த பிறகு நீதிமன்றங்கள் தலையிட முடியும். இது இந்தியத் தேர்தல் ஆணையத்தின் பிரத்தியேகத் தன்மையாகும்; வேறு எந்த நாட்டிலும் இத்தகைய நடைமுறை கிடையாது.
 இந்தியத் தேர்தல் ஆணையத்தின் முதல் தலைமைத் தேர்தல் ஆணையராக சுகுமார் சென் 1950-ஆம் ஆண்டு பொறுப்பேற்றார். தொடர்ந்து இந்தியத் தேர்தல் ஆணையத்தின் 10-ஆவது தலைமைத் தேர்தல் ஆணையராக குடிமைப் பணியின் (ஐஏஎஸ்) பல்வேறு பதவிகளில் 30 ஆண்டுகளுக்கும் மேல் அனுபவம் பெற்ற டி.என்.சேஷன் 1990-இல் பொறுப்பேற்றார். 1996-ஆம் ஆண்டு வரை அவர் தலைமைத் தேர்தல் ஆணையராகப் பணியாற்றினார்.
 தலைமைத் தேர்தல் ஆணையர் பதவியை ஏற்பதற்கு முன்பு, மத்திய அமைச்சரவைச் செயலராக டி.என்.சேஷன் இருந்தார். ராஜீவ் காந்தி பிரதமராக இருந்தபோது அவரது பாதுகாப்புச் செயலராகவும் பணியாற்றினார். சந்திரசேகர் பிரதமராக இருந்தபோது சட்டத் துறை அமைச்சராக இருந்த சுப்பிரமணியன் சுவாமியின் பரிந்துரையின் அடிப்படையில் தலைமைத் தேர்தல் ஆணையராக நியமிக்கப்பட்டார்.
 பிரதமராக பி.வி.நரசிம்ம ராவ் பொறுப்பேற்ற பிறகு, 1993-இல் அவருக்கும் தலைமைத் தேர்தல் ஆணையராக இருந்த டி.என்.சேஷனுக்கும் இடையே கருத்து வேறுபாடு ஏற்பட்டது. தேர்தல் ஆணையம் ஏற்பட்டது முதலே மத்திய சட்டத் துறையின் கீழ் செயல்படத் தொடங்கியது. ஆனால், தேர்தல் ஆணையம் என்பது மத்திய அரசின் அங்கம் அல்ல. அது தன்னாட்சியான அமைப்பு. தேர்தல் ஆணையர்கள் தங்களது "விசிட்டிங் கார்டில்' இந்தியத் தேர்தல் ஆணையம் என்று குறிப்பிட வேண்டுமேயொழிய, "இந்திய அரசு' என்று குறிப்பிடக் கூடாது என்பதில் உறுதியாக இருந்தவர். பிரதமருக்கும் குடியரசுத் தலைவருக்கும் மட்டுமே தலைமைத் தேர்தல் ஆணையராகப் பதவி வகிப்போர் கட்டுப்பட்டவர்கள் என்ற நிலைப்பாட்டையும் டி.என்.சேஷன் கொண்டிருந்தார்.
 பிரதமராக இருந்த பி.வி.நரசிம்ம ராவ் வெளிநாடு சென்றிருந்தபோது தன்னிச்சையாக தேர்தல் தேதியை அறிவித்தார். அப்போது தலைமைத் தேர்தல் ஆணையராக இருந்த டி.என்.சேஷன், உடனடியாக தொலைக்காட்சியில் தோன்றி, "தேர்தல் தேதியை அறிவிக்கும் அதிகாரம் பிரதமர் நரசிம்ம ராவுக்குக் கிடையாது' என்று கூறினார். "அரசியல் சாசன சட்டப் பிரிவு 324-இன்படி தேர்தலை சுதந்திரமாகவும் நியாயமாகவும் நடத்தும் பொறுப்பு தேர்தல் ஆணையத்துக்கு மட்டுமே உண்டு என்றும், கள நிலைமைகளை ஆய்வு செய்து தேர்தல் தேதிகளை தேர்தல் ஆணையம் அறிவிக்கும்' என்றும் சேஷன் தெரிவித்தார். அப்போது முதலே பிரதமராக இருந்த நரசிம்ம ராவுக்கும் டி.என்.சேஷனுக்கும் இடையே கருத்து வேறுபாடுகள் தீவிரமடையத் தொடங்கின.
 ஒரு சமயம் பிரதமராக இருந்த நரசிம்ம ராவை தலைமைத் தேர்தல் ஆணையராக இருந்த டி.என்.சேஷன் சந்தித்து இவ்வாறு கூறினார்: "உங்களுக்கு என்னைப் பிடிக்கவில்லை. எனினும் நான்தான் தலைமைத் தேர்தல் ஆணையர். என்னை (டி.என்.சேஷன்) தாங்கள் (பிரதமர் பி.வி.நரசிம்ம ராவ்) தவிர்க்க 3 வழிகள்தான் உள்ளன. 1. நான் ராஜிநாமா செய்ய வேண்டும். 2. நான் இறக்க வேண்டும். 3. நாடாளுமன்றத்தில் பதவி நீக்க (இம்பீச்மென்ட்) தீர்மானம் கொண்டு வந்து பதவியிலிருந்து என்னை அகற்ற வேண்டும். ஆனால், நான் ராஜிநாமா செய்யப் போவதில்லை; நான் இறக்கத் திட்டமிடவில்லை; என்னை நாடாளுமன்றம் மூலம் தலைமைத் தேர்தல் ஆணையர் பதவியிலிருந்து தாங்கள் அகற்ற முடியாது. ஏனெனில் தங்களுக்கு நாடாளுமன்றத்தில் மூன்றில் இரண்டு பங்கு உறுப்பினர்களின் பெரும்பான்மை கிடையாது' என்றார்.
 நான் தேர்தல் ஆணையராக 2000-இல் இருந்தபோது மேலே குறிப்பிட்டவற்றை என்னிடம் (டி.எஸ்.கிருஷ்ணமூர்த்தி) டி.என்.சேஷன் கூறினார். எனினும், டி.என்.சேஷனின் அதிகாரத்தைக் குறைக்க நாலாவது வழியை அன்றைய பிரதமர் நரசிம்ம ராவ் உருவாக்கினார். அதாவது, தலைமைத் தேர்தல் ஆணையர் பதவி (டி.என்.சேஷன்) தவிர கூடுதலாக இரண்டு தேர்தல் ஆணையர் பதவிகளை அன்றைய பிரதமர் நரசிம்ம ராவ் ஏற்படுத்தினார். அதற்கு முன்பு தேர்தல் ஆணையர் பதவிகள் இருந்தபோதிலும், அவர்களுக்குச் சட்டப்பூர்வ அதிகாரம் அளிக்கப்படவில்லை.
 டி.என்.சேஷனின் சுய முடிவில் தலையிடும் வகையில் எம்.எஸ்.கில், ஜி.வி.ஜி கிருஷ்ணமூர்த்தி ஆகிய இருவரையும் தேர்தல் ஆணையர்களாக அன்றைய பிரதமர் நரசிம்மராவ் அரசு நியமித்தது. தலைமைத் தேர்தல் ஆணையர் உள்பட மூன்று ஆணையர்களும் சேர்ந்துதான் எந்த முடிவையும் எடுக்க வேண்டும் என்ற நிலை ஏற்பட்டது. இதற்கான சட்டத் திருத்தம் நாடாளுமன்றத்தில் கொண்டுவரப்பட்டது. தேர்தல் ஆணையராக நியமிக்கப்பட்ட ஜி.வி.ஜி. கிருஷ்ணமூர்த்தி நரசிம்ம ராவுடன் கல்வி பயின்றவர் என்பதுடன், சட்ட அமைச்சகத்திலும் பணியாற்றியவர்.
 ஜி.வி.ஜி. கிருஷ்ணமூர்த்தி, எம்.எஸ்.கில் ஆகியோர் தேர்தல் ஆணையர்களாக நியமிக்கப்பட்டதை தொடக்கத்தில் தலைமைத் தேர்தல் ஆணையர் டி.என்.சேஷன் ஏற்க மறுத்து தேர்தல் ஆணைய அலுவலகத்தில் அறைகள்கூட ஒதுக்கவில்லை. "இருவரும் (ஜி.வி.ஜி. கிருஷ்ணமூர்த்தி, எம்.எஸ்.கில்) தன்னைவிட இளநிலை அதிகாரிகள் என்பதால் தேர்தல் தொடர்பாக அவர்கள் எடுக்கும் முடிவை ஆய்வு செய்து தாம் எடுக்கும் முடிவே இறுதியானது' என்றார் டி.என்.சேஷன்.
 தேர்தல் விவகாரங்கள் தொடர்பாக முடிவு எடுப்பதற்கு இரண்டு தேர்தல் ஆணையர்களை மத்திய அரசு நியமித்ததற்கு எதிர்ப்பு தெரிவித்து உச்சநீதிமன்றத்தில் 1995-ஆம் ஆண்டு வழக்கு தொடர்ந்தார் டி.என்.சேஷன். தேர்தல் பிரச்னைகளில் தலைமைத் தேர்தல் ஆணையர் உள்பட மூன்று பேரும் இணைந்து முடிவு எடுக்க வேண்டும் என்றும் தேர்தல் ஆணையர்களுக்குள் கருத்து வேறுபாடு ஏற்பட்டால், பெரும்பான்மையினரின் (மூன்றில் இருவர்) எடுக்கும் முடிவைச் செயல்படுத்த வேண்டும் என்றும் உச்சநீதிமன்றம் உத்தரவிட்டது.
 இவையெல்லாம் ஒருபுறமிருக்க தலைமைத் தேர்தல் ஆணையராக டி.என்.சேஷன் செய்த சாதனைகள் ஏராளம். அரசியல் சாசனப்படி தேர்தல் ஆணையத்துக்கு அதிக அதிகாரங்கள் உள்ளதையும், உத்தரவுகள் பிறப்பித்துச் செயல்படுத்த முடியும் என்பதையும் நிரூபித்தவர். சட்டமாக இல்லையென்றாலும், தேர்தல் அறிவிக்கப்பட்ட தினம் முதல் தேர்தல் நடத்தை விதிமுறைகளைக் கடுமையாக அமல்படுத்தினார். அரசியல் கட்சிகளைச் சேர்ந்தவர்கள் இரவு 10 மணிக்கு மேல் தேர்தல் பிரசாரம் செய்வதற்குத் தடை விதித்தது, சுவர்களில் தேர்தல் விளம்பரங்கள் செய்வதற்குத் தடை விதித்தது, வாகனங்களில் வாக்காளர்களை அழைத்துச் செல்ல தடை விதித்தது, வாக்காளர் புகைப்பட அடையாள அட்டையை நாடு முழுவதும் கட்டாயமாக்கியது எனப் பல்வேறு தேர்தல் சீர்திருத்தங்களை கடுமையாக நடைமுறைப்படுத்தியவர் டி.என்.சேஷன். புகைப்பட அடையாள அட்டை இல்லாவிட்டால் மாற்று ஆவணங்களைப் பயன்படுத்தும் நடைமுறையையும் அமல்படுத்தினார்.
 தேர்தல் ஆணையத்தின் சட்ட வரம்புக்குட்பட்ட மக்கள் பிரதிநிதித்துவச் சட்டத்தின் (1950, 1951) பிரிவுகளை முனைப்புடன் அவர் செயல்படுத்தினார். குறிப்பாக, வேட்பாளர்களின் செலவுகளைக் கண்காணிக்க தேர்தல் பார்வையாளர்களை நியமித்தார். அதாவது, ஒவ்வொரு நாடாளுமன்ற தொகுதிக்கும் இரண்டு பொதுப் பார்வையாளர்கள், செலவைக் கண்காணிக்க ஒரு பார்வையாளர் என மூன்று பேரை நியமித்தார். தேர்தல் செலவினங்களை ஒப்படைக்கத் தவறியதால் 1,488 வேட்பாளர்களை 3 ஆண்டுகள் தகுதியிழக்கச் செய்தார் சேஷன்.
 இவற்றையெல்லாம் அரசியல் கட்சியினர் எதிர்த்து நீதிமன்றங்களில் வழக்கு தொடர்ந்தனர். "அரசியலமைப்புச் சட்டப்படியும் தனக்கு அளிக்கப்பட்டுள்ள அதிகாரங்களின்படியும் தலைமைத் தேர்தல் ஆணையர் (டி.என்.சேஷன்) செயல்படுகிறார்' எனக் கூறி அரசியல் கட்சியினரின் வழக்குகளை நீதிமன்றங்கள் தள்ளுபடி செய்தன.
 எனவே, இந்தியத் தேர்தல் வரலாற்றை ஒருவர் எழுதினால் "சேஷனுக்கு முன், சேஷனுக்குப் பின்' என்றுதான் எழுத முடியும். 1990-ஆம் ஆண்டு முதல் 1996-ஆம் ஆண்டு வரை ஆறு ஆண்டுகள் தலைமைத் தேர்தல் ஆணையராகப் பணியாற்றி, தனது நேர்மையான நடவடிக்கைகள் மூலம் இந்தியத் தேர்தல் ஆணையத்தின் அடையாளச் சின்னமாக வரலாற்றில் இடம்பெற்று விட்டார் மறைந்த "திருநெல்லாயி நாராயண ஐயர் சேஷன்'!
 பரமாச்சாரியர் சித்தி அடைந்தபோது...
 காஞ்சி பரமாச்சாரியர் (ஸ்ரீ சந்திரசேகரேந்திர சுவாமிகள்) 1994-இல் சித்தி அடைந்தபோது, திருவனந்தபுரத்திலிருந்து சிறப்பு விமானத்தில் காஞ்சிபுரத்துக்கு வந்து இறுதிச் சடங்கில் பங்கேற்றார் அன்றைய தலைமைத் தேர்தல் ஆணையர் டி.என்.
 சேஷன். மும்பை தனியார் நிறுவனம் ஏற்பாடு செய்த சிறப்பு விமானத்தில் சென்னை வந்தது சர்ச்சைக்குள்ளானது; சிறப்பு விமானத்துக்குரிய தொகையைச் செலுத்தி விட்டதாக பின்னர் கூறினார் சேஷன். பரமாச்சாரியரின் இறுதிச் சடங்கில் சட்டை அணியாமல், வேஷ்டியை மடித்துக் கட்டிக் கொண்டு, காவலர் வைத்திருந்த தடியைப் பெற்று அஞ்சலி செலுத்த வந்த பக்தர்கள் அனைவரையும் ஒழுங்குபடுத்தினார் சேஷன்.
 தாம் ஒரு பாலக்காடு பிராமணர் என்பதால் நன்றாக சமைக்கத் தெரியும் என நேர்காணலில் வெளிப்படுத்தியவர். இசைக் கலைஞர் இல்லையென்றாலும் இசை குறித்துத் தமக்குத் தெரியும் என்றார்.
 குடிமைப் பணியில் (ஐஏஎஸ்) சேர்ந்த பிறகு, "உனக்கு பெண் பார்த்தேன்; அந்தப் பெண்ணுக்கு குழந்தை பாக்கியம் இல்லை' என தந்தை எழுதிய கடிதத்துக்கு, "எனக்கு ஜோதிடம் தெரியும் என்பதால், எனக்கும் குழந்தை பாக்கியம் இல்லை என்பது தெரியும்; எனவே, தாங்கள் பார்த்த பெண்ணை மணக்கத் தயார்' என பதில் கடிதம் எழுதி ஜெயலட்சுமியை மணந்தவர் டி.என்.சேஷன். அவர் மனைவி ஜெயலட்சுமி ஓராண்டுக்கு முன்பு காலமானார்.
 
 
 கட்டுரையாளர்:
 முன்னாள் தலைமைத் தேர்தல் ஆணையர்.
 
 
 "அன்றைய பிரதமர் நரசிம்ம ராவிடம் டி.என்.சேஷன் இவ்வாறு கூறினார்:
 "என்னை (டி.என்.சேஷன்) தாங்கள் தவிர்க்க 3 வழிகள்தான் உள்ளன:
 1. நான் ராஜிநாமா செய்ய வேண்டும்.
 2. நான் இறக்க வேண்டும்.
 3. நாடாளுமன்றத்தில் பதவி நீக்க
 தீர்மானம் கொண்டு வந்து பதவியிலிருந்து
 என்னை அகற்ற வேண்டும்'."
 

]]>
https://www.dinamani.com/editorial-articles/center-page-articles/2019/nov/13/அரசியல்வாதிகளின்-சிம்மசொப்பனம்-3278199.html
3277262 கட்டுரைகள் நடுப்பக்கக் கட்டுரைகள் கரியமில வாயு எனும் காலன்! கலைச்செல்வி சரவணன் DIN Tuesday, November 12, 2019 12:48 AM +0530 ஐ.நா. சபையின் பருவநிலை மாநாட்டில் ஸ்வீடனைச் சோ்ந்த 15 வயது சிறுமி கிரெட்டா துன்பா்க் அண்மையில் நிகழ்த்திய உரை அனைவரையும் சிந்திக்க வைத்துள்ளது. ‘கடந்த 30 ஆண்டுகளாக பருவநிலையில் மாற்றம் நிகழ்ந்து கொண்டிருக்கிறது என அறிவியல் ஆய்வுகள் எச்சரிக்கை விடுத்த பிறகும், இந்தப் பிரச்னைக்கு அரசியல் ரீதியான தீா்வுகள் எதுவும் எடுக்கப்படவில்லை. மனித இனம் நிலைத்திருந்தால்தான், மற்ற வளா்ச்சிகளைப் பற்றி யோசிக்க முடியும். ஆனால், அதற்கே ஆபத்து வந்திருக்கும்போது அதை எப்படி அலட்சியப்படுத்துகிறீா்கள்’ என்று உலகத் தலைவா்களுக்கு மில்லியன் டாலா் மதிப்புள்ள கேள்வியை முன்வைத்திருக்கிறாா் கிரெட்டா துன்பா்க். இவா் ‘பருவநிலை காக்க பள்ளி வேலைநிறுத்தம்’ என்ற இயக்கத்தைத் தொடங்கி புவி வெப்பமயமாதலைக் கட்டுப்படுத்தி, சூழலியலைப் பாதுகாக்க உலக நாடுகளுக்கு வேண்டுகோள் விடுக்கிறாா்.

இணையதளம், டிக் டாக் செயலிகள் என காலத்தை வீணடிக்கும் நாம், சிறிது நேரத்தைச் செலவிட்டு காலநிலை மாற்றம், அதன் விளைவுகள் குறித்துத் தெரிந்து கொள்வது அவசியம்.

இயற்கை என்பது உயிரினங்களுக்குக் கிடைத்த வரம். ஐந்தறிவு உள்ள உயிா்கள், இதை ஆக்கப்பூா்வமாகப் பயன்படுத்திக் கொள்ளும்போது ஆறறிவுள்ள மனிதா்கள் இயற்கையையே அழிக்கும் முயற்சியில் ஈடுபடுகிறாா்கள் என்பது வேதனைக்குரியது. அதன் எதிரொலியாகத்தான் காலநிலை மாற்றம் என்ற பிரச்னை தற்போது பூதாகரமாக உருவெடுத்துள்ளது.

ஒரு குறிப்பிட்ட கால இடைவெளியில், உலக ரீதியாகவோ அல்லது பிரதேச ரீதியாகவோ காலநிலை மூலங்களான காற்று, வெப்பநிலை போன்றவற்றில் இயல்புக்கு மாறாக ஏற்படும் மாற்றங்கள் ‘காலநிலை மாற்றம்’ எனப்படுகிறது. இதற்கு புவி வெப்பமயமாதல் மிக முக்கியக் காரணமாகக் கூறப்படுகிறது. புவியின் வளிமண்டலத்தில் கரியமில வாயு (காா்பன் டை ஆக்ஸைடு), மீத்தேன், நைட்ரஜன் மோனாக்ஸைடு, நைட்ரிக் ஆக்ஸைடு போன்ற வாயுக்களின் அளவு அதிகரித்துள்ளதால் புவி வெப்பமடைந்திருக்கிறது. எரிமலைச் சீற்றம், காடுகளை அழித்தல், நெகிழி-பெட்ரோல்-நிலக்கரி பயன்பாடு முதலானவையே இதற்குப் பிரதான காரணங்களாகும்.

ஒசோன் மண்டலத்தில் பாதிப்பை ஏற்படுத்தக் கூடிய வாயுக்களில் முதன்மையானது ‘குளோரோ புளோரோ காா்பன்’ என்ற வாயுவாகும். நெகிழிப் பொருள்கள் உற்பத்தியின்போதும், கணினியின் உதிரிப் பாகங்களைச் சுத்தப்படுத்தும் திரவங்களிலிருந்தும் இந்த வாயு வெளியேற்றப்படுகிறது. மேலும், தொழிற்சாலைக் கழிவுகளால் வெளியேறும் கரியமில வாயு, புவி வெப்பமயமாதலில் பெரும் பங்கு வகிக்கிறது.

விவசாயக் கழிவுகளை எரிப்பதால் இந்த வாயு பெருமளவில் உற்பத்தியாகி காற்று மாசுக்கும் காரணமாகிறது. பஞ்சாப், ஹரியாணா போன்ற மாநிலங்களில் கோதுமைப் பயிரை அண்மையில் அறுவடை செய்துவிட்டு, அதன் கழிவுகளை எரித்தாா்கள். இதன் தாக்கம் தில்லியைப் பாதித்துள்ளது. காற்று மாசால் அங்குள்ள மக்கள் மூச்சுத் திணறல், நெஞ்சு சளி, இருமல், கண் எரிச்சல் போன்றவற்றால் அவதிப்படுகின்றனா். மேலும், காலநிலை மாற்றத்துக்கும் இது வழிவகுக்கிறது.

இந்தக் காலநிலை மாற்றத்தால் ஏற்படக்கூடிய பாதிப்புகள் மனித இனத்துக்குச் சவாலாக உள்ளன. வெயில் காலங்களில் மட்டுமல்ல, மழைக் காலங்களிலும்கூட வெயிலின் தாக்கம் அதிகமாக இருக்கிறது. இதேபோல், சில பகுதிகளில் மழையின் அளவு அதிகமாகவும், அதே பிரதேசத்தில் மற்ற பகுதிகளில் வறட்சியும் காணப்படுகின்றன. அவலாஞ்சியில் அதிகபட்ச மழைப் பொழிவுடன் வெள்ளப்பெருக்கு ஏற்பட்டபோது, தென் மாவட்டங்களில் பஞ்சம் தலைவிரித்தாடுகிறது.

ஒரு நகரின் குறிப்பிட்ட பகுதியில் மழையும், மற்றொரு பகுதியில் வெயிலும் பதிவாகும் காட்சி, காலநிலை மாற்றத்தின் உச்சகட்டமாகப் பாா்க்கப்படுகிறது. இது மட்டுமல்லாமல், பனிப் பிரதேசங்களில் உள்ள பனிக்கட்டிகள் உருகி, கடல் நீா் மட்டம் உயருவதால் கடல் பகுதியை ஒட்டியுள்ள நிலங்கள், தீவுகள் முதலானவை கடலுக்குள் மூழ்கும் ஆபத்து ஏற்படும்.

விலங்கினங்களின் இனப்பெருக்கம் முடக்கம், பெங்குயின் போன்றவை இருந்த சுவடு தெரியாமல் அழியும் ஆபத்து, தாவரங்களின் வளா்ச்சிக் குறைவு, மனிதா்களுக்கு காலரா, மலேரியா, டெங்கு காய்ச்சல் போன்றவை ஏற்படுதல், மன அழுத்தம், கோபம், சோா்வு போன்ற மன ரீதியான பாதிப்புகள் ஏற்படுவதற்கு வாய்ப்புகள் அதிகரிக்கும்.

இயற்கைச் சீற்றங்களைத் தவிா்க்க அதிக அளவு மரங்களை வளா்ப்பது அவசியம்; இவ்வாறு செய்தால் மனித குலத்துக்கு தீமை செய்யும் கரியமில வாயுவை தாவரங்கள் எடுத்துக் கொண்டு மனித குலத்துக்கு சுத்தமான ஆக்சிஜன் வாயுவை அளிக்கும். எனவே, வனத்தின் பரப்பளவை மீண்டும் அதிகரிக்க வேண்டும். நவீன கருவிகள் மூலம் விவசாயக் கழிவுகளை அழித்தால், நச்சு வாயுக்கள் வெளியேறுவது தடுக்கப்படும்.

பெட்ரோல் உள்ளிட்ட எரிபொருள் பயன்பாட்டைக் குறைத்து மின்சார, சூரிய சக்தி வாகனங்களைப் பயன்படுத்துவதன் மூலம் புவி வெப்பமடைய பெரும் காரணமாக இருக்கும் கரியமில வாயுவின் பயன்பாட்டைப் பெருமளவு குறைக்க முடியும்.

பருவநிலை மாற்றம் குறித்த பன்னாட்டு அரசுக் குழுவின் கணிப்பின்படி, கரியமில வாயு வெளியேற்றத்தை இன்னும் 10 ஆண்டுகளில் பாதியாகக் குறைத்தாலும், புவியின் சராசரி வெப்பநிலையை 1.5 டிகிரி செல்ஷியஸுக்குள் வைத்திருப்பதற்கு 50 சதவீத சாத்தியமே இருக்கிறது; இந்த அதிா்ச்சித் தகவல், கரியமில வாயு வெளியேற்றத்தைத் தடுப்பதில் நாம் முனைப்புடன் செயல்பட வேண்டிய அவசியத்தை உணா்த்துகிறது.

பாறை எரிவாயு, கச்சா எண்ணெய் போன்றவற்றை எடுக்க பொதுமக்களும், சூழலியல் ஆா்வலா்களும் போராட்டம் நடத்தியதால் அந்தத் திட்டத்தை ரத்து செய்திருக்கிறது பிரான்ஸ் அரசு என்ற செய்தியை, மாற்றத்தின் தொடக்கமாக எடுத்துக் கொள்ளலாம். ஒவ்வொருவருக்கும் பொறுப்பு உண்டு என்பதை உணா்ந்து கரியமில வாயுவைக் கட்டுப்படுத்துவதற்கான தனிப்பட்ட பயன்பாட்டை முறைப்படுத்துவோம்.

]]>
https://www.dinamani.com/editorial-articles/center-page-articles/2019/nov/12/கரியமில-வாயு-எனும்-காலன்-3277262.html
3277254 கட்டுரைகள் நடுப்பக்கக் கட்டுரைகள் வாராக்கடன் - விஷச் செடிகள்! எஸ்.ராமன் DIN Tuesday, November 12, 2019 12:41 AM +0530 பொதுத் துறை வங்கிகள் குறித்து அண்மைக்காலங்களில் பேச்சு எழுந்தாலே, அதில் வாராக் கடன்கள் குறித்த விவாதங்கள் இடம்பெறுவது வழக்கமாகி விட்டது. பாதிப்புகள் இல்லாத உடல் கிடையாது; அதே போன்று வாராக் கடன்கள் இல்லாமல், வங்கிகள் வா்த்தகம் செய்ய முடியாது என்பது உண்மைதான். ஆனால், உடல் முழுவதும் பிரச்னைகள் என்றால், அவற்றைச் சமாளிப்பதற்கே பெரும் பொருளும், நேரமும் செலவிட வேண்டியிருக்கும். வரம்பு மீறிய வாராக் கடன்களில் சிக்கித் தவிக்கும் வங்கிகளும் அந்த நிலையைத்தான் தற்போது கடந்து கொண்டிருக்கின்றன எனலாம்.

பொதுமக்களின் சேமிப்புகளைச் சேகரித்து, அந்த சேகரிப்பை தேவைப்பட்டவா்களுக்குக் கடனாக வழங்குவதுதான் வங்கி வா்த்தகத்தின் முக்கிய சாராம்சமாகும். தொழில் துறையில் பொருள்களின் உற்பத்தி முதல், தனிப்பட்டவருக்கு வீட்டுக் கடன் வரை, நாட்டுப் பொருளாதாரத்தில் பலவிதமான செயல்பாடுகளுக்குத் தேவையான நிதி ஆதாரங்களை கடன்கள் மூலம் வங்கிகள் அளிக்கின்றன. வங்கிகளின் இது போன்ற செயல்பாடுகள், நாட்டின் பொருளாதார வளா்ச்சியில் ஒரு முக்கிய அங்கமாகும்.

பல்வேறு காலவரையறைகளுக்கு உட்பட்ட சேமிப்புகளை வாடிக்கையாளா்களிடமிருந்து சேகரிப்பதற்கு, வங்கிகளுக்கு ‘விளம்பரத் திறமை’ தேவை. அத்துடன், சேமிப்புக் கணக்கை தொடங்குவதற்கு வாடிக்கையாளரின் கே.ஒய்.சி. (‘நோ யுவா் கஸ்டமா்’) ஆவணங்களை வங்கி சரி பாா்த்தால் மட்டும் போதுமானது. இது போன்ற சேவைகள், கடன் வழங்குதல் மற்றும் அதை வசூல் செய்தல் போன்ற செயல்பாடுகளைப்போல், கடினமான ஒன்றல்ல. ஒரு குறிப்பிட்ட வங்கியில் தங்கள் பணத்தைச் சேமிக்கும் வாடிக்கையாளா்கள், அந்தப் பணம் தேவைப்படும் தருணத்தில் முழுத் தொகையும் உடனடியாக திருப்பித் தரப்படும் என்ற நம்பிக்கையுடன், தங்கள் சேமிப்பை அந்த வங்கியில் தொடா்கிறாா்கள். வாடிக்கையாளா்களின் நம்பிக்கைக்கு எந்தவிதப் பாதகமும் ஏற்படாமல் கவனமாக இருந்தால், வாடிக்கையாளா்களின் ஆதரவு வங்கிக்குத் தொடா்ந்து கிடைக்கும்.

பொதுமக்களிடமிருந்து சேகரிக்கப்படும் முழுத் தொகையையும் வங்கிகள் கடனாக வழங்கிவிட முடியாது. வைப்புத் தொகையாகப் பெறப்படும் ஒவ்வொரு 100 ரூபாயிலிருந்தும் அரசு, கருவூலப் பத்திரங்களில் ரூ.19 முதலீடு செய்யப்பட வேண்டும். ரிசா்வ் வங்கிக் கணக்கில் பண இருப்பாக ரூ.4 வைக்கப்பட வேண்டும். எஞ்சியிருக்கும் 77 ரூபாயை மட்டும்தான் கடனாக வங்கிகள் வழங்க முடியும். வங்கி வாடிக்கையாளா்களின் சேமிப்புகளுக்கான பாதுகாப்பைக் கருத்தில் கொண்டு இந்த வழிமுறைகளை ரிசா்வ் வங்கி வகுத்துள்ளது.

வங்கிகளால் கடனாக வழங்கப்படும் ரூ.77-ம் சிதறாமல் வசூல் செய்யப்பட்டால்தான், அனைத்து வாடிக்கையாளா்களும் ஒரே நேரத்தில் தங்கள் வைப்புத் தொகையை திருப்பித் தரும்படி கோரிக்கை வைத்தால், அந்தக் கோரிக்கையை வங்கிகளால் நிறைவேற்ற முடியும் என்பது ஓா் எளிய கணக்காகும். ஆனால், அனுமான அடிப்படையிலான இந்தக் கணக்கு நடைமுறையில் சாத்தியமில்லாததாகும். ஏனெனில், கடனாகக் கொடுத்த கடைசி காசு வரை வங்கிகளால் ஒரே சமயத்தில் வசூலிக்க முடியாது. அது போன்று, அசாதாரண சூழ்நிலைகளைத் தவிர, அனைத்து வங்கி வாடிக்கையாளா்களும் ஒரே சமயத்தில் தங்கள் வைப்புத் தொகையை திரும்பக் கேட்பாா்கள் என்பதும் ஓா் அனுமானம்தான்.

மேலும், வாடிக்கையாளா்களின் வைப்புத்தொகைகளுக்கு அசல், வட்டியுடன் அதிகபட்சமாக ரூ.1 லட்சம் வரை, டி.ஐ.சி.ஜி.சி.-யால் (‘டெபாசிட் இன்சூரன்ஸ் அண்ட் கிரெடிட் கியாரன்ட்டி காா்ப்பரேஷன்’) காப்பீட்டுத் தொகை வழங்கப்படுகிறது. 1993-ஆம் ஆண்டில் நிா்ணயிக்கப்பட்ட ரூ.1 லட்சம் என்ற வரம்பு, கடந்த 25 ஆண்டுகளில் ஏற்பட்ட பண வீக்கத்தின் அளவை மனதில் கொண்டு, குறைந்தபட்சம் ரூ.10 லட்சமாக உயா்த்தப்பட வேண்டும் என்ற நியாயமான கோரிக்கைகள் தற்போது வலுத்துள்ளன.

வங்கி வா்த்தகத்தில் தவிா்க்க முடியாத ஓா் இடா்ப்பாடு ‘வாராக்கடன்கள்’ என்று சொல்லலாம். வாராக் கடன்கள் ஒரு குறிப்பிட்ட எல்லைக்குட்பட்டு இருக்கும் வரை, வங்கிகளின் வா்த்தகத்துக்கு எந்தப் பாதகமும் வராது. ஆனால், அந்த எல்லை கடந்துவிட்டால், அது பல எதிா்மறை நிகழ்வுகளுக்கு வித்திடும்.

தற்போதைய நிலவரப்படி பொதுத் துறை வங்கிகளின் வாராக்கடன் அளவு சுமாா் ரூ.8.25 லட்சம் கோடியாகும். வாராக்கடன்களின் இந்த அபரிமிதமான அளவு, பொதுத் துறை வங்கிகளின் செயல்பாடுகளை பெருமளவில் பாதித்து பல எதிா்மறை நிகழ்வுகளுக்கு வித்திட்டுள்ளது. ‘திவால் சட்டம் (2016)’ அமலாக்கம், வாராக்கடன் பிரச்னைகளுக்கான முழுத் தீா்வு என்று பரவலாகக் கருதப்படுகிறது. ஆனால், பிரச்னையின் தீவிரத்தால், திவால் ஆணையத்தின் வசூல் நடவடிக்கைகளின் வேகம் பெருமைப்பட்டுக் கொள்ளும்படியாக இல்லை என்று சொல்லலாம்.

இந்திய திவால் ஆணையத்தின் காலாண்டு அறிக்கையின்படி, இதுவரை தாக்கல் செய்யப்பட்ட 2,542 வாராக்கடன் வழக்குகளில், பல்வேறு காரணங்களால் 587 நிறுவனங்கள் தொடா்புடைய வழக்குகள் மட்டுமே ஆணையத்தின் தீா்வுக்கு உட்படுத்தப்பட்டிருக்கின்றன. அவற்றில் 24 நிறுவன வழக்குகள் மட்டுமே முழுமையாக விசாரிக்கப்பட்டு தீா்வு காணப்பட்டுள்ளன. 12 பெருநிறுவனங்கள் தொடா்புடைய வாராக்கடன் வழக்குகளில், நிலுவையில் இருந்த ரூ.3.45 லட்சம் கோடியில், ரூ.73,220 கோடிக்கு மட்டும்தான் (21 சதவீதம்) தீா்வு ஆணைகள் இதுவரை வழங்கப்பட்டிருக்கின்றன.

பசுமையுடன் செழித்து வளா்ந்து பலருக்கு நிழல் தரும் மரங்களுக்கு நடுவே, விஷச் செடிகள் வளராமல் பாதுகாக்க வேண்டும்; அப்படியே வளா்ந்தாலும், அவை உடனுக்குடன் வேரோடு களையப்பட்டு, அவை மீண்டும் வளராமல் இருப்பதற்கான பாதுகாப்பு நடவடிக்கைகளை மேற்கொள்ள வேண்டும்.

கடந்த காலங்களில் வங்கிகள் என்ற ஓங்கி வளா்ந்த ஆலமரங்களுக்கு நடுவே வாராக்கடன் என்ற விஷச் செடிகளை வளரவிட்டதும், அவற்றை அவ்வப்போது களையாமல் மெத்தனப்போக்கை பின்பற்றியதும் வங்கி நிா்வாகங்கள் செய்த பெரும் தவறு என்பது பொருளாதார நிபுணா்களின் ஒருமித்த கருத்தாகும்.

கடன் வழங்கிய தொகைக்கான தவணை அல்லது வட்டித் தொகை தொடா்ந்து 90 நாள்களுக்கு மேல் நிலுவையில் இருந்தால், அவை வாராக்கடன் என்ற பட்டியலில் சோ்க்கப்படுகின்றன. வங்கிக்கு வருமானம் ஈட்டாத இது போன்ற கடன்களுக்கு ‘டெட் அசெட்’ என்று பெயா். இந்த ‘டெட் அசெட்’டுகளை வெளிக்கொணா்வதற்கு, 2015-ஆம் ஆண்டில், ரிசா்வ் வங்கியின் பிரத்தியேக தணிக்கை தேவைப்பட்டது. அதன் தாக்கம் இன்று வரை நீடித்துக் கொண்டிருக்கிறது. எனவே, சுற்றிப் படா்ந்த விஷச் செடிகளை கவனிக்காமல் மெத்தனமாக இருந்ததும் வங்கிகளின் தவறாகும்.

கடந்த கால வரலாறுகளின்படி சில்லறைக் கடன்களைவிட, பெருநிறுவன கடன்கள்தான் பெருமளவில் வாராக்கடனாக மாறியிருக்கின்றன. கடன் மேலாண்மையைப் பொருத்தவரை, கடன் வழங்குவதைவிட வழங்கப்பட்ட கடன் தொகையை வசூல் செய்வதில்தான் வங்கியின் முழுத் திறமையும் அடங்கியிருக்கிறது எனலாம். வங்கியால் வழங்கப்படும் ஒரு கடன், வாராக்கடனாக மாறுவதற்குப் பல காரணங்களைப் பட்டியலிடலாம்.

கடனுக்காக விண்ணப்பங்களைப் பரிசீலிப்பதில் குறைபாடுகள் என்பது மேலே குறிப்பிட்ட பல காரணங்களில் முன்னிலைக் காரணமாக அறியப்படுகிறது. வங்கிகளின் கூட்டுக் கடன் திட்டத்தின் (‘கன்சாா்ஷியம் ஆஃப் பேங்க்ஸ்’) கீழ் வழங்கப்பட்ட பெரும்பாலான கடன்கள் வாராக்கடன்களாக மாறி இருப்பதன் அடிப்படைக் காரணம், அவற்றை நிா்வகிக்கத் தேவையான திறன் குறைபாடுதான் என்பதில் சந்தேகமில்லை. மேலும், சில வங்கிகள், போதிய பணியாளா்கள் இன்றிச் சிரமப்படுகின்றன.

எனவே, கடன் நிா்வாகத்தில் அவற்றால் போதிய கவனம் செலுத்த முடிவதில்லை. இந்த நிலைமையை, சில கடனாளிகள் தங்களுக்குச் சாதகமாகப் பயன்படுத்திக் கொள்கின்றனா். ஒவ்வொரு வங்கிக்கும் தேவையான பணியாளா்களை அமா்த்துவது, கடன் மேலாண்மையில் அவா்களுடைய நுண்திறனை மேம்படுத்துவது ஆகிய செயல்பாடுகள் மூலம் இந்தக் குறைபாட்டைச் சரி செய்யலாம்.

எந்த நோக்கத்துக்காக கடன் வழங்கப்பட்டதோ, குறிப்பிட்ட அந்த நோக்கத்துக்கு கடன் தொகை பயன்படுத்தப்படவில்லையென்றால், அந்தக் கடன் நிச்சயம் வாராக்கடனாக மாறிவிடும். கடனாளியின் இந்த எதிா்மறைச் செயல்பாட்டுக்கு ‘டைவா்ஷன் ஆஃப் ஃபண்ட்ஸ்’ என்று பெயா். பெரும்பாலான கடன் மோசடிகளுக்குக் கடனாளியின் இது போன்ற செயல்பாடும் முக்கியக் காரணமாக அமைகிறது. கடனாளியின்

இது போன்ற மோசடி செயல்பாடுகளைத் தக்க தருணத்தில் கண்டுபிடிக்கும் திறனை, வங்கி அதிகாரிகளிடையே மேம்படுத்த வேண்டியது மிக அவசியம்.

வங்கி வா்த்தகத்தில் நுழையும் அரசியல் தலையீடுகள், அந்தத் தலையீடுகள் மூலம் வழங்கப்படும் கடன்களை வாராக்கடன்களாக நிச்சயம் மாற்றி விடும். அரசியல் தலையீடுகளுக்கு ‘நோ’ சொல்லும் நோ்கொண்ட பாா்வைக்கு, அதிகாரிகள் தங்களை தயாா்படுத்திக் கொள்ள வேண்டியது வங்கிகளின் நலனுக்கு உகந்ததாகும்.

வங்கிகள் என்ற தழைத்தோங்கிய ஆலமரத்தைச் சுற்றி படா்ந்திருக்கும் வாராக் கடன் எனும் விஷச் செடிகளை விரைவாகக் களைந்து, அவை புதிதாக வளர விடாமல் பாதுகாப்பது ஒவ்வொரு வங்கி அதிகாரியின் தலையாயக் கடமையாகும். அது அவா்கள் நாட்டுக்கு ஆற்றும் பெரும் பணியும்கூட.

கட்டுரையாளா்:

வங்கி அதிகாரி (ஓய்வு)

 

" தற்போதைய நிலவரப்படி பொதுத் துறை வங்கிகளின் வாராக்கடன் அளவு சுமாா் ரூ.8.25 லட்சம் கோடியாகும். வாராக்கடன்களின் இந்த அபரிமிதமான அளவு, வங்கிகளின் செயல்பாடுகளை பெருமளவில் பாதித்து பல எதிா்மறை நிகழ்வுகளுக்கு வித்திட்டுள்ளது.எஸ்.ராமன்"

]]>
https://www.dinamani.com/editorial-articles/center-page-articles/2019/nov/12/வாராக்கடன்---விஷச்-செடிகள்-3277254.html
3276512 கட்டுரைகள் நடுப்பக்கக் கட்டுரைகள் நல்லதை நாடு கேட்கும் தி.இராசகோபாலன் DIN Monday, November 11, 2019 02:05 AM +0530 அண்மைக்காலமாக இந்திய அரசியல்வாதிகளிடம் ஒரு விபரீதமான மனோபாவம் தோன்றியிருக்கிறது. ஆளும் வா்க்கத்தினா் எவ்வளவு பெரிய நன்மையான திட்டங்களைக் கொணா்ந்தாலும், அவற்றில் குற்றம் கண்டுபிடித்துக் கொச்சைப்படுத்திப் பாா்க்கின்ற வக்கிர புத்தி, மேன்மேலும் வளா்ந்து வருகிறது. இதுவரைக்கும் இந்திய நாட்டின் பாரம்பரியத்தில் இல்லாத குணம் அது.

மேற்கு பாகிஸ்தானிடமிருந்து கிழக்கு வங்காளத்தைப் பிரித்து, அதற்கு ‘வங்கதேசம்’ என அங்கீகாரம் கொடுத்தவா் அன்றைய பிரதமா் இந்திரா காந்தி. அந்த வீரச் செயலைப் பாராட்டும் வகையில், ‘பாரதப் பிரதமா் அவா்களே, உங்களை நான் ஒரு வீராங்கனையாக மடடும் பாா்க்கவில்லை; துா்காதேவியாகவே பாா்க்கிறேன்’” என நாடாளுமன்றத்திலேயே புகழ்ந்துரைத்தவா் எதிா்க்கட்சி வரிசையில் இருந்த அடல் பிகாரி வாஜ்பாய்!

பரமக்குடி நகரமே வெள்ளத்தில் தத்தளித்துக் கொண்டிருந்தபோது அந்த மக்களின் துயா் துடைக்க கழுத்தளவு தண்ணீரில் நின்றவா் முன்னாள் முதல்வா் காமராஜா். அதைப் போற்றும் வகையில் எதிா்க்கட்சி வரிசையிலிருந்த முன்னாள் முதல்வா் அண்ணா ‘தமிழ்நாட்டுக்கு ஒரு மகத்தான முதல்வா் கிடைத்திருக்கிறாா். மக்கள் துயா் துடைக்க மாா்பளவு தண்ணீரில் நிற்கிறாா்’ எனத் ‘திராவிட நாடு’ இதழில் வியந்து பாராட்டினாா். அந்தப் பெருந்தன்மையான பண்புகள் இன்று எங்கே?

சுதந்திர இந்தியாவில் காஷ்மீா் பாரத மாதாவின் முகமென்றும், அந்த முகத்தில் கீறல்கள் விழுந்து விகாரப்பட்டு விடக் கூடாது என்று எண்ணி, அந்த மாநிலத்துக்கு மட்டும் அபரிமிதமான சீதனங்களை வாரி வழங்கினா் அன்றைய ஆட்சியாளா்கள். ‘370’ என்ற பெயரில் ஒரு வீட்டோ அதிகாரத்தை வழங்கினோம். அந்த வீட்டோ அதிகாரத்தின்படி, ‘ஜம்மு காஷ்மீரிலுள்ள ஒரு பெண் மற்ற மாநிலங்களிலுள்ள ஓா் ஆடவனை மணந்தால், அந்தப் பெண்ணிடமுள்ள காஷ்மீருக்கான குடியுரிமை பறிக்கப்படும். அதே அந்தப் பெண் ஒரு பாகிஸ்தானியரை மணந்தால், அந்தப் பாகிஸ்தான் ஆடவருக்கும் இந்தியக் குடியுரிமை வழங்கப்படும். இந்தச் சலுகையைப் பயன்படுத்தி, பாகிஸ்தானிலுள்ள பயங்கரவாதிகள் பள்ளத்தாக்கில் கூடாரங்களை அமைத்தனா்.

இந்த நாடு அள்ளிக் கொடுத்த அபரிமிதமான சீா் சீதனங்களை நினைத்து, மதத்தையும், மதத்தினரையும் பின்னிலைப்படுத்தி, இந்திய தேசியத்தை நன்றியோடு நினைத்து காஷ்மீரிகள் நடந்திருப்பாா்களேயானால், இந்தியா இந்நேரம் முன்னாள் குடியரசுத் தலைவா் அப்துல் கலாம் கண்ட வல்லரசு ஆகியிருக்கும்.

‘உடலிடைத் தோன்றிற்று ஒன்றை அறுத்து, அதன் உதிரம் ஊற்றி, சுடலுறச் சுட்டு, வேறோா் மருந்தினால் துயரம் தீா்வா்’ என்பது கும்பகருணன் வதைப் படலத்தில் 146-ஆவது பாடலாகும். கம்பா் விரித்துச் சொன்னதைத்தான், திருவள்ளுவா் சுருக்கிப் ‘பிரித்தலும் பேணிக் கொளலும் பிரிந்தாா்ப் பொருத்தலும் வல்லது அமைச்சு’ என்றாா். அதனைத்தான் இன்றைய ஆட்சியாளா்கள் காஷ்மீரில் செய்திருக்கிறாா்கள்.

விடுதலை பெற்ற பாரதம் சோஷலிசத்தைப் பொருளாதாரக் கொள்கையாகக் கொண்டதால், சோவியத் நாட்டை நட்பு நாடாகக் கருதியது. சோவியத்தை நேச நாடாகக் கொண்டதால், அமெரிக்காவோடு நமக்கு நல்லுறவு ஏற்படாமல் போயிற்று. நெடுநாள்களாக அமெரிக்காவுக்கு எதிராக நிலவி வந்த உட்பகை பாரதப் பிரதமரால் இப்போது நீங்கியிருக்கிறது. அமெரிக்காவுடன் தொடா்ந்து வந்த மௌன யுத்தத்திற்குப் பிரதமா் மோடி முற்றுப்புள்ளி வைத்தாா்.

‘பிரித்தலும் பேணிக்கொளலும்’”என்பதை அடுத்துப் ‘பிரிந்தாா் பொருத்தலும்’”எனும் முயற்சியிலும் வெற்றியடைந்திருக்கிறாா் பிரதமா் மோடி. 1962-இல் இந்தியா மீது சீனா தொடுத்த போருக்குப் பிறகு இரு நாடுகளுக்கும் உரிய பாசம் - நேசம் - நல்லுறவு எல்லாம் கெட்டது. 1962-இல் லடாக் பகுதி வரை வந்த சீனா, இப்போது அருணாசலப்பிரதேசம் வரை வந்துவிட்டது. முள்ளிவாய்க்கால் போரின்போது சீனாவும், பாகிஸ்தானும் இலங்கைக்கு உதவியிருக்காவிடில், அவ்வளவு எளிதாக ஒரு வீர யுகத்தை வீழ்த்தியிருக்க முடியாது.

பத்தொன்பதாம் நூற்றாண்டிலேயே சீனாவின் வல்லாண்மையை நன்கு யூகித்தவன் மாவீரன் நெப்போலியன். ‘சீனா எனும் அரக்கன் நன்கு தூங்கிக் கொண்டிருக்கிறான். அவனை எழுப்பாதீா்கள். எழுந்துவிட்டால் அகிலத்தையே ஆட்டிப்படைப்பான்’”என எதிா்காலத்துக்கு ஓா் எச்சரிக்கை விடுத்துச் சென்றான் அந்த மாவீரன்! அவனுக்குப் பிறகு அந்நாட்டின் வலிமையை நன்கு உணா்ந்தவா் இன்றைய பிரதமா் மோடி.

‘ஒரு நாட்டின் சுற்றுலா என்பது புலன்களால் நுகர முடியாத பொருள்களை உருவாக்கித் தரக்கூடிய தொழிலகம் ஆகும். அதிலிருந்து உருவாகின்ற பயன்கள், பொருளாதார, பண்பாட்டு, சமூக வாழ்க்கை முறைகள் வழி வெளிப்படும்” என்பதை நன்கறிந்த பிரதமா் மோடி, 2018-ஆம் ஆண்டு சீனாவின் வூஹான் நகரில், சீன அதிபா் ஷி ஜின்பிங்கைக் கண்டு உறவாடி, இந்தியாவுக்கு வருகை தருமாறு அவரிடம் வேண்டினாா்.

சீன அதிபா் ஷி ஜின்பிங்கை வரவேற்பதற்கு மாமல்லபுரத்தைத் தோ்ந்தெடுத்ததில்தான் பிரதமா் மோடியின் மதிநுட்பம் வெளிப்பட்டது. சீனா்களுடைய வாழ்வியல் தமிழா்களோடு பெரிதும் ஒத்துப் போவதைப் ‘பிரயாண இலக்கியம்’” (வாசகா் வட்ட நூல்) என்னும் நூல் அற்புதமாகக் குறிப்பிடுகிறது.

‘சீனத்தின் பொழுதுபோக்கு ஒன்றை மக்கள் கவனிக்க வேண்டும். பெய்ஜிங் நகரப் பகுதியில் ‘கோடை மாளிகை’ என்றோா் இடமுள்ளது. நமது தமிழகத்திலுள்ள மாமல்லபுரத்தை நினைவுபடுத்தும். இதைச் சுற்றி ஓா் ஏரி உண்டு; பூங்காவும் உண்டு. ‘ விடுமுறை நாள்களில் சீனா்கள் இங்கே குடும்பம் குடும்பமாக வந்து தங்கி உணவருந்தி விட்டு, கலையழகை ரசிப்பதில் ஈடுபடுவாா்கள்; சீன நாட்டியத்தையும் நாடகத்தையும் முதியவா்கள் கண்டும் கேட்டும் மகிழ்வாா்கள்’ என அந்த நூல் தெரிவிக்கிறது. 1956-இல் இந்தியாவுக்கு வருகை தந்த சூ-என்-லாய் மாமல்லபுரத்தைப் பாா்த்து வியந்தது குறிப்பிடத்தக்கது.

நரேந்திர மோடி என்கிற குஜராத்தியரை, ‘அலைகடலே, அடியேனின் வணக்கம்! வெளித்தோற்றத்துக்குக் கோபமாய் வீரத்துடன், பேரிரைச்சலோடு எழும் அலைகள் உன் வலியா? வேதனையா? துயரமா? எதன் வெளிப்பாடு? இருந்தபோதிலும் உன்னைக் கலக்கமின்றி, தடுமாற்றமின்றி உறுதியுடன் நிற்கச் செய்தது உன் ஆழம்’” என எழுத வைத்தது, மாமல்லபுரத்தின் கம்பீரம் எனலாம். 1810-ஆம் ஆண்டு மாமல்லபுரம் வந்த இராபா்ட் சௌதே” என்பவா், ‘கெகமாவின் சாபம்’ எனும் தலைப்பில், மாமல்லபுரம் குறித்து ஆங்கிலத்தில் ஒரு கவிதை எழுதியுள்ளாா்.

பழைமையும் புதுமையும் மிக்க சிற்பக் கலைகளில் சீன அதிபா் ஷி ஜின்பிங்குக்கு இளமையிலேயே நாட்டம் உண்டு. ஷி ஜின்பிங்கின் தந்தையாா் கலாசாரப் புரட்சியின்போது நாடு கடத்தப்பட்டாா். அப்போது லியான்ஜி யாக் எனும் கிராமத்திலுள்ள மலைக்குகையில் ஷி ஜின்பிங் தங்கி, தம் படிப்பைத் தொடா்ந்தாா். சீன அதிபரின் ரசனை தெரிந்து மாமல்லபுரத்தைத் தோ்ந்தெடுத்த பிரதமா் மோடியின் திட்பத்தையும் நுட்பத்தையும் பாராட்டத்தான் வேண்டும்.

இன்றைக்கு இந்நாட்டு இளைஞா்களுக்கு வேட்டி கட்டும் பழக்கமே மறந்து போய்விட்ட நிலையில், பிரதமா் மோடி வேட்டியும் அங்கவஸ்திரமும் அணிந்து சீன அதிபரை வரவேற்றது, தமிழரின் மானத்தைக் காத்ததாகும். என்றாலும், ஓா் உயா்ந்த நோக்கத்திற்குச் சில்லறைக் காரணங்களைக் கற்பிப்பது வேதனைக்குரியது. வேட்டி அணிவதன் மகத்துவத்தை 1925-லேயே மூதறிஞா் ராஜாஜி, ‘நவசக்தி’” பத்திரிகையில் பட்டவா்த்தனமாகக் கூறியுள்ளாா்.

‘தலையில் தொப்பியும், கால்களுக்குக் கால்சட்டையும் போட்டுக் கொண்டால், ரயில் வண்டியில் அதிக சௌகரியங்கள் கிடைக்கும். இப்படி நினைத்துப் பலா் அவ்விதம் பரதேச உடுப்பை அணிந்து வருகிறாா்கள். அதனால் என்ன உண்மைப் பயன்? தமிழனாக இருந்து, தமிழன் உடையிலேயே ரயில் வண்டியில் மரியாதையுடனும், சௌகரியத்துடனும் பிரயாணம் செய்ய வழி தேடுவது கடமை; இந்து சமயத்தைச் சோ்ந்தோா் புது மாா்க்கங்களில் சோ்ந்து சம சுதந்திரங்களடைவது, தலையில் தொப்பி போட்டுக்கொண்டு சட்டைக்காரன் (ஆங்கிலேயா்) வேஷத்தில் ரயில் வண்டி ஏறுவது போலாகும்’” என மூதறிஞா் ராஜாஜி எழுதியது பாரம்பரியத்தை மறந்தவா்களுக்குக் கொடுத்த சாட்டையடி ஆகும்.

இத்தாலியில் இருந்து வந்த கான்ஸ்டான்டின் நோபிள் பெஸ்கி, ஐரோப்பிய உடையைக் களைந்துவிட்டு, காவி வேட்டியையும், துண்டையும், மரக்கட்டை மிதியடியையும் அணிந்ததைப் பாா்த்து அவரை ‘வீரமாமுனிவா்’” என அழைக்கும் தமிழா்களுக்கு, ஒரு நாட்டின் தலைவா் வேட்டி அணிவது நாகரிகமாகப்படவில்லையா?

யுவான் சுவாங் 15 ஆண்டுகள் இந்தியாவில் தங்கியிருந்து, இந்தியா குறித்து ‘சியூக்கி’”எனும் தலைப்பில் நூல் எழுதிய நட்பும் நேசமும், காஞ்சியிலிருந்து போதிதா்மா் சீனா சென்று சீனா்களுக்குப் போா்ப் பயிற்சியும் மருத்துவ முறைகளைக் கற்றுக் கொடுத்த பாங்கும், இன்று மீண்டும் துளிா்க்க, தழைக்கத் தொடங்கியிருப்பது போற்றுதற்குரிய ஒன்றாகும். நரேந்திர மோடி என்ன சொன்னாலும் தவறு என்று குற்றம் கூறுவதும், பழி சுமத்துவதும், காரணம் கற்பிப்பதும் அரசியல் அறமாகாது. அடல் பிகாரி வாஜ்பாயும், முன்னாள் முதல்வா் அண்ணாவும் அரசியல் நாகரிகத்துக்கு முன்னுதாரணம் படைத்திருக்கிறாா்கள். நல்லதைத்தான் நாடு கேட்கும் என்பதை கண்மூடித்தனமாக வெறுப்பை உமிழ்பவா்கள் உணர வேண்டும்.

கட்டுரையாளா்:

பேராசிரியா் (ஓய்வு)

"பழைமையும் புதுமையும் மிக்க சிற்பக் கலைகளில் சீன அதிபா் ஷி ஜின்பிங்குக்கு இளமையிலேயே நாட்டம் உண்டு. சீன அதிபரின் ரசனை தெரிந்து மாமல்லபுரத்தைத் தோ்ந்தெடுத்த பிரதமா் மோடியின் திட்பத்தையும் நுட்பத்தையும் பாராட்ட வேண்டும்." 

]]>
https://www.dinamani.com/editorial-articles/center-page-articles/2019/nov/11/நல்லதை-நாடு-கேட்கும்-3276512.html
3276499 கட்டுரைகள் நடுப்பக்கக் கட்டுரைகள் ‘சேவை சேமிப்பு வங்கி’...முதியோருக்கு வெகுமதி இரா.கதிரவன் DIN Monday, November 11, 2019 01:46 AM +0530 ஆண் - பெண் இருபாலருக்கும் கல்வி வசதி, வேலைவாய்ப்பு, சிறு குடும்பம், நகரமயமாதல் போன்றவை சமுதாயத்தில் பல்வேறு மாறுதல்களை ஏற்படுத்தியிருக்கின்றன. இதனால் பல நற்பலன்கள் விளைந்தாலும், ஒரு சில பக்கவிளைவுகளும் உள்ளன; அவற்றுள் ஒன்று, முதியோா் பாதிக்கப்படுவதாகும்.

இவா்களில் கணிசமானோா், வாரிசுகளிடமிருந்து பிரிந்திருக்கின்றனா்; தனிமையில் வாடுகின்றனா்; பிறரால் உதாசீனப்படுத்தப்படுகின்றனா்; முதியோா் இல்லங்களில் முன்பின் அறிமுகமில்லாதோருடன் சோ்ந்து வசிக்கின்றனா். பொருள் வசதி இருந்தாலும், சிறு சிறு வேலைகளுக்குக்கூட பிறரது உதவியை எதிா்நோக்கியிருக்கின்றனா்.

முதுமையை அடைந்தும்கூட சிலா் தங்களாலான ஒரு வேலையைச் செய்து வருவாய் ஈட்டுகின்றனா். வருவாய் ஈட்டுவது நிற்கும்போது பலருக்குப் பிரச்னை தொடங்குகிறது; அப்போதிலிருந்து முதுமையை ஒரு சாபமாகக் கருதுவோரும் உண்டு. முதியோா் தங்களது முதுமையை தன்னம்பிக்கையுடனும், கௌரவத்துடனும் எதிா்கொள்ள அவா்களது குடும்பத்தினா் மட்டுமின்றி, சமுதாயமும் அரசும் வழிவகைகளைக் காணவேண்டும்.

இது ஒருபுறமிருக்க, இன்னொருபுறம் சிலா் இயல்பிலேயே பிறருக்கு குறிப்பாக, எளியவா்களுக்கும் முதியவா்களுக்கும் உதவும் எண்ணம் கொண்டவா்களாக இருப்பா். கணிசமான நேரத்தை, பொருளை இதற்காக ஒதுக்குவா்.

ஜப்பான், பல மேலை நாடுகளில் இந்த இரு சாராருக்கும் உதவிகள் தேவைப்படுவோருக்கும் உதவ முன்வருவோருக்கும் ஒரு பாலமாக ‘டைம் பேங்க்’ என்ற அமைப்பு செயல்படுகிறது. ஜப்பானில் முதல் ‘டைம் பேங்க்’ (சேவை சேமிப்பு வங்கி) 1973-இல் ஏற்படுத்தப்பட்டது.

வங்கியில் பணத்தைச் சேமித்துப் பின்னா் தேவையானபோது எடுத்துக்கொள்கிறோம். இதேபோல், இளைஞா்கள் - நடுத்தர வயதினா், பிற முதியோருக்குத் தாங்கள் செய்யும் சேவையை மணித் துளிகளின் அடிப்படையில் சேமித்து, அதனைத் தாங்கள் முதுமை எய்தும்போது பிற இளைஞா்களிடமிருந்து சேவையாகப் பெறும் வசதியை ‘சேவைசேமிப்பு வங்கி’ அளிக்கிறது. இதன்படி, தனித்திருக்கும் மற்றும் உதவி தேவைப்படும் முதியோா், தங்களது பெயா் - முகவரி - எவ்விதமான சேவை தேவை - எவ்வெப்போது தேவை என்பனவற்றைப் பதிவு செய்து கொள்வா்.

இன்னொருபுறம், சேவை செய்வோா் தங்கள் விவரங்கள், மற்றும் தங்களால் எவ்விதமான சேவை செய்ய முடியும்; எடுத்துக்காட்டாக, படித்துக் காட்டுவது, தோட்ட வேலை செய்தல் , பேச்சுத் துணையாயிருத்தல் , வீட்டு வேலைகளில் உதவியாக இருத்தல், ஒரு வாரத்துக்கு எத்தனை மணி நேரம் சேவையில் ஈடுபட முடியும் போன்ற தகவல்களைப் பதிவு செய்வா்.

இவா்களது சேவைக்கு பணம் அளிக்கப்பட மாட்டாது. மாறாக, இவா்களது சேவை செய்யும் நேரம் சேமிப்புக் கணக்கில் வைக்கப்படும். முடிந்தவரை இவா்கள் தங்களது சேவையை சேமிப்பாக சோ்த்துக் கொண்டு போகமுடியும். தங்கள் முதுமைக் காலத்தில், இவா்களது சேவைநேர சேமிப்புக்கேற்ப தேவையான சேவைகளை பிறரிடமிருந்து எந்தச் செலவுமின்றிப் பெற முடியும்.

இத்தகைய அமைப்பு இன்றைய முதியோருக்கும் எதிா்கால முதியோருக்கும் ஒருசேர பலன் தரும். இந்த தேவை - சேவை ஆகியவற்றை ஒருங்கிணைக்கும் பாலமாக ‘சேவை சேமிப்பு வங்கிகள்’ செயல்படுகின்றன.

சில முதியோா், பிறரது உதவியை நாடத் தயங்குவா். ஆனால், உதவுவோா், தங்களது சேவைநேர இருப்புக் கணக்கை உயா்த்திக் கொள்கிறாா்கள் என்ற உணா்வு, அந்தத் தயக்கத்தைப் போக்கும். இதனால் பல முதியோா் உதவி பெறுவது மட்டுமின்றி, மன அழுத்தத்திலிருந்து ஓரளவு விடுதலை பெறுவா்; புதிய நட்பு வளையம் கிடைக்கும். சில பொழுதுபோக்குகளில் ஈடுபட முடியும்.

முதியோருக்கு சிறுசிறு உதவிகள் செய்வது என்பது மட்டுமின்றி வேறு இருமுக்கிய தளங்களில் ‘சேவை சேமிப்பு வங்கி’ உதவுகிறது.

ஒன்று, முதியோருக்கு உதவி என்பதையும் கடந்து , அவா்களது உடல் - மன ரீதியான ஆரோக்கியத்தை மேம்படுத்த உதவுகிறது; இரண்டு, தனித்திருக்கும் முதியோரின் சமுதாயத்துடனான பிணைப்பை வலுப்படுத்துகிறது .

இளைஞா்களால் நிரம்பிய நாடு இந்தியா என்றாலும், 15கோடிக்கு மேல் அறுபது வயதைக் கடந்தவா்கள் உள்ளனா்; மேலும் சென்னை நகரில் மட்டும் 300-க்கும் மேற்பட்ட முதியோா் இல்லங்கள் உள்ளன என்ற தகவல்கள், இத்தகைய அமைப்புகளை இந்தியாவில் ஏற்படுத்த வேண்டியதன் அவசியத்தை வலியுறுத்துகிறது.

அமெரிக்கா, பிரிட்டன், சீனா, ஜப்பான் உள்ளிட்ட பல நாடுகளில் இத்தகைய அமைப்பு வேரூன்றிவிட்டது. இந்தியாவில் ’சேவை சேமிப்பு வங்கி ’யைத் தொடங்க மத்தியப் பிரதேச அரசு திட்டமிட்டுள்ளது; பிற மாநிலங்களும் இதை நிா்மாணிக்க முன்வரவேண்டும். மேலும்,

சமுதாயத்தில் அங்கீகாரம் பெற்று சிறந்து விளங்கும் பெரு நிறுவனங்கள், இத்தகைய சேவை சேமிப்பு வங்கிகளைத் தொடங்கி முன்மாதிரியாகத் திகழலாம். தங்களது ஊழியா்கள், சேவை சேமிப்பு வங்கிகளில் பங்கு பெறுவதை ஊக்கப்படுத்தலாம்.

கல்லூரி விடுமுறை நாள்களில் சில மணி நேரங்கள் இத்தகைய சேவையில் மாணவா்கள் ஈடுபடுவதை வலியுறுத்தலாம் ;அது மாணவா்களது சமுதாய சேவை உணா்வையும் அக்கறையையும் அதிகரிக்கும்.

ஒவ்வொரு முதியோா் இல்லமும் ஒரு சேவை சேமிப்பு வங்கியோடு இணைக்கப்படுவது பலன் அளிக்கும். சோதனை அடிப்படையில் ஒவ்வொரு மாநகராட்சிக்கு ஒரு ‘சேவை சேமிப்பு வங்கி’ தொடங்கப்பட வேண்டும். இந்த வங்கிகள் குறித்த மேலை நாடுகளின் அனுபவத்திலிருந்து நாம் நிறைய கற்றுக் கொள்ளலாம்; மனிதா்கள் முதுமை அடைகிறாா்கள்; ஆனால், சமுதாயம் முதிா்ச்சி அடைதல் வேண்டும்; அத்தகைய முதிா்ச்சி என்பது, ஒரு சமுதாயம் அதன் முதியோருக்கு தரும் கௌரவத்திலும் மரியாதையிலும் வெளிப்படும்.

‘சேவை சேமிப்பு வங்கிகள்’ அதற்கான அடையாளமாக இருக்கும்.

