Dinamani - கல்வி - https://www.dinamani.com/education/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3341144 கல்வி ஜன.26 ஆம் தேதியை நாம் ஏன் குடியரசு தின விழாவாக கொண்டாடுகின்றோம்: ஒசூா் மாநகராட்சி ஆணையாளா் பாலசுப்ரமணியம் பேச்சு DIN DIN Sunday, January 26, 2020 08:05 PM +0530  

ஒசூா்: ஜனவரி மாதம் 26 ஆம் தேதியை நாம் ஏன் குடியரசு தினமாக கொண்டாடுகின்றோம் என ஒசூா் மாநகராட்சியில் ஞாயிற்றுக்கிழமை நடைபெற்ற குடியரசு தின விழாவில் மாநகராட்சி ஆணையாளா் பாலசுப்ரமணியன் சிறப்புரை ஆற்றினாா்.

ஆணையாளா் பேசியது. இன்று நாம் குடியரசு தினத்தை கொண்டாடிக் கொண்டு இருக்கின்றோம். சுதந்திர தினம் என்றால் பிரிட்டீஷ் அரசிடம் இருந்து விடுதலை பெற்ற நாள் சுதந்திர தினம் என்று. குடியரசு தினம் என்றால் என்ன? என்று நம்மில் எத்தனை பேருக்கு தெரியும் என்று எனக்கு தெரியவில்லை. குறிப்பாக ஏன் இந்த ஜன.26 ஆம் தேதியை குடியரசு தினமாக கொண்டாடுகின்றோம் என்றால் (26.1.1950) 1950 ஆம் ஆண்டு ஜனவரி மாதம் 26 ஆம் நாள் இந்திய அரசியல் சாசனம் நடைமுறைக்கு வந்த நாள். இந்த நாளை நாம் குடியரசு தினமாக கொண்டாடுகின்றோம்.

அதற்கு முன்பு ஏறக்குறைய 3 ஆண்டுகள் பணி செய்து அரசியல் சாசனம் வடிவமைக்கப்பட்டது. அரசியல் நிா்ணய சபை என்று ஏற்படுத்தப்பட்டு நாடு பிரிவினைக்கு முன்பு காங்கிரஸ், முஸ்லீம் லீக் என இரண்டும் சோ்ந்து தோ்தல் நடைபெற்று அரசியல் நிா்ணய சபைக்கு உறுப்பினா்கள் 1947 நவம்பரில் தோ்வு செய்யப்பட்டனா்.

விடுதலைக்கு பிறகு அரசியல் நிா்ணய சபை இரண்டாக பிரிந்து பாகிஸ்தானுக்கான உறுப்பினா்கள் தனியாகவும், இந்தியாவிற்கான உறுப்பினா்கள் தனியாகவும் பிரிந்து ஏறத்தாழ 3 ஆண்டுகள் பணி செய்து அரசியல் சாசனத்தை எழுதி முடித்தாா்கள். 1949 நவம்பா் மாதம் 11 ஆம் தேதி அரசியல் சாசனம் ஏற்றுக் கொள்ளப்பட்டது. இந்த தினத்தை அரசியல் சாசன தினமாக கொண்டாடிக் கொண்டு இருக்கின்றோம். 1950 ஜன.26 ல் அரசியல் சாசனம் நடைமுறைக்கு வந்தது. அந்த நடைமுறைக்கு வந்த நாளை நாம் குடியரசு தினமாக கொண்டாடி வருகின்றோம்.

அதன் பின்பு தோ்தல் நடத்தி முழுமையான மக்களாட்சிக்கு திரும்பினோம். அதற்கு முன்பு 30 கோடி மக்களை கொண்ட இந்தியவை இங்கிலாந்தை சோ்ந்த 30 ஆயிரம் படைவீரா்கள் நம்மை அடிமைப்படுத்திவிட்டாா். என்ன காரணம், நம்மிடத்தில் இருந்த சாதி, மத, இன பிரிவினைதான். அதற்கு முன்பாக கிழக்கு இந்திய நிறுவனம் இந்தியாவில் வியாபாரம் செய்யத்தான் வந்தது. வியாபாரம் தானே செய்து கொள்ளுங்கள் என்றோம். வியாபாரம் செய்ய வந்தவா்கள் நம்மை அடிமையாக்கினா். இதனை தொடா்ந்து சுதந்திர போராட்டத்தில் நாம் பல தியாகங்கள் செய்து சிறை சென்று அடி, உதை வாங்கி சுதந்திரம் பெற்றோம்.

இங்கிலாந்தில் உள்ளது போன்று அரசியல் சாசனம் இந்தியாவில் இருக்கும். ஆனால் இங்கிலாந்தில் எழுதப்படாத அரசியல் சாசனம் உள்ளது. இந்தியாவில் அரசியல் சட்டம் எழுத்தப்பட்டு அவை நடைமுறைப்படுத்தப்பட்டது. முன்னேறிய நாடான இங்கிலாந்தில் எழுப்படாத சட்டங்கள் மரபுகள் சாா்ந்த விதிமுறைகளுக்கு உள்பட்ட அரசியல் சாசனமாக உள்ளது. அங்கு மரபுபடி அரசியல் சாசனத்தை பின்பற்றி வருகின்றனா். மக்கள் தொகை மிகுந்து இந்தியாவில் அது சரிவராது. இதனால் அரசியல் சாசன வரைவு குழுத் தலைவராக அண்ணல் அம்பேத்காா் நியமிக்கப்பட்டாா்.

அரசியல் சாசனம் 3 முக்கிய முடிவுகள் ஏற்கப்பட்டது. 1947 ஜூலை 22 ல் இந்திய தேசிய கொடியை வடிவமைத்து அரசியல் நிா்ணய சபையால் ஏற்றுக் கொள்ளப்பட்டது. நமது தமிழகத்திற்கு அருகில் உள்ள ஆந்திர மாநிலத்தைச் சோ்ந்த பிகில் விந்தையா என்ற தையல் கலைஞா்தான் நமது தேசிய கொடியை வடிவமைத்தாா். 1950 ஜன.24 அன்று ஜனகன மன பாடல் நமது தேசிய கீதமாக ஏற்றுக் கொள்ளப்பட்டது. அன்றே தேசிய பாடல் தோ்வு செய்யப்பட்டது. இரண்டு பாடல்கள் போட்டியில் இருந்தன. முதலாவது வந்தே மாதரம், மற்றொன்று ஜாரே, ஜகான்கி அச்சா என்ற அந்தப் பாடல். இந்த 2 பாடல்களுக்கு இடையே நடைபெற்ற கடுமையான போட்டியில் இறுதியில் வந்தே மாதரம் தேசிய பாடலாக அரசியல் நிா்ணய சபை ஏற்றுக் கொண்டது. இது எல்லாம் நாம் கடந்து வந்த வரலாறு. இவற்றை எல்லாம் இந்த நாளில் நீங்கள் நினைவு கூரவேண்டும். இந்தியா போன்ற வளரும் நாட்டில் உறுதியான அதேவேளையில் தேவையான அளவு நெகிழ்வுதன்மை கொண்ட அரசியல் சாசனம் வடிவமைக்கப்பட்டது. இவ்வளவு மக்கள் தொகை கொண்ட நாட்டில் தீா்க்க தரிசனத்தோடு அரசியல் சாசனத்தை திருத்தக் கூடிய வகையில் வழிவகைகளும் அதிலேயே உள்ளது. இந்த அரசியல் சாசனம் நடைமுறைக்கு வந்த நாளைதான் நாம் குடியரசு நாளாக கொண்டாடுகின்றோம். இது போன்ற முக்கிய நிகழ்வுகள் நடைபெற்ற நாளை நாம் நினைத்துப் பாா்க்க வேண்டும் என்றுதான் குடியரசு தினமாக கொண்டாடி வருகின்றோம்.

ஏன் அரசியல் சாசனத்தை கொண்டாட வேண்டும். ஸ்டேட் பைனாஸ் கமிஷன் என்று கூறும் எஸ்.எப்.சி. அதாவது மாநில நிதி குழுமம் என்ற 74 வது சட்டத்தை இயற்றினா். உள்ளாட்சியில் கட்டாயமாக தோ்தல் நடத்த வேண்டும். மாநில தோ்தல் ஆணையம் அமைக்கப்பட வேண்டும். 1957 ல் அதிகார பரவலாக்க செய்யப்பட வேண்டும் என்பதற்காக உள்ளாட்சி அமைப்புகள் ஏற்படுப்பட வேண்டும் என்றும், அதனை பலப்படுத்தப்பட வேண்டும் என்பதற்காக பள்வந்தரா மேத்தா குழுவை அமைத்தாா்கள். முதன்முதலில் 1959 அக்டோபரில் அந்த குழு ராஜஸ்தானில் உள்ளாட்சி அமைப்புகளை ஏற்படுத்தின. ஆனால் பெரும்பாலான மாநிலங்களில் உள்ளாட்சி அமைப்புகள் ஏற்படுத்தப்படவில்லை. மீண்டும் அதிகார பரவல் செய்ய என்ன செய்யலாம் என அசோக் மேத்தா என்பவா் தலைமையில் ஒரு குழு அமைத்தாா்கள். 3 அடுக்கு உள்ளாட்சி அமைப்புகளை கொண்டு வந்தாா். மக்கள் தற்பொழுது அதனை 5 ஆயிரம் வாக்கு கவுன்சிலா் எனவும், 50 ஆயிரம் வாக்கு கவுன்சிலா் என எளிமையாக அழைத்து வருகின்றனா். அப்பொழுதும் பல மாநிலங்களில் உள்ளாட்சி அமைப்புகள் சரிவர நடைபெறவில்லை. என்ன செய்வது என்று ஆய்வு செய்தபோது தற்பொழுது உச்சநீதிமன்ற வழக்குரைஞராக உள்ள அபிஷேக் மனுசங்கியின் தந்தையாா் என்.என். சிங்கி தலைமையில் குழு அமைக்கப்பட்டது. அந்த குழு உள்ளாட்சித் தோ்தலை நடத்தி முறையாக பராமரிக்கவில்லை எனில் அந்த மாநில அரசை 356 ஆவது சட்டப் பிரிவை பயன்படுத்தி கலைத்துவிடலாம் என்ற பரிந்துரையை அந்தக் குழு வழங்கியது. அதன்பிறகுதான் உள்ளாட்சிகள் பலப்படுத்தப்பட்டது. அந்தக் குழுதான் மாநில நிதி ஆணையம் ஏற்படுத்தப்பட்டு உள்ளாட்சிகளுக்கு நிதி பகிா்ந்து வழங்க வேண்டும் என பரிந்துரை வழங்கியது. இதுபோன்ற சட்டங்கள் உருவாக்கப்பட்டு நாம் எல்லாம் அதில் பணியாற்றி வருகின்றோம். மக்கள் உள்ளாட்சியில் அடிப்படை வசதிகள் செய்து தரப்படுகிறது. இதுஎல்லாம் அரசியல் சாசனத்தின் சிறப்பு.

அரசியல் சாசன நிா்ணய சபைத் தலைவா் அம்பேத்காா் இயற்றிய 377 ஷரத்தில் அவருக்கு பிடித்தது எது என்ற கேட்டபோது 32 வது ஷரத் எனக்கு பிடித்தது என்றாா்.

உறுதிமொழி: ஒசூா் மாநகராட்சி கடந்த ஆண்டு ஒரு உறுதிமொழியை எடுத்துக் கொண்டோம். அது நீா்நிலைகளை பாதுகாக்க வேண்டும்.

ஒசூரில் 18 நீா்நிலைகளையும் பாதுகாக்கப்பட வேண்டும் என்ற உறுதிமொழிகளை எடுத்து அதில் முழுமையாக தீா்வுகானாவிடிலும், அதில் பெருமை கொள்ளும் அளவிற்கும் முன்னேற்றம் அடைந்து பல நீா்நிலைகளில் மழைநீா் தேங்கி உள்ளதை பாா்க்கும் போது அதற்காக ஒத்துழைப்பு வழங்கிய அசோக் லேலண்ட், டைட்டான், ஆவ்டெக், மைலான் போன்று நிறுவனங்களுக்கு நன்றி தெரிவித்துக் கொள்கின்றோம்.

இந்த ஆண்டுக்கான உறுதி மொழி: மக்களைத் தேடி மாநகராட்சி என்ற திட்டம் செயல்படுத்த திட்டமிட்டுள்ளோம். ஒசூா் மாநகராட்சியில் 5 வாா்டுகளைச் சோ்ந்த மக்களை ஓா் இடத்தில் திரட்டி அவா்களின் கேட்டறிந்து, அவா்களிடம் மனுக்களை பெற்று, நேரில் சென்று ஆய்வு செய்து உரிய முறையில் தீா்வுகானும் திட்டம் மக்களைத் தேடி மாநகராட்சி திட்டத்தை செயப்படுத்த இந்த ஆண்டு உறுதி மொழி எடுத்துக் கொள்கின்றோம்.

கடந்த ஆண்டு நீா்நிலைகளை தூா்வாரி, தூய்மைப்படுத்தி, மழைநீரை சேகரித்த நிறுவனங்களுக்கு ஒசூா் மாநகராட்சி ஆணையாளா் பாலசுப்ரமணியன் பரிசுகளை வழங்கி கௌரவித்தாா்.

இந்த விழாவில் ஒசூா் நகராட்சி பொறியாளா் காா்த்திகேயன், மேலாளா் சரவணன், இளநிலை உதவியாளா் நாராயணன் உள்ளிட்ட பலா் கலந்து கொண்டனா்.

]]>
https://images.dinamani.com/uploads/user/imagelibrary/2020/1/26/w600X390/26hsp1_ch0169_26chn.jpg ஒசூா் மக்கள் நலச் சங்கத்திற்கு பரிசு வழங்கும் மாநகராட்சி ஆணையாளா் கே.பாலசுப்ரமணியன் https://www.dinamani.com/education/2020/jan/26/ஜன26-ஆம்-தேதியை-நாம்-ஏன்-குடியரசு-தின-விழாவாக-கொண்டாடுகின்றோம்-3341144.html
3309359 கல்வி பொதுத்தேர்வுக்கு தயாராகும் பிளஸ் 1 மற்றும் பிளஸ் 2 மாணவர்களுக்கான ஐஐடி பேராசிரியர்களின் வீடியோ DIN DIN Wednesday, December 18, 2019 03:54 PM +0530

பிளஸ் 1  மற்றும் பிளஸ் 2 படிக்கும் மாணவர்களுக்கு பொதுத்தேர்வுக்கு உதவும் வகையில் ஐஐடி பேராசிரியர்கள் பாடங்கள் வாரியான கற்றல் வீடியோ ஒன்றை யுடியூப் சேனலில் வெளியிட்டுள்ளனர்.   ஐஐடியைச் சேர்ந்த பல பேராசிரியர்கள் இந்த கற்றல் வீடியோ விரிவுரைகளுக்காக தங்களது கல்வி பங்களிப்பை மிகவும் சிறப்பாகவும், நேர்த்தியாகவும் தெரிவித்துள்ளனர்.

இதற்கான முழு முயற்சியையும் எம்எச்ஆர்டி.யின் நிதியுடன் தேசிய ஒருங்கிணைப்பாளரும், தில்லி ஐஐடி இயற்பியல் துறையைச் சேர்ந்த பேராசிரியருமான ரவி சோனி ஒருங்கிணைத்துள்ளார்.

இயற்பியல், வேதியியல், கணிதம் மற்றும் உயிரியல் ஆகிய பாடங்களில் 600 மணி நேர விரிவான கற்றல் வீடியோ யுடியூப் சேனலில் மாணவர்களுக்கு கிடைக்கின்றன.

இதுகுறித்த தகவலை உங்கள் நண்பர்கள் மற்றும் உறவினர்களுக்கும் தெரிவிக்கவும். 

உயிரியல் பாடங்களுக்கான கற்றல் வீடியோவை காண சேனல் 19
www.youtube.com/channel/UCqiFTyCxFFMAN_lhAzIkdpA/videos

வேதியியல் உயிரியல் பாடங்களுக்கான கற்றல் வீடியோவை காண சேனல் 20 www.youtube.com/channel/UC3Zv0XxBjYlWMjbMv8ODE8Q/videos

கணிதம் உயிரியல் பாடங்களுக்கான கற்றல் வீடியோவை காண சேனல் 21
www.youtube.com/channel/UCfz4W0rG8HoyyrrK6qNc1rA/videos

இயற்பியல் உயிரியல் பாடங்களுக்கான கற்றல் வீடியோவை காண சேனல் 22 www.youtube.com/channel/UCwNr8peMxn8-Nc2V_RZsRvg/videos

இந்த கற்றல் வீடியோக்களை தூர்தர்ஷன் ஃப்ரீடிஷ் டிடிஎச் சேனல் 19, 20, 21 மற்றும் 22 இல் முழுமையான பட்டியல் கிடைக்கிறது.

படித்ததை படிப்பவர்களோடு பகிர்ந்துகொள்வது நல்ல பண்பு. தாங்கள் பார்த்து அறிந்த நல்ல கல்வி தகவல்களை தேர்வு எழுதப்போகும் மாணவர்களுக்கு பயனளிக்கும் வகையில் இந்த தகவலையும் தெரிவிக்கலாம்.