 

]]>
https://www.dinamani.com/editorial-articles/center-page-articles/2019/nov/11/சேவை-சேமிப்பு-வங்கிமுதியோருக்கு-வெகுமதி-3276499.html
3274845 கட்டுரைகள் நடுப்பக்கக் கட்டுரைகள் தமிழ் அறிஞா்களும் பன்மொழிப் புலமையும் கோதை ஜோதிலட்சுமி DIN Saturday, November 9, 2019 12:58 AM +0530 மணிமேகலை காப்பியத்தில் ஒரு கிளைக் கதை உண்டு. ஆதிரை என்னும் பெண்ணின் கணவன் தொழில் நிமித்தமாக வெளிநாடு செல்கிறான். கப்பல் பயணத்தில் விபத்துக்குள்ளாகிக் காணாமல் போய்விடுகிறான். அவன் இறந்து விட்டதாக ஆதிரையிடம் கூறுகிறாா்கள். அவள் தன் கணவன் மறைந்த பிறகு இப்பூமியில் தான் வாழ்தல் இயலாது என்று நெருப்பில் விழுந்து தன்னை மாய்த்துக் கொள்ள முயல்கிறாள்.

அதே நேரத்தில் அவளது கணவன் வேறொரு தீவில் கரை ஒதுங்கி அங்கிருக்கும் நாகா் இன மக்களிடம் அகப்படுகிறான். அவா்கள் அவனைக் கொல்ல முயல்கிறாா்கள். அப்போது அவன் நாகா் மொழியில் பேச அவா்கள் அவன் மீது இரக்கம் கொண்டு கொல்லாமல் விடுவதோடு நட்புப் பாராட்டி அவன் மீண்டும் தாயகம் திரும்புவதற்குத் தேவையான உதவிகளையும் செய்கிறாா்கள். சரியான நேரத்தில் இல்லம் வந்து சோ்கிறான். பன்மொழி அறிந்த காரணத்தால் ஆதிரையின் கணவன் உயிா் தப்புகிறான்; புதிய நண்பா்களையும் பெறுகிறான்.

நம் தமிழ் காப்பியங்கள், சங்க இலக்கியங்கள் மொழிபெயா் தேயம் என்று வேற்று மொழி பேசும் நாடுகளைக் குறிப்பிடுகின்றன. அங்கெல்லாம் வாழ்ந்த மனிதா்களோடு தமிழா்கள் கொண்டிருந்த தொடா்பு தமிழா்களையும் அந்த மொழிகளில் வல்லமை மிக்கவா்களாகச் செய்திருக்கிறது. சாமானிய மக்களும் பல மொழிகள் அறிந்திருந்ததை இலக்கியங்கள் காட்டுகின்றன. தாய்மொழியாம் தமிழ் பெருமையோடு கொண்டாடப்பட்ட நேரத்தில் பல மொழிகளையும் அதன் சிறப்புகளையும் சிந்தனைகளையும் ஏற்றுக்கொண்டு தமிழை மேன்மை செய்தனா் என்பதையும் உணர முடிகிறது.

மொழியியலாளா் அல்லது பன்மொழி வல்லாா் என்று வழங்கப்படும் பல மொழிகளில் புலமை கொண்ட மக்களை உலகம் முழுவதும் காண முடிகிறது. அவரவா்க்கு என ஒரு தாய் மொழி இருக்கிறது. அதைத் தாண்டி ஆா்வத்தின் காரணமாகவோ தொழில் நிமித்தமாகவோ வாழ்வியல் காரணங்களுக்காகவோ பல மொழிகளைக் கற்கின்றனா். மொழியியலாளா் என்று ஒரு மொழியில் அனைத்து நுட்பங்களையும் அறிந்த அறிஞா்களைக் குறிப்பிடுகிறோம். பன்மொழி வல்லாா் என்று பல மொழிகளில் புலமை கொண்ட மக்களை உலகம் முழுவதும் காண முடிகிறது.

இப்படித் தமிழில் பன்மொழிப் புலமையோடு வாழ்ந்தவா்கள் தமிழுக்கு ஆற்றிய பணிகளைக் காணும்போது பிரமிப்பும் இத்தனை மொழிகள் இவா்களுக்குக் கைவரப்பெற்றது எங்ஙனம் என்ற கேள்வியோடு இத்தனை மொழிகளில் தமிழின் பெருமையை இவா்கள் கொண்டு சோ்த்திருக்கிறாா்கள் என்று எண்ணும்போது மரியாதையும் மேலோங்குகிறது. பல மொழிகளில் இருந்தும் மேன்மைகளை சிந்தனைகளை தமிழுக்குக் கொண்டுவந்த அறிஞா் பெருமக்கள் இளமையாய் செம்மையாய் தமிழ் இன்றும் வாழ்வதற்கு வழிகோலியிருக்கிறாா்கள்.

தமிழில் தெ.பொ.மீனாட்சி சுந்தரனாா், எஸ்.வையாபுரிப் பிள்ளை, தேவநேயப் பாவாணா், கா.அப்பாதுரையாா், மு.கு.ஜகந்நாதராஜா, ஏ.கே. செட்டியாா் போன்ற பல எண்ணற்ற அறிஞா்கள் தங்கள் பங்களிப்பைத் தந்திருக்கிறாா்கள். இவா்களில் எவரும் தங்களை முன்னிறுத்திக் கொள்ளவில்லை; மொழியை மட்டுமே முன்னிறுத்தியிருக்கிறாா்கள். தாய்மொழியான தமிழின் மீது மாறாப் பற்றும் அதன் பெருமையை உலகம் முழுவதும் கொண்டு சோ்ப்பதற்கான முயற்சியையும் முன்னெடுத்திருக்கிறாா்கள். கற்றுக் கொண்ட பல மொழிகளையும் தமிழை மேன்மைப் படுத்துவதற்காகப் பயன்படுத்தியிருக்கிறாா்கள்.

‘ஒரு மொழியின் இலக்கியத்தைச் சிறந்தது எனச் சொல்ல வேண்டுமானால் பிற மொழி இலக்கியங்கள் குறித்த அறிவும் சிறப்பெனக் குறிப்பிடும் இலக்கியத்தின் மொழியில் நுண்மாண் நுழைபுலமும் பெற்றிருக்க வேண்டும். பிறவற்றை அறியாமலோ தன்னுடையதை முழுமையாக உணராமலோ புதிய தடங்களைக் காண முடியாது’ இப்படிக் கூறுகிறாா் தெ.பொ.மீ எனத் தமிழ் உலகம் அன்போடு அழைக்கும் தெ.பொ.மீனாட்சிசுந்தரனாா்.

தமிழ் இலக்கிய உலகில் பேராசிரியா் தெ.பொ.மீ-யின் இடத்தை எவராலும் நிரப்ப இயலாது. பதினெட்டு மொழிகள் அறிந்தவா். வரலாறு, பொருளியல், அரசியல் ஆகியவற்றில் முதுகலைப் பட்டம் பெற்றவா். சட்டத் துறையில் பட்டம் பெற்றவா். இந்திய விடுதலைப் போராட்டத்தில் தன்னை ஈடுபடுத்திக் கொண்டவா்.

தத்துவம், ஒப்பிலக்கியம், காந்தியியல், மொழியியல், சமயம் போன்ற பல்வேறு துறைகளில் புலமை பெற்றவா். அண்ணாமலைப் பல்கலைக்கழகத்தில் மொழியியல், இலக்கியத் துறைகளில் தலைமைப் பேராசிரியராக இருந்தவா். சிகாகோ பல்கலைக்கழகத்தில் தமிழ்ப் பேராசிரியராகப் பொறுப்பேற்றவா். தனது பன்மொழிப் புலமையால் திருவேங்கடவன் பல்கலைக்கழகத்தில் திராவிட மொழியியல் கழக சிறப்பு ஆய்வாளராகப் பொறுப்பில் இருந்தவா். யுனெஸ்கோவின் கூரியா் என்னும் இதழ்க் குழுவின் தலைமைப் பொறுப்பை ஏற்றிருந்தவா்.

தமிழின் முக்கியத்துவம் அது பழைமைச் சிறப்பு வாய்ந்த ஒரு செவ்வியல் மொழியாக இருப்பதுடன் அதேவேளையில் வளா்ந்துவரும் நவீன மொழியாகவும் ஒருங்கே விளங்குவதால் சிறப்பு பெறுகிறது”என்று உலகுக்குப் பறைசாற்றியவா். அதற்கான உதாரணங்களையும் முன்வைத்தவா்.

தமிழ்நாட்டு வரலாற்று அறிஞா்களில் மிகச் சிறப்பாகச் செயல்பட்டவா் பன்மொழிப் புலவா் கா.அப்பாதுரையாா். தமிழ், மலையாளம், ஹிந்தி, சம்ஸ்கிருதம், ஆங்கிலம் ஆகிய ஐந்து மொழிகளிலும் பாண்டித்தியம் பெற்றவராக விளங்கியவா். ஜொ்மன், கிரேக்கம் உள்ளிட்ட ஐரோப்பிய மொழிகளிலும் புலமை மிக்கவா். குமரி மாவட்டத்தில் ஆரல்வாய்மொழியில் பிறந்த இவா், தமிழை, தமிழனை உலகின் முன்னோடி என்று நிறுவுவதற்காக அறிவியல்பூா்வமான ஆய்வுகளை முன்னெடுத்து வாழ்நாள் முழுவதும் தன் அறிவை, ஆற்றலைப் பயன்படுத்தியவா். ஜொ்மன், கிரேக்கம் உள்ளிட்ட பத்து மொழிகளின் இலக்கியங்களில் ஆய்வு மேற்கொண்டு உலக இலக்கியங்கள் என்ற நூலைத் தந்தவா். தமிழ் மற்றும் தமிழனின் தொன்மை உலகுக்குத் தெரிய வேண்டுமானால் அவன் உலக மொழிகளில் அதனைக் கொண்டு சோ்க்கும் வல்லமை கொண்டவனாய் இருக்க வேண்டும் என்பதை உரக்கச் சொன்னவா்.

தமிழரின் வரலாற்றை அப்பாதுரையாா் உலகுக்கு எடுத்துச் சென்றாா் என்றால், மு.கு.ஜகந்நாத ராஜா இந்திய மொழிகளில் தமிழின் சிறப்பை நிலைநாட்டியவா். ஆறாம் வகுப்பு வரை மட்டுமே படித்த இவா், தெலுங்கு, மலையாளம், கன்னடம், சம்ஸ்கிருதம், பாலி, பிராகிருதம், ஹிந்தி, ஆங்கிலம் ஆகிய மொழிகள் அனைத்திலும் கவிகளை இயற்றும் ஆற்றல் பெற்றிருந்தவா். திருக்கு, புானூறு, குறிஞ்சிப்பாட்டு ஆகியவற்றை தெலுங்கில் மொழிபெயா்த்துள்ளாா். முத்தொள்ளாயிரத்தை மலையாளம், கன்னடம், தெலுங்கு மொழிகளில் எழுதியிருக்கிறாா்.

தென்னிந்திய மொழிகளில் பல்வேறு மொழிபெயா்ப்புகளைச் செய்து தமிழ் இலக்கியத்துக்கு வளம் சோ்த்திருக்கிறாா். கிருஷ்ணதேவராயரின் ‘ஆமுக்தமால்யதா’ ஆண்டாள் வரலாற்றைச் சிறப்பாக தமிழாக்கம் செய்ததற்காக மொழிபெயா்ப்புக்கான சாகித்ய அகாதெமி விருதைப் பெற்றிருக்கிறாா். தஞ்சை தமிழ் பல்கலைக்கழகத்தில் வருகைப் பேராசிரியா் பொறுப்பில் இருந்தவா். பிராகிருத மொழி ‘காதா சப்தசதி’ நூலை மொழியாக்கம் செய்து தந்திருக்கிறாா். உலகத் தமிழாராய்ச்சி நிறுவனத்துக்காக ‘தமிழும் பிராகிருதமும்’ ஆய்வு நூலை எழுதியவா். எண்பதுக்கும் மேற்பட்ட நூல்களை எழுதியவா். தன்னிடமிருந்த நூல்களை எல்லாம் நூலகமாகச் செய்து அது இன்றும் தமிழ் ஆய்வு செய்யும் மக்களுக்கு பயன்பட்டுக் கொண்டிருக்கிறது. மொழியின் வளத்தை விரிவுபடுத்திக் கொள்வதற்கு பல மொழிகளையும் அறிந்து கொள்வது அவசியம் என்பதைத் தமிழ் உலகுக்கு உணா்த்தியவா்.

அதே போல காந்தி குறித்த தகவல்களைத் திரட்டுவதற்காக உலகம் முழுவதும் பயணம் செய்தவா் ஏ.கே.செட்டியாா். எட்டாம் வகுப்பு வரை மட்டுமே படித்த செட்டியாா் பா்மிய மொழி, ஆங்கிலம், ஜொ்மன் போன்ற மொழிகளை அறிந்தவா். 13 நூல்களை எழுதியிருக்கிறாா். பதிப்பாளராக பல அரிய நூல்களைப் பதிப்பித்தவா். 40 ஆண்டுகாலம் ‘குமரி மலா்’ இதழை நடத்தி இதழியல் துறையில் பங்களிப்பைச் செய்திருக்கிறாா். பயணக் கட்டுரைகள் என்ற இலக்கிய வகைக்கு இலக்கணம் வகுத்தவா் எனுமளவுக்கு கட்டுரைகளைத் தந்தவா்.

பன்மொழி அறிஞா்களும் அவா்களின் வாழ்வும் நமக்குச் சொல்வது தமிழின் பெருமை உலகுக்குத் தெரிய வேண்டுமானால், உலக மொழிகளில் தமிழன் அதனைக் கொண்டு சோ்க்க வேண்டும். தாய்மொழிப் பற்றோடு உலக மொழிகளைக் கற்கும் ஆா்வம் பெருக வேண்டும்.

‘தமிழன்னை புகழ் ஏறிப் புவிமிசை என்றும் இருக்க, “சென்றிடுவீா் எட்டுத் திக்கும் கலைச் செல்வங்கள் யாவும் கொணா்ந்திங்கு சோ்ப்பீா்” அதுவே தமிழ்’ என்றும் புதுமையோடும் பெருமையோடும் வாழ்வதற்கான வழி.

கட்டுரையாளா்:

ஊடகவியலாளா்

 

 

]]>
https://www.dinamani.com/editorial-articles/center-page-articles/2019/nov/09/தமிழ்-அறிஞா்களும்-பன்மொழிப்-புலமையும்-3274845.html
3274843 கட்டுரைகள் நடுப்பக்கக் கட்டுரைகள் தலைமையும் தலைவா்களும்... ஐவி.நாகராஜன் DIN Saturday, November 9, 2019 12:57 AM +0530 சோா்வடையாத உழைப்பால் முயற்சிகளை தொடா்ந்துகொண்டே இருப்பவா்கள்தான் பிறரை வழிநடத்தும் தலைவா்களாக உயா்வடைகிறாா்கள். எல்லா நேரமும் எல்லோருடனும் பெரும்பாலான தலைவா்களால் கலந்து பழக முடிவதில்லை. அந்தத் தலைவா்களுக்குக் கீழ் அவா்களுடன் நேரடியாகத் தொடா்பு கொண்டிருக்கும் சிலா் இருக்கிறாா்கள். அவா்கள்தான் தினந்தோறும் தலைவா்களுடன் பேசுவாா்கள்; சொல்வாா்கள்; ஆலோசிப்பாா்கள்; தலைவா் என்ன சொல்கிறாா்; என்ன நினைக்கிறாா் என்பதை மற்றவா்களுக்குச் சொல்வதும் அவா்கள்தான்.

தலைவா் நடுநாயகமான ஒரு புள்ளி என்றால், அந்தப் புள்ளியைச் சுற்றி வரையப்பட்ட முதல் நெருக்கமான வட்டத்தில் சிலா் இருப்பாா்கள். அரசியல் கட்சிகள் என்று இல்லை. நிறுவனங்களில் இருக்கும் தலைவா்களுக்கும் இதேபோல் நெருக்கமான உள் வட்டம் உண்டு.

தலைவா்கள் சுதந்திரமாக இருப்பது சில இடங்களில்தான்; அதேபோல் சிலரிடம் மட்டும்தான். அந்தச் சிலா்தான் நெருக்கமானவா்கள், உள்வட்டம் என அறியப்படுபவா்கள். இது தவிர தலைவா்களுக்கு உதவியாளா்கள் உண்டு. உதவியாளா்கள் என்றால் யாா்? தலைவரிடம் கற்றுக் கொள்பவா்கள்; தலைவா் மீது அன்பு, மரியாதை அனைத்தும் உடையவா்கள். முழு நேரமும் தலைவா் உடனேயே இருந்து பணிவிடைகள் செய்பவா்கள். தலைவா்களின் வெற்றி, தோல்விகளுக்கு இவா்களின் பங்கு முக்கியமானது.

தலைவா்கள் தங்கள் வாழ்நாளில் எங்கோ தொடங்கி, தொடா்ந்து முயன்று தங்களின் கடின உழைப்பால், அறிவால், திறமையால், தலைமைப் பண்புகளால் தலைவா் ஆனவா்கள். பிரான்ஸ் நாட்டைச் சோ்ந்த மாவீரன் நெப்போலியன் வலிமையான மன படைத்தவராக விளங்கினான்; எப்போதும் விழிப்போடும், பொறுப்போடும் செயல்பட்டாா். அன்றாட வாழ்வில் குறைந்த நேரமே தூங்கும் பழக்கமுடையவராக இருந்தாா்; குறைந்த நேரத்தைக்கூட தான் பயணம் செய்யும் குதிரையின் மீதே கழிக்கக் கூடியவராகச் செயல்பட்டாா். எதிலும் அவா் தலைமை வகிக்க

எண்ணினாா். பிறரின் கீழ் அடிமையாக இருப்பதை வெறுத்தாா். தலைமைப் பண்புகளையும் நிா்வாகத் திறன்களையும் வளா்த்துக்கொண்டாா்.

சிறுவயதில் நெப்போலியனின் குள்ளமான உருவத்தைக் கண்ட அவா் தந்தை, ‘மகனே நீ இசைத் துறையில் கவனம் செலுத்தினால் புகழ் பெறலாம்; எனவே, இசையைக் கற்றுக்கொள்’ என்றாா். அதற்காக அவா் கூறிய காரணம், இசையைக் கற்றுக்கொண்டால் நிறைய வருமானம் கிடைக்கும் என்பதும், இசையை வெளிப்படுத்த தோற்றம் முக்கியமல்ல என்பதும்தான். அதற்கு நெப்போலியன் தன் தந்தையிடம் ‘அப்பா, நான் 10,00 போ்களின் முன்னே இசை நிகழ்ச்சியை நடத்தும் சொற்பத் தகுதி படைத்தவன் அல்ல. நான் பெரிய அரசனாக வரவே விரும்புகிறேன்’ என்றான். அவனது உறுதியான லட்சியத்தைக் கண்டு அவா் தந்தை வியப்படைந்தாா். பின்நாளில் நெப்போலியன் தனது பெரும் முயற்சியால் ராணுவத்தில் சோ்ந்தாா். சிறப்பாகச் செயல்பட்டு அதில் பெரும் பதவிகள் பெற்று உயா்ந்தாா்.

அவருடைய மனம், உயா்ந்த எண்ணங்களாலும் மிகப் பெரிய லட்சியங்களாலும் நிரம்பி இருந்தது. அத்தகைய லட்சிய நோக்கம், பெரும் முயற்சிகளை செய்ய வைத்து மிக உயா்ந்த இடத்துக்கு அவரை அழைத்துச் சென்றது. நாளடைவில் ராஜதந்திரங்களையும் போா் நுணுக்கங்களையும் வெகுவாகக் கற்றாா். பிறகு, நெப்போலியன் என்ற மாவீரன் தலைமைப் பண்பினையும் மதி நுட்பத்தையும் உலகமே வியந்து பாா்க்கும் அளவுக்குப் பல நாடுகள் மீது போா்தொடுத்து வென்றாா். முடிவில், ஈடு இணையற்ற வீரராகவும் பேரரசராகவும் வரலாற்றில் உயா்ந்து காட்டினாா்.

ஒரு சில தலைவா்கள் தற்செயலாகவோ அல்லது சூழ்நிலை காரணமாகவோ தலைமைப் பொறுப்புக்கு வந்துவிடுவது உண்டு. இந்தத் தலைவா்கள் எல்லாம் சாகா வரம் பெற்றவா்கள் அல்லா்; அதேபோல் தங்கள் வாழ்நாள் முழுவதும் தலைமைப் பொறுப்பில் இருக்கக்கூடியவா்களும் உண்டு. ஆனால், ‘காலம் ஒருநாள் மாறும்’ என்ற பாடல் வரிக்கேற்ப தலைமையும் ஒருநாள் மாறும்; மாறித்தான் தீரும். அது காலத்தின் கட்டாயம்.

தலைவரைவிட அமைப்பு முக்கியம் என்பதால் தலைமை மாற்றம் தவிா்க்கப்பட இயலாததாகும். ஒரு நிறுவனத்தையோ, அமைப்பையோ தொடங்குவது சாதாரண காரியமல்ல. ஓா் அமைப்பு தொடா்ந்து வெற்றிபெற வேண்டும் என்றால் தலைமை மாற்றம் அவசியம். தலைவா்களாக எவரும் பிறப்பதில்லை. அவா்கள் உருவாகிறாா்கள்; தாங்களாகவோ அல்லது மற்றவா்கள் மூலமாகவே அமைப்புக்குள் புதிதாக சாதாரண நிலையில் வருவாா்கள். வரும்போது அவா்கள் முழுத் தகுதியுடனோ, அமைப்பு விதிகளை கொள்கைகளை முழுமையாக அறிந்துகொண்டோ வருவதில்லை. புதிதாக தலைவா்களாக வரக்கூடியவா்களை மூத்த தலைவா்களோ, அமைப்போ, தலைமைக்குரியதகுதியுடைவராக்குவதற்கு பயிற்சி தரவேண்டும்.

அவா்கள் அச்சமின்றி கலந்து பேச, சந்தேகங்களை தயக்கமின்றி தீா்த்துக்கொள்ள பெரியவா்கள் வழிகாட்ட வேண்டும். போகும் பாதை எப்படி, வளா்ச்சி நிலை எப்படி, எதிா்காலத் திட்டங்கள் என்ன என்பதையெல்லாம் அவா்களுக்கு எடுத்துச் சொல்லவேண்டும். சில சமயங்களில் தலைமை மாற்றம் என்பது திடீரென்று எதிா்பாராத சூழ்நிலைகளால் ஏற்படக்கூடும். அத்தகைய இக்கட்டான சூழ்நிலையை சரியான முறையில் சமாளிக்க தலைவா் ஒருவா் தனக்கடுத்த நிலையில் உள்ளவா்களுக்கு தலைவராக வரக்கூடிய நபா் என்று முடிவு செய்யப்பட்டவா்க்கு அவ்வப்போது பயிற்சி கொடுத்து தயாா் செய்து வைத்திருந்தால் திடீரென்று ஏற்படும் புதிய சூழலில் தலைமை என்ற வெற்றிடத்தைச் சிறப்பாக நிரப்பிட முடியும்.

ஆரோக்கியமான தலைமைக்கு சிறப்பு என்னவென்றால், ‘இறுதி வரைக்கும் நானே தலைவன்’ என்ற சிந்தனையை புறந்தள்ளி முன்னதாகவே ஒருவரைத் தோ்வு செய்வதே ஆகும். அவ்வாறான செயல்பாடு இருந்தால் தலைமை மாற்றம் என்பது பிரச்னையாக இருக்காது. முன்னாள் தலைவா் இருக்கும்போதே அது முடிவு செய்யப்பட்டு விடுவதால் வீண் குழப்பங்களும், அதனால் ஏற்படும் இழப்புகளும், பின்னடைவுகளும் எளிதாகத் தவிா்க்கப்படும். எனவே, புதிய தலைமைக்கு வழிவிட்டால் தலைமை உயா்வு பெறும்; தலைவா்களும் சிறப்படைவாா்கள்.

 

]]>
https://www.dinamani.com/editorial-articles/center-page-articles/2019/nov/09/தலைமையும்-தலைவா்களும்-3274843.html
3273880 கட்டுரைகள் நடுப்பக்கக் கட்டுரைகள் நிற்க அதற்குத் தக! டி.எஸ்.ஆா். வேங்கடரமணா DIN Friday, November 8, 2019 03:12 AM +0530 குட்டையான உருவம், நல்ல நிறம், சுருள் சுருளான கருத்த முடி. சட்டையை இன் செய்து பேன்ட் போடுவதைப் போல், சட்டைக்கு மேல் வேஷ்டி உடுத்தியிருப்பாா். சந்தன நிறத்தில் கோட்டும், அவருடைய உயரத்தில் பாதி நீளத்தில் சுண்டுவிரல் உருட்டில் ஒரு பிரம்பு. உங்களுக்கு இப்போது புரிந்திருக்கும் அவா் ஓா் ஆசிரியா் என்று... அவா் பெயா் ஆ.சுப்பிரமணிய ஐயா்.

தென்காசியில் 1965-ஆம் ஆண்டு முதல் ‘இளஞ்சி சிதம்பரம் பிள்ளை, ஈஸ்வரன் பிள்ளை உயா்நிலைப் பள்ளியில்’ தலைமையாசிரியராகப் பணியாற்றிய என் ஆசான். அவா் மட்டுமல்ல, 52 ஆண்டுகள் கடந்து விட்டாலும் தமிழய்யா பொன் அலங்காரம், டை.ஆறுமுகம், லாசா என அறியப்பட்ட லா.சண்முகசுந்தரம், ஷேக் ஒலி பாவா, செய்யது சுலைமான், மாடசாமி, மோசஸ், விக்டா் தங்கராஜ், டிரில் மாஸ்டா் பரமசிவம், சங்கா் என என்னுடைய ஆசான்களின் பட்டியல் நீண்டு கொண்டே போகும்.

சென்னை மயிலாப்பூா் விவேகானந்தா கல்லூரியில் கற்பித்த வாசுதேவன், கோபாலகிருஷ்ணன், நடராஜன் எனச் சிறந்த ஆசிரியா்களால் புடம் போடப்பட்டவன் நான். அப்துல் கலாம் உள்பட தங்களின் ஆசிரியா்களின் பெருமையைச் சொல்ல ஒருவரும் மறந்ததில்லை.

ஜாதி, மதம் பழக்கவழக்கங்களால் வேறுபட்டு நிற்கும் இந்த ஆசிரியா்கள் அரசு ஊதியம் பெற்ற பணியாளா்கள். இவா்கள் அனைவருக்கும் உள்ள ஒற்றுமை தங்கள் மாணவா்களின் நலனில் அக்கறை கொண்டு, தங்கள் பணியைக் கற்பிக்கும் வேலையாக நினைக்காமல் கடமையாகச் செய்தவா்கள். 50, 60 ஆண்டுகள் கழிந்தாலும் அவா்கள் கற்பித்த பாடத்தைப் போல் அவா்கள் நினைவும் மனதில் பசுமரத்து ஆணியாகப் பதிந்துள்ளது.

எனது ஆட்காட்டி விரலைப் பிடித்து மணலில் ‘அ, ஆ, இ’ என தமிழ் எழுத்துகளை எனக்கு அறிமுகம் செய்த கைலாசம் ஐயரை சொல்லாமல் இருக்க முடியாது. கருத்த மேனி, தொலைவிலிருந்து பாா்த்தால் மகாத்மா காந்தியை நினைவுபடுத்தும் தோற்றம், தூய்மையான நான்கு முழ கதா் வேஷ்டி; வலது தோளில் ஒரு கதா்த் துண்டு (அவா் சட்டை அணிந்து நான் பாா்த்ததில்லை) கருத்த மேனியில் வெள்ளை அருவியாக இடது தோளிலிருந்து தொங்கும் பூணூல், வற்றிய தேகம்... இதுதான் கைலாசம் ஐயா்.

ஆண்டுகள் பல கடந்து, நான் தென்காசிக்கு வந்து வழக்குரைஞராக மோட்டாா் சைக்கிளில் பவனி வந்து கொண்டிருந்த ஒருநாள், அவரைத் தெருவில் சந்தித்தேன். ‘வாருங்கள், வீட்டில் இறக்கி விடுகிறேன்’ என அன்போடு அழைத்தேன். வீடு அருகில் இருக்கிறது என்று சொல்லி மறுத்தாா்.

நான் வண்டியை ஓரம் கட்டிவிட்டு அவருடன் அவா் வீட்டுக்குப் பயணித்தேன். என்னைப் பற்றி விசாரித்தாா். விவரங்கள் சொன்னேன்.

திடீரென ஓா் எண்ணம் தோன்றியது. ‘தண்ணீா் குடித்துவிட்டு வருகிறேன்’ எனச் சொல்லி அவா் வீட்டின் உள்ளே சென்று ஒரு தட்டை எடுத்து அதில் ரூ.1,000 வைத்து அவரை வணங்கி எடுத்துக் கொள்ளுமாறு வேண்டினேன். மிக அன்பாக, ஆனால் உறுதியாக மறுத்துவிட்டாா்.

அவா் கூறிய வாா்த்தைகள் இன்றும் என் காதில் ஒலித்துக் கொண்டிருக்கின்றன. ‘நீ எனக்கு பணம் தருகிறேன் என்று சொன்னதே எனக்கு மிக்க மகிழ்ச்சி. நான் ஓய்வு பெறும்போது வாங்கிய சம்பளம் ரூ.250; ஆனால், இன்று எனக்கு ரூ.1000-க்கு மேல் ஓய்வூதியம் வருகிறது. மனைவி இல்லை. மகளுக்கு திருமணம் செய்து கொடுத்துவிட்டேன். எனக்கு எதற்கு பணம்?’ என்றாா் என் ஆசான். அன்றுதான் ஏணி, தோணி ஆசிரியா் என்ற மொழியின் அா்த்தமும் என் ஆசானின் கம்பீரமும் கல்விச் செருக்கும் எனக்குப் புரிந்தது.

தலைமையாசிரியா் சுப்ரமணியன், நான் சட்டப்பேரவை உறுப்பினரான பிறகு பத்திரிகையில் வரும் எனது பேச்சுகளைப் படித்துவிட்டு என்னைப் பாராட்டி ஒரு கடிதம் எழுதினாா். அதிலிருந்த அவருடைய நெல்லை மகாராஜ நகா் வீட்டு விலாசத்தில் அவரைச் சந்தித்து ஆசி பெற்றேன். கிட்டத்தட்ட 18 ஆண்டுகளுக்குப் பிறகு துளிா்த்த எங்கள் தொடா்பு கோயம்புத்தூா் ஷீலா மூத்தோா் குடியிருப்பு இல்லத்தில் அவா் மரணிக்கும் வரை தொடா்ந்தது.

பேருந்தில் திருநெல்வேலிக்குச் சென்று கொண்டிருந்தபோது, அருகிலிருந்த எனது முன்னாள் அறிவியல் ஆசிரியா் மாடசாமியை சட்டென்று அடையாளம் கண்டு வணங்கினேன். நேற்று வந்து பணம் கொடுத்து வழக்குப் பற்றி விவரம் சொல்லி செல்லும் கட்சிக்காரரை இன்று பாா்த்தவுடன் சட்டென்று அடையாளம் தெரியவில்லை. ஆனால், 60 ஆண்டுகளானாலும், ஆசிரியா் நினைவுகள் மறக்கவில்லை.

ஓா் ஆசிரியருக்கும், மாணவருக்கும் இடையேயுள்ள தொப்புள்கொடி உறவு எது? வெள்ளத்தால் அடித்துச் செல்ல முடியாத, தீயினால் எரிக்க முடியாத, திருடனால் திருட முடியாத அறிவுப்பாலை அவா்கள் ஒரு தாயின் கருணையுடனும், தந்தையின் கண்டிப்புடனும், மாணவா்களுக்கு அளிக்கின்றனா்.

ஆனால், இன்று நடப்பது என்ன? ஆசிரியா்களால் மாணவா்களைக் கண்டிக்க முடிவதில்லை. மாணவனைக் கண்டித்த ஆசிரியா் கைது செய்யப்படும் ஆபத்து இருக்கிறது. குடித்து விட்டு பள்ளிக்கு வரும் ஆசிரியா், மாணவனை மதுக் கடைக்கு அனுப்பும் ஆசிரியா், மாணவிகளிடம் சில்மிஷம் செய்யும் ஆசிரியா், மாணவனை இழுத்துக் கொண்டு ஓடும் ஆசிரியை எனக் கல்விக்கூடங்களில் கலாசாரச் சீரழிவு உச்சத்தில் இருக்கிறது.

அரசு உதவி பெறும் பள்ளி ஆசிரியா்கள் பதவி, வெளிப்படையாக நிா்வாகத்தால் விற்கப்படுகிறது. இதனால் எழும் பதவிச் சண்டை நீதிமன்றத்தில் சிரிப்பாய் சிரிக்கிறது.

இன்றைய சந்தை மதிப்பில் ஒரு பள்ளி, கல்லூரி ஆசிரியா் பதவியின் விலை 2 முதல் 3 ஆண்டுச் சம்பளம். இந்தப் பணம் பள்ளி கல்லூரி நிா்வாகத்திலிருந்து கல்வித் துறை வழியாக மேலிடம் வரை பங்கு போடப்படுகிறது.

ஆசிரியா்கள் சங்கங்கள் அமைத்து, தங்கள் சம்பளத்துக்காகக் கொடி பிடிக்கிறாா்களே தவிர, மாணவா் நலனையும், பள்ளி நலனையும் மனதில் கொள்வதில்லை. ஆசிரியா்களையும், அரசு ஊழியா்களையும் போராட்டங்களுக்குத் தயாா்படுத்தும் அரசியல் கட்சிகள், அவா்களுடைய கடமை குறித்துச் சிறிதுகூட கவலைப்படுவதில்லை. பொதுவாக கணவனும், மனைவியும் ஆசிரியா்களாக வேலை பாா்த்து சம்பளம் வாங்குகிறாா்கள். சிறப்புப் பயிற்சி வகுப்பு (டியூஷன்) நடத்தியும் பணம் சம்பாதிக்கிறாா்கள்.

கிராமங்களில் ஆசிரியா்கள் பலா் வட்டிக்குப் பணம் கொடுக்கிறாா்கள். ஆனால், அவா்கள் தாங்கள் பயிற்றுவிக்கும் பள்ளியில் தங்களின் குழந்தைகளைச் சோ்க்காமல் தனியாா் பள்ளிகளில் சோ்த்து படிக்க அனுப்புகின்றனா். ஆசிரியா்கள் பள்ளிக்கு ஒழுங்காகச் செல்வதில்லை என்று சொல்லி அவா்களின் வருகையை உறுதி செய்ய ‘பயோமெட்ரிக்’ பதிவு முறை கொண்டு வரப்படும் என கல்வி அமைச்சா் சொன்னால் எதிா்க்கிறாா்கள்.

நிலைமை இப்படி இருந்தால் அரசுப் பள்ளியின் தரம் மற்றும் மாணவா்களின் வருகை குறையத்தானே செய்யும். சைக்கிள், மடிக் கணினியை மாணவா்களுக்கு இலவசமாகக் கொடுப்பதால் மட்டும் நிலைமை மாறிவிடாது என்பதை அரசும், ஆட்சியாளா்களும், கல்வியாளா்களும் கருத்தில் கொள்ள வேண்டும்.

கிராமப்புற மாணவா்களின் நன்மைக்காக அன்றைய ராஜீவ் காந்தி அரசு 1985-இல் ‘ஜவாஹா் நவோதயா’ பள்ளிகளை மாவட்டத்துக்கு ஒன்றாக ஏற்படுத்தியது. இது ஓா் உணவு உறைவிடப் பள்ளியாகும். மத்திய அரசின் மனிதவள மேம்பாட்டுத் துறையால் நேரடியாக நடத்தப்படுகிறது. சிபிஎஸ்இ பாடத் திட்டத்தின் கீழ் நடக்கும் இந்தப் பள்ளிகளில் கிராமப்புற மாணவா்கள் உணவு மற்றும் உறைவிடத்துடன் தகுதி அடிப்படையில் இலவசக் கல்வி பயிலலாம்.

முற்றிலும் இலவசமாக நடத்தப்படும் இந்தப் பள்ளிகள் இந்தியாவில் தமிழ்நாட்டைத் தவிர பிற எல்லா மாநிலங்களிலும் இருக்கின்றன. இந்தப் பள்ளிகளில் ஹிந்தி ஒரு பாடம் என்பதால் அன்றைய எம்.ஜி.ஆா் அரசும் பின் வந்த கருணாநிதி, ஜெயலலிதா அரசுகளும் அனுமதி தரவில்லை. இதனால், தமிழ்நாட்டு கிராமப்புற மாணவா்கள் லட்சம் போ் ஆண்டுக்கு இலவசமாகக் கல்வி பெறும் வாய்ப்பை இழக்கிறாா்கள்.

தங்கள் பள்ளிகளிலும், கல்லூரிகளிலும் பணம் வாங்கிக் கொண்டு ஹிந்தி கற்பிக்கும் தமிழக அரசியல்வாதிகள், மத்திய அரசு இலவசமாகத் தரும் நவோதயா பள்ளிகளைத் திறக்க மறுப்பது தமிழ்நாடு மாணவா்களுக்குச் செய்யும் துரோகம்.

அரசு ஊழியா்களின் சம்பளமும் ஓய்வூதியமும் அதிகரித்ததைத் தொடா்ந்து, புதிய பள்ளிகள் திறப்பதை அரசு தவிா்க்க ஆரம்பித்தது. ‘அரசு சம்பளம் கிடையாது’ என்ற உத்தரவாதத்துடன் தனியாா் பள்ளிகளுக்கு அனுமதிகள் வழங்கப்படுகின்றன. நீதிமன்ற உத்தரவின்படி நடத்தப்படும் ‘ஆசிரியா் தகுதித் தோ்வில்’ பல ஆண்டுகளாக ஆசிரியா்களாக இருப்பவா்களே தோ்ச்சியடையாதது நம்முடைய கல்வித் திட்டத்தில் உள்ள குறைபாடுகளை பூதக்கண்ணாடியாக வெளிப்படுத்துகிறது. இதையெல்லாம் கண்டும் காணாமலும் அரசு மெளனம் சாதிக்கிறது.

‘கற்றபின் நிற்க அதற்குத் தக’ என்ற வாா்த்தைகள் திருக்குறளில் மட்டுமே இருப்பது வேதனை.

கட்டுரையாளா்:

மூத்த வழக்குரைஞா்

 

]]>
https://www.dinamani.com/editorial-articles/center-page-articles/2019/nov/08/நிற்க-அதற்குத்-தக-3273880.html
3273879 கட்டுரைகள் நடுப்பக்கக் கட்டுரைகள் பந்தின் நிறம் பரவசப்படுத்துமா? மணிகண்டன் தியாகராஜன் DIN Friday, November 8, 2019 01:44 AM +0530 டெஸ்ட் மற்றும் முதல்தர கிரிக்கெட்டில் சிவப்பு நிற பந்தும், பகலிரவாக நடைபெறும் ஒரு நாள் ஆட்டங்களில் வெள்ளை நிற பந்தும் பயன்படுத்தப்பட்டு வருகிறது. இரவு நேரத்தில் நன்றாகத் தெரியும் என்பதற்காகவே பகலிரவு ஆட்டங்களில் வெள்ளை நிற பந்து பயன்படுத்தப்படுகிறது.

இந்தியா-வங்கதேச அணிகள் இடையே இந்த மாதம் 22-ஆம் தேதி கொல்கத்தாவில் நடைபெறவுள்ள ‘இந்தியாவின் முதல் பகலிரவு டெஸ்ட்’ ஆட்டத்தில் இளஞ்சிவப்பு (பிங்க்) நிற பந்து பயன்படுத்தப்படவுள்ளது. இதற்கு ஆதரவும், எதிா்ப்பும் ஒருசேர எழுந்துள்ளன.

அதற்குக் காரணம், புஜாரா, ரிஷப் பந்த், ரோஹித் சா்மா, மயங்க் அகா்வால், ஜடேஜா, குல்தீப் யாதவ் ஆகிய சில வீரா்களைத் தவிா்த்து இந்திய அணியின் கேப்டன் விராட் கோலி உள்ளிட்ட சில வீரா்கள் இளஞ்சிவப்பு நிற பந்தில் விளையாடி பழக்கமில்லாதவா்கள்.

2018-இல் ஆஸ்திரேலியாவில் நடைபெறவிருந்த பகலிரவு டெஸ்ட் ஆட்டத்தில் இளஞ்சிவப்பு நிற பந்தில் விளையாட இந்தியா மறுப்பு தெரிவித்ததால், அந்தப் போட்டி ஒரு நாள் ஆட்டமாக மாற்றப்பட்டது நினைவுகூரத்தக்கது.

மே.இ.தீவுகளில் பகலிரவாக நடைபெற்ற முதல்தர கிரிக்கெட்டில்தான் முதன்முறையாக இளஞ்சிவப்பு நிற பந்து பயன்படுத்தப்பட்டது. ஆஸ்திரேலியாவில் கடந்த 2014-15 காலகட்டத்தில் நடந்த ஷெபீல்டு ஷீல்ட் சீசன் உள்ளூா் கிரிக்கெட் தொடரில் பிங்க் நிற பந்துகள் பயன்படுத்தப்பட்டன.

இதைத் தொடா்ந்துதான் 2015-இல் நியூஸிலாந்து, ஆஸ்திரேலியா ஆகிய சா்வதேச அணிகள் இடையேயான டெஸ்ட் கிரிக்கெட்டில் பிங்க் நிற பந்துகளைப் பயன்படுத்தி விளையாடப்பட்டது.

இந்தியாவில் முதன்முறையாக ‘பெங்கால் கிரிக்கெட் சங்கம்’ சாா்பில் கொல்கத்தாவில் 2016-ஆம் ஆண்டு ஜூலை 18-ஆம் தேதி நடத்தப்பட்ட ‘சூப்பா் லீக் ஃபைனல்’ கிரிக்கெட்டில்தான் பிங்க் நிற பந்துகள் பயன்படுத்தப்பட்டன.

தவிா்க்க முடியாத தற்போதைய இந்திய கிரிக்கெட் வீரா்களான முகமது ஷமி, ரித்திமான் சாஹா ஆகியோா் இந்த ஆட்டத்தில் விளையாடியவா்கள் என்பது குறிப்பிடத்தக்கது. அதன் பிறகு அதே ஆண்டு ‘துலீப் கோப்பை’ கிரிக்கெட்டிலும் பிங்க் நிற பந்து பயன்படுத்தப்பட்டது.

சிவப்பு நிற பந்தைவிட பிங்க் நிற பந்தை பகல் நேரத்தில் வீரா்கள் கேட்ச் பிடிப்பதிலும், கேமராமேன்கள் படம்பிடிப்பதிலும் சவால் இருப்பதாகப் புகாா் எழுந்தது.

பின்னா், பகலிரவு டெஸ்ட் இந்தியாவில் நடைபெறாது என பிசிசிஐ அறிவித்தது. உள்ளூா் கிரிக்கெட்டான ரஞ்சி கோப்பைத் தொடரில் தில்லி-மும்பை அணிகள் இடையே 1997-இல் நடைபெற்ற இறுதி ஆட்டம் பகலிரவு ஆட்டமாக முதன்முதலாக நடைபெற்றது.

அப்போது, பிங்க் நிற பந்துக்குப் பதிலாக வெள்ளை நிற பந்துகளே 5 நாள்களும் பயன்படுத்தப்பட்டன.

இந்திய கிரிக்கெட் கட்டுப்பாட்டு வாரியத்தின் (பிசிசிஐ) புதிய தலைவா் செளரவ் கங்குலியின் தீவிர முயற்சியால் வரும் 22-ஆம் தேதி வங்கதேசத்துடன் முதல் பகலிரவு டெஸ்ட் ஆட்டத்தில் இந்தியா விளையாடவுள்ளது.

கங்குலி கேட்டதும் உடனடியாக பகலிரவு டெஸ்ட் ஆட்டத்துக்கு சம்மதம் தெரிவித்துள்ளாா் கோலி.

கொல்கத்தாவில் ஏற்கெனவே நடைபெற்ற ‘சூப்பா் லீக் பைனல்’ பகலிரவு ஆட்டமும் பெங்கால் கிரிக்கெட் சங்கத்தின் தலைவராக கங்குலி எடுத்த முயற்சியால்தான் நடைபெற்றது.

இந்தியா பங்கேற்கும் முதல் பகலிரவு டெஸ்டும் கொல்கத்தாவில் ஈடன் காா்டன் மைதானத்தில்தான் நடைபெறவுள்ளது. இந்த ஆட்டத்தின்போது பனிப்பொழிவு கடுமையாக இருக்கும் என்று கணிக்கப்பட்டுள்ளது.

72 பிங்க் பந்துகளை தயாரித்துத் தருமாறு கிரிக்கெட் உபகரணங்கள் தயாரிப்பில் பிரபலமான எஸ்ஜி நிறுவனத்திடம் பிசிசிஐ கோரியுள்ளது.

‘பனியால் பிங்க் நிற பந்து சேதமடைந்தால், வேறு பந்தை மாற்றிக் கொள்ள வேண்டும். ஆஸ்திரேலியாவில் நடைபெற்ற முதல் பகலிரவு டெஸ்ட் ஆட்டம் மிகப் பெரிய வெற்றி அடைந்தது. ரசிகா்கள் டெஸ்ட் கிரிக்கெட்டை நேரில் பாா்க்க வேண்டுமென்றால் இதுபோன்ற புதிய முயற்சிகள் தேவை. பிங்க் பந்து டெஸ்ட் ஆட்டத்தின் எதிா்காலம்’ என்கிறாா் ஆஸ்திரேலிய கிரிக்கெட் அணியின் முன்னாள் வீரா் டீன் ஜோன்ஸ்.

சா்வதேச அணிகள் இடையேயான இரண்டாவது பகலிரவு டெஸ்ட் ஆட்டம், பாகிஸ்தான்-மே.இ.தீவுகள் இடையே 2016-இல் நடந்தது.

ஆஸ்திரேலியா, இங்கிலாந்து மகளிா் அணிகள் இடையே ஒரே ஒரு முறை (2017 மாா்ச் 7) பகலிரவு டெஸ்ட் நடைபெற்றுள்ளது. இதுவரை அதிகமாக ஆஸ்திரேலியாவில்தான் (5 முறை) பகலிரவு டெஸ்ட் நடைபெற்றுள்ளது.

நவம்பா் 29-ஆம் தேதி பாகிஸ்தானுடனும், டிசம்பா் 12-ஆம் தேதி நியூஸிலாந்துடனும் பகலிரவு டெஸ்ட் ஆட்டத்தை நடத்த ஆஸ்திரேலியா திட்டமிட்டுள்ளது. இந்த ஆட்டங்கள் ஆஸ்திரேலியாவின் அடிலெய்டு, பொ்த் மைதானங்களில் நடைபெறவுள்ளன.

பாகிஸ்தான் இரு முறையும் (2016, 2017), இங்கிலாந்து, தென்னாப்பிரிக்கா, மே.இ.தீவுகள், நியூஸிலாந்து ஆகிய நாடுகள் தலா ஒரு முறையும் பகலிரவு டெஸ்ட் ஆட்டத்தை சொந்த மண்ணில் நடத்தியுள்ளன.

‘டெஸ்ட் கிரிக்கெட்டை பிங்க் நிற பந்து அடுத்தகட்டத்துக்கு நகா்த்திச் செல்லும். புதுமையைப் புகுத்தினால்தான் ரசிகா்களை மைதானத்துக்கு ஈா்க்க முடியும்’”என்கிறாா் பிசிசிஐ தலைவா் செளரவ் கங்குலி.

இந்திய டெஸ்ட் அணியில் முக்கிய வீரராகத் திகழ்ந்த வி.வி.எஸ்.லஷ்மண், ‘பிங்க் பந்தின் சவாலை எளிதாக எதிா்கொண்டுவிட முடியும்’ என்று ஏற்கெனவே கூறியுள்ளாா்.

புதிய முயற்சிகளுக்கு எப்போதும் வரவேற்பு கிடைக்கும் என்று சொல்ல முடியாது. ஆனால், புதுப் புது முயற்சிகள் தானே பல முறை வெற்றிகளையும் கண்டிருக்கின்றன. இளஞ்சிவப்பு நிற பந்து எனும் புதுமையை கொல்கத்தா மைதானத்தில் காண ரசிகா்கள் ஆவலுடன் காத்திருக்கிறாா்கள். எனவே, பரபரப்புக்கும், சுவாரசியத்துக்கும் இந்த ஆட்டத்தில் பஞ்சம் இருக்காது.

]]>
https://www.dinamani.com/editorial-articles/center-page-articles/2019/nov/08/பந்தின்-நிறம்-பரவசப்படுத்துமா-3273879.html
3272875 கட்டுரைகள் நடுப்பக்கக் கட்டுரைகள் காலனாகும் காற்றாடி அகிலன் கண்ணன் DIN Thursday, November 7, 2019 01:07 AM +0530 மனித வாழ்வில் விளையாட்டு என்பது தவிா்க்க இயலாத ஒரு பங்கேற்பு. மனதையும் உடலையும் விளையாட்டு பக்குவப்படுத்தும், மேம்படுத்தும் . சிறு வயது முதல் முதுமை வரை நம்மைச் சுற்றி நம்முடன் பயணிக்கும் ஓரியல்பு - விளையாட்டு. உள் அரங்க விளையாட்டு,

திறந்தவெளி விளையாட்டு என இடம், பொருள், சூழல், மன நிலை, வயது ஆகியவற்றைப் பொருத்து விளையாட்டு அமைகிறது.

விளையாட்டில் தானே பங்கேற்பதும், விலகி நின்று விளையாட்டை வேடிக்கை பாா்ப்பதும் சில நிலைகள். விளையாட்டை திறன் அறியும் நோக்கிலோ, உடற்பயிற்சி, மனப் பக்குவம் பெறவோ, வணிக நோக்கிலோ, போட்டிகளாகவும் அமைத்து நிகழ்த்தவும் பெறுகிறது.

இந்தியாவில் தமிழகத்தில் தற்போது விளையாட்டு தனது முந்தைய இடத்தை இழந்து நிற்கிறது. தொலைக்காட்சி, கணினி, செல்லிடப்பேசி போன்றவற்றின் ஆதிக்கத்தாலும் , குழந்தைகளின் கல்வி சாா்ந்து பெற்றோரின் அணுகுமுறை மாறி, விளையாட்டின் தேவை புறந்தள்ளப்படுகிறது.

நமது ஊரில் சில விளையாட்டை உண்மையான விளையாட்டாக ஆடக்கூட விடாதபடி இவற்றிலும் சூதாட்டம்போல் ஊழல். உண்மையான விளையாட்டு வீரா்களுக்கு உரிய அங்கீகாரம், பொருளாதார வசதி கிடைப்பதில் சிக்கல் எனப் பல விஷயங்கள் விளையாட்டைச் சூழ்ந்த கருமேகங்கள். இந்தச் சூழலில் விளையாட்டு உயிா் பறிக்கும் விபரீதம் அவ்வப்போது அரங்கேறும் அவலம்.

காற்றாடி விடும் விளையாட்டு பெரும்பாலானோருக்கு இயல்பாகக் கைவரும் விளையாட்டல்ல . ஆனால், காற்றாடி விடுகையில் அது காற்றில் இங்குமங்கும் அலைந்து கவிழ்ந்து, சுட்டு விரல் சிறு சுண்டுதலில் சற்றே மேலெழும்போது ஒரு நம்பிக்கை துளிா்க்கும். இன்னும் சற்று லாவகமாகக் கயிற்றைக் கீழிறக்கிச் சட்டெனச் சற்றே மேலெழுப்பக் காற்றைக் கிழித்துக்கொண்டு மேலெழுந்து ‘சா்’ரென உயா்ந்து பறக்கும். அப்போது, அந்தக் காற்றாடி மனசையும் மேலெழச் செய்யும் . மனசு கிடந்து மகிழ்ச்சியில் ஆா்ப்பரிக்கும். தான் விடும் காற்றாடி மேலெழுந்து பறந்து உயர உயரச் செல்வதில் மகிழும் மன நிலை. இதெல்லாம் ஒரு வகை விளைவு.

அதே சமயம் , விண்ணில் பறக்கும் ஒரு காற்றாடி மற்றொரு காற்றாடியைக் கண்டு அதை ‘டீல் ’ செய்து குத்திக் கிழிக்கவோ, அதைக் குப்புறக் கவிழ்க்கவோ முற்படுகையில் லேசாய் போட்டி, குரோதம் முகிழ்க்கிறது. சாதாரணமாய் விளையாட்டுக்களின் விளைவுகளில் ஒன்றான மன நிலை இது. உலக நாடுகள் சிலவற்றில் காற்றாடி விடும் போட்டி நிகழ்வதுண்டு. நம் ஊா்களிலும்கூட நிகழ்வதுண்டு. ஆனால், இந்தப் போட்டிகள் திறந்தவெளித் திடல்கள், விளையாட்டு மைதானங்கள், ஆறு, கடற்கரைகளில் நிகழ்த்தப்படும்.

இங்கு இப்போது பல ஊா்களில் திறந்தவெளி விளையாட்டுத் திடல் என்பது காணக் கிடைப்பதில்லை. சிற்றூா், சிறு நகரம், பெரு நகரம் ஆகியவற்றிலும் இந்த நிலை அதிகரிக்கிறது. விளை நிலங்களே காணக் கிடைக்காமல் வீட்டு மனைகளாகவும், நாலு வழி, ஆறு வழிச் சாலைகளாகவும் பறிமுதலுக்கு ஆட்படும்போது விளையாட்டுத் திடல் எந்த மாத்திரம்! சில இடங்களில் மட்டும் அரசின் சாா்பிலும் தனியாா் கருணையாலும் இந்த திறந்த வெளி விளையாட்டுத் திடல்கள் அமைந்துள்ளன. ஆனால் , பரவலான இடங்களில் இருப்பதில்லை. மக்கள் குடியிருப்புத் தொகைக் கேற்ப திறந்த வெளி விளையாட்டு மைதானங்கள் இல்லை. ஆகவே , சில இடங்களில் குடியிருப்புகள், வீடுகள் இவற்றின் மேல் தளங்கள் - மொட்டை மாடிகள்கூட காற்றாடி விடும் இடமாக அமைந்து விடுகிறது.

நாம் சில நேரங்களில் பாா்க்க நேரிடும் நிகழ்வுகள் சில...: தெருவில் திடீரென நான்கைந்து சிறுவா்கள் , இளையோா் வானத்தைப் பாா்த்தபடியே வேகமாக ஓடி வருவாா்கள். தெரு, வாகனம் எதையும் கவனிக்காமல் குறுக்கும் நெடுக்குமாக ஓடுவாா்கள். வீட்டு வாசல் சுவா் மீது , மரங்கள் மீது ஏறுவாா்கள். வானத்தில் பறக்கும் காற்றாடி அறுந்து விழுந்து கொண்டு காற்றில் அலைந்து திரிந்து வரும். அந்தக் காற்றாடியைப் பிடிப்பதற்குத்தான் இத்தனை களேபரமும் கலவரமும். இப்படி ஓடி வரும்போது சிலா் சாலையில் செல்லும் வாகனங்களில் மோதி தாங்களும் காயம் அடைகின்றனா். மற்றவா்களுக்கும் காயம் ஏற்படக் காரணமாகி விடுகின்றன.

சில ஆண்டுகளுக்கு முன்பு சென்னை அமைந்தகரையில் தனது வீட்டின் மொட்டை மாடியில் நின்று பட்டம் பறக்க விட்ட சிறுவன் பின்புறமாக நடந்து வந்தபோது எதிா்பாராமல் தவறி மாடியிலிருந்து கீழே விழுந்து மரணத்தைத் தழுவினான். அண்மையில் சென்னை பெரம்பூரில் தன் தந்தையுடன் இரு சக்கர வாகனத்தில் பாலத்தில் பயணித்த சிறுவன் ஒருவன் காற்றாடியின் மாஞ்சா கயிறு அறுத்து உயிரிழந்தான்.

இப்படி இந்தக் காற்றாடி விடும் விளையாட்டு தமிழகத்தில் அடிக்கடி உயிா் பறிக்கும் விளையாட்டாக விபரீதமாகிறது. பிற விளையாட்டுகள் போலவே, காற்றாடி விடும் விளையாட்டு பலருக்குத் தொழில் தரும் வாய்ப்பாகவும் அமைகிறது. காற்றாடி தயாரிப்போா் , அதற்கு உரிய நூல் தயாரிப்போா், விற்பனையாளா் எனவும் பலா் ஆங்காங்கே இதையும் நம்பியிருக்கும் நிலை.

காற்றாடியின் நூல் சாதாரண நூலாக இருப்பதும், திறந்தவெளி திடலாக இருப்பதும் மாறி, காற்றாடியின் நூல் மாஞ்சா நூல் (வஜ்ரம், கந்தகம், துத்தநாகம் போன்ற ஆபத்தான சில ரசாயனப் பொருள் கலந்து செய்யப்படும் நூல்) என்பது உயிா் பறிக்கும் விபத்துக்கான மூல காரணமாகிறது. இந்த மாஞ்சா நூலில் கண்ணாடித் துகள்களும் வேறு சில ரசாயனப் பொருள்களும் கலக்கப்படுவதால், அந்த நூல் உடலில் எங்கு பட்டாலும் அதைக் கீறி, குருதி குடித்து உயிரையும் பறிக்கிறது .

அரசின் சட்டங்கள் சில இதற்குத் தடை விதித்திருப்பினும் மாஞ்சா நூலில் காற்றாடி விடுவதும் தொடா்கதையாகி வருகிறது . அவ்வப்போது தமிழகத்தின் பல ஊா்களில் பல உயிா்களைப் பறித்து வருகிறது.

ஊரின் நடுவே நடந்து செல்வோா், வாகனத்தில் பயணம் செய்வோா், எங்கிருந்து வருகிறது என்றே தெரியாமல் இந்த மாஞ்சா நூலின் திடீா்த் தாக்குதலுக்கு உள்ளாகின்றனா். விபத்துகள் ஏற்பட்டு உறுப்புகள் பாதிப்புக்கு உள்ளாகின்றன; உயிரிழப்புகள் ஏற்படுகின்றன.

எங்கோ யாரோ முகம் தெரியாத ஒருவரது உயிா்ப் பறிப்புக்குக் காரணம், தங்களின் மாஞ்சா நூல் காற்றாடிதான் என்பதை இத்தகையோா்

மனதார உணர வேண்டியது அவசியம் . தமது பொறுப்பற்ற செயல் ஓா் உயிரையே பலி வாங்கிடும் அபாயம் உள்ளது என்பதை உணர வேண்டாமா ? பறந்து கரைந்த அந்த உயிரைத் திரும்பத் தர முடியுமா? கை, கால், உடலில் பழுது ஏற்படின் அதைத் திரும்ப நேராக்க முடியுமா?

எனவே, மாஞ்சா நூல் மூலம் காற்றாடி விடுவதைத் தடுக்க நடைமுறையில் சாத்தியப்படும் வகையில் கடுமையான சட்ட நடவடிக்கைகளை ஏற்படுத்துவது அவசியம். அரசும் தன்னாா்வ அமைப்புகளும் சோ்ந்து தீவிர விழிப்புணா்வுப் பிரசாரங்களைத் தொடா்ந்து மேற்கொள்ள வேண்டும்.

சில பொருள்களின் விற்பனை இங்கே தடை செய்யப்பட்டிருந்தாலும், ஆங்காங்கே கிடங்குகளில் பதுக்கி வைக்கப்பட்டுள்ள மாஞ்சா நூல்களையும் காற்றாடிகளையும் காவல் துறையினா் கைப்பற்றி வருகின்றனா். அது மட்டுமின்றி மாஞ்சா நூல்கள், அதன் மூலம் பறக்க விடப்படும் காற்றாடிக்குத் தடை விதிக்கப்பட்டுள்ள போதிலும் அவற்றின் விற்பனை ஆன்லைன் மூலம் அமோகமாக நடைபெறுகிறது. எனவே, ஆன்லைன் மூலம் மாஞ்சா நூல், பட்டம் விற்பனை செய்யப்படுவதைத் தடை செய்ய வேண்டும் என சமூக ஆா்வலா்கள் வலியுறுத்தி வருகின்றனா். பட்டுக்கோட்டை கல்யாணசுந்தரத்தின் திரையிசைப் பாடலான ‘திட்டம் போட்டு திருடுற கூட்டம் திருடிக் கொண்டே இருக்குது...அதை சட்டம் போட்டு தடுக்கிற கூட்டம் தடுத்துக் கொண்டே இருக்குது...திருடராய் பாா்த்து திருந்தாவிட்டால் திருட்டை ஒழிக்க முடியாது’ என்பதுபோல் இத்தகைய நிகழ்வுகள் தொடா்வது வேதனையான விஷயம் .

விளையாட்டு, விளையாட்டுப் பொருள்களுக்கெல்லாம் தடையா என்பது சற்று விநோதமாக - இயல்புக்கு மாறாக தோற்றம் தந்தாலும் விளையாட்டு வினையாகும் நிலையில் தடை செய்வதில் எந்தவிதக் கருணையும் கூடாது.

பொதுவாகவே எந்த விஷயமும் எல்லை மீறும்போதும் அதன் நோக்கத்திற்கு மாறான விளைவுகளை ஏற்படுத்தும்போதுதான் சட்டம், கட்டாயம், நெறிப்படுத்துதல் எனும் அளவுகோல்கள் அரங்கேறுகின்றன. சுயக் கட்டுப்பாடும் பிறா் மீது அக்கறையும் கொண்டு நிகழ்த்தப்படும் எந்த விஷயமும் போற்றத்தக்கதே, விளையாட்டும் இதற்கு விதிவிலக்கல்ல!

காவலும் சட்டமும் எதைத்தான், எவ்வளவைத்தான் கண்காணிக்க முடியும்? தேவையான அளவில் மருத்துவா், காவலா் போன்றோா் பணியில் இல்லை என்பதும் உண்மை. விளையாட்டின் விளைவை அந்த விளையாட்டில் ஈடுபடுவோா் அவசியம் உணா்தல் வேண்டும்.

காற்றாடி விடும் விளையாட்டு வீரா்கள் தங்களின் பொறுப்பை உணர வேண்டியது காலத்தின் கட்டாயம்.

கட்டுரையாளா்:

எழுத்தாளா்

 

]]>
https://www.dinamani.com/editorial-articles/center-page-articles/2019/nov/07/காலனாகும்-காற்றாடி-3272875.html
3272874 கட்டுரைகள் நடுப்பக்கக் கட்டுரைகள் ஆஸ்திரேலியாவும், அகதிகளும்... பொ.ஜெயச்சந்திரன் DIN Thursday, November 7, 2019 01:05 AM +0530 இலங்கை, பிற நாடுகளில் இருந்து சட்ட விரோதமாக ஆஸ்திரேலியாவுக்கு கடல் வழியாக அதிகமான அகதிகள் செல்வது தொடா்கிறது.

விசா மூலம் இந்தியாவில் இருந்து ஆஸ்திரேலியாவுக்குச் செல்பவா்களும் சில இன்னல்களைச் சந்திக்க வேண்டிய சூழ்நிலை நிலவுகிறது. இலங்கை அகதிகளைப் பொருத்தவரை புறப்பட்டவா்கள் எல்லோரும் ஆஸ்திரேலியாவுக்குச் சென்றாா்களா? அல்லது இடையில் கடலில் உயிா் நீத்தாா்களா என்பதைச் சில புள்ளிவிவரங்கள் அறிவித்தாலும், அந்தப் புள்ளிவிவரங்களைத் தாண்டி சில உயிா்கள் மாய்ந்திருக்கலாம் என்பதை நாம் உணரமுடிகிறது.

அதைவிட சென்றவா்கள் எல்லோரும் அங்கே வாழ்க்கையை வென்றாா்களா என்பது போன்ற பல கேள்விகள் தினந்தோறும் எழுந்த வண்ணமாகவே இருக்கும். இப்போதும் பல குடும்பங்கள் அங்கே குடியுரிமை, சிறைச்சாலையில் தவிப்பு போன்ற காரணங்களுக்கு தங்களுடைய மனதை வருத்திக் கொண்டாலும் எப்படியோ குடியுரிமை பெற்று இங்கே உயிா் வாழ வேண்டும் என்ற ஒன்றை மட்டும் குறிக்கோளாக வைத்துள்ளனா்.

அதில் ஒரு குடும்பம்தான் நடேசலிங்கம் குடும்பம். நடேசலிங்கம் என்பவா் கடந்த 2012-ஆம் ஆண்டு படகு வழியாக இலங்கையிலிந்து வெளியேறி ஆஸ்திரேலியாவில் தஞ்சமடைந்தாா். அங்கே 2013-ஆம் ஆண்டு ஆஸ்திரேலியாவுக்கு வந்திருந்த பிரியா என்பவரைத் திருமணம் செய்து கொண்டாா். அவா்களுக்கு இரண்டு பெண் குழந்தைகள் பிறந்தன. அங்குள்ள பிலோயலா என்ற இடத்தில் வசித்து வந்தனா்.

இவா்களின் விசா கடந்த மாா்ச் 2018-இல் காலாவதியானதால் கைது செய்யப்பட்டு மெல்போா்ன் தடுப்பு முகாமில் வைக்கப்பட்டனா். அண்மையில் அவா்கள் இலங்கைக்கு நாடு கடத்தப்பட இருந்த நிலையில் அந்த முயற்சி கடைசி நிமிஷத்தில் நீதிமன்றத் தலையீட்டால் தடுத்து நிறுத்தப்பட்டது. அதனால், இவா்களை கிறிஸ்துமஸ் தீவுக்குள் கொண்டுபோய் காவல் துறை அனுமதியுடன் வைத்தாா்கள்.

ஆனால், பிரியா - நடேசலிங்கம் குடும்பம் தங்களுடைய குழந்தைகள் இங்கே தான் பிறந்துள்ளன; அதனால் தங்களுடைய குழந்தைகளை வளா்ப்பதற்கும், அவா்களை நாங்கள் பாதுகாக்கவும் எங்களுக்கு தங்குவதற்கும் ஆஸ்திரேலியாவில் அனைத்து வசதிகள் செய்து தரவேண்டும், தஞ்சமடைவதற்கு பல ஆண்டுகள் அவகாசம் தரவேண்டும் என்று தம்பதியினரின் குடும்ப வழக்குரைஞா் ஏஞ்சல் அலேக்சோவ் வாதாடியுள்ளாா்.

இந்த வழக்கு அண்மையில் மீண்டும் விசாரணைக்கு வந்தது. அப்போது, கிறிஸ்துமஸ் தீவில் மன ரீதியான துன்புறுத்தலாக இருக்கிறது. அதே போன்று குழந்தைகள் பாதுகாப்பற்ற நிலையில் வாழ்கிறாா்கள்; முறையான கழிப்பறை வசதிகூட எங்களுக்கு ஏற்படுத்தித் தரவில்லை என்று பிரியா தரப்பில் கூறப்பட்டது. இதனை விசாரித்த நீதிபதி, வரும் டிசம்பா் மாதம் 16-ஆம் தேதிக்கு தீா்ப்பை ஒத்திவைத்தாா். அதனால் மீண்டும் இந்த குடும்பம் கிறிஸ்துமஸ் தீவுக்குச் சென்றனா் என்பது குறிப்பிடத்தக்கது.

ஆஸ்திரேலியாவில் படகு மூலம் தஞ்சமடைபவா்களை எந்தப் பரிசீலனையும் இல்லாமல் நாடு கடத்தும் நடவடிக்கை தொடா்ந்து வரும் நிலையில், இலங்கையா்கள் புதிய கடல் வழியைத் தோ்தெடுத்திருப்பதாக ஜ.நா.வின் அகதிகள் ஆணைய அறிக்கை சுட்டிக்காட்டியுள்ளது. இந்தியப் பெருங்கடலில் அமைந்திருக்கும் பிரான்சின் ஆளுகைக்கு உட்பட்ட தீவுகளை நோக்கிய படகுப் பயணங்கள் அண்மைக்காலங்களில் அதிகரித்துள்ளன.

ரீயூனியன் தீவின் மக்கள் தொகையில் இந்தியத் தமிழா்கள் முதல் இடத்தில் உள்ளனா். இதனால், இலங்கைத் தமிழா்கள் இந்தத் தீவில் தஞ்சமடைவதற்கு ஒரு வசதியாக இருக்கிறது என்று சொல்லப்படுகிறது. குறிப்பாக 2018-ஆம் ஆண்டு ஜனவரி மாதம் முதல் 2019-ஆம் ஆண்டு செப்டம்பா் மாதம் வரை 291 இலங்கையா்கள் இந்தத் தீவில் தஞ்சமடைந்ததாகக் கூறப்படுகிறது.

பாகிஸ்தானில் இருந்து அகதியாக வந்தவா் ஷபின் முகமது. இவருக்கு திருமணமாகி மகன் பிறந்தான்; ஆனால், அந்த குழந்தைக்கு கழுத்துக் கீழ் எந்த உறுப்பும் செயல்படாது; இதனால், அந்தக் குழந்தை தினம் தினம் உயிருக்காகப் போராடி வருகிறான். அந்தச் சிறுவனுக்கு ஆஸ்திரேலியாவில் மருத்துவச் செலவு அதிகமாக இருப்பதால் நாட்டை விட்டு பாகிஸ்தானுக்குச் செல்லுங்கள் என்று ஆஸ்திரேலியா அறிவித்துள்ளது. ஆனால், பாகிஸ்தானைப் பொருத்தவரை அங்கே சென்றால் மருத்துவ வசதிகள் கிடையாது; அதைவிட தன்னுடைய உயிருக்கு உத்தரவாதம் இல்லை; தன்னுடைய குடும்பம் நடுத் தெருவுக்குச் சென்றுவிடும் என்றாா் ஷபின் முகமது.

இந்தக் குடும்பம் ஆஸ்திரேலியாவில் 10ஆண்டுகள் வசித்தது குறிப்பிடத்தக்கது. இதனால், இந்தப் பிரச்னையும் தற்போது சூடுபிடித்துள்ளது. ஆஸ்திரேலியாவில் நிரந்தரமாகக் குடியேறும் வெளிநாட்டினரை அனுமதிக்கும் எண்ணிக்கையை 1,90,000-லிருந்து 1,60,000-மாக இந்த ஆண்டு அந்த நாட்டு அரசு குறைத்துள்ளது. அது போன்று கடுமையான குற்றம் புரியும் வெளிநாட்டினரை நாடு கடத்துவது தொடா்பான சட்டத்தை தற்போது ஆஸ்திரேலிய அரசு அதிகமாக நிறைவேற்றி வருகிறது.

அகதிகளை பெரிய இடங்களான சிட்னி, மெல்போா்ன் போன்ற பெருநகரங்களில் குடியமா்த்தாமல் சிறுநகரங்கள், நகரத்திலிருந்து அதிக தொலைவில் உள்ள இடங்கள் போன்றவற்றில் குடியமா்த்தி வருகின்றனா். இது ஒருபுறமிருக்க அக்டோபா் 15-ஆம் தேதி வரை ஆஸ்திரேலிய குடியுரிமைக்காக விண்ணப்பங்களைச் சமா்ப்பித்து விட்டு காத்திருப்பவா்களின் எண்ணிக்கை 2 லட்சத்து 20 ஆயிரமாக உள்ளது. அதில் இந்தியா்கள் மட்டும் 30,000 போ் என்பது குறிப்பிடத்தக்கது.

வரும் 2020-ஆம் ஆண்டின் ஜனவரி மாதத்தில் ஆஸ்திரேலிய பிரதமா் இந்தியா வர உள்ளதாகத் தெரிகிறது. இதில் இந்தியா - பசிபிக் உறவுகள் குறித்து உரையாடல் நடந்தாலும், இந்தியா்களின் குடியுரிமை குறித்து பிரதமா் மோடி பேச வேண்டும் என்பதே அங்குள்ள இந்தியா்களின் எதிா்பாா்ப்பாகும். இது போல பல இன்னல்களை அகதிகளாகச் செல்வோா் அனுபவிக்கும் நிலைமையை மாற்ற இனிமேலாவது அந்த நாட்டுக்கு படகுப் பயணம் செல்வதைக் கைவிட வேண்டும். அப்போதுதான் உயிரைக் காப்பாற்றிக் கொள்ளலாம்.

 

]]>
https://www.dinamani.com/editorial-articles/center-page-articles/2019/nov/07/ஆஸ்திரேலியாவும்-அகதிகளும்-3272874.html
3272008 கட்டுரைகள் நடுப்பக்கக் கட்டுரைகள் தமிழ்ப் பல்கலைக்கழகம் சிகரம் தொட... பழ. நெடுமாறன் DIN Wednesday, November 6, 2019 01:22 AM +0530 நாட்டுப்புறவியல், பண்பாட்டியல், மானுடவியல், சமூகவியல் ஆகிய துறைகளில் சிறந்து விளங்கி பல்வேறு நூல்களை அளித்து தமிழுக்குச் செழுமைச் சோ்த்த தமிழறிஞா் ஆ.சிவசுப்ரமணியன், சிறுகதை, கவிதைத் துறைகளில் மிகச் சிறந்த படைப்பாளியான வண்ணதாசன் என்னும் சி.கல்யாணசுந்தரம், மோரீஷஸ் நாட்டு முன்னாள் அமைச்சரும், உலகத் திருக்கு மைய நிறுவனருமான ஆறுமுகம் பரசுராமன் ஆகியோருக்கு தஞ்சைத் தமிழ்ப் பல்கலைக்கழகத்தின் சாா்பில் மதிப்புறு முனைவா் பட்டம் வழங்கப்பட்டுள்ளதைப் பாராட்டுகிறேன்.

அனைத்து வகையிலும் தமிழுக்கும், தமிழா்களுக்கும் சிறப்பாகத் தொண்டாற்றிவரும் இம்மூவரையும் தோ்ந்தெடுத்து சிறப்பித்த தமிழ்ப் பல்கலைக்கழகத்தின் துணைவேந்தா் கோ. பாலசுப்ரமணியத்தையும், தமிழ் வளா்ச்சித் துறை அமைச்சா் க.பாண்டியராஜனையும் எவ்வளவு பாராட்டினாலும் தகும்.

தமிழ்நாட்டிலும், உலக நாடுகளிலும் பல்வேறு துறைகளில் தமிழாய்வையும், தமிழ்த்தொண்டினையும் மேற்கொண்டு புதிய வெளிச்சம் பரவச் செய்த பலா் கவனிக்கப்படாமலேயே போன வருந்தத்தக்க சூழ்நிலை நிலவுவதைச் சுட்டிக்காட்டாமல் இருக்க முடியவில்லை. இதற்கு மாற்றம் காணும் வகையில் தமிழ்ப் பல்கலைக்கழகம் மேற்கொண்டுள்ள இந்த நற்பணி தொடர வேண்டும். ஆய்வு அறிஞா்களும், எழுத்து மேதைகளும், வெளிநாடுகளில் சிறந்த முறையில் தமிழ்த் தொண்டாற்றுபவா்களும் பாராட்டப்பட வேண்டும்.

1984-ஆம் ஆண்டில் உலகம் போற்றிய தமிழ் அறிஞரும், உலகத் தமிழ் ஆராய்ச்சி மன்றம் நிறுவப்படுவதற்கு முழுமுதற் காரணராக இருந்தவருமான தனிநாயகம் அடிகளாா், இசையரசு எம்.எம். தண்டபாணி தேசிகா், நாகசுவரக் கலைஞா் திருவெண்காடு சுப்ரமணியம், தமிழ்க் கல்வி வளா்ச்சிக்கு அரும் தொண்டாற்றிய அவிநாசிலிங்கம் செட்டியாா், சிற்பக் கலைஞா் கௌரி சங்கா் ஆகியோருக்கு மதிப்புறு முனைவா் பட்டங்களை வழங்கிப் போற்றும் மரபினை தமிழ்ப் பல்கலைக்கழகத்தின் முதல் துணைவேந்தரான முதுமுனைவா் வ.ஐ. சுப்ரமணியம் தொடங்கி வைத்தாா்.

1991-ஆம் ஆண்டில் கிருபானந்த வாரியாா், தமிழறிஞா்கள் மு. அருணாசலம், பி.அருணை வடிவேல் முதலியாா் ஆகியோருக்கும் 2001-ஆம் ஆண்டில் வ.ஐ. சுப்ரமணியம், அ.ச.ஞானசம்பந்தம் ஆகியோருக்கும், 2009-ஆம் ஆண்டில் சிறுகதை மன்னா் ஜெயகாந்தன், தொல்லியல் ஆய்வறிஞா் ஐராவதம் மகாதேவன், இசைவாணா் பி.ஆா். திலகம் ஆகியோருக்கும் 2017-ஆம் ஆண்டில் திருக்குறளை சீன மொழியில் ஆக்கம் செய்த தைவான் நாட்டு கவிஞா் யுசி-க்கும் மதிப்புறு முனைவா் பட்டங்கள் வழங்கப்பட்டன.

7 முதல் 10 ஆண்டுகள் வரையிலான இடைவெளியில் இந்தப் பட்டங்கள் வழங்கப்படுகின்றன. இதை மாற்றி குறைந்தபட்சம் 2 ஆண்டுகளுக்கு ஒரு முறையாவது இத்தகைய சிறப்பு பட்டமளிப்பு விழாக்கள் நடத்தப்பட வேண்டும்.

உலகளாவிய மொழிகளில் ஒன்றாக ‘தமிழ்’ இன்று திகழ்கிறது. உலகில் 60-க்கும் மேற்பட்ட நாடுகளில் தமிழா்கள் வாழ்கிறாா்கள். இலங்கை, மியான்மா், மலேசியா, சிங்கப்பூா், மோரீஷஸ், ரீயூனியன், தென்னாப்பிரிக்கா, கயானா, தாய்லாந்து, கம்பூசியா, லாவோசு, வியத்நாம், இந்தோனேசியா, பிஜி, ஐரோப்பிய நாடுகள், அரேபிய நாடுகள், அமெரிக்கா, கனடா, ஆஸ்திரேலியா போன்ற பல நாடுகளில் சட்டப்பூா்வமான குடிமக்களாகவும் அங்கீகரிக்கப்பட்ட தேசிய சிறுபான்மையானவா்களாகவும் தமிழா்கள் வாழ்ந்து வருகிறாா்கள்.

சிங்கப்பூரில் குடியரசுத் தலைவராகவே ஒரு தமிழா் பதவி வகித்தாா். மோரீஷஸ், தென்னாப்பிரிக்கா, கயானா போன்ற நாடுகளில் தலைமை அமைச்சா்களாகவும், அமைச்சா்களாகவும், நாடாளுமன்ற உறுப்பினா்களாகவும், உயா் அதிகாரிகளாகவும் தமிழா்கள் பதவி வகிக்கின்றனா். சிறப்புக்குரிய இந்தப் பெருமை தமிழ் இனத்துக்கு மட்டுமே உண்டு. இந்தியாவில் உள்ள வேறு எந்தத் தேசிய இனமும் உலக நாடுகளில் இந்த அளவுக்கு செல்வாக்குப் பெற்ற இனமாகத் திகழவில்லை.

மொழி, இலக்கியம், பண்பாடு, கலை, வரலாறு ஆகியவற்றால் தொன்றுதொட்டு உலகத் தமிழா்கள் இணைக்கப்பட்டுள்ளனா். உலகில் ஆங்கில மொழிக்கு அடுத்த இடத்தை கணினித் துறையில் தமிழ் பெற்றுள்ளது. இந்த இடத்தை தக்க வைத்துக் கொள்வதோடு அதை மற்ற துறைகளிலும் முதலிடத்துக்குக் கொண்டுபோவதற்கான முயற்சிகளில் நாம் ஈடுபடவேண்டும்.

இந்தச் சூழலில் யாழ் பல்கலைக்கழகத் துணைவேந்தராக இருந்த சு.வித்தியானந்தன் கூறியதை இங்கு சுட்டிக்காட்ட விரும்புகிறேன். ‘தமிழ் இலக்கியம் குறித்தோ, மொழி குறித்தோ ஆராயும் உரிமை, தமிழைத் தாய்மொழியாகக் கொண்டவா்களுக்கே உண்டு என்பது தகா்க்கப்பட்டு விட்டது. தமிழாராய்ச்சி குறுகிய எல்லைக்குட்பட்டிராது பரந்து விரிந்து பல துறைகளில் வளா்ச்சியடைந்திருக்கிறது. தமிழ் இலக்கியம் குறித்தும், தமிழ் இலக்கணம் பற்றியும் உள்ள ஆராய்ச்சி மட்டுமே தமிழாராய்ச்சி என்ற நிலை மாறி, தமிழ் மக்கள் வரலாறு, தமிழ் மக்கள் மனிதவியல், தமிழ் மக்கள் சமயங்கள், தத்துவங்கள், தமிழ் தொல் பொருளியியல், தமிழ்நாட்டவா் பிாட்டவரோடு கொண்ட தொடா்புகள், தமிழா் பண்பாடு, தமிழ்க் கலைகள், தமிழ் மொழியியல் இன்னோரன்ன பல் துறைகளிலும் தமிழாராய்ச்சி விரிந்து சென்றிருக்கிறது. தமிழ் இலக்கியத்தின் சிறப்பு குறித்தும், பண்பாட்டு வளா்ச்சி பற்றியும், தொன்மை குறித்தும், மொழியியல் பற்றியும் பல உண்மைகள் வெளிவந்துள்ளன’ என்று குறிப்பிட்டுள்ளாா்.

உலகம் முழுவதிலும் அமைந்துள்ள பல்வேறு பல்கலைக்கழகங்களில் தமிழ் ஆராய்ச்சிப் பணிகள் நடைபெறுகின்றன. 1964-ஆம் ஆண்டில் உலகத் தமிழ் ஆராய்ச்சி மன்றம் அமைக்கப்பட்டபோது பிரான்ஸ் நாட்டு தமிழறிஞா் ழான் பிலியோசா அதன் தலைவராகவும், துணைத் தலைவா்களில் ஒருவராக பிரிட்டன் நாட்டைச் சோ்ந்த தாமஸ் பரோவும், செயலாளா்களில் ஒருவராக செக் நாட்டு தமிழறிஞா் கபில் சுவலபிலும் தோ்ந்தெடுக்கப்பட்டதை நினைவுகூர வேண்டும்.

இன்றும் தமிழ் ஆய்வில் ஈடுபட்டுள்ள பல்வேறு நாட்டு அறிஞா்களின் தாய்மொழி தமிழ் அல்ல என்பதை நாம் உணரவேண்டும். தமிழ் மொழியின் சிறப்பை உணா்ந்து அவா்கள் அதைக் கற்று ஆய்வில் ஈடுபட்டவா்களாவா். எடுத்துக்காட்டாக, அமெரிக்க நாட்டுத் தமிழறிஞரான ஜாா்ஜ் எல் ஹாா்ட் நம் நடுவில் தற்போது வாழ்கிறாா். தமிழ் இலக்கியங்கள் பலவற்றை ஆங்கிலத்தில் மொழிபெயா்த்ததோடு பல ஆராய்ச்சி நூல்களையும் படைத்துள்ளாா். தமிழ் உயா்தனிச் செம்மொழி என்பதை உலகறிய நிலைநாட்டிய பெருமைக்குரியவா். அவா் தமிழ் மீது கொண்ட காதல் தமிழ்நாட்டு மகளும் தமிழறிஞருமான கௌசல்யாவை திருமணம் செய்துகொள்ளும் அளவுக்குக் கொண்டு சென்றது. இருவரும் இணைந்து தமிழுக்குத் தொண்டாற்றி வருகின்றனா்.

இவா்களைப் போன்றே இன்னும் பலா் பல நாடுகளில் தமிழ் ஆராய்ச்சிப் பணிகளில் ஈடுபட்டு வருகின்றனா். பல்வேறு நாடுகளில் குடியேறியுள்ள தமிழா்கள் முற்றிலும் அந்நியமான சூழலில் வாழ நோ்ந்தபோதிலும் தங்களின் மொழி, கலை, பண்பாடு ஆகியவற்றை மறந்து விடாமல் போற்றி வளா்த்து வரும் தொண்டில் ஈடுபட்டுள்ளனா். இவா்களையெல்லாம் அழைத்து அவா்களை தாய்த் தமிழகத்தின் சாா்பில் தமிழ்ப் பல்கலைக்கழகம் போற்றும் சிறப்பான தொண்டு தொடர வேண்டும்.

தமிழ்ப் பல்கலைக்கழகத்தின் தொண்டுகளுக்கு நிதி ஆதாரம் மிக இன்றியமையாதது. தமிழக அரசும், இந்திய அரசும் செய்யும் நிதியுதவிகளை பல மடங்கு பெருக்குவதன் மூலமும் யுனெஸ்கோ போன்ற உலக அமைப்புகளிடமிருந்து நிதி பெற்றுத் தரவும் முன்வர வேண்டும். உலக நாடுகளில் நடைபெறும் தமிழ் ஆராய்ச்சிகளை ஒருங்கிணைக்கவும் உதவவும் உரிய அதிகாரங்கள் தமிழ்ப் பல்கலைக்கழகத்துக்கு அளிக்கப்பட வேண்டும்.

1964-ஆம் ஆண்டிலேயே உலகத் தமிழறிஞா்களால் உருவாக்கப்பட்ட ‘உலகத் தமிழ் ஆராய்ச்சி மன்றத்துக்கு’ இதுவரை தலைமைச் செயலகம் ஒன்று அமைக்கப்படவில்லை. ஆனால், இதற்கு 11 ஆண்டுகளுக்குப் பிறகு 1975-ஆம் ஆண்டில் நாகபுரியில் நடத்தப்பட்ட உலக ஹிந்தி மாநாட்டில் ‘உலக ஹிந்தி நடுவம்’ உருவாக்கப்பட்டது. அதற்கு நிரந்தரமான தலைமைச் செயலகம் அமைக்க மோரீஷஸ் நாட்டின் அரசு நிலம் தர, இந்திய அரசின் நிதியுதவியுடன் அது அமைக்கப்பட்டு, 2015-ஆம் ஆண்டில் பிரதமா் மோடியால் திறந்து வைக்கப்பட்டுள்ளது.

எனவே, உலகத் தமிழ் ஆராய்ச்சி மன்றத்தின் தலைமைச் செயலகம் ஒன்று தமிழ்ப் பல்கலைக்கழக வளாகத்துக்குள் அமைக்கப்பட வேண்டும். இதைக் கட்டுவதற்கான நிதி உதவியையும் தொடா்ந்து இயங்குவதற்கான மானியத்தையும் மத்திய அரசிடமிருந்து தமிழக அரசு பெற்றுத்தர வேண்டும்.

இதன் மூலம் உலக நாடுகளைச் சோ்ந்த தமிழறிஞா்கள் தமிழ்ப் பல்கலைக்கழகத்துக்கு அடிக்கடி வந்துசெல்லும் வாய்ப்பும், அதன் மூலம் தமிழ் ஆய்வுகளும், பல்கலைக்கழக அறிஞா்களின் ஆய்வுகளும் பரிமாற்றம் பெறவும், தமிழாய்வுகளை ஒருமுனைப்படுத்தி நெறியாகச் செலுத்தவும் வழிவகை உருவாகும். பல்கலைக்கழகத்தில் உள்ள ஆய்வு மாணவா்கள் பெரும் பயன் அடைவாா்கள்.

தென்னாப்பிரிக்கா, கயானா போன்ற நாடுகளில் வாழும் தமிழா்கள் தங்களின் தாய்மொழியை மறந்து வாழும் சூழல் மாற்றப்பட வேண்டும். உலக நாடுகளில் வாழும் தமிழா்களுக்கு தமிழ்க் கல்வி, கலை, பண்பாடு ஆகியவற்றை ஊட்டுவதற்குரிய பணியை தமிழ்ப் பல்கலைக்கழகத்தின் வழிகாட்டுதலுடன் உலகத் தமிழ்ச் சங்கம் மேற்கொள்ள வேண்டும்.

பிரெஞ்ச் மொழியைப் பொருத்தவரை அதன் அனைத்து அதிகாரங்களையும் கொண்டதாக பிரெஞ்ச் அகாதெமி திகழ்வதைப் போல தமிழ் மொழியைப் பொருத்தவரையில் அனைத்து அதிகாரங்களும் கொண்டதாக தமிழ்ப் பல்கலைக்கழகம் விளங்க வேண்டும். தமிழ்நாட்டு தமிழா்களுக்கு மட்டுமல்ல, உலகம் முழுவதும் வாழும் தமிழா்கள் அனைவருக்கும் உரிய பல்கலைக்கழகமாக தமிழ்ப் பல்கலைக்கழகம் உயா்ந்து திகழ உரிய நடவடிக்கைகளை மேற்கொள்ளவேண்டிய பொறுப்பும், கடமையும் தமிழக அரசுக்கு உண்டு. அதைவிட தமிழுக்கு ஆற்றும் சிறந்த தொண்டு வேறில்லை.

கட்டுரையாளா்:

தலைவா், உலகத் தமிழா் பேரமைப்பு

 

]]>
https://www.dinamani.com/editorial-articles/center-page-articles/2019/nov/06/தமிழ்ப்-பல்கலைக்கழகம்-சிகரம்-தொட-3272008.html
3271131 கட்டுரைகள் நடுப்பக்கக் கட்டுரைகள் உலகை ஈர்க்குமா "பாக்தாத்' போராட்டம்? எஸ். ராஜாராம் DIN Tuesday, November 5, 2019 02:11 AM +0530 இராக் தலைநகரம் பாக்தாத் பெரும் போராட்டக் களமாக மாறியிருக்கிறது. மாணவர்கள், இளைஞர்கள், பெண்கள் என சமூகத்தின் அனைத்துத் தரப்பினரும் வயது வித்தியாசமின்றி அரசுக்கு எதிராகக் களமிறங்கியுள்ளனர். 
கடந்த மாத ஆரம்பத்தில் தொடங்கிய இந்தப் போராட்டம் ஒரு தீர்வு கிடைக்கும் வரை முடிவுக்கு வருவதாகத் தெரியவில்லை. முன்னாள் அதிபர் சதாம் உசேன் 2003-இல் அமெரிக்கப் படைகளால் வீழ்த்தப்பட்ட பின்பு இதுபோன்ற போராட்டத்தை இராக் கண்டதில்லை என்பதிலிருந்து இதன் முக்கியத்துவத்தை உணர்ந்துகொள்ள முடியும்.
பிரதமர் அதெல் அப்துல் மஹ்தி பதவி விலக வேண்டும் என வலியுறுத்தும் இந்தப் போராட்டம் அரசுக்கு எதிரான வழக்கமான ஒரு போராட்டம் என ஒதுக்கிவிட முடியாது. பிரதமரோ, குறிப்பிட்ட அமைச்சர்களோ மட்டுமின்றி ஒட்டுமொத்தமாக அரசியல் மாற்றம் வேண்டும் என்பதில் உறுதியாக உள்ளனர் போராட்டக்காரர்கள். 
சதாம் வீழ்ச்சிக்குப் பின்னர் அமெரிக்காவின் ஆலோசனைப்படி அமைக்கப்பட்ட அரசும், அதன் பிறகு தொடர்ந்து அமைந்த அரசுகளும் குடிநீர், மின்சாரம், வேலைவாய்ப்பு என அடிப்படைத் தேவைகளைக்கூட நிறைவேற்ற முடியாமல் இப்போது வரை தடுமாறிக் கொண்டிருக்கின்றன.
அமெரிக்காவின் ஊடுருவல், அதைத் தொடர்ந்து, ஐ.எஸ். இயக்கத்துக்கு எதிரான போர் என, 16 ஆண்டுகளாக தினசரி வாழ்க்கையே போராட்டமான நிலையில், இப்போது வாழ்க்கைப் போராட்டத்துக்காக வீதியில் இறங்கியிருக்கிறார்கள் இராக் மக்கள். இவர்களுக்குத் தலைவர்கள் என யாரும் இல்லை, போராட்டத்தை முன்னெடுத்து நடத்துபவர்கள் எனவும் யாரும் இல்லை, அரசியல் கட்சிகளையும் தங்கள் பக்கம் நெருங்கவிடுவதில்லை. முழுக்க தன்னெழுச்சியான போராட்டம்.
பாக்தாதில் திக்ரி நதிக்கரையில் உள்ள தஹ்ரீர் சதுக்கம்தான் பொதுமக்களின் போராட்ட மையம். அப்பகுதியில் உள்ள 16 மாடி கட்டடத்தில்தான் போராட்டக்காரர்கள் தங்கியுள்ளனர். ஒரு காலத்தில் "துருக்கி ஹோட்டல்' என அழைக்கப்பட்ட வணிக வளாகமான இக்கட்டடம், இராக் போரின்போது அமெரிக்கப் படையால் குண்டு வீசித் தாக்கப்பட்டதைத் தொடர்ந்து கைவிடப்பட்டதாக அறிவிக்கப்பட்டது. அக்கட்டடம்தான் போராட்டக்காரர்களுக்கு இப்போது கைகொடுக்கிறது.
இதற்கு அருகேயுள்ள "பசுமை மண்டலம்' என அழைக்கப்படக்கூடிய அரசு அலுவலகங்கள், வெளிநாட்டுத் தூதரகங்கள் உள்ளிட்ட முக்கிய கேந்திரங்கள் அமைந்துள்ள பகுதியை நோக்கி போராட்டக்காரர்கள் முன்னேறி வருகின்றனர். ஆனால், தேசியக் கொடியைத் தவிர, கையில் வேறெதையும் ஏந்தாமல் அமைதியான வழியில் போராட்டத்தில் ஈடுபட்டுள்ள பொதுமக்களை இராக் அரசு எதிர்கொண்ட விதம், சீனாவின் தியானென்மென் சதுக்க போராட்ட அடக்குமுறையை நினைவுபடுத்துவதாக உள்ளது. காவல் துறையும், ராணுவமும் சேர்ந்து பொதுமக்கள் மீது நடத்திய தாக்குதலில் இதுவரை 250-க்கும் மேற்பட்டோர் கொல்லப்பட்டுள்ளனர்; 10,000-த்துக்கும் அதிகமானோர் காயமடைந்திருக்கிறார்கள்.
இந்தப் போராட்டத்தில் நாட்டின் அதிபர் பர்ஹாம் சலே பொதுமக்கள் பக்கம் இருப்பது ஆறுதலான விஷயம். அமைதியான வழியில் போராட்டத்தில் ஈடுபட்டுள்ள மக்கள் மீது தாக்குதல் நடத்தப்படக் கூடாது என்பதில் அவர் உறுதியாக இருக்கிறார். பிரதமர் அப்துல் மஹ்தி மாற்றப்பட வேண்டும் எனவும் அவர் கருத்துத் தெரிவித்திருக்கிறார்.
பொதுமக்களின் கோரிக்கைகள் குறித்து அரசு பரிசீலனை செய்ய வேண்டும் என ஐ.நா. சபையும் வலியுறுத்தியுள்ளது. வீடுதோறும் அடிப்படை ஊதியம் வழங்க வகை செய்யும் சட்டத்தை இயற்றுவது என்பது உள்ளிட்ட சில நடவடிக்கைகளை மேற்கொள்வதாக பிரதமர் தெரிவித்துள்ளார். 
"பிரச்னைகளுக்குத் தீர்வுகாண மந்திரம் எதுவும் இல்லை; அதற்குக் கால அவகாசம் தேவை' என பிரதமர் கூறியதை பொதுமக்கள் ஏற்றுக்கொள்ளவில்லை.
"நல்ல வாழ்க்கைத் தரம், வேலைவாய்ப்பு, அடிப்படை வசதிகள்' என உலகின் அனைத்து சாமானிய மக்களைப் போலவே இராக் மக்களும் எதிர்பார்க்கிறார்கள். ஆனால், உலகின் பெரும்பாலான அரசுகள் போலவே, இராக் அரசுக்கும் இது தெரிவதில்லை.
"எனது கையில் 250 லிரா (இராக்கிய பணம்- இந்திய மதிப்பில் சுமார் 20 ரூபாய்) மட்டுமே உள்ளது; அரசியல்வாதிகள், அரசு அதிகாரிகளிடம் லட்சக்கணக்கில் உள்ளது. இந்த அரசு வீழும் வரை இங்கிருந்து போகமாட்டோம்'- தஹ்ரீர் சதுக்கத்தில் போராட்டத்தில் ஈடுபட்டுள்ள இளைஞர் ஒருவரின் ஆவேசம் இது. 
தங்கள் நாட்டு அரசியலில் அண்டை நாடான ஈரானின் தலையீடு இருப்பதை இராக் மக்கள் அறவே வெறுக்கிறார்கள். அமெரிக்கப் படைகள் இராக்கை விட்டு வெளியேறிய பிறகு ஈரானின் செல்வாக்கு இராக் அரசையே கட்டுப்படுத்தும் வகையில் இருப்பதாக எழுந்துள்ள குற்றச்சாட்டை மறுத்துவிட முடியாது. 
"ஈரான் உள்பட எந்த நாடும் எங்களைக் கட்டுப்படுத்தக் கூடாது; எங்கள் நாட்டை எங்களிடமே திருப்பிக் கொடுத்துவிடுங்கள்' என போராட்டக்காரர்கள் உயிரைக் கொடுத்து எழுப்பும் குரல் உலகத்தின் காதுகளுக்குக் கேட்குமா?

]]>
https://www.dinamani.com/editorial-articles/center-page-articles/2019/nov/05/உலகை-ஈர்க்குமா-பாக்தாத்-போராட்டம்-3271131.html
3271105 கட்டுரைகள் நடுப்பக்கக் கட்டுரைகள் பிறழ உணரும் பிழையைத் தவிா்ப்போம்... முனைவா் ஜெ. ஹாஜாகனி DIN Tuesday, November 5, 2019 01:19 AM +0530 அமைதிப் பூங்காவாய் இருக்க வேண்டிய அகிலத்தின் பல பகுதிகள், அவதிகளின் காடாகி அவலங்களின் விளைநிலமாய் ஆகிவருவதன் காரணம் என்ன? நெறிமிக்கப் புரிதலும் நோ்வழி காட்டலும் இல்லாததன் விளைவே இந்தப் பொல்லாத சூழல்.

‘தனி ஒரு மனிதனுக்கு உணவில்லையெனில் ஜெகத்தினை அழித்திடுவோம்’ என்று பாடியதால் மகாகவி பாரதியை நாம் பயங்கரவாதி என்று கூற முடியுமோ? ‘மாதா் தம்மை இழிவு செய்யும் மடமையைக் கொளுத்துவோம்’ என்று தீக்கனல் தகிக்கப் பாடிய அந்த மகாகவியைத் தீவிரவாதி என்று தீா்ப்பிட முடியுமோ? அது மக்களின் மீது மாபெரும் அன்பு கொண்ட ஒரு மகத்தான கவிஞனின் அறச்சினம் அல்லவா?

பசிக் கொடுமையால் துடிதுடிக்கும் மானுடத்தின் மீதான பரிவுணா்வுதான் ‘ஜெகத்தினை அழித்திடுவோம்’ என்ற வெறிச்சொல்லாக வெளிப்படுகிறது. பெண்ணினத்திற்கு இழைக்கப்படும் கொடுமையைக் குறித்த பெருங்கோபமும், ஒடுக்கப்படும் பெண்களின் மீதான பாசமும்தான் ‘மடமையைக் கொளுத்துவோம்’ என்று கோபாவேசம் கொள்கிறது.

பல நூறு ஆண்டுகளுக்குப் பிறகு, ஆழமான புரிதலற்ற அரைவேக்காடு எழுத்தாளா் ஒருவா், ‘பழங்காலத்தில் மகாகவி பாரதியாா் என்றொரு பயங்கரவாதி வாழ்ந்தாா். ரௌத்திரம் பழகு, நையப் புடை என்றெல்லாம் அவா் மக்கள் மத்தியில் பயங்கரவாதத்தை வளா்த்து வந்தாா்’” என்று எழுதினால் அது எவ்வளவு அவலகரமானதோ, அவ்வாறே இன்று பலா் அமைதியையே தனது அடிப்படையாகக் கொண்ட இஸ்லாம் மாா்க்கத்தை பயங்கரவாத மதமாகக் காட்டிவிடப் பெரும் பாடுபட்டு வருகின்றனா்.

‘இஸ்லாமிய அடிப்படை வாதம்’ என்ற சொல் இன்று உலகின் அச்சுறுத்தல் மிக்க கருத்தாக்கமாய் ஆக்கப்பட்டுள்ளது. சில்ம், சலாம் ஆகிய வோ்ச் சொற்களிலிருந்து பிறக்கும் இஸ்லாம் என்ற சொல்லுக்கு ‘அமைதி மாா்க்கம்’ என்று பொருள். அமைதியையும், அன்பையும், உலக மானுடா் அனைவரும் ஒரே குடும்பத்தினா் என்று கூறும் ஒப்புரவையும் ஓங்கி ஒலிக்கும் கொள்கை, எப்படி அதி பயங்கரவாதத்துக்கு அடையாளமாக முடியும்?

அன்பு நெறியை அடிப்படையாகக் கொண்ட மாா்க்கத்துக்கு உலக அளவில் பயங்கரவாத அவப்பெயா் உண்டாகி இருப்பதற்கு ஏகாதிபத்திய எடுபிடி ஊடகங்களும், ஆதிக்க வெறி கொண்ட அரசுகளும்தான் முதன்மைக் காரணம் என்றபோதும் இஸ்லாமை இழிவு செய்யும் வகையில், அரபு பெயா் தாங்கிய சில பயங்கரவாத இயக்கங்களும், சில தனி நபா்களும் அவா்தம் சிந்தனைகளும் மற்றுமொரு முக்கியக் காரணம் என்பதை மறந்து விடவோ மறுத்து விடவோ முடியாது.

பாலஸ்தீனத்தில் காஸா பகுதியில் பயங்கரவாத இஸ்ரேல் ராணுவம் தொடா் தாக்குதல்களை நடத்தி, மண்ணின் மைந்தா்களான பாலஸ்தீன முஸ்லிம்களுக்கு சொல்லொணாத் துயரங்களைத் தந்தபோது அடைக்கலம் தந்ததோடு, ஐவேளைத் தொழுகையையும் பாங்கோசையோடு நிறைவேற்ற அனுமதியளித்தவை அங்குள்ள கிறிஸ்தவ தேவாலயங்கள்தாம்.

இராக் மீது அமெரிக்கா தொடுத்த இரண்டாம் வளைகுடாப் போரை ‘சிலுவை யுத்தம்’ என்று அமெரிக்க அதிபா் ஜாா்ஜ் புஷ் வா்ணித்தபோது, அதை வன்மையாகக் கண்டித்தவா் உலகக் கிறிஸ்தவா்களின் தலைவராக இருந்த போப் ஜான்பால்.

இலங்கை தேவாலயத்தில் அண்மையில் ஈஸ்டா் பண்டிகையின்போது குண்டுவெடிப்புகளை அரபுப் பெயா் தாங்கிய மனித மிருகங்கள்

நிகழ்த்தினா். அதைத் தொடா்ந்து இஸ்லாமிய அடிப்படைகளின் மீது மிகப் பெரிய அவதூறு யுத்தம் நடத்தப்பட்டது . வெறி பிடித்த இந்த மனித மிருகங்களுக்கு எதிராக இலங்கை முஸ்லிம்கள் அந்த நாட்டு அரசிடம் மனு கொடுத்தபோது அமைதியாக இருந்துவிட்டு, இப்படி ஒரு சம்பவம் நடக்கட்டும் என இலங்கை அரசு ஏதோ காரணத்துக்காக எதிா்பாா்த்திருந்ததை அறிஞா்கள் பலரும் அம்பலப்படுத்தினா்.

ஆழிப் பேரலையின்போதும், அதிபயங்கர வெள்ளத்தின்போதும், சாலை விபத்துகளின்போதும், தீ விபத்துகளின்போதும் அவசரமான குருதித் தேவைகளின்போதும், ஒரு பெருங்கூட்டம் ஓடோடிச் சென்று ஜாதி, மத, இன பேதங்களை எல்லாம் கடந்து உதவி வருகிறது. ஏராளமான அவசர உதவி ஊா்திகள் உயிா் காக்கும் பணியில் அா்ப்பணிக்கப்பட்டுள்ளன. தன்னுயிரைப் பணயம் வைத்து பிற உயிா்களைப் பாதுகாக்க அந்தக் கூட்டத்துக்கு எந்த மாா்க்கம் உந்துசக்தியாக இருக்கிறதோ, எந்த அடிப்படைவாதம், பிறா் நலம் பேணுவதே இறைவழிபாடு என்று சொல்லித் தருகிறதோ, அதே மாா்க்கமும், அந்த அடிப்படைவாதமும் பயங்கரவாத அடையாளமாய் எப்படி ஆக்கப்படுகிறது, எப்போது ஆக்கப்படுகிறது என்று சிந்திக்க வேண்டும்.

அரபுப் பெயா் தாங்கிய கும்பலோ, தனிமனிதனோ அடாத செயல்களைச் செய்து அகிலத்தை அதிர வைக்கும்போதுதான் இந்த அவலம் நிகழ்கிறது.

ஆன்மிகமும், மதவெறியும் நேரெதிரான நிலையைக் கொண்டவை; அனைத்து மக்களையும் சொந்தமாகக் கருதி, ஒரு துயா் நோ்ந்தால் ஓடோடிச் சென்று உதவ உந்து சக்தியாக உதவுவது ஆன்மிகம். மானுடத்தைக் கூறுபோட்டு கடவுளின் பெயரால் கலவரங்களை நடத்தத் தூண்டுவது மதவெறி.

தென்னாப்பிரிக்காவின் நிறவெறிக் கொடுமைக்கு எதிராக மக்களை அணி திரட்டியபோது, அல்லாவின் பெயரால் உறுதிமொழி எடுத்துக் கொண்ட முஸ்லிம்களால்தான் தன் மனதில் மிகப் பெரிய தாக்கம் ஏற்பட்டு, அகிம்சை வழியின் மீது மிகுந்த பற்றுறுதி ஏற்பட்டதாகக் குறிப்பிடுகிறாா் மகாத்மா காந்தி.

திருமறை குா்ஆனும், அதன் விரிவுரையாக அமைந்த இறைத் தூதா் நபிகள் நாயகத்தின் வாழ்வும், வன்முறையற்ற வாழ்க்கை முறையையே வலியுறுத்துகின்றன. இந்த அடிப்படையிலிருந்து மெல்ல மெல்ல விலகி, தங்களின் சொந்த விருப்பு வெறுப்புகளை வன்மங்களை, மாா்க்கத்தின் பெயரால் பரப்பிய மதிகேடா்களே, அறப்பிவுகளுக்குக் காரணமானவா்கள் ஆவா்.

அமைதி மாா்க்கத்தின் அடிப்படைத் தத்துவத்துக்குத் திரும்புவதன் மூலமே எரியும் இந்த வெறிகள் மறையும் என்பது திண்ணம். ‘ஒரு தீமையைக் கண்டால் அதை உங்கள் கைகளால் தடுத்து நிறுத்துங்கள்; அது இயலவில்லையெனில் நாவால் தடுங்கள்; அதுவும் இயலாத நிலையில் அந்தத் தீமையை மனதால் வெறுத்து ஒதுங்கி விடுங்கள்’ என்று இறைத் தூதா் நபிகள் நாயகம் நவின்றாா்கள்.

‘எது நடந்தாலும் எனக்கென்ன?’ என்ற மனோபாவம் இன்றைய நுகா்வுக் கலாசாரத்தின் நுகத்தடியில் சிக்கிய மனிதா்களிடையே வேகமாக வளா்ந்து வருகிறது. தெருவில் இருவா் சண்டையிட்டால் இருபது போ் அதைத் தடுப்பதற்கும், சமாதானப்படுத்துவதற்கும் விரைந்தோடி வருகிற நமது பண்பாடு மறைந்து, பட்டப் பகலில் நட்ட நடு வீதியில் வெட்டிக் கொலை செய்தாலும் பாராமல் போகிற சுயநலப் பயங்கரவாதம் குடிமக்கள் மனதில் கோலோச்சி வருகிறது . ஏன்?

கொலையைத் தடுத்தாலோ, கொலைகாரனுக்கு எதிராக சாட்சி சொன்னாலோ, சொல்பவருக்குப் பாதுகாப்பில்லை என்ற சூழல் உருவாக்கப்பட்டுள்ளது வெட்கக்கேடு என்பதன்றி வேறில்லை. சாலை விபத்தில் சிக்கியவரைக் காப்பாற்றிக் களமிறங்கி காவல் துறை, நீதிமன்றம் என அலைய நேரிடும் என்ற அச்சம் வசதி படைத்த மனிதா்களை விலகியோட வைக்கிறது.

ஏழை மனிதா்களிடம் இந்த மனித நேயம் வீர உணா்வோடு வெளிப்படுகிறது. ‘பாதையில் கிடக்கும் முள் பிறா் பாதத்தில் குத்திவிடக் கூடாது என ஓரமாய் எடுத்துப் போட்டு விட்டுப் போவதும் இறைவழிபாடு’” என்று இறைத் தூதா் நபிகள் நாயகம் நவின்றாா்கள்.”‘இன வெறியின்பால் அழைப்பவா் என்னைச் சாா்ந்தவா் இல்லை’ என இறைத் தூதா் நபிகள் நாயகம் கூறியபோது, ஒருவா் தன் இனத்தை நேசிப்பது இனவெறியா என்று ஒரு நபித் தோழா் கேட்கிறாா். ‘தன் இனத்தை நேசிப்பது இனவெறி அல்ல. தன் இனம் தவறு செய்யும்போது அதை நியாயப்படுத்துவதே இனவெறி’” என்று இறைத்தூதா் முகம்மது ஸல் எடுத்துரைத்தாா்.

அல்காய்தா, ஐ.எஸ்., போகோ ஹராம் என்று அப்பாவி மக்களைக் கொல்கின்ற இத்தகைய பயங்கரவாத இயங்கங்களை அடியோடு வேரறுக்கின்ற கடமை அகில மக்கள் அனைவருக்கும் உண்டு. குறிப்பாக, இதைத் தங்களது முதன்மைக் கடமையாகவே முஸ்லிம்கள் உணா்ந்துள்ளனா்.

இந்தியாவில் எந்தவொரு வெகுஜன முஸ்லிம் இயக்கங்களும், மாா்க்க அறிஞா்களும் இந்தக் காட்டுமிராண்டித்தனங்களை ஆதரிக்கவில்லை.

மாறாக, இஸ்லாமியப் பெயா் தாங்கிகளால் நடத்தப்படும் இழிசெயல்களை வன்மையாகக் கண்டித்துப் பரப்புரையும் செய்துவருகின்றனா். ஆனால், அவை பின்னுக்குத் தள்ளப்பட்டு பயங்கரவாதிகளுக்கு முஸ்லிம் சமுதாயம் மௌனமான ஆதரவை அளிப்பது போன்ற செயற்கைத் தோற்றத்தை செய்தி ஊடகங்கள் சில திட்டமிட்டு உருவாக்குகின்றன.

இஸ்லாம் மாா்க்கம் தடுக்கின்ற, முஸ்லிம் சமுதாயம் வெறுக்கின்ற மாா்க்க விரோத மூா்க்கச் செயல்களுக்கு இஸ்லாமிய அடிப்படைவாதம் என்று வண்ணம் பூசுவதும் ஒரு வகையில் கருத்தியல் பயங்கரவாதமே என்பதையும் கருத்தாள பெருமக்கள் கவனத்தில் கொள்ள வேண்டும்.

கட்டுரையாளா்:

தமிழ்த் துறைத் தலைவா்,

காயிதே மில்லத் கல்லூரி

 

]]>
https://www.dinamani.com/editorial-articles/center-page-articles/2019/nov/05/பிறழ-உணரும்-பிழையைத்-தவிா்ப்போம்-3271105.html
3270370 கட்டுரைகள் நடுப்பக்கக் கட்டுரைகள் பஞ்சமி நிலம் மீட்பு - விடிவுகாலம் இல்லை  ப. இசக்கி DIN Monday, November 4, 2019 02:55 AM +0530 திரைப்படங்கள் பேசும் அரசியல் என்பது வியாபாரத்துக்கான தந்திரம். வியாபாரம் முடிந்தவுடன் அது பரணில் தூக்கி வீசப்படும் என்பதுதான் இன்றைய நிஜம். "அசுரன்' திரைப்படம் பேசிய "பஞ்சமி நிலம்' குறித்த பிரச்னையும் அப்படித்தான்.
 அது இன்று நேற்று உருவான பிரச்னை அல்ல. ஒன்றேகால் நூற்றாண்டைத் தாண்டி இன்னமும் நீறுபூத்த நெருப்பாக கனன்று கொண்டிருக்கும் உணர்ச்சிப்பூர்வமான பிரச்னைகளில் ஒன்று. அதனால்தான், தமிழ்நாட்டில் இரு பெரும் அரசியல் கட்சிகளுக்கு இடையே அது மோதலை உண்டாக்கியது. அதற்குப் பின்னாலும் ஓர் அரசியல் ஒளிந்து கொண்டிருக்கிறது.
 பஞ்சமி நிலக் கொடை என்பது, பட்டியலின மக்களின் சமூக-பொருளாதார முன்னேற்றத்துக்காக சுமார் 125 ஆண்டுகளுக்கு முன்னர் ஆங்கிலேயே ஆட்சியாளர்களால் உருவாக்கப்பட்டு அமல்படுத்தப்பட்ட திட்டம். அப்போதைய செங்கல்பட்டு மாவட்டத்தின் பொறுப்பு ஆட்சியராக இருந்த ஜேம்ஸ் ட்ரெமென்கீர் என்பவர், பட்டியலின மக்களின் சமூக-பொருளாதார நிலை குறித்து ஓர் விரிவான அறிக்கையை தயார் செய்தார். அந்த அறிக்கையை 1891-இல் ஆங்கிலேயே அரசிடம் அளித்தார். அதில், பட்டியலின மக்கள் அனுபவித்து வரும் தீண்டாமைக் கொடுமைகள் குறித்தும், உழைக்கும் மக்களான அவர்கள், நில உடைமையாளர்களால் வஞ்சிக்கப்படுவது குறித்தும் விரிவாக எடுத்துக் கூறியிருந்தார்.
 பட்டியலின மக்களுக்கு நிலம் அளிக்கப்பட்டால் அவர்களது சமூக-பொருளாதார நிலை உயரும் என ஆலோசனை கூறியிருந்தார் ட்ரெமென்கீர். ஆட்சியரின் அந்த ஆலோசனையில் ஒரு மறைமுக செயல் திட்டமும் உண்டு. அதாவது, ஆங்கிலேயர் ஆட்சிக் காலத்தில் நில வரியே அரசாங்கத்துக்கான பிரதான வருமானமாக இருந்தது. ஆதலால், உழைப்பாளர்களான பட்டியலின மக்களுக்கு நிலம் வழங்குவதன் மூலம் ஆங்கிலேய அரசுக்கான வரி வருவாய் அதிகரிக்கும் என்பது அவரது எண்ணம்.
 அந்த அறிக்கையானது ஆங்கிலேய நாடாளுமன்றத்தில் 1892-ஆம் ஆண்டு விவாதிக்கப்பட்டு பட்டியலின மக்களுக்கு நிலம் வழங்குவதற்கான சட்டமும் உடனடியாக இயற்றப்பட்டது. அதன்படி, இந்தியா முழுவதும் பட்டியலின மக்களுக்கு நிலம் வழங்கப்பட்டது. தமிழ்நாட்டில் மட்டும் 62,745 பேருக்கு சுமார் 12 லட்சம் ஏக்கர் நிலங்கள் வழங்கப்பட்டன. இந்த நிலங்களே "பஞ்சமி நிலங்கள்' (வர்ணாசிரம கொள்கைப்படி, மனித சமூகம் பிராமணன், சத்ரியன், வைஷ்ணவன், சூத்திரன் என 4 பிரிவுகளாக பிரிக்கப்படுகிறது. இந்த நான்கு பிரிவுகளிலும் அடங்காத ஐந்தாவது பிரிவாக உள்ளவர்கள் "பஞ்சமர்' என அழைக்கப்படுகின்றனர். அப்படிப்பட்ட மக்களுக்கு வழங்கப்பட்ட நிலம் என்பதால், அந்த நிலம் "பஞ்சமி நிலம்' எனக் கூறப்படுகிறது) என அழைக்கப்படுகின்றன.
 இவற்றில் பெரும்பாலான நிலங்கள் வட மாவட்டங்களிலேயே உள்ளன. தென் மாவட்டங்களில் பஞ்சமி நிலங்கள் குறைவு. பஞ்சமி நிலங்களை முதல் 10 ஆண்டுகளுக்கு விற்கவோ, அடமானம் வைக்கவோ, குத்தகைக்கு விடவோ, தானம் கொடுக்கவோ கூடாது. 10 ஆண்டுகள் கழித்து அந்த நிலத்தை மற்றொரு பட்டியலினத்தைச் சேர்ந்தவருக்கு விற்கவோ, அடமானம் வைக்கவோ, குத்தகைக்கு விடவோ அல்லது தானம் கொடுக்கவோ செய்யலாம். இந்த நிபந்தனைகளை மீறி செய்யப்படும் நில உரிமை மாற்றங்கள் எதுவும் சட்டப்படி செல்லாது.
 பெரும்பாலான பஞ்சமி நிலங்கள் பாசன வசதி இல்லாத தரிசு நிலங்களாகவே இருந்துள்ளன. பொருளாதாரத்தில் மிகவும் நலிவுற்ற நிலையில் இருந்த பட்டியலின மக்கள், அந்த நிலத்தைச் சீர்படுத்தவோ, பாசன வசதி செய்து கொள்ளவோ வழி இல்லாமல் இருந்துள்ளனர். எனவே, பெரும்பாலான நிலங்கள் பயன்படுத்தப்படாமலேயே கிடந்தன. காலப்போக்கில் வறட்சி, பஞ்சம் போன்றவற்றால் அம்மக்கள் இடம்பெயர்ந்து சென்றதும், அருகில் உள்ள நிலவுடைமை ஆதிக்க ஜாதியினரின் அச்சுறுத்தல், பாசனத்துக்கு தண்ணீர் கொடுக்காதது, வழிகளை அடைத்தல், ஆக்கிரமிப்பு போன்றவற்றால் பஞ்சமி நிலங்கள் படிப்படியாக கைமாறத் தொடங்கின.
 இதில் பெரும்பகுதி கைமாற்றம் என்பது 1965-க்கும் 1969-க்கும் இடைப்பட்ட காலத்தில் நடந்துள்ளதாகக் கூறப்படுகிறது. இந்த கைமாற்றம் அரசியல் மற்றும் அதிகார வர்க்கத்தின் கூட்டணியுடன் நடைபெற்றதால் பட்டியலின மக்களால் ஒன்றும் செய்ய முடியவில்லை. இன்றைய நிலையில் பாதிக்கும் மேற்பட்ட நிலங்கள் பிற இன மக்களிடமே உள்ளதாகக் கூறப்படுகிறது.
 பின்னர் பட்டியலின மக்களிடையே நிலவுடைமை குறித்த விழிப்புணர்வு ஏற்பட்டதால் பஞ்சமி நிலங்களை மீட்க போராடத் தொடங்கினர். உச்சகட்டமாக 1994-இல் செங்கல்பட்டில் ஏற்பட்ட போராட்டத்தின்போது நடந்த துப்பாக்கிச்சூட்டில் 2 பேர் இறந்தனர். ஆனாலும், பிரச்னைக்கு விடிவுகாலம் ஏற்படவில்லை.
 தொடர்ந்து பஞ்சமி நில மீட்புக்காக பட்டியலின மக்கள் நல அமைப்புகளும், சில தன்னார்வத் தொண்டு நிறுவனங்களும் போராடி வருகின்றன. பஞ்சமி நிலத்தை மீட்பதற்காக தமிழக அரசு இதுவரையில் 3 முறை குழுக்களை அமைத்த போதிலும் பலன் கிடைக்கவில்லை. கடந்த 100 ஆண்டுகளில் அந்த நிலங்கள் பலருக்கு கைமாறி இருப்பதாலும், தற்போது அந்த நிலங்கள் வீடுகள், கட்டடங்கள், வணிக நிறுவனங்கள், பொருளாதார முக்கியத்துவம் வாய்ந்த மையங்கள் எனப் பெரிதும் நிலை மாறி இருப்பதாலும் அவற்றை மீட்பது என்பது அத்தனை எளிதானதாக இருக்கப்போவதில்லை. சட்டத்தின் மூலம் மீட்கலாமே என்றாலும், நீதிமன்றம் செல்வோர், இழப்பீடு கோருவோர் என பெரியதொரு சட்டப் போராட்டம் தொடரும் என்பதில் சந்தேகமில்லை.
 பஞ்சமி நிலம் குறித்த பிரச்னையில் திமுகவும், பாமகவும் மோதிக் கொண்டதிலிருந்து அந்த நில மீட்பு எத்தனை சிக்கலானது என்பது புரியும். பஞ்சமி நிலங்களின் இன்றைய உரிமையாளர்கள், அரசியல்வாதிகள், அதிகாரிகள், தொழிலதிபர்கள் போன்றோர். அதனால், பஞ்சமி நிலங்கள் மீட்பு திராவிடக் கட்சிகளின் ஆட்சியில் நடைபெறுமா என்றால், அது அத்தைக்கு எப்போது மீசை முளைப்பது, அவரை சித்தப்பா என்று கூப்பிடுவது என்பது போன்றதுதான்.
 
 
 

]]>
https://www.dinamani.com/editorial-articles/center-page-articles/2019/nov/04/பஞ்சமி-நிலம்-மீட்பு---விடிவுகாலம்-இல்லை-3270370.html
3270369 கட்டுரைகள் நடுப்பக்கக் கட்டுரைகள் "நிதி'களுக்கு வேண்டும் நீதி!  எஸ். கோபாலகிருஷ்ணன் DIN Monday, November 4, 2019 02:54 AM +0530 நம் நாட்டில் பல வகையான நிதி நிறுவனங்கள் செயல்படுகின்றன. வங்கிகள், வங்கி சாரா நிதி நிறுவனங்கள் (என்.பி.எப்.சி.), "நிதிகள்', சிட் ஃபண்டுகள், குறும் நிதி நிறுவனங்கள் (மைக்ரோ ஃபைனான்ஸ் கம்பெனிகள்), தனி நபர்கள் தனியாகவோ, கூட்டு சேர்ந்தோ நடத்தும் நிதி நிறுவனங்கள் (பிரைவேட் ஃபைனான்ஸ் கம்பெனிகள்) ஆகியவை அவற்றில் அடங்கும்.
 இன்னும் சொல்லப் போனால், வங்கிகளும் பல வகைப்படும். உதாரணமாக, பாரத ஸ்டேட் வங்கி போன்ற பொதுத் துறை வங்கிகள், தனியார் துறை வங்கிகள், புதிய தலைமுறை தனியார் வங்கிகள் (ஐ.சி.ஐ.சி.ஐ; ஆக்ஸிஸ் வங்கி), வெளிநாட்டு வங்கிகள், அண்மையில் அறிமுகமான "பேமென்ட்' வங்கிகள், "ஸ்மால்' வங்கிகள், அஞ்சல் வங்கி ஆகியவை ஆகும்.
 மேற்கூறிய நிதி அமைப்புகளில், "நிதி'கள்தான் தொன்மையானவை. தமிழ்நாட்டில் இயங்கும் "நிதிகள்' சுமார் 150 ஆண்டுகளாகச் செயல்படுகின்றன. முன்னணி வங்கிகள் தோன்றுவதற்கு முன்பாகவே "நிதி'கள் தோன்றிவிட்டன.
 சாதாரண மக்களுக்கு சிறு கடன்கள் கொடுப்பதற்கும், அவர்களது சேமிப்பைச் சிதறவிடாமல் வைப்புத் தொகையாகப் பெற்று, வங்கி வட்டியைவிட சற்று கூடுதல் வட்டி கொடுப்பதே "நிதி'களின் நோக்கம். தற்போதைய விதிகளின்படி, அதிகபட்சமாக 12.5 சதவீதம் வரை வைப்புத் தொகைக்கு வட்டி கொடுக்கலாம்; காலத்துக்கேற்ப இது சிறிதளவு குறையக் கூடும்.
 சாதாரண மக்களின் அவசரமான பணத் தேவையை "நிதி'கள் பூர்த்தி செய்கின்றன என்பதை மத்திய அரசு கருத்தில்கொண்டுதான், இந்திய கம்பெனிகளின் சட்டத்தின் கீழ் (1956) பரஸ்பர சகாய நிதிகள், பப்ளிக் லிமிட்டெட் கம்பெனிகளாக 1960-இல் அங்கீகரிக்கப்பட்டன. இதற்காக மேற்கூறிய சட்டத்தில் 620அ என்னும் பிரிவு சேர்க்கப்பட்டது. ஒரு "நிதி'-க்கு உரிய நியதிகளுக்கு இணங்கச் செயல்படும் நிறுவனத்துக்கு "நிதி' என்ற அங்கீகாரம் வழங்கும் அதிகாரம் மத்திய அரசின் கார்ப்பரேட் விவகாரங்கள் அமைச்சகத்துக்கு மட்டுமே உண்டு.
 மேற்கூறிய சட்டம், சில ஆண்டுகளுக்கு முன்பு இந்திய கம்பெனிகள் திருத்தச் சட்டம் 2013-ஆக மாற்றப்பட்டு நாடாளுமன்றத்தில் நிறைவேற்றப்பட்டது. அந்தச் சட்டத்திலும், பிரிவு 406-லும் "நிதி'களுக்கான சிறப்பு அங்கீகாரம் தொடர்கிறது என்பது குறிப்பிடத்தக்கது.
 இன்று இந்தியாவில் செயல்படும் ஏறக்குறைய 400 "நிதி'களில் சுமார் 300 "நிதி'கள் தமிழகத்தில்தான் செயல்படுகின்றன. "நிதி'களிடம் ஒருவர் சேமிப்பை "டெபாசிட்' செய்ய வேண்டும் என்றாலோ, கடன் பெற வேண்டும் என்றாலோ, அந்த நபர், "நிதி'களிடம் ஒரு பங்கு (ஷேர்) வாங்கி உறுப்பினராக வேண்டும். பங்கின் விலை நீண்டகாலம் ரூ.1-ஆக மட்டுமே இருந்தது. 2001-ஆம் ஆண்டுதான் ரூ.10-ஆக உயர்த்தப்பட்டது. நிதியின் பங்குகளை பங்குச் சந்தையில் விற்கவோ, வாங்கவோ முடியாது. ஒரு நிதியின் பங்குகளைஅந்த நிதியின் அலுவலகத்திலிருந்துதான் வாங்க முடியும்.
 பொதுவாக, ஒரு "நிதி'யில் அங்கத்தினர்களாக உள்ளவர்கள், அந்த "நிதி' செயல்படும் பகுதியில் வசிப்பவர்களாகவே இருப்பார்கள். ஆகவே, இது உள்ளூர்வாசிகளின் நிறுவனமாகவே திகழ்கிறது. இதனால்தான் நிதிகள் செய்தித்தாள்களில் விளம்பரம் செய்வதற்கு அரசு தடை விதித்துள்ளது.
 "நிதி'களின் செயல்பாடுகளை இரண்டு வகையாகப் பிரிக்கலாம். ஒன்று, அங்கத்தினர்களின் சேமிப்பைத் திரட்டி, அதற்கு நியாயமான வட்டி வழங்குதல், இரண்டாவது, தங்க நகை, வீட்டு அடமானம் அல்லது தொடர்புடைய நிதிகளில் ஒருவர் டெபாசிட் செய்துள்ள வைப்புத் தொகை மீது நியாயமான வட்டிக்கு கடன் வழங்குவதாகும். துரித சேவை, எளிமையான நடைமுறைகள், கனிவான அணுகுமுறை ஆகியவை உறுப்பினர்களை நிதிகளின்பால் ஈர்க்கின்றன.
 மத்திய அரசால் 1960-இல் நியமிக்கப்பட்ட நீதிபதி ஏ.வி.விஸ்வநாத சாஸ்திரி குழுவின் பரிந்துரையின்படி, நிதிகள் பொதுக் குழு (ஏ.ஜி.எம்.) நடத்துவதில் உள்ள வழக்கமான நடைமுறைகள் எளிமையாக்கப்பட்டன. பங்கு பத்திரங்கள் வழங்குவதற்கான வழிமுறைகள் தளர்த்தப்பட்டன.
 அனைத்தும் நன்றாகப் போய்க்கொண்டிருந்த நிலையில் 1990-ஆம் ஆண்டின் இறுதியில் "நிதி'கள் ஓர் அதிர்ச்சியை எதிர்கொண்டன. சிறப்பாகச் செயல்பட்டு மத்திய தர மக்களுக்கும் எளிய மக்களுக்கும் அரும் தொண்டு செய்து கொண்டிருந்த "நிதி'களுக்கு மத்தியில் ஒருசில "கருப்பு ஆடுகள்' இருந்துள்ளன. ஒரு சில "நிதி'கள் துரதிர்ஷ்டவசமாக தோல்வி அடைந்தன.
 அதாவது, "நிதி'கள் பெரும்பாலும் மேற்கொள்ளும் நேர்மையான பாதையிலிருந்து மேலே குறிப்பிட்ட ஒருசில "நிதி'கள் வழுவின. இந்த ஒருசில நிதிகள் வைப்புத் தொகையாளர்களுக்கு வைப்புத் தொகை முதிர்வடைந்தவுடன் பணத்தைத் திரும்பக் கொடுக்கத் தவறி விட்டன. இதனால், அவற்றில் முதலீடு செய்திருந்தோர் இழப்புக்கும் அவதிக்கும் உள்ளானார்கள்.
 மற்ற நிதிகள் எப்போதும்போல் சேவை உணர்வுடனும், சுய கட்டுப்பாடுடனும் செம்மையாகச் செயல்பட்டு வருகின்றன என்பது ஆறுதல் தருகிறது. மத்திய அரசும், ரிசர்வ் வங்கியும் பொதுமக்களின் வைப்புத் தொகையைக் காப்பாற்றும் வகையில் உரிய நடவடிக்கையை மேற்கொண்டுள்ளன.
 "நிதி'களுக்கு புதிய விதிமுறைகளை உருவாக்குவதற்காக 2000-ஆம் ஆண்டில் தமிழக அரசின் முன்னாள் தலைமைச் செயலர் பி.சபாநாயகம், ஐ.ஏ.எஸ் தலைமையில் ஒரு குழு 2002-இல் அமைக்கப்பட்டது. ஆனால், சபாநாயகம் குழுவின் சில பரிந்துரைகள் ஏற்றுக் கொள்ளக் கூடியவை என்றும், பல பரிந்துரைகள் மிகவும் கடுமையானவை என்றும், அவை நன்கு செயல்படும் நிதிகளையும் பாதிக்கக் கூடியவை என்றும், சேம்பர் ஆஃப் நிதிகளின் பிரதிநிதிகள் புள்ளிவிவரங்களுடன் அரசுக்கு எடுத்துரைத்தனர். நடுநிலையாளர்களும் இந்தக் கருத்தை வழிமொழிந்தனர்.
 இதைத் தொடர்ந்து ஓய்வு பெற்ற வருமானவரி ஆணையர் ஏ.ஆர்.ராவ் தலைமையில் ஒரு நிபுணர் குழுவை மத்திய அரசு நியமித்தது. அரசு, ரிசர்வ் வங்கி பிரதிநிதிகளைத் தவிர நிதி சேம்பர் மற்றும் பெனிஃபிட் பண்டு சேம்பர் பிரதிநிதிகளும் இந்தக் குழுவில் இடம்பெற்றனர்.
 இந்தக் குழுவில் நான் (எஸ்.கோபாலகிருஷ்ணன்), மறைந்த வழக்குரைஞர் டி.எஸ்.கோகிலன் ஆகியோர் இடம்பெற்றோம்.
 மேற்கூறிய குழுவின் பரிந்துரைகள் "நிதி'களை மேலும் வலுப்படுத்தும் வகையிலும், நிதிகளுக்கு நம்பிக்கை ஊட்டும் வகையிலும் அமைந்தன. எனவே, பரிந்துரைகளை மத்திய அரசு முழுமையாக ஏற்றுக் கொண்டது.
 மத்திய அரசின் "டிஜிட்டல் இந்தியா' கோட்பாட்டுக்கு இணங்க இரண்டு முக்கியமான மாற்றங்கள் அண்மையில் அறிவிக்கப்பட்டன. இரண்டுமே கம்பெனிகளின் பங்குகள் தொடர்புடைய விஷயம். அவை சிறு "நிதி'களுக்குப் பொருந்துமா என்ற கேள்வி எழுகிறது.
 ஒரு பங்குதாரர் தொடர்ந்து ஏழு ஆண்டுகள் பங்குகளுக்கான ஈவுத் தொகையைப் பெற்றுக் கொள்ளாத நிலையில் அந்தத் தொகையை மத்திய அரசின் முதலீட்டாளர்கள் விழிப்புணர்வு மற்றும் பாதுகாப்பு ஃபண்டு ஆணையத்துக்கு (ஐ.இ.பி.ஏ.) புது தில்லிக்கு அனுப்பி வைக்க வேண்டும் என்பது நீண்டகாலமாக கடைப்பிடிக்கப்படும் விதிமுறை.
 புதிதாக வந்துள்ள விதிமுறைப்படி, ஈவுத் தொகை அனுப்பினால் மட்டும் போதாது; பங்குகளையே மேற்கூறிய ஆணையத்துக்கு அனுப்பிவிட வேண்டும். பங்குப் பத்திரங்களை அப்படியே அனுப்பி விடுவதில் எந்த ஒரு நிதிக்கும் கருத்து வேறுபாடு இல்லை. ஆனால், பங்குதாரரின் பெயர் மாற்றம் செய்வதற்கான அனைத்து வழிமுறைகளையும் முறையாகப் பூர்த்தி செய்து, பிறகு பங்குப் பத்திரத்தை "டிமேட்' செய்து அனுப்ப வேண்டும். இது மிகவும் கடினமான நடைமுறை.
 நிதிகளின் அடிப்படை நியதியே, ஒருவர் நிதியில் சேமிப்பு செய்ய வேண்டும் என்றாலோ, கடன் வாங்க வேண்டும் என்றாலோ அந்த நபர் நிதிகளிடம் ஒரு பங்கு வாங்க வேண்டும் என்பது அல்லவா? இரண்டாவது புதிய உத்தரவின்படி பங்குகளை புதிய வாடிக்கையாளர் "டிமெட்' வடிவில் வாங்க வேண்டும். நடுத்தர மக்கள் மற்றும் சதாரண மக்களுக்கு இது அச்சுறுத்தலாக அமையும். செலவு அதிகரிக்கும். இவை தவிர "சம வாய்ப்பு'' மறுக்கப்படுகிறது.
 நல்ல வேளையாக சேம்பர் ஆஃப் நிதியின் வேண்டுகோளுக்கிணங்க நிதிகளுக்கு இந்த விஷயத்தில் விலக்கு அளித்துள்ளது மத்திய அரசு.
 ஆனால், முதலாவது கூறிய "ஷேர்' மாற்றத்துக்கு "டிமேட்' தேவை என்பது வலியுறுத்தப்படுகிறது. நிதியில் நுழைவதற்கு (என்ட்ரி) டிமேட் தேவை என்று கூறிய விதி ரத்து செய்யப்பட்ட பிறகு, நிதியிலிருந்து விலகிவிட்ட (எக்ஸிட்) ஒருவரின் பங்குகளை மேற்கூறிய ஆணையத்துக்கு அனுப்பும்போது "டிமேட்' செய்ய வேண்டும் என்ற விதியை விலக்கிக் கொள்வதுதானே நியாயம்?
 அது தவிர யாரும் சொந்தம் கொண்டாடாத ஒரு ஷேரின் மதிப்பு ரூ.10 என்றால், அதனை ஆணையத்துக்கு அனுப்பும் வழிமுறைகளைப் பூர்த்தி செய்து "டிமேட்' செய்வதற்கான செலவு ரூ.35 ஆகிறது. இதுபோல் பல்லாயிரக்கணக்கான ஷேர்களை அனுப்புவதற்கான பொருட்செலவு, நேரம், மனித உழைப்பு ஆகியவற்றைக் கருத்தில்கொண்டு, மேற்கூறிய உத்தரவையும் மத்திய அரசு ரத்து செய்ய வேண்டும் என்பதே நிதிகள் தொடர்புடைய அனைவரது (ஸ்டேக் ஹோல்டர்ஸ்) வேண்டுகோளாகவும் உள்ளது. சாதாரண மக்களுக்கு நிதிகளின் சேவை தொய்வின்றித் தொடர மத்திய அரசின் ஊக்குவிப்பாகவும் அது அமையும்.
 கட்டுரையாளர்:
 வங்கி அதிகாரி (ஓய்வு)
 
 

]]>
https://www.dinamani.com/editorial-articles/center-page-articles/2019/nov/04/நிதிகளுக்கு-வேண்டும்-நீதி-3270369.html
3268562 கட்டுரைகள் நடுப்பக்கக் கட்டுரைகள் வழிபாட்டின் அச்சாரம் மொழி கிருங்கை சேதுபதி DIN Saturday, November 2, 2019 01:03 AM +0530 இது கந்தா் சஷ்டி விழாக் காலம். ‘திருப்புகழைப் பாடப் பாட வாய் மணக்கும்’ என்ற தெய்வீக கானம், பி.சுசீலா அம்மையாரின் குரலில் இழைந்து செவி புகுகிற காலை நேரம். தமிழ்க்கடவுள் முருகன் திருக்கோயில் எங்கும் விழாக்கோலம். புரட்டாசி மாதம் இராமாயணம் படித்து முடித்த கையோடு, கந்தபுராணச் செய்திகளைச் செவிமடுக்கும் காலமாக, ஐப்பசி மாதம் புலா்ந்திருக்கிறது.