]]>
https://images.dinamani.com/uploads/user/imagelibrary/2019/12/18/w600X390/delhiiit.gif https://www.dinamani.com/education/2019/dec/18/for-class-11-or-12-and-interested-in-iit-preparation-3309359.html
3305421 கல்வி சீன அரசின் உதவித் தொகைக்கு இந்திய மாணவா்கள் விண்ணப்பிக்கலாம் DIN DIN Sunday, December 15, 2019 03:10 AM +0530 சீன அரசின் உதவித் தொகைக்காக தகுதி வாய்ந்த இந்திய மாணவர்கள் விண்ணப்பிக்கலாம் என மத்திய அரசு அறிவித்துள்ளது.
இது தொடர்பாக மத்திய மனிதவள மேம்பாட்டுத் துறை அமைச்சகம் அறிவிப்பு வெளியிட்டுள்ளது. அதன் விவரம்:  
 2020} 21}ஆம் ஆண்டுக்கான சீன அரசின் உதவித்தொகையைப் பெற இந்திய மாணவர்களிடம் இருந்து விண்ணப்பங்கள் வரவேற்கப்படுகின்றன.
இளநிலை, முதுநிலை, முனைவர் படிப்பைத் தொடர இந்த உதவித் தொகை வழங்கப்படும். நிரந்தர இந்திய குடிமக்களாக உள்ள மாணவர்களுக்கு மட்டுமே, இந்த உதவித் தொகை வழங்கப்படும். அவர்கள் விண்ணப்பிக்கும்போது இந்தியாவில் வசிக்க வேண்டியது அவசியம்.
இந்தத் திட்டத்தின்கீழ் 40 பேருக்கு உதவித்தொகை வழங்கப்படும். தேர்வில் மாணவர்கள் பெறும் மதிப்பெண்களின் அடிப்படையில்,  தகுதியானவர்களுக்கு  உதவித்தொகை வழங்கப்படும்.  இளநிலைப் படிப்பு, முதுநிலைப் படிப்பு, முனைவர் படிப்பு ஆகியவற்றைத் தொடர இந்த உதவித் தொகையைப் பயன்படுத்திக் கொள்ளலாம். இளம்நிலைப் படிப்புக்கான உதவித் தொகையைப் பெற பிளஸ் 2 வகுப்பை முடித்திருக்க வேண்டும். 25 வயதுக்குள் இருக்க வேண்டும்.
முதுநிலைப் படிப்புக்கான உதவித் தொகையைப் பெற இளம்நிலைப் படிப்பை முடித்திருக்க வேண்டும். 35 வயதுக்குள் இருக்க வேண்டும். முனைவர் படிப்புக்கு முதுநிலை முடித்தவராகவும் 40 வயதுக்கு உட்பட்டவராகவும் இருப்பது அவசியம்.
தகுதிவாய்ந்த நபர்கள் சீனா உதவித்தொகை மையத்தின் (www.campuschina.org) வலைப்பக்கத்தில் பதிவு செய்ய வேண்டும். அதேபோன்று www.proposal.sakshat.ac.in/scholarship என்ற இணைய முகவரியிலும் விண்ணப்பிக்க வேண்டியது அவசியம்.  உதவித் தொகையைப் பெற ஜனவரி 24}ஆம் தேதிக்குள் விண்ணப்பிக்க வேண்டும் என அந்த அமைச்சகம் தெரிவித்துள்ளது.
 

]]>
https://www.dinamani.com/education/2019/dec/14/சீன-அரசின்-உதவித்-தொகைக்கு-இந்திய-மாணவா்கள்-விண்ணப்பிக்கலாம்-3305421.html
3303577 கல்வி ஹோமியோபதி படிப்பு காலி இடங்களுக்கு இன்று கலந்தாய்வு DIN DIN Thursday, December 12, 2019 01:28 AM +0530 நாமக்கல் மாவட்டத்தில் உள்ள எக்ஸல் கல்லூரியில் காலியாக இருக்கும் இளநிலை ஹோமியோபதி படிப்புக்கான (பிஹெச்எம்எஸ்) நிா்வாக இடங்களுக்கு வியாழக்கிழமை உடனடி கலந்தாய்வு நடைபெற உள்ளது.

நாமக்கல் மாவட்டத்தில் எக்ஸல் ஹோமியோபதி கல்லூரி நிகழாண்டு தொடங்கப்பட்டது. அதற்கு மத்திய ஆயுஷ் அமைச்சகம் அங்கீகாரம் அளித்ததைத் தொடா்ந்து அங்குள்ள 100 இடங்களுக்கு அண்மையில் கலந்தாய்வு நடத்தப்பட்டது. மொத்தம் 65 அரசு ஒதுக்கீட்டு இடங்களுக்கும், 35 நிா்வாக இடங்களுக்கும் மாணவா் சோ்க்கை நடைபெற்றது. அவற்றில் நிா்வாக ஒதுக்கீட்டுக்கான சில இடங்கள் நிரம்பவில்லை. இதையடுத்து அதற்கான உடனடி கலந்தாய்வு வியாழக்கிழமை (டிச.12) நடைபெறும் என அறிவிக்கப்பட்டுள்ளது.

இதுகுறித்து இந்திய மருத்துவம் மற்றும் ஹோமியோபதி இயக்குநரகம் வெளியிட்ட அறிவிப்பு:

எக்ஸல் ஹோமியோபதி மருத்துவக் கல்லூரியில் பிஹெச்எம்எஸ் பட்டப் படிப்புக்கான நிா்வாக ஒதுக்கீட்டில் நிரம்பாமல் இருக்கும் காலியிடங்களுக்கு சென்னை அறிஞா் அண்ணா அரசினா் இந்திய மருத்துவமனை வளாகத்தில் உடனடி கலந்தாய்வு நடைபெற உள்ளது.

வியாழக்கிழமை காலை 8 மணி முதல் நண்பகல் 12 மணி வரை அதற்கான விண்ணப்ப விநியோகம் நடைபெறும். பூா்த்தி செய்த விண்ணப்பங்களை பிற்பகல் 1 மணிக்குள்ளாக சமா்ப்பிக்க வேண்டும். அதனைத் தொடா்ந்து நீட் மதிப்பெண் அடிப்படையில் காலியிடங்களுக்கான கலந்தாய்வு நடைபெறும் என்று அதில் குறிப்பிடப்பட்டுள்ளது.

]]>
https://www.dinamani.com/education/2019/dec/12/ஹோமியோபதி-படிப்பு-காலி-இடங்களுக்கு-இன்று-கலந்தாய்வு-3303577.html
3301816 கல்வி சிபிஎஸ்இ பிளஸ் 1 மாணவா்கள் மாநில பாடத் திட்டத்தில் நேரடியாக பிளஸ் 2 எழுதலாம்: அரசாணை வெளியீடு DIN DIN Tuesday, December 10, 2019 03:12 AM +0530 சிபிஎஸ்இ பள்ளிகளில் இருந்து முதலாமாண்டு தோ்ச்சி பெற்று மாறிவந்த மாணவா்கள் தமிழக பாடத்திட்டத்தில் நேரடியாக பிளஸ் 2 பொதுத்தோ்வு எழுதுவதற்கு ஒப்புதல் அளித்து அரசாணை வெளியிடப்பட்டுள்ளது.

தமிழக பள்ளிக் கல்வியின் பாடத்திட்டத்தில் 10, 11, 12-ஆம் வகுப்புகளுக்கு பொதுத்தோ்வு நடத்தப்படுகிறது. ஆண்டுதோறும் சுமாா் 28 லட்சம் மாணவா்கள் தோ்வு எழுதுகின்றனா். தற்போது பொதுத்தோ்வுக்கான முன்னேற்பாடுகள் நடைபெற்று வருகின்றன. இதற்கிடையே, சிபிஎஸ்இ பாடத்திட்டத்தில் பிளஸ் 1 தோ்வை பள்ளிகளே நடத்திக்கொள்ளும். ஆனால், தமிழகத்தில் 11-ஆம் வகுப்புக்கு பொதுத்தோ்வு நடத்தப்படுகிறது. மேலும், பிளஸ் 1 தோ்வில் பங்கேற்ற மாணவா்கள் மட்டுமே பிளஸ் 2 பொதுத்தோ்வில் பங்கேற்க முடியும் என்ற நடைமுறை அமலில் உள்ளது. 

இதனிடையே, சிபிஎஸ்இ பள்ளிகளில் பிளஸ் 1 படித்த மாணவா்கள் பலா், பல்வேறு சூழல்கள் காரணமாக தமிழக பாடத்திட்டத்தில் பிளஸ் 2 சோ்ந்து படித்து வருகின்றனா். அவ்வாறு சேரும்போது, மாநில பாடத் திட்டத்திலும் பிளஸ் 1 பொதுத் தோ்வு எழுதினால் மட்டும், பிளஸ் 2 வகுப்பில் சோ்க்க அனுமதிக்கப்பட்டனா். ஆனால், சிபிஎஸ்இ பாடத்திட்டத்தில் 11-ஆவது வகுப்பு முடித்தவா்கள். தற்போது நேரடியாக பிளஸ் 2 வகுப்பில் சோ்த்து பொதுத்தோ்வு எழுதுவதற்கு ஒப்புதல் அளிக்க சமீபத்தில் நடைபெற்ற ஆலோசனைக் கூட்டத்தில் முடிவானது. இதையடுத்து இதற்கு அனுமதி அளிக்கும் வகையில் அரசாணை வெளியிடப்பட்டுள்ளது.

இதில் கூறியிருப்பாதவது: சிபிஎஸ்இ அல்லது வேறு மாநில பாடத்திட்டத்தில் மேல்நிலை முதலாமாண்டு தோ்ச்சி பெற்று, தற்போது பள்ளிகளில் சோ்ந்து மேல்நிலை இரண்டாமாண்டு பயின்று வரும் மாணவ மாணவிகள் , மேல்நிலை முதலாமாண்டு பயின்ற பாடத் தொகுப்புக்கு இணையான பாடத் தொகுப்பில் நேரடியாக மேல்நிலை இரண்டாமாண்டு பொதுத்தோ்வை எழுதலாம். இதற்கு பள்ளிக் கல்வி இயக்ககத்தின் முன் அனுமதியைப் பெற வேண்டும் என அனைத்து பள்ளித் தலைமை ஆசிரியா்களுக்கும் அறிவுறுத்துமாறு பள்ளிக் கல்வி இயக்குநருக்கு உத்தரவிடப்பட்டுள்ளது. நேரடித் தனித் தோ்வா்களாக மேல்நிலைத் தோ்வு எழுதுபவா்கள், மேல்நிலை முதலாமாண்டு பொதுத் தோ்வெழுதிய பின்னரே, மேல்நிலை இரண்டாமாண்டு பொதுத் தோ்வெழுத அனுமதிக்கப்படுவா். நேரடித் தனித்தோ்வா்களுக்கு இச்சலுகை பொருந்தாது. இவ்வாறு அதில் கூறப்பட்டிருந்தது.

]]>
https://www.dinamani.com/education/2019/dec/10/சிபிஎஸ்இ-பிளஸ்-1-மாணவா்கள்-மாநில-பாடத்-திட்டத்தில்-நேரடியாக-பிளஸ்-2-எழுதலாம்--அரசாணை-வெளியீடு-3301816.html
3301497 கல்வி கல்வி உதவித்தொகைக்கு விண்ணப்பிக்க வேண்டிய நேரமிது! DIN DIN Monday, December 9, 2019 05:46 PM +0530 கரூா்: பட்டியலிடப்பட்ட மத்திய அரசு கல்வி நிறுவனங்களான ஐஐடி, ஐஐஎம், ஐஐஐடி, என்ஐடி மற்றும் மத்திய பல்கலைக்கழகங்களில் பயிலும் தமிழகத்தின் பிற்படுத்தப்பட்டோா், மிகவும் பிற்படுத்தப்பட்டோா் மற்றும் சீா்மரபினா் இன மாணவ, மாணவிகளுக்கு கல்வி உதவித்தொகை வழங்கப்பட உள்ளது.

இதுதொடா்பாக மாவட்ட ஆட்சியா் த.அன்பழகன் வெளியிட்டுள்ள செய்திக்குறிப்பு:

தமிழ்நாடு மற்றும் பிற மாநிலங்களில் உள்ள பட்டியலிடப்பட்ட மத்திய அரசு கல்வி நிறுவனங்களான ஐஐடி, ஐஐஎம், ஐஐஐடி, என்ஐடி மற்றும் மத்திய பல்கலைக்கழகங்களில் பட்டப்படிப்பு மற்றும் பட்ட மேற்படிப்பு பயிலும் தமிழ்நாட்டைச் சோ்ந்த பிற்படுத்தப்பட்டோா், மிகவும் பிற்படுத்தப்பட்டோா் மற்றும் சீா்மரபினா் மாணவ, மாணவிகளில் குடும்ப ஆண்டு வருமானம் ரூ. 2 லட்சத்திற்கு மிகாமல் உள்ள மாணவ , மாணவியருக்கு கல்வி உதவித்தொகையாக மாணவா் ஒருவருக்கு ரூ. 2 லட்சம் வரை முதற்கட்டமாக 100 பேருக்கு வழங்கப்பட உள்ளது.

தகுதிகள்: தமிழ்நாட்டைச் சோ்ந்த பிற்படுத்தப்பட்டோா், மிகவும் பிற்படுத்தப்பட்டோா் மற்றும் சீா்மரபினா் மாணவ, மாணவியா்கள். பட்டியலிடப்பட்ட மத்திய அரசு கல்வி நிறுவனங்களான ஐஐடி, ஐஐஎம், ஐஐஐடி, என்ஐடி மற்றும் மத்திய பல்கலைக்கழகங்களில் பட்டப்படிப்பு மற்றும் பட்ட மேற்படிப்பு பயில வேண்டும். குடும்ப ஆண்டு வருமானம் ரூ. 2 லட்சத்திற்கு மிகாமல் இருக்க வேண்டும். மேற்படி கல்வி உதவித்தொகைக்கு விண்ணப்பிப்பதற்கான விண்ணப்பம் குறித்த தகுதி மற்றும் விருப்பமுள்ள மாணவா்கள் மாவட்ட ஆட்சியா் அலுவலகத்திலுள்ள, முதல் தளம், அறை எண் 108-ல் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலரை அணுகி பயன்பெறலாம் என தெரிவித்துள்ளாா்.

 

]]>
https://images.dinamani.com/uploads/user/imagelibrary/2018/1/19/w600X390/education_logo.jpg https://www.dinamani.com/education/2019/dec/09/கல்வி-உதவித்தொகைக்கு-விண்ணப்பிக்க-வேண்டிய-நேரமிது-3301497.html
3292530 கல்வி முதுநிலை ஹோமியோபதி கலந்தாய்வு:5 இடங்கள் மட்டுமே நிரம்பின DIN DIN Friday, November 29, 2019 01:43 AM +0530 முதுநிலை ஹோமியோபதி படிப்புகளில் காலியாக இருந்த இடங்களுக்காக நடத்தப்பட்ட உடனடி கலந்தாய்வில் வெறும் 5 இடங்கள் மட்டுமே நிரம்பின.

அதிலும், நான்கு இடங்கள் நிா்வாக ஒதுக்கீட்டுக்கான இடங்கள் என்பது குறிப்பிடத்தக்கது. இதையடுத்து, காலியாக உள்ள இடங்களை மறு கலந்தாய்வு மூலம் நிரப்ப முடியுமா? அல்லது அவற்றை கைவிடுவதா? என்பது குறித்து இந்திய மருத்துவம் மற்றும் ஹோமியோபதி துறை அதிகாரிகள் ஆலோசித்து வருகின்றனா்.

கன்னியாகுமரி மாவட்டத்தில் சாரதா கிருஷ்ணா ஹோமியோபதி மருத்துவ கல்லூரியும், ஒயிட் மெமோரியல் கல்லூரியும் உள்ளன. அங்கு, ஹோமியோபதி பட்ட மேற்படிப்புக்கு 55 இடங்கள் உள்ளன. அவற்றில், மாநில அரசு ஒதுக்கீடு மற்றும் நிா்வாக ஒதுக்கீட்டுக்கான கலந்தாய்வு அண்மையில் நடைபெற்றது. அதில் முதுநிலை ஹோமியோபதி படிப்புக்கான நுழைவுத் தோ்வில் தோ்ச்சி பெற்றவா்களில் ஏறத்தாழ அனைவரும் பங்கேற்றனா். இருந்தபோதிலும் மிகச் சில இடங்களே நிரம்பின. இதையடுத்து காலியாக உள்ள இடங்களுக்கான உடனடி கலந்தாய்வு கடந்த புதன்கிழமை நடைபெற்றது.

அதில் பங்கேற்க விரும்புவோருக்கு தகுதி மதிப்பெண்கள் குறைக்கப்பட்டது. இருப்பினும், கலந்தாய்வில் எவரும் கலந்துகொள்ளவில்லை எனத் தெரிகிறது. அன்றைய தினத்தில் வெறும் 5 இடங்கள் மட்டுமே நிரம்பியுள்ளன.

இந்திய மருத்துவப் படிப்புகளைப் பொருத்தவரை யோகா, சித்தா, ஆயுா்வேதப் படிப்புகளுக்கு மட்டுமே வரவேற்பு உள்ளதாகத் தெரிகிறது. யுனானி மற்றும் ஹோமியோபதி படிப்புகளில் சேர மாணவா் ஆா்வம் காட்டாததே இடங்கள் நிரம்பாததற்கு காரணம் எனக் கூறப்படுகிறது.

யுனானி, ஹோமியோபதி இளநிலை படிப்புகளில் 400-க்கும் இடங்கள் நிரம்பாமல் கைவிடப்பட்டது குறிப்பிடத்தக்கது.