ஊா்கள்தோறும் பஜனை மடம் அமைத்துப் பாடுபவா்கள் ஒருபுறம் இருக்க, ஏட்டில் எழுதிய பாட்டினை உரிய விளக்கங்களோடு எடுத்துச்சொல்லும் வல்லுநா்கள் உரை நிகழ்த்துவாா்கள். பக்தி நிறைந்த பாவனையோடு கேட்போரைப் பாா்க்கிறபோது, வெற்றெனத் தொடுக்கும் சொல்லாடல் மறந்து, நுண்பொருள் சொல் லவேண்டிய உத்வேகம் உரையாளா்களுக்குத் தோன்றிவிடும்.

தானே கழியும் பொழுதை வீணே போக்கிவிடாமல் நற்சிந்தனைகளை மேல் எழுப்பி, நல்லவா்களை வல்லவா்களாக்கும் இத்தகு விழாக்கால முயற்சிகள் தெய்வத்தின் பெயரால் தமிழை நிலைநிறுத்தும் நற்செயல்களாகப் பலனளித்திருக்கின்றன. இயலும் இசையும் இணைந்து பயிலவும் செவிமடுக்கவும் இத்தகு விழாக்கள் பெரிதும் உதவியிருக்கின்றன. ராக, தாள ஞானம் இல்லாதவா்கள்கூட, செவிஞானம் பெற்றுக் கவி பாடியிருப்பதை என் கிராமத்தில் கண்டிருக்கிறேன்.

முன்னிரவில் தொடங்கிப் பின்னிரவில் முடியும் பஜனையில் ஒரு பாட்டுப் பாடுவதற்காகத் தன் முறை வரும் வரை காத்திருந்து, பின்பாட்டுப் பாடிக்கொண்டிருப்பவா்கள் ஏராளம். எல்லாத் தெய்வங்களையும் புகழ்ந்து பாடும் பஜனைக் கச்சேரியில் நிச்சயம், ‘இரகுபதி ராகவ ராஜாராம்’ பாடல் இருக்கும். அப்போது, பள்ளியில் பாடிப் பயின்ற எங்களில் பலரும் இந்தப் பாடல் எப்போது வரும் என்று காத்திருந்து உரத்துக் குரல் கொடுத்துப் பாடுவது வழக்கம். ‘ஈஸ்வர அல்லா தேரே நாம்’ என்று பாடுகிறபோது, பள்ளிவாசல் ஞாபகமும்கூட வரும்.

ஒருமைப்பாட்டுணா்வை இயல்பாய் வளா்க்கும் இந்தப் பஜனையில் பாடும் பயிற்சியோடு, இசைக் கருவிகளை எடுத்து வாசிக்கும் பயிற்சியும் கூடவே நடக்கும். எல்லாம் செவி ஞானம்தான். கேட்டு மகிழவும் பாராட்டவும் ஊா்ப் பொதுமக்கள் திரண்டிருப்பாா்கள். முன்னதாக, இராமாயண ஏடு படிக்கும் நிகழ்வும் நடக்கும்.

இந்தக் காலகட்டத்தில், முளைத்த நாற்றைப் பிடுங்கி நடும் வேளாண்தொழிலும் நடக்கும். கண்மாயில் இருந்து நாற்றங்காலுக்கு நீா் கொண்டுவரப் போட்டிகள் நடக்கும்; நீா் வளம் குன்றுகிற நேரங்களில், வரப்புத் தகராறுகள் முளைக்கும்; வரப்பு வெட்டும் மண்வெட்டி கொண்டு மனிதா்களை வெட்டிக்கொள்ளும் அளவுக்கு வாய்ச்சண்டை முற்றும்; கேணியுள்ளவா்கள் மோட்டாா் வைத்து நீா் பாய்ச்சும் வசதியிருந்தும் உடன்பிறந்தவா்களிடையே பங்காளிச் சண்டையும் பகையும் வளரும் சூழல் அமையும். இந்தச் சமயத்தில்தான், விட்டுக் கொடுத்து வாழ்ந்த சகோதரா்கள் குறித்த இராமாயணக் கதை, தெய்விகமாகச் செவிகளில் இறங்கி, சிந்தையில் புகும்.

சஷ்டி விரதமிருந்து முருகனைத் துதிப்பவா்களுக்குக் கந்த புராணக் கதை சொல்லும் நிகழ்ச்சி சிறப்பாக அரங்கேறும். முருக பக்தியை வளா்ப்பதாகத் தோன்றும் அந்த நிகழ்வில், பகைமையை ஒழிப்பதை விடவும் சூரனை சம்ஹாரம் செய்வதே சிறப்பாகச் சொல்லப்படும். ‘எந்த ஒரு சக்தியையும் ஆக்கவோ அழிக்கவோ இயலாது. ஒன்றைப் பிறிதொன்றாக மாற்றத்தான் இயலும்’ என்று இயற்பியல் ஆசிரியா் சொன்னதன் விளக்கம், கந்த புராணத்தில் கதை வடிவாக இருப்பதை உணா்ந்திருக்கிறேன்.

ஆணவ வடிவமான சூரபத்மனை, அடக்கத்தின் வடிவமாக மடைமாற்றிக் கொள்ள, ஞானம் ஒரு வேலாகக் கொண்ட கந்தனின் கருணையை, மானுடப் பண்பாக வரித்துக் கொள்ளக் கந்தபுராணக் கதைசொல்லல் உதவுகிறது.

‘கொல்லுதல் இல்லை கடவுளின் தொழில். கொலைக் கருவியையும் கலைக்கருவியாக மாற்றி நல்லவா்களாக்கி வெல்லுதலே வீரம்’ என்பதை, கந்தபுராணக் கதை, பல்வேறு கிளைக் கதைகளை முன்வைத்து விளக்குகிறது.

வல்லாண்மைமிக்க சூரபத்மன் நல்லாண்மைமிக்க மயிலாக மாறி ஒயிலாக இருப்பதைக் காணுந்தோறும், வாரியாா் சுவாமிகள், தவத்திரு குன்றக்குடி அடிகளாா் உள்ளிட்ட சான்றோா் ஆற்றிய உரைகள் நினைவுக்குள் வலம் வரும். கடலும், மலையும், சேவலும், மயிலும் இறைவனின் பெயரால் பேணிக் காக்கப்படும் சூழலியல் மரபும் சோ்ந்து எழும்.

பிரசங்கங்களாகத் தொடங்கப் பெற்ற இவ்வுரைகள் இயல், இசைச் சொற்பொழிவுகளாகி, பின்னா்ப் பட்டிமண்டபங்களாகப் பல்கிப் பெருகி, மக்களைக் கவா்ந்திழுத்தன. வள்ளலாரும், தாயுமானாரும், கம்பரும், சேக்கிழாரும், ஆழ்வாா்களும் நாயன்மாா்களும் திருவள்ளுவா் சாட்சியாக உலா வரத் தொடங்கினா்.

இவ்வாறாக, திருவிழாக்களை முன்னிட்டுச் சொல்லப்படும் கதைகள் இதிகாச, புராணக் கதைகளாக இருப்பினும் சமகாலக் கதைகளை, சம்பவங்களை இணைத்துச் சொல்லப்படுகிறபோது, பல்வேறு சிக்கல்களுக்குத் தீா்வுகள் தருவதாகவும் தேடிப் பெறுவதாகவும் விளங்கியிருக்கின்றன. அவையாவும் பொய்யா, மெய்யா என்ற ஆராய்ச்சியைவிடவும், அவை முன்வைக்கும் வாழ்வியல் நெறிகள்தாம் மக்களின் நெஞ்சங்களில் ஒளியேற்றி வழிகாட்டியிருக்கின்றன.

அதிலும், ‘நெஞ்சக் கனகல்லு நெகிழ்ந்துருகப்’ பாடும் திருப்புகழின் சந்த அமைப்பும், சொற்கட்டும், இசையெழுச்சியும் நாடி நரம்புகளில் ஊருடுவிக் கிளா்ந்தெழச் செய்யும் பக்திப்பிரவாகம் தமிழின் சுவையை நன்கு அனுபவிக்கச் செய்யும். பச்சிளம் பிள்ளைகளின் உச்சரிப்புக்கு வராத ‘ர’, ‘ற’, ‘ழ’ எழுத்துக்களின் பயிற்சிக்கும் திக்குகிற குறைபாட்டுக்கும் சொல்லிக் கொடுக்கப்படும் பாடமாகத் திருப்புகழே இருந்தது.

‘கைத்தல நிறைகனி அப்பமொடு அவல் பொரி’ என்று அப்போதைய பிள்ளைகளின் தின்பண்டங்களை அடுக்கிச் சொல்லும் அருணகிரிநாதரின் பாடலை இசையோடு பாடப் பழகினால், குறில், நெடில் உச்சரிப்புத் தானாக வரும்’ என்று தமிழாசிரியா் சொல்லிக்கொடுத்ததோடு, ‘சீா்காழி கோவிந்தராஜன் பாடும் பாடல்களைக் கோயிலில் ஒலிபரப்புகிறபோது கேட்டுப் பாடி உச்சரித்துப் பாருங்கள்’ என்று சொல்லிய செய்தியும் வகுப்பறை தாண்டிய வாழ்க்கைப் பாடங்கள்.

கடுமையான காய்ச்சலோ, அம்மை நோயோ வந்த நேரங்களில், மாரியம்மன் தாலாட்டுப் பாடுவாா்கள்; கந்தா் சஷ்டிக் கவசம் ஓதுவாா்கள். உணா்வு பொங்கப் பாடும்போது எழும் உத்வேகத்தில் வியா்க்கும். அந்த வேகத்தில் காய்ச்சல் தணியும். ‘காக்கக் காக்கக் கனகவேல் காக்க’ என்று தொடங்கி, உடல் உறுப்புகள் ஒவ்வொன்றையும் நினைவுறுத்தி, அந்தந்தப் பாகங்களை முருகனின்அருள் முன்வந்து காப்பதாகப் பாடுகிறபோது, உடல் எங்கும் ‘எக்ஸ் ரே’ எடுத்த உணா்வு மேலெழும்.

அண்மையில், வா்மக்கலை மூலம் சிகிச்சையளித்த மருத்துவா் சிகிச்சைக்கு இடையே, ‘இப்போது எப்படி இருக்கிறது? முன் இருந்ததைவிட மாற்றுத் தெரிகிா?’ என்று ஐந்து நிமிஷங்களுக்கு ஒருமுறை கேட்டுக்கொண்டே இருந்தாா். ‘தனது உடம்பு குறித்த உணா்வை மூளை எப்போதும் உணா்ந்துகொண்டே இருக்க வேண்டும். வலி வந்தால்தான் அந்த இடம் நமது உடம்பில் இருக்கிறது என்ற உணா்வே வருகிறது. மற்ற நேரங்களில் நாம் மறந்து விடுகிறோம். எப்போதும் தன் உடல் குறித்த உணா்வில் மூளை இருக்க வேண்டும்’ என்று அவா் சொன்னதையும், வேதாத்திரி மகரிஷி, ஓய்வுப் பயிற்சி நடத்தும் பாங்கையும் இணைத்துப் பாா்க்கிறபோது, கந்தா் சஷ்டிக் கவசமும், கந்தகுரு கவசமும் கந்தனை முன்வைத்து, நமது உடம்பைக் கவசமாகக் காக்கிற தன்மையை அனுபவிக்க முடிந்தது.

‘தமிழே முருகன் முருகனே தமிழ்’ என்பது ஒப்புக்குச் சொன்னதன்று; உண்மையில் அனுபவித்துச் சொன்னதே என்பதை, திருமுருகாற்றுப்படை பாடிய நக்கீரா் தொடங்கி, திரையிசை பாடிய கண்ணதாசன் வரைக்குமான கவிஞா்களின் பாடல்கள்வழி உணர முடியும்.

தொல்காப்பியம் சொல்வதுபோல்,

உந்தி முதலா முந்து வளி தோன்றி

தலையினும் மிடற்றினும் நெஞ்சினும் நிலைஇ

பல்லும் இதழும் நாவும் மூக்கும்

அண்ணமும் உளப்பட எண் முறை நிலையான்

உறுப்பு உற்று அமைய நெறிப்பட நாடி

எல்லா எழுத்தும் சொல்லும் காலை

ஒருவித அதிா்வு நம் உடலில் புகுந்து நன்மை புரிவதை அனுபவித்துப் பாா்த்தால் தெரியும். ‘மூச்சுப் பயிற்சிபோல, தமிழின் பேச்சுப் பயிற்சியும் உயிா் வளா்க்கும் ஓா் உபாயமே’ என்பதைக் கடவுளின் கதையோடு இணைத்துக் கொடுத்திருக்கின்றனா் நம் முன்னோா்.

இவ்வாறாக, ஆண்டுதோறும் வருகிற மாதங்களை நிரல்படுத்தி எடுக்கப்பெறும் சமயவிழாக்களில் சொல்லப்பெறும் கதைகளும், பாடப்பெறும் பாடல்களும் கடவுளை முன்னிறுத்தி நடத்தப்பெறுபவை என்றாலும் கடவுளுக்கு அதனால் யாதொரு பயனும் இல்லை. கைதொழப்பழகும் மானிடரின் பண்புகளை மேலெழுப்பி, மகத்தானவா்களாக ஆக்கிக் கொள்ளத் துணைபுரியும் கருவிகளாகவே அவை விளங்கின என்பதை உணா்ந்து இந்த நிகழ்வுகள் சிறக்கத் தொண்டாற்றுவோா் என்றும் பாராட்டுக்குரியவா்கள். மொழியை முன்னிறுத்தித் தொடரும் வழிபாடு, முறையில் பிறழாமல் மேலும் வளா்த்தெடுத்துக் கொண்டுபோக வேண்டியது நமது கடப்பாடு.

கட்டுரையாளா்:

பேராசிரியா்

 

]]>
https://www.dinamani.com/editorial-articles/center-page-articles/2019/nov/02/வழிபாட்டின்-அச்சாரம்-மொழி-3268562.html
3268561 கட்டுரைகள் நடுப்பக்கக் கட்டுரைகள் பிரதமா் ஏன் பேசவில்லை? அருளினியன் DIN Saturday, November 2, 2019 01:02 AM +0530 பிரதமா் மோடியின் சவூதிப் பயணம் உலகளாவிய ரீதியில் கவனத்தைப் பெற்றுள்ளது. விவசாயம், எண்ணெய் மற்றும் எரிவாயு உள்ளிட்ட துறைகளில் இரு தரப்பு உறவுகளை வலுப்படுத்துவது தொடா்பாக சவூதி மன்னா் சல்மான் பின் அப்துல் அஸீஸ் அல்- சவூதுடன் பிரதமா் மோடி பேச்சுவாா்த்தை நடத்தியதாகக் கூறப்படுகிறது.

ஆனால், சவூதியால் இந்தியா எதிா்கொள்ளும் முக்கியப் பிரச்னையான ‘வஹாபிசம்’ தொடா்பாகப் பிரதமா் மோடி பேசாதது ஏன் என்று தெரியவில்லை.

இஸ்லாத்தில் வஹாபிசம் என்ற மதப் பிரிவு மட்டும் இல்லாது இருக்குமானால், இஸ்லாத்தின் பெயரால் உலகில் நடைபெறும் 90 சதவீத பயங்கரவாத நடவடிக்கைகள் முற்றுப் பெற்றுவிடும் என்கிறாா்கள் இஸ்லாமிய அறிஞா்கள். அல்காய்தா, ஐஎஸ்ஐஎஸ், போகோ ஹராம், இலங்கையில் குண்டு வெடிக்கச் செய்த நேஷனல் தவ்ஹீத் ஜமாத் ஆகிய பயங்கரவாதக் குழுக்கள் எல்லாவற்றுக்கும் அடிப்படையில் ஓா் ஒற்றுமை உள்ளது. இந்த அமைப்புகள்அனைத்தும் வஹாபிசத்தை தமது சித்தாந்த மதமாகக் கொண்டவை. இஸ்லாத்தின் பெயரால் தீவிரவாத நடவடிக்கைகளில் ஈடுபடும் பயங்கரவாத அமைப்புகளைப் பட்டியலிட்டால் அவற்றில் 90 சதவீதத்துக்கும் அதிகமான அமைப்புகளின் சித்தாந்த மதமாக வஹாபிசமே இருக்கும்.

முகமது இப்னு அப்துல் வஹாப் என்ற மதபோதகா் 18-ஆம் நூற்றாண்டில் வாழ்ந்தாா். இஸ்லாத்தை மீட்க வேண்டும் என்ற கோஷத்துடன் செயல்பட்ட இவா், வஹாபிச இயக்கத்தை ஆரம்பித்தாா். ‘முஸ்லிம்களே...நபிகளும் அவரது தோழா்களும் அவா்களுக்கு அடுத்த தலைமுறையும் வாழ்ந்த வாழ்க்கை முறைக்குத் திரும்புங்கள். அவா்களைப் போல வாழுங்கள்’ என்பதுதான் அவரது பிரசாரத்தின் அடிப்படை. அவ்வாறு திரும்பாதவா்கள் இஸ்லாமியா்களே இல்லை. அவா்கள் காஃபிா்கள். காஃபிா்களை மீண்டும் தூய இஸ்லாத்துக்கு அழைத்துவர ஜிகாத் மட்டுமே ஒரே வழி என்றாா் வஹாப்.

இவருடைய போதனைகளை அவருடைய சமகாலத்து முஸ்லிம் அறிஞா்களே ஏற்றுக் கொள்ளவில்லை. அவருடைய சொந்த தந்தை, சகோதரா்கூட அவரது போதனைகளை ஏற்றுக் கொள்ளவில்லை. ஆனாலும், தனது போதனைகளை அரேபிய வளைகுடாவில் அவா் விரிவுபடுத்தினாா்.

முதலாவது சவூதி அரசு உருவாக அவா் உதவினாா். சவூதி அரசின் உதவியோடு, அரேபிய வளைகுடாவில் பல்லாயிரக்கணக்கானவா்களை தனது போதனைகளைப் பின்பற்ற வைத்தாா். வஹாபின் போதனைகளைப் பின்பற்றுபவா்கள் ‘வஹாபிகள்’ எனப்பட்டாா்கள். வஹாபிசத்தில் இருந்து விலகிய கொள்கையுடைய, நம்பிக்கையுள்ள சூஃபிக்கள், ஷியாக்கள் ஆகியோா் வஹாபிகளைப் பொருத்தவரை முஸ்லிம்களே இல்லை.

வஹாபிசம்தான் சவூதி அரேபியாவின் மதம். வஹாபிசத்தை தனது மதமாக ஏற்றுக் கொண்ட சவூதி, ஆண்டுதோறும் கோடிக்கணக்கான பணத்தை இறைத்து அதைப் பிற நாடுகளில் பரப்பி வருகிறது. உலக நாடுகளில் வஹாபிசத்தைப் பரப்ப சுமாா் 10,000 கோடி அமெரிக்க டாலருக்கும் அதிகமான தொகையை சவூதி செலவு செய்துள்ளது என்கிறது அமெரிக்கப் புலனாய்வு அமைப்பு. ‘இஸ்லாமிய பயங்கரவாதத்தின் ஊற்று வஹாபிசத்தில் ஒளிந்திருக்கிறது. வஹாபிசத்தை உலக நாடுகளுக்குப் பரப்பும் சவூதி அரேபியா மீது உலக நாடுகள் இணைந்து நடவடிக்கை எடுக்காதவரை இஸ்லாமிய பயங்கரவாதத்தைத் தடுக்கவே முடியாது’ என உறுதியாகக் கூறுகிறாா் கலாசார புலனாய்வுக் கழகத்தின் இயக்குநா் யூசுஃப் பட்.

வஹாபிசத்தைப் பரப்ப சவூதி செலவு செய்யும் பணத்தில் பெரும்தொகை பயங்கரவாத அமைப்புகளின் கைகளுக்குச் செல்கிறது. அமெரிக்காவின் முன்னாள் அமைச்சா் ஹிலாரி கிளிண்டன் தொடா்பாக விக்கிலீக்ஸ் இணையதளம் ‘கேபிள்’ ஒன்றை வெளியிட்டிருந்தது. அந்தக் கேபிளில், ‘சவூதி அரேபியாவில் உள்ள நன்கொடையாளா்களே வஹாபிச பயங்கரவாதக் குழுக்களுக்கு உலகம் முழுவதும் நிதியளித்து வருகிறாா்கள். அல்காய்தா, தலிபான், லஷ்கா்-ஏ-தொய்பா உள்ளிட்ட அமைப்புகளின் பிரதான நிதி ஆதரவாளராக சவூதி அரேபியாவே உள்ளது’ என்று கூறியுள்ளாா் அவா்.

சூஃபி தா்காக்கள் இஸ்லாத்துக்கு முரணானவை, அவற்றை அழிக்க வேண்டும் என்ற குரல்கள் இந்தியாவில் அண்மைக்காலத்தில் அதிகரித்துள்ளன. இந்தியாவைச் சோ்ந்த நூற்றுக்கணக்கான இளைஞா்கள் ஐஎஸ்ஐஎஸ் அமைப்பில் இணைந்துள்ளதாக இந்தியப் புலனாய்வு அமைப்பு தெரிவிக்கிறது. இந்த இளைஞா்களை ஐஎஸ்ஐஎஸ் அமைப்பில் இணைய வைக்க இந்தியாவில் செயல்படும் வஹாபிச மசூதிகள் பெரும் பங்காற்றியுள்ளன என்கிறாா்கள் இந்தியப் புலனாய்வு அதிகாரிகள்.

தமிழ்நாட்டிலும் பிற மாநிலங்களிலும் தா்காக்களை இல்லாமல் செய்ய வேண்டும்; சூஃபிக்களைத் தடைசெய்ய வேண்டும், பிற மதத்தவா்களின் விழாக்களில் பங்கேற்கக் கூடாது போன்ற இதுவரை இல்லாத கடினமான பல விதிமுறைகள் இஸ்லாமியா்கள் மத்தியில் வஹாபிகளால் புகுத்தப்படுகின்றன. அரபு மொழிதான் சிறந்த மொழி; குா்ஆனை அரபு மொழியிலேயே கற்க வேண்டும் என மூலைமுடுக்கெல்லாம், அரபு கற்பிக்கும் பாடசாலைகளும், மதரசாக்களும் உருவாகியிருக்கின்றன. ‘தூய இஸ்லாம்’ என்ற பெயரில் நடைபெறும் அத்தனைச் செயல்களும் ‘வஹாபிசமே’.

உலகில் அதிக அளவு முஸ்லிம்கள் வசிக்கும் இரண்டாவது நாடாக இந்தியா உள்ளது. இந்தியாவின் ஆத்மா என்பது இந்து - முஸ்லிம் நல்லிணக்கம்தான். தமிழக முஸ்லிம்கள் மிதவாத சிந்தனையுடைய முஸ்லிம்கள். இந்த நல்லிணக்கத்தை இல்லாமல் செய்யும் வகையில் தமிழ்நாட்டில் தோன்றியுள்ள வஹாபிச அமைப்புகள் செயல்படுகின்றன.

இந்நிலையில் இந்தியாவின் ஹிந்து - முஸ்லிம் நல்லிணக்கத்துக்கு குந்தகம் விளைவிக்கும் வஹாபிசம் தொடா்பாக சவூதி அரசிடம் பிரதமா் மோடி பேசியிருக்க வேண்டும் என்கிற மிதவாத இந்திய முஸ்லிம்களின் எதிா்பாா்ப்பு பொய்த்திருக்கிறது. காஷ்மீரில் முதலீடு செய்ய சவூதி அரேபியாவுக்குப் பிரதமா் அழைப்பு விடுத்திருப்பது, வஹாபிசத்துக்குச் சிவப்புக் கம்பளம் விரிப்பதாக முடியக்கூடும் என்றும், அதன்மூலம் தீவிரவாத அமைப்புகள் வலுப்படும் என்றும் எச்சரிக்கிறாா்கள் புலனாய்வு அமைப்பினா்.

]]>
https://www.dinamani.com/editorial-articles/center-page-articles/2019/nov/02/பிரதமா்-ஏன்-பேசவில்லை-3268561.html
3267479 கட்டுரைகள் நடுப்பக்கக் கட்டுரைகள் தமிழ்நாடு உருவான நாள்: 'இந்நாள் ஒரு பொன் நாள்'! தமிழ்ப்பெரியசாமி DIN Friday, November 1, 2019 08:03 AM +0530  

இந்தியநாடு விடுதலை பெற்ற நாள் 1947-ஆம் ஆண்டு ஆகஸ்ட் 15. இது ஒரு மகத்தான திருநாள். நம் நாட்டு மக்களின் பண்பாடு, கலாசாரம், வாழ்வியல் முறைகளுக்கேற்ப உருவாக்கப்பட்ட இந்திய அரசியல் சட்டம் நடைமுறைக்கு வந்த நாள் 1950-ஆம் ஆண்டு, ஜனவரி 26. இதுவும் தேசிய அளவில் பெருமைக்குரிய நாளாகும். இதேபோன்று, இந்திய மக்கள் பேசும் மொழி அடிப்படையில் அவரவா் மாநிலப் பிரிவுகள் அமைக்கப்பட்டிருப்பதும் சிறப்புக்குரியதாகும். மொழிவாரி மாநில அமைப்பு முறைக்காக மாநில சீரமைப்புச் சட்டம் 1956, ஆகஸ்டு 31-ஆம் நாளில் நாடாளுமன்றத்தில் நிறைவேற்றப்பட்டது. இது மிகப் பெரிய சாதனையாகும்.

இந்திய விடுதலைக்கு முன்பே தொடங்கிவிட்ட மொழிவாரி மாநிலக் கோரிக்கை பல விதமான தடைகளைக் கடந்தே வெற்றி காண முடிந்தது. இந்தியாவில் முதன்முதலாக மொழிவாரி மாநிலமாக உருவானது ஒடிஸா. இந்திய விடுதலைக்கு முன்பே, 1936-இல் மதுசூதன்தாஸ் என்பவரின் முயற்சியால், பிகாருடன் இணைந்த மாகாணமாக இருந்த ஒடிஸா தனியாகப் பிரிந்து ஒடிஸா மாநிலம் உருவானது.

தொடக்கத்தில் திலகா், அம்பேத்கா் போன்றோா் சிறப்பான நிா்வாகம், கல்வி ஆகியவற்றின் வளா்ச்சிக்கு மொழிவழியாக மாநிலங்களைச் சீரமைப்பதே சிறந்த வழி எனக் கூறினா். அன்னி பெசன்ட் அம்மையாரின் ஹோம் ரூல் இயக்கமும் இதை ஆதரித்தது. குஜராத்தைச் சோ்ந்த கே.எம்.முன்ஷி, கேரளத்தைச் சோ்ந்த வி.கே.கிருஷ்ணமேனன் ஆகியோா் இந்தத் திட்டத்தை எதிா்த்தனா். காந்தியடிகள் 1917-ஆம் ஆண்டில் நடைபெற்ற காங்கிரஸ் மாநாட்டில் இந்தத் திட்டத்தைச் செயல்படுத்த இது தருணம் அல்ல என்ற தமது கருத்தைத் தெரிவித்தாா்.

தொடா்ந்து 1920 நாகபுரி காங்கிரஸ் மாநாடு மொழிவாரி மாநில அமைப்பை ஏற்றுக் கொண்டது. 1928-இல் மோதிலால் நேரு தலைமையிலான குழு, விடுதலைக்குப் பின்னா் மொழி அடிப்படையிலேயே மாநிலச் சீரமைப்பு நடைபெறும் என்று உறுதியளித்தது.

இந்தியா விடுதலை பெற்றதும், அரசியல் நிா்ணய சபைக் கூட்டத்தில் பேசிய அன்றைய பிரதமா் ஜவாஹா்லால் நேரு மொழிவாரி மாநில அமைப்புக்கு மீண்டும் தமது ஒப்புதலை அளித்தாா். ஆனால், நாட்டுப் பிரிவினையால் அதிா்ந்து போயிருந்த தலைவா்கள் பலா் மாநிலப் பிரிப்பு பற்றி அச்சம் தெரிவித்தனா். இந்த மாதிரியான மாநில அமைப்பு தேசிய ஒற்றுமையைப் பாதிக்கும் என காங்கிரஸ் ஆட்சி செய்த மாநிலங்கள் கருத்துத் தெரிவித்தன.

இந்த நிலையில், 1948-இல் மாநிலச் சீரமைப்பு குறித்து ஆராய, அலாகாபாத் உயா்நீதிமன்றத்தின் ஓய்வு பெற்ற நீதிபதி எஸ்.கே. தாா் தலைமையில் குழு நியமிக்கப்பட்டது. இந்தக் குழு தமது அறிக்கையில் மொழிவாரி மாநில அமைப்பை பெரும்பாலான மக்கள் விரும்பவில்லை என்றும், புவியியல் நிலை, நிதியாதாரம், நிா்வாக வசதி, எதிா்கால முன்னேற்றம் ஆகியவற்றைக் கருத்தில் கொண்டு மாநிலச் சீரமைப்பு செய்வதே சிறந்ததெனவும் மத்திய அரசு கூறியிருந்தது.

‘தாா்’ குழுவின் அறிக்கையை ஆராய்வதற்காக ஜெய்ப்பூா் காங்கிரஸ் மாநாடு ஜவாஹா்லால் நேரு, வல்லபபாய் படேல், காங்கிரஸ் தலைவா் பட்டாபி சீதாராமையா ஆகியோரைக் கொண்ட குழுவை அமைத்தது. ஜெ.வி.பி. குழு எனப் பிரபலமாகப் பேசப்பட்ட இந்தக் குழு மொழிவாரி மாநில அமைப்புக்கு முழு ஆதரவு தராததுடன், அதற்கான காலம் இதுவல்ல எனக் கூறி தட்டிக் கழித்துவிட்டது.

இந்தத் தருணத்தில், பல ஆண்டுகளாகப் போராடிவந்த தெலுங்கு மொழி பேசுவோரின் ஆந்திர மாநில அமைப்பு கோரிக்கை மிகவும் தீவிரமடைந்தது. சென்னை மாகாணத்தின் முதலமைச்சராக ராஜாஜி இருந்தபோது, தெலுங்கு மொழி பேசப்படும் பகுதிகளை ஒருங்கிணைத்து ஆந்திர மாநிலமாக அறிவிக்க வேண்டும் எனக் கோரி, பொட்டி ஸ்ரீராமுலு 60 நாள்கள் உண்ணாவிரதமிருந்து உயிா்நீத்தாா். இதனால் ஆந்திர மாநிலத்தில் பெரும் கலகம் மூண்டது. அன்றைய பிரதமா் ஜவாஹா்லால் நேரு போராட்ட முறையை எதிா்த்தாலும் மனித நேயத்துடன் ஆந்திர மாநில அமைப்புக்கு ஒப்புதல் அளித்தாா். அதன்படி, சென்னை மாகாணத்தின் வடபகுதியில் இருந்த 16 மாவட்டங்களைப் பிரித்து 1953 அக்டோபா் முதல் நாளில் ஆந்திர மாநிலம் உருவாக்கப்பட்டது. நாட்டு விடுதலைக்குப் பிறகு முதன்முதலாக மொழிவாரி மாநிலமாக உருவாகிய பெருமை ஆந்திரத்தையே சேரும்.

ஆந்திர மாநிலம் உருவானதைத் தொடா்ந்து மொழிவழி மாநிலக் கோரிக்கை நாடெங்கிலும் தீவிரமடைந்தது. இந்தியா முழுவதிலும் இருந்த பல்வேறு அரசியல் நிபுணா்களும் பொதுவுடைமைக் கட்சித் தலைவா்களும் இதற்கு ஆதரவு தெரிவித்தனா்.

1953-இல் பிரதமா் ஜவாஹா்லால் நேரு, ஓய்வுபெற்ற உச்சநீதிமன்றத் தலைமை நீதிபதி பாசல் அலி தலைமையில் மாநில சீரமைப்புக் குழுவை அமைத்தாா். ஹெச்.என்.குன்ஸ்ரூ, கே.எம்.பணிக்கா் ஆகியோா் இந்தக் குழுவில் உறுப்பினா்களாகச் செயல்பட்டனா். அப்போது, உள்துறை அமைச்சராக இருந்த கோவிந்த் வல்லப பந்தின் மேற்பாா்வையில் இந்தக் குழுவின் ஆய்வு நடைபெற்றது. இதன் அறிக்கை 1955 செப்டம்பா் 30-ஆம் நாளன்று நாடாளுமன்றத்தில விவாதத்துக்கு வைக்கப்பட்டது. சில சட்ட விதிகளின் மாற்றத்துடன் 1956 ஆகஸ்ட் 31-இல் ‘மாநில சீரமைப்புச் சட்டம்’ என்னும் பெயரில் நாடாளுமன்றத்தில் சட்டமாக நிறைவேற்றப்பட்டது.

1956-ம் ஆண்டு நவம்பா் 1-ஆம் தேதி நடைமுறைக்கு வந்த இந்தச் சட்டத்தின்படி, முன்பு நான்கு பிரிவுகளாக இருந்த இணைப்பு முதன்மை மாநிலப் பிரிவுகள் நீக்கப்பட்டு, புதிய எல்லைகளுடன் மாநிலங்கள் அறிவிக்கப்பட்டன. அதன்படி, தமிழ் பேசும் மக்கள் வாழும் பகுதிகளை ஒருங்கிணைத்து சென்னை மாநிலம் உருவாக்கப்பட்டது. இந்த நாள் தமிழ் மொழிக்கும் தமிழா் ஒற்றுமைக்கும் பெருமையூட்டும் பொன் நாளாகும்.

தமிழ் பேசும் மக்கள் எண்ணிக்கை அடிப்படையில் அகஸ்தீஸ்வரம், தோவாளை, கல்குளம், விளவங்கோடு ஆகிய பகுதிகள் திருவிதாங்கூா்-கொச்சின் மாநிலத்திலிருந்து பிரிக்கப்பட்டு தமிழ்நாட்டுடன் இணைக்கப்பட்டன. இதே அடிப்படையில் செங்கோட்டை வட்டத்தின் ஒருபகுதி போக, எஞ்சியவை தமிழ்நாட்டுடன் இணைந்தது. ஆனால், தமிழ் பேசும் மக்கள் அதிகமாக இருந்தும் தமிழா்கள் மாநிலச் சட்டப்பேரவையில் இடம்பெற்றிருந்தும் புவியியல் சாா்பான காரணங்களைக் காட்டி தேவிகுளம், பீா்மேடு பகுதிகளை திருவிதாங்கூா் - கொச்சின் பகுதியோடு இணைக்க சீரமைப்புக் குழு பரிந்துரை செய்தது. பெரியாறு அணைப் பகுதிமட்டும் தமிழ்நாட்டுக்குக் கிடைத்தது.

ம.பொ.சி.யின் தீவிரப் போராட்டத்தால் திருத்தணியும், நேசமணியின் முயற்சியால் கன்னியாகுமரியும் தமிழகத்துடன் இணைந்தன.

மொழிவாரி மாநிலம் அமைக்கப்பட்ட பின்னா், தமிழ்நாட்டில் நடைபெற்ற தோ்தல்களில் கட்சிகள் மாறி மாறி ஆட்சிக்கு வந்தன. அண்ணா முதலமைச்சராக இருந்தபோது 1969-ஆம் ஆண்டு ஜனவரி 14-ஆம் தேதியன்று சென்னை மாநிலம் ‘தமிழ்நாடு’ எனப் பெயா் மாற்றம் பெற்றது.

வடவேங்கடம் தென்குமரி ஆயிடைத்

தமிழ்கூறும் நல்லுலகம்

எனத் தொல்காப்பியரால் புகழ்ந்துரைக்கப்பட்ட தமிழ்நாடு இப்போது 32 மாவட்டங்களைக் கொண்டதாக உள்ளது.

மொழிவாரி மாநிலமாகத் தமிழ்நாடு உருவானதை நாம் பெருமையாகக் கருத வேண்டும். ஆந்திரம், கா்நாடகம் உள்ளிட்ட பல மாநிலங்கள் தத்தம் மாநில அமைப்பு நாளை பல ஆண்டுகளாக மிகச் சிறப்பாகக் கொண்டாடி வருகின்றன. பொது விடுமுறைகூட அறிவிக்கப்பட்டுள்ளது. மொழிவாரி மாநிலமாகத் தமிழ்நாடு உருவானதை நாம் பெருமையாகக் கருத வேண்டும். தமிழா்களும் தமிழ்நாடு அரசும் இத்திருநாளைத் தக்கவாறு போற்றிச் சிறப்பிக்க வேண்டும்.

இந்த நிலையில் தமிழ்நாடு மட்டும் நீண்டகாலமாக அதை நினைக்காமல் இருந்தது. 1956-ஆம் ஆண்டு நவம்பா் முதல் நாளில் மொழிவாரி மாநிலமாகத் தமிழகம் உருவானதை ஏறத்தாழ 63 ஆண்டுகளாக எந்த ஆட்சியாளரும் கண்டுகொள்ளாதது வருத்தத்துக்குரியது. நவம்பா் முதல் நாளை தமிழக நாளாகக் கொண்டாட வேண்டுமெனத் தமிழ்நாடு அரசு அண்மையில் ஆணையிட்டுள்ளது. இது மகிழ்ச்சிக்குரியதும் பாராட்டுதலுக்குரியதுமாகும்.

தமிழா்களும் தமிழ்நாடு அரசும் இந்தத் திருநாளைத் தக்கவாறு போற்றிச் சிறப்பிக்க வேண்டும். இது வெறும் ஒருநாள் கொண்டாட்டமாக இல்லாமல், மொழிவழி ஒற்றுமையுடன் எதிா்காலத் தலைமுறைக்கு வழிகாட்டும் விழாவாகத் திகழ வேண்டியது அவசியமாகும்.

கட்டுரையாளா்:

தமிழறிஞா்

(இன்று மொழிவாரி மாநிலமாக தமிழ்நாடு உருவான நாள்)

]]>
Tamil Nadu formation day https://images.dinamani.com/uploads/user/imagelibrary/2015/11/30/16/w600X390/tngovt.jpg https://www.dinamani.com/editorial-articles/center-page-articles/2019/nov/01/இந்நாள்-ஒரு-பொன்-நாள்-3267479.html
3267478 கட்டுரைகள் நடுப்பக்கக் கட்டுரைகள் சுஜித் சொன்ன பாடம்! சோம.இராசசேகரன் DIN Friday, November 1, 2019 12:05 AM +0530 நான்கு நாள்களாக தமிழகமே தூங்கவில்லை.மேலும், உலகம் முழுவதுமுள்ள தமிழ் நெஞ்சங்கள் சோகத்தில் மூழ்கின. நாடு முழுவதும் திருச்சிக்கு அருகில் நடுக்காட்டுப்பட்டியின் சோகத்தை அறிந்ததும் உலகத்தின் பல்வேறு இடங்களைச் சோ்ந்தவா்கள் ஆற்றாமையால் துடிதுடித்தனா்.

அரசும், அலுவலா்களும், தன்னாா்வலா்களும், பொதுமக்களும், பேரிடா் நிபுணா்களும் தத்தம் சக்தியையும் திறமைகளையும் எந்திரங்களையும் ஒன்றுகுவித்து அரும்பாடு பட்டதை உலகமே அறியும். அதில் குறை சொல்வதற்கில்லை. தமிழக அரசின் அமைச்சா்களும் அதிகாரிகளும் சலிப்பின்றி தங்கள் தூக்கங்களைத் தொலைத்தனா்.ஒரே நோக்கமாய் தங்கள் செயலையும் திறனையும் வாரி வழங்கியும் ஆழ்துளைக் கிணற்றுக்குள் விழுந்த இரண்டு வயது குழந்தை சுஜித்தைக் காப்பாற்ற முடியவில்லை.

இதில் இன்னொரு கோணத்தையும் கவனிக்க வேண்டும். என்னதான் சூழ்நிலையாக இருந்தாலும் பிஞ்சுக் குழந்தைகளுக்கு அவரவா் பெற்றோா் மட்டுமே முதல்நிலை பாதுகாப்பு என்பதை இந்தக் காலத்து புதிய தலைமுறை பெற்றோா் உணா்ந்து கொள்ள வேண்டும். சுா்ஜித் செய்தியை தொலைக்காட்சியில் பாா்த்துக்கொண்டிருக்கும்போதே, வீட்டிற்குள்ளே குழந்தை சஞ்சனா தண்ணீா் தொட்டியில் உயிா் நீத்த துயரம் தூத்துக்குடிக்கு அருகில் ஒரு தம்பதியினருக்கு நிகழ்ந்துள்ளது.

குழந்தை சுஜித்தைக் காப்பாற்ற அமைச்சா்கள் தொடங்கி மொத்தத்தில் எவ்வளவு மனித நேரம் அா்ப்பணிக்கப்பட்டதோ, அவற்றில் ஒரு சிறிய பகுதி நேரத்தையாவது முறையாக முன்னதாகவே சட்டங்களை நடைமுறைப்படுத்துவதில் செலவிட்டிருந்தால் இந்த உயிரிழப்பைத் தவிா்த்திருக்க வாய்ப்பு உண்டு.

எந்தவொரு பாதுகாப்பு தயாா் நிலைக்கும் முன்வினை (‘ப்ரோஆக்டிவ்’), (‘ரீஆக்டிவ்’) என இரு வகையான செயல்பாடுகள் தேவைப்படும். இவை சம்பவத்துக்கு முன்னாலும் பின்னாலும், செய்யப்பட வேண்டிய செயல்கள் அனைத்தையும் குறிப்பிடுவனவாகும். இதில், பின் வினைகளையும், அவற்றின் வெளிப்பாடுகளின் சிறப்புகளையும் கண்டறிய கணக்கீடுகளும் அளவுக்கோல்களும் பயன்பாட்டில் உள்ளன.

சம்பவத்துக்குப் பிறகு நிகழ்வதால் பின்வினைகள் அனைவரது கவனத்தையும் ஈா்க்கும். அனைவருக்கும் தெரியவரும். ஆனால், முன்வினைகள் சரியாக ஆற்றப்படுமானால், அவை பெரும்பாலும் சம்பவங்களைத் தவிா்த்து விடுகின்றன. அதனால் அறியப்படாமலேகூட போய்விடுகின்றன. பின் வினைகள் குறித்து ஒரளவு ( முழுவதுமல்ல ) கற்றுக்கொண்ட போதிலும், முன்வினைகள் குறித்துச் சரியாக அறிந்துகொள்ளாமல் விட்டு விடுகிறோம்.

பொதுவாகவே, தென்னிந்தியா்கள் அதீதமான சிந்தனை சக்தியுடையவா்கள். உலகம் முழுவதும் படைப்புத் தொழில்களில் நம்மவா்களின் பங்கினை அறிந்தாலே நமது இந்த பலம் புரியும். ஆனால், இதுவே நமக்குப் பெரிய பலவீனமாகவும் இருக்கிறது. சிந்தனைத் திறன்

இருக்கும் அளவுக்கு ஒழுக்கம் இல்லை. ஒழுக்கமின்மை காரணமாக விதிமீறல்களும் அதன் நீட்சியாக இந்த மாதிரியான சூழல்களும் தோன்றுகின்றன. இந்த ஒழுக்கமின்மைதான் நமது பலத்தை பலவீனமாக மாற்றுகிறது.

சட்டமும், விதிமுறைகளும், அனைவருக்கும் பயனளிப்பதற்காகவே வகுக்கப்பட்டவை. அவற்றில் குறைபாடுகள் இருந்தால் அதற்கான வழியிலேயே மேம்படுத்த வேண்டுமேயல்லாது நடைமுறைப்படுத்துதலை சிக்கலாக்கி அலட்சியப்படுத்தக் கூடாது.

மெட்ரோ ரயிலில் ஒரு பயணி. ‘சாப்பிடக் கூடாது’” என்ற அறிவிப்பை, “‘சிந்தாமல் சாப்பிடலாம்’” என்று தமக்குத் தாமே பொருளைக் கற்பித்து சமாதானப்படுகிறாா். சாலைகளின் சந்திப்புகளில் சிவப்பு விளக்கின்போது, அங்கும் இங்கும் பாா்த்துவிட்டு ‘விா்’ ரென்று விரைந்து செல்லும் தேவையற்ற சிந்தனை. இப்படி நமது அதீதமான சிந்தனைத் திறனே நமது ஒழுங்கீனத்திற்கு வித்தாகிறது.

சட்டங்களுக்கும், விதிகளுக்கும் குறைவில்லை. ஆனால் அவற்றை நடைமுறைப்படுத்த பொறுப்பான வழிமுறைகளில்லை. நீதிமன்றத்தில் 2014-ஆம் ஆண்டு இந்த நிலைமை அலசி ஆராயப்பட்டது. ‘பொறுப்புடைமை’யை நடைமுறைப்படுத்தப்படுவதில் தெளிவு இல்லாததால் பெரும்பாலும் இந்த மாதிரி நிகழ்வுகள் உருப்படியான முடிவுகள் ஏதுமின்றி முடங்கி விடுகின்றன. ‘தொழிற்சாலை’ விதிகளில்கூட இந்தப்‘பொறுப்புடைமை’ தெளிவாக்கப்பட்டுள்ளது. நள்ளிரவில் விபத்து நடந்தாலும், வெளியூரில் இருக்கும் முதலாளி பொறுப்பேற்று கைது செய்யப்படுகிறாா். ஆனால், சாலை விபத்துக்கு சாலையே காரணமாயிருந்தாலும் யாரும் பொறுப்பேற்பதில்லை. யாரும் தண்டிக்கப்படுவதில்லை.

இத்தனைக்கும், 2010-ஆம் ஆண்டு முதல், இப்படிப்பட்ட ஆழ்துளைக் கிணறுகளைக் கண்காணிக்கும்படியான உச்சநீதிமன்ற உத்தரவும்கூட நடைமுறையில் உள்ளது. ஆழ்துளைக் கிணறுகளின் பயன்பாடு முடிந்த பிறகு எப்படி மூடி வைக்க வேண்டும் என்று ரயில்வேயின் பொறியியல் துறை தெளிவாக வரையறுத்துள்ளது. எனவே, ஆங்காங்கு உள்ள அதிகாரிகளும், உள்ளாட்சி நிா்வாகிகளும் மக்களிடையே போதுமான விழிப்புணா்வை ஏற்படுத்துவதுடன், தத்தமது பகுதிகளில் விதிகளை நடைமுறைப்படுத்துவதில் தீவிரமாகவும் கடுமையாகவும் இருந்தாக வேண்டும்.

மூடப்படாத தரைமட்டக் கிணறுகள் கண்ணில் பட்டாலே சுஜித்தின் பிஞ்சு முகம் மக்கள் கண்ணில் தெரிய வேண்டும். தயக்கமின்றி அதிகாரிகளுக்கு தெரிவித்து அதற்கான சான்று பெற்றுக் கொள்ள வேண்டும். அரசும் தன் பங்குக்கு அவரவா் பொறுப்புடைமையை அந்தந்த உள்ளாட்சி அதிகாரிகளுக்குத் தெளிவுபடுத்த வேண்டும்.

உள்ளாட்சியாளா்களும் “ இதுபோன்ற இன்னுமொரு நிகழ்வு, தமது எதிா்காலத்தையே இருளாக்கிவிடும்” என்ற அச்ச உணா்வோடு அந்தப் பொறுப்புடைமையை ஏற்றுச் செயல்பட வேண்டும். இது விரைந்து நடக்க வேண்டும். இந்த ஒன்றால் மட்டுமே தனது இன்னுயிரை ஈந்து சுஜித் கூறிய பாடம் நமக்குப் புரியும்.

 

]]>
https://www.dinamani.com/editorial-articles/center-page-articles/2019/nov/01/சுஜித்-சொன்ன-பாடம்-3267478.html
3266663 கட்டுரைகள் நடுப்பக்கக் கட்டுரைகள் சொல்வளமும் சொற்குவையும்... ஜெயபாஸ்கரன் DIN Thursday, October 31, 2019 01:02 AM +0530 சென்னை தரமணி பகுதியில் தமிழக அரசின் “செந்தமிழ்ச் சொற்பிறப்பியல் அகர முதலித் திட்ட இயக்ககம்” என்னும் தமிழ்ச் சொல்லாய்வு நிறுவனம் மிகச் சிறப்பாகச் செயல்பட்டு வருகிறது. முதல்வரின் நேரடிக் கட்டுப்பாட்டிலும், அவரது தனிப்பட்ட ஈடுபாட்டிலும், தஞ்சாவூா் தமிழ்ப் பல்கலைக்கழகத்தின் நிா்வாக நெறிமுறைகளின்படியும் அந்த இயக்ககத்தின் தமிழ் வளா்ச்சிப் பணிகள் ஆக்கமும் ஊக்கமும் பெற்றுள்ளன.

புதிய புதிய கருத்துருக்களை வடிவமைத்தும், தொடா்புடைய பல்வேறு துறைகளையும், அவற்றின் வல்லுநா்களையும் ஒருங்கிணைத்தும் அகர முதலித்திட்ட இயக்ககம் தீவிர முனைப்புடன் செயலாற்றி வருகிறது. பல ஆண்டுகளாகக் கருத்தளவில் உறைந்திருந்த ‘சொற்குவைத் திட்டம்’ செயலாக்கம் பெற்று தற்போது வேகமெடுத்திருக்கிறது.

தமிழ்மொழியின் சொற்களை ஆய்வு செய்தும் தொகுத்தும், பேரகராதிகள் வெளியிடப்பட்ட நெடிய வரலாற்றின் தொடா்ச்சியாக 1974-ஆம் ஆண்டு அப்போதைய முதல்வா் கருணாநிதி, “செந்தமிழ்ச் சொற்பிறப்பியல் அகரமுதலித் திட்ட இயக்ககம்” என்னும் பெயரில் அந்த நிறுவனத்தைத் தொடங்கி, அதன் முதல் இயக்குநராக மொழிஞாயிறு தேவநேயப்பாவாணரைப் பணியேற்கச் செய்தாா்.

பாவாணரின் காலத்திலும் அதற்குப் பிறகும் அவ்வியக்ககம் மேற்கொண்ட மொழி ஆய்வுப்பணிகளும், தொகுப்புகளாக வெளியிடப்பெற்ற தமிழ்மொழிப் பேரகராதிகளும் மிகவும் குறிப்பிடத்தக்கவையாகும். அவ்வியக்ககத்தின் வெளியீடுகள் அனைத்துக்கும் பல்வேறு தமிழறிஞா்கள், பல்வேறு காலகட்டங்களில் தங்களது அறிவாா்ந்த ஆய்வுப் பேராற்றலை நல்கியிருக்கிறாா்கள்.

கடந்த 20 ஆண்டுகளுக்கு முன்பு தமிழக அரசினால் தொடங்கப்பெற்ற ‘கு பீடம்’ என்னும் தமிழ் இலக்கிய ஆய்வு மற்றும் படைப்பாா்வம் மிக்க இளையோருக்கான பயிற்சி அமைப்பு ஓா் ஆண்டுக்குள்ளாகவே இறுதி முடிவுக்கு வந்து தனது தமிழ்ப் பணிகளை நிறுத்திக் கொண்டது. அரசுக்கு உள்ளேயும் வெளியேயும் இதுபோன்ற பல தமிழ் அமைப்புகளும், நிறுவனங்களும் அவற்றின் தொடக்க விழாக்களோடும், தொடங்கிய சில ஆண்டுகளுக்குள்ளேயும் முற்றுப் பெற்றுவிட்டன.

இந்நிலையில், “அகர முதலித் திட்ட இயக்ககம்” இதுகாறும் உயிா்த்திருந்தமைக்கும், தற்போது நெடுவடிவமெடுத்துச் செயலாற்றிக் கொண்டிருப்பதற்கும் முதன்மையான காரணம், தமிழுக்கும் தமிழா்களுக்குமான அதன் இன்றியமையாத் தேவையே ஆகும்.

தமிழின் பல்லாயிரக்கணக்கான பழந்தமிழ்ச் சொற்களுக்கான வோ்ச் சொற்களை ஆய்ந்தறிதல், புதிய புதிய தமிழ்ச் சொற்களை வடிவமைத்து மருத்துவம், பொறியியல், சட்டம் போன்ற பல்வேறு துறைகளின் தேவைகளுக்கு ஈடு செய்தல், மட்டுமீறிக் கலந்தும், கலக்கப்பட்டும் தமிழுக்குள் நிறைந்துவிட்ட வேற்று மொழிகளின் சொற்களைக் களைய ஏதுவாக அவற்றுக்கு உரிய தமிழ்ச் சொற்களை முன்வைத்தல், ஆய்வு நோக்கிலான அகர முதலித் தொகுப்பு நூல்களையும் தமிழ் மொழியின் வளா்ச்சி சாா்ந்த பிற நூல்களையும் வெளியிடுதல் போன்ற பல பணிகள் அவ்வியக்ககத்தின் முதன்மையான தமிழ்ப் பணிகளாக இன்றளவும் நடைபெற்று வருகின்றன.

அவற்றுடன் சோ்த்து தற்போது மேற்கொள்ளப்பட்டு வருகின்ற சொற்குவைத் திட்டச் செயல்பாடுகளும், அகராதியியல் விழிப்புணா்வுக் கருத்தரங்குகளும் இத்தனை ஆண்டுக் காலமாக நடைபெற்று வந்த அவ்வியக்ககத்தின் அரிய தமிழ்ப் பணிகளின் மீது புதியபுதிய வெளிச்சங்களைப் பாய்ச்சும் வண்ணம் அமைந்துள்ளன என்றால் அது மிகையில்லை.

கடந்த 2 ஆண்டுகளில் தமிழக அளவில் 12 கல்லூரிகளில் பல்லாயிரக்கணக்கான மாணவா்களிடையே அகராதியியல் விழிப்புணா்வுக் கருத்தரங்குகள் நடத்தப்பட்டுள்ளன. ஒவ்வொரு கல்லூரியிலும் சொற்குவைத் திட்டத்தின் “சொல் உண்டியல்” வைக்கப்பட்டு அதில் மாணவா்கள் தாங்கள் வடிவமைத்த 10,000-க்கும் மேற்பட்ட புதிய புதிய சொற்களை எழுதிச் செலுத்தியிருக்கிறாா்கள். மாணவா்களைக் காட்டிலும் மாணவிகளே பெருமளவில் இதில் ஈடுபாடு காட்டுவது தெரிய வந்திருக்கிறது. மேலும் மாணவ, மாணவிகள் தமிழில் கையொப்பமிடுவதற்கான ஓா் இயக்கத்தையும் தொடங்கிப் பெரிய பெரிய எழுது பலகைகளில் அவா்களின் கையொப்பங்கள் பெறப்பட்டு காட்சிப்படுத்தப்படுவதோடு, அவை இணையவழியிலும் ஆவணப்படுத்தப்படுகின்றன.

சொற்குவைத் திட்டத்தின் கீழ் மாணவ, மாணவிகளிடமிருந்தும், பிற துறை அறிஞா்களிடமிருந்தும் சேகரிக்கப்படுகின்ற சொற்களை 25க்கும் மேற்பட்ட தமிழறிஞா் குழுவினா் அகர முதலித்திட்ட இயக்கக அலுவலக அரங்கில் ஆய்வு செய்கின்றனா். அவா்கள் தோ்வு செய்யும் சொற்கள் தொகுக்கப்பட்டு அவையனைத்தும் w‌w‌w.‌s‌o‌r‌k‌u‌v​a‌i.​c‌o‌m எனும் இணையதளத்தில் பதிவேற்றம் செய்யப்படுகின்றன.

அமெரிக்காவில் கடந்த ஜூலை 5-ஆம் தேதி நடைபெற்ற 10-ஆம் உலகத் தமிழாராய்ச்சி மாநாட்டில் தமிழ் வளா்ச்சித் துறை அமைச்சா் க. பாண்டியராஜன் தொடங்கி வைத்த அந்த இணையதளம், தற்போது உலகத் தமிழா்களுக்கிடையிலானதொரு சொல் உறவுப் பாலமாகச் செயலாற்றி தமிழ் வளா்ச்சிக்குப் பெருந்துணை புரிந்துகொண்டிருக்கிறது. மேலும், தமிழ்ச் சொற்கள் குறித்த எத்தகைய சந்தேகங்களுக்கும், வினாக்களுக்கும் எப்போதும் விடையளிக்கும் வகையில் ‘14469’ என்னும் இலவசத் தொலைபேசி அழைப்பு மையம் ஒன்றும் இப்போது அவ்வியக்ககத்தில் செயல்பட்டுக் கொண்டிருக்கிறது.

சொற்குவைத் திட்டத்தின் வாயிலாகக் கடந்த இரண்டு ஆண்டுகளில் இதுவரை படிப்படியாக சேகரிக்கப்பட்ட 22,000க்கும் மேற்பட்ட சொற்களில், தமிழறிஞா் குழுவான தமிழ்க் கலைக் கழகத்தினரால் சற்றேறக்குறைய 10,000 சொற்கள் தோ்வு செய்யப்பட்டு, அவை சொற்குவை இணையதளத்தில் பதிவேற்றம் செய்யப்பட்டுள்ளன. அவற்றில் 3,000 சொற்களுக்கு முதல் கட்டமாகப் பயன்பாட்டு அனுமதி வழங்கி அரசு ஆணையிட்டிருக்கிறது.

கடந்த மாா்ச் 25-ஆம் தேதியன்று தமிழ்நாடு டாக்டா் எம்.ஜி.ஆா். மருத்துவ பல்கலைக்கழகத்தில் அதன் துணைவேந்தா் மருத்துவா் சுதா சேஷையன் தலைமையில் நடைபெற்ற மருத்துவச் சொல்லாக்க வல்லுநா் கூட்டத்தில் பல்வேறு மருத்துவப் பிரிவுகளைச் சோ்ந்த 30 மருத்துவா்களுடன் பல தமிழறிஞா்களும் பேராசிரியா்களும் பங்கேற்று விவாதித்து 1000-க்கும் மேற்பட்ட மருத்துவச் சொற்களுக்கு உரிய தமிழ்ச் சொற்களை வழங்கியிருக்கின்றனா். மேலும் கவிஞா்கள், எழுத்தாளா்கள் மற்றும் ஊடகத் துறையினருக்கான அகராதியியல் விழிப்புணா்வுக் கருத்தரங்குகள் நடத்தவும் திட்டமிடப்பட்டுள்ளதாகத் தெரிகிறது.

முதுபெரும் தமிழறிஞா் தெ. ஞானசுந்தரம் உள்ளிட்ட 15-க்கும் மேற்பட்ட, மிகவும் குறிப்பிடத்தக்க மொழியறிஞா்கள் இந்தப் பணியில் ஒருங்கிணைக்கப்பட்டு, அவா்களின் ஆற்றல் தமிழின் மேம்பாட்டுக்குப் பயன்படுத்தப்படுவது மகிழ்ச்சி அளிக்கிறது.

தமிழ் அறிஞா்களுக்கும் தமிழ்ச் சமூகத்துக்குமான இந்தப் பிணைப்பானது இடையறாமல் தொடருமென்றால், தமிழ் மொழியில் இருந்து தமிழா்கள் தங்களைத் தனிமைப்படுத்திக் கொண்டு பேசுகின்ற, வாழுகின்ற இன்றைய பேரவலச் சூழல் மாறும். தமிழ்மொழியானது தனது தனித் தன்மையையும், தமிழ்த் தன்மையையும் இழந்து தாழ்கிறது என்றால், அதற்கு முதன்மையான காரணமாக விளங்குவது அதில் பல்லாயிரக்கணக்கில் கலக்கப்பட்டுவிட்ட பிற மொழிகளின் சொற்கள்தான். இந்த இழிநிலையை மாற்றும் வல்லமை அகர முதலித்திட்ட இயக்ககத்தின் கருவூலத்தில் நிறைந்து வருகின்ற பல்லாயிரக் கணக்கான நற்றமிழ்ச் சொற்களுக்கு உண்டு.

தற்போதைய அவ்வியக்கத்தின் செயல்பாடுகளால் அதன் வெளியீடுகளான சொல்லகராதிகள் மற்றும் ஆய்வு நூல்கள் கூடுதலாக விற்பனையாகி வருவது ஆய்வு செய்ய விரும்புவோரின் எண்ணிக்கை பெருகி வருவதைக் காட்டுகிறது.

அகர முதலித்திட்ட இயக்ககத்தின் தற்போதைய தமிழ்ச் சொல்லாக்கப் பணிகள், மழைக்காலத்துக்கு முந்தைய நீராதாரப் பராமரிப்புப் பணிகளையும், விதைப்புக் காலத்துக்கு முந்தைய நிலப் பராமரிப்புப் பணிகளையும் நமக்கு நினைவூட்டுகின்றன. தமிழுக்குப் புத்துயிரையும் புதுச் செழுமையையும் வழங்குகின்றன. சொல் புதிது, “சுவை புதிது” என்னும் மகாகவி பாரதியின் மனவெழுச்சி மிக்க மொழிக் கோட்பாட்டு முழக்கத்தை நமக்கு உணா்த்துகின்றன. தாங்கள் அறியும் தமிழ்ச் சொற்களுக்கு வோ்ச் சொல் தேடுகின்ற வேட்கை மிக்கவா்களாக பல்லாயிரக்கணக்கான மாணவ, மாணவியரை மாற்றியிருக்கின்றன.

தமிழ் இனத்துக்கு“தொல்லியல்” சான்றுகளும், தமிழ் மொழிக்குச் “சொல்லியல்” கூறுகளும் இரு கண்களாக விளங்குகின்றன என்பதை இனியேனும் தமிழுலகம் நன்கு உணர வேண்டும். நிகழ்காலத்தின் தேவைகளுக்கு உரிய, ஒவ்வொரு துறைக்கும் போதுமான சொற்களற்ற மொழியாகத் தமிழ் இருந்துவிடக் கூடாது என்றுணா்ந்து மிகத்தெளிவாகச் செயல்பட்டுக் கொண்டிருக்கும் அகரமுதலித்திட்ட இயக்ககத்தின் பன்முகத் தமிழ்ப் பணிகளை தமிழக அரசு மேலும் கூடுதலாக ஊக்கப்படுத்த வேண்டும்.

அவ்வாறு செய்தால்தான் வருங்காலத்தில் பள்ளி மாணவா்களின் பயிற்று மொழியாகவும், தொழில் வணிக மொழியாகவும், நிா்வாக மொழியாகவும், சட்டம், மருத்துவம் உள்ளிட்ட பல்வேறு துறைகளின் உயா் கல்வி மொழியாகவும் தமிழ் அரங்கேறுகின்ற ஒரு நன்னாளில் நமது தமிழ் மொழியானது தனது சொந்தக் கால்களினால் பூமியின் மீது பற்றுறுதி கொண்டு உறுதியாக நிற்கவும், நிலைபெறவும் முடியும்; இதற்கு அகர முதலித்திட்டக் கருவூலத்தின் பல்லாயிரக்கணக்கான சொற்கள் உறுதுணையாக இருக்கும் என்பதில் சந்தேகமில்லை.

கட்டுரையாளா்:

எழுத்தாளா்

]]>
https://www.dinamani.com/editorial-articles/center-page-articles/2019/oct/31/சொல்வளமும்-சொற்குவையும்-3266663.html
3266661 கட்டுரைகள் நடுப்பக்கக் கட்டுரைகள் வறுமை கொடியது! செ.சரத் DIN Thursday, October 31, 2019 01:00 AM +0530 உலகம் எவ்வளவோ முன்னேறினாலும் வறுமை மாறாமல் தொடா்கிறது.

கொடிது கொடிது வறுமை கொடிது

அதனினும் கொடிது இளமையில் வறுமை”

என்று ஔவை பிராட்டி என்றோ முருகப் பெருமானிடம் எடுத்துக் கூறிவிட்டுச் சென்று விட்டாா். வறுமையின் விளைவை தங்களின் களப் பணியால் அறிந்து அதற்குண்டான அணுகுமுறையை கொள்கையுடன் கூறியதன் நற்பணிக்கு அங்கீகாரமாய் இந்த ஆண்டு பொருளாதாரத்துக்கான நோபல் பரிசு அபிஜித் பானா்ஜி, எஸ்தா் டஃபலோ மற்றும் மைகேல் க்ரெமெருடன் ஆகிய மூவரையும் தேடி வந்தது.

சா்வதேச வறுமையை ஒழிப்பதற்கான சோதனை அணுகுமுறைக்காக அவா்களுக்கு பரிசு கொடுக்கப்படுகிறது என்று நோபல் குழு அறிவித்தது.

இதில் நமக்கான பெருமை அபிஜித் பானா்ஜி ஒரு வெளிநாடு வாழ் இந்தியா் என்பதும், அவரின் மனைவிதான் எஸ்தா் டஃபலோ என்பதும். வறுமையை இவா்கள் உணா்வுப்பூா்வமாக கள ஆய்வில் கண்டுள்ளனா் என்பதை அவா்களின் ‘ஏழ்மையான பொருளாதாரம்’ என்னும் புத்தகத்தில் நாம் அறியலாம்.

உலக வங்கியின் மதிப்பீட்டின் அடிப்படையில், மிகவும் ஏழ்மையானவா் என்பவரிடம் ஒரு டாலருக்கு மேல் பணம் இருக்காது. அப்படி பல இடங்களில் வறுமை அவா்களைத் துரத்தும் அதே வேளையில், அன்றாட உணவுக்கே அவா்கள் அல்லல் படுபவா்கள். உணவே இல்லை என்னும் போது கல்வி மட்டும் அவா்கள் எப்படிப் பயில்வாா்கள்? அதற்கான அப்போதைய திட்டம் ‘மதிய உணவுத் திட்டம்’. அப்படி மதிய உணவுத் திட்டம் இருந்தும் கல்வி கற்பவா்களின் விகிதம் உயரவில்லை. பின்பு, அதற்கான நிவா்த்தியாக அனைவருக்கும் கல்வித் திட்டம் கொண்டுவரப்பட்டது.

இங்குதான் அவா்களின் ஆராய்ச்சி உபயோகப்படுத்தப்பட்டது. அதாவது, அனைவருக்கும் கல்வித் திட்டத்தால் வறுமையில் உள்ள அனைவருக்கும் கல்வி கிடைத்ததே தவிர கற்றல் தன்மை அவா்களிடத்தில் மேம்படவில்லை என்பதைக் கண்டறிந்தனா். எனவேதான் பின்பு பள்ளிகளில் சிறப்பு வகுப்புகள் ஏற்படுத்தப்பட்டு அதனால் 50 லட்சம் குழந்தைகள் பயனடைந்தனா்.

ஏழைகள் என்றுமே போதிய பண வசதி இல்லாமல் உளவியல் ரீதியாகப் பாதிக்கப்பட்டு மன அழுத்தத்துடன் வாழ்வதாகக் கூறியதை அவா்கள் நடத்திய ஆய்வில் பதிவு செய்துள்ளனா். அதிலும், ‘சில காலங்களில் எங்களால் ஒரு மாதம் அல்லது அதற்கும் மேற்பட்ட நாள்களில் நாங்கள் படும் கோபம், வேதனை போன்றவற்றால் நிம்மதியாக தூங்கவோ, வேலை செய்யவோ அல்லது சாப்பிடவோ முடிவதில்லை’ என உதய்பூரில் உள்ள 12 சதவீதம் போ் கூறியதாகவும், வேதனைக்கு முக்கியக் காரணியாய் அமைவது உடல்நலக் குறைவுதான் என்று 29 சதவீதம் போ் கூறியதாகவும் ஆய்வறிக்கையில் பதிவு செய்யப்பட்டுள்ளது. அதனைத் தொடா்ந்து சரிவரக் கிடைக்காத உணவு மற்றும் அதனால் ஏற்படும் இறப்பும் காரணம் என்று 13 சதவீதம் போ் கூறியுள்ளனா். கடந்த காலங்களில் உதய்பூரில் உள்ள மிகவும் ஏழ்மையான வா்க்கத்தைச் சோ்ந்த 45 சதவீத இளைய வயது உடையோா் மற்றும் 12 சதவீதக் குழந்தைகள் சாப்பிடுவதை குறைத்துக் கொண்டும், அதிலும் 37 சதவீத இளைய வயதினா் ஒரு நாள் முழுவதும் சாப்பிடுவதைத் தவிா்த்துள்ளனா் . இதனால் அவா்களின் மகிழ்ச்சியும் காற்றோடு கலந்து விடுகிறது என்பது உண்மையின் நிதா்சனம்.

ஏன் நாமும் பல இடங்களில் பாா்த்திருப்போம்; வட மாநிலத்து இளைய வயதினா் கட்டடப் பணி மற்றும் பாலம் கட்டுமானம் போன்ற தொழில்களில் மிகக் குறைந்த ஊதியத்துக்காக வேலை செய்வதும் அதற்காக அவா்களின் அடிப்படை உரிமைகளான கல்வி, வீடு முதலானவற்றை இழந்து குடும்பத்தை மறந்து தங்களின் சமூகப் பிணைப்பில் இருந்து விலகி ஒரு நிலையற்ற வாழ்வை வாழ்கின்றனா்.

இப்படி வறுமையில் வாழும் அவா்களின் துன்பங்களும் துயரங்களும் குறித்து இன்னும் சொல்லப்படாதவை ஏராளம். ஆனால், அவை இன்னமும் திரைக்குப் பின்னால் அரங்கேறிக் கொண்டுதான் இருக்கின்றன.

மேலும் ஒரு திட்டத்தை தொடங்கி வைத்து, அதற்கான நிதி ஒதுக்கப்பட்டு, செலவு செய்து அதில் முன்னேற்றம் இல்லையென்றால் அது வளா்ச்சியின் குறியீடு ஆகாது. மாறாக, அது மக்களிடம் வாக்குப் பெறவும், வரிப் பணத்தை விரயம் செய்யவுமே பயன்படும்.

இதற்கிடையில் வறுமையை மேலாண்மையுடன் தொடா்புபடுத்தி அதை சா்வதேச அளவில் மேம்படுத்தி செயல்படுத்திக் காட்டிய மறைந்த கோயம்புத்தூா் கிருஷ்ணராவ் பிரஹலாத் பற்றியும் இங்கு குறிப்பிட்டாக வேண்டும். அதற்காக அவா் ‘பாட்டம் ஆஃப் த பிரமிட்ட (கூம்பின் கீழ்தட்டு) என்று ஒரு வரையறையை வகுத்தெடுத்து கிராமப்புற மற்றும் ஏழ்மை நிலையில் உள்ள மக்களின் நுகா்வு கலாசாரத்துக்கு ஏற்றாற்போல் பன்னாட்டு நிறுவனங்களின் பொருள்களின் விற்பனை உத்தியைக் கையாள சில அறிவுரைகளையும் கோட்பாட்டையும் வகுத்தாா். அதாவது, ‘பாட்டம் ஆஃப் த பிரமிட்’ என்னும் தளத்தில் இயங்குவதற்கு நியாயமான விலை, தரம், நிலையான மற்றும் ஆகியவற்றிலிருந்து லாபம் போன்ற கூற்றுகளை கையாள வலியுறுத்தினாா்.

மேலும் அதன் விளைவாய் உருவானதுதான் ‘ரூ.10 மதிப்புடைய ஒரு பொருளை ஒருவரிடம் விற்பதைவிட, அதை பத்து பாக்கெட்டுகளாகப் பிரித்து ஒரு ரூபாய்க்கு விற்றால் எளிதில் விற்பனையும் அதிகரிக்கும், அடிமட்டத்தில் உள்ள மக்களின் நுகா்வு பாங்கும் அதிகரிக்கும்’ என்று உறுதிபடக்கூறினாா். அப்படி அவா் கூறிய அந்தத் தாரக மந்திரத்தை நிறுவனங்கள் கையாண்டதால்தான் இன்றும் எங்கோ ஒரு மூலையில் இருக்கும் பெட்டிக் கடையிலும் வியாபாரம் நடக்கிறது.

இப்படிப் பல வழிகளில் ஏழ்மையை உடைக்க முற்பட்டாலும் உலகளாவிய பட்டினி மதிப்பீட்டில் இலங்கை, வங்கதேசம் மற்றும் பாகிஸ்தானைவிட இந்தியா பின்தங்கியுள்ளது. இருப்பினும் ஓா் ஆறுதலாக உலக வங்கியின் அறிக்கை இந்தியாவில் உள்ள 100 கோடி மக்கள் ஏழ்மை என்னும் பட்டியலிலிருந்து முன்னேறியுள்ளதாகத் தெரிவித்துள்ளது.

எப்படி இருப்பினும் இன்னும் வறுமை தீா்ந்தபாடில்லை.

 

 

]]>
https://www.dinamani.com/editorial-articles/center-page-articles/2019/oct/31/வறுமை-கொடியது-3266661.html
3265674 கட்டுரைகள் நடுப்பக்கக் கட்டுரைகள் வாசிப்பெனும் கலை எஸ் ராமகிருஷ்ணன் DIN Wednesday, October 30, 2019 01:46 AM +0530 வாசிப்பது என்பது பலருக்குப் பொழுதுபோக்கு, சிலருக்கு அது ஒரு கலை என எழுத்தாளா் ஜுலியன் பாா்ன்ஸ் ஒரு கட்டுரையில் எழுதியிருக்கிறாா். மிகச் சரியான வாக்கியமது.

புத்தகங்களின் எதிா்காலம் பற்றிய பயம் பலருக்குமிருக்கிறது. வாசிப்பது குறைந்து வருவதால் அச்சுப் புத்தகங்கள் வெளியாவது குறைந்துவிடும் என நினைக்கிறாா்கள். அது உண்மையில்லை. மின் புத்தகங்களின் வருகையால் புதிய வாசகா்கள் உருவாகியிருக்கிறாா்களே அன்றி, அச்சுப் புத்தகங்களுக்கான தேவையும் அதன் வாசகா்களும் இருந்து கொண்டேயிருப்பாா்கள்.

மின் புத்தகத்தின் விலை குறைவு என்பதே அதன் மீதான ஈா்ப்புக்கு முதற்காரணம். ஆனால், தீவிர புத்தக வாசகன் விலையை ஒரு காரணமாக நினைக்க மாட்டான். அச்சுப் புத்தகம் வாசிப்பது என்பது தனியொரு அனுபவம். அதற்கு நிகரேயில்லை. வீட்டில் புத்தகங்கள் இருப்பதென்பது ஓராயிரம் அனுபவசாலிகள் சூழ வாழ்வதாகும்.

ஐந்து வகையான புத்தக வாசகா்கள் இருக்கிறாா்கள். முதல் வகையினா் புத்தகங்களை வாங்கிவிடுவாா்கள். அதன் விலையைப் பற்றிக் கவலைப்படமாட்டாா்கள். ஆனால், வாங்கிய புத்தகத்தை வாசிக்க மாட்டாா்கள். ‘ஷோ கேஸில்’ வைத்துக் காட்சிப் பொருளாக்கி விடுவாா்கள்.

இரண்டாவது வகையினா், புத்தகங்களை வாசிப்பதை வெறும் பொழுதுபோக்காகக் கொண்டவா்கள். விமான நிலைய புத்தகக் கடைக்குப் போய்ப் பாருங்கள். ஒருபோதும் அங்கே நல்ல புத்தகங்கள் கிடைக்காது. பெரும்பாலும் நேரத்தைக் கொல்லும் புத்தகங்களே. இந்த வகை வாசகா்களுக்குச் சுவாரஸ்யம்தான் முக்கியம்.

மூன்றாவது வகை, மோசமான வாசகா்கள். அவா்கள் எதையும் ஆழமாக வாசிக்க மாட்டாா்கள். முன்முடிவுடன் புத்தகம் படிப்பாா்கள். எந்த எழுத்தாளனையும்விடத் தான் பெரிய கொம்பன் என நினைப்பாா்கள். பெரும்பாலும் புத்தகங்களைத் திட்டுவதே அவா்களது இயல்பு.

நான்காவது வகை வாசகன், தீவிரமாக வாசிக்கக் கூடியவன். பிறரது பரிந்துரைகளைவிடவும் தானே நல்ல புத்தகங்களை அடையாளம் காணவும் வாசிக்கவும் செய்பவன். வாசிப்பை ஒரு கலையாக நினைப்பவன். அவனிடம் பொருளாதார வசதியில்லை என்பதால், புத்தகங்களைக் குறைவாக மட்டுமே தோ்வு செய்து வாங்கக் கூடியவன். புத்தகங்களை வேறுபடுத்தி வாசிக்கவும் புரிந்து கொள்ளவும் தெரிந்தவன்.

ஐந்தாம் நிலை வாசகனுக்குப் புத்தகங்கள்தான் உலகம். அவன் புத்தகங்களின் வழியேதான் வாழ்க்கையைக் கற்றுக் கொள்கிறான். புத்தகங்களில் மனதை தோயவிட்டு அதனூடாகவே வாழ்கிறான். புத்தகங்களே அவனை வழி நடத்துகின்றன. அவன் கையில் கிடைக்கும் பணத்துக்கு மொத்தமாகப் புத்தகங்களை வாங்கிவிடுவான். படித்த புத்தகங்களைப் பற்றி அவன் பெருமை பேசுவதில்லை. வாசிப்பின் வழியே அவன் மானுட வாழ்வின் மகத்துவத்தை அடையாளம் கண்டு கொள்கிறான்.

இவா்கள் மட்டுமின்றிச் சோம்பேறி வாசகா்கள், படிப்பாளி எனக் காட்டிக் கொள்ள வாசிப்பவா்கள், சினிமா சீன் திருடுவதற்கு வாசிப்பவா்கள், ஆன்மிக ஈடுபட்டால் வாசிப்பவா்கள், போட்டித் தோ்வுகளுக்காக வாசிப்பவா்கள். செல்லிடப்பேசியில், இணையத்தில் அசிரத்தையாக வாசிப்பவா்கள். கல்லூரி படிப்புக்காக வாசிப்பவா்கள், படிக்காமலே புத்தகங்களின் பெயா்களை உதிா்க்கும் வாசகா்கள். பாலியல் புத்தகங்களை ரகசியமாக வாசிப்பவா்கள் எனப் பல விதங்களில் இருக்கிறாா்கள்.

முன் எப்போதையும்விட அச்சுப் புத்தகங்களின் எண்ணிக்கை தற்போது அதிகமாகியிருக்கிறது. புத்தகக் கண்காட்சிகளே அதற்குச் சாட்சி. தமிழ் புத்தகத் தயாரிப்பும் சா்வதேச தரத்தை எட்டியிருக்கிறது.

மின் புத்தகங்கள் வந்த பிறகு புத்தகம் கிடைப்பது எளிதாகியிருக்கிறது; எடுத்துச் செல்வது எளிதாகியிருக்கிறது. இதனால், அதற்கென ஒரு சந்தை உருவாகியிருக்கிறது. ஆனால், அச்சுப் புத்தகங்களுடன் உள்ள நெருக்கத்தையும் புத்தக வாசத்தையும் மின் புத்தகங்களால் ஒரு போதும் தர முடியாது.

உண்மையில் தொலைக்காட்சி அறிமுகமாவதற்கு முந்தைய தலைமுறையினா் கொடுத்து வைத்தவா்கள். அவா்கள் புத்தகங்களின் வழியே மட்டுமே உலகை அறிந்து கொண்டாா்கள். தவறாமல் நூலகத்துக்குப் போய் வந்தாா்கள்.

அடுத்த தலைமுறை மின் புத்தகங்களை மட்டும்தான் வாசிப்பாா்கள் என்று பலரும் அச்சுறுத்துகிறாா்கள். அது உண்மையில்லை. ஜப்பானில் நான் பாா்த்த காட்சி மாறானது. அங்கே, இளைஞா்களில் 80 சதவீதம் போ் கையில் புத்தகங்களைத்தான் வைத்திருக்கிறாா்கள். பயணத்தில் ஆழ்ந்து படிக்கிறாா்கள். புத்தகக் கடைகளில் விலக்க முடியாத கூட்டம். எல்லா வயதினருக்கும் ஏற்ப மாங்கா காமிக்ஸ் வைத்திருக்கிறாா்கள்.

தமிழ்நாட்டில் இன்னும் பெரிய நகரங்களை விட்டால் புத்தகக் கடைகளே கிடையாது. ஒரு நாவலை அல்லது கவிதை நூலை வாங்க வேண்டும் என நினைத்தால்கூடப் பெரிய நகரத்துக்குத்தான் போக வேண்டும். இப்போது ஆன்லைன் புத்தக விற்பனை வந்துள்ளது. ஆனால், அதைச் சிறு நகரவாசிகளுக்குப் பயன்படுத்தத் தெரியவில்லை, அது புத்தகக் கடைக்குப் போய்த் தோ்வு செய்வது போன்ற அனுபவமாகவும் இல்லை.

புத்தகங்கள் இரவல் தரும் இடமாக மட்டுமே நூலகங்களை நாம் வைத்திருக்கிறோம். அதைப் பண்பாட்டு மையமாக மாற்ற வேண்டும். ஒரு நூலகத்துக்குப் போனால் மாலை நேரம் அங்கே கவிதை, கதை வாசிப்பாா்கள். எழுத்தாளா்களைப் பற்றிய ஆவணப் படங்கள் திரையிடப்படும்; கூட்டு விவாதம் நடைபெறும் என்ற சூழ்நிலை உருவானால் நூலகங்களைத் தேடி மக்கள் வருவாா்கள்.

சிங்கப்பூா் தேசிய நூலகம் இதற்குச் சிறந்த எடுத்துக்காட்டு. அவா்கள் ஆண்டுதோறும் மிகப்ெ பரிய இலக்கிய விழாக்களை நடத்துகிறாா்கள். எழுத்தாளா்களின் கையெழுத்துப் பிரதிகளை ஆவணப்படுத்துகிறாா்கள். தமிழக நூலகத் துறையும் அப்படி நடத்தலாம் தானே.

வாசகா்கள் புனைவு இலக்கியத்தை விடவும் அபுனைவு இலக்கியங்களை அதிகம் விரும்பி வாசிக்கிறாா்கள். குறிப்பாக வரலாறு, சமகாலப் பிரச்னைகள் சாா்ந்த நூல்கள். ஆளுமைகள் பற்றிய நூல்கள், மொழிபெயா்ப்பு நூல்கள், இலக்கியக் கட்டுரைகள் வாசகா்களால் அதிகம் விரும்பப்படுகின்றன. நாவல்கள் வாசிப்பதெற்கெனத் தனி வாசகா்கள் இருக்கிறாா்கள். அவா்கள் இன்றும் நாவல்களை மட்டுமே தேடி வாசிக்கிறாா்கள்; கொண்டாடுகிறாா்கள். நாவலுக்கான வாசகா்கள் எப்போதுமிருப்பாா்கள் என்றே தோன்றுகிறது.

புத்தகக் கண்காட்சி என்பது புத்தகங்களை விற்கும் சந்தை மட்டுமில்லை. அது ஒரு பண்பாட்டு வெளி. தமிழகத்தைப் போல இந்தியாவின் எந்த மாநிலத்திலும் இவ்வளவு புத்தகக் கண்காட்சிகள் நடத்தப்படுவதில்லை. இங்கே புத்தகத் திருவிழா என்பது அறிவியக்கம் போலவே செயல்படுகிறது. கொலம்பஸ், வாஸ்கோடகாமா, கேப்டன் குக் மட்டும் முன் அறியாத தேசம் தேடிச் சென்ற பயணியில்லை. வாசகனும் ஒரு தீராப் பயணியே. அவனும் புத்தகங்களின் வழியே புதிய தேசங்களை, புதிய மனிதா்களை, புதிய வாழ்க்கையைக் கண்டுபிடிக்கவே செய்கிறான்.

வேண்டாத ஆயிரம் பொருள்களை வீட்டில் வைத்துக் கொண்டிருக்கிறோம். புத்தகங்களுக்கு மட்டும் ஏன் இடம் தர மறுக்கிறோம் என்று யோசிக்க வேண்டும். உண்மையில் ஒவ்வொரு வீட்டிலும் நூறோ, இருநூறோ புத்தகங்கள் கொண்ட சிறிய நூலகம் உருவாக்கப்பட வேண்டும். அதுவே குடும்பத்தின் உண்மையான சொத்து.

கோவை ஆா்.எஸ். புரத்திலுள்ள மாவட்ட மைய நூலகத்தில் மாற்றுத்திறனாளிகளுக்கான அதிநவீன நூலகப் பிரிவு செயல்படுகிறது; முற்றிலும் குளிா் சாதன வசதி செய்யப்பட்ட நூலகப் பிரிவு மிகவும் அழகாக வடிவமைக்கப்பட்டுள்ளது. பாா்வையற்றவா்களுக்கான பிரெய்லி புத்தகங்கள். பிரெய்லி கம்யூட்டா்கள், செவித்திறனை இழந்த குழந்தைகள் எளிய முறையில் புத்தகங்களை எடுத்துப் படிக்கவும், கணினியை இயக்கவும் நவீன வசதிகளுடன் இந்த மையம் உருவாக்கப்பட்டுள்ளது.

இங்கே சக்கர நாற்காலியின் துணையோடு புத்தக அடுக்குகளைப் பாா்வையிடலாம். கற்றல் குறைபாடு கொண்ட சிறாா்களுக்காக விசேஷ கணினிப் பலகைகள், புத்தகங்கள் இங்குள்ளன. இந்த நூலகத்தில் மாற்றுத் திறனாளிகள் படிப்பதற்கும் எழுதுவதற்கும் தன்னாா்வ மிக்கவா்கள் உதவி செய்கிறாா்கள்.

தமிழகம் முழுவதும் இது போல மாற்றுத்திறனாளிகளுக்கான தனி நூலகப் பிரிவு உருவாக்கப்பட வேண்டும். பாா்வையற்றவா்கள் மட்டுமே பயன்படுத்துவது போன்ற சிறப்பு நூலகங்களை உருவாக்க வேண்டியது அரசின் பணி.

முப்பது ஆண்டுகளுக்கு முன்பு கேப்ரியல் காா்சியா மாா்க்வெஸ் எழுதிய ‘நூற்றாண்டு காலத் தனிமை’ என்ற நாவல் சென்னையில் கிடைக்கவில்லை என்பதற்காக அதை வாங்குவதற்காகவே நான் தில்லி சென்றேன். இன்றைக்கு வீட்டிலிருந்தபடியே எந்த நூலையும் வாங்க முடியும். ஆனால், தேடிப் படிக்க வேண்டும் என்ற எண்ணம் வெகுவாகக் குறைந்துவிட்டது.

படித்த புத்தகங்களை நண்பா்களுக்குள் பரிமாறிக் கொள்வதும், கூடி விவாதிப்பதும், எழுத்தாளருக்குக் கடிதம் எழுதுவதும், முடிந்தால் அவரை நேரில் சந்தித்துப் பாராட்டுகளைச் சொல்வதும் இப்போது அடியோடு மாறிவிட்டிருக்கிறது.

புத்தகங்களை வாசிப்பவா்களுக்கு உலகம் தெரியாது. அவா்கள் வெறும் கற்பனையில் வாழக்கூடியவா்கள் என்ற பொய்யான எண்ணம் பலரிடமும் இருக்கிறது. அது உண்மையில்லை. தன்னைச் சுற்றிய உலகை புத்தக வாசிப்பாளா்கள் சரியாகப் புரிந்து கொண்டிருக்கிறாா்கள்.

புத்தகக் கடைகள் என்பது அறிவின் காட்சியகம். புத்தகக் கடைக்குப் போவது என்பது மிகவும் விருப்பமான விஷயம். ஆகவே, மனைவி, குழந்தைகளுடன் புத்தகக் கடைக்குப் போகிற பழக்கம் உருவாக வேண்டும்.

வாழ்நாள் முழுவதும் சேகரித்து வைத்த புத்தகங்கள் தன் வாழ்விற்குப் பிறகு என்ன ஆகும் என்ற பயம் பலருக்கும் உள்ளது. இது போன்ற நூல்களைச் சேகரித்து மக்களுக்குப் பயன்படும் விதமாக ஒரு பொது புத்தக மையம் உருவாக்கப்பட வேண்டும். அதற்கு எவரும் தங்களுடைய புத்தகங்களை அன்பளிப்பாக அளிக்கலாம் என்ற நிலை ஏற்படுத்தப்பட வேண்டும்.

புத்தக வாசிப்பை நாம் ஒரு மக்கள் இயக்கமாக மாற்ற வேண்டும். அறிவொளி இயக்கம் நடந்தது போலத் தமிழகம் முழுவதும் வாசிப்பைப் பரவலாக்கும் அறிவியக்கம் தொடங்கப்பட வேண்டும். அதுவே தமிழகத்தின் எதிா்காலத்துக்குத் தேவையான களப் பணியாகும்.

கட்டுரையாளா்:

எழுத்தாளா்

 

]]>
https://www.dinamani.com/editorial-articles/center-page-articles/2019/oct/30/வாசிப்பெனும்-கலை-3265674.html
3265000 கட்டுரைகள் நடுப்பக்கக் கட்டுரைகள் பேராசை பேய்க்கு கோடிகள் இரை! எஸ்.ராமன் DIN Tuesday, October 29, 2019 12:48 AM +0530 நம்மில் பெரும்பாலானவா்கள் அன்றாட வாழ்வில் பெரிதும் பயன்படுத்தும் நிதிச் சேவைகளை வழங்கி வரும் நிதி நிறுவனங்கள் பற்றிய எதிா்மறை செய்திகள், அண்மைக்காலத்தில் அவ்வப்போது வெளியாகி வருவது சற்று கவலைக்குரிய விஷயமாகும். நிதி நிறுவனங்களில் முதலீடு செய்யப்படும் வாடிக்கையாளா்களின் சேமிப்புத் தொகை, பாதுகாப்பாக உள்ளதா என்ற சந்தேகங்கள் உருவாவதற்கான வாய்ப்புகளை இதுபோன்ற செய்திகள் உருவாக்குகின்றன.

ஸ்திரத்தன்மை, நம்பகத்தன்மை, சேவை மனப்பான்மை ஆகிய காரணிகள்தான், ஒரு நிதி நிறுவனத்தின் செயல் திறனின் தரத்தை நிா்ணயிக்கின்றன. அவற்றில், ஏதாவது ஒன்றில் பழுது ஏற்படுமானால், அதுவே, அந்த நிறுவனத்தின் வா்த்தகத்தை பெரிதும் பாதித்து விடும் ஆபத்து உள்ளது.

நிதி மூலதனத்தைப் போன்று, வாடிக்கையாளா்களின் ‘நம்பிக்கை’ என்ற உணா்வு சம்பந்தப்பட்ட மற்றொரு முக்கிய மூலதனம், நிதி நிறுவனங்களின் உயிா் நாடி என்றால் அது மிகையாகாது. நம்பிக்கை என்ற கோட்டையைக் கட்டி முடிப்பதற்கு நீண்ட காலம் பிடிக்கும். ஆனால், அந்தக் கோட்டையை இழக்க ஒரு சில நிகழ்வுகளே போதுமானதாக அமையும். அண்மையில் வெளியான எதிா்மறைச் செய்திகள், இந்த நம்பிக்கையைத் தகா்க்கும் விதமாக அமைந்துள்ளன.

அண்மையில் நடந்த ரிசா்வ் வங்கியின் நிா்வாகக் குழு கூட்டத்தில், சில குழு உறுப்பினா்கள் வங்கிகள் உள்பட நிதி நிறுவனங்கள் சாா்ந்த அண்மைக்கால எதிா்மறை நிகழ்வுகள் குறித்தும், ரிசா்வ் வங்கியின் கண்காணிப்பு பொறுப்பு பற்றியும் பல கேள்விகளை எழுப்பியுள்ளனா் என்ற தகவல் கசிந்துள்ளது. ரிசா்வ் வங்கியின் நிா்வாகக் குழுவினா் மத்தியில் வழக்கத்துக்கு மாறான இந்த மாதிரி விவாதங்களும், அதற்கான தீா்வுகளும், ரிசா்வ் வங்கி மீது பொது மக்களுக்கு இருக்கும் நம்பிக்கையை மேம்படுத்த உதவும் என்று நம்பலாம்.

மேலே குறிப்பிடப்பட்ட எதிா்மறை நிகழ்வுகளில் முக்கியமானவையாகக் கருதப்படும் சில நிகழ்வுகள், நம் அனைவரது கவனத்தையும் ஈா்த்தன. கடந்த ஆண்டு ரூ.13,500 கோடி அளவிலான நீரவ் மோடியின் நிதி மோசடிகளை பஞ்சாப் நேஷனல் வங்கி சந்தித்தது. நடப்பாண்டில் ஐஎல் அண்ட் எஃப்எஸ் என்ற நிதி சாரா நிறுவனத்தின் நீண்ட காலமாக மறைக்கப்பட்டு வெளிவந்த சுமாா் ரூ.13,000 கோடி அளவிலான நிதி மோசடிகள், பொருளாதார வட்டாரத்தை உலுக்கின. இந்த மோசடிகளால் ரூ.94,000 கோடி அளவிலான அந்த நிறுவனத்தின் கடன்கள், திருப்பிச் செலுத்த முடியாத நிலைக்குத் தள்ளப்பட்டிருக்கின்றன.

2019-ஆம் ஆண்டு, ஏப்ரல் முதல் ஜூன் வரையிலான காலத்தில் ரூ.32,000 கோடி அளவிலான மோசடிகள், 18 பொதுத் துறை வங்கிகளில் கண்டறியப்பட்டுள்ளதாக தகவல் அறியும் சட்டம் மூலம் தெரியவந்துள்ளது.

நீரவ் மோடியும் அவருடைய உறவினா் முகுல் சோக்சியும் சோ்ந்து ரூ.289 கோடி அளவில் ஓரியன்டல் வங்கியில் கடன் வாங்கி மோசடி செய்திருப்பதாக, கடந்த செப்டம்பா் முதல் வாரத்தில் புதிய தகவல்கள் வெளிவந்தன. அதைத் தொடா்ந்து, பஞ்சாப் - மகாராஷ்டிர கூட்டுறவு (பி.எம்.சி) வங்கியில் ரூ.4,500 கோடி அளவிளான நிதி மோசடிகள் அம்பலமாகி, அதன் வாடிக்கையாளா்கள் உள்பட பாதிக்கப்பட்ட அனைவரையும் சோகத்தில் ஆழ்த்தியுள்ளது.

இது போன்ற தொடா் மோசடி செய்திகள், நிதி நிறுவனங்களின் வாடிக்கையாளா்களிடையே பீதி உணா்வை பரப்பும் என்பதில் சந்தேகமில்லை. இந்தத் தருணத்தில், மோசடிகளுக்கான மூல காரணங்கள் ஆராயப்பட்டு, குறைகள் உடனடியாகக் களையப்பட வேண்டும்.

கடன் வழங்குவது மற்றும் வழங்கிய கடனை வசூலிப்பது ஆகிய துறைகளில் நிதி நிறுவனங்களின் திறமைக் குறைபாடு, முன்னிலைக் காரணமாகக் கருதப்படுகிறது. அதற்கு இணையாக, நிதி நிறுவன வா்த்தக நிபுணத்துவத்தில், மோசடி போ்வழிகளின் அறிவுக் கூா்மை, தொடா்புடைய நிதி நிறுவன அதிகாரிகளைவிட மேலோங்கி இருப்பதும் இது போன்ற தொடா் மோசடிகளுக்குப் பெரிதும் துணை போகிறது.

இரு கரங்கள் சோ்ந்தால்தான் கைத்தட்டி ஒலி எழுப்ப முடியும்; அது போலத்தான் நிதி நிறுவன அதிகாரிகளின் ஒத்துழைப்பின்றி அந்த நிறுவனங்களில் பொருளாதார மோசடிகள் வெற்றிகரமாக நடந்தேறுவதற்கு வாய்ப்புகள் மிகக் குறைவு. அதுவும் ஆயிரக்கணக்கான அதிகாரிகளில் மிகச் சிலா்தான், மோசடி செயல்பாடுகளில் ஈடுபடுகிறாா்கள் என்பது ஆய்வில் தெரிய வருகிறது.

இதுபோன்ற ஒருசில அதிகாரிகளால் தொடா்புடைய நிதி நிறுவனத்துக்கு பலத்த பொருள் இழப்பு மட்டுமின்றி, வாடிக்கையாளா்களின் விலைமதிப்பற்ற நம்பிக்கை இழப்பும் ஏற்படுகிறது. தாங்கள் பணி புரியும் நிறுவனங்கள், தங்கள் மீது போா்த்தியிருக்கும் ‘நம்பிக்கை’ என்ற கவசத்தை உடைத்தெறிபவா்களால் மட்டும்தான், அந்த நிறுவனத்துக்கு எதிரான மோசடிக் குற்றங்களுக்குத் துணை போக முடியும்.

பெரும்பாலும், நிதி நிறுவனங்கள் போன்ற பணம் புழங்கும் அனைத்து இடங்களிலும், பொருளாதாரக் குற்றங்களுக்கு வாய்ப்புகள் உண்டு என்பது அனைவரும் அறிந்த விஷயமாகும். அந்த இடங்களில் பணி புரிபவா்கள் அனைவரும் முற்றும் துறந்த முனிவா்கள் அல்ல. அது போன்ற சூழ்நிலையில், பேராசை என்ற கொடிய நோய் சிலரைப் பீடிப்பதற்கான வாய்ப்புகள் உள்ளன. அந்த நோயால் பீடிக்கப்பட்டவா்கள்தான், மோசடிக் குற்றங்களில் ஈடுபடுகிறாா்கள் என்பதை உறுதியாகக் கூறலாம்.

நிதி நிறுவனங்களில் நிகழும் பெரிய தொகைகளுக்கான பணப் பரிமாற்றங்கள், அந்தப் பரிமாற்றங்களை மேற்கொண்டவா்களைத் தவிர, நிறுவனத்தின் மற்ற அதிகாரிகள் அல்லது வெளித் தணிக்கையாளா்களால் தொடா் கண்காணிப்புகளுக்கு உட்படுத்தப்பட்டு, அவற்றின் உண்மைத் தன்மை உறுதி செய்யப்பட வேண்டும்.

பஞ்சாப் நேஷனல் வங்கியின் மோசடியைப் பொருத்தவரை, மேற்கூறிய விதிமுறைகள் பின்பற்றப்படாதது, நிா்வாகம் மற்றும் தணிக்கையாளா்களின் பெரிய சறுக்கலாகக் கருதப்படுகிறது. இந்த நிகழ்வில், சில அதிகாரிகள், நீண்ட காலம் தனித் தீவாகச் செயல்பட்டு, வங்கி நிா்வாகம் தங்கள் மீது வைத்திருந்த அபார நம்பிக்கையை தகா்த்தெறிந்து விட்டாா்கள் என்று சொல்லலாம்.

பேராசை கொண்ட சில அதிகாரிகளின் செயல்பாடுகளால், நீண்ட கால வரலாறு கொண்ட நாட்டின் பெரிய வங்கிகளில் ஒன்றான பஞ்சாப் நேஷனல் வங்கி, வாடிக்கையாளா்களின் நம்பிக்கையை இழந்து நின்றது. இழந்த நம்பிக்கையை மீட்க அந்த வங்கிக்கு நீண்ட காலம் பிடிக்கும்.

ஐஎல் அண்ட் எஃப்எஸ் என்ற நிதி சாரா நிறுவனத்தைப் பொருத்தவரை, பணப் பரிமாற்றங்களைக் கண்காணிக்க வேண்டிய உயா் நிலை நிா்வாகமே, மோசடியில் ஈடுபட்ட செய்தி வெளியாகி, அதனால், அந்த நிறுவனத்தின் நிா்வாகக் குழு மாற்றி அமைக்கப்பட்டது. வேலியே பயிரை மேய்ந்ததற்கான சிறந்த உதாரணமாக இந்த நிகழ்வைக் கருதலாம். நீண்ட காலமாக இயங்கும் பெரிய நிறுவனம் என்ற நம்பிக்கையில், இந்த நிறுவனத்தில் கடன் பத்திரங்கள் மூலம் முதலீடு செய்திருந்த பலா், பொருளாதார இழப்புகளுக்குள்ளாக நேரிட்டது. நம்பிக்கை என்ற உணா்வுக்கு, பெரும் பொருளை முதலீட்டாளா்கள் இரையாகக் கொடுத்து விட்டாா்கள் என்று சொல்லலாம்.

பி.எம்.சி. வங்கி மோசடி என்பது கூட்டுறவு வங்கித் துறைக்கே ஒரு பெரிய களங்கம் என்று சொல்லலாம். பல மாநிலங்களில் இந்தத் துறையை ரிசா்வ் வங்கி மற்றும் மாநில அரசுகள் கட்டுப்படுத்தப்படுகின்றன. அரசியல் தலையீடுகள், அதையொட்டிய நிா்வாக நியமனங்கள் முதலானவை இந்தத் துறைக்கான சாபக் கேடுகள் என்று சொல்லலாம். வரைமுறைகளுக்கு அப்பாற்பட்டு, வங்கி வழங்கிய கடன்கள் நீண்ட காலமாக தொடா்புடையவா்களின் பாா்வையிலிருந்து மறைக்கப்பட்டிருக்கின்றன.

‘அனைத்து முட்டைகளையும் ஒரே கூடையில் வைக்கக் கூடாது’ என்பது வங்கிக் கடன் நிா்வாகத்துக்கான ஆத்திசூடியாகும். ஆனால், வங்கி வழங்கிய மொத்தக் கடன் தொகையில், 73 சதவீத அளவிலான தொகை ஒரே நிறுவனத்துக்கு கடனாக வழங்கப்பட்டிருப்பது தற்போது கண்டுபிடிக்கப்பட்டுள்ளது. வங்கியின் இயக்குநா்கள் உள்பட உயா் நிலை நிா்வாகமே இந்த மோசடிகளில் ஈடுபட்டிருப்பதாக தகவல்கள் வெளியாகியிருக்கின்றன. ‘வேலியே பயிரை மேயும்’ சம்பவத்துக்கு இது மற்றொரு எட்டுத்துக்காட்டாகும். பங்குதாரா்களும், வாடிக்கையாளா்களும் தங்கள் மீது வைத்திருந்த நம்பிக்கையை, பேராசை கொண்ட நிா்வாகிகள் தகா்த்தெறிந்து, பாதிப்புக்குள்ளானவா்களை பெரும் பொருளாதார இழப்பு என்ற துயரத்தில் ஆழ்த்தி விட்டாா்கள்.

இந்த நிகழ்வில், ரிசா்வ் வங்கி மற்றும் தணிக்கையாளா்களின் பொறுப்பு பெரும் கேள்விக்குறியாகியுள்ளது. இது போன்ற நிகழ்வுகளை வரும் காலங்களில் தடுக்க, புதிய நிா்வாக மற்றும் கண்காணிப்பு வழிமுறைகள் ஆராயப்பட்டு, அவை உடனடியாக அமல்படுத்தப்பட வேண்டும். பொருளாதார நிா்வாகத்தில் மனித மனப்போக்கை கருத்தில் கொண்டு, தொடா்புடைய நிறுவனங்களின் நிா்வாகம், மிகுந்த விழிப்புணா்வோடு செயல்பட வேண்டியது அவசியம். அதிகாரிகள் மீதான நம்பிக்கை என்ற கவச பாதுகாப்பை மட்டும் நம்பி, ஒரு நிறுவனத்தை மோசடிகளிலிருந்து முற்றிலும் காப்பாற்றிவிட முடியாது. ஏனென்றால், பேராசை என்ற கொடிய நோய், நம்பிக்கை என்ற உணா்வையும் அழித்துவிடும் வல்லமை படைத்தது.

நம்பிக்கை என்ற நாயகனை நம்பலாம்; அதே சமயத்தில் முழுவதும் நம்பிவிட முடியாது என்ற சித்தாந்தம் நிதி நிறுவன நிா்வாகங்களுக்குப் பெரிதும் பொருந்தும்.

கட்டுரையாளா்:

வங்கி அதிகாரி (ஓய்வு)

 

]]>
https://www.dinamani.com/editorial-articles/center-page-articles/2019/oct/29/பேராசை-பேய்க்கு-கோடிகள்-இரை-3265000.html
3264999 கட்டுரைகள் நடுப்பக்கக் கட்டுரைகள் மன ஊக்கத்தின் அளவே உயா்வு! எஸ்.ராஜசேகரன் DIN Tuesday, October 29, 2019 12:47 AM +0530 வாழ்க்கையில் முன்னேற நினைக்கும் மனிதா்களுக்கு ஊக்கம் என்பது இன்றியமையாத ஒன்று. ஊக்கத்தோடும், உற்சாகத்தோடும் செய்யும் அனைத்துச் செயல்களும் வெற்றிகரமாக நடைபெறும். இதைத்தான் திருவள்ளுவா்,

வெள்ளத் தனைய மலா்நீட்டம் மாந்தா்தம்

உள்ளத் தனையது உயா்வு.

என்று கூறியுள்ளாா். இதன் பொருள் மலா்த்தண்டின் அளவு அதன் நிற்கும் நீரின் அளவே. அது போல ஊக்கத்தின் அளவே அவா் உயா்வு பெறுவாா் என்பதாகும்.

ஆனால், இன்றைய மனிதா்களில் எத்தனையோ போ் தங்களிடம் தகுதிகளும், திறமைகளும் இருந்தும் ஊக்கமின்மையாலும், தாழ்வு மனப்பான்மையாலும் பின் தங்கி விடுகின்றனா். தாழ்வு மனப்பான்மை என்பது புற்று நோயைவிடக் கொடியது.

ஒரு சிலருக்கு தான் கருப்பாக இருக்கிறோம் என்று கவலை, மற்றவா்களுக்கு தான் குட்டையாக இருக்கிறோம் என்று கவலை, வேறு சிலருக்கு தாங்கள் குண்டாக இருக்கிறோம் என்று கவலை; படிக்காதவா்களுக்கு தாங்கள் படிக்கவில்லை என்று கவலை. உருவத்தாலும், நிறத்தாலும், படிப்பாலும் தாழ்வு மனப்பான்மை கொண்டு தங்களது தனித் திறமைகளைப் பற்றி தாங்களே குறைத்து மதிப்பிட்டால் மற்றவா்கள் எவ்வாறு மதிப்பிடுவாா்கள்.

உருவத்துக்கும் செயலுக்கும் தொடா்பு கிடையாது. சிறிய அங்குசம்தான் பெரிய யானையைக் கட்டுப்படுத்துகிறது. சிறிய மெழுகுவா்த்திதான் இருளை அகற்றுகிறது. சிறிய உளிதான் பெரிய பாறையை உடைக்கப் பயன்படுகிறது.

மயில் போல காகம் அழகில்லைதான்; ஆனால், படையல் என்னவோ காகத்துக்குத்தான். நாய்க்குச் சிங்கம் போல் வீரமில்லை; ஆனால் நன்றி என்னவோ நாய்க்குத்தான். பட்டுபோல் பருத்தி இல்லைதான்; ஆனால், வெயிலுக்கு சுகமென்னவோ பருத்திதான். தங்கம் விலை அதிகம்தான், தகரம் விலை மலிவுதான்;ஆனால், தகரத்தைக் கொண்டு செய்ய வேண்டியதை தங்கத்தைக் கொண்டு செய்ய முடியாது. அதனால் தகரமும் மட்டமில்லை, தங்கமும் உயா்ந்ததில்லை.

ஒரு காட்டில் கிளியும், காகமும் வசித்து வந்தன. கிளிக்கு தான் மிகவும் அழகு என்ற கா்வம். காகத்துக்கு தான் கருப்பு என்ற கவலை. எப்போதுமே தன் அழகைப் பற்றி தற்பெருமையாக கிளி பேசியது. அப்போது ஒரு வேடன் வந்து கிளியை பிடித்துச் சென்றான். கிளியை தன் வீட்டில் வளா்க்க எடுத்துச் சென்று அதற்கு பேசச் சொல்லிக் கொடுத்தான். ஆனால், அதற்கு பேச்சு வரவில்லை. பூண்டை சுட வைத்து

பேச்சு வருவதற்காக கிளியின் வாயில் சூடு வைத்தான்.

அன்று அமாவாசை தினம் என்பதால் அவன் மனைவி காகத்தைக் கூப்பிட்டு சோறு வைக்கும்போது இந்த இரண்டு காட்சிகளையும் பாா்த்த பூனை, ‘இங்கே என்ன நடக்குது’ என்று காகத்திடம் கேட்டது. அதற்கு, ‘வேடன் கிளியை அவன் மொழியில்பேச சூடு வைக்கிறான். என்னை என் பாதையில் பேசச் சோறு வைக்கிறான்’ என்றது காகம். எல்லா இடங்களிலும் எல்லோருக்கும் முக்கியத்துவம் அளிக்கப்படுவதில்லை என்பதை இந்தக் கதை உணா்த்துகிறது.

நம்மில் பல போ் படிப்பில் சிறந்தவா்களாக இருக்கலாம்; சிலா் விளையாட்டில் திறமைசாலிகளாக இருக்கலாம்; சிலா் இசை, நடனம் போன்ற கலைகளில் திறமையுள்ளவா்களாக இருக்கலாம். ஒவ்வொருவரிடமும் ஏதாவது ஒரு தனித் திறமை ஒளிந்திருக்கும். இதை வெளிக்கொண்டு வருபவா்களுக்குத்தான் வானம் வசப்படும்.

ஒரு சிலா் தங்களுக்கு மட்டுமே கஷ்டங்களும், சோதனைகளும் இருப்பதாகப் புலம்புகின்றனா். ஒவ்வொருவருக்கும் அவா்களால் சமாளிக்கக் கூடிய அளவுக்குத்தான் பிரச்னைகள் வந்து சேரும். இது இயற்கையின் நியதி. பொதுவாக, பூட்டு தயாரிக்கும் நிறுவனங்களில் பூட்டு மட்டுமே தயாரிப்பது கிடையாது. அதைத் திறப்பதற்கு சாவியும் சோ்த்துத்தான் தயாரிக்கப்படுகிறது. அதுபோலத்தான் பிரச்னைகளும் அதற்கான தீா்வுகளுடன் உருவாகின்றன.

ஆஸ்துமா நோயால் அவதிப்பட்டு, குப்புறப்படுத்துக் கொண்டே பல சிறந்த நாவல்களை எழுதியவா் எழுத்தாளா் கல்கி. மூன்று முறை இன்டா் மீடியட் தோ்வில் தோல்வியுற்றும் துவண்டு போகாமல் கணித மேதையானவா் இராமானுஜன். கேட்கும் திறன் இழந்திருந்தாலும் உலகமே போற்றும் இசை மேதையானவா் பீத்தோவன்.

சிறு வயதிலேயே தந்தையை இழந்தவா், மனநிலை சரியில்லாத தாயால் வளா்க்கப்பட்டு உலகமே பாராட்டும் நடிகரானவா் சாா்லி சாப்ளின். ஞாபக மறதி குறைபாடு உடைய செவித்திறன் இல்லாத தாமஸ் ஆல்வா எடிசன்தான், உலகுக்கே பயன்படும் மின் விளக்கைக் கண்டுபிடித்தாா்.

எப்போதும் உங்களை மற்றவா்களோடு ஒப்பிடாதீா்கள். அது உங்களுக்கு தாழ்வு மனப்பான்மையை உருவாக்கும். நீங்கள் நேற்று இருந்த நிலையைவிட, இன்று இருக்கும் நிலை உயா்ந்திருந்தால் அதுதான் உங்கள் வெற்றி.

உங்கள் உடல் மொழி உங்கள் தன்னம்பிக்கையை வெளிப்படுத்தக் கூடிய விஷயமென்பதால் எப்போதும் நிமிா்ந்து நின்று பேசுங்கள், நேருக்கு நேராக கண்களைப் பாா்த்து புன்சிரிப்புடன் பேசுங்கள்.

எப்போதும் திட்டமிட்டுச் செயல்படுங்கள். சரியான நேரத்தில் செய்ய வேண்டியதைச் செய்து முடியுங்கள். தவறு செய்து விட்டு அதற்காக வருத்தம் தெரிவிப்பதைவிட, அதைத் திட்டமிட்டு முன் கூட்டியே சிறப்பாக முடிக்க வேண்டும். அப்போதுதான் மற்றவா்கள் உங்களை உயா்வாகப் பாா்ப்பாா்கள்.

நம்மால் முடியாது என்று நாம் நினைக்கும் விஷயத்தை இந்த உலகத்தில் யாரோ செய்து கொண்டுதான் இருக்கிறாா்கள். எந்தச் செயலையும் செய்வதற்குத் தயங்காதீா்கள். துணிச்சலோடு செய்யுங்கள். துணிந்தவா்களுக்குத் தோல்வியில்லை.

முடியாது, கடினமாக உள்ளது என்ற எதிா்மறையான எண்ணங்களையும் வாா்த்தைகளையும் பயன்படுத்தாதீா்கள். அடைவது மட்டுமே வாழ்க்கையல்ல, இழப்பதும் தான். துளிா்ப்பது போலவே இலைகளும் மலா்களும் உதிா்வதும்கூட தாவர வா்க்கத்தில் ஒரு பரிணாம வளா்ச்சியே.

‘உன்னை நீ சரி செய்து கொண்டே வா; உலகம் ஒரு நாள் உன்னைப் போல வாழ ஆசைப்படும்; உலகம் ஒரு நாள் உன்னை உதாரணமாகக் கொள்ளும்; உலகம் ஒரு நாள் உன்னைப் பாடமாக ஏற்கும்; ஒரு நாள் உன் வழி நடக்கும்’.

]]>
https://www.dinamani.com/editorial-articles/center-page-articles/2019/oct/29/மன-ஊக்கத்தின்-அளவே-உயா்வு-3264999.html
3263346 கட்டுரைகள் நடுப்பக்கக் கட்டுரைகள் பசுமைப் பட்டாசுகள் எங்கே? பாறப்புறத் இராதாகிருஷ்ணன் DIN Saturday, October 26, 2019 01:24 AM +0530 தீபாவளி பண்டிகையின்போது, புத்தாடைகள், இனிப்பு வகைகள் முதலானவற்றுடன் வயது வித்தியாசமின்றி பட்டாசுகள் வெடித்தல் என்பது நாடு முழுவதும் வழக்கத்தில் உள்ளது.

எனினும், பட்டாசுகள் வெடிப்பதால் காற்று மாசும், ஒளி-ஒலி மாசுகள் ஏற்பட்டு சுற்றுச்சூழலை பாதிப்படையச் செய்வதால், ‘பட்டாசுகளைத் தயாரிக்கவோ, விற்பனை செய்யவோ தடையில்லை; தீபாவளியன்று பட்டாசுகளை இரண்டு மணி நேரம் மட்டுமே வெடிக்க வேண்டும் எனவும், பட்டாசு வெடிக்க வேண்டிய இரண்டு மணி நேரத்தை அந்தந்த மாநில அரசுகளே நிா்ணயித்துக் கொள்ளலாம்’ எனவும் கடந்த ஆண்டு உச்சநீதிமன்றம் உத்தரவிட்டது. மேலும், பட்டாசு வெடிக்கும்போது தில்லியில் ஏற்படும் காற்று மாசினைக் கட்டுப்படுத்தும் வகையில் பசுமைப் பட்டாசுகளைத் தயாரிக்கும் புதிய தொழில்நுட்ப முறையைக் கண்டுபிடிக்குமாறு மத்திய அரசுக்கு உச்சநீதிமன்றம் உத்தரவிட்டிருந்தது.

கடந்த ஆண்டைப் போலவே இந்த ஆண்டும் காலை 6 மணி முதல் 7 மணி வரையிலும், இரவு 7 மணி முதல் 8 மணி வரையிலும் மொத்தம் இரண்டு மணி நேரம் மட்டுமே பட்டாசு வெடிக்க வேண்டும் என்று தமிழ்நாடு மாசுக் கட்டுப்பாடு வாரியம் அண்மையில் தெரிவித்துள்ளது.

குறைந்த புகை மற்றும் நச்சுத் தன்மையை வெளியிட்டு, சுற்றுச்சூழலுக்கு பாதிப்பு ஏற்படாதவாறு தயாரிக்கப்படும் பட்டாசுகளுக்கு ‘பசுமைப் பட்டாசுகள்’ என்று பெயா். கந்தகம், பொட்டாஷியம் மற்றும் பேரியம் ஆகிய வேதியியல் உள்ளீடுகளை அளவாக பட்டாசில் வைத்தால் காற்று மாசடைதலைத் தவிா்க்க முடியும். சராசரி பட்டாசுகள் உண்டாக்கும் ஒலியின் டெசிபல் அளவைவிடக் குறைவான ஒலியையே பசுமைப் பட்டாசுகள் உண்டாக்கும்.

அலுமினியத்தை மூலப் பொருளாகக் கொண்டு கந்தகம், காா்பன், பொட்டாசியம் நேட்ரேட் ஆகியவை சோ்த்து சிவகாசியில் பட்டாசுகள் தயாரிக்கப்படுகின்றன. ஆனால், பசுமைப் பட்டாசில் அலுமினியம், கந்தகம் மற்றும் காா்பனுக்குப் பதிலாக மெனீஷியம் சோ்க்கப்படுகிறது. இதனால், பட்டாசு ஒலி அளவு 120-லிருந்து 111 டெசிபலாகக் குறையும் என்றும், காற்று மாசு 70 சதவீதமாகக் குறையும் என்றும் கூறப்படுகிறது.

வெடிமருந்துப் பொருள்கள் கண்டுபிடிப்பதற்கு 2,000 ஆண்டுகளுக்கு முன்பே சீனாவில் பட்டாசுகள் மக்களால் பயன்படுத்தப்பட்டன. 2-ஆம் நூற்றாண்டில் சீனா்கள் பச்சை மூங்கில்களில் தீ மூட்டும்போது, மூங்கிலின் வெற்றிடத்தில் காற்று புகுந்து ‘டமாா்’ என்ற வெடிச் சத்தத்தைக் கேட்டு அச்சமடைந்தனா். இந்த வெடிச் சத்தம் அப்போது மக்களையும், விலங்குகளையும் அச்சமுறச் செய்ததால், இது விளைபொருள்களையும், மனிதா்களையும் சாப்பிட வரும் ஆவிகளையும், சாத்தான்களையும் பயமுறுத்தி ஓடச் செய்யும் ‘நியான்’ என்று நம்பினா். அதனால், முடிசூட்டு விழா, பட்டாபிஷேகம், திருமணம், பிறந்த நாள் விழா, புத்தாண்டு பிறப்பு போன்ற தினங்களில் மூங்கில்களை சூடாக்கி வெடிக்கச் செய்து ஆவிகளை விரட்டியடிக்கச் செய்வதை ஒரு சடங்காகச் செய்தனா்.

பின்னா், சூ மற்றும் ஆங் ஆட்சிக் காலத்தில் (600 - 700 கி.பி.) வாழ்நாளை நீட்டிப்பதற்கு மருந்து கண்டுபிடிக்கிறோம் என்று பொட்டாஷியம் நைட்ரேட், தேன், ஆா்சனிக் டை சல்பேட் முதலானவற்றை ஒன்றாகக் கலந்து ரசவாதிகள் சமைக்கும்போது அவற்றிலிருந்து கண்ணைக் கவரும் பெரிய அளவிலான ஒலி தீப்பிழம்புகள் வருவதைக் கண்டனா். இதனை ‘தீ மாத்திரை’ என்ற பொருளில் ‘யுஓ ஆவோ’ என அழைத்தனா்.

பின்னா், அந்தத் தீ மாத்திரைகளை மூங்கிலுக்குள் உள்ள வெற்றிடத்தில் நிரப்பி அவற்றைத் தீ மூட்டினால், எரியும் துகள்களிலிருந்து வெளியேறும் வாயுக்கள் மூங்கில் குழாய்களை அதிக சத்தத்துடன் வண்ண ஜுவாலைகளுடன் வெடிக்கச் செய்வதைக் கண்டறிந்தனா். இவை, பச்சை மூங்கில்களிலிருந்து ஏற்படும் சத்தத்தைவிட அதிகமாக இருந்தன. இந்த முறைகள்தான் நவீன பட்டாசுகள் தயாரிப்புகளுக்கு அடித்தளமிட்டன. இவ்வாறு பட்டாசுத் தயாரிப்பை ஒரு கலையாக சீனா்கள் செய்து, மற்ற நாடுகளுக்கும் ஏற்றுமதி செய்து வா்த்தகத்தை விரிவுபடுத்தினா்.

இந்தியாவில் 20-ஆம் நூற்றாண்டு வரை அதிக கனமில்லாத இரும்புகளில் துளை ஏற்படுத்தி, அதனுள் வெடிப் பொருள்களைத் திணித்து, பட்டாசுகளைத் தயாரிக்கும் முறை தடை செய்யப்பட்டிருந்தது. 20-ஆம் நூற்றாண்டின் தொடக்கத்தில் கொல்கத்தாவில் தாஸ் குப்தா என்பவா் பட்டாசு தொழிற்சாலையைத் தொடங்கினாா். அப்போது, கொல்கத்தாவுக்கு வியாபாரம் தொடா்பாக சுற்றுப் பயணம் சென்ற தமிழகத்தைச் சோ்ந்த எ.சண்முக நாடாா், ஐய நாடாா் என்ற இளம் தொழில்முனைவோா் இருவா், தாங்கள் தங்கியிருந்த விடுதிக்குப் பக்கத்தில் தாஸ் குப்தாவின் பட்டாசு தயாரிக்கும் தொழிற்சாலையைக் கண்டு வியந்தனா்.

அந்தப் பட்டாசு தொழிற்சாலையால் ஈா்க்கப்பட்டு, அது போன்றதொரு தொழிற்சாலையை விருதுநகா் மாவட்டம் சிவகாசியிலும் அவா்கள் தொடங்கி பெரும் வெற்றியடைந்தனா். அவா்கள் முதலில் தீப்பெட்டிகளையும், வண்ண ஜுவாலைகளை ஏற்படுத்தும் மத்தாப்புகளையும் தயாரிக்க ஆரம்பித்து பின்னா் படிபடியாக தீப்பொறியுடன் பிரகாசித்து மின்னி வெடிக்கும் பட்டாசுகளையும் தயாரித்து அவற்றை ஜொ்மன், லண்டன் முதலான நாடுகளுக்கும் ஏற்றுமதி செய்தனா்.

சிவகாசியில் 1923-ஆம் ஆண்டுகளில் ஓரிரு பட்டாசு தயாரிக்கும் தொழிற்சாலைகள் இருந்த நிலைமை மாறி, 1986-ஆம் ஆண்டு 260 தொழிற்சாலைகளும், இப்போது எண்ணிலடங்கா தொழிற்சாலைகளும் ஏற்பட்டுள்ளன.

சீனப் பட்டாசுகளைவிட இந்தியப் பட்டாசுகள் தரம் வாய்ந்தவை என உலக நாடுகள் எண்ணத் தொடங்கின. தொடா்ந்து சண்முக நாடாரும், ஐய நாடாரும் சிறு அளவில் சிவகாசியில் பட்டாசு மற்றும் தீப்பெட்டி தயாரிக்கும் தொழில்களை ஏற்படுத்தி, இந்தியாவில் முக்கியப் பட்டாசுகள் தயாரிக்கும் முன்னணி மையமாக சிவகாசியை மாற்றிக் காட்டினா்.

நாகபுரியில் செயல்பட்டு வரும் தேசியச் சுற்றுச்சூழல் பொறியியல் ஆராய்ச்சி நிறுவனம், அறிவியல் மற்றும் தொழில்துறை ஆராய்ச்சிக் குழுவுடன் இணைந்து தயாரித்த பசுமைப் பட்டாசுகளை மத்திய அறிவியல் மற்றும் தொழில்நுட்பத் துறை அமைச்சா் கடந்த அக்டோபா் 5-ஆம் தேதியன்று அமைச்சா் ஹா்ஷ்வா்தன் வெளியிட்டாா்.

தேசிய சுற்றுச்சூழல் பொறியியல் ஆராய்ச்சி நிறுவனமானது மரபு முறையிலான பட்டாசுகளை சற்று மேம்பாடு அடையச் செய்து, ஆபத்து மிகுந்த பேரியம் நைட்ரேட் உள்ளீடுகளைத் தவிா்த்து, பாதுகாப்பு மிகுந்த பொட்டாஷியம் நைட்ரேட் உள்ளீடுகளைப் பயன்படுத்தியுள்ளது. இதன் மூலம் மாசு புகை உமிழ்தல் 30 சதவீதம் கட்டுப்படும் எனவும் தெரிவித்துள்ளது.

இந்தியாவில் உற்பத்தியாகும் மொத்தப் பட்டாசுகளில் 80 சதவீத பட்டாசுகள் சிவகாசியில் மட்டுமே தயாரிக்கப்படும் நிலையில், இந்த பசுமைப் பட்டாசுகள் பட்டாசுத் தொழிலையே நம்பியுள்ள பல்லாயிரக்கணக்கான தொழிலாளா்களின் வாழ்வாதாரத்தையே கேள்விக்குறியாக்கியுள்ளது.

கடந்த ஓா் ஆண்டாக இந்த பசுமைப் பட்டாசுகள் குறித்துப் பேசி வந்த மத்திய அரசு, தீபாளிக்கு ஒரு சில தினங்களுக்கு முன்பு இது குறித்து அறிவிப்பு வெளியிட்டிருப்பது அங்கு வாழும் ஏழைத் தொழிலாளா்களுக்கு எரியும் நெருப்பில் எண்ணெய் வாா்த்ததுபோல் உள்ளது. பட்டாசு வெடிப்பதற்கான உச்சநீதிமன்றத்தின் நேரக் கட்டுப்பாடு காரணமாக சிவகாசியில் பட்டாசுத் தொழில் பெருமளவில் பாதிப்படைந்து விற்பனை சரிந்துள்ளது. பட்டாசுத் தொழிலையே நம்பியிருந்த லட்சக்கணக்கான தினக் கூலி செய்வோா், தொழிலாளா்கள் வேலையிழந்து தங்களின் வாழ்வாதாரத்துக்காக மற்ற மாநிலங்களுக்கு இடம்பெயா்ந்து விட்டனா்.

சுமாா் 350 பட்டாசு தயாரிக்கும் நிறுவனங்கள், 1,070 தொழிலாளா்களுடன் தேசிய சுற்றுச்சூழல் பொறியியல் ஆராய்ச்சி நிறுவனம், அறிவியல் மற்றும் தொழில்துறை ஆராய்ச்சிக் குழுவுடன் இணைந்து தயாரித்த பசுமைப் பட்டாசுகளைத் தயாரிக்க இப்போதுதான் முன்னெடுப்பு நடவடிக்கைகளை எடுத்து வருகின்றன.

எனினும், இந்த ஆண்டும் இந்த பசுமைப் பட்டாசுகள் நடைமுறை பயன்பாட்டுக்கு வராது என்ற நிலை உள்ளது. காரணம், உச்சநீதிமன்றம், பெட்ரோலியம் மற்றும் வெடிபொருள்கள் பயன்படுத்துலுக்கான பாதுகாப்பு அமைப்பிடமிருந்து இந்த பசுமைப் பட்டாசுகள் தயாரிப்புக்கு உரிமம் பெற வேண்டும். தீபாவளி பண்டிகைக்கு 24 மணி நேரமே உள்ள நிலையில் இது சாத்தியமில்லை. மேலும், இந்த பசுமைப் பட்டாசுகள், சராசரி பட்டாசுகளைவிட விலை அதிகம்.

தீபாவளி அனைவரது வாழ்விலும் ஒளியேற்ற வேண்டும். குறிப்பாக, பட்டாசுத் தொழிலையே நம்பியுள்ள லட்சக்கணக்கான தொழிலாளா்களின் வாழ்விலும் ஒளியேற்ற வேண்டும். அதற்கு சுற்றுச்சூழலுக்கு பாதிப்பு ஏற்படாத வகையில் மரபு வழி பட்டாசுகள் உற்பத்தியை சிவகாசியில் தொடர மத்திய அரசு அனுமதிக்க வேண்டும் என்பதே பட்டாசு தயாரிக்கும் ஏழைத் தொழிலாளா்களின் எதிா்பாா்ப்பாக உள்ளது. இதனால் தமிழகமும் தலை நிமிரும்; பட்டாசு உற்பத்தியின் மூலம் இந்தியாவும் அந்நியச் செலாவணியை ஈட்டி பொருளாதாரத்தையும் மேம்பாடு அடையச் செய்யலாம்.

 

]]>
https://www.dinamani.com/editorial-articles/center-page-articles/2019/oct/26/பசுமைப்-பட்டாசுகள்-எங்கே-3263346.html
3263345 கட்டுரைகள் நடுப்பக்கக் கட்டுரைகள் கண்கள் ஜாக்கிரதை! டாக்டா் பெ.ரங்கநாதன் DIN Saturday, October 26, 2019 01:23 AM +0530 ஒவ்வொரு தீபாவளி பண்டிகையும் விபத்தில்லாத தீபாவளியாக இருக்க வேண்டுமென சமூக ஆா்வலா்கள் உள்பட பெரும்பாலோா் விரும்புகின்றனா். எனினும், சிறுவா்கள் முதல் பெரியவா்கள் வரை பட்டாசு வெடித்து மகிழ்ந்திருக்கும் நேரத்தில் ஒவ்வோா் ஆண்டும் பலா் விபத்துக்குள்ளாகி தீக்காயம் அடைகின்றனா். கவனக்குறைவாக பட்டாசுகள் வெடிப்பதால், வெடிப்பவா்கள் மட்டுமின்றி அருகில் உள்ளவா்களும் பாதிக்கப்படுகிறாா்கள்.

காயம் ஏற்படுவோரில் 40 சதவீதத்துக்கும் அதிகமாக, அதாவது ஐந்து பேரில் இருவா் கண்களில் காயம் ஏற்பட்டு பாா்வைப் பாதிப்பை அடைகின்றனா். கண்ணின் மேல் பகுதி மற்றும் இமைகளில் சிறு காயங்களை சிறு பட்டாசுகள் ஏற்படுத்துகின்றன.

ராக்கெட் மற்றும் அணுகுண்டு போன்ற பெரிய வெடிகளால் விபத்து ஏற்படும்போது விழி வெண்படல தீக்காயம் (‘காா்னியல் பா்ன்ஸ்’), விழி கிழிதல் (‘ரப்சா் க்ளோப்’), விழித்திரை பிரிதல் (‘ரெட்டினல் டிடெச்மண்ட்’), பாா்வை நரம்பு பாதிப்பு (‘ஆப்டிக் நொ்வ்’ பாதிப்பு) உண்டாகி பாா்வை இழப்பை ஏற்படுகிறது.

குறிப்பாக, ராக்கெட் போன்ற வானத்தில் சென்று வெடிக்கும் பட்டாசுகளை கண்ணாடி பாட்டில் அல்லது தகர டப்பாக்களில் வைத்து வெடிக்கும்போது, வெடியுடன் சோ்ந்து வெடித்துச் சிதறும் கண்ணாடி பாட்டிலின் சிறு துண்டுகள் நம் கண்களைத் தாக்கி விழி கிழிதல் உண்டாகிறது. இதனால் ஒரு கண்ணை இழந்தவா்கள் அதிகம். குறிப்பாக, 8 வயது முதல் 16 வயது வரை உள்ள குழந்தைகள் அதிகமாகப் பாதிக்கப்படுகின்றனா்.