]]>
https://www.dinamani.com/education/2019/nov/29/முதுநிலை-ஹோமியோபதி-கலந்தாய்வு5-இடங்கள்-மட்டுமே-நிரம்பின-3292530.html
3259913 கல்வி 8-ம் வகுப்பு சமூக அறிவியல் பாடத்தில் ஆத்திகத்துக்கு தவறான பொருள் DIN DIN Tuesday, October 22, 2019 02:33 AM +0530
8-ம் வகுப்பு சமூக அறிவியல் பாடத்தில் ஆத்திகத்துக்கு தவறான பொருள்படும்படி விளக்கம் அளிக்கப்பட்டுள்ளது.
எட்டாம் வகுப்பு சமூக அறிவியல் இரண்டாம் பருவ பாட புத்தகத்தில் குடிமையியல் பிரிவில் அலகு-1இல் சமய சார்பின்மையை புரிந்து கொள்ளுதல் எனும் தலைப்பிலான பாடத்தில் ஆத்திகம் குறித்து தவறான விளக்கம் அளிக்கப்பட்டுள்ளது.  அதில் ஆத்திகம் என்றால் கடவுள் அல்லது கடவுள்கள் மீது நம்பிக்கையற்றிருத்தல் என்று விளக்கமளிக்கப்பட்டுள்ளது. இந்த கருத்து தவறானதாகும்.  அதாவது ஆத்திகம் என்றால் கடவுளை நம்புவது ஆகும்.  ஆனால் 8-ம் வகுப்பு பாட புத்தகத்தில் ஆத்திகம் என்றால் கடவுள் நம்பிக்கையற்றிருத்தல் என்று தவறாக அச்சாகியுள்ளது.   இதைப் படித்து பார்த்த பல்வேறு பள்ளி ஆசிரியர்கள் அதிர்ச்சிக்கு உள்ளாகியுள்ளனர்.  இதுகுறித்து அவர்கள் தங்களுடைய உயர் அதிகாரிகளுக்கு தகவல் தெரிவித்துள்ளனர். 
பாட புத்தகம் எழுதி முடித்த பிறகு அச்சாவதற்கு முன்னதாக அதில் உள்ள பிழைகள், தவறுகளை அதற்குரிய அதிகாரிகள் பார்த்து திருத்த வேண்டியது அவசியமாகும்.  ஆனால் பிழைகள், தவறுகளுடனேயே பாட புத்தகங்கள் அச்சாகி மாணவர்களுக்கு வழங்கப்படுவது மாணவர்களை தவறான வழிகாட்டுதலுக்கு உள்ளாக்கும் என்பது உறுதி.   ஆகவே இதுகுறித்து உரிய நடவடிக்கை எடுத்து பிழை, தவறுகளை சரிசெய்ய வேண்டுமென ஆசிரியர்கள், பெற்றோர்கள் தரப்பில் கேட்டுக் கொள்ளப்பட்டுள்ளது.


 

]]>
https://images.dinamani.com/uploads/user/imagelibrary/2019/10/22/w600X390/8th-book.jpg https://www.dinamani.com/education/2019/oct/22/8-ம்-வகுப்பு-சமூக-அறிவியல்-பாடத்தில்-ஆத்திகத்துக்கு-தவறான-பொருள்-3259913.html
3257562 கல்வி என்எம்எம்எஸ் தேர்வு:   அக்.21 முதல் விண்ணப்பங்களைப் பதிவு செய்ய உத்தரவு DIN DIN Saturday, October 19, 2019 03:53 AM +0530
என்எம்எம்எஸ் உதவித்தொகைக்கு விண்ணப்பித்த மாணவர்களின் விவரங்களை அக்டோபர் 21-ஆம் தேதி முதல் பள்ளி தலைமையாசிரியர்கள் பதிவு செய்யலாம் என்று தேர்வுத்துறை தெரிவித்துள்ளது.
இது குறித்து அரசுத் தேர்வுத்துறை இயக்குநர் சி.உஷாராணி வெளியிட்ட செய்தி: தேசிய வருவாய் வழி மற்றும் படிப்புதவித் திட்டத்தின்  (என்எம்எம்எஸ்) கீழ் 8-ஆம் வகுப்பு மாணவர்களுக்கு ஆண்டுதோறும் கல்வி உதவித்தொகை வழங்கப்படுகிறது. 
அதன்படி, நிகழாண்டு உதவித்தொகை பெறுவதற்கு தகுதியான மாணவர்களை தேர்வு செய்வதற்காக என்எம்எம்எஸ் தேர்வு வட்டார அளவில் டிசம்பர் 1-ஆம் தேதி நடைபெற உள்ளது. இதற்காக மாணவர்களிடம் இருந்து கடந்த செப்டம்பர் 26 முதல் அக்டோபர் 11-ஆம் தேதி வரை விண்ணப்பங்கள் பெறப்பட்டன. 
தற்போது விண்ணப்பித்தவர்களின் விவரங்களை www.dge.tn.gov.in என்ற இணையதளம் வழியாக அக்டோபர் 21 முதல் 31-ஆம் தேதி வரை பதிவு செய்ய வசதிகள் செய்யப்பட்டுள்ளன. எனவே, பள்ளி தலைமையாசிரியர்கள் தாமதமின்றி பணிகளை முடிக்க வேண்டும் என  அதில் கூறப்பட்டுள்ளது.

]]>
https://www.dinamani.com/education/2019/oct/19/என்எம்எம்எஸ்-தேர்வு---அக்21-முதல்-விண்ணப்பங்களைப்-பதிவு-செய்ய-உத்தரவு-3257562.html
3257561 கல்வி என்எம்எம்எஸ் தேர்வு:   அக்.21 முதல் விண்ணப்பங்களைப் பதிவு செய்ய உத்தரவு DIN DIN Saturday, October 19, 2019 03:53 AM +0530
என்எம்எம்எஸ் உதவித்தொகைக்கு விண்ணப்பித்த மாணவர்களின் விவரங்களை அக்டோபர் 21-ஆம் தேதி முதல் பள்ளி தலைமையாசிரியர்கள் பதிவு செய்யலாம் என்று தேர்வுத்துறை தெரிவித்துள்ளது.
இது குறித்து அரசுத் தேர்வுத்துறை இயக்குநர் சி.உஷாராணி வெளியிட்ட செய்தி: தேசிய வருவாய் வழி மற்றும் படிப்புதவித் திட்டத்தின்  (என்எம்எம்எஸ்) கீழ் 8-ஆம் வகுப்பு மாணவர்களுக்கு ஆண்டுதோறும் கல்வி உதவித்தொகை வழங்கப்படுகிறது. 
அதன்படி, நிகழாண்டு உதவித்தொகை பெறுவதற்கு தகுதியான மாணவர்களை தேர்வு செய்வதற்காக என்எம்எம்எஸ் தேர்வு வட்டார அளவில் டிசம்பர் 1-ஆம் தேதி நடைபெற உள்ளது. இதற்காக மாணவர்களிடம் இருந்து கடந்த செப்டம்பர் 26 முதல் அக்டோபர் 11-ஆம் தேதி வரை விண்ணப்பங்கள் பெறப்பட்டன. 
தற்போது விண்ணப்பித்தவர்களின் விவரங்களை www.dge.tn.gov.in என்ற இணையதளம் வழியாக அக்டோபர் 21 முதல் 31-ஆம் தேதி வரை பதிவு செய்ய வசதிகள் செய்யப்பட்டுள்ளன. எனவே, பள்ளி தலைமையாசிரியர்கள் தாமதமின்றி பணிகளை முடிக்க வேண்டும் என  அதில் கூறப்பட்டுள்ளது.

]]>
https://www.dinamani.com/education/2019/oct/19/என்எம்எம்எஸ்-தேர்வு---அக்21-முதல்-விண்ணப்பங்களைப்-பதிவு-செய்ய-உத்தரவு-3257561.html
3251585 கல்வி பிளஸ் 2 மலையாள மொழிப் பாடநூல் வழங்கப்படாததால் மாணவா்கள் அவதி DIN DIN Friday, October 11, 2019 06:57 AM +0530 காலாண்டுத் தோ்வு முடிவடைந்த நிலையிலும் பிளஸ் 2 வகுப்பில் மலையாளத்தை மொழிப்பாடமாக எடுத்து படிக்கும் மாணவா்களுக்கு அதற்கான பாடநூல் இன்னும் வழங்கப்படவில்லை என ஆசிரியா்கள் தெரிவித்தனா்.

தமிழக பள்ளிக்கல்வியின்கீழ் செயல்படும் பள்ளிகளில் பிளஸ் 2 பயிலும் மாணவா்கள் மொழிப்பாடமாக தமிழ் தவிா்த்து தெலுங்கு, கன்னடம், மலையாளம் உட்பட சிறுபான்மை மொழிப்பாடங்களையும் தோ்வு செய்து படித்து வருகின்றனா். இந்த மாணவா்களுக்கான மொழி பாடப்புத்தகங்களையும் தமிழக பள்ளிக்கல்வித்துறை சாா்பாக அச்சிடப்பட்டு வழங்கப்படுகிறது. இந்நிலையில், காலாண்டுத்தோ்வுகள் முடிந்துவிட்ட பிறகும் கூட, பிளஸ் 2 மாணவா்களுக்கு மலையாள மொழிப்பாட புத்தகம் இதுவரை வழங்கப்படவில்லை என குற்றச்சாட்டு எழுந்துள்ளது.

இதுகுறித்து, மலையாள பாட ஆசிரியா்கள் சிலா் கூறியது: தமிழகத்தில் சென்னை, கோவை, நீலகிரி மற்றும் கன்னியாகுமரி போன்ற மாவட்டங்களில் மலையாளத்தை மொழிப்பாடமாக கற்றுதரும் பள்ளிகள் செயல்பட்டு வருகின்றன. இதில், கன்னியாகுமரி மாவட்டத்தில் உள்ள சில பள்ளிகளுக்கு மட்டும் மலையாள பாடப் புத்தகம் வழங்கப்பட்டுள்ளது. நீலகிரி, கோவை, சென்னை ஆகிய மாவட்டங்களில் பிளஸ் 2 மாணவா்களுக்கு மலையாள மொழிப்பாட புத்தகங்கள் இன்னும் வழங்கப்படவில்லை. இன்னும் 2 மாதத்தில் முழு பாடங்களையும் முடித்து அரையாண்டு தோ்வுகள் நடைபெற உள்ளன. மற்ற பாடங்களுக்கான புத்தகங்கள் வழங்கியுள்ள நிலையில் மொழிப்பாடங்களுக்கு மட்டும் ஆண்டுதோறும் காலதாமதமாக புத்தகங்கள் வழங்கப்படுகின்றன. பொதுத்தோ்வுக்கு தயாராகவுள்ள மாணவா்கள் இணையதளத்தில் இருக்கும் இ-புத்தகங்களை நகல் எடுத்து படிப்பது சிரமமாக உள்ளது. எனவே, விரைவாக புத்தகங்கள் வழங்க பள்ளிக்கல்வித்துறை நடவடிக்கை எடுக்க வேண்டும் என்றனா்.

]]>
https://www.dinamani.com/education/2019/oct/11/பிளஸ்-2-மலையாள-மொழிப்-பாடநூல்வழங்கப்படாததால்-மாணவா்கள்-அவதி-3251585.html
2820951 கல்வி அரையாண்டுத் தேர்வுகள் நாளை தொடக்கம் DIN DIN Wednesday, December 6, 2017 01:12 AM +0530 தமிழக பள்ளிகளில் ஆறாம் வகுப்பு முதல் பிளஸ் 2 வரை படிக்கும் மாணவர்களுக்கு அரையாண்டுத் தேர்வுகள் வியாழக்கிழமை தொடங்கவுள்ளன.
தமிழகத்தில் செயல்பட்டு வரும் அரசு மற்றும் அரசு உதவி பெறும் பள்ளிகள், தனியார் பள்ளிகளில், இந்த ஆண்டுக்கான அரையாண்டுத் தேர்வு குறித்த அறிவிப்பை பள்ளிக் கல்வித் துறை கடந்த அக்டோபர் மாதம் வெளியிட்டது. மேலும், தேர்வுக்கான அட்டவணையும் வெளியிடப்பட்டது.
இந்த ஆண்டு முதல் பத்தாம் வகுப்பு, பிளஸ் 1 மற்றும் பிளஸ் 2 வகுப்புகளுக்கு மாநிலம் முழுவதும் ஒரே கேள்வித்தாள்கள் இடம்பெற உள்ளன. தற்போது கேள்வித்தாள்கள் அச்சிட்டு மாவட்டங்களுக்கு அனுப்பும் பணி நடைபெற்று வருகிறது. இதையடுத்து வியாழக்கிழமை (டிச. 7) அரையாண்டு தேர்வுகள் தொடங்குகின்றன. பிளஸ் 1, பிளஸ் 2 வகுப்புகளுக்கு டிசம்பர் 7 முதல் டிசம்பர் 23 -ஆம் தேதி வரையிலும், பத்தாம் வகுப்புக்கான தேர்வுகள் டிசம்பர் 11 முதல் டிசம்பர் 23 -ஆம் தேதி வரையிலும் நடைபெறவுள்ளன. அதற்கு பிறகு விடுமுறை அறிவிக்கப்படும்.
 

]]>
https://images.dinamani.com/uploads/user/imagelibrary/2017/6/6/w600X390/10th_exam.jpg https://www.dinamani.com/education/2017/dec/06/அரையாண்டுத்-தேர்வுகள்-நாளை-தொடக்கம்-2820951.html
2820173 கல்வி 300 தனியார் பொறியியல் கல்லூரிகளில் வரும் கல்வி ஆண்டில் மாணவர்களை சேர்க்க தடை: ஏ.ஐ.சி.டி.இ DIN DIN Monday, December 4, 2017 11:22 AM +0530 நாடு முழுவதும் உள்ள 300 தனியார் பொறியியல் கல்லூரிகள் வரும் கல்வியாண்டில் புதிய மாணவர் சேர்க்கை நடத்த அகில இந்திய தொழில்நுட்ப கல்வி கவுன்சில் தடை விதித்துள்ளது. 

இந்தியாவில் 3 ஆயிரத்திற்கும் அதிகமான தனியார் பொறியியல் கல்லூரிகள் இயங்கி வருகின்றன. அவற்றில் 13.56 லட்சம் மாணவர்கள் பயின்று வருகின்றனர். அவற்றில் 800 கல்லூரிகளில் மாணவர்களின் சேர்க்கை 50 சதவீதத்திற்கும் குறைவாக உள்ளது. 

கடந்த சில வருடங்களாக பொறியியல் கல்லூரிகளில் மாணவர்கள் சேர்க்கை படிப்படியாக குறைந்து வருகிறது. என்ஜினீயரிங் படிப்பு மீதுள்ள மோகம் குறைந்ததால் கல்லூரிகளில் சேர ஆர்வம் காட்டவில்லை.

சிறந்த கட்டமைப்பு வசதிகள் கொண்ட கல்லூரிகளை மட்டும் மாணவர்கள் தேர்வு செய்து வருவதால் அடிப்படை கட்டமைப்பு வசதிகள் இல்லாத கல்லூரிகளை புறக்கணித்தனர். இதனால் அந்த கல்லூரிகளில் மாணவர்கள் சேராததால் தொடர்ந்து நடத்த முடியாத நிலை ஏற்பட்டுள்ளது.

கடந்த ஆண்டு 50 ஆயிரத்திற்கும் மேற்பட்ட பொறியியல் இடங்கள் நிரப்பப்படாமலேயே இருந்தன என்பது குறிப்பிடத்தக்கது. மாணவர்கள் சேர்கை இல்லாமலும் மிக குறைந்த எண்ணிக்கையில் சேர்ந்த மாணவர்களை வைத்துக்கொண்டு தொடர்ந்து கல்லூரிகளை நடத்த முடியாத நிலை ஏற்பட்டது.

இந்நிலையில், கடந்த 5 ஆண்டுகளில் தொடர்ச்சியாக 30 சதவீதத்திற்கும் குறைவான மாணவர் சேர்க்கை உள்ள தனியார் பொறியியல் கல்லூரிகளை விரைவில் மூடப்பட வேண்டும். அந்த கல்லூரிகளில் அடுத்த கல்வியாண்டிற்கான புதிய மாணவர்களை சேர்க்கையை உடனிடியாக நிறுத்த வேண்டும் என அனைத்திந்திய தொழில்நுட்ப கல்விக் கவுன்சில் (ஏ.ஐ.சி.டி.இ) அனுமதி அளித்துள்ளது.

மேலும் மாணவர் சேர்க்கை 30 சதவீதத்துக்கும் குறைவாக உள்ள 500 பொறியியல் கல்லூரிகளை கண்காணித்து வருவதாக மத்திய மனிதவள மேம்பாட்டுத்துறை அமைச்சக அதிகாரிகள் தெரிவித்துள்ளனர்.

மாணவர் சேர்க்கைக்கு தடைவிதிக்கப்பட்டுள்ள கல்லூரிகள் விரும்பினால், கலை மற்றும் அறிவியல் கல்லூரிகளாகவோ, தொழில்பயிற்சி கல்லூரிகளாகவோ மாறிக்கொள்ளலாம் என ஏ.ஐ.சி.டி.இ. கூறியுள்ளது. 

பொறியியல் கல்லூரிகளின் வங்கிக்கடன், முதலீட்டுத்தொகை ஆகியவற்றை கருத்தில் கொண்டு, கலை, அறிவியல் கல்லூரிகளாக மாற வாய்ப்பு அளிக்கப்படுவதாக ஏ.ஐ.சி.டி.இ. விளக்கமளித்துள்ளது.

]]>
New Delhi, HRD ministry, 300 private engineering colleges, stop operations, 2018-19 academic sessions, All India Council for Technical Education (AICTE) https://images.dinamani.com/uploads/user/imagelibrary/2017/12/4/w600X390/aicte.jpg https://www.dinamani.com/education/2017/dec/04/300-private-engineering-colleges-likely-to-be-asked-to-shut-operations-heres-why-2820173.html
2818723 கல்வி கல்வி உதவித்தொகை: புதுப்பித்தல் விண்ணப்பங்கள் வரவேற்பு DIN DIN Saturday, December 2, 2017 02:22 AM +0530 மத்திய அரசின் கல்வி உதவித்தொகையை பெறும் கல்லூரி மாணவர்களிடமிருந்து அதற்கான புதுப்பித்தல் விண்ணப்பங்கள் வரவேற்கப்படுகின்றன.
இதுகுறித்து மத்திய இடைநிலைக் கல்வி வாரியம் வெளியிட்ட செய்தி: மத்திய அரசு கல்வி உதவித்தொகைகளை கடந்த 2012, 2013, 2014 ஆகிய ஆண்டுகளிலிருந்து பெற்று வரும் கல்லூரி, பல்கலைக்கழக மாணவர்களிடமிருந்து, உதவித் தொகை புதுப்பித்தலுக்கான விண்ணப்பங்கள் வரவேற்கப்படுகின்றன. இதுதொடர்பான விவரங்களை ஆன் -லைனில் பதிவு செய்ய வரும் 15 -ஆம் தேதி (டிச.15) கடைசி நாளாகும். பூர்த்தி செய்த விண்ணப்பத்தைப் பதிவிறக்கம் செய்து சமர்ப்பிப்பதற்கு டிசம்பர் 31 -ஆம் தேதி கடைசி நாளாகும். மேலும் விவரங்களை ஜ்ஜ்ஜ்.ஸ்ரீக்ஷள்ங்.ய்ண்ஸ்ரீ.ண்ய் என்ற இணையதளத்தில் பெறலாம்.
 

]]>
https://www.dinamani.com/education/2017/dec/02/கல்வி-உதவித்தொகை-புதுப்பித்தல்-விண்ணப்பங்கள்-வரவேற்பு-2818723.html
2638920 கல்வி தமிழ்ப் பல்கலை. - மலேசிய பல்கலை. புரிந்துணர்வு ஒப்பந்தம் DIN DIN Friday, January 27, 2017 02:30 AM +0530 ஆசிரியர் - மாணவர் பரிமாற்றம் தொடர்பாக, தமிழ்ப் பல்கலைக்கழகமும், மலேசியாவில் உள்ள எய்ம்ஸ்ட் பல்கலைக்கழகமும் வியாழக்கிழமை புரிந்துணர்வு ஒப்பந்தம் செய்து கொண்டன.
தமிழ்ப் பல்கலைக்கழகத்தில் வியாழக்கிழமை நடைபெற்ற குடியரசு தின விழாவில், தமிழ்ப் பல்கலைக்கழகத் துணைவேந்தர் க. பாஸ்கரன், மலேசிய எய்ம்ஸ்ட் பல்கலைக்கழகத் துணைவேந்தர் ரவிச்சந்திரன் ஆகியோர் ஒப்பந்தத்தில் கையெழுத்திட்டனர்.
இதுகுறித்து தமிழ்ப் பல்கலைக்கழகத் துணைவேந்தர் க. பாஸ்கரன் தெரிவித்தது:
இந்தப் புரிந்துணர்வு ஒப்பந்தம் மூலம் ஆசிரியர் - மாணவர் பரிமாற்றம், இணையக் கல்வியைப் பரிமாறிக் கொள்ளுதல், இந்தியப் பண்பாட்டு மையத்தைத் தொடங்கி, அதன்மூலம் தமிழ்ப் பண்பாட்டு ஆய்வுகள் மேற்கொள்ளப்படும் என்றார்.
நிகழ்ச்சியில், தமிழ்ப் பல்கலைக்கழகத்தில் 25 ஆண்டுகள் சிறப்பாகப் பணியாற்றிய
கண்காணிப்பாளர் சு. செந்தமிழ்ச்செல்வி, உதவியாளர்கள் நா. ராமகிருஷ்ணன், த. ராஜராஜன், அச்சுப்பொறி பேணுநர் மு. ஜான் பால்ராஜ் ஆகியோருக்கு துணைவேந்தர் ரூ. 2,000 ரொக்கமும், சான்றிதழும் வழங்கிப் பாராட்டினார். மேலும் 10 நூல்களும் வெளியிடப்பட்டன.
சுவாமி ஓங்காரனந்தா, எய்ம்ஸ்ட் பல்கலைக்கழகத் துணைவேந்தர் ரவிச்சந்திரன், இங்கிலாந்து லிவர்பூல் ஹோப் பல்கலைக்கழகப் பேராசிரியர் டேனியல் ஜெயராஜ், பிரான்ஸ் தமிழறிஞர் சாம் விஜய், தஞ்சாவூர் நேஷனல் பார்மா மருத்துவமனை நிறுவனர் எல். கமால்பாட்சா, தஞ்சாவூர் அரசு ராசா மிராசுதார் மருத்துவமனை மருத்துவர் எஸ். பிரதீபா, பாரத் கல்விக் குழுமச் செயலர் புனிதா கணேசன் ஆகியோருக்கு குடியரசு நாள் பாராட்டுப் பட்டயம் வழங்கப்பட்டது.
பல்கலைக்கழகத்தில் கராத்தே பயன்ற மாணவர்களுக்கு சான்றிதழ் வழங்கப்பட்டது. தேசிய அளவில் சிறந்த பேராசிரியருக்கான விருது பெற்ற சுற்றுச்சூழல் மற்றும் மூலிகை அறிவியல் துறைத் தலைவர் ச. சிவசுப்பிரமணியம் கெளரவிக்கப்பட்டார்.
விழாவில், பல்கலைக்கழகப் பதிவாளர் ச. முத்துக்குமார் உள்ளிட்டோர் கலந்து கொண்டனர்.

 

]]>
https://www.dinamani.com/education/2017/jan/27/தமிழ்ப்-பல்கலை---மலேசிய-பல்கலை-புரிந்துணர்வு-ஒப்பந்தம்-2638920.html
2638919 கல்வி பிளஸ் 2 செய்முறைத் தேர்வில் முறைகேடு கூடாது: கல்வித் துறை அறிவுறுத்தல் DIN DIN Friday, January 27, 2017 02:30 AM +0530 பிளஸ் 2 செய்முறைத் தேர்வில் முறைகேட்டுக்கு இடமின்றி வினாத்தாள்களை தயாரிக்க வேண்டும் என்று அனைத்து மாவட்ட முதன்மைக் கல்வி அதிகாரிகளுக்கும் தேர்வுத் துறை இயக்குநர் வசுந்தராதேவி அறிவுறுத்தினார்.
தமிழகத்தில் பிளஸ் 2 பொதுத் தேர்வு மார்ச் மாதம் 2ஆம் தேதி தொடங்கி, 31ஆம் தேதி நிறைவடைகிறது. இதில், தியரி என்ற கருத்தியல் தேர்வுடன், அறிவியல் சார்ந்த செய்முறைத் தேர்வும் நடத்தப்படும்.
இயற்பியல், வேதியியல், உயிரியல், தாவரவியல், விலங்கியல், கணினி அறிவியல், நுண்ணுயிரியல், நுண் வேதியியல், நர்சிங், ஊட்டச்சத்து மற்றும் உணவுப் பதப்படுத்துதல், மனை அறிவியல், இன்டஸ்ட்ரியல் என்ஜினீயரிங், டெக்ஸ்டைல் உள்ளிட்ட பாடங்களுக்கான செய்முறைத் தேர்வுகள் பிப்ரவரி மாதம் 2-ஆம் தேதி முதல் அந்தந்தப் பள்ளி ஆய்வகங்களில் தொடங்குகிறது.
இந்த நிலையில், மாவட்ட முதன்மைக் கல்வி அதிகாரிகளுக்கு, தேர்வுத் துறை இயக்குநர் வசுந்தராதேவி பிறப்பித்த உத்தரவு:
செய்முறைத் தேர்வின்போது, வேறு பள்ளி கண்காணிப்பாளர்களை பணியில் அமர்த்த வேண்டும். செய்முறை உபகரணங்களை மாணவர்களுக்கு முறையாக வழங்க வேண்டும். செய்முறைத் தேர்வுக்கான ரெக்கார்ட் புத்தகங்களை மாணவர்களிடம் பெற்று மதிப்பெண் வழங்க வேண்டும். முறைகேட்டுக்கு இடமின்றி வினாத்தாள்களை தயாரிக்க வேண்டும்.
தேர்வில் எந்த மாணவருக்கும் முறைகேடாக கூடுதலாகவோ, குறைத்தோ மதிப்பெண் வழங்கக் கூடாது எனக் குறிப்பிட்டுள்ளார்.

]]>
https://www.dinamani.com/education/2017/jan/27/பிளஸ்-2-செய்முறைத்-தேர்வில்-முறைகேடு-கூடாது-கல்வித்-துறை-அறிவுறுத்தல்-2638919.html
2638127 கல்வி பட்டப்படிப்பு படித்துவிட்டு... அதற்கும் மேலே என்ன படிப்பது? என்று யோசிக்கிறீர்களா நீங்கள்? - இரா. மகாதேவன் DIN Wednesday, January 25, 2017 10:23 AM +0530 பட்டப்படிப்பு படித்துவிட்டீர்கள். அதற்கும் மேலே என்ன படிப்பது? என்று யோசிக்கிறீர்களா? நிறைய வேலை வாய்ப்பு வழங்கும் படிப்புதான் chartered
wealth manager- R Programme (CWM-R).

இந்தப் படிப்பு படித்தவர்கள் சார்ட்டர்ட் வெல்த் மேனேஜர்களாக பணிபுரியலாம். சார்ட்டர்ட் வெல்த் மேனேஜர்கள் எங்கே தேவைப்படுகிறார்கள்?
நம் நாட்டில் கடந்த ஆண்டு வரை தோராயமாக 2.36 லட்சம் கோடீஸ்வரர்களும் (High Networth Individuals-HNI), 1.46 லட்சம் பெருங்கோடீஸ்வரர்களும் (Ultra HNI) உள்ளதாக ஒரு புள்ளிவிவரம் தெரிவிக்கிறது. இந்த எண்ணிக்கை வரும் 2025-இல் சுமார் 6 லட்சத்தைத் தாண்டும் என கணக்கிடப்பட்டுள்ளது.

இவர்களைப் போன்ற பலருக்கும் பணம், நிலம், தொழிற்சாலைகள், எஸ்டேட்ஸ், வங்கிக் கணக்கு, வணிகம் போன்ற செல்வங்களை நிர்வகிப்பதற்கான ஆலோசனை வழங்க சார்டர்டர்ட் வெல்த் மேனேஜர்(CWM-R) தேவைப்படுகின்றனர். ஆனால், இன்றைய நிலையில், நிதி திட்டமிடுதலில் மட்டும் சுமார் 60 ஆயிரம் பேர் தேவை என்ற நிலையில், இப்போது சுமார் 5 ஆயிரம் பேர் மட்டுமே உள்ளதாகத் தெரிகிறது. மேலும், நிதி ஆலோசகர், நிதி திட்டமிடுநர்களைக் காட்டிலும் அதிகத் திறன் கொண்டவர்களாகக் கருதப்படும் சார்ட்டர்ட் வெல்த் மேனேஜர்களுக்கு கோடீஸ்வர நிறுவனங்கள், வங்கி அமைப்புகளில் முன்னுரிமை அளித்து வேலை வழங்கப்படுகிறது.

இந்தப் படிப்பை எப்படிப் படிக்கலாம்? எங்கு படிக்கலாம்?
அமெரிக்காவைத் தலைமையிடமாகக் கொண்டு சர்வதேச அளவில் செயல்படும் "தி அமெரிக்கன் அகாதெமி ஆப் ஃபினான்ஸ் மேனேஜ்மென்ட்' என்ற அமைப்பு நிதி சார்ந்த பயிற்சிகளை அளித்து தேர்வு நடத்தி வெற்றி பெறுவோருக்கு சர்வதேச தரச் சான்றிதழை வழங்கி வருகிறது. அதில் மிக முக்கியமாகக் கருதப்படுவது CWM-R    திட்டமாகும்.

அமெரிக்கன் அகாதெமி ஆப் ஃபினான்ஸ் மேனேஜ்மென்ட் (இந்தியா) அமைப்பு அங்கீகரிக்கப்பட்ட தனியார் கல்வி மையங்கள் மூலம் இந்தியாவின் பல நகரங்களில் இந்தத் திட்டத்தை அளிக்கிறது. அந்த மையங்கள் மூலம் அமெரிக்கன் அகாதெமியில் பிளஸ் 2 முடித்த மாணவர்கள் பதிவுசெய்து கொண்டு பகுதிநேரமாக தொலைநிலைக் கல்வி, வகுப்பறைக் கல்வி, இணையவழிக் கல்வி மூலம் இந்தத் திட்டத்தில் பயிற்சி பெறலாம்.

CWM திட்டத்தில் 2 நிலைத் தேர்வுகள் உள்ளன. முதல்நிலை என்பது ஃபவுன்டேசன் கோர்ஸ் என்றும், 2-ஆவது நிலை அட்வான்ஸ்டு வெல்த் மேனேஜ்மென்ட் என்றும் அழைக்கப்படுகிறது. இந்த 2 நிலைகளிலும் தேர்ச்சிபெற குறைந்தது 6 மாதங்கள் தேவைப்படலாம்.

இதற்கான அமெரிக்கன் அகாதெமியின் பதிவுக் கட்டணம் - சேவை வரியையும் சேர்த்து ரூ. 11,500. கோர்ஸ் கட்டணமாக ரூ. 6,900, தேர்வுக் கட்டணமாக 2 நிலைக்கும் சேர்த்து ரூ. 6,900, சான்றிதழ் கட்டணமாக சுமார் ரூ. 7000 செலுத்த வேண்டும். இவற்றை அகாதெமியின் அங்கீகாரம் பெற்ற தனியார் கல்வி மையங்கள் மூலம் செலுத்தலாம். இதோடு, அந்த கல்வி மையத்தில் நாம் தேர்ந்தெடுக்கும் பயிற்சி முறைக்கு ஏற்ப தனியாக கட்டணம் செலுத்த வேண்டும். எல்லாவற்றையும் சேர்த்து தோராயமாக ரூ. 45-50 ஆயிரம் வரை தேவைப்படலாம்.

அகாதெமியில் பதிவு செய்த ஓராண்டுக்குள் தேர்வு எழுதாவிட்டால், மீண்டும் ரூ. 5750 செலுத்தி பதிவைப் புதுப்பிக்க வேண்டும். இந்தத் தேர்வை இந்தியாவில்  75 நகரங்களில் எழுதலாம். பிளஸ் 2 முடித்தவர்கள் தேர்வில் வெற்றி பெற்றாலும் அவர்கள் பட்டப் படிப்பை முடித்த பிறகே இந்தத் தரச் சான்றிதழ் வழங்கப்படும்.

இந்தத் தேர்வை B.Com, BMS, BBI,BAF, BFM, M.Com  முடித்தவர்கள் சற்று எளிதாக எதிர்கொள்ளலாம். அதேநேரத்தில் நிதி தொடர்பான வேலைவாய்ப்பை விரும்பும் மற்ற பட்டதாரிகள், MBA, CA, CA Inter முடித்தவர்கள், வங்கி துறை, நிதி சார்ந்த நிறுவனங்களில் பணியாற்றுவோரும் இந்தத் தேர்வை எழுதி சான்றிதழ் பெறலாம்.

CWM சான்றிதழ் என்பது உலக தரத்துக்கான சர்வதேச அளவில் மிக உயர்ந்த, அனைவராலும் ஏற்றுக்கொள்ளப்பட்ட விருது ஆகும். இது உலகின் 150 நாடுகளில் அங்கீகரிக்கப்படுகிறது.

நம்மைப் பொருத்த அளவில், இந்திய பங்குப் பரிவர்த்தனை வாரியத்தின் கீழ் (செபி) இயங்கும், தேசிய பங்குச் சந்தை கழகத்தின் முதலீட்டு ஆலோசகர் ஒழுங்கமைப்பால் அங்கீகரிக்கப்பட்டது.

மேலும், அமெரிக்கன் அகாதெமி ஆப் ஃபினான்ஸ் மேனேஜ்மென்ட் அமைப்பில் சர்வதேச அளவில் உறுப்பினர்களாக உள்ள பல ஆயிரக்கணக்கான நிறுவனங்கள் CWM சான்றிதழ் பெற்றவர்களுக்கு தங்கள் நிறுவன வேலைவாய்ப்பில் முன்னுரிமை அளிக்கின்றன. முன்னதாக, இந்தத் திட்டத்தில் சர்வதேச நிதி அமைப்புகள், அந்த நாடுகளின் வரிச் சட்டங்கள் குறித்து ஆழமான பயிற்சி பெறுவதால், நாம் சர்வதேச அளவில் எந்த நாட்டில் வேண்டுமானாலும் சார்ட்டர்ட் வெல்த் மேனேஜராகப் பணியாற்ற முடியும்.

இந்தச் சான்றிதழ் பெற்ற தொடக்கத்தில் என்ட்ரி லெவலில் உள்ளவர்கள் Executive Asst. Wealth Mgr. பதவிகள் மூலம் ஆண்டுக்கு ரூ. 3- 6 லட்சம், Intermediate level- இல் உள்ளவர்கள் Sr. Executive Wealth Mgr, Team Leader,  Unit Head, Branch Head பதவிகள் மூலம் ஆண்டுக்கு ரூ. 4- 8 லட்சம், ஙண்க்க்ப்ங் ப்ங்ஸ்ங்ப்- இல் உள்ளவர்கள் Cluster Zonal, Regional Head, AVPVP Private Banker பதவிகள் மூலம் ஆண்டுக்கு ரூ. 8-25 லட்சம், Senior level-இல் உள்ளவர்கள் Business Head, Channal Head, Product Head பதவிகள் மூலம் ஆண்டுக்கு ரூ. 25-50 லட்சம், Top level-இல் உள்ளவர்கள் ஆண்டுக்கு ரூ. 50 லட்சத்துக்கும் அதிகமாக ஊதியம் பெறும் வாய்ப்பு உள்ளது.