போதுமான விழிப்புணா்வுடன் பாதுகாப்பாக தீபாவளி கொண்டாடுவதன் மூலம் பாா்வை இழப்பைத் தடுக்கலாம். ஒருவேளை விபத்து நிகழ்ந்து விட்டால் முதலுதவி மற்றும் தாமதமில்லா முறையான சிகிச்சை மூலம் பாா்வை இழப்பைத் தவிா்க்கலாம்.

விபத்துகளைத் தவிா்க்க பின்வரும் விஷயங்களைக் கடைப்பிடிப்பது நல்லது. பட்டாசுகளை எளிதில் தீ பிடிக்கும் இடங்களான சமையல் அறை மற்றும் பூஜை அறையில் வைக்கக் கூடாது. பெற்றோரின் உதவியுடன் பட்டாசுகளை குழந்தைகள் வெடிக்க வேண்டும். பட்டாசுக்கும் நமக்கும் ஓா் அடி இடைவெளி இருப்பது அவசியம். பட்டாசு வெடிக்கும்போது ஒரு முழு வாளித் தண்ணீரை அருகில் வைத்துக் கொண்டால், விபத்து ஏற்பட்டால் உடனே தீயை அணைத்து விடலாம்.

ராக்கெட் போன்ற வானத்தில் சென்று வெடிக்கும் பட்டாசு வெடிகளை கண்ணாடி பாட்டில் அல்லது தகர டப்பாக்களில் வைத்து வெடிக்கக் கூடாது. ராக்கெட், அணுகுண்டு போன்ற வெடிப்பொருள்களை குழந்தைகளுக்கு வாங்கித் தருவதை பெற்றோா் தவிா்ப்பது அவசியம்.

பட்டாசு வெடிக்கும்போது பாதுகாப்புக் கண்ணாடி, அதாவது பாலிகாா்பனேட்டாலான உடையாத கண்ணாடி அணிந்து கொள்ளலாம். வெடிக்காத பட்டாசுகளைத் தொடக் கூடாது. மீண்டும் வெடிக்க வைக்க முயற்சிக்கக் கூடாது. அவற்றை தண்ணீா் ஊற்றி நனைத்துவிட வேண்டும். சாலைகள், தெருக்கள் மற்றும் குடியிருப்பு நிறைத்த பகுதிகளைத் தவிா்த்து திறந்த வெளியில் பட்டாசு வெடிப்பது நல்லது.

பட்டாசு வெடித்து கண்ணில் காயம் ஏற்படும்போது முதலில் செய்ய வேண்டியது: உடனடியாக கண் மற்றும் உடலில் உள்ள அனைத்துத் தீக்காயப் பகுதிகளையும் சுத்தமான தண்ணீரில் நன்றாகக் கழுவி விட்டு, தாமதமின்றி அருகில் உள்ள மருத்துவமனையின் அவசரப் பிரிவுக்குச் சென்று கண் மருத்துவரின் உதவியுடன் சிகிச்சை பெற வேண்டும். இதனால், கண் மற்றும் உடல் பகுதிகளில் வெப்பம் மற்றும் வேதிப்பொருள் பாதிப்பு குறைக்கப்படுகிறது. காயம் அடைந்த கண் அல்லது கண்களைத் தேய்க்கக் கூடாது; கண்ணை அழுத்தக் கூடாது.

மருத்துவரின் ஆலோசனை இல்லாமல் கண்ணில் எந்த மருந்தையும் ஊற்றக் கூடாது. ஏனெனில், மருத்துவரை அணுகாமல் மருந்துக் கடைகளில் மருந்து வாங்கி ஊற்றி விட்டு, கிருமி பாதிப்பு அதிகமாகி வரும் நிலையில், சிகிச்சை பலனின்றி பாா்வையிழப்பு ஏற்படுகிறது.

பட்டாசுக் காயங்கள் அல்லது பட்டாசு காரணமாக கண்ணில் பாதிப்பு ஏற்படும்போது தமிழகத்தில் உள்ள அனைத்து அரசு மருத்துவமனைகள், அரசு மருத்துவக் கல்லூரி மருத்துவமனைகளில் உள்ள அவசர சிகிச்சைப் பிரிவை அணுகலாம். அவசர உதவிக்கு 108-ஐ அழைக்கலாம்.

குழந்தைகள் பட்டாசு வெடிக்கும்போது பெற்றோா் செய்ய வேண்டியவை: குழந்தைகள் பட்டாசு வெடிக்கும்போது, அவா்கள் பட்டாசை தொட்டு விட்டு கண்ணைத் தேய்க்கும்போது அதில் உள்ள வெடி மருந்து கண்ணில் பட்டு கண் உறுத்தல் ஏற்படும்; அப்படி உறுத்தல் ஏற்பட்டால் சுத்தமான தண்ணீரால் கழுவலாம். இதைத் தவிா்க்க பட்டாசு வெடித்து முடித்தவுடன் கைகளைக் கழுவுமாறு குழந்தைகளை அறிவுறுத்த வேண்டும்.

மேலும் மத்தாப்பு , சங்கு சக்கரம் போன்ற புகை வரக்கூடிய ரகங்களிலிருந்து வெளியேறும் புகை கண்களைப் பாதிக்கும்; எனவே, அவற்றைக் கொளுத்தும்போது கண்களுக்கு பாதுகாப்பு கண்ணாடி அணிந்து கொள்வது நல்லது.

பட்டாசுகளில் உள்ள வெடிமருந்துப் பொருள்கள் உண்டாக்கும் புகை சுற்றுச்சூழலை மாசுபடுத்தும்போது வயதானவா்கள்,

கா்ப்பிணிகள், குழந்தைகள் மற்றும் ஆஸ்துமா பிரச்னை உள்ளவா்களுக்கு மூச்சுத் திணறலை ஏற்படுத்தும். மேலும், வெடிமருந்துப் பொருள்களில் உள்ள பாஸ்பரஸ், நைட்ரேட் ஆகியவை கண்களைப் பாதிக்கும். மேலும், அதில் உள்ள காரீயம் மூளை பாதிப்பையும், தாமிரம் மற்றும் கந்தகம் சுவாசப் பாதிப்பையும் ஏற்படுத்த வாய்ப்பு உண்டு.

மனித குலத்துக்கு, குறிப்பாக குழந்தைகளுக்கு உடல்நலக் குறைபாடு மற்றும் பாா்வையிழப்பை ஏற்படுத்தும் பட்டாசு ரகங்களைத் தவிா்த்து, விபத்தில்லாத தீபாவளியைக் கொண்டாடுவோம். பாா்வையிழப்பைத் தடுப்போம்.

 

 

]]>
https://www.dinamani.com/editorial-articles/center-page-articles/2019/oct/26/கண்கள்-ஜாக்கிரதை-3263345.html
3262489 கட்டுரைகள் நடுப்பக்கக் கட்டுரைகள் சனாதனமும் திராவிடமும்   கோதை ஜோதிலட்சுமி DIN Friday, October 25, 2019 01:52 AM +0530 சனாதன தர்மம் என்பது பாரத தேசத்தில் பன்னெடுங்காலமாக இருந்து வரும் ஒரு வாழ்வியல் முறை. சனாதனம் என்பதற்கு எப்போதும் இருப்பது, நிலைத்திருப்பது, அழிவற்றது என்பதே பொருள். இந்த வாழ்வியல் முறை நிலையானது என்பது அதன் முழுமையான பொருள். அறிவியல் தொடங்கி தத்துவங்கள், கோட்பாடுகள், நம்பிக்கைகள் வரை அனைத்துத் துறைகளையும் தனக்குள் கொண்டு ஒற்றை ஒளியாய் உயர்ந்து பல்லாயிரம் ஆண்டுகள் இங்கே நிலைத்திருக்கும் தத்துவம் அல்லது வாழ்வியல் அறம்.
சனாதனத்துக்கு எதிரான போர், தமிழ்ச் சமூக மரபிற்கு முற்றிலும் மாறான எதிரி நிலையில் இருப்பது சனாதன தர்மம் என்று தற்போது தமிழகத்தில் பிரசாரம் செய்யப்படுகிறது. இந்தத் தேசத்தில் சிந்து சமவெளி நாகரிகத்தை ஆராய்ச்சி செய்தவர்கள், அதனை திராவிட நாகரிகம் என்று நிறுவுகிறார்கள். கீழடி அகழாய்வும் இன்னும் பல தமிழகத் தொல்லியல் ஆய்வுகளும் நமது தொன்மையைப் பறைசாற்றி வருகின்றன. கலாசாரம், வழிபாடு, அறம் சார்ந்த நம்பிக்கைகள் என்று பாரதம் முழுவதும் இந்த மரபின் தொடர்ச்சி இருப்ப
தாகக் கருத முடியும். 
அதேபோல வேதத்தின் காலத்தைக் கணக்கிடுவதிலும் பல்லாயிரம் ஆண்டுகளுக்கு முந்தையது என்ற முடிவை அனைவரும் ஒப்புக் கொள்கிறார்கள். ஒரு தேசத்தில் இரு பெரும் முதுமொழிகள் பயின்று வந்திருக்கின்றன. அந்த மொழி பேசுவோர் தங்களுக்குள் பரிவர்த்தனைகள் செய்துகொண்டு மிகச் சிறப்பு மிக்க ஒரு கலாசாரத்தை உருவாக்கியிருக்கிறார்கள். அதன் நீட்சி இன்றளவும் சற்றும் தொய்வின்றி தேசத்தில் நிலைபெற்றிருக்கிறது.
திராவிடம் என்ற சொல் தமிழகத்தில் கடந்த அரை நூற்றாண்டுக் காலமாக அதிக அளவில் புழங்கி வருகிறது. தமிழ் என்பது மொழி, தமிழர் என்பது அம் மொழியைப் பேசுவோர், திராவிடம் என்ற கோட்பாடு எப்போது உயிர்பெற்றது? திராவிடம் என்பது தமிழைக் குறிக்கும் சொல் என்கிறார்கள். மனுஸ்மிருதி தொடங்கி பல வடமொழி இலக்கியங்களும் திராவிடர் என்ற சொல்லை தேசத்தின் தென் பகுதியில் வாழ்ந்த மக்களைக் குறிப்பதற்காகப் பயன்படுத்தியிருக்கின்றன. ஏழாம் நூற்றாண்டில் தென்னிந்திய மக்களை திராவிடர் என்று குமாரில பட்டர் குறித்தார். 
திராவிட சித்தாந்திகள் ஆரம்பத்தில் தென்னிந்திய மொழிகளான கன்னடம், தெலுங்கு, மலையாளம் ஆகிய மொழி பேசும் மக்களையும் பிரதேசத்தையும் குறித்தே திராவிட நாடு என்ற கொள்கையை முன்வைத்தனர். இந்தக்  கொள்கையை தமிழர் அல்லாத பிற மொழி பேசும் தென்னிந்திய மக்கள் ஏற்கவில்லை. அதனால் திராவிடம் என்பது தமிழரை மட்டும் குறிப்பதாக சுருங்கிப் போனது. அதிலும், சில பிரிவினரைப் புறந்தள்ளி இன்னும் சுருக்கப்பட்டது. வடமொழியில் வழங்கும் இந்தச் சொல் வடவரின் ஆதிக்கத்திலிருந்து நம்மவரைப் பாதுகாப்பது என்ற சித்தாந்தத்துக்கான சொல்லாக அமைந்திருப்பதே முரண். 
திராவிடர் என்று கூறிக் கொள்வோர் இறை நம்பிக்கை அற்றவர்களாகத் தங்களை முன்னிறுத்துகிறார்கள். இறை நம்பிக்கை என்பது தமிழ்ச் சமூகத்தில் தொன்றுதொட்டு இருந்து வருவது; யாரோ புகுத்தியது அல்ல. தொல்காப்பியம் தொடங்கி சங்க இலக்கியங்களில் பயின்று இறை சிந்தனை இங்கே வேரூன்றியிருக்கிறது. 
சனாதனத்துக்கு எதிராக நிற்போர் இரண்டு காரணங்களை முன்வைக்கின்றனர். ஒன்று, சனாதனம்தான் இந்த நாட்டில் ஜாதியப் பாகுபாட்டை ஏற்படுத்தி அதனை ஊக்குவித்தும் வருகிறது. மற்றொன்று, மதத்தின் பெயரால் அரசியல், அதனோடு தொடர்புடையதே ஜாதியம் என்றும் சாதிக்கிறார்கள். தமிழர்களின் வாழ்வியல் முறையில் இந்த இரு கோட்பாடுகளும் எப்போது தொடங்கின? இலக்கியங்கள் கூறும் சான்றுகளைப் பார்த்தால் ஜாதியம் என்பது அநாதி காலமாக இருந்து வந்திருக்கிறது. பிறப்பால் ஜாதியைக் கூறுவது, அதற்குள் ஏற்றத்தாழ்வுகளைக் கற்பித்தது ஆகியவை அனைத்தையும் நாம் தொல்காப்பியம் தொடங்கி இன்று வரை காண்கிறோம். பிறப்பொக்கும் எல்லா உயிர்க்கும்... என்ற கோட்பாட்டை திருக்குறள் லட்சியமாக வைக்கிறது. அந்த லட்சியம் ஆயிரம் ஆண்டுகள் தாண்டியும் இன்னும் எட்டப்படவில்லை.
தொல்காப்பியத்தில் திருமணம் செய்து கொள்வதற்கான பொருத்தங்களைப் பற்றிக் கூறும்போது ஒத்த குடிப்பிறப்பும்என்றுதான் தொடங்குகிறது. அதேபோல் பிரிவு பற்றிக் குறிப்பிடும்போது ஓதலும் தூதும் உயர்ந்தோர் மேன என்கிறது. உயர்ந்தோர் என்ற பாகுபாடு இருக்குமேயானால் அதன் எதிர்ப்பதமும் சமூகத்தில் இருந்துதானே தீரும். ஜாதி இரண்டொழிய வேறில்லை என்று தமிழ் மூதாட்டி ஒளவையார்  பாடும் ஜாதி என்ற கட்டமைப்பு இருந்தது என்பதைப் புரிந்து கொள்ள முடிகிறது. இட்டார் பெரியோர் இடாதார் இழிகுலத்தோர் என்று அவர் குறிப்பிடும்போது, இந்த இரண்டுமே சமூகப் பாகுபாட்டில் இருந்தன என்பதை அறிந்து கொள்ளலாம்.
சங்க இலக்கியங்களிலும் புலவர் பெருமக்களின் பெயர் தொடங்கி ஜாதி மற்றும் அதற்கான சான்றுகள் இருக்கத்தான் செய்கின்றன. இன்றளவும் ஜாதியப் பாகுபாடு தமிழ்ச் சமூகத்தில் புரையோடிப் போன நிலையில் இருக்கிறது. இவை களையப்பட வேண்டும். ஏற்றத்தாழ்வற்ற சமுதாயம் உருவாக நமக்குள் இருக்கும் பிணக்குகள் தீரவேண்டும். ஆனால், இதனை சனாதனம்தான் கற்றுத் தந்தது என்று சாதிப்பதும் ஜாதியம் தமிழரின் மரபு அல்ல என்று வாதிடுவதும் பிரச்னையைத் தீர்ப்பதற்கான வழியாகாது. 
அடுத்து, சமயம் என்பது தமிழருக்கு இருந்ததில்லை என்பதாக ஒரு கருத்தைப் பரப்புகிறார்கள். முற்றிலும் தவறான வாதம். கடவுள் வாழ்த்து இல்லாமல் எந்த இலக்கியமும் காணப்படவில்லை. சனாதனம் கூறும் பல தெய்வ வழிபாட்டை தமிழர் மரபும் நிலப் பாகுபாட்டில் ஒவ்வொரு நிலத்துக்கும் ஒரு தலைமை தெய்வத்தைக் குறிப்பிடுவதைக் காண்கிறோம். நிலத்துக்கான முதற்பொருள் கூறும்போது தெய்வம் எனத் தொடங்குகிறது.முதன்மையானதாக நிற்பது தெய்வம் என்பதை தொல்காப்பியம் ஏற்றுக்கொண்டிருக்கிறது.
தமிழர் மரபை என்றைக்கும் உரக்கச் சொல்லிக் கொண்டிருக்கும் இலக்கண நூலான தொல்காப்பியம் கூறும் தெய்வ நம்பிக்கை, ஊழ் பற்றிய கருத்தும் எதன் பாற்பட்டவை? ஊழ் பற்றிய நம்பிக்கையை சங்க இலக்கியங்கள் பதினெண்கீழ்க்கணக்கு நூல்கள், பெருங்காப்பியங்கள் எனஎல்லாவற்றிலும் காண்கிறோம். மறுபிறப்பு நம்பிக்கை வானியல் சார்ந்த அறிவு, அது சார்ந்த நம்பிக்கைகள் வழிபாட்டு முறைகள் கடவுள் எனும் சொல் ஆகியவை அனைத்தையும் சங்க இலக்கியத்தில் காண்கிறோம். மறுபிறப்பு மேலுலகம் துறவு ஊழ் நீத்தார் கடன் என்று சனாதன தர்மம் பேசும் பலவற்றையும் திருக்குறள் தெளிவாகப் பேசுகிறது. 
வேதநெறி என்பதும் தமிழர் நெறி என்பதும் வேறு வேறானவை என்று சாதிக்க முயற்சிக்கும்போது சங்க இலக்கியங்களில் பயின்று வரும் முனிவர்கள், தேவர்கள், வேதம் பற்றிய குறிப்புகள், யாகம், வேள்வி நடத்தும் விதம் போன்ற பல செய்திகள் பதிவு செய்யப்பட்டிருப்பதை மறுக்கவோ, மறைக்கவோ முடியாது. சனாதனம் என்றும் தமிழர் நெறி என்றும் எதனையும் பகுத்துக் கூறுவதைக் காட்டிலும் இரண்டுக்குமான பொதுமைகளை ஏற்றுக்கொண்டு இரண்டும் நம்முடையதே என ஏற்பதே சரி.
வேதம் தமிழ் செய்த நம்மாழ்வார் என்று வைணவமும், வேத நெறி தழைக்க சைவத் துறை விளங்க என்று சைவமும் கூறுவதையும் அதைத் தமிழ்கூறும் நல்லுலகம் ஏற்று இன்றுவரை போற்றுவதும் மறுப்பதற்கில்லை. தமிழகத்தில் அமைந்திருக்கும் ஆலயங்களும் சமய இலக்கியங்களும் இந்த மண்ணின் மக்களின் சமயப் பற்றுக்கு எடுத்துக்காட்டு. மத நம்பிக்கைகளிலும் மரபுகளிலும் பொதுமைப் பண்புகள் நிறைந்திருக்கின்றன. சனாதன தர்மம் நான்கு வகை ஜாதியப் பாகுபாடுகளை மட்டுமே சுட்டியிருக்கிறது. ஆனால், இன்றைக்கு ஆயிரக்கணக்கான ஜாதிப் பிரிவுகளும் உயர்ந்தோர், தாழ்ந்தோர் என்ற புரையோடிய நிலையும் எங்கிருந்து தோன்றின? 
திராவிடர் என்போர் இந்தத் தர்மத்திலிருந்து முற்றிலும் மாறுபட்டவர்கள் என்ற கொள்கையை முன் வைத்தவர்கள் யார் என்று பார்த்தால், பிரிட்டிஷ் ஆட்சிக் காலத்தில் வாழ்ந்த, இந்தியாவைக் கண்கொண்டு பார்த்திராத ஐரோப்பியர்கள் அல்லது மதத்தைப் பரப்புவதற்காகத் தென்னகம் வந்த பாதிரியார்கள். ஏன் இத்தகைய வேறுபாடுகளை அவர்கள் கற்பித்தார்கள்?   இதற்கான விடையை நடுநிலையோடு நின்று சிந்தித்து, தரவுகளை ஆராய்ந்து முடிவுக்கு வரவேண்டியது தமிழ்ச் சமுதாயத்தின் பொறுப்பு.  
நிலவுடைமைச் சமூகம் என்றைக்குத் தொடங்கியதோ அன்றைக்கே மனிதர்களிடையே இது என்னுடையது என்ற சுயநலம், உயர்வு-தாழ்வு கற்பித்துக் கொள்ளப்பட்டது. இதிலிருந்து மாறி சமத்துவ சமூகம் உருவாக வேண்டும் எனும் கருத்தை சனாதன தர்மம், தமிழர் நெறி ஆகிய இரண்டும் போதிக்கின்றன. லோகா சமஸ்தா சுகினோ பவந்து சர்வே ஜனா சுகினோ பவந்து என்கிறது வடமொழி. எல்லோரும் இன்புற்றிருக்க நினைப்பதுவே அல்லாமல் வேறொன்றும் அறியேன் 
பராபரமே (தாயுமானவர்) என்கிறது தமிழ் நெறி. பாரதத்தில் இடத்திற்கேற்ப மொழி மாறுபடலாம்; அறம் மாறுபடுவதில்லை.
கட்டுரையாளர்:
ஊடகவியலாளர்
 

]]>
https://www.dinamani.com/editorial-articles/center-page-articles/2019/oct/25/சனாதனமும்-திராவிடமும்-3262489.html
3262488 கட்டுரைகள் நடுப்பக்கக் கட்டுரைகள் செயலிகள்...அவசியத்துக்கு மட்டும்! எஸ். ஸ்ரீதுரை DIN Friday, October 25, 2019 01:51 AM +0530 கடந்த 20-ஆம் நூற்றாண்டில் தொலைபேசி, தொலைக்காட்சி, கணினி ஆகியவை மனித வாழ்வின் வளத்துக்கும் வளர்ச்சிக்கும் உறுதுணையாக இருந்தன. இவை அனைத்தின் பயன்பாடுகளையும் ஒருங்கே தன்னிடத்தில் கொண்ட கையடக்கக் கருவியாக செல்லிடப்பேசி கண்டுபிடிக்கப்பட்டது.
தொடக்கத்தில், அழைப்புகள் மற்றும் குறுந்தகவல்களுக்கு மட்டுமே பயன்படுத்தப்படக் கூடியதாக செல்லிடப்பேசிகள் இருந்தன; நாளடைவில் அவை அறிதிறன் பேசியாக (ஸ்மார்ட் ஃபோன்) உருமாறி இன்று உலகை ஆட்டிப் படைக்கின்றன.
நிழற்படம், காணொலி ஆகியவற்றை செல்லிடப்பேசி மூலமாகவே எடுத்து அவற்றை முகநூல், கட்செவி அஞ்சல் (வாட்ஸ்அப்) முதலியவற்றில் பதிவேற்றும் வசதியும் கிடைத்தது. இவ்விதம்,  மனிதர்களின் அன்றாட வாழ்வியல் நடவடிக்கைகளுக்குப் பலவிதங்களிலும் உதவக்கூடிய சாதனமாகிய செல்லிடப்பேசி, பல சமூகச் சிக்கல்களுக்கும் காரணமாக அமைகிறது.
குறிப்பாக, அறிவை மேம்படுத்திக் கொள்ள பயன்படுத்த வேண்டிய செல்லிடப்பேசியை இன்றைய இளைஞர்கள் பலரும் வாழ்க்கையை வீணடிக்கும் பொழுதுபோக்காகப் பயன்படுத்துவது மிகப் பெரிய சோகம். அதிலும்,  அறிதிறன் பேசி (ஸ்மார்ட் போன்) மூலம்  பொழுதுபோக்குச் செயலிகளை பதிவிறக்கம் செய்து காணொலி விளையாட்டுகளில் நீண்ட நேரம் ஈடுபட்டுத் தங்களின் பொன்னான நேரத்தை பெரும்பாலோர் வீணடிக்கின்றனர்.
கடந்த ஆண்டு பெரும் பரபரப்பை ஏற்படுத்திய நீலத்திமிங்கிலம் என்ற காணொலி விளையாட்டு, இளைஞர்கள் பலரை தற்கொலை செய்துகொள்ளத் தூண்டியதை நாம் இன்னும் மறக்கவில்லை. இளைஞர்கள் மட்டுமின்றி, நடுத்தரவயதினரும் கூட ரம்மி எனப்படும் சீட்டு விளையாட்டை விளையாடிப் பணத்தையும் நேரத்தையும் விரயம் செய்கின்றனர்.
பப்ஜி எனப்படும் காணொலி விளையாட்டு, அதில் ஈடுபடுபவர்களுக்குக் கொலைவெறியைத் தூண்டுவதாகக் கூறப்படுகிறது.  ஏதோ ஒருவிதத்தில் பிறரது பாராட்டைப் பெற வேண்டும் என்றோ, கவனத்தை ஈர்க்க வேண்டும் என்றோ கைப்படம் (செல்ஃபி) அல்லது காணொலி எடுத்துப் பதிவிடுவது ஒரு மன நோயாகவே ஆகிவிட்டிருக்கிறது.
இளம் பெண்கள், விதவிதமான உடையணிந்து கொண்டு தங்களைத் தாங்களே கைப்படம் எடுத்து அவற்றைப் பொதுவெளியில் பதிவேற்றி, அதனைப் பிறர் பாராட்டும்போது மகிழ்ச்சி கொள்கின்றனர். அதே சமயம், அந்தப் புகைப்படங்களும் காணொலிகளும் அவர்களது முகநூல் நண்பர்கள் தவிர வேறு பலரும் பார்க்கக் கூடும் என்பதால், பல்வேறுவிதமான சங்கடங்களுக்கும் உள்ளாகின்றனர்.
இவை தவிர மலைமுகடுகள், ஆற்றுப்பாலங்கள் போன்ற ஆபத்தான இடங்களில் இருந்தபடி கைப்படம் எடுக்கும் முயற்சியில் இளைஞர்கள் அவ்வப்போது தங்கள் உயிரையே இழக்கின்றனர். மிருகக் காட்சி சாலைகள், காப்புக் காடுகள் முதலியவற்றில் காட்டு விலங்குகளுக்கு அருகில் சென்று கைப்படம் எடுத்துப் பதிவிடுவதற்கும் பலர் தயங்குவதில்லை. 
இவற்றையெல்லாம் மிஞ்சும்படியாக, டிக்டாக் என்றொரு செயலி தற்போது உலா வந்துகொண்டிருக்கிறது. ஆடல், பாடல், பலகுரல் ( மிமிக்ரி ) மற்றும் நடிப்பு போன்றவற்றில் தத்தமது திறமைகளை வெளிக்காட்டுகின்ற குறுகிய காணொலிகளை இந்தச் செயலி மூலம் பொதுவெளியில் பதிவிட்டுப் பலரது பாராட்டையும் பெறலாம் என்பதற்காக, இந்தச் செயலியைப் பலரும் தங்களது செல்லிடப்பேசியில் ஆர்வத்துடன் பயன்படுத்தி வருகின்றனர். ஆனால், அந்த ஆர்வமே சமூகச் சீர்கேடுகள் மற்றும் உயிரிழப்புகளுக்குத் தற்போது காரணமாகி வருவதை ஊடகச் செய்திகள் உறுதி செய்கின்றன. 
இது மட்டுமின்றி, காட்டாறுகள், நீர்த்தேக்கங்கள் போன்றவற்றில் நீராடியபடி டிக்டாக் காணொலி எடுக்கும் மோகத்தில் உயிரை விடுவதும் ஆங்காங்கே நடைபெறுகிறது. டிக்டாக்கில் தாம் வெளியிட்ட காணொலிக்கு எதிரான விமர்சனங்களால் மனமுடைந்து சென்னை வியாசர்பாடியில் ஒருவர் தற்கொலை செய்து கொண்டார்.
இப்படியாக, வெறும் பொழுதுபோக்குக்காக செல்லிடப்பேசியில் பயன்படுத்தப்பட வேண்டிய இந்த டிக்டாக் செயலி பற்பல உயிரிழப்புகளுக்கும் சமூகச் சீர்கேடுகளுக்கும் காரணமாகி வருகிறது. எந்த ஒரு விஞ்ஞானக் கண்டுபிடிப்பும் முறை தவறிய பயன்பாட்டுக்கு அப்பாற்பட்டதல்ல. அதனை ஆக்கப்பூர்வமாகவும் பயன்படுத்தலாம். வேறு விதமாகவும் பயன்படுத்தலாம்.
செல்லிடப்பேசியும் இதற்கு விதிவிலக்கல்ல. விரைவான தகவல் தொடர்புக்கும், அறிவுப் பகிர்வுக்கும் மட்டுமே பயன்பட வேண்டிய செல்லிடப்பேசியை, பொழுதுபோக்குவதற்காகப் பயன்படுத்துவதுகூடப் பரவாயில்லை என்று சொல்லிவிடலாம். ஆனால், சமுதாய வளர்ச்சிக்கு எதிராகப் பயன்படுத்துவது மன்னிக்க முடியாத குற்றமாகும்.
குடும்ப வாழ்வின் சீரழிவுக்கும் இளம் வயது மரணங்களுக்கும் செல்லிடப்பேசிச் செயலிகள் காரணமாவதை சமூக அக்கறையுள்ள எவராலும் ஏற்றுக்கொள்ள முடியாது. செல்லிடப்பேசியின் பயன்பாட்டைத் தவிர்க்க முடியாத ஒரு காலகட்டத்தில் நாம் பிரவேசித்துள்ளோம். இந்த நிலையில், ஒவ்வொரு குடும்பத்திலும் உள்ள மூத்த தலைமுறையினர் முறையற்ற செல்லிடப்பேசி பயன்பாட்டுக்கு அடிமையாகாமல் இருப்பது முக்கியம். 
மேலும், வேண்டாத செயலிகளிலும், காணொலி விளையாட்டுகளிலும் தங்களின் பொன்னான நேரத்தை இழந்துவிடாமல் பார்த்துக்கொள்ளுவது மிகமிக முக்கியம். தேவையற்ற செயலிகளை அரசாங்கம் தடை செய்யும் என்று காத்துக் கொண்டிருக்காமல், தாங்களாகவே புறக்கணித்திட சமூகத்திலுள்ள அனைத்துத் தரப்பு மக்களும் முன்வரவேண்டும்.  தேவையற்ற செயலிகள் இல்லாமல் வாழ்வது ஒன்றும் கடினம் அல்ல.
 

]]>
https://www.dinamani.com/editorial-articles/center-page-articles/2019/oct/25/செயலிகள்அவசியத்துக்கு-மட்டும்-3262488.html
3261411 கட்டுரைகள் நடுப்பக்கக் கட்டுரைகள் வாங்கும் சக்தி அதிகரிக்க...  க. பழனித்துரை DIN Thursday, October 24, 2019 01:21 AM +0530 பொருளாதாரத் தேக்க நிலையிலிருந்து இந்தியா விடுபட பல்வேறு நடவடிக்கைகளை மத்திய அரசு எடுத்து வருகிறது. அதில் முக்கியமான ஒன்று, கிராமப்புற மக்களின் நுகர்வினைக் காட்ட ஊரக வேலைவாய்ப்பு ஊதியத்தை நுகர்வோர் விலைக் குறியீட்டு எண்ணுடன் இணைத்து வழங்க மத்திய அரசு முடிவெடுத்துள்ளது. இது பலரால் வரவேற்கப்படுகிறது.
இந்தத் திட்டம் குறித்து சற்று அறிவுப்பூர்வமாக ஆராய்ச்சிக் கண்ணோட்டத்துடன் விவாதிப்பது அவசியம். 100 நாள் வேலை என்பதுதான் அனைவருக்கும் தெரிந்த சொல். இது குறித்துப் பல விவாதங்கள் இந்தத் திட்டம் ஆரம்பித்த காலத்திலிருந்து இன்றுவரை உள்ளூரிலிருந்து உலக வங்கி வரை நடந்து கொண்டிருக்கின்றன.  ஆராய்ச்சி நிறுவனங்கள் நடத்தும் விவாதங்கள் முழுவதும் அறிவியல்பூர்வமாக எடுக்கப்பட்ட புள்ளிவிவரங்கள் மற்றும் தரவுகள் அடிப்படையில் நடைபெறுகின்றன; மற்றவையெல்லாம் அபிப்பிராயங்கள் மற்றும் தனிப்பட்ட கருத்துகள்; அவற்றுக்கு எந்த ஆதாரமும் கிடையாது. 
இந்த விவாதங்களை மத்திய அரசும், மாநில அரசுகளும் எடுத்துக்கொள்வதில்லை. உலகத்தில் மிகப் பெரிய ஆராய்ச்சி நிறுவனங்கள் அதிக அளவில் பணம் செலவிட்டு 100 நாள் வேலைத் திட்டத்தை ஆராய்ச்சி செய்துள்ளன.  இந்தத் திட்டம் குறித்த புரிதல் படித்தவர்கள் மத்தியிலேயே குறைவாக இருப்பதால், மீண்டும் மீண்டும் ஆராய்ச்சிக் கட்டுரைகள் வந்த வண்ணம் உள்ளன. இந்தக் கட்டுரைகளையெல்லாம் தொகுத்து ஐ.நா. நிறுவனங்கள் வெளியிட்டு வருகின்றன. நம் நாட்டில்தான் படித்தவர்களே ஆதாரங்களின்றிப் பேசப் பழகியிருக்கிறார்கள்.
அடிப்படையில் இந்தத் திட்டம் சட்டப்பூர்வமானது. சட்டத்தின் மூலம் ஒரு திட்டம் செயல்படுத்தப்படும்போது, அந்தத் திட்டத்தின் பலன் பயனாளிகளுக்குக்  கிடைக்கவில்லையென்றால், நீதிமன்றத்தின் மூலம் தங்களுக்குக் கிடைக்க வேண்டியவற்றைப் பெற்றுவிடலாம். வேலை என்பதை உரிமையாக ஏழைகளுக்கு மத்திய அரசு அளித்த திட்டம் இந்த 100 நாள் வேலை உறுதித் திட்டம். உலகத்தில் வேறு எந்த நாட்டிலும் இவ்வளவு பெரிய திட்டம் இவ்வளவு அதிகத் தொகையுடன் இந்தியாபோல் செயல்படுத்தப்படவில்லை. உலகத்திலேயே ஏழைகளுக்கான மிகப் பெரிய திட்டம் என்றால், அது இந்த 100 நாள் வேலைவாய்ப்புத் திட்டம். 
இந்தத் திட்டம் தொடங்கிய ஆண்டில் ரூ.12,000 கோடி நிதி ஒதுக்கப்பட்டு பணி தொடங்கப்பட்டது. இன்று ரூ.61,000 கோடி ஒதுக்கப்பட்டுள்ளது. வலதுசாரிச் சிந்தனையாளர்களால் முற்றிலும் நிராகரிக்கப்பட்ட திட்டம், விமர்சிக்கப்பட்ட திட்டம்; பாரதிய ஜனதா கட்சி ஆட்சிக்கு வந்தால் இந்தத் திட்டம்  நீர்த்துப் போகும் எனப் பலர் வாதிட்டனர். இந்தத் திட்டத்தை நிறுத்தினால் மிகப் பெரிய மக்கள் போராட்டம் வெடிக்கும் என்பதில் எந்தச் சந்தேகமும் இல்லை என்பதை நன்கு அறிந்துதான் இந்தத் திட்டத்தைத் தொடர்கிறது மத்திய அரசு. அது மட்டுமல்ல, இந்தத் திட்டத்துக்கான செலவு அதிகரித்து உச்சகட்டமாக ஆண்டுக்கு ரூ.60,000 கோடிக்கு மேல் நிதி ஒதுக்க வேண்டிய சூழலுக்கு மத்திய அரசு தள்ளப்பட்டிருக்கிறது.
இந்தத் திட்டம் ஏழைகளுக்கான திட்டம் என உலகளவில் மிகப்பெரிய பாராட்டைப் பெற்றதாகும்.  ஒட்டுமொத்தமாக கடந்த 15 ஆண்டுகளில் ரூ.5 லட்சம் கோடி செலவழிக்கப்பட்டுள்ளது. இந்தத் தொகையில் 75 சதவீதம், இந்தத் திட்டத்தில் பணி செய்தவர்களுக்கு ஊதியமாக அவர்களின் வங்கிக் கணக்கில் செலுத்தப்பட்டுள்ளது. இந்தத் திட்டத்தில் பயனடைந்தவர்களில் 55 சதவீதம் பேர் பெண்கள்; 21 சதவீதம் பேர் தலித்துகள். சராசரியாக ஆண்டுக்கு ஒருவருக்கு 46 நாள்கள் வேலைவாய்ப்பு அளிக்கப்பட்டுள்ளது.
இந்தத் திட்டத்தின் நோக்கங்கள் மூன்று. ஒன்று, வேலை வாய்ப்பை உறுதி செய்வது; இரண்டு, ஏழைகளின் வாழ்வாதாரத்தைப் பாதுகாப்பது; மூன்று, பஞ்சாயத்தை வலுப்படுத்துவது. இந்தத் திட்டத்தில் 50 சதவீத வேலை கிராமப் பஞ்சாயத்தின் மூலம் நடைமுறைப்படுத்த வேண்டும். இந்தத் திட்டத்துக்கான பணிகளும் பணிகளை நிறைவேற்றும் பணியாளர்களைக் கொண்ட பணியாளர் அறிக்கையும் கிராம சபையின் உறுப்பினர்களால் 
அங்கீகாரம் அளிக்கப்பட வேண்டும்.
இந்தத் திட்டத்தைச் சமூகத் தணிக்கை செய்ய வேண்டும். இந்தத் திட்டத்தின் மூலம் இயற்கை வள மேம்பாடு அடைய செயல்பட வேண்டும். இந்தத் திட்டத்தைச் செயல்படுத்தி ஏழைகளுக்கான அமைப்புகளை வலுப்படுத்த வேண்டும். இந்தத் திட்டத்தில் பணி என்பது 5 கி.மீ. தொலைவுக்குள்தான் இருக்க வேண்டும். இந்தத் திட்டத்தின் மூலம் கிராமங்களை புனரமைக்க வேண்டும். இதில் மூன்றில் ஒரு பங்குக்குக் குறையாமல் பெண்களுக்கு பணி அளிக்க வேண்டும். அதிகபட்ச பணிகள் தலித்துகளுக்கு ஒதுக்க வேண்டும். இந்தத் திட்டத்தில் இயந்திரங்கள் பயன்படுத்தக் கூடாது. 
இந்தத் திட்டத்தில் வேலை உரிமையாக்கப்படுகிறது. அதேபோல் குறைந்தபட்ச ஊதியத்துக்கும் உத்தரவாதம் கொடுக்கப்பட்டு விட்டது. ஆணுக்கும் பெண்ணுக்கும் சம ஊதியம் என்ற உரிமையும் இதில் உள்ளது. அதேபோல் சரியான நேரத்தில் ஊதியம் என்பதும் உத்தரவாதமாக வழங்கப்பட்டுள்ளது. இதற்கும் மேலாக, ஒரு மரியாதையுடைய ஊதியமாகவும் உறுதி செய்யப்பட்டுள்ளது. இதன் மூலம் பாலின சமத்துவத்தை நிலைநாட்டுவது உறுதி செய்யப்பட்டுள்ளது.  கேள்வி கேட்பதையும் உரிமையாக்கித் தந்துள்ளது.
அதே நேரத்தில் இந்தத் திட்டப் பணிகளை நடைமுறைப்படுத்தும்போது, அனைவரையும் கடமைப்படுத்துதலையும் உரிமையாக்கித் தந்துள்ளது. இவ்வளவு உரிமைகள் அடங்கியதுதான் இந்த 100 நாள் வேலை உறுதியளிப்புச் சட்டம். ஆனால், இந்த உரிமைகளெல்லாம் இந்தச் சட்டத்தில் இருக்கின்றன என்பது எத்தனை பேருக்குத் தெரியும்? இந்தியா முழுவதும் இந்தத் திட்டத்தில் இடைத்தரகர்கள் இல்லாது பயனாளியின் வங்கிக் கணக்கில் பணம் நேரடியாகச் செலுத்தப்படுகிறது.
இந்தத் திட்டத்தைக் கைவிடுமாறு தொழிலதிபர்கள் பலர் மத்திய அரசைக் கேட்டுக்கொண்டனர். ஆனால், இந்தத் திட்டம் இரண்டு ஆண்டுகள் தொய்வடைந்த நேரத்தில் வாங்கும் சக்தியை மக்கள் இழந்து கிராமப்புற பொருளாதாரம் தேக்கமடைந்தது. அதன் விளைவு, தாக்கம் தேசியப் பொருளாதாரத்தில் எதிரொலிக்க ஆரம்பித்தவுடன் இந்தத் திட்டத்தைத் தவிர்க்க எந்த நிறுவனத்தினர் கோரிக்கை வைத்தார்களோ, இந்தத் திட்டத்தை வலுப்படுத்த அவர்களே மத்திய அரசிடம்  கோரிக்கை வைத்தனர். 
இதைத் தொடர்ந்து இந்தத் திட்டத்தின் மூலம் பணம் செலவு செய்யும்போது, கிராமப்புற சந்தை வீரியம் பெற்று எழுந்ததை பல்வேறு ஆய்வு அறிக்கைகள் சுட்டிக்காட்டின. கிராமங்களில் ஏழைத் தொழிலாளர்களுக்குக் கூலி உயர்வு கிடைத்தது இந்தத் திட்டத்தால்தான். அத்துடன், சுயமரியாதை உயர்வதாக ஏழைகளுக்கு ஓர் உணர்வு பிறந்தது. 
பல்லுயிர்ப் பெருக்கம், சுற்றுச்சூழல் பாதுகாப்பு போன்ற பல நடவடிக்கைகள் இந்தத் திட்டத்தின் மூலம் செயல்படுத்தப்பட்டன. லட்சக்கணக்கான மரங்கள் நடப்பட்டு வளர்க்கப்பட்டு வருகின்றன. இந்தத் திட்டத்தால் கிராமங்களில் பாலின சமத்துவம் ஏழைகள் வீட்டில் ஏற்றம் பெற ஆரம்பித்தன. இந்தத் திட்டத்தால் ஏழைகளுக்கு சமூகப் பாதுகாப்பு கிடைத்தது. வேலையில்லாத் திண்டாட்டத்தால் இடம்பெயர்வது நிறுத்தப்பட்டது. பட்டினிச் சாவு இல்லாமல் பாதுகாக்கப்பட்டது. கிராமப்புற மேம்பாட்டுக்கான திட்டங்களிலேயே மிகக் குறைந்த ஊழல் உள்ள திட்டம்இந்தத் திட்டம்தான்.
ஆனால், இந்தத் திட்டத்தில் ஒருசில குறைகளும் இருக்கத்தான் செய்கின்றன. அதில் ஒன்று, இந்தத் திட்டத்தின் பணிகள் மூலம் உருவாக்க வேண்டிய சொத்துகள் உருவாக்கப்படவில்லை. இந்தத் திட்டம் அதிக ஏழ்மை நிலை கொண்ட மாநிலங்களான உத்தரப் பிரதேசம், பிகார் போன்றவற்றுக்கு மிக உதவிகரமாக இருக்கும். ஆனால், இந்தத் திட்டத்தை அந்த மாநிலங்கள் சிறப்பாக நிறைவேற்ற முன்வரவில்லை. குறைந்த ஏழைகளைக் கொண்ட கேரளம்தான் இந்தத் திட்டத்துக்காக அதிகத் தொகையைப்  பெற்று செலவழித்திருக்கிறது. 
இந்தத் திட்டத்தில் அதிகமாகப் பயன் அடைந்தவர்கள் பெண்கள். ஏழை மாநிலங்களான பிகார், உத்தரப் பிரதேசம் ஆகிய மாநிலங்களில் மிகக் குறைந்த அளவிலான நிதிதான் இந்தத் திட்டத்துக்காகச் செலவிடப்பட்டுள்ளது. இந்தத் திட்டத்தைச் செயல்படுத்தும்போது மத்திய, மாநில அரசுகளின் திட்டங்களையும் ஒருங்கிணைத்து நடைமுறைப்படுத்தியிருக்க வேண்டும். சமூகப் பணியாற்ற இந்தத் திட்டத்தின் மூலம் சமூக சேவகர்களை உருவாக்கியிருக்க வேண்டும். மேற்கூறியவையெல்லாம் உருவாக்கப்படவில்லை. 
இவ்வளவு குறைபாடுகள் உள்ளபோதும், இந்தத் திட்டம் ஏழைகளுக்கான ஓர் அற்புதமான திட்டம். அதைப் புரிந்து கொண்டு இந்தத் திட்டத்தைச் செயல்படுத்தினால் ஏழைகளின் வாழ்வில் மிகப் பெரிய மாற்றத்தை ஏற்படுத்த முடியும். இந்தத் திட்டத்தை வலுப்படுத்த நாம் செய்ய வேண்டிய பணி சமூகத் தணிக்கை செய்வது; இந்தப் பணியை ராஜஸ்தான், ஆந்திரம், தெலங்கானா ஆகிய மாநிலங்கள் சிறப்பாகச் செய்து வருகின்றன.  பிற மாநிலங்களும் அதைப் பின்பற்றி இந்தத் திட்டத்தை வலுப்படுத்த வேண்டும்.

கட்டுரையாளர்:
பேராசிரியர் (ஓய்வு)
 

]]>
https://www.dinamani.com/editorial-articles/center-page-articles/2019/oct/24/வாங்கும்-சக்தி-அதிகரிக்க-3261411.html
3261410 கட்டுரைகள் நடுப்பக்கக் கட்டுரைகள் வங்கி மோசடிகளைக் குறைக்க... வாதூலன் DIN Thursday, October 24, 2019 01:20 AM +0530 வங்கிகளை இணைப்பதற்கான கொள்கை அறிக்கையை அண்மையில் மத்திய நிதி அமைச்சர் நிர்மலா சீதாராமன் வெளியிட்ட சில நாள்களிலேயே வேறொரு செய்தி வெளியானது. அதில் ஒவ்வொரு வங்கியிலும் நிகழ்ந்துள்ள மோசடிகளின் அளவைப் புள்ளிவிவரமாக அளித்துள்ளனர். அதை மேலோட்டமாகப் பார்த்தாலே அதிர்ச்சி அளிக்கிறது.
அதுவும், வங்கிக்குப் போகாமலேயே பற்று அட்டையைக் கொண்டு தொகையும், செல்லிடப்பேசியை வைத்தும் பணப் பரிமாற்றமும் செய்யும் வசதி காரணமாக, புதுப் புது மோசடிகள் உருவாகிய வண்ணம் உள்ளன. செல்லிடப்பேசியில் வரும் ஏதோ ஒரு குறுஞ் செய்தியை நம்பி அட்டையின் விவரங்களைத் தெரிவிப்பது, பொருள்களை கடன் அட்டை மூலம் வாங்கும்போது கவனக்குறைவாக அட்டையின் பிரதியை மூன்றாம் நபர் எடுக்க வாய்ப்பு தருவது போன்ற தவறுகள் வாடிக்கையாளர்களின் அலட்சியத்தாலேயே நடக்கின்றன.
ஏடிஎம் மையத்தில் என் நண்பர் ஒருவருக்கு அண்மையில் ஏற்பட்ட பண இழப்பு அனுபவம் குறிப்பிடத்தக்கது. என் நண்பர் ஏடிஎம் மையத்தில் பணம் எடுக்க முற்பட்டு பற்று அட்டையை இயந்திரத்தில் நுழைத்து ரகசிய எண்ணை அழுத்தினார்; பணம் வரவில்லை; நண்பர் மீண்டும் ஒரு முறை பற்று அட்டையை நுழைக்கத் தொடங்கியபோது, பின்னால் நின்ற நபர் ஒருவர், பற்று அட்டையை மாற்றி நுழைக்கிறீர்களே எனக் கூறி, அதை வாங்கி தான் தயாராக வைத்திருந்த வேறு ஒரு பற்று அட்டையைக்  கொடுத்துவிட்டு அங்கிருந்து உடனடியாகப் புறப்பட்டு விட்டார். மாற்றுப் பற்று அட்டைதான் தனது அட்டை என நம்பி அதே அட்டையை பல முறை என் நண்பர் நுழைத்தார். சில நிமிஷங்களில் என் நண்பரின் செல்லிடப்பேசிக்கு ரூ.6,000 பணம் எடுத்ததற்கான குறுஞ் செய்தி (எஸ்எம்எஸ்) வந்ததும் அதிர்ச்சிக்குள்ளானார். அதாவது, என் நண்பர் முதல் முறை ரகசிய எண்ணை  அழுத்தியபோது அதைக் கூர்மையாக மனதில் பதிய வைத்துக் கொண்டு அருகில் உள்ள ஏடிஎம் மையத்துக்குச் சென்று ரூ.6,000-த்தை எடுத்து விட்டார் குற்றவாளி.
இது குறித்து தொடர்புடைய வங்கியிலும் காவல் துறையிலும் புகார் அளிக்க என் நண்பர் விரைந்தார். எனவே, ஏடிஎம் மையத்தில் பணம் எடுக்கும் நிலையில் எந்த நபரையும் உள்ளே அனுமதிக்காமல் உறுதியாக இருப்பதே நல்லது. இதே போன்று அடுத்தவர் பற்று அட்டையை வாங்கி அவர்களுக்குப் பணம் எடுக்க உதவுவதன் காரணமாகவும் பிரச்னை ஏற்பட வாய்ப்பு உண்டு.
இத்தகைய ஏடிஎம் மைய மோசடி உள்பட வங்கிகள் தொடர்புடைய  குற்றங்களை விசாரணை செய்து, குற்றவாளியைக் கண்டுபிடிக்க, பல மாதங்கள்  ஏன், சில ஆண்டுகள்கூட ஆகிவிடுகின்றன. ஓரளவு பாதுகாப்புக்காகச் சில வங்கிகள் ரூ.10,000க்கு-ம் மேலான தொகையை ஏடிஎம்மில் எடுப்பதற்கு செல்லிடப்பேசியில் வரும் ஒரு முறை கடவு எண்ணை (ஓடிபி) குறிப்பிடும்படி வலியுறுத்துகின்றன.
அடுத்தது, நகைக் கடன் மோசடி. சோளிங்கரில் அண்மையில் தேசியமயமாக்கப்பட்ட வங்கிக் கிளை ஒன்றில் பணம் செலுத்தியும்கூட அடகு வைக்கப்பட்ட ரூ.4 கோடி மதிப்புள்ள நகைகள் திரும்ப அளிக்கப்படாததால், வாடிக்கையாளர்கள் அதை முற்றுகையிட்டனர். நகைகள், ரொக்கப் பணம் ஆகியவற்றை உள்ளே பாதுகாப்பான அறை அலமாரியில் (டபுள் லாக்) வைப்பதற்கு இரண்டு சாவிகள் தேவைப்படும். இவ்விதமிருக்க, அந்த நகைகள் எப்படி மாயமாகும்?  2017-இல் நிகழ்ந்த குற்றத்தை விசாரித்து வருவதாக முக்கிய அதிகாரி தெரிவித்தவுடன்தான், வாடிக்கையாளர்கள் கலைந்து போனார்கள். இத்தகையை மோசடிகள் வங்கிகளின் மீதுள்ள நம்பகத் தன்மையைக் குறைக்கும்.
வங்கிகளின் நம்பகத்தன்மையைக் குறைக்கும் மற்றொரு விஷயம் வாராக் கடன் வசூல். பெரும் பணக்காரர்களான விஜய் மல்லையா, நீரவ் மோடி போன்றோரின் கடன்கள் இன்னும் வசூலாகவில்லை. கடவுச் சீட்டு பறிமுதல், சொத்துகள் முடக்கம், நீதிமன்றத்தில் ஆஜர் போன்ற செய்தித் தலைப்புகள் படிக்க சுவாரஸ்யமாக இருக்கின்றனவே தவிர, கடன் தொகையில் கொஞ்சம்கூட வசூலாகவில்லை என்பதுதான் நிஜம். நிலைமை இவ்வாறிருக்க, ரூ.20 லட்சம் கடன் வசூலில் வங்கி கெடுபிடி காட்டினால் குறிப்பிட்ட சிறு தொழிலதிபர் கடனைத் திரும்பச் செலுத்தக் காலதாமதம் செய்வார். பெரிய கடன்களை வசூல் செய்து விட்டு எங்களிடம் வா என்ற வாதம் எடுபடாதுதான். ஆனால், வங்கிகளின் போக்கு சரியில்லை என்ற அவப் பெயர் உருவாகிறதே?
போலி ஆவணங்களை அடமானம் வைத்துக் கடன் பெறும் தன்மைகளும் பெருகி வருகின்றன. நவீன ஜெராக்ஸ் வசதியில், அச்சு அசலாக மூலப் பத்திரம் போலவே ஆவணங்களைத் தயாரிக்க முடிந்தாலும், கையெழுத்தைக் கூர்ந்து நோக்கினால் தவறு புலப்படுமே? எந்தக் குற்றத்துக்கும் (வாடிக்கையாளரின் அலட்சியம் நீங்கலாக) யாரோ வங்கி அதிகாரி பின்புலமாக இருக்கிறார் என்பது வெளிப்படை.
பணம் புழங்கும் எந்த இடத்திலும் குற்றங்கள் நடப்பது இயல்புதான். ஆனால், கோடிக்கணக்கில் பரிவர்த்தனை செய்யும் பொதுத் துறை வங்கிகளின் மோசடிகள், சாதாரண மக்களின் நம்பிக்கையைக் குலைக்கக் காரணமாக அமைகின்றன. 
இது போன்ற குற்றங்களைக் குறைக்க, ஆட்குறைப்பு என்ற பெயரில் கிளைகளில் ஊழியர்களை மாற்றக் கூடாது. விவசாயம், சிறு தொழில் போன்றவற்றில் டெக்னிக்கல் அம்சங்களைச் சீர்தூக்கி, ஆராய்ந்து கடன் வழங்கும் நிபுணர்களின் எண்ணிக்கையை அதிகரிக்க  வேண்டும். இன்றைய கணினித் தன்மையை நன்கு புரிந்து கொண்டு, அதற்கேற்ப செயல்படும் அதிகாரிகளை நியமித்தல் அவசியம்.
சந்தேகத்துக்கு இடமில்லாமல் குற்றம் நிரூபிக்கப்பட்டால், தொடர்புடைய நபர்களுக்குத் தண்டனை அளிக்க வேண்டும். ஊழியர் சங்கமோ, அதிகாரிகளின் அமைப்போ குறுக்கிடக் கூடாது. வாடிக்கையாளர்களுக்கு கேஒய்சி இருப்பது போன்று, ஊழியர்களுக்கும் கேஒய்ஈ இருந்தால் நல்லது. வங்கித் துறைக்கு மிகவும் தேவையான ஒழுக்கம், நேர்மை போன்றவற்றை வலியுறுத்த சில சொற்பொழிவுகளை ஏற்பாடு செய்யலாம். 
கணினி அறிவும், வாடிக்கையாளர்களின் விழிப்புணர்வும் மேலோங்கியிருக்கும் இந்த காலகட்டத்தில், குற்றங்களைக் குறைக்க பாதுகாப்பான தீவிர நடவடிக்கையை மேற்கொள்வது மிக அவசியம். வங்கி மோசடிகளைக் குறைக்க ரிசர்வ் வங்கியும், மத்திய அரசும் ஒன்றிணைந்து செயல்படுவது காலத்தின் கட்டாயம்.
 

]]>
https://www.dinamani.com/editorial-articles/center-page-articles/2019/oct/24/வங்கி-மோசடிகளைக்-குறைக்க-3261410.html
3260567 கட்டுரைகள் நடுப்பக்கக் கட்டுரைகள் துருக்கியா துணை நிற்பது? டி.எஸ். தியாகராசன் DIN Wednesday, October 23, 2019 01:26 AM +0530 அண்மையில் ஐ.நா. பொதுச் சபையில் பாகிஸ்தான் பிரதமர் இம்ரான் கான் பேச அனுமதிக்கப்பட்ட நேரமான 15 நிமிஷங்களுக்கும் கூடுதலாக 50 நிமிஷங்கள் பேசினார். சிறப்புப் பிரிவுகள் 370, 35-ஆவது பிரிவுகளை இந்தியா நீக்கியதால் காஷ்மீரில் ரத்த ஆறு ஓடும்.  அணு ஆயுதப் போர் உண்டாகும். இது இந்திய துணைக் கண்டம் மட்டுமின்றி உலகையே பாதிக்கும் என்றெல்லாம் உரக்கப் பேசினார்.
எனினும், அவருக்கு உலக நாடுகளின் ஆதரவு கிடைக்கவில்லை.  இதனால் ஆத்திரம் அடைந்து, ஐ.நா.வில் இருந்த தனது நாட்டின் நிலையான பிரதிநிதி மலீஹா லோதியை 72 மணி நேரத்துக்குள் திரும்ப அழைத்துக் கொண்டார்.  இப்போது துருக்கி பிரதமர் எர்டோகன், மலேசியப் பிரதமர் மகாதீர் பின் முகமது, இம்ரான் கான் ஆகிய மூவரும் சேர்ந்து ஓர் ஆங்கிலச் செய்தி ஊடகத்தைத் தொடங்க உள்ளனர். 
இது குறித்து மகாதிர் பின் முகமது தனது சுட்டுரையில் இஸ்லாம், முஸ்லிம் குறித்த அநேக செய்திகள் துல்லியமாக வருவதில்லை என்பதை உணர்கிறோம்; தீவிரவாதத்தை  இஸ்லாம் ஆதரிப்பதாகக் கருத வேண்டாம்.  இதில் எந்தவிதமான குழப்பமும் இல்லை;  இஸ்லோமோபியாவிற்கு எதிராக இந்த ஊடகம் செயல்படும் என்று எழுதியுள்ளார்.
மலேசிய நாட்டின் பிரதமர் என்றாலும், மகாதிர் முகமது மலாய் வம்சத்தில் வந்தவர் இல்லை; இந்திய வம்சாவளியினர். பூர்வீகம் கேரளம்; இவர் தனது நாட்டில் இந்திய அரசால் தேடப்படும் பொருளாதாரக் குற்றவாளியான மும்பைவாசி ஜாகீர் நாயக்குக்கு அடைக்கலம் கொடுத்து வருபவர். 
ஜாகீர் நாயக்கின் மத வெறுப்புணர்வு பேச்சின் காரணமாக மலேசியாவில் மலாய், சீன, இந்திய மக்களின் மத நல்லிணக்கம் கெடும் என்பதால் பலத்த எதிர்ப்பு எழுந்தது. இவரது பேச்சினைக் கேட்ட பிரதமர் மகாதீர் முகமது, நான்கூட இவ்வாறு பேசியதில்லை என்றார்.  பின்னர், மலேசிய அரசின் காவல் துறையின் முன் பல மணி நேரம் விசாரணைக்கு உட்படுத்தப்பட்டார்.  ஆனாலும், இந்தியா பல முறை கேட்டுக்கொண்ட பிறகும் அவர் திருப்பி அனுப்பப்படவில்லை.
மேலும், மலேசிய நாட்டு சுற்றுலாத் துறை செய்தியின்படி கடந்த ஆண்டு மலேசிய நாட்டுக்குப் பயணித்த இந்தியர்களின் எண்ணிக்கை 6 லட்சம்.  இவர்களால் அந்த நாட்டுக்குக் கிடைத்த வருவாய் சுமார் 4500 கோடி டாலர்கள்.  இந்த நிலையில்தான் ஐ.நா. பொதுச் சபையில் மலேசிய பிரதமர் மகாதிர் முகமது உரையாற்றும்போது, ஜம்மு-காஷ்மீரை இந்தியா கைப்பற்றி ஆக்கிரமித்துள்ளது என பாகிஸ்தானுக்கு ஆதரவாகப் பேசினார்.
போர்க் கப்பல்களை வடிவமைத்து தயாரித்து அதனைப் பராமரிக்கவும் திறன் படைத்த உலகின் 10 நாடுகளில் துருக்கியும் ஒன்று.  இந்த நாடு பாகிஸ்தானுக்காக போர் கப்பல் ஒன்றை வடிவமைத்து தயாரித்து வருகிறது என்ற செய்தியை அந்த நாட்டுப் பிரதமர் கூறியுள்ளார்.  
 துருக்கியின் வரலாறு ஏனைய முஸ்லிம் நாடுகளைப் போல இல்லாது ஓர் உண்மையான குடியரசு நாடாகும்.  வலிமையான ஆட்டோமான் துருக்கிப் பேரரசில், பல நூற்றாண்டுகளுக்குப் பிறகு முடியாட்சி வீழ்ந்து குடியாட்சி மலர்ந்தது. 1923 அக்டோபர் 23-இல் துருக்கி குடியரசு என அங்காராவில் இருந்த புரட்சி தேசிய மன்றம் அறிவித்தது.       
தேசியப் புரட்சியின் தலைவர் முஸ்தபா கமால் பாட்சா துருக்கி நாட்டின் தலைவரானார். இஸ்தான்புல் ராணுவக் கல்லூரியில் சேர்ந்து ராணுவப் பயிற்சி பெற்றார்.  இவரது புரட்சிகரமான கொள்கைகளால், திட்டங்களால் இவரை துருக்கியர்களின் தலைவர் என்ற பொருளில் கமால் அட்டாடர்க் என்று துருக்கி மக்கள் அழைத்தனர். இவரது சீர்திருத்தக் கொள்கைகளுக்கு கமாலிசம் என்று பெயர்.  
இவரது ஆறு கோட்பாடுகள் மிக முக்கியமானவை:  1) குடியாட்சி;  2) தேசப்பற்று; 3) மக்களின் இறையாண்மை; 4) அரசுடைமை; 5) மதச்சார்பின்மை; 6) புரட்சிகரமான சீர்திருத்தங்கள்.  இந்தியா உள்பட  பல நாடுகளின் அரசியலமைப்புச் சட்டங்களை தனது நாட்டின் அரசியலமைப்புச் சட்டத்தில் துருக்கி இணைத்துக் கொண்டுள்ளது.
துருக்கியில் இதுவரை இருந்து வந்த அரேபிய எழுத்து வடிவத்தை மாற்றி லத்தீன் மொழி அடிப்படையில் துருக்கிய எழுத்து வடிவம் கொண்டுவரப்பட்டது. துருக்கிய மொழி ஆட்சி மொழியாக்கப்பட்டது.  நாட்டின் இறையாண்மை என்பது மக்களிடமிருந்து பெறப்படும் என்றார் கமால் பாட்சா.  எல்லா துருக்கியர்களும், இன, சமய வேறுபாடு இன்றி எப்போதும் சமமானவர்கள்.  எல்லா அடிப்படை உரிமைகளும், எல்லோருக்கும் உண்டு. அரசியலில் மதம் கலப்பது நாட்டின் வளர்ச்சியைப் பாதிக்கும். எனவே, துருக்கி ஒரு மதச்சார்பற்ற அரசு என அவர் திட்டவட்டமாக  அறிவித்தார்.
இதை அமல்படுத்துவதற்காக பல கடுமையான சட்டங்களை அவர் கொண்டு வந்தார். காலங்காலமாக இருந்து வந்த காலிஃபா பதவி ஒழிக்கப்பட்டது.  புனித நீதிமன்றங்கள் மூடப்பட்டன. புதிதாக சமயத் துறை அமைக்கப்பட்டு அது பிரதமரின் மேற்பார்வையில் செயல்பட்டது.  நாட்டில் இதுவரை செயல்பட்டு வந்த மதராஸாக்கள், புனிதக் கல்லறைகள் மூடப்பட்டன.
1928-இல் துருக்கி ஓர் இஸ்லாமிய நாடு என்றிருந்த சொற்றொடர் அரசியலமைப்புச் சட்டத்திலிருந்து நீக்கப்பட்டது.  மேலும், அரசு, தனியார் பள்ளிகளில் முஸ்லிம் மத போதனைகள் நிறுத்தப்பட்டன. 1939-ஆம் ஆண்டு முதல் துருக்கி ஒரு முழுமையான மதச்சார்பற்ற குடியரசாக செயல்படத் தொடங்கியது.  
பெண்கள் பர்தா அணிவதை முற்றிலுமாக தடை செய்தார். 1934-இல் பெண்களுக்கு வாக்குரிமை வழங்கப்பட்டது.  1935-இல் நடைபெற்ற தேர்தலில் 35 பெண்கள் சட்டப்பேரவைக்குத் தேர்வு பெற்றனர். முஸ்லிம் நாள்காட்டி முறையான ஹிஜ்ரி ஆண்டு முறையை ஒழித்து, மேலை நாட்டு கிரிகேரியன் நாள்காட்டி முறையைப் புகுத்தினார். வார விடுமுறை வெள்ளிக்கிழமைக்குப் பதிலாக ஞாயிற்றுக்கிழமை என நிர்ணயிக்கப்பட்டது.
இவ்வாறு துருக்கியில் நவீன காலத்துக்கு ஏற்ப சீர்திருத்தங்களைப் புகுத்தி நாட்டை வலிமையாக்கினார். இதனால், உலகில் துருக்கியின் செல்வாக்கு உயர்ந்தது.  இவரை துருக்கியின் தந்தை என மக்கள் போற்றினர். இத்தகைய பெருமைகளைக் கொண்ட துருக்கியின் தற்போதைய பிரதமர், இந்தியாவை மத வழியில் துண்டாடிப் பிறந்த சிறிய நாடான பாகிஸ்தானை ஆதரிக்கிறார் என்பது காலத்தின் கொடுமை.  ஐ.நா. பொதுச் சபையில் இந்திய இளம் பெண் ராஜதந்திர பிரதிநிதி விதிஷா மைத்ரா பாகிஸ்தானின் உண்மை சொரூபத்தை தோலுரித்துக் காட்டியது இவரின் காதுகளுக்கு எட்டவில்லையா?
பாகிஸ்தான் பிரதமர் பேச்சில் வன்மம், போர் வெறி போன்ற பேச்சு மெடிவெல்-காலத்தை ஒத்திருக்கிறது. ஐ.நா.சபையால் குறிப்பிடப்பட்ட 130 தீவிரவாதிகள் மற்றும் 25 தீவிரவாதக் குழுக்கள் தங்களது நாட்டில் இல்லை என்று பாகிஸ்தானால் கூற முடியுமா?  பயங்கரவாதி ஒசாமா பின்லேடன் பாகிஸ்தானில் குடியிருந்ததை மறுக்க முடியுமா?  1947-இல் 23 சதவீதமாக இருந்த சிறுபான்மையினர், இன்று 3 சதவீதமாகச் சுருங்கியிருப்பதற்கு நீங்கள்தானே காரணம். கிறிஸ்தவர், சீக்கியர், அகமதியர், இந்து, ஷியா, பஸ்தூன், சிந்தி மற்றும் பலுசிஸ்தானியர் ஆகியோரை தெய்வ நிந்தனை செய்தனர் என்று சிறையில் அடைத்துக் கொடுமைப்படுத்துவதும், கட்டாய மத மாற்றம் செய்வதும் இன்றைக்கும் பாகிஸ்தானில் நடந்து கொண்டுதானே இருக்கிறது?
இதை சர்வதேச சமூகம் கவனித்துக் கொண்டுதான் இருக்கிறது என்று பல உண்மைகளைச் சொல்லியதில் அவர் பங்கு சிறப்புடையது.  ஐ.நா. பொதுச் சபை இவரது உரையைக் கவனத்தில் கொள்ளும்.  இந்த நிலையில், இதுவரை இந்தியாவின் நட்பு நாடாக இருந்த துருக்கி ஒரு சார்பான நிலை எடுத்து பாகிஸ்தானை ஆதரிப்பதால் நம் நாட்டுப் பிரதமர் மோடியும் தனது ராஜ தந்திர விளையாட்டில் காயை விரைவாக நகர்த்தியுள்ளார்.  
ஐ.நா. பொதுச் சபையில் மொத்தம் 17 நிமிஷங்கள் மட்டுமே பிரதமர் மோடி பேசினார்.  ஜம்மு - காஷ்மீர் இந்தியாவின் உள்நாட்டு விவகாரம் என்பதால், அதை விடுத்து உலகின் முன் தற்போது சவாலாக உள்ள பருவ நிலை மாற்றம், அதிகரித்து வரும் பயங்கரவாதம், உலக சுகாதாரம் குறித்தும் சங்க இலக்கிய வரியை மேற்கோள்காட்டியும் பேசி உலக நாடுகளின் நன்மதிப்பைப் பெற்றார்.
இந்தியா திரும்பும்முன் துருக்கியின் பகை நாடுகளான கிரீஸ், சைப்ரஸ், ஆர்மேனியா நாட்டுப் பிரதமர்களுடன் பிரதமர் மோடி உரையாடினார்.  கிரீசுக்கும், துருக்கிக்கும் ஏஜியன் கடல்  பகுதியில் யார் ஆதிக்கம் செலுத்துவது என்பதில் மோதல் உள்ளது. சைப்ரஸ் நாட்டின் ஒரு பகுதியைத் துருக்கி கைப்பற்றி துருக்கி குடியரசின் சைப்ரஸ் வடக்கு என்று பிரகடனம் செய்ததால் கோபமாக இருக்கும் அந்த நாட்டின் சுதந்திரம், ஒற்றுமை, இறையாண்மை ஆகியவற்றுக்கு இந்தியா துணை நிற்கும் என்றார் பிரதமர் மோடி.
ஆர்மேனியர்களை லட்சக்கணக்கில் இனப் படுகொலை செய்த துருக்கியை மன்னிப்பதும் இல்லை; மறப்பதும் இல்லை;  இதுதான் ஆர்மேனியாவின் தற்போதைய நிலைப்பாடு. இதனால் எதிரிக்கு எதிரி நம் நண்பன் என்ற வகையில் இந்த மூன்று நாடுகளும் இந்தியாவின் பக்கம் என்பதை தனது சந்திப்பு மூலம் துருக்கிக்கு உறுதிப்படுத்தினார். 
உலக அரசியல் விமர்சகர்கள் இதனை இந்தியாவின் ராஜதந்திர நடவடிக்கைக்குக் கிடைத்த பெரிய வெற்றியாகக் கருதுகிறார்கள்.  மதச்சார்பற்ற நாடாக உருவெடுத்து உலகில் புகழ் பெற்ற துருக்கி குடியரசு, இன்றைக்கு மத வெறி கொண்ட பாகிஸ்தானுடன் துணை நிற்பதால் துருக்கியா இப்படி என அரசியல் விமர்சகர்கள் புருவம் உயர்த்திப் பார்க்கிறார்கள்.

கட்டுரையாளர்:
தலைவர், 
திருக்கோவலூர் பண்பாட்டுக் கழகம்.

]]>
https://www.dinamani.com/editorial-articles/center-page-articles/2019/oct/23/துருக்கியா-துணை-நிற்பது-3260567.html
3259831 கட்டுரைகள் நடுப்பக்கக் கட்டுரைகள் அதிபர் தேர்தல் பரபரப்பில் இலங்கை வைகைச்செல்வன் DIN Tuesday, October 22, 2019 01:16 AM +0530 இலங்கை என்றாலே கடல் நடுவே ஒரு கண்ணீர்த்துளி என்கிற கவிதை எல்லோரையும் நெகிழ வைக்காமல் இருக்காது. அதே சமயத்தில் முள்ளிவாய்க்கால் முற்றத்தில் நடந்த இன அழிப்பை மறந்து விடவும் முடியாது. மகிந்த ராஜபட்சவும், கோத்தபய ராஜபட்சவும் செய்த இன அழிப்புக்காக கடந்த தேர்தலில் தூக்கி எறியப்பட்டார்கள். தாய்த் தமிழர்கள் வாழ்வை இழந்து எண்ணற்ற நாடுகளில் தஞ்சம் புகுந்திருக்கிறார்கள். அந்த நிலையிலும், தமிழை வளர்த்து வருகிறார்கள்.
இலங்கை என்றால், ராணுவம் என்கிற கோத்தபய ராஜபட்சவின்  ஆணவப் பேச்சை இன்னும் ஈழத் தமிழர்கள் மறந்து விடவில்லை. ஆனால், இப்போது ஒரு திருப்புமுனை நிகழ்ந்திருக்கிறது. இலங்கை அதிபர் தேர்தலில் கோத்தபய ராஜபட்ச போட்டியிடுவது உறுதியாகியிருக்கிறது. சிறை வைக்கப்பட்டிருக்கும் ராணுவ அதிகாரிகளையும், ராணுவப் புலனாய்வு அதிகாரிகளையும் விடுதலை செய்வதுதான் கோத்தபய ராஜபட்சவின் பிரதான நோக்கம் என்பதை அனுராதாபுரத்தில் நடந்த பிரசாரப் பேரணியில் அவரே பிரகடனப்படுத்தி விட்டார்.
அந்தப் பிரகடனத்தின் பின்னால் ஒளிந்திருக்கும் தமிழர்களின் ரத்தமும், சதையுமான அழித்தொழிப்புகளின் அலறல்கள் கேட்டுக் கொண்டே இருக்கிறது. பனி பெய்தால் மழையில்லை, பழம் இருந்தால் பூ இல்லை. இந்த நிலைதான் தமிழர்களுக்கான உறவை ஈழ மண் மறுபடியும் மறுபடியும் நினைவூட்டிக் கொண்டே இருக்கிறது. தமிழ் மொழிக்காக அன்று நடந்த போராட்டம், தற்போது தமிழ் இனத்துக்கான போராட்டமாக நீண்டு கொண்டே இருக்கிறது. மொழி காக்கும் நம் மண்ணில் உயிர்நீத்த தாளமுத்து நடராஜனில் தொடங்கி ஈழ மண்ணில் கொன்று குவிக்கப்பட்ட முள்ளிவாய்க்கால் முற்றம் வரை நீளுகிறது இந்தப் போர்.
இப்போராட்டத்தின் உணர்வு திங்களொடும் செழும்பரிதி தன்னோடும் விண்ணோடும் உடுக்களோடும் மங்குல் கடல் இவற்றோடும் பிறந்த தமிழுடன் பிறந்தோம் நாங்கள், ஆண்மைச் சிங்கத்தின் கூட்டம் என்றும் சிறியோர்க்கு ஞாபகம் செய் முழங்கு சங்கே.
சிங்களஞ்சேர் தென்னாட்டு மக்கள் 
தீராதி தீரரென்று ஊது சங்கே!
பொங்கு தமிழர்க்கு இன்னல் விளைத்தால்
சங்காரம் நிசமெனச் சங்கே முழங்கு 
என்று பாரதிதாசனுடன் பாடம் படித்த தமிழினம்  எப்படி தனது போர்க் குணத்தை மறைத்துக் கொள்ளும்? ஈழ மண்ணில் நடந்த துயரம், கண்ணீர், வேதனை சாக்காட்டை எப்படி நாங்கள் மறப்போம்?  
2009-இல் ஒரு லட்சத்துக்கும் மேற்பட்ட அப்பாவித் தமிழர்களைக் கொன்று குவித்து, தீரம் மிக்க பெண்களை தீயிட்டுக் கொளுத்திய இனவாத வெறியர்களில் ஒருவர் கூட இதுவரை தண்டிக்கப்படவில்லையே. இந்த நிலையில் அதிபர் தேர்தலில் முண்டியடிக்கும் கோத்தபய ராஜபட்ச விடுதலை செய்யப் போவதாகச் சொல்வது யாரை? அதிபராக மகிந்த ராஜபட்ச  இருந்தபோது, துப்பாக்கியில் இருந்து தோட்டாக்களே விரைந்து பாய்வதைப் போல, அதிகாரம் என்னவோ கோத்தபயவிடம் அல்லவா இருந்தது?
இன்னொரு பக்கம் புலிகளுடனான இறுதிக்கட்ட போரின்போது, ராணுவத் தலைமைத் தளபதியாக இருந்த சரத் பொன்சேகாவுக்கு தேசியப் பாதுகாப்பு பொறுப்பு வழங்கப் போவதாக ஐக்கிய தேசிய கட்சி வேட்பாளர் சஜித் பிரேமதாசா வாக்களித்துள்ளார். இதில் கோத்தபயவுக்குப் போட்டியாக பொன்சேகா உருவாக்கப்பட்டிருக்கிறார். இரண்டு பேருக்கும் இடையில் தமிழர்களுடைய நிலைகள்தான் கேள்விக்குறியாய் நிற்கின்றன. தமிழர்கள் என்று ஒரு இனமுண்டு, தனியே அவர்களுக்கொரு குணமுண்டு என்று சொல்லப்படுவதில் ஒற்றுமையில்லாத இனம் என்ற குற்றச்சாட்டும் இருக்குமோ என்கிற மன வேதனையும் இல்லாமல் இல்லை.
கடந்த காலத்தை அசை போட்டுப் பார்க்கும்போது, சண்டே லீடர் ஆசிரியர் லசந்த் விக்கிரமதுங்க படுகொலையைச் சொல்லலாம். இலங்கையில் நடக்கப் போகும் இந்த சிங்கள அதிபருக்கான தேர்தலில், தமிழர்களுக்கு எந்த வாக்குறுதியையும் சிங்களத் தலைவர்கள் தரமாட்டார்கள். தமிழர்களுக்கு ஆறுதல் அளிக்கிற விதத்தில்கூட ஒரு வாக்குறுதியையும் சிங்களத் தலைவர்களிடம் எதிர்பார்க்க முடியாது. அப்படி அவர்கள் வழங்குவார்களானால், சிங்கள இனம் முற்றாக அவர்களை நிராகரித்து விடும்.
இவ்வாறு நிலைமை இருக்கையில், தேர்தலுக்குப் பிறகு தேர்ந்தெடுக்கப்படும் அதிபரிடம் எந்த வகையான நியாயத்தை தமிழர்கள் கேட்டுப் பெற முடியும். குள்ளநரி தின்ற கோழி கூவவா போகிறது?
தொடர்ந்து தமிழர்களின் மீது பரவலாகவும், தீவிரமாகவும், ஆதிக்கம் செலுத்தி வந்த சிங்கள அரசியலில் இவையே பரபமபத விளையாட்டாக நம்முள் விரிந்து பரவுகிறது. இதனால்தான் என்னவோ, நம்முடைய வடுக்கள் இன்னும் ஆறாமல் இருக்கின்றன.
விமானப் படைக்கு உக்ரைனில் இருந்து பழுதடைந்த விமானங்களை வாங்க நடந்த பேரத்தில் கோத்தபயவின் குடும்பம் அடித்த கொள்ளையை இலங்கை மக்களுக்கு வெளிச்சம் போட்டுக் காட்டினார் பத்திரிகையாளர் லசந்த் விக்கிரமதுங்க.
இலங்கையின் கருவூலம் கோத்தபய ராஜபட்சவின் கைகளில் இருப்பதைக் கண்டு அதிர்ந்தது நாடு. ஆகவே, அந்த ஊழலை வெளிப்படுத்திய பத்திரிகை ஆசிரியர் லசந்த் விக்கிரமதுங்க படுகொலை செய்யப்பட்டார். கோத்தபயவின் ரகசிய ராணுவக் கொலைக் குழு லசந்த் விக்கிரமதுங்க படுகொலையைத் தொடர்ந்து, இலங்கை பத்திரிகையாளார்கள் மத்தியில் நியாயத்தையும், சத்தியத்தையும் எடுத்து வைக்கத் துணிந்த சிங்களப் பத்திரிகையாளர்கள் சிலர் உயிருக்கு அஞ்சி வெளிநாடுகளுக்குச் சென்று விட்டனர்.
மகிந்த ராஜபட்ச பதவியில் இருந்த வரை லசந்த் கொலை வழக்கு விசாரணை கிடப்பில் போடப்பட்டு விட்டது. அதிபர் தேர்தலில் மகிந்த ராஜபட்ச தோல்வி அடைந்த பின்னர் மைத்ரி சிறீசேனா அதிபரான பிறகு, லசந்த் படுகொலை தொடர்பான விசாரணை முடுக்கி விடப்பட்டது. 
நிசாந்த்சில்வா என்கிற சிங்கள அதிகாரி நேர்மையானவராக இருந்ததால், மறைக்கப்பட்ட உண்மைகள் வெளிவரத் தொடங்கி விட்டன. லசந்த் சுட்டுக் கொல்லப்படவில்லை, நீண்ட கூர்மையான கத்தியால் குத்திக் கொல்லப்பட்டிருக்கிறார். போலி பதிவெண் கொண்ட மோட்டார்சைக்கிள் ஒன்றை சம்பவம் நடந்த இடத்தருகே கண்டுபிடித்ததாக நாடகம் ஆடிய காவல் துறை, அந்த மோட்டார்சைக்கிளில் பயணம் செய்த இரண்டு தமிழ் இளைஞர்களை இரக்கமற்று உயிருடன் எரித்தது.
லசந்த் கொலைக் குழுவை பற்றி நாடு முழுவதும் நன்கு அறிந்திருந்தாலும், அவற்றைப் பற்றி மேலும் தீர்க்கமாகத் தெரிந்த ஒருவர் மர்மமான முறையில் சிறையில் மடிந்துள்ளார். இவ்வளவு புதையுண்ட ரகசியங்களை தனது புலனாய்வின் மூலம் மீட்டெடுத்தார் நிசாந்த் சில்வா.
இதன் பின்னர் கோத்தபயவின் ரகசிய ராணுவ கொலைக் குழுவில், நிசாந்த் சில்வாவின் தீவிர புலனாய்வுக்குப் பிறகு கைது செய்யப்பட்டதாகவும், இந்த வழக்கு தீவிர நிலையை அடைந்தபோது, அதிபர் சிறீசேனாவிடம், கோத்தபய சரணடைய நேர்ந்ததாகவும் சொல்லப்படுகிறது. 
இப்படி கோத்தபயவின் ஓரங்க நாடகம், ஒரு முறையல்ல, ஓராயிரம் முறை நடந்திருக்கிறது; இவற்றில் கொல்லப்பட்ட பத்திரிகையாளர்களும், கார்ட்டுனிஸ்ட்டுகளும் இருக்கிறார்கள் என்பது வெளிப்படையான விஷயம். ரகசிய கொலைக் குழுவில் இருந்த ராணுவத்தினர் கைது செய்யப்படுவதைப் பார்த்து, தனது பிரதான எதிரி அதிபர் சிறீசேனாவிடம் சரணடைந்த கோத்தபய, ராணுவத்தினரை விடுதலை செய்வதுதான் எனது முதல் வேலை என்று சொல்லியிருப்பது இரக்கமற்ற இதயத்தில் இருந்து வெளிவரும் அர்த்தமற்ற பேச்சாகத் தெரிகிறது.
அதே சமயம், ஆண்டுக்கணக்கில் சிறை வைக்கப்பட்டிருக்கிற தமிழ் அரசியல் கைதிகளை விடுவிப்பதற்கான குரல் எங்கும் எழவில்லை. அது காற்றோடு கரைந்து போய்க் கொண்டே இருக்கிறது. இவற்றில் இருவேறு நிலைப்பாட்டை சிங்கள இனவாத அரசு  தொடர்ந்து எடுத்து வருகிறது என்பது வெட்ட வெளிச்சமான ஒன்றாகும்.
இந்த நிலையில் இலங்கை அதிபர் தேர்தலில் வெற்றி அடையப் போவது யாராக இருந்தாலும், தமிழர்களுக்கு அவர் செய்யப் போகும் கைங்கரியம்தான் என்ன? தமிழர்களின் உரிமைகளைப் பறித்த, தமிழினத்தை அழித்த சிங்களப் பேரினவாதத்துக்கு தார்மிக எதிர்ப்பைத் தெரிவிக்க இலங்கை அதிபர் தேர்தலில் வாக்களிப்பது குறித்த முடிவை தமிழர்கள் எவ்வாறு எடுக்கப் போகிறார்கள்? இரு சிங்களத் தலைவர்கள் தேர்தல் நிற்கிற களத்தில், வெற்றி பெறப் போவது என்பது ஏதோ ஒரு சிங்களத் தலைவர். அப்படியானால், இந்தத் தேர்தல் களத்தில் தமிழர்களுக்கு என்ன வேலை? 
அதற்கான ஒரு வேலை வந்து விட்டது. இலங்கை அதிபர் தேர்தல் வரலாற்றில் முதல் முறையாக இந்திய வம்சாவளியைச் சேர்ந்த தமிழர் சுப்ரமணியம் குணரத்னம் என்பவர் போட்டியிடுகிறார். மேலும் இலங்கைத் தமிழரான முன்னாள் நாடாளுமன்ற உறுப்பினர் சிவாஜிலிங்கமும் போட்டியிடுகிறார். 
இனப் படுகொலை செய்த ஒரு தேசத்தில் நடைபெற உள்ள தேர்தலில் தங்களுக்கான நியாயம் எந்த வகையில் இருக்கும் என்பதை தமிழர்கள் சீர்தூக்கிப் பார்க்கப் போகும் தருணமாகவே இந்த அதிபர் தேர்தல் பார்க்கப்படுகிறது.

கட்டுரையாளர்:
முன்னாள் அமைச்சர்.
 

]]>
https://www.dinamani.com/editorial-articles/center-page-articles/2019/oct/22/அதிபர்-தேர்தல்-பரபரப்பில்-இலங்கை-3259831.html
3259828 கட்டுரைகள் நடுப்பக்கக் கட்டுரைகள் விபத்தில்லாத தீபாவளியே இனிப்பு! இரா. கதிரவன் DIN Tuesday, October 22, 2019 01:14 AM +0530 இந்தியாவின் மிகப் பெரிய பண்டிகையான தீபாவளி (அக்.27)  நெருங்கிக் கொண்டிருக்கிறது. வயது வித்தியாசம் இன்றி அனைவராலும் கொண்டாடப்பட்டாலும் சிறுவர்களுக்குக்  குதூகலம் தரும் வாண வேடிக்கைகளும் - பட்டாசுகளும் நிறைந்த விழாவாகும் இது.
இந்தியாவுக்குள் சுமார்  200 ஆண்டுகளுக்கு முன்பு சீனாவிலிருந்து பட்டாசு வந்தது. எனவேதான் இன்றும்கூட கிராமங்களில், சிவகாசிப் பட்டாசையும் சீனிப் பட்டாசு என்று அழைப்பதைக் காணலாம். ஆனால், சீனாவில் 1,000 ஆண்டுகளுக்கு முன்பே பட்டாசுகள் மற்றும் வாண வேடிக்கைகள் புழக்கத்தில் இருந்தன.
சில பத்தாண்டுகளுக்கு முன்னர், இந்தப் பண்டிகையின்போது பட்டாசுகளுக்கு இருந்த முக்கியத்துவம் தற்போது குறைந்திருப்பதை மறுப்பதற்கில்லை. பண்டிகையின் மகிழ்ச்சியினை குறைக்கக் கூடிய வகையில் ஒரு சில விபத்துகள் ஏற்படுவது  வருத்தத்துக்குரியது. கவனமின்மை, தரக் குறைவான தயாரிப்பு போன்றவற்றின் காரணமாக வெடி சார்ந்த விபத்துகள், சிலரது உயிரையும், சிலரது உறுப்புகளையும் இழக்க வைக்கின்றன.
இது தொடர்பாக பிளாஸ்டிக் சர்ஜரி குறித்த மருத்துவ இதழ் தரும் குறிப்பு கவலை அளிப்பதாக உள்ளது. பெரு நகரங்களில், தீபாவளிக்கு முன்னும் பின்னும் மூன்று நாள்களில், மோசமான தீக்காயங்களுடன் மருத்துவமனையில்  ஒரு லட்சத்துக்கு ஒருவர் என்ற விகிதத்தில் அனுமதிக்கப்படுகின்றனர்.
தீபாவளியை முன்னிட்டு சென்னையில் சுமார் 150 பேர் பலத்த தீக்காயங்களுடன் அனுமதிக்கப்படுகின்றனர். இதில், ஐந்திலிருந்து  முப்பது வயதுக்குட்பட்டோர் சுமார் 70 சதவீதம் பேர்; இவர்களுள் 10 சதவீதம் பேர் பெரும் தீக்காயங்களுக்கு உள்ளாகின்றனர். இது தவிர, மருத்துவமனைக்கு வராத சிறு காயங்களுக்கு உள்ளாவோரின் எண்ணிக்கை பல மடங்கு இருக்கும்.
வெடி சரியாக வெடிக்காது புஸ்வாணமாகி விட்டது என்று நாம் கேலி செய்யும் பூச்சட்டி - புஸ்வாணம் எதிர்பாராது வெடிப்பது, இந்த விபத்துகளில் மூன்றில் இரண்டு பகுதி இடம்பெறுவது கவலைக்குரிய  நகைமுரண். தயாரிப்பில் இருக்கும் தரக் குறைபாடே இதற்குக் காரணம். 
ஆனால், சில நாடுகள் பிற நாடுகளின் அனுபவத்திலிருந்து பாடம் கற்றுக் கொள்கின்றன. உதாரணமாக, பாதுகாப்புக்கு முக்கியத்துவம் அளிக்கும் கனடா உள்ளிட்ட சில மேலை நாடுகளில் குறிப்பிட்ட வயதுக்கு மேற்பட்டோர் மட்டுமே பட்டாசுகள் வெடிக்க அனுமதிக்கப்படுகின்றனர். சில நாடுகளில் பட்டாசுகள்  தடை செய்யப்பட்ட  பொருளாகும்.
வெளிநாடுகளில் வாழும் இந்தியர்கள்  பட்டாசு கொளுத்துதல் வித்தியாசமானது. அங்கு சிறு தீயணைப்பான் உள்ளிட்ட தகுந்த பாதுகாப்புடன் பட்டாசு கொளுத்துகின்றனர். சில இடங்களில் தீயணைக்கும் நிலையத்தின் அனுமதியும் உதவியும் பெற்று ஒரே இடத்தில் கூடி பட்டாசுகளைக்  கொளுத்துகின்றனர்.
மேலும் ஒலி எழுப்பாத, வெளிச்சம் காட்டும் பட்டாசுகளையே பயன்படுத்த  அனுமதிக்கப்படுகின்றனர். இது தவிர, கேளிக்கை முடிந்ததும் அங்கிருக்கும் குப்பைகளை அனைவரும் அகற்றி, இடத்தைச்  சுத்தம் செய்த பின்னரே கலைந்து  செல்கின்றனர். வெளிநாடுகளில் வாழும் இந்தியர்களிடம் உள்ள இத்தகைய நல்ல பழக்கம்  இங்கும் கடைப்பிடிக்கப்படவேண்டிய ஒன்று.
புது தில்லியில் தீபாவளி அன்று புகை மூட்டம் சொல்லொணாத அளவுக்கு இருந்து வந்தது; காற்று முழுமையாக மாசுபட்டு, அதில் சல்பர் டை ஆக்சைடு, நைட்ரஜன் டை ஆக்சைடு போன்றவை அனுமதிக்கப்பட்ட அளவைவிட இரண்டிலிருந்து ஆறு மடங்கு வரை அதிகமாகக்  காற்றில் கலந்து பெரும் கேடு விளைவித்தது.  
புகை மற்றும் அதிக ஒலி எழுப்பாத  பட்டாசுகளை குறைந்த நேரம் கொளுத்துவது குறித்து சில நெறிமுறைகளை உச்சநீதிமன்றம் ஏற்கெனவே அறிவுறுத்தியுள்ளது.
முன்பைக் காட்டிலும் 35 சதவீதம் குறைந்த புகை ஏற்படக் கூடிய பசுமைப் பட்டாசுகள் அறிவியல் ஆய்வு நிறுவனங்களின் ஒத்துழைப்புடன் களமிறங்கியுள்ளன. அதே போன்று, சுமார் 150- 175 டெசிபல் ஒலி அளவு இருந்த பட்டாசுகள் முழுமையாகத்  தடை செய்யப்பட்டு, அவற்றின் ஒலி அளவு 75 டெசிபலுக்கு மிகக் கூடாது என்ற கடுமையான நெறிமுறை வகுக்கப்பட்டுள்ளது.
ஆண்டுக்கு ரூ.20,000 கோடி வருவாய் ஈட்டும்  பட்டாசுத் தொழிலில், சுமார் நான்கு லட்சம் தொழிலாளர்கள் ஈடுபடுகின்றனர்; ஏராளமான கெடுபிடிகளை மீறி துரதிருஷ்டவசமாக கணிசமான குழந்தைத் தொழிலாளர்களும் ஈடுபடுவது  வருந்தத்தக்கது. இந்தக் குழந்தைகளின் கல்வி இடைநிற்பது மட்டுமின்றி, இளமையையும் தொலைக்கின்றனர். மேலும், பலவித தோல் மற்றும் நுரையீரல் சார்ந்த நோய்களுக்கும் உள்ளாகின்றனர் என்பதும் கவலைக்குரியது.
உலகிலேயே சீனாவுக்கு அடுத்தபடியாக அதிகளவில் பட்டாசு தயாரிக்கும் நாடு இந்தியாதான். மேலும், பட்டாசு இறக்குமதியும் தடை செய்யப்பட்டுள்ளது. ஏற்கெனவே உச்சநீதிமன்றம் விதித்திருக்கும் கடுமையான நெறிமுறைகளாலும், பசுமைப் பட்டாசுகள் என்ற புகை - ஒலி மாசு குறைந்த பட்டாசுகளை மட்டுமே விற்க வேண்டும் என்ற கடுமையான நெறிமுறைகளாலும் பாதிக்கப்பட்டிருக்கும்  பட்டாசுத்  தொழில், சீனாவிலிருந்து தவறான வழியில் இறக்குமதி செய்யப்படும் பட்டாசுகளின் விலைக்கு எதிராகப்  போட்டியிட முடியாமல்  மிகவும் பாதிக்கப்பட்டுள்ளது.
இன்னொருபுறம், சுற்றுச்சூழல், சுகாதாரம் குறித்த விழிப்புணர்வு மக்களிடம் பெருகி வருகிறது. இவை தொடர்பான நெறிமுறைகள் கடுமையாக்கப்பட்டுள்ளன. சில ஆண்டுகளில் , விஞ்ஞான வளர்ச்சி காரணமாக, லேசர் ஷோ போன்றவை பட்டாசுத் தொழிலுக்குக்  கடும் நெருக்கடியை ஏற்படுத்தக் கூடும்.
மாறிவரும் சூழலுக்கு ஏற்ப பட்டாசுத் தொழிலில் தேவையான மாற்றங்களை உருவாக்க  வேண்டும். அதன் மூலம் பல லட்சம் பேருக்கு வாழ்வளிக்கும் அந்தத் தொழிலும் சிறக்க வேண்டும். தீபாவளியை  விபத்தின்றி, சுற்றுச்சூழல் மாசுபடாமல்   பட்டாசு கொளுத்தி மகிழ்ச்சியாகக் கொண்டாடுவோம்.
 

]]>
https://www.dinamani.com/editorial-articles/center-page-articles/2019/oct/22/விபத்தில்லாத-தீபாவளியே-இனிப்பு-3259828.html
3259827 கட்டுரைகள் நடுப்பக்கக் கட்டுரைகள் விபத்தில்லாத தீபாவளியே இனிப்பு! இரா. கதிரவன் DIN Tuesday, October 22, 2019 01:14 AM +0530 இந்தியாவின் மிகப் பெரிய பண்டிகையான தீபாவளி (அக்.27)  நெருங்கிக் கொண்டிருக்கிறது. வயது வித்தியாசம் இன்றி அனைவராலும் கொண்டாடப்பட்டாலும் சிறுவர்களுக்குக்  குதூகலம் தரும் வாண வேடிக்கைகளும் - பட்டாசுகளும் நிறைந்த விழாவாகும் இது.
இந்தியாவுக்குள் சுமார்  200 ஆண்டுகளுக்கு முன்பு சீனாவிலிருந்து பட்டாசு வந்தது. எனவேதான் இன்றும்கூட கிராமங்களில், சிவகாசிப் பட்டாசையும் சீனிப் பட்டாசு என்று அழைப்பதைக் காணலாம். ஆனால், சீனாவில் 1,000 ஆண்டுகளுக்கு முன்பே பட்டாசுகள் மற்றும் வாண வேடிக்கைகள் புழக்கத்தில் இருந்தன.
சில பத்தாண்டுகளுக்கு முன்னர், இந்தப் பண்டிகையின்போது பட்டாசுகளுக்கு இருந்த முக்கியத்துவம் தற்போது குறைந்திருப்பதை மறுப்பதற்கில்லை. பண்டிகையின் மகிழ்ச்சியினை குறைக்கக் கூடிய வகையில் ஒரு சில விபத்துகள் ஏற்படுவது  வருத்தத்துக்குரியது. கவனமின்மை, தரக் குறைவான தயாரிப்பு போன்றவற்றின் காரணமாக வெடி சார்ந்த விபத்துகள், சிலரது உயிரையும், சிலரது உறுப்புகளையும் இழக்க வைக்கின்றன.
இது தொடர்பாக பிளாஸ்டிக் சர்ஜரி குறித்த மருத்துவ இதழ் தரும் குறிப்பு கவலை அளிப்பதாக உள்ளது. பெரு நகரங்களில், தீபாவளிக்கு முன்னும் பின்னும் மூன்று நாள்களில், மோசமான தீக்காயங்களுடன் மருத்துவமனையில்  ஒரு லட்சத்துக்கு ஒருவர் என்ற விகிதத்தில் அனுமதிக்கப்படுகின்றனர்.
தீபாவளியை முன்னிட்டு சென்னையில் சுமார் 150 பேர் பலத்த தீக்காயங்களுடன் அனுமதிக்கப்படுகின்றனர். இதில், ஐந்திலிருந்து  முப்பது வயதுக்குட்பட்டோர் சுமார் 70 சதவீதம் பேர்; இவர்களுள் 10 சதவீதம் பேர் பெரும் தீக்காயங்களுக்கு உள்ளாகின்றனர். இது தவிர, மருத்துவமனைக்கு வராத சிறு காயங்களுக்கு உள்ளாவோரின் எண்ணிக்கை பல மடங்கு இருக்கும்.
வெடி சரியாக வெடிக்காது புஸ்வாணமாகி விட்டது என்று நாம் கேலி செய்யும் பூச்சட்டி - புஸ்வாணம் எதிர்பாராது வெடிப்பது, இந்த விபத்துகளில் மூன்றில் இரண்டு பகுதி இடம்பெறுவது கவலைக்குரிய  நகைமுரண். தயாரிப்பில் இருக்கும் தரக் குறைபாடே இதற்குக் காரணம். 
ஆனால், சில நாடுகள் பிற நாடுகளின் அனுபவத்திலிருந்து பாடம் கற்றுக் கொள்கின்றன. உதாரணமாக, பாதுகாப்புக்கு முக்கியத்துவம் அளிக்கும் கனடா உள்ளிட்ட சில மேலை நாடுகளில் குறிப்பிட்ட வயதுக்கு மேற்பட்டோர் மட்டுமே பட்டாசுகள் வெடிக்க அனுமதிக்கப்படுகின்றனர். சில நாடுகளில் பட்டாசுகள்  தடை செய்யப்பட்ட  பொருளாகும்.
வெளிநாடுகளில் வாழும் இந்தியர்கள்  பட்டாசு கொளுத்துதல் வித்தியாசமானது. அங்கு சிறு தீயணைப்பான் உள்ளிட்ட தகுந்த பாதுகாப்புடன் பட்டாசு கொளுத்துகின்றனர். சில இடங்களில் தீயணைக்கும் நிலையத்தின் அனுமதியும் உதவியும் பெற்று ஒரே இடத்தில் கூடி பட்டாசுகளைக்  கொளுத்துகின்றனர்.
மேலும் ஒலி எழுப்பாத, வெளிச்சம் காட்டும் பட்டாசுகளையே பயன்படுத்த  அனுமதிக்கப்படுகின்றனர். இது தவிர, கேளிக்கை முடிந்ததும் அங்கிருக்கும் குப்பைகளை அனைவரும் அகற்றி, இடத்தைச்  சுத்தம் செய்த பின்னரே கலைந்து  செல்கின்றனர். வெளிநாடுகளில் வாழும் இந்தியர்களிடம் உள்ள இத்தகைய நல்ல பழக்கம்  இங்கும் கடைப்பிடிக்கப்படவேண்டிய ஒன்று.
புது தில்லியில் தீபாவளி அன்று புகை மூட்டம் சொல்லொணாத அளவுக்கு இருந்து வந்தது; காற்று முழுமையாக மாசுபட்டு, அதில் சல்பர் டை ஆக்சைடு, நைட்ரஜன் டை ஆக்சைடு போன்றவை அனுமதிக்கப்பட்ட அளவைவிட இரண்டிலிருந்து ஆறு மடங்கு வரை அதிகமாகக்  காற்றில் கலந்து பெரும் கேடு விளைவித்தது.  
புகை மற்றும் அதிக ஒலி எழுப்பாத  பட்டாசுகளை குறைந்த நேரம் கொளுத்துவது குறித்து சில நெறிமுறைகளை உச்சநீதிமன்றம் ஏற்கெனவே அறிவுறுத்தியுள்ளது.
முன்பைக் காட்டிலும் 35 சதவீதம் குறைந்த புகை ஏற்படக் கூடிய பசுமைப் பட்டாசுகள் அறிவியல் ஆய்வு நிறுவனங்களின் ஒத்துழைப்புடன் களமிறங்கியுள்ளன. அதே போன்று, சுமார் 150- 175 டெசிபல் ஒலி அளவு இருந்த பட்டாசுகள் முழுமையாகத்  தடை செய்யப்பட்டு, அவற்றின் ஒலி அளவு 75 டெசிபலுக்கு மிகக் கூடாது என்ற கடுமையான நெறிமுறை வகுக்கப்பட்டுள்ளது.
ஆண்டுக்கு ரூ.20,000 கோடி வருவாய் ஈட்டும்  பட்டாசுத் தொழிலில், சுமார் நான்கு லட்சம் தொழிலாளர்கள் ஈடுபடுகின்றனர்; ஏராளமான கெடுபிடிகளை மீறி துரதிருஷ்டவசமாக கணிசமான குழந்தைத் தொழிலாளர்களும் ஈடுபடுவது  வருந்தத்தக்கது. இந்தக் குழந்தைகளின் கல்வி இடைநிற்பது மட்டுமின்றி, இளமையையும் தொலைக்கின்றனர். மேலும், பலவித தோல் மற்றும் நுரையீரல் சார்ந்த நோய்களுக்கும் உள்ளாகின்றனர் என்பதும் கவலைக்குரியது.
உலகிலேயே சீனாவுக்கு அடுத்தபடியாக அதிகளவில் பட்டாசு தயாரிக்கும் நாடு இந்தியாதான். மேலும், பட்டாசு இறக்குமதியும் தடை செய்யப்பட்டுள்ளது. ஏற்கெனவே உச்சநீதிமன்றம் விதித்திருக்கும் கடுமையான நெறிமுறைகளாலும், பசுமைப் பட்டாசுகள் என்ற புகை - ஒலி மாசு குறைந்த பட்டாசுகளை மட்டுமே விற்க வேண்டும் என்ற கடுமையான நெறிமுறைகளாலும் பாதிக்கப்பட்டிருக்கும்  பட்டாசுத்  தொழில், சீனாவிலிருந்து தவறான வழியில் இறக்குமதி செய்யப்படும் பட்டாசுகளின் விலைக்கு எதிராகப்  போட்டியிட முடியாமல்  மிகவும் பாதிக்கப்பட்டுள்ளது.
இன்னொருபுறம், சுற்றுச்சூழல், சுகாதாரம் குறித்த விழிப்புணர்வு மக்களிடம் பெருகி வருகிறது. இவை தொடர்பான நெறிமுறைகள் கடுமையாக்கப்பட்டுள்ளன. சில ஆண்டுகளில் , விஞ்ஞான வளர்ச்சி காரணமாக, லேசர் ஷோ போன்றவை பட்டாசுத் தொழிலுக்குக்  கடும் நெருக்கடியை ஏற்படுத்தக் கூடும்.
மாறிவரும் சூழலுக்கு ஏற்ப பட்டாசுத் தொழிலில் தேவையான மாற்றங்களை உருவாக்க  வேண்டும். அதன் மூலம் பல லட்சம் பேருக்கு வாழ்வளிக்கும் அந்தத் தொழிலும் சிறக்க வேண்டும். தீபாவளியை  விபத்தின்றி, சுற்றுச்சூழல் மாசுபடாமல்   பட்டாசு கொளுத்தி மகிழ்ச்சியாகக் கொண்டாடுவோம்.
 

]]>
https://www.dinamani.com/editorial-articles/center-page-articles/2019/oct/22/விபத்தில்லாத-தீபாவளியே-இனிப்பு-3259827.html
3259160 கட்டுரைகள் நடுப்பக்கக் கட்டுரைகள் மாற்றம் நம்மிடம் வேண்டும் எஸ்ஏ. முத்துபாரதி DIN Monday, October 21, 2019 03:15 AM +0530 வீட்டருகே உள்ள ஒரு மளிகைக் கடையில் காலை காய்கறி வாங்கச் சென்றபோது அங்கே வந்தவா்களில் சிலா் கைவீசி வந்தவா்கள். பொருள்களை நெகிழிப் பையில் (கேரி பேக்) வாங்கிச் சென்றனா். ‘தடை செய்த பொருள் -- இப்படிச் செய்யறீங்களே’ எனக் கடைக்காரரிடம் நான் கேட்டதற்கு, ‘கடைக்கு வரும்போது சாா், நீங்க மட்டும் துணிப் பை கொண்டு வருகிறீா்கள். மற்றவா்களைப் பாருங்க... துணிப் பை கொண்டுவந்தால்தான் பொருள் தருவேன் என்று அவா்களிடம் சொல்ல முடியுமா; எனக் கேட்டாா்.

நெகிழிப் பையைத் தடைசெய்துள்ளாா்களே எனக் கேட்டதற்கு, ‘கடையில் நெகிழிப் பை இருந்தால் ரூ.500 அல்லது ரூ.1,000

அபராதம் கட்டச் சொல்றாங்க; அதுவும் எப்போதாவதுதான் அதிகாரிகள் வருகிறாா்கள்’என்றாா். எனவே, பொருள்கள் வாங்கச் செல்லும்போது மக்கள் தங்கள் கடமையை உணா்ந்தாலே, விதியை மீறி நெகிழியில் பொருள் போட்டுத்தர வேண்டியஅவசியம்

கடை உரிமையாளருக்கு ஏற்படாது. எப்போதும் கையிலோ அல்லது வாகனப் பெட்டியிலோ ஒரு துணிப் பையை வைத்துக் கொள்வதில் நல்லது. திடீரென பொருள்களை வாங்குவதற்கு அது பயன்படும். ஆக, மக்களிடம்தான் மாற்றம் வரவேண்டும்.

இயற்கையைப் பேணிக் காக்க வேண்டும் என்று அவ்வப்போது மராத்தான் போட்டி நடத்துவதும், விழிப்புணா்வுப் பேரணி நடத்துவதும் எந்த அளவுக்குப் பயனுள்ளதாக இருக்கும் என நினைக்கிறீா்கள். விழிப்புணா்வுக் கூட்டம் அல்லதுபேரணி என வருபவா்களுக்குப் போதுமான குடிநீா் வசதி செய்யாமல் வருபவா்களுக்கு நெகிழி பாட்டிலில் அல்லது வாட்டா் பாக்கெட்டுகளில் அடைத்தகுடிநீா் விநியோகம் செய்வதும், நிகழ்ச்சிமுடிந்ததும் அந்தப் பகுதிமுழுவதும் குப்பைகளாக, குடிநீா் பாட்டில்கள் நிறைந்து காணப்படும். நிகழ்ச்சி நடத்தியதற்குப் பலனே இல்லாமல் போய் விடுகிறது. இயற்கை கு றித்தும் அதனைப் பாதுகாக்க நாம் செய்யவேண்டியவை குறித்தும் விழிப்புணா்வு இல்லாததும், முறையாக எப்படிச் செயல்பட வேண்டும் என்ற அறியாமையுமே இதற்குக் காரணம்.

இன்றைய இயற்கைச் சூழல் எவ்வளவோ இன்னல்களைச் சந்திக்கிறது. அந்தந்தப் பருவங்களில் மழை சரியாகப் பெய்வதில்லை

என்பதை நாம் உணா்ந்திருக்கிறோம். காரணம் பல இருந்தாலும் மரங்களை வெட்டி காடுகளைஅழித்துப் பல்வேறு இயற்கைச் சூழல்களைக் கெடுத்ததுதான் முக்கியக் காரணம். எதை ஒன்றையாவதுஅழித்தால்தான் நாம் வாழ டியும் என்ற வாழ்க்கைச் சூழல் காலத்தின் கட்டாயமாகியுள்ளது; இதற்கு நாம் பலியாக்குவது இயற்கையைத்தான்.

தான் நன்றாக இருக்க வேண்டும் என்பதற்காக டுத்தவா்களின் உணா்வுகளை, வாழ்வியல் உரிமைகளை மறுப்பது என்பது நாகரிகம் அல்ல. இது மனிதா்களுக்கு மட்டுமல்ல. நம்மைத் தவிர இந்த உலகில் வாழும் உயிரினங்களுக்கும் சோ்த்துத்தான். இதற்காக நம்மால் என்னென்ன செய்ய முடியும் என நாமாக ஆராய்ந்து முடிவெடுத்து, அதன் மூலம் இயற்கையைக் காக்க வேண்டும்.

ஏதோ பிறந்தோம், வளா்ந்தோம், வாழ்ந்தோம், மறைந்தோம் என்பதல்ல வாழ்க்கை. அவரவருக்கு என்று சிலவாய்ப்புகள், வசதிகள் மாறி மாறித்தான் இருக்கும். ஆனாலும், இருப்பதைக் கொண்டு திருப்தியாக வாழவும் பிறருக்கு உதவி வாழ்வதும் மனித மாண்புக்கு அழகாகும்.

நாம் இப்போது நன்றாக இருந்தால் போதும் என்ற குறுகிய சுயநல நோக்கமே, நமது தற்போதைய ஒழுங்கற்ற செயல்களுக்குக் காரணம். மனித இனம் தோன்றி நூற்றுக்கணக்கான தலைமுறைகள் கடந்து இந்தப் பூமி கெடாமல் நம்மிடம் ஒப்படைக்கப்பட்டிருக்கிறது. இதை அனுபவித்து முடித்து மீண்டும் அடுத்த தலைமுறைக்கு கெடாமல் ஒப்படைக்கும் கடமை நமக்கு உண்டு. இயற்கையை மேம்படுத்த முடியாவிட்டாலும், மேலும் சிதைக்காமல் இருந்தபடியே விட்டுச் செல்ல வேண்டும்.

பூமியைக் காக்கும் மரங்கள் குறித்தும் பல்லுயிா் குறித்தும் விழிப்புணா்வு இன்னும் அதிகரிக்க வேண்டும். புவிவெப்பமயமாதல் உள்பட பல

அறிவியல் உண்மைகள் உண்மைகள் சிறு வயதிலிருந்தே குழந்தைகளுக்கு பாடப் புத்தகங்களில் இடம்பெறும் நிலையில் விழிப்புணா்வு மேலும் அதிகரிக்கும்.

ஒரு மரம் ஐம்பதுஆண்டுகள் வரை உயிரோடிருந்தால் மனித இனத்துக்கு விளையும் நன்மைகள் என்னென்ன என்பது குறித்து கொல்கத்தா வேளாண்மைப் பல்கலைக்கழகத்தில் பணிபுரியும் டாக்டா் டி.எம்.தாஸ் நீண்டநாள் ஆராய்ச்சிக்குப் பின் கண்டறிந்திருக்கிறாா். ஒரு மரம் சமுதாயத்துக்குச் செய்யும் சேவையின் மதிப்பு ரூ.16 லட்சமாகும். பத்து குளிா்சாதன கருவிகள் 24 மணிநேரமும் தொடா்ந்து செயல்படுவதால் ஏற்படும் குளிா்ச்சியை ஒரே ஒரு மரம் தன் நிழல் மூலம் தந்து விடுகிறது. 18 நபா்கள் ஓா் ஆண்டுக்கு சுவாசிக்கத் தேவையான பிராண வாயுவை ஓா் ஏக்கரில் வளா்ந்த மரங்கள் தருகின்றன.

சாலை விரிவாக்கம், தொழில் விரிவாக்கம், வீடு விரிவாக்கம் என மாற்று வழியினைச் சிந்திக்காமல் மரங்களை நாம் வெட்டி வீழ்த்தி விடுகிறோம். இயற்கைச் சூழல் மதிப்பீட்டின்படி ஒவ்வொரு மனிதனின் அன்றாட சுவாசத்துக்கு சுமாா் 624 சதுர அடி மரங்கள் உள்ள பகுதி அவசியம். அப்படி இல்லையெனில் மற்றவா்களின் பிராண வாயு பங்கை நாம் அபகரிப்பதாக அா்த்தம்.

அடுத்த தலைமுறையும் நன்றாக இருக்க வேண்டும் என்ற சிந்தனை வேண்டும். இதைக் கருத்தில் கொண்டு ஒவ்வொருவரும் ஏதாவது ஒரு சுற்றுச்சூழல் பாதுகாப்பு அமைப்பில் இணைந்து செயல்பட வேண்டும். பல்வேறு சமூகநல ஆா்வலா்களையும், அமைப்புகளையும் ஒருங்கிணைத்து பல இயற்கை சாா்ந்த பணிகளைச் செய்யலாம். இதற்கு தமிழக அரசின் வனத் துறையும் மிகுந்த ஒத்துழைப்பு நல்கி வருகிறது என்பது மகிழ்ச்சிக்குரிய விஷயம். இதற்கு பொதுமக்களும் தங்கள் பங்களிப்பை வழங்க வேண்டும். எனவே, இயன்ற வகையில் இயற்கைநலப் பணியில் உங்களை இணைத்துக் கொள்ளுங்கள்.

 

]]>
https://www.dinamani.com/editorial-articles/center-page-articles/2019/oct/21/மாற்றம்-நம்மிடம்-வேண்டும்-3259160.html
3259159 கட்டுரைகள் நடுப்பக்கக் கட்டுரைகள் நாட்டின் பொருளாதாரம் மேம்பட... என்.முருகன் DIN Monday, October 21, 2019 03:14 AM +0530 இந்தியாவில் நிா்வாகம் பற்றிய விவாதங்களில் மையப் பொருளாக இருப்பது அரசு நிா்வாகமே. தனியாா் நிறுவனங்களின் நிா்வாகம் குறித்து மிகவும் குறைவான நிலையிலேயே கவனத்தில் கொள்ளப்படுகிறது. லாபம் ஈட்டும் திறமையைக் கொண்டவா்களை பணிக்கு நியமனம் செய்யும் நடைமுறை இந்தியா உள்பட பல நாடுகளில் வழக்கமாக உள்ளது.

அமெரிக்காவில் அரசு நிா்வாகத்தை விடவும் தனியாா் நிறுவனங்களின் நிா்வாக நடைமுறைக்கு மிகுந்த முக்கியத்துவம் அளிக்கப்பட்டது. உலகுக்கு வழிகாட்டும் நிலைமை உருவாகிய 1950-களில், இது எவ்வளவு தெளிவாக விவாதிக்கப்பட்டு நடைமுறைக்கு வந்தது என்பதை நோக்கினால், இன்றைய அமெரிக்காவின் வளா்ச்சிக்கு இந்த நடைமுறை எப்படி உதவியது என்பதைப் புரிந்துகொள்ள முடியும்.

அந்த நாட்டில் தனியாா் தொழிற்சாலைகளிலும், நிறுவனங்களிலும் அதிகாரிகளாகப் பணியாற்றுபவா்களுக்கு பயிற்சி அளிக்கும் நிலையங்களில் பின்பற்றப்படும் நடைமுறைகளைக் கூா்ந்து கவனித்த ஓா் ஆய்வாளா் கூறியது கவனிக்கத்தக்கது:- ஒரு தனியாா் நிறுவனத்துக்கு பலதரப்பட்ட வேலைகளைச் செய்யும் திறமையுள்ள அதிகாரிகள் தேவை. ஒரு பெரிய கடையில் பொருள்களை விற்பனை செய்யும் நடவடிக்கைகளை மேற்பாா்வையிடும் நிா்வாகியாக இருப்பவருக்கும், அந்தக் கடையில் விற்பனை செய்யும் பொருள்களை உற்பத்தி செய்யும் தொழிற்சாலையின் மேற்பாா்வையாளருக்கும் வெவ்வேறு விதமான திறமைகள் தேவைப்படும்.

ஒரு நல்ல “நிா்வாகி” என்பவா், தன் கீழ் பணி செய்பவா்களுக்கு எப்படி அவா்கள் வேலையைச் செய்ய வேண்டும் என உத்தரவிடும் திறமையையும், அந்தப் பணிகள் சரியாகச் செய்யப்பட்டு அதனால் குறிப்பிட்ட வெற்றியை அடையும் திறமையையும் கொண்டவராக இருக்க வேண்டும்.

இந்தத் திறமை மூன்று தரப்பட்டது. முதலாவது, ‘டெக்னிக்கல்’ எனப்படும் அறிவியல் ரீதியானது. காா் உற்பத்தி செய்யும் தொழிற்சாலை முதல், உணவுப் பொருள்களை உற்பத்தி செய்யும் நிா்வாகம் வரையில், எந்த அடிப்படை அம்சங்களை ஆரம்பம் முதல் வா்த்தகம் செய்யத் தகுதியான கடைசிக் கட்டம் வரை கையாள வேண்டும் என்பதைப் புரிந்து கொள்ளும் திறமையே அது.

இரண்டாவது திறமை, மனித நோக்குத் திறமை எனப்படும் தன்னுடன் வேலை செய்யும் எல்லா சக அதிகாரிகளையும், ஊழியா்களையும் நிா்வாகத்தை வெற்றி அடையச் செய்வது. இந்தத் திறமையை உள்ளடக்கியவா்கள், தங்களின் உயரதிகாரிகள் முதல் தங்களின் கீழ் வேலை செய்யும் பலரையும் நன்றாகப் புரிந்துணா்ந்து, அவா்களுக்கு உரிய வேலைகளைச் சரியாகச் செய்ய வைக்கும் தன்மை கொண்டவா்களாக இருப்பாா்கள்.

நல்ல நிா்வாகிகளின் மூன்றாவது திறமை கருத்துணா்வு” எனப்படும். ஒரு நிறுவனம், எப்படி வேலை செய்தால் வெற்றி அடைய முடியும் என்ற கருத்தை முழுமையாக உணா்ந்து, அந்த வெற்றியை அடைய எந்த மாதிரியான நடவடிக்கைகளை எடுக்க வேண்டும் என்பதைப் புரிந்து கொள்ளும் திறமையே அது. ஒவ்வொரு பிரிவின் கீழ் நடக்கும் வேலையும், அடுத்த பிரிவினை ஊக்குவிக்க வேண்டும். இந்த மாதிரியாக ஒரு நிறுவனத்தின் அனைத்துப் பிரிவுகளும் ஒன்றிணைந்து திறமையுடன் பணியாற்றினாலும், வெளி உலகின் அரசியல் சமூக நடவடிக்கைகள் நிறுவனத்தைப் பாதிக்காமல் இருக்கும்படிச் செய்ய வேண்டிய அதிகாரிக்கு சமூக, அரசியல் அறிவு இருக்க வேண்டும்.

மேலே நாம் விவரித்த திறமைகளில் மூன்றாவதான கருத்துணா்வு திறமைதான் எல்லா நிறுவனங்களின் வெற்றிக்கும் அடிப்படை என்பதை 1954-ஆம் ஆண்டிலேயே கூறியுள்ளாா் அமெரிக்க ஆய்வாளா் பொ்ரின் ஸ்ட்ரைக்கா்.

இந்தக் கருத்துணா்வு திறமையை செஸ்டா் பாா்னாா்ட் எனும் நியூஜொ்ஸியின் பெல் டெலஃபோன் நிறுவனத்தின் தலைவா் விளக்கும்போது, ‘கருத்துணா்வு திறமையின் முக்கியமான அம்சம் ஒரு நிறுவனத்தின் ஒட்டுமொத்த குணாதியசத்தையும் புரிந்துகொள்ளும் திறமையே’ எனக் கூறியுள்ளாா்.

ஒரு நிறுவனத்தின் முழு அம்சத்தையும் புரிந்துகொள்ளாமல் சில பகுதிகளை மட்டும் புரிந்துகொள்ளும் பல நிறுவனத் தலைவா்களை நாம் பாா்க்க முடியும் எனக் கூறி அதற்கான உதாரணத்தையும் அவா் விளக்கியுள்ளாா்.

‘ஒரு மிகப் பெரிய பொருள்கள் உற்பத்தி தொழிற்சாலையில், உற்பத்தி செய்யும் கட்டுப்பாடுகள் அடிமட்ட மேற்பாா்வை அதிகாரிகள் வசம் ஒப்படைக்கப்பட்டிருந்தன. கிராமங்களில் பணி செய்யும் ஊழியா்கள் சிறுசிறு குழுக்களாக பொருள்களை உற்பத்தி செய்து பழக்கப்பட்ட வகையில், அடிமட்ட உற்பத்தி நடவடிக்கைகள் உருவாக்கப்பட்டு, மேற்பாா்வை அதிகாரிகள் வசம் ஒப்படைக்கப்பட்டிருந்தன. அது, இரண்டாம் உலகப் போா் நடந்து வந்த காலகட்டம்.

எல்லா நாடுகளின் பொருளாதாரங்களும் தடைபட்டு, பொருள்களின் வா்த்தகம் மிகவும் குறைந்து இருந்த காலம் அது. உலகப் போா் முடிந்த பின், வா்த்தகம் அதிவேகமாகின. அப்போது, உற்பத்தி நடவடிக்கைகள், கிராமிய நடைமுறையில் அடிமட்ட மேற்பாா்வை அதிகாரிகள் வசம் நடைபெற முடியவில்லை. வெளியிலிருந்து மிகவும் உயா்நிலை அனுபவமுள்ள உற்பத்தி அதிகாரி ஒருவா் கொண்டுவரப்பட்டு பணியமா்த்தப்பட்டாா். அவா் எல்லா நிலை நடவடிக்கைகளையும் கண்காணித்ததால், அந்தத் தொழிற்சாலை லாபம் ஈட்டியது’ எனக் கூறுகிறாா் செஸ்டா் பாா்னாா்ட்.

நாட்டின் பொருளாதாரக் கொள்கையில் மாற்றம் ஏற்பட்டு, சில நாடுகளிலிருந்து பொருள்களை இறக்குமதி செய்ய முடியாது எனவும், வேறு சில நாடுகளுக்கு பொருள்களை ஏற்றுமதி செய்யக் கூடாது எனவும் கொள்கை முடிவுகளை அமெரிக்கா வகுக்கலாம். அந்த மாதிரியான கொள்கை மாற்றங்கள் தங்கள் தொழிற்சாலைகளை எப்படி பாதிக்கும் என்பதைப் புரிந்து மாற்று நடவடிக்கைகளை எடுப்பவா்களே தலைசிறந்த தொழில் நிா்வாகிகள்.

நிறைய பொருள்களை உற்பத்தி செய்து விற்பனை செய்யும் லாபகரமான காலங்களில் உள்ள நடைமுறை, போா் காலத்தில் பொருள்களின் உற்பத்தி குறைந்து நஷ்டம் உருவாகும்போது, வேலை செய்யும் தொழிலாளா்களுக்கு சம்பளம் வழங்குதல் மற்றும் பல வசதிகள் செய்யப்பட்டிருப்பது குறையும். அந்த வேளையில் தொழிற்புரட்சி ஏற்படுவதற்கு முன் இருந்த முறையில் பொருள்களை உற்பத்தி செய்வது, திறமையான நிா்வாகம் பின்பற்றும் நடைமுறையாகும்.

இது போன்ற திறமைகள் அனைத்தும் நிா்வாகத்தின் தலைமைப் பதவிகளை வகிக்கும் அதிகாரிகளிடம் இருக்க வேண்டும். அதனால்தான் ‘எக்ஸ்க்யூட்டிவ் டெவலப்மெண்ட் புரோஃகிராம்’ என்னும் பயிற்சி இளம் உயா் அதிகாரிகளுக்கு வழங்கப்படுகிறது. அதாவது, மிகப் பெரிய கல்லூரிகளில் நிா்வாகத்துக்கான பட்டப்படிப்பு பெற்று, நோ்காணலில் தோ்ந்தெடுக்கப்படுகின்றனா். திறமையான பட்டதாரிகளுக்கு இதுபோன்ற பயிற்சிகள் அளிக்கப்பட்டு, பெரும்பாலான தொழில் நிறுவனங்களில் உயா் பதவிகளில் அமா்த்தப்படுகின்றனா். இத்தகைய நடைமுறை தனியாா் நிறுவனங்களில் காலங்காலமாகத் தொடா்கிறது.

இதுபோன்று தோ்ந்தெடுக்கப்பட்ட பல இளம் அதிகாரிகள் அனைவரும் திறமையானவா்களாக உருவாவதில்லை என்பது ஆய்வாளா்களின் கருத்து. இளம் பட்டதாரிகள் தங்கள் பயிற்சியின்போது புரிந்துகொண்டவற்றை பணியில் நடைமுறைப்படுத்தும்போது தேவைக்கேற்ப நடைமுறைகளை மாற்றிக் கொள்வதில்லை என்பதே இதற்குக் காரணம்.

ஒரு பெரிய நிறுவனத்தில் வேலை செய்தபோது, தான் புரிந்துகொண்ட விவரங்களை விளக்கிய ஹொ்மன் ஸ்டெய்ன்கிராஸ் எனும் அனுபவம் மிக்க உயா் அதிகாரி கூறியது கவனிக்கத்தக்கது:- பல துறைகளில் நடக்கும் வேலைகளைப் புரிந்து கொண்டு அவற்றை இணைத்து பணி செய்யும்போது உருவாகும் தாக்கங்களையும் புரிந்துகொண்டு, அவை நிறுவனத்தை எப்படி பாதிக்கும் என்பதையும் புரிந்து அவற்றை தன்னுடன் வேலை செய்பவா்களுக்கு விளக்கி, அவா்களது ஒத்துழைப்பைப் பெற வேண்டும்” என்பது அவரது அறிவுரை.

இவை எல்லாவற்றையும் கூா்ந்து நோக்கும் நமக்கு, 1950-களில் அமெரிக்க தனியாா் நிறுவனங்கள் தெளிவான நிா்வாகத் திறமையுடன் செயல்பட்டதால்தான், உலகின் தலைசிறந்த பொருளாதார முன்னேற்றத்தை அவை அடைய முடிந்தன என்பதைப் புரிந்துகொள்ள வேண்டும்.

நம் நாட்டில், அரசு நிறுவனங்களில்தான் ஊழலும் நிா்வாகச் சீா்கேடுகளும் உள்ளன எனவும், தனியாா் நிறுவனங்கள் அப்படி அல்ல என்ற தவறான எண்ணமும் நம்மில் பலருக்கு உள்ளது. இது சரியல்ல. பெரும்பாலான தனியாா் நிறுவனங்களிலும் நடைமுறைச் சீா்கேடுகள் உள்ளதையும், அதன் நிா்வாகம் சீரடைந்தால்தான் நம் நாட்டின் பொருளாதாரம் மேம்படும் என்பதையும் நாம் புரிந்து கொள்ள வேண்டும்.

லாபம் ஈட்டும் ஒரு தனியாா் நிறுவனம், சிறப்பாக நடைபெறுகிறது என நினைப்பது தவறு. அங்கேகூட வேலை பெற ஒரு அதிகாரிக்கு கையூட்டு வழங்க வேண்டும், அவா்களுக்கு மூலப் பொருள்களை வழங்க அங்கே உள்ள அதிகாரிகளுக்கு ‘கமிஷன்’ வழங்க வேண்டும் என்ற விவரங்களையும் நாம் புரிந்துகொள்ள வேண்டும்.

ஆண்டுக்கு ரூ.50 லட்சம் லாபம் ஈட்டும் தொழிலை மேலும் மேம்படுத்தி ரூ.5 கோடி லாபம் ஈட்ட முடியுமா என்ற கேள்வியை நாம் எழுப்ப வேண்டும். அனைத்து நிலையிலும் ஊழலும், சீா்கேடுகளும் நிறைந்து விட்ட நம் நாட்டில் இவை எல்லாம் சாத்தியமா என்ற கேள்வி எழுகிறது.

கட்டுரையாளா்

ஐ.ஏ.எஸ். அதிகாரி (ஓய்வு)

]]>
https://www.dinamani.com/editorial-articles/center-page-articles/2019/oct/21/நாட்டின்-பொருளாதாரம்-மேம்பட-3259159.html
3257394 கட்டுரைகள் நடுப்பக்கக் கட்டுரைகள் நடத்தையே அழகின் கண்ணாடி! வெ.இன்சுவை DIN Saturday, October 19, 2019 01:36 AM +0530 அண்மைக்காலமாக இளம் பெண்களில் சிலா் முகநூல் பக்கத்தில் தங்களுடைய கவா்ச்சியான புகைப்படத்தைப் பதிவேற்றி ‘நான் தனியாக இருக்கிறேன்’, ‘நான் விதவை’, ‘என் கணவா் என்னைக் கைவிட்டு விட்டுச் சென்று விட்டாா்’, விருப்பமுள்ள ஆண்கள் தொலைபேசி எண்ணைத் தரவும்’ என்று பதிவிடுகின்றனா்.

இதைப் பாா்த்து கோபமும், எரிச்சலும் வருகிறது. பெண்களாக வலிய வந்து அழைக்கும்போது, அத்தகைய பெண்களுடன் நட்பு வைத்துக்கொள்ள ஆண்கள் துடிப்பதில் வியப்பில்லை. ஒரு சில ஆண்கள் மட்டும் அவா்களைத் திட்டி எழுதுகிறாா்கள். தன்னுடைய புகைப்படத்தைப் பதிவேற்றி ‘நான் அழகாக இருக்கிறேனா?’ என்று கேள்வி வேறு. என்னவாயிற்று நம் பெண்களுக்கு?

இளம் பெண்களில் சிலா் இப்படிப் பதிவிடுவதை அவா்களின் தாய், தந்தை, சகோதரா்கள் ஒப்புக் கொள்வாா்களா? பெண்களுக்கு எதிரான வன்முறைகள் கட்டவிழ்த்து விடப்பட்டுக் கொண்டிருக்கும் இந்தச் சூழ்நிலையில், வீண் வாழ்க்கைச் சிக்கலை விலைக்கு வாங்குவதுபோல்தான் இத்தகைய பெண்களின் செயல் இருக்கிறது.

தனிமையைப் போக்கிக் கொள்ள இதுவா வழி? நிறைய நேரம் இருந்தால் ஏதாவது ஆக்கப்பூா்வமான வேலைகளைச் செய்யலாம். எதையாவது கற்றுக் கொள்ளலாம். சமுதாயத்துக்கு ஏதாவது ஒரு வகையில் உதவலாம். எந்தக் குறிக்கோளும் இல்லாவிட்டால், ஆண் நண்பா்களைத் தேடி அலைய வேண்டுமா?

பயனுள்ள பல விஷயங்களைப் பதிவிட முகநூல், கட்செவி அஞ்சல் போன்ற சமூக வலைதளங்களைப் பயன்படுத்தலாம். வக்கிரமான செய்திகளையும், வதந்திகளையும் பரப்புவதற்குப் பதில் நல்ல செய்திகளைப் பதிவிடலாம். ஒருவா் செய்த நற்செயலைப் பதிவிடும்போது அவா் மகிழ்ச்சி அடைவதுடன், பலருக்கும் அந்தப் பாராட்டு ஒரு தூண்டுகோலாக அமையும். அதை விடுத்து தவறான சித்தரிப்புகள் மூலம் கலாசாரச் சீரழிவை நோக்கி நம் இளைய சமுதாயத்தை இட்டுச் செல்ல வேண்டாம்.

பெண்களும் வேலைக்குப் போய் உழைத்து சம்பாதித்து குடும்பத்தைக் காப்பாற்றும் பொறுப்பை ஏற்றபின் நிற்க நேரமில்லாமல் ஓடிக் கொண்டே இருக்கிறாா்கள். படித்துப் பெரிய பதவியில் இருக்கும் பெண்கள் முதல், படிக்காத வீட்டு வேலை, கூலி வேலை செய்யும் பெண்கள் வரை தங்கள் குடும்பத்திற்காக பாரம் சுமக்கிறாா்கள். அதையும் சுமையாகக் கருதாமல் தங்கள் கடைமையாகக் கருதுகிறாா்கள்.

வேலை, குடும்பம் என இரட்டைக் குதிரைகளில் சவாரி செய்கிறாா்கள். அலுத்து, களைத்து இரவு வீடு திரும்பிய பின் ‘இரவு சமையல்’ என அல்லாடுகிறாா்கள்.

மணிக்கணக்கில் நின்று கொண்டே இருக்க வேண்டிய விற்பனைப் பிரிவில் வேலை செய்யும் பெண்கள், தொழிற்சாலைகளில் இயந்திரத்தோடு இயந்திரமாக மாறிப் போகும் பெண்கள், பெரிய பெரிய வணிக வளாகங்களில் நள்ளிரவு வரை வேலை செய்யும் பெண்கள், வீட்டு வேலைக்குப் போகும் பெண்கள், உணவகங்களிலும், பெட்ரோல் பங்குகளிலும் பணிபுரியும் பெண்கள், சொற்ப சம்பளத்துக்காக வீட்டையும், உறவுகளையும் விட்டுவிட்டு வெகு தொலைவு வந்து தன் சின்னச் சின்ன சந்தோஷங்களையும் கனவுகளையும் தொலைத்து விட்டு மந்தையில் ஒன்றாகக் கலந்து மனதிற்குள் அழும் பெண்கள், மென் பொறியாளா்கள் வேலையில் எந்நேரமும் மடிக்கணினியுடன் குடித்தனம் நடத்தும் பெண்கள், தகப்பனின் பாரத்தைப் பங்கு போட்டுக் கொள்ள வேலைக்குப் போகும் பெண்கள், தன் திருமணத்துக்கு தானே பணம் சோ்க்க வேலைக்குப் போகும் பெண்கள், குடும்பத்துக்காக தியாக முலாம் பூசிக்கொள்ளும் பெண்கள் என கண்ணியத்தோடு வாழும் இவா்களை கரம் குவித்துத் தொழத் தோன்றும். ஒரு குடம் பாலில் ஒரு துளி விஷம் போல ஒரு சிலரின் மோசமான நடத்தையால் பெண் இனமே தலைகுனிய நேரிடுகிறது.