எனவே, பிளஸ் 2 முடித்து கல்லூரி செல்லும் மாணவர்கள், நிதி சார்ந்த பட்டம் பெற்றவர்கள், நிதித் துறையில் ஆர்வமுள்ள பிற பட்டதாரிகள் என அனைத்து இளைஞர்களும், இந்திய அரசு மற்றும் சர்வதேச அங்கீகாரம் பெற்ற இந்தச் சான்றிதழைப் பெறுவதன் மூலம் பெரு நிறுவனங்கள், தனியார் வங்கிகள் உள்ளிட்ட சர்வதேச அமைப்புகளில் வேலைவாய்ப்பு பெற்று தங்களின் வாழ்க்கையை வளமாக்கிக் கொள்ளலாம்.

]]>
https://images.dinamani.com/uploads/user/imagelibrary/2017/1/25/w600X390/aafmi.jpg https://www.dinamani.com/education/2017/jan/25/பட்டப்படிப்பு-படித்துவிட்டு-அதற்கும்-மேலே-என்ன-படிப்பது-என்று-யோசிக்கிறீர்களா-நீங்கள்-2638127.html
2638124 கல்வி ஊக்குவித்தல்... வழிகாட்டுதல்... உதவிகள்! - எம்.அருண்குமார் DIN Wednesday, January 25, 2017 10:12 AM +0530 தனியார் தொழில் துறையில் ஆராய்ச்சியை ஊக்குவிக்கும் வகையில் மத்திய அரசு மற்றும் இந்திய தொழில் கூட்டமைப்பு (சிஐஐ) ஆகியவை சார்பாக துவக்கப்பட்ட குளோபல் இன்னோவேஷன் அன்ட் டெக்னாலஜி அலையன்ஸ் Global Innovation & Technolgy Alliance (GITA)ன அமைப்பு தனியார் தொழிற்துறையை ஊக்குவித்தும், அதற்கான உதவிகளையும் செய்து வருகிறது.

மத்திய அரசின் அறிவியல் மற்றும் தொழில்நுட்பத்துறையின் கீழ் இயங்கும் தொழில்நுட்ப மேம்பாட்டு வாரியம் மற்றும் இந்திய தொழில் கூட்டமைப்பு (Confederation of Indian Industry  (CII) இணைந்து குளோபல் இன்னோவேஷன் அன்ட் டெக்னாலஜி அலையன்ஸ் Global Innovation & Technolgy Alliance (GITA) என்ற  அமைப்பை உருவாக்கி அதன் மூலம் தனியார் துறையில் ஆராய்ச்சிகளை ஊக்குவிக்கவும், புதிய தொழில்நுட்பங்களை உருவாக்கவும், தொழில்நுட்பங்களை மேம்படுத்தவும், புதிய கண்டுபிடிப்புகளைக் கண்டறியவும் உதவிகளைச் செய்து வருகின்றது.

இந்த அமைப்பு பல்வேறு நாடுகளுடன் இணைந்து மானிய உதவிகளையும் வழங்குகிறது. கனடா, இங்கிலாந்து, தைவான், ஸ்பெயின், கொரியா, பின்லாந்து, இஸ்ரேல் உள்ளிட்ட நாடுகளுடன் இணைந்து பல்வேறு மானிய உதவிகள் வழங்கப்படுகின்றன.  மேலும் பல்வேறு விழிப்புணர்வுக் கருத்தரங்குகள், பயிற்சி முகாம்களையும் நடத்துகின்றது.  

உதவிகளையும், வழிகாட்டுதல்களையும் பெற, இதுகுறித்த மேலும் தகவல்களுக்கு: http:gita.org.in, http:tdb.gov.ingita இணைய தளங்களைப் பாருங்கள்.

]]>
https://images.dinamani.com/uploads/user/imagelibrary/2017/1/25/w600X390/edu.jpg https://www.dinamani.com/education/2017/jan/25/ஊக்குவித்தல்-வழிகாட்டுதல்-உதவிகள்-2638124.html
2638122 கல்வி உணவு பதப்படுத்துதலில் பட்ட மேற்படிப்பு! - எஸ்.பாலசுந்தரராஜ் DIN Wednesday, January 25, 2017 10:09 AM +0530 மனிதனின் முக்கிய தேவை உணவு.தற்போது பேக்கிங் செய்யப்பட்ட உணவு தயாரிப்புப் பொருள்கள், உணவுகள் சந்தையில் விற்பனை செய்யப்படுகின்றன.

இந்தப் பொருள்களை எந்த மாதிரியாகப் பதப்படுத்தி பேக்கிங் செய்ய வேண்டும்? கெட்டுப் போகாமல் இருக்க என்ன செய்ய வேண்டும்? என்று சொல்லித் தரும் படிப்புதான் முதுகலை உணவு பதப்படுத்துதல் மற்றும் தரக்கட்டுப்பாடு என்ற படிப்பு. விருதுநகர் வே.வ.வன்னியப்பெருமாள் பெண்கள் கல்லூரியில் இந்த இரண்டு ஆண்டு பட்ட மேற்படிப்பு உள்ளது.

இந்தப் பட்டப் படிப்பு குறித்து, அதைப் படிப்பதால் கிடைக்கும் வேலை வாய்ப்புகள் குறித்து அக்கல்லூரியின் முதல்வர் எஸ்.எம்.மீனாராணி, துறைத்தலைவர் சி.திலகம் ஆகியோர் நம்மிடம் பகிர்ந்து கொண்டவை:
"மத்திய உணவு பாதுகாப்பு அமைச்சகத்தின்  பரிந்துரையின் பேரில் பல்கலைக்கழக மானியக்குழு நிதி உதவியுடன் 2006 ஆம் ஆண்டு எங்கள் கல்லூரியில் முதுகலை உணவு பதம் செய்தல் மற்றும் தரக்கட்டுப்பாடு என்ற இரண்டு ஆண்டு பட்ட மேற்படிப்பு தொடங்கப்பட்டது.

பி.எஸ்ஸி. மனையியல் மற்றும் ஊட்டச்சத்து மற்றும் பத்தியவியல் துறை என்ற மூன்று ஆண்டு இளங்கலை பட்டப் படிப்பில் 55 சதம் மதிப்பெண்கள் பெற்றவர்கள், முதுகலை உணவு பதப்படுத்துதல் மற்றும் தரக்கட்டுப்பாடு என்ற இரண்டு ஆண்டு முதுலை பட்ட மேற்படிப்பில் சேர்க்கப்படுவார்கள்.

முதுகலை முதலாம் ஆண்டு மாணவிகளுக்கு உணவியல், வேதியல், நுண்ணுயிரியியல், தானியம் பதம் செய்முறை, உணவுகளை மதிப்புக்கூட்டுதல், உணவு பாதுகாப்பு ஆகியவை குறித்து பாடங்கள் நடத்தப்படும்.

உணவு ஆய்வு, ஆராய்ச்சி. உபகரணங்களின் பயன்பாடு, உணவு நுண்ணுரியல் தொடர்பானவை குறித்து பயிற்சி அளிக்கப்படும்.உணவு பதப்படுத்தும் ஆலைக்கு ஒரு முறை நேரில் அழைத்துச் செல்லப்பட்டு, ஆலையின் செயல்பாடுகள்குறித்து விளக்கப்படும்.

பின்னர் காய்கறி போன்றவற்றைப் பதப்படுத்துதல், பாதுகாத்தல், மாமிசங்களை பதப்படுத்துதல், மதிப்புக்கூட்டுதல், உணவு செய்முறை,தானியங்கள் தர ஆய்வு உள்ளிட்டவை  குறித்தும் பயிற்சி அளிக்கப்படும்.   மேலும் பழக்கூழ், ஜாம், ஜெல்லி, ஜாஸ்,வற்றல், வடாகம், மிட்டாய்கள்  உள்ளிட்டவற்றின் தயாரிப்பு குறித்து செயல்முறை பயிற்சி அளிக்கப்படும். கடல்மீன்கள் மற்றும் கடல்சார் உணவுகள் பதப்படுத்தும் ஆலைக்கு நேரில் மாணவிகள் அழைத்து செல்லப்பட்டு களஆய்வு நடத்தப்படும்.

இரண்டாம் ஆண்டு, உணவு உயிர்நுட்பவியல், உணவு பாதுகாப்பு, தரக்கட்டுப்பாடு, உணவு பொருள் சட்டங்கள் ஆகியவை குறித்து பாடங்கள் நடத்தப்படும். உணவு பதப்படுத்துதல், பால் பதப்படுத்துதல், பேக்கரி பொருள்கள் செய்முறைப் பயிற்சி, சாக்லேட் உள்ளிட்டவற்றைச்  செய்ய பயிற்சி அளிக்கப்படும். தரக்கட்டுப்பாடு குறித்த பயிற்சி, சுவை ஆய்வு, உணவு கலப்படம் குறித்து ஆய்வு கூடங்களில் பயிற்சி அளிக்கப்படும்.

இறுதியாக புதிய உணவு ஒன்றைத் தயாரித்து, அதைச் சந்தைப்படுத்தத் தேவையான பாதுகாப்பான பேக்கிங், அந்த உணவின் தரம், அதில் கலக்கப்பட்டுள்ள பொருள்களின் அளவுகள், சுவை விபரம் குறித்து ஆய்வறிக்கை ஒன்றைத் தயாரிக்க வேண்டும்.

இந்த முதுகலை பட்ட மேற்படிப்பு படித்தால், தொழில் முனைவோராக வாழ்வில் உயரலாம். அன்றாட வாழ்விற்குத் தேவைப்படும் மசாலாப் பொடிகள், பழரசங்கள் போன்றவற்றைத் தயாரித்து விற்பனை செய்யலாம்.

மகளிர் சுய உதவிக்குழுவினருடன் இணைந்து சுய தொழில் செய்யலாம். எங்களிடம் படித்த மாணவிகள் பலர் மத்திய அரசின் ஃபுட்கார்ப்பரேஷன் ஆப் இந்தியாவில் வேலை செய்கிறார்கள்.

பழரசம், ஜாம் உள்ளிட்ட உணவுப் பொருள்களின் தயாரிப்பு நிறுவனங்களில் தரக்கட்டுப்பாட்டு ஆய்வாளர் பணி இந்த பட்ட மேற்படிப்பு படித்தவர்களுக்கு எளிதில் கிடைக்கும்.

வெளிநாடுகளில் இந்த பட்டமேற்படிப்புக்கு நல்ல வரவேற்பு உள்ளது.  இந்த பட்ட மேற்படிப்பு படித்தால் பெண்கள் தொழில் முனைவோராக மாறி தாங்கள் வாழ்க்கைத் தரத்தை உயர்த்திக் கொள்ளலாம்'' என்றார்கள்.

]]>
https://images.dinamani.com/uploads/user/imagelibrary/2017/1/25/w600X390/mmct.jpg https://www.dinamani.com/education/2017/jan/25/உணவு-பதப்படுத்துதலில்-பட்ட-மேற்படிப்பு-2638122.html
2637672 கல்வி 10, +2 பொதுத்தேர்வில் 100% தேர்ச்சி இலக்கு DIN DIN Wednesday, January 25, 2017 01:46 AM +0530 பிளஸ் 2, 10-ஆம் வகுப்பு பொதுத் தேர்வில் நூறு சதவீத இலக்கு வைத்து தேர்ச்சி பெற வேண்டும் என மாவட்ட முதன்மைக் கல்வி அலுவலர் த.ராஜேந்திரன் கூறினார்.
திருத்தணி அரசினர் மகளிர் மேல்நிலைப் பள்ளியில், திருத்தணி, பள்ளிப்பட்டு வட்டத்தில் உள்ள அரசு உயர்நிலைப் பள்ளி, மேல்நிலைப் பள்ளி மற்றும் அரசு உதவி பெறும் பள்ளிகளின் தலைமை ஆசிரியர்கள் ஆலோசனைக் கூட்டம் அரசு மகளிர் மேல்நிலைப் பள்ளியில் நடைபெற்றது.
கூட்டத்துக்கு மாவட்டக் கல்வி அலுவலர் லில்லிபுஷ்பராணி தலைமை வகித்தார். இதில், திருத்தணி மகளிர் மேல்நிலைப் பள்ளித் தலைமை ஆசிரியை எம்.எம்.ராமலட்சுமி வரவேற்றார். மாவட்ட முதன்மைக் கல்வி அலுவலர் ராஜேந்திரன் பங்கேற்றுப் பேசியதாவது:
அனைத்துப் பள்ளித் தலைமை ஆசிரியர்களிடம் சென்ற ஆண்டு தேர்ச்சி விகிதம் மற்றும் நடப்பாண்டில் நடந்த காலாண்டு மற்றும் அரையாண்டு தேர்வு சதவீதத்தையும் ஒப்பிட்டுப் பார்த்தார்.
அப்போது, தேர்ச்சி விகிதம் குறைந்த பள்ளித் தலைமை ஆசிரியர்களிடம், அதற்கான காரணம் குறித்துக் கேட்டறிந்தார். வரும் மார்ச் மாதம் நடைபெற உள்ள 10 மற்றும் பிளஸ் 2 மாணவர்களுக்கான பொதுத்தேர்வில், நூறு சதவீதம் தேர்ச்சி பெற்று, மாநிலத்திலேயே முதல் மாவட்டமாக திருவள்ளூர் விளங்க வேண்டும். காலை, மாலை வேளைகளில் நடத்தப்படும் சிறப்பு வகுப்புகளில், கல்வியில் பின்தங்கிய மாணவர்களை தனியாக அமர வைத்து, அவர்கள் தேர்ச்சி பெறும் அளவுக்கு தயார்படுத்த வேண்டும். மேலும், சமூக ஆர்வலர்களிடம் மாணவர்களுக்கு பிஸ்கெட் வாங்கிக் கொடுத்து ஊக்குவிக்கலாம்.
வர்தா புயலால் பொன்னேரி வட்டம் மட்டுமே அதிகளவில் பாதிக்கப்பட்டுள்ளது. மற்ற வட்டங்களில் பாதிப்பு ஏதும் இல்லாததால், அனைத்துப் பள்ளிகளும் அரசு பொதுத்தேர்வில் நூறு சதவீத தேர்ச்சி பெற ஆசிரியர்கள் பாடுபட வேண்டும் என்றார்.
இறுதியாக குறைந்த மதிப்பெண் பெற்ற மாணவர்கள் எளிதாகத் தேர்ச்சி பெற, முக்கிய வினா விடைகள் அடங்கிய புத்தகத்தை பள்ளித் தலைமை ஆசிரியரிடம், முதன்மைக் கல்வி அலுவலர் ராஜேந்திரன் வழங்கினார். கூட்டத்தில் 60-க்கும் மேற்பட்ட தலைமை ஆசிரியர்கள் கலந்து கொண்டனர்.

]]>
https://images.dinamani.com/uploads/user/imagelibrary/2017/1/25/w600X390/student.jpg பத்தாம் வகுப்பில் பின்தங்கிய மாணவர்களுக்கு முக்கிய வினா விடை அடங்கிய புத்தகத்தை தலைமை ஆசிரியரிடம் வழங்கிய மாவட்ட முதன்மைக் கல்வி அலுவலர் த.ராஜேந்திரன். (உடன்) மாவட்டக் கல்வி அலுவலர் லில்லிபுஷ்பராணி. https://www.dinamani.com/education/2017/jan/25/10-2-பொதுத்தேர்வில்-100-தேர்ச்சி-இலக்கு-2637672.html
2559946 கல்வி விறுவிறுப்படையும் தனியார் எம்.பி.பி.எஸ். கலந்தாய்வு dn DIN Monday, September 5, 2016 10:19 AM +0530 சென்னை: தமிழகத்தில் தனியார் மருத்துவக் கல்லூரிகளின் நிர்வாக ஒதுக்கீட்டு இடங்கள், தனியார் மருத்துவப் பல்கலைக்கழகங்களில் எம்.பி.பி.எஸ்., பி.டி.எஸ். மாணவர் சேர்க்கை விறுவிறுப்படைந்துள்ளது.
  நாடு முழுவதும் "நீட்' (மருத்துவ பொது நுழைவுத் தேர்வு) நடத்தப்பட்டு, மாணவர்களின் ரேங்க் பட்டியல் வெளியிடப்பட்டுள்ளது. இந்திய மருத்துவ கவுன்சிலின் விதிகளின்படி, செப். 30-க்குள் மாணவர் சேர்க்கையை முடிக்க வேண்டும் என்பதால், தனியார் மருத்துவக் கல்லூரிகளும், தனியார் மருத்துவப் பல்கலைக்கழகங்களும் மாணவர்களைச் சேர்க்கும் கலந்தாய்வுக் கட்டத்தை அடைந்துள்ளன.
கட்டணம் குறித்து உத்தரவில்லை: தனியார் கல்லூரிகளும், தனியார் பல்கலைக்கழங்களும் "நீட்' தேர்வு மதிப்பெண் அடிப்படையில் மட்டுமே மாணவர் சேர்க்கையை நடத்த வேண்டும் என்று உச்ச நீதிமன்றம் உத்தரவிட்டது. எனினும், அரசு இடங்களைப் பொருத்தவரை அந்தந்த மாநில அரசின் கட்டண நிர்ணயக் குழு நிர்ணயிக்கும் கட்டணத்தைப் பெறலாம் என்று உச்ச நீதிமன்றம் கூறிவிட்டது.
"நன்கொடை' மறைந்து விட்டதா? கடந்த ஆண்டுகளில் தனியார் கல்லூரிகளில் அரசு ஒதுக்கீடு இடங்கள், தனியார் பல்கலைக்கழகங்களில் இடங்களும் வெளிப்படைத்தன்மையான கட்டணம் ஏதுமின்றி "நன்கொடை' என்ற பெயரில் ஒரு எம்.பி.பி.எஸ். சீட்டுக்கு ரூ.40 லட்சம் முதல் ரூ.60 லட்சம் வரை பெறப்பட்டு தன்னிச்சையாக நிரப்பப்பட்டன.
ரூ.15 லட்சம் முதல் ரூ.19 லட்சம் வரை...: இந்த ஆண்டு "நீட்' மதிப்பெண், ரேங்க் பட்டியல் அடிப்படையிலான மாணவர் சேர்க்கை காரணமாக "ஆன்-லைன்' முறையில் விண்ணப்பம், விண்ணப்ப தகவல் குறிப்பேடு, கல்விக் கட்டண விவரத்தை தனியார் கல்லூரிகளும், தனியார் பல்கலைக்கழகங்களும் வெளியிட்டுள்ளன.
 இதன்படி. எம்.பி.பி.எஸ். முதலாம் ஆண்டு படிப்புக்கு கல்விக் கட்டணமாக ரூ.15 லட்சம் முதல் ரூ.19 லட்சம் வரையும், உபகரணங்கள் உள்ளிட்ட இதர கட்டணங்களையும் இணையதளத்தில் அவை வெளியிட்டுள்ளன.
குறைபாடு என்ன? "நீட்' தேர்வு மதிப்பெண் அடிப்படையில் மாணவர் சேர்க்கை நடைபெற்றாலும்கூட, சேர விரும்பும் தனியார் கல்லூரி அல்லது தனியார்  பல்கலைக்கழகத்துக்கு தனியாக விண்ணப்பித்திருந்தால் மட்டுமே மாணவர் சேரும் நிலை ஏற்பட்டுள்ளது;
விண்ணப்பித்திருந்த சிலவற்றில் ஒரே சமயத்தில் கலந்தாய்வு அழைப்பு வரும் நிலையிலும் மாணவர்களுக்கு கஷ்டம் ஏற்படும் சூழ்நிலை உருவாகியுள்ளது.
 இனிவரும் காலங்களில் அரசு கலந்தாய்வைப் போன்று மொத்தம் உள்ள எம்.பி.பி.எஸ். இடங்களுக்கும் ஒருங்கிணைந்த முறையில் கலந்தாய்வை நடத்தும் முறைக்கு மத்திய சுகாதாரத் துறையும் இந்திய மருத்துவ கவுன்சிலும் ஆவன செய்ய வேண்டும் என்பது பெற்றோர், மாணவர்களின் கோரிக்கையாகும்.
சிறந்த மாணவர்களுக்கு உதவ...:அரசு கல்லூரிகளில் எம்.பி.பி.எஸ். படிக்க ஆண்டுக்கு ரூ.13,600, பி.டி.எஸ். படிக்க ரூ.11,600 ஆகிறது. ஆனால், தனியார் கல்வி நிலையங்களில் கட்டணம் மிகவும் அதிகமாக உள்ளதே என்பதற்கு, கல்வியாளர்கள்-அரசு உயர் அதிகாரிகள் கூறியதாவது:-
 சிதம்பரம் அண்ணாமலை பல்கலைக்கழகத்தை அரசே ஏற்று மாணவர் சேர்க்கையை நடத்துகிறது. இதை நிர்வகிக்க அரசுக்கு மாதம் ரூ.50 கோடி செலவாகிறது. எனவே அரசு  கல்லூரி கட்டணத்தில் (ரூ.13,600) தனியார் கல்லூரி அல்லது தனியார்  பல்கலைக்கழகத்தை நடத்துவது நடைமுறையில் சாத்தியமில்லை.
எனினும், அவை தங்களது மொத்த எம்.பி.பி.எஸ். இடங்களில் குறிப்பிட்ட சதவீத இடங்களை "நீட்' மதிப்பெண் அடிப்படையில் சிறந்த மாணவர்களுக்கு ஒதுக்கி குறைந்த கட்டணத்தை நிர்ணயத்தை செய்வதன் மூலம் உதவ முடியும் என்றனர்.

]]>
https://images.dinamani.com/uploads/user/imagelibrary/2016/9/5/w600X390/mbbs.jpg https://www.dinamani.com/education/2016/sep/05/விறுவிறுப்படையும்-தனியார்-எம்பிபிஎஸ்-கலந்தாய்வு-2559946.html
2558868 கல்வி வென்றவர்கள் சொன்னது: "விமர்சனங்களை அலட்சியம் செய்தால் லட்சியத்தை அடையலாம்' dn DIN Tuesday, August 30, 2016 10:58 AM +0530 லட்சியத்தை அடைந்து சாதனைபடைக்க, நம்மீது தொடுக்கப்படும் விமர்சனங்களை அலட்சியம் செய்துவிட்டு முன்னேறிச் செல்ல வேண்டும் என்றார் குரூப் 1 தேர்வில் வெற்றி பெற்ற லில்லிகிரேஸ். துறையூர் பகுதியைச் சேர்ந்த இவர், குரூப் 1 தேர்வில் வென்று தமிழக காவல் துறை துணைக் கண்காணிப்பாளர் பணிக்குத் தேர்வாகியுள்ளார்.

துறையூர் கிளை நூலகத்தில் சனிக்கிழமை நடைபெற்ற குரூப் 4 இலவச பயிற்சி வகுப்பில் பங்கேற்று மாணவர்களிடையே லில்லி கிரேஸ் பேசியது: நாளிதழ் வாசிக்கும் பழக்கமுடைய தேர்வர்கள், போட்டித் தேர்வில் வெற்றிக்குத் தேவையான கணிசமான மதிப்பெண்களைப் பெறமுடியும். இதுதவிர, பாடத்திட்டத்தில் பரந்துபட்ட மற்றும் நுண்ணறிவு இருக்குமானால் வெற்றி எளிது. திரும்பத் திரும்பப் படிப்பது, சக தேர்வர்களிடம் விவாதிப்பது போன்றவை தவறுகளை திருத்தி, படித்தவற்றை மனதில் நிலைத்து நிற்கச்செய்யும்.

போட்டித் தேர்வுகளில் தோல்வியடையும் போதும் அண்டை வீட்டார்கள், நண்பர்கள் கேலிசெய்யலாம். அதை காதோடு நிறுத்திவிடுங்கள். மனதுக்கு கொண்டு செல்லாதீர்கள். வாழ்வில் வெற்றிபெற ஒரு வெற்றியுடன் திருப்தி அடையாதீர்கள். தொடர்ந்து முயன்று பல வெற்றிகளை பெறுங்கள் என்றார்.

]]>
https://images.dinamani.com/uploads/user/imagelibrary/2016/8/28/w600X390/all-the-best.jpg https://www.dinamani.com/education/2016/aug/30/வென்றவர்கள்-சொன்னது-விமர்சனங்களை-அலட்சியம்-செய்தால்-லட்சியத்தை-அடையலாம்-2558868.html
3232 கல்வி இலவச - கட்டாயக் கல்வி: 94,811 மாணவர்கள் சேர்ப்பு மதி DIN Thursday, August 11, 2016 11:09 AM +0530 சென்னை: இலவச-கட்டாயக் கல்வி உரிமைச் சட்டத்தின் கீழ், 94,811 மாணவர்கள் சுயநிதிப் பள்ளிகளில் சேர்க்கப்பட்டுள்ளதாக பள்ளிக் கல்வித் துறையின் கொள்கை விளக்கக் குறிப்பில் தெரிவிக்கப்பட்டுள்ளது.

இதுகுறித்து கொள்கை விளக்கக் குறிப்பில், துறையின் அமைச்சர் பி.பென்ஜமின் வெளியிட்ட தகவல்:

இலவச-கட்டாயக் கல்வி உரிமைச் சட்டப்படி, மெட்ரிகுலேஷன் பள்ளிகளில் 25 சதவீத இடஒதுக்கீடு நடைமுறைப்படுத்தப்பட்டுள்ளது.

மேலும், மெட்ரிகுலேசன் பள்ளிகளில் 25 சதவீத இடஒதுக்கீட்டுக்கான இடங்களின் எண்ணிக்கை பற்றிய விவரங்களை காட்சிப்படுத்தவும் உத்தரவிடப்பட்டுள்ளது. இந்தச் சட்டத்தால், சுயநிதிப் பள்ளிகளில் வாய்ப்பு மறுக்கப்பட்ட-நலிவடைந்த பிரிவினரின் குழந்தைகளைப் பள்ளியில் சேர்ப்பது கடந்த மூன்று ஆண்டுகளாக அதிகரித்து வருகிறது.

கடந்த 2013-14-ஆம் கல்வியாண்டில் மாணவர் சேர்க்கை 49,864 ஆகவும், 2014-15 இல் 86,729 ஆகவும், 2015-16-இல் 94,811 ஆகவும் அதிகரித்துள்ளது என்று கொள்கை விளக்கக் குறிப்பில் தெரிவிக்கப்பட்டுள்ளது.

]]>
https://www.dinamani.com/education/2016/aug/10/இலவச---கட்டாயக்-கல்வி-94811-மாணவர்கள்-சேர்ப்பு-3232.html
3233 கல்வி மதிய உணவுக்கு முன் பள்ளிகளில் யோகா கட்டாயம்: அமைச்சர் பி.பென்ஜமின் test DIN Wednesday, August 10, 2016 07:34 AM +0530 சென்னை: பள்ளிகளில் மதிய உணவு இடைவேளைக்கு முன்பாக யோகா பயிற்சி கட்டாயமாக்கப்பட்டுள்ளது என்று பள்ளிக்கல்வித் துறை அமைச்சர் பி.பென்ஜமின் தெரிவித்துள்ளார்.

இதுகுறித்து பள்ளிக் கல்வியின் கொள்கை விளக்கக் குறிப்பில் அவர் கூறியுள்ளதாவது:-

யோகா என்பது மனம், உடல், ஆன்மாவை ஒருநிலைப்படுத்துவதற்கான பயிற்சியாகும்.

பள்ளி மாணவர்களின் விளையாட்டு செயல்பாடுகளின் ஒரு ஒருங்கிணைந்த அங்கமாகவும் யோகப் பயிற்சி உள்ளது. எனவே, மதிய உணவு இடைவேளைக்கு முன்னர் இந்தப் பயிற்சி கட்டாயமாக்கப்பட்டுள்ளது.

பாதுகாப்பு: பள்ளிகளில் குழந்தைகளின் பாதுகாப்பை உறுதி செய்வதில் நடவடிக்கை எடுக்கப்பட்டுள்ளது. பாதுகாப்பான கட்டடம், சுத்தமான குடிநீர், தூய்மையான கழிப்பறை, பாதுகாப்பான மின் இணைப்புகள், இருக்கை, போக்குவரத்து வசதிகள் ஆகியவற்றை ஏற்படுத்தும் வகையில் விதிமுறைகள் வகுத்து உத்தரவு பிறக்கப்பட்டுள்ளது.

இதன்படி, ஒவ்வொரு சுயநிதி-அரசு உதவி பெறும் பள்ளிகளில் குழந்தைகளின் பெற்றோர் உள்ளடக்கிய 5 உறுப்பினர் கொண்ட குழுக்கள் அமைக்கப்பட்டுள்ளன. இந்தக் குழுவினர் வாரம் ஒருமுறை பள்ளி வேலை நாளொன்றில் பள்ளியைப் பார்வையிட்டு அனைத்து வசதிகளும் கிடைக்கிறதா என்பதை ஆய்வு செய்வர்.

அவர்கள் ஆய்வு செய்த விவரங்களைப் பள்ளி பதிவேட்டில் பதிவு செய்வர். குழுவினரால் குறிப்பிடப்பட்டுள்ள குறைபாடுகளை பள்ளி நிர்வாகம் நிறைவு செய்துள்ளதா என்பதை மெட்ரிகுலேசன் பள்ளி ஆய்வாளர் ஆய்வின்போது உறுதி செய்வார் என்று தெரிவிக்கப்பட்டுள்ளது.

 

]]>
https://www.dinamani.com/education/2016/aug/10/மதிய-உணவுக்கு-முன்-பள்ளிகளில்-யோகா-கட்டாயம்-அமைச்சர்-பிபென்ஜமின்-3233.html
3231 கல்வி "நீட்' தேர்வு தொடர்ந்து தடுக்கப்படும்: அமைச்சர் உறுதி test DIN Wednesday, August 10, 2016 07:30 AM +0530
சென்னை:  "நீட்' பொது நுழைவுத் தேர்வை தமிழகத்தில் அமலாக்குவதை தொடர்ந்து தடுப்பது என்ற கொள்கையில் தமிழக அரசு உறுதியாக இருப்பதாக உயர் கல்வித் துறை அமைச்சர் கே.பி.அன்பழகன் கூறினார்.

உயர் கல்வித் துறை மானியக் கோரிக்கை மீதான விவாதத்தில் சட்டப்பேரவை எதிர்க்கட்சித் தலைவர் மு.க.ஸ்டாலின் பேசியது: மருத்துவப் படிப்பு சேர்க்கைக்கு நீட் நுழைவுத் தேர்வை நாடு முழுவதும் அமல்படுத்துவது தொடர்பான வழக்கு உச்சநீதிமன்றத்தில் நிலுவையில் உள்ளது. இதற்கிடையே, நீட் தேர்வை அடுத்த ஆண்டு முதல் நாடு முழுவதும் நடைமுறைப்படுத்தும் சட்டத்துக்கு குடியரசுத் தலைவர் ஒப்புதல் அளித்திருக்கிறார்.

எனவே, ஏழை மாணவர்கள் மருத்துவப் படிப்பில் சேருவதை பாதிக்கக்கூடிய இந்த பொது நுழைவுத் தேர்வைத் தடுக்க தமிழக அரசு என்ன நடவடிக்கை எடுத்துள்ளது எனக் கேள்வி எழுப்பினார்.

இதற்கு பதிலளித்து அமைச்சர் கே.பி.அன்பழகன் பேசியது: நீட் பொது நுழைவுத் தேர்வை தமிழக அரசு தொடர்ந்து எதிர்த்து வருகிறது. 9-6-2005-இல், பிளஸ் 2 மதிப்பெண் அடிப்படையில் எம்.பி.பி.எஸ். சேர்க்கையை நடத்துவதற்கான அரசாணையைப் பிறப்பித்ததே முதல்வர் ஜெயலலிதாதான்.

எந்தக் காலத்திலும் நுழைவுத் தேர்வு அனுமதிக்கப்படாது. ஒருபுறம் சட்டப் பேராட்டம், மறுபுறம் மத்திய அரசை அணுகி நீட் தேர்வு தமிழகத்தில் அமலாக்குவதைத் தடுப்பது என்ற கொள்கையில் தமிழக அரசு உறுதியாக உள்ளது என்றார்.

]]>
https://www.dinamani.com/education/2016/aug/10/நீட்-தேர்வு-தொடர்ந்து-தடுக்கப்படும்-அமைச்சர்-உறுதி-3231.html
3230 கல்வி புதிய கல்விக் கொள்கை: மாநில உரிமைகளைப் பறிக்க அனுமதிக்க மாட்டோம் : தமிழக அரசு உறுதி test DIN Wednesday, August 10, 2016 07:27 AM +0530 சென்னை: புதிய கல்விக் கொள்கையில், மாநில அரசின் உரிமைகள் பறிக்கப்படுவதை அனுமதிக்க மாட்டோம் என்று சட்டப் பேரவையில் அமைச்சர்கள் உறுதியாகத் தெரிவித்தனர்.

சட்டப் பேரவையில் திமுக எம்எல்ஏ தங்கம் தென்னரசு செவ்வாய்க்கிழமை பேசியது:

புதிய கல்விக் கொள்கை குறித்த வரையறையை மத்திய அரசு வெளியிட்டுள்ளது.

இதுவரை கல்வியாளர்கள் தயாரித்த நிலை மாறியுள்ளது. இந்த முறை ஐ.ஏ.எஸ். அதிகாரிகளும், ஒரு கல்வியாளர் கொண்ட குழுவும் தயாரித்த அறிக்கை மனித வள மேம்பாட்டு அமைச்சகத்துக்கு அனுப்பப்பட்டுள்ளது. இந்தக் கல்விக் கொள்கை மாநில அரசின் உரிமைகளைப் பறிப்பதாக உள்ளது என்றார்.

"சம்ஸ்கிருதம், ஹிந்தி திணிப்பை அனுமதிக்க மாட்டோம்' அப்போது உயர்கல்வித் துறை அமைச்சர் கே.பி.அன்பழகன் குறுக்கிட்டுப் பேசியது:-

புதிய கல்விக் கொள்கையின் சில உள்ளீடுகளை மட்டுமே மத்திய அரசு அனுப்பி வைத்துள்ளது. மாநில அரசின் கருத்தும் கேட்டுள்ளது. இதற்கு குறிப்பிட்ட காலத்துக்குள் தமிழக அரசு பதில் அனுப்பும்.

மாநிலத்தின் உரிமைகள் முழுமையாகப் பாதுகாக்கப்படும். மொழி, கலாசாரத் தன்மைகள் பாதுகாக்கப்படுவதை அரசு உறுதி செய்யும்.

தமிழகத்தில் சம்ஸ்கிருதம், ஹிந்தி மொழியைத் திணிக்க எந்த விதத்திலும் அனுமதிக்க மாட்டோம். சிறுபான்மையினர் நலன்கள் முழுமையாகப் பாதுகாக்கப்படும் என்றார்.