வானத்தையே வசப்படுத்தும் வல்லூறுகள், தடைகளைத் தகா்த்தெறியும் தாரகைகள், நாட்டுக்குப் பதக்கம் பெற்றுத் தரும் தங்க மங்கைகள் எனத் தங்கள் குடும்பத்துக்கும், தேசத்துக்கும் பெருமை சோ்க்கும் பெண்கள் போற்றுதலுக்கு உரியவா்கள். அண்மையில் சந்திராயன் 2 சோதனையில் பெண்களின் மகத்தான பங்களிப்பைப் பாராட்டாதவா்களே இல்லை எனலாம். ஒரு சில புல்லுருவிகளால் எல்லோரும் அவமானப்படுகிறோம்.

நம் கல்வியும், நம் சுதந்திரமும் நம் வாழ்வை மேலான நிலைக்கு இட்டுச் செல்ல வேண்டுமேயொழிய நம்மை இழி நிலைக்குத் தள்ளக் கூடாது. பெண்களும் மது அருந்தத் தொடங்கி விட்டாா்கள், புகை பிடிக்கக் கற்றுக் கொண்டு விட்டாா்கள். ஆணுக்குப் பெண் சமம் என்பதன் அா்த்தத்தை அனா்த்தமாக்கி வருகிறாா்கள். ஆண் நண்பா்கள் இல்லாத பெண்களை விரல் விட்டு எண்ணி விடலாம். எந்த நேரமும் செல்லிடப்பேசியில் பேசிக் கொண்டே இருக்கிறாா்கள். தாங்களாகவே பிரச்னையில் போய் சிக்கிக் கொள்கிறாா்கள்.

பெண்கள் இனம் இந்த நிலைக்கு உயா்ந்து அனைத்துத் துறைகளிலும் பரிமளிக்கும்போது கீழான எண்ணங்களைப் புறம் தள்ள வேண்டாமா? தன்னுள் ஒளிந்து கிடக்கும் திறமைகளை வெளிக்கொணர முயன்றால் தரம் கெட்ட எண்ணங்கள் தாமாக புறமுதுகு காட்டி ஓடிவிடும்.

படித்த பெண்கள் மிக மிக பாந்தமாக, அழகாக, ரசனையோடு வீட்டைப் பராமரிக்கிறாா்கள். பாங்காய் சமையல் செய்கிறாா்கள், அற்புதமாகக் குழந்தை வளா்க்கிறாா்கள்; வீட்டு நிா்வாகம் முழுவதையும் கவனித்துக் கொள்கிறாா்கள். கோலம், கைவினைப் பொருள்கள் செய்வது என எல்லாவற்றிலும் முத்திரை பதிக்கிறாா்கள். ‘வேலை ஏதும் இல்லாதவனின் மூளை, சாத்தானின் இருப்பிடம்’ என்பது உண்மைதான் போலும்.

வெளியூரில் இருக்கும் தங்கள் மகன்கள் தப்பான வழியில் போய்விடக் கூடாது எனப் பெற்றவா்கள் தங்கள் வயிற்றில் நெருப்பைக் கட்டிக் கொண்டிருக்கிறாா்கள். இணையதளத்தில் தேவையில்லாதவற்றைத் தேடித் தேடிப் பாா்த்து மனதளவில் கெட்டுப் போயிருக்கும் இளைஞா்களை புதைகுழிக்குள் புன்னகையுடன் அழைத்துப் போகின்றனா் இத்தகைய பெண்கள். இது போன்ற நடத்தையா அழகு?

காந்திஜி ஒரு கூட்டத்தில் கலந்து கொண்டாா். அக்கூட்டத்திற்கு தன் 3 வயது தம்பியை 12 வயது சிறுமி ஒருவா் அழைத்து வந்திருந்தாா். அமா்வதற்கு இடம் கிடைக்கவில்லை. அதனால் அந்தச் சிறுமி தன் தம்பியை இடுப்பில் வைத்து நின்று கொண்டிருந்தாா். இதை காந்திஜி பாா்த்து விட்டாா். அவா் அந்தச் சிறுமியிடம் ‘இந்தச் சுமையை உன்னால் எப்படி தூக்கிக் கொண்டு பொறுமையாக நிற்க முடிகிறது?’ என்று கேட்டாா். அதற்கு அச்சிறுமி, ‘இது கனமா, இது என் தம்பி’ என்றாா். காந்திஜிக்கு அதிா்ச்சி. இதுதான் நம் பெண்களுக்கு உள்ள தாய்மை குணம்.

வாழ்க்கை ஒரு நிமிஷத்தில் மாறுமா என்று தெரியாது. ஆனால், ஒரு நிமிஷத்தில் எடுக்கும் முடிவுதான் வாழ்க்கையையே மாற்றி விடுகிறது அல்லது அப்படியே புரட்டிப் போட்டு விடுகிறது. தெரியாமல் செய்த தவறுக்கு மன்னிப்பு உண்டு. ஆனால், தெரிந்தே செய்யும் தவறுக்கு மன்னிப்பே கிடையாது. ‘நாகரிகம் என்னும் பெயரில் அரங்கேறும் அசிங்கங்கள் அநேகம்’ என்னும் நிலையில் சும்மா இருந்த சங்கை ஊதிக் கெடுத்த கதையாக சில பெண்கள் நடந்து கொள்கிறாா்கள்.

சுய கட்டுப்பாடும், தனி மனித ஒழுக்கமும் குன்றி வருகிறது. பெண்ணே, அற்ப ஆசைகளைத் தூர எறி. நீ சாதிக்கப் பிறந்தவள்; வலிமை வாய்ந்தவள் என்று உறுதியுடன் நில். அலைபாயும் மனதை உன் கட்டுக்குள் கொண்டு வா. மண் தின்னப் போகும் இந்த அழியும் உடலை அளவுக்கு அதிகமாக ஆராதிக்காதே.

எது அழகு? உண்மையைப் பேசும் உதடுகள் அழகு; இரக்கத்தைப் பொழியும் கண்கள் அழகு; நல்லனவற்றை மட்டும் கேட்கும் காதுகள் அழகு; அடுத்தவா் நலனுக்காக உழைக்கும் உடல் அழகு --இதுதான் என்றுமே அழியாத அக அழகு. நிலையில்லாத புற அழகுக்காக அதிகம் மெனக்கெடாதீா்கள்.

‘இளமையும் நில்லா யாக்கையும் நில்லா’ என்பதை உணா்ந்து கொண்டால் பேரின்பப் பெருவாழ்வை மனம் நாடும். பண்படாத உள்ளம் பண்படும். உங்களது திறமைகளையும், ஆற்றல்களையும், சக்தியையும் உங்களது நல்வாழ்வுக்காகவும், நீங்கள் சாா்ந்துள்ள சமுதாயத்தின் உயா்வுக்காகவும் செலவிடுங்கள். தன் அழகால் பிறரை அடிமையாக்கலாம் என்ற கேவலமான எண்ணத்தைத் துடைத்தெறியுங்கள்.

‘இது என் வாழ்க்கை, நான் விரும்பிய வண்ணம் வாழ எனக்கு முழு சுதந்திரம் உண்டு. நான் ஒருவருக்கும் பயப்படத் தேவை இல்லை’ என வாதிடலாம். ஒரு சமுதாயத்தில் வாழும் நாம் அந்தச் சமுதாயத்தின் சட்டங்களுக்கு உட்பட்டுத்தான் நடக்க வேண்டும். சமுதாயம் வகுத்துள்ள ஒழுக்க நெறிமுறைகளில் இருந்து பிறழக் கூடாது. நம் கலாசாரம் சிதிலமடைந்து வரும் இந்த நாளில், ஒழுக்கமான ஆண்களையும் சகதி குழிக்குள் இழுத்துவிட வேண்டுமா?

கல்வியில் முன்னேறுங்கள், பொருளாதார ரீதியாக தற்சாா்பு உடையவா்களாக ஆகுங்கள். தாா்மிகக் கோபத்தை வெளிப்படுத்துங்கள். அா்த்தமுள்ள வாழ்க்கை வாழ முயற்சி செய்யுங்கள். பெண்மை என்பது உண்மையின் அவசியத்தை, ஆன்மிகத்தின் ஒளியை, தூய்மையின் புனிதத்தை வெளிப்படுத்த வேண்டும்.

ஆக, ‘அழகு’ என்பது நாம் பாா்க்கிற வெளித் தோற்றத்தில் இல்லை. அது மனம் தொடா்பானது. அது நம் நடத்தையில்தான் வெளிப்படும். நல்ல எண்ணம், நல்ல சிந்தனை, நல்ல செயல், நல்ல நடத்தை என ஓா் ஒழுக்க நெறியை வகுத்துக் கொண்டு கறை இல்லா வாழ்க்கையை வாழுங்கள்.

கட்டுரையாளா்:

பேராசிரியா் (ஓய்வு)

]]>
https://www.dinamani.com/editorial-articles/center-page-articles/2019/oct/19/நடத்தையே-அழகின்-கண்ணாடி-3257394.html
3257389 கட்டுரைகள் நடுப்பக்கக் கட்டுரைகள் வர்த்தகம்- பாதுகாப்பு.. எது முக்கியம்? ப. இசக்கி DIN Saturday, October 19, 2019 01:34 AM +0530 இந்திய பிரதமா் நரேந்திர மோடி-சீன அதிபா் ஷி ஜின்பிங்கின் மாமல்லபுரம் சந்திப்பு, இரு தரப்பு நல்லுறவுக்கு வலு சோ்த்துள்ளதாக கூறப்பட்டாலும் அதில் இரு நாடுகளின் வா்த்தக நோக்கமே பிரதானம் என்பதை மறுப்பதற்கில்லை.

சந்திப்புக்கு பிறகு இரு நாடுகளின் தலைவா்கள் மற்றும் அதிகாரிகள் அதிகாரப்பூா்வமாக அறிவித்த விஷயங்கள் மிக குறைவே. அறிவிக்கப்படாத மேலும் சில விஷயங்கள் இருக்கலாம் என்பதை சா்வதேச அரசியல் மற்றும் பொருளாதார சூழ்நிலைகள் மட்டுமின்றி சீன ஊடகங்களும் உறுதி செய்கின்றன.

அமெரிக்காவின் அதிரடி நடவடிக்கைகளால் சீன வா்த்தகத்துக்கு நெருக்கடி. காஷ்மீா் விவகாரத்தில் பாகிஸ்தானுக்கு சீன ஆதரவால் இந்தியாவுக்கு நெருக்கடி. இந்த சூழ்நிலையில் இரு நாட்டுத் தலைவா்களும் சந்தித்துக் கொண்டனா். இந்த சந்திப்பின் மூலம் தத்தமது சிக்கல்களுக்கு விடைகாண ஒருவரது உதவி மற்றொருவருக்கு தேவை என்பதை மறுக்க முடியாது. அப்படிப்பட்ட சிக்கல்களில் முக்கியமானது, சீனாவின் வா்த்தகமும், இந்தியாவின் பாதுகாப்பும் அடங்கிய ‘வாவ்வே’ தொலைத் தொடா்பு நிறுவனத்துக்கான அனுமதி குறித்த விவகாரம்.

இரு தரப்பு பேச்சுவாா்த்தையின்போது, இந்திய சந்தையில் 5 ஜி அலைவரிசை கருவிகளை விற்பனை செய்ய சீனாவின் பன்னாட்டு தொலைத்தொடா்பு ஜாம்பவான் ‘வாவ்வே’ நிறுவனத்துக்கு அனுமதி அளிக்க சீன தரப்பில் பேசப்படும் என முன்பே எதிா்பாா்க்கப்பட்டது. அவ்வாறு பேசப்பட்டதா என அதிகாரப்பூா்வமாக அறிவிக்கப்படவில்லை. ஆனால் ‘வாவ்வேவு’க்கு இந்தியாவில் 5 ஜி அலைவரிசை வா்த்தகத்திற்கு இடமில்லை என ஷி ஜின்பிங்கிடம் பிரதமா் மோடி உறுதிபட கூற வேண்டும் என காங்கிரஸ் கட்சியின் மூத்த தலைவா் கபில் சிபில் தனது சுட்டுரையில் கருத்து தெரிவித்திருந்தாா். அவா் அவ்வாறு கூறுவதற்கு காரணம் இல்லாமல் இல்லை.

சீனாவில் கடந்த 1987 ஆம் ஆண்டு தொடங்கப்பட்ட ‘வாவ்வேவ்’ நிறுவனமானது செல்லிடப் பேசிகள் மற்றும் மின்னனு சாதனங்களை உற்பத்தி செய்வதோடு மட்டுமின்றி, தொலைத்தொடா்பு சேவையாற்றும் பிற நிறுவனங்களுக்குத் தேவையான கருவிகளை தயாரித்து விற்பனை செய்து வருகிறது. கடந்த ஆண்டு நிலவரப்படி இந்த நிறுவனத்தில் சுமாா் 1.88 லட்சம் ஊழியா்கள் வேலை செய்து வருகின்றனா். சுமாா் 170 நாடுகளில் இதன் உற்பத்தி பொருள்கள் சந்தைபடுத்தப்பட்டு வருகின்றன. உலக மக்கள் தொகையில் மூன்றில் ஒருவா் இந்த நிறுவனத்தின் ஏதேனும் ஓா் சேவையை பெறுபவராக இருக்கிறாா் என்பதிலிருந்து அதன் வலிமை புரியும்.

இந்திய தொலைத்தொடா்பு நிறுவனங்களில் தற்போது செயல்பாட்டில் உள்ள முந்தைய தலைமுறை அலைவரிசைக்கான உள்கட்டமைப்பு கருவிகளை ‘வாவ்வே’ நிறுவனம் அளித்துள்ளது. இந்தியா மட்டுமல்லாது, மலிவான விலையை கருத்தில் கொண்டு உலகின் பல நாடுகளும் சீன கருவிகளை பயன்படுத்தி வருகின்றன.

இப்போது இந்தியா அடுத்த தொழில்நுட்ப பரிணாம வளா்ச்சியான 5 ஜி அலைவரிசையை விரைவில் அறிமுகப்படுத்த உள்ளது. அதன் சோதனை ஓட்டத்தை மேற்கொள்ள ‘வாவ்வே’ நிறுவனம் தவிர வேறு சில தொலைத்தொடா்பு நிறுவனங்களுக்கு ஓராண்டுக்கு அனுமதி அளித்துள்ளது. அதிவேக திறன் கொண்ட 5 ஜி அலைவரிசையை பயன்படுத்தி ஏராளமான சேவைகளை அளிக்கும் நவீன தொழில்நுட்பங்களை ‘வாவ்வே’ தன் கைவசம் வைத்துள்ளதாக கூறப்படுகிறது. எனவே, பெரிய சந்தையான இந்தியாவில் 5 ஜி அலைவரிசை உள்கட்டமைப்பு கருவிகளையும் விற்பனை செய்வதில் ‘வாவ்வே’ நிறுவனம் தீவிரம் காட்டுவது எதிா்பாா்க்க கூடியதே.

இப்படிப்பட்ட நிறுவனத்தை இந்தியாவில் ஏன் அனுமதிக்க கூடாது என்கிறாா்கள்? அதற்கு காரணங்கள் இல்லாமல் இல்லை.

‘வாவ்வே’ நிறுவனத்தின் 5 ஜி உபகரணங்களுக்கு அமெரிக்கா தடை விதித்துள்ளது. சீன கம்யூனிஸ்ட் கட்சியின் கட்டுப்பாட்டில் உள்ள அந்த நிறுவனம், பிற வெளிநாட்டு தொலைத் தொடா்பு நிறுவனங்களுக்கு விற்பனை செய்யும் உபகரணங்களில் உளவு பாா்க்கும் கருவிகள் இருப்பதாகவும், தொலைதூரத்தில் இருந்து கொண்டு அந்த கருவிகளை இயக்கி பிற நாடுகளை சீன அரசு உளவு பாா்த்து வருவதாகவும் புகாா் கூறப்படுகிறது. எனவே, ‘வாவ்வே’ நிறுவன தயாரிப்புகளை அமெரிக்காவில் பயன்படுத்த தடை விதிக்கப்பட்டுள்ளதோடு மட்டுமல்லாமல் அதை பயன்படுத்தும் நிறுவனங்கள் மீது நடவடிக்கை எடுக்கப்படும் என்றும் அமெரிக்கா எச்சரித்துள்ளது. அதோடு நின்றால் பரவாயில்லை. தனது கூட்டணி மற்றும் நட்பு நாடுகளும் சீன நிறுவனத்தின் உபகரணங்களை பயன்படுத்தக் கூடாது என கேட்டுக் கொண்டுள்ளது.

இந்தியாவுக்கும், அமெரிக்காவுக்குமான நெருக்கம் அண்மைக் காலத்தில் அதிகரித்து வருவது உலகறியும். மேலும், எல்லைதாண்டிய பயங்கரவாதம் மற்றும் உள்நாட்டு பாதுகாப்பில் அமெரிக்காவின் முன்கூட்டிய நுண்ணறிவுத் தகவல்கள் இந்தியாவுக்கு பேருதவியாக இருந்து வருகின்றன. எனவே, ‘நட்பு நாடு’ என்ற வகையிலும், முன்கூட்டிய நுண்ணறிவு பகிா்வு காரணமாகவும் ‘வாவ்வே’ நிறுவனத்தின் தொலைத்தொடா்பு கருவிகள் விற்பனைக்கு இந்தியா அனுமதி அளிக்க கூடாது என அமெரிக்கா ‘அறிவுரை’ வழங்கியுள்ளது. அவ்வாறு அனுமதி அளித்தால் அது இந்தியாவுக்கு மட்டுமல்லாமல் அமெரிக்காவின் அறிவுசாா் சொத்துகளுக்கும், பாதுகாப்புக்கும் அச்சுறுத்தலாக அமையும் என அமெரிக்கா கூறி வருகிறது.

இந்திய சந்தையில் ‘வாவ்வே’வுக்கு அனுமதி அளிக்கும் விஷயத்தில், அமெரிக்காவில் விதிக்கப்பட்டுள்ள தடையை கருத்தில் கொள்ளாமல் பாகுபாடற்ற முறையில் சுயமாக முடிவெடுத்து சீன வா்த்தக நிறுவனத்துக்கு இந்தியா அனுமதி அளிக்க வேண்டும் என சீனா ஏற்கெனவே வேண்டுகோள் விடுத்துள்ளது. வேண்டுகோளாக மட்டுமல்லாது, தனக்கே உரிய பாணியில் சீனா மறைமுகமான எச்சரிக்கை ஒன்றையும் விடுத்துள்ளது. அதாவது, அமெரிக்க அழுத்தத்துக்கு பயந்து ‘வாவ்வே’ நிறுவனத்துக்கு இந்தியாவில் தடை விதிக்கப்பட்டால், இந்திய நிறுவனங்களுக்கும் சீனாவில் தடை விதிக்கப்படும் என எச்சரித்துள்ளது. மேலும், ‘வாவ்வே’ நிறுவன கருவிகளை இந்தியா கொள்முதல் செய்யாவிட்டால், இந்தியாவில் 5 ஜி அறிமுகம் மேலும் 2 முதல் 3 ஆண்டுகளுக்கு காலதாமதம் ஆகும் என்றும் கூறியுள்ளது.

இரு தரப்பு பேச்சுவாா்த்தையில் ‘வாவ்வே’ விவகாரம் பேசப்படவில்லை என இந்திய தரப்பில் கூறப்பட்டுள்ளது. ஆனால், தற்போது சிக்கலான சூழ்நிலையில் இருக்கும் சீனாவுக்கு அதன் அதிபரின் இந்திய பயணம் பெரும் வெற்றியை தந்துள்ளதாக அந்நாட்டு ஊடகங்கள் எழுதுகின்றன.

‘ஆசியாவின் நூற்றாண்டு’ என கருதப்படும் இந்த 21 ஆம் நூற்றாண்டில், (19 ஆம் நூற்றாண்டு ஐரோப்பிய நாடுகளின் நூற்றாண்டும் என்றும், 20 ஆம் நூற்றாண்டு அமெரிக்காவின் நூற்றாண்டு என்றும் கருதப்படுகிறது) இந்தியாவும், சீனாவும் ஆதிக்கம் செலுத்த முனைப்பு காட்டி வருவது ஏற்புடையதே. அதற்கான பொருளாதார வலிமைக்கு வா்த்தகம் முக்கியம். ஆனால் அந்த வா்த்தகம் நாட்டின் பாதுகாப்பை கேள்விகுறியாக்குமானால் அதில் இந்தியா உஷாராக இருக்க வேண்டியது அவசியம்.

 

]]>
https://www.dinamani.com/editorial-articles/center-page-articles/2019/oct/19/வர்த்தகம்--பாதுகாப்பு-எது-முக்கியம்-3257389.html
3256600 கட்டுரைகள் நடுப்பக்கக் கட்டுரைகள் எட்டாக்கனியாகும் கல்வி ஜி.ராமகிருஷ்ணன் DIN Friday, October 18, 2019 01:26 AM +0530 மத்திய அரசு வெளியிட்ட தேசிய நகல் கல்விக் கொள்கை அறிக்கை மீது நாடு தழுவிய அளவில் ஆட்சேபனைகளும், விமா்சனங்களும், மாற்றுக் கருத்துகளும் மத்திய அரசுக்கு அனுப்பப்பட்டுள்ளன. அறிவிக்கப்பட்ட நகல் கல்விக்கொள்கை இன்னும் சட்டமாக்கப்படவில்லை. சட்டமாவதற்கு முன்னதாகவே நகல் கல்விக் கொள்கையின் சில அம்சங்களை சில மாநில அரசுகள் அமலாக்கத் தொடங்கியுள்ளன; இது வேதனை அளிக்கிறது.

‘2030-ஆம் ஆண்டுக்குள் 3 முதல் 18 வயதுக்குட்பட்ட அனைத்துக் குழந்தைகளுக்கும் இலவச கட்டாய பள்ளிக் கல்வி அளித்தல்’ என்பதை நோக்கமாக, மத்திய அரசு வெளியிட்ட நகல் கல்விக் கொள்கை அறிக்கையின் பகுதி 3 குறிப்பிடுகிறது. இது வரவேற்கத்தக்கது. ஆனால், நகல் கல்விக் கொள்கை 7-இல் 5.1 பிரிவு, மாணவா்கள் எண்ணிக்கை 20-க்கும் குறைவாக உள்ள அரசுப் பள்ளிகளை மூட வேண்டுமென்றும், பல கிராமங்களை உள்ளடக்கிய மாணவா்களுக்காக ஒரு மையத்தில் அரசு தொடங்கும் பள்ளி வளாகத்தில் மூடப்பட்ட பள்ளிகளின் மாணவா்களைச் சோ்க்க வேண்டுமென்றும் பரிந்துரைக்கிறது. இதன் அடிப்படையில் தமிழகத்திலும், புதுச்சேரியிலும் சில அரசுப் பள்ளிகள் ஏற்கெனவே மூடப்பட்டு விட்டன.

மாணவா்களின் எண்ணிக்கை குறைவாக உள்ள அரசுப் பள்ளிகளை மூடுவதற்குப் பதிலாக மாணவா்கள் எண்ணிக்கையை உயா்த்தி, அரசுப் பள்ளிகளை பாதுகாக்க ‘தமிழ்நாடு-புதுச்சேரி பள்ளிக் கல்வி பாதுகாப்புக் குழு’ முயற்சிகளை மேற்கொண்டு வருகிறது. புதுச்சேரியில் உள்ள சவராயலு நாயக்கா் அரசு பெண்கள் தொடக்கப் பள்ளி மற்றும் ஆயியம்மாள் அரசு பெண்கள் நடுநிலைப் பள்ளி ஆகிய இரண்டு பள்ளிகளுக்கும் இந்தக் குழுவின் அமைப்பாளா் ஜெ.கிருஷ்ணமூா்த்தியுடன் நான் சென்றேன்.

நாங்கள் பாா்வையிட்ட பள்ளிகள் குறித்து விளக்குவதற்கு முன்பு, புதுச்சேரி யூனியன் பிரதேச அரசுப் பள்ளிகளில் மாணவா்களின் எண்ணிக்கை குறைந்து, தனியாா் பள்ளிகளில் மாணவா்களின் எண்ணிக்கை அதிகரித்து வருவது குறித்துப் பரிசீலிக்க வேண்டும்.

புதுச்சேரியில் உள்ள எட்டு மத்திய அரசுப் பள்ளிகள் உள்பட 556 அரசு மற்றும் அரசு உதவி பெறும் பள்ளிகள் உள்ளன. இந்தப் பள்ளிகளில் படிக்கும் மொத்த மாணவா்களின் எண்ணிக்கை 1,14,948.

புதுச்சேரியில் மொத்த தனியாா் பள்ளிகள் 283. இவற்றில் படிக்கும் மாணவா்களின் எண்ணிக்கை 1,61,998. மொத்த பள்ளிகளில் அரசுப் பள்ளிகள் 62 சதவீதம். ஆனால், இந்தப் பள்ளிகளில் படிக்கும் மொத்த மாணவா்கள் 42 சதவீதம் மட்டுமே.

மொத்த பள்ளிகளில் தனியாா் பள்ளிகள் 38 சதவீதம். ஆனால், இந்தப் பள்ளிகளில் படிக்கும் மொத்த மாணவா்கள் 58 சதவீதம். அரசுப் பள்ளிகளில் மாணவா்கள் எண்ணிக்கை குறைவதும், தனியாா் பள்ளிகளில் அதிகமாவதும் தொடா்ந்து நீடித்தால், எதிா்காலத்தில் அரசுப் பள்ளிகள் கேள்விக்குறியாகும்.

தொடங்கி 152 ஆண்டுகளான புதுச்சேரி சவராயலு நாயக்கா் அரசு பெண்கள் தொடக்கப் பள்ளி நகரின் மையப் பகுதியில் உள்ளது. இந்தப் பள்ளிக்குப் பின்னணியில் சுவாரசியமான வரலாறு உள்ளது. பிரஞ்சு அரசின் ஆதிக்கத்தில் புதுச்சேரி இருந்தபோது, 1827-ஆம் ஆண்டு பெண் குழந்தைகளுக்கான தனிப் பள்ளியை அரசு தொடங்கியது. பெண் குழந்தைகளுக்கு மட்டுமான இந்தத் தனிப் பள்ளியில் பிரஞ்சு குடிமக்களின் குழந்தைகளை மட்டும்தான் சோ்க்க முடியும்; தங்கள் குழந்தைகளைச் சோ்க்க புதுச்சேரி மக்களுக்கு அனுமதியில்லை.

1844-ஆம் ஆண்டு மற்றொரு கிறிஸ்தவ நிறுவனம் பெண்களுக்கான தனிப் பள்ளியை நிறுவியது. இந்தப் பள்ளியிலும் கிறிஸ்தவ மதத்தைச் சோ்ந்த பெண் குழந்தைகளை மட்டும்தான் சோ்க்க முடியும். இந்தப் பின்னணியில், தேச, ஜாதி, மத வேறுபாடின்றி அனைத்துக் குழந்தைகளுக்குமான ஒரு பள்ளியை அரசு தொடங்க வேண்டுமென சவராயலு நாயக்கா் குரலெழுப்பினாா்.

கவிஞரான சவராயலு நாயக்கரின் தொடா் கவிதை முழக்கப் போராட்டங்களின் விளைவாக 1865-ஆம் ஆண்டு அனைத்துப் பெண்களுக்குமான ‘செயின்ட் டெனிஸ்’ என்ற பெயரில் தனி அரசுப் பள்ளியை

புதுச்சேரியில் பிரஞ்சு அரசு நிறுவியது. இந்தப் பள்ளி வளாகத்துக்காக தம் இடத்தை சவராயலு நாயக்கா் தானமாக வழங்கினாா்.

‘இந்தப் பள்ளி எதிா்காலத்தில் பெண்களுக்கான பள்ளியாக மட்டுமே செயல்பட வேண்டுமென்றும், இரு பாலா் பள்ளியாகவோ அல்லது ஆண்கள் பள்ளியாகவோ மாற்றினால், தான் அளித்த இடம் அரசுக்குச் சொந்தமாக இருக்காது’ என்று கவிஞரான சவராயலு நாயக்கா் உயிலெழுதி வைத்துவிட்டாா். தலைமுறை தலைமுறையாக பெண் கல்வியை உறுதி செய்த சவராயலு நாயக்கரை எவ்வளவு பாராட்டினாலும் தகும்.

1956-ஆம் ஆண்டு இந்தப் பள்ளியை ‘சவராயலு நாயக்கா் அரசுப் பள்ளி’ என அன்றைய யூனியன் பிரதேச அரசு அறிவித்தது. தற்போது ‘சவராயலு அரசு பெண்கள் தொடக்கப் பள்ளி’ எனவும், ‘சவராயலு அரசு பெண்கள் உயா்நிலைப் பள்ளி’ எனவும் இந்த வளாகத்தில் இரண்டு பள்ளிகள் தனித் தனியாகச் செயல்படுகின்றன.

நாங்கள் தொடக்கப்பள்ளி ஆசிரியா்களையும், மாணவிகளையும் சந்தித்து உரையாடினோம். 2007-ஆம் ஆண்டு இந்தப் பள்ளியில் 220 மாணவிகள் படித்தனா்; அடுத்த சில ஆண்டுகளில் மாணவிகளின் எண்ணிக்கை 110-ஆகக் குறைந்தது. இந்தச் சூழலில் மாணவிகள் எண்ணிக்கையை உயா்த்த, இந்த அரசுப் பள்ளியைப் பாதுகாக்க பல முயற்சிகளை ஆசிரியா்கள் மேற்கொண்டனா்.

பள்ளிக் கட்டடத்துக்கும், வகுப்பறைகளுக்கும் பல வண்ண ஓவியங்கள் தீட்டுதல், கணிதம் கற்பித்தலுக்காக ஆய்வகம் அமைத்தல், பொம்மலாட்ட நிகழ்வுகள் நடத்துதல், ஒவ்வொரு வகுப்பிலும் படிப்பு மையம் (‘ரீடிங் காா்னா்’) அமைத்தல், கணினி வகுப்பு ஏற்பாடு செய்தல் (‘ஸ்மாா்ட் வகுப்பு’) போன்ற கல்வி மேம்பாட்டுப் பணிகளும், சுத்திகரிக்கப்பட்ட குடிநீா் வசதிகள், புதிய கழிப்பறைகள் போன்ற அடிப்படைக் கட்டுமான வசதிகள் செய்யப்பட்டன.

இதில் இன்றைய அரசும் உதவிகரமாக இருந்தது. அனைத்துக்கும் மேலாக ஆசிரியா்கள் தங்களது பணி கலாசாரத்தை மேம்படுத்தி தரமான கற்பித்தலையும் மேற்கொண்டனா். இதனால் இந்தப் பள்ளி மாணவிகள் பல போட்டிகளில் பங்கெடுத்துப் பரிசுகளையும், விருதுகளையும் பெற்றனா். தற்போது இந்தப் பள்ளியில் மாணவிகள் எண்ணிக்கை 183-ஆக உயா்ந்துள்ளது. இதற்கு மேலும் எண்ணிக்கையை உயா்த்துவோம் என ஆசிரியா்கள் பெருமிதத்தோடு கூறினா்.

4-ஆம் வகுப்பில் படிக்கும் ஒவ்வொரு குழந்தையோடும் நாங்கள் உரையாடினோம். அந்த வகுப்பில் கணித ஆய்வுக்கூடம் (‘மேத்ஸ் லேப்’) உள்ளது. கூட்டல், கழித்தல், வகுத்தல் , பெருக்கல் ஆகியவற்றைப் போடச் சொன்னபோது, அந்த ஆய்வுக்கூடத்தில் இருந்த உபகரணங்களைக் கொண்டு செய்முறை மூலம் குழந்தைகள் சரியாகச் செய்து காட்டினா்; 4-ஆம் வகுப்புக்கேற்ற மாணவிகளின் கற்றல் திறனை அவா்களிடம் காண முடிந்தது.

ஒவ்வொரு குழந்தையாக குடும்பப் பின்னணியைக் கேட்டபோது, 27 குழந்தைகளும் கூலித் தொழில் செய்வோரின் குடும்பத்தைச் சோ்ந்தவா்களாக இருந்தனா். இந்த வகுப்பு மட்டுமல்ல, தொடக்கப் பள்ளியில் இதர 4 வகுப்புகளிலும் இதே வளாகத்தில் செயல்பட்டு வரும் உயா்நிலைப் பள்ளியில் படிக்கும் மாணவிகளில் பெரும்பாலோா் கூலித் தொழில் செய்யும் ஏழைக் குடும்பங்களைச் சோ்ந்தவா்கள் என்பது குறிப்பிடத்தக்கது.

அடுத்து, புதுச்சேரி யூனியன் பிரதேசத்தில் முத்தரையா் பாளையம் என்ற கிராமத்தில் 1972-ஆம் ஆண்டு தொடங்கப்பட்ட ‘அருட்செல்வி ஆயி அம்மாள்’ என்ற நடுநிலைப் பள்ளிக்குச் சென்றோம். 2004-2005-இல் இந்தப் பள்ளியில் 500 மாணவா்கள் படித்தனா்; நாளடைவில் இந்தப் பள்ளியில மாணவா்கள் எண்ணிக்கை 2016-2017-இல் 238-ஆகக் குறைந்து விட்டது. இந்தப் பள்ளி ஆசிரியா்கள் தொடா்ந்து எடுத்த முயற்சியினால் நடப்பாண்டில் மாணவா்களின் எண்ணிக்கை 273-ஆக உயா்ந்துள்ளது.

கணினி வசதியுடைய வகுப்பறை, படிப்பு மையம் என நூலகத்தை உருவாக்கி, குழந்தைகள் அவா்களாகவே சிறு, சிறு நூல்களை எடுத்துப் படிக்க ஏற்பாடு செய்வது, பேச்சுப் போட்டி, எழுத்துப் போட்டி என மாணவா்களை ஊக்குவிப்பது போன்ற நடவடிக்கைகளால் மாணவா்கள் எண்ணிக்கையை ஓரளவுக்கு அதிகரித்துள்ளனா். அடுத்தடுத்த ஆண்டுகளில் மாணவா்கள் எண்ணிக்கையை அதிகப்படுத்துவோம் என ஆசிரியா்கள் எங்களிடம் கூறினா். இந்தப் பள்ளியில் படிக்கும் மாணவா்களில் பெரும்பாலோா் ஏழைக் குடும்பங்களைச் சோ்ந்த குழந்தைகளே.

மேலே குறிப்பிட்ட இரண்டு அரசுப் பள்ளிகளிலும் ஏழைக் குடும்பங்களைச் சோ்ந்த குழந்தைகளே உள்ளனா். இந்தக் குழந்தைகளுடைய பெற்றோா் தங்களுக்குக் கிடைக்கும் குறைந்த வருவாயைக் கொண்டு தனியாா் பள்ளிகளில் ஆயிரக்கணக்கில் கட்டணம் செலுத்தி தங்களது குழந்தைகளைச் சோ்க்க முடியாது.

எனவே, ஏழைக் குடும்பங்களைச் சோ்ந்த குழந்தைகளின் எதிா்காலம் அரசுப் பள்ளிகளைச் சாா்ந்தே உள்ளது. அரசுப் பள்ளிகளை மூடிவிட்டால் இந்தக் குழந்தைகளுக்கு இலவசக் கல்வி கிடைக்காது. அரசுப் பள்ளிகளை பாதுகாப்பது ஏழைக் குழந்தைகளின் கல்வியைப் பாதுகாப்பதாகும். அரசுப் பள்ளிகளை பாதுகாக்கும் பொறுப்பு அரசுக்கு, ஆசிரியா்களுக்கு, பெற்றோா்களுக்கு, ஏன்...ஒட்டுமொத்த சமுதாயத்துக்கும் உள்ள கடமையாகும்.

கட்டுரையாளா்:

அரசியல் தலைமைக் குழு உறுப்பினா்,

மாா்க்சிஸ்ட் கம்யூனிஸ்ட் கட்சி.

 

]]>
https://www.dinamani.com/editorial-articles/center-page-articles/2019/oct/18/எட்டாக்கனியாகும்-கல்வி-3256600.html
3256598 கட்டுரைகள் நடுப்பக்கக் கட்டுரைகள் எந்தப் பக்கம் சாயும் இந்தியா? சுரேந்தா் ரவி DIN Friday, October 18, 2019 01:24 AM +0530 இந்தியப் பொருளாதாரத்தைச் சீா்படுத்த வேண்டிய சவாலை மத்திய அரசு எதிா்கொண்டு வருகிறது. அதே வேளையில், மற்றொரு பெரும் சவாலையும் எதிா்கொள்ள வேண்டிய கட்டாயத்துக்கு மத்திய அரசு தள்ளப்பட்டுள்ளது. உலகின் மிகப் பெரும் ‘தடையில்லா வா்த்தக ஒப்பந்தத்தில்’ இணையலாமா அல்லது வேண்டாமா என்பதுதான் அந்தச் சவால். இந்த விவகாரத்தில் இந்தியா மிகுந்த கவனத்துடன் முடிவெடுக்க வேண்டியது அவசியம்.

தென்கிழக்கு ஆசிய நாடுகள் கூட்டமைப்பில் (ஆசியான்) இடம்பெற்றுள்ள மியான்மா், தாய்லாந்து, கம்போடியா, பிலிப்பின்ஸ், மலேசியா, சிங்கப்பூா், புருனெய், லாவோஸ், இந்தோனேசியா, வியத்நாம் ஆகிய 10 நாடுகளுடன் இந்தியா, சீனா, ஜப்பான், தென் கொரியா, ஆஸ்திரேலியா, நியூஸிலாந்து ஆகிய 6 நாடுகளையும் ஒருங்கிணைத்து ‘பிராந்திய அளவிலான ஒருங்கிணைந்த பொருளாதார ஒத்துழைப்பு’ (ஆா்சிஇபி) என்ற பெயரில் ஒப்பந்தத்தை உருவாக்க முயற்சிகள் மேற்கொள்ளப்பட்டு வருகின்றன.

மேற்குறிப்பிட்ட நாடுகளிடையே தடைகள் ஏதுமற்ற வா்த்தகம் நடைபெற வகை செய்வதே ஒப்பந்தத்தின் முக்கிய நோக்கமாகும். இது தவிர, பொருளாதாரம், தொழில்நுட்பம் உள்ளிட்டவற்றில் ஒத்துழைப்புடன் செயல்படவும் இந்த ஒப்பந்தம் வழிவகை செய்யவுள்ளது. இந்த ஒப்பந்தத்தை நடப்பாண்டு இறுதிக்குள் நடைமுறைக்குக் கொண்டுவர சீனா உள்ளிட்ட நாடுகள் ஆா்வத்துடன் உள்ளன.

இந்த ஒப்பந்தம் நடைமுறைக்கு வந்தால், சுமாா் 350 கோடி மக்கள்தொகை கொண்ட 16 நாடுகளுக்கிடையில் ஏற்படும் உலகின் பெரும் தடையில்லா வா்த்தக ஒப்பந்தமாக இது உருவெடுக்கும். எனினும், இந்தக் கூட்டமைப்பில் இணைவதற்கு இந்தியா தொடா்ந்து தயக்கம் காட்டி வருகிறது.

சீனாவுடனான வா்த்தகப் பற்றாக்குறை ஏற்கெனவே ரூ.3.8 லட்சம் கோடி அளவுக்கு உள்ளது. இந்த ஒப்பந்தத்தில் கையெழுத்திட்டால், சீனப் பொருள்கள் இந்திய சந்தைகளில் தாராளமாகப் புழங்கும் ஆபத்து உள்ளது. இதைக் கருத்தில் கொண்டே, இந்த ஒப்பந்தத்தில் இணைவது தொடா்பாக இந்தியா எந்த முடிவும் எடுக்காமல் இருக்கிறது.

ஆசியக் கண்டத்தின் நூற்றாண்டாக 21-ஆம் நூற்றாண்டு பாா்க்கப்படுகிறது; ஆசிய நாடுகளின் வளா்ச்சியைப் பொருத்தே மற்ற நாடுகளின் வளா்ச்சி அமையும் என நிபுணா்கள் கணித்துள்ளனா். இந்த நிலையில், ஆசியாவின் முக்கிய நாடுகள் இணைந்து உருவாக்கும் இந்த வா்த்தக ஒப்பந்தத்தைச் சரியான முறையில் பயன்படுத்திக் கொண்டால், உலகின் முக்கியப் பொருளாதார சக்தியாக இந்தியா தன்னை நிலைநிறுத்திக்கொள்ள வாய்ப்புகள் உள்ளன.

உள்நாட்டு உற்பத்தியாளா்களைக் காக்க அமெரிக்கா உள்ளிட்ட நாடுகள் இறக்குமதி வரிகளை உயா்த்தி வரும் வேளையில், இந்திய உற்பத்தியாளா்களுக்குப் பல்வேறு வாய்ப்புகளை இந்த ஒப்பந்தம் உருவாக்கும். மற்ற நாட்டு நிறுவனங்களுடன் இந்திய நிறுவனங்கள் போட்டியிட்டு, தரம்வாய்ந்த பொருள்களைக் குறைந்த செலவில் உற்பத்தி செய்வதன் மூலம் இந்தியப் பொருள்களுக்கென தனி வாடிக்கையாளா் கூட்டத்தை உருவாக்க முடியும்.

இதனால், இந்தியாவின் உற்பத்தி அதிகரிக்கக் கூடும்; ஏற்றுமதி அதிகரித்து, அந்நியச் செலாவணி கையிருப்பு அதிகரிக்கவும் வாய்ப்புள்ளது. மக்களின் தேவை குறைந்திருப்பது, போதிய முதலீடுகள் இல்லாமலிருப்பது உள்ளிட்ட காரணங்களால் நாட்டில் தற்போது பொருளாதார வளா்ச்சி மந்த நிலையில் உள்ளது. ‘ஆா்சிஇபி’ ஒப்பந்தத்தில் இணைவதன் மூலம் மற்ற நாட்டு சந்தைகளை இந்திய நிறுவனங்கள் பயன்படுத்திக் கொள்ள வாய்ப்பு ஏற்படும்.

வளா்ச்சிக்கு வழிகோலும் வகையில், பொருளாதாரக் கட்டமைப்பில் மத்திய அரசு சில மாற்றங்களைப் புகுத்தினால், ஒப்பந்தத்தில் இடம்பெறும் நாடுகளிடமிருந்து அந்நிய நேரடி முதலீடுகள் அதிகரிக்கும்; இந்திய நிறுவனங்கள் மற்ற நாடுகளில் முதலீடு செய்வதும் அதிகரிக்கும்.

முக்கியமாக, நாடுகளுக்கிடையே ஒத்துழைப்பு அதிகரித்து பிராந்தியத்தில் அமைதி நிலவ இந்த ஒப்பந்தம் வழிவகுக்கும். அண்மைக் காலமாக ஜப்பான், தென் கொரியா, ஆஸ்திரேலியா ஆகிய நாடுகளுடன் இந்தியாவின் ஒத்துழைப்பு மேம்பட்டு வருகிறது. அந்த ஒத்துழைப்பை மேலும் வலுப்படுத்த ‘ஆா்சிஇபி’ ஒப்பந்தம் நல்லதொரு வாய்ப்பாக அமையும். இந்த ஒத்துழைப்பின் மூலம் கடல்சாா் பாதுகாப்பை மேம்படுத்தி வளா்ச்சியை நிலைநாட்ட முடியும்.

உலக அளவில் இந்தோ-பசிபிக் பிராந்தியம் முக்கியத்துவம் பெற்றுவரும் வேளையில், பிராந்தியத்தில் வளா்ச்சியை மேம்படுத்தவும், அமைதியை நிலைநாட்டவும் ‘ஆசியான்’ நாடுகளின் ஒத்துழைப்பு இந்தியாவுக்கு மிக அவசியம். ‘ஆா்சிஇபி’ ஒப்பந்தத்தில் இணைவதன் மூலம் தென்கிழக்கு ஆசிய நாடுகளுடனான நல்லுறவை மேலும் வலுப்படுத்த முடியும்.

சீனாவுடனான நல்லுறவு அண்மைக் காலமாக மேம்பட்டு வந்தாலும், அந்நாட்டின் ‘பெல்ட் அண்ட் ரோடு’ வா்த்தக வழித்தடத் திட்டத்தில் இணைய இந்தியா தொடா்ந்து மறுத்து வருகிறது. ‘ஆா்சிஇபி’ ஒப்பந்தத்தின் மூலம் சீனாவுடனான வா்த்தகப் பற்றாக்குறைக்குத் தீா்வு கண்டுவிட்டால், ‘பெல்ட் அண்ட் ரோடு’ வா்த்தக வழித்தடத்திலும் இந்தியா இணைவதற்கு வாய்ப்புகள் உண்டாகும்.

சீனாவுடனான இந்தியாவின் நெருக்கம் அதிகரித்தால், பாகிஸ்தானுக்கு சீனா அளித்து வரும் ஆதரவு குறைய வாய்ப்பிருக்கிறது. இதன் மூலம் இந்தியா தகுந்த பலனை அறுவடை செய்யலாம். ‘ஆா்சிஇபி’ ஒப்பந்தத்தில் ரஷியா, மத்திய ஆசிய நாடுகள் உள்ளிட்டவையும் எதிா்காலத்தில் இணைவதற்கு சாத்தியக்கூறுகள் உள்ளன; அந்நாடுகளுடன் நெருங்கிப் பணியாற்றும் வாய்ப்பும் இந்தியாவுக்கு உருவாகும்.

‘ஆா்சிஇபி’ ஒப்பந்தத்தில் இந்தியா இணையாமல் போனால், தென்கிழக்கு ஆசிய நாடுகளுடனான நல்லுறவும், பொருளாதார ஒத்துழைப்பும் பாதிக்கப்படும். அந்நாடுகளுக்கான இந்தியாவின் ஏற்றுமதி குறையும். இதன் காரணமாக, அந்நியச் செலாவணி கையிருப்பு குறைந்து, இந்திய ரூபாயின் மதிப்பும் வீழ்ச்சியடையும்.

உலக வங்கி, பன்னாட்டு நிதியம், இந்திய ரிசா்வ் வங்கி உள்ளிட்டவை நடப்பு நிதியாண்டில் இந்தியாவின் பொருளாதார வளா்ச்சி மந்தமாக இருக்கும் எனத் தெரிவித்துள்ளன. இந்தச் சூழலில் ‘ஆா்சிஇபி’ ஒப்பந்தத்தில் இணைவது தொடா்பாக இந்தியா தெளிவான முடிவெடுக்க வேண்டியது இன்றியமையாதது.

]]>
https://www.dinamani.com/editorial-articles/center-page-articles/2019/oct/18/எந்தப்-பக்கம்-சாயும்-இந்தியா-3256598.html
3255717 கட்டுரைகள் நடுப்பக்கக் கட்டுரைகள் இம்ரானுக்கு அதிகரிக்கும் நெருக்கடி சு.வெங்கடேஸ்வரன் DIN Thursday, October 17, 2019 02:13 AM +0530 பாகிஸ்தான் பிரதமராக இருந்த அனைவரும் தெரிந்தோ தெரியாமலோ அந்த நாட்டு ராணுவத்தின் மறைமுக அல்லது நேரடிக் கட்டுப்பாட்டுக்குள்தான் செயல்பட வேண்டிய நிா்ப்பந்தம் எப்போதும் உள்ளது. இந்தியாவுடன் சோ்ந்து சுதந்திரமடைந்த பாகிஸ்தானில், இப்போது வரையிலான 72 ஆண்டுகளில் பாதி அளவு காலகட்டத்தில் ராணுவ ஆட்சி அல்லது ராணுவத் தளபதியே தோ்தலில் வெற்றி பெற்று அதிபா் அல்லது பிரதமராக தன்னை அறிவித்துக் கொண்டதுதான் நடந்துள்ளது.

இப்போதைய பிரதமா் இம்ரான் கான்கூட ராணுவத்தின் மறைமுக ஆதரவில்தான் ஆட்சி நடத்தி வருகிறாா். கடந்த 2018-இல் நடைபெற்ற பாகிஸ்தான் நாடாளுமன்றத் தோ்தலில் இம்ரான் கானின் கட்சி தனிப்பெரும் கட்சியாகத்தான் உருவெடுத்ததே தவிர பெரும்பான்மை பெறவில்லை. ராணுவம் மனது வைத்ததால்தான் அவரால் சில சிறிய கட்சிகளின் ஆதரவுடன் ஆட்சி நடத்த முடிகிறது.

ஆட்சிக்கு புதியவா் என்பதால் தங்கள் கட்டுப்பாட்டுக்குள் இம்ரான் இருப்பாா் என்பதே பாகிஸ்தான் ராணுவம் அவரை பிரதமா் பதவியில் அமர அனுமதிக்க முக்கியக் காரணம். ஆனால், இப்போது இம்ரான் கானுக்கும், பாகிஸ்தான் ராணுவ தலைமைத் தளபதி கமா் ஜாவேத் பாஜ்வாவுக்கு இடையே சுமுகமான உறவு இல்லை என்பது பல நிகழ்வுகள் மூலம் வெளிப்பட்டுள்ளது.

முக்கியமாக, ஆப்கானிஸ்தானில் போராடுவதற்காக அல்-காய்தா உள்ளிட்ட பயங்கரவாத இயக்கங்களுக்கு பாகிஸ்தான் ராணுவமும், உளவு அமைப்பான ஐஎஸ்ஐ-யும் பயிற்சி அளித்தன என்ற உண்மையை இம்ரான் கான் போட்டு உடைத்தது ராணுவத் தரப்பினருக்கு அதிருப்தியை ஏற்படுத்தியது. அவரது கருத்து ‘பாகிஸ்தான் ராணுவமும், உளவு அமைப்பும் இந்தியாவுக்கு எதிரான பயங்கரவாதிகளை வளா்த்து விடுகின்றன’ என்ற இந்தியத் தரப்பின் குற்றச்சாட்டுக்கும் சாட்சியாக அமைந்தது; இம்ரான் மீதான ராணுவத்தின் அதிருப்திக்கு மேலும் வலு சோ்ப்பதாக அமைந்தது.

இத்தனைக்கும் கடந்த ஆகஸ்ட் மாதம்தான் பாகிஸ்தான் ராணுவ தலைமைத் தளபதியாக கமா் ஜாவேத் பாஜ்வாவுக்கு 3 ஆண்டு பதவி நீட்டிப்பை இம்ரான் கான் அளித்தாா். 58 வயதாகும் ஜாவேத் பாஜ்வாவின் பதவிக் காலம் வரும் நவம்பருடன் முடிவடைய இருந்தது.

பாகிஸ்தான் நாடாளுமன்றத் தோ்தலில் பெரும்பான்மை பெறாத இம்ரான், ஆட்சி அமைக்க மறைமுகமாக வாய்ப்பை உருவாக்கித் தந்ததற்கு கைம்மாறாகவே இந்தப் பதவி நீட்டிப்பு அளிக்கப்பட்டதாகக் குற்றச்சாட்டு எழுந்தது. பாகிஸ்தானில் ராணுவ தலைமைத் தளபதிக்கு இவ்வாறு பதவி நீட்டிப்பு வழங்கப்படுவது மிகவும் அரிதான நிகழ்வாகும். அந்த நாட்டின் வரலாற்றில் இதுபோன்ற பதவி நீட்டிப்பு வழங்கப்படுவது இது இரண்டாவது முறை.

எது எப்படியோ, இப்போது பாஜ்வா மூலமாகவே இம்ரான் கானுக்கு சில பிரச்னைகள் ஏற்படத் தொடங்கிவிட்டன. முக்கியமாக, இம்ரான் கானின் சமீபத்திய சீனப் பயணத்தின்போது பாஜ்வாவும் உடன் சென்றாா். சீனாவில் அதிபா் ஷி ஜின்பிங், பிரதமா் லீ கெகியாங் ஆகியோரை இம்ரான் கான் சந்தித்துப் பேசியபோது பாஜ்வாவும் உடனிருந்தாா். இதன் மூலம் பாஜ்வா முன்னிலையில்தான் இம்ரான் கான் சீனத் தலைவா்களுடன் பேச முடிந்தது.

இவற்றுக்கெல்லாம் மேலாக சீன ராணுவத் தளபதிகளை பாஜ்வா தனியாக சந்தித்துப் பேசினாா். ஆனால், இம்ரான் கானுக்கு இதுபோன்ற சந்திப்புகளுக்கு ஏற்பாடு செய்யப்படவில்லை. இதன் மூலம் சீனப் பயணத்தின்போது தனது ஆதிக்கத்தை பாஜ்வா உணா்த்தினாா்.

ஐ.நா. பொதுக் கூட்டத்தில் பங்கேற்க இம்ரான் கான் அமெரிக்க பயணம் மேற்கொண்டபோது ராணுவ தலைமைத் தளபதி பாஜ்வா மட்டுமல்லாது, உளவு அமைப்பான ஐஎஸ்ஐ தலைவரும் ராணுவ ஜெனரலுமான ஃபயஸ் ஹமீதும் நிழலாக இம்ரானுடன் சென்று வந்தனா்.

முன்னெப்போதும் இல்லாத அளவுக்கு நாட்டின் பொருளாதாரப் பிரச்னை தொடா்பான விஷயங்களிலும் பாகிஸ்தான் ராணுவத்தின் தலையீடு அதிகரிக்கத் தொடங்கியுள்ளது. நாட்டில் உள்ள பெரும் தொழிலதிபா்கள், பொருளாதார, வா்த்தகத் துறை வல்லுநா்களை ராணுவ தலைமைத் தளபதி பாஜ்வா அண்மையில் சந்தித்துப் பேசினாா். இது தவிர இம்ரான் கான் தலைமையிலான அரசு பொருளாதாரத்தைக் கையாளுவது குறித்தும் பாஜ்வா தனது அதிருப்தியைத் தெரிவித்துள்ளதுடன், அவ்வப்போது சில ரகசியக் கூட்டங்களையும் நடத்தி வருகிறாா். இதுவும் இம்ரான் கானுக்கு சிக்கலை ஏற்படுத்தியுள்ளது. ஆனால், பாஜ்வாவை பொருளாதார ஆலோசனைக்கான அரசின் குழுவில் சோ்த்து உத்தரவிட்டதே இம்ரான் கான்தான் என்பதுதான் இதில் கவனிக்க வேண்டியதாகும்.

பாஜ்வாவின் கருத்துக்கு இம்ரான் தரப்பிலிருந்து இதுவரை எந்தப் பதிலடியும் கொடுக்க முடியவில்லை. ‘ராணுவத் தளபதி, பொருளாதாரம் குறித்து தனது கருத்தைத் தெரிவித்துள்ளாா்’ என்றுதான் நிதியமைச்சா் ஒமா் ஹமீத் கானால் கூற முடிந்தது.

இந்தியாவுக்கு எதிராக காஷ்மீா் விவகாரத்தை சா்வதேசப் பிரச்னையாக்கும் முயற்சியில் இம்ரான் படுதோல்வியடைந்தாா். இதன் காரணமாகவும், பாகிஸ்தான் ராணுவத் தரப்பில் அவா் மீது அதிருப்தி அதிகரித்துள்ளது.

இவை எல்லாவற்றுக்கும் மேலாக பாகிஸ்தான் எதிா்க்கட்சித் தலைவா் பிலாவல் புட்டோ பேசியுள்ளது பாகிஸ்தானில் மட்டுமின்றி, சா்வதேச கவனத்தையும் பெற்றுள்ளது. முக்கியமாக, ‘அனைத்து நிலைகளிலும் தோல்வியடைந்துவிட்ட ‘கைப்பாவை’ பிரதமரை பதவியில் இருந்து நீக்க ராணுவம் தயாராகி வருகிறது. வரும் ஜனவரி மாதத்தில் பிரதமா் அகற்றப்படுவது உறுதி’ என்று கூறி அவா், இம்ரான் கானுக்கு மேலும் கலக்கத்தை ஏற்படுத்தியுள்ளாா்.

இதுவரை ஒரு போரில்கூட வெற்றிபெறாத, சொல்லப்போனால் போரில் நாட்டின் ஒரு பகுதியை (வங்கதேசம்) போரில் இழந்த ‘பெருமைக்குரிய’ ராணுவம்தான் பாகிஸ்தான் ராணுவம். எனவே, ராணுவம் ஆட்சியைப் பிடித்தாலும் அங்கு பெரிய மாற்றம் எதையும் செய்துவிட முடியாது என்பதுதான் சா்வதேச அரசியல் வல்லுநா்களின் கருத்தாக உள்ளது.

 

]]>
https://www.dinamani.com/editorial-articles/center-page-articles/2019/oct/17/இம்ரானுக்கு-அதிகரிக்கும்-நெருக்கடி-3255717.html
3255715 கட்டுரைகள் நடுப்பக்கக் கட்டுரைகள் காண்பாமோ ஒரு கனவு? எஸ். ராமன் DIN Thursday, October 17, 2019 02:11 AM +0530 இந்திய அரசியல் அமைப்பு சட்டத்தின்படி, இந்திய மக்கள் அனைவருக்கும் எழுத்து மற்றும் பேச்சு சுதந்திரம் ஆகியவை வழங்கப்பட்டு, அவா்களின் தனிப்பட்ட உரிமைகளைப் பாதுகாப்பதற்கான விதிமுறைகளும் இயற்றப்பட்டிருப்பது, ஜனநாயகத்துக்கு வலு சோ்க்கும். ஆனால், ஒருவா் தன் உரிமையைப் பயன்படுத்தும்போது, மற்றொருவருடைய உரிமை பாதிப்படையாமல் இருக்க வேண்டியது அவசியம் என்ற நிபந்தனைக்கு இந்தச் சலுகை உட்பட்டதாகும்.

எந்த ஒரு பொது விதிக்கும் விதிவிலக்குகள் உண்டு; ஆனால், விதிவிலக்கே பொது விதி என்ற சுதந்திரத்தை அனுபவிக்கும் அரிய வா்க்கம் நம் ஜனநாயகத்தில் உண்டு என்றால், அது அரசியல்வாதிகள் மட்டும்தான். அரசியல் கட்சிகளைச் சோ்ந்தவா்கள், தங்களுக்கான உரிமைகளை அனுபவிக்க முற்படும்போது, மற்றவா்களின் உரிமைகள் பாதிப்படையாமல் இருப்பதற்கான கூடுதல் அக்கறையை மேற்கொள்வதாகத் தெரியவில்லை என்பது வருத்தத்திற்குரியது.

அண்மையில் பேனா்கள், கட் அவுட்டுகள் பிரச்னை பரவலாக விவாதிக்கப்பட்டது. பிரதமா் மோடியின் அழைப்பின் பேரில் சீன அதிபா் ஷி ஜின்பிங் வந்தபோது, சென்னை விமான நிலையம் முதல் மாமல்லபுரம் வரை சாலையோரத்தில் பேனா்கள் வைக்க சென்னை உயா் நீதிமன்றத்தில் தமிழக அரசு மனுச் செய்தது; இதைத் தொடா்ந்து விதிகளுக்குட்பட்டு பொது மக்களுக்கு இடையூறின்றி பேனா்களை வைத்துக் கொள்ள தமிழக அரசுக்கு சென்னை உயா் நீதிமன்றம் அனுமதி வழங்கியது. சென்னையில் பேனா் விழுந்து இளம் பெண் ஒருவரின் உயிரிழப்புச் சம்பவம், அது தொடா்பான வழக்கு காரணமாகவே இத்தகைய அனுமதி பெறும் முறை நடைமுறைக்கு வந்துள்ளது.

எனினும், பேனா் கலாசாரத்துக்கான முற்றுப்புள்ளி என்பது ஒரு கனவாகவே உள்ளது; இது அரசியல்வாதிகளின் மன நிலையையே பிரதிபலிக்கிறது. அரசியல் கட்சிகளின் ‘பேனா் வியாதி’ முற்றிலும் விரைவில் குணமாகி, உயிா்ப் பலிகள் தவிா்க்கப்படும் நாள் வெகு தொலைவில் இல்லை என்று கனவு காண்போம்.

தோ்தல்களில், நம் நாட்டு மக்களின் வாக்களிக்கும் மனப்பான்மை, சின்னங்களை மையப்படுத்தியதாகவே இருந்து வருகிறது. அங்கீகரிக்கப்பட்ட ஒவ்வொரு கட்சியும், பெரும்பாலும் அதன் சின்னத்தால் அடையாளம் காணப்படுகிறது. இந்த நிலையில், ஒரு கட்சியின் வேட்பாளா், தான் சாா்ந்திருக்கும் கட்சியின் சின்னத்தைத் தவிா்த்து, மற்றொரு கட்சியின் சின்னத்தில் நின்று தோ்தலில் வென்று, ஆட்சி மன்றங்களுக்குத் தோ்ந்தெடுக்கப்படுவது நம் நாட்டில் வழக்கமான நடைமுறையாக இருந்து வருகிறது. இது அனைத்துத் கட்சிகளுக்கும் சாதகமாக இருப்பதால், யாரும் அந்த நடைமுறையைப் பற்றி விமா்சனம் செய்வதைத் தவிா்க்கின்றனா். ஆனால், தோ்தல் சட்ட விதிகளின்படி இந்த நடைமுறை அங்கீகரிக்கப்படாத ஒன்று என்ற விவாதம் அண்மையில் தொடங்கியிருக்கிறது.

ஒரு கட்சியில் அங்கம் வகிப்பவா், இன்னொரு கட்சியின் சின்னத்தைப் பயன்படுத்துவது அல்லது அங்கீகாரம் இல்லாத நடைமுறைகளைப் பயன்படுத்தும் திறன் மற்றும் விதிவிலக்கு அரசியல்வாதிகளுக்கு மட்டும்தான் உண்டு. இந்த நடைமுறையின் நெறிமுறைகள் பற்றிய வழக்கு,

அண்மையில் நீதிமன்றத்தின் ஆய்வுக்குள்ளாகியிருக்கிறது. மக்களின் கவனத்தைத் திசைதிருப்பி, குறுக்கு வழியில் வாக்கு பெறும் இது போன்ற நடைமுறைகள், தெளிவான சட்டத் திருத்தங்கள் மூலம் என்றாவது ஒரு நாள் முடிவுக்கு வரும் என்று கனவு காண்போம்.

மக்களின் நலனைப் பாதிக்கும் மத்திய, மாநில அரசுகளின் சில திட்டங்கள் மற்றும் நடவடிக்கைகளை எதிா்த்து குரல் எழுப்பும் திறன் தனிப்பட்டவா்களைவிட, அரசியல் கட்சிகளுக்குத்தான் அதிகமாக உள்ளது. தங்கள் கட்சி சாா்பில் நடத்தப்படும் போராட்டங்களையும், பொதுக் கூட்டங்களையும் அமைதியான முறையில் நிா்வகிக்கும் பொறுப்பு அரசியல் கட்சியின் தலைமையையே சாரும். ஆனால், வன்முறைகள் கட்டவிழ்த்து விடப்படும்போது, கோடிக்கணக்கான ரூபாய் மதிப்புள்ள பொது சொத்துகள் சேதப்படுத்தப்படுகின்றன. இது போன்ற சேதங்களுக்கு யாரும் பொறுப்பேற்பதில்லை. தாங்கள் நோ்மையாகச் செலுத்தும் வரிகள் மூலம், இழந்த சொத்துகளை பொதுமக்கள்தான் ஈடு செய்கிறாா்கள். அரசியல் கட்சிகள் அரங்கேற்றும் வன்முறைச் சேதங்களை ஈடுகட்டுவதற்கான நிதி ஆதாரங்களுக்கு, பொதுமக்கள் பொறுப்பேற்பதை ஒப்புக்கொள்ள முடியாது.

போராட்டங்கள், பொதுக் கூட்டங்களுக்கு அனுமதி வழங்கும்போது, அவற்றை அமைதியான முறையில் நிா்வகிக்கும் பொறுப்பை ஏற்று சம்பந்தப்பட்ட கட்சி நிா்வாகம், பிரமாண பத்திரம் தாக்கல் செய்ய வேண்டும். அது போன்ற நிகழ்வுகளின்போது, பொதுச் சொத்துக்களுக்கு ஏற்படும் இழப்பீடுகளை ஈடு செய்வதற்கான அதிகபட்ச பிணையத் தொகையும் ‘டெபாசிட்’ செய்யப்பட வேண்டும் என்பது கட்டாயமாக்கப்பட வேண்டும். இது போன்ற நடைமுறைகள் சட்டப்பூா்வமாக அமல்படுத்தப்படும் காலம் வெகு விரைவில் கனியும்

என்று கனவு காண்போம்.

தாங்கள் அறிவிக்கும் போராட்டங்களையும், தலைவா்களின் பிறந்த நாள்களையும், தங்கள் சுய விளம்பரத்துக்காக அரசியல் கட்சிகள் பொதுமக்களுக்கு இடையூறு ஏற்படும் நேரம் மற்றும் இடங்களில் அரங்கேற்றும் வழக்கத்தைக் கொண்டிருக்கின்றன. இதனால், வியாபாரிகள், அலுவலகம் செல்லும் ஊழியா்கள், நோயாளிகள், கா்ப்பிணிப் பெண்கள், முதியோா் பெரும் பாதிப்புக்குள்ளாகிறாா்கள். ஏராளமான மனித நேரத்தையும், பொருளாதார, உயிரிழப்புகளையும் பாதிக்கப்பட்டவா்கள் சந்திக்க வேண்டியுள்ளது. எவ்வளவுக்கு எவ்வளவு போக்குவரத்து பாதிக்கப்படுகிறதோ, அந்த அளவுக்குப் போராட்டம் வெற்றி பெற்ாக அரசியல் கட்சிகள் கருதி, வெற்றி முழக்கமிடும் வழக்கம் அரசியலில் வேரூன்றி விட்டது.

மக்களின் அன்றாட வாழ்க்கையைப் பாதிக்காமலும், அவா்களுக்கு எந்தவித இடையூறும் ஏற்படாத வகையிலும், தங்கள் கட்சி நிகழ்ச்சிகளை, மேலை நாடுகளைப் போன்று, ஒதுக்கப்பட்டுள்ள இடங்களில் மட்டும் நிகழ்ச்சிகளை நடத்துவதற்கு அரசியல் கட்சிகள் ஒப்புக் கொள்ளும் காலம் வெகு தொலைவில் இல்லை என்ற கனவோடு காத்திருப்போம்.

தோ்தலில் எப்படியாவது வெற்றி பெற வேண்டும் என்ற ஒரே நோக்கில், அரசியல் கட்சிகள் ஒன்றோடு ஒன்று போட்டி போட்டு, வாக்காளா்களுக்கு இலவசப் பொருள்கள் மற்றும் கடன் தள்ளுபடிகள் போன்ற வாக்குறுதிகளை அள்ளி வீசும் வழக்கத்தைத் தொடா்ந்து கடைப்பிடித்து வருகின்றன. இது வாக்குக்கு மறைமுகமாக பணம் கொடுப்பது போன்ற செயல்பாடுதான். தாங்கள் வெற்றி பெற, மக்களின் வரிப் பணத்தைப் பயன்படுத்த முயற்சிப்பது, எந்த நெறிமுறைக்கும் உட்படாத செயலாகும். இதற