இதேபோல், பள்ளிக் கல்வித் துறை அமைச்சர் பா.பென்ஜமினும், "சம்ஸ்கிருதம், ஹிந்தியை திணிக்க அனுமதிக்க மாட்டோம். மாநில உரிமைகள் பாதுகாக்கப்படும்' என்றார்.

மு.க.ஸ்டாலின்: புதிய கல்விக் கொள்கையில் மாநில உரிமைகளைப் பறிக்க விடமாட்டோம். சிறுபான்மையினர் நலன்களைப் பாதுகாக்க நடவடிக்கை எடுப்போம் என்று அமைச்சர்கள் உறுதி அளித்திருப்பது வரவேற்கத்தக்கது. இந்த விவகாரம் தொடர்பாக சட்டப்பேரவையில் தனித் தீர்மானம் ஒன்றையும் நிறைவேற்ற வேண்டும்.

தங்கம் தென்னரசு: புதிய கல்விக் கொள்கை மூலம் நாடு முழுவதும் ஒரே பாடத்திட்டம் கொண்டு வரப்படும் என மத்திய அரசு கூறுகிறது. இது நாட்டின் பன்முகத்தன்மையைப் பாதிக்கும். எட்டாம் வகுப்பு வரை அனைவரையும் தேர்ச்சி பெற்றவர்களாக அறிவிக்கும் நிலை தமிழகத்தில் உள்ளது. இதனை புதிய கல்விக் கொள்கை அனுமதிக்கவில்லை. தொடர்ச்சியாகத் தேர்ச்சி பெறாத மாணவர்களுக்கு தொழிற்கல்வி பயிற்சி அளிக்கப்படும் என்றும் புதிய கல்விக் கொள்கை கூறுகிறது. இது குலக்கல்வியை அறிமுகப்படுத்துவதாகும். எனவே, புதிய கல்விக் கொள்கையை அரசு ஏற்கக் கூடாது.

]]>
https://images.dinamani.com/uploads/user/imagelibrary/2016/8/10/w600X390/tngov.jpg https://www.dinamani.com/education/2016/aug/10/புதிய-கல்விக்-கொள்கை-மாநில-உரிமைகளைப்-பறிக்க-அனுமதிக்க-மாட்டோம்--தமிழக-அரசு-உறுதி-3230.html
3102 கல்வி யுபிஎஸ்சி முதல்நிலைத் தேர்வு: நடப்பு நிகழ்வுகள், சுற்றுசூழலில் அதிக கேள்விகள் test DIN Monday, August 8, 2016 11:24 AM +0530 சென்னை: மத்திய பணியாளர் தேர்வு வாரியம் (யுபிஎஸ்சி) சார்பில் ஞாயிற்றுக்கிழமை நடத்தப்பட்ட குடிமைப் பணிகளுக்கான முதல்நிலைத் தேர்வில் நாடு முழுவதிலும் 6 லட்சத்துக்கும் அதிகமானோர் பங்கேற்றனர்.
ஐஏஎஸ், ஐபிஎஸ் உள்ளிட்ட இந்திய குடிமைப் பணிகளுக்காக ஒவ்வொரு ஆண்டும் யுபிஎஸ்சி சார்பில் தேர்வு நடத்தப்படுகிறது. இதில் முதல்நிலைத் தேர்வு, முதன்மைத் தேர்வு, பின்னர் நேர்முகத் தேர்வு என மூன்று நிலைகள் உள்ளன.
இதில் 2016-ஆம் ஆண்டுக்கான முதல்நிலைத் தேர்வு ஞாயிற்றுக்கிழமை நடத்தப்பட்டது. இதில் தமிழகத்தைச் சேர்ந்த 30 ஆயிரம் பேர் உள்பட நாடு முழுவதும் 6 லட்சத்துக்கும் அதிகமானோர் பங்கேற்று தேர்வெழுதினர்.
தமிழகத்தில் சென்னை, கோவை, மதுரை, திருச்சி, வேலூர் ஆகிய 5 மாவட்டங்களில் அமைக்கப்பட்ட மையங்களில் இந்த தேர்வு நடத்தப்பட்டது.
சென்னை மையத்தில் தேர்வெழுதிய சங்கர் என்ற தேர்வர் கூறியது:
தேர்வு எளிதாக இருந்தது என்றபோதும், நடப்பு நிகழ்வுகள், பொருளாதாரம், சுற்றுச்சூழல் தொடர்பான கேள்விகள் கடந்த ஆண்டுகளைவிட கூடுதலாக இப்போது கேட்கப்பட்டிருந்தன என்றார்.

]]>
https://images.dinamani.com/uploads/user/imagelibrary/2016/7/28/w600X390/bankexam.jpg https://www.dinamani.com/education/2016/aug/08/யுபிஎஸ்சி-முதல்நிலைத்-தேர்வு-நடப்பு-நிகழ்வுகள்-சுற்றுசூழலில்-அதிக-கேள்விகள்-3102.html
3075 கல்வி அண்ணாமலை பல்கலையில் எம்.பில், பி.எச்டி படிப்புக்கு விண்ணப்பங்கள் வரவேற்பு dn DIN Friday, August 5, 2016 04:20 PM +0530 சிதம்பரம்: அண்ணாமலை பல்கலைக்கழகத்தில் 2016-ம் கல்வியாண்டில் எம்.பில், பி.எச்டி படிப்புகளுக்கு தகுதியானவர்களிடம் இருந்து விண்ணப்பங்கள் வரவேற்கப்படுகின்றது.

எம்.பில்/பி.எச்டி படிப்புக்கு அங்கீகாரம் பெற்ற பல்கலையில் முதுகலை பட்டப்படிப்பில் தேர்ச்சி பெற்றிருக்க வேண்டும். திறந்தநிலை பல்கலைக்கழகத்தில் முதுகலை பட்டப் படிப்பு முடித்தவர்கள் விண்ணப்பிக்க அனுமதி இல்லை.

ஆன்லைன் வழியாக விண்ணப்பிக்கலாம். எம்.பில் படிப்புக்கு ரூ.1000-ம், பி.எச்டி., படிப்புக்கு விண்ணப்பக் கட்டணமாக ரூ.1500-ம் நிர்ணயிக்கப்பட்டுள்ளது.

பூர்த்தி செய்யப்பட்ட விண்ணப்பங்களைப் பல்கலைக்கழக முகவரிக்கு அனுப்பலாம். ஆகஸ்ட் 19 ஆன்லைனில் விண்ணப்பிக்கக் கடைசி நாளாகும். பூர்த்தி செய்யப்பட்ட விண்ணப்பங்களை ஆகஸ்ட் 22-க்குள் அனுப்ப வேண்டும்.

மேலதிக தகவலுக்கு பல்கலைக்கழக இணையதளத்தைப் பார்க்கலாம்.

]]>
https://images.dinamani.com/uploads/user/imagelibrary/2016/8/5/w600X390/annamalai_univ.jpg https://www.dinamani.com/education/2016/aug/05/அண்ணாமலை-பல்கலையில்-எம்பில்-பிஎச்டி-படிப்புக்கு-விண்ணப்பங்கள்-வரவேற்பு-3075.html
3074 கல்வி ஜம்முவில் ஐஐடி வளாகத்தை நாளை தொடங்கி வைக்கிறார் பிரகாஷ் ஜவடேகர் dn DIN Friday, August 5, 2016 04:18 PM +0530 புது தில்லி: ஜம்மு-காஷ்மீர் மாநிலத்தில் ஐஐடி வாளகத்தை மத்திய மனிதவள மேம்பாட்டுத் துறை அமைச்சர் பிரகாஷ் ஜவடேகர் நாளைத் தொடங்கி வைக்கிறார்.

2016-ம் ஆண்டில் ஜம்முவில் தொடங்கப்படும் ஐஐடி.,யில் முதல் அமர்வில் மொத்தம் 90 மாணவர்கள் சேர உள்ளனர். கம்ப்யூடர் சயின்ஸ், எலக்ட்ரிக்கல், மெக்கானிக்கல் இன்ஜினியரிங் என ஒவ்வொரு பிரிவிலும் 30 பேர் இணைந்துள்ளனர்.

கடந்த ஆகஸ்ட் 2, 2016-ல் நாடு முழுவதும் அதாவது ஜம்மு, திருப்பதி, பாலக்காடு(கேரளா), கோவா, தார்வார்ட் (கர்நாடகா) மற்றும் பிலாய் (சத்திஸ்கர்) ஆகிய 6 மாநிலங்களில் ஐஐடி நிறுவனங்கள் தொடங்கப்படுவதாக நாடாளுமன்றத்தில் குரல் எழுப்பப்பட்டு, மாநிலங்களவை இதற்கான ஒப்புதலை வழங்கியுள்ளது.

அதன்படி, உயர் கல்வித்துறையுடன், ஜம்மு-காஷ்மீர் மற்றும் மத்திய மனிதவள மேம்பாட்டுத் துறை அமைச்சகத்தின் உயர் கல்வித்துறை இடையே புரிந்துணர்வு உடன்படிக்கையில் கையெழுத்திடப்பட்டது.

இதற்காக, ஜம்மு-காஷ்மீர் மாநிலம் தெசில் நக்ரோட்டாவில் உள்ள ஜெக்தி கிராமத்தில் 159 ஹெக்டர் பரப்பளவில் ஐஐடி வளாகத்திற்கு இடம் ஒதுக்கப்பட்டுள்ளது. முதலில் 25 ஏக்கர் பரப்பளவில் ஐஐடி நிறுவனம் தொடங்குவதற்கான பணிகள் தொடங்க உள்ளது. இந்த ஐஐடி வளாகத்தை நாளை பிரகாஷ் ஜவடேகர் அடிக்கல் நாட்டித் திறந்து வைக்கின்றார்.

]]>
https://images.dinamani.com/uploads/user/imagelibrary/2016/8/5/w600X390/PrakashJavadekar.jpg https://www.dinamani.com/education/2016/aug/05/ஜம்முவில்-ஐஐடி-வளாகத்தை-நாளை-தொடங்கி-வைக்கிறார்-பிரகாஷ்-ஜவடேகர்-3074.html
2995 கல்வி பி.இ. காலியிடங்கள் அதிகரிப்பது ஏன்? எம்.மார்க் நெல்சன் DIN Tuesday, August 2, 2016 12:14 PM +0530 சென்னை: சுயநிதி பொறியியல் கல்லூரிகளில் காலி இடங்கள் ஆண்டுக்கு ஆண்டு அதிகரித்து வருவதற்கு, தரமான ஆசிரியர்கள் இல்லாததே முக்கியக் காரணம் என்கின்றனர் கல்வியாளர்கள். இந்த நிலை நீடித்தால், மாணவர் சேர்க்கை மேலும் குறைய வாய்ப்புள்ளது எனவும் அவர்கள் எச்சரிக்கின்றனர்.
 தொழில்நுட்பக் கல்வி இயக்குநர் அலுவலகம் வெளியிட்டிருக்கும் புள்ளிவிவரத்தின்படி, சுயநிதி பொறியியல் கல்லூரிகளில் மாணவர் சேர்க்கை குறைந்து வருவதால், ஆண்டுதோறும் ஒரு லட்சத்துக்கும் அதிகமான இடங்கள் காலியாகவே இருக்கின்றன.
 2013-14-ஆம் கல்வியாண்டில் தமிழகம் முழுவதும் 541 சுயநிதி பொறியியல் கல்லூரிகளில் நிர்வாக ஒதுக்கீடு, அரசு ஒதுக்கீடு என இரண்டும் சேர்த்து 2,72,872 இடங்கள் இருந்தன. இவற்றில் 1,70,013 இடங்கள் நிரம்பின. 1,02,859 இடங்கள் காலியாக இருந்தன.
 2014-15-ஆம் கல்வியாண்டில் 546 சுயநிதிப் பொறியியல் கல்லூரிகளில் 2,78,862 இடங்கள் இருந்தன. இவற்றில் 1,54,265 இடங்கள் நிரம்பின. 1,24,597 இடங்கள் காலியாக இருந்தன.
 2015-16-ஆம் கல்வியாண்டில் 553 சுயநிதிப் பொறியியல் கல்லூரிகளில் 2,75,561 இடங்கள் இருந்தன. இவற்றில் 1,56,868 இடங்கள் நிரம்பின. 1,18,693 இடங்கள் காலியாக இருந்தன.
 2016-17-ஆம் கல்வியாண்டுக்கான இந்த முழுமையான விவரத்தை தொழில்நுட்பக் கல்வி இயக்குநர் அலுவலகம் விரைவில் வெளியிடும் என்று எதிர்பார்க்கப்படுகிறது.  
 அண்ணா பல்கலைக்கழகம் நடத்தும் அரசு ஒதுக்கீட்டு இடங்களுக்கான கலந்தாய்வில் மட்டும் சுயநிதிப் பொறியியல் கல்லூரிகளின் ஒரு லட்சம் இடங்கள் மாணவர் சேர்க்கை இன்றி காலியாக உள்ளன. எனவே, நிகழாண்டும் இதே நிலைதான் நீடிக்கும் என்கின்றனர் தொழில்நுட்பக் கல்வி இயக்குநர் அலுவலக அதிகாரிகள்.
 இந்த மோசமான நிலைக்குத் தரமான பேராசிரியர்கள் பற்றாக்குறையே முக்கியக் காரணம் என்கின்றனர் கல்வியாளர்கள்.
இதுகுறித்து அண்ணா பல்கலைக்கழக முன்னாள் துணைவேந்தர் விஸ்வநாதன் கூறியது:  பொறியியல் பட்டதாரிகளுக்கு வேலைவாய்ப்பு குறைந்து வருகிறது. அதனால்தான், பி.இ. படிப்புகள் மீதான ஆர்வம் குறைந்து வருகிறது என்பதை ஏற்றுக்கொள்ள முடியாது.
இந்தியாவின் ஒட்டுமொத்த ஆட்டோமொபைல் தேவையில் 45 சதவீதம் தமிழகத்தில் குறிப்பாக, சென்னையில்தான் உற்பத்தியாகிறது.

அந்த அளவுக்கு ஆட்டோமொபைல் நிறுவனங்கள் இங்கு இயங்கி வருகின்றன. இதேபோல, ஏராளமான தகவல் தொழில்நுட்ப நிறுவனங்களும் உள்ளன.
எனவே, தேவை உள்ளது. ஆனால், தரமான பொறியியல் பட்டதாரிகள் கிடைக்கவில்லை என்பதுதான் உண்மை.
ஓராண்டு கட்டாயப் பயிற்சி: கல்லூரிகளில் தரமான பேராசிரியர்கள் இருந்தால்தான், தரமான பொறியாளர்களை உருவாக்க முடியும்.

பொறியியல் பேராசிரியருக்கான குறைந்தபட்சத் தகுதியாக எம்.இ. நிர்ணயிக்கப்பட்டுள்ளது. இதை மாற்ற வேண்டும்.
 பள்ளி ஆசிரியர் பணிக்கு பி.எட். தகுதி கட்டாயம் என்பது போல, பொறியியல் பேராசிரியர் பணிக்கு எம்.இ. முடித்த பின்னர் ஓராண்டு ஆசிரியர் பயிற்சி பெறுவதை கட்டாயமாக்க வேண்டும் என்றார்.
அகில இந்திய தொழில்நுட்ப கல்விக் கவுன்சில் (ஏஐசிடிஇ) தென் மண்டலத் தலைவர் ஆர். ருத்ரமூர்த்தி:  பொறியியலில் படிப்பில் சிறந்து விளங்கும் மாணவர்கள் பி.இ. முடித்தவுடன் தகவல் தொழில்நுட்ப நிறுவனங்களுக்கும், பிற பொறியியல் நிறுவனங்களுக்கு பணிக்குச் சென்று விடுகின்றனர். முதுநிலை பொறியியல் (எம்.இ.) படிப்பின் மீது ஆர்வம் காட்டுவதில்லை. இதனால் எம்.இ. சேருபவர்களின் எண்ணிக்கை ஆண்டுதோறும் குறைந்து வருகிறது.
ஊதிய உயர்வு அவசியம்: இதற்கு, பொறியியல் கல்லூரிகளில் பேராசிரியர்களுக்கு அளிக்கப்படும் மிகக் குறைந்த ஊதியமே முக்கியக் காரணம். சில சுயநிதிப் பொறியியல் கல்லூரிகள் மட்டுமே ஏஐசிடிஇ நிர்ணயித்துள்ள வழிகாட்டுதலின்படி ஊதியம் வழங்குகின்றன. பெரும்பாலனவை வழங்குவதில்லை.
 எனவே, மாணவர் சேர்க்கையை அதிகரிக்கச் செய்வதற்கு, முதலில் பேராசிரியர்களுக்கான ஊதியத்தை உயர்த்த வேண்டும்.

அப்போதுதான், படிப்பில் சிறந்து விளங்கும் மாணவர்களுக்கு ஆசிரியர் பணி மீது ஆர்வம் ஏற்படும். அதன்மூலம், சுயநிதிப் பொறியியல் கல்லூரிகளிலும் தரமான கல்வி வழங்க முடியும்.
 இதேபோல, எம்.இ. படிப்பில் அதிக மாணவர்கள் சேருவதை ஊக்குவிக்கும் வகையில், கூடுதல் கல்வி உதவித் தொகைத் திட்டங்களை தமிழக அரசும் அறிவிக்க வேண்டும் என்றார்.

]]>
https://images.dinamani.com/uploads/user/imagelibrary/2016/8/2/w600X390/becouncelling.jpg https://www.dinamani.com/education/2016/aug/02/பிஇ-காலியிடங்கள்-அதிகரிப்பது-ஏன்-2995.html
2634 கல்வி பிஎச்.டி. முடிக்க பெண்களுக்கு இரண்டு ஆண்டுகள் கூடுதலாக அவகாசம்: புதிய வழிகாட்டுதல் வெளியீடு Venkatesan.R DIN Friday, July 15, 2016 01:54 PM +0530 சென்னை: ஆராய்ச்சி படிப்பை (பிஎச்.டி.) முடிப்பதற்கான அதிகபட்ச கால அவகாசத்தில் பெண்களுக்கு கூடுதலாக இரண்டு ஆண்டுகள் அளித்து புதிய வழிகாட்டுதலை பல்கலைக்கழக மானியக் குழு (யுஜிசி) வெளியிட்டுள்ளது.
இதில், ஆராய்ச்சி படிப்பை மேற்கொள்ளும் பெண்களுக்கான மகப்பேரு, குழந்தை பராமரிப்பு விடுமுறை கால அளவும் 6 மாதங்களிலிருந்து 8 மாதங்களாக உயர்த்தப்பட்டுள்ளன.
மேலும், இந்த இரண்டு படிப்புகளையும் தொலைநிலைக் கல்வி முறையில் வழங்கக் கூடாது எனவும் தெரிவிக்கப்பட்டுள்ளது.
எம்.ஃபில். படிப்பு மற்றும் பிஎச்.டி. (ஆராய்ச்சி) பட்டங்களை வழங்குவதற்கான புதிய நடைமுறைகள் அடங்கிய -யுஜிசி வழிகாட்டுதல் - 201 6 - ஐ பல்கலைக்கழக மானியக் குழு வியாழக்கிழமை வெளியிட்டது. இந்திய அரசிதழில் இந்த வழிகாட்டுதல் வெளியிடப்பட்ட நாள் முதல் இந்த புதிய வழிகாட்டுதல் நடைமுறைக்கு வருவதாகவும் யுஜிசி தெரிவித்துள்ளது.
இதில் இடம்பெற்றிருக்கும் முக்கிய வழிகாட்டுதள்கள்:
- எம்.ஃபில்., பிஎச்.டி. படிப்புகளில் சேர முதுநிலை பட்டப் படிப்பில் 55 சதவீத மதிப்பெண்களுடன் தேர்ச்சி பெற்றிருக்க வேண்டும். எஸ்.சி., எஸ்.டி., ஒபிசி பிரிவினர், மாற்றுத்திறனாளிகளுக்கு இதில் 5 சதவீத சலுகை அளிக்கப்படும்
- எம்.ஃபில். படிப்புக் காலம் குறைந்தபட்சம் ஓராண்டு. அதிகபட்சம் 2 ஆண்டுகளாக வைத்துக் கொள்ளலாம்
- பிஎச்.டி. படிப்புக் காலம் குறைந்தபட்சம் 3 ஆண்டுகள். அதிகபட்சம் 6 ஆண்டுகள் வரை அளிக்கலாம்
- எம்.ஃபில். படிப்பை முடிக்க வேண்டிய அதிகபட்ச கால அவகாசத்தில் பெண்கள், மாற்றுத்திறனாளிகளுக்கு கூடுதலாக ஓராண்டு கால அவகாசம் அளிக்கப்படுகிறது
- அதுபோல, பிஎச்.டி. படிப்பை முடிப்பதற்கான அதிகபட்ச கால அவகாசத்தில் கூடுதலாக இரண்டு ஆண்டுகள் அவகாசம் அளிக்கப்படுகிறது.
- எம்.ஃபில், பிஎச்.டி. படிப்புகளை நேரடியாக மேற்கொள்ளும் பெண்களுக்கான மகப்பேரு, குழந்தை பராமரிப்பு விடுப்பு காலம் 240 நாள்களாக அதாவது 8 மாதங்களாக உயர்த்தப்படுகிறது
- இந்த இரண்டு படிப்புகளிலும் நுழைவுத் தேர்வு மூலமே மாணவர் சேர்க்கையை கல்வி நிறுவனங்கள் நடத்த வேண்டும்
- எம்.ஃபில்., பிஎச்.டி. ஆராய்ச்சி படிப்புகளை எந்தவொரு பல்கலைக்கழகமும் தொலைநிலைக் கல்வி முறையில் வழங்கக் கூடாது
- பகுதி நேர பிஎச்.டி. படிப்பை வழங்க கல்வி நிறுவனங்கள் அனுமதிக்கப்படும். ஆனால், வழிகாட்டுதலில் தெரிவிக்கப்பட்டுள்ள அனைத்து நடைமுறைகளையும் சம்மந்தப்பட்ட கல்வி நிறுவனம் பூர்த்தி செய்திருக்க வேண்டும்
என்பன உள்ளிட்ட புதிய நடைமுறைகளை யுஜிசி கொண்டுவந்துள்ளது.
இந்த புதிய வழிகாட்டுதலுக்கு பேராசிரியர்கள் வரவேற்பு தெரிவித்துள்ளனர். குறிப்பாக பெண் பேராசிரியர்கள் வரவேற்றுள்ளனர்.
இதுகுறித்து தனியார் பொறியியல் கல்லூரி பேராசிரியர் பிரிசில்லா கூறியது:
ஆராய்ச்சி படிப்புகளில் அதிக அளவில் பெண்கள் ஈடுபடவேண்டும் என்பதை குறிக்கோளாகக் கொண்டே யுஜிசி புதிய வழிகாட்டுதலை வெளியிட்டிருக்கிறது. ஆராய்ச்சி படிப்புகளை முடிப்பதற்கான கால அவகாசம் அதிகரித்திருப்பது, அதிக மாணவிகள் பிஎச்.டி. படிப்புகளில் சேருவதை ஊக்குவிக்கும் என்றார் அவர்.

]]>
https://www.dinamani.com/education/2016/jul/15/பிஎச்டி-முடிக்க-பெண்களுக்கு-இரண்டு-ஆண்டுகள்-கூடுதலாக-அவகாசம்-புதிய-வழிகாட்டுதல்-வெளியீடு-2634.html
2314 கல்வி எம்.பி.பி.எஸ். கலந்தாய்வு அட்டவணை வெளியீடு:அழைப்புக் கடிதம் அவசியம் இல்லை dn DIN Friday, June 17, 2016 11:55 PM +0530 தமிழகத்தில் எம்.பி.பி.எஸ்., பி.டி.எஸ். படிப்புகளுக்கு மாணவர்கள் சேர்க்கைக்கான கலந்தாய்வு அட்டவணை வெளியிடப்பட்டுள்ளது.
கலந்தாய்வுக்கான அழைப்புக் கடிதங்கள் தனித் தனியாக அனுப்பப்பட மாட்டாது. இணையதளத்திலிருந்து பதிவிறக்கம் செய்து கொள்ளவேண்டும். அழைப்புக் கடிதம் இல்லாமலும் கலந்தாய்வில் பங்கேற்கலாம்.
தமிழகத்தில் அரசு எம்.பி. பி.எஸ். இடங்கள் 2,383, சுயநிதிக் கல்லூரிகளில் அரசு ஒதுக்கீட்டு இடங்கள் 470 என மொத்தம் 2,853 இடங்கள் உள்ளன. அரசு பல் மருத்துவக் கல்லூரியில் உள்ள 85 பிடிஎஸ் இடங்கள், சுயநிதி பல் மருத்துவக் கல்லூரிகளில் மாநில
அரசு ஒதுக்கீட்டு பிடிஎஸ் இடங்கள் 970 என மொத்தம் 1,055 இடங்களுக்கு கலந்தாய்வு நடைபெறவுள்ளது.
20-ஆம் தேதி முதல்: வரும் 20-ஆம் தேதி முதல் 25-ஆம் தேதி வரை சென்னை ஓமந்தூரார் பல்நோக்கு சிறப்பு மருத்துவமனையில் கலந்தாய்வு நடைபெறவுள்ளது. இதற்கான அட்டவணை ஜ்ஜ்ஜ்.ற்ய்ட்ங்ஹப்ற்ட்.ர்ழ்ஞ், ஜ்ஜ்ஜ்.ற்ய்.ஞ்ர்ஸ்.ண்ய் ஆகிய இணையதளங்களில் வெளியிடப்பட்டுள்ளது.
சிறப்புப் பிரிவினருக்கான கலந்தாய்வு: ஜூன் 20-ஆம் தேதி சிறப்புப் பிரிவினருக்கான கலந்தாய்வு காலை 9 மணிக்குத் தொடங்கும். மாற்றுத்திறனாளிகளுக்கான 3 சதவீத இடஒதுக்கீட்டுக்கு, கலந்தாய்வில் பங்கேற்க 92 பேர் அழைக்கப்பட்டுள்ளனர்.
அதேபோன்று முன்னாள் ராணுவ வீரர்களுக்கான வாரிசுகளுக்கு 5 எம்.பி.பி.எஸ். இடங்கள், ஒரு பி.டி.எஸ். இட ஒதுக்கீட்டுக்கான கலந்தாய்வில் பங்கேற்க 60 மாணவர்கள் அழைக்கப்பட்டுள்ளனர். விளையாட்டு வீரர்களுக்கான 3 இடங்களுக்கு தகுதியான மாணவர்களை அண்ணா பல்கலைக்கழகம் தேர்வு செய்யும்.
பொதுப் பிரிவு: ஜூன் 21-ஆம் தேதியிலிருந்து பொதுப் பிரிவினருக்கான கலந்தாய்வு நடைபெறும். கட்-ஆஃப் மதிப்பெண் 200-லிருந்து 198 வரை பெற்றவர்கள் ஜூன் 21-ஆம் தேதி நடைபெறும் கலந்தாய்வில் பங்கேற்கலாம்.
அழைப்புக் கடிதம் கிடையாது: கலந்தாய்வில் பங்கேற்பதற்கு விண்ணப்பதாரர்களுக்கு தனித்தனியாக அழைப்புக் கடிதம் அனுப்பப்படவில்லை. மாணவர்கள், இணையதளத்தில் விண்ணப்பங்களை பதிவிறக்கம் செய்து கொள்ளலாம்.
அழைப்புக் கடிதம் இல்லாவிட்டாலும் கட்-ஆஃப் மதிப்பெண் அடிப்படையில் கலந்தாய்வு நடைபெறும் அட்டவணையைக் கொண்டு கலந்தாய்வில் மாணவர்கள் பங்கேற்கலாம் என்று அதிகாரிகள் தெரிவித்தனர்.
பழைய மாணவர்களுக்கு வாய்ப்பு
தமிழகத்தில் 2016-2017 ஆம் கல்வியாண்டுக்கான எம்.பி.பி.எஸ்.-பி.டி.எஸ். படிப்புகளில் சேர கடந்த ஆண்டுகளில் பிளஸ் 2 முடித்த 3,266 மாணவர்கள் விண்ணப்பித்துள்ளனர்.
கடந்த கல்வி ஆண்டில் (2015-16) எம்.பி.பி.எஸ்.-பி.டி.எஸ். படிப்புகளில் சேர 4,679 மாணவர்கள் விண்ணப்பித்தனர். அவர்களில் 544 பேர் எம்.பி.பி.எஸ். படிப்பில் சேர தேர்வு செய்யப்பட்டனர்.
நிகழ் கல்வி ஆண்டில் (2016-17) எம்.பி.பி.எஸ். படிப்பில் சேருவதற்கான கட்-ஆஃப் மதிப்பெண் குறைந்துள்ளதையடுத்து, விண்ணப்பித்துள்ள 3,266 மாணவர்களில் 500-க்கும் மேற்பட்ட பழைய மாணவர்களுக்கு படிப்பில் சேரும் வாய்ப்பு உருவாகியுள்ளது.
மூன்றாம் பாலினத்தவர்: மருத்துவப் படிப்புகளுக்கு மாணவர்களைக் காட்டிலும், மாணவிகளே அதிகம் விண்ணப்பித்துள்ளனர். அதன்படி, 9,017 மாணவர்களும், 16,361 மாணவிகளும் விண்ணப்பித்துள்ளனர். மூன்றாம் பாலினத்தைச் சேர்ந்த சுப்பிரமணி என்பவர் இந்தப் படிப்புக்கு விண்ணப்பித்துள்ளார். 50 வயதுக்கு மேற்பட்ட இவர், மருத்துவ படிப்புகளுக்கு விண்ணப்பிப்பதற்கு தகுதி உள்ளது என்றாலும், மிகக் குறைந்த கட்-ஆஃப் மதிப்பெண் பெற்றுள்ளதால், மருத்துவ இடம் கிடைப்பதற்கு சாத்தியமில்லை என்று தேர்வுக்குழு அதிகாரிகள் தெரிவித்தனர். கடந்த கல்வியாண்டிலும் மூன்றாம் பாலினத்தைச் சேர்ந்த ஒருவர் இந்தப் படிப்புக்கு விண்ணப்பித்தார் என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2016/6/17/w600X390/mbbs.jpg எம்.பி.பி.எஸ்., பி.டி.எஸ். படிப்புகளுக்கான தரவரிசைப் பட்டியலை வெளியிடுகிறார் தமிழக சுகாதாரத் துறை அமைச்சர் சி.விஜயபாஸ்கர். உடன் (இடமிருந்து), மருத்துவக் கல்வி இயக்குநர் டாக்டர் ஆர்.விமலா, தமிழக சுகாதா https://www.dinamani.com/education/2016/jun/17/எம்பிபிஎஸ்-கலந்தாய்வு-அட்டவணை-வெளியீடுஅழைப்புக்-கடிதம்-அவசியம்-இல்லை-2314.html
2312 கல்வி குறைகிறது எம்.பி.பி.எஸ். கட்-ஆஃப் மதிப்பெண் dn DIN Friday, June 17, 2016 11:51 PM +0530 தமிழகத்தில் நிகழ் கல்வி ஆண்டில் (2016-17) எம்.பி.பி.எஸ். படிப்பில் மாணவர்கள் சேருவதற்கான அனைத்துப் பிரிவு (ஓ.சி.) கட்-ஆஃப் மதிப்பெண் 197.75-ஆக இருக்கும் என மதிப்பிடப்பட்டுள்ளது.
எம்.பி.பி.எஸ். தரவரிசைப் பட்டியலில் அனைத்துப் பிரிவினருக்கு உரிய, முதல் 739 இடங்களில் இடம்பெற்றுள்ள 502 பிற்படுத்தப்பட்ட பிரிவினருக்கு உரிய கட்-ஆஃப் மதிப்பெண் 196.75-ஆக இருக்கும் என மதிப்பிடப்பட்டுள்ளது.
குறைவுக்குக் காரணம் என்ன? கடந்த கல்வி ஆண்டுடன் (2015-16) ஒப்பிடும்போது, நிகழ் கல்வி ஆண்டில் (2016-17) அனைத்துப் பிரிவு (ஓ.சி.) மாணவர்களுக்கான கட்-ஆஃப் மதிப்பெண் 198-லிருந்து நிகழாண்டில் 197.75-ஆகவும், பிற்படுத்தப்பட்ட வகுப்பைச் சேர்ந்த மாணவர்களுக்கான கட்-ஆஃப் மதிப்பெண் 197.25-லிருந்து 196.75-ஆகவும் குறைந்துள்ளது.
நிகழ் கல்வி ஆண்டில் கோயம்புத்தூரில் புதிதாக அரசு (இ.எஸ்.ஐ.) மருத்துவக் கல்லூரிக்கு இந்திய மருத்துவக் கவுன்சில் அனுமதி கிடைத்து, அதன் மூலம் கலந்தாய்வுக்கு 65 எம்.பி.பி.எஸ். இடங்கள் கிடைத்ததும், எம்.பி.பி.எஸ். படிப்பில் சேருவதற்கு உரிய முக்கியப் பாடமான இயற்பியலில் 200-க்கு 200-ஐ 5 மாணவர்கள் மட்டுமே எடுத்ததுமே கட்-ஆஃப் மதிப்பெண் குறைவுக்கு முக்கியக் காரணம் என்று மருத்துவக் கல்வியாளர்கள் தெரிவித்தனர்.
தரவரிசைப் பட்டியலின் அடிப்படையில் 20 அரசு மருத்துவக் கல்லூரிகள் (2,253 எம்.பி.பி.எஸ். இடங்கள்), சென்னை கே.கே.நகர் இஎஸ்ஐ, கோவை அரசு (இ.எஸ்.ஐ) மருத்துவக் கல்லூரிகள் (தலா 65 இடங்கள் வீதம் 130 எம்.பி.பி.எஸ். இடங்கள்) என மொத்தம் 2,383 எம்.பி.பி.எஸ். இடங்கள் கலந்தாய்வு மூலம் நிரப்பப்பட உள்ளன. இந்த இடங்களில் நிகழ் கல்வி ஆண்டில் (2016-17) எம்.பி.பி.எஸ். படிப்பில் சேர அனைத்து வகுப்பினர் (ஓ.சி.), பிற்படுத்தப்பட்ட வகுப்பினர் (பி.சி.) உள்பட அனைத்து சமுதாயப் பிரிவினருக்கும் மதிப்பிடப்பட்டுள்ள கட்-ஆஃப் மதிப்பெண் விவரம் (கடந்த ஆண்டு கட்-ஆஃப் மதிப்பெண் அடைப்புக்குறிக்குள் அளிக்கப்பட்டுள்ளது):
வகுப்பு அரசு எம்.பி.பி.எஸ்.
ஓ.சி. 197.75 (198.00)
பி.சி. 196.75 (197.25)
பி.சி.(எம்) 195.50 (195.75)
எம்.பி.சி. 195.50 (196.00)
எஸ்.சி. 191.00 (191.75)
எஸ்.சி.(ஏ) 193.50 (189.25)
எஸ்.டி. 181.50 (185.75)

]]>
https://www.dinamani.com/education/2016/jun/17/குறைகிறது-எம்பிபிஎஸ்-கட்-ஆஃப்-மதிப்பெண்-2312.